Во нова разочараувачка вечер за германскиот фудбал, Германија едвај спаси 1:1 реми со Шпанија со што ги зголеми своите шанси за пласман во нокаут фазата по шокантниот пораз од Јапонија во првото коло. Херој на „маншафт“ е 29-годишниот Никлас Филкриг, кој дебитираше за национлниот тим само пред 11 дена. Добивај вести на вибер Победата на Костарика над Јапонија значеше дека Германија нема да биде елиминирана ниту со пораз, и сега тие, иако остануваат последни во групата имаат големи шанси за пласман во нокаут фазата. Шпанија е прва со 4 поени, Јапонија и Костарика имаат по 3, а Германија само 1, но во последното коло, Германците играат со аутсајдерите Костарика, а Шпанија ја пречекува Јапонија. Доколку Јапонците не приредат сензација против Шпанија, на Германија ќе им биде доволна победа за пласман. Германскиот селектор Ханси Флик пред мечот изјави дека вечерва ќе се види дали Германија уште останува дел од светската фудбалска елита, но портив сигурниот тим на Луис Енрике, повторно се покажаа сите слабости на неговиот тим. Само одличната интервенција на Мануел Ноер ги спаси од водство во првото полувреме по одличниот обид на Дани Олмо, пренасочувајќи го ударот во пречката, додека Германците чекаа своја шанса од контранапад. Во финишот на првото полувреме, во 40. минута по прекин, Антонио Ридигер ја затресе мрежата на Унаи Симон со силен удар со глава, но радоста траеше прекратко, откако ВАР-системот, исправно, го поништи голот поради офсајд. Во 54. минута, Енрике реши да го повлече дотогаш потпросечниот Феран Торес и на негово место да го постави својот „џокер“, Алваро Мората, на што тој одговори со гол во 62. минута по фантастичната асистенција на Жорди Алба, за вторпат едноподруго на Мундијалот да влезе како замена и да постигне гол. Флик, кој се реши да го остави на клупата Каи Хаверц, тогаш ги внесе во игра Сане, Филкруг и Клостерман за освежување на клубот, и Германците тргнаа во постојана „опсада“ на противничкиот гол. Токму напаѓачот на Вердер Бремен, Никлас Филкриг успеа да израмни во 83. минута од мечот по убавиот потег на Џамал Мусијала....

Бројот на загинати во свлечиштето што започна на италијанскиот остров Искија на југот на земјата се искачи на седум лица. Десет лица се водат како исчезнати, а стотици се евакуирани од своите домови, објавија денеска локалните власти, пренесува Анадолија. Добивај вести на вибер По вонредната седница на италијанската Влада одржана утринава, премиерот Џорџа Мелони прогласи вонредна состојба на островот поради „вонредни поплави и лизгање на земјиштето“. Владата обезбеди два милиони евра помош за локалното население, се наведува во соопштението. Спасувачките операции се уште се во тек во областа Казамичиола Терме, но тешките временски услови ја отежнаа потрагата, објави италијанската Цивилна заштита. Денеска спасувачките екипи пронајдоа шест тела, меѓу кои и една млада девојка. Спасувачите уште еден ден ги пребаруваат калта и урнатините, обидувајќи се да ги пронајдат луѓето кои се исчезнати. Огромен одрон го погоди популарниот остров пред зори во саботата, по обилните врнежи....

Дерби-мечот од турската втора лига помеѓу Гозтепе и Алтај, градските ривали од Измир, не го доживеа својот крај поради хаос на трибините, откако еден навивач влета на теренот и тепаше еден од фудбалерите со корнер знаменцето. Добивај вести на вибер Göztepeli taraftarın Altay kalecisi Ozan Evrim’e vurduğu anlar! 👀💥pic.twitter.com/YaT13MLbWd — Santra Sports (@SportSantra) November 27, 2022 Мечот беше во прекин откако на трибините имаше големи пиротехнички средства, и две амбулантни возила мораа да влезат на теренот да помогнат на повредените навивачи, кога еден навивач влезе на теренот на стадионот „Гурсел Аксел“ и неколку пати го удри голманот на Алтај, Озан Еврин Озенц по главата, по што судиите го прекинаа мечот....

Националната полиција на Украина објави снимка од првите минути по ракетниот руски напад врз Киев на 23 ноември. Добивај вести на вибер The National Police of Ukraine published footage of the first minutes after the missile strike of the invaders on #Kyiv on November 23. pic.twitter.com/Bj7OyzW1pe — NEXTA (@nexta_tv) November 27, 2022...

Емануел Макрон го навлече гневот на британските пратеници откако се покажа дека планира да го блокира назначувањето на Бен Валас за нов генерален секретар на НАТО. Добивај вести на вибер Францускиот претседател наводно има намера да стави вето на назначувањето на кој било британски или турски кандидат за функцијата генерален секретар на Алијансата. „Англофобијата на Макрон е разочарувачка, но барем тој е доследен“, изјави британскиот конзервативен пратеник, Ендрју Бриџен. Друг пратеник на истата партија истакна дека позицијата на Париз го става британскиот премиер Риши Сунак, кој го нарече Макрон пријател, во непријатна ситуација. Валас сега е британски министер за одбрана. „Њујорк тајмс“ објави дека кандидати за функцијата генерален секретар на НАТО – покрај Валас се и канадската вицепремиерка и министерка за финансии, Кристиа Фриланд, естонската премиерка Каја Калас, словачката претседателка Зузана Чапутова и поранешната хрватска претседателка, Колинда Грабар-Китаровиќ....

Лично писмо на неодамна починатата англиска кралица Елизабета Втора е продадено на аукција во Германија за 8.300 евра, објавија организаторите. Добивај вести на вибер Единствено што се знае за купувачот е дека станува збор за жена која живее во странство. Писмото е продадено на аукција организирана од аукциската куќа „Eppi“ во Штутгарт, пренесуваат медиумите во регионот. Писмото е адресирано до германската возачка Ета Плеш, родена како Марија Грефин фон Вурмбранд-Штупах, чии коњи двапати победија на престижната трка Епсом Дерби во Англија. Кралицата ѝ пишува на „драгата г-ѓа Плеш“ дека е „воодушевена од прекрасната слика на коњ“ на нејзиното летно одморалиште во Сандрингам, „која ја добив од вас и г-дин Плеш за Божиќ“. Фердинанд Бенедикт Еплеј од аукциската куќа рече дека очекувал две групи луѓе да бидат заинтересирани за писмото. Аукцијата започна со цена од 2.600 евра. „Има ентузијасти кои бараат поштенски пратки со интересна историја или од истакнати испраќачи, а има и обожаватели на британското кралско семејство“, изјави тој за dpa пред аукцијата....

Шефот на украинската државна компанија за нуклеарна енергија Енергоатом рече дека има знаци дека руските сили се подготвуваат да ја напуштат нуклеарната централа Запорожје што ја зазедоа во март. Добивај вести на вибер „Во изминатите недели добивме информации дека има знаци дека можеби се подготвуваат да ја напуштат фабриката“ – рече шефот на Енергоатом, Петро Котин, пренесува Ројтерс. Тој рече дека има многу голем број на информации во руските медиуми дека треба да ја напуштат централата и дека контролата треба да ја предадат на Меѓународната агенција за атомска енергија – МААЕ. „Имате впечаток дека ги пакуваат куферите и крадат се што можат“, рече Котин. Со месеци Русија и Украина меѓусебно се обвинуваат за гранатирање на областа каде што се наоѓа нуклеарната централа Запорожје, која повеќе не произведува струја. Запрашан дали е премногу рано да се зборува за заминување на руските војници од фабриката, Котин на телевизија рече: „Прерано е. Сега не го гледаме ова, но тие се подготвуваат да заминат“....

Ватикан понуди да организира преговори меѓу Украина и Русија на нејзина територија, изјави надбискупот Пол Ричард Галагер, шеф на одделот за надворешна политика на Католичката црква. Добивај вести на вибер Тој истакна дека Ватикан и папата секогаш биле отворени за преговори од почетокот на конфликтот, но дека „се уште не е добиен конкретен одговор“, објави украински „Главком“. Галагер објасни дека понудата останува валидна. „Сметаме дека е соодветно и неопходно да го понудиме и обезбедиме ова место (за преговори). Светиот Отец би имал многу позитивно гледање на ситуацијата доколку двете страни се согласат на преговори, со добри намери и во духот на барање мир и дијалог“ – рече ватиканскиот надбискуп....

Папата Франциск ги повика израелските и палестинските власти да ги засилат напорите за барање дијалог, по неодамнешните смртоносни бомбашки напади во Ерусалим и судирите на окупираниот Западен Брег. Добивај вести на вибер Во неделниот благослов што се одржа денеска пред десетици илјади собрани на плоштадот Свети Петар, Светиот Отец рече дека насилството ја убива иднината на двата народа. Да потсетиме, во средата две бомби експлодираа на автобуски станици во предградието на Ерусалим, при што загина 16-годишно момче, а најмалку 14 лица беа повредени. Се чини дека станува збор за напад на палестински милитанти. Од здобиените повреди вчера почина 50-годишен маж. Доцна вечерта во вторникот, израелските воени сили убија 16-годишно палестинско момче во судирите во градот Наблус, окупиран од Израел, на Западниот Брег. Папата рече дека е загрижен поради зголемувањето на насилството во последните месеци. „Насилството ја убива иднината, ги прекинува животите на најмладите и ја ослабува надежта за постигнување мир. Да се ​​молиме за овие млади луѓе кои загинаа и за нивните семејства, особено за нивните мајки. Се надевам дека и израелските и палестинските власти ќе се ангажираат повеќе силно во барањето меѓусебен дијалог, градење меѓусебна доверба, без која никогаш нема да се најде решение за мир во Светата земја“, заклучи папата....

Полицијата во Рим уапсила тројца мажи под сомнение дека изнудувале пари од туристи, откако се фотографирале со нив во областа околу античкиот Колосеум. Добивај вести на вибер Облечени како гладијатори и римски војници, осомничените им нуделе на туристите можност да се фотографираат со нив на позната туристичка дестинација во Рим. Потоа барале и до 500 евра, соопшти полицијата. Тројката, наводно, понекогаш им се заканувала на луѓето со цел да изнуди пари. Јавното обвинителство на двајца од нив им одреди куќен притвор, а еден од нив се уште е во полициски притвор. Неколку странски туристи поднеле жалби во периодот од август до септември оваа година, соопшти полицијата. Ирец им рекол на тројцата осомничени дека нема пари откако се фотографирал со нив. Потоа наводно го принудиле да подигне пари од банкоматот. Кога се вратил со 200 евра, наводно го испратиле да се врати за дополнителни 50. Од италијански турист побарале да им предаде 40 евра, што тој го одбил. Осомничените потоа го опколиле и му се заканиле дека ќе го повредат, со што на крајот му изнудиле 150 евра....

Талибанците заработија милиони на Светското првенство со обезбедување градежна опрема за изградба на стадион во Катар, тврди британски Телеграф. Добивај вести на вибер Високи талибански функционери користеле пари што ги добиле од мировните преговори за купување, а потоа изнајмувале машини за изградба на инфраструктура во изминатата деценија, им рекол извор од талибанската канцеларија во Доха. Голем контингент на талибанско раководство живее во Доха, главниот град на Катар, од 2013 година, каде што се вклучени во долготрајните мировни преговори со САД и ОН. „Талибанците инвестираа многу во изградбата на Светското првенство и турнирот им беше златна патка. Тие беа платени со милиони“, тврди извор кој живеел во Доха во деценијата пред талибанците да го преземат Авганистан, во 2021 година. „Некои членови на талибанците имаа меѓу шест и десет големи машини во Доха и заработуваа до 10.000 фунти по машина месечно“. Два различни високи талибански извори опишаа како службениците добивале профитабилни стипендии за живеење во земјата за време на мировните преговори, кои потоа биле инвестирани во тешка градежна механизација. Телеграф пишува дека катарските власти, со одобрение на САД и ОН им плаќале на членовите на политичката канцеларија на талибанците во Доха месечен надоместок во вредност од илјадници фунти, како дел од напорите за олеснување на мировните преговори со Западот. На официјалните лица кои го посетија им се обезбедени и луксузни теренски возила, бесплатна здравствена заштита и редовна достава на храна. Нема индикации дека катарските власти извршиле незаконски постапки или некаква вмешаност во градежните аранжмани на талибанците, пишува Телеграф. Повеќе извори велат дека талибанскиот посредник од Доха, Хаџи Ахмад Џан, поранешен министер за нафта и рудници на Авганистан меѓу 1996 и 2001 година, го надгледувал изнајмувањето на машините на градежните компании одговорни за изградба на стадиони и инфраструктура за Светското првенство. Телеграф го контактираше за коментар, но сè уште нема одговор. Наводните врски на талибанците со изградбата на стадиони за Светското првенство, иако не се несоодветни или незаконски, покренуваат дополнителни прашања за турнирот поврзан со бројни контроверзии и наводи за злоупотреба на трудот, пренесува Индекс.хр....

