ЕкономијаМакедонијаНовости „Вреди“ ја почна кампањата за изборите – економските ветувања во фокусот 18/04/202418/04/2024 Портал Работник Време за читање 2 минути Со претставување на носителите на кандидатските листи за пратеници во шесте изборни единици, албанската опозициска коалиција „Вреди“ ја започна кампањата за парламентарните избори.Својата програма, коалицијата ќе ја објави наредната недела, а во денешните излагања на нејзините претставници во фокусот беа ветувања од областа на економијата. Меѓу нив и минимална плата од 800 евра.„Ние како коалиција „Вреди“, во владата, мора да гарантираме и ќе гарантираме зголемување на минималната плата до 800 евра. Таа е единствената програма што вреди. Но, уште еднаш повторувам, за да дојде до промена, секој човек мора да биде посветен. Затоа што секој глас е важен. И го повикуваме секој гласач да излезе на денот на гласањето, за да ја гарантираме победата на промените“, изјави Арбен Таравари од „Вреди“ кој е и претседателски кандидат на оваа коалиција. Изет Меџити, кој со својата партија Демократско движење е дел од „Вреди“, потенцираше дека една од економските мерки што ќе ги преземат доколку победат на избори ќе биде враќање на државните претпријатија во рацете на граѓаните. „На сите граѓани во Северна Македонија ќе им се поделат 49 отсто од акциите на државните претпријатија, односно на секој поединец ќе се поделат акции во вредност од 10.000 евра. Овие акции ќе можат да се продаваат на пазарот, ќе донесат нова економска динамика во сите семејства, но ќе овозможат и внесување приватен капитал во овие претпријатија, што носи модернизација и развој. Овие политики, кои се успешно спроведени во многу европски земји, време е да се имплементираат и кај нас“, рече Меџити. Тој е носител на кандидатската листа во првата изборна единица. Во втората носител од „Вреди“ е Арфрим Гаши, во „тројката“ е Шенер Биљали, во „четворката“ – Мендурим Зекмани, во „петката“ – Салим Сулејмани и во шестката“ – Биљал Касами. Кампањата за парламентарните избори, која започна денеска (18 април), ќе трае до 6 мај. Гласањето ќе биде на 8 мај. Во трка за освојување пратенички мандати покрај „Вреди“ се и кандидати од уште 16 други коалиции и партии. Паралелно, во тек е и претседателската кампања. Првиот круг од гласањето на претседателските избори ќе се одржи на 24 април. Во трка се седум кандидати за шеф на државата, а двајцата кои ќе освојат најмногу гласови ќе се пласираат во вториот круг за кого гласањето ќе биде истиот ден со парламентарните избори – 8 мај. About Latest Posts Портал Работник Latest posts by Портал Работник (see all) „Вреди“ ја почна кампањата за изборите – економските ветувања во фокусот - 18/04/2024 Мицкоски: Во програмата „Платформа 1198“ предвидени се повеќе од 2 милијарди евра да се инвестираат во инфраструктурата, 250 милиони евра годишно кон општините, конечно завршување на автопатот Кичево – Охрид - 18/04/2024 „Тесла“ отпушта 300 работници во фабриката во близина на Берлин - 18/04/2024 Facebook Twitter LinkedIn...

ЕкономијаМакедонијаНовости Мицкоски: Во програмата „Платформа 1198“ предвидени се повеќе од 2 милијарди евра да се инвестираат во инфраструктурата, 250 милиони евра годишно кон општините, конечно завршување на автопатот Кичево – Охрид 18/04/202418/04/2024 Портал Работник Време за читање 3 минути „Повеќе од 2 милијарди евра се планирани да се инвестираат во инфраструктурата. Тука е оној проект кој е многу значаен, а тоа се реалоцирање средства од буџетот кон општините во вредност од 250 милиони евра годишно или за еден четиригодишен мандат тоа би било точно 1 милијарда евра“, истакна претседателот на ВМРО-ДПМНЕ Христијан Мицкоски одговарајќи на новинарско прашање при денешниот увид на градежни активности во поранешната касарна во Охрид. Претседателот Мицкоски продолжи и додаде: „Ги повикувам општините, не само онаму каде имаме градоначалници кои доаѓаат од редот на ВМРО-ДПМНЕ и коалицијата туку и оние општини каде има градоначалници од СДСМ, ДУИ, Алијанса на Албанците, БЕСА, но и независни градоначалници да прават проекти бидејќи првиот оглас откако ребалансот на буџетот ќе се случи во јули месец првиот оглас ќе биде објавен некаде есента септември, за да може да аплицираат за проекти кои ќе бидат важни за граѓаните“, порача Мицкоски. Претседателот Мицкоски истакна дека нема да бидат влада само онаму каде има градоначалници од ВМРО-ДПМНЕ, туку влада за сите граѓани. „Амбицијата ни е во еден момент да се работи на минимум 500 точки, 500 локации на територијата на цела Македонија со што ќе бидат задоволени потребите на граѓаните. Ние нема да бидеме влада само онаму каде има градоначалници од ВМРО-ДПМНЕ и коалицијата, туку сакаме да бидеме влада за сите граѓани и да покажеме дека не се сите политичари исти, да покажеме дека немаме намера да ги делиме граѓаните како тоа што правеше сегашната влада“, вели Мицкоски. Претседателот Мицкоски истакна дека еден од приоритетите е конечното завршување на автопатот Кичево – Охрид. „Исто така тука се еден од приоритетите и конечно завршување на автопатот Кичево – Охрид. Рековме според нашата анализа тоа би било некаде околу 2026 година, втората половина на 2026 година. Реализација на тековните автопати Тетово – Гостивар, Прилеп – Битола. Многу други проекти поврзани со локалната инфраструктура, железничката инфраструктура, возови, вагони итн., нешто што е дел од програмата „Платформа 1198“, посочи Мицкоски. Претседателот Мицкоски истакна граѓаните детално да ја прочитаат „Платформа 1198“ бидејќи има детално за секого по нешто. „Цениме дека сето тоа што е таму содржано е возможно да се реализира и ќе го реализираме. Чуда не ветувавме, ние не сме чудотворци, чуда се невозможни, сите оние кои ветуваат чуда не ја говорат вистината. Ве молам прочитајте ја програмата „Платформа 1198“ и ќе го најдете патот како Македонија ќе се развива и ќе биде повторно горда и Македонија ќе биде повторно твоја“, дециден е Мицкоски. About Latest Posts Портал Работник Latest posts by Портал Работник (see all) „Вреди“ ја почна кампањата за изборите – економските ветувања во фокусот - 18/04/2024 Мицкоски: Во програмата „Платформа 1198“ предвидени се повеќе од 2 милијарди евра да се инвестираат во инфраструктурата, 250 милиони евра годишно кон општините, конечно завршување на автопатот Кичево – Охрид - 18/04/2024 „Тесла“ отпушта 300 работници во фабриката во близина на Берлин - 18/04/2024 Facebook Twitter LinkedIn...

ЕкономијаНовостиСвет „Тесла“ отпушта 300 работници во фабриката во близина на Берлин 18/04/202418/04/2024 Портал Работник Време за читање 3 минути Американскиот производител на електрични автомобили „Тесла“ соопшти дека ќе отпушти 300 привремени работници во фабриката во близина на Берлин, откако најави отпуштања ширум светот поради слабата побарувачка и жестоката конкуренција во цените. Портпаролката на компанијата изјави дека биле отпуштени 300 привремени работници, додавајќи дека работниците на „Тесла“ не биле отпуштени. Новинскиот портал Бизнис инсајдер претходно објави дека нема да им се продолжуваат договорите на привремените работници. „Колку што знаеме, нашиот договорен партнер веќе можеше да ги префрли повеќето од овие привремени работници на нови позиции кај други клиенти“, рече портпаролката на „Тесла“. „Тесла“ објави дека ќе отпушти повеќе од една десетина од својата работна сила ширум светотВо март, компанијата објави дека ангажирала неколку стотици работници на одреден временски период во фабриката во градот Грунхајде, во близина на Берлин. Во понеделникот, „Тесла“ објави дека ќе отпушти повеќе од десетина од својата работна сила ширум светот, што би значело отпуштања за околу 14.000 вработени. Компанијата не ја соопшти точната бројка, а според годишниот извештај за 2023 година, во декември вработиле 140.473 работници. „Додека компанијата се подготвува за нашата следна фаза на раст, исклучително е важно да се испита секој аспект за да се идентификуваат можностите за намалување на трошоците и подобрување на продуктивноста“, напиша извршниот директор Илон Маск во меморандумот до вработените во понеделникот. Во фабриката на „Тесла“ во Германија работат над 12.000 лица „Како дел од овие напори, темелно ја анализиравме организацијата и донесовме тешка одлука да го намалиме нашиот број на вработени за повеќе од 10 проценти на глобално ниво“, се наведува во документот. Фабриката во Германија моментално вработува повеќе од 12.000 работници. Маск најави отпуштања за 10 отсто од работниците и во 2022 година, велејќи им на директорите, објави тогаш Ројтерс, дека има „лошо чувство дека економијата не оди добро“. Компанијата досега не соопшти колку работници ќе отпушти во 2022 година, а нивниот број во меѓувреме се зголеми. Приходите на „Тесла“ нагло се забавија на крајот на годината На почетокот на месецот, „Тесла“ прелиминарно објави дека испорачала приближно 387.000 возила во првиот квартал, приближно осум отсто помалку отколку во првите три месеци од 2023 година, без, меѓу другото, кризата во Црвеното Море и подметнувањето пожар во објектот во близина на Берлин. Минатата година компанијата неколку пати ги намали цените за да ја одржи побарувачката, што се манифестираше со скок на продажбата од 40 отсто и продадени 1,8 милиони автомобили. Приходите на крајот на годината нагло се забавија, на само три отсто, а раководството предупреди дека очекува многу послаб раст во 2024 година. About Latest Posts Портал Работник Latest posts by Портал Работник (see all) Мицкоски: Во програмата „Платформа 1198“ предвидени се повеќе од 2 милијарди евра да се инвестираат во инфраструктурата, 250 милиони евра годишно кон општините, конечно завршување на автопатот Кичево – Охрид - 18/04/2024 „Тесла“ отпушта 300 работници во фабриката во близина на Берлин - 18/04/2024 НЕМА ОТКАЖУВАЊЕ ОД ЕВРОПСКАТА ИДНИНА Ковачевски вети просечна плата од 1.100 евра на старт на кампањата - 18/04/2024 Facebook Twitter LinkedIn...

ЕкономијаМакедонијаНовости НЕМА ОТКАЖУВАЊЕ ОД ЕВРОПСКАТА ИДНИНА Ковачевски вети просечна плата од 1.100 евра на старт на кампањата 18/04/202418/04/2024 Портал Работник Време за читање 2 минути Под мотото „Нема откажување од иднината“, „Коалицијата за европска иднина“ предводена од СДСМ денес во Музејот на Современа уметност во Скопје, ја почна предизборната кампања за парламентарните избори. – Нема откажување додека Македонија не стане дел од Европа и Европа не ја донесеме во Македонија – порача Ковачевски од говорницата. Тој зборваше за иднината на Македонија: – Македонија заслужува европска иднина и не за 10 или 15 години туку сега во наредните пет или шест години. Младите заслужуваат. Тие мора да растат и да останат во нивната родна земја која ќе биде членка на ЕУ, со висок животен стандард, развиено здравство, модерно образование и чиста животна средина. Меѓу другото, Ковачевски вети просечна плата од 1.100 евра и минимална плата од 600 евра. – Во оваа кампања ќе зборуваме повеќе за иднината. Ветуваме просечна плата од 1.100 евра и минимална плата од 600 евра. Со влезот во ЕУ проектираме дека ќе достигнат до 1.300 евра просечно, односно по 800 евра минимална плата. Обезбедивме по 200 евра прво вработување за млади до 26 години. Првпат во историјата ќе има едноцифрена бројка на невработеност од 7 проценти до крајот на мандатот. За пензионерите ќе обезбедиме просечна пензија од 30.000 денари, минимална од 20.000 денари, зголемени со влезот во ЕУ – рече Ковачевски. Тој најави дека една од мерките за борба против корупцијата ќе биде и ветинг а ќе бидат опфатени политичарите, функционерите, судиите и обвинителите. Во своето обраќање тој се осврна и кон своите опоненти, опозициската ВМРО – ДПМНЕ. – ВМРО-ДПМНЕ на чело со Мицкоски е истото ВМРО-ДПМНЕ кое на чело со Груевски 11 години ја зароби државата внатре, а ја изолираше надвор. Мицкоски гордо чекори по стапките на неговиот идол од Будимпешта. Исто како и Груевски, подготвен е Македонија уште 100 години да не влезе во Европската Унија – потенцираше Ковачевски. About Latest Posts Портал Работник Latest posts by Портал Работник (see all) „Тесла“ отпушта 300 работници во фабриката во близина на Берлин - 18/04/2024 НЕМА ОТКАЖУВАЊЕ ОД ЕВРОПСКАТА ИДНИНА Ковачевски вети просечна плата од 1.100 евра на старт на кампањата - 18/04/2024 „Неработните денови преку ноќ ги направија работни“ Реакција на синдикатот - 18/04/2024 Facebook Twitter LinkedIn...

МакедонијаНовостиСиндикат „Неработните денови преку ноќ ги направија работни“ Реакција на синдикатот 18/04/202418/04/2024 Портал Работник Време за читање помалку од минута Фејсбук статус на Претседателот на СОНК, Јаким Неделков Од кога неработните денови преку ноќ стануваат работни? Министерот за образование веднаш да го повлече Известувањето до училиштата, со кое се задолжуваат да ги одработат ,,неработните” денови, прогласени од Владата, заради одржување на престојните избори! Впрочем, и други учебни години завршувале и биле верифицирани од страна на министерот со помалку од 180 работни денови, како на пример учебната 2021/22 година. About Latest Posts Портал Работник Latest posts by Портал Работник (see all) НЕМА ОТКАЖУВАЊЕ ОД ЕВРОПСКАТА ИДНИНА Ковачевски вети просечна плата од 1.100 евра на старт на кампањата - 18/04/2024 „Неработните денови преку ноќ ги направија работни“ Реакција на синдикатот - 18/04/2024 ССМ со шанса да остане сопственик на Работничкиот дом, судската постапка ќе се повтори - 18/04/2024 Facebook Twitter LinkedIn...

МакедонијаНовостиСиндикат ССМ со шанса да остане сопственик на Работничкиот дом, судската постапка ќе се повтори 18/04/202418/04/2024 Портал Работник Време за читање 2 минути Лидерот на Сојузот на синдикатите на Македонија, Слободан Трендафилов изјави дека Основниот граѓански суд Скопје донесе решение со кое ќе се повтори постапката за Работничкиот дом по одлуката на Врховниот суд со која објектот ѝ се предава на државата, која беше тужител. Тој изрази надеж дека до Денот на трудот, 1 Мај постапката за Работничкиот дом за судот ќе биде приоритетна. „До 1 Мај очекуваме приоритет на постапката и нова пресуда која ќе значи враќање на предметот на повторно одлучување пред пониските судови, пред првостепениот и Апелациониот суд, или укинување на пресудата на Врховниот суд и на таков начин враќање на Работничкиот дом на работниците“, рече Трендафилов. Одлујката на Врховниот суд предизвика бура од незадоволство и гнев во синдикатот и меѓу работниците затоа што, како што рече Трендафилов, работничката класа го има изградено со свои средства и затоа што со децении тоа е дом на работниците и симбол на нивната борба за работнички права. Пред две недели ССМ организираше голем протест пред Врховниот суд каде на судиите кои одлучувале по предметот им беше даден црвен картон од работниците со оценка дека пресудиле државата да добие нешто што не е нејзино, а со цел да се убие работничката борба. „Работничкиот дом е симболот на работничкото движење на работниците и на граѓаните во Македонија. Така било 70 години. Работничкиот дом го преживеал земјотресот во 1963 година, ќе ја преживее и срамната одлука на Врховниот суд за негова конфискација. Работниците од својата уста, од парчето леб издвојуваа пари во 1958 година за да го изградат овој дом бидејќи во 1948 година одлучиле дека нема да носат одлуки на полјани и на ливада во паркот зад работничкиот дом. Тоа што го очекуваме и го очекуваат граѓаните во чие име е донесена пресудата од овие тројца судии е да ја преиначат и укинат“, рече тогаш лидерот на ССМ, Слободан Трендафилов. Тој додаде дека никаде во демократските земји такво нешто не им се прави на синдикатите и предупреди дека е подобро државата да не се срами пред судот во Стразбур. About Latest Posts Портал Работник Latest posts by Портал Работник (see all) „Неработните денови преку ноќ ги направија работни“ Реакција на синдикатот - 18/04/2024 ССМ со шанса да остане сопственик на Работничкиот дом, судската постапка ќе се повтори - 18/04/2024 Советот на СОНК на вонредна седница одлучи в понеделник да протестира пред Министерството за култура - 18/04/2024 Facebook Twitter LinkedIn...

МакедонијаНовостиСиндикат Советот на СОНК на вонредна седница одлучи в понеделник да протестира пред Министерството за култура 18/04/202418/04/2024 Портал Работник Време за читање 1 минута Советот на Самостојниот синдикат за образование, наука и култура (СОНК) на денешната вонредна седница едногласно донел одлука в понеделник, 22 април, во 11 часот да организира протест пред Министерството за култура поради неисплата на плата за март за околу три илјади вработени во културата. Одлуката на Фејсбук ја соопшти претседателот на СОНК Јаким Неделков кој денеска на прес-конференција и најави дека ќе се одржи вонредна седница на членството за да се одлучи за натамошни чекори. Исто така, на седницата на Советот на СОНК е одлучено да се отпочне и процедура и организација за генерален штрајк во сите установи од дејноста култура. -Советот на СОНК изрази огромна разочараност од непостоењето, односно едностраното прекинување на социјалниот дијалог од страна на Министерството за култура. СОНК постои, силата на СОНК ќе ја почувствувате наскоро, напиша претседателот на СОНК на Фејсбук. Утре пак, ќе протестита Синдикатот на култура на Македонија. About Latest Posts Портал Работник Latest posts by Портал Работник (see all) ССМ со шанса да остане сопственик на Работничкиот дом, судската постапка ќе се повтори - 18/04/2024 Советот на СОНК на вонредна седница одлучи в понеделник да протестира пред Министерството за култура - 18/04/2024 Фриленсерството во Македонија е во пораст. Потребна е поголема системска поддршка! - 18/04/2024 Facebook Twitter LinkedIn...

НовостиСветот на работникот Фриленсерството во Македонија е во пораст. Потребна е поголема системска поддршка! 18/04/202418/04/2024 Портал Работник Време за читање 5 минути Вчера се одржа тркалезна маса посветена на “фриленсерството” во Северна Македонија, организирана во рамки на проектот ‘Проширување на можностите за претприемништво на младите и економско зајакнување на жените“, поддржан од Амбасадата на САД. На тркалезната маса се дискутираше за новите нестандардни форми на “вработување”, со фокус на промоција на фриленсерството преку дигитални платформи, како можност за само-вработување и генерирање дополнителни приходи. На тркалезната маса присуствуваа преставници од владините и невладините организации, претставници на интернационалните развојни организации, како и независни експерти и фриленсери кои ги споделија своите ставови и гледишта. Дигиталните платформи за работа кои се користат за давање на најразлични услуги се резултат на најновата технолошка револуција на пазарот на труд. Бидејќи се релативно нови, истражувачите се стремат да ги дефинираат и измерат, додека креаторите на политиката се соочуваат со предизвикот како да ги регулираат. Овие платформи имаат генерално позитивно влијание на економијата и придонесуваат за креирање на работа и иновации и овозможуваат приход за работниците (често дополнителен) и можност за пристап до вработување на ранливите категории на граѓани. “Во С. Македонија расте бројот на фриленсери кои што сакаат да работат од дома, со флексибилен распоред на своето време и да имаат директен пристап до глобални пазари и да бидат конкурентни на тие пазари. Водени се од личниот раст и развој и постојано вложуваат во стекнување на нови вештини и усовршување на постоечките. Се уште социјалниот статус на фриленсерството не им нуди социјални бенефити и сигурност. Но барем од табу тема Импакт Фондација преку проекти од различни донатори, во последните две години успеа да ја смени перцепцијата на јавноста и да ги мотивира фриленсерите јавно да истапат да вложуваат во себе и денес да бидат горди на својата успешна фриленсерска кариера.” – објаснува Елена Иванова, директор на Импакт фондација, организатор на тркалезната маса. Помеѓу главните предизвици за фриленсерите кои беа дискутирани се: неможноста за остварување на работнички и социјални права (особено за женската млада популација); отсуството на форма во постојното законодавство која нуди истовремено и флексибилност за работодавачите и сигурност за работниците; потребата за уредување на статусот во регулативата, комплексните административни процедури за плаќање на данокот на личен доход при остварувањето приходи од странство; комплицираниот пристап до приватно здравствено осигурување, можностите кои се понудени од државата за едукација и усовршување на вештините, непостоење на платформа која ги содржи сите информации кои им се потребни и сл. Надлежните институции, како Министерството за труд и социјална политика, Министерство за финансии, како и Агенцијата за вработување на РСМ, се отворени и сакаат да одговорат на потребните на фриленсерите. Но, не постои брзо решение за трајно да се реши проблемот. Македонскиот закон за трудово право е ригиден и не препознава нови форми на вработување. Постои инцијатива и во процес е изработка на закон за воведување на нова регулатива во делот на работа на дигитални платформи и регистар за доброволно и самостојно регулирање на придонесите за пензиско и здравствено осгиурување. За да се забрза процесот, потребно е да се дефинира категоријата на лица кои ги вршат овие работи и видот на ангжаманот, со цел да се создаде основ по кој фриленсерите ќе имаат директна врска за влез во задолжителното социјално осигурување. Иако сегашната регулатива дозволува да се плаќаат придонесите, сепак потребно е поедноставно и директно решение кое ги задоволува меѓународните стандарди. Фриленсерите препорачаа дека е потребно да се развие национална стратегија и пакет мерки за поддршка и развој на фриленсерството и вработување на далечина со цел да се влијае позитивно на екоситемот за фриленсинг во С.Македонија и да се спречи иселувањето на млади и талентирани лица, кои постојано имаат потреба да се едуцираат и усовршуваат за да останат конкурентни на пазарот на труд. “Дискусијата која ја имавме заедно со сите вклучени страни влеа надеж дека постои засегнатост и волја да се работи на оваа значајна тема. Во моментот губат и двете страни и државата и фриленсерите. И ако може да истакнеме : имаме и трета страна – а тоа е пазарот на тие услуги кој во С.Македонија ќе остане неконкурентен доколку не го развиваме. Верувам дека оваа дискусија е појдовна основа за регулирање на статусот на овие лица, согледување на предизвиците и можностите и креирање насоки за делување.” – додаваат од Импакт Фондација Овој проект е поддржан од Амбасадата на САД. Мислењата, откритијата и заклучоците или препораките изнесени овде се на имплементаторите/авторите, и не ги одразуваат оние на Владата на САД. About Latest Posts Портал Работник Latest posts by Портал Работник (see all) ССМ со шанса да остане сопственик на Работничкиот дом, судската постапка ќе се повтори - 18/04/2024 Советот на СОНК на вонредна седница одлучи в понеделник да протестира пред Министерството за култура - 18/04/2024 Фриленсерството во Македонија е во пораст. Потребна е поголема системска поддршка! - 18/04/2024 Facebook Twitter LinkedIn...

НовостиПравдаСветот на работникот Левица: Неспособната влада повторно ги остави на цедило вработените во ,,Македонски шуми” 18/04/202418/04/2024 Портал Работник Време за читање 1 минута Вработените во јавното претпријатие ,,Македонски шуми” три месеци безуспешно се борат да ги добијат своите плати, задолжителните придонеси од плата, теренските додатоци и униформи за работа. Тие прво штрајкуваа со присуство на работното место, па денес пред просториите на нивната дирекција, а трет чекор ќе биде да излезат пред Владата. Генералниот директор Валентин Груевски од ЛДП и менаџерите на ова претпријатие не понесуваат никаква одговорност за неефикасното работење на ова претпријатие кое тоне во долгови. Додека безмилосно се касапат македонските шуми и се богати зелената мафија, затоа што Претпријатието не инвестира во нова опрема, сите пари се трошат за создавање неефикасен административен кадар од партиските редови на власта. ,,Македонски шуми” немаат доволно средства за шумски полицајци, додека Претпријатието прима партиски кадри. За расипничкото менаџирање говори скандалот со купувањето нa луксузни службени возила за раководството, додека нема средства за теренски возила, кои се апсолутно потребни во борбата со шумската мафија. Ова не е изолиран случај само со ова јавно претпријатие, туку стана пракса во изминатите 30 години – јавните претпријатија да бидат најголеми загубари, за да ги задоволат апетитите на клиентелистичката машинерија на секоја власт. Длабоко вкоренатата партизација ги уништува институциите кои треба да се јавен сервис. Но, јасно е дека без партиски вработувања, триото СДС-ДУИ-ДПМНЕ нема како да егзистира на политичката сцена! Затоа, на престојните избори, македонскиот народ треба, конечно, да стави крај на тридецениското уништувачко владеење на овие партии и, конечно, нови генерации политичари да докажат дека може и мора да се управува поинаку. About Latest Posts Портал Работник Latest posts by Портал Работник (see all) Советот на СОНК на вонредна седница одлучи в понеделник да протестира пред Министерството за култура - 18/04/2024 Фриленсерството во Македонија е во пораст. Потребна е поголема системска поддршка! - 18/04/2024 Левица: Неспособната влада повторно ги остави на цедило вработените во ,,Македонски шуми” - 18/04/2024 Facebook Twitter LinkedIn...

