СлајдерСовети Ако уште не сте пробале, еве како да направите домашен квасец за леб Арт Кујна Авг 17, 2022 54 Сподели Дали знаете дека лебот замесен со домашен квасец е поздрав и подолго ја задржува свежината? Потребно е малку повеќе време за да се подготви домашен квасец отколку што би потрошиле за подготовка на леб, но конечниот резултат ќе ве воодушеви. Лебот од кисело тесто, како што се правеше порано, е многу поздрав и повкусен од оној што го јадеме денес, единствено што неговото правење бара малку повеќе време. Влезете во авантура – напорот ќе се исплати. Еве 3 начини на кои можете да подготвите домашен квасец: Со брашно и вода Во сад измешајте неколку лажици интегрално брашно и млака вода во ретко тесто. Во текот на следните 4 дена, зголемувајте ја количината на смесата, повремено мешајќи. Ќе видите дека габите од брашното и воздухот си го направиле своето – ќе се појават меурчиња и тестото почнува да расте. Околу 250 гр се доволни за еден леб. Додадете во остатокот уште брашно и вода, оставете го процесот да продолжи до следниот ден, потоа покријте го садот и чувајте го во фрижидер до следната употреба. Со јаболка Изрендајте го јаболкото и измешајте го со 500 гр брашно и млака вода, за да добиете многу меко тесто. Покријте го со чиста крпа и по 3-4 дена ќе видите дека тестото нараснало. Искористете половина, а остатокот ставете го во фрижидер до следната употреба. Со кефир Ако имате домашен кефир, измешајте една чаша со 100 гр брашно и оставете да ферментира еден ден. Оваа количина е доволна за да направите еден здрав и вкусен домашен леб. домашен квасецквасецлеб со кисело тесто 54 Сподели FacebookTwitterGoogle+ReddItWhatsAppPinterestEmail...

СлајдерХраната лек Смоква – народен лек за лошо варење, камења во бубрезите и зуење во ушите Арт Кујна Авг 16, 2022 Фото: Unsplash 113 Сподели Дали знаевте дека освен за запек, смоквите се користат во народната медицина и за лекување на забоболки, болки во грлото, отоци, чиреви, брадавици и кашлица? Крајот на летото тешко може да се замисли без сочни смокви полни со антиоксиданти и хранливи материи. Ги сакаме без разлика дали се свежи или сушени. Но, освен што се вистинско задоволство за непцето, овие плодови навистина можат да ви помогнат да ублажите одредени здравствени проблеми. И тоа не само за запек, за што најчесто се користат. Дали знаевте дека смоквите се користат во народната медицина и за лекување на забоболки, болки во грлото, отоци, чиреви, брадавици и кашлица? Смоквите, без разлика дали се свежи или суви, се исклучително богати со антиоксиданти, содржат витамини А, Б, Ц, Е и К и минерали магнезиум, цинк, селен, бакар, железо, калиум и калциум, како и лутеин и каротин. Интересно е и тоа што сувите смокви содржат три пати повеќе магнезиум од свежите и се препорачуваат за оние кои страдаат од анксиозност, ПМС и слаба концентрација. Со нивното консумирање дополнително ќе го зајакнете имунитетот и ќе го снабдите организмот со важни хранливи материи. Сепак, ова омилено слатко овошје е богато и со природен шеќер, па затоа не треба да претерувате доколку имате дијабетес или внимавате на вашата тежина. Здравствени придобивки од смоквите Одличен природен лек за варењето Смоквите се одлични за варење! Можете да се ослободите од запек ако јадете само неколку смокви дневно. Ова воопшто не е изненадувачки бидејќи тоа е овошје најбогато со влакна, кое е особено богато со растворливи влакна пектин. Покрај тоа што можете да ги јадете сами (свежи или сушени) во случај на лошо варење и запек, можете да ги комбинирате и со суви сливи, кои исто така се одлични за варењето. Во 2 дцл вода ставете неколку суви смокви и неколку суви сливи и оставете ги да отстојат до утрото. Следниот ден испијте ја течноста и изедете го овошјето. Навистина одличен рецепт за добра цревна перисталтика! Смокви во маслиново масло Сувите смокви можете да ги потопите во маслиново масло и да ги чувате во фрижидер 40 дена. После тоа, можете да ги консумирате една по една пред оброк. Овој природен лек е одличен не само за запек, туку и за астма, хеликобактер пилори, бронхитис и анемија. Помагаат кај камења во бубрезите Консумацијата на смокви се препорачува и за оние кои имаат камења во бубрезите. Во 2 дл вода ставете 5-6 свежи смокви и сварете ги. Јадете сварени смокви секој ден во текот на еден месец. Ова ќе помогне во разложување на камењата во бубрезите. Го намалуваат шумот во ушите Смоквите можат да го ублажат непријатниот проблем со зуењето во ушите. Згмечете 200 гр смокви и измешајте ги со 20 гр мелено семе од синап. Намачкајте ја пастата на газа и ставете ја на увото. Се користат при лекување на рани и изгореници Можете да користите и суви смокви за да помогнете во заздравувањето на раните и изгорениците. Сувата смоква сварете ја во вода или млеко, а откако малку ќе се излади исечете ја и ставете ја на изгореницата или раната. Ако раната е поголема, употребете неколку смокви. Помагаат за отстранување на брадавиците За отстранување на брадавиците најчесто се користи млечниот сок што истекува кога ќе се откине свежа смоква или лист. Но, за ова може да се користат и свежи смокви. Со млечен сок од смоква можете редовно да ги мачкате брадавиците, кои по некое време треба сами да паднат. Го намалуваат ризикот од опасни болести Благодарение на изобилството на антиоксиданти, смоквите делуваат и против штетното дејство на слободните радикали во организмот. Со нивна конзумација можете да го намалите ризикот од тумори и рак на простатата, дојката, кожата, белите дробови и дебелото црево. Кога се во сезона, консумирајте неколку свежи смокви дневно, а во текот на зимата консумирајте ги сувите смокви кои се исто така богати со витамини и минерали. Помагаат при болки во грлото и кашлица Сувата смоква може да ги ублажи болките во грлото и кашлицата. Изблендирајте неколку суви смокви во блендер и измешајте ги со малку мед. Кога имате кашлица или чувство на печење во грлото, земајте по малку од оваа мешавина од смокви и мед. здрава хрананароден лексмокви 113 Сподели FacebookTwitterGoogle+ReddItWhatsAppPinterestEmail...

СлајдерСовети Утринско смути за елиминирање на мастите на стомакот Арт Кујна Авг 17, 2022 Фото: Фејсбук 174 Сподели Консумирајте го овој моќен напиток секое утро на празен стомак и за само 7 дена ќе забележите промени во вашето тело! Често сонуваме за идеално тело со соодветна тежина, без забележливи телесни масти. Сакаме да имаме рамен стомак и совршени нозе. Она што понекогаш го забораваме е дека мајката природа ни дала елементи кои можат да ни помогнат да ги решиме ваквите проблеми. Не мора да се подложуваме на скапи третмани кои вклучуваат многу хемикалии кои не се толку идеални за нашето тело. Состојки кои ќе ви помогнат да ги изгубите несаканите масти се лимонот и чиа семето. Шејк од лимон и чиа и неговите придобивки Лимонот е одлично средство за елиминирање на маснотиите и се карактеризира со многу малку калории. Исто така, делува како антивирусно средство. Поради високата содржина на влакна, ја поддржува хидратацијата, а со тоа и токсините полесно се елиминираат. Чиа семето е природен антиоксидант и е многу богато со влакна. Сега замислете ги придобивките за вашето тело ако ги комбинирате овие две состојки. Резултатите ќе ве изненадат! Потребни состојки: 1 и 1/2 чаша вода 1 лажица мед (или друг природен засладувач) сок од 1 лимон 1 лажица чиа семе Приготвување: Прво треба да го натопите чиа семето во вода. Околу еден час подоцна измешајте ги водата, сокот од лимон и чиа семето. Можете да користите и блендер, во зависност од вашиот вкус. После тоа, вашиот шејк е подготвен за консумирање. Конзумирајте го секое утро на празен стомак и брзо ќе забележите промени во вашето тело. лимонмастичиа семе 174 Сподели FacebookTwitterGoogle+ReddItWhatsAppPinterestEmail...

ПрофилСлајдер Прво се вљубил во Охрид, а потоа во Лејла: Турчинот Акин Сезер е омилениот охридски зет и производител на органска храна и зимници Драгица Христова Авг 16, 2022 2.726 Сподели Акин Сезер, родум од турскиот град Ајдин, првпат дошол во Охрид службено и кога во 2012 решил да остане, немал тука ниту роднини, ниту пријатели. Сега има сѐ, сопруга, осумгодишен син и земја на која одгледува органски зеленчуци од турски семиња и македонски специјалитети со необични додатоци. Акин Сезер е роден во турскиот град Ајдин и кога во 2012 решил да се пресели во Охрид каде што дошол службено, немал тука ниту роднини, ниту пријатели. Сега има сѐ. Се запознал со охриѓанката Лејла, Турчинка со македонско државјанство, оформил семејство, има осумгодишен син и произведува органски зеленчуци од турски семиња и македонски специјалитети со необични додатоци. Патем, тој е омилениот охридски зет и во оваа деценија откако живее во Охрид, стекнал многу пријатели и соработници, а донел и многу туристи од родната Турција. Се смета себеси за добар прогнозер на состојбите и вели дека никогаш досега не згрешил во проценките. „Ја сфатив економската и политичката криза во Турција пред 10 години и се населив во Македонија. Последните 5 години економската и политичката криза се насекаде низ светот и ќе траат најмалку уште 5 години. Затоа, минимизирајте ги потребите во вашиот живот, ако имате можност, направете си градина и произведувајте за сопствените потреби или пазарувајте од локалните производители и избирајте производи кои се произведени тука, во земјава. Не чекајте да се разболите или да добиете деца за да почнете да се храните здраво и со органска храна. Под итно зголемете ја потрошувачката на зеленчук и овошје барем за 3 пати, бидејќи месото е најлошата храна што го зголемува ширењето на ракот…Нахранете домашно милениче или оставете вода и храна на соодветни места за бездомните животни и бидете нивниот најдобар пријател. И секако, почитувајте ја природата затоа што таа почнува да ни се одмаздува заради нашето непочитување“. Вака започна нашиот разговор со господин Сезер. За претците, за Турција и за преселбата во Охрид Овој натурализиран охриѓанец се школувал во родниот град Ајдин и дипломирал на факултетот за локална самоуправа и политика. Си заминал од дома по отслужувањето на воениот рок кога почнал и неговиот професионален живот. Живеел на различни места, во Анкара и Истанбул, а потоа во Ајвалик, но заради работата многу патувал и во други градови и земји. „Моите семејни записи се многу стари. На пример, имаме 400-годишна историја од мајчината страна во градот каде што сум роден, но во Македонија немав никого. Дојдов тука службено во 2011 и 2012 година и многу ми се допадна Охрид. Затоа веќе во јуни 2012 година донесов храбра одлука да се преселам тука и тоа и го направив на 3 септември истата година. Кога првпат му кажав на моето семејство за одлуката да се преселам во Македонија, мајка ми мислеше дека се враќам заради бизнис. Таа е навикната на тоа затоа што често патував и се селев заради работата, но не претпоставуваше дека ова ќе биде на долги стази. Неколку месеци откако се доселив ја запознав мојата сопруга Лејла и се венчавме. Нејзиното семејство секако ми постави многу прашања за тоа зошто сум одлучил да се преселам тука и јас морав да им објаснам, но брзо ме прифатија. Мојата сопруга и нејзиното семејство се македонски државјани со турско потекло и се многу фини луѓе па за кратко време почнавме многу добро да се сложуваме. Сега тука имам многу пријатели“, раскажува нашиот соговорник кој е веќе препознатлив лик во охридската чаршија и омилен охридски зет. Производство на органски зеленчук и традиционални производи со оригинален печат Тој првично основал во Македонија туристичка агенција и носел туристички групи од Турција, а неговиот прв слоган бил: „Македонија е многу повеќе од она што го гледате низ прозорецот на автобусот“. „Спроведував инвестициско-консултантски и проекти поврзани со туризмот, но 4 години откако се роди син ми, сфатив дека не можам да поминувам доволно време со него и одеднаш ја тргнав целата работа настрана и отворив продавница за храна и мезиња кои можам сам да ги подготвувам и да ги послужувам. Ми требаше зеленчук бидејќи правев специјални турски мезиња и јадења, па решив да изнајмам земјиште и да почнам самиот да се занимавам со органско земјоделие. Ја зголемив површината на мојата земја и сега произведувам самиот зеленчук и со него правам традиционални македонски специјалитети на кои им додавам малку свој стил. Правам ајвар, лутеница, малиџано, пинџур и макало, но малку поразлични од традиционалните. Вкусовите кои ги произведувам засега привлекуваат големо внимание. Видов како се прави ајвар и други сосови од многу луѓе и почнав да ги правам, но како што реков, создадов поинаков стил користејќи различни зачини. На пример, само кај мене има макало со артичок и аспарагус“, вели Сезер. Неговите во Турција биле изненадени од одлуката да се занимава со земјоделие, затоа што никој во неговото семејство не работел во оваа дејност. „Потребен е голем труд и знаење за да се најде старо семе, да се донесе до фиданката, да се засади и да се заштити, а потоа да се добие органски производ. Имам пријатели кои ги познавам во Турција кои се посветени на оваа работа и се консултирав со нив за сè, а сите мои семиња се семиња од претците кои ги собрав од Турција едно по едно. Артичок, боранија, грашок, грав, бамја, разни домати, пиперки, модар патлиџан.Но, ова не е најтешкиот дел од работата. Знаете што е најтешко? Наоѓање и управување со работници. Тоа беше мојот најголем проблем. Како решение повикав волонтери и во моментов ми помагаат тројца волонтери, сите од различни земји. Заедно собираме зеленчук, ја копаме градината и правиме пинџур и други специјалитети“, објаснува Сезер. Осумгодишен асистент и преведувач Неговиот син кој веќе има 8 години му помага во градината, а му се наоѓа и како преведувач. Имено, Сезер вели дека ги подзаборавил англискиот и германскиот јазик, а неговиот син кој учи македонски од градинка, а дома со родителите зборува турски, одлично зборува дури три јазици. „Во моментов, тој може да зборува 3 јазици како да му се мајчин јазик, за турски сум му јас најдобриот учител, а за англискиот правиме вежби и кога имаме време гледаме заедно филмови без превод“, гордо ни раскажа Сезер. smart smart Најголемиот дел од неговиот зеленчук го продава директно од нива, а ни откри и дека некои скопски ресторани купуваат зеленчук од него, па како што вели: „ве хранат со органски зеленчук без да ви кажат“. Другите производи што ги прави можат да се нарачаат само директно од него бидејќи се во мали количини за да ги пласира во продавници. Вели дека откако станал член на движењето Слоу фуд во Македонија, кое го следел и од Турција, многу луѓе во Македонија почнале да ја препознаваат неговата фарма. Најмногу ужива во заедничкото готвење со неговиот син, иако е тоа обично обврска на Лејла. „На почетокот ѝ дадов добар курс“, се смее Аким и додава дека тој и син му готват само повремено и кога треба да се подготви нешто посебно. Најчесто на менито имаат јадења направени од нивниот зеленчук, а редовно имаат супа и салата. Признава дека пред неколку години помислил со семејството да се врати во Турција бидејќи бил исплашен од здравствениот и образовниот систем, но во договор со сопругата се откажале од тоа и, вели, научиле да се грижат самите за повеќето свои потреби.„Често одиме во Турција, а со оглед на тоа што имам големо семејство, никогаш не ни недостасуваат гости. Донесов многу туристи во Македонија. Моите браќа, пријатели и роднини често доаѓаат тука, но доаѓаат и луѓе кои не ме познаваат бидејќи приказните за луѓето како мене секогаш привлекуваат внимание и будат интерес“, завршува со муабетот Сезер, еден од најведрите и најомилените ликови во сега веќе и неговиот Охрид. Аким Сезероргански производиОхридСлоу Фудфарма 2.726 Сподели FacebookTwitterGoogle+ReddItWhatsAppPinterestEmail...

СлајдерСовети Сок од лубеница – одлична идеја за летно чистење на организмот Арт Кујна Авг 16, 2022 Фото: Pexels 59 Сподели Благодарение на глутатионот, лубеницата ја поттикнува работата на вашиот црн дроб, најголемиот чистач на телото. Освен што ја стимулира детоксикацијата на вашето тело, лубеницата е и нискокалорична – една шолја содржи само 46 калории, па затоа е одлична и за одржување на добра фигура, односно за губење на вишокот килограми. Лубеницата се состои од дури 92 отсто вода, па затоа е идеална особено во летните месеци, кога многу се потиме. Покрај одличната хидратација и освежување, особено ако се јаде разладена, одлична е и за детоксикација на организмот. Ова овошје задоволува 20% од потребите на организмот за витамин Ц, како и 17% од потребата за витамин А. Содржи и витамини од Б-комплексот, како што се тиамин, пиридоксин и рибофлавин. Лубеницата е богата со цитрулин, аминокиселина која делува и како одличен диуретик, што значи дека го поттикнува мокрењето, а со тоа и го чисти организмот. Богата е и со аргинин, кој заедно со цитрулинот ја подобрува циркулацијата и спортските перформанси, па затоа сокот од лубеница е одличен за пиење пред поинтензивни физички активности. Со консумирање на сок од лубеница, во организмот ќе внесете изобилство на диетални влакна, благодарение на што ќе ви се исчистат цревата. Ова овошје е одлично и за здравјето на бубрезите бидејќи содржи ниско ниво на натриум и високо ниво на калиум, минерал кој природно го намалува крвниот притисок. Благодарение на глутатионот, лубеницата исто така добро ја поттикнува работата на вашиот црн дроб, најголемиот чистач на телото. Содржи и високо ниво на ликопен, кој ги штити клетките од оштетување, има антиинфламаторно дејство и е одличен за здравјето на простатата. Освен што ја стимулира детоксикацијата на вашето тело, лубеницата е и нискокалорична – една шолја содржи само 46 калории, па затоа е одлична и за одржување на добра фигура, односно за губење на вишокот килограми. Сок од лубеница – одличен за детоксикација Иако најчесто се јаде на парчиња, можете да подготвите и здрав сок од лубеница кој ќе ви помогне да го прочистите телото. Бидејќи лубеницата е сочна и има меко месо, не ви треба соковник за да направите сок. Сѐ што ви треба е блендер, а другите состојки – лиметата и нането, за дополнителна свежина. Доколку имате блендер со поголема моќност, слободно оставете ги и семките, исто така ќе се здробат и убаво ќе се соединат со сокот. Ако сакате чист сок без никакви траги од пулпа, можете да го процедите во густа цедалка. Од друга страна, ако користите соковник, можете да блендирате и кора од лубеница (се разбира доколку не е третирана со пестициди), која е богата со цитрулин, но претходно добро измијте ја. Бидејќи ова овошје, особено кога е доволно зрело, содржи природна сладост, не треба да додавате засладувач во сокот. Сок од лубеница – рецепт Состојки: 4 чаши лубеница исечкана на коцки2 лажици свежо исцеден сок од лимета (ако немате лимета, можете да ставите сок од лимон)неколку листови нане Приготвување: Во блендер изблендирајте ги лубеницата, сокот од лимета и нането. Овој сок можете да го чувате во фрижидер во тегла со капак до 3 дена. Но, најдобриот ефект го има сепак кога е свежо подготвен. Послужете го со коцки мраз и парчиња лимета. По желба, лиметата можете да ја замените со лимон, кој е одличен извор на витамин Ц и е одличен за детоксикација, а листовите нане можете да ги замените со босилек. Тридневен пост со сок од лубеница За одлична детоксикација на телото во лето, пробајте тридневен пост со сок од лубеница. За време на таков пост, сè што консумирате и внесувате во вашето тело е свеж сок од ова сочно овошје. По само три дена, телото ќе се одмори од консумирање на друга храна, ќе забележите позитивни промени, како надворешно, така и внатрешно. Не само што вашата кожа и коса, благодарение на антиоксидантите, ќе изгледаат подобро и ќе блескаат, туку и самите ќе се чувствувате подобро. Вашето тело ќе се ресетира, вашите когнитивни способности ќе се подобрат, ќе поттикнете губење на тежината и ќе го зголемите нивото на енергија и ќе ги намалите воспалителните процеси во телото. Искористете ги сите предности на ова летно овошје кое ви гарантира освежување, уживање во вкусот, но и одлична детоксикација! лубеницасок од лубеницачистење на организмот 59 Сподели FacebookTwitterGoogle+ReddItWhatsAppPinterestEmail...

СлајдерХраната лек Што треба да има во вашата мала домашна природна аптека? Арт Кујна Авг 16, 2022 Фото: Unsplash 66 Сподели Познато е дека листовите од зелката го намалуваат отокот, дека куркумата е одличен природен аналгетик, дека сокот од лимон наутро на празен стомак совршено го чисти организмот, а дека лавандата придонесува за квалитетот на сонот. Ова се само некои од важните состојки кои треба да ги имате во вашата мала аптека. Познати се повеќето од овие природни лекови за здравјето на организмот, но еве кои се основните што треба секогаш да ги имате во вашата домашна природна аптека за да не мора постојано да трчате на лекар. И онака последниве 2-3 години нашите матични лекари се претворија во шалтерски работници. Знаеме дека листовите од зелката го намалуваат отокот, дека куркумата е одличен природен аналгетик, дека сокот од лимон наутро на празен стомак совршено го чисти организмот, а дека лавандата придонесува за квалитетот на сонот. Ова се само некои од важните состојки кои треба да ги имате во вашата мала аптека. Синтетичките лекови не само што ги прикриваат симптомите и вистинската причина за болеста, туку имаат и несакани ефекти, а некои од нив можат да го загрозат и вашиот живот доколку се земаат подолго време. Зошто да не користите лековити растенија од природата и здрава храна што веројатно веќе ја имате во вашата кујна и да не создадете своја мала домашна аптека? Најдете катче во вашиот дом каде што ќе поставите мала комода или плакарче со фиоки. Ова е местото каде што ќе го чувате вашето мало богатство кое ќе го штити доброто здравје на вашето семејство. Веројатно веќе имате некои идеи за тоа што е лековито во вашата кујна и во вашето природно опкружување. Можеби веќе сте го слушнале ова од вашите баба и дедо бидејќи тие многу добро знаеле што помага најдобро. Но, Интернетот е секогаш при рака, па со неколку кликања можете да дознаете кои се ефикасни природни решенија за одредени заболувања. Бидете љубопитни и подготвени за учење Во зависност од тоа кои тегоби најчесто ве мачат вас или некој друг во вашето семејство, купувајте поединечни состојки малку по малку и збогатете ја со нив вашата мала аптека. Започнете со само неколку природни состојки за кои знаете дека се ефикасни, а потоа полека збогатете ја и дополнете ја вашата аптека. Што дефинитивно треба да содржи вашата мала аптека Лимон Кога станува збор за лимоните, секогаш имајте ги при рака. Но, единствениот вистински лековит лимон, чија кора е исклучително здрава, е органскиот, непрсканиот. Едноставното консумирање на свежо исцеден сок од лимон со малку топла вода наутро на празен стомак ќе направи чуда за вашето здравје бидејќи ќе ја стимулирате детоксикацијата на телото. Лимонот е исто така важен додаток на чаеви и пијалаци против настинки и грип. Особено ако го комбинирате, на пример, со рендан ѓумбир и мед. Ѓумбир Без разлика дали е свеж или сушен, ѓумбирот дефинитивно треба да најде место во вашата домашна аптека. Неговите антиинфламаторни и антибактериски својства се ненадминати. За одлично здравје и заштита од настинка, задолжително пијте чај од рендан ѓумбир со малку лимон и мед. Ѓумбирот е одличен и за ублажување на мачнините. Сушени коприви Мажите кои имаат проблеми со простатата сигурно знаат за лековитите својства на копривата. Меѓутоа, покрај тоа што е важна за здравјето на простатата, копривата е и одлично средство за чистење на телото и природен антихистаминик. Секогаш кога имате можност, берете млади листови од коприва, исушете ги и чувајте ги во тегли. Подгответе лековит чај од ова прекрасно растение. Јаболков оцет Оваа сестрана и евтина намирница може да ви помогне не само во губење на тежината, туку и во намалување на нивото на шеќер во крвта, со габични заболувања на ноктите, брадавици, инфекции на увото, егзема и други кожни проблеми. Секогаш давајте предност на квалитетниот органски јаболков оцет. Масло од чајно дрво Ако треба да изберете едно есенцијално масло за домашната аптека, нека биде тоа маслото од чајно дрво. Тој е одличен сојузник во лекувањето на акни, првут, папилома, егзема, псоријаза и габични инфекции. Сиров мед Медот одамна е познат како вистински домашен лек кој има силни антимикробни и антиинфламаторни својства. Можете да го додадете во чаеви, смути и пијалаци, одличен е за кожата и помага при кашлица, грип, настинка и алергии. Задолжително купете квалитетен мед од локални медари. Лук Во вашата мала домашна аптека секогаш нека има лук, кој е вистински природен антибиотик. За максимални лековити својства, најдобро е да се јаде сиров. Камилица Ова лековито и смирувачко растение е толку нежно што е погодно дури и за вашите деца. Имајте го секогаш при рака и направете здрав чај за целото семејство. Освен што ќе поттикне добар сон, ќе има благотворно дејство и на стомачни проблеми и можни грчеви. Камилицата помага и при воспаленија, бактерии и паразити. Корен од глуварче Доколку сакате да го обновите и регенерирате црниот дроб и да го стимулирате чистењето на целиот организам, задолжително набавете исушен корен од глуварче. Коренот на глуварчето дејствува така што ги чисти органите и одржува здрави нивоа на нутриентите кои му се потребни на вашето тело. Пијте го во форма на чај. Сода бикарбона Оваа скромна кујнска состојка прави чуда за вашето здравје и може да ви помогне кај дигестивни проблеми и убоди од пчели или оси. Едноставно ставете малку сода бикарбона на дланката, измешајте ја со вода и нанесете ја на местото на убодот. Куркума Благодарение на куркуминот, овој егзотичен зачин е меѓу најлековитите природни лекови. Некои ја нарекуваат куркумата „аптека во едно растение“ со причина. Покрај тоа што има силни антиинфламаторни својства, го зачувува здравјето на срцето и мозокот и може да спречи рак. Дополнителни совети Сите овие исклучително здрави состојки можат да ви помогнат при различни заболувања. Меѓутоа, ако вашите тегоби се повторуваат често, на пример, алергии, настинки или габични заболувања, треба да направите некои суштински промени во вашиот животен стил. Внимавајте на исхраната и бидете активни. Не заборавајте да престојувате на сонце – витаминот Д е неопходен за вашето оптимално здравје. домашна аптеказдрави намирнициприродни лекови 66 Сподели FacebookTwitterGoogle+ReddItWhatsAppPinterestEmail...

СлајдерСовети Ако најмногу сакате печена пченка, можете да ја испечете и сами, и тоа – без скара Арт Кујна Авг 15, 2022 Фото: Unsplash 277 Сподели Уживајте во омилената летна закуска… Да, повеќето луѓе најмногу ја сакаат кога е печена, ама можете да ја испечете и во својата кујна. Можете да подготвите печена пченка дома на тава за скара, во микробранова печка или во рерна. Ве интересира како да испечете пченка дома, едноставно, брзо и без непотребен неред? Прочитајте ги наједноставните методи на подготовка подолу и одберете го оној што најмногу ви одговара! Пченка од рерна Од сите начини за подготовка на пченка, најмалку посегнуваме по печење во рерна. Готвењето е најчесто користениот метод, додека микробрановата и скарата се сметаат за добри алтернативи. Всушност, печењето пченка во рерната е одличен метод, а постојат барем три начини на кои можете да го направите ова. Печење пченка во лушпа Ова е наједноставниот метод. Сѐ што треба да направите е да ја исечете свилата на врвот на секој кочан и да ги ставите кочаните на решетката во рерната. Обвивката ќе се исуши во рерната, а отстранувањето по печењето ќе биде брзо и лесно. Вкусот на вака приготвената пченка е суптилно сладок, но и помалку карамелизиран од пченката печена без лушпи. Овој метод е најдобар кога немате многу време за подготовка и сакате веднаш да започнете со печење. Пченката ќе се испече за околу 30 минути. 2. Печење пченка без лушпа Печењето обични, излупени клипови во рерна е одличен метод ако сакате попечена односно карамелизирана пченка. Со овој метод пченката ќе се испече побрзо отколку со другите два методи, но исто така и дополнително ќе се исуши, па затоа е најдобро да се послужи со путер. Овој метод е одличен ако сакате да постигнете вкус сличен на оној на печена пченка скара, а времето за печење е околу 25 минути. 3. Печење пченка во фолија (со путер!) Овој метод е нашиот омилен метод. Излупете ја пченката, завиткајте ја во фолија со малку путер и печете ги малите пакувања пченка додека не омекнат. Пченките всушност ќе се сварат во фолијата, а вкусот ќе биде нежен и сладок. Овој метод ќе ви одземе околу 30 минути. Пченката подготвена на овој начин е одлична идеја и затоа што можете да печете поголеми количини одеднаш, така што ќе биде одлична закуска во друштво на најблиските. На количина од четири кочани, подгответе 100 гр путер, едно чешне лук, лажица ситно сечкан свеж магдонос, вклучете ја рерната и подгответе ја фолијата. Загрејте ја рерната на 200 степени, а потоа измешајте го растопениот путер, мелениот лук и ситно сечканиот магдонос во посебен сад. Исечете четири поголеми парчиња фолија. Спакувајте по една пченка во секое парче фолија, премачкајте ја со смесата со путер од сите страни и цврсто затворете ги аглите на фолијата за да ги задржите сите состојки во пакетот. Печете целосно затворено околу 30 минути, а последните десет минути отворете ја фолијата и оставете ја пченката да добие боја. Пченка печена во грил тава Можете исто така да испечете пченка и во грил тава. За почеток, потопете ја пченката во ладна вода 30 минути, а потоа исушете ја добро. Потоа ставете ја пченката во тавата, поклопете и печете околу 20 минути. Во меѓувреме, подгответе го путерот со лук така што ќе измешате сол, црн пипер, пасиран или столчен лук и лесно растопен путер. Подготвената пченка премачкајте ја од сите страни со оваа смеса, поросете ја со ситно рендан пармезан и сечкан власец и попрскајте со неколку капки сок од лимон. Пченка во микробранова печка Пченката може да се пече и во микробранова печка, а за овој метод ќе треба да одвоите само 12 минути. Може да ставите до три пченки со лисја во микробранова печка. Ставете ги да се печат 12 минути, а потоа внимателно префрлете ги на даска за сечење со кујнски ракавици. Користете нож за да го отсечете крајот на кочанот, а потоа нежно истиснете ја целата пченка низ лисјата на работната површина. Деталите за овој метод можете да ги видите во видеото подолу… печена пченкапечена пченка во рернапченка 277 Сподели FacebookTwitterGoogle+ReddItWhatsAppPinterestEmail...

СлајдерСовети Еве ги сите начини на кои можете да испечете пченка … Арт Кујна Авг 15, 2022 Фото: Unsplash 1 Сподели Уживајте во омилената летна закуска… Да, повеќето луѓе најмногу ја сакаат кога е печена, ама можете да ја испечете и во својата кујна. Можете да подготвите печена пченка дома на тава за скара, во микробранова печка или во рерна. Ве интересира како да испечете пченка дома, едноставно, брзо и без непотребен неред? Прочитајте ги наједноставните методи на подготовка подолу и одберете го оној што најмногу ви одговара! Пченка од рерна Од сите начини за подготовка на пченка, најмалку посегнуваме по печење во рерна. Готвењето е најчесто користениот метод, додека микробрановата и скарата се сметаат за добри алтернативи. Всушност, печењето пченка во рерната е одличен метод, а постојат барем три начини на кои можете да ја испечете. Печење пченка во лушпа Ова е наједноставниот метод. Сѐ што треба да направите е да ја исечете свилата на врвот на секој кочан и да ги ставите кочаните на решетката во рерната. Обвивката ќе се исуши во рерната, а отстранувањето по печењето ќе биде брзо и лесно. Вкусот на вака приготвената пченка е суптилно сладок, но и помалку карамелизиран од пченката печена без лушпи. Овој метод е најдобар кога немате многу време за подготовка и сакате веднаш да започнете со печење. Пченката ќе се испече за околу 30 минути. 2. Печење пченка без лушпа Печењето обични, излупени клипови во рерна е одличен метод ако сакате попечена односно карамелизирана пченка. Со овој метод пченката ќе се испече побрзо отколку со другите два методи, но исто така и дополнително ќе се исуши, па затоа е најдобро да се послужи со путер. Овој метод е одличен ако сакате да постигнете вкус сличен на оној на печена пченка скара, а времето за печење е околу 25 минути. 3. Печење пченка во фолија (со путер!) Овој метод е нашиот омилен метод. Излупете ја пченката, завиткајте ја во фолија со малку путер и печете ги малите пакувања пченка додека не омекнат. Пченките всушност ќе се сварат во фолијата, а вкусот ќе биде нежен и сладок. Овој метод ќе ви одземе околу 30 минути. Пченката подготвена на овој начин е одлична идеја и затоа што можете да печете поголеми количини одеднаш, така што ќе биде одлична закуска во друштво на најблиските. На количина од четири кочани, подгответе 100 гр путер, едно чешне лук, лажица ситно сечкан свеж магдонос, вклучете ја рерната и подгответе ја фолијата. Загрејте ја рерната на 200 степени, а потоа измешајте го растопениот путер, мелениот лук и ситно сечканиот магдонос во посебен сад. Исечете четири поголеми парчиња фолија. Спакувајте по една пченка во секое парче фолија, премачкајте ја со смесата со путер од сите страни и цврсто затворете ги аглите на фолијата за да ги задржите сите состојки во пакетот. Печете целосно затворено околу 30 минути, а последните десет минути отворете ја фолијата и оставете ја пченката да добие боја. Пченка печена во грил тава Можете исто така да испечете пченка и во грил тава. За почеток, потопете ја пченката во ладна вода 30 минути, а потоа исушете ја добро. Потоа ставете ја пченката во тавата, поклопете и печете околу 20 минути. Во меѓувреме, подгответе го путерот со лук така што ќе измешате сол, црн пипер, пасиран или столчен лук и лесно растопен путер. Подготвената пченка премачкајте ја од сите страни со оваа смеса, поросете ја со ситно рендан пармезан и сечкан власец и попрскајте со неколку капки сок од лимон. Пченка во микробранова печка Пченката може да се пече и во микробранова печка, а за овој метод ќе треба да одвоите само 12 минути. Може да ставите до три пченки со лисја во микробранова печка. Ставете ги да се печат 12 минути, а потоа внимателно префрлете ги на даска за сечење со кујнски ракавици. Користете нож за да го отсечете крајот на кочанот, а потоа нежно истиснете ја целата пченка низ лисјата на работната површина. Деталите за овој метод можете да ги видите во видеото подолу… печена пченкапечена пченка во рернапченка 1 Сподели FacebookTwitterGoogle+ReddItWhatsAppPinterestEmail...

СлајдерСовети Како секогаш да имате исчистен лук при рака (ВИДЕО) Арт Кујна Авг 15, 2022 Фото: Pixabay 126 Сподели Веројатно ви се случило некогаш да не ставите лук во јадењето кое сте брзале да го направите што поскоро само затоа што не сте сакале да губите време на лупење и сечкање. Еве еден одличен трик со чија помош секогаш ќе имате при рака лук готов за употреба. Лукот стана незаменлив во готвењето, а на оброците им дава посебна пикантност и вкус, а се разбира и дека е одличен во борбата против настинките, но има и многу други здравствени придобивки за кои веќе сме пишувале. Домаќинките често се прашуваат како правилно да го чуваат лукот без да го изгубат неговиот квалитет. Доколку имате многу лук и често го користите во готвењето, овој едноставен трик кој брзо стана вирален на социјалните мрежи може да ви помогне на многу начини и да го намалите времето потребно за да излупите и исечкате лук за некое јадење. Наместо да го лупите и сечкате лукот секој пат кога правите ручек или вечера, обидете се да го изблендирате во блендер со малку масло за да направите паста. Потоа префрлете го во сад за мраз, ставете го во замрзнувач и вадете по една коцка секој пат кога ќе ви затреба за некое јадење. Ваквиот начин на чување нема да го промени вкусот на лукот, а вашето јадење ќе го има тој карактеристичен вкус. Погледнете како изгледа целиот процес во видеото подолу. View this post on Instagram A post shared by Carleigh Bodrug (@plantyou) блендерлукпаста од лук 126 Сподели FacebookTwitterGoogle+ReddItWhatsAppPinterestEmail...

СлајдерСовети Зошто е добро да се инвестира во апарат за готвење на пареа? Водич за почетници Арт Кујна Авг 15, 2022 Фото: Pixabay 140 Сподели При готвење на пареа, намирниците се третираат со влажна топлина за разлика од сувата топлина во рерната. Ова ја зачувува бојата, вкусот и сите хранливи материи во намирниците, а притоа, бидејќи се готви без маснотии, можете да ги намалите и килограмите без посебна диета Еден од најздравите начини за подготовка на храна во светот е готвењето на пареа. Овој начин на готвење се користи повеќе од илјада години и овозможува храната да го задржи својот оригинален изглед, вкус и боја. При готвење на пареа, храната се готви во сопствениот сок, а на тој начин се зачувуваат и хранливите состојки, бојата, текстурата и вкусот. При готвење на високи температури, витамините може да се уништат или ако го готвиме зеленчукот во вода, витамините наместо во зеленчукот ќе останат во водата која обично ја фрламе. Но, високите температури не само што придонесуваат за губење на хранливите материи, туку може да се формираат и некои штетни соединенија. На пример, долгорочното пржење во масло е само дел од методите при кои се формираат штетни канцерогени соединенија, а сѐ се должи на високата температура. Зошто е добро готвењето на пареа? Освен што загубата на витамини и минерали е минимална и не се губи оригиналниот вкус и боја, не ви требаат ни масло и маснотии при готвење на пареа. Можете да готвите секаква храна – од овошје и зеленчук до месо и риба, а за подготовка на оброк ви требаат најмногу 30 минути. Како се готви на пареа? Процесот на готвење на пареа е многу едноставен. Во поголемо тенџере истураме вода и ја загреваме на шпорет и наместо да го зготвиме јадењето во тенџерето со вода, го ставаме на метална цедалка или во чинија со дупчиња и ја ставаме над тенџерето. Водата од тенџерето испарува, а топлата пареа која не надминува 100 Целзиусови степени е одговорна за готвење или термичка обработка на храната. Не ја солете водата бидејќи кога се готви на овој начин тоа нема да влијае на вкусот на храната, туку само ќе го забави процесот на испарување. Зачинете ја храната кога ќе биде готова. Секако, постојат сега и многу убави апарати за готвење на пареа и во слоеви кои ќе ви го заштедат времето, ќе ви помогнат секогаш да имате брзи и здрави оброци, а ќе придонесат и за намалување на килограмите. Готвење на пареа во апарат за готвење Истурате вода во долниот дел на уредот и ги редите дупчестите делови на неколку ката. Можете да готвите на еден кат или на неколку, во зависност од моделот на апаратот. Многу уреди од овој тип имаат и додаток (кадичка) за готвење ориз. Она што е добро со апаратите со повеќе делови е тоа што, на пример, на последниот „најладен“ спрат можете да ги ставите брокулите и да ги отстраните по 5 минути, сечканите тиквички и модар патлиџан од вториот кат по 10 минути, додека месото и оризот на првиот кат ќе се готват 20 минути. Кој метод и да го одберете бидете внимателни затоа што водената пареа е ужасно врела. Кога готвите на пареа, треба да бидете многу внимателни кога го вадите капакот од тенџерето или апаратот. Капакот се отстранува со ракавици за рерна или со рака завиткана во сува кујнска крпа. Во никој случај не повлекувајте нагоре, туку секогаш на страна. Храна што може да се готви на пареа Скоро сите видови зеленчук може да се варат на пареа, но попогодни се некои намирници како брокула, карфиол, моркови, шпароги, боранија и тиквички. Готвењето на пареа е релативно брз начин на подготовка, бидејќи се потребни околу 10 минути за да се подготви зеленчукот, а помекиот зеленчук исечен на помали парчиња може да биде готов за 5 минути. Важно е да се нагласи дека при готвење на пареа не е потребно да се додава масло и други масти, затоа готвењето на пареа е идеално за оние кои внимаваат на количеството маснотии во храната. Покрај зеленчукот, одлични кандидати за варење на пареа се и месото и рибата. Неколку совети Готвењето на пареа е брз метод кога станува збор за времето за готвење бидејќи зеленчукот, рибините филети и морските плодови ќе бидат готови за неколку минути. Но, можеме да свариме и некои намирници кои можеби не би очекувале дека можат да се зготват на пареа. На пример, варените јајца излегуваат фантастично со варење на пареа заедно со лушпата. За совршено меко варени јајца кои лесно се лупат, потребно е да се варат 6 минути во загреано тенџере, а тврдо варените јајца 11 минути, по што треба да се изладат во ледена вода. Кое месо може да се готви на пареа? Иако речиси сите намирници можеме да ги свариме на пареа, за некои намирници тоа нема многу смисла. На пример, можеме да испариме дури и парче потврдо месо, како што е парче говедско бутче. Но, прво би требало да го омекнеме, да го исечеме многу тенко и да го вариме на пареа покриено, заедно со зеленчукот што ќе даде малку од својата арома, најмалку 2 часа. Температурата на пареата не надминува 100 °C, но таа е доволно висока за да се ослободат штетните бактерии од месото, што на крајот ќе биде здраво. Меѓутоа, поради долготрајното готвење, ризикувате месото да изгледа прилично непривлечно на вашата чинија поради оштетениот површински слој и иако готвењето на пареа обично ја обезбедува сочноста на храната, тоа не е случај со потврдите видови месо. Исто така, при толку ниски температури на подготовка и недостаток на маснотии за време на готвењето, не доаѓа до оние реакции кои се одговорни за убавата кафена боја и вкусот на месото. За разлика од говедското месо, подготовката на свински котлети на пареа трае помалку време и е поветувачка. Котлетите треба да се маринираат или да се намачкаат со зачини по ваш избор и сок од лимон и да се стават на метална цедалка. Се препорачува да ги ставите на лист зелена салата за да не истече природниот сок од месо низ дупките на цедалката. Во водата по желба може да се додадат малку зачини или вино, а тоа резултира со поголема сложеност на вкусот на храната зготвена на пареа. Растојанието помеѓу водата и котлетите мора да биде што е можно помало. Месото се вари на пареа приближно 8-10 минути без да се отвори капакот, по што мора да се превртат котлетите. Вака подготвените котлети, исечени на тенки парчиња, се идеален додаток за салати или, на пример, во тортилји. Пилешкото и другите помеки парчиња месо може лесно да се подготват на пареа, само внимавајте парчињата да не бидат премногу големи или предебели, бидејќи површината на месото ќе биде преварена, а средината ќе остане сирова. За да обезбедиме сочно приготвување на месото на пареа, можеме да го завиткаме во некоја јадлива обвивка како што се листови зелка, пченка или во фолија која ќе ја заштити површината на месото од силната пареа и ќе овозможи постепено варење на месото. Десерти Кремите како крем бруле или пудинзи, мусови, па дури и некои бисквити може да се направат на пареа. Пареата им дава сочност и леснотија на десертите. Во aпарат за готвење на пареа, невозможно е храната да изгори или да добие неубава црна кора. Некои намирници не се погодни за готвење на пареа, бидејќи се претвораат во каша. Такви се, на пример, тестенините направени од меки сорти пченица. Но, некои апарати на пареа имаат посебен сад, во кој дополнително се става вода. И грав е исто така тешко да се вари на пареа, бидејќи овој процес одзема премногу време. При готвење на пареа, производите се третираат со влажна топлина за разлика од сувата топлина во рерната. Ова ја зачувува бојата на производот и витамините во него. Готвењето на пареа е погодно за луѓе кои сакаат здрава исхрана. Современите уреди за готвење на пареа може да се користат и за подгревање на храната и за стерилизирање на шишињата за млеко за бебиња. Ако се случи да заборавите дека сте го вклучиле апаратот за готвење додека гледате ТВ серија, кога целата вода ќе испари, апаратот автоматски ќе се исклучи. Постојат и уреди за готвење на пареа со одложен старт – храната ќе почне да се готви додека сте уште на работа, а кога ќе се вратите ќе имате готово вкусно јадење. готвење на пареаздрава хранапареа 140 Сподели FacebookTwitterGoogle+ReddItWhatsAppPinterestEmail...

СлајдерСовети Зошто е добро да се инвестира во апарат за готвење на пареа? Водич за почетници Арт Кујна Авг 15, 2022 Фото: Pixabay 2 Сподели При готвење на пареа, намирниците се третираат со влажна топлина за разлика од сувата топлина во рерната. Ова ја зачувува бојата, вкусот и сите хранливи материи во намирниците, а притоа, бидејќи се готви без маснотии, можете да ги намалите и килограмите без посебна диета Еден од најздравите начини за подготовка на храна во светот е готвењето на пареа. Овој начин на готвење се користи повеќе од илјада години и овозможува храната да го задржи својот оригинален изглед, вкус и боја. При готвење на пареа, храната се готви во сопствениот сок, а на тој начин се зачувуваат и хранливите состојки, бојата, текстурата и вкусот. При готвење на високи температури, витамините може да се уништат или ако го готвиме зеленчукот во вода, витамините наместо во зеленчукот ќе останат во водата која обично ја фрламе. Но, високите температури не само што придонесуваат за губење на хранливите материи, туку може да се формираат и некои штетни соединенија. На пример, долгорочното пржење во масло е само дел од методите при кои се формираат штетни канцерогени соединенија, а сѐ се должи на високата температура. Зошто е добро готвењето на пареа? Освен што загубата на витамини и минерали е минимална и не се губи оригиналниот вкус и боја, не ви требаат ни масло и маснотии при готвење на пареа. Можете да готвите секаква храна – од овошје и зеленчук до месо и риба, а за подготовка на оброк ви требаат најмногу 30 минути. Како се готви на пареа? Процесот на готвење на пареа е многу едноставен. Во поголемо тенџере истураме вода и ја загреваме на шпорет и наместо да го зготвиме јадењето во тенџерето со вода, го ставаме на метална цедалка или во чинија со дупчиња и ја ставаме над тенџерето. Водата од тенџерето испарува, а топлата пареа која не надминува 100 Целзиусови степени е одговорна за готвење или термичка обработка на храната. Не ја солете водата бидејќи кога се готви на овој начин тоа нема да влијае на вкусот на храната, туку само ќе го забави процесот на испарување. Зачинете ја храната кога ќе биде готова. Секако, постојат сега и многу убави апарати за готвење на пареа и во слоеви кои ќе ви го заштедат времето, ќе ви помогнат секогаш да имате брзи и здрави оброци, а ќе придонесат и за намалување на килограмите. Готвење на пареа во апарат за готвење Истурате вода во долниот дел на уредот и ги редите дупчестите делови на неколку ката. Можете да готвите на еден кат или на неколку, во зависност од моделот на апаратот. Многу уреди од овој тип имаат и додаток (кадичка) за готвење ориз. Она што е добро со апаратите со повеќе делови е тоа што, на пример, на последниот „најладен“ спрат можете да ги ставите брокулите и да ги отстраните по 5 минути, сечканите тиквички и модар патлиџан од вториот кат по 10 минути, додека месото и оризот на првиот кат ќе се готват 20 минути. Кој метод и да го одберете бидете внимателни затоа што водената пареа е ужасно врела. Кога готвите на пареа, треба да бидете многу внимателни кога го вадите капакот од тенџерето или апаратот. Капакот се отстранува со ракавици за рерна или со рака завиткана во сува кујнска крпа. Во никој случај не повлекувајте нагоре, туку секогаш на страна. Храна што може да се готви на пареа Скоро сите видови зеленчук може да се варат на пареа, но попогодни се некои намирници како брокула, карфиол, моркови, шпароги, боранија и тиквички. Готвењето на пареа е релативно брз начин на подготовка, бидејќи се потребни околу 10 минути за да се подготви зеленчукот, а помекиот зеленчук исечен на помали парчиња може да биде готов за 5 минути. Важно е да се нагласи дека при готвење на пареа не е потребно да се додава масло и други масти, затоа готвењето на пареа е идеално за оние кои внимаваат на количеството маснотии во храната. Покрај зеленчукот, одлични кандидати за варење на пареа се и месото и рибата. Неколку совети Готвењето на пареа е брз метод кога станува збор за времето за готвење бидејќи зеленчукот, рибините филети и морските плодови ќе бидат готови за неколку минути. Но, можеме да свариме и некои намирници кои можеби не би очекувале дека можат да се зготват на пареа. На пример, варените јајца излегуваат фантастично со варење на пареа заедно со лушпата. За совршено меко варени јајца кои лесно се лупат, потребно е да се варат 6 минути во загреано тенџере, а тврдо варените јајца 11 минути, по што треба да се изладат во ледена вода. Кое месо може да се готви на пареа? Иако речиси сите намирници можеме да ги свариме на пареа, за некои намирници тоа нема многу смисла. На пример, можеме да испариме дури и парче потврдо месо, како што е парче говедско бутче. Но, прво би требало да го омекнеме, да го исечеме многу тенко и да го вариме на пареа покриено, заедно со зеленчукот што ќе даде малку од својата арома, најмалку 2 часа. Температурата на пареата не надминува 100 °C, но таа е доволно висока за да се ослободат штетните бактерии од месото, што на крајот ќе биде здраво. Меѓутоа, поради долготрајното готвење, ризикувате месото да изгледа прилично непривлечно на вашата чинија поради оштетениот површински слој и иако готвењето на пареа обично ја обезбедува сочноста на храната, тоа не е случај со потврдите видови месо. Исто така, при толку ниски температури на подготовка и недостаток на маснотии за време на готвењето, не доаѓа до оние реакции кои се одговорни за убавата кафена боја и вкусот на месото. За разлика од говедското месо, подготовката на свински котлети на пареа трае помалку време и е поветувачка. Котлетите треба да се маринираат или да се намачкаат со зачини по ваш избор и сок од лимон и да се стават на метална цедалка. Се препорачува да ги ставите на лист зелена салата за да не истече природниот сок од месо низ дупките на цедалката. Во водата по желба може да се додадат малку зачини или вино, а тоа резултира со поголема сложеност на вкусот на храната зготвена на пареа. Растојанието помеѓу водата и котлетите мора да биде што е можно помало. Месото се вари на пареа приближно 8-10 минути без да се отвори капакот, по што мора да се превртат котлетите. Вака подготвените котлети, исечени на тенки парчиња, се идеален додаток за салати или, на пример, во тортилји. Пилешкото и другите помеки парчиња месо може лесно да се подготват на пареа, само внимавајте парчињата да не бидат премногу големи или предебели, бидејќи површината на месото ќе биде преварена, а средината ќе остане сирова. За да обезбедиме сочно приготвување на месото на пареа, можеме да го завиткаме во некоја јадлива обвивка како што се листови зелка, пченка или во фолија која ќе ја заштити површината на месото од силната пареа и ќе овозможи постепено варење на месото. Десерти Кремите како крем бруле или пудинзи, мусови, па дури и некои бисквити може да се направат на пареа. Пареата им дава сочност и леснотија на десертите. Во aпарат за готвење на пареа, невозможно е храната да изгори или да добие неубава црна кора. Некои намирници не се погодни за готвење на пареа, бидејќи се претвораат во каша. Такви се, на пример, тестенините направени од меки сорти пченица. Но, некои апарати на пареа имаат посебен сад, во кој дополнително се става вода. И грав е исто така тешко да се вари на пареа, бидејќи овој процес одзема премногу време. При готвење на пареа, производите се третираат со влажна топлина за разлика од сувата топлина во рерната. Ова ја зачувува бојата на производот и витамините во него. Готвењето на пареа е погодно за луѓе кои сакаат здрава исхрана. Современите уреди за готвење на пареа може да се користат и за подгревање на храната и за стерилизирање на шишињата за млеко за бебиња. Ако се случи да заборавите дека сте го вклучиле апаратот за готвење додека гледате ТВ серија, кога целата вода ќе испари, апаратот автоматски ќе се исклучи. Постојат и уреди за готвење на пареа со одложен старт – храната ќе почне да се готви додека сте уште на работа, а кога ќе се вратите ќе имате готово вкусно јадење. готвење на пареаздрава хранапареа 2 Сподели FacebookTwitterGoogle+ReddItWhatsAppPinterestEmail...

Готвам и сликамСлајдер Брзо, вкусно, здраво: Модар патлиџан во рерна Арт Кујна Авг 15, 2022 188 Сподели Модриот патлиџан се вбројува во здравите намирници кои имаат ниска калорична вредност, богат е со растителни влакна и антиоксиданти, а е одличeн за здравјето на целиот организам. Еве како да го подготвите како главен оброк Она по што е многу познат е неговата состојка насунин, која може да влијае на спречување на кардиоваскуларни заболувања, како и на спречување на карцином. Веганската кујна го препознава како одлична алтернатива за месото затоа што е добар извор на протеини. Модриот патлиџан се вбројува во здравите намирници кои имаат ниска калорична вредност, богат е со растителни влакна и антиоксиданти, а е одличeн за здравјето на целиот организам. Сезоната кога е најдобро да се консумира е токму сега, а ќе го имаме дури и во октомври кога е време да си замрзнеме малку и за во зима. Односно, сезоната му е помеѓу август и октомври. Веганската кујна го препознава како одлична алтернатива за месото затоа што е добар извор на протеини. Нашиот рецепт е многу едноставен, а за да го направите ви треба најмногу половина час. Измијте ги доматите и исечете ги на половини. Не ги лупете. Направете засеци вдолж и попреку во форма на квадратчиња и посолете. Ставете ги да се печат во загреана рерна. Кога ќе омекнат извадете ги, згмнечете ги со вилушка и ставете здробено лукче, сирење, парчиња домат и прелијте со маслиново масло. Вратете ги во рерна уште 5-10 минути, украсете со босилек и ете ви ручек. А еве зошто е добро да ги имате што почесто на менито: Помага да се изгубат килограмите Модриот патлиџан содржи голем процент на вода и е нискокалорична храна. Овие карактеристики го прават идеална намирница за луѓето кои се на диета и кои сакаат да изгубат тежина. Одличен е за здравјето на срцето Модриот патлиџан е исклучително корисен за здравјето на срцето. Со неговото консумирање, можеме да го намалиме нивото на лош холестерол во крвта, да го подобриме здравјето на sидовите на артериите и да ги опуштиме напнатите крвни садови. Помага за здравјето на мозокот Високата содржина на фитонутриенти во модриот патлиџан помага на здравјето на мозокот со тоа што го штити од слободни радикали и други штетни влијанија. Исто така, содржи комплекс на витамини Б, кои ја ублажуваат физичката и менталната вознемиреност. Затоа е подобро да се јаде модар патлиџан во што е можно поприродна форма, со минимална термичка обработка. Сепак, бидејќи содржи соланин, кој го штити растението од штетници, но е отровен за човекот, мора да се обработи на некој начин, секако, минимално. Исто така, соланинот е одговорен и горчливиот вкус, а се верува дека дозата од 200 мг може да предизвика труење. Кога е неутрализирана во цревата, таа престанува да биде токсична. Од друга страна, токму заради горчливиот вкус, модриот патлиџан има ефект на ублажување на грчеви во стомакот и слични проблеми со дигестивниот систем. Има малку калории Ако обрнувате внимание на внесот на калории, можете да јадете модар патлиџан без никакви грижи. Во 100 грама свеж модар патлиџан има само 24 калории, додека варен има 35, што е исклучително малку со оглед на неговата хранлива вредност. Тој е богат извор на калиум Калиумот е од суштинско значење за одржување на здрав крвен притисок и помага во спречување на заболување на непцата. Тој е клучна компонента во борбата против воспаленија на непцата и артериите. Има висок процент на ГАБА аминокиселини ГАБА (гама-аминобутерна киселина) е аминокиселина која ја намалува вознемиреноста, го подобрува спиењето и ги забавува мислите. Го намалува ризикот од рак Она по што модриот патлиџан е многу познат е антиоксиданс насунин, кој ги штити нашите клетки од уништување и кој ги штити нашите клетки од уништување, тој е собирач на слободни радикали и влијае на излачувањето на вишокот железо од телото. Токму овој антиоксидант може да влијае на спречување на кардиоваскуларни заболувања, како и на карцином. Им помага на луѓето со дијабетес тип 2 Модриот патлиџан содржи голема количина на растителни влакна кои го намалуваат нивото на гликоза во крвта, што придонесува за здравјето на дијабетичарите. Помага при запек Овој зеленчук е идеален против опстипацијаили запек поради големата количина на растителни влакна. Влакната од зеленчук ги чистат цревата од токсините и го стимулираат редовното варење. лесен брз и здрав оброкмодар патлиџансезона на модар патлиџан 188 Сподели FacebookTwitterGoogle+ReddItWhatsAppPinterestEmail...

СлајдерТОП 5 Излижи си ја чинијата, не си ја оставај среќата и мисли на децата од Африка! Драгица Христова Авг 12, 2022 Фото: Unsplash 117 Сподели Моите колеги од соседната канцеларија со по некој килограм вишок, си се жалеа деновиве еден на друг како се здебелиле само затоа што се жртви на воспитувањето. Кога биле мали им велеле да си ја излижат чинијата, да не си ја оставаат среќата и да се сетат дека децата во Африка гладуваат. Е сега, драги колеги, пријатели и останати жртви на воспитувањето, шега настрана, ама време е за реорганизација во кујните Сигурно сте слушнале многумина како се жалат дека се здебелиле затоа што дома ја презеле улогата на, како што велат, „канта за отпадоци“. Дојадуваат сѐ што останува од семејните оброци. Така и моите колеги од соседната канцеларија со по некој килограм вишок, си се жалеа деновиве еден на друг како се здебелиле само затоа што така ги воспитале кога биле мали: да си ја излижат чинијата, да не си ја оставаат среќата и да се сетат дека децата во Африка гладуваат. „Не си ја оставај среќата“ е реченицата која сите ние често сме ја слушале како деца, а се однесува на онаа ситуација кога ќе ја изедете речиси целата порција, но некако за последните залаци немате веќе место. „Луѓето во Африка немаат што да јадат, а вие оставате по чиниите! Еее, да му е ова на некое дете од Африка со отечено стомаче, со очи ќе го изеде!“ Овие реченици се сигурно најповторуваните реченици, особено во семејствата со пребирливи деца или деца кои немаат апетит. Зборувајќи на темава, колегите си го посочуваат примерот на нивни поранешен колега кој никогаш немал проблем со тежината затоа што секогаш веднаш го тргал лебот од чинијата, а речиси секогаш оставал половина оброк. Духовито коментираа дека тие залудно се дебелеат бидејќи, очигледно, од тоа немаат ама баш никаква корист децата од Африка. Имено, храната која ја оставиле нивните деца во чиниите, доколку тие не ја дојадат со сила, секако нема да заврши кај гладните во Африка. Точно, во право се! Ама не се согласувам дека решението на колегата кој оставал пола порција недојадена е вистинско решение. Освен што, се разбира, е добро за неговата килажа. Мајките обично им кажуваат на децата да ја испразнат, а едно време дури велеа и дека треба да ја излижат чинијата, па знаеја и да споредуваат: „Види како брат ти изел сè од чинијата, ја измакал и ја излижал, дури и не морам да ја мијам, а ти, сѐ си оставил“. Некои луѓе мислат дека е непристојно да се „излиже чинијата“, односно, да се изеде баш сè што има во неа. Па сега, дилемата кои би биле добрите манири, станува веќе збунувачка.Ама нели е тоа застарено?! Мислењето дека треба да се остави малку храна во чинијата потекнува од минатото, од побогатите класи кои сакале да покажат дека се доволно богати за да си дозволат да оставаат храна. Подоцна се појави уште еден обичај, оној кој вели дека не е учтиво во чинијата да ставаш повеќе храна отколку што можеш да изедеш. Навистина не се сметаше за задолжително „лижење на чинијата“ со леб, но и поголемите остатоци не беа пожелни, па ваквите луѓе изгледаа едноставно непристојно или како ненаситни деца кое знаат дека се гладни, ама не знаат колку се гладни.Во денешно време, во суштина, нема строги правила, особено не ако јадете во ресторан каде што храната се служи во чинии – некои ресторани служат храна во мали порции, а некои служат толку големи порции што, освен ако не сте личност со огромен апетит, можете само беспомошно да ги гледате. Секако, наместо да ја оставите храната, фала му на Бога, повеќе не е срамота да замолите да ви ја спакуваат па да си ја јадете подоцна или следниот ден и да запомните за следниот пат кога ќе одите таму, да нарачате една порција за двајца.Ако сте баш гладни, воопшто не е непристојно да изедете сè од чинијата. Она што може да биде несоодветно е ако сами одлучувате колку храна да ставите во вашата чинија, па ставате толку многу што некаде на половина пат од оброкот ќе сфатите дека не сте толку гладни. Накратко, правилото би било дека е сосема во ред да јадете онолку колку што ви се јаде, но кога нарачувате, кога купувате и кога подготвувате, секогаш добро пресметајте. Можеби е време и да си го исфрлите од глава она дека е подобро да остане (и да се фрли) отколку да нема доволно. Не, не е подобро. Подобро е да се изеде сè, а ако нешто остане, да се искомбинира со уште нешто и да се послужи следниот ден, или пак, ако било премалку, да се послужи малку леб и путер, па кој е уште гладен, да се дојаде. И најважно од сè, не ја полнете чинијата со многу повеќе храна од тоа што можете да изедете, а ако за нешто не сте сигурни дали ќе ви се допадне затоа што никогаш претходно не сте пробале, тогаш земете само едно мало, најмало залче. Ако ви се допаѓа, секогаш е во ред да си земете уште малку. Според податоците на Организацијата за храна и земјоделство (ФАО), речиси една третина од храната произведена во светот се фрла, а оваа количина би била доволна за да се прехранат околу една милијарда гладни луѓе во светот. Сетете се дека храната фрлена на депониите е еден од најголемите извори на стакленички гасови (запалив метан и јаглерод диоксид) кои придонесуваат за глобалното затоплување. Според проценките на Програмата на Обединетите нации за животна средина, отпадот од храна придонесува со 8 до 10 проценти од глобалните емисии на стакленички гасови. Ако отпадот од храна беше земја, таа ќе беше трет најголем испуштач на овие гасови во светот, веднаш по Кина и Америка. Секако, отпадот од храна не се создава само во домаќинствата, туку доаѓа од сите етапи на нивниот пат до трпезите, од нивите до преработката на овошје и зеленчук, од рестораните и пазарите, сите во синџирот на производство и преработка го отфрлаат био-отпадот поради стандардите во однос на изгледот, квалитетот и барањата на пазарот. Ова доведува до ситуација кога храната која е целосно погодна за употреба се фрла и завршува на депониите. Значи, драги мои колеги, пријатели и сите останати кои се дебелеете затоа што дојадувате сè што ќе остават другите членови од семејството по чиниите, време е да направите реорганизација во домот и да го смените погледот на светот. Она што секој може да го примени во својот дом е да ги планира оброците и купувањето намирници, да ги користи преостанатите оброци, да подарува вишок храна или оброци, да споделува со соседите и пријателите, да започне со компостирање. И доста веќе се жртвувавте за семејството! Договорете се да ги преполовите порциите за секој од домашните, па ќе видите дека повеќе нема да се фрла храна. А добро е што конечно и вие ќе успеете да ги намалите килограмите што ви пречат. Или ќе треба само да смислите нов изговор за истите. Мислам тогаш, кога ќе престанете да бидете „канта за отпадоци„. дојадувањеканта за отпадоциотпад од храна 117 Сподели FacebookTwitterGoogle+ReddItWhatsAppPinterestEmail...

СлајдерСовети Брзи, здрави и ароматични оброци со вргањ Арт Кујна Авг 12, 2022 Фото: Pexels 86 Сподели Вргањ со јајца, супа од вргањ, гулаш, сос од вргањ, рижото со вргањ, се само некои видови јадења во кои можете да користите вргањ. Токму во летниот период кога не ви се вклучува шпорет, печурките се одлична опција. Со нив можете да си направите различни брзи, а здрави оброци. Ако сте љубители на вргањи, тогаш овие рецепти со вргањ ќе ви бидат омилени. Ароматичните печурки му даваат посебен шмек и прават ексклузивно јадење дури и од најобичен омлет или рижото. Одлична идеја е да го искомбинирате вргањот со јајца, да направите со него супа, гулаш, рижото или сос за тестенини. За сите овие рецепти ви треба само малку време и едно тенџере или тава. Јајца со вргањ За брз појадок или вечера, подгответе јајца со вргањ. Состојки:3 јајца1 главица црвен кромид1 голема печурка 1 супена лажица маслиново маслополовина црвена пиперка (исечена на коцки)половина тиквичка (исечена на коцки)солцрн пипер Приготвување: На маслиново масло пропржете го кромидот, па додајте ги пиперката и тиквичката и динстајте.Додадете ги печурките исечени на листови или мали коцки и продолжете со динстањето.Зачинете со сол и црн пипер, па додадете ги изматените јајца и направете кајгана.Послужете со интегрален тост или пченкарен леб. Супа со вргањАко сакате нешто течно или како што се вели, оброк на лажица, направете топла, лесна супа со печурки. Состојки: 3-4 компири2 чешниња лукоколу 250 гр вргањвода1 црвен кромид1 шолја грашоксолцрн пипермаслиново масло. Приготвување: Во маслиново масло пропржете ги кромидот и лукот.Компирите и печурките исечкајте ги на коцки.Во тенџерето додадете печурки, грашок и компири, зачинете и варете додека компирот не омекне.Супата можете да ја поросите со сечкан свеж магдонос.Ако сакате покремаста супа, тогаш додадете чаша кисела павлака и изблендирајте ги сите состојки. Додадете и коцкички сув леб. Рижото со вргањЉубителите на рижото особено ќе уживаат во рижото со вргањи кои ќе му дадат посебна арома и ќе избалансираат вкусен и хранлив оброк. Состојки: 150 гр ориз100 гр вргањ2 супени лажици пармезанмаслиново маслосолцрн пиперкуркума1 главица црвен кромид1 чешне лук3 супени лажици пченкавода или супа од зеленчук. Приготвување:На маслиново масло се динстаат кромидот и лукот, па се додаваат исечканите печурки и се зачинуваат со црн пипер и сол.Додадете го оризот, кратко динстајте, покријте со вода и оставете да се вари додека оризот не омекне.На крајот од готвењето додадете пченка, куркума и пармезан.Куркумата во комбинација со црн пипер има одлични антиоксидантни својства. На крајот можете да додадете свежо сечкан магдонос. Сос од вргањ со тестенини Што велите за кремаст сос од вргањ со тестенини? Повеќето луѓе ќе се согласат дека сакаат тестенини на 100 начини, но оние со сос од вргањ се една од најдобрите. Состојки: 1 шолја вргањ2 шолји тестениниоколу 100 мл павлака за готвењецрн пиперсолмаслиново маслополовина лажичка мешавина од зачини1 чешне лукполовина шолја ситно сечкана брокула. Приготвување:На маслиново масло продинстајте ги кромидот и лукот, а потоа додадете ги печурките и брокулата и продинстајте ги.Сварете ги тестенините според упатството.Кога ќе се сварат, додајте ги тестенините во печурките, прелијте ги со павлака, зачинете и варете додека кремот не се згусне.Слободно поросете ги тестенините со пармезан или рендана моцарела. вргањјајца со вргањпечуркирецепри 86 Сподели FacebookTwitterGoogle+ReddItWhatsAppPinterestEmail...

СлајдерСовети Време е за летен вргањ, но првин научете кои печурки се јадливи, а кои не Арт Кујна Авг 12, 2022 Фото: Unsplash 59 Сподели Вргањот е богат со протеини, влакна, витамини од групата Б, селен, калиум и цинк и содржи околу 80 kcal на 100 грама. Оние кои сакаат да пешачат и да поминуваат време во природа, сигурно секогаш кога ќе здогледаат печурки се прашуваат дали се јадливи или не. Ако ви изгледа привлечно сами да си наберете од омилениот и ароматичен летен вргањ, секако пред да започнете да го барате, задолжително научете да правите разлика помеѓу јадливи и нејадливи печурки. Последното нешто што сакате е да ја претворите вашата весела потрага во труење и боледување. Летниот вргањ се смета за печурка, а печурките се посебно царство покрај царството на растенијата и царството на животните. Тие не содржат хлорофил, а се хранат и со органски материи на мртви суштества, поради што се сметаат за сапрофити (Сапрофит е организам кој се храни со изумрени растенија или животни, при што органските материи ги минерализира до неоргански). Вргањот е богат со протеини, влакна, витамини од групата Б, селен, калиум и цинк и содржи околу 80 kcal на 100 грама. Кога расте летниот вргањ Ако се прашувате кога расте летниот вргањ, тогаш не сте задоцниле бидејќи можат да се берат од лето до есен. Започнете со берба рано наутро после дождлива ноќ или утро. Многу е важно како ги собирате печурките бидејќи тоа влијае на вкупниот број на вргањи во шумата. Имено, вргањот се бере со благо вртење со цел да се спречи вадењето на мицелиумот. Ако мицелиумот се отстрани или уништи, за жал, тоа ќе придонесе за намалување на вргањот во шумата. Изберете само зрели и крупни печурки и бидете внимателни бидејќи најчесто се кријат под листовите. Откако ќе го соберете летниот вргањ, обавезно прекријте го просторот со лисја, бидејќи така ќе ѝ овозможите на новата печурка брзо да порасне. Многу е важно да научиме да живееме заедно со шумата и природата и да се едуцираме пред да одлучиме да ги користиме плодовите на шумата. Друго прашање што можеби си го поставувате е во која шума расте вргањот. Најчесто растат покрај дрвја како обичен и планински бор, даб, бреза, обична смрека, најмногу на јужните падини. Практично, дрвјата и печурките живеат во симбиоза бидејќи печурките обезбедуваат хранливи материи и азот за дрвјата, додека дрвјата обезбедуваат јаглерод за печурките. Во природата е сѐ во хармонија, сѐ додека човекот поради своето незнаење не интервенира и со своите погрешни постапки не им наштети на чувствителните жители на шумата како што се печурките. Видови вргањ Постојат околу 100 видови на вргањ, но не се грижете заради тоа како ќе ги препознаете јадливите, бидејќи сите вргањи се безбедни за јадење. Се разликуваат по: живеалиштето, големината ибојата на капата.Понатаму, печурките се делат на родови, а во рамките на овие родови се разликуваат и видови на печурки.Летниот или вистинскиот вргањ може да има бела до темно кафеава боја. Стеблото е издолжено во горниот дел, но инаку има бела заоблена форма. Капачето на летниот вргањ може да биде напукнато, што укажува на сушен период. Ако капата е лигава, тогаш тоа се должи на влажното време. Летниот вргањ има многу карактеристичен мирис и расте од мај до есен во групи на рабовите на грабова, костенова и букова шума. Цевчињата на вргањот се долги до четири сантиметри, со жолта или маслинесто-зелена боја. Ако не ги консумирате собраните печурки веднаш, можете да ги бланширате и да ги замрзнете. Задолжително искористете ги во рок од 3-4 месеци бидејќи ќе ја изгубат својата препознатлива арома. Рецепти за неколку оброци со вргањ можете да најдете ТУКА. вргањлетен вргањпечурки 59 Сподели FacebookTwitterGoogle+ReddItWhatsAppPinterestEmail...