Андреј Крамариќ постигна два гола, а Хрватска се „созеде“ по почетното шокантно водство на Канада за 4:1 победа и доближување до пласман во нокаут фазата на Мундијалот во Катар, покажувајќи дека финалистите од минатото СП не можат да бидат потценети. Добивај вести на вибер Стартот на мечот донесе вистински шок за тимот на Златко Далиќ, откако ѕвездата на Баерн Минхен, Алфонсо Дејвис го совлада голманот Ливаковиќ по само 68 секунди игра, така постигнувајќи го првиот гол за канадската репрезентација во историјатa на Светските првенства. Меѓутоа, „коцкестите“ потоа се созедоа и до крајот на полувремето успеаја да дојдат во водство. ⏫🇭🇷 Croatia are up and running#FIFAWorldCup | #Qatar2022 pic.twitter.com/VbTrIBHZZ6 — FIFA World Cup (@FIFAWorldCup) November 27, 2022 Користејќи го падот на темпото и на концентрацијата на канадската одбрана, прво Андреј Крамариќ по одличната асистенција на Иван Перишиќ во 36. минута израмни на 1:1, за веќе во 44. минута, Марко Ливаја со удар од далечина да го совлада Милан Борјан за целосен пресврт. И покрај обидите на Канада да се врати во игра во второто полувреме, победата на Хрватска ја осигура Крамариќ во 70. минута со уште еден убав гол, повторно на асистенција на Перишиќ. Замените Мислав Оршиќ и Ловро Мајер во 92. минута ја искористија грешката на канадската одбрана за конечни 4:1. Со победата, Хрватска и Мароко имаат по 4 поени на врвот на табелата во групата Ф, Белгија е втора со три поени, додека Канада без поени се приклучува на домаќинот Катар, како единствени репрезентации кои немаат шанси за пласман во нокаут фазата. Во последното кола, на Хрватска ќе и биде доволно реми против Белгија, додека Мароко ќе биде фаворит против Канада....

Победата на Мароко од 2:0 над Белгија сигурно беше прославена во Катар и во Мароко, но во белгиската престолнина Брисел, ситуацијата беше поинаква, откако мароканските навивачи направија хаос на улиците на градот. Добивај вести на вибер Ca chauffe à Bruxelles après le match #marocbelgique pic.twitter.com/W6Gp0k6c8s — Pierre Sautarel (@FrDesouche) November 27, 2022 Бидејќи Брисел е дом на голема мароканска заедница, ова можеби беше очекувано, и по големата победа, почнале судири меѓу белгиските и мароканските навивачи, по што интервенирала и белгиската полиција. 🔴Le match Belgique-Maroc dérape complètement à #Bruxelles #belgiquemaroc #Maroc #Bel pic.twitter.com/NmYnwMPemY — Team Zemmour ⓩ 🇫🇷 (@TeamEricZemmour) November 27, 2022 Засега, не е објавено дали има повредени или уапсени во инцидентите. #Bruxelles #Belgique : La situation semble toujours chaotique, des supporters marocains provoquent des incendies dans la ville pour célébrer la victoire du Maroc #BELMAR #Maroc pic.twitter.com/Zzt1r7deib — Alex (@AlexLeroy90) November 27, 2022...

Во еден од најубавите моменти досега на Мундијалот на Катар, ѕвездата на Пари Сен-Жермен и на мароканската репрезентација, Ашраф Хакими славната победа на неговата репрезентција над Белгија ја прослави со својата мајка која беше на трибините. Добивај вести на вибер 🚨VEJA: O jogador marroquino Hakimi comemorando a vitória de Marrocos com sua mãe. pic.twitter.com/UhQIdW6GAh — CHOQUEI (@choquei) November 27, 2022 Таа исто така го доби и неговиот дрес, а тој доби бакнеж....

Британското Министерство за одбрана потврди дека Велика Британија на украинските вооружени сили им обезбедила прецизно наведувани ракети Brimstone 2 како дел од пакетот помош. Добивај вести на вибер 🎬 As part of its aid package, the UK has provided Brimstone 2 missiles, a precision-guided missile, to the Ukrainian Armed Forces. This aid has played a crucial role in stalling Russian advancements. 🇺🇦 #StandWithUkraine 🇺🇦 pic.twitter.com/SpVnWqeiVm — Ministry of Defence 🇬🇧 (@DefenceHQ) November 27, 2022...

На Петтиот Конгрес на Зелената партија ДОМ, кој се одржа денеска во Александар палас во Скопје, за претседател на партијата повторно и едногласно е избрана досегашната лидерка, Маја Морачанин. Добивај вести на вибер Заблагодарувајќи се на довербата, Маја Морачанин нагласи дека ДОМ и во иднина ќе биде активен и конструктивен фактор во политичкиот пристап за решавање на сите општествени проблеми и прашања. – Политиката на Зелената партија ДОМ не треба да се врзува само со еколошките теми и климата, туку и со почитувањето на човековите права, социјалните права, недискриминацијата, како и со политиките за развој на зелената економија, подвлече, Морачанин. Делегатите на Конгресот (309), исто така, едногласно го избраа и новиот состав на Централниот и Надзорниот одбор на партијата, а беа усвоени и Извештајот за работата на ДОМ во периодот од 2018 до 2022 година, како и Предлог-програмата за работата на Зелената партија ДОМ во периодот до 2026 година. Пред делегатите и многубројните гости од другите партии, пратеници и претставници од Владата, на почетокот на Петтиот Конгрес на ДОМ, се презентираа и поздравни говори на претставници на Европските зелени од повеќе земји-членки на ЕУ, како и на зелени партии од земјите во регионот. Тие јасно ја изразија поддршката за продолжување на Северна Македонија на патот кон Европската унија и поддршката на придонесот на Зелената партија ДОМ, што го дава во таа насока, велат од ДОМ....

Американската фудбалска асоцијација (УССФ) пред клучниот меч против Иран за пласман во нокаут фазата на Светското првенство, на социјалните мрежи го објави иранското знаме без амблемот на Исламската Република во знак на поддршка на протестите во оваа земја, додавајќи нова политичка димензија на Мундијалот во Катар. Добивај вести на вибер Иранската влада реагираше со обвинение дека Американците го избришале името на Бог од нивното национално знаме, кревајќи ја атмосферата пред мечот на двете земји кои последните децении имаат непријателски односи. Федерацијата објави дека се решила на ваков потег за да „покажат поддршка на жените во Иран кои се борат за основните човекови права“. Во протестите во Иран по смртта на 22-годишната Махса Амини додека таа била во полициска станица поради прекршување на моралните закони на Исламската република, загинаа над 450 луѓе, а над 10 илјади се уапсни, тврдат иранските опозициски групи. „Мора да одговараат за ова бидејќи се работи за рушење на правилата на ФИФА. Очигледно е дека сакаат да влијаат на иранските перформанси пред мечот со САД“, изјави Сафиолах Фагаханпур, советникот на Иранската фудбалска федерација. Грбот на Исламската република, дизајниран во 1980 претставува четири криви линии со меч меѓу нив, и ја претставува муслиманската фраза „Нема Бог освен Бог“, а исто така е во форма на лотус. На врвот и на дното на знамето има 22 написи „Бог е голем“ според датумот на персискиот календар....

Стотици луѓе денеска протестираат во Вухан во централна Кина, покажаа преносите во живо, додека демонстрации против строгата политика за спречување на ширење Ковид-19 избија во таа држава, јавија западни медиуми. Добивај вести на вибер Инсерти од улици во центарот на градот – каде што Ковид-19 првпат се појави во 2019 година – покажуваат луѓе собрани на протест и кои го снимаат протестот со нивните мобилни телефони. Извор: МИА...

Лидерот на бугарската партија ГЕРБ Бојко Борисов даде предлог да се потпише документ за работа на конкретни политики и создавање на нова бугарска влада со мандат од 6 до 9 месеци или до локалните избори до есента 2023 година, јавува дописникот на МИА од Софија. Добивај вести на вибер Борисов појасни дека со потпишување на таков документ партиите во бугарското народно собрание нема да бидат извалкани од коалиции кои тие самите не ги сакаат. Копретседавачот на „Продолжуваме со промената“ Кирил Петков го отфрли предлогот на лидерот на ГЕРБ Бојко Борисов и нема да даваат поддршка за влада во прв мандат. Петков коментира дека ако некој сака да се крие зад експерти, тоа нема да се случи. Кирил Петков го повтори својот предлог „Продолжуваме со промените“ и „Демократска Бугарија“ да формираат малцинска влада и дека се подготвени да управуваат со Бугарија во најтешките месеци во зимата....

Министерството за внатрешни работи информира дека на 28 ноември, понеделник, поради најавено одржување на протест со почеток во 07.00 часот, СВР Скопје ќе преземе мерки за посебен режим на сообраќајот на булеварот „Гоце Делчев“ и булеварот „Крсте Петков Мисирков“ и околните улици. Добивај вести на вибер МВР апелира до граѓаните да ги почитуваат наредбите што ги издаваат полициските службеници....

Косовската претседателка, Вјоса Османи изави дека институциите на Косово имаат постојана координација со меѓународната заедница за целата територија на државата, а „не само за одредена територија“, јави дописникот на МИА од Приштина. Добивај вести на вибер На денешната церемонија во касарната „Адем Јашари“ во Приштина, по повод одбележувањето на Денот на Безбедносните сили на Косово (ФСК), Османи порача дека на координацијата на Косово со НАТО „не треба да се гледа како како на нешто негативно“. – Документите кои се однесуваат на одредени делови на територијата имаат важност само тогаш кога се ратификуваат од Собранието. Досега сум имала неколку средби со генералниот секртетар на НАТО, Јенс Столтенберг и нормално дека разговараме за интеракцијата со НАТО и нашата координација со НАТО е за целата неделива и неповредлив територија на Косово. Не треба да се гледа како како на нешто негативно на координацијата со НАТО, изјави Османи. Таа додаде дека ФСК покажале голем успех во својата трансформација во војска на Косово, додека целта на државата е зачленување во НАТО. – ФСК ја продолжуваат многу успешно транзицијата и секако дејствуваат имајќи предвид дека наша стратешка ориентација како држава е зачленувањето во НАТО, таму каде што ни е местото, затоа што нашите војници веќе придонесуваат во мисии надвор од земјата, рамо до рамо со американската восјка, а наскоро и покрај војската на Обединетото Кралство, рече Османи. Извор: МИА...

Мечот Мароко-Белгија, покрај тоа што ни донесе импресивна 2:0 победа на африканската репрезентација, ни донесе една бизарна ситуација во која нивниот прв голман, Јасин Буну, попознат како Боно беше заменет пред да започне мечот. Добивај вести на вибер 🇲🇦 Bono took the field and sang the anthem, but felt unwell and it was Munir Mohamedi who took part in the team photo and start in Morocco's goal against Belgium. PRETTY PECULIAR. 🤔 pic.twitter.com/52cL3LLOJj — REPUBLIC ™ (@RepublicPaper) November 27, 2022 Голманот на Севилја истрча на теренот, ја испеа мароканската химна, но веднаш беше заменет пред да започне мечот и Мохамед Мунир беше неговата замена на голот, успевајќи да ја сочува својата мрежа....

