Добивај вести на Viber Додека на фронтот во Украина продолжуваат борбите со несмалена жестина, во Саудиска Арабија вчера почнаа преговорите меѓу САД и Украина, а денес на масата ќе седнат САД и Русија. Минативе денови се најавуваше дека преговорите ќе се водат во ист ден со делегациите на Русија и Украина, кои ќе седат во различни простории, а САД ќе посредуваат меѓу нив. Но работите се променија. Не е исклучено украинската делегација да остане во Саудиска Арабија за да биде запознаена со резултатите од средбата на Американците и Русите. Министерот за одбрана на Украина, по завршувањето на вчерашната средба изјави дека биле разгледани клучни прашања, а посебно во енергетската сфера. Средбата траела пет часа, што значи дека имало време да се разговара и за други битни работи. Особено предлозите за прекин на огнот. Во Русија изјавуваат дека не треба да има залажување во поглед на брзо постигнување резултати. Ова од причина што „претстои сериозна, макотрпна работа, навлегување во детали“. Нагласуваат дека првата средба главно ќе биде посветена на безбедното пловење во Црното море и транспортот на енергенси и жито. Русија од зделката за транспорт на жито излезе во 2023 година, обвинувајќи го Западот дека не исполнува дел од нејзините услови – укинување на санкциите кон руските вештачки ѓубрива. Може да се случи на сегашните преговори Русија новиот формат на евентуалниот договор да го услови со преразгледување на санкциите. Мајкл Волц, советникот за национална безбедност на претседателот Доналд Трамп, пак, за денес најави дека со Русија, покрај прекинот на воени дејства во Црно море, ќе се разговара за примирјето, заедно со перспективите за траен мир. Според него во наредната фаза би требало да се преговара за контрола на линијата на фронтот при евентуален договор за прекин на огнот. И на крај за сеопфатен и траен мир. Американците имаат намера да се разгледа и прашањето за воведување мировни сили и припаѓањето на териториите. На прв поглед работите изгледаат како да ќе се разговара за „полесни“ прашања, да се „загреат“ преговарачите. Овој пат Русите во Саудиска Арабија праќаат преговарачи од вториот ешалон. Сметајќи дека ќе се заборува за „техникалии“, иако украинската делегација ја предводи министерот Умеров. КЛУЧНО ПРАШАЊЕ - ТЕРИТОРИИТЕ И додека делегациите се подготвуваа за преговорите, пошироко одекна интервјуто на специјалниот советник на Трамп, Стивен Виткоф, дадено на новинарот Такер Карлсон. Во него тој зборува позитивно за Путин, призна дека Украина ќе и отстапи територија на Русија и изјави дека Москва не планира да се бори ниту со Украина, ниту со Европа. На тврдењето на Карлсон дека главно барање на Русија е Украина да не влегува во НАТО, Виткоф вели дека, според него, главно, клучно, прашање во конфликтот се таканаречените четири региони и Крим. „Тоа се рускојазични региони, таму имаше референдуми, на кои огромно мнозинство од луѓето се изјаснија дека сакаат да бидат под руска власт“. Украина има уставни ограничувања да се откаже од тие територии, но Русија, де-факто ја има контролата врз нив. Виткоф вели дека прашањето е: „Дали светот ги признава тие територии како руски? Дали Зеленски може да преживее политички ако го признае тој факт? Тоа е централно прашање во целиот конфликт“. Што се однесува до НАТО, Виткоф мисли дека и Зеленски и неговиот најблизок соработник, Андреј Јермак, во основа веќе се согласиле со тоа дека Украина нема да стане членка на НАТО. Имало многу разговори околу добивањето безбедносни гаранции од „членот 5“ од Повелбата на НАТО. И тоа уште се разгледува. Но доколку станува збор за мировен договор со Русија, тогаш, смета Виткоф, прифатено е дека Украина нема да биде во НАТО. Мнозинството е за тоа. Виткоф открива дека Зеленски се согласил за спроведување избори. „Јас мислам дека Зеленски е во многу тешка положба, но тој е спротивставен на нуклеарна држава. И на нација која е четири пати побројна од него. И затоа тој треба да знае дека ќе биде победен. Сега за него е најдобар момент да склучи договор. Претседателот Трамп може со него да склучи најдобар договор, кој тој кога било би постигнал“. Во поглед на помошта на Украина Виткоф вели дека таа треба да биде дадена под определени услови. „Ако се подготвуваме да и дадеме на Украина многу пари, ние сакаме да го видиме бизнис-планот, кој би бил животоспособен , а не само да се дадат пари, без идеи како тоа да се реализира. Ние не можеме вечно да даваме пари. Затоа што тие(Украина) ќе бидат разбиени.... Може да дојде и до експлозија на тактичка нуклеарна бомба, а тоа ќе се одрази и врз фондовите во целиот свет“. На забелешката од Карлсон дека атомски бомби во историјата на човештвото не се користеле 80 години, освен два пати, Виткоф изјавува дека тоа не треба да се дозволи. И, иако тој смета дека треба да се достигне праведно решение за Украина, „ние не можеме да си дозволиме таа земја да не вовлече во Трета светска војна. И тоа не моја политика. Тоа е политика на претседателот Трамп“. АМЕРИКАНСКИ ИНТЕРЕСИ Карлсон го засегна и прашањето за улогата на Европа во сегашниот развој на настаните. За најавите за испраќање на европска војска во Украина, за економските кризи во европските земји. Па вели„ што се замислуваат тие себе си“? Дали станува збор за заземање на некоја демонстративно позиција или пак станува збор за позерство. Според Виткоф тука има преплетување на позиција и поза и комбинација за поедноставување на ситуацијата. „Мислам дека постои мислење дека сите ние треба да личиме на Винстон Черчил. И има мнение дека Русите се собираат да маршираат во Европа. Но јас мислам дека тоа мнение е апсурдно. Ние имаме нешто што се вика НАТО, нешто што го немаше во Втората светска војна“. Виткоф е уверен 100 проценти дека Русија нема намера да маршира во Европа, ниту пак да ја освојува Украина. Тоа би било како окупација на Газа, која Израелците би можеле да ја направат, но тие тоа не го прават, туку сакаат стабилност. А Русија освоила пет региони, тоа што им требало. Не им треба ништо повеќе. За него, Путин е многу умен. Многу информиран и тоа не треба да се игнорира. Во интервјуто, покрај за преговорите меѓу Русија и Украина се проговори и за американските интереси, за кои се водат неофицијални преговори во Вашингтон, „каде што има многу луѓе, кои имаат економски интереси во оваа војна. Секако идеолошките интереси и целиот Вашингтон беа мобилизирани за борба со Русија. Ние прокси војуваме преку Украина. И се јавува претседателот Трамп и притиска на кочницата“, вели Карлсон и прашува:„ Дали тоа ќе реши се“?. Виткоф смета дека „да“ и прашува:„ Кој не сака да има свет каде што Русија и САД заедно ќе прават добри работи? Кои мислат за тоа како да ја интегрираат својата економска политика во Арктикот, да ги делат морските патишта. Да испорачуваа ТНГ- гас во Европа заедно. Можно, да соработуваат над вештачката интелигенција, ако може да ја надминеме миграцијата на технологии. Кој не сака таков свет“? Во тие рамки и двајцата претседатели да разговараат и за Иран, каде што Русија има определено влијание. Виткоф го пренесува она што во внатрешните разговори го зборува Трамп. Сега станува јасно дека Америка сака по секоја цена да стави крај на војната во Украина. Што побрзо тоа подобро. Јасно е дека Украина може да заборави на НАТО, барем во подолг период, ако Алијансата опстане, а нема причина да не опстане. Украина ќе има избори. Прашање е дали по примирјето или пак по некој мировен договор. Пречка се законите. Кои не дозволуваат избори при прогласена воена состојба. Но не е извесна и политичката иднина на Зеленски. Каква би била реакцијата во земјата, во војската за евентуалниот договор со Русија и отстапувањето територии, па макар и меѓународно непризнати. САД велат ќе даваат пари, но само кога ќе има мир. Во време на војна не сакат да ризикуваат парите да бидат изгубени. Од Украина, САД бараат бизнис-план за да дадат пари. Договорот за минерални суровини веќе се преработува. Но се споменуваат и атомски централи и пристаништа. И тие да бидат дадени на американски бизнисмени. Атомските централи во американска сопственост би биле побезбедни и од руски, но и од украински атаци. Последново во смисла некој во Украина да има намера да ги крева во воздух, за што веќе се шпекулира. Вака погледнато, Украина би станала делумно американска колонија. Не сакаа руска. Нивен избор. ИНТЕРЕСИ, ИНТЕРЕСИ... Интервјуто покажува колку се зголемени разликите меѓу Европа и САД во поглед на Украина и воопшто меѓу нив. Во Европа се толку огорчени од политиките на Трамп, што небаре најавуваат заладување на односите во време кога се враќа довербата во соработката меѓу САД и Русија. Америка е јасна дека нема намера да ја води черчиловската политика веднаш по завршувањето на Втората светска војна и почнувањето на децениската „студена војна“. На ова следуваат реакции од Европа. Британскиот премиер Кир Стармер не спомнувајќи го искажувањата на Виткоф за Черчил и Путин, за „Њујорк тајмс“ изјави дека не му верува на Путин, затоа што и по мировен договор тој одново ќе сака да влезе во Украина. Стармер изјави дека Британија нема да бира меѓу Европа и САД, додавајќи дека и Черчил не бирал меѓу САД и Европа. А како пример за ова додава дека по скандалот со Зеленски во Белата куќа многумина му викале да даде отворена поддршка на Зеленски и да го осуди Трамп. Но тој сметал дека е подобро да крене телефон и да разговара со двете страни и да се обиде да ги смири. Што и направил, и тоа дало резултат. Пратил човек во Киев да го подучи Зеленски, како да се однесува со Трамп. Но и овој чекор на Стармер, зборува за поделбата во Европа. Поточно за неединството по одредени прашања. Едни осудуваат, други ублажуваат. Виткоф појасно ни го преставува приодот на Трамп кон Русија. Во прв план е крај на војната, но во позадина е интересот. Пред се’ економскиот. Тој зборува за свет во кој Русија и САД имаат добри односи, кој ќе биде од полза за светот. Не е јавно кажано што нуди Путин за соработка со САД, иако веќе беа спомнати руски минерални суровини и соработка во Арктикот и обновување на испораката на руски гас во Европа, преку едната нитка од цевководот „Северен пото – 2“. Па се спомнуваат вештачката интелигенција, разни технологии. Секако и соработката во геополитката БРИКС, Кина, Блискиот Исток, Африка, Латинска Америка, Азија. Што се однесува до Кина, тука Путин е непомирлив и никако нема да дозволи да сопре развојот на досегашните односи меѓу Русија и таа земја. Тој во меѓувреме два пати разговараше со кинескиот претседател Шји Џинпинг. Путин е подготвен и Кина да ја вклучи во мировниот процес во Украина. Која, пак, не сакаше да чуе за кинеско-бразилскиот план за мир. Според германски медиуми, деновиве во Брисел се воделе разговори на таа тема. Кина да се вклучи во мировната игра. За инает на Трамп! И Европејците не беа одушевени од кинескиот план и ја туркаа агендата „Мир во десет точки“ од Зеленски. И тоа е политика. Кога немаш јасни стратегии луташ од една на друга страна. Купуваш време, мислејќи дека нешто ќе се смени и чекаш, па да заземеш страна. Се’ што прават сега Американците и начинот на кој што прават, брзината, притисокот, пред се’ врз Украина, како да ја потврдува порано спомнатата намера. Примирјето да се донесе до Велигден до 20 април. Да, има големи разлики меѓу страните. Има прашања кои сигурно се разгледуваат со тајна дипломатија. Затоа што постои можност се’ да се наруши. Било од внатрешни прашања во Украина или Русија, но и од „добронамерни“ притисоци. Пред се од Европа. Таму до ден денес има сили кои викаат дека Украина треба да војува до победа. Дека треба да се дава уште повеќе оружје. А, да им текне да пратат свои војници во Украина, па тие да гинат заедно со Украинците! Не во мировни мисии, како што сега стојат работите. Крахот на преговорите може само да доведе до пожестока војна. А таа не им е од полза ниту на Русите, ниту на Украинците. Некогашниот кандидат за претседател на Русија, Григориј Јавлински, во својот план за мир во Украина предупредува. „Ако европската и глобалната политичка елита, не можат да помогнат да се пополнат напорите на новиот американски претседател со компетентна содржина, ако не е можно да се координира насоката на овие напори, ако не се успее да се придвижи кон прекин на огнот и значајни стратешки преговори, тогаш динамиката на конфликтот не само што ќе се врати во претходната состојба, туку ќе стане уште покрвава и безнадежна, а можеби ќе се префрли и на глобално ниво. Единствениот можен пат до мирот е разбирањето дека нема ништо повредно и поважно од зачувување на човечките животи и иднината“. А како што стојат сега работите се’ останува во рацете на Трамп. Европската елита не помага, но барем да не одмага. Мирче Адамчевски...

Добивај вести на Viber Монета од 20 центи би можела да вреди речиси 10.000 евра. Затоа вреди да се погледне подобро, бидејќи станува збор за исклучително барана монета, пишуваат германските медиуми.Познавачите би платиле многу пари за да станат горди сопственици на оваа монета од 20 центи. Со малку среќа и преговарачки вештини може да се продаде на аукција за мало богатство.Секој што ќе ја погледне оваа специјална монета од 20 центи нема да помисли ништо за тоа на прв поглед. Сепак, тоа би можело да биде примерокот баран во Европа.Колекционерите секогаш се во потрага по реткости како незабележлива монета што се покажува како профитабилно богатство.Затоа, можеби вреди да не трошите мали монети безгрижно, туку внимателно да ги испитате. Секој што случајно ќе ги открие може да ги продаде на онлајн платформи.Монетата потекнува од 2002 година – годината кога за прв пат беа претставени евро монетите и банкнотите како готовина.Понекогаш се бараат високи цени за италијанските монети на eBay. Се нуди, на пример, за 8.000 евра, иако понудувачите не мора да ја оправдуваат високата сума. Затоа, се препорачува претпазливост при ракување со такви количини. Мора да има таканаречени грешки при печатење.Што треба да барате за да ја препознаете вредноста на паричката?Експертите за монети истакнуваат дека знаците на абење не се доволни за да се класифицира монетата како вредна.Понекогаш тие се мешаат со печатни грешки, кои се доста ретки и ја зголемуваат вредноста. Во случај на неправилно притискање, на пр. мотивот е поместен, недостасува натпис или буква, понекогаш е материјална мана. Вакви карактеристики треба да се забележат и во монетата од 20 центи од Италија. На задната страна може да се види скулптура од италијанскиот уметник Умберто Бочиони.Ако не сте сигурни дали е навистина вредна монета, консултирајте се со експерт. Оваа личност може да процени дали понудата е реална и сериозна, пишуваат германските медиуми.Фото: Принтскрин/Твитер...

Добивај вести на Viber По забуната која настана викендов, особено вчера околу протестите кои ги најавуваа средношколците, и по шпекулациите за нивно „киднапирање“ или откажување со порака се огласи и професорката и општествен кртичар Мирјана Најчевска. Еве што порача по најавите дека протестите не се со цел да се мешаат со политиката. - КАКОВ БРЕ СОБИР?ПРОТЕЕЕЕЕСТ!!!!КАКВО БРЕ МОЛЧЕЊЕ?ВИКАААААЊЕЕЕЕЕ!!!!!ШТО БРЕ СТРАВ ОД МЕШАЊЕ НА ПОЛИТИКА?ПА САКАМЕ ДА СЕ МЕНУВА ПОЛИТИКАТА ЗНАЧИ МОРА ДА ИМА МЕШАЊЕ НА ПОЛИТИКА.Дајте бре не дозволувајте да ви го отапат гневот.Не дозволувајте да ве изашкаат.Не дозволувајте да ве смират.Не дозволувајте да ве превезат жедни преку вода.ПРОТЕСТИТЕ НЕ СЕ ПРОТИВ КОНКРЕТНА ПАРТИЈА ТУКУ ПРОТИВ СИТЕ КОРУМПИРАНИ ПАРТИИ КОИ СЕ МЕНУВААТ ВО ВЛАСТА.СИТЕ ТИЕ ЗАЕДНО ГИ УБИЈА ДЕЦАТА ВО КОЧАНИ.НЕ ЕДЕН, НЕ ДВАЈЦА, НЕ ДЕСЕТ ЛУЃЕ. ТУКУ БАНДА ФОРМИРАНА ВО ПОЛИТИЧКИ ПАРТИИ КОИ СИСТЕМАТСКИ И БЕЗМИЛОСНО ЈА УНИШТУВААТ ДРЖАВАТА - напиша Најчевска на социјалните мрежи....

Добивај вести на Viber Дождливо и нестабилно време, проследено со повремено засилен ветер најавуваат синоптичарите во текот на оваа недела. - Под влијание на силен циклонски систем со центар југозападно и јужно од нас, следува подолг период на многу променливо и нестабилно време со чести повремени врнежи од дожд и со умерен, повремено засилен до силен ветер од јужен и од југоисточен правец ( повремено и локално со брзина и над 60 километри на час). На повеќе места врнежите ќе бидат обилни и поројни (над 20/30 литри воден талог, а локално ќе наврнат и над 50 литри воден талог) - вели метеопрогнозерот Славчо Попоски. Најавува дека веќе од четврток, 27 март атмосферските процеси ќе бидат поинтензивни локално во форма на невреме, проследено со обилен пороен дожд, електрични празнења, силен ветер и со услови за појава на град, додека од петок 28 март врнежите на планините над 1600/1700 метри надморска височина ќе преминуваат во снег.- И во Скопскиот регион следува подолг период на променливо и врнежливо време, односно, со честа појава на повремени врнежи од дожд, кои од четврток (27 март) ќе бидат пообилни и поројни, во делови од котлината можни се поинтензивни атмосферски процеси во форма на невреме.Што се однесува до температурите, тие остануваат без поголеми промени, што значи дека ќе бидат релативно високи, поради јужното и југозападното воздушно струење - посочува Попоски.Воедно тој најавува дека заедно со јужното и југозападно струење, од Сахара кон Македонија доаѓа прашина и песок, па и дождот кој ќе врне ќе биде помешан со истата и ќе биде обоен.Што се однесува до денешниот ден, не очекува променливо облачно и потопло време проследено со повремени локални врнежи од дожд. Ќе дува умерен до засилен јужен ветер. Во Скопје исто така променливо облачно со услови за повремен дожд. Ќе дува умерен јужен ветер....

Добивај вести на Viber Не стивнуваат реакциите за трагедијата која пред една недела се случи во дискотеката Пулс, во Кочани. Овој пат се огласи и Солза Грчева.„Сите сме потресени од трагедијата во Кочани и уште живееме во стрес како ќе се опоравуваат повредените.Но, им порачувам на разни некрофили да не ја злоупотребуваат ситуацијата за да ловат во матно. Владата покажа силна спремност да се справи со ситуацијата и второ, тргна без пардон да апси секој еден поврзан со настанот. Има силна решеност да се пресмета со криминалот и корупцијата кои не јадат одвнатре. И не само во овој случај.На многумина им препорачувам да не спијат мирно. Си знаат кои се, а и ние сите ги знаеме. Завршува ерата на локални и национални шерифи кои за пари и државата заедно со нас ја продаваа. Брзо некој ќе им тропне на врата!“, напиша таа....

Добивај вести на Viber Поддршка и помош за надминување на психолошките трауми кои ги имаат вработените во полицијата ќе можат да добијат сите припадници на овој сектор благодарение на независниот синдикат на полицијата. - Во време кога сите зборуваат за психолошката состојба на учениците, студентите, граѓаните потсетуваме дека и полицајците се луѓе со чувства и️ за сите колеги кои имаат потреба од психолошко советување после трагедијата во Кочани, НСП ќе им обезбеди бесплатна стручна помош на трошок на синдикатот. Искрено се надеваме дека колегите ќе успеат да ги надминат траумите и сликите со кои што се соочија, а ќе ги паметат целиот свој живот.Водени од овие трагични настани во новата систематизација ќе побараме предвидување на работно место ,,психолог" на ниво на Сектор за внатрени работи. Во 21 век не е срамота да се зборува за личната психолошката состојба, срамота е институционално да не се грижиме за менталното здравје - се нагласува во нивното соопштение објавено на социјалните мрежи....

