Вработените во здравството најавуваат протест на 8 април
Само Здравје - пред 16 часа
Вработените во здравството нема да добијат усогласување на платите со порастот на минималната плата поради непотпишувањето на анексот на колективниот договор. Поради тоа на 8 април најавуваат протест што ќе почне од пред зградата на Сојузот на синдикати на Македонија, а ќе заврши пред Министерството за здравство. – Протестот ќе биде токму во насока на изразување незадоволство од непотпишувањето на анексот на колективниот договор којшто веќе беше завршена работа, но поради политичките игри остана непотпишан и со тоа повеќе од 20 илјади работници во здравството остануваат без усогласувањето на нивните плати со порастот на минималната плата, соопшти денеска претседателот на ССМ Слободан Трендафилов. Според информациите на ССМ, освен вработените во здравството, усогласување на платите ќе нема и во образованието и во Министерството за внатрешни работи. – Усогласување со порастот на минималната плата ќе нема и во образованието поради непотпишување на колективниот договор. Според моите сознанија, и вработените во Министерството за внатрешни работи нема да добијат усогласување на палтите, меѓутоа управата на локално ниво, правосудството, Правобранителството, јавнообвинителската служба, судската служба и.т.н. ќе добијат усогласување имајќи предвид дека Синдикатот на УПОЗ потпиша низа колективни договори каде ова право е утврдено меѓутоа и законските решенија, кои се обидуваа на мала врата да ги сменат пред објавата на висината на минималната плата, го овозможуваат тоа, истакна Трендафилов. Коментари коментари...
„АЛКАЛОИД“ ПУШТИ ВО УПОТРЕБА НОВ КАПИТАЛЕН ПРОЕКТ ВРЕДЕН 19,4 МИЛИОНИ ЕВРА
Само Здравје - пред 1 ден
Новите капацитети за производство на цврсти фармацевтски форми, со површина од 6.200 м2, се најкрупниот инвестициски потфат на компанијата во изминативе две децении Во насока на посветеноста за постојана модернизација и за проширување на производствените капацитети, производствените волумени и на асортиманот, „Алкалоид“ АД Скопје ја комплетираше реализацијата на својот најголем инвестициски потфат во последните две децении – новиот погон за производство на цврсти фармацевтски форми Таблетно одделение 2.0 и придружните технички простории. Новиот техничко-технолошки капацитет, чија цел е повеќе од двојно зголемување на обемот и поголема флексибилност во производството на цврсти фармацевтски форми, зафаќа површина од 6.200 м2 (производствени и технички простории), а за него „Алкалоид“ вложи вкупно 19,4 милиони евра. За изведбата на овој објект, започната во април 2021 година, беа ангажирани 30 домашни и 16 странски компании, а градежните работи и опремувањето се одвиваа под водство на стручните служби на „Алкалоид“ АД Скопје. Просториите се изведени во согласност со строгите норми за добра производствена пракса, а сите процеси се целосно интегрирани и дигитализирани, со автоматско генерирање на сите податоци од процесните контроли. Во новиот погон за производство на цврсти фармацевтски форми ќе се врши производство на таблети, филмувани таблети, капсули и на двослојни таблети, кои за првпат се воведуваат како технологија за производство во Македонија. Станува збор за таблети што содржат неколку активни супстанции со различни хемиско-физички својства или со различен начин на ослободување на состојките, кои внимателно и прецизно се дозирани, но физички одделени со соодветно обезбедена стабилност и делотворност, овозможувајќи им на пациентите целосната терапија од неколку лекови да ја земаат само преку една таблета. Опремата за производство на цврсти фармацевтски форми е набавена од светски познати производители на опрема од овој вид: GEA (опрема за влажна гранулација), Alexanderwerk (опрема за сува гранулација), Lodige (опрема за хомогенизација), Fette (преси за таблети), Glatt (систем за филм-обложување), De Lama (автоматска машина за перење контејнери) и други. Со пуштањето во употреба на новата техничко-технолошка единица за производство на цврсти фармацевтски форми двојно се зголемува производствениот волумен, па така, наместо досегашниот капацитет од 2 милијарди таблети годишно, моменталниот проектиран производствен капацитет е повеќе од 4 милијарди таблети годишно. „Во динамична индустрија каква што е фармацевтската пласманите обично кореспондираат со инвестициите, вештините и знаењето, кои во изминативе две децении ги насочивме кон градење на модерно и конкурентно производствено портфолио. Нашата цел останува да се диференцираме преку знаење и развој на производи со додадена вредност, а на овој курс сме решени да останеме и во иднина, работејќи на натамошна глобализација на брендот ’Алкалоид’, достоинствено и посветено, со практикување на високи етички стандарди, кредибилитет и професионален пристап во севкупните операции“, изјави Генералниот директор и Претседател на Управниот одбор Живко Мукаетов на официјалното пуштање во употреба на новиот оддел, кое се одржа во присуство на високи претставници на менаџментот на компанијата, како и на претставници на медиумите од земјата и од регионот. Ова е еден од најкрупните инвестициски проекти на „Алкалоид“ АД во изминатите две децении. Компанијата во 2005 година имаше пласмани од 53,1 милиони евра, а во 2023 година прикажа консолидирани пласмани од 268,3 милиони евра. Следствено на овој петкратен континуиран раст, во текот на изминатите 15 години беа реализирани инвестиции во вредност од над 220 милиони евра. Фармацевтските производи на „Алкалоид“ се присутни на пазарите во повеќе од 40 земји во светот. Коментари коментари...
Лекарската комора бара итна разрешница на случајот со убиениот лекар
Само Здравје - пред 6 дена
Лекарската комора го осуди вчерашното убиство на докторот, кој со убодни рани беше пронајден мртов на паркингот пред поликлиниката Железара и бара од надлежните институции итно разрешавање на случајот. – Истакнуваме дека никаков вид на насилство во општеството не смее да се толерира, бидејќи насилството не е соодветен начин на кој се решаваат проблемите. Истакнуваме јавно барање надлежните институции итно да постапат за овој случај и да ги преземат сите неопходни мерки за да ги утврдат околностите во кои се случил настанот и соодветно на тоа да го пронајдат сторителот и да го санкционираат, стои во соопштението од Лекарската комора. Загубата на доктор е и загуба на целиот здравствен систем, велат од Лекарска комора, од каде посочуваат дека остануваат будно да го следи развојот на настаните и соодветно да реагираат. Реагираа и од Здружението на приватни матични лекари кои во знак на револт најавија дека во понеделник од 12 до 16 часот ќе прекинат со работа. Лекарот беше пронајден мртов со убодни рани синоќа на паркингот пред поликлиниката Железара. Коментари коментари...
Четири нови случаи на ХИВ и еден на СИДА во Македонија – сите се мажи меѓу 20 и 39 години
Само Здравје - пред 8 дена
Во февруари пријавени се и четири случаи потврдени на ХИВ и еден на СИДА, од машки пол, кои се на возраст од 20 до 39 години. – Пријавен е еден смртен случај од СИДА, пријавен како заболен во 2018 година, од машки пол, кој припаѓа на возрасната група од 35 до 39 години. Согласно постоечката евиденција на пријавени случаи, заклучно со 29 февруари, кумулативниот број на лица регистрирани со ХИВ/СИДА во Република Северна Македонија, за периодот 1987–2024, изнесува 645 и тоа – 127 лица починале, 518 лица живеат со ХИВ/СИДА, се вели во извештајот на ИЈЗ. Пријавени се вкупно и 49 случаи на Ковид-19 во текот на февруари. Во текот на февруари, пристигнати биле две пријави за заразно заболување за ентероколит кај странски државјанин од Шведска и шуга кај странски државјанин од Хрватска, кои престојувале во Република Северна Македонија, информираат од ИЈЗ Коментари коментари...
Овчи сипаници, ентероколитиси и пертусис – најчести акутни заразни заболувања во февруари
Само Здравје - пред 8 дена
Најчести пријавувани акутни заразни заболувања во февруари биле овчите сипаници – 661, по што следуваат ентероколитиси – 207, па пертусис или големата кашлица – 120 случаи, покажува најновиот извештај на Институтот за јавно здравје. – Во однос на претходниот месец – јануари, се регистрира намалување на бројот на пријавени од овчи сипаници за 26,8 отсто, додека во однос на месец февруари 2023 година, се регистрира намалување за 5,6 проценти. Во однос на претходниот месец јануари, се регистрира зголемување на бројот на заболени лица од ентероколити за 27 проценти, додека во однос на месец февруари 2023 година, се регистрира зголемување за 88,2 отсто, пишува во извештајот. Во февруари пријавени се и четири случаи потврдени на ХИВ и еден на СИДА, од машки пол, кои се на возраст од 20 до 39 години. – Пријавен е еден смртен случај од СИДА, пријавен како заболен во 2018 година, од машки пол, кој припаѓа на возрасната група од 35 до 39 години. Согласно постоечката евиденција на пријавени случаи, заклучно со 29 февруари, кумулативниот број на лица регистрирани со ХИВ/СИДА во Република Северна Македонија, за периодот 1987–2024, изнесува 645 и тоа – 127 лица починале, 518 лица живеат со ХИВ/СИДА, се вели во извештајот на ИЈЗ. Пријавени се вкупно и 49 случаи на Ковид-19 во текот на февруари. Во текот на февруари, пристигнати биле две пријави за заразно заболување за ентероколит кај странски државјанин од Шведска и шуга кај странски државјанин од Хрватска, кои престојувале во Република Северна Македонија, информираат од ИЈЗ. Коментари коментари...
Прва меѓународна конференција за Цефиксим во Истанбул, поддржана од „Алкалоид“
Само Здравје - пред 12 дена
Како континуиран и доследен поддржувач на стручни и научни настани кои имаат висок импакт врз целокупниот развој на фармацијата и медицината во земјава и надвор од границите, „Алкалоид“ годинава е домаќин на Првата меѓународна конференција за Цефиксим, која се одржува од 14 до 16 март во Истанбул, Турција. Меѓу учесниците на овој значаен настан се вбројуваат и претставниците на „Алкалоид“ и на ентитетите на компанијата надвор од Македонија, како и голем број здравствени експерти од 12 различни земји. Оваа конференција, прва од ваков тип, во својот фокус ја има визијата за подобрување на секојдневните практики во делот на рационалната употреба на антибиотиците, а со тоа и за подобрување на квалитетот на услугите за пациентите низ светот. Преку воведно обраќање и презентација, Генералниот директор и Претседател на УО на „Алкалоид“, Живко Мукаетов, ги претстави корпоративните перформанси на „Алкалоид“, особено осврнувајќи се на значењето на настаните од овој тип, кои ја развиваат и ја надградуваат научната мисла на глобално ниво. „Освен што е најпрепишуван орален третогенерациски цефалоспорин, Цефиксимот на ’Алкалоид’ е втор по ранг по произведен волумен во Европа. Цефиксимот е најзастапениот и водечки производ на ’Алкалоид’ во сегментот фармација, присутен во клиничката пракса од 1995 година и присутен на пазарите во над 20 земји во светот“, истакна Мукаетов, потенцирајќи дека компанијата наскоро планира проширување на производствените капацитети за овој свој стратешки важен производ. Повеќе од 200 учесници и еминентни претставници од областа на фармацијата и медицината се дел од богатата научна програма на Првата меѓународна конференција за Цефиксим, поддржана од „Алкалоид“. Тематскиот дел од Конференцијата го отвори д-р Снежана Петровска, раководител на одделот Глобални медицински работи и безбедност на лекови при „Алкалоид“, преку презентација за успешната приказна на алкалоидовиот Цефиксим низ годините. На панел-сесијата посветена на искуствата за овој дел во македонски рамки, чиј модератор беше проф. д-р Дејан Докиќ, говореа д-р Александар Сајковски и проф. д-р Сотир Ставридис. Стручњаците во делот на фармацијата и медицината на глобално ниво присутни на настанот се децидни дека успешната професионална и научноистражувачка соработка со компанијата, која во повеќето случаи трае со децении, се должи, пред сѐ, на квалитетот на производите, но и на начинот на кој компанијата го цени и го вреднува човечкиот фактор, вклучувајќи ги сите засегнати страни во рамките на системот на дејствување. Како компанија посветена на создавањето можности за поттикнување континуирана едукација и споделување искуства во рамките на стручната заедница, веруваме дека Првата меѓународна конференција за Цефиксим, поддржана од „Алкалоид“, ќе даде уште поголем придонес во рационалната употреба на антибиотиците, како и во намалувањето на растечкиот тренд на антимикробна резистенција на глобално ниво. Коментари коментари...
ДСЗИ: Од понеделник во градинка деца со три дози вакцини против пертусис
Само Здравје - пред 13 дена
Директорката на Државниот санитарен здравствен инспекторат Рената Младеновска најави дека денеска ќе и биде донесена новата одлука со дообјаснувањето од Комисијата за заразни болести со што ќе се овозможи од понеделник во градинките да се примаат деца кои ја имаат комплетирано вакцинацијата со три дози против пертусис. ДСЗИ неделава изврши стотина вонредни инспкциски надзори низ градинки во кои, како што рече, е утврдено дека се почитува решението за забрана за прием на целосно или делумно вакцинирани деца. Во однос на значително повисокиот процент на вакцинирани деца во внатрешноста од над 95 проценти, наспроти во Скопје каде 50 отсто не се вакцинирани, Младеновска оцени дека родителите во другите градови во внатрешноста се поодговорни. Младеновска најави дека ДСЗИ ќе продолжи со инспекциите и во наредниот период. Комисијата за заразни болести вчера препорача децата кои примиле три дози на ДиТеПер вакцината да може да посетуваат градинка, но под услов да се ревакцинираат за шест месеци. Коментари коментари...
Состојбата со големата кашлица не е стабилна, се очекуваат построги мерки
Само Здравје - пред 13 дена
Претседателот на КЗБ Александар Петличковски изјави дека состојбата со големата кашлица не е стабилна. Тој додава дека причините за ваквата состојба е поради неодговорноста на граѓаните и слабата имунизација. Следниве денови се очекува КЗБ да предложи и построги мерки, зависно од состојбата со епидемијата. „Состојбата не е добра не е стабилна, а во оваа состојба сме се довеле порано неодговорното однесување на многу граѓани.Оној податок од 50 проценти вакцинирани деца во градинките е поразителен за државава“ рече Пеличковски Од комисијата велат дека ќе апелираат до градинките да вршат интензивна контрола на картоните како и контрола за вакцината против сипаници, за да се спречи евентуално ширење на сипаници. Според КЗБ вакцината против сипаници моѓе да ја прими секое дете кое ќе се ревакцинира со Дитепер на возраст од 18 месеци. Нема никаков проблем да се примат двете вакцини одеднаш. Коментари коментари...
Комисијата одлучи: Еве кои деца може да одат во градинка
Само Здравје - пред 14 дена
Состојбата со големата кашлица не е стабилна, и ако се продолжи со невакцинација на децата, возрасните ќе бидат донесени во ризик. Мора да се почитува календарот на имунизација, велат од комисијата за заразни болести. Новата препорака од Комисијата за заразни болести е дека без разлика на возраста на детето, ако примило вакцинација од три дози на дитепер, може да оди во градинка, но во наредните шест месеци, мора да биде ревакцинирано. „Состојбата не е добра и не е стабилна, а во оваа состојба сме се довеле поради долги години наназад неодговорно однесување на граѓаните. Поразителен податок за државата е податокот за 50 отсто невакцинирани деца. Имаме научна поткрепа дека имунизацијата со трите дози помага. Ние сме пред прагот на нов пожар. Можно е следните недели да излеземе со построги епидемиолошки мерки, зависно од комисијата“, рече Петличковски. Коментари коментари...
Собранието го донесе Законот за правда за децата
Само Здравје - пред 14 дена
Собранието го донесе Законот за правда за децата, соопшти Министерството за правда. Основна цел на законот чиј предлагач е Министерството за правда е остварување на најдобриот интерес на детето. Изработката на овој Закон беше инклузивен при што учествува сите субјекти во системот на правда за децата, УНИЦЕФ и невладините организации. Со него се врши усогласување со директивите на ЕУ што се однесуваат на процедурална заштита на децата кои се осомничени или обвинети во кривичната постапка и за утврдување минимални стандарди за правата, поддршката и заштитата на жртвите на криминал; Се овозможува воедначување на системот на правна помош спрема дете во сите одредби на Предлог на Законот; Зајакнување на заштитата на децата жртви и сведоци во кривичната постапка; Внесување процедурални одредби во однос на текот на судската постапка спрема дете и главниот претрес; Зајакнување на механизмите за превенција на детското престапништво на локално и централно ниво, како и институционално, материјално и функционално зајакнување на Државниот совет за превенција на детското престапништво. Основна карактеристика на Законот за правда за децата е воведувањето и уредувањето на ресторативна правда односно вонсудските постапки за дејствие на дете што со закон е предвидено како кривично дело или прекршок. Значајна новина со овој закон е уредување на правото на обештетување на дете жртва. Согласно став 1 од член 151 од овој закон, се утврдува дека заради обесштетување на дете кое е жртва или е оштетено со дејствие кое со закон е предвидено како кривичнo делo на насилство и на други акти на индивидуално или групно насилство, се издвојуваат средства во рамките на буџетот на Министерството за правда. Коментари коментари...
