На крајот на учебната 2022/23 година во Македонија имало 14 основни училишта помалку во споредба со претходната година, според податоците на Државниот завод за статистика, објавени денеска. На крајот на учебната 2022/23 година имало 962 основни училишта, а претходната година биле 976. Од нив, на македонски јазик биле 701, 11 помалку од претходната година, а 287 биле на албански јазик, што е три помалку од претходната година. Има основни училишта и на турски, српски и босански јазик. Што се однесува до бројот на ученици во основните училишта, на крајот на 2022 учебната 2022/2023 година, тој изнесува 182.245, што претставува намалување за 1,4% во однос на претходната учебна година. Средни училишта нема затворено, но и таму се намалува бројот на ученици, и тоа за 3,9%....

По општата забуна дали деновите на гласањето 24 април (среда) и 8 мај (среда) ќе бидат неработни денови само за вработените во јавната администрација, Владата денеска донесе одлука тоа да важи за сите граѓани на Македонија. Претходно одлуката за неработни денови важеше само за јавната администрација, а за приватниот сектор беше дадена само препорака. Од Влавата соопштија дека донеле ваква одлука е донесена за непречено спроведување на изборите за претседател на државата и за изборите за пратеници. Овие два неработни дена нема да се одработуваат, тоа газдите на приватните фирми нема да може да го бараат од вработените....

Британска двојка случајно била разведена поради компјутерска грешка во адвокатска фирма. Вработен во фирмата „Вардаг“ по грешка го отворил досието на брачен пар кој во судските документи е заведен како г-дин и г-ѓа Вилијамс кога сакал да поднесе документ за финализирање на разводот за друг клиент. „Вардаг“ се обидела да го отповика документот после три дена, но судијата Ендрју Мекфарлејн го одбил барањето, велејќи дека системот го одобрил по само 21 минута. Шефицата на фирмата Ајеша Вардаг изјави дека одлуката на судијата ефективно значи „компјутерот вели не, вие сте разведени“. Судските документи велат дека г-ѓа Вилијамс поднела барање за развод во јануари 2023 по 21 години брак. Разводот не станал формален зашто двојката се обидувала да постигне финансиска спогодба. Застапниците на г-ѓа Вилијамс ја направиле грешката на 3 октомври. Вардаг не ја открила грешката до 5 октомври, мислејќи дека нарачката е направена за друг клиент, а потоа веднаш поднела барање за нејзино укинување. Сопругот дознал за ситуацијата дури на 11 октомври, се вели во судските документи. Адвокатите на г-ѓа Вилијамс сметаат дека со оглед на тоа што наредбата била направена по грешка, таа едноставно треба да се занемари, опишувајќи ја грешката како некој во фирмата да кликнал на погрешно копче. Судијата ја отфрлил оваа сугестија....

Грчкиот дипломат Михалис Рокас ќе биде новиот амбасадор на Европската Унија во Македонија, при што на оваа функција ќе го замени Дејвид Гир. Рокас, кој неколку децении работи во европската дипломатија, е актуелен амбасадор на ЕУ во Малезија. Рокас е дел од амбасадорските промени на Западен Балкан, што ги предложи водечкиот европски дипломат Жозеп Борел. Бившиот словенечки претседател Борут Пахор ќе го замени Словакот Мирослав Лајчак во улогата на специјален претставник за дијалог помеѓу Косово и Србија, додека нов шеф на канцеларијата на ЕУ во Приштина ќе биде Аиво Орав, кој порано беше амбасадор на ЕУ во Македонија....

„Алкалоид“ АД Скопје денеска донираше течен „Омепразол“ за лекување над 200 деца кои се пациенти во Детска клиника и болницатаза респираторни заболувања „Козле“. Вкупната вредност на донацијата е 12,5 милиони денари и овој лек ќе биде доволен за лекување на децата кои имаат проблеми со голтање цела година. „Со оваа донација наменета за децата, како една ранлива возрасна категорија кога станува збор за одредени дигестивни нарушувања, како компанија даваме свој придонес кон олеснување на процесот на нивно лекување и на подобрување на квалитетот на животот на пациентите. Поаѓајќи од нашиот врвен приоритет -Луѓето и здравјето пред сѐ, на кој се темели компаниската мисија за поздрав живот на секој поединец, ‘Алкалоид’ со децении помага онаму каде е најпотребно. Грижата за заедницата во која делуваме, особено онаа насочена кон најмладите, останува наш приоритетен сегмент во компаниското портфолио за општествена одговорност“, истакна Генералниот директор и Претседател на УО на „Алкалоид“, Живко Мукаетов. Препаратот „Омепразол“ во течна форма – готов за употреба, е наменет пред сѐ за третман на рефлуксен езофагитис и на гастроезофагеална рефлуксна болест (ГЕРБ) кај мали деца кои не можат да голтаат таблети, како и кај возрасни пациенти кои имаат тешкотии со голтањето (пациенти со дисфагија) и неможност за голтање (пациенти со поставени сонди за гастрично хранење и/или геријатриски пациенти). Иновативноста на овој нов производ се базира на два посебни раствори содржани во двокоморското пакување, кое при отворањето автоматски ги меша двата раствора и така се добива готовиот течен „Омперазол“ за употреба. Производот има пријатен вкус на лимон и ментол и не содржи шеќер, сорбитол и бои....

По неколкудневната борба со огнената стихија, во која учествуваа вработените во паркот, тетовските пожарникари и два полициски хеликоптера, под контрола е ставен големиот пожар во Националниот парк Шар Планина. „Пожарот денеска од над селото Селце се прошири и над селото Ѓермо, но до 12 часот беше ставен под контрола. Денеска во гаснењето учествуваа петмина ренџери од Националниот парк и четири лица од ДЗС“, соопштуваат од НП Шар Планина. Овој голем шумски пожар, кој изби на 11 април, предизвика големи штети, бидејќи покрај планински ливади зафати и квалитетна букова шума. „Периметарот на пожарот изнесуваше речиси седум километри, а изгорени се 2.019 хектари букова шума, ливади, пасишта и земјоделско земјиште, како во државна, така и во приватна сопственост“, се вели во известувањето од НП Шар Планина. Покрај овој пожар, на подрачјето на Националниот парк вчера биле изгаснати и два помали пожара: над селото Горјане, каде што изгореле четири хектари земјиште и над селото Ломница, каде се изгорени два хектара ниска вегетација, трева и шума со даб, леска и габер. З. АНДОНОВ...

Преполни се државните домови за стари лица. Низ цела земја има пет државни домови за сместување на стари лица и нивниот капацитет е околу 600 легла. Но, во таму се сместени повеќе лица од капациетот, а на листата на чекање во моментов се околу 250 граѓани. Четири домови се под надлежност на Општините. Тоа се јавните установи: Дом за стари лица ,,Зафир Сајто“ Куманово со капацитет од 197 легла, Дом за стари лица ,,Сју Рајдер“ Битола со капацитет од 150 легла, Дом за стари лица ,,Киро Крстевски-Платник“ Прилеп со капацитет од 151 легло и Општинската јавна установа за социјална заштита на стари лица „ Д-р Иван Влашки“ Берово со 29 легла. Под надлежност на Министертсвото за труд и социјална заштита е само домот ,,Мајка Тереза“ во скопско Злокуќани со 111 легла. „Во овие домови сместени се вкупно 837 стари лица, додека на листа на чекање се околу 250 граѓани“, велат од Министерството за труд и социјална политика. Од таму велат дека ценовникот за сместување во овие домови не е сменет со години. Па така, сместување во ,,Сју Рајдер“ Битола е 10.000 денари месечно,, во кумановскиот дом 12.000 денари, а во прилепскиот 15.000 денари. Во домот во Злокуќани месечната цена е 18.000 денари, додека во „ Д-р Иван Влашки“ Берово цената е 22.000 денари. За разлика од државните домови меѓу кои кои со години не се изградил нов, постојано се отвораат приватни домови за стари лица. Во моментов, според податоците на Министерството за труд и социјална политика има 42 приватни домови и во нив се сместени околу 1.200 граѓани. Цените во приватните домови се речиси тројно повисоки од оние во државните и се движат од 40.000 денари па нагоре. Цената во приватните домови зависи од здравствената состојба на лицето, потребите во однос на лекови и терапии, како и тоа дали сместувањето е во еднокреветна, двокреветна или трокреветна соба. Од Министерството за труд и социјална политика велат дека работат на зголемување на капацитетите на домовите за стари лица низ цела држава. „Со Програмата за изградба, опремување и одржување на објекти за социјална заштита и домови за стари лица за 2024 година предвидено е реконструкција, адаптација и пренамена на ученичкиот дом „Боро Менков” Крива Паланка во јавна општинска установа за вон-семејна заштита на стари лица во општина Крива Паланка, како и изградба на јавна општинска установа за вон-семејна заштита на стари лица во општина Кавадарци. Исто така во тек се ативности за изведување на градежни работи за реконструкција и адаптација на деловен објект број 4 во Дом за стари лица д-р Иван Влашки–Берово, а се со цел зголемување на сместувачкиот капацитет на установата“, велат од Министерството. Во државава заклучно со месец февруари има 338.188 пензионери, од нив со минимална пензија од 12.528 денари се 24.636 лица. Нема податок колку од овие повозрасни граѓани живеат сами. А. АНТЕВСКА...

На крајот на учебната 2022/23 година во Македонија имало 14 основни училишта помалку во споредба со претходната година, според податоците на Државниот завод за статистика, објавени денеска. На крајот на учебната 2022/23 година имало 962 основни училишта, а претходната година биле 976. Од нив, на македонски јазик биле 701, 11 помалку од претходната година, а 287 биле на албански јазик, што е три помалку од претходната година. Има основни училишта и на турски, српски и босански јазик. Што се однесува до бројот на ученици во основните училишта, на крајот на 2022 учебната 2022/2023 година, тој изнесува 182.245, што претставува намалување за 1,4% во однос на претходната учебна година. Средни училишта нема затворено, но и таму се намалува бројот на ученици, и тоа за 3,9%....

Саемот за книга во салата „Борис Трајковски“ во Скопје годинава ќе се одржува од од 18 до 24 април, под слоганот „Приказна се чита“, најавија од Скопски саем и Македонската асоцијација на издавачи. „Годинава на Саемот ќе имаме и гости од 5 земји, професионалци од областа на издаваштвото. Ќе бидат изложени дела на повеќе од 60 издавачи од Македонија и од странство, а најавени се триесетина промоции на нови изданија“, рече на денешната прес- конференција Бојан Саздов, претседателот на Асоцијацијата. Саемот се отвара на 18 април (четврток) од 12 часот, а в петок ќе биде отворен од 10 часот. Годинава, сите активности ќе се одвиваат во промотивниот центар кој е во средина на салата. В сабота и во недела, ќе има неколку промоции на детски книги, а забавата за најмладите со маскоти на популарни ликови ќе биде во центарот на вниманието. „Влезот чини 100 денари, за учениците 50 денари, а ќе има и билет за три влеза кој ќе чини 250 денари. Од нив, 15 денари се донираат за детското СОС село. ЈСП воведе автобуски линии, автобусите со број 100 и 200 кои ќе возат од Ѓорче Петров и од Лисиче до салата“, рекоа организаторите, извршната директорка на Скопски саем, Даниела Глигоровска и проект-менаџерката на Саемот Сања Кондарко. „Слоганот кој годинава гласи ‘Приказната се чита’, е посветен на младата публика која е повеќе фокусирана на социјалните мрежи, а ние сакаме да ја насочиме да чита. Во рамките на Саемот ќе се одржат и повеќе панел дискусии“, рече Саздов. М. ЏАРОВСКА...

Рефлектори, камери, монитори, микрофони, компјутери, слушалки и екипа со токи-воки се поставени во дворот и ходниците на Средното училиште „Браќа Миладиновци“ во скопската населба Драчево, каде што веќе три дена се снимаат сцени од новиот филм на режисерката Дина Дума, „Скејтањето не е за девојчиња“, нејзин втор. Иако снимањето трае за време на училишните часови и паузи, целиот процес е организиран под конец и никој никому не пречи во работата. Симонида Селимовиќ и Ефќар Абаз на денешниот сет. (Фото: Ѓ. Личовски) Филмот е во продукција на „Сестри и брат Митевски“, а продуцентката Лабина Митевска вели дека е копродукција помеѓу Македонија, Белгија, Словенија и Хрватска, од каде што доаѓаат креативната и техничката екипа. Дејството се случува во ромска заедница во скопската населба Шуто Оризари. Во тек е третата недела од снимањето, а имаат уште четири недели. Денеска медиумите присуствуваа на снимање на сцена со главниот лик Адела (Ефќар Абаз) и нејзината мајка (Симонида Селимовиќ), кои се во канцеларијата на директорката на училиштето во кое учи Адела (Лилјана Богоевиќ од Хрватска). Ова е втор долгометражен филм на Дина Дума. (Фото: Ѓ. Личовски) „Ова е филм за три генерации жени кои постојано се справуваат со тешкотиите помеѓу традиционалното и модерното општество. Филмот ми е посебно драг и посебно ми е мило што е сместен во Шуто Оризари и дел од снимањето се одвива таму. Нашите главни хероини се од Шуто Оризари, македонската јавност не ги знае, натуршчици се и многу ми е драго дека наскоро ќе ги дознае и ќе го открие нивниот талент“, изјави Дума. Покрај нив играат и поискусните актери Симонида Селимовиќ, која доаѓа од Виена, Северџан Бајрам и Санела Емин. Сценариото е на Дума, а косценаристки се Лидија Мојсовска и Теона Стругар Митевска. Директор на фотографија е Фредерик Ноиром, сценограф Вук Митевски, костимограф Матеја Фајт, шминката е на Мојца Горогранц-Петрушевска, а кастинг директор е Киријана А. Николоска. Продуцентка на филмот е Лабина Митевска, а копродуценти Себастијан Делој, Данијел Хочевар и Вања Сремац. „И понатаму покажуваме дека имаме толку многу интересни приказни да раскажеме за кои светот е заинтересиран“, вели Лабина Митевска. (Фото: Ѓ. Личовски) Проектот е финансиски поддржан од Агенцијата за филм на Македонија, националните и регионални фондови на Белгија, Словенија и Хрватска и од Еуроимаж. Буџетот на филмот е 1.560.000 евра, а од Агенцијата за филм доби 391.000 евра. Продуцентката Лабина Митевска вели дека на филмот работи многу голема интернационална екипа, се снима целосно во Македонија со екипи од партнерите. Монтажата ќе се работи во Белгија, а дел од постпродукцијата, освен во Белгија, ќе се работи и во Хрватска и Словенија. Од денешното снимање на сцена во „Браќа Миладиновци“. (Фото: Ѓ. Личовски) „Добивме поддршка минатата година. Филмот беше развиван во Кан, тоа е навистина голем исклучок. Кан двапати годишно бира по шест режисери. Дина беше три месеци во Кан, каде го пишуваше првиот драфт од сценариото и потоа бевме на Синелинк каде овој филм навистина беше хит и добивме две награди во развој. Потоа аплициравме во Агенцијата за филм и за шест месеци го склопивме буџетот. Каде и да аплицириваме многу ентузијастички реагираа на Дина како млад, интересен автор и мислам дека како Македонија и понатаму покажуваме дека имаме толку многу интересни приказни да раскажеме, за кои светот е заинтересиран“, рече Митевска. Ефќар Абаз ја игра Адела. (Фото: Ѓ. Личовски) Дебито на Дума, „Сестри“, имаше светска премиера во 2021 на Филмскиот фестивал во Карлови Вари, каде освои Специјална награда на жирито во програмата „Источно од Западот“, а беше и македонски кандидат за Оскар, но не влезе во прелиминарниот избор на Американската филмска академија. „Сестри“ е првиот македонски филм кој беше достапен на најголемата светска стриминг платформа „Нетфликс“. ДИНА ДУМА ПОЧНУВА СО СНИМАЊЕТО НА ВТОРИОТ ФИЛМ, „СКЕЈТАЊЕТО НЕ Е ЗА ДЕВОЈЧИЊА“ Б. НЕСТОРОСКА...