СлајдерСовети Папајте папалини: И конзервирани, овие мали риби се одлични за вашето здравје Арт Кујна Авг 11, 2022 Фото: Unsplash 140 Сподели Покрај совршениот вкус, сардините се многу добри и за вашето здравје. Полни се со протеини, богати се со омега-3 масни киселини кои го балансираат холестеролот во крвта и имаат антиинфламаторно дејство, а неопходни се за здравјето на кардиоваскуларниот, нервниот и имунолошкиот систем. Овој мал деликатес често доаѓа спакуван во конзерва, но тоа не значи дека нивната вредност е помала – главно се пакуваат веднаш по уловот, па ги задржуваат сите состојки кои ги красат. Покрај совршениот вкус, сардините се многу добри и за вашето здравје. Полни се со протеини, богати се со омега-3 масни киселини кои го балансираат холестеролот во крвта и имаат антиинфламаторно дејство, а неопходни се за здравјето на кардиоваскуларниот, нервниот и имунолошкиот систем. Исто така содржат и витамини од групата Б, особено витаминот Б12. Важно е да знаете дека сардините се одличен извор на витамин Д и калциум, а содржат и значително количество фосфор – сите редум одговорни за силни коски и заби. Сардините исто така се богати со железо, а содржат и селен, магнезиум и јод. Што можат да направат сардините за вашето здравје? Можат да го подобрат здравјето на коскениот систем Сардините содржат две клучни хранливи материи кои ќе ги одржат вашите коски силни додека стареете. Бидејќи коските на оваа риба се мали, тие се јадат со нив, што е добра вест за вашите коски. „Сардините што се јадат со коски се одличен извор на калциум, кој е многу важен за здравјето на коските“, вели Ања Росен, нутриционистка од Њујорк. Една лименка сардина содржи околу 27 проценти од потребната дневна доза на калциум, што е повеќе од една чаша млеко. Но, покрај калциумот, постои уште еден додаток за здравјето на коските – тие се одличен извор на витамин Д, кој му е потребен на телото за да го апсорбира калциумот. Ако на вашето тело му недостига овој витамин, калциумот нема да може да ја заврши својата работа за заштита како што треба. Затоа, масните риби, како лососот или сардините, се одличен природен извор на витамин Д. Можат да го заштитат вашето срце Сардините се одличен начин за добивање омега 3 масни киселини бидејќи секоја конзерва содржи околу 1 грам од овие масти кои срцето ги сака. „Исхраната богата со омега 3 масни киселини нуди бројни придобивки, а една од нив е намалување на нивото на холестерол, намалено воспаление и намален ризик од развој на срцеви заболувања“, вели д-р Бетани Кит. Во една студија спроведена пред 10 години, експертите анализирале податоци од околу 200.000 луѓе кои имале срцеви заболувања или биле целосно здрави и откриле дека консумирањето 175 грама масна риба во една недела може значително да го намали ризикот од развој на срцеви заболувања кај здрави луѓе и да ги намали поголемите проблеми. Нудат многу енергија Заедно со калциум, витамин Д, масни киселини и протеини, сардините се одличен извор на витамин Б12. Една лименка сардина содржи околу 343 проценти од потребната дневна доза. Недостатокот на витамин Б12 може да доведе до замор, отежнато дишење и ниско ниво на енергија. Иако витаминот од сардината нема да ви даде енергија веднаш како кофеинот, доколку ги вклучите во исхраната ќе ви помогнат да бидете полни со енергија поголемиот дел од времето. Бидете внимателни ако имате гихт „Внесувањето на големи количини на сардини може да придонесе за појава на симптоми кај луѓето кои страдаат од гихт, бидејќи некои сорти на конзервирана сардина содржат и големи количини на сол“, вели нутриционистката Ема Лејнг. Гихтот е болна форма на артритис, а понекогаш може да се појават тешки симптоми поради органското соединение пурин кое се наоѓа во некои видови храна. Сардините, школките, црвеното месо се само дел од намирниците кои содржат пурин. Тоа не значи дека не треба да ги јадете, но треба да внимавате кога е во прашање количината. Исто така, мудро е да разговарате со лекар ако имате проблеми со болни зглобови и коски. Како да уживате со сардините од конзерва? Како што кажавме, може да ги има во најразлични форми, со маслиново масло, масло и лимон, домат… и можете да уживате во нив на многу начини. Ако внимавате на линијата, можете да ги ставите на крекери, да додадете малку краставица или јајце. Друга интересна опција е да ги ставите на тост со многу маслиново масло или едноставно да ги додадете во тестенините. Секако, доколку ви се допаѓаат, исклучително се вкусни доколку се јадат директно од конзервата без други додатоци. Одлично решение е кога немате што да јадете или треба да подготвите ручек за неколку минути. Покрај сето што е споменато, тие можат да се чуваат долго во оставата. конзерва сардинипапалинисардини 140 Сподели FacebookTwitterGoogle+ReddItWhatsAppPinterestEmail...

СлајдерСовети Ако мислите дека нема замена за индустриските паштети, еве ви неколку идеи Арт Кујна Авг 11, 2022 Фото: Pexels 224 Сподели Ако сакате секогаш да имате при рака некој вкусен намаз со кој ќе можете бргу да ја задоволите гладта, немојте да мислите дека ви е неопходна некоја индустриска паштета. Еве како да направите здрави и вегетаријански намази Обично за вечера на луѓето им е најлесно да си намачкаат некој намаз на леб или на крекери и да не се заморуваат со подготвување на храна. Често за вакви моменти тие си складираат по некоја индустриска паштета за да имаат нешто за набрзина при рака, кога ќе огладнат. Но здрави и вегетаријански намази можете да си подготвите и самите. Овие што ви ги препорачуваме се секогаш поздрави кога ќе си ги направите сами и ќе знаете што точно сте ставиле во нив. Овие намази им ги препорачуваме на сите затоа што претставуваат поздрав начин на исхрана и се со поквалитетни и здрави состојки за разлика од вообичаените намази што можат да се најдат во продажба. Таан, намаз од сусам Се добива со мелење семе од сусам. Содржи околу 600 kcal на 100 г производ. Има многу калории, но исто така е добар извор на витамини од комплексот Б и здрави омега-3 и омега-6 масни киселини. Инаку, тој е и најважната состојка за следниот намаз-хумусот. Хумус, намаз од наут Леблебијата е растителен извор на железо, витамини Ц и Е, како и витамин К. Исто така, таа се вбројува во намирници со низок гликемиски индекс, затоа се препорачува на лица со дијабетес. Гликемискиот индекс ја покажува стапката со која се зголемуваат нивоата на шеќер во крвта после јадење одредена храна. Хумусот е одличен производ за секој кој се бори со висок холестерол. Потребни состојки за подготовка на овој намаз се сирови леблебии (наут), таан (намаз од сусам), маслиново масло и сок од лимон. Баба гануш, намаз од модри патлиџани За да го подготвите намазот, потребни ви се печени модри патлиџани, лук, таан, маслиново масло, сок од лимон и јогурт. Ова е јадење што доаѓа од истокот, а во него можете да додадете разни зачини како кумин, рузмарин или кисело млеко. Богато е со целулоза и протеини, многу е здраво и вкусно. Намаз од хељда Хељдата е намирница која не содржи глутен, и се користи како храна и лек. Богата е со диетални влакна, минерали и есенцијални киселини. Намазот од хељда им се препорачува на вегетаријанците, дијабетичарите и на секој што сака да се храни поздраво. За да направите намаз од хељда, треба прво да ја сварите, а потоа ставете ја во блендер заедно со, на пример, претходно издинстан кромид и лук, лажица маслиново масло, лажичка сенф и малку сол. Путер од кикирики Кикириките се мешункаст зеленчук кој е богат извор на протеини, па затоа е погоден за дијабетичари. Путерот од кикирики се прави со мешање на мелени печени кикирики и лажица масло. Кикириките содржат многу маснотии, но тоа се незаситени масти. Калоричен е и треба да внимавате на неговата употреба. Путерот од кикирики има околу 600 калории на 100 грама. Сите намази се користат како додаток на јадења или како додаток или прелив за салати. домашни намазиздрава хрананамази 224 Сподели FacebookTwitterGoogle+ReddItWhatsAppPinterestEmail...

СлајдерТОП 5 Наместо да ја фрлите, направете од кората од лубеница разни вкусни нешта: Супа, слатко, салата… Арт Кујна Авг 11, 2022 Фото: Unsplash 153 Сподели Иако сме навикнати да ја јадеме само сочната црвена внатрешност на лубеницата, не е за фрлање ниту кората која најчесто завршува во кантата за отпад. Еве што сѐ можеме да направиме со неа Повеќето од нас сме навикнати да ја фрламе кората од лубеница и да ја јадеме само сочната црвена внатрешност. Но кората од лубеница не само што е јадлива, туку е и богата со корисни хранливи материи. Практично, тука има најмногу витамини, на пример, во неа се наоѓаат витамините Б и Ц и цитрулин кој се претвора во аргинин, кој е многу важен за здравјето на срцето и за циркулацијата. Станува збор за белиот дел од лубеницата кој се наоѓа помеѓу слаткиот црвен плод и зелената кора. Иако црвената внатрешност е неспорно највкусна, и белиот дел може да биде вкусен, но на поинаков начин. Затоа, време е да престанеме со фрлање на кората од лубеница и да ѝ дадеме шанса. Од кората може да се направат повеќе работи, на пример, слатко од лубеница, кисела туршија, може да се сомеле и да се додаде во смути, а може да се направи и кандирана закуска. Пред неколку години ние ја откривме и ладната супа од кора од лубеница и беше навистина вкусна и освежителна. Подолу ќе ги најдете рецептите за супата, за слаткото, за салата и за кандирана кора од лубеница. Супа од кора од лубеница Состојки: Кора од една кришка лубеница 1 помала краставица 1 лажица сок од лимон 1 лажица маслиново масло 200 мл јогурт сол, црн пипер, копар Приготвување: Откако ќе ја исечете лубеницата и ќе го одвоите црвениот дел, излупете ја со нож за лупење зеленчук зелената кора (надворешниот дел) и белиот дел исечете го на коцки. Ставете ги во блендер заедно со краставицата, исечени на коцки, 1 лажица маслиново масло, 1 лажица сок од лимон, 200 мл јогурт, сол, црн пипер, копар и едно чешне лук. Изблендирајте и ставете ја смесата убаво да се излади. Оваа одлична супа е многу освежителна, вкусна и најважно, се прави дури побрзо и од таратур. Белиот дел од кората може да се направи и за зимница такашто истите ќе ја подготвите на сличен начин како и киселите краставички. Слатко од лубеница За домашно слатко од кора од лубеница потребни ви се само3 состојки и помалку од еден час. Состојки: 600 гр кора од лубеница200 гр шеќерсок од 1 лимета + кора Приготвување: Земете ја кората и извадете го зелениот дел со помош на лупач. Остатокот исечкајте го на ситни коцки и ставете го во поголемо тенџере. Поросете со шеќер, додадете сок и кора од лимета и оставете да се вари на тивок оган 45 минути. Потоа, истурете во чисти тегли и оставете да се излади. Кандирана кора Состојки: 500 гр кора од лубеница250 гр шеќер Приготвување: Исечете ја кората на мали коцки. Ставете во тенџере, додадете шеќер и покријте со вода. Ставете го на средна температура и почекајте водата целосно да испари. Ќе потрае околу 2 часа. Потоа наредете ги парчињата кора од лубеница во плех на хартија за печење, а потоа сушете ги во рерна на 100 °C 1 час. Еве еден рецепт и за салата со белиот дел од кората. Состојки:1 кисела павлака 3 чешниња лук белиот дел од лубеницата 1/2 краставица 1 пиперка 2-3 ротквици 1 лажица маслиново масло вински оцет или балсамико Приготвување: Подгответе ја кората од лубеницата на ист начин како за супата и изрендајте ја. Истото направете го со краставицата, ротквиците и пиперката, а лукот смачкајте го со преса. Ставете ги сите состојки во сад за салата и зачинете. На Блискиот Исток и во Кина се консумираат и семките од лубеница. Најчесто се сушат и се печат и се консумираат како закуска. кора од лубеницалубеницасалатаслаткосупа 153 Сподели FacebookTwitterGoogle+ReddItWhatsAppPinterestEmail...

СлајдерСовети Расте како плевел, а здрав е како риба, ореви, грав и салата Арт Кујна Авг 10, 2022 389 Сподели Можеби и вие се чудите што чудо е ова што постојано ви никнува по саксиите и во градините без да го садите, па постојано го корнете, а тоа сѐ повеќе расте. И ние го правевме истото сѐ додека не откривме дека е одличен актиоксидант, лекува холестерол и висок крвен притисок Ова растение расте кај што не го садите и веројатно повеќето од вас го сметаат за бескорисен плевел. Веројатно го корнете кога ќе го здогледате како неповикано, односно, незасадено, повторно ви никнало некаде низ дворот или во некоја саксија што сте ја намениле за некое друго растение. И ние го правевме истото или, во најдобар случај, го остававме да си расте по саксиите кога не сме дома подолго време па и онака нема кој да ни ги наводнува веќе познатите корисни билки како босилек, копар, жалфија и нане. Сѐ додека не сфативме дека станува збор за корисна билка која, велат, е поздрава од многу други кои ни се познати одамна. Станува збор за толчник (Portulaca oleracea), едногодишно тревно растение од семејството Portulacaceae кое го нарекуваат и туња, тушац, тушњак, трева и ледена трева. Откако дознавме дека толчникот е богат со омега-3 масни киселини, соединенија кои главно се наоѓаат во рибините масла, а ги јакнат имунолошкиот и кардиоваскуларниот систем, почнавме да го додаваме во салатите. Всушност, за јадење се користи целиот надземен дел – сиров или варен. Младите лисја имаат благ, кисело солен и ароматичен вкус, па затоа се користат во исхраната како салата. Постарите лисја се готват во чорби. повеќето луѓе не знаат дека е фантастичен антиоксидант и дека ја подобрува циркулацијата и спречува создавање на тромбови. Богат е со антиоксиданти кои штитат од рак и од штетното дејство на слободните радикали, а го забавува и стареењето. Толчникот може да помогне во регулирање на нивото на холестерол во крвта. Бидејќи ја релаксира мазната мускулатура, делува и врз намалување на крвниот притисок. Слузта од оваа билка ги смирува инфекциите и воспаленијата во цревата, како и инфекциите во уринарниот тракт. Се препорачува против киселини, гастритис, но и кај опстипација. Има и противвоспалителни својства, па екстрактот од суви листови и стебленца делува противвоспалително и како средство против болки. Однадвор може да се користи за лекување на грчеви во мускули. Во исхраната се користат млади сочни листови и млади гранчиња со должина од три до пет центиметри. Набраните гранчиња треба да се одвојат од тврдите стебленца и ливчињата да се додаваат во салати, супи, варива или дури и во тесто за палачинки. Се варат најдолго до 15 минути и притоа ослободува слуз која малку ги згуснува супите и им дава кремаст изглед. Досега сме ги пробале само свежи, како додаток во салата од варени компири. јадливи билкиплевелтолчник 389 Сподели FacebookTwitterGoogle+ReddItWhatsAppPinterestEmail...

СлајдерСовети Расте како плевел, а здрава е како куркума Арт Кујна Авг 10, 2022 1 Сподели Можеби и вие се чудите што чудо е ова што постојано ви никнува по саксиите и во градините без да го садите, па постојано го корнете, а тоа сѐ повеќе расте. И ние го правевме истото сѐ додека не откривме дека е одличен актиоксидант, лекува холестерол и висок крвен притисок Ова растение расте кај што не го садите и веројатно повеќето од вас го сметаат за бескорисен плевел. Веројатно го корнете кога ќе го здогледате како неповикано, односно, незасадено, повторно ви никнало некаде низ дворот или во некоја саксија што сте ја намениле за некое друго растение. И ние го правевме истото или, во најдобар случај, го остававме да си расте по саксиите кога не сме дома подолго време па и онака нема кој да ни ги наводнува веќе познатите корисни билки како босилек, копар, жалфија и нане. Сѐ додека не сфативме дека станува збор за корисна билка која, велат, е поздрава од многу други кои ни се познати одамна. Станува збор за толчник (Portulaca oleracea), едногодишно тревно растение од семејството Portulacaceae кое го нарекуваат и туња, тушац, тушњак, трева и ледена трева. Откако дознавме дека толчникот е богат со омега-3 масни киселини, соединенија кои главно се наоѓаат во рибините масла, а ги јакнат имунолошкиот и кардиоваскуларниот систем, почнавме да го додаваме во салатите. Всушност, за јадење се користи целиот надземен дел – сиров или варен. Младите лисја имаат благ, кисело солен и ароматичен вкус, па затоа се користат во исхраната како салата. Постарите лисја се готват во чорби. повеќето луѓе не знаат дека е фантастичен антиоксидант и дека ја подобрува циркулацијата и спречува создавање на тромбови. Богат е со антиоксиданти кои штитат од рак и од штетното дејство на слободните радикали, а го забавува и стареењето. Толчникот може да помогне во регулирање на нивото на холестерол во крвта. Бидејќи ја релаксира мазната мускулатура, делува и врз намалување на крвниот притисок. Слузта од оваа билка ги смирува инфекциите и воспаленијата во цревата, како и инфекциите во уринарниот тракт. Се препорачува против киселини, гастритис, но и кај опстипација. Има и противвоспалителни својства, па екстрактот од суви листови и стебленца делува противвоспалително и како средство против болки. Однадвор може да се користи за лекување на грчеви во мускули. Во исхраната се користат млади сочни листови и млади гранчиња со должина од три до пет центиметри. Набраните гранчиња треба да се одвојат од тврдите стебленца и ливчињата да се додаваат во салати, супи, варива или дури и во тесто за палачинки. Се варат најдолго до 15 минути и притоа ослободува слуз која малку ги згуснува супите и им дава кремаст изглед. Досега сме ги пробале само свежи, како додаток во салата од варени компири. јадливи билкиплевелтолчник 1 Сподели FacebookTwitterGoogle+ReddItWhatsAppPinterestEmail...

СлајдерШеф Марко Прова: Ако нешто може да е добро во Италија, зошто да не може и во Македонија! Драгица Христова Авг 9, 2022 1.949 Сподели За македонскиот Италијанец кој се врати во татковината и отвори пицерии во Охрид и Струга и Македонија може да биде прекрасно место за живот и за бизнис. Неодамна ја направи и оригиналната македонска пица, а за да биде неговата среќна приказна целосна, заслужна е жената во која е вљубен. Пејачката Анита Мицова која ја овековечи нивната семејна идила во музички спот, сега е целосно ангажирана во семејниот бизнис. Кој пробал, знае. Можеби оттаму и прекарот кој на македонскиот Италијанец Марко Трајкоски му го дал неговиот близок другар во Италија – Прова или во оригинал – Prova, што на италијански значи „пробај“, а на англиски пак ова значење го има зборот Тray, што пак е прв дел од неговото презиме (Трајкоски). Е сега, дали прекарот на почеток бил само семантички, а подоцна се покажал и како добар опис на неговиот карактер, не знаеме, ама ете, нашиот соговорник Марко покажа дека не се плаши да пробува. Пробува и обично не греши. Со неговата сопруга, нашата поп-пејачка Анита Мицова, се запознале на Фејсбук. Многу брзо, поточно, за околу една недела пробале да формираат семејство, па после успешната проба и после 7-8 години заеднички живот во Италија, пробале да се вратат во Македонија. Откако се вратиле, пробале да отворат пицерија, па отвориле две. Сега имаат две деца и две пицерии во кои шефува Марко, додека пак Анета која се повлекла од издавање на авторска музика, е целосно посветена и ангажирана со останатите обврски во пицериите, иако одвреме навреме и доколку има време, знае да закаже и некој музички настап. А дека нивната прва „проба“ е сега вистинска семејна идила е овековечено и во музичкиот спот за песната на Анита, наречена соодветно на она што тие заедно го живеат, а тоа е едноставно – „Рај“. Анита раскажува дека првпат се виделе во живо во јануари 2011.година кога Марко дошол во Скопје, каде што во тој период живеела Анита и за една недела одлучиле да формираат семејство. Заминале во Италија и живееле таму 7-8 години, а потоа решиле да се вратат во Македонија, иако Марко всушност пораснал во Италија каде што неговиот татко заминал уште во времето на поранешната држава-СФРЈ. Гратчето во кое живееле, Сан Поло ди Пиаве, имало само 5.500 жители, а од нив, четворица Македонци: Марко, неговите родители и неговата сестра. Затоа и неговите најдобри другари се Италијанци кои од секогаш го прифаќале како еден од нив, па и својот прекар Прова го добил од неговиот другар Масимилиано Пиаи, а од тие причини и јазикот на кој вели дека најдобро се изразува е италијанскиот. Инаку, во неговото семејство никој не работел професионално со оваа, како што ја нарекуваат Италијаните, бела уметност (l’arte bianca), односно, уметност од брашно. Марко од секогаш имал љубов кон храната и како мал најмногу си играл со тави и со ножеви. Си приготвувал сендвичи и пасти, а Италија како земја на многу вкусови му овозможила да ги испроба сите најдобри вкусови, од зреени пршути до квалитетни кашкавали, како Грана Падано и Пармиџано. Пицата му била прва љубов уште откако ја видел на телевизија и ја терал мајка му да му прави, но вели, никогаш не било тоа – ТОА. „Никогаш нема да ја заборавам пицата од Морено Ортолан, комшија кој држеше пицерија под нашиот стан во Сан Поло, максимално традиционална! Вистински уметник! Можеби токму тој вкус беше причина да се пријавам на огласот во локалната пицерија каде што бараа помошник пица мајстор на само 15 години. Се пријавив во Bottega della pizza, инаку, познат синџир на пицерии во северниот крај на Италија и имав можност да го спремам тоа што најмногу го љубам и до денес. Но не беше лесно на почетокот бидејќи работодавецот, Гвидо Гобо, беше многу строг со нас, помладите. Таму научив што е ред и дисциплина во кујната“, се потсетува Марко. Тогаш сѐ уште не знаел дека тоа што почнало како привремена работа ќе му стане професија и дека големата љубов кон пицата и италијанската кујна, ќе му го определат животниот пат. На 20 години ја имал среќата да ги запознае Џенаро и Франко познати угостители од Венеција и околината, кои ќе му станат ментори. Потоа е време за градот симбол на Италија, Милано. Понудата доаѓа од Farinella, познат синџир на традиционални италијански ресторани и пицерии што го има секаде низ светот, вклучувајќи ги Америка и Европа. Потоа се враќа во Конељано, Тревизо во познатиот ресторан Eat’s во центарот на градот. Следува Одерцо и врвниот ресторан Al Gambero d’oro, а на крај живее и работи на познатиот венецијански остров Бибионе во пицеријата Parise каде што е пица шеф во следните 5 години. Анита во тој период настапувала, пеела и свирела во ресторани, најчесто во Венеција и во Бибионе. Во есента 2018.година решиле да им се вратат на корените, па сега Охрид и Струга се побогати со двете места кои нудат автентичен производ, спремен од експертските и искусни раце на маестро Марко – пицериите PROVA. „Идејата беше да го работам тоа што најдобро го знам и така во зимата 2018., во центарот на Охрид ја отворивме Prova l’arte della pizza која го носи италијанскиот начин на готвење. Мисијата на Prova l’arte della pizza е да нуди автентичен производ со врвни материјали, да се запази традицијата, но и да се внесува иновативност“, вели Марко. Кога ќе го прашаат дали рецептот за некоја пица му е традиционален, италијански, се смее и објаснува дека во Италија бидејќи всушност не постои рецепт за само една традиционална пица, туку има повеќе регионали варијанти. „Иако се зборува за наполитанската пица како прва, реалноста е дека насекаде се консумирала на сличен, но сепак различен начин. Не дечки, нема еден единствен рецепт, туку има бескрајно многу варијанти на тесто и брашно и експерименти кои успеале, а уште почесто и не успеале! Така што, мора да се истражува, да се пробува, па и да се греши“, се смее Марко. Ако го прашате како и зошто одлучил да дојде во Македонија, вели: „Решив да дојдам тука каде што ми е потеклото бидејќи верувам дека Македонија може да биде прекрасно место за живот и за мал бизнис. И на крајот на краиштата, ми беше предизвик. Ако нешто може да е добро во Италија, зошто не би било добро и во Македонија. Да, има многу работи кои ме чудат, но сепак ми е супер. И морам да признаам дека во овие 4 години постоење на Прова, од Охрид и од охриѓани добив поддршка и љубов. Лани се проширивме и во Струга, ама со концепт на ресторан-пицерија и се надеваме на квалитетна македонска франшиза со италијански шмек“, вели Марко и додава дека неговата сопруга Анита е буквално 50 % од приказната! „Без нас двајца Прова не би постоела. Таа е мојата најголема поддршка и најголемата кочница за некои мои луди идеи околу кулинарството“, се смее тој. А Анита се вложува максимално и, како што вели Марко, на неа е буквално сѐ, од маркетинг до папирологија. Шеф Марко посакува нивните две деца, Деа (10 години) и Јан (3 години) да ја продолжат традицијата, но времето ќе покаже дали тоа ќе биде и навистина така. „Знам само дека Деа често помага во работата во „Прова“ во Струга и го прави тоа самоволно… Значи, има надеж“, признава нашиот соговорник. Тој пак, никогаш не се откажува од својата голема љубов од детството и јаде пица секојдневно, ако не повеќе, бареш по едно парче на ден. Она со што најмногу го привлече нашето внимание е и неговата македонска пица направена со 100 отсто македонски состојки која беше дел од неодамнешниот пазар на Слоу фуд во Охрид, движењето кое нему му било познато уште од неговите почетоци во Италија. „Што е до мене, јас би сакал екогаш да подготвувам храна со локални производи, па логично ми се наметна идејата за пицата – Македонка во која има: сос со павлака и копар, прова моцарела, домашен ајвар, овчо тврдо македонско сирење, гевгелиска маслинка. Целта сѐ повеќе да се користат локални и сезонски намирници, што е дел од добро развиено општество“. Според Марко, има многу начини и методи за да се добие совршено тесто и за тоа не е неопходно и најдобро брашното тип 00, туку постојат разни методи за развивање на добра глутенска структура. Наместо препорака за најдобар рецепт, шеф Марко порачува: „Почнете со вода, квалитетно брашно, квасец и сол и експериментирајте“. Анита МицоваМарко ТрајкоскиОхридпицерија Прова 1.949 Сподели FacebookTwitterGoogle+ReddItWhatsAppPinterestEmail...

СлајдерСовети Напиток кој целосно го ревитализира телото Арт Кујна Авг 9, 2022 Фото: Pexels 212 Сподели Доматите најчесто се консумираат во салати, сендвичи или како прилог на главното јадење. Но, многу поретко ги пиеме како сок, што е штета бидејќи тој има многу благотворно дејство на целото тело и е вистинска ризница на здравје. Најчесто со доматите правиме салати или пак сос за шпагети, но веројатно малкумина ги консумираат како сок. Сокот од свежи домати е одличен извор на витамините А и Ц. Со редовно пиење на овој сок ќе спречите можни проблеми со видот, ќе го подобрите имунитетот, а ќе помогне и за здравјето на забите и коските. Доматите се богати и со витамин Б6. Се претпоставува дека тој го разградува хомоцистеинот, аминокиселина која ги оштетува крвните садови, што доведува до срцеви заболувања. Благодарение на витаминот Б3 (ниацин), сокот од домати го намалува нивото на лошиот холестерол во крвта и го подига нивото на добриот холестерол. Влакната во доматите даваат чувство на ситост, па затоа ќе ви биде од голема помош доколку сте на диета. Нашето тело содржи бројни токсини и адитиви кои ги внесуваме со храната. Доматите ја помагаат работата на бубрезите и црниот дроб, а со тоа помагаат и за чистење на организмот. Доматите се исто така одличен извор на антиоксиданти кои можат да го спречат дејството и формирањето на слободните радикали. Можете да користите сок од домати, а можете да го нанесете и на кожата. Ќе ви помогне доколку имате акни или проширени пори. И конечно, ако имате дигестивни проблеми, сокот од домати навистина може да ви помогне. Ќе ви го олесни варењето и успешно ќе се справи со запекот. док од доматидоматиздрав напиток 212 Сподели FacebookTwitterGoogle+ReddItWhatsAppPinterestEmail...

СлајдерСовети Дали е безбедно да се пие вода после јадење лубеница? Арт Кујна Авг 9, 2022 Фото: Unsplash 164 Сподели Нутриционистите не препорачуваат пиење вода после лубеница поради потенцијални дигестивни проблеми. Исто така, не препорачуваат таа да се јаде во комбинација со друга храна бидејќи го забавува процесот на апсорпција и варење што доведува до зголемување на киселоста во органите за варење Сезона е на лубеници, а ова прекрасно, слатко овошје ги полни количките за пазарење на речиси секое семејство. Покрај неговите високо хидратантни својства, има и голем број здравствени придобивки. Шилпа Арора, макробиотичка нутриционистка и здравствена практичарка, вели: „Лубениците содржат ликопен, калиум и многу други хранливи материи. Тие исто така содржат влакна кои го поддржуваат процесот на варење“. Според книгата Healing Foods, цитрулинот, важна аминокиселина која се наоѓа во месото на лубеницата, може да го стимулира производството на азотен оксид, кој го регулира крвниот притисок и го подобрува протокот на крв. Дефинитивно вреди да го додадете ова сочно, сезонско овошје во вашиот летен план за исхрана, но што е со пиењето вода после лубеница? Лубеницата можете да ја додадете во салати или да направите сок од неа, има многу начини на кои можете да ја користите, но ќе најдете и неколку митови во врска со нејзината консумација. Многу луѓе сугерираат дека не треба да пиете вода после лубеница, а експертите објаснија за food.ndtv.com за што станува збор. Некои веруваат дека лубениците содржат 96 проценти вода, така што нема потреба да пиете вода откако ќе ги конзумирате бидејќи тоа може да го попречи вашиот дигестивен систем со разредување на дигестивните сокови. Други веруваат дека бидејќи лубеницата содржи претежно вода и шеќер во форма на фруктоза, пиењето дополнителна вода по нејзиното консумирање може да доведе до ризик од стомачни инфекции. Нутриционистката од Бангалор, д-р Анџу Суд, исто така советува да не се пие вода после лубеница. Таа вели: „Тоа може да влијае на вашиот гастроинтестинален тракт. Лубеницата е главно вода, шеќер и влакна. На микробите или бактериите им требаат вода и шеќер за да се развијат и да се прошират. Значи, ако пиете вода после јадење лубеница, поголеми се шансите микробите да се шират низ вашиот гастроинтестинален тракт“. Нутриционистите не препорачуваат пиење вода после лубеница поради потенцијални дигестивни проблеми Според Шилпа Арора, макробиотичка нутриционистка и здравствена практичарка, лубеницата е полна со вода и нема смисла да се пие вода по јадењето лубеница. Исто така, таа предлага да не се комбинира со друга храна. „Кога лубеницата се јаде со друга храна, таа го забавува процесот на апсорпција и варење во нашиот стомак, што доведува до зголемување на киселоста во органите за варење. Некои луѓе со чувствителен стомак чувствуваат непријатност кога пијат вода со овошје. Значи, најдобро е тоа да се избегнува, меѓутоа, нема доволно научни докази кои би докажале дека лубеницата и водата не се компатибилни“. водаздравствени придобивкилубеница 164 Сподели FacebookTwitterGoogle+ReddItWhatsAppPinterestEmail...

БарСлајдер Ликер од смокви и неговите здравствени придобивки Арт Кујна Авг 8, 2022 Фото: Unsplash 199 Сподели Подолу ви пренесуваме четири различни рецепти за ликер: од свежи смокви, од суви смокви, со рум и со лаванда. Смоквите се вистинска ризница на хранливи материи, хранливи, богати со витамини, минерали и фитохемикалии. Ги јадеме свежи или суви, а со задоволство би подготвиле и ликер од смокви. Подолу ви пренесуваме четири различни рецепти за ликер: од свежи смокви, од суви смокви, со рум и со лаванда. Ликер од свежи смокви – рецептЗа да направите добар ликер од смокви, важно е да го одредите точното време на берба. Имено, смоквите мора да созреат бидејќи по берењето нема да зреат понатаму. Петелката треба да биде овената, а смоквите да висат кога се дозреани. Изборот на вистинскиот датум на берба е важен за вкусот, бидејќи ликерот од смокви треба да биде сладок, а не горчлив. Смоквите обично се подготвени за берба во средината на летото. Исто така, користете свежо набрани или купени смокви за многу кратко време за подготовка на ликер или за консумација бидејќи плодот од смоквата е чувствителен. Иако е можно да се направи ликер од суви смокви, свежите смокви сепак ќе му го дадат вистинскиот вкус на ликерот. За да направите свој домашен ликер од смокви, следете ги упатствата подолу. Состојки: половина кг свежи смоквиполовина кг шеќер400 мл водаполовина литар ракија. Приготвување:Во тенџере ставете ги смоквите, додадете шеќер и вода. Варете додека не добиете густа смеса, односно густ сируп.Кога ќе го сварите ликерот, оставете ја смесата да се излади.Потоа процедете го преку газа и додадете ракија.Оставете го околу два дена и потоа почнете да го консумирате. Домашен ликер од суви смоквиАко немате свежи смокви на располагање, сувите смокви ќе бидат добра алтернатива на свежите ако сте почетник и првпат правите ликер од смокви. Овој рецепт ќе бара малку трпение бидејќи смоквите треба да стојат на сонце. Состојки:200 гр суви смокви400 гр шеќер100 мл вода400 мл ракија. Приготвување:Изберете тегла и подгответе смокви и половина од количината шеќер. Во теглата наизменично наредете ред смокви и ред шеќер.Смоквите прелијте ги со ракијата и ставете ги на сончево место. Нека стои така околу еден месец.Кога ќе поминат 30 дена, тргнете ја теглата од сонце и процедете ја нејзината содржина преку газа.Потоа во тенџерето ставете ја преостанатата количина шеќер и вода и варете додека смесата не стане проѕирна.Смесата што сте ја процедиле измешајте ја со растворениот шеќер и наполнете ги шишињата со ликер.Ликер од смокви со рум За дополнителна арома и игра со вкусовите, направете си ликер од смокви со интересен додаток како рум. Состојки: 200 гр суви смокви400 гр шеќер100 мл вода400 мл бел рум. Приготвување: Оваа постапка е слична на онаа во претходниот рецепт. Така во тегла наизменично редиме смокви и половина од шеќерот, додаваме рум и оставаме на сонце околу 30 дена.По 30 дена, процедете ја смесата преку газа, а шеќерот и водата растворете ги во тенџере.Измешајте ги двете смеси и истурете во шише. Вашиот рум ликер е подготвен. Ликер од смокви и лавандаЛикерот од смокви може да биде уште поспецијален ако му дадеме дополнителен шмек на Медитеранот. Ако сакате лаванда, тогаш ова е задолжителен рецепт за вас. Состојки:1/2 кг свежи смокви1/2 кг шеќер400 мл вода1/2 л литар ракија2-3 лажички суви пупки од лаванда. Приготвување: Во тенџере измешајте ги водата, смоквите и шеќерот и варете ги додека не добиете сируп.Откако смесата ќе стане сируп, измешајте ја лавандата и оставете ја да се излади.Откако смесата ќе се излади, процедете ја преку газа и додадете ракија.Истурете го ликерот од смокви и лаванда во вашите омилени шишиња за ликер и оставете да отстои најмалку два дена пред да ги почестите гостите. Придобивки за здравјето Како аперитив најчесто пред оброк се консумира ракија или ликер од смокви. Сепак, исто како, на пример, румот, ликерот од смокви е идеален и за десерти и колачи. Смоквите се богати со калиум и влакна, придонесуваат за добро варење и го намалуваат крвниот притисок. Ликерот од смокви не содржи влакна бидејќи е цеден, но е богат со шеќер и алкохол, па затоа задолжително консумирајте го умерено, во мали чаши за ракија. ликер од смоквисмоквисуви смокви 199 Сподели FacebookTwitterGoogle+ReddItWhatsAppPinterestEmail...

