Свет Медицински техничар уби девет пациенти во Германија, започнува судењето 24/03/2025 08:26 Денес почнува судењето на медицинскиот техничар кој предозирал до смрт девет пациенти во одделението за палијативна нега во Германија. Властите го товарат 44-годишниот медицински техничар за девет убиства и 34 обиди за убиства, пренесува агенцијата ДПА. Злосторствата се случиле во западната покраина Северна Рајна-Вестфалија помеѓу декември 2023 и мај 2024 година. Во пресудата се наведува дека на пациентите во одделението за палијативна нега им инјектирал моќни седативи и лекови против болки. Девет од нив починале како последица на тоа, пренесува ДПА. Обвинителите веруваат дека 44-годишниот сакал да го намали обемот на работа во болницата. Досега се извршени пет ексхумации за да се повтори обдукцијата, потврди портпаролката на јавниот обвинител во Ахен, кој истражува дали има уште такви случаи....

Балкан Во Турција 15 милиони гласачи гласаа на внатрешните избори на опозициската ЦХП 24/03/2025 08:27 Околу 15 милиони турски гласачи учествуваа на симболичните внатрешни избори организирани вчера од опозициската Републиканска народна партија (ЦХП). Гласачите гласаа за опозицискиот градоначалник на Истанбул, Екрем Имамоглу, и покрај неговото апсење и префрлување во затвор, соопшти градската управа на Истанбул. -Од 15 милиони гласови, 13.211.000 (непартиски луѓе) гласаа за солидарност со градоначалникот кој денеска требаше да положи заклетва како кандидат на партијата за следните претседателски избори во 2028 година, се вели во соопштението. Имамоглу ја поздрави веста од затворот и додаде дека тоа го прави „многу среќен“. -Десетици милиони луѓе во земјата, кои страдаат од владино угнетување, уништена економија, неспособност и беззаконие, побрзаа да гласаат за да му кажат на (претседателот Реџеп Тајип) Ердоган: „Доста е“, рече Имамоглу, според градската управа на Истанбул. „Ќе дојдат избори, а нацијата ќе и зададе незаборавна шлаканица на оваа влада“, додаде Имамоглу. Градоначалникот, кој е главен противник на турскиот претседател Реџеп Тајип Ердоган, е одведен во затворот Силиври, западно од Истанбул, заедно со неколкумина кообвинети, објавија неговата партија и турските медиуми. Имамоглу, кој ги осуди „неморалните и неосновани“ обвинувања против него, исто така беше суспендиран од должноста, соопштија турските власти. Неговото неодамнешно апсење предизвика протести во Турција, на кои неколку стотици луѓе беа уапсени во девет градови....

Македонија Стабилна е состојбата на сите 15 повредени од Кочани кои се хоспитализирани во Бугарија 24/03/2025 08:20 Состојбата на сите 15 повредени во пожарот во Кочани кои се хоспитализирани во Бугарија, е стабилна, изјави синоќа бугарскиот министер за здравство Силви Кирилов за БТВ. Нивното лекување продолжува, а најголем проблем за повредените, како што посочи, е вдишувањето гасови за време на пожарот. – Имаме двајца екстубирани пациенти, можеме да кажеме дека се во добра општа состојба, а оние кои се на механичка вентилација се во тешка, но стабилна состојба, рече Кирилов. Министерот Кирилов кажа дека во болниците во Софија, Варна и Пловдив се примени вкупно 15 лица, од кои само двајца се на возраст од 30 години, сите други се помлади, од кои пет се под 18 години....

Македонија МЕТЕОАЛАРМ СЕРИОЗНО ПРЕДУПРЕДУВАЊЕ: Ни претстојат многу врнежи, можни се поплавувања! 24/03/2025 08:19 Метео анализа на Славчо Попоски: Територијата на нашата Република Македонија во текот на целата оваа седмица ќе биде пов влијание на изразен циклонски систем со центар јужно и југозападно од нас. Токму поради оваа најава погоре, апелираме на крајна внимателност, и тоа поради опасноста од локални поплавувања. Исто така, во зоната на нестабилност, ќе има и појава на засилен до силен ветер, најпрвин од јужен, а потоа и од северен правец, повремено и локално со брзина до околу, па и над 60 км/час....

Свет САД посредуваат во разговорите меѓу Русија и Украина за прекин на огнот 24/03/2025 08:14 Посредници од САД денеска ќе одржат одделни разговори со руски и украински тимови во Саудиска Арабија, додека Вашингтон се обидува да посредува за ограничен прекин на огнот по повеќе од три години војна. Како што пренесе ДПА, американскиот специјален пратеник за Украина, Кит Келог, ги опиша индиректните разговори како „шатл дипломатија“, при што американската делегација се движи меѓу двете страни додека се состануваат во „одвоени простории“. – Вие во основа велите, „Во ред. Кои се вашите услови? И одите до другата страна, „Кои се вашите услови?‘“, му рече Келог на конзервативниот коментатор Глен Бек во интервју изминатиот викенд. Пред тринасочниот состанок, украинските претставници вчера се состанаа со американската делегација на прелиминарна рунда разговори во саудискиот главен град Ријад. Клучен фокус на преговорите е да се обезбеди прекин на нападите врз енергетските капацитети. И Русија и Украина начелно се согласија на ова делумно примирје, но тоа допрва треба да се спроведе. САД, исто така, вршат притисок за продолжување на прекинот на огнот на бродските рути во Црното Море. – Мислам дека в понеделник ќе видите вистински напредок во Саудиска Арабија, особено бидејќи тоа влијае на прекинот на огнот во Црното Море … од тоа, природно ќе гравитирате кон целосен прекин на огнот, изјави вчера за Фокс њуз Стив Виткоф, друг специјален претставник на САД. Американскиот претседател Доналд Трамп, кој неодамна разговараше и со украинскиот претседател Володимир Зеленски и со рускиот претседател Владимир Путин, продолжува да изразува оптимизам за брз крај на војната. Зеленски го одобри планот на Трамп за сеопфатен 30-дневен прекин на огнот. Сепак, Путин постави неколку предуслови, вклучително и барање Западот да ја прекине сета воена помош за Киев. Делегацијата на САД во Саудиска Арабија ќе вклучува повеќе тимови, со Келог и американскиот советник за национална безбедност Мајк Волц. Во Саудиска Арабија патува и главниот украински преговарач, Андриј Јермак, додека Русија ќе ја претставуваат дипломатот од кариера Григориј Карасин и Сергеј Беседа, висок разузнавач и близок човек од доверба на Путин....

Хроника Со сослушување на обвинетите продолжува судењето за Вања и Панче 24/03/2025 07:57 Судењето за убиството на Вања и Панче продолжува денеска во Основен Кривичен суд Скопје. На изминатото рочиште беше сослушуван Велибор Манев, еден од обвинетите. Тој рече дека за грабнувањата ги координирал Љупчо Палевски Палчо и дека сметал оти требало да извршат само грабнувања и се изненадил кога Палчо ги застрелал Вања и Панче. Манев беше испитуван од Љупло Палевски и неговата одбрана при што му беа поставени повеќе прашања во однос на временските рамки за извршување на активностите при што посочија на неколку искази на Манев, според кои, настаните не се опишани идентично. Одговорот на Манев за причината за ова беше дека тоа е поради состојбата во која ги давал изјавите во тие моменти. Претходно, Манев во детали ги образложи грабнувањета на Вања и Панче, при што посочи дека координатор и извршител на убиствата бил Палевски. Тој нагласи дека после убиството на Панче, продолжил со грабнувањето на Вања поради страв и закани од Палевски кон него и неговото семејство. Манев потенцираше дека сметале оти треба да грабнат жена на 38-40 години и дека се обиделе да го предомислат Палевски откако виделе дека грабнале дете. Воедно, кажа дека за грабнувањата им биле ветени по 150 илјади евра. Тој тврдеше дека таткото на Вања, Александар Ѓорчевски, не е вмешан во случајот. Манев посочи и дека бил изложен на тортура при неговите распити за што рече дека има и докази. Според најавеното, по сослушувањето на Манев кое е предвидено да заврши денеска со прашања од Судот, треба да сведочи Боре Видевски, Влатко Кешишев, Александар Ѓорчевски и на крај Палевски. Во обвинението стои дека Љупчо Палевски, Боре Видевски, Велибор Манев, Влатко Кешишов и Александар Ѓорчевски, се обвинети дека заедно испланирале грабнување на 14-годишната Вања со цел да присилат член на нејзиното потесно семејство да даде парични средства за откуп. Грабнувањето на оштетениот Панче Жежовски во Велес, пак, според обвинението, било со намера да го присилат да им го даде сопственото возило „Цитроен“ за да го користат за грабнување на детето во Скопје. Малолетната Вања и велешанецот Панче, беа пријавени за исчезнати на 27 и 24 ноември, а на 3 декември 2023 година беа пронајдени мртви во близина на Скопје и Велес....

Магазин „Песнава ме прогонува, како доказ за бесмисленоста на животот, како опомена за идните генерации“, напиша Игор Џамбазов 24/03/2025 08:04 Една недела по трагедијата во Кочани, актерот Игор Џамбазов на социјалните мрежи објави снимка. „Песнава ме прогонува. Со денови наназад ми дише во врат. Како потстанар да ми е во мозокот. Како краста што не зараснува. Како доказ за бесмисленоста на животот. Како опомена за идните генерации. Почивајте во мир деца наши…“ View this post on Instagram A post shared by Igor Djambazov (@igordzambazov)...

