Резултатската криза на Јувентус продолжува откако „црно-белите“ од Торино едвај стигнаа до бод на гостувањето против Калјари (2-2). Ова беше петти гостински меч во низа на кој избраниците на Алегри не успеаја да стигнат до цел плен откако последната победа надвор од Торино ја забележаа пред три месеци во Лече (0-3). Во таборот на Јуве мораат да бидат и пресреќни од ваквиот исход, особено ако се знае дека по првото полувреме губеа со 2-0. Во 30. минута беше досуден пенал за Калјари по играњето со рака на Бремер, по што Гаетано рутински го совлада Шчесни. Шест минути подоцна домаќините добија уште еден пенал, овојпат Мина ја презеде одговорноста и лесно реализираше за огромна предност на тимот на Клаудио Раниери. Тоа сепак се покажа недоволно за Калјари да стигне до цел плен, откако Јуве во второто полувреме дојде до 2-2. Првиот погодок беше вистинско ремек-дело од слободен удар на Душан Влаховиќ, додека конечните 2-2 беа дело на домашниот дефанзивец Досена, кој најпрвин загуби топка на триесетина метри од својот гол, за десетина секунди подоцна со неспретна интервенција да ја смести во сопствената мрежа. Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ајнтрахт по голема борба славеше над Аугсбург со 3-1, резултат со кој бундеслигашот од Франкфурт направи значаен чекор кон обезбедување место во европските купови за наредната сезона. Домашниот тим влезе во овој меч со серија до четири рунди без триумф во Бундес-лигата, а Ајнтрахт слабо го отвори и вечерашниот дуел ако се знае дека гостите по само 13 минути игра поведоа со голот на Варгас. До крајот на првото полувреме мрежите мируваа, но затоа домашните фудбалери извонредно ги одиграа вторите 45 минути, носејќи им огромна радост на своите навивачи. Шаиби во 55. минута израмни на 1-1, а само шест минути подоцна Екитике донесе целосен пресврт. Аугсбург се обиде да стигне до израмнување, но гол падна на спротивната страна, откако Египќанецот Мармуш стрелаше прецизно во празна мрежа во 96. минута за печат на триумфот на домаќините. Ајнтрахт на шестото место сега има шест бода предност во однос на седмопласираниот Аугсбург, ако се знае дека Бундес-лигата речиси сигурно ќе има пет претставници во ЛШ следната сезона, па дококлу тимот од Франкфурт го задржи овој пласман ќе биде дел од Лигата на Европа. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Возбудувањата во одбојкарскиот плејоф кулминираат во големото финале меѓу шампионот Струмица и новиот освојувач на Купот на Македонија, Штип УДГ, кои се решени да водат жестока борба за големиот трофеј. Струмичани славеа на првиот меч на домашен терен, но Штип возврати на идентичен начин на денешниот втор дуел од финалната серија, славејќи со 3-1, нанесувајќи му го на актуелниот првак првиот овосезонски пораз во лигашкиот дел (претходно штипјани беа подобри и во куп-финалето против истиот противник). Најнеизвесен во денешниот дуел беше првиот сет, во кој Штип УДГ по голема борба славеше со 30-28. Струмица покажа квалитет и експресно стигна до израмнување рутински добивајќи го вториот сет со 17-25. Иако можеби се очекуваше струмичани да стигнат до целосен пресврт, остатокот од дуелот мина во знакот на домашниот состав, па штипјани ги добија следните два сета со 25-20 и со 25-21, заслужено добивајќи го овој натпревар. Третиот меч од оваа финална серија ќе се игра в понеделник во салата „Парк“ во Струмица. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Шпанија ќе има три претставници во плејофот од Евролигата откако Басконија стигна до последниот билет за доигрувањето, во финалето од плејинот славејќи над Виртус Болоња со резултат 89-77. Откако пред неколку дена беа демолирани од Макаби, избраниците на Душко Ивановиќ овојпат беа на висина на задачата, успеаја да се одлепат резултатски во второто полувреме и да стигнат до триумф кој им го носи осмото место и четвртфинална серија со Реал Мадрид. Првото полувреме мина во израмнета битка, на одмор се замина со 42-42, но затоа Басконија одигра доминантно во третата четвртина. По само неколку минути игра шпанскиот состав стигна до двоцифрена предност, а благодарение на одличните Хауард и Мекинтаер го доби овој дел од мечот со преубедливи 31-16. Останатите десет минути минаа во рутинско одржување на убедливата предност, за огромна радост на домашните навивачи во Виторија. Хауард беше најефикасен со 28 постигнати поени, но Американецот шутна неверојатни 19 тројки на овој значаен меч (8/19). Костело постигна 19, а Седекерскис 16 поени за Басконија, додека најефикасни кај Виртус Болоња најефикасни беа Шенгелија со 16 и Хакет со 13 поени. За потсетување, покрај Реал Мадрид – Басконија, во останатите четвртфинални серии од Евролигата ќе се сретнат Панатинаикос – Макаби, Монако – Фенербахче и Барселона – Олимпијакос. Плејофот во елитното европско натпреварување официјално ќе стартува на 23 април. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Челниците и стручниот штаб на Спартак Суботица го навлекоа бесот на српската кошаркарска јавност поради одлуката на денешниот меч од Лигата на Србија против Борац Чачак да настапат со речиси младински состав. За трагедијата да биде уште поголема, на сличен чекор се решија и домаќините од Чачак, па дуелот од елитното друштво повеќе наликува на младинска кошарка откако на врвен меч од највисокиот ранг на натпреварување. Во тимот на Спартак не се појавија Немања Гордиќ, Филип Барна, Војин Медаревиќ, потоа и Мозли, Лазиќ, Церовина, Тејиќ и Радосављевиќ, кои беа чувани за претстојниот двомеч од полуфиналето на АБА2 лигата против МЗТ Скопје (српскиот тим гостува во „Јане Сандански“ веќе в среда). Сепак, тоа не е доволна причина за јавноста да го оправда минимизирањето на важноста на српската Супер-лига. „Спартак за пет дена го игра полуфиналето од АБА2 лигата, па веројатно тоа е причината да не дојде до повреда на некој од поважните кошаркари. Секако, тоа не е оправдување, туку удар на српската кошарка и дискредитација на Супер-лигата на Србија“, се вели во една од бројните критики кон тимот од Суботица за ваквиот пристап на денешниот меч во Чачак. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Реал Мадрид летово ќе остане без фудбалерот со најголем стаж во клубот, откако ветеранот Начо донесе одлука да си замине од редовите на „кралевите“. Искусниот 34-годишен дефанзивец e дел од Реал Мадрид веќе 23 години, минувајќи ги сите категории во младинските екипи пред да добие шанса во првата екипа на „кралскиот клуб“. Тој никогаш не беше стандарден првотимец, но важеше за играч секогаш способен да помогне во периодот на криза со повредени дефанзивци на Реал Мадрид во последната деценија. Флорентино Перез му понуди на ветеранот продолжување на договорот за уште една година, но Начо веќе го известил претседателот на Реал дека е решен да си замине кон нов фудбалски предизвик пред да ја заврши кариерата. Интер сака да го доведе Начо во своите редови како слободен играч, но Шпанецот има на маса многу побогати понуди од клубови од Саудиска Арабија и од американската МЛС-лига. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Арсенал втора година по ред е многу блиску до титулата во Премиер-лигата, а раководството на клубот реши целосно да го поддржи Микел Артета исполнувајќи ги неговите желби за засилувања во преодниот рок. За потсетување, „топчиите“ лани потрошија над 200 милиони евра за да ги доведат Деклан Рајс од Вест Хем, Каи Хаверц од Челси и Тимбер од Ајакс, а лондонскиот премиерлигаш сега се подготвува за нов сериозен атак на фудбалскиот пазар. Според англиските медиуми, Артета побарал две нови засилувања, и двете од Премиер-лигата со кои верува дека конечно ќе стигне до титулата, а раководството на Арсенал е подготвено да потроши 150 милиони фунти за да ја исполни оваа желба на шпанскиот стручњак. Ангажманот на нов голгетер ќе биде приоритет за летово, а Александер Исак е фудбалерот што Артета сака да го види во својот тим. Шведскиот ас блеска во дресот на Њукасл и претставува кошмар за противничките дефанзивци, а само неколкуте повреди што го имаа го спречија да биде во трката со Халанд и Палмер за најдобар стрелец во Премиер-лигата. Њукасл не сака да го продаде својот најдобар стрелец, но „црно-белите“ имаат проблеми со финансискиот ферплеј, а Арсенал планира да го искористи тоа и со понуда од 90 милиони фунти да го доведе Исак на „Емирати“. Вториот играч на листата со желби на Артета е Михаел Олис од Кристал Палас. Овој 22-годишен фудбалер за врска минатото лето одби неколку понуди, но сега е подготвен за сериозен трансфер во клуб со шампионски амбиции. Олис најдобро се снаоѓа како крило во напаѓачко трио, но може да помогне и како офанзивен фудбалер за врска, а Артета токму поради неговата универзалност е подготвен да плати 60 милиони фунти за уште повеќе да ги зголеми офанзивните опции во својот тим. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Милвоки Бакс се соочува со значителен проблем пред почетокот на плејоф серијата во која ривал ќе им биде Индијана пејсерс. Бакс нема да може да сметаат на својата прва ѕвезда и најдобар кошаркар Јанис Адетокумбо. Според американските медиуми, Јанис ќе отсуствува од две до четири недели поради повредата на потколеницата со која се здоби на натпреварот против Бостон селтикс. Овие првични проценки значат дека Адетокумбо сигурно ќе го пропушти првото коло од плеј-офот и натпреварите со Индијана. Плејоф серијата меѓу Милвоки и Индијана стартува во недела вечер, a доколку поранешните шампиони успеат да ја минат првата пречка во плејофот, големи се шансите да го имаат Адетокумбо во тимот во текот на полуфиналето од Источната конференција. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Луис Алберто беше човек на одлука за Лацио во триумфот од 0-1 на гостувањето против Џенова, за три бода со кои тимот на Игор Тудор успеа барем привремено да се искачи на шестото место на табелата. Алберто пред само четири дена ги шокираше навивачите и го налути претседателот Лотито откако јавно објави дека е решен да си замине од клубот на крајот од сезонава. Тој останува еден од клучните играчи во тимот на Тудор сезонава, епитет што го оправда со постигнувањето на победничкиот гол во Џенова. Се играше цврст фудбал без многу шанси пред „лацијалите“ да одработат одлична акција по десната страна, Фелипе Андерсон одигра извонредна повратна топка, а Алберто немаше тешка задача да стрела во мрежата. За Лацио ова е четврта победа во последните пет калчолигашки дуели, јасен знак дека овој тим излезе од кризата по заминувањето на Сари и доаѓањето на Игор Тудор на тренерската функција. Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Дресот на кошаркарот на Голден Стејт, Стеф Кари е најпродаван во НБА лигата, покажуваат податоците на официјалната продавница. Втора година по ред, а петти во кариерата, дресовите на Кари се на врвот на листата. Ако зборуваме за тимови, дресовите на Лос Анџелес Лејкерс се водечки. Интересно, дресот на Виктор Вембањама, кој ја игра првата сезона во НБА, е четврти на листата. Дресот на Леброн Џејмс е веднаш зад Кари по побарувачка, а по него е дресот на Џејсон Тејтум. Меѓу 10-те најбарани се и дресовите на Јанис Адетокумбо, Лука Дончиќ, Девин Букер, Кевин Дурант, Демиен Лилард и Тајрис Макси. Што се однесува до Никола Јокиќ, двократниот МВП и актуелен шампион во НБА, неговиот дрес е 13. по побарувачка, веднаш под оној на главниот конкурент Џоел Ембиид. The NBA’s top-selling jerseys list… based on https://t.co/I0ypSvyq5i sales from the second half of the 2023-24 season! pic.twitter.com/MPgUcYatdi — NBA (@NBA) April 19, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ракометарите на македонскиот вицешампион Алкалоид без проблеми стигнаа до победа на домашен терен против Струга 35-20 во деби натпреварот од 10. коло во плеј-офот од Суперлигата на Македонија. Натпреварот беше израмнет само до 3-3 во првото полувреме кога избраниците на Кирил Лазаров почнаа да се одвојуваат, а на пауза заминаа со позитива од пет гола (15-10). Избраниците на Кирил Лазаров фуриозно го стартуваа второто полувреме па веќе во 36. минута за првпат стигнаа до двоцифрена предност (20-10). До крајот Алкалоид само рутински го приведе натпреварот за конечни 35-20. Дамјан Митев со седум гола беше прво име во таборот на победникот, додека кај поразените Филип Симоноски постигна шест гола. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалскиот федерација на Холандија соопшти дека на Витесе му се одземени 18 бодови. Така математички останаа без шанси да останат во лигата и се преселија во втората лига на холандскиот фудбал. Независниот комитет за лиценцирање на КНВБ му изрече санкција од минус 18 поени на Витесе. Клубот од Арнем ја добива оваа казна затоа што повеќепати не ги исполнил барањата од прописите за лиценцирање играчи во подолг временски период. До крајот на првенството остануваат уште четири натпревари. Најголемиот успех Витесе го постигна во сезоната 2016/17 кога го освои Купот на Холандија. Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Македонскиот фудбалски репрезентативец Висар Муслиу продолжува со одличните игри во дресот на германскиот второлигаш Падерборн. Муслиу кој ја доби и капитенската лента на овој меч игра одлично за својот тим кој има водство од 0-2 на гостувањето кај Нирнберг. Гостите дојдоа до водство од 0-1 со погодокот на Грималди во 10. минута, додека нашиот репрезентативец ја удвои предноста во 61. минута. Ова е втор гол за македонскиот репрезентативец во последните три меча, откако стрелаше за својот тим и во поразот од Херта Берлин со (2-3) пред две кола. Nürnberg 0-[2] Paderborn – Visar Musliu 61′ byu/suedney insoccer Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Најдобрата македонска тенисерка Лина Ѓорческа заедно со нејзината партнерка, Романката, Кристина Андреа Миту беа проазени со 2-1 (2-6, 7-6 и 10-7)од Вероника Ерјавец и Доминика Салкова во полуфиналето на турнирот во Копер. Ерјавец и Салкова беа подобри во првиот сет од Ѓорческа и Миту со 6-2, но потоа македонската тенисерка и нејзината колешка заиграа подобро и го освоија вториот сет во тај-брејк. Во супер тај-брејкот се водеше голема битка, а на крајот победата им припадна на Ерјавец и Салкова со 10-7. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Во Белград почна Европското првенство во бокс каде настап имаа тројца македонски боксери. Еден од нашите главни адути, Ален Рустемовски беше поразен уште во првиот меч во категоријата до 57 килограми. Рустемовски за противник го имаше големиот фаворит, Турчинот Мехметан кој славеше со 5-0. Одличен почеток имаше Арјан Исени, кој во категоријата до 80 килограми во воведната борба го победи Гркот Цамалидис со 3-2. Во второто коло, Исени утре ќе има борба против Ерменецот Ховхансијан. Иако беше планиран настап и на Дион Лена, тој не се појави во рингот на мечот со Литванецот Лаверновас, кој без борба обезбеди пласман во следното коло во категоријата до 63,5 килограми. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерите на Ал-Наср стигнаа до победа во домашниот шампионат и тоа без услугите на Кристијано Роналдо кој се уште ја отслужува казната поради нередите што ги направи во Суперкуп мечот против Ал Хилал. Ал Наср вечерва по пресврт на домашен терен беше подобар од Ал Феиха со 3-1. Гостите поведоа со 0-1 со голот на Сакала во 6. минута. До крајот на првиот дел домаќините можеа да израмнат, но Садио Мане не реализираше пенал. Израмнувањето стигна во 72. минута кога голот за 1-1 го постигна Ал Амри. Целата работа ја заврши Садио Мане кој со головите во 76. и 82. минута ги постигна конечните 3-1. Al Nassr 0-1 Al Fayha – Sadio Mané penalty miss 42′ byu/4gjdtokurwa insoccer Standings provided by Sofascore Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Македонскиот фудбалски второлигаш Скопје излезе со соопштение по мечот со Беса кој го загуби со 2-1. Клучниот гол домаќините на тој меч го постигнаа од пенал, кој и според судиската анализа на ФФМ бил непостоечки. Од ФК Скопје велат дека би биле среќни само пеналот да бил грешка против нив на мечот со Беса. Во продолжение ви го пренесуваме целото соопштение на ФК Скопје. „Почитувани, ФФМ, Судијска организација на Македонија, медиуми и цела спортска фудбалска јавност. ФК Скопје трпеливо и одговорно ја чекаше судиската анализа за натпреварот ФК Беса – ФК Скопје одигран на 6.4.2024 кој заврши со победа на домаќинот од 2-1. Сега веќе,можеме да ги соопштиме и нашите видувања и забелешки во интерес на вистината, на она што се случуваше на фудбалскиот терен во село Врапчиште. Укажуваме на сите нерегуларности на натпреварот во име на точното информирање. Според прикажаната игра од страна на двете екипи, оние што имаа можност да го следат натпреварот во живо или преку видео стрим, можат да потврдат дека ФК Скопје прикажа квалитетна игра, модерен фудбал и беше поблиску до победата. Во најмала рака не заслужи да доживее пораз. Директен виновник што ФК Скопје не се врати со три или барем со еден бод беше судијската тројка предводена од главниот судија Миле Лазов и неговите помошници Зоран Ангелов и Ване Дупкаров. Изразуваме благодарност до судиската организација на Македонија за коректната анализа во однос на само еден спорен момент (досуден непостоечки пенал за домаќинот). Истовремено се прашуваме зошто не беа разгледани одлуките на првиот помошен судија кој во два наврати сигнализираше непостоечка офсајд позиција, во момент кога фудбалери на ФК Скопје беа во позиција да постигнат гол. Со тоа да го зголемат водството и ФК Скопје да ги освои трите бодови. Го потенцираме и исклучително нееднаквиот критериум при доделување на жолти картони од страна на главниот судија. Додека нашите фудбалери, Жоглев, Ристевски, добија жолти картони во дуели во кои немаа никаков контакт со противнички фудбалери, играчите на ФК Беса за прикажаните боречки зафати и удирање без топка на нашите фудбелери не добија ниту усна опомена. ФК Скопје прв пат реагира од почетокот на првенството иако многу судиски одлуки беа на наша штета. Сметавме дека тие се ненамерни и нетенденциозни иако ФК Скопје беше оштетен и загуби бодови со кои можеше да се најде во горниот дел на табелата. Тоа беа натпреварите со ФК Пелистер,ФК Детонит, ФК Кожув, ФК Осогово, ФК Победа… Но, после овој судиски грабеж се прели чашата, реагираме затоа што го почитуваме трудот на управата која во овие тешки времиња обезбедува средства за непречено функционирање на клубот. Затоа што го почитуваме трудот и пожртвуваноста на фудбалерите на ФК Скопје и со единствена цел ваков судиски грабеж да не се повтори и да биде соодветно санкциониран. ФК Скопје досега и до крајот на првенството ќе игра цесно против сите спортски противници. Ќе се бори спортски за секој бод и ќе ги игнорира сите непристојни предлози од клубовите кои се борат за влез во ПМФЛ или од оние кои се борат за опстанок во лигата. Ние и понатаму ќе реагираме на секоја судиска неправда, фаворизирање на екипи или тенденција да бидеме оштетени. Се надеваме и очекуваме чесен и регуларен пристап во иднина од сите инволвирани фудбалски структури“, стои во соопштението на ФК Скопје. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Британскиот тенисер Енди Мареј преку социјалните мрежи сподели видео на кое тренира и воедно објави дека нема да оди на операција на повредениот зглоб. Последниот АТП турнир на кој играше Мареј беше турнирот од Мастерс 1000 серијата во Мајами каде по маратонски натпревар беше поразен од Чехот Томаш Махач со 2-1. На крајот од тој меч, Мареј ги повреди лигаментите на левиот скочен зглоб, а постоеше опција за операција. Мареј изјави дека деновиве ја соблекол заштитната копачка, ја отфрлил можноста да оди на операција и дека почнува да тренира за во одреден момент да се врати на тениските терени. Се уште не се знае кога ќе се случи тоа, а Мареј веќе нагласи дека сака да настапи на Ролан Гарос и особено на Олимписките игри во Париз, како и на Вимблдон. Тој победи на Вимблдон во 2013 и 2016 година и на УС Опен во 2012 година. Тој исто така освои две индивидуални олимписки златни медали, Лондон во 2012 година и во Рио де Жанеиро во 2016 година. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Лос Анџелес клиперс официјално објави дека се уште не се знае дали најдобриот играч на овој НБА тим Кавај Ленард ќе биде подготвен за стартот на плеј-офот. Во првото коло ЛА Клиперс игра против Далас, а клубот од Лос Анџелес е домаќин на првиот меч кој се игра во недела од 21.30 часот по средноевропско време. Леонард одигра најмногу натпревари во последните неколку сезони, вкупно 68, но поради проблеми со десното колено и воспаление на тој дел од телото, паузираше од крајот на март. Тој ги пропушти последните осум натпревари од регуларниот дел од сезоната. „Има напредок во неговото закрепнување, но воспалението мора да продолжи да се намалува за да може нормално да функционира на теренот. Сите се надеваме дека тој ќе биде подготвен уште од првиот натпревар против Далас“, изјави претседателот за кошаркарски операции на клубот, Лоренс Франк. Ленард оваа сезона имаше просек од 23,7 поени по натпревар со 6,1 скока и 3,6 асистенции за ЛА Клиперс. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Германскиот тенисер Александар Зверев дивееше кон судијата на мечот со Кристијан Гарин во Минхен. Дождот оваа недела прави големи проблеми во Баварија, а очигледно судиите тешко се одлучуваат да ги прекинат мечевите, доколку врнежите се со слаб интензитет. Таква беше судиската оценка за овој четвртфинален натпревар, која доста го изнервира Зверев. „Во кој момент ќе направиме нешто? Во кој момент? Кажи ми. Нема да правиме ништо цел натпревар? Тогаш завршив. Ќе одиграм уште два гемаи тоа е тоа. Ова е смешно, буквално врне“, рече Зверев. На крајот Гарин направи изненадување и победи со 6-4, 6-4, а следен ривал ќе му биде Тејлор Фриц. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Поранешната играчка легенда на Рома, Даниеле Де Роси ќе остане на „жешкото столче“ на својот омилен клуб и во следната сезона откако ја доби довербата за раководстовото со одлични резултати по превземањето на тимот од Жозе Мурињо. А, Роси веќе и започна со склопување на ростерот за престојната сезона со тоа што Италијанецот има и една голема желба за летно засилување, пренесуваат италијанските медиуми. Станува збор за ѕвездата на Јувентус, Фредерико Кјеза чиј договор во „старата дама“ во јуни 2025 година. Де Роси кој веќе соработуваше со 26-годишникот во италијанската репрезетнација на него гледа како совршен фудбалер за тактичните замисли. Со оглед дека тоа што има уште една година од договорот доколку Јувентус сака да заработи од неговото заминување ќе мора да најде заеднички јазик со Рома. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Никола Јокиќ и Лука Дончиќ се двајца од тројцата кандидати за освојување на наградата за најкорисен играч на регуларниот дел од сезоната во НБА лигата по доминантна изведба во првиот дел од сезоната. Српскиот и словенечкиот кошаркар си поигруваат со конкуренцијата па и се тема на разговор за сегашните и поранешните НБА кошаркари. Последен кој говореше за доминацијата на балканците е трикратниот освојувач на наградата за „шестти играч“ на сезоната, Џамал Крофорд кој на подкаст откри што ги разликува од останатите. „Кај Лука не е посебно тоа темпо, туку тоа што те тера да играш во негов ритам, ја успорува играта. Се кладам дека тој и Јокиќ се смеат кога зборат меѓусебе како ги тераат остнатите играчи да трчаат во круг. Тие ментално се на ниво пред другите. Дончиќ постана професионалец на 15, 16 години, на 20 години веќе е мастер за играта. Не може да направите ништо за да го притиснете. Кога ги има потребните информации може да се прилагоди на се. Паметен е и ги вклучува и соиграчите. Во исто време ве тестира, но и вашата доверба во соиграчите. Игра потполно друга игра“, изјави Крофорд кој се осврна и кон Јокиќ. „Јокиќ е таков, тој се прави наопачки. Тој не игра против вас, туку против вашиот тренер и тоа го разликува него. Него не го интересира што прават другите играчи, туку гледа што прави тренерот на противникот за да има одговор за тоа. Доминира, а во исто време не сака да поентира. За да го победите Денвер, мора тој да постигне некои 60 поени. Вакв постигнува 30 и 15 скокови и 18 асистенции. Никогаш не знаете од каде можат да дојдат тие. Ќе направи да изгледате глупо. Ќе ве гледа во очи и ќе додаде преку целиот тренер и тоа потоа му отвара простор за други работи. Ви велам, тој прави се наопачки. Никогаш не сум видел некој да доминира како него. Постигнува просек од 30 поени без да сака да поентира“. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Лидерот на регуларниот дел од АБА првенството, Црвена Звезда се соочува со огромен проблем на самиот почеток на разигрувањето за титула во регионалното првенство. Походот кон трофејот „црвено-белите“ ќе мораат да го завршат без еден од позначајните кошаркари на тимот, Адам Ханга. Унгарскиот бек заработи скршеница на раката на тренинг на својот клуб, а според неговата последна изјава за унгарските медиуми се чини дека за 35-годишникот сезоната е завршена. „Изгледа дека сезоната за мене е завршена. Ми се скрши коската на пола, вчера го извадив завојот и ќе треба да одмарам од шест до осум недели“, откри Ханга. Бекот добро познат по својата одбрана за просек од 16 минути поминати на терените во АБА лигата бележи просек од 6.3 поени, 2.6 асистенции и 2.3 скока по натпревар. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Астон Вила се пласираше во полуфиналето од Конференциската лига по пенал рулет против Лил во кој во центарот на вниманието одново беше аргентинскиот голман, Емилијано Мартинез кој успеа да добие и жолт картон провоцирајќи ги домашните навивачи на „Декатлон“ арената. Ова не е прв пат Мартинез да го навлече бесот на Французите бидејќи претходно недолично се однесуваше и во големото финале на Светското првенство па доби критики и од својот поранешен соиграч во Арсенал, Самир Насри. „Неговото арогантно однесување многу ме нервира поготово бидејќи порано не беше таков. Го знам од Арсенал кога беше уште млад. Тогаш беше повлечен, мирен, а сега ваквото однесување е неговиот заштитен знак“, изјави Насри. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Реал Мадрид ја продолжи битката за 15. шампионска титула во Лигата на Шампионите откако во драматичното четвртфинале против Манчестер Сити славеше по изведување на пенали. Еден од оние кои шутираа во рулетот беше и Лука Модриќ, а и покрај тоа што 38-годишникот го промаши својот обид наиде на голема поддршка од шпанските медиуми. Еден од нив е и популарниот „Football Espania“ кој најавувајќи го полуфиналето против Баерн Минхен вели дека Хрватот може да биде клучен играч во целта кон освојување на титулата. „Тој е легенда на Реал Мадрид, клучен за успехот и победата која е на видик на Лос Блканкос. Најдолговечниот ветеран во клубот, капитенот на Хрватска, беше дел од пет шампионски сезони на Реал Мадрид во ЛШ, што значи дека сега е повеќе потребен од било кога. Играчот за врска има 38 години, а сигурно нема знаци дека успорува или дека не може да помогне во походот кон петнаесеттиот трофеј“, пишуваат Шпанците. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Џејдон Санчо игра како „препороден“ во Борусија Дортмунд. Тој е еден од заслужните што екипата избори пласман во полуфиналето во Лигата на шампионите, откако го елиминираше Атлетико. Англичанецот направи вистински потег, а неговата позајмица истекува на крајот на сезоната. На прашањето на менаџерот на Манчестер Јунајтед Ерик Тен Хаг дали планира да го врати Санчо по крајот на сезоната, тој кажа дека нема да го смени мислењето. „Дали одличните настапи на Санчо ќе ме премислат? Не. Знаеме дека Санчо е фантастичен играч, и тоа не е изненадување. Но, тоа не е поентата и причината за неговото заминување од Манчестер. Со неговите квалитети придонесе за добрите резултати на Борусија и има одлични настапи“, изјави Тен Хаг, со што уште еднаш потврди дека имало нешто помеѓу него и Санчо штом не го сака назад во Јунајтед. Борусија Дортмунд се шпекулира дека ќе почне преговори за перманентен договор со Санчо за сума од 35 милиони евра, или 50 милиони помалку од она што Манчестер му плати на Борусија пред две години. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Откако стана јасно дека Баерн Минхен нема да го врати Јулијан Нагелсман, кој денеска го продолжи договорот со германската федерација и ќе ја води селекцијата и во 2026 година на Мундијалот, „Баварците“ наводно постигнале договор со легендарниот Зинедин Зидан, тврди „Мундо Депортиво“. Зидан е без работа откако го водеше Реал Мадрид пред три години. Тој има работено само во таборот на „кралевите“. Иако чекаше шанса на клупата на Франција, сепак, до тоа не дојде. Исто така беше поврзуван и со некои големи клубови, меѓу нив и Манчестер Јунајтед, ПСЖ иЛиверпул, но не дојде до договор. Зидан со Реал Мадрид освои три титули европски првак, и досега ги одбиваше сите понуди. Нејасно е зошто легендарниот француски фудбалер и тренер одбива понуди од големи клубови, и веќе три години е без ангажман. Од друга страна, пак, германските медиуми ја сметаат оваа вест за невистинита, односно дека Зидан нема никаков договор со Баерн, и дека по откажувањето на Нагелсман, имаат друга намера. Веројатно станува збор за враќање на Ханс Флик, кој од друга страна очекува разврска на случајот „Чави“ во Барселона. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Некогашниот играч на Бенфика, Челси, Манчестер Јунјатед, Рома, и од оваа година играч на Лион, Немања Матиќ на социјалните мрежи објави порака за која медиумите во Србија сметаат дека се однесува на препораката за прием на Косово во Советот на Европа. Како што е познато, иницијативата за прием на Косово ја даде грчката пратеничка Дора Бакојани. Наводно тоа го испровоцирало Матиќ да напише на социјалните мрежи. „Ех Грци, поранешни браќа, ова нема да ви го простиме“, напишал Матиќ. Искусниот фудбалер подоцна не ја објаснил оваа објава, односно дали се однесува на Бакојани или е во прашање нешто друго. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Формула 1 циклусот во Шангај официјално почна, а гледачите имаа прилика да уживаат во возбудливи квалификации за спринт трката која е на распоредот утре. Изненадување направи Нандо Лорис кој дојде до пол-позиција, а приказната на денот ја има Луис Хамилтон. Во квалификациите имаше голема борба, и поради дождот кој почна да паѓа во вториот дел од квалификациите, и донесе вистински спектакл. Пол позицијата ја освои Нандо Лорис, кој имаше фантастричен круг. Британецот имаше време од 1:57.940, и успеа да дојде до својата првата позиција за утрешниот спринт. Но, шоуто го украде Луис Хамилтон, кој усепа да дојде до втората позиција и со тоа да покаже дека на дожд никој ништо не му може. И покрај лошите резултати сезонава, Британецот успеа да дојде до второто место, и имаше нешто повеќе преку секунда од својот сонародник. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Бразилскиот фудбалер од средниот ред Каземиро, откри интересни детали од последната средба со Карло Анчелоти, кога му соопштил дека ќе замине во Манчестер Јунајтед. Каземиро веќе бил договорен со Јунајтед, и влегол во канцеларијата на Италијанецот да му ја соопшти конечната одлука. „Кога беше се готово со Манчестер Јунајтед, влегов во канцеларијата на Анчелоти, тој почна да плаче. Ми рече: Не ја знам причината, но сакам да кажам дека те сакам. Не сакав да заминеш. Тоа беше единствениот момент кога изразив каење што си заминувам од Реал Мадрид“, рече Каземиро. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Некогашниот фудбалер на Реал, Месут Озил во интервју за „Марка“ се осврна кон најголемото дерби Реал Мадрид и Барселона. Тој кажа дека сега дербито го нема оној шмек од порано, и главниот виновник го лоцира во Барселона, поради нејзиниот пад во играчкиот кадар и во квалитетот. „Кога играв во Реал, Ел Класико беше најважниот меч на светот. На наша жалост игравме против најдобрата Барселона во историјата. Сега од позиција на гледач, вниманието на публиката е повеќе насочено кон дербито Ливерпул – Манчестер Сити. Ел Класико падна, и тоа е штета. Не е Реал Мадирд крив за тоа, туку Барселона која е во пад“, рече Озил кој смета дека неговиот екс клуб може да дојде до титулата во Лигата на шампионите. „Фантастичен беше мечот против Сити. Англичаните доминираа цел натпревар, но Реал одигра интелигентно и одлично се бранеше. Верувам дека Реал ќе ја освои Лигата на шампионите“, изјави Озил. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

И овој викенд во Златна Копачка добиваш 10% CASHBACK на сите недобитни тикети кои ќе ги уплатиш од денес па се до недела! Ако си добитен, можеш да бидеш поблиску до 500 евра кои ги даваат на оној кој ќе има најмногу погодени парови на добитни тикети, но доколку си недобитен, тогаш добиваш 10% CASHBACK од уплатата назад во понеделник. Погледни ги минималните услови на: КЛИК Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Пласманот во полуфиналето во Лигата на шампионите, и останувањето на Јулијан Нагелсман на кормилото на Германија, ја подгреа шпекулацијата дека можеби Томас Тухел на крајот ќе се премисли и дека ќе остане во Баерн. Особено ова доаѓа на барање на навивачите, кои сакаат да остане Тухел, но очигледно дека тој и раководството имаат други планови. На прашањето дали ќе остане сега кога е јасно дека Нагелсман нема да се врати во Бааерн, Тухел одговори: „Имам договор со клубот дека нашите патишта ќе се разминат во јуни. Тоа е веќе договорено, и тоа стои. Ништо нема да се смени, јас си заминувам“, рече Тухел. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Тренерот на Баер Леверкузен, Чаби Алонсо истакна незадоволство од настапот на својот тим на реваншот во Лигата на Европа против Вест Хем. Неговиот тим со ремито од 1-1, се плсираше во полуфиналето, после победата во првиот меч во Леверкузен од 2-0. Неговиот тим во 44 меча не знае за пораз оваа сезона, со што и натаму ја продолжува својата бајка. „Се подготвувавме за опција во која Вест Хем ќе притисне многу силно. Не ни беше удобно да играме во нашата формација. Да бидам искрено, во првиот дел противникот беше подобар. Многу е важно што не примивме втор гол, затоа што дефинитивно беа подобри од нас. За среќа после паузата ги свртевме работите, и драго ми е што продолжуваме понатаму. Секогаш има тешки моменти, особено во овие европски натпревари“, рече Алонсо. Баер Леверкузен во полуфиналето во Лигата на Европа ќе се соочи со тимот на Рома. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Официјално, Јулијан Нагелсман ќе остане селектор на Германија и после ЕП 2024, откако денеска потпиша нов договор со германската федерација до 2026 година. Тој ќе ја води селекцијата најмалку до крајот на Мундијалот до 2026 година. Со тоа извиси Баерн Минхен, кој се надеваше дека ќе може да го врати на клупата откако следната сезона ќе остане без тренер, по заминувањето на Томас Тухел. „Ова е одлука со срце. Голема чест е да бидам селектор на националниот тим. Ние можеме да ја инспирираме земјата“, рече Нагелсман по потпишувањето на новиот договор. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Леброн Џејмс без размислување го прифати повикот на селекторот на САД да биде на располагање на репрезентацијата на Олимписките игри кои ова лето се одржуваат во Париз и каде Американците ќе го бранат златото од пред три години освоено во Токио. „За мене дресот на САД е буквално се! Ќе биде ова за мене првпат по 12 години да играм за репрезентацијата. Имам преубави спомени од претходните настапи на Олимписките игри“ – вели Леброн. А, нема Леброн да биде единствен претставник на ЛА Лејкерс на ЛОИ 2024. Со него ќе биде и Ентони Дејвис. „Едвај чекам да заиграм во националниот дрес заедно со Ентони. Ќе ни биде исклучително забавно. Сакам да им се заблагодарам на Грент Хил и на Шон Форд што не одбраа мене и Дејвис. Да се оди во борба со остатокот од светот е навистина неверојатно чувство. Голем момент за сите нас“ – дополни Леброн. САД во првиот натпревар од групната фаза на ЛОИ 2024 во Париз ќе игра против селекцијата на Србија, за која се уште не се знае дали ќе игра најдобриот светски кошаркар, Никола Јокиќ. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Брегалница одлично ги реализираше двата натпревари под водство на новиот тренер Трајче Сенев, кој успеа да ја врати вербата во тимот и мотивот за борба за опстанок сезонава во прволигашката конкуренција. По победта над Шкупи и гостинското реми со шампионот Струга ТЛ, викендов Брегалница во Штип го пречекува Работнички во еден од одлучувачките натпревари во битката за опстанок. Хендикеп за штипјани ќе биде отсуството на стандарданите првотимци Горан Силјановски и стоперот Лвалива, но тоа значи шанса и за помладите фудбалери во тимот меѓу кои и 18-годишниот Благој Хаџи-Кимов. „Да се биде дел од првиот тим на Брегалница на мои години, секако е пред се голема обврска, а од колегите постепено го добивам потребното искуство, посебно од искусните Силјановски, Селмани и сите останати. Сега не чека дуел со Работнички и најважно од се е да го добиеме натпреварот, а и опстанокот. Јас сум подготвен и максимално мотивиран, а дали ќе добијам шанса за игра секако збор има шефот на стручниот штаб“ – вели Хаџи-Кимов и дополнува: „Атмосферата во тимот е одлична, подигнато е нивото на целата екипа во секоја сфера и единствена цел се трите бода“. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Поранешниот тренер на Партизан, Душко Вујошевиќ се осврна главната тема пред настапот на кошаркарскта репрезентација на Србија на ЛОИ 2024, а тоа е секако играњето на Никола Јокиќ кој на два месеци пред Олимписките игри се уште не го потврдил своето учество. Вујошевиќ смета дека на секого треба да му биде чест што доаѓа да игра за националниот дрес, а не сето тоа да биде на база на молење. „Јокиќ секако треба да дојде максимално подготвен, мотивиран и во функција на тимот, а не да мисли дека не чести со своето присуство. Само под такви услови би имале шанси за успех, и би бил корисен за тимот“ – вели Вујошевиќ. Јокиќ, како што е познато, заедно со уште неколку истакнати кошаркари на Србија се одлучија да не играат на Светското првенство, но Србите имаа одличен турнир освојувајќи го сребрениот медал. Сега е најавено играњето на Василије Мициќ, во желбата успешно да се парира на „дрим-тимот“ на САД. Токму учеството на САД во најсилен состав во Париз носи верување дека и Никола Јокиќ ќе се стави во функција на српската репрезентација. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Роналд Араухо до неодамна беше најавуван како идниот капитен на Барселона. Но, сето тоа само до реваншот од четвртфиналето во Лигата на шампионите против ПСЖ, кога само една глупост промени се околу неговиот статус во тимот. Барселона имаше предност од 3-2 по првиот меч во Париз, имаше и водство од 1-0 на домашен терен, но тогаш Араухо направи непромислен црвен картон па Каталонците беа приморани повеќе од еден час да играат со фудбалер помалку. Сето тоа резултираше со фијаско, пораз од 4-1 и елиминација во Лигата на шампионите. Араухо по мечот се соочи со жестоки критики од навивачите кои побараа и негово заминување од клубот. Тоа донесе веќе деновиве менаџерите на одличниот стопер да се активираат во преговори за негов нов клуб, кои секако веќе траат од поодамна. Доцна синоќа е објавено од страна на каталонската ТВ3 дека менаџерите на 25-годишниот Араухо се во завршни преговори за негов трансфер во Баерн Минхен ова лето. Неговиот договор со Барселона завршува во јуни 2026 година. Претходно се спомнуваше можност за продолжување на истиот, но по дебаклот од ПСЖ ситуацијата комплетно се промени. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ова се нашите предлози за типување за денешниот ден… СИНГЛ НА ДЕНОТ Басконија – Виртус Болоња 2 хенд. Финален меч во битката за последното место во плеј-офот од Евролигата. Победникот од овој дуел ќе игра во плејофот против Реал Мадрид. Басконија се соочува со проблеми со повредени кошаркари пред мечот, а на претходните отсуствува сега е јасно дека нема да може да игра, поради повреда на скочниот зглоб, и Чиму Монеке. Сето тоа носи посериозни шанси за победа на Виртус Болоња која секако има квалитетен состав кој може да се избори за плејоф во Евролигата. ТИКЕТ НА ДЕНОТ Арналди – Руд 2 Ајнтрахт Ф. – Аугсбург ГГ 3+ Каљари – Јувентус 2 Ница – Лориен 0-2 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Фудбалерот на Младост од Подгорица, Звонко Цеклиќ е казнет со 18 месеци суспензија од Фудбалскиот сојуз на Црна Гора и ФИФА, по скандалозниот натпревар во црногорскиот шампионат. На дуелот меѓу Младост и Дечичи кој гостите го добија со 0-3, во финишот на првото полувреме Цеклиќ едноставно се тргна за гостинскиот фудбалер да може да постигне гол. Домашниот дефанзивец ја тргна ногата, овозможувајќи погодок за гостите на очиглед на целата спортска јавност. И коментаторот на натпреварот, но и бројните љубители на фудбалот, не можеа да го сокријат неверувањето од тоа што го видоа. „Погледнете како Цеклиќ се трга. За што се работи овде? Зошто?“ – се прашуваше коментаторот. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Рома обезбеди место во полуфиналето на Лигата на Европа по синоќешната победа во Рим и елиминација на Милан. Дуелот го одбележа и еден интересен момент, во кој беше забележано вистинско лудило на тренерот на „волчицата“ Де Роси. Диего Љоренте во 72. минута се доближи до Де Роси за да го праша уште колку време има до крајот на натпреварот, по што тренерот на Рома не можеше да се воздржи. Де Роси почна да урла по својот фудбалер, барајќи од него да се фокусира на играта, а не на времето… Llorente, De Rossi’ye kalan süreyi soruyor 😂 pic.twitter.com/Wj1ma8Y8Hg — Kapitano Sports (@kapitanosport) April 19, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Тотален дебакл доживеаја англиските клубови низ годинашниве настапи во трите европски клупски натпреварувања, ако се знае дека според многумина Премиерлигата е најдобрата лига во светот. Но, Англија зачудувачки остана само со еден претставник во полуфиналињата во трите клупски натпреварувања, и тоа Астон Вила во најслабото натпреварување на УЕФА – Конференциската лига, благодарение на спасот по пенал-серијата против Лил. Најдобри сезонава во европските натпреварувања се Германците, кои преку Борусија Дортмунд и Баерн Минхен имаат двајца полуфиналисти во ЛШ, како и Баер Леверкузен во Лига Европа. Италија има исто така тројца полуфиналисти, но ниту еден во Лигата на шампионите. Рома и Аталанта останаа во Лига Европа, а Фиорентина во Конференциската лига. Еден полуфиналист имаат и Шпанците, но тоа е во Лигата на шампионите, Реал Мадрид. Следната сезона, италијанската Серија А, пак, ќе има дури пет претставници во Лигата на шампионите, по вчерашните резултати во Лига Европа и Конференциската лига. Ажурирањето на УЕФА ранкингот по четвртфиналните реванш средби овозможи за италијанските клубови зголемување на бројот на учесници во новиот формат на Лигата на шампионите. Фиорентина се пласираше во полуфиналето на Конференциската лига, додека Аталанта и Рома го потврдија пласманот во полуфиналето на Лига Европа, па со освоените бодови Серија А сигурно ќе биде меѓу двете лиги со најдобар коефициент до крајот на европската сезона. ЛИГА ШАМПИОНИ – ПОЛУФИНАЛЕ Баерн Минхен – Реал Мадрид Борусија Дортмунд – ПСЖ ЛИГА ЕВРОПА – ПОЛУФИНАЛЕ Марсеј – Аталанта Рома – Баер Леверкузен КОНФЕРЕНЦИСКА ЛИГА – ПОЛУФИНАЛЕ Астон Вила – Олимпијакос Фиорентина – Бриж Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Атрактивната боксерка, поранешна ријалити ѕвезда, Австралијката Арабела Дел Бусо доживува вистински хорор во затвор каде отслужува казна од 20 месеци поради кражба. Девојката на американскиот рагбист, Џош Рејнолдс ,како што самата соопштува, минува низ тешки трауми кои ги открива преку испратено писмо од затвор до медиумите. Арабела во затвор е за украдени 52.000 долари на нејзиното работно место. Во писмото кое решила да го прати до медиумите детално ги опишува тешките затворски денови и проблемите кои секојдневно ги има со чуварите откако од февруари ја отслужува својата казна. „Претресите не се само трауми за мене, туку и понижувачки затоа што секогаш мора да се соблекувам пред двајца чувари. Еден стои пред мене, а другиот позади. Најпрво мора да го подигнам градникот и да ги покажам градите, а потоа еден од нив ми ги соблекува гаќите до колена или целосно, па морам да се наведнам, раширам нозете и да ги подигнувам една по една“ – пишува Дел Бусо во писмото кое го објавуваат американските медиуми и дополнува: „Се чувствувам несигурно, секој ден е се потежок. Некои работи не ги пишувам затоа што знам дека вработените ќе го читаат писмото, а не сакам да пренесувам работи кои би ми ја загрозиле безбедноста“. Арабела пред да дојде во затвор имаше два бокс меча во периодот од мај до октомври минатата година, со една победа и еден пораз. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Шпанскиот спорт е потресен по веста за ненадејната смрт на 17-годишната гимнастичарка Марија Харанц Гомез. Марија почина вчера во Универзитетската клиника во Гвадалахара како последица на менингитис, оставајќи ги во шок и неверување спортските личности во земјата. „Марија неочекувано не напушти по страшниот менингитис кој ја зеде за само 24 часа, оставајќи не во неверојатна тага. Градското собрание сака да ја изрази својата најголема болка, со искрено сочувство на семејството и пријателите на Марија, посебно до нејзините родители, Ракел и Алфонсо, нејзиниот помал брат и сите нејзини роднини“ – се вели во соопштението од Градското собрание на Гвадалахара. Објавено е и дека ќе биде прогласена дводневна жалост во градот. Марија беше репрезентативка на Шпанија во гимнастика, специјализирана за трамполина. Беше дел од селекцијата на Шпанија на Светското првенство во ноември 2023 година, а кандидат за настап и на Летните олимписки игри 2024. 🙏🖤 Muere la deportista María Herranz Gómez a los 17 años Una meningitis acaba con la vida de la joven practicante de Gimnasia de Trampolín con el Club Ruditramp de Cabanillas del Campo y la Selección Nacional https://t.co/fUr9g11eOt — Carrusel Deportivo (@carrusel) April 18, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Голманот на Астон Вила, Емилијано Мартинез доби два жолти картони на синоќешниот натпревар против Лил во Конференциската лига на УЕФА, но не беше исклучен од игра. Астон Вила обезбеди полуфиналето од Конференциската лига по подобрата пенал серија. Мартинез, пак, првиот жолт картон го доби во 39.