СлајдерСовети Дали можете да ја изедете храната што ви паднала на подот? Арт Кујна Авг 8, 2022 Фото: Freepik 132 Сподели Што вели науката, дали пет секунди се доволно време за да се загади парче храна со вируси и бактерии? Дали сепак може да се јаде оваа храна? На повеќето луѓе им е познато ова правило – доволно е храната да биде 5 секунди на подот за да се зарази со бактерии и вируси. Мажите особено го следат ова правило, додека жените почесто си дозволуваат да ја изедат храната што им паднала на подот. Но, што навистина вели науката за овој проблем? Дали пет секунди навистина се доволно време да се загади парче храна со вируси и бактерии? Дали сепак може да се јаде оваа храна? Професорот по храна Пол Досон спровел истражување во 2007 година на оваа тема. Но, можеле да го прочитаат само претплатниците на Journal of Applied Microbiology, а резултатите не ѝ биле познати на пошироката јавност. Сакале да знаат колку бактерии влегуваат во храната за толку кратко време. Тие ставиле бактерија салмонела на плочките, тепихот и паркетот. Пет минути подоцна фрлиле парче леб и мортадела на пет, 30 и 60 секунди. Потоа ја измериле количината на бактерии на храната. Истата постапка ја повторувале на секои два, четири, осум и 24 часа. Се испоставило дека воопшто не е важно колку долго храната била на подот. Поважно од тоа било колку бактерии имало на таа површина, а тоа со текот на времето се зголемувало како што бактериите се размножувале, пишува CNN. Видот на подот е исто така важен. Ако вашата храна падне на тепих, ќе собере помалку бактерии отколку ако падне на плочки или на паркет. Кога ставиле салмонела на тепих, само 1 процент од бактериите се префрлиле во храната. Но, ако храната била на плочки или на дрво, 48 до 70 проценти од бактериите се префрлале во неа. Дали сепак може да се јаде? До речиси идентични резултати дошло и минатогодишното истражување на Универзитетот Астон во Велика Британија. Во своето истражување, тие откриле дали луѓето смеат да ја јадат храната што им паднала. Од безбедносна гледна точка, ако имате милиони бактерии на површината, доволни се само 0,1 процент од бактериите за да ве заразат. Некои видови бактерии се шират многу брзо и потребна е само многу мала количина за да се разболите. На пример, само 10 клетки од високо вирулентна форма на E.coli се доволни за да предизвикаат тешка болест, па дури и смрт кај луѓе со намален имунитет. Но, шансата оваа бактерија да се најде на повеќето површини е многу мала. Не е важно само дали храната паднала на подот, посочуваат експертите, туку се важни и другите посредници- преносни средства како што се кујнските површини, сировата храна и нашите раце и кожа. Затоа е важно површините во кујната каде што се користи сирова храна секогаш да бидат темелно исчистени и често и темелно да ги миете рацете. Внимавајте и на кашлањето и кивањето. Накусо, следниот пат кога храната ќе ви падне на под – можете да ја јадете. Веројатноста дека ќе се разболите е речиси никаква, но сепак, не е исклучена. бактериивирусипадната хранапод 132 Сподели FacebookTwitterGoogle+ReddItWhatsAppPinterestEmail...

СлајдерСовети Еликсир од 3 состојки за чистење на црниот дроб Арт Кујна Авг 8, 2022 Фото: Freepik 248 Сподели Црниот дроб е најпознат по тоа што ги елиминира штетните материи од организмот, но одвреме навреме е добро и ние да му помогнеме Црниот дроб, најголемата жлезда во телото, е најпознат по тоа што ги отстранува штетните материи од телото, но неговата улога е уште поголема. Тој складира железо и одредени витамини, како и гликоза, која црниот дроб ја ослободува во крвотокот кога на телото му треба повеќе шеќер за енергија. Црниот дроб исто така ослободува стари црвени крвни зрнца, инсулин и други хормони. Затоа е многу важно овој орган да е секогаш во топ форма.Црниот дроб служи и за складирање на хранливи материи и неутрализирање на штетните материи. Сепак, денешната исхрана е полна со штетни материи кои црниот дроб не може сам да ги уништи, поради што му е потребна секаква можна помош. Еликсирот кој го чисти црниот дроб и целото тело содржи само три состојки: маслиново масло, сок од лимон и куркума. Состојки за еликсирот: 1 голема лажица маслиново масло 1 голема лажица сок од лимон 1/2 мала лажичка куркума Измешајте ги сите состојки и пијте секое утро на празен стомак. И маслиновото масло и сокот од лимон се полни со антиоксиданти кои ги отстрануваат вишокот слободни радикали, ги штитат здравите клетки од оштетување и ги неутрализираат токсините. Куркуминот, активната состојка на куркумата, го регенерира црниот дроб и го ублажува оштетувањето на истиот, а ги отстранува и мастите. куркумамаслиново маслоцрн дроб 248 Сподели FacebookTwitterGoogle+ReddItWhatsAppPinterestEmail...

СлајдерХраната лек Не ја фрлајте кората од калинка! Исушена, таа е лек за многу проблеми Арт Кујна Авг 8, 2022 113 Сподели Хипократ знаел за уникатните својства на сувата кора од калинка пред 2.500 години и успешно ја применил за лекување на дизентерија. Кората од калинка содржи многу корисни материи кои делуваат слично како и лековите, но главна карактеристика се нејзините антивоспалителни и смирувачки својства. Според билкарите, самиот Хипократ ги знаел лековитите својства на кората од калинка и ја користел како лек. Станува збор за неверојатен лек кој може да ви помогне при сите стомачни инфекции и да ве ослободи од цревните пореметувања. Веќе знаеме и дека помага при дизентерија, дијареа и разни стомачни вируси, како и при воспаление на слепо црево, салмонелоза, чир на желудникот и дисбактериоза на цревата. Во декември 1999 година, руското списание „Руски весник“ ја објавил статијата „Заборавениот Хипократ и лекување со билки“ од рускиот билкар Г. И. Глубок, каде што е напишан рецепт за патентиран лек за лекување на дизентерија, дијареа, колера и воспаление на слепо црево (без операција!), салмонелоза – со одвар (течност добиена со варење или киснење на лековити растенија, билки) од сува кора од калинка за 5 часа. На патентирањето на лекот (во 1996 година) му претходела задолжителна проверка во медицинска установа и неговата способност да ги инхибира патогените бактерии. Еве како се подготвува одвар од суви кори од калинка и како се применува. Односот на сувата кора од калинка и зовриена вода е 1:20. Во топла шолја или чаша ставете 10-12 грама сува кора од калинка и прелијте ја со 200 мл зовриена вода. Покријте ја и оставете да отстои 25-30 минути. После тоа можете да пиете. Не ја фрлајте кората. Подготовката на одвар од суви кори од калинка за сите наведени болести е иста, но примената за болест е различна. За да се излечите за 5 часа од: дизентерија, дијареа, салмонелоза, тифус, колера, воспаление на слепото црево, консумирајте ја лушпата на следниов начин:Откако ќе отстои 25-30 минути, треба да се испие половина чаша. Не го цедете напитокот, оставете ја кората внатре и покријте го садот повторно. Ако по 10 минути почувствувате олеснување и се чувствувате подобро, тоа значи дека е само дијареа и нејзиното лекување е завршено. Можете слободно да излезете од дома, бидејќи повеќе нема да имате дијареа (или запек). Ако не сте почувствувале подобрување по 10 минути, треба да останете дома и по 3 часа да ја испиете преостанатата половина од напитокот. Процесот на лекување продолжува во следните 3 часа. А заздравувањето доаѓа по 5 часа од почетокот на третманот. За 7 дена да се излечи: чир на желудникот, чир на тенкото црево, колитис (воспаление на дебелото црево), дисбактериоза на цревата, консумирајте лушпа од сува кора од калинка на следниов начин:Откако ќе отстои 25-30 минути, почнете да ја пиете течноста. Во текот на денот, испијте половина (90-100 мл) од течноста на 4 пати, во приближно еднакви делови и во приближно еднакви временски интервали, по 20-25 мл. Почнете да пиете наутро на празен стомак, по будењето, а последната четврта доза, пред спиење. Не треба да ја пиете течноста секој ден, туку секој втор ден. Доколку сакате да го продолжите третманот, поради безбедно заздравување на чир на желудникот, тоа можете да го направите по пауза од 7 дена по првиот третман. Запомнете: Во процесот на лекување – одварката не се цеди. За време на третманот – не смеете да консумирате алкохол. Суштината на третманот се состои во тоа што во целиот гастроинтестинален тракт постојано се уништуваат сите патогени бактерии (остануваат здравите), а нивната локација е успешно населена со здрави, неопходни за човекот. Хипократ знаел за уникатните својства на сувата кора од калинка пред 2.500 години. Успешно ја применил лушпата за лекување на дизентерија. Кората од калинка содржи многу корисни материи кои делуваат слично како и лековите, но главна карактеристика се нејзините антивоспалителни и смирувачки својства. Состав и вредност на кората од калинка Придобивките од кората од калинка се содржани во нејзиниот богат состав. Содржи многу антиоксиданти, како и изобилство на киселини, витамини и минерали, поради што лушпите од калинка често се користат за зајакнување на имунолошкиот систем. За што се е корисна кората од калинка? Терапиите кои вклучуваат употреба на кора од калинка се широко распространети во алтернативната медицина. Тие помагаат во мобилизирање на силата на телото и зајакнување на имунолошкиот систем. Придобивките од кората од калинка се: инхибиција на воспалителни процеси;зајакнување на капиларите и крвните садови;чистење на клетките на црниот дроб;УВ заштита;забрзување на регенеративните процеси;распаѓање на лошиот холестерол;запирање на растот на туморите;ослободување од паразити;стимулација на бубрезите;зајакнување на имунолошкиот систем;олеснување на болка;антимикробна активност;нормализација на функцијата на цревата. Затоа, не ја фрлајте кората од калинка. Исушете ја и чувајте ја во домашната аптека. алтернативно лекувањекалинкакора од калинка 113 Сподели FacebookTwitterGoogle+ReddItWhatsAppPinterestEmail...

СлајдерТОП 5 Здрави бургери, оригинал македонски Драгица Христова Авг 5, 2022 2.525 Сподели Двајца сложни браќа во нивниот киоск во охридската чаршија, пред 4 години ја почнале својата иновативна приказна, сега позната како Burger Station. Таму ги подготвуваат најиновативните бургери кои се сѐ само не она што би им го забраниле на своите деца како брза и нездрава храна. Напротив. Двајца браќа од Охрид, Бојан и Филип Стојковски, во нивниот киоск во охридската чаршија пред 4 години ја почнале својата приказна која најпрвин ја замислувале како класична сендвичара, веќе видена сигурна бизнис приказна во која ќе продаваат бургери како и во многу други места кај нас и во светот. Но во меѓувреме, на задоволство на сите, отишле во сосема друга насока и сега, под брендот познат како Burger Station подготвуваат бургери кои се сѐ само не она што би им го забраниле на своите деца како брза и нездрава храна. Напротив. Нивните бургери се олицетворение на онаа улична гастрономска сцена која во светот, а еве сега и кај нас, е препознаена како сцена на која ќе најдете вкусна храна направена со посебно внимание, од најквалитетни состојки, а во нивниот случај, некои од нив и исклучиво наши, традиционални и непознати за остатокот од светот. На пример, оригинален македонски бургер кој е направен со ајвар, кисели краставички, овчо сирење и макало од лук кој иако звучи како луда и неспоива комбинација, всушност е одлична бургер варијанта. На списокот на нивните уникатни бургери е и тартуф бургерот кој се служи со домашен мајонез од тартуфи, а кога има можност, односно, кога имаат свежи тартуфи, тогаш со свежи рендани македонски тартуфи. Дел од понудата се и бургерите направени со бавно печено месо искинато на конци („Pulled pork“ и „Pulleд chicken“), за кои е задолжена Јасмина, дел од тимот и вереница на еден од двајцата браќа. Инаку, нивната приказна со иновативните и здрави бургери почнала сосема спонтано. „Имаме киоск во чаршија и идејата да отвориме киоск за бургери ни тлееше уште од пред десетина години, но тогаш немавме претстава како ќе ја реализираме во однос на рецепти, концепт, понуда и краен производ. Едноставно сакавме да отвориме сендвичара и знаевме дека кога-тогаш ќе го оствариме тоа. Искрено, првичната идеја беше повеќе како бизнис идеја, да се искористи самата позиција на киоскот, но како што поминуваше времето, коцките се наместија, а ние секој ден вложувавме преголем труд и преголема љубов и фативме некој друг тек. Ова што сме денес, нескромно ќе кажеме дека е чесна заслуга за нашиот труд и посветеност“, раскажуваат браќата Стојковски. Во својата матична бургер станица се веќе 4 години, а во новиот објект – една година. Велат дека идејата им била заедничка затоа што тие, иако меѓу нив има 4 години разлика, функционираат синхронизирано, како да се близнаци. Омилена поговорка им е онаа: „Брат брата не рани, ама тешко кој го нема“. Во семејството се први кои се занимаваат со оваа дејност, а во детството и во текот на животот пред започнувањето на бизнисот, ниту еден од нив немал желба за готвење, ниту пак имале некое искуство во ова. „Се случи една многу чудна сторија, како некоја виша сила, не знаеме ни ние како да го објасниме тој дел… Тотално неискусни типови, можете да не земете за пример ако сакате да го докажете она старо правило дека, ако нешто доволно сакаш и ако се посветиш и се трудиш премногу, тоа и ќе успее“, признаваат овие браќа кои се денес „закон“ за квалитетна брза храна меѓу сограѓаните, гостите и туристите во Охрид. Ако ги прашате која е нивната омилена храна, тие сепак ја преферираат онаа која доаѓа од кујната на нивната мајка бидејќи, како што велат, од премногу работа едноставно многу ретко имаат можност да уживаат во нивните вкусни бургери. Иако се релативно нови на пазарот, тие драстично и иновативно ги поместија бургер границите. Нивната крајна цел и желба е да создадат македонска франшиза, но бараат и поддршка од властодржците со тоа што ќе се намали форсирањето на увозни брендови за да се намножат нашите локални, македонски. „За некоја година се надеваме дека ќе бидеме присутни во повеќето градови од Македонија. Барем тоа ни е крајна цел и желба. Во меѓувреме, за нашите сограѓани, иако нашите бургери се најскапи, се највкусни и навистина се „закон“. Иако бевме дел од првиот пазар на Слоу фуд Охрид, сѐ уште не сме официјално дел од Слоу фуд. Иницијативата за нашето учество дојде од Мики од „Papa’s Food“, човекот задолжен за најдоброто охридско макало од лук кое е составен дел и од нашиот македонски бургер. Го креиравме и беше на понуда во 2019 година, како еден од многуте бургер иновации. Од недефинирани причини, некако го ставивме на чекање и токму сега, на пазарот на Слоу фуд, беше вистинското време за да го претставиме во полн сјај. Како што ни пренесоа, бидејќи ние бевме на работа, за многу кратко време се потрошила количината и сите биле изненадени од успешната комбинација на не така познатите состојки за бургер“, задоволно велат браќата. Сепак, досега се уште најбаран кај нив е оној бургер кој има и најстандарден бургер вкус. Класика во модерна верзија, со лепчиња и месо кои ги набавуваат од локални фирми, по нивни стандарди и барања. Бидејќи своите бургери ги класифицираат како здрава брза храна, ги прашавме со што можат да го оправдаат ова. „Прво, набавуваме секој ден продукти во смисла на свежо месо, свежо печени бургер лепчиња, итн. Сите продукти кои се користат се избрани по највисоки стандарди. Нашиот познат пекарски компир го печеме во рерна, плескавиците ги приготвуваме секогаш свежи и не работиме со готова храна. Месо, компир, сосови, сето тоа се наши производи и без разлика дали ќе ви се допадне или не, тоа што ќе го јадете кај нас не можете да го најдете на ниту едно друго место“, завршуваат тие. Оние кои ги испробале бургерите на сложните браќа, велат дека дефинитивно, ова е жива вистина. браќабургериОхридСлоу Фуд 2.525 Сподели FacebookTwitterGoogle+ReddItWhatsAppPinterestEmail...

СлајдерТОП 5 Што ме гледаш, чести пиво Арт Кујна Авг 5, 2022 317 Сподели Денес е првиот петок во август, денот кој од 2007.година се слави како Меѓународен ден на пивото. Ги побаравме нашите пријатели пивољупци, пивопијци, пивопознавачи и пивоправачи и ги прашавме како тие ќе го поминат овој убав и за нив празничен ден. Денес, ако не сте знаеле, е меѓународен ден на пивото и можеби не е најпознатиот празник во светот, но на големите љубители на пиво и на неговите производители, им е омилен. Нас на овој ден не потсети еден токму таков пивољубец, пивопиец, пивопознавач, пивски судија, сопственик на пивотека, организатор на Пивски салон и сопственик на порталот чие име е, а како поинаку ако не, „Сакам пиво“. Станува збор за скопјанецот Марјан Костадиновски, чија порака за денов е многу трезвена и едноставна: „Консумирајте умерено и одговорно заради вас и блиските околу вас. Тоа е мојата порака“, се смее Мац кој на својот ФБ профил објави и фотографија на која токму по повод денот носи маица со интересен натпис: „Шо ме гледаш, плати пиво, ебаго“! Фото: Фејсбук Да, денес е првиот петок во август, денот кој од 2007.година се слави како Меѓународен ден на пивото, а востановен е во Калифорнија. За неколку години од локална манифестација прераснал во празник од светски размери. Во чест на денешниот меѓународен ден на пивото, скопскиот пиварски крафт бренд СК091 изразува благодарност до сите локални поддржувачи на оваа занаетчиска гранка. Всушност, станува збор за Димитар Блажевски, крафт пивар и сопственик на овој бренд кој веќе 5 години е дел од домашната пивска крафт сцена. Од нашиот последен разговор, тој има и доста новости, а со последните две пива е присутен и на хрватскиот пазар. „Прва крафт лименка, прва соработка и прв gypsy brew кај нас. Можеби сме тивки, ама работиме“, се смее тој и објаснува дека влегол во соработка со македонско/хрватска пивара. „Додека тие ме шират мене низ Хрватска, јас почнувам да ги носам нивните пива кај нас. Како за чудо, иако сме сите Македонци, можело да се соработува“, вели Димитар. Тој порачува дека, иако кај нас крафт пивото е уште во зародиш, сепак, своите пионерски чекори, полека, но сигурно ги изодува со амбиција да фати сериозен приклучок кон светските трендови и светската сцена, која е веќе етаблирана. „Пивата кои ги куваме со особено уживање и во кои ја внесуваме нашата лична креативност би сакале да ги задоволат вкусовите, не само на пошироките почитувачи на оваа сцена, туку и на вистинските сладокусци. Одличен доказ за тоа е првата, сега веќе и продолжена соработка меѓу македонскиот СК091 со хрватската пивара Hotch Potch и проширувањето на крафт пивата на повеќе меѓународни пазари. Брендот СК091 ви посакува убав летен ден и ви порачува да го направите вистинскиот избор за летно освежување во деновите што следат“, порачува Димитар. И третите пивољупци и пивари кои ги одбравме за да го збогатат овој пивски ден се нашите пријатели, браќата Горан и Марјан Бакревски, сопственици на првата крафт пиварница во Битола – „Бак“. Тие ни рекоа дека денов ќе го поминат работно, и тоа, после обврските на Горан во неговата стоматолошка ординација, а на Марјан со музиката, ќе продолжат со работа онаму каде што се чувствуваат најдобро, во својата микропиварница каде што работат со љубов, а работа ги прави вистински среќни. „Да живее мајсторлукот кое од слад, хмељ, квасец и вода создава извонреден пијалак без вештачки додатоци, емулгатори и конзерванси и повеќе млади луѓе да си ја најдат својата професија од соништата“, порачуваат Бакревски шегувајќи се дека денес, во текот на денот е пожелно е да се „вртат тури“ и да се испробуваат старите омилени, но и новите пивски вкусови. Добро, но не и премногу разладени. Пивото во многу земји се смета за прехранбен производ, а се прави од квасец, хмељ, јачмен и вода. Тоа е едно од најстарите пијалоци и се правело и во древен Египет. Застапен е насекаде низ светот, особено поради научно докажаниот факт дека е природен, биолошки избалансиран производ, кој, на пример, во еден литар има енергетска вредност еквивалентна на иста количина полномасно млеко. Од клучно значење е сепак, умереноста во консумирањето алкохол, а тоа важи и за пивото. Иако има помал процент на алкохол, пивото во прекумерна количина може да ги има истите несакани ефекти како и жестоките пијалаци. И така, ако сте и вие љубител на пиво, уживајте во некое одбрано, крафт, ладно пивце под дебела сенка и почестете некого, да ви биде убав денот! крафт пивомеѓународен ден на пивотопиво 317 Сподели FacebookTwitterGoogle+ReddItWhatsAppPinterestEmail...

СлајдерСовети Дали верувате дека калории се согоруваат со целер? Арт Кујна Авг 5, 2022 Фото: Pixabay 116 Сподели Многу поборници за здрава исхрана веруваат во некои од митовите што се поврзани со неа. Еве во кои митови за храната веруваат повеќето од нас. Јаглехидратите се лоши, пилешкото е секогаш поздраво кога е без кожа, се само дел од старите тврдења кои се поврзани со здравата исхрана. Што е точно, а што е само мит, ќе дознаете во продолжение. Целерот ги согорува калориите. Комплетна лага е дека целерот има негативни калории, односно дека со неговата консумација согоруваме повеќе калории отколку што внесуваме. Вистината е дека целерот има само 10 калории по порција и дека затоа е совршена намирница која треба да ја вклучите во вашата диета ако сакате да изгубите на тежина. Мешунките и житарките мора да се јадат во исто време за целосни протеини. Јадете мешавина на аминокиселини во текот на денот и ќе ги добиете сите хранливи состојки што ви се потребни. До некаде е вистина дека мешавината на мешунки и житни култури е нутритивно многу моќна, богата со протеини, растителни влакна, витамин Б, железо, калиум и други минерали, додека е сиромашна со масти. Сировите моркови се поздрави од зготвените. Верувале или не, термичката обработка ја зголемува хранливата вредност на морковите. Самиот процес на готвење ги разградува силните клеточни sидови кои потоа ослободуваат бета-каротен. Секогаш отстранувајте ја кожата од пилешкото за помал внес на масти. Печењето, готвењето или динстањето на пилешко со кожа ги зачувува сите оние природни сокови што му даваат вкус. Пилешкото задолжително гответе го со кожата заради зачувување на вкусот, а отстранете ја подоцна. Треба да се избегнуваат јајцата поради холестеролот што го содржат. Јајцата се на лош глас и некои истражувања покажаа дека тие го поттикнуваат високиот холестерол во крвта. Точно е дека јајцата се достапен извор на многу хранливи материи, вклучувајќи цинк, железо, антиоксиданти лутеин и циксантин, витамин Д, како и на хемикалија која ја поттикнува работата на мозокот, наречена колин. Држете го вашиот холестерол под контрола со тоа што ќе го намалите внесувањето на заситени масти. Помалку јаглени хидрати – поздрава исхрана. Изборот на соодветни житни култури е од големо значење за општата здравствена состојба. На вашето мени секогаш нека има целовити житарки затоа што бројни истражувања покажале дека луѓето кои редовно земаат цели зрна, имаат 20-30 проценти помалку шанси да добијат срцеви заболувања, а тие се во просек и послаби. Ако користиме маргарин наместо путер внесуваме помалку калории. Путерот и маргаринот имаат приближно ист број калории со тоа што маргаринот е направен од растителни масла како поздрава алтернатива на путерот кој содржи холестерол и заситени масти. Но, маргаринот може да биде далеку понездрав од путерот затоа што содржи транс масти кои влијаат на развојот на срцеви заболувања и високиот холестерол. Кога купувате маргарин, побарајте го оној што не содржи транс масти. Јаткастите плодови се лоши како и брзата храна. Јаткастите плодови се одличен извор на протеини и други хранливи материи, ако не земате повеќе од една полна рака наеднаш. Истражувањата на Харвард покажале дека ако јадете пет вакви порции во текот на неделата, го намалувате ризикот од развој на дијабетес тип 2 за 20 проценти. Алкохолот ни помага да спиеме подобро. Дури и кај здрави возрасни лица, алкохолот може да го наруши добриот сон. Можеби ќе може да ве натера да заспиете брзо, но голема е веројатноста дека ќе се разбудите среде ноќ побудни од кога било. Дијабетичарите треба целосно да се откажат од шеќерот. Лекарите не се согласуваат со оваа изјава и тврдат дека повременото почестување со нешто слатко е добро. Клучот за одржување на добро ниво на гликоза во крвта се избалансирани оброци кои содржат мешавина на јаглени хидрати, масти и протеини. Не треба да пиете млеко кога сте настинати. Дали мајките и бабите некогаш ве предупредувале за ова? Ако е така, треба да знаете дека нема докази дека млекото ја поттикнува продукцијата на секрет и затоа нема потреба да се откажувате од него кога сте настинати. Зачинетата храна предизвикува чир на желудникот. Зачините не се причина за чир на желудник, знаеме дека главниот виновник за оваа бактерија е хеликобактер пилори. Единствената работа што може да ја направат зачините е да ги иритираат цревата, што луѓето обично го мешаат со чир. Намалете ја храната кога имате температура. Нема медицински докази ниту за ова тврдење. Вашиот апетит може да се намали сам по себе ако имате треска, но треба да јадете сé што можете, затоа што за време на болест вашите нутритивни потреби растат. Производите со малку маснотии или без маснотии секогаш се подобри од полномасните. Кога станува збор за месото и одредени млечни производи, има вистина дека храната без маснотии е подобра за вашето здравје, но тоа не е случај со сите индустриски преработени производи. Кога производителите, на пример, отстрануваат масти од кексите за да добијат вкус додаваат други, не толку здрави состојки, како што е шеќерот. Експертите советуваат да избегнувате индустриска храна без маснотии и да ја замените со природни производи кои содржат здрави масти како што се јаткастите плодови. Замрзнатото или конзервираното овошје и зеленчук се посиромашни со нутриенти. Свежото овошје и зеленчук имаат повеќе хранливи материи од замрзнатата или конзервирана храна, но само во истиот момент кога ќе се наберат. Бидејќи свежото овошје и зеленчук генерално имаат долг пат пред да стигнат до полиците на маркетите или пазарите, нивната хранлива вредност е изгубена. Храната што е набрана свежа и брзо се замрзнува, зачувува многу повеќе хранливи материи. здрава хранамитовицелер 116 Сподели FacebookTwitterGoogle+ReddItWhatsAppPinterestEmail...

СлајдерСовети Дали верувате дека настинка се лечи со витамин Ц, а калории се согоруваат со целер? Арт Кујна Авг 5, 2022 Фото: Pixabay 1 Сподели Многу поборници за здрава исхрана веруваат во некои од митовите што се поврзани со неа. Еве во кои митови за храната веруваат повеќето од нас. Јаглехидратите се лоши, пилешкото е секогаш поздраво кога е без кожа, се само дел од старите тврдења кои се поврзани со здравата исхрана. Што е точно, а што е само мит, ќе дознаете во продолжение. Витаминот Ц ја лекува настинката. Сите ние, за време на настинка или грип, посегаме по големи количини на витамин Ц, преку лимоните, портокалите или суплементите, но истражувањата покажале дека витаминот Ц нема големо влијание во борбата против настинката, освен ако не сте маратонец или скијач. Целерот ги согорува калориите. Комплетна лага е дека целерот има негативни калории, односно дека со неговата консумација согоруваме повеќе калории отколку што внесуваме. Вистината е дека целерот има само 10 калории по порција и дека затоа е совршена намирница која треба да ја вклучите во вашата диета ако сакате да изгубите на тежина. Мешунките и житарките мора да се јадат во исто време за целосни протеини. Јадете мешавина на аминокиселини во текот на денот и ќе ги добиете сите хранливи состојки што ви се потребни. До некаде е вистина дека мешавината на мешунки и житни култури е нутритивно многу моќна, богата со протеини, растителни влакна, витамин Б, железо, калиум и други минерали, додека е сиромашна со масти. Сировите моркови се поздрави од зготвените. Верувале или не, термичката обработка ја зголемува хранливата вредност на морковите. Самиот процес на готвење ги разградува силните клеточни sидови кои потоа ослободуваат бета-каротен. Секогаш отстранувајте ја кожата од пилешкото за помал внес на масти. Печењето, готвењето или динстањето на пилешко со кожа ги зачувува сите оние природни сокови што му даваат вкус. Пилешкото задолжително гответе го со кожата заради зачувување на вкусот, а отстранете ја подоцна. Треба да се избегнуваат јајцата поради холестеролот што го содржат. Јајцата се на лош глас и некои истражувања покажаа дека тие го поттикнуваат високиот холестерол во крвта. Точно е дека јајцата се достапен извор на многу хранливи материи, вклучувајќи цинк, железо, антиоксиданти лутеин и циксантин, витамин Д, како и на хемикалија која ја поттикнува работата на мозокот, наречена колин. Држете го вашиот холестерол под контрола со тоа што ќе го намалите внесувањето на заситени масти. Помалку јаглени хидрати – поздрава исхрана. Изборот на соодветни житни култури е од големо значење за општата здравствена состојба. На вашето мени секогаш нека има целовити житарки затоа што бројни истражувања покажале дека луѓето кои редовно земаат цели зрна, имаат 20-30 проценти помалку шанси да добијат срцеви заболувања, а тие се во просек и послаби. Ако користиме маргарин наместо путер внесуваме помалку калории. Путерот и маргаринот имаат приближно ист број калории со тоа што маргаринот е направен од растителни масла како поздрава алтернатива на путерот кој содржи холестерол и заситени масти. Но, маргаринот може да биде далеку понездрав од путерот затоа што содржи транс масти кои влијаат на развојот на срцеви заболувања и високиот холестерол. Кога купувате маргарин, побарајте го оној што не содржи транс масти. Јаткастите плодови се лоши како и брзата храна. Јаткастите плодови се одличен извор на протеини и други хранливи материи, ако не земате повеќе од една полна рака наеднаш. Истражувањата на Харвард покажале дека ако јадете пет вакви порции во текот на неделата, го намалувате ризикот од развој на дијабетес тип 2 за 20 проценти. Алкохолот ни помага да спиеме подобро. Дури и кај здрави возрасни лица, алкохолот може да го наруши добриот сон. Можеби ќе може да ве натера да заспиете брзо, но голема е веројатноста дека ќе се разбудите среде ноќ побудни од кога било. Дијабетичарите треба целосно да се откажат од шеќерот. Лекарите не се согласуваат со оваа изјава и тврдат дека повременото почестување со нешто слатко е добро. Клучот за одржување на добро ниво на гликоза во крвта се избалансирани оброци кои содржат мешавина на јаглени хидрати, масти и протеини. Не треба да пиете млеко кога сте настинати. Дали мајките и бабите некогаш ве предупредувале за ова? Ако е така, треба да знаете дека нема докази дека млекото ја поттикнува продукцијата на секрет и затоа нема потреба да се откажувате од него кога сте настинати. Зачинетата храна предизвикува чир на желудникот. Зачините не се причина за чир на желудник, знаеме дека главниот виновник за оваа бактерија е хеликобактер пилори. Единствената работа што може да ја направат зачините е да ги иритираат цревата, што луѓето обично го мешаат со чир. Намалете ја храната кога имате температура. Нема медицински докази ниту за ова тврдење. Вашиот апетит може да се намали сам по себе ако имате треска, но треба да јадете сé што можете, затоа што за време на болест вашите нутритивни потреби растат. Производите со малку маснотии или без маснотии секогаш се подобри од полномасните. Кога станува збор за месото и одредени млечни производи, има вистина дека храната без маснотии е подобра за вашето здравје, но тоа не е случај со сите индустриски преработени производи. Кога производителите, на пример, отстрануваат масти од кексите за да добијат вкус додаваат други, не толку здрави состојки, како што е шеќерот. Експертите советуваат да избегнувате индустриска храна без маснотии и да ја замените со природни производи кои содржат здрави масти како што се јаткастите плодови. Замрзнатото или конзервираното овошје и зеленчук се посиромашни со нутриенти. Свежото овошје и зеленчук имаат повеќе хранливи материи од замрзнатата или конзервирана храна, но само во истиот момент кога ќе се наберат. Бидејќи свежото овошје и зеленчук генерално имаат долг пат пред да стигнат до полиците на маркетите или пазарите, нивната хранлива вредност е изгубена. Храната што е набрана свежа и брзо се замрзнува, зачувува многу повеќе хранливи материи. здрава хранамитовицелер 1 Сподели FacebookTwitterGoogle+ReddItWhatsAppPinterestEmail...

СлајдерСовети Како да сварите пченка за 10 минути Арт Кујна Авг 5, 2022 Фото: Pixabay 869 Сподели Ако сакате набрзина да сварите пченки, па така да заштедите и струја и време, ви требаат само 2 состојки Иако можеби мислите дека е невозможно да се забрза процесот на варење на пченката, ние најдовме одличен начин како да го забрзате процесот, но и дополнително да го подобрите вкусот. Во остатокот од текстот дознајте како треба да го направите тоа. Освен што е вкусна, пченката е многу корисна и за здравјето на цревата. Содржи јаглехидрати, магнезиум, фолна киселина, протеини и многу други хранливи материи, а сега е идеално време да ја консумирате. Варената пченка е нешто без кое летото не може да помине. Многумина не се осмелуваат да го ја готват дома, бидејќи мислат дека е потребно премногу време. Сепак, постои еден трик кој може значително да го скрати времето, а ќе добиете совршено зготвена и вкусна пченка. Кочанот најпрво скршете го на две половини, наредете ги во тенџере, а потоа прелијте ги со вода. Кога водата ќе зоврие, истурете една чаша свежо млеко и додадете едно парче путер. Оставете сè да се вари 10 минути, а потоа тргнете го тенџерето од оган. На крајот посолете по вкус и уживајте во меката пченка. варењепченкатрикови 869 Сподели FacebookTwitterGoogle+ReddItWhatsAppPinterestEmail...