МакедонијаНовостиСиндикат КСС со свое учество во рамките на проектот: „Пристојна работа за жени работнички – Социјално учество и зајакнување“ 18/04/202418/04/2024 Портал Работник Време за читање помалку од минута Фејсбук статус на КСС: Во рамкиите на третата дводневна обука која се одржи во периодот 11-12 Април 2024 во Скопје, во рамки на проектот ,,Пристојна работа за жени работнички – Социјално учество и зајакнување,, финансиран од Европската Унија, свое учество зема и Секцијата на жени при КСС која ја претставија работата на секцијата како и работата на КСС. About Latest Posts Портал Работник Latest posts by Портал Работник (see all) Левица: Неспособната влада повторно ги остави на цедило вработените во ,,Македонски шуми” - 18/04/2024 КСС со свое учество во рамките на проектот: „Пристојна работа за жени работнички – Социјално учество и зајакнување“ - 18/04/2024 Регионална соработка за подобра интеграција во ЕУ - 18/04/2024 Facebook Twitter LinkedIn...

ЕкономијаНовости Регионална соработка за подобра интеграција во ЕУ 18/04/202418/04/2024 Портал Работник Време за читање 4 минути Денеска, 18 април 2024 година, Стопанската комора на Северна Македонија, во рамките на проектот „Поддршка на приватниот сектор за регионална интеграција“, кој го реализира во партнерство со УСАИД, е дел од регионалниот настан „ПИТ Северна Македонија 2024“. Целта на овој настан беше преку презентации и дискусии организирани во рамките на неколку панели, со учество на компании членки на Стопанската комора на Северна Македонија и на коморите од Србија и од БиХ и преку споделување различни искуства, да се стави акцент врз користењето на потенцијалите за поголема регионална соработка. Беше потенцирана и важноста од здружување на производствените и на индустриските сектори од регионот, како основа за подигнување на обемот на производство и на понуда и за заеднички настап на трети пазари, пред сѐ, на пазарите во Европската Унија. Учесниците на Самитот реализираа и Б2Б-средби во насока на поттикнување нови партнерства и продлабочување на веќе постојната соработка во регионални рамки. Дерик Фефер од УСАИД истакна дека надградувањето на регионалните економски врски ќе помогне во градењето поврзан и просперитетен Западен Балкан. УСАИД работи на зајакнувањето на конкурентноста преку поддршка на приватниот сектор за инвестирање во своите синџири на добавување, за модернизација и за адаптација на новите пазарни трендови, а ваквите регионални настани го овозможуваат токму тоа. Билјана Пеева-Ѓуриќ, проектен менаџер на проектот „Поддршка на приватниот сектор за регионална интеграција“ и оперативен директор во Стопанската комора на Северна Македонија, во своето обраќање посочи дека од почетокот на проектот до денес се работи на испорака на конкретна поддршка за голем број извозно ориентирани компании преку обезбедување техничка и стручна помош при воведувањето на меѓународните стандарди за квалитет, развивањето и имплементацијата на нови дигитални решенија и алатки, изработката на проектни апликации за пристап до финансии за реализација на инвестициски проекти и при изработката на маркетинг-стратегии за извоз, со цел градење на капацитетите за пристап до нови пазари. Овие активности ќе продолжат и во наредниот период. Наедно, организиравме посети на неколку саемски манифестации, реализиравме деловни поврзувања за нашите компании со партнери од регионот и од ЕУ, а во тек е реализација и на нова дигитална алатка која ќе биде главен патоказ и информатор за нашите извозници. „ПИТ Северна Македонија 2024“ е своевидно продолжение на циклусот регионални настани кој започна минатата година на PIT Adria Summit 2023, а кој се одржа во Белград. На Самиотот беше констатирано дека локалниот и регионалниот амбиент бараат позначајна поддршка и стимул, како и навремено и сеопфатно претставување на вкупниот предизвик во поширока смисла. Деловните модели „Lean, Green and Digital“ се услов за иднината. Имајќи го тоа на ум, а како продолжение на трендовите за иновативност и напредни технологии, во насока на подигнување на конкурентноста на компаниите од регионот на Западен Балкан, клучните теми на „ПИТ Северна македонија 2024“ се суштински предуслови за одржлива и за профитабилна конкурентност. Самитот „ПИТ Северна македонија 2024“ продолжи со повеќе панел-дисксусии на кои акцентот беше ставен врз конкурентноста, иновативноста и врз новите технологии, во насока на подигнување на конкурентноста на компаниите, поголема регионална соработка, но и интензивирање на соработката на компаниите од Западен Балкан со ЕУ-пазарите, што е една од клучните цели на регионалната бизнис-интеграција. Активноста е во организација на „Браварија индустриски маркетинг“, а во соработка со PIT Events и со партнерите МАМЕИ, Инфоверс, ЗАВАР, НЛ Комора на Северна Македонија, ТАРГЕР Е&К, АХК, Стопанска комора на Федерацијата БиХ, Стопанска комора на Србија и Светска банка. Преку проектот „Поддршка на приватниот сектор за регионална интеграција“, УСАИД ја поддржува Стопанската комора на Северна Македонија во напорите да овозможи подобра интеграција на бизнисите во регионалните и во глобалните вредносни синџири и засилување на нивниот капацитет, за да бидат конкурентни во Западен Балкан и пошироко во ЕУ. Идејата е да се создадат алатки за јавно-приватен дијалог, промоција на придобивките од регионалната економска интеграција на деловната заедница, истражување и унапредување на можностите за извоз и за обезбедување одржливи услуги за извозните компании. About Latest Posts Портал Работник Latest posts by Портал Работник (see all) КСС со свое учество во рамките на проектот: „Пристојна работа за жени работнички – Социјално учество и зајакнување“ - 18/04/2024 Регионална соработка за подобра интеграција во ЕУ - 18/04/2024 Четврти ден штрајк на приватни специјализанти - 18/04/2024 Facebook Twitter LinkedIn...

НовостиПравдаСветот на работникот Четврти ден штрајк на приватни специјализанти 18/04/202418/04/2024 Портал Работник Време за читање 2 минути Штрајкот на докторите приватни специјализанти продолжува и понатаму. На денешниот, четврти ден од генералниот штрајк, беше изразена осуда за притисоците што ги имаат од клиниките и од постарите колеги специјалисти. Доктор Христина Илиоска Чешлароска, специјализант по интерна медицина, трета година, рече дека сака да ги охрабри сите колеги приватни специјализанти, да не подлегнат на притисоците од клиниките и да издржат во оваа нивна борба. – Со оглед на тоа дека Министерството за здравство и министерот немаат слух за нашите барања, односно се изјаснија само за последното трето барање за решавање на нашиот статус, свесни сме и знаеме дека е тоа долг процес и нашиот статус нема така лесно и брзо да се реши, додаде Илиоска Чешлароска Таа појасни дека затоа сакале веднаш да се остварат првите две нивни барања, покачување на месечниот надоместок и воведување на здравствено осигурување. Притоа, истакна, дека со оглед на тоа што тие две барања за кои барале итно да бидат решени, не биле решени, тие ќе продолжеле со нивниот штрајк. – Бидејќи министерот очигледно нема слух и не гледа дека ние штрајкуваме, во понеделник, во пет до 12, пред Министерството за здравство, повторно ќе се собереме на протест, под мотото, „Пет до 12 за македонското здравство“. Со тоа сакаме да упатиме јасна порака до Министерството за здравство и до целата држава. Затоа што, доколку овие 400 приватни специјализанти не ги добијат своите барања, јас сум сигурна дека на половина од нив, веќе, во некој ќош дома им стои куферот и чекаат само да го спакуваат и да заминат, подвлече Илиоска Чешлароска. На новинарско прашање, таа одговори дека до сите катедри упатиле барање за поддршка. Јавно се заблагодари на професорката од Медицински факултет, инаку од клиниката за ревматологија, што вчера им даде поддршка. About Latest Posts Портал Работник Latest posts by Портал Работник (see all) Регионална соработка за подобра интеграција во ЕУ - 18/04/2024 Четврти ден штрајк на приватни специјализанти - 18/04/2024 Алкалоид апсолутен победник, Пивара, Телеком и ТАВ меѓу најатрактивните компании за вработување – Настан Работодавач на Годината - 18/04/2024 Facebook Twitter LinkedIn...

НовостиСветот на работникот Алкалоид апсолутен победник, Пивара, Телеком и ТАВ меѓу најатрактивните компании за вработување – Настан Работодавач на Годината 18/04/202418/04/2024 Портал Работник Време за читање 3 минути Синоќа 17 Април 2024 во Хотелoт Лимак, Скопје се случи втората по ред Манифестација за избор на наjпосакуван работодавач „Работодавач на годината“, а во организација на првиот сајт за огласи за работни места во земјава Вработување.ком Концепирана како Оскари за работодавачите, оваа манифестација прв пат се случи минатата година оддавајќи им признание на најпосакуваните, но и предизвикувајќи ги помалку атрактивните. Оваа година пред присутни 300 посетители македонски и странски компании, им се оддаде признание на најатрактивнте за 2023 година, кои со своите огласи и објави предизвикале најмногу внимание кај посетителите на сајтот, а и спроведената анкета за привлечноста на компаниите за вработување ја потврдува нивната атрактивност. Манифестацијата ја отвори Генералниот менаџер на Вработување.ком Дарко Велков, кој нагласи дека ова е еден исклучително тежок период за пазарот на труд и токму заради тоа ваквата манифестација е охрабрувачка за сите компании кои се дел од македонскиот бизнис. – Вечерва нема да има губитници, ќе имаме наградени и мотивирани. Ќе имаме предизвикани и предизвикувачи. Вечерва сите овде присутни сме победници затоа што заеднички опстојуваме и се бориме за човечки ресурси, се бориме со миграциите, со инфлацијата и со пребрзото технолошко менување на светот. Но, ќе заклучам ако во маката јунакот се познава тогаш сите ние овде присутни компании сме јунаци – заклучи Велков. Беа доделени награди во вкупно 8 категории, а една копанија ја доби титулата апсолутен победник. Добитници на наградите : Најпосакувана болница за вработување АЏИБАДЕМ СИСТИНА Најпосакуван маркет за вработување ЛИДЛ Најпосакувана компанија за вработување во категорија храна и пијалоци СКОПСКА ПИВАРА Во категоријата најпосакувана банка за вработување добитник е КОМЕРЦИЈАЛНА БАНКА Најпосакувана компанија од категоријата странски инвестиции е ЏОНСОН МЕТИ Најпосакувана компанија од нафтената индустрија е МАКПЕТРОЛ Најпосакуван телекомуникациски оператор во кој граѓаните со задоволство би се вработиле е ТЕЛЕКОМ Во категоријата најпосакувана компанија за транспорт и логистика добитник е ТАВ МАКЕДОНИЈА Апосолутен победник пак, во однос на сите добитници, според бројот на гласови на анкетата и направената статистика на број на прегледи како и интересот на апликантите за нивните објави на сајтот Вработување.ком, е компанијата АЛКАЛОИД која со оваа титула се закити и минатата година. Останувајќи и оваа година прва компанија во која луѓето без размислување би се вработиле, АЛКАЛОИД ја докажа својата апсолутна доминација во однос на посветеноста на своите сегашни и идни вработени. Заблагодарувајќи се за наградата Генералниот директор и Претседател на Управниот одбор на „Алкалоид“ АД Скопје Живко Мукаетов им одаде признание на своите 3000 вработени потенцирајќи ги годините на опстојување и традиција на Алкалоид – вкупно 88. Нагласи дека и понатаму вистинските вредности ќе бидат на прво место во нивната компанија, дека им е чест што по втор пат се одбрани за најатрактивна компанија за вработување во Македонија и изрази надеж дека и во останатите 22 единици кои се надвор од Македонија во иднина ќе го добијат ова признание. На манифестацијата беше доделена и една специјална награда. „Работодавач со најуспешен ребрендинг раст“ која отиде во рацете на РЕПЛЕК, а за „Најуспешна емплоер брендинг кампања“ статуетката отиде во рацете на Флекс Кредит. Организатор и творец на наградната манифестација е сајтот Вработување.ком кој прослави и 21 година од своето основање а од минатата година е во сопствеништво на финската компанија за огласи за работа Алма Кариера која работи во 11 европски земји, вклучувајќи ја Хрватска, Босна, Словенија, Словачка, Чешка, Естонија, Литванија, Латвија, Финска и Македонија. Водител на настанот беше актерот Гораст Цветковски. About Latest Posts Портал Работник Latest posts by Портал Работник (see all) Четврти ден штрајк на приватни специјализанти - 18/04/2024 Алкалоид апсолутен победник, Пивара, Телеком и ТАВ меѓу најатрактивните компании за вработување – Настан Работодавач на Годината - 18/04/2024 Неделков: СОНК нема да дозволи исплата на плата спротивно на Колективниот договор за култура - 18/04/2024 Facebook Twitter LinkedIn...

МакедонијаНовостиСиндикат Неделков: СОНК нема да дозволи исплата на плата спротивно на Колективниот договор за култура 18/04/202418/04/2024 Портал Работник Време за читање 2 минути Самостојниот синдикат за образование, наука и култура (СОНК) денеска ќе има вонредна седница на Советот на која ќе одлучи за натамошни чекори поради доцнењето на мартовската плата за околу три илјади вработени во дејноста култура. Претседателот на СОНК Јаким Неделков на прес-конференција рече дека веројатно ќе донесат одлука за протест, иако е период на избори, а ако проблемот се продлабочи, рече, веројатно ќе донесат одлука и за генерален штрајк во установите од културата. На прес-конференцијата, на која присуствуваа и вработени во културата, СОНК изрази незадоволство од доцнењето на платата за март која, според Општиот колективен и Колективниот договор во областа култура, вработените треба да ја примат до 15-ти односно до 10-ти во месецот. Согласно усогласувањето на платите со минималната плата во државава, мартовската плата треба да им биде зголемена за 12 отсто. Пресметките се изготвени од установите за култура, но нема одобрување од Министерството за финансии и покрај ветувањата на ресорната министерка.-Иако министерката излезе и кажа дека ќе нема проблем со платите, во дејноста култура сепак има проблем за исплата на мартовските плати. Проблемот датира уште од октомври лани за септемвриската плата, кога вработените во културата добија решенија за плата со ограничена важечка вредност. Тоа значеше дека до март ќе важат тие решенија, од март ќе се применува систематизацијата минимална плата по коефициент, не сметајќи ги во меѓувреме зголемувањето на платите за 10 проценти по основ на Општ колективен договор. Тоа ни беше јасен сигнал што може да се случи во април за мартовската плата и, еве, навистина, нашата загриженост и реакции беа оправдани во однос на тоа што Министерството за култура на чело со министерката за култура имаа план, стратегија и цел платите наместо 12,55 проценти да се зголемат само за 2,5 проценти – истакна Неделков. Според него, веројатно Министерството за култура и не направило соодветен план за користење на средствата и, како што рече, „веројатно од таа причина Министерството за финансии не одобрува зголемени плати за над 12 проценти, толку колку што е зголемувањето на минималната плата во оваа година“. About Latest Posts Портал Работник Latest posts by Портал Работник (see all) Алкалоид апсолутен победник, Пивара, Телеком и ТАВ меѓу најатрактивните компании за вработување – Настан Работодавач на Годината - 18/04/2024 Неделков: СОНК нема да дозволи исплата на плата спротивно на Колективниот договор за култура - 18/04/2024 Ампева: Кој ќе ги покрие дневниците на работниците од приватниот сектор? - 17/04/2024 Facebook Twitter LinkedIn...

НовостиПравдаСветот на работникот Ампева: Кој ќе ги покрие дневниците на работниците од приватниот сектор? 17/04/202417/04/2024 Портал Работник Време за читање помалку од минута Фејсбук статус на Кристина Ампева, Претседателка на „Гласен Текстилец“ За да имаат излезеност, измислија неработни денови за деновите на гласање. Кој ќе ги покрие дневниците на работниците од приватниот сектор и дали знаат дека ќе мора да ги одработат? Штетата ќе ја плати влада или како? Пс. И пак џабе ќе ви е, на време да си знаете. Работниците се’ памтат. И враќаат. Како и секогаш, на сите избори. About Latest Posts Портал Работник Latest posts by Портал Работник (see all) Неделков: СОНК нема да дозволи исплата на плата спротивно на Колективниот договор за култура - 18/04/2024 Ампева: Кој ќе ги покрие дневниците на работниците од приватниот сектор? - 17/04/2024 Негодување поради доцнењето на платите: Заменик министерот го критикува менаџментот на Јавното претпријатие „Македонски шуми“ – Трипуновски бара оставка од директорот и владина интеревенција - 17/04/2024 Facebook Twitter LinkedIn...

НовостиПравдаСветот на работникот Негодување поради доцнењето на платите: Заменик министерот го критикува менаџментот на Јавното претпријатие „Македонски шуми“ – Трипуновски бара оставка од директорот и владина интеревенција 17/04/202417/04/2024 Портал Работник Содржина Toggle Загриженост поради доцнењето на платитеОбвинувања за лошо менаџирањеПовик за одговорностПолитички импликации Време за читање 3 минути Во услови на зголемена фрустрација, Цветан Трипуновски, дополнителниот заменик министер за земјоделство, шумарство и водостопанство, упати остри критики за справувањето со доцнењето на платите што ги мачи вработените во сите подружници на Јавното претпријатие „Народни шуми“. Коментарите на Трипуновски, споделени преку објава на Фејсбук, го истакнуваат растечкиот јаз меѓу работниците и раководството, расветлувајќи ја пошироката загриженост за лошо управување и финансиски несовпаѓања во организацијата. Загриженост поради доцнењето на платите Вработените во различни подружници на Јавното претпријатие „Народни шуми“ излегоа на протести на улиците, наведувајќи дека има значително доцнење со примањето на платите и теренските надоместоци. Ситуацијата ги остави работниците во тешка финансиска состојба, при што некои претрпеа двомесечен недостаток во плаќањата. Забелешките на Трипуновски ја нагласуваат сериозноста на прашањето, нагласувајќи го влијанието врз егзистенцијата и итноста за брзо решавање. Обвинувања за лошо менаџирање Во својата остра критика, Трипуновски го обвинува менаџментот дека приоритет дава на екстраваганции пред благосостојбата на вработените. Тој тврди дека иако средствата лесно се распределуваат за набавка на нови возила и друг луксуз, суштинските исплати на плати остануваат неплатени. Заменик-министерот го припишува овој финансиски притисок на системски прашања во компанијата, вклучително и превработеноста и приливот на политички поврзани кадри, на сметка на ефективни оперативни практики. Повик за одговорност Трипуновски не штеди зборови во барањето одговорност од раководството на Јавното претпријатие „Народни шуми“. Тој бара оставка од директорот, сметајќи ги за одговорни за лошото менаџирање кое доведе до актуелната криза. Дополнително, тој бара владина интервенција за да се обезбеди навремена исплата на платите, нагласувајќи ја должноста за заштита на благосостојбата на вработените и нивните семејства. Политички импликации Привлекувајќи внимание на пошироката политичка динамика, Трипуновски ја критикува распределбата на државните ресурси за политички кампањи, спротивставувајќи ја со маките на вработените кои протестираат. Неговите забелешки укажуваат на поширок наратив за запоставување на владата и приоритизирање на партиските интереси пред јавната благосостојба. Додека сеништето на криминал, корупција и непотизам се наѕира, Трипуновски ја нагласува потребата од системски реформи за да се врати довербата во институциите и да се поддржи достоинството на македонскиот народ. Негодувањето поради доцнењето на платите во Јавното претпријатие „Национални шуми“ ја одразува длабоката загриженост во однос на управувањето, одговорноста и благосостојбата на работниците. Острата осуда на Цветан Трипуновски за практиките на управување ја нагласува итноста за решителна акција за решавање на системските прашања и обезбедување правичен третман за сите вработени. Како што продолжуваат протестите и гласовите на несогласување стануваат се погласни, центарот на вниманието останува цврсто фиксиран на потребата од опипливи реформи за да се поддржат принципите на транспарентност, правичност и социјална правда. About Latest Posts Портал Работник Latest posts by Портал Работник (see all) Ампева: Кој ќе ги покрие дневниците на работниците од приватниот сектор? - 17/04/2024 Негодување поради доцнењето на платите: Заменик министерот го критикува менаџментот на Јавното претпријатие „Македонски шуми“ – Трипуновски бара оставка од директорот и владина интеревенција - 17/04/2024 Вработените во Македонски шуми го блокираа сообраќајот во Скопје, бараат неисплатени плати: Закани за радикализација на протестите – 1800 луѓе се наоѓаат во неизвесност - 17/04/2024 Facebook Twitter LinkedIn...

НовостиПравдаСветот на работникот Вработените во Македонски шуми го блокираа сообраќајот во Скопје, бараат неисплатени плати: Закани за радикализација на протестите – 1800 луѓе се наоѓаат во неизвесност 17/04/202417/04/2024 Портал Работник Содржина Toggle Вработените ги бараат неисплатените платиЕдинство среде неволјаПовик за правда низ секторите Време за читање 3 минути Сообраќајот е прекинат долж булеварот Климент Охридски во Скопје, бидејќи вработените во Македонски шуми го изразија својот револт поради двомесечните неисплатени плати. Драматичните демонстрации ја нагласуваат продлабочената фрустрација меѓу работниците кои се борат со финансиската несигурност. Со ветувањата за ескалација на протестите во наредните денови, ситуацијата ја нагласува пошироката загриженост за предизборните вработувања и маките на редовните вработени фатени во вкрстен оган. Вработените ги бараат неисплатените плати Речиси 1800 вработени во Македонски Шуми се наоѓаат во неизвесност, неспособни да дојдат до нивните законски плати. Корените на нивното незадоволство лежат во последиците од предизборните вработувања во Националните шуми, кои ја отежнаа ситуацијата со неисплатени плати. Бран ефект на оваа одлука не само што влијаеше на 355 директно ангажирани поединци, туку исто така одекна низ целата работна сила, засилувајќи го страдањето на редовните вработени кои сега се наоѓаат лишени од својата заработка. Единство среде неволја Претставници од 30 подружници на Националните шуми ги здружија силите на протестот, испраќајќи јасна порака за солидарност и одлучност до раководството. Во услови на уверување дека зимскиот период постави значителни предизвици, синдикалците упатија остро предупредување за понатамошна ескалација доколку нивните поплаки останат нерешени. Веќе се во тек плановите за интензивирање на протестите, со храбра декларација да се собере пред Владата како дел од демонстрациите за Меѓународниот ден на трудот на 1-ви мај. Мобилизацијата треба да вклучи не само вработени од Националните шуми, туку и разновидна низа работници од јавниот сектор, обединети со заедничките поплаки за лошите плати. Повик за правда низ секторите Немирите во Македонски Шуми резонираат многу подалеку од нејзините граници, резонирајќи со работниците во различни сектори кои се борат со слични тешкотии. Од паркови и зеленило до комунални услуги, Водовод, Водостопанство, па дури и Македонски пошти, вработените го искажуваат своето незадоволство поради скудната плата и финансиската несигурност. Зголеменото незадоволство го нагласува поширокото општествено прашање, каде работниците се повеќе се разочарани од нивните економски перспективи и бараат правичен третман. Блокадата на булеварот Климент Охридски служи како потресен потсетник на тлее незадоволството кај работниците во Скопје и пошироко. Протестот на вработените во Македонски Шуми ја засилува итната потреба од системски реформи за да се решат основните причини за доцнењето на платите и да се обезбеди фер третман за сите работници. Како што се наѕира сеништето на радикализација, креаторите на политиката и засегнатите страни мора да ги послушаат гласовите на маргинализираните и да преземат решителна акција за да ги поддржат принципите на економска правда и достоинство за сите. About Latest Posts Портал Работник Latest posts by Портал Работник (see all) Негодување поради доцнењето на платите: Заменик министерот го критикува менаџментот на Јавното претпријатие „Македонски шуми“ – Трипуновски бара оставка од директорот и владина интеревенција - 17/04/2024 Вработените во Македонски шуми го блокираа сообраќајот во Скопје, бараат неисплатени плати: Закани за радикализација на протестите – 1800 луѓе се наоѓаат во неизвесност - 17/04/2024 Филипче: Специјализантите ќе добијат месечен надоместок од почетни 60.000 денари - 17/04/2024 Facebook Twitter LinkedIn...