Добивај вести на Viber Еве што порачаа вчерашните учесници на собирот во Кочани по големата трагедија во која животот го изгубија дури 59 лица. Иако протестот беше со молк и без транспаранти, а откако ги поминаа улиците низ центарот на Кочани, граѓаните завршија пред зградата на Општина Кочани, сепак, испратија моќни пораки до јавноста, но и до политичарите. Мотото на протестот беше „Молкот зборува најгласно“, а граѓаните стоеја мирно и испратија симболична порака дека бараат одговорност за трагедијата којашто уништи неколку генерации млади луѓе.Револтот во граѓаните кои долги години молчат пред неправдите овој пат го искажаа со видна вознемиреност поради трагедијата која ги снајде. Тие упатија и благодарност до сите пријателски држави кои на лекување ги примија повредените од пожарот. Во пораката до институциите беше нагласено дека граѓанските протести и собири не се за менување власт, туку повик за менување на свеста против начинот на кој функционира целиот систем во државата.„Ние во Кочани секогаш сме биле разумни и рационални луѓе, а проблем е што ова е гнил систем кој не функционира. Ако кренеш глава за правда ќе те избркаат од работа, ќе те наместат, ќе те затворат. Системот не функционира веќе 30 години, но ние немаме намера да рушиме власт. Оваа држава има прекрасни луѓе, но половината се во странство, а другите, нашите најдобри интелектуалци ги ставивме во дупките во земја. Сега ќе имаме и работа и фирми, но немаме деца. Не бараме револуција за промена на власт, туку бараме револуција за менување на нашата свест. Да се свестиме и да прекинеме со партиските поделби, да почнеме од овој момент да создаваме нормално општество. Во сите партии има прекрасни луѓе, но тие се во десеттиот, единаесеттиот ешалон. Што треба да се случи полошо од ова, кога веќе немаме ништо. Ако умре овој град, барем нека се спасат другите градови“, рече Влатко Здравко, учесник во маршот.Учесниците на маршот се разотидоа мирно и најавија дека ќе продолжат со собирите и барањата за институционално решавање на трагедијата во Кочани.Фото: ЕПА...

Добивај вести на Viber Контролите на објектите од безбедносен аспект ќе бидат етапни и долгорочни, најави портпаролката на Владата Марија Митева. Одговарајќи на новинарско прашање за инспекциите за тоа како се проектирани и градени објектите во однос на почитување на безбедносните мерки, таа посочи на информација од Министерството за транспорт дека фокусот ќе биде на „системско решавање на овие проблеми“.-Во овој момент се скенираат ваквите состојби во делот на активна законска лиценца која е поседувана или непоседувана. За сите натамошни детали ќе се продолжи со етапна контрола на се она што е нерегуларно согласно законот и верувам дека и овој дел ќе биде опфатен од страна на надлежните институции, но тоа ќе бидат фази и етапи на кои долгорочно ќе работиме. Ова нема да биде една фаза на која сега ќе заврши контролата и веднаш ќе престанат инспекциите. Како што можевме да видиме, во моментот на добивање на лиценцата, конкретно во Министерството за транспорт, условите се исполнувани, но веднаш потоа е изигруван законот. Така што, ова е континуирана работа на којашто надлежните институции континуирано ќе работат, рече Митева. Прашана за контролите на лиценците за вршење дејност и техничките услови на угостителските објекти, портпаролката одговори дека дежурни инспекциски тимови викендов биле фокусирани повеќе на тоа дали се почитува одлуката на Владата за деновите на жалост. -Во текот на вчерашната ноќ немало утврдени никакви злоупотреби или непочитување на оваа одлука на Владата за денови на жалост. Веќе од утре овие тимови почнуваат со нов координативен состанок за да ги преземат сите идни чекори и каде ќе ја насочат контролата и веќе утре ќе бидат презентирани информации во јавноста, посочи Митева. Во однос на најавената интерна истрага во МВР најавена од министерот Панче Тошковски за интервенирањето и однесувањето на полицијата ноќта на трагичниот настан во Кочани, портпаролката одговори дека надлежното министерство ќе одговори на сите прашања и оти интерната истрага е дел од сеопфатната истрага за пожарот. -На сите легитимно поставени прашања во јавноста, независно дали се појавуваат на социјални медиуми, од граѓани или институции, владата ќе одговори односно надлежното министерство, во овој случај МВР. Кога ќе се завршат сите анализи и целата процедура, јас сум сигурна дека надлежните институции ќе дадат одговори, рече Митева одговарајќи на новинарски прашања на прес-конференцијата....

Добивај вести на Viber Сите општини координирани преку ЗЕЛС започнаа се вонредни инспекциски контроли во сите објекти од јавен карактер низ државата. Во голем број од општините детално се проверуваат училиштата, градинките, спортските сали, културните домови, но и сите угостителски објекти и други места каде секојдневно се собираат наши граѓани.Ова денеска го потенцираше претседателот на ЗЕЛС и градоначалник на Општина Кисела Вода, Орце Ѓорѓиевски на заедничката прес-конференција со директорот на Универзитетската клиника за хируршки болести во Скопје, Небојша Настов и портпаролите на Владата, Марија Митева и Венера Љатифи Азизи.Подвлекувајќи дека особен акцент е ставен на објектите во кои престојуваат деца и млади, Ѓорѓиевски истакна дека инспекциските контроли ќе бидат континуиран процес и во наредните недели и месеци систематски ќе се проверуваат сите објекти во државата, со цел сите јавни и приватни објекти каде се собираат луѓе, било да се образовни, здравствени институции, спортски или културни објекти или угостителски локали, да бидат безбедни.Тој нагласи дека е воспоставена тесна и силна координација со Владата и лично со претседателот на Владата, од првиот момент по несреќата во Кочани, со единствена цел брза и усогласена акција за надминување на состојбата.Предизвик, според него, претставува недоволниот број инспекциски служби, особено во помалите општини. Ѓорѓиевски информираше дека во Општина Кисела Вода имало двајца инспектори за домување, а во многу од општини, како што рече, нема инспектори за домување, немаат градежни инспекции, комунални инспектори. Тоа, истакна, ќе мора заеднички да го решаваме во наредниот период ќе се спроведе меѓуопштинска соработка.Градоначалникот Ѓорѓиевски посочи дека ЗЕЛС ја презема улогата на координатор на сите активности на локално ниво, за меѓусебна помош и споделување на ресурсите и знаењата. Инспекциските капацитети, најави тој, ќе се стават на располагање таму каде има потреба за да може секоја општина темелно да ги провери сите објекти на својата територија. Во поголемите општини, како што рече на прес-конференцијата Ѓорѓиевски, веќе се спроведуваат детални контроли на објектите, документацијата на објектите и почитувањето на сите безбедносни стандарди. Се внимава дали објектите имаат исправна протипожарна опрема и функционални противпожарни хидранти, дали електринчните инсталации се безбедни и соодветно одржувани, постојат ли јасно обележани и функционални евакуациони патеки и планови, како и дали се поседуваат сите потребни документи и безбедноси елаборати.- Ќе има нулта толеранција за евентуалните неправилности. Ќе се преземаат решителни мерки согласно надлежностите на локалната самоуправа, рече Ѓорѓиевски и ги повика граѓаните ако забележат небезбедни услови да ги пријават. Ѓорѓиевски најави дека утре ќе има седница на Управниот одбор на ЗЕЛС, на која се поканети градоначалници на поголемите општи во државата, а ќе се направи детален пресек за состојбата во општините. Во Кисела Вода, информиаше, во сите градинки, училишта, спортски сали и Домот на културата, се извршени проверки, и нема утврдено аномалии односно се е исправно. - Во строга контрола влегуваме и во станбените згради, каде треба да има соодветна хидрантска мрежа, скали за пожар и да ги исполнуваат основните елементарни услови. Во Кисела Вода изминатата недела се проверни околу 40 згради, постарите згради кои се градени после земјотресот, таму не се исполнуваат стандардите. Таму ќе треба да се остави простор куќните совети да си преземат дејствија, ако не ќе си преземеме активност и ќе ги казниме истите. Ние мора да воспоставиме систем и ред во оваа држава, рече градоначалникот на Општина Кисела Вода и претседател на ЗЕЛС Ѓорѓиевски....

Добивај вести на Viber Американскиот претседател Доналд Трамп изјави дека тој е единствената личност во светот што може да стави крај на војната во Украина, додавајќи дека напорите да се спречи ескалацијата на конфликтот се „донекаде под контрола“.-Мислам дека нема никој на светот кој може да го запре рускиот претседател Владимир Путин, освен мене, рече Трамп доцна синоќа во интервју за „Ауткик“ . „И мислам дека ќе можам да го запрам“, додаде тој.„Имавме многу рационални дискусии и само сакам да видам дека луѓето престануваат да се убиваат“, рече Трамп....

Добивај вести на Viber Денес, на лажни профили и преку пропагандни медиуми, беа објавени видео-снимки со цел да ја поврзат нашата иницијатива „Кој е следен?“ со еден онлајн разговор помеѓу група студенти и девојка од Србија. Ве известуваме дека нашата иницијатива нема никаква поврзаност со тој повик, ниту сме биле вклучени во какви било разговори за формирање на нови студентски организации. Доволно е да се погледне самата снимка – името „Кој е следен?“ не се споменува ниту еднаш, а нашето лого е аматерски и намерно вметнато во аголот на видеото, велат од организацијата „Кој е следен“.„Нашата иницијатива е граѓанска и како таква нема намера да се вклучи во студентското организирање, ниту да го инструментализира. Студенти, веруваме во вашата способност да се оградите од партиски и надворешни влијанија.Овие обиди за оцрнување се уште еден доказ дека политичката елита се плаши од автентичното граѓанско незадоволство. Наместо да одговорат на барањата за правда, одговорност и безбедност, тие се служат со провидни манипулации, лажни вести и медиумски спинови.Притисоците од лажни профили, пропагандни медиуми, како и од полициски и параполициски структури, само дополнително ќе ја зајакнат нашата волја.Ние не сме поврзани со ниту една политичка партија, и уште поважно – јавно ги осудуваме сите обиди за партизација на „Кој е следен?“. Нашиот револт не е алатка за политички поени, туку повик за достоинствен живот.Оваа сурова пропаганда нема да не замолчи.Нема да дозволиме да се угуши секој млад, независен и слободен глас.Нема да дозволиме елитите да продолжат да не газат!Денес ние сме мета на манипулации и лажни вести.Кој е следен?“, се вели во соопштението....

Добивај вести на Viber На Универзитетската клиника за хируршки болести во Скопје во моментов се лекуваат десет пациенти од пожарот во дискотеката „Пулс“ во Кочани, од кои на шест веќе им е направена трансплантација на кожа поради степенот на изгореници, информираше денеска директорот на Клиниката, Небојша Настов на заедничката прес-конференција со портпаролите на Владата, Марија Митева и Венера Љатифи Азизи, како и градоначалникот на Кисела Вода Орце Ѓорѓиевски.Како што посочи Настов, шесте пациенти на кои им е направена трансплантацијата се со трет степен на изгореници, додека кај останатите пациенти продолжуваат редовните преврски и веќе во текот на наредната недела се очекува да бидат пуштени на домашно лекување. Но, како што рече, ситуацијата е флуидна и може да се смени од час во час.– Во однос на актуелната здравствена состојба на пациентите од болницата од која што доаѓам, а тоа е Универзитетската клиника за хируршки болести во Скопје, во моментов се хоспитализирани 10 пациенти, од кои на шест е веќе направена трансплантација на кожа заради тоа што тие беа пациенти со највисок степен на изгореници, односно трет степен. Кај останатите пациенти продолжуваат редовните преврски и веќе во текот на наредната недела според плановите кои што ги имаме, иако морам да повторам дека ситуацијата е многу флуидна и може да се смени од час во час, се планираат првите испусти за дома, рече НастовВо врска со пациентите кои се лекуваат во странските држави, Настов посочи дека тие до одредена фаза ќе се лекуваат таму, но, како што рече, во одредена фаза ќе треба да се вратат и повторно да бидат сместени во хоспиталните капацитети во земјава, за што, рече, се прават протоколи и координации како ќе оди враќањето на пациентите во зависност од темпото со кое ќе бидат испишувани.– Пациентите кои се лекуваат надвор од земјава до одредена фаза ќе се лекуваат во странските држави кои ни излегоа во пресрет, но во одредена фаза истите тие ќе дојде време кога ќе треба да се вратат во нашата држава и кога ќе треба повторно да бидат сместени во болниците, односно во сите хоспитални капацитети во државата. За таа цел, се прават протоколи и координации меѓу Министерството за здравство, Министерството за надворешни работи и Службата за општи и заеднички работи на Владата во која координација ќе оди враќањето на пациентите во зависност од темпото со кое ќе бидат испишувани од болничките установи од странство, рече Настов.Прашан за тоа каква е состојбата на шесте пациенти кои се лекуваат во странство и се во критична здравствена состојба, Настов посочи дека ќе има информација по денешниот состанок на Кризниот штаб, бидејќи, како што рече, болниците од странските држави за состојбата на пациентите брифираат еднаш дневно.– Во моментот ги немам тие информации заради тоа што имаме состанок на Кризниот штав од 14 часот, а тогаш обично ги добиваме вестите и верувајте дека болниците еднаш во денот брифираат за состојбата, а не на еден час или пола час. Така што, тие податоци би ги имале по 14 часот, посочи Настов. Фото:МИА...

Добивај вести на Viber Поранешниот министер за надворешни работи Никола Димитров со порака дека не смееме да дозволиме да навиваме државата да пропадне, само затоа што не се од „нашите“.„Доста навивање да не нѐ биде!Истекуваат деновите на жалост, иако тагата како длабока колективна траума, да не зборуваме за личните и семејните, никогаш нема да заврши. Ќе си ја носиме додека сме живи, обременети со вистината дека во нашето државиче сме дозволиле да се случи пекол од невидени размери.Очигледно е дека стариот пат на замижување пред корупција, на “мој човек”, на партиски вработувања и услуги, на институции што служат на лични, партиски или бизнис наместо на јавни интереси, води кон нов крвав пораз. Обединети во тагата, да се обединиме за прв пат вистински и околу воспоставување на нов систем заснован на ред и на одговорност.Прво, да престанеме да навиваме да не нѐ биде. Не може да навиваме институциите, државата не само да потфрлат, туку ако треба и да пропаднат само затоа што во моментов не се водени од “нашите”.Ова е голема болка на македонското општество и со истово сме се соочувале и во минатото, можам да ви раскажувам од лично искуство. Просто е неверојатно колку луѓе навиваат за порази и грешки. Ајде за промена да навиваме за успеси, па макар тие да одат на контото на политичките “противници”. Да, да им “дишеме во врат” на надлежните, силно да критикуваме кога грешат, но да ги поддржиме кога гледаме дека си ја работат работата. Како што медиумите и здравствените работници си ја работеа работата во овие ужасни денови, а богами и јавното обвинителство. Како што владата навремено го вклучи европскиот систем за цивилна заштита.Второ, да бидеме гласни и активни, и прво од себе, а потоа од институциите, да инсистираме на ред и одговорност. Имаме искуство како нација дека промената на власта не значи и промена на системот. Оттука, целта на гласноста мора да биде - системски пресврт. Да даваме предлози и да туркаме кон одвојување на државата од партиите. Да побараме и од други држави кои ужасната лекција ја искористиле за ресетирање на целиот систем, како Шведска, како и што точно направиле. Владата најави бескомпромисна борба со корупцијата. Во ред е да бидеме најголем сојузник да истрае во тоа ветување, ама да бидеме и најголем проблем ако видиме дека затајува.Трето, граѓанскиот гнев и болка ќе бидат предмет на обиди за манипулации. Тоа е очекувано. Да бидеме будни и да го чуваме интегритетот на поривот за системски промени, поучени од искуството со Шарената револуција. Граѓаните имаат право на мирно собирање. Но, ако тоа собирање е во функција на политички агенди, на промена на власта за да дојдат “нашите”, нема ништо да направиме. Нашата шанса е во сојуз и притисок, владата и сите институции, да издржат и да испорачаат правда и функционален систем.Овде на тест се граѓанството - да препознае и да отфрли обиди за киднапирање и Владата - да биде голема и да не притиска оправдан револт. Конечно, после ваков удар и болка, време е сите да изградиме здрава дистанца од старите лојалности. Да гледаме на нештата со отворени очи, без партиски светоглед. Ако нешто е добро, добро е и тогаш кога го прават и тие кои не сме ги гласале. Ако е нешто е лошо, лошо е без разлика што го направиле “нашите”. Во нашата Македонија денеска, мора да се издигнеме над партиските поделби. Ајде да сме заедно!Без оваа најважна лекција - ново Кочани, верувајте е неминовно!“ напиша тој....

Добивај вести на Viber На социјалните мрежи се споделуваат барањата на организаторите на протестите „Кој е следен“....