Повторно изведена мултиорганска трансплантација: Пациенти добија срце, црн дроб и бубрези
Само Здравје - пред 14 дена
Четворица пациенти добија органи од починат донор. Министерството за здравство соопшти дека вчера е направена уште една мултиорганска трансплантација на органи, а еден пациент добил срце, други црн дроб, а двајца пациенти добиле бубрези. Во наредните денови пациенти на Универзитетската клиника за ортопедија ќе имаат шанса да добијат и коскени ткива. Министерот Демири му се заблагодари на семејството на донорот кои спасија најмалку четири животи. „По добиената согласност во вторникот, вчера во раните утрински часови започнаа трансплантациите на срце, црн дроб, бубрези и коскени ткива. Упатувам огромна благодарност до семејството на донорот кои повторно не потсетија на важноста, на емпатијата и на хуманоста и во најтешките моменти од животот. Нивната одлука денес значи нов живот за некого, од вчера спасуваме најмалку 4 животи. Дарувањето органи е највисокиот чин на алтруизам кои сите нас не прави подобри луѓе спасувајќи човечки животи. Голема благодарност и до сите медицински тимови кои овие 48 часа работат со пациентите и се грижат за нивното здравје“, истакнува Демири. Од 2020 година досега трансплантирани се 11 срца, 4 црни дроба, 38 бубрези и 24 коскено ткива, вкупно 77 органи што живот значат. Коментари коментари...
По Македонија и Хрватска чоколадата „Милка Орео“ повлечена и од БиХ
Само Здравје - пред 16 дена
Инспекторатот за храна при Сојузната управа за инспекциски работи во Босна и Херцеговина денеска повлече од продажба 33 парчиња чоколада „Милка Орео“ поради присуство на пластика. Управата соопшти дека откако Агенцијата за безбедност на храна на Босна и Херцеговина известила за пластични парчиња во 37 грама млечно чоколадо „Милка Орео“ со рок на траење до 18 август, инспекторите за храна извршиле контроли. Федералната агенција за инспекција на храна најави дека ќе ги преземе сите законски мерки против одговорните. Производот претходно беше повлечен и од Македонија и Хрватска. Македонската Агенција за храна, минатата недела информира дека од продавниците се повлекува чоколада „милка орео“ од 37 грама поради присуство на парчиња пластика. Производот е со сериски број OSK0934652 и со рок на употреба до 18 август 2024 година. Чоколадата е произведена во „Монделез Полска продакшн“, а увозник е операторот со храна „ТД Нелт“ Коментари коментари...
Младеновска: Скоро 50 отсто од децата во градинките во Скопје не се вакцинирани со ДиТеПер
Само Здравје - пред 16 дена
Скоро 50 отсто од децата во градинките во Скопје се невакцинирани или се делумно против пертусис, а во внатрешноста над 95 отсто од дечињата се вакцинирани, информираше денеска директорката на Државниот санитарен здравствен инспекторат Рената Младеновска. ДСЗИ, како што рече, ги контролира и приватните градинки. Фактот што околу 50 отсто од децата се невакцинирани или нецелосно, како што оцени, е поразувачки. Податоците се од списоците што биле доставени вчера до ДСЗИ од градинките, а акцијата ќе продолжи. Од вчера ДСЗИ врши надзори низ градинките и издава решение за забрана за примање деца кои се невакцинирани или нецелосно против пертусис. -Директорите ни дадоа уверување дека ќе ја почитуваат, а за тоа ќе провериме во текот на денов и во наредните денови, рече Младеновска. Мајка на шестгодишно дете од општината Карпош за МИА изјави дека утрово од градинка во оваа скопска општина, биле враќани деца кои не биле целосно вакцинирани против пертусис (голема кашлица). Коментари коментари...
Невакцинирани деца со ДТП од денеска нема да се примаат во градинките
Само Здравје - пред 17 дена
Од денеска Државниот санитарен и здравствен инспекторат (ДСЗИ) ќе почне со вонредни инспекциски надзори и издавање решенија за забрана на прием на деца во градинките кои не се целосно имунизирани со вакцината ДТП против голема кашлица. Ова во петокот го најавија од ДСЗИ откако ја добиле одлуката од министерот за здравство Илир Демири, врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи, кои не се имунизирани, или се нецелосно имунизирани со ДТП. – Вонредните инспекциски надзори ќе започнат во понеделник, 11 март, со издавање решение за забрана на прием на деца, кои не се имунизирани или се нецелосно имунизирани со ДТП, како и други наложени епидемиски мерки, појаснуваат од ДСЗИ. Исто така, додаваат оттаму, ќе се задолжат одговорните лица во предучилишните установи да изготват список на сите невакцинирани деца со ДТП. – Да не се примаат деца со други инфективни заболувања, како и за секое зголемено отсуство да биде известен Центарот за јавно здравје – Скопје, истакнуваат од Инспекторатот. Коментари коментари...
ДСЗИ: Забрана за невакцинирани деца во градинките од понеделник
Само Здравје - пред 20 дена
Државниот санитарен и здравствен инспекторат (ДСЗИ) денеска ја доби одлуката од министерот за здравство, врз основа на препораките од Комисијата за заразни болести, да изврши вонредни инспекциски надзори и забрани прием на деца во предучилишни установи, кои не се имунизирани, или се нецелосно имунизирани со ДТП, информираат попладнево од Инспекторатот. – Вонредните инспекциски надзори ќе започнат во понеделник, 11 март, со издавање решение за забрана на прием на деца, кои не се имунизирани или се нецелосно имунизирани со ДТП, како и други наложени епидемиски мерки, појаснуваат од ДСЗИ. Исто така, додаваат оттаму, ќе се задолжат одговорните лица во предучилишните установи да изготват список на сите невакцинирани деца со ДТП. – Да не се примаат деца со други инфективни заболувања, како и за секое зголемено отсуство да биде известен Центарот за јавно здравје – Скопје, истакнуваат од Инспекторатот. Коментари коментари...
Лекарите дефинираа нов орган во човечкото тело
Само Здравје - пред 22 дена
Аортата, главната и најголемата крвна артерија, која носи крв од срцето до остатокот од телото, доби посебна чест во медицинскиот свет – таа е препознаена како посебен човечки орган. Тоа е голем чекор, изјави Мартин Черни од Универзитетската болница во Фрајбург во Германија. Препознавањето на аортата како орган ја става на исто ниво со другите органи, срцето, белите дробови и мозокот. Новиот статус на органот важи во земјите на Европската унија и во САД, откако како таков беше дефиниран во упатствата на Европската асоцијација за кардиоторакална хирургија (EACTS) и Американското здружение на торакални хирурзи (STS). . Оваа одлука ќе направи разлика и за пациентите, бидејќи клиничкиот процес за многу од нив кои се лекуваат од аортна болест веројатно ќе биде различен и пооптимален од сега па натаму. Досега беше вообичаено болестите на аортата да се третираат или во кардиохирургија или во васкуларна хирургија, во зависност од видот и локацијата. Новите упатства јасно препорачуваат третирање на аортата како посебна медицинска област. Треба да се поврзе со други слични области на медицината, објасни Черни, директор на болница за кардиоваскуларна хирургија во Германија. -Сето тоа ќе го подобри лекувањето на руптури на аортата и други сериозни болести, изјави Черни. Аортата е одговорна за транспорт на крв богата со кислород од срцето до телото. Овој голем крвен сад е најголемата артерија во телото и се протега од левата комора до садовите во карличната област. Исто така, има значајна улога во регулирањето на крвниот притисок и брзината на протокот на крв. Коментари коментари...
МЗ ги прифати препораките од Комисијата за заразни болести за голема кашлица, ДСЗИ ќе врши контроли
Само Здравје - пред 22 дена
Министерството за здравство попладнево информираше дека ги прифаќа препораките на Комисијата за заразни болести за спречување на ширењето на голема кашлица. Во соопштението се наведува дека министерот Илир Демири ќе донесе одлука со која на Државниот санитарен и здравствен инспекторат (ДСЗИ) ќе му наложи да постапува согласно законските надлежности предвидени со Закон за заштита на населението од заразни болести, како и да врши вонредни инспекциски надзори, односно увид во вакциналните потврди обезбедени од вакциналните пунктови за примена вакцина против голема кашлица. – Министерството за здравство апелира до родителите дека најдобар начин за превенција на голема кашлица е вакцинацијата, затоа треба да ги вакцинираат своите деца, се вели во соопштението. Директорката на Државниот санитарен и здравствен инспекторат (ДСЗИ) Рената Младеновска денеска изјави дека ќе забранат посета во градинки на деца кои немаат примено ДТП вакцина, само доколку препораката на Комисијата за заразни болести биде прифатена и со одлука, а Министерството за здравство му наложи на Инспекторатот да врши вонредни инспекциски надзори заради увид во вакциналните потврди обезбедени од вакциналните пунктови за примена ДТП вакцина. Комисијата за заразни болести вчера одржа состанок на кој меѓу другото препорача да се засили инспекцискиот надзор на Државниот санитарен и здравствен инспекторат за да се види состојбата во градинките со вакцинирани и невакцинирани деца, да се овозможи тестирање за пертусис низ целата држава од центрите за јавно здравје, како и задолжителна дигитална евиденција за вакцинација на децата во вакциналните пунктови. Комисијата препорача вакцинирање и на возрасни, а според информацијата од Комитетот за имунизација на 15 март се очекува да пристигнат првите вакцини коишто ќе бидат наменети за возрасни. Вакцинацијата против голема кашлица во земјава се спроведува со комбинирани вакцини: Hexaxim (DTaP-IPV-Hib-HepB), Pentaxim (DTaP-IPV-Hib) и Tetraxim (DTaP-IPV). Според Календарот за имунизација, првата доза на вакцина се дава на деца на возраст со навршени два месеца, втората доза на возраст од четири месеци и третата доза на возраст од шест месеци. Првата ревакцинација се врши една година по комплетирањето на примарна вакцинација, на 18-месечна возраст. Втората ревакцина се дава во второ одделение, односно на 7-годишна возраст. Коментари коментари...
Од 2030 година ЕУ ќе забрани пластична амбалажа во рестораните
Само Здравје - пред 22 дена
ЕУ постигна договор за забрана на пластична амбалажа за храна и контејнери за еднократна употреба во угостителството до 2030 година, пренесува Бета-Франс прес. Сè уште ќе биде дозволено пакување од хартија или картон. Европратениците се согласија за клучниот текст на Зелениот пакт, кој ја поставува целта да се намали количината на отпад од сите видови пакувања во ЕУ за пет отсто од 2018 до 2030 година, потоа за 10 отсто до 2035 година и за 15 отсто до 2040 година, пренесува медиумот. Исто така, забрането е додавање на полифлуороалкилни супстанции (PFAS), кои се штетни „вечни загадувачи“, во пакувањето на храната. Коментари коментари...
ДСЗИ со решение за забрана на ПЗУ Санте Плус 2 во Гостивар поради немање дозвола за вршење здравствена дејност
Само Здравје - пред 23 дена
Државниот санитарен и здравствен инспекторат (ДСЗИ) издаде решение за забрана за вршење на здравствена дејност на ПЗУ Санте Плус 2 – поликлиника на примано ниво, во просторијата лоцирана на улица „Илинденска” бб во Гостивар, бидејќи нема решение за дозвола за вршење на здравствена дејност издадена од Министерство за здравство. Како што посочуваат од ДСЗИ, решението било донесено врз основа на констатираната состојба, согласно Законот за здравствена заштита. – На ден 28 февруари 2024 година, ДСЗИ ПО Гостивар изврши вонреден инспекциски надзор по поднесена писмена преставка од страна на д-р. А. И. Во претставката се наведени нерегуларности кои се однесуваат на условите во просторија во кои се врши здравствена дејност. При надзорот извршен е увид во просторијата, сопственост на Бехтел Енка. Во просторијата со вкупна површина од 13м2, означена како амбуланта, се врши здравствена дејност, соопштија од Инспекторатот. Во моментот на надзорот затекната била медицинска опрема, лекови, потрошен медицински материјал и медицински отпад од извршени медицински интервенции, инфузии, шприцеви. – При надзорот беше присутно одговорното лице во Бехтел Енка М. К. кој изјави дека Бехтел Енка УК2 Лимитед има склучено договор со ПЗУ САНТЕ ПЛУС 2“Скопје – Поликлиника на примано ниво, за обезбедување на здравствени работници и здравствени услуги за потребите на Бехтел и Енка. Даден е на увид договорот со ПЗУ Санте Плус 2 – поликлиника на примано ниво, во кој се наведени здравствени услуги кои ПЗУ САНТЕ ПЛУС 2“Скопје треба да ги реализира за потребите на Бехтел и Енка. При надзорот дадена е на увид и диплома за завршен Медицински факултет при Државен универзитет Тетово за д-р Ќ.Б. и М1/М2 образец за заснован работен однос за медицинска сетра во ПЗУ САНТЕ ПЛУС 2“Скопје. По изјава на присутното лице д-р Ќ.Б. исто така е вработен во ПЗУ САНТЕ ПЛУС 2“Скопје, појаснија од Инспекторатот. Тимот секојдневно доѓал во посочената просторија и пружал здравствени услуги на вработените во Бехтел и Енка. – На 26 февруари 2024 година ДСЗИ го извести одговорното лице во ПЗУ САНТЕ ПЛУС 2“Скопје С.А. да биде присутна на надзорот и да достави потребна документација, но таа не присуствуваше на надзорот, се вели во соопштението од Инспекторатот. Коментари коментари...
Во Скопје 120 случаи на голема кашлица, утре ќе заседава Комисијата за заразни болести
Само Здравје - пред 24 дена
Од почетокот на годината, заклучно со петок, 1 март, вкупно 120 случаи на голема кашлица се регистрирани на територија на Скопје, изјави денеска за МИА доктор Лулзиме Бајрами од Центарот за јавно здравје. На Универзитетска Клиника за детски болести во главниот град, моментално има само едно дете со голема кашлица. Станува збор за доенче од Куманово, примено на скопската Детска клиника во петокот, а неговата здравствена состојба е стабилна, потврди за МИА професор Светлана Кочева од Клиниката за детски болести. Комисијата за заразни болести ќе има состанок утре од 12 часот, ќе се расправа за состојбите во државата, а меѓу темите се и големата кашлица и грипот. Информацијата за МИА ја потврди портпаролот на Комисијата, Злате Мехмедовиќ. Во последниот извештај на Институтот за јавно здравје за големата кашлица, се наведува дека согласно препораките од Комисијата за заразни болести и Институтот, во периодот од 18 јануари досега, сите вакциналните пунктови во земјата, во соработка со епидемиолошките служби од ЦЈЗ, вршат интензна проверка на неевидентирани, невакцинирани и некомплетно вакцинирани лица, како и на лицата кои подлежат на редовна вакцинација, со цел нивно повикување и вакцинирање согласно националниот Календар за имунизација. На 28 февруари, министерот за труд и социјална политика во техничката Влада, Ѓоко Велковски изјави дека при контролите за вакцинација во градинките, поради епидемијата со голема кашлица, не се констатирани прекршоци. – Ги зголемивме, како што и ветив и пред една недела, контролите, инспекторите се на терен. Имаме записници добиено по основ на самите инспекциски надзори. Досега не се констатирани прекршувања, односно во самите решенија коишто се доставени од инспекторите нема прекршување на делот каде што градинките не го почитуваат законскиот момент за прием на деца кои немаат вакцинални картони, односно се здрави. Така што, има контроли, на терен се инспекторите, сме во постојана координација и се надевам дека ќе придонесеме да не се рашири повеќе оваа болест, нагласи техничкиот министер за труд и социјална политика. На 15 февруари, министерот за здравство во техничката Влада, Илир Демири беше прашан за неговиот став за состојбата со пертусисот. Според него, не би требало да се вратат во градинка, децата кои се невакцинирани. – Прво треба да се вакцинираат, па после да се вратат. Мислам дека тоа беше еден од критериумите и препорака од Комисијата за заразни болести. Сите деца кои се вакцинирани треба да одат во градинка. Тие кои не се вакцинирани, треба да ги прашате нивните родители како ќе го организираат чувањето на детето, одговори Демири на новинарско прашање. Коментари коментари...