Македонија Една недела од трагедијата во Кочани, критични пет пациенти, продолжува истрагата 24/03/2025 07:53 Од денеска ќе се исплаќа финансиската поддршка од собраните донации на семејствата на загинатите и повредените во пожарот во Кочани преку Црвениот крст, во износ од по 150 000 денари. Заклучно со 22 март собрани се 51.822.579 денари преку Црвениот крст од каде денеска ќе ги соопштат преземаните активности и начинот на исплатата. Според последните информации од Министерството за здравство, од околу 200 повредени во трагедијата што се случи пред една недела, во критична состојба се пет од 115 лица кои се на лекување во странство. Во македонските болници сите 55 пациенти се во стабилна и добра состојба и се планира девет да бидат испишани на почеток на неделава, откако ќе им бидат направени сите токсиколошки и психолошки испитувања. Се очекуваат информации од натамошниот тек на истрагата во која засега се осомничени 34 лица, како и од најавените инспекциски контроли во објектите од јавен карактер низ државата, за што општините ќе се координираат преку Заедницата на единиците на локалната самоуправа. Како што соопшти вчера министерот за здравство Арбен Таравари, подготвен е протокол според кој се очекува в среда или четврток да бидат пречекани првите пет пациенти кои што се лекуваат надвор од државата. – Протоколите ќе бидат објавени на нашата веб страна, исто така ќе бидат испратени и до Министерство за надворешни работи и надворешна трговија, како и до сите други држави. Ќе имаме специјални екипи кои што ќе работат со овој протокол кои што ќе се придржуваат до информациите за состојбата на пациентите кои што треба да ги добиеме. Ќе има специјална екипа која што ќе ги прифаќа и специјални возила кои што ќе ги пречекаат и сместуваат во болниците. Првата тријажа ќе се направи во болницата од каде што е пуштен пациентот, па ќе бидат хоспитализирани во болници каде што треба. Доколку нема потреба ќе се пуштаат на домашно лекување, изјави вчера Таравари. Во оваа фаза постои ризик од развивање на инфекции и за тоа состојбата на пациентите може да флуктуира. – Одредени пациенти веќе добиваат антибиотици за да се превенираат тие инфекции, така што се надевам и тие што ќе пристигнат, веќе зборувавме за стерилизирање на автомобилите со кои што ќе дојдат, како и собите каде што ќе се третираат,се надеваме на што помалку компликации и подобро здравје на сите тие што ќе се вратат во државата, рече Таравари. Од 17-те лица повредени во пожарот во Кочани кои се лекуваат во Ургентниот центар на Универзитетскиот клинички центар на Србија во Белград, две се на механичка вентилација, а двајца се оперирани. Како што соопшти Милан Стојичиќ, директор на Клиниката за пластична и реконструктивна хирургија при УКЦС, пациентите се во добра состојба и постоперативно се без проблеми. На шест од вкупно десет пациенти кои се лекуваат на Универзитетската клиника за хируршки болести во Скопје им е направена трансплантација на кожа поради степенот на изгореници. Директорот на Клиниката, Небојша Настов информираше дека шесте пациенти на кои им е направена трансплантацијата се со трет степен на изгореници, додека кај другите пациенти продолжуваат редовните преврски и веќе во текот на наредната недела се очекува да бидат пуштени на домашно лекување. Но, како што рече, ситуацијата е флуидна и може да се смени од час во час. Мирните собири на граѓаните за оддавање почит на жртвите во трагедијата продолжија и вчера. Во Кочани се одржа 60-минутен Марш со молк, како симболична почит за сите 60 лица кои починаа како последица од пожарот во дискотеката „Пулс“ што се случи минатата недела. Без транспаренти и тивко, колоната граѓани помина по улиците во централното градско подрачје и стигна пред зградата на Општина Кочани. Со мотото „Молкот зборува најгласно“, стоејќи мирно, учесниците на маршот испратија симболична порака дека бараат одговорност за трагедијата којашто уништи неколку генерации млади луѓе. И на Градскиот плоштад во Охрид се одржа 60-минутен молк во знак на почит кон жртвите од трагедијата во Кочани. Граѓани на Охрид одадоа почит на настраданите искажувајќи поддршка на нивните и на семејствата на сите повредени во најголемата несреќа во историјата на независната македонска држава. Собир со 60 минутен молк се одржа и во Скопје. Во меѓувреме продолжија контролите што ги најавија институциите во сите јавни објекти низ државата, за проверка на документацијата, исполнувањето на обврските од лиценците и дозволите, на техничките услови за работа и безбедносните стандарди, а дел од ресорите споделија и конкретни податоци. Утврдени се прекршувања на владината одлука за деновите на жалост, што завршија вчера, два објекта во општина Центар се затворени, а приведени се над 20 лица во Скопје, Битола и Охрид… Општините пак се координираат преку Заедницата на единиците на локална самоуправа (ЗЕЛС) за проверки на училиштата, градинките, спортските сали, културните домови, но и сите угостителски објекти и други места каде секојдневно се собираат граѓани. – Особен акцент е ставен на објектите во кои престојуваат деца и млади, а инспекциските контроли ќе бидат континуиран процес и во наредните недели и месеци систематски ќе се проверуваат сите објекти во државата, со цел сите јавни и приватни објекти каде се собираат луѓе, било да се образовни, здравствени институции, спортски или културни објекти или угостителски локали, да бидат безбедни, најави претседателот на ЗЕЛС Орце Ѓорѓиевски. Поради недоволниот број инспекциски служби, особено во помалите општини најави меѓуопштинска соработка. ЗЕЛС ја презема улогата на координатор на сите активности на локално ниво, за меѓусебна помош и споделување на ресурсите и знаењата, а инспекциските капацитети ќе се стават на располагање таму каде има потреба за да може секоја општина темелно да ги провери сите објекти на својата територија. Државниот инспекторат за транспорт вчера соопшти дека од 138 контроли за вршење превоз на патници и стоки кои во претходните три дена ги направиле инспектори за патен сообраќај, неправилности се утврдени кај 21 правно и физичко лице и им се изречени соодветни казни. Изречени се казни на Дурмо турс од Гостивар; Дени интернационал од Илинден; Свис мак алигега од Гостивар; Зем промет – компани од Сарај; Словин Билјана од Охрид; Бис од Охрид; Пештер ДОО од Чаир, Димитриоски од Гази Баба; Хисари-ГД од Дебар; Инком бизнис од Куманово и Палас експорт-импорт од Гостивар. Покрај овие 11 правни лица, биле констатирани и неправилности кај 10 физички лица кои вршат дејности за превоз на патници и стока. Претходно министерот за транспорт Александар Николоски објави дека од вкупниот број над 3000 издадени лиценци во делот на градба, проектирање, надзор, изработка на детални урбанистички планови заклучно со се одземени 427 лиценци од прегледани 2810. Тој најави дека уте ќе бидат објавени финалните бројки и со име ќе бидат објавени сите носители на лиценци на кои ќе им бидат одземени, а ќе бидат информирани и надлежното обвинителство и МВР за да можат тие да проверат од свој аспект. Со истрагата за пожарот досега се опфатени 27 физички и три правни лица, а истражни постапки има и против седум полициски службеници од СВР Штип и ПСОН Кочани. Во првата фаза во постапувањето на МВР и Обвинителството, поднесени се две кривични пријави против 34 физички и три правни лица, за кривично дело „тешки дела против општата сигурност“ по член 292 во врска со „предизвикување општа опасност“ по член 288 од Кривичниот законик. Едно лице е пријавено и за „примање поткуп“ по член 357 од КЗ. По 30-девниот притвор за седумте полициски службеници од СВР Штип и ПСОН Кочани, како што информираа завчера од Основниот суд Кочани таква мерка е определена за сите 24 лица за кои имаше барање од Основното Јавно обвинителство. Меѓу 24. лица за кои е одреден притвор се и тројцата градоначалници на Кочани и тоа градоначалникот во оставка Љупчо Папазов, како и поранешните Ратко Димитровски и Николчо Илијев, поранешниот министер за економија Крешник Бекштеши....

Хроника Четири лица повредени во сообраќајка во Кавадарци 24/03/2025 07:45 Четири лица биле повредени синоќа околу 23 часот во сообраќајка во Кавадарци, при судир на две возила на крстосницата кај Брушински мост. Информацијата утрово ја потврдиле од Итната медицинска помош во Кавадарци. – Како итна медицинска помош бевме на лице место веднаш штом го добивме повикот за сообраќајна несреќа, директен судир на две возила на крсосницата кај Брушански мост во градот. Четирите повредени лица ги пренесовме во Општата болница во Кавадарци, изјавил д-р Антоан Паракеов....

Скопје Без струја дел од корисниците во Бутел, Зелениково, Карпош и Ѓорче Петров 24/03/2025 07:41 Без електрична енергија денеска од 8 до 15 часот ќе бидат корисниците од ул. „62“ во Радишани во општина Бутел, а од 9 до 13 часот, корисниците од бул. „Партизански Одреди“ бр.102 во општина Карпош, го пренесува РЦУК -Скопје известувањето од ЕВН Македонија. Струја ќе немаат и корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село, Пакошево во општина Зелениково, од 09.00 до 14.30 часот, дел од корисниците на ул. „Александар Мартулков“, Хром во општина Ѓорче Петров, од 09.30 до 12.30 часот, дел од корисниците од улиците „Дрезденска“, „Римска“ и „Анкарска“ во општина Карпош, од 10.00 до 15.00 часот, како и корисниците од ул.„Ѓорче Петров“ бр.168 и околните броеви во општина Ѓорче Петров, од 12 до 14 часот....

Македонија Променливо облачно и потопло со повремени локални врнежи од дожд 24/03/2025 07:34 Времето денеска ќе биде променливо облачно и потопло со повремени локални врнежи од дожд. Ќе дува умерен до засилен јужен ветер. Минималната температура ќе биде во интервал од 3 до 10, а максималната ќе достигне од 62 до 22 степена. Во Скопје, променливо облачно со услови за повремен дожд. Ќе дува умерен јужен ветер. Минималната температура ќе се спушти до 7, а максималната ќе достигне до 22 степена. Следува период на променливо облачно време со повремени врнежи од дожд. Поинтензивни процеси се очекуваат од средината на следната седмица кога наместа врнежите ќе имаат пороен карактер и ќе бидат проследени со грмежи и силен ветер (над 60 киометри на час). Локално ќе наврне поголема количина на дожд (над 20 литри на метар квадратен за 24 часа). До четврток ќе дува јужен ветер, кој утре ќе биде со засилен интензитет, а од петок ќе дува од северен правец....

Македонија Родени во Македонија, лекари во Софија – судбината ги врати да спасуваат свои луѓе 23/03/2025 23:27 Тројцата лекари од екипата на Брзата помош во Софија, кои први ги преземаа повредените од трагичниот пожар во Кочани, се со потекло од Македонија – објави бугарската телевизија БТВ во специјална емисија посветена на трагедијата. Во медицинскиот тим се: • Д-р Марија Кушевска – родена и израсната во Кочани, • Д-р Татјана Ачова – од Штип, • Д-р Костадинов – од Пробиштип. Д-р Кушевска, која заминала како дел од спасувачката мисија, имала длабоко лична поврзаност со настанот. Во пожарот изгубила роднини и пријатели, а додека ги преземала пациентите за транспорт, дознала дека меѓу нив е пријател на нејзиниот брат. На летот кон Софија бил и нејзиниот прв братучед. Во мисијата учествувал и Д-р Даниел Кировски од Валандово, кој исто така беше дел од тимот што отпатува од Бугарија за да помогне настраданите од катастрофалниот пожар во ноќниот клуб „Пулс“. Овие лекари, иако веќе долго време работат надвор од Македонија, покажаа исклучителна посветеност и човечност, враќајќи се во својата родна земја да помогнат во најтешките моменти. Нивниот ангажман и емпатија се силен потсетник дека солидарноста нема граници....

Македонија Марија од Кочани ги расплака сите: Ја закопавме мамa, сега тебе, која судбина ја имам 23/03/2025 21:58 Марија Тасева од Кочани се спаси таа ноќ во дискотеката „Пулс“ која проголта 59 животи. Но, за жал нејзината сестра Лепа не успеа да се спаси. Марија со емотивна објава полна со болни зборови и тага се простува од нејзината постара сестра. -Не требаше вака да биде сестричке, сега почнаа твоите најубави години. Се вратив по тебе во диското за да те најдам, ама не ми дозволија да влезам, не можев да те спасам. Да ми дозволеа може ќе те спасев или ќе изгоревме заедно, ама битно заедно ќе бевме. Извини што не можев да влезам, извини многу. Ми кажа дека никогаш нема да ме оставиш, дека ќе ме чуваш, ќе бидеш до мене. Ама на неочекуван начин не’ напушти, да знаев дека последен пат ќе те видам во диското, ќе те гушнев и ќе горевме заедно. Оваа болка не се издржува. Ја закопавме мама, а сега тебе те закопувам, која судбина ја имам на овие 19 години? Секогаш ќе бидеш во моето срце сестричке, непребол…држете се со мама горе, НАЈМНОГУ ВЕ САКАМ, пишува младата Марија на социјалните мрежи простувајќи се од својата сестра Лепа. Семејството пред две години доживеало уште една трагедија, кога починала мајката на двете сестри....

Спорт За првпат од 2012 година, Мекларен победи на три трки по ред 23/03/2025 21:51 Победата на Оскар Пјастри на Големата награда на Кина значи дека тимот на Мекларен ја забележа третата последователна победа во Формула 1, која датира од последниот старт на сезоната 2024 година во Абу Даби. Ова е прв пат од 2012 година британскиот тим да забележи ваква серија. Пред 13 години, возачи на тимот беа светските шампиони Луис Хамилтон и Џенсон Батон, кои забележаа три последователни победи во Унгарија, Белгија и Италија. Во Унгарија и во Монца победите му припаднаа на Хамилтон, додека Батон триумфираше на Спа. Покрај тоа, Мекларен денеска ја освои и својата 50-та двојна победа во Формула 1, откако другиот возач на тимот, Ландо Норис заврши на второто место во Шангај. Токму Британецот ги забележа првите две победи од актуелната серија од три последователни успеси, победувајќи во Абу Даби на крајот на минатата година и во Австралија пред една недела....

Балкан, Македонија Пет пациенти во Бугарија се под 18 години, ќе бидат потребни пластични операции 23/03/2025 21:40 Има и деца и возрасни на респираторно дишење. Сите се третирани според сите правила. Раните се стабилни, но најтешка околност е вдишувањето на гасови во белите дробови. Сите останати се на спонтано дишење, двајца се екстубирани, веќе не се на механичка вентилација. Можеме да кажеме дека се во добра состојба на апарати за дишење. Ова го изјави министерот за здравство на Бугарија, доц. д-р Силви Кирилов за настраданите од дискотеката во Кочани кои беа примени во бугарските болници. Во Бугарија се лекуваат 15 лица. Само двајца од нив се постари од 30 години. Петмина се помлади од 18 години. „Рано е да се зборува за испуштање, бидејќи прво – имаме отворени рани кои се лечат и најверојатно ќе биде потребна пластична хирургија, и второ – има оштетување на белите дробови и се уште е рано да се каже што, кога и како ќе се случи. Имаме уште многу долг пат“, рече министерот Кирилов....

