Во петок традиционално осветлување на Новогодишната елка во Скопје Сити Мол
Скопје24 - пред 119 дена
| ноември 30, 2023 Влезете во светот на чудата во Скопје Сити Мол овој декември. Под слоганот Winter Wonders, вашиот креативен мол, Ви подготви програма која е чудесна за сите генерации. Овој петок во 18:30 часот единствена и уникатна можност ќе имаат посетителите на Скопје Сити Мол да видат како изгледаосветлување на светилките од џиновскатаНовогодишната елка на омилениот трговски центар. Шоуто ќе започне со мјузикл изведен од групата Триангл, посетителите уживаа во празничната магија и атмосфера која се создава. Елката која е единствена по својата убавина е висока 15 метри, накитена е со голем број на лампиони и светилки. Секоја посетител може да ја погледне на влезот од страната на Карпош 3. Овој период од годината сите ја чувствуваме еуфоријата на Новата година и божиќните празници и се радуваме на магијата на светилките и украсите. Скопје Сити Мол нуди една волшебна атмосфера за сите посетители кои ќе уживаат во пазарењето кое во овој месец е најактуелно, и ја заокружи успешната година со уште еден во низата настани. Од овој викенд започна „ Winter Wonders “ – која ќе трае од 1ви декември до 31 декември и ќе биде сочинета од интересни забавни, анимациски и музички содржини за сите возрасти, богата програма за деца, креативни работилници и претстави надополено со омилените Новогодишни попусти. Една од најбараните атракции се 6те поставки со дигитални екрани, каде најмалите може да влезат во светот на виртуелната реалност, да цртаат цртежи кои ќе ги оживеат на екранот и да доживеат многу други незаменливи и магични искуства. Оваа година, Скопје Сити Мол повторно застанува и на страната на социјално загрозените, па така, сите средства од картите за претставите на City Theatre одат во хуманитарни цели. Се работи за новогодишни претстави, секоја недела во 11.45 часот, кои се одржуваат во салите на Cineplexx. Забавата за деца не завршува тука, бидејќи за време на викендот во 11:00 часот Дедо Мраз доаѓа во фоајето на Cineplexx за заедно да појадува со дечињата. Доживување кое се раскажува со месеци! Најмалите ги очекуваат и разни работилници секоја сабота во 12:00часот и останати организирани активности кои ќе го доближат празничниот дух до целото семејство. За возрасните тука се забавните матинеа во молот, исполнети со музички настапи на фантастични домашни изведувачи, но се разбира и продавниците во кои се започнати дел од празничните намалувања и понуди. Следете ја редовно програмата за овој декември на социјалните мрежи фејсбук и инстаграм на Skopje City Mall. Уживајте во деновите кои следат....
Познат е датумот за лидерската средба на која ќе се разговара околу претстојните избори
Скопје24 - пред 119 дена
| ноември 30, 2023 Премиерот Димитар Ковачевски ги повика шефовите на парламентарните политички партии на лидерска средба, што треба да се одржи во Собранието в понеделник, за да разговараат околу изборите и измените на Изборниот законик. Ковачевски кажа дека ќе упати покана за состанокот и до претседателот на Собранието, Талат Џафери. – Средбата ќе биде закажана за понеделник и ќе разговараме за евроинтеграцијата на Северна Македонија, одржувањето на редовните претседателски и парламентарни избори, како и за измените на Изборниот законик во согласност со препораките на ОБСЕ/ОДИХР, изјави Ковачевски. ВМРО-ДПМНЕ прифати лидерската средба да биде в понеделник, а очекуваат главни теми да бидат датумот за изборите, прифаќање на забелешките на ОБСЕ/ОДИХР, и нивната понуда за укинување на техничка влада, во замена за тоа да нема технички премиер од ДУИ. Но, имаат забелешки дека комуникацијата на премиерот Ковачевски за важни прашања се одвива преку медиумите и побараа состанокот да биде подоцна. -Лидерска средба е секако прифатлива за во понеделник, очекуваме да се разговара конечно за прецизирање на датум за избори, прифаќање на забелешките на ОБСЕ/ОДИХР, како и понудата за укинување на техничка влада – велат од ВМРО-ДПМНЕ. Бидејќи се одлучи за комуникација преку медиуми, замолуваме средбата да биде по 11 часот в понеделник, бидејќи претседателот на ВМРО-ДПМНЕ има часови со студенти на Машинскиот факултет, реагираа од ВМРО- ДПМНЕ. СДСМ возвратија дека жалат што му ја нарушуваат агендата на Мицкоски и потврдија дека лидерската средбата за изборите ќе се одржи во 12 часот. -Мицкоски, очигледно, како што потврдува неговата ДПМНЕ, работи само два часа во текот на денот, од 9 до 11 часот. Средбата е в понеделник и ќе биде во 12 часот“, соопшти СДСМ. Лидерската средба за изборите следува откако премиерот и претседател на СДСМ, Ковачевски, пред неколку дена изјави дека „мај нуди можност за одржување и на претседателски и на парламентарни избори“, иако досега тој не потврди дали изборите ќе бидат на 8 мај. Претседателот на Собранието, Талат Џафери, изјави дека доколку 8 мај е прифатлив за одржување на вториот круг од претседателските избори и парламентарните избори, тогаш изборите би се распишале најдоцна на 28 февруари, а техничката Влада би требало да се формира до 28 јануари....
ВАКА ИЗГЛЕДА ПОТРАГАТА НА ИНТЕРПОЛ ПО ИСЧЕЗНАТА ВАЊА ОД СКОПЈЕ
Скопје24 - пред 119 дена
| ноември 30, 2023 Интерпол вчера се вклучи во потрагата по исчезнатата 14-годишна скопјанка Вања Ѓорчевска, по која се трага веќе четврти ден. Министерството за внатрешни работи на Македонија формираше посебен штаб за потрага по Вања. Принтскрин: Интерпол Министерството за внатрешни работи продолжува со распит на сите лица кои биле блиски со Вања, проверувајќи и го компјутерот, прегледувајќи ги снимките од надзорните камери од објектите во областа каде што исчезна Вања. Целиот регион се крена на нозе по исчезнувањето на 14-годишната Вања . Фотографијата на Вања со детален опис се споделува на социјалните мрежи, адресирана до секој кој може да помогне....
ВАКА ИЗГЛЕДА ПОТРАГАТА НА ИНТЕРПОЛ ПО ИСЧЕЗНАТА ВАЊА ОД СКОПЈЕ
Скопје24 - пред 119 дена
| ноември 30, 2023 Интерпол вчера се вклучи во потрагата по исчезнатата 14-годишна скопјанка Вања Ѓорчевска, по која се трага веќе четврти ден. Министерството за внатрешни работи на Македонија формираше посебен штаб за потрага по Вања. Принтскрин: Интерпол Министерството за внатрешни работи продолжува со распит на сите лица кои биле блиски со Вања, проверувајќи и го компјутерот, прегледувајќи ги снимките од надзорните камери од објектите во областа каде што исчезна Вања. Целиот регион се крена на нозе по исчезнувањето на 14-годишната Вања . Фотографијата на Вања со детален опис се споделува на социјалните мрежи, адресирана до секој кој може да помогне....
ЛАЖНА ВЕСТ Е ДЕКА ВАЊА Е ПРОНАЈДЕНА ВО СОСЕДНА ДРЖАВА
Скопје24 - пред 120 дена
| ноември 29, 2023 Лажна вест е дека Вања е пронајдена, велат за Фактор од Министерството за внатрешни работи. Претходно еден македонски медиум објави дека наводно девојчето е пронајдено во еддна соседна држава. „Сега ќе ја демантираме оваа вест“, изјавија кусо од МВР....
Познат идентитетот на загинатата девојка кај Ласкарци
Скопје24 - пред 120 дена
| ноември 29, 2023 Ева Таво, ќерка на Ванѓел Таво, поранешен пратеник и поранешен министер за здравство во Албанија, е загинатата девојка во несреќата на патот Тетово – Скопје. „Ова се најтешките зборови што сум ги напишал во животот. Мојата најстара ќерка Ева почина во цутот на младоста, во најубавата возраст, каква што беше и самата. Погребот ќе се изврши в четврток на 30 ноември во 11 часот во Јоргукат, Ѓирокастро“, напиша Ванѓел Таво на „Фејсбук“. Веста ја потврдија и од МВР. „На 28.11.2023 година, во 14 часот, во СВР Скопје било пријавено дека на автопатот ‘Мајка Тереза’, во правец од Тетово кон Скопје, во реонот на с. Ласкарци, патничко возило ‘ауди’, со албански регистерски таблички, кое го управувал албанскиот државјанин В. М. (40), излетал од патот. Од добиените повреди во незгодата на самото место починала сопатничката Е. Т. (24) од Р. Албанија, а лекар од итната медицинска помош констатирала смрт. Во меѓувреме, возачот В. М. е тешко повреден“, соопшти македонското МВР....
ХАОС НА СТРАЖА: забрана за движење на тешки товарни возила на повеќе патни правци поради снегот
Скопје24 - пред 123 дена
| ноември 25, 2023 Десетици камиони и автомобили се заглавени на планинскиот превој Стража поради непроодност на патот од силните снежни наноси. Неисчистениот пат создаде редици возила во застој. На видеата кои граѓани ги објавуваат на социјалните мрежи од превојот Стража се гледа дека патот е завеан во снег и возилата тешко се движат по него....
Доверителите се за продажба на управната зграда на Еуростандард Банка. По мислењето од Апелациониот суд, стечајниот управник треба само да ја потврди одлуката
Скопје24 - пред 126 дена
| ноември 16, 2023 Многу е веројатно дека поранешната управна зграда на Еуростандард Банка конечно ќе добие нов сопственик! Во петок (17.11.2023) одборот на доверители на Еуростандард Банка повторно ќе одлучува по повод третата јавна лицитација, и ќе гласа за брза продажба на зградата на Еуростандард Банка, во надеж дека брзо потоа ќе започне и обештетувањето на сите доверители. “На последното собрание на доверители на Еуростандард Банка одржано на 15.09.2023 по повод третата јавна лицитација, 88,1% доверителите биле eдногласни дека е потребна брза продажба на деловната зграда на Еуростандард Банка. На тој став бил и Фондот за осигурување депозити како најголем доверител на Еуростандард Банка и институција која има право на средствата од нејзината стечајна маса, како и Стопанската Комора, како и останатите 20 најголеми доверители”, изјави правниот застапник на еден од доверителите. Мнозинството на доверители и со соопштение деновиве се изјаснија дека последната понуда од 5,4 милиони евра е прифатлива и дека е дојдено конечно време да се затвори ова прашање. Ова очекување е реално, а се поткрепува и со одлуката на Апелациониот суд да ја прифати жалбата на еден од доверителите, поврзана со одлуката на стечајната судијка за поништување на лицитацијата, а по добиената препорака од стечајниот управник за повторна процена на вредноста на зградата, а со тоа и за одолговлекување на целиот процес. Апелациониот суд донесе одлука дека стечајната судијка постапила спротивно на мнозинските интереси, и на деловникот за работа, и дека гласањето треба да се спроведе. Стечајниот судија, и стечајниот управник овојпат треба да го поддржат мнозинството, одлуките на институциите и да ја потврдат продажбата, за да по 3 години, конечно доверителите бидат обесштетени. Пантелеон ГС победи на наддавањето на третата по ред електронска аукција за овој деловен простор, со понудени 5,4 милиони евра. Сега понудата треба да биде прифатена од собранието на доверители, а од прибраните пари да се обесштетат доверителите на пропадната банка. Станува збор за реномирана и респектабилна брзо растечка македонска аутсорсинг компанија која работи за компании на американскиот пазар. Компанија која има амбициозни планови за раст и развој, и која во најскоро време сака и да го удвои бројот на вработени кој во моментов брои над 110 талентирани професионалци од различни области. Предходно реномираната и интернационална ревизорската куќа РСМ Македонија објектот го процени на 5,3 милиони евра. Канцеларискиот простор е 1977 м2, додека 1512 м2 се под земја наменети за трезор, архива, помошни простории и 20 паркинг места. Објектот има вкупна површина од 3489 квадратни метри, не се продава парцијално туку целосно, и навистина станува збор за голем износ на средства за македонски услови кои треба да се издвојат за овој деловен објект. Добро упатените во случајов велат дека ова е последена шанса за продажба на зградата, бидејќи ако не се изгласа сега, ќе следи распределба на зградата на удели на преку 3.000 доверители, физички и правни лица, што автоматски значи дека идната продажба на зградата ќе биде практично невозможна. Управната зграда ќе продолжи да ја намалува својата вредност и ќе пропаѓа. Во таков случај, освен доверителите, во загуба ќе биде и државата....