АЛКАЛОИД со раст на консолидираните продажби од 16 %, инвестиции од 28,3 милиони евра и со 232 нови вработувања во земјава во периодот јануари – декември 2023 г.
Само Здравје - пред 29 дена
Приходи од продажби Според единечниот биланс на успех, во периодот јануари – декември 2023 година продажбите достигнуваат 12.261.902.275 денари, што е за 16 % повеќе во споредба со истиот период од минатата година. Вкупните консолидирани продажби, пак, достигнуваат 16.512.977.886 денари, што е за 16 % повеќе во споредба со истиот период од минатата година. Продажби според региони Консолидираните продажби остварени на домашниот пазар се зголемени за 13 %, а вкупниот консолидиран извоз на компанијата е зголемен за 17 %. Од вкупните консолидирани продажби 31 % се остварени на домашниот пазар, додека, пак, 69 % се остварени на странските пазари. Гледано според региони, во земјите од Југоисточна Европа се остварени 29 %, во земјите од Западна Европа (ЕУ и ЕФТА) се остварени 22 %, во земјите од Источна Европа (ЗНД, УКР…) се остварени 17 %, а на другите пазари е остварен 1 % од вкупните консолидирани продажби. Најголем пораст кај поголемите извозни пазари, во споредба минатата година, бележат продажбите остварени во Канада, кои се зголемени за 62-пати; потоа во Италија, каде што се зголемени за 35-пати; во Јужна Африка за 5-пати; во Чиле повеќе од 4-пати, како и во Чешка и во Велика Британија, каде што се зголемени за повеќе од двапати. Потоа следуваат оние во Монголија (раст од 87 %), во Ерменија (раст од 69 %), Романија (раст од 66 %), Албанија (раст од 33 %), Украина (раст 26 %), во Бугарија (раст од 15 %), Хрватска (раст од 13 %), Босна и Херцеговина (раст од 11 %), во Србија (раст од 9 %) итн. Продажби според групи производи Гледано според групи производи, во структурата на вкупните консолидирани продажби најголемо учество заземаат производите од сегментот фармација, и тоа 90 %. Од нив поголем удел имаат антибиотиците со 27 %, препаратите ОТЦ со 19 %, невролошките препарати со 12 %, кардиолошките препарати со 12 % од вкупните консолидирани продажби итн. Сегментот хемија, козметика и билкарство учествува со 10 % во вкупните консолидирани продажби, поточно хемија учествува со 2 %, козметика со 7 %, а билкарство учествува со 1 %. Вкупните продажби бележат пораст кај профитните центри фармација и козметика во споредба со остварените во истиот период од 2022 година. Сегментот фармација бележи раст од 18 %, а козметика раст од 10 %. Инвестиции Вкупните инвестиции во основни средства во периодот јануари – декември 2023 година изнесуваат 1.741.561.257 денари и во споредба со остварените во истиот период од 2022 година бележат раст од 18 %. Ваквото зголемување на инвестициите се должи на најголемиот инвестициски проект на АЛКАЛОИД во последните 20 години – новото производствено одделение за производство на цврсти форми 2 – со кој се зголемуваат капацитетите за производство на цврсти форми за повеќе од двапати. Резултати од работењето Единечната добивка пред финансиските трошоци, даноците и пред амортизацијата (ЕБИТДА), која изнесува 2.572.485.548 денари, бележи зголемување од околу 8 %, додека, пак, единечната нето-добивка изнесува 1.520.546.813 денари и е зголемена исто така за 8 %. Консолидираната добивка пред финансиските трошоци, даноците и пред амортизацијата (ЕБИТДА) достигна 2.750.020.561 денари и бележи раст од 8 %, додека, пак, консолидираната нето-добивка во износ од 1.576.864.006 денари е зголемена исто така за 8 %. При извршувањето на оперативните активности АЛКАЛОИД АД Скопје ангажираше повеќе од 1.000 домашни добавувачи. Вработени Во периодот јануари – декември 2023 година во АЛКАЛОИД АД Скопје се реализирани 232 нови вработувања во РС Македонија. Со одлука на Управниот одбор на АЛКАЛОИД АД Скопје, во март 2023 година е одобрен и исплатен регрес за користење годишен одмор за вработените во компанијата, во висина на нето-износот од 36.500 денари. Во декември 2023 Управниот одбор по повод новогодишните и божиќни празници, одобри исплата на новогодишен надоместок за вработените во нето-износ од 34.000 денари. Групацијата АЛКАЛОИД брои 2.843 вработени, од кои 2.155 се во земјава, а 688 се вработени во капитално поврзаните друштва во странство. Податоци за акциите Акциите на АЛКАЛОИД АД Скопје котираат на официјалниот пазар на Македонската берза за хартии од вредност од 2002 година и важат за едни од најтргуваните и најликвидните акции на Берзата. Цената на акцијата во периодот јануари – декември 2023 година се движеше од 17.199,00 до 18.500,00 денари или просечно 17.781,93 денари за една акција. На 31.12.2023 година акциите на АЛКАЛОИД АД Скопје беа во сопственост на 5.487 акционери, физички и правни лица, a пазарната капитализација на компанијата изнесуваше речиси 26 милијарди денари. На 3 април 2023 година, на Годишното собрание на акционерите, е одобрена пресметка и исплата на бруто-дивиденда за 2022 година, во износ од 701.363 илјади денари. Во согласност со дивидендниот календар, во мај 2023 година започна исплатата на дивидендата во износ од 490 денари бруто, односно 441 денар нето за една акција. Исплатената дивиденда по акција за 2022 година е поголема за 11,36% во однос на исплатената дивиденда по акција за 2021 година. Бизнис-план за 2024 година Бизнис-планот за 2024 година, донесен со одлука на Управниот одбор на АЛКАЛОИД АД Скопје, на Седницата одржана на 27.12.2023 година, предвидува инвестирање на околу 10% од консолидираните приходи од продажби во материјални и во нематеријални средства, раст од 10% на консолидираните продажби во однос на реализираните во 2023 година, како и раст од 7% на консолидираниот профит пред оданочување во однос на 2023 година. Бизнис-планот за 2024 година е базиран на очекувањата, проекциите и на можностите на тековните и на новите пазари и производи, достапни за компанијата во моментот на изготвување на планот. Околностите и настаните во 2024 година, а со тоа и остварените резултати, може да варираат од прикажаните во Бизнис-планот. Очекувања за претстојниот период Трендот на работење во отежнати економски услови кои беа актуелни во изминатите неколку години сосема е извесно дека ќе продолжи и во 2024 година. Доминанти предизвици беа инфлацијата и порастот на каматните стапки кои сепак, според сите очекувања, би требало да влезат во зоната на стагнација а можеби и благо опаѓање. Секако безбедносните глобални кризи го отежнуваат економскиот амбиент и предвидливоста што секогаш може да повлијае и на цените на енергенсите, да создаде потешкотии кај ланците на испораки но и да повлијае на достапноста на одредени материјали. Очекуваме во 2024 година да продолжиме по патеката на континуираниот раст базиран на можностите од нашите тековни инвестиции во новите производни капацитети и опреми и вложувањата во развојно-истражувачките проекти, на тој начин создавајќи конкурентно портфолио и можности за ширење на пазарите. За остварување на овие цели ќе продолжиме и со нови вработувања во земјава но и на странските пазари, притоа континуирано вложувајќи во подигнување и усовршување на нивото на знаења и вештини на нашите вработени и градење на таленти. Коментари коментари...
Два нови случаи на пертусис во Куманово
Само Здравје - пред 31 дена
Четириесетгодишен жител на Крива Паланка и петгодишно дете од Куманово се новорегистрирани заболени од пертусис во Центарот за јавно здравје Куманово, информираа денеска надлежните од установата. Возрасниот пациент е регистриран на 23-ти февруари, додека петгодишното дете е пријавено на 16-ти февруари годинава. – Потврден е во Институт за јавно здравје, не е хоспитализиран, на домашно лекување е, изјави доктор Едита Рамизи, од ЦЈЗ Куманово. Четириесетгодишниот маж е целосно вакциниран со сите примени дози на вакцината. Детето на петгодишна возраст е лабораториски случај потврден во приватна лабораторија. Момчето, како што соопшти докторката, не е вакцинирано и не посетува градинка. Тоа е на домашно лекување со терапија. Центарот за јавно здравје претходно соопшти дека има три случаи на деца со пертусис. Три деца од Куманово, две од исто семејство на четиригодишна возраст и 13 месеци и уште едно 18 месечно дете, беа заболени од пертусис до 9 -ти февруари годинава. Сите беа лабораториски потврдени случаи, невакцинирани и не посетуваат градинка. Претходно, од Здравствен дом Куманово информираа дека расте интересот за вакцинација. Родителите кои досега од различни причини не ги вакцинирале децата, сега ги носат во здравствените пунктови – Со зголемување на бројот на заболени од пертусис почна да се зголемува бројот на вакцинирани деца. Родителите ја забораваат ревакцината, бидејќи следува после примање на МРП вакцината. Сметам дека секој ја има видено видеоснимката од бебето кое не може да земе здив од болеста, така што и сега родителите се поисплашени, доаѓаат да ги вакцинираат бебињата и поголемите деца. За жал, имаме деца на четиригодишна возраст со ниту една примена доза, што е загрижувачки, изјави д-Валентина Богоевска-Димитриевска од диспанзер Куманово. И од двете јавни установи апелираа родителите да ги вакцинираат децата за да не се враќаат заборавените болести во регионот и државата. Коментари коментари...
Вкупно 57 случаи на голема кашлица во Скопје, засега нема мали сипаници
Само Здравје - пред 34 дена
Во Скопје се евидентирани вкупно 57 случаи на голема кашлица сезонава, нема регистрирано мали сипаници, овие податоци се заклучно со 22 февруари, потврди за МИА, доктор Лулзиме Бајрами од Центарот за јавно здравје. Дека е зголемен интересот за вакцинација против пертусис, народски позната како голема или магарешка кашлица, потврди вчера заменик министерката за здравство во техничката Влада, Маја Манолева, по посетата на поликлиниката „Јане Сандански“ во Скопје. – Добрата вест е дека е зголемен интересот за вакцинација, а тоа го покажуваат и бројките. За период од 01.01-08.02.2024 година имало 669 вакцинирани деца од предучилишна возраст, во следниот период, односно од 09.02 – 21.02.2024 година се вкупно вакцинирани 872 деца. Исто така, комплетно вакцинирани со пертусис на училишна возраст во периодот од 01.01-08.02.2024 година биле 127 деца, а во следниот период – 264 деца, информираше Манолева. Заменик министерката уште еднаш ги повика родителите да ги вакцинираат нивните деца, зашто, како што подвлече, тоа е единствената безбедна превенција и најдобра заштита од ова заболување. На вакцинација на 15 февруари повика и новиот министер за здравство во техничката Влада, Илир Демири, кој беше прашан за неговиот став за состојбата со пертусисот. Според Демири, не би требало да се вратат во градинка, децата кои се невакцинирани. – Прво треба да се вакцинираат, па после да се вратат. Мислам дека тоа беше еден од критериумите и препорака од Комисијата за заразни болести. Сите деца кои се вакцинирани треба да одат во градинка. Тие кои не се вакцинирани, треба да ги прашате нивните родители како ќе го организираат чувањето на детето, одговори Демири на новинарско прашање. Коментари коментари...
Фондот за здравство го одбил барањето на Леонид за лекување во странство иако тој веќе две недели е во Виена
Само Здравје - пред 37 дена
Откако младиот Леонид со специјален хеликоптер беше пренесен во Виена на лекување, Фондот за здравство го одбил неговото барање за лекување во странство. Оваа информација денеска ја соопшти заменик народниот правобранител, Јован Андоновски, велејќи дека државата си игра со човечки живот. -Откако претставници на државни институции се испофалија дека младиот Леонид е транспортиран со специјализираниот хеликоптер на лекување во Виена, следува шок за него и семејството. Леонид веќе е неколку недели на лекување во Виена. Фондот за здравство и покрај конзилијарното мислење дека лицето мора да се лекува во странство, носи решение со кое се одбива барањето! При тоа, во решението воопшто не се наведува која установа ја нуди потребната услуга, туку само дека лекувањето е можно во Македонија. Државата си игра со човечки живот. Барам ФЗО да ја преиспита одлуката, вели Андоновски. Инаку, транспортот на Леонид до Виена беше прв од таков вид во државата. Опремата на медихоптерот е донација од Европската Унија, а лекарски тим од „8ми Септември“ го придружуваше 19 годишниот Леонид се до клиниката во Австрија. За Леонид со месеци се собираа средства бидејќи операциите и третманот за ваков вид повреда беа многу скапи. Тој беше опериран во болница во Солун каде беше пренесен веднаш по несреќата. Од повредата не можеше да ги движи рацете и нозете. Леонид Индов е ученик во математичко информатичката гимназија, каде ги развивал своите таленти и вештини во областа на информатиката и истражувањата. Лео има повеќе интернационални успеси а добил и прво место на меѓународен натпревар НАСА за развој на апликации. Коментари коментари...
„Алкалоид“ АД Скопје со историско достигнување во третманот на рефлуксен езофагитис и ГЕРБ – патентиран првиот Омепразол во течна форма во светот
Само Здравје - пред 38 дена
„Алкалоид“ во изминативе години започна процес на редизајнирање на постојни генерички фармацевтски производи за нови индикации, со цел создавање лекови со додадена вредност кои овозможуваат третирање и задоволување на потребите на индивидуални или на специфични групи пациенти. Стратешките инвестиции за модернизација на производственото портфолио доведоа до успешен развој на првиот патентиран лек со додадена вредност на „Алкалоид“, наменет, пред сѐ, за третман на рефлуксен езофагитис и на гастроезофагеална рефлуксна болест (ГЕРБ) кај мали деца кои не можат да голтаат таблети, како и кај возрасни пациенти кои имаат тешкотии со голтањето (пациенти со дисфагија) и неможност за голтање (пациенти со поставени сонди за гастрично хранење и/или геријатриски пациенти). Овие заболувањa се едни од најчестите во гастроентерохепатологијата, а се манифестираат со враќање на желудочната киселина во хранопроводот, што предизвикува нелагодност и можни долгорочни компликации. Лекови од прв избор во третманот на рефлуксен езофагитис и на ГЕРБ се т.н. инхибитори на протонска пумпа, група во која спаѓа и Омепразолот, кои најчесто се достапни во форма на гастрорезистентни таблети и капсули, како и на прашок за растворање. За првпат во историјата, од „Алкалоид“, е развиена течна форма на лекот Омепразол, готов за употреба. Иновативноста на овој нов производ на „Алкалоид“ се базира на два посебни раствори содржани во двокоморското пакување, кое при отворањето автоматски ги меша двата раствора и така се добива готовиот течен Омперазол за употреба. Производот има пријатен вкус на лимон и ментол и не содржи шеќер, сорбитол и бои. За да се задоволат специфичните барања во процесот на производство на овој лек, компанијата инвестираше во наменски изработена машина соодветна за овој иновативен производ, осигурувајќи ефикасен и одржлив синџир на негова испорака низ светот. За пероралниот раствор Омепразол „Алкалоид“ го доби првиот интернационален патент за лек со додадена вредност (Value Added Medicine – VAM), а првите одобренија за ставање во промет на овој иновативен лек веќе се доделени за македонскиот пазар и за пазарот во Обединетото Кралство. Во тек се регистрациските постапки за земјите во Европа и за пазарите на Европската Унија, при што се очекува добивање одобренија за ставање на лекот во промет и негово последователно лансирање. Овој производ ја потенцира посветеноста на „Алкалоид“ на врвни достигнувања во сферата на фармацијата и претставува новина во генеричкото производство на лекови преку иновативност, пазарна диференцијација и преку третман на специфични групи пациенти. Во моментов во развојните лаборатории на компанијата се работи на уште неколку иновативни формулации. Коментари коментари...