Добивај вести на Viber Грција е популарна дестинација за странците кои сакаат да ги инвестираат своите пари во недвижен имот - станови, станови, куќи. Странските сопственици на имот често сакаат да ги изнајмуваат своите куќи или станови на туристи, но клучно е овој процес да се одвива легално за да се избегнат потенцијални казни и правни проблеми.Во овој водич, ќе ве водиме низ чекорите што треба да ги преземете за легално да го регистрирате вашиот имот за туристичко изнајмување во Грција. Ќе ги покриеме и сите релевантни трошоци и правни аспекти.1. Проверка на законските прописи и условите за изнајмувањеПред да започнете со процесот на регистрација, важно е да се запознаете со грчките закони кои го регулираат изнајмувањето на недвижен имот. Грција воведе регулативи за краткорочно изнајмување имот преку онлајн платформи (како што се Airbnb и Booking.com), а се однесува и на традиционалните изнајмувања.Видови на изнајмување на недвижен имот:Краткорочно изнајмување: Се однесува на туристички престој кои траат најмногу до 90 дена.Долгорочно изнајмување: Вклучува изнајмување повеќе од 90 дена, често за целите на постојан престој.За краткорочни изнајмувања, потребно е да се добие посебен матичен број и да се регистрира имотот во соодветниот државен систем.2. Регистрирајте се во системот ААДЕ и добијте број АМААЕден од најважните чекори е регистрација на стан, или недвижен имот за краткорочно изнајмување, во системот ААДЕ (Независна управа за јавни приходи). Оваа регистрација е задолжителна за сите сопственици кои сакаат да го изнајмат својот имот на туристи.Чекори за да добиете AMAA број:Подгответе ја документацијата: Ќе треба да имате доказ за сопственост на имотот (на пример, купопродажен договор), како и валиден пасош. Странските сопственици мора да имаат и AFM број (грчки даночен број).Пријавете се во системот AADE: Посетете го порталот AADE и креирајте го вашиот профил. Ако веќе имате грчки AFM број, регистрацијата е едноставна.Аплицирајте за AMAA број: По регистрацијата, мора да аплицирате за AMAA број. AMAA број (Arithmos Mitroou Akiniton Anaforas). Овој број е неопходен за да можете легално да го рекламирате вашиот имот преку онлајн платформи.Регистрирајте го имотот за данок: По добивањето на AMAA број, вашиот имот мора да биде регистриран во даночниот систем. Грција бара од сопствениците на имот да пријават приход од изнајмување за да ги пресметаат даноците.Доколку не го знаете јазикот или имате други потешкотии со апликацијата, ви препорачуваме да ангажирате сметководител кој ќе ви помогне да го завршите процесот.Трошоци: Нема директни трошоци за да се добие AMAA број, но ќе треба да платите релевантни даноци на приходот од изнајмување (објаснето во следните делови).3. Плаќање на данок на приход од изнајмувањеВо Грција, приходите остварени од издавање недвижен имот подлежат на оданочување. Даночните стапки варираат во зависност од висината на приходот.Даночни стапки за краткорочни изнајмувања (по приход):До 12.000 евра годишно: Данокот е 15%.Од 12.001 до 35.000 евра: Данокот е 35%.Над 35.000 евра годишно: Данокот е 45%.Важно е редовно да се пријавуваат приходите преку системот ААДЕ за да се избегнат казни.Дополнителни даноци и такси: Данок за дополнителни услуги: ако сопственикот обезбедува дополнителни услуги на гостите, како чистење за време на престојот на гостите или трансферите, може да се примени дополнителен данок од 24% за овие услуги.Сопствениците на имот кои изнајмуваат сместување на туристи мора да платат и туристичка такса - такса за отпорност на климатските промени, такса за ноќевање што се применува за секоја резервација и ќе се наплаќа на гостинот.Конечно, сопствениците мора да водат книга за гости и да ги проследат податоците за сместувањето до Министерството за туризам за да се овозможи целосна даночна транспарентност и да се обезбеди здрава конкуренција помеѓу традиционалната хотелска индустрија и индустријата за краткорочно изнајмување.4. Правила за краткорочно изнајмување Грција воведе правила со кои се ограничува краткорочното изнајмување имот. На пример, издавањето имот за повеќе од 90 дена во една календарска година може да биде ограничено во одредени области, особено во популарните туристички дестинации (на пр., некои делови на Атина). Во одредени случаи, ќе биде потребна посебна дозвола од локалните власти.Задолжителна регистрација на имот: Сопствениците се должни да ги регистрираат своите имоти и да ги запишат во регистарот за краткорочни изнајмувања. Ова важи за сите видови сместување, од станови до вили.5. Ангажирање локални агенции или менаџери Ако не сте постојано присутни во Грција, може да биде корисно да ангажирате локална агенција за управување со вашиот имот. Агенциите можат да помогнат при одржување на имотот, добредојде на гости и управување со административни задачи. Тие исто така можат да помогнат во промовирањето на вашиот имот на соодветните платформи.Трошоци за услуга на агенцијата: Провизија за изнајмување: Повеќето агенции наплаќаат помеѓу 10% и 20% од вкупната цена за изнајмување.Одржување и чистење: Услугите за одржување и чистење може да чинат помеѓу 50 и 150 евра месечно, во зависност од локацијата и големината на имотот.6. Одржување и услуга за гости Како сопственик, ваша одговорност е да се осигурате дека имотот е во добра состојба за гостите. Ова вклучува редовно чистење, поправки и обезбедување на основни услуги како што се интернет и климатизација.Дали треба да регистрирам компанија во Грција за да изнајмувам стан на туристи?Според важечките закони во Грција, сопствениците на имот кои ги издаваат своите имоти на туристи преку платформи за краткорочно изнајмување можат да регистрираат повеќе имоти во системот ААДЕ и да добијат број АМАА (Arithmos Mitroou Akiniton Anaforas) без потреба да отворат бизнис.Сепак, постојат одредени ограничувања во однос на максималниот број на станови што сопственикот може да ги изнајми без да регистрира компанија.Според сегашните прописи:Сопственикот може да регистрира најмногу два имоти за краткорочно изнајмување без потреба од отворање фирма или бизнис.Ако сопственикот сака да изнајми повеќе од два имоти, се смета дека врши комерцијална дејност, што значи дека мора да регистрира компанија во Грција, обично во форма на трговец поединец или друштво со ограничена одговорност (ДОО).Според тоа, доколку сопственикот поседува повеќе од два имоти што сака да ги изнајми на туристи, ќе биде должен да го започне процесот на регистрација на компанијата за легално да работи во согласност со грчките закони.Дали сопствениците на имот треба да имаат EOT лиценца?Лиценцата EOT е важна тема кога станува збор за изнајмување имот на туристи во Грција и зависи од видот на изнајмување и дополнителните услуги што ги нудат сопствениците.Што е EOT лиценца?EOT (Ελληνικός Οργανισμός Τουρισμού, Грчка туристичка организација) е грчка национална туристичка организација која издава лиценци за објекти кои обезбедуваат услуги за сместување на туристите. Оваа лиценца е неопходна за секој кој сака легално да обезбедува услуги за сместување, како што се хотели, апартмани, вили или куќи за гости, доколку нудат дополнителни услуги како што се појадок, редовно чистење или рецепција.Меѓутоа, ако сопствениците на приватни имоти го издаваат имотот само преку платформи како Airbnb или Booking.com без дополнителни услуги, како што се хотелски услуги, тогаш вообичаено не е потребна EOT лиценца.Кога е потребна EOT лиценца?Потребна е EOT лиценца за:Хотели, куќи за гости и туристички комплекси.Вили и апартмани кои нудат дополнителни услуги (чистење, појадок, рецепција и сл.).Изнајмување на туристичко сместување со комплетна инфраструктура за туристи.Доколку нудите дополнителни услуги, неопходна е лиценца за ЕОТ и вашиот имот мора да биде категоризиран во согласност со стандардите на ЕОТ, што може да вклучува проверка на имотот и исполнување на одредени услови.Кога не е потребна EOT лиценца?Ако го изнајмувате вашиот имот преку Airbnb или слични платформи како краткорочно изнајмување без дополнителни хотелски услуги, не е потребна EOT лиценца. Во тој случај, доволно е да се добие број АМАА и да се регистрира имотот во системот за данок на краткорочни изнајмувања.Постапка за добивање лиценца за ЕОТАко вашиот имот бара EOT лиценца, процесот за добивање на една ги вклучува следните чекори:Поднесување барање до ЕОТ: Сопственикот поднесува барање до националната туристичка организација. Апликацијата вклучува детални информации за имотот и неговите капацитети, како и услугите што ќе им бидат понудени на туристите.Инспекција и категоризација: По апликацијата, ЕОТ го проверува објектот за да се осигура дека објектот ги исполнува пропишаните стандарди. Врз основа на ова, имотот е категоризиран (оценки со ѕвезди или други ознаки за квалитет).Издавање лиценца: Откако имотот ќе помине инспекција и ќе ги исполни сите стандарди, ЕОТ издава лиценца што му дозволува на сопственикот легално да го издава сместувањето како туристичка услуга.Трошоци за лиценца на EOTТрошоците за добивање лиценца за ЕОТ варираат во зависност од видот на сместувањето и локацијата. Тие обично вклучуваат:Административни такси за поднесување барања.Трошоци за инспекција и можно прилагодување на сместувањето за исполнување на стандардите на EOT.Во некои случаи, трошоците може да бидат високи, особено ако се потребни прилагодувања на објектот за да се исполнат барањата на EOT. Најчесто се движат од 500 до 2.000 евра.Самиот процес на лиценцирање може да потрае неколку месеци.Заклучок за лиценца за ЕОТЗа повеќето странски сопственици на имот кои изнајмуваат преку платформи за резервации за сместување, не е потребна лиценца за ЕОТ освен ако не нудат дополнителни услуги. Меѓутоа, доколку планирате да нудите хотелски услуги или имате комплекс кој бара туристичка категоризација, тогаш е задолжителна лиценца за ЕОТ.Доколку не сте сигурни дали вашиот имот е покриен со обврската за добивање лиценца за ЕОТ, се препорачува да се консултирате со сметководител.Блиц.рс...

Добивај вести на Viber Основното јавно обвинителство Скопје поведе постапка против 20-годишник осомничен за кривично дело – Насилство од член 386 став 3 во врска со став 1 од Кривичниот законик.На 21 март попладне, на обиколница Скопје во близина на клучката кај Стајковци, извршил грубо насилство врз едно лице и со тоа во јавноста предизвикал чувство на несигурност, загрозување и страв.Поради недоразбирање во сообраќајот, осомничениот управувајќи автомобил “Фолксваген голф” дошол во иста линија со возило “Сеат леон” кое го управувал оштетениот.Со автомобилот започнал да навлегува во лентата по која се движел оштетениот, па како да е овластен полициски службеник преку својот прозорец на оштетениот му ја покажал полициската значка, која била во возилото и со која бил задолжен неговиот татко – полициски службеник во СВР Скопје.Оштетениот, мислејќи дека се работи за стоп наредба од овластен полициски службеник, го запрел своето возило и се упатил кон возилото на осомничениот.Тој излегол надвор, почнал да го пцуе оштетениот, па од фармерките извадил нож на расклопување и го отворил сечивото. Со ножот почнал да замавнува кон оштетениот, нанесувајќи му телесни повреди, по што побегнал.Јавниот обвинител до судијата на претходна постапка при Основниот кривичен суд Скопје достави предлог за определување мерка притвор, имајќи ја предвид пред се опасноста тој да се даде во бегство доколку биде пуштен да се брани од слобода за да ја избегне кривичната одговорност за делото што му се става на товар....

Добивај вести на Viber Горниот дом на германскиот парламент Бундесрат со двотретинско мнозинство ги одобри неопходните измени на Основниот закон, со што се овозможи планираното задолжување за одбраната и инфраструктурата.Тоа беше последната парламентарна пречка за проектот, кој предвидува олабавување на „должничката кочница“, повеќе трошоци за одбраната и посебен фонд од 500 милијарди евра за инфраструктура и заштита на климата, пишува „Билд“.Двотретинското мнозинство во Бундесратот долго време се сметаше за неизвесно бидејќи не беше јасно како ќе гласаат владите на германските сојузни покраини, во кои членуваат претставници на Левица (Die Linke), ФДП, Слободните гласачи и Алијансата на Сара Вагенкнехт (BSW).Конзервативните демохристијани (ЦДУ/ЦСУ) и социјалдемократите (СПД) претходно со двотретинско мнозинство ја одобрија реформата во долниот дом на германскиот парламент, Бундестагот, со помош на Зелените. Фаворитот за функцијата германски канцелар Фридрих Мерц во таа прилика изјави дека планираното зголемување на германските трошоци за одбрана и економски раст претставуваат пресвртница за европската безбедност.„Со години живееме во лажно чувство на сигурност“, рече Мерц во обраќањето пред Бундестагот, додавајќи дека „повоената мировна дивиденда одамна е исцрпена“ и дека на Германија и е потребна целосна ревизија на нејзините одбранбени способности, пренесе Ројтерс.Тој нагласи дека одлуката за зајакнување на одбранбената готовност претставува „првиот голем чекор кон нова европска одбранбена заедница“ која би можела да вклучи и земји надвор од Европската унија.За потсетување, Бизпортал пишуваше за поместувањето на Европа и особено Германија кон вооружување, прочитајте го на следниот линк:Бизпортал.рс...

Добивај вести на Viber По завршување на редовниот состанок на кризниот штаб, министерот Арбен Таравари информираше за состојбата со пациентите, кои беа повредени во несреќата што се случи во Кочани.Во македонските болници сите пациенти се во стабилна и добра состојба.Се планира девет пациенти да бидат испишани на почеток на неделата, откако ќе им бидат направени сите токсиколошки и психолошки испитувања.- Надвор од државата се 115 пациенти, во критична состојба продолжуваат да бидат пет пациенти, но состојбата на пациентите флуктуира.Седми ден е, нула починати. Нема ниту еден пациент кој починал. Очекуваме да се подобрува состојбата.Следната недела имаме најави за враќање на повеќе пациенти во државава“, рече Таравари на денешната изјава за медиумите, по завршување на редовниот состанок на кризниот штаб....

Добивај вести на Viber Граѓаните на Кочани денеска организираа 60-минутен Марш со молк, како симболична почит за сите 60 лица кои починаа како последица од пожарот во дискотеката „Пулс“ што се случи минатата недела.Без транспаренти и тивко, колоната граѓани помина по улиците во централното градско подрачје и стигна пред зградата на Општина Кочани.Со мотото „Молкот зборува најгласно“, стоејќи мирно, учесниците на маршот испратија симболична порака дека бараат одговорност за трагедијата којашто уништи неколку генерации млади луѓе.На крајот од 15-минутната почит за загинатите, беше упатена благодарност до сите пријателски држави кои на лекување ги примија повредените од пожарот. Во пораката до институциите беше нагласено дека граѓанските протести и собири не се за менување власт, туку повик за менување на свеста против начинот на кој функционира целиот систем во државата.-Ние во Кочани секогаш сме биле разумни и рационални луѓе, а проблем е што ова е гнил систем кој не функционира. Ако кренеш глава за правда ќе те избркаат од работа, ќе те наместат, ќе те затворат. Системот не функционира веќе 30 години, но ние немаме намера да рушиме власт. Оваа држава има прекрасни луѓе, но половината се во странство, а другите, нашите најдобри интелектуалци ги ставивме во дупките во земја. Сега ќе имаме и работа и фирми, но немаме деца. Не бараме револуција за промена на власт, туку бараме револуција за менување на нашата свест. Да се свестиме и да прекинеме со партиските поделби, да почнеме од овој момент да создаваме нормално општество. Во сите партии има прекрасни луѓе, но тие се во десеттиот, единаесеттиот ешалон. Што треба да се случи полошо од ова, кога веќе немаме ништо. Ако умре овој град, барем нека се спасат другите градови, рече Влатко Здравко, учесник во маршот.Учесниците на маршот се разотидоа мирно и најавија дека ќе продолжат со собирите и барањата за институционално решавање на трагедијата во Кочани....

Добивај вести на Viber Ана Костадиновска, која го придружуваше дуото ДНК во кобната ноќ за среќа успеа да изблега од пламените јазици во дискотеката на смртта. Таа воедно е и професорка по музика па учениците сакаат што поскоро да им се врати и да ѝ се врати насмевката на лицето. Таа им се заблагодари:За повеќе прочитајте на Женски магазин...

Добивај вести на Viber А кој ќе ги исконтролира градоначалниците што штанцаа/т дозволи за градење и општините ги затрупаа со згради - правдајќи се дека треба да се зема плата, ама и аванта?! Кој ќе им каже дека на многу улици не може да помине пожарна, дека нема основни услови за евакуација, дека уличните хидранти или не работат или ги нема, дека заради паркираните возила не може ни Брза помош да дојде до влез?!, вели во реакција на социјалните мрежи Жанета Трајковска, активистка за човекови права и остар критичар на негативните општествени појави. „Или тоа не е важно?!А кој ќе ги исконтролира инспекторите што мижеле и мижат речиси за се и ќе ги праша кај беа до сега!? Секако дека градоначалниците не знаат ниту за една дозвола без оглед дали е за градње, кафена или дискотека, нит знаат за (не)работењето на инспекторите во сопствената општина, а и секако врска немаат како им личи општината, оти тие гледаат во иднината - ама сопствената!“, вели таа....

Добивај вести на Viber Сојузот на стопански комори на Македонија (ССКМ) признал дека ја лажеле Комисијата за заштита на конкуренцијата (КЗК) околу состаноците на кои четири маркети се договарале како да влијаат на цените на производите преку картелско здружување. Во „Прелиминарното известување за утврдена фактичка состојба“ кое на 12 март го донесе на седница Комисијата за одлучување по прекршок при КЗК и е доставено до Сојузот на стопански комори, стои дека оваа комора не негира дека Сузана Јаневска и Сашо Дуковски дале неточни и нецелосни изјави на Антимонополска, пишува самопрашај.мк, каде може да ја прочитате целата вест. Ваквото признание на ССКМ доаѓа откако на 21.02.2025 година Комисијата за заштита на конкуренцијата достави Заклучок до Комората во кое се наведува дека при контролите на 7 и 11.02.2025 година било утврдено дека Јаневска и Дуковски зборувале невистина и се обиделе да ја доведат во заблуда КЗК.По доставувањето на Заклучокот за поведување прекршочна постапка до ССКМ на 21.02.2025 година,на 04.03 и на 05.03.2005 година Комората доставила до КЗК одговор и дополнување на одговорот каде што и признале дека двете лица од Комората не ја зборувале вистината.Според Законот, Комората во рок од 15 дена, значи до 27 март, има право да се изјасни по наводите во ова Прелиминарно известување за утврдена фактичка состојба, да даде забелешки и да предложи изведување на докази со кои располага.„Го прашавме Сојузот на стопански комори што очекуваат од ова признание и дали се надеваат дека со ова КЗК ќе биде поблага во казната и нема да им изрече максимална глоба од 1% од годишните приходи како што пишува во членот 61 (став 1 точка 10) од Законот за заштита на конкуренцијата. Одговор не добивме во предвидениот рок“, пишува медиумот.Но, добиле одговор од Комисијата.„Оттаму велат дека документот што го објавуваме е веродостоен и дека со него се потврдува нашата констатација во претходниот текст дека ССКМ лажела во во овој случај. Но, од КЗК велат дека ваквото признание не води кон директно потврдување на вториот случај каде што освен ССКМ се истражува картелското здружување на четирите маркери. Според Комисијата ова е засебен случај кој сè уште се разгледува.“ пишува самопрашај.мк.Ако се утврди дека е направен прекршокот, четирите маркети и ССК ќе бидат казнети според член 59 од Законот за заштита на конкуренцијата или со 10% од вредноста на вкупниот годишен приход остварен во последната деловна година, изразена во апсолутен и номинален износ.Самопрашај.мк...

Добивај вести на Viber Откако екс министерот за внатрешни работи Љубомир Фрчкоски изјави дека пожарот во дискотеката ќе се случел и со и без лиценца, се огласи професорката Мирјана Најчевска.„Е од секогаш си бил површен Фрле па и во овој случај.Не е работата дали се имало легална или нелегална лиценца, туку дали се исполнети техничките барања.Ако бил соодветен просторот, може да има и пиротехника.Ако имало противпожарни прскалки кои се активираат преку сензори немало да има пожар.Ако имало употребен соодветен материјал немало да се запали толку лесно и веднаш да пламне.Ако имало доволно излези, сите ќе можеле да го напуштат просторот.До правото е Фрле, а полицијата е последната карика која треба да испитува дали се спроведува, а не прва. Прв ешалон на казнети треба да бидат тие кои ја негуваат корупцијата со децении, а не оние на кјаот од колоната“, напиша таа....

Добивај вести на Viber Како што се обелоденуваат нови факти поврзани со трагедијата во Кочани, сѐ поизразени стануваат сомнежите во однос на професионалноста и кредибилитетот на институциите задолжени за спроведување на истрагата и самиот процес на утврдување на одговорност, која мора да ја има, се вели во соопштението на ДУИ, објавено денеска.„И покрај тоа што МВР поднесува кривични пријави а Јавното обвинителство формално иницира истраги, нивната насока и обем предизвикуваат сериозна загриженост поради очигледното избегнување на неколку клучни аспекти од случајот, кои изгледа се свесно изоставени или намерно ограничени. Во овој контекст, неопходно е да се покрене прашањето за улогата и одговорноста на Управата за јавни приходи (УЈП) во целата оваа ситуација. Според информации објавени од истражувачките стории на медиумите, кабарето „Пулс“ било официјално затворена и пломбирано од страна на УЈП во втората половина на декември 2024 година, поради утврдени прекршувања поврзани со неиздавање на фискални сметки. Сепак, и покрај тоа што фирмата што ја управувала дискотеката, „МММ Кафе ДООЕЛ Кочани“, имала блокирана сметка уште од јули 2024 година, истата повторно започнала со работа многу бргу , без никакви институционални пречки или законски санкции. Неповлекувањето на одлуката за забрана за работа односно недозволувањето за вршење на работа, би значело дека кабарето немаше да биде активно подолг период, а со тоа веројатно ни за кобната ноќ. Овој потврден факт, отвора сериозни особено правни но и политички прашања во врска со тоа како било возможно повторното отворање на дискотеката во вакви околности и кој и како имал влијание врз донесувањето на таквата одлука. Јавноста со право бара одговори на сомнежите дека повторното отворање било резултат на политички притисок од страна на член во актуелната влада. Ако овие сомнежи се покажат како основани, тогаш тоа претставува директен атак врз владеењето на правото и демонстрира политичка интервенција во независноста на институциите. Оттука, се поставува прашањето дали токму овој политички притисок е причината поради која Обвинителството и полицијата свесно ја игнорираат оваа линија на истрага и ја штитат по секоја цена? Ваквите наводи упатуваат на можна злоупотреба на службената положба и политичко влијание врз институционалните процеси, што повлекува и потенцијална кривична одговорност на сите инволвирани страни. Вината треба да се бара таму каде што треба, а не таму каде што е невозможно да постои вина и причинско-последична врска со трагичниот случај“, се вели во соопштението....

Добивај вести на Viber Седумдневната национална жалост прогласена од Владата за трагедијата во Кочани завршува денеска, но со несмален и невиден интензитет ќе продолжи истрагата која ќе биде правична и темелна, порачаа денеска на прес-конференција владините портпаролки Марија Митева и Венера Љатифи-Азизи.Митева апелираше да не се шпекулира и со невистини и манипулативни наративи да се злоупотребува трагедијата во Кочани затоа што, рече, има опсежна истрага во која се опфатени и приведени 34 лица и таа се уште не е завршена.-Мора да дозволиме органите на прогонот да си ја завршат истрагата - темелно и правично. Не би сакале да се дозволи попречување од различни мрежи – преку повици за дестабилизација и различни сценарија и било како да наштетат на овој процес. Од ова мора сите да излеземе посилни, со испорачана правда. Оваа влада беше избрана за да го прекине кругот на рамнодушноста, да ја обнови довербата онаму каде што беше изгубена и да се погрижи ниту една иднина да не се обликува од грешките на минатото. Нема да прифатиме изговори кои премногу често ги оставаа граѓаните незаштитени. Онаму каде што другите молчеле, ние ќе дејствуваме. Во овој момент на тага, стоиме заедно со погодените семејства и ветуваме итни мерки. Нашата заложба е јасна – правда за погодените, транспарентност во секој чекор и итни реформи кои ќе обезбедат ова никогаш да не се повтори, истакна Митева. Портпаролката Венера Љатифи-Азизи рече дека трагичниот настан „не трогна сите соединувајќи не во длабока болка и тага што ги надминува зборовите“. Ги соопшти сите преземени чекори од Владата да им се помогне на семејствата на повредените, трошоците што ги покрива, најави дека од утре ќе почне исплатата на средствата за помош од Црвениот крст и дека „истрагата ќе продолжи со невиден интензитет“. Укажа и на помошта од меѓународните партнери и солидарноста која, рече, не познава граници. -И додека денес е последниот ден од националната жалост, посветеноста и ангажирањето на Владата да ги поддржи директно погодените и да ја открие вистината за оваа трагедија ќе продолжи со невиден интензитет... Истрагата за овој трагичен настан продолжува со целосна посветеност и голем ангажман од сите одговорни институции. Владата е решена да ја обелодени вистината и да се погрижи сите кои се одговорни да одговараат за своите постапки. Никој нема да може да се сокрие и правдата ќе биде задоволена... Во оваа голема болка не сте сами, државата ќе стои покрај вас – не само денеска, туку до крајот на овој процес, во кој ќе расветлиме буквално се, истакна Љатифи-Азизи....