Свет Канада оди на итни избори на 28 април, премиерот Карни бара јасен мандат да се справи со Трамп 23/03/2025 21:28 Канадскиот премиер, Марк Карни, распиша предвремени избори на 28 април, со што започна натпреварот кој се очекува да се фокусира на заладените односи со САД во услови на закани за економската и политичката иднина на Канада. „Се соочуваме со најзначајната криза во нашиот живот поради неоправданите трговски акции на претседателот [Доналд] Трамп и неговите закани за нашиот суверенитет“, рече тој. „Тој сака да нѐ скрши, за Америка да нè поседува. Нема да дозволиме ова да се случи. Мораме да внимаваме на себе. Мораме да се грижиме еден за друг“. Неколку моменти претходно, Карни се сретна со генералниот гувернер Мери Сајмон, барајќи таа да го распушти 44-от парламент на земјата и да распише избори. Според федералниот закон, минималната должина на кампањата е 37 дена. Со распишувањето на предвремените избори во потрага по „силен, позитивен мандат“, Карни не мора да се соочи со непријателски парламент – пресметка комплицирана од фактот што тој нема место во Долниот дом. Парламентот треба да се врати во сесија во понеделник откако беше одложен два месеци, по најавата за оставка на поранешниот премиер Џастин Трудо на почетокот на јануари. Одлуката на Карни доаѓа кога либералите доживуваат невиден замав во анкетите, што сега ги стави пред конзервативците, при што некои предвидуваат дека партијата има доволно поддршка на национално ниво за да формира мнозинска влада. Пред распуштањето на парламентот, актуелните либерали имаа 152 места во Долниот дом. Конзервативците имаа 120, блокот Кебекоа 33, НДП 24, а партијата на Зелените два. „Карни беше менувач на играта и целосно ја смени среќата на Либералната партија“, рече Лори Турнбул, директорка на Школата за јавна администрација на Универзитетот Далхози. „И сè повеќе, овие избори веќе не се однесуваат на партиите, ниту на брендовите што тие ги претставуваат“. Бројни истражувања од фирми за анкетирање сугерираат дека Канаѓаните го сметаат Карни за поспособен од конзервативниот лидер Пјер Полиевре во справувањето со економските турбуленции, трговските разговори и односите со непријателска и непредвидлива Бела куќа. Трамп силно влезе во политичкиот наратив на Канада, постојано заканувајќи се дека ќе води економска војна против најблискиот сојузник на САД и еден од нивните најголеми трговски партнери, со крајна цел да го анектира северниот сосед на земјата. Тие закани и изгледите за болни царини за канадски стоки, ја наелектризираа земјата, со наплив на патриотизам, повици за бојкот на американските производи и собирен крик „лактите нагоре“. „Трамп е симбол на тоа дека тој покажува колку Канада е ранлива на многу начини. Луѓето сакаат лидер кој може да биде противотров за таа неизвесност“, рече Турнбул. „И ако гледате анкета по анкета, луѓето веруваат дека Карни нуди нешто, во овој момент, што им треба на Канаѓаните“. Во видеото од кампањата објавено во саботата вечерта, кое имаше милиони прегледи, канадскиот актер и комичар Мајк Мајерс се појавува со Карни во соодветни дресови за хокеј на мраз на тимот на Канада. Карни го прашува Мајерс, кој долго време глумеше во „Saturday Night Live“, со канадски културни референци во тест за идентитетот на комичарот. „Леле, навистина си Канаѓанец“, вели Карни, откако Мајерс ќе одговори точно на секое прашање. Рекламата завршува со тоа што Карни му кажува на Мајерс „секогаш ќе има Канада“ и двајцата се согласиле дека е време за „лактите нагоре“, хокеарската фраза која стана најновиот слоган во земјата поради заканите за канадскиот суверенитет. Камерата потоа го прикажува Мајерс одзади со неговиот дрес на кој е напиша слоганот „Никогаш 51“, повикувајќи се на одбивањето на Канада да се приклучи кон САД. За помалку од 24 часа, видеото беше прегледано повеќе од 7 милиони пати, што е невидено ниво за канадска политичка реклама. Ако либералите излезат како победници во април, тоа ќе биде запаметено како најголемото политичко враќање во историјата на земјата – а за конзервативците, катастрофално губење бидејќи до неодамна изгледаше дека сигурно ќе победат. Веќе во 2023 година, агрегаторот на анкетите на ЦБЦ ја одреди шансата на ториевците за изборна победа од 99% – навидум несовладлива предност што ја задржаа до средината на февруари 2025 година кога се промени политичкиот пејзаж. Турнбул рече: „Се чини дека конзервативците не ги кажуваат работите што се поврзуваат со тоа како се чувствуваат Канаѓаните. Пред неколку месеци, Полиевре зборуваше за достапност и домување, прашања за кои либералите беа глуви. Но сега, тој некако отсуствува. Конзервативците ги задржуваат истите пораки, иако Канаѓаните се сменија. „Можеби се обидуваат да се убедат себеси дека Карни е на меден месец и ако само се држат до своите белешки, анкетите ќе се вратат на некоја верзија на она што биле порано, а потоа тие први ќе ја поминат целта“. Полиевре ја оформи кампањата на неговата партија како платформа „Канада на прво место“. Во неделата, тој им рече на новинарите на почетокот на неговата кампања: „Трамп беше многу отворен дека сака слаба Канада на која може да се насочи… Изборот на либералите ќе ја ослабне нашата земја“. Тој додаде дека Канада „никогаш нема да биде американска држава; ние секогаш ќе бидеме суверена и самостојна земја“. Конзервативците, без Трудо како политичка вреќа за удирање, велат дека Карни е во голема мера одговорен за бавниот раст на земјата во последниве години, со оглед на неговата улога како економски советник на Либералната партија. „Целата стратегија се заснова на тоа да може да се дефинира Карни. И кога би можеле да го направат тоа, тогаш нивната стратегија веројатно би функционирала“, рече Турнбул. „Но, тоа не функционира. Гласачите, во анкети по анкети, не ја прифаќаат дефиницијата на конзервативците за тоа кој е Марк Карни. И тоа ќе биде важно во наредните недели“....

Балкан Пожар избувна на познато грчко летувалиште 23/03/2025 21:18 Пожар попладнево избувна во шумската област Агиос Никитас на Лефкада, јавија грчките медиуми. Пожарот избувнал во близина на плажата Катисма. Според Противпожарната служба, за инцидентот биле известени во 16 часот и 40 минути и засега нема извештаи за непосредна опасност по околните домови. Нешто пред 18 часот жителите преку 112 биле предупредени да бидат подготвени, а вторпат да се евакуираат....

Скопје Во скопскиот Градски парк едночасовен молк за жртвите од трагедијата во Кочани 23/03/2025 20:37 Попладнево во скопскиот Градски парк и со едночасовен молк граѓани им оддадоа почит на жртвите од пожарот во Кочани. Собирот беше најавен на социјалните мрежи од групата „Студентски пленум“ за во 16.30 часот, а едночасовниот молк започна во 16.59 часот. Насобраните не дадоа изјави за медиумите пред почетокот на молкот....

Македонија Б92: Македонците уапсија блокатори од Србија кои дошле да прават хаос 23/03/2025 20:27 Група блокатори од Србија, всушност политички активисти поврзани со движења од Србија и невладини организации, беа уапсени во Скопје под сомнение дека дошле да организираат хаос и да ја искористат трагедијата во Кочани за дестабилизација, пишува Б92. Порталот пишува дека според информациите од безбедносни извори, уапсените имале задача да ги едуцираат локалните активисти како да предизвикуваат инциденти, блокади и граѓанска непослушност, по веќе виденото сценарио од Белград. Додека државата тагува и им помага на повредените, некои се обидоа да купат политичко влијание преку тргување со протести. Но, Македонците не дозволија некој од странство да запали искри меѓу сопствениот народ....

Балкан Српскиот коментатор плачеше за време на минутата молк за настаданите во Кочани и смртта на Делибашиќ и Илиќ 23/03/2025 19:44 Фудбалската репрезентација на Србија во моментов во Белград го игра реваншот од плејофот од Лигата на нации против Австрија, со која се бори за место во елитната А дивизија на ова натпреварување. На социјалните мрежи актуелно е видеото со коментаторот на РТС, Александар Стојановиќ, кој не можеше да ги запре солзите пред почетокот на мечот, кога фудбалерите на двата тима со минута молчење им оддадоа почит на жртвите во големата трагедија која и се случи на Македонија во Кочани, како и во знак на почит фудбалерите Андрија Делибашиќ и Радиша Илиќ, на Душан Маравиќ и Вукашин Црнчевиќ, 16-та жртва од уривањето на настрешницата во Нови Сад. Овој момент медиумите во Србија го опишуваат како еден од најтрогателните и најтажните во историјата на нивната национална телевизија. Извор: Спортс спорт...

Македонија Метео предупредување за Македонија: Локални врнежи и засилен јужен ветер 23/03/2025 19:28 Управата за хидрометеоролошки работи издаде метео предупредување за утре, 24 март 2025 година. Според најавите, во текот на денот се очекуваат повремени локални врнежи од дожд, како и засилен јужен ветер, кој на места ќе надмине брзина од 60 километри на час. Граѓаните се советуваат на претпазливост, особено во планинските и отворените подрачја каде ветерот може да предизвика дополнителни проблеми. Возачите да бидат внимателни поради можност од намалена видливост и влажни коловози....

Хроника Две лица пренесувале амфетамин од Скопје до Гевгелија 23/03/2025 18:50 Основното јавно обвинителство Гевгелија донесе Наредба за спроведување истражна постапка против две лица за кои постои основано сомнение дека во соизвршителство сториле – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. По претходен договор и заедно, тие на 17 март во возило фолксфаген голф со скопски регистарски ознаки од Скопје до Гевгелија превезувале психотропна супстанција амфетамин во вкупна количина од 1.491 грама, соопшти вечерва Јавното обвинителство. Амфетаминот, информира Министерството, се нафатиле да го пренесат за трето лице по кое се трага, за сума од 300 евра. Пратката во три најлонски пакувања ја презеле од локација во Аеродром и ја сокриле под хаубата на автомобилот. Со себе ја зеле и девојката на второосомничениот за која е поведена постапка за – Непријавување кривично дело или сторител од член 364 став 2 од Кривичниот законик. Возејќи кон Гевгелија и кон локацијата на која требало да го остават амфетаминот, биле запрени од полициски службеници пред наплатната станица во близина на селото Смоквица. Поради претходни оперативни сознанија, обезбедена е наредба од судија на претходна постапка и извршен претрес на возилото, при што била пронајдена психотропната супстанција. Јавниот обвинител до Основниот суд во Гевгелија достави предлог за определување мерка притвор за двајцата соизвршители....

Македонија Од утре почнува исплатата на итна и првична помош за семејствата зафатени од несреќата во Кочани 23/03/2025 17:53 Од утре почнува исплатата на итната и првична помош од 150 илјади денари за секое семејство кое на кој било начин е зафатено со несреќата во Кочани. Од Владата и понтаму со апел семејствата на оние кои се лекуваат надвор да ги контактираат владините тимови и дипломатско-конзуларните претставништва за каква и да е потреба или трошок. Во меѓувреме, преку солидарниот фонд на Црвениот крст собрани се речиси 53 милиони денари или близу 850 илјади евра. Оние кои сакаат да помогнат и да се вклучат во хуманитарната акција можат да донираат со телефонско јавување на бројот 143 400 од сите мобилни оператори и на жиро сметката на Црвениот Крст....