Вкупно 20 случаи на голема кашлица во Скопје, зголемен и интересот за вакцинација со Ди-Те-Пер
Само Здравје - пред 48 дена
Вкупно 20 случаи на пертусис, или народски кажано голема или магарешка кашлица, се евидентирани на територија на Скопје до овој момент, потврди за МИА, доктор Лулзиме Бајрами од Центарот за јавно здравје. Но, таа нагласи дека бројот се менува од час во час. Претходно денеска, во Вакциналниот пункт „Букурешт“ во Скопје информираа дека зголемен е интересот за вакцинирање по зголемениот број случаи со голема кашлица, а најавено е и двосменско работење и работа во сабота. – Од утрово до 11 часот имавме околу 60 дечиња вакцинирано. Ако вообичаено бројките на дневно ниво ни се меѓу 20 и 30, денеска и тоа засега, бројката ни е двојно поголема. Тука е нели стравот на родителите, но и мерката за забрана во градинките за невакцинираните, изјави Сања Цилевска Младеновска, доктор педијатар. Деновиве заседаваше и Комисијата за заразни болести и донесе препорака за прогласување епидемија на голема кашлица во Скопје. Здравствените власти периодов апелираат до граѓаните да се вакцинираат и себеси и најмладите, со цел да се заштитат од пертусис. Како што нагласуваат, вакцината која се прима на 2,4,6,18 месеци и на 7 години е клучна за да се спречи понатамошно ширење на болеста. – Од Комисијата за заразни болести има заклучоци и истите треба да бидат одобрени на владина седница. И во закон стои дека секое дете, кое што нема примено одредена вакцина, не ќе може да биде дел од системот на детска заштита. Ќе ги провериме градинките и нашите инспекциски служби ќе видат каде треба да интервенираме, за тоа да биде пракса и за да го спречиме ширењето на оваа епидемија, барем во Скопје, како жариште во овој момент, изјави вчера министерот за труд и социјална политика во техничката Влада, Ѓоко Велковски. Министерот за здравство во техничката Влада, Фатмир Меџити вчера рече дека препораката од Комисијата за заразни болести за забрана за прием на невакцинирани деца во градинките треба да се сфати во позитивен контекст. – Ова не е дека е некоја забрана или сакаме некого да казниме. Ова е тоа што сакаме да ги стимулираме, сакаме нивните деца да бидат здрави и живи, да имаме подобра иднина како држава. Апелирам до сите родители, ве молам, вакцините заштитуваат живот, подвлече Меџити, кажувајќи дека ќе го потпише документот за прогласување епидемија. Во државава има хоспитализирани деца, но и возрасни со пертусис. Надлежните сепак велат оти кај нас состојбата е стабилна и за разлика од други држави во регионот, за среќа немаме смртни случаи. Коментари коментари...
Четири нови случаи на Голема кашлица во земјава: Вкупниот број достигна 22
Само Здравје - пред 49 дена
Четири нови случаи на голема кашлица се евидентирани во земјава, со што бројот се зголеми на вкупно 22 од почетокот на годината. Информацијата за МИА ја потврди портпаролот на Комисијата за заразни болести, Злате Мехмедовиќ. Комисијата заседаваше вчера и предложи прогласување епидемија на територијата на град Скопје. Во државава има хоспитализирани деца, но и возрасни со пертусис или народски кажано, голема или магарешка кашлица. Надлежните сепак велат оти кај нас состојбата е стабилна и за разлика од други држави во регионот немаме смртни случаи Коментари коментари...
Петличковски: Предложивме да се прогласи епидемија на голема кашлица на територија на Скопје
Само Здравје - пред 50 дена
Со оглед на последните бројки, 18 потврдени случаи со голема кашлица и имајќи предвид дека во изминатите денови овој број расте, особено на територија на град Скопје каде што се потврдени 14 случаи, се одлучивме да предложиме да препорачаме прогласување на епидемија за град Скопје, изјави денеска на прес-конференција претседателот на Комисијата за заразни болести Александар Петличковски. -Ова звучи малку страшно, но реално треба да ни олесни во справување со ризикот кој доаѓа со болеста големи кашлици. Во таа насока моментално го подготвуваме, односно очекуваме да излезе подготвено упатство за постапување во услови на епидемија од страна на Институтот за јавно здравје и клучните активности треба да бидат насочени на пополнување на промашените вакцини, рече тој. Посочи дека е незадоволително нивото со опфатот на вакцинација на пертусис. -Значи, тука треба да се фокусираме, да поправиме она што е промашено во изминатиот период. Затоа ќе ги повикуваме сите кои ја пропуштиле вакцинацијата предвидена со редовниот календар. Ќе предложиме да се организира работата на вакциналните пунктови во две смени и дополнително во сабота да се примаат деца за вакцинација, рече тој. Нагласи дека препорачуваат забрана за прием на деца невакцинирани за пертусис во градинки и очекува овие мерки да го поттикнат интересот за вакцинација, бидејќи фокусот е на заштита на најмалите, бидејќи, рече, оваа болест може да биде и е практично тешка, најтешка болест за најмалите. Коментари коментари...
Министерство за здравство: Има доволно количини инсулин во инсулинските аптеки
Само Здравје - пред 50 дена
Министерството за здравство денеска соопшти дека во инсулинските аптеки има доволно количини од лекот „оземпик“ и „рибелсус“ согласно количините од договорот за јавна набавка. Количините од овие два инсулини се испорачуваат тековно и континуирано до инсулинските аптеки. Од Министерството наведуваат дека во врска со инсулинот „Ryzodeg“, од компанијата Ново Нордиск Фарма е добиено известување дека има глобален дефицит на овој лек. -Лекот е достапен во нашата земја, но се добива во количини согласно тендерската постапка. За таа цел, пациентите кои имаат потреба од инсулинска терапија се обезбедени со соодветна замена на инсулин од иста генерика, наведуваат до Министерството потенцирајќи дека сите пациенти ја добиваат потребната инсулинска терапија. Сојуз на здруженија на дијабетичари на Македонија (СЗДМ) претпладнево соопшти дека повторно има недостиг на инсулин и дека од МЗ добиле одговор дека заради реевидирање на количините на Ryzodeg согласно количините предвидени во реалзиација на тековниот тендер, се делат само останати количини по бројка, а дека за сите други пациенти треба да се консултираат со своите специјалисти – еднокринолози/дијабетолози и заеднички направат вистинки избор за замена на инсулинска терапија. Исто така од СЗДМ посочуваат дека се појавува недостиг на терапија Ozeмpik i Rybelsus. Коментари коментари...
Состанок на Комисијата за заразни болести
Само Здравје - пред 50 дена
Комисијата за заразни болести денеска треба да се состане за состојбата со сите заразни заболувања, вклучително и со грипот и големата кашлица. Според податоците од последниот извештај на Институтот за јавно здравје (ИЈЗ), се зголемува бројот на заболени од грип, а во Ресен, Кавадарци и во Кратово има многу висока активност на вирусот на грип. Проценките на надлежните се дека пикот на грипот ќе биде до крајот на месецов. Нови три случаи на голема кашлица се регистрирани во државата, со што бројката се зголеми на вкупно 15 од почетокот на годината. Доктор Кристина Ставридис, епидемиолог од Институтот за јавно здравје, за МИА вчера изјави дека преку системот за следење заразни болести, евидентирани се вкупно 15 случаи од почетокот на годината. Коментари коментари...
Нови три случаи на голема кашлица во државата, вкупно 15 од почетокот на годинава
Само Здравје - пред 51 дена
Нови три случаи на голема кашлица се регистрирани во државата, со што бројката се зголеми на вкупно 15 од почетокот на годината. Доктор Кристина Ставридис, епидемиолог од Институтот за јавно здравје, за МИА изјави дека преку системот за следење заразни болести, евидентирани се вкупно 15 случаи од почетокот на годината. Министерот за здравство Фатмир Меџити, во одговор на новинарски прашања, претходно денеска кажа дека ќе остави на професионалците да одлучуваат какви мерки ќе се преземат понатаму во врска со големата кашлица – Не сум тој кој бара, јас се советувам со сите. На седницата на Комисијата за заразни болести ќе се разгледа каква е состојбата. Таму има врвни професионалци, јас сум невролог. Ќе оставам на професионалците кои се во таа комисија, да се одлучува како понатаму. Но, тоа што ветувам и досега што тврдев, состојбата е под контрола и ние ги надгледуваме сите состојби во здравството, не само за заразни болести. Веќе е месец февруари, ќе им дојде крај и на овие вируси и други состојби што го влошуваат здравјето на пациентите, рече Меџити, прашан дали утре ќе побара од Комисијата за заразни болести да се прогласи епидемија во Скопје. Претседателот на Комисијата за заразни болести, Александар Петличковски, минатиот месец во изјава за МИА рече дека при крајот на февруари се очекува пик на грипот и други слични вируси. Коментари коментари...
Бојмацалиев: Историски прв меѓународен лет за медицински транспорт со хеликоптер на МВР
Само Здравје - пред 51 дена
Утрово, (06.02.2024) дополнителниот заменик министер за внатрешни работи Митко Бојмацалиев заедно со директорот на Бирото за јавна безбедност, Сашо Тасевски и директорот на Градската Општа болница „8-ми Септември” д-р. Христијан Костов присуствуваа на првиот меѓународен реализиран лет во историјата на современата македонска држава со хеликоптер од Одделот за воздухопловни единици при МВР со кој за медицински цели беше транспортирано лице – пациент од Скопје до Виена, Австрија. „Оваа наша хумана мисија не само што ја демонстрира кооперативноста на двете Министерства за внатрешни работи и Министерството за здравство кон подобрување на услугите за граѓаните, туку и го потенцира значењето на интеграцијата на модерните технологии и ресурси во спасувачките и медицинските операции”, истакна Бојамацалиев. Притоа, тој појасни дека употребата на Медикоптерот претставува значаен напредок во националната способност да се пружи итна медицинска помош на тешко достапни места, но и на пациенти на кои им е потребен итен транспорт до други здравствени установи. Во оваа прилика Бојмацалиев упати честитки до вклучените во проектот. „Упатувам честитки до нашите тимови за темелната подготовка и соработка помеѓу МВР и медицинскиот персонал од Градската Општа болница „8-ми Септември”, со што уште еднаш потврдуваме и ги засилуваме нашите капацитети како држава за брза реакција во итни медицински случаи. Дозволете во оваа прилика да изразам благодарност до сите учесници во овој успешен проект, особено до Владата на Република Словенија и словенечкото министерство за внатрешни работи кои во духот на нашето пријателство пред неколку месеци обезбедија дел од оваа значајна медицинска опрема”, рече Бојмацалиев, посакувајќи мирно небо и успешен транспорт. Од страна на директорот на ГОБ „8ми Септември”, д-р Христијан Костов беше истакнато дека во најкраток временски период се докажа подготвеноста и кооперативноста на МВР и МЗ, со цел подобрување на услугите за граѓаните преку обезбедување на медицинска помош на пациенти на кои им е потребен итен транспорт до други здравствени установи. „После интензивни договори, болницата набави и вгради најсовремена медицинска опрема за интензивна нега на пациенти во медикоптерот за итен медицински транспорт. Заедно со Министерството за внатрешни работи ја утврдивме медицинската и безбедносната маршута на движење на медикоптерот, со цел безбедно пристигнување на нашиот пациент во придружба на искусен медицински тим за интензивно лекување до Клиниката во Виена. Пред се’ како здравствено лице и како директор на ГОБ 8ми Септември, упатувам честитки до сите тимови вклучени во проектот за темелната подготовка и соработката помеѓу МВР и медицинскиот персонал од нашата болница, со што уште еднаш потврдуваме и ги засилуваме нашите капацитети како држава за брза реакција во итни медицински случаи”, истакна директорот Костов. Министерство за внатрешни работи Коментари коментари...
Намирници кои можат да му наштетат на здравјето на црниот дроб, треба помалку да ги консумираме
Само Здравје - пред 52 дена
Одржувањето на здравјето на црниот дроб е од суштинско значење за целокупната благосостојба и нормалното функционирање на телото. Како и со многу други органи, постојат одредени намирници кои имаат позитивно или негативно влијание врз функционирањето на црниот дроб. Ова се намирници кои лошо влијаат на здравјето на црниот дроб и треба што помалку да ги консумираме. Високо преработена храна Храната богата со рафинирани шеќери, нездрави масти и адитиви го оптоварува и влијае на здравјето на црниот дроб. Прекумерното консумирање на храна што спаѓа во оваа категорија, како брза храна, чипс и слатки, може да доведе до замастен црн дроб и воспаление. Алкохол Честото и долгорочно консумирање алкохол често е причина за оштетување на црниот дроб. Прекумерното консумирање на различни алкохолни пијалаци може да доведе до состојби како алкохолен хепатитис, фиброза и цироза на црниот дроб, пренесува Health Shots. Храна со висока содржина на натриум Преработената и солена храна придонесува за задржување на течности и го зголемува крвниот притисок, што потенцијално доведува до проблеми со црниот дроб. Може да се појават компликации на црниот дроб, како што е безалкохолното масно заболување на црниот дроб. Транс масни киселини Транс масните киселини може да се најдат во пржената и преработената храна. Тие го зголемуваат нивото на лошиот холестерол, промовираат воспаление и го влошуваат здравјето на црниот дроб. Корисно е да ги замените со поздрави масти како што е маслиновото масло, пренесува Health Shots. Црвено и преработено месо Прекумерното внесување на црвено месо и производи од месо, како сланина и колбаси, е поврзано со воспаление на црниот дроб и зголемен ризик од развој на рак на црниот дроб. Се препорачува луѓето да изберат поздрава алтернатива – посни извори на протеини, како што се пилешко и лосос. Коментари коментари...
Нови шест потврдени случаи на заразени од салмонела во Берово
Само Здравје - пред 52 дена
Уште шест случаи на лица заразени со бактеријата салмонела во Берово потврдија денеска испитувањата што ги направи Центарот за јавно здравје од Кочани врз мострите што претходно ги доставиле матичните лекари. Со тоа бројот на вкупно заболени се искачи на вкупно 11, откако минатата недела дечиња кои биле згрижени во беровската детска градинка „23 Август“ се пожалија на здравствени проблеми. -Од резултатите што ги добивме утрово потврдени се нови шест случаи со салмонела кај деца од Берово. Анализите се направени врз основа на копрокултурите што се добиени, а наш епидемиолог работи на случајот, прави анкети и треба да се утврди дали овие заразени се поврзани до детската градинка или со друг извор. Врз основа на тие испитувања најдоцна до утре ќе знаеме од каде потекнува заразата, а дополнително ќе се види дали ќе има потреба за зголемување на обемот на испитување во целиот регион. Сè уште имаме мостри што треба да се обработат, а испитувањата се прават на два начина, со соодветна апаратура и со класични методи. Анализите за примероците од храна се работат и очекуваме и резултатите од нив да ги имаме утре, истакна Гоце Серфимов, директор на Центарот за јавно здравје – Кочани. По минатонеделното пријавување на првите случаи на заразени деца со салмонела во беровскиот регион, има зголемен број испратени копрокултури за испитување во Центарот во Кочани. Од здравствената институција додаваат дека дел од нив не се поврзани само со градинката во Берово. Коментари коментари...
Годишен одмор не можат да си дозволат 55 отсто од Македонците
Само Здравје - пред 52 дена
Над половина од Македонците не можат да си дозволат годишен одмор, покажува анализата на статистичкиот портал „Ландгеист“, базирана на податоци на Евростат. Еднонеделен годишен одмор надвор од местото на живеење не можат да си дозволат 55 проценти од жителите на земјава. Полошо од нас во Европа стојат Албанија каде што 58,3% од граѓаните не можат да одат на одмор, Турција (60,8%), Романија (62,5%), Црна Гора (67,2%) и Косово (69,5%). Во Грција процентот на луѓе кои не можат да си дозволат годишен одмор е 48,8, во Бугарија 43,8, во Србија 43,6, Хрватска 41,7, а во Словенија 16,7. Одмор подолг од една недела во текот на годината најмногу можат да си дозволат жителите на Луксембург каде што таква можност немаат само 7,6 отсто, во Норвешка (7,9%), Швајцарија (8,4%) и во Исланд (8,6%). На одмор не можат да одат и 21,9% од Германците, 23,4% од Британците, 25,4% од Францусите и 36,6% од Шпанците. Коментари коментари...
МТСП: Во тек е исплатата на правата од социјална и детска заштита за месец јануари 2024 година
Само Здравје - пред 52 дена
Министерството за труд и социјална политика информира дека денеска започна исплатата на правата од социјална, детска и цивилна заштита за месец јануари 2024 година. Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 05 февруари 2024 година. Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа: – 05.02.2024– А, Б, В, Г, Д, Ѓ, Е, Ж, З, Ѕ; И, Ј, К, Л, Љ; – 06.02.2024– М, Н, Њ, О, П, Р С, Т, Ќ, У, Ф, Х, Ц, Ч, Џ, Ш Министерство за труд и социјална политика Коментари коментари...