Со сите почести, граѓани на Штип му оддадоа почит на Андон Стојанов Тошев познат како Дончо Штипјанчето, кој починал на 15 април 1931 и важел за најверниот курир на Гоце Делчев. Во црквата „Пресвета Богородица“ во штипско Ново Село, каде што со Делчев ја развивале револуционерната дејност, се одржа панихида за Стојанов Тошев кој со три товари ориз заминал за Битола со оружје и кога бил откриен, не открил чиј бил товарот на неговите коњи. Бил осуден на 101 година тешка зандана, но по Грчко-турската војна казната му била намалена на 15 години, а подоцна бил амнестиран заедно со сите други политички затвореници. ДОНЧО ШТИПЈАНЧЕТО, КУРИРОТ НА ГОЦЕ ДЕЛЧЕВ, ИЗДРЖАЛ МАЧЕЊА И ЗАТВОР, НО НИКОГО НЕ ПРЕДАЛ И ОСТАНА СИМБОЛ НА НАРОДНИОТ НЕПОКОР Андон Стојанов Тошев е опеан во повеќе македонски народни песни и како симбол на народниот непокор тој доби место меѓу 11 восочни фигури во Музејот на револуционерната борба на македонскиот народ во Штип и е една од најпосетените. Т. ЈОВАНОВСКИ...

Историската зграда на берзата во центарот на Копенхаген, која е една од најпознатите во градот, ја зафати голем пожар. Изградена во 1625 година, Берсен е една од најстарите згради во Копенхаген, а во пожарот се урна нејзината позната кула. Сите кои биле во зградата успеале да излезат, но претходно се спасувале некои од уметничките дела кои беа внатре. Министерот за култура Јакоб Енгел-Шмит изјави дека изгореле 400 години културно наследство. Зградата на старата берза се наоѓа во непосредна близина на данскиот парламент и кралската палата и беше во фаза на реновирање. Засега не е позната причината за пожарот. Се верува дека голем дел од зградата е тешко оштетен во пожарот, кој бил најсилен околу кулата. Портпаролот на пожарникарите Јакоб Вестед Андерсен изјави дека пожарот започнал на бакарниот покрив, се проширил на поголемиот дел од зградата и покривот, чии делови се урнале и ја уништил внатрешноста на објектот....

Францускиот претседател Емануел Макрон изјави дека церемонијата на отворањето на Олимписките игри во Париз би можела да биде преселена од реката Сена ако безбедносниот ризик биде премногу голем. Тој кажа дека церемонијата би можела да се одржи на Трокадеро близу Ајфеловата кула, па дури и во традиционален облик на стадионот „Стад де Франс“, место по Сена. Отворањето на ОИ во Париз би требало да биде прво кое нема да се одржи на стадион. Планирано е повеќе од 10.000 спортисти да пловат на 160 бродови на шесткилометарски потег на Сена. Организаторите првично планираа да сместат 600.000 луѓе да го гледаат отворањето од речниот брег, но тоа сега е намалено на 300.000. Веќе е објавено дека туристите нема да добијат бесплатен пристап за да го гледаат отворањето, туку билетите ќе се добиваат по пат на покана, а не преку отворено ресистрирање. Иако Франција сака да направи досега невидено отворање на ОИ, Макрон призна дека имаат и резервен план. „Имаме и план Б и план Ц. Ги спремаме паралелно и ќе го анализираме ова во реално време“, кажа Макрон. Откако Исламска држава ја презеде одговорноста за терористичкиот напад во концертна сала близу Москва, таа потоа се закани со напади на стадионите во Париз, Мадрид и Лондон на кои што се играат четвртфиналните мечеви од Лигата на шампионите. Француските власти ја спомнаа и можноста да се случи напад со дрон....

Обвинителството за организиран криминал бара притвор за шестмина затворски полицајци од две смени, кои пуштиле да избега наводно болен осуденик за убиство, а потоа седеле покрај празен кревет место да пријават бегство додека убиецот со кола ги напуштал Клиничкиот центар и Скопје. Денеска се приведени вкупно 17 припадници на затворската полиција во „Идризово“. Обвинителот всушност работи на два случаја, на бегство и на недозволено излегување и враќање во затвор на истото лица претходно, кога ќе му се присакало. Предметниот јавен обвинител денеска донел Наредба за спроведување на истражна постапка против шест лица, од кои за петмина постои основано сомнение дека во текот на октомври минатата година сториле кривично дело Овозможување бегство на лице лишено од слобода по чл.372 ст.2 од КЗ, додека едно лице се сомничи за помагање во сторување на кривичното дело. „На 26.10.2023 година во приватна здравствена установа во Скопје, петмината осомничени – затворски полицајци при КПУ – КПД Идризово Скопје, како група, со умисла помогнати од шестиот осомничен затворски полицаец – приправник, овозможиле бегство на лице осудено за кривично дело ‘Убиство’ по чл.123 ст.1 од КЗ. Додека осуденото лице било на медицински третман, согласно прописите било обезбедувано од затворската полиција на КПУ-КПД Идризово. Критичниот ден со придружба на двајца осомничени затворски полицајци, лицето се упатило во просторијата за пушење во непосредна близина на болницата. Таму, заедно со придружбата поминало околу половина час, по што осомничените затворски службеници заминале, овозможувајќи му на осуденикот да излезе од просторијата и со ПМВ да се даде во бегство. Осомничените не го пријавиле бегството кај непосредните старешини во КПУ- КПД Идризово, ниту тоа го сториле осомничените од втората смена, туку седеле без осуденото лице во празниот апартман во болницата каде биле затекнати од полициски службеници од ЕИП при МВР-СВР Скопје“, соопшти Обвинителството. Воедно, јавниот обвинител против 11 лица води предистражна постапка заради постоење на основи на сомнение дека, во временскиот период од 19 – 26.10.2023 година, сториле продолжено кривично дело Противзаконито ослободување на лице лишено од слобода по чл.373 в.в. со чл.22 од КЗ. Осомничените во текот на престојот на осуденикот како соизвршители, додека биле на смена, го ослободувале осуденото лице кое им било доверено на чување, кое непречено без придружба ја напуштало здравствената установа и по повеќечасовно отсуство се враќало назад. Ценејќи дека постојат околности што го оправдуваат стравот oд опасност од бегство, дека ќе ги сокријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата, обвинителот на судијата на претходна постапка во Основниот кривичен суд – Скопје му предложил определување на мерката притвор за шестмината осомничени. За единаесетте лица за кои се води предистражна постапка, предложил мерки на претпазливост: забрана за напуштање на живеалиштето, односно престојувалиштето; обврска на обвинетиот да се јавува повремено на определено службено лице или кај надлежен државен орган; привремено одземање на патна или друга исправа за преминување на државната граница, односно забрана за нејзино издавање; забрана за приближување или воспоставување, односно одржување контакти или врски со определени лица и забрана за преземање на определени работни активности кои се поврзани со кривичното дело. Од една до десет години затвор кај нас се предвидени за кривичното дело „Овозможување бегство на лице лишено од слобода“ по чл.372 и од три месеци до пет години за кривичното дело „Противзаконито oслободување на лице лишено од слобода“ по чл.373 од КЗ. С. К. ДЕЛЕВСКА...

Преполни се државните домови за стари лица. Низ цела земја има пет државни домови за сместување на стари лица и нивниот капацитет е околу 600 легла. Но, во таму се сместени повеќе лица од капациетот, а на листата на чекање во моментов се околу 250 граѓани. Четири домови се под надлежност на Општините. Тоа се јавните установи: Дом за стари лица ,,Зафир Сајто“ Куманово со капацитет од 197 легла, Дом за стари лица ,,Сју Рајдер“ Битола со капацитет од 150 легла, Дом за стари лица ,,Киро Крстевски-Платник“ Прилеп со капацитет од 151 легло и Општинската јавна установа за социјална заштита на стари лица „ Д-р Иван Влашки“ Берово со 29 легла. Под надлежност на Министертсвото за труд и социјална заштита е само домот ,,Мајка Тереза“ во скопско Злокуќани со 111 легла. „Во овие домови сместени се вкупно 837 стари лица, додека на листа на чекање се околу 250 граѓани“, велат од Министерството за труд и социјална политика. Од таму велат дека ценовникот за сместување во овие домови не е сменет со години. Па така, сместување во ,,Сју Рајдер“ Битола е 10.000 денари месечно,, во кумановскиот дом 12.000 денари, а во прилепскиот 15.000 денари. Во домот во Злокуќани месечната цена е 18.000 денари, додека во „ Д-р Иван Влашки“ Берово цената е 22.000 денари. За разлика од државните домови меѓу кои кои со години не се изградил нов, постојано се отвораат приватни домови за стари лица. Во моментов, според податоците на Министерството за труд и социјална политика има 42 приватни домови и во нив се сместени околу 1.200 граѓани. Цените во приватните домови се речиси тројно повисоки од оние во државните и се движат од 40.000 денари па нагоре. Цената во приватните домови зависи од здравствената состојба на лицето, потребите во однос на лекови и терапии, како и тоа дали сместувањето е во еднокреветна, двокреветна или трокреветна соба. Од Министерството за труд и социјална политика велат дека работат на зголемување на капацитетите на домовите за стари лица низ цела држава. „Со Програмата за изградба, опремување и одржување на објекти за социјална заштита и домови за стари лица за 2024 година предвидено е реконструкција, адаптација и пренамена на ученичкиот дом „Боро Менков” Крива Паланка во јавна општинска установа за вон-семејна заштита на стари лица во општина Крива Паланка, како и изградба на јавна општинска установа за вон-семејна заштита на стари лица во општина Кавадарци. Исто така во тек се ативности за изведување на градежни работи за реконструкција и адаптација на деловен објект број 4 во Дом за стари лица д-р Иван Влашки–Берово, а се со цел зголемување на сместувачкиот капацитет на установата“, велат од Министерството. Во државава заклучно со месец февруари има 338.188 пензионери, од нив со минимална пензија од 12.528 денари се 24.636 лица. Нема податок колку од овие повозрасни граѓани живеат сами. А. АНТЕВСКА...

Хана Гутиерес-Рид, реквизитерката која му дала пиштол на Алек Болдвин пред тој да убие кинематограферка на снимањето на филмот „Раст“, доби 18 месеци затвор. Дваесет и шестгодишната Гутиерес-Рид минатиот месец беше прогласена за виновна за ненамерно убиство, но беше ослободена од обвинението за манипулирање со докази во врска со пукањето што се случи во Ново Мексико во 2021. Притоа загина 42-годишната снимателка Халина Хачинс. Казната што таа ја доби беше најголемата можна. Судијата кој ја изрече казната изјави дека дејствата на Гутиерес-Рид претставуваат сериозен, насилен прекршок. „Вие сама претворивте безбедно оружје во смртоносно оружје“, кажа судијата. На Болдвин исто така ќе му се суди за ненамерно убиство во јули. Тој веќе се изјасни како невин. Хачинс загина откако Болдвин случајно ја застрелал со пиштол во кој имало вистински куршум. Обвинителите рекоа дека Гутиерес-Рид не успеала да се погрижи оружјето да биде наполнето само со лажни куршуми, кои само изгледаат и звучат како вистински. Тие исто така презентираа докази дека Гутиерес-Рид, која на сведочеше на судењето, донела кутија со вистински куршуми од нејзиниот дом во Калифорнија, кои полека се ширеле низ филмскиот сет во тек на 12 дена....

Со изборот на поротниците, денеска во Њујорк започна историското судење на Доналд Трамп, кој е обвинет за фалсификување деловни книги, поврзано со исплатата на 130.000 долари на порноактерката Сторми Даниелс во 2016 година. Трамп со тоа стана првиот бивш американски претседател на кого му се судело за кривично дело и ова се случува додека тој е среде претседателската кампања. Се очекува судењето да трае меѓу шест и осум недели и ќе се фокусира на надоместокот што Трамп му го дал на својот поранешен соработник Мајкл Коен, кој ќе биде клучен сведок на судењето зашто токму тој ѝ ги дал парите на Даниелс. Трамп беше тивок откако дојде во судницата и само трипати кажа „да“ за записникот. Доаѓајќи во судот, Трамп изјави дека вакво нешто никогаш не се случило. „Секој правник има кажано дека овој случај е глупост и никогаш не требало да се случи. Тука нема случај. Ова е напад врз Америка, врз политички противник и затоа сум горд и почестен што денеска сум тука“, рече Трамп. Судењето е проследено со голем медиумски интерес, но во судницата ќе бидат присутни само неколкумина известувачи. Трамп е обвинет за вкупно 34 кривични дела за фалсификување деловни книги од прв степен. Мајкл Коен тврди дека му било наредено да ѝ плати 130.000 долари на Даниелс со цел да ја замолчат за нејзината наводна афера со Трамп, што обвинителите го опишуваат како обид за незаконско влијание врз изборите во 2016....

Шефот на Израелските одбранбени сили Херци Халеви изјави дека иранскиот воздушен напад врз Израел нема да помине без одговор. „Ги разгледуваме следните чекори. Ќе одговориме на лансирањето на толку многу проектили и дронови кон израелската држава“, кажа Халеви, кој ја посети воздушната база „Неватим“ во јужен Израел, која беше погодена викендов. Воениот кабинет на Израел се состана вчера за да разговара како да му се одговори на Иран за досега невидениот напад, но формална одлука не беше соопштена. „Ченл 12“ објави дека се разговарало за повеќе опции и секоја предвидува „болен“ одмазднички напад што не би предизвикал регионална војна. Од територијата на Иран, Ирак, Сирија и Јемен беа лансирани повеќе од 300 проектили и дронови, но Израел кажа дека 99% од нив биле соборени уште пред да стигнат до земјата, во што учествуваа и САД, Велика Британија, Франција и Јордан. САД, Европска Унија и Велика Британија го повикаа Израел на воздржаност, со цел да се избегне поширок конфликт. Иранскиот министер за надворешни работи Хосеин Амирабдолахаин кажа дека Иран ќе одговори уште посилно ако Израел се одмазди....

