Излезноста до 9 часот изнесува 3,85 отсто
Сител - пред 1 час
Излезноста до 9 часот на првиот круг претседателски избори е 3,85%, соопшти претседателот на ДИК, Александар Даштевски на првата прес-конференција. Од вкупно 1.814.317 избирачи, од отворањето на гласачките места, до 9 часот гласале 25.744 гласачи....
Во Велес и Велешкo до 9 часот излезеноста е 4,97 проценти
Сител - пред 1 час
Во Велес и Велешко утрово во 7 часот отворени се сите 84 избирачки места. Како што информира за МИА, Андреј Ќамилов претседател на Општинската изборна комисија до 9 часот на гласачките места правото на глас за избор на претседател го оствариле 4,97 отсто од гласачите, од вкупно запишани 44 858 на единствениот избирачки список. Тој појаснува дека нивни членови на ОИК ги следат избирачкиот процес и се во постојан контакт со избирачките одбори. Тој потсети дека во текот на вчерашниот ден од 141 пријавени болни и изнемошени лица во своите домови правото на глас го оствариле 135 лица од Велес и Башино Село. Во велешкиот затвор од 33 затвореници гласале 30....
До 9 часот во Дебар еден отсто, во Центар Жупа 1,9 отсто излезеност
Сител - пред 1 час
Непречено се одвива изборниот процес од првиот круг на претседателските избори во општините Дебар и Центар Жупа. Според Рилинд Хаса претседател на ОИК-Дебар, до 9 часот правото на глас го искористиле 283 гласачи или еден отсто од вкупно запишаните 19.334 лица, колку што се запишани во единствениот Избрачки список. Претседателот на ОК-Центар Жупа, Неџип Илјаз, информираше дека до 9 часот гласале 80 граѓани или 1,9 отсто од вкупно запишаните 7.383 лица со право на глас. Членови на двете општински изборни комисии вршат редовни обиколки на гласачките места....
Тајланд сака да биде домаќин на трка во Формула 1
Сител - пред 1 час
Тајланд сака да биде домаќин на трка во Формула 1, изјави тајландскиот премиер Срета Тависин, кој денеска оствари средба со шефот на Ф1, Стефано Доменикали. „Тајланд има капацитет да биде домаќин на Формула 1 во Бангкок“, напиша шефот на владата на социјалната мреќа Икс, по разговорите во Бангкок. „Ако го направиме тоа, сигурен сум дека нашата земја ќе остави неверојатни спомени за другите, бидејќи имаме добар потенцијал, капацитет и гостопримство“, наведе Тависин. Владиниот портпарол, цитиран од локалните медиуми, рече дека трката би се организира низ улиците на стариот дел на Бангкок, познат по големиот сообраќаен метеж и проблемите со инфраструктурата. Тајланд е домаќин на трка во Светскиот шампионат во Мото ГП која секоја година се одржува во Бурирам, сиромашен, рурален регион на повеќе од пет часа возење од главниот град....
Во Неготино до девет часот гласале 5.83 проценти од гласачите
Сител - пред 1 час
Во Општина Неготино до девет часот гласале 5.83 проценти од гласачите, својот глас на денешните претседателски избори до овој период го дале 923 лица со право на глас, информираше претседателката на Општинска изборна комисија Неготино, Елизабета Камчева. Таа соопшти дека сите избирачки места се навремено отворени и дека успешно стартуваше изборниот процес за претседателските избори. Камчева потсети дека во текот на вчерашниот ден, беа пријавени и имаа можност да гласаат, согласно на законот, вкупно 142 болни и немоќни лица, како и осум лица од Неготино, сместени во старечки домови надвор од територијата на општината. - Покрај тоа, на овие избори имавме пријавено и гласање од затвор од страна на 22 лица, а на три од странство, потсети таа. Камчева додаде дека во избирачкиот список за општина Неготино, се запишани вкупно 15.840 избирачи со право на глас....
Излезноста во Струга до 9 часот 2,4 отсто, во Вевчани 5,5 проценти
Сител - пред 1 час
На првиот круг од претседателските избори во општина Струга до 9 часот излезноста е 2,4 отсто, а во Вевчани 5,5 проценти, информираат претседателите на општинските изборни комисии Минир Жута и Менка Кукоска. Изборниот процес во двете општини почна во 7 часот утрово и, според претседателите, тече непречено. Во општина Струга право на глас имаат се 60.894 гласачи, а ќе гласаат на 101 избирачко место, додека во Вевчани во единствениот избирачки список регистрирани се 2.072 гласачи, кои правото на глас можат да го остварат во едно од трите избирачки места....
Излезноста до 9 часот во Општина Тетово е 3,2 отсто
Сител - пред 1 час
До 9 часот во Општина Тетово гласале 2301 лице или 3,2 отсто од вкупниот број на 86.405 гласачи за денешниот прв круг од гласањето за избор на претседател на државата. Во Општина Тетово се гласа на вкупно 117 избирачки места. -Според податоци од 117 избирачки места гласале 2301 гласач или кажано во проценти 3,2 отсто. Процесот се одвива како што треба, нема пријавено проблеми. Се јавуваат технички проблеми со уредите, но интервенираме веднаш со луѓето од ИТ, информираше Назми Даути од ОИК Тетово. Излезноста на гласачите до 9 часот во Општина Теарце е 2,35 отсто, во Општина Боговиње 1,54 проценти, во Општина Брвеница 3,10 проценти, во Општина Желино 1,65 отсто и во Општина Јегуновце 3,35 проценти од вкупниот број гласачи....
Во Штип на гласање до 9 часот излегле 5,27 отсто од гласачите
Сител - пред 1 час
Во Штип до 9 часот на гласање излегле 5, 27 отсто од вкупниот број на избирачи информира претседателот на Општинската изборна комисија (ОИК) Штип, Виктор Вацев. Посочи дека без проблем започна гласањето во Штип. Сите 74 избирачки места беа навремено отворени во 07:00 часот утринава. Вкупно 41 489 избирачи имаат право на глас на територија на Општина Штип. Гласањето се одвива со апарати за читање отпечаток од прст, кои засега функционираат без проблеми. Но, алтернативни решенија има и доколку се појават проблеми со апаратите, се со цел граѓаните да можат да го остварат своето право на глас. - Засега гласањето се одвива без никакви проблеми, гласањето се одвива со апарати за читање отпечаток од прст, тие функционираат без проблеми, додава Вацев....
Аналитички центар на Сител: Просечна излезност до 9 часот
Сител - пред 1 час
Embedded video for Аналитички центар на Сител: Просечна излезност до 9 часот...
Грк починал во битолско казино
Сител - пред 1 час
Лекар од Итна медицинска помош Битола вчера во 18.30 часот во СВР Битола пријавил дека кај нив, од казино во хотел во Битола, бил донесен Н.К.(62), државјанин на Грција, без знаци на живот. Лекарот констатирал смрт, а по наредба на јавен обвинител телото на починатиот ќе биде дадено да се изврши обдукција. Увид на местото извршила увидната екипа на СВР Битола, информира МВР....
79-годишен дедо нападнал полицаец во Куманово
Сител - пред 1 час
79-годишен кумановец нападнал полицаец во Куманово кој бил на службена должност. – На 23.04.2024 година во 11.50 часот полициски службеници од СВР Куманово го лишиле од слобода Б.Р. (79) од Куманово, затоа што агресивно се однесувал и физички нападнал полициски службеник при извршување на службени дејствија, информираат од Секторот за внатрешни работи. Како што додаваат од полицијата, Б.Р. бил приведен во полициска станица и по целосно документирање на случајот против него ќе следува соодветна пријава....
Променливо облачно со сончеви периоди, на крајот на денот дожд
Сител - пред 3 часа
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени. Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степени Целзиусови. Како што соопшти УХМР, утре ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време....