Следната среда состанок на Комисијата за заразни болести
Само Здравје - пред 55 дена
Комисијата за заразни болести ќе се состане следната среда, на 7 февруари. На состанокот, како што изјави за МИА портпаролот на Комисијата Злате Мехмедовиќ, ќе се разгледа состојбата со сите заразни заболувања, вклучително и со грипот и големата кашлица. Според податоците од последниот извештај на Институтот за јавно здравје (ИЈЗ), се зголемува бројот на заболени од грип, а во Ресен, Кавадарци и во Кратово има многу висока активност на вирусот на грип. – Во текот на четвртата недела од 2024 година од 22 до 28 јануари, во Република Северна Македонија се пријавени 1.834 случаи на групни пријави за заболени од грип – заболувања слични на грип, 9,5 отсто повеќе во споредба со претходната недела. Бројот на пријавени лица оваа недела, споредено со четвртата недела од минатата сезона, е зголемен за 2,1 пати, се наведува во извештајот на ИЈЗ. Во текот на оваа недела, регистрирани се два смртни случаја асоцирани со грип. Станува збор за лица на возраст од 20 и 36 години од Скопје и Демир Хисар, кои биле хоспитализирани на Клиниката за инфективни болести и фебрилни состојби. Починатите имале коморбидитети и не биле вакцинирани. Кај нив лабораториски е потврдена Influenza А(H1)pdm09. Проценките на надлежните се дека пикот на грипот ќе биде до крајот на месецов. Се апелира на вакцинација, особено кај ранливите категории на граѓани. Заклучно со четвртата недела од годинава, вакцинирани се вкупно 61.543 лица со бесплатна или комерцијална вакцина. Коментари коментари...
Против сезонски грип вакцинирани повеќе од 61.000 граѓани
Само Здравје - пред 55 дена
Министерството за здравство информира дека од ноември лани до сега над 61.000 граѓани се вакцинирани против сезонски грип. Со бесплатна вакцинација против ова заболување се опфатени следните ризични групи: стари лица (над 65 години), лица со хронични заболувања, здравствени работници, бремени жени, деца на возраст од 6 месеци до 5 години, како и лица сместени во установи за социјална заштита на стари лица и лицата вработени во установи за социјална заштита на стари лица. „Вакцинацијата заштитува и претставува најдобра превентивна мерка што спречува појава на потешки форми, компликации и смртен исход особено кај ризичните групи. Вакцините делуваат, имаат докажана имуногеност и добра ефикасност“, вели министерот за здравство д-р Фатмир Меџити. Потсетуваме дека заинтересираните граѓани сѐ уште имаат можност да се пријават за бесплатна вакцинација со пополнување на апликацијата на официјалната веб-страница: https://vakcinacija.mk, a потоа преку смс порака добиваат повратна информација за точниот датум, час и место за вакцинација. Воедно, во центрите за јавно здравје низ државата се врши имунизација против сезонски грип со комерцијалните вакцини. Коментари коментари...
Меџити ја разрешил Стевановиќ затоа што „ѝ истекол сертификатот за англиски“, кој трае доживотно
Само Здравје - пред 56 дена
Д-р Милена Стевановиќ поранешна директорка на Клиниката за инфективни болести не е избрана за нова директорка бидејќи според Меџити и истекол сертификатот на англиски јазик кој е доживотен, пренесува Слободен Печат. Повикувајќи се на свои информации, весникот пренесува дека сертификатот за англиски јазик на доктор Стевановиќ не би можел да биде со поминат рок затоа што станува збор за сертификат издаден од Кембриџ кој трае доживотно и не му поминува важноста. Доктор Стевановиќ дополнително магистерските студии ги има подготвувано во „Ројал Стејт Хоспитал Лондон“ каде се зборува само англиски јазик. Таа во својата медицинска кариера била и стипендист во Англија. Магистерската, пак, Стевановиќ ја има подготвувано во „Челзи Вестминистер Хоспитал Лондон“, а една година била и на специјализација во Англија. Смената на директорката со кадар од партијата на министерот Меџити, непосредно по формирањето на техничката влада, отвора сомнежи дека станува збор за политички мотивирана смена. Коментари коментари...
Четири деца починаа од голема кашлица во Белград, едно дете на респиратор
Само Здравје - пред 57 дена
Четири бебиња починаа од голема кашлица на Институтот за мајки и деца во Белград, едното дете е на вентилатор, што значи дека е многу ранливо, а половина од децата кои боледуваат од оваа болест се хоспитализирани. Вакцината е единствениот начин да се спречи болеста. – За жал, малите деца, доенчињата до 4 месеци може да развијат многу тешка клиничка слика, која кај нас заврши со смрт на четири деца – кажа проф. д-р Владислав Вукомановиќ, кардиолог и управител на клиниката за детски болести при Институтот за здравствена заштита на мајки и деца на Србија „Д-р Вукан Чупиќ“. – Има околу 70 деца со голема кашлица, половина од нив се хоспитализирани и тоа укажува на зголемување на децата со тешка клиничка слика – вели д-р Вукомановиќ. Имунизацијата е задолжителна и започнува во вториот месец од животот и не треба да има никаква бариера за правилно вакцинирање на децата, посочува д-р Вукомановиќ. – Нема подобра одбрана од вакцинацијата. Календарот треба да се почитува, контраиндикациите не треба да бидат пречка за вакцинација кога е препишана. Цената на непочитувањето е смртта на овие деца, како и зголемениот број на заболени, тоа секако се должи на недоволната вакцинација и на старите лица – вели д-р Вукомановиќ. – Мислам дека Министерството за здравство веќе реагираше и дека упатството како да се спроведе вакцинацијата кај тие деца штотуку е донесено и ќе почне да се спроведува во пракса – вели д-р Вукомановиќ Воедно докторот укажа и на други заболувања кои се шират низ соседна Србија. – Присутен е бронхиолитис предизвикан од респираторен синцицијален вирус. Потоа, постојат многу други вируси кои можат да предизвикаат пневмонија, бронхитис и бронхиолитис. А кај училишните деца, не мал број на случаи, кои прават посета на нашето одделение за интензивна нега, гледам деца со одводи, школски деца кои имаат пневмококна пневмонија со излив или дури и гнојни изливи и многу тешка клиничка слика – вели д-р Вукомановиќ. Коментари коментари...
Вонреден санитарен инспекциски надзор во градинката во Берово по влошената здравствена состојба кај децата
Само Здравје - пред 57 дена
Вонреден санитарен инспекциски надзор во текот на денот ќе биде направен во детската градинка „23 Август“ во Берово за да се утврди причината за влошената здравствена состојба кај дечиња кои имале симптоми со повраќање, дијареа и покачена телесна темература. Испитувањето на добиените мостри во Центарот за јавно здравје во Кочани покажало присуство на бактерија салмонела, поради што се преземени активности за утврдување на причинителот. – Во врска со случајот во Берово нашата стручна служба доби вкупно пет мостри, од кои кај две е констатирано присуство на салмонела. Согласно законските прописи, ги известивме Државниот санитарен и здравствен инспекторат и Агенцијата за храна и ветеринарство кои ќе направат контрола во градинката. Епидемиолог од нашиот центар веќе е на терен во Берово и работи на прибирање на потребните податоци за натамошно утврдување на тоа што довело до влошување на здравствената состојба на дечињата. Сè уште не можеме да потврдиме дали труењето настанало во градинката или на друго место, изјави за МИА, Гоце Серафимов, директор на Центарот за јавно здравје – Кочани. Вонредниот инспекциски надзор доаѓа откако претходно од градинката во Берово излегоа со писмено известување до родителите да не ги носат своите деца во оваа институција ако забележат промени во нивната здравствена состојба и да се консултираат со матичен лекар. Притоа, се бара доколку детето било отсутно од градинка, при повторно враќање да се донесе соодветна лекарска потврда. Коментари коментари...
Определени мерки за претпазливост за Васев и Нухи, осомничени во случајот со Онкологија
Само Здравје - пред 57 дена
Судија на претходна постапка при Основниот кривичен суд Скопје им определи мерки на претпазливост на поранешниот директор на Клиниката за радиотерапија и онкологија, Нино Васев, и поранешниот организациски директор, Нехат Нухи кои се сомничат за „злоупотреба на службената положба и овластување“ и „измама во службата“ во врска со случајот Онкологија. Додека трае истрагата Васев има забрана за напуштање на живеалиштето односно престојувалиштето, обврска за јавување на службено лице во судот, одземена му е патната исправа и има забрана за издавање нова и има забрана за преземање определени работни активности поврзани со кривичното дело. Додека, Нехи ги има истите мерки за претпазливост, освен забрана за преземање определени работни активности поврзани со кривичното дело. – Судија на претходна постапка при Основниот кривичен суд Скопје, постапувајќи по предлог за определување мерки за претпазливост на Основното јавно обвинителство – Скопје против две лица, кои утрово беа спроведени во судот, по ценење на фактите изнесени од странките во однос на предлогот донесе решенија со кои: Се прифаќа предлогот и на Н.В. му се опредлуваат мерки за претпазливост по чл. 146 ст.1, т. 1,2,3 и 7 од ЗКП односно Забрана за напуштање на живеалиштето односно престојувалиштето, Обврска за јавување на службено лице во судот, Одземање на патна исправа и забрана за издавње нова и Забрана за преземање определени работни активности поврзани со кривичното дело, На Н.Н. му се определуваат мерки за претпазливост по чл. 146 ст.1, т. 1,2 и 3 од ЗКП односно Забрана за напуштање на живеалиштето односно престојувалиштето, Обврска за јавување на службено лице во судот, Одземање на патна исправа и забрана за издавње нова, стои во соопштението на Кривичен суд Скопје. Обвинителството претходно информираше дека е донесена наредба за спроведување истражна постапка против 5 лица, од кои две службени лица – поранешен медицински директор на ЈЗУ УК за радиотерапија и онкологија – Скопје и поранешен организациски директор на Клиниката, како и тројца доктори – онколози. – Во текот на предистражната постапка, Основното јавно обвинителство Скопје обезбеди докази кои даваат основано сомнение дека осомничените директори на Клиниката со умисла извршиле повеќе временски поврзани дејствија кои што претставуваат повеќекратно остварување на исто дело, искористувајќи ист траен однос и исти прилики и со намера за друг да прибават противправна имотна корист го довеле во заблуда овластеното лице во Фондот за здравствено осигурување да изврши незаконита исплата на пари за набавка на лекови кои ги трошеле и нарачувале спротивно на законските и подзаконските прописи, без формиран стручен колегиум и без соодветни медицински протоколи. Во ова со умисла биле помогнати од тројцата други осомничени доктори кои одредена терапија пропишувале вон препораките и свесно избегнувајќи ги параметрите кои ја опишуваат состојбата на пациентот во однос на болеста, стои во соопштението од ОЈО Скопје. За поранешниот директор Васев има сомнение за сторени седум кривични дела „злоупотреба на службена положба и овластување“ и едно кривично дело „измама во службата“, а за поранешниот организациски директор, Нухи има сомнение за „измама во службата“. Тројцата доктори – онколози се сомничат за помагање во „измама во службата“. Казна за кривичното дело „злоупотреба на службената положба и овластување“ според измените на Кривичниот законик е до пет години, додека за „измама во службата“ минимумот е три години, а максимумот 20. Коментари коментари...
АПЕЛ ЗА ПОМОШ – Да и помогнеме на Дијана да продолжи со лекувањето
Само Здравје - пред 58 дена
Дијана Нуамоска 34 години од Тетово боледува од канцер. После многу падови, борбата ја продолжува во Турција каде прима имунотерапија. Пет скенот после примени 4 терапии покажа дека има добар одговор на терапијата. На Дијана и е потребна финансиска помош за да продолжи со овие терапии. Една терапија чини 4.600 евра и потребено е да се прима на 21 ден. Можете да донирате на следниот начин: А1: 143 550 Телеком: 143 110 Стопанска банка: 200002512150321 Коментари коментари...
Приведени три лица од Онкологија, меѓу нив и ексдиректор, потврдија директорите на Клиниката
Само Здравје - пред 58 дена
Полицијата утрово привела тројца вработени на Клиниката за онкологија, меѓу нив има и поранешен директор, потврди организацискиот директор Халид Матоши. Заедно со него приведени се уште две лица вработени на Клиниката, од кои едното е медицинско лице. „Само дојдоа со налог кој треба да се приведе, не разговаравме. Од тука тројца се земени. Поранешниот директор и уште двајца вработени. Секретарката не се појави на работа денеска, може е земана од некаде, не знаеме, исклучен ѝ е телефонот. Едно медицинско лице и еден вработен“, рече организацискиот директор Матоши. Медицинската директорка на Клиниката, Виолета Клисаровска, извести дека и покрај приведувањата, Клиниката функционира во целокупниот обем. „Клиниката работи и функционира нормално. Сите закажани пациенти, тековни прегледи, предвидени терапии на пациентите, како и прием на нови пациенти, функционира нормално. Работат сите амбуланти, работиме со полн капацитет на Клиниката. Затоа замолувам да не се создава паника, никој од пациентите нема да биде вратен. Сите ќе ја примат предвидената и планирана терапија“, рече директорката Клисаровска. По налог на Обвинителството утрово полицијата влезе на Клиниката за онкологија. Обвинителството за „Макфакс“ само кусо потврди дека се преземаат дејства по наредба на јавен обвинител. Повеќе информации најавија во текот на денот. Коментари коментари...
МЗ: Нов директор на Инфективна, продолжени мандатите на ГАК и Клиниката за психијатрија
Само Здравје - пред 58 дена
Министерството за здравство информира дека поради истекување на мандат во време на предизборниот период спореведни се конкурси во 3 јавно здравствени установи за избор на 4 директорски места. На Клиниката за инфективни болести и фебрилни состојби – Скопје по спроведениот конкурс за нов медицински директор избран е д-р Фадил Цана согласно доставените документации. На Клиниката за гинекологија и акушерство – Скопје по спроведените конкурси мандат добија д-р Викторија Јовановска како медицински директор и Јетон Шаќири како организациски директор. На Клиниката за психијатрија за медицински директор е назначен проф. д-р Стојан Бајрактаров. Сите именувани директори на јавно-здравствените установи се стручни во својата област и имаат долгогодишно искуство, стои во соопштението од Министерството за здравство. Коментари коментари...
Зошто не треба да јадеме цитруси после оброк?
Само Здравје - пред 59 дена
Портокалите, лимоните, лиметите и мандарините се агруми, познати по карактеристичниот кисел вкус. Тие се исто така богати со витамин Ц, моќен антиоксиданс кој го поддржува имунолошкиот систем и помага во апсорпцијата на железото. Иако се здрави, не се добри за јадење после оброк. Диететичарката Екта Сингвал наведе некои од несаканите ефекти. Ефект врз варењето Цитрусното овошје е кисело, а нивното консумирање веднаш по ручекот може да го наруши варењето кај некои луѓе. Киселоста може да доведе до непријатност, варење или киселини, особено кај оние кои се склони кон рефлукс на киселина. Нивото на шеќер во крвта Додека цитрусно овошје содржи природни шеќери, нивното јадење по ручек може да доведе до брзи скокови и последователни падови на нивото на шеќер во крвта. Ова може да придонесе за чувство на умор или желба за дополнителни закуски, изјави Сингвал за Health Shots. Потенцијално зголемување на телесната тежина Агрумите, и покрај здравствените придобивки, содржат калории. Нивното прекумерно консумирање, особено после оброк, може да придонесе за надминување на внесот на калории во однос на потрошувачката на енергија, што потенцијално ќе доведе до зголемување на телесната тежина. Гастроинтестинални непријатности Некои луѓе може да доживеат гастроинтестинални непријатности, како што се надуеност или гасови, кога консумираат агруми после оброк, особено ако имаат чувствителен дигестивен систем. Интеракција со лекови Цитрусното овошје може да комуницира со одредени лекови и да влијае на нивната апсорпција или ефикасност. Конзумирањето на агруми после ручек, без да се земат предвид можните несакани ефекти, може да влијае на дејството на лековите. Коментари коментари...
Откриено е зошто не е добро кога пребрзо заспиваме
Само Здравје - пред 59 дена
Многу големо влијание врз нашето здравје има сонот. Тој помага во функционирањето на нашиот мозок, штити од срцеви заболувања и го поддржува нашиот имунолошки систем. Иако некои од нас сметаат дека е добро да се заспие брзо, научникот за спиење Ребека Робинс вели поинаку. „Да, навистина можете да заспиете премногу брзо“, изјави Робинс за NPR, пренесува Yahoo. Таа истакна дека спиењето е процес и дека е мит дека е добро ако можеме веднаш да заспиеме. „Всушност би ви биле потребни околу 15 до 20 минути за да заспиете. Ако одвоите многу помалку време од тоа, тоа може да биде знак дека сте преуморни или во постојана состојба на исцрпеност“, објасни таа. Робинс додаде дека ова е особено точно ако можеме да заспиеме каде било и во секое време, вклучително и места како воз или на маса, пренесува Index.hr, цитира Стандард лајф. „Значи, ако спаѓате во оваа категорија, можеби ќе сакате да бидете сигурни дека спиете доволно, барем седум часа навечер“, заклучи Робинс. Коментари коментари...