Мароко ја закомпликува ситуацијата во групата Ф, откако сосема заслужено стигна до 2:0 победа над разочарувачки слабата Белгија, на која не им помогна ниту влегувањето на Ромелу Лукаку во игра. Сега, Мароко се први на табелата со 4 поени, пред Белгија со 3, Хрватска е трета со 1, а Канада четврта без поени, пред дуелот на овие две репрезентации. Добивај вести на вибер Откако не покажаа многу ниту при победата над Канада, Белгијците повторно ги разочараа своите фанови, откако дозволија Мароканците да ја диктираат играта, и да ја затресат мрежата во финишот на првото полувреме преку Хаким Зијеш, но голот беше поништен по ВАР-проверката поради офсајд ситуација на играчи кои не ја допреа топката. И во второто полувреме, Мароко беше поконкретен, пред во 73. минута, неколку минути откако влезе во игра, Абделхамид Сабири од слободен удар да успее да го „измами“ Тибо Куртоа за водство. По ова, Роберто Мартинез реагираше и ги внесе во игра Де Кетеларе, Тросар и Лукаку, и „ѓаволите“ тргнаа во офанзива, но успеаја да ја совладаат силната одбрана на африканската репрезентација, а во 92. минута Закараја Абдухлал да стави печат на победата со втор гол....

Вчера попладне во 16.16 часот било пријавено дека на нива, атар на село Моноспитово-струмичко, 63-годишниот Ј.Ј. додека извршувал земјоделски работи со трактор удрил во метална шипка од пластеник и притоа се здобил со повреди, по што починал на местото на настанот, извести МВР. Добивај вести на вибер Извршен бил увид од Јавен обвинител и увидна екипа од СВР Струмица....

Бразилскиот селектор Тите вели дека очекува Нејмар да биде подготвен да заигра во остатокот од Светското првенство и не го обвинува српскиот дефанзивец на Фиорнетина, Никола Миленковиќ за неговата повреда. Добивај вести на вибер Tite: "Su Neymar un rodeo di falli. Le star vanno tutelate, c’è chi gioca per fare male" #qatar2022 https://t.co/FL0CBsEDa8 — La Gazzetta dello Sport (@Gazzetta_it) November 27, 2022 Повредите на Нејмар, но и на Данило ја засенија импресивната 2:0 победа во четвртокот, откако и двајцата добија повреди на скочните зглобови и речиси сигурно нема да заиграат во преостанатите два меча од групната фаза. Нејмр неколку пати беше фаулиран од страна на српските фудбалери, но стартот на Миленковиќ во второто полувреме ја предизвика повредата. „Не се работеше за толку опасен старт, фудбалерот не сакаше да го повреди Нејмар. Можеби некој пред него сакаше да се случи тоа. Не сфатив колку тој е повреден веднаш и требаше да го заменам“, вели Тите....

За шпанскиот селектор, Луис Енрике денешниот ден е „посебен“, но тоа нема врска со фудбалот и со големата вечерна пресметка со Шпанија – неговата трагично почината ќеркичка Чана денеска ќе го прославеше својот 13. роденден. Добивај вести на вибер 42-годишниот Енрике на социјалните мрежи сподели емотивна роденденска честитка за Чана, која почина во 2019 година на само девет години по петемесечната борба со остеосаркома, редок вид на рак на коските. View this post on Instagram A post shared by Luis Enrique Martinez (@luisenrique21worldcup22) „Денеска е посебен ден. Не само бидејќи играме со Германија, туку и поради тоа што мојата ќерка Чана денеска ќе наполнеше 13 години. Моја љубов, каде и да си, ние те сакаме“, напиша Енрике....

Оливие Жиру открива дека Тјери Анри му испраќа порака по секој негеов постигнат гол, откако напаѓачот на Милан се израмни со легендарниот сонародник како најдобар стрелец за француската репрезентација. Добивај вести на вибер 36-годишниот Жиру го постигна својот 51. гол за Франција на отварањето на СП против Австралија, со што се израмни со Анри, и вели дека нема љубомора од легендата на Арсенал. „Порак од Тјери Анри? Тој има навика да ми пушта убава порака со честитки по секој гол кој ќе го постигнам. Секогаш е задоволство да се добие порака од таква фудбалска легенда“, вели Жиру за „Телефут“. Анри постига 51 гол во 123 меча за Франција и беше дел од шампионскиот тим од 1998 година, додека Жиру од дебито во ноември 2011 има исто толку голови и беше дел од шампионскиот тим од Русија во 2014 година, иако не постигна ниту еден гол на тој шампионат....

Италијанската влада денеска прогласи вонредна состојба на островот Искија кој вчера го погоди големо лизгање на земјиштето во кое едно лице загина, а најмалку десет се водат како исчезнати. Добивај вести на вибер -На вонредната седница на кабинетот, која се свикува за воведување вонредна состојба, беше доделен првиот пакет итна финансиска помош во износ од 2 милиони евра, објасни министерот за цивилна заштита, Нело Музумечи. Казамичола Терме, спа-одморалиште со 8.000 жители во зима, сместено на островот Искија недалеку од Капри, беше погодено од земјотрес во 2017 година, во кој загинаа две лица. На крајот на 19 век, градот бил целосно уништен од многу посилен земјотрес. Повеќе од 200 припоадници на цивилната одбрана и органите на редот се уште трагаат по десетината исчезнати, а стотици волонтери продолжуваат да ги расчистуваат улиците. Извор: МИА...

Членови на Судскиот совет и Советот на јавни обвинители стануваат и членови на Управниот одбор на Академијата за судии и јавни обвинители. Но ако се погледнат законите, нивното назначување е незаконско, бидејќи на судиите и обвинителите избрани за членови на двата совети, во мирување им се функциите обвинител, односно судија. А за да се биде член на Управниот одбор на Академијата, еден од клучните услови е избраниот да биде од редот на судиите и обвинителите. За да го оправдаат изборот, Советот на јавни обвинители си дава свое толкување на законот, а и дел од членовите на судскиот совет имаат свое објаснување зошто изборот кој го прават е законски. Добивај вести на вибер Па така, ако се земе во предвид дека Фиданка Рајевска со изборот на член на Советот на јавни обвинители во мирување и е функцијата обвинител, а на Зоран Герасимовски му мирува судската функција поради тоа што е избран за член на Судскиот совет, тие не можат да бидат дел од Управниот одбор на Академијата. Членови на овој орган на управување на Академијата, може да бидат од редот на обвинителите односно судиите. „За член или заменик на Управниот одбор од редот на судиите и јавните обвинители можат да бидат избрани судии и јавни обвинители кои имаат положено стручен испит кој го спроведува Академијата“, стои во Законот за Академијата за судии и јавни обвинители. За член на Управен одбор можат да бидат избрани судии и обвинители, а функцијата на Рајевска и Герасимовски им е во мирување Според Законот за Судски совет, Герасимовски не е од редот на судиите, бидејќи, функцијата му мирува со именувањето за член на телото кое треба да гарантира независност на судството, почитувајќи ги законите и Уставот. Тој е избран со вкупно осум гласа, седум на членовите, а осмиот глас си го дал сам на себе. Нејасно е зошто тој не се изземал од гласањето, а со оглед, дека има конфликт на интереси. Членот на Судскиот совет, Лорета Горгиева имаше реакција и на седницата посочи дека на Герасимовски функцијата му мирува, па така, не може да биде избран за во Управен одбор на Академијата. Но сепак, мнозинството го избра да оди во Управен одбор. Герасимовски си гласал и сам за себе „Советот со решение ќе утврди престанок на судиска функција на судија кога е избран или именуван на друга јавна функција, освен во случај кога со закон е предвидено мирување на судиска функција, со денот на изборот, односно именувањето“, стои во Законот за Судски совет. Истата одредба ја има и во Законот за Совет на јавни обвинители. Па така, кога Фиданка Рајевска била избрана во овој Совет, обвинителската функција и била ставена во мирување. Изборот на Рајевска немаше да биде спорен ако нејзиниот обвинителски мандат не беше во мирување „На избраните членови на Советот од редот на јавните обвинители, додека им трае мандатот во Советот, им мирува функцијата јавен обвинител“, стои во член 7 од Законот за Совет на јавни обвинители. „А1он“ на една од прес-конфренцитее го праша претседателот на Советот на јавни обвинители, Антонио Јолески, како Рајевска е избрана за во Управен одбор, а обвинителската функција и е во мирување. Тој објасни како Советот го толкува законот, а не кажа дали се согласува со тоа. Јолески не кажа дали се согласува со ваквото толкување на законот „Од редот на јавните обвинители. Не стои таму активни или обвинители на.. нема нагласување, од редот на јавните обвинители. Ние членуваме и во програмнскиот совет.. И таму стои дека ќе биде од редот на јавните обвинители.. Не можат да бидат оние кои се избрани од Собрание“, кажа Антонио Јолески, а на потпрашање: „Значи вие така го толкувате законот?“, тој додаде: „Не јас да го толкувам, така сите останати го толкуваат делот на законот, дека од редот на јавните обвинители. Дали јас се согласувам или не, тоа е мое лично мислење“. Ја прашавме и Павлина Црвенковска, претседател на Судскиот совет, дали изборот на Герасимовски за член на Академијата за судии и јавни обвинители е законски, со оглед на тоа дека функцијата му е во мирување. Таа кажа, изборот го направил Советот, но потврди и дека имало реакции. Во Судскиот совет имало реакции дека изборот на Герасимовски е незаконски, потврдува претседателката Црвенковска „Судскиот совет е колективно тело и одлучува со мнозинство гласови. Членот Мирјана Радевска Стефкова го предложи членот на советот Зоран Герасимовски за член на УО на Академија за судии и јавни обвинители, а гласањето заврши со осум гласа за негов избор. Имаше реакција дека предлогот и гласањето не се според закон, но секој член со искажување на својот став кон одлуката за избор го искажува ставот во однос на законитоста“, вели Црвенковска. Членувањето во Управниот одбор на Академијата за судии и јавни обвинители, од каде потоа излегуваат правосудните кадри кои се вработуваат во обвинителствата и судовите, носи моќ преку можноста да се одлучува за клучни прашања. Според Законот за академија на судии и јавни обвинители, Управниот има долг список на надлежности. Законот кој ја регулира работата на Академијата предвидува дека Управниот одбор носи одлуки по приговори поднесени од кандидати, а учествуваат и во постапката за полагање бидејќи членовите на овој одбор на крајот од процесот го усвојуваат извештајот. Со функцијата член на Управен одбор, постои можноста и за вршење на влијание. Во надлежноста на членовите е назначување и разрешување на директор, да одлучуваат за тоа кои ќе бидат предавачи, да формираат и распуштаат комисии, усвојуваат извештаи, донесуваат акти....

Министерот за надворешни работи, Бујар Османи, во рамки на првата официјална посета на Кралството Саудиска Арабија, оствари средба со министерот за надворешни работи, Неговото Височество Принц Фаисал бин Фархан Ал Сауд, што воедно претставува и прва средба на министри за надворешни работи од воспоставувањето дипломатски односи. Добивај вести на вибер На средбата беа разгледани билатералните односи меѓу двете земји, како и начините за нивно понатамошно унапредување, при што беше изразено задоволство од соработката во рамки на мултилатералните организации. Соговорниците разменија мислења за модалитетите за развој на економските и бизнис релациите, согласувајќи се дека постои голем потенцијал за интензивирање на соработката на полето на прехрамбената индустрија, туризмот и енергетиката, известува МНР. „Денешната посета претставува потврда на заемната посветеност на развојот на билатералните односи, со посебен акцент на економските врски и трговската размена. Пред нас се отвараат големи можности за понатамошно интензивирање на размената на прехрамбени продукти и земјоделски производи, особено имајќи ги предвид актуелните предизвици со безбедноста на храната во овој регион и нашиот потенцијал за кој ни се потребни нови пазари“, истакна Османи Воедно, Османи ги нагласи интензивните активности во доменот на економската дипломатија и посветеноста на креирањето поволни услови за странските инвеститори, подвлекувајќи дека саудиските инвеститори во Владата на Северна Македонија ќе имаат доверлив и транспарентен партнер за реализација на нивните потенцијални идни проекти. Соговорниците разговараа и за можностите на унапредување на договорната рамка, парламентарната соработка како и соработката на полето на културата и образованието. Османи го брифираше Ал Сауд за неодамнешното членство на Северна Македонија во Унијата за Медитеранот, претстојното претседавање со ОБСЕ и европското досие на земјата, а стана збор и за теми од регионален и меѓународен интерес, се додава во соопштението на Министерството за надворешни работи....