Грузиски опозициски пратеник нападна член на владејачката партија во парламентот додека тој се обидуваше да го претстави контроверзниот нов закон за странски агенти, налик на оној во Русија, со кој сериозно би се ограничиле активностите на опозицијата и на групите за граѓански права. Законот беше осуден од западот и доведе до протести во земјата. Снимките од грузиската државна телевизија покажуваат како Алеко Елисашвили го удира Мамука Мдинараѕе од владејачката партија Грузиски сон додека тој стои зад парламентарната говорница. Инцидентот доведе до поголема мешаница помеѓу пратениците, додека Елисашвили беше бурно поздравен од луѓето кои протестираа пред парламентот. Овој месец, Грузиски сон кажа дека ќе воведе закон според кој сите организации кои примаат пари од странство ќе бидат означени како странски агенти. Овој закон првпат беше најавен пред 13 месеци, но беше одложен поради протести во земјата. Европската Унија и САД кажаа дека се противат на законот. Грузиски сон вели дека го поддржува членството на Грузија во ЕУ и НАТО, додека истовремено ги продлабочува односите со Русија. Партијата вели дека овој закон е потребен за да се спречат лажните либерални вредности наметнати од странство....

Ако сакате да видите кое ниво во вашето општество е најмногу на дното, треба да видете од каде доаѓаат најмногу кандидати за во политиката. Цитирајќи ја оваа мисла на чешкиот драматург, есеист и политичар Вацлав Хавел, прогресивниот режисер Ќендрим Ријани ја образложи филозофијата на новата премиера „На дното“ по текст на Максим Горки што тој ја поставува на сцената на Народниот театар од Битола. Премиерата е закажана за утре (16 април од 20 часот на сцената на БНТ. Во неа е прикажано општественото дно од времето на Горки до денешницата. „Е сега прашајте се сами: Во нашата држава од која професија имаме најмногу кандидати за политичари? Ако е реална изреката на Хавел, тогаш со одговорот ќе го најдиме дното“, рече Ријани. На новинарското прашање на САКАМДАКАЖАМ.МК дали со тоа што актерите во претставата се со шишиња инфузии, а и плакатот е со кеси крв токму таа професија е здравството, Ријани одговори: „ Тоа е одговорот и на изреката на Хаврел. Ако гледаме во нашата држава и од албанските кандидати и од другите етнички заедници, најмногу што се бават со политика или што сакаат да се занимаваат со политика, доктори ни се.“ Во претставата играат 16 битолски актери или како што рече директорот на Народниот театар од Битола, Иван Јерчиќ, голема екипа составена од многу штрафови на механизмот наречен „На дното“. „Ова е претстава која кореспондира со естетиката и животната филозофија на режисерот и на Народниот театар од Битола да ги третира старите теми на некаков современ начин и да ги аплицира во денешното живеење. Нема секому да се допадне зашто третира работи од овој дехуманизиран свет во кој живееме. Има кисел хумор, остар“, рече Јерчиќ. Актерката Илина Чоревска која го игра ликот на Василиса реле дека таа е симбол на едно дефункционално семејство кое никако не може да роди здраво поколение исто како што едно дефункционално општество не може да роди здрави граѓани. Маја Андоновска- Илијевски игра машки лик преку кој симболично се коментира односот на општеството кон уметноста и која е уметноста денес во дното на кое живееме. „Претставата ги коментира сите дна во кои човекот живее, опфајќајќи ги фамилијарните односи, уметноста и културата, религиските приказни кои ни се случуваат, едноставно коментирајќи го светот и од времето на Горки до времето во кое живееме сега“, рече Андоновска-Илијевски. Драматург е Билјана Крајчевска, сценограф Валентин Светозарев, костимограф Андеј Папаз Горгиевски, музика на Александар Димовски. Претставата „Артуро Ви“ која претходно Ријани ја работеше со Народниот театар од Битола освои 5 награди на 56. фестивал „Војдан Чернодрински“ во Прилеп. Ж. ЗДРАВКОВСКА...

Од следниот месец во Македонија на вакциналните пунктови ќе биде достапна деветвалентната вакцина против ХПВ, најавија денеска министерот за здравство Илир Демири и претседателката на Националниот комитет за имунизација, проф. д-р Александра Грозданова. Д-р Грозданова кажа дека во Македонија вакцината се користи од 2008, а од 2009 е воведена во Календарот за задолжителна имунизација, кој со оваа вакцина се осовременува. Досега се користеше четиривалентната, а сега е надополнета со пет серотипови, со кои, вели таа, се зголемува ефикасноста на оваа вакцина. ВАКЦИНАТА ПРОТИВ ХПВ МОЖЕ ДА СЕ ПРИМИ ДО 19 ГОДИНИ, ОД СЛЕДНАТА ГОДИНА ОЧЕКУВАМЕ ДА МОЖЕ И МОМЧИЊА ДА СЕ ВАКЦИНИРААТ, ВЕЛИ Д-Р ГРОЗДАНОВА Вакцината, според Календарот, може да ја примат и момчиња и девојчиња на возраст од 12 до 15 години, а ако се задоцни, може најдоцна да се прими до 18 години, т. е. до крајот на средното образование. Ако се прими на возраст од 12 до 15 години, се дава во две дози, а после 15 години во три дози. Според Демири, со оваа вакцина ќе се понуди поквалитетна превенција од ХПВ инфекции, за преканцерозни лезии, како за карцином на грлото на матката. „Апелирам секое дете да биде вакцинирано. Подобро да спречиме отколку да лечиме“, рече министерот. Според извештајот од Институтот за јавно здравје (ИЈЗ), вкупниот опфат со две дози вакцина против заболувања од ХПВ во земјата изнесува 52, 5 отсто. Покриеност од 100 отсто има само во шест општини: Демир Хисар, Свети Николе, Кочани, Делчево, Кратово и Валандово. За нискиот опфат на вакцинација, министерот Демири кажа дека после изборите се планираат законски измени, како на пример, да не може да се вработи здравствено лице без примени вакцини и поголема одговорност за родителите кои не ги вакцинираат децата. Набавени се 70 илјади дози на деветвалентната ХПВ вакцина за следните три години. Б. НЕСТОРОСКА...

Обвинителството за организиран криминал бара притвор за шестмина затворски полицајци од две смени, кои пуштиле да избега наводно болен осуденик за убиство, а потоа седеле покрај празен кревет место да пријават бегство додека убиецот со кола ги напуштал Клиничкиот центар и Скопје. Денеска се приведени вкупно 17 припадници на затворската полиција во „Идризово“. Обвинителот всушност работи на два случаја, на бегство и на недозволено излегување и враќање во затвор на истото лица претходно, кога ќе му се присакало. Предметниот јавен обвинител денеска донел Наредба за спроведување на истражна постапка против шест лица, од кои за петмина постои основано сомнение дека во текот на октомври минатата година сториле кривично дело Овозможување бегство на лице лишено од слобода по чл.372 ст.2 од КЗ, додека едно лице се сомничи за помагање во сторување на кривичното дело. „На 26.10.2023 година во приватна здравствена установа во Скопје, петмината осомничени – затворски полицајци при КПУ – КПД Идризово Скопје, како група, со умисла помогнати од шестиот осомничен затворски полицаец – приправник, овозможиле бегство на лице осудено за кривично дело ‘Убиство’ по чл.123 ст.1 од КЗ. Додека осуденото лице било на медицински третман, согласно прописите било обезбедувано од затворската полиција на КПУ-КПД Идризово. Критичниот ден со придружба на двајца осомничени затворски полицајци, лицето се упатило во просторијата за пушење во непосредна близина на болницата. Таму, заедно со придружбата поминало околу половина час, по што осомничените затворски службеници заминале, овозможувајќи му на осуденикот да излезе од просторијата и со ПМВ да се даде во бегство. Осомничените не го пријавиле бегството кај непосредните старешини во КПУ- КПД Идризово, ниту тоа го сториле осомничените од втората смена, туку седеле без осуденото лице во празниот апартман во болницата каде биле затекнати од полициски службеници од ЕИП при МВР-СВР Скопје“, соопшти Обвинителството. Воедно, јавниот обвинител против 11 лица води предистражна постапка заради постоење на основи на сомнение дека, во временскиот период од 19 – 26.10.2023 година, сториле продолжено кривично дело Противзаконито ослободување на лице лишено од слобода по чл.373 в.в. со чл.22 од КЗ. Осомничените во текот на престојот на осуденикот како соизвршители, додека биле на смена, го ослободувале осуденото лице кое им било доверено на чување, кое непречено без придружба ја напуштало здравствената установа и по повеќечасовно отсуство се враќало назад. Ценејќи дека постојат околности што го оправдуваат стравот oд опасност од бегство, дека ќе ги сокријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата, обвинителот на судијата на претходна постапка во Основниот кривичен суд – Скопје му предложил определување на мерката притвор за шестмината осомничени. За единаесетте лица за кои се води предистражна постапка, предложил мерки на претпазливост: забрана за напуштање на живеалиштето, односно престојувалиштето; обврска на обвинетиот да се јавува повремено на определено службено лице или кај надлежен државен орган; привремено одземање на патна или друга исправа за преминување на државната граница, односно забрана за нејзино издавање; забрана за приближување или воспоставување, односно одржување контакти или врски со определени лица и забрана за преземање на определени работни активности кои се поврзани со кривичното дело. Од една до десет години затвор кај нас се предвидени за кривичното дело „Овозможување бегство на лице лишено од слобода“ по чл.372 и од три месеци до пет години за кривичното дело „Противзаконито oслободување на лице лишено од слобода“ по чл.373 од КЗ. С. К. ДЕЛЕВСКА...

Пет дена вработените во Националниот парк Шар Планина и тетовските пожарникари се борат со огнот кој зафати голем простор меѓу селата Ѓермо и Селце на Шар Планина. Високиот и непристапен терен и малиот број луѓе ангажирани во гаснењето придонесоа огнената стихија од ден во ден неконтролирано да се шири. „Пожарот е на два километра од Селце. Со сите сили се трудиме да го ставиме под контрола, но теренот е тежок за пожарникарите да дојдат до огнот. Овој дел од планината е под надлежност на НП Шар Планина и тие се првите кои треба да излезат на терен и да го локализираат пожарот. ДСК вчера побара од нас да им помогнеме. Ние излеговме на терен и до 21 часот го гасневеме пожарот, а утрово од 7 часот повторно сме горе и продолживме со гаснењето заедно со вработените од Националниот парк. За жал, други институции не се влкучени и не знам зошто. Штетата од пожарот е многу голема бидејќи гори висококвалитетна шума“, изјави Авни Амети, командир на Противпожарната единица од Тетово. Во гаснењето вчера беше вклучен и полициски хеликоптер, кој во седум наврати дејствувал врз пожарот. Од утринава, хеликоптерот повторно учествува во гаснењето, но тоа не било доволно, па тетовските пожарникари бараат да се вклучат и ер тракторите. Зачестените пожари не само на Шар Планина, туку и во целиот Полошки Регион, според Амети, се предизвикани од човечки фактор. „Земјоделците ги палат стрништата и со еден мал ветер огнот се проширува. Причината и за овој голем пожар кај Селце е човекот, нема друга причина да се создаде толку голем пожар“, вели Амети. Од НП Шар Планина велат дека тие уште од првиот момент се вклучени во гаснењето на овој пожар, но поради големината на опожарениот простор тешко се справуваат со него. „Од изутринава, деветмина ренџери и двајца техничари заедно со пожарникарите од Тетово учествуваат во гаснењето. Пожарот многу е проширен, горат ливади и букова шума, страдаат животни. Апелирам во гаснењето да се вклучат сите институции кои се обучени за справување со пожари во природа, како и полицијата и армијата. Изгорени се над сто хектари шуми и ливади, а пожарот продолжува да гори со голем интензитет. Линијата на пожарот е два до три километри и поради ветерот, брзо се шири. Пожарот засега е далеку од селото Селце, но тука во близина има штали и други објекти. Вчера рекоа дека ќе помогнат и луѓето од Селце, но денеска нема никој од нив“, изјави Ибраимк Дехари, директор во НП Шар Планина. З. АНДОНОВ...

За да им овозможи полесен пристап до своите трансакции, Комерцијална банка воведе тактилни платежни картички прилагодени за лицата со оштетен вид. „До крајот на годината, сите слепи лица бесплатно ќе можат да си ги заменат постоечките дебитни и кредитни картички со татктилни. ‘Комерцијална банка’ е првата банка која го воведе ова кај нас, затоа што се залагаме за инклузивност и независност на лицата со оштетен вид и со посебни потреби. Овие картички имаат посебна форма со засек, заоблен и квадратен и по тоа се разликуваат од останатите. Верувам дека оваа промена позитивно ќе влијае кај нашите корисници“, рече на прес конференција Никола Џамбазовски, главен директор за продажба и развој и член на Управниот одбор на Комерцијална банка АД Скопје, во Домот на хуманитарни организации „Даре Џамбаз“ во Скопје. Жарко Селковски, претседателот на Националниот сојуз на слепи лица, од својот телефон ја демонстрираше апликацијата на банката на македонски и на албански со која во секое време слепите лица имаат увид во своите трансакции. „Со оваа апликација на сите ни е многу полесно. Благодарам за заложбата на банката за новите картички, за вакво нешто зборувавме уште пред десет години. Новите картички не само што ќе обезбедат поедоставен пристап на слепите лица, туку и значително ќе го подбрат нашиот секојдневен живот“, рече Селковски кој ги замоли одговорните од банката да воведат и говорни банкомати. М. ЏАРОВСКА...

Повеќе од 400 приватни специјализанти од скопскиот Клинички центар „Мајка Тереза“ од денеска се во генерален штрајк поради неисполнетите барања, кои ги испратија до министерот за здравство Илир Демири на 27 март. Д-р Христина Илиоска-Чешлароска кажа дека од денеска нема да се појавуваат на работа, нема да дежураат и нема амбулантски да работат сѐ додека не добијат написмено дека ќе се исполнат нивните барања. Приватните специјализанти се револтирани оти немаат пензиско и здравствено осигурување и бараат зголемување на месечниот надоместок, кој сега изнесува 26.000 денари и тој да биде на ниво на просечна плата на доктор во јавна здравствена установа, како и решавање на нивниот статус на невработени лица. „По протестот на 27 март имавме средба со министерот за здравство Илир Демири и од негова страна ни беше ветено дека нашите барања ќе бидат изнесени на следната седница на Владата. По средбата со министерот, одржани се две седници на Владата, на 3 и 9 април, на кои според јавно достапните информации, не е разговарано за нашите барања“, кажа д-р Илиоска-Чешлароска, приватен специјализант по интерна медицина, трета година. Таа додаде дека утринава добиле повик од претставник на Министерството за здравство и дека во 14 часот петмина од нив ќе одат на средба во Влада, но немаат информација кој ќе присуствува на состанокот. „Нашиот штрајк ќе продолжи сѐ додека не добиеме писмена официјална гаранција дека ако не може сега поради изборите, по 8 мај ќе ни бидат исполнети барањата“, рече д-р Илиоска-Чешлароска, додавајќи дека и како жени се дискриминирани и не можат да одат на породилно искуство или на боледување поради дете оти тогаш се стопира специјализацијата и им се укинува месечниот надоместок. Според д-р Тамара Пејоска, која е прва година специјализант по пластична хирургија, тие дежураат по 24 часа, активно учествуваат во амбуланта и асистираат на операции, а сето тоа е наградено со ниска плата и немаат осигурување. „Лично ми се случи да си ја платам инфузијата од 1.000 денари на Инфективна клиника. Или од овие 26.000 денари да издвојувам дополнително за здравствено осигурување. Нашиот статус никако не е решен, без разлика на нашето издвоено време и колку жртви имаме направено, не ги добиваме соодветните услови“, рече д-р Пејоска. На новинарско прашање како се организираат клиниките без нив од денеска, д-р Илиоска-Чешлароска рече дека се реорганизираат и дека се повикуваат на работа државни специјализанти. Б. НЕСТОРОСКА...