НовостиСветот на работникот Филипче: Специјализантите ќе добијат месечен надоместок од почетни 60.000 денари 17/04/202417/04/2024 Портал Работник Време за читање 2 минути Носителот на СДСМ во изборната единица 4, Венко Филипче изјави дека специјализантите остануваат во фокус на СДСМ и во следниот мандат. Тој додаде дека граѓаните ја препознаваат нивната посветеност за системско решавање на клучните прашања за здравствениот систем. „Наша цел ќе биде зајакнување на главниот столб на кој се темели иднината на македонското здравство, а тоа е задржување на младите лекари и специјалисти во земјава. Тоа ќе го постигнеме преку зголемување на платите за специјализантите и преку создавање на повеќе специјалисти што ќе останат во македонското здравство. Специјализантите ќе ги остварат сите права за текот на нивната пракса преку целосно вкупно здравствено осигурување и ќе добиваат месечен надоместок од почетни 60.000 денари“ рече Филипче и додаде дека нивната цел е да создадат 1.000 нови специјализанти за четири години. Имаат план да ја зголемат квотата за студенти на јавните високообразовни установи за медицина, стоматологија и фармација и да ја укинат партиципацијата за студирање. „За потсетување, во изминатиот период, одобривме рекордни 931 специјализација и 130 супспецијализации. СДСМ ќе продолжи да вложува и во другиот медицински кадар. Планираме драстично зголемување на платите на медицинскиот персонал. Докторите специјалисти ќе имаат плата од 140.000 до 180.000 денари, општите доктори плата од 120.000 денари, а медицинските сестри плата од 60.000 до 90.000 денари. Политиката на СДСМ е јасна и конзистентна. Во изминатите години рекордно ги зголемивме платите во здравството. Основната плата на специјалистите ја зголемивме за 40%, на општите лекари за 25%, на медицинските сестри на клиниките помеѓу 20% и 23%, а на здравствените соработници за 15%. Ги зголемивме коефициентите за исплата на дежурства на здравствените работници и за првпат обезбедивме исплата на плати за приватните специјализанти во висина од просечната плата на општ лекар“, порача Филипче. About Latest Posts Портал Работник Latest posts by Портал Работник (see all) Негодување поради доцнењето на платите: Заменик министерот го критикува менаџментот на Јавното претпријатие „Македонски шуми“ – Трипуновски бара оставка од директорот и владина интеревенција - 17/04/2024 Вработените во Македонски шуми го блокираа сообраќајот во Скопје, бараат неисплатени плати: Закани за радикализација на протестите – 1800 луѓе се наоѓаат во неизвесност - 17/04/2024 Филипче: Специјализантите ќе добијат месечен надоместок од почетни 60.000 денари - 17/04/2024 Facebook Twitter LinkedIn...

ЕкономијаМакедонијаНовости Јакимовски ветува дека ќе се залага за гарантиран приход од 25.000 денари за секое пезионерско семејство 17/04/202417/04/2024 Портал Работник Време за читање 2 минути Претседателскиот кандидат Стевчо Јакимовски денеска изјави дека повеќе од половината од вкупно 330.000 пензионери живеат многу сиромашно и примаат ниски пензии. Јакимовски вети дека како претседател ќе се залага за воведување на гарантиран месечен приход од 25.000 денари за секое пензионерско семејство во државата. „Ако има двајца пензионери и тие имаат под 25.000 денари примања, до таа сума ќе се интервенира со мерките на социјалната политика. Значи ако едно семејство има 17.000 денари, уште 8.000 денари ќе добива од социјалната заштита и вообичаено сопругите се помлади, ако подоцна и сопругата стане пензионер и таа има 15.000 денари примања, тоа значи дека овие 8.000 денари ќе треба да се дадат на некој друг. Или пак, кога имаме два пензионери и имаат над 30-40.000 денари пензија, меѓутоа за жал еден од нив починува, останува само еден пензионер, којшто има под 25.000 денари, него повторно ќе му се даде сума што ќе го надополни остатокот до 25.000 денари“ вели тој. Јакимовски посочи дека причината за ваквата мерка е што трошоците за живот на едно пензионерско семејство се исти без разлика каде живее и колку пензија има. „Трошоците за греење, трошоците за храна, трошоците за ѓубретарина, за вода и така натаму, се готово исти, значи готово фиксни и од тие причини сметаме дека едно пензионерско семејство, без разлика дали се еден или два, не смее да има помалку од 25.000 денари и тоа е мерката којашто ќе инсистирам како претседател на држава заради стабилност на пензионерите, но никако не смее да се интервенира во пензискиот систем, туку напротив, со мерките на социјалната политика“ порача Јакимовски. About Latest Posts Портал Работник Latest posts by Портал Работник (see all) Филипче: Специјализантите ќе добијат месечен надоместок од почетни 60.000 денари - 17/04/2024 Јакимовски ветува дека ќе се залага за гарантиран приход од 25.000 денари за секое пезионерско семејство - 17/04/2024 Балканот е демографската црна дупка на Европа - 17/04/2024 Facebook Twitter LinkedIn...

НовостиПравда Балканот е демографската црна дупка на Европа 17/04/202417/04/2024 Портал Работник Време за читање 9 минути Најголем пад на населението имаше Македонија, која во 2022 година имаше 11 отсто помалку жители отколку во 2012 година. Хрватска загуби 9,66 отсто од своите жители, а Бугарија 9,07 отсто. Грубо кажано, само за десет години овие три земји го загубија секој десетти жител! НАСЕЛЕНИЕТО ОД ЈУГОТ СЕ СЕЛИ НА СЕВЕРОТ НА ЕВРОПА И ТОА НИКАКО ДА ЗАПРЕ Демографскиот пад на Хрватска е доста познат факт, но всушност е проблем за сите земји на Балканскиот Полуостров. Тоа е речиси специфичен балкански проблем, бидејќи повеќето други земји бележат раст или стагнација на населението, со неколку исклучоци. Хрватскиот портал „Индекс“ објавува обемна анализа за овој балкански феномен, кој има свои историски корени, но во последната деценија предизвика многу поголема миграција од кога било претходно. Анализата на „Индекс“ ја објавуваме интегрално.Проблемите на земјите од Западна и Северна Европа првенствено се поврзани со малиот број раѓања по жена, односно стапката на фертилитет, но силата на економијата и релативно високиот стандард се привлечни за луѓето од посиромашните земји во Европа, како и од многу сиромашните земји на Блискиот Исток и Африка. ОПАСНА ДЕМОГРАФСКА ТРАНЗИЦИЈА, ПОМАЛКУ РАЃАЊА И ЗГОЛЕМЕНО ИСЕЛУВАЊЕ Земјите од Југоисточна Европа се соочуваат со два негативни демографски тренда, па затоа многу повеќе страдаат поради демографските промени што се карактеристични за фазата на демографска транзиција во која се наоѓаат. Тоа е период на опаѓање на бројот на раѓања со зголемување на уделот на постарата популација поради зголемениот животен век.Тие, покрај проблемот со ниската плодност, имаат проблем и со иселувањето. Најголем дел млади и образовани луѓе се иселуваат, што ја отежнува идната демографска и економска состојба, бидејќи заминуваат оние што треба да бидат носители на демографската и економската обнова во иднина.Според податоците на статистичката агенција „Евростат“, земјите од Југоисточна Европа забрзано изумираат. Меѓу шесте земји со најголемо намалување на населението помеѓу 2012 и 2022 година има само една што не се наоѓа во Југоисточна Европа, а тоа е Летонија.Најголем пад на населението имаше Македонија, која во 2022 година имаше 11 отсто помалку жители отколку во 2012 година. Хрватска загуби 9,66 отсто од своите жители, а Бугарија 9,07 отсто. Грубо кажано, само за десет години овие три земји го загубија секој десетти жител.По нив, најлоша е состојбата во Србија, со загуба од 7,68 отсто од населението, потоа Летонија (-7,62 отсто) и Босна и Херцеговина (-6,74 отсто). ЗЕМЈИТЕ ОД ЈУГОИСТОЧНА ЕВРОПА ГУБАТ МИЛИОНИ ЛУЃЕ Во однос на БиХ, треба да се нагласи дека демографските податоци од неа се крајно неверодостојни, а последниот попис на населението беше во 2013 година. Тоа беше единствениот попис на населението од крајот на војната, а резултатите не ги прифаќа ниту Република Српска. Всушност, никој не го знае точниот број на луѓе што живеат во Босна и Херцеговина, а многумина се регистрирани иако живеат таму само мал дел од годината.Во апсолутни бројки, Романија загубила најмногу население од 2012 до 2022 година, која по десет години имала милион жители помалку. Процентуално, тоа е пад од 5 отсто, многу помалку од земјите со најголем проблем со демографска смрт.Полска загуби 859 илјади жители, но бидејќи земјата имаше 38 милиони жители во 2012 година, тоа претставува пад од 2,26 отсто. Бугарија загубила 626,5 илјади жители, речиси секој десетти (-9,07 отсто). Во 2022 година Грција имала 608 илјади жители помалку од 2012 година (-5,51 отсто), Србија 554 илјади (-7,68 отсто), а Италија 526 илјади (-0,88).Во апсолутна смисла, Хрватска има седми најголем пад на населението меѓу набљудуваните европски земји, 412,4 илјади. Со оглед на нејзината големина и население, ова е голема бројка, поради што процентуално се вбројува како втора најпогодена земја, со пад од 9,66 отсто.Иако постојат значителни разлики во богатството и економскиот развој меѓу земјите од Југоисточна Европа, од БДП по жител од над 20 илјади долари во Грција и Хрватска до помалку од 10 илјади долари во Албанија и Босна и Херцеговина, проблемите се исти и во условите на демографијата.Растот на стандардот во последните децении доведе до значително подобрување на условите за живот, така што очекуваниот животен век на детето родено во 2019 година во Хрватска изнесуваше 78 години, а во 1989 година беше 72 години. Во Србија растот е од 70 години животен век за родените во 1989 година на 76 години во 2019 година, како и во Романија.Помеѓу пет и шест години е продолжен животот на новороденчињата во сите земји од Југоисточна Европа, луѓето живеат подолго и има сѐ повеќе стари лица. Но, истовремено се намали и бројот на родени, што создава дополнителен притисок врз економијата и ги зголемува проблемите што произлегуваат од стареењето на населението, како што е одржливоста на пензискиот систем.Стареењето на населението и помалку раѓања се последиците од демографската транзиција во која се наоѓа цела Европа, а земјите од Југоисточна Европа ги споделуваат овие проблеми со развиените земји од Западна и Северна Европа. РАЗВИЕНИТЕ ЗЕМЈИ СЕ ЗГОЛЕМУВААТ Но во развиените земји населението порасна од 2012 до 2022 година. Германија, Франција, Белгија и Холандија имаат раст на населението од околу 5 отсто, Австрија, Швајцарија, Велика Британија, Данска и Норвешка помеѓу 5 и 10 отсто и Ирска, Шведска и Исланд над 10 отсто.Разликата меѓу земјите од Југоисточна Европа од една страна и земјите од Западна и Северна Европа од друга е во миграцијата, односно во нето-приливот на мигранти. Додека земјите од Југоисточна Европа масовно го губат своето население поради емиграција, земјите од Западна и Северна Европа масовно го придобиваат своето население поради имиграцијата.Најголем дел од оние што емигрирале од Југоисточна Европа емигрирал во земјите од Западна и Северна Европа. Тоа е причината зошто постои разлика помеѓу земјите што масовно го губат своето население и земјите чие население расте.Иселувањето е еден од најголемите проблеми во Хрватска, а не беше секогаш така.Според податоците на Националното биро за статистика, од 2011 до 2021 година во Хрватска имигрирале 212.000 луѓе, а емигрирале 329.000. Тоа дава негативна разлика од 117 илјади луѓе. Ефектот на емиграцијата е тој што ги влошува демографските услови во Хрватска.Најлоша беше 2017 година, кога се иселиле 47 илјади луѓе, а се вселиле15,5 илјади. Изненадувачки, во 2022 година повеќе луѓе имигрирале во Хрватска отколку што емигрирале, 57.972 илјади имигрирале наспроти 46.287 емигранти.Ова не се случува првпат во историјата на хрватската држава. Всушност, до 2008 година Хрватска годишно имаше повеќе имигранти отколку емигранти, но долгорочната рецесија (одржана од катастрофалните политики) доведе до масовна емиграција, особено по пристапувањето во ЕУ. Со оглед на резултатите од нето-миграцијата во 2022 година, можно е таквото движење да се вратило. За десет години исчезнал еден Сплит Поради драстичен пад на родените и зголемување на бројот на умрени, за десет години исчезнал еден Сплит, односно толку население изгубила Хрватска. Демографската катастрофа во Хрватска најдобро се гледа по бројот на раѓања. Во 1990-тите беше вообичаено месечниот број на раѓања да биде 4.500 или повеќе, до 2011 година падна на 3.500-4.000 месечно, а во последните години беше 2.500-3.000 месечно.Истовремено се зголемил и бројот на починати, па, така, во 2023 година Хрватска загубила 23.000 жители само врз основа на поголемиот број на умрени од родени. Помеѓу 2013 и 2023 година, 171.000 жители биле изгубени само поради негативниот природен прираст, што е еквивалент на Сплит и околината.Ситуацијата во Србија, БиХ, Црна Гора, Македонија, Бугарија, Романија и во Грција не е многу подобра. Всушност, Хрватска барем покажува знаци на подобрување на трендовите на емиграција (во 2022 година повеќе луѓе се вселиле отколку што заминале), додека повеќето други земји не покажуваат такви знаци. Нивната „демографска катарза“ допрва доаѓа. Извор: Нова Македонија About Latest Posts Портал Работник Latest posts by Портал Работник (see all) Јакимовски ветува дека ќе се залага за гарантиран приход од 25.000 денари за секое пезионерско семејство - 17/04/2024 Балканот е демографската црна дупка на Европа - 17/04/2024 24 април и 8 мај неработни денови, нема да се одработуваат - 17/04/2024 Facebook Twitter LinkedIn...

НовостиСветот на работникот 24 април и 8 мај неработни денови, нема да се одработуваат 17/04/202417/04/2024 Портал Работник Време за читање помалку од минута 24 април и 8 мај ќе бидат неработни денови, одлучи Владата вчера на 16. седница. Овие денови ќе бидат неработни за сите граѓани на Република Македонија, заради непречено спроведување на изборите за Претседател и за пратеници во Собранието. Овие два неработни дена нема да се одработуваат, стои во соопштението од Владата. Извор: republika.mk About Latest Posts Портал Работник Latest posts by Портал Работник (see all) Балканот е демографската црна дупка на Европа - 17/04/2024 24 април и 8 мај неработни денови, нема да се одработуваат - 17/04/2024 Скопје и Охрид – омилени и најисплатливи дестинации за дигиталните номади - 17/04/2024 Facebook Twitter LinkedIn...

НовостиСветот на работникот Скопје и Охрид – омилени и најисплатливи дестинации за дигиталните номади 17/04/202417/04/2024 Портал Работник Време за читање 2 минути Во ерата на дигитализацијата и глобалната поврзаност, дигиталните номади бараат нови хоризонти каде што можат да работат и да уживаат во животот. Македонија, со своите градови Скопје и Охрид, се истакнува како економски најпривлечна дестинација за оваа сè порастечка популација. Со просечни месечни трошоци од само 1.300 долари, кои ги покриваат сместувањето, храната и другите основни потреби, Македонија нуди одличен баланс помеѓу трошок и квалитет на живот. Оваа пресметка ги прави Скопје и Охрид идеални за дигиталните работници кои бараат начини како да ги максимизираат своите приходи додека уживаат во богатата култура, историја и природна убавина на регионот. Скопје, како главен град, нуди живописен микс од модерно и традиционално. Градот е дом на бројни кафулиња, ко-работни простории и брз интернет, што го прави идеално место за дигиталните номади. Од друга страна, Охрид, познат како „бисерот на Балканот“, привлекува со својата спокојна атмосфера, кристално чистото езеро и старите манастири. Дигиталните номади кои се одлучуваат за Македонија како своја база, не само што ќе профитираат од ниските животни трошоци, туку и ќе имаат можност да искусат уникатна синтеза на култури и традиции кои се протегаат низ вековите. Со својата топла гостопримливост и отвореност кон странци, Македонија се позиционира како водечка дестинација за дигиталните номади од целиот свет. Исто така, Албанија се смета за „Грција со помал буџет“ каде што Американците може да поминат и цела година без дополнителна виза. Босна и Херцеговина е земјата со големо гостопримство, додека Црна Гора, иако е една од поскапите земји во регионот, се опишува како одлично место за дигиталните номади. Србија, според Travel off Path, е најскапа земја за дигиталните номади на Западниот Балкан, но препорачуваат задолжително да се посетат Белград, Нови Сад и Ниш. извор: denar.mk About Latest Posts Портал Работник Latest posts by Портал Работник (see all) 24 април и 8 мај неработни денови, нема да се одработуваат - 17/04/2024 Скопје и Охрид – омилени и најисплатливи дестинации за дигиталните номади - 17/04/2024 Да се врати средното полициско училиште, полицајците со сѐ послаб просечен успех! - 17/04/2024 Facebook Twitter LinkedIn...

МакедонијаНовостиСиндикат Да се врати средното полициско училиште, полицајците со сѐ послаб просечен успех! 17/04/202417/04/2024 Портал Работник Време за читање 1 минута Независниот полициски синдикат бара враќање на средното полициско училиште. Главна причина за тоа, е според нив, се послабиот просечен успех на кандидатите за полицајци во Центарот за обука во МВР. Па така, ако тие во 2014/2015 година имале освоено 597 бода, во 2021/2022 година добиле само 524 бода. За тоа презентираат и графички приказ, од кој се гледа како низ изминативе години се нсамалувал бројот на освоените бодови на полицајците. „Не можеме да очекуваме промена на подобро, а притоа да не создаваме квалитетни кадри кои треба да ги донесат промените. Политиката на поставување Помошници на министерот во Центарот за обука директно од партиските штабови го доведе Министерството до состојба да секоја година го поместуваме дното од постигнатиот успех на претходните генерации. Едно од главните барања на Независниот синдикат на полицијата е целосно реформирање на образовниот процес и конечно враќање на средното полициско училиште кое е повеќе од нужна потреба“, пишуваат од Независниот полициски синдикат во својот статус на фејсбук. Извор: faktor.mk About Latest Posts Портал Работник Latest posts by Портал Работник (see all) Скопје и Охрид – омилени и најисплатливи дестинации за дигиталните номади - 17/04/2024 Да се врати средното полициско училиште, полицајците со сѐ послаб просечен успех! - 17/04/2024 Тесла демантира дека во Берлин ќе отпушти повеќе од 3,000 работници - 17/04/2024 Facebook Twitter LinkedIn...

ЕкономијаНовостиСветСветот на работникот Тесла демантира дека во Берлин ќе отпушти повеќе од 3,000 работници 17/04/202417/04/2024 Портал Работник Време за читање 1 минута Тесла планира да укине работни места во својата гига-фабрика во близина на Берлин, потврдила портпаролката на погонот, но ги негирала наводите на медиумите дека се работи за повеќе од 3,000 работници. Гигантскиот произведувач на електрични автомобили претходно соопштил дека планира да отпушти 10 % од работната сила ширум светот. Сопственикот на Тесла, Илон Маск, навел дека редуцирањето на работната сила за околу 14,000 луѓе е диктирано од продажбата на електрични возила на глобалниот пазар. „Уверени сме дека само ефикасна и растоварена организација може добро да се носи со идните предизвици. Искуството укажува дека таквиот пристап носи успех“, рекла претставничката на берлинската фабрика. Фабриката на Тесла се наоѓа во Гринхајд, во близина на Берлин. Според соопштението на претставничката, фабриката на евентуалното отпуштање ќе му пристапи во согласност со законот за работни односи и со учество на работниците. Тврдењата на медиумите дека ќе бидат отпуштени 3,000 работници се „потполно неосновани“, се додава во соопштението. Гига-фабриката во Берлин моментално вработува повеќе од 12,000 луѓе. Извор: b92.net Фото: shutterstock, BoJack About Latest Posts Портал Работник Latest posts by Портал Работник (see all) Скопје и Охрид – омилени и најисплатливи дестинации за дигиталните номади - 17/04/2024 Да се врати средното полициско училиште, полицајците со сѐ послаб просечен успех! - 17/04/2024 Тесла демантира дека во Берлин ќе отпушти повеќе од 3,000 работници - 17/04/2024 Facebook Twitter LinkedIn...

ЕкономијаНовости ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид’ во Европа“ 17/04/202417/04/2024 Портал Работник Време за читање 4 минути Генералниот директор на „Алкалоид“, Живко Мукаетов, даде ексклузивно интервју за хрватскиот „Јутарњи лист“, каде откри дека „Алкалоид“ ќе отвори уште една компанија во Хрватска, за работите на компанијата во Европа. Тој во интервјуто сподели доста интересни работи за плановите за проширување на компанијата, за инвестициите, за пласманот…. Подолу, прочитајте дел од интервјуто. ЈЛ:Зошто Алкалоид се одлучи за оваа инвестиција во цврсти форми и што добивте од тоа? „Алкалоид“ континуирано расте од 2005 година, растат и нашите капацитети и вложивме многу, но стигнавме до фаза кога ни требаше нов исчекор што ќе ни овозможи да го прошириме нашето портфолио и да го зголемиме обемот. Алкалоид има два бизнис модели, со сопствено портфолио, што е таканаречен сегмент бизнис кон клиент во кој работиме на терен со нашите тимови и другиот, сегмент од бизнис до бизнис, што значи дека развиваме молекула за која продаваме лиценца на една од големите фармацевтски индустрии, како што се Сандоз, Тева, Гленмарк и други. Имајќи предвид дека ја развиваме молекулата, ги продаваме правата и го задржуваме правото да ја произведуваме за споменатите партнери, за тоа ни требаат поголеми количини, односно поголеми серии. Затоа, ни стана јасно дека ќе бидеме многу поконкурентни со поголеми количини и во исто време помалку анализи на секоја помала серија. Дополнително, како дел од оваа инвестиција инсталиравме опрема со помали серии, што е многу попрактично за помалите пазари. Така, добивме повеќе од двојно поголем волумен и поголема флексибилност. Имаме и технологија каква што досега не сме имале, што овозможува нашиот развој да дизајнира некои производи кои ќе содржат две или повеќе молекули во една таблета, што е особено практично за пациентите кои треба да консумираат многу лекови. Сето ова ни дава многу поголема ширина во производството на цврсти форми. Со новите инвестиции се зајакнува и улогата на истражување и развој. Колку е силен „Алкалоид“? Нашиот оддел за истражување и развој континуирано расте. Овој сегмент го дефиниравме пред точно 15 години од нула, со отворањето на центарот за истражување и развој, во кој моментално работат 170 лица, од кои повеќе од 150 се високообразовани, магистри или докторанти. Во нашиот центар за истражување и развој неколку тимови работат на развој на различни групи производи, а покрај сопствените капацитети го користиме и знаењето на надворешни консултанти. Што точно ќе ви донесе оваа инвестиција и во која временска рамка? „Алкалоид“ минатата година ја заврши со 268,3 милиони евра приход, компанијата од 2005 година порасна пет пати, а во последните пет години нашиот просечен годишен раст е 12,4 отсто. Финансиските резултати од оваа инвестиција ќе ги видиме во зависност од тоа како ќе се одвива ревизијата и сертификацијата, веќе го добивме македонскиот GMP, сертификат за добра производна практика, а наскоро очекуваме да го имплементираме и на сите други пазари каде што сме присутни, и се надеваме дека до крајот на годината ќе можеме да работиме уште побрзо на нови развојни опции. Кој е вашиот најголем извозен пазар? Нашите производи се продаваат на речиси 50 пазари ширум светот и 69 отсто од нашите приходи доаѓаат од извоз. Нашиот најголем извозен пазар е Србија, каде што имаме сопствено производство и околу 150 вработени, а пласманите таму изнесуваат околу 40 милиони евра. Во Хрватска, ние сме коректен партнер на здравствениот систем, пред се во обид да го снабдиме системот со оние молекули кои се дефицитарни. Во Хрватска имаме два субјекта, тим за хрватско работење со околу 40 вработени во Загреб, како и правна служба за цела Европска унија, а деновиве очекуваме регистрација на трета компанија, која би правела одредени операции во Европската Унија, покрај таквата канцеларија што веќе ја имаме во Словенија. Во Словенија, Алкалоид има и лабораторија, каде што издаваме серија лекови (batch releasing), како и компанија која е задолжена за сите операции во Европската унија, каде што сме присутни на речиси сите пазари, од Австрија, Италија, Португалија, преку Полска, Чешка, Романија, Бугарија и пошироко. Целото интервју може да го прочитате тука. Извор:Јутарњи.хр About Latest Posts Портал Работник Latest posts by Портал Работник (see all) Тесла демантира дека во Берлин ќе отпушти повеќе од 3,000 работници - 17/04/2024 ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид’ во Европа“ - 17/04/2024 Кои хрватските работници ќе добијат надомест, а кој бонус на изборниот ден? - 17/04/2024 Facebook Twitter LinkedIn...