„Денес сум на средба со земјоделците во општина Крушево, поточно во населеното место Бучин. Од она што сакам да го пренесам и да ги информирам медиумите и јавноста е дека и овде како и во другите делови на Република Македонија имаме загрижувачка состојба со секторот земјоделство. Земјоделците и во овој регион потенцираат дека и оваа година имаат сериозен проблем со пласманот на земјоделските производи и меѓу другото оние субвенции кои што треба да ги добијат од државата , не се ниту навремени, ниту пак се исплатени во целост на земјоделците“, вели Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ. Добивај вести на вибер „Практично каде и да се појавиме во Република Македонија, катастрофалните и погубните политики на власта секаде се чувствуваат. Покрај моменталната економска ситуација, двоцифрена инфлација, поскапиот живот, земјоделците се соочуваат со необезбеден пласман и се доведува во прашање егзистенцијата во наредниот период кој ќе биде исклучително тежок. Она што сакам да го упатам како апел од овде и онаа критика која што ја најавија земјоделците од овој регион, е новиот модел на субвенционирање кој што го презентира власта за од 2023, дека ќе биде уште полоша ситуацијата и ќе ја усложни состојбата и од овие години во кои се наоѓаат земјоделците. Тој нов модел на субвенционирање практично е неприфатлив и ќе значи дополнително намалување и на субвенциите и згаснување на земјоделството како гранка. Апелот до власта е уште еднаш да се преиспита во делот на новиот концепт на субвенционирање, а она што значи конкретни мерки е во наредниот период до крајот на годината да ги доисплати сите субвенции што ги нема исплатено и за сточарите и за полјоделците и за сите оние земјоделците кои егзистираат во овој регион“, изјави Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ....

Албанскиот премиерот Еди Рама во обраќањето на заедничката седница на парламентите на Албанија и на Косово, оцени дека ќе има конечно признавање на Косово и дека за тоа нема долго да се чека. Добивај вести на вибер -Верувам дека неговото конечно признавање ќе дојде порано и дека Косово нема да чека онолку долго колку што ја прогласи својата независност, конечно да биде меѓународно признато и да биде присутно во секој случај на целата општа организација на светот во кој живееме, рече Рама. Односите меѓу двете земји тој ги оцени како одлични и многу продуктивни. -Односите меѓу Албанија и Косово денес не се само одлични, бидејќи ние сме две земји разделени со две држави, но обединети на срце, но тие се уште попродуктивни од кога било досега. Тоа го покажуваат фактите, не само средбите , но по волја и постигнување на способноста. Доволно е да се погледнат податоците за комерцијалните размени или слободата на движење што до вчера изгледаше невозможна, или заедничкиот буквар или заедничката работа за албанскиот енциклопедиски речник и историја на Албанците, додаде Рама. Тој понатаму рече дека прогласувањето на официјален албански јазик во Северна Македонија и првиот албански премиер во Црна Гора се уште едно достигнување кое досега не се замислувало. Тој не заборави да о спомене и поранешнот косовски претседател и комндант на ОВК, Хашим Тачи, кој „многу недостига на денешнот исторски ден за нацијата“. Во Тирана денеска се одржува прва заедничка седница на парламентте на Албанија и на Косово, по повод одбележувањето на 110-годишнината од независноста на Албанија. Косовскиот премиер Албин Курти, кој се обрати пред Рама порача дека Приштина и Тирана не треба да се среќаваат само на празници, туку треба почесто да работат заедно и да ги прифаќаат меѓусебните критики. -Нашиот простор, култура и економија не се феуди што некому му припаѓаат. Треба почесто да бидеме заедно, не само на прослави. Мораме да споделуваме идеи меѓу себе и да ги прифаќаме критиките, да работиме меѓусебно, рече Курти. Курти изјави дека нивните предци се бореле за дом на сите Албанци, отворен за пријателите кои придонесуваат за мирот. -Во Приштина со нетрпение го очекуваме секој успех на Албанија, која направи големи чекори напред. Сигурен сум дека и вие сте подеднакво среќни за нашите успеси, нагласи тој. Претходно обраќање маа претседателте на парламњнтте Лндита Никола и Глауф Коњуфца, како и координаторте на пратеничките групи. Пред обраќањето на Рама собраниската сала ја напуштија пратениците на Демократската партијата приврзаници на Сали Бериша. Нему не му беше дозволено обраќање туку на Енкелејд Алибеј кој е вршител на должноста претседател на демократите по оставката на Љуљзим Баша. Владите на двете земји пак, во јуни годинава ја одржаа осмата заедничка седница а првиот заеднички состанок беше во 2014 година. Извор: МИА...

Косовскиот премиер Албин Курти во својот говор на заедничката седница на парламентите на Албанија и на Косово, што се одржува во Тирана, чеситајќи го Денот на независнота рече дека треба да бидат заедно не само на празници. Тој додаде дека треба да се заборават непријателствата меѓу двете земји и дека треба да се „бориме заедно, не само политичарите, туку и целата нација“. Добивај вести на вибер Според него на секој успех на владите на Албанија, и претходните и сегашната, се радува Косово и обратно. -На овој ден да ги ставиме рацете на срце, да прашаме дали сме ја извршиле должноста за државата, да си ги препознаеме грешките, да ги заборавиме непријателствата што не разделуваат, да се ракуваме и да се заколнеме дека денес и назад ќе се бориме за честа на нашата нација. Треба почесто да бидеме заедно, не само ние политичарите, да работиме заедно. Додека демократијата доаѓаше во Источна Европа, голем политиколог рече дека албанските политичари, нагласувајќи ја поделеноста, им даваат причини на оние кои сакаат да ги видат поделени. Утре славиме 110 години од независноста во Валона. Во Косово се радуваме на секој успех на владата, и претходните и сегашната. Направивте големи чекори. Посакувам успесите да не престанат и да се додадат на знамето, рече Курти. Потсети дека денеска се одбележува 25 години од формирањето на националната армија на Косово. -Албанија направи големи чекори напред, денес е земја членка на НАТО, членка на Обединетите нации и направи значителни чекори на различни полиња. Посакуваме успесите на Албанија да не престанат. Сигурен сум дека и во Албанија се радуваат на успесите на Косово. Веќе го имаме заедничкиот буквар и работиме на заедничкиот енциклопедиски речник. Ги обединивме пазарите на трудот со Албанија и работиме на обединување на царината, рече тој. Извор: МИА...

Властите во Уганда им забранија на затворскиот персонал да користат мобилни телефони за време на Светското првенство во фудбал, нагласувајќи дека затворениците би можеле да ја искористат невнимателноста на чуварите за да организираат бегство. Добивај вести на вибер „Поради натпреварите на Светското првенство, нивото на внимание и претпазливост на чуварите би можело да се намали, и тоа затворениците би можеле да го искористат за да избегаат“, изјавил претставник на затворската служба. „Персоналот не треба да користи паметни телефони на работа, бидејќи тие им го одвлекуваат вниманието и го попречуваат нивното ниво на будност и будност“, се вели во соопштението. Затворските службеници се советувани да ја зголемат будноста во местата на затворот каде што на затворениците им е дозволено да гледаат натпревари. Извор: МИА...

Нова листа со прислушувани со софтверот „Предатор“, на која, меѓу другите, се и поранешниот началник на грчката полиција, обвинителката во Националната служба за разузнавање, но и владиниот портпарол, објави грчкиот весник „Документо“, а од опозициската СИРИЗА бараат од Мицотакис, или да даде одговори или да си поднесе оставка, јави дописничката на МИА од Атина. Добивај вести на вибер Проопозицискиот весник пишува дека конкретните лица, биле прислушувани со „Предатор“ по наредба од грчкиот премиер Кирјакос Мицотакис, а на новата листата со 33 имиња, освен поранешниот началник на грчката полиција, обвинителката во Националната служба за разузнавање и владиниот портпарол се и министерката за образование, пратеник од ПАСОК, генерални секретари, обвинител, бизнисмени итн. Од СИРИЗА преку соопштение коментираат дека со она што го објави весникот „Мицотакис повеќе не е обвинет за следење на неговите противници и соработници, туку за организирање и извршување на невидена уставна и демократска диверзија“. -Или ќе даде убедливи одговори за диверзијата или ќе треба веднаш да си поднесе оставка, бидејќи тоа што го направи е многу сериозна опасност за самата демократија, соопштија од СИРИЗА. Портпаролот на грчката Влада Јанис Иконому одговори дека „уставна и демократска диверзија е тоа што СИРИЗА се обидува да создаде услови на политичка аномалија со целосно усвојување на недокажани тврдења“, додека пак за издавачот на „Документо“, новинарот Костас Ваксеванис рече дека „ неговите митови и шпионски романи се пишуваат за да се создаде наратив за оправдување на поразот на СИРИЗА што се наѕира на претстојните избори“. -Владата, прва во Европа, претстави комплетна законска рамка за справување со малициозни софтвери, а во исто време силна е нејзината политичка волја за целосна истрага на правдата и расчистување на сè што е објавено од медиумите, со цел да се дефинираат реални димензии на случајот во Грција, од моментот кога такви софтвери се појавија уште за време на Владата на СИРИЗА, рече Иконому во писмената изјава. Пред три седмици весникот „Документо“ ја објави првата листа со 33 лица, за кои пишуваше дека преку софтверот „Предатор“ и Националната служба за разузнавање (ЕИП) биле прислушувани од кабинетот на грчкиот премиер, во чија надлежност е и ЕИП. На првата листа беа меѓу другите беа и: поранешниот премиер од редовите на Нова демократија Андонис Самарас, шефот на грчката дипломатија Никос Дендиас, министрите за развој, туризам и труд, како и нивните сопруги, министерот за финансии, заменик министерот за одбрана, алтернативната владина портпаролка, поранешните министри за заштита на граѓаните итн, но и личности поврзани со големите бизнисмени во Грција, како и лидерот на ПАСОК- Движење на промена....

Порнешниот германски репрезентативец, Јирген Клинсман вели дека ќе му се јави на иранскиот селектор Карлос Кеирош, откако беше критикуван за неговиот коментар за иранската „култура“ при 2:0 победата над Велс, што предизвика Иранската фудбалска федерација официјално да побара од ФИФА да го тргне од техничката група за Мундијалот во Катар. Добивај вести на вибер Кеирош беше лут откако Клинсман како коментатор на „Би-би-си“ оцени дека Иранците го „работеле“ судијата и дека играле нефер, но и дека тоа е дел од нивната култура. Клинсман смета дека тоа е погрешно толкување на неговата изјава. „Имаше работи кои навистина беа извадени од контекст. Ќе се обидам да се слушнм со него денеска да ги смирам работите. Никогаш не го критикував Карлос, ниту иранската клупа. Некои дури сметаа дека го критикував судијата бидејќи тој не направи ништо за тоа што се случуваше на клупата. Само го објаснив нивното емотивно работење, што всушност е нешто на што можеме да се восхитуваме на одреден начин. Целата клупа го игра мечот, скокаат, и Карлос е емотивен тренер, кој постојано се обидува да им пренесе идеи и енергија на своите играчи“, вели Клинсман....

Градоначалниците на главните градови на Босна и Херцеговина и на Украина, Бенјамина Кариќ и Виталиј Кличко, в понеделник во Брисел ќе потпишат Договор за воспоставување пријателски односи. Добивај вести на вибер Во документот, што стапува на сила на денот на потпишувањето, се вели дека градовите Киев и Сараево сакаат да развијат „плодна соработка во широк спектар на економски, културни, туристички, образовни и други области на взаемна корист и просперитет“. Нагласено е дека Киев и Сараево заедно ги претставуваат европските вредности на демократијата, слободата и владеењето на правото и дека се посветени на човековите права, принципите на меѓународното право и промовирањето на мирниот соживот во Европа. Кариќ ја прифати поканата на Кличко да учествува на состанокот „Киевски инвестициски форум“ на 28 ноември во Брисел, кој се одржува во Киев, но оваа година, поради руската агресија е преместен во Брисел. Извор: МИА...