Наскоро пресуда за Мухамед Зеќири
Скопје24 - пред 126 дена
ИЗВОРСкопје24| ноември 23, 2023 Обвинителството тврди дека Зеќири склучил договор без јавна набавка, тој изјави дека само спроведувал заклучок на Владата. Заврши главната расправа за судењето на Мухамед Зеќири, кој се товари за „злоупотреба на службена положба и овластување“. Завршни зборови имаа Обвнителството, одбраната и главниот осомничен, по што Кривичниот суд ја закажа пресудата за 1 декември. Застапникот на обвинението, обвинителката Катерина Коларевиќ рече дека осомничениот Мухамед Зеќири без да спроведе јавна набавка, директно склучувал договори со правни лица кои работеле под сомнителни околности. Процесот почнал кога на предлог на вицепремиерот Фатмир Битиќи, владата заклучила дека е потребно да се спроведе постапка за да се направи физибилити студија во врска со македонски пошти и Железници Транспорт, а задолжен за постапката бил Мухамед Зеќири во улога на генерален секретар. „Наместо обвинетиот да спроведе постапка за јавна набавка, тој склучил директно договор со правото лице друштво за менаџмент, консултантски услуги и трговија ‘Интерхолдинг дуо’, кое било основана само 12 дена пред донесувањето на конкретниот заклучок на Владата. Од сите докази очигледно е дека од постоењето на правното лице обавува само една единствена соработка со секретаријатот на Владата, седиштето на правното лице на ден 13 април 2022 година е најдено заклучено, ниту биле најдени вработени лица. Произлегува дека правното лице единствено било основано заради извршување на договорот склучен со секретаријатот на Владата“, истакна обвинителката. Според обвинителката Колариќ, имало фактури со вкупна сума 57,9 милиони денари, кои биле во целост исплатени од страна на Владата. Обвинителката додаде дека генералниот секретаријат имал склучено уште еден договор тесно поврзан со осомничениот Мухамед Зеќири. Обвинителката рече дека обвинетиот го оштетил Буџетот на државата и предложи обвинетиот да ги подмири сите штети, обвинителствто му предложи на судот да спроведе постапка за конфискација на имотот, но и на парични средства пронајдени во сефот кај сопругата на осомничениот, со образложение дека тие претставуваат парични средства на обвинетиот. Одбраната посочи дека Јавното обвинителство не доставило доволно докази за да докаже дека осомничениот со директна умисла ги правел активностите, а во текот на постапката се покажало дека Мухамед Зеќири само спроведувал постапки исклучиво по наредба на Владата, а врз основа на одлуки донесени од Владата. Во однос на предлогот на обвинителството за одземање на средствата на сопругата на осомничената, одбраната оцени дека тоа би било незаконски и нечовечки затоа што осомничениот доставил писмени докази за потеклото на тие средства. Зеќири се изјасни за невин и рече дека само извршувал активности за кои бил задолжен со одлука на Владата. „Владата во својата работа донесува заклучоци во која ги задолжува органите да постапуваат, мене ме задолжија да ги споредам сите активности, а во заклучокот немаше предвидена јавна набавка. Обвинението дека со умисла сум направил некаква штета, кога јас како генерален секретар само извршував владин заклучок, што беше и моја законска службена обврска. Ако кривичното дело злопуотреба на положбата може да се стори исклучиво со умисла, никако не можам да бидам обвинет за такво кривично дело бидејќи јас извршував само туѓа замисла“, посочи тој. Процесот го води судијката Фанка Јанчулева-Михаиловска....
Детали за сообраќајката во Аеродром: Автомобил удрил во велосипедист, па тој „летнал“ врз бебе во количка
Скопје24 - пред 152 дена
| октомври 28, 2023 Денеска околу 10.10 часот во СВР Скопје е пријавена сообраќајна незгода помеѓу патничко возило „бмв“ со скопски регистерски таблички, управувано од С.С. (58) од Ресен и велосипед управуван од малолетник. Од ударот по инерција велосипедот удрил во Б.И.М. (37) со количка за дете, во која имало дете. На велосипедистот и детето им е укажана лекарска помош и констатирани им се телесни повреди, по што се пуштени на домашно лекување, велат од МВР....
Стрелките се поместуваат еден час наназад- на што треба да внимавате?
Скопје24 - пред 152 дена
| октомври 28, 2023 Oвaa недела на 29 октомври почнува зимското сметање на времето, при што стрелките се поместуваат еден час наназад. Иако многумина сметаат дека ова „зимско – летно“ сметање е штетно по здравјето и веќе со години се залагаат тоа да се укине, во многу земји сѐ уште е актуелно. Според лекари и стручњаци, постојат одредени здравствени проблеми поврзани со промената на времето. Имено, истражувањата покажуваат дека тоа ги нарушува природните циклуси на спиење на телото, што може да влијае на психо-физичкото здравје. Според клиниката „Мајо“, на пр., човечкиот мозок има „биолошки часовник“, наречен и „деноноќен ритам“, којшто работи на 24-часовен циклус. Без разлика дали станува збор за дополнителен час или губење еден час сон, тоа го изместува циклусот на спиење и може на некои луѓе да им го наруши или отежни нормалниот распоред. Имено, нарушениот сон може да доведе до поголема опасност од срцеви болести, сметаат стручњаците. Губењето на еден час сон во пролетните временски промени е поврзано со зголемување на срцевите и мозочните удари. Испитување од Убиверзитетот Харвард го проучува влијанието на помалку сон врз срцевите заболувања кај глувците. Откриено е дека по 16 недели, кај глувците со нарушен циклус на спиење се развиле поголеми артериски плаки во споредба со глувците со нормално спиење. Глувците лишени од сон, исто така, имале двојно повеќе циркулирачки нивоа бели крвни зрнца и помали количини хипокретин, хормон битен во регулирањето на спиењето и будноста. Истражувањата покажаа и зголемување на сообраќајните несреќи во постудените месеци бидејќи возачите се прилагодуваат на времето. Исто така, важно е да се истакне дека зголемените часови на темнина може да резултираат со лошо расположение кај многумина, како и замор, болки во мускулите и ослабени коски поради недостаток на витамин Д којшто се добива од Сончевата светлина. Некои луѓе доживуваат сезонско афективно нарушување како резултат на пократките денови. Симптомите на ова нарушување вклучуваат постојано лошо расположение, губење на задоволство или интерес за нормални дневни активности, раздразливост, чувство на очај и спиење подолго од вообичаеното....
Претрес во КПУ Идризово, пронајдени 82 ножа, 63 мобилни телефони, дрога
Скопје24 - пред 152 дена
| октомври 28, 2023 Денеска (28.10.2023) полициски службеници од Бирото за јавна безбедност во координација со ОЈО Скопје, по претходно добиени оперативни сознанија и наредба за претрес од Основен кривичен суд Скопје, извршија претрес во Казнено поправната установа Идризово, во полуотворено одделение, при што се пронајдени 63 мобилни телефони, 82 ножа, 4 шила, 71 полнач за телефони и дрога. При преземањето службени дејства, се собрала поголема група затвореници која пружила активен отпор, но биле совладани по преземени мерки и активности. При тоа, со повреди се здобиле 10 полициски службеници, а со повреди се здобиле и дел од затворениците. По документирање на случајот, ќе бидат поднесени соодветни поднесоци....
Во вторник ќе се знае колку е опасен по здравјето отпадот во скопско Орман близу Лепенец
Скопје24 - пред 152 дена
| октомври 28, 2023 Колку е штетен по здравјето отпадот од оловна згура околу 500 –тини тони складиран на приватен имот во скопско Орман близу реката Лепенец ќе се знае најдоцна во вторник. Во тек се хемиските анализи на примероците земени од топените акумулатори и батерии пред неколку дена од страна на Инспекторатот за животна средина. Иако првично работите упатуваат во таква насока дека се работи за опасен отпад. Сè ќе биде познато до понеделник, вторник кога и официјално ќе дадеме изјави. Она што засега се знае според информациите од Државниот инспекторат е дека таму се работело надвор законите. За тоа ќе има и пријави и нема да дозволиме такви прекршувања. Документацијата ја прегледуваат и од Инспекторатот и ние како министерство проверуваме со кои дозволи располага компанијата, рече министерката за животна средина и просторно планирање Каја Шукова. За опасниот отпад алармираше овластен инспектор за животна средина од Ѓорче Петров кој ја лоцирал големата количина на оловна згура на посочената локација на 10-ти месецов. Од Општината посочија дека на нивна територија не постоиу фирма со А –интегрирана дозвола што преработува ваков тип отпад. Дека спаѓа во класата опасен потврдија и од Инспекторатот за животна средина....
Тешка сообраќајна несреќа кај Македонски Брод, тешко повредени сопатнички
Скопје24 - пред 152 дена
| октомври 28, 2023 На 27.10.2023 во 16.33 часот во СВР Битола е пријавено дека на локалниот пат за с.Грешница, Македонски Брод кај место викано „Каменица“ се случила сообраќајна несреќа помеѓу патничко моторно возило „голф“ со регистарски ознаки од Македонски Брод, управувано од Л.П.(67) од с.Модриште, Македонски Брод, а во кое сопатничка била Л.П.(67) и патничко моторно возило „сузуки“ со кичевски регистарски ознаки, управувано од С.Н.(58) од Македонски Брод, во кое сопатничка била М.Н.(44). По несреќата возачот С.Н., неговата сопатничка М.Н. и сопатничката во другото возило Л.П. се пренесени во болница во Прилеп каде од лекар на Л.П и се констатирани тешки телесни повреди, а на С.Н и М.Н. им се констатирани телесни повреди. Увид на местото на настанот извршила екипа од Полициска станица Македонски Брод....
Приведен гостиварец, пронајдени дрога и оружје
Скопје24 - пред 152 дена
| октомври 28, 2023 Полициски службеници од СВР Тетово вчера околу 18 часот и 40 минути, на улица „Вонвардарска“ во Тетово, го лишиле од слобода М.Т. (28) од гостиварско Неготино. Како што соопшти МВР, при негов и преглед на патничкото моторно возило „бмв“ со гостиварски регистарски ознаки, кое М.Т. го управувал, биле пронајдени и одземени: ловечка пушка со 3 патрони, пиштол со 5 куршуми калибар 7,65 милиметри и марихуана. Пушката и пиштолот тој ги поседувал без потребните документи. М.Т. е задржан во Полициската станица Тетово за расчистување и документирање на случајот, по што ќе биде поднесен соодветен поднесок, додава МВР....
Времето денеска: Сончево со температура до 27 степени
Скопје24 - пред 152 дена
| октомври 28, 2023 Синоптичарите за денеска најавуваат сончево време со мала до умерена облачност. Ќе дува слаб до умерен, а во западните делови повремено засилен ветер од југозападен правец. Минималната температура ќе биде во интервал од 7 до 14, а максималната од 21 до 27 степени. Во Скопје, слично време со слаб југозападен ветер. Минималната температура ќе се спушти до 12, а максималната ќе достигне до 23 степени. Во следните денови ќе продолжи периодот на релативно топло време за овој период од годината. По одделни котлини ќе има појава на утринска магла, а кон средината на неделата се очекуваат локални врнежи од дожд....
Сообраќајка во Аеродром: На пешачкиот премин оставена количка за бебе и велосипед
Скопје24 - пред 152 дена
| октомври 28, 2023 Сообраќајна несреќа се случи денеска на булеварот „Јане Сандански“ во Аеродром. На пешачкиот премин е оставен автомобил „бмв“ со скопски таблички, паднат велосипед и празна количка за бебе. Полицијата прави увид....