ЕкономијаНовостиСвет Кои хрватските работници ќе добијат надомест, а кој бонус на изборниот ден? 17/04/202417/04/2024 Портал Работник Време за читање 1 минута Среда е прогласена за неработен ден врз основа на Законот за избор на пратеници во хрватскиот Сабор, а правилата за надоместок на плата за неработни денови се припишуваат на Законот за работни односи и другите акти за работни односи (колективен договор, регулатива за работни односи итн.). За повеќето работници чие стандардно работно време е од понеделник до петок, среда е нормален работен ден. Доколку тој ден поради некоја причина се прогласи за неработен, тие имаат право на надоместок согласно Законот за работни односи и други извори на законот, пишува тпортал. Во исклучителни случаи, кога работната недела е распределена така што среда е неделен одмор на работникот, тогаш тој нема право на надоместок на плата. Работниците кои според редовниот распоред работат на одмор или неработен ден имаат право на зголемена плата и дополнителен ден за одмор. За работа на денот на изборите важат истите правила за зголемување на платата како и за работа во празници и неработни денови кои се еквивалентни на нив. Додатоците на плата се регулирани со колективни договори и интерни прописи, а се движат од 30 до 50 отсто за редовно работно време. Воедно, горната граница на зголемената основна плата се утврдува со колективен договор или други интерни прописи по повеќе основи. Обично, оваа граница се движи од 60 до 80 проценти над основата. Особено добро ќе заработат работниците во јавните и државните служби, бидејќи за време на празници и парни денови земаат 150 отсто зголемена плата, потсетува Н1 Хрватска. Фото: Canva About Latest Posts Портал Работник Latest posts by Портал Работник (see all) ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид’ во Европа“ - 17/04/2024 Кои хрватските работници ќе добијат надомест, а кој бонус на изборниот ден? - 17/04/2024 ССМ: Во наредните денови ќе го радикализираме протестот - 17/04/2024 Facebook Twitter LinkedIn...

МакедонијаНовостиСиндикат ССМ: Во наредните денови ќе го радикализираме протестот 17/04/202417/04/2024 Портал Работник Време за читање 3 минути Сојузот на синдикати на Македонија (ССМ) апелира менаџментот на ЈП „Национални шуми“ и Владата да не поигруваат со судбината на 1.800-те вработени во јавното претпријатие и да им обезбедат плата во спротивно најавува радикализирање на протестот и негово префрлање пред Владата. -Денес 30 подружници од цела Република се собраа пред ЈП „Национални шуми“ да го изразат своето раководство бидејќи втор месец немаат плата. Не се проблем само платите, туку и теренскиот додаток што не е исплатен, а се тераат луѓето да одат на работа. Во меѓувреме во претпријатието има штрајк, луѓето се на своите работни места и не ги извршуваат задачите, бидејќи се гневни на менаџментот, директорот и нивните раководители, како и на сите претставници од власта зашто сите земаат за 80 отсто зголемени плати, а тие втор месец не земаат. Веќе третиот месец тече и доколку денеска има една исплатена плата повторно ќе немаат здравствен осигурување, изјави претседателот на Синдикатот за градежништво, индустрија и проектирање (СГИП) Иван Пешевски на денешниот протест пред дирекцијата на ЈП „Национални шуми“ и додаде дека целиот проблем е во претставниците на власта и на менаџментот. Како што кажа, ставот на менаџментот на јавното претпријатие е дека зимскиот период секогаш е тежок и праша доколку е тежок како можеа во тој период да набават нови возила и да потрошат милионски суми, а да не обезбедат плата за вработените. Посочи дека пред избори во претпријатието биле вработени 355 лица заради кои, како што рече, сите 1.800 вработени не може да земат плата. Ги повика сите претставници на власта и на политичките партии кога одат по градовите во рамките на изборната кампања да ги прашаат луѓето за нивните проблеми, а не да кажуваат што ќе направат или што не направиле тие пред нив. Ако продолжат вака, потенцира, нема да дочекаат да има народ на избори. -На работникот во Македонија му е згорчено од политика и од сето она што го живее секојдневно и оди на работа за плата и за додатоци на плата. Срамно е во 21. век да се молиме за плата за месеци кои луѓето ги изработиле. Ако се прашуваат некои или кажуваат дека има лопови во Национални шуми, јас од тука им кажувам дека лоповите се во дирекција и во фотелји, лоповите не се ни сеча, ни дотур, ни сите шумари кои и онака земаат мизерни плати, рече Пешевски и посочи дека во претпријатието не треба да има сезонски вработувања од 10 месеци годишно, туку вработените треба да работат 12 месеци, да земаат плата и да им бидат платени придонеси. Најави дека планираат во следните денови да го радикализираат протестот пред Влада и да го заокружат и 1 Мај како Меѓународен ден на трудот. Во следните денови, како што кажа, ќе бидат се побројни и погласни, а особено вработените во јавниот сектор, бидејќи, посочи, „врие и во Паркови и зеленило, во Комунално, во Водовод, Водостопанство, Македонски пошти, кај културните работници каде има мизерни плати“. About Latest Posts Портал Работник Latest posts by Портал Работник (see all) ВО ИНТЕРВЈУ ЗА ЈУТАРЊИ, ЖИВКО МУКАЕТОВ ОТКРИВА: „Во Хрватска се отвара уште една фирма, за деловните активности на ‚Алкалоид’ во Европа“ - 17/04/2024 Кои хрватските работници ќе добијат надомест, а кој бонус на изборниот ден? - 17/04/2024 ССМ: Во наредните денови ќе го радикализираме протестот - 17/04/2024 Facebook Twitter LinkedIn...

НовостиПравдаСветот на работникот Специјализантите незадоволни продолжуваат со штрајкот 17/04/202417/04/2024 Портал Работник Време за читање помалку од минута Револтирани од одлуката на Владата, статусот на приватните специјализанти да биде решаван по изборите со законски измени, приватните специјализанти трет ден се во генерален штрајк. Велат дека не се откажуваат, но жалат што не добиваат поддршка од колегите специјалисти со кои работат во амбулантите и операционите сали. Денеска со нив застана само професорка од Ревматологија. Извор: Сител About Latest Posts Портал Работник Latest posts by Портал Работник (see all) ССМ: Во наредните денови ќе го радикализираме протестот - 17/04/2024 Специјализантите незадоволни продолжуваат со штрајкот - 17/04/2024 “Плата во културата сѐ уште нема – Министерката да објасни зошто” - 17/04/2024 Facebook Twitter LinkedIn...

МакедонијаНовостиСиндикат “Плата во културата сѐ уште нема – Министерката да објасни зошто” 17/04/202417/04/2024 Портал Работник Време за читање помалку од минута Фејсбук статус на претседателот на СОНК, Јаким Неделков: ПЛАТА ВО УСТАНОВИТЕ ОД КУЛТУРАТА СЕУШТЕ НЕМА! Членовите на СОНК, вработени во дејноста kултура, бараат од министерката за kултура да излезе јавно и да објасни зошто сеуште нема плата. Да го направи истото што го направи и на 1 Април (изборот на датумот е случаен или не), односно да повтори дека синдикатите неосновано шират дезинформации и создаваат паника во членството. Нека потврди дека мартовската плата ќе се исплати со најголемо покачување до сега, се разбира на време. Но, нека каже кога ќе се случи тоа, која е причината за доцнењето и сепак нека признае дека синдикатите оправдано се сомневаа во неприфаќањето на методологијата за пресметка на плата, која за државните органи (неоправдано) направи проблем. About Latest Posts Портал Работник Latest posts by Портал Работник (see all) Специјализантите незадоволни продолжуваат со штрајкот - 17/04/2024 “Плата во културата сѐ уште нема – Министерката да објасни зошто” - 17/04/2024 „АЛКАЛОИД“ ДОНИРА ТЕЧЕН „ОМЕПРЕЗОЛ“ НА ДЕТСКА КЛИНИКА И НА КЛИНИКАТА „КОЗЛЕ“ Обезбеден е лек за 200 дечиња во вредност од над 12 милиони денари - 16/04/2024 Facebook Twitter LinkedIn...

ЕкономијаМакедонијаНовости „АЛКАЛОИД“ ДОНИРА ТЕЧЕН „ОМЕПРЕЗОЛ“ НА ДЕТСКА КЛИНИКА И НА КЛИНИКАТА „КОЗЛЕ“ Обезбеден е лек за 200 дечиња во вредност од над 12 милиони денари 16/04/202416/04/2024 Портал Работник Време за читање 3 минути „Алкалоид“ АД Скопје донира дел од своите производни количини на иновативнaта формулација „омепразол“ во течна форма, во вкупна вредност од 12.520.800 денари, на ЈЗУ Универзитетската клиника за детски болести и на ЈЗУ Универзитетската клиника за респираторни заболувања кај децата – Козле, со цел олеснување на пристапот до соодветен третман во овој дел кај детската популација. Со донацијата, како што беше соопштено на денешната прес-конференција во Деканатот на Медицинскиот факултет при УКИМ Скопје, со соодветна терапија ќе бидат покриени околу 200 деца во времетраење од една година. Препаратот „омепразол“ во течна форма – готов за употреба е наменет пред сѐ за третман на рефлуксен езофагитис и на гастроезофагеална рефлуксна болест (ГЕРБ) кај мали деца кои не можат да голтаат таблети, како и кај возрасни пациенти кои имаат тешкотии со голтањето – пациенти со дисфагија и неможност за голтање – пациенти со поставени сонди за гастрично хранење и – или геријатриски пациенти. Иновативноста на овој нов производ се базира на два посебни раствора содржани во двокоморското пакување, појаснија стручни лица, кое при отворањето автоматски ги меша двата раствора и така се добива готовиот течен „омперазол“ за употреба. Производот, беше истакнато, има пријатен вкус на лимон и ментол и не содржи шеќер, сорбитол и бои. Генералниот директор и претседател на Управниот одбор на „Алкалоид“, Живко Мукаетов пред присутните рече дека со оваа донација наменета за децата, како компанија даваат придонес кон олеснување на процесот на лекување и на подобрување на квалитетот на животот на пациентите. – Поаѓајќи од нашиот врвен приоритет – луѓето и здравјето пред сѐ, на што се темели компаниската мисија за поздрав живот на секој поединец, „Алкалоид“ со децении помага онаму, каде е најпотребно. Грижата за заедницата во која делуваме, особено онаа насочена кон најмладите, останува наш приоритетен сегмент во компаниското портфолио за општествена одговорност – нагласи Мукаетов. Доцент доктор Валентина Цвејоска Чолаковска, медицинскиот директор на Детската клиника се заблагодари на менаџментот на Алкалоид, за долгогодишната соработка со педијатрите, посветеноста и следењето на светските трендови. – Со ова, нам лекарите, ни ја отвораат можноста да ги лекуваме пациентите со најсовремена терапија, по глобалните водичи за голем број болести. И овој пат, повторно, со лек во форма прилагодена за детската возраст. Уште еднаш изразувам благодарност, со уверување дека оваа соработка ќе се продлабочува и ќе се унапредува на задоволство на сите, особено на здравјето на децата, подвлече Цвејоска Чолаковска. Доктор специјалист Весна Џамбазовска од Клиниката за респираторни заболувања кај децата – „Козле“ укажа дека овој препарат им бил многу потребен на доенчињата и помалите деца. About Latest Posts Портал Работник Latest posts by Портал Работник (see all) “Плата во културата сѐ уште нема – Министерката да објасни зошто” - 17/04/2024 „АЛКАЛОИД“ ДОНИРА ТЕЧЕН „ОМЕПРЕЗОЛ“ НА ДЕТСКА КЛИНИКА И НА КЛИНИКАТА „КОЗЛЕ“ Обезбеден е лек за 200 дечиња во вредност од над 12 милиони денари - 16/04/2024 Макстил со поддршка за младите девојки во инженерските професии - 16/04/2024 Facebook Twitter LinkedIn...

НовостиСветот на работникот Макстил со поддршка за младите девојки во инженерските професии 16/04/202416/04/2024 Портал Работник Време за читање 1 минута За создавање на врвни професионалци во техничките науки неопходно е практично искуство, посочи во своето обраќање пред младите девојки инженерки (Global Engineer Girls), генералната директорка на Макстил, Марија Дуковска-Павловска. „Мотивирањето за одење напред и надградување на себеси треба да произлезе од самите вас, а изборот на науката, технологијата, математиката и инженерство веќе ве дефинира како професионалци кои се развиваат и одат напред следејќи ги новите текови. Сепак, знаењето што го имате може да најде најдобра примена во производството, бидејќи во производните индустрии ви се отвора простор за ги зголемите своите потенцијали и да бидете дел од процес на создавање. За еден професионалец и некој што се вложил себеси во инженерските науки, создавањето на производ е најголемо себе-признание“, истакна Дуковска-Павловска во својот мотивирачки говор кон девојките инженерки. Макстил како компанија има отворени можности за практична работа, стипендирање и перспективни работни позиции за младите жени и девојки со СТЕМ образование. Како современа компанија каде електро-техничките, машинските, технолошко-металуршките и компјутерски и информатичките науки, наоѓаат голема примена, нуди одлични услови за вработување и кариерен напредок на сите млади професионални кадри. Во истата насока е и поддршката од Макстил за иницијативата на Global Engineer Girls како меѓународна филантропска иницијатива и заложбите за зголемување на застапеноста на жените во СТЕМ областа. About Latest Posts Портал Работник Latest posts by Портал Работник (see all) „АЛКАЛОИД“ ДОНИРА ТЕЧЕН „ОМЕПРЕЗОЛ“ НА ДЕТСКА КЛИНИКА И НА КЛИНИКАТА „КОЗЛЕ“ Обезбеден е лек за 200 дечиња во вредност од над 12 милиони денари - 16/04/2024 Макстил со поддршка за младите девојки во инженерските професии - 16/04/2024 ДРЖАВАТА СЕ ЗАДОЛЖИ СО 50 МИЛИОНИ ЕВРА НА ДОМАШЕН ПАЗАР Две емисии на државни обврзници од денеска котираат на берзата - 16/04/2024 Facebook Twitter LinkedIn...

ЕкономијаМакедонијаНовости ДРЖАВАТА СЕ ЗАДОЛЖИ СО 50 МИЛИОНИ ЕВРА НА ДОМАШЕН ПАЗАР Две емисии на државни обврзници од денеска котираат на берзата 16/04/202416/04/2024 Портал Работник Време за читање 1 минута Државата се задолжи на домашниот пазар преку две емисии на државни обврзници во вкупен износ 49,5 милиони евра. Македонска берза соопшти дека од денеска на официјалниот пазар се два вида на државни обврзници издадени од Министерството за финансии со рок на враќање од 15 години. Првата емисија на обврзници е без девизна клаузула со вредност од 2.466.400.000 денари повеќе од 40 милиони евра). Издадени се 246.640 хартии од вредност со номинална вредност од 10.000 денари. За нив ќе се пресметува каматна стапка од 5,6 %, а датумот на достасување е 12 април 2039 година. Втората емисија на обврзници е со девизна клаузула. Издадени 57.929 хартии од вредност, а вредноста на целата емисија е 579.290.000 денари (повеќе од 9,4 милиони евра). И овие државни обврзници доспеваат на 12 април 2039 година, а се со каматна стапка од 5,35%. Номинална вредност на една акција е 10.000 денари. Вообичаено државните обврзници ги купуваат комерцијалните банки, фондовите и пензиските и осигурителните друштва. Котирањето на државните обврзници на Македонска берза започна од почетокот на 2019 година. Од оваа година досега има 61 котација на државни обврзници со рочност од 15 години и 8 котации на обврзници со рок на доспевање од 30 години. Од почеток на годинава на берзата два пати се котирани и државни обврзници со рок на враќање од 5 години, а има 4 котации на државни обврзници со рочност од 15 години. About Latest Posts Портал Работник Latest posts by Портал Работник (see all) Макстил со поддршка за младите девојки во инженерските професии - 16/04/2024 ДРЖАВАТА СЕ ЗАДОЛЖИ СО 50 МИЛИОНИ ЕВРА НА ДОМАШЕН ПАЗАР Две емисии на државни обврзници од денеска котираат на берзата - 16/04/2024 Извештај: „Ало Бушавко“ со 307 дојави за проблемите на младите поврзани со ментално здравје, повреда, семејни односи и пристапност - 16/04/2024 Facebook Twitter LinkedIn...

НовостиПравда Извештај: „Ало Бушавко“ со 307 дојави за проблемите на младите поврзани со ментално здравје, повреда, семејни односи и пристапност 16/04/202416/04/2024 Портал Работник Време за читање 5 минути Вкупно 307 дојави за проблеми со ментално здравје, повреда, семејни односи и пристапност, во кои се опфатени 379 млади изминатата година, се дел од годишниот извештај „Ало Бушавко“ на Првата детска амбасада „Меѓаши“. Десет од дојавите, како што информираа на денешната презентација на извештајот, се однесувале на мисли за одземање на сопствениот живот. Во воведните обраќања, Клементина Добревска, координаторка на СОС телефонот, ги образложи бројките од извештајот при што информираше дека во текот на 2023 годинапо добиените дојави се остварени 619 разговори. Според возрасната група, најмногу од дојавите се однесувале на деца на возраст од 13 до 15 години, потоа од 10 до 12 и на трето место по зачестеност на дојавите се за деца на возраст од 7 до 9 години. Возраста не е позната за 212 деца. Според средината на живеење на јавувачите, најголемиот број од децата, или 197, живеат во урбана средина, 33 деца се опфатени со дојавите од дојавувачи кои живеат во рурална средина, непозната е средината на живеење на 149 деца кои се опфатени со дојавите. Бројот на јавувачите од руралните средини, како и во претходните години, останува многу мал во однос на бројот на јавувачите од урбаните средини. Во однос на етничката припадност на јавувачите, 230 од вкупниот број јавувачи се Македонци, 14 Роми, а 33 јавувачи се од албанска етничка припадност. Само 2 од контактите (дојавите) се од јавувачи во останати (етнички групи) и за 26 лица не е позната етничката припадност. Причините заради кои се обратиле на „Ало Бушавко“, пак, се однесуваат на ментално здравје, повреда, семејни односи и пристапност, а во поретки дојави има и други причини за дојава. Во рамките на менталното здравје, најголем дел од дојавите се однесуваат на емоционална вознемиреност – проблеми со гнев, страв и вознемиреност, проблеми со расположение кои се јавуваат како последица од другите категории на проблеми пријавени на „Ало Бушавко“. Во однос на повреда, поголем дел од дојавите се однесуваат на проблеми од категоријата на ментално/емоционално насилство, физичко насилство и занемарување (негрижа). Во делот на семејни односи, дојавите се однесуваат на проблеми и прекршување на правата што спаѓаат во категоријата семејни односи, а во врска со пристапноста, има опфатено повеќе категории проблеми и тоа пристап до образование, основните (суштински) потреби што не им се достапни на децата и проблеми со пристап до здравствена заштита, правни услуги и социо-економски услуги. Според извештајот, изминатата година е зголемен бројот на дојави за самоубиствени мисли и самоубиство. Како што информираше денеска Драги Змијанац, извршен директор и основач на Прва детска амбасада во светот „Меѓаши“, изминатата година, за само два месеци имало десет дојави за самоубиство од млади. – Нам ни беше голем предизвик како да постапиме, што да сториме. Стапивме во контакт со Комора на психолози. Но, сфативме дека за овој сериозен потфат ни се неопходни институциите. Стручните служби треба да имаат сознанија како да постапат. Министерството за здравство и Министерството за образование и наука треба сериозно да ја сфатат пораката и апелот од Првата светска амбасада „ Меѓаши“ и „Ало Бушавко“ да се впрегнат да направат протокол, упатство, како стручните служби да постапат соодветно за да не се случи да се одземе детски живот, рече тој. Змијанац апелираше школскиот систем, освен што е образовен, да биде и воспитен и да може да детектира деца со проблеми. На денешната промоција на извештајот, од „Меѓаши“ посочија дека менталното здравје е нарушено веќе неколку години назад, а мислите за самоубиство, според нив, се проблем на јавното здравје. – Адолесценцијата е бурен период во смисла на различни промени, и физиолошки и хормонални. Добро е што се охрабруваат да разговараат и добро е што меѓу волонтерите на СОС телефонот има многу млади, изјави Јорданка Черепналкова Трајкоска, психолог. Јана Николовска, зборуваше за волонтирањето во „Ало Бушавко“ при што сподели повеќе реализирани активности, додека, граѓанката Валентина Крстева, сведок на питачење, го сподели своето искуство од барање помош да го пријави случајот, при што одговор добила само од Меѓаши. Извештајот за „Ало Бушавко“, телефонот за деца и млади при ПДАС „Меѓаши“ за 2023 година дава преглед на дојавите во периодот од 1 јануари 2023 до 31 декември 2023 година, за проблемите поврзани со правото на заштита од насилство, правото на образование и правото на пристап до други институции, за кои се обратиле јавувачите и со нив поврзаните права на детето кои биле загрозени или прекршени (остварувањето на родителското право, доделувањето старателство, остварувањето на правото на алиментација, промени во психичката состојба на децата во периоди на развод и нарушена комуникација со своите родители) како и улогата на волонтерите во работата на линијата за деца и млади. About Latest Posts Портал Работник Latest posts by Портал Работник (see all) ДРЖАВАТА СЕ ЗАДОЛЖИ СО 50 МИЛИОНИ ЕВРА НА ДОМАШЕН ПАЗАР Две емисии на државни обврзници од денеска котираат на берзата - 16/04/2024 Извештај: „Ало Бушавко“ со 307 дојави за проблемите на младите поврзани со ментално здравје, повреда, семејни односи и пристапност - 16/04/2024 Синдикатот во Македонска пошта инсистира на нова систематизација, се подготвува и за протест и штрајк - 16/04/2024 Facebook Twitter LinkedIn...

МакедонијаНовостиСиндикат Синдикатот во Македонска пошта инсистира на нова систематизација, се подготвува и за протест и штрајк 16/04/202416/04/2024 Портал Работник Време за читање 4 минути Синдикатот во „Македонска пошта“ ќе изготви систематизација, ќе ја достави на идната влада и ќе инсистира на нејзина итна примена, како стартно решение за состојбата на Поштата, која, како што рече денеска синдикалниот лидер Боро Велигденов, е на работ на егзистенција, а се доведени во прашање над 2000 работни места. По изборите ќе се бара да се потпише и новиот колективен договор што го подготвиле, но за кој, работата на комисијата била прекината пред година и половина. Исто така се бара и итно подобрување на условите за работа и обезбедување средства бидејќи според Синдикатот во ваква состојба има огромни тешкотии во работењето. Велигденов на прес-конференција пред Владата истакна дека веќе се консултираат со членството за организирање нов протест и почнување постапка за штрајк, откако по минатомесечниот протест не добиле одговор на барањата за состанок со Управниот одбор и со Владата. -Како Синдикат почнуваме со подготвување на систематизација со вклучување на експерти. Целта е да се приложи на која и да биде идна Влада за да се почне веднаш со реформи, реорганизација и стабилизација на друштвото. Состојбите се крајно сериозни, финансиската состојба е алармантна, како вработени сме загрижени за редовната исплата на платата. Вчера земавме плата, но имаме неисплатена плата на над 200 договорни поштари, рече Велигденов. Нам ни е важно, истакна, да не се продолжи со оваа лоша кадрова политика, со партизацијата што со години и години наназад се провлекува и ја доведе Македонска пошта до работ на опстојување. Клучен проблем е токму систематизацијата. – Со постоечката систематизација, а веруваме дека таква организација во работењето нема во ниту една институција, имаме 15 подружници, 15 директори, седум члена на Управен одбор, шефовски места, раководни позиции, советници, стручни соработници, а се помалку работници во технолошкиот процес, укажа Велигденов. Целта, посочи, е да се изготви нова систематизација согласно потребите на друштвото и на пазарот и да се стави огромен акцент на технолошкиот процес и на обработка на пратките. – Сите аномалии и проблеми во работењето со систематизација ќе се надминат и ќе се позиционираме на пазарот, односно ќе ја вратиме Македонска пошта на граѓаните со редовна и навремена достава на пратки. Има работници кои не доаѓаат на работа, има работници кои доаѓаат, а не знаат кои им се работните места, затоа е таа нова систематизација – да ја поттикнеме продуктивноста во работењето, а со самото тоа ќе ги зголемиме приходите и ќе можеме самостојно да функционираме како друштво, посочи Велигденов. Според него, по последниот протест на вработените минатиот месец, УО и Владата не одговориле на барањата за состанок и ги нарушиле начелата и принципите за социјален дијалог и ги оставиле вработените сами да се борат за спас на Македонска пошта и за зачувување на работните места. Велигденов рече дека во активностите што ги најавува нема да учествува другиот репрезентативен синдикат во националната Пошта бидејќи раководството на тој сидникат по протестот донело таква одлука. Потсети дека за новата систематизација која е темел на реформите УО донел заклучок за итно почнување уште пред година и половина и е формирана комисија, но уште не почнала со работа. Систематизацијата е дел и од Спогодбата потпишана пред 2,5 години за време на генералниот штрајк. Поради распишаните избори во тек се консултации со членството за да се одлучи како ќе се настапи за плановите за организирање протест и штрајк. -Најавуваме натамошни активности во насока на организација на протест, како и отпочнување на постапка на штрајк. Во моментот се прават анкети, се информираат вработените за поголемо учество во натамошните активности, меѓутоа во насока на заштита на работничките права и како синдикат ќе ги преземеме сите активности и мерки за заштита на нашите работнички права, како што се протести. Бидејќи сега се избори, во наредниот период ќе одлучиме како ќе настапиме, информира претседателот на Синдикатот на Македонска пошта. About Latest Posts Портал Работник Latest posts by Портал Работник (see all) Извештај: „Ало Бушавко“ со 307 дојави за проблемите на младите поврзани со ментално здравје, повреда, семејни односи и пристапност - 16/04/2024 Синдикатот во Македонска пошта инсистира на нова систематизација, се подготвува и за протест и штрајк - 16/04/2024 Приватните специјализанти го продолжуваат генералниот штрајк во очекување на одговорот на Министерството – барања за зголемување на надоместот, здравствено осигурување и решавање на статусот - 16/04/2024 Facebook Twitter LinkedIn...

