Денешниот изборен ден се одвива без поголеми нарушувања и нерегуларности, изјави јавниот обвинител Џељаљ Бајрами, претседател на Привремената комисија на Јавното обвинителство за следење евентуални кривични дела против изборите и гласањето. Добивај вести на вибер Како што информира Бајрами, денеска во ОЈО Радовиш е пријавено дека во село Бучим еден од гласачите наводно го покажал гласачкото ливче кон еден од набљудувачите на една политичка партија, а вчера во ОЈО Делчево е заведен предмет по барање на МВР за вршење увид во службената документација на ЈП „Комуналец“ за да се проверат наводи за евентуално сторено кривично дело „поткуп при избори и гласање“. Во двата случаја, напомена обвинителот, ќе се постапува соодветно доколку се утврди дека има елементи за сторени кривични дела. -Во ОЈО Радовиш денеска е пријавено дека во село Бучим еден од гласачите наводно го покажал гласачкото ливче кон еден од набљудувачите на една политичка партија. Дадени се насоки за проверка на наводите и ако постојат елементи за сторено кривично дело, предметот ќе се процесуира. Во текот на вчерашниот ден, пак, во ОЈО Делчево е заведен предмет по барање на МВР. Побарани се наредби за вршење увид во службената документација на ЈП „Комуналец“ за да се проверат наводите за евентуално сторено кривично дело „поткуп при избори и гласање“. Се работи за наводно поставување водомери во поголем број населени места во таа општина. Дадена е наредба за проверка на службената документација во комуналното претрпијатие и доколку се утврди дека има елементи за сторено кривично дело „поткуп при избори и гласање“, секако дека тој предмет ќе се процесуира понатаму, рече Бајрами. Тој потенцира дека Привремената комисија на Јавното обвинителство за следење евентуални кривични дела против изборите и гласањето до крајот на денот ќе ги следи изборите, а исто така внимателно ќе го следи и изборниот процес на 8 мај, за време на парламентарните и вториот круг претседатлски избори. -Ние ќе ги следиме активностите до завршување на изборниот процес и доколку има настани каде би ценеле дека треба да постапуваме, ќе се дадат соодветни насоки, нагласи Бајрами. Во Комисијата, покрај Бајрами кој е претседател, членуваат и по еден јавен обвинител од четирите виши обвинителства, како и еден обвинител од ОЈО Скопје како најголемо ЈО во државата....

Министерството за внатрешни работи досега нема регистрирано посериозни нарушувања на јавниот ред и мир во текот на гласањето, кое, генерално, се одвива мирно, без проблеми, изјави портпаролот на МВР Тони Ангеловски. Добивај вести на вибер Според него, од отворањето на гласачките места досега се регистрирани две фотографирања на гласачко ливче, едно во Штип и едно во Скопје. Исто така, околу 09:20 часот на избирачко место во село Бучим, радовишко, од страна на претседателот на избирачки одбор е пријавено дека едно лице му го покажало гласачкото ливче на еден набљудувач. Од страна на ОВР Радовиш се преземаат мерки за расчистување на случајот. Портпаролот на МВР вели дека покрај ова, на подрачје на општина Чаир во Скопје на паркирани возила биле оставани летоци во врска со изборниот процес, а на две локации во Скопје се забележани испишани графити. -На едно гласачко место во Скопје, покрај испишан графит, околу 06:30 часот претседателот на избирачкиот одбор пријавил дека во ходникот била пронајдена испукана димна бомба. Од страна на полициски службеници се преземени потребните мерки и активности и гласањето и на ова избирачко место се одвива непречено, рече на прес-конференцијата Ангеловски. Тој истакна дека МВР апелира граѓаните и учесниците во изборите и во останатиот дел од гласањето на овој изборниот ден да се воздржат од инциденти, а доколку се забележи било какво нарушување на изборниот процес граѓаните веднаш да ја известат полицијата на броевите 192 и 112 или да пријават во најблиската полициска станица....

Жителите на Лондон утрово забележале два коња без сопственик во центарот на градот, од кои едниот изгледал облеан во крв. Носеа седла и узди. Добивај вести на вибер – Околу 8 часот и 40 минути добивме пријава за коњи без сопственици кои трчаат низ градот. Полицајците ги запреа на автопатот кај Лајмхаус, соопшти полицијата. Horses running loose in central London. At least 1 person injured #London #HorseRacing pic.twitter.com/BX2EI7t1gF — Shehla J (@Shehl) April 24, 2024 Sky News објави дека коњите припаѓаат на оддел на британската армија. На социјалните мрежи се појавија видеа од настанот на кои се гледа како црн и бел коњ трчаат по улицата. Набргу зборуваше портпаролот на армијата. „Одреден број воени коњи се олабавиле за време на рутинска вежба. Сите коњи сега се вратени во кампот. За време на инцидентот се повредени одреден број вработени, како и коњите. На сите им била укажана лекарска помош ,” тој рече....

До 11 часот на претседателските избори 2024 излегле 12,78 проценти од запишаните гласачи објави Државната изборна комисија во најновиот пресек. До 11 часот на гласачките места се појавиле 229.473 гласачи. Добивај вести на вибер Излезноста е и над 17 проценти во некои од општините како Гевгелија и Ѓорче Петров, но и натаму има општини во кои гласањто е под 5 отсто како Арачиново, Врапчиште и Маврово Ростуша....

По посета на две избирачки места претпладнево, претставничката на меѓународната мисијата за набљудување на изборите ОДИХР, оцени дека почетокот е добар, но целосна проценка за тоа како се одвива изборниот процес ќе имаат откако на крајот на денот ќе ги соберат податоците од гласачки места низ целата држава. Добивај вести на вибер – Досега посетив само две избирачки места и од утрово таму сè се одвиваше непречено. Но, ова се само две од многуте избирачки места, така што навистина не можеме да извлечеме заклучоци до крајот на денот, изјави Џилијан Стирк, која ја предводи мисијата за набљудување на изборите на ОДИХР во земјава. Соопшти дека денеска имаат повеќе од 200 набљудувачи распоредени низ сите региони во државава, како и долгорочни набљудувачи кои се тука од отворањето на мисијата, на крајот на март. Посочи дека ги набљудуваат изборите во Северна Македонија оценувајќи ги според меѓународните обврски и домашното законодавство. -Колективно го оценуваме целиот изборен процес, од законодавната рамка до самото спроведување на изборите, вклучувајќи го и финансирањето на кампањата и, секако, улогата на медиумите. Утре ќе ги презентираме нашите првични резултати, ќе одржиме прес-конференција, сите сте добредојдени да ни се придружите таму и ќе има можност за новинарски прашања по кратката изјава што ќе ја дадам јас како и нашите партнери од Советот на Европа, рече Стирк....

Излeзноста на гласање на претседателските избори до 9 часот е 4,06 отсто, според податоците објавени на веб-страницата на Државната изборна комисија, од обработени над 92% од гласачките места. Добивај вести на вибер Според ажурираните податоци, најголема излезеност има во Демир Капија – 9,42%, а најмала во Пласница – 0,97%. Претседателот на ДИК, Александар Даштевски, на правата денешна прес конференција соопшти дека гласањето се одвива мирно и без неправилности во првите два часа од отворањето на гласачките места. До ДИК се доставени 12 приговори за заштита на личното избирачко право, а според првичните информации на Комисијата, сите гласачки места биле отворени навреме....

СВР Тетово информира дека жител на тетовскиот регион пријавил измама во која дал пари на странска фирма за набавка на роба, па открил дека е измамен по информација од германски служби. Тој нарачувал преку интернет. Добивај вести на вибер – На 23.04.2024 година во 11.30 часот во СВР Тетово, Б.Ф.(29) од тетовско, сопственик на правно лице, пријавил дека од 23.03.2024 до денот на пријавувањето бил измамен од странска фирма за продажба и компанија за транспорт. Според пријавеното, тој преку интернет порачал роба за потребите на неговата фирма, за која преку банкарски трансакции во неколку наврати платил околу 21 илјада евра, но на 17.04.2024 од компанијата за транспорт го известиле дека нарачката била блокирана во Германија. Како што е пријавено, Б.Ф. стапил во контакт со надлежна служба во Германија, од каде му било кажано дека кај нив нема регистрирано таква стока, по што сфатил дека е измамен, информира СВР Тетово. Тетовската полиција работи на расчистување на случајот....

Грчки државјанин починал во хотел во Битола. Според информациите грчкиот државјанин бил во казиното на хотелот. Тој бил однесен во итната медицинска помош, но не давал знаци на живот. Добивај вести на вибер Случајот во полиција го пријавил лекар од Итна медицинска помош Битола. „ Вчера во 18.30 часот во СВР Битола лекар од итната медицинска помош пријавил дека кај нив, од казино во хотел во Битола, бил донесен Н.K.(62), државјанин на Грција, без знаци на живот. Лекарот констатирал смрт. Увид на местото извршила увидната екипа на СВР Битола, информира МВР По наредба на јавен обвинител телото на починатиот ќе биде дадено да се изврши обдукција....

Во Општина Неготино до девет часот гласале 5.83 проценти од гласачите, својот глас на денешните претседателски избори до овој период го дале 923 лица со право на глас, информираше претседателката на Општинска изборна комисија Неготино, Елизабета Камчева. Добивај вести на вибер Таа соопшти дека сите избирачки места се навремено отворени и дека успешно стартуваше изборниот процес за претседателските избори. Камчева потсети дека во текот на вчерашниот ден, беа пријавени и имаа можност да гласаат, согласно на законот, вкупно 142 болни и немоќни лица, како и осум лица од Неготино, сместени во старечки домови надвор од територијата на општината. – Покрај тоа, на овие избори имавме пријавено и гласање од затвор од страна на 22 лица, а на три од странство, потсети таа. Камчева додаде дека во избирачкиот список за општина Неготино, се запишани вкупно 15.840 избирачи со право на глас....

Во Велес и Велешко утрово во 7 часот отворени се сите 84 избирачки места. Како што информира за МИА, Андреј Ќамилов претседател на Општинската изборна комисија до 9 часот на гласачките места правото на глас за избор на претседател го оствариле 4,97 отсто од гласачите, од вкупно запишани 44 858 на единствениот избирачки список. Добивај вести на вибер Тој појаснува дека нивни членови на ОИК ги следат избирачкиот процес и се во постојан контакт со избирачките одбори. Тој потсети дека во текот на вчерашниот ден од 141 пријавени болни и изнемошени лица во своите домови правото на глас го оствариле 135 лица од Велес и Башино Село. Во велешкиот затвор од 33 затвореници гласале 30....

Според податоците од 832 избирачки места кои пристигнале до ДИК до 9 часот да гласаат излегле 15.487 гласачи од 402.748 избирачи со право на глас, односно 3,85 отсто ивормираше претседателот на Државната изборна комисија Александар Даштевски. Добивај вести на вибер На првата денешна прес конференција за првиот круг од претседателските избори, Даштевски рече дека сите избирачки места се навреме отворени и се гласа веќе два и пол часа. „Доставени се 12 приговори за заштита на личното избирачко право кои се на обработка“, рече Даштевски. Вели дека тоа се лица кои не се пронајдени на списокот, а некои посериозни проблеми нема. Следната прес – конференција ќе биде во 13.30 часот кога ДИК ќе информира за текот на гласањето и излезноста до 13.00 часот....

Безбедносната состојба е стабилна. Нема никакви нарушувања во изборниот процес. Немаме забележано никакви посериозни нарушувања во изборниот процес, изјави денеска техничкиот министер за внатрешни работи Панче Тошковски. Добивај вести на вибер Тој по гласањето во ООУ „Јохан Хајнрих Песталоци“ во општина Центар одговарајќи на новинарско прашање за екипираност на МВР, нагласи дека квалитативно и квантитативно бројките се како што треба. – Покриени се сите сектори за внатрешни работи од аспект на технички и човечки ресурси. Министерството за внатрешни работи постапува согласно планот и оперативната акција, која како таква е утврдена во рамки на Оперативниот штаб. Се си тече како што треба, подвлече Тошковски. Изрази надеж дека изборниот ден ќе помине во најдобар ред....

Навреме се отворени гласачките места во Куманово, Липково и Старо Нагоричане, информираа денеска општинските изборни комисии. Добивај вести на вибер Елизабета Стојковска, претседателка ОИК Куманово соопшти дека сите избирачки места навреме се отворени. Во Куманово, право на глас имаат 93.364 гласачи, кои гласаат на 167 избирачки места – Гласањето почна навреме и во Липково, информираше претседателката на ОИК, Ајше Демири. Во оваа општина право на глас имаат 25.998 избирачи кои гласаат на 36 места. Претседателот на ОИК Старо Нагоричане, Марјан Даиловски, рече дека навреме се отворени гласачките места. Во Старо Нагоричане право на глас имаат има 3.043 гласачи, кои гласаат на 38 избирачки места од кои две се споени, односно ќе ги опслужуваат 36 избирачки одбори....