Изгоре локал во скопски Аеродром, полицијата го расчистува случајот
Скопје24 - пред 153 дена
| октомври 27, 2023 Денеска околу 04.00 часот во СВР Скопје било пријавено дека на подрачјето на Аеродром настанал пожар во угостителски објект, сопственост на 33-годишниот Х.М. од Скопје, извести МВР. Пожарот бил изгаснат од противпожарната единица Скопје, додаваат од МВР. Се преземаат мерки за расчистување на случајот....
Приведени седуммина криумчари од Пакистан, пронајдени 70 мигранти
Скопје24 - пред 153 дена
| октомври 27, 2023 На 26/27.10.2023, во периодот од 20.00 до 02.30 часот полициски службеници од Регионалниот центар за гранични работи Југ, СВР Струмица и од НЕКМТСЛ, во координација со Одделот за сузбивање на организиран и сериозен криминал лишиле од слобода 7 мигранти од Пакистан, поради постоење основи на сомнение дека се сторители на кривично дело „криумчарење на мигранти, согласно член 418-б од Кривичниот законик. -Имено, на 26.10.2023 околу 17.00 часот било пријавено дека на 1,5 км јужно од Негорци, во близина на Серменинска река, се наоѓа поголема група мигранти од Сирија, која е во движење, предводена под присила од страна на неколку мигранти од Пакистан. Од страна на РЦ за ГР ЈУГ и СВР Струмица веднаш биле испратени полициски службеници на посочената локација, во содејство со припадници на Одделот за специјални полициски операции. По детално пребарување на теренот, откриени се вкупно 77 мигранти (Сирија–52, Пакистан-13, Турција-5, Ирак-5 и Индија-2), а меѓу нив и седумте мигранти од Пакистан, кои биле посочени како водичи на групата, информира МВР. За случајот е известен Јавен обвинител од ОЈОГОК – Скопје, а денеска (27.10.2023) против седумте мигранти од Пакистан е поднесена кривична пријава....
Ако останеш за третпат, ќе те обесиме како во Саудиска Арабија – нови закани кон Раде Трајковски Штекли
Скопје24 - пред 153 дена
| октомври 27, 2023 „Раде се спаси првиот пат, ако останеш за третпат ќе те обесиме како во Саудиска Арабија“, е најновата закана што е упатена за Раде Трајковски Штекли преку Тик-ток во форма на видео. Зад материјалот се верува дека стои скопското подземје. Трајковски сè уште е на интензивна нега по нападот со огнено оружје врз него во Ист гејт мол. Напаѓачот истрела неколку куршуми по што го напушти местото на настанот и по него сè уште трага полицијата. Во пукањето настрада и неговиот помлад пријател со прекар Колумбо. Двајцата се хоспитализирани во Клиничкиот центар. Беа примени во тешка состојба, но сега се надвор од животна опасност. Кон Раде Трајковски беше пукано и во август годинава, исто така, во Ист гејт мол....
Силно невреме ја погоди Хрватска: Кран падна врз згради, поплавено крајбрежјето
Скопје24 - пред 153 дена
| октомври 27, 2023 Силен дожд пропратен со југозападен и западен ветер ноќеска ја погоди Истра. Поплавени се бројни шеталишта покрај море, а најпогодени се во Фажана, Ровињ, Врсар, Умаг… Според хрватските медиуми, морето го поплавило централниот плоштад во Фажана. Врсар е поплавен, шеталиштето и патот се под вода, а државниот пат ДЦ75 меѓу Новиград и Пореч на мостот Антенал е затворен за секаков сообраќај поради високото ниво на морето. Речиси идентична глетка е забележана денеска во неколку истарски градови покрај морето, па на шеталиштето во Ровињ граѓаните биле сведоци на излевање на морето или поплавување на центарот на градот. Морето се излеа и во Ровињ, па ровинската комунална служба ги предупреди граѓаните да внимаваат на возилата и го затворија паркингот за да се намали можноста за оштетување. Во Умаг настрадаа и терасите на угостителските објекти кои се наоѓаат на шеталиштето. Под налетите на силниот јужен ветер, голема борова гранка се скршила и паднала на детското игралиште. Во Пореч невремето собори огромен градежен кран врз две станбени згради. Граѓаните јавуваат дека виделе и пијавица. Истарската полиција наведува дека немало поголеми потешкотии во сообраќајот, но во текот на ноќта се случиле пет сообраќајни незгоди. Едно лице е тешко повредено. ДХМЗ предупреди дека поради временските услови може да има локални поплави и порои и издаде предупредување со портокалово ниво за целиот северен Јадран. Во прогнозата на истарскиот метео портал се наведува дека веќе попладне се очекува разведрување и смирување на времето со температура на воздухот до 20 степени. Нивото на водата на плимата во Бакар, го надмина средното ниво на морето за 107 сантиметри. Тоа е еден од највисоките водостои забележани од 1929 година, кога е основана станицата во Бакар. Нивото на водата е забележано во 9 часот и 24 минути, а од Геофизичкото одделение на ПМФ објаснија дека постојат неколку можни фактори кои придонеле за ваквото високо ниво на морето. – Првите анализи јасно укажуваат на важноста на таканареченото забавување на бурата, односно покачувањето на нивото на морето поврзано со дејството на низок воздушен притисок и бурниот јужен ветер. Дополнителен фактор се и плимните осцилации кои ја поддржаа појавата на висока вода во наведеното време – велат од факултетот. Наведоа и дека порастот на нивото на морето поврзано со климатските промени придонесува за појава на екстремно високи водостои, а брзината на ова зголемување во последните децении на Јадранот е околу три милиметри годишно. Денеска централниот риечки пазар повторно беше поплавен поради плимата и дождот што паѓаше во областа Риека, па за граѓаните беа поставени понтонски премини, а на неколку локации до зградите во центарот на градот беа поставени брани како мерка на претпазливост. Командирот на Јавната противпожарна станица на градот Риека, Хинко Манче изјави дека централниот градски пазар секој пат е поплавен при силен ветер и високо ниво на морето, па се очекува по смирувањето на времето водата да се повлече. Поради неповолните временски услови, некои линии за траект, катамаран и бродови во областите Риека, Задар, Шибеник и Сплит се во прекин. Дождот и ветерот значително ја намалија температурата во Загреб. Нешто по пладне силен дожд пропратен со грмежи го зафати Загреб, а засега нема информации за штети. Штети се забележани и во Меѓумурје, каде силниот ветер соборил дрвја, а оштетени се и покриви....
„Гарантирани цени“ до крајот на годината, укината забраната за акции и промоции
Скопје24 - пред 153 дена
| октомври 27, 2023 До крајот на годинава ќе важи мерката за намалени цени на основните прехранбени производи и алкохолните и безалкохолните пијалоци што од 20 септември се продаваат со ознаката „гарантирана цена“, а укината е одлуката за забрана на акции и промоции од страна на производителите и дистрибутерите, одлучи денеска Владата. -По вчерашната конференција и дискусија со трговците на мало и на големо и производителите, како и со помош на Стопанската комора на Северна Македонија за да нема заблуда во делот на трговијата, денеска, на предлог на Министерството за економија, укината е Одлуката во делот на акциите имајќи во предвид дека одредени трговци на мало ја толкуваа претходната одлука како неможност за давање акции и промоции. Тоа значи дека сега и производителите и дистрибутерите ќе може да организираат такви акции со цел да ги намалат цените за потрошувачите, изјави министерот за економија Крешник Бектеши. Мерката со која производите треба да имаат 10 отсто пониски цени отколку што се продавале на 1 август годинава наместо до 30 ноември како што одлучи претходно Владата ќе важи до крајот на годината, до кога се очекува да стапи во сила законското решение за нефер трговски практики. -Согласно сите анализи и разговори со Државниот пазарен инспекторат и Секторот економија во Министерство за економија, а имајќи во предвид дека веќе е подготвен текстот на законот за нефер трговски практики кој треба з а кратко време да биде пратен во собраниска процедура, анашите очекувања се до крајот на годината да биде усвоен, одлучивме мерката за намалување на цените и ознаката „гарантирана цена“ да продолжи до крајот на годината, односно наместо до 30 ноември да важи до крајот на годината. Дотогаш најверојатно ќе го имаме новото законско решение со нема да може да се прават злоупотреби во делот на намалување на цените, рече Бектеши. Сите прехрабнети прозводи, како и алкохолни и безалкохолни пијалоци од Одлуката за гарантирана цена, посочи Бектеши, мора да ги имаат највисоките цени од 1 август годинава до крајот на годинава намалени со дополнителни 10 отсто согалсно со донесената одлука....
НАЈНОВА МЕТЕО ВЕСТ: Топло време ќе имаме и во првите денови од месец ноември
Скопје24 - пред 153 дена
| октомври 27, 2023 Натпросечно топлото време во Македонија продолжува се до самиот крај на овој месец, како и во првите денови од месец ноември. Стабилизирање на времето ќе имаме од овој викенд, па така во најголем дел од следната седмица ќе имаме многу повеќе сонце и стабилно време без врнежи. До сабота ќе дува умерен, повремено засилен ветер од југозападен правец, но транспортот на прашина и на песок од Сахара значително ќе се намали. Во Скопје и околината исто така продолжува натпросечното топло време, а од викендот, особено од недела ќе има и многу повеќе сонце. Наутро температурите на воздухот на повеќе места ќе се спуштаат до околу 10 степени, а во Малешевијата и под 10 степени, додека во централните и во југоисточните предели тие ќе надминуваат 10 степени. Максималните дневни температури на воздухот ќе се искачуваат во интервалот од 18 до 25 степени. Во најтоплите централни и југоисточни предели температурата можно е да се искачи и до околу 28 степени. Иако се подлабоко навлегуваме во есента, сепак и понатаму ќе можете да уживате во високите температури за овој период од годината. но и во сонцето. За нови, детални и по потреба обновени метео информации, следете го официјалниот фејсбук профил на Славчо Попоски тука! Можете да ме следете и на инстаграм slavchopoposki!...
Во Македонија се очекува валкан дожд, помешан со Сахарска прашина и песок
Скопје24 - пред 153 дена
| октомври 27, 2023 Под влијание на влажен воздушен бран од запад, до петок времето во Македонија ќе биде променливо облачно со повремени локални врнежи од дожд, особено во западните предели и таму локално врнежите ќе бидат поинтензивни. До петок во западните предели локално ќе наврнат над 30 л/м2 воден талог. Локално ќе има услови за нестабилност, проследена со пороен дожд, грмежи и засилен ветер. И понатаму ќе дува умерен, повремено засилен ветер од југозападен правец. Во Скопје и околината исто така ќе има услови за повремени врнежи од дожд, а ќе дува и умерен, повремено засилен ветер од јужен и од југозападен правец. НАПОМЕНА: Поради силното јужно и југозападно воздушно струење, од Сахара кон нашата територија се врши позначителен транспорт на прашина и песок, па така и атмосферата е многу заматена, а дождот кој се очекува ќе биде валкан. За време на викендот пак ќе имаме стабилно и суво време со повеќе сонце, особено во недела. Температурите и понатаму ќе бидат натпросечно високи, и максималните дневни температури ќе се искачуваат во интервалот од 18 до 25 степени, додека во најтоплите централни и југоисточни предели тие можно е да се искачат и до 28 степени. Барем засега нема никаква најава за поголемо заладување на времето....
Намалување на цените на горивата од полноќ
Скопје24 - пред 153 дена
| октомври 27, 2023 Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,48% во однос на одлуката од 24.10.2023 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,508%, кај дизелот за 2,946%, кај екстра лесното масло за 2,379% и кај мазутот намалувањето е за 1,858%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,367% Од 28.10.2023 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС – 95 81,50 (денари/литар) Моторен бензин ЕУРОСУПЕР БС – 98 84,00 (денари/литар) Дизел гориво ЕУРОДИЗЕЛ БС (Д-Е V) 82,00 (денари/литар) Масло за горење Екстра лесно 1 (ЕЛ-1) 82,50 (денари/литар) Мазут М-1 НС 47,174 (денари/килограм) Малопродажната цена на ЕУРОДИЗЕЛ (Д-Е V) се намалува за 2,00 ден/лит. Малопродажните цени на бензините ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат. -Напоменуваме дека ова се максималните цени на нафтените деривати од 00:01 часот на 28.10.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени, велат од Регулаторна....