Град Скопје вчера ги тргна новогодишните куќарки од Плоштад Македонија. Екипи од јавните претпријатија на Град Скопје со камиони вчера попладне почнаа да ги отстрануваат куќарките, а утрово на Плоштадот немаше ниту една и плочникот повторно е празен. САКАМДАКАЖАМ.МК во саботата на 13 април објави текст дека дрвените куќарки се затворени, никој не ги користи и иако одамна поминаа новогодишните празници тие уште стојат на плочникот. Куќарките беа поставени десет дена пред Нова година и на нив се продаваа новогодишни украси и пијалоци. На дел од улиците од Скопје сè уште висат и новогодишни украси. Поголемиот дел беа тргнати во март, но дел се заборавени. Лани градот беше украсен на десет дена пред Нова година, а украсите од улиците почнаа да се вадат дури во март. Одговарајќи на критиките дека градот доцна беше украсен, градоначалничката Данела Арсовска кажа дека во 2024 година ќе се накити уште во септември. За новогодишното украсување во Град Скопје влезе Финансиската полиција за да провери кој го платил, бидејќи не беше распишана јавна набавка, ниту јавен повик. Досега од Финансиската полиција нема информација што открила истрагата. НОВОГОДИШНИТЕ КУЌАРКИ НА АРСОВСКА УШТЕ СТОЈАТ НА ПЛОШТАД А. АНТЕВСКА...

Доналд Трамп денеска ќе стапне во судница во Њујорк и ќе стане првиот бивш претседател на САД на кого му се судело за кривично дело. Тој е обвинет за фалсификување деловни извештаи со цел да се прикрие исплатата за порноѕвездата Сторми Даниелс непосредно пред изборите во 2016. Трамп се соочува со најмногу четири години затвор ако биде осуден, но поверојатно е дека ќе помине со парична казна. Тој веќе се изјасни како невин. Историското судење на Трамп ќе се одвива паралелно со неговата претседателска кампања и експертите велат дека ова е невидено во американската историја. „Ова е без преседан. Ништо не може да се спореди со ова“, изјави Алекс Кејсар, професор по историја и јавни политики на Универзитетот Харвард. Се очекува судењето да трае меѓу шест и осум недели и ќе се фокусира на надоместокот што Трамп му го дал на својот поранешен соработник Мајкл Коен. Тој тврди дека му било наредено да ѝ плати 130.000 долари на Даниелс, со цел да ја замолчат за нејзината наводна афера со Трамп, што обвинителите го опишуваат како обид за незаконско влијание врз изборите во 2016. Ваквите исплати не се нелегални, но јавното обвинителство на Менхетн смета дека Трамп направил кривично дело со неправилното евидентирање на надоместокот за Коен како правни трошоци. Трамп е обвинет за вкупно 34 кривични дела за фалсификување деловни книги од прв степен. Се очекува на судењето да сведочат и Даниелс, Коен и личниот адвокат на Трамп, кој заврши во затвор делумно поради овој скандал....

Израел ги разгледува опциите како да му возврати на Иран за досега невидениот напад во кој беа лансирани над 300 дронови и проектили, но навести дека нема веднаш да дејствува сам, додавајќи дека вооружените сили имаат одобрено и офанзивни и дефанзивни планови. Тричлениот воен кабинет вчера не донесе формална одлука како да му се одговори на Иран, при што двајца негови членови сугерираа дека тоа би можело да биде долгорочно. САД, чии воени авиони и бродови соборија десетици дронови и проектили за време на вчерашниот напад, го предупредија Израел дека нема да учествуваат во никакви одмазднички акции против Иран и го повикаа внимателно да размисли за својот одговор со цел да се избегне поширок конфликт. Американски функционери кажаа дека иранскиот напад, во кој биле испукани и над 100 балистички ракети, можеше да доведе до катастрофални уништувања доколку не беше спречен од противвоздушната одбрана на Израел и сојузниците. Израел кажа дека 99% од лансираните дронови и проектили биле соборени и тоа пред да стигнат до негова територија. Турција, Ирак и Јордан кажаа дека Иран неколку дена порано им најавил дека ќе нападне, додека Вашингтон рече дека не добил такво известување. „Техеран му испрати порака на Вашингтон дури откако нападот почна и тоа преку швајцарски посредници. Нивната намера беше да предизвикаат големи уништувања“, кажаа од Белата куќа. Иран го прогласи нападот за успешен и кажа дека неговата одбранбена операција со тоа завршила....

Иранската влада го прогласи воздушниот напад врз Израел како успешен, додавајќи дека нема да продолжи со одбранбените операции. Таа кажа дека нападот ја исполнил целта и дека биле погодени планираните воени мети, како одговор на израелското бомбардирање на иранскиот конзулат во Дамаск на 1 април. Шефот на иранската војска Мохамед Багери изјави дека во нападот биле уништени израелски разузнавачки центар близу границата со Сирија и воздушна база. Израел потврди дека базата „Неватим“ била погодена, но дека штетата е незначителна, како и дека вкупно 12 луѓе се повредени. Вкупно девет држави беа вклучени во ноќешната голема воена ескалација, откако од териториите на Иран, Ирак, Сирија и Јемен беа лансирани повеќе од 300 дронови и проектили, а во нивно соборување учествуваа Израел, САД, Велика Британија, Франција и Јордан. Израел кажа дека се соборени 99% од лансираните оружја и дека многу мал број од нив стигнале до израелската територија. Засега е нејасно како Израел ќе реагира на првиот директен напад од Иран досега. Членот на воениот кабинет Бени Ганц изјави дека Иран секако ќе плати цена за нападот. „Ќе изградиме регионална коалиција и ќе го натераме Иран да ја плати цената во вистинскиот момент и на начин што нам ни одговара“, изјави Ганц....

Израел ги разгледува опциите како да му возврати на Иран за досега невидениот напад во кој беа лансирани над 300 дронови и проектили, но навести дека нема веднаш да дејствува сам, додавајќи дека вооружените сили имаат одобрено и офанзивни и дефанзивни планови. Тричлениот воен кабинет вчера не донесе формална одлука како да му се одговори на Иран, при што двајца негови членови сугерираа дека тоа би можело да биде долгорочно. САД, чии воени авиони и бродови соборија десетици дронови и проектили за време на вчерашниот напад, го предупредија Израел дека нема да учествуваат во никакви одмазднички акции против Иран и го повикаа внимателно да размисли за својот одговор со цел да се избегне поширок конфликт. Американски функционери кажаа дека иранскиот напад, во кој биле испукани и над 100 балистички ракети, можеше да доведе до катастрофални уништувања доколку не беше спречен од противвоздушната одбрана на Израел и сојузниците. Израел кажа дека 99% од лансираните дронови и проектили биле соборени и тоа пред да стигнат до негова територија. Турција, Ирак и Јордан кажаа дека Иран неколку дена порано им најавил дека ќе нападне, додека Вашингтон рече дека не добил такво известување. „Техеран му испрати порака на Вашингтон дури откако нападот почна и тоа преку швајцарски посредници. Нивната намера беше да предизвикаат големи уништувања“, кажаа од Белата куќа. Иран го прогласи нападот за успешен и кажа дека неговата одбранбена операција со тоа завршила....

Баер Леверкузен ја обезбеди првата шампионска титула во Германија на пет кола до крајот на сезоната, откако денеска го победи Вердер со 5:0. Во исто време ја прекина 11-годишната доминација на Баерн во Бундеслигата, кој сега заостанува недостижни 16 бодови на второто место. Фудбалерите на Чаби Алонсо оваа сезона немаат пораз во ниедно натпреварување и имаат можност да освојат тројна круна. Во домашното првенство имаат 25 победи и четири ремија, ќе играат во финалето на Германскиот куп и се на прагот на пласман во полуфиналето на Лига Европа. Со оваа титула, прва во 120-годишната историја, Баер конечно ќе може да ја тргне лузерската етикета од своето име, откако претходно петпати беше германски вицепрвак и еднаш изгуби во финалето на Лигата на шампионите....

Судирот помеѓу Израел и Иран не е завршен, изјави израелскиот министер за одбрана Јоав Галант, еден од тројцата луѓе кои го сочинуваат израелскиот воен кабинет. Овој кабинет, во кој уште членуваат премиерот Бенјамин Нетанјаху и лидерот на опозицијата Бени Ганц, ќе се состане попладнево за да разговара за одговорот на ноќешниот ирански напад со дронови и проектили, кој целосно беше спречен од противвоздушната одбрана на Израел со помош од сојузниците. Министрите од владата на Нетанјаху ноќеска гласаа целата надлежност околу одговорот на Иран да се префрли на овој мал кабинет. „Државата Израел беше нападната со стотици проектили и дронови и Израелските одбранбени сили го спречија нападот на импресивен начин. Ова не е готово, мора да бидеме спремни на секое сценарио“, изјави Галант. Од територијата на Иран, Ирак и Јемен ноќеска беа лансирани околу 170 дронови, 120 балистички проектили и 30 крстосувачки ракети, од кои, како што кажа израелската војска, биле пресретнати 99%, најголем дел уште пред да стигнат до Израел. Десетици биле соборени од страна на американски воени авиони и бродови, а Израел кажа дека во одбраната учествувале и Велика Британија, Франција и Јордан. Иран се закани со одмазда откако Израел го бомбардираше иранскиот конзулат во Дамаск на 1 април, при што загинаа и генерали на Иранската револуционерна гарда. Техеран се закани дека повторно ќе нападне со уште поголема сила ако Израел се одмазди за овој напад и ги предупреди САД да не се мешаат....

Иранската влада го прогласи воздушниот напад врз Израел како успешен, додавајќи дека нема да продолжи со одбранбените операции. Таа кажа дека нападот ја исполнил целта и дека биле погодени планираните воени мети, како одговор на израелското бомбардирање на иранскиот конзулат во Дамаск на 1 април. Шефот на иранската војска Мохамед Багери изјави дека во нападот биле уништени израелски разузнавачки центар близу границата со Сирија и воздушна база. Израел потврди дека базата „Неватим“ била погодена, но дека штетата е незначителна, како и дека вкупно 12 луѓе се повредени. Вкупно девет држави беа вклучени во ноќешната голема воена ескалација, откако од териториите на Иран, Ирак, Сирија и Јемен беа лансирани повеќе од 300 дронови и проектили, а во нивно соборување учествуваа Израел, САД, Велика Британија, Франција и Јордан. Израел кажа дека се соборени 99% од лансираните оружја и дека многу мал број од нив стигнале до израелската територија. Засега е нејасно како Израел ќе реагира на првиот директен напад од Иран досега. Членот на воениот кабинет Бени Ганц изјави дека Иран секако ќе плати цена за нападот. „Ќе изградиме регионална коалиција и ќе го натераме Иран да ја плати цената во вистинскиот момент и на начин што нам ни одговара“, изјави Ганц....

Ниту годинава овоштарите од Росоман и Градско нема да имаат богат и добар род. По ланската суша поради хаваријата на системот Макарија, која се случи кон крајот на мај, овошките и годинава нема да дадат род, предупредуваат земјоделците од регионот. „Годинава немаше родни папки на кајсијата, а кај праската имаше дупли праски. Плодот ја извлече водата од овошките и немаше доволно вода за да се формираат плодовите. Тие нема да бидат ниту за конзумирање, ниту за конзервната индустрија. Ќе има род, но ќе биде многу мал. И годинава ќе ги чувствуваме последиците од хаваријата на системот Макарија“, кажа Владо Орданов, овоштар од Росоман. Министерот за земјоделство Љупчо Николовски по хаваријата на Макарија им порача на општините Градско и Росоман да ги проценат штетите што поскоро за да можат земјоделците да бидат обесштетени. Од Општина Градско уште пред два месеца соопштија дека штетата кај нив е проценета на 117 милиони денари за намалениот род на грозјето, кајсиите и праските. Градоначалникот на Росоман, Стојан Николов, и два месеца од поставеното прашање не ја соопштува проценетата штета за оваа општина, а нема одговор ниту од Министерството за земјоделство. Затоа, пак, министерот Николовски при неодамнешната посета на Велес порача дека земјоделците може да очекуваат да бидат обесштетени по изборите, бидејќи во овој период тоа не е можно. Од Министерството за земјоделство не одговорија и колку овошје и зеленчук се извезени лани во Украина, откако се затвори пазарот во Русија. Николовски тогаш најави дека украинскиот пазар треба да е замена за рускиот. П. ПЕЧКОВ...

Расфрлан, истурен и незаштитен е градежниот материјал за изградба на планинарскиот дом „Копанки“ на Пелистер, за кој Општина Битола во изминатите две години даде околу 100.000 евра. Поточно, во 2022 година Општината му префрлила 3,8 милиони денари (62.000 евра) на планинарско-спортскиот клуб „Пелистер“, кој стопанисува со изгорениот објект, лани два милиона денари (32.700 евра), а годинава, според изгласаниот буџет за 2024, предвидени се еден милион денари (16.393 евра). Изградбата на домот изгорен пред 11 години стигна до првата плоча, за понатаму недостигаат пари. Но, беше потребна и поголема грижа за дел од набавените и платени градежни материјали, кои беа оставени на отворено пред домот, без заштита. Дваесетина вреќи со цемент сега се оштетени од атмосферските влијанија. Од ПСК „Пелистер“ во неколку наврати изјавуваа дека досегашните средства не се доволни за целосна обнова на домот, а од Општината рекоа дека ќе помогнат и годинава, но клубот мора да си најде и други средства. Иницијативата Општината финансиски да помогне во обновата на „Копанки“ беше на советничката група „Поинаку“. Од префрлените 3,8 милиони денари пред две години се изработи проект, се направи ревизија, се избраа надзор и градежна фирма и обновата започна. Во меѓувреме се растури советничкото мнозинство на ВМРО-ДПМНЕ и „Поинаку“, а годинава се намалени средствата за реконструкција на домот. Ж. ЗДРАВКОВСКА...

