ГОЛЕМ ПОЖАР ВО БИТОЛАПожарот во „Жито Битола“ e ставен под контрола. Ангажирани се 27 пожарникари од битолската единица, а на помош пристигна и против-пожарно возило на РЕК-Битола.Сега се чуваат силосите, кои се близу и каде има жито. Пожарот е пријавен во 17 часот и 20 минути. Пожарникарите ќе останат цела ноќ. Битолскиот градоначалник Тони Коњановски, кој беше на местото, вели дека во моментот кога избил пожарот во фабриката имало двајца вработени, кои навремено биле евакуирани. Се смета дека пожарот почнал од покривот, кој е целосно изгорен. КОВИД БИЛАНСОТ ПОКАЖУВА ДЕКА ИМАМЕ НАД 1.400 ЗАРАЗЕНИ СО КОРОНАМинистерството за здравство информира, согласно податоците од Институтот за јавно здравје дека во последните 24 часа:Направени се 5.604 тестови, а регистрирани се 1.424 нови случаи на КОВИД-19:Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – 8, Виница – 7, Радовиш, Пробиштип, Богданци и Македонски Брод – по 5, Делчево, Берово и Демир Хисар – по 3, Кратово и Демир Капија – по 2, Дебар, Валандово, Крушево и Дојран – по 1.Од вкупниот број на позитивни (1.424), регистрирани се 214 реинфекции.ПЕЦАКОВ ЌЕ ТУЖИOд ВМРО-ДПМНЕ обвинија дека случајот со охридскиот градоначалник Кирил Пецаков е фабрикуван, а Пецаков ќе покрене постапки за клевета. Откако од СДСМ изјавија дека однесувањето на Пецаков било скандалозно и крајно неодговорно и побараа одговорност, од ВМРО-ДПМНЕ се јавија со реакција дека случајот е фабрикуван. Велат, ќе има одговорност за клевети. Од партијата додаваат дека градоначалникот Пецаков се тестирал на 19 јануари поради патување, а се изолирал веднаш откако го добил резултатот.Додаваат дека два дена по првиот тест, градоначалникот Пецаков прави втор тест, на кој истиот е негативен. И двата теста се спроведени во Центарот за јавно здравје во Охрид, од каде и се шират сите небулози, додаваат од партијата. „СДСМ дефокусира од фактот дека со нивната неспособност убија 8 илјади луѓе, порано беше Наќе крив, сега Пецак им е крив. Ова е истото СДСМ, чиј што претседател Заев и министер Филипче преговараа за провизии од вакцини, на кои луѓе им умираа за кислород, им се палеа болници и луѓе живи гореа“, се вели во соопштението од ВМРО ДПМНЕ....

Пожарот во „Жито Битола“ e ставен под контрола. Ангажирани се 27 пожарникари од битолската единица, а на помош пристигна и против-пожарно возило на РЕК-Битола.Сега се чуваат силосите, кои се близу и каде има жито. Пожарот е пријавен во 17 часот и 20 минути. Пожарникарите ќе останат цела ноќ. Битолскиот градоначалник Тони Коњановски, кој беше на местото, вели дека во моментот кога избил пожарот во фабриката имало двајца вработени, кои навремено биле евакуирани. Се смета дека пожарот почнал од покривот, кој е целосно изгорен....

Невреме денеска ја зафати Грција при што има затворени училишта. Невремето „Елипида“ донесе снег на дел од Кикладските острови. Утрово Миконос, Наксос, Тинос, Сирос, Андрос, беа под снег што ретко се случува. Училиштата ќе бидат затворени и во повеќе други делови на Грција, во северниот и централниот дел, на дел од островите и на Крит, а наставата ќе се одржува онлајн. Невремето во повеќе делови од земјата веќе донесе снег и тоа на места што досега не било вообичаено да бидат под снежна покривка, а се очекува утре да пристигне и во Атина, поради што училиштата во следните два дена ќе останат затворени, додека пак надлежниот министер ги повика граѓаните да избегнуваат непотребни движења, јави дописничката на МИА од Атина.Попладнево е одржан вонреден состанок Министерството за климатска криза и цивилна заштита на Грција за подготвеноста на државниот механизам да се справи со снежната бура. Периферијата Атика, по средбата со сите градоначалници, донесе одлука основните и средните училишта да останат затворени. Во вторник ќе има одлука дали од среда училиштата ќе си продолжат со работа....

Градоначалникот на Битола, Тони Коњановски вели дека двајца работници успеале да го напуштат објектот на „Жито Битола“, каде попладнево избувна голем пожар. Пожарот го гасат 27 пожарникари со девет возила. Градоначалникот побарал РЕК Битола да отстапи цистерна, а се бара помош и од други места. „Контактирано е и со директорот на Центарот за управување со кризи, Стојанче Ангелов и со министерот за внатршени работи, Оливер Спасовски. Тоа е стар објект каде пожарникарите се обидуваат да го локализираат пожарот“, кажа Коњановски.Тој барал помош и од соседните општии....

Министерството за здравство информира, согласно податоците од Институтот за јавно здравје дека во последните 24 часа:Направени се 5.604 тестови, а регистрирани се 1.424 нови случаи на КОВИД-19:Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – 8, Виница – 7, Радовиш, Пробиштип, Богданци и Македонски Брод – по 5, Делчево, Берово и Демир Хисар – по 3, Кратово и Демир Капија – по 2, Дебар, Валандово, Крушево и Дојран – по 1.Од вкупниот број на позитивни (1.424), регистрирани се 214 реинфекции.Регистрирани сe 1.083 оздравени пациенти од: Скопје – 496, Битола - 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – 7, Богданци и Демир Хисар – по 6, Пробиштип – 5, Виница – 4, Крива Паланка, Македонски Брод и Кратово – по 3, Валандово – 2, Дебар и Пехчево – по 1.Во текот на изминатите 24 часа регистрирани се 15 починати лица: 6 починати лица од Скопје (69г, 72г, 77г, 82г, 89г и 90г), по 2 починати од Велес (43г и 69г), Струмица (65г и 66г) и Прилеп (58г и 80г) и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63г до 80г. Пријавените се починати во период од 4.01.2022 до 20.01.2022г. Од пријавените лица три се починати во домашни услови, а две лица во болнички услови.Од вкупниот број на починати лица (n=20), три лица се целосно вакцинирани.Направени се 5.604 тестови преку: ИЈЗ-357, ЦЈЗ Скопје-46, ЦЈЗ Битола-103, ЦЈЗ Прилеп-46, ЦЈЗ Тетово–0, ЦЈЗ Куманово-84, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–285, Жан Митрев (Филип Втори)-149, Авицена-177, Биотек-269, Систина-95, лабораторија Лаор-247, Синлаб-38, Ремедика-9, Плодност-108, Генеа-14, Никоб Лаб-592, ВФВ Медикал-86, Ели Медика-46, Ројал Медика–31, Спектра-ММ-37, Рапид Лаб–53, Жан Митрев Струмица–24, Нова Лаб Дијагностика–18, Рамус-27, ЈЗУ и ПЗУ (рапид тест) – вкупно 2.663.Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 115911, Активни 11123Куманово 14307, Активни 748Прилеп 12361, Активни 863Тетово 12013, Активни 487Битола 12007, Активни 1619Гостивар 8539, Активни 316Кавадарци 8373, Активни 561Велес 8121, Активни 384Охрид 7708, Активни 642Штип 7337, Активни 340Струмица 6931, Активни 496Кичево 4778, Активни 289Кочани 4467, Активни 222Струга 4249, Активни 240Гевгелија 3505, Активни 357Неготино 2967, Активни 212Свети Николе 2332, Активни 117Ресен 2227, Активни 230Крива Паланка 2137, Активни 130Радовиш 2116, Активни 179Делчево 1680, Активни 150Берово 1605, Активни 93Дебар 1488, Активни 21Валандово 1271, Активни 163Виница 1249, Активни 46Пробиштип 1235, Активни 46Кратово 859, Активни 61Богданци 805, Активни 78Крушево 800, Активни 141Демир Хисар 744, Активни 71Македонски Брод 611, Активни 39Македонска Каменица 480, Активни 45Демир Капија 466, Активни 21Пехчево 402, Активни 28Дојран 200, Активни 13foto freepik.com...

Македонците во областа Голо Брдо, на албанско – македонската граница по последниот снег, чија дебелина надминува 40 сантиметри, веќе трет ден се отсечени од светот.„Дополнителен проблем е и недостигот на електрична енергија присутен веќе трет дена. Во текот на ноќта и утринските часови живата во термометарот падна на – 16 степени целзиусови, а вечерва и утре најава има за повисоки минусни температури“, велат жителите.Едмонд Османи администратор на административната единица Требиште за МИА изјави дека во соработка со градоначалникот на општина Булќиза се прават максимални напори за надминување на проблемите.Слични проблеми имаше и претходните години....