Колку сол е доволно? Време е за кисела зелка
Скопје24 - пред 153 дена
| октомври 27, 2023 Доколку оваа година подготвувате зимница, октомври е идеално време за кисела зелка. Од него се прават некои од омилените наши јадења, како сарма, подварак… Многу домаќинки во денешно време се одлучуваат за купениот, бидејќи сметаат дека процесот е премногу комплициран и дека киселата зелка нема да испадне како што треба. Ако оваа година правите кисела зелка за прв пат, но дури и ако сте искусна домаќинка, можеби не знаете која количина сол треба да ја истурите во водата и како правилно да ја направите саламурата. За правилно да ја киселите зелката, прочитајте подолу колку сол е потребна за 10 литри вода. Некои луѓе ја сакаат киселата зелка малку посолена, а некои не толку, но во која група и да спаѓате, постои оптимална количина да додадете. Значи, 400 g сол оди на 10 l вода. Ако користите буре од 20 литри, удвојете ја количината на сол. Друга важна работа е која сол ја користите. Доколку сакате киселата зелка да биде вкусна, ви предлагаме да користите крупна морска сол, која треба целосно да се раствори во водата пред да се истури во бурето....
Шукова: Ќе има пријави за опасниот отпад на брегот на Лепенец
Скопје24 - пред 153 дена
| октомври 27, 2023 Министерката за животна средина и просторно планирање Каја Шукова најави пријави за одговорните во случајот со депонирање на опасен отпад од оловна згура во близина на реката Лепенец, а се чека на хемиските анализи кои се во тек. На новинарско прашање до каде е истрагата на инспекторите кои ја проверуваат документацијата на компанијата која е осомничена, министерката Шукова потврди дека државниот инспекторат започнал со истрага, а резултатите ќе бидат познати најдоцна до вторник. Во моментов се работат хемиски анализи, по што, како што нагласи, ќе се знае за каков отпад станува збор и колку е тој опасен. – Додека не ги добиеме официјалните лабораториски резултати, може само да шпекулираме и би оставила рок за уште два – три дена. Иако првично работите упатуваат во таква насока дека се работи за опасен отпад. Сè ќе биде познато до понеделник, вторник кога и официјално ќе дадеме изјави. Она што засега се знае според информациите од Државниот инспекторат е дека таму се работело надвор законите. За тоа ќе има и пријави и нема да дозволиме такви прекршувања. Документацијата ја прегледуваат и од Инспекторатот и ние како министерство проверуваме со кои дозволи располага компанијата, рече министерката Каја Шукова. За случајот со оловна згура на брегот на реката Лепенец на територијата на општина Ѓорче Петров беше отворен предмет за инспекциска постапка. Од локалната самоуправа информираа дека на нивна територија не постои фирма со „А“ интегрирана дозвола што преработува ваков тип на отпад. При редовна обиколка на територијата овластен инспектор за животна средина регистрирал одлагање згура од преработка на акумулаторски батерии во близина на село Орман, во количина од проценети околу 500 до 600 тони. Од Државниот инспекторат за животна средина потврдија дека отпадот бил лоциран минатата недела. – Според затекнатата состојба на теренот, а според Листата на видови на отпад (Сл. Весник на РМ бр. 100/2005) се работи за отпад со шифра 10 04 – Отпад од пирометалургија на олово, 10 04 01*-троски од примарно и секундарно производство, која според класификацијата спаѓа во класата на опасен отпад, информираат од Инспекторатот....
Најдена почината жена кај тетовскиот трговски центар
Скопје24 - пред 153 дена
| октомври 27, 2023 Утрово околу 9 часот и 30 минути е најдено починато лице во непосредна близина на градскиот трговски центар во Тетово. Веднаш потоа полицијата го обезбеди местото и започна увид заедно со претставниците на Обвинителството. -Јавен обвинител изврши увид на лице место. Издадена е наредба за обдукција на починатата, како и наредба за обезбедување на снимки од видеонадзор. Се преземаат сите дејствија за целосно расчистување на настанот, информираа од Обвинителството....
Петровска: Нема зошто да се извинувам, борбата против мафијата и тефтерчињата од минатото е најтешка
Скопје24 - пред 159 дена
| октомври 21, 2023 Министерката за одбрана, Славјанка Петровска за 24инфо.мк одговора на прозивките и барањето за нејзино евентуално извинување за случајот „Делчевски ниви“ „Нема зошто да се извинувам, борбата против мафијата и тефтерчињата од минатото е најтешка. Таа понекогаш трае подолго од очекуваното, но најважно е да се продолжи и да не се откажуваме. Јас ни милиметар не се повлекувам од борбата против криминалот и корупцијата без оглед во чии редови е и затоа на криминалци и штетници не им се извинувам. Кога ќе ги видите ниските проценти на доверба во судството и обвинителството ДПМНЕ немаат многу простор за славење“ вели Петровска за 24инфо.мк...
Петровска: Нема реална закана за безбедноста во државата
Скопје24 - пред 159 дена
| октомври 21, 2023 Република Северна Македонија во моментов нема лоцирано закани по безбедноста на државата и на граѓаните. Институциите, службите, безбедносно – разузнавачката заедница будно ги следат случувањата во Израел и Украина, разменуваат информации и на национално ниво и во рамките на НАТО алијансата и соодветно се подотвуваат доколку се лоцира предизвик да се реагира, изјави министерката за одбрана, Славјанка Петровска во Охрид каде имаше средба со припадниците на доброволните противпожарни друштва од земјава. Таа посочи дека секогаш кога се отвора нов конфликт низ светот, тој предизвикува одредени проблеми, пореметувања во постојаното функционирање на државите, независно дали е тој поблиску или подалеку. – Што поскоро завршат воените дејствија, час поскоро може да се седне на маса и да се разговара за сите проблеми што ги поттикнале конфликтите. Знам дека многу од проблемите се тешки, причините за случувањата се проблематични, меѓутоа ништо не е повредно од човечките животи, рече таа, одговарајќи на новинарски прашања за безбедносната состојба во земјата и регионот по однос актуелните воени конфликти во Израел и војната во Украина. Петровска рече дека не и е познато дека на институциите на државата и биле доставени некакви барања за физичка заштита на припадниците на еврејската заедница во земјата и нивните верски објекти. – Координацијата на безбедносните и разузнавачките служби и информациите што се разменуваат покажуваат дека сега закана нема, независно дали се работи за припадници на една заедница или кон некакви објекти, но тоа не значи дека институциите остануваат само на таа информација. Ќе ги следиме случувањата и доколку е потребно и се укаже некакво вид безбедносна закана, не само Евреите туку секој еден граѓанин на нашата држава ќе биде соодветно заштитен, рече Петровска....
НОВАТА ПЛАТФОРМА ЗА ОТВОРЕНО БАНКАРСТВО НА КИБС ДОСТАПНА ЗА СИТЕ БАНКИ И ФИНТЕК-КОМПАНИИ ВО ДРЖАВАТА
Скопје24 - пред 169 дена
ИЗВОРКИБС| октомври 5, 2023 Отсега, финтек-компаниите и банките ќе може да понудат нови услуги користејќи ја платформата за отворено банкарство на КИБС. Новолансираната платформа за отворено банкарство на КИБС овозможува вмрежување на финтек-компаниите и банките, а тоа ќе донесе голем број придобивки за сите крајни корисници, односно за компаниите и за граѓаните. Преку оваа платформа, финтек-компаниите ќе имаат можност на корисниците да им понудат дигитални решенија за пристап до банкарските услуги: иницирање плаќања и информации за сметки. Отвореното банкарство е новитет во платежниот сектор предвиден со Законот за платежни услуги и платни системи, кој е усогласен со постојната регулатива на ЕУ и нуди низа придобивки. Меѓу најважните придобивки од спроведувањето на отвореното банкарство е зголемената понуда на разновидни и современи дигитални решенија за пристап на корисниците до банкарските услуги, со тренд новата дигитална технологија да пристапува и до останатите финансиски услуги. Користењето, пак, на оваа финансиска технологија води до друга важна придобивка – зголемување на безготовинските плаќања. Како пионери на ова поле, Комерцијална Банка АД Скопје и Стопанска банка АД Скопје се првите банки во земјава кои заедно со КИБС го започнаа патот за трансформација кон новата платежна инфраструктура во земјата и истите се дел од платформата за отворено банкарство на КИБС. Нивните развојни портали се достапни на https://ob.kb.mk/, односно на https://ob.stb.kibs.mk/. Платформата за отворено банкарство на КИБС е отворена за пристапување за останатите банки во државата и за сите заинтересирани финтек-компании, кои преку неа може да развиваат свои решенија за отворено банкарство и да го тестираат поврзувањето со системите на банките....
Огромниот пожар во Осиек го гасне и робот
Скопје24 - пред 176 дена
| октомври 4, 2023 Пожарот што избувна синоќа на депонијата за пластика на компанијата „Драва интернешнл“ се прошири и на зградата, соопшти Здружението на Хрватската противпожарна бригада. Од таму додаваат дека пожарот се гаси во просториите на компанијата за преработка и складирање пластика „Драва интернешнл“, која се наоѓа на излезот од Осиек. Јавната противпожарна служба на градот Осиек 41 минута по полноќ добила дојава за пожар на депонијата за складирање пластика. На отворен простор во близина на зградите се запалила поголема количина пластика, а пожарот се проширил на покривот и внатре во една од зградите на комбинатот, пренесуваат хрватските медиуми. Во 4.52 часот пожарот ја зафатил зградата и почнал да се шири во неа. Во интервенцијата биле ангажирани вкупно 74 пожарникари и 33 противпожарни возила од Осиек – барањската противпожарна единица. Од 4.16 часот пожарот се гасне и со робот. Согорувањето на пластиката произвело големо количество чад и отровни гасови, кои се шират поради силниот ветер и топлинското зрачење....
Снимен кобниот момент од трагичната несреќа во Венеција: Автобусот полн со туристи паѓа од 10 метри височина
Скопје24 - пред 176 дена
| октомври 4, 2023 Безбедносните камери го снимиле моментот кога автобус полн со туристи паднал од надвозник на височина од 10 метри во близина на Венеција, по што се запалил. На видеото се гледа како бел автобус доаѓа на надвозната рампа, а потоа ненадејно паѓа од неа. Видеото стана вирално на социјалните мрежи. EL VIDEO DEL MOMENTO EXACTO EN EL QUE BUS CAE POR LA AUTOPISTA EN MESTRE, VENECIA. https://t.co/OMm9buspJp pic.twitter.com/nQSCEZLJSz — AhoraRoma.com (@AhoraRoma) October 4, 2023 Во несреќата загина 21 лице, од кои досега се идентификува ни само 7. Меѓу нив е и една Австријка, за која се верува дека е мајка на две девојчиња (3 и 13), кои преживеале и се во болница. Меѓу загинатите е и возачот на автобусот, кој објавил селфи час и пол пред несреќата со најава дека автобусот тргнува за Венеција. Четворицата најтешко повредени се лица на возраст од 20 до 30 години. Пожарникарите работеа во текот на ноќта за да ги извлечат повредените и да ги извлечат телата на жртвите од урнатините. Откако паднал од висина од 10 метри, автобусот се запалил, а Паоло Роси, координаторот на службата за итни случаи во Венеција, за агенцијата АНСА потврдил дека меѓу жртвите има бебе, 12-годишно дете и тинејџерка....
Покуќнина, отпад и стари гуми извадени од Охридско езеро
Скопје24 - пред 176 дена
| октомври 4, 2023 Согласно годишната програма на Секторот за заштита на животна средина и управување со отпад при Општина Охрид за 2023 година, спроведена е акција за чистење на дното на Охридското Езеро на потегот пред село Пештани. Притоа од дното на езерото е извадено поголемо количество отпад, стари гуми, пластични и стаклени шишиња и покуќнина, информираат од Општина Охрид. Акцијата ја спроведоа нуркачи од „Клубот за подводни активности“ од Охрид, а покрај физичкото отстранување на отпад цел на акцијата е и подигање на јавната свест на населението за потребата од грижа и заштита на Охридското Езеро од загадување....