Македонија Иван Лефков демантира дека е адвокат на Дејан Јованов, сопственикот на „Пулс“ 23/03/2025 18:26 Во врска со објавата на Инфомакс дека сум адвокат на Дејан Јованов сопственикот на Дискотека Пулс : ДЕМАНТИРАМ!, напиша на фејсбук Иван Лефков. ВО ПРЕДМЕТОТ на Основен суд Кочани К-170/13 помеѓу обвинетите не е сопственикот на дискотеката туку лице со исто име и презиме роден 1984 година, а јас сум бранител на прво обвинетиот Горан може да видите на записникот СРАМОТА!!!Немам никаква врска со сопственикот на диското ниту некогаш сум имал ангажман цел град знае кој му е адвокат на Деко! Веста е целосно измислена сите што ме знаат и познаваат знаат дека ова е лага и измислица ќе доставам и докази а од Инфомакс барам ЈАВНО ИЗВИНУВАЊЕ!! Во меѓувреме сите мои коментари на објавата на инфомакс се избришани и сум блокирам а од нив немам одговор на пораката-Доказ дека целта е да бидам оцрнет но мојата совест е чиста каде на вас ќе ви оди душата!!!...

Македонија Подготвен е протокол според кој идната недела ќе бидат пречекани првите пет пациенти кои се лекуваат во странство 23/03/2025 17:46 Подготвен е протокол според кој идната недела ќе бидат пречекани првите пет пациенти кои што се лекуваат надвор од државата, информираше денеска министерот за здравство Арбен Таравари по состанокот на Кризниот штаб за повредените од пожарот во дискотеката „Пулс“ во Кочани. Како што соопшти Таравари, петте пациенти се очекува да пристигнат во среда или четврток, а ќе бидат пречекани од специјални екипи и возила кои ќе се придржуваат до протоколот и информациите за состојбата на пациентите, по што, појасни, ќе ги сместат во болниците од каде биле претходно пуштени пациентите, каде ќе им биде направена првата тријажа. – Протоколите ќе бидат објавени на нашата веб страна, исто така ќе бидат испратени и до Министерство за надворешни работи и надворешна трговија, како и до сите други држави. Ќе имаме специјални екипи кои што ќе работат со овој протокол кои што ќе се придржуваат до информациите за состојбата на пациентите кои што треба да ги добиеме. Ќе има специјална екипа која што ќе ги прифаќа и специјални возила кои што ќе ги пречекаат и сместуваат во болниците. Првата тријажа ќе се направи во болницата од каде што е пуштен пациентот, па ќе бидат хоспитализирани во болници каде што треба. Доколку нема потреба ќе се пуштаат на домашно лекување, рече Таравари. Секоја фаза, посочи, има свои компликации и потешкотии, појаснувајќи дека во оваа фаза постои ризик од развивање на инфекции, затоа, рече, состојбата на пациентите може да флуктуира. – Јас кажувам каква е моменталната состојба на пациентите. Одредени пациенти веќе добиваат антибиотици за да се превенираат тие инфекции, така што се надевам и тие што ќе пристигнат, веќе зборувавме за стерилизирање на автомобилите со кои што ќе дојдат, како и собите каде што ќе се третираат, така што се надеваме на што помалку компликации и подобро здравје на сите тие што ќе се вратат во државата, рече Таравари. Екипите кои што ќе ги пречекаат пациентите, додаде, ќе бидат од нашата држава, а во зависност од каде и со што ќе доаѓаат, така ќе бидат и пречекувани. – Екипите кои што ќе ги пречекаат пациентите ќе бидат од нашата држава, во зависност од каде доаѓаат и со што ќе доаѓаат. Доколку доаѓаат со авион, ќе бидат пречекани на Меѓународниот аеродром во Скопје, а ако се од соседните држави, за што мислам дека најдоцна ќе се враќаат бидејќи таму се најтешките пациенти, односно во Србија, Бугарија и Грција, рече Таравари. Таравари соопшти дека е стабила состојбата на 55-те пациенти кои се лекуваат во државава, а од 115 пациенти во странство во критична состојба се пет. – Бидејќи вчера ме прашавте за тоа што министерот за надворешни работи кажал 116 пациенти, сакам само да ве информирам дека 116-от е некој од семејството на тие што се лекуваат надвор од државата, така што, бројката е иста. Нормално, флуктуира состојбата на пациентите, но генерално очекуваме и се надеваме… седми ден е со нула починати, нема ниту еден од пациентите што ги испративме да има фатален исход. Се надеваме така и да продолжи состојбата на овие кои се во критична состојба да се подобри и да соопштуваме само добри вести, рече Таравари. Се очекува утре од македонските болници да бидат испишани девет пациенти, но, како што рече, откако ќе им бидат направени сите токсиколошки и психолошки испитувања. На Клинички центар лежат 27 пациенти, во ГОБ „8 Септември“ – 10 пациенти, Градска општа болница – 10 пациенти, додека во приватните клиники има осум пациенти. Прашан каква поука извлече здравствениот систем од трагедијата во Кочани, Таравари рече „здравствениот систем успеа да се справи со оваа состојба релативно добро, со сите слабости и недостатоци кои што ги има“. Бројките, вели, говорат сами по себе, тоа што имаме нула починати, но, како што рече, треба понатаму да се инвестира во здравствените капацитети и да се подобрат состојбите колку што може во овие можности кои што ги имаме како држава....

Живот Совети за детоксикација на организмот по двишување на отровни гасови од чад 23/03/2025 17:29 Како да направите detox по вдишување на отровни гасови детално објаснување дава д-р Нико Беќаровски. – Во “хорор ќелијата” во Кочани имало околу 650 млади луѓе, од кои најголемиот дел вдишале од отровните гасови кои се ширеле со чадот. За сите кои не завршија во болниците еве еден комплетно природен протокол за детоксикација на организмот од штетните гасови. 1. Секој ден конзумирајте 2-3 литри вода. 2. Утрото започнете го со чаша топла вода во која ќе исцедите 1/2 лимон. 3. Во текот на денот испијте еден зелен чај и еден чај од ѓумбир и куркума. 4. Јадете барем едно јаболко и што повеќе брокула, зелка, карфиол, berries (малина, капина, јагода) 5. Ручекот нека Ви биде, леќа, овес, интегрален ориз, печурки (по можност реиши) 6. Препорачлива е сауна, или барем секојдневно 10 минутно наизменично туширање со топла/ладна вода. 7. Intermittent fasting 8/16 Кон овие принципи би требало да се придржувате 15 до 30 дена, зависно од изложеноста. Ако сето ова Ви делува премногу комплицирано и тешко изводливо, едноставната алтернатива е 2х на ден 15-30 дена Caps. G-132+Natural и 2-3 литри течности. Протоколот е применлив и за сите пушачи кои би требале да го спроведуваат на секои три месеци, но и за сите граѓани кои живеат во котлини со поголемо загадување....

Хроника Насилство за скопската обиколница: Се претставил како полицаец со значка, па извадил нож 23/03/2025 17:01 Основното јавно обвинителство Скопје поведе постапка против 20-годишник осомничен за кривично дело – Насилство од член 386 став 3 во врска со став 1 од Кривичниот законик. На 21 март попладне, на обиколница Скопје во близина на клучката кај Стајковци, извршил грубо насилство врз едно лице и со тоа во јавноста предизвикал чувство на несигурност, загрозување и страв. Поради недоразбирање во сообраќајот, осомничениот управувајќи автомобил “Фолксваген голф” дошол во иста линија со возило “Сеат леон” кое го управувал оштетениот. Со автомобилот започнал да навлегува во лентата по која се движел оштетениот, па како да е овластен полициски службеник преку својот прозорец на оштетениот му ја покажал полициската значка, која била во возилото и со која бил задолжен неговиот татко – полициски службеник во СВР Скопје. Оштетениот, мислејќи дека се работи за стоп наредба од овластен полициски службеник, го запрел своето возило и се упатил кон возилото на осомничениот. Тој излегол надвор, почнал да го пцуе оштетениот, па од фармерките извадил нож на расклопување и го отворил сечивото. Со ножот почнал да замавнува кон оштетениот, нанесувајќи му телесни повреди, по што побегнал. Јавниот обвинител до судијата на претходна постапка при Основниот кривичен суд Скопје достави предлог за определување мерка притвор, имајќи ја предвид пред се опасноста тој да се даде во бегство доколку биде пуштен да се брани од слобода за да ја избегне кривичната одговорност за делото што му се става на товар“, велат од Обвинителството....

Македонија Општините ќе си ги позајмуваат инспекторите за контролирање на објектите се додека не си обезбедат своја служба 23/03/2025 16:34 По градинките, училиштата, спортските сали, домовите за култура, општините ќе ги проверуваат и објектите за домување дали исполнуваат услови за противпожарна заштита, но и генерално за безбедноста на луѓето. Ова денеска го соопшти претседателот на ЗЕЛС и градоначалник на Кисела Вода, Орце Ѓорѓиевски, кој најави дека утре ќе се знае каква е безбедносната состојба со објектите од јавен карактер во општините по вонредната контрола која беше спроведена по трагичната несреќа. Тој рече дека повеќето од општините редовно вршеле контрола, но не сакаше да ги открие општините кои не ја спроведувале редовно таа своја обврска. „Јас не можам сега да излезам со имиња на општини или со имиња на градоначалници, но ви кажувам дека постојат објективни причини во многу од општините зошто до сега не се вршеле проверки. Јас жалам што не е секаде состојбата проверувана изминатите години и претпоставувам дека има општини, коишто, можеби и од објективни причини не го направиле тоа. Кои се објективните причини и зошто тоа го споменав и на мојата прес-конференција, е делот на недоволно инспекциски служби“, изјави Орце Ѓорѓиевски, претседател на ЗЕЛС и градоначалник на Кисела Вода. На овие општини како што информираше Ѓорѓиевски ќе им се помогне такашто на располагање ќе им бидат ставени инспекциските служби на поголемите општини се додека тие не си обезбедат своја инспекциска служба. Ѓорѓиевски најави дека станбените згради се следни за контрола....

Македонија Таравари: Сите пациенти во македонските болници се во добра и стабилна состојба 23/03/2025 16:25 По завршување на редовниот состанок на кризниот штаб, министерот Арбен Таравари информираше за состојбата со пациентите, кои беа повредени во несреќата што се случи во Кочани. Во македонските болници сите пациенти се во стабилна и добра состојба. Се планира девет пациенти да бидат испишани на почеток на неделата, откако ќе им бидат направени сите токсиколошки и психолошки испитувања. Надвор од државата се 115 пациенти, во критична состојба продолжуваат да бидат пет пациенти, но состојбата на пациентите флуктуира. Седми ден е, нула починати. Нема ниту еден пациент кој починал. Очекуваме да се подобрува состојбата. Следната недела имаме најави за враќање на повеќе пациенти во државава“, рече Таравари на денешната изјава за медиумите, по завршување на редовниот состанок на кризниот штаб....

Македонија Над 18.000 билети продадени против Велс, приходот оди за повредените и семејствата на жртвите од Кочани 23/03/2025 16:08 Македонската фудбалска јавност со голема поддршка и чувство за солидарност и хуманост ќе ја бодри нашата репрезентација во вторник на арената „Тодор Проески“ во Скопје. Повеќе од 18.000 билети се продадени за натпреварот против Велс кој е дел од второто коло од новиот циклус мундијалски квалификации. Претседателот на Фудбалска федерација на Македонија, Масар Омерагиќ вчера најави дека средствата од продажбата на билетите за овој натпревар ќе бидат донирани за повредените и семејствата на загинатите во пожарот во дискотеката „Пулс“ во Кочани. Во овие тешки моменти, нашите мисли се со семејствата на настраданите во големата трагедија во која животот го загубија многу млади луѓе. Како знак на поддршка и солидарност, сакам да најавам дека приходот од влезниците за нашиот следен натпревар против Велс ќе биде дониран за повредените и семејствата на загинатите. Ова е време кога фудбалот покажува дека е повеќе од игра – фудбалот и репрезентацијата обединуваат и помагаат, истакна Омерагиќ. Натпреварот Македонија-Велес се игра во вечерниот термин од 20:45 минути....

Скопје Независен студентски сојуз: Утрешниот собир не е откажан, се шират лажни и тенденциозни шпекулации 23/03/2025 15:33 “Сакаме јасно да кажеме дека собирот не е откажан. Сите дезинформации што кружат се лажни и тенденциозни“ реагираат од Независниот студентски сојуз на УКИМ. Претходно во текот на денот одредени медиуми објавија дека НСС го откажува утрешниот собир поради партиско мешање, но сега следи демант на таквите објави. Како што велат од НСС, пленумот ќе се одржи како што е планирано, утре во 13 часот на платото на УКИМ. Претходно и од иницијативата „Кој е следен?“ демантираа дека објавениот видео-разговор на група студенти и девојка од Србија е поврзан со нивната иницијатива. Тие велат дека немаат никаква поврзаност со тој повик, ниту се вклучени во какви било разговори за формирање на нови студентски организирања. „Наместо да одговорат на барањата за правда, одговорност и безбедност, тие се служат со провидни манипулации, лажни вести и медиумски спинови. Притисоците од лажни профили, пропагандни медиуми, како и од полициски и параполициски структури, само дополнително ќе ја зајакнат нашата волја“ велат од иницијативата....