Пожарот кој попладнево избувна во фабрикатa „Жито Битола“, во полиција e пријавен во 17.20 часот. Досега нема пријава за повредени лица. Објектот сè уште гори.„Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. Досега нема пријава за повредени лица. Полициските службеници во координација со територијалната противпожарна единица Битола интензивно преземаат мерки за гасење на пожарот“, информира МВР.Сè уште нема информации како настанал пожарот.фото ТВ 21...

Во гостиварско село прво се скарале децата, а потоа се степале татковците. Во ПС Гостивар вчера во 21 часот, С.Х. (39) од село Горна Бањица гостиварско пријавил дека околу 19.00 во селото откако се сретнал со М.Д (37) од истото село, а поради претходна вербална расправија меѓу нивните малолетни деца, истиот физички го нападнал пријавителот. Полицијата презема мерки за расчистување на случајот....

Од почетокот на пандемијата, германската економија загуби 350 милијарди евра додадена вредност. Резултатот е ваков поради драстично намалената приватна потрошувачка. Податоците ги објави Институтот за германска економија (ИВ) во Келн.Лани Германија имаше раст од 2,7 отсто, откако во 2020 година е намален за 4,6 отсто. Влада уште во септември поаѓаше со стапка на економски раст од 4,1 за 2022 година. Сепак, како што дознава германската новинска агенција ДПА од владини извори, новата Влада за оваа година очекува економски раст од само 3,6 отсто. Во светот повеќе земји се соочуваат со инфлација....

Во 2 часот по полноќ сакале да бидат услужени, но им рекле дека повеќе не работат, по што тројца скопјани демолирале угостителски објект во АеродромПо полноќ во 2,15 часот е пријавено дека во угостителски објект во населбата Аеродром, Скопје, Д.М. (37), И.М. (32) и Ц.Б. (51) сите од Скопје, го нарушиле јавниот ред и мир со тоа што кршеле инвентар. По целосно расчистување на случајот против нив ќе бидат поднесени пријави....

Голем пожар попладнево избувна во фабрика која се наоѓа во индустрискиот дел на Битола.Според првични информации од терен, гори „Жито Битола“, јавува репортерот на ТВ21.фото ТВ 21...

Претставничката на Светската здравствена организација(СЗО) Марија ван Керхове денеска изјави дека уште три милијарди луѓе кои ја чекаат првата доза.Досега се администрирани 10 милијарди дози вакцини против коронавирусОмикрон не е последната варијанта на пандемијата на коронавирусот, велат од Светската здравствена организација(СЗО). Велат дека во многу земји како Велика Британија, каде има развиено високо ниво на имунитет на населението од инфекции, каде што покриеноста со вакцинација е висока, ќе видат разлика во иднина. Досега над 5.6 милиони луѓе во светот починаа од коронавирусот. Омикрон сепак може да доведе до полни болници и оптоварување на здравствените системи. foto freepik.com...

Во Црна Гора секој трет тестиран е позитивен на коронавирус. Учеството на позитивните во вкупниот број на тестирани е 33,93 отсто.Денес има 996 нови случаи од 2.844 тестирања, објави Институтот за јавно здравје. За 24 часа починале шест лица. Откако почна пандемијата од коронавирусот починаа 2.513. Активни се 9.580 случаи, а вкупниот број на регистрирани случаи на заразени досега бил 213.140. Откако почна пандемијата, имаше периоди кога Црна Гора беше земја без корона, но тоа е промени. Во Словенија денес дури 75 отсто од тестираните биле позитивни на вирусот....

БиХ е пропаднат проект, потребно е цивилизирано раздружување, вели Милорад Додик, српскиот член на Претседателството на Босна и Херцеговина. Тој ова го изјави во интервјуто објавено во неделата во шпанскиот тиражен дневен весник El Mundo. Објаснува дека тие немаат политика на сецесија, но кога веќе БиХ не може да биде успешна држава, најдобро е да се раздвојат. Вели дека БиХ е пропаднат проект и дека најдоброто решение за оваа држава е Бошњаците, Србите и Хрватите да се „раздвојат на цивилизиран начин“.„Во БиХ постојат три народа. Два од нив, Хрватите и Србите, се многу незадоволни. Муслиманите сакаат да создадат унитарна држава во којашто тие би биле доминантниот народ“, вели Додик.Тој во повеќе наврати години наназад се заканува со отцепување на Република Српска и припојување кон Србија. Но, за ваквите идеи остро ги критикуваат од СДА, партијата на Бакир Изетбеговиќ. САД воведе санкции за Додик, но ова него не го загрижи....

Oд ВМРО-ДПМНЕ обвинија дека случајот со охридскиот градоначалник Кирил Пецаков е фабрикуван, а Пецаков ќе покрене постапки за клевета. Откако од СДСМ изјавија дека однесувањето на Пецаков било скандалозно и крајно неодговорно и побараа одговорност, од ВМРО-ДПМНЕ се јавија со реакција дека случајот е фабрикуван. Велат, ќе има одговорност за клевети. Од партијата додаваат дека градоначалникот Пецаков се тестирал на 19 јануари поради патување, а се изолирал веднаш откако го добил резултатот.Додаваат дека два дена по првиот тест, градоначалникот Пецаков прави втор тест, на кој истиот е негативен. И двата теста се спроведени во Центарот за јавно здравје во Охрид, од каде и се шират сите небулози, додаваат од партијата. „СДСМ дефокусира од фактот дека со нивната неспособност убија 8 илјади луѓе, порано беше Наќе крив, сега Пецак им е крив. Ова е истото СДСМ, чиј што претседател Заев и министер Филипче преговараа за провизии од вакцини, на кои луѓе им умираа за кислород, им се палеа болници и луѓе живи гореа“, се вели во соопштението од ВМРО ДПМНЕ.Претходно, портпаролката на СДСМ Богданка Кузеска на прес-конференција побара Пецаков да одговара за непочитување на протоколите и свесно ширење зараза, а го повика и лидерот на партијата Христијан Мицкоски да даде одговор дали ќе побара одговорност од градоначалникот.Пецаков вели дека ја следел провладина хајка и разглобувањето до најситните детали околу неговото тестирање за ковид, надополнето со многу политика.„Веројатно тезата „Наќе е крив” сега е заменето со акцијата „Пецак е крив”, а сето ова само тие од власта да не бидат криви на кои им се случи геноцид на народот поради неспособност во справувањето со ковид заразата“, пишува тој на Фејсбук. Вели дека или станува збор за грешка во тестирањето или пак кујните на власта по своја потреба тоа така го фабрикувале....

И Швајцарија e пред укинување на потврдите за ковид. Mинистерoт за здравство Ален Берсет изјави дека потврдите за ковид наскоро би можеле да бидат укинати, загтоа што одговорот на јавниот здравствен систем на пандемијата на коронавирус се чини дека е „на вистинскиот пат“.Лани во неколку швајцарски градови се одржаа протести поради воведувањето на овие сертификати и други ограничувања поради коронавирусот. Тогаш беа собрани скоро 200.000 потписи, а во декември се одржа референдум на кој повеќето граѓани ги поддржаа ограничувањата. Во повеќе европски земји се намалуваат рестрикциите, иако бројот на заразени е висок....

Мало девојче преживеа снежна бура во Русија. Станува збор за девојче на возраст од 10 години кое ја преживеа ноќта во силна снежна бура гушкајќи куче, пренесе Си-ен-ен. Девојчето минатата недела отишло од училиште во градот Углегорск, но не се вратило дома. Градот е на западниот руски остов Сахалин, кој бил затрупан со снег, а дувале и ветрови со брзина до 80 км/ч.По девојчето имало потрага, а доброволец ја пронашол следното утро, како седи во куќичка со кучето на отворено и го прегрнува за да се стопли, пренесе дршавната руска телевизија. Девојчето е пренесено во болница и утврдено дека е во добра состојба....