Лични документи можат да се подигнат и денеска
Сител - пред 3 часа
Лични документи можат да се подигнат и денеска, на денот на изборите, информираат од МВР. - Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 24.04.2024 ќе работат за издавање на лични документи со работно време од 08.00 до 19.00 часот, соопштуваат од МВР. Исто така, граѓаните на Скопје, ќе можат своите лични карти да ги подигнат во полициските станици во Скопје....
Јавниот превоз во Скопје со неделен возен ред, жичницата на Водно нема да работи
Сител - пред 3 часа
Јавниот превоз денеска ќе функционира по неделен возен ред, а жичницата на Водно нема да работи, соопшто Јавното сообраќајно претпријатие Скопје. Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров....
Изборните денови 24 април и 8 мај неработни за сите граѓани
Сител - пред 3 часа
Денот на одржување на претседателските избори, 24 април 2024 година (среда) и на парламентарните избори, 8 мај 2024 година (среда) се неработни денови за сите граѓани на Северна Македонија. Работодавачите во наведените денови не треба да извршуваат дејност со исклучок на оние работодавачи каде работните процесите заради својата природа не можат да се прекинат, соопшти Државниот пазарен инспекторат (ДПИ). Овие денови, како што појаснуваат од ДПИ, се неработни согласно заклучокот на техничката Влада на Република Северна Македонија донесен на седница одржана на 16 април 2024 година. - За наведените денови Државниот пазарен инспекторат ќе воведе дежурства и преку државните пазарни инспектори ќе контролира дали заклучокот на техничката Влада се почитува од страна на работодавачите, се вели во соопштението од ДПИ....
Граѓаните гласаат за седми претседател на државата
Сител - пред 3 часа
Во земјава денеска се одржуваат седмите претседателски избори. Граѓаните ќе можат да гласаат за еден од седуммината кандидати. На 3.480 избирачки места во Републиката со право на глас во Избирачкиот список за Претседателските избори се запишани вкупно 1.814.317 гласачи. Вчера на 31 избирачко место гласаа и нашинци во дијаспората, како и затворениците и болните и немоќни лица. Гласачките места ќе бидат отворени од 7 до 19 часот. По затворањето на избирачките места ќе можат да гласаат само лицата кои во тој момент се затекнале во објектот каде што се гласа. Овие избори се карактеристични по тоа што првпат од независноста имаме толку многу кандидати за претседател, изборите се одржуваат во среда, а идентификацијата ќе се врши со фингерпринт апарати. Уникатно е и тоа што кампањата и молкот за претседателските избори се преклопија со кампањата за парламентарните избори на 8 мај. Претседателските избори, според ДИК, ќе ги следат вкупно 1601 набљудувач, од кои 915 домашни и 544 меѓународни набљудувачи, како и 84 преведувачи и 58 странски новинари. По пребројувањето на гласовите, избирачките одбори се должни записниците и другиот изборен материјал да ги достават до општинските изборни органи во рок од пет часа по завршувањето на гласањето. Надлежната ОИК потоа ги сумира резултатите од гласањето, составува записници и ги предава на ДИК. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Од преброени гласови од 3.023 од вкупно 3.480 гласачки места, или околу 87 отсто од избирачките ливчиња, Коалицијата предводена од СДСМ „Можеме“ води со освоени 36,27 отсто од гласовите. Секој подносител на листа на кандидати во постапката за гласање, сумирање и утврдување резултати од гласање може да поднесе приговор до ДИК во рок од 48 часа по завршувањето на гласањето, односно објавување на првичните резултати. ДИК е должна да реши по приговорот во рок од 48 часа по приемот. Против одлуката на ДИК може да се поднесе тужба до Управниот суд, во рок од 24 часа од приемот на решението. Управниот суд на Република Северна Македонија, пак, по жалбата е должен да донесе одлука во рок од 48 часа по нејзиниот прием. Секој избирач кому му е повредено избирачкото право во постапка на спроведување на гласањето може да поднесе приговор до ДИК во рок од 24 часа. ДИК е должна во рок од четири часа по приемот да донесе одлука. Против одлуката на ДИК гласачот може во рок од 24 часа по приемот да поднесе жалба до Управниот суд на Република Северна Македонија, кој, пак, по жалбата е должен да донесе одлука во рок од 48 часа по нејзиниот прием. ДИК може по службена должност или по поднесен приговор, со решение да го поништи гласањето на гласачкото место во одредени случаи утврдени со Изборниот законик. Против решението со кое се поништува гласањето може да се поднесе жалба до Управниот суд на Република Северна Македонија во рок од 24 часа од приемот на решението. Управниот суд е должен по жалбата да постапи во рок од 72 часа по нејзиниот прием. Повторното гласање на избирачкото место каде што е поништено се одржува 14 дена од денот на првото гласање. Вториот круг за пртседателските избори треба да се одржи на 8 мај заедно со изборите за пратеници во Собранието. Од независноста на државава на претседателската фотелја седнаа петмина претседатели. Првиот претседател Киро Глигоров и Ѓорге Иванов претседателската функција ја вршеа во два мандата, а по еден мандат имаа Борис Трајковски, Бранко Црвенковски и сегашниот актуелен претседател и кандидат за нов мандат Стево Пендаровски....
Народниот правобранител со бесплатна телефонска линија за пријавување повреда на избирачко право
Сител - пред 3 часа
Во канцеларијата на Народниот правобранител, денеска од 7 до 19 часот, на денот на одржување на првиот круг за избор на Претседател на државата, граѓаните ќе можат да пријават каква било повреда на избирачкото право на бесплатната телефонска линија 0800 54321. Како што соопшти Народниот правобранител, освен на бесплатната телефонска линија, граѓаните ќе можат да пријават повреди на избирачкото право и лично во главната канцеларија во Скопје, што се наоѓа на улицата „Македонија“ бр.19 во зградата на ТД „Макошпед“ (спроти Спомен куќата на Мајка Тереза). Повреди на избирачкото право може да се пријават и во подрачните канцеларии во Струмица на тел.бр.(034)329-996, Кичево на тел. бр (045).228-586, Тетово на тел. бр.(044) 344-082, Битола на тел. бр.(047) 242-310, Штип на тел. бр. (032) 389-701 и во Куманово на тел. бр .(031) 431-488. Народниот правобранител најавува дека со цел заштита на избирачкото право на граѓаните ќе презема итни мерки за ефективно постапување од странa на надлежните органи во изборниот процес и другите институции кои, потенцира, се должни да им обезбедат заштита на граѓаните остварување на нивното загарантирано избирачко право....
Отворени избирачките места, право на глас имаат 1.814.317 граѓани
Сител - пред 3 часа
Во 7 часот почна гласањето на првиот круг од седмите претседателски избори. Се гласа на 3.480 избирачки места во земјава, на кои до 19 часот правото на глас можат да го искористат 1.814.317 граѓани. Според заклучениот Избирачки список на Државната изборна комисија, за гласање во државата се запишани 1.713.758 избирачи, 95.116 избирачи се на привремена работа или престој во странство, а 2.147 се на издржување казна затвор или се во притвор. Во посебниот извод од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се евидентирани 2.569 избирачи, како и 191 член членови и заменик членови на избирачките одбори кои ќе спроведат гласање во ДКП-та. Запишани се и 534 избирачи, кои поднеле пријава за гласање, во посебниот извод од Избирачкиот список за лица кои за време на изборите се наоѓаат во установи за вон семејно згрижување, како и двајца избирачи со статус на внатрешно раселени лица, согласно евиденцијата на Министерството за труд и социјална политика. Вчера, ден пред изборите можеа да гласаат вкупно 6.935 болни и изнемоштени, затвореници во Казнено-поправните домови и лица во притвор, во старски домови и наши државјани во странство....