ПОПУСТИ, ШОПИНГ, КОНЦЕРТ, ЗАБАВА SKOPJE CITY MALL СЛАВИ 11!
Скопје24 - пред 176 дена
| октомври 4, 2023 Време е за нова роденденска дружба, големи попусти, добра забава, многу награди проследени со супер атмосфера во Skopje City Mall за нашиот 11ти роденден! Ви нудиме пријатно шопинг искуство, проследено со жешки попусти како и супер забава која ќе трае од 08ти до 10ти октомври. Славиме роденден, а тоа значи… Петок и сабота ќе ве забавуваат домашни бендови на платото кај паркот, Ди Џеј сетови низ молот, играње брејкденс, џинот и пантомимата се составен дел од нашиот роденденски репертоар, огнено шоу, бесплатен фотобут за вашето друштво, кои со сигурност ќе направат супер забава. Покрај забавниот дел имаме и gift card патрола која ќе ви поставува прашања, затоа спремете се добро. Доколку сте користник на нашата апликација тогаш ве очекува и лов на поени за MojCityMall. Да незаборавиме на супер интересните детски работилници со MonkDolls и Botanico! Веќе стигнавме до сабота вечер каде на нашата катна гаража ви приредуваме концерт на ДНК отворен за сите посетители. Спремете и дојдете да ги пееме најголемите хитови на ДНК на 07.10.2023 Програмата на третиот ден од роденденската забава, што ќе се одржи во недела (08.10) е прилагодена првенствено за најмладите. Започнува со “Светот на Биби и Боби”, каде за прв пат до сега освен Биби ќе дојде и “Боби”, потоа танцуваме со Aqua Dance Club за на крај да се дружиме со “Стела и Сани”. После тоа брзаме внатре во мол на работилници со Мафини Слаткограм! „ Согласно сите мерки за супер провод Ви нудиме врвна услуга, уникатно шопинг искуство, супер забава и имплементирање на светските модни трендови. Не заборавајте во сабота после шопинг се дружиме на ДНК концерт на катна гаража.“ – изјави Дамјан Корубин, маркетинг менаџер на Скопје Сити Мол. Вратите за концертот на 07.10 се отвораат во 20:30 часот, додека концертот започнува во 21:30 часот. Во недела вратите се отвораат во 11:30, а програмата започнува во 12:00 и ќе трае до 15:00 часот. Локацијата за одржување на сите концерти е кровот на Скопје Сити Мол, каде од безбедносни причини и за комфор на присутните, проектирано е да прими до 2500 посетители. Влезот на концертите е слободен. Откако капацитетот ќе се исполни, влезовите за концертите ќе бидат затворени, по што ќе продолжат да работат на принцип излез-влез поради одржување на бројката од 2500 луѓе. Не заборавајте попустите ги објавуваме во четврток!...
Злоупотребиле лични податоци на тројца лекари за да рекламираат чај: Еве каква казна добија физичко и правно лице
Скопје24 - пред 176 дена
| октомври 4, 2023 Основното јавно обвинителство Скопје до надлежниот суд поднесе Предлог за издавање казнен налог против едно физичко и едно правно лице, кои се обвинети за три кривични дела – Злоупотреба на лични податоци од член 149 од Кривичниот законик. Обвинетиот 34-годишник, како одговорно лице во правното лице, во периодот од ноември 2022 до април 2023 година, спротивно на условите утврдени во член 10 и член 96 од Законот за заштита на лични податоци, без согласност на тројца оштетени лекари, ги користел нивните лични податоци – слика, име и презиме за он-лајн продажба на два производа. Личните податоци на секој од оштетените лекари биле злоупотребени како тие со својот професионален авторитет да ги рекламираат и препорачуваат чаевите Паразол (Parazol) и Хипертеа (Hypertea), кои на територијата на државава ги увезувало и дистрибуирало обвинетото правно лице. Лажните интервјуа и постови, преземани и споделувани на повеќе веб страници и социјални мрежи, со здравствени тврдења и лажни медицински препораки за овие производи кои оштетените никогаш не ги дале, обвинетиот ги искористил за незаконита обработка на личните податоци и директен маркетинг. Надлежниот јавен обвинител му предложи на Судот да ги огласи за виновни и одговорното лице да го казни со единствена парична казна од 70 дневни глоби со висина на дневната глоба од 30 евра во денарска противвредност, а правното лице да го казни со единствена казна од 300.000 денари. Согласно предлогот на обвинителството, обвинетите по пресудата ќе треба да ги надоместат трошоците на постапката, а секој од оштетените лекари ќе има можност во граѓанска постапка да си го оствари своето имотно-правно побарување за нанесената штета со злоупотребата на личните податоци....
Министерството за одбрана ја започна постапката за изградба на спомениците на загинатите бранители во месноста Љуботенски бачила, на Карпалак и во Вејце
Скопје24 - пред 178 дена
| октомври 2, 2023 Министерството за одбрана ја започна постапката за изградба на спомениците на загинатите бранители во месноста Љуботенски бачила, на Карпалак и во Вејце Со оглед на обидот на Градоначалниците на општините до кои беше поднесена иницијативата да ја политизираат оваа иницијатива, Министерката за одбрана Славјанка Петровска, сакајќи да се зачува ликот, делото и жртвата на загинатите бранители, започна со постапка за која не е потребна согласност ниту од општините, а ќе овозможи изградба на овие споменици на споменатите локации....
Петровска со силна осуда за инцидентот во Косово и поддршка за КФОР
Скопје24 - пред 186 дена
| септември 24, 2023 Не стивнуваат реакциите од убиството кое што се случи денес наутро во Северот на Косово. Министерката за одбрана Петровска се огласи на својот фејсбук профил и го осуди инцидентот како и сите учесници во истиот. “Силна осуда за инцидентот и за сите оние кои допринеле за тој да се случи. Од современите политички лидери се очекува да донесат мир и просперитет, а не поделби и конфликти. Целосна поддршка за КФОР и сите нивни идни активности кои се во насока на гарантирање на мирот и стабилноста во регионот“, напиша Петровска на својот профил на фејсбук....
Во Новаци никна најголемата приватна фотоволтаична централа на Балканот која ќе произведува 85.000 MWh струја доволна за опсслужување 30.000 семејства
Скопје24 - пред 187 дена
| септември 23, 2023 Во Новаци никна најголемата приватна фотоволтаична централа на Балканот која ќе произведува 85.000 MWh струја доволна за опсслужување 30.000 семејства2. Над 100.000 соларни панели поставени Во Новаци, на само 50 метри од одлагалиштето на јаловината од Рудникот Суводол, изградена е најголемата приватна фотоволтаична електроцентрала во земјава – ФЕЦ Новаци која моментално е и најголема на Балканот. Новата централа, која со работа ќе почне до крајот на месецов, е со вкупен капацитет од 55 MW и годишно е проектирано да произведува 85.000 MWh што претставува електрична енергија која е доволна за задоволување на потребите на 30.000 семејства. Инвеститор на овој значаен енергетски проект за производство на струја и тоа од обновливи извори е домашната компанија „МЕЈ Енерџи“ чија дејност е производство и продажба на електрична енергија од обновливи извори. Новата ФЕЦ е значајна за земјата и од вкупен економски аспект бидејќи претставува инвестиција вредна 40 милиони евра. Соларната фарма, која зафаќа површина од 57 хектари, се состои од 101.062 фотоволтаични панели, а поставени се и над 850.000 метри различни видови кабли. Изградбата на централата, за која административните работи се започнати во 2021 година, а градежните во ноември 2022 година, е завршена за неполна година дена. За проектирање и поставување на централата, ангажирани се консултанатски фирми и стручни лица кои повеќе од 20 години се занимаваат со изградба на централи и нивна оперативност. Изведбата целосно ја извршуваа македонски компании, а опремата е набавена од странство и дел од Македонија, согласно индустриските капацитети на државата. ФЕЦ Новаци е изградена на целосно приватно земјиште, во соодветена класа за градба, согласно законот за градење на фотоволтаични централи. Една од предностите на локацијата, како што велат од компанијата, покрај поволните временски услови, односно големот број сончеви денови и поволната конекција за поврзување на 110 kV мрежа, е и близината на РЕК Битола. Имено, согласно препораките на ЕУ за трансформација од производство на енергија од конвенционални централи кон централи од обновливи извори до 2030 година, и за нашиот најголем произведувач на електрична енергија, но од јаглен чии резерви се веќе при крај, постојат планови за трансформација во производител на струја од обновливи извори. „Во време Зелената револуција, особено во енергетиката, кога преминот кон обновливи извори на енергија е присутен насекаде, во 2018 година ни се роди идеја за изградба на капацитет за проиводство на електрична енергија од она што најмногу го имаме – сонцето како обновлив извор на енергија кој секогаш е присутен. Мотив плус за инвестицијата беше и фактот дека и во нашата земја, не само поради преземените обврски за напуштање на производство на енергија од капацитети кои ја загадуваат природата, расте свеста за потребата од поголема грижа за животната средина. Оттаму и силно се работи на реализација на стратегијата за премин кон производство на енергија од обновливи извори и задоволување на потребите од енергија од сопствени капацитети “, велат од МЕЈ Енерџи. Новата фотоволтаична централа ќе даде голем придонес кон започнатата транзицијата на Македонија кон чисти извори на енергија и создавање систем кој ќе овозможи економија отпорна на климата, што е влог за иднината. Интензитетот на трансформација на Македонија кон на производство на енергија од обновливи извори придонесе веќе сега да биде реализиано Зеленото сценарио што, според Енергетска стратегија, беше планирано да се реализира до 2040 година и од земја во која домашно производство на струја доминантно се базираше на јаглен, сега сé повеќе стануваме земја со големо производство од обновливи извори. Меј Енерџи која има производен период од 25 години, електричната енергија ќе ја продава на слободен пазар, првенствено на домашната економија, а доколку во даден момент домашната економија нема да има потреба од електрична енергија, истата ќе се продава во регионот во зависност од трошоците за пренос....
Министерката Петровска со најголем раст на поддршката на социјалните мрежи меѓу балканските политичарки
Скопје24 - пред 237 дена
| август 4, 2023 Министерката за одбрана Славјанка Петровска изминатиот месец има најголем раст на реакциите на нејзините постови на социјалните мрежу меѓу политичарките на Балканот. Според податоците на регионалната истражувачка агенција, која го мери рејтингот според трендовите на социјалните мрежи, Петровска има за над 17 отсто раст на реакциите на нејзините постови. Таа е и една од ретките политичарки на Балканот која забележува позитивни промени во оваа карактеристика, бидејќи поголемиот дел од политичарките назадуваат оваа табела....