Aко Бугарија бара признавање на бугарското малцинство и таа треба да го признае македонското, вели професорката и пратеник Гордана Силјановска-Давкова. Таа вели дека тука особено треба да важи начелото на реципроцитет, односно како што Бугарија бара признавање на бугарско малцинство во Македонија, истото треба да го направи и таа, и во Бугарија да го признае македонското малцинство и да ги гарантира неговите права, што е во согласнот и со добиените пресуди од Судот за човекови права кои ги покренаа Македонците во Бугарија.„Мој белгиски колега вели, Уставот треба да се менува со рака што трепери од одговорност. Да, ние го менуваме Уставот со рака што трепери од страв, до сега неколку пати. И замислете, за триесетина години 36 амандмани, споредено со САД, за повеќе од 200 години, 27 амандмани, имаат илјада предлози и пет илјади неуспешни обиди. Проблемот е што ние, дали треба да го смениме Уставот, јас одговорно тврдам и тоа ќе го направиме. Србија тоа сега го правање со референдум, во функција на ЕУ интеграцијата, меѓутоа не со барање од надвор, туку со барање од внатре“, вели пратеничката. Бугарија инсистира на внесување на Бугарите во Уставот. Но, и Македонците во Бугарија бараат Софија да ги признае. Инаку, дека впишувањето на Бугарите во Уставот е штетно колку и ветото, тврди основачот и претседателот на Бугарскиот културен клуб – Скопје, Лазар Младенов за Дневник.бг. Тој прашува дали политичарите во Софија се сигурни дека опозицијата во Македонија, поточно ВМРО-ДПМНЕ, ќе прифати таква идеја....

Во автобуска несреќа во турскиот град Истанбул загинаа три лица, a 18 се повредени, јави турската новинска агенција Анадолија. Сите повредени се примени во болница. Патнички автобус на линијата Черкежка-Ајдин излетал од патот што води кон автопатот Кузеј-Мармара и паднал во провалија длабока 30 метри.Сообраќајот на тој дел од патот привремено е во прекин. Истрагата треба да покаже како дошло до несреќата....

Правилата за влез во Грција се продолжени за уште две седмици. Негативен тест ПЦР или рапид и понатаму е задолжителен за сите патници независно дали се вакцинирани или не, мерка што важи и за државјаните на Северна Македонија, јави дописничката на МИА од Атина.Негативен резултат од ПЦР тест направен до 72 часа пред патувањето или рапид тест 24 часа пред пристигнувањето, заедно со пополнет PLF формулар се задолжителни за влез во Грција, без разлика дали посетителите се вакцинирани, дали прележале Ковид-19 или се невакцинирани.Нема промени и за невакцинираните патници од 16 земји меѓу кои и од Северна Македонија, кои освен негативен тест пред патувањето, потребно ќе биде да добијат и негативен тест на самата граница при задолжителното тестирање од грчките власти.Во Грција е откриена подваријатната на омикрон. Станува збор за луѓе кои дошле од странство....

Премиерот Димитар Ковачевски вели дека сите работници кои работат во недела мора да добиваат најмалку 50 отсто повисока дневница. „Денешната посета на „Дура Аутомотив Системс“ е одлична можност да се види како изгледа примената на законското решение „Недела неработен ден“. Вработените на оваа компанија, која заради сложениот производствен процес мора да работи и во недела, добиваат дополнителни 50% од основната дневница. Со тоа просечната плата на оние вработени кои работат во недела во оваа компанија порасна“, рече премиерот. Ковачевски заедно со менаџментот на компанијата, министерската за труд и социјална политика Јована Тренчевска, директорите на ТИРЗ Јован Деспотовски и на Државен инспекторат за труд, Весна Томовска, денешната посета ја искористија и како можност за разговор со дел од работниците кои изразија задоволство од новиот закон.„Трудот на работниците мора соодветно да се вреднува и почитува. Овој закон има многу позитивен ефект врз економијата, тој ги стимулира работниците и позитивно влијае на нивната продуктивност што е во интерес и на самите компании. Законот недела неработен ден ќе даде одлични резултати во зголемување на продуктивноста на компаниите и унапредување на стопанството. Во оваа прилика би сакал да им честитам на раководството на „Дура“ кои покрај двете фабрики, планираат и нова трета инвестиција во фабрика, инвестиција од над 20 милиони евра. Висината на инвестицијата во двете фабрики каде има 680 вработени е речиси 70 милиони евра. Она што е важно е дека просечната нето-плата во оваа компанија е над 600 евра и истата има тенденција за натамошен раст. Клучот за успешна стратегија во делот на странските инвестиции е обезбедување одржливост и развој на инвестициите, но и натпросечни плати со што се подобрува квалитетот на животот и примањата на граѓаните“, рече Ковачевски.Ковачевски посака успешна работа за компанијата која има над 100 годишна историја во автомобилската индустрија....

Возач во Тетово повредил малолетник и го напуштил местото на настанот. Вчера околу 14,35 часот е пријавено дека на ул. „Благоја Тоска“, се случила сообраќајна несреќа во која автомобил го удрил Е. Д. (17) од селото Бродец-тетовско по што возачот го напуштил местото на настанот. Момчето е пренесено во Клинички центар Тетово каде му се констатирана тешки телесни повреди и по укажаната лекарска помош бил пуштен на домашно лекување. Полицијата работи на расчистување на случајот.Јавноста е згрозена по несреќата која деновиве се случи кај Сити Мол, каде загина млада девојка од Радовиш, а возачот доби 30 дена протвор....

Словенија урна нов „црн“ рекорд, и денес има над 13.000 инфицирани со коронавирусот. За 24 часа регистрирани се 13.911 заразени со коронавирусот, а дури 75,5 отсто од тестовите се позитивни. Поради лошата епидемиолошка состојба, Владата не размислува за олеснување на мерките. Сепак, бројот на хоспитализирани е стабилен. Волку висока бројка на заразени на дневно ниво претходно имаше Србија. СЗО упати порака дека омикрон е опасен, и дека може да ги наполни болниците, а со тоа и да предизвика смрт кај луѓето со влошено здравје....

Во кафеана во Миравци имало невакцинирани гости, а вработените биле без маски. Полицијата синоќа пред полноќ влегла во кафеана во селото Миравци и затекнала гости кои немале сертификат за примена вакцина против ковид-19 или потврда за скорешна прележаност на болеста. Во кафеаната немало дезинфекциски средства.„Известен е јавен обвинител од Основното јавно обвинителство Гевгелија, а по целосно документирање на случајот ќе биде поднесена кривична пријава за 'Непостапување според здравствени прописи за време на епидемија' по член 206 од Кривичниот законик“, се вели во соопштението. Утврдено е дека немало задолжителна проверка на влез на гостите од страна на одредено одговорно лице - редар. И претходно, во повеќе наврати при контроли во локали во различни градови беа затекнати гости кои не поседувале сертификати. foto freepik.com...

ВМРО-ДПМНЕ утре ќе го достави до Собранието предлогот за укинување на техничката влада, а власта останува на ставот дека предвремени избори нема да има. Предложените измени на Законот за Влада предвидуваат бришење на околу девет точки од законот, со што практично техничката влада би заминала во историја, но и дека измените одат со барање за предвремени избори.„По однос на тоа прашање последиците кои што ќе произлезат од тој предлог закон ќе биде враќање на моделот на функционирање на парламентарни избори или предвремени парламентарни избори пред 2016-та година и доколку сметаат дека се толку сигурни во победата еве може да го прифатат и изгласаат,“ изјави вчера на прес-конференција портпаролот на ВМРО-ДПМНЕ, Димче Арсовски.Од власта повеќе пати повтори дека сега не е време за избори, затоа што сме во време на пандемија, а светот и Македонија се соочуваат со енергетска криза. Опозицијата извесно време бара избори....

Денес имаме нова вредност на биткоинот. Тој сега се тргува по цена од 35.633 долари, што значи дека во последните 24 часа изгубил дополнителни 0,7 отсто.Цената на етереумот е скоро непроменета во однос на вчерашната, т.е. неговата вредност падна за 0,4 отсто и моментално се тргува по 2.493 долари.Од ноември наваму се намалува вредноста на биткоинот....

Тетовскиот градоначалник Билал Касами кршеше и чистеше мраз на тротоарите во градот. Тој заедно со локалните комунални екипи се вклучи во расчитување на тротоарите од мраз. „Додека многумина на овие ниски температури се наоѓаат во своите домови, хероите на градот се грижат за јавните простори. Вечерва заеднички ги исчистивме тротоарите од снег и мраз. Безбедноста и слободното движење на граѓаните е наша должност“, напиша Касами на Фејсбук.Македонија деновиве ја зафатија ниски температури кои се спуштија и до -16 степени, а имаше и снежни врнежи. фото Фејсбук...

Земјотрес ги стресе Израел, Јордан и Либан. Потресот со јачина од 4,1 степен синоќа го зафати регионот на Мртвото Море. Се тресеше Израел, северниот дел на Јордан и јужниот дел на Либан. Засега нема податоци за причинети штети. Деновиве земјотреси имаше во Јапонија и Турција....

