Норвешка ја прекина низата од 17 победи едноподруго на шпанската ракометна репрезентација, победувајќи ги 27:23 (14:11) за да си ги зголемат шансите за полуфинале на Европското првенство во Унгарија и Словачка. Ова исто така е прва победа на Норвешка над Шпанија во последните 24 години, серија во која имаа 11 порази едноподруго од „фуријата“. Последен пат Норвежаните славеле над фаворитот во 1998 година. Себастијан Бартолд заврши со шест постигнати гола, Магнус Гулеруд постигна четири, додека за Шпанија ветеранот Хорхе Македа имаше шест гола. Пред последното коло во групата, Норвешка, Шпанија и Шведска имаат по 6 поени, а само првите две места носат во полуфинале, за кое најверојатно ќе одлучува меѓусебниот дуел помеѓу Норвешка и Шведска, додека Шпанците играат со веќе отпишаните Полјаци....

Милан и Јувентус одиграа разочарувачки 0:0 дерби на „Сан Сиро“, резултат кој најмногу им одговара на нивниот најлут ривал, Интер, кој останува лидер на табелата со 4 поени предност пред второпласираниот Милан и со дури 11 пред петтопласираниот Јувентус. Во прилично „тврд“ меч, надежите на Милан дека ќе го заддржат темпото со Интер не се исполнија, а во првото полувреме останаа и без ветеранот Златан Ибрахимовиќ, кој мораше да биде заменет од Оливие Жиру....

Премиерот Ковачевски објави на Фејсбук дека телефонски разговарал со градоначалникот на Битола, Коњановски, за да се информира за состојбата со пожарот во фабриката „Жито Битола“. „Вечерва телефонски разговарав со градоначалникот на Битола, Тони Коњановски за да се информирам за состојбата со пожарот во фабриката „Жито Битола“. Министерот Спасовски и директорот на ЦУК, Стојанче Ангелов се во постојана комуникација со општината, а екипите на МВР навремено пружија поддршка за локализирање на пожарот. Благовремената и координирана реакција го спречи ширењето на пожарот и предизвикување на поголема штета“, објави премиерот Ковачевски....

Морнарот Петар Марчинко од местото Чепикуќе во близина на Дубровник, кој исчезнал пред 30 години, деновиве е пронајден во Шпанија, каде што живеел сите овие години. Според порталот Дулист, полицијата го известила семејството на пронајдениот Марчинко, по што тој бил и избришан од регистарот на исчезнати лица. Јавноста сѐ уште не ја знае причината за неговото мистериозно заминување во Шпанија пред 30 години и зошто никогаш не контактирал со семејството, пишува Вечерњи лист. Последната информација за него била во април 1992 година, кога како 39-годишен се симнал од бродот „Дубровник“ во шпанскиот град Хихон, по што му се губи трагата. 30 години подоцна, полицијата добила потврда од меѓународни институции со кои соработувала, дека при проверка на документи кои неодамна се појавиле, го има и неговото име. По деталната проверка, Марчинко е пронајден жив во Шпанија. Според зборовите на еден од неговите некогашни соседи во Чепикуќе, Петар требало да се качи на брод за Канада за да оди кај својот брат, но поради некоја причина изгледа не го сторил тоа, туку се симнал во Шпанија....

Шведска стигна до 25:21 (12:10) победа на Германија, триумф со кој ги елиминираа своите противници, но и Русија од борбата за полуфиналето на Европското првенство во Унгарија и Словачка. Хампус Ване пак блесна со шест гола за „трите круни“, а други четири ракометари имаа по три гола, додека Јулијан Коштер беше најдобар за Германците со четири постигнати голови. Германците имаа доцен обид да се вратат во игра, но Ване со гол од пенал и Лукас Сандел со брз гол ги донесоа Швеѓаните на три разлика во последната минута за конечен триумф. Шведска сега има шест поени во групата, со што се зад Шпанија, и само тие две репрезентации заедно со Норвешка остануваат со шанси за полуфинале од групата 2. Вечерва играат Шпанија и Норвешка, а потоа на Швеѓаните им следува нордиското дерби со Норвешка во последното коло....

Најдобрата македонска судиска двојка Ѓорѓи Начевски и Славе Николов повторно добија задача да судат на Европското првенство (ЕП) кое се игра во Унгарија и Словачка. Начевски и Николов ја добија довербата од ЕХФ за мечот од втората рунда меѓу светскиот првак Данска и дебитантот во оваа фаза Холандија. За македонската судиска двојка ова ќе биде четврти натпревар на ЕП 2022. Дуелот меѓу Данска и Холандија се игра утре (понеделник) од 18:00 часот....

Ерменскиот претседател Армен Саркисјан ненадејно поднесе оставка, според соопштението објавено на неговата официјална веб-страница. Како што јави агенцијата РИА, ерменскиот претседател изјавил дека таа одлука ја донел поради фактот што не постојат инструменти за влијание врз внатрешната и надворешната политика. Минатата година Саркисјан се најде во расправија со премиерот Никола Пашинјан за неколку прашања, вклучително и смената на командантите на вооружените сили....

Министерството за здравство информира, согласно податоците од Институтот за јавно здравје дека во последните 24 часа: Направени се 5.604 тестови, а регистрирани се 1.424 нови случаи на КОВИД-19: Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – 8, Виница – 7, Радовиш, Пробиштип, Богданци и Македонски Брод – по 5, Делчево, Берово и Демир Хисар – по 3, Кратово и Демир Капија – по 2, Дебар, Валандово, Крушево и Дојран – по 1. Од вкупниот број на позитивни (1.424), регистрирани се 214 реинфекции. Регистрирани сe 1.083 оздравени пациенти од: Скопје – 496, Битола – 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – 7, Богданци и Демир Хисар – по 6, Пробиштип – 5, Виница – 4, Крива Паланка, Македонски Брод и Кратово – по 3, Валандово – 2, Дебар и Пехчево – по 1. Во текот на изминатите 24 часа регистрирани се 15 починати лица: 6 починати лица од Скопје (69г, 72г, 77г, 82г, 89г и 90г), по 2 починати од Велес (43г и 69г), Струмица (65г и 66г) и Прилеп (58г и 80г) и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови. Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63г до 80г. Пријавените се починати во период од 4.01.2022 до 20.01.2022г. Од пријавените лица три се починати во домашни услови, а две лица во болнички услови. Од вкупниот број на починати лица (n=20), три лица се целосно вакцинирани. Направени се 5.604 тестови преку: ИЈЗ-357, ЦЈЗ Скопје-46, ЦЈЗ Битола-103, ЦЈЗ Прилеп-46, ЦЈЗ Тетово–0, ЦЈЗ Куманово-84, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–285, Жан Митрев (Филип Втори)-149, Авицена-177, Биотек-269, Систина-95, лабораторија Лаор-247, Синлаб-38, Ремедика-9, Плодност-108, Генеа-14, Никоб Лаб-592, ВФВ Медикал-86, Ели Медика-46, Ројал Медика–31, Спектра-ММ-37, Рапид Лаб–53, Жан Митрев Струмица–24, Нова Лаб Дијагностика–18, Рамус-27, ЈЗУ и ПЗУ (рапид тест) – вкупно 2.663. Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571....

Градоначалникот на Битола Тони Коњановски вечерва во близината на со оган зафатената поранешна фабрика „Жито Битола“ изјави дека во моментот на избувнување на пожарот, малку по 17 часот, внатре имало двајца работници кои навреме излегле. Тој смета дека нема други луѓе во објектот и рече дека на помош пристигнува противпожарно возило од РЕК „Битола“ и дека се разговара и со противпожарни служби од околните градови за евентуална помош. „Објектот е во сопственост на ‘Ангро механизација жито Битола“, тоа е во моментот пекара, млин и силос. Пожарот избувнал во кровната конструкција. Огнот го гаснат сите пожарникарски сили на Битола, со 27 пожарникари и 9 возила. Побаравме помош и од РЕК „Битола“, нивно пожарникарско возило е тргнато наваму. Разговараме и за помош со пожарникарските служби од околните градови, понудена е помош од Каварарди. Станува збор за стар објект“, рече Коњановски. Тој на новинарско прашање рече дека е информиран оти имало двајца работници во објектот, кои навреме излегле и додаде дека мисли дека нема повредени или жртви. Општинските власти се во контакт со министерот за внатрешни работи Оливер Спасовски и со Центарот за управување со кризи....

Мнозинството граѓани во Турција не ги поддржуваат политиките на претседателот Реџеп Таип Ердоган, покажуваат податоците од анкета спроведена од агенцијата за испитување на јавно мислење МетроПОЛ од Анкара. Нешто повеќе од 40 отсто од анкетираните изјавиле дека ги одобруваат постапките на шефот на државата, додека 57 отсто велат дека не ги поддржуваат. Мнозинството од испитаниците сметаат дека Анкара треба да им даде предност на Русија и Кина во својата надворешна политика, наместо на САД и на Европската унија. Така мислат околу 40 отсто од Турците, додека 37,5 отсто ги претпочитаат САД и ЕУ. 23 отсто од учесниците во анкетата одбиле да одговорат на ова прашање. Испитувањето на јавното мислење било спроведено од 8 до 12 јануари во 28 турски провинции, а во анкетата учествувале 1.508 луѓе....

Тоа што вашите градоначалници овие скоро 100 дена не дадоа никакви резултати па немате со што да се фалите не ви дава право да лажете. Господине Димче Арсовски јас уште пред три дена повикав општината да направи комисија и на терен да изврши надзор и проверка за реализацијата на јавинот повик за одржување на уличното осветлување. Кога човек е чист секоја ваша лага е залудна. Ниту јас се бранам ниту пак има потреба мојата партија да го прави тоа, затоа што вистината е на моја страна. Добро е што барем си признавте дека сите овие години како портпарол на ВМРО ДПМНЕ сте ја имале задачата да го браните криминалот во вашата партија. Не е лесно да си портпарол во партија поврзана со многу криминални афери. Ако вашите партиски другари се такви не значи дека сите се исти. Но како и да е, сѐ што досега кажа ќе треба на суд да го докажеш. Почитуван Димче Арсовски кога веќе сте дошле до дворот на општината влезете внатре и прашајте го вашиот градоначалник зошто нема издадено налог за поставување на лед светилки. Прашајте го зошто и покрај активен договор за лед светилки во новиот буџет обезбедил 20 милиони денари за одржување на уличното осветлување? Не заборавајте да го прашате зошто сака да ја затвори градинката во Стајковци или пак зошто децата од градинката Детска радост може да останат без храна. Не заборавајте дека вие сте сега власт во Гази Баба и редно е веќе почнете да работите нешто од она што сте го ветиле пред граѓаните....

Фудбалерите на Баерн Минхен остварија убедлив триумф од 1:4 на гостувањето кај Херта Берлин во натпревар од 20 коло во Бундеслигата. По триумфот, баварците имаат 49 бода, шест повеќе од второпласираната Борусија Дортмунд. Херта пак се наоѓа на 13 место со 22 бода. Резултатот го отвори Корентин Толисо во 24 минута, а на финишот од првиот дел Томас Милер зголеми на 0:2. Доминацијата на „Олимпискиот стадион“ во Берлин, фудбалерите на Баерн ја крунисаа со уште два гола во финишот, на Сане и на Гнабри. Домаќините во 81 минута преку Екеленкамп успеаја да постигнат почесен гол. Лајпциг со 2:0 го совлада Волфсбург и се искачи на шестото место на табелата со 31 бод, три помалку од позицијата која носи во Лигата на шампионите. Головите за Лајпциг ги постигнаа Орбан во 76. и Гвардиол во 84. минута....

Македонците во областа Голо, на албанско – македонска граница и оваа зима не ги одминаа проблемите со кои се соочуваат по обилни снежни врнежи, по кои е познат овој планински регион. По последниот снег, чија дебелина надминува 40 сантиметри, а некаде е и повисока и минусните температури, веќе трет ден се отсечени од светот. -Дополнителен проблем е и недостигот на електрична енергија присутен веќе трет дена. Во текот на ноќта и утринските часови живата во термометарот падна на – 16 степени целзиусови, а вечерва и утре најава има за повисоки минусни температури, велат жители. Едмонд Османи администратор на административната единица Требиште рече дека во соработка со градоначалникот на општина Булќиза се прават максимални напори за надминување на проблемите. – Обилните снежни врнежи, поларниот студ и мразот го прават своето. Вложуваме максимални напори да се пробијат патиштата. Превземени се сите мерки и сме во служба на жителите за било каква потреба, изјави за МИА Османи. Областа опфаќа 22 населени места со над 12 илјади жители....