Две момчиња на возраст од три години и 11 месеци се пронајдени во стан во предградието Бронкс во Њујорк со повеќе убодни рани на вратот и торзото и се пренесени во болница, но повредите биле премногу тешки и лекарите не можеле да ги спасат, пренесуваат американските медиуми. Добивај вести на вибер Нивната 24-годишна мајка била однесена во полиција, а потоа пренесена во болница откако, како што пренесуваат медиумите, чудно се однесувала. Мајката не е уапсена, а таткото на децата не е приведен, изјави заменик началникот на новинарите. Но, подоцна медиумите објавија дека мајката е осомничена. Тој рече дека полицајците дејствувале откако добиле пријава за чудно однесување на една жена. На полицијата и било кажано дека жената се обидувала да ги запали работите во кујната и ја нашле во стан на третиот кат. „Таа постапуваше нерационално“, рече заменик началникот. Според него полицајци и член на семејството се обиделе да ги реанимираат децата додека чекале брза помош, која ги однела во болница, каде што починале. „И покрај максималните напори на полициските службеници, двете деца им подлегнаа на повредите“, рече заменикот. Полицијата приведе лице од интерес и ја продолжува истрагата, рече тој. Дел од медиумите пишуваат дека се работи за мајката и дека таа прво ги избодела децата, а потоа се обидела да ја запали кујната. Сосетката Шенон Холифилд во ходникот рече дека родителите на момчето се расправале претходно истиот ден. Подоцна го слушнала врискањето на таткото и го видела како ги носи двете момчиња, голи и облеани во крв низ ходникот. „Врискаше хистерично – помогни ми! Ја отворив вратата и го видов како слегува низ ходникот со две момчиња во раце. Тие беа мртви. Насекаде имаше крв”, изјавила таа....

Процесот за снабдување со поевтина електрична енергија за клучните субјекти по одлуката на Владата тече непречено и без никаков застој, и сите пријавени кои исполнуваат услови ќе добијат електрична енергија од ЕСМ Продажба од 1 декември, информираат од таму. Добивај вести на вибер „ЕСМ Продажба“ ги отфрла неоснованите изјави од страна на одредени претставници од стопански асоцијации во кои без аргументи и надвор од вистината се критикува процесот и се изнесуваат паушални оценки дека истиот е запрен, како и критики за службите кои истиот го спроведуваат. „Сите лица кои се заинтересирани ги повикуваме да се обратат до „ЕСМ Продажба“ за информација како тече процесот и постапката, пред да даваат јавни изјави. Исто така, апелираме на одговорност кај медиумите, односно согласно правилата за известување, да побараат податок и од ЕСМ Продажба, пред да пренесуваат во јавноста критички ставови на лица кои не поседуваат податоци за вистинската состојба. Субвенционираното снабдување со електрична енергија за училиштата, прехранбената индустрија и водостопанствата е ново задолжение дадено на АД ЕСМ од страна на Владата. При секое ново задолжение кое не било дел од тековното работење на Друштвото, потребно е време за воспоставување на системот и процедурите за негово спроведување, набавка и инсталирање на софтвер, обезбедување соодветни ресурси за физичко и правно процесирање на договорите и комуникација со субјектите кои се од цела држава и од различни категории на дејност“, се вели во соопштението. Во интерес на вистината, информираат, ЕВН Електродистрибуција континуирано ги обработува пријавените броила и за истото го известува ЕСМ Продажба, по што директно се контактираат правните субјекти и се информираат дека договорот за снабдување од 1.12.2022г им е важечки и дека ќе им биде испратен заверен од страна на снабдувачот. „Од 1820 броила за сите пријавени субјекти, Дистрибуција во рок од три дена, до овој момент, верификува снабдување за повеќе од 1000 броила и процесот на проверка на останатите продолжува. Субјектите кои имаа пријави со некомплетна документација се упатени од страна на „ЕСМ Продажба“ да ги добават документите кои недостигаат, со точни инструкции и понудена асистенција. Утврдени се само околу 20 такви случаи, кои по извршено комплетирање на документите ќе бидат вклучени на поевтино снабдување од 1.1.2023 година“, се додава во информацијата....

Регионалните лидери пријавија смртни случаи во нападите во Херсон, Доњецк, Запорожје и Днепропетровск. Добивај вести на вибер Гувернерот на Херсонската област Јарослав Јанушевиќ изјави дека имало 54 гранатирања во областа Херсон, во кои едно лице загинало, а двајца се ранети, меѓу кои и едно дете. Руските трупи се повлекоа од градот Херсон на почетокот на овој месец, но се уште се во поширокиот регион. Во источен Доњецк пет лица загинаа во гранатирање во последните 24 часа, изјави гувернерот Павло Кириленко. Напади беа регистрирани и во регионите Запорожје и Дњепропетровск на запад. Гувернерот на Харков, Олех Синјехубов изјави дека таму е убиено едно лице, а тројца се повредени....

Скоро цел Киев има вратена струја четири дена по разорниот напад на градската инфраструктура, објави воената администрација во главниот град на Украина. Добивај вести на вибер Во најголем дел функционира струја, вода, парно и мобилна телефонија, порачано е преку апликацијата Телеграм. Завршните работи на електричната мрежа продолжуваат, но можни се локални прекини поради големата потрошувачка. Градоначалникот на Киев, Виталиј Кличко, кој беше критикуван од претседателот Володимир Зеленски за пребавно враќање на услугите, рече дека работата продолжува со рекордно темпо....

Костарика, репрезентацијата која го имаше најлошиот меч од првото коло при 0:7 поразот од Шпанија, се врати во игра за нокаут фазата со изненадувачка 1:0 победа над Јапонија за компликување на ситуацијата во групата Е, во која се и Германците. Добивај вести на вибер Откако во првиот меч одбраната на репрезентацијата од Централна Америка беше речиси непостоечка, овојпат тие успеаја да ги издржат сите напади на Јапонците, кои имаа повеќе од играта и од шансите, за во 80. минута, Кејшер Фулер со малку среќа да го постигне победничкиот гол за големи три поени. Ова беше прв удар на голот на Костарика во текот на мечот, а Фулер покрај тоа е играч кој игра на позицијата на десен бек. По оваа победа, Шпанија, Јапонија и Костарика имаат по 3 поени во групата, додека Германците пред вечерашниот клучен меч со Шпанија се без поени. Во последното коло, Костарика игра со Германија, додека Јапонците ќе се судрат со Шпанците. За потсетување, ако репрезентациите имаат идентичен број на поени за пласман ќе одлучува гол-разликата, каде што Костарика не се во најдобра позиција по седумте примени голови во првото коло....

Во пресрет на одбележувањето на 110- годишнината од независноста на Албанија, 28 ноември и денот на националното знаме, во Тирана за првпат се одржува заедничка седница на парламентите на Албанија и на Косово. Добивај вести на вибер Пред пратеници прва се обрати Линдита Никола, претседателка на албанскиот законодавен дом која оцени дека Албанија и Косово треба да ја споделат одговорноста за трансформација на државните граници меѓу двете земји во формални нагасувајќи дека собирањето на сите Албанци во едно собрание некогаш „изгледало како сон“. -Денес Албанија и Косово се две независни држави. Она што се случи на 28 ноември не беше се што сакаа Албанците, туку камен-темелник на кој ќе се гради иднината. Албанците станаа достојни граѓани на цивилизацијата на која и припаѓаат, рече претседателката на Собранието на Албанија. Според неа предизвиците во 21 век се заеднички за сите Албанци. -Денес Албанија е членка на НАТО и ги отвори преговорите за членство во ЕУ. Во овие децении бевме разделени со ѕид, но во центарот на нашата свест се имавме еден со друг. Ги кршиме суеверија и предрасуди. Нашите земји, општества а ресурсите се комплементарни. Економскиот и културниот развој го помага развојот на другите области, рече таа. Додаде дека „оваа свест“ не е спротивна на ниту една друга заедница во регионот и Европа. -Албанија и Косово мора да ја споделат одговорноста за трансформацијата на државните граници меѓу двете земји во формални. За тоа се одговорни нашите две собранија. Албанците, потомците на Мајка Тереза, ќе знаат да направат најдобро. Господ нека го благослови албанскиот народ, рече на крајот Никола. Претседателот на Собранието на Косово, Глаук Коњуфца оцени дека 28 ноември е празник „не само за Албанија, туку и за Косово“. -Најважниот ден на нашиот народ не поттикна да се собереме во Тирана, да ги поздравиме сите Албанци каде и да се, во Албанија, Косово, Македонија, Црна Гора, Бујановац, Прешево и Медвеѓа, но и во Грција, Италија и САД, рече тој. Додаде дека 28 ноември ги носи сите заеднички стремежи, ја има потребната симболика за зачувување на најскапоцените спомени на Албанците и изјави дека е роден „големиот албански херој Адем Јашари, кој се жртвуваше со своите роднини во Преказ во борбата за слобода“. Славната војна на нашиот народ го отстрани окупаторот и го отвори патот за прогласување независност, рече Коњуфца и ја обвини Србија дека се обидува да го „дестабилизира Косово и да го подели“. -Единствената европска земја која останува поврзана со Русија е Србија, која се обидува да го дестабилизира Косово и да го подели. Србија ни се бори од внатре и однадвор, и колку сме поблиску еден до друг, толку полесно ќе ги заштитиме нашите националните интереси, порача Коњуфца. Свечената седница продолжи со излагања на шефовите на пратеничките групи во собранијата на Албанија и Косово аќе се обратат и премиерите Еди Рама и Албин Курти. Извор: МИА...

Министерот за надворешни работи на Србија Ивица Дачиќ денеска го оцени како лицемерен потегот со кој Светската фудбалска организација (ФИФА) покрена дисциплинска постапка против репрезентацијата на Србија, откако во нејзината соблекувална на натпреварот со Бразил на Светското првенство во Катар, наводно било закачено знамето на која е прикажана територијата на Косово, со порака „Нема предавање“, јави дописникот на МИА од Белград. Добивај вести на вибер -Замислете ако Украина каже -Крим е Украина, нема предавање. Дали некој би ја казнил и би ја избркал Украина?, праша Дачиќ во гостувањето на телевизијата Прва и додаде дека како држава Србија не можеме да реагира, бидејќи е спортска организација. Тој изјави дека ова само зборува за лицемерието и праша што е навредливо во пораката „Нема предавање“? -Што е навредливо кога некој вели дека нема предавање? Па што да кажат, дека ќе се предадат? Второ, тие зборуваат за фудбал и „не се предаваат“ се однесува на фудбалските натпревари. Загубивме од Бразил и се очекуваше да загубиме, но сега имаме решавачки натпревари со Камерун и Швајцарија, изјави Дачиќ. Тој потсети дека „ОН не го признале Косово, и да Србија е меѓународно призната земја и членка на ОН, со Косово и Метохија како нејзин дел“....