Во Штип утрово навреме се отворени 74 избирачки места, а гласањето се одвива мирно и без проблеми, информираше претседателот на Општинската изборна комисија(ОИК)-Штип, Виктор Вацев. Добивај вести на вибер Според избирачкиот список со право на глас се 41.489 граѓани, кои своето избирачко право можат да го остварат на избирчаките места. На гласачкото место 22 92 во гимназијата „Славчо Стојменски“-Штип, претседателката на Избирачкиот одбор, Васка Тасева вели дека гласачкото место навреме е отворено, а своето право на глас на ова избрачко место можат да го искористат 896 избирачи. Изборниот процес почна вчера, кога во домашни услови гласаа 158 болни и изнемоштени. Се гласаше и во КПУ _ затвор _ Штип, каде од 203 регистрирани избирачи од 40 македонски општини, правото на глас го искористиле 144 осуденици или 71 проценти....

На азиските берзи денеска цените на акциите пораснаа трет ден по ред, бидејќи инвеститорите беа охрабрени од вчерашниот раст на Волстрит, откако повеќето американски компании објавија подобри од очекуваните деловни резултати. Добивај вести на вибер Индексот MSCI на азиско-пацифичките акции, без Јапонија, во 07:00 часот порасна за 1,5 отсто, зајакнувајќи трет ден по ред. Истовремено, на токиската берза индексот Никеи зајакна за 2,2 отсто, додека цените на акциите во Австралија, Шангај, Хонг Конг и Јужна Кореја пораснаа меѓу 0,2 и 1,9 отсто. Растот на азиските берзи трет ден по ред е благодарение на смирувањето на тензиите на Блискиот Исток, како и на продолжувањето на растот на цените на акциите на Волстрит втор ден по ред. Вчера, имено, индексот Dow Jones зајакна за 0,7 отсто, S&P 500 за околу 1,2 отсто, а индексот Nasdaq за 1,6 отсто. Растот на индексот втор ден по ред е благодарение на подобрите од очекуваните деловни резултати на повеќето американски компании. Така, на пример, по објавувањето на резултатите, цената на акцијата на Џенерал Моторс скокна за повеќе од 4 отсто. По затворањето на Волстрит, цената на акцијата на Tesla скокна за повеќе од 10 отсто во продолженото тргување. Додуша, деловните резултати на компанијата се нешто послаби од очекуваното, но компанијата најави производство на нови, поевтини модели на електрични возила и преструктуирање, односно отпуштање на неколку илјади работници. Во наредните денови инвеститорите ќе се фокусираат и на деловните извештаи на компаниите како Мета платформи, Алфабет и Мајкрософт. Во петок, пак, ќе биде објавен извештајот за инфлацијата во САД, што може да влијае на насоката на пазарот. До неодамна, се очекуваше дека ФЕД агресивно ќе ги намали каматните стапки оваа година, почнувајќи од јуни. Сепак, се појасно е дека централната банка нема да брза со намалување на каматните стапки бидејќи пазарот на трудот е сè уште силен, економијата расте, а инфлацијата е сè уште покачена. Затоа, се повеќе се шпекулира дека процесот на намалување на каматните стапки би можел да започне дури наесен. На девизните пазари, пак, вредноста на доларот во однос на кошничката валути нагло падна. Индексот на доларот, кој ја покажува вредноста на американскиот долар во однос на другите шест најважни светски валути, утринава се движи околу 105,60 поени, додека вчера во ова време изнесуваше 106,09 поени. Истовремено, курсот на доларот во однос на јапонската валута порасна од вчерашните 154,75 на 154,85 ​​јени. Со оглед на тоа што доларот лебди на највисоките нивоа во последните 34 години, јапонските власти се закануваат дека ќе интервенираат за да спречат натамошно слабеење на јенот. Сепак, американската валута ослабе во однос на европската, па цената на еврото достигна 1,0710 долари, додека вчера во овој момент беше 1,0655 долари. Цените на нафтата, пак, благо пораснаа. Цената на барелот на лондонскиот пазар утринава зајакна за 0,03 отсто, на 88,45 долари, додека на американскиот пазар цената на барелот порасна за 0,07 отсто, на 83,40 долари....

Сите 273 избирачки места во десетте општини во Југоистокот се отворени утрово во 7 часот, а право на глас во првиот круг на претседателските избори имаат 141.167 гласачи. Добивај вести на вибер Според информациите од општинските изборни комисии, гласањето веќе тече, а освен неколку мали технички проблеми со фингер и УВ апаратите не се забележани други проблеми. Според изборните комисии техничките проблеми се надминуваат и не влијаат на изборниот процес. Инаку, во Југоисточниот плански регион се гласа во општините Струмица, Радовиш, Василево, Босилово, Ново Село, Конче, Богданци, Гевгелија, Дојран и Валандово. Вчера гласаа болните и изнемоштените и затвореници од затворите во Струмица и Гевгелија....

Шокантна снимка која стана вирална на социјалните мрежи покажува како силеџија удира полицајци и членови на екипажот на лет од Велика Британија за Турција овој викенд. Добивај вести на вибер Ова предизвика ужасна паника кај другите патници, вклучително и мало девојче кое може да се види како го покрива лицето со рацете пред нејзината мајка да оди да ја смири. На видеото се гледа како патникот, облечен во зелено-бел дрес на фудбалскиот клуб Селтик, дивјачки ги удира стјуардесите кои се обидуваат да го задржат. „Пред се да започне, стјуардесата мораше да го држи добри 20 минути“, вели патникот. Членовите на екипажот на летот пронашле и празно шише со вотка. „Имаше навивање во предниот дел на авионот кога некој го дозна резултатот на фудбалскиот натпревар на Селтик, рече патникот. Сведокот додаде: „Едно друго момче му рече на момчето дека треба да се срами од себе затоа што навива за Селтик, а потоа тој едноставно ги загуби нервите“. Хулиганот потоа скокнал од своето место, очигледно обидувајќи се да удри турски полицаец и член на екипажот на авионот додека другите патници се обидувале да интервенираат во тепачката. Човекот продолжил да ги удира луѓето додека се движел кон патеката на авионот, а на крајот паднал на подот. Портпаролот на EasyJet ја потврди тепачката, истакнувајќи дека полицијата морала да се качи на летот кога слетал поради вознемирувачко однесување на патниците....

Украински беспилотни летала погодија нафтена рафинерија во Воронежската област и „индустриска зона“ во Липецка област, според руските новински канали на Телеграм. Добивај вести на вибер A refinery in #Voronezh region is also burning beautifully 🤩🤩🤩🤩🤩 pic.twitter.com/aAaoKVx7PY — Aurora Borealis 🤫 (@aborealis940) April 24, 2024 Киев Индипендент ги пренесува наводите на тие руски медиуми дека по напад со дрон избувнал пожар во нафтена рафинерија во областа Воронеж. Александар Гусев, гувернерот на областа, објави дека рускиот систем за противвоздушна одбрана соборил четири украински беспилотни летала над областа. Се наведува дека нападот со дрон е снимен и во регионот Липецк. Smolensk, Voronezh… deux rafineries ont interceptés des drones 🇺🇦 avec succès ! pic.twitter.com/pVtiNsbzV0 — Stéphanie 🔜💙💛❤🦈🌻🍉🦝🚜🇺🇦✊ PFM (@SteffRichard73) April 24, 2024 Според Игор Артаманов, локалниот гувернер, дронот паднал „во индустриската зона на регионот Липецк“. Киев Индипендент објави дека претходно избувнал пожар во енергетски и нафтени постројки во руската област Смоленск по напад на украински беспилотни летала. Веста за ова ја соопшти Василиј Анохин, гувернерот на таа област. Се наведува дека пожарот избувнал денеска во раните утрински часови во тие објекти во областите Смоленск и Јарцевски, а нема информации за жртви....

Пакетот за помош лесно помина пред американскиот Конгрес по неколку месеци одложување, отворајќи го патот за нови милијарди долари финансирање за Украина во време кога инвазивните сили на Русија напредуваат и на Киев му снема воени резерви. Добивај вести на вибер Сенатот гласаше со 79 спрема 18 за да одобри четири нацрт-закони усвоени од Домот во саботата, откако републиканските лидери ненадејно го сменија курсот минатата недела и дозволија гласање за 95 милијарди долари главно воена помош за Украина, Израел, Тајван и американските индо-пацифички партнери. Четирите нацрт-закони беа комбинирани во еден пакет во Сенатот, кој претседателот Џо Бајден рече дека ќе го потпише в среда. Најголемата обезбедува 61 милијарда долари критично потребни финансии за Украина, друга обезбедува 26 милијарди долари за Израел и хуманитарна помош за цивилите во конфликтните зони ширум светот, а третата обезбедува 8,12 милијарди долари за „спротивставување на комунистичка Кина“ во Индо-Пацификот. Четвртиот, кој Претставничкиот дом го додаде во пакетот минатата недела, вклучува потенцијална забрана за апликацијата за социјални медиуми, под контрола на Кина, ТикТок, мерки за пренос на запленетите руски средства во Украина и нови санкции кон Иран. Администрацијата на Бајден веќе подготвува пакет воена помош од милијарда долари за Украина, што е прв чекор во законот, изјавија двајца американски претставници за Ројтерс. Вклучува возила, противвоздушна муниција „Стингер“, дополнителна муниција за артилериски ракетни системи со висока подвижност, артилериска муниција од 155 мм, противтенковски муниции TOW и Javelin и друго оружје што може веднаш да се користи на бојното поле. Лидерите на демократите и републиканците во Сенатот оценија дека Конгресот со ова го привлече вниманието и го предупреди рускиот претседател Владимир Путин и другите странски противници дека Вашингтон ќе продолжи да ја поддржува Украина и другите странски партнери. „Овој нацрт-закон за национална безбедност е една од најважните мерки што Конгресот ги усвои во многу долго време за да ја заштити американската безбедност и безбедноста на западните демократии“, рече лидерот на демократското мнозинство Чак Шумер на прес-конференција по гласањето. Пакетот помош може да биде последен одобрен за Украина до ноемвриските избори, кога партиите се натпреваруваат за Белата куќа, Претставничкиот дом и една третина од Сенатот. Голем дел од противењето на безбедносната помош во Претставничкиот дом и Сенатот дојде од републиканците тесно поврзани со поранешниот американски претседател Доналд Трамп, скептик за помош во Украина, кој ја нагласи политиката „Америка на прво место“ додека се кандидира за втор мандат. Водачот на републиканците во Сенатот, Мич Меконел, силен застапник за помош на Украина, се жалеше за одложувањето, главно поради приговорите на тврдокорните републиканци да се додаде помош на повеќе од 113 милијарди долари што Вашингтон му ги додели на Киев откако Русија ја започна својата инвазија во февруари 2022 година. „Мислам дека ставивме крај на изолационистичкото движење“, рече Меконел на прес-конференција. Дел од парите на Украина – 10 милијарди долари економска помош – доаѓаат во форма на заем, што го предложи Трамп. Но, законот му дозволува на претседателот да го прости заемот почнувајќи од 2026 година. Приливот на оружје треба да ги подобри шансите на Киев да спречи голем притисок од руските сили на исток, иако ќе беше покорисно доколку помошта пристигнеше поблиску до моментот кога Бајден ја побара минатата година, велат аналитичарите. Шумер рече дека му оставил порака на украинскиот претседател Володимир Зеленски во вторникот вечерта, велејќи му: „Во ред, го направивме тоа. Сега оди и победи во борбата“....

Во канцеларијата на Народниот правобранител, денеска од 7 до 19 часот, на денот на одржување на првиот круг за избор на Претседател на државата, граѓаните ќе можат да пријават каква било повреда на избирачкото право на бесплатната телефонска линија 0800 54321. Добивај вести на вибер Како што соопшти Народниот правобранител, освен на бесплатната телефонска линија, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза). Повреди на избирачкото право може да се пријават и во подрачните канцеларии во Струмица на тел.бр.(034)329-996, Кичево на тел. бр (045).228-586, Тетово на тел. бр.(044) 344-082, Битола на тел. бр.(047) 242-310, Штип на тел. бр. (032) 389-701 и во Куманово на тел. бр .(031) 431-488. Народниот правобранител најавува дека со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои, потенцира, се должни да им обезбедат заштита на граѓаните остварување на нивното загарантирано избирачко право....