Во последните денови, членките на НАТО испраќаат оружје и воен персонал во Украина, како и во блиските европски земји, во очекување на можна руска инвазија. Повеќе од 100.000 руски војници се распоредени на границата со Украина. Според последниот извештај на украинското Министерство за одбрана, има повеќе од 127.000 припадници на армијата, морнарицата и воздухопловните сили. Холандскиот министер за одбрана потврди дека земјата ќе испрати два најсовремени борбени авиони Ф-35 во Бугарија, заедно со придружниот персонал. Шпанскиот министер за одбрана рече дека ќе испрати воен брод и борбени авиони во Црното Море како дел од напорите на НАТО. Сепак, членките на НАТО испраќаат оружје и директно во Украина со цел да се одврати потенцијалната руска инвазија, но и да се зајакнат одбранбените капацитети на Украина. Оружје веќе пристигнало во Украина од Обединетото Кралство, потврди украинскиот министер за одбрана. Чешката Република планира да донира муниција за топови од 152 милиметри во наредните денови, потврди во петокот чешката министерка за одбрана Јана Чернохова. Германското Министерство за одбрана потврди дека ќе испрати целосно опремена теренска болница во Украина. Германија се воздржува од извоз на оружје во кризните подрачја од Втората светска војна, но германскиот министер за надворешни работи на почетокот на неделава изјави дека „сите опции се на маса“ во случај на натамошна руска агресија врз Украина. Вчера во Киев пристигна првата пратка оружје од САД во вредност од 200 милиони долари. Пакетот беше одобрен од Вашингтон во декември. „САД ќе продолжат да обезбедуваат таква помош за поддршка на украинските вооружени сили во нивните тековни напори за одбрана на суверенитетот и територијалниот интегритет на Украина од руската агресија“, се вели во соопштението на американската амбасада. Во соопштението се наведува дека пратката содржи „смртоносна безбедносна помош и муниција наменета за украинските бранители“. Украинскиот министер за одбрана им се заблагодари на САД за помошта. Соединетите Држави беа ангажирани во последниве недели во дипломатски активности со Русија за украинското прашање. Западните земји стравуваат дека Москва планира нов напад врз Украина, која ја нападна во 2014 година. Русија го негира ова, но вели дека може да преземе воена акција на неодредено време доколку не се исполнат безбедносните барања....

На 23.01.2022 во 17.20 часот во СВР Битола било пријавено дека има пожар во фабрика за леб лоцирана во индустрискиот дел на Битола. Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. До сега нема пријава за повредени лица. Полициските службеници во координација со територијалната противпожарна единица Битола интензивно преземаат мерки за гасење на пожарот....

Реал Мадрид немаше најдобра недела, откако им беше потребен гол во 92. минута да се спасат од пораз од Елче (2:2) на „Сантијаго Бернабеу“, а уште полошо, нивниот најдобар стрелец оваа сезона, Карим Бензема мораше да биде повлечен од игра поради повреда. Реал Мадрид сега има само четири поени предност пред второпласираната Севилја, а доколку повредата на Бензема се покаже посериозна, имаат големи проблеми на три недели пред мега-дуелот со Пари Сен-Жермен во Лигата на шампионите. Бензема, кој оваа сезона постигна толку многу голови, прво во 33. минута од мечот не успеа да реализира пенал, по што во финишот на полувремето, во 42. минута Лукас Боје ги донесе Елче во неочекувано водство. Бензема во 58. минута од мечот мораше да биде заменет со Лука Јовиќ, откако се пожали со повреда на бутниот мускул, а во 76. минута, Пере Милја го удвои водството на Елче. Обидот на Реал да се вратат резултираше со уште еден пенал, овојпат во 82. минута, и Лука Модриќ овојпат не згреши, пред Едер Милитао во 92. минута да спаси поен за тимот на Карло Анчелоти....

Поранешниот второлигаш Локомотива станува филјала на најтрофејниот македонски клуб Вардар, откако е постигнат договор за соработка како дел од програмата за развој на младинските категории на црвено-црните, објави 12-кратниот првак. Вардар ги зема терените во карпош и ќе ги стави во функција на своите младински категории, додека клубот од скопската населба Карпош станува буквално филјала на црвено-црните, па вардароввите младинци и таленти ќе играат во овој клуб со цел побрзо да се развијат пред да влезат во првиот тим на Вардар. „Со овој договор ФК Вардар ги презема терените на ФК Локомотива кои што ќе се користат за тренинг на младинските категории на нашиот клуб, а клубот од Карпош ќе продолжи да функционира како клуб за развој со поддршка од ФК Вардар каде што ќе добиваат шанса за настап помладите играчи на нашиот клуб. Преку оваа соработка ФК Вардар вложува во програма за континуиран фокус на техничкиот, тактичкиот и физичкиот развој на младите фудбалери во младинските школи со надеж дека во иднина ќе се создадат и развијат фудбалери кои што ќе бидат спремни за настап во првиот тим“, објавија вардарци....

Тоа што вашите градоначалници овие скоро 100 дена не дадоа никакви резултати па немате со што да се фалите не ви дава право да лажете. Господине Димче Арсовски јас уште пред три дена повикав општината да направи комисија и на терен да изврши надзор и проверка за реализацијата на јавинот повик за одржување на уличното осветлување. Кога човек е чист секоја ваша лага е залудна. Ниту јас се бранам ниту пак има потреба мојата партија да го прави тоа, затоа што вистината е на моја страна. Добро е што барем си признавте дека сите овие години како портпарол на ВМРО ДПМНЕ сте ја имале задачата да го браните криминалот во вашата партија. Не е лесно да си портпарол во партија поврзана со многу криминални афери. Ако вашите партиски другари се такви не значи дека сите се исти. Но како и да е, сѐ што досега кажа ќе треба на суд да го докажеш. Почитуван Димче Арсовски кога веќе сте дошле до дворот на општината влезете внатре и прашајте го вашиот градоначалник зошто нема издадено налог за поставување на лед светилки. Прашајте го зошто и покрај активен договор за лед светилки во новиот буџет обезбедил 20 милиони денари за одржување на уличното осветлување? Не заборавајте да го прашате зошто сака да ја затвори градинката во Стајковци или пак зошто децата од градинката Детска радост може да останат без храна. Не заборавајте дека вие сте сега власт во Гази Баба и редно е веќе почнете да работите нешто од она што сте го ветиле пред граѓаните....

Шеесет и тригодишен ловџија е повреден денеска при напад на мечка кај Постојна во Словенија. Ловецот се здобил со скршеница на раката, повреда на реброто и неколку повреди на грбот, пренесува СТА. Полицијата соопшти дека мажот бил нападнат од женка кафеава мечка со две младенчиња. Се препорачува претпазливост за туристите кои ја посетуваат областа....

Ни беше многу тешко во овие пет години, но имавме нешто многу важно – огромната поддршка од граѓаните, коментира бугарската потпретседателка Илијана Јотова за Бугарската национална телевизија (БНТ), откако вчера со претседателот Румен Радев ја презеде функцијата за втор мандат. „Кога пред една година ја објавивме нашата желба за втор мандат – далеку од конјуктурата на политичките партии, се водевме токму од тоа – чувствувавме и верувавме во поддршката на Бугарите, рече Јотова. За мене вчера беше дефинитивно поемотивен, коментира потпретседателот како споредба со првата инаугурација во 2017 година. Победата на едни избори, по пет години бугарски граѓани овде и во странство, имаа можност да го проценат нашето однесување, одлуки, нашите позиции и дадоа толку голема доверба, двојно поголема од нашите политички противници – ова е голема одговорност, но исто така голема самодоверба“, изјави Јотова. На прашањето на аналитичарите дека таа била „политичарката” за време на нејзиниот мандат и дека ја подигнала улогата на потпретседател на друго ниво, Јотова коментира дека успехот на парот како претседател и потпретседател е во довербата што се изгради во овие пет години и во добра тимска работа, додавајќи дека сите тежат на лице место. Ја сакам својата работа, мислам дека во овие пет години видно ја проширив функцијата потпретседател, рече Илијана Јотова, која коментира дека направиле многу за да работат со нашите сонародници во странство. Наша голема желба сега е да го направиме Бугарскиот културен институт во овој мандат, рече Илијана Јотова, според која Бугарија има што да врати како влијание. Потпретседателката не се согласи дека ГЕРБ го хранела претходниот мандат со острина на дејствување, но коментира дека парламентот е празен од содржина. Веќе не придавам толку големо значење на каква било намерна политика на демонтирање на моделот. Тоа ќе дојде само по себе, кога сегашната владејачка коалиција ќе најде силни решенија за помош на бугарските граѓани, бидејќи во моментов е многу тешко. Не можам да проценам што е позагрижувачко – дали пандемијата или овие огромни нееднаквости, многу нискиот животен стандард на многу луѓе, рече потпретседателот. Ако оваа влада ги најде овие вистински решенија, моделот сам се распаѓа. Според неа, претставувањето на нивната заклетва од страна на претседателот во парламентот е она што треба да се направи во наредните години за да се решат најтешките проблеми. „Ако има политичка волја за ова, наскоро ќе си ја вратиме државата со конкретни одлуки“, се надевам дека ќе има подем, рече Јотова. Владејачката коалиција не е лесна, но ние не сме исклучок, има посложени коалиции во Европа и во светот. Во моментов не е важно секој министер и партија да го „влече тепихот” за кој ќе одлучи дека е негова, во своја насока, туку да ги прави тие политики и приоритети кои ги спојуваат интересите на народот, рече потпретседателката Јотова. Според неа, во сегашната ситуација е добро што БСП е на власт. Прашана дали има нешто што не ѝ се допаднало во првиот месец и половина од новата влада, Јотова коментира дека е потребно малку повеќе ред во пораките и постапките. Не ја разбираме менаџерската логика на целата коалиција, кога некој министер ќе реши да предложи закон, тоа го прави за себе, можеби затоа што се различни. Имаат своја толеранција, можеби ќе имаат 100 дена, но немаат 100 шанси, тоа е само една, коментира потпретседателот. Тие мора да сторат сè што е можно за да им понудат на Бугарите „мерки за спасување на животот” во наредните месеци, рече таа. Сите овие односи и преговори се комплицирани, ние ги следиме многу внимателно, но нашата позиција секогаш ќе биде коректна доколку нејзината почетна точка е бугарскиот интерес, коментира Илијана Јотова во контекст на односите меѓу Русија и НАТО....

Доцна синоќа, околу 2 часот по полноќ, било пријавено дека во угостителски објект во населба Аеродром, бил нарешен јавниот ред и мир. „Д.М. (37), И.М. (32) и Ц.Б. (51) сите од Скопје, го нарушиле јавниот ред и мир со тоа што кршеле инвентар, затоа што откако побарале да бидат услужени им било речено дека објектот не работи“, велат од МВР. По целосно расчистување на случајот против нив ќе бидат поднесени соодветни пријави....

НАТО не може да гарантира дека нема да се прошири со нови земји. Ова го изјави германскиот канцелар Олаф Шолц во интервју за „Зидојче цајтунг“. „Сите знаеме дека е потребен трансатлантски одбранбен сојуз. Како демократии, ние ги обединуваме нашите одбранбени интереси во НАТО“, рече германскиот канцелар. Шолц нагласи дека НАТО не може да и’ гарантира на Русија дека нема да се прошири во иднина....

Голем пожар во Битола, како што јавува репортерот на 4NEWS.mk станува збор за пожар во производствен погон. Пожарот избувнал пред помалку од половина час, а на терен веќе се екипи на противпожарните служби. Според неофицијални информации гори фурна која произведувала леб. ФОТО: 4NEWS.mk...