За случајот со Онишченко треба да има одговорност на три нивоа на одговорност истакна потпретседателот на ВМРО-ДПМНЕ, Александар Николоски одговарајќи на новинарско прашање во рамки на денешниот настан во хотел Хилтон организиран на пратеничката група на ВМРО-ДПМНЕ и шведската фондација, потенцирајќи дека тие три нова се кај директорот на АНБ, министерот за внатрешни работи и кај премиерот кои дозволија ваков скандал и ги нарушија безбедноста на Македонија и меѓународниот имиџ. Добивај вести на вибер – Првото ниво е на директор на Агенција за национална безбедност, кој што веднаш треба да си поднесе оставка и воопшто не треба да помислува да оди за амбасадор во Париз, затоа што еден ваков скандал, покрај неговиот личен имиџ, го руши и имиџот на Македонија, потенцира Николоски. Додаде дека второто ниво на одговорност е министерот за внатрешни работи, Оливер Спасовски затоа што самата влада призна дека одново на сега, пак, што ќе го одземаат државјанството на Онишченко се погрешно дадени податоци, а токму министерството за внатрешни работи е задолжено за правилно земање на податоци за издавање на лични документи од типот на лична карта и пасош. – Така што, постои сериозна одговорност кај министерот за внатрешни работи, а да не заборавиме дека тој е човекот кој Постои сериозна одговорност кај министерот за внатрешни работи, а да не заборавиме дека тој е човекот кој стои позади аферата со познати 215 македонски пасоши за криминалци, а веројатно се многу повеќе. Гледаме дека со македонски пасоши се испоубија и по Истанбул, Киев и по останати европски метрополи бандитите од целиот регион. Гледаме дека светски мафии од типот на италијанската користат македонски пасоши да ги прикријат сопствените дејствувања, така што тоа е второто ниво на одговорност, вели тој. Николоски нагласи дека секако третото ниво на одговорност е премиерот, затоа што ова е скандал кој кажува две работи, прво дека се руши имиџот на Македонија, второто дека безбедносните служби воопшто не функционираат. – Јас стојам позади тоа што го кажав, а тоа е дека основна причина зошто овој пропуст се случи е неспособноста и корупцијата. Безбедносните служби се полни со луѓе кои се неспособни луѓе кои се длабоко корумпирани. Наместо да се занимаваат со заштита на уставноправниот поредок на Македонија се занимаваат со криминал, со уценување на бизнисмени и со следење на опозицијата. Затоа ги донесоа безбедносните служби да бидат на потсмев но исто така и да ја загрозат безбедноста на Македонија и меѓународниот имиџ, изјави Николоски....

„Во првите 10 месеци од годинава, ги саниравме последиците од светската економска криза со два пакети мерки вредни 760 милиони евра. Резултатите се веќе видливи, во тешки услови успеавме да обезбедиме доволно храна, струја, енергенси, да ги подджиме граѓаните компаниите и да ја спасиме македонската економија“, рече Дарко Каевски, пратеник и портпарол на СДСМ. Добивај вести на вибер „Секако дека има уште многу работа но врз основа на економските параметри и резултат може да кажеме дека 2023 ќе биде година на економски пресврт и нова надеж. Еден од инструментите за остварување на таа цел е Буџетот за 2023 кој ги комбинира антикризните мерки со развојните политики. Со Буџетот за 2023 предвидени се дополнителни средства за исплата на плати и пензии, односно следната година повторно ќе имаме раст на минималната плата и на пензиите согласно новата методологија. 800 милиони евра се предвидени за капитални проекти, тоа се средства директна инвестиција во локалниот економски развој и во домашното стопанство. Дека 2023 година ќе биде многу подобра од оваа, потврдуваат и проекциите на ЕБОР кои предвидуваат раст на македонската економија од 2.3 отсто. Тоа, меѓу другото ќе го постигнеме и со зголемениот број на странски директни инвестиции, со трансформација на енергетскиот сектор, нешто што веќе интензивно се случува ширум нашата држава. СДСМ и претседателот Ковачевски имаат план кој обезбедува економски раст, подобар животен стандард и сигурна и стабилна иднина“, изјави Дарко Каевски, пратеник и портпарол на СДСМ....

Бразил ќе се судрат со Швајцарија во понеделник без својот најпозната фудбалер Нејмар поради неговата повреда при 2:0 победата над Србија, но Касемиро смета дека имаат толку талент кој може да го замени фудбалерот на ПСЖ, што речиси им е жал за нивните ривали. Добивај вести на вибер „Можеме да зборуваме повеќе денови за Нејмар, за тоа каков фудбалеер е и колку е важен за нашиот тим. Тоа е неизбежно, бидејќи тој е нашиот најпознат фудбалер, но имаме играчи кои се на исто ниво како Винисиус Жуниор, Рафиња, Ришарлисон, Габриел Жесус… Ние, кои играме во обраната честопати се шегуваме дека ни е жал за ривалите бидејќи можеме да го замениме Рафиња со Антони, Ришарлисон со Габриел Жесус, Родриго со Габриел Мартинели… Имаме избор во нападот, но тоа не го менува фактот дека Нејмар е нашиот најдобар фудбалер“, вели асот на Манчестер јунајтед. Тој исто така ги нападна тие Бразилци кои се радуваа на повредата на Нејмар. „Вистинска штета, но постојат лоши луѓе кои посакуваат уште полошо на другите. Нејмар има големо срце и не го заслужува тоа“, вели Касемиро....

Генералниот секретар на НАТО Јенс Столтенберг ја пофали поддршката на Германија за одбраната на Украина од руската инвазија, во изјава за неделното издание на германскиот весник „Велт“, два дена пред состанокот на министрите за надворешни работи на земјите-членки на Алијансата во Букурешт. Добивај вести на вибер „Силната поддршка на Германија прави одлучувачка разлика“, рече Столтенберг. Германија претходно беше постојано критикувана од високи украински функционери дека бавно обезбедува воена опрема и затоа што одбива да испрати тешко оружје.Столтенберг рече дека германската опрема спасува животи во Украина. Сепак, тој додаде дека „сите мора да ја задржиме нашата поддршка за Украина и да ја зголемиме“. Столтенберг рече дека рускиот претседател Владимир Путин реагира на повлекувањето на неговата војска со „зголемена бруталност“. Како пример, тој го наведе таргетирањето на украинската енергетска инфраструктура во пресрет на зимата. „Путин се обидува да ја искористи зимата како оружје, но нема да успее“, додаде шефот на НАТО. Извор: МИА...

Откако потпретседателот на Собранието Борко Стефановиќ од опозиционата ССП на Драган Ѓилас достави предлог резолуција до собраниската Комисија за надворешни работи за усогласување на надворешната политика на Србија со политиката на ЕУ, со која се предлага воведување соодветен пакет санкции против Русија, во Србија прво реагираше рускиот амбасадор во Белград, а денес и лидерот на опозиционата Нова странка, Вук Јеремиќ. Добивај вести на вибер Како што јави дописникот на МИА од Белград, рускиот амбасадор Александар Боцан-Харченко го праша потпретседателот на српското собрание дали го земал предвид мислењето на мнозинството во Србија кога ја предлага Резолуцијата за санкции кон Русија, додека денес реагираше Вук Јеремиќ кој оцени дека таа „претставува кукавичко јајце на српскиот претседател Александар Вучиќ, кој и се подметнува на опозицијата за да се подели“. -Не можеме да водиме аргументирана расправа за ова прашање пред Вучиќ во српскиот парламент да ги извести пратениците и јавноста со што тоа и се закануваат на Србија, односно зошто би морале да воведеме санкции кон Русија и покрај јасните негативни политички последици што овој чекор би можел да го има за решавање на косовскиот проблем, изјави Јеремиќ, соопштија од Народната странка. Тој оцени дека не верува во приказните дека ќе се случи „катастрофа од широки размери“ ако Србија не воведе санкции кон Русија. -Од почетокот на војната во Украина поминаа осум месеци, а ниту една од заканите досега не се оствари, додаде Јеремиќ. Според него, Вучиќ ѝ подметнува „кукавичко јајце“ на опозицијата со помош на некој со кој, како што наведе, Народната странка соработувала во минатото, мислејќи на Странката за слобода и правда на Драган Ѓилас. -Настрана од тоа колку е скандалозно пред изборите да се каже дека сте против санкции, а по изборите да ја свртите приказната – тоа нека им служи на чест на оние кои се подготвени да кажуваат една приказна пред изборите, а друга по нив. Она што е многу полошо е што сега со тоа се оди директно на рака на Вучиќ, тој ѝ подметнува кукавичко јајце на опозицијата со намера да ја подели, Народната странка во тоа нема да учествува, рече Јеремиќ....

Дејан, доктор Дејан, Дејан Николовски. Ова се само дел од идентитетите на лицето кое измами десетици угостители во Скопје. Закажува лажни прослави, нарачува скапи пијалаци и го снемува, бара да изнајми маси и столици од од Скопје за во други градови кои наместо за прослава, завршуваат на адреси кај луѓе на кои никогаш не им требало таква услуга. Овие случаи се само дел од оние за кои дозна „А1он“, а се случувале изминатиот период. Засега мистериозниот човек, за кои угостители сведочат дека звучел сериозно, како зрел маж, а барал услуги за примамлив број на луѓе, има разработена шема како освен да ги измами со лажни прослави, од нив да изнуди и пари. Добивај вести на вибер Последниот од низа случаи бил вчера. Лицето кое се претставил како доктор Дејан Николовски се јавил во еден кернинг сервис во Скопје. Нарачал услуга за 90 лица, за кои кажал дека треба да гледаат фудбал во кругот на Марков Манастир. Му било побарано однапред да плати за услугата преку уплата на сметка, а измамникот кажал дека е сабота и поради фактот што банките се затворени дека не може да го направи тоа и сакал да плати во готово. Тоа му било овозможено. И тука почнала сагата, со нарачката на пијалаци и тоа скапи шишиња шампањ. Кога добавувачот на пијалаци тргнал да му доставува роба, бил контактиран од измамникот кој се претставува како Дејан. Од него имало замолница, пред да се упати кон Марков Манастир, во центарот на Скопје да остави околу 200 евра кај лице кое наводно требало да се погрижи за декорацијата на забавата. Добавувачот, добил уверување дека штом го достави пијалакот, ќе му биле платено, а со тоа и вратени 200-те евра. Парите биле оставени во Аеродром, во близина на Тобако. Ги земал возрасен човек. По ова добавувачот тргнал кон Марков Манастир, а кога го побарал измамникот за да му посочи каде точно треба да застане – бројот веќе бил недостапен. Тука тој сфатил дека станува збор за измама. Пред ова, кернинг сервисот се обидел од измамникот да добие локација за да може да му достави готовинска фактура, а со тоа, тој да плати за услугите. На ова, на Вибер, добиле одговор: „Ќе ви испратам штом дојдам на местото“. Но, никогаш не испратил локација. „Звучеше сериозно, до степен да не можеш да препознаеш дека станува збор за измама. Како и со сите клиенти, така и со него, му беше доставена понуда, дискутирано, па прифатено. Сакаше да плати во кеш, а не на фактура. Ова беше единствен чуден момент за кој тој однапред имаше смислено како да го оправда“, вели претставник на фирмата-угостител од која измамникот нарачувал услуги. Случајот е пријавен и во полиција. „На 26.11.2022 во 18.30 часот во Полициската станица Аеродром 33- годишен маж од Скопје пријавил дека околу 11.00 часот на телефон му се јавило лице кое се претставило дека се вика Д.Н. и му побарал да му донесе 10 шишиња шампањ на место лоцирано до Марков манастир. Околу 12.25 часот повторно му се јавило лицето и му рекло дека ако одел кон населбата Аеродром да се сретне со друго лице кое било задолжено околу украсување на просторот и да му даде 11.500 денари. Потоа околу 13.30 часот на бул.“Јане Сандански“ пријавителот се сретнал со лицето на кое требало да му ги даде парите и откако се сретнале му ги дал парите, по што си заминал. Пријавителот ги подготвил 10-те нарачани шишиња со шампањ и се упатил кон Марков манастир, каде во близина на местото му ѕвонел на телефон на Д.Н. за да му појасни каде точно да ја однесе нарачката, но на лицето му бил исклучен телефонот. Исто така заѕвонил и на телефонскиот број на лицето на кое му дал 11.500 денари за украсување, но и неговиот телефон бил исклучен. Се преземаат мерки за расчистување на случајот“, велат од МВР за „А1он“. И ова не е еден поединечен случај. Во претходниот месец измамник, претставувајќи се со истото име, закажувал мекици дури и во три локала истовремено. „Лик се јавува по ресторани и кафани, се претставува како доктор и резервира локали за над 40 луѓе кажувајќи дека е за мекици, а потоа воопшто не се појавува и ги остава локалите во загуба. Вчера се случи во два локала, дечкото закажа мекици во исто време во различни локали и не се појави! Едниот локал целиот беше затворен очекувајќи 40+ луѓе, а другиот викна плус персонал очекувајќи исто што и првиот! Поентата никој не ја разбира, но сите кои се занимавате со овој бизнис, барајте си капар и не верувајте на никој!“, се вели во сведоштво објавено на почетокот од месец ноември. „А1он“ дозна и за случај каде биле нарачани маси, столици и шатори од Скопје да се достават во друг град од внатрешноста на Македонија. Било најавено дека ќе биде се подмирено веднаш штом робата стигне. Добавувачот бил замолен исто така да плати давачка во Скопје пред да тргне со доставата, со ветување дека парите ќе му бидат вратени веднаш штом пристигне на адресата во соседниот град каде наводно има прослава. А таму, сопствениците на објектот се чуделе што бара натоварениот камион, бидејќи тие не нарачале ништо. Неофицијални информации говорат дека станува збор за група измамници, на кои ова им е начин за заработка на пари. На апликациите за комуникација ставаат реални имиња, но и туѓи фотографии под кои се претставуваат тие самите. Полицијата го истражува случајот....