Добивај вести на Viber Од 138 контроли за вршење превоз на патници и стоки кои во претходните три дена ги направиле инспектори за патен сообраќај, неправилности се утврдени кај 21 правно и физичко лице и им се изречени соодветни казни.Министерство за транспорт –Државен инспекторат за транспорт денеска информира дека инспекциските надзори биле спроведени согласно нивниот Акциски план и дека за утврдените неправилности ќе бидат информирани Министерството за внатрешни работи и Јавното обвинителство, со цел нивно натамошно постапување.Инспекторатот ги соопшти 11-те правни лица за кои е констатирана неправилност и за кои се изречени казни: Дурмо турс од Гостивар; Дени интернационал од Илинден; Свис мак алигега од Гостивар; Зем промет – компани од Сарај; Словин Билјана од Охрид; Бис од Охрид; Пештер ДОО од Чаир, Димитриоски од Гази Баба; Хисари-ГД од Дебар; Инком бизнис од Куманово и Палас експорт-импорт од Гостивар.Покрај овие 11 правни лица, биле констатирани и неправилности кај 10 физички лица кои вршат дејности за превоз на патници и стока.Министерство за транспорт – Државен инспекторат за транспорт информира дека согласно донесениот Акциски план за инспекциски надзори при превоз на патници и стока, од утре инспектори ќе спроведуваат секојдневни интензивни инспекциски контроли над превоз на патници и стока, проверка на документи (лиценци, изводи од лиценци, дозволи, сертификати за професионална компетентност на возач, тахографи), надзор на безбедноста во сообраќајот и спречување нелегален превоз....

Добивај вести на Viber Во големите поплави во јужна Босна и Херцеговина во октомври минатата година животот го загубија 19 лица. Најголема трагедија ја погоди Доња Јабланица, каде куќите беа затрупани од лизгање на земјиштето од див, практично нелегален каменолом, кој со години виси над главите на мештаните.Некои предупредуваа, повеќето молчеа, кога се случи катастрофата, веќе беше доцна. Еден месец подоцна, страшна трагедија го погоди Нови Сад - 15 граѓани загинаа при уривање на настрешница на Железничката станица, а низ шумата од контрадикторни информации за причините, излезе клучното: реконструираната зграда на станицата беше отворена пред предвиденото, без дозвола, а беа направени и цела низа сериозни пропусти и прекршувања на професионалните работи s во подготовката на самиот проект.Ужасот во Кочани, гратче во источна Македонија, однесе најмногу животи, особено млади. Најмалку 59 млади луѓе ги загубија животите на концерт на групата ДНК, во објект за кој е целосно нејасно како успеала да добие дозвола за работа. Впечатливи беа пораките на граѓаните на транспарентите: Не умираме од несреќа, туку од корупција.Истата порака со месеци на протестите ширум земјата ја испраќаат српските граѓани, кои се уште паметат две сериозни трагедии од 2023 година: масовното убиство во основното училиште „Владимир Рибникар“ во центарот на Белград и ден по масакрот во Младеновац, во кој 21-годишен убиец егзекутира девет лица.Во Цетиње, Црна Гора, во рок од само две години беа извршени два тешки масакри со автоматско оружје, со што вкупниот број на жртви се искачи на 22. Во еден од овие случаи, мотивот бил долг, а заедничко на сите им било нелегалното поседување и употреба на оружје. Сме имале наши несреќи, па немојте да мислите дека сакаме да „шверцуваме“: од училиштето во Пречко и масакрот во Дарувар до деветте жртви во земјотресот Петриња, за кој, покрај силата на природата, придонесе и криминалната повоена обнова.Ужасните балкански настани, со голем број жртви споредливи само со условите на воените ескалации, сведочат подобро од која било статистика за економскиот развој и растот на платите или БДП, за фактичката состојба на областа денес, која некогаш формираше безбедна и донекаде регулирана зона со Хрватска и Словенија. Ако ништо друго, самата економска моќ никогаш не била импресивна затоа што дури и во времето на Југославија тоа биле помалку развиени републики.Оставени во вечната чекална пред портите на Унијата, со нејасна перспектива дали некогаш ќе бидат примени, гореспоменатите земји денес се во многу полоша состојба отколку што беа веднаш по завршувањето на војните, а тоа е одамна... Тие се во полоша состојба од Албанија, која се сврте кон морето, Италија и - развојот.Иако природен избор, пазарната транзиција донесе главно корупција и криминал, колапс на здравството, образованието и нашата сопствена индустрија, а најлошо од сè – животот стана безвреден. Дури и без војна, Западен Балкан безмилосно го голта својот највреден ресурс – младите. И колку што секое општество мора да тргне од сопствените грешки, самата ЕУ не се прослави по својата политика кон Западен Балкан, а особено по изборот на „пожелни партнери“.Се чини дека би можеле да глумиме лудило, како во онаа шега за патниците во вагонот, да ги спуштиме ролетните на прозорецот на купето и да кажеме „не ни е грижа, се ослободивме од тоа“. Сепак, тоа се баш такви пазари, но природни за нас. А кои немоќни сами да излезат од калта бараат решение. Ако не е ЕУ, а се поочигледно е дека не е, што е? Што и да е, ќе дојде до нашите граници. Тогаш тоа ќе не засега нас.Во коментарите за ужасните сцени од Кочани, најчестата фраза што се слуша е „дали си видел како изгледа тоа?“. Токму тоа е најважно во целата несреќа. Но, да, запоставено. Но, одземете го туризмот, придобивките од парите на ЕУ, но и контролата, би ве прашал и за некои наши региони.Пословни.хр...

Добивај вести на Viber Во полициска контрола извршена вчера во периодот од 10 до 15 часот на подрачјето на Тетово и Гостивар, во 16 угостителски објекти (ТЕ-6 и ГВ-10), биле констатирани низа неправилности и од страна на ДПИ, ДЗС и УЈП ќе им бидат изготвени соодветни поднесоци, додека од страна на ДПИ биле затворени два угостителски објекти во Тетово и еден во Гостивар.МВР денеска соопшти дека полициски службеници од СВР Тетово и ОВР Гостивар во содејство со претставници од Управата за финансиска полиција, Управата за јавни приходи, Државен пазарен инспекторат, Дирекцијата за заштита и спасување, Градежен инспекторат и Комунална инспекција, извршиле акциска контрола и презеле координирани мерки и активности насочени кон сузбивање на недозволени криминални активности кои се вршат во угостителски објекти на подрачјето на Тетово и Гостивар, со приоритетна цел на сузбивање на недозволена трговија со дрога, посредување во вршење на проституција, перење на пари, коруптивни кривични дела од страна на службени лица вработени во државни институции поврзани со незаконско работење на субјекти кои вршат угостителска дејност и други нелегални активности. ФОТО:МИА...

Добивај вести на Viber Времето денеска ќе биде променливо облачно со локални врнежи од дожд, особено попладне. Ќе дува умерен до засилен јужен ветер.Минималната температура ќе биде во интервал од 0 до 6, а максималната ќе достигне од 12 до 19 степени.Во Скопје, променливо облачно со повремен дожд. Ќе дува умерен јужен ветер. Минималната температура ќе се спушти до 4, а максималната ќе достигне до 19 степени.УХМР информира дека под влијание на влажни воздушни маси од југ, од денеска следува период на променливо облачно и нестабилно време со повремени врнежи од дожд. Ќе дува умерен до засилен јужен ветер. Локално врнежите ќе имаат пороен карактер и ќе бидат проследени со грмежи и силен ветер (над 60км/час). Поинтензивни процеси се очекуваат од средината на следната седмица кога наместа ќе наврне поголема количина на дожд (над 20л/м2 за 24 часа)....

Добивај вести на Viber Ве информираме, дека согласно годишната програма за работа за 2025 година, пред повеќе од еден месец е објавен јавен оглас за ангажирање на компанија која ќе изврши инженерски анализи, соопшти општина Карпош на фејсбук.„Инженерските анализи предвидуваат статитички пресметки и симулација на напрегања, визуелна, мерна и недеструктивна метода на испитување, утврдување на модел на напрегања и деформации, а фирмата исто така треба да изработи план за евентуална санација на челичниот мост „Влајко“, согласно дадените карактеристики од техничката спецификација.Во меѓувреме, по јавниот повик избрана е фирмата ТСГ ИНДУСТРИ СЕРВИЦЕ ДОО –Скопје, која ќе го врши испитувањето и потпишан е договор со истата во вредност од 400.000 денари со ДДВ. Испитувањата треба да почнат деновиве“, информираат од општината....

Добивај вести на Viber Има голема потреба од кадровско екипирање и засилување на Инспекторатите на државните органи, затоа што одредени инспекторати имаат само по десетина инспектори за делување на територијата на целата држава, потенцираше во вчерашното гостување во Дневникот на ТВ Сител, заменик претседателот на Владата и министер за транспорт, Александар Николоски."Тоа во суштина е главниот проблем на јавната администрација, одредени сектори се превработени со лица кои што имаат помалку активности, а одредени сектори имаат недостаток на вработени а имаат огромни ингеренции. Дали тоа некој го правел намерно, за да може ваков систем да царува во државата или е случајно, денес веќе е неважно, важно е како ние ќе се организираме во иднина и мислам дека инспекторатите мора да зајакнат, да се зголеми бројот на вработени, пред се инспектори, не административци, како би можеле да ја покриваат целата територија. На пример, Државниот пазарен инспекторат има вкупно 40 вработени инспектори за цела Македонија, што значи огромен недостиг на кадар за покривање на сите ингеренции и контрола на сите зададени надлежности ", истакна вицепремиерот Николоски. Тој најави и одговорност за сите кои го изигруваат и не го почитуваат законот а во однос на направените контроли што се спроведуваат во ноќните клубови и кабареа ширум државата. "Државниот пазарен инспекторат настапува со асистенција на Министерството за внатрешни работи и го информираат Јавното обвинителство за активностите кои што ги преземаат, така што овие случаи нема да останат само на констатирање на неправилност, туку секако ќе следи и кривична одговорност секаде каде што се изигрувал и не се почитувал законот", истакна Николоски....

Добивај вести на Viber Андреј Ѓорѓиески, еден од членовите на бендот ДНК кој трагично загина во пожарот во Кочани, зад себе ја остави сопругата Наталија и ќерката Јана. Андреј и Наталија беа во хармоничен брак и уживаа со Јана.Пејачот честопати на социјалните мрежи знаеше да сподели фотографии од својата русокоса убавица со сини очи.Но сега сопругата остана да ја споделува тагатаПовеќе инфо на Женски магазин...

Добивај вести на Viber Забавниот парк Epcot на Дизни во Орландо, Флорида, беше зафатен од пожар, испраќајќи огромен облак од црн чад на небото.Пожар принуди евакуација на Авантурата Рататуј на Реми во саботата, додека густи облаци чад се издигнаа во близина на репликата на Ајфеловата кула. Посетителите на забавниот парк стоеја во шок околу лажна париска населба додека нивната магична авантура беше прекината од сериозна опасност.Противпожарните возила брзо пристигнале на лице место и го изгаснале пожарот, јавува Мирор.Портпаролот на Дизни изјави дека пожарот во одморалиштето Волт Дизни се случил во комора за ладење. Нема повредени, но причината за пожарот не е веднаш позната.Локален функционер изјави дека пожарот бил брзо изгаснат, а павилјонот повторно бил отворен за посетители во раните вечерни часови.Телеграф.рс...

Добивај вести на Viber Шест дена по трагичниот пожар во дискотеката „Пулс“ во Кочани, се намалува бројот на критичните пациенти кои се лекуваат во земјава и надвор од државата. Но, како што посочуваат надлежните, борбата не е завршена, таа допрва претстои, почнува ризикот од инфекции и претстои можно влошување на состојбата. Сепак, утре се очекуваат протоколи за враќање во земјата на првите пациенти од странство кои се во добра здравствена состојба што ќе се случи, најверојатно, во втората половина на неделата.Во земјава моментно се лекуваат 54 пациенти од пожарот, на Клинички центар се 27 пациенти, во ГОБ „8 Септември“ – 11, во Градска општа болница – 10, додека на приватните клиники се лекуваат шест пациенти.Од 116-те хоспитализирани во странство, 38 се пратени на лекување преку Механизмот за цивилна заштита на ЕУ, кој Владата го активирала веднаш по несреќата, а останатите се пратени преку директна билатерална помош. Mинистерот за здравство Арбен Таравари по состанокот на Кризниот штаб за состојбата на пациентите, вчера соопшти дека од пациентите кои се лекуваат надвор од државата, се очекува идната недела пет да бидат вратени во земјава. По тријажата која ќе им биде направена, потенцира, ќе се утврди дали ќе бидат задржани на некои од трите болници во Скопје или ќе бидат испратени на домашно лекување. Таравари нагласи дека шест пациенти се во критична состојба, додека пак, останатите 109 пациенти се во релативно добра состојба. Од пациентите кои се во критична состојба, двајца се лекуваат во Љубљана и четири во Воено-медицинската академија во Белград. Во врска со оние пациенти кои се очекува идната недела да се вратат во земјава, Таравари рече дека според информациите кои ги добиваат тие дури би можеле да се вратат со комерцијални летови.– Од Италија се планира еден испис, од Шпанија се планираат два исписа, од Шведска еден испис и од Австрија два исписи. Ова е планот, но не е дефинитивно во понеделник ќе ве известиме точно. Подготвуваме протоколи кои што ќе бидат прифатени од Кризниот штаб и објавени транспарентно за да се види како ќе се третираат пациентите. Најпрво ќе ги примиме во болниците, потоа ќе ги пуштиме дома, рече министерот Таравари. Според Сашо Клековски, директор на Фондот за здравствено осигурување на Македонија (ФЗОМ), утре се очекуваат протоколи за враќање во земјата на првите пациенти од странство кои се во добра здравствена состојба што ќе се случи, најверојатно, во втората половина на неделата. Тимови од Израел и Велика Британија, како што рече вчера на прес-конференција, помагаат да се направи планот за враќање, рехабилитација и натамошен третман во земјата. Според него, борбата не е завршена, затоа што сега почнува ризикот од инфекции и допрва претстои можно влошување на состојбата. Информираше дека претходниот ден биле хоспитализирани шест нови пациенти - пет на Токсикологија и еден со комбинирани - респираторни проблеми и изгореници. Клековски соопшти дека ФЗОМ им дал насоки на матичните лекари за отстранување на ограничувања во пропишување на лекови и боледувања за засегнатите во пожарот во Кочани и за нивните семејства, со оглед на тоа што досега не биле предвидени вакви ситуации освен за заразни болести.За секој настрадан во пожарот во Кочани ќе биде доделена итна финансиска помош во износ од 150 илјади денари која ќе се реализира преку Црвениот крст. Одлуката на прес-конференција вчера ја соопшти директорот на Службата за општи и заеднички работи (СОЗР) Ивица Томовски.Владата го плаќа престојот на најблиски на пациентите што се лекуваат во странство, за што право имаат по две лица од семејството за секој повреден.Томовски повтори дека лекувањето на пациентите во странство е на трошок на државата домаќин, а патот, сместувањето и други трошоци за семејствата ги покрива на нашата Влада. -Досега, 188 лица се згрижени и сместени. Свесни сме дека оваа трагедија носи и неочекувани финансиски тешкотии. Затоа, како институција вклучена во овој процес, донесовме одлука за секој настрадан да биде исплатена сума од 150.000 денари како итна финансиска помош за покривање на почетните секојдневни трошоци. Оваа помош ќе се реализира преку Црвениот крст на Република Македонија, рече Томовски. Семејствата ќе почнат да ја добиваат помошта од донации од сметката на Црвениот крст, на која досега се собрани 51 милион денари, од понеделник. Министерот за надворешни работи Тимчо Муцунски најави дека денеска ќе замине во Будимпешта да ги посети повредените што се во тамошните болници. На новинарско прашање дали ќе се активираат и механизмите на НАТО за ваква ситуација, министерот одговори дека во овој момент сметаат оти е доволно што е активиран Механизмот на ЕУ за цивилна заштита. Најголем број од хоспитализираните во странство, 31, се во болници во Србија, 15 во Бугарија, по 12 во Турција и Грација, седум во Шпанија, по шест пациенти се на лекување во Австрија и Унгарија, пет во Хрватска, по четири пациенти во Белгија, Литванија, Италија, Шведска и Словенија и двајца пациенти во Полска. Чешка и Израел испратиле медицински тимови додека Романија, Луксембург, Норвешка и Финска, обезбедиле логистичка поддршка за транспорт на повредените.Соопшти дека нашите ДКП-а се во 24 часовна комуникација со семејствата во земјите каде се згрижени нивните најблиски, дека им се покриени сите потребни трошоци. Посочи и дека дежурните телефони на МНРНТ и СОЗР остануваат отворени за сите прашања и потреби. Повторувајќи дека трошоците за лекувањето во странство на 116-те пациенти повредени во пожарот во Кочани се покриени од државите домаќини, а трошоците за пат, сместување и целокупната логистика за семејствата на пациентите ги покрива македонската Влада, министерот Муцунски на прес-конференција вчера рече дека дезинформациите што излегуваат околу трошоците не ги смета за тенденциозни, со оглед дека „целото општество доживува шок по трагедијата“, и дека „природна човечка реакција е да сакаш да помогнеш и затоа дел од граѓаните прават иницијативи за да помогнат“. Посочи дека дежурните телефонски броеви на МНРНТ и Службата за општи и заеднички работи (СОЗР) остануваат достапни за сите потреби и информации. Портпаролката на Владата Марија Митева на редовната прес-конференција за активностите на институциите по трагедијата со пожарот во Кочани вчера истакна дека приоитетот сега е двоен, да се заврши институционалната работа со целосен интегритет и да се преземат итни чекори за да се спречат идните трагедии од ваков карактер. -Во координација со сите надлежни органи ги зајакнуваме безбедносните мерки, ги подобруваме протоколите и ги решаваме сите идентификувани неправилности. Одговорноста не завршува со зборови, туку со акција, рече таа.Во меѓувреме вчера во Кочани во Паркот на Револуцијата граѓаните организираа едночасовен мирен собир во знак на почит кон загинатите и со поддршка за закрепнување на повредените. Со пораки испишани на транспаренти, тие порачаа дека бараат правда, a правосудните институции да го расчистат случајот до крај. Собирот заврши со мирен марш по улиците во централното градско подрачје на Кочани, а граѓаните порачаа дека ќе продолжат да се собираат и во наредните денови. И во Штип синоќа во тишина, без говори и со пораката „Вие го запаливте пламенот спремете се за оган“ се собраа младите на Градскиот плоштад „Слобода“, изразувајќи го својот револт за несреќата во дискотеката „Пулс“ во Кочани. „Солун е со тебе Кочани“; „Нивните профити или нашите животи“; „Едни иселивте, а тие што останаа ги убивте – Кочани 16.03.2025“; „Репертоарот е со години ист, настапува корупција, а народот е публика“; „Осамна пролетно утро сончево, а сончевите зраци денес темни црнила“, беа дел од пораките на паноата на Македонците кои точно напладне вчера се собраа на плоштадот „Аристотел“ во Солун за да им оддадат почит на жртвите во трагичниот пожар во дискотеката „Плус“ во Кочани, јави дописничката на МИА од Атина. Македонците кои живеат и студираат во Солун, точно напладне организира собир „Солун во молк за Кочани“, одржаа 60-минутен молк, по една минута за сите 59 жртви и една минута молк за возачот на брзата помош кој почина откако превезе голем број повредни лица.Како што информираа од Основниот суд Кочани, определена е мерка 30-дневен притвор за сите 24 лица за кои основното Јавно обвинителството во рамки на истрагата бараше изрекување на мерката.Меѓу 24. лица за кои е одреден притвор се и тројцата градоначалници на Кочани и тоа градоначалникот во заминување Љупчо Папазов, како и поранешните Ратко Димитровски и Николчо Илијев.Со досегашната истрага за пожарот во дискотеката „ Пулс“ вои Кочани се опфатени 27 физички и три правни лица. Вкупниот број осомничени за пожарот во дискотеката „Пулс“ во Кочани засега е 34 физички лица, откако државниот јавен обвинител Љупчо Коцевски соопшти дека е отворена истражна постапка против 27 физички и три правни лица, по првите истражни постапки против седум полициски службеници од СВР Штип и ПСОН Кочани. Во првата фаза во постапувањето на МВР и Обвнителството, поднесени се две кривични пријави против 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ.Во рамки на контролите за издадените лиценци, што стартуваа по објавата за несоодветна документација во диксотејата „Пулс“, меѓу остнатото и користење на фалсификувана лиценца, од вкупниот број над 3000 издадени лиценци во делот на градба, проектирање, надзор, изработка на детални урбанистички планови до влера се прегледани 2810 лиценци и се одземени 427, информираше влера вицепремиерот и министер за транспорт Александар Николоски. Тој најави дека во вторник ќе бидат објавени финалните бројки и по име ќе бидат извадени сите носители на лиценци на кои ќе им бидат одземени, а за истото ќе бидат информирани надлежното обвинителство и МВР, за да можат тие, како што рече, да проверат од свој аспект.Се прават контроли и во делот на патниот сектор – превоз на патници, автобуси, комбиња и итн, исто така превоз на стоки и внатрешно и меѓународно во делот на камиони.Се очекуваат нови податоци и од контролите на Државниот пазарен инспекторат, кој при завчерашните извршени 82 контроли констатирал дека 13 угостителски објекти не исполнуваат минимум технички услови....