Државниот врв во целост и со внимание ја следи состојбата во Украина, вели министерката за одбрана, Славјанка Петровска, во интервју за ТВ24. Таа вели дека поставувањето на руски вооружени сили на границите со Украина е провокативно и влијае дестабилизирачки. Македонија, според Петровска, во целост го подржува територијалниот интегритет на Украина и земјава смета дека разгорувањето на каков било конфликт не може да ја реши состојбата. „Во целост ги поддржуваме напорите во рамките на НАТО алијансата и на ОБСЕ за надминување на оваа ситуација. Ова поставување на вооружените сили сметаме дека е провокативно и дестабилизирачко дејствување, коешто всушност ја намалува безбедноста на европскиот континент, а тоа, впрочем, не е целта за којашто сите се залагаме“, вели Петровска. Дијалогот и дискусиите треба да бидат пред сѐ во интерес на сите нас, додава министерката....

Експлозивна направа синоќа завршила во дворот на 34-годишен прилепчанец. Од полицијата соопштија дека нема повредени лица, а причинета е материјална штета. Се преземаат мерки за целосно расчистување на случајот, велат од МВР....

Полска и Русија во меч кој не решаваше ништо во групата, ремизираа 29-29, пресметка која донесе невиден трилер во последната минута, а најдобриот руски ракометар Сегеј Косоротов ја спаси „зборнаја“ од пораз со гол скоро од центар во последната секунда. Дуелот кој беше вистинска резултатска клацкалка во завршницата приреди невидена драма, откако Полска на три секунди пред крајот дојде до водство и скоро извесна победа, откако Дашек погоди, но Русите добија три секунди за напад до крајот, тргна од центарот, а Косоротов направи три чекори, шутна најсилно и – погоди за реми. Kosorotov (with 4 steps) with the 15 meters buzzerbeater!🎥: TV2 Sport/EHF#handball #ehfeuro20222 pic.twitter.com/B23BBwZn1q — Rasmus Boysen (@RasmusBoysen92) January 23, 2022 Русија во најголем дел од првиот дел имаше контрола, водеше неколкупати и со плус три, но Полјаците знаеа да се вратат и во завршницата од првиот дел да направат и пресврт за на пауза да заминат со гол предност, најмногу водеа со два на стартот на вториот дел, а потоа Русите повторно го диктираа мечот со предност од гол-два, сѐ до самата завршница во која наизменично се менуваа двете селекции во водство и на крајот трилерот заврши со реми. Сичко даде осум гола, а Дашек и Морити по шест кај Полска, додека Косоротов погоди осум, а Житников седумпати кај Русите....

Наполи дојде привремено на второто место во италијанското Калчо со четири бода заостаток зад лидерот Интер, после убедливите 4-1 попладнево на наполитанците против фенерџијата Салернитана, во меч на кој блескаше македонскиот дијамант Елиф Елмас со асистенција и изнуден пенал во првото полувреме. Наполи го прескокна Милан после денешната победа во пресрет на вечерашното дерби на „росонерите“ против Јувентус, а наполитанците за помалку од еден час ја завршија работата против најслабиот тим во Калчото. Во првиот дел блескаше Елмас, кој во 17-та со асистенција со рамо му овозможи на Жуан Жесус да даде гол за водство, а потоа имаше свое вистинско шоу откако цела одбрана на Салернитана ја издрибла за да изнуди пенал, откако противниците не можеа да го задржат, па Дрес Мертенс во судиското надополнување во првиот дел погоди за второ водство со 2-1, откако Бонацоли во 33-та даде гол за израмнување. Елмас со асистенцијата дојде до скор од шест гола и пет асистенции досега за Наполи во сите натпреварувања, а со триумфот наполитанците останаа во трката за скудетото, иако имаат меч повеќе од лидерот Интер. И само што почна вториот дел, набрзина Наполи додаде уште два гола, прво Амир Рахмани по асистенција на Мертенс во 47-та, а потоа Лоренцо Инсиње од пенал во 51-та за да се реши прашањето за победникот. Специја со голот на Верде во 69-та минута ја победи Сампдорија во една од битките за опстанокот, по што Специја сега влезе во мирни води со осум бода над опасната зона. Торино и Сасуоло ремизираа 1-1 во меч на кој Санабрија им донесе водство на „биковите“ по 16 минути игра, а Распадори го спаси Сасуоло од пораз на две минути пред крајот, па двата тима останаа еден до друг на табелата. Торино е 10-ти со 32 бода, а Сасуоло на 11-то место со 29 бода....

Дебитантите на Африканскиот куп на нации, Комори, ќе мораат да го играат осминафиналето против домаќините Камерун без голман (односно со бек на позицијата на голман) откако нивните гомани или се повреден или се позитивни на КОВИД. Двајца од трите голмани на островската земја, Мојад Усеини и Али Ахамада имаат позитивни тестови на КОВИД-19 пред понеделничкиот меч, додека првиот голман, Салим Бен Боина има повреда. Вкупно 12 фудбалери на Коморите се во аут поради КОВИД-19. „Ќе се обидеме да се справиме на било кој начин. Без тренерите, без некои од главните фудбалери и без голмани, ситуацијата е навистина тешка“, вели селекторот Ел Хадад Химиди. Коморите се најголемото изнеандување на турнирот, откако ги елиминираа четирикратните шампиони Гана со 3:2 победа во групната фаза, три поени кои им донесоа пресметак со домаќинот Камерун. Победникот од овој меч ќе игра со Гвинеја или Гана....

Француски војник загина во минофрлачки напад врз база во Мали, соопшти денеска армијата. Според соопштението на француската армија, 24-годишниот артилериец Александар Мартин служел во операцијата на француските сили против бунтовниците. Во соопштението се наведува дека војникот Мартин бил тешко ранет и подоцна починал. Наведено е и дека уште девет војници биле полесно повредени. Во изјавата, францускиот претседател Емануел Макрон ја поздрави службата на војниците и ја повтори„решителноста на Франција да ја продолжи борбата против тероризмот во регионот, заедно со своите партнери“....

Централната изборна комисија, ЦИК, одлучи изборната кампања за делумните предвремени избори за градоначалници во шест општини во Албанија да почне на 19 февруари, отфрлајќи го предлогот на опозициската Демократската партија(ПД), кампањата да почне на 7 февруари. -Рокот за поднесување предлози за членови на општинските изборни комисии е 25 јануари, до 31 јануари е краен рок за поднесување предлози за членови на избирачките одбори, додека од 6 до 9 февруари партиите треба да поднесат предлози и соодветни документи за кандидатите, кои ги предлагаат за оваа функција, зјави лријан Целибаши, претседател на ЦИК. Претседателот Илир Мета на шести месецов потпиша уредба со која ги закажа дополнителни избори во општините Скадар, Драч, Пешкопеја, Вора, Рогожина и Лушња. Пред да го одреди датумот, Мета се консултираше единствено со координаторот на пратеничката група на социјалистите, Таулант Бала, кој рече дека „претседателот по ова прашање подолго време го крши Уставот, со доцнењето на уредбата“. Уредбата на Мета доцни, бидејќи Изборниот законик предвидува избори да се одржат „најдоцна 45 дена од денот на известувањето за престанокот на мандатот“. Доцнењето тој го аргументираше со чекањето одлука на Уставниот суд за уставноста на локалните избори од 30 јуни 2019 година, кои тој ги закажа, за овој, а потоа, на четврти јуни, кога веќе беше почната кампањата, ги презакажа за 13 октомври. Истите ги бојкотираше опозицијата, па од 61 општина во 60 градоначалници беа избрани од редовите на владејачките социјалисти. Демократската партија не беше повикана на консултации од претседателот, а овие избори ја затекнуваат во најдлабок внатрешен раскол. И едното и другото крило во партијата најавуваат свои кандидати на изборите, но претседателот на ЦИК, Илиријан Целибаши, рече дека право имаат оние кои го поседуваат печатот на партијата евидентиран во судот, што знач дека комисијата го признава актуелниот лидер Љуљзим Баша. Не се отфрла можноста на изборите Бериша да настапи со заеднички кандидати со партијата на Моника Круемади, Движење за социјалистичка интеграција, која беше дел од обединетата опозиција, но по парламенетарните избори има заладени односи со ПД. Предвремените избори Албанија ќе ја чинат околу 1,5 милиони евра, ќе се гласа на 940 гласачки места а во единствениот избирачки список се запишани 648.536 лица со право на глас....

Романскиот министер за одбрана Василе Динчу рече дека државата нема да влезе во никаква војна во моментов, но нагласи дека мора да биде подготвена за последиците од потенцијален конфликт на границата со Украина. „Романија нема да се вклучи во никаква војна во овој момент, но мора да биде подготвена за последиците од потенцијалниот конфликт на украинската граница“, изјави Динчу за телевизијата Диги 24. Тој рече дека романските власти не очекуваат да избие во овој момент војна во Украина. „Не можеме со сигурност да кажеме дали ќе има војна во Украина, бидејќи тоа би било многу скапо за Русија. Во гласот на генералниот секретар Столтенберг, НАТО рече дека воена интервенција не доаѓа предвид, бидејќи Украина не е членка на Алијансата, па затоа воен одговор не е опција. Од оваа гледна точка, Романија и НАТО нема да се вклучат во активни воени непријателства. Секако, можеме да бидеме сведоци на економска војна и други видови борби, економски санкции доколку дојде до конфликт, но во овој момент не очекува, така да се каже, жешка војна“, изјави романскиот министер за одбрана. На прашањето дали Романија очекува бран украински бегалци во наредниот период, Динчу рече дека властите се подготвуваат за тоа....

СДСМ ги злоупотребуваа парите на скопјани четири години. СДСМ во изминатите години без план, без проекти, брз реализација го презадолжија градот и јавните претпријатија ги оставија како загубари, велат од Град Скопје. „СДСМ не можат да се помират со фактот дека граѓаните го казнија нивното недомаќинско, расипничко владеење и повеќе нема да можат да трошат народни пари за луксузирање по кафани. За нешто повеќе од два месеца градоначалничката Арсовска и Град Скопје исчистија над 120 депонии во Скопје, градот воспостави интензивна комуникација со граѓаните, се отпочнува со реконструкција на 10 булевари во Скопје, се стави во функција жичницата до врв на Водно, секој денар домаќински се наменува за ефикасни услуги за граѓаните. 32 илјади евра наменети од Шилегов и СДСМ за јадење и пиење по кафани, Градоначалничката на Град Скопје Данела Арсовска ги пренамени за бесплатни оброци за граѓани од социјално загрозени категории. Во изминатите месеци се документираат корупциски скандали и злоупотреби на претходното раководство на Град Скопје предводено од Шилегов и директорите кои тој ги поставил, за кои СДСМ се обидува да им го покрие срамот со напади, навреди и манипулации“, се вели во соопштението....

Соопштение за јавност – реакција на соопштението на ВМРО-ДПМНЕ Пецаков треба да одговара, наместо да се заканува со тужби, Мицкоски да каже дали го поддржува неговото неодговорно постапување. Без ниту малку срам, градоначалникот на Охрид, Кирил Пецаков наместо да се извини, се заканува со тужби. Факт е дека Пецаков додека чекал резултати од тест за Ковид 19, наместо во изолација, беше помеѓу граѓаните на Водици. Факт е дека Пецаков, според надлежните институции има решение за изолација. Факт е и дека Пецаков на Водици, беше заедно со Христијан Мицкоски на литургија во црква. Наместо да покажат минимум одговорност и совест и да им се извинат на охриѓани, Пецаков се заканува со тужби за наводно монтиран случај, а Мицкоски го нема да објасни дали застанува во заштита на неговиот охридски градоначалник. Пецаков треба да одговара како и секој поединец кој свесно крши протоколи и го загрозува јавното здравје....

Александар Зверев беше изненаден во осминафиналето на Австралија Опен и доживеа пораз од Денис Шаповалов (0:3). Зверев во отсуството на Ѓоковиќ беше еден од најголемите фаворити за освојување на турнирот, но мораше да се соочи со рана елиминација. Германецот по поразот не го криеше разочарувањето и призна дека одиграл слаб меч. „Дојдов тука да го освојам турнирот и да станам прв тенисер на АТП листата, но со ваква игра не го заслужувам тоа. По еден ваков лош меч глупаво е да зборувам за идни успеси“, изјави Зверев по елиминацијата....