Хроника Мотоциклист тешко повреден во сообраќајка кај Карбинци 23/03/2025 15:29 Вчера околу 13 часот во СВР Штип, било пријавено дека на пат во с.Карбинци, В.Н.(47) од с.Карбинци, општина Карбинци управувајќи мопед со штипски регистарски ознаки излетал надвор од коловозот. Во несреќата со тешки телесни повреди се здобил возачот, констатирани во Клиничката болница Штип. Извршен бил увид од увидна екипа од СВР Штип....

Магазин Трајковски: Шести ден на тагата „Последниот разговор со тебе ќе остане во моето срце засекогаш“ 23/03/2025 15:31 Популарниот хармоникаш Мишел Трајковски се огласи на социјалните мрежи со најтешката и најдолга објава на Фејсбук што, како што самиот вели, ја напишал. Музичарот, кој е познат по својата искрена и емотивна врска со музиката и пријателите, сподели тагувачки спомен за еден од неговите најблиски соработници и пријатели. „Шести ден.. станувам сабајле, пишувам нешто, па предомислувам, прикачувам слика, натажувам се… па фрлам телефонот во некој ќош, и така цела недела. Два дена пред тој кобен ден, ете го на телефон… Насмеан, позитивен, во негов стил со полна енергија ме викна да се видиме за настанот на кој требаше да настапиме заедно сега во април“, пишува Трајковски. Хармоникашот се присетува на своите спомени со неговиот пријател и колега, кој и покрај долгата кариера и огромната музичка енергија, секогаш бил исклучително возбуден и среќен пред секој настап, како да е тоа неговиот прв. „Отсекогаш се прашував, како е можно таков артист како него, и по 20 и кусур години на сцена, да биде толку возбуден и неизмерно среќен пред секој настап. Тоа беше човек кој се радуваше на секоја нова песна како да е прва. И затоа беа, и ќе останат на врвот уште долго“, пишува Трајковски. Тој исто така дели детали од нивните заеднички разговори, анализирајќи композиции од најголемите имиња на музичката сцена, од Шабан Бајрамовиќ, Пако де Лусиа, Ричард Галиано, до Бени Гудман и Џанго Рајнхард. Трајковски истакнува дека неговиот пријател особено ја обожавал хармониката и уживал во секоја отсвирена нота. „Почивај во мир… А свирката ќе ја оставиме за некоја наредна прилика“, завршува емотивно својата објава Мишел Трајковски....

Хроника Возач тешко повреден откако со автомобил излета од пат 23/03/2025 15:26 Денеска во 00.20 часот во СВР Охрид, било пријавено дека на магистралниот пат Охрид – село Подмољје, патничко возило цитроен берлинго со скопски регистарски ознаки, управувано од А.Н.(51) од Скопје, излетало надвор од коловозот. Во несреќата со тешки телесни повреди се здобил возачот, констатирани во Специјалната болница „Св.Еразмо“ во Охрид. Извршен бил увид од увидна екипа од СВР Охрид....

Хроника Во Прилеп четири лица нападнале пет малолетни девојчиња и ги допирале по телото 23/03/2025 14:55 На 22.03.2025 во 22.00 часот во ОВР Прилеп, 37-годишна жена од Прилеп пријавила дека на 22.03.2025 околу 19.40 часот нејзината малолетна ќерка, заедно со нејзините четири малолетни другарки, на плоштадот „Методија Андонов Ченто” во Прилеп биле физички нападнати и допирани по телото од страна на четири лица. Се преземаат мерки за расчистување на настанот....

Македонија Демант за видеото кое се шири од иницијативата „Кој е следен?“ – Пропагандата нема да нè замолчи! 23/03/2025 14:57 Во изминатите 24 часа на социјалните мрежи и неколку портали беа објавени видео-снимки што имаат за цел да ја дискредитираат иницијативата „Кој е следен?“ преку лажни тврдења и манипулации. Станува збор за видео со монтирано лого и без никаква реална поврзаност со нашето движење. Ја известуваме јавноста дека нашата иницијатива нема никаква врска со објавените содржини. Не сме дел од никакви студентски организации, разговори или повици за нивно формирање. Во видеото, името „Кој е следен?“ не се споменува ниту еднаш. Нашето лого е неовластено, аматерски и намерно вметнато – што укажува на тенденциозна манипулација. „Кој е следен?“ е граѓанска иницијатива. Немаме, ниту ќе имаме, политичка агенда или амбиција да учествуваме во партиски игри. Нашиот револт е автентичен израз на борба за правда, одговорност и достоинствен живот, а не алатка за политички поени. Јавно ги осудуваме сите обиди за партизација на нашата борба и повикуваме на прекин на медиумските спинови. Притисоците од лажни профили, пропагандни медиуми и параполициски структури само ја зајакнуваат нашата волја. Нема да молчиме. Нема да дозволиме да се угуши младиот, независен и слободен глас. Нема да дозволиме елитите да продолжат да нè газат....

Свет Песков: Преговорите со Вашингтон ќе бидат тешки 23/03/2025 15:03 Ние сме само на почетокот на ова патување. Утрешните преговори со Вашингтон ќе бидат тешки. Главен приоритет на Москва е можното продолжување на договорот за безбедна пловидба на трговските бродови низ Црното Море, изјави портпаролот на Кремљ Дмитриј Песков за руската државна телевизија пред одвоените преговори за прекин на огнот меѓу САД, Украина и Русија кои ќе се одржат во Саудиска Арабија. Неговите изјави доаѓаат по минатонеделниот телефонски разговор меѓу рускиот претседател Владимир Путин и американскиот претседател Доналд Трамп. Белата куќа по повикот објави дека двајцата лидери се согласиле дека „движењето кон мир ќе започне со прекин на огнот во областа на енергетската и инфраструктурната мрежа“, по што ќе следат преговори за „поморски прекин на огнот во Црното Море, целосен прекин на огнот и траен мир“....

Македонија Забрчанец реагира на клеветите и бара извинување за манипулации и навреди 23/03/2025 14:40 Поранешниот координатор за „Отворен Балкан“ во Владата, Марјан Забрчанец, реагираше на последните клевети кои се појавија во одредени медиуми, а кои го обвинуваат за стоење зад протестите по трагедијата во дискотеката „Пулс“ во Кочани, каде загинаа 59 млади лица. „Запрете со клеветењето и хушкањето, вашите лаги нема да го угасат гневот кај граѓаните кои бараат одговорност. Јавно се обраќам до сите медиуми и т.н. ‘медиуми’ кои ги објавија или ќе ги објават ваквите клеветења, навреди, хушкања, етикетирања и дезинформации и барам да го повлечат моето име од објавите и да се извинат за намерното предизвикување и ширење омраза и гнев во време на национална трагедија,“ изјави Забрчанец. Тој посочи дека доколку медиумите не ја повлечат клеветата, ќе биде принуден да реагира согласно Законот за Граѓанска одговорност за навреда и клевета. Забрчанец бара извинувањето да биде објавено со еднаква видливост како и клеветите и да се објават фактите кои ги побиваат. „Тврдењата дека сум неформален координатор и инспиратор на овие протестни движења се неточни. Ниту сум неформален, ниту формален координатор на протестите, ниту ги познавам координаторите, и немав можност да ги инспирирам. Младите имаат доволно капацитети да се организираат и координираат самостојно,“ додаде Забрчанец. Дополнително, тој побара извинување и за јавната навреда дека бил дел од „сојуз на ретроградни елементи од СДСМ и ДУИ – групации“. Забрчанец категорично негираше било каква поврзаност со овие партии, нагласувајќи дека не е член на ниту една партија. „Не сум дел од никаков сојуз на елементи од СДСМ и ДУИ, ниту од Левица,“ рече Забрчанец, истакнувајќи дека ваквите тврдења се непотребни и целосно неточни. Тој ја оспори и изјавата дека се обидува да се врати на политичката сцена преку манипулација со трагедијата, нагласувајќи дека не ја злоупотребил трагедијата, туку дека сочувствува со семејствата на загинатите и со сите граѓани на Кочани и Македонија. „Никогаш не сум имал намера да создадам институционална парализа. Напротив, сум работел за подобрување на оваа држава и за добробит на граѓаните. Мојата работа на проектите како ‘Отворен Балкан’ продолжи и под актуелната власт,“ додаде Забрчанец. Тој потсети дека според Уставот и Законот за јавни собири, граѓаните имаат право на мирни протести и јавно изразување на мислење, и нагласи дека не ќе дозволи неговото име да биде искористено за да се компромитира легитимниот протест на младите. „Хушкачите и клеветниците не ќе успеат да го угасат гневот и револтот кај граѓаните. Слободата е под закана, но слободните ќе победат,“ заклучи Забрчанец....

Македонија Вонредни инспекциски контроли во сите објекти од јавен карактер низ државата 23/03/2025 14:46 Сите општини координирани преку ЗЕЛС започнаа сo вонредни инспекциски контроли во сите објекти од јавен карактер низ државата. Во голем број од општините детално се проверуваат училиштата, градинките, спортските сали, културните домови, но и сите угостителски објекти и други места каде секојдневно се собираат наши граѓани. Ова денеска го потенцираше претседателот на ЗЕЛС и градоначалник на Општина Кисела Вода, Орце Ѓорѓиевски на заедничката прес-конференција со директорот на Универзитетската клиника за хируршки болести во Скопје, Небојша Настов и портпаролите на Владата, Марија Митева и Венера Љатифи Азизи. Подвлекувајќи дека особен акцент е ставен на објектите во кои престојуваат деца и млади, Ѓорѓиевски истакна дека инспекциските контроли ќе бидат континуиран процес и во наредните недели и месеци систематски ќе се проверуваат сите објекти во државата, со цел сите јавни и приватни објекти каде се собираат луѓе, било да се образовни, здравствени институции, спортски или културни објекти или угостителски локали, да бидат безбедни. Тој нагласи дека е воспоставена тесна и силна координација со Владата и лично со претседателот на Владата, од првиот момент по несреќата во Кочани, со единствена цел брза и усогласена акција за надминување на состојбата. Предизвик, според него, претставува недоволниот број инспекциски служби, особено во помалите општини. Ѓорѓиевски информираше дека во Општина Кисела Вода имало двајца инспектори за домување, а во многу од општини, како што рече, нема инспектори за домување, немаат градежни инспекции, комунални инспектори. Тоа, истакна, ќе мора заеднички да го решаваме во наредниот период ќе се спроведе меѓуопштинска соработка. Градоначалникот Ѓорѓиевски посочи дека ЗЕЛС ја презема улогата на координатор на сите активности на локално ниво, за меѓусебна помош и споделување на ресурсите и знаењата. Инспекциските капацитети, најави тој, ќе се стават на располагање таму каде има потреба за да може секоја општина темелно да ги провери сите објекти на својата територија. Во поголемите општини, како што рече на прес-конференцијата Ѓорѓиевски, веќе се спроведуваат детални контроли на објектите, документацијата на објектите и почитувањето на сите безбедносни стандарди. Се внимава дали објектите имаат исправна протипожарна опрема и функционални противпожарни хидранти, дали електринчните инсталации се безбедни и соодветно одржувани, постојат ли јасно обележани и функционални евакуациони патеки и планови, како и дали се поседуваат сите потребни документи и безбедноси елаборати. – Ќе има нулта толеранција за евентуалните неправилности. Ќе се преземаат решителни мерки согласно надлежностите на локалната самоуправа, рече Ѓорѓиевски и ги повика граѓаните ако забележат небезбедни услови да ги пријават. Ѓорѓиевски најави дека утре ќе има седница на Управниот одбор на ЗЕЛС, на која се поканети градоначалници на поголемите општи во државата, а ќе се направи детален пресек за состојбата во општините. Во Кисела Вода, информираше, во сите градинки, училишта, спортски сали и Домот на културата, се извршени проверки, и нема утврдено аномалии односно се е исправно. – Во строга контрола влегуваме и во станбените згради, каде треба да има соодветна хидрантска мрежа, скали за пожар и да ги исполнуваат основните елементарни услови. Во Кисела Вода изминатата недела се проверни околу 40 згради, постарите згради кои се градени после земјотресот, таму не се исполнуваат стандардите. Таму ќе треба да се остави простор куќните совети да си преземат дејствија, ако не ќе си преземеме активност и ќе ги казниме истите. Ние мора да воспоставиме систем и ред во оваа држава, рече градоначалникот на Општина Кисела Вода и претседател на ЗЕЛС Ѓорѓиевски....