Никој во здравството нема да земе плата ако им се намалат 21 отсто примањата на вработените во Фондот за здравство
Само Здравје - пред 59 дена
Вкупно 831 вработен во Фондот за здравствено осигурување на Македонија (ФЗОМ) ќе штрајкува, доколку Управниот одбор, постапувајќи по насоки од Владата, им ги намали платите за 21 отсто, сметајќи од почетокот на месецов. По осум месеци преговори минатата година, Синдикатот успеа да издејствува покачување на платите на вработените за 15 отсто. Земале една плата со покачување, а на почетокот на овој месец добиле препорака од Владата платите да се намалат за 21 отсто поради усогласување со усвоениот буџет. Вработените сметаат дека намалувањето на платите за процент поголем отколку покачувањето што го добиле во декември, е под секое достоинство. „Намалувањето значи 25 отсто од вработените паѓаат под минимална плата и уште 25 отсто доаѓаат на минимална плата, што не е дозволиво за толкава институција, институција која го има најголемиот буџет во Република Македонија, ликвиден. Доколку ги намалат платите се активира одлуката за штрајк која беше донесена во ноември. Апсолутно прекинуваат сите неесенцијални функции на Фондот за здравствено осигурување. Освен по едно лице кое ќе прима документи другите воопшто нема да работат. Тоа во превод значи дека нема да има никакви исплати, ниту за капитација за матични лекари, ниту за лекови за аптеки, ниту за плати во јавно здравство, ниту за лекови во јавно здравство и така натаму“, најави Бранко Аџигогов, претседател на Синдикатот на Фондот за здравствено осигурување при Синдикатот на работниците од управата, правосудните органи и здруженијата на граѓани (УПОЗ). Управниот одбор на Фондот денес шести пат се состанува за да донесе одлука за намалување на платите по препораката од Влада. Претседателот на Синдикатот, Аџигогов, вели дека Управниот одбор се мачи да ја донесе одлуката оти е длабоко поделен. Тројца од членовите, како што вели, се цврсто застанати зад Синдикатот, еден е неопределен и двајца гласаат за намалување. За носење на каква било одлука, без разлика дали е за намалување на платите или тие да останат на исто ниво, потребно е мнозинство, односно четири гласа. Претседателот на Синдикатот на УПОЗ, Трпе Деаноски, вели дека иако е несвојствено за претседател на Синдикат, тој најмалку сака да има штрајк на вработените во ФЗОМ оти најпогодени ќе бидат граѓаните „Доколку се донесе ваква одлука со намалување, мене и е жал што ќе кажам, ќе патат само граѓаните. Ќе патат луѓето што се на боледувања. Нема да се работи воопшто ништо какви притисоци и да имаме и какви притисоци и да имаат вработените зад нас кои се членови на Синдикатот на УПОЗ“, рече Деаноски. Тој потсетува дека Фондот е самостојна институција и Владата нема ингеренции да бара нешто од Фондот. Фондот има буџет од близу 46 милијарди денари од кои за плати одат 1,19 отсто. „Колегите зад мене од подрачната Скопје, имаат најниски плати како административци во државата. Решаваат предмети што се во вредност од и од над сто, двесте и триста илјади евра, и над милион евра. Праќаме луѓе на лекување, имаме доктори, фармацевти, инспектори кои имаат плата од 25-27.000 денари. Тоа е под секое човечко достоинство. Да бидам јасен и гласен, ова барање е од министерот за финансии Фатмир Бесими. Министерот побара, а Владата го поддржа да се намалат платите за 21 отсто. Не знам каде ќе му оди дуата на тој човек. Треба да почне да си ги гледа вработените. Секој ден ни заминуваат колеги, секој ден сме помалку и помалку вработени. Од нас се бара да ги извршуваме можеби најсложените работни задачи од здравственото осигурување во државата што е примарна дејност на Фондот за здравство“, рече Деаноски. Претставници на Синдикатот и некои од вработените пред зградата на Фондот во Скопје чекаат Управниот одбор да донесе одлука. Велат дека вработените цел јануари доаѓаат на работа иако не знаат за колкава плата работат оти препораката од Владата им стигнала на 4 јануари од кога Управниот одбор се состанува шест пати за да донесе одлука. Коментари коментари...
Предмети кои треба да ги дезинфицирате секој ден за да ја намалите опасноста од инфекции на вируси и грип
Само Здравје - пред 62 дена
За време на сезоната на настинки и грип, важно е да се зголеми внесот на витамини и минерали, но и да се погрижиме работите кои секојдневно ги користиме да се дезинфицираат за да се намали можноста за несакана инфекција. Професорот за јавно здравје на Државниот универзитет во Ново Мексико, Јагдиш Кубчандани, истакнува на кои предмети треба да внимавате, но и кои не мора да ги дезинфицирате секојдневно. Вашиот мобилен телефон Вашиот мобилен телефон, како и вашите раце, е магнет за бактерии. Според една студија објавена во јуни 2017 година во списанието „Germs“, откриено е дека до 80 отсто од нашите мобилни телефони содржат потенцијално штетни бактерии како што е стафилокок, бактерии кои често се одговорни за труење со храна. „Бидејќи повеќето мобилни телефони имаат екрани на допир, бактериите лесно може да се пренесат од вашиот мобилен телефон до вашите раце, што може да предизвика инфекција ако го допрете вашето лице“, објаснуваат тие во студијата. За правилно да го дезинфицирате мобилниот телефон, потребно е прво да го исклучите, а потоа да го избришете со марамче натопено со медицински алкохол. Избегнувајте спрејови или раствори за чистење бидејќи може да содржат белило или други абразивни состојки или да навлезат во отворите. Правете го ова неколку пати на ден, вклучително и секој пат кога ќе излезете од дома. Исто така, постојат некои работи што можете да ги правите кога сте надвор и кога сте на пат да ја намалите изложеноста на вашиот телефон на бактерии, а тоа е да го чувате телефонот во џеб или торба наместо да го носите во раце. Заштитна маска за лице Доколку имате маска за еднократна употреба, како што се хируршките маски, треба да ја фрлате по секоја употреба. Сепак, платнените маски треба да се перат секој ден по употреба. Прво, измијте ги рацете или користете средство за дезинфекција на база на алкохол што содржи најмалку 60 проценти алкохол. Не допирајте ја предната страна на маската. Свиткајте ги надворешните агли и чувајте ја на безбедно место како пластична кесичка. Внимавајте да не ги допирате очите, носот и устата кога ја вадите. Веднаш потоа повторно измијте ги рацете. Добро да ја перете маската за лице со остатокот од алиштата. Додадете детергент, но поставете ја машината за перење на најсоодветната програма за овој тип материјал. Потоа исушете ја целосно во машина за сушење на највисока температура. Предмети кои не мора да ги чистите секој ден Некои предмети не треба да се чистат секој ден. Студијата од април 2020 година објавена во „The New England Journal of Medicine“ откри докази дека вирусот може да живее на пластични површини до три дена, а на картон околу 24 часа. Сепак, професорот Хубчандани истакнува дека клучевите, паричниците, слушалките, очилата, облеката, намирниците и поштата не треба да се чистат. секој ден. „Количината на вирусот што може да се открие на сите овие површини значително се намалува по неколку часа. На пример, само траги од коронавирусот може да се најдат на картон по четири часа“, вели тој. Коментари коментари...
Постојано ви е ладно? Еве неколку потенцијални причини, немојте да ги игнорирате
Само Здравје - пред 62 дена
Некои луѓе може да се чувствуваат студ повеќе од другите без очигледна причина. Сепак, секогаш чувството на студ може да укажува на основна медицинска состојба, како што се хипотироидизам, анемија или слаба циркулација. Нормално е да ви е ладно во текот на зимата, но може да има основна причина ако секогаш ви е ладно. Еве неколку можни причини зошто постојано ви е ладно. Бета блокатори Бета-блокаторите, како што е метопрололот, може да влијаат на количината на крв што допира до вашите раце и стапала, предизвикувајќи им студено. Овие лекови го забавуваат срцето, го подобруваат протокот на крв и го намалуваат крвниот притисок. Дехидрација Неможноста да се загреете може да биде знак дека треба да пиете повеќе вода. Водата, која помага да се регулира температурата на вашето тело, сочинува повеќе од две третини од вашата телесна тежина. Ако сте соодветно хидрирани, водата ќе ја зароби топлината и полека ќе ја ослободи, одржувајќи ја вашата телесна температура во удобната зона. Со помалку вода, вашето тело е почувствително на екстремни температури. Хипотироидизам Да се биде ладно цело време е вообичаен симптом на хипотироидизам, што значи дека вашата тироидна жлезда лачи ниско ниво на тироиден хормон. Речиси 5% од луѓето во САД имаат хипотироидизам. Вашиот метаболизам се забавува без соодветно ниво на тироидни хормони, што ве спречува да произведувате доволно топлина. Анемија со дефицит на железо Анемијата со дефицит на железо е една од најчестите причини за постојано чувство на студ. Железото им помага на вашите црвени крвни зрнца да носат кислород низ телото за да произведуваат топлина. Ниското ниво на железо може да ја забави тироидната жлезда, што ќе доведе до хипотироидизам и ќе направи да чувствувате студ. Недостаток на сон Недоволното спиење предизвикува хаос на вашиот нервен систем, што може да ги промени системите за регулирање на температурата на вашето тело. Истражувањата покажаа дека недостатокот на сон може негативно да влијае на вашиот метаболизам. Метаболичката дисфункција може да доведе до чувство на студ. Слаба циркулација Проблемот со циркулацијата што ја спречува крвта да стигне до вашите екстремитети може да биде виновник ако вашите раце и стапала се ладни, но другите делови од вашето тело се топли. На пример, Рејновиот синдром предизвикува привремено стегање на крвните садови во вашите раце и стапала кога ќе почувствуваат студ. Срцевите заболувања и пушењето исто така можат да предизвикаат проблеми со циркулацијата. Срцевите заболувања предизвикуваат вашето срце да не пумпа толку ефикасно, а пушењето ги стеснува вашите крвни садови. Коментари коментари...
Хоспитализирани над 50-тина пациенти со грип на инфективно во Куманово
Само Здравје - пред 62 дена
Над педесетина пациенти се лекуваат на инфективното одделение во општа болница Куманово, информираа надлежните. Поголем дел од нив се лица со коморбидитети. – Во зимскиот период преовладуваат вируси и најзастапен во моментов е вирусот на грип. На дневно ниво имаме над 50-60 па и повеќе пациенти кои поминуваат низ специјалистичка инфективна амбуланта. Што се однесува до хоспитализирани пациенти бројката се движи околу 50 но е динамична секојдневно се менува, кои секако бараат згрижување и тоа се пациенти со потешка клиничка слика, изјави началникот на инфективното одделение од кумановската болница, примариус д-р Сунчица Јосифова. Грипот, појаснува д-р Јосифова започнува наеднаш со висока температура, главоболка, со кашлица, студ, грозница и болка во целото тело. Оние со добар имунолошки систем болеста ја поминуваат за една недела до десет дена, со целосно заздравување. Пациентите со одредени пропратни болести, постарите лица, малите деца, бремените жени можат да пројават потешка клиничка слика. – Вирусот прави и компликации кои редовно се јавуваат кај такви пациенти кај кои и самата имунолошка состојба им е намалена. Штитејќи се од грип се штитат и од другите вируси, начинот на заштита е ист. Пред сè да избегнуваат контакт со заболено лице, или ако веќе мора да бидат во контакт да носат маска заштитна, најмногу штити маската N95, да избегнуваат собири во поголеми групи на мало растојание, често да ги проветруваат просториите, да земаат повеќе течности, витамини, вели Јосифова. Важно е сите да работата на имунолошкиот систем, но тоа треба да биде долготраен процес преку целата година, не само во периоди на вируси. За лекарите многу е важна вакцинацијата која треба да се спроведе октомври, почеток на ноември, за да може организмот создаде имунитет и соодветно да одговори на инфекциите. – Ако не се работи за компликација на вирусот сакам да напомнам никаков антибиотик не делува и препорачувам пациентите особено на своја рака никако да не земаат антибиотици. Препорачаната терапија е симтоматска, топли течности, антипиретици, против температура, витамини, но и тука треба да се умерени да не се доведат во состојба да се предозираат, да не бидат во контакт со поголеми групи, да одмараат дома, одморот е многу важен. Кај сите кај кои постојат компликации, кои се постари од 65 години и има посериозна клиничка слика секако ќе се јават пред сè кај матичниот доктор а тој врз основа на негова процена ќе одлучи дали ќе ги упати кај нас на одделението. Оттука зависно од клиничката слика одлучуваме на кој начин ќе биде понатамошниот третман дали ќе биде во домашни услови или пак пациентот ќе биде хоспитализиран, вели д-р Јосифова. Во моментов на инфективното одделение во Куманово сместени се и тројца пациенти заболени од Ковид. Коментари коментари...
Зоран Арсовски доктор ортопед, нов в.д директор на велешката Општа болница
Само Здравје - пред 62 дена
За нов в.д директор на ЈЗУ Општа болница Велес е назначен д-р Зоран Арсовски ортопед, вработен во болницата, со одлука на министерот за здравство д-р Фатмир Меџити од 25 јануари, информира денеска портпаролот на велешката болница Марина Андова. Инаку, при завчерашната посета на велешката болница министерот за здравство Меџити најави дека неделава ќе биде избран нов в.д дуректор од редовите на велешката болница. Како што информира портпаролот Андова, за оваа функциа предвид биле земени четири лекари, од кои три жени и доктор Зоран Арсовски кој е избран за нов прв човек кој ќе менаџира со оваа јавна здравствена установа. Зоран Арсовски е вработен во ЈЗУ Општа болница Велес во 2015 година, на Одделот за ортопедија и трауматологија, по завршување на приватна специјализација. Во периодот од 2011 до 2015 година, работи како професор во средно медицинско училиште во Велес. Од почеток на 2019 година, почнува со ортопедски процедури, кои до тогаш не се изведуваа на Одделот за ортопедија и трауматологија во Велес. Арсовски почнува интензивно да работи во областа на ендопротетика на колкови и колена. Со тоа завршува потребата пациентите со фрактура на колк да бараат помош во Скопје или Охрид, како што тоа беше случај пред неговото вработување во велешката болница. Воедно, почнува со оперативни интервенции на фрактури на проксимален фемур и операции на фрактури по најсовремени методи. По постојано доусовршување и надоградување на професионалните вештини, тој почнува со воведување на други процедури, како артроскопија на колена и скочен зглоб. -Како исклучително стручен во својата област, со именувањето на доктор Зоран Арсовски, ЈЗУ Општа болница Велес доби директор, а градот не изгуби специјалист ортопед, бидејќи тој и во иднина ќе продолжи совесно да ја обавува својата професија како ортопед, потенцира портаролот Андова. Поранешниот в.д директор на ЈЗУ Општа Болница Велес Ристе Богиевски, кој по професија е адвокат си замина од оваа функција бидејќи беше назначен за нов Државен правобранител на подрачјето на Основен суд Велес. Коментари коментари...
Тренчевска: Се уште чекаме информации од ЈО за случајот со детето од Струмица
Само Здравје - пред 62 дена
Министерката за труд и социјална политика Јована Тренчевска денеска информира дека ќе се знае дали и како ќе се постапува за случајот со детето кое со тешки повреди било донесено во Детската клиника во Скопје, откако ќе ги добијаат информациите од ЈО во Струмица. Тренчевска на денешната промоција на програмата за детска гаранција по примерот на ЕУ, одговорајќи на новинарско прашање, рече дека другите деца од ова семејство веќе се во згрижувачко семејство. – Колегите од Центарот за социјална работа во Струмица посветено работат. Веќе другите три дечиња од семејството се во згрижувачко семејство, значи се на сигурно место каде што ќе им биде понудена атмосфера слична на нашите семејни атмосфери, се згрижени, се работи со нив преку стручните служби во Центарот за социјална работа. Верувам дека детето со мајката коишто се на Детската клиника ќе бидат во добра состојба, по излегувањето од болницата на детето ќе се работи на јакнење на капацитетите на мајката и доколку надлежните центри утврдат дека мајката ги има зајакнато капацитетите децата сигурно ќе бидат вратени со обезбедување на пристојни услови за да можат понатаму да продолжат со секојдневието, изјави министерката. На 17 јануари, од болницата во Струмица, со возило на Итна медицинска помош и во придружба на лекар, на Клиниката за детски болести било донесено четиригодишно женско дете, во исклучително тешка состојба, потхрането, хигиенски запоставено, со гангренозни промени на прстите на дланките и на стапалата. Коментари коментари...