НовостиПравдаСветот на работникот Приватните специјализанти го продолжуваат генералниот штрајк во очекување на одговорот на Министерството – барања за зголемување на надоместот, здравствено осигурување и решавање на статусот 16/04/202416/04/2024 Портал Работник Содржина Toggle Приватните специјализанти го продолжуваат генералниот штрајк до одлука на МинистерствотоВладиниот состанок донесе неизвесностБарање за зголемување на платата и регулатива за вработувањеОчекуван исход од владината седница Време за читање 2 минути Приватните специјализанти низ целата земја ја објавија својата намера да го продолжат тековниот генерален штрајк, продолжувајќи го до утре. Одлуката за продолжување на штрајкот зависи од претстојниот одговор на Министерството за здравство на нивните барања за зголемување на платите и подобрување на условите за вработување. Приватните специјализанти го продолжуваат генералниот штрајк до одлука на Министерството Во соопштението објавено претходно денеска, претставниците на приватните специјализанти ја потврдија својата посветеност на штрајкот додека не добијат јасност од Министерството за здравство. Времетраењето на штрајкот, нагласуваат оттаму, ќе биде утврдено со ставот на Министерството по утрешната седница на Владата. Приватните специјалисти посочија дека нивниот следен начин на дејствување ќе се одлучи врз основа на одговорот на Министерството. Владиниот состанок донесе неизвесност Претходно попладнево претставниците на приватните специјализанти се состанаа со клучните владини претставници, меѓу кои министерот за здравство Илир Демири, заменик министерката за здравство Маја Манолева и професорката Ана Данева Маркова, советник на премиерот за здравство. Сепак, исходот од состанокот ги остави специјализантите со долготрајна неизвесност. Барање за зголемување на платата и регулатива за вработување Суштината на проблемот лежи во барањата што ги поставуваат приватните специјализанти. Над 400 специјализанти денеска иницираа генерален штрајк, што резултираше со прекин на услугите на скопските клиники и различни здравствени установи ширум земјата. Централно место во нивните барања е повикот за покачување на надоместокот во износ на плата од 26 илјади денари, што е еднакво на минималната плата на лекарите во јавните здравствени установи. Дополнително, тие бараат подобрување на здравственото осигурување и решавање на нивниот договорен работен статус. Очекуван исход од владината седница Утрешната седница на Владата има значителна тежина за приватните специјализанти, бидејќи се очекува да го расветли официјалниот став на Министерството за здравство во однос на нивните барања. По сесијата, специјализантите очекуваат да добијат писмена потврда за предложеното зголемување на надоместокот и решавање на работен статус. Бидејќи приватните специјализанти стојат цврсто во својата решеност, судбината на здравствените услуги низ целата земја останува во неизвесност, во очекување на дефинитивен одговор од Министерството за здравство. About Latest Posts Портал Работник Latest posts by Портал Работник (see all) Синдикатот во Македонска пошта инсистира на нова систематизација, се подготвува и за протест и штрајк - 16/04/2024 Приватните специјализанти го продолжуваат генералниот штрајк во очекување на одговорот на Министерството – барања за зголемување на надоместот, здравствено осигурување и решавање на статусот - 16/04/2024 ЗА ЕДНА ДЕЦЕНИЈА СЕКОЈА ЧЕТВРТА КЛУПА ВО СРЕДНИТЕ УЧИЛИШТА ОСТАНАЛА ПРАЗНА - 16/04/2024 Facebook Twitter LinkedIn...

ЕкономијаМакедонијаНовости ЗА ЕДНА ДЕЦЕНИЈА СЕКОЈА ЧЕТВРТА КЛУПА ВО СРЕДНИТЕ УЧИЛИШТА ОСТАНАЛА ПРАЗНА 16/04/202416/04/2024 Портал Работник Време за читање 3 минути Се празнат училишните клупи и на основците и на средношколците, покажуваат податоците на Државниот завод за статистика. Бројките што ги објавуваат се само уште едно лице на миграциските трендови на младата популација – на горчливата вистина дека многу млади кои се во репродуктивниот период си заминуваат од земјата, или дека цели семејства со деца на училишна возраст ја напуштаат Македонија. Секако, за помалиот број деца во училишните клупи „заслуга“ има и наталитетот. Од една страна, младите сѐ подоцна стапуваат во брак и создаваат малудетни семејства, а почнува да се фаќа и „светската мода“ – да се избегнува бракот. Анализата што ја направи порталот „Пари“ покажува дека за една деценија бројот на деца што одат во основно училиште се намалил за 6 проценти, а бројот на средношколци дури за 24,7 проценти! Враќањето една деценија наназад покажува дека во основните и во средните училишта заедно, во учебната 2012/2013 година имало вкупно 282.637 деца, или дури 33.714 повеќе од ланската учебна година. Ова значи дека во училишните клупи, во задолжителниот систем на образование, имало 11 проценти помалку деца. Вкупно ученици во основно и во средно образование КАДЕ ЗАМИНАА СРЕДНОШКОЛЦИТЕ? Поединечно, намалувањето на бројот на децата во основните училишта е за 11.810, или за околу 6 проценти лани во однос на состојбата од пред 10 години. Податоците се особено алармантни за учениците во средните училишта – во учебната 2012/2013 година имало 88.582 ученици, или 21.904 повеќе отколку лани! Ова значи дека за една деценија бројот на децата кои се потенцијалната работна сила од средношколските клупи е намален за 24,7 проценти. Посликовито претставено, минатата училишна година секоја четврта клупа во средните училишта останала празна! Број на ученици во средните училишта во последната деценија Статистичките податоци покажуваат дека бројот на средношколците речиси во континуитет се намалува, а најголемото осипување во последната деценија е меѓу учебната 2015/2016 и 2016/2017 година. Тогаш се испразниле 5.143 училишни клупи. Најмалиот одлив е регистриран меѓу 2017/2018 и учебната 2018/2019 година, кога бројот на средношколците се намалил за 836. А, пак, раст на нивниот број е забележан само меѓу учебните 2019/2020 и 2020/2021, годините на Ковид-пандемијата. ИМАЛО ПОВЕЌЕ ГОДИНИ СО ЗГОЛЕМЕН БРОЈ ОСНОВЦИ Помалку „драма“ има кај бројот на ученици во основните училишта. Таму дури и нема континуирано намалување. Зголемување на бројот на основците е забележано меѓу учебните 2015/2016 и 2016/2017, меѓу 2017/2018 и 2018/2019, како и меѓу 2019/2020 и 2020/2021 година. Сепак, крајниот епилог е 11.810 помалку основци за една деценија. Број на ученици во основните училишта во последната деценија КАКО БИЛО ЛАНИ ВО ОДНОС НА ПРЕКЛАНИ? Државниот завод за статистика објави дека во учебната 2022/2023 година во редовните основни училишта имало 182.245 ученици, што претставува намалување за 1,4% во однос на претходната учебна година. Поголем пад има кај средните училишта, таму бројот се намалил за 3,9%. Во учебната 2022/2023 година имало 66.678 средношколци. Така, лани имало 248.923 ученици во основното и во средното образовани. Тоа е за 5.365 ученици помалку од претходната учебна година, кога во задолжителниот систем на образование имало 254.288 ученици. Бројот на ученици во основните и средните училишта во последните две школски години Целата анализа е достапна на следниот линк: https://pari.com.mk/za-edna-decenija-sekoja-cetvrta-klupa-vo-srednite-ucilishta-ostanala-prazna/ About Latest Posts Портал Работник Latest posts by Портал Работник (see all) Синдикатот во Македонска пошта инсистира на нова систематизација, се подготвува и за протест и штрајк - 16/04/2024 Приватните специјализанти го продолжуваат генералниот штрајк во очекување на одговорот на Министерството – барања за зголемување на надоместот, здравствено осигурување и решавање на статусот - 16/04/2024 ЗА ЕДНА ДЕЦЕНИЈА СЕКОЈА ЧЕТВРТА КЛУПА ВО СРЕДНИТЕ УЧИЛИШТА ОСТАНАЛА ПРАЗНА - 16/04/2024 Facebook Twitter LinkedIn...

НовостиСветот на работникот ЗА ИСТА РАБОТА ЗЕМААТ ПОМАЛА ПЛАТА, НО НЕ ПРЕЗЕМААТ НИШТО ОКОЛУ ТОА: „Потребно е да се зголеми свеста“ 15/04/202416/04/2024 Бобан М. Илијевски Содржина Toggle Најголемиот дел од анкетираните земале помала плата за иста работа од машките колегиПраксата на нееднаква плата за иста работа не е ништо новоРаботничките не преземаат ништо About Latest Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) ЗА ИСТА РАБОТА ЗЕМААТ ПОМАЛА ПЛАТА, НО НЕ ПРЕЗЕМААТ НИШТО ОКОЛУ ТОА: „Потребно е да се зголеми свеста“ - 15/04/2024 Зошто е тешко да се одржи концентрацијата на работа и во животот? Еве како да ја поправите својата продуктивност и да напредувате - 15/04/2024 Зошто нештата би се одиграле поразлично во Македонија? - 13/04/2024 Време за читање 4 минути Родов јаз во платите помеѓу жените и мажите или нееднаква плата за иста работа. Тема на којашто повремено се пишува, но проблем кој некако тешко се решава. Во Македонија нееднаквоста во платите на иста работна позиција помеѓу двата пола во најголем дел е застапена во приватниот сектор, каде одлуката за тоа кој колкава плата ќе зема е во рацете на работодавачот. Според истражувањето на независната истражувачка организација „Реактор“ од 2022 година, родовиот јаз во платите изнесува од 18 до 19 %. Податоците се од независни истражувања, со оглед на тоа дека Државниот завод за статистика последните податоци за родовиот јаз ги објавил во 2014 година, а истите сугерираат дека тој изнесувал 9 процентни поени. Во истражувањето се наведува дека „поинтригатно е тоа што оваа студија наоѓа дека кога ќе се земат предвид личните карактеристики и карактеристиките како работна сила (како што се образованието и работното искуство), родовиот јаз всушност се проширува, што имплицира дека диспаритетите кај платата отсликуваат перзистентна родово- базирана дискриминација на пазарот на работни места.“ Извештајот посочува и дека според Индексот на родова еднаквост што ги мери родовите нееднаквости во областа на финансиските ресурси и економската положба, Македонија е рангирана на третото место одзади меѓу земјите членки на ЕУ во доменот на пари. Најголемиот дел од анкетираните земале помала плата за иста работа од машките колеги Порталот Работник спроведе една кратка анкета за потребите на оваа статија. На неа одговорија 49 испитанички, од кои 67,3 % одговорија ДА на прашањето: „Дали на сегашното или на некое претходно работно место сте биле во ситуација за истата работа да земате помала плата од Вашиот машки колега?“ Најголемиот дел од испитаничките тоа го дознале од разговори со своите колеги, а во некои од случаите колегите се фалеле за тоа колкава плата земаат. Праксата на нееднаква плата за иста работа не е ништо ново Претседателката на Здружението „Гласен Текстилец“, Кристина Ампева за Работник истакна дека таа пракса ја има искусено и самата и дека не е ништо ново. „Разликата во висината на платите помеѓу мажите и жените за иста работа, со иста вредност, на исто работно место, за ист број часови е проблем кој е глобален. Но, најлошо е што колку земјите се покорумпирани, по неразвиени, со многу мала свест кај работниците и работничките за овој проблем, толку е поголем процентот на разлика во платите помеѓу мажите и жените“, рече Ампева. Глобалните истражувања, објасни нашата соговорничка, покажуваат и дека оваа пракса е особено забележлива во приватниот сектор. Работничките не преземаат ништо Работничките се жалат на овој проблем, но не преземаат ништо. „Ние би реагирале доколку има официјална пријава за ова, но досега, тоа не е пракса, што секако е поразително“, посочи Ампева и додаде дека во земја каде што сѐ уште имаме исплати под минималец, откази на бремени жени, мобинг во најмизерен облик во 21 век, со толку институции платени да ги детектираат и решаваат овие проблеми, ние сме далеку од лобирање за иста плата за иста работа помеѓу мажите и жените. Неодамна во интервју за порталот Работник, Драгана Дрндаревска од Комисијата за спречување и заштита од дискриминација рече дека во приватниот сектор се јавува голем проблем во однос на правата на еднаква плата за еднаква работа, што не е соодветно уредено во нашиот Закон. „Ова право не може да биде заштитено доколку немаме транспарентност на платите, што е дел од една посебна Директива на ЕУ“, рече таа. Денеска (16-04-2024) ни стигна одговор од Валентина Дисоска, Претседателка на Здружението на Бизнис жени. Во него наведува дека дискриминацијата се решава со здраво размислување, недискриминациско, без разлика дали платите се видливи или не. „Компаниите треба да имаат процедури за недискриминирање и за известување по истото, за да не се соочат со дискриминација во доделувањето на плати. Видливоста (транспарентноста) на платите, од друга страна, може да има други последици по работниците и работодавачите, затоа треба да се остави самите да го решат тоа“, рече Дисоска. Фото: MJgraphics / shutterstock Facebook Twitter LinkedIn...

НовостиСветот на работникот Почнува 19. Саем за вработување и кариера – Job Fair 2024 15/04/202415/04/2024 Портал Работник Време за читање 1 минута Под мотото „Првиот чекор кон твојата кариера“, Бордот на европски студенти по технологија (БЕСТ) – Скопје од денеска до 19 април го организира 19. Саем за вработување и кариера – Job Fair 2024. Како што наведува БЕСТ, Job Fair е настан кои ги поврзува студентите и компаниите на едно место. Годинашното издание ќе се одржува во во техничко-технолошкиот кампус, каде секоја од партнер-компаниите ќе може да се запознае со студентите од техничките кампуси. -Job Fair не само што е најголемиот настан кој БЕСТ Скопје го организира, туку е одлична можност за секој студент да ги надгради своите професионални вештини, да извлече вредни информации околу индустријата, но пред сè, да се запознае со претставници од компании кои ќе му помогнат полека да се вклучи во пазарот на трудот, наведуваат организаторите. Саемот има и официјална веб страница www.jobfair.org.mk преку која заинтересираните може детално да се информираат. About Latest Posts Портал Работник Latest posts by Портал Работник (see all) Почнува 19. Саем за вработување и кариера – Job Fair 2024 - 15/04/2024 Хроничен недостиг на продавачи и магационери во српските маркети - 15/04/2024 „Тесла“ ќе отпушти повеќе од 10 отсто од својата светска работна сила - 15/04/2024 Facebook Twitter LinkedIn...

НовостиСветСветот на работникот Хроничен недостиг на продавачи и магационери во српските маркети 15/04/202415/04/2024 Портал Работник Време за читање 1 минута Освен занаетчии, возачи и доставувачи, во Србија хронично недостигаат различни професионални профили во трговијата – од продавачи до работници во магацин. Тешко е да се задржат вработените, особено во малопродажбата, велат работодавачите. Според истражувањето, шест до осум од 100 вработени ја напуштаат компанијата секој месец. Новите треба да се обучуваат, а тоа може да влијае на падот на прометот и квалитетот на услугата, пишува РТС. Тие наведуваат дека соработуваат со училишта и факултети и вработуваат студенти, млади и пензионери. Според Националната служба за вработување (НЕС) во последниве години, трговците се повеќе се барани. „Во нашата евиденција на крајот на 2023 година имало 30.386 невработени, што е околу осум отсто од вкупниот број невработени лица. Овие професионални профили имаат голема конкуренција на пазарот на трудот, бидејќи работата на трговец, односно продавач може да ја вршат и други нивоа на квалификации“, вели Срѓан Андријаниќ од НЕС. Просечната плата во трговијата на мало во јануари 2024 година изнесува 66.795 динари. Во истиот период просечната плата во Србија била 95.836 динари. Фото: Freepik About Latest Posts Портал Работник Latest posts by Портал Работник (see all) Почнува 19. Саем за вработување и кариера – Job Fair 2024 - 15/04/2024 Хроничен недостиг на продавачи и магационери во српските маркети - 15/04/2024 „Тесла“ ќе отпушти повеќе од 10 отсто од својата светска работна сила - 15/04/2024 Facebook Twitter LinkedIn...

НовостиСветот на работникот „Тесла“ ќе отпушти повеќе од 10 отсто од својата светска работна сила 15/04/202415/04/2024 Портал Работник Време за читање помалку од минута Американскиот производител на електрични возила (ЕВ) „Тесла“ ќе отпушти повеќе од 10 отсто од својата глобална работна сила, се вели во интерен меморандум на компанијата. „Додека ја подготвуваме компанијата за нашата следна фаза на раст, исклучително е важно да го разгледаме секој аспект на компанијата за да ги намалиме трошоците и да ја зголемиме продуктивноста“, рече извршниот директор на „Тесла“, Илон Маск, во меморандумот. Тој истакна дека по анализата на трошоците, „Тесла“ донела тешка одлука да го намали бројот на своите работници во светот за повеќе од 10 проценти. Извор: Макфакс About Latest Posts Портал Работник Latest posts by Портал Работник (see all) Хроничен недостиг на продавачи и магационери во српските маркети - 15/04/2024 „Тесла“ ќе отпушти повеќе од 10 отсто од својата светска работна сила - 15/04/2024 ПО ГОЛЕМАТА АКЦИЈА ВО ИДРИЗОВО: Уапсени 17 припадници на затворската полиција - 15/04/2024 Facebook Twitter LinkedIn...

НовостиПравда ПО ГОЛЕМАТА АКЦИЈА ВО ИДРИЗОВО: Уапсени 17 припадници на затворската полиција 15/04/202415/04/2024 Портал Работник Време за читање помалку од минута Седумнаесет припадници на затворската полиција се уапсени во голема полициска акција, информираат од Обвинителството за гонење организиран криминал и корупција. Уапсените затворски полицајци веќе се спроведени во Кривичениот суд. Од ОЈО најавија дека наскоро ќе има повеќе детали и соопштение. Минатата недела во затворот Идризово имаше голема полициска акција и претреси со специјалци поради како што тогаш информираа од Обвинителството, сомневања за кривично-правни дејствија. About Latest Posts Портал Работник Latest posts by Портал Работник (see all) Хроничен недостиг на продавачи и магационери во српските маркети - 15/04/2024 „Тесла“ ќе отпушти повеќе од 10 отсто од својата светска работна сила - 15/04/2024 ПО ГОЛЕМАТА АКЦИЈА ВО ИДРИЗОВО: Уапсени 17 припадници на затворската полиција - 15/04/2024 Facebook Twitter LinkedIn...

НовостиПравдаСветот на работникот Демири бара трпение од приватните специјализанти, им ветува повисоки примања по изборите 15/04/202415/04/2024 Портал Работник Време за читање 1 минута Министерот за здравство Илир Демири бара трпение од приватните специјализанти кои денеска стапија во штрајк и најавува дека по изборите ќе се избори со ребаланс на Буџетот да се обезбеди изедначување на нивните примања со примањата на вработените специјализанти во јавните здравствени установи. На новинарско прашање за генералниот штрајк на приватните специјализанти Демири рече дека е промотор за реализација на нивните барања и ја истакна тенденцијата за задржување на лекарите во државава. – Ова е многу битно. Направивме компарација во претходниот заеднички разговор со нив, каква беше нивната позиција, на ваквите специјализанти, пред 2017 година и каква е сега. Има една голема разлика. Оти, до 2017 година, тие не примаа никакви примања. Не велам дека сегашните нивни примања се доволни. Јас сакам да бидат како и на специјализантите вработени во јавни здравствени институции. Но, за тоа треба буџетирање што не може сега да се оствари пред изборите, рече министерот Демири, на прес-конференцијата на која беше објавено дека ќе се воведат деветвалентни ХПВ вакцини. Демири дополни дека е потребно трпение од специјализантите. После изборите, ќе се изборам да има ребаланс во буџетот и нивните примања да се изедначат со примањата на другите специјализанти, кои се вработени во јавни здравствени установи. Мислам дека е ова коректно, подвлече Демири. Претставниците на приватните специјализанти претходно информираа дека од Министерството за здравство биле повикани на средба во Владата во 14 часот. Како што најавија, петмина нивни претставници ќе бидат на средбата, а штрајкот ќе продолжи се додека не добијат писмена официјална гаранција дека барањата ќе бидат исполнети. About Latest Posts Портал Работник Latest posts by Портал Работник (see all) ПО ГОЛЕМАТА АКЦИЈА ВО ИДРИЗОВО: Уапсени 17 припадници на затворската полиција - 15/04/2024 Демири бара трпение од приватните специјализанти, им ветува повисоки примања по изборите - 15/04/2024 Кој ќе бидат најпосакувани работодавачи во земјава? - 15/04/2024 Facebook Twitter LinkedIn...

НовостиСветот на работникот Кој ќе бидат најпосакувани работодавачи во земјава? 15/04/202415/04/2024 Портал Работник Време за читање 2 минути Првиот македонски сајт за пребарување на работни места Вработување.ком, со воодушевување го најавува долгоочекуваниот настан „Работодавач на годината“, закажан за 17 април (среда) 2024 година, во престижниот хотел Лимак. Овој настан ветува дека ќе биде прослава на извонредноста, иновативноста и посветеноста во областа на вработувањето.​ На оваа манифестација ќе бидат доделени наградите за Најпосакувани работодавачи во Македонија, односно најпривлечни компании за вработување во неколку категории, како и награда за апсолутен победник за Најпосакуван работодавач во земјава. Изборот е направен врз база на интересот на потенцијалните вработени за отворените работни позиции на овие компании, како и анкетите спроведени на сајтот на Вработување.ком за испитување на јавното мислење. Настанот „Работодавач на годината“ има за цел да ги препознае и да им оддаде почит на компаниите кои покажаа извонредна посветеност кон своите вработени, поттикнувајќи култура на раст, различност и инклузивност. На пазарот на труд кој постојано се развива, од клучно значење е да се признаат организациите кои одат над и подалеку за да создадат исполнети работни средини и да ја дадат приоритет на благосостојбата на вработените.​ Чест и задоволство ни е што и оваа година можеме да ги собереме работодавачите на едно место, да ги наградиме најпосакуваните, да ги мотивираме останатите и да ја покажеме сплотеноста и желбата за подобра иднина на пазарот на труд во Македонија. Верувам дека со ваквите манифестации ги поттикнуваме работодавачите да го дадат својот максимум, да останат на ниво на задачата во својата индустрија, да ги следат трендовите, да вложуваат во своите вработени и да растат како на македонскиот, така и на странскиот пазар. Верувам дека ќе биде една убава манифестација, на која ќе размениме идеи, искуства и многу позитивна енергија. А, патем ќе одбележиме и 21 година постоење на Вработување.ком, овој пат како дел од Алма Кариер групацијата од Финска. – вели генералниот менаџер на Vrabotuvanje.com, Дарко Велков. Вработување.ком, првиот интернет пребарувач за огласи за вработување е креиран во 2003 година, а од 2023 година е дел од Алма Кариер групацијата од Финска. Извор: Vrabotuvanje.com About Latest Posts Портал Работник Latest posts by Портал Работник (see all) Демири бара трпение од приватните специјализанти, им ветува повисоки примања по изборите - 15/04/2024 Кој ќе бидат најпосакувани работодавачи во земјава? - 15/04/2024 Поевтинува дизелот, цените на бензините не се менуваат - 15/04/2024 Facebook Twitter LinkedIn...