Градоначалникот на Охрид, Кирил Пецаков на Фејсбук се огласи за како што вели, провладината хајка и разглобувањето до најситните детали околу неговото тестирање за ковид, надополнето со многу политика. -Веројатно тезата “Наќе е крив” сега е заменето со акцијата “Пецак е крив”, а сето ова само тие од власта да не бидат криви на кои им се случи геноцид на народот поради неспособност во справувањето со ковид заразата. Им благодарам за вниманието, а аналогно на тоа јас ќе посветам внимание на фактите кои се следни. На 19 јануари, ден Водици се тестирав во Центарот за јавно здравје Охрид, не поради чуствување на симптоми поради ковид, туку поради патување и потребата за поседување на негативен ПСР тест. Нормално не бев во изолација, затоа што што би се случило доколу илјадници луѓе кои поради потребата за патување во странство би се изолирале чекајќи резултати и секако не постои НИТУ ЕДЕН пример кој се изолирал додека чекал резултати на ПСР тест за странство , така што јас во текот на тој ден бев со охриѓани кои го славеа големиот христијански празник. Истиот ден, како и кај секој тестиран на мејл околу 17 часот( а го прочитав покасно) добив известување од тестирањето кое кажуваше дека имам позитивен тест и иако не чуствував никакви симптоми превземав мерки за самоизолација, додека мојата сопруга имаше негативен тест. Наредниот ден ( четврток) експресно добив решение за изолација од инспекторката од ДСЗИ, бидејќи без симптоми 10 дневна изолација, да појаснам сте имале можност да видите и лично, најголем дел имногу покасно, а се случувало и да не добијат решение за изолација.. После 36 часа од тестирањето, со оглед на тоа што немав никакви симптоми, ниту некој од моето опкружување се тестирав уште еднаш, при што се покажа дека тестот е негативен и немам присуство на корона вирус.( и тој тест јавно го објавив), и само што ги добив резултатите истите и ги испратив на инспекторката ( иако во некој друг процес кај што е започнато креирањето на кривичната пријава, вели дека не била запозната за тие резултати.) Стана јасно дека станува збор за грешка во тестирањето или пак кујните на власта по своја потреба тоа така го фабрикуваа. Да одговорам и на обвинувањата упатени до мене од Ирина Бухова, директорката на Државниот санитарен и здравствен инспекторат. Не сум прекршил ниту еден проткол, ниту свесно сум предизвикал опасност за граѓаните на Македонија. Вие и оној политички менаџмент во ДСЗИ ќе се соочите со кривична пријава за клевети и несовесно работење и ИЗНЕСУВАЊЕ НА ЗАШТИТЕНИ(ЗДРАВСТВЕНИ) ПОДАТОЦИ ВО ЈАВНОСТ преку вашите политички портали. Воедно ве повикувам наместо да се занимавате со мене и со охриѓани да посветите внимание на колапсот во здравството и непособноста да се справите со пандемијата. Вашите грешки чинат животи, а неспособноста на власта Охрид го чини катастрофални резултати во туризмот....

Најмалку три лица загинаа во автобуска несреќа што се случи утринава во Истанбул, јави турската новинска агенција Анадолија. Патнички автобус на линијата Черкежка-Ајдин излетал од патот што води кон автопатот Кузеј-Мармара и паднал во провалија длабока 30 метри. Во инцидентот повредени се 18 лица кои се згрижени во болниците во Истанбул. Истрагата е во тек, а сообраќајот на тој дел од патот привремено е во прекин....

Интегрален текст од прес конференција на Наум Стоилковски, портпарол на ВМРО-ДПМНЕ Демократскиот сојуз признава дека постојат овие списоци, ама се уште се обидува да биде брана за СДСМ/ДУИ. Она што го претставуваа за паушално од вчера има и потврда од нив самите дека овие списоци се вистинити и дека постојат. Демократскиот сојуз треба да излезе и јавно да каже дали членовите на претседателството на партијата обезбедувале бесплатни услуги за функционери од Демократскиот сојуз, СДСМ, ДУИ и останатите пратии на власт? Зошто зад името на директорот и неговиот заменик, високи партиски функционери на Демократскиот сојуз Кроневски и Јакимовски, како и на Славчо Јакимовски стојат имињата на шефот на кабинет на Ковачевски, Мартин Попов, како и на табличката на неговиот автомобил Голф 6, името на Миле Зечевиќ и неговото возило, стои името на Душко Весковски од Водовод, или на Златко Марин или секретарот на СДСМ во Аеродром? Демократскиот сојуз треба да каже дали е точно дека цела една катна гаража функционирала на грбот на граѓаните за да може функционери од СДСМ, ДУИ, Демократскиот сојуз и останатите од власта и нивни семејства да паркираат бесплатно приватни возила? Демократскиот сојуз треба да признаат дали имале притисоци од СДСМ и од коалициските парнтери за да нивни функционери да паркираат бесплатно било каде во Скопје или сето тоабило врз база на трговија со влијанија? Без прецизен одговор, Демократскиот сојуз продолжува да биде привезок на власта и заштитник на криминалот и корупцијата на штета на граѓаните. Паркингот поскапе за сите, за да може функционери од партиите на власт да паркираат бесплатно каде ќе стигнат во Скопје. Демократскиот сојуз е дел од власта за да обезбедува бенефиции за себе и за функционери од СДСМ и ДУИ врз грбот на граѓаните....

Алберт Бурла, извршен директор на компанијата „Фајзер“, рече дека годишната вакцинација против короната би била подобра опција од почестите засилувачки дози. Вакцината против корона на „Фајзер“ се покажа како ефикасна против тешка форма на болеста и смртен исход предизвикан од варијантата омикрон, но помалку ефикасна во спречувањето на преносот на заразата. Како што се зголемува бројот на случаи, некои земји ги засилија своите програми за вакцинација или го скратија јазот помеѓу вакцините додека владите се борат да ја зајакнат заштитата. „Вакцинирање еднаш годишно“ Во интервју за израелски N12 News, Бурла беше прашан дали ќе се даваат бустер дози на секои четири до пет месеци. „Ова нема да биде добро сценарио. Она што се надевам е дека ќе имаме вакцина што ќе треба да ја земате еднаш годишно“, рече Бурла. „Еднаш годишно, полесно е да се убедат луѓето да го направат тоа“, додаде тој. „Идеална ситуација“ „Од гледна точка на јавното здравје, тоа е идеална ситуација. Разгледуваме дали можеме да создадеме вакцина која го покрива омикрон и не заборава на другите варијанти и тоа би можело да биде решението“, рече Бурла. Додаде дека „Фајзер“ може да поднесе барање за одобрување за нова, редизајнирана омикронска вакцина и нејзино масовно производство, што е можно поскоро во март. Цитирајќи три студии, американскиот Центар за контрола и превенција на болести (ЦДЦ) во петокот објави дека третата доза на вакцината mRNA е клучна за борбата против омикрон, обезбедувајќи 90 проценти заштита од хоспитализација. Прелиминарната студија објавена во понеделникот од израелскиот медицински центар Шеба покажа дека четвртата доза ги зголемува антителата на повисоки нивоа од една третата, но веројатно не е доволна за целосна заштита од омикрон. Без оглед на тоа, сe уште се советува дополнителна доза за ризичните групи, се наведува во студијата....

Претседателот на Владата Димитар Ковачевски, заедно со министерката за труд и социјална политика, Јована Тренчевска, денеска го посетија семејството Шишковски со цел да ја запознаат Стефанија, млада жена која работи во локален супер маркет, и која со законското решение неделата да биде прогласена за неработен ден сега има повеќе време да им се посвети на семејството и на личниот поквалитетен живот. Премиерот Ковачевски, Стефанија и нејзиното семејство се согласија дека е многу важна рамнотежата помеѓу професионалниот и приватниот живот и дека таа придонесува работниците како Стефанија да бидат помотивирани, поодморени и поефикасни на работното место. Со ова законско решение, рече премиерот Ковачевски на средбата, е направен уште еден исчекор кон унапредување работничките права и социјалната правда со што е продолжена грижата и поддршката за работниците како приоритет на Владата. Претседателот на Владата изрази благодарност до работодавачите и стопанските комори, како и до синдикатите кои го поддржаа ова законско решение и додаде дека одделните разлики што се појавија во имплементација на неработниот ден ќе бидат усогласени во интерес на сите. Ковачевски потенцираше дека работниците се движечката сила на економијата и на развојот на нашето општество и затоа и грижата за нив треба да биде на највисоко ниво. „Токму затоа за неполни четири години минималната плата од 9.000 е покачена на над 15.000 денари што е повеќе од 6.000 денари месечно по вработен, или 72.000 денари повеќе во семејството”, рече на средбата Ковачевски. Тој додаде дека државата ќе биде секогаш тука да ги унапредува правата на работниците, економијата и животниот стандард на граѓаните и со поддршка на растот на платите....

Сопштение до јавност, реакција на прес конференција на Богданка Кузеска СДСМ дефокусира од фактот дека со нивната неспособност убија 8 илјади луѓе, порано беше Наќе крив, сега Пецак им е крив. Ова е истото СДСМ, чиј што претседател Заев и министер Филипче преговараа за провизии од вакцини, на кои луѓе им умираа за кислород, им се палеа болници и луѓе живи гореа. СДСМ сака народот да заборави ма целата нивна неспосбност. А што се однесува на случајот кој што сакаат да го фабрикуваат ококу градоначалникот на Охрид, Кирил Пецаков. Пецаков на 19 јануари се тестира за потреби од патување, а се изолира веднаш по добивањето на резултатот, СДСМ ќе одговараат за клеветите што ги шират. Градоначалникот Кирил Пецаков на 19 јануари направил тестирање за КОВИД за потребите од патување во странство со цел добивање на сертификат, а не затоа што чувствувал симптоми. Веднаш по добивањето на резултатот, кој го добил доцна во денот, а на кој бил позитивен се изолирал. Два дена по првиот тест градоначалникот Пецаков прави втор тест, на кој истиот е негативен. И двата теста се спроведени во Центарот за јавно здравје во Охрид, од каде и се шират сите небулози. Во наредниот период градоначалникот Пецаков ќе покрене постапки за клевета. СДСМ фабрикува случај каде што нема. И за тоа ќе има одговорност за сите инволвирани во фабрикувањето на лагата....

Српскиот член на Претседателството на Босна и Херцеговина, Милорад Додик во интервју за шпанскиот весник Ел Мундо рече дека „БиХ е пропаднат проект” и оти најдоброто решение за земјата е „Бошњаците, Србите и Хрватите да се разделат на цивилизиран начин”. – БиХ нема да може да опстане од истата причина поради која не преживеа Југославија. Во БиХ има три народи. Два од нив, Хрватите и Србите, се многу незадоволни. Муслиманите сакаат да создадат унитарна држава во која тие би биле доминантен народ, рече Додик . – Нашата политика не е насочена кон отцепување. Зборуваме за друга можност, врз основа на оценката дека БиХ нема да биде успешна како држава. Ако е така, најдобро е да се разделиме на цивилизиран начин, додаде тој. Тој нагласи дека Србите нема да „започнат војна за да се отцепат”, но повтори дека е најдобро да се разделат „ако не може да се живее заедно”. Тој посочи дека Србите „го бранат политичкиот процес” кон постигнување на таа цел и дека приказните за можна војна се „бесмислени”. Тој, исто така, рече дека БиХ постои како држава само поради притисокот од меѓународната заедница. – Тоа е експеримент на странци, нагласи Додик. – Првата работа што ја предлагам е странците да престанат да ја водат оваа земја бидејќи таа е единствената колонија што моментално постои во Европа. Нека не остават да најдеме консензус, ако е можно, рече тој. Додик смета дека европскиот висок претставник Кристијан Шмит нема право да воведува закон во БиХ. – На изборите пред три години освоив најмногу гласови, многу повеќе од двајца мои колеги од Претседателството заедно. А сега доаѓа тој Германец и вели дека иднината на БиХ нема да се конституира со Додик. Што се замислува, кој е тој?, рече тој. – БиХ е неуспешен проект … БиХ се соочува со тешка криза. Оваа криза не се појави сега, таа отсекогаш била таму. БиХ е синоним за криза, заклучи Додик....