Државната изборна комисија објави упатство за гласање на граѓаните. Во него во 18 точки се појаснуваат начинот и процесот на гласање на избирачките места. Добивај вести на вибер Во продолжение е целосното упатство на ДИК за гласање на претседателските избори: 1. Гласањето се врши лично на гласачките места во Република Северна Македонија и во ДКП/КК. 2. Избирачкиот одбор на гласачите им го објаснува начинот на гласање и им овозможува да гласаат. 3. Гласачот може само еднаш да се појави на гласачкото место за остварување на своето избирачко право. 4. Гласачот го приложува документот за лична идентификација – важечка лична карта или патна исправа, односно лична карта или патна исправа чија важност истекла во периодот од 24 јули 2023 до 24 април 2024 година. 5. Гласачот става отпечаток од показалецот од десната рака на уредот за биометриска идентификација, а доколку гласачот нема десен показалец се зема отпечаток од показалецот од левата рака или во случај на гласачот да му недостигаат овие два прста се зема отпечаток од наредниот прст од десната рака. 6. Доколку гласачот нема две раце гласачот се внесува во техничката опрема со пребарување преку неговиот единствен матичен број (ЕМБГ). 7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во електронскиот избирачки список, гласачот се внесува во УБИГ преку отчитување на личниот документ на МРЗ скенерот или преку внесување на единствениот матичен број (ЕМБГ), а потоа гласачот става отпечаток од прст на УБИГ. 8. По потврдувањето на идентитетот, гласачот го става својот потпис во изводот од Избирачкиот список. 9. Гласачкото ливче се откинува од кочанот по нумерички редослед, му задолжително се става печат на предната страна на местото определено за печат и потоа му се дава на гласачот. 10. Гласачот добива едно гласачко ливче. 11. Гласачот гласа сам, тајно зад гласачки параван. 12. Гласачот гласањето го врши на тој начин што го заокружува редниот број пред називот/името на листата со хемиско пенкало со мастило во сина боја. 13. Превитканото гласачко ливче гласачот го става во гласачката кутија. 14. Гласачот го подигнува документот за лична идентификација. 15. Гласач кој има физички недостаток или е неписмен и поради тоа не може да гласа на начин утврден со Изборниот законик, со себе има право да доведе лице кое ќе му помогне при гласањето. Ако не доведе со себе лице кое ќе му помогне при гласањето, тогаш избирачкиот одбор ќе определи друго лице од редот на гласачите. Лицето не смее да влијае врз одлуката на гласачот. 16. Забрането е семејното и групното гласање, како и гласањето за друго лице. 17. Забрането е фотографирање на гласачкото ливче со мобилен телефон или апарат за фотографирање. 18. Забрането е носење оружје на гласачкото место....

На 3.480 избирачки места во земјава денеска на седмите претседателски избори можат да гласаат 1.814.317 граѓани запишани во избирачкиот список. Добивај вести на вибер Гласачките места ќе бидат отворени од седум до 19 часот. По затворањето на избирачките места ќе можат да гласаат само лицата кои во тој момент се затекнале во објектот каде што се гласа. Кој може да гласа? Право на глас има секое лице кое е запишано во изводот од избирачкиот список и поседува важечка лична карта или пасош, односно лична карта или патна исправа чија важност истекла во периодот од 24 јули 2023 до 24 април 2024 година. Гласањето се врши лично. По доаѓањето на избирачкото место на граѓанинот најнапред му се проверуваат документите за лична идентификација, и тој се потпишува во изводот од Избирачкиот список. Потоа член на избирачкиот одбор му издава гласачко ливче на кое на предната страна мора да му стави печат. Освен важечка лична карта или пасош за гласање не се прифаќаат документи како возачка дозвола, здравствена книшка, ученичка и студентска легитимација и друго. Според упатствата на Државната изборна комисија (ДИК), при утврдување на личниот идентитет, гласачот е должен пред избирачкиот одбор да се претстави на начин на кој е претставен на фотографијата на документот за лична идентификација. Претставниците на подносителите на листите и акредитираните набљудувачи можат од непосредна близина да го следат утврдувањето на идентитетот на избирачот. Доколку утврдат дека избирачот го нема во изводите од Избирачкиот список, членовите на ИО се должни да го упатат во надлежното подрачно одделение на ДИК и да ја посетат интернет-страницата https://izbirackispsiok.gov.mk/ за да се провери дали тој е запишан во избирачкиот список и доколку е во кое избирачко место може да гласа. Ако избирачот кој се наоѓа во Избирачкиот список е неписмен или има физички недостаток тој ќе стави отпечаток од десниот показалец на местото резервирано за потпис во изводот од избирачкиот список. Не смее да гласа избирач кој ќе одбие да се потпише во избирачкиот список Се гласа зад параванот за гласање, со заокружување на редниот број пред кандидатот, и тоа исклучиво со хемиско пенкало во сина боја. Доколку гласачот погреши, нема да добие друго гласачко ливче. Превитканото гласачко ливче се става во гласачка кутија. Не смее да се дозволи гласачот да го напушти гласачкото место без да го остави ливчето во кутијата. Зад еден гласачки параван е дозволено да има еден гласач, освен во случај кога на гласачот му е потребна помош. Лицата со физички недостаток и неписмените, според Изборниот законик, имаат право со себе да повикаат лице кое ќе им помогне при гласањето. Семејно и групно гласање и гласање во име на друг е забрането Нарушувањето на тајноста на гласањето е кривично дело. Со Уставот се гарантира правото на тајност на гласачите. Забрането е семејно и групно гласање и гласање во име на друг. Членовите на избирачките одбори се должни да ги спречат евентуалните обиди за нарушување на тајноста на гласањето. Семејното и групното гласање и гласањето во име на друг значат кршење на избирачкото право, претставуваат основа за нарушување на тајноста на гласањето и може да доведат до поништување на изборите. Член на изборен орган кој работи спротивно на одредбите на Изборниот законик може да заработи прекршочна пријава и глоба во износ од илјада до три илјади евра во денарска противвредност. Глоба во износ од 750 до 2.250 евра во денарска противвредност за прекршок ќе се изрече на физичко лице кое гласа за повеќе лица или гласа во име на друг. Гласањето завршува во 19:00 часот Гласачкото место се затвора во 19 часот, а на лицата кои се затекнале во објектот ќе им се овозможи да гласаат. Прекин на гласање може да има доколку на гласачкото место се наруши редот сè додека тој не се воспостави, во случај на временски непогоди и други вонредни околности, ако приодот до гласачкото место не го обезбедува полиција, а за тоа имало потреба, и доколку полицијата е повикана и не се одѕвала на повикот. Доколку гласањето биде прекинато пократко од еден час тоа не продолжува по 19 часот, но ако е прекинато подолго од три часа не продолжува истиот ден. Овластените претставници на подносителите на листите, набљудувачите и гласачите на денот на гласањето на гласачките места не смеат да користат мобилен телефон, апарат или други средства за сликање на гласачкото ливче. Избирачкиот одбор може да го отстрани од гласачкото место секое лице кое не се придружува кон оваа забрана. На избирачкото место никој не смее да дојде вооружен, освен припадници на полицијата. Полицајците можат да влезат на гласачкото место само во случај кога се повикани од избирачкиот одбор и кога ќе забележат сериозно нарушување на редот и мирот. Броење на гласовите Записниците и другиот изборен материјал избирачките одбори го доставуваат до ОИК во рок од пет часа по завршувањето на гласањето. Надлежната ОИК потоа ги сумира резултатите од гласањето, составува записници и ги предава на ДИК. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. ДИК конечните резултати од изборите ги објавува во рок од 24 часа од денот на нивната конечност. Жалби Секој подносител на листа на кандидати во постапката за гласање, сумирање и утврдување резултати од гласање може да поднесе приговор до ДИК во рок од 48 часа по завршувањето на гласањето, односно објавување на првичните резултати. ДИК е должна да реши по приговорот во рок од 48 часа по приемот. Против одлуката на ДИК може да се поднесе тужба до Управниот суд, во рок од 24 часа од приемот на решението. Управниот суд на Република Северна Македонија, пак, по жалбата е должен да донесе одлука во рок од 48 часа по нејзиниот прием. Секој избирач кому му е повредено избирачкото право во постапка на спроведување на гласањето може да поднесе приговор до ДИК во рок од 24 часа. ДИК е должна во рок од четири часа по приемот да донесе одлука. Против одлуката на ДИК гласачот може во рок од 24 часа по приемот да поднесе жалба до Управниот суд на Република Северна Македонија, кој, пак, по жалбата е должен да донесе одлука во рок од 48 часа по нејзиниот прием. ДИК може по службена должност или по поднесен приговор, со решение го поништува гласањето на гласачкото место во одредени случаи утврдени со Изборниот законик. Против решението со кое се поништува гласањето може да се поднесе жалба до Управниот суд на Република Северна Македонија во рок од 24 часа од приемот на решението. Управниот суд на Република Северна Македонија е должен по жалбата да постапи во рок од 72 часа по нејзиниот прием. Повторното гласање на избирачкото место каде што е поништено се одржува 14 дена од денот на првото гласање. Доколку во првиот круг не биде избран ниту еден кандидат, вториот круг избори се одржува за 14 дена, во случајот на 8 мај....

Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени. Добивај вести на вибер Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степени Целзиусови. Како што соопшти УХМР, утре ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време....

Вкупно 1601 набљудувач, странски новинари и преведувачи се акредитирани за следење на денешните Претседателски избори. Добивај вести на вибер Како што соопшти Државната изборна комисија (ДИК) акредитирани се 915 домашни и 544 странски набљудувачи, како и 84 преведувачи и 58 странски новинари. Од домашните, најбројни се набљудувачите на Здружението за развој на општествено-социјални новации Ваке уп – Скопје 752 набљудувачи, како и од мисијата на ОБСЕ/ОДИХР со 344 набљудувачи. Освен овие организации акредитирани за набљудување на Изборите за претседател 2024 се Здружението на граѓани ЦИВИЛ – Центар за слобода – Скопје, Здружението за промоција и развој на инклузивно општество Инклузива Куманово, Фондацијата Ромите за демократија – Скопје, Парламентарното Собрание на Советот на Европа – ад хок комисија за набљудување претседателските избори во Република Северна Македонија, Националниот демократски институт за Надворешни работи, Вашингтон САД – подружница Република Северна Македонија, Центарот за развој на изборни системи, реформи и обука (тренинг центар) на Централна Изборна Комисија на Грузија, Амбасадата на Република Словачка во Скопје, Центарот за развој на изборни системи, реформи и обука (тренинг центар) на Централна Изборна Комисија на Грузија и Европската асоцијација за дијалог и демократија – Берген, Норвешка. Изборите за шеф на државата ќе ги следат и 58 странски новинари, меѓу кои и од агенциите Ројтерс и Франс прес, Еуроњуз Албанија, Европската прес фото агенција – ЕПА, Ал Џазира Балкан, Гласот на Америка – македонска редакција, Топ Канал Албанија – отсек Косово и други. Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај....

Лични документи можат да се подигнат и денеска, на денот на изборите, информираат од МВР. Добивај вести на вибер – Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 24.04.2024 ќе работат за издавање на лични документи со работно време од 08.00 до 19.00 часот, соопштуваат од МВР. Исто така, граѓаните на Скопје, ќе можат своите лични карти да ги подигнат во полициските станици во Скопје....