НовостиСветот на работникот Зошто е тешко да се одржи концентрацијата на работа и во животот? Еве како да ја поправите својата продуктивност и да напредувате 15/04/202415/04/2024 Бобан М. Илијевски Содржина Toggle Како можам да ја подобрам својата концентрација?Промени на начинот на живот за подобрување на концентрацијата About Latest Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) Зошто е тешко да се одржи концентрацијата на работа и во животот? Еве како да ја поправите својата продуктивност и да напредувате - 15/04/2024 Зошто нештата би се одиграле поразлично во Македонија? - 13/04/2024 Барате работа после отказот? Еве 5 чекори како да дојдете до следното работно место - 12/04/2024 Време за читање 5 минути Некои луѓе имаат здравствена состојба која се нарекува нарушување на вниманието и хиперактивност (ADHD) поради која лесно им се одвлекува вниманието и ја попречува нивната способност за концентрација. Но, има и други фактори кои можат да влијаат на концентрацијата. Вашата возраст, здравјето, недостатокот на сон, околината и емоциите играат важна улога, пренесува Harvard Health Publishing. Животните навики, исто така, често играат важна улога. На пример: „Мултитаскинг“ Ефектот на пинг-понг каде фокусот го префрлате од една на друга задача му штети на мозокот, па затоа многу е подобро да се фокусирате на секоја задача одделно. Дигитални пречки Луѓето непрестајно се бомбардирани со пораки, мејлови и известувања од паметните телефони. Дневната поплава од вакви препреки може да претставува голем предизвик за мозочните невронски мрежи кои ја регулираат концентрацијата. Алкохол Претераното консумирање на алкохол може да ја забави активноста на мозокот и да ја наруши концентрацијата. Стрес Емоционалниот стрес ја намалува способноста на префронталниот кортекс на мозокот да ги обавува своите бројни функции, вклучително и концентрацијата и паметењето. Лекови Некои лекови без рецепт и лекови на рецепт имаат нус појави кои влијаат на вниманието и фокусот. Лековите кои можат да предизвикаат вакви проблеми вклучуваат: средства за спиење, лекови против алергија, настинка и грип кои содржат дифенхидрамин, лекови против анксиозност, антиколинергични лекови, вклучувајќи антидепресиви или антихистаминици, лекови против Паркинсонова болест, лекови за контрола на мочниот меур, антиконвулзивни лекови, лекови за кардиоваскуларниот систем, бета блокатори, кортикостероиди, лекови против болки, седативни на рецепт… Како можам да ја подобрам својата концентрација? Секој мозок е различен, па некои луѓе имаат поголем проблем со концентрацијата од другите. Доколку забележат ненадејни промени во својата способност да се концентрираат – на пример, ако имаат проблем со довршување на рутински задачи и домашни обврски, ако редовно губат важни работи или често носат лоши одлуки, луѓето би требало да му се обратат на својот лекар. Овие симптоми можат да бидат последица на одредена здравствена состојба која бара медицинска грижа, како болести на срцето, депресија, анксиозност или деменција. Промени на начинот на живот за подобрување на концентрацијата Промената на начинот на живот може да им помогне на луѓето да ја подобрат концентрацијата. Вежбајте аеробик Целите на 150 минути неделно вежбање аеробик со умерен интензитет. Примерите вклучуваат трчање, брзо одење или пливање. Овие вежби го зголемуваат дотокот на крв во префронталниот кортекс, дел од мозокот одговорен за фокус и концентрација. Наспијте се Седум до девет часа се доволно. Обидете се да заспиете отприлика во истото време секоја вечер и да се разбудите во исто време секое утро. Посоветувајте се со својот лекар за своите медицински проблем кои го попречуваат вашиот сон, како опструктивна апнeја за време на спиењето, синдром на немирни нозе, чести ноќни одења во тоалет, ноќно потење или болки во зглобовите. Јадете поздраво Исхраната базирана на билна база, како медитеранската, која нагласува поголемо консумирање на овошје, зеленчук и храна богата со хранливи влакна, а ги избегнува едноставните шеќери, докажано го одржува здравјето на мозокот. Проверете ги своите лекови Прашајте го вашиот доктор дали некои од лековите кои ги земате придонесува кон тоа да ја губите концентрацијата. Навики и стратегии за подобрување на фокусот Од голема помош е и усвојувањето на навики и стратегии. Работење во временски блокови Работењето во мали периоди, со паузи помеѓу, може да ви помогне во зголемувањето на концентрацијата, бидејќи таа има тенденција да се намалува после одредено време. Должината на задржувањето на фокусот зависи од човек до човек. Експериментирајте со временската рамка која најмногу ви одговара. Избегнувајте „мултитаскинг“ Задачите извршувајте ги една по една. Отстранете ги пречките Исклучите го телевизорот, поставите блокатори на веб страните, исклучете го паметниот телефон или вклучете ги опциите за блокирање на повиците и известувањата. Вклучете го својот мозок Вежбајте активности кои изискуваат фокус и концентрација, по можност оние кои бараат високо ниво на внимание. Обидете се да научите нова вештина, како свирење на музички инструмент или учење нов јазик. Вежбајте медитација на свесност „Mindfulness“ е фокусирање на сегашниот момент. Се покажало дека практикувањето на свесноста го насочува мозокот кон зајакнување на концентрацијата. Секој ден одвоите по неколку минути, мирно седете, затворете ги очите и фокусирајте се на вашето дишење и звуковите околу вас. Останете друштвени Осаменоста може да доведе до депресија, анксиозност, стрес и да ја попречува концентрацијата, поради тоа бидете во контакт со вашите пријатели или семејството, за да го задржите вашиот ум активен и остар. Извор: Blic.rs/Bljesak.info/Manager.ba Фото: Shutterstock Facebook Twitter LinkedIn...

ЕкономијаМакедонијаНовости ДЕСПОТОВСКИ: Македонија има највисоко ниво на раст на реалната плата, просекот од 1 100 евра е реално остварлив 15/04/202415/04/2024 Портал Работник Време за читање 4 минути “Најновиот извештај на Светската банка констатираше дека Македонија има највисоко ниво на раст на реалната плата и на продуктивноста од сите шест земји од регионот на Западен Балкан. Тоа е потврда на политиките за кои се залагаме и ги практикуваме во последниве седум години, а тоа е зголемување на платите за нашите сограѓани,” посочи Јован Деспотовски директор на ТИРЗ во дебата на јавниот сервис МТВ. Деспотовски додаде дека само во Технолошко индустриските развојни зони во овој период има речиси за три пати зголемување на бројот на работни места споредено со 2016, како и двојно зголемени плати, кои последниве три години се над националниот просек. “Јас сум се определил лично да не посветувам внимание на хартија и пишување стратегии туку да посветиме внимание на реалната ситуација. И ако сме си земале за приоритет дека ни е потребен поголем број на работни места и подобро платени работни места сакам тоа да го испорачам. И затоа можам да ви кажам чесно дека од 2017 до 2023 имаме во Зоните близу 12.000 нови работни места и скоро двоен раст на платите. Во 2017 сме имале некаде околу 20.000 нето плата, сега имаме над 40.000 просечна нето плата. Така што сакам со тие бројки да зборувам, бидејќи тие се конкретните ефекти коишто оваа Влада односно секоја влада треба да ги испорача кон граѓаните, посочи Деспотовски. Според Деспотовски проекциите за зголемен раст на платите и просечна плата од 1100 евра е реално остварлива, а тоа се базира на досегашните резултати и учинок. „Ветувањата се базираат на тоа што сме го оствариле до сега. Ако пред 4 години сме ветиле дека платата ќе биде 500 евра, а сега сме го надминале тоа и сме на ниво од 650 евра, тоа значи дека имаме учинок врз база на кој можеме да кажеме дека можеме да продолжиме со овој тренд и понатаму. Бројките не се ставени случајно, и тие се реални и остварливи. Остварлива е 1100 евра просечна плата до 2028, па дури и порано. Не се работи само да ветите нешто туку и да покажете дека можете да го релизирате. А ние во делот на економијата покажавме дека она што сме го ветиле сме го реализирале и надминале,” дециден е Деспотовски. Тој смета дека “како одговорни политичари и политички партии мораме да им кажеме на луѓето што треба да очекуваат од нас и заради тоа е чесно да излеземе и да кажеме дека до 2028 година она што ќе биде непосреден ефект за граѓаните е 1100 евра просечна плата, 600 евра минимална плата. Само така може да го измерат нашиот учинок. Преку тоа колку пари ќе им влезат во џебот, и колку може да купат со нив.” Според Деспотовски најважно да имате зацртани цели и реализација, а не времето да се троши на пишување документи како стратегии. „Стратегија ако зборуваме како подготовка на пишан документ може да се прави. Но често овде пишувањата на стратегии и промени на законите се користат од политичарите и носителите на јавни функции како изговор да не работат ништо. Ние во меѓувреме може да седнеме да пишуваме стратегија или да ги измениме законите, но тоа е работа која не засега нас, не ги засега граѓаните. Заради тоа е добро кога сакаме да направиме отчет пред граѓаните, не да им кажеме колку пати сме имале седници, колку пати сме дискутирале и какви заклучоци сме донеле, туку што е она што е практична придобивка за нив. А практичната придобивка се работните места и зголемени плати,” рече Деспотовски. About Latest Posts Портал Работник Latest posts by Портал Работник (see all) Десет најплатени професии во САД: Девет се поврзани со медицината - 15/04/2024 ДЕСПОТОВСКИ: Македонија има највисоко ниво на раст на реалната плата, просекот од 1 100 евра е реално остварлив - 15/04/2024 Босанските работодавачи бараат работници кои ќе работат повеќе од 40 часа - 15/04/2024 Facebook Twitter LinkedIn...

ЕкономијаНовостиСветСветот на работникот Десет најплатени професии во САД: Девет се поврзани со медицината 15/04/202415/04/2024 Портал Работник Време за читање 1 минута „Бизнис инсајдер“ состави листа на најплатени работни места во Америка. На врвот се детските хирурзи, кои заработуваат околу 413.700 евра годишно, седум пати повеќе од кој било друг човек со просечна плата. Во моментов во Америка работат 1.180 педијатриски хирурзи. Следни на листата се кардиолозите, кои заработуваат 389.700 евра, а трети на листата се ортопедските хирурзи, кои заработуваат 348.250 евра годишно Радиолозите заработуваат 325.890 евра. Сите други хирурзи заработуваат 343.990 долари годишно. Шестото место на листата го заземаат професиите од областа на медицината, односно дерматолози, кои просечно заработуваат 315.700 евра годишно. Анестезиолозите се седмата најплатена професија во Америка, а вработените во просек заработуваат 339.470 долари. Максилофацијален хирург заработува во просек 307.799 евра годишно. На деветтото место се спортистите, кои просечно заработуваат по 302.753 евра годишно, а на десеттото место се офталмолозите кои заработуваат 287.368 евра. About Latest Posts Портал Работник Latest posts by Портал Работник (see all) Поевтинува дизелот, цените на бензините не се менуваат - 15/04/2024 Десет најплатени професии во САД: Девет се поврзани со медицината - 15/04/2024 ДЕСПОТОВСКИ: Македонија има највисоко ниво на раст на реалната плата, просекот од 1 100 евра е реално остварлив - 15/04/2024 Facebook Twitter LinkedIn...

ЕкономијаМакедонијаНовости Поевтинува дизелот, цените на бензините не се менуваат 15/04/202415/04/2024 Портал Работник Време за читање помалку од минута Малопродажната цена на ЕУРОДИЗЕЛ (Д-Е V) од полноќ се намалува за 0,50 денари по литар, а цените на бензините ЕУРОСУПЕР БС-95 и ЕУРОСУПЕР БС-98 не се менуваат, соопшти Регулаторната комисија за енергетика. Новата цена на ЕУРОДИЗЕЛ БС (Д-Е V) ќе биде 77,50 денари за литар. За 0,50 денари поскапува Екстра лесното масло за домаќинство на (ЕЛ-1) и еден литар ќе чини 77,50 денари. Малопродажната цена на Мазутот М-1 НС се намалува за 0,871 денари и килограм ќе се продава за 44,302 денари. About Latest Posts Портал Работник Latest posts by Портал Работник (see all) Поевтинува дизелот, цените на бензините не се менуваат - 15/04/2024 Десет најплатени професии во САД: Девет се поврзани со медицината - 15/04/2024 ДЕСПОТОВСКИ: Македонија има највисоко ниво на раст на реалната плата, просекот од 1 100 евра е реално остварлив - 15/04/2024 Facebook Twitter LinkedIn...

НовостиПравдаСвет Босанските работодавачи бараат работници кои ќе работат повеќе од 40 часа 15/04/202415/04/2024 Портал Работник Време за читање помалку од минута Работодавачите во Босна и Херцеговина објавуваат можности за вработување кои подразбираат број на работни часови поголем од 40 неделно, што е законски пропишаниот максимум, анализира АлЏезира Балканс. Работодавачите во Босна и Херцеговина објавуваат можности за вработување кои подразбираат број на работни часови поголем од 40 неделно, што е законски пропишаниот максимум. Велат дека се принудени на тоа поради недостигот на работна сила на пазарот. Трудовите инспекторати веќе ги казнија работодавачите за прекувремена работа, а синдикатите кои ги застапуваат правата на работниците инсистираат на построг надзор и казни. Казните за овие прекршоци во БИХ се движѓат од 500 до 5.000 евра, доколку прекршокот се повторува. Фото: Freepik About Latest Posts Портал Работник Latest posts by Портал Работник (see all) ДЕСПОТОВСКИ: Македонија има највисоко ниво на раст на реалната плата, просекот од 1 100 евра е реално остварлив - 15/04/2024 Босанските работодавачи бараат работници кои ќе работат повеќе од 40 часа - 15/04/2024 Популистичкото ветување на ВМРО-ДПМНЕ за раст на пензиите сериозно ќе го загрози Фондот на ПИОМ - 15/04/2024 Facebook Twitter LinkedIn...

ЕкономијаМакедонијаНовости Популистичкото ветување на ВМРО-ДПМНЕ за раст на пензиите сериозно ќе го загрози Фондот на ПИОМ 15/04/202415/04/2024 Портал Работник Време за читање 1 минута Вицепремиерот за економски прашања Фатмир Битиќи денеска преку статус на социјалните мрежи реагираше на прозивките од страна на функционерот на ВМРО-ДПМНЕ и претседател на Совет на Град Скопје, Трајко Славески. Битиќи во својата објава порача дека ветувањето на ВМРО-ДПМНЕ за наводно зголемување на пензиите може сериозно да го загрози Фондот за пензиско осигурување. „Вие и вашата партија сте познати само по движењето контра, и никогаш напред, сега доаѓате со бомбастично ветување кое многу лесно го прочитаа преку 334.000 пензионери, на кои им ветувате зголемување од 5.000 денари на пензиите без да кажете кога и во колкав временски период ќе се случи тоа зголемување. Ако навистина тоа планирате да се случи веднаш после изборите, тогаш тоа е како да сте ставиле динамит на „браната чии загуби на вода“ од 48% во 2016 ги сведовме на подносливи 32% во 2023, и сега вие ја барате довербата од граѓаните со ветување дека оваа брана веднаш после можното идно доаѓање на власт ќе ја кренете во воздух. П.С. Браната е алузија на фондот за ПИОМ“ порача Битиќи. Битиќи додаде и дека сите црни економски сценарија на ВМРО-ДПМНЕ се покажале како целосно неточни. „Подолу ви е графиконот кој ги демантира сите ваши јавни настапи откако Белиот Дворец и вашиот ментор кој избега во Будимпешта преминавте во опозиција во 2017 година, а јас ќе споменам само неколку од нив:Зголемувањето на платите врши силен инфлаторен притисок, неточно; платите ги изеде инфлацијата, неточно; зголемувањето на платите не ја следи продуктивноста, неточно; бизнисот нема да го издржи покачувањето на минималната плата, неточно“ пишува Битиќи. About Latest Posts Портал Работник Latest posts by Портал Работник (see all) Босанските работодавачи бараат работници кои ќе работат повеќе од 40 часа - 15/04/2024 Популистичкото ветување на ВМРО-ДПМНЕ за раст на пензиите сериозно ќе го загрози Фондот на ПИОМ - 15/04/2024 Ова се трите најдобри земји за водење бизнис - 15/04/2024 Facebook Twitter LinkedIn...

НовостиПравдаСветот на работникот Ако не може во овој период, бараме писмена гаранција дека нашите барања ќе бидат исполнети по изборите – приватните специјализанти излегоа на штрајк 15/04/202415/04/2024 Портал Работник Време за читање 2 минути Над 400 приватни специјализанти изутринава стапија во генерален штрајк и не ги извршуваат работните обврски на скопските клиники и останатите болници и амбуланти низ државава. Тие бараат зголемување на надоместот што им се исплаќа во изнес од 26 илјади денари, на ниво на просечна плата на доктор во јавна здравствена установа, здравствено осигурување, како и решавање на статусот што сега им е со договор на дело. Штрајкот ќе го прекинат, како што најавија, само доколку добијат писмена гаранција за исполнување на барањата. – За жал, се решивме на овој чекор бидејќи Министерството за здравство нема слух за решавање на нашите проблеми, изјави доктор Христина Илиоска Чешлароска, приватен специјализант по интерна медицина, трета година. Таа потсети дека по протестот во март, имале средба со министерот за здравство на која им било ветено дека нивните барања ќе се најдат на седница на Влада., но дека засега немаат никаков одговор. Како што соопшти Илиоска Чешлароска, добиле повик од претставник во Министерството за здравство и им било кажано дека денеска во 14 часот ќе се одржи средба во Влада. -Петмина наши претставници ќе бидат на таа средба, но, немаме информација кој се ќе присуствува и дали ќе бидат прифатени нашите барања. Штрајкот продолжува, се додека не добиеме писмена официјална гаранција дека барањата ќе бидат исполнети, нагласи Илиоска Чешлароска. Тамара Пејоска, специјализант на пластична и реконструктивна хирургија, прва година, рече дека работно максимално се посветуваат, а се ставени во разочарувачка деградирачка позиција. На протестот беше нагласено и дискриминирањето при остварување на мајчинство и породилно отсуство, бидејќи тогаш се укинува надоместот. Сите овие луѓе, беше кажано на протестот, имаат желба да останат во државата, да работат и да се грижат за пациентите. About Latest Posts Портал Работник Latest posts by Портал Работник (see all) Популистичкото ветување на ВМРО-ДПМНЕ за раст на пензиите сериозно ќе го загрози Фондот на ПИОМ - 15/04/2024 Ова се трите најдобри земји за водење бизнис - 15/04/2024 Ако не може во овој период, бараме писмена гаранција дека нашите барања ќе бидат исполнети по изборите – приватните специјализанти излегоа на штрајк - 15/04/2024 Facebook Twitter LinkedIn...

ЕкономијаНовостиСвет Ова се трите најдобри земји за водење бизнис 15/04/202415/04/2024 Портал Работник Време за читање 3 минути Сингапур, Данска и САД се најдобрите места во светот за водење бизнис, според рангирањето на деловното опкружување на Economist Intelligence Unit (EIU). „Сингапур ќе остане најдобрата географска област во светот за водење бизнис, како што беше во изминатите 16 години“, изјави директорот за прогнози на земјата на EIU и европски аналитичар Пријанти Рој за CNBC. Факторите кои ја поддржуваат водечката позиција на оваа земја од Југоисточна Азија како врвна деловна дестинација се нејзината политичка стабилност и посветеноста на Владата да им помогне на домашните компании од приватниот сектор во технолошката надградба, рече таа. Рангирањето на EIU ја оценува атрактивноста на водење бизнис во 82 земји и територии и се мери врз основа на индикатори како што се инфлацијата, трошоците за живот, економскиот раст и фискалната политика, пренесува Investor.me. Мерачот, исто така, нуди увид во кои економиите се подобро позиционирани за раст од другите и „ефективен начин да се идентификува каде наскоро може да дојде до зголемување на инвестициските трошоци“, велат аналитичарите на EIU. Зад Сингапур се Данска и САД кои ги зазедоа второто и третото место. Данска, со своите „цврсти макроекономски основи“ и висококвалитетната транспортна и дигитална инфраструктура, може да се смета за една од најатрактивните деловни локации во светот, рече Рој. Условите на пазарот ќе останат поволни во САД, особено со неколку ограничувања за надворешната трговија и инвестициите во САД, додаде таа. „Се предвидува дека Сингапур, Данска и САД ќе имаат најдобро деловно опкружување во следните пет години“, се вели во извештајот. Германија и Швајцарија се рангирани на четвртото и петтото место, додека Канада, Шведска, Нов Зеланд, Хонг Конг и Финска го сочинуваат остатокот од првите 10 места во светот за водење бизнис. „Сите овие се напредни економии и имаат добри резултати во нашиот индекс на долг рок, така што тие се сигурни облози за инвестиции“, се вели во извештајот, но се предупредува дека и вкупните стапки на раст и стапките на раст на БДП по глава на жител веројатно ќе останат стабилни. и релативно бавно. Некои од значајните „големи подобрувачи“ кои постигнаа добри резултати во индексот беа земји како Грција, Катар и Индија. Грција забележа најголемо подобрување во деловната клима во индексот на EIU поради реформите што ги донесе про-бизнис владата, покажа извештајот. Реформите на слободниот пазар, ветени од аргентинскиот претседател Хавиер Мајли, чија цел е да се поттикне приватното претприемништво и да се привлечат странски инвестиции, доведоа до скок на земјата на рангирањето на второто најдобро деловно опкружување. „Индија е единствениот пазар на една земја што нуди потенцијална скала споредлива со онаа на Кина“, се вели во извештајот, додавајќи дека младиот демографски профил на земјата е добро ветување за нејзината работна сила и идната побарувачка. Индија е рангирана на третото место на листата на најнапредни деловни средини. About Latest Posts Портал Работник Latest posts by Портал Работник (see all) Популистичкото ветување на ВМРО-ДПМНЕ за раст на пензиите сериозно ќе го загрози Фондот на ПИОМ - 15/04/2024 Ова се трите најдобри земји за водење бизнис - 15/04/2024 Ако не може во овој период, бараме писмена гаранција дека нашите барања ќе бидат исполнети по изборите – приватните специјализанти излегоа на штрајк - 15/04/2024 Facebook Twitter LinkedIn...

НовостиСветот на работникот Детска клиника кубури со медицински персонал 13/04/202413/04/2024 Портал Работник Време за читање 1 минута Детската клиника во Скопје кубури со медицински персонал, а од понеделник ќе остане без 21 лекар кои се на приватна специјализација, попради штрајкот кој го најавија докторите. Од Клиниката велат дека нема да се соочат со проблеми поради овие отсуства но фалат медицински сестри и останат медицински персонал. Бидејќи пропаднаа ветувањата за вработување на 1117 лица во здравствениот сектор, сега се чека да поминат изборите. Имаме 4 медицински сестри, 5-6 кои работат на шалтери, садомијачи, хигиеничари, околу 20-30 лица се со договор на дело, вели Аркин Јахији, економски директор на Клиника за детски болести. На почетокот на годинава двајца лекари од Детска заминале во пензија, уште двајца ќе го завршат работниот век следниот месец. Голем дел специјалисти заминале во приватен сектор или надвор од државата. -Кога ќе помине изборниот период, ќе побараме вработување на средномедицински кадар и административен, вели доц.д-р Валентина Цвејоска Чолаковска, медициснки директор на Клиника за детски болести. About Latest Posts Портал Работник Latest posts by Портал Работник (see all) Ако не може во овој период, бараме писмена гаранција дека нашите барања ќе бидат исполнети по изборите – приватните специјализанти излегоа на штрајк - 15/04/2024 Детска клиника кубури со медицински персонал - 13/04/2024 Петрова: Вистината на виделина-поништување на огласот за редовно вработување во ЈЗО - 13/04/2024 Facebook Twitter LinkedIn...

КолумниНовости Зошто нештата би се одиграле поразлично во Македонија? 13/04/202413/04/2024 Бобан М. Илијевски About Latest Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) Зошто нештата би се одиграле поразлично во Македонија? - 13/04/2024 Барате работа после отказот? Еве 5 чекори како да дојдете до следното работно место - 12/04/2024 Светот се подготвува за професиите на иднината, а ние сѐ уште се занимавме со „дали ќе ми стигнат пари до крајот на месецот“ – Подкаст со Катерина Златановска – Попова, Советник за развој на кариера - 09/04/2024 Време за читање 1 минутаБобан М. Илијевски Од влегувањето во Европската унија до денес, Хрватска има изгубено повеќе од 300,000 работоспособни луѓе. Зошто Македонија кога ќе влезе во ЕУ, нештата би се одиграле поразлично? Нашиве властодршци постојано велат дека кога ќе влеземе во ЕУ ќе ги вратиме младите назад и дека тукашните работници ќе добијат подобри услови, но примерот на Хрватска покажува дека таа теза им паѓа во вода и дека во суштина тие лажат. Фактите и примерите од терен го покажуваат спротивното – влегувањето во ЕУ ќе значи уште поголем егзодус на македонската работна сила. Токму поради ова, често велам дека мораме да ја направиме Македонија подобро место за живеење, за кога ќе дојде моментот да влеземе во ЕУ, одливот не биде толку голем. Но, нашите ни партиски гарнитури продолжуваат да се потпираат на тоа дека кога ќе влеземе во ЕУ магично ќе се решат сите проблеми. Ќе се зголемат платите, ќе се намалат корупцијата и криминалот, јавната администрација ќе стане поефикасна итн. Искрено, тоа нема да се случи, бидејќи од нас зависи дали ќе смениме нешто на подобро во државава. Европската унија ќе ни овозможи да имаме пристап до некои привилегии, но гарантирам дека лидерите на земјите од оваа организација нема да дојдат и да ни ги решат проблемите. Facebook Twitter LinkedIn...