Руското Министерство за надворешни работи ги отфрли тврдењата на Велика Британија дека Русија се обидува да ја замени украинската влада со про-московска администрација и дека за потенцијален кандидат го разгледува поранешниот украински пратеник Евгениј Мураев. „Дезинформациите објавени од британското Министерство за надворешни работи се доказ дека членките на НАТО се предводени од англосаксонците и ги зголемуваат тензиите околу Украина. Го повикуваме британското Министерство да престане со провокативните активности и да го запре ширењето на бесмислици“, соопшти МНР на социјалната мрежа Твитер. Министерството за надворешни работи на Велика Британија именуваше уште неколку украински политичари за кои се наведува дека се поврзани со руските разузнавачки служби, заедно со Мураев, лидерот на малата проруска партија „Наши“, која во моментов нема пратеници во украинскиот парламент....

Поранешниот италијански премиер Силвио Берлускони е хоспитализиран во Милано, еден ден откако одлучи да не се кандидира за претседател, пишуваат светските агенции, не наведувајќи детали за неговата состојба. Портпаролот на Берлускони не одговори веднаш на барањето за коментар. Премиерот во четири мандати, беше подложен на голема операција на срцето во 2016 година и преживеа рак на простата. Тој беше хоспитализиран неколку пати минатата година откако се зарази со коронавирус. Италијанскиот парламент во понеделник треба да започне со избор на нов претседател, а најчесто споменуваните кандидати се актуелниот премиер Марио Драги и поранешниот Берлускони. Состанокот меѓу италијанските партии од десниот центар пред парламентарното гласање, кое започнува на 24-ти јануари, сè уште е во тек. Централно-десниот блок ги вклучува Лигата, Браќата на Италија и партијата Форца Италија на Берлускони. Поранешниот премиер (85) долго време се обидува да ја круниса својата кариера како претседател, но се повлече откако стана јасно дека нема да собере доволно гласови....

Јас ќе зборам за овој тип на манипулација која што му се случува на македонскиот народ, односно властите се обидуваат да ја манипулираат македонската јавност односно да се поигруваат или да ја навредуваат интелигенцијата на граѓанството. И тоа го прават по четири клучни столба кои што можам да ги забележам, два се повеќе процедурални, а два се повеќе суштински, вели Стефан Андоновски, член на ИК на ВМРО-ДПМНЕ на денешната трибина во организација на ВМРО-ДПМНЕ насловена како „Заштита на националните и државни интереси, наместо пазар дипломатија”. Андоновски истакна дека бугарскиот премиер Петков го диктира процесот на преговарање, додека македонските власт се однесуваат како неми набљудувачи и независни аналитичари, укажувајќи дека има чувство на инфериорност кај власта. Прво треба да забележиме дека Кирил Петков како премиер на Бугарија е оној кој го води процесот на преговарање, оној кој ја диктира агендата, ги диктира прашањата кои што ќе се дискутираат, оној кој ги диктира комисиите кои што ќе бидат формирани, кој ќе учествува во нив, мандатот, прашањата кои ќе треба да се затворат како и роковите. Од нашата страна, нашите власти се однесуваат како да се или неми набљудувачи или независни аналитичари, без воопшто да имаат било каков ефект внатре во учеството. Замислете дури не учествуваа ни во селекцијата на тоа каде ќе се одржуваат средбите прво, а каде следната или средбата потоа, дециден е тој. Имам едно чувство на инфериорност кај нашите носители на одлуки, порача Андоновски. Имаме целосна доминација и изместување на оската, а знаете во меѓународната дипломатија, па и во преговорите како процес мора да имате две сериозни страни еднакво потковани за процесот доведе до еднаков избалансиран резултат. Не може да очекувате избалансиран резултат кога имате не избалансиран процес, смета Андоновски. Андоновски вели дека очекувал некое пологично правно резонирање во однос на изјавата на Бојан Маричиќ во однос на Бујар Османи, кој е министер за надворешни работи, бидејќи Маричиќ бил правник, додека Османи хирург. Вториот аспект е нешто што ја навредува интелигенцијата затоа што ги диктираат процесите еден правник и еден хирург. И сега од хирургот во Министерството за надворешни работи може и да очекувате неумесни изјави кои што немаат допирна точка со правната реалност, но од правникот кој што беше во Министерството за правда, а сега во Секретаријатот за европски прашања би очекувале некое пологично правно резонирање и во таа смисла е она кое што долго време не навредуваат дека со Бугарија нема да има нов договор, а сега лесно се преминува дебатата дали новиот договор кој што ќе биде потпишан со Бугарија ќе помине во Собранието со двотретинско мнозинство или не, објасни тој. Во однос на суштинските аспекти, Андоновски вели дека сега има нешто повеќе од португалскиот предлог, додвајаќи дека тој предлог бил прифатлив од македонската страна, но отфрлен од Бугарија односно како што рече тој истиот е ставен во фиока, а се дискутира за промени кои што значат промени во идентитетските обележја. Да преминам кон по суштинските аспекти. Првиот суштински аспект е дека сега имаме нешто повеќе од португалскиот предлог. Исто така ќе ве потсетам дека цела 2021 година бевме убедувани дека португалскиот предлог е единственото нешто за што преговараме, кога знаеме дека уште првиот ден португалскиот предлог кој одеше на заштита на дел на македонските права беше отфрлен од Бугарија. Тие продолжија да дискутираат, а беше прифатен од македонска страна дека е одлична основа за продолжување на преговорите. Сега португалскиот предлог е ставен на ад акта и ние дискутираме за повеќе од меѓународно прифатените правила на игра, односно дискутираме за промени кои што значат промени во идентитетските обележја и не е случајно голем број на поранешни претставници од власта повеќе не се дел од истата, затоа што ова е навредливо дури и за нив, за луѓето кои што беа дел од грчкиот договор, кажа Андоновски. И последната суштинска разлика на кое што се удираат македонските национални интереси е едно начело во правото на ЕУ кое што вели директна примена на правилата. Македонија исто како и Бугарија се потписни на Европската Конвенција за човекови права. Како правен документ има директна примена во правниот поредок на Република Македонија, исто како и било кој системски закон кој што го имаме. Од тука да очекувате и да се мешате во правата на Македонија и македонскиот уставен поредок за да таа го менува истиот, а во исто време не ги почитувате правата на Македонците кои што живеат во Бугарија, кои што се заштитени по таа конвенција која што вие сте ја ратификувале, освен што е политички некултурно, оди против сите правила на меѓународното право. Но, она кое што мене повеќе ме навредува не е бугарскиот став дека тие нема да ги почитуваат пресудите на судот во Стразбур, туку е македонскиот став дека ние немаме право да ги заштитиме токму тие права кои се гарантирани од Советот на Европа, од Судот за човеков права, потенцираше Андоновски....

Европската унија сама себеси се перцепира како единство на различности. Одеднаш, сега, се покажува дека членки на ЕУ промовираат еден чуден ЕУ-однос, ние и вие. Многу пати сум го цитирала професорот Џозеф Вајлер од Харвард, познат по уставот на ЕУ, кога вели дека ЕУ прво, иако се вика Европска унија е потесен ентитет од Европа, а сепак се вика Европска унија и дека односот кон кандидати и кандидатите, и кандидатите за кандидати треба да го смени, бидејќи напати тој начикува на судија и обвинет или се одвива според начелото молчи и слушај. Тоа не се однесува, се разбира , на ЕУ како ентитет и на органите, туку еве на некои членки, вели професорката и актуелен пратеник, Гордана Силјановска Давкова на трибината организирана во централниот штаб на ВМРО-ДПМНЕ насловена „Заштита на националните и државни интереси, наместо пазар дипломатија”. Таа ова го посочи во однос на Република Бугарија и нејзиниот однос кон Македонија со наметнување разно разни барања и услови, како што е и барањето за промена на уставот за впишување на бугарско малцинство, а од нејзина страна неправејќи никакви отстапки на зацртаните позициите нарекувајќи ја чудна тактита за земја членка на Европска унија која се потира на начелото на еднство на различностите. Во однос на признавањето и заштитата на правата на малцинствата, Силјановска Давкова посочи дека тука особено треба да важи начелото на реципроцитет, односно како што Бугарија бара признавање на бугарско малцинство во македонија истото треба да го направи и таа, и во Бугарија да го признае македонското малцинство и да ги гарантира неговите права, што е во согласнот и со добиените пресуди од Судот за човекови права кои ги покренаа Македонците во Бугарија. „Од она што го покажува историската меморија, токму на прашањето на заштитата на правата на малцинствата најмногу се инсистирало на реципроцитет. Да посочам, и ние и Бугарија, и сме ја потпишале и сме ја ратификувале рамковната Конвенција за заштита на правата на малцинствата. Ако ја следиме логиката на солунскиот Самит и на она што тогаш, комесарот за Оли Рен го изрази дека, регионот е Европа историски, географски, културно, дека само во два културно историски моменти на Отоманската империја и на комунизмот не сме биле заедно. И дека логиката е јасна ако е ова портата на ЕУ, тогаш или ние ќе извезуваме мир или ќе увезуваме немир”, истакна Силјановска Давкова. Во однос на барањето за промена на Уставот, таа истаканад ека е неизбежно дека тој повторно ќе се менува, најмногу поради ЕУ интеграциите како што е преимерот со Србија која пред недела дена се изјаснуваше и на реферндум, но дека тоа ние треба да го направиме со барање од внатре, како на пример претседател на држава, а не како барање кое некој од надвор ни го наметнува. „Мој белгиски колега вели, Уставот треба да се менува со рака што трепери од одговорност. Да, ние го менуваме уставот со рака што трепери од страв, до сега неколку пати. И замислете, за триесетина години 36 амандмани, споредено со САД, з аповеќе од 200 години, 27 амандмани, имаат илјада предлози и пет илјади неуспешни обиди. Проблемот е што ние, дали треба да го смениме уставот, јас одговорно тврдам и тоа ќе го направиме. Србија тоа сега го правање со референдум, во функција на ЕУ интеграцијата, мешутоа не со барање од надвор, туку со барање од внатре. Еден паметен претседател или претседател на собрание, одамна би ја проширил уставната комисија со експерти, за да видиме во овие 30 години кои проблеми ги манифестираше уставната норма во праксата како систем”, посочи Силјановска Давкова....

„Денешната посета на „Дура Аутомотив Системс” е одлична можност да се види како изгледа примената на законското решение „Недела неработен ден”. Вработените на оваа компанија, која заради сложениот производствен процес мора да работи и во недела, добиваат дополнителни 50% од основната дневница. Со тоа просечната плата на оние вработени кои работат во недела во оваа компанија порасна”, рече премиерот Димитар Ковачевски на денешната посета на фабриката „Дура”, лоцирана во ТИРЗ 2 зоната. Премиерот Ковачевски заедно со менаџментот на компанијата, министерската за труд и социјална политика Јована Тренчевска, директорите на ТИРЗ Јован Деспотовски и на Државен инспекторат за труд, Весна Томовска, денешната посета ја искористија и како можност за разговор со дел од работниците кои изразија задоволство од новиот закон. „Трудот на работниците мора соодветно да се вреднува и почитува. Овој закон има многу позитивен ефект врз економијата, тој ги стимулира работниците и позитивно влијае на нивната продуктивност што е во интерес и на самите компании. Законот недела неработен ден ќе даде одлични резултати во зголемување на продуктивноста на компаниите и унапредување на стопанството. Во оваа прилика би сакал да им честитам на раководството на „Дура” кои покрај двете фабрики, планираат и нова трета инвестиција во фабрика, инвестиција од над 20 милиони евра. Висината на инвестицијата во двете фабрики каде има 680 вработени е речиси 70 милиони евра. Она што е важно е дека просечната нето-плата во оваа компанија е над 600 евра и истата има тенденција за натамошен раст. Клучот за успешна стратегија во делот на странските инвестиции е обезбедување одржливост и развој на инвестициите, но и натпросечни плати со што се подобрува квалитетот на животот и примањата на граѓаните”, рече Ковачевски. Премиерот Ковачевски посака успешна работа за компанијата која има над 100 годишна историја во автомобилската индустрија....