Добивај вести на Viber Седумнаесет лица повредени во пожарот во Кочанисе лекуваат во Ургентниот центар на Универзитетскиот клинички центар на Србија во Белград од кои две се на механичка вентилација, а двајца се оперирани, изјави др Милан Стојичиќ, директор на Клиниката за пластична и реконструктивна хирургија при УКЦС, јави дописникот на МИА од Белград.Стојичиќ нагласи дека пациентите се во добра состојба и постоперативно е без проблеми.„Нивниот постоперативен тек се одвива без проблеми. Наредната недела веројатно ќе бидат оперирани уште пет-шест пациенти. Имам и добри вести, неколку пациенти веројатно ќе можат да бидат префрлени на одделение бидејќи успешно се опоравува нивната респираторна функција, а раните од изгорениците се такви што не бараат престој на одделението за Интензивна нега“, изјави тој за РТС.Тој наведе дека кај пациенти кои веќе се оперирани, процедурата опфаќа отстранување на девитализирано ткиво и покривање со автотрансплантација, што значи дека нивна сопствена кожа се зема од други региони и се пресадува на изгорените места.На еден пациент ќе му биде извршена нова операција за околу пет денови (на другата рака).Според него, за оние на кои им претстои операција, нема да бидат потребни донатори на кожа.Што се однесува до опоравувањето на оние кои биле оперирани, Стојичиќ истакна дека конечниот резултат обично се забележува за 14 дена, а потоа следи фаза на опоравување со помош на физикална медицина....

Добивај вести на Viber Откриени се плановите за супербрза железничка мрежа наречена „Тубе за Европа“ која може целосно да го промени начинот на кој патуваме низ континентот. Користењето на овие возови во стилот на метро значително ќе го скрати времето на патување до главните европски дестинации и ќе овозможи полетување од британските градови - Лондон, Ливерпул, Глазгов и Белфаст.Концептот на супербрза железничка мрежа, планот Старлајн, беше замислен од 21 Европа, нов тинк-тенк со седиште во Данска.„Планот Starline – неговата визија, истражување и оркестрација – беше развиен од 21. Европа. Работиме со најпаметните европски умови за да дизајнираме планови кои поттикнуваат разговор и инспирираат оптимизам за следното поглавје на континентот. Планот е дизајниран во соработка со Bakken & Bæck, технолошки дизајн студио специјализирано за дигитални производи, идентитет на бренд и канцеларија ориентирана кон иднината во партнерство со Culte Commun во Париз за дизајнот, Starline Plan се заснова на стручни сознанија за мобилноста, инфраструктурата и европската политика, осигурувајќи дека е одржлива рамка, а не само визија“, се наведува на веб-страницата на компанијата.Овој проект е претставен како иновативно решение за подобрување на железничкиот транспорт низ Европа, но други информации и детали за точната локација или настан каде за прв пат беше претставен концептот се уште не се достапни.Поврзување на европските земјиКомпанијата во својот проект Starline ветува брзина на возот до 400 километри на час, со неверојатно намалување на времето на патување – од Хелсинки до Берлин, на пример, за само три часа, додека денес оваа рута трае цел ден. Слично на тоа, патувањето меѓу Киев и Берлин, кое традиционално е ноќно патување, би станало „беспрекорна врска“.Планот предвидува поврзување на сите европски земји, вклучувајќи ги Велика Британија и Ирска, и секоја европска земја да има барем една станица, а мрежата да ги покрива сите делови на Европа, од Португалија до Турција и Украина.Железничките станици на оваа нова мрежа би биле културни центри и би биле лоцирани надвор од центрите на градовите. Овие станици, според планот, ќе бидат активни јавни простори со културни содржини, плоштади и настани, со што ќе станат дестинации сами по себе.Визуелниот идентитет на мрежата би се потпирал на сината боја, инспирирана од логото на Европската Унија, за да го нагласи европскиот карактер на овој транспортен проект.Целта е сините возови да станат препознатливи симболи, како црвените двокатни автобуси во Лондон или жолтите такси во Њујорк.Политика.рсФото:Старлајн/Инстаграм принтскрин...

Добивај вести на Viber Братот на милијардерот Илон Маск, Кимбал Маск, во февруари продаде 75.000 акции од компанијата во вредност од 27 милиони долари.Оваа информација ја потврдуваат и официјалните податоци на американската Комисија за хартии од вредност (SEC).Кимбал не е единствениот кој одлучи да се повлече, му се придружи и претседателот на одборот на директори на Тесла, кој продаде акции вредни 75 милиони долари.Долгогодишниот сојузник на Маск, Џејмс Мардок, исто така ги продаде своите акции за 13 милиони долари на денот кога акциите на Тесла го забележаа најголемиот пад во последните пет години.Масовната продажба од упатените обично се смета за лош знак за иднината на една компанија.Како што пренесува Biznis.rs, проблемите на Tesla не застануваат на берзата, бидејќи политичките ставови на Маск ги одбиваат потенцијалните купувачи, што директно се рефлектира со намалување на продажбата ширум светот.Имаше и проблеми со квалитетот на возилата, а Tesla неодамна ги повлече речиси сите модели на Cybertruck во САД поради ризикот од одвојување на предната табла на возилото.По враќањето на Доналд Трамп во Белата куќа, акциите на компанијата доживеаја силен пораст, достигнувајќи го врвот во декември од речиси 480 долари, вредност која сега е преполовена.Секоја капка од 2,43 долари директно го чини Маск милијарда долари.Курир.рс...

Добивај вести на Viber Турскиот суд во неделата формално го уапси градоначалникот на Истанбул и клучниот ривал на претседателот Реџеп Таип Ердоган и нареди да биде притворен до завршување на неговото судење за обвиненијата за корупција.Градоначалникот на Истанбул Екрем Имамоглу беше приведен по рацијата во неговиот дом претходно оваа недела, што го предизвика најголемиот бран улични демонстрации во Турција во повеќе од една деценија. Тој, исто така, ја продлабочи загриженоста за демократијата и владеењето на правото во Турција.Неговото затворање нашироко се смета за политички потег на Ердоган за елиминирање на неговиот главен противник и ривал во следната претседателска трка, закажана за 2028 година.Владините претставници ги отфрлаат обвинувањата дека правните постапки против водачите на опозицијата се политички мотивирани и инсистираат турските судови да ја вршат својата работа независно.Формалното апсење дојде откако опозициската Републиканска народна партија (ЦХП) на Имамоглу почна да одржува внатрепартиски избори за да го поддржи Имамоглу како нејзин претседателски кандидат.Партијата, исто така, постави симболични гласачки кутии низ целата земја наречени „кутии за солидарност“ за да им овозможи на луѓето кои не се членови на партијата да ја изразат својата поддршка за градоначалникот.Апсењето на градоначалникот означува ескалација на сузбивањето на слободите од страна на власта, активностите на опозициските лидери и нетрпеливоста кон различните политички ставови.Пред притворот, Имамоглу веќе се соочи со повеќе обвиненија што може да доведат до затворски казни и забрана од политика. Тој исто така поднесе жалба на неговата пресуда од 2022 година за наводна навреда на членовите на Врховниот изборен совет на Турција.Претходно оваа недела, еден универзитет ја поништи неговата диплома, наведувајќи ги наводните неправилности околу неговите студии на приватен универзитет во северен Кипар пред околу 30 години.Одлуката на судот практично му забрани да се кандидира за претседател, бидејќи таа позиција бара кандидатите да имаат високо образование. Имамоглу вети дека ќе ја оспори одлуката.Имамоглу беше избран за градоначалник на најголемиот турски град во март 2019 година, што беше голем удар за Ердоган и Партијата на правдата и развојот на претседателот, кои го контролираа Истанбул четвртина век.Партијата на Ердоган се обиде да ги поништи резултатите од општинските избори во 16-милионскиот град, наведувајќи ги нерегуларностите. Ова резултираше со повторени избори неколку месеци подоцна, на кои Имамоглу повторно победи.Градоначалникот ја задржа својата позиција по локалните избори минатата година, на кои ЦХП оствари значителни придобивки против владејачката партија на Ердоган.Курир.рс...

Добивај вести на Viber Отецот Димитар Асровски кој стана познат во јавноста откако успеа да ги смири гневните и бесни граѓани на Кочани, кои протестираа по кобната несреќа во дискотеката Пулс. Тој успеа да ги смири луѓето, „во името на Бога“ и ги замоли да почекаат дечињата да бидат закопани.Јутјуберот Стефан Лазаров беше поканет од страна на отецот, во црквата Св.Ѓорѓи, за да му раскаже што се се случувало во Кочани, но и што нему му било најтешко во целата ситуација.На тоја прашање тој рече дека најтешко му било за време на погребот, бидејќи пред гробовите имало поставени листови со имињата и презимињата на починатите деца, кога мајките оделе од гроб на гроб, барајќи го името на своето дете....

Добивај вести на Viber Со оглед на тоа што во дискотеката во Кочани имало над 500 млади луѓе, голем дел од нив успеаја да се спасат и да не завршат во болница. Сепак голем дел од нив вдишале од отровниот воздух кобната вечер. Д-р Нико Беќаровски објави природен протокол за прочистување на организмот.„DETOX по вдишување на отровни гасовиВо "хорор ќелијата" во Кочани имало околу 650 млади луѓе, од кои најголемиот дел вдишале од отровните гасови кои се ширеле со чадот.За сите кои не завршија во болниците еве еден комплетно природен протокол за детоксикација на организмот од штетните гасови.1. Секој ден конзумирајте 2-3 литри вода.2. Утрото започнете го со чаша топла вода во која ќе исцедите 1/2 лимон.3. Во текот на денот испијте еден зелен чај и еден чај од ѓумбир и куркума.4. Јадете барем едно јаболко и што повеќе брокула, зелка, карфиол, berries (малина, капина, јагода)5. Ручекот нека Ви биде, леќа, овес, интегрален ориз, печурки (по можност реиши)6. Препорачлива е сауна, или барем секојдневно 10 минутно наизменично туширање со топла/ладна вода. 7. Intermittent fasting 8/16Кон овие принципи би требало да се придржувате 15 до 30 дена, зависно од изложеноста.Ако сето ова Ви делува премногу комплицирано и тешко изводливо, едноставната алтернатива е 2х на ден 15-30 дена Caps. G-132+Natural и 2-3 литри течности....

Добивај вести на Viber Бугарскиот пратеник Манол Пејков од 16 март до 19 март преку хуманитарна кампања на својата фондација „Манол Пејков и пријатели“ собра околу 54.000 лева, односно околу 27.000 евра, а вчера пристигна во Кочани да ги предаде парите.„Бугарскиот пратеник Манол Пејков дојде во Кочани, да ги донесе парите што ги собра во неговата донаторска кампања во Бугарија. Камо среќа ние во Кочани да имавме вакви пратеници. Благодарност од срце“, беше објавено на социјалните мрежи....

Добивај вести на Viber Вкупниот број на издадени лиценци во делот на градба, проектирање, надзор, изработка на детални урбанистички планови е некаде над три илјади и до денес прегледавме 2810 лиценци и бројката на одземени лиценци е веќе 427, објави вечерва вицепремиерот и министер за транспорт Александар Николоски.Тој најави дека во вторник ќе бидат објавени финалните бројки и по име ќе бидат извадени сите носители на лиценци на кои ќе им бидат одземени, а за истото ќе бидат информирани надлежното обвинителство и МВР, за да можат тие, како што рече, да проверат од свој аспект.Министерот Николоски во тема на денот на Сител телевизија информира дека во делот на градежништвото ќе бидат околу 430 лиценци, а ќе бидат испратени дописи и до сите засегнати страни кои работат со овие субјекти за да знаат дека тие веќе немаат лиценци.Меѓу другото информира дека се прават контроли и во делот на патниот сектор – превоз на патници, автобуси, комбиња и итн, исто така превоз на стоки и внатрешно и меѓународно во делот на камиони. Таму, рече Николоски, во моментот се прават испитувањата, но до вторник ќе има финални бројки.- Најголема е бројката за изведувачи на градба од Б категорија, а тоа е се што не е врвен државен објект и станбени зградени, каде ќе се одземат 198 лиценци, рече вицепремиерот и министер за транспорт.Николоски како клучни причини за одземање на лиценците ги наведе недостатокот на стручен кадар, како и одредени типови на градежни машини.– Забележавме дека исто лице фигурира на пет-шест различни фирми или пак се прави договор само за да се добие лиценцата, а веднаш потоа тој вработен се одјавува. Ова е класично изигрување на системот. Македонија е мала држава, а Министерството има издадено околу 3.000 лиценци, што е повеќе од реалниот капацитет, посочи Николоски, додавајќи дела очекува бројот на лиценцирани фирми да се намали на околу 2.500 по следната контрола.Министерот рече дека во наредниот период ќе се испитуваат и проектите во кои учествувале овие фирми, а компаниите што ја изгубиле лиценцата, најмалку една година нема да можат да аплицираат за нова.Николоски информира дека по итна постапка уште во вторник ќе бидат доставени законски измени, со кои овие контроли ќе станат облигаторни на секои шест месеци да мора да се прават, а исто така второстепеноста и третостепеноста, во рамки на одлучувањето нема да влијае на постапките за одземање на лиценца.- Мојот предлог на измени на закон ќе биде жалбата да не го одлага извршувањето односно лиценцата веднаш се одземе, а после тоа да имаат право да се жалат. Оние кои ќе ја изгубат лиценцата најмалку една година нема да можат да аплицираат повторно. Доколку за било кој од нив, МВР или Јавното обвинителство утврди дека имале и кривични дела во рамки на своето работење, тогаш веќе настапуваат други органи и тогаш веќе има и кривична одговорност во нивното работење, изјави Николоски.Додаде дека е информиран оти обемни контроли прават и Министерството за економија и Државниот пазарен инспекторат, Царинската управа, Агенцијата за храна и ветеринарство, неколку институции во рамки на Министерството за земјоделство, шумарство и водостопанство, неколку институциии во рамки на Министерството за енергетика во делот на концесии. - Има голема масивна акција на проверка на она што се случувало досега и сум убеден дека тоа ќе води и кон зајакнување на законите, рече Николоски, потенцирајќи дека целта не е да казнуваат, туку целта е да се почитуваат законите и прописите.Николоски истакна дека основната цел не е да санкционираат субјекти, туку да се воспостави стабилен и функционален правен систем. Тој додаде дека оваа ситуација треба да биде поука за иднината и дека Владата е посветена на преземање на решителни чекори за подобрување на состојбите, притоа нагласувајќи дека неопходно е брзо донесување на промени.Министерот Николоски објасни дека според Законот за угостителска дејност, проверката на потребните документи за објектите, како што е кабаре, е оставена на совеста на подносителите и службениците во Министерството за економија. Тој додаде дека како резултат на тоа, се случил недостаток на соодветна контрола, што довело до сегашните проблеми.- Тоа е така во Законот за угостителска дејност, каде што практично е оставено на совеста на оној кој што поднесува и оставено е на службениците во рамки на службениците во Министерството за економија, да ги проверуваат тие потребни документи кои што треба да ги има еден објект, во случајов да се нарекува кабаре, и на крај имавме резултат како што имавме, истакна Николоски. Тој изрази уверување дека Владата вложува максимални напори за да ги коригира состојбите и да ги подобри механизмите на контрола. Како што нагласи тој, ова е наследена ситуација од последните 30 години, која не може да се реши преку ноќ, но постои силна мотивација кај сите инволвирани да се направат потребните промени. Според него, важно е да се дејствува брзо и решително, со цел да се постигне напредок и да се создаде стабилна и правна основа за иднината.- Ова треба да е голема поука да не ни се повторуваат вакви работи во иднина, и како Влада правиме максимум што е во наша можност да ги корегириаме овие состојби. Ова е наследена ситуација од изминатите 30 години, не оди лесно, но она што го гледаме , гледаме мотив кај сите да се менува и мислам дека треба да го направиме тоа час поскоро, заклучи министерот Николоски....

Добивај вести на Viber Како што луѓето кои беа во дискотеката „Пулс“ пред една недела се опоравуваат, така на социјалните мрежи се појавуваат се повеќе видео снимки од пожарот кој насилно уби 59 лица, а над стотина завршија со повреди.Сега на социјалните мрежи се споделува видео на кое се гледа црн густ чад, а луѓето што снимаат се во шок и не можат да поверуваат што се случува....

Добивај вести на Viber Еден граѓанин преку фејсбук го споделува своето искуство како завршил и што се го снашло кога пријавил служење алкохол на малолетни лица после полноќ во ноќен клуб во земјава. „Пред две години пријавив присуство на малолетни лица (служење со алкохол на истите) по полноќ во еден ноќен клуб во Македонија. Иако јас можев да пријавам анонимно, не сум таков човек и згора над тоа бев сигурен дека пријавувам нешто за кое сум сигурен, пријавив со сите податоци (матичен број, број на лична карта итн.). Веднаш по мојата пријава пристигнаа две возила на МВР со по двајца службеници.Службените лица, наместо да одат таму каде што е пријавен проблемот, идат кај мене и ми прават притисок да кажам кој ми е мотивот за пријавата, ми прават алкотест и ме убедуваат дека не сум во право. Обезбедувањето на ноќниот клуб ја осети ситуацијата и настана нагло празнење на објектот. Еден полицаец легитимираше на влезот/излезот од ноќниот клуб а тројца полицајци ме чуваат мене да не им "избегам". Полнолетните излегуваат право на полицаецот а малолетните бегаат лево и десно. Им викам на овие што ме "чуваа" мене да одат таму да му помогнат на колегата дека не може да ги легитимира сите, а тие ми велат доволно е еден таму (како кај мене да беше проблемот и кај мене требаше да има повеќе од еден). Ноќниот клуб затвори, гостите си заминаа, полицијата си замина, останав јас и обезбедувањето на ноќниот клуб кои знаеја дека јас им ја уништив забавата па ме пцуеја ми се закануваа, бараа мала реакција од мене за физичка пресметка. Јас, како што ме знаат повеќето од моите пријатели, останав и им предложив ако сакаат еден на еден за да биде фер пошто јас бев во друг град сам. Добро е што заврши ноќта без други проблеми. Јас го заборавив настанот, но поштарот ме потсети. Добив покана за на суд во својство на обвинет. Обвинет за лажно пријавување на настан. Одам на суд, и првиот муабет на судијата беше: ах бе дете, овде бараш правда? Ќе пишиме вика дека се каеш и ќе поминиш само со опомена. Во моментот сфатив дека сум изманипулиран и прифатив се само да не се влечкам по судови оти сфатив дека нема да сменам ништо. Пресуда: ОпоменаМВР не се задоволни од пресудата и даваат жалба на пресудата. Одам на второ рочиште кај друг судија и ми вика не зборувај ништо знам се. Јас имав премногу обврски тој период и немав време да се занимавам со нашето правосудство и предложив да ме казнат со минимална казна за да се оправдаат и тие и јас (не е во мој стил ама ајде...)Си ја платив казната иако бев во право. Заклучокот од мојата пријава беше дека беа легитимирани 3 лица и сите беа полнолетни. Од 300 беа легитимирани само 3. Толку се разочарав што ги фрлив записниците во ѓубре“, пишува овој граѓанин.Според фотографиите, тој е припадник на политичката партија Левица....

Добивај вести на Viber Одземавме 427 лиценци во делот на градба, проектирање и надзор од досега прегледаните 2810 лиценци во Министерството. Најголема е бројката за Изведувачи на градба од Б категорија и во тој дел одземени се вкупно 198 лиценци, истакна вицепремиерот и министер за транспорт Александар Николоски во Дневикот на ТВ Сител.Тој најави дека Владата и Министерството за транспорт преземаат сериозни активности во делот на проверка на сите издадени лиценци и овластувања. „Денес имам нови бројки имајќи предвид дека вработените во Министерството за транспорт работат и денес и утре. Иако сме на раб на законот, донесовме одлука да ја направиме оваа контрола. Вкупниот број на издадени лиценци во делот на градба, проектирање, надзор, изработка на детални урбанистички планови е некаде над 3000 лиценци. Скоро сите се прегледани. До денес прегледавме 2810 лиценци, а бројката на одземени лиценци е 427. Тие се однесуваат во делот на градба, надзор, проектирање, изработка на детални урбанистички планови. Најголемата е бројката на изведувачи на градба во Б категорија, тоа е практично се што не е врвен државен објект, меѓу што и станбени згради. Таму ќе се одземат 198 лиценци. Во понеделник таа работа ќе биде завршена, а во вторник ќе имаме конкретни бројки и со име ќе ги извадиме сите носители на лиценци на сите носители на кои ќе им бидат одземени лиценците. За истото ќе го известиме надлежното обвинителство и МВР“, истакна вицепремиерот Николоски.Тој најави дека по итна постапка ќе се пуштат законски измени со што контролите ќе станат облигаторни на секои шест месеци. „Имаме една сериозна акција на проверка. Се работи во сите сектори и сите тие ќе почнат да излегуваат со бројки и резултати со кои би презентирале пред јавноста каква е состојбата. Увидуваме и дека има доста законски недоследности. Не велам дека законите се секаде лоши. Во најголем дел законите се добри и намерата е добра, но за жал нашиот менталитет е таков каков што е и има бројни злоупотреби. Во одредени ситуации законодавецот веројатно сакајќи да ги поедностави процедурите, тоа поедноставување доведува до големи злоупотреби од страна на приватните субјекти кои се крајни корисници на овие овластувања и лиценци“, заклучи вицепремиерот Николоски....