Економија Македонија е со најниска просечна плата во Европа 23/03/2025 14:32 Во последните десет години просечната плата во Македонија пораснала за околу 97%. Но, и покрај континуираниот раст, Македонија останува речиси на дното во Европа и регионот според висината на просечната плата. Просечната плата во јануари 2015-та била 21.828 денари, а со последната обајава на Државниот завод за статистика, просечна плата во јануари 2025 изнесува 43.050 денари(700 евра). Повеќе од нас заработуваат работниците во Србија, во просек 924 евра месечно, во Босна и Херцеговина земаат 790 евра, во Црна Гора 1.004, во Хрватска 1.392 и во Словенија 1.569 евра месечно....

Свет Украина: Русија загуби над 900.000 војници од почетокот на инвазијата 23/03/2025 14:22 Русија изгубила 903.480 војници од почетокот на инвазијата на Украина, соопшти Генералштабот на вооружените сили на Украина. Таа бројка, како што додаваат, вклучува 1.470 руски загуби во последните 24 часа...

Свет Трамп: Никој не може да го спречи Путин освен мене 23/03/2025 14:24 Американскиот претседател Доналд Трамп изјави дека тој е единствената личност во светот што може да стави крај на војната во Украина, додавајќи дека напорите да се спречи ескалацијата на конфликтот се „донекаде под контрола“. -Мислам дека нема никој на светот кој може да го запре рускиот претседател Владимир Путин, освен мене, рече Трамп доцна синоќа во интервју за „Ауткик“ . „И мислам дека ќе можам да го запрам“, додаде тој. „Имавме многу рационални дискусии и само сакам да видам дека луѓето престануваат да се убиваат“, рече Трамп....

Македонија Независниот студентски сојуз го откажува собирот за утре пред УКИМ поради политичко влијание 23/03/2025 14:18 Независниот студентски сојуз е огорчен и разочаран од политичките влијанија и мешањето во нашите искрени и чесни намери. Денес, се појави видео материјал кој потврдува политичка вмешаност, при што огромна група на студенти се наоѓа под обид за манипулација. Ова не е нешто што сакаме да дозволиме. Поради тоа, собирот кој беше закажан за утре во 13:00 часот пред платото на УКИМ се откажува, се додека не ги дистанцираме сите обиди за политичко влијание. Во наредниот период, ќе ве информираме за следните чекори. Повторно апелираме до политичките партии да стојат настрана од искрените и чесни намери на студентите за нивно организирање!...

Спорт Возачите на Ферари и Гасли дисквалификувани по трката во Кина 23/03/2025 14:19 Возачите на Ферари, Луис Хамилтон и Шарл Леклер и возачот на Алпин, Пјер Гасли, беа дисквалификувани од Големата награда на Кина што се одржа претпладнево по средноевропско време во Шангај. По трката, стјуардите известија дека болидите на Леклер и Гасли се со недоволна тежина, а набрзо следеа казни. Двајцата возачи беа дисквалификувани. Хамилтон беше дисквалификуван поради техничка грешка, еден од лизгачките блокови ја немал потребната дебелина по трката. И Ферари и Алпин признаа дека нема олеснителни околности и дека тимовите се виновни, Шарл Леклер беше петти во неговото Ферари, пред тимскиот колега Хамилтон, додека Пјер Гасли го зазеде 11. место. Нивната дисквалификација значи дека редоследот на возачите кои освоиле поени во Кина е следниов: Пјастри, Норис, Расел, Ферстапен, Окон, Антонели, Албон, Берман, Строл, Саинц....

Хроника Во сообраќајка кај Охрид тешко повреден скопјанец 23/03/2025 14:10 Денеска во 00.20 часот во СВР Охрид, било пријавено дека на магистралниот пат Охрид – село Подмољје, патничко возило „цитроен берлинго“ со скопски регистарски ознаки, управувано од А.Н.(51) од Скопје, излетало надвор од коловозот. Во несреќата со тешки телесни повреди се здобил возачот, констатирани во Специјалната болница „Св.Еразмо“ во Охрид. Извршен бил увид од увидна екипа од СВР Охрид....

Македонија Митева: Контролите ќе бидат етапни и долгорочни, надлежните институции континуирано ќе работат 23/03/2025 13:56 Контролите на објектите од безбедносен аспект ќе бидат етапни и долгорочни, најави портпаролката на Владата Марија Митева. Одговарајќи на новинарско прашање за инспекциите за тоа како се проектирани и градени објектите во однос на почитување на безбедносните мерки, таа посочи на информација од Министерството за транспорт дека фокусот ќе биде на „системско решавање на овие проблеми“. -Во овој момент се скенираат ваквите состојби во делот на активна законска лиценца која е поседувана или непоседувана. За сите натамошни детали ќе се продолжи со етапна контрола на се она што е нерегуларно согласно законот и верувам дека и овој дел ќе биде опфатен од страна на надлежните институции, но тоа ќе бидат фази и етапи на кои долгорочно ќе работиме. Ова нема да биде една фаза на која сега ќе заврши контролата и веднаш ќе престанат инспекциите. Како што можевме да видиме, во моментот на добивање на лиценцата, конкретно во Министерството за транспорт, условите се исполнувани, но веднаш потоа е изигруван законот. Така што, ова е континуирана работа на којашто надлежните институции континуирано ќе работат, рече Митева. Прашана за контролите на лиценците за вршење дејност и техничките услови на угостителските објекти, портпаролката одговори дека дежурни инспекциски тимови викендов биле фокусирани повеќе на тоа дали се почитува одлуката на Владата за деновите на жалост. -Во текот на вчерашната ноќ немало утврдени никакви злоупотреби или непочитување на оваа одлука на Владата за денови на жалост. Веќе од утре овие тимови почнуваат со нов координативен состанок за да ги преземат сите идни чекори и каде ќе ја насочат контролата и веќе утре ќе бидат презентирани информации во јавноста, посочи Митева. Во однос на најавената интерна истрага во МВР најавена од министерот Панче Тошковски за интервенирањето и однесувањето на полицијата ноќта на трагичниот настан во Кочани, портпаролката одговори дека надлежното министерство ќе одговори на сите прашања и оти интерната истрага е дел од сеопфатната истрага за пожарот. -На сите легитимно поставени прашања во јавноста, независно дали се појавуваат на социјални медиуми, од граѓани или институции, владата ќе одговори односно надлежното министерство, во овој случај МВР. Кога ќе се завршат сите анализи и целата процедура, јас сум сигурна дека надлежните институции ќе дадат одговори, рече Митева одговарајќи на новинарски прашања на прес-конференцијата....

Балкан Еден загинат и 19 спасени во несреќа со мигранти во близина на грчкиот остров Фармакониси 23/03/2025 14:00 Во морскиот дел кај грчкиот остров Фармакониси што се наоѓа во близина на турското крајбрежје, синоќа се случила несреќа со чамец со мигранти, во која едно лице го загубило животот, а Крајбрежната служба на Грција спасила 19 лица, меѓу кои и две деца, кои се во критична состојба, јави дописничката на МИА од Атина. Од Крајбрежната служба доцна синоќа информираа дека започнала акција со три патролни бродови, еден спасувачки брод како и еден хеликоптер за спасување на евентуално други исчезнати лица. Во синоќешната акција, што и утрово е во тек, било извлечено безживотното тело на еден маж, две деца се во критична состојба, а спасени се вкупно 19 лица....

Македонија Настов: На шест пациенти им е направена трансплантација на кожа поради степенот на изгореници 23/03/2025 13:51 На Универзитетската клиника за хируршки болести во Скопје во моментов се лекуваат десет пациенти од пожарот во дискотеката „Пулс“ во Кочани, од кои на шест веќе им е направена трансплантација на кожа поради степенот на изгореници, информираше денеска директорот на Клиниката, Небојша Настов на заедничката прес-конференција со портпаролите на Владата, Марија Митева и Венера Љатифи Азизи, како и градоначалникот на Кисела Вода Орце Ѓорѓиевски. Како што посочи Настов, шесте пациенти на кои им е направена трансплантацијата се со трет степен на изгореници, додека кај останатите пациенти продолжуваат редовните преврски и веќе во текот на наредната недела се очекува да бидат пуштени на домашно лекување. Но, како што рече, ситуацијата е флуидна и може да се смени од час во час. – Во однос на актуелната здравствена состојба на пациентите од болницата од која што доаѓам, а тоа е Универзитетската клиника за хируршки болести во Скопје, во моментов се хоспитализирани 10 пациенти, од кои на шест е веќе направена трансплантација на кожа заради тоа што тие беа пациенти со највисок степен на изгореници, односно трет степен. Кај останатите пациенти продолжуваат редовните преврски и веќе во текот на наредната недела според плановите кои што ги имаме, иако морам да повторам дека ситуацијата е многу флуидна и може да се смени од час во час, се планираат првите испусти за дома, рече Настов Во врска со пациентите кои се лекуваат во странските држави, Настов посочи дека тие до одредена фаза ќе се лекуваат таму, но, како што рече, во одредена фаза ќе треба да се вратат и повторно да бидат сместени во хоспиталните капацитети во земјава, за што, рече, се прават протоколи и координации како ќе оди враќањето на пациентите во зависност од темпото со кое ќе бидат испишувани. – Пациентите кои се лекуваат надвор од земјава до одредена фаза ќе се лекуваат во странските држави кои ни излегоа во пресрет, но во одредена фаза истите тие ќе дојде време кога ќе треба да се вратат во нашата држава и кога ќе треба повторно да бидат сместени во болниците, односно во сите хоспитални капацитети во државата. За таа цел, се прават протоколи и координации меѓу Министерството за здравство, Министерството за надворешни работи и Службата за општи и заеднички работи на Владата во која координација ќе оди враќањето на пациентите во зависност од темпото со кое ќе бидат испишувани од болничките установи од странство, рече Настов. Прашан за тоа каква е состојбата на шесте пациенти кои се лекуваат во странство и се во критична здравствена состојба, Настов посочи дека ќе има информација по денешниот состанок на Кризниот штаб, бидејќи, како што рече, болниците од странските држави за состојбата на пациентите брифираат еднаш дневно. – Во моментот ги немам тие информации заради тоа што имаме состанок на Кризниот штав од 14 часот, а тогаш обично ги добиваме вестите и верувајте дека болниците еднаш во денот брифираат за состојбата, а не на еден час или пола час. Така што, тие податоци би ги имале по 14 часот, посочи Настов....

Македонија Граѓаните на Охрид со едночасовен молк оддадоа почит на настраданите во несреќата во Кочани 23/03/2025 13:41 Во организација на младинската и ученичките заедници, заедно со Студенските собранија и Локалниот младински совет, денеска на пладне на Градскиот плоштад во Охрид се одржа 60-минутен молк во знак на почит кон жртвите од трагедијата во Кочани. Граѓани на Охрид на дождливо време одадоа почит на настраданите во кочанската трагедија, искажувајќи поддршка на нивните и на семејствата на сите повредени во најголемата несреќа во историјата на независната македонска држава. Инаку, Општина Охрид за престојната седмица најави свикување седница на Советот, на која ќе одлучува за доделување финансиска помош за семејствата на починатите и за повредените лица во пожарот што се случи во дискотеката „Пулс“ во Кочани....