Денешните претседателски избори ќе бидат седми од независноста на државата. На претседателската фотелја досега седнаа петмина претседатели. Првиот претседател Киро Глигоров и Ѓорге Иванов претседателската функција ја вршеа во два мандата, а по еден мандат имаа Борис Трајковски и Бранко Црвенковски, како и Стево Пендаровски, кој повторно се кандидира за шеф на државата. Добивај вести на вибер Првиот мандат на претседателот Киро Глигоров беше даден врз основа на избор од страна на Собранието на Република Македонија, согласно тогашните уставни решенија, а неговите наследници без бирани на непосредни избори. Првите претседателски избори во Република Македонија се одржани на 16 октомври 1994 година, истовремено со парламентарните избори. На изборите учествуваа двајца кандидати, а победи во првиот круг Киро Глигоров со освоени 715.087 гласови односно 78,4 проценти, како кандидат на коалицијата предводена од СДСМ. Неговиот противкандидат Љубиша Георгиевски поддржан од ВМРО-ДПМНЕ освои 197.109 гласови, односно 21,6 проценти. Вторите претседателски избори во независна Република Македонија се одржаа во 1999 година. Дотогашниот претседател Киро Глигоров не се кандидираше на овие избори, а победи Борис Трајковски, кандидат на ВМРО-ДПМНЕ. Во првиот круг учествуваа кандидатите – Муарем Неџипи, Васил Тупурковски, Мухамед Халили, Тито Петковски, Стојан Андов и Борис Трајковски. Во вториот круг победи Борис Трајковски со 582.808 гласови, а Тито Петковски освои 513.614 гласови, или 52,40 проценти наспроти 46,18 проценти. Третите претседателски избори во 2004 година се одржаа предвреме поради смртта на претседателот Борис Трајковски. Првиот круг се одржа на 14 април 2004 година, а вториот на 28 април 2004 година. На изборите учествуваа четворица кандидати – Бранко Црвенковски поддржан од СДСМ, Сашко Кедев од ВМРО-ДПМНЕ, Гзим Острени од ДУИ, Зуди Џелили од ДПА. На овие избори победи Бранко Црвенковски со освоени 550.317 гласови или 62,6 отсто, наспроти Сашко Кедев со 329.179 гласови или 37,4 проценти. Четвртите претседателски избори се одржаа на 22 март и на 5 април 2009, во исто време со изборите за локална самоуправа. На изборите учествува седум кандидати – Ѓорѓе Иванов поддржан од ВМРО-ДПМНЕ, Љубомир Фрчкоски од СДСМ, Имер Селмани од Нова Демократија, Љубе Бошкоски како независен кандидат, Агрон Буџаку од ДУИ, Нано Ружин од ЛДП и Мируше Хоџа од ДПА. На овие претседателски избори победи Ѓорѓе Иванов со 453.616 гласови или 63,14 проценти. Петтите претседателски избори беа редовни, а се одржаа на 13 април и 27 април 2014 година. Истовремено со вториот круг на претседателските избори беа одржани и предвремени парламентарни избори. Вториот круг беше на 27 април 2014 година. Во него се пласираа кандидатите Ѓорѓе Иванов и Стево Пендаровски. На овие петти претседателски избори победи кандидатот на ВМРО-ДПМНЕ Ѓорѓе Иванов со освоени 534.910 гласови наспроти кандидатот на СДСМ Стево Пендаровски со 398.077 гласови. На овие претседателски избори освен Пендаровски и Иванов, учествуваа и Зоран Попоски поддржан од ГРОМ и Илјаз Халими од ДПА. Шестите претседателски избори се одржаа на 21 април и 5 мај 2019 година, на кои победи Стево Пендаровски со освоени 435.656 гласови или 53.59 проценти. Ова беа првите избори по стапување во сила на Преспанскиот договор со кој беше решен спорот за името со Грција и земјата го доби името Република Северна Македонија. На овие претседателски избори, покрај Стево Пендаровски, учествуваа и Гордана Силјановска Давкова од ВМРО-ДПМНЕ и Блерим Река поддржан од Алијансата за Албанците и Движењето БЕСА. На првиот круг од седмите претседателските избори што се одржува денеска граѓаните можат да изберат меѓу седумте кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски. Во првиот круг победник може да биде кандидат кој освоил мнозинство гласови од вкупниот број избирачи, односно 907.159 гласови. Киро Глигоров, прв претседател на РМ (1991-1999) Денеска се навршуваат 10 години од смртта на првиот претседател на независна Република Македонија Киро Глигоров. Првиот претседател на независна Република Македонија, Киро Глигоров е роден на 3 мај 1917 година во Штип. За претседател на Република Македонија Глигоров беше избран на 27 јануари 1991 година од македонското Собрание, кога доби поддршка од 114 од вкупно присутните 119 пратеници, а по втор пат беше избран на првите непосредни претседателските избори одржани во октомври 1994 година. На изборите учествуваа двајца кандидати, тогашниот актуелен претседател Киро Глигоров кој освои 52,4 отсто (715.087 гласа) од гласовите на вкупниот број избирачи запишани во Избирачкиот список, додека неговиот против-кандидат Љубиша Георгиевски 21,6 отсто (197.109 гласа). За време на неговиот мандат како шеф на државата се случија некои од најважните настани од современата историја на Република Македонија. На референдум одржан на 8 септември 1991 година беше прогласена независноста на земјата, а Македонија беше и единствената од поранешните југословенски републики која се осамостои по мирен пат. На 17 ноември 1991 беше донесен новиот Устав, а на 8 април 1993 година Република Македонија стана 181 членка на Обединетите Нации. На 3 октомври 1995 година врз претседателот Глигоров беше извршен атентат. Тој го преживеа атентатот со тешки повреди во пределот на главата. Нападот беше извршен со автомобил-бомба на улицата „Македонија“ во Скопје, кога Глигоров со службено возило се движеше од неговата резиденција на работното место во Собранието на Република Македонија. Досега не се откриени ни нарачателите, ниту извршителите на атентатот. По пензионирањето Киро Глигоров е активен како публицист. Тој е автор на неколку дела, главно пишувани по завршувањето на неговиот мандат како претседател – „Македонија е сè што имаме“ (2001), „Атентат – ден потоа“ (2002), „Виорни времиња: Република Македонија реалност на Балканот“ (2004) и „Сите југословенски (стопански) реформи“ (2006). Тој е основач и на фондацијата „Киро Глигоров“ што поддржува проекти од културата и уметноста. Киро Глигоров беше најстариот македонски политички функционер. На 19 ноември 1999 година, кога заврши неговиот втор претседателски мандат, тој имаше 82 години, а во 2000 година Гинисовата книга на рекорди го забележа Глигоров како најстар претседател на држава во светот. Претседателот Глигоров почина на 1 јануари 2012 година во својот дом во Скопје. Борис Трајковски, втор претседател на РМ (1999-2004) Со положување цвеќе на гробот и на спомен-обележјата во чест на поранешниот претседател Борис Трајковски денеска ќе биде одбележана 17-годишнината од неговата смрт во авионската несреќа кај Р Борис Трајковски, вториот претседател на Република Македонија, е роден на 25 јуни 1956 година во Струмица. Во 1980 година дипломирал на Правниот факултет во Скопје, по што специјализирал деловно право и право на работни односи. Во 1997 е именуван за шеф на Кабинетот на градоначалникот на општина Кисела Вода, а во 1998-та е избран за заменик-министер за надворешни работи на Македонија. Трајковски беше инаугуриран како втор по ред претседател на Македонија на 15-ти декември 1999 година. Првиот круг на претседателските избори се одржа на 31 октомври, а вториот на 14 ноември 1999 година. Поради констатирани нерегуларности изборниот процес од вториот круг беше повторен на 5 декември 1999 година. Негови противкандидати на изборите во првиот круг беа Тито Петковски, Васил Тупурковски, Муарем Неџипи, Стојан Андов и Мухамед Халили. Во вториот круг од изборите учествуваа кандидатите Тито Петковски и Борис Трајковски. По одржаниот втор круг и по прегласувањето во одредени избирачки места, Борис Трајковски освои 53,2 отсто од гласовите (582.808 гласа), а Тито Петковски 46,8 отсто (513.614 гласа). На гласањето во вториот круг излегоа вкупно 1.096 422 избирачи или 68,08 отсто од регистрираните гласачи. Борис Трајковски ја извршуваше функцијата претседател на Република Македонија од 15 декември 1999 до 26 февруари 2004 година, кога загина трагично во авионска несреќа заедно со осуммина соработници во близина на Мостар, Босна и Херцеговина. Тој имаше 47 години. Според Уставот на Република Македонија, привремено во периодот од 26 февруари до 12 мај 2004, на чело на државата застана Љупчо Јордановски, тогашен носител на функцијата претседател на Собранието на РМ. За време на неговиот мандат во Македонија во 2001 година имаше вооружен конфликт што заврши со потпишување на Охридскиот рамковен договор во август истата година. На претседателот Трајковски светот гледаше како на млад лидер со прозападна ориентација, како миротворец кој избегна граѓанска војна во Македонија. Бранко Црвенковски, трет претседател на РМ (2004-2009) Јавно обраќање на поранешниот Претседател на РМ и основачот и долгогодишен Претседател на СДСМ Бранкo Црвенковски до раководството и членовите на СДСМ Бранко Црвенковски е третиот претседател на Република Македонија. Роден е на 12 октомври 1962 во Сараево, Босна и Херцеговина. Во 1990 година, на првите повеќе партиски избори во Македонија, која сé уште се наоѓаше во рамките на СФР Југославија, беше избран за пратеник во првиот состав на Собранието. Во април 1991 година Црвенковски беше избран за претседател на Социјалдемократскиот Сојуз на Македонија. На 5 септември 1992, стана вториот премиер на Република Македонија по нејзиното осамостојување од Југославија. Со 29 години, тој беше најмладиот премиер во Европа во тој период. Вториот премиерски мандат го добил по изборите во декември 1994 година. На третите вонредни претседателски избори во Република Македонија, одржани по загинувањето на претседателот Борис Трајковски, во вториот круг одржан на 28 април 2004 година Бранко Црвенковски беше избран за шеф на државата. На третите вонредни претседателски избори во април 2004 година, Бранко Црвенковски како кандидат на СДСМ, победува и застанува на чело на државата до 2009 година. Граѓаните во првиот изборен круг одржан на 14 април 2004 година, избираа помеѓу четворица предложени кандидати: Бранко Црвенковски од СДСМ, Гзим Острени од Демократската унија за интеграција, Зуди Џелили од Демократската партија на Албанците и Сашко Кедев од ВМРО-ДПМНЕ. Во вториот изборен круг одржан на 28 април 2004 година мнозинството гласови ги освои Бранко Црвенковски. Тој ја доби довербата од 550.317 гласачи, односно 62,6 отсто од вкупниот број гласови, наспроти Сашко Кедев кој беше поддржан со 329.179 гласови, односно 37,4 отсто од вкупниот број важечки гласачки ливчиња. На 12 мај 2004 ја Црвенковски ја презема функцијата претседател и се повлече од премиерската должност и од претседателската функција во партијата. Бранко Црвенковски ја извршуваше функцијата претседател на Република Македонија од 12 мај 2004 до 12 мај 2009 година. За време на претседателскиот мандат на Црвенковски, Република Македонија стана земја-кандидат за прием во Европската Унија. Ѓорге Иванов, четврти претседател на РМ (2009- 2019) На покана на македонската добротворна организација од Австралија (MCWA), поранешниот претседател Ѓорге Иванов ќе биде покровител на неколку настани од добротворен и хуманитарнен карактер кои Ѓорге Иванов е четвртиот претседател на Република Македонија. Роден е роден на 2 мај 1960 година во Валандово. Во 1995 е избран за асистент на Правниот факултет во Скопје, а во 1998 за доцент на предметите Политички теории и Политичка филозофија. Од 2001 година е раководител на Политичките студии при Правниот факултет во Скопје. Во 2002 е избран за вонреден, а во 2008 и за редовен професор. Од 2004 до 2008 е продекан на Правниот факултет. Од 2008 година е претседател е на Одборот за акредитација на високото образование на Република Македонија. Иванов беше избран на претседателски избори одржани на 22 март и 5 април 2009 година. На овие избори во првиот круг учествуваа седум кандидати за претседател на државата. Покрај Ѓорге Иванов во изборната трка за претседател учествуваа и Љубомир Фрчкоски како кандидат на СДСМ, Имер Селмани од Нова демократија, Љубе Бошкоски како независен кандидат, Агрон Буџаку од ДУИ, Нано Ружин од ЛДП и за првпат жена кандидат поддржана од ДПА, Мируше Хоџа. Вториот изборен круг се одржа на 5 април 2009 година, Ѓорге Иванов освои 63,14 отсто, односно 453.616 од вкупниот број важечки гласачки ливчиња додека претседателскиот кандитат Љубомир Фрчкоски ја заврши изборната трка со освоени 36,86 отсто од вкупниот број гласови, односно 264.828 гласа. На петтите по ред претседателски избори одржани во април 2014 година, претседателот Иванов како кандидат на ВМРО-ДПМНЕ беше повторно избран и доби нов петгодишен мандат. Ѓорге Иванов како кандидат на ВМРО-ДПМНЕ освои 55,28 отсто, односно 534.910 од вкупниот број важечки гласачки ливчиња, додека претседателскиот кандитат на СДСМ, Стево Пендаровски 41,14 отсто од вкупниот број гласови, односно 398.076 гласа. Во претседателската трка покрај Иванов и Пендаровски учествуваа и Зоран Поповски од ГРОМ и Илијаз Халими од ДПА. Истовремено со вториот круг на претседателските избори се одржаа и предвремени парламентарни избори. За првпат на овие претседателски избори македонските државјани кои живеат или работат во странство имаа право да гласаат во странство. Последната година од вториот мандат на претседателот Ѓорге Иванов, меѓу другото, ќе ја обележи непотпишувањето на Законот за употреба на јазиците и на указот за ратификација на договорот со Грција, како и потпишувањето на Законот за амнестија за обвинетите во настаните во Собранието на РМ од 27 април 2017 година. Стево Пендаровски, петти претседател на РСМ (2019 – 2024) Претседателот Стево Пендаровски е роден на 3 април 1963 година во Скопје. Дипломирал во 1987 година на Факултетот за правни и политички науки, при Универзитетот Св. Кирил и Методиј – Скопје, а магистрирал и докторирал на Институтот за социолошки и политичко-правни истражувања при Универзитетот Св. Кирил и Методиј – Скопје. Во изминатите 11 години бил професор на Универзитетот Американ Колеџ Скопје каде што ги предавал предметите Меѓународна безбедност, Меѓународни односи, Вовед во Политика, Глобализација, Геополитика, Надворешната политика на САД, Надворешната и безбедносна политика на ЕУ и малите држави во светската политика. Во периодот 1998-2001 бил началник на Управата за аналитика и истражување во Министерството за внатрешни работи и портпарол на министерството. Од 2001 до 2004 година бил советник за национална безбедност на Претседателот на Република Македонија. Од 2004 до 2005 година бил претседател на Државната изборна комисија. Од 2005 до 2009 година бил советник за надворешна политика на Претседателот на Република Македонија. Од 2016 до 2017 година бил пратеник во Собранието на Република Македонија. Од декември 2017 година до мај 2019 година бил национален координатор за подготовка на Република Северна Македонија за влез во НАТО. На 12. мај 2019 година, со давањето свечена изјава во Собранието на Република Северна Македонија, Стево Пендаровски официјално ја презеде функцијата претседател на државата....