Добивај вести на Viber Од Основниот суд Кочани за МИА потврдија дека е определена мерка 30 дневен притвор за сите 24 лица за кои основното Јавно обвинителството во рамки на истрагата бараше изрекување на мерката, а во однос на истрагата за трагедијата во дискотеката „Пулс“ во Кочани, во која животите ги загубија 59 лица, а речиси 200 се повредени.Меѓу 24. лица за кои е одреден притвор се и тројцата градоначалници на Кочани и тоа градоначалникот во заминување Љупчо Папазов, како и поранешните Ратко Димитровски и Николчо Илијев.Со досегашната истрага за пожарот во дискотеката „ Пулс“ во Кочани се опфатени 27 физички и три правни лица. Вкупниот број осомничени за пожарот во дискотеката „Пулс“ во Кочани засега е 34 физички лица, откако државниот јавен обвинител Љупчо Коцевски соопшти дека е отворена истражна постапка против 27 физички и три правни лица, по првите истражни постапки против седум полициски службеници од СВР Штип и ПСОН Кочани. Во првата фаза во постапувањето на МВР и Обвнителството, поднесени се две кривични пријави против 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ.Коцевски на прес-конференција посочи дека со завршување на истрагата ќе се разјаснат сите околности и факти за причината за пожарот, кој го предизвикал, начинот на предизвикување и со кое пиротехничко средство. Лицата, како што информира Коцевски, се сомничат за кривично дело за кое е предвидена казна од најмалку три години, што значи дека максимумот на казната е 20 години, а се сомничат дека како соизвршители, изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работаСпоред медиумите, меѓу притворените се и ексминистерот за економија Крешник Бектеши, поранешната државна секретарка во истото Министерство, Размена Чекиќ-Дуровиќ, како и раководител во Министерството, Беким Хаџиу. Под истрага се и поранешните директори на Пазарниот инспекторат и Дирекцијата за спасување, Горан Трајковски и Беким Максути.Се јавува и дека се спроведуваат и дополнителни апсења во Кочани и Општината, а официјални информации за оваа нова група осомничени сѐ уште нема....

Добивај вести на Viber Состојбата се подобрува, се намалува бројот на критични пациенти, но далеку сме од моментот на опуштање. Борбата не е завршена, затоа што сега почнува ризикот од инфекции и допрва претстои можно влошување на состојбата, изјави Сашо Клековски, директор на Фондот за здравствено осигурување на Македонија (ФЗОМ).-Нема опуштање – затоа што како се намалува ризикот од акутните изгореници и респираторни повреди, почнува да расте ризикот од инфекции. Така што, борбата не е завршена, таа допрва претстои и можно е пациенти кои биле во добра состојба да им се влоши состојбата поради ризик од инфекција. Оваа борба ќе биде долга и нема да биде решена ниту за една, ниту за две недели, рече Клековски на прес-конференција, посочувајќи дека за двете состојби се прави мониторинг и редовни токсиколошки и микробиолошки анализи и во земјава и во болниците во странство.Посочи дека сите 54 повредени пациенти од пожарот во Кочани кои се лекуваат во земјава се во стабилна состојба, а од 115-те во странство – шест се критични. Соопшти и дека вчера биле хоспитализирани шест нови пациенти - пет на Токсикологија и еден со комбинирани - респираторни проблеми и изгореници. Во понеделник се очекуваат протоколи за враќање во земјата на првите пациенти од странство кои се во добра здравствена состојба што ќе се случи, најверојатно, во втората половина на неделата. Тимови од Израел и Велика Британија, рече, помагаат да се направи планот за враќање, рехабилитација и натамошен третман во земјата. Нагласи дека болничкото лекување во странство е гарантирано бесплатно и сто отсто на сметка на државата во која е хоспитализиран пациентот и дека се што се појавува во јавноста во врска со некакви трошоци за лекувањето е дезинформација. Клековски информираше дека ФЗОМ им дал насоки на матичните лекари за отстранување на ограничувања во пропишување на лекови и боледувања за засегнатите во пожарот во Кочани и за нивните семејства, со оглед на тоа што досега не биле предвидени вакви ситуации освен за заразни болести.-Имаме полна соработка со матичните лекари кои доста помагаа во управување со севкупната ситуација, додаде КлековскиМИА...

Добивај вести на Viber Шест дена по трагичниот пожар во дискотеката „Пулс“, граѓаните на Кочани денеска во 15 часот во Паркот на Револуцијата организираа едночасовен мирен собир во знак на почит кон загинатите и со поддршка за закрепнување на повредените.На собирот немаше официјален говор, а присутните истакнаа дека се организирале спонатано, со повик преку социјалните мрежи. Со пораки испишани на транспаренти, тие порачаа дека бараат правда, a правосудните институции да го расчистат случајот до крај.- Сите загинати и повредени ги чувствуваме како наши деца. Со длабока болка тагуваме поради несреќата што се случи и им даваме поддршка на нивните родители и блиски да имаат сила да го издржат сето ова. Очекуваме целосно разоткривање на причините и виновниците кои ја предизвикаа оваа страшна трагедија и градот го завија во црно. Истовремено, се молиме повредените дечиња што побрзо да закрепнат и да се вратат дома, истакна Марин Стојанов, учесник на собирот.Граѓаните повторно им дадоа поддршка и на лицата од обезбедувањето во дискотеката, кои ги извлекувале и спасувале младите, а наместо да се лекуваат од повредите, тие се осомничени и се наоѓаат во притвор.Собирот заврши со мирен марш по улиците во централното градско подрачје на Кочани, а граѓаните порачаа дека ќе продолжат да се собираат и во наредните деновиМИА...

Добивај вести на Viber Министерот за здравство Арбен Таравари на денешната пресконференција изјави дека ќе почне процесот на враќање на македонските пациенти настрадани во пожарот во Кочани на домашните клиники. Според него, ќе се види кој од пациентите на која клиника би се вратил, а кој би продолжил директно на домашно лекување.Според министерот, најмногу пациенти заминаа на лекување во странство од КАРИЛ, и како што нагласи тој, не би можело сите да се вратат таму, бидејќи и други пациенти во земјава имаат потреба на лекување во оваа клиника. Таму, на КАРИЛ, ќе се направи тријажа и ќе се одлучи кој пациент на мкоја клиника би требало да се пренесе.„Размислуваме како да го решиме проблемот со пациентите за кои ќе треба подолгорочна рехабилитација. Размислуваме за некој центар во внатрешноста во кој тоа би се организирало. Токму во таа насока Владата и донесе одлука за сите вработени во кочанската болница кои се ангажирани со договор на дело, нивниот работен однос да се трансформира и тие да добијат решенија на неопределено време“, рече Таравари. За болните кои ќе се вратат од странските болници би помагале и странски кадри, а и сега во земјава има лекари од Чешка, Израел, но и лод Британија, а би дошле и дополнителен број лекари од странство за оние пациенти за кои ќе биде потребна рехабилитација. „Значи за некои пациенти од странство тоа ќе биде подолг процес, но некои ќе можат да се вратат и со комерцијални летови, бидејќи се во навистина добра состојба“, рече Таравари. Инаку, најголем дел од повредените пациенти имаат изгореници, а дел од нив искршеници, како и токсич ни материи кои ги погодиле дишните патишта. А денеска во Министерството за надворешни работи и надворешна трговија се одржал состанок со претставници од Министерството за здравство, Службата за општи и заеднички работи на Владата и Кабинетот на Претседателот на Владата, со цел координација и организација на процесот на репатријација на македонските пациенти кои се на лекување во странство, по трагедијата во Кочани.На состанокот присуствувале министерот за надворешни работи и надворешна трговија, Тимчо Муцунски, министерот за здравство, Арбен Таравари, директорот на Службата за општи и заеднички работи, Ивица Томовски, Сашо Клековски, директор на Фонд за здравство како и претставници на сите надлежни институции.- Во фокусот на состанокот беа практичките и техничките аспекти поврзани со враќањето на пациентите кои успешно ја завршиле фазата на болничко лекување, како и на нивните семејства, со цел процесот да биде реализиран навремено и координирано, соопштија од Министерството за надворешни работи и надворешна трговија.Меѓуресорската координација, се најавува во соопштението, ќе продолжи и во наредниот период, при што внимателно ќе се следи состојбата на пациентите, а институциите, како и досега, ќе постапуваат усогласено и одговорно....

Добивај вести на Viber Полицијата приведе 45-годишен жител на Скопје поради упатени закани кон лекар во приватна болница на подрачјето на Карпош.Како што соопшти МВР, осомничениот З.К. бил лишен од слобода вчера околу 11:20 часот од страна на полициските службеници на СВР Скопје. Според пријавата, инцидентот се случил на 19 март околу 09:30 часот, кога осомничениот наводно му упатувал закани на лекарот во болницата.Од полицијата информираат дека по целосно документирање на случајот, против него ќе биде поднесена соодветна пријава....

Добивај вести на Viber Украинската групација Kyivstar објави дека планира да котира на берзанскиот индекс Nasdaq во наредните месеци во вредност од 2,21 милијарди долари, во обид да привлече што е можно повеќе меѓународни инвеститори.Veon, дигиталниот оператор кој го контролира Kyivstar, рече дека потпишал договор со компанијата за специјална намена Cohen Circle Acquisition Corp, која под тикерот KYIV ќе ја има украинската телекомуникациска групација.Оваа објава доаѓа два месеци откако Veon соопшти дека потпишал писмо за намери да влезе во деловна комбинација со Cohen Circle Acquisition Corp, и SPAC поддржан од инвестициската фирма Коен Сиркл.Бетси Коен, извршен директор на SPAC, рече дека Kyivstar претставува значајна инвестициска можност за меѓународните инвеститори додека Украина се движи во фазата на реконструкција.Основана во 1994 година, Kyivstar имаше повеќе од 23 милиони мобилни претплатници и повеќе од 1,1 милиони домашни корисници на фиксна телефонија до декември минатата година. Портфолиото на дигитални потрошувачки услуги на групата ја вклучува здравствената платформа Хелси, со повеќе од 28 милиони регистрирани пациенти и платформата за стриминг Kyivstar TV, со 2 милиони месечни активни корисници.Kyivstar потпиша договор со Starlink на Илон Маск во декември за воспоставување директна сателитска врска со ќелија со Украина. Компанијата очекува да ги лансира услугите Starlink со функции за пораки во четвртиот квартал, пред да се прошири на услугите за глас и податоци подоцна.Бонитет.ком...

Добивај вести на Viber Тага и болка чукнаа и на вратата на семејството Андонови, кои го изгубија Ице Андонов.Тој е еден од 59-те невини жртви на пожарот кој изби ноќта на 16 март во „дискотека“ во Кочани. Како што утврди истрагата познатата дискотека работела без лиценца, а утврдени се бројни пропусти. Семејството на ова момче со часови трагаше по Ице, одеа од болница до болница, за на крај да ги слушнат вестите дека тој е меѓу настраданите.„Загина спасувајќи животи, прв излезе ама се врати да спаси колку може повеќе лица. Многупати влегувал и излегувал внатре кобната ноќ, се обидувал да ја скрши задната врата која беше блокирана со блокови и гипсови и се загушил“ - раскажуваат другарките на Ице Андонов за Женски магазин, горди што го познавале.Повеќе детали на Женски магазин...

Добивај вести на Viber „Од првиот момент нашите институции се целосно мобилизирани. Истражните органи работат итно и прецизно. Граѓаните ја заслужуваат вистината, и ќе ја имаат“, рече денеска портпаролката на Владата Марија Митева.Нашиот приоритет сега е двоен: да ја завршиме институционалната работа со целосен интегритет и да преземеме итни чекори за да спречиме идни трагедии од ваков карактер. Затоа, во координација со сите релевантни органи, ги зајакнуваме безбедносните мерки, ги подобруваме протоколите и ги решаваме сите идентификувани неправилности. Одговорноста не завршува со зборови – туку со акција.„Јас денес ќе соопштам повторно информации од активностите на ДПИ во координација со МВР кои се однесуваат на вчерашниот ден, а се во насока на вонредните контроли за почитувањето на одлуката на владата за прогласување на денови на жалост. Во овие контроли вчера се утврдени два објекти кои не ја почитувале одлуката на Владата и работеле, за тоа се изречени соодветни мерки и затворање на локалите. Во однос на оние контроли кои се спроведуваат на сите објекти со и без лиценци активноста продолжува, анализите се обемни, а проверките темелни се со цел утврдување дали истите ги почитуваат минимално техничките услови.Сакам да ја информирам јавноста и за преземените активности на Министерството за транспорт, каде од досега направените контроли утврдени се голем број на лиценци кои со решение ќе бидат одземени, и тоа кај околу 100 затоа што е утврдено дека по издавањето на лиценците правните лица престанале да ги исполнуваат законските услови врз основа на кои истите се издадени.И во ова надлежно министерство во текот на вчерашниот но и денешниот ден контролите продолжуваат и до крај на денот очекуваме нов пресек со детални информации за сите направени контроли на овој тип на лиценци.Болката од оваа трагедија е неизмерна, но ќе ја информираме јавноста како напредуваат истрагите и како ги спроведуваме неопходните реформи и чекори коишто се наша обврска како Влада“, рече Митева....

Добивај вести на Viber Премиерот Христијан Мицкоски денеска го посетил семејството и соптругата на херојот на Кочани, починатиот Иле Гоцевски, возач на брзата помош, а тоа го објави и на својот официјален фејсбук профил.„Денес го посетив семејството и сопругата на Иле Гоцевски – возачот на Брзата помош кој, со пожртвуваност што нема цена, цела ноќ им помагаше на повредените од трагедијата во Кочани. Во време кога тагата не престанува, неговиот подвиг потсетува дека храброста и човечноста живеат во нашите луѓе. Тоа се нашите херои!Иле замина тивко, но зад себе остави пример кој нема да го заборавиме.Мојата почит и поклон за него. Почит и до сите што несебично им служат на граѓаните. Вечна ти слава, Иле“, напиша Мицкоски на фејсбук....

Добивај вести на Viber Министерот за здравство Арбен Таравари соопшти нови детали за состојбата на повфредените пациенти во несреќата во Кочани.Во Скопје во моментов се лекуваат 10 пациенти, откако 10 лица вчера беа пуштени на домашно лекување. Од нив 27 се во Клинички центар, 11 во 8 септември, и 10 во Градска болница и во приватните клиники се 6 пациенти. Сите што се во домашните болници се во релативно добра состојба. Таравари рече дека за наредните денови се планираат нови исписи, за што ќе се известува јавноста. Во странските клиники се лекуваат 115 пациенти.„Добрата вест е дека ако реков првично дека се околу 20 во многу критична состојба, сега се 6 во многу критична состојба. Да се надеваме дека оваа бројка нема да се зголеми со нови лица, односно дека нема да дојде до компликации“, рече Таравари. Тие најкритични пациенти се двајца во Љубљана, и четворина на Институтот за воена медицина, односно ВМА во Белград....

Добивај вести на Viber Идната недела ќе почне враќање во земјава на првите пациенти што се лекуваат во странство кои се во добра здравствена состојба за да се вратат, соопшти министерот за надворешни работи и надворешна трговија Тимчо Муцунски на прес-конференција.Во МНРНТ денеска ќе се одржи координативен состанок за следни чекори и мерки за соодветна организација за очекуваното враќање на сите оздравени пациенти или за продолжување на нивното лекување во земјава.-Најавите што ги имаме се дека во тек на следната недела ќе почнат да се враќаат првите пациенти, тие најави ги добиваме во директна комуникација каде што се сместени и кои ќе бидат во доволно добра здравствена состојба за да може да се враќаат назад, рече Муцунски на прес-конференцијата.Информираше дека вкупно 116 пациенти со повреди во пожарот на концертот во Кочани се лекуваат во странски болници во 14 европски држави. Трошоците за нивното лекување се покриени од државите домаќини, а патувањето и сместувањето на нивните најблиски и трошоци за целата логистика за нивниот престој во странство е на нашата Влада.Муцунски, кој на прес-конференцијата истакна дека сите „поминуваме исклучително тежок период и силен психолошки притисок“ им се заблагодари на сите земји кои ги примиле повредените и за нивната солидарност, како и на пожртвуваноста на нашите медицински екипи на кои рече е многу горд. Соопшти дека од 116-те хоспитализирани во странство, 38 се пратени на лекување преку Механизмот за цивилна заштита на ЕУ, кој Владата го активирала веднаш по несреќата, а останатите се пратени преку директна билатерална помош.Во најкус можен рок и по највисоки медицински стандарди, како што рече, биле транспортирани во болниците во странство, благодарение на организираноста и комуникацијата на Кризниот штаб во МНРНТ и дипломатско-конзуларните претставништва во земјите каде што се лекуваат. Најголем број од хоспитализираните во странство, 31, се во болници во Србија, 15 во Бугарија, по 12 во Турција и Грација, седум во Шпанија, по шест пациенти се на лекување во Австрија и Унгарија, пет во Хрватска, по четири пациенти во Белгија, Литванија, Италија, Шведска и Словенија и двајца пациенти во Полска. Чешка и Израел испратиле медицински тимови додека Романија, Луксембург, Норвешка и Финска, обезбедиле логистичка поддршка за транспорт на повредените.Муцунски рече дека утре ќе замине во Будимпешта да ги посети повредените што се во тамошните болници, а овие денови ги посетил болниците во Солун, Софија, Белград, Загреб, Виена и Љубљана. Се сретнал со семејствата и со медицинскиот персонал кои детално го информирале за состојбата на повредените, како и со министрите за надворешни работи и за здравство на тие земји на кои им се заблагодарил за помошта. Соопшти дека нашите ДКП-а се во 24 часовна комуникација со семејствата во земјите каде се згрижени нивните најблиски, дека им се покриени сите потребни трошоци. Посочи и дека дежурните телефони на МНРНТ и СОЗР остануваат отворени за сите прашања и потреби....

Добивај вести на Viber По неколку дена откако како поранешен премиер беше повикуван во јавноста зошто не се огласи вои врска со страшната трагедија која му се случи на Кочани, екс претседателот на Владата Зоран Заев, поточно неговата хуманитарна фондација, се огласи на својата веб страница, објавувајќи дека донирале 150 илјади денари на Црвениот крст за помош на семејствата на настраданите граѓани во страотниот пожар, или околу 2.500 евра.„Со чувство на голема тага и болка од епилогот на големата трагедија која се случи на 16 март во Кочани, а во која згаснаа животите на 59 млади Македонци кои, за жал, не ја дочекаа новата пролет, Фондацијата „ЗАЕВ – Едно општество за сите“ им изразува искрено и длабоко сочувство на членовите на семејствата на починатите, а на сите повредени им посакува успешно опоравување и брзо враќање во нормалниот живот.Нашата фондација, преку сметката на Фондот на солидарноста на Црвениот крст на Република Северна Македонија, донираше 150.000 денари како помош на настраданите граѓани во пожарот во Кочани. Воедно, упатуваме апел до сите добри и хумани луѓе и институции во државата, да дадат свој придонес во обезбедување на потребната поддршка за семејствата на настраданите.Да ја разбудиме човечноста во човека. Да се погрижиме сите заедно, никогаш повеќе да не се повтори такво зло“, се вели во објавата на Фондацијата Заев....

Добивај вести на Viber На 21/22.03.2025 во Скопје, во угостителски објекти на подрачјето на Центар, полициски службеници од СВР Скопје ги лишиле од слобода Ф.А.(26) од скопско и В.В.(22) од Скопје поради постоење основи на сомнение за сторено кривично дело по член 387 од Кривичниот законик. „Во текот на вчерашниот ден во угостителски објекти каде тие се одговорни лица била пуштена музика односно не била почитувана одлуката на Владата за седумдневна жалост. Веднаш е постапено од страна на полициските службеници на СВР Скопје и одговорните лица се лишени од слобода, а по документирање на случаите ќе бидат поднесени соодветни пријави во врска со чл. 387 од КЗ“, се вели во соопштението од МВР....