Балкан Имамоглу се огласи од затвор: Нема да потклекнам пред ударот врз демократијата 23/03/2025 13:36 Градоначалникот на Истанбул, Екрем Имамоглу, изјави дека нема да се повлече откако судот донесе одлука да го задржи во притвор до судењето за обвиненијата за корупција. „Ние, рака под рака, ќе го поништиме овој удар, оваа црна дамка врз нашата демократија. Стојам исправено и нема да потклекнам“, објави Имамоглу на социјалната мрежа „Х“. Градоначалникот исто така се соочува со обвиненија за тероризам. „Иако постои силно сомневање дека помагал на вооружена терористичка организација, бидејќи веќе е одлучено дека ќе биде уапсен за финансиски криминал, апсењето за тероризам во оваа фаза не се смета за неопходно“, соопшти судот. Имамоглу, кој се смета за потенцијален противник на претседателот Реџеп Таип Ердоган на следните избори, беше уапсен на почетокот на оваа недела. Масовни протести избувнаа во повеќе од 10 турски градови, вклучувајќи ги Истанбул и Анкара, објави агенцијата Срна....

Хроника На депонијата Мегленци пронајдени три артилериска гранати од Првата светска војна 23/03/2025 13:38 Во СВР Битола вчера во 10.39 часот И.Т.(38) од село Новаци, општина Новаци пријавил дека на депонија Мегленци биле пронајдени три артилериска гранати со калибар 75 мм од Првата светска војна. Од МВР денеска соопштија дека артилериските гранати од страна на пиротехничар од Дирекцијата за заштита и спасување Битола биле безбедно подигнати....

Македонија Претстои променливо облачно време со повремен дожд, од среда наместа поројни врнежи, грмежи и силен ветер 23/03/2025 13:25 Следува период на променливо облачно време со повремени врнежи од дожд, соопшти Управата за хидрометеоролошки работи. Според прогнозата, поинтензивни процеси се очекуваат од средината на следната седмица кога наместа врнежите ќе бидат поројни и проследени со грмежи и силен ветер (над 60 километри на час). -Локално ќе наврне поголема количина на дожд (над 20 литри на квадратен метар за 24 часа). До четврток ќе дува јужен ветер, кој утре ќе биде со засилен интензитет, а од петок ќе дува од северен правец, информира УХМР....

Македонија Митева и Љатифи-Азизи: Завршува седумдневната национална жалост, но истрагата ќе продолжи со невиден интензитет 23/03/2025 13:26 Седумдневната национална жалост прогласена од Владата за трагедијата во Кочани завршува денеска, но со несмален и невиден интензитет ќе продолжи истрагата која ќе биде правична и темелна, порачаа денеска на прес-конференција владините портпаролки Марија Митева и Венера Љатифи-Азизи. Митева апелираше да не се шпекулира и со невистини и манипулативни наративи да се злоупотребува трагедијата во Кочани затоа што, рече, има опсежна истрага во која се опфатени и приведени 34 лица и таа се уште не е завршена. -Мора да дозволиме органите на прогонот да си ја завршат истрагата – темелно и правично. Не би сакале да се дозволи попречување од различни мрежи – преку повици за дестабилизација и различни сценарија и било како да наштетат на овој процес. Од ова мора сите да излеземе посилни, со испорачана правда. Оваа влада беше избрана за да го прекине кругот на рамнодушноста, да ја обнови довербата онаму каде што беше изгубена и да се погрижи ниту една иднина да не се обликува од грешките на минатото. Нема да прифатиме изговори кои премногу често ги оставаа граѓаните незаштитени. Онаму каде што другите молчеле, ние ќе дејствуваме. Во овој момент на тага, стоиме заедно со погодените семејства и ветуваме итни мерки. Нашата заложба е јасна – правда за погодените, транспарентност во секој чекор и итни реформи кои ќе обезбедат ова никогаш да не се повтори, истакна Митева. Портпаролката Венера Љатифи-Азизи рече дека трагичниот настан „не трогна сите соединувајќи не во длабока болка и тага што ги надминува зборовите“. Ги соопшти сите преземени чекори од Владата да им се помогне на семејствата на повредените, трошоците што ги покрива, најави дека од утре ќе почне исплатата на средствата за помош од Црвениот крст и дека „истрагата ќе продолжи со невиден интензитет“. Укажа и на помошта од меѓународните партнери и солидарноста која, рече, не познава граници. -И додека денес е последниот ден од националната жалост, посветеноста и ангажирањето на Владата да ги поддржи директно погодените и да ја открие вистината за оваа трагедија ќе продолжи со невиден интензитет… Истрагата за овој трагичен настан продолжува со целосна посветеност и голем ангажман од сите одговорни институции. Владата е решена да ја обелодени вистината и да се погрижи сите кои се одговорни да одговараат за своите постапки. Никој нема да може да се сокрие и правдата ќе биде задоволена… Во оваа голема болка не сте сами, државата ќе стои покрај вас – не само денеска, туку до крајот на овој процес, во кој ќе расветлиме буквално се, истакна Љатифи-Азизи....

Свет Папата денеска се појавува во јавноста за прв пат откако беше хоспитализиран 23/03/2025 13:11 Папата Франциск денеска ќе го има своето прво јавно појавување откако беше хоспитализиран со пневмонија во февруари. Папата планира да ги благослови верниците од 10-тиот кат на римската болница Гемели. Откако ќе се збогува со болничкиот персонал, тој ќе се врати во Ватикан на најмалку два месеци одмор и рехабилитација, а за тоа време лекарите велат дека треба да се воздржи од излегување меѓу верниците и од големи напори. Личниот лекар на папата, д-р Луиџи Карбоне, рече дека папата, кој има 88 години, треба да може да продолжи со сите негови нормални активности на крајот од неговото лекување. Папата ќе има пристап до дополнителен кислород и 24-часовна медицинска нега по потреба, иако Карбоне рече дека се надева дека ќе му треба се помалку помош при дишењето додека неговите бели дробови се опоравуваат. Лекарите прво дијагностицирале комплексна бактериска, вирусна и габична инфекција на респираторниот тракт, а набргу потоа и воспаление на двата бели дробови. Тестовите на крвта покажаа знаци на анемија и почеток на бубрежна инсуфициенција, а сето тоа подоцна исчезна по две трансфузии на крв. Во текот на изминатите две недели состојбата на Франциск се стабилизира. Веќе не мора да носи маска за дишење во текот на ноќта и неговиот дополнителен кислород во текот на денот е намален. Портпаролот на Ватикан Матео Бруни одби да коментира и ги потврди претходно закажаните настани, аудиенција на 8 април со британскиот крал Чарлс Трети и велигденска служба на крајот на месецот. Но, тој рече дека се надева дека папата би можел да биде доволно здрав за да отпатува во Турција на крајот на мај и да учествува на годишнината од соборот во Никеја во 325 година....

Скопје Мирни собири за оддавање почит и барање одговорност за трагедијата во Кочани 23/03/2025 12:56 По трагичниот пожар во дискотеката „Пулс“ во Кочани, во кој загинаа 59 млади луѓе, во повеќе градови низ Македонија се организираат мирни собири и протести за оддавање почит и барање одговорност за трагедијата. Во Скопје, собирот е организиран од Студентскиот пленум и ќе се одржи денес во Градскиот парк, на тревникот по споменикот на Гоце Делчев. Почетокот е закажан за 16:30 часот, а во 16:59 ќе започне едночасовен молк во чест на загинатите. „Се повикуваат сите граѓани на мирен собир на кој заедно ќе оддадеме почит кон жртвите од пожарот во Кочани“, се наведува во повикот од организаторите....

Хроника Пожар во зграда во Струга, оштетени повеќе станови 23/03/2025 13:02 На 21.03.2025 во 16.05 часот, во ОВР Струга е пријавено дека, во колективна зграда лоцирана на улицата „Партизанска” во Струга избувнал пожар кој оштетил повеќе станови. Повредени лица нема, а интервенирала Територијалната противпожарна единица од Струга. Увид на местото извршија полициски екипи....

Свет Силна експлозија уништи зграда во областа Монтеверде во Рим 23/03/2025 12:38 Силна експлозија уништи зграда на улицата „Вителија“ во областа Монтеверде во Рим, пишуваат италијанските медиуми. Експлозијата се случила утрово нешто пред 09:00 часот. Според изјавите на очевидци, непосредно пред уривањето, се слушнал силен татнеж „како бомба“ и силен мирис на гас како се шири низ областа. На местото на инцидентот пристигнале карабинерите, полицијата и пожарникарите. Тие извлекоа жена од урнатините. Се претпоставува дека нема други закопани. Во моментов се води истрага за причините за инцидентот, при што се претпоставува дека се работи за експлозија на плинска боца. Целата област е опколена од полицијата....

Спорт Ѓоковиќ: Ќе продолжам да играм, да видиме колку ќе издржам 23/03/2025 12:42 Иако нема освоено ниту една АТП титула од ноември 2023 година, кога го освои завршниот мастерс во Торино, Новак Ѓоковиќ нема намера наскоро да ја заврши кариерата. Тој го потврди ова, во Макајми, во изјава за Тенис ченел. „Додека се чувствувам како што се чувствувам сега, задоволство и уживање е да се биде на теренот. Без разлика каде сум. Сакам да продолжам да играм се додека ми се допаѓа. Очигледно нема да биде така на секој меч, но се додека можам да се натпреварувам на највисоко ниво, ќе продолжам да играм. Желбата е присутна имам поддршка и од најблиските во мојот живот. Па да видиме до каде ќе стигнам“, изјави по победата против Хиџиката во второто коло на овој Мастерс. Ѓоковиќ, вечерва околу 20 часот, во третото коло игра против Аргентинецот Карабели, 65-ти на АТП листата....

Македонија ​​​​​Апасиев: Зошто не е приведен актуелниот директор на Пазарен инспекторат Влатко Стојкоски? 23/03/2025 12:25 Откако видовме дека пропадна првичниот план за владино прикривање и откако увидовме дека јавниот притисок вродува со плод (преку примерите до градоначалникот и полициските началници), мораме упорно и секојдневно да продолжиме со правно обезличување на секој обид да се заташка истрагата со цел да се заштитат нивните партијаши и клиенти. Затоа, денес ќе ја разгледаме улогата на ДРЖАВНИОТ ПАЗАРЕН ИНСПЕКТОРАТ (скратено ДПИ) во трагичниот случај со дискошталата во Кочани, во кој ни загинаа 60 (шеесетмина) младинци… Согласно чл. 8 од посебниот Закон за Државен пазарен инспекторат (Сл. весник на РМ бр. 24/2007), кој досега е менуван и дополнуван 15 пати, токму ДПИ е изрично надлежен за „изрекување инспекциски мерки со цел отстранување на утврдени неправилности”! Дополнително, во Законот за угостителската дејност (2004), како lex specialis за диско-клубови и кабареа, Државниот пазарен инспекторат е споменат дури 40 пати! Со букви: ЧЕТИРИЕСЕТ ПАТИ! Оттука, нејасно е зошто премиерот Мицкоски, министерот за внатрешни работи – Панче Тошковски и колегите од Основното јавно обвинителство Кочани го поштедиле од истрага и не му дале својство на „осомничен” и „обвинет” на АКТУЕЛНИОТ В.Д. ДИРЕКТОР НА ДПИ – Влатко Стојкоски од редовите на ВМРО-ДПМНЕ!? Типчево е на функција од месец ноември 2024, што значи имал сосема доволно време ,,ex officio” да преземе службено дејствие кое не го презел. ,,Argumentum a fortiori”, ова дотолку повеќе има смисла, ако се знае дека поранешниот директор на ДПИ е осомничен и веќе е во притвор. Или да ви објаснам, ,,per analogiam”, што, всушност, прават и како ја замајуваат јавноста со првични апсења: ова би било исто како за кривично дело „убиство” сторено со пиштол, да го обвините производителот на пиштолот во фабриката, а не и непосредниот извршител кој го повлекол чкрапалото!?...

Хроника Приведени 17 лица за непочитување на одлуката за седумдневна жалост 23/03/2025 12:23 На 22 и 23 март 2025 година, полициски службеници привеле вкупно 17 лица на подрачјето на Скопје, Прилеп, Охрид и Куманово поради постоење основи на сомнение за сторено кривично дело по член 387 од Кривичниот законик, односно за непочитување на одлуката на Владата за седумдневна жалост. Детали за приведените: • Скопје – приведени се едно малолетно лице и управител на угостителски објект • Прилеп – приведени се 12 лица, од кои едно е малолетно • Кичево – приведен е еден сопственик на угостителски објект • Куманово – приведени се менаџер и управител на угостителски објект По целосно документирање на случаите, против сите лица ќе бидат поднесени соодветни кривични пријави....