За два дена, односно во петокот и во саботата, пет лица во Скопје се каснати од улични кучиња. Според билтенот на Министерството за внатрешни работи, во петокот се пријавени три каснувања, а вчера две лица поднеле пријава. Се избираше најдобро маскирано куче. (Фото: Ѓ. Личовски) „Во петокот во 21:30 часот, во полициската станица Центар, Н. Ј. (35) од Скопје пријавил дека на улица Орце Николов во Скопје бил каснат од куче скитник. Во 19:30 часот, во полициската станица Кисела Вода, Х. Ј. (18) од Скопје пријавила дека на улица Павел Шатев во Скопје била касната од куче скитник. Исто така, утрото во 8:30 часот пријава е поднесена и во полициската станица Карпош, од 20-годишната М. Б., која била касната на улица Никола Тесла“, стои во билтенот на МВР. Паркот беше полн со маскирани домашни миленици. (Фото: Ѓ. Личовски) Вчера, пак, во 18 часот, во полициската станица Центар, В. Т. (35) од Скопје пријавил дека на улица Владимир Полежановски бил каснат од куче скитник, а во 15 часот, во полициската станица Аеродром, 61-годишната Р. Н. поднела пријава дека била нападната и касната од куче на улица 12. Македонска бригада. Додека во Скопје секој ден има каснати граѓани, ЈП „Лајка“ денеска организираше маскенбал за кучиња во Градски парк. Се избираше најдобро маскирано куче и се доделуваа награди. „Лајка“ даваше награди на најдобро маскираните кучиња. (Фото: Ѓ. Личовски) „Лајка“ е под надлежност на Град Скопје и добива пари од буџетот на Градот. Тие треба да се справуваат со уличните кучиња, со нивно заловување и кастрирање. А. АНТЕВСКА...

Спасени се сите 174 луѓе кои останаа заглавени во кабините на жичницата кај Анталија по завчерашната несреќа во која еден 54-годишен маж го загуби животот. Жичницата беше сопрена откако една кабина удри во паднат столб, при што се отвори, а патниците испаднаа од неа. Притоа беа повредени десет луѓе. Последните 43 патници беа извлечени речиси 23 часа откако се случи несреќата. Министерот за внатрешни работи Али Јерликаја се огласи на социјалната мрежа Икс за да го објави успешното завршување на сложената спасувачка акција. Во неа беа вклучени над 600 спасувачи од сите делови на Турција и десет хеликоптери. „Ноќта беше ужасна, сите беа многу уплашени. Беше мачење да се биде во кабината толку многу часови. Цело време се нишаше и постојано бевме во страв. Не знам како ќе ја надминам оваа траума“, изјави Ајше Хатиџе Полат од Истанбул, која беше заглавена заедно со семејството. Пуштена во промет во 2017, оваа жичница ги превезува луѓето од плажата Коњалти до ресторан и видиковец на 618 метри високиот врв Тунектепе. Јавниот обвинител на Анталија отвори истрага за несреќата, а одреден е притвор за 13 лица, вклучувајќи менаџери на компанијата која управува со жичницата....

Пожарите во националните паркови Шар Планина и Маврово станаа секојдневие. Само што ќе се изгасне еден пожар, набрзо се појавува друг. Ренџерските служби од двата парка имаат полни раце работа, а поради големината на пожарите, побарана е и воздушна поддршка за нивното гаснење. Според најновите информации добиени од ЦУК, и двата големи пожара веќе се ставени под контрола. „ЦУК Тетово известува дека пожарот што започна вчера над селото Ѓермо во националниот парк Шар Планина е локализиран. Само на едно место има малку чадење и интервенираат две лица од националниот парк за целосно да биде изгаснат. Со пожарот биле зафатени букова шума, папрат и сува трева“, соопштуваат од ЦУК. Пожарот во НП Маврово беше од поголем обем, па за негово гаснење беше побарана воздушна поддршка. „Пожарот кај селото Жировница е ставен под контрола. Според првите проценки, со пожарот биле зафатени околу 17 хектари високопланинска трева, смреки и дел од букова шума. Вчера во гаснењето на пожарот интервенирале пет лица од НП Маврово, а поради непристапноста на теренот, градоначалникот на Општина Маврово-Ростуше побарал од ЦУК да се употребат воздухоплови за гаснење на пожарот. Интервенираше еден хеликоптер на МВР, што реализираше пет прелети и пожарот го стави под контрола“, велат од ЦУК. З. АНДОНОВ...

Иран лансирал околу 300 дронови и крстосувачки и балистички проектили кон Израел во досега невиден напад, објавија Израелските одбранбени сили (ИДФ), додавајќи дека 99% од нив биле соборени од израелските противвоздушни системи и од сојузниците во регионот. Досега има информации за едно повредено лице и за мали штети во една воена база во јужен Израел. Снимките покажаа експлозии и огнени топки над Ерусалим како резултат на дејствувањето на противвоздушната одбрана. ИДФ кажа дека имало лансирања и од Ирак и Јемен. Џо Бајден изјави дека американските сили му помогнале на Израел да ги собори речиси сите дронови и проектили лансирани од Иран ноќеска. Тој додаде дека наредил движење на американски воени авиони и бродови во регионот откако Иран го почнал нападот. „Зборував со израелскиот премиер Нетанјаху за да го уверам во железната посветеност на САД кон безбедноста на Израел. Му реков дека Израел демонстрирал извонредни капацитети да се брани“, изјави Бајден. Иран се закани со одмазда откако Израел го бомбардираше иранскиот конзулат во Дамаск на 1 април, при што загинаа и генерали на Иранската револуционерна гарда. Техеран се закани дека повторно ќе нападне со уште поголема сила ако Израел се одмазди за овој напад и ги предупреди САД да не се мешаат. „САД не сакаат конфликт со Иран, но ќе дејствуваме ако треба да ги заштитиме нашите сили и да ја поддржиме одбраната на Израел“, изјави американскиот министер за одбрана Лојд Остин....

Судирот помеѓу Израел и Иран не е завршен, изјави израелскиот министер за одбрана Јоав Галант, еден од тројцата луѓе кои го сочинуваат израелскиот воен кабинет. Овој кабинет, во кој уште членуваат премиерот Бенјамин Нетанјаху и лидерот на опозицијата Бени Ганц, ќе се состане попладнево за да разговара за одговорот на ноќешниот ирански напад со дронови и проектили, кој целосно беше спречен од противвоздушната одбрана на Израел со помош од сојузниците. Министрите од владата на Нетанјаху ноќеска гласаа целата надлежност околу одговорот на Иран да се префрли на овој мал кабинет. „Државата Израел беше нападната со стотици проектили и дронови и Израелските одбранбени сили го спречија нападот на импресивен начин. Ова не е готово, мора да бидеме спремни на секое сценарио“, изјави Галант. Од територијата на Иран, Ирак и Јемен ноќеска беа лансирани околу 170 дронови, 120 балистички проектили и 30 крстосувачки ракети, од кои, како што кажа израелската војска, биле пресретнати 99%, најголем дел уште пред да стигнат до Израел. Десетици биле соборени од страна на американски воени авиони и бродови, а Израел кажа дека во одбраната учествувале и Велика Британија, Франција и Јордан. Иран се закани со одмазда откако Израел го бомбардираше иранскиот конзулат во Дамаск на 1 април, при што загинаа и генерали на Иранската револуционерна гарда. Техеран се закани дека повторно ќе нападне со уште поголема сила ако Израел се одмазди за овој напад и ги предупреди САД да не се мешаат....

Иако уште пред една година во април министерот за транспорт и врски Благој Бочварски најави дека ќе се гради нов мост на Вардар кај Башино Село, работите не се поместени од тоа. Според Бочварски, причина било што досега распишаните два повика за проект за нов мост не биле успешни. „Проектната програма е направена од страна на ЈП ‘Државни патишта‘ и Градежен факултет. Беа распишани два тендера за проект за нов мост, но, за жал, беа неуспешни. Сега сме пред распишување на третата јавна набавка за избор на проектант. Согласно градежните норми и стандарди, потребно е да имаме техничка документација, па потоа да се распише тендер за избор на изведувач кој ќе го гради мостот“, кажа Бочварски. Според проценките на професорите од Градежен факултет, изградбата на новиот мост ќе биде со мало изместување на трасата на постојниот патен правец Велес-Башино Село, со цел да се избеге остриот свијок пред постоечкиот мост. Стручњаците уште во септември 2018 по извршените испитувања констатирале дека столбовите на мостот се напукнати, носечката арматура е сериозно оштетена од корозија со годините и има одводнување на мостовската конструкција. Постојниот мост на Вардар кај Башино Село е стар 53 години, изграден од ЈНА во 1971 како времен, во должина од 101 метар. Тој е армирано-бетонски, од полумонтажен тип. Преку него се одвива сообраќајот на тешки возила и камиони до индустриската зона на Велес, но и за регионот на Азот, од каде што се носат сечена дрвена маса и камен од бројните каменоломи. Доколку се случи некакво ошетување на овој мост и тој стане неупотреблив, истите овие тешки возила ќе мора да минуваат низ центарот на Велес. НА ВАРДАР КАЈ БАШИНО СЕЛО ЌЕ СЕ ГРАДИ НОВ МОСТ, НЕМА ДА СЕ РЕКОНСТУРИРА ПОСТОЈНИОТ П. ПЕЧКОВ...

Шумата и патеките за пешачење во Кучково секој викенд се блокирани со коли. Граѓани кои со коли доаѓаат на пикник во ова излетничко место возат низ шумата и ги паркираат возилата меѓу дрвјата, на патеките за прошетка. Изминативе неколку години Кучково стана популарно излетничко место и голем број граѓани го посетуваат сакајќи да ги избегнат гужвите на Водно. Но, за викенд, сликата е иста како на Водно, насекаде има паркирани коли и фрлени отпадоци. Проблемот во Скопје со непрописно паркирани коли никако да се реши. Секој викенд блокирана со возила е и планината Водно. Но, и покрај тоа, никој не казнува, ниту се најавува решение за проблемот. Ексградоначалникот Петре Шилегов кога дојде на функција во 2017 донесе одлука за забрана на движење на возила на Водно и беа воведени бесплатни автобуски линии за викенд до Средно Водно. Но, по една година, забраната се укина и се воведе наплата на паркингот на Средно Водно, но тоа не го реши проблемот. А. АНТЕВСКА...

Винарската визба „Тиквеш“ го редизајнираше изгледот на вината „Луда мара“. Слоганот на овој вински бренд е „Гледај го светот во очи“, а редизајнот е инспириран од истоимената река што поминува низ Кавадарци, која потсетува на автентичниот карактер на овие вина. Окото како основен креативен елемент на брендот „Луда Мара” претставува повик похрабро да гледа на животот, да се биде отворен за нови можности и доживувања и меѓу другото да се открие вистинската суштина на вината, соопштија од компанијата. Под овој вински бренд ќе се задржат омилените вина од оваа линија произведени од локални сорти темјаника и вранец и тие ќе бидат надополнети со две уникатни купажи – „Луда Мара бело куве“ и „Луда Мара црвено куве“. „‘Тиквеш’ останува посветен на градењето моќни вински брендови, кои ќе бидат прв избор на потрошувачите. Сигурни сме дека брендот ‘Луда Мара‘ и вината кои се дел од него, со својот вкус и изглед, ќе предизвикаат интерес кај љубителите на добро вино и ќе ги заинтригираат. Со своите уникатни карактеристики овие вина се одговор на пазарните трендови и барањата на оние потрошувачи кои се во потрага по автентични вина кои се одлика на локалното поднебје од каде потекнуваат и со кое се поврзуваат, заедно креирајќи една совршена и возбудлива винска приказна“, истакнуваат од „Тиквеш“. Освежувањето на оваа винска линија, опфаќа целосен редизајн на визуелниот изглед на вината, со употреба на поексклузивна амбалажа, како и етикета со впечатлив дизајн што ја отсликува суштината на брендот и ја истакнува автентичноста на вината што го сочинуваат, цврсто воспоставувајќи ги на постојните и на новите пазари. Четирите вина кои отсега ќе го сочинуваат брендот „Луда Мара“ од почетокот на април се веќе достапни на пазарот....

Џо Бајден му рекол на израелскиот премиер Бенјамин Нетанјаху дека САД нема да учествуваат во никакви офанзивни операции против Иран, додавајќи дека не сакаат конфликт со него. Ова следува откако САД му помогнаа на Израел да се одбрани од досега невидениот напад од Иран, во кој ноќеска биле лансирани околу 300 дронови и крстосувачки и балистички проектили. Речиси сите биле пресретнати и била причинета само мала штета во една воздушна база во јужен Израел. „Само неколку проектили паднаа на територијата на Израел“, изјави портпаролот на Израелските одбранбени сили (ИДФ), Даниел Хагари. Израелски функционер изјави за „Њујорк тајмс“ дека секој одговор на Израел ќе биде во координација со сојузниците. „Ова не е готово. Мора да останеме будни и претпазливи и да бидеме спремни на секое сценарио“, кажа израелскиот министер за одбрана Јоав Галант. Иран предупреди дека ќе има уште поголем напад ако Израел одлучи да се одмазди. „Нашиот одговор ќе биде уште поголем од ноќешната воена акција ако Израел му се одмазди на Иран. Го предупредуваме и Вашингтон дека американските бази ќе станат мета ако на каков било начин ја поддржи израелската одмазда“, изјави шефот на иранската војска Мохамад Багери. Израелската војска кажа дека тесно соработувала со САД, Велика Британија и Франција за време на ноќешниот петчасовен напад, кој уследи две недели по бомбардирањето на иранскиот конзулат во Дамаск, за кој беше обвинет Израел. Државниот секретар на САД, Ентони Блинкен, изјави дека ќе се консултираат со сојузниците во регионот и светот во следните часови и денови. „Не бараме ескалација, но ќе продолжиме да ја поддржуваме одбраната на Израел“, изјави Блинкен....

Во втората половина на овој век секое второ дете ќе има алергија, вели доц. д-р Валентина Цвејоска-Чолаковска, директорка на Клиниката за детски болести, за зголемувањето на алергиските болести. Д-р Цвејоска-Чолаковска, која е пулмолог-алерголог, вели дека трендот на алергиски болести е во пораст во светски рамки и има повеќе причини за тоа, но глобалното затоплување и аерозагадувањето се во основата на овој тренд. Во светот има 360 милиони лица со астма. „На Клиниката секојдневно се примаат деца со симптоми на алергиски болести, кои се третираат и амбулантски и болнички. Доминираат алергиски ринитис, ринокоњуктивитис, но и ларингитис и бронхоопструкции. Секојдневно на Клиниката се прават неопходните испитувањa за алергија од крв, како и кожниот алерголошки тест на храна и инхалативни алергени“, рече докторката на брифингот по повод тримесечното раководење на Клиниката. Таа вели дека полен има со векови, но пораст на алергии како во изминатите децении не е виден досега. Порано се знаеше, вели таа, дрвјата цутат во мај и јуни, а сега и во април и август, што значи дека лицата со алергиски болести низ целата година имаат проблеми. „Со загадувањето и климатските промени, едноставно опаѓа и нашиот имунолошки систем. Во овој век ќе расте бројот на лица со алергиски заболувања и автоиумни и малигни заболувања. Тоа се должи на падот на имунитетот, поради тоа што јадеме, пиеме и дишеме“, потенцира д-р Цвејоска-Чолаковска. Б. НЕСТОРОСКА...