Во земјава денеска се одржуваат седмите претседателски избори. Граѓаните ќе можат да гласаат за еден од седуммината кандидати: Стево Пендаровски поддржан од СДСМ, Гордана Силјановска Давкова поддржана од ВМРО-ДПМНЕ, Стевчо Јакимовски од ГРОМ, Билјана Ванковска поддржана од Левица, Бујар Османи од ДУИ, Арбен Таравари од коалицијата Вреди и Максим Димитриевски од ЗНАМ. Добивај вести на вибер На 3.480 избирачки места во Републиката со право на глас во Избирачкиот список за Претседателските избори се запишани вкупно 1.814.317 гласачи. Вчера на 31 избирачко место гласаа и нашинци во дијаспората, како и затворениците и болните и немоќни лица. Гласачките места се отворени од 7 до 19 часот. По затворањето на избирачките места ќе можат да гласаат само лицата кои во тој момент се затекнале во објектот каде што се гласа. Овие избори се карактеристични по тоа што првпат од независноста имаме толку многу кандидати за претседател, изборите се одржуваат во среда, а идентификацијата ќе се врши со фингерпринт апарати. Уникатно е и тоа што кампањата и молкот за претседателските избори се преклопија со кампањата за парламентарните избори на 8 мај. Претседателските избори, според ДИК, ќе ги следат вкупно 1601 набљудувач, од кои 915 домашни и 544 меѓународни набљудувачи, како и 84 преведувачи и 58 странски новинари. По пребројувањето на гласовите, избирачките одбори се должни записниците и другиот изборен материјал да ги достават до општинските изборни органи во рок од пет часа по завршувањето на гласањето. Надлежната ОИК потоа ги сумира резултатите од гласањето, составува записници и ги предава на ДИК. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Од преброени гласови од 3.023 од вкупно 3.480 гласачки места, или околу 87 отсто од избирачките ливчиња, Коалицијата предводена од СДСМ „Можеме“ води со освоени 36,27 отсто од гласовите пред Секој подносител на листа на кандидати во постапката за гласање, сумирање и утврдување резултати од гласање може да поднесе приговор до ДИК во рок од 48 часа по завршувањето на гласањето, односно објавување на првичните резултати. ДИК е должна да реши по приговорот во рок од 48 часа по приемот. Против одлуката на ДИК може да се поднесе тужба до Управниот суд, во рок од 24 часа од приемот на решението. Управниот суд на Република Северна Македонија, пак, по жалбата е должен да донесе одлука во рок од 48 часа по нејзиниот прием. Секој избирач кому му е повредено избирачкото право во постапка на спроведување на гласањето може да поднесе приговор до ДИК во рок од 24 часа. ДИК е должна во рок од четири часа по приемот да донесе одлука. Против одлуката на ДИК гласачот може во рок од 24 часа по приемот да поднесе жалба до Управниот суд на Република Северна Македонија, кој, пак, по жалбата е должен да донесе одлука во рок од 48 часа по нејзиниот прием. ДИК може по службена должност или по поднесен приговор, со решение да го поништи гласањето на гласачкото место во одредени случаи утврдени со Изборниот законик. Против решението со кое се поништува гласањето може да се поднесе жалба до Управниот суд на Република Северна Македонија во рок од 24 часа од приемот на решението. Управниот суд е должен по жалбата да постапи во рок од 72 часа по нејзиниот прием. Повторното гласање на избирачкото место каде што е поништено се одржува 14 дена од денот на првото гласање. Вториот круг за пртседателските избори треба да се одржи на 8 мај заедно со изборите за пратеници во Собранието. Од независноста на државава на претседателската фотелја седнаа петмина претседатели. Првиот претседател Киро Глигоров и Ѓорге Иванов претседателската функција ја вршеа во два мандата, а по еден мандат имаа Борис Трајковски, Бранко Црвенковски и сегашниот актуелен претседател и кандидат за нов мандат Стево Пендаровски....

Во земјава денеска се одржува првиот круг од претседателските избори. Право на глас имаат 1.814.317, кои можат да изберат меѓу седум кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски. Во првиот круг победник може да биде кандидат кој освоил мнозинство гласови од вкупниот број избирачи, односно 907.159 гласови. Добивај вести на вибер Доколку во првиот круг никој не го добие потребното мнозинство, во вториот круг одат двајцата кандидати кои освоиле најмногу гласови во првиот круг. Вториот круг на гласање се одржува во рок од 14 дена од завршувањето на првиот круг на гласањето, во случајов на 8 мај. За претседател ќе биде избран кандидатот кој добил мнозинство од гласовите, доколку на гласачките места излегле повеќе од 40 отсто од запишаните избирачи, односно 725.727 гласачи, што е предвидено во Изборниот законик, а за него гласале 362.864 избирачи. Доколку и во вториот круг ниту еден од двајцата кандидати не добил потребен број гласови, се повторува целата изборна постапка. Претседателот на Републиката се избира на општи и непосредни избори, со тајно гласање, за време од пет години. За претседател на Републиката исто лице може да биде избрано најмногу два пати. Претседателот на Републиката мора да биде државјанин на Република Северна Македонија. За претседател на Републиката може да биде избрано лице кое на денот на изборите наполнило најмалку 40 години живот. За претседател не може да биде избрано лице кое до денот на изборите не било жител на Република Северна Македонија најмалку десет години во последните 15 години. Изборот за претседател на Републиката се врши во последните 60 дена од мандатот на претходниот претседател....

Во улицата Салих Цакана Мулаиќ во Зеница синоќа се случи вистинска драма кога мајка и двете ќерки му го попречиле патот на зетот за да се пресметаат со него. Добивај вести на вибер Кога видел како се одвива ситуацијата, мажот се заклучил во возилото и повикал полиција. Оперативниот центар на Министерството за внатрешни работи на Зеничко-добојскиот кантон (МУП ЗДК) потврди дека полицијата е информиран за споменатиот настан. „Настанот е пријавен во 19.58 часот, а на местото на настанот веднаш била испратена патрола. Полициските службеници ќе продолжат со постапување по односното лице и преземање соодветни мерки“, велат од полицијата....

Претседателот на Црна Гора, Јаков Милатовиќ рече дека на владата на Црна Гора е да одлучи дали ќе биде коспонзор на резолуцијата на Обединетите нации за геноцидот во Сребреница. Добивај вести на вибер Милатовиќ во Цетиње по средбата со словенечката претседателка Наташа Пирц Мусар изјави дека Црна Гора има јасен став за геноцидот во Сребреница. – Дали владата се предомислила во однос на државниот став, тоа е прашање на власта, рече Милатовиќ. Во 2021 година, црногорскиот Парламент усвои резолуција за Сребреница, со која, меѓу другото, „најостро го осудува геноцидот во Сребреница“ и забранува „јавно негирање на постоењето или минимизирање на геноцидот во Сребреница“ и го прогласува јули 11 како Ден на сеќавање на жртвите од Сребреница. Минатата недела 75 црногорски невладини организации и 65 поединци поднесоа иницијатива до Владата Црна Гора да ја спонзорира резолуцијата на ОН за сеќавање на геноцидот во Сребреница, но владата на премиерот Милојко Спајиќ се уште не се изјаснила за иницијативата. Словенечката претседателка Наташа Пирц Мусар изјави дека прашањето за Сребреница не е лесно, но дека сите знаат дека има судски одлуки со кои геноцидот е означен како геноцид и дека за тоа не се разговара и не треба да има. „Словенија одлучи да ја ко-спонзорира резолуцијата затоа што се работи за тоа каква порака ќе им пренесеме на генерациите што доаѓаат после нас. Тоа е тешка работа, но мора да признаеме што сме направиле во минатото за да влеземе во иднината е мојата искрена порака до народот на Црна Гора“, рече Пирц Мусар....

Генералниот секретар на НАТО Јенс Столтенберг денеска изјави дека очекува Соединетите Американски Држави да останат „силен и непоколеблив“ сојузник на НАТО без оглед на тоа кој ќе победи на овогодинешните претседателски избори. Добивај вести на вибер „САД ќе останат силен и цврст сојузник во НАТО“, рече Столтенберг на прес-конференцијата во Полска што ја одржа со британскиот премиер Риши Сунак, пренесува Ројтерс. Според генералниот секретар на НАТО, и Северноатлантската алијанса ги прави САД „побезбедни и посилни“....

Таша Хефс, која е обвинета за убиство на својот шестгодишен син во семејната куќа во Канзас Сити, е способна да го следи судењето, одлучи судот. Добивај вести на вибер Хефс, која има 37 години, беше уапсена на 15 февруари 2022 година и обвинета за обезглавување на нејзиниот син Карвел Стивенс во када. Сепак, случајот досега беше суспендиран бидејќи Хефс беше на неколкумесечно лекување за да може да и се суди. Судијата, исто така, одлучи Хефс да остане во душевна болница додека не се појави на рочиштето закажано за 29 април. Полицијата која на денот на убиството пристигнала во куќата на обвинетиот забележала крв на скалите и на влезната врата. Хефс одбила да ја отвори вратата и да ги пушти внатре. Таа цело време пеела. Полицајците потоа погледнале низ прозорецот и го виделе телото на детето, по што упаднале во куќата и без инциденти ја привеле Хефс. Телото на детето било пронајдено во близина на влезната врата од куќата. На Хефс имало траги од крв, додека полицијата забележала и два крвави ножеви. Инспекторите подоцна пронашле крвав шрафцигер на трпезариската маса и уште еден крвав нож во подрумот. Медиумите објавија дека во подрумот било пронајдено и обезглавено куче. На сослушувањето Хефс признала дека го убила синот во када....

Вкупно 14-те гласачки места во казнено поправни установи каде своето гласачко право денеска можеа да го остварат 2 147 гласачи, се затворени, а одѕивот изнесува 64 проценти, соопшти вечерва Државната изборна комисија. Добивај вести на вибер -Гласањето таму течеше без проблеми, а до 19 часот, според информациите од избирачките одбори, гласаа 1 380 гласачи или 64 проценти од запишаните, наведува ДИК. Во текот на денешниот ден своето гласачко право во единствениот центар за внатрешно раселени лица можеа да го остварат и двајца гласачи кои се водат како внатрешно раселени и тие го оствариле своето право. Гласачкото место и во центарот за раселени лица е затворено. Вкупно 534 гласачи кои се сместени во 20 центри за вонсемејна грижа имаа можност да го остварат своето право на глас во центарот каде што се сместени. Од вкупно 250 гласачи од седум центри, гласале 208 гласачи или 83 отсто. Избирачките одбори во Република Северна Македонија во текот на денешниот ден го спроведуваа и гласањето на лица кои се болни или немоќни, а кои до општинските изборни комисии доставиле известувања со соодветна документација. Во своите домови гласачкото право го остваруваа 6 935 граѓани кои се пријавиле како болни и немоќни. Досега, според информациите од општинските изборни комисии, гласале 6 543 односно 94 проценти болни или немоќни лица. Од ДИК, наведуваат дека на 31 гласачко место во дипломатско конзуларни претставништва во странство, можност да гласаат имаа 2 569 гласачи кои се пријавиле и чии пријави се прифатени од Државната изборна комисија. Се уште се отворени шест гласачки места каде гласањето ќе трае до 19 часот според временската зона на земјата каде што се гласа. -До 19 часот, според информациите кои ги добиваме од избирачките одбори, вкупната излезност од гласањето во странство изнесува 891 гласачи, односно 35 проценти. Напоменуваме дека во оваа излезност поради временската зона не се вклучени шест избирачки места каде што сеуште трае гласањето, посочуваат од ДИК. Со право на глас на Претседателските избори 2024 во Избирачкиот список се запишани вкупно 1.814.317 гласачи. Досега ДИК издаде акредитации за набљудување на 915 домашни, 628 странски и меѓународни набљудувачи и 38 странски новинари. За правовремени и точни информации поврзани со изборите, на сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, Х, Инстаграм и каналот на Јутјуб....

Повеќе од 100 студенти во Колумбија беа уапсени минатата недела откако одбија да го напуштат протестниот камп поставен на главниот кампус на универзитетот. Добивај вести на вибер Апсењата во Колумбија предизвикаа серија настани на самиот универзитет, но и во други делови од академската заедница во Америка. Студентите од Колумбија повторно воспоставија протестен камп, а колегите од другите факултети се солидаризираат со нив. Управата на универзитетот во понеделник соопшти дека нема да има предавања, туку наставата ќе се одржува буквално додека не се стабилизира состојбата во студентскиот кампус. Студентите почнаа да поставуваат протестен камп во центарот на кампусот во Колумбија околу 4 часот наутро минатата среда, подигајќи шатори на тревникот на горниот кампус на Менхетен. Студентските демонстранти рекоа дека ќе протестираат и ќе го држат тревникот додека администрацијата на универзитетот не ја откаже соработката со компании поврзани со Израел. Универзитетот во средата вечерта ги предупреди демонстрантите дека оние што сè уште го окупираат тревникот ќе бидат уапсени. Во четвртокот рано попладне, њујоршката полиција уапси 108 студенти кои биле во камповите. Универзитетот привремено суспендираше многу од студентите кои беа уапсени, вклучително и Исра Хирси, студентка на Барнард со врски со Колумбија. Хирси е ќерка на американскиот конгресмен Илхан Омар. Иако полицијата го расчисти протестниот камп по апсењето на студентите, на друг тревник е изграден нов. Кампот остана активен во текот на викендот и во понеделникот, иако универзитетот ги затвори портите на кампусот за јавноста. Од петокот, студентите во кампусите низ Америка одржаа протести во знак на солидарност со студентите од Колумбија кои беа уапсени. Студентите во Браун, Принстон и Нортвестерн одржаа протести во петокот и во текот на викендот. Во меѓувреме, студентите на Јеил и на Универзитетот во Северна Каролина започнаа свои кампови, пишува Гардијан. Во меѓувреме, протестите започнаа пред кампусот во Колумбија во текот на викендот, вклучувајќи судири меѓу произраелските и пропалестинските активисти. До овој момент, универзитетот ги затвори портите на кампусот за јавноста, со што беше нејасно дали демонстрантите се поврзани со универзитетот....