Семки од диња: Здрав деликатес што го фрламе во ѓубре Арт Кујна Авг 4, 2022 Фото: Unsplash 459 Сподели Семките од диња се богати со протеини, омега-3 масни киселини, витамини и влакна. Според Ајурведата (традиционална индиска медицина), семките од диња имаат ефект на ладење и се идеални за јадење во текот на летото. Дињите се нискокалорично овошје кое е богато со витамини и минерали и содржи голем процент на вода, што ги прави идеално овошје за освежување во топлите, летни денови. Но, најздравиот дел од дињата најчесто завршува во ѓубре, бидејќи го отстрануваме и го фрламе. Тоа се семките. Во Индија семките од диња се најскапоцениот дел од ова овошје и се користат во секој дом. По отстранувањето на внатрешноста, кончестите влакна заедно со семките се сушат на хартија, а потоа, по сушењето, влакната се одвојуваат од семките. По овој процес, семето мора добро да се измие под силен млаз вода, да се исуши и да се складира. Можете да ги додадете на било што. Семките од диња се богати со протеини, омега-3 масни киселини, витамини и влакна. Според Ајурведата (традиционална индиска медицина), семките од диња имаат ефект на ладење и се идеални за јадење во текот на летото. Во Индија, мелените семки од диња се додаваат во ласи (пијалак од јогурт) и тандаи (ладно млеко со зачини), а целите семки – во слатки и во алва. Може да се додадат во леб и во печива (исто како семките од тиква или сончоглед) или во торти и колачи (како ореви или лешници). Може да се јадат и сами, како здрава ужина. 459 Сподели FacebookTwitterGoogle+ReddItWhatsAppPinterestEmail...

Што може најлошо да се случи ако се прејадете со јаткасти плодови? Арт Кујна Авг 4, 2022 Фото: Unsplash 186 Сподели Дали е здраво да се јадат јаткасти плодови секој ден? Може да биде, но постојат три различни начини на кои прејадувањето јаткасти плодови може негативно да влијае на вашето здравје. Еве што треба да имате на ум. Веќе знаете дека јаткастите плодови се исклучително здрави. Оваа крцкава закуска е поврзана со подобро здравје на срцето, намалување на холестеролот, па дури и со губење на тежината. Јаткастите плодови се богати со протеини, влакна, здрави масти, витамини, минерали и антиоксиданти. Нутриционистот Џерлин Џонс за Prevention вели дека тие можат да помогнат во зголемувањето на енергијата, па дури и да играат улога во долговечноста. Плус, лесно се јадат сами или се вградуваат во различни оброци, поради што никогаш не треба да се чувствувате лошо ако посегнете по овие вкусни супер закуски. Но, ако ги јадете често и во големи количини, има неколку потенцијални проблеми. Џонс предупредува дека е лесно да се јадат премногу јаткасти плодови, особено затоа што се лесни за грицкање. Тој додава дека повеќето луѓе не се држат до препорачаната дневна количина, истакнувајќи дека околу 1/4 од шолја чај е добра мерка за вистинската порција. Џонс мисли дека е добро да следите колку јаткасти плодови јадете секој ден. Значи, дали е здраво да се јадат јаткасти плодови секој ден? Може да биде, но постојат три различни начини на кои прејадувањето јаткасти плодови може негативно да влијае на вашето здравје. Еве што треба да имате на ум. Тие можат да доведат до зголемување на телесната тежина Бидејќи јаткастите плодови се многу заситувачки, тие можат да ви помогнат да изгубите тежина, но само ако консумирате умерена количина на јаткасти плодови. Ако јадете повеќе од 1/4 чаша дневно, може да почнете да добивате тежина. Џонс објаснува дека тоа е затоа што јаткастите плодови се калорични, што значи дека содржат повеќе енергија по грам од многу други намирници. На пример, околу 28 грама бадеми содржат околу 160 калории, па дури и ако само ја удвоите вашата порција, ќе внесете 320 калории за ужина. Ова може да резултира со зголемување на телесната тежина ако не ги броите дополнителните калории што ги внесувате во текот на денот. Меѓутоа, ако сакате јаткасти плодови и не внесувате дополнителни калории со урамнотежена исхрана, не би требало да имате премногу проблеми. На пример, ако јадете нискокалорична салата и сакате да ја збогатите со јаткасти плодови бидејќи во спротивно нема да ве засити, задолжително додадете неколку бадеми во порцијата. Гасови, надуеност и проблеми со варењето Ако некогаш сте почувствувале надуеност или гасови откако сте јаделе јаткасти плодови, не сте единствените. Ова е вообичаен несакан ефект бидејќи јаткастите плодови содржат фитати и танини, соединенија кои го отежнуваат варењето. А нутриционистот Алан Р. Габи додава дека консумирањето премногу маснотии, кои ги има во изобилство во јаткастите плодови, може да доведе до дијареа за краток временски период. Како да ги спречите овие непријатни проблеми? Држете се до препорачаната дневна количина на јаткасти плодови или посегнете по изникнати јаткасти плодови. Нутриционистката Лили Николс објаснува дека ваквите јаткасти плодови полесно се варат. Премногу бразилски ореви може да предизвикаат труење со селен Бразилските ореви се природно богати со селен, а само шест до осум од овие јаткасти плодови содржат речиси 10 пати повеќе селен од препорачаната дневна количина, која вообичаено е 55 микрограми. Труењето со селен може да ги направи вашите нокти кршливи, да предизвика непријатен мирис, па дури и да предизвика болки во мускулите и зглобовите. Сепак, преоптоварувањето со селен е специфично за бразилските ореви, така што не мора да се грижите за овој проблем кога јадете други видови јаткасти плодови. „Ако јадете само минимална количина бразилски ореви, не мора да се грижите за вишокот селен во вашето тело“, вели Џонс. Таа препорачува до четири бразилски ореви дневно, а оваа количина можете да ја јадете секој втор ден за секој случај. Најдобар начин да ги решите сите овие проблеми е да внимавате на количината на јаткасти плодови што ја јадете. Ако понекогаш имате тенденција да се прејадете, Џонс препорачува да започнете да следите колку точно сте изеле. Можете исто така да ја измерите количината за да ја одржите контролата врз вашата порција. Бидејќи сите совети се базираат на тоа дека треба да се ограничи количината на изедени јатки, оставаме на вас, да поработите на самоконтрола. Иако не знаеме баш како е тоа изведливо ако некој баш се навлече на грицкање јатки. Веројатно е ова слично на онаа препорака за јадење само неколку коцки чоколадо на ден. На тема на чоколадото имаше и една шега, па велеа, „кои се тие што можат да застанат на 2-3 коцки чоколадо?! Некоја секта ли се, што се? За некои од нас, исто е и со кикиритките. 186 Сподели FacebookTwitterGoogle+ReddItWhatsAppPinterestEmail...

СлајдерШеф Висока гастрономија базирана на отпадоци од храна Арт Кујна Авг 4, 2022 76 Сподели За енергичниот Мет Орландо, немањето никаков неискористен остаток од намирниците станало спорт кој тој и неговиот тим го користат за да се поттикнат на врвни перформанси. Ја сушат кората од јаболка и ја служат како чај, прават кнедли од мелени коски од риба, ја комбинираат ледената вода од ладилниците за вино и водата од чешма што ја оставаат гостите и ги користат за наводнување на градината на ресторанот. Во висококвалитетниот ресторан AMASS во Копенхаген, калифорниецот Мет Орландо ја оживува својата визија за одржливост со тоа што максимално ги користи остатоците од кулинарски аспект. За ова делумно се одговорни неговите хипи родители.Мет Орландо сака да зборува за ѓубрето. Ова е невообичаено за готвач со неговата биографија; на крајот на краиштата, Калифорниецот работел во ресторани чии имиња му отвараат апетит на секој гурман. На Менхетен готвел во Le Bernardin, а во Англија во The Fat Duck. До неодамна ја предводел кујната во „Нома“, на Рене Реџепи, можеби најдобриот ресторан во светот. Луѓето доаѓаат од далеку за да го јадат она што го готви Мет Орландо. Тоа е толку едноставно колку што е извонредно и ништо не останува неискористено во кујната од светска класа на Amass. Откако се одважил и го создал Амасс, тој ги развива своите јадења базирани врз отпадот предизвикан при нивното подготвување. За енергичниот готвач, немањето никаков неискористен остаток стана спорт кој тој и неговиот тим го користат за да се поттикнат на врвни перформанси. Ја сушат кората од јаболка и ги служат како чај. Тие прават кнедли од мелени коски од риба. Ја комбинираат ледената вода од ладилниците за вино и водата од чешма што ја оставаат гостите и ги користат за наводнување на градината на ресторанот. Тие ги топат дури и остатоците од свеќите што останале на масите и од нив прават нови свеќи. За сето ова е потребно време, што е секогаш дефицитарна роба во врвната гастрономија. Но, Орландо е горд на неговата инвестиција. Сигурно не е најлесниот начин да водите ресторан, но е вистинскиот. Ако сакаме да одиме напред како вид, треба повеќе да размислуваме за тоа што го правиме. Готвење со одговорност Тој и неговата сопруга, Џули Бергстром Орландо од Данска – се запознале во Нома и таа сега управува со Амасс, откако и двајцата барале локација за да го направат следниот чекор во нивните кариери. Го нашле тоа во она што во тоа време било сè уште бил груб дел од пристаништето во Копенхаген, на полуостровот Рефшалеен, опкружен со вода и бродоградилишта. Дури и за метропола како Копенхаген, Amass бил возбудлив нов додаток во тоа време. Во 2013 година, дневниот дански весник Berlingske објавил за отворањето на, како што напишале, „најголемиот меѓународен интерес за нов дански ресторан досега“. Меѓутоа, човекот кој го привлече овој интерес чувствувал дека сѐ уште не го достигнал тоа што го сака. „Кога работите како готвач за некој друг, вие сте интензивно фокусирани на тоа да го испорачате токму она што таа личност го сака, до последниот детал. Ова ја ограничува вашата лична визија. Тој ја искористил првата тринеделна зимска пауза на Амас за да се истражи себеси – и тоа го вратило на неговите корени.Мет Орландо пораснал во Сан Диего, Калифорнија. Неговите родители – кои биле „вистински хипици“ – оделе на сурфање и кампување со него. Семејството многу се селело, вели тој. „Но, без разлика во каква мала колиба на плажа живеевме во тоа време, секогаш имавме градина – и компостирањето секогаш беше дел од неа“. Се сетил на ова кога ги фрлил остатоците од храната во купот компост во градината на неговиот новоотворен ресторан. „Таа еколошка свест, благодарноста за природата што ми ја дадоа моите родители, одеднаш се врати. Тој ја собрал својата екипа околу себе и, како што раскажува, одржал страстен говор. Реков, да го отвориме овој ресторан со одговорност како наша максима и мисија.Оттогаш, прашањето што ѝ претходи на секоја одлука е: Дали одговорно се справуваме со ресурсите, животната средина и едни со други? Ако не, што можеме да направиме поинаку? Одржливоста како визија Се проценува дека околу осум проценти од глобалните емисии на стакленички гасови се од одгледување храна, која подоцна се фрла. „Нашиот систем на храна е збркан на многу начини“, вели Орландо. Одржливоста е неговата ѕвезда водилка. Речиси 100 проценти од производите што се користат во Amass доаѓаат од дански органски фармери или добавувачи. Ресторанот ја добива својата риба од локалните води и одржливиот риболов. Тие служат месо само во мали количини – родителите на Орландо му дозволувале да јаде месо само кога имал 13 години – и тоа морало да доаѓа од етички извори. Сепак, Орландо е толку решен да ја продолжи својата визија што таа веќе развила сопствена динамика што се протега надвор од кујната. Му пречело тоа што производителот на чаршафите за масите им ги испорачувал завиткани во пластика, па заедно работеле на тоа да најдат алтернатива. Добавувачот сега ги завиткува чаршафите во стари чаршафи и ги зема со него кога ќе ја направат следната испорака. И тие не го прават ова само за Amass. „Сега на овој начин снабдуваат голем број ресторани во градот. Тоа им заштедува пари, а ни ја заштедува пластиката“. Сите производители не се кооперативни. Орландо сакал да набави кутии за транспорт за повеќекратна употреба за еден од неговите добавувачи кои го пакувале нивниот зеленчук во пластика. Компанијата одбила – логистиката им била премногу. „Веќе не работиме со нив“, вели Орландо. Зачувајте ги ресурсите, импресионирајте со вкусот Само неколку чекори подалеку од кујната во Амасс, се простира градината на ресторанот, на речиси 9700 квадратни метри ливада. За вработените градината е училиште за вкус и поле за експериментирање. „Овде го запознаваме целиот животен циклус на нашите растенија. Кога ќе ги нарачаме од земјоделците, тоа е секогаш само слика од она што доаѓа“. Така настанала идејата за развој на оброци врз основа на нивниот отпад. На пример, Мет Орландо започнал со тврдата надворешна обвивка на тиквата, која ја пече додека не стане мека и додека не потемни. Откако ги трансформира амино киселините во шеќери, ги служи како темна каша зачинета со мисо од тиква. Тој ги ферментира семките и внатрешноста во саламура, ги преработува во слатко-кисел прашок и масло и ја зачинува омекнатата каша од тиква со двете. Се користи комплетната тиква. Повеќето гости знаат дека некои од вешто аранжираните курсеви на нивното мени од 160 евра се состојат од состојки кои би ги исфрлиле во нивните кујни. Вкусот мора да ги освои. Ако ги натераме да размислуваат за тоа, тогаш веќе сме постигнале многу, вели Мет Орландо.Архитектонскиот концепт исто така го следи правилото да се направи нешто инспиративно од она што веќе постои. Од отворањето, обемот на отпад во ресторанот е намален за 75 проценти, а потрошувачката на вода за околу 1374 галони годишно. Сепак, за Мет Орландо ова не е доволно; тој сака да го пренесе своето искуство. Во својата експериментална кујна, тој и неговиот тим со години дехидрираат, тријат, горат или варат на пареа остатоци како гел од кељ или кора од лимон за да откријат кои состојки може да се направат од нив. „Ние знаеме да направиме нешто вкусно од остатоците. За време на пандемијата, тој формирал истражувачки простор и сега ги поканува производителите на храна да соработуваат. Нивниот отпад треба да се претвори во нови вкусни производи. Првиот триумф од овој потфат е карамел сладолед бар со чоколадна облога, кој е направен во соработка со индустриската пекара Jalm&B и производителот на сладолед Hansens. Основата е бајат леб, кој се претвора во сируп, а потоа се меша со млеко. 350 килограми леб биле трансформирани во 15.500 сладолед барови – првото големо производство за Amass и исто така првото влијание што го имаше на полиците на супермаркетите. Овие сладолед барови се продавале толку добро што Jalm&B сака да произведе 150.000 повеќе следната година. Амас заработува по малку од секој од нив. Покрај индивидуалните десерти, може да се редизајнираат и производи за големо производство. Одржлива гастрономија без огради Мет Орландо знае дека добар ресторан не генерира многу приходи. Еден од неговите поранешни шефови му дал совет: Ако сакаш да бидеш богат, отвори пицерија. „Трошоците за да се има ресторан од висока класа се луди“, вели Орландо. „Не ја наплаќаме храната колку што треба. Но, ниту со Амасс не губиме пари“. На крајот, делувањето одговорно може да значи и одржливо работење. Градината, на пример, може да произведе само околу десет проценти од она што ѝ е потребно на кујната, вели Мет Орландо. „Затоа таму ги одгледуваме состојките што инаку би требало да ги купиме по висока цена, како цвеќиња, никулци, зелка и бобинки. Ова ни заштедува многу пари“. Сепак, областа не е оградена. Орландо го смета за заедничко одморалиште за гостите и соседите. На училишните деца, исто така, им е дозволено да влезат и да градинарат со него и со тимот на Amass како дел од програмата Amass Green Kids. Текстот е од ТУКА. На тој начин го пренесува она што го научил од родителите. Неговата мајка штотуку го посетила за прв пат по 20 месеци. Ја водел низ ресторанот и градината и ѝ одговорил на многу прашања. „Тука бевме сами. Кога ѝ кажав дека таа и татко ми се инспирација за сето ова, ѝ надојдоа солзи“. гастрономијаготвачМет Орландоотпад 76 Сподели FacebookTwitterGoogle+ReddItWhatsAppPinterestEmail...

СлајдерСовети Ако не знаете дали намирниците на кои им истекол рокот сѐ уште се јадливи… Арт Кујна Авг 4, 2022 Фото: Unsplash 99 Сподели Храната во вашиот фрижидер изгледа добро и мириса нормално, но рокот на траење ѝ е истечен. Дали ќе ја фрлите во канта? Повеќето луѓе ја фрлаат храната на која пишува дека ѝ е истечен рокот на траење, дури и ако таа изгледа добро и мириса нормално. Тој синдром има дури и име: да се употреби пред паранојата. Етикетите можат да ги доведат во заблуда потрошувачите, што резултира со фрлање на 8 милиони тони совршено добра храна само во Англија, што е околу 800 евра по домаќинство годишно. Датумот кој е означен како „да се употреби до“ го означува времето до кое се гарантира дека храната е со врвен квалитет. Може да се означи и само во формат од месец и година. После тоа, храната може да се користи уште некое време, без никакви здравствени последици. Примарна работа е едноставно да ја погледнете и да ја мириснете храната, за да се избегне ризикот од труење. Треба да се внимава со филетите од риба во вакуум пакување. Имајќи предвид дека некои бактерии на рибите тешко се отстрануваат дури и со третман на висока температура, се препорачува да се почитува означениот датум и да се користи производот пред истекот на рокот. Истото треба да се направи и со другите морски плодови. Нема смисла да се земе предвид рокот на употреба кога се во прашање овошјето и зеленчукот. Очигледно е кога тие веќе не можат да се јадат. Исклучок е компирот, кој кога ќе добие зелени дамки или ќе никне, создава токсини кои можат да доведат до труење. Неотворена тегла џем може да трае бесконечно, стотици години. Откако ќе се отвори, може да се јаде додека не мувлоса. Мувла се појавува на производите кои содржат конзерванси поради бактериите внесени со приборот. Ако користите чиста лажица секој пат, ќе го забавите процесот на расипување. Никогаш не јадете храна од дупнати лименки, бидејќи содржи многу опасни бактерии. Јогуртот се користи за чување на месото во некои земји на Блискиот Исток, бидејќи неговата киселост го спречува развојот на бактерии. Единствен начин да се расипе е да го контаминирате со прибор или со прсти. Неконтаминиран може да трае со недели. Мувлата е јасен знак дека е расипан. Лебот, иако се посочува дека има рок на траење од 3 дена, секако се јаде и по една недела. Бајат леб е одличен за пржени лепчиња или за тост. Шеќерот и конзервансите кои ги содржи го спречуваат лесното расипување. Сувата храна, како шеќер, сол, брашно, ориз и тестенини може да се користат цела година по истекот на рокот, доколку се чуваат правилно, односно не доаѓаат во контакт со влага. Млекото, сѐ додека изгледа и мириса свежо е во ред. Доколку го чувате на температура под 5 степени, во фрижидер, може да се користи неколку дена по наведениот датум. Јајцата не треба да се јадат по 3 недели од денот на нивното производство, бидејќи салмонелата во нив брзо се размножува. Колку подолго стои јајцето, воздухот во него се шири и течноста испарува, поради што може да лебди на вода – ставете го во чаша вода и ако не потоне, тоа е јасен знак дека е расипано. Можете да го потврдите тоа со кршење на лушпата, ќе почувствувате по мирисот. рок на траењефрижидерхрана 99 Сподели FacebookTwitterGoogle+ReddItWhatsAppPinterestEmail...

СлајдерТОП 5 Овој прост како грав, оној – ситна боранија Арт Кујна Авг 2, 2022 Фото: Unsplash 109 Сподели Кога сакате некого да навредите или да го омаловажите, најчесто употребувани се речениците, прост како грав или пак неважен како ситна боранија. Но намирниците чии имиња ги употребуваме во овој контекст, дефинитивно не се ниту прости, ниту неважни. Иако ги има на нашите трпези од дамнешни времиња, тие често не се многу омилени, туку се најчесто ручек од немајкаде. Кога станува збор за гравот, најчесто се прави кога треба да се најадат повеќе луѓе, па затоа и често се наоѓа на менито на војската, а сите велат дека кој не пробал војнички грав не знае што е грав. Но во последно време, гравот го доби заслуженото внимание и како вистинска суперхрана бидејќи содржи диетални влакна, протеини и антиоксиданти. Токму поради споменатите вредности, гравот исклучително поволно делува на нашето здравје. Го намалува холестеролот, го регулира шеќерот во крвта и производството на инсулин, бидејќи има низок гликемиски индекс и сложени јаглехидрати кои се варат полека, добар е за здравјето на системот за варење и штити од рак, особено од рак на дебелото црево. Со оглед на тоа дека сите видови на грав (бел, зелен, црвен, црн…) содржат многу малку маснотии и калории, се препорачува да се консумира почесто, а ова особено важи за луѓето кои страдаат од дијабетес и за оние кои сакаат да ја регулираат својата телесна тежина. Гравот докажано го намалува и ризикот од срцеви болести поради веќе споменатата ниска содржина на масти, пред сѐ, на заситени и транс-масти. Но, ни тука не е крајот. Гравот изобилува и со фолна киселина која е исклучително важна за бремените жени, а поволно делува и на менталното здравје поради витаминот тиамин кој учествува во производството на енергија и во синтезата на ацетилколин, невротрансмитер за памтење. И боранијата која спаѓa во можеби најнеомилените јадења има фантастични здравствени придобивки. Затоа, ако таа не ви е баш омилена ставка на менито, направете ја како салата и дефинитивно ќе го смените мислењето и перцепцијата за оваа намирница. Многу од здравствените придобивки на боранијата се изненадувачки, бидејќи овој мешункаст зеленчук може да понуди многу повеќе отколку што обично се мисли. Боранијата е полна со антиоксиданти и есенцијални хранливи материи. Содржината на ова растение вклучува влакна, протеини, омега 3 масни киселини, калциум, железо, флавоноиди и каротеноиди. Како таквa, боранијата има бројни придобивки за нашето тело и ум. Откриено е дека боранијата, како и другите мешунки, помага во контролата на дијабетесот со регулирање на нивото на шеќер во крвта. Истражувањата покажаа дека овој вид на растение има хипогликемичен ефект врз пациенти со дијабетес. Ова е големо откритие, бидејќи во минатото беше тешко да се најдат природни регулатори на дијабетисот.Калциумот е скоро бескорисен во однос на силните коски, ако не се најде во комбинација со витамин К. Нашето тело не може да произведува протеини кои им овозможуваат на коските да прифаќаат и да користат калциум без овој витамин. Покрај тоа, витаминот К ја минимизира загубата на минерали управувајќи со метаболизмот на коските. Шолја боранија содржи скоро 20 проценти од препорачаната дневна доза на витамин К. Неколку студии ја поврзаа консумацијата на боранија со спречување на полипи на дебелото црево. За овие полипи се знае дека доведуваат до рак. Исто така, студиите покажаа дека зголемувањето на внесот на овој мешункаст зеленчук ги намалува шансите за карцином на дебелото црево, како и повторна појава на аденоми. Оваа билка богата со влакна помага да се одржи нашиот дигестивен систем правилен, што го намалува притисокот врз цревниот тракт. Се покажа дека неговите корисни својства се ефикасни во спречување на рак на дебелото црево и други дигестивни карциноми.Една од главните предности на боранијата е високо ниво на антиоксиданти. Мешунките се полни со каротеноиди и флавоноиди. Од каротеноидите, присутни се лутеин и бета-каротен, додека флавоноидите кои се наоѓаат во боранијата се катехин, епикатехин, каемферол и кверцетин. Предностите на овие антиоксиданти ја вклучуваат нивната способност да ја намалат можноста за мозочен удар, како и борбата против слободните радикали кои доведуваат до бројни болести. Каротеноидите зеаксантин и лутеин пак, кои ги содржи боранијата се корисни за нашиот вид. Тие работат заедно за да ги намалат шансите за дегенерација на макулата. Со задоволително ниво на каротеноиди во нашето тело, се спречува влошувањето на видот со намалување на стресот на внатрешното око додека се штити целокупната функција на видот и очите. И како што веќе споменавме, боранијата е богата со растителни влакна, што значително ја намалува количината на холестерол во нашето тело со намалување на нејзината реапсорпција преку жолчните киселини. Оваа придобивка од влакната помага да се задржи холестеролот на завидно ниво. Калиумот во мешунките исто така помага во одржување на нормалниот крвен притисок, што помага да се одржи нашето срце здраво подолго. Многу луѓе во модерно време страдаат од стомачни проблеми, а многу често виновникот е што не се внесуваат доволно влакна во организмот. Предностите на боранијата го вклучуваат нејзиниот диуретичен ефект врз дигестивниот систем. Богата со растителни влакна, го стимулира природниот проток на урина и редовните столици, што го ослободува организмот од штетни токсини. Други болести чии заболувања ги ублажуваат хранливите материи во боранијата се разните цревни заболувања, хемороиди, запек и чиреви. И на крајот, фолната киселина што се наоѓа во боранијата помага во развојот на фетусот, поради што е многу важно да се јаде овој зеленчук за време на бременоста. Хранливите материи во боранијата се од витално значење за правилен развој на срцето, мозокот и респираторниот систем на бебето. Покрај тоа, боранијата делува спречувајќи можни дефекти на невралната туба кај фетусот. антиоксидантиборанијаздрава хранарак 109 Сподели FacebookTwitterGoogle+ReddItWhatsAppPinterestEmail...

СлајдерСовети Една банана половина час пред спиење наместо диазепам? Арт Кујна Авг 2, 2022 Фото: Unsplash 304 Сподели Бананите можат да бидат добар избор во една по малку неочекувана ситуација и да помогнат при проблемот кој мачи голем број луѓе, а тоа е – несоницата. Обично сме навикнати да јадеме банани наутро, за ужина или во ситуации кога ќе забележиме дека ни треба шеќер. Тоа е еден од најпопуларните видови на овошје кое содржи витамин Б6, калиум, влакна и магнезиум, но и голема количина шеќер, поради што не се препорачува да се јаде премногу. Но, бананите можат да бидат добар избор и во една по малку неочекувана ситуација и да помогнат при проблемот кој мачи голем број луѓе, а тоа е – несоницата. Несоницата спаѓа во групата на болести на нервниот систем. Се карактеризира со тешкотии во обидот да се заспие, многу лесен сон и чести будења во текот на ноќта, како и тешкотии во обидот повторно да се заспие. Несоницата се дели на минлива или краткотрајна, повремена и хронична, односно постојана. Кога страдаме од несоница, често посегнуваме по разни средства со надеж дека тие ќе ни помогнат да заспиеме побрзо и да не се будиме во текот на ноќта. Може да помогне и бананата, барем така тврди д-р Алан Мандел, алтернативен здравствен практичар, кој вели дека во случај на несоница треба да изедете банана половина час пред да си легнете. Бананите се полни со витамин Б6, кој делува така што ја претвора аминокиселината триптофан, важна за добар сон и расположение, во серотонин, невротрансмитер кој го контролира лачењето на мелатонин во епифизата во мозокот. Хормонот мелатонин, познат и како хормон за спиење, го контролира нашиот внатрешен часовник и поради неговото зголемено лачење навечер се чувствуваме поспани. „Изедете банана половина час пред спиење за да спиете подлабоко и да се разбудите освежени“, советува д-р Алан Мандел. бананавитамин Б6 Бнесоница 304 Сподели FacebookTwitterGoogle+ReddItWhatsAppPinterestEmail...

СлајдерСовети Зошто е добро да се изеде банана половина час пред спиење? Арт Кујна Авг 2, 2022 Фото: Unsplash 1 Сподели Бананите можат да бидат добар избор во една по малку неочекувана ситуација и да помогнат при проблемот кој мачи голем број луѓе, а тоа е – несоницата. Обично сме навикнати да јадеме банани наутро, за ужина или во ситуации кога ќе забележиме дека ни треба шеќер. Тоа е еден од најпопуларните видови на овошје кое содржи витамин Б6, калиум, влакна и магнезиум, но и голема количина шеќер, поради што не се препорачува да се јаде премногу. Но, бананите можат да бидат добар избор и во една по малку неочекувана ситуација и да помогнат при проблемот кој мачи голем број луѓе, а тоа е – несоницата. Несоницата спаѓа во групата на болести на нервниот систем. Се карактеризира со тешкотии во обидот да се заспие, многу лесен сон и чести будења во текот на ноќта, како и тешкотии во обидот повторно да се заспие. Несоницата се дели на минлива или краткотрајна, повремена и хронична, односно постојана. Кога страдаме од несоница, често посегнуваме по разни средства со надеж дека тие ќе ни помогнат да заспиеме побрзо и да не се будиме во текот на ноќта. Може да помогне и бананата, барем така тврди д-р Алан Мандел, алтернативен здравствен практичар, кој вели дека во случај на несоница треба да изедете банана половина час пред да си легнете. Бананите се полни со витамин Б6, кој делува така што ја претвора аминокиселината триптофан, важна за добар сон и расположение, во серотонин, невротрансмитер кој го контролира лачењето на мелатонин во епифизата во мозокот. Хормонот мелатонин, познат и како хормон за спиење, го контролира нашиот внатрешен часовник и поради неговото зголемено лачење навечер се чувствуваме поспани. „Изедете банана половина час пред спиење за да спиете подлабоко и да се разбудите освежени“, советува д-р Алан Мандел. бананавитамин Б6 Бнесоница 1 Сподели FacebookTwitterGoogle+ReddItWhatsAppPinterestEmail...

СлајдерСовети Зачувајте ги овошјето и зеленчукот за во зима: Сушењето на плодовите е одлична идеја Арт Кујна Авг 2, 2022 Фото: Unsplash 212 Сподели Во минатото кога немало струја ниту фрижидери луѓето имале разни начини на кои ги подготвувале намирниците за да ги зачуваат за зима. Еден од начините за ова било сушењето. И не се сушеле само пиперки Порано, кога немало фрижидери, луѓето морале да се снаоѓаат за да ги зачуваат намирниците. Исто како и месото, нашите претци го сушеле и зеленчукот за да имаат во текот на зимата доволно храна. Сушењето на зеленчукот не е тешко и може да биде многу забавна работа за целото семејство, а ако не сакате да го замрзнувате, следете ги следните чекори и исушете го зеленчукот на вистински начин, баш онака како што се правело некогаш. За почеток, потребно е да набавите свеж, органски одгледан зеленчук, а се разбира, најдобро е ако имате своја градина. Наберете ги плодовите, внимателно измијте ги, а потоа убаво избришете ги, затоа што ако остане влага, на зеленчукот може да се развие мувла. Исто така, се препорачува одделен зеленчук, како што е на пример боранијата, накусо да се бланшира во вода и на тој начин да се убијат сите бактерии кои би можеле да произведат мувла. Од алати ви се потребни голема игла и кулинарски конец на кој ќе ги нижете вашите плодови (овошје или зеленчук), па полека почнувајте да ги нижете. Откако ќе го нанижете конецот, одберете топло и добро осветлено место кадешто ќе ги закачите низите. Поентата е да најдете место кое е сончево и на кое зеленчукот брзо ќе се исуши, но не пребрзо за да биде однадвор суво, а од внатре влажно. Времето за сушење зависи од местото на кое се суши, па ако ги ставите низите на прозорците кои се на сончевата страна, ќе ви бидат потребни само околу две недели. Откако плодовите ќе се исушат, ставете ги во стерилизирани тегли со херметичко затварање. Може да се суши речиси секој зеленчук, а најдобар вкус имаат печурките, јаболката, боранијата, а можете да пробате и брокули, моркови, кромид, грашок… Сушениот зеленчук додавајте го во супи и во гулаши, а ако ги смелете во мелница за кафе, можете да ги користите и како зачин, особено кога станува збор за кромидот и пиперката. зеленчукзимасушен зеленчук 212 Сподели FacebookTwitterGoogle+ReddItWhatsAppPinterestEmail...