Огласувачите од Македонија отсега можат да ги таргетираат корисниците на Pinterest на глобалните пазари
Скопје24 - пред 239 дена
| август 1, 2023 Ова партнерство му овозможува на Httpool на Aleph да нуди решенија за огласување на Pinterest на својата мрежа на клиенти ширум Балканот. Httpool на Aleph ќе овозможи достапност и управување на огласувачи во земјите од регионите каде Pinterest се уште не сервира реклами. Огласувачите во овие земји сега ќе имаат можност да допрат до високо ангажираната публика на Pinterest на пазарите каде се сервираат реклами – публика која ја посетува оваа платформа со намера да открие идеи како да превземе некоја активност со помош на брендовите. Httpool на Aleph нуди уникатна можност за поддршка на своите клиенти во достигањето успех на Pinterest. Преку ова партнерство, Httpool by Aleph ќе може да им понуди на своите клиенти можност за прв пат да се рекламираат на Pinterest. Повеќе од 460 милиони луѓе доаѓаат на Pinterest секој месец за да откријат производи и услуги за во нивниот гардеробер, за во новиот дом, за следниот одмор и многу повеќе. Огласувачите сакаат да бидат откриени во овие моменти на планирање и на природен начин да се синхронизираат со корисниците кои бараат брендови кои ги инспирираат за следното купување. На Pinterest, огласувачите можат да допрат до потрошувачите за кои се грижат и да ги водат низ процесот на откривање, одлучување и превземање на акција – сѐ во едно позитивно online опкружување. “Pinterest е уникатна платформа, која ја покрива целата маркетинг инка и каде рекламите можат да бидат значајна содржина. Ние сме возбудени за нашето партнерство со Aleph и предностите кои тоа ќе ги донесе за корисниците на Pinterest” вели Bill Watkins, Chief Revenue Officer во Pinterest. “Pinterest ги поврзува огласувачите со потрошувачите кои сакаат да се отворат или се веќе отворени кон брендовите. Широкиот опсег на Aleph, кој покрива клиенти од различни региони ширум планетата, ќе помогне во донесување на нов ранг на одласувачи на платформата и ќе ни овозможи да сервираме релевантни реклами до корисниците кои бараат инспирација за да превземат акција.” “Воодушевени сме за партнерството со Pinterest кое ќе и помогне на нашата мрежа од 21,000 бизниси да дојдат до резултати и раст преку интеракција со публика која природно доаѓа на платформата за да купува,” вели Gaston Taratuta, основач и CEO на Aleph. “Pinterest се разликува од останатите платформи бидејќи овде корисниците доаѓаат да пронајдат нешто што ќе направат или купат. Нашите клиенти сега имаат можност да искористат се, од креирање на свесност за брендот до купување, а ние му нудиме пристап на Pinterest до дел од најбрзорастечките економии на светот”. “Особено нè радува партнерството со Pinterest” вели Јане Бајалџиев, управител на Httpool на Aleph во Македонија и продолжува“ ова претставува одлична можност за локалните огласувачи и брендови да стапат во контакт со публиката која доаѓа на платформата за да открие нови идеи за нивните проекти, сѐ со намера да купуваат производи и услуги”. Контакт за Aleph Group преку Hudson Sandler LLP Andrew Leach, Andrew Richards, Adam Joste-Smith [email protected] (+44) 20 7796 4133 За Httpool на Aleph: Ги претставува водечките дигитални медиумски платформи во Европа и азиско-пацифичкиот регион и е присутен на преку 115 пазари преку глобалните подружници на Aleph. Преку уникатната комбинација на пристап до најголемите дигитални играчи, сопствената технологија, локални врски и специјализирано знаење, Httpool на Aleph може да ја поддржи визијата на компанијата за балансирање на дигиталниот екосистем. Создадете свет каде што сите огласувачи имаат пристап до огромните можности на дигиталното рекламирање. За Aleph: Aleph Group, е екосистем на глобални дигитални експерти кој поврзува илјадници огласувачи со милијарди потрошувачи и помага во зајакнување и развој на локалните пазари преку дигиталното рекламирање. Aleph е активен во повеќе од 130 земји и им помага на огласувачите да се поврзат со потрошувачите на речиси 45 од водечките дигитални платформи во светот, како што се Twitter, Meta, TikTok и Snapchat. За Pinterest: Pinterest е платформа за визуелна инспирација, која луѓето ширум светот ја користат за да купуваат персонализирани производи според нивниот вкус, да најдат идеи како да направат нешто офлајн и да ги откријат најинспиративните креатори. Корисниците зачувале повеќе од 390 милијарди пинови за различни интереси, од изградба на домашна канцеларија до готвење нов рецепт и планирање на одмор. Со седиште во Сан Франциско, Pinterest започна во 2010 година и има повеќе од 460 милиони месечни активни корисници ширум светот. Достапен е на iOS, Android и на pinterest.com....
Петровска: Ако ја сакаме државата, да ги направиме вистинските чекори
Скопје24 - пред 258 дена
| јули 14, 2023 Петровска: Се соочуваме со одлив на младите – да донесеме државничка одлука за доброто на државата Во гостување на МТВ, министерката за одбрана Славјанка Петровска изјави дека најавените уставни измени се прашање на државничка одлука и дека таа државна одлука не може и не треба да ја носи само една политичка партија. “Ако ја сакаме и ако и мислиме добро на државата, а барем декларативно сите тоа го изјавуваме, тогаш е потребно да ги направиме и вистинските чекори и да ги донесеме вистинските одлуки. Кога сме на политички позиции, политичките кариери се помалку битни, битна е иднината на нашата држава“, изјави Петровска. Во тој контекст, Петровска истакна дека ако сме засегнати и загрижени за одливот на младите или економската состојба во државата, тогаш е потребно да ги насочиме сите ресурси токму кон овие реални проблеми со кои се соочуваме. “Пристапот во ЕУ, нашето пристапување е всушност токму тоа – решавање на сите проблеми кои се појавуваат во сите држави, а Република Северна Македонија не е исклучок од сето тоа. Мислам дека на уставните измени треба да им пристапиме сериозно, треба да им пристапиме со државнички пристап, и се разбира таква одлука и да донесеме“, рече Петровска....
Paul Van Dyk доаѓа во Охрид – Музички електро спектакл што не се пропушта
Скопје24 - пред 266 дена
| јули 6, 2023 Еден од најголемите диџеи на сите времиња, двократниот број еден светски диџеј Пол Ван Дајк на 30-ти јули доаѓа во Охрид, каде што ќе настапи на плажата Горица 3, објави „Прагма продукција“. Ова нема да биде прв настап на овој германски диџеј на македонска територија, а за потребите на овој спектакл ќе биде поставена бина по светски стандарди, надополнета со посебни ефекти, врвно озвучување и уникатно осветлување, кое е карактеристично за настапите на Пол Ван Дајк. Картите ќе бидат по промотивна цена од 500 денари до 20-ти јули, а истите може да ги купите преку продажната мрежа на kupikarta.com и кај Аждер. Електронската светска супер ѕвезда уште од раните деведесетти години ги поставува светските стандарди како диџеј. Во краток рок ја стекнува популарноста со мегахитот „For An Angel“, една од најголемите и највлијателните електронски траки на сите времиња. Со вроден талент за сценски настап, Пол е еден од артистите со најмногу остварени настапи низ светот, повеќе дури и од Боб Дилан, Металика, Аеросмит и Ролинг Стоунс! Колку Пол ван Дајк со својата појава ги раздрма самите темели на музичката индустрија, говори фактот дека два пати е прогласен за број 1 диџеј во светот според реномираното списание „DJ Mag”, нешто што досега само неколку диџеи успеале да го постигнат во својата кариера. Добитник е на Греми награда за албумот од 2003 насловен „Reflections“, а досега има продадено повеќе од 5.000.000 албуми ширум цел свет. Пол Ван Дајк се здоби со репутација како не само еден од најплодните уметници, туку и како икона во електронската музика. Ван Дајк објави два албуми кои се најдоа на врвот на топ листите во 2018 и 2019 година – „From then On“ и „Music Rescues Me“, кои наидоа на признание од критичарите. Тие беа направени во месеците по страшната несреќа во која Ван Дајк падна низ лошо дизајнирана бина за време на фестивалски настап во Европа на почетокот на 2016 година. По неколку месечниот престој во болница, каде што не беше сигурно дали Ван Дајк некогаш повторно ќе може да оди, а камоли да настапува како диџеј или да прави музика, тој се врати во студио и почна да спојува претходни идеи кои на крајот ќе се претворат во албум. Поминувајќи низ едно од најнесреќните искуства кои секој изведувач би можел да го замисли, Ван Дајк излезе од немилата судбина, со нова смисла за живот и подмладена страст за правење на музика. Охрид повторно живее во духот на електронската музика и сцена. Се гледаме на 30-ти јули на плажа Горица 3....
Покрај телото на внукот на Роберт де Ниро полицијата нашла бела прашкаста материја, траги на насилство немало
Скопје24 - пред 269 дена
ИЗВОРСкопје24| јули 3, 2023 Денеска најстарата ќерка на Роберт Де Ниро објави дека починал нејзиниот син Леонардо, кој имаше само 19 години. Полицијата изезе со првични информации од истрагата. Спореед податоците од „Дејли мејл“, полицијата потврдила дека била пронајдена бела прашкаста материја во близина на телото и дека немало траги на насилство. Ќерката на познатиот актер со емотивна порака на Инстаграм ја објави фотографијата на синот, информирајќи ги своите следбеници за семејната трагедија. Дрена на својот Фејсбук профил објави фотографија од синот и напиша „Мојот прекрасен, сладок ангел. Те сакав без зборови и описи од моментот кога те почувствував во мојот стомак. Ти беше мојата радост, моето срце и се што беше чисто и реално во мојот живот. Посакувам да бев со тебе во моментов. Не знам како да живеам без тебе, но ќе се обидам да продолжам и да ја ширам љубовта и светлината што ме натера да ги чувствувам кога станав твоја мајка. Беше толку сакан и посакувам таа љубов да можеше да те спаси. Многу ми е жал“....
ВНИМАВАЈТЕ: Ни се приближува ново НЕВРЕМЕ, а за време на викендот и температурите ќе се намалат!
Скопје24 - пред 269 дена
ИЗВОРСкопје24| јули 3, 2023 Утре попладне особено во западните предели од Македонија, а во среда и на многу места ќе биде нестабилно облачно со пороен дожд, грмежи и засилен ветер. Поради зголемената енергија во Атмосферата, повторно локално ќе има појава на невреме, проследено со интензивен пороен дожд, значително количество на воден талог за релативно кратко време, силни електрични празнења, силен ветер и со услои за појава на град. Локално градот би можел да биде покрупен. Температурите ќе се искачуваат во интервалот од 28 до 35 степени. Во Скопје и околината исто така особено во среда попладне ќе биде нестабилно со локална појава на пороен дожд, грмежи и засилен ветер. Во делови од котлината ќе има услови за појава на краткотрајно невреме. Максимумот на температурата во Скопје деновиве ќе се искачи до околу 33 степени. За време на викендот, и тоа под влијание на посвежа воздушна маса од север, ќе дува засилен ветер од северен правец и истиот ќе услови пад на температурите на воздухот. Поради очекуваниот нов бран на врнежи, грмежи и локално невреме, утре попладне, а особено во среда апелираме граѓаните да бидат крајно претпазливи....
Хелсиншки објави препораки за ЛГБТ лицата бидејќи е загрижен за нивната безбедноста за време на утрешниот протест
Скопје24 - пред 274 дена
| јуни 28, 2023 Хелсиншкиот комитет изрази загрижени од, како што велат, енорминиот раст на пријави на инциденти и вербални напади и закани како онлајн, така и во физичкиот простор во последните денови, а предизвикани од вжештената атмосфера околу дискусијата на верските институции поврзана со носењето на законите за родова еднаквост и матична евиденција. „Ви се обраќаме со апел и совет за ваша и наша лична безбедност и добросостојба. Како граѓанско општество остануваме посветени на градење на општествена кохезија и надминување на раздорот и застапување за помирување меѓу нашите граѓани. Со големо жалење и за првпат бараме од лицата од ЛГБТИ заедницата и поддржувачите да бидат помалку видливи и тивки во текот на денот на протестот, но нашата грижа за заедницата овојпат не‘ приморува на тоа. Остануваме да бидеме гласни и посветени во борбата за еднаквост и демократија, но на крајот на краиштата најважно е да останеме живи и здрави за да можеме да продолжиме да ја остваруваме нашата визија за Македонија како земја на еднакви права и можности за сите граѓанки и граѓани. Ве советуваме на 29.06., како и денот потоа: 1. Да избегнувате да се движите на просторот на којшто се одржува протестот. 2. Да избегнувате да носите обележја кои асоцираат на ЛГБТИ заедница во јавен простор. 3. Движете се низ осветлени и фрекветни улици и простори. 4. Секогаш имајте мобилен телефон при рака, за да во случај на каков било инцидент – веднаш да ја контактирате полицијата. 5. Во случаи на вербални напади и провокации, останете смирени и тивки и брзо упатете се кон место каде што има повеќе луѓе. 6. Во случаи на вербални напади во такси, останете смирени и не влегувајте во дискусија. Побарајте да слезете на првото погодно место и напуштете го возилото во молк. Веднаш потоа пријатевет го возачот во такси компанијата, а инцидентот до надлежните институции. 7. Во случај на напад или закани во автобуси, останете смирени и не влегувајте во дискусија. Излезете без збор на следната станица и пријавете во надлежни институции. 8. Во случај на физички напад гласно барајте ПОМОШ!. Штом сте на безбедно веднаш пријавете. Свесни сме дека ЛГБТИ заедницата ретко пријавува случаи на насилство и прекршување на права до институции и затоа ви излегуваме во пресрет. Случаите на напади, закани, агресии и вознемирување можете да го пријавите во Хелсиншкиот комитет за човекови права на следните телефони: Од 09:00 до 15:00 часот 02/3119073; Од 15:00 натаму 078/734217; Чувајте се и останете во добро здравје“, се вели во апелот....