Прес-конференција на СДСМ, Богданка Кузеска, портпаролка на СДСМ „Скандалозно и крајно неодговорно е однесувањето на градоначалникот од ВМРО-ДПМНЕ Кирил Пецаков. Наместо во изолација како што му било одредено, додека го очекувал резултатот од тестот за Ковид 19, градоначалникот на Охрид се појави помеѓу охриѓани за Водици и ги стави во опасност сите присутни. Без маска и без никакво почитување на протоколите, Пецаков се ракуваше со граѓани, сопартијци и амбасадори. Ова не е само непочитување на одредбите и законите. Ова скандалозно однесување на Пецаков е непочитување на граѓаните, на охриѓани, но и непочитување на лекарите и медицинските лица. Неодговорноста е одлика на градоначалниците на ВМРО-ДПМНЕ. Пецаков бил заедно и со Христијан Мицкоски, неговиот партиски шеф. Зошто Мицкоски молчи за ова скандалозно однесување на Пецакоцски? Ќе го повика ли на одговорност или ќе го штити? Или Христијан Мицкоски нема образ за ова затоа што и тој среде пандемијата шеташе по кафеани?Пецаковски не треба да бара изговори со манипулации, за некакво скијање во Банско, туку да одговара....

Прес конференција на СДСМ, Рената Јајоска, советничка во Советот на Град Скопје Конструкциите што секојдневно ги пласира ВМРО-ДПМНЕ не можат да го сокријат неработењето на градоначалничката од нивните редови, Данела Арсовска. Се ближат првите 82 дена од мандатот на Арсовска а таа не сработе ништо во интерес на градот и на скопјани. Во овие два и пол месеци од мандатот, Арсовска ќе остане запаметена по 109 партиски вработувања во Град Скопје, по партизација на Јавните претпијатија и установи во надлежност на Градот и по прекинатиот проект Бас рапид транзит. Колку Арсовска знае да менаџира покажува и фактот што Градот додели пет милиони денари или над 80.000 евра на ЈП Градски Паркинг, во време кога на предлог на Арсовска се намалува цената за паркирање. И Арсовска и останатите градоначалници од ВМРО-ДПМНЕ ги игнорираа проблемите со парното греење и ги оставија скопјани на цедило. Ваквиот однос на Арсовска покажува дека во ВМРО-ДПМНЕ нема никаква промена. Оваа партија и нејзините градоначалници не работат за интересите на граѓаните и општините, туку единствено за партиски и личните интереси. Град Скопје, општините и граѓаните не заслужуваат вакви неодговорни и нечесни градоначалници....

Пеп Гвардиола би можел да биде следниот холандски селектор, најавува британски „Мирор“. Се погласни се шпекулациите дека шпанскиот стручњак во летото 2023 година, по истекот на договорот, ќе го напушти Манчестер Сити со кој од 2016 година освои три, а на добар пат е да освои и четврта титула во Премиер лигата. Холандската фудбалска федерација наводно сериозно работи на планот да му го понуди селекторското место на Гвардиола кое во моментов го држи Луј ван Гал. Гвардиола во неколку наврати говореше дека нема да го продолжи договорот со Сити и дека би сакал да биде селектор. „Мислам дека ќе биде доста по седум години во овој клуб. Ќе земам пауза, а потоа би сакал да водам некој јужноамерикански клуб или европска или јужноамериканска репрезентација. Би сакал да играм Копа Америка“, изјави Гвардиола минатото лето. Холандија веќе неколку пати му пристапува со понуда за селекторската клупа на трофејниот стратег. Кај Гвардиола има голем интерес да биде предводник на „лалињата“, најмногу бидејќи се работи за сиклучително талентирана нација, која традиционално негува напаѓачки и технички фудбал. Со преземањето на Холандија би сакал да му оддаде почит на својот фудбалски татко Јохан Кројф. Токму холандската легенда го доведе Гвардиола во Барселона како играч, кога Кројф се врати на „Камп Ноу“ како тренер. Пред да го преземе Манчестер Сити, Шпанецот беше тренер на Баерн, а претходно со огромен успех ја предводеше Барселона....

Средствата од договорот склучен со три угостителски субјекти од страна на претходното градско раководство, во вредност од околу 32 илјади евра ќе бидат пренаменети за бесплатни оброци за граѓани од социјално загрозени категории . Средствата од договорот склучен со три угостителски субјекти од страна на претходното градско раководство, во вредност од околу 32 илјади евра ќе бидат пренаменети за бесплатни оброци за граѓани од социјално загрозени категории преку „Ретвитни оброк“ и Црвениот крст на Скопје. „Ова ќе биде практика на градот секоја година. Наместо угостителски услуги како непродуктивен трошок, ќе се користат овие средства за социјално загрозени граѓани. Оваа инцијатива за пренамена на средствата за оброци за социјално загрозени лица е еден од чекорите на Град Скопје за поактивна вклученост на градот во подобрување на квалитетот на животот на социјално ранливите категории, особено кога наши сограѓани се соочуваат со егзистенцијални проблеми во време на економска и енергетска криза“, истакна градоначалничката на Скопје, Данела Арсовска. Таа ги повикува и останатите градоначалници да се приклучат на оваа иницијатива и сите средства за репрезентации или предвидени непродуктивни трошоци да се пренаменат за општествено одговорни активности со кои ќе се помогне во зајакнување на поддршката и грижа таму каде е најпотребно, со што дополнително ќе се помогне иницијативата на „Ретвитни оброк“ да се прошири на национално ниво....

На 22.01.2022 година околу 14,35 часот било пријавено дека во Тетово на ул. „Благоја Тоска”, се случила сообраќајна несреќа во која патничко моторно возило удрило во Е. Д. (17) од с. Бродец-тетовско по што возачот го напуштил местото на настанот. Е. Д. бил пренесен во Клинички центар Тетово каде му била констатирана тешки телесни повреди и по укажаната лекарска помош бил пуштен на домашно лекување. Се работи на расчистување на случајот....

Командантот на германската морнарица Кеј-Ахим Шонбах поднесе оставка поради коментарите што ги даде за Украина и рускиот претседател, Владимир Путин. Тој рече дека идејата оти Русија сака да ја нападне Украина е бесмислена. Тој додаде дека сè што сака Путин е почитување. Шонбах изјави и дека Крим нем веќе никогаш да биде украински, што предизвика официјална реакција од Киев. Украина побара од Германија да се изјасни за изјавите на командантот, по што Шонбах си поднесе оставка. Тој образложи дека ја поднел оставката од својата функција за да спречи дополнителна штета. Неговиот коментар за Украин и Путин беше даден за време на дебата во Индија во петокот, а видеото подоцна беше објавено на социјалните мрежи. Во видеото, Шенбах вели дека Западот мора да го третира Путин како еднаков. „Лесно е да му се даде почитта што ја бара, а веројатно и’ заслужува“, рече тој. Украинското Министерство за надворешни работи ги опиша коментарите на Шонбах како „категорично неприфатливи“. Неколку земји и’ доставија оружје на Украина, вклучувајќи ги САД и Обединетото Кралство, но Германија го одби барањето на Украина за муниција. Русија ги отфрли тврдењата дека има намера да ја нападне Украина. Претседателот Владимир Путин упати барања до Западот за кои вели дека се однесуваат на руската безбедност, вклучително и спречување на Украина да се приклучи на воената одбранбена алијанса на НАТО. Тој, исто така, сака НАТО да се откаже од воените вежби и да престане да испраќа оружје во Источна Европа, сметајќи го тоа како директна закана за безбедноста на Русија. Во меѓувреме, Обединетото Кралство го обвини Путин дека планира да постави промосковска фигура на чело на украинската влада. Шефот на НАТО предупреди дека постои реална опасност од нов конфликт во Европа, откако околу 100.000 руски војници се собраа на границата. Околу 90 тони американска „смртоносна помош“ пристигна во Украина, во услови на тензии поради акумулацијата на руски војници на границата. Велика Британија објави претходно оваа недела дека испраќа одбранбено оружје и дополнителни војници на обука. Неколку други членки на НАТО испраќаат воен материјал или распоредуваат сили. Германија одби да испрати оружје во Украина, а наместо тоа понуди да испрати теренска болница....

Десетгодишно девојче преживеа силна снежна бура во Русија гушкајќи куче, јави Си-Ен-Ен, повикувајќи се на руската државна телевизија и локалните медиуми. Девојчето, чие име не се соопштува, минатата недела го напуштило училиштето во градот Углегорск, но не се вратило дома. Градот се наоѓа на источниот руски остров Сахалин, кој бил покриен со обилен снег и ветрови кои достигнувале брзина и до 80 километри на час. Властите и локалното население го барале девојчето во текот на ноќта откако било пријавено за исчезнато. Тие се фокусирале на куќите со домашни миленици бидејќи мештаните пријавиле дека виделе девојче како си игра со куче ноќта пред да исчезне. Родителите на девојчето, исто така, и’ рекле на полицијата дека таа многу сака да си игра со домашни миленици. Волонтерот го нашол девојчето следното утро, како седи во куќичка за куче на отворено и го гушка животното за да се стопли, јавува руската државна телевизија. Девојчето било пренесено во болница и било констатирано дека е здраво, се вели во извештајот....

Наместо лажни конструкции и рециклирани обвининувањa, јавноста денеска очекуваше дека на трибината на ВМРО-ДПМНЕ ќе се појавеше Христијан Мицкоски и ќе одговори на прашањата за кои молчи со денови. Дали Мицкоски на бугарскиот премиер Кирил Петков му ги постави прашањата кои ги нарачуваше од медиумите? Што кријат Мицкоски и ВМРО-ДПМНЕ од средбата со Петков? За што се зборувале на таа средба? Граѓаните видоа и претходно на средба на Мицкоски со Бојко Борисов дека тој ги менува ставовите кога се среќава со официјални претставници. Дали така било и на средбата со Петков, треба да каже самиот Мицкоски....

Во Словенија во последните 24 часа потврдени се досега рекордните 13.911 зарази со коронавирусот, а позитивни биле дури 75,5 отсто од тестовите, па владата во сѐ уште тешката епидемиолошка ситуација не размислива за попуштање на мерките. „И покрај растот на бројката на заразените, показателот за хоспитализираните пацеинети е стабилен, но со вакво високо присуство на вирусот во популацијата, очекуваме протисок врз одделите за интензивна нега. Поради тоа, не размислуваме за дополнително попуштање на мерките, туку размислуваме за излезна стратегија“, изјави за медиумите коментирајќи ги високите бројки, инфектологот Матеја Логар којашто ја води владината стручна група за Covid-19. Во последните 24 часа во Словенија со 18.428 PCR тестирања потврдени се 13.911 инфекции со коронавирусот, со 75,5 отсто позитивни, што е најголема бројка на заразените во еден ден од почетокот на епидемијата, објави Националниот институт за јавно здравје (NIJZ). Покрај тоа, биле направени и повеќе од 73.000 брзи антигенски тестови, чиишто резултати сѐ уште не се објавени бидејќи позитивните наоди дополнително треба да бидат потврдени со PCR тестирање. Седумдневниот просек на коронаинфекциите во еден ден со новиот показател се зголемил на 9.991 зараза, а 14-дневната инциденца на заразените на 100.000 жители на 5.335 зарази. Во Словенија во моментов има 101.906 активни случаи на заразата, според податоците на министерството за здравство. Во болниците во моментов има 608 ковид-пациенти, 135 од нив се одделите за интензивна нега, а во последното денионоќие починале 17 пациенти, со што бројката почината од последиците од Covid-19 се зголеми на 5.768 луѓе....