Двајца премиерлигаши се уапсени откако силувањето било пријавено во полиција. Добивај вести на вибер Како што пренесува The Sun, двајца неименувани фудбалери се од ист клуб и биле уапсени викендов. Еден играч, на возраст од 19, наводно разговарал со полицијата под сомнение за напад и помагање и поттикнување силување пред да биде формално уапсен. Откако ја поминал ноќта во ќелија, бил испрашуван под претпоставка на вина од детективи. Друг играч, исто така 19-годишен, беше уапсен следниот ден и подоцна сослушан од полицијата под сомнение за силување. Според весникот, двајцата играчи наводно се ослободени со кауција во очекување на дополнителни истраги. Портпаролот на полицијата за The Sun изјави: „Полицајците уапсија двајца мажи по пријава за силување. Еден 19-годишен маж беше уапсен под сомнение за напад и помагање и поттикнување силување. Вториот 19-годишен маж беше уапсен под сомнение за силување и двајцата подоцна се ослободени со кауција“. Извор, исто така, изјави за The Sun дека полицајците дошле на стадионот и разговарале со еден од играчите „во приватна просторија во стадионот“. Тие додадоа дека тој го напуштил клубот со „друго лице“ и формално бил уапсен подоцна истата ноќ. Портпаролот на клубот изјави за The Sun: „Бидејќи работата сега е во рацете на полицијата, Фудбалскиот клуб нема да дава дополнителни коментари во овој момент“....

Поранешниот американски претседател Доналд Трамп денеска ги осуди антиизраелските демонстрации што ги зафатија универзитетските кампуси во САД во последните денови, обвинувајќи го актуелниот претседател Џозеф Бајден за нивното избивање. Добивај вести на вибер Трамп рече дека овие протести се „срамни“ за САД, пишува „Тајмс оф Израел“. Тој додаде дека Бајден „има погрешен сигнал“ кога станува збор за демонстрациите на кампусите, кои резултираа со стотици апсења и оставија многу еврејски студенти „да се чувствуваат небезбедни“....

Рускиот заменик-министер за одбрана Тимур Иванов е приведен под сомнение за примање мито. Добивај вести на вибер – Заменик министерот за одбрана на Русија, Тимур Владимирович Иванов е приведен поради сомнение дека сторил кривично дело примање поткуп – објави Истражниот комитет на својот канал Телеграм. Во 2012 година, Иванов беше вицепремиер на Московската област, додека подоцна беше генерален директор на државното претпријатие Оборонстрој. Во 2016 година, со претседателски указ, Иванов беше назначен за заменик началник на Министерството за одбрана....

Рускиот заменик-министер за одбрана Тимур Иванов е приведен под сомнение за примање мито. Добивај вести на вибер – Заменик министерот за одбрана на Русија, Тимур Владимирович Иванов е приведен поради сомнение дека сторил кривично дело примање поткуп – објави Истражниот комитет на својот канал Телеграм. Во 2012 година, Иванов беше вицепремиер на Московската област, додека подоцна беше генерален директор на државното претпријатие Оборонстрој. Во 2016 година, со претседателски указ, Иванов беше назначен за заменик началник на Министерството за одбрана....

Русија го предупреди Западот дека ризикува да започне „директен воен конфликт“ со Русија и другите нуклеарни сили, пишува „Експрес“. Добивај вести на вибер Рускиот министер за надворешни работи Сергеј Лавров испрати порака преку видео врска на конференцијата во Москва, каде предупреди дека рамнотежата на односите може опасно да биде загрозена. „Западот опасно се приближуваат до работ на директен воен конфликт меѓу нуклеарните сили, што би имало катастрофални последици“, рече тој. Реакцијата доаѓа откако американскиот Претставнички дом конечно го усвои долгоочекуваниот пакет помош од 61 милијарда долари за Украина, што предизвика лут одговор од Русија. Во саботата, американските пратеници го одобрија пакетот, кој сега ќе оди во Сенатот во кој доминираат демократите, откако се соочија со жестоко противење од тврдокорните републиканци во Претставничкиот дом....

Поранешниот претседател на Црна Гора, Мило Ѓукановиќ, за првпат се огласи за апсење на негови блиски луѓе, поранешниот обвинител Миливој Катниќ и поранешниот висок полициски функционер Зоран Лазовиќ. Добивај вести на вибер Ѓукановиќ, кој пред неколку дена беше виден во јавноста на погребот на контроверзниот бизнисмен Брано Миќуновиќ, даде интервју за „Антена М“. Апсењето го оцени како политички реваншизам како нова страница во традицијата на црногорските одмазди. Ѓукановиќ дури се закани и со крвна одмазда во случај на апсење. „Живееме во многу затруена атмосфера. Зошто предупредувам за тоа? Црногорското општество е општество на разбудени. Тоа не е карактеристично само за албанските заедници кои најчесто се поврзуваат со крвна одмазда. Треба да се потсетиме дека во срцето на Црна Гора, во Катунска Нахија, повеќе од 200 години трае крвната одмазда меѓу одредени староцрногорски семејства. Па тие што не го знаат тоа не разбираат колку е опасно кога единствената политика по доаѓањето на власт ти станува реваншизам. Реваншизмот е само политичко име за одмазда. Тоа значи дека нема свест за потребата да се повлече линија под црногорската практика на одмазда“, изјави тој во интервју за „Антена М“....

Во центарот на Славонски Брод попладнево пронајдено e машко тело. Добивај вести на вибер Полициската управа Брод-Посавина соопшти дека е приведено едно лице поврзано со инцидентот. Danas.hr дознава дека се работи за млад градежен работник од Украина. Тие наведуваат и дека конфликтот се случил во стан во центарот на градот каде што биле сместени работниците (родени во 90-тите). За потсетување, полицијата соопшти дека околу 15.17 часот во куќата било пронајдено тело на маж и дека се води истрага, а потоа и кривична истрага која треба да ги расветли сите околности....

Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари. Добивај вести на вибер Солски, кој го надгледуваше производството на жито во Украина за време на војна од март 2022 година, рече дека не разбира зошто сега се појавија наводите поврзани со настаните од 2017 и 2018 година. „Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата. Канцеларијата соопшти дека министерот го предводел планот за стекнување на државно земјиште во вредност од 291 милион гривни (околу 6,9 милиони евра) и обид да се стекне земјиште во вредност од 190 милиони гривни. Солски е првиот министер во владата на претседателот Володимир Зеленски кој е осомничен во корупциски скандал. Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија. Законодавците изминативе денови порачаа дека очекуваат реконструкција на Владата, секако до крајот на пролетта....

Израелските одбранбени сили (ИДФ) денеска ги отфрлија палестинските обвинувања за масовни ликвидации и закопување на палестинските жртви во масовни гробници во околината на болниците Насер и Ал-Шифа. Добивај вести на вибер Минатиот викенд, припадниците на палестинската цивилна одбрана открија масовна гробница во околината на болницата Насер во Кан Јунис, која израелската армија ја опколи и нападна во февруари. Досега се пронајдени најмалку 310 тела, а според тврдењата на палестинската цивилна заштита, во оваа болница во Појасот Газа се сомничат можни егзекуции, пренесува Ал Џезира....

Авион на Swiss Air за малку ќе се судрил со четири други авиони на аеродромот Џон Кенеди во Њујорк, откако грешка во комуникацијата предизвикала авионите да слетаат на пистата во исто време. Добивај вести на вибер Инцидентот се случи минатата недела, а сега го истражува Федералната управа за авијација, откако пилотот со среќа видел што се случува и го прекинал полетувањето. Во меѓувреме се огласи и менаџментот на компанијата. – Поради високата свесност и брзата реакција на нашата екипа, избегната е потенцијално опасна ситуација“, се наведува во соопштението. Роберт Самвалт, извршен директор на Боинг центарот за воздухопловство и воздушна безбедност на Универзитетот Ембри-Ридл за воздухопловни сили, изјави за CBS дека имало ситуација кога двајца контролори на летање не комуницирале што прави секој. „Тоа е целосно неприфатлива ситуација“, рече тој. Џон Ненс, експерт за воздухопловство и соработник на ABC News, објасни дека преместувањето на четири авиони преку активна писта е многу стресна задача, особено ако нема комуникација меѓу двајцата контролори“, рече тој....

Пожар зафати попладнево дел од куќа во неготинско Долни Дисан, информацијата ја потврдија од Територијална противпожарна единица Неготино. Добивај вести на вибер – Веднаш по дојавата, заминавме на лице место. За среќа, пожарот го зафати само долниот дел од куќата и нема поголеми штети, рекоа од Противпожарната единица. Оттаму појаснија дека интервенирале со две противпожарни возила и пет пожарникари. – Огинот е изгаснат, едно возило и двајца пожарникари остануваат да ја следат ситуацијата уште некое време, истакна командирот на Противпожарната единица Стојче Атанасов....

Руските сили постигнаа значителен напредок во тесниот коридор во источна Украина, а офанзивата на Москва за заземање територија пред пристигнувањето на западната воена помош се забрзува, пишува Гардијан. Добивај вести на вибер На снимката објавена од воените блогери на Кремљ се гледа како руската тробојка лета над уништеното село Очеретин. Руските војници, наводно, влегле на територија северозападно од градот Авдијевка, откако за 10 дена напреднале околу пет километри. Украинската армија, да потсетиме, се повлече од Авдијевка во февруари и се обидува да воспостави нова одбранбена линија во населбите долж реката Дурна, но во последните недели засилените руски војници напредуваат, користејќи воздушни бомби за рушење на украинските бункери. Малку посеверно, во тек е голема руска офанзива за заземање на градот Часив Јар. Источната воена команда на Украина објави дека од 20.000 до 25.000 непријателски војници се обидуваат да го нападнат градот и околните области. – Кремљ сака да го освои до 9 мај – датумот кога Русите го слават Денот на советската победа во Втората светска војна, рече Володимир Зеленски....

Воздухопловната база на американската војска Ал Асад во западен Ирак вчера беше нападната, а не беше направена никаква штета и никој не беше повреден, изјави неименуван американски функционер за Тајмс оф Израел. Добивај вести на вибер „Ова беше втор напад против американските сили од 4 февруари“, додаде американскиот функционер, мислејќи на нападот во неделата кога врз истата база беа истрелани пет ракети од пограничниот град Зума. Во тоа време, Америка објави дека сојузничкиот воен авион уништил ракетен фрлач во Сирија, додавајќи дека ниту еден американски воен персонал не бил повреден. Бранот од 165 напади врз американските војници во Ирак и Сирија започна во октомври минатата година, откако Хамас го нападна Израел, а заврши во февруари кога САД извршија воздушни напади врз цели поврзани со Иран во Ирак и Сирија....

Пекинг решително ги отфрла неоснованите обвинувања на САД во однос на кинеската трговска и економска размена со Русија, изјави денеска портпаролот на кинеското Министерство за надворешни работи, Ванг Венбин. Добивај вести на вибер „САД продолжуваат да упатуваат неосновани обвинувања за нормалната трговска и економска размена меѓу Кина и Русија додека донесуваат закон за голема помош за Украина“, рече Ванг на редовниот брифинг со новинарите на прашањето за коментар за обвинувањата на САД и можните санкции поради ова прашање, пренесува Ксинхуа. Ванг нагласи дека позицијата на Кина за украинското прашање е „фер и објективна“ и дека неговата земја „активно работи“ на мировните преговори и политичкото решение на конфликтот....

Портпаролот на вооруженото крило на Хамас, бригадите Ал-Касам, повика на ескалација на сите фронтови во телевизискиот говор по повод 200 дена од почетокот на војната меѓу Израел и Хамас во Појасот Газа на 7 октомври 2023 година. Добивај вести на вибер Во видеото објавено од Ал Џезира, Абу Убаида го пофали нападот на Иран врз Израел на 13 април, велејќи дека директните напади со беспилотни летала и ракети „поставуваат нови правила, повлекоа важни паралели и ги збунија непријателот и оние што стојат зад него“. Тој повика и на ескалација на Западниот Брег и во Јордан, велејќи дека тоа е „еден од најважните арапски фронтови“. „Го повикуваме јорданскиот народ да ги засили своите акции и да го крене својот глас“, рече тој. Абу Убаида рече дека Хамас останува на барањата што ги постави на разговорите за прекин на огнот, односно да бара Израел да ја прекине воената офанзива, да ги повлече своите сили од Појасот Газа, да им дозволи на раселените да се вратат во северниот дел на Газа. Во меѓувреме, Израел ги засили нападите низ Појасот Газа, рекоа жителите, додавајќи дека тоа е едно од најлошите гранатирања во последните неколку недели. Армијата нареди нова евакуација на северот од палестинската енклава, предупредувајќи ги цивилите дека се наоѓаат во „опасна борбена зона“....