Добивај вести на Viber -Се сеќавате на каков отпор наидуваше секоја наша иницијатива за ветинг, но и она што значеше комплетен реизбор на судството и правосудството. Ние и денеска мора да внимаваме што ќе снема во истрагата, а не само што ќе биде најдено. Има многу статуси по социјалните мрежи, од обвинители и слично, кои учествувале и во модуларната болница. Што сакаме ова да биде 1:1? Еден куп жртви од едната партија, друг куп жртви од другата партија? Сега нема зошто да молчиме. Затоа кажав и на почетокот на неделата - ние сме веќе поделени. Од една страна се тие коишто заработуваат на нашата крв, бидејќи крвави им се рацете, од друга страна сме ние кои не сакаме веќе ова да се повтори, ниту смее да се повтори. За жал доцниме, вели Величковски и додава дека сега ќе им биде на сите јасно зошто одредени структури во политиката биле саботирани, уништувани и маргинализирани.„Партиските мегафони на власта, медиумски распоредени на различни места се обидуваат да кажат дека сите сме виновни. Не, виновни се тие коишто корумпираат, коишто се корумпираат и тие коишто заработуваат на нелегален начин, слободно можам да кажам, во изминативе повеќе од 25 години“, вели за „Трилинг аналитичарот и политичар Ивон Величковски.„За да ја отворам темава на вистински начин, за да спречиме уште некој голема трагедија треба да ги отвориме прашањата онаму каде што сме застанале пред 20 години“, вели Величковски.-Забележувате дека во Кочани, можеме слободно да зборуваме и за тој триаголник со Велес и Свети Николе, функционираше една т.н „Франкфуртска мафија“ којашто не може да биде дел од организираниот криминал доколку државата не стоеше зад неа. Сетете се за улогата на Кочани во минатиот систем и кои се служби беа распоредени во него и кој беше третманот на т.н источниот дел од караулата на тогашна СФРЈ кон Бугарија и кон Албанија. Едноставно треба да зборуваме за фактите. Таа мафија не се јави сама по себе и нејзините последици ги гледаме денеска во Кочани.-Ќе ги отворам и понатаму прашањата – дали единствените загуби на струјата се случуваат во Арачиново, како што се обидуваат да кажуваат партиските мегафони или ќе најдеме локации во тој триаголник којшто го споменав и се протега се долу до Струмица.-Организираниот криминал е тој кој овозможи ниту судство, ниту обвинителство да не регистрираат обиди за рекетирање, за насилничко однесување и слично.-Таа мафија, вели Величковски, беше трансформирана, но не значи дека не постои....

Добивај вести на Viber Најпознатиот индиски дизајнер на венчаници вели дека е крај за индустријата на која и помогнал да се искачи на незамисливи височини.Продажбата на гламурозни венчаници, кои вообичаено тежат до осум килограми и чинат повеќе од 6.800 долари, рапидно паѓа, вели Сабјасачи Мукерџи, кој облече некои од најбогатите индиски жени, меѓу кои и милијардерката Иша Амбани. Сè поголем е бројот на невестите кои бараат поскромни дизајни, како дел од поширокото оддалечување од традиционално наметливите свадбени прослави, рече тој.„Индустријата за венчаници во Индија каква што ја знаеме денес е на работ на истребување“, рече Мукерџи во интервјуто во неговата продавница од 2.323 квадратни метри во Мумбаи.Тоа претставува огромна можност, а Мукерџи рече дека има зголемување на купувањата на „поедноставни“ сари. Но, тоа исто така го направи уделот на градењето на пазарот во „борба за опстанок на најсилните“, рече тој. Неговата компанија годинава ќе заработи околу 60 милиони американски долари, според неговите проценки.Мукерџи вели дека неговиот моментален фокус е на отворање нови продавници во Индија пред да започне глобална експанзија, како и лансирање на дополнителни производни линии.Тоа вклучува проширување на понудата на накит, која веќе сочинува околу една четвртина од приходите и наскоро ќе ја надмине продажбата на облека на нејзиниот бренд, вклучувајќи помали парчиња по конкурентни цени. Парфемите и козметиката треба да бидат лансирани во рок од една година, а Мукерџи рече дека сака да ја користи својата линија на тапети и мебел за дизајнирање домови и хотели.- Никогаш не сум го сметал Сабјасачи за моден бренд, тоа е бренд за животниот стил - рече тој. Некои од неговите планови за проширување ќе се потпираат на соработки, додаде тој. Тој претходно има работено со Hennes & Mauritz AB и Starbucks Corp., како и со Bergdorf Goodman.Растот на премиум секторот во Индија ги привлекува некои од најбогатите тајкуни во земјата. Mukesh Ambani's Reliance Brands Ltd. инвестираше во MM Styles Ltd., која е сопственик на истоимената модна куќа водена од боливудскиот стилист Маниш Малхотра. Конгломератот, исто така, стекна 52 отсто од акциите во брендот на Риту Кумар, уште еден индиски дизајнер.Кумар Мангалам Бирла го прошири своето присуство и во луксузниот сектор. Ова вклучува удел од 51 отсто во брендот Сабјасачи на Мукерџи, купен во 2021 година.Таа поддршка е клучна за амбициите на Мукерџи да изгради домашен луксузен бренд кој може да им конкурира на европските и американските брендови.– Наскоро модата од Индија ќе го преплави светот, а јас сакам да бидам дел од тој моден бран – рече тој.Бизнис.курир.рс biznis.kurir.rs/ BloombergФото: ЕПА...

Добивај вести на Viber Скопските градоначалници деновиве се зафатија со полни раце работа во серија контроли кои би требало да превенираат немил настан како оној што се случи во Кочани.Инспекциските служби на Општина Аеродром во текот на минатата недела извршиле контроли на околу 100 угостителски објекти кои работат на територијата на општината.Општината денеска информоира дека во тек е обработка на податоците собрани од терен и се изготвува анализа за состојбата со исполнувањето на законските одредби и подготвеноста на објектите за вршење угостителска дејност.- Исто така, Општина Аеродром веќе изготви план за контрола на хидрантските мрежи во станбените згради, за пристапите, како и за излезите од објектите за колективно домување и од понеделник, во соработка со куќните совети и со управителите на станбените објекти, ќе започне инспекција за состојбата во зградите, соопшти Општината.В. д. градоначалникот Дејан Митески во вторникот, на 18 март, испратил барање до сите основни училишта и градинки „во најкус можен рок да достават одговори за состојбата со хидрантските мрежи во објектите, како и за ажурирањето на апаратите за гасење пожар“.- Потребно е да достават и елаборати за противпожарна заштита, како и планови за евакуација. Општина Аеродром прави сѐ што е во нејзина надлежност за зачувување на безбедноста на граѓаните и обезбедување на сите услови за непречено одвивање на секојдневието, како на физичките, така и на правните лица, се наведува во соопштението.Максимално активни се и во општина Центар.На итен состанок на Штабот за заштита и спасување на Општина Центар, што се одржал вчера со присуство на инспекциските служби на општината и Командирот на ПС Беко Игор Стаменковски, била разгледана безбедносната состојба во општината и предложени мерки за подобрување на сигурноста и заштитата на граѓаните.На состанокот, одржан барање на градоначалникот Горан Герасимовски, се анализирала безбедноста на станбените објекти, при што биле утврдени потенцијални ризици и предложени конкретни мерки за зголемување на безбедноста, како и на угостителските објекти и биле дискутирани мерки за подобрување на безбедноста и усогласување со прописите. Исто така се разговарало и за функционалноста на хидрантната мрежа во станбените и деловните објекти, како и за мерките за подобрување на безбедноста на училиштата и градинките.- Првиот состанок го имавме со директорите на сите општински основни училишта, затоа што безбедноста на децата за нас е најважна. Сите училишта и градинки имаат изработено План за заштита и спасување, Процена на загрозеност на институцијата и за истите имаат добиено позитивно мислење од Дирекцијата за заштита и спасување, што потврдуваме дека имаме темелна основа за континуирана превенција и обезбедување на безбедна средина за нашите деца, истакна Герасимовски, пренесува службата за односи со јавност на Општина Центар.Инспекторот за домување добил насоки и задолженија во текот на следната недела да закаже состанок со управителите на станбени, станбено-деловни и деловно-станбени згради како и со регистрираните заедници на сопственици, во врска со почитувањето на пропишаните норми и стандарди за домување, особено во делот за заштита и спасување (хидранти, пп апарати, лифт, фасада итн.)- Ќе се вршат инспекциски надзори, ќе се преземаат инспекциски мерки и ќе се носат инспекциски акти во врска со почитувањето на одредбите од Законот за домување, Правилникот за нормите и стандардите за домување во станбените згради како и останатата законска како и подзаконска регулатива која е во наша надлежност во однос на Плановите за одржување на станбените згради како и застапеноста на противпожарната опрема и одржувањето на истата. Исто така ќе бидат известени надлежните институции и органи во однос на противпожарната опрема во зградите каде истата не е застапена или е нефункционална. Дополнително, во текот на следната недела ќе закажеме состанок со Подрачното одделение за заштита и спасување – Центар, во однос на заедничка акција односно заедничко постапување на службите, изјави Герасимовски.Во таа насока, Општина Центар ги потсетува сите угостителски објекти на нивната обврска за преземање на неопходни безбедносни мерки и ги информира дека инспекциската служба на општината ќе продолжи со спроведување на засилени инспекциски контроли.За таа цел, потребно е управителите на угостителските објекти да извршат безбедносни проверки и да ја подготват следната документација, која ќе биде предмет на инспекциската контрола:• Тековна состојба (не постара од 6 месеци) • Лична карта на одговорното лице• Контакт лице со телефонски број и е-маил адреса• Имотен лист за објектот во кој се врши дејноста• Одобрение за вршење дејност или Известување за започнување со вршење дејност, заверено од Државен инспекторат за труд• Известување за започнување со вршење дејност, доставено до Општина Центар – Скопје• Потврда за работно време издадена од Централен регистар на РСМ• Пријава за работно време и распоред на работното време за угостителските објекти во Општина Центар – Скопје• Заверени нормативи за храна и пијалоци• Одобрение за поставување урбана опрема• Елаборат за поставување урбана опрема• Елаборат за заштита на животна средина • Елаборат за заштита од пожари и доказ за негово спроведување на лице место Оваа документација треба да биде достапна во објектот, а лицата што управуваат или работат во него треба да ја приложат на увид на инспекторите.- За потребите на инспекциската постапка, документите треба да бидат во фотокопија (оригиналите ќе бидат само на увид). Доколку инспекторите утврдат неправилности, ќе биде издадено Решение за отстранување на недостатоците, кое треба да се реализира во рок од 8 дена, укажуваат од Општина Центар. Нагласуваат дека остануваат посветена на унапредување на безбедноста на сите граѓани и апелираат на соработка од страна на угостителските субјекти за заедничко создавање на побезбедна средина.Вчера слични мерки шпрезедоа и Карпош и некои други скопски општини....

Добивај вести на Viber Над 2.000 луѓе од различни делови на Финска добија серија прашања на теми како што се губење на биолошката разновидност, намалување на емисиите и лична одговорност. „Барометарот за климата и природата“ за 2025 година беше спроведен од четири владини министерства во партнерство со низа агенции и организации.Две истражувања покажаа дека луѓето во Финска се многу свесни за климатските промени и губењето на природата. Повеќе од 85 отсто рекле дека ги виделе ефектите од климатските промени, а 88 отсто влијанието на исчезнувањето на природата ширум светот.Конкретно, загубата на биолошката разновидност, според 86 отсто од анкетираните, ќе влијае на прашања како што се производството на храна, јавното здравје, безбедноста на снабдувањето и економијата, пишува Euronews.Повеќето Финци рекоа дека веќе го доживеале влијанието на климатските промени во нивниот секојдневен живот, а 62 отсто сметаат дека последните зими биле поблаги. Повеќе од половина од испитаниците (55 проценти) забележале губење на биолошката разновидност во нивните локални средини.Луѓето во Финска ја намалуваат потрошувачката за да се справат со емисиитеВо Финска, оваа грижа за природата и климатските промени се рефлектира во однесувањето на луѓето. Нешто повеќе од 40 отсто од испитаниците рекле дека го смениле својот животен стил - вклучително превоз, домување и изборот на храна - за да ги ублажат нивните влијанија врз климата.Повеќе од половина (53 проценти) рекле дека ја намалиле сумата што ја купувале - што е големо зголемување во однос на 43 проценти забележани пред само две години во претходната анкета. И речиси сите испитаници (91 процент) се согласија дека производите треба да бидат дизајнирани да траат подолго, дури и ако тоа значи дека чинат повеќе.Меѓутоа, луѓето во Финска се повеќе поделени околу нивните навики во исхраната. Неодамна во земјата беа објавени нови национални препораки за исхрана, кои ги повикуваат луѓето да ја намалат потрошувачката на месо. Повеќето луѓе (69 проценти) веруваат дека климата одржливата исхрана доминантно од растенија треба да чини помалку од онаа со повисоки емисии.Но, половина од испитаниците се спротивставија на општествените напори за промовирање на диети базирани на растенија.Чистата природа е важен дел од финскиот идентитет, според 96 отсто од испитаниците. Но, мислењата се поделени речиси точно на половина за тоа дали е соодветно заштитена.Јавните дебати во Финска моментално се фокусирани на постигнување на целта за јаглеродна неутралност поставена како дел од нејзиниот Закон за климата и на зголемување на шумските јаглеродни тонови.Од испитаниците, 62 отсто веруваат дека Финска треба да преземе соодветни климатски мерки за да постигне јаглеродна неутралност до 2035 година. 75 отсто од испитаниците велат дека треба да се посвети поголемо внимание на сечењето на шумите и практиките за управување за да се зачуваат јаглеродните тонови.А јасно мнозинство луѓе (80 проценти) веруваат дека од компаниите треба да се бара да преземат мерки за намалување на емисиите. Кога станува збор за природата, помалку од половина, 41 отсто од луѓето веруваат дека финските компании и сектори соодветно ја земаат предвид биолошката разновидност во нивните активности.Тпортал...

Добивај вести на Viber Кога актуелниот американски претседател Доналд Трамп се сретна со украинскиот претседател Володимир Зеленски во Њујорк во септември минатата година, додека сè уште беше кандидат на изборите, тој зрачеше со доверба и тврдеше дека може многу брзо да ја запре војната во Украина.„Ако победиме, мислам дека ќе го решиме многу брзо“, рече тој тогаш. Колку брзо? Тоа не беше извесно. Неколку дена пред таа средба тој во телевизиска дебата рече дека „ќе ја реши ситуацијата уште пред да стане претседател“. Притоа, тој го надмина претходното ветување од мај 2023 година, кога тврдеше дека ќе стави крај на конфликтот во првите 24 часа од неговиот мандат.Трамп сега е во Белата куќа повеќе од два месеци и се чини дека полека му станува јасно дека запирањето на толку комплициран конфликт нема да биде така лесно, пишува Би-Би-Си. Минатиот викенд, во телевизиско интервју, тој призна дека бил „малку саркастичен“ кога ветил дека ќе ја прекине војната за еден ден.Постојат неколку причини зошто работите не одат како што очекуваа Трамп и неговиот тим.Вербата на Трамп во личната дипломатија не функционирашеТрамп отсекогаш верувал дека се може да се реши ако седне на маса со друг лидер и постигне договор. Тој првпат разговараше со рускиот претседател Владимир Путин на 12 февруари час и половина и го опиша разговорот како „исклучително продуктивен“. Тие повторно зборуваа на 18 март.Но, тие повици не го дадоа резултатот што го сакаше Трамп, привремен 30-дневен прекин на огнот. Единственото нешто што успеа да го добие од Путин беше ветувањето дека Русија ќе престане да ја напаѓа украинската енергетска инфраструктура.Сепак, Русија го прекрши ова само неколку часа подоцна.На Путин не му се брзаПутин за прв пат зборуваше за преговорите минатата недела, цел месец по неговиот телефонски разговор со Трамп. Тој тогаш јасно стави до знаење дека е против американскиот пристап, кој прво бара привремен прекин на огнот, а дури потоа зборува за траен мир.Наместо тоа, Путин рече дека прво мора да се решат „основните причини за војната“, со кои тој мислеше на проширувањето на НАТО и постоењето на Украина како суверена држава, што Русија го гледа како закана.Тој постави долг список на прашања и услови што сака да се решат пред да се постигне каков било договор.Притисокот врз Киев не даде резултатиБелата куќа заклучи дека претседателот Зеленски е пречка за мирот. Западните дипломати признаваат дека на украинската влада и требаше време да сфати колку светот се промени со доаѓањето на Трамп.Но, американскиот притисок врз Киев, кој кулминираше со неславниот состанок во Овалната соба - кога Трамп и неговиот потпретседател Џеј-Ди Венс го нападнаа Зеленски - потроши многу време и политичка енергија.Дополнително, тоа дополнително ги затегна односите меѓу САД и Европа, што создаде уште еден дипломатски проблем што мораше да се реши. И цело време Путин чекаше на страна и гледаше.Комплицирана ситуација на терен и во преговориУкраинската понуда првично беше привремен прекин на огнот во воздух и море, што би било полесно да се следи. Но, минатата недела, на преговорите во Џеда, САД инсистираа примирјето да го опфати и фронтот долг повеќе од 1.200 километри во источна Украина. Ова веднаш ја искомплицира целата приказна, па Путин одби.Сепак, дури и договорот за идејата со помалку барања - да се запрат нападите врз енергетската инфраструктура - има проблеми. Деталите од тој договор ќе бидат главна тема на преговорите што треба да се одржат в понеделник во Саудиска Арабија.Воени и енергетски експерти подготвуваат списоци на потенцијално заштитени електрани - нуклеарни и други - и ќе се обидат да договорат кое оружје не треба да се користи.Но, воспоставувањето јасни граници помеѓу енергетската инфраструктура и другите цивилни цели нема да се случи брзо. Исто така, треба да се има предвид дека Украина и Русија не разговараат директно, туку секоја страна преговара со Америка, која потоа пренесува пораки. Ова дополнително го успорува процесот.Фокусирајте се на економијата наместо на прекин на огнотТрамп потроши многу време обидувајќи се да преговара за рамковен договор што ќе им овозможи на американските компании пристап до клучните минерали во Украина. Некои го гледаа како инвестиција во иднината на Украина, додека други го гледаа како изнудување на нејзините природни ресурси.Зеленски првично инсистираше дека ова може да се разговара само откако САД ветија безбедносни гаранции за Украина, но Белата куќа го отфрли тоа. Тие тврдеа дека присуството на американски компании и работници ќе биде доволна пречка против Русија.На крајот, Зеленски попушти и се согласи на договор за минерали без никакви безбедносни гаранции. Но, САД не го потпишаа тој договор до ден-денес, надевајќи се дека ќе преговараат за подобри услови, вклучувајќи пристап или сопственост на украинските нуклеарни централи.Запирањето на војна може да биде неверојатно комплицирано и бавно. Вистина е дека немаше да дојде до оваа точка без притисокот на Трамп, но сè се движи многу побавно отколку што тој замислуваше.Индекс.хрФото: ЕПА-ЕФЕ...

Добивај вести на Viber Основното јавно обвинителство Гевгелија донесе Наредба за спроведување истражна постапка против три лица, бидејќи постои основано сомнение дека сториле кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.Осомничените, двајца жители на селото Стојаково и еден од Валандово, учествувале и посредувале во продажба на околу 5 килограми марихуана која ја набавил првоосомничениот.Три килограми од дрогата се договориле да ја продадат на купувач – грчки државјанин за сума од 9.000 евра. При обид да ја продадат дрогата на локација во Дојран, полициски службеници ги затекнале. На лице место биле уапсени двајца од осомничените, додека третиот се дал во бегство, но набрзо и тој бил приведен.Дополнително, во близина на Богданци е пронајдена преостанатата дрога која им била наменета за продажба.Со образложение дека осомничените би можеле да се дадат во бегство, да ја попречуваат истрагата со влијание врз сведоците или соучесниците, да ги сокријат или да ги уништат трагите од кривичното дело, но и дека ќе го повторат делото за кое се гонат, јавниот обвинител до Судот достави предлог за определување мерка притвор за сите тројца осомничени....

Добивај вести на Viber Се чини дека ниту најблиските соработници на Илон Маск повеќе не веруваат во неговиот бизнис. Неговиот брат Кимбал Маск, кој е во Бордот на директори на Тесла, продаде дури 75.000 акции од компанијата во февруари, со што инкасира 27 милиони долари. Оваа информација ја потврдуваат и официјалните податоци на американската Комисија за хартии од вредност (SEC).Кимбал не е единствениот кој одлучил да се пензионира. Претседателот на одборот на директори на Тесла продаде акции во вредност од 75 милиони долари, додека Џејмс Мардок, долгогодишен сојузник на Маск, ги продаде своите акции за 13 милиони долари. Интересно, продажбата на Мардок дојде на 10-ти март, истиот ден кога акциите на Tesla го забележаа најголемиот пад во последните пет години. Масовната продажба од упатените обично се смета за лош знак за иднината на една компанија.Контроверзии и пад на продажбатаПроблемите за Теска не застануваат само на берзата. Политичките ставови и врските на Маск со десничарските идеи ги одбиваат потенцијалните купувачи, што директно се рефлектира во падот на продажбата ширум светот. Освен тоа, проблемите со квалитетот на возилото дополнително го нарушуваат имиџот на компанијата. Неодамна, Тесла ги повлече речиси сите модели на Cybertruck во САД поради ризикот предната плоча на возилото да се откачи самостојно.Вредноста на акциите на Тесла е преполовенаПо изборот на Доналд Трамп, акциите на Tesla забележаа силен пораст, достигнувајќи го врвот од речиси 480 долари во декември. Сепак, вредноста на акциите сега е преполовена. Секој пад од 2,43 долари директно го чини Маск 1 милијарда долари.Ситуацијата во Тесла станува се понапната, а довербата во раководството на Маск продолжува да опаѓа. Останува да видиме како компанијата ќе се справи со овие предизвици и дали ќе успее да ја врати довербата кај инвеститорите и потрошувачите....