Актуелните правила за влез во Грција воведени пред еден месец, продолжени се за уште две седмици и негативен тест ПЦР или рапид и понатаму е задолжителен за сите патници независно дали се вакцинирани или не, мерка што важи и за државјаните на Северна Македонија, јави дописничката на МИА од Атина. Новата министерска одлука „Предуслови за влез во земјата за ограничување на ширењето на Ковид-19“ стапува во сила утре, а ќе важи до 7 февруари 2022 година во шест часот. Негативен резултат од ПЦР тест направен до 72 часа пред патувањето или рапид тест 24 часа пред пристигнувањето, заедно со пополнет PLF формулар се задолжителни за влез во Грција, без разлика дали посетителите се вакцинирани, дали прележале Ковид-19 или се невакцинирани. Паралелно, нема промени и во однос на невакцинираните патници од 16 земји меѓу кои и од Северна Македонија, кои освен негативен тест пред патувањето, потребно ќе биде да добијат и негативен тест на самата граница при задолжителното тестирање од грчките власти. Министерската одлука веќе е објавена во Службен весник на Грција, а МИА детално ги пренесува сите предуслови за патување кај јужниот сосед. Согласно одлуката „сите патници во Грција, без разлика на националноста и начинот на влез во земјата, без разлика на вакцинацијата или прележана болест, мора да бидат тестирани негативно“ со ПЦР во последните 72 часа пред нивното пристигнување во земјата или „алтернативно да се тестираат негативно со употреба на брз антиген тест во рок од 24 часа пред нивното пристигнување во Грција“. Тестирањето треба да биде во одобрена од државата на потекло приватна или државна лабораторија, а потврдата да биде на грчки, англиски, француски, германски, италијански, шпански или руски јазик, а исто како и за сертификатот, треба да ги содржи и името и презимето на лицето кое патува, онака како што се заведени во пасошот. Посебна одредба, веќе неколку месеци постои за невакцинираните и за оние кои не прележале Ковид-19, а во Грција пристигнуваат од: Египет, Албанија, Аргентина, Северна Македонија, Бугарија, Бразил, Грузија, Куба, Обединетите Арапски Емирати, Индија, Кина, Либија, Мароко, Пакистан, Русија и Турција и предуслов за влез е да добијат негативен резултат од задолжителното тестирање со ПЦР/ рапид тест на влезните точки во Грција. Задолжителното тестирање при влезот, не важи за вакцинираните кои имаат сертификат за вакцинација со поминати 14 дена од втората доза и оние кои прележале Ковид-19 и имаат потврда што важи 14 дена по првиот позитивен резултат и до 90 дена подоцна. Во однос на потврдите за прележана болест и промените воведени минатиот месец, согласно одлуката, оние кои се издадени од 15 јули 2021 година до 31 октомври 2021 година важат до 31 јануари 2022 година, а останатите се со траење до 90 дена по првиот позитивен резултат. Конкретните обврски за патување важат и за возрасните, но и за децата со наполнети пет години. Дополнително, за патување, задолжителен е и електронскиот формулар PLF (Passenger Locator Form), што треба да биде пополнет преку интернет страницата https://travel.gov.gr, по што се добива потврда со QR-код и се смета за неопходен документ за влез во Грција. Сите посетители на Грција, независно од земјата на потекло, може да бидат подложени на тестирања, а селекцијата се врши согласно здравствениот алгоритам и со помош на кодот од PLF формуларот. Тестирањата, за вакцинираните и за оние кои прележале Ковид-19 се по случаен избор, а за останатите се задолжителни. Со оглед на тоа дека карантинот во Грција е намален од десет на пет дена, во случај на позитивен резултат при тестирањето на граница предвиден е петдневен карантин во соодветен простор укажан од надлежните органи. Лицата кои патуваат заедно со потврдените случаи, односно блиските контакти на оние кои се позитивни на Ковид-19, имаат можност да се вратат во нивната земја истиот или следниот ден, под услов да добијат два негативни резултати од два теста (ПЦР или рапид) направени во рок од 24 часа и за време на патувањето да носат маска со висока заштита или КН95 или двојна маска. Во случај лицата кои патуваат заедно со потврдените случаи да останат во земјата, а не се вакцинирани или поминале шест месеци од примената втора доза или немаат прележано Ковид-19 во изминатите три месеци, тогаш треба да бидат во петдневна изолација по последниот контакт со позитивното лице и на последниот ден ден да направат ПЦР или рапид тест. Доколку блиските контакти се вакцинирани и со трета доза или не поминале шест месеци од втората или прележале Ковид-19 во последните 90 дена, тогаш не е потребен карантин, но задолжително се тестираат на петтиот ден од контактот. За прекршување на законските мерки и обврски, предвидени се парични казни од 500 и 5.000 евра. За влез во Грција, отворени се сите копнени гранични премини кои работат 24 часа, со исклучок на Мерѕани кон Албанија, што е со работно време од 8 до 20 часот, а од Турција преку Кастањес и Кипи, дозволен е влез на 1.500 лица седмично. Од Северна Македонија кај јужниот сосед може да се патува преку Евзони (Богородица), преку Ники (Меџитлија) и Дојран, без никакви ограничувања во однос на бројот на посетители или во однос на работното време. Во одлуката, како што пренесува МИА, посочено е дека туристите, за време на нивниот престој во Грција, мора да ги почитуваат мерките што важат во внатрешноста на земјата. Воведувањето задолжителниот тест за влез во Грција, за сите, од грчката Влада го најавија кон средината на минатиот месец, како привремена и вонредна мерка за време на празниците, за да се спречи ширењето на Омикрон, сојот кој сепак, веќе е доминантен во земјата. Иако конкретната мерка воведена на 19 декември 2021 година првично, беше предвидено да важи до 10 јануари 2022 година, сега, продолжена е по втор пат, за уште две седмици....

Исклучителен втор концерт на тандемот Венгеров-Трпчески од мини-турнејата на најпрестижните светски сцени, што се одржа во Карнеги Хол во Њујорк. Преполната сала и стоечките овации, двајцата врвни уметници ги наградија со дури 3 изведби на бис. По Лондон и Њујорк, македонскиот пијанист од светски глас Симон Трпчески и легендарниот виолинист Максим Венгеров, веќе в четврток на 27 јануари ќе настапат во Париз....

Градоначалникот на Тетово Биљал Касами заедно со вработените на комуналното претријатие вчера навечер работеше во расчистување на снегот и мразот од тротоарите како и фрлање на сол. Од фотографиите споделени на социјалните мрежи се гледа како Касами заедно со директорот на ЈКП Тетово Нуредин Фетаи со лопати во раце копаат и отстрануваат снег и мраз од замрзнатите градски тротоари. Исто така им помогнаа на работниците во фрлање на сол. -Додека сите на овие ниски температури се во своите домови, хероите на градот се грижат за јавните простори. Вечерва заеднички ги исчистивме тротоарите од снегот и мразот создаден од ниските температури .Безбедноста и слободното движење на граѓаните е наша должност, истакна Биљал Касами. Градоначалникот пред два дена на вработените во Комунална хигиена им вети нови униформи и опрема за работа, повисоки плати и подобр услови за работа во нивните простории....

По повод изјавата на претседателот на Владата на РМ Г-дин Ковачевски дадена во своето експозе на 15ти Јануари 2022 година дека, ‘разговорите со Република Бугарија ќе се интензивираат и никој не смее и нема да преговара за идентитетот на македонскиот народ’. Го потсетуваме Претседателот на Владата дека слични изјави беа давани и пред да се потпише Преспанскиот Договор, но резултатите од потпишувањето на Преспанскиот договор се раѓање на нова нација која се повеќе е дел од реалноста во светските медиуми а за жал министерството за надворешни работи на нашата земја упорно молчи и не се произнесува и не ја корегира таа нова реалност. Се повеќе светски медиуми како и нашите стратешки партнери САД и официјално го употребуваат терминот севеномакедонци и сверноакедонски. Ова е резултатот од потпишувањето на Преспанскиот договор, нанесена непоправлива штета на нашиот идентитет. Повелете линкови каде светски медиуми, стејт департемнтот и други нас не ословуваат со нов идентитет како што не е опфатен со Преспанскиот договор туку тоа е една нова реалност во која ние живееме а овде во Македонија се негира. Ова е уште една потврда за штетноста и последиците од Преспанскиот договор кој час поскоро треба да се раскине и потребата да се имплементираат реформи во насока на градење на правно општество каде што секоја индивдуа ќе има просперитетен живот во здрава животна средина. Повелете линкови од светски медиуми и стејт департмент. Ал Јазера, https://www.aljazeera.com/news/2022/1/20/north-macedonias-path-to-to-eu-membership-stumbles Стејт Департмент, САД, https://www.state.gov/u-s-diplomats-build-cyber-defense-and-cybersecurity-partnerships-worldwide/ АНИ, Јужна Азија https://www.aninews.in/news/world/others/north-macedonias-parliament-elects-new-prime-minister20220117131706/ Планет Радио, Британија, https://planetradio.co.uk/greatest-hits/sussex/news/west-sussex-firefighters-donate-kit-to-north-macedonia/ Пакистан Опсервер, https://pakobserver.net/afghan-youth-dies-from-exposure-on-n-macedonia-border/...

Градската власт во кинескиот главен град денеска нареди тестирање на два милиони жители за коронавирус, бидејќи градот продолжи да пријавува нови случаи, помалку од две недели пред почетокот на Зимските олимписки игри. Властите во Пекинг соопштија дека ќе бидат тестирани два милиони жители на населбата во која идентификувале голем број заразени лица. Девет случаи на локален пренос со потврдени симптоми биле откриени вчера во Пекинг, што е помалку од 10 дена претходно, објави Националната здравствена комисија, додавајќи дека шест од деветте се во градската област Фенгтаи. Фенгтаи денеска ќе организира тестирање за сите свои жители, се вели во соопштението на окружните здравствени власти. Градот Пекинг, исто така, побарал од жителите проактивно да одат на тестирање доколку развијат симптоми на Ковид-19 во рок од 14 дена од приемот на поштенските пратки од странство, соопштија локалните власти. Кина ги повика луѓето да носат маски и ракавици при отворањето на поштата, особено од странство, откако властите сугерираа дека првиот случај на варијантата омикрон на коронавирус, пронајден во Пекинг, можел да пристигне на пакет од Канада. Градовите низ Кина воведоа построги мерки за борба против вирусот во последниве недели додека Пекинг се подготвува да биде домаќин на Зимските олимписки игри на почетокот на следниот месец. Многу градови ги советуваат жителите да не патуваат или бараат од патниците да ги пријават своите патувања неколку дена однапред. Континентална Кина вчера пријави 56 нови случаи на Ковид-19, што е намалување од 63 случаи еден ден порано, според националниот здравствен орган на земјата. Националната здравствена комисија соопшти дека 19 нови случаи се пренесени локално, што е помалку од 23 дена претходно, а останатите се увезени. Бројот на нови асимптоматски случаи, кои Кина не ги класифицира како потврдени случаи, падна на 34 од 43 ден порано. Нови починати нема, па бројот на починати е 4.636....

Музичарот Кристијан Рахимовски на социјалните мрежи се прости од својот татко Аки, пејачот на „Парни Ваљак“, кој вчера ненадејно почина на 66-годишна возраст. За смртта на неговиот татко дознал вчера околу 13 часот. Неговиот менаџер Дамир Осредечки вчера изјави дека Кристијан се чувствува многу лошо и не може да зборува. Пред три дена му кажал дека се плаши за својот татко бидејќи видел дека не е добро. Скршениот син на пејачот утрово му напиша последна поздрав на татко си и се заблагодарил на сите кои се со мислите и тагата со него и нивното семејство. Освен Кристијан, Аки Рахимовски и неговата поранешна сопруга Ингрид ја имаат и ќерката Едина, а пред две години ја доби и ќерката Антонија со 27-годишната Словенка Барбара Весел. View this post on Instagram A post shared by Kristijan Rahimovski (@kiki_rahimovski) – Тато, прерано ми замина. Премногу рано. Луѓето велат дека Господ така сакал… Ние си бевме повеќе како песна отколку зборови, не знаеше на друг начин, не знаеше како да се симнеш од таа сцена во главата, па ти приоѓав само со песна. И можевме да направиме многу повеќе татичко мој. Болиш неописливо. Утеха ми е што ќе имам барем дел од тебе во моите песни како и во она што ми го остави. Но, тоа сега не ми е доволно… Луѓето знаеја се за нас, а ништо не знаеја…, јас и ти знаевме… На сите ни недостасуваш, тато. Татичко сега одмори се, а потоа рокај горе со тимот. Луѓе мои, во име на целото семејство Рахимовски ви благодарам на сите на зборовите за поддршка, за сите пораки, повици … И вам ви значеше затоа што беше голем како и Оли беше недопирлив. Татичко, ти ми рече пред неколку дена: Сине, и јас те сакам, ајде бегај таму и да се видиме. Ќе се видиме тато, еден ден… Чао тато, те сакам тато… Се гледаме…, напишал неутешниот Кристијан и објавил фотографија кога бил бебе, а тато го држел во прегратка....