Шпанија по грешка го ослободи шефот на мароканскиот нарко-картел Карим Бујаричан, кој се закани дека ќе ги убие холандскиот премиер Марк Руте и холандската престолонаследничка Амалија. Добивај вести на вибер Бујаричан важи за еден од најбараните и најопасни криминалци во Холандија. Убил десетици луѓе во Белгија, Холандија, Шпанија и Мароко, пишуваат медиумите. Забележано е дека шефот на картелот се барал пет години, а бил фатен во јануари минатата година за време на голема операција во Марбела, Шпанија. Холандските власти веднаш побараа негова екстрадиција за да се соочат со обвиненија поврзани со неговата империја за трговија со дрога. Врховниот суд на Шпанија го одобри барањето, но се чинеше дека го потврди и провинцискиот суд во Малага, кој го уапси Бујаричан, барајќи истрага за перење пари од нарко босовите во Шпанија пред екстрадиција. Поради тоа, судот се согласил да го ослободи водачот на бандата со кауција од 50 илјади евра, по што тој исчезнал. Холандија поднесе второ итно барање, а шпанскиот Врховен суд ја прифати жалбата, но не издаде наредба за притвор за Бујаричан, што ќе го држеше во притвор во очекување на екстрадиција....

Заина Харун, портпаролка на Ал-Хак, независна палестинска организација за човекови права со седиште на окупираниот Западен Брег, рече дека откривањето на масовните гробници во болницата Насер и претходно во болницата Ал-Шифа е „суров доказ за воените злосторства и секако, геноцидот извршен од Израел го врши врз палестинскиот народ во Појасот Газа“. Добивај вести на вибер „Првите извештаи од болницата Насер покажуваат дека на некои од телата на убиените им биле врзани рацете зад грб и дека има тела на жени и постари Палестинци“, изјави таа за Ал Џезира. Харун посочи дека е потребен „соодветен истражен механизам“ за да се добие целосен и неограничен пристап до Појасот Газа како целина, вклучително и местата каде што се откриени масовните гробници. Равина Шамдасани, портпаролка на Канцеларијата на Високиот комесаријат за човекови права на ОН, рече дека се работи на потврдување на извештаите на палестинските власти за телата пронајдени во болниците Насер во Кан Јунис и Ал-Шифа во градот Газа. Според овие извештаи, телата на погубените Палестинци биле закопани под куп отпад, а меѓу жртвите имало и жени и постари лица. „Чувствуваме потреба да алармираме бидејќи е очигледно дека се откриени повеќе тела во масовните гробници“, рече Шамдасани. Палестинските власти оваа недела соопштија дека пронашле стотици тела во масовни гробници околу болницата Насер во Кан Јунис, откако израелската армија ја напуштила областа. Десетици тела се пронајдени и во близина на болницата Ал-Шифа, потврдија палестинските власти....

Таткото на осомничениот, Дејан Драгијевиќ, oсомничен за смртта на малата Данка, ќе продолжи да го брани бранител по службена должност. Добивај вести на вибер Во истрагата за убиството на малата Данка Илиќ, чие тело се уште се води за исчезнато, осомничените покажуваат дека на секој начин си обезбедуваат поповолна положба. Бараат нови бранители, укинувајќи им го полномошното на досегашните. Радослав Драгијевиќ, осомничен дека му помагал на синот Дејан Драгијевиќ да го сокрие телото на Данка која синот Дејан претходно ја убил со колегата од „Водоводот“, Срѓан Јанковиќ, денеска го известил обвинителот дека сака да го смени својот адвокат. – Радослав Драгијевиќ побара обвинителството во Заечар да му обезбеди бранител по службена должност, па јас повеќе не сум негов бранител – изјави Небојша Живановиќ за „Република“. Радослав Раде Драгијевиќ се бранеше со молчење во досегашната постапка, а неговата сопруга Светлана Драгијевиќ претходно во интервју за нашиот портал изјави дека веќе му должи 1.000 евра на адвокатот Живановиќ за застапување на нејзиниот сопруг. Во врска со ова, можно е Драгијевиќ да немаат пари за адвокат, па поради тоа да се укине полномошното на избраниот бранител. Да потсетиме, мајката на убиецот Светлана Драгијевиќ како сведок била повикана на распит во Вишото јавно обвинителство Заечар каде го искористила законското право да не сведочи со оглед дека осомничениот Дејан е нејзиниот син, а Радослав нејзиниот сопруг....

Многу силен земјотрес со јачина од 5,2 степени според Рихтеровата скала ја погоди Португалија. Добивај вести на вибер Епицентарот на земјотресот бил во близина на Азорските острови, на длабочина од десет километри. Засега нема информации за жртви и материјална штета....

Унгарија ќе го блокира доделувањето на ЕУ од две милијарди евра воена помош за Украина додека не добие гаранции дека унгарските компании нема да бидат вклучени на украинската црна листа. Добивај вести на вибер Унгарскиот министер за надворешни работи Петер Сијарто наведува дека ставот на Будимпешта ќе остане непроменет додека не добие гаранции од украинската страна дека ќе престане да ги прогонува унгарските компании. Унгарската влада претходно неколку пати изјави дека нема да се согласи следната транша од 500 милиони евра од Европскиот мировен фонд да ја искористи за воена помош за Украина. Будимпешта продолжува да ги блокира средствата бидејќи Киев сè уште не дал гаранции дека неоправдано нема да вклучи унгарски компании на листата на „меѓународни воени спонзори“ составена од Националната агенција за борба против корупцијата на Украина....

Рускиот суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа. Добивај вести на вибер Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург. Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион. Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни. Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се смешка на колегите од медиумите. Рускиот претседател Владимир Путин изјави дека во одреден момент Гершкович би можел да биде ослободен во замена рускиот затвореник да биде задржан во странство, но таков договор се уште не е постигнат....

Британскиот премиер Риши Сунак најави дека ќе издвои дополнителни 10 милијарди фунти за долгорочно финансирање на производството на оружје и изјави дека „ќе ја стави британската одбранбена индустрија на воена основа“ поради војната во Украина. Добивај вести на вибер „Ќе ја ставиме британската одбранбена индустрија на воена основа. Една од централните лекции од војната во Украина е дека ни требаат подлабоки резерви на муниција за индустријата да може побрзо да ја произведува“, рече Сунак за време на заедничката прес-конференција во Полска заедно со генералниот секретар на НАТО, Јенс Столтенберг, пренесува Ројтерс. Тој претходно предупреди на зголемени безбедносни закани во светот и додаде дека Британија не ја преценува опасноста....

На натпреварот помеѓу Денвер и Лос Анџелес Лејкерс имаше гужва на трибините. На видеото кое се појави на социјалните мрежи се гледаат како браќата на Никола Јокиќ влегуваат во клинч со едeн обожавател. Не се знае дали се работи за навивач на Нагетс или Лејкерс, но таму беше и семејството на Јокиќ. Добивај вести на вибер Во еден момент Страхиња Јокиќ, постариот брат на Никола, жестоко се скарал со некој од трибините, тргнал кон него, прво се обидел да го удри со нога, а потоа го удрил во брадата. Другиот брат на Јокиќ Немања веднаш интервенирал за да го смири Страхиња, а таму биле сопругата на Никола, Наталија и ќерката Огњена. @cgallegos67 #nuggets #nba #lakers #jokic ♬ original sound – Christian...

Врховниот суд в четврток ќе одржи јавна седница по изјавената жалба на осомничениот Александар Ѓорчевски, татко на убиената Вања Ѓорчевска, против решението на Апелацискиот суд Скопје за мерката притвор. Добивај вести на вибер Ова е втора јавна седница пред Врховниот суд по мераката притвор на таткото на Вања. – Врховниот суд ја известува јавноста дека по изјавената жалба на осомничениот А. Ѓ. од Скопје, преку неговиот бранител Владимир Туфегџиќ, адвокат од Скопје, против решението на Апелационен суд Скопје КСЖ-320/23 од 02.04.2024 година, по која е формиран предмет во Врховниот суд на Република Северна Македонија како ВКЖ1-14/24, на барање на одбраната закажана е јавна седница за 25.04.2024 година со почеток во 10:00 часот, се вели во соопштението од Врховен. Претходно во март годинава Врховен ја одби како неоснована жалбата против мерката „притвор“ на Ѓорчевски, по решението на Апелациониот суд Скопје КСЖ-223/24 од 01.03.2024 година. Малолетната Вања Ѓорчевска, која беше пријавена за исчезната на 27 ноември, беше пронајдена мртва во близина на Скопје на 3 декември, кога во близина на Велес беше пронајден мртов и велешанецот Панче, кој, пак, беше пријавен за исчезнат на 24 ноември. За двете убиства, за две кривични дела „грабнување“ и „убиство на свиреп начин“ првообвинет е Љубомир Палевски Палчо, за кого се чека екстрадиција од Турција, а за соучество се товарат и Велибор Манев, Влатко Кешишов и Боре Видевски кои се во притвор во Скопје. Во притвор е и таткото на Вања, Александар Ѓорчевски, кој се сомничи дека помагал во грабнувањето со тоа што, како што соопштија своевремено надлежните, споделувал информации со другите осомничени за движењето на неговата ќерка. По предлог на надлежен обвинител беше укинат притворот на Стефан Димовски, возачот на Љупчо Палевски-Палчо, кој е осомничен за помагање при бегството. На Димовски му се определени мерки на претпазливост – забрана за напуштање на живеалиште, одземање патна исправа и обврска за јавување во суд....

Министерството за образование и наука информира дека наставата од деновите на гласањето за изборите, 24 април и 8 мај, како и од 30 ноември 2023 за учениците од Скопје, кога беше организиран Самитот на ОБСЕ, наместо во саботи, ќе се надомести во работни денови. Добивај вести на вибер МОН во допис до медиумите попладнево соопшти дека учебната година нема да биде продолжена и ќе заврши согласно календарот за настава, но во денови од работната недела учениците ќе престојуваат подолго за да го надоместат пропуштеното. За организирањето се задолжени директорите на училиштата. -Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН. Министерство за образование и наука потсетува дека наставната година за учениците од средните училишта ќе трае до 10 јуни, а за учениците од основните училишта до 17 јуни. -Потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја, наведува МОН. Училиштата нема да работат утре и на 8 мај, а во оние каде што ќе се спроведува гласањето, поради подготовките денеска работеа со скратени часови....

Фудбалскиот тренер на Пари Сен Жермен, Луис Енрике денеска изјави дека сака да ја освои тројната круна оваа сезона со клубот од Париз. Добивај вести на вибер Фудбалерите на ПСЖ утре ќе и гостуваат на екипата на Лориен во натпревар од 29. коло на францускиот шампионат. ПСЖ е на првото место на табелата во францускиот шампионат и има 11 бодови повеќе од второпласираниот Монако, кој утре на свој терен го пречекува Лил....

Државната изборна комисија (ДИК) е целосно подготвена за спроведување на утрешните претседателски избори, изјави денеска на седница претседателот на ДИК Александар Даштевски. Добивај вести на вибер -Целосно сме подготвени за утрешниот ден. И тие подготвки никогаш не престануваат. Постојано на некого нешто му фали така што сме во контакт нон стоп со луѓето. Од сабајле сме имале повеќе контакти и ќе продолжиме да бидеме во контакт. И утре во текот на денот ако се појавуваат проблеми ќе ги решаваме во од бидејќи тоа е таква жива проблематика која мора да се решава тековно, рече Даштевски. Правото на глас на утрешните избори, како што појасни Даштевски, граѓаните ќе можат да го остварат со важечки документ за лична идентификација, лична карта и патна исправа со старо уставно име на Република Македонија како и со лична карта и патна исправа чија важност истекла девет месеци пред денот на одржувањето на изборите, а за утре тоа е 24 јули 2023 година. Даштевски кажа дека нема проблеми со гласањето денеска на болните, затворениците, во дијаспората и лицата во старските домови. – Гласањето добро се одвива и трае и тие податоци ќе ги имаме до вечер. Некаде е завршено, но гласањето трае до 19 часот. По завршувањето на гласањето денеска ДИК, како што беше појаснето, ќе објави информации за излезноста на гласачите, додека резултатите ќе бидат сублимирани и објавени утре заедно со останатите. На денешната 98. седница акредитирани се нови набљудувачи за Претседател и за Парламентарните избори. Вкупната бројка на набљудувачи се зголеми на 1601, од кои 915 се домашни, а 544 меѓународни набљудувачли, 84 преведувачи како и 58 странски новинари. Дополнително на седницата се одобрени акредиации на ОБСЕ/ОДИХР за четворица набљудувачи и двајца преведувачи, за Косова прес за двајца новинари, на Амбасадата на САД за четворица набљудувачи, Еуроњуз Албанија за двајца новинари, за Фондација ромите за демократија за двајца набљудувачи, за АБЦ Њуз Албанија тројца новинари, Асошиејтед прес пет новинари, ТВ АРД Германија еден новинар, Прва ТВ Србија двајца новинари, РТВ Косово пет новинари, ТВ ЗДФ 3, Вејк уп дополнување со 570 набљудувачи, Македонски центар за културен развој еден набљудувач, ТВ Н1 за двајца новинари, БНТ тројца новинари, и ИФЕС дополнување со еден набљудувач за парламентарните избори. Акредитираните набљудувачи и странски новинари и медиуми добиваат беџови од ДИК за да можат да ги следат изборите, додека како што појасни членот на ДИК Борис Кондарко, домашните новинари, фоторепортери и сниматели ќе можат да известуваат и да ги посетуваат избирачките места од изборите само со своите прес-легитимации. Дозволено е да се снима и да се слика во избирачките места, но не е дозволено да се снима и да се слика зад параванот за да не се наруши тајноста на гласањето, како и Избирачкиот список бидејќи таму има лични податоци на граѓаните. Евентуално може да се направи исклучок ако некој од гласачите затекнати на избирачкото место не сака да даде согласност и не сака да биде снимен, истакна членот на ДИК Борис Кондарко....