Пет повредени лица во сообраќајка на автопатот Тетово-Гостивар
Скопје24 - пред 274 дена
| јуни 28, 2023 Пет луѓе се повредени во сообраќајна несреќа при судир на три возила изутрината околу 10 часот на автопатот Тетово-Гостивар. Сите пет повредени се однесени во гостиварската болница за укажување лекарска помош. -На автопатот Тетово-Гостивар се случила сообраќајна несреќа во која учествувале три патнички моторни возила: „сеат леон“ со гостиварски и „фолксфаген голф“ и „фиат“ со тетовски регистарски ознаки. Во несреќата, со повреди се здобиле вкупно пет лица кои веднаш се пренесени во гостиварската Општа болница „Ферид Мурад“ за укажување на лекарска помош, информираат од СВР Тетово. На местото на несреќата увид изврши екипа од Одделението за внатрешни работи Гостивар. МИА...
Последна снимка од брутално убиената Анастасија – Кобната ноќ Полјакињата снимена на мотор со главниот осомничен
Скопје24 - пред 274 дена
| јуни 28, 2023 Грчката телевизија ЕРТ објави една од последните снимки на Анастасија Рубинска во наводно кобната ноќ пред да исчезне, а потоа да биде убиена на островот Кос во Грција. На видеото кое е објавено, се гледа како маж од Бангладеш и Анастасија се возат на неговиот мотор во понеделникот вечерта на 12 јуни, денот кога исчезна несреќната девојка, објави грчкиот портал „Прототема“. Инаку, токму мажот од Бангладеш (32), со кого наводно била снимена ноќта кога исчезнала, го признал убиството. Наводно и пред тоа тие биле кај него дома, што го потврдил и неговиот цимер, но тој истакнал дека девојката претходно не ја видел. Како што соопштија од полицијата, таа вечерта му испратила неколку пораки на своето момче Михаил, кој прв почнал со потрагата. Часовникот на камерата покажува 00:08:16 во вторник, но според сопственикот на куќата, часовникот се движи нанапред еден час и девет минути, што значи дека вистинското време кога ја напуштиле куќата на мажот од Бангалдеш е 22:59 часот во понеделникот навечер. Исто така, на друга снимка, два дена по злосторството, се гледа како 32-годишен маж поминува покрај истата камера, оди кон местото каде што наводно била убиена 27-годишната жена и се враќа по 11 минути. Тој е во притвор како главен осомничен, а семејството на Анастасија нагласи дека нема сомнеж дека нејзиното момче е вмешано во убиството. Да потсетиме, телото на несреќната Анастасија било во напредно распаѓање и било пронајдено завиткано во чаршаф и две кеси за ѓубре и „скриено“ под гранки и трева зад грмушка. Оштетената била со лисици на рацете, нејзиното голо тело имало набиеници и повреда на главата, додека судскиот вештак Панајотис Котрекоспо утврдил дека се работи за гушење и насилна смрт од задушување, за кое сѐ уште не се знае дали е предизвикана од јаже или со рака. Мобилниот телефон на Анастасија бил испратен во форензички лаборатории за дополнителна анализа која покажала дека мажот од Бангладеш ги избришал фотографиите и сите повици што ги упатувал ноќта на убиството. Сепак, и покрај признанието на осомничениот, мотивот за убиството сѐ уште е нејасен. Исчезнувањето на Анастасија го пријави нејзиниот партнер, на 12 јуни. Тој телефонски контактирал со неа, а Анастасија му рекла дека е во Мармарија, дека е пијана и дека некој со автомобил ќе ја донесе до хотелот. Потоа му испратила локација за да тој дојде и да ја земе, но , кога момчето пристигнало на адресата, Анастасија не била таму, а мобилниот телефон ѝ бил исклучен. Потоа, полицијата го пронашла мобилниот телефон, но без СИМ-картичка. Државјанинот од Бангладеш, кој е осомничен за убиството на Анастасија, купил авионска карта за Италија веднаш по нејзиното исчезнување и се претпоставува дека сакал да побегне....
Тетовец нападнал сограѓанин на улица, извадил и нож
Скопје24 - пред 274 дена
| јуни 28, 2023 Синоќа, околу 23.10 часот, на улицата Благоја Тоска во Тетово, полицијата го приведе 40-годишниот тетовец В. М., кој претходно бил пријавен од 26-годишниот тетовец Б. В. дека во близина на угостителски објект на оваа улица физички го нападнал. Според пријавеното, тој употребил и остар предмет, но не го повредил, велат од МВР. В. М. е задржан во Полициската станица Тетово за расчистување и документирање на случајот по што ќе следува поднесок....
Девојчето (11) од Нови Сад, кое продава крофни за лекување на татко ѝ, стана хит – километарска колона на нејзиниот штанд (ФОТО+ВИДЕО)
Скопје24 - пред 274 дена
| јуни 28, 2023 „Колку сум горда на луѓето во овој град“, „Ова е солидарност“, се дел од коментарите за видеото од луѓето во Нови Сад кои стрпливо чекаат во ред за да купат крофни од штандот на 11-годишната Нина, која стана регионална мала хероина, откако со продажба на крофни почна да собира пари за лекување на болниот татко. Ова е хуманост на дело! Нина Нинковиќ (11) од Нови Сад стана вистинска мала хериона, откако медиумите ја објавија приказната за девојчето што продава крофни за 100 динари (50 денари), а парите ги собира за лекување на нејзиниот татко во Москва. Сега, за крофните што ги продава Нина се создаде километарска колона во центарот на градот, а таа во едно попладне успеа да продаде преку 500 крофни. Видеото од луѓето кои стрпливо чекаат на ред за да купат крофни од Нина стана вирално, а јавноста во регионот ја поздрави хуманоста на новосаѓани со порака дека младите како Нина се светол пример за општеството. „Колку сум горда на луѓето во овој град“, „Ова е солидарност“, „Па знаете ли колку крофни требаат овде?“, се само дел од коментарите на видеото. Крофните ги правеа мајка ѝ и баба ѝ на Нина, а сега им помагаат и сосетките, бидејќи не можат да постигнат сами поради огромната побарувачка. Нина го привлече вниманието на јавноста откако неколку локални медиуми ја објавија приказната за 11-годишното девојче што пред својата куќа продава домашни крофни за да собере пари за својот татко, кој треба да оди на лекување во Москва. Иако прима терапија во Србија, Зоран треба да оди на операција во Русија, но семејството нема доволно средства. Поради ова, се отворени и неколку линии за донации, а Нина и нејзините родители се надеваат дека ќе успеат да ги соберат средствата. Погледнете го видеото: https://www.instagram.com/reel/CuAMkO2oP2s/?igshid=MzRlODBiNWFlZA==...
„Воланот му беше во градите, го погледнав и реков – убив човек“: Милан Калиниќ проговори за сообраќајката која целосно му го промени животот
Скопје24 - пред 274 дена
| јуни 28, 2023 Водителот Милан Калиниќ ја отвори душата и зборуваше за најтешкиот период во животот. Во новото издание на неговата емисија „Преживеани“ тој ја смени улогата со сопругата Сандра која овојпат се најде на водителското место. Милан ја раскажал својата исповед за сообраќајната несреќа што ја доживеал со семејството кога биле на пат за Копаоник. Страшната несреќа се случи во 2015 година, а Милан истакна дека тоа било многу трауматично за него и дека на почетокот мислел дека го уништил својот и животот на своите најблиски. -Преживеавме тежок и стресен настан. Направив една работа кога многумина не можеа да ја преживеат. Тогаш сфатив колку се во животот може да се смени во секунда и колку е драгоцено да се ужива во секој момент и во секоја секунда, започна тој во емисијата „Преживеани“. -Отидовме на скијање на Копаоник. Вук тогаш имаше три ипол години, а Тео шест ипол години, пред да почне на училиште. Прекрасен ден, но пред тоа падна снег. Снегот се топеше, а патот беше влажен. Тоа е за најлошо за возач. Дојдовме до Брус и наидовме на фатален свиок, инаку се нарекува Долг свиок. Локалните жители го нарекоа „Кривина на смртта“. Не брзав, возев нормално. Кога свртев, стиснав на гас мислејќи дека излегувам од кривината, но не беше така. Тоа беше доволно. Од спротивната страна имаше унгарски државјани во два автомобила. Првиот автомобил успеа да ме избегне, додека вториот автомобил имаше помалку вешт возач. Буквално имавме директен судир со автомобилите. Тоа е ужасен момент“, продолжи тој. Од гледна точка на патникот, се сеќавам на еден тап удар и дека ти викнав: „Ах, Милане!“, продолжи неговата сопруга. -Мислев дека убив човек. Тоа беше страшен удар. Автомобилот целосно се сврте обратно. Страшен момент. Тогаш човек не е самиот тој. Тогаш сфатив дека имав целосно разбирање за тоа што го слушаш кога има некоја страшна несреќа од која некој избегал. Не треба веднаш да ја осудувате таа личност. Затоа што во тој момент не ја контролирате ситуацијата. Ништо не ми се случи, само ја удрив раката, но тоа е таков стрес, како да го напуштате сопственото тело, како да сте во транс. Буквално, тогаш не сте одговорни за вашите постапки. Реагирав како што треба, но ги разбирам луѓето кои не реагираат така. Теа и Вук почнуваат да плачат и викаат, а ти си (и се обраќа на сопругата) во шок и хистерија. Бог го направи тоа, веројатно, од вистински причини.Сите испаднаа од тој автомобил, вели Калиниќ. „Морав да бидам присебен поради децата. И двајцата имаа хематоми на главите. Раката ти беше отечена. Никој од луѓето кои дојдоа да помогнат не веруваше дека има преживеани. Сите испаднаа. Испаднаа скиите, куфери…“, додава Сандра. -Ги гледам сите тие луѓе, се караат, шок… Приоѓам кон автомобилот и гледам, воланот му беше во градите на возачот. Беше наведнат над воланот и лежеше со отворени очи. Гледам мртов човек. Тоа е најлошиот момент во мојот живот. Гледам човек кој не дава знаци на живот, тој е мртов. Го гледам и си велам: „Убив човек“. Се свртев кон нашиот автомобил ги гледам Сандра, Теа и Вук и си велам дека си го уништив животот, на моите деца им го уништив животот. Тоа е шок во кој не знам што да правам, кому да помогнам. Со аголот на моето око гледам дека неговиот мал прст мрда како и целата рака. Само неколку секунди беше во шок, си дојде на себе. Брзата помош и полицијата се појавија со неверојатна брзина, беше искрен Калиниќ и додаде: -Унгарецот кој беше зад воланот брзо беше пренесен во Белград. Поголема несреќа беше што тој бил инвалид кој имал операција на срцето и има само еден бубрег, а по несреќата имал внатрешно крварење. Докторот ми рече: „Милан, тој нема да преживее до Белград“. Петнаесет до дваесет дена колку што траеше тоа беа најголемата агонија во мојот живот“, изјави Милан. Сепак, сè е добро што ќе заврши добро....
Се преврте возило: Тешка сообраќајка на патот Тетово- Гостивар
Скопје24 - пред 274 дена
| јуни 28, 2023 Повеќе лица се повредени во судир на неколку возила на автопатот Тетово-Гостивар, дознава 24Инфо. Според очевидци, повредени се повеќе лица. Полицијата врши увид во моментов. Фото: 24Инфо...