Поради зголемениот број на случаи со морбили, отворени два пункта за вакцинација во Сараево
Само Здравје - пред 63 дена
Поради зголемениот број на заболени од сипаници (морбили), денеска во Сараево беа отворени два посебни пункта за вакцинација, каде во наредниот период ќе се врши вакцинација со МРП вакцината која штити од сипаници, заушки и рубеола. Педијатарот Мубера Хасановиќ изјави дека вакцинацијата против заразни болести е единствениот начин за спречување на болеста и дека последиците може да бидат тешка клиничка слика. -Сипаниците доаѓаат со тешка клиничка слика – многу висока температура која трае со денови, со лоша општа состојба, осип што се појавува дури на четвртиот или петтиот ден од болеста. Тогаш можеме само да кажеме дека тоа е сипаница. Болеста е многу сериозна, но може да се спречи и треба да го искористиме тоа што го имаме, а тоа е вакцинација, вели таа. Министерот за здравство Енис Хасановиќ посочи дека досега имаат потврдено 11 случаи и се уште не се во фаза на епидемија. -Едно дете е хоспитализирано на Клиниката за инфективни болести на КЦУС и денеска е отпуштено од лекување. Две други деца кои денеска беа примени имаат поблага клиничка слика, изјави министерот. Како што рече, приоритет е да се спречи ширењето и да се вакцинираат што повеќе деца, затоа ги повика родителите масовно да реагираат и да ги вакцинираат своите деца. Податоците на Светската здравствена организација (СЗО) покажуваат дека во последните 20 години е намален бројот на деца вакцинирани против мали сипаници. Според евиденцијата на организацијата, 74 отсто од децата во Босна и Херцеговина примиле втора доза од вакцината против морбили во 2000 година, додека во 2022 година биле евидентирани 60 отсто од вакцинираните. Коментари коментари...
За 41,7 отсто повеќе заболени од грип во споредба со претходната недела
Само Здравје - пред 63 дена
Нови 1.675 случаи на заболени од грип/заболувања слични на грип се пријавени во земјава во третата недела од годинава, што е за 41,7% повеќе во споредба со претходната седмица, соопшти Институтот за јавно здравје. Споредено со третата недела од минатата сезона бројот на заболени е поголем за 47,6%, а во споредба со третата недела од типичната епидемиска крива (моделирана од последните 13 сезони), зголемувањето е за 32,2%. Во однос на возрасната дистрибуција, 1.012 лица се на возраст од 15-64 години, 256 деца на возраст од 5-14 години, 237 деца на возраст од 0-4 години и 170 се лица на возраст над 65 години. Највисока инциденца се регистрира кај децата на возраст од 0-4 години. Заболените се пријавени од 27 ЦЈЗ/ПЕ, во Скопје – 295, Битола – 287, Тетово – 165, Гостивар – 149, Дебар – 110, Куманово – 104, а во останатите, бројот на пријавени е ≤100. Во текот на оваа недела, регистриран е еден смртен случај асоциран со грип. Станува збор за лице на возраст од 45 години од Неготино кое било хоспитализирано во КИБФС. Кај починатото лице е утврдено присуство на коморбидитети (кардиоваскуларни, белодробни, дијабет, обезитас) и не било вакциниран со вакцина против сезонски грип. Кај починатото лице, лабораториски е потврдена Influenza А(H1)pdm09. Вкупниот број на случаи на грип/заболувања слични на грип во сезоната 2023/2024 изнесува 5.175. Во споредба со истиот период од минатата сезона, се бележи зголемување од 22,3%, а во однос на моделот од последните 13 сезони има раст од 34,6%. Коментари коментари...
Вработените во Здравствен дом Гостивар протестираат заради неисплатена плата
Само Здравје - пред 64 дена
Вработените во ЈЗУ Здравствен дом Гостивар на кратко ја прекинаа работата и на протест искажаа револт од неисплатената плата за декември. Проблемот, како што со посочија е што нема кој да ги потпише налози, бидејќи се чека назначување на нов директор. – Иако сите колеги низ републиката ги добија платите, нам за декември сé уште не ни е исплатена. Требаше до десетти јануари, а со ова сите рокови се пробиени. Проблемот е во тоа што не е донесена одлука и министерот за здравство нема назначено нов, иако огласот е завршен. Упатуваме апел до надлежните во ресорното министерство да најдат начин и во најкус можен рок да го реши проблемот. Во спротивно ќе преземеме порадикални мерки, рече претставникот на вработените Сафије Точи. Дел од вработените на протестот посочија дека заради доцнењето на исплатата на декемвриската плата имаат проблеми со банките, бидејќи имаат подигнато кредити и веќе им течат казнени камати. На протестот се пожалија дека не ја добиле поддршката од синдикалната организација и им бил вршен притисок да не протестираат. Под ЈЗУ Здравствен дом Гостивар се службите за итна помош, патронажа, лабораторија, спортска медицина, превентивна стоматологија и вработените во возниот парк со близу 160 вработени. Коментари коментари...
Синдикат на УПОЗ: Се поизвесно е дека вработените во ФЗО ќе стапат во генерален штрајк
Само Здравје - пред 65 дена
Синдикалната организација на Фондот за здравствено осигурување (ФЗО) ќе ја активира одлуката за штрајк донесена на 16.11.2023 година, доколку на утрешната седница на Управниот одбор на ФЗО се донесе одлука со која ќе се намалат платите на вработените како што тоа го бара Владата и Министерство за финансии, соопштија денеска од Синдикат на УПОЗ. Во соопштението се повикуваат членовите на Управниот одбор и директорите на ФЗО да не ги доведат граѓаните во ситуација во која нема да можат да остварат ниту едно право од здравствено осигурување, бидејќи, како што се вели, доколку започне штрајкот ниту еден вработен нема да извршува работни задачи по никоја цена. Синдикалната организација на ФЗО при Синдикатот на УПОЗ, се појаснува во соопштението, во преговори со раководството на ФЗО и Управниот одбор на ФЗО на 25.07.2023, постигна договор за покачување на платите на вработените во ФЗО во висина од 15 проценти во неколку фази. – Ова покачување се пролонгираше се до месец декември 2023 година, кога за прв пат беше исплатено на вработените, за да вработените во ФЗО можат да се усогласат со платите со сродните институции. И покрај постигнатиот договор, Владата на Р. С. Македонија, излегувајќи надвор од своите надлежности и спротивно на законските норми, на седница одржана на 09.01.2024 година, донела Заклучок со која му препорачува на Управниот одбор на ФЗОМ да ги намали платите на вработените и тоа во висина од 21 процент. Доколку Управниот одбор на ФЗО го испочитува ваквиот заклучок на Владата и ги намали платите на вработените, голем дел од вработените ќе ги доведе до состојба да имаат плата под минималната и не само што ќе го прекрши Законот за минимална плата, Општиот колективен договор за Јавен сектор и Законот за здравствено осигурување, туку сите членови на Управниот одбор ќе сносат и кривична одговорност, се наведува во соопштението од Синдикатот на УПОЗ. Се додава дека просечната бруто плата по вработен во ФЗО е пониска од сите сродни институции, министерствата и администрацијата во здравството и сите објаснувања кои ги дава Владата и Министерството за финансии дека не постојат средства за исплата на платите, стои во соопштението, се нелогични бидејќи во Буџетот на ФЗО има резерва од 1.6 милијарди денари, што е повеќе од доволно за исплата на платите со договореното покачување од 15 проценти. – Буџетот на ФЗО е издвоен од Централниот буџет, средствата за плати не се предвидуваат од Централниот Буџет туку од Буџетот на ФЗО и никогаш до сега немало ваков проблем и вакво мешање во работата на ФЗО од страна на Владата и Министерството за финансии, соопштија денеска од Синдикатот на УПОЗ. Коментари коментари...
Таткото на Вања останува во затвор – судот го одби барањето за куќен притвор
Само Здравје - пред 66 дена
Александар Ѓорчевски, таткото на убиената Вања, останува во притвор откако Кривичниот суд го одби барањето на одбраната притворот да му се замени со куќен притвор. „Судија на претходна постапка, по предлог на одбраната на А.Ѓ. осомничен за кривично дело Грабнување од чл. 141 ст.2 вв ст.1 од КЗ, а поврзано со убиството на малолетната В.Ѓ. и велешанецот П.Ж., за замена на мерката притвор со куќен притвор, по добивање на мислење од надлежниот Јавен обвинител, донесе решение со кое предлогот на одбраната се одбива“, информираа од Кривичниот суд. Против ова решение странките имаат право на жалба до Кривичниот совет. Претходно овој месец, Одбраната побара куќен притвор за таткото на Вања. Адвокатот Туфегџиќ рече иако ниту една мерка не е оправдана за него, со куќниот притвор би се помогнало на семејството кое е погодено од големата трагедија. Туфегџиќ тврди дека Александар Ѓорчевски се уште не е сослушан во обвинителството, вели исказ дал само во предистрага кога му е одреден краткотрајниот притвор. Коментари коментари...
Овој чај од 5 состојки прави чуда за здравјето и слабеењето: Толку е вкусен што со него можеби ќе го замените кафето
Само Здравје - пред 66 дена
Во текот на зимските денови најдобро е да консумирате чај којшто му годи на вашето тело, а ние ви во предложуваме овој чај од пет состојки за целокупното здравје, но и за слабеење. Се смета дека овој чај од пет состoјки го загрева телото однатре, ги согорува масните наслаги, има својство да ве заштити и со самото тоа поволно влијае на слабеењето. Еве што содржи: Куркума Лековитите својства на куркумата моментално се многу популарни. Соединението куркумин ги намалува воспаленијата, се бори против канцер и помага да го сочува здравјето на срцето. Цимет Овој зачин го намалува и регулира шеќерот, лекува вирусни инфекции како настинка, грип, кашлица. Ѓумбир Ѓумбирот ја ублажува мигрената, има противвоспалителни својства и помага во борбата против канцерот. Кардамон Доколку сакате да спречите создавање крвни грутки, користете кардамон. Овој зачин го одржува здравјето на крвните садови, ја поттикнува циркулацијата, ги чисти бубрезите. Мед Медот исто така се нарекува и најздрава храна на планетата. На чајот му дава пријатен вкус и претставува извор на енергија за телото, го јакне имуниот систем. Состојки: Половина лажица ѓумбир, половина лажица цимет, 1/6 лажица куркума, прстофат кардамон, 500 милилитри вода, 1 лажица мед. Подготовка: Водата ставете ја да врие, кога ќе зоврие додадете го ѓумбирот и циметот, а потоа куркумата, кардамонот и помешајте. Оставете да отстои 5 до 10 минути, а потоа процедете и засладете со мед. Коментари коментари...
Советниците не ја изгласаа одлуката за субвенционирање на ЈСП, Скопје останува без јавен превоз
Само Здравје - пред 66 дена
Советот на Град Скопје денеска не ја донесе одлуката за давање субвенции на Јавното сообраќајно претпријатие Скопје за 2024 година. За изгласување на одлуката не беа доволни 22. гласа „за“ од присутните советници. Триенаесет беа воздражани, а ниту еден против. Со одлуката за субвенционирање треба да се овозможи исплата на декемвриската плата на вработените во ЈСП, кои организирани од Синдикатот, изутрината во 9 часот го прекинаа јавниот градски превоз. Од Град Скопје по седницата соопштија дека „советниците на ВМРО-ДПМНЕ повторно одлучија да тераат инает со граѓаните, да ги остават без превоз, а вработените во ЈСП Скопје без плата“. Скоро два и пол часа на вонредната седница, советниците дискутираа за потребата од донесување одлука за субвенционирање 11 милиони евра за ЈСП, средства од кои вработените ќе можат да ја земат декемвриската плата. Директорот на ЈСП Скопје Крсте Петревски повикувајќи ги советниците да гласаат за доделување субвенции за вработените да земаат редовно плата, појасни дека претрпијатието месечно троши 45 до 50 милиони денари за нафта, околу 20 милиони за ЦНГ или метан, а 30-тина милиони денари им исплаќаат на приватните превозници. Тој потенцира само за овие три давачки се потребни околу 100 милиони денари, но за нормално да функционира претпријатието дополнително треба пари за гуми, масло, електрична енергија…. – Ве повикувам овие луѓе кои се гладни надвор и граѓаните што патат за ваквите одлуки да ја донесете одлуката да ја изгласате. Ако сега не ја излгасаме одлуката претстојат избори и ќе ги донесме вработените во април или мај да останат без плати. Ве повикувам да ја изгласате одлуката за да може луѓето да се вратат на рбаота и да ги добијат заслужените пари, рече Петревски. Тој потенцира дека управниот и надзорниот одбор, изгласани од мнозинството во Советот на Град Скопје има увид на целокупното работење на претпријатието за сите трошоци детално. – ЈСП месечно од сите приходи прибира ококу 70-тина милиони денари, тоа се билети кои ги продаваме и договори со школи кои ги возиме. Скоро 70 проценти од патниците по разни програми се ослободени од плаќање и ги возиме бесплатно. Приходите се огрнаичени. Затоа субвенциите години наназад се гласаат и тие пари се трошат за плати на вработените, додаде директорот на претпријатието. И градоначалничката на Град Скопје Данела Арсовска ги повика советниците да гласаат за вработените да ја земат декемвриската плата. Негирајќи ја тезата за партиски вработувања во претпријатието, направи споредба со бројот на вработени од 2014 до 2023 година. Нагласи дека во нејзиниот мандат, односно од 2021 до 2023 година бројот на вработени бил намален за околу 300. – Вработувањата не се зголемени. За 300 е намален бројот на вработени. Расчистени се оние кои не одеа на работа, оние кои не работеа, и никакви вработувања нема. Само тековно работење, рече Арсовска. Марија Андоноска, советник од ВМРО – ДПМНЕ, забележа дека ЈСП не ги спроведува одлуките на Советот за продолжување пет-шест автобуски линии и за воведување две нови. Според неа, претпријатието не доставувало ниту детални извештаи за потрошените пари, забележувајќи дека во времето кога Коце Трајановски беше градоначалник ЈСП функционирало со 150 милиони денари субвенции, а сега не можело да опстои со 780 да функционира. Гордан Шутаров советник од СДСМ кажа дека ставот на неговата партија е конзистентен за давање субвенции на ЈСП заради тоа што граѓаните заслужуваат да имаат јавен превоз во моментот. – Две години по ред се залагаме за нов концепт на јавен градски превоз во Градот Скопје, тоа е „bus rapid transit system – brt“, проект за кој има одобрено 70 милиони евра од Европската банка з аобнова и развој, за кои гарантира и државата, а Градот Скопје нема д аима никаков финансиски импакт за тој проект. Мнозинството с епонаша како да еопозиција и повторно не го одобрува овој проект, за да се продлабочуваат кризите во ЈСП, рече Шутарот, нагласувајќи дека спасот за ЈСП е токму тој концепт на јавен градски превоз. По недонесувањето на одлуката за субвенционирање на ЈСП, Град Скопје во соопштение реагираше дека советниците на ВМРО-ДПМНЕ повторно одлучиле да тераат инает со граѓаните, да ги остават вработените во ЈСП Скопје без плата, а граѓаните на градот Скопје без превоз. Пред и за време на одржувањето на седницата, членови на Синдикатот на вработените во ЈСП Скопје се собраа пред просториите на Град Скопје за да го чекаат исходот од вонредната седница на Советот на град Скопје за исплата на субвенциите на ЈСП, од што зависи дали ќе се нормализира одвивањето на јавниот градски превоз. Јавниот градски превоз функционираше нормално од 4.30 до 09.00 часот, по што автобусите на ЈСП Скопје беа повлечени во базите, поради неисплатената плата за минатиот месец. Пред бараките на град Скопје се околу 400 вработени, како што велат, во знак на револт и да вршат притисок врз советниците на Градот, кои треба да ја изгласаат одлуката. Претседателот на Синдикатот на ЈСП Миќо Стојановски во изјава за медиумите информира дека сообраќањето на нивните автобуси, ќе зависи од одлуката на советниците на Град Скопје. Тој рече дека нема да се согласат со нецелосна исплата на сумата. Нагласи дека доколку биде донесена одлука за исплата на целосната сума, тогаш автобусите на ЈСП ќе почнат да сообраќаат во попладневните и вечерните часови. Коментари коментари...