Иран лансирал околу 300 дронови и крстосувачки и балистички проектили кон Израел во досега невиден напад, објавија Израелските одбранбени сили (ИДФ), додавајќи дека 99% од нив биле соборени од израелските противвоздушни системи и од сојузниците во регионот. Досега има информации за едно повредено лице и за мали штети во една воена база во јужен Израел. Снимките покажаа експлозии и огнени топки над Ерусалим како резултат на дејствувањето на противвоздушната одбрана. ИДФ кажа дека имало лансирања и од Ирак и Јемен. Џо Бајден изјави дека американските сили му помогнале на Израел да ги собори речиси сите дронови и проектили лансирани од Иран ноќеска. Тој додаде дека наредил движење на американски воени авиони и бродови во регионот откако Иран го почнал нападот. „Зборував со израелскиот премиер Нетанјаху за да го уверам во железната посветеност на САД кон безбедноста на Израел. Му реков дека Израел демонстрирал извонредни капацитети да се брани“, изјави Бајден. Иран се закани со одмазда откако Израел го бомбардираше иранскиот конзулат во Дамаск на 1 април, при што загинаа и генерали на Иранската револуционерна гарда. Техеран се закани дека повторно ќе нападне со уште поголема сила ако Израел се одмазди за овој напад и ги предупреди САД да не се мешаат. „САД не сакаат конфликт со Иран, но ќе дејствуваме ако треба да ги заштитиме нашите сили и да ја поддржиме одбраната на Израел“, изјави американскиот министер за одбрана Лојд Остин....

Иран лансираше дронови кон Израел, објавија Израелските одбранбени сили (ИДФ), што е очекуваниот одмазднички напад за неодамнешното бомбардирање на иранскиот конзулат во Дамаск. Се очекува дроновите да пристигнат околу два часот по локално време. Израелските сили кажаа дека се на висок степен на готовност и дека се набљудуваат сите мети. Се проценува дека Иран лансирал над 100 дронови. Иран вети дека ќе се одмазди за нападот на 1 април, кога загинаа и ирански генерали. Израел не ја презеде одговорноста за овој напад, но сите сметаат дека стои зад него. „Нашите одбранбени системи се распоредени. Спремни сме за секое сценарио, и дефанзивно и офанзивно. Израелската држава е силна. Цениме што САД стојат со Израел, заедно со Велика Британија, Франција и многу други држави“, изјави премиерот Бенјамин Нетанјаху. Безбедносните извори кажаа дека се забележани десетици дронови како летаат од Иран кон Израел, што е опишано како широк воздушен напад од Иранската револуционерна гарда....

Иран лансираше дронови кон Израел, објавија Израелските одбранбени сили (ИДФ), што е очекуваниот одмазднички напад за неодамнешното бомбардирање на иранскиот конзулат во Дамаск. Се очекува дроновите да пристигнат околу два часот по локално време. Израелските сили кажаа дека се на висок степен на готовност и дека се набљудуваат сите мети. Се проценува дека Иран лансирал над 100 дронови. Иран вети дека ќе се одмазди за нападот на 1 април, кога загинаа и ирански генерали. Израел не ја презеде одговорноста за овој напад, но сите сметаат дека стои зад него. „Нашите одбранбени системи се распоредени. Спремни сме за секое сценарио, и дефанзивно и офанзивно. Израелската држава е силна. Цениме што САД стојат со Израел, заедно со Велика Британија, Франција и многу други држави“, изјави премиерот Бенјамин Нетанјаху. Безбедносните извори кажаа дека се забележани десетици дронови како летаат од Иран кон Израел, што е опишано како широк воздушен напад од Иранската револуционерна гарда....

Јелена Аќимовиќ не е манекенка, но таа вчера прошета по пистата за време на Модната недела во Белград, носејќи фустан што „Диор“ го дизајнирал според цртежите на нејзината 14-годишна сестра Ангелина, една од жртвите на ланскиот масакр во основното училиште „Владислав Рибникар“ во Белград. Ангелина Аќимовиќ била на час по историја кога нејзиниот соученик Коста Кецмановиќ влегол во школото со огнено оружје и убил девет деца и еден чувар. „Овој фустан е бел и наликува на венчаница. Таа не живееше доволно долго за да ме види како невеста“, изјави Јелена пред ревијата. За да ѝ се оддаде почит на Ангелина, нејзините родители повикале модни креатори да направат фустани според скици што таа ги направила на десет години кога посетувала детски курс за дизајнери. На повикот одговориле многумина српски дизајнери, а два фустана биле направени од модниот гигант „Диор“. „Во секој цртеж имаше радост и убавина. Таа имала многу сериозен пристап“, изјави модниот креатор Бата Спасојевиќ. Другата сестра на Ангелина, Марија, носеше елегантен розов фустан без ракави. „Розова ѝ беше омилената боја. Имам чувство дека Ангелина вечерва е со нас тука и е среќна со ова што го правиме“, рече Марија. Покрај сестрите на Ангелина, како манекенки настапија и девет нејзини другарки и неколку професионални модели....

Полицијата на Нов Јужен Велс изјави дека денешниот напад во трговски центар во Сиднеј не е поврзан со тероризам, но засега не го идентификуваше напаѓачот, освен дека има 40 години. Шестмина луѓе се убиени во нападот со нож, додека напаѓачот бил убиен од полицајка која случајно се нашла на местото на настанот. „Според она што го знаеме за напаѓачот, не веруваме дека тој се водел од некоја идеологија. Веруваме дека делувал сам и веќе нема закана по заедницата“, изјави комесарката на полицијата на Нов Јужен Велс, Карен Веб. Четири жени и еден маж беа прогласени за мртви на самото место, додека во болница почина мајката на деветмесечно бебе, кое исто така е повредено и неговата состојба не е позната. Неколкумина сведоци кажаа дека виделе мајка како го држи своето повредено бебе и се обидува да му помогне додека таа значајно крвавела. „Напаѓачот бил во трговскиот центар, заминал, па се вратил со големо сечило и почнал да ги боде луѓето. Се чини дека жртвите биле случајно избрани“, кажа полицијата, додавајќи дека се повредени осум луѓе....

Ситуацијата на источниот фронт во Украина значително се влоши во изминатите денови, додека Русија ги засилува нападите, изјави шефот на украинската војска Олександр Сирски. „Забележуваме значајно засилување на непријателската офанзива откако Владимир Путин победи на изборите во март. Русија распоредува нови оклопни единици кои периодично остваруваат тактички успеси“, кажа Сирски. Ситуацијата е особено тешка и тензична кај градот Часив Јар, оддалечен 20 километри од Бахмут. Откако успори испораката на западната воена помош за Украина, руските сили продолжија да напредуваат на источниот фронт по освојувањето на Авдивка. „Непријателот активно ги напаѓа нашите позиции во секторите Лиман и Бахмут“, кажа Сирски. Оваа недела, украинскиот парламент усвои нов закон со кој полесно би се регрутирале нови војници и би се казнувале оние кои се обидуваат да ја избегнат регрутацијата. Украинскиот државен врв предупреди дека Русија планира нова голема офанзива кон крајот на мај или во почетокот на јуни, чија цел би можел да биде и Харкив....

Командоси на Иранската револуционерна гарда зазедоа товарен брод што се поврзува со Израел во Ормускиот Проток, неколку дена откако Иран се закани дека ќе ја затвори областа за бродски сообраќај. Иранската новинска агенција ИРНА објави дека хеликоптер на гардата се спуштил на бродот кој пловел под португалско знаме, по што тој бил свртен кон иранските води. Инцидентот се случи 80 километри од брегот на Обединетите Арапски Емирати и доаѓа среде растечките тензии во регионот, додека САД предупредуваат дека ирански напад врз Израел може да се случи во секој момент. Иран се закани дека ќе му се одмазди на Израел за воздушниот напад врз иранскиот конзулат во Дамаск на 1 април, но засега е нејасно како би изгледало тоа. Американскиот претседател Џо Бајден вчера го повика Иран да се воздржи. Киднапираниот брод „Ариес“ се поврзува со израелскиот милијардер Ејал Офер....

Канцеларијата на Европската Унија во Скопје дала согласност за промена на планот за уредување на централното градско подрачје во Велес, со првично предвидената пешачка зона. Со промените кои локалната власт ги побара и ги доби се предвидува пешачка зона да има само во попладневните и вечерните часови преку лето. „Не треба улицата 8 Септември да се затвора преку цел ден, цела година, туку за почеток од 17 до 22 или 24 часот во лето, кога децата се на распуст. Обезбедени се средства за проширените тротоари, кои не беа третирани со овој проект. Ќе има нови тротоари на улицата од Сармаале до Споменикот на коњаникот. Можеби веќе следната седмица ќе склучиме договор со фирма. Ќе има проширување на едниот кружен тек кај Сармаале за да се забрза протокот на автомобили. Ќе нема паркирање автомобили на оваа релација, ниту од лево, ниту од десно. Ќе има пешачка зона, велосипедска патека и една лента за одвивање на сообраќајот. Во прашање се денови кога ќе почнат градежните работи. Проектот е добиен за да имаме безбедна зона за пешаци и велосипедисти, не за атмосферска мрежа и нова улица. Сета работа треба да заврши за два-три месеци. Граѓаните можеби ме напаѓаат за тоа што состојбата со центарот на градот подолг период е ваква, небезбедна, има граѓани кои се повредени од разрушените тротоари. Затоа јас јавно им се извинувам, не зависат сите работи од мене“, кажа градоначалникот Колев. Градежните работи беа сопрени во ноември откако се увиде дека новото сообраќајно решение создаде колони возила низ центарот на градот, по што се побара корекција на проектот, кој е финансиран од ЕУ со 780.000 евра. Градежната фирма која ќе го работи уредувањето на централното градско подрачје се избра дури од третиот обид откако првите два беа неуспешни, немаше пријавени, па проектот две години не можеше да се реализира. СТОПИРАН ПРОЕКТОТ ЗА ЦЕНТАРОТ НА ВЕЛЕС ДА БИДЕ ПЕШАЧКА ЗОНА, ГРАДОНАЧАЛНИКОТ КОЛЕВ БАРА ТОА ДА ВАЖИ САМО ВО ЛЕТО П. ПЕЧКОВ...

Градоначалникот на Општина Тетово, Билал Касами, вчера на Градскиот стадион во Тетово ја најави изградбата на нов стадион на местото на постоечкиот. Потоа влезе во багерот и прв почна да го руши стадионот, велејќи дека ќе го исполни ветувањето да направи нов стадион бидејќи многумина пред него ветувале, но не го направиле. Покрај презентацијата како ќе изгледа новиот објект, на стадионот се одржаа ревијален фудбалски натпревар и концерт на кој се исполнуваа само албански песни. „До денес многу политичари и партии ветија дека ќе го изградат овој стадион, но ова ветување никогаш не се исполни. Доказ за тоа е моменталната состојба на овој стадион, кој е со уништен терен, застарени простори, без соблекувални, без услови за вежбање и без соодветни трибини за навивачи, но тетовци и Шкендија никогаш не се откажаа. Дојде денот да започнеме со изградба на спортска арена во Тетово со сите европски услови и стандарди“, истакна Касами. Во ноември 2023, Општина Тетово преку јавното претпријатие „Тетово транспорт“, кое долг период е во загуба, распиша тендер за изградба на стадионот, по што се склучи и договор со фирмата во март 2024. Реконструкцијата чини 600 милиони денари или околу 10 милиони евра. Градскиот стадион е отворен во 1981, кога ФК Тетекс влезе во Првата југословенска лига и имаше капацитет од над 15.000 седишта. Стадионот го градеше тогашниот текстилен гигант „Тетекс“, а учествуваше и државата. Во јули 2016, со одлука на Советот на Општина Тетово, стадионот е даден под концесија на фирмата „Еколог“, која е сопственик на ФК Шкендија и која се обврза да инвестира 7,7 милиони евра за реновирање на стадионот за да може да биде домаќин на меѓународни натпревари. Но, и покрај ова, Градскиот стадион пропаѓаше бидејќи никој не се грижеше за него, а од ветената инвестиција речиси ништо не беше реализирано. З. АНДОНОВ...

Едно лице загина, а десет се повредени во јужна Турција откако кабина од жичница удри во скршен столб и се отвори, по што патници испаднаа од неа. Поради несреќата, која се случи вчера околу 17 часот по локално време, повеќе од 170 луѓе останаа заглавени откако целата жичница беше сопрена, изјави градоначалникот на Анталија, Мухитин Бочек. Според последните информации, десетици луѓе и натаму не се извлечени од кабините, но никој од нив нема повреди и не е во лоша здравствена состојба. Во спасувачката акција се користат јажиња, седум хеликоптери со опрема за ноќно гледање, воен транспортен авион и над 100 возила. „Во акцијата учествуваат над 500 спасувачи“, објави министерството за внатрешни работи. Жичницата, која била пуштена во промет во 2017, располага со 36 кабини кои можат да примат по шест патници и оттаму се отвора панорамски поглед на Анталија....

Новогодишните куќарки кои Град Скопје ги стави на Плоштадот Македонија во декември пред Нова година уште стојат. Тие се празни, заклучени и не се користат, но и покрај тоа, не се отстrануваат од центарот на градот. Од Град Скопје не добивме одговор на нашите прашања зошто куќарките поставени за продавање новогодишни украси уште стојат на плоштадот и кога и дали воопшто планираат да ги тргнат. Лани градот беше украсен на десет дена пред Нова година, а украсите од улиците почнаа да се вадат дури во март. Одговарајќи на критиките дека градот доцна беше украсен, Арсовска кажа дека во 2024 година ќе се накити уште во септември. За новогодишното украсување во Град Скопје влезе Финансиската полиција за да провери кој го платил, бидејќи не беше распишана јавна набавка, ниту јавен повик. Досега од Финансиската полиција не е поднесена кривична пријава, ниту се кажува што открила истрагата. ФИНАНСИСКА ПОЛИЦИЈА В ПОНЕДЕЛНИК ВЛЕГУВА ВО ГРАД СКОПЈЕ ДА ПРОВЕРИ КОЛКУ И КАКО ДАНЕЛА ПОТРОШИЛА ЗА УКРАСУВАЊЕТО А. АНТЕВСКА...

Петмина луѓе се убиени во денешниот напад со нож во трговскиот центар „Вестфилд Бондај“ во Сиднеј, додека напаѓачот беше убиен од полицијата, објавија властите. „Според првичната истрага, напаѓачот делувал сам и нема веќе закана“, изјави заменикот на комесарот на полицијата на Сиднеј, Ентони Кук, потврдувајќи дека напаѓачот бил застрелан од полицајка која се нашла во близина на инцидентот. Полицијата засега не го знае мотивот на нападот. „Напаѓачот бил во трговскиот центар, заминал, па се вратил и почнал да ги боде луѓето. Засега нема никакви назнаки кои би укажувале на некаква идеологија или некаков мотив. Но, не ја исклучуваме можноста дека станува збор за тероризам“, додаде Кук. Тој кажа дека неколкумина повредени се превезени во болница. „Вестфилд Бондај“ е еден од најголемите и најпопуларни трговски центри во Австралија и во моментот на нападот бил полн со луѓе....

Најмалку четворица луѓе се убиени во напад во трговски центар во Сиднеј близу познатата плажа Бондај, а има и повредени. Полицијата кажа дека еден маж бил застрелан по извештаите дека неколкумина луѓе се избодени. Најмалку седум амбулантни возила пристигнаа на местото на нападот, при што локалните медиуми објавија дека неколкумина од повредените се во критична состојба. „Напаѓачот носеше големо сечило. Сите почнаа да трчаат кон крајот на зградата. Подоцна слушнавме дека полицијата го убила напаѓачот“, изјави еден очевидец....