СлајдерХраната лек Модри патлиџани како замена за месо и превенција од остеопороза, срцеви болести и рак Арт Кујна Авг 1, 2022 Фото: Unsplash 411 Сподели Модрите патлиџани можат да помогнат во превенција на остеопороза, да ги ублажат симптомите на анемија, да ги подобрат когнитивните функции и кардиоваскуларното здравје. Тие го штитат здравјето на дигестивниот систем, поттикнуваат губење на тежината, помагаат подобро да се контролира дијабетесот, го регулираат нивото на стрес и можат да го намалат ризикот од рак. Сега е сезона за модрите патлиџани кои е најдобро да се консумираат помеѓу август и октомври, а веганската кујна ги препознава како одлична алтернатива за месо затоа што се добар извор на протеини и заслужуваат да бидат помеѓу нашите омилени намирници. Модрите патлиџани можат да помогнат во превенција на остеопороза, да ги ублажат симптомите на анемија, да ги подобрат когнитивните функции и кардиоваскуларното здравје. Тие го штитат здравјето на дигестивниот систем, поттикнуваат губење на тежината, помагаат подобро да се контролира дијабетесот, го регулираат нивото на стрес и можат да го намалат ризикот од рак. Одличните лековити својства на патлиџанот потекнуваат токму од неговата хранлива вредност. Модриот патлиџан содржи витамин Ц, К, Б6, тиамин, ниацин, магнезиум, фосфор, бакар, диетални влакна, фолна киселина, калиум и манган, а содржи многу малку заситени масни киселини. Модриот патлиџан и дигестивниот систем Модрите патлиџани се одличен извор на диетални влакна кои се неопходни за добра и урамнотежена работа на дигестивниот систем, спречување на болести и нарушувања на дигестивниот систем. Влакната ќе го стимулираат ослободувањето на желудочните сокови кои ја олеснуваат апсорпцијата на хранливите материи и разградувањето на храната. Влакната се поврзани и со намален ризик од срцеви заболувања бидејќи го намалуваат нивото на лошиот холестерол. Модри патлиџани за слабеење Со оглед на тоа што патлиџаните речиси и да не содржат масти и холестерол, тие се одличен избор за луѓето кои сакаат да ослабат. Влакната го поттикнуваат чувството на ситост и го регулираат ослободувањето на хормони кои го зголемуваат апетитот. Регулирањето на апетитот е еден од најважните чекори во процесот на слабеење. Модар патлиџан за превенција од рак Модрите патлиџани се одличен извор на антиоксиданти кои го штитат организмот од бројни различни болести и нарушувања. Тие содржат витамин Ц, кој го зајакнува имунолошкиот систем и го стимулира ослободувањето на белите крвни зрнца. Тие се одличен извор на манган, природен антиоксидант и есенцијален минерал. Слободните радикали се соединенија кои ги напаѓаат здравите телесни клетки и го зголемуваат ризикот од канцерогени клетки, додека антиоксидантите ги штитат клетките од штетните ефекти на слободните радикали. Модар патлиџан и здравјето на коските Модрите патлиџани се многу добар извор на железо и калциум, минерали кои се клучни за одржување на здравјето на коскениот систем. Тие исто така содржат калиум, кој е клучен за соодветна апсорпција на калциум. Истражувањата покажаа дека патлиџаните можат да ги ублажат симптомите на остеопороза, да ги зајакнат коските и да ја зголемат густината на коскеното ткиво. Модар патлиџан за спречување на анемија Недостатокот на железо може да биде опасен по здравјето на целиот организам и да предизвика анемија. Најчести симптоми на анемија се главоболки, мигрена, хроничен замор, чувство на слабост, депресија и слабеење на когнитивните функции. Модрите патлиџани се одличен извор на железо и бакар, минерали кои се клучни за превенција од анемија. Модриот патлиџан и когнитивните функции Тие се одличен извор на фитонутриенти кои ја подобруваат когнитивната функција и менталното здравје. Со редовно консумирање модар патлиџан ќе го стимулирате протокот на крв и хранливи материи во мозокот и ќе ја стимулирате комуникацијата помеѓу невротрансмитерите. Модар патлиџан за здравјето на кардиоваскуларниот систем Модрите патлиџани го регулираат нивото на холестерол. Истовремено го зголемуваат нивото на добриот (HDL) холестерол и го намалуваат нивото на лошиот (ЛДЛ) холестерол. Колку е повисоко нивото на ХДЛ холестерол, толку е помал ризикот од развој на голем број болести на кардиоваскуларниот систем. Со намалување на нивото на ЛДЛ холестеролот се намалува и ризикот од срцев и мозочен удар. Модар патлиџан и дијабетес Поради високата содржина на влакна и ниската содржина на јаглени хидрати, модрите патлиџани се одлични за регулирање на нивото на шеќер и инсулин во крвта. Ако нивото на инсулин е стабилно, ненадејните промени во нивото на шеќер во крвта ќе престанат. Мерки на претпазливост Доколку сте склони кон алергии на храна, задолжително консултирајте се со вашиот лекар доколку планирате да го зголемите внесот на модар патлиџан. Што се однесува до самата подготовка на модар патлиџан, голем број луѓе грешат кога го пржат патлиџанот. Со пржење на модрите патлиџани, не само што ќе го намалите количеството на хранливи соединенија, туку модрите патлиџани ќе апсорбираат и големо количество маснотии. Кога бирате патлиџан обидете се да го стеснете – ако кожата се врати на место, значи дека е зрел, а ако остане вдлабнатина, не е. Дома чувајте ги на температура од околу 10°C, а не го сечете претходно затоа што брзо се расипува. Горчливиот вкус можете да го неутрализирате со сол пред готвењето. Исечете го патлиџанот на саканата големина, посолете го и оставете да отстои така 30 минути. Можат да се комбинираат со голем број намирници, а се смета дека е комплементарна намирница која ги балансира сите други вкусови. модри патлиџанинасунинпротеини 411 Сподели FacebookTwitterGoogle+ReddItWhatsAppPinterestEmail...

СлајдерХраната лек Модри патлиџани наместо месо Арт Кујна Авг 1, 2022 Фото: Unsplash 2 Сподели Она по што се познати е антиоксидантот насунин кој се наоѓа во кората, а ги штити нашите клетки од уништување и е собирач на слободни радикали и влијае на излачувањето на вишок на железо од организмот. Токму овој антиоксидант може да влијае на превенција од кардиоваскуларни болести и од рак. Сега е сезона за модрите патлиџани кои е најдобро да се консумираат помеѓу август и октомври, а веганската кујна ги препознава како одлична алтернатива за месо затоа што се добар извор на протеини и заслужуваат да бидат помеѓу нашите омилени намирници. Во 100 грама свеж модар патлиџан има само 24 калории, додека варениот има 35, а освен тоа е богат извор на влакна, особено на целулоза која е добра за варењето, како и витамини Б1, К, Ц, А и фолна киселина. Она по што се познати е антиоксидантот насунин кој се наоѓа во неговата кора, а ги штити нашите клетки од уништување и е собирач на слободни радикали и влијае на излачувањето на вишок на железо од организмот. Токму овој антиоксидант може да влијае на превенција од кардиоваскуларни болести и од рак. Во листот и плодот од модар патлиџан се наоѓа соланин, кој е заслужен за горчливиот вкус на патлиџаните, поради кој модриот домат влијае на ублажување на грчевите во желудникот и слични тегоби со варењето. За да се елиминира соланинот во целост, доматот мора на некој начин термички да се обработи, а постојат низа начини на кои може тоа да се направи: на скара, на пареа, со динстање или пржење, печење. Патлиџанот има низок гликемиски индекс па поради тоа е многу поволна намирница за диабетичари, а клорогеничната киселина, која исто така има антиоксидативно дејство, помага и за снижување на нивото на лошиот холестерол. Кога бирате патлиџан обидете се да го стеснете – ако кожата се врати на место, значи дека е зрел, а ако остане вдлабнатина, не е. Дома чувајте ги на температура од околу 10°C, а не го сечете претходно затоа што брзо се расипува. Горчливиот вкус можете да го неутрализирате со сол пред готвењето. Исечете го патлиџанот на саканата големина, посолете го и оставете да отстои така 30 минути. Можат да се комбинираат со голем број намирници, а се смета дека е комплементарна намирница која ги балансира сите други вкусови. модри патлиџанинасунинпротеини 2 Сподели FacebookTwitterGoogle+ReddItWhatsAppPinterestEmail...

СлајдерТОП 5 Која е разликата помеѓу свежите и сувите смокви и како да ги зачувате во текот на целата година? Арт Кујна Авг 1, 2022 Фото: Unsplash 189 Сподели Сувите смокви се високо концентриран извор на минерали, витамини и антиоксиданти, а свежите се богати со ензими и антиоксиданти. Еве како да ги исушите сами и да уживате во нив и во зима Смоквите се многу вкусно и здраво овошје, вистинска витаминско-минерална бомба со одличен вкус. Брзо се варат на празен желудник, пред оброк или како меѓуоброк и имаат противтуморско дејство. Може да се јаде целата смоква: од надворешната лушпа, до слаткиот, внатрешен дел со ситни семчиња. А одговорот на прашањето кои смокви се најдобри за користење е дека свежите смокви се богати со посебни ензими и антиоксиданти, содржат значајни количини минерали како што се калциум, калиум, магнезиум, анган, железо и бакар. Меѓу витамините се истакнуваат витамин А, Ц, Е и К. Затоа искористете го периодов и уживајте во свежите плодови колку што можете почесто. Со термичка обработка се намалува количината на нутритивните состојки. Енергетската вредност на 100 грама свежи смокви изнесува 74 калории, од тоа 19,2% јагленохидрати, 0,75% протеини и 0,3% масти. Од минерали, свежата смоква содржи калиум (232 mg), калциум (32 mg), магнезиум (17 mg), фосфор (14 mg), манган (0,1 mg), железо (0,4 mg), селен (0,2 mg), бакар (0,07 mg) и цинк (0,15 mg). Од витамини, свежата смоква содржи: витамини од Б групата, витамин Е, К и малку витамин Ц. Во 100 грама свеж плод на смоква има 3 грама влакна, 31 милиграма фитостероли и 85 μg бета-каротин. Сувите смокви пак се полни со минерали, витамин и антиоксиданти, а во ладен и темен простор можат да се чуваат и повеќе месеци. Во зимските денови се сладок и здрав оброк. „Калиумот и магнезиумот ќе помогнат за регулирање на крвниот притисок, калциумот ги јакне коските, влакната го подобруваат варењето. Енергетската вредност на 100 грама сушени смокви изнесува 249 калории, од тоа 64% јагленохидрати, 3,3% протеини и 0,9% масти. Од минерали, сувата смоква содржи: калиум (680 mg), калциум (162 mg), магнезиум (68 mg), фосфор (67 mg), манган (0,5 mg), железо (2 mg), селен (0,6 mg), бакар (0,3 mg) и цинк (0,5 mg). Од витамини, сувата смоква содржи малку витамин Ц, витамини од групата Б, витамин Е и К. Во100 грама сув плод има 9,8 g влакна, 32 mg лутеин-зеаксантин. Смоквата со својот нутритивен состав и лековити својства се издига над многу видови на овошје. Смоквите се подобар извор на растителни влакна од повеќето видови на овошје. 28% од влакната на смоквата се растворливи. Овој вид на растителни влакна помага во контролата на нивото на шеќерот во крвта и го намалува нивото на холестеролот, врзувајќи го од цревата. Студиите покажуваат дека со консумирање на овошје богато со растворливи растителни влакна се намалува енергетскиот внес, а се задржува ситоста како и со консумирање на храна со повисока енергетска вредност. Тоа значи дека растителните влакна можат да помогнат во намалувањето на телесната тежина. Нерастворливите растителни влакна од смоквата поволно делуваат на здравјето на дебелото црево. Тие го регулираат варењето на храната и овозможуваат нормално празнење на цревата. Некои проценки покажуваат дека околу 70% од случаите на рак се поврзани со лошата исхрана. Повеќето прехранбени теории го поврзуваат високиот внес на масти и нискиот внес на влакна со ракот на дебелото црево. Во сувите смокви можете да уживате во текот на целата година, а еве како можете сами да ги исушите дома. Состојки: 2 кг свежи смокви (помали)плех за рерна Приготвување: Кога купувате смокви најважно е да изберете здрави плодови кои не се презрели. Изберете помали смокви за сушење. Измијте ги и исушете ги пред да се фрлите на работа. Обложете го плехот од рерната со хартија за печење и ставете ги смоквите на хартијата со петелката надолу и секоја притиснете ја со прстот за да се сплеска. Вклучете ја рерната на 60 степени со вентилација и ставете го плехот во рерната. Оставете ги смоквите да се сушат најмалку 10 часа, па најдобро е тоа да го правите навечер. Доколку не се доволно суви, слободно продолжете го времето на сушење. После тоа извадете ги и оставете ги да се изладат, па наредете ги во кутии и ставете ги во замрзнувач бидејќи така ќе траат подолго. свежи смоквисмоквисуви смокви 189 Сподели FacebookTwitterGoogle+ReddItWhatsAppPinterestEmail...

СлајдерТОП 5 Вкусете го Охрид! Арт Кујна Јул 29, 2022 Фото: Фејсбук 225 Сподели Првиот настан во организација на охридскиот конвивиум Слоу фуд Охрид почнува утре (30.јули) во 19 часот на плоштадот „Долна порта“, Охрид, а на него ќе може да се дегустира и да се купи домашна локална храна од охридскиот регион, органска храна, традиционални преработени производи и рачно изработени уникатни сувенири. Откако годинава во мрежата на „Слоу Фуд Македонија“ која е дел од светската мрежа на Слоу Фуд, чие делување е распространето во 160 земји во светот се формираше конвивиумот „Слоу Фуд Охрид“, за утре (сабота, 30 јули) е најавен и првиот настан во организација на охриѓани – „Вкусете го Охрид! …локално“. Настанот почнува во 19 часот на плоштадот „Долна порта“, Охрид, а на него ќе може да се дегустира и да се купи домашна локална храна од охридскиот регион, органска храна, традиционални преработени производи и рачно изработени уникатни сувенири. Станува збор за производи кои ќе бидат понудени директно од производителите, а се со најдобар квалитет и по правични цени. Помеѓу членовите на охридскиот конвивиум се истакнати професори, активисти, производители и угостители и нивна заедничка цел е промовирање на локалните традиции, културните вредности и животната средина. „Слоу Фуд Охрид“ е единаесетиот конвивиум во мрежата на „Слоу Фуд Македонија“ и е дел од светската мрежа на Слоу Фуд, чие делување е насочено кон спречување на се поголемата глобална хомогенизација на вкусовите, со особен нагласок на зачувување на традиционалната храна и локалниот биодиверзитет пред напливот на унифицирани производи и едноличноста во понудата. „Заедно да ги откриеме локалните вкусови од охридско, да ги промовираме локалниот биодиверзитет на храна и малите производители, чувари на традиционалното знаење во производството на автентична храна, како и младите производители на иновативни производи кои ги произведуваат на одржлив начин“, велат во најавата за настанот. Овој настан се одржува во текот на туристичката сезона, со цел да се претстави како организација пред пошироката јавност и да ги презентира локалните производители и занаетчии. Дел од Слоу фуд Охрид се и нашите стари пријатели Papa’s Ohrid, поточно охриѓанецот Димитар Јовчески кој сите во градот, како што вели, уште од дете го знаат како Мики и неговата сопруга Наташа. Тие, од своето макало од лук по рецептот на старите трпејчанки (од село Трпејца), направија вистински бренд на кои му се придружија и други производи, како на пример, јуфките или по охридски, губите и тараната кои се исто така нешто традиционално што се правело порано во Охрид, а во Трпејца и денес речиси и да нема куќа во која не се прават. И тие ги прават по традиционален рецепт, со домашни јајца и млеко, а прават и превкусно слатко од зелени смокви. Тука е и нашата стара пријателка Наташа Неданоска која сега заедно со своето семејство и нивната ПИРУСТИЈА, како што е името на нивното селско домаќинство сместено на три километри од Охрид, во селото Рамне, направи вистински бум промовирајќи еден поинаков вид на туризам чиј концепт се состои во тоа гостите да доживеат еден исполнет ден на село. Притоа, тие не се пасивни порачувачи и консументи на храна, туку се активни посетители кои можат да се вклучат во целиот процес. Ги пречекуваат со домашно слатко од нивните овошни насади и изворска чиста испитана ладна вода, а потоа учествуваат во подготовка на традиционалните охридски специјалитети заедно со нивните домаќини. Дек од оваа интересна дружина е и Весна Миленкоска која по професија е готвачка, ама готви само за своето семејство и од пред речиси 2 години, од хумани причини, за други семејства кои имаат потреба од тоа. Домашните лебови со маја ѝ се љубов, а хуманоста – карактерна особина. Почнала да прави леб со кисело тесто, прво само за домашните, а потоа, сосема спонтано, почнала да го прави и по нарачка. Секако, тука се и другите членови чии приказни допрва ќе се најдат на нашиот портал затоа што навистина го заслужуваат тоа. Марко Трајкоски – пица мајстор и сопственик на PROVA Pizzeria, Акин Сезер, кој произведува 100% органски локални свежи производи на Sezer’s Organic Farm во Охрид до самото езеро, Bro’s Burger-супер успешна охридска бургер приказна кои на Slow Food настанот во Охрид ќе го прикажат уникатниот македонски бургер и други. конвивиумнастанСлоу ФудСлоу фуд Охрид 225 Сподели FacebookTwitterGoogle+ReddItWhatsAppPinterestEmail...

СлајдерХраната лек Лекување со сончогледово масло – метод стар 5.000 години Арт Кујна Јул 29, 2022 Фото: Unsplash 220 Сподели Велат дека со овој метод на лекување болестите се лекуваат за 2 до 4 дена (акутните) и до една година (хроничните заболувања). Лекувањето со сончогледово масло за многумина може да изгледа невообичаено, но се покажало дека жабуркањето на маслото има ефект врз голем број здравствени проблеми. Овој метод ги заменил хируршките операции и лековите за многу тешко болни пациенти. Основната постапка на овој метод е да се жабурка одредена количина на масло за јадење во устата.На овој начин се спречува уништувањето на корисната микрофлора на организмот, што се јавува при внесување на синтетички лекови, на пр. антибиотици. Без да го голтате, треба да земете од една кафена до една супена лажица масло во устата. Жабуркајте го маслото во усната шуплина 15 до 20 минути. Исплуканата течност треба да биде млечно бела. Ако е жолта или жолтеникава, тоа значи дека третманот не траел доволно долго. Устата треба да се исплакне со чиста вода, да се измијат забите. Во исплуканата течност има голем број на штетни бактерии и токсини. Се верува дека при жабуркањето целата крв од организмот поминува низ усната шуплина, па се чисти со исфрлање на вируси, бактерии и токсини во маслото. Најдобро е да користите кокосово, сончогледово, сусамово или маслиново масло за жабуркање, но може да се користи и секое друго масло. Важно е само маслата да се органски, ладно цедени и да не се индустриски обработени. Највпечатлив ефект од лекувањето е белината на забите и нивното зацврстување во алвеолите и непцата. Најдобро е да почнете да ја плакнете устата наутро, пред јадење. За да се забрза процесот на лекување, постапката може да се повторува три или повеќе пати на ден, пред јадење, на празен стомак. Терапијата трае додека на телото да му се врати на претходната сила, свежина и мирен сон. По будењето не треба да има замор во телото или во умот, подуените кругови под очите мора да исчезнат. Мора да се појави здрава глад и добра меморија. На почетокот може да се појават симптоми на претходната болест, особено ако лицето има неколку воспаленија кои се активираат едно од друго, а без лекување би довеле до тешки состојби. Затоа, нема причина да се прекине оваа терапија во случај на покачена телесна температура. Секое влошување е добар знак за закрепнување и исчезнување на болеста. Бројот на дневни плакнења на усната шуплина со масло е оставено на личното чувство. Со овој метод болестите се лекуваат за 2-4 дена (акутните) и до една година (хроничните заболувања). Методот на лекување со сончогледово масло дал одлични резултати за: главоболки и мигрена, забоболки, бронхитис, тромбоза, хронични крвни заболувања, артроза, парализа, егзема, чир на желудникот, цревни, срцеви, бубрежни заболувања, воспаленија на мозокот, женски болести, тумори, грчеви , болести на нервите, белите дробови, црниот дроб, инфаркти… жабуркањежабуркање со масломасло 220 Сподели FacebookTwitterGoogle+ReddItWhatsAppPinterestEmail...

СлајдерСовети Храна што треба да се избегнува во лето Арт Кујна Јул 29, 2022 Фото: Unsplash 446 Сподели Деновиве се соочуваме со тропски температури, па треба да обрнеме внимание на изборот на намирници што ги внесуваме во текот на денот бидејќи тие можат да помогне во полесно справување со горештините или, ако да одмогнат доколку направиме погрешен избор. Летото е време кога ни одговара лесна и освежителна храна, па затоа за време на тропските горештини е најдобро да ги одбегнуваме оние намирници кои не му годат на организмот на овие температури. На пример, многу луѓе сакаат да користат зачини, но треба да се внимава да не се претера… Впрочем, со зачините не треба да се претерува ниту во лето, ниту во зима, бидејќи тие ја креваат телесната температура. Не е препорачливо да се јадат месо или сосови со месо бидејќи тешките сосови, дури и оние со морски плодови, можат да предизвикаат прекумерно потење и дигестивни проблеми, пренесува хрватскиот портал „Ординација“. Посебно во лето е препорачливо да се избегнува и мрсна брза храна, која е пржена, чадена и зачинета, бидејќи тука нема ништо свежо… Тоа може да предизвика проблеми со дигестивниот систем, но и труење, што секако ќе ви го уништи летото, морските радости или годишниот одмор. Од друга страна, пак, она што вообичаено совршено одговара со чаша вино, сирењето, покрај тоа што содржи многу калории, може да направи и да се чувствувате надуено и тромо, па затоа е подобро да намалите и со неговото консумирање во текот на летото. забранети намирницилетохрана 446 Сподели FacebookTwitterGoogle+ReddItWhatsAppPinterestEmail...

СлајдерТОП 5 Сладолед од старата тетратка за рецепти: Млеко, путер, јајца и ванила Арт Кујна Јул 29, 2022 Фото: Pexels 275 Сподели Вкусот на вистинскиот сладолед, оној од млеко, јајца и путер, речиси го заборавивме, сѐ додека случајно, барајќи го во стариот тефтер со рецепти стариот добар рецепт за тесто за пица, не го најдовме и стариот добар рецепт за сладолед од ванила Кога бевме мали, секое лето мајка ми ни правеше домашен сладолед. Вкусот речиси и го заборавивме, но откако сосема случајно го најдов рецептот од нејзината стара тетратка барајќи рецепт за домашно тесто за пица, сигурно ќе го направиме и ќе се потсетиме каков вкус имаше стариот добар сладолед од ванила. Во оваа основна верзија можете да додавате сѐ што ќе посакате и ќе имате сладолед каков што заслужувате. Состојки: 8 јајца (само жолчките, со белките направете пуслици, пардон, целувки) 1 литар млеко 2 кесички ванилин шеќер или екстракт од ванила 1 шолја шеќер (пишува 500 грама, ама знам дека мајка ми постојано намалуваше од шеќер, па веројатно и тука нема потреба за толку многу, а и подолу во рецептот пишува дека се става една шолја. Веројатно ако додадете и некое кисело овошје, се става и повеќе шеќер) 1 путер 1 лажичка брашно Приготвување: Ставете ги млекото и путерот во тенџере, на тивок оган. Во друг сад изматете ги пенесто жолчките и шеќерот (и ванилиниот шеќер), па внимателно додавајте ги во млекото и путерот, но на тивок оган, па додадете и една лажичка брашно и мешајте додека да се згусне. Префрлете ја смесата во некој сад и оставете ја да се излади, а потоа ставете ја во замрзнувач. Претходно покријте ја со капак или со проѕирна фолија. По 2 часа извадете ја смесата и измешајте ја. Повторете го тоа уште неколку пати. Инаку, по желба, во овој сладолед можете да додадете и некое овошје, да ставите чоколадо или нешто трето. Но превкусен е токму ваков каков што е. 275 Сподели FacebookTwitterGoogle+ReddItWhatsAppPinterestEmail...

СлајдерСовети Крцкави рипчиња од рерна: Поздрава верзија од омиленото летно јадење Арт Кујна Јул 28, 2022 Фото: Unsplash 235 Сподели Можете да ги зачините на ист начин како кога ги пржите, но на овој начин ќе бидат поздрави за консумирање. Можете да ги послужите со компир салата или со печени компири Ако сакате мали крцкави рипчиња, но не сакате да ги пржите, тогаш направете си поздрава верзија од вашето омилено летно јадење. Можете да купите и замрзнати сардини, а можете да најдете и свежи плашици. Можете да ги зачините на ист начин како кога ги пржите, но на овој начин ќе бидат поздрави за консумирање. Можете да ги послужите со компир салата или со печени компири кои ќе ги попрскате со малку сончогледово или маслиново масло и сол и ќе ги испечете и нив во рерната. Сепак, испечете ги посебно бидејќи ќе им треба повеќе време отколку на рибите. Количината на рипчињата зависи од тоа за колку луѓе ги подготвувате, како и од големината на рерната, а можете да додадете и други состојки по сопствен вкус. Состојки: 1 кромид, ситно сечкан 100 гр шери домати Сок и кора од 1 лимон 1 лажичка ким 1/4 лажичка сува лута пиперка Маслиново масло 2 лажици ситно сечкан магдонос Лук риби колку сакате Приготвување: Загрејте ја рерната на 180 степени. Исчистете ги рибите и ставете ги на плех обложен со хартија за печење; намачкајте ги со маслиново масло и сол. Измешајте ги шери доматите и кромидот со кора од лимон, малку сол, пиперче, сок од лимон и ким, сè убаво измешајте и наредете ги околу сардините. Подготвените риби печете ги во загреана рерна околу 15 минути или додека не ја добијат саканата боја и поросете ги со сечканиот лук и магдонос и послужете ги додека се уште топли. здрава верзијасардинисардини од рерна 235 Сподели FacebookTwitterGoogle+ReddItWhatsAppPinterestEmail...

СлајдерСовети Сардини од рерна: Поздрава верзија од омиленото летно јадење Арт Кујна Јул 28, 2022 Фото: Unsplash 1 Сподели Можете да ги зачините на ист начин како кога ги пржите, но на овој начин ќе бидат поздрави за консумирање. Можете да ги послужите со компир салата или со печени компири Ако сакате мали крцкави рипчиња, но не сакате да ги пржите, тогаш направете си поздрава верзија од вашето омилено летно јадење. Можете да купите и замрзнати сардини, а можете да најдете и свежи плашици. Можете да ги зачините на ист начин како кога ги пржите, но на овој начин ќе бидат поздрави за консумирање. Можете да ги послужите со компир салата или со печени компири кои ќе ги попрскате со малку сончогледово или маслиново масло и сол и ќе ги испечете и нив во рерната. Сепак, испечете ги посебно бидејќи ќе им треба повеќе време отколку на рибите. Количината на рипчињата зависи од тоа за колку луѓе ги подготвувате, како и од големината на рерната, а можете да додадете и други состојки по сопствен вкус. Состојки: 1 кромид, ситно сечкан 100 гр шери домати Сок и кора од 1 лимон 1 лажичка ким 1/4 лажичка сува лута пиперка Маслиново масло 2 лажици ситно сечкан магдонос Лук риби колку сакате Приготвување: Загрејте ја рерната на 180 степени. Исчистете ги рибите и ставете ги на плех обложен со хартија за печење; намачкајте ги со маслиново масло и сол. Измешајте ги шери доматите и кромидот со кора од лимон, малку сол, пиперче, сок од лимон и ким, сè убаво измешајте и наредете ги околу сардините. Подготвените риби печете ги во загреана рерна околу 15 минути или додека не ја добијат саканата боја и поросете ги со сечканиот лук и магдонос и послужете ги додека се уште топли. здрава верзијасардинисардини од рерна 1 Сподели FacebookTwitterGoogle+ReddItWhatsAppPinterestEmail...

СлајдерХраната лек Капари за медитерански шмек, ама и како превенција од срцеви болести и рак Арт Кујна Јул 28, 2022 67 Сподели Капари се оние ситни мали плодови (всушност, не се плодови, туку пупки) кои обично ги наоѓаме во рецептите од медитеранската кујна, на кои им даваат посебен вкус. Но капарите имаат и лековити својства: ги штитат црниот дроб и бубрезите, а треба да се консумираат и како превенција од срцеви болести и рак Во медитеранската кујна капарите се одличен зачин за многу јадења, а салатите и сосовите поради нив имаат навистина посебен вкус. Неотворените цветни пупки, кои се користат како фин зачин и прилог за разни јадења и салати се берат во неколку наврати, почнувајќи од втората половина на мај, а може да се берат речиси цело лето, но со најдобар квалитет се токму на крајот на мај и почетокот на јуни, кога пупките се уште затворени. Имено, за разлика од повеќето растенија, кај капарите се берат само пупките, а не и плодот. Бербата се одвива во сушни денови, рано наутро или предвечер, кога топлината не е силна, а се берат само целосно затворени пупки.Капарите се присутни низ Медитеранот, а често се наоѓаат на камените ѕидови од куќите. Растението, кое е познато под името Capparis Spinosa, расте како дива грмушка низ Медитеранот, особено во Италија, Турција, Шпанија и Хрватска. Фото: Unsplash Капарите се познати и по многу лековити својства и нутриенти поради кои спаѓаат во самиот врв на најздрави намирници на светот. Кај нас можат да се најдат закиселени и спакувани во мали теглички, во сите поголеми маркети. А како се прави тоа, односно, како се приготвуваат за да се зачуваат во тегличките, прочитајте ТУКА. Железо Железото е еден од најважните минерали кои им помага на црвените крвни зрнца да го пренесуваат кислородот низ крвотокот и им помагаат на клетките да произведуваат повеќе енергија за да функционираме подобро во извршувањето на секојдневните обврски. Капарите содржат прилично голема количина железо, но проблем е што обично тие не се консумираат во големи количини. Сепак, можат да бидат одличен додаток во вашата здрава исхрана. Витамин К Овој витамин е познат по тоа што ги апсорбира мастите и што игра многу важна улога во спречувањето на создавањето крвни згрутчувања. Витаминот К се наоѓа во приилично голема количина во малите плодови на лапарите па така, една лажица капари содржи дури 31 отсто од дневните потреби за витамин К. Заштитници на црниот дроб и на бубрезите Во дамнешните времиња капарите биле составен дел од народната медицина и со нивсе лекувале многу болести и состојби, на прво место, анемијата, потоа артритис и гихт. Често се употребувале и против надуеност како и за стимулирање на работата на црниот дроб и се верувало дека ги штитат црниот дроб и бубрезите од разни заболувања. Модерните истражувања ги потврдиле антиоксидативните својства на капарите заради тоа што во својот состав содржат полифеноли, а особено биофлавоноиди, а докажано е дека делуваат превентивно на болестите на кардиоваскуларниот систем и канцерогените заболувања. Како да се користат во исхраната? Капарите ретко се јадат како засебна намирница и обично се користат како додаток, како зачин. Главно можеме да ги најдеме закиселени во мали теглички, во речиси сите поголеми маркети. Ако сакате да пробате капари, додадете ги во салата, во сосови за тестенини, месо или риба. За почеток, базирајте се на јадења со медитеранско потекло, а кога ќе се навикнете на нивниот вкус, можете да експериментирате. Имаат многу интензивен вкус и затоа на почеток, додека не се навикнете, бидете внимателни со количините. Доколку ви недостасуваат идеи како да подготвите оброк со капари, само додадете си ги во чинијата со мезе како што направивме ние, или испробајте го овој многу едноставен рецепт со тестенини и тиквички. Потребни состојки:400 гр тестенини по ваш избор2 тиквички2 лажици капариСвеж магдонос1 чешне лукСолМаслиново масло Приготвување:Исечете ги тиквичките на долги, дебели стапчиња, исчистете го и исечкајте го лукот. Во тава ставете маслиново масло и додадете ги тиквичките. Нека се динстаат 5 минути. Додадете ги капарите и оставете ги да се варат полека уште 5 минути. Ставете ги да се варат тестенините, а во тиквичките додадете сечкан лук и динстајте поклопено 5 минути. Сварените тестенини исцедете ги, но зачувајте една шолја од водата. Во тавата со тиквички и капари додајте ги сварените тестенини и мала шолја вода зачувана од варењето на тестенините. Добро измешајте. Поросете со свеж сечкан магдонос. здрава хранакапаримедитерански рецепти 67 Сподели FacebookTwitterGoogle+ReddItWhatsAppPinterestEmail...

СлајдерТОП 5 Дали некогаш сте пробале сурими? Што има во рибините стапчиња? Арт Кујна Јул 28, 2022 Фото: Pixabay 103 Сподели Ако мислите дека сте измамени кога ќе дознаете дека во сурими стапчињата нема месо од ракови, само внимателно прочитајте ги етикетите. Всушност, никој не ве лаже: вкусот на месо од ракови и месото од ракови се два различни поими. Дали некогаш сте пробале сурими? Станува збор за стапчиња од црвена и бела риба, кои може да се купат и во нашите продавници. Се верува дека сурими биле измислени пред 1000 години во периодот Хејен, кој исто така се смета за последен период од класичната јапонска историја. Јапонските готвачи го дизајнирале овој деликатес за да го продолжат рокот на траење на рибите и морските плодови за почитуваните и богати семејства од тоа време кои не живееле покрај брегот. Оригинално, сурими претставувала паста од мелена бела риба која била богато зачинета со сол, како примитивна форма на конзерванс. Наскоро станале омилено јадење во многу јапонски домови, а заради својата флексибилност, се додавале во многу јадења – од супи до крцкави ролни. Со текот на годините, рецептот се менувал и надградувал и секоја нова генерација додавала свој личен печат на оригиналниот производ. Во 1970 -тите, американските производители на храна го откриле суримито. Тие додале многу шеќер, сол, рибино масло и пченкарен скроб во мелената риба за да го подобрат нејзиниот вкус и да ја зацврстат нејзината текстура. Го пресекле на стапчиња кои по форма и боја наликуваат на парчиња месо од рак. Така започна лудилото по овој производ во западниот свет. Иако имаат национална кујна базирана на свежа риба и морска храна, сурими употребуваат дури и многу денешни ресторани во Шпанија и Франција. Дали некогаш сте се запрашале што всушност има во нив? Сурими често се рекламира како рибино стапче со вкус на месо од рак. Но, станува збор за имитација на месо од ракови. Стапчињата увезени однадвор обично се направени од мелена бела риба, додека два проценти од производот вклучува парчиња од вистински ракови или школки. Всушност, никој не ве лаже, треба само внимателно да ги прочитате етикетите на производите. Вкусот на месо од ракови и месото од ракови се два различни поими. рибарибини стапчињасурими 103 Сподели FacebookTwitterGoogle+ReddItWhatsAppPinterestEmail...

СлајдерТОП 5 Во Дубаи отворена најголемата вертикална зеленчукова градина во светот Арт Кујна Јул 28, 2022 Фото кредит: Emirates 159 Сподели Најголемата вертикална зеленчукова градина може да произведе повеќе од 900.000 килограми зеленчук годишно, а се простира на површина од 330.000 квадратни стапки (30.658 квадратни метри). Како што климата во многу делови од светот станува потопла и посува, станува сè поклучно да се најдат иновативни начини за одгледување храна. Вертикалното земјоделство е едно решение што е широко прифатено, со фарми кои никнуваат насекаде, од Холандија до Пенсилванија, Сингапур…Обединетите Арапски Емирати – едно од најжешките, најсувите места што можете да ги најдете – има неколку постоечки вертикални фарми, но минатата недела беше отворена најголемата досега. Со површина од 330.000 квадратни стапки (30.658 квадратни метри), што е повеќе простор од три квадратни градски блока – ЕКО 1 не само што е најголемата вертикална фарма во ОАЕ, туку и најголемата во светот. Вертикалните градини се моќна алтернатива и решение за кризата со земјиштето, а и не се помалку функционални од традиционалните. Исто така, тие заштедуваат огромни количини вода. Објектот во Дубаи има капацитет да произведува повеќе од 900.000 килограми зеленчук годишно, а ќе се одгледуваат марули, рукола, мешани зелени салати и спанаќ. Наречена е Бустаника, а ја изгради „Кроп уан холдингс“ во соработка со „Емирејтс флајт кетеринг“. Зелјестите растенија што ќе се одгледуваат ќе бидат „целосно чисти“ бидејќи ќе растат без пестициди и други хемикалии. Исто така, тука ќе се користи 95 отсто помалку вода во споредба со традиционалните градини, а ќе дава три тони производ дневно благодарение на употребата на вештачка интелигенција и компјутерска анализа на податоци. Имено, производствениот погон користи затворен систем којшто овозможува водата да кружи низ растенијата со цел поделотворно искористување. Водата испарува за време на процесот на наводнување и се враќа во системот, што заштедува 250 милиони литри вода секоја година во споредба со традиционалните отворени градини со исто производство. Зеленчукот ќе им биде послужен на патниците во авионите на авиокомпанијата „Емирати“, како и на другите авиокомпании кои соработуваат со неа. Ќе се продава и во околните продавници под брендот „Бустаника“. вертикална градинаДубаиклиматски промени 159 Сподели FacebookTwitterGoogle+ReddItWhatsAppPinterestEmail...