НовостиПравда Петрова: Вистината на виделина-поништување на огласот за редовно вработување во ЈЗО 13/04/202413/04/2024 Портал Работник Време за читање 2 минути ВИСТИНАТА „НА ВИДЕЛИНА“. Во голготата за редовно вработување на 1,117 здравствени работници, дојдовме до разрешница – ПОНИШТУВАЊЕ НА ОГЛАСОТ за редовно вработување во ЈЗУ “Здравствен дом на Скопје”, наменет (?) за лицата кои се или биле ангажирани со договор на дело. Ако здравствените власти и сите министри за здравство биле искрени и фер, ќе го решеле статусот на работниот однос на здравствените работници многу одамна, не оставајќи ги со години како “договорци”. Сега, на крај на политичкиот мандат, “се заглавија” во своите обиди да прикажат дека нешто прават и дека некој друг е виновен, а всушност се работи за “политичко мамење” и играње со судбината на овие лица, вели дополнителниот заменик-министер за финансии Елена Петрова. -За поништувањето на огласот вчера ме известија синдикалните претставници Боби Бојчевски – национален координатор во Независниот синдикат на здравствени работници, Гоце Делчев Тодев – генерален секретар на КСОМ (Конфедерација на синдикални организации на Македонија) и Марјан Ристески – претседател на КСОМ. Ова се надоврзува на информациите кои веќе ги споделив во јавноста, дека:– во Буџетот за 2024 год. не се обезбедени средства за бруто плата за 1,117 здравствени работници (доказ: допис од ФЗО до Владата од 18/03/2024 год.)– по распишување на изборите, итни и неодложни потреби согласно закон се решаваат во точно определени случаи со вработување на определено време, а не со договор на дело, за што доставив известување до ДКСК.На состанокот со синдикалните претставници разговаравме и за статусот на лицата кои се на приватни специјализации, усогласувањата на платите со Законот за минимална плата во јавните здравствени установи, како и изедначување на вредноста на бодот за плати на исто ниво во сите установи.Преку искрен пристап и отворен дијалог ќе се надминат сите проблеми со кои се соочуваат вработените во јавното здравство, со цел да го добијат заслуженото место во општеството. За неколку недели од сега новата Влада предводена од ВМРО-ДПМНЕ сериозно ќе се зафати со систематско решавање на овие проблеми во интерес на граѓаните, додава Петрова. About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

НовостиПравда Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат 12/04/202412/04/2024 Портал Работник Време за читање 5 минути Досегашните мерки за згрижување на децата од улица и работата со нив не го даваат посакуваниот резултат, вели Васка Бајрамовска-Мустафа од канцеларијата на омбудсманот на Меѓународниот ден на деца од улица. Деца што питааат на улица сѐ уште има иако надлежните органи преземаат мерки за намалување на нивниот број. „Праксата покажува дека ефектите од згрижувањето на децата, начините на работа со нив очигледно не ги даваат посакуваните резултати. Податоците што ги обезбедивме преку центрите за социјална работа, преку Заводот за социјални дејности, од интервјуата со самите родители, со самите деца згрижени во дневните центри за деца во социјален ризик, деца на улица, укажуваат на тоа дека сѐ уште причините за појавата на деца на улица не се сфаќаат сериозно“, вели Бајрамовска-Мустафа. Таа вели дека сегашната состојба со децата на улица треба да се сфати како аларм за посериозен пристап на институциите кон решавањето на проблемот оти децата на улица многу лесно може да завршат како жртви на трговија со деца. „Сметаме дека сегашниот протокол, доколку се оди по утврденото како норма, како правило, може да даде сериозни резултати, но фактот дека ние секојдневно сме сведоци на деца што не питаат сами, туку со своите родители, питаат со други лица, кои се, а можеби и не се нивни блиски, укажува на потребата од многу посериозен ангажман на надлежните центри за социјална работа, а во чија надлежност се овие семејства во социјален ризик. Да работат со нив, да ги мапираат евентуалните можни злоупотреби, да ги превенираат можните злоупотреби на овие деца бидејќи и пред десетина години и сега го кажуваме истото – ваквите деца во социјален ризик, кои животот го поминуваат на улица, наместо детството да го поминат во училишните клупи со своите врсници, се многу лесно подводливи, многу лесно може да бидат жртви на секакви злоупотреби, на секакви манипулации, вклучително може да бидат и жртви на трговија со деца“, смета Бајрамовска-Мустафа. Досегашното искуство со децата на улица и работата со нивните родители, според Бајрамовска-Мустафа, укажало и на решението на проблемот. Сите деца што питаат потекнуваат од семејства што живеат во супстандардни услови, без вода, без струја, и за многумина социјалната помош е единствен извор на приход, па од тука решение на проблемот би било вработување, образование и обезбедување постојан приход за родителите, кои би обезбедиле нормален развој на децата. „Најсоодветно решение, според институцијата Народен правобранител, е да може да се работи со овие деца и со родителите еднакво. Она што нашето истражување покажува дека недостига е лошата материјална состојба, тешката економска состојба во која живеат овие семејства, е една од причините што тие излегуваат на улица. Затоа, една од нашите препораки во истражувањето е да се обезбеди постојан приход на овие семејства затоа што егзистенцијата со социјална помош очигледно не ги дава потребните резултати. На една од посетите кога го направивме истражувањето во летниот период во дневниот центар разговарајќи со еден од родителите чие дете беше изложено на питање, одеше да пита со своите врсници, запрашан зошто сега неговото дете не оди да пита, одговорот беше: ‘сега јас работам, нема потреба да излезе и да пита’. Ова укажува каде треба да се работи со овие семејства и факт е дека треба континуирано да се подигнува и свеста на родителите, меѓутоа и, генерално, на заедницата за тоа дека питањето или давањето пари не е решение на проблемот. Треба посериозно да се зафатиме со решавањето на овој проблем. Како што го решивме проблемот со неевидентираните лица, така и децата на улица да го имаат крајното решение, кое ќе биде во нивен најдобар интерес“, вели Бајрамовска-Мустафа. Трите центри за деца од улица згрижуваат најмногу 70-80 деца оти максималниот капацитет им е ограничен на 24. Два од нив се во Шуто Оризари, а еден во Кисела Вода. Бајрамовска-Мустафа вели дека овие три центри не се доволни и советува секоја локална самоуправа, каде што има деца на улица, да отвори центри за нивно згрижување и сериозно да се посвети на работата и со децата и со родителите. Извор: Макфакс About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

НовостиСветот на работникот ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ 12/04/202412/04/2024 Портал Работник Време за читање 3 минути Со ревизијата се воведуваат и правила доколку странските работници што поседуваат единствена дозвола за работа и престој во ЕУ останат без работа. Ним им се дозволува да останат на територијата на земјата членка на која се наоѓаат најмногу 3 месеци во периодот на важност на дозволата или најмногу до 6 месеци доколку документот е одобрен пред повеќе од 2 години. Изменетата Директива ќе стапи во сила на 20-тиот ден по нејзиното објавување во Службениот весник на Европската Унија. Земјите членки на ЕУ ќе имаат рок од две години да ги вметнат одредбите од Директивата во своите национални законодавства. Европскиот совет денеска во крајна фаза ја одобри ревизијата на Директивата за единствена дозвола за работа и престој во ЕУ за државјаните на земји кои не се членки на Унијата, со која се утврдува административната процедура за добивање на документот и се одредени правата кои ги имаат работниците од трети држави. Целта на измените е да се привлечат стручно оспособени и талентирани кадри кои и се потребни на ЕУ и воедно да се надминат некои од недостатоците во однос на легалната миграција во Унијата. Со нив се скратува процедурата за аплицирање за дозволата и се зајакнуваат правата на работниците од странство. Согласно ревидираната Директива, надлежните органи треба да ја издадат дозволата или да го одбијат барањето за нејзино издавање во рок од 3 месеци од поднесувањето на пополнетата апликација. По исклучок, во случај на „сложени апликации“ овој краен рок може да биде продолжен за дополнителни 30 дена. Новина во Директивата е што лицата кои ќе добијат единствена дозвола ќе можат да го сменат работодавачот, кој бил основа за нејзино издавање, но за тоа треба да ги известат властите. На државите членки им се остава можност на национално ниво да регулираат минимален период во кој странскиот работник мора да работи кај работодавач кој бил гарант за издавање на дозволата. Со ревизијата се воведуваат и правила доколку странските работници што поседуваат единствена дозвола за работа и престој во ЕУ останат без работа. Ним им се дозволува да останат на територијата на земјата членка на која се наоѓаат најмногу 3 месеци во периодот на важност на дозволата или најмногу до 6 месеци доколку документот е одобрен пред повеќе од 2 години. Изменетата Директива ќе стапи во сила на 20-тиот ден по нејзиното објавување во Службениот весник на Европската Унија. Земјите членки на ЕУ ќе имаат рок од две години да ги вметнат одредбите од Директивата во своите национални законодавства. About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

НовостиСветот на работникот Недостига персонал во угостителството во Охрид 12/04/202412/04/2024 Портал Работник Време за читање помалку од минута Професионалните кувари остануваат најдефицитарен кадар на брегот на Охридското езеро но недостиг има и од келнери, рецепционери и собарки. Во услови на одлив на квалитетна работна сила која претежно заминува во Хрватска сопствениците на рестораните и хотелите за оваа сезона ќе работат со странски работници.Професорите велат дека импровизацијата на кадар е на штета на туризмот. Угостителите во неможност да понудат повисока плата го губат квалитетот на услугата. Добрите познавачи од областа на туризмот сметаат дека импровизациите генерираат дополнителни проблеми и незадоволни гости. Извор: Сител About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

ЕкономијаНовости Фајнанс Тинк: Колку нè чинеше кризата со цените на храната и енергијата? 12/04/202412/04/2024 Портал Работник Време за читање 5 минути Целта на оваа студија е да изврши преглед на фискалниот простор на земјите од Западен Балкан, кој беше значително затегнат како резултат на кризата со цените на енергентите и храната. Преку приказ на динамичните движења на буџетските дефицити и јавниот долг, беа извлечени трендови за време на претпандемискиот период, пандемијата со COVID-19, како и за скоршената енергетска криза и криза со цените на храната. Умереното задолжување и делумно стабилните буџетски дефицити пред пандемијата овозможија владите од Западен Балкан да обезбедат голема буџетска поддршка за справување со пандемиската криза во 2020 и 2021. Иако знаци на заздравување беа видливи во 2021, фискалниот простор дополнително се влоши како резултат на гео-политичкиот конфликт помеѓу Русија и Украина. Фискалната консолидација ќе биде клучна за следниот период како на расходната, така и на приходната страна. Потребно е да се зголеми наплатата на даноците со сузбивање на сивата економија, и да се намалат јавните издатоци, особено оние наменети за нетаргетирана поддршка. За разлика од фискалната експанзија во пандемискиот период во 2020 и 2021 година, резултатите покажуваат дека за време на енергетската криза и кризата со цените на храната, можноста за имплементација на фискални пакети е значително ограничена поради намалениот фискален простор. Со други зборови, доколку земјите од Западен Балкан воведат поголеми антикризни пакети за време на тековната криза, тоа би влијаело врз фискалниот простор во поголема мера отколку за време на претходните кризи. Оттука, неопходно е буџетските резерви да се градат за време на некризни периоди, со цел да се обезбеди простор за интервенција кога е најпотребно. Енергетската криза ги истакна слабостите на енергетскиот сектор во Западниот Балкан, и оттука, оваа студија дава осврт и на енергетскиот сектор, преку анализа на регионалните инвестиции во енергетиката како и мерките што ги воведоа владите од Западниот Балкан за справување со енергетската криза. Позитивен исход од овој период е фактот што во среднорочните фискални стратегии на земјите од Западен Балкан се предвидуваат и поголеми инвестициски планови за развој на енергетскиот сектор, што се клучни за спречување на идни шокови од ваков тип, како и за намалување на дополнителниот притисок врз фискалната политика. Во сегментот за Северна Македонија, дополнително беа проценети субвенциите за електрична енергија, и преку квантитативна анализа беше анализиран нивниот ефект врз јавните буџетски расходи. Прогласувањето Енергетска криза од крајот на 2021 натаму овозможи ЕСМ да продава струја на универзалиот снабдувач по цена пониска од пазарната, со што се субвенционираа сметките на приближно 611.000 домаќинства и 68.000 мали потрошувачи. Со тоа, ЕСМ обезбеди 100% од електричната енергија на регулираниот пазар по субвенционирана цена. Разликата во цената на електричната енергија помеѓу индустријата и домаќинствата во Северна Македонија забележа драматичен раст во 2022. Оттука, согласно разликата на цената на електричната енергија помеѓу индустријата и домаќинствата, беа проценети субвенциите одвоени за домаќинствата за време на енергетската криза. Во 2022, субвенциите за електрична енергија за домаќинствата достигнаа 3.2% од БДП или 9.2% од јавните расходи. Сепак, во првата половина од 2023 година, се забележува нивно значајно намалување. Наодите од студијата укажуваат на потенцијално истиснување на расходите за здравство и социјална заштита, како резултат на зголемената буџетска поддршка за субвенции за електрична енергија. Односно, зголемување од 1 процентен поен на субвенциите за електрична енергија (изразени во % од БДП) е поврзано со намалување на јавните расходи алоцирани за здравството и социјалната заштита од 0.87 до 0.93 процентни проени и 2.07 до 2.26 процентни поени од БДП, соодветно. Овој наод е особено релевантен имајќи го предвид тесниот фискален простор во Северна Македонија, иако процесите на фискална консолидација се започнати. Ослободувањето на буџетскиот простор од прекумерните субвенции за електрична енергија, може да обезбеди простор за структурни реформи и инвестиции во поквалитетни јавни услуги и таргетирани мерки за најранливите категории на граѓани. На ова се надоврзува и потребата од зголемување на енергетските капацитети и намалување на зависноста од увоз, што ќе придонесе кон долгорочна отпорност и предвидливост, покрај можни предизвици што би следеле во иднина. Дополнително, потребно е да се обрне внимание на потенцијалното истиснување на јавните здравствени и социјални расходи, како резултат на зголемените субвенции за електрична енергија кои нудат привремено решение, без долгорочен бенефит. Оттука, важно е нивното намалување да се разгледа не само од буџетска перспектива, туку и од перспектива на долгорочен економски и социјален развој кој може да се постигне преку поголеми инвестиции во подобрување на инфраструктурата и услугите во јавниот сектор. Препораките од студијата одат во насока на заштита на ограничениот фискален простор во следниот период преку намалување на субвенциите за електрична енергија до крајот на 2024, придружено со директни трансфери за најранливите домаќинства, што ќе овозможи фискален простор за повеќе и поквалитетни други јавни услуги, како и зголемени инвестиции во енергетскиот сектор, придружено со подобрена енергетска ефикасност на страна на потрошувачите. About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

НовостиСветот на работникот Барате работа после отказот? Еве 5 чекори како да дојдете до следното работно место 12/04/202412/04/2024 Бобан М. Илијевски Содржина Toggle Инвестирајте во заедницатаЗголемете го вашето присуство на мрежитеПодгответе се за прашањето: „Зборувајте ми за себе.“Бидете искрени за јазовите во кариератаНе го критикувајте вашиот претходен шеф About Latest Posts Бобан М. ИлијевскиНовинар за работни односи, кариера и човечки ресурси Latest posts by Бобан М. Илијевски (see all) Зошто нештата би се одиграле поразлично во Македонија? - 13/04/2024 Барате работа после отказот? Еве 5 чекори како да дојдете до следното работно место - 12/04/2024 Светот се подготвува за професиите на иднината, а ние сѐ уште се занимавме со „дали ќе ми стигнат пари до крајот на месецот“ – Подкаст со Катерина Златановска – Попова, Советник за развој на кариера - 09/04/2024 Време за читање 4 минути Компаниите ширум светот продолжиле да го намалуваат бројот на вработени. Од почетокот на годината, ширум светот отпуштени се повеќе од 57,000 вработени, наведува порталот Layoffs. Како што се истакнува во извештајот, големите технолошки фирми примиле огромен удар, со речиси 23 фирми во индустријата кои оваа година укинувале работни места. Само во Сингапур во 2023 година, биле отпуштени преку 14,500 луѓе, што е некаде блиску до рекордното ниво забележано во 2022 година, навела тамошната влада. Поради отказите, многу луѓе се на пазарот за нова улога. „Транзицијата низ отказот е многу емоционално искуство“, рекол LinkedIn експертот за кариера Поја Чабрија. Лесно е да се чувствувате изгубено, па поради тоа е важно да размислите и да смислите план на игра за тоа како да одите понатаму. Еве пет совети кои таа ги дава за тоа како да ја добиете следната работа: Инвестирајте во заедницата Отпуштањето доаѓа со нови предизвици. Прво, важно е да се потпрете на вашата заедница и да работите на јакнење на вашата мрежа. „Останете во контакт со своите колеги од претходната работа“, рекла Чабрија за CNBC Make It. Покрај тоа, таа предлага да присуствувате на настаните во индустријата и да допрете до своите контакти во компаниите во кои сакате да работите. „Имаме случаи каде шансите на луѓето упатени од други кои работат во компанијата се четири пати поголеми да се вработат“, рекла таа. Зголемете го вашето присуство на мрежите Клучно е периодот во кој сте невработени да го искористите за професионален раст. Исто така, подеднакво е важно да покажете како сте пораснале, додала таа. Чабрија предлага да ги нагласите своите вештини при ажурирањето на CV-то и професионалните профили на социјалните мрежи. Таа рекла дека 87 % од регрутерите посочиле дека им даваат приоритет на вештините кога ги проверуваат кандидатите. Друг начин на кој можете да се истакнете е на социјалните мрежи да започнете да споделувате содржини со вашето професионално знаење, претходното работно искуство или идните аспирации во кариерата. „Содржината навистина води кон градење на заедницата “, рекол Чабрија. „Ако зборувам за својата работа, можам да направам да допре до повеќе луѓе.“ Подгответе се за прашањето: „Зборувајте ми за себе.“ „Секогаш бидете подготвени за првото прашање кое вообичаено го поставуваат на интервју, а тоа е: ‘Зборувајте ми за себе’“, рекла Чабрија. „Мислам дека многу луѓе го потценуваат ова прашање“, рекла таа, но „тоа прашање е вашиот став за тоа зошто сте најдобар кандидат за работата.“ Бидете подготвени да одговорите на тоа прашање. Може да ви помогне да се издвоите и да влијаете на насоката на интервјуто. Подгответе го својот одговор така што ќе образложите за своето искуство и ќе го поврзете со причината зошто е важно за позицијата и задачите кои се пред вас, предлага Чабрија. Таа вели дека одговорот на ова прашање ѝ помага да утврди дали кандидатот е соодветен за дадената позиција. Бидете искрени за јазовите во кариерата Може да биде застрашувачки да се зборува за својот јаз во кариерата по добивањето отказ. „Прекините во кариерата се гледаат и како нешто природно за професионалците“, рекла таа. „Само бидете искрени и транспарентни во врска со тоа.“ Искреноста може да ви помогне во градењето на довербата со интервјуерот. Покрај тоа, таа предлага да зборувате и за тоа како сте го искористиле времето во своја корист. „Било да сте инвестирале во стекнување нови вештини, посетувале неколку курсеви на LinkedIn или сте сработиле неколку хонорарни работи“, важно е да објасните како сте го поминале тоа време. Не го критикувајте вашиот претходен шеф Откако ќе добиете отказ, нормално е да ви доаѓа да зборувате лошо за вашиот претходен работодавач. Меѓутоа, Чабрија предлага да ја изземете критиката од разговорот. „Би им препорачала на луѓето да не го трошат времето на тоа“, рекла таа. „Многу луѓе добиваат откази по прв пат… Јас тоа би го оценила како позитивно.“ Извор: Blic.rs Фото: Shutterstock Facebook Twitter LinkedIn...

НовостиСветСветот на работникот Италија прифаќа пријави за дигитални-номадски визи 12/04/202412/04/2024 Портал Работник Време за читање 1 минута Италија од почетокот на месецот, конкретно од 4-ти април, започнала да прифаќа пријави за дигитални номадски визи во траење од една година, а заинтересираните можат да закажат термин во италијанскиот конзулат во нивните земји. До сега немало начин дигиталните номади долгорочно легално да работат во Италија, а ниту сега условите не се едноставни, пренесува Euronews Travel. Експертот Дамијен О’Фелер истакнал дека оваа виза е наменета за висококвалификувани работници со повисоки приходи. Во март оваа година било објавено дека номадската виза е за работниците кои имаат годишен приход кој е најмалку трипати поголем од минималното ниво потребно за изземање од учеството во трошоците за здравствена заштита во Италија. Споменатата бројка изнесува нешто помалку од 28,000 евра годишно. Оние кои бараат дигитална виза во Италија мораат да имаат цврсти планови кои важат за целиот период на нивниот претстој. Покрај тоа, мораат да докажат дека имаат соодветно сместување во текот на нивниот престој, како и да имаат претходно искуство како дигитални номади на друго место барем шест месеци. Тие ќе треба да одат во важечката дипломатско – конзуларна канцеларија и да поднесат изјава која е потпишана од нивниот работодавач пред да им се издаде визата. Луѓето кои се осудени за било какво кривично дело во последните пет години ќе бидат автоматски одбиени, наведува Euronews Travel. Извор: b92.net Фото: Kiefer Photography/Shutterstock About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

НовостиСветот на работникот Да ги победиме стереотипите за машки и женски работи 12/04/202412/04/2024 Портал Работник Време за читање 2 минути Дали во денешно време можеме да ги делиме работите на машки и женски? Овие стереотипи се оставштина од минатото и некои застарени размислувања. Приказна што инспирира еден нов поглед на агрикултурата како гранка во Македонија што никогаш не го добила заслуженото место за придонес во стопанството кај нас е приказната на Снежана Танева која е жена-земјоделка и доказ за издржливоста и значењето на жените во земјоделието. Урамнотежувајќи ги улогите на мајка, сопруга и вредна работничка, таа се појавува и како стожерна фигура во општеството хранејќи не сите со есенцијални намирници како млеко, зеленчук, сирење, месо итн. Нејзината приказна започнува со тоа што била нарекувана “Снеже овчарката” во нејзиното родно Мрзенци уште како дете. Но, таа им пркоси на конвенционалните норми и покрај однесувањето на нејзините другарчиња, подоцна и пријатели и познаници, избира да ја одржи сточарската традиција на нејзиното семејство. Наместо урбаните животни соништа на многумина од нејзиното опкружување, Танева е сопственик и управува со скромна но исклучително просперитетна фарма. Нејзините денови се исполнети со грижа за добитокот, крави и овци, производство на млеко и месо, како и обработување на 3,5 хектари земја. Фармата на нејзиното семејство ја ужива и поддршката и непоколебливото охрабрување на нејзиниот сопруг. Во минатото таа се соочила и со скептицизмот на заедницата станувајќи сопственик на дел од семејната фарма заедно со нејзиниот брат. Била осудувана како жена која е наследник на дел од фармата бидејќи честопати во Македонија традиционално тоа не е случај. Токму овие предизвици ја поттикнуваат Снежана никогаш да не престане да се залага за улогата на жената во земјоделството. Преку својата посветеност, Танева не само што ја обезбедува егзистенцијата на своето семејство туку служи и како пример за зајакнување на жените-фармери насекаде, призвикувајќи ги стреотипите и негувајќи ја својата земја со цврста решителност. Извор: tocka.com.mk About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

НовостиСветот на работникот Единствените 3 работни места кои ќе ја преживеат вештачката интелигенција 12/04/202412/04/2024 Портал Работник Време за читање 2 минути Кога зборуваме за технологијата и напредокот на ова поле, името на Бил Гејтс е едно од првите што ни паѓа на ум бидејќи тој е ко-основач на Windows. Сè што кажува се чини дека го земаат предвид многу луѓе кои се специјализирани во оваа област. Затоа неговите последни изјави за вештачката интелигенција (ВИ), технологија која се појави на сцената и ветува дека ќе ги промени работите како што ги знаеме, се особено впечатливи. Гејтс е јасен за второто, предвидувајќи блиска иднина во која доминира вештачката интелигенција, иако тој верува дека ќе има малку работни места што ќе го „преживеат“ овој тип на технологија. Тој го допре ова во својот блог „Gates Notes“, каде во последните месеци објави неколку написи посветени исклучиво на алатките за вештачка интелигенција, анализирајќи ги нивните доблести, но и можните ризици. Еден од тие ризици е дека вештачката интелигенција на крајот ќе ги замени луѓето на многу работни места, што ќе доведе до уништување на работните места, нешто што Меѓународниот монетарен фонд (ММФ) веќе го предвиде, наведувајќи дека до 2025 година, 60% од работните места на некој начин ќе бидат под влијание на ВИ. Ко-основачот на Windows е јасен дека алатките за вештачка интелигенција ќе овозможат автоматизација на многу работни места и процеси, но не е особено песимист за тоа како таквите алатки можат да влијаат на луѓето, верувајќи дека тие всушност ќе помогнат во многу области. Сепак, тој тврди дека во блиска иднина ќе има само три работни места кои ќе бидат имуни на пенетрација на вештачката интелигенција, наведувајќи дека единствените кои ќе „одолеат“ на овој нов бран на технологија ќе бидат работните места поврзани со енергија, биологија и сите тие професионалци кои се специјализирани за дизајнирање и работа на алатките за вештачка интелигенција. Гејтс верува дека, по природата на тие три области, тие ќе бидат единствените каде луѓето нема да бидат заменливи. извор: biznisinfo.mk About Latest Posts Портал Работник Latest posts by Портал Работник (see all) Петрова: Вистината на виделина-поништување на огласот за редовно вработување во ЈЗО - 13/04/2024 Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат - 12/04/2024 ДОЗВОЛА ЗА РАБОТА И ПРЕСТОЈ СЕ ДОБИВА ЗА 3 МЕСЕЦИ, БЕЗ РАБОТА МОЖЕ ДА СЕ ОСТАНЕ ДО 6 МЕСЕЦИ ВО ЕДНА ЗЕМЈА Нови правила за странските работници во ЕУ - 12/04/2024 Facebook Twitter LinkedIn...