Кина ги поддржува руските воени напори во Украина така што ја снабдува Москва со технологија за изградба на дронови и проектили, сателитски снимки и со делови за машини, велат високи американски функционери. Сепак, кинеската амбасада во САД тврди дека Кина досега не испратила оружје на ниедна страна и дека не е вклучена во војната во Украина. Еден функционер изјави дека кинеските материјали ги пополнуваат клучните празнини во руското воено производство и дека Кина ѝ помага на Москва во нејзината најамбициозна одбранбена експанзија од распадот на Советскиот Сојуз, која се одвива побрзо одошто можеше да се замисли во почетокот на војната. „Сметаме дека еден од најважните потези што можеме да ги направиме за да ѝ помогнеме на Украина е да ја убедиме Кина да престане да ѝ помага на Русија во обновата на нејзините воени капацитети. Русија ќе се мачи да ги одржи своите воени напори без придонес од Кина“, кажа еден американски функционер. Амбасадата на Кина во Вашингтон соопшти дека нормална трговска размена помеѓу Русија и Кина не треба да биде ограничена и попречена и дека САД не би требале да се мешаат во тоа. Минатата година, 90% од рускиот увоз на микроелектроника дошол од Кина, што, според САД, вклучува и оптички делови за руските тенкови и оклопни возила и мотори за дронови и проектили....

Универзална сала која во вторникот се запали ќе продолжи да се реконструира откако ќе се направат сите потребни испитувања за безбедноста на новата челична конструкција. Како што кажаа на денешниот брифинг министерката за култура Бисера Костадиновска-Стојчевска, изведувачот и надзорот на објектот, предвидениот рок за градба до 2026 година ќе се запази односно концертната сала нема да остане недоправена. Тие рекоа дека ништо не е изгорено од Универзална, односно уништено во пожарот е она што требало да се отстрани кога ќе почнела втората фаза за изведување на внатрешноста. „Сето она што требаше да се сочува од Универзална како некоја музејска вредност е сочувано. Тоа што изгоре секако ќе беше отстрането. Нова е само железната конструкција и куполата, кои според првичните сознанија немаат оштетувања. Но, пред да ги продолжиме градежните работи стручни тимови од ИЗИИС и Градежен факултет ќе ги направат сите потребни испитувања“, рече Лазар Арсовски сопственик на градежната фирма „Универзал-Балкан“ која е изведувач на градежните работи. Надзорот Љубин Макаровски од фирмата ЕОЗ Скопје рече дека тој како надзор гарантира дека нема да се продолжи со реконструкција додека не се испита целиот објект. Колку ќе траат испитувањата и кога ќе се продолжи со работа рекоа дека не можат да кажат точно. Прво треба Министерството за внатрешни работи и Обвинителството да завршат со увидот, а потоа ќе продолжат испитувањата на ИЗИИС и Градежен факултет. ГОРИ УНИВЕРЗАЛНА САЛА ВО СКОПЈЕ ЗА РЕНОВИРАЊЕ НА УНИВЕРЗАЛНА САЛА СЕ ЗБОРУВА 15 ГОДИНИ, 9 ГОДИНИ Е ЗАТВОРЕНА И СКАПУВАШЕ, А СЕГА СЕ ЗАПАЛИ Министерката за култура Бисера Костадиновска-Стојчевска кажа дека главна причина зошто досега не се реконструираше објектот и две години стоеше отворен е градоначалничката на Скопје Данела Арсовска, која не ја давала салата и потребните документи и лажела дека објектот не е безбеден заради политички поени. „Јас бев згрозена кога видов дека луѓето на Арсовска додека гореше салата гледаа, се радуваа и аплаудираа што се запали. Повеќе од една година не ги предаваше документите и не одговараше на нашите барања, а салата стоеше отворена, а одма по пожарот напиша Фејсбук статус со лажни обвинувања“, рече министерката. Таа додаде дека во моментов проектот Скопје европска престолнина на културата 2028 е во статус кво и не знае што ќе биде со него оти од Град Скопје не си ја вршат работата. „Неажурноста на службите на Арсовска го загрозуваат овој проект. На 23 април ќе дојде делегација од Брисел да види до каде сме со исполнување на обврските, па ќе знаеме каква и ситуацијата“, рече Костадиновска-Стојчевска. А. АНТЕВСКА...

Министерот за финансии Фатмир Бесими конечно донесе Правилник за заштита на граѓаните од подигање брзи кредити на нивно име од трети лица. Правилникот е објавен два дена откако САКАМДАКАЖАМ.МК минатата сабота објави дека на таков правилник се чека повеќе од осум месеци. НА МИНИСТЕРОТ ЗА ФИНАНСИИ ФАТМИР БЕСИМИ 8 МЕСЕЦИ МУ Е ТЕШКО ДА НАПИШЕ ПРАВИЛНИК ОД НЕКОЛКУ СТРАНИ ЗА ДА СЕ СТАВИ КРАЈ НА ЗЕМАЊЕТО БРЗИ КРЕДИТИ СО ТУЃА ЛИЧНА КАРТА Отсега натаму финансиско друштво нема веќе да може да дава брз кредит онлајн, само со фотографии од лична карта која може да биде украдена или најдена откако некој ја изгубил. Ќе мора со строга идентификација на барателот и со негово задолжително физичко присуство, ако барателот не ги прима парите на сметка, туку сака да бидат уплатени директно во некоја продавница. Ако барателот ги прима на своја жиро сметка, тоа ќе оди со електронска проверка, со строго утврдената процедура со закон. Финансиските друштва за брзи кредити, кои со години никој не ги контролира како и кому ги даваат парите, станаа кошмар за многу граѓаните кои иако никогаш не зеле таков кредит, добиваат известување дека треба да враќаат суми со високи лихварски казни за неплатен долг. Оваа тема ја отвори Народниот правобранител Насер Зибери во јули минатата година. ПРАТЕТЕ ИНСПЕКЦИИ ВО ФИНАНСИСКИТЕ ДРУШТВА ЗА БРЗИ КРЕДИТИ, БАРА НАРОДНИОТ ПРАВОБРАНИТЕЛ ОД МИНИСТЕРСТВОТО ЗА ФИНАНСИИ, КОЕ СЕ ПРАВИ НЕНАДЛЕЖНО Како што дознаваат дека некој ги задолжил крадејќи им го името, презимето, матичниот број и адресата, и дека должат пари за кредит што не го зеле, оштетени граѓани пријавуваат во МВР, но повеќето од нив, од страв од извршител, им ги враќаат на финансиските друштва туѓите долгови. ГОЛЕМ БРОЈ ФИНАНСИСКИ ДРУШТВА ВМЕШАНИ ВО МАСОВЕН ГРАБЕЖ ПРЕКУ БРЗИ КРЕДИТИ СО УКРАДЕНИ ПОДАТОЦИ ОД ЛИЧНА КАРТА, 65 ПРИЈАВИ ВО МВР ЗА САМО 7 МЕСЕЦИ НОВ ШОК ЗА СЕМЕЈСТВОТО НА ЛИЦЕТО СО ЦЕРЕБРАЛНА ПАРАЛИЗА, ДОБИ ОПОМЕНА ПРЕД ТУЖБА СО КОЈА СЕ БАРА ЗА БРЗ КРЕДИТ ОД 18.641 ДЕНАР ШТО ИЗМАМНИЦИ ГО ЗЕЛ НА НЕГОВО ИМЕ, ДА ПЛАТИ 67.515 ДЕНАРИ НОВА ЖРТВА НА ИЗМАМИТЕ СО БРЗИ КРЕДИТИ СО УКРАДЕНИ ЛИЧНИ КАРТИ, МЕДИЦИНСКА СЕСТРА ОД СКОПЈЕ ТРЕБА ДА ВРАТИ 163.000 ДЕНАРИ КРЕДИТ ШТО ДРУГ ГО ЗЕЛ НА НЕЈЗИНО ИМЕ Две од тие жртви на измамници со брзи кредити зборуваа за САКАМДАКАЖАМ.МК и тие имаа поднесено претставки пред Народниот правобранител. Едната жртва е лице со тешка попреченост (церебрална парализа), кого измамниците го нашле на фејсбук. Со неговата лична карта, и покрај тоа што родителите ја поништија и за тоа ги известиле финансиските друштва, тие продолжиле на измамниците да им одобруваат брзи кредити со неважечката лична карта. На невидено, само со телефонско јавување или со е-пошта. Родителите од страв ги вратиле долговите, но за последниот кредит што финансиското друштво му го одобрило на измамникот/измамниците, тие повеќе немаат пари да го вратат. Исплашени, чекаат извршител или тужба и бесуспешно ја молат државата да ги заштити. Во другиот случај, на медицинска сестра од скопска болница, додека на работа била со пациенти, некој ѝ ја зел ташната, го нашол паричникот со личната карта, ја сликал, и ја вратил назад на место. По неколку месеци таа доживува шок – ѝ стасува известување дека треба да врати долг на финансиско друштво во висина од 165.000 денари, брз кредит кој таа никогаш не го барала и не го зела. Правилникот за начинот на управување со кредитниот ризик на финансиско друштво е донесен во вторникот. Во членот 13 се пропишува: Финансиското друштво врши идентификација и ажурирање на податоците на клиентите и кокредитобарателите на следните начини: 1) со физичко присуство во седиштето на финансиското друштво или во некоја од неговите регистрирани подружници и 2) со употреба на средства за електронска идентификација во рамки на регистрирана шема за електронска идентификација на високо ниво на сигурност, согласно со закон. При идентификацијата на клиент, финансиското друштво ги обезбедува најмалку следните податоци: – име и презиме, – единствен матичен број на граѓанинот (ЕМБГ), – број на важечка лична карта и/или пасош, – адреса на живеење, – електронска пошта (ако клиентот има електронска пошта и има намера да аплицира електронски), – телефонски број (фиксен или мобилен број доколку клиентот има намера да аплицира електронски), – назив на работодавач (за клиенти во работен однос). По исклучок од ставот 1 на овој член ако средствата се исплаќаат на личната платежна сметка на клиентот, финансиското друштво не треба да врши идентификација и ажурирање на податоците на клиентот. Ако клиентот има промена во наведените лични податоци, ажурирањето финансиското друштво ќе мора да го прави исклучиво со физичко присуство на тој клиент. Во Правилникот изрично се наведува дека „Финансиското друштво нема да одобри потрошувачки кредит по електронски пат на физичко лице, ако некој податок во апликацијата или во доставените докази се разликуваат од податоците од член 13 став 2 од овој Правилник, кои се дел од кредитното досие. Ако во моментот на физичката идентификација клиентот нема изразено намера да аплицира електронски, при што не ги навел податоците од член 13 став 2 алинеи 5 и 6 од овој правилник, а потоа аплицира електронски, финансиското друштво нема да одобри потрошувачки кредит по електронски пат“. ФИНАНСИСКИТЕ ДРУШТВА ЌЕ МОРААТ ДА КОНТРОЛИРААТ ИДЕНТИТЕТ НА БАРАТЕЛ НА БРЗ КРЕДИТ, ДРЖАВАТА КОНЕЧНО СЕ СВЕСТИ ПО НИЗАТА ИЗМАМИ СО УКРАДЕНИ ЛИЧНИ ПОДАТОЦИ Законот за финансиски друштва кој не ги регулира овие детали, беше донесен во јули минатата година, а правилникот дури по 8 месеци. С. К. ДЕЛЕВСКА...

Легендарниот италијански моден дизајнер Роберто Кавали почина на 83 години по долго боледување, објавија италијанските медиуми. Од Софија Лорен и Брижит Бардо во 1970-тите до Ким Кардашијан и Џенифер Лопез денес, креациите на Кавали беа омилени кај славните личности со децении. Роден на 15 ноември 1940 во Фиренца, тој го лансираше својот истоимен моден бренд во 1970. Во почетокот дизајнирал јакни, фармерки и минифустани од тексас и ги продавал своите луксузни парчиња облека во бутикот на Сен Тропе на француската ривиера. Во следните две децении бил познат главно во Европа, а потоа во 1990-тите го вратил во мода луксузниот тексас, додавајќи ликра во фармерки за да ги направи поцврсти и посекси. Откако Наоми Кембел ги носеше на една ревија во 1993, растегливи фармерки станаа огромен тренд. Тоа го направи Кавали едно од најголемите имиња во светот на модата, статус што го задржа до денес. Кавали се повлече од активни улоги во својот моден бренд во 2015....