Јелена Томашевиќ гостуваше на концертот на Андреа Бочели во Абу Даби. Во придружба на Симфонискиот оркестар на РТС, двајцата заедно ја изведоа познатата песна „Vivo Per Lei“. Добивај вести на вибер Публиката ги награди уметниците со овации. Како што јави Танјуг, тие настапија пред 20.000 посетители во преполната „Етихад Арена“, каде просечната цена на билетот била околу 500 долари. По дуетот со Бочели, Јелена Томашевиќ сама ја отпеа песната „I Will Always Love You“, најпозната по изведбата на Витни Хјустон и доби голем аплауз од публиката во Абу Даби....

По преземени оперативни мерки и активности од страна на полициски службеници од ЕВР Центар и Бит Пазар, на 25.11.2022 лишени од слобода биле 18-годишниот Џ.М. и 20-годишниот Д.М. од Скопје, поради постоење основи на сомнение дека истиот ден на Кеј “Димитар Влахов“ во Скопје извршиле разбојничка кражба врз 26-годишниот С.Б. и му одзеле пари, извести МВР. Добивај вести на вибер – По лишувањето од слобода, кај нив бил пронајден нож на преклопување, како и пари во различни апоени, а кои што потекнувале од извршеното кривично дело. По насоки на надлежен обвинител од ОЈО Скопје од страна на оштетениот и уште едно лице сведок било извршено препознавање, а по целосно документирање на случајот против осомничените ќе биде поднесена кривична пријава по член 238 од КЗ на РСМ, соопшти МВР....

Естонскиот министер за одбрана Хано Певкур изјави дека не мисли оти Русија е сериозно ослабена од војната во Украина, јави ДПА. Добивај вести на вибер „Мораме да бидеме искрени и јасно да кажеме дека руската морнарица и руските воздухопловни сили се приближно големи колку што беа пред војната“, изјави Певкур за ДПА за време на неговата посета на Берлин. Иако руските копнени сили изгубија многу луѓе, тие порано или подоцна ќе го вратат својот број од пред 24 февруари, истакна естонскиот министер. Покрај тоа, Русија ќе учи од своето искуство во Украина. „Нема причина да се мисли дека заканата од Русија е намалена“, нагласи Певкур. Естонија планира да потроши 2,84 отсто од својот бруто домашен производ за одбрана следната година и 3,2 отсто од својот БДП во 2024 година, рече министерот. Извор: МИА...

Членовите на Претседателството на БиХ утре во Сараево ќе се сретнат со еврокомесарот за соседски односи и проширување, Оливер Вархеји, соопшти Претседателството на БиХ. Добивај вести на вибер Средбата треба да започне во 15 часот, по што ќе се одржи прес-конференција. Од кабинетот на Вархеји беше потврдено за локални медиуми дека за време на дводневната посета, еврокомесарот со претставници на БиХ ќе разговара за реформите и следните чекори на европскиот пат на БиХ. Извор: МИА...

Германскиот селектор, Ханси Флик инсистира дека неговиот тим има доволно квалитет да се спротистави на Шпанците во денешниот клучен меч кој може да значи елиминација на поранешните светски шампиони. По шокантниот пораз од Јапонија, Германците можат да бидат елиминирани денеска, доколку загубат од Шпанија, а Јапонија остане непоразена против Костарика. Добивај вести на вибер „Имаме тим кој има квалитет, кој знае да ги имплементира работите на кои работевме на тренинзите и влегуваме со позитивен став. Мораме да излеземе на теренот со храброст и со верба во нашиот квалитет“, вели Флик. Флик, кој беше именуван за германски селектор откако со Баерн Минхен освои шест титули во 2020, не сакаше да шпекулира дали втората елиминација во низа во натпреварите по групи (по таа во Русија во 2018) ќе значи дека четирикратните светски шампиони веќе не се дел од фудбалската елита. „Мечот против Шпанија ќе го покаже тоа. Тогаш можеби ќе имаме подобар одговор на тоа прашање“, објаснува Флик....

Косовската фудбалска федерација е фаворит да го добие на подарок „Стадионот 974“ на кое се игра Светското првенство во Катар, и на кој на 2 декември ќе играат Србија и Швајцарија. Добивај вести на вибер „Стадионот 974“ е комплетиран на 20 ноември 2021 година, а првиот меч се одигра само десет дена подоцна. Името стадионот го доби по бројот на контејнери од кој е изграден и е првиот монтажен стадион во историјата на Мундијалите. На него ќе се игра и еден четврт-финален меч, а потоа ФИФА ќе го донира на една од своите членки, со Косово како прв фаворит. Капацитетот н стадионот е 44.000 седишта....

Легендата на Ливерпул и поранешен англиски репрезнтативец, Џон Барнс, неочекувано застана во одбрана на Катар посочувајќи дека во Англија има двојни станарди со очекувањата од азиската земја. Добивај вести на вибер ФИФА и Катар се критикувани, посебно во западна Европа, поради ЛГБТ правата, човековите права и процесот со кој тие станаа првата арапска земја домаќин на едно СП. Покрај тоа, во Англија беше критикувана одлуката да не им се дозволи влез на стадионот на англиските навивачи со костуми на „крстоносци“ поради навредливиот контекст кон домаќините. 'If you knew the way crusaders are viewed in that part of the world, it's very similar if someone who came to one of our football matches and wore a nazi uniform' Three Lions icon @officialbarnesy believes you should respect the laws of that country pic.twitter.com/xUH2RAxZtE — Good Morning Britain (@GMB) November 25, 2022 „Дебатата околу костумите со крстоносците е најбизарна, бидејќи треба да се погледне како се гледа кон крстоносците во тој дел од светот. Тоа би било слично како тука некој да облече нацистичка униформа. Катар, засега, ги поканува сите на Светското првенство, но со тоа да ја респектираат нивната култура, религија и законите. Ги сменија законите за алкохолот, но сега ни пречи дека не можеме да пиеме во тие 90 минти на стадионот. Ако одите во нечија земја тогаш треба да ги почитувате нивните закони, бидејќи и ние го велиме истото за луѓето кои доаѓаат во Велика Британија“, вели 59-годишниот Барнс....

Лутиот селектор на Иран, Карлос Кеирош влезе во остар напад на германската фудбалска легенда Јирген Клинсман, кој имаше некои контроверзни коментари за „културата“ на иранските фудбалери. По 2:0 побеата над Велс со два гола во финишот на мечот, Клинсман на „Би-би-си“ изјави дека тие вршеле притисок на судијата. Добивај вести на вибер "That's their culture…" Jurgen Klinsmann confidently asserts that Iranians have a cultural predisposition to cheating in football matches four times in one minute. Unchallenged.pic.twitter.com/HJiyjjVYo8 — Lowkey (@Lowkey0nline) November 26, 2022 „Да, тоа е во нивната култура. Нивниот начин на правење на работи и затоа Карлос Кеирош одлично се вклопува во нивната репрезнтација. Тој се мачеше во Јужна Америка, не успеа да се квалификува со Колумбија, а потоа ниту со Египет и затоа се врати во Иран. Тоа не е случајно. Тоа е дел од нивната култура и начинот на кој играат, на кој вршат притисок на судијата. Видовте како скокаа од клупата, работеа со четвртот судија, постојано во негово лице“, изјави Клинсман. Dear Jurgen; You took the initiative to call me Carlos, so I believe it is proper to call you Jurgen. Right? Even not knowing me personally, you question my character with a typical prejudiced judgment of superiority.(…) pic.twitter.com/JAq0l7Yp6n — Carlos Queiroz (@Carlos_Queiroz) November 26, 2022 Португалецот Кеирош, кој е поранешен помошник на Сер Алекс Фергусон во Манчестер јунајтед и се врати на иранската клупа во септември, беше бесен и одговори со повеќе пораки на Твитер. „Драг Јирген, ти ме нарекуваше Карлос, така што е во ред да те викам Јирген, нели? Дури и без да ме познаваш лично, твојата оценка за мојот карактер покажува предрасуди со доза на супериорнст. Без разлика на тоа колку те почитувам за тоа што го направи во фудбалот, тие коментари за иранската култура, репрезентација и моите играчи се срамота за фудбалот. Би сакал да те поканам да дојдеш во нашата репрезентација, да зборуваш со иранските фудбалери и да научиш нешто за земјата, луѓето, поетите и уметноста, алгебрата, илјадагодишната персиска култура и да слушнеш колку го сакаат фудбалот. Како Американец/Германец, знаеме дека нема да навиваш за нас. Нема проблем. И покрај тие коментари, ние нема да имаме предрасуди за твојата култура, корени и потекло. Во исто време, очекуваме ФИФА да те отстрани од Техничката група за Катар. Бидејќи, секако, ќе треба да дадеш оставка пред да не посетиш. Карлос“, напиша Кеирош....

Лионел Меси оцени дека Светското првенство само што почнува за Аргентина по нивната клучна 2:0 победа над Мексико во саботата, во меч во кој тој постигна прекрасен гол од далечина, пред да му асистира на Енцо Фернандез за осигурување на триумфот. Добивај вести на вибер По шокантниот пораз од Саудиска Арабија, Аргентинците знаеја дека им е нужна победа над Мексико за да избегнат елиминација и фаворитите предводени од 35-годишниот Меси го направија потребното за да останат во игра за трофејот. „Денеска, почнува Светското првенство за Аргентина. Ни беше тешко по поразот во првиот меч кој не го очекувавме. Деновите беа долги и сакавме да добиеме шанса да покажеме дека можеме повеќе. Знаевме дека се работи за клучен меч и за среќа имавме шанса да победиме и да го кренеме товарот. Ова е причина за радост и мир бидејќи сега работите повторно зависат само од нас. Им кажувам на сите постојано дека мора да продолжат да веруваат. Немаме друг избор“, вели Меси. Аргентинците сега се втори во групата Ц, со 3 поени, еден зад Полска, со кои играат во последното коло и против кои реми нема да им биде доволно за пласман доколку Саудиска Арабија го победи Мексико. Сите четири репрезентации уште имаат шанси за пласман....

Осмиот ден на Светското првенство во Катар ни ги носи натпреварите од второто коло во групите Е и Ф. Добивај вести на вибер Денот ќе го отворат и затворат дуелите во Е групата. Јапонија од 11 часот ќе игра против Костарика. Самураите по победата над Германија, со нов триумф можат да си обезбедат место во мокаут фазата. Косарика ќе сака да го поправи впечатокот од првото коло кога доживеа дебакл во дуелот со Шпанија (7:0). Белгија-Мароко од 14 часот и Хрватска-Канада од 17 часот се дуелите во Ф групата. Белгијците не блеска против Канада но сепак остварија минимална победа. Мароко, во дуелот со Хрватска, беше подобриот тим, на крајот мораше да се задоволи со еден бод. Канада не беше наградена за добрата игра против Белгија, па против Хрватска ќе се обиде да дојде до бодовите што ќе ги остави во игра за осминафиналето, во случај на пораз оваа селекција ќе биде елиминирана. Хрватите пак ќе се обидат да го поправат впечатокот од првата рунда, кога во 90.минута имаа само една шанса против Мароко. Денот завршува со пресметката помеѓу поранешните светски шампиони. За Германија дуелот против Шпанија е како финале, во случај на пораз ќе им се повтори дебаклот од минатиот шампионат во Русија, кога испаднаа во групата. Овој натпревар ќе започне во 20 часот....