Балкан Стотици уапсени во Турција во новите протести поради приведувањето на Имамоглу 23/03/2025 12:13 Стотици луѓе се приведени во новите протести против приведувањето на градоначалникот на Истанбул, Екрем Имамоглу, соопштија денеска властите. Турското Министерство за внатрешни работи на „Х“ напиша дека 323 лица биле приведени поради бранот демонстрации вчера. Протести се одржаа во Истанбул, Анкара, Измир и други градови, со илјадници учесници и покрај забраните за демонстрации. Имамоглу, водечки противник на претседателот Реџеп Тајип Ердоган, беше приведен во средата. Судот денеска одреди да остане во притвор до почетокот на судењето....

Македонија Акциска контрола во Тетово и Гостивар, контролирани 16 угостителски објекти, три се затворени 23/03/2025 12:08 Во текот на вчерашниот ден во период од 10 до 15 часот, полициски службеници од СВР Тетово и ОВР Гостивар во содејство со претставници од Управата за финансиска полиција, Управата за јавни приходи, Државен пазарен инспекторат, Дирекцијата за заштита и спасување, Градежен инспекторат и Комунална инспекција, извршиле акциска контрола и презеле координирани мерки и активности насочени кон сузбивање на недозволени криминални активности кои се вршат во угостителски објекти на подрачјето на Тетово и Гостивар, со приоритетна цел на сузбивање на недозволена трговија со дрога, посредување во вршење на проституција, перење на пари, коруптивни кривични дела од страна на службени лица вработени во државни институции поврзани со незаконско работење на субјекти кои вршат угостителска дејност и други нелегални активности. Извршени се контроли во 16 угостителски објекти (ТЕ-6 и ГВ-10), кај кои биле констатирани низа неправилности и од страна на ДПИ, ДЗС и УЈП ќе им бидат изготвени соодветни поднесоци, додека од страна на ДПИ биле затворени два угостителски објекти во Тетово и еден во Гостивар....

Македонија ДУИ: Во истрагата за „Пулс“ е неопходно да се покрене прашањето за улогата и одговорноста на УЈП 23/03/2025 12:00 Соопштение за јавност на ДУИ Како што се обелоденуваат нови факти поврзани со трагедијата во Кочани, сѐ поизразени стануваат сомнежите во однос на професионалноста и кредибилитетот на институциите задолжени за спроведување на истрагата и самиот процес на утврдување на одговорност, која мора да ја има. И покрај тоа што МВР поднесува кривични пријави а Јавното обвинителство формално иницира истраги, нивната насока и обем предизвикуваат сериозна загриженост поради очигледното избегнување на неколку клучни аспекти од случајот, кои изгледа се свесно изоставени или намерно ограничени. Во овој контекст, неопходно е да се покрене прашањето за улогата и одговорноста на Управата за јавни приходи (УЈП) во целата оваа ситуација. Според информации објавени од истражувачките стории на медиумите, кабарето „Пулс“ било официјално затворена и пломбирано од страна на УЈП во втората половина на декември 2024 година, поради утврдени прекршувања поврзани со неиздавање на фискални сметки. Сепак, и покрај тоа што фирмата што ја управувала дискотеката, „МММ Кафе ДООЕЛ Кочани“, имала блокирана сметка уште од јули 2024 година, истата повторно започнала со работа многу бргу , без никакви институционални пречки или законски санкции. Неповлекувањето на одлуката за забрана за работа односно недозволувањето за вршење на работа, би значело дека кабарето немаше да биде активно подолг период, а со тоа веројатно ни за кобната ноќ. Овој потврден факт, отвора сериозни особено правни но и политички прашања во врска со тоа како било возможно повторното отворање на дискотеката во вакви околности и кој и како имал влијание врз донесувањето на таквата одлука. Јавноста со право бара одговори на сомнежите дека повторното отворање било резултат на политички притисок од страна на член во актуелната влада. Ако овие сомнежи се покажат како основани, тогаш тоа претставува директен атак врз владеењето на правото и демонстрира политичка интервенција во независноста на институциите. Оттука, се поставува прашањето дали токму овој политички притисок е причината поради која Обвинителството и полицијата свесно ја игнорираат оваа линија на истрага и ја штитат по секоја цена? Ваквите наводи упатуваат на можна злоупотреба на службената положба и политичко влијание врз институционалните процеси, што повлекува и потенцијална кривична одговорност на сите инволвирани страни. Вината треба да се бара таму каде што треба, а не таму каде што е невозможно да постои вина и причинско-последична врска со трагичниот случај....

Македонија „Дурмо Турс“ повторно со неправилности во работењето 23/03/2025 12:02 Во изминатите денови, Државниот инспекторат за транспорт при Министерството за транспорт спроведе засилени инспекциски контроли согласно акциониот план. Во извршените 138 контроли, беа откриени 21 неправилност кај правни и физички лица што вршат превоз на патници и стоки, за кои се изречени соодветни казни. За утврдените неправилности ќе бидат информирани Министерството за внатрешни работи и Јавното обвинителство за понатамошно постапување. Компании кај кои се констатирани неправилности: 1. Дурмо турс – Гостивар 2. Дени интернационал – Илинден 3. Свис мак алигега – Гостивар 4. Зем промет – компани – Сарај 5. Словин Билјана – Охрид 6. Бис – Охрид 7. Пештер ДОО – Скопје – Чаир 8. Димитриоски – Скопје – Гази Баба 9. Хисари-ГД – Дебар 10. Инком бизнис – Куманово 11. Палас експорт-импорт – Гостивар Покрај овие, неправилности се утврдени и кај 10 физички лица кои вршат превоз на патници и стоки. Од понеделник, 24 март 2025 година, Министерството за транспорт – Државен инспекторат за транспорт ќе продолжи со секојдневни интензивни инспекциски контроли за проверка на лиценци, изводи од лиценци, дозволи, сертификати за професионална компетентност на возачите, тахографи и други регулаторни документи, со цел зголемување на безбедноста во сообраќајот и спречување на нелегален превоз....

Македонија Неправилности утврдени кај 11 правни и 10 физички лица кои вршат превоз на патници и стоки 23/03/2025 11:48 Во претходните денови се извршуваа инспекциски надзори кои се спроведуваа согласно акционен план на Министерство за транспорт – Државен инспекторат за транспорт од страна на државните инспектори за патен сообраќај, па оттука Ве известуваме дека во претходните три дена се извршени 138 контроли од кои се констатирани 21 неправилност кај правните и физичките лица при вршење на превоз на патници и стоки и за сите неправилности се изречени соодветни казни. За утврдените неправилности ќе бидат информирани и Министерството за внатрешни работи и Јавното Обвинителство со цел нивно понатамошно постапување. Во прилог се правните лица за кои е констатирана неправилност и за кои се изречени казни, и тоа:. Дурмо турс со седиште во Гостивар Дени интернационал со седиште во Илинден Свис мак алигега со седиште во Гостивар Зем промет – компани со седиште на ул.Босилово, бр.13, Сарај Словин Билјана со седиште во Охрид Бис со седиште во Охрид Пештер ДОО со седиште во Скопје – Чаир, Димитриоски со седиште во Скопје – Гази баба Хисари-ГД со седиште во Дебар Инком бизнис со седиште во Куманово, Палас експорт -импорт од Гостивар, Исто така беа констатирани и неправилности кај 10 физички лица кои вршат дејности за превоз на патници и стока. Воедно Ве информираме дека Министерство за транспорт – Државен инспекторат за транспорт преку сите државни инспектори, од Понеделник 24.03.2025 година согласно донесениот Акционен план за инспекциски надзори при превоз на патници и стока, ќе спроведува секојдневни интензивни инспекциски контроли над превоз на патници и стока, проверка на документи (лиценци, изводи од лиценци, дозволи, сертификати за професионална компетентност на возач, тахографи), надзор на безбедноста во сообраќајот и спречување на нелегален превоз....

Македонија Први фотографии од дискотеката која уби 59 млади и невини луѓе 23/03/2025 11:43 На друштвените мрежи се појавија први фотографии од дискотеката Пулс во Кочани која трагично го одзеде животот на 59 млади и невини луѓе пред една недела. На фотографиите се гледа гареж и уништена дискотека, која работела без да исполни ниту еден стандард, а сепак добивала лиценца за работа. Последната која ја добила била фалсификат и поради тоа 24 лица завршија во притвор, а вкупно осомничени се 34 лица. За денеска во Скопје, Охрид и Кочани закажани се мирни протести на кои се бара правда и одговорност за трагедијата. извор 4NEWS.MK...

Свет Иран: Преговорите со САД се можни само ако некои работи се променат 23/03/2025 11:28 Преговорите со САД се можни само доколку некои работи се променат, изјави денеска иранскиот министер за надворешни работи Абас Арагчи, цитиран од иранските државни медиуми. Вашингтон чека одговор на неговата покана да преговара за нов нуклеарен договор со Иран. На почетокот на овој месец, раководството на Исламската Република доби писмо од американскиот претседател Доналд Трамп, со кое Иран му даде рок од два месеци да одлучи дали ќе влезе во нови преговори или ќе се соочи со уште построги санкции во согласност со концептот на Трамп за максимален притисок врз Техеран. Иако иранскиот врховен лидер ајатолахот Али Хамнеи ја отфрли понудата за разговори, иранскиот министер за надворешни работи во четвртокот рече дека Техеран наскоро ќе одговори на писмото на Трамп....

Спорт Роналдо одговори за прославата на Расмус Хојлунд на дуелот од Лигата на нациите 23/03/2025 11:18 Кристијано Роналдо ја коментираше ситуацијата со Расмус Хојлунд на натпреварот од Лигата на нации меѓу Португалија и Данска, кој „црвениот динамит“ го доби со 1:0. Победничкиот гол на натпреварот го постигна Хојлунд, кој го прослави со потегот наречен „сиу“, препознатлив само за Роналдо. Многумина постапката на данскиот напаѓач ја протолкуваа како исмејување на легендарниот Португалец, но тој самиот не мисли така. -Тоа не е проблем за мене. Знам дека не е непочитување кон мене. Тој не е единствениот во светот кој го копира моето прославување на гол. Доволно сум паметен за да го знам тоа. Тоа е чест за мене. Се надевам дека ќе го направам тоа пред него во недела. Мило ми е што му се допаѓа мојата прослава на голот, изјави Роналдо пред реваншот....

Македонија Јовановски: Битка на чесните против нечесните – последната шанса за земјава 23/03/2025 11:05 Во својот најнов фејсбук статус, Зоран Јовановски напиша: „Ова е битка на чесните против нечесните“. Со оваа порака, тој ја изместува долгогодишната перцепција дека борбата против корупцијата е само партиска пресметка. Напротив, Јовановски ја поставува во поширок контекст – како судир помеѓу оние што се залагаат за чесност, правда и функционален систем и оние што профитираат од хаосот, безредие и корупција. Но, оваа битка, според него, нема да биде лесна. Нечесните имаат моќ, ресурси и влијание, кои ќе ги користат за да ја задушат секоја иницијатива за реформи. Ќе се обединат, без разлика на партиската припадност, бидејќи ги поврзува заедничкиот интерес – зачувување на привилегиите и системот што им овозможува неказнето да ја злоупотребуваат државата. „Маневарскиот простор на нечесните се стеснува од ден на ден. На крајот, на изненадување на нечесните, чесните ќе победат! Мораме да победиме. Затоа што сме побројни и затоа што ова е последната шанса за земјава,“ заклучува Јовановски во својот статус....

Македонија Од запад во Македонија се прошируваат врнежи, ќе започне да дува и силен ветер (над 60 км/час)! 23/03/2025 10:55 Метео анализа на Славчо Попоски: Под влијание на влажен воздушен бран од запад и југозапад во Македонија денес ќе има врнежи од дожд, кои особено во јужните и во југозападните предели повремено ќе бидат пообилни. Во текот на денов ќе започне да дува умерен до засилен, повремено и локално силен ветер од јужен и од југоисточен правец (над 60 км/час). И во Скопје и околината денес ќе има повремен дожд, а ќе започне да дува и повремено засилен ветер од јужен и од југоисточен правец. Што се однесува до температурите, тие денес ќе се искачуваат во интервалот од 12 до 20 степени, а во Скопскиот регион максималната дневна температура на воздухот ќе се искачи до околу 16 степени....