Ова е целосно новиот Mini Aceman!
Car Club - пред 4 часа
ShareTweetShareНовиот електричен модел на брендот ја пополнува дупката во гамата измеѓу Cooper и Countryman. Првично, Aceman ќе биде понуден во две варијанти – E и SE. Првата доаѓа со електричен мотор со 184 коњски сили, батерија од 42,5 kWh и максимален опсег на возење до 310 километри, додека втората има 218 коњски сили, батерија од 54,2 kWh и опсег на возење до 405 километри. Гледан од надвор, лесно е да се претпостави дека се работи за модел на Mini. Дневните LED и задните светла можат наизменично да менуваат три режими на работа со различна графика. Рамните рачки на вратите и закосеното задно стакло додаваат на неговиот аеродинамичен профил, додека мат-црните прагови му даваат поцврст лик. Во внатрешноста, доминира OLED екранот со дијаметар од 9,5 инчи кој функционира на оперативниот систем Mini OS 9. Физичките копчиња се враќаат во мода, па производителот се реши да задржи група основни прекинувачи под екранот за контрола на менувачот, копчето за сопирање-поаѓање, паркирната сопирачка и радиото. Цената за Aceman не е објавена, а производството е планирано да започне подоцна оваа година. ShareTweetShare...
JE Design го тјунираше Cupra Formentor
Car Club - пред 11 часа
ShareTweetShareБлагодарение на китот за подигнување на шасијата и гумите за сите терени, Cupra Formentor станува сериозно off-road возило. Теренскиот Formentor позајмува елементи од спортскиот бодикит на JE Design кој е веќе достапен, но со неколку измени. Браниците се монтирани директно на каросеријата со видливи завртки, давајќи му дополнителен акцент на грубиот изглед. Возилото користи посебни 18-инчни тркала со Yokohama гуми за сите терени. За да одговара на пошироките браници, од JE Design вградија и дополнителни разделници. Растојанието од подлогата е исто така зголемено, и тоа за 3 cm благодарение на комплетот за подигнување. Дополнително, покривот добива практичен багажник кој е споен со две LED шипки за подобрено осветлување, додека виолетовите мат акценти околу каросеријата додаваат малку боја воцелото сивило. Погонската единица останува непроменета, ако не го сметаме погласниот специфичен звук што сега го дава новиот издувен систем со четири цевки. Cupra Formentor All-Terrain останува како еднократен концепт проект, иако од JE Design велат дека постои можност да го пуштат во производство доколку има доволно интерес од страна на клиентите. ShareTweetShare...
ПРЕМИЕРА: Lamborghini Urus SE е плаг-ин хибриден супер-SUV со 800 коњски сили!
Car Club - пред 1 ден
ShareTweetShareНајмоќниот Urus досега комбинира 4-литарски твин-турбо V8 со батерија и електромотор за да располага со вкупно 800 коњски сили и да катапултира до 100 километри на час за само 3.4 секунди! Моќниот 4-литарски твин-турбо V8 кој веќе се вградува во Urus е оптимизиран за работи заедно со електричниот погон. Само бензинскиот мотор испорачува 620 коњски сили и 800 Nm вртежен момент, додека електромоторот испорачува дополинтелни 192 коњски сили и 483 Nm вртежен момент. Електромоторот се напојува до батерија со капацитет од 25.9 kWh, а заедно овозможуваат автономија од повеќе од 60 километри на електрична енергија. Но не сме тука да зборуваме за возење на струја. Тука сме да зборуваме за перформансите. Urus SE е најмоќниот Urus досега и располага со 800 коњски сили и 950 Nm вртежен момент. Сето тоа резултира со катапултирање до 100 километри на час за 3.4 секунди, до 200 километри на час за 11.2 секудни. Максималната брзина е „само“ 312 километри на час. Urus SE добива и неколку козметички и технолошки надградби. Забележуваме редизајниран преден поклопец и редизајниран преден браник со поголема решетка и нови LED светла. Тука е ревидираниот заден дел со црн дел кој ги спојува задните светла. Според Lamborghini, ова е за да се постави директна врска меѓу Urus и тековните супер-автомобили на италијанскиот бренд. Urus SE е поставен на огромни 23-инчни тркала, обвиени во P Zero пневматици развиени во соработка со Pirelli. Кабината добива нов, 12.3-инчен инфозабавен уред и нови отвори за уредот за вентилација. Препознаваме и редизајнирани седишта и некои нови материјали. Urus SE е веќе достапен за нарачка. Поврзано: Lamborghini ja проби бариерата од десет илјади продадени автомобили ShareTweetShare...
Новите Vito Tourer и V-Class пристигнаа во салонот на Mercedes-Benz
Car Club - пред 1 ден
ShareTweetShareНавидум слични, но во суштина прилично различни – во салонот на Мак Аутостар пристигнаа новите Vito Tourer и V-Class. Mercedes-Benz има долга историја со таканаречените комбиња – и таа традиција продолжува и со новите Vito Tourer и луксузниот V-Class. Всушност, ако Vito Tourer е наменет за секојдневен транспорт на луѓе (и тоа во завиден комфор, сепак зборуваме за Mercedes-Benz), тогаш V-Class заслужено е дел од Класната номенклатура на Mercedes-Benz. Кај V-Class доминираат луксузот и комфорот и таму и возачот и патниците ќе уживаат во врвни фотелји, ќе добијат дополнителна опрема во насока на практичноста и ќе патуваат како во вистински Mercedes. И ако Vito (па и Vito Tourer) е замислен да биде верен и доверлив соработник и да најде свое место во различни деловни опкружувања, тогаш V-Class е замислен да биде луксузен транспорт за скапи хотели, казина, аеродроми и луксузни резорти. Не би имале проблем да патувате во овој Mercedes-Benz, нели? ShareTweetShare...
ПРЕМИЕРА: Електричниот Mercedes-Benz G-Class го има сиот вртежен момент на светот!
Car Club - пред 1 ден
ShareTweetShareЗа прв пат во историјата, G-Class станува целосно-електрична – и благодарение на 4 електромотори и безмалку 1200 Nm вртежен момент достапни „од нула“, подготвена е да го помрдне светот! На самиот почеток – бидејќи токму тоа е најважно – ајде да зборуваме за погонот. Под металната кожа на Mercedes-Benz G580 with EQ Technology (да, тоа е целото име и презиме) се кријат четири електромотори. Секој од нив испорачува по 145 коњски сили, за вкупно 580 коњски сили и – уште поважно, би рекле – неверојатни 1164 Nm вртежен момент. Сето тоа овозможува катапултирање до 100 километри на час за 4.7 секунди, но и до максимална (електронски ограничена) брзина од 180 километри на час. Вртежниот момент се испорачува инстантно – а тоа ветува импресивни перформанси како на асфалт, така и кога ќе го снема. A кога ќе снема асфалт, доаѓаат до израз вистинските таленти на електричната Ге-Класа. Моќниот електричен SUV може да се искачува по странични стрмнини со агол до 35 степени, оддалечен е од подлогата цели 250 милиметри и може да помине низ вода длабока 85 сантиметри. Аголот на пристапување е 32 степени, додека аголот на заминување е 30.7 степени. Може да се искачи по нагорнини со максимален агол од 45 степени! Интересно, електричната G-Class добива и дво-брзински менувач кој е наменет да функциони како редуктор, а добива и G-Turn функционалности за вртење во место – како тенк. Електромоторите овозможуваат целосно „виртуелно“ фунцкионирање на заклучување на диференцијалите бидејќи секој мотор може индивидуално да се контролира. Секако, тука е и неизбежната адаптивна суспензија и сите играчки кои се потребни за непречена теренска доминација – сепак зборуваме за G-Class. Поврзано: Новите Vito Tourer и V-Class пристигнаа во салонот на Mercedes-Benz Инаку, батеријата која го задвижува овој електричен теренски суперхерој е со капацитет од 116 kWh. Според официјалните информации кои пристигнаа од Mercedes-Benz, очекуваната автономија на електрична енергија е до 473 километри, измерени според WLTP, секако. Со лансирањето на G580 with EQ Technology (немало ли да биде полесно да се вика едноставно G580 EQ?), Mercedes-Benz лансира и специјална Edition One изведба која добива дополнителна опрема и ексклузивни дизајн детали. Цените во Германија ќе започнуваат од 142.000 Евра за стандардната изведба, односно 192.000 Евра за Edition One. ShareTweetShare...
Chery ќе произведува автомобили во Барселона!
Car Club - пред 2 дена
ShareTweetShareКинескиот гигант Chery објави дека потпиша договор со компанијата EBRO од Шпанија да произведува автомобили во фабриката во Барселона. Фабриката која е предмет на договорот порано беше на Nissan. Јапонскиот бренд ја затвори фабриката во 2021 и тогаш беа изгубени околу 1600 работни позиции. Chery планира во фабриката да произведува модели од понудата на брендот Omoda. Колку за потсетување, Chery FX кој ние го возевме минатата година на други пазари се продава под името Omoda 5, а веќе е претставена и целосно-електрична верзија која најверојатно ќе се произведува во Барселона. Доминантен акционер во договорот е шпанската компанија EBRO. Според најавеното, EBRO EV Motors ќе произведува свои возила во заедничката фабрика, а производството ќе започне во последната четвртина од годинава. Според најавеното, покрај Chery Omoda 5, во фабриката ќе се произведуваат уште два модели на EBRO, базирани на технологии и платформи од Chery. Производството ќе започне во две фази – на самиот почеток автомобилите само ќе се склопуваат во фабриката, за наскоро да започне заварување, фабрање и финално склопување во фабриката. Компаниите најавуваат дека ќе инволвираат локални добавувачи за одредени чекори од производството. Chery настапува прилично самоуверено, особено ако земеме предвид дека по Германија, Шпанија е втората земја во Европа по број на произведени возила. „Го гледам овој чекор како потврда за посветеноста на Chery кон Европа. Оваа одлука докажува дека Chery е тука за да остане.“ – изјави Jochen Tueting, директор на Chery Europe. Инаку, ова е втор голем чекор на кинески автомобилски бренд кон производство во Европа. BYD веќе најави дека ќе гради фабрика за производство на електрични автомобили во Унгарија a BYD Dolphin е избран за овогодинешен Best Buy Car of Europe според AUTOBEST жирито. ShareTweetShare...
Новиот Taycan го наелектризира Скопје – Македонска премиера на знаменосецот на електричната гама на Porsche
Car Club - пред 2 дена
ShareTweetShareВчеравечер своја македонска премиера имаше освежениот Porsche Taycan, кој во врвната Turbo GT изведба има повеќе од 1100 коњски сили! Македонска премиера на освежениот Porsche Taycan. Знаменосецот на електричната гама на Porsche неодамна доби темелно освежување, нови батерии и поефикасни и помоќни мотори – и веќе пристигна и кај нас! Сите три верзии на Taycan добија освежување – тука е „обичниот“ Taycan, но и повеќенаменскиот Taycan Cross Turismo и практичниот Taycan Sport Turismo. Во зависност од конфигурацијата која ќе ја одберете, Taycan има батерија со капацитет до 105 kWh, но добива и можност за уште помоќно полнење и тоа до максимални 320 kW. Според WLTP мерењата, Taycan ќе може да помине до 678 километри со едно полнење на батериите – зголемување за цели 175 километри, односно 35%. Ако имате пристап до доволно брз полнач, Taycan може да се наполни од 10 до 80% за само 18 минути – безмалку 20 минути пократко од претходникот – и покрај поголемата батерија! Основниот Taycan забрзува до 100 километри на час за само 4.8 секунди – цели 0.6 секунди побрзо од претходно. Врвниот Taycan Turbo S катапултира до 100 километри на час за 2.4 секунди – 0.4 секунди побрзо од претходно. Подобреното забрзување се должи на зголемената моќност – основниот Taycan сега има 80 коњски сили повеќе. Taycan Turbo S? Безмалку 200 коњски сили повеќе – односно вкупно 952 коњски сили! На самиот врв на понудата е лудиот Taycan Turbo GT. Кај него, погонот испорачува 790 коњски сили, односно дури 1108 коњски сили во Launch Control режим – а тие бројки го прават Taycan Turbo GT најмоќното Porsche на сите времиња. Воедно, Taycan Turbo GT е и најбрзо-забрзувачкиот Porsche во историјата на брендот – 100 километри на час пристигнуваат за само 2.3 секунди, односно 2.2 секунди со Weissach пакетот. Ако тоа не е доволно да ви ја одлепи кожата од лицето, тогаш што е? Во однос на естетските корекции, Taycan добива нови HD Matrix предни светла со надградена оптика, додека на задниот дел Porsche ознаката е интегрирана во светлосниот елемент. Достапни се и неколку нови бои, а Turbo и Turbo S моделите добиваат Turbonetic детали кои дополнително ќе ги издвојат од остатокот од гамата. Поврзано: Singer преработија 300 примероци од Porsche 911 Кабината добива нов дисплеј со поедноставен кориснички интерфејс, но и нов прекинувач кај управувачот наменет за поедноставно и поинтуитивно користење на системите за асистенција. Од Porsche напоменуваат дека Apple CarPlay е интегриран во инфозабавниот ситем и доаѓа со можност за прикажување на видео на централниот или на совозачкиот дисплеј. Достапни се и нови пакети на материјали за ентериерот, меѓу кои и две опции во кои не се користи кожа. Наместо кожа се користи високо-напреден Race-Tex и специјални текстилни материјали. Новиот Taycan веќе може да се погледне во салонот на Porsche во Скопје! ShareTweetShare...
ПРЕМИЕРА: Opel го откри грандиозниот нов Grandland!
Car Club - пред 2 дена
ShareTweetShareНовиот знаменосец на Opel е првиот модел на германскиот производител изграден врз STLA Medium платформата – а тоа ветува врвен електричен погон со автономија до 700 километри, како и ефикасни хибридни погони, супер-современи технологии и беспрекорно возачко искуство. Целосно-електричниот Grandland ќе се нуди со батериски модул со 73 kWh или 98 kWh, a STLA Medium платформата е поставена врз 400-волтна архитектура. Ова овозможува брзо DC полнење со моќ до 160 kW, но и автономија до 700 километри. Секако, тука се и верзиите со мотори со внатрешно согорување – докажаниот 1.2-литарски турбо-бензинец ќе се комбинира со 48-волтна хибридна технологија, а за понатаму е најавена и плаг-ин хибридна верзија која ќе може да помине до 85 километри со полни батерии. Инаку, новиот Grandland е вистински исчекор за германскиот бренд. Зошто? Ако Opel ги најави своите амбиции уште пред неколку години, за потоа да ги потврди и да ги бутне скалило нагоре со лансирањето на новата Astra, тогаш со новиот Grandland пристапот на Opel постигнува кулминација. Доминираат чисти површини и остри линии – од предниот дел со карактеристичниот Vizor и новиот светлечки Opel Blitz, преку едноставниот профил кој суптилно го прекршуваат контрастни линии, па сè до задниот дел со широкиот одноделен светлосен елемент, тенките задни светлосни групи и осветленото Opel име – дизајнот на Grandland е полн погодок! Слично е и во кабината, каде едноставно доминира огромниот 16-инчен инфозабавен систем. Покрај него, кабината добива и надграден хед-ап дисплеј и хај-тек AGR седишта со електрични странични ѕидови, вентилација и масажа. Всушност, Grandland е изграден од високо-технолошки решенија – на пример, тука се новите Intelli-Lux Pixel Matrix HD предни светла кои имаат повеќе од 50.000 LED елементи (поточно, 51.200, по 25.600 на секоја страна) за врвно осветлување со супер-прецизна дистрибуција на светлината. Поврзано: Opel најавува важен новитет - Frontera се враќа! Сега за сега нема официјални информации кога ќе пристигне Grandland на пазарот, но очекуваме тоа да се случи до крајот на годината. ShareTweetShare...
ТЕСТ: Toyota C-HR 1.8 Hybrid E-CVT 2WD Cult – Очекуваниот избор
Car Club - пред 3 дена
ShareTweetShareНовиот C-HR веќе се појави на нашите страници, но сега сме зад управувачот на верзија со 1.8-литарски хибриден погон и 140 коњски сили – токму верзијата која очекуваме да биде најпопуларна кај нашите купувачи. Пред само неколку седмици го возевме новиот C-HR во неговата врвна конфигурација – онаа со 2-литарски хибриден погон со безмалку 200 коњски сили, i-AWD погон на сите четири тркала и GR Sport опрема. Денес ќе зборуваме за еден малку поинаков C-HR – малку помалку опрема, нијанса послаб хибриден погон, но значително поприфатлива цена. Ајде повторно да зборуваме за C-HR! 1.8-литарски хибриден погон со 140 коњски сили Бидејќи веќе зборувавме за дизајнот на новиот C-HR, сега повеќе внимание ќе посветиме на погонот. Под кожата на овој C-HR се крие најновата генерација на добро-познатиот 1.8-литарски самополнечки хибриден погон на Toyota. Погонот комбинира 1.8-литарски атмосферски бензинец кој работи на Аткинсонов циклус со електромотор и батерија. Бензинецот испорачува 90 коњски сили при 5200 вртежи во минута и 142 Nm при 3600 вртежи во минута, а со него соработува електромоторот кој испорачува дополнителни 95 коњски сили и 185 Nm вртежен момент. Електромоторот се напојува од мала литиум-јонска батерија со капацитет од 4.08 kWh. Вкупната, системска моќност е одлични 140 коњски сили, кои овозможуваат забрзување до 100 километри на час за 10.2 секунди и максимални 170 километри на час. Toyota ветува комбинирана потрошувачка од 4.6 литри на 100 изминати километри, односно 4.9 литри на 100 изминати километри на отворено – а тоа е многу слично до она кое ние го измеривме. За време на неколкудневното тестирање потрошувачката едвај надмина 5.5 литри на 100 километри во град, односно под 5 литри на отворен пат. Поврзано: Новата, втора генерација на Toyota C-HR пристигна во Македонија Хибридниот погон многу лесно и многу често вози на електрична енергија. Toyota многу добро знае што прави и калибрацијата е навистина во насока на врвна ефикасност и економичност, а од друга страна електромоторот дава одлична „дополнителна мотивација“ кога силно ќе ја притиснете педалата за гас. Уште еднаш ќе го пофалиме и новиот E-CVT бесстепен автоматски менувач – јапонците продолжуваат да работат на овој менувач и се забележува напредокот во однос на намалување на бучавоста која е карактеристична за ваквите менувачи. Дизајн воден од несекојдневните форми и решенија Инаку, ова е и понатаму C-HR. Дизајнот и понатаму го има главниот збор – вонземската естетика на супер-препознатливиот кроосвер на Toyota е водена од несекојдневните форми и можеби малку контроверзните решенија. Но нема сомнеж – ова е C-HR, а неговата купеовска форма го прави да изгледа како малку да лебди над асфалтот. Секако – и тука ги забележуваме комплексните површини и храбрите линии. C-HR може да изгледа како сакате, но сигурно нема да изгледа здодевно. Да, C-HR GR Sport е подинамичен, но дури и кај „обичниот“ C-HR свое влијание имаат големите светлосни елементи, купеовската форма и скриените рачки од вратите. Детали има многу и интересна игра е да пробате да ги откриете сите. Комфорен и неутрален зад упраувачот Оваа верзија доаѓа и со помали тркала, но и со „помесести“ пневматици во однос на C-HR GR Sport – и би рекле дека иако не ни се допаѓаат колку што ни се допаѓаа големите тркала кај GR Sport, сепак позитивно влијаат на комфорот. Едноставно, поголемите пневматици поубаво ги впиваат нерамнините од нашите улици, без притоа премногу негативно да влијаат на управувањето. Поврзано: ТЕСТ: Toyota C-HR 2.0 Hybrid AWD-i GR Sport - Еден меѓу многуте! Лесното електрично серво-управување и понатаму е прецизно, но ќе напоменеме дека не се пренесуваат скоро никакви информации од подлоата. C-HR не се навалува премногу во свиоци, ниту пак е наклонет кон надуправување – но вистината е дека највеќе му прилега опуштено, смирено возење каде се влече највеќе од хибридниот погон. Современа кабина со сите потребни технологии и многу опрема На автопатски брзини, во кабината е тивко – тука повторно ќе ја напоменеме подобрената калибрација на E-CVT менувачот. Сепак, би посакале малку повеќе звучна изолација за рафинираноста да е уште поизразена. Инаку, во кабината е комфорно и прегледно (освен кон задниот дел, но тоа е цената која мора да се плати за дизајнот, а затоа е тука и паркинг-камерата) и квалитетот на финалната обработка е беспрекорен. Пред возачот се поставени дигиталните инструменти, додека на централната конзола се наоѓаат мултимедијалниот уред и физичките контроли за клима-уредот. Како што напоменавме кога го возевме C-HR GR Sport, на предните седишта има навистина многу простор, но на задната клупа е малку потесно. Багажникот е поголем во однос на оној кај C-HR GR Sport – таму беше со капацитет од 364 литри, тука има нијанса поголеми 388 литри. Немаме замерки ниту на опремата – C-HR дури и во основното ниво на опрема ги има сите релевантни системи за активина и пасивна безбедност, а тука се и мултимедијалниот уред, паркинг-камерата, адаптивниот темпомат, 17-инчните тркала, LED предните светла и многу, многу повеќе. Убедени сме дека токму оваа конфигурација ќе биде најпопуларна кај македонските купувачи По сето ова, се наметнува еден важен заклучок – а заклучокот е дека Toyota нуди избор. Сакате поспортски, подинамичен и помоќен C-HR? Тука е C-HR со 2-литарски хибрид во GR Sport изведба. Сакате посмирен, поефикасен па би рекле дури и порационален и попрактичен C-HR? Тука е C-HR во Cult варијанта со 1.8-литарскиот хибрид. Поврзано: ТЕСТ: Toyota C-HR 2.0 Hybrid AWD-i GR Sport - Еден меѓу многуте!Новиот 1.8-литарски хибриден погон е помоќен и поефикасен од порано, а тоа резултира со автомобил кој е поопуштен и порафиниран за возење, а згора на тоа и поекономичен – и токму затоа сме убедени дека токму оваа конфигурација ќе биде очекуваниот избор за повеќето купувачи на C-HR. И нема да згрешат. Спецификации Модел: Toyota C-HR 1.8 Hybrid E-CVT 2wd Cult Мотор: 1.8-литарски атмосферски бензинец, 4 цилиндри + електромотор Моќност: 140 коњски сили Вртежен Момент: 185 Nm / 3600 вртежи во минута Менувач: Автоматски безстепен CVT Забрзување 0-100 км/ч: 10.2 секунди Максимална Брзина: 170 километри на час Должина: 4362 mm Ширина: 1832 mm (со странични ретровизори) Висина: 1558 mm Тежина: 1430 килограми Меѓуоскино Растојание: 2640 mm Багажен Простор: 388 литри Потрошувачка: 5.6 литри на 100 километри (измерена, градска) Цена на основниот модел: Toyota C-HR 1.8 Hybrid 2WD City – 32.590 Евра Цена на тестираниот модел: Toyota C-HR 1.8 Hybrid 2WD Cult – 33.990 Евра Повеќе Информации: Toyota.com.mk Фотографии ShareTweetShare...