СлајдерТОП 5 Путер, путер и уште малку путер Арт Кујна Јул 27, 2022 Фото: Unsplash 227 Сподели Некои луѓе имаат навика додека чекаат на јадењето, ако се многу гладни, да се залажат така што ќе си намачкаат путер на кришка леб. Други пак, на овој начин се дојадуваат. Оттука, многу логично звучи онаа француска изрека која вели дека се потребни три работи за добро јадење: путер, путер и уште малку путер. Честопати, кога се многу гладни, а јадењето на кое чекаат уште не е готово, некои луѓе знаат да си намачкаат путер на леб. Во многу ресторани се практикува истото. На гостите им се нудат леб и путер за да можат потрпеливо да ја дочекаат нарачката. Некои луѓе пак се чувствуваат како да не се дојале ако после јадењето не намачкаат малку путер на леб. Речиси и нема подобра комбинација од онаа кога на тукушто испечен леб ќе намачкате путер. Или кога ќе ја почувствувате аромата на путерот кој чрчори во тавата. Оттука, многу логично звучи онаа француска изрека која вели дека се потребни три работи за добро јадење: путер, путер и уште малку путер. Еве што треба да знаете за путерот. При пржење на путер треба да се внимава температурата да не премине 150 степени. На повисоки температури немрсните материи од путерот почнуваат да горат, а тоа најлесно може да се спречи со додавање на зејтин или користете го путерот за динстање и печење Путерот по својот состав е концентрирана млечна маст, со присуство на помала количина на вода и други состојки, т.н. немасни крути материи (белковини, лактоза, минерални материи и витамини А, Д и Е). Богат е со масни киселини со краток и средно долг синџир. Тој е симбол на француското кулинарство и слаткарство и неизбежна намирница во професионалните кујни во подготвувањето на намази, сосови, слатки и основа на многу јадења. Француската изрека вели дека се потребни три работи за добро јадење: путер, путер и уште малку путер. Гастрономски гледано, богатиот вкус на храната која се подготвува со путер го надминува оној на храната подготвена со други маснотии. Ghee Ghee, познат и како прочистен путер или масло, е обработен путер без протеински и воден дел. Путерот полека се топи, се отстранува пената од површината и се процедува, со што се издвојуваат протеините и водата и на тој начин се остварува поинтензивен вкус и арома, но и повисока точка на чадење од 180 степени, поради што може да се користи и за пржење. Beurre noisette Кафеавиот путер е вистинско мало готварско чудо, употребливо на безброј начини, едноставно за подготвување. Путерот на ниска температура се топи и потоа полека запенува. Во тој процес испарува водата, а путерот станува златнокафен.. Таа боја е знак дека е готов. Уште поважен е сигналот на мирисот. Кујната замирисува убаво по јаткасти плодови. Мирисот најмногу потсетува на лешник, оттука и францускиот назив, beurre noisette, „лешников путер“ во буквален превод. Путер или маргарин? За разлика од путерот, маргаринот е индустриски добиена намирница при што се користи постапка на делумна хидрогенизација на растителни масла, во кои можат да настанат и непожелни трансмасни киселини. Маргаринот содржи и заситени и незаситени масни киселини, а често е збогатен со и со витамини (особено А и Е). Со поиновативни процеси путерот денеска се произведува такашто содржи минимален дел трансмасни киселини (помалку од 1%), но и натаму е подобар прехранбен избор. мастипутерФранција 227 Сподели FacebookTwitterGoogle+ReddItWhatsAppPinterestEmail...

СлајдерСовети Најдобрите протеински извори за вегетаријанци Арт Кујна Јул 27, 2022 Фото: Unsplash 93 Сподели Овие вегетаријански протеински извори ќе ви помогнат да ги добиете потребните протеини доколку сте вегетаријанец или само се обидувате да јадете помалку месо. Ако од некоја причина не јадете месо, сакате да го намалите или веќе долго сте вегетаријанци, еве листа од вегетаријански протеински извори кои ќе ви помогнат да ги добиете потребните протеини. 1. Кисело млеко23 г. протеини во една шолја 2. Леќа4 г. протеини во ¼ шолја (варена) 3. Грав (наут, црн грав, итн)4 г. протеини во ¼ шолја (варен) 4. Урда14 г.протеини во ½ шолја 5. Семе од коноп4 г. протени во 1 лажица 6. Чиа семе3 г. протеини во 1 лажица 7. Боранија5 г. протеини во ¼ шолја (излупен) 8. Грашок8 г. протеини во 1 шолја 9. Киноа8 г. протеини во 1 шолја (сварена) 10. Путер од кикирики3.5 г протеини во 1 лажица 11. Бадеми3 г. протеини во ½ 14 г. 12. Јајца6 г. протеини во 1 јајце вегетаријанцимешункипротеини 93 Сподели FacebookTwitterGoogle+ReddItWhatsAppPinterestEmail...

СлајдерСовети Пилешките крилца се опасни за јадење: Лага или факт? Арт Кујна Јул 27, 2022 Фото: Unsplash 162 Сподели Денес на нашата ФБ група „Готвиме со стил“ се појави реакција на текстот кој го пренесовме на нашиот портал, а се однесуваше на пилешките крилца, односно, тврдеше дека се најнездравите делови за консумација. И со право, со оглед на тоа што го немавме навдено изворот на текстот. Внимателно го проверивме ова тврдење на сајтот наречен Лага или факт (Hoax or fact). Еве што велат таму Откако вчера на нашиот портал го објавивме текстот кој се однесуваше на пилешките крилца, односно, тврдеше дека се најнездравите делови за консумација, во нашата ФБ група „Готвиме со стил“ реагираа љубителите на крилца. И со право! Внимателно го проверивме ова тврдење на сајтот наречен Лага или факт (Hoax or fact) Пораката од вчерашниот текст е всушност предупредување луѓето да го намалат внесот на пилешки крилца бидејќи на кокошките во ова модерно време им се инјектираат стероиди за раст (хормони) и затоа нивното консумирање може да му наштети на здравјето, особено кај женитекај кои може да дојде до формирање на цисти. Оваа приказна, според сајтот Лага или факт, е мешавина од двете. Според овој сајт, здравствените предупредувања за јадење пилешки крилца циркулираат во различни верзии од 2004. година. Според нив, на пилињата денес им се инјектираат хормони за раст (т.е. стероиди) за брзо да го зголемат нивниот раст и производство и да ги задоволат растечките барања на пазарот. Факт е дека живинарските компании користат средства за да го зголемат своето производство, но исто така факт е дека таков тип на супстанции може да се администрираат преку адитиви за добиточна храна, но генерално, живинарските компании не ги користат овие стероидни инјекции. И дури и ако има некои хормонски остатоци во месото на кокошките одгледувани на овој начин, не е веројатно дека тие би биле концентрирани во одредени делови како што се крилјата или вратот. Употреба на хормони кај живинатаСтероидите од секаков вид за употреба кај живината не се одобрени од ФДА и нивната употреба е нелегална во многу земји како САД, Канада и Европа со децении. Според Универзитетот во Џорџија, кокошките не се хранат и не треба да се хранат со овие хормони за раст, од причини споменати подолу: Употребата на хормони е нелегална во САД и во многу други земји.Хормоните не се ефикасни во растот на пилешкото, бидејќи растот е исклучително сложена комбинација на метаболички функции, во зависност од широк спектар на ендокринолошки сигнали.Администрацијата на овие стероиди за раст е исклучително тешка и е скапа работа.Може да има негативно влијание врз перформансите на пилињата, бидејќи зголемената стапка на раст веројатно може да ја зголеми стапката на смртност од топлински стрес.Дури и со употреба на анаболни стероиди (кои развиваат протеини во клетките, особено во скелетните мускули), потребна е правилна исхрана и вежбање за да има корист од нив.Хормоните не се потребни, особено во случај на кокошки бројлери, бидејќи тие генетски растат брзо.Меѓутоа, во Соединетите Американски Држави и многу други земји, одредени „стероидни хормонални лекови кои го поттикнуваат растот“ се одобрени за употреба кај говедско месо, бидејќи FDA и USDA тврдат дека се безбедни, и тоа не е без никаква контроверзи. За да се запознаат со здравствените ефекти врз луѓето во овие случаи, потребни се големи студии, со проверка на потрошувачката на месо од животни третирани со хормони и од нетретирани животни – кај луѓе со слична исхрана. Студијата во Египет, спонзорирана од СЗО, утврди дека живината одгледувана од фармери кои користат хормони за подобрување на растот содржи покачено ниво на естрадиол (естроген) и забележа дека голем број научни студии покажаа корелација помеѓу продолжената употреба на орални контрацептивни стероиди и појавата на одредена форма на рак кај жените. Студијата заклучила дека „анаболичките агенси кои се користат во говедското и пилешкото имаат посебен ризик за јавното здравје“. Да заклучиме, здравственото предупредување за консумирање на пилешки крилца е претерано, но да, исто така е важно да го изберете вашето месо од здрав извор. Ако сакате, ние можеме да ви посочиме еден таков. Тоа е фармата „Петерсен“, каде што живината се храни со природна храна и слободно се шета, а за пилињата се грижат со особено внимание и љубов. лага или фактпилешки крилцахормони 162 Сподели FacebookTwitterGoogle+ReddItWhatsAppPinterestEmail...

СлајдерСовети Што смеат да јадат дијабетичарите? Арт Кујна Јул 27, 2022 Фото: Unsplash 156 Сподели Имам дијабетес! Што можам да јадам? Тоа е често прашање на луѓе кои заболеле од оваа болест. А одговорот е: во основа СЀ, бидејќи ниту дијабетес тип 1, ниту тип 2 немаат посебен облик на исхрана. Но тоа не значи дека треба да удрите на храна богата со масти и шеќери По дијагнозата на дијабетес тип 1 или 2, многу луѓе се чувствуваат несигурни и не знаат што можат и што не можат да јадат. Ако сте во раните фази на дијабетес тип 2, здравата исхрана и доволно вежбање може дури и да го одложат почетокот на болеста. Долгите прошетки се добар почеток. Иако ниту дијабетес тип 1, ниту тип 2 немаат посебен облик на исхрана, не значи дека треба да удрите на храна богата со масти и шеќери. Нездравата исхрана богата со масти и шеќери ќе има негативно влијание врз вашето здравје, бидејќи нивото на шеќер во крвта едноставно ќе експлодира, додека здравата и урамнотежена исхрана ќе ви помогне полесно да го контролирате нивото на шеќер во крвта и да ја спречите настанатата штета. Бидејќи постојано слушаме за урамнотежена исхрана, пред сè треба да разбереме која храна се претвора во шеќер и зошто заради тоа треба да ја намалиме консумацијата на таа храна. На поедноставен начин може да се каже дека јаглехидратите и скробот се претвораат во шеќер, но на телото му се потребни за производство на енергија, па никој не може без консумирање на јаглехидрати. Она што е сè уште важно, особено за дијабетичарите, е како да се распредели внесот на јаглени хидрати во текот на денот и да не се прескокнуваат поединечните оброци. Неопходно е да се имаат три оброци дневно, а не само еден или два обилни оброци, бидејќи на тој начин избегнувате големи флуктуации на нивото на шеќер во крвта, бидејќи не го храните организмот наеднаш со големи количини јаглехидрати, а на тој начин и со шеќер. Обидете се да јадете домашна храна што е можно почесто, бидејќи точно ќе знаете што има во оброкот и ќе ги почувствувате количините на одделни компоненти. Јадете во согласност со дијабетесот. Само променете го составот на менито, јадете свесно и прошетајте после јадење. Најдобрите „супер намирници“ препорачани за лица со дијабетес Ако сте слушнале за супер храна, знаете и зошто е толку здрава за јадење, како и зошто се смета за толку важна во вашата секојдневна исхрана. Суперхрана е храна богата со хранливи материи, која се смета за особено корисна за здравјето и благосостојбата на телото; мора да биде богата со растителни влакна, да има голема количина на минерали, протеини и витамини, да содржи високо ниво на антиоксиданти, да биде нискокалорична, да помогне во спречување на кардиоваскуларни болести и други состојби, а исто така и да е лесно достапна. Друга од повеќекратните предности што можеме да ги најдеме е тоа што тие се многу здрави за луѓето со дијабетес, бидејќи содржат мал дел од јаглени хидрати, помагаат во стабилизирање на нивото на гликоза во крвта и имаат низок гликемиски индекс. Вклучувањето на овие исклучително здрави намирници во вашата исхрана ќе ви помогне да ги задоволите вашите нутритивни потреби и да го намалите ризикот од развој на компликации од дијабетес, како што се дијабетско стапало и срцеви заболувања. Наведените намирници не се единствените што можете да ги јадете, туку тие се оние кои можат да ви помогнат да го подобрите целокупното здравје повеќе од другите. Црвено овошје и дијабетесМеѓу најпознатите се боровинките, калинките, малините и капините. Доволно е да се земаат во мали количини секој ден за да се спречат коронарните заболувања поради нивната висока антиоксидантна моќ. Домати и дијабетесБогат со ликопен, доматот е моќен природен антиоксидант, па помага во грижата за срцето, намалувањето на холестеролот и триглицеридите во крвта, како и во превенцијата од кардиоваскуларни заболувања. Содржи малку јаглехидрати и има низок гликемичен индекс. Лосос и дијабетесИма високо ниво на Омега 3, помага во намалување на холестеролот кој ги затнува артериите, а во исто време го подига нивото на ХДЛ – добриот холестерол. Мешунките и дијабетесотНивната висока содржина на влакна обезбедува 1/3 од дневните потреби во количина од само 1/2 шолја, а истовремено се извонреден извор на протеини кои можат да го заменат црвеното месо, но без заситени масти, со што се спречуваат кардиоваскуларни болести. Агруми и дијабетесПортокалот, лимонот и грејпфрутот се карактеризираат со тоа што се богат природен извор на витамин Ц, моќен антиоксидант кој помага да се спречи оштетувањето на слободните радикали кои можат да предизвикаат рак, а истовремено го намалуваат ризикот од смрт поврзана со кардиоваскуларни болести и мозочен удар. Јаткасти плодови и дијабетесНа пример, бадемите и оревите обезбедуваат многу минерали и витамини. Тие содржат фосфор, магнезиум, калиум, витамини од Б-комплексот и витамин Е, кој помага во одржување на доброто кардиоваскуларно здравје. Неговиот заситувачки ефект помага во контрола на тежината. Темно зелен зеленчук и дијабетесБрокулата, спанаќот, блитвата, меѓу другото, се одличен извор на влакна, имаат малку калории и голема хранлива вредност поради нивното богатство со витамини, особено А, Ц, комплексот Б, Е и К и минерали, особено калциум, железо, магнезиум, калиум. Зелениот лиснат зеленчук се карактеризира со содржина на филохинон, главен извор на витамин К, кој директно учествува во згрутчувањето на крвта. Чиа семе и дијабетесВисоката содржина на есенцијални масни киселини, како што е омега 3, е важна за превенција од кардиоваскуларни болести, како и добар извор на влакна, подобрување на нивото на гликоза и холестерол во крвта. Доволна е една лажичка дневно. Киноа и дијабетесОва семе е извор на протеини со висока биолошка вредност и есенцијални масти. Иако е богато со јаглехидрати кои даваат голем придонес за енергијата, се смета за храна со низок гликемичен индекс поради високата содржина на влакна. Шпаргла и дијабетесШпарглата е многу здрав зеленчук. Содржината на антиоксидантот наречен глутатион, кој игра клучна улога во намалувањето на ефектите од стареењето и многу болести, вклучувајќи дијабетес, срцеви заболувања и рак, е исто така особено висока. Според истражувањето објавено во British Journal of Nutrition во 2012 година, шпарглата може да помогне во одржувањето на нивото на шеќер во крвта и да го зголеми производството на инсулин. Друга предност на овој зеленчук е неговата содржина на фолати. Американското здружение за срце препорачува да се јаде храна која содржи фолна киселина и други витамини Б за да помогне во намалувањето на нивото на хомоцистеин, фактор на ризик за коронарна срцева болест. Какао и дијабетесПолифенолите присутни во какаото имаат вазодилататорски ефект што помага да се намали крвниот притисок. Комбинацијата на овие флавоноиди заедно со друга компонента на какаото – теобромин, може да помогне во подигнување на добриот холестерол – HDL и намалување на лошиот холестерол – LDL. Моркови и дијабетесБез разлика дали се варени или сурови, морковите се здрав додаток на секој оброк кај дијабетес, бидејќи се со малку јаглехидрати. Морковите се познати и по нивната висока содржина на витамин А и антиоксидантот бета-каротен, неопходни за видот и имунолошката функција и може да помогне во спречувањето на развојот на некои видови на рак. Лук и дијабетесЛукот долги години е лек и зачин во кујната и често се користи за лекување на висок холестерол, срцеви заболувања, хипертензија и рак. Лукот може да го забави развојот на атеросклероза – одредена форма на атеросклероза која може да доведе до срцеви заболувања или мозочен удар и може да го намали крвниот притисок. Диња и дијабетесДињата е богата со здрави хранливи материи, како што е ликопен, соединение со антиоксидантно дејство кое се наоѓа и во доматите, што може да помогне во спречување на одредени видови на рак и оштетување на клетките поврзани со срцеви заболувања. Од друга страна, дињата е одличен извор на витамините Ц и А, кои се корисни за очите. Тиква и дијабетесТиквата е моќен сојузник против дијабетесот. Има ниско ниво на шеќер и богата е со витамини и минерали и е една од најефикасните намирници за контролирање на метаболизмот на шеќерот, а со тоа и за регулирање на нивото на шеќер во крвта и телесната тежина. Освен исхраната, пешачењето или спортувањето од 30 до 60 минути секој ден, исто така ќе ви помогне да го контролирате шеќерот во крвта, бидејќи мускулите користат гликоза за време на физичките активности. Покрај тоа, исто така е важно секојдневно да го мерите шеќерот во крвта и да ги земате лековите што ви ги препишал вашиот лекар, како и да посетите нутриционист за персонализирана проценка. дијабетеснамирницисоветихранашеќер 156 Сподели FacebookTwitterGoogle+ReddItWhatsAppPinterestEmail...

СлајдерХраната лек Магарешки трн, магарешка клупа, магарешки сливи… Со 5 сливи на ден го намалувате ризикот од рак Арт Кујна Јул 27, 2022 Фото: Pixabay 211 Сподели Домашните евтини сливи ни се смешкаат од пазарските тезги од средината до крајот на летото, а полни се со витамини, минерали и други хранливи материи. А зошто се викаат магарешки? Веројатно им се омилени и на магарињата, а толку се корисни што би требало да ни станат и нам Домашните сливи кои се едни од најевтините намирници на пазарите, ни се смешкаат од пазарските тезги речиси цело лето. А токму тие наши скромни сливи се всушност многу богат извор на витамини, минерали и други витални хранливи материи, но многумина од нас немаат навика да ги јадат свежи. Тие се одлични за одржување на добро здравје и подигнување на нивото на отпорност на многу болести на модерното време. Еве што можат да направат само пет сливи на ден за човечкиот организам. Нè штитат од срцеви и мозочни удари Една свежа слива содржи во просек дури 100 мг калиум. Тоа е минерал без кој не се можни многу метаболички процеси во човечкото тело, вклучувајќи го и правилното функционирање на мозокот, срцето и мускулите. Висок крвен притисок, мозочен удар и ослабени рефлекси се само некои од последиците од недостаток на калиум, што е одамна и научно докажано. Го намалуваат ризикот од развој на дијабетес Слиите имаат низок гликемиски индекс, што значи дека можат да помогнат во одржување на стабилноста на нивото на шеќер во крвта и со тоа да го намалат ризикот од развој на дијабетес тип 2. Ова ќе го постигнете ако јадете сливи наместо нездрави колачи и премногу слатки плодови. . Пет сливи на ден го намалуваат ризикот од рак Ако редовно јадете пет сливи на ден, ќе му помогнете на вашето тело да се ослободи од негативните ефекти на слободните радикали, а со тоа да го намалите ризикот од многу дегенеративни болести, вклучувајќи и многу видови на рак, бидејќи сливите се овошје кое е многу богато со природни антиоксиданти. Сливите се исклучително здрави за дигестивниот систем Ако јадете најмалку пет сливи секое утро на празен стомак, имате добри шанси да го олесните варењето и да обезбедите редовно празнење на дебелото црево. Со тоа ќе го ослободите вашиот организам од влијанието на токсичнит материи, кои можате да ви нанесат многу штета, со последици што е многу тешко да се согледаат и да се набројат. Го подобруваат здравјето на очите Сливите се многу добри за здравјето на очите, толку многу што можеме слободно да ги ставаме во ред со боровинките. Активните супстанции познати како антоцијанозиди кои се наоѓаат во сливите, ги зајакнуваат капиларите во мрежницата, што помага да се забави дегенерацијата на жолтата дамка, која го сочинува централниот и најчувствителниот дел на мрежницата, а кај некои луѓе се јавува како резултат на стареењето. Освен тоа, како и боровинките и редовната потрошувачка на сливи може да го подобри вашиот вид во ноќни услови и да го прошири видното поле. Ова особено се однесува на модрата слива, што е исто така очигледно затоа што имс точно иста боја како и боровинката. Сега, кога знаете што можат да направат само 5 сливи на ден за вас, потрудете се максимално да го искористите периодот додека сè уште ги има. здрава хранамагарешки сливираксливи 211 Сподели FacebookTwitterGoogle+ReddItWhatsAppPinterestEmail...

СлајдерСовети Овие делови од пилешкото никако не смеете да ги јадете! Хормоните се вбризгуваат во крилцата и вратот! Арт Кујна Јул 26, 2022 Фото: Pexels 276 Сподели Кинеските експерти советуваат да не се користат кожата, главата, како и крилцата и вратот, бидејќи во овие делови од пилешкото се акумулираат сите штетни материи што животното ги јаде во текот на својот живот, а во крилцата и вратот се вбризгуваат хормони доколку пилешкото не е од органско потекло Пилешкото е едно од најпопуларните меса, а причината е неговиот благ вкус без силен мирис, но и цената која е попристапна од, на пример онаа на говедското или телешкото месо. Бонусот е што ова месо е богато со различни хранливи материи, корисни за здравјето на организмот. Сепак, според една неодамнешна кинеска студија, не се сметаат сите делови од пилешкото за добри за човечкото тело. Благодарение на искуството на бројните готвачи кои своето готвачко искуство им го пренеле на експерти, како и знаењето на технолозите, откриено е кои делови од пилешкото не треба да се консумираат бидејќи се штетни за здравјето. Значи, кога јадете пилешко, подобро е да не ја консумирате кожата, која целосно се состои од маснотии и покрај тоа, може да содржи и голем број бактерии. Исто така, препорачливо е да не се јадат белите дробови, бидејќи дури и високотемпературната термичка обработка не е во состојба целосно да ги отстрани сите паразити од нив. Кинеските експерти советуваат и да не се користи главата (која кај нас ретко се користи), крилцата и вратот, бидејќи на овие делови од пилешкото се акумулираат сите штетни материи што животното ги јаде во текот на својот живот, а во крилцата и вратот се вбризгуваат хормони доколку пилешкото не е од органско потекло, известуваат студиите спроведени во Кина. Високото количество на протеини што го содржи белото месо му помага на телото да изгради мускули, додека фактот што е екстремно нискокалорично го прави совршена храна за диететски режими. крилцапилешкохормони 276 Сподели FacebookTwitterGoogle+ReddItWhatsAppPinterestEmail...

СлајдерХраната лек Природни лекови за рак со метастази Арт Кујна Јул 26, 2022 Фото: Pexels 634 Сподели Природата има навистина голем број лекови на кои треба да им се верува. И не залудно се вели: ако е храната често причина за разни болести, зошто не би била и лек? Колку важна улога има исхраната во превенцијата на ракот, толку е важна и во текот на самото лекување на болеста, па дури и кога ќе дојде до метастазирање. Базирајте се на мени кое содржи намирници полни со нутриенти и ензими кои делуваат противвоспалително и ја спречуваат натамошната активност на карциномот. Урзолинската киселина која се наоѓа во јаболката, боровинките и ориганото, ја попречува активноста на канцерот уништувајќи ги механизмите за негово преживување. Витаминот Д од млекото, јајцата, лососот и печурките е клучен за продукција на антиканцерогениот протеин GcMAF кој има способност да го пренасочи процесот на метастазите, да ги стопира рецепторите за поттикнување на растот на ракот и ензимите кои влијаат на префрлање на заболувањето во следен, повисок стадиум. Сулфорафанот кој најмногу го има во никулците на брокулата, го спречува делувањето на слободните радикали и растот на туморот. Го ублажува воспалнието, го поддржува природниот систем на телото задолжен за детоксикација и го поттикнува системот за имунитет подобро да функционира. Клучот за спречување на хроничното воспаление и натамошно ширење на ракот е и во ограничувањето на намирниците со висока содржина на скроб и шеќери. Токму овие два елементи го хранат туморот и го поттикнуваат да расте и да се развива. Внимавајте при консумирањето на мешунки, затоа што на пазарот се појавуваат и генетски модифициран грав и грашок кои се полни со глукоза и со нивната консумација можете да го поттикнете ширењето на ракот. Еве неколку природни лекови за лечување на ракот со метастази Лукот е вистински отров за канцерогените клетки Му помага на телото полесно да се избори со болеста јакнејќи го системот за имунитет. Влијае на детоксикација на црниот дроб и отстранување на сите штетни материи од телото кои можат дополнително да ја влошат здравствената состојба на заболениот. Испасирајте две чешниња лук и додадете ги во чаша млака вода, добро измешајте и веднаш испијте. Повторувајте го ова секое утро половина час пред појадокот. Зелен чај против метастази Полифенолите во зелениот чај имаат многу силно антиканцерогено дејство. Успешно се борат против хроничните воспаленија и ги спречуваат оштетувањата на ДНК кои можат да доведат ди појава и ширење на ракот на останатите органи. Две лажички зелен чај ставете во цедилка која ќе ја поставите на шолјата за чај. Прелијте со врела вода. Почекајте околу 2 минути пред консумирањето, а можете и подолго ако сакате посилен чај. Пијте 3-4 шолји дневно. Куркумата поседува антиканцерогено дејство Активната состојка куркумин од овој зачин има моќно противвоспалително и антиканцерогено дејство. Ефектен е во било кој стадиум на ракот. Целосно е безбеден за користење и не го попречува делувањето на стандардната терапија. Помешајте лажичка куркума, 2 лажички јаболков оцет и прстофат црн пипер. Додадете лажичка рендана кора од лимон и 100 г мед. Измешајте сė добро за да се добие хомогена смеса. Чувајте во стаклена тегла и земајте по 1 лажица дневно. Слаткиот пелин ги елиминира канцерогените клетки кои почнале да се шират Гранатирано ги убива туморските клетки, а исто така ги елиминира и канцерогените клетки кои тргнале да се шират на останатите органи. Четири лажици чај од сладок пелин прелијте со 750 мл зовриена вода која е малку подизладена. Поклопете и оставете го да стои 12 часа па сė исцедете. Преостанатата материја прелијте ја со 250 мл врела вода, почекајте да отстои 15 минути па повторно исцедете. Соединете ја оваа и претходно подготвената течност. Земајте три шолји дневно. Ајдучката трева успешно ги ублажува симптомите на рак Претставува едно од најдобрите помошни средства за најтешките заболувања. Позната е по лекување женски болести, но е исто така корисна и за третирање на ракот во напредната фаза. Успешно ублажува многу симтоми кои го следат карциномот Две полни лажички иситнет цвет од ајдучка трева прелијте со 250 мл врела вода. Оставете го чајот да отстои 15 минути. Пијте го умерено топло и тоа 2-3 шолји на ден. Шипките го спречуваат ширењето на ракот Го неутрализира разорното дејство на слободните радикали и спречува ширење на ракот. Подеднакво е корисен и во текот на лекувањето и како превентива. Поседува лековитост и благодарение на високата концентрација на витамин Ц, полифеноли и флавоноиди. Помешајте ги следните состојки: 10 г шипки, 20 г камилица, 10 г маточина, 10 г лист од боровница, 10 г коприва, 10 г ајдучка трева, 5 г невен и 5 г хибискус. Лажичка од оваа мешавина прелијте со шолја врела вода и оставете да отстои 10 минути, па потоа исцедете. Пијте 1-2 пати дневно. Совет плус: Што уште треба да правите за да се изборите со метастазите? Обезбедете си доволно кислород Слабиот довод кислород до сите клетки во телото го поттикнува ширењето на канцерогени клетки на здравото ткиво. Постојат доста начини да го подобрите процесот на транспорт доволни количини кислород преку крвта до сите делови од телото, а еден од нив е алкалната диета. Дополнително ќе ви помогнат вежбите на длабоко дишење и редовната консумација на чиста вода. Потребен ви е здрав сон Во текот на спиењето, нашето тело се обновува и самостојно се лекува, а исто така се врши и детоксикација на комплетниот организам. Кога сте во најдлабок сон, вашиот црн дроб вредно работи за да ги елиминира сите канцерогени материи од телото. Вечерајте три часа пред спиење и пред да легнете во кревет изгаснете ги телевизорот и ноќната лампа. Позитивен став и убави мисли Се разбира дека не е лесно, но ова игра голема улога во лечењето на ракот со метастази. Вака во голема мерка ќе го намалите психолошкиот стрес и позитивно ќе влијаете на процедурата на лекување. Прочитајте некоја од книгите кои ги напишале лица кои успеале да се изборат против ракот кои ќе ви дадат инспирација и сила да се борите. Ако успешно ги контролирате своите мисли и ставот, ќе делувате позитивно и на своето оздравување. исхранаметастазиприродни лековирак 634 Сподели FacebookTwitterGoogle+ReddItWhatsAppPinterestEmail...

Готвам и сликамСлајдер Ако веќе правите домашно тесто за пица, замрзнете си и за другпат Арт Кујна Јул 26, 2022 197 Сподели Ако мислите дека е сеедно со какво брашно ќе направите пица, тогаш обрнете внимание какво е кога го правите со италијанско брашно тип 00 или, ако немате такво, тогаш со брашно тип 500, а какво кога го правите со брашно тип 400 Нема попопуларна брза храна од топла пица. А можеби е сепак грев да се класифицира овој италијански специјалитет во категоријата брза храна?Како и да е, не познавам некој што не сака пица, а ако веќе решите да направите домашна пица, тогаш замесете повеќе тесто и замрзнете си некое топче и за следниот пат. Ако мислите дека е сеедно со какво брашно ќе направите пица, тогаш обрнете внимание какво е кога го правите со италијанско брашно тип 00 или, ако немате такво, тогаш со брашно тип 500, а какво кога го правите со брашно тип 400. Рецептот е добар, но ви препорачуваме брашно тип 00 или тип 500. Еве што ви е потребно за да добиете 8 топчиња за пици: 1 кг брашно2 лажички сол3 лажички инстант квасец3 лажички шеќер3 лажици маслиново масло550 мл млака вода Приготвување: Разматете го квасецот во еден сад со малку млака вода, додадете шеќер и почекајте да се активира. Ставете го брашното во сад, помешајте ја солта, а потоа додадете го активираниот квасец, маслото и додавајте го брашното. Замесете тесто и месете го десетина минути. Најдобар ефект се добива ако тестото се удира од површината на масата. Така ќе ја испразните и негативната енергија и ќе се ослободите од стресот и тестото ќе биде таман какво што треба. Потоа оставете го да нарасне двојно. Поделете го на топчиња и оставете ги уште еднаш да нараснат. Сега се веќе спремни за да развлечете толку пици колку што ви требаат, а останатите да ги замрзнете за следниот пат. брашно 00пицатесто за пица 197 Сподели FacebookTwitterGoogle+ReddItWhatsAppPinterestEmail...

СлајдерСовети Природни лекови за сува кашлица Арт Кујна Јул 26, 2022 Фото: Unsplash 58 Сподели Гаргара со солена вода, црн пипер со мед, инхалација со чаеви, чај од ѓумбир, сок од морков, кромид со мед,… Испробајте некој од овие природни лекови за сува кашлица и помогнете си себеси Сувата кашлица најчесто е симптом на настинка, а може да биде предизвикана од разни здравствени проблеми. Некои почнуваат да кашлаат од иритација предизвикана од сув воздух, но причина за кашлањето може да биде и алергија. Хроничната сува кашлица најчесто е предизвикана од чад од цигари, алергија и астма, а обично покрај тоа ќе имате и симптоми на киселина или чувство на печење во грлото. Други причини за сува кашлица се: инфекција на респираторниот систем најчесто предизвикана од бактеријата Bordetella pertussis),грип, пневмонија, други вирусни и бактериски воспаленија.Сите горенаведени причини може да предизвикаат воспаление, иритација и отекување на слузницата на горниот респираторен тракт. Задолжително посетете лекар, бидејќи лекарот може да ја процени сериозноста на симптомите и да препорача соодветен третман. Потпорната терапија опишана во текстот не е замена за соодветна професионална медицинска терапија. Меѓутоа, ако сте повеќе за природна медицина (внимавајте на тоа дека природните лекови немаат премногу ефект ако се работи за поагресивно воспаление), можете да пробате некоја од следните алтернативи за ублажување на кашлицата. Превенција и природен третман на сува кашлицаНајважниот начин да се намали ризикот од кашлање е да престанете да пушите. Ако сте пушач, треба да размислите да се откажете од пушењето, бидејќи чадот од тутунот заедно со другите штетни состојки трајно го менува епителот на респираторниот систем. Секогаш кога е можно, избегнувајте јавни места за време на појава на настинка или грип. Кашлицата можете да ја спречите и со зајакнување на имунитетот, што соодветно значи практикување здрава исхрана богата со витамин Ц. Редовното вежбање и совладувањето на техниките против стрес исто така може да бидат многу ефикасни во зајакнувањето на вашиот имунолошки систем. За сите видови кашлица, обидете се да пиете што е можно повеќе течност, особено топли течности (чаеви). Овошниот сок, топлата вода или чајот од црна рибизла не само што ќе ја смират сувата кашлица туку и ќе ја ослободат заробената слуз. Избегнувајте пијалаци кои содржат кофеин и алкохол бидејќи тие се диуретици и како такви поттикнуваат ослободување на голема количина течност од телото преку урината. Кога губиме голема количина течност, потешко е да се искашла слузта. Мед против сува кашлицаМедот е еден од најефективните природни лекови за кашлица, ја смирува иритираната слузница, а благодарение на своите антибактериски својства успешно се бори против бактериите. Ова е одлична алтернатива за деца и возрасни, но поради ризикот од ботулизам, не им давајте мед на деца под две години. Лекарите треба да препишуваат антибиотици само во ретки случаи, кога природниот третман нема ефект врз симптомите и кога е сигурно дека воспалението нема да помине само по себе. Новите препораки на NICE (Национален институт за здравје) се однесуваат на превенција од создавање отпорност на антибиотици. NICE предупредува дека во повеќето случаи кашлицата поминува во рок од три недели и дека наместо антибиотици, прва линија на одбрана во лекувањето на кашлицата треба да бидат лековите без рецепт и природните лекови како мед, прополис, лимон итн. Ваквите препораки се издадени токму поради фактот што инфекциите се потешко се лекуваат поради отпорноста на овие лекови на супербактерии. Чај од сладок корен против сува кашлицаСлаткиот корен е корисен и може да ја олесни секоја болка во грлото. Глициризин, главната состојка на коренот е одговорен за повеќето лековити ефекти, тој не само што ја ублажува болката во грлото туку и ја спречува. Ако земате стероиди или имате какви било проблеми со бубрезите, не користете сладунец. За лекување на сува кашлица, можете да користите чај направен од мајчина душица, бел слез, црница и чај од ѓумбир кој исто така, ќе помогне во обезбедување на олеснувачки ефект кога станува збор за болки во грлото и кашлица. Солена вода против сува кашлицаГаргарањето со солена вода е исто така еден од најпопуларните методи за лекување на болки во грлото. Солената вода може да ја олесни непријатноста предизвикана од кашлањето со намалување на отокот во грлото. Ако имате незапирлива сува кашлица, гаргара со солена вода дефинитивно ќе ви помогне. Пареа против сува кашлицаДоколку сте решиле да лекувате болки во грлото, се препорачува масло од чајно дрво и масло од еукалиптус, кои ќе помогнат во борбата против бактериите и вирусите. Истражувањето објавено во 2016 година во списанието Evidence-Based Complementary and Alternative Medicine го проучувало влијанието на лековитите и ароматичните растенија во борбата против патогените бактерии. Сите растенија вклучени во истражувањето имаат силна антимикробна активност против различни бактериски, габични и вирусни патогени. Црн пипер против сува кашлицаВо најголем дел, употребата на црн пипер е ограничена на готвење, но она што многу луѓе не го знаат е дека пиперот може да биде и повеќе од ефикасен за сузбивање на кашлицата. Црниот пипер може да се измеша со мед и ќе добиете сируп против кашлица, а црниот пипер нема да биде премногу иритантен. Сокови против сува кашлицаПодгответе сок од морков, кој помага при искашлување слуз или сок од бела репка, кој го зајакнува имунитетот и делува антисептично на респираторниот систем. За да добиете сок од бела репка, исечкајте ја на кришки, додадете шеќер и оставете да отстои неколку часа. Истиот ефект ќе го има и сокот од сварениот праз. Варениот праз процедете го низ чиста крпа за да добиете сок. Пијте го засладен со мед, по вкус. Исечкајте го сировиот кромид, покријте го со мед и оставете го преку ноќ. Следниот ден земајте по две лажички сок од кромид на секои два часа. Наместо кромид, можете да земете четири чешниња лук, па земајте по една кафена лажичка на секои два часа. Пијте сок од зелка или нанесете облог од зелка на градите. Етерични масла за кашлицаЗа да ги ублажите непријатните симптоми на сува кашлица, можете да ја испробате и терапијата со со етерични масла. Обидете се да вдишете пареа со неколку капки масло од еукалиптус или масло од нане. Можете да поросите неколку капки од овие масла на марамче и да вдишете за да се ослободите од проблемите со дишењето. кашлицаприродни лековичаеви 58 Сподели FacebookTwitterGoogle+ReddItWhatsAppPinterestEmail...