Во Нов Зеланд, премиерката Џесинда Ардерн, ја откажа својата венчавка откако воведе нови анти ковид мерки. Таа вели дека не е ништо поразлична од обичните граѓани. Се воведува носење маска во продавници и јавен превоз и ограничување на собирите на 100 вакцинирани луѓе. Мерките стапуваат од полноќ на сила. Во земјата е потврден нов кластер со 9 заразени. „Јас не сум ништо поразлична од илјадници Новозеланѓани кои почувствуваа и поуништувачки последици на пандемијата, особено оние кои не можат да бидат со своите најблиски кога се тешко болни. Тоа надминува која било тага што јас ја имам искусено“, изјави Ардерн.Околу 94 отсто од населението над 12 години е целосно вакцинирано, а 56 отсто од нив имаат примено и трета доза.Омикрон брзо се шири во земјава. СЗО предупреди дека омикрон може да ги наполни болниците и да доведе до многу смртни случаи, посебно кај оние со кревко здравје....

Не секој е фан на ниските зимски температури во првиот месец од годината. Но затоа јануарската зимска бајка во Ист Гејт Мол, исполнета со уникатна забава, уживање и шопинг, се покажа како и повеќе од омилена за сите генерации. Оваа сабота (22.01.2022) на Централниот плоштад во најголемиот шопинг центар на регионално ниво, Ист Гејт Мол, безброј мали дечиња со своите родители и семејства беа сведоци на оригиналната изведба во живо на детската театарска куклена претстава „Лакомата меца“. Професионалните актери од Театарот за деца и младинци, со својата изведба, како и со читањето на некои од омилените бајки за деца и подароците од Книжарница ТРИ и Литература, внесоа магична атмосфера во шопинг центарот и ја разиграа детската фантазија. Опуштената саботна атмосфера за посетителите во Ист Гејт Мол, покрај времето поминато за јануарски шопинг низ пространите коридори со попусти од -50% до -70% намалување, беше збогатена и со „Звуците на Полифонија“, акустичен концерт, којшто со моќта на музичките инструменти и танците, наликуваше на оригинално и раздвижено уметничко дело, во коешто уживаа присутните. Специјално за сите дечиња, Ист Гејт Мол крајот на месецот планира да го претвори во вистинско зимско уживање. Покрај претстојната забавна LEGO работилница со коцки за деца, во организација на Крш, во последниот викенд од месецот (28-30.01.2022), на 30.01.2022 (недела) со почеток во 12 часот, на истата локација на Централниот плоштад во Ист Гејт Мол (-2 кат, кај Тинекс маркетот), најмалите посетители на шопинг центарот ги очекува уште една театарска претстава, „Цветната улица“ по којашто ќе следи и читање на детски бајки и многу изненадувања, исто така во изведба на Театар за деца и младинци. Сите храбри спортски ентузијасти имаат шанса само уште неколку дена до 30.01.2022 да се вклучат во предизвикот на Спорт Вижн и Интерспорт, „Дај гол и добиј попуст“, а додека ја пробуваат својата среќа, секако во Ист Гејт Мол можат да слушаат Спортско радио во живо. Ист Гејт Мол е отворен за сите посетители секој ден од 10 до 22 часот. Во недела продавниците се отворени до 20 часот, а рестораните и баровите до 22 часот. Во месец јануари почни со шопинг, забава и уживање во Ист Гејт Мол. Ти си центар...

Деновиве на политичката сцена во земјава и регионот е актуелен Радое Звицер, човек кој се поврзува со можно организирање на атентат на српскиот претседател Александар Вучиќ кој бил планиран за февруари. За ова српските власти добиле информација од Европол. Во земјава имаше обвинувања дека тој поседува македонски пасош, на што МВР возврати дека не е точно. Звицер важи за еден од основачите и водачите на „кавачкиот клан“ и еден од најголемите шверцери на кокаин во светот. Тој е осомничен дека е вмешан во нарачување убиства.Се верува и дека тој стои зад ликвидацијата на шефовите на „Шкаљарскиот клан“, Игор Дедовиќ и Стеван Стаматовиќ во Атина. Медиумите пишуваат дека Звицер избегнал апсење за време на полициска акција на територијата на Косово пред неколку години, бидејќи побегнал од Приштина еден ден претходно, благодарение на дојава што ја добил. Звицер извесно време поминал во Приштина, од каде отпатувал во Истанбул, Виена и Цирих користејќи лажни документи. Тој се криел во земјите од регионот и ЕУ под лажното име Јосип Бабиќ, роден на 6 февруари 1979 година од Орашје, БиХ.Звицер избега во февруари веднаш по апсењето на Вељко Беливук, Марко Миљковиќ и останатите членови на кланот. Водачот на кланот во март не бил пронајден во неговата куќа во которската населба Кавачи. Црногорската полиција упадна во неговата куќа на 28 март. Сега се смета дека е во Јужна Америка....

ПИОМ е стабилен, а ќе има и дополнително зголемување на пензиите оваа година. „Според официјалнте податоци, приходите на ПИОМ за 2021 година се зголемени за 1,3 милијарди денари, финансиската состојба е стабилна а пензиите се исплаќаат непречено, дури и пред време“, рече портпаролката на СДСМ, Богданка Кузеска. Таа вели дека и покрај енергетската криза, економијата е стабилна. Само во месец декември имало нови 1.839 пензионери на списокот на ПИОМ....

За сите кои патуваат утре, во западниот дел на државата ќе има минирање. На автопатот Кичево – Охрид утре ќе се изврши минирање во периодот од 15 до 16:30 часот. Информацијата ја соопшти АМСМ.„Сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенција на дежутните екипи на ЈП Македонијапат“, се наведува во соопштението. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата....

Турските власти уапсија позната новинарка во Турција поради твит за претседателот Реџеп Таип Ердоган. Се работи за Седеф Кабаш. Полицијата ја привела Кабаш два часа по полноќ и прво ја одвела во главната полициска станица во Истанбул. Таа доби притвор. „Честа на претседателскиот кабинет е чест на нашата земја. Ги осудувам вулгарните навреди насочени кон нашиот претседател и неговиот кабинет“, напиша на Твитер Фахретин Алтун, директорот за комуникации на турската Влада.Мердан Јанардаг, главниот уредник на каналот Теле 1, на кој Кабас го коментираше кабинетот на претседателот, остро го осуди нејзиното апсење.Турскиот закон за навреда на претседателот предвидува затворска казна од една до четири години.Европскиот суд за човекови права во октомври лани, ја повика Турција да го промени законот. И досега имало лица кои биле гонети поради навреди упатени кон Ердоган на социјалните мрежи....

Европа, но и САД се соочуваат со инфлација. Во САД цените во декември скокнале за 7 отсто, и тоа е најголем скок во последните 4 децении. Лани и Германија се соочи со висока инфлација каква немало долги години. „Пребрзото зголемување на каматните стапки во еврозоната, вклучува ризици, и покрај значително повисоката инфлација, бидејќи економскиот раст би можел да забави“, изјави претседателката на Европската централна банка (ЕЦБ), Кристин Лагард.Во декември лани, потрошувачките цени во еврозоната се зголемија за пет отсто во однос на истиот период претходната година....

Опасноста од омикрон не треба да се занемарува. Ризикот од омикрон останува многу висок, предупреди Светската здравствена организација (СЗО). Додаваат дека омикрон е многу заразен што води со зголемени хоспитализации и продолжување на притисокот врз здравствениот систем. Велат дека омикрон расте многу побрзо од делтата, што доведува до големо ширење во заедницата. „Потребни се повеќе податоци за да ја сфатиме јачината на сојот, според количината на потрошениот кислород, употребата на респиратори и бројот на смртни случаи од омикрон“, се вели во соопштението на СЗО.Омикрон се појави во Јужна Африка, а сега доминира во многу европски земји. Тој веќе има и свој подвид кој се шири во светот....

Во земјава има повеќе сектори каде платите се нешто над минималецот. Деновиве Државниот завод за статистика(ДЗС) ја објави листата на просечни плати за месец ноември. Според овие податоци, најниската просечна нето-плата е исплатена во секторот Заштитни и истражни дејности – 16.068 денари, а понатаму следи Услуги поврзани со одржување згради и дејности на уредување и одржување на животна средина и природа – 17.965 денари. Во групата со ниски плати спаѓаат и вработените во секторот Производство на кожа и слични производи од кожа – 18.588 денари, па Производство на облека – 19.139 денари и Дејности за подготовка на оброци и служење храна – 19.206 денари. Од друга страна, најголеми плати земаат програмерите. Тие долго време се на врвот од листата. Македонските работници во ноември лани во просек заработувале по 29.130 денари.Минималецот засега останува ист, 15.200 денари....

Шведска ќе воведе е-круна. Во 2017 година нејзината централна банка Риксбанк започна проект за создавање национална дигитална валута е-круна.Е-круната нема намера да ја замени готовината и дека ќе остане во оптек се додека има побарувачка. Се верува дека дигиталната валута надгледувана од централната државна банка е неопходна за да продолжи да се одржува безбеден и ефикасен начин на плаќање. Е-круната најверојатно ќе биде издадена во форма на токен.Нигерија и Бахамите веќе воведоа една верзија на дигитални национални пари. Биткоинот, најпознатата криптовалута во светот губи од вредноста од ноември наваму....