Буба Клуб Македонија наполни 14 години!
Car Club - пред 3 дена
ShareTweetShareКлубот на фанови и сопственици на незаменливата Volkswagen Буба наполни 14 години и заедно со своите пријатели го прослави роденденот. Буба Клуб Македонија, заедно со своите пријатели од Македонија и регионот – но и со поддршка од Порше Македонија – викендов го прослави својот 14-ти роденден. Клубот зад себе има богата историја, со учество на многу настани како во Македонија, така и во регионот и низ Европа, но и многу настани организирани на домашен терен. Заедно со своите автомобили и своите гости викендов го прославија роденденот а нашиот град го направија поубаво, пошарено и попријатно место. Им го честитаме роденденот и им посакуваме уште многу настани и многу дружење во иднина! ShareTweetShare...
ПРЕМИЕРА: Porsche Cayenne GTS напаѓа со 4-литарски твин-турбо V8 и 500 коњски сили!
Car Club - пред 3 дена
ShareTweetShareНовите Cayenne GTS и Cayenne Coupe GTS добиваат надграден твин-турбо V8 кој сега е уште помоќен, но и компоненти од моќниот Turbo GT за врвни спортски перформанси и беспрекорни прецизност и динамика. Ако ние се прашуваме, GTS-изведбите се златната средина кај сите модели на Porsche. Токму тоа го очекуваме и со новите Cayenne GTS и Cayenne Coupe GTS. Најважниот новитет најверојатно е надградениот 4-литарски твин-турбо V8 кој сега испорачува моќни 500 коњски сили и 660 Nm вртежен момент – 40 коњски сили и 40 Nm повеќе од досегашниот Cayenne GTS. Секако, силата се пренесува кон сите четири тркала преку 8-брзинскиот Tiptronic S автоматски менувач и Porsche Traction Management системот. Токму овој систем е преземен од Turbo GT и има засебно ладење, што пак овозможува конзистентни перформанси при поагресивно возење. Од Turbo GT се преземени и компоненти во предната оска, кои овозможуваат поагилно управување. Дополнително, суспензијата е пониска за 10 милиметри, Сето тоа се комбинира и со подобрените перформанси – 100 километри на час пристигнуваат за 4.4 секунди, додека максималната брзина е 275 километри на час. Инаку, GTS изведбите на Cayenne и Cayenne Coupe ќе ги препознаете по суптилните спортски детали. Моќните SUV модели добиваат предни отвори за воздух кои се уникатни за GTS, затемнети светла и GTS значки. Интересни се завршетоците на издувниот систем кои се во темно-бронзена боја, а севкупниот впечаток го надополнуваат црните детали од Sport Design пакетот и одличните 21-инчни RS Spyder Design тркала. Cayenne GTS Coupe добива и панорамски стаклен кров како и адаптивен заден спојлер. Поврзано: GTstreet R Touring е најновиот проект на Techart Нарачките се веќе отворени, а првите примероци ќе бидат испорачани веќе ова лето. ShareTweetShare...
Lamborghini ги претстави специјалните All-Terrain верзии од веќе-лудиот Huracan Sterrato
Car Club - пред 6 дена
ShareTweetShareИталијанскиот производител планира да направи само 12 Sterrato All-Terrain возила, со четири различни дизајни. Lamborghini на овогодишната Milan Design Week претстави ограничена серија на својот модел Huracan Sterrato наречена едноставно – All Terrain. Достапни се четири варијанти со уникатни комбинации на бои: Neve, Sabbia, Bosco и Terra. Покрај нив, сите возила имаат соодветен мат црн покрив како и мат црни елементи низ долниот дел на екстериерот. Секое од 12-те возила е создадено во програмата Ad Personam на Lamborghini Centro Stile. Внатрешноста изобилува со елементи со темен хром, карбон, алкантара, уникатна Sterrato графика и плочка Ad Personam што го означува името на варијантата. „Концептот Sterrato се покажа од моментот кога беше првпат претставен, поддржан не само со освоените награди, медиумите и клиентите, туку и од неговиот голем комерцијален успех во продажбата“, рече главниот комерцијален и маркетинг и директор на Lamborghini, Федерико Фоскини. Како и по обичај со лимитираните верзии на Lamborghini, сите 12 возила се веќе продадени. ShareTweetShare...
ПРЕМИЕРА: Citroën ги објави првите фотографии и детали од целосно-новиот C3 Aircross
Car Club - пред 7 дена
ShareTweetShareНовиот француски кросовер ја дели платформата со веќе-претставениот Citroen C3, но доаѓа со значително поробустен изглед и за прв пат во сегментот нуди опција со седум седишта. C3 Aircross е особено важен за францускиот производител – супер-практичниот кросовер е вториот-најпродаван модел на брендот и веќе брои стотици илјади задоволни и лојални купувачи. Со оглед на популарноста на овој сегмент во Европа, не е воопшто изненадувачко дека Citroën му посвети многу, многу внимание на новиот C3 Aircross. Однадвор SUV, одвнатре – дневна соба. Храбри зборови. Citroën ја започна премиерата на новиот C3 Aircross со фактот дека новиот кросовер ја дели платформата со новиот C3, но и дека го дели неговиот дизјанерски идентитет и филозофијата за просторна кабина и врвен комфор. Дополнително, најавуваат дека имаат амбиции да „го размрдаат“ пазарот со компетитивно ценовно позиционирање. Целосно-новиот C3 Aircross помина низ радикална промена и наметнува целосно нов пристап кон сегментот – не само што добива посамуверен карактер, туку добива и значително повеќе простор во кабината и можност за до седум седишта. Дизајнот е препознатлив – очигледна е семејната врска со C3, но C3 Aircross е уште посамоуверен и би рекле дури, нијанса подинамичен. Спoред Citroën , C3 Aircross е најголем во класата – C3 Aircross е подолг цели 240 милиметри од својот претходник и сега е долг цели 4.29 метри. Во однос на погон, Citroën најавува гама на бензински, хибридни и електрични опции – и можеме да претпоставиме дека тука се зборува за 1.2-литарскиот PureTech со 100 коњски сили, односно 136 коњски сили во лајт-хибридна варијанта, како и електричниот погон кој беше претставен кај e-C3 кој испорачува 113 коњски сили и автономија до 320 километри. Не би ја исклучиле ниту опцијата C3 Aircross да го добие помоќниот електричен погон кој комбинира батерија со капацитет од 54 kWh и електромотор кој испорачува 156 коњски сили. За жал, Citroën не објави фотографии од ентериерот на новиот C3 Aircross, но можеме да претпоставиме дека кабината ќе биде слична на онаа кај новиот C3 – а тоа значи иновативни решенија и материјали, како и комфор кој ќе биде на самиот врв во сегментот. Сепак, Citroën се вистински експерти кога станува збор за комфорот во возењето. Повеќе информации ќе имаме наскоро – Citroën најави дека сите детали ќе бидат објавени пред почетокот на летото. ShareTweetShare...
Nissan подготви технолошко и визуелно освежување за Qashqai
Car Club - пред 8 дена
ShareTweetShareЕден од најпопуларните модели на Nissan добива лик инспириран од електричната Ariya. Nissan одлучи да ја нагласи семејната врска меѓу Qashqai и целосно-електричната Ariya – и би рекле дека одлуката е во вистинската насока. Освежениот Qashqai добива значително помодерен, пофутуристички лик. Од Nissan кажуваат дека предната решетка е инспирирана од заштитните облеки кои ги носеле древните јапонски војници, а околу решетката забележуваме драстично-редизајнирани дневни светла и скриени светлосни групи. Профилот не е значително изменет, но добиваме нови 18, 19 или 20-инчни тркала, а позначителни измени препознаваме на задниот дел – задните светлосни елементи добиваат нова графика, браникот добива нови декоративни елементи, итн. Визуелните измени се комплетираат со новите бои, а Nissan објави дека Qashqai доаѓа и со N-Design изведба која добива заштитни елементи во боја на каросеријата и специјални 20-инчни тркала. Интересни се и измените во кабината. Новиот Qashqai добива целосно-нов инфозабавен уред кој е развиен во соработка со Google, односно е базиран на Android опративниот ситем – всушност, многу слично на оперативниот систем кај Renault Austral. Ова ветува целосна интеграција со сервисите кои ги нуди технолошкиот гигант – како на пример, одлична интеграција со Google Maps за врвна навигација. Секако, воведени се и нови, поквалитетни и полуксузни материјали, а многу внимание е посветено и на осветлувањето во кабината. Понудата на погонски опции и понатаму е базирана на лајт-хибриди и фул хибриди. Според Nissan, унапредениот Qashqai Mild Hybrid ќе троши само 6.2 литри бензин на 100 изминати километри (според WLTP), додека e-Power погонот кој всушност користи мал турбо-бензинец како генератор на електрична енергија троши 5.1 литар бензин на 100 изминати километри. ShareTweetShare...
GranCabrio Folgore е нов електричен спортски кабриолет на Maserati
Car Club - пред 9 дена
ShareTweetShareСпортскиот GranCabrio Folgore има впечатлив дизајн и погонска група од три мотори со моќност до 829 коњски сили. Моделот ги следи стапките на верзијата со мотор со внатрешно согорување, со оптимизиранa аеродинамика која вклучува нов преден браник и ревидирана решетка. Мекиот покрив може да се спушти за 14 секунди при брзина до 50 км/час и истиот ќе биде достапен во пет бои – Nero, Blue Marine, Titan Grey, Greige и Granata. Во кабината се поставени 12,2-инчна дигитална инструмент табла, 12,3-инчен инфозабавен систем и 8,8-инчен комфорен дисплеј. Останатата опрема вклучува стандарни грејачи на седишта, аудио систем Sonus и дигитален часовник. Внатрешноста опционално може да биде опремена со Econyl – одржлив материјал кој е направен од рециклирани рибарски мрежи и теписи. Пакетот батерии од 92,5 kWh ги напојуваат трите мотори (еден напред и два позади), кои достигнуваат максимална моќност до 829 коњски сили и 1350 Nm вртежен момент. GranCabrio може да забрза до 100 км/час за 2,8 секунди и да достигне максимална брзина до 290 км/ч. Според WLTP, планираниот опсег се движи од 419 до 447 километри, а времето за полнење за поминат опсег до 100 километри изнесува само 5 минути, доека за полнење на батеријата од 20 до 80% изнесува импресивни 18 минути. ShareTweetShare...
Alfa Romeo Milano го менува името, ќе се вика Junior
Car Club - пред 10 дена
ShareTweetShareОткако претставници на италијанската влада реагираа на името Milano, Alfa Romeo одлучи дека малиот кросовер ќе се вика Junior. Италијанската влада реагираше на името Milano на новиот мал кросовер на Alfa Romeo. Поточно, реагираше дека не смее да го носи името Milano ако не се произведува во Италија, а бидејќи малиот кросовер ќе се произведува во фабриката на Stellantis во Тиши, Полска… Проблем. Всушност, целата работа стана интересена откако Adolfo Urso, Министер за Индустрија и Направено во Италија излезе со изјава дека „Автомобил кој се вика Milano не може да се произведува во Полска бидејќи има закон кој кажува дека не смее да се давааат индикации кои би ги ставиле во заблуда купувачите“. Што значи тоа? Па господинот Урсо сака да каже дека купувачите би се излажале и би помислиле дека кросоверот на Alfa Romeo се прави во Милано. Alfa Romeo денес објави дека ќе воскресне име од својата историја и дека новиот кросовер ќе го носи токму тоа, воскреснато име – па така, Alfa Romeo Milano станува Alfa Romeo Junior. Од Alfa Romeo напоменуваат дека иако веруваат дека постоечкото име ги задоволува сите законски обврски, сепак има проблеми кои се значително поважни од името на еден нов автомобил, па затоа одлучиле да го сменат името од Milano во Junior, во духот на промовирање заедничко разбирање. На самиот крај, во своето официјално соопштение, Alfa Romeo ѝ се заблагодарува на владата на Италија за бесплатната реклама. ;) ShareTweetShare...
СУПЕР-ТЕСТ: Volkswagen Golf GTE 245 DSG – 100 километри за 80 денари?
Car Club - пред 10 дена
ShareTweetShareКако што се покачуваат температурите, така се подобрува и ефикасноста на плаг-ин хибридниот погон на нашиот Golf GTE – па ајде да поразговараме за трошоците? Претходно: СУПЕР-ТЕСТ: Volkswagen Golf GTE 245 DSG – Како е да се живее со плаг-ин хибрид во Македонија? Почеток на Април, а температурите се веќе изненадувачки високи. Како што се покачуваат температурите, така се подобрува и ефикасноста на погонот на нашиот плаг-ин хибриден Volkswagen Golf GTE. Па всушност, каква е математиката? Изминатиов период, потрошувачката на електрична енергија на нашиот Golf GTE опадна драстично, а автономијата се зголеми. Ако пред само два месеци просечно трошеше 22-23 kWh на 100 изминати километри, сега просечната потрошувачка (строго во градски услови на возење) е намалена на 16.8 kWh на 100 изминати километри и автономијата лесно надминува 50 километри на електрична енергија. Да ги земеме предвид цените во моментот на објавување на овој текст. На таканаречената „евтина струја“ 1 kWh чини 1.7522 денари. Дополнително, на тоа додаваме уште 2.3 денари надоместок за пренос и дистрибуција, па на целата сума пресметуваме уште 18% ДДВ. Доаѓаме до сума од 4.78 денари за киловат-час. Со потрошувачка од 16.8 kWh на 100 изминати километри, доаѓаме до трошок од 80.33 денари на 100 километри – односно, како вашиот автомобил да троши помалку од 1 литар бензин „на сто“. Секако, оваа пресметка е валидна само доколку цело време возиме на струја и ако цело време полниме на ниска тарифа. Но во реалноста – доколку имате можност за полнење во домашни услови и поминувате помалку од 50-тина километри на ден за бензинскиот мотор воопшто да не се активира – оваа „математика“ е сосем возможна. Интересна математика, нели? ShareTweetShare...
Bentley ја покажа специјалната S Black Edition на Bentayga
Car Club - пред 10 дена
ShareTweetShareСпецијалниот модел е достапен со 4-литарски твин-турбо V8 и 3-литарски хибриден V6 мотор. Bentley го опишува Bentayga S Black Edition како највпечатлив SUV произведен до сега. Уште на прв поглед тој се издвојува од другите верзии благодарение на различните црни детали. За дополнителен ексклузувитет, специфициран е и посебен бодикит. S Black Edition има 4-литарски V8 со двоен турбо полнач, 542 коњски сили и 770 Nm вртежен момент со чија помош тој достигнува максимална брзина до 290 км/ч. Моделот исто така доаѓа стандардно со електронско управување на сите тркала, спортска суспензија и активниот Bentley Dynamic Ride систем. Покрај верзијата со внатрешно согорување, Bentley S Black Edition е достапен и во хибридна варијанта. Моделот користи 3-литарски TFSI V6 бензинец со 456 коњски сили и електромотор за дополнителни 134 коњски сили. Тој достигнува 100 км/ч за 5,3 секунди, додека неговата максимална брзина изнесува 254 км/ч. Во внатрешноста на уникатниот теренец се приметува луксузната Beluga кожа, контрастните шевови и извезениот знак „S“ на седиштата. Тука се и карбонските детали на инструмент таблата и централната конзола. Стандардно е достапен новиот пакет Dark Chrome, а опционално се достапни три аудио системи, меѓу кои се издвојува оној на Naim. ShareTweetShare...
Официјално ги доделивме наградите Златно Тркало за 2024
Car Club - пред 13 дена
ShareTweetShareВчеравечер на свечен, гала настан, официјално ги доделивме наградите за Најпосакувани Автомобили во Македонија за 2024. Вчеравечер ги доделивме јубилејните, петти награди Златно Тркало за Најпосакуван Автомобил во Македонија. Овогодинешното издание покрај тоа што беше јубилејно, беше и големо – вкупно 14 автомобили се натпреваруваа во 5 категории, а по бројните гласања токму нашата публика ги одбра победниците. Оваа година повторно го доделивме и признанието кое го даваме на македонци кои оставаат траг во автомобилската индустрија ширум светот и Македонија ја ставаат на глобалната автомобилска мапа. Оваа година добитник на признанието е Томе Јованоски, македонец кој е Exterior Chief Designer во Jeep и кој веќе со години ја остава својата трага во автомобилската индустрија. Иако Томе не можеше да присуствува, тој нè поздрави нас и гостите преку видео, а во негово име наградата ја презема неговата сестра, Јованоска Гордана. Секако, главниот фокус беше повторно кон автомобилите-победници. Оваа година беа направени повеќе од 21.000 гласања во пет различни категории. Новата Corsa ги освои вашите гласови и со 47.53 проценти од гласовите во категоријата ја прогласивте за Најпосакуван Градски Автомобил. Наградата ја прими господинот Драган Јовев, бренд менаџер на Opel за Македонија. Со освоени 29.49% од гласовите во категоријата, за Најпосакуван Семеен Автомобил го избравте големиот, плаг-ин хибриден SUV на Mazda – новата Mazda CX-60. Наградата ја прими господинот Жарир Филип Хамдан, главен директор на Стар Моторс, Мазда Македонија. Големиот Volkswagen ID.7 освои 31.22% од гласовите во својата категорија и е избран за Најпосакувaн Електрифициран Автомобил. Наградата ја прими господинот Александар Цветковски, бренд менаџер на Volkswagen во Македонија. Поврзано: Златно Тркало 2024: Победници се Porsche Panamera, Audi Q8, Volkswagen ID.7, Opel Corsa и Mazda CX-60! Признанието за Најпосакуван Премиум Автомобил отиде кај Audi Q8. Големото Coupe-SUV на Audi освои 46.20% од гласовите во својата категорија, а наградата ја прими Г-ѓа Весна Бошнаковска, бренд менаџер на Audi во Македонија. И конечно, главната награда, признанието за Најпосакуван Нов Автомобил во Македонија, заслужено оди кај новата Porsche Panamera. Со освоени 39.90% од дадените гласови, новата Panamera се наметна како доминантна во својата категорија и вие, нашите читатели ја избравте за Најпосакуван Нов Автомобил во Македонија. Изборот Златно Тркало го организираме ние, во соработка со нашите колеги од Автоплус, CarsByVik и RPM.mk. Кон крајот на секоја година формираме листа на нови автомобили кои се пристигнати на нашиот пазар во период од една година и потоа на листата на гласање се наоѓаат модели кои овластените импортери ќе ги номинираат. Кога ќе започне гласањето, токму вие – нашата публика ги одбирате победниците. Со доделување на наградите, официјално заврши овогодинешниот циклус, а веќе од денес започнува следниот циклус каде повторно – заедно со вас – ќе ги барама најпосакуваните автомобили во Македонија. ShareTweetShare...
Македонска премиера на новиот Volvo EX30!
Car Club - пред 13 дена
ShareTweetShareНовиот EX30 е најмалиот и најевтиниот електричен SUV на брендот, но истовремено е и автомобилот со најбрзо забрзување до 100 километри на час во историјата на шведскиот бренд – и од денес е достапен во Македонија! EX30 стартува нова ера за шведскиот бренд – и тоа поради повеќе причини. EX30 е првиот автомобил на Volvo кој е развиен да биде исклучиво-електричен, а со тоа воведува и сосем нов пристап на дизајн и развој. EX30 е достапен во три различни конфигурации – Single Motor Standard Range, Single Motor Extended Range и Dual Motor Performance. Основната верзија е со еден мотор, погон на задните тркала и батерија со капацитет од 51 kWh. Оваа конфигурација овозможува автономија до 440 километри во градски услови на возење. Скалило погоре е верзијата со истиот мотор, но поголема батерија со капацитет од 69 kWh. Оваа верзија може да помине до 660 километри во градски услови. Двете верзии имаат по 272 коњски сили и 343 Nm и достигнуваат 100 километри на час за 5.7, односно 5.3 секунди. На самиот врв е изведбата EX30 Dual Motor Performance, која (како што и самото име кажува) има два електромотори, а и оваа верзија ја користи поголемата батерија со капацитет од 69 kWh. Оваа конфигурација располага со вкупно 428 коњски сили и 543 Nm вртежен момент и забрзува до 100 километри на час за 3.6 секунди (побрзо од било кој друг модел во историјата на Volvo), а батеријата овозможува автономија до 590 километри во градски услови на возење. Инаку, тука се сите безбедносни системи кои се очекуваат кај Volvo, додека дизајнот е сосем нов и радикално поинаков од сите други модели на шведскиот бренд кои досега сме ги возеле. Преовладуваат чисти и остри површини, со дефинирани линии и одлучни, самоуверени детали. Кабината е типична за Volvo – преовладуваат шведскиот минимализам и технолошкиот максимализам – EX30 е темелно современ автомобил. Цените во Македонија започнуваат од 37.990 Евра за основната варијанта, додека EX30 Dual Motor Performance во врвно ниво на опрема ќе чини нешто над 50.000 Евра. Поврзано: Volvo го произведе последнoто возило со дизел мотор ShareTweetShare...
Mercedes EQS доби фејслифт
Car Club - пред 14 дена
ShareTweetShareEQS доби некои дизајнерски решенија од S-класата, како што се предната решетка и класичниот украсен амблем на хаубата. Од надворешноста се видливи минимални промени, односно останува доминантен контроверзниот јајцевиден облик. Колку и да се обидоа од Mercedes да го доближат изгледот на EQS до S-класата, можеме слободно да кажеме дека сепак не успеаа во тоа. Внатрешноста останува главно непроменета. Перниците во задниот дел сега имаат контрастни шевови и парчиња од Nappa кожа а задните седишта се малку поудобни благодарение на додадената пена на потпирачите за грб. Во дискретно ревидираната каросерија се наоѓа и надградена батерија со употреблив капацитет од 118 kWh наместо претходните 108,4 kWh. Тука е и подобреното враќање на енергијата преку новиот софтвер за регенеративниот систем за сопирање. Една неодамнешна студија покажа дека EQS губи речиси половина од својата вредност по само 12 месеци. Останува да видиме дали освежената верзија ќе го продолжи негативниот тренд на моделот. ShareTweetShare...
ПРЕМИЕРА: Alfa Romeo го претстави новиот Milano!
Car Club - пред 15 дена
ShareTweetShareAlfa Romeo има нов најмал автомобил – а тоа е новиот кросовер кој го носи името Milano! А зошто е важен Milano? Меѓу другото, новиот кросовер е воедно и првиот целосно-електричен модел на Alfa Romeo! Милано е возбудлив, иновативен и храбар град, и секогаш гледа нанапред – и токму затоа е инспирација за новиот модел на Alfa Romeo. За Alfa Romeo, Милано е извор на неисцрпна инспирација, а новиот Milano е вистински Alfa Romeo, во урбан костум. А костумот на Milano е несекојдневен и динамичен. На предниот дел вниманието оди веднаш кон централно-поставеното Scudetto лого на Alfa Romeo, но и широките, повеќеслојни предни светла и длабокиот преден браник. Профилот е динамичен благодарение на мускулестите форми, но и издвоениот кров. Задниот дел влече инспирација од Giulia Zagato и најзабележливиот дел е токми големиот лак кој се протега од едниот до другиот крај и во кој се кријат светлосните елементи. Достапни ќе бидат неколку различни погонски опции – има две целосно-електрични опции, основната со 156 коњски сили или Veloce со одлични 240 коњски сили, како и хибридна верзија со 136 коњски сили, погон на предните тркала или Q4 погон на сите четири тркала. Можноста купувачите самите да изберат била водечка за дизајнерите и инженерите на Alfa Romeo. Milano Veloce добива и поширока трага, надградена суспензија и сопирачки и поцврсти стабилизатори. Добива и механички, само-заклучувачки диференцијал – сè во насока на подобро и подинамично управување. Milano Electrica користи компактна батерија со капацитет од 54 kWh, која пак овозможува автономија од над 400 километри, но и брзо време на полнење – помалку од 30 минути за полнење од 10 до 80%. Секако, Milano добива и грст нови технологии – од специјалниот систем за навигација наменет за електричната верзија, па сè до системите за асистенција и новиот виртуелен асистент кој користи ChatGPT. Кабината на Milano е типична за Alfa Romeo – спортска, динамична и привлечна. Веднаш ги забележуваме новите дигитални инструменти, но и централно-поставениот мултимедијален уред и спортските седишта кои изгледаат одлично. Дизајнерите на Milano се особено горди на деталите – како на пример отворите за вентилација кои се во форма на детелинка со четири листа. Поврзано: Alfa Romeo Milano го менува името, ќе се вика Junior Нарачките за специјалните Milano Electrica Speciale и Milano Hibrida Speciale ќе бидат отворени во Италија уште утре, а наскоро ќе започнат и во останатите европски земји. ShareTweetShare...
Rimac и BMW Group објавија стратешко партнерство!
Car Club - пред 16 дена
ShareTweetShareRimac Technology и BMW Group денес го објавија своето долгорочно, стратешко партнерство. Целта на соработката меѓу Rimac и BMW е заедно да создадат иновативни решенија во полето на батерии со висок напон, наменети за одредени електрични возила. Двете компании имаат различни, но комплементарни експертизи кои се надоградуваат на креативен и продуктивен начин. Стратегијата за електрификација на BMW Group е во насока на надградување на водечката позиција во сегментот на премиум електрична мобилност и германската групација во ова партнерство носи повеќе од 15 години искуство кога станува збор за батериите и електричните погони. Истовремено, Rimac Technology е Tier 1 добавувач кој е специјализиран за електрификација на автомобилскиот сектор. Портфолиото на Rimac вклучува батериски модули, е-оски, електроника и софтверски решенија. Истовремено, продуктите на Rimac Technology се целосно независно развиени и нудат висок степен на прилагодување. Партнерството меѓу BMW Group и Rimac Technology е еден од знаците за транзицијата која Rimac Technology ја прави од добавувач на решенија со високи перформанси кон добавувач кој може да испорача голем волумен на продукти. Со оглед на растот кој се случува во сегментот, каде го препознаваме и новиот Rimac Campus, Rimac Technology е компанија која е подготвена да испорача проекти и решенија на највисоките автомобилски стандарди. Инаку, Rimac веќе има историја со BMW – првиот проект на Мате Римац всушност беше целосно-електричен BMW E30. Rimac веќе соработува со огромни имиња од автомобилската индустрија – покрај тоа што компанијата на Мате Римац е сопственик на Bugatti, Rimac соработува и со Aston Martin, Hyundai, Kia, Jaguar, Koenigsegg, итн. Поврзано: Manhart MH2 560 кој е базиран на BMW M2 има... Погодувате - 560 коњски сили! ShareTweetShare...
ПРЕМИЕРА: Opel ја претстави новата Frontera
Car Club - пред 16 дена
ShareTweetShareOpel го воскресна името Frontera, а новиот SUV настапува самоуверено благодарение на експресивниот и храбар дизајн, врвната практичност и ефикасните погонски опции. „Со својата комбинација на робустен дизајн, просторност, паметни решенија и ефикасни погони, нашата нова Opel Frontera ќе биде привлечна за широк дијапазон на купувачи кои сакаат да се издвојат од толпата. Frontera е идеално погодена за урбаната и суб-урбаната околина а истовремено нуди освежувачко искуство за нашите купувачи.“ – изјави Florian Huettl, главниот извршен директор на Opel. Секако, сите се сеќаваме на робустната Frontera која низ две генерации се продаваше од 1991 па сè до 2004. Секако, новата Frontera е значително посовремена интерпретација на дефиницијата на урбан SUV – но тоа не ја прави ништо помалку интересна. Како сите модели на Opel, новата Frontera ќе се нуди со неколку различни погонски опции – тука е целосно-електричната варијанта, но тука се и конвенционалните мотори со 48-волтна хибридна технологија. Од Opel напоменуваат дека без разлика која погонска опција ќе ја изберат, купувачите ќе уживаат во возењето благодарение на специфичното нагодување на шасијата – инженерите од Риселсхајм посветиле многу внимание на калибрацијата и типичните Opel возачки карактеристики. Инаку, Frontera е повторно Opel – без никакво двоумење. Исправената предна силуета, Vizor маската и знакот на Opel се веднаш-препознатливи, а широкиот преден дел го нагласува робустниот став на автомобилот. Профилот е самоуверен, со нагласени предни и задни крила, но и препознатлив Ц-столб, додека на задниот дел вниманието го привлекуваат „двокатните“ задни светлосни групи, гордото име Frontera на поклопецот од багажникот и заштитните панели. Модерниот изглед продолжува и во кабината, каде препознаваме спој на паметен дизајн и практичност. Секако, тука е целосно-дигиталниот Pure Panel кој е препознатлив за Opel, кој всушност комбинира два 10-инчни екрани – еден за возачот, еден за мултимедијалните функционалности. Opel воведува и нов систем за поврзување со мобилен телефон – откако ќе се поврзе преку специјална апликација, телефонот на корисникот може да стане панел за управување со инфозабаваниот систем, но и да прима насоки од командите на управувачот. Поврзано: Златно Тркало 2024: Победници се Porsche Panamera, Audi Q8, Volkswagen ID.7, Opel Corsa и Mazda CX-60! Предните седишта добиваат Intelli-Seat опција за уште подобрен комфор, а визуелно привлекуваат со контрастните шевови и интересните, привлечни материјали. Frontera добива и безжичен полнач за мобилен телефон, два USB конектори во предниот дел и уште два наменети за задните седишта и многу други интересни и практични додатоци. Од Opel се особено горди и на просторноста – со исправени задни седишта, Frontera нуди багажен простор од 460 литри, кој расте на импресивни 1600 литри со преклопени задни седишта. Доколку нарачате и кровни носачи, на кровот ќе можете да ставите уште дополнителни 200 килограми товар. Opel не објавува кога ќе започне продажбата на новата Frontera, но очекуваме да пристигне во салоните во текот на оваа година. ShareTweetShare...
Opel ги претстави новите Combo, Vivaro и Movano
Car Club - пред 17 дена
ShareTweetShareKомбињата на Opel добија нов изглед, редизајниран кокпит и освежени електрични погонски единици. Електричните верзии на лесните комерцијални возила на Opel продолжуваат да нудат водечки опсег на возење. Пример за тоа е новиот Movano Electric, кој според WLTP1 ќе може да помине до 420 километри со едно полнење. Моделите нема да бидат достапни само со електричен погон и мотори со внатрешно согорување – покрај Opel Vivaro HYDROGEN, и новото Movano исто така ќе ја збогати алтернативната палета со ќелии на водород. Покрај надворешниот дизајн, дополнителени измени претрпеа и ентериерите на новите Opel Combo, Vivaro и Movano. Најдобро опремените верзии на освежените кабини доаѓаат со нови инфозабавни системи со екрани на допир со големини до 10 инчи и безжична поддршка за Apple CarPlay и Android Auto. Од технолошки поглед, новиот Combo има приспособлива матрична светлечка технологија, а новото Movano овозможува автоматско возење на второ ниво. Во зависност од моделот, достапни се до 21 најсовремен систем за помош на возачот, со цел да се олеснат долгите работни и деловни патувања, како и маневрирањето низ улиците. Како и обично, со цел да се исполнат сите комерцијални барања, тројката лесни комерцијални возила е достапна во различни должини и каросериски варијанти. ShareTweetShare...
Peugeot Sport доби специјално еко-признание од FIA
Car Club - пред 17 дена
ShareTweetShareСо сè поголемиот фокус даден на еколошката страна на тркањето, ваквите резултати стануваат сè поважни – а Peugeot е првиот производител во WEC натпреварите кој добива престижна еко-награда токму од FIA. Исто како и Fédération internationale de l’Automobile (Меѓународната федерација на автомобили – FIA), групацијата Stellantis работи напорно неколку години на глобалните влијанија врз животната средина. Како дел од оваа заложба, на Peugeot Sport му беше доделен еколошки сертификат со три ѕвездички од FIA и со тоа Peugeot e првиот производител на автомобили на светскиот шампионат на трките за издржливост на FIA кој го доби ова признание. Еколошката акредитација со три ѕвезди ја доделува FIA на организации кои се залагаат за заштита на животната средина, намалување на емисијата на јаглерод и воспоставување одржливи практики во автомобилскиот свет. Ова признание доаѓа по ригорозниот процес на евалуација управуван од FIA, кој разгледува голем број различни критериуми. Најновата сертификација на Peugeot Sport е дел од целокупната глобална политика на групацијата Stellantis кога станува збор за енергетска транзиција. Откако ја доби Low Carbon Award (Наградата за ниска емисија на јаглероден диоксид) на WEC, Peugeot Sport дополнително ја истакна важноста на развивање на своите еколошки иницијативи. Ова признание на FIA, совршено се вклопува во стратегијата на групацијата Stellantis за намалување на стакленичките гасови, утврдена во планот „Dare Forward“ кој има за цел да се постигне јаглеродна неутралност до 2038 година. FIA го истакна воспоставувањето и спроведувањето на план за намалување на стакленички гасови, како и оптимално управување со потрошувачката на енергија и осветлувањето. Но, Stellantis Motorsport не застанува тука и веќе ја планира следната ревизија… Поврзано: ВОЗЕВМЕ: Во Кан го возевме новиот електричен Peugeot E-3008!За да ги постигне своите цели, Stellantis Motorsport се ангажира со сите свои соработници да дискутираат и разменуваат идеи за климатските предизвици: што им помага на сите да разберат повеќе за нивното лично влијание и глобалното влијание на нивниот спорт. Свеста за овие работи е особено висока во мотоспортот, бидејќи спортот е на врвот кога станува збор за развој на добри практики и намалување на емисиите, како и еволуција на технологии насочени кон поодржлива мобилност. Jean-Marc Finot кој е Stellantis Motorsport Senior VP изјави – „По добивањето на оцената од FIA со три ѕвездички за нашата активност во 2023 година, наградата за ниска емисија на јаглерод за Peugeot Sport во WEC и наградата за одржливост на DMSB на Opel Corsa e-Rally Cup, денес се стекнуваме со уште едно важно еколошко признание што претставува гордост за целиот Stellantis Motorsport. Овие сертификати го нагласуваат нашиот ангажман и придонес во рамките на планот “Dare Forward” на Stellantis Group, каде што мотоспортот е истакнат момент. Сето ова е важно за нашите сегашни и идни партнери, кои се поистоветуваат со нашите напори со цел за подобрување на сопствените еколошки перформанси и обврски. Сите заедно го даваме нашиот придонес за развојот на безбедна и обновлива мобилност, поради што сме сите тука“. ShareTweetShare...
Renault го освежи популарниот Captur
Car Club - пред 21 дена
ShareTweetShareСубкомпактниот теренец на Renault доби очекуван фејслифт на средината од својот животниот циклус. Освежениот Captur има нови фарови со целосна LED технологија и изменет браник, додека остатокот од каросеријата останува прилично непроменет. Моделот исто така го добива ажурираниот амблем на Renault и се нуди со 14 комбинации на бои, како и нови тркала кои се движат од 17 до 19 инчи. Новото ниво на опременост Esprit Alpine го заменува веќе непостоечкото RS Line како нов предводник на гамата. Тоа визуелно се разликува од останатите во браникот, сјајните црни акценти и специфичните 19-инчни алуминиумски тркала. Дигиталниот кокпит на фејслифтираниот Captur е надграден со нова 10,25-инчна дигитална група на инструменти и 10,4-инчен екран на допир кој работи на најновиот Android Automotive 12 софтвер на Google. Тука се и приклучоците USB-C, безжичното полнење, амбиенталното осветлување и опционалиот аудио систем Harman Kardon со девет звучници. Поставата на моторските единици е истата од претходникот. Почетниот турбо 1-литарски TCe мотор со три цилиндри со 90 или 100 коњски сили е поврзан со шест-брзински мануелен менувач. Помоќниот турбо 1,3-литарски TCe со благ хибриден систем и 140 коњски сили е поврзан со шестстепен мануелен менувач, односно со автоматски менувач на уште помоќната верзија со 160 коњски сили. Најефикасната верзија се состои од атмосферскиот 1,6-литарски мотор со два електромотори и батерија од 1,2 kWh, со чија помош тој испорачува комбинирани 145 коњски сили. Како и неговиот претходник, малиот теренец ќе се произведува во фабриката на Renault во Ваљадолид во Шпанија. Цените ќе бидат објавени во наредните недели, а моделот ќе биде достапен на европските пазари од април годинава. Поврзано: ТЕСТ: Renault Megane E-Tech EV60 Iconic - Megane за новите времиња ShareTweetShare...
Suzuki Vitara доби уште еден фејслифт
Car Club - пред 21 дена
ShareTweetShareЈапонскиот производител одлучи да го освежи тековниот европски модел со мали промени во надворешниот изглед. Новата Vitara изгледа препознатливо уште на прв поглед. Редизајнираниот преден браник сега изгледа почисто благодарение на потенките дневни светла и изоставувањето на светлата за магла. Тука е и новата решетка и поголемиот централен довод за воздух со црна завршница. Во кабината додаден е нов инфозабавен систем со 9-инчен екран на допир и истиот е компатибилен со Apple CarPlay и Android Auto. Од безбедносните системи вклучени се: поддршката за запирање со двоен сензор, системот за следење на возачот, адаптивната контрола на патувањето, препознавањето на сообраќајни знаци и помошта при задржување во лента. Опциите за погонот остануваат непроменети, вклучувајќи ги благите хибриди со мануелниот 1.4-литарскиот бензински мотор и целосно хибридните единици со 1.5-литарскиот мотор кој е поврзан со шестстепен автоматски менувач. Освежената Suzuki Vitara ќе пристигне во европските салони зпочнувајќи од јуни годнаваа, а цените ќе бидат објавени поблиску до лансирањето на пазарот. ShareTweetShare...
Започна со работа салонот на Geely во Скопје
Car Club - пред 22 дена
ShareTweetShareНов бренд на македонскиот пазар – од неодамна е отворен салонот на Geely и веќе се изложени два модели на кинескиот гигант. Geely е вистински гигант. Покрај тоа што е еден од најголемите акционери во Daimler, Geely е сопственик на Volvo, Lotus, Smart, Polestar, Zeekr и уште неколку други брендови. Кинеската корпорација веќе успешно се продава на европскиот пазар, а откако лансираше во регионот, од неодамна е присутен и кај нас. Салонот на Geely е дел од новиот Chevahir Mall Skopje и се наоѓа веднаш на влезот во новиот шопинг-центар. Изложени се два модели – поконвенционалниот Atlas Pro, како и новиот Coolray. Atlas Pro е поконвенционален SUV, со препознатлива SUV-форма и многу, многу опрема. Atlas Pro доаѓа опремен со нов, супер-модерен 3-цилиндерски лајт-хибриден турбо-бензинец со зафатнина од 1.5 литри кој испорачува 177 коњски сили и вртежен момент од 255 Nm. Силата ја пренесува кон сите четири тркала преку 7-брзински автоматски менувач со двојна спојка. Atlas Pro е достапен само во една, целосно опремена изведба и цената во моментот на објавување е промотивни 32.500 Евра. Особено интересен новитет е Coolray. Новиот SUV на Geely има задача да ги привлече помладите купувачи – а тоа го прави со поагресивниот, посамоуверен дизајн, но и богатата опрема и многуте спортски детали. Coolray е задвижуван од 4-цилиндерски турбо-бензинец каде перформансите се на прво место – па тој испорачува 172 коњски сили и 290 Nm вртежен момент, кои ги пренесува кон предните тркала преку 7-брзински DCT менувач со двојна спојка, кои пак овозможуваат спринт до 100 километри на час за 7.6 секунди. Coolray чини 28.500 Евра. Инаку, компанијата-застапник на Geely во Македонија – Delfino Mobility Group – ветува исклучителни услови за поддршка и гаранција, како и свој сервисен центар за поддршка и одржување на возилата. Наскоро ќе имаме можност и самите да ги тестираме возилата на Geely па ќе ги пренесеме и нашите впечатоци. ShareTweetShare...
SEAT најавува дека најдоброто допрва доаѓа!
Car Club - пред 23 дена
ShareTweetShareИзвршниот директор на SEAT најавува дека најдоброто од шпанскиот бренд допрва доаѓа – а сето тоа е поддржано од одличните резултати кои беа постигнати минатата година и најавените инвестиции во освежени и нови модели. Шпанскиот бренд кој е дел од Volkswagen групацијата минатата седмица ги објави резултатите од 2023, но истовремено ја најави и својата стратегија за годините кои доаѓаат. Според пресметките, минатата година SEAT постигна оперативна добивка од рекордни 625 милиони Евра – зголемување од скоро неверојатни 592 милиони Евра, со оглед на постигнатите 33 милиони Евра во 2022. „Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“ – рече Вејн Грифитс, извршен директор на SEAT и CUPRA и додаде – „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“. „Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“ – рече Дејвид Пауелс, потпретседател за финансии и ИТ во SEAT. С.А. По многуте гласини дека Volkswagen групацијата планира да го згасне SEAT брендот и јасните изјави со кои челниците ги негираа ваквите гласини, шпанскиот бренд недвосмислено најавува дека се враќа онаму каде припаѓа. SEAT веќе најави сериозни инвестиции кои ќе резултираат со подобрени плаг-ин хибридни автомобили, но и освежување за Arona, Ibiza и Leon кое покрај естетските, ќе вклучува и технички и технолошки надградби. Се најавува и освежување за Ateca, што воопшто не е изненадувачки со оглед на популарноста на овој SUV. Поврзано: Cupra оди во Америка!„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“ – додаде Вејн Грифитс. ShareTweetShare...
Златно Тркало 2024: Победници се Porsche Panamera, Audi Q8, Volkswagen ID.7, Opel Corsa и Mazda CX-60!
Car Club - пред 24 дена
ShareTweetShareЗаврши гласањето за овогодинешното издание на Златно Тркало, а вие ги избравте Најпосакуваните Нови Автомобили во Македонија во пет различни категории! Оваа година славиме и мал јубилеј – ова е петто издание на Златно Тркало, изборот за најпосакуван нов автомобил во Македонија кој го организираме со колегите од Автоплус, CarsByVik и RPM.mk! Годинава се натпреваруваа петнаесет автомобили во пет различни категории, а беа направени вкупно 20.510 гласања! Секако, сето ова ќе кулминира со свечен настан на кој и официјално ќе ги прогласиме победниците – победниците кои ги одбравте токму Вие, нашата верна публика! Најпосакуван Семеен Автомобил – Mazda CX-60 Со освоени 29.49% од гласовите во категоријата, за Најпосакуван Семеен Автомобил го избравте големиот, плаг-ин хибриден SUV на Mazda – новата Mazda CX-60. Големиот SUV не само што одлично ги исполнува семејните обврски, туку истовремено доаѓа со ефикасен и моќен плаг-ин хибриден погон. Најпосакуван Градски Автомобил – Opel Corsa Освежената Opel Corsa пристигна на пазарот со надградени погонски единици, затегнат дизајн и водечки нови технологии во сегментот. Достапна и како целосно-електрично возило, новата Corsa ги освои вашите гласови и со 47.53 проценти од гласовите во категоријата ја прогласивте за Најпосакуван Градски Автомобил. Најпосакуван Електрифициран Автомобил – Volkswagen ID.7 Големата електрична лимузина на Volkswagen е знаменосец на ID-гамата на германскиот бренд. Комбинацијата од врвни технологии, автономија која надминува 600 километри и нов, модерен и ефикасен електромотор беа доволни аргументи за големиот електричен седан да освои 31.22% од гласовите во својата категорија и да биде избран за Најпосакувaн Електрифициран Автомобил Поврзано: ТЕСТ: Mazda CX-60 E-SKYACTIV PHEV Homurа - Голем, ефикасен и моќен SUVНајпосакуван Премиум Автомобил – Audi Q8 Луксузното купе-SUV на Audi ги отелотворува начелата на германскиот бренд – високи технологии, привлечен дизајн, беспрекорен финиш и моќни и ефикасни погонски единици. Големиот Audi Q8 освои 46.20% од гласовите во својата категорија и со тоа заслужено ја добива титулата за Најпосакуван Премиум Автомобил. Најпосакуван Нов Автомобил – Porsche Panamera Новата, трета генерација на луксузниот супер-седан на Porsche ги освои вашите гласови – со 39.90% од дадените гласови, новата Panamera се наметна како доминантна во својата категорија и вие, нашите читатели ја избравте за Најпосакуван Нов Автомобил во Македонија. Им честитаме на победниците, а на вам – сите наши читатели – ви благодариме за поддршката и учеството во изборот! Ви благодариме што нè читате и нè поддржувате! ShareTweetShare...
Среќен 50-ти роденден, Volkswagen Golf!
Car Club - пред 27 дена
ShareTweetShareГерманскиот хечбек по кој името го носи цела една класа на возила токму денес полни 50 години! На 29-ти Март 1974 – пред точно 50 години – започна сериското производство на Golf, во фабриката на Volkswagen во Wolfsburg. Од Volkswagen самите признаваат – никој не знаеше дека овој компактен автомобил кој беше развиен да биде наследник на легендарната Буба, ќе биде најуспешниот Volkswagen и најпродаваниот европски автомобил во историјата. Golf го отсликуваше духот на времето, го даде своето име на цела една класа на автомобили и беше верен придружник на генерации и генерации ширум светот. Верувале или не, досега се продадени повеќе од 37 милиони примероци од Golf – а тоа значи дека повеќе од 2000 купувачи купувале Golf, секој ден, изминативе 50 години. Golf е навистина светски автомобил. Од фабриката во Wolfsburg досега излегоа повеќе од 20 милиони примероци. Останатите 17 милиони примероци се произведени во други фабрики на Volkswagen во Германија, но и во Белгија, Бразил, Кина, Малезија, Мексико, Словачка и Јужна Африка. Истовремено, Golf наметнувал нови стандарди, а технологиите кои биле и се дел од Golf биле типичен пример за прогресивниот германски инженеринг. Низ 8 генерации, Golf секогаш беше директен сведок на своето време, нудејќи различни погонски опции и нови технологии. Од ефикасни и моќни дизели, до спортски турбо-бензинци, па и електричен и плаг-ин хибриден Golf. Германскиот хечбек секогаш имал една јасна мисија – а тоа е да биде сосем доволно автомбоил за сите животни потреби. Среќен роденден, Volkswagen Golf! ShareTweetShare...
Nissan планира да претстави 30 нови модели!
Car Club - пред 27 дена
ShareTweetShareПланот на јапонскиот бренд „The Arc” e да излезе со 30 нови модели на глобално ниво во следните три години. Nissan објави дека ќе лансира пет нови електрични возила во Европа до 2026 година. Првиот модел кој ќе пристигне ќе биде новата Nissan Micra, која ќе биде претставена подоцна оваа година. Таа е базирана на истата технологија што го придвижува ново претставениот Renault 5 E-Tech. Се работи за новата платформа AmpR Small на Ampere групацијата. Следната генерација на Nissan Juke ќе ги користи истите основи и се очекува да биде претставен како ривал на Jeep Avenger во секторот за мали теренци. Во меѓувреме, новиот Leaf очекуваме да биде кросовер кој ќе ја користи AmpR Medium платформата. Другите две електрични возила кои се потврдени за Европа се комбиња. Првото е целосно електричнoто панел комбе Interstar – ривалот на Nissan Ford E-Transit кое ќе се пристигне во втората половина на 2024, а второто ќе биде нов компактен LCV базиран на FlexEVan на Renault. Уште еден нов модел до 2026 година кој е наменет за европскиот пазар до 2026 година е фејслифтираната верзија на најпродаваниот Nissan Qashqai. Nissan најверојатно ќе го искористи ова за да ја претстави третата генерација на својата хибридна e-Power технологија која доаѓа и во Европа. Во споредба со сегашните e-Power модели, погонските единици од третата генерација можат да обезбедат 20 отсто повеќе моќност и 10 отсто зголемена економичност. Амбициозниот план „The Arc” на Nissan е да претстави 30 нови модели ширум светот во следните три години, од кои 16 ќе бидат електрифицирани, а останатите ќе имаат мотори со внатрешно согорување. Nissan исто така работи на нови технологии за батерии и планира значително да ја подобри својата технологија. До 2028 година, кога Nissan планира да лансира електричен SUV со седум седишта, батериите ќе бидат 50 отсто погусти на енергија а брзото полнење ќе се скрати за 50 проценти. ShareTweetShare...
ТЕСТ: Mazda CX-60 E-SKYACTIV PHEV Homurа – Голем, ефикасен и моќен SUV
Car Club - пред 28 дена
ShareTweetShareВеќе добро ја познаваме новата Mazda CX-60, но каква е комбинацијата на големиот SUV со моќен плаг-ин хибриден погон? Големата Mazda CX-60 еднаш веќе се појави на нашите страници. Тоа беше минатата година, кога го возевме јапонскиот SUV во комбинација со неочекувано големиот, моќен и ефикасен 3.3-литарски турбодизел. Тогаш рековме дека дизелот не е мртов – и сè уште стоиме позади тоа – но кога ни се укажа можност да ја пробаме Mazda CX-60 во комбинација со плаг-ин хибриден погон, со задоволство ја прифативме понудата! Ефикасен плаг-ин хибриден погон и повеќе од 300 коњски сили! Плаг-ин хибридната изведба на CX-60 всушност е најмоќната изведба на големиот SUV. Погонот кој се вградува во CX-60 очекувано комбинира бензински мотор со електромотор и батерија. Бензинецот во равенката е 2.5-литарски атмосферец кој испорачува 192 коњски сили при 6000 вртежи во минута и 261 Nm вртежен момент, а тој пак соработува со електромотор кој испорачува дополнителни 175 коњски сили и 270 Nm вртежен момент. Електромоторот се „храни“ од батерија со капацитет од 17.8 kWh, кои овозможуваат официјална автономија од 63 километри на електрична енергија (според WLTP). Ние успеавме да поминеме малку над 50 километри со полни батерии на големиот SUV. „Вкупната математика“ е особено интересна, бидејќи според официјалните податоци, Mazda CX-60 PHEV располага со вкупно 327 коњски сили од 4000 вртежи во минута и одлични 500 Nm вртежен момент. Сето тоа е доволно за импресивен спринт до 100 километри на час за само 5.8 секунди, како и максимални 200 километри на час. Поврзано: Mazda го продолжува развојот на ротациони мотори Истовремено, погонот е исклучително ефикасен. Како што веќе напоменавме, можете да очекувате автономија од околу 50 километри на електрична енергија – сосем доволно за дневните потреби на просечниот возач во Македонија, а кога ќе се испразнат батериите CX-60 PHEV се трансформира во конвенционален хибриден SUV очекувајте потрошувачка која ќе се движи во рамките на 5-6 литри бензин на 100 изминати километри. Вградениот полнач е со моќност од 7.2 kW – па полнењето на батериите трае околу три часа. Дополнително, CX-60 може да се полни и на побрз полнач, со максимална моќост до 22 kW. Електромоторот лесно го движи јапонскиот SUV низ град, без во ниту еден момент да се почувствувате дека „фали“ нешто. Во оној момент кога ќе побарате повеќе перформанси, едноставно ја притискате педалата за гас до крај, се активира и бензинецот и CX-60 катапултира нанапред. CX-60 успешно ја крие масата и компетентно се движи од свиок во свиок. Изненадувачки, CX-60 успева одлично да ја скрие масата – која како да не надминува два тони. Од свиок во свиок, CX-60 ја менува насоката како некој значително полесен автомобил. Суспензијата успева да го одржи овој SUV рамен, дури и побрзи свиоци, а бидејќи платформата е примарно на заден погон, при поентузијастички наредби кон управувачот, можете да очекувате и контролирано надуправување. Управувањето е директно и изненадувачки комуникативно. Во Sport режим управувањето станува уште подиректно, а секое притискање на педалата за гас резултира со самоуверено катапултирање нанапред. Управувањето едноставно влева доверба во можностите на големиот CX-60, а спортските афинитети не го нарушуваат комфорот во кабината. Поврзано: Официјално ги доделивме наградите Златно Тркало за 2024Луксузна и кофморна кабина со многу простор и сите современи технологии Инаку, ова и понатаму е CX-60 – а тоа значи комфорна и (дури би рекле) луксузна кабина обвиена во квалитетна кожа, многу технологии и играчки, и многу, многу простор. Ни се допаѓа одлуката на инженерите на Mazda да не се претерува со „тач“ деталите, туку повеќето работи да се управуваат преку централно-поставен контролер. Секако, не се изоставени модерните технологии – пред возачот има јасен и остар хед-ап дисплеј како и 12-инчен дигитален дисплеј за инструментите. На централната конзола е поставен голем, 12.3-инчен мултимедијален дисплеј наменет за инфозабавните функции, навигацијата и поврзувањето со Apple CarPlay и Android Auto, а CX-60 ги добива и напредните системи за асистенција и безбедност кои Mazda ги има во своето портфолио. И исто како кога ја возевме дизелската Mazda CX-60, ќе истакнеме дека во кабината има многу, многу простор. Благодарение на огромното меѓуоскино растојание од 2870 милиметри, во кабината има многу простор – како на предните седишта, така и на задната клупа. Багажниот простор исто така останува непроменет – отворете ја огромната петта врата и ќе ве пречека капацитет од завидни 570 литри, кои растат на 1726 литри со преклопена задна клупа. Mazda беше суптилна со своите амбиции… А сега? Сега веќе не е толку суптилна. Mazda CX-60 едноставно ни се допаѓа. Толку е лесен заклучокот. Ни се допаѓа дизајнот, ни се допаѓа и погонот, ни се допаѓа и квалитетот. Mazda ги прави работите малку поинаку, а токму најмоќниот погон во портфолиото на CX-60 можеби е најинтересниот. Доколку автономијата од 50-тина километри ги задоволува вашите дневни потреби, тогаш ќе уживате во комфорен, рафиниран и современ (и безмалку) електричен SUV. А за сите оние патувања, тука е моќниот бензинец кој едноставно го отстранува стравот од „а каде ќе полнам“. Mazda одамна суптилно ги покажува своите премиум амбиции – но со CX-60, веќе не го прави тоа толку суптилно. Поврзано: Златно Тркало 2024: Победници се Porsche Panamera, Audi Q8, Volkswagen ID.7, Opel Corsa и Mazda CX-60!Спецификации Модел: ТЕСТ: Mazda CX-60 E-SKYACTIV PHEV Homurа Мотор: 2.5-литарски атмосферец, 4 цилиндри во линија, MHEV Моќност: 192 коњски сили / 6000 вртежи во минута Вртежен Момент: 261 Nm / 4000 вртежи во минута Моќност (електромотор): 175 коњски сили Вртежен Момент (електромотор): 270 Nm Системска Моќност: 327 коњски сили Системски Вртежен Момент: 500 Nm Менувач: Автоматски, 8 брзини Забрзување 0-100 км/ч: 5.7 секунди Максимална Брзина: 200 километри на час Должина: 4745 mm Ширина: 2134 mm (со странични ретровизори) Висина: 1680 mm Тежина: 2055 килограми Меѓуоскино Растојание: 2870 mm Багажен Простор: 570 – 1726 литри Потрошувачка: 6.5 литри на 100 километри (измерена, градска) Цена на тестираниот модел: ТЕСТ: Mazda CX-60 E-SKYACTIV PHEV Homurа – 73.500 Евра Повеќе Информации: Mazda.mk Фотографии ShareTweetShare...
Larte Design го стилизираше големиот BMW X6
Car Club - пред 28 дена
ShareTweetShareБодикитот од лесни композитни материјали е создаден за да се истакне робусниот изглед на баварскиот теренец. Промените започнуваат од предниот дел, каде е поставен нов ревидиран браник, поагресивна хауба и затемнети бубрежни решетки. Видливи се и нов сет на ретровизори како и карактеристични странични лајсни. Обликот на задниот браник е сменет, а задниот дифузер е здебелен и сега содржи дополнителни стоп светла. Сјајните црни бандажи во големини од 21 и 23 инчи додаваат на смелиот изглед, а надградбите се заокружуваат со малиот кровен спојлер. Сопствениците на BMW X6 имаат можност да го купат каросерискиот комплет на Larte со стандардна конструкција од базалтни влакна, или дополнително да инвестираат во поскапи делови изработени од карбонски влакна. Секоја од компонентите на комплетот може да се купи посебно, обезбедувајќи флексибилност за прилагодување. ShareTweetShare...
Volvo го произведе последнoто возило со дизел мотор
Car Club - пред 29 дена
ShareTweetShareСо големиот XC90 кој излезе од линијата во фабриката во Торланда во Шведска, Volvo става крај на ерата на дизелот и планира да произведува исклучиво електрични возила од почетокот на 2030 година. Иако глобалната побарувачка за електрични возила се намалува, во Volvo не запираат со отфрлање на застарената дизел технологија. Во 2017 година, Volvo стана првиот голем производител на автомобили кој се обврза постепено да ги укинува возилата кои имаат мотори со внатрешно согорување. Останатите производители на автомобили стратешки не се обврзаа кога очекуваат да ги укинат моторите со внатрешно согорување, а некои и дури отстапија од претходно зацртаните цели. Mercedes-Benz минатиот месец ја отфрли својата прогноза за продажба и сега очекувањата за продажбата на возилата на батерии се помалку од половина од веќе предвидените. Кон крајот на минатата година, Ауди соопшти дека општо го намалува воведувањето на електрични возила. XC90 на Volvo беше клучен за заживувањето на брендот започнувајќи од 2014 година, кога беше претставен како прв автомобил изграден под раководство на Ли Шуфу од кинескиот гигант Geely. Последниот дизелски XC90 нема да биде продаден, туку ќе биде изложен во новиот музеј на Volvo коj се очекува да се отвори следниот месец во Гетеборг. ShareTweetShare...
Opel Astra добива нов лајт-хибриден погон
Car Club - пред 29 дена
ShareTweetShareНовиот лајт-хибриден турбо-бензински мотор ветува подобри перформанси, но и намалена потрошувачка до 14%. Хибридниот погон кој сега може да се добие кај Astra (и караванот Astra ST, кој ние имавме можност да го возиме во Риселсхајм) го комбинира добро-познатиот 1.2-литарски турбо-бензинец со 48-волтна хибридна компонента. Резултат ова се намалена емисија на CO2, како и подобрена економичност во однос на конвенционалниот турбо-бензинец. Opel ветува потрошувачка намалена за 14%, но и можност при градски брзини до 50% од километрите да се поминат на струја. Турбо-бензинскиот мотор и понатаму испорачува 136 коњски сили и 230 Nm вртежен момент, а електромоторот кој е интегриран во шест-брзинскиот автоматски менувач со двојна спојка испорачува 29 коњски сили и 55 Nm вртежен момент. При сопирање, електромоторот ја полни малата батерија поставена под совозачкото седиште. Зошто вакво решение? Многу едноставно – за да не се направи никаков компромис во однос на багажниот простор. Како што рековме, Opel тврди дека овој лајт-хибриден систем е сосем доволно моќен за Astra да може да помине до 50% од километрите поминати во урбани околини на струја. Официјалната потрошувачка спoред WLTP мерењата е 5 литри на 100 изминати километри за Astra, односно 5.1 за Astra ST. Подобрени се и перформансите – Astra Hybrid забрзува до 100 километри на час за рамно 9 секунди и достигнува максимални 210 километри на час. ShareTweetShare...
Lamborghini објави рекордна продажба и профит за 2023 година
Car Club - пред 30 дена
ShareTweetShareСо остварениот приход од 2,66 милијарди евра и профит од 723 милиони евра, 2023 се покажа како најдобра година досега за луксузниот бренд. 2023 година беше најдобрата година за Lamborghini, кога за прв пат беа продадени повеќе од 10.000 возила. Тоа му помогна на брендот да оствари приход од 2.66 милијарди евра – рекордна заработена сума за една година и 12.1 отсто повеќе од 2022 година. „Lamborghini продолжува да урива рекорди, постојано и во различни области, и тоа еден рекорд по друг. Ова значи дека нашите избори и визија беа точни и придонесоа за органскиот раст на компанијата. Оперативниот резултат од 723 милиони евра заедно со оперативната маржа од 27.2% се јасни знаци дека усвоената стратегија е добра” – рече Стефан Винкелман, извршниот директор на Lamborghini. „Во 2023 година повторно забележавме невидени финансиски и деловни перформанси кои не позиционираат како еден од клучните светски играчи во луксузниот сегмент“, рече Паоли Пома, финансискиот директор на Lamborghini. Lamborghini оваа година планира да ја претстави plug-in хибридната верзија на Urus, како и новиот модел што ќе го замени Huracan. Останува да видиме дали трендот на рекордни продажби ќе продолжи и во 2024 година. ShareTweetShare...
Audi го направи последниот R8
Car Club - пред 31 дена
ShareTweetShareПосле две генерации, безброј изведби и модификации, Audi R8 официјално оди во пензија. Последниот примерок на „разумниот“ суперавтомобил излезе од производната линија на фабриката на Audi минатата недела. Се работи за Performance quattro Edition со 5.2-литарски V10 мотор и 612 коњски сили, облечен во жолта „Vegas“ боја. Audi сепак одбра да не го продаде на купувач, туку да го чува во својот официјален музеј во Инголштад, Германија. Од Audi не потврдија дали ќе има директен наследник на R8, но доколку има, голема е веројатноста дека тој ќе биде електричен. Audi планира да го лансира својот последен автомобил опремен со мотор со внатрешно согорување во 2026 година, по што брендот ќе лансира само електрични верзии. ShareTweetShare...
Cupra оди во Америка!