Хирурзи во Британија развија печатени 3Д модели на црн дроб
Само Здравје - пред 66 дена
Хирурзите во Британија лансираа нова техника за користење на печатени 3Д модели на црн дроб на пациенти за да им помогнат во изведувањето на сложени хируршки процедури. Лекарите од Универзитетската болница Саутемптон, поддржани од организацијата Planets Cancer Charity развија модел прилагоден на секој пациент за планирање операции и обезбедување на најдобри резултати пред да се преземат неповратни чекори за време на операцијата. Податоците од CT и MRI снимките на пациенти со хиларен холангиокарцином, тип на рак на жолчните канали, се користат за создавање детални физички модели. Хирурзите потоа ги анализираат за да утврдат дали Клатскиновиот тумор може безбедно да се отстрани, одлука што претходно не можеше да се донесе додека операцијата всушност не беше во тек. Подобро разбирање и третман „Печатените 3Д модели се повеќе се користат за да помогнат во донесувањето одлуки пред и за време на операцијата и за подобро разбирање на анатомските односи на туморите во структурите на органите“, рече Арџун Тахар, хирург специјализиран за рак на панкреасот. „Со овој особено предизвикувачки рак понекогаш не можеме да кажеме до последен момент дали туморот може безбедно да се отстрани или не. Понекогаш хирурзите ќе преземат неповратен чекор и потоа ќе откријат дека туморот не може целосно да се отстрани, што резултира со лоши исходи за пациентите, краткорочно и долгорочно“, рече тој. „3Д печатењето нуди предност за проценка на туморот и неговата околина, како што се крвните садови и жолчните канали, пред да се изврши вистинската операција“, вели Тахар. „Проценка на операбилност без операција“ „Целта на пилот-проектот е да се процени дали ова овозможува проценка на оберабилноста без ‘отворање’ на пациентот“, тврди Тахар. Има дополнителна придобивка, 3Д моделот исто така може да помогне да се едуцираат помладите хирурзи за нијансите на анатомијата на црниот дроб во однос на овие сложени тумори. „Ова е единствена можност да се користи нова технологија за пациенти со тешка болест, а ние очекуваме усвојување на технологијата и кај пациенти со други тумори“, рече Тахар. Коментари коментари...
ИЈЗ: Зголемен бројот на заболени од грип
Само Здравје - пред 72 дена
Во текот на првата недела од 2024 година, од 1 до 7 јануари, во земјава се пријавени 1.025 случаи на заболени од грип или заболувања слични на грип. Тоа е 2,5 пати повеќе во споредба со претходната недела. Бројот на пријавени лица оваа недела, споредено со прва недела од минатата сезона, е зголемен за 24,8 проценти, а во споредба со бројот за прва недела од типичната епидемиска крива – моделирана од последните 13 сезони, зголемен е за 68,8 отсто, покажуваат податоците на Институтот за јавно здравје (ИЈЗ). – Во текот на првата извештајна недела, во вирусолошката лабораторија на ИЈЗ на РСМ, пристигнаа 37 материјали од рутинскиот надзор за лабораториско тестирање, паралелно тестирани за грип и Ковид-19 (SARS-CoV-2). Притоа, детектиран е 21 позитивен случај на Influenza, 19 А(H1)pdm09 и по еден Influenza А(H3) и Influenza А – несубтипизиран. Регистриран е и по еден пациент со респираторен синцицијален вирус (RSV) и SARS-CoV-2. Пријавената инциденца за првпат оваа сезона е над неделната граница на сезонската активност на вирусот на грип, односно достигнат е прагот на влез во сезоната на грип, наведуваат од ИЈЗ. Во однос на возрасната дистрибуција, 544 лица се на возраст од 15-64 години, 233 кај деца на возраст од 5-14 години, 185 кај деца на возраст од 0-4 години и 63 се регистрирани кај лица на возраст над 65 години. Највисока инциденца се регистрира кај децата на возраст од 0-4 години. – Заболените се пријавени од 18 ЦЈЗ/ПЕ, во Скопје – 269, Дебар – 188, Гостивар – 114, Штип – 107, Битола – 104, а во останатите, бројот на пријавени е ≤100. Во осум извештајни единици кои пријавија случаи во текот на оваа недела се регистрира многу ниска, во шест сезонска, во три средна, а во една, Дебар, висока активност на вирусот на грип. Во текот на оваа недела, регистрирани се два смртни случаја асоцирани со грип. Се работи за лица на возраст од 56 и 61 години од Скопје и Куманово, кои биле хоспитализирано во УК за пулмологија и алергологија. Кај починатите лица е утврдено присуство на коморбидитети – кардиоваскуларни и белодробни и не биле вакцинирани со вакцина против сезонски грип. Кај починатите лица, лабораториски е потврдена Influenza А(H1)pdm09, додаваат од ИЈЗ. Од Институтот повторуваат дека вакцинацијата против сезонски грип е најефикасна заштита од ова заболување. Институтот за јавно здравје препорачува вакцинација на целото население, особено на лица кои припаѓаат на таканаречените ризични групи, согласно препораките на СЗО, односно постарите лица – над 65 години, деца на возраст од 6-59 месеци, лица постари од шест месеци со хронични болести, бремени жени, како и здравствени работници. – За сезоната 2023/2024, Министерството за здравство обезбеди бесплатна четиривалентна вакцина во вкупна количина од 60.000 дози, наменета за приоритетни групи население. Дополнителни 15.000 дози на четиривалентна вакцина се обезбедени преку донација од PIVI (Partnership for Influenza Vaccine Introduction). На 25.10.2023 година започна вакцинацијата против сезонски грип. Вакцинацијата се спроведува во Центрите за јавно здравје со нивните подрачни единици и-или здравствените домови. Закажувањето за бесплатните вакцини се одвива преку веб-страницата www.vakcinacija.mk, истакнуваат од ИЈЗ. Заклучно со првата недела од оваа година, во Република Северна Македонија, вакцинирани се вкупно 60.766 лица со бесплатна или комерцијална вакцина. Коментари коментари...
Водата за пиење во Скопје е безбедна и микробиолошки исправна
Само Здравје - пред 73 дена
Водата во Скопје е безбедна и микробиолошки исправна, соопшти денеска Јавното претпријатие „Водовод и канализација“ – Скопје. Според неделниот извештај за квалитетот и безбедноста на водата за пиење добиен од анализите спроведени во Секторот за санитарна контрола, направени од 9 јануари до 12 јануари годинава, сите анализирани примероци одговараат на Правилникот за барања за безбедност и квалитет на водата за пиење. За анализа биле земени 155 примероци за физичко-хемиска и 155 примероци за микробиолошка анализа на вода за пиење од 47 мерни места во Град Скопје. Коментари коментари...
Триесетдневен притвор за таткото кој до смрт ја претепа двегодишната ќерка
Само Здравје - пред 76 дена
Tриесетдневен притвор му е одреден на таткото од Кичево кој ја претепа својата двегодишна ќерка која почина од здобиените повреди. Осомничениот Ф.Д, според информациите од СВР Охрид, е спроведен во затворот во Битола. Според соопштението од СВР – Охрид, приведениот на 18 декември околу 21 часот во неговата семејна куќа во Кичево и нанел тешки телесни повреди на неговата двегодишна ќерка, која првично била пренесена во Општата болница во Кичево, а потоа во Клиничкиот центар „Мајка Тереза“ во Скопје каде на 8 јануари им подлегнала на повредите. Коментари коментари...
Почина двегодишно девојче на Клинички, таткото осомничен дека ја претепал
Само Здравје - пред 77 дена
По 22 дена борба за живот почина двегодишно девојче во Клиничкиот центар во Скопје. Според инфорнациите од полицијата, таткото на девојчето е приведен и осомничен дека на 18 декември и нанел тешки телесни повреди пред да биде хоспирализирана. Како што се наведува, девојчето првин било однесено во Општата болница во Кичево, а потоа во Клиничкиот центар во Скопје каде, во понеделникот починала. Против нејзиниот татко ќе биде поднесена пријава. Коментари коментари...
Меџити: Има доволно вакцини, родителите да ги вакцинираат децата
Само Здравје - пред 77 дена
Министерот за здравство Фатмир Меџити денеска повторно апелираше до родителите да ги вакцинираат своите деца откако во земјава и регионот се појави голема кашлица. Во изјава за медиумите дадена по отворањето на реновираната операциона сала на Клиниката за ортопедски болести, Меџити рече дека има доволно вакцини и дека од вчера е дадена наредба да се проверат сите вакцинални картони од бебиња. – Крајно време да се смени менталниот склоп. Секое вакцинирање, значи спас на живот. Затоа ги повикувам родителите за доброто на нивните деца да ги вакцинираат и да ги превенираме ваквите појави, рече Меџити. Во однос на информациите за дефицит на лекови на Клиниката за онкологија, Меџити повтори дека дефицит на лекови за овие пациенти нема да има, освен ако некоја состојка ја нема на меѓународно ниво, но за тоа, како што посочи, навреме ќе информираат. Коментари коментари...
Луѓето кои ја имаат оваа крвна група се изложени на зголемен ризик од мозочен удар
Само Здравје - пред 79 дена
Генерално, крвните групи ја опишуваат богатата разновидност на хемикалии прикажани на површината на нашите црвени крвни зрнца, а меѓу најпознатите се оние наречени А и Б, кои можат да бидат присутни заедно како АБ, поединечно како А или Б или онаа наречена 0. Дури и во овие главни крвни групи, постојат суптилни варијации кои произлегуваат од мутации во одговорните гени. Студија објавена во 2022 година покажува дека истражувачите на геномиката откриле јасна врска помеѓу генот на подгрупата А1 и ризикот од мозочен удар. Истражувачите собрале податоци од 48 генетски студии, кои вклучија приближно 17.000 преживеани од мозочен удар и речиси 600.000 контроли без мозочен удар. Сите учесници во студијата биле на возраст од 18 до 59 години. Пребарувањето ширум геномот открило две локуси силно поврзани со ризикот од мозочен удар. Едниот одговарал на местото на гените за крвната група. Друга анализа на специфични типови на гени на крвната група потоа открила дека луѓето чии гени кодирани за варијација на групата А имале 16 отсто поголем ризик од мозочен удар пред 60-тата година од животот, во споредба со популацијата на другите крвни групи, пишува „N1 Hrvatska“. За оние со генот О1, ризикот бил помал за 12 отсто, пренесува „City Magazine“. Сепак, истражувачите забележале дека дополнителниот ризик од мозочен удар кај луѓето со крвна група А е мал, така што нема потреба од дополнителна претпазливост и тестирање за луѓето од оваа група. „Сè уште не знаеме зошто крвната група А би била изложена на поголем ризик“, вели васкуларниот невролог Стивен Китнер од Универзитетот во Мериленд. „Но, тоа веројатно има врска со факторите на згрутчување, како што се тромбоцитите и клетките на обложување на крвните садови, како и други циркулирачки протеини, од кои сите играат улога во развојот на згрутчување на крвта“, додаде тој. Друг клучен наод на студијата дошол од споредувањето на луѓето кои имале мозочен удар пред 60-тата година од животот со оние кои имале мозочен удар после 60-тата година. За ова, истражувачите користеле збир на податоци од околу 9.300 луѓе на возраст над 60 години кои имале мозочен удар и околу 25.000 луѓе од контролната група на возраст над 60 години кои немале мозочен удар. Тие откриле дека зголемениот ризик од мозочен удар во крвната група А станал незначителен кај групата со доцен почеток, што покажува дека мозочните удари кои се јавуваат на рана возраст може да имаат различен механизам во споредба со оние што се случуваат подоцна. Мозочните удари кај помладите луѓе се со помала веројатност да бидат предизвикани од таложење на масни наслаги во артериите (процес наречен атеросклероза) и поверојатно да бидат предизвикани од фактори кои влијаат на формирањето на згрутчување, велат авторите. Коментари коментари...
Еве што треба да направите за Стара Нова година и Василица
Само Здравје - пред 79 дена
Според Јулијанскиот календар, на 13 јануари православните христијани ќе ја пречекаат Православната или Стара Нова година. Оние кои го носат името на Свети Василиј Велики го слават својот именден, а многу македонски семејства Василица ја празнуваат како домашна слава. На Василица верниците кои се водат по овој календар кршат и лепче со паричка и исто така се верува дека на оној кој ќе му се падне паричка ќе биде среќен во текот на целата година. Старата година се испраќа и со палење василичарски огнови, кои се симбол на божествената светлина што, според народното верување, ги прогонуваат лошите сили. Коментари коментари...
Еден случај на голема кашлица во „Козле“, едно дете хоспитализирано со Ковид-19
Само Здравје - пред 79 дена
Голема кашлица, пертусус, е потврдена кај шестмесечно бебе од Скопје на Детската клиника „Козле“, потрвди за МИА Мирјана Поповска, специјалист педијатар во „Козле“. Во исто време, едно дете со Ковид-19 моментално е хоспитализирано на Детската клиника „Козле“. Според податоците на Институтот за јавно здравје, од 1 до 7 јануари, евидентирани се 72 нови случаи на Ковид-19 во државава. Поповска информира дека во „Козле“ дневно има до 200 деца во амбулантско-поликлиничкиот дел, што поминуваат низ консултативните амбуланти. Во моментов, има околу шеесетина хоспитализирани деца на клиниката. – Најчесто станува збор за инфекции на долните дишни патишта. Најранлива, најзасегната категорија се доенчињата до една година, додаде Поповска. Директорот на Институтот за јавно здравје, Шабан Мемети за МИА рече дека три случаи на пертусис – голема кашлица, се евидентирани во 2023 година, сите од Скопје, од кои еден во декември. – Од 1 до 7 јануари, евидентирани се 72 нови случаи на Ковид-19 во нашата држава. Починало едно лице со Ковид-19. Од новозаболените, најмногу се од Скопје – 36, потоа Охрид со 13, Битола со седум, појасни Мемети за МИА. Српски медиуми пренесуваат оти во Србија има тридемија, односно судир на грип, коронавирус и респираторен синцијален вирус (РСВ). Кашлање, болка во грлото, температура, омалаксаност, болки во мускулите, се најчестите симптоми на грипот, Ковид-19 и респираторните инфекции од кои страдаат поголем број Срби. Ковид-19 и неговите варијанти сѐ уште се околу нас и се повеќе циркулираат во нашите заедници, при што во моментов е детектирано „коегзистирање на три типа вируси истовремено“, изјави еврокомесарката за здравство Стела Киријакидес, нагласувајќи ја потребата од помасовна вакцинација против короната и сезонскиот грип. Киријакидес истакна дека најновите здравствени податоци укажуваат дека во некои земји членки на ЕУ, се бележи значителен пораст на лица инфицирани со коронавирусот, додавајќи дека дополнителен предизвик претставува и циркулацијата на други респираторни заболувања. Според неа, вакцинацијата останува клучна заштита од коронавирусот, особено за ризичните категории граѓани. – Тоа го истакнав и во писмото испратено до сите министри за здравство во септември за потребата од вакцинација против Ковид и сезонски грип. Ни треба соодветно тестирање, секвенционирање, известување и споделување на податоците за Ковидот. Тоа е единствениот начин на кој можеме да продолжиме ефикасно да го следиме ширењето на вирусите кои циркулираат и нивните варијанти и да се чуваме меѓусебно, истакна Киријакидес за „Еурактив“. Во Хрватска во периодот од 12 до 18 декември се регистрирани 68 смртни случаи поврзани со компликации предизвикани од Ковид-19, додека здравствените власти во Грција предвидуваат дека доколку продолжи сегашниот тренд на раст на инфицирани со коронавирусот, би можело да се очекуваат по околу 80 смртни случаи неделно. Во Италија во последните две недели од 2023 година, регистрирани се рекорден број заболени од сезонски грип и Ковид, додека во Белгија кон средината на минатиот месец, беше утврдено високо ниво на циркулација на коронавирусот во отпадните води и негов нагорен тренд. Коментари коментари...
Малолетник повреден од петарда што му пукнала во уста
Само Здравје - пред 86 дена
Малолетник во Тетово се здобил со повреда откако петарда му пукнала во устата за време на новогодишната ноќ, стои во полицискиот билтен на СВР Тетово. Засега не е јасно како дошло до инцидентот. Во ургентниот центар во Тетово се пријавиле седум граѓани, од кои тројца биле во алкохолизирана состојба, а четворица малолетници се повредени од петарди. Во СВР Тетово не е пријавена никаква несреќа и случај на нарушување и јавниот ред и мир. Од тетовската полиција соопштуваат дека пред две вечери во овој сектор било мирно и без инциденти. Законот за прекршоци против јавниот ред и мир во член 31 предвидува глоба во износ од 200 до 500 евра во денарска противвредност за оној кој неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните. Сите оние кои на јавно место неовластено приредуваат огномети или слично, и не ги преземат потребните заштитни мерки согласно соодветната законска регулатива ќе бидат казнети, се вели во законските прописи. Коментари коментари...