МагазинНовости Како ви звучи заработка од 18.000 евра за 60 дена лежење во кревет? Услов е да сте непушачи и да сте здрави! 12/04/202412/04/2024 Портал Работник Време за читање 2 минути Како подготовка за можен лет до Месечината или Марс, истражувачите сакаат поблиску да истражат како реагира човечкото тело на 60-дневен строг одмор во кревет. Германскиот центар за воздухопловство (ДЛР) бара волонтери за учество во студија во Келн, а на волонтерите им нудат 18.000 евра. Како „земјени астронаути“, испитаниците би требало да симулираат долго патување во бестежинска состојба до друго небесно тело лежејќи во кревет 60 дена. Истражувачите сакаат да истражат кои методи може да се користат за да се избегнат ефектите од бестежинска состојба од кои се плашат астронаутите, како што се вртоглавица и губење на координацијата. Кој може да се пријави?Може да се пријават лица на возраст меѓу 24 и 55 години кои се високи од 1,53 до 1,90 метри и имаат индекс на телесна маса (БМИ) од 18 до 30. Според DLR, „земјените астронаути“ би требало да симулираат долго патување во бестежинска состојба до друга планета со лежење во кревет со наведната глава 60 дена. Истражувачите сакаат да истражат кои методи може да се користат за да се избегнат ефектите од бестежинска состојба од кои се плашат астронаутите, како што се вртоглавица и губење на координацијата. Според DLR, креветите на учесниците во студијата ќе бидат навалени шест степени така што главите ќе бидат пониски од нивните стапала. „Со овој наклон, телесните течности се движат речиси на ист начин како и астронаутите во вселената“, вели водачот на студијата Едвин Мулдер. Последиците од таквото лажење се зголемување на притисокот во главата, физичката неактивност предизвикува пукање на мускулите и коските, се нарушува чувството за рамнотежа и се менува кардиоваскуларниот систем, пишува магазинот Феникс. DLR пишува дека ваквото истражување покрај креветот е вообичаено уште од 1980-тите и досега давало важни сознанија за патувањето во вселената. Во моментов, фокусот на истражувањето е првенствено на долгорочните мисии на Марс. „Учесниците на тековната студија, која треба да започне во септември, ќе добијат заработка од 18.000 евра за 60 дена во кревет. Но, тоа не се лесни пари“, нагласи шефот на студијата, Мулдер. Непрекинато лажење два месеци е „вистински предизвик“. Може да се пријават лица на возраст од 24 до 55 години кои се високи од 1,53 до 1,90 метри и имаат индекс на телесна маса (БМИ) од 18 до 30. Мора да сте здрави, непушачи и добро да зборувате германски. About Latest Posts Портал Работник Latest posts by Портал Работник (see all) Грција годинава им нуди бесплатен одмор на 25.000 лица, еве кои се условите - 12/04/2024 Како ви звучи заработка од 18.000 евра за 60 дена лежење во кревет? Услов е да сте непушачи и да сте здрави! - 12/04/2024 На Германија ќе и бидат потребни повеќе од 600.000 работници во ОВОЈ СЕКТОР - 12/04/2024 Facebook Twitter LinkedIn...

ЕкономијаНовостиСвет Грција годинава им нуди бесплатен одмор на 25.000 лица, еве кои се условите 12/04/202412/04/2024 Портал Работник Време за читање 1 минута Страшните шумски пожари кои минатата година се случуваа во Грција, ги принудија многу туристи предвреме да го завршат својот одмор. Но, ова лето Грција се одлучи да им се оддолжи на 25.000 лица и да им понуди бесплатен одмор како компензација за присилниот прекин на одморот на островот Родос минатата година, поради големиот број пожари на тој дел од земјата. Се смета дека грчката влада е прва која се одлучила за таква компензација. Грчките власти известиле дека секој оној кој бил евакуиран од хотел на островот, и чиј одмор беше прекинат поради пожарите, има право на ваучер од околу 500 евра кои ќе ги покрие трошоците за одмор од една недела на островот. Туристите имаат право да уживаат во еден од одбраните хотели на Родос во периодот до 31 мај, или од 1 октомври до 15 ноември. Тоа значи дека нема да може да го изберат јуни, јули, август и септември. Според официјалните лица, досега 5.000 туристи се одлучиле да ја прифатат понудата на грчката влада, а се очекува бројката да расте. Речиси 4,5 милиони Британци лани ја посетија Грција, а 10.000 од нив беа евакуирани од Родос. Вкупната бројка на евакуирани беше 25.000 лица. Понудата, сепак, има ограничувања. Оние кои престојувале во приватно сместување, или нашле сместување на интернет платформи како „Букинг“ или „Ербнб“, немаат право на компензација, а туристите кои ќе добијат ваучер од 500 евра, сами си го финансираат патот до Родос, односно истиот важи само за хотелското сместување. Корисниците може да бидат само возрасни лица, деца немаат право да ги користат овие поволности. Извор: mk.tv21.tv About Latest Posts Портал Работник Latest posts by Портал Работник (see all) Единствените 3 работни места кои ќе ја преживеат вештачката интелигенција - 12/04/2024 Грција годинава им нуди бесплатен одмор на 25.000 лица, еве кои се условите - 12/04/2024 Како ви звучи заработка од 18.000 евра за 60 дена лежење во кревет? Услов е да сте непушачи и да сте здрави! - 12/04/2024 Facebook Twitter LinkedIn...

НовостиСветот на работникот ОСУМ НАЧИНИ ДА ГИ ШАРМИРАТЕ ВАШИТЕ ВРАБОТЕНИ 12/04/202412/04/2024 Портал Работник Време за читање 4 минути Секое утро посакајте им на вработените пријатен работен ден. Ова е толку мал гест, а придонесува за многу големи резултати. Со тоа, позитивно влијаете на вработените и ги поттикнувате да дадат се од себе во текот на работниот ден. Секој сака да се почувствува пофален и признаен за работата. Професионалците требаат да знаат како да се издигнат над нивните чувства и да работат во насока на остварување на работните задачи. Како и да е, менаџерот, надзорникот или службеникот изучуваат лидерски вештини за да бидат што поомилени помеѓу вработените. Ако вработените ги сакаат менаџерите, тогаш ќе бидат целосно посветени на работата и на резултатите. Секој ќе настојува да ја зголеми продуктивноста и да стане што поомилен кај надредениот по ранг во компанијата. Во продолжение неколку начини за создавање на добри работни односи, лојалност и приврзаност на работното место. 1.Внимавајте како стоите. Мажите практикуваат да стојат едни покрај други кога разговараат. Жените стојат лице в лице со соговорниците. Затоа, прилагодете го ставот на стоење според полот на вработениот. 2. Во мислите создадете слика за оној кому му се обраќате. Додека разговараат менаџерите најчесто мислат како изгледаат во очите на соговорникот. Тоа е погрешно. Најдобро е да не зборувате за вас и вашето искуство, туку да ги ислушате ставовите и размислувањата на другиот. 3. Избегнувајте да се допирате себе си кога разговарате и држете ги рацете мирно. Не играјте си со косата или накитот. Така оставате впечаток дека не ви е комфорна ситуацијата и дека ве заморува разговорот. Со тој гест, иако ненамерен, вработениот ќе мисли дека недоволно му посветувате внимание. 4. Смешкајте се додека зборувате. Прекрасно е да се смешкате кога го слушате соговорникот, но значително поуспешно е кога се смешкате додека зборувате со вашиот подреден по ранг во компанијата. 5. Зборувајте 20%, а слушајте 80% од времето. Дозволете им на луѓето да зборуваат за нивната омилена тема: за самите себе. Не прекинувајте го вработениот кога ви кажува за проблемите на работното место или дома. Кога ќе го прашате нешто, почекајте да заврши со одговорот и потоа поставете му го следното прашање. При слушање, не вклучувајте ја селективната перцепција, бидејќи можете да испуштите фрагменти од разговорот кои се навистина значајни за вас и кои лично би ве заинтригирале. 6. Не оставајте впечаток на супериорност. Вработените знаат дека сте главна фигура во компанијата, но не сакаат постојано да ги потсетувате на тоа. Вашите вработени ве респектираат и целосно ја признаваат вашата професионална доминација, но не сакаат да покажат потчинетост и понизност при контактите со вас. Имајте на ум дека ако покажете доминација, создавате револт кај нив и ве гледаат со презир. Така, нема да сакаат да соработуваат и стануваат ваши први непријатели. Не фалете се колку добро живеете, каде сте патувале и колку пари сте потрошиле. Тоа нека остане за дома, а на работа зборувајте само за обврските кои вработените треба да ги завршат. Ако постојано повторувате дека вие сте шефот, почитта ќе изостане и ќе се претвори во стравопочитување спрема менаџментот и вас. 7. Пофалбите за добро завршената работа нека бидат умерени и на место. Кога некој добро ќе ја заврши задачата, истакнете го како пример, но не премногу и не секаде. Преголемото одликување создава завист кај останатите вработени и ги револтира. Тоа направете го со заблагодарување или ракување, но не со подароци и слободни денови. Вработените во вас ќе гледаат работодавец кој не е пристрасен, туку умерен и принципиелен спрема сите вработени. 8. Секое утро посакајте им на вработените пријатен работен ден. Ова е толку мал гест, а придонесува за многу големи резултати. Со тоа, влијаете ентузијастички на вработените и ги поттикнувате да дадат с$ од себе во текот на работниот ден. Знаат дека мислите на нив и разбирате колку труд и напор вложуваат во остварувањето на целите на компанијата. Фото: Unsplash About Latest Posts Портал Работник Latest posts by Портал Работник (see all) ЕВЕ КАДЕ САКААТ НАЈМНОГУ ДА РАБОТАТ СЕЗОНЦИТЕ: Оваа компанија е прв избор - 12/04/2024 ОСУМ НАЧИНИ ДА ГИ ШАРМИРАТЕ ВАШИТЕ ВРАБОТЕНИ - 12/04/2024 СВЕТСКИОТ ЛИДЕР НА КОЛЕНА: Нема крај на бранот банкроти на познати фирми во Германија! Гигантот згаснува по 80 години работа - 12/04/2024 Facebook Twitter LinkedIn...

ЕкономијаНовостиСвет ЕВЕ КАДЕ САКААТ НАЈМНОГУ ДА РАБОТАТ СЕЗОНЦИТЕ: Оваа компанија е прв избор 12/04/202412/04/2024 Портал Работник Време за читање 3 минути Големите хотелски куќи се најпосакуваните работодавци во хрватскиот туризам и угостителство, бидејќи негуваат добри меѓучовечки односи и атмосфера на работното место и овозможуваат професионален напредок, покажува истражувањето на порталот МојПосао. Оваа анкета е дел од големото истражување од 2023 година за најпосакуваните работодавци во Хрватска, кое го спроведе компанијата Alma Career Croatia, која управува со порталот MojPosao, а во која учествувале повеќе од 25 илјади испитаници, а како интензивна потрага и Во тек е регрутирање за оваа сезона во денешното соопштение за медиумите ги издвоија компаниите чија примарна дејност е сместување и подготовка и послужување храна (туризам и угостителство). Така, на листата на првите десет работодавачи во тој сектор, слично како и претходните години, на прво место е компанијата Валамар Ривиера (која во сезоната вработува најмногу од сите други хотелиери, со повеќе од 7.000 работници), додека на второ е Maistra, а третата е Global Food (која стои зад синџирот ресторани за брза храна Мекдоналдс). Следува компанијата Zagreb City Hotels (која е зад хотелите Хилтон во Загреб), и растечката хотелска група Aminess, потоа Victus Grupa и групите Plava laguna, Arena Hospitality и Solaris, додека загрепскиот Esplanade Oleander (хотел Esplanade) е во десеттото место. Она што ги прави овие компании најпосакувани или први работодавци, а според одговорите на испитаниците, се добрите меѓучовечки односи и работната атмосфера, на што посочиле мнозинството од испитаниците, 51 отсто, а 47 отсто од нив тоа е можност за напредување во професијата, додека 42 отсто сметаат дека во тие компании третманот од претпоставените е добар. Сепак, секој четврти испитаник или околу 28 отсто од нив често размислуваат за промена на работодавецот, што според порталот МојПосао е сè уште многу поретко отколку што го прават испитаниците од вкупниот примерок за сите работодавци во Хрватска. Тоа го покажуваат и податоците дека околу 38 отсто од работниците само понекогаш размислуваат за промена на работодавачот, а 34 отсто од нив воопшто не размислуваат за тоа. Од придобивките од работењето во туристичко-угостителските компании, интервјуираните најмногу ги истакнаа бонусите што можат да ги добијат за исклучителни достигнувања, како и образованието и надоместокот на патните трошоци. Порталот MojPosao забележува дека истражувањето се заснова исклучиво на перцепцијата на испитаниците за самите компании и нивниот слободен избор, а на нив не им биле понудени имиња на компании однапред, а од нив било побарано да ги именуваат (по редослед) тројцата работодавци кои би сакале да ги изберете. Извор: Тпортал About Latest Posts Портал Работник Latest posts by Портал Работник (see all) На Германија ќе и бидат потребни повеќе од 600.000 работници во ОВОЈ СЕКТОР - 12/04/2024 ЕВЕ КАДЕ САКААТ НАЈМНОГУ ДА РАБОТАТ СЕЗОНЦИТЕ: Оваа компанија е прв избор - 12/04/2024 ОСУМ НАЧИНИ ДА ГИ ШАРМИРАТЕ ВАШИТЕ ВРАБОТЕНИ - 12/04/2024 Facebook Twitter LinkedIn...

ЕкономијаНовостиСвет На Германија ќе и бидат потребни повеќе од 600.000 работници во ОВОЈ СЕКТОР 12/04/202412/04/2024 Портал Работник Време за читање 2 минути Недостигот од ИТ експерти во германската економија значително ќе се зголеми во следните години доколку не се преземат контрамерки, покажува долгорочното истражување на дигиталното здружение Битком. Без соодветна политика, на Германија би можела да и недостигаат околу 663.000 ИТ професионалци во 2040 година. Здружението пресметува дека моментално има недостиг од 149.000 стручњаци. Голем јаз ќе се појави првенствено поради зголемената потреба од програмери, системски администратори и други ИТ специјалисти. До 2040 година ќе треба да се пополнат вкупно 1,92 милиони работни места. Но, се нудат само 1,26 милиони квалификувани работници. Претседателот на Битком, Ралф Винтергерст, рече дека покрај овие бројки, има илјадници непополнети ИТ работни места во администрацијата, училиштата и научните институции. „Недостигот од ИТ професионалци, кој со години се влошува, ја погодува целата земја и ја забавува многу потребната дигитализација. Проширениот јаз во ИТ вештините значи губење на конкурентноста, додадената вредност, растот и просперитетот. „Без ИТ експерти, Германија ја губи својата дигитална иднина“, рече Винтергерст. Од индустриското здружение објаснија дека состојбата може да се подобри. Околу 108.000 дополнителни квалификувани работници можат да влезат на пазарот до 2040 година. Доколку се привлечат повеќе студенти и чираци, ако се зголеми интересот за ИТ кај женската популација и се запре откажувањето од студиите по компјутери. За да се постигне оваа цел, потребни се мерки како што се воведување поголем број на часови по информатика во училиштата низ Германија, како и отворање катедри за компјутерски науки, дигитализација и вештачка интелигенција. Дополнителна контрамерка е задржување на постарите вработени над возраста за пензионирање. Тоа значи дека разликата може да се намали за уште 68.500 места, пишува ДПА. About Latest Posts Портал Работник Latest posts by Портал Работник (see all) Грција годинава им нуди бесплатен одмор на 25.000 лица, еве кои се условите - 12/04/2024 Како ви звучи заработка од 18.000 евра за 60 дена лежење во кревет? Услов е да сте непушачи и да сте здрави! - 12/04/2024 На Германија ќе и бидат потребни повеќе од 600.000 работници во ОВОЈ СЕКТОР - 12/04/2024 Facebook Twitter LinkedIn...

ЕкономијаНовостиСвет СВЕТСКИОТ ЛИДЕР НА КОЛЕНА: Нема крај на бранот банкроти на познати фирми во Германија! Гигантот згаснува по 80 години работа 12/04/202412/04/2024 Портал Работник Време за читање 2 минути Нема крај на бранот банкротства на познати и традиционални фирми во Германија! Неодамнешниот банкрот на градежниот гигант предизвика вистински шок. Напнатата состојба во градежништвото доведе до дури 30 стечаи за една недела. Кризата, сепак, ги тресе и другите области. Позната компанија за топлинска енергија мораше да поднесе барање за стечај, германски синџир на намирници реши да го стори истото, а еден моден гигант исто така се лизга во банкрот бидејќи западна во финансиски тешкотии. Сега банкрот го погоди еден од светските лидери! Познатата компанија Илиг од Германија во вторникот пред судот во Хајлброн мораше да поднесе барање за стечај. Производителот на машини и алати за термоформирање е несолвентен. Локалните медиуми јавуваат дека лидерот на светскиот пазар е во неволја уште од коронавирусот. Сега компанијата, која е еден од светските лидери во машините за пакување и термоформирање, беше принудена да поднесе барање за самоуправувана стечајна постапка до локалниот суд. Судот го одобри барањето во вторникот. Сè уште не е целосно јасно што ја чека компанијата. – Фирмата не треба да се распродава. Тоа е јасно. Сега е важно да се најде инвеститор. Ни требаат свежи пари. Работата е тука – вели овластен претставник на компанијата Микаел Унсер. ПОГОЛЕНИ 500 РАБОТНИЦИ Повеќе од 500 работници во седиштето на компанијата во Хајлброн беа известени за банкротот во вторникот. За работниците тоа значи дека работата ќе продолжи нормално во наредните три месеци. – Сега треба да разработиме што ќе се случи следно – продолжи Унсер. Синдикатот најави дека ќе застане во одбрана на своите работници и ќе обезбеди зачувување на работните места во иднина. Причините поради кои компанијата поднесе барање за стечај, Унсер ги гледа во неподготвеноста на купувачите и тешката економска состојба. Така, 500-те работници немаат друг избор освен да почекаат и да видат што ќе се случи понатаму со гигантот за производство на машини. Компанијата е основана во 1946 година од Адолф Илиг. Две години подоцна, тој го разви својот прв производ – бормашина. Во 1950-тите, Илиг се фокусираше на производство на сушачи за облека. Извор: Курир.рс About Latest Posts Портал Работник Latest posts by Портал Работник (see all) ОСУМ НАЧИНИ ДА ГИ ШАРМИРАТЕ ВАШИТЕ ВРАБОТЕНИ - 12/04/2024 СВЕТСКИОТ ЛИДЕР НА КОЛЕНА: Нема крај на бранот банкроти на познати фирми во Германија! Гигантот згаснува по 80 години работа - 12/04/2024 Битиќи: Инфлацијата ја ставивме под контрола - 11/04/2024 Facebook Twitter LinkedIn...

ЕкономијаМакедонијаНовости Битиќи: Инфлацијата ја ставивме под контрола 11/04/202411/04/2024 Портал Работник Време за читање 1 минута Вицепремиерот за економски прашања, Фатмир Битиќи на социјалните мрежи излезе со информации дека стапката на инфлација е ставена под контрола. „Според последните податоци на Државниот Завод за Статистика (ДЗС) за растот на трошоците за живот, измерена е инфлација од 4,0% за месец март 2024 година, со што се потврдуваат конзистентните политики во насока на нормализирање на состојбата после воведените замрзнати цени и маржи за основните прехранбени артикли кои важеа заклучно со февруари 2024.Ова е доказ дека во државава во најголема мера оперираат етички одговорни компании, како во производството така и во трговијата, кои и покрај можноста за енормно покачување на цените, сепак продолжија да работат со конкурентни цени, што на крај резултира со раст на инфлацијата во март 2024 од само еден процентен поен споредено со претходниот месец кога беше измерена инфлација од 3,0%“ пишува Битиќи. Битиќи додаде дека ист е трендот и за перидот јануари-март 2024 што според него е уште еден доказ за успешноста на владините мерки. „Земајќи го периодот јануари-март 2024 споредено со јануари-март 2023 година, инфлацијата изнесува 3,4%, што е малку пониско ниво од иницијално проектираната инфлација за 2024, која според последните Владини проекции треба да изнесува 3,6%. Ова е само уште еден во низата докази дека оваа Влада континуирано ги следи економските случувања во државата, и дека спроведува соодветни политики со кои се подобрува стандардот на граѓаните, затоа што растот на пензиите и просечната плата од почетокот на годината до сега е далеку повисок отколку растот на трошоците за живот“ порачува Битиќи. About Latest Posts Портал Работник Latest posts by Портал Работник (see all) СВЕТСКИОТ ЛИДЕР НА КОЛЕНА: Нема крај на бранот банкроти на познати фирми во Германија! Гигантот згаснува по 80 години работа - 12/04/2024 Битиќи: Инфлацијата ја ставивме под контрола - 11/04/2024 Димитров: Македонија станува скапа за производство на текстил - 11/04/2024 Facebook Twitter LinkedIn...

ЕкономијаМакедонијаНовости Димитров: Македонија станува скапа за производство на текстил 11/04/202411/04/2024 Портал Работник Време за читање 1 минута Ако до пред извесен период конфекциите бараа работник плус, денеска се соочуваат со недостиг на работа. Државата станува прескапа за европската мода. Ангел Димитров од Организација на работодавачи денеска изјави дека ситуацијата се менува од ден на ден. Странските партнери се насочени кон далечниот Исток, и нашата држава се соочува со проблем да остане без доволно работа. -Ситуацијата се менува од ден во ден. Додека до пред месец дена баравме повеќе работници и повисоки цени за да можеме да ја качиме платата, сега странците видоа дека Македонија станува скапа за производство на текстил и отидоа во далечниот Исток и сега се судираме со проблемот недостиг на работа – вели Димитров. Според него, ова е и причина за повеќе од 20 отсто кај некои компании да се намали производството на машка и женска конфекција. Забележува дека загрижува состојбата во помалите конфекции. -Од компаниите коишто изработуваат работна облека имат помал пад, додека оние кои работат модно, имаат многу поголем пад, без разлика дали се работи за машка или женска конфекција. Кај некој од нив тој пад е поголем и од 20 отсто и дел од нив се мислат до кога да останат и да ги затворат своите конфекции – изјави Димитров. Во оваа индустриска гранка годинава се очекува дополнителен пад на бројот на работници, но и на производството од три до пет проценти. About Latest Posts Портал Работник Latest posts by Портал Работник (see all) Битиќи: Инфлацијата ја ставивме под контрола - 11/04/2024 Димитров: Македонија станува скапа за производство на текстил - 11/04/2024 Над 2.200 граѓани побарале ИД број за работа во рамки на Отворен Балкан - 11/04/2024 Facebook Twitter LinkedIn...