Упатство за гласање на претседателските избори
Сител - пред 3 часа
Државната изборна комисија објави упатство за гласање на граѓаните. Во него во 18 точки се појаснуваат начинот и процесот на гласање на избирачките места. Во продолжение е целосното упатство на ДИК за гласање на претседателските избори: 1. Гласањето се врши лично на гласачките места во Република Северна Македонија и во ДКП/КК. 2. Избирачкиот одбор на гласачите им го објаснува начинот на гласање и им овозможува да гласаат. 3. Гласачот може само еднаш да се појави на гласачкото место за остварување на своето избирачко право. 4. Гласачот го приложува документот за лична идентификација – важечка лична карта или патна исправа, односно лична карта или патна исправа чија важност истекла во периодот од 24 јули 2023 до 24 април 2024 година. 5. Гласачот става отпечаток од показалецот од десната рака на уредот за биометриска идентификација, а доколку гласачот нема десен показалец се зема отпечаток од показалецот од левата рака или во случај на гласачот да му недостигаат овие два прста се зема отпечаток од наредниот прст од десната рака. 6. Доколку гласачот нема две раце гласачот се внесува во техничката опрема со пребарување преку неговиот единствен матичен број (ЕМБГ). 7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во електронскиот избирачки список, гласачот се внесува во УБИГ преку отчитување на личниот документ на МРЗ скенерот или преку внесување на единствениот матичен број (ЕМБГ), а потоа гласачот става отпечаток од прст на УБИГ. 8. По потврдувањето на идентитетот, гласачот го става својот потпис во изводот од Избирачкиот список. 9. Гласачкото ливче се откинува од кочанот по нумерички редослед, му задолжително се става печат на предната страна на местото определено за печат и потоа му се дава на гласачот. 10. Гласачот добива едно гласачко ливче. 11. Гласачот гласа сам, тајно зад гласачки параван. 12. Гласачот гласањето го врши на тој начин што го заокружува редниот број пред називот/името на листата со хемиско пенкало со мастило во сина боја. 13. Превитканото гласачко ливче гласачот го става во гласачката кутија. 14. Гласачот го подигнува документот за лична идентификација. 15. Гласач кој има физички недостаток или е неписмен и поради тоа не може да гласа на начин утврден со Изборниот законик, со себе има право да доведе лице кое ќе му помогне при гласањето. Ако не доведе со себе лице кое ќе му помогне при гласањето, тогаш избирачкиот одбор ќе определи друго лице од редот на гласачите. Лицето не смее да влијае врз одлуката на гласачот. 16. Забрането е семејното и групното гласање, како и гласањето за друго лице. 17. Забрането е фотографирање на гласачкото ливче со мобилен телефон или апарат за фотографирање. 18. Забрането е носење оружје на гласачкото место....
Може да гласаат и граѓаните со истечени лични документи од 24 јули 2023 година
Сител - пред 3 часа
На претседателските избори денеска можат да гласаат и граѓаните на кои по кој било основ, по сила на закон или по рок на важност им истекле личните документи на 24 јули 2023 година до 24 април. Согласно преодната одредба од измените на Изборниот законик која ќе се применува само за изборите оваа година, избирачите ќе може да гласаат со лична карта или со патна исправа чија што важност истекла во периодот од девет месеци до денот на одржување на изборите. Оваа одредба од Изборниот законик е составен дел на Упатството на Државната изборна комисија за начинот на утврдување на идентитетот на гласачите. Истата одредба ќе се применува и на парламентарните избори со тоа што на нив ќе можат да гласаат граѓаните на кои по кој било основ, по сила на закон или по рок на важност им истекле личните документи од 8 август 2023 година до денот на изборите 8 мај. Собранието на 7 март во рамки на 147. седница по скратена постапка без расправа ги изгласа измените и дополнувањата на Изборниот законик. Како што појаснија предлагачите, целта на овие измени беше да се допрецизира постојната правна рамка и да се доуредат одредбите од постојното законско решение во насока на инклузивен изборен процес за сите учесници на изборите....
Медиуми: УЕФА ќе дозволи 26 фудбалери на ЕУРО2024
Сител - пред 4 часа
Европската фудбалска унија (УЕФА) ќе им дозволи на селекторите во своите репрезентации за претстојното Европско првенство во Германија да повикаат 26 фудбалери, тројца повеќе од сегашниот лимит, објавија денеска британските медиуми. Како што објави Скај, Националниот комитет за натпреварување на УЕФА на состанок одржан во понеделник одлучи да им дозволи на селекторите да доведат уште тројца играчи, по предлогот на некои селектори да се зголеми бројот на играчи поради згуснатиот натпреварувачки распоред оваа сезона и можните повреди. УЕФА и на претходното Европско првенство во 2021 година, дозволи проширување на списокот играчи за ова натпреварување, по пандемијата на коронавирус, а како што објави Скај, се чини дека тоа отсега ќе стане норма за репрезентативните натпреварувања на УЕФА. Одлуката сè уште не е официјално донесена, бидејќи мора да ја одобри Извршниот комитет на УЕФА, но според извештаите, се очекува тоа да биде формалност и да биде потврдено до крајот на оваа недела. Европското првенство ќе се одржи од 14 јуни до 14 јули во Германија....
Американскиот Сенат одобри 95 милијарди долари помош за Украина, Израел и Тајван
Сител - пред 5 часа
Американскиот Конгрес ноќеска го одобри пакет помош од 61 милијарда долари за Украина, што се случи по неколкумесечен застој заради спротиставувањето на тврдото крило во Републиканската партија, јави ДПА. Во американскиот безбедносен пакет помош, вреден вкупно 95 милијарди долари, покрај Украина, опфатени се и Израел и Тајван, додаде германската агенција. Пакетот помош предвидува 61 милијарда долари за Украина, 26 милијарди за Израел и околу 8,12 милијарди за „спротивставување на комунистичка Кина“ во Индо-Пацификот. За усвојување на законот гласаа 79 сенатори, додека 18 беа против, што е многу повеќе од потребното мнозинство во Сенатот од 100 членови за законот да биде усвоен. Според уставната процедура законот сега треба да го потпише и претседателот на САД, Џо Бајден. -Ќе го потпишам овој предлог-закон и ќе му се обратам на американскиот народ штом ќе стигне утре за да може уште неделава да почнеме со испраќање оружје и опрема во Украина, рече Бајден кратко по гласањето, додавајќи дека сака да започне со испорака на оружје и опрема за Украина оваа недела. „Со усвојувањето на законодавниот пакет, кој вклучува и милијарди долари помош за Израел и Тајван, американскиот Конгрес ја покажа моќта на американското лидерство во светот“, рече Бајден. -Ние одлучно се залагаме за демократија и слобода и против тиранијата и угнетувањето, додаде американскиот претседател. „Овој закон ќе ги направи нашата нација и светот побезбедни бидејќи ги поддржуваме нашите пријатели кои се бранат од терористи како Хамас и тирани како Путин“, рече Бајден. Украинскиот претседател Володимир Зеленски му се заблагодари на американскиот Сенат „за одобрувањето на виталната помош за Украина“. -Ова гласање ја зајакнува улогата на Америка како светилник на демократијата и лидер на слободниот свет, изјави Зеленски, пренесе ДПА. Претходно вчера, портпаролот на Пентагон, Пат Рајдер, им изјави на новинарите во Вашингтон дека нова воена помош може да биде доставена до Украина „во рок од неколку дена“. Испораките ќе бидат „засновани на најитните потреби на Украина“, рече Рајдер. „Мислам дека е добра претпоставка да се очекува дека ќе вклучува капацитети за воздушна одбрана, како и артилериска муниција....
Наставниците во Тенеси ќе можат да носат пиштоли на училиште
Сител - пред 5 часа
Пратениците во американската сојузна држава Тенеси вчера усвоија закон со кој на наставниците во државата ќе им се овозможи да носат скриени пиштоли на училиште, додека демонстранти од галеријата гласно протестираа против тоа. Нацрт-законот беше одобрен со 68 гласа „за“ наспроти 28 гласови против во Претставничкиот дом на Тенеси, во кој доминираат републиканците. Државниот Сенат го усвои законот претходно овој месец. Тенеси има жестока дебата за законите за оружје по минатогодишното пукање во училиште во Нешвил во кое загинаа три деца и тројца возрасни членови на персоналот. Некои од демократите во Претставничкиот дом помогнаа во организацијата на протестите во главниот град, што доведе до нивно кратко протерување од законодавниот дом минатата година. Околу половина од сите американски држави им дозволуваат на наставниците или другите вработени во училиштата да носат огнено оружје во просторот на училиштето, наведува Правниот центар Гифордс, група за безбедност на оружје. Според законот на Тенеси, секое лице кое сака да носи скриен пиштол на училиште мора да заврши најмалку 40 часа обука во училишната полиција. Трошоците за обуката заедно со огненото оружје се на товар на поединецот. Според предлог-законот, идентитетот на наставникот или членот на персоналот што носи оружје нема да биде јавен. Директорите на училиштата мора да дадат одобрение за лицето да носи оружје, а началниците на локалната полиција мора да бидат информирани за идентитетот на носителот....
Маж во САД ги убил сопругата и трите деца по што се самоубил
Сител - пред 5 часа
Пет мртви тела, меѓу кои и три деца, се пронајдени во куќа во американската сојузна држава Оклахома. Од полицијата велат дека мажот ги убил сопругата и трите деца, а потоа се самоубил. Полицијата верува дека Џонатан Кенди (42) се скарал со сопругата, 39-годишната Линдзи Кенди, а потоа пукал повеќе пати. -Потоа, тој ја обиколил куќата, барајќи ги децата и пукал во нив. Убиени се 18-годишниот Дилан, 14-годишниот Итан и 12-годишниот Лукас. Ги бркал децата низ куќата, соопшти полицијата, пренесе Еј-би-си Њуз. Целиот страшен настан го преживеал само десетгодишниот син, кој спиел за време на пукањето. Десет-годишното момче се јавило на 911 во понеделникот наутро и кажало дека сите во куќата се мртви. Засега не е познато зошто 10-годишното момче не е повредено....
Врховен задутре ќе одржи јавна седница по жалбата на таткото на Вања против мерката притвор
Сител - пред 15 часа
Врховниот суд в четврток ќе одржи јавна седница по изјавената жалба на осомничениот Александар Ѓорчевски, татко на убиената Вања Ѓорчевска, против решението на Апелацискиот суд Скопје за мерката притвор. Ова е втора јавна седница пред Врховниот суд по мераката притвор на таткото на Вања. - Врховниот суд ја известува јавноста дека по изјавената жалба на осомничениот А. Ѓ. од Скопје, преку неговиот бранител Владимир Туфегџиќ, адвокат од Скопје, против решението на Апелационен суд Скопје КСЖ-320/23 од 02.04.2024 година, по која е формиран предмет во Врховниот суд на Република Северна Македонија како ВКЖ1-14/24, на барање на одбраната закажана е јавна седница за 25.04.2024 година со почеток во 10:00 часот, се вели во соопштението од Врховен. Претходно во март годинава Врховен ја одби како неоснована жалбата против мерката „притвор“ на Ѓорчевски, по решението на Апелациониот суд Скопје КСЖ-223/24 од 01.03.2024 година. Малолетната Вања Ѓорчевска, која беше пријавена за исчезната на 27 ноември, беше пронајдена мртва во близина на Скопје на 3 декември, кога во близина на Велес беше пронајден мртов и велешанецот Панче, кој, пак, беше пријавен за исчезнат на 24 ноември. За двете убиства, за две кривични дела „грабнување“ и „убиство на свиреп начин“ првообвинет е Љубомир Палевски Палчо, за кого се чека екстрадиција од Турција, а за соучество се товарат и Велибор Манев, Влатко Кешишов и Боре Видевски кои се во притвор во Скопје. Во притвор е и таткото на Вања, Александар Ѓорчевски, кој се сомничи дека помагал во грабнувањето со тоа што, како што соопштија своевремено надлежните, споделувал информации со другите осомничени за движењето на неговата ќерка. По предлог на надлежен обвинител беше укинат притворот на Стефан Димовски, возачот на Љупчо Палевски-Палчо, кој е осомничен за помагање при бегството. На Димовски му се определени мерки на претпазливост - забрана за напуштање на живеалиште, одземање патна исправа и обврска за јавување во суд....
Тема на денот со претседателот на ДИК, Александар Даштевски
Сител - пред 15 часа
Embedded video for Тема на денот со претседателот на ДИК, Александар Даштевски...
ВО ЖИВО: Нема настава во сабота
Сител - пред 15 часа
Embedded video for ВО ЖИВО: Нема настава во сабота...
Пожар зафати куќа во неготинско Долни Дисан
Сител - пред 15 часа
Пожар зафати попладнево дел од куќа во неготинско Долни Дисан, информацијата ја потврдија за МИА од Територијална противпожарна единица Неготино. - Веднаш по дојавата, заминавме на лице место. За среќа, пожарот го зафати само долниот дел од куќата и нема поголеми штети, рекоа од Противпожарната единица. Оттаму појаснија дека интервенирале со две противпожарни возила и пет пожарникари. - Огинот е изгаснат, едно возило и двајца пожарникари остануваат да ја следат ситуацијата уште некое време, истакна командирот на Противпожарната единица Стојче Атанасов....
Агресијата кај учениците е резултат на целокупната состојба во државата
Сител - пред 15 часа
Embedded video for Агресијата кај учениците е резултат на целокупната состојба во државата...
Министерот се премисли: Основците нема да одат на училиште во сабота
Сител - пред 15 часа
Embedded video for Министерот се премисли: Основците нема да одат на училиште во сабота...
ССК: Кога среда е неработен ден, сте ја изгубиле цела недела
Сител - пред 16 часа
Embedded video for ССК: Кога среда е неработен ден, сте ја изгубиле цела недела...
Водителот Марко Новески стана татко на близначиња
Сител - пред 18 часа
ТВ и радио водителот Марко Новески денеска стана татко на близнаци. Неговата сопруга Цена на свет донесе момче и девојче, а гордиот татко веднаш се пофали на социјалните мрежи. – Добредојдовте Вања и Веда и фала ти Цена што ми го оствари најголемиот сон ТЕ САКАМ, напиша Марко во прилог на фотографијата од близнаците. Познатиот македонски водител стапи во брак со саканата Цена Плавевска во август 2021 година....
Цената на лебот засега е стабилна и нема да се менува, велат од Агро-бизнис комората при ССК
Сител - пред 19 часа
Неизвесно е што ќе се случува со војната во Украина и на Блискиот Исток која директно се рефлектира врз цената на нафтата. Не се знае ниту каква ќе биде жетвата во Русија и Украина и што ќе се случува со производството на жито. Но, во овој момент цената на лебот е стабилна и ќе остане иста, вели Горан Ѓорѓиевски од Агро-бизнис комората при Сојузот на стопански комори (ССК). Тој денеска, одговорајќи на новинарски прашања, истакна дека бизнисот и натаму стои зад либералниот концепт, дека секогаш понудата и побарувачката треба да ја одредуваат конечната цена. Според претседателот на ССК, Трајан Ангелоски, Законот за забрана на нефер трговски практики и лимитирањето на цените на одредени прехранбени производи се две различни прашања. Конкретно, во однос, на лебот, потрошувачката, како што напомена Ангелоски, е на речиси исто ниво од пред лимитирањето на цените зашто голем дел од луѓето купуваат и други типови леб, чија цена не е ограничена. Во однос на растот на цената на нафтата, Ангелоски е дециден дека онаму каде нафтата игра позначајна улога во цените, тоа ќе се одрази на пазарот. - Цената на лебот ќе остане иста, стабилна е. Не знаеме што ќе се случува во однос на војната во Украина и на Блискиот Исток која директно се рефлектира на цената на нафтата, не знаеме ниту каква ќе биде жетвата во Русија и Украина и што ќе се случува со производството на жито. Повеќе параметри влијаат на финалната цена, но во овој момент ќе има иста цена на лебот. Инаку, ние стоиме зад либералниот концепт што го заговараме, дека секогаш понудата и побарувачката треба да ја одредува конечната цена. Малку помош имаше бизнисот во изминатиот период за да се овозможи да има некоја соодветна ниска цена. Кризата која траење две години, бизнисот ја износи на свои плеќи за разлика од регионот каде другите држави имаа сериозна помош - субвенционирана цена на електрична енергија од 80 евра за мегават час, активирање на стоковните резерви кои дојдоа до бизнисот и овозможија пониски цени. Кај нас не беше така и практично, овозможивме многу ниска цена на производите иако немавме никаква помош и субвенции од страна на државата, рече Ѓорѓиевски. Ангелоски потсети дека нафтата не е единствениот фактор што се одразува врз цените. -Тука е цената на работна сила. Луѓето кои произведуваат леб и други прехранбени производи ќе траба да ги платите повеќе, а со тоа автоматски расте и цената на тие производи. Тоа е еден затворен круг. Но, не треба да се фокусираме на тоа колку може цените да бидат ниски, туку колку нашата економија може да порасне. Цените никогаш не може да бидат толку ниски, колку што ќе биде лош резултатот на нашата економија или да бидат толку ниски за да имаме комотен живот. Не постои таква економска логика. Мора повеќе да произведуваме, да остваруваме повеќе доход, а цените ќе растат согласно светските случувања, независно дали ќе влијаат нафтата, житото или другите берзански производи. Да видиме каква ќе биде следната жетва во Украина и Русија, ако биде со помали количини, каква ќе биде цената на житото, помала или поголема? Ни требаат здрави економски политики и здрави реформи, нашата економија не смее да произведува еден процент раст, туку пет, шест и повеќе, потенцира претседателот на ССК. И тој и Ѓорѓиевски оценија дека земјава по кризата, во овие две години, не презема ниту една реална мерка, а мора да ја намали зависноста од енергенси како нафтата. Во однос на листата на Министерството за економија која предвидува над 2 500 производи да бидат со ограничени маржи до 10 отсто, Ангелоски рече дека ССК реагирала зашто меѓу производите се и вискито, како и пармезанот, но досега од Министерството не добила никаков одговор. -При презентацијата на Законот за нефер трговски практики, ни беше кажано дека третира и производи како виски и пармезан. За нас беше чудно што ваквите луксузни производи треба да бидат третирани со ваков Закон. Ние реагиравме и подготвивме соодветен одговор кој сметаме дека е многу реален. Побаравме сите прехранбени производи третирани со пет и десет проценти ДДВ и плус го додадовме виното, пивото, но не можете да ги ограничувате цените на одредени деликатесни увозни производи, треба да ги разбереме и тие трговски ланци, тие мора да создадат профит. Оставете им на луксузните производи да си создаваат профит на економски начин - конкуренција, понуда, побарувачка, но за основните, да, може да обрнуваме внимание, на некој начин да ги лимитираме зашто влијаат во секојдневното живеење на луѓето. Не верувам дека вискито е производ што ни значи на сите на дневна основа. Доставивме допис до Министерството за економија, но до сега немаме добиено одговор, истакна Ангелоски. Осврнувајќи се на денешната тркалезна маса, тој посочи дека зелената транзиција е неповратен процес што ќе мора да го спроведат сите домашни компании. -До 2026 година се одредени пет групи, челик, алуминиум, челични производи, ќе мора јасно да се дефинира процентот на карбон футпринт и да се плаќаат царини на влез на нашите производи во ЕУ според процентот што се емитира во текот на производството на енергенсите кои се употребуваат. Затоа е препорачливо македонските компании што поскоро да се посветат на употреба на обновливи извори на енергија, треба да употребиме модерна технолопгија за да добиеме енргија од овие извори, рече Ангелоски на настанот на кој имаше учесници од Европа, а најмногу од Австрија, Португалија и Финска. Во фокусот на тркалезната маса се зелените иновативни технологии и градењето центри за извонредност и едукација....
Просечната плата во февруари изнесува 39.276 денари
Сител - пред 19 часа
Според податоците на Државниот завод за статистика, индексот на просечната месечна исплатена бруто-плата по вработен во февруари 2024 година, во однос на февруари 2023 година, изнесува 116.8. Просечната месечна исплатена нето-плата по вработен, во февруари 2024 година, изнесува 39 276 денари. Ваквото зголемување се должи, пред сѐ, на зголемувањето на просечната месечна исплатена бруто-плата по вработен во секторите: Јавна управа и одбрана; задолжително социјално осигурување (25.4 %), Административни и помошни услужни дејности (22.8 %) и Уметност, забава и рекреација (20.3 %). Намалување на просечната месечна исплатена бруто-плата по вработен, во однос на претходниот месец, е забележано во секторите: Транспорт и складирање (9.8 %), Рударство и вадење на камен (7.4 %) и Земјоделство, шумарство и рибарство (5.1 %). Просечната месечна исплатена бруто-плата по вработен, во февруари 2024 година, изнесува 58 967 денари....
Минималната синдикална кошница за април 60.212 денари, зголемена за 1.214 денари во однос на март
Сител - пред 19 часа
Минималната синдикална кошница за април изнесува 60.212 денари и е за 1.214 денари повисока отколку во март годинава кога беше 58.998 денари. Со изнајмен стан од 60 квадратни метри, пак, изнесува 75.587 денари, соопшти Сојузот на синдикати на Македонија (ССМ). Според пресметката на ССМ, од минималната синдикална кошничка едно четиричлено семејство за храна и пијалаци треба да одвои 22.200 денари или 36,9 отсто, за облека и обувки 4.866 денари, односно 8,1 отсто, за станарина, вода, електрична енергија, и греење 6.014 денари или 10 отсто, за лична хигиена и одржување на хигиена во домот 1.827 денари или 3 отсто, за здравје 1.059 денари или 1,8 отсто, за транспорт 5.068 денари, односно 8,4 отсто. За комуникации на едно четиричлено семејство во април годинава му биле неопходни 3.004 денари, односно 5 отсто од износот на минималната кошничка, за рекреација и култура 4.378 денари или 7,3 отсто, за образование 6.955 денари или 11,6 отсто, за ресторани и хотели 3.890 денари или 6,5 отсто, а за останати стоки и услуги 950 денари, односно 1,6 отсто. Доколку живеат во изнајмен стан потребни им се дополнителни 15.375 денари....
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
Сител - пред 19 часа
Embedded video for Просечната плата помала за 5 евра, трошоците зголемени за 20 евра - синдикалната кошничка надмина 1.000 евра...
Протест во прилепскиот затвор
Сител - пред 20 часа
Embedded video for Протест во прилепскиот затвор...
Ученикот кој претепа наставничка ќе биде префрлен во друго училиште
Сител - пред 20 часа
Embedded video for Ученикот кој претепа наставничка ќе биде префрлен во друго училиште...
Супервештачење за случајот Веапоска која остана без три органи
Сител - пред 20 часа
Embedded video for Супервештачење за случајот Веапоска која остана без три органи...
ДСЗИ констатира незаконско работење на Токсикологија – лица без договор за работа давале здравствени услуги
Сител - пред 20 часа
Embedded video for ДСЗИ констатира незаконско работење на Токсикологија – лица без договор за работа давале здравствени услуги...
Управен ја запре постапката за вработување на 130 кандидати за идни судии и јавни обвинители
Сител - пред 20 часа
Embedded video for Управен ја запре постапката за вработување на 130 кандидати за идни судии и јавни обвинители...
Гласаат затворениците во Штип
Сител - пред 20 часа
Embedded video for Гласаат затворениците во Штип...
Гласање во затвор „Идризово“, запишани 887 избирачи
Сител - пред 20 часа
Embedded video for Гласање во затвор „Идризово“, запишани 887 избирачи...
Во Југоистокот на државата запишани 1547 болни и изнемоштени лица
Сител - пред 20 часа
Embedded video for Во Југоистокот на државата запишани 1547 болни и изнемоштени лица...
ДИК објави упатство за гласање на претседателските избори
Сител - пред 22 часа
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање. УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ 1. Гласањето се врши лично на гласачките места во Република Северна Македонија и во ДКП/КК. 2. Избирачкиот одбор на гласачите им го објаснува начинот на гласање и им овозможува да гласаат. 3. Гласачот може само еднаш да се појави на гласачкото место за остварување на своето избирачко право. 4. Гласачот го приложува документот за лична идентификација – важечка лична карта или патна исправа, односно лична карта или патна исправа чија важност истекла во периодот од 24 јули 2023 до 24 април 2024 година. 5. Гласачот става отпечаток од показалецот од десната рака на уредот за биометриска идентификација, а доколку гласачот нема десен показалец се зема отпечаток од показалецот од левата рака или во случај на гласачот да му недостигаат овие два прста се зема отпечаток од наредниот прст од десната рака. 6. Доколку гласачот нема две раце гласачот се внесува во техничката опрема со пребарување преку неговиот единствен матичен број (ЕМБГ). 7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во електронскиот избирачки список, гласачот се внесува во УБИГ преку отчитување на личниот документ на МРЗ скенерот или преку внесување на единствениот матичен број (ЕМБГ), а потоа гласачот става отпечаток од прст на УБИГ. 8. По потврдувањето на идентитетот, гласачот го става својот потпис во изводот од Избирачкиот список. 9. Гласачкото ливче се откинува од кочанот по нумерички редослед, му задолжително се става печат на предната страна на местото определено за печат и потоа му се дава на гласачот. 10. Гласачот добива едно гласачко ливче. 11. Гласачот гласа сам, тајно зад гласачки параван. 12. Гласачот гласањето го врши на тој начин што го заокружува редниот број пред називот/името на листата со хемиско пенкало со мастило во сина боја. 13. Превитканото гласачко ливче гласачот го става во гласачката кутија. 14. Гласачот го подигнува документот за лична идентификација. 15. Гласач кој има физички недостаток или е неписмен и поради тоа не може да гласа на начин утврден со Изборниот законик, со себе има право да доведе лице кое ќе му помогне при гласањето. Ако не доведе со себе лице кое ќе му помогне при гласањето, тогаш избирачкиот одбор ќе определи друго лице од редот на гласачите. Лицето не смее да влијае врз одлуката на гласачот. 16. Забрането е семејното и групното гласање, како и гласањето за друго лице. 17. Забрането е фотографирање на гласачкото ливче со мобилен телефон или апарат за фотографирање. 18. Забрането е носење оружје на гласачкото место....
Тешко повреден пешак во сообраќајка на „Партизанска“ во Скопје
Сител - пред 22 часа
Синоќа на булеварот Партизански одреди во Скопје мотоцикл „дукати“ со скопски регистарски ознаки, управуван од Е.П.(27) од Скопје, удрил во пешакот Н.Ѓ.(30) од с.Рашче, скопско. Во несреќата со тешки телесни повреди се здобил пешакот, додека мотоциклистот се здобил со телесни повреди, констатирани во Комплексот клиники „Мајка Тереза“ Скопје, објави МВР. Извршен бил увид од увидна екипа од СВР Скопје....
Граѓаните со истечени лични документи од 24 јули 2023 година ќе може да гласаат на утрешните претседателски избори
Сител - пред 22 часа
Согласно преодната одредба од измените на Изборниот законик која ќе се применува само за изборите оваа година, избирачите ќе може да гласаат со лична карта или со патна исправа чија што важност истекла во периодот од девет месеци до денот на одржување на изборите. На претседателските избори утре ќе може да гласаат граѓаните на кои по кој било основ, по сила на закон или по рок на важност им истекле личните документи на 24 јули 2023 година до 24 април. Оваа одредба од Изборниот законик е составен дел на Упатството на Државната изборна комисија за начинот на утврдување на идентитетот на гласачите. Истата одредба ќе се применува и на парламентарните избори со тоа што на нив ќе можат да гласаат граѓаните на кои по кој било основ, по сила на закон или по рок на важност им истекле личните документи од 8 август 2023 година до денот на изборите 8 мај. Собранието на 7 март во рамки на 147. седница по скратена постапка без расправа ги изгласа измените и дополнувањата на Изборниот законик. Како што појаснија предлагачите, целта на овие измени беше да се допрецизира постојната правна рамка и да се доуредат одредбите од постојното законско решение во насока на инклузивен изборен процес за сите учесници на изборите....
До четврток облачно со дожд, од петок стабилизирање на времето
Сител - пред 22 часа
Во следните два дена ќе преовладува променливо облачно време со повремени врнежи од дожд. Во четврток врнежите локално ќе бидат поројни, проследени со појава на грмежи, а на повисоките планини ќе преминуваат во повремен слаб снег. Како што најавуваат од УХМР од петок следува период на претежно стабилно и потопло време. Времето денеска е облачно со повремени врнежи од дожд, наместа пообилни (над 20 l/m2) и поројни, проследени со ретки грмежи, особено во западните и јужните делови. Ќе дува слаб до умерен, а долж Повардарието и во источните делови повремено засилен ветер од југоисточен правец. Максималната температура ќе биде во интервал од 10 до 16 степени. Времето во Скопје облачно со повремени врнежи од дожд повремено поројни, а во делови од котлината со услови за појава на ретки грмежи. Ќе дува слаб до умерен јужен ветер. Tемпературата ќе се движи до 12 степени целзиусови....
Инспекторатот ќе контролира дали рабодавачите ја почитуваат владината одлука за неработен ден
Сител - пред 22 часа
Државниот пазарен инспекторат им укажува на сите работодавачи дека согласно Заклучокот на Техничката Влада деновите на изборите – 24 април 2024 година (среда) и 8 мај 2024 година (среда) се неработни денови за сите граѓани. „Работодавачите во наведените денови не треба да извршуваат дејност со исклучок на оние работодавачи каде работните процесите заради својата природа не можат да се прекинат“, порачаа од инспекторатот. За наведените денови, Државниот пазарен инспекторат ќе воведе дежурства и преку државните пазарни инспектори ќе контролира дали Заклучокот на Техничката Влада се почитува од страна на работодавачите....
Прилепските цркви и годинава со хуманитарна акција пред Велигден
Сител - пред 22 часа
Embedded video for Прилепските цркви и годинава со хуманитарна акција пред Велигден...
ССМ повикува на масовна поддршка на првомајскиот протест
Сител - пред 22 часа
Embedded video for ССМ повикува на масовна поддршка на првомајскиот протест...
Гласањето во Прилеп без проблеми
Сител - пред 22 часа
Embedded video for Гласањето во Прилеп без проблеми...
Гласаат затворениците во Идризово
Сител - пред 22 часа
Embedded video for Гласаат затворениците во Идризово...
Македонија се подготвува за седмите претседателски избори
Сител - пред 22 часа
Embedded video for Македонија се подготвува за седмите претседателски избори...
УЈП: Се продолжува рокот за поднесување на ДДВ-04 пријавите до 26 април 2024 година
Сител - пред 22 часа
Управата за јавни приходи соопшти дека пропишаниот рок за поднесување на Пријавите за данокот на додадена вредност “ДДВ–04“ кој истекува на 25 април 2024 година, се продолжува за еден ден, односно, краен рок за поднесување на пријавите ДДВ - 04, ќе се смета 26 април 2024 година. Како што појаснуваат од УЈП, рокот се продолжува согласно одлуката на Владата, со која 24 април 2024 година (среда) се прогласува за неработен ден за сите граѓани....
ДИК: Гласањето во затворите тече без проблеми
Сител - пред 22 часа
Гласањето за претседателските избори во 14-те казнено - поправни установи во земјава до овој момент се одвива без проблеми, соопшти Државната изборна комисија. - На гласачките места во 14 казнено поправни установи своето гласачко право денеска ќе можат да го остварат 2.147 гласачи. Сите гласачки места во казнено поправните установи се отворени утрово во 7 часот и гласањето таму ќе трае до 19 часот. До овој момент гласањето тече без проблеми, се посочува во соопштението од ДИК. Денеска, 2.569 гласачи своето право на глас ќе можат да го остварат во 31 гласачко место во ДКП каде што се пријавиле да гласаат, а чии што пријави се прифатени од страна на Државната изборна комисија. Гласачкото право во единствениот центар за внатрешно раселени лица ќе можат да го остварат и двајца гласачи кои се водат како внатрешно раселени. Непречено се одвива гласањето на штитениците од Домот за стари лица „Киро Крстески – Платник“ во Прилеп за првиот круг од Претседателските избори. Правото на глас во Домот денеска го остварув Во текот на денешниот ден избирачките одбори во Република Северна Македонија ќе го спроведат гласањето на лица кои се болни или немоќни, а до општинските изборни комисии доставиле известувања со соодветна документација. Во своите домови гласачкото право ќе го остварат 6.935 граѓани кои се пријавиле како болни или немоќни. Денеска 534 гласачи кои се сместени во 20 центри за вонсемејна грижа ќе имаат можност да го остварат своето право на глас во центарот каде што се сместени. Со право на глас во Избирачкиот список за Претседателските избори се запишани вкупно 1.814.317 гласачи. Од ДИК информираат дека постои изразен интерес и за набљудување на овие избори од страна на домашни, странски и меѓународни организации и медиуми. ДИК досега издаде акредитации за набљудување на 342 домашни, 517 странски и меѓународни набљудувачи, 51 преведувач и 32 странски новинари. На сите граѓани на располагање им се и интернет страницата на ДИК www.sec.mk, како и страниците на социјалните мрежи Фејсбук, X, Инстаграм, како и каналот на Јутјуб, каде што ќе можат да најдат правовремени и точни информации поврзани со изборите....
МВР, ЈО и АНБ комплетно подготвени за претстојните претседателски избори
Сител - пред 22 часа
Во врска со претстојните избори денеска во просториите на Министерството за внатрешни работи, министерот Панче Тошковски одржа состанок на кој присуствуваа дополнителниот заменик министер Митко Бојмацалиев, директорот на Бирото за јавна безбедност Сашо Тасевски, директорот на Агенцијата за национална безбедност Зарко Милошевски, републичкиот јавен обвинител Љупчо Коцевски и претседателот на Комисијата во Јавното обвинителство на РСМ за следење на евентуални изборни нерегуларности Џељаљ Бајрами. На состанокот министерот Тошковски најпрво се заблагодари за одвоеното време и досегашната успешна соработка на сите чинители кои се одговорни за безбедно спроведување на изборниот процес и потенцираше дека досега не се констатирани посериозни активности кои се насочени кон нарушување на истиот. Исто така, побара од присутните секој во својот делокруг да сподели информации кои се од интерес за спроведувањето на изборите и начинот на кој ќе постапуваат институциите за време на изборниот ден. Од страна на дополнителниот заменик министер за внатрешни работи Бојмацалиев беше потенцирана тенденцијата од година во година да имаме сѐ помирни избори, со исто очекување за годинешните изборни процеси, бидејќи МВР е подготвено да биде на висината на задачата да спроведе уште едни фер, слободни и демократски избори по европски терк. Од страна на директорот на БЈБ беа презентирани информации во врска со Оперативната акција Претседателски и парламентарни избори 2024 година и во таа насока посочи дека од страна на Оперативниот штаб и сите надлежни организациски единици се преземени сите потребни мерки и активности врз основа на претходно изготвен план и притоа не се констатирани никакви позначајни проблеми. Од страна на АНБ се преземаат организирани и координирани мерки за прибирање на сознанија за евентуални изборни нерегуларности, а во насока на безбедно спроведување на изборите. Републичкиот јавен обвинител, претседателот на Комисијата во Јавното обвинителство на РСМ за следење на евентуални изборни нерегуларности Џељаљ Бајрами, јавните обвинители на сите виши јавни обвинителства и основниот јавен обвинител на ОЈО Скопје информираа за активностите во рамките на обвинителството, каде определени се зајакнати дежурства за изборниот ден за покривање на целото подрачје на државата и со будно внимание ќе се следи процесот и навремено ќе се известува за сите настани и активности кои се од интерес на јавноста, а поврзани со спроведувањето на изборите....
Шојгу: Русија ќе ги интензивира нападите врз складишта со западно оружје во Украина
Сител - пред 23 часа
Русија ќе ги интензивира нападите врз украинските бази во кои се складира оружјето доставено од Западот, изјави денеска министерот за одбрана Сергеј Шојгу, пренесен од британските медиуми. Зборувајќи со претставници на одбраната, Шојгу, исто така, кажа дека Русија го „отфрлила митот за супериорност на западното оружје“ и нејзините сили постигнале иницијатива на фронтот долг 1.000 километри. Коментарот на рускиот министер следеше откако Вашингтон во саботата изрази подготвеност да и обезбеди на Украина нов пакет воена помош, изгласувајќи го во Претставничкиот дом предлог законот вреден речиси 61 милијарда долари. Украинскиот претседател Володимир Зеленски изјави дека Киев наскоро ќе добие повеќе ракетни системи со долг дострел ATACMS (ATACMS) како дел од пакетот. Американските власти велат дека помошта ќе вклучи и набавка на муниција и пресретнувачи за системи за противвоздушна одбрана. -Пропорционално на заканите од САД и нивните сојузници, ќе продолжиме да го подобруваме составот и структурата на вооружените сили и да го зголемуваме производството на најпопуларното оружје и воена опрема, рече Шојгу. „Ќе го зголемиме интензитетот на нападите против логистичките центри и базите за складирање на западното оружје“, додаде тој....
Инаугурацијата на Путин ќе се одржи на 7 мај
Сител - пред 23 часа
Претседател на Комитетот за уставно законодавство и државност во Горниот дом на Советот на Руската Федерација, Андреј Клишас денеска изјави дека инаугурацијата на рускиот претседател Владимир Путин ќе се одржи на 7 мај. Согласно руските закони, новоизбраниот претседател ја презема функцијата со мандат од шест години. Инаугурацијата на Путин и во 2018 година се одржа на 7 мај....
Првите шест авиони „Рафал“ во Хрватска пристигнуваат оваа недела
Сител - пред 23 часа
Хрватскиот министер за одбрана, Иван Анушиќ, денеска соопшти дека неделава во Хрватска ќе пристигнат првите шест од вкупно 12-те купени борбени авиони „Рафал“. „Со историски прелет од Бордо до Загреб, пилотите на хрватското воено воздухопловство, кои беа обучени Франција, в четврток ќе ги донесат моќните ловци и нови заштитници на хрватскиот воздушен простор“, напиша Анушиќ на социјалната мрежа Х. Тој додаде дека модернизацијата на воздушната флота е најголемата инвестиција на Владата и Министерството за одбрана во безбедноста на државата. Во 2021 година Хрватска потпиша договор со Франција за купување на 12 половни француски борбени авиони „Рафал“ во вредност од 999 милиони евра. Првиот авион беше преземен во октомври минатата година во француската воена база во Мон де Марсан. Во Франција на обука беа испратени околу 90 членови на техничкиот и летечкиот персонал....
Пожар на грчкиот остров Крит во близина на поморската база Суда, превентивно евакуирани населба, болница и училиште
Сител - пред 23 часа
Населба, болница и училиште, рано утрово беа превентивно евакуирани поради шумскиот пожар што утрово избувна во близина на поморската база Суда на грчкиот остров Крит, јави дописничката на МИА од Атина. Во пожарот интервенираат 79 пожарникари со пет пешадиски тима, 22 возила и еден хеликоптер, помагаат припадници на воената морнарица, волонтери и цистерни од општините, а ситуацијата е подобрена и според локалните медиуми не постои активно жариште. Утрово, преку порака од европскиот број за итни случаи 112 до жителите на областа околу воената база беше побарано превентивно да се евакуираат. Според локалните медиуми, пациентите од болницата што е во близина биле префрлени во болницата во Ханиа....
Во Хрватска падна снег | ВИДЕО
Сител - пред 23 часа
На подрачјето на Горски котар во Хрватска синоќа падна снег, а на места имаше и вистинска снежна покривка. Снег ја зафати и Горанската делница на автопатот А6 Риека-Загреб, но работниците на зимската служба минаа низ снегот и до утрово нема ограничувања во сообраќајот, јавува Н1....
Три години затвор за германски навивач поради фрлање петарда
Сител - пред 1 ден
Навивач на германскиот фудбалски прволигаш Хофенхајм, кој фрли пиротехничко средство на бундеслигашкиот натпревар против Аугсбург минатата есен, е осуден денеска на затворска казна од три години, јавија агенцијата ДПА. Во инцидентот кој 28-годишниот навивач го предизвика на 11 ноември лани, фрлајќи петарда од трибината со гостински навивачи, беа повредени 14 лица, меѓу кои пет деца. Обвинителство на процесот во судот во Аугсбург бараше насилникот да биде осуден на казна затвор од четири години и десет месец, истакнувајќи дека чинот бил „особено непромислен“. Навивачот, кој во текот на судскиот процес ја призна вината и повеќе пати јавно се извини, е во притвор повеќе од пет месеци....
Интер по 20 пат шампион на Италија
Сител - пред 1 ден
Фудбалерите на Интер успеаја да забележат вечерва победа од 2-1 во градското дерби против Милан и со тоа да ја обезбедат 20 титула во клупската историја, престигнувајќи го токму Милан на вечната листа. Интер поведе во 18. минута кога Франческо Ачерби беше највисок во скокот по изведениот корнер и со глава ја затресе противничката мрежа. Турам на почетокот на вториот период зголеми на 2-0, во 49. минута. Надежта на Милан ја врати Томори, кој беше прецизен во 80. минута, но црвено – црните немаа сили да избегнат пораз. За Интер ова е јубилејна 20 шампионска титула, а прва по 2021 година. Интер сега се врати на второто место на вечната листа. Недостижен е Јувентус со 36 титули, додека трет е Милан со 19....
Венеција почнува да наплаќа влезници
Сител - пред 1 ден
Оваа недела, Вeнеција ќе почне да им наплаќа влез во градот на еднодневните патници, што е прв ваков случај во светот. Наменет е да се намали притисокот врз античкиот италијански град, кој тоне под тежината на масовниот туризам. Почнувајќи од четврток, посетителите кои доаѓаат во градот на еден ден ќе треба да купат билет од пет евра, кој ќе го контролираат инспекторите на клучните локации. Минатата година, 3,2 милиони туристи поминаа барем една ноќ во историскиот центар на градот, но десетици илјади други поминаа низ градот во текот на денот, често од бродови за крстарење, за да ги видат знаменитостите, вклучувајќи го плоштадот Свети Марко и мостот Риалто. Целта на воведувањето билети е да се намали гужвата. Првично, билетите ќе бидат потребни само за 29 „пик“ туристички денови во текот на 2024 година, главно за викенди од мај до јули. Дали ваквата мерка ќе даде резултати, внимателно ќе се следи и во другите туристички дестинации низ светот кои се борат да се справат со масовниот туризам. Во Шпанија, втората најпосетувана земја во светот по Франција, десетици илјади луѓе протестираа во саботата на Канарските острови барајќи ограничување на бројот на посетители на архипелагот. Луиџи Бруњаро, градоначалникот на Венеција, го опиша потегот како „експеримент, прв во светот, кој има за цел да ја направи Венеција попријатна за живеење“. Венеција, која се простира на повеќе од 100 мали острови и островчиња во североисточна Италија, се смета за еден од најубавите градови во светот. УНЕСКО го вброи градот и неговата лагуна како светско наследство во 1987 година, наведувајќи го како „извонредно архитектонско ремек-дело“. Организацијата на ОН, сепак, минатата година се закани дека ќе ја стави Венеција на својата листа на загрозено наследство, наведувајќи го масовниот туризам и зголемувањето на нивото на водата што се припишуваат на климатските промени. Долго време се дискутираше за системот за издавање билети, но неговата имплементација постојано беше одложувана поради загриженоста дека сериозно ќе ги намали приходите од туризмот и ќе ја загрози слободата на движење. Градските советници од опозицијата тврдат дека тоа нема да има никаква корист. Педесет евра можеа да помогнат“, рече еден од нив Џанфранко Бетин. Градоначалникот на Венеција вети дека новиот систем ќе биде наметнат „нежно“, без строги контроли и редици за билети, отфрлајќи ги шпекулациите дека градот ќе постави бариери или контролни пунктови на улиците. Инспекторите ќе бидат стационирани во и околу главните влезови на градот, особено на железничката станица Санта Лусија, проверувајќи ги посетителите на лице место. Туристите кои немаат билет ќе добијат инструкции како да купат, но може да ризикуваат казни од 50 до 300 евра доколку ги игнорираат. Ќе им се наплаќа само дневните туристи кои ќе дојдат во стариот дел од 8:30 до 16:00 часот, а од ова се ослободени оние кои престојуваат во хотели, до 14 години и лицата со посебни потреби....
Швајцарија замрзна руски имот во вредност од 5,8 милијарди франци
Сител - пред 1 ден
Швајцарија замрзна руски имот во вредност од 5,8 милијарди швајцарски франци или 5,95 милијарди евра, соопшти денеска Државниот секретаријат за економски прашања на земјата (СЕКО). Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година. Вредноста на замрзнатите руски средства во Швајцарија е помала отколку на крајот на 2022 година, кога изнесуваше 7,5 милијарди швајцарски франци. „Вредноста на финансиските средства замрзнати во врска со санкциите против Русија изнесуваше 5,8 милијарди швајцарски франци на 31 декември 2023 година. Ова е за 1,7 милијарди швајцарски франци помалку од бројката пријавена за декември 2022 година. Покрај тоа, сега се блокирани 17 имоти во 7 кантони“ се вели во соопштението на СЕКО....
Во Грција уапсени 67 лица за спортско насилство и убиство на полицаец
Сител - пред 1 ден
За убиството на полицаец во декември минатата година за време на одбојкарски натпревар во Атина, но и за други инциденти поврзани со спортско насилство, грчката полиција уапси 67 лица, кои утрово ќе бидат изведени пред јавен обвинител, јави дописничката на МИА од Атина. Началникот на грчката полиција Димитриос Малиос рече дека во изминатите четири месеци, во строга тајност била спроведена опсежна истрага за „целосно расчистување на криминалниот хулигански напад“ во атинската населба што резултираше со смрт на полицаецот. – Произлегоа докази за криминална организација, составена од 158 членови, која, најмалку од 2019 година, извршила кривични и прекршочни дела и дејствувала главно во Атика, Волос и Јанина, рече Малиос и додаде дека во големата полициска акција во текот на вчерашниот ден биле извршени претреси во 58 домови и во 15 возила и запленети биле пиштоли, дрвени палки, ножеви, дрога, облека итн. Уапсените 67 лица, од кои 63 се товарат за учество во насилство на спортски натпревари, утрово ќе бидат изведени пред јавен обвинител На 7 декември 2023 година пред пред спортска сала во атинска населба за време на одбојкарскиот натпревар Панатинаикос-Олимпијакос, 31-годишен полицаец беше сериозно повреден откако хулигани го нападнале со пиротехничко средство, кое го погоди во горниот дел од ногата и се запали, а 20 дена подоцна ја загуби битката и почина. За инцидентите, тогаш беа приведени 424 лица, уапсен беше 18-годишен кој го фрлил пиротехничкото средство, а по сериозната повреда на полицаецот, грчката Влада воведе вонредни мерки за справување со спортското насилство....