Car Club - пред 31 дена
ShareTweetShareНа годинешната прес-конференција Cupra објави дека ќе атакува на американскиот пазар! Cupra е најмладиот бренд во портфолиото на Volkswagen групацијата, но челниците одлучија токму Cupra да ја добие довербата за проширување кон пазарот во САД. Според најавеното, во Соединетите Американски Држави ќе биде лансирана целосно-електрична верзија на Formentor. Немаме информации дали електричниот Formentor ќе биде базиран врз тековната генерација (која секој момент треба да добие освежување) или пак на следната генерација. Со оглед на тоа дека во моментов Formentor не се нуди во целосно-електрична варијанта, најверојатно ќе биде втората опција. Покрај електричниот Formentor, Cupra најавува и втор, поголем SUV кој ќе се произведува во Мексико. Според Cupra (односно SEAT), овој SUV ќе се продава во одредени држави во САД – највеќе во државите блиску до источниот и западниот брег, како и државите кои имаат најголема изложеност на сонце. Инаку, Cupra има навистина пополнета агенда – годинава треба да биде лансиран електричниот Tavascan, но и хибридниот Terramar кој ќе се нуди со неколку различни погонски опции. За следната година е најавен Raval кој ќе биде основниот модел на шпансиот спортски бренд. ShareTweetShare...
ПРЕМИЕРА: Peugeot го претстави новиот 9X8 со кој ќе се натпреварува на Endurance трките!
Car Club - пред 31 дена
ShareTweetShareФранцускиот бренд и годинава ќе се натпреварува во WEC – и денес го претстави новиот, надграден 9X8 кој ќе го има тркачкото деби на 6 Часа Имола во Април! Возилото кое дебитираше минатата година немаше заден спојлер, но годинава 9X8 добива низок заден спојлер кој би требало значително да влијае на аеродинамиката. Истовремено, Peugeot ја напушта стратегијата за гуми со еднаква ширина на предната и на задната оска и новиот автомобил на предните тркала ќе вози гуми со ширина од 29 сантиметри, додека задните тркала добиваат гуми со ширина од 31 сантиметар. Сето ова овозможува автомобилот да има темелно-ревидирана аеродинамика и повеќе потисна сила од горните површини на автомобилот. Техничкиот директор на Peugeot Sport – Olivier Jansonnie – изјави дека „90-95% од површините на автомобилот биле допрени од неговиот тим“. Тој додава дека „од гледиште на гледачите, автомобилот изгледа како да не е сменет и дека има само заден спојлер“ – иако тоа не е така, туку токму дека предизвикот бил да се задржи визуелниот идентитет на автомобилот. Истовремено, бидејќи тежината е преместена кон задниот дел, инженерите на Peugeot можеле да поработат на 2.6-литарскиот твин-турбо V6 и неговиот 7-степен менувач со цел да се подобри доверливоста на погонот – а со тоа тимот да биде уште поконкурентен во иднина. Ние имавме можност да го видиме „стариот“ тркачки автомобил на Peugeot минатата година, кога на покана на францускиот бренд отидовме на 100-годишнината на Le Mans. ShareTweetShare...
Разгледајте и пробајте ги возилата на MG Motor и Chery, тест-караванот патува низ Македонија!
Car Club - пред 34 дена
ShareTweetShareКомпанијата Гранд Ауто најавува MG & Chery караван низ Македонија – следните четири саботи ќе ги претстави моделите на MG Motor и Chery во поголемите градови низ државата. Од Grand Auto информираат дека посетителите ќе можат во живо да се запознаат со моделите на брендовите MG Motor и Chery и во живо да ги испробаат MG ZS, MG HS и електричниот MG 4, како и FX, Tiggo 7 Pro и Tiggo 8 Pro од брендот Chery. Автомобилите на MG и Grand Auto, MG Motor и Chery Ве очекуваат. Караванот ќе ги посети следните градови: 23-ти Март 2024 – Струмица 30-ти Март 2024 – Битола 6-ти Април 2024 – Кичево 13-ти Април 2024 – Охрид Возилата ќе бидат достапни за разгледување и возење од 10:00 до 16:00 часот. ShareTweetShare...
ТЕСТ: BMW 520d M Sport – Дизелот и понатаму е вистинскиот избор!
Car Club - пред 35 дена
ShareTweetShareПред неколку месеци го имавме првиот контакт со новата Серија 5, а сега на наш, домашен терен ја возиме новата лимузина на BMW – и тоа (верувале или не) во дизелска варијанта! Извикани се гласините дека дизелот оди во историјата. Убедени сме во тоа. Сакате некаков доказ? Па еве го, и тоа во форма на огромен баварски седан со еден куп нови технологии и – уште поважно – ознака 520d на задниот дел. Пред само неколку месеци бевме во Србија на интернационална презентација на новата Серија 5. Таму имавме можност да ја возиме електричната изведба со ознака eDrive40 која и покрај не-баш-незначителните 2.2 тони успеваше да забрза до 100 километри на час за само 6 секунди. Покрај електричната, накратко седнавме и зад управувачот на дизелскиот 520d и уште тогаш ни стана јасно дека можеби токму дизелската „Петка“ е поинтересниот избор. Зошто? Ќе се обидеме да објасниме… Формата на Серијата 5 е безмалку купеовска Прво ќе му посветиме малку внимание на дизајнот. Дизајнерската насока во која се движеше BMW во изминативе неколку години не беше по сечиј вкус – но продажните резултати се такви какви што се, а пред фактите и боговите молчат. BMW ги познава своите купувачи и многу добро знае какви автомобили и какви дизајни треба да испорача – и кај Петката не е поинаку. На предниот дел најголемиот дел од вниманието оди кон огромните предни бубрези и хоризонтално-поставените тенки предни светлосни групи. Над бубрезите гордо стои значката на BMW, а во долниот дел од браникот забележуваме широки отвори за ладење на погонската единица, но и за насочување на воздухот и подобрување на аеродинамиката. Профилот е несекојдневен – карактерната линија е ниска, рачките од вратите се скриени во каросеријата а задниот дел дискретно паѓа како што се приближува кон задните светла. Секако, и ова е во насока на аеродинамиката, а сето тоа резултира со безмалку купеовска форма на големиот седан. Од предните кон задните тркала дискретно се издигнува уште една линија која продолжува кон задниот браник, а целиот автомобил изгледа визуелно понизок благодарение на црните елементи во долниот дел од автомобилот и задниот браник. Ако мораме да одбереме, би рекле дека највеќе ни се допаѓа задниот дел. Тенките и широки задни светлосни групи, во комбинација со дискретно-исфрлените задни крила и агресивниот M Sport заден браник резултираат со изненадувачки-доминантен, спортски став. Поврзано: ПРЕМИЕРА: BMW го најавува новиот iX3 со Vision Neue Klasse XЛуксузна и опулентна кабина со сите нови технологии Одиме внатре, каде нè пречекува луксузна, опулентна кабина. Веднаш (навистина, веднаш) паѓаат во очи спортските седишта обвиени во перфорирана црвена кожа (која сепак е вештачка, a BMW ја нарекува Veganza), кои се супер-контрастни со комбинацијата од сиви и црни материјали во кабината. Се сместуваме во седиштето и лесно наоѓаме комфорна и ниска возачка позиција каква што и заслужува еден ваков спортски седан. Управувачот е дебел, а индустрискиот дизајн на елементите околу возачот наметнува еден сосем поинаков вид на премиум. Секако, пред возачот се поставени дигиталните инструменти (поставени на екран со дијагонала од 12.9 инчи), кои пак се споени со дигиталниот екран (дијагонала од 14.9 инчи) наменет за инфозабавните функции и навигацијата. Под нив на централниот гребен меѓу возачкото и совозачкото седиште е кристалниот контролер за iDrive уредот, како и селекторот за пренос. Околу целата кабина се проткајува современо амбиентално осветлување, а во целата кабина преовладува чувство на квалитет и луксуз. Во однос на технологиите, немаме никакви забелешки. Тука е одличниот систем за надградена реалност кој на екранот пред возачот во реално време проектира насоки за навигацијата, а тука се и безмалку безброј системи за асистенција и паркирање. Немаме никаква забелешка ниту за просторот на задната клупа. Дури и повисоките патници комфорно ќе се сместат и нема да им недостасува простор ниту за нозете, ниту за главите – па комфорно ќе патуваат и кон подалечни дестинации. Во однос на багажниот простор – новата Петка е во рамките на очекувањата за сегментот. Багажникот е достапен преку прилично голем отвор, а на располагање ќе имате капацитет од 520 литри. Доколку е потребно, задната клупа се преклопува со повлекување на рачки поставени во багажникот. Поврзано: Во салонот на BMW во Скопје пристигна новиот X2Моќен и ефикасен турбодизел со 197 коњски сили Океј, сега е време да зборуваме за моторот. Да, дизелот. Под предниот поклопец се крие 2-литарски турбодизел со лајт-хибридна компонента кој испорачува вкупно 197 коњски сили при 4000 вртежи во минута и одлични 400 Nm во распон од 1500 па сè до 2750 вртежи во минута. Надолжно поставениот мотор ја испорачува силата кон задните тркала преку Steptronic автоматски менувач со 8 степени на пренос, а резултат на сето тоа е спринт до 100 километри на час за 7.3 секунди и максимални 228 километри на час. И интересното е дека моторот сосем лесно го задвижува големиот баварски седан – и покрај масата од нешто над 1800 килограми. Тоа е особено изразено во Sport режим на работа, каде одизвот на притискање на педалата за гас е подиректен и побрз. Потрошувачка? Возете како сакате, просечната потрошувачка нема да надмине 7.5 литри на 100 изминати километри. На автопат е и значително пониска. Кога сме кај Sport режимот – не само што одзивот на педалата за гас е подобар, туку и управувањето добива повеќе отпор, а со тоа се подобрува прецизноста. Од свиок во свиок, Серијата 5 успешно ги крие димензиите и килограмите и јасно ги истакнува своите гени. Суспензијата не дозволува навалување, а од друга страна влева доверба во можностите на големиот седан. Серијата 5 одлично крстосува на автопат, но во свој елемент е на кривулест пат со долги свиоци И вистината е дека Серијата 5 е комфорен и мирен крстосувач, подготвен лесно да помине стотици и илјадници километри без никаков приговор. Од друга страна, лесно се снаоѓа во градскиот метеж, каде успева безмалку беспрекорно да ги исфилтрира и помалите и поголемите дупки од нашите улици. Но каде е навистина во својот елемент? Би рекле на кривулест пат со долги свиоци, каде може да игра баварски балет од свиок во свиок без воопшто да се вознемири или да изгуби рамнотежа. Беспрекорно контролираната каросерија Ве охрабрува да возите посамоуверено и да ги истражувате границите. А границите? Не е лесно да се достигнат, но во оној момент кога ќе претерате, ќе добиете контролирано надуправување – како што и му прилега на спортски седан. Поврзано: Rimac и BMW Group објавија стратешко партнерство! И сега, зошто сметаме дека дизелот е вистинскиот избор? Па, во основа – ваквиов мотор му прилега на еден ваков седан. Моторот работи исклучително рафинирано и не пренесува никакви вибрации во кабината – како што и очекуваме за еден премиум седан. Од друга страна, моторот е доволно моќен и доволно економичен за безмалку сите потреби и поминување 1000 километри на отворен пат со полн резервоар не би требало да биде никаков проблем. А Серијата 5 припаѓа на отворен пат. Новата Серија 5? Па таа Серија 5! Серијата 5 секогаш била уверлива и секогаш била на самиот врв на својот сегмент. Германските производители се натпреваруваат во тоа кој ќе понуди повеќе технологии, но вистинските гени кога-тогаш излегуваат на виделина. А новата Серија 5? Па таа е Серија 5. Спецификации Модел: BMW 520d M Sport Мотор: 2-литарски турбодизел, 4 цилиндри Моќност: 197 коњски сили / 4000 вртежи во минута Вртежен Момент: 400 Nm / 1500 – 2750 вртежи во минута Менувач: Автоматски Steptronic, 8 брзини 0-100 км/ч: 7.3 секунди Максимална Брзина: 228 километри на час Должина: 5060 mm Ширина: 1900 mm (без странични ретровизори) Висина: 1515 mm Тежина: 1830 килограми Меѓуоскино Растојание: 2995 mm Багажен Простор: 520 литри Потрошувачка: 7.2 литри на 100 километри (измерена, градска) Цена на основниот модел: BMW 520d – 71.700 Евра Цена на тестираниот модел: BMW 520d M Sport – 94.870 Евра Повеќе Информации: BMW.com.mk Фотографии ShareTweetShare...
ПРЕМИЕРА: BMW го најавува новиот iX3 со Vision Neue Klasse X
Car Club - пред 35 дена
ShareTweetShareNeue Klasse X е вториот Neue Klasse концепт кој BMW го претставува и е вториот од вкупно шест Neue Klasse автомобили кои BMW ќе ги лансира во следните три години. Од BMW кажуваат дека дизајнот на Neue Klasse X е смирен во однос на моменталниот дизајнерски јазик на германскиот бренд. Дали е тоа директен одговор на реакциите на публиката и автомобилските новинари кон моменталните дизајни на BMW? Би сакале да мислиме дека е така. Предниот дел на Neue Klasse X е смирен, со тенки вертикални „бубрези“ кои дефинитивно асоцираат на моделите на BMW од минатото – ако се потсетите на BMW 2002, ќе знаете точно што мислиме. Светлата се тенки и комбинираат хоризонтални и дијагонални елементи, додека долниот дел од браникот е широк и длабок. Профилот добива комбинација од чисти и рамни површини, но и забележливо ниски линии со кои BMW сака да ја потенцира динамичноста. Дополнително, напоменуваат дека аеродинамиката е подобрена за 20% во однос на тековните модели на брендот. На задниот дел вниманието оди кон големите задни светла, нагласениот спојлер и длабокиот заден браник. Сè на сè – нам ни изгледа сосем добро и сега навистина нè интересира како ќе изгледа серискиот модел. Концептот е поставен на најновата генерација на електричен погон на BMW – а тоа ветува подобрена автономија за 30%, но и побрзо полнење. Платформата е поставена на 800-волтна архитектура, која пак овозможува навистина брзо полнење. BMW ги потенцира четирите нови „супер-мозоци“ кои самите ги имаат развиено и кои нудат од 10 пати повеќе процесорка моќ. Меѓу другото, овие супер-мозоци (добро де, контролни единици) ќе управуваат со погонот и со автономното возење. Поврзано: Дамите го одбираат Women's Worldwide Car of the Year - ова се финалистите! Во кабината забележуваме копчиња поставени на управувачот (кој BMW го нарекува HyPerson X) со кои ќе се контролираат функционалностите, а iDrive контролерот заминува во пензија. Во ентериерот се користени обновливи материјали, рециклирани пластики и слично – дури 30% од пластиките во кабината се направени од отфрлени рибарски мрежи! Новиот Panoramic Vision систем проектира информации на ветробранското стакло директно во полето на поглед на возачот, а тродимензионалниот хед-ап дисплеј може да проектира информации за навигацијата, асистенцијата во возењето, итн. И што значи сето ова? Во суштина – ова е новиот iX3 (и потенцијално, поконвенционален X3 кој би требало да има и поконвенционален дизајн) кој треба да пристигне следната година. Иднината на BMW изгледа навистина интересно! ShareTweetShare...
VW ID.Buzz GTX е спортски електричен микробус!
Car Club - пред 35 дена
ShareTweetShareПосле лансирањето на ID.3 GTX, ID.4 GTX, ID.5 GTX и ID.7 GTX Tourer, следува најновото спортско издание од линијата GTX на Volkswagen. Како и кај другите GTX модели, ID Buzz GTX добива редизајнирани браници, нова решетка и впечатлива црвена боја. Тука се и ексклузивните 19-инчни тркала, а како опција се нудат и два комплети од 21 инч. Останатите детали кои го издвојуваат од стандардната верзија се долните светла во форма на бумеранг, темните акценти и спортските седишта. ID.Buzz GTX доаѓа стандардно со два мотори и погон на сите тркала. Клиентите можат да изберат од верзијата со стандардно меѓуоскино растојание и батерија од 79 kWh и моделот со подолго меѓуоскино растојание, кој доаѓа со помоќната 86 kWh батерија. Максималната моќност на полнење зависи од батеријата бидејќи помалиот пакет поддржува 185 kW додека надградениот пакет поддржува полнење до 200 kW. На основната батерија и се потребни приближно 25 минути за полнење од 10 до 80 проценти, додека на поголемата и треба нешто помалку од 30 минути. Во внатрешноста, семејниот транспортер добива 12,9-инчен екран на допир, нов опционален head-up дисплеј и осветлени лизгачи остеливи на допир за клима уредот и мултимедијалниот систем. Во моделот со подолго меѓуоскино растојание вграден е најголемиот панорамски покрив досега во возило на Volkswagen и истиот има опција со еден допир да се претвора од непроѕирен во проѕирен и обратно. Вкупната моќност од 335 коњски сили му овозможува на возилото да забрза до 100 км/ч за 6.5 секунди и да достигне максимална брзина до 159 километри на час. Европскиот ID. Buzz GTX ќе се појави во изложбените салони ова лето. Поврзано: Среќен 50-ти роденден, Volkswagen Golf! ShareTweetShare...
Nissan и Honda разгледуваат опции за заедничка соработка
Car Club - пред 36 дена
ShareTweetShareЈапонските брендови размислуваат за меѓусебно споделување на технологиите за батерии, мотори, софтвер и останати компоненти. Во блиска иднина можеме да очекуваме да видиме како производителите на автомобили се здружуваат меѓусебно за да се борат против брендовите кои доаѓаат од Кина и се сè поуспешни и поуспешни. Деновиве во Токио, Honda и Nissan јавно ја објавија својата намера да го направат токму тоа. Плановите се во рана фаза, но двата бренда се согласија да започнат физибилити студија која ќе ги испита опциите за заедничко производството на електрични возила, делови и софтвер. Претседателот на Honda, Тошихиро Мибе, рече дека компаниите допрва треба да одлучат за деталите за потенцијалната соработка, a извршниот директор на Нисан, Макото Учида, тврди дека тие се отворени за соработка на глобално ниво, не само во Јапонија. „Играчите во подем се многу агресивни и навлегуваат со неверојатна брзина“, им рече Учида на новинарите, алудирајќи на зголемената закана од кинеските производители на автомобили, но и на големата Tesla. „Не можеме да победиме на натпреварот се додека се држиме до конвенционалната мудрост и традиционалниот пристап“, додаде тој. Nissan е еден од оригиналните пионери за електрични возила благодарение на лансирањето на Leaf во 2010 година, но не успеа да го задржи моментумот во последниве неколку години. Поврзувањето Honda-Nissan може да изгледа како чуден сојуз, имајќи предвид дека Nissan веќе е во алијанса со Renault и моментално работи на следната генерација на Micra која ќе ја користи новата платформа на Renault 5. Но, Учида тврди дека заедничката програма со Honda нема да влијае на нивниот договор со Renault, кој најголемо влијание има на европскиот пазар. Од друга страна, Honda ја користи технологијата GM Ultium на американскиот пазар и има посебен договор со Sony кој е фокусиран на изнесување три електрични автомобили на пазарот до крајот на деценијата. ShareTweetShare...
ПРЕМИЕРА: Peugeot го претстави новиот, голем E-5008!
Car Club - пред 36 дена
ShareTweetShareНовиот голем SUV на Peugeot доаѓа стандардно со седум седишта и е достапен со електричен или хибриден погон. Новиот E-5008 (или едноставно 5008) стандардно доаѓа со седум седишта и редизајнирана кровна линија за да понуди навистина многу простор во кабината. Поставен на истата STLA Medium платформа на која е поставен и новиот Е-3008 (кој ние пред помалку од две седмици го возевме во Кан), 5008 ветува уште повеќе простор, уште повеќе практичност, но и рекордерски багажник, кој со преклопен трет ред седишта нуди капацитет од скоро неверојатни 748 литри. Главната дизајнерска измена во однос на 3008 е кровната линија – 3008 има опаѓачка Fastback линија, додека 5008 добива поконвенционална SUV форма. Секако, за да може да го смести третиот ред седишта, 5008 добива и зголемено меѓуоскино растојание – кај 3008 тоа е 2.74 метри, а кај 5008 има цели 2.9 метри меѓу оските. Во однос на погонските опции, Е-5008 ги добива истите електрични опции кои се нудат и кај Е-3008, но и истиот хибриден погон. Доколку одберете електричен Е-5008, ќе можете да изберете меѓу погонот со 210 коњски сили, или пак помоќниот со 230 коњски сили. Достапни се и неколку варијанти на батеријата – основната е со 73 kWh, додека поголемата е со цели 98 kWh. Поголемата батерија ветува автономија од 660 километри. Секако, тука е и хибридниот погон чија основа е 1.2-литарскиот турбо-бензинец со 136 коњски сили. Оваа комбинација добива лајт-хибриден систем со електромотор вграден во е-DSC6 менувачот и ветува подобрена ефикасност за цели 15% во однос на конвенционалниот погон (кој не се ни нуди во 3008 и 5008). Според Peugeot, лајт-хибридниот погон може до 50% од времето да вози на струја – секако, тоа е во спор, градски сообраќај, но токму во овие ситуации потрошувачката на гориво е најголема. Поврзано: Peugeot Sport доби специјално еко-признание од FIA Во понудата наскоро ќе биде додадена и плаг-ин хибридна верзија која комбинира 125-коњски електромотор и 150-коњски бензинец и би требало да може да помине безмалку 80 километри на електрична енергија. ShareTweetShare...