Добивај вести на Viber Вкупниот број осомничени за пожарот во дискотеката „Пулс“ во Кочани засега е 34 физички лица, откако вчера државниот јавен обвинител Љупчо Коцевски соопшти дека е отворена истражна постапка против 27 физички и три правни лица, по првите истражни постапки против седум полициски службеници од СВР Штип и ПСОН Кочани. Во првата фаза во постапувањето на МВР и Обвнителството, поднесени се две кривични пријави против 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ.Коцевски, вчера на прес-конференција посочи дека со завршување на истрагата ќе се разјаснат сите околности и факти за причината за пожарот, кој го предизвикал, начинот на предизвикување и со кое пиротехничко средство. Лицата, како што информира Коцевски, се сомничат за кривично дело за кое е предвидена казна од најмалку три години, што значи дека максимумот на казната е 20 години, а се сомничат дека како соизвршители, изготвувајќи, потпишувајќи и одобрувајќи позитивна согласност, му овозможиле на правно лице да се стекне со лиценца за вршење угостителска дејност – кабаре иако објектот не ги исполнувал законските услови за работа.– Ова е само почеток на истрагата и престои обемна истражна постапка во рамки на која ќе треба да се приберат голем број докази и ќе се преземат истражи дејствија. Ветив дека истрагата ќе биде брза и ефикасна и со тоа апелирам до сите да бидат воздржани и смирени и со тоа да им се даде простор на истражните органи квалитетно да ја завршат истрагата, изјави Коцевски. Верижните пропусти и незаконити дејствија на одговорните и службените лица, како што рече, довеле до тоа, да при користење на пиротехнички дејствија за време на настап на „ДНК“ во клубот „Пулс“ во Кочани, биде предизикан пожар во кој настапила смрт на 59 лица, меѓу кои шест деца, а биле повредени 197 лица, од кои 25 деца. – Сите осомничени во периодот од 2012 година до 16 март 2025 година, заеднички, но секој од аспект на своето својство, надлежности и одговорности воопшто не постапиле според прописите за мерки за заштита и со тоа предизвикале опасност заживотот и телото на луѓето и имот од големи размери, изјави Коцевски. Доколку се обезбедат докази најави дека во истрагата ќе бидат опфатени и други засега не утврдени лица. Тројца осомничени се јавуваат како одговорни лица, сопственици или управители во клубот. Првиот е закупец на објектот каде е лоциран клубот, реален носител и сопственик на целокупниот деловен потфат и работењето.– Објектот со намена за лесна индустрија воопшто не исполнувал услови да биде пренаменет во угостителски, но во континуитет осомничените добивале лиценца, незаконито и организирале услуги. Притоа сите знаеле и биле свесни дека клубот не ги исполнува законските услови и начин за вршење угостителска дејност, информираше јавниот обвинител. Постои конкретно основано сомнение дека првоосомничениот за период од 13.02.2024 до 13.02.2025 година директно на осомничено службено лице вработено во Министерество за економија му дал одреден паричен износ да изврши службено дејствија, што не би смеел да го изврши и на тој начин обезбедил лиценца. Поради тоа против вработениот во Министерство за економија е поведена постапка и за примање поткуп.Една од осомничените е и сопственичка и управителка на осомничено правно лице од Кочани, која во 2010 година постапила по барање на осомничениот сопственик и му изработила основен проект, како услов за отпочнување на работа и вршење угостителска дејсност кабаре, иако знаела дека објектот не може да биде пренаменет. – Овој незаконит проект сопственикот во период од 2012 до 2023 година во континуитет го користел незаконито во прилог на барање за добивање лиценци, изјави Коцевски. Од Министерството за економија до овој момент осомничени се поранешен министер за економија, поранешен државен секретар, раководител на сектор, раководител на одделение и помлад соработник. Поранешен директор на Државниот пазарен инспекторат и три службени лица инспектори, иако биле должни да вршат инспекциски надзор, не ги извршиле своите службени должности и во периодот од 09.01.2020 година до 16.03.2025 година во ниту еден наврат не извршиле контрола над работењето на правното лице за да утврдат дали има важечка лиценца, дали ги исполнува пријавените минимално-технички услови наведени во барањето за Лиценца за вршење на угостителска дејност – кабаре, и другите пропишани услови согласно закон, со што овозможиле Кабарето „Пулс“ незаконито да продолжи со вршење на угостителска дејност.–Осомничените тројца градоначалници на Кочани во периодот од 2012 година до 16.03.2025 година, како и осомничени двајца поранешни директори на Дирекцијата за заштита и спасување, иформираше обвинителот, не ги извршиле своите правни обврски согласно Законот за заштита и спасување, со што овозможиле Кабарето „Пулс“ незаконито да продолжи со вршење на угостителска дејност, спротивно на Законот за угостителска дејност и другите пропишани услови согласно закон. За целиот тој период општината примала уплати по основ на надоместок за угостителски објект.Во однос на активностите на Државниот пазарен инспекторат и Дирекцијата за заштита и спасување, Министерството за внатрешни работи продолжува да врши проверки во насока на утврдување на сите пропусти во текот на целиот временски период на работа на клубот.Според обвинителството, на 16 март годинава, еден од осомничените, одговорно лице во клубот, усно организирал концерт – настап без формално потпишан договор со музичката група ДНК и притоа заедно со осомничените управители и осомничените припадници на агенцијата за обезбедување, свесни дека капацитетот и условите во објектот тоа не го дозволуваат, овозможиле влез на околу 650 посетители помеѓу кои имало најмалку 31 дете. Едно од осомничените лица вршело продажба на билети без притоа да води сметка за бројот и возраста на гостите кои смеат да присуствуваат, спротивно на Законот за угостителска дејност, овозможувајќи влез и присуство и на малолетни лица на настанот.Осомничените одговорни лица во дискотеката и членови на обезбедување, пак, не спречиле за потребите на настапот на групата ДНК да се внесат во угостителскиот објект и да се употребат експлозивни материи – пиротехнички фонтани, иако за тоа дејствие немале задолжителна дозвола издадена од надлежни органи за да ракуваат со пиротехнички средства, ниту пак просторните услови дозволувале употреба на такви пиротехнички средства.– За внесување и употреба на пиротехничките средства е осомничен и еден член на музичката група. Постои сомнение дека членовите на бендот околу 02:32 часот како дел од сценскиот настап и ефект ги активирале експлозивните материи – пиротехнички фонтани кои исфрлале искри во правец на плафонот над сцената од кои веднаш се опожарил кровниот дел од објектот и пожарот се проширил по целиот објект, рече Коцевски.Во однос на пропустите на обезбедувањето, осомничени се сопственикот и управител на фирмата за обезбедување од Скопје, овластеното лице на подружницата во Кочани, тројца вработени и едно лице кое не било вработено во фирмата но вршело одредени работи за таа фирма.– Сите тие вршеле работи на физичко обезбедување, без каква било претходна безбедносна проценка и план за обезбедување, без да ги проверат условите за противпожарна заштита и опасност од пожари, како и другите сигурносни услови особено во однос на опасности и можности за евакуација. Во текот на критичната вечер, не контролирале и овозможиле влез на деца во објектот, не воделе грижа за преполнетоста на капацитетот на посетителите во објектот и не спречиле внес и користење на експлозивни материи – пиротехнички средства со кои бил предизвикан пожарот и поради кои настанала несреќата во објектот, изјави Коцевски.Демократската унија за интеграција, пак, од чии редови е еден од осомничените, поранешниот министер за економија Крешпник Бектеши, кому му е определен 30-дневен притвор, во реакција оцени дека процесот е неоснован, политички мотивиран и селективен.Според ДУИ, потребна е длабинска и непристрасна истрага за да се утврди како објект без лиценца можел да работи и да ги загрози животите на стотици млади луѓе. Фактот, како што наведоа во партиското соопштение, дека од 35-те приведени лица, само еден или двајца се актуелни функционери, отвора сомнежи за селективна правда. - Бараме правните процеси да бидат праведни, транспарентни и засновани на закон, без влијание од терминологија која не постои правната терминологија и кривичниот законик, нагласуваат од ДУИ.Како што соопшти вчера министерот за внатрешни работи Панче Тошковски, МВР во соработка со надлежното Јавно обвинителство, ја заврши првата фаза во постапувањето во врска со кривично-правниот настан со пожарот.- Поднесени се две кривични пријави против вкупно 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ“, соопшти Тошковски.Во одговор на новинарско прашање поврзано дали актуелни носители на функции се осомничени во истрагата за пожарот рече дека „не може да се сложи дека актуелни вработени во рамки на Министерството за внатрешни работи на одредени позиции или во рамки на други институции кои биле директно инволвирани не се дел од осомничените или не се дел од истрагата“.Прашан дали актуелниот директор на Државната пазарна инспекција Влатко Сајкоски правел инспекторски надзори, со оглед на тоа што денеска јавниот обвинител Љупчо Коцевски на прес-конференција посочи дека осомничен е поранешен директор на ДПИ поради непостапување, Тошковски најави дека МВР соодветно ќе постапи во моментот кога ќе бидат утврдени сите потребни факти.– Во оној момент кога ќе ги утврдиме сите потребни факти со предметниот кривично-правен настан, соодветно и ќе постапиме во однос на сите оние кои имаат било каква директна или индиректна поврзаност. Истрагата е отворена и практично формално е отпочната вчера со поднесување на кривична пријава од страна на МВР. Во текот на претходниот ден, исто така имавме поднесено кривична пријава против дел од осомничените во рамки на посебна постапка, под надлежност на Јавното обвинителство за гонење на организиран криминал и корупција, затоа што предметните лица беа полициски службеници и во однос на тие истрагата започна пред два дена, во однос на сите останати истрага започна вчера. Ова е само почеток за она што следи, рече Тошковски. Во врска со неодамнешното апсење на градоначалникот на Кочани, Љупчо Папазов, вели дека дејствијата преземени од Министерството за внатрешни работи (МВР) се целосно во рамки на законските овластувања и се професионални.– Дејствијата што ги преземаме по насока на ЈО се професионални, очигледно е дека сето она што го имаме преземено во изминатиов период е целосно во рамки на законските овластувања кои ги имаме. Нема тука наши-ваши, тука има луѓе кои се одговорни и луѓе кои не се одговорни. Но, мора да почитуваме процес на правда и мора темелно и посветено да ја работиме истрагата како што доликува на една држава која што треба да одговори соодветно, изјави Тошковски.Прашан дали изјавата на премиерот Христијан Мицкоски, дека Папазов поднел оставка од морални причини е во насока да се оправдаат блиски луѓе до нивната партија, Тошковски одговори дека дејствијата ги преземале согласно конкретните докази во моментот.– Апсолутно не и тоа го докажуваме со дела. Согласно дејствијата што се преземени од наша страна, во конкретен момент, согласно конкретни докази, сме презеле конкретни чекори. Кога сме обезбедиле конкретни докази за конкретни лица на степен на основи на сомнение сме поднеле кривична пријава. Кога ќе дојдат до степен на основано сомнение, ќе има обвинение, рече тој, информирајќи дека се истражува и дали претходните две години имало контроли во дискотеката.Министерот за внатрешни работи најави дека Владата има намера целосно да забрани употреба на пиротехнички средства во затворен простор. Службите во рамки на МВР се задолжени да изготват документација со која би се направиле измени на легислативата што го уредува тоа прашање. Посточеката легислатива што го уредува тоа прашање датира некаде од 60-те години на минатиот век и ќе се носи целосно нов закон. Поради потребата од итност во уредувањето на тоа прашање, до донесувањето нов закон решение ќе се бара со измени на членови од постоечката легислатива. Извор и фото МИА...

Добивај вести на Viber Демократската унија за интеграција изразува најискрено сочувство до семејствата на жртвите од трагедијата во Кочани и ја споделува тагата со сите граѓани погодени од оваа несреќа, велат од партијата.Но, од таму посочуваат дека во врска со одлуката на Јавното обвинителство за 30-дневен притвор на поранешниот министер Крешник Бектеши и други претставници на претходната влада, дуи сака да појасни неколку клучни аспекти пред јавноста:– Прво, концептот на „верижни пропусти“ што довеле до трагедијата не постои во терминологијата на кривичниот законик. Секоја лиценца за вакви објекти се обновува на годишно ниво, земајќи ги предвид специфичните услови за таа година. Затоа, неточно е да се тврди дека постои континуирана одговорност без прекин низ годините. Второ, и најважно, во ноќта на трагедијата, клубот работел без никаква лиценца: веќе една година немал легитимна лиценца, а дури и фалсификуваната веќе била истечена. Ова подразбира дека главната одговорност лежи кај оние кои требало да го спречат функционирањето на ноќен клуб без лиценца таа кобна ноќ. Потребна е длабинска и непристрасна истрага за да се утврди како објект без лиценца можел да работи и да ги загрози животите на стотици млади луѓе. Трето, треба да се истакне дека издадените лиценци во минатото биле за кабаре, кое има специфични критериуми и ограничувања во бројот на дозволени лица. Фактот дека од 35-те приведени лица, само 1 или 2 се актуелни функционери, отвора сомнежи за селективна правда....

Добивај вести на Viber По враќањето од состанокот на членовите, градските и општинските функционери на Српската напредна партија во Офицерскиот дом во Ниш, градоначалникот на Ниш, Драгослав Павловиќ, беше нападнат од група учесници на денешниот протест, јави Бета.Кон Павловиќ гаѓале со јајца и камења, еден маж го турнал, а друг го полил со вода.Павловиќ не возвратил, а луѓето кои биле со него се обиделе да го заштитат покривајќи го со својата облека.Видеото од нападот се споделува на социјалните мрежи.Нападот се случил откако заврши протестот на студентите и граѓаните, а студентските редари се оддалечија од паркот пред Офицерскиот дом и околните улици.Протестот на студентите и граѓаните на Ниш заврши околу 20 часот, додека средбата на членовите и функционерите на Српската напредна странка во Офицерскиот дом во Ниш заврши околу 19 часот и 30 минути.Според неофицијални информации, на состанокот не присуствувале претседателот на Српската напредна странка, Милош Вучевиќ, претседателката на комитетите на белградската СНС, Ана Брнабиќ и претседателот на Извршниот одбор на СНС, Дарко Глишиќ.Како што пренесе Бета, според неофицијални информации, градоначалникот на Ниш, Драгослав Павловиќ, ги известил присутните во Офицерскиот дом за отсуството на лидерот на СНС, а како причина навел „голем безбедносен ризик“.Протестот се одвиваше со максимални безбедносни мерки, со бројни припадници на Жандармеријата и полицијата во паркот пред Офицерскиот дом и во соседните улици.Офицерскиот дом во Ниш бил опкружен со метална ограда и не можело да се приближува поблиску од 150 метри.И покрај големата оддалеченост, граѓаните со јајца фрлале по членовите на Српската напредна странка кои доаѓале на средба со раководството на СНС на улицата 7 Јули, а тоа се обиделе да го сторат и од другиот брег на реката Нишава.МИА...

Добивај вести на Viber Зголемувањето на минималната плата во Хрватска на 970 евра ја зголеми просечната плата за јануари за 31 евро, а таа сега е само осум евра под 1.400 евра. Односно, просечната плата во правните лица исплатена во февруари изнесува 1.392 евра, а нејзината бруто сума е 1.925 евра.Просечните плати најмногу се зголемени во индустриите со пониски примања, како што се текстилната, за обувки, дрвната индустрија и безбедносните служби, каде што зголемувањето е околу 60 евра или повеќе. Но, просечните плати во текстилната, кожарската и безбедносната индустрија и натаму се под илјада евра.Од почетокот на годинава ослободениот износ на плата е зголемен на 600 евра, што требаше да се почувствува во приходите што вработените ги добија во јануари. Но, тогаш е забележан пад на бруто и нето платите, иако тие требало да бидат за најмалку осум евра повисоки. Тоа донекаде го компензира исплатата за јануари, во февруари.Медијаната е 1.200 евра Жителите на Загреб требаше да почувствуваат растоварување од 0,6 отсто на данокот на доход во приходите платени овој месец. Десетте проценти од најниско платените работници заработиле до 798 евра нето, а следната десетина имала приходи од 799 до 876 евра. Дури 450.000 вработени во правните лица, 30 отсто од сите вработени, заработиле помалку од илјада евра нето. А ако на таа бројка се додадат 206 илјади вработени во занаетчиските и хонорарните професии, каде платите генерално се помали, излегува дека 650 илјади работници имаат плати под илјада евра нето.Просечната нето-плата за јануари, исплатена во февруари, изнесува 1.200 евра нето и покажува дека секој втор вработен во правните лица заработува до тој износ, а другата половина повеќе. Само една третина од вработените во правните субјекти заработуваат повеќе од просекот, а како што е познато, во последните две години платите растат многу побрзо во јавниот сектор отколку во приватниот сектор.Гледајќи ги просеците по индустрии, годината не започна добро за телекомуникациите, каде платите за јануари беа дури малку пониски од декември, а слична е состојбата и во финансискиот сектор, додека повеќето други индустрии и гранки сепак се во плус. Хрватската влада и централната банка проценуваат дека просечните плати годинава ќе бидат за околу осум отсто повисоки од лани, а оваа бројка е покажана и за месец јануари, каде платите реално се повисоки за осум отсто во однос на истиот месец лани. Номиналниот пораст беше посилен, 12,3 отсто, а разликата ја одзеде инфлацијата, која беше особено силна во јануари. Во однос на претходниот месец, просечните плати се зголемени за 31 евро или 2,3 отсто. Ваквото зголемување главно се должи на зголемувањето на минималната плата.Помалку жители, повеќе администрација Платите од деветтиот, најдобро платен децил, се нешто пониски од оние на крајот на годината и почнуваат од 2.127 евра нето. Според податоците за ноември, првиот процент од најплатените во Хрватска во тој месец заработил над 4.079 евра нето, што е пет и пол пати повеќе од платите во прваоит децил од медијаната.Хрватското здружение на работодавачи проценува дека, заедно со се попопуларните ослободени од данок, вкупниот приход на вработените ќе се зголеми за околу десет проценти. Синдикатите во јавниот сектор вршат дополнителен притисок врз Владата пред локалните избори да ги зголеми нивните плати, додека приватниот сектор се повеќе користи поевтина увозна работна сила или ги зголемува приходите со проширување на опсегот на ослободени од данок, кои достигнуваат неколку илјади евра по работник годишно.Главниот економист на ХУП, Хрвоје Стојиќ, е убеден дека зголемувањето на платите во јавниот сектор ја зголеми инфлацијата, а работодавците ја повикуваат владата да спроведе реформа на државната администрација. Евидентиран е тренд на силно зголемување на вработеноста во јавниот сектор, што е за разлика од општиот пад на населението, особено на бројот на ученици и студенти.Пословни.хр...

Добивај вести на Viber Преку Радио Кочани со порака се јави Отец Гоце Ефтимов, Старешина при храмот Св. Георгиј Победоносец – Кочани со братство и настојателството при самиот храм.Тој го испрати следново соопштение до, како што вели „нашите најблиски браќа и сестри“.Настојателството при храмот „Св. вмч. Георгиј“ во Кочани, по повод незадоволството од страна на одредени граѓани во врска со палењето свеќи во паркот и потпишувањето во книгата на жалостПочитувани браќа и сестри во Христа,Според нашата христијанска вера, додека на починатиот или починатата личност не е извршено опело, свеќа не се пали. Затоа беше одлучено свеќите да се палат во Градскиот парк до денот на нивното опело или погребение. Бидејќи во четвртокот се изврши опелото на нашите најмили и достојно ги испративме, затоа ја донесовме оваа христијанска одлука понатаму свеќите да се палат во самиот храм, на место каде што прилега. Исто така да напоменеме дека сите ние знаеме дека после погребение свеќите се палат и на самите места каде телата им се погребани (гробиштата).Во врска со книгата на жалоста, таа е во нашиот Храм од наше снисходење за да се има некоја утеха. Бидејќи, да напомениме, молитвата е пред сѐ во нашата вера, а не потписот што е во книгата. Некому ова можеби ќе му пречи, но затоа ја оставивме книгата во Храмот да се потпишат, а во меѓувреме и да се помолат за душите на починатите.Што се однесува до лицата од другите вероисповеди, ние како заедница се заблагодаруваме што изразија почит кон нашите починати браќа. Исто така ги повикуваме – вратите се отворени и за нив доколку некој сака да се потпише во книгата, како што веруваме дека и тие тоа би го дозволиле од нивна страна.За крај, молиме во овие тешки денови кога највеќе треба да се посветиме на молитва за покојните и побрзо оздравување на болните, да не се „препукуваме“ политички и барем еднаш да постапиме христијански во Духот на нашиот Спасител Господ Исус Христос, кој знаејќи дека ќе го распнат, сепак го даде своето тело за нас за да нѐ поучи и научи како да постапуваме христијански“, пишува Отецот во своето соопштение пренесено преку Радио Кочани.Фото: Фејсбук Свети Георгиј Победоносец Кочани...