НЕЈЗИНИОТ ТАТКО Е ТРЕНЕР НА ПОЗНАТ СКОПСКИ ФУДБАЛСКИ КЛУБ – никогаш нема да претпоставите чија ќерка е Тара Симов, голманот ќе стане дедо следната недела
Скопје24 - пред 274 дена
| јуни 28, 2023 Тара Симов за помалку од недела дека ќе стане мајка, а покрај избраникот нејзина најголема поддршка во животот и е и нејзиниот татко. Малкумина знаат дека нејзиниот татко е многу познат и во Србија и во Македонија каде во моментов живее и е тренер на Македонија Ѓорче Петров. Тара во една прилика открила дека на нејзината мајка бракот со Горан и бил втор и покрај тоа што се развеле таа го задржала неговото презиме. На сите исто така им е познато дека Тара имала турбулентен живот во минатото раскажувајќи го во реалното шоу „Задруга“. Станува збор за голманот Горан Симов кој кариерата ја започна во 1995-та година играјќи во Ниш, Белград и во нашата Македонија. -Знам дека е силна и паметна, од мене никогаш немала никакви кочници, а така и ќе остане во иднина. Никој не е совршен па и таа, се она што ми пречи секако ќе и го кажам на неа, не јавно. Мене ми е најважно таа да е жива и здрава, изјавил во една прилика Горан. Тој тогаш открил и дека не гледал „Задруга“ додека ќерка му била таму и се што дознавал било од нејзините фанови и пријатели. Инаку на Тара закажан и е царски рез на 3 јули кога на свет ќе го донесе своето прво дете....
УХМР со предупредување: Попладне невреме со пороен дожд, грмежи и засилен ветер
Скопје24 - пред 274 дена
| јуни 28, 2023 Времето денеска ќе биде сончево и топло со мала до умерена локална облачност. Ќе дува слаб до умерен ветер од западен и северозападен правец кој вдолж Повардарието ќе засилува. Попладне и кон крајот на денот претежно во северните делови ќе биде нестабилно со локален пороен дожд, грмежи, засилен ветер, краткотрајно и во вид на изолирано невреме. Минималната температура ќе биде во интервал од 11 до 20, а максималната ќе достигне од 26 до 34 степени. УВ индексот ќе изнесува 8. Во Скопје сончево со мала до умерена облачност, од пладневните часови краткотрајно ќе биде нестабилно со локален пороен дожд, грмежи и засилен северен ветер. Минималната температура ќе се спушти до 16, а максималната ќе достигне 29 степен. Според УХМР, во четврток ќе дува повремено засилен северен ветер, што ќе услови температурата да се намали за неколку степени, а попладне претежно на запад ќе има појава на повремен пороен дожд и ретки грмежи. Од петок температурата повторно ќе биде во постепен пораст....
Се празнува Св. пророк Амос
Скопје24 - пред 274 дена
| јуни 28, 2023 Пророкот Амос потекнуваше од гратчето Текоа во Палестина. По занимање беше овчар. Како таков Бог го повика на пророчка служба. Го разобличуваше царот Озија и неговите жреци поради идолопоклонството. Кога пред врховниот жрец Амасија и син му го прорече падот на царството под Асирците, како и невољите што го стигнаа самиот Амасија зашто го наведе целиот народ да заборави на вистинскиот Бог, синот на Амасија не издржа и го удри пророкот по главата, така што овој одвај остана жив. Повреден, Амос се врати во Текоа и по неколку дена се упокои....
Детали за тешката сообраќајка на „Првомајска“, повредени се двајца
Скопје24 - пред 274 дена
| јуни 28, 2023 Двајца возачи се повредени, од кои едниот со тешки телесни повреди, во сообраќајната несреќа која вчера попладне се случи на крстосницата од бул.„Борис Трајковски“ со ул.„Трајко Иванов“. Од полицијата информираат дека во несреќата учествувале автомобил „фолксваген голф“, управуван од И.М.(26) од Скопје и товарно возило „там“, управувано од Ј.А.(67) од Скопје, двете со скопски регистарски ознаки. -Во несреќата со тешки телесни повреди се здобил И.М., констатирани во Комплексот клиники „Мајка Тереза“, а со телесни повреди се здобил Ј.А., констатирани во Градската општа болница „8 Септември“, информира МВР. Извршен бил увид од увидна екипа од СВР Скопје...
Познат идентитетот на загинатиот во сообраќајката кај Дабиле
Скопје24 - пред 274 дена
| јуни 28, 2023 Четириесет и седум годишниот А.Ѓ. од струмичко Бориево го загуби животот во сообраќајна несреќа која синоќа околу 21:15 часот се случи на магистралниот пат А4 Струмица-Ново Село, на делница помеѓу селата Дабиле и Босилово. Во несреќата учествувале автомобил „мерцедес“, управуван од А.Ѓ. и автомобил „фиат“, управуван од Р.М. (31) од село Костурино, струмичко, двете со струмички регистерски ознаки. -Од здобиените повреди во несреќата починал возачот А.Ѓ., а смртта ја констатирал лекар во Медицински центар Струмица, а возачот Р.М. се здобил со телесни повреди, информира МВР. Увид на местото извршил јавен обвинител од Основното јавно обвинителство Струмица и увидна екипа од Полициската станица Струмица....
Деловни успеси за еден знак: Дневен хороскоп (28.06.2023)
Скопје24 - пред 274 дена
| јуни 28, 2023 ОВЕН Денот ви нуди различни можности. Дел од вас претпочитаат да се посветат на професионални определби и нема да згрешат, бидејќи денеска вашите шанси за успех се особено големи. На други, пак, им се потребни одмор и забава и со задоволство ги прифаќаат поканата упатена до нив. Ќе ве фасцинира поканата што ви ја испрати блиска личност. БИК Повеќето од вас ќе продолжат да работат на своите професионални задачи, постигнувајќи напредок и финансиски придобивки. Вашата успешна соработка со луѓето со кои реализиравте профитабилен проект ќе продолжи и во иднина. Размислете за вашата лична отплата кон нив, ценете го нивното присуство во вашиот живот и покажете ја вашата дарежливост. БЛИЗНАЦИ Заедно со тековните задачи, вашите предвидувања вклучуваат спроведување на други, итни цели кои ќе ви го направат денот побурен. Нема сомнеж дека вредно ќе постапувате со сè што го бара вашето внимание. Тоа нема да биде случај со вашиот однос кон личност која ја бара вашата блискост, но за свои потреби. РАК Вашата почит и добар однос кон другите ќе ви помогнат да добиете нешта, коишт инаку во други околности не би ви ги дале. Деловната соработка ќе го забрза спроведувањето на вашите идеи. Доколку има доцнење, причините ќе бидат технички и не треба да се грижите. Вечерта во нечие друштво ве очекуваат пријатни моменти. ЛАВ Професионалната задача ќе ви ги потроши мислите и ќе ја отежне комуникацијата со вас. Дајте им повеќе опции на луѓето околу вас, во спротивно ќе го изгубите нивниот интерес. Посакуваните состаноци и постигнатите намери ќе го направат шаренолик денот на попрактичните од вас. Кратко патување ќе ви помогне да се опуштите и да се зајакнете. ДЕВИЦА Доброволно потчинети на љубовта, со ентузијазам ќе се носите со сето она што го предвидувате и што се очекува од вас. Патувањето и забавата се претпочитан дел од вашиот распоред, но за некои од васт денот е поврзан со позначајни настани. Какви и да се, денот не е погоден за бизнис, ниту за деловен ангажман. ВАГА Денот ќе ви биде напорен, но ќе бидете задоволни од завршената работа. Подобрувањето на односот кон проблемот на саканата личност е нешто што ќе ве направи подобри и пољубезни. Блиските сметаат на вас за помош. Личните промени се пред вас. Ќе се одлучите за важен чекор и на тој начин ќе започнете нешто ново за вас. ШКОРПИЈА Се обидувате да ги задоволите повеќето желби упатени кон вас, но тоа може да биде доста тешко. Сепак, насмевката на саканата личност ве прави среќни, па правите се најдобро што можете. Сè на сè, овој ден е доста пријатен. СТРЕЛЕЦ Имате добри идеи кои ќе ги ставите таму каде што треба да бидат. Лесно ќе ги убедите другите во нивните придобивки и ќе заработите придобивки од нив. За разлика од вашиот професионален живот, работите нема да одат така во вашиот интимен живот. Ќе ви треба трпение додека не го добиете она што го очекувате. ЈАРЕЦ Ќе ја подобрите формата ако се грижите за рекреација и си ја вратите рамнотежата. Поради вашата зголемена чувствителност, избегнувајте провокатори и почесто барајте друштво со луѓе кои ги сакате и со кои можете мирно да комуницирате. Ќе биде одлично ако знаењето и искуството ги применувате во секојдневниот живот. ВОДОЛИЈА Изразете ги вашите желби без непотребен разговор и фатете се за работа. На овој начин ќе привлечете добри сили кон себе и нема да имате потешкотии да ги реализирате. Барајте ги пријателите, не се затворајте во себе, оправдувајќи се со вашата зафатеност. Има што да се добие и да им се даде. РИБИ Покажете ги своите вештини и вашиот професионален однос кон проблемот што се појавил. Немојте да бидете под влијание на луѓе кои имаат различни интереси од вашите. Со трпеливост, ќе ги постигнете работите што ги посакувате. Со вашето присуство ќе мотивирате некого да продолжи во својот развој....
Шест причини зошто не слабеете иако сте на диета
Скопје24 - пред 275 дена
| јуни 27, 2023 Ако ги поедноставиме работите, единствен начин за слабеење е воведување ограничувања, односно намалување на бројот на калории. А кога ќе исфрлите многу намирници, со денови сте гладни, а килограмите не се намалуваат напротив многу полека слабеете. Што е финтата? Па, во отсуство на хранливи материи – во телото се вклучува црвен аларм и тој почнува да ја складира секоја внесена калории за „дождливи“ денови. Ова се сигнали дека внесувате премалку храна и дека стагнирате поради тоа: Многу размислувате за храната Се разбира, вашето тело копнее за калории, па вашиот ум е преокупиран со храна. Меѓутоа, ако цел ден размислувате за храна и не можете да се ослободите од таа мисла, можеби е време конечно да ставите нешто поконкретно во уста. Прескокнувате оброци И покрај фактот што многу луѓе веруваат дека прескокнувањето оброци е добар начин да се консумираат помалку калории и со тоа да се ослабне, тоа не е така. Ако го прескокнете појадокот, ручекот или вечерата, всушност му помагате на вашето тело да ги исклучи механизмите одговорни за внатрешно согорување. Често имате главоболка Слушајте го вашето тело, па ако често се чувствувате вртоглавица, треперење и главоболка, тоа може да се должи и на недоволно внесување калории. Во отсуство на храна, мозокот не добива доволно гликоза, што значи дека нивото на шеќер во телото е прениско. Во таков случај се јавуваат разни видови физички проблеми. Не сакате да вежбате Чувствувате замор и тешко ви е воопшто да размислувате за вежбање, постојано сте исцрпени и имате проблеми со концентрацијата – ова може да биде резултат на недоволно внесување на хранливи материи во организмот. Кога на телото му недостига храна, нивото на енергија опаѓа, а останува само малку за основните функции и опстанок, а тоа е многу заморно за вашето тело. Многу сте раздразливи Постојат многу причини за раздразливост, а една од нив е гладувањето. Ако намерно прескокнувате оброци и се воздржувате од храна секогаш кога можете, ќе биде тешко вашето расположение да се подобри. Дури и научно е докажано дека недостатокот на калории доведува до лутина и фрустрација. Вечеравте и уште сте гладни Ова покажува дека во текот на денот не сте внесувале доволно калории и хранливи материи во вашето тело и, иако сте се најале доволно, вашето тело копнее за повеќе. Ова не мора да значи дека треба да јадете повеќе, но она што го јадете треба да биде поквалитетно. Изберете производи направени од цели зрна, протеини и здрави масти наместо, да речеме, салата која не содржи речиси ништо од горенаведеното....
Љубомората им е второ име: Пет хороскопски знаци кои нема да дозволат да дишете
Скопје24 - пред 275 дена
| јуни 27, 2023 Скорпиите се многу посесивни и заштитнички настроени кон своите партнери. Тие се многу чувствителни на предавство и често имаат проблеми да им веруваат на другите луѓе. Биковите се познати по својата посесивност и љубомора кон партнерите. Тие се многу страсни за нивната врска и не сакаат да го делат вниманието на партнерот со другите. Раковите се познати по својата чувствителност и емоции. Тие се многу посветени на своите партнери и сакаат да бидат блиски со нив. Меѓутоