Крвав напад со нож во САД, има жртви и повредени
Алсат-М - пред 25 минути
Четири лица се убиени, а пет се повредени во напад во Рокфорд, Илиноис, додека 22-годишен осомничен маж е уапсен.Полицијата, исто така, соопшти дека некои од жртвите биле избодени со нож, но во нападот не било употребено огнено оружје, пренесуваaт локалните медиуми.Убиени се 15-годишно девојче, 63-годишна жена, 49-годишен маж и 22-годишен млад човек.Полицијата соопшти дека засега не е позната причината за нападот....
Медведев преку Џари до полуфинале со Јаник Синер
Алсат-М - пред 36 минути
Еден од најдобрите тенисери на денешницата, Јаник Синер е првиот кој се пласираше во полуфиналето на вториот АТП мастерс 1000 турнир во 2024 година кој се игра во американскиот град Мајами.Во првото четвртфинале освојувачот на трофејот на Австралија опен без поголеми проблеми славеше против чешкиот тенисер Томас Махач со максимални 2-0, по сетови 6-4 и 6-2.Во полуфиналето Синер ќе се сретне со Данил Медведев, кој со 2-0, 6-2 и 7-6 го совлада чилеанецот, Николас Џари....
Петта победа по ред за Лејкерс, не се откажуваат од плејофот
Алсат-М - пред 41 минути
Руи Хачимура одигра еден од своите најдобри натпревари сезонава и е најзаслужен што Лејкерс славеа на гостувањето кај Мемфис со 136-124. Во тимот го немаше Ентони Дејвис кој го повреди колкот во маратонскиот дуел против Милвоки, но тука беше Хачимура за да го замени. Јапонецот потсети на своето издание од првата рунда на плејофот минатата година, исто така со Мемфис и го казни тоа што противничките играчи не поведоа повеќе сметка за него.Го заврши натпреварот со дабл-дабл од 32 поена и 10 скока, но погоди седум тројки од осум шута. Му помогна и Леброн Џејмс со трипл дабл од 23 поени, 14 скока и 12 асистенции, но и останатите играчи беа на завидно ниво. Бејн со 26 и Ларавија со 25 поени беа најдобри во тимот на Мемфис.Ова е петта победа по ред за Лејкерс кои не се откажуваат од директно место во плејофот бидејќи од шестопласираниот Далас заостануваат само две победи, на девет натпревари пред крајот на основниот дел од сезоната./Sport1/РЕЗУЛТАТИШарлот – Кливленд 118-111Орландо – Голден Стејт 93-111Вашингтон – Бруклин 119-122Атланта – Портланд 120-106Филаделфија – ЛА Клиперс 107-108Торонто – Њујорк 101-145Чикаго – Индијана 125-99Мемфис – ЛА Лејкерс 124-136Минесота – Детроит 106-91Оклахома – Хјустон 126-132Јута – Сан Антонио 111-118Денвер – Феникс 97-104...
Двајца приведени за убиството на лекарот во Железара
Алсат-М - пред 45 минути
Две лица се приведени во врска со убиството на лекарот во скопската населба Железара, изјави министерот за внатрешни работи Панче Тошковски.„Се врши претрес на одредена локација. Имаме осомничени луѓе за убиството, има одредени материјални траги кои не водат до овие осомничени. Две лица се приведени и се надевам дека во најкратко можно време ќе можеме да излеземе со детали за овој дел од истражните дејствија“, изјави Тошковски, во гостување во поткастот „Претрес“.Тој посочи дека се преземени 20 истражи дејствија и дека се прегледани над 50 камери и видео записи. Според првичните наоди, мотивот за убиството не е поврзан со професијата на убиениот.Шеесет и седумгодишен лекар минатата недела беше пронајден избоден до смрт во неговиот автомобил паркиран во парк во близина на поранешната фабрика „Железара“.Лекарот имал приватна ординација во поликлиниката „Железара“....
Претпладне променливо облачно со слаб дожд, сончево во текот на денот
Алсат-М - пред 49 минути
Претпладне променливо облачно со слаб локален дожд, во текот на денот сончево и до умерено облачно – вакво време најавува Управата за хидрометеоролошки рабоит (УХМР) за денеска. Ќе дува умерен до засилен, а на места повремено силен ветер од југозападен правец.Минималните температури денеска во земјава ќе се движат во интервал од 3 до 12 Целзиусови степени, додека максималните ќе се искачат од 12 до 23 степени.Во Скопје се очекува претежно сончево време со мала облачност. Ќе дува умерен, повремено засилен југозападен ветер, а температурите ќе се движат во интервал од минимални 7 до максимални 22 степени.УХМР слично време најавува и за утре, а во текот на претстојниот викенд нè очекува сончево и топло време со температури до 28 Целзиусови степени....
Потрагата по двегодишната Данка влегува во трет ден
Алсат-М - пред 49 минути
Потрагата по двегодишната Данка Илиќ од Србија денеска влегува во својот трет ден. Девојчето исчезнало во вторникот попладне во населбата Бањско Поле во околината на градот Бор, по што му се губи секаков траг.По дводневната потрага, српската полиција вчера соопшти дека престанува да го пребарува теренот во приградската населба Бањско Поле кај Бор оти се укажува дека девојчето не е на тој простор, на површина од околу 10 квадратни километри.По девојчето трагаа повеќе од 500 припадници на полицијата, спасувачи и граѓани.И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето.Српското МВР, како што јавуваат тамошните медиуми, во неколку наврати напоменало дека сè уште не се исполнети условите за полицијата да ѝ се обрати на јавноста во врска со исчезнувањето на Данка, но дека граѓаните ќе биде информирани за сите факти кога ќе дојде време за тоа.Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја....
Мајк Мањан, летовo може да замине од “Сан Сиро”?
Алсат-М - пред 1 час
Преговорите меѓу управата на Милан и голманот Мајк Мањан влегоа во ќорсокак. Двете страни многу сериозно се разидуваат во барањата и, според медиумите во Италија, не е исклучено да дојде до разделба на лето. Актуелниот договор на голманот истекува во 2026 година, а Милан сакаше да се посвети на голманот на посериозен временски период. Сепак, финансиските барања на Мањан може да се покажат како сериозен проблем.Според информациите на „Скај Спорт Италија“, Мајк Мањан побарал годишна плата од 8 милиони евра, а раководството на „росонерите“ категорично одбило.Во моментов голманот добива само 2,8 милиони евра, а според централата на Милан ваквото зголемување е нереално. Мањан во Милан дојде во 2021 година од францускиот Лил, а Милан за него плати 15,4 милиони евра....
Жителите на Грушино десет дена се без вода
Алсат-М - пред 15 часа
Повеќе од 1.200 жители на Грушино, општина Арачиново, веќе 10 дена се без вода за пиење. Жителите ги обвинуваат општинските раководители дека сакаат да го преземат под менаџирање водоводот на селото, кој, според нив, е изграден пред неколку децении со инвестиција на самите жители. Револтирани, жителите велат дека пумпата за вода во Грушино, која работи на струја, веќе е префрлена на општинското јавно претпријатие „Амбиент“, со што жителите на селото не се согласуваат.“Ние го имаме овој водовод тука веќе 50 години, ние го направивме тоа сами и со наш придонес”.„Не ни помислив еден градоначалник кој треба да биде во служба на населението, да го казнува населенито..„Во селото, водоводот го направивме сами, ниту општината, ниту некој ни помогна, а пак тие ни пречат, и не ни дозволуваат да работиме и да го одржуваме“, велат жителите.Во недостиг на вода, жителите се принудени да купуваат вода за пиење, а за други потреби полнат од чешмите на селото. Недостигот на вода предизвикува проблеми и во селското училиште. учениците велат дека мириса лошо.„Јас сум трето одделение, две недели нема вода, мирисот доаѓа од тоалетот, немаме ни вода дома. Земаме влажни марамици од дома“, вели една ученичка.Општина Арачиново соопшти дека се во координација со општинските советници од село Грушино за решавање на ова прашање. Од општината потврдија дека во Грушино постои водоводна мрежа изградена и управувана од самите жители, но досега потрошената електрична енергија е наплатена на општинското претпријатие кое поради високите трошоци не било во можност да ги врати долговите кон ЕВН, што пак резултираше со прекин на електричната енергија.Мелихате Рустеми...
ВМРО се уште не ги потврдува коалиционите партии
Алсат-М - пред 17 часа
ВМРО-ДПМНЕ се уште не ги потврди имињата на сите партии кои се очекува да се здружат со нив во предизборна коалиција. Лидерот на оваа партија Христијан Мицкоски, вели дека разговарал и е во разговори со дел од партнерите кои биле и во владеачката коллиција.Маневар за ублажување на поразот ја нарекува шефот на ВМРО-ДПМНЕ Христијан Мицкоски, одлуката на ДУИ да коалицира со други партии, вклучително и неалбански партии. Но, тој не очекува коалицијата да успее.Досега транзицијата од власт во предизборна коалиција со ВМРО-ДПМНЕ, ја потврди само Стојанче Ангелов со неговата партија Достоинство, а од опозициската партија соопштија дека разговараат, меѓу другото, и со Обединети за Македонија на Лубе Бошковски, со Демократскиот сојуз на Павле Трајанов, но и со други помали партии на власт, без да прецизира кои.Фатлуме Дервиши...
Протест на приватните специјализанти
Алсат-М - пред 17 часа
Приватните лекари специјализанти протестираа пред Министерството за здравство. Тие побараа регулирање на работниот статус, зголемување на месечната плата и здравствено осигурување.Лекарите специјализанти велат дека доколку Министерството за здравство не ги послуша нивните барања, во иднина протестите ќе продолжат.За време на протестот, претставници на лекарите специјализанти се сретнаа со претставници на Министерството за здравство. Тие добија ветувања дека Министерството ќе достави информација до Владата и до Фондот за здравствено осигурување, со цел да се постапи по донесените одлуки и да се изврши корекција на платата на специјализантите од следниот месец.Ајнур Бафќари...
Алкалоид со инвестиција од 19 милиони евра го удвои производството на таблети
Алсат-М - пред 17 часа
Фармацевтската компанија „Алкалоид“ на свечена церемонија го промовираше реновираниот објект од 6.200 м2, со што ќе се удвои капацитетот за производство на таблети од 2 на 4 милијарди годишно. Според раководството на компанијата, инвестицијата од 19,4 милиони евра е најголема во последните две децении на фармацевтскиот пазар. На одбележувањето на почетокот на работата на новата техничко-технолошка единица за производство на лекови, генералниот директор на оваа компанија Живко Мукаетов рече дека овој проект започна во април 2021 година и за него се ангажирани 30 домашни и 16 странски компании. Тој рече дека опремата е по најнова технологија и ќе биде ставена во целосна функција од стручен кадар за најквалитетни производи.Во 2023 година Алкалоид имаше консолидиран промет од 268,3 милиони евра. Како резултат на овој континуиран петкратен раст, во последните 15 години се реализирани инвестиции во вредност од 220 милиони евра. Фармацевтските производи на „Алкалоид“ се присутни на пазарите во над 40 земји во светот....
Променливото време ги зголеми повиците за помош
Алсат-М - пред 17 часа
Деновиве севдочиме на промените во температурите типични за крајот на март – од сонце, до дожд и снег.Драстичната промена на времето влијае на здравјето. Дел од граѓаните се жалат дека се соочуваат со здравствени проблеми поради променливото време.Од Брза помош велат дека периодов имало зголемување на повици за помош. Лекарите препорачуваат зголемено консумирање на вода, овошје и зеленчук.„Зголемен е бројот на нормални повици, обично имаме повеќе луѓе кои бараат помош кои имаат проблеми со отежнато дишење, знаејќи дека промената на температурите обично ги погодува луѓето со болести на кардиоваскуларниот систем, како што е висок крвен притисок. Ние лекарите препорачуваме овие луѓе обично да земаат терапијата, редовно да мерат крвниот притисок, особено оние со висок крвен притисок“, рече Рихад Реџеп, брза помош.Во меѓувреме, според синоптичарите, повеќе нема да има ниски температури. За време на викендот температурите ќе бидат летни и се очекува да достигнат и до 28 Целзиусови степени.Според последните анализи, температурите оваа пролет ќе бидат повисоки од вообичаените за овој период од годината, но ќе има и обилни врнежи од дожд.Ајнур Бафќари...
„И вие имате право да ги запознаете вашите биолошки родители“
Алсат-М - пред 17 часа
Илија Јовановиќ е претседател на здружението „Градиме иднина“ кое главно се занимава со проблемите на децата без родители. Животното патување на Јовановиќ беше главниот мотив да се направи повеќе за оваа категорија деца. До 18 години израснал во дом за деца без родители.Тој вели дека не знаел кои се неговите родители додека проектот „И вие имате право да ги запознаете вашите биолошки родители“ го започнал со своето здружение за право за познавање на биолошките родители.Здружението „Градиме иднина“ кое го предводи Илија Јовановиќ има околу 70 волонтери кои делат слична судбина. Целта е да им се помогне на сите посвоени лица да можат да се обединат и да ги запознаат своите биолошки родители и семејства.Авни Тахири...
ВИДЕО/ Белингам повторно ги воодушеви луѓето на социјалните мрежи
Алсат-М - пред 18 часа
Џуд Белингам, суперѕвездата на Реал Мадрид и на репрезентативец на Англија, ја спаси својата селекција од пораз од Белгија на „Вембли“. Гостите водеа, а буквално во последниот напад од судиското продолжение Белингам погоди за конечни 2-2 и лудо прослави со навивачите.Но, Белингам многу повеќе ги импресионираше фудбалските фанови ширум светот со она што го направи пред натпреварот. Секој играч придружуваше по едно дете на теренот, а англискиот ас беше придружуван од момче со попреченост.Откако го истурка на тревникот во количката, почна да врне. Додека играчите се редеа за химната, Белингам забележа дека на момчето му е студено. Реши да го заштити од дождот. Откако кратко разговараше со него, го соблече горниот дел од тренерките и го покри момчето во инвалидска количка. Неговиот гест ги воодушеви луѓето на социјалните мрежи, а видеото од ситуацијата стана вирално. Jude Bellingham 👌 pic.twitter.com/ex6lBupTBE— S..⚽️ (@ToffeeBlue1878) March 27, 2024...
Гир: Гласините дека ЕУ не ја сака Мкедонија или дека земјата не е способна не се точни
Алсат-М - пред 18 часа
Учесниците на амбасадорскиот состанок по повод четиригодишнината од зачленувањето на Македонија во НАТО, ја истакнаа важноста од исполнувањето и на втората стратешка цел – членство во ЕУ. Според евроамбасадорот Дејвид Гир, за ова да се случи треба да се исполнат преземените обврски од францускиот предлог и да се спроведуваат реформите.„Стана вообичаено да се слушаат сирени кои велат дека земјава не можела да се зачлени во ЕУ, дали поради тоа што ЕУ не ја сакала земјата внатре или затоа што не била способна да се зачлени. Ништо од тоа не е точно. Сакаме да ја видиме Северна Македонија во ЕУ, патот е практичен и многу достижен“, рече Гир.„Сигурен сум дека со одговорниот однос кој го имаме кон реформите и пристапните преговори со ЕУ, ќе успееме во достигнување на целта, Северна Македонија до 2030 да биде успешна европска приказна“, рече Маричиќ.Зборувајќи за алијансата, учесниците потенцираа дека рускиот претседател Путин не ја исполнил целта – наместо да спречи проширување на НАТО, после Македонија во сојузот се зачленија и Шведска и Финска. Украинската амбасадорка Лариса Дир се заблагодари за пружената помош, додека пак министерот Бујар Османи очекува руската агресија да се прелее кон Молдавија и Балканот.„Сега, со градењето на сопствен одбранбен систем и со модернизирањето на македонската армија преку НАТО стандардите, Владата на Република Северна Македонија секогаш одговараше на украинските повици за помош во муниција и оружје. Украинците се благодарни“, рече Лариса Дир – амбасадорка на Украина.„Регионот забрзано станува поле за геополитички натпревар и Западен Балкан е на огнената линија во судирот помеѓу демократиите и автократиите“, рече Бујар Османи – министер за надворешни работи.Четиригодишнината од членството во НАТО беше свечено одбележана и во Генералштабот на Армијата, каде министерката за одбрана Славјанка Петровска нагласи дека зачленувањето во Алијансата била натпартиска и надетничка цел, која е најдобра гаранција за безбедноста.Лука Андреев...
Специјализантите на протест за поголем месечен надомест и регулиран работен однос
Алсат-М - пред 19 часа
Лекарите специјализанти кои денеска (27 март) протестираат пред Министерството за здравство побараа итна средба со министерот за здравство со цел решавање на нивните барања. Во моментот, во тек е состанок со претставници на Министерството.Специјализантите бараат регулирање на работниот статус, покачување на месечниот надоместок и здравствено осигурување за сите специјализанти.„Доколку министерот и понатаму остане глув на барањата на повеќе од 400 лекари на специјализација, ќе гледаме чести репризи на денешниот протест. Ние нема да запреме се до исполнување на секое барање. На крај би сакала оваа изјава да ја завршам со зборовите на еден музички композитор кој неодамна почина – Мораме да се бориме за секој милиметар нормалност. Тоа ни е неопходна борба“, изјави докторка Александра Георгиева, претседателка на Здружението на лекари специјализанти....
Гир: Ниту едно од тврдењата на гласовите кои велат дека С Македонија не може да влезе во ЕУ не е точно
Алсат-М - пред 19 часа
Вообичаено е да се слушнат гласови на сирени кои велат дека оваа земја не може да ѝ пристапи на Европската Унија – дали затоа што ЕУ не ја сака внатре или затоа што не е способна да биде дел од Унијата. Ниту едно од овие тврдења не е точно, рече денеска шефот на Делегацијата на ЕУ во земјава, Дејвид Гир на настанот на Министерството за надворешни работи со дипломатскиот кор организиран по повод одбележувањето на четиригодишнината од членството на С Македонија во НАТО.„Ние сакаме Северна Македонија да биде дел од Европската Унија, патот е практичен и многу лесно остварлив“, рече Гир во своето обраќање на настанот.Говорејќи во таа насока, евроамбасадорот Гир кажа оти го споделува мислењето дека патот кон Европската Унија е пат на просперитет, зајакнување на демократските вредности, владеењето на правото, но и и пат на стабилност.„Тоа е и пат на безбедност и навистина веруваме дека членството на Република Северна Македонија во Европската Унија ќе биде од корист за сите нас. И од овие причини ја поттикнуваме Северна Македонија да се придвижи што е можно побрзо кон Европската Унија. Сакаме оваа земја да биде дел од Европската Унија врз основа на исполнувањето на обврските што ги презеде во јули 2022 година по кои следуваше меѓувладината конференција и скрининг-процесот, како и имплементацијата на реформите кои беа утврдени во текот на овој процес, вклучително и тие што се набројани во новиот план за раст и реформи на Европската Унија“, рече Гир....
Политико: Исчезнаа чувствителни досиеја на највисоки полициски функционери на Европол
Алсат-М - пред 20 часа
Полициската агенција на ЕУ (Европол) е погодена од голема криза откако исчезнаа чувствителни досиеја на највисоките полициски функционери, пишува порталот Политико.Според интерни записи до кои имал пристап порталот Политико, податоците кои се чуваат под клуч во седиштето на Европол во Хаг, исчезнале во септември минатата година, а меѓу исчезнатите досиеја биле и печатените досиеја на извршната директорка на Европол, Кетрин де Бол, нејзините тројца заменици и други високи функционери.Чувствителните хартиени датотеки со човечки ресурси на Европол се чуваат заклучени во сеф, во просторија ограничена на персоналот со ограничен пристап, а многу малку луѓе ја знаат лозинката на сефот....
Тешка автобуска несреќа во Германија, има и жртви
Алсат-М - пред 20 часа
Автобус се преврте на автопатот А9 во близина на германскиот град Лајпциг, при што загинаа најмалку пет лица, а други патници се тешко повредени.„Во несреќата загинаа пет лица“, потврди портпаролот на полицијата Олаф Хоуп за германски БИЛД, додека идентитетот на жртвите не е откриен.Автопатот е затворен во двата правци, а на местото на несреќата се наоѓаат полиција и истражители, како и екипи на итната помош.Од автобуската компанија соопштиле дека во авионот имало 53 патници и двајца возачи, пренесе германската новинска агенција ДПА. Компанијата соопшти дека тесно соработува со локалните власти и спасувачките служби и дека ќе направи се за брзо расчистување на причините за несреќата....
Ванковска: Уставното право не познава „одложена примена на уставни измени“
Алсат-М - пред 20 часа
Професорката и кандидатка за претседателка на Македонија, поддржана од партијата Левица, Билјана Ванковска, во своја реакција по наводите на Тимчо Муцунски од ВМРО-ДПМНЕ, во врска со одложена примена на уставните измени вели:„Можеби некој конституционалист/уставен правник ќе ни објасни што значи ова „одложена примена на уставните измени”… Јас за вакво нешто во компаративното уставно право не сум слушнала. Но, ова е Македонија – земјата на чудата.Моето “лаичко” толкување е: ние навистина ќе го смениме уставот и ќе ги вметнеме и Бугарите и сите други, но ќе се преправаме дека уставните амандмани не се во сила до крајот на преговорите. (Не заборавајте дека ветија и намалување на бројот на пратеници за што е потребно да се смени уставот). Впрочем, и Заев ве лажеше за имплементацијата на Преспанскиот договор дека ќе се случи “поглавје по поглавје”.И ова го нарекуваат “непопустлива надворешна политика”. Немојте после не сте знаеле. Само треба да читате меѓу редови“, вели Ванковска....
Стојковски во „Полиграф“: Со Русија имаме мала реална соработка, а има големо присуство во јавниот дискурс
Алсат-М - пред 21 часа
Кои се извори на странските влијанија и дезинформации во земјава и која е нивната цел? За овие прашања, „Полиграф“ разговараше со Андреја Стојковски, извршен директор на Преспа институтот. Полиграф: Кога сме кај дезинформациите и влијанијата од надвор од државава, особено биле видливи или пак се видливи во времето на потпишувањето на Преспанскиот договор, исто така на „францускиот предлог“ но и на уставните измени. Кои се изворите на овие дезинформации и која е нивната цел?Стојковски: Целта, веројатно ако сакаат да остварат какво било влијание оние кои што ги споделуваат ваквите вести, или пак го насочуваат јавниот дискурс кон определено разбирање или кон определена тема, кон определен начин на водење на дискурсот – е влијание врз политичките текови и демократските процеси во рамките на државата. И, точно посочивте три моменти, во коишто може видливо да се забележи како се појавува споделување на определена пропаганда или насочено комуницирање за остварување на определено влијание.Институтот Преспа следи 64 држави, ги следиме на период од 2000 година наваму, следиме 48 индикатори, 20 променливи. Две од тие променливи се медиумите, значи јавниот дискурс во официјалните, традиционални медиуми и јавниот дискурс на социјалните медиуми. Она што успеавме да го забележиме кога зборуваме за некои од државите кои се обидуваат да остваруваат влијание преку учеството во јавниот дискурс, е дека реалната соработка помеѓу нашата држава и овие држави е на многу ниско, на многу основно ниво.На пример, да ја земеме Русија. Ако ја погледнеме соработката на економски план, Русија е некаде 21-ви или 22-ри трговски партнер. Точно е дека во светот има 200 држави, меѓутоа ние економски не соработуваме со сите. Така што, обемот на соработка којшто го имаме со Русија на ова ниво, 21 или 22-ри трговски партнер, е навистина многу низок. Првите два трговски партнери на нашата држава се Германија и Обединетото Кралство и соработката со овие држави изнесува некаде милијарда и триста или милијарда и четиристотини милиони, што би рекло, некаде околу 13 или 14 % поединечно секоја од двете држави од нашиот бруто општествен производ.И сега, ако имаме во предвид дека соработката со Русија е само во делот на енергетика, нема странски инвестиции од Русија, нема девизни дознаки бидејќи нема наша дијаспора која функционира, живее во Русија, нема политичка соработка, има многу мала културна соработка, моментот на вклучување во јавниот дискурс, без оглед дали се тоа традиционални или социјални медиуми, особено создава претстава за тоа колку Русија се качува високо во сопственото присуство.И, успеавме да го забележиме дека тоа се идентификува во периодот 2013-та, кога е на највисоко ниво Русија, потоа во 2009-та влегува во рамките на топ 10 држави според нивното присуство, во 2016-та излегува, значи паралелно со последната политичката криза и предвремените парламентарни избори во 2016 година. Во 2018-2019, во периодот на потпишувањето на Договорот од Преспа и спроведувањето на уставните амандмани повторно се враќа во топ 10 државите, заради тоа што го зголемува својот обем на присуство на рамките на јавниот дискурс.Интервјуираше: Ера Ѓакова...
Фаворити за европската титула: Англија пред Франција и Германија
Алсат-М - пред 21 часа
Откако сите учесници на ЕВРО 2024 година станаа познати, букмејкерите веднаш се „фрлија“ во акција и ги дадоа прогнозите за тоа кој ќе биде победник на Европското првенство кое ќе се одржи во Германија.Според обложувалниците, најголеми шанси за освојување има селекцијата на Англија, а по неа следуваат Франција, Германија, Шпанија и Португалија. Најмали шанси ми се даваат на Албанија, Грузија, Словенија, Словачка и Романија.Шансите за освојување на ЕП според обложувалниците и коефициентите:Англија 4Франција 4,5Германија 7Шпанија 8Португалија 9Италија 15Белгија 15Холандија 17Данска 26Хрватска 41Швајцарија 41Турција 51Австрија 67Србија 67Шкотска 81Унгарија 81Украина 81Полска 81Чешка 101Романија 151Словачка 151Словенија 151Грузија 151Албанија 201...
Истрага против 19-годишник, продавал дрога и нападнал полицаец
Алсат-М - пред 21 часа
Поведена е истрага против 19-годишник осомничен за кривично дело неовластено производство и пуштање во промет на наркотични дроги и психотропни супстанци и напад на службено лице при вршење работи на безбедноста од страна на Основното јавно обвинителство Куманово.Од Јавното обвинителство соопштија дека на 25 март при личен претрес на осомничениот пред станбената зграда во која живеел, полицијата нашла околу 10 грама марихуана која претходно ја набавил од непознато лице, ја спакувал во седум помали пакувања и ја наменил за понатамошна продажба.„Додека му бил вршен претресот, тој од џебот извадил нож и им се заканил на полициските службеници. Со дршката на ножот удрил еден од полицајците, со што му нанел телесна повреда“, велат од Јавното обвинителство.Оттаму велат дека јавен обвинител до судија на претходна постапка доставил предлог за определување мерка притвор за осомничениот, а Основниот суд во Куманово го прифатил предлогот и определил притвор во траење од 30 дена....
Hејмар сака да се врати во Европа и повторно да го облече дресот на Барселона
Алсат-М - пред 21 часа
Бразилската ѕвезда Нејмар се опоравува од тешката повреда на предните вкрстени лигаменти, а во овој период донел важна одлука за својата иднина. Тој не сака веќе да игра во Саудиска Арабија, каде што е член на Ал-Хилал, туку сака да се врати во Европа и повторно да го облече дресот на Барселона. Најголем проблем е фактот дека има потпишано за саудискиот клуб до јуни 2025 година.Нејмар е голем пријател со претседателот Жоан Лапорта и веќе имал одредени разговори за негово враќање во каталонскиот гигант.Претходните информации говореа дека Нејмар би можел да се врати во неговиот матичен клуб, бразилскиот Сантош, но очигледно дека планот му е да игра во Европа. Нејмар играше за Барселона од 2013 до 2017 година, пред да се пресели во ПСЖ за рекордни 222 милиони евра.За време на престојот во Барселона, бразилскиот ас постигна 105 гола на 186 натпревари и ја освои Лигата на шампионите, Суперкупот на УЕФА и Светското клупско првенство на ФИФА....
„Ѓаволската комета“ се приближува кон Земјата
Алсат-М - пред 21 часа
Спектакуларна комета колоквијално позната како „Ѓаволска комета“ се приближува до Земјата и моментално може да се види по самракот на западниот хоризонт, пренесува Европската вселенска агенција (ЕСА).Жителите на северната хемисфера на Земјата моментално имаат ретка можност да бидат сведоци на кометата 12P/Pons-Brooks како го осветлува ноќното небо. Оваа комета од типот Халеј, со орбитален циклус од околу 71 година и јадро широко приближно 30 километри, е позната по своите зачудувачки ерупции на гас и прашина.Астрономите веруваат дека кометата најверојатно е поврзана со метеорскиот дожд каппа-Драконид, од каде што најверојатно потекнува.Како што патува поблиску до Сонцето, мразот во кометата претрпува сублимација, односно се менува од цврста во гасовита форма. Видливоста на кометата варира бидејќи на моменти таа силно свети, а понекогаш едвај се забележува. Оптимално за гледање на оваа комета е кон крајот на март и почетокот на април на северната хемисфера, бидејќи токму тогаш шансите да се види се најдобри, особено над западниот хоризонт по самракот. Додека двогледот или мал телескоп го подобруваат доживувањето на гледањето, можно е и гледање со голо око, доколку условите се соодветни. Сепак, осветленоста на кометата останува непредвидлива....
Најавен состанок на Комисијата за заразни болести околу пертусисот
Алсат-М - пред 21 часа
Се очекува денеска да заседава Комисијата за заразни болести за состојбата со болеста пертусис (голема кашлица) во државава.Од 15 до 21 март пријавени се 72 нови случаи на голема кашлица, со 67 отсто зголемување споредено со претходниот седмодневен период, покажуваат податоците од последниот извештај на Институтот за јавно здравје (ИЈЗ), објавен во понеделникот.– Во однос на географската дистрибуција, најголем дел од случаите се пријавени во рамките на епидемијата во Скопје, а пријавени се случаи и во Куманово, Битола, Тетово, Дебар и во Струга. Возраста на заболените се движи до 44 години. Најголем број случаи се од возрасните групи деца од 10 до 14 години. Од новите 72 случаи, девет се хоспитализирани – седум деца на возраст под една година и по едно лице од возрасната група од 15 до 19 години и 20 до 29 години, пишува во извештајот на ИЈЗ.Заклучно со 21 март, во државава се регистрирани вкупно 287 случаи на голема кашлица....
СЗО: Скоро секое шесто дете било жртва на сајбер насилство
Алсат-М - пред 21 часа
Околу 16 отсто од децата на возраст од 11 до 15 години биле жртви на сајбер-насилство во 2022 година, што е повеќе од 13 отсто четири години претходно, се наведува во извештајот на Светската здравствена организација (СЗО) за Европа кој опфаќа 44 земји.„Овој извештај е повик за будење за сите нас да се справиме со малтретирањето и насилството, кога и каде и да се појават“, рече регионалниот директор на СЗО за Европа Ханс Клуге во соопштението објавено денеска(27 март).Според студијата „Здравствено однесување на децата од училишна возраст“, 15 отсто од момчињата и 16 отсто од девојчињата рекле дека биле цел на сајбер-насилство барем еднаш во последните неколку месеци.Агенцијата на ОН истакна дека пандемијата го променила начинот на кој адолесцентите се однесуваат едни со други.„Виртуелните форми на врсничко насилство станаа особено релевантни од почетокот на пандемијата „Ковид-19“, кога светот на младите стана сè повеќе виртуелен за време на заклучувањето“, се наведува во извештајот....
Tимот предводен од д-р Илиев изведе успешна интервенција на 92-годишна пациентка
Алсат-М - пред 21 часа
92-годишната Снежана Бојаџиева, докторка во пензија, со солзи во очите објаснува за својот пад и за скршеницата што ја добила на колкот среде ноќ. Вели дека добро го познава својот дом и среде темница може да се снајде, но не и тој 12 март. По падот се здобила со скршеница, за која била неопходна итна интервенција.На смена во Клиничката болница „Аџибадем Систина“ тоа утро бил д-р Борислав Илев, специјалист по ортопедија, кој за многу кратко време ги направил сите потребни снимки и испитувања, анестезиолошки подготовки и проценки од ризици за оперативен зафат, ја утврдил скршеницата и решил веднаш да направи операција.ЗА СРЕЌА, ВТОРИОТ ПАТ ПАДНАВ ВО ВИСТИНСКИ РАЦЕ, ОНИЕ НА Д-Р ИЛИЕВ И Д-Р ТРАЈКОВСКА„Немам зборови со кои можам да ја искажам мојата благодарност за целиот тим овде предводен од д-р Борислав Илиев. Извонреден доктор, кој бргу и стручно ги изведе сите потребни процедури пред интервенцијата и стави крај на моите неподносливи болки. Посветено, со огромна љубов и стручност спрема сите пациенти. Бев фасцинирана со колкава љубов работат вработените тука, едноставно ништо не им е тешко. Од болничар, до медицинска сестра, доктор. Преблагодарна сум и на д-р Неда Трајковска, која беше заедно со д-р Илиев на интервенцијата. Многу сум слушала за нивната стручност, а сега и се уверив. Морам да истакнам благодарност и до Oдделот за физикална терапија, до Коста и д-р Ирина. Навистина имам среќа што паднав во вистински раце“ – објаснува Снежана.ИНТЕРВЕНЦИИТЕ КАЈ ПОВОЗРАСНИТЕ ПАЦИЕНТИ ЧЕСТО ЗНААТ ДА БИДАТ И МНОГУ РИЗИЧНИД-р Борислав Илиев, неколку дена по интервенцијата, вели дека е задоволен од тоа како се одвива закрепнувањето, бидејќи како што објаснува, интервенциите кај повозрасните пациенти често знаат да бидат и многу ризични. Затоа се неопходни добра проценка и подготовка.„Пациентката Снежана Бојаџиева ја примивме по пад и повреда во пределот на левиот колк. По приемот беа направени сите потребни испитувања, лабораториски анализи, анестезиолошка проценка на ризик од оперативен зафат, како и кардиолошки преглед. Се работеше за сложена интервенција. Пациентката беше поставена на т.н. екстензивен стол, каде што под РТГ-мониторинг се направи репозиција на скршеницата. Постигната беше интраоперативна добра положба на фрагментите од скршеницата и нејзина стабилна фиксација. Кај повозрасните пациенти посебен проблем е губењето на коскената маса (остеопороза), која води кон поголема кршливост на коските, како и кон подолг временски период на зараснување на скршениците.“„Снежана веќе вториот ден по операцијата, со помош на нашите физиотерапевти и со одалка, беше вертикализирана со минимално оптоварување на оперираната нога. Постоперативно се планира терапија, вежби за зајакнување на мускулатурата и постепено осамостојување при движење, со користење на помагало при одење во наредните 2-3 месеци“ – објаснува д-р Илиев.Сега кога операцијата поминала во најдобар ред, Снежана се чувствува одлично и е подготвена за заздравување. Со нетрпение чека да се врати на своите омилени хобија – читање книги и гледање тенис....
Дефиниран првиот круг на натпревари на “ЕУРО 2024”
Алсат-М - пред 22 часа
Грузија, Украина и Полска се последните селекции кои изборија пласман на Европското првенство кое од 14 јуни до 14 јули ќе се игра во Германија. Натпреварите, вкупно 51 од нив, ќе се играат во десет градови, а термините се во 15, 18 и 21 часот. Има шест групи, а од секоја група понатаму ќе одат најдобрите две репрезентации и вкупно четири од шесте третопласирани селекции.Распоред на натпреварите:Група А: Германија, Шкотска, Унгарија, Швајцарија14 јуни, 21 часот: Германија – Шкотска (Минхен)15 јуни, 15 часот: Унгарија – Швајцарија (Келн)19 јуни, 18 часот: Германија – Унгарија (Штутгарт)19 јуни, 21 часот: Шкотска – Швајцарија (Келн)23 јуни, 21 часот: Швајцарија – Германија (Франкфурт)23 јуни, 21 часот: Шкотска – Унгарија (Штутгарт) Група Б: Шпанија, Хрватска, Италија, Албанија15 јуни, 18 часот: Шпанија – Хрватска (Берлин)15 јуни, 21 часот: Италија – Албанија (Дортмунд)19 јуни, 15 часот: Хрватска – Албанија (Хамбург)20 јуни, 21 часот: Шпанија – Италија (Гелзенкирхен)24 јуни, 21 часот: Хрватска – Италија (Лајпциг)24 јуни, 21 часот: Албанија – Шпанија (Дизелдорф) Група Ц: Словенија, Данска, Србија, Англија16 јуни, 18 часот: Словенија – Данска (Штутгарт)16 јуни, 21 часот: Србија – Англија (Гелзенкирхен)20 јуни, 15 часот: Словенија – Србија (Минхен)20 јуни, 18 часот: Данска – Англија (Франкфурт)25 јуни, 21 часот: Англија – Словенија (Келн)25 јуни, 21 часот: Данска – Србија (Минхен) Група Д: Полска, Холандија, Австрија, Франција16 јуни, 15 часот: Полска – Холандија (Хамбург)17 јуни, 21 часот: Австрија – Франција (Дизелдорф)21 јуни, 18 часот: Полска – Австрија (Берлин)21 јуни, 21 часот: Холандија – Франција (Лајпциг)25 јуни, 18 часот: Холандија – Австрија (Берлин)25 јуни, 18 часот: Франција – Полска (Дортмунд) Група Е: Белгија, Словачка, Романија, Украина17 јуни. 15 часот: Романија – Украина (Минхен)17 јуни, 18 часот: Белгија – Словачка (Франкфурт)21 јуни, 15 часот: Словачка – Украина (Дизелдорф)22 јуни, 21 часот: Белгија – Романија (Келн)26 јуни, 18 часот: Словачка – Романија (Франкфурт)26 јуни, 18 часот: Украина – Белгија (Штутгарт) Група Ф: Турција, Грузија, Португалија, Чешка18 јуни, 18 часот: Турција – Грузија (Дортмунд)18 јуни, 21 часот: Португалија – Чешка (Лајпциг)22 јуни, 15 часот: Грузија – Чешка (Хамбург)22 јуни, 18 часот: Турција – Португалија (Дортмунд)26 јуни, 21 часот: Грузија – Португалија (Гелзенкирхен)26 јуни, 21 часот: Чешка – Турција (Хамбург)...
Покачување на платата или скратена работна недела – што би избрале?
Алсат-М - пред 22 часа
Кога би имале избор помеѓу зголемување на платата или намалување на бројот на работни часови, односно еден работен ден помалку, што би избрале?Времето е пари – е веќе излитена изрека, но реалноста е дека најмногу ни снемува време кога се обидуваме да заработиме пари, па времето буквално се претвора во пари. И тогаш се појавува едно клише кое всушност е уште повистинито од претходното – најважните работи не се купуваат со пари.Социјалниот контакт, поминувањето време со семејството и пријателите, уживањето во вашето хоби и времето одвоено само за нас – се темелите за чувство на целосна среќа и исполнетост, а со петте или повеќе денови во неделата што ги поминуваме на работа, особено со работните часови што одземаат повеќе од половина ден, не ни останува многу време за вакви задоволства и релаксација, па едвај успеваме да ги завршиме сите потребни работи.Не можеме без одмор и слободно време, а не можеме ни без пари. Кога би се соочиле со една од најинтересните дилеми – покачување на платата или еден работен ден помалку, што би избрале?Најпрво и без размислување повеќемина би рекле пократка работна недела. Водејќи се од мислата дека нашето ментално и физичко здравје се на прво место.Ако не се чувствуваме удобно во нешто и тоа е премногу стресно за нас, дури и токсично, тогаш тоа не е вистинскиот или добриот пат за нас, без разлика колку и да изгледа како правилна и логична одлука која вреди за да се жртвуваат и ризикуваат нештата. Но, дали е тоа избор на полесниот пат и останување во зоната на удобност.Она што го знаеме е дека стресот и нервозата не водат кон ништо добро и дека секогаш би требало да се одлучуваме за некаква нематеријална корист, а не за материјална.Приоритетите можат брзо да се променатСе разбира, би било лицемерно да се тврди дека покачувањето не е важно и дека не звучи примамливо. Платата која е доволно висока за да ни овозможи да живееме нормален живот, живот кој не е само преживување, туку барем малку повеќе од тоа, исто така е многу важна ставка при изборот на работа и секој дополнителен бонус или покачување може да биде многу неопходен во некои животни ситуации и околности, па ако е потребно, би работеле и ден повеќе само за да може да се постигне стабилноста и безбедноста што си ја посакуваме, за себе и за другите.Информацијата што неодамна ја изнесе Светската здравствена организација е дека главната причина за повредите или здравствените проблеми при работа не се несреќите на работа, туку долгото работно време. Срцев удар, мозочен удар и многу други ненадејни болести може да се припишат на работењето премногу денови по ред без слободен ден и премногу часови на ден.Се разбира, не секоја прекувремена работа ќе предизвика болест, но фактот дека преголемата посветеност на работата може да влијае врз нашето здравје е уште еден во низата аргументи за да се одлучиме за слободен ден повеќе, или малку пократко работно време, отколку за покачување.Но, секој од нас има различни приоритети и на исти работи гледаме на сосема различни начини. Исто така, една иста личност во различни периоди од животот има различни желби и приоритети, па којзнае како ќе би изгледал нашиот одговор за пет, десет или, пак, само за една година....
Алкараз и Зверев стигнаа до четвртфиналето, Маросан приреди изненадување
Алсат-М - пред 23 часа
Карлос Алкараз се пласира во четвртфиналето на Мастерсот во Мајами, откако во два сета со 6-3, 6-3 за 87 минути игра го совлада Италијанецот Лоренцо Мусети. Шпанецот, кој минатата недела го освои трофејот во Индијан Велс, во четвртфиналето ќе се сретне со Григор Димитров кој го надигра Хуберт Хуркач со 3-6, 6-3, 7-6/3.Александар Зверев одигра еден од најдобрите мечеви оваа сезона и избори пласман меѓу најдобрите осум на турнирот од Мастерс серијата во Мајами. Актуелниот олимписки шампион за 70 минути го совлада pусинот Карен Хачанов со 6-1, 6-4.Негов ривал за место во полуфиналето изненадувачки ќе биде yнгарецот Маросан, кој во три сета го победи фаворизираниот Де Минор со 6-4, 0-6, 6-1....
Рокот за изградба на автопатот Кичево-Охрид да се пролонгира до крајот на 2026 година, предлага Владата
Алсат-М - пред 23 часа
До крајот на 2026 година да се пролонгира рокот за завршување на автопатот Кичево-Охрид предлага Владата, која денеска на седница утврдила предлог одредби за законски дополнувања со цел склучување нов, шести по ред анекс на Договорот за изградба со кинески „Синохидро“.-Владата, на предлог на Министерството за транспорт и врски, ја разгледа Информацијата за потребата од донесување Закон за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид, заради склучување Анекс бр.6 кон Договорот за изградба на автопат, делница Кичево – Охрид и ги утврди предлог одредбите на дополнувањето. Со утврдените законски дополнувања, 31.12.2026 година се предвидува како краен рок до кога изведувачот треба да ги заврши работите на оваа автопатска делница. Причина за пролонгирање на рокот за изградба се 13 нови свлечишта што се појавија на трасата, како резултат на првичниот несоодветен проект и предвремен почеток на изградба на оваа делница, информира владината прес-служба во соопштение по седницата....
Врнежи од снег на Попова Шапка, Стража и Маврово
Алсат-М - пред 23 часа
Врнежи од снег со променлив интензитет се бележат на Попова Шапка и на планинскиот превој Стража. Во Маврово врнежите се помешани од дожд и снег (лапавица), но во моментов не преставуваат пречка за одвивање на сообраќајот. Сообраќајот на останатиот дел од државните патишта се одвива тековно, пo влажни коловози.Како што соопштуваат од ЈП Македонијапат, сите патни правци во државата се проодни. На одредени патни правци кои поминуват низ клисури и усеци можна е појава на поситни одрони.Се апелира на внимателно управување со возилата, почитување на поставената сообраќајна сигнализација,како и прилагодување на брзината спрема условите на патот.Дежурните екипи на ЈП Македонијапат, се посочува, постојано се на терен и ги одржуваат сите патни правци проодни....
ВИДЕО / Аргентина без Меси, со преврт славеше против Костарика
Алсат-М - пред 23 часа
Аргентина, актуелниот светски шампион, славеше во пријателскиот натпревар против Костарика со 3-1, иако на полувремето губеше со 0-1.На овој дуел „гаучосите“ настапија без својата најголема ѕвезда Лионел Меси кој се повреди. На стадионот „Колосеум“ во Лос Анџелес, Угалде најави изненадување со голот во 34. минута со кој Костарика дојде во водство. Со овој резултат се замина на одмор.Сепак, само четири минути им беа потребни на „гаучосите“ да го свртат курсот. Анхел ди Марија погоди во 52. минута, а Мекалистер ги доведе аргентинците во водство во 56. минута. Точка на триумфот стави Лаутаро Мартинез во 77. минута, само шест минути откако го замени Гарначо на теренот....
Продолжува потрагата по двегодишната Данка
Алсат-М - пред 23 часа
Повеќе од 18 часа се трага по двегодишното девојче Данка Илиќ кое вчера попладне исчезнало во околината на градот Бор во Србија. Потрагата продолжува и денеска. На терен се полицајци, пожарникари-спасувачи, припадници на планинарската спасувачка служба, припадници на жандармеријата. Во потргата се вклучени и кучиња-трагачи, ловџии и бројни граѓани, а се користат и хеликоптери и дронови со камери.Полицијата оди од зграда до зграда за да најде некаква трага која ќе помогне во потрагата по исчезнатата Данка, а проверени се и сите напуштени објекти во приградската населба Бањско Поле во околината на Бор.На приодот кон Бањско Поле има пунктови каде што полицијата врши увид на возила, а како што јавуваат српските медиуми, се истражуваат и сите лица од безбедносен интерес кои претходно биле во судир со законот.Потрагата по девојчето е делумно отежната поради дождот кој од вчера врне речиси непрекинато, но и од ниските температури кои сношти се спуштиле на 6 Целзиусови степени, колку што е и сега, јавува Данас....
Mинистрите за европски прашања од ПСЈИЕ на состанок во Скопје
Алсат-М - пред 23 часа
Во организација на владиниот Секретаријат за европски прашања (СЕП) денеска во Скопје ќе се одржи состанок на министрите за европски прашања на земјите-учеснички на Процесот за соработка на Југоисточна Европа (ПСЈИЕ) 2024, во рамки на претседавањето на Република Северна Македонија со оваа регионална организација.Како што соопшти СЕП, домаќин на средбата на министрите за европски прашања на ПСЈИЕ е првиот заменик претседател на Владата за европски прашања, Бојан Маричиќ.Северна Македонија го презеде претседавањето со Иницијативата на 1 јули лани од Црна Гора.Мотото на претседателството е „Премостување поделби, градење доверба“, со вклучување на приоритетите за помирувањето, регионалната соработка и забрзување на евроатлантските интеграции.ПСЈИЕ е основан 1996 година, и претставува најсеопфатен формат во регионот со оглед дека ги вклучува сите 13 држави од ЈИЕ: Албанија, БиХ, Бугарија, Грција, Северна Македонија, Романија, Србија, Турција, Хрватска, Црна Гора, Молдавија, Словенија и Косово....
Баерн Минхен, нов обид да го ангажира дефанзивецот на Барселона
Алсат-М - пред 23 часа
Раководството на Баерн Минхен ќе направи нов обид да го ангажира дефанзивецот на Барселона Роналд Араухо. Баварците во зимскиот преоден рок понудија 80 милиони евра за уругвајскиот репрезентативец, но нивната понуда беше одбиена.Сега германскиот гигант е подготвен да ја зголеми својата понуда за 20 милиони евра, со што се надева дека ќе го убеди каталонскиот клуб кој е во многу сериозна финансиска криза да се согласи на продажба, пишува „Марка“.Баерн оваа сезона има сериозни дефанзивни проблеми и верува дека Араухо може да ги реши и да стане лидер во одбраната на тимот.Во исто време Барселона размислува да му понуди нов договор на Араухо. Каталонците сакаат да задржат еден од своите клучни играчи барем до летото 2029 година....
Лејкерси, по две продолженија го победија Милвоки
Алсат-М - пред 1 ден
Екипите на Милвоки Бакс и Лос Анџелес Лејкерс одиграа фантастичен натпревар во НБА лигата. По две продолженија и голем пресврт, тимот од Градот на ангелите победи со 128-124 и тоа без својот најдобар играч Леброн Џејмс. Лејкерси на осум минути пред крајот имаа негатива од 19 разлика, а во последните три и пол минути влегоа со минус 10 (91-101). Сепак, од тој момент успеаја да го заклучат пристапот до нивниот кош и со серија од 10-0 го одведоа натпреварот во продолжение. Одлуката беше донесена дури во вторите пет минути, во кои повеќе од три минути ниту една екипа не можеше да го погоди кошот. Ривс со тројка го „скрши мразот“ за 124-121, а победата на Лејкерси ја обезбеди Расел од слободни фрлања.Ентони Дејвис постигна 34 поени и имаше дури 23 скока, додека Ривс оствари „трипл-дабл“ со 29 поени, 14 скока и 10 асистенции. Од друга страна, Адетокунбо имаше двоцифрен учинок во три статистички категории – 29 поени, 21 скок и 11 асистенции. Лилард го следеше со 27 поени и осум асистенцииДалас ја врза петтата победа. Лесно го победија Сакраменто Кингс со 132:96 на гостински терен. Дончиќ постигна 28 поени и 11 скока, додека Кајри Ирвинг имаше 24 поени и осум асистенции.Оклахома го комплетираше стопроцентниот учинок на гостинските екипи со победата над Њу Орлеанс од 119:112. Џош Гиди постигна 25 поени, а Шеј Гилџис-Александер 24 поени....
Исчезнатите шестемина работници по уривањето на мостот во Балтимор се претпоставува дека се мртви
Алсат-М - пред 1 ден
Полицијата на државата Мериленд утрово соопшти дека шесте лица кои се водат за исчезнати по уривањето на мостот „Френсис Скот Ки“ откако голем товарен брод удрил во еден од неговите носечки столбови се претпоставува дека се мртви, пренесува Си-ен-ен.Властите соопштија дека осум градежни работници по рушењето на мостот паднале во реката Патапско. Две лица биле спасени вчера, но останатите шест се претпоставува дека се мртви, со оглед на длабочината на водата и времетраењето на нивната потрага.Надлежните посочиле дека потрагата со тим на нуркачи ќе продолжи и во текот на денешниот ден.Белата куќа соопштила дека претседателот Џо Бајден разговарал со федерални, државни и локални претставници со цел да се најдат причините за уривање на мостот. Тој ветил дека американската федерална влада ќе ги плати сите трошоци за обнова на мостот во Балтимор, кој исто така ја запре активноста на големото пристаниште за земјата....
Армијата и МНР денеска ќе одбележат четири години членство во НАТО
Алсат-М - пред 1 ден
Централната свеченост по повод четири години од членството на Северна Македонија во НАТО ќе се одржи денеска на платото пред Министерството за одбрана, а ќе биде одбележан и Денот на Генералштабот.На свеченоста ќе се обратат првиот вицепремиер за европски прашања Бојан Маричиќ, министерката за одбрана Славјанка Петровска и директорот на Генералштабот на Армијата бригаден генерал Симеон Трајковски.Армиската гарда ќе ја изведе показната точка „Егзерцир“, а промовирани ќе бидат и две поштенски марки изработени по повод четири години од членството во НАТО и 75-годишнината од основањето на Алијансата.Пред централаната свеченост Министерството за надворешни работи ќе одржи традиционален настан со дипломатскиот кор, со што ќе се одбележи почетокот на Деновите на НАТО во државата, кои ќе траат до 4 април.Владата вчера одржа свечена седница по повод годишнината од членството во НАТО....
Русија ја отфрла мировната конференција во Швајцарија
Алсат-М - пред 1 ден
Русија не гледа шанси Швајцарија да ги води напорите за обезбедување мир во Украина, изјави постојаниот руски претставник во Обединетите Нации во Женева, Генадиј Гатилов, откако официјален Берн соопшти дека планира во следните месеци да организира мировна конференција на високо ниво за Украина, пренесоа британските медиуми.Швајцарските власти соопштија дека е малку веројатно Русија да учествува, барем не на почетокот на преговорите.„Засега не гледаме никаква можност Швајцарија да го преземе водството и да организира нешто“, рече Гатилов.Русија, која пред две години ја почна инвазијата врз Украина, соопшти дека швајцарската иницијатива е осудена на пропаст без учеството на Москва....
Времето денеска: Облачно со засилен ветер, попладне дожд
Алсат-М - пред 1 ден
Времето денеска ќе биде променливо облачно со сончеви периоди, соопштија утрово од Управата за хидрометеоролошки работи.„Ќе дува засилен ветер со брзина на 60 километри на час од југоисточен правец, особено долж Повардарието. Кон крајот на денот и во текот на ноќта ќе има врнежи од дожд, кои наместа ќе бидат поројни и проследени со ретки грмежи“, велат пд УХМР.Оттаму прогнозираат дека минималната температура ќе биде во интервал од 3 до 8 степени, а максималната ќе достигне од 15 до 20 степени.„Во Скопје времето ќе биде променливо облачно со сончеви периоди, ќе дува умерен до засилен ветер од југоисточен правец. Минималната температура ќе се спушти до 6, а максималната ќе достигне 18 степени“, соопштија од УХМР....
Живот со три болни ќерки и помош од 300 евра
Алсат-М - пред 1 ден
Куќата на 64-годишната Музафера Арифи од Ченто е претворена во болница. Трите возрасни девојки имаат бројни здравствени проблеми. Постојано се под дејство на лекови, неможејќи да работат и да и помогнат на својата мајка. Макфире е во најтешка состојба и не мрда од кревет. На домаќинката Арифи која веќе неколку години е без сопругот, животот и станал тежок а преживува со само 18.000 денари месечно.„Малата е многу лошо, не може да зборува, не може ни да јаде, ни да пие. Никој ги нема моите проблеми, катастрофа сме со храната, се трудам да готвам за нив. Како го поминуваме месецот, само јас знам, малку тестенини, нешто така. Кога земам нега од ќерката, одам да купам храна, што ми треба, им правам за јадење, што да правам друго.. од ќерката земам 100 евра и социјално 200 евра, вкупно 300 евра. . Што ќе правиш со 300 евра, лекови ли да купам или што. Дали трошите многу на лекови? Да, над четири илјади денари. Памперси купувам. Искрено, кога имам, еднаш купуваме лекови, потоа други работи“, рече Музафере Арифи, домаќинка.На семејството Арифи му требаат многу работи. Нивното посебно барање е да им се обезбеди станбен објект блиску до здравствените установи.„Апелирам до луѓето кои можат да ни помогнат, барем да имаме месечна плата и куќа. Кога сестра ми има грчеви, мораме да ја носиме на лекар, не можам сама да ја носам“, изјави Рејхане Арифи.„Докторите се далеку, училиштето е далеку. За нас е поважно да го имаме лекарот до нас бидејќи сите сме болни дома“, рече Ширете Арифи.Она што уште повеќе го загрижува ова семејство е немањето канализација. Водата од канализацијата често завршува во нивниот двор предизвикувајќи неподнослива миризба. Поради тешката економска состојба, семејството Арифи не ги плаќа сметките за струја и вода, ризикувајќи да остане без струја и вода./Алсат.мкМелихате РустемиЗаинтересираните кои сакаат да му помогнат на ова семејство можат да се обратат на телефонскиот број: +389 70 217 868...
Нов бран поскапувања по изборите
Алсат-М - пред 1 ден
Движењето на цените на прехранбените производи во текот на месец март не предизвика големи реакции кај граѓаните кои станаа имуни на постојани поскапувања. Во јавноста се шпекулира дека по укинувањето на гарантираните цени, има непишан договор меѓу владата и трговските гигантите – цените да се држат релативно стабилни во предизборниот период, додека по 15 мај се очекува нов бран поскапувања на храната. Вицепремиерот за економски прашања Фатмир Битиќи очекува цените да се стабилизираат со Законот против нефер трговски практики.Економистот Бранимир Јовановиќ изјави дека Владата направи голема грешка што ги укина загарантираните цени и на тој начин ги остави цените во рацете на трговците се до средината на септември кога целосно ќе се применува Законот против нефер трговски практики.Во март вредноста на минималната кошничка достигна 58.998 денари или за 1.522 денари е повисока од февруари. Според Сојузот на синдикати на Македонија, најголем раст има во секторот храна и пијалаци. Трошокот е уште поголем, или 74.373 денари, доколку во овие трошоци се вклучи и киријата на стан од 60м2. Сојузот на синдикати предложи продолжување на мерките за гарантирани цени до средината на септември, период кој се поклопува со целосната примена на Законот со цел работниците и граѓаните да бидат заштитени од поскапувањата на основните прехранбени производи./Алсат.мкАднан Ќаили...
Куќата на 64-годишната Музафера Арифи од Ченто е претворена во болница
Алсат-М - пред 1 ден
Куќата на 64-годишната Музафера Арифи од Ченто е претворена во болница. Трите возрасни девојки имаат бројни здравствени проблеми. Постојано се под дејство на лекови, неможејќи да работат и да и помогнат на својата мајка. Макфире е во најтешка состојба и не мрда од кревет. На домаќинката Арифи која веќе неколку години е без сопругот, животот и станал тежок а преживува со само 18.000 денари месечно.„Малата е многу лошо, не може да зборува, не може ни да јаде, ни да пие. Никој ги нема моите проблеми, катастрофа сме со храната, се трудам да готвам за нив. Како го поминуваме месецот, само јас знам, малку тестенини, нешто така. Кога земам нега од ќерката, одам да купам храна, што ми треба, им правам за јадење, што да правам друго.. од ќерката земам 100 евра и социјално 200 евра, вкупно 300 евра. . Што ќе правиш со 300 евра, лекови ли да купам или што. Дали трошите многу на лекови? Да, над четири илјади денари. Памперси купувам. Искрено, кога имам, еднаш купуваме лекови, потоа други работи“, рече Музафере Арифи, домаќинка.На семејството Арифи му требаат многу работи. Нивното посебно барање е да им се обезбеди станбен објект блиску до здравствените установи.„Апелирам до луѓето кои можат да ни помогнат, барем да имаме месечна плата и куќа. Кога сестра ми има грчеви, мораме да ја носиме на лекар, не можам сама да ја носам“, изјави Рејхане Арифи.„Докторите се далеку, училиштето е далеку. За нас е поважно да го имаме лекарот до нас бидејќи сите сме болни дома“, рече Ширете Арифи.Она што уште повеќе го загрижува ова семејство е немањето канализација. Водата од канализацијата често завршува во нивниот двор предизвикувајќи неподнослива миризба. Поради тешката економска состојба, семејството Арифи не ги плаќа сметките за струја и вода, ризикувајќи да остане без струја и вода./Алсат.мкМелихате РустемиЗаинтересираните кои сакаат да му помогнат на ова семејство можат да се обратат на телефонскиот број: +389 70 217 868...
Откриено зошто бродот удрил во мостот во Балтимор
Алсат-М - пред 1 ден
Во американскиот град Балтимор, во сојузната држава Мериленд, големиот мост Френсис Скот Ки денеска се урна во реката откако во него удрил теренски брод, кој потоа се запалил. На мостот имало неколку возила, кои по уривањето на мостот завршиле во реката.Како што пренесува Ројтерс, едно лице наводно починало во болница по уривањето на мостот.Ројтерс ги пренесува зборовите на министерот за транспорт на Мериленд.Инаку, претходно медиумите неофицијално објавија дека се трага по најмалку 20 лица, а на бродот имало осум лица, од кои двајца се спасени, а еден од нив е пренесен во болница во тешка состојба.„Деталите брзо се собираат, но прелиминарната истрага укажува дека се работи за случаен инцидент“, изјави гувернерот на Мериленд, Вес Мур и додаде дека нема информации што би сугерирале дека се работи за тероризам, пренесуваат тамошните медиуми.Истиот брод што удри во мостот исто така беше вклучен во судир додека го напушташе пристаништето Антверпен, Белгија во 2016 година.Контејнерскиот Брод Дали „загуби погон“ додека го напушташе пристаништето, а екипажот на бродот ги предупреди претставниците на Мериленд за можна несреќа, објави ABC News, повикувајќи се на некласифициран извештај на американското разузнавање.„Екипажот на Дали го известил Одделот за транспорт во Мериленд дека изгубиле контрола над бродот и дека е можен судир со мостот“, ја цитираше АБЦ американската Агенција за сајбер безбедност и инфраструктура.Професорката Барбара Роси рече дека потпорната конструкција на која удри бродот изгледа е направена од армиран бетон.„Два бетонски столбови во форма на А над водата поврзани со хоризонтална греда формираат еден дел од подградбата, над водата“, рече таа.„Силата на ударот мора да била огромна за да предизвика колапс на овие масивни бетонски конструкции. Оваа голема структура остана без една од нејзините клучни потпори“, рече таа....
Законот за рестриктивни мерки, ќе го чека следниот парламентарен состав
Алсат-М - пред 1 ден
Законот за рестриктивни мерки, како што се покажа, нема да помине во овој парламентарен состав. Промените кои, според предлагачот, се очекува да ги санкционираат лицата кои се на американската црна листа, или се со слични санкции од ЕУ, се заглавени во Собранието и нема политички договор за нивно деблокирање. Владата, односно Министерството за надворешни работи го предложи законот по редовна постапка,но тој мора да помине преку Комисијата за надворешна политика, која ја предводи опозицискиот пратеник Антонио Милошоски. Според надлежните, Милошоски блокира.Од друга страна, опозицијата вели дека во земјата постојат многу закони за гонење на криминалот и корупцијата, во случај да има волја тоа да се случи. Според нив, тоа што законот е во редовна постапка значи дека треба да има и јавна расправа.Албанската опозиција вели дека неодобрувањето на законот одговара на ДУИ и коалицијата формирана со партијата на Мехдух Тачи, која е на американската црна листа.„Денес ја имаме причината зошто е законот блокиран.“ – Денеска Али Ахмети потпиша договор со Мендух Тачи, кој е на американската црна листа. Ова покажува зошто овој закон беше блокиран, со цел да се направи оваа потребна соработка и проевропска за ДУИ, а од друга страна промовираат нешто друго пред населението, друго зборуваат, ја обвинуваат другата страна ”, рече Висар Ганиу, СЕСП.На американската црна листа неодамна се најдоа Стевчо Јакимовски – претседателски кандидатка, Катица Јанева, поранешната главна специјална обвинителка, а претходно и Рамиз Мерко, градоначалник на Струга, Кочо Анѓушев, поранешниот вицепремиер за економски прашања, поранешниот шеф на тајната служба Сашо Мијалков, поранешниот премиер Груевски, бизнисменот Орце Камчев и други./Алсат.мкФатлуме Дервиши...
Ангелов ѝ се приклучи на опозицијата, но останува функционер во власта
Алсат-М - пред 1 ден
Откако директорот на ЦУК, Стојанче Ангелов најави дека со неговата партија „Достоинство“ преминува во коалиција со опозициската ВМРО-ДПМНЕ, вчера, како што вели Ангелов, премиерот Талат Џафери телефонски му најавил дека ќе го разреши. Од Владата велат дека за кдаровското решние во ЦУК ќе одлучуваат на наредната седница. Неофицијално, Џафери ќе се консултира за законските одредби за разрешувања на функционери за време на распишани избори. Ангелов денеска повтори дека без противење би го прифатил евентуалното разрешување, иако од СДСМ добил збор дека тоа нема да се случи.„За да биде прифатен предлогот на премиерот за мое разрешување поддршка треба да дадат и министрите, вклучително и вицепремиерите од СДСМ. Во спротивно, ќе нема мнозинство за мое разрешување. // Јас сум директор именуван од оваа Влада, но она што тој сака да ме праша ние јавно го кажавме. Ние јавно објавивме дека излегуваме од коалицијата со СДСМ, тоа е неспорно и влегуваме во коалиција со ВМРО-ДПМНЕ“, наведува Ангелов.Од СДСМ велат дека владејачката коалиција нема да иницира постапка за разрешување на Ангелов од директорската позиција во ЦУК. Тој ја напушти коалицијата со социјалдемократите, бидејќи не бил изгласан Законот за бранителите што тој го иницираше. Засега нема детали дали ова прашање било дел од коалицискиот договор со ВМРО-ДПМНЕ. Од опозицијата велат дека разговараат со Достоинство на Ангелов, „Обединети за Македонија“ на Љубе Бошковски, како и „Демократски сојуз“ на Павле Трајанов, но и други помали владејачки партии без да презицираат кои. Од ВМРО очекуваат до крајот на неделава да финализираат разговорите и да се потпише коалициски договор.„Има од владејачката коалиција партии коишто најверојатно ќе се приклучат, оставам мал услов зашто процесот е при крај. Но, има и партии коишто сакаа да разговараат со нас, но со кои ние сметавме дека не треба да разговараме затоа што не ги делат нашите принципи и ставови“, рече Александар Николоски – потпретседател на ВМРО-ДПМНЕ.Додека функционерите кои решија да и се приклучат на опозицијата овие денови по се изгледа ќе останат во фотелјите, тоа не беше случај со директорите на Алијанса за Албанците, кои останаа верни на Арбен Таравари. За директорите на Агенцијата за странски инвестиции и Пошта на Македонија, Газменд Абдија и Бујаре Абази, Џафери експресно свика седница, ги разреши и не ги почека одлуките на Кадровската комисија на Алијанса.Лука Андреев...
Маурицио Сари, експресно ја одбил понудата на Нотингем Форест
Алсат-М - пред 1 ден
Маурицио Сари на 13 март си поднесе оставка од тренерската функција во Лацио, а само неколку дена подоцна трофејниот стратег доби интересна понуда за нов ангажман, и тоа во Премиер Лигата каде што веќе има искуство од работата во Челси.Нотингем Форест е клубот кој веднаш испратил понуда до Сари, нудејќи му значително зголемување на платата во однос на онаа што ја земаше во Лацио, за веднаш да седне на клупата на „шумарите“. Овој клуб се соочува со борба за опстанок до крајот на сезонава, а грчкиот газда на клубот е убеден дека со Сари на клупата оваа цел ќе биде исполнета.Сепак, мисијата не беше успешна бидејќи 65-годишниот стратег експресно ја одбил понудата на Нотингем, јасно ставајќи до знаење дека нема намера да прифати нов ангажман до крајот на оваа сезона. Желба на искусниот стручњак е да одмори неколку месеци, па потоа летово да најде нов клуб. Според италијанските медиуми, големи се шансите тоа да биде Фиорентина откако актуелниот стратег Италијано веќе најави дека летово ќе си замине од „Артемио Франки“....
Претстојните собири, РФМ одреди премии за сениорските репрезентации
Алсат-М - пред 1 ден
Управниот Одбор на Ракометната Федерација на Македонија донесе неколку одлуки на последната седница. По итна постапка беа утврдени премиите за сениорските репрезентации, за пласман на претстојните големи собири.Ракометарите во мај ги очекува двомеч против Фарските Острови за пласман на Светското првенство кое следниот јануари ќе се одржи во Хрватска, Данска и Норвешка. Од друга страна, дамите се на добар пат да се пласираат на Европското првенство кое кон крајот на оваа година ќе се одржи во Австрија, Унгарија и Швајцарија.За пласман на мажите, односно жените на двата големи собири, Управниот Одбор на РФМ утврди премии во висина од по два милиони денари (2.000.000 денари). Девојките последните два натпревари од квалификациите ќе ги одиграат против Азербејџан на гости и Литванија дома, а на табелата имаат по два бода повеќе од следните ривалки. Од друга страна, ракометарите на осми мај гостуваат кај Фарските Острови, додека четири дена подоцна на домашен паркет ќе бркаат виза за Мундијалот....
Џонтеј Портер се обложувал на своите настапи во Торонто?!
Алсат-М - пред 1 ден
Џонтеј Портер од редовите на Торонто Pепторс е исфрлен од екипата затоа што НБА-лигата против него почна истрага.„ЕСПН“ пишува дека лигата има докази дека Портер веќе некое време се обложувал на своите настапи за Торонто, а поради тоа кошаркарот би можел да добие суспензија. Портер на мечот против Клиперс наводно се обложил дека ќе има помалку од 5,5 поени, 4,5 скокови, 1,5 асистенции и 0,5 тројки на натпреварот.Кошаркарот не се ни обидел да шутне за три поени, имал една асистенција и три скокови, додека на мечот не се запишал во листата на стрелци затоа што поминал само четири минути на паркетот....
Тетово – сопственици на дуќани и куќи сѐ уште чекаат обештетување поради поплавите од пред две години
Алсат-М - пред 1 ден
Повеќе од 160 сопственици на куќи и дуќани од Тетово кои претрпеа големи штети за време на поплавите пред две години, и натаму чекаат обештетување од Владата и општина Тетово. Еден од нив е Пајазит Ковачи, кој во својата работилница имал штета од околу 35.000 евра.„До сега ништо не е платено ниту од државата ниту од општината, ништо. Оштетата е близу 35.000 евра, оштетена е комората и целата механизација, дојде комисија, полиција ама ништо. Многу нè оштети, но сами го саниравме, позади има алат кој не е поправен. Сега дел од нив стававме во функција, но со сопствени финансии“, вели Пајазит Ковачи, жител.Од општина Тетово велат дека обештетувањето на жителите треба да го направи Владата до која е испратена документацијата.„Ја имаме готова целата документација од терен и доколку Владата го сменила ставот во врска со оваа постапка, требало да не извести како локална самоуправа, и да ги пушти потребните алатки. Станува збор за повеќе од 150 оштетени објекти, висината на штетата изнесува четири милиони денари. Вреди да се напомене дека што се однесува до обврските на општина Тетово, еден дел е исполнет и наскоро ќе започне исполнувањето на останатите обврски“, рече Бесарта Рамазан, портпаролка на општина Тетово.Додека жителите чекаат обештетување, Јавното комунално претпријатие „Тетово“ веќе започна со превентивни мерки од можни поплави.„Апелирам до жителите кои имаат тврд отпад за фрлање, да не контактираат на броевите на фирмата и ќе им обезбедиме услуга, ќе одиме дома и ќе го однесеме отпадот да не го фрлаат во река, бидејќи штетата од фрлањето во река е многу поголема“, вели Самет Бислими. директор на ЈКП „Тетова“, Тетово.Пред две години Тетово беше зафатена од поплави во мај и јули, при што беа оштетени 130 куќи и 37 деловни простории.Башким Сулејмани...
Големата кашлица го полни Козле
Алсат-М - пред 1 ден
Во детската болница во Козле голем е бројот на пацинети со голема кашлица, но во болница се примаат само најзагрозените бебиња. На одделот за интензивна нега во „Козле“ во моментов има 5 бебиња, од кои најстарото е 3 месеци, додека најмалото само 25 дена.Екипата на Алсат ги посети просториите на одделот. Мајката рече дека нејзиното тримесечно бебе ја примило само првата доза од вакцината ДиТеПер, а останатите дози ќе ги прими по целосно закрепнување.„Сега е подобро отколку што беше… Прво ‘рчеше, а потоа почна да кашла. Но, најмногу ме исплаши кога ’рчеше”, вели една мајка.Според податоците на Центарот за јавно здравје, во последната недела се регистрирани 72 нови случаи на голема кашлица или за 67% повеќе во однос на претходната недела. Најголем број или 58 има во Скопје. Возраста на заболените е од 0-44 години, додека најголем број се во возрасната група од 10-14 години. Од почетокот на годинава до 21 март во земјава се регистрирани вкупно 287 случаи на кашлица.Ајнур Бафќари...
Усвоен новиот Европски закон за слобода на медиумите
Алсат-М - пред 1 ден
Советот на ЕУ го усвои Европскиот закон за слобода на медиумите, кој има за цел заштита на слободата на медиумите, медиумскиот плурализам и независноста на уредувачката политика во Унијата.Како што јави дописникот на МИА од Брисел, со Европскиот закон за слобода на медиумите (ЕМФА) се воспоставува заедничка рамка за медиумските услуги на ниво на ЕУ и се воведуваат мерки насочени кон заштита на новинарите и медиумите од политичко мешање, а истовремено треба да придонесе за олеснување на нивното работење.Новите правила го гарантираат правото на граѓаните за пристап до бесплатни информации од повеќе извори и ја дефинираат одговорноста на земјите членки да обезбедат соодветни услови и рамка за заштита на новинарите и медиумите.Усвојувањето на регулативата претставува одговор на зголемената загриженост во ЕУ за политизацијата на медиумите, за недостигот на транспарентност околу сопственоста на медиумските куќи и за начинот на користење на државните средства за рекламирање.Со Законот, се воспоставуваат заштитни мерки за борба против политичкото мешање во уредувачката политика на медиумите, за заштити новинарите и нивните извори на информации и за гарантирање на медиумските слободи и плурализам....
Ангелов: Мојата средба со Џафери е излишна
Алсат-М - пред 1 ден
Откако завчера Стојанче Ангелов, лидерот на партијата „Достоинство“ и директор на Центарот за управување со кризи (ЦУК), најави дека неговата партија излегува од коалицијата предводена од СДСМ, техничкиот премиер Талат Џафери вчера најави дека денеска ќе разговара на оваа тема со него и дека ќе биде разрешен доколку се одлучил на таков чекор.По најавата на техничкиот премиер Талат Џафери за средба со директорот на ЦУК, Стојачне Ангелов, за кого рече дека ќе го разреши доколку ја почнал постапката за излегување од коалиција со СДСМ, на социјалната мрежа Фејсбук се огласи Ангелов. „Мојата средба со Џафери на оваа тема е излишна“, му порача тој на премиерот.Како директор на ЦУК мој приоритет секогаш била, е и ќе биде, безбедноста на граѓаните поради што максимално посветено и професионално ја извршувам оваа одговорна функција, додава тој.„Доколку Владата се согласи со предлогот на премиерот Талат Џафери и смета дека треба да бидам разрешен, јас без противење ќе ја прифатам нејзината одлука“, дециден е директорот на ЦУК....
Британскиот суд ја одложи екстрадицијата на Асанж во САД
Алсат-М - пред 1 ден
Судот во Велика Британија пресуди дека основачот на Викиликс Џулијан Асанж сè уште не може да биде екстрадиран во Соединетите Држави (САД), каде што е обвинет за шпионажа.Високиот суд во Лондон одлучи да му даде право на Асанж повторно да се жали на одлуката за екстрадиција, освен ако американските власти не обезбедат дополнителни гаранции за тоа што ќе се случи со него откако ќе биде екстрадиран.Судењето за случајот на Асанж, кое трае повеќе од десет години, е одложено за 20 мај, пишува АП.За време на дводневното сослушување на Високиот суд во февруари, адвокатот на Асанж, Едвард Фицџералд рече дека американските власти сакаат да го казнат затоа што Викиликс „го разоткри криминалот на американската влада во невидени размери“.Тој беше обвинет за 17 точки за шпионажа и една точка за злоупотреба на компјутер за објавување доверливи американски документи на неговата веб-страница пред речиси 15 години....
Митрески ги собра на иста маса Ковачевски, Заев, Шекеринска и Бучковски
Алсат-М - пред 1 ден
Во пресрет на 27 март – денот кога С Македонија одбележува четири години од зачленувањето во НАТО Алијансата – собранискиот спикер Јован Митрески денска организирал средба во просториите на Клубот на пратениците на која, меѓу другите, присуствувале тројца експремиери од редовите на СДСМ.Според фотографијата објавена на фејсбук-профилот на Митрески, тој седи во друштво на експремиерот Димитар Ковачевски, неговиот претходник Зоран Заев и Владо Бучковски кој беше на премиерската позиција од 2004 до 2006 година. До нив седи и ексминистерот за внатрешни работи Оливер Спасовски.Присутна на средбата била и поранешната министерка за одбрана во владата на Зоран Заев, Радмила Шекеринска, за време на чие министерување земјава стана дел од воената алијанса.„Со тројцата поранешни премиери и поранешната министерка за одбрана Радмила Шеќеринска, која го развиори нашето знаме во седиштето на НАТО, но и со поранешни пратеници, амбасадори, носители на високи државни функции, разговаравме за придонесот што секој од нас поединечно го дал во овој процес и за патот што го изодевме за да имаме денеска безбедна држава, особено во услови воената агресија недалеку од нас. Заедно и решително продолжуваме кон остварување на визијата за европска и просперитетна иднина“, пишува Митрески во објавата на Фејсбук....
Македонките се мажат најмлади во регионот
Алсат-М - пред 1 ден
Жените во Македонија најмлади стапуваат во брак споредено со другите земји во регионот. Просечната возраст на која Македонките се мажат е 26,6 години, покажува анализата на статистичкиот портал „Ландгеист“, базирана на податоци на Евростат.Девојките во Црна Гора стапуваат во брак просечно на 27,5 години, во Бугарија на 28,3, во Србија на 28,5, во Хрватска и во Косово на 28,8, а во Грција на 30,9 години.Во повеќето европски земји, жените стапуваат првпат во брак на над 30-годишна возраст. Забележлива е разликата во Западна и во Источна Европа, колку се оди позападно, толку е поголема просечната возраст.Најмлади се мажат Украинките на 24,9 години, девојките во Белорусија на 25,1 и во Турција на 25,2 години.Жените во Шведска, пак, стапуваат во брак просечно на возраст од 34,8 години, во Шпанија на 34,7, а во Норвешка на 34,1 година....
Германија најави гранични контроли за време на Европското фудбалско првенство
Алсат-М - пред 1 ден
Германската министерка за внатрешни работи Ненси Фезер најави дека привремено ќе бидат обновени проверките на сите граници на Германија за време на Европското фудбалско првенство летово.„За времетраењето на првенството привремено ќе вршиме проверки на сите германски граници за да спречиме влез на територијата на земјата на луѓе склони кон акти на насилство“, рече Фесер во интервјуто објавено денеска во „Рајнише пост“.Според неа, мерката е неопходна за да се обезбеди најдобра можна заштита на важниот меѓународен настан.„Акцентот ќе биде ставен на заштитата од екстремисти, хулигани и други сторители на насилни акти, важен фокус ќе биде и безбедносната мрежа од кибер напади. Нашиот фокус е најмногу на овие актуелни закани“, рече Фезер....
Cмртни закани од мафијаши до Анхел Ди Марија
Алсат-М - пред 1 ден
Аргентинскиот фудбалер Анхел Ди Марија добил смртни закани од мафијаши, откако се појавија шпекулации дека ќе се врати во Росарио Централ.Ди Марија сака да ја заврши кариерата во аргентинскиот тим, но на одредени мафијаши не им се допаѓа таа идеја.„Кажете му на вашиот син Анхел да не се враќа во Росарио или во спротивно ќе биде убиен член од блиското семејство. Ниту гувернерот на Росарио нема да го спаси. Ние не оставаме пораки, туку мртви тела“, биле пораките испратени до семејството на Аргентинецот....
Судењето за „Организатори на 27 април“ одложено за 30 април
Алсат-М - пред 1 ден
Судењето за случајот „Организатори на 27 април“ денеска е одложено за 30 април годинава.Судијата Илија Трпков, на почетокот на денешното рочиште информира дека членот на Судечкиот совет, судијката Дијана Груевска е службено отсутна и судењето се одложува за 30 април.Денешното рочиште е прво на првостепениот Суд, откако вчера Врховниот суд не ја прифати иницијатива поднесена од адвокатот на обвинетиот Владимир Атанасовски, да одлучат дали амнестијата за упадот во Собранието треба да се примени во предметот организатори на 27 април.Сега останува на Судечкиот совет по предметот во текот на постапката да се произнесе по барањето на адвокатите од одбраната за примена на Законот за амнeстијата на случувањатаод 27 април.Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.Тие се товарат дека сториле кривично дело „терористичко загрозување на уставниот поредок и безбедноста“.Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс-министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење.Процесот го води судијата Илија Трпков, а застапник на обвинението е јавната обвинителка Искра Хаџи Василева....
Лапорта има план како да го доведе Ерлинг Халанд во Барселона
Алсат-М - пред 1 ден
Каталонските медиуми го открија деталниот план на Жоан Лапорта, кој веќе почнал да работи на трансферот на Ерлинг Халанд, но најверојатно дури следната година или во 2026 година кога клубот треба да биде финансиски многу постабилен.Лапорта е во одличен однос со Рафаела Пименто, агентката на норвешкиот репрезентативец, која во едно неодамнешно интервју откри дека го обожува претседателот на Барселона и дека не може да му каже „не“.Изворите пишуваат дека Халанд веќе еднаш кажал „да“ на Барселона, летото 2022 година, но дека клубот тогаш не можел да си го дозволи, па Лапорта се договорил со покојниот Мина Раиола повторно да се сретне за три години за да го реализира трансферот. Рафаела Пименто е десната рака на Раиола која ги презеде сите негови бизниси и е клучот за преговорите на Лапорта.Во Барселона се убедени дека ривалството меѓу Килијан Мбапе и Ерлинг Халанд е следното големо по Лионел Меси и Кристијано Роналдо и дека Норвежанецот повеќе би сакал да дојде во Барселона за да биде прва ѕвезда отколку да оди во Реал Мадрид. Инаку, Пеп Гвардиола има договор до 2025 година и се верува дека ќе го напушти Манчестер Сити и тоа дополнително ќе влијае на завршување на мисијата на „Итихад“ и за Халанд.Барселона има јасен финансиски план да се стабилизира целосно во следната година и потоа да може да ги доведе најголемите фудбалски имиња. Исто така, планот е тогаш да си замине Роберт Левандовски, а Халанд да ја наследи неговата „деветка“. Во моментов тоа навистина звучи како нереален сон, но Лапорта сигурно ќе направи сѐ за да стане реалност....
Интер е блиску до потпис на договор со бразилскиот репрезентативен голман
Алсат-М - пред 1 ден
Лидерот во Серија А, тимот на Интер, е блиску до потпис на договор со бразилскиот репрезентативен голман Бенто. Сепак, во наредниот период ќе треба да постигне конечен договор со неговиот клуб Атлетико Параненсе.„Нероаѕурите“ го следат 24-годишниот голман од летото 2023 година, кога договорот не се оствари и Интер се засили со Јан Сомер. Договорот на Бенто со Атлетико Параненсе има важност до декември 2026 година, но тој е подготвен да го направи следниот чекор во кариерата и да ја напушти татковината за да се пресели во Европа.Бенто веќе некое време е на радарот на Интер, директорот Дарио Бачин лично го посети во Бразил, а голманот е желен да го направи следниот чекор во кариерата и да се пресели во Италија.„Тутоспорт“ истакнува дека проблемот е што Атлетико Паранаенсе има поставено отштетна клаузула од 60 милиони евра и бара најмалку 15 милиони евра за да го продаде ова лето....
Од 2025 година забранет пристап до социјалните мрежи за децата во Флорида помлади од 14 години
Алсат-М - пред 1 ден
Во американската сојузна држава Флорида, на децата помлади од 14 години од следната година ќе им биде забрането да се приклучуваат на социјалните мрежи.Станува збор за закон потпишан од гувернерот Рон ДеСантис, кој им наредува на компаниите кои поседуваат социјални мрежи да ги избришат профилите на лица под 14 години, пишува Ројтерс.На децата на возраст од 14 и 15 години ќе им треба родителска согласност пред да се најават на платформи како Истаграм и Снепчет.Компаниите кои нема да ги избришат профилите ризикуваат да бидат тужени во име на децата.Доколку се прекрши законот, компаниите би можеле да платат казна од 10 000 до 50 000 долари....
„Полиграф“: Кој дезинформира дека претседателските избори во Русија биле „апсолутно чисти и фер“?
Алсат-М - пред 1 ден
Дел од медиумите продолжуваат некритички да пренесуваат фактички непоткрепени тврдења од Москва, станувајќи гласници на руската пропаганда.На 20 март 2024, порталот А1он објави наслов „Песков: Изборите во Русија беа апсолутно чисти и фер“, кој проби на агрегаторот на вести time.mk. Во насловот и во текстот се фаворизира пораката на Кремљ дека изборите „биле фер, и покрај обвинувањата од западните влади, независните набљудувачи и опозицијата“.Но, тврдењето дека изборите во Русија биле „апсолутно чисти и фер“ не е поткрепено со факти. Прво, во Русија по вторпат немаше оценувачка мисија на ОБСЕ/ОДИХР за изборите, поради одлуката на Москва да не покани набљудувачи, што од претставници на ОБСЕ/ОДИХР беше оценето како демократско уназадување.За тоа какви биле изборите во Русија, со оценка на 14 март 2024 се огласи претседателката на Парламентарното собрание на ОБСЕ, Пиа Каума. „Луѓето одат на избори, да, но елиминацијата на која било организирана опозиција во последниве години, ефективната контрола на медиумскиот простор од страна на актуелните власти, како и постојаното кршење на слободите на изразување, здружување и собирање, сето тоа предизвикува сомнеж дали овие навистина треба да се сметаат за избори“, изјави Каума.Покрај ОБСЕ, одржувањето на руските избори во окупираните територии од Украина го осудија како илегално претставниците на ОН, а претседателот на Парламентарното собрание на Советот на Европа Теодорос Русопулос истакна: „Овие избори немаат легитимитет. Немаше вистински алтернативни кандидати, немаше слободни медиуми, немаше кредибилни набљудувачи присутни. Граѓанското општество е замолчено. И пред сè, овие избори беа спроведени и на нелегално окупираната и анектирана територија на Украина“.Затоа, тврдењето на Песков што го пренесоа медиумите, дека изборите во Русија биле „апсолутно чисти и фер“, може да се оцени како пропагандна дезинформација на Москва....
Се трага по најмалку 20 лица кои паднале во водата по уривањето на мостот во Балтимор
Алсат-М - пред 1 ден
Спасувачките служби трагаат по најмалку 20 лица за кои се верува дека паднале во водата по уривањето на мостот во Балтимор, вели за Си-ен-ен Кевин Картрајт, шефот за комуникации на противпожарната служба во Балтимор.Се верува дека по уривањето на мостот во реката Патапско паднале и повеќе возила.„За жал, информациите кои ги имаме е дека можеби 20 лица се во реката Патапско, како и повеќе возила“, вели тој за Си-ен-ен.Претходно беше соопштено дека спасувачките тимови трагаат по најмалку седум лица.Во потрагата се вклучени тимови на американската крајбрежна стража и тим нуркачи. Отежната околност во потрагата по оние за кои се верува дека паднале во реката се ниските температури на водата....
Русија ги нападна Киев и Харков со дронови, илјадници луѓе без струја
Алсат-М - пред 1 ден
Русија ги гаѓаше Киев и Харков со беспилотни летала, а инженерите се борат да обезбедат електрична енергија за илјадници луѓе по руските напади на електричната мрежа на Украина.Украинската војска соопшти дека соборила 12 руски беспилотни летала кои биле насочени кон Киев.Нема информации за жртви или информации за штети на теренот.Регионалните власти во Харков соопштија дека најмалку осум беспилотни летала од Иран го гаѓале вториот по големина град во Украина, но биле соборени од воздушната одбрана.Во руските напади во понеделник (26 март) беше уништен дел од електричната мрежа во Харков, како и објекти во црноморското пристаниште Одеса и речното пристаниште Миколаев.Регионалниот гувернер на Одеса Олех Кипер изјави дека повеќе од 300 000 жители останале без струја во понеделникот вечерта....
Владата ќе одржи свечена седница по повод четиригодишнината од членството во НАТО
Алсат-М - пред 1 ден
Владата денеска ќе одржи свечена седница по повод годишнината од членството на Северна Македонија во НАТО.Со седницата ќе претстава техничкиот премиер Талат Џафери, најавија од владината прес-служба.Деновиве се одбележуваат четири години од членството на Северна Македонија во НАТО и 75 години од формирањето на Алијансата....
Видеолотарија Касинос Австрија спонзор на скијачкиот клуб Работнички
Алсат-М - пред 1 ден
Видеолотарија Касинос Австрија со поддршка за скијачкиот клуб Работнички. Средствата од спонзорството ќе се искористат за подготовка и настап на Мирко Лазаревски на меѓународните натпреварување во сезоната 2024/2025. Видеолотарија Касинос Австрија продолжува да биде пријател на спортот. Под слоганот Играј со најдобрите, обезбедивме спонзорство за скијачкиот клуб Работнички. Средствата од спонзорството ќе бидат наменети за помагање и поддршка на кариерата на македонскиот алпски скијач Мирко Лазаревски.Мирко Лазаревски е најдобар македонски скијач во неговата возрасна категорија. Тој учествувал на олимписките игри за млади во Лозана, европските олимписки игри во Финска, како и други меѓународни натпреварувања.Мирко очекува солиден настап на меѓународните натпреварувања во новата сезона. Поддршката од Видеолотарија Касинос Австрија ќе му помогне во подготовките и настапот на натпреварите кои ќе следат.#ИграјЗаЗабава #ИграјОдговорно #ИграјСоНајдобрите...
Советот на ЕУ повика на ратификација на Конвенцијата за елиминирање на насилството и вознемирувањето на работа
Алсат-М - пред 1 ден
Советот на ЕУ ги повика земјите членки на Унијата да ја ратификуваат Конвенцијата на Меѓународната организација на трудот (ИЛО) за елиминирање на насилството и вознемирувањето на работните места, јави дописникот на МИА од Брисел.Во својот повик Советот наведува дека насилството и вознемирувањето на работните место е широко распространета и постојана појава низ целиот свет, при што според истражувањата повеќе од едно од пет лица доживеале физичко, психичко или сексуално насилство и вознемирување на работа, при што на овој ризик особено се изложени жените.Конвенцијата на ИЛО е првиот меѓународен инструмент што поставува минимални стандарди за справување со вознемирувањето и насилството при работа и таа претставува обид за промоција пристојната работа за сите, здравјето и безбедноста при работа и родовата еднаквост, а треба да помогне и во борбата против дискриминацијата.Советот ги повикува земјите членки пред се да ги ратификуваат деловите од Конвенцијата кои се однесуваат на подобрување на работната средина со цел заштита на здравјето и безбедноста на работниците и заштита на еднаквоста меѓу мажите и жените при вработувањето.Меѓународната конференција на трудот ја усвои Конвенцијата за елиминирање на насилството и вознемирувањето на работите места во 2019 година.Со Конвенцијата првпат во меѓународното право се признаваат правото на секого за работа без насилство и вознемирување, како и обврската за почитување, промовирање и остварување на ова право. Конвенцијата ја утврдува и првата меѓународна дефиниција за насилство и вознемирување на работните места.Сите земји членки на ЕУ ги поддржаа целите на Конвенцијата, а на 12 овој месец Европскиот парламент са изјасни за нејзина ратификација....