Од ВМРО-ДПМНЕ вчера упатија уште едно обвинување на адреса на министертот за внатрешни работи, Оливер Спасовски. Велат дека треба јавно да каже на кои светски мафијаши не им дал македонски пасоши. „Оливер Спасовски очигледно добро знае на кои светски мафијашки и атентаторски имиња МВР со него на чело има издадено пасоши, како и веројатно кои биле на список на чекање за пасош. Затоа, Оливер Спасовски редно е да соопшти и испрати список на сите имиња на светски мафијаши на коишто им е обезбедено пасош со македонско име, за да не ја доведуваат светската јавност во заблуда. Воедно, во интерес на просторот и времето Спасовски може да објави и список на имиња на светски познати мафијаши и атентатори коишто немаат пасош од МВР, а којшто список веројатно е покус. Срамно е за Македонија истиот министер којшто управувал со МВР додека звучни имиња од светското подземје доаѓале во полициска станица на организирано фотографирање и подготовка на оригинални македонски пасоши со вистински идентитет на македонски граѓани, се уште да е министер додека за секоја акција против организираниот криминал во светот да се посочува на Македонија, пасош од МВР на Спасовски и аферата „Мафија““, наведуваат од партијата. Оваа тема стана актуелна, во врска со подготвувањето на атентат за српскиот претседател Александар Вучиќ, при што се спомена името на криминалецот Радоје Звицер. ВМРО-ДПМНЕ обвини, а власта негираше дека тој поседува македонски пасош....

Коронавирусот и натаму „пустоши“ во светот. Повеќе од 340 милиони луѓе во светот се заразиле со овој вирус, соопштија од Светската здравствена организација(СЗО). Рекорд е урнат на 20 јануари, кога за 24 часа се потврдени 3.933.319 случаи. На врвот на листата е САД со скоро 68,2 милиони случаи. Понатаму следат Индија со 38,6 милиони случаи, Бразил со 23,4 милиони, Британија со 15,6 милиони и Франција со 15,2 милиони. Досега над 5.6 милиони луѓе починаа од вирусот. Малите островски земји долго време живееја без присуството на овој вирус на своја територија. Но, сега и Кирибати се затвора поради коронавирусот, кој го донеле луѓе кои пристигнале од странство. Во меѓувреме, има различни прогнози за тоа кога ќе заврши пандемијата. foto freepik.com...

Српскиот претседател Александар Вучиќ вчера се обрати до јавноста по сознанијата дека криминална група му подготвувала атентат.Тој вели дека причините се да се дестабилизира Србија, но и борба против нарко картелите. Вучиќ додека дека овие криминални групи вртат милијарди евра. Тој добил неколку имиња, но не ги знае лицата и вели дека тука нема ништо лично. Српската премиерка Ана Брнабиќ изјави дека ова не е прва закана по животот на Вучиќ. Се спомена и името на црногорскиот криминалец Радоје Звицер, како човек кој му спремал атентат на Вучиќ. Во Македонија, вчера ВМРО-ДПМНЕ обвини дека ова лице поседува македонски пасош, информација која од МВР ја демантираа....

Вчерашниот билтен на Министерството за здравство, покажа дека 243 граѓани по втор пат се инфицирале со коронавирусот. Од вкупниот број на позитивни (1.913), има 243 реинфекции, стои во извештајот. Вчера најмногу нови случаи имало во Скопје и тоа 888, додека најмалку има во Македонски Брод, само 2. Во главниот град активни се 10.834 случаи, а најмалку има во Дојран, 12. Вирусот досега однесе 8.198 животи во Македонија. Доктор Злате Мехмедовиќ бара построги мерки затоа што само 40 отсто од населението е вакцинирано. Смета дека основна причина за нискиот број на вакцинирани во Македонија е недовербата кон институциите. foto freepik.com...

ДЕНЕС НАД 1.900 ЗАРАЗЕНИ СО КОВИДМинистерството за здравство информира, согласно податоците од Институтот за јавно здравје дека во последните 24 часа:Направени се 7.219 тестови, а регистрирани се 1.913 нови случаи на КОВИД-19:Скопје – 888, Битола – 148, Кавадарци – 111, Куманово – 83, Велес - 72, Охрид – 59,Тетово – 58, Прилеп – 51, Штип – 50, Струмица – 44, Гевгелија – 38, Кичево- 34, Гостивар и Неготино – по 31, Струга -30, Делчево – 26, Кочани – 24, Ресен – 23, Радовиш и Валандово – по 19, Свети Николе и Богданци – по 9, Крива Паланка, Виница, Крушево и Македонска Каменица – по 7, Пробиштип и Демир Хисар – по 6, Берово и Кратово – по 5, Пехчево – 4, Македонски Брод – 2.Од вкупниот број на позитивни (1.913), регистрирани се 243 реинфекции.ПЕЦАКОВ НЕ СЕДЕЛ ВО САМОИЗОЛАЦИЈА ДУРИ ЧЕКАЛ РЕЗУЛТАТ ОД ТЕСТПрвиот човек на Охрид, Кирил Пецаков, ќе добие кривична пријава затоа што утрото на Водици направил корона-тест и наместо да го почека резултатот во самоизолација, учествувал на одбележувањето на верскиот празник, а потоа добил и позитивен резултат, јави Телма.Од Државниот санитарен инспекторат потенцираат дека без разлика од која причина се прави тестот и без разлика дали се работи за симптоматски или асимтоматски случај, резултатот се чека во самоизолација.Пецаков на својот Фејсбук-профил појаснува дека не чувствува никакви симптоми, но дека ПЦР тестирањето го направил заради потреба од патување во странство. ДОНИРАНИ ОРГАНИ СО ШТО ЕДЕН ПАЦИЕНТ ДОБИ СРЦЕ, А ДРУГИ ДВАЈЦА БУБРЕЗИОд Министерството за здравство информираат дека вчера во претпладневните часови едно храбро семејството одлучи да ги донира органите од својот близок кај кој беше потврдена мозочна смрт.Додаваат дека по направените подготовки и координацијата помеѓу тимовите од интерните и хируршки клиники, доцна во ноќта започа експлантацијата, а веднаш потоа и трансплантацијата, најпрво на срцето, а утрово и на двата бубрега.ЧИТАЈТЕ УШТЕКај Стојко Стојков од ОМО Илиден Пирин постои доза на оптимизам дека со текот на времето положбата на македонското малцинство во Бугарија ќе се подобри.Коста Петров стигна до „врвот“ со владините функции како директор на Фондот за иновации и технолошки развој. Негов наследник во фондот тежок десетина милиони евра ќе биде Фестим Халили, кадар од ДУИ кој и претходно вршеше повеќе владини функции вклучувајќи и вицепремиерската на само 26 годишна возраст....

Согласно член 153 од Закон за енергетика, Производство на топлина Балкан Енерџи ДООЕЛ како регулиран производител на топлинска енергија е должен во текот на грејната сезона да обезбеди оперативни резерви од алтернативно гориво во количина којашто е потребна за најмалку 15 дена работа со максимален капацитет, вечат од БЕГ. „Според оваа обврска, нашата компанија, секоја година објавува јавен повик за набавка на алтернативно гориво, кое би се користело исклучиво во случај ако има прекин на испорака на природен гас за работа на топланите. Досега, од 2013 година кога целосно се гасифицирани топланите со кои управува Производство на топлина Балкан Енерџи ДООЕЛ, не е потрошен ниту 1 кг мазут, ниту пак во одлуките за цена за греење донесени од страна на Регулаторната комсија за енергетика и водни услуги се одобрени трошоци за набавка на мазут. Склучената рамковна спогодба за набавка на алтернативно гориво е реализирана после два неуспешни јавни повици за набавка на алтерантивно гориво. Таа е необврзувачка за Производство на топлина Балкан Енерџи ДООЕЛ и нема никакви финансиски импликации доколку не се набави гориво по истата, односно доколку нема прекин на испорака на природен гас до топланите“, стои во соопштението....

Браќата Тавитјан со неверување и огромен шок ја примија веста за прераното заминување на Аки Рахимовски, легендарниот фронтмен на „Парни ваљак“, кој почина денеска во Ново место во Словенија.-Тој требаше утре да допатува во Скопје да се видиме, а во план беше и нова музика. Нема зборови со кои би ја опишале тагата. Тој беше искрен, голем пријател и добар човек и покрај фактот дека беше најмаркантната рок икона, огромна легенда и гласот на најубавите песни со кои живеат генерации на Балканот и пошироко во своите најубави и тажни моменти. Го започна својот музички пат во Скопје каде и беше роден, со музичката група „Тор“ заедно со Гаро, Црногорец и Ани, за подоцна да замине во Хрватска каде стана вокал на легендарните рок гиганти „Парни Ваљак“, а останатото е историја. Беше крал и авторитет на големите сцени и арени“, изјави за Женски магазин музичарот Диран Тавитјан, евоцирајќи спомени од нивната семејна дружба со Аки, брат му Гаро и татко му Гарабет.Целиот текст на Женски магазин, овде....

Доктор Злате Мехмедовиќ бара построги мерки затоа што само 40 отсто од населението е вакцинирано. „Ако останат во сила постојните мерки за заштита и се воведат нови порестриктивнi мерки, пикот на ширењето на омикрон варијантата ќе достигне за две до три недели, почеток или средина на февруари“, предвидува докторот Злате Мехмедивиќ, во интервју за ТВ Шења и порталот zoom.mk. Смета дека основна причина за нискиот број на вакцинирани во Македонија е недовербата кон институциите. Иако омикрон не предизвикува тешка клиничка форма кај заразените, докторот Мехмедовиќ предупредува дека тој се шири пет пати побрзо од делта. Новиот ковид биланс покажува дека во земјава имаме над 1.900 заразени со коронавирусот....

Министерството за здравство информира, согласно податоците од Институтот за јавно здравје дека во последните 24 часа:Направени се 7.219 тестови, а регистрирани се 1.913 нови случаи на КОВИД-19:Скопје – 888, Битола – 148, Кавадарци – 111, Куманово – 83, Велес - 72, Охрид – 59,Тетово – 58, Прилеп – 51, Штип – 50, Струмица – 44, Гевгелија – 38, Кичево- 34, Гостивар и Неготино – по 31, Струга -30, Делчево – 26, Кочани – 24, Ресен – 23, Радовиш и Валандово – по 19, Свети Николе и Богданци – по 9, Крива Паланка, Виница, Крушево и Македонска Каменица – по 7, Пробиштип и Демир Хисар – по 6, Берово и Кратово – по 5, Пехчево – 4, Македонски Брод – 2.Од вкупниот број на позитивни (1.913), регистрирани се 243 реинфекции.Регистрирани сe 1.353 оздравени пациенти од: Скопје – 674, Битола - 114, Прилеп – 94, Куманово – 71, Кавадарци – 48, Велес – 41, Кичево– 35, Штип – 30, Гевгелија – 29, Охрид- 28, Кочани – 25, Радовиш – 24, Неготино – 21, Струга – 18, Гостивар – 17, Делчево – 14, Ресен -12, Крушево – 11, Струмица – 10, Пробиштип - 9, Свети Николе – 7, Македонски Брод – 5, Демир Капија – 4, Тетово, Македонска Каменица, Демир Хисар и Берово – по 2, Богданци , Виница, Пехчево и Дојран - по 1.Во текот на изминатите 24 часа регистрирани се 16 починати лица: 6 починати лица од Скопје (61г, 67г, 78г, 83г, 89 и 89г), 3 од Струмица (70г, 79г и 80г,) по 2 починати од Охрид (69г и 85г) и Прилеп (84г и 84г) и по едно починато лице од Битола (80г), Гевгелија (64г) и Кочани (79г). Пријавените лица се починати во болнички услови.Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Битола, Куманово и Пробиштип на возраст од 67г до 88г. Пријавените се починати во период од 6.01.2022 до 19.01.2022г. Сите пријавени се починати во домашни услови.Од вкупниот број на починати лица (n=21), десет лица се целосно вакцинирани.Направени се 7.219 тестови преку: ИЈЗ-487, ЦЈЗ Скопје-100, ЦЈЗ Битола-93, ЦЈЗ Прилеп-75, ЦЈЗ Тетово–16, ЦЈЗ Куманово-104, Клиника за инфективни болести и фебрилни состојби-2, Судска медицина-1, лабораторија болница Козле-4, УК Пулмологија со алергологија –0, ГОБ 8-ми Септември-0, Институт за микробиологија–151, Жан Митрев (Филип Втори)-187, Авицена-300, Биотек-311, Систина-90, лабораторија Лаор-311, Синлаб-83, Ремедика-29, Плодност-103, Генеа-24, Никоб Лаб-797, ВФВ Медикал-116, Ели Медика-86, Ројал Медика–73, Спектра-ММ-35, Рапид Лаб–75, Жан Митрев Струмица–31, Нова Лаб Дијагностика–38, Рамус-53, ЈЗУ и ПЗУ (рапид тест) – вкупно 3.444.Досега во земјата се направени вкупно 1.741.085 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 254.857, бројот на оздравени пациенти е 226.409, на починати е 8.198, а бројот на активни случаи изнесува 20.250.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 115119, Активни 10834Куманово 14251, Активни 760Прилеп 12324, Активни 885Тетово 11978, Активни 453Битола 11916, Активни 1650Гостивар 8506, Активни 305Кавадарци 8328, Активни 555Велес 8096, Активни 392Охрид 7673, Активни 636Штип 7294, Активни 325Струмица 6883, Активни 450Кичево 4753, Активни 296Кочани 4454, Активни 226Струга 4241, Активни 240Гевгелија 3472, Активни 339Неготино 2949, Активни 212Свети Николе 2319, Активни 114Ресен 2207, Активни 240Крива Паланка 2126, Активни 123Радовиш 2111, Активни 194Делчево 1677, Активни 147Берово 1602, Активни 101Дебар 1487, Активни 21Валандово 1270, Активни 164Виница 1242, Активни 43Пробиштип 1230, Активни 46Кратово 857, Активни 62Богданци 801, Активни 81Крушево 799, Активни 140Демир Хисар 741, Активни 74Македонски Брод 606, Активни 37Македонска Каменица 480, Активни 45Демир Капија 464, Активни 19Пехчево 402, Активни 29Дојран 199, Активни 12foto freepik.com...

Најмалку шест луѓе се повредени во несреќа со балон на топол воздух во околината на Љубљана во Словенија. Меѓу повредените е и управувачот на балонот. Несреќата се случила на подрачје меѓу Љубљанско барје и населеното место Шкофљица. Во тек е акција за нивно спасување. Ова не е прв ваков случај во Словенија. На истото место, во 2012 година, се случи и најтешката несреќа со балон на топол воздух во Словенија досега и една од најтешките во светот, при што загинаа шест луѓе, а повеќе беа повредениФото: 24ur.com...

Повеќе од третина од тестираните на коронавирус во Албанија се позитивни. За едно деноноќие има 2.230 инфицирани, што е 33,7 отсто од тестираните. Во Албанија сега се активни 24.436 случаи, хоспитализирани се 146, а 14 од нив се во критична состојба. Во последните три недели, бројот на заразени на дневно ниво, во просек е 2.200 луѓе. Омикрон е широко распространет во Албанија. Состојбата е лоша во целиот регион. Во последните 24 часа во Косово се регистрирани 3.206 случаи на зараза со коронавирус. Во изминативе 24 часа во Федерацијата БиХ биле тестирани 3.321 примероци, од кои 1.840 биле позитивни на коронавирус (САРС-КоВ-2), а шест пациенти починале. Нови случаи на зараза се регистрирани во сите кантони во Федерацијата БиХ, а Србија пријави над 13.000 заразени. foto freepik.com...

Скокаат цените на недвижниот имот во Европа. Ова го покажуваат податоците на Евростат. Во еврозоната, цените пораснаа за 8,8 отсто во третиот квартал од 2021 година. Ова е најголем раст на цените од 2005 година кога Евростат почна да собира податоци.Најмногу се зголемиле цените во Чешка, за 22 отсто во споредба со истиот период во 2020 година. Следат Литванија и Естонија со поскапувања од 18,9 односно 17,3 отсто и Холандија каде цените пораснале за 16,8 отсто.Ниту цените во Хрватска не се за потценување. Во оваа земја имало скок на цените на недвижниот имот за 9 отсто. foto freepik.com...

Првиот човек на Охрид, Кирил Пецаков, ќе добие кривична пријава затоа што утрото на Водици направил корона-тест и наместо да го почека резултатот во самоизолација, учествувал на одбележувањето на верскиот празник, а потоа добил и позитивен резултат, јави Телма.Од Државниот санитарен инспекторат потенцираат дека без разлика од која причина се прави тестот и без разлика дали се работи за симптоматски или асимтоматски случај, резултатот се чека во самоизолација.Пецаков на својот Фејсбук-профил појаснува дека не чувствува никакви симптоми, но дека ПЦР тестирањето го направил заради потреба од патување во странство....

Парите кои БЕГ ќе ги добие сега во време на кризна состојба, ќе треба да ги врати во буџетот. Ова е само еден дел од договорот кој вчера го потпишаа Балкан Енерџи и ЕСМ, а со кој државните електрани, времено ќе го преземат управувањето со топлинската енергија. Шесте милиони евра кои Владата ќе ги префрли кон ЕСМ, ќе се користат за набавка на гас. Владата на 5-та седница, го одобри Договорот за деловно техничка соработка со кој се регулираат меѓусебните права и обврски на Прокуристот како застапник на Електрани на Северна Македонија (ЕСМ). Со тоа ЕСМ ќе се стекне со право да управува со сите деловни активности на топланата Скопје Север АД - Скопје, со сите трансакциски сметки на Скопје Север АД - Скопје како и со наменската сметка која што топланата ќе ја отвори исклучиво за потребите на овој Договор за деловно техничка соработка....

Во Мексико лани се убиени повеќе од илјада жени. Точната бројка е 1.004 жртви. Стапката на убиства на жени во оваа земја е меѓу највисоките во Латинска Америка. Во извештајот на Националниот секретаријат на системот за јавна безбедност се наведува дека од 1 јануари до 31 декември 2021 година, 1.004 жени загинале како последица на насилство во Мексико, јави Анадолија. Ова е највисока бројка од 2015 година, а наведено е дека насилството и покрај судските постапки и високите казни, од година во година е во пораст. Во земјата во 2020 година се убиени 978 жени. Мексико е земја каде последниве години имаше и убиства на новинари....

Впишувањето на Бугарите во Уставот е штетно колку и ветото. Ова го тврди основачот и претседателот на Бугарскиот културен клуб – Скопје, Лазар Младенов за Дневник.бг. Тој прашува дали политичарите во Софија се сигурни дека опозицијата во Македонија, поточно ВМРО-ДПМНЕ, ќе прифати таква идеја. „Ако не прифатат, има проблем со гласањето за да стапи тоа на сила (потребно е двотретинско мнозинство во Собранието за измени во Уставот, што е недостижно без гласовите на ВМРО-ДПМНЕ). Јас лично не сум за тоа. Едноставно, нема разлика меѓу нас и луѓето кои се определуваат како Македонци. Почитуваме исти дејци, славиме исти празници, пееме исти песни. Тоа само ќе доведе до нови поделби во македонското општество“, вели Младенов.Го обвини бугарскиот претседател Румен Радев дека ги изолирал, но, вели дека има доверба во новата Влада, предводена од премиерот Кирил Петков. Софија инсистира на внесување на Бугарите во Уставот. Лидерот на ВМРО-ДПМНЕ, го обвини заменик претседателот на Владата задолжен за европски прашања, Бојан Маричиќ дека лицитирал дека практично го пуштаат низ вода македонското малцинство во Бугарија. Од друга страна, и Македонците во Бугарија бараат признавање....

Во Швајцарија од денеска има нови ковид правила за влез. За сите патувања важи правилото 3G (потврда за вакцинација, потврда за прележан вирус или негативен ковид тест), со услов патниците кои имале коронавирус или биле вакцинирани да не прават тест. Другите патници мора да направат PCR тест, не постар од 72 часа, или брз антиген тест, не постар од 24 часа. Ослободени се и децата помлади од 16 години и итни медицински случаи. Останува обврската за сите патници кои влегуваат во Швајцарија да го пополнат формуларот на страницата https://swissplf.admin.ch/formular. Лицата кои се ослободени од тестирање и пополнување на формуларот се професионалните возачи на автобуси и камиони.Во Швајцарија над 12.600 луѓе досега починаа од коронавирусот. Дел од земјите во Европа ги олабавуваат мерките....

Од Министерството за здравство информираат дека вчера во претпладневните часови едно храбро семејството одлучи да ги донира органите од својот близок кај кој беше потврдена мозочна смрт.Додаваат дека по направените подготовки и координацијата помеѓу тимовите од интерните и хируршки клиники, доцна во ноќта започа експлантацијата, а веднаш потоа и трансплантацијата, најпрво на срцето, а утрово и на двата бубрега.„Еден млад пациент доби срце, а кај двајца пациенти на дијализа веќе се трансплантираат бубрезите. Уште неколку пациенти во наредните денови ќе можат да добијат коскени ткива. Со нивната хумност и одлуката да ги донираат органите, ова семејство подари живот на најмалку тројца пациенти, а на сите нас да ни донесе утро Благодарност и до медицинските тимови од сите клиники вклучени во експлантацијата и трансплантацијата, кои изминатото деноноќие неуморно работеа и се уште работат“, велат од Министерството за здравство. Во земјава се зголемува свеста за донирање на органи....

Повеќе од два месеци паѓа вредноста на биткоинот. За 24 часа најпознатата криптовалута изгуби повеќе од шест отсто од својата вредност, а во изминатата седмица цената падна за 16 отсто. Моменталната вредност на биткоинот е околу 35.900 долари. Биткоинот претрпе тежок почеток на годината и цените се намалија за повеќе од 40 отсто од почетокот на ноември....

Koронавирусот се шири на Кирибати. Во оваа островска земја е воведен локдаун откако патници на првиот меѓународен лет во последните 10 месеци биле позитивни. 36 луѓе на летот од Фиџи биле тестирани и позитивни. До минатата недела на Кирибати биле потврдени само два случаи на Ковид-19. Многу од малите островски земји долго време беа без коронавирусот. Во светот над 5.6 милиони луѓе досега починаа од коронавирусот....

Бугарскиот премиер Кирил Петков формира четири работни групи за соработка со Македонија. Првата група опфаќа две области – економија, како и трговија и иновации. Копретседавачи на групата се министерката за економија Корнелија Нинова, министерот за финансии Асен Василев и министерот за иновации и раст Даниел Лорер. За членови на работната група се именувани претставници на Министерството за економија и индустрија, Министерството за иновации и раст, Министерството за земјоделство, Министерството за надворешни работи и владина администрација.Втората група е за полето на инфраструктура, транспорт и поврзување. Копретседавачи ќе бидат министерот за регионален развој и јавни работи Гроздан Караџов, министерот за транспорт и врски Николај Сабев и министерот за енергетика Александар Николов. За членови на работната група се именувани претставници на Министерството за регионален развој и јавни работи, Министерството за транспорт и врски, Министерството за енергетика, Министерството за надворешни работи и администрацијата на Советот на министри.Третата, меѓуресорската работна група е за европската соработка – зелена транзиција и дигитална трансформација и владеење на правото, со која копретседаваат министерот за животна средина и води Борислав Сандов, вицепремиерката за ефикасно владеење Калина Константинова и министерката за правда Надежда Јорданова. Во работната група учествуваат претставници на Министерството за животна средина и води, Министерството за правда, Министерството за електронска влада, Министерството за надворешни работи и администрацијата на Советот на министри.Четвртата меѓуресорска група е од областа на културата, науката и образованието и младите. Копретседавачи се министерот за образование и наука Николај Денков, министерот за култура Атанас Атанасов, министерот за туризам Христо Проданов и министерот за млади и спорт Радостин Василев. За членови на работната група се именувани претставници од Министерството за образование и наука, Министерството за култура, Министерството за туризам, Министерството за млади и спорт и администрацијата на Советот на министри.Вакви групи се формирани и од македонска страна. Петков на 18 месецов ја посети Македонија и се сретна со државно - политичкиот врв....

Првиот човек на партијата Достоинство Стојанче Ангелов денеска најави дека во понеделник до Владата ќе достават реобновена иницијатива за четворица ранети бранители од 2001 година од кои неколку години се бара да го враќаат паричниот надомест. Додаде дека поддршка за ова добил од претходниот премиер Зоран Заев, како и од клучните министри од претходната Влада.„Бараме оваа точка итно да биде ставена на дневен ред на седница на Владата, бидејќи од пред неколку дена еден од оштетените бранители, конкретно Зоран Ангеловски, од страна на извршителот доби писмено известување со кое ќе му биде стопирана целата пензија, а досега му сопираа една третина“, рече Ангелов. Вели дека се при крај на изработка на предлог-закон со кој ќе се реши проблемот на овие луѓе, а оштетата што ја земале од државата да им биде призната како справедлив паричен надомест на нематеријална штета. Поради тоа, претседателот на Достоинство побара средба со новиот премиер Димитар Ковачевски, но и со лидерот на ВМРО-ДПМНЕ Христијан Мицкоски, како и со претставници на помалите партии со цел да поразговараат за можноста оваа иницијатива да ја дадат како предлог-закон во Собранието.Овие луѓе, во различен временски периоди биле тешко ранети и повредени, покренале тужби протви МВР, односно Министерството за одбрана. Од судовите тогаш им бил доделен справидлив паричен надомест на нематеријална штета.Се работи за четворица бранители од 2001 година, односно Сашо Величковски, поранешен капетан на македонската Армија, моментално во пензија, Зоран Ангеловски, поранешен полициец, припадник на посилната полициска единица во 2001 година, Димче Манчов од пешадиската единица Шкорпиони и Маријан Ангеловски, ативен полицаец во граничната полиција....