СВР Тетово поднесе кривична пријава против А.К.(73) од Тетово, поради постоење основи на сомнение за сторени кривични дела „телесна повреда“ при семејно насилство и „загрозување на сигурноста“. Добивај вести на вибер – Пријавениот, својата снаа ја држел затворена во домот, физички ја напаѓал во повеќе наврати и и нанел повреди – извести полицијата....

На едно од најголемите дерби на планетата меѓу Атлетико Национал и Индепендиенте, фудбалер беше прободен со нож во глава. Фудбалерот на Атлетико, Пабло Чепелини, требаше да изведе корнер на крајот од натпреварот при резултат 2:2, а од трибините излета нож и го удри по главал. Чепелилни клекна, падна на земја, а ножот прелета покрај судијката, која имаше само среќа што не ја погоди. Добивај вести на вибер DERBİDE KORUTAN OLAYKolombiya'daki Medellin-Atletico Nacional derbisinde tribünden atılan bir bıçak, futbolcu Pablo Ceppelini'nin başına isabet etti pic.twitter.com/JAoWDpKooP — Finanskolik (@finanskolik) April 23, 2024 Неверојатно е што играчот на Атлетико брзо стана од земја и го продолжи натпреварот, па може да се каже дека и тој имаше среќа. Ова дерби важи за едно од најголемите на планетата, а Атлетико Национал и стана познат на пошироката јавност кога на чело на овој клуб беше Пабло Ескобар....

МВР извести дека вчера во 12.40 часот во основно училиште на подрачјето на населба Влае во Скопје, полициски службеници уапсиле ученик (штитеник од Јавна установа за згрижување на деца) поради тоа што околу 10 часот во училиштето, откако претходно скршил дел од инвентар, физички нападнал негови соученици и двајца наставници, а го скршил и мобилниот телефон на еден од наставниците. Добивај вести на вибер По целосно документирање на случајот ќе следува соодветен поднесок....

На едно од најголемите дерби на планетата меѓу Атлетико Национал и Индепендиенте, фудбалер беше прободен со нож во глава. Фудбалерот на Атлетико, Пабло Чепелини, требаше да изведе корнер на крајот од натпреварот при резултат 2:2, а од трибините излета нож и го удри по главал. Чепелилни клекна, падна на земја, а ножот прелета покрај судијката, која имаше само среќа што не ја погоди. Добивај вести на вибер DERBİDE KORUTAN OLAYKolombiya'daki Medellin-Atletico Nacional derbisinde tribünden atılan bir bıçak, futbolcu Pablo Ceppelini'nin başına isabet etti pic.twitter.com/JAoWDpKooP — Finanskolik (@finanskolik) April 23, 2024 Неверојатно е што играчот на Атлетико брзо стана од земја и го продолжи натпреварот, па може да се каже дека и тој имаше среќа. Ова дерби важи за едно од најголемите на планетата, а Атлетико Национал и стана познат на пошироката јавност кога на чело на овој клуб беше Пабло Ескобар....

Третото основно јавно обвинителство Белград на 23.4.2024 година поднесе обвинителен акт против М.Р. (43), поради сомнение дека во периодот од почетокот на 2024 година до 8.3.2024 година, во состојба на пресметливост ја труeла својата ќерка (4) со лекови за смирување. Добивај вести на вибер Како што се наведува во соопштението на Третото обвинителство, постои сомнеж дека М.Р. растворила во течност седативи од групата бензодиазепини кои имаат зависно дејство и во Смедерево и во болничката соба на Институтот за Здравјето на мајката и детето и ги давала да се напие на малолетната жртва, без пропишана терапија, притоа не грижејќи се за последиците по здравјето на малолетната жртва. – Ваквото однесување на пријавената нанело тешки штети по здравјето на малолетната жртва, што се манифестирало во вид на клинички нарушувања на нестабилност при одење, грчење на раката, цело тело и зголемена саливација – се наведува во соопштението. Третото основно јавно обвинителство во Белград му предложи на судот да го продолжи притворотот на обвинетата од 8 март 2024 година кога била уапсена. Кривичниот законик предвидува дека тој што со употреба на насилство, со закана дека ќе нападне живот или тело, со дрско или непромислено однесување ќе го загрози спокојот, физичкиот интегритет или психичката состојба на малолетно лице од неговото семејство, ќе се казни со затворска казна од две до 10 години....

Кинезите се активни во Германија во собирање информации за воената технологија, изјави Томас Халденванг, претседател на Сојузната канцеларија за заштита на уставот, домашната разузнавачка служба на Германија. Добивај вести на вибер Халденванг зборуваше за апсење на тројца германски државјани поради сомнение дека им дале информации на Кинезите за нови технологии кои би можеле да се користат за воени цели. „Тоа е случај од особено значење. Се занимаваме со проширување на активностите, се работи за знаење за производство на оружје“, додаде тој. Халденванг разговараше пред новото апсење во врска со наводното кинеско шпионирање. Во вторникот вечерта, помошник на европскиот претставник на Алтернатива за Германија (AfD) беше уапсен во Дрезден за давање информации на Кинезите. Тоа беше само продолжение на шпионските игри во последно време. Претходно, двајца руско-германски државјани беа уапсени во Баварија под сомнение дека снимиле американски воени бази во Германија и подготвувале напад. „Со години забележуваме дека Русија има развиено големи активности овде во Германија“, вели Халденванг. „Уште пред војната во Украина реков дека заканата е слична на онаа од времето на Студената војна“, рече тој. „Се разбира, сè беше интензивирано со рускиот напад врз Украина и мораме да разбереме дека Русија се занимава со шпионажа, сајбер шпионажа, операции за влијание, дезинформации“, продолжи првиот човек на германската разузнавачка служба. Според неговото мислење, Германија е особено нападната како „важен играч“ во воената и политичката поддршка за Украина. Украинските војници се обучуваат и во Германија. Халденванг рече дека „во екстремен случај“, рускиот репертоар вклучува саботажа и додаде: „Може да се смета дека витален интерес на Москва е да ја спречи или попречи испораката на оружје за Украина. А земја која е подготвена да води војна со најбрутални средства сигурно нема да се оддалечи од саботажа и за тоа сценарио“. Како што наведе, германските служби се на готовност и веќе на почетокот на војната во Украина прогласиле „голем број руски агенти“ за непожелни, што ги „ослабнало можностите на руските служби во Германија“....

Минималната синдикална кошница за април изнесува 60.212 денари и е за 1.214 денари повисока отколку во март годинава кога беше 58.998 денари. Со изнајмен стан од 60 квадратни метри, пак, изнесува 75.587 денари, соопшти Сојузот на синдикати на Македонија (ССМ). Добивај вести на вибер Според пресметката на ССМ, од минималната синдикална кошничка едно четиричлено семејство за храна и пијалаци треба да одвои 22.200 денари или 36,9 отсто, за облека и обувки 4.866 денари, односно 8,1 отсто, за станарина, вода, електрична енергија, и греење 6.014 денари или 10 отсто, за лична хигиена и одржување на хигиена во домот 1.827 денари или 3 отсто, за здравје 1.059 денари или 1,8 отсто, за транспорт 5.068 денари, односно 8,4 отсто. За комуникации на едно четиричлено семејство во април годинава му биле неопходни 3.004 денари, односно 5 отсто од износот на минималната кошничка, за рекреација и култура 4.378 денари или 7,3 отсто, за образование 6.955 денари или 11,6 отсто, за ресторани и хотели 3.890 денари или 6,5 отсто, а за останати стоки и услуги 950 денари, односно 1,6 отсто. Доколку живеат во изнајмен стан потребни им се дополнителни 15.375 денари....

Судскиот процес против тројцата лекари од струшката Болница, гинекологот Мухамед Асани, неговиот син доктор Блертон Асани и доктор Лилјана Јованоска, обвинети за отстранувањето на три органи на родилката од Дебар Јилдз Веапоска ќе продолжи со супер вештачење, беше одлучено на денешното рочиште во Основниот суд во Струга. Добивај вести на вибер Таквата одлука на судијата Јордан Јованов дојде поради неусогласување на вештачењата на вешти лица од Судска медицина побарано од Јавниот обвинител и на техничкиот советник на барање на обвинетите. Според вештачењето на тројцата вештаци од Институтот за судска медицина влошувањето на состојбата на Веапоска дошло поради погрешни постапки од здравствените работници, додека вештачењето на техничкиот советник професор доктор Драге Дабески покажува дека обвинетите лекари не направиле пропуст при лекувањето на родилката, туку со дејствувањето и бил спасен животот. Супер вештачењето треба да го прави судско медицински одбор при Медицинскиот факултет од Скопје. Тоа, според директорот на Институтот за судска медицина професор доктор Александар Станков, треба да го направат три вешти лица. -Нашето вештачење е јасно, концизно, лоцирани се сите проблеми заради кои е дојдено до состојбата кај оштетената Веапоска и заради што и се извадени органите. Според нашето вештачење, влошувањето на здравствената состојба е настанато исклучиво поради делувањето на здравствениот тим во Болницата во Струга, изјави Станков. Врз основа на вештачењето на Судска медицина, нагласи, беше подигнато и обвинението за случајот со родилката од Дебар. -За жал законот е таков каков што е, овозможува вештачење од вештак поединец кое се споредува со вештачење направено од институција и тројца професори. Со тоа му дава право на судот да побара супер вештачење кога имаме спротивни вештачења. Ова многу често се случува намерно и врз основа на никакви докази да се прават вештачења, кои се спротивни, само за да бидат спротивни на вештачењето дадено од Институтот за да можат да се прават супер вештачења, заклучи Станков. Адвокатот на трето обвинетата, Александар Новаковски истакна дека двете вештачења не се усогласија во однос на настанување на последиците кои ги има оштетената, односно се со спротивставени мислења за начинот на кој е водена целата нега. -Со оглед дека вештаците предложени од Обвинителството и вештакот од одбраната кои ги дадоа своите извештаи и искази не успеаа да се усогласат, судијата донесе наредба да се изврши супер вештачење. Кога ќе се добие тоа супер вештачење ќе привршуваме со предметот, истакна Новаковски. За адвокатот на оштетената Сашо Јанев постои само едно вештачење, а тоа е вештачењето на Судска медицина. -Јас сум убеден дека ова вештачење ќе опстои бидејќи нема друга вистина. Но судот нема избор кога постојат две спротивставени вештачења, иако според мене нема спротивставеност тука. Судско медицинскиот одбор при Медицинскиот факултет е составен од 19 лекари од различни профили. Верувам дека тие луѓе солидно и квалитетно ќе си ја извршат својата работа и не се сомневам во квалитетот на супер вештачењето. Јас сум убеден, ја знам вистината. Вистината е дека мојот клиент е оштетен поради дејствија на лекарите, а тоа има да се затвори со една квалитетна законита пресуда, изјави Јанев. Судскиот процес со родилката од Дебар Јилдз Веапоска, на која по породувањето со царски рез, во Болницата во Струга и беа отстранеи матка, јајник и бубрег трае две години, во кои се променија тројца судии. Оштетената вели дека сето тоа лошо влијае врз неа и нејзиното здравје, но очекува правдата да биде задоволена. -Врз мене лошо влијае и физички и психички и едвај чекам да дојде крајот и вистината да излезе. Не само за мене туку за сите жени во Македонија да не молчат и да не запираат кога има лекарски грешки, рече Веапоска. Следното рочиште, кога се очекува да бидат готови извештаите од супер вештачењето е закажано за 3 јуни годинава....

Воздухопловните сили на Русија фрлиле огромен број бомби на сопствена територија претходно овој месец, според извештајот на независните медиуми. Добивај вести на вибер Како што пишува Политико, војската на рускиот претседател Владимир Путин редовно ја бомбардира Украина од небо над пограничните региони, како што е Белгород, што доведе до инциденти на пријателски оган. Минатата недела руските воздухопловни сили „фрлија“ ракета Х-59 во регионот на Белгород, на 92 километри од границата со Украина, објави доцна синоќа рускиот независен медиум Астра на Телеграм, повикувајќи се на свои извори. „Војската мораше да го уништи на лице место. Немаше жртви“, рече Астра. Вкупно, најмалку 21 воздушна бомба паднаа од руски авиони на Русија или на окупираните територии на Украина само во март и април, објави Астра. „Нема точни одговори зошто ова продолжува да се случува“, напишаа новинарите. На 2 април, руски бомбардер фрли експлозив во близина на железничката станица во Рубижнеј, град во окупираниот дел на Луганската област. „Бројот на жртви не е пријавен, преживеаните се евакуирани и задржани заедно“, изјави во соопштението Артем Лисохор, шеф на воената администрација на Украина во регионот Луганск. На 20 април минатата година руска бомба падна во центарот на Белгород и создаде огромен кратер. Руското Министерство за одбрана во соопштение објави дека „за време на летот на авионот Су-34 на Воздухопловните сили над градот Белгород дошло до необичен пад на авијациската муниција“....