„Власта на СДСМ е надвор од реалноста и од страдањата на овој народ кој едвај врзува крај со крај. Со тарифникот на Агенцијата за катастар на недвижности власта се обидува да ја спаси институцијата од банкрот. Сите информации со кои располагаме говорат дека поради недомаќинското работење на Катастарот истиот е доведен до состојба да не се знае дали ќе може да обезбедат плати за вработените. Со ваквиот тарифник сосема е јасно дека во голема мера се доведува во прашање рентабилноста и опстојувањето на Агенцијата за катастар на недвижности. Дали власта со ова енормно поскапување на услугите сака да го спаси Катастар од банкрот? Дали ова ќе биде уште една институција во низа која ја претворија во загубар?“, рече Марија Митева, портпарол на ВМРО-ДПМНЕ. Добивај вести на вибер „СДСМ преку соопштенија се обидува да ја сокрие реалноста нарекувајќи ги фалични калкулациите и понижувајќи ги граѓаните. Единствено фалична и манипулативна е реакцијата на СДСМ, а вистината е дека изминативе 5 години потрошија 50 милиони евра од Буџетот на катастарот и уште 10 милиони евра донации, а нема никакви реформи, напротив само нефункционалност на системот и поскапувања кои со СДСМ на власт станаа секојдневие. Имено, ако досега за добивање на податоците кои се потребни за подготовка на геодетски елаборат се плаќало 750 денари, со зголемувањето износот ќе биде 1.552 денари, или -ако правото на упис на стан досега чинеше 300 денари, сега е 1200 денари, или -ако имотен лист чинеше 180 денари, сега е 250 денари. Ова почитувани, е листа на која се вметнати најчестите производи кои се користени од граѓаните и од нив може точно да се види за колкаво поскапување станува збор. Токму власта на чело со Ковачевски дала согласност на седница на Влада за одобрување на овој Тарифник со кој се предвидува енормно поскапување на услугите. Оваа влада и Ковачевски очигледно имаат проблем со реалноста. Македонија е пред економски и социјален колапс поради лошите политики на нивната влада. СДСМ нема пари кои се наменети за народот, СДСМ зема пари од народот“, изјави Марија Митева, портпарол на ВМРО-ДПМНЕ....

„Македонската енергетика предводена од криминалната матрица на СДСМ и ДУИ која сигурно ја носи државата во распад, го достигнува дното со измами, рекетирање и енормно осиромашување на македонскиот народ. Минатата зима имавме прогласено кризна состојба во енергетиката која поради незнаењето, криминалот, како и енормната партизираност на енергетските компании, не чинеше неверојатни 171 милиони евра, директни средства од Буџетот на Република Македонија, кои се префрлија во државната компанија- Електрани на Македонија“, рече Стевче Антовски од ВМРО-ДПМНЕ. Добивај вести на вибер „Годинава состојбата е уште полоша. За неполн месец увезена е електрична енергија за околу 20 милиони евра! Дека состојбата во ЕЛЕМ е алармантна доказ е и следното: на 22.11.2022 година во РЕК Битола се склучува коруптивен договор во висина од 20.000.000 евра. На тендерот со еден понудувач „Марковски- компани“, која е фирма миленик на директорот Ковачевски за договори во четири очи, понудила точна сума – токму колку што планирале од РЕК Битола да потрошат. Најстрашно е што кога имало конкуренција во претходната 2021 година за истата услуга на истиот оглас во договор од 24.06.2021 година во РЕК Битола платиле 13.000.000 евра што е за 7.000.000 евра помалку. Кога на минатиот тендер имало наддавање и повеќе понудувачи, цената од планирани 13.500.000 евра паднала на 13.000.000 евра т.е. имало намалување од половина милион евра. Како е можно за истиот тендер минатата година РЕК Битола да платила 13.000.000 евра а оваа година 20.000.000 евра, цели 7.000.000 евра повеќе. Меѓутоа лакомоста и криминалот во РЕК Битола не завршува тука. При реализација на овие тендери истиот камион неколку пати поминува на вага со товарениот материјал без да го истовари на депониите за јаглен кои во рудниците во БРОД ГНЕОТИНО не се обезбедени, ниту пак некој ги контролира и истиот товар се наплаќа односно се фактурира неколкукратно. Испорачаната количина на јаглен е неколкукратно помала бидејќи се испорачува еден товар, а се наплаќа повеќепати, се наплаќаат повеќе фактури за истиот товар. Директен резултат на ваквиот хаос е цената на струјата која ја плаќаат компаниите во Македонија, која е една од највисоките во Европа. Ова е сликата за македонската енергетика раководена од СДСМ и ДУИ. Електроенергетскиот систем на Република Македонија е изграден со НАРОДНИ ПАРИ, кои сега безмилосно се трошат поради погрешното менаџирање и профит на поединци. Ова нема да помине неказнето!“, изјави Стевче Антовски од ВМРО-ДПМНЕ....

Британскиот премиер Риши Сунак утринава објави порака со поддршка за Украина. Добивај вести на вибер We believe in freedom 🇺🇦🇬🇧 pic.twitter.com/YT4GrbE7A0 — Rishi Sunak (@RishiSunak) November 27, 2022 „Верувам во слободата. Верувам дека треба да се залагаме за основните права кои се толку важни за сите нас. За нашиот суверенитет, за нашето самоопределување и за темелите на стабилен меѓународен поредок за кој сите се бориме врати“, напиша меѓу другото Сунак....

Во 01.15 часот по полноќ на улицата „Втора Македонска бригада“ во Скопје, на паркинг пред спортска сала, од полициски службеници од Единицата за интервентна полиција при СВР Скопје бил лишен од слобода 47-годишниот Н.Ј. од Скопје, затоа тоа што кај него биле пронајдени и одземени прашкаста материја и пиштол “берета“ за кој не поседувал дозвола, извести МВР. Добивај вести на вибер По документирање на случајот против него ќе биде поднесена соодветна пријава....

Претседателот на Екваторијална Гвинеја, Теодоро Обианг Нгуема Мбасого е реизбран на функцијата со 95 отсто од гласовите на изборите одржани на 20 ноември. Неговиот син и потпретседател на земјата, Теодоро Нгуема Обианг Манге, го овјави тоа на Твитер. Добивај вести на вибер Засега западни медиуми не можат да потврдат дали тоа тврдење е веродостојно. Победата ќе му даде на 80-годишниот Објанг шести мандат на функцијата и ќе го зацврсти неговото место како шеф на држава со најдолг стаж во светот – на власт е 43 години. „Конечните резултати повторно ни докажаа дека сме во право. Продолжуваме да докажуваме дека сме голема политичка партија“, напиша потпретседателот на Твитер. Западноафриканската земја со околу 1,5 милиони жители имала само двајца претседатели од стекнувањето независност од Шпанија во 1968 година. Објанг го собори својот вујко Франциско Масиас Нгуема со државен удар во 1979 година. Извор: МИА...

Вчера вечер во 22.45 часот, полициски службеници од Единицата за недозволена трговија при СВР Скопје го лишиле од слобода 44-годишниот Г.Н. од Скопје, извести МВР. Добивај вести на вибер – При претрес во неговиот дом на подрачјето на Гази Баба, извршен со судска наредба, биле пронајдени и одземени марихуана, дигитална вага со остатоци од марихуана и семки од канабис, соопшти МВР. Тој бил задржан во полициска станица и по целосно документирање на случајот против него ќе биде поднесена соодветна пријава....

Премиерот на Албанија, воедно и претседател на Социјалистичката партија, Еди Рама е избран за потпретседател на Социјалистичката интернационала. Добивај вести на вибер Информаицјата ја соопшти генералниот секретар на Социјалистичката партија, Дамиан Ѓикнури. – На 26-от конгрес на Социјалистичката интернационала за претседател беше избран премиерот на Шпанија, Педро Санчез, кој доби позитивни оценки и целосна поддршка од Социјалистичката партија на Албанија како дел од големото семејство на социјалисти и прогресисти во светот. За потпретседател е избран нашиот лидер Еди Рама, изјави Ѓикнури. Конгресот на Социјалистичката интернационала се одржува во Мадрид, Шпанија, од 25 до 27 ноември, во организација на шпанската социјалистичка работничка партија, ПСОЕ. Социјалистичката партија на Албанија е дел од Социјалистичката интернационала од 1999 година. Ова е втор мандат на Рама како потпретседател, по првиот мандат што го доби во 2013 година. Извор: МИА...

Британските медиуми пренесуваат дека секој трет имигрант кој илегално го минува Ла Манш и стигнува на британска територија е Албанец, јави Топ чанел. Добивај вести на вибер – Бројот на баратели на азил кои добиваат поддршка финансирана од парите на британските даночни обврзници за првпат достигна 100.000. Тоа го покажуваат податоците на „ Home Office”, според кои ова е бројот на имигранти кои на крајот на септември добивале помош од владата, наспроти помалку од 69.000, колку што бил нивниот број минатата година, наведуваат медиумите. Додаваат дека повеќето добиваат бесплатно сместување и животен додаток од 40,85 фунти неделно за секое лице во нивното семејство. Албанците сочинуваат 35 отсто или нешто повеќе од една третина, од луѓето кои го преминале Ла Манш со мали бротчиња и гумени чамци во првите девет месеци од годинава, покажуваат новите податоци на британските власти. Тие, исто така, сочинуваат половина од луѓето забележани на оваа рута во периодот јули-септември, што е нагло зголемување во споредба со претходните години, кога 3 отсто од пристигнатите на британска територија во 2021 година биле од албанска националност а само 1 отсто во 2020 година. Информациите од Министерството за внатрешни работи покажуваат дека имало над 33.000 пристигнувања на мали бродови и чамци во Обединетото кралство од јануари до септември оваа година. Во овој период се проценува дека во оваа земја влегле повеќе од 11.200 Албанци. Авганистанците се втори на листата со 15 отсто од пристигнатите. Извор: МИА...

„СДСМ има обврска да го држи кормилото на државата во вистинскиот, европски правец и да ги спречи сите обиди за негово загрозување, затоа што постојат закани на европскиот пат на земјава. Левица и Димитар Апасиев, со опасниот популизам, со својата анти-НАТО и анти-ЕУ потпалувачка реторика е фактор кој работи на загрозување на европскиот пат“, соопшти СДСМ. Добивај вести на вибер „Опасноста е присутна и е се поголема затоа што оваа партија Мицкоски и ВМРО-ДПМНЕ ги зема како нивни заложници. ВМРО-ДПМНЕ е целосно идеолошки обезличена а Мицкоски е слаб, нема став, нема визија и нема државничко чувство. Мицкоски и ВМРО-ДПМНЕ немаат план, а тоа го признаваат и високи функционери на партијата. Левица со своето дејствување стана десница и ги зема во целосно заложништво Мицкоски и ВМРО–ДПМНЕ. Таквите потпалувачки политики може да ја уништат иднината на земјата и да го попречат европскиот пат, но тоа СДСМ нема да го дозволи“, се наведува во соопштението на СДСМ....

Согласно одлуката на Советот на ЕУ за приклучување на Хрватска кон евро-зоната на 1 јануари 2023 година, хрватската куна ќе биде официјално парично средство заклучно со 31 декември 2022 година. Имајќи предвид дека хрватската куна е дел од Курсната листа на Народната банка на Република Северна Македонија, средниот курс за денарот во однос на хрватската куна ќе се објавува заклучно со Курсната листа којашто ќе биде формирана на 30 декември и која ќе важи на 31 декември 2022 година (Одлука за начинот на формирање и објавување на средните курсеви на Народната банка на Република Северна Македонија, Службен весник на Република Северна Македонија“ бр. 224/22 и 227/22). Добивај вести на вибер Следствено, купопродажните трансакции на домашниот девизен пазар со банките и вршењето на менувачките работи со хрватски куни ќе може да се спроведуваат заклучно со 31 декември 2022 година, известува НБ. Во текот на 2023 година замената на хрватските куни ќе може да се реализира исклучиво кај деловните банки и кај други институции на територијата на Република Хрватска. Од 1 јануари 2024 година услугите за замена на хрватските куни ќе ги реализира единствено Централната банка на Хрватска. Повеќе информации околу условите за замена на хрватските куни во Република Хрватска може да се најдат на следните официјални интернет страни: www.hnb.hr и www.euro.hr....