Новиот Mercedes-AMG GT43 доаѓа со четири цилиндри
Car Club - пред 37 дена
ShareTweetShareПочетната верзија на купето доаѓа без моќниот V8 и погонот на сите тркала. Новиот AMG GT43 доаѓа со четири цилиндри и 416 коњски сили, што е значително намалување од неговите V8 опремени варијанти GT55 и GT63 кои испорачуваат 469, односно 577 коњски сили. Забрзувањето од 0 до 100 километри на час трае 4,6 секунди, можеби не премногу респектабилно време за возило кое ја носи ознаката AMG. Mercedes-AMG во Европа ќе ја нуди основната верзија со стандарден распоред на две седишта и опционален распоред 2+2. Како опција ќе се нуди и управувањето на сите тркала. Кога истата ќе се вгради, задните тркала ќе се управуваат во спротивна насока на предните со брзина до 100 км/ч, односно во иста насока при поголеми брзини. GT43 и SL43 не се единствените модели од високата класа кои го користат 2-литарскиот мотор што е позајмен од компактните модели на брендот. AMG го поставува надолжно најмоќниот сериски четирицилиндричен мотор во најновите C63 и GLC63, односно попречно во CLA45 и GLA45. ShareTweetShare...
ПРЕМИЕРА: Audi ги претстави новите Q6 и SQ6 e-tron
Car Club - пред 37 дена
ShareTweetShareГерманскиот бренд продолжува да го збогатува електричното портфолио со новите Q6 E-tron и SQ6 E-tron, кои се базирани на PPE платформата и ги делат гените со новиот Porsche Macan. Новите електрични SUV модели на Audi се поставеин на Premium Platform Electric платформата која е развиена за потребите на премиум и луксузните автомобили во портфолиото на Volkswagen групацијата. Првиот модел поставен на оваа платформа веќе го видовме во форма на новиот, електричен Porsche Macan, а сега и Audi го претстави својот прв PPE модел. Платформата користи нова литиум-јонска батерија со 12 модули и вкупен капацитет од 100 kWh. Според официјалните информации кои ги објави Audi, ова овозможува автономија до 625 километри. Купувачите на Q6 E-Tron ќе добијат погон на сите четири тркала и 387 коњски сили, кои пак овозможуваат спринт до 100 километри на час за само 5.9 секунди. Оние кои ќе го одберат SQ6 E-tron ќе добијат максимални 517 коњски сили при Launch Control – а со тоа ќе добијат и спринт до 100 километри на час за 4.2 секунди и максимална брзина од 230 километри на час. Во однос на дизајнот, Q6 и SQ6 E-tron добиваат мускулест визуелен идентитет, со нагласени облини кои ги потенцираат перформансите. Добиваат нови активни дигитални предни светла кои овозоможуваат не само импресивно осветлување, туку преку засебното светло за комуникација, овозможуваат и комуникација со останатите возачи. Препознаваме и остро, закосено ветробранско стакло и динамична кровна линија. На задниот дел доминираат едноделниот светлосен елемент и задниот спојлер, а во зависност од одбраната конфигурација ќе добиете најмалку 18-инчни, односно 19-инчни тркала. SQ6 E-Tron добива нијанса пониска суспензија, поагресивни браници и странични прагови, понагласен заден спојлер и поголеми тркала, секако. Поврзано: Златно Тркало 2024: Победници се Porsche Panamera, Audi Q8, Volkswagen ID.7, Opel Corsa и Mazda CX-60! Кабината е темелно-дигитална – па огромниот преден екран е всушност комбинација од 11.9-инчен инструмент панел, голем 14.5-инчен инфозабавен дисплеј (изграден врз одличната Android Automotive платформа) и (опционален) 10.9-инчен дисплеј за совозачот. Можете да добиете и надграден хед-ап дисплеј, а можете да нарачате и премиум аудио уред со 22 звучници од Bang & Olufsen. Секако, очекуваме дека материјалите и финишот во кабината ќе бидат беспрекорни. Продажбата ќе започне во третата четвртина од годинава. Static photo, Colour: Plasma blue metallic ShareTweetShare...
ID.7 GTX Tourer е најмоќниот караван на Volkswagen досега
Car Club - пред 38 дена
ShareTweetShareКараванот добива два електрични мотори кои ги придвижуваат сите тркала со комбинирана моќност од 335 коњски сили. Додека основниот модел доаѓа со батерија од 77 kWh, GTX стандардно го добива надградениот пакет од 86 kWh. Полнењето со 200 kW и овозможува на батеријата да се наполни од 10 до 80 проценти за помалку од половина час. Максималниот опсег не е споменат, но голема е веројатноста дека тој е помалку ефикасен од моделот со погон на задните тркала со поголема батерија, која може да помине 685 километри, сметано преку WLTP циклусот. Како и со ID.3 GTX, ID.7 GTX Tourer добива поспортски изглед со редизајнирани браници, сјајни црни акценти и специјални тркала. Електричниот спортски караван стандардно доаѓа со 20-инчни алуминиумски тркала, а опционално достапни се и поголемите 21-инчни. Внатрешноста е исто така украсена со црвени акценти и GTX логоа на седиштата и воланот. Моделот има идентичен товарен капацитет во гепекот како стандардниот ID.7 Tourer а истото важи и за вкупниот капацитет со преклопени задни седишта. Слично како и кај обичниот електричен вагон, прекрасниот панорамски покрив кој е достапен како опција се претвора од непроѕирен во проѕирен и обратно. Електричниот спортски вагон id.7 GTX ќе започне да се продава во европа од оваа пролет. ShareTweetShare...
ТЕСТ: Toyota C-HR 2.0 Hybrid AWD-i GR Sport – Еден меѓу многуте!
Car Club - пред 38 дена
ShareTweetShareКога пред скоро 10-тина години Toyota го претстави првиот C-HR, наметна нов пристап во сегментот кои многуминаа пробуваа да го реплицираат. Дали сега, со новата, втора генерација на несекојдневниот кросовер, Toyota ќе успее да го направи истото? Првата генерација на C-HR ни е добро позната. Не само што го возевме несекојдневниот јапонски кросовер во неколку различни погонски изведби, туку го имавме и на долгорочно 3-месечно тестирање каде имавме можност навистина да се увериме во неговите можности и таленти. И да, компактниот C-HR имаше свои компромиси, но на крајот на денот беше препознатлив, забележлив и се издвојуваше меѓу директните (и индиректните) конкуренти. Сега пред нас е новата, втора генерација на C-HR. Со неа, Toyota кај својот компактен кросовер воведува грст новитети – како од аспект на дизајнот, така и од аспект на погоните и технологиите. Некои работи се нови, некои работи се веќе традиоционални кај Toyota. Да зборуваме за новиот C-HR! Нова платформа, нови погони, плаг-ин хибридна варијанта Новиот C-HR е поставен на најновата итерација на Global Architecture платформата на Toyota. GA-C платформата дозволува пристап до најновите технологии кои се дел од портфолиото на јапонскиот гигант, но и пристап до најновите погонски единици кои Toyota ги нуди. Па така, новиот C-HR може да се добие со новиот 1.8-литарски хибрид со 140 коњски сили, или пак со помоќниот 2-литарски хибрид со 197 коњски сили (кој може да се комбинира со погон на предните или на сите четири тркала). На самиот врв на понудата е новиот 2-литарски плаг-ин хибрид кој ветува автономија од над 60 километри на електрична енергија, но и системски 223 коњски сили! Ова е прв пат C-HR да е достапен со плаг-ин хибриден погон, а Toyota очекува дека не-баш-незначителен процент од купувачите ќе ја одберат токму оваа опција. 2-литарски Performance Hybrid, уверливи перформанси, импресивна економичност Автомобилот со кој ние поминавме еден викенд е C-HR во динамичната GR Sport варијанта, придвижуван од 2-литарскиот хибрид со 197 коњски сили и AWD-i погон на сите четири тркала, каде задните тркала се придвижувани исклучиво од електромотор. Оваа конфигурација се покажува како навистина уверлива. 2-литарскиот бензинец испорачува респектабилни 152 коњски сили при 6000 вртежи во минута, но уште поважно – тој соработува со уште два електромотори. Предниот електромотор кој (исто како бензинецот) ја испорачува силата кон предните тркала, нуди дополнителни 113 коњски сили и 206 Nm вртежен момент, додека задниот електромотор кон задните тркала испорачува 43 коњски сили и 84 Nm. Вудуто на Toyota значи вкупна, системска моќност од 197 коњски сили. Поврзано: Новата, втора генерација на Toyota C-HR пристигна во Македонија Сето тоа резултира со забрзување до 100 километри на час кое трае респектабилни 8.1 секунда, додека максималната брзина е 170 километри на час (или 180 километри на час кај верзијата со погон само на предните тркала). Ова се достигнува и поради новиот пристап нa Toyota кај C-HR – системот дозволува максималниот вртежен момент од сите мотори „во приказната“ да биде испорачан истовремено и „од нула“. Овој пристап Toyota го нарекува Performance Hybrid. И како функционира сето тоа во вистинскиот свет? Би рекле – прилично уверливо. Притиснете ја педалата за гас „до даска“ и по кратко прилагодување на e-CVT менувачот, C-HR неуморно и линеарно забрзува нанапред. Перформансите дури и нè изненадија! Она што не нè изненади е економичноста. Toyota декларира просечна потрошувачка од 4.6 до 5 литри на 100 изминати километри. Ние измеривме просечна градска потрошувачка од околу 6 литри на 100 изминати километри. Дизајнерска еволуција Океј, откако зборувавме за погонот, ајде да зборуваме за дизајнот. На прв поглед, новиот C-HR ја продолжува насокоата која Toyota ја започна со првиот C-HR – но овој пат дизајнот е повеќе во склад со дизајнерската насока на брендот и се препознаваат дизајнерски елементи од други модели од гамата. Би рекле дека C-HR е дизајнерски најблизок од новиот Prius, но препознаваме детали и од електричниот bZ4X. Дали тоа значи дека C-HR изгубил дел од својот препознатлив визуелен идентитет? Можеби. Намален е ефектот на оној карактеристичен Cab-Rearward дизајн кој беше толку дефинирачки кај минатата генерација и кој правеше C-HR да не наликува на ниту еден друг автомобил. Но и покрај тоа, C-HR изгледа засебно и современо, особено со C-обликуваните предни светла и двобојната комбинација на каросеријата. Всушност, на предниот дел доминираат големите светла и големата предна маска (која не-толку-суптилно ја нагласува семејната врска со Lexus), додека профилот е јасно „поделен“ благодарение на двобојната комбинација. Поврзано: ТЕСТ: Toyota C-HR 1.8 Hybrid E-CVT 2WD Cult - Очекуваниот избор Линиите на профилот се комплексни, со конфликтни површини и комбинација од остри агли и течни линии. Секако, свој удел имаат и големите тркала, но и напрчениот заден дел. Дополнително, рачките во вратите кои се вовлекуваат даваат дополнителен визуелен ефект на ексклузивност и рафинираност. На задниот дел вниманието оди највеќе кон задните светлосни елементи – дискретните, тенки и широки задни светла, како и светлечкото C-HR лого меѓу нив. Во долниот дел има огромен црн пластичен панел кој го разигрува задниот дел и ја разбива монотонијата. Детаљ кој ни се допаѓа? Дводелниот заден спојлер кој не само што изгледа одлично, туку и ја подобрува аеродинамиката. Детаљ кој не ни се допаѓа? Рачките од вратите кои се вовлекуваат се многу, многу кул, но би сакале да не се покриени кога ќе се отворат – така ќе бидат полесни за користење. Плус, „ударот“ при вовлекување е неочекувано бучен и првиот пат помисливме дека сме удриле во нешто. Супер-современа кабина Инаку, кабината на C-HR е супер-современа. Седиштата (особено во оваа GR Sport) варијанта се истовремено и комфорни и спортски, и нудат одлична странична поддршка. Повеќето површини се обвиени во квалитетни материјали кои (согласно имиџот на Toyota) оддаваат чувство како да ќе преживеат и нуклеарна војна. Инженерите на Toyota посветиле многу внимание за во кабината да биде комфорно, но и сите команди и контроли да бидат јасни и лесни за користење. На управувачот се поставени повеќето контроли кои се секојдневно потребни, а на централниот гребен е поставена малата рачка за контролирање на трансмисијата. Пред возачот е поставен голем дигитален дисплеј со сите инструменти и информации, додека на централната конзола е поставен новиот 12.3-инчен мултимедијален уред преку кој се контролираат навигацијата и мултимедијалните функционалности. Плус, ќе го пофалиме и одличниот JBL аудио систем со 9 звучници. Возачот и совозачот ќе уживаат во повеќе од доволно простор. Адекватно е и на задната клупа, но C-HR не е меѓу најпросторните во класата. Големите Ц-столбови малку ја намалуваат прегледноста од задната клупа, но тоа е прифатлива цена за динамичниот дизајн на C-HR. Багажникот е со капацитет од 364 литри, односно 388 литри кај верзијата со погон на предните тркала. Најмал багажен простор има плаг-ин хибридниот C-HR кој има багажник со капацитет од 310 литри – но таму дел од багажниот простор е искористен за батериите. Поврзано: Новата, втора генерација на Toyota C-HR пристигна во Македонија Комфорен и уверлив зад управувачот, со нескриена динамичност кога „ќе згусти“ И конечно, по сето ова, како е зад управувачот на C-HR? Со задоволство ќе кажеме дека C-HR во оваа конфигурација потполно ја оправдува GR Sport значката. Управувањето е директно и прецизно, без притоа да биде претешко. Компактниот кросовер лесно ја менува насоката на движење, а вртежниот момент од погонскиот систем гарантира дека динамичниот карактер на C-HR ќе биде оправдан и преку динамичните перформанси. Суспензијата е нагодена да биде цврста без да биде некомфорна, па C-HR од една страна успева да оди од еден свиок во друг без нагласено навалување, а од друга страна успева да биде комфорен и по нашите, македонски улици. C-HR никогаш не беше за сите – но оние кои го разбираат, уживаат во фактот дека возат нешто посебно Сè на сè, Toyota ја продолжува успешната приказна која ја започна со првиот C-HR. Ако првиот C-HR беше храбар (и успешен) обид да се отвори нов сегмент, сега јапонскиот гигант ги користи сите научени лекции и нуди производ кој е темелно посозреан и порафиниран, без притоа да изгуби од карактерот кој е толку многу важен кај ваквите автомобили. C-HR никогаш не беше за сите – ниту новиот не е – но оние кои ќе го разберат, ќе уживаат во знаењето дека возат нешто навистина посебно. Спецификации Модел: Toyota C-HR 2.0 Hybrid AWD-i GR Sport Мотор: 2-литарски атмосферски бензинец, 4 цилиндри + 2 електромотори Моќност: 197 коњски сили / 3500 вртежи во минута Вртежен Момент: 202 Nm / 3600 – 5200 вртежи во минута Менувач: Автоматски безстепен CVT Забрзување 0-100 км/ч: 8.1 секунди Максимална Брзина: 170 километри на час Должина: 4362 mm Ширина: 1832 mm (со странични ретровизори) Висина: 1558 mm Тежина: 1520 килограми Меѓуоскино Растојание: 2640 mm Багажен Простор: 424 литри Потрошувачка: 6 литри на 100 километри (измерена, градска) Цена на основниот модел: Toyota C-HR 1.8 Hybrid 2WD Cult – 33.990 Евра Цена на тестираниот модел: Toyota C-HR 2.0 Hybrid AWD-i GR Sport – 51.190 Евра Повеќе Информации: Toyota.com.mk Фотографии ShareTweetShare...
ID.3 GTX е првиот електричен хот хеч на Volkswagen
Car Club - пред 41 дена
ShareTweetShareСпортскиот електричен автомобил со погон на задните тркала го користи најмоќниот електромотор на Volkswagen досега. Сестринскиот модел на Cupra Born VZ доаѓа во две варијанти. Основниот GTX со 282 коњски сили и зачинетиот GTX Performance со 322 коњски сили. За да достигне 100 киломтери на час, на стандардниот GTX му се потребни шест секунди, односно 5,6 секунди ако се работи за GTX Performance. Максималната брзина е електронски ограничена на 178, односно 200 километри на час, соодветно. Двата GTX модели имаат батерии со употреблив енергетски капацитет од 79kWh и полнење до 175kWh. Со целосно наполнета батерија, ID.3 GTX се проценува дека покрива 600 км во комбинираниот WLTP циклус. Внатрешноста добива многу црвени акценти. Предните спортски седишта со интегрирани потпирачи за глава се електрично прилагодливи и изработени со ткаенина од рециклиран материјал, а тука се и ознаките GTX. Сите ID.3 ќе имаат нов 12,9-инчен инфозабавен систем и посебна рачка за избор на режимот на возење. VW веќе веќе најави дека ќе има и деветта генерација на Golf кој ќе користи само електрична енергија. Постојат шанси тој автомобил да го замени ID.3 бидејќи не гледаме дека би имало место за двата модели во линијата. Ако тоа се случи, GTX ќе стане GTI бидејќи компанијата има намера да ги задржи трите познати букви. Останува времето да покаже. ShareTweetShare...
Škoda го најавува малиот електричен Epiq – пристигнува следната година, ќе чини од 25.000 Евра!
Car Club - пред 41 дена
ShareTweetShareЧешкиот бренд ни претстави концепт со кој најавува нов, мал компактен SUV – Epiq пристигнува следната година, ќе чини од 25.000 Евра и ќе може да помине 400 километри со полни батерии! Škoda ја искористи Годишната Прес Конференција да го претстави Epiq – суб-компактниот кросовер кој ќе ги дели гените со веќе-најавените Volkswagen ID.2 и Cupra Raval. Малиот Epiq е долг нешто повеќе од 4 метри и на надворешноста го препознаваме Modern Solid дизајнерскиот јазик на Škoda. Секако, бидејќи се работи за кросовер, добиваме и подигнат став, но и современи дизајнерски детали и препознатлив LED светлосен потпис. Концептот е во Moon White бела боја и влече инспирација од 7S концептот кој Škoda го претстави во 2022. Секако, останува да видиме колку од концептските детали ќе бидат преточени во сериски автомобил, но со оглед на тоа дека серискиот Epiq треба да пристигне веќе следната година, очекуваме дека концептот е близу до финалниот автомобил. Škoda ветува и „епска“ (ја сфаќате финтата?) понуда на простор во кабината, но и багажен простор со скоро неверојатен капацитет од 490 литри. Во кабината препознаваме огромен инфозабавен екран и мал дигитален инструмент-панел – нешто слично како кај Škoda Enyaq кој неодамна го возевме. Забележуваме и нов, двокрак управувач и дискретни отвори за вентилација. Škoda ја искористи прес-конференцијата да нагласи дека не се откажува од моторите со внатрешно согоровуање. Минатата година чешкиот бренд продал вкупно 866.800 возила, а Claus Zellmer (Главниот Извршен Директор на Škoda) потврди дека и понатаму работат на развој на високо-ефикасни мотори со внатрешно согорување, но и лајт-хибридни и плаг-ин хибридни погони. Дополнително, тој потврди дека ќе продолжат да нудат возила со мотори со внатрешно согорување сè додека купувачите ги преферираат и сè додека законските рамки дозволуваат нивна продажба на одредени пазари. Поврзано: ТЕСТ: Škoda Enyaq Coupé 85 Sportline - Добро-позната, но сосем поинаква Škoda! ShareTweetShare...
Започнува гласањето за Златно Тркало 2024!
Car Club - пред 41 дена
ShareTweetShareДенес официјално започнува гласањето за Најпосакувани Автомобили во Македонија – а автомобилите ќе ги одберете вие, нашите читатели! Ова е јубилејното, петто издание на Златно Тркало кое го организираме со колегите од Автоплус, CarsByVik и RPM.mk. Оваа година се натпреваруваат дури 14 автомобили во пет различни категории, па затоа – гласајте! Можете да гласате во сите пет категории, и тоа: Најпосакуван Семеен Автомобил за 2024 Најпосакуван Градски Автомобил за 2024 Најпосакуван Електрифициран Автомобил за 2024 Најпосакуван Премиум Автомобил за 2024 Најпосакуван Нов Автомобил за 2024 Гласањето ќе биде отворено следните две седмици, гласајте за вашиот фаворит во секоја од категориите! ShareTweetShare...
Започнува гласањето за Златно Тркало 2024!
Car Club - пред 41 дена
ShareTweetShare0 SharesДенес официјално започнува гласањето за Најпосакувани Автомобили во Македонија – а автомобилите ќе ги одберете вие, нашите читатели! Ова е јубилејното, петто издание на Златно Тркало кое го организираме со колегите од Автоплус, CarsByVik и RPM.mk. Оваа година се натпреваруваат дури 14 автомобили во пет различни категории, па затоа – гласајте! Можете да гласате во сите пет категории, и тоа: Најпосакуван Семеен Автомобил за 2024 Најпосакуван Градски Автомобил за 2024 Најпосакуван Електрифициран Автомобил за 2024 Најпосакуван Премиум Автомобил за 2024 Најпосакуван Нов Автомобил за 2024 Гласањето ќе биде отворено следните две седмици, гласајте за вашиот фаворит во секоја од категориите! ShareTweetShare0 Shares...
СУПЕР-ТЕСТ: Volkswagen Golf GTE 245 DSG – Како е да се живее со плаг-ин хибрид во Македонија?
Car Club - пред 42 дена
ShareTweetShareЗапочнуваме нешто поинакво и нешто интересно – ќе се обидеме да откриеме и да пренесеме како е да се живее со плаг-ин хибрид во Македонија! CARclub.mk започнува нов и интересен проект – следниве месеци ќе откриваме како е да се живее со плаг-ин хибриден автомобил во Македонија. Како вовед, ќе зборуваме за автомобилот кој ќе биде наш партнер во оваа авантура. Ќе возиме Volkswagen Golf од осмата генерација, но во несекојдневна GTE изведба. Да, ќе возиме плаг-ин хибриден Golf! Golf GTE е придвижуван од комбинација од 1.4-литарски TSI турбо-бензинец, електромотор и батерија со капацитет од 13 kWh, односно достапни 10.4 kWh. Добро-познатиот 1.4-литарски турбо-бензинец испорачува 150 коњски сили од 5000 до 6000 вртежи во минута и 250 Nm вртежен момент од 1550 до 3500 вртежи во минута. Турбо-бензинецот соработува со електромотор кој испорачува 110 коњски сили и 330 Nm вртежен момент „од нула.“ Вкупната, системска моќност е 245 коњски сили и 400 Nm вртежен момент. Според официјалните податоци од Volkswagen, Golf GTE може да помине до 60 километри на струја – но тоа е во идеални услови. Ние досега поминавме околу 700 километри и при ниски утрински температури (кои за среќа веќе се зад нас!) автомобилот покажуваше автономија од околу 38 километри со полни батерии. Како што се качуваат температурите автономијата расте и во моментов наутро имаме достапни околу 42-43 километри. Просечната потрошувачка досега? Верувале или не, помалку од 1.5 литри бензин на 100 изминати километри! Системот дозволува возење на електрична енергија при брзини до 130 километри на час. Дополнително, ниту перформансите не се за занемарување – Golf GTE забрзува до 100 километри на час за само 6.7 секунди и достигнува максимални 225 километри на час. Следниве месеци редовно ќе ги пренесуваме нашите искуства – без задршки и со објективни, вистински бројки и податоци. Ќе зборуваме за трошоците, автономијата, полнењето и условите (или недостатокот на истите) за полнење ширум Македонија. И кога сме веќе кај полначите – верувале или не, ЕВН има повеќе од 30 полначи ширум Македонија од кои дури 18 се во Скопје, а веќе се најавени уште 20-тина нови. Поврзано: Златно Тркало 2024: Победници се Porsche Panamera, Audi Q8, Volkswagen ID.7, Opel Corsa и Mazda CX-60! Ќе истражуваме каква е потрошувачката во градски услови, но каква е и на отворено. Ќе патуваме, ќе возиме и ќе ги пренесеме нашите искуства. Следете нè, ќе биде интересно! Спецификации Модел: Volkswagen Golf 8 GTE 245 DSG Мотор: 1.5-литарски турбо-бензинец, 4 цилиндри Моќност: 150 коњски сили / 5000 вртежи во минута Вртежен Момент: 250 Nm / 1550 – 3500 вртежи во минута Моќност (електромотор): 110 коњски сили Вртежен Момент (електромотор): 330 Nm Системска Моќност: 245 коњски сили Системски Вртежен Момент: 400 Nm Менувач: Автоматски со двојна спојка, 6 брзини 0-100 км/ч: 6.7 секунди Максимална Брзина: 225 километри на час Должина: 4287 mm Ширина: 2073 mm (со странични ретровизори) Висина: 1484 mm Тежина: 1549 килограми Меѓуоскино Растојание: 2630 mm Потрошувачка: 1.4 литри на 100 километри (измерена, градска) ShareTweetShare...
Македонска премиера на новата Porsche Panamera!
Car Club - пред 42 дена
ShareTweetShareВчеравечер своја гала-премиера доживеа новата, трета генерација на луксузниот спортски седан на Porsche – пристигна новата Panamera! Новата Panamera добива нов лик, со редизајнирани предни светла, нов, подинамичен браник и агресивни отвори за воздух. Matrix LED предните светла сега се стандарден дел од опремата, а нивната форма убаво прилега на исфрлените крила. Третата генерација на Panamera добива и нови странични отвори за воздух, заострени стаклени површини и редизајниран заден дел со едноделен светлосен елемент и нагласен заден браник со интегриран дифузер. Кај новата Panamera дебитира и новата Active Ride суспензија. Овој иновативен нов систем вклучува активни амортизери, електрично-контролирана хидраулична пумпа и еднокоморна воздушна суспензија која континуирано го „порамнува“ автомобилот додека истовремено ги впива сите нерамнини од патот. Од Porsche напоменуваат дека токму овој систем овозможува огромен распон на прилагодување меѓу комфорот и динамичното возење. Истовремено, системот автоматски ја прилагодува и дистанцата од подлогата во зависност од режимот на возење додека новиот Comfort Access систем ја подигнува панамера за цели 5.5 сантиметри за полесно влегување во и излегување од кабината. „Со децении, Porsche е синоним за иновација, прецизност и немилосрдна потрага по автомобилско совршенство. Со секое ново издание, Porsche продолжува да ги редефинира границите на перформанси и луксуз, а новата Panamera не е исклучок“ – изјави Генералниот Директор на Порше Македонија, Златко Муцунски. Panamera добива кабина која е инсприрана од Taycan и може да има три екрани. Пред возачот е псотавен 12.6-инчен дигитален инструмент панел, на централната конзола има уште еден екран наменет за мултимедијалните контроли и функционалностите во автомобилот, додека пред совозачот е поставен 10.9-инчен екран. Контролерот за менувачот е поставен до управувачот, со што на централната конзола се ослободува повеќе простор. По воведниот говор, деталната презентација на новиот модел беше изведена од страна на Бренд Менаџерот на Porsche – Винко Марашевиќ, кој изјави – „Наследството на Porsche е она што е дефинирано со немилосрдните иновации, непоколебливата посветеност на извонредноста и непопустливата страст за уметноста на возење. И со новата Panamera, Porsche уште еднаш го подигнува нивото, поставувајќи нови стандарди во перформансите, луксузот и технолошкиот напредок. Panamera отсекогаш го претставувала совршениот спој на формата и функцијата – возило кое беспрекорно ја спојува елеганцијата со динамиката, луксузот со перформансите. И во оваа нова генерација, сите нејзини веќе познати карактеристики се издигнати на невидени височини.“ Поврзано: Официјално ги доделивме наградите Златно Тркало за 2024 Новата Panamera е достапна со грст турбо-бензински и хибридни погони. Понудата започнува со новите Panamera и Panamera 4 кои користат 2.9-литарски турбо V6 кој испорачува одлични 353 коњски сили и 500 Nm вртежен момент – ова овозможува спринт до 100 километри на час за 5.2 секунди кај Panamera, односно 4.8 секунди кај Panamera 4 и максимална брзина од 272 односно 270 километри на час. Над нив во хиерархијата се новите E-Hybrid погони кои нудат зголемена автономија на електрична енергија, но и зголемена системска моќност која достигнува и до 680 коњски сили и 930 Nm вртежен момент кај Panamera Turbo E-Hybrid. Новата Panamera можете да ја погледнете во салонот на Porsche во Скопје. ShareTweetShare...
Lancia ја откри новата HF значка и најави Ypsilon HF со 240 коњски сили!
Car Club - пред 42 дена
ShareTweetShareLancia најави дека следната година ќе пристигне нов, 100%-електричен Ypsilon HF кој ќе забрзува до 100 километри на час за 5.8 секунди! Да, препознатливата HF значка и нејзиното мало слонче ќе се најдат на целосно-електричен модел. Од Lancia не откриваат премногу детали, но најавуваат дека електромоторот ќе испорачува 240 коњски сили и дека компактниот хечбек ќе забрзува до 100 километри на час за само 5.8 секунди. Дополнително, напоменуваат дека електричниот хот хеч ќе има поширока трага и пониска суспензија – што пак би требало да влијае позитивно на динамиката и управувањето. Новата верзија на HF логото е очекувана еволуција на логото кое за прв пат се појави во 1960-тата година. Од Lancia напоменуваат дека боите на логото се повторно искористени, но без додавање непотребни графички елементи. Логото е поедноставно, боите се чисти и максимално се почитуваат геометриските пропорции на логото и на брендот. ShareTweetShare...
Peugeot ги освежи електричните E-Boxer, E-Expert и E-Partner
Car Club - пред 42 дена
ShareTweetShareНовите електрични комбиња добиваат ажуриран стил и поефикасни погонски единици. Новото лого на Peugeot е поставено на решетките на сите три комбиња, а истите имаат ревидирани предни браници и целосно LED предни светла кај одредени модели, зависно од нивото на опременост. Дополнително, во секој од нив се користи четботот ChatGPT кој е интегриран директно во гласовниот асистент „Ok Peugeot“. Благодарение на подобрувањата во ефикасноста, E-Partner сега може да измине до 330 км со едно полнење на неговата батерија од 52 kWh. Ажурираниот E-Partner стандардно доаѓа со пакет нови безбедносни системи, вклучувајќи предупредување за вниманието на возачот, напредно итно сопирање со детекција на пешаци и велосипедисти и задни паркинг сензори. E-Partner нуди до 4,4 кубни метри товарен простор и максимална носивост до 780 килограми. Средното E-Expert има иста моќност како неговиот помал брат, но користи поголема батерија од 75 kWh која обезбедува опсег до 350 километри. Во внатрешноста, контролната табла е редизајнирана, а стандардно возилото доаѓа со грејачи на возачкото седиште. E-Expert е достапен во нормална должина од 4,98 метри и во продолжена варијанта до 5,33 метри, со можност за модели на комби верзии со пет или шест седишта. E-Expert може да носи товар до 6,6 кубни метри, а максимална носивост и капацитет на влечење е точно 1000 килограми. E-Boxer, исто така ги користи полначот од 150 kW и новиот регенеративен систем со четири достапни нивоа. Кај него, промените во внатрешноста вклучуваат нова контролна табла, нови ткаенини на седиштата, и нов волан. Понуден исклучиво во професионални нивоа, секој E-Boxer располага со 10-инчен екран на допир со Apple CarPlay и Android Auto, автоматска контрола на климата, безжично полнење на телефон и влез без клуч. ShareTweetShare...
ВОЗЕВМЕ: Во Кан го возевме новиот електричен Peugeot E-3008!
Car Club - пред 43 дена
ShareTweetSharePeugeot нè покани во Кан, да бидеме меѓу првите во светот кои ќе седнат зад управувачот на целосно-новиот и целосно-електричен Е-3008. Секоја премиера е важна, но премиерата на новиот E-3008 е на сосем поинакво ниво? Зошто? Затоа што токму преку E-3008 и новата платформа на која е поставен електричниот SUV гледаме директно во иднината на Stellantis. А тоа е веќе многу, многу значајно! Е-3008 е првиот автомобил од Stellantis поставен на новата STLA Medium платформа. Stellantis одлучи дека токму кај Peugeot и токму кај Е-3008 ќе дебитира новата STLA Medium платформа на концернот. Оваа платформа ќе биде основа за цела гама на нови модели во рамки на концернот – а тоа значи дека ќе биде основа за стотици илјади возила ширум светот. Платформата е развиена со електричниот погон во преден план, но истовремено е доволно модуларна да може да се комбинира со мотори со внатрешно согорување, благи хибриди и плаг-ин хибридни погони. Притисок? Каков притисок? Прво да го поставиме прашањето – и што е тука ново? Па… Сè! Покрај платформата, нови се и батериите и електромоторите, нов е дизајнот, нов е ентериерот, нов е и целосно-дигиталниот кокпит. Домаќините од Peugeot гордо ни најавија дека токму со E-3008 ќе се постават нови стандарди во однос на електричниот досег – а тоа ќе го направат преку изведба која ќе може да помине 700 километри со полни батерии! „Основниот“ модел со кој ние поминавме неколку стотици километри носи батерија со капацитет од 73 kWh, која е поставена во подот и има структурна улога во шасијата на E-3008. Оваа батерија (која тежи 520 килограми) се комбинира со електромотор кој испорачува 210 коњски сили и 343 Nm вртежен момент. Силата ја пренесува кон предните тркала, а сето ова овозможува забрзување до 100 километри на час за 8.8 секунди и максимални 170 километри на час. Понатаму во понудата ќе се најде верзија со истата батерија, но со два електромотори, погон на сите четири тркала и вкупно 320 коњски сили, како и Long Range веријанта со погон на предните тркала, нијанса помоќен електромотор со 231 коњска сила и поголема батерија со капацитет од 98 kWh. Токму оваа верзија ветува дека ќе може да помине 700 километри со полни батерии. STLA Medium платформата која е основа за E-3008 е поставена на 400-волтна архитектура, која пак дозволува полнење со максимална моќност од 160 kW на брз полнач. Ова овозможува полнење од 20 до 80% за 30 минути. Во домашни услови можете да полните со вградениот трофазен полнач со максимална моќност од 11 kW и во тој случај полнењето од 20% до полни батерии би траело околу 8 часа. Поврзано: Peugeot Sport доби специјално еко-признание од FIAНова интерпретација на дизајнерскиот јазик на Peugeot Пред да зборуваме за ентериерот и за возењето, ајде да зборуваме за дизајнот. Со Е-3008, францускиот бренд воведува сосем нова итерација на својот дизајнерски јазик. Новите технологии дозволуваат дизајнот да биде храбар, па на предниот дел добиваме тенки и хоризонтални предни LED светла, како и три тенки вертикални дневни светла кои се веќе препознатливи за Peugeot. На предната маска гордо стои логото на Peugeot, а веднаш над него е моделската ознака 3008. Ова е модел со кој Peugeot се гордее. Во долниот дел од браникот се отворите за активната аеродинамика. Профилот е интересен и купеовски. Од Peugeot кажуваат дека Е-3008 е fastback но напоменуваат дека купеовската линија започнува зад задните врати и не влијае на просторната понуда во патничката кабина. Задниот дел е изненадувачки вертикален, со нагласено-тродимензионална графика на задните светла и истакнат заден браник кој има и функција на дифузер. Носачите на петтата врата (слично како кај 408) се скриени во спојлер во форма на „мачкини уши“ со што не го нарушуваат просторот во кабината, а Peugeot повторно си игра и со дизајнот на тркалата – дизајните се самоуверено-несекојдневни и нема да бидат по сечиј вкус, но ние ќе кажеме дека совршено му прилегаат на Е-3008 и неговата самоуверено-несекојдневна форма. Нов i-Cockpit, нови материјали, нови технологии Како е во кабината? Уште еден новитет – кај E-3008 дебитира и најновата итерација на i-Cockpit кабината на Peugeot – а тоа значи огромен, 21-инчен лебдечки дигитален дисплеј одделен во две целини – едната наменета за инструментите, поставена пред возачот а другата наменета за инфозабавниот уред, мултимедијата, навигацијата и клима-уредот. Поврзано: ПРЕМИЕРА: Peugeot го претстави новиот, голем E-5008! Под овој огромен закривен екран се најновите дигитални i-Toggles, а лево од нив се старт-копчето и прекинувачот за преносот. Сето тоа е наменето за полесно и поефикасно користење. Детал кој ќе го истакнеме? Новите рачки за трепкачите и светлата. Се чувствуваат како во скап, скап автомобил! На централниот гребен е поставен селекторот за режим на возење и уште неколку контроли. Ни се допаѓат материјалите во кабината, но ни се допаѓа и завршната обработка на сите површини. Немаме особени забелешки ниту за мултимедијалниот систем кој работеше прилично брзо и респонзивно. Платформата на Е-3008 дозволува и нијанса зголемено меѓуоскино растојание во однос на минатата генерација, а тоа пак резултира со повеќе простор на задните седишта. Рамниот под овозможува комфорно патување и кон подалечни дестинации, а само на повисоките патници ќе им недостасува простор за главите на задните седишта. Во однос на технологиите, Peugeot воведува и нов Trip Planner за планирање на вашето патување кој покрај тоа што ќе ја одбере најефикасната рута до вашата дестинација, ќе ви одреди и кога да застанете на полнач и колку време да го полните автомобилот. Дури можете да одредите и колкав процент од батеријата сакате да ви биде достапен кога ќе пристигнете на вашата дестинација во случај да нема полначи во близина. Интересна е и интеграцијата со ChatGPT која Peugeot веќе ја најави на неодамна-одржаниот дигитален E-Lion Day. Интеграцијата на ChatGPT во гласовниот асистен дозволува да разговарате со вашиот автомобил – можете да побарате информации околу вашата дестинација, совет за локации кои би требало да ги погледнете и слично. Системот работи прилично уверливо, иако има одредени ограничувања. Поврзано: ПРЕМИЕРА: Peugeot го претстави новиот 9X8 со кој ќе се натпреварува на Endurance трките!Зборот на денот е Рафинираност Океј, и по сето тоа, како е зад управувачот? Зборот на денот најверојатно е рафинираност – електричниот погон одлично му одговара на робустниот SUV и неговите премиум аспирации. Многу, многу внимание е посветено на звучната изолација и на „пеглањето“ на нерамнините од улиците. Во ред, во ред – францускиот асфалт е скоро беспрекорно мазен па не можеме да знаеме како ќе се однесува Е-3008 на нашите улици, но го препознавме трудот кој инженерите на Peugeot го вложиле за новиот SUV да биде што е можно порафиниран. Суспензијата е нагодена да биде цврста (највеќе за да може да ја носи масата на самиот автомобил и батериите) но во ниту еден момент во кабината не е некомфорно – само неочекувани нерамнини при ниски брзини се пренесуваат во ентериерот, инаку е мирно и тивко. На Е-3008 највеќе му одговараат долгите свиоци, каде суспензијата и големите батерии одлично го контролира навалувањето. Управувањето е лесно, а Е-3008 и покрај масата успева лесно да го смени правецот на движење. Сепак – ова не е спортски SUV и неизбежно е присуството на неколку стотици килограми батерии во подот – E-3008 е дизајниран и развиен да биде комфорен, рафиниран, и релаксирачки крстосувач. Има само една шанса да се остави добар прв впечато – а E-3008 остава добар прв впечаток! Со новиот Е-3008, Peugeot покажа дека лесно може да се нори рамо-до-рамо и со значително поизвикани (и поскапи) конкуренти. Има само една шанса да се остави добар прв впечаток, а францускиот бренд успеа да го направи токму тоа. Првите впечатоци кои ги остава Е-3008 се моќни и уверливи. Комбинацијата од новата платформа, новите технологии и самоуверениот дизајн го прави новиот SUV на Peugeot да биде самоуверен и горд. Горд на своето потекло, горд на своите таленти и горд на своите можности. Фотографии ShareTweetShare...
GTstreet R Touring е најновиот проект на Techart
Car Club - пред 43 дена
ShareTweetShareКаросерискиот комплет и надградбите на моторот на германскиот тјунер го качуваат Porsche 911 Turbo S на повисоко ниво. Од Techart велат дека новиот комплет за каросерија содржи преку 40 различни компоненти, меѓу кои се и новите карбонски браници, странични лајсни, доводи за воздух и предна хауба. Сите тие можат да бидат детално стилизирани во сјајна боја или со мат финиш. Секако она што секој ќе го примети на прв поглед е задниот класичен фиксен спојлер. Покрај стилизираниот изглед, спојлерот е избалансиран и оптимизиран за надолна сила и добра аеродинамика при повисоки брзини. Покрај специфичниот дизајн, тој е исто така и за 60 проценти полесен од фабричкиот спојлер. Techart нуди и надградби на моќноста на GTstreet R Touring. Достапни се две верзии, при што првата е посуптилна и додава скромни 60 коњски сили, додека втората фаза е поагресивна и додава 150 коњски сили. Со монтирање на нови турбо полначи и прилагоден издувен систем, моќноста се искачува до застрашувачки 800 коњски сили. Цената за конверзијата на автомобилот (кој разбирливо веќе треба да го имате) за европските клиенти почнува од 99.000 евра, а компанијата планира да преработи лимитирана серија од само 25 примероци. ShareTweetShare...
Flow Nostokana е најновата арт инсталација на BMW и Esther Mahlangu
Car Club - пред 44 дена
ShareTweetShareВо i5 седанот се употребени точно 1349 парчиња од електронскиот контролиран филм преку кој на панелите се прикажуваат шарени анимации. Родена во Јужна Африка во 1936 година, Естер Махлангу е светски позната уметница која се фокусира на дизајните на племето Ндбеле, првенствено пронајдени во провинциите Лимпопо и Мпумаланга во Јужна Африка. Таа првпат соработуваше со германскиот бренд во 1991 година кога сликаше врз моделот 525i. Сликањето беше директно на целосно белиот автомобил а дизајнот беше комплетиран за нешто помалку од 7 дена. За овој проект, Махлангу работеше со Стела Кларк, истражувачки инженер за отворени иновации во групацијата BMW. Кларк вели дека работата на уметникот ја инспирирала пред неколку години, кога концептот за промена на бојата на автомобилот бил само идеја во нејзината глава. Користејќи ја технологијата од E Ink, панелите вклучуваат неколку милиони микрокапсули во секое парче филм. Со примена на електричен напон, честичките во боја може да се менуваат преку процесот на електрофореза (транспорт на молекули низ течност или гел под влијание на електрично поле). Резултатот е живописно, колоритно и техничко парче уметност, кое обично не очекуваме да го видиме на автомобил од BMW. ShareTweetShare...
ПРЕМИЕРА: Audi го освежи A3 и го претстави и робустниот A3 Allstreet
Car Club - пред 44 дена
ShareTweetShareAudi не само што подготви освежување за A3 во сите негови изведби, туку претстави и нова Allstreet изведба која носи робустни, кросоверски елементи кај еден од најмалите модели на брендот. Визуелните измени започнуваат со нова предница која добива нијанса поширока Singleframe предна решетка и нови остри отвори за воздух. Дополнително, сите изведби на A3 добиваат и нов преден сплитер кој визуелно го приближува автомобилот до подлогата. Интересно, од Audi напоменуваат дека моќните RS-изведби биле инспирација за новиот заден дел на A3 кој добива нов браник и понагласен дифузер. Интересен новитет е A3 Allstreet кој се издвојува од останатите модели во гамата. Благодарение на поголемите тркала и повисоката суспензија, целиот автомобил е оддалечен од подлогата за дополнителни 30 милиметри во однос на стандардните модели. Забележуваме и пластични заштитни панели околу целиот автомобил, како и мат-црна Singleframe предна решетка и нови отвори за воздух. Дел од стандардната опрема се и кровните носачи и пошироките крила. Сето ова го прави A3 Allstreet да биде интересен компромис меѓу конвенционалниот хечбек и сега веќе традиционалниот (и би рекле малку здодевен) кросовер/SUV. Многу измени има и во кабината – кокпитот на A3 добива нови отвори за вентилација и нов систем за осветлување на кабината. Дополнително, добива и редизајнирана централна конзола, нов Sonos аудио уред и нови материјали. Сите верзии добиваат нов, 10.1-инчен инфозабавен дисплеј, а достапни се и грст нови технологии за безбедност и асистенција. На купувачите во Европа ќе им бидат достапни неколку погонски опции. Тука е 1.5-литарскиот лајт-хибрид со 150 коњски сили во комбинација со S-Tronic автоматски менувач (но Audi најавува дека ќе биде достапен и мануелен менувач), а тука е и 2-литарскиот TDI со 150 коњски сили и S-Tronic автоматски менувач. Германците најавуваат дека во понудата наскоро ќе се вклучат и дополнителни бензински, дизел и плаг-ин хибридни погони. ShareTweetShare...
ПРЕМИЕРА: Porsche Taycan Turbo GT има повеќе од 1100 коњски сили!
Car Club - пред 45 дена
ShareTweetSharePorsche ја претстави новата врвна изведба на Taycan која ја носи ознаката Turbo GT и при Launch Control располага со безмалку неверојатни 1108 коњски сили и 1340 Nm вртежен момент! Според Porsche, Taycan Turbo GT добива надградена верзија на погонот со два електромотори кој се вградува во веќе моќниот Taycan Turbo S. Дополнително, напоменуваат дека преносот со две брзини е дополинтелно зајакнат за да може да ја издржи сета таа моќ. Резултат на сите овие преправки и доработки? Погонот испорачува 790 коњски сили, односно дури 1108 коњски сили во Launch Control режим – а тие бројки го прават Taycan Turbo GT најмоќното Porsche на сите времиња. Да, тука го вбројуваме и 918 Spyder кој располагаше со „само“ 875 коњски сили. А да, да го напоменеме и вртежниот момент – ако случајно имате корени за корнење, Taycan Turbo GT располага со дури 1340 Nm вртежен момент. Не сме сигурни, но тоа е најверојатно доволно за да ја смени ротацијата на планетата Земја. Официјалните податоци зборуваат за забрзување до 100 километри на час за само 2.3 секунди, односно 2.2 секунди со Weissach пакетот. Што е Weissach пакетот, прашувате? Во интерес на подобри перформанси, Weissach пакетот ги отстранува задните седишта и уште неколку елементи, а додава аеро-додатоци под автомобилот, огромен заден спојлер и нов преден дифузер. Сето тоа резултира со 70 килограми полесен автомобил и уште подобри перформанси. Но и без Weissach пакетот, Taycan Turbo GT добива нови 21-инчни ковани тркала обвиени во спортски пневматици. Тркалата се полесни, но и го подобруваат ладењето на огромните карбон-керамички сопирачки. Специјална калибрација добива и воздушната суспензија. Кабината е обвиена во црна кожа и специјален Race-Tex, а може да се добијат и контрастни детали. Поврзано: Singer преработија 300 примероци од Porsche 911 Инаку, колку е брз Taycan Turbo GT? Porsche веќе постави два рекорди – едниот на Nurburgring, другиот на Laguna Seca. На германскиот Зелен Пекол, Taycan Turbo GT постави време од 7:07.55, додека на Laguna Seca успеа да постигне време од 1:27.87 – најбрзо време поставено од електричен автомобил во сериско производство. ShareTweetShare...
Alpine конечно во Македонија – пристигна A110 GT!
Car Club - пред 45 дена
ShareTweetShareСпортското купе со централно-поставен мотор и погон на задните тркала пристигна и кај нас – A110 GT на Alpine пристигна во салонот на Renault во Скопје! Спортската дивизија на Renault на пазарот испорача нешто спектакуларно – и конечно пристигна и кај нас. Alpine A110 GT користи 1.8-литарски турбо-бензинец (да, истиот кој се вградуваше и во Renaultsport Megane) кој испорачува моќни 252 коњски сили и 320 Nm вртежен момент, кои пак му овозможуваат на ниското, компактно и лесно спортско купе да катапултира до 100 километри на час за само 4.5 секунди, но и да достигне максимални 250 километри на час. Во живо, спортското купе на Alpine изгледа – и не можеме ова да го кажеме никако поинаку – спектакуларно! Ниската каросерија и широките пропорции наметнуваат динамичен, самоуверен и подготвен-да-нападне став кој недостасува во сообраќајот. Покрај огромните SUV модели, Alpine A110 изгледа неочекувано ниско – и тоа ни се допаѓа! Се радуваме дека еден ваков автомобил пристигна и кај нас и се надеваме дека ќе го гледаме често на нашите улици. ShareTweetShare...
Македонска премиера на освежените Škoda Scala и Kamiq
Car Club - пред 48 дена
ShareTweetShareДенес во салонот на Škoda во Скопје своја македонска премиера имаа освежените Scala и Kamiq! Škoda неодамна ги освежи Scala и Kamiq, а денес токму овие модели ја имаа својата македонска премиера. Освежените Scala и Kamiq добиваат измени и надградби кои дополнително го истакнуваат нивниот карактер. Кај Scala уште повеќе е истакнат спортскиот карактер на супер-практичниот хечбек, додека Kamiq зрачи со уште поробустен SUV лик. Предната маска на Scala е редизајнирана за да ги истакне вертикалните отвори и да се потенцира динамичниот карактер на хечбекот, додека кај Kamiq маската е посамоуверена и подостоинствена поради исправената форма и нагласените форми. Обата автомобили добиваат редизајнирани светлосни групи и нови технологии – Scala и Kamiq сега стандардно доаѓаат со LED предни светла, а достапни се бидат и супер-напредните Matrix LED предни светлосни групи. На нашиот пазар достапни се две нивоа на опрема – Essence и Selection, кои се освежени за да ги вклучат сите современи технологии и практични детали кои ги очекуваат купувачите на Škoda. Главните технолошки надградби се во кабината, каде дигиталните инструменти сега се стандардни а како опција е достапен 10.25-инчен Виртуелен Кокпит. Инфозабавниот уред стандардно е со дијагонала од 8.25 инчи, додека достапен е и поголем со дијагонала од 9.2 инчи. Од Škoda се фалат и со редизајнираните физички контроли за клима-уредот. Инаку, во понудата остануваат 1-литарскиот TSI со 95 коњски сили или 115 коњски сили (и 5-степен или 6-степен мануелен менувач, соодветно). Помоќниот 1-литарски TSI може да се комбинира со DSG автоматски менувач со двојна спојка и 7 степени на пренос. За оние кои сакаат повеќе моќ тука е 1.5-литарскиот TSI турбо-бензинец со 150 коњски сили кој може да се комбинира со 6-степен мануелен или 7-степен DSG менувач. Поврзано: Škoda го најавува малиот електричен Epiq - пристигнува следната година, ќе чини од 25.000 Евра! Цените започнуваат од 18.010 Евра за Scala со 1-литарски TSI со 95 коњски сили, мануелен менувач и Essence ниво на опременост, односно 19.330 Евра за еквивалентен Kamiq. Врвната изведба на Scala опремена со 1.5-литарски TSI со 150 коњски сили и DSG автоматски менувач во Selection ниво на опрема чини 23.650 Евра, додека соодветно-конфигуриран Kamiq чини 24.570 Евра. Возилата се веќе пристигнати и можат да се погледнат во салонот на Škoda во Скопје, но и во салоните ширум Македонија. Секако, за повеќе информации можете да ја посетите и официјалната веб-страница на Škoda. ShareTweetShare...
ТЕСТ: SsangYong Torres 1.5 T-GDI AT6 FWD Forest Edition – Ново име и нов пристап за корејскиот производител
Car Club - пред 50 дена
ShareTweetShareНовиот Torres изгледа наметливо и самоуверено – но со што друго ќе ги освојува купувачите новиот јужнокорејски SUV? Пред нешто повеќе од една година, јужнокорејскиот производител доби нов сопственик и се ребрендираше од SsangYong во KG Mobility. Името потекнува од името на новиот сопственик – конголмератот KG Group, корејска компанија која работи со челик и хемикалии и која стана сопственик на над 60% од SsangYong Motors. Амбициите на KG Group, односно KG Mobility се „минатото да остане во минатото, а прозиводителот да започне нова ера“. Благодородна цел, но сепак SsangYong има богата историја на доверливи и робустни теренци (кои за волја на вистината, неретко имаа дизајн кој не беше баш најпривлечен на светот) – па затоа не смееме да ги заборавиме гените кои дозволија SsangYong да прерасне во KG Mobility и да се обиде да достигне целосно-нов имиџ. И одличен пример за тоа е токму Torres, новиот SUV на KG Mobility за кој ќе зборуваме денес. Визуелниот впечаток на Torres е инстантно-доминантен. Уште кога прв пат го возевме Korando, кажавме дека времето на контроверзни дизајни на SsangYong помина и дека новите модели изгледаат привлечно. И навистина – Torres изгледа привлечно. Да, лесно може да се каже дека препознаваме детали од овој или оној бренд, но финалниот продукт изгледа робустно, самоуверено и наметливо. Кај дизајнот на Torres нема ништо дискретно. Нема тука ништо дискретно – од предниот дел со тенките и широки предни светла, како и наметливата предна решетка и големите форми, па преку профилот каде доминираат чистите линии, исфрлените крила и силниот, самоуверен Ц-столб, па сè до задниот дел каде повторно вниманието оди кон големите задни светлосни групи, заштитниот панел во долниот дел од браникот и дискретниот спојлер. Има и интересни (но за жал нефункционални) детали – на пример, тука се „држачите“ за пренесување со хеликоптер поставени на поклопецот на моторот. Изгледаат одлично, но се таму чисто од естетски аспект. Друг интересен детаљ кој ни се допаѓа е црвеното капаче во предниот браник под кое се крие навојот за окцето за влечење. Ситен елемент, но уште еден детаљ кој наметнува една доза на асиметрија на дизајнот на Torres. Детаљ кој не ни се допаѓа баш? Би рекле дека сосем е непотребно „лажното резервно тркало“ кое е дел од петтата врата – непотребно гломазен детаљ кој иако треба да асоцира на теренците од минатото на SsangYong и карактеристичното надворешно-поставено резервно тркало, сепак сметаме дека не припаѓа на еден ваков современ SUV. Огромна кабина, рекорден багажник, многу технологии и богата опрема. Како што ја отвораме возачката врата, нè поздравува богато-опремена кабина, а првите впечатоци ветуваат. Во кабината препознаваме несекојдневна комбинација на бои, материјали и текстури. Управувачот е во неконвенционална, на некој начин четириаголна форма, а на него гордо стои логото на SsangYong – да, името е сменето, но логото е останато исто. Седиштата (кои се со загревање и вентилација) се обвиени во одлична комбинација од перфорирана кожа и спортски штоф, додека низ кабината забележуваме комбинација од пластики, кожа и детали во имитација на алуминиум и имитација на дрво. Како и обично – не ни се допаѓа пијано-црниот финиш околу централниот мултимедијален уред и централната конзола. Сè на сè, кабината изгледа привлечно, иако можеби не изгледа најмодерно. Но затоа ги има сите потребни технологии – пред возачот е поставен помал дигитален дисплеј на кој се прикажуваат најважните информации околу возењето, додека на централната конзола е поставен мултимедијалниот уред со очекуваните системи за поврзување со мобилен телефон. Под тој дисплеј е поставен уште еден, наменет за контрола на клима-уредот, додека под него е поставен безжичниот полнач за мобилни уреди. Централниот мултимедијален уред не e најинтуитивниот мултимедијален уред на светот, па ќе ви бидат потребни ден-два за да откриете каде се „скриени“ некои од функционалностите. Квалитетот на материјалите е во рамките на очекуваното за сегментот во кој се натпреварува Torres. Некои од пластиките поставени пониско во кабината се поцврсти, но не забележавме непријатни и прегруби пластики. Од друга страна, ергономијата е сосем коректна – лесно се наоѓа комфорна и прегледна возачка позиција, а самата прегледност е подобрена благодарение на големите стаклени површини. На задната клупа има многу простор – патниците ќе имаат доволно простор како за нозете, така и за главите, дури и ако на предните седишта седат повисоки возач и совозач. Има и практични елементи – како на пример USB приклучоците во задниот на централниот наслон поставени меѓу возачот и совозачот. Има и огромен багажник. Ама навистина огромен. Кон багажниот простор се пристапува преку големата и правилна петта врата, а самиот багажник е со капацитет од 703 литри, односно дури 1662 литри кога ќе ги преклопите задните седишта. 1.5-литарски турбо-бензинец, автоматски менувач, погон на предните тркала. Сега можеме да зборуваме и за погонот. Под предниот поклопец се крие 1.5-литарски турбо-бензинец со директно вбризгување кој ја носи ознаката T-GDI. Турбо-бензинецот кој предните тркала испорачува 163 коњски сили од 5000 вртежи во минута, но и одлични 280 Nm вртежен момент од само 1500 па сè до 4000 вртежи во минута. Силата ја испорачува кон предните тркала преку автоматски менувач со 6 брзини изработен од јапонскиот производител AISIN. Ако имаме некаква забелешка на погонот, тогаш таа најверојатно ќе се однесува на менувачот кој при нагло забрзување знае да се однесува малку летаргично при менување на брзините. Сепак – и покрај понекогаш мрзеливиот менувач – Torres се движи подготвено дури и од пониски вртежи. И покрај масата од 1.6 тони, Torres се задвижува со изненадувачка леснотија. Во ред, овој SUV нема спортски претензии ниту пак ветува нешто такво, но забрзувањето до 100 километри на час за 9.3 секунди е сосем респектабилно. Максималната брзина е 191 километар на час. Во зависност од начинот на возење, можете да очекувате просечна потрошувачка од околу 10 литри бензин на 100 изминати километри. Torres станува забележително пореспонзивен кога ќе префрлите во Sport режим на работа и во тие ситуации менувачот подолго ги „држи“ брзините, а управувањето добива нијанса повеќе отпор. Но во сите услови на возење, суспензијата е поцврсто калибрирана и обезбедува убава контрола на каросеријата дури и при поагресивно возење. Управувањето е доволно директно и прецизно за Torres верно да ги следи насоките, но не очекувајте фидбек низ воланот. Од друга страна, Torres – и покрај димензиите – прилично добро се снаоѓа и во градскиот метеж. Прегледноста и лесното серво-управување обезбедуваат лесно маневрирање, а доколку е потребно тука се сите оние сензори и камери кои се веќе стандардна опрема кај современите возила. Torres го продолжува патот кој SsangYong веќе го започна – но тој пати го оди многу посамоуверено. И сега, зошто рековме дека ова е нов пристап за SsangYong, односно по ново KG Mobility? Што е тука толку радикално сменето? Па ако сме искрени – ништо не е толку радикално сменето. Torres го продолжува патот кој SsangYong го започна со новите Korando и Rexton, но сега тој пат го оди многу посамоуверено. Torres е горд и подготвен. Спецификации Модел: KG Mobility (SsangYong) Torres Forest Edition Мотор: 1.5-литарски турбо-бензинец, 4 цилиндри Моќност: 163 коњски сили / 5000 вртежи во минута Вртежен Момент: 280 Nm / 1500 вртежи во минута Менувач: Автоматски, 6 брзини 0-100 км/ч: 9.3 секунди Максимална Брзина: 193 километри на час Должина: 4700 mm Ширина: 1890 mm (без странични ретровизори) Висина: 1720 mm Тежина: 1528 килограми Меѓуоскино Растојание: 2680 mm Багажен Простор: 703 – 1662 литри Потрошувачка: 10.5 литри на 100 километри (измерена, градска) Цена на основниот модел: KG Mobility Torres Quartz FWD MT6 – 39.900 Евра Цена на тестираниот модел: KG Mobility Torres Forest Edition FWD AT6 – 45.900 Евра Повеќе Информации: SSangYong Automakedonija Фотографии ShareTweetShare...
Hyundai го освежи електричниот Ioniq 5
Car Club - пред 50 дена
ShareTweetShareРевидираното електрично возило на Hyundai добива поголем пакет батерии од 84 kWh и новo N-Line ниво на опременост. Како и до сега, Hyundai Ioniq 5 е веднаш препознатлив. Визуелните ажурирања се минимални и ограничени на редизајнираните предни и задни браници. Предниот довод на воздух е поедноставен и поширок од претходно, а сличен третман добива и задницата. Алуминиумските тркала добиваат нов дизајн, достапен е заден бришач и нов поголем заден спојлер. Севкупно, фејслифтираниот кросовер е 20 милиметри подолг од неговиот претходник, со што неговата должина се протега до 4655 мм. Нов додаток во гамата Ioniq 5 е N Line нивото на опременост кое се одликува со специфичен бодикит, украсен со неколку N Line логоа. Профилот е сменет со ревидираните странични лајсни и новиот сет 20-инчни алуминиумски тркала. Внатрешноста на N Line добива нов волан, спортски седишта, метални педали, нови акценти на контролната табла и црвени шевови. Слично како внатрешноста на неодамнешниот освежен Tucson, кабината на фејслифтот на Ioniq 5 има повеќе физички копчиња за најчесто користените функции, како што се греење и вентилација на предните седишта, греење на воланот и функции за помош при паркирање. Подлогата за безжично полнење е поместена погоре за подобра пристапност, а новиот управувач добива интерактивни пикселни светла. Иако фејслифтираниот Ioniq 5 моментално е најавен само за корејскиот пазар, очекуваме подоцна годинава да се појави и на стариот континент. ShareTweetShare...
Novitec Esteso e нов тјунинг пакет за Lamborghini Urus
Car Club - пред 51 дена
ShareTweetShareПакетот е достапен за верзиите Urus S и Urus Performante и истите сега можат да произведат 771 коњска сила Сопствениците на моделите Urus S и Performante имаат опција да се обратат до Novitec во врска со подобрување на перформансите на нивните твин-турбо V8 мотори. Покрај зголемувањето на моќноста, Novitec нуди и низа визуелни надградби за истите модели. И покрај тоа што додаваат ширина од 10 mm напред и 12 mm позади, продолжетоците на браниците изгледаат како фабрички делови. Тие се искомбинирани со карбонски парчиња на сплитерот, страничните жабри, опционалната карбонска хауба, дифузерот и кровниот спојлер. Поширокиот став на Urus добива уште поспортски изглед со помош на спуштената суспензија, сега доближувајќи го теренецот до подлогата за 25 mm. Четирите издувни цевки се обработени во мат црна боја, а улогата на тркала ја играат 23-инчните Vosen NL5. Твин-турбо 4-литарскиот V8 мотор е тјуниран да произведе 771 коњска сила и вртежен момент до 1032 Nm, што претставува значително зголемување во споредба со Urus Performante и неговите 657 коњски сили. Според Novitec, Lamborghini Urus Esteso забрзува од 0 до 100 км/ч за 3,1 секунда и постигнува максимална брзина до 311 км/ч. ShareTweetShare...
Hyundai Staria добива хибридна опција
Car Club - пред 52 дена
ShareTweetShareСо зголемување на ефикасноста, Staria се придружува на електрифицираната линија на Hyundai. Хибридниот систем се состои од 1,6-литарски четирицилиндричен турбо-бензински мотор, еден електричен мотор и шестстепен автоматски менувач што ја испраќа моќта до предните тркала. Бензинскиот мотор испорачува 180 коњски сили и 265 Nm вртежен момент, додека електричниот мотор достигнува 73 коњски сили и 304 Nm вртежен момент. Хибридната верзија на Hyundai Staria не носи никакви визуелни ажурирања во споредба со неелектрифицираните опции. Внатрешноста се карактеризира со дигитална инструмент табла, 10,25-инчен инфозабавен дисплеј, автоматски клима уред, греени и вентилирани седишта како и низа ADAS системи. Останатите ажурирања вклучуваат USB-C приклучок, нов паметен клуч и предни сензори за паркирање. Staria Hybrid е веќе достапен за нарачка на корејскиот пазар, а очекуваме дека подоцна оваа година ќе се појави и на европскиот пазар. ShareTweetShare...