На 67 години почина Аки Рахимовски, пејачот на групата Парни Ваљак. Веста за хрватски „24сата“ ја потврди неговиот менаџер Дамир Осредечки.„Утрово му се слоши, заврши во болницата во Ново Место. Пред еден час ми рекоа дека починал, се уште не ја знаеме причината за смртта“, изјави Осредечки.Веста ја потврдија и колегите на Аки од Парни Ваљак на официјалниот ФБ профил.Рахимовски е македонски и хрватски пејач роден на 5 јуни 1955 година во Ниш, но за брзо време се преселува во Скопје.Неговиот татко бил професор по музика, со што на седум години тој започнал да учи во музичко училиште за клавир и пеење. Како тинејџер бил член на неколку состави меѓу кои се групите Вакуум, Крвна браќа и Тор со кој настапил на фестивалот во Загреб во 1975 година. Во соработка со менаџерот Владимир Михаљек – Мих го формираат првиот состав на Парни Ваљак.foto pixsell...

Охридскиот градоначалник Кирил Пецаков, добил позитивен наод на тест за коронавирус на испитувањето направено по завршувањето на богојавленските свечености во Охрид на кои лично присуствуваше.На повтореното тестирање резултатите биле негативни. И двете тестирања се направени во Центарот за јавно здравје во Охрид. Пецаков на својот Фејсбук-профил појаснува дека не чувствува никакви симптоми, но дека ПЦР тестирањето го направил заради потреба од патување во странство. Слично беше и со случајот на секретарот на Оштината, Александар Китески, кој добил позитивен, па негативен резултат на тестирањето направено заради потреба од патување надвор од земјата.Вчера во Македонија имаше 2.071 нов случај на КОВИД-19, а во Охрид имаше 25 заразени. МИА...

Адвокатoт Душко Јанковиќ, бранител на возачот Јордан Ѓ. кој ја усмрти 24-годишната радовишанка во сообраќајката кај Сити мол, за „А1он“ вели дека тој било во шок, што го утврдиле и лекарите. „Кога тој ќе легне следните 50 години таа слика ќе му излегува пред очи“, рече адвокатот. Од преголем стрес, адвокатот кажа му се укочиле нозете и рацете и така останал половина час, додека не го извадила полицијата од возилото за да го однесе да му е направат лабораториски анализи. Вели дека поради тоа што бил во шок не излегол да помогне. На возачот синоќа му е определен притвор од 30 дена. Одбраната ќе поднесе жалба за притворот. foto Printscrint...

Албанија е покриена со снег, а од понеделник ќе има краток прекин на наставата во училиштата. Покривката е до 40 сантиметри, а од понеделник температурите ќе паднат до -17 степени. Премиерот Еди Рама преку објава на Фејсбук потенцира дека неуморно се работи со цел патиштата во завеjаните подрачја да бидат проодни.Потешка е состојбата во планинските области, како што е Голо Брдо, каде според министерството сите патишта се непроодни, поради високата снежна покривка а областа е и без електрична енергија. Без електрична енергија се делови во Елбасан и Кукс.Ноќеска е исчистен автопатот Руга е Арбрит (патот на Арбр) Пешкопеја-Тирана, кој вчера беше затворен за сообраќај. Претходно, беше најавено дека ќе има поларен студ. foto Facebook...

Министерството за внатрешни работи најостро ги демантира дезинформациите пласирани од ВМРО-ДПМНЕ дека на извесен Радоје Звицер, му е издаден македонски пасош. „Потсетуваме и дека случајот „двојник“ е расчистен и за тоа веќе се изречени и судски пресуди, а сите патни исправи поврзани со оваа истрага се поништени во управна постапка и истите не се валидни односно не можат да се користат“, велат од МВР.Aтентат врз српскиот претседател Александар Вучиќ подготвувал мафијаш кому министерот за внатрешни работи, Оливер Спасовски му даде пасош, обвинија претходно од ВМРО-ДПМНЕ....

Од Абрахам Линколн, преку Џон Кенеди, до Барак Обама, вклучително и сегашниот - Џо Бајден, како и претходниот - Доналд Трамп, во текот на безмалку двесте и четиригодишното работење, „Брукс брадрс“ перманентно се грижи за стилот на дури 42 од вкупно 46-те избрани шефови на Соединетите Американски Држави, со исклучок на Роналд Реган кој имал свој кројач во Лос Анџелес, но и тројцата пред неговото лансирање во 1818-тата. Следствено, прашањето за омилениот бренд го тематизиравме и со македонскиот претседател - Стево Пендаровски. Неговиот одговор е подолу, во продолжение. Државниците отсекогаш биле во центарот на вниманието, не само заради функцијата, туку и поради стилот на облекување. Така е и сега, несомнено. За некои претседатели се зборува дека имаат пресудно, иконично значење кога е модата во прашање. Странските, па и овдешните магазини често пишуваат за нив, т.е. за нивниот стил на облекување, како еден вид предлог. Исто така, голем е интересот за брендовите што ги носат, првенствено избраните шефови на Соединетите Американски Држави.Целиот текст на Машки магазин, овде....

Најмалку 70 мртви има во бомбардирање на затвор во Јемен кое се случи ноќеска, а 138 се ранети, објавија Лекари без граници. Во петокот среде ноќ бомбардиран е затвор во Саади, упориште на хутите во северен Јемен. Бунтовниците ја препишаа одговорноста за нападот на коалицијата предводена од Саудиска Арабија. Таа од 2015 година им помага на јеменските владини сили во конфликтот со бунтовниците Хути поддржани од Иран. Воената коалиција предводена од Саудиска Арабија во денешно соопштение негираше дека гаѓала затвор управуван од бунтовници во Јемен.foto EPA-EFE/HOUTHI MEDIA OFFICE HANDOUT...

Доколку од другата страна имате застапување на ставови со негација, тогаш всушност вие не преговарате, ви се наметнуваат ставови, изјави кумановскиот градоначалник Максим Димитриевски, во гостувањето во емисијата „Трилинг“ на телевизија 24 за односите меѓу Македонија и Бугарија. Вели дека решение може да се најде преку дијалог, но бугарската страна мора да прифати дека Македонците се реалност. „Ние не можеме да бидеме ништо друго освен Македонци, дека нашите предци баби и дедовци биле Македонци, а такви ќе бидат и нашите идни поколенија внуци. Македонскиот јазик е реалност, а по однос на македонското малцинство во Бугарија нека се произнесат граѓаните на Република Бугарија каде се, кои се, какви се всушност“, рече Димитриевски.Бугарскиот премиер Кирил Петков на 18 јануари ја посети Македонија, и таа посета уште се коментира и во двете земји. Германски пратеник во Бундестагот и поранешен министер на Германија за Европа, Михаел Рот, пред неколку дена ја поздрави посетата на бугарскиот премиер Кирил Петков на Македонија. Тој порача дека Бугарија треба да го признае македонското малцинство....

Mладиот Хрват кој исчезна во Белград, Матеј Периш вчера бил активен на Вибер. Според српските медиуми Матеј бил достапен во 21 часот и 58 минути. Медиумите претходно објавија дека неговиот телефон последен пат е лоциран ноќта на неговото исчезнување во близина на остров во Сава. Периш исчезна ноќта помеѓу 30 и 31 декември. Вечерта тој бил во клубот „Готик“ со пријателите, за да го напушти клубот нешто по полноќ, а потоа е снимен со неколку надзорни камери – како трча, се обидува да запре такси и се спушта по скалите кон Сава. Потрагата по него трае веќе 23 дена....

Мигранти замрзнале во обид да ја преминат канадско-американската граница, a меѓу нив има и бебе. Се уште не е познат идентитетот на жртвите.Станува збор за четири лица кои се обиделе да пристигнат во Северна Дакота. Тоа се двајца возрасни, тинејџер и доенче. Американските цариници запреле комбе со 15 патници, во кое пронашле двајца индиски државјани без документи, објави Еј-Би-Си.Подоцна, на 400 метри од границата, полицијата уапсила уште пет Индијци без документи кои се обиделе да ја преминат границата со САД. Еден од нив носел ранец во кој имало работи за децата. Тој им рекол на властите дека носел ранец за семејство кое патувало со нив, но се одвоило од нив ноќта.Температурите во Емерсон, Манитоба, на американско-канадската граница, деновиве паднаа на минус 25 степени Целзиусови....