1 Продолжува конзистентната политика во Македонија да се наградуваат ајдуците, а да се казнуваат даночните обврзници. Европската комисија бара во рок од 30 до 45 дена државата да врати 2,2 милиони евра што се злоупотребени во рамки на програмата за образование на ЕУ „Еразмус плус“ во периодот од 2016 до 2018 година. Тоа значи дека сите ние со идната месечна плата треба да вратиме 2,2 милиони евра за кои Европската канцеларија за борба против измама ОЛАФ пронашла низа неправилности кај грантови доделени на 22 корисници. Измамата била пријавена во македонското обвинителство уште во 2019 година. Ама за случајот нема истрага. Уште е во предистражна постапка. Кај им ги плаќаме отштетите за застарените случаи на откриените криминалци, па сега ќе ни земаат пари за да се раздолжиме кон ЕУ и за овие што од ЕУ ги фатиле дека крадат. Чекај малку. Ај нека намалат малку со приказните за ЕУ. Нека почнат да применуваат европски практики дома. Тие луѓе што проневериле европски пари си имаат име, презиме, потпис, печат на фирма… Се знае кои се. Што има ние да плаќаме за нив? Ова е исто како полициски билтен. Фатиле крадец, знаат кој е, знаат што украл и колку украл и соопштуваат дека пронајдените украдени работи и пари им ги вратиле на сопственикот. Во случајов, европската канцеларија за борба против измами ги фатила во проневерата. Нема што тука да се мудрува по стандарди на македонската правда. Па предистрага, па истрага, па обвинителот бил поставен од ДУИ, па судијата бил од ВМРО, ама близок до СДСМ, па имало превод, па немало превод, па поротникот се пензионирал, па судијата се разболел, па судијката ја унапредиле, па судењето почнало одново, па пресудата се изгубила по пат од Апелација до Основен суд… И – застаре делото, а ЕУ си ги бара парите – сега. Тука е крајот на приказната. А не уште и да го слушаме вицепремиерот Бојан Маричиќ да ни кажува: „бараме начин како дел од средствата да се вратат, а дел да бидат одбиени од некои идни проекти“. Излегува како ЕУ да е кај нас во претплата. Дајте ни уште пари за да ви вратиме дел од украдените пари. За да ви ги вратиме парите на тие што ве искрадоа, ќе им скинеме пари на тие што (можеби) немаат намера да крадат. Ех, да можеше на Европејците да им платиме со компензација, па да им ги дадеме нашите политичари, таму нека им раскажуваат за ЕУ стандарди, борба против корупција, добро владеење и транспарентност. Ем ќе се спасевме од нив, ем долгот кон Европската комисија ќе го намалевме. За жал, ништо од бизнисот. Излегува дека врти, сучи, пак ајдуците се во ќар. 2 Затоа и не ја следам изборната кампања. Штом видам некој македонски политичар на телевизија не го ни слушам што има да каже. Веднаш вртам на канал со криминалистички серии и филмови. Таму барем приказната има крај. Криминалците ги фаќаат и ги судат. А кај нас нема крај. И да го фатат крадецот, ќе го пуштат. Или ќе му застари делото. Или ќе го амнестира шефот на државата. И иако против него се воделе истраги и имало судски процеси, пак може да се кандидира за пратеник. И дури и да е на црна листа на САД со сериозни сознанија за корупција, пак може да се кандидира за претседател на државата. И да биде градоначалник. А ако победи неговата партија, ќе ни стане и некој министер. За сите нив нема кривична, ама има политичка одговорност. Џанам страшна работа. Гледам многу тешко им паѓа политичката одговорност. Од телевизија не се имаат симнато, од билборди ни се смеат во лице. Погледнете ги само колку страдаат од политичка одговорност сите што ги гледавме по судниците со години на кои Собранието им ги застаре делата. Ептен се намачени. Еве на пример, најтешко му паѓа политичката одговорност на Никола Груевски. Не оти треба да учи унгарски за да му тргне бизнисот во Будимпешта. Туку не смее да пропушти ниту еден празник да не ни честита на фејсбук. Во Македонија е докажано дека одговорноста на политичарите завршува на денот на гласањето. На тие што ќе ги изгласаме да победат на избори веднаш им даваме дозвола за крадење. 3 Петнаесет години се зборува за потребата од реновирање на Универзалната сала во Скопје. Салата почна да се распаѓа и веќе деветта година не работи. И само што почна реконструкцијата – се запали. Сега, кога Универзалната сала и буквално ја нема, ајде да пробаме да разговараме за неа без емоциите за „уништените спомени на скопјани“ и „уништениот симбол на солидарноста“. Универзалната сала беше монтажен објект подигнат по земјотресот 1963. На скопјани сега им пречи што се уништи еден монтажен објект, а не им пречеше кога на местото на монтажните постземјотресни бараки никнуваа згради што го уништија домувањето во индивидуални куќи. И населбите Козле, Тафталиџе, Влае, Водно беа симбол на солидарноста. Тие населби кои беа правени со донации и план за хумано живеење сега станаа неподносливи за живот. Една нормална населба не остана. Куќите со по едно семејство и една кола што си ја паркираа во двор станаа згради со по дваесетина семејства и најмалку толку коли што се паркирани на улица. Кога се запали Универзалната сала, барем до неа можеа да пристапат Брзата помош и противпожарните возила. Во уништените населби низ Скопје сега не може да пристапи ни ѓубрарка да им го собере ѓубрето на станарите. Затоа, најдобро е државата да го продаде земјиштето под изгорената Универзалната сала „за џабалак“ на некој од оние „инвеститори“ и „угледни бизнисмени“ омилени и на власта и на опозицијата. Па „градот убав пак ќе никне“ со една инвестиција за комуналии што ќе ги покрие платите на локалната администрација. Тоа ќе биде една прекрасна зграда – комбинација на малку сала, малку катна гаража, малку трговски центар и едно дваесетина ката станчиња и градинка во подрумот. Кога треба да се изгради некое јавно добро, политичарите ќе најдат милион оправдувања зошто не се гради. Овој бил надлежен, овој бил ненадлежен, па ќе отвараме дебата, па што ќе кажат граѓаните, па што ќе каже стручната фела, па дозвола од општината, па дозвола од Град Скопје, па дозвола од државата, па проблеми со експропријација на земјиштето, па што ќе каже оваа институција, па онаа институција… А кога е во прашање задоволување на алчноста на власта и нивните инвеститори, тогаш не е важно ни што викаат граѓаните, ни што вика стручната јавност, ни што викаат екологистите, ни што викаат невладини организации, не ги вознемируваат ни протести… Ако е приватен интерес – не може да биде: Не. Мора да биде: Да. Скопскиот саем го продадовме за трговски центар и станбени згради. Водно го изоравме за да градиме вавилонски кули. Цело Скопје е уништено, а ние за големата монтажна барака во која се одржуваа концерти плачеме. Оти, каква-таква, ни беше единствена. Абе ние Охрид уште не можеме да го доупропастиме, никако од УНЕСКО да се спасиме, а сме запнале да ги чуваме спомените од „Златно славејче“. АУДИО ВЕРЗИЈА – AUDIO PODCAST Sakam Da Kazam · ДОЗВОЛА ЗА КРАДЕЊЕ (DOZVOLA ZA KRADENJE) – 12 04 2024 Добивајте ја колумната директно во Вашето сандаче Внесете ја Вашата е-маил адреса... * Се согласувам со политиката на приватност Внесете валидна е-маил адресаЕмаил адресата е веќе регистрирана!The security code entered was incorrectЛинкот за потврда на регистрацијата е испратен на Вашата е-маил адреса......

Полскиот парламент денеска изгласа одлука со која четири предлог-закони за абортусот ќе бидат испратени во специјална комисија. Полска ги има најстрогите закон против абортусот во Европската Унија и владата на Доналд Туск вети дека ќе ги ублажи. Два предлог-закона, поддржани од Туск, предвидуваат абортусот да биде дозволен до 12. недела од бременоста, еден се однесува на негова декриминализација, а четвртиот, предложен од конзервативната алијанса Третиот пат, бара враќање на строгите закони од 1993. „Ова е само првиот чекор. Последниот ќе биде кога на сила ќе стапи правото на абортус до 12. недела од бременоста, се надевам најбрзо што може“, изјави пратеничката Катарзина Лубнауер од Модерната партија. Сепак, претседателот Анджеј Дуда ќе може да стави вето на секоја промена. Сегашниот закон против абортусот беше воведен од претходната влада во 2020 и со него оваа процедура беше забранета речиси во целост....

Десетици руски воени инструктори пристигнаа во Нигер како дел од договорот со тамошната хунта, која претходно ги прекина сите врски со западот. Државните медиуми објавија дека Русите донеле и современ противвоздушен систем, кој ќе биде инсталиран во земјата. Оваа западноафриканска земја е една од неколкуте од регионот Сахел чии воени власти ги зајакнаа односите со Русија во последно време. Портпаролот на воената влада на Нигер изјави дека Русите ќе ги обучуваат нигерските војници. Паравоената група Африкански корпус, која е во составот на руското министерство за одбрана, објави дека ова е првата група на војници и волонтери која дојде во Нигер. „Тие се тука за да развиваат воена соработка помеѓу двете земји“, објави Африкански корпус на Телеграм. Демократски избраниот претседател на Нигер, Мохамед Базум, беше соборен со воен пуч минатата година, по што хунтата ги прекина воените и дипломатските врски со Франција и го отповика договорот со САД....

Се намалува бројот на заболени деца од голема кашлица во земјава, а тоа се должи на зголемувањето на имунитетот со порастот на вакцинацијата, рече денеска доц. д-р Валентина Цвејоска-Чолаковска, директорка на Клиниката за детски болести на брифинг со медиумите. „До сега, во државата се пријавени 443 болни со потврден пертусис, а на нашата Клиника болнички беа лекувани шест деца, доминантно мали доенчиња. Сите деца беа испишани во добра здравствена состојба. Подолго време немаме хоспитализации на деца со голема кашлица на нашата Клиника. Причините за оваа епидемија се должат на значително намалениот опфат со вакцинација според редовниот календар за имунизација, што резултираше со намален колективен имунитет. Инаку, пред епидемијата, последни пријавени спорадични случаи на голема кашлица беа забележани во 2018. Изразуваме задоволство што се зголеми вакцинацијата со вакцини кои содржат пертусис, со што се подигна имунитетот кај децата. Исто така погодуваше и тоа што и сезоната на респираторните заболувања е на крај, што резултираше со намалување на бројот на болни“, кажа директорката, која на оваа функција е од крајот на 2023. Според последниот извештај на Институтот за јавно здравје, во периодот од 5 до 11 април, пријавени се 44 нови случаи на голема кашлица, со намалување од 10 отсто споредено со претходниот седмодневен период (50). Од 18 јануари до 11 април, дадени се вкупно 39.031 дози на вакцина која содржи компонента против голема кашлица. На брифингот за работењето во првите три месеци од 2024, д-р Цвејоска-Чолаковска зборуваше и за пациентите со цистична фиброза и кажа дека завршила постапката за набавка на лекот „трикафта“. „Ова значи дека сите пациенти со цистична фиброза над 12-годишна возраст, погодни за модулаторна терапија, ќе го добијат лекот ‘трикафта’ во текот на април, терапија која е најсовремена за третман на оваа болест. Инаку, терапијата со ‘трикафта’во нашата земја е достапна од минатата година и веќе имаме искуства за исклучителниот позитивен ефект на терапијата кај овие пациенти“, додаде директорката. Б. НЕСТОРОСКА...

Универзална сала која во вторникот се запали ќе продолжи да се реконструира откако ќе се направат сите потребни испитувања за безбедноста на новата челична конструкција. Како што кажаа на денешниот брифинг министерката за култура Бисера Костадиновска-Стојчевска, изведувачот и надзорот на објектот, предвидениот рок за градба до 2026 година ќе се запази односно концертната сала нема да остане недоправена. Тие рекоа дека ништо не е изгорено од Универзална, односно уништено во пожарот е она што требало да се отстрани кога ќе почнела втората фаза за изведување на внатрешноста. „Сето она што требаше да се сочува од Универзална како некоја музејска вредност е сочувано. Тоа што изгоре секако ќе беше отстрането. Нова е само железната конструкција и куполата, кои според првичните сознанија немаат оштетувања. Но, пред да ги продолжиме градежните работи стручни тимови од ИЗИИС и Градежен факултет ќе ги направат сите потребни испитувања“, рече Лазар Арсовски сопственик на градежната фирма „Универзал-Балкан“ која е изведувач на градежните работи. Надзорот Љубин Макаровски од фирмата ЕОЗ Скопје рече дека тој како надзор гарантира дека нема да се продолжи со реконструкција додека не се испита целиот објект. Колку ќе траат испитувањата и кога ќе се продолжи со работа рекоа дека не можат да кажат точно. Прво треба Министерството за внатрешни работи и Обвинителството да завршат со увидот, а потоа ќе продолжат испитувањата на ИЗИИС и Градежен факултет. ГОРИ УНИВЕРЗАЛНА САЛА ВО СКОПЈЕ ЗА РЕНОВИРАЊЕ НА УНИВЕРЗАЛНА САЛА СЕ ЗБОРУВА 15 ГОДИНИ, 9 ГОДИНИ Е ЗАТВОРЕНА И СКАПУВАШЕ, А СЕГА СЕ ЗАПАЛИ Министерката за култура Бисера Костадиновска-Стојчевска кажа дека главна причина зошто досега не се реконструираше објектот и две години стоеше отворен е градоначалничката на Скопје Данела Арсовска, која не ја давала салата и потребните документи и лажела дека објектот не е безбеден заради политички поени. „Јас бев згрозена кога видов дека луѓето на Арсовска додека гореше салата гледаа, се радуваа и аплаудираа што се запали. Повеќе од една година не ги предаваше документите и не одговараше на нашите барања, а салата стоеше отворена, а одма по пожарот напиша Фејсбук статус со лажни обвинувања“, рече министерката. Таа додаде дека во моментов проектот Скопје европска престолнина на културата 2028 е во статус кво и не знае што ќе биде со него оти од Град Скопје не си ја вршат работата. „Неажурноста на службите на Арсовска го загрозуваат овој проект. На 23 април ќе дојде делегација од Брисел да види до каде сме со исполнување на обврските, па ќе знаеме каква и ситуацијата“, рече Костадиновска-Стојчевска. А. АНТЕВСКА...

Синоќа околу 22:45 часот, засега непознато лице од возило во движење пукало во куќа на тетовец. Биле испукани неколку куршуми, но нема повредени. Тетовската полиција веднаш излегла на местото на инцидентот на булеварот Илинденска, поради што тој неколку часа беше затворен за сообраќај додека се вршеше увид. „На 11 април во 22:45 часот, М. Т. од Тетово пријавил во СВР Тетово дека од патничко возило ‘фолксваген поло‘ во движење било пукано од огнено оружје кон неговата куќа на улица Илинденска во Тетово. Повредени лица нема, а биле оштетена влезната врата и ѕидовите од куќата. На местото на настанот бил извршен увид. По преземените мерки, околу 1:35 часот на 12 април на патот Тетово-Попова Шапка било пронајдено возилото од кое било пукано. Исто така, по преземени мерки било констатирано дека претходно имало пријава дека околу 22:30 часот, под закана со огнено оружје, од Ф. Е. и неговиот татко Н. Е. било одземено возило марка ‘поло‘. Се преземаат мерки за расчистување на случајот, по што ќе бидат поднесени соодветни пријави“, соопшти портпаролот на СВР Тетово, Фатмир Реџепи. На местото на инцидентот полицијата пронашла пет чаури од куршуми. Неофицијално, пукањето се поврзува со инцидентот кој се случи во јануари годинава пред Ургентното одделение на Клиничката болница во Тетово, кога во оружена пресметка две лица беа ранети, од кои едно подоцна почина. З. АНДОНОВ...

Дваесет и едногодишен маж загина откако се обидел со скии да прескокне автопат во американската сојузна држава Колорадо. Властите кажаа дека Далас Лебо загинал откако не успеал да ја прескокне целата широчина на автопатот од 12 метри, па паднал на тротоарот. Лебо бил во бессознание кога го пронашле и бил прогласен за мртов на самото место. „Првичната истрага покажа дека жртвата се обидела да изведе високоризичка скијачка акробација и да ја прескокне широчината на автопатот. За жал, тој ги немал потребните брзина и дистанца за тоа, па паднал на тротоарот. Не го спасило ни тоа што носел шлем и друга заштитна опрема“, кажаа од канцеларијата на шерифот на Гренд Каунти. Пријател на Лебо кажа дека тој скијал цел живот и зад себе имал историја на изведување ризични акробации на скии. „Тој сакаше да направи работи што никогаш никој не ги направил“, изјави Девин Ширк....

Речиси 12.000 домови се поплавени во рускиот регион Оренбург на границата со Казахстан, додека водостојот на реката Урал продолжува да расте и се закануваат нови поплави, кажаа властите. Поплавите доведоа до евакуација на илјадници луѓе во Оренбург, сместен околу 1.200 километри југоисточно од Москва, при што е прогласена вонредна состојба. „Ситуацијата е многу сериозна и во самиот град Оренбург, каде што водостојот на Урал достигна рекордно високи 10,87 метри. Досега се евакуирани повеќе од 7.800 луѓе“, изјави регионалниот гувернер Денис Паслер, кој во телевизиско обраќање му рапортираше на Владимир Путин за штетите во регионот. Се проценува дека штетите од поплавите ќе бидат речиси 500 милиони долари. И регионите Курган и Тјумен се спремаат за поплави, зашто водостојот на локалните реки расте. Поплавите го погодија и Казахстан, каде што беше прогласена вонредна состојба во десет од 17-те региони, која и натаму е на сила во осум региони. Сезонските поплави поголеми од вообичаените се предизвикани од топењето на снегот на планината Урал. Реката Урал, која е трета по големина во Европа, минатиот викенд проби брана и се излеа од насипот во градот Орск....