СлајдерХраната лек Гладна кокошка просо сонува Арт Кујна Јул 26, 2022 Фото: Pixabay 117 Сподели Ако сакате да имате здраво срце: просото е идеална житарка. Содржи многу магнезиум, па само една шолја просо дневно ќе подобри многу работи во вашиот организам, помеѓу другото и редовната работа на срцето. Тоа се само некои од причините зошто би требало да го внесете просото во секојдневната исхрана. Денеска кога сме опкружени со безброј совети за здрава исхрана, многу суплементи, хроно рецепти, и што уште не, понекогаш човек треба да застане и да размисли како живееле луѓето пред нас, кои не можеле сето наведено да го применат, туку живееле во и од природата. Секако ниту природата не е она што некогаш била, но нејзините плодови и натаму остануваат попродуктивни од било кои вештачки творби, со било каков облик. Просото е всушност многу старо семе кое потекнува од пределите со сува клима, односно од Африка и северна Кина. Просото е вид на намирница која може да се користи во солени јадења, но и во десерти. Во зависност од тоа како се спрема, може да биде меко, но и крцкаво. Содржи карбохидрати па е затоа добар избор на храна за дијабетичари. Некои видови просо се идеални и за држење диета затоа што се богати со влакна. Основен рецепт за подготвување на каша од просо: Прво измијте го просото и исцедете го. Во тенџере со средна големина ставете две ипол чаши вода, а кога ќе зоврие ставете една чаша просо. Варете на слаба температура 15 минути, а потоа трнете го од оган и оставете го да стои во покриен сад уште 20 минути. Можете да додадете и малку маслиново масло, како и некои зачини. Ако сакате малку помека каша, потребно е да додадете малку повеќе вода и да го готвите 45 минути до 1 час. Ако сакате да биде покрцкаво, пропржете го пред да го сварите. Можете да го пржите во сува тава околу 3 минути. Потоа додадете вода и поклопете го. Подоцна просото можете да го додадете и во разни салати, во зеленчук, а можете да го подготвите и следниот ден за појадок со млеко, мед и цимет. Ако сакате да имате здраво срце оваа житарка е идеално решение за вас. Содржи многу магнезиум и само една шолја просо дневно ќе подобри многу работи во вашиот организам, помеѓу другото, и редовната работа на срцето. Тоа се само некои од причините зошто би требало да го внесете просото во секојдневната исхрана. Оваа житарка ја намалува и можност за астматични напади и ја намалува појавата на мигрени. Просо за бубрезите Една од најдобрите намирници за чистење на бубрезите, но и кај појава на камен или песок во бубрезите. Кај уринарните инфекции има позитивно дејство и го поттикнува исфрлањето на урината. Може да се користи во облик на напиток или во облик на каша. Ставете 200 г просо во поголема тегла (3 литри) и во неа ставете сварена вода до 2/3 од теглата. Оставете ја да стои во текот на ноќта, а утрото ќе се создаде бледа течност, која ќе претставува совршен лек за било кој проблем во врска со бубрезите. Просото како лек за дијабетес Познато е дека не содржи глутен, а освен тоа, го регулира нивото на шеќер во крвта, а влијае и на многу дрги заболувања. Траењето на терапијата за лекување на дијабетес е 20 дена. Кашата се спрема од просо, вода и свежа тиква. Потребно е да се свари 250 г излупено просо во 1 л вода, а кога просото ќе омекне, додадете 20 грама свежа тиква која претходно ќе ја изрендате. Сето тоа заедно треба да се вари уште 20 минути, на послаб оган. На крајот може да се додаде малку масло и сол по желба. Превенција на рак од дојка Безглутенската житарка има значително влијание на превенција од рак на дојка. На жените им се препорачува заради превенција да јадат 30 грама просо на ден. Најдобра заштита даваат цели зрна. Просото го намалува и ризикот од астма кај децата Со помош на истражувања е докажано дека целите зрна просо го намалуваат ризикот од појава на астма кај децата. Направени се истражувања во врска со исхраната и докажано е дека оние кои консумираат просо, во повеќето случаи немаат симптоми на астма ниту било какви други слични симптоми. ични напади и ја намалува појавата на мигрени. Просо за бубрезите Една од најдобрите намирници за чистење на бубрезите, но и кај појава на камен или песок во бубрезите. Кај уринарните инфекции има позитивно дејство и го поттикнува исфрлањето на урината. Може да се користи во облик на напиток или во облик на каша. Ставете 200 г просо во поголема тегла (3 литри) и во неа ставете сварена вода до 2/3 од теглата. Оставете ја да стои во текот на ноќта, а утрото ќе се создаде бледа течност, која ќе претставува совршен лек за било кој проблем во врска со бубрезите. Просото како лек за дијабетес Познато е дека не содржи глутен, а освен тоа, го регулира нивото на шеќер во крвта, а влијае и на многу дрги заболувања. Траењето на терапијата за лекување на дијабетес е 20 дена. Кашата се спрема од просо, вода и свежа тиква. Потребно е да се свари 250 г излупено просо во 1 л вода, а кога просото ќе омекне, додадете 20 грама свежа тиква која претходно ќе ја изрендате. Сето тоа заедно треба да се вари уште 20 минути, на послаб оган. На крајот може да се додаде малку масло и сол по желба. Превенција на рак од дојка Безглутенската житарка има значително влијание на превенција од рак на дојка. На жените им се препорачува заради превенција да јадат 30 грама просо на ден. Најдобра заштита даваат цели зрна. Просото го намалува и ризикот од астма кај децата Со помош на истражувања е докажано дека целите зрна просо го намалуваат ризикот од појава на астма кај децата. Направени се истражувања во врска со исхраната и докажано е дека оние кои консумираат просо, во повеќето случаи немаат симптоми на астма ниту било какви други слични симптоми. житаркапрососеме 117 Сподели FacebookTwitterGoogle+ReddItWhatsAppPinterestEmail...

СлајдерСовети Кои намирници треба, а кои не треба да се мијат? Арт Кујна Јул 25, 2022 Фото: Unsplash 159 Сподели Миењето на состојките за нашите јадења не може да биде лоша работа. Сепак, постојат ситни разлики кои на вашите јадења ќе им донесат подобри вкусови и ќе ви дадат поздрава алтернатива ако ги ставите или не ги ставите под млаз вода. Дознајте која храна е важно задолжително да ја измиете пред употреба, а која никако не треба. Некои состојки на омилените јадења треба да се измијат од нечистотиите настанати при транспорт или со долго стоење. Во таа група секако влегуваат сите видови на овошје и зеленчук, особено она кое доаѓа од другите делови од светот или пак е третирано. За жал, во продавниците најчеста појава е токму увозното овошје и зеленчукот па затоа е важно добро да се измие пред послужувањето.Ако користите кора од лимон или портокал, секако пред употреба е добро да се изрибаат со сунѓер за садови додека пак за бобинките е доволно да се потопат во ладна вода со малку оцет, да се измијат и да се исушат па да се стават во фрижидер.Јадењата од конзерва како гравот и наутот е важно да се измијат напрвин заради долгото стоење, а потоа и заради течноста во која стојат. Истресете ги во цедалка, измијте ги под млаз ладна вода и мешунките се подготвени за користење. Сакате ли да зачувате нешто од течноста од наутот, сето тоа направете го над садот за да не истече водата низ одводот.Миењето на оризот пред варењето можеби не е навика баш на секој љубител на доброто залче, но со миењето ќе се ослободите од бактериите настанати при пакувањето, како и од скробот кој го прави оризот збиен и залепен. За да го измиете ставете го оризот во густа цедалка и ставете ја под млаз ладна вода па со лесни движења на раката измијте го секој дел од оризот.Од друга страна пак, различно месо, а особено пилешкото и останатото од пердувести животни, не се мие баш никогаш. Иако во повеќето случаи со миењето се отстрануваат бактериите, со миењето на овој вид на месо, тие се создаваат. Исто така, внимавајте на кујнските површини кои доаѓаат во допир со сировото месо од пердувестите животни и веднаш по завршувањето добро избришете ги. Со подготвување на сиров зеленчук или други намирници на тие исти површини, ризикувате ширење на бактериите, а со самото тоа и различни видови на болести.Токму како и ова месо, не се мијат ни рибите. Ако ја приготвувате сирова, печена или варена, најдобрите ароми ќе ги задржи ако остане недопрена.Јајцата, но и тестенините исто така не бараат миење. Јајцата се испираат кога се тукушто снесени со посебна техника која не е можно да се повтори во класични домашни кујнски услови. Тестенините содржат скроб, корисна состојка која подоцна добро ќе ви дојде при приготвување на вкусни сосови па никако не се препорачува миење без оглед на свежината и формата на тестенините. бактериимиењенамирници 159 Сподели FacebookTwitterGoogle+ReddItWhatsAppPinterestEmail...

СлајдерСовети Дали знаете кој тип брашно за што се употребува? Арт Кујна Јул 25, 2022 Фото: Unsplash 136 Сподели Се меша во сè, речиси е невозможно да се замисли било која кујна без него, а на пазарот се појавуваат сè повеќе видови. Без разлика дали се класифицирани како „здрави“ или „нездрави“ брашна, корисно е да се знае за што да се користат, бидејќи некои ќе го направат лебот мек и еластичен, додека други се попогодни за изработка на каши, погачи… Не постои куќа каде што нема да најдеме брашно некаде на полицата и/или барем некои од производите во кои брашното е важна состојка. Првите записи за производство на брашно датираат од пред 12-13.000 години, а некои истражувачи одат дотаму што тврдат дека некој вид камен за мелење се користел дури и пред да биде измислено тркалото. Распространувајќи се постепено, употребата на брашно цветало во времето на Персија односно Египет, кога е откриено производството на леб од квасец (патем, и на пиво). Употребата на брашно и производството на леб биле строго дефинирани според еснафите, на пример во Франција, додека во Италија, особено во Тоскана, било строго забрането да се пече леб по куќите (рации се правеле во текот на ноќта) и често летале глави за кора бел леб. Се верува дека Француската револуција започнала и поради нееднаквоста и ограничувањето на употребата на брашно и сол, па затоа познатиот слоган Liberté, égalité, fraternité повикува на правичност во достапноста на белото брашно, т.е. лебот. Производството на брашно се прошириlo и голема пресвртница во индустријализацијата се случиla во 1961 година, кога е откриен процесот Chorleywood. Процесот се заснова на мелење брашно со голема брзина, а со тоа и на повисока температура – финалниот производ има „разбиен“ скроб, па полесно се вари, финансиски е поисплатлив за пекарите (бидејќи е потребно помалку брашно), но готовиот производ е со „лош квалитет“.односно е помалку здрав. Се смета дека брашното добиено на традиционален начин со побавно мелење (на пр. на воденица) е поквалитетно и повкусно. Како добиваме брашно? Брашното се добива со мелење на основниот материјал, на пример зрната од некои сорти пченица (тврда, спелта, камут, амарат). Во зависност од начинот на мелење и кој дел од зрното се користи, добиваме разни видови брашно кои се означени со ознака Т и бројка. Постапката за означување се врши, по мелењето, на тој начин што ќе се одреди количината на пепел и сува материја во брашното, односно, примерок од 1000 g веќе смелено брашно – се пали на 900 степени Целзиусови, а потоа се проверува пропорцијата на пепел и сува материја – на пример, ако пропорцијата е околу 0,55%, тогаш брашното е означено со T-550 (остро бело брашно). Германците имаат слична поделба, а за конверзија во француската поделба, треба да се одземе нула (Т-55). Нула нула Италијанците, пак, имаат поинаков и покомплициран начин на обележување од основниот: типови брашно 00 – најдобри се за тестенини и колачи, 0 – тестенини, леб, пица, 1 и 2 – леб, пица, но тие може да има и дополнителни описи што укажуваат на финост (грано тенеро , грано дуро…) или сорта (дурум, манитоба…) – или комбинација од сето горенаведено, во зависност од нивото на мистичност што го користи секој производител на брашно. Британците и Американците тежнеат кон поописно име за брашното (на пр. wholemeal, allpourpose), и се засноваат на мерењето на процентот на екстракција (колку од оригиналното зрно останува во брашното) и пропорцијата на протеини, со тоа што преку барата имаат цел диапазон од видови брашно со и без глутен – што е растечки тренд во нивното производство, а се врши под превезот на поздрава исхрана, додека глутенот често се купува одделно. Брашното го делиме според видот на житата, односно главната состојка, а основните се: OСТРО T-400 – се произведува само од ендоспермата и спаѓа во најквалитетните брашна за пецива, тестенини, еднодневни лебови. Верзијата Т-450 би била најблиску до италијанскиот 00 (dopio zero) ГЛАТКО T-500 (T-550) – најдоброто брашно за леб, може да го измешате со остро во сооднос 50:50 КРУПНИК Т-400 – крупно мелен, погоден за кашички, но и како додаток при подготовка на леб, најмногу личи на гриз. ПОЛУБЕЛО Т-850 – порано се нарекуваше zwajer, особено погоднО за леб бидејќи содржи повеќе влакна и трае подолго, доаѓа и во верзијата 750. ЦРНО Т-1100 – здраво брашно за леб што е подолго време свежо и има повлажна структура. Доаѓа и во верзијата 1600. ИНТЕГРАЛНО/ГРАХАМ – исклучително здраво брашно бидејќи содржи и делови од лушпата, треба да се меша со други основни брашна. Пченка, ‘Рж (T750, 950, 1250) – здрави брашна, може да се мелат со различни гранулации, во зависност од рецептот може прво да се варат на пареа, а бидејќи се потешки за подготовка, пожелно е да се измешаат со „основно бело брашно (во сооднос од околу 50%). Интегрално = грахам брашно Структурата на зрната од житариците се состои од надворешен слој (влакнеста структура и полна со здрави состојки – протеини, минерали и витамини) и централен дел наречен ендосперм, кој е богат со јаглени хидрати (скроб). Брашното во кое се користи и кошулицата го нарекуваме интегрално или грахам брашно. Тие брашна се поздрави од „класичните“ бели затоа што имаат поголем процент на витамини и протеини, додека процентот на посакуваната влакнеста структура е исто така поголем, така што тие се полесно сварливи. Посебно се популарни брашната од дурум пченица – на пример, од него се прави кускус. Покрај најчестото пченично брашно, се користат и други житарки – пченка, јачмен, ‘рж… односно брашно се добива со мелење ориз, наут, грав, хељда, коноп… Пропорцијата на глутен во брашното е многу важен фактор во подготовката на лебот и тестенините бидејќи помага при нараснување на тестото, има „подобар вкус“ и му дава еластичност на тестото. Од друга страна, брашното од пченка, леќата, спелта, ‘рж, јачмен, наут, бадеми, хељда… имаат помал дел од глутен и се сметаат за здрави брашна бидејќи имаат поголем процент на протеини и влакнеста структура. Специјализираните брашна кои се веќе претходно подготвени може да се купат во продавница, така што брашното за тест што се дигаат може да содржи малку прашок за пециво и сол за да се забрза процесот на нараснување. Исто така, некои брашна како пченкарното може да бидат и претходно парени заради побрза подготовка. За жал, темните брашна на пазарот често се „фалсификувани производи“ бидејќи се вештачки обоени со карамел или препарати на база на јачмен. брашнолебтипови брашно 136 Сподели FacebookTwitterGoogle+ReddItWhatsAppPinterestEmail...

СлајдерХраната лек Време е за пиперки: ги штитат срцето, белите дробови и се добра превенција од рак на хранопроводникот и желудникот Арт Кујна Јул 22, 2022 Фото: Unsplash 166 Сподели Истражувањата покажаа дека пиперката има одредени антиканцерогени својства, а особено се истакнува во превенцијата на рак на хранопроводникот и желудникот, а докажано е дека го намалува ризикот од рак на простата. Нема многу зеленчуци што може да се видат во толку различни бои и нијанси како пиперките кои се богати со многу хранливи материи и се исклучително силен чувар на здравјето и борец против многу болести. Иако во денешно време пиперките се достапни во текот на целата година, летото е нивната вистинска сезона на зреење и токму тогаш тие имаат најдобар вкус и содржат најмногу хранливи материи. Најздрави и највкусни се оние со светли и живи бои, нивната кожа треба да биде цврста и компактна, а стеблото зелено – ова е знак дека се свежи. Затоа при купувањето треба да внимавате да не се збрчкани и да немаат меки делови или други оштетувања. Колку што е можно, изберете пиперки кои не се хемиски третирани за да бидете сигурни дека ќе му ги обезбедите на вашето тело нивните здравствени придобивки. Пиперките може да се користат свежи, сушени или конзервирани и во која било форма се многу корисни за организмот, а долга е листата на болести на кои делува. Сепак, најдобри и најздрави се свежи, необработени термички. Што содржат пиперките? Каротеноидите, кои се одговорни за светлите бои на пиперките, му обезбедуваат на телото силна заштита од оксидативно оштетување предизвикано од слободните радикали. Истражувањата покажаа дека ликопенот и бета-криптоксантинот од пиперките го подобруваат здравјето на срцето и белите дробови, додека лутеинот и зеаксантинот го штитат здравјето на очите. Тие се одличен извор на витамин Ц, па поради неговата висока концентрација се препорачуваат како задолжителен додаток во исхраната за зајакнување на имунитетот. Благодарение на изобилството на витамин Ц и бета-каротен, тие можат да обезбедат висококвалитетна заштита од развој на катаракта. Истражувањата покажаа дека луѓето кои јаделе поголеми количини зеленчук, вклучително и пиперки, имаат значително помал ризик од развој на катаракта. Овој зеленчук ги штити и очите од макуларна дегенерација, која е главната причина за слепило кај возрасните, поради високата концентрација на каротеноиди лутеин и зеаксантин. Пиперките се добар извор на витамин Е, на кој му се припишуваат антиканцерогени својства, а се богати и со други хранливи материи корисни за здравјето. Меѓу најважните се издвојува витаминот К кој игра значајна улога во градењето на коските, витамините Б1 и Б2 се одговорни за производство на енергија, а од минерали имаат најмногу калиум, фосфор и железо. Пиперките како афродизијак Исто така, се верува дека пиперката, особено лутата пиперка, е совршен афродизијак бидејќи буди расположение и страст, а тоа се припишува на фактот што лутата пиперка ја забрзува циркулацијата на крвта. Зачинетиот вкус на пиперките се должи на состојката наречена капсаицин. Колку повеќе капсаицин има една пиперка, толку е полута. Капсаицинот има антисептично дејство и го спречува развојот на бактерии во дигестивниот систем. Пиперките како антидепресив Состојките на пиперката делуваат на нашето тело како ефикасен антидепресив и штитат од ефектите на стресот, ја ублажуваат несоницата, лошото расположение и летаргијата. Делуваат и како антисептик, диуретик, ефикасни се во лекувањето на авитаминоза, алергија, анемија, астма, атеросклероза, ангина пекторис, срцев удар, астма, хипертензија, дијабетес, кашлица, импотенција, опаѓање на косата, остеопороза, отежнато мокрење, ревматизам , хемороиди. Истражувањата покажаа дека пиперката има одредени антиканцерогени својства, а особено се истакнува во превенцијата на рак на хранопроводникот и желудникот, а докажано е дека го намалува ризикот од рак на простата. антиканцерогениздрава хранапиперки 166 Сподели FacebookTwitterGoogle+ReddItWhatsAppPinterestEmail...

СлајдерТОП 5 Солени инчуни: сам да јадеш, на друг да не дадеш Арт Кујна Јул 22, 2022 98 Сподели Кај нас нема свежи инчуни, но тоа не значи дека не можеме да уживаме во вкусот на солените филети конзервирани во масло Овој медитерански деликатес го знаевме и многу одамна, кога растевме ние, родени во 60-тите и 70-тите години од минатиот век. Многу ги сакавме, ама ни даваа само по малку за да не си ги расипеме бубрезите. Дали сте јаделе и дали сакате да јадете инчуни? Солените инчуни во филети конзервирани во масло се малку побогати со калории и имаат малку повеќе масти, но сепак се многу хранлива храна која се препорачува за сите возрасти. Оваа риба можеби најдобро се подготвува на овој начин. Можете да купите солени инчуни во супермаркетите, а ако сте некаде на море можете да најдете и луѓе кои сами ги подготвуваат така што ги солат, ги ставаат во тегли и ги преливаат со масло. Имаат неверојатно богат вкус и можат да се користат во различни рецепти, на пример, како состојка за пица наместо некоја неквалитетна шунка.Сепак, не претерувајте затоа што вака подготвени се навистина малку повеќе солени. Свежите инчуни кои инаку ги има повеќе од стотина видови, се здрави и богати со хранливи материи. Најмногу придонесуваат за смирување на воспалителните процеси во организмот, како и при процесите на згрутчување на крвта. Богати се со калциум, магнезиум и фосфор, заради што се добри за здравјето на коските, а содржат и селен кој е добар за одржување на здрав кардиоваскуларен систем. инчунирибисолени инчуни 98 Сподели FacebookTwitterGoogle+ReddItWhatsAppPinterestEmail...

СлајдерСовети Ако ве учеле да не јадете семки од лубеница, погрешно ве учеле! Арт Кујна Јул 22, 2022 Фото: Unsplash 223 Сподели Навикнати сме да ги фрламе семките од лубеница, веројатно затоа што сме научени уште од рана возраст дека не е добро да ги јадеме. Но, не е така. Не се грижете, не мора да ги џвакате овие цврсти црни семки, полесно е да се направи чај од нив. Наспроти нашата навика да ги фрламе семките од лубеница, истражувањата покажуваат дека овие мали црни семиња се вистински извор на здравје. 1. Ја намалуваат надуеноста Семките од лубеница содржат влакна кои позитивно влијаат на работата на дигестивниот тракт и со тоа ја олеснуваат надуеноста. 2. Содржат калиум Овој минерал ја регулира количината на вода во нашето тело, со што се намалува отокот на зглобовите и стапалата. 3. Обезбедуваат заштита од УВ зрачење и ја подмладуваат кожата Семките содржат витамин Е, кој влијае на здравјето на кожата и спречува дамки и пеги. Исто така, полни се со антиоксиданти, кои го забавуваат процесот на стареење на кожата. 4. Го зајакнуваат нашиот имунитет Благодарение на многу други минерали кои се наоѓаат во семето, како на пример, железо, ќе бидеме поздрави ако ги јадеме. Тие исто така содржат триптофан, кој учествува во производство на серотонин, а тој елемент инаку се користи во лекувањето на стрес и клиничка депресија. 5. Содржат магнезиум и цинк Тие се важни во функционирањето на целиот организам. Ако сега мислите дека треба да ги џвакате овие цврсти црни семки, не се грижете. Полесно е да се направи чај од нив. Состојки: 4 лажички мелени семки2 литри вода Приготвување: Семките се варат 15 минути во врела вода и тоа е тоа. Освен како чај, можете да ги искористите мелените семки во сок од лубеница и да измешате сè заедно во блендер, а потоа зачинете со неколку лисја свежо нане. Можете да го пиете топло или ладно. здравствени придобивкилубеницасемки од лубеница 223 Сподели FacebookTwitterGoogle+ReddItWhatsAppPinterestEmail...

СлајдерСовети Не ја истурајте течноста од теглата со маслинки! Арт Кујна Јул 22, 2022 Фото: Pexels 198 Сподели Дали знаевте дека сокот од теглата со маслинки го намалува холестеролот и ризикот од дијабетес, но исто така го подобрува и здравјето на срцето? Знаеме колку се здрави маслинките, маслиновото масло, па дури и лисјата од маслинки, но тоа не е сѐ. Маслинките се богати со железо, витамини Е и А, натриум, калциум, влакна, а содржат и здрави масти познати како Омега-9, кои го зголемуваат добриот холестерол (ХДЛ). Маслинките содржат антиоксиданти, полифеноли и флавоноиди, кои имаат антиинфламаторно дејство, па можеме да кажеме дека се идеална храна за борба против слободните радикали кои ги оштетуваат здравите клетки во телото. Сите знаеме дека е здраво и маслиновото масло, а постои долг список на болести кај кои помагаат соединенијата во лисјата од маслинки. Народите од Медитеранот со векови користат маслиново масло во исхраната, а резултатот е импресивен: тие се меѓу најдолговечните народи. Поради своите здрави масни киселини и антиоксидативното дејство, одлично е за срцето и крвните садови, бидејќи ги „чисти“ и не ги затнува како некои други масти и масла. Одличнo е и како прва помош за намалување на лошиот холестерол. Богато е со протеини и витамини А, Д, К и Е, кои се неопходни за добро функционирање на организмот. Што се однесува до лисјата, нивната употреба како чај може значително да го подобри вашето здравје ако страдате од срцеви болести, ако имате висок холестерол, атеросклероза, херпес, артритис, дијабетес, синдром на хроничен замор, хепатитис А, Б и Ц, менингитис (вирусен и бактериски), чир на желудник, грип, воспаление на уринарниот тракт,… И после сето ова, останува уште да разјасниме зошто е корисна и течноста од теглата со маслинки и зошто не треба да ја истурате. Дали знаевте дека течноста од теглата со маслинки го намалува холестеролот, го подобрува здравјето на срцето и го намалува ризикот од дијабетес? Маслинките во теглите се наоѓаат во саламура, која е мешавина од вода, оцет и сол. Веројатно досега штом ќе ја изедевте последната маслинка, ги истуравте остатоците од саламура во мијалникот, но треба да знаете дека постојат многу здравствени придобивки од неа. Течноста во која стојат маслинките содржи мононезаситени масти кои можат да помогнат во борбата против воспалителни болести, намалување на холестеролот, подобрување на здравјето на срцето и намалување на ризикот од дијабетес тип II. Покрај антиинфламаторните својства, содржи и витамин Е, што значи дека можете да ја користите за масажа на темето и со тоа да го поттикнете растот на косата. Покрај здравствените придобивки, содржи и многу ароми. Бидејќи сокот е само мешавина од оцет, вода и сол, можете да го користите приближно на ист начин како што би користеле обичен оцет или масло за да зачините јадења. Накратко, слободно започнете да додавате сок од маслинки во својата секојдневна исхрана!Како да се користи сокот од маслинките? Оваа течност има солен, кисел и убав вкус, па затоа е одлична маринада за месо.Можете да ја користите за зачинување на свински котлети, како маринада за шницли и наместо прелив за салата. Може да се користи наместо вода во сосови за пица и тестенини, но исто така и како замена за бујон. Маслинките често се користат во медитеранската кујна, па затоа таа е добро место да побарате инспирација за примена на оваа течност – помислете на хумус, леб од маслинки и сосови базирани на јогурт.Друга причина зошто дефинитивно треба да го зачувате сокот од маслинките е подготовката на мартини. Препорачуваме да го подготвите овој коктел со додавање на 15 мл од течноста од маслинките 30 мл џин или вотка и 15 мл вермут.Ако сакате да ја зачувате оваа течност откако ќе ги изедете маслинките, префрлете ја од теглата во херметички затворен сад и чувајте ја во фрижидер до една недела или два месеци во замрзнувач. здрава хранамаслинкитечност од маслинки 198 Сподели FacebookTwitterGoogle+ReddItWhatsAppPinterestEmail...

СлајдерСовети Зошто не треба да пиете вода од шише кое се загреало на сонце Арт Кујна Јул 21, 2022 Фото: Unsplash 178 Сподели Кога пластичното шише со вода стои подолго време на високи температури се зголемува нивото на хемикалијата БПА која е поврзана со бројни здравствени проблеми – намален имунитет, проблеми со репродуктивното здравје, невролошки проблеми и други. За време на тропските горештини, не излегуваме од дома без шише вода. Често се случува поради високите температури да се загрее шишето, односно водата во него.Меѓутоа, дали знаете што се случува тогаш? Бидејќи пластичните шишиња се направени од полиетилен терефталат а тој, кога се загрева, ја ослободува штетната хемикалија бисфенол А (БПА). Кога ќе се внесе бисфенол во организмот, може да биде исклучително штетен.Колку повеќе шишето се загрева, толку повеќе штетни состојки испушта во водата. Неодамна беше спроведен експеримент кој го докажува тоа. Имено, професорката Лина Ма и нејзиниот тим научници истражувале кои хемикалии се испуштаат од пластично шише откако ќе стои на висока температура во текот на 4 недели. Таа студија докажала дека нивото на штетен БПА се зголемува на високи температури. Затоа немојте ниту случајно да пиете вода од шише кое е со денови во автомобил или на сонце. Бисфенолот А е поврзан со бројни здравствени проблеми – како што се намален имунитет, проблеми со репродуктивното здравје и невролошки проблеми. Дури е откриено дека оваа хемикалија го зголемува ризикот од развој на Алцхајмерова болест, дијабетес тип 2, кардиоваскуларни заболувања и други. Најдобро би било да користите стаклено шише наместо пластично. бисфенолводапластично шише 178 Сподели FacebookTwitterGoogle+ReddItWhatsAppPinterestEmail...

СлајдерХраната лек Сега ѝ е време: Не содржи глутен, штити од срцеви заболувања, мозочен удар, дијабетес … Арт Кујна Јул 21, 2022 Фото: Unsplash 115 Сподели Пченката не содржи глутен, спречува срцеви заболувања, дебелина, одлична е за варењето и има бројни други придобивки за здравјето Време е за пченка! Варена, печена, во која било форма, одлична е и има многу здравствени придобивки. Не содржи глутен, што ја прави добра алтернатива на пченицата за оние кои мора да ја избегнуваат. Еве уште неколку причини зошто треба да ја вклучите во вашата исхрана. Ги содржи придобивките од целите житарки Како цело зрно, пченката е во категоријата намирници кои имаат заштитно дејство. Бројни студии ја поврзуваат консумацијата на пченка со помал ризик од срцеви заболувања, мозочен удар, дијабетес тип 2 и дебелина. Да, пченката е поврзана со помал ризик од дебелина и покрај тоа што е богата со јаглени хидрати. Но, се разбира, количината е важна. Обидете се да ја консумирате во согласност со потребите на вашето тело и нивото на активност. За повеќето возрасни жени, тоа би значело еден кочан пченка или половина шолја печени зрна. Богата е со важни хранливи материи Пченката содржи различни видови на витамини од групата Б, како и калиум. Калиумот е минерал кој оддржува здрав крвен притисок, функцијата на срцето, мускулни контракции, спречува грчеви во мускулите и помага во одржување на мускулната маса. И не само тоа, пченката содржи 10 пати повеќе витамин А од другите житарки. Покрај сето тоа, штити од когнитивно опаѓање. Исто така, витаминот А го поддржува имунолошкиот систем и помага во формирањето на слузницата на респираторниот тракт. Посилната слузница создава подобра заштитна бариера и на тој начин ги спречува бактериите да влезат во крвотокот. Пченката има антиоксидантиЛутеинот и зеаксантинот, главните каротеноиди (или пигменти) на пченката, помагаат во заштитата на очите и докажано е дека го намалуваат ризикот од макуларна дегенерација (болест на централниот дел на мрежницата) и катаракта (катаракта). Исто така, докажано е дека антиоксидантот кверцетин може да помогне во борбата против акутно и хронично воспаление и да се заштити од невродегенеративни болести, како што е Алцхајмеровата болест. Кверцетинот е исто така поврзан со апоптоза, форма на програмирана клеточна смрт што телото ја користи за да ги убие истрошените или дисфункционалните клетки. Се разбира, кога мислите на пченка, веројатно мислите на жолта пченка. Но, има и сини и виолетови, а антиоксидантите во нив можат да го потиснат воспалението. Како и да го заштитат телото од оксидативен стрес, нерамнотежа помеѓу слободните радикали кои ги оштетуваат клетките и способноста на телото да се спротивстави на нивните штетни ефекти. Одличен е за варење Друга здравствена придобивка од јадењето пченка се нерастворливите влакна кои не се разградуваат и не се апсорбираат во крвотокот. Нерастворливите влакна остануваат во дигестивниот тракт, ја зголемуваат масата на столицата и помагаат да се движи отпадот низ вашиот систем. Ова го спречува запекот, го намалува ризикот од хемороиди и може да помогне да се намали ризикот од рак на дебелото црево. Пченкарните влакна исто така можат да помогнат во контролата на тежината со зголемување на чувството на ситост после оброк. Како да ја изберете, да ја чувате и да ја подготвите? Најчесто се консумираат два вида пченка: слатка пченка и полска пченка. Шеќерецот главно се користи за готвење или се јаде сам, додека полската пченка обично се меле и се користи како брашно. Доколку купувате свежа пченка, внимавајте зрната да не се исушени и листовите да бидат што е можно поздрави, а кога ја чувате во фрижидер не ја чувајте ја во близина на храна која има интензивен мирис, бидејќи пченката лесно впива мириси. Секогаш е најдобро да се јаде свежа пченка, но и замрзнатата пченка е добар избор, додека конзервираната се користи само ако немате ништо друго при рака. Свежата пченка обично се вари или се пече на скара и како таква е одлично и здраво јадење, со малку сол. Зрната од пченка може да се додадат во чорби, супи, јадења од зеленчук и салати, а од пченкарно брашно, освен палента, можете да подготвите и палачинки, бисквити и други десерти или тортиљи. глутенздрава хранапченка 115 Сподели FacebookTwitterGoogle+ReddItWhatsAppPinterestEmail...