Шпанскиот првак Атлетико Мадрид на неверојатен начин стигна до победа од 3:2 во дуелот со Валенсија во меч од 22. коло на Примера дивисион. Јорганџиите на полувреме губеа со 0:2, во 90 минута беше беше 2:1 за Валенсија, но на крајот Атлетико се радуваше на триумф. Дека ќе биде интересно на „Ванда Метрополитано“ најави Муса со погодок во 25 минута за водство на Валенсија од 1:0. Пред крајот на првото полувреме Валенсија поведе и со 2:0, а стрелец беше Дуро. Во второто полувреме Атлетико тргна на „се или ништо“ и тоа им се исплатеше. Неверојатниот пресврт го најави Куња со погодок во 64 минута кога намали на 1:2. Водството на Валенсија беше се до почетокот на судиското надополнување. Тогаш се случи драма. Кореа со гол во 90+1 минута израмни на 2:2, а веќе во следниот напад Атлетико даде уште еден погодок за делириум на мадриѓани и победа од 3:2. Ермосо го даде погодокот за комплетирање на пресвртот....

Најдобрата македонска репрезентација во месец март ја очекува баражот за Светското првенство за пласман на СП во Катар 2022, а противник ни е селекцијата на Италија. Со нив ќе се соочиме на 24 март во Палермо, место кое е добро познато за дел од нашите репрезентативци. Имено еден од нив е Александар Трајковски кој мина неколку години во составот од Сицилија и се радува што сега одново ќе може да игра на „Ренцо Барбера“. -Овој дуел со Италија е посебно возбудлив не само за мене, туку за цела репрезентација, за цела Македонија. Имаме шанса да одиме на Светско. Уште кога ја добивме Италија за противник на ждрепката, прво што помислив е дека нѐ чека посебен меч, па уште кога беше избран Палермо за домаќин на мечот – нешто прекрасно. Ќе се вратам таму каде што најубаво се чувствував и знам дека нѐ чека добар меч, возбудлив. Имаме можност да одиме на Светско првенство. Кога ќе дојде време ќе размислуваме за тоа. Ние сме млад тим, Пандев повеќе не е со нас, ни недостасува. Ама ќе се бориме, играме со срце. Ние никогаш не се откажуваме. Имаме квалитет, порача Трајковски за „Тутомеркатовеб“....

Времето денеска ќе биде сончево со мала до умерена облачност, многу студено и ветровито. Ќе дува умерен до засилен ветер од северозападен правец. Кон крајот на денот особено на североистокот облачноста ќе се зголеми и ќе има слаб локален снег. Минималната температура ќе биде во интервал од -13 до -3, а максималната ќе достигне од -4 до 3 степени. Во Скопје малку до умерено облачно, многу студено и ветровито. Ќе дува умерен до повремено засилен северозападен ветер. Минималната температура ќе се спушти до -8, а максималната ќе достигне 2 степени, информираат од Управата за хидрометеоролошки работи (УХМР) Во следните денови времето ќе биде многу студено и ветровито со умерен до засилен северозападен ветер. Утринските температури на многу места ќе се спуштаат до околу -10 степени и помалку, а дневните ќе бидат околу и под нулата. Поради ниските температури се очекува појава на голомразица. Повремено ќе има зголемување на облачноста и провејување на слаб снег, утре на северот, а во понеделник во западните планински делови....

Премиерката на Нов Зеланд Џасинда Ардерн (41) ја откажа својата венчавка откако воведе нови епидемиолошки ограничувања соочена со ширењето на сојот омикрон на ковид-19 во заедницата. Нов Зеланд од денеска на полноќ воведува правила за маски и ги ограничува собирањата, бидејќи девет позитивни случаи покажале дека дошло до локално пренесување на новата варијанта. Станува збор за семејство кое се вратило во Нелсон на Јужниот остров откако било на венчавка во Окланд на Северниот остров, но и на други настани. Се покажало дека членовите на семејството и стјуардесата од авионот со кој патувале се позитивни на коронавирусот. Од недела на полноќ, оваа островска држава ќе прејде на црвена поставка според рамката за заштита од ковид, против ширењето на новиот сој омикрон, што значи повеќе носење маски. Угостителските објекти во затворен простор, како што се барови и ресторани и настани како свадби, ќе бидат ограничени на 100 луѓе. Границата е намалена на 25 луѓе ако местата не користат пропусници за вакцина, рекла Ардерн. Премиерката Ардерн на прес-конференцијата рекла дека црвеното не значи „заклучување“ и дека жителите, сепак, ќе можат да ги посетуваат семејствата и пријателите и да патуваат низ земјата. За својата венчавка таа рекла дека нема да се одржи, додавајќи дека ѝ е жал за секој на којшто му се случило слично сценарио. На прашањето што мисли за откажувањето на венчавката, Џасинда Ардерн рекла: „Таков е животот“. – Мојата венчавка нема да се одржи – им рекла таа на новинарите, додавајќи дека ѝ е жал за некој кој е затекнат во слично сценарио. Ардерн не го открила датумот на својата венчавка. Премиерката заклучила дека таа не се разликува од илјадници други Новозеланѓани кои претрпеле многу потешки последици....

Феникс санс не дозволи изненадување и на домашен терен со 113:103 ја победи Индијана, во еден од трите меча кои утрово се играа во НБА лигата. За Сонцата ова е шеста победа во низа, потврдувајќи дека се најдобар тим во лигата. По 45 одиграни меча, Феникс има 36 победи и само девет порази, па тоа е единствениот тим во лигата со едноцифрен број на порази. Во текот на целиот меч, фаворитот имаше контрола на резултатот, а во еден дел од третата четвртина, предноста на фаворитот достигна и 20 поени (81:61). Најдобар кај победникот беше Бриџис со 23 поени, но најдобар беше Пол кој на 18 коша додаде и 16 асистенции. Иако Феникс победи, не сите вести се добир за овој тим. Камерон Пејн и Џае Краудер се повредија и двајцата треба да одат на дополнителни прегледи за да се види дали ќе мора подолго време да мируваат. И во останатите два меча кои се играа утрово во НБА, домаќините не дозволија изненадувања. Милвоки бакс и без повредениот Јанис Адетокумбо славеше над Сакраменто со 133:127, додека Кливленд со 94:87 беше подобар од Оклахома....

Дали над 2 милиони евра пари на скопјани е штета од ослободувањето од плаќање паркинг за функционерите на СДСМ и ДУИ?! 400 возила 4 години не плаќале паркинг низ Скопје, прибележани во ЈП Градски паркинг со регистарски таблички, марка и модел, но сите на 3 имиња, Борче Јакимовски и Владимир Кроневски, директори од ДС во тоа претпријатие за време на СДСМ. Дали зад овие имиња се криеле Мартин Попов, шеф на кабинет на Димитар Ковачевски, Златко Марин, Миле Зечевиќ и други високи функционери на власта?! ДС по овој систем функционира како приврзок на СДСМ и ДУИ. ДС преку своите директори го помагаат криминалот на СДСМ и ДУИ. Дали ова незаконско работење граѓаните на Скопје ги чинело над 2 милиони евра. Пари кои требало да легнат на име на претпријатието доколку овие функционери си го плаќале паркингот, а не да бидат ослободени?!...

Камерунецот Френсис Нгану со едногласна одлука на судиите го победи Сирил Гане во фантастичен меч на УФЦ 270 во Анахајм и ја одбрани титулата во тешка категорија. Тоа беше прва одбрана на титулата за камерунскиот „Предатор“, која ја освои минатиот март со победата против Стипе Миочиќ. Ова беше негова 17. победа во кариерата и шеста во низа. Нгану веднаш го зазеде центарот на октагонот и го нападна Гане, но Французинот одлично се движеше. По првичното испитување на силите си разменија неколку удари, со мала доминација на Камерунецот. Но, Сирил знаеше како да возврати. Се чинеше дека и двајцата избраа тактика за да се исцрпат, бидејќи неколку пати влегоа во клинч покрај оградата на октагонот. Првата половина од втората рунда помина прилично мирно во која и двајцата си разменија по неколку удари, а потоа во средината блесна кружниот удар на Гане, кој Френсис успешно го избегна. Камерунецот ја окупираше средината на октагонот, но Сирил со одличен потег го избегнуваше секој напад на шампионот. На крајот од првата минута од третата рунда, Нгану го собори Гане, и се обиде да стави крај на натпреварот. Гане успеа да се извлече, а борбата повторно помина на нозе. Французинот беше погоден во лактот, а Нгану како да не го почувствува тоа. Гане подоцна беше погоден од „висок удар“, но Френсис продолжи да тера и повторно го собори предизвикувачот. Сирил го фати Френсис за рака, но не можеше да го заврши. Борбата отиде во четвртата рунда. Во средината на рундата Камерунецот по трет пат го собори Гане, кој побегна, Нгану се обиде да ја заврши работата покрај оградата, но и Гане издржа. Во петтата рунда Сирил тргна во напад и веднаш со неколку удари успеа да го собори Френсис. Ја фати ногата на противникот, но Нгану го издржа нападот. Френсис повторно го врати Французинот на грб и ја контролираше борбата до крај. На крајот, судиите едногласно му ја доделија победата на Френсис Нгану – 48-47, 48-47, 49-46....

Рафаел Надал без многиу проблеми се пласираше меѓу најдобрите осум тенисери на Австралија опен, откако со 3:0 во сетови беше подобар од Адријан Манарино од Франција. Мечот траеше 2 часа и 43 минути, а интересно е дека само првиот сет беше 1 час и 22 минути, додека останатите два завршија за пократко време. Двајцата тенисери ги добиваа своите сервиси во првиот сет и мораше да се игра тај-брејк. Во таква ситуација, Манарино имаше дури четири сет топки, но Надал постојано успеваше да го добие поенот за да се спаси. На крајот, Шпанецот го доби првиот сет во тај-брек со 16:14. Историски беше овој тај-брејк затоа што траеше неверојатни 28 минути! Откако беше скршен отпорот на противникот, во вториот и третиот сет, Надал лесно се справи. Во вториот сет направи два брејка и лесно го доби сетот со 6:2, а интересно е што иако Надал загуби еден свој сервис во третиот сет, имаше дури три брејка и на крајот повторно без многу проблеми беше подобар со 6:2. За Надал ова е 14-то учество во четвртфиналето на Гренд слемот во Мелбурн. Негов следен ривал ќе биде Денис Шаповалов кој успеа со 3:0 о сетови да го елиминира третиот носител Александер Зверев и тоа со 6:3, 7:6(5) и 6:2 по сетови. Канадскиот тенисер за прв пат ќе игра во четвртфиналето на Австралија опен и таму ќе треба да се справи со Надал....

Градоначалникот на Охрид, Кирил Пецаков додека чекал резултати од тестот за коронавирусот наместо да се изолира, свесно присуствувал на јавен настан, на одбележувањето на православниот празник Водици. Ова е неодговорно, незрело и опасно постапување на Пецаков кој во време на пандемија свесно го загрозува јавното здравје. Вака слично, на почетокот на пандемијата со коронавирусот, се однесуваше и Христијан Мицкоски кој не почитуваше мерки за заштита и свесно кршеше здравствени протоколи. Очигледно дека во ВМРО-ДПМНЕ присутна е една иста матрица – по секоја цена да не се почитуваат законите и протоколите за заштита на јавното здравје. Неколку денови по ред, Пецаков, наместо да понесе морална и лична одговорност, тој бара изговори и се служи со манипулации, само за да ја покрие својата неодговорност. Надлежните институции мора целосно да го расчистат случајот и да постапат согласно законите, а Пецаков да одговара за своите постапки....