минута за време на регуларниот дел од мечот, а вториот во текот на пенал-рулетот. Откако одбрани еден удар, аргентинскиот голман упати провокација кон навивачите на Лил, почна да ги замолкнува, судијата му покажа нов жолт картон, но не го исклучи. Во тие моменти речиси сите чекаа Мартинез да биде исклучен бидејќи тоа му е втор жолт картон, но тоа не се случи, затоа што според правилото кое малкумина го знаат – во пенал серијата не важат жолтите картони добиени во текот на 90 или 120 минути! Интересно, и самиот голман не го знаеше правилото, па изгледаше збунето очекувајќи да ја напушти играта. Но, ете остана во игра и на крај беше и херој на Астон Вила. Martinez yellow card vs Lille in the penalty shootout byu/Chelseatilidie insoccer Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Олимпијакос ќе игра во полуфиналето на Конференциската лига на УЕФА откако по пенал-рулетот успеа да го елиминира Фенербахче во Истанбул. Во регуларниот дел од натпреварот, Фенербахче победи со 1-0 благодарение на голот на Кавечи уште во 11. минута. Сето тоа значеше анулирање на предноста на Олимпијакос од првиот дуел во Атина кога славеше со 2-3. Во продолженијата немаше погодоци, па Олимпијакос со 2-3 победи по пенал серијата. Последниот пенал за домашните не успеа да го реализира Бонучи што значеше место на Грците во полуфиналето. Бриж, пак, без никакви проблеми се пласираше во полуфиналето откако забележа и втора победа против солунски ПАОК. По триумфот од 1-0 на првиот меч во Белгија, Бриж сега победи и со 0-2 на гостувањето во Солун против грчкиот тим. Претходно, место во полуфиналето во Конференциската лига обезбедија и Фиорентина и Астон Вила. ПОЛУФИНАЛНИ ДВОЈКИ: Бриж – Фиорентина Астон Вила – Олимпијакос Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ливерпул триумфираше во Бергамо со 0-1 против Аталанта на реванш-натпреварот од четвртфиналето во Лигата на Европа, но запиша само пирова победа со која го заврши европското натпреварување по поразот од 0-3 од пред една недела на „Енфилд“. Салах со голот од пенал уште во 7. минута од средбата отвори простор за Ливерпул да се обиде да ја анулира негативата од првиот меч, но тоа беше се од „црвените“ кои не успеаја да постигнат уште еден гол. Токму Салах имаше извонредна можност која не ја реализира од идеална позиција во првото полувреме, со што го „замрзна“ шансите на својот тим, а и овозможи на Аталанта лесен пласман во полуфиналето. Рома, пак, со нова победа овој пат од 2-1 против Милан дојде до полуфиналето. По триумфот од 0-1 во Милано, „волчицата“ денеска победата ја осигура со головите на Манчини во 12. минута и Дибала во 22. минута. Милан со голот на Габиа во 85. минута само го ублажи поразот. Место во полуфиналето има и за Баер Леверкузен, кој по победата од 2-0 на првиот меч, сега ремизираше (1-1) на гостувањето против Вест Хем. Вест Хем поведе со погодокот на Антонио уште во 13. минута, но Фримпонг во 89. минута ги постави конечните 1-1. Последниот полуфиналист во Лигата на Европа е француски Марсеј кој по изведувањето на пеналите беше подобар од Бенфика. Французите по регуларниот дел победија со 1-0, анулирајќи ја предноста на Бенфика (1-2) од првиот меч. Стрелец на голот за Марсеј беше Мумбања во 79.минута. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Регионалната АБА-лига го промовираше трофејот „Дејан Милојевиќ“ кој ќе биде доделуван во иднина на најкорисниот (МВП) играч на сезоната, а во чест на прерано починатиот поранешен српски кошаркар Дејан Милојевиќ кој неодамна почина по срцев удар. АБА-лигата одлучи да му оддаде посебна почит на Милојевиќ со именување на признанието во негова чест, а сега и официјално го промовираше трофејот. „Од оваа година признанието ќе го носи името на Дејан Милојевиќ, легендата на АБА лигата и една од најдобрите кошаркарски личности на овие простори. Трофејот треба да ја симболизира големата кариера на Милојевиќ и да има детали што се однесуваат на некој дел од патувањето кое го имаше во АБА лигата, како и неговите најголеми вредности и силни страни“ – објави АБА лигата. The Dejan Milojević Trophy unveiled 🏆 The trophy itself does not resemble its namesake as for us it was important that the trophy only symbolizes Milojević’s remarkable career and that it has details on it that refer to some part of Milojević’s #ABALiga journey as well as to… pic.twitter.com/RWCob7JXoo — AdmiralBet ABA League (@ABA_League) April 18, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Астон Вила и Фиорентина се први полуфиналисти во Конференциската лига на УЕФА. Астон Вила дури по изведувањето на пеналите успеа да се спаси пред Лил, елиминирајќи го францускиот тим. А, Лил се до 87. минута од регуларниот дел на мечот имаше место во полуфинале по водството од 2-0. Но, Англичаните со голот на Кеш во 87. минута успеаја да дојдат до 2-1, идентично на нивната победа од Бирмингем. Matty Cash scores for Villa! Lille 2-1 Aston Villa pic.twitter.com/0V9bhxNNMG — Sports Hub (@sports_hub123) April 18, 2024 Па, откако во продолженијата немаше погодок, на крајот пенал-рулетот беше посреќен за Астон Вила. Фиорентина дури по продолженијата го елиминираше тимот на Викторија Плзен. По регуларниот дел дуелот заврши без голови, како и на првиот натпревар. А, во продолженијата, Гонзалез во 92.минута и Бираги во 108. минута беа стрелци за тимот од Фиренца за место во полуфиналето во Конференциската лига. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Хрватскиот напаѓач Анте Ребиќ и дефинитивно не е во плановите на Бешикташ за следната сезона, па раководството на клубот веќе му порачало да си бара нов клуб. Но, како што пренесуваат турските медуими, Ребиќ донел одлука да не се откаже од платата која ја има во Бешикташ, а таа е 2,5 милони евра годишно. Наводно им порачал на челниците на клубот дека нема да си замине ако не пронајде клуб кој ќе му ја понуди истата плата. Тоа, и тоа како, не им се допаднало на челниците на Бешикташ. А, турските медиуми веќе го дефинираат Ребиќ како „најголемиот паразит во Турција“, затоа што воопшто не игра а зема огромна плата. Сезонава за клубот едвај собра 691 минути игра во сите можни натпреварувања, а постигна само еден гол и подели пет асистенции. 📰 Beşiktaş'ta Ante Rebic rest çekti! 🗣️ 'Paramı almadan gitmem'https://t.co/Xxjs4UgoUQ pic.twitter.com/haEzIw7HjN — Skorer (@skorerrcom) April 18, 2024 Инаку, за поранешниот хрватски репрезентативец на кого договорот со Бешикташ му важи до јуни 2025 година, интерес има од Верона, но се спомнуваше можноста и од јуни да се пресели во сплитски Хајдук. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Поранешниот вардаров ракометар Тимур Дибиров и на свои 41 година продолжува со професионалниот ракомет. Дибиров го продолжи договорот со актуелниот негов клуб ППД Загреб останувајќи во клубот уште најмалку една сезона. Дибиров и следната сезона ќе биде дел од најдобриот хрватски клуб. Покрај Дибиров потпис на нов договор со Загреб ставија уште и Јаков Гојун, Лука Ловре Кларица, Матеј Мандиќ, Давор Чавар, Патрик Валчак, Алекс Кавчиќ и Адин Фаљиќ. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Престојниов викенд во Скопје, во организација на Македонската федерација за традиционално карате (МТКФ) ќе се одржи 36. ЕТКФ Европски шампионат и куп во традиционално карате за сите возрасти. Пред точно 20 години во 2004 година МТКФ за прв пат беше организатор на ова големо натпреварување каде нашата федерација се покажа како одличен организатор. Овој пат Европскиот шампионат ќе се одржи во СЦ Јане Сандански со почеток од 11 часот. Свеченото отварање ќе се одржи во сабота од 14 часот. Покровител на овој значаен настан е Универзитетот Скопје, а првенството ќе го отвори Ректорот проф. д-р Аце Миленковски. Подржувачи на настанот се Агенција за млади и спорт и Македонскиот Олимписки Комитет. На Европскиот шампионат ќе учествуваат 15 земји со над 350 натпреварувачи. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Македонскиот интернационалец Марио Крстовски продолжува со одличната гол-форма во словенечката Прва лига. 26-годишниот Крстовски донесе нова победа за Домжале, овој пат од 1-0 над Копер, со својот осми гол сезонава во словенечкиот шампионат. Крстовски погоди во 57. минута од натпреварот, за триумф со кој Домжале се зацврсти на средината од табелата. Македонскиот напаѓач, пак, со осум погодоци е во Топ 10 најдобри стрелци во најсилната лига на Словенија. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Екипата на Унион Берлин сака прва победа над Баерн Минхен во историјата, и тимот од главниот град на Германија да избега од опасната зона. Од Унион се надеваат дека „Баварците“ повеќе ќе размислуваат на следниот ривал во ЛШ – Реал Мадрид. Баерн ја загуби титулата во Бундеслигата од Баер Леверкузен, а Лигата на шампионите остана единствената шанса на тимот да освои трофеј. Ривал на гигантот од Минхен ќе му биде Реал Мадрид. „Да бев тренер на Баерн Минхен, немаше да размислувам повеќе на Бундеслигата, ќе размислував на Реал Мадрид“, изјави тренерот Ненад Бјелица. „Секогаш има првпат. Се надевам дека ќе победиме“, изјави Бјелица. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Украинскиот голман Андреј Лунин стигна во Реал Мадрид во 2018 година со репутација на еден од најталентираните голмани. Имаше тогаш 19 години и бранеше само во Днипро и Зорја. Зорја доби 8,5 милиони евра, пет милиони за одредени бонуси. Уште од тогаш изгледаше како сон. Малку кој можеше да поверува дека тој сон ќе стане светска сензација. Против Манчестер Сити во реваншот во 1/4 финалето во Лигата на шампионите запиша осум одбрани, а одбрани и два пенали. Украинецот од трет голман, стигна како прв и стана херој. „Најсреќен сум на светот. Напорната работа е наградена. Само сум среќен што му помогнав на Реал и сакам да се заблагодарам на оваа група за поддршката“, изјави Лунин. И покрај тоа некои на негово место би заминале, со оглед дека не добиваше шанса, сега максимално ја користи повредата на Куртоа и слабата форма на Кепа. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Минатогодшните финалисти на НБА Мајами, после поразот од Филаделфија во првиот настап во плеј-офот, дознаа дополнителна лоша вест, дека во дуелот против Чикаго во доигрувањето ќе мора да играат без еден од најдобрите играчи Џими Батлер, кој има повреда на лигаментот на десното колено. Се повреди во последните секунди на првата четвртина на средбата во Филаделфија во средата кога домашниот играч Кали Убре незгодно му нагазил на нога. Батлер остана на теренот до крајот на средбата, но сега го очекува неколку недели мирување. Тоа значи дека Мајами дури во петокот ако го совлада Чикаго и се пласира во доигрувањето, во првиот круг ќе игра со Бостон Селтикс, првиот носител на Источната конференција и екипа која остварила најголем број на победи во лигашкиот дел. И таму Мајами ќе мора да игра без Батлер. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Денеска во Виена беа извлечени групите за престојното Европско првенство за ракомет жени. Македонија се најде во групата А заедно со Шведска, домаќинот Унгарија и Турција, и ќе игра во Дебрецен, Унгарија. Беа извлечени и другите групи. Европскиот првак Норвешка одбраната на трофејот ќе го почне во групата со еден од домаќините Австрија, потоа Словенија и Словачка. Вицепрвакот Данска ќе игра со Швајцарија, Хрватска и Фарски Острови. Србија е во група со Црна Гора, Романија и Чешка. 𝗧𝗛𝗘 #𝗲𝗵𝗳𝗲𝘂𝗿𝗼𝟮𝟬𝟮𝟰 𝗦𝗧𝗔𝗚𝗘 𝗜𝗦 𝗦𝗘𝗧!🔥 Who will be crowned as European Champions next December in Vienna? 🤩 #catchthespirit pic.twitter.com/VlewEnoqxQ — EHF EURO (@EHFEURO) April 18, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Реал Мадрид се пласираше во полуфиналето на Лигата на шампионите. Херој на „кралевите“ е голманот Андреј Лунин, кој одбрани два пенали на играчите на Манчестер Сити Бернардо Силва и Матео Ковачиќ, па така Реал победи и се пласираше во следната фаза. Сепак, Реал има и „скриен херој“. Тоа е Антонио Ридигер, кој му кажа на Лунин каде ќе шутира Ковачиќ. За среќа, Украинецот го послуша, тргна на вистинската страна и му го одбрани пеналот. Ридигер на крајот го реализираше последниот пенал со кој го запечати пласманот во полуфиналето. Ридигер добро го познава Ковачиќ со оглед дека беше негов соиграч во дресот на Челси, па сигурно од тие денови знаел каде Хрватот ќе шутира. Во тоа можеби и му помогна Модриќ, кој беше до него и му честиташе за тоа што погоди каде ќе шутира играчот на Сити. Rudiger showing Lunin which way Kovacic will shoot. They played together at Chelseapic.twitter.com/ZNTnNxjm4R — Troll Football Media (@Troll__Footbal) April 18, 2024 Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Женската ракометна репрезентација на Македонија ги дозна противниците во групната фаза од ЕВРО 2024 што ќе се одржи од 28 ноември до 15 декември. Македонија ќе игра против Шведска, Унгарија и Турција во групата А. Натпреварите ќе се играат во Дебрецин. Нашата репрезентација беше сместена во третиот шешир на ждрепката. ЕХФ веќе распореди по една селекција во групите, па така Унгарија ќе биде во групата А во Дребрецин, Црна Гора во групата Б што ќе се игра во истиот унгарски град, Франција ќе биде носител во групата Ц во Базел, а Швајцарија како домаќин ќе игра во групата Д во Базел. Австрија ќе биде домаќин во групата Е во Инсбрук, а во овој град ќе игра и Германија, како дел од групата Ф. Првата фаза ќе се игра во Дебрецин, Базел и Инсбрук, главната рунда ќе се одржува во Дебрецин и во Виена, а финалниот викенд и разврската за медали се резервирани за Виена. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Џоел Ембид по неколку месечно двоумење за изборот на репрезенација (бираше помеѓу Камерун, Франција и Соединетеите американски дражви) одбра да му се приклучи на „дрим тимот“ на САД со кој се очекува и да настапи на престојните Летни олимписки игри кои интересно, ќе се одржат во главниот град на Франција. А, пак додека се чека дебито на центарот на Филаделфија на репрезентативно ниво француските медиуми стигнаа до писмо кое Ембид го испратил до претседателот на Франција, Емануел Макрон во 2021 година молејќи го да му помогне со постапката за добивање на државјанство, притоа ветувајќи дека нема желба да игра за друга репрезентација. „По дискусиите со Кошаркарската репрезентација на Франција донесов одлука дека сакам да добијам француско државјанство и да можам да настапувам за „сините“. Согласно со тоа, немам желба за настап за ни една друга репрезентација… Ќе бидам горд доколку настапам за Франција и ја претставувам на големите натпреварувања, пред се на Олимписки игри во 2024 година… Проценувајќи го значењето на моето барање, што претставува, што значи, но и во одредени аспекти неговото времетраење и сложеноста за доделување државјанство ја барам вашата поддршка во овие иницијативи, поддршка без која тие нема да бидат успешни“, стои во дел од писмото испратено од Ембид до Макрон. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Елиминацијата на Барселона од ПСЖ во четвртфиналето од Лигата на Шампионите не помина добро во соблекувалната на каталонскиот тим, открива шпанскиот медиум „Марка“ кој за виновник за проблемите во тимот ја наведе макенкенката и сопруга на германскиот репрезентативец Икај Гундоган, Сара Афрауи. Гундоган го критикуваше потегот на Роналд Араухо од првиот дел од натпреварот кога при водство од 1-0 направи прекршок за црвен картон оставајќи во својот тим на цедило па предноста од 3-1 се претрвори во кошмар. „Многу сум разочаран бидејќи многу лесно дозволивме да бидеме поразени. Јас да сум во таа ситуација би го оставил противникот да игра еден на еден со голманот па дури и да постигне гол“, прокоментира Германецот. Оваа изјава не му се допадна на Араухо, а ниту пак на Кунде и Роберто кои застанаа во одбрана на Араухо велејќи дека победуваат и губат сите заедно. Набргу потоа се огласи и сопругата на Гундоган, спомената Афрауи која напиша: „Овој човек крваво работи. Во фудбалот размислува како да биде подобар и секогаш да дава се за тимот. Неговиот менталитет е „трибл“ менталитет“, нагласувајќи ја претходната сезона кога со Манчестер Сити освои три големи трофеи. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Ретки се случаите кога фудбалерите на Реал Мадрид сами бираат да замнат од славниот шпански клуб и сакаат да го напуштат раскошниот живот во главниот град на Шпанија, но тоа е случајот со Дани Себаљос кој воопшто не е задоволен од статусот кој го има во тимот. Дваесетиседумгодишникот изминатото лето одби неколку шанси за преселба од Мадрид со цел да се докаже дека вреди во тимот на Карло Анчелоти, но не успеа во обидот. Оваа сезона настапи на само 21 натпревари во сите конкуренции добивајќи скромна минутажа најчесто од клупата за резерви па е подготвен да стави крај на кариерата во „кралскиот“ дрес. Ништо против заминување на Себаљос нема ниту Реал Мадрид кој е подготвен да го пушти за сума од осум милион евра, пренесуваат шпанските медиуми. Себаљос е дел од Реал Мадрид од 2017 година кога премина на „Сантијаго Бернабеу“ од Реал Бетис. Од 2019 до 2021 година беше на позајмица во Арсенал. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Изминатата вечер во најсилната кошаркарска лига беа одиграни два плеј-ин натпревари по кои на победи се радуваа Филаделфија и Чикаго совладувајќи ги Мајами и Атланта. Најубавите потези на вечерта ги одбележаа атрактивни забивања, а најубавиот потег беше дело на Дeжонте Мари кој го „постерираше“ Никола Вучевиќ.  Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Реал Мадрид и Манчестер Сити одиграа фантастична четвртфинална серија во Лигата на Шампионите. По ремито од 3-3 на „Сантијаго Бернабеу“ шпанскиот и англискиот великан ремизираа и на „Етихад“, а местото во полуфиналето „кралскиот тим“ го доби по пенал рулет во кој херои беа голманот Лунин и дефанзивецот Рудигер. Натпреварот го прокоментира еден од најдобрите фудбалери на Реал Мадрид, Џуд Белингем кој откри и интересен детал од пред почетокот на средбата поврзан за тренерот Карло Анчелоти. „Во второто полувреме секој од нас мораше да се жртвува и игра нешто што во главно не го игра. Но, успеавме. Нашата најголема предност е тоа што Карло ни дозволува да играме со многу слобода. Некои тимови се многу структурирани, играат одреден стил и шаблон на игра. А, нас тренерот едноставно не исполнува со мир и самодоверба пред натпреварите. Го фатив како зева. Го прашав дали е уморен, а тој ми одговори „Морате да излезете на терен и малку да ме разбудите“. Таков мир и атмосфера ви носи тој“, изјави Белинхем за „ТНТ Спорт“. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Седумкратниот светски шампион Луис Хамилтон очајно ја стартуваше новата сезона во Формула 1. Најдобар пласман за возачот на Мерцедес беше седмото место во Бахреин и веќе е јасно дека нема шанси да се бори за висок пласман на крајот од сезоната. Славниот Британец пред почетокот на сезоната потпиша договор со Ферари за кој ќе вози од 2025 година, а неговата одлука се уште е главна тема на медиумите. „Мислам дека не треба да се правдам пред никого. Знам дека тоа е најдоброто нешто за мене и никогаш не сум го доведувал во прашање. Луѓето зборуваа и зборуваат секакви ср*ња. И секогаш ќе биде така. Тоа воопшто не ме интересира“, вели Хамилтон. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Напрестижниот германски медиум Билд, направи анализа на Елиф Елмас, и неговите настапи откако дојде во Лајпциг за 24 милиони од Наполи во зимскиот преоден рок. „Горчливата вистина за зимскиот пад на Елмас“, е насловот на Билд со кој ја стартува оваа анализа, велејќи дека има само 163 одиграни минути, премалку за еден играч кој е платен 24 милиони евра. „Во 13 меча одигра само 163 минути. Напаѓачот беше стартер само со Волфсбург, може да направи се, но очигледно ништо доволно добро за да игра повеќе. На Елмас му отежнува и фактот што секогаш има барем двајца конкуренти кои се подобри, како на плејмејкерската позиција, така и во нападот, па дури и во дефанзивниот среден ред. Билд побара и мислење од Марко Розе, кој рече дека Елмас се труди, но дека некогаш не функционираат работите на тој начин. „Елиф е бори со прашањето да има поголема минутажа. Вреден е, добро тренира, добро се однесува. Но, има моменти кога тоа едноставно не функционира“, рече Розе. Билд пишува дека сето ова предизвикува незадоволство кај играчот, кој неколку пати бил на разговори со Розе, и тренерот постојано го фали, но и понатаму повторно го остава на клупата. Целиот текст на Билд на следниот ЛИНК. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Двократниот и актуелен победник на Тур де Франс, Јонас Вињегор е пуштен од болница, речиси две недели по сериозниот пад за време на Трката околу Баскија. „Ја напуштив болницата. Сакам да му се заблагодарам на лекарскиот тим што се грижеше за мене и на сите за моралната поддршка. Сега е време за целосно закрепнување“, рече Вињегор. Данецот беше тешко повреден на почетокот на април во голема несреќа за време на 4. етапа околу Баскија. Вињегор успешно ја оперираше клучната коска. Покрај скршената клучна коска и неколку ребра, велосипедистот се здоби и со контузија на белите дробови. Се уште не е познато кога ќе се врати на трките, но познато е дека главна цел на Данецот за оваа година е Тур де Франс, кој започнува за неполни три месеци и на кој сака да оствари трета последователна победа. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Косопственикот на Далас Маверикс, Марк Кjубан даде изјава која ја запрепасти американската кошаркарска јавност. Поранешниот кошаркар Чендлер Парсонс го праша дали Лука Дончиќ е веќе најдобриот играч во историјата на Маверикс. „Да, Дирк Новицки не мисли така, но така е. Разликата е во тоа што Лука може да ги контролира сите аспекти на играта“, рече Кјубан. Дончиќ зад себе ја има најдобрата сезона во дресот на Маверикс. Тој е првиот Европеец кој беше најдобар стрелец во сезоната во НБА, сепак Новицки им ја донесе првата и единствена титула на Маверикс. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...

Судиска комисија ги разгледа спорните моменти од 27. коло на ПРВА МФЛ, и ги донесе следните заклучоци: На натпреварот Фк.Струга Трим Лум – Фк.Брегалница Штип одигран на 14.04.2024 година, анализирана е ситуацијата од 84 минута. Главен судија: Марјан Младеновски. Помошни судии: Куштрим Лика и Давор Цветановски. 84 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 1:2) На одбиена топка во шеснаесетникот на гостинската екипа, играч на домаќините прв стигна до топката и ја удри и одпосле играч на гостинската екипа со закаснет старт го удри противничкиот играч во ногата, притоа без да игра со топката. Исправна одлука на главниот судија, досуден пенал за домашната екипа поради недозволен (закаснет) старт на нога на играч на гостинска екипа над противнички играч. Главниот судија во оваа ситуација беше одлично поставен, со јасна прегледност. На натпреварот Фк.Гостивар – Фк.Тиквеш одигран на 13.04.2024 година, анализирана е ситуацијата од 45+3 и 67 минута. Главен судија: Крумислав Ѓорѓиев. Помошни судии: Кристијан Џонов и Владимир Митревски. 45+3 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 1:0) Во шеснаесетникот на домашната екипа на самата попречна (корнер) линија два противнички играчи во исто време во скок ја одбија топката со глава, топката дојде до играч на гостинската екипа кој бидејки до него имаше противнички играч ја удри топката и потоа домашниот играч кој стоеше близу корнер линијата избивајки ја топката, ја удри во својата рака која му беше близу телото и за таа позиција на тело во природна положба Исправна одлука на главниот судија што дозволи играта да продолжи, бидејки беше кратка дистанца помеѓу двата играча и играчот на домакините при избивање на топката се погоди во рака, која му беше близу телото и во природна положба за тоа движење на телото. Главниот судија во оваа ситуација беше перфектно поставен, со јасна прегледност. 67 минута: ИСПРАВНА ПРОЦЕНКА НА ПРВИОТ ПОМОШЕН СУДИЈА (За несигнализирано офсајд позиција на гостински играч и постигнат гол, при резултат 1:0) Играч на гостинската екипа во шеснаесетникот на домаќините додаде топка до свој соиграч, кој постигна гол и во момент на додавање се наоѓаше во линија со претпоследниот играч на екипата на домаќините. Исправна одлука на првиот помошен судија, голот е регуларен, бидејки играчот на гостинската екипа што постигна гол, во моментот на додавање на топката од својот соиграч се наоѓаше во дозволена позиција (во линија со претпоследниот играч на домакините). На останатите натпревари од 1 МФЛ немаше спорни ситуации за судиска анализа. Судиска анализа за 24 коло од ВТОРА МФЛ за сезона 23/24 Судиска комисија ги разгледа спорните моменти од 24 коло на ВТОРА МФЛ, и ги донесе следните заклучоци: На натпреварот Фк.Охрид – Фк.Новаци одигран на 13.04.2024 година, анализирани се ситуациите од 45+1 и 81 минута. Главен судија: Сашко Ристов. Помошни судии: Осман Зекири и Имран Абази. 45+1 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за гостинската екипа, при резултат 2:0) Играч на гостинската екипа додаде долга топка во шеснаесетникот на домаќините која дојде до негов соиграч, истиот ја удри топката и потоа противнички играч сакајки да ја избие топката направи недозволен старт (закаснет) над ногата на играчот на гостите. Исправна одлука на главниот судија, досуден пенал за гостинската екипа поради недозволен старт (закаснет) на играч на домаќините на ногата на противнички играч. 81 минута: ИСПРАВНА ПРОЦЕНКА И ДОБРА СОРАБОТКА НА ГЛАВНИОТ СУДИЈА И ПРВИОТ ПОМОШЕН СУДИЈА ( За досуден пенал за гостинската екипа, при резултат 2:0) Играч на гостинската екипа прими топка странично во шеснасетникот на домаќините, до него имаше противнички играч кој направи недозволен старт (газење на нога) на играчот на гостите. Исправна проценка и добра соработка на главниот судија со првиот помошен судија, досуден пенал за екипата на гостите поради недозволен старт (газење на нога) на играч на домакините над противнички играч. На натпреварот Фк Беса – Фк.Скопје одигран на 13.04.2024 година, анализирана е ситуацијата од 77 минута. Главен судија: Миле Лазов. Помошни судии: Зоран Ангелов и Ване Дупкаров. 77 минута: ПОГРЕШНА ПРОЦЕНКА НА ГЛАВНИОТ СУДИЈА ( За досуден пенал за домашната екипа, при резултат 1:1) Играч на домаќините беше во посед на топка странично во шеснаесетникот на гостинската екипа, позади него стоеше противнички играч, играчот на домаќините кога сакаше да ја удри топката падна, сакајки со тоа да изнуди контакт од противничкиот играч и пенал. Погрешна одлука на главниот судија што досуди пенал за домаќините, во оваа ситуација главниот судија требаше да досуди индиректен слободен удар за гостинската екипа и жолт картон за играчот на домакините (симулација), бидејки играчот на домакините сакаше да изнуди контакт за пенал и падна без да има прекршок од противнички играч. Иако главниот судија беше одлично поставен и со јасна прегледност, донесе погрешна одлука. На натпреварот Фк.Беласица – Фк.Саса одигран на 13.04.2024 година, анализирана е ситуацијата од 64 минута. Главен судија: Кирил Смоквоски. Помошни судии: Марјан Смилкоски и Николче Дрнковски. 64 минута: ИСПРАВНА ПРОЦЕНКА НА ГЛАВНИОТ СУДИЈА ( За досуден пенал за домашната екипа, при резултат 0:1) Играч на домашната екипа беше во посед на топка во шеснаесетникот на гостинската екипа и беше на недозволен начин турнат од позади грб од противнички играч. Исправна одлука на главниот судија, досуден пенал за домашната екипа поради недозволен старт (туркање) на играч на гостинската екипа над противнички играч. На останатите натпревари од 2 МФЛ немаше спорни ситуации за судиска анализа, Судиска анализа од реванш-натпревари на 1/2 финале Куп на Македонија за сезона 23/24 Судиска комисија ги разгледа спорните моменти од реванш-натпреварите на 1/2 финале Куп на Македонија, и ги донесе следните заклучоци: На натпреварот Фк.Македонија Ѓ.П – Фк.Воска одигран на 17.04.2024 година, анализирана е ситуацијата од 61 минута. Главен судија: Стојан Трпчевски. Помошни судии: Драган Трпчевски и Душко Панов. 61 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 1:1) Играч на гостинската екипа додаде топкка кон својот голман странично (близу корнер линијата) во својот шеснаесетник, меѓутоа домашен играч пр стигна до топката, ја удри на страна и потоа голманот со закаснет старт направи прекршок на ногата на противникот. Исправна одлука на судијата, досуден пенал за домашната екипа и доделен жолт картон за голманот на гостите поради недозволен (закаснет) старт на ногата на противникот. На вториот реванш-натпревар Фк.Тиквеш-фк.Шкупи немаше спорни ситуации за судиска анализа. Судиска комисија им честита на двата судиски тима од Куп натпреварите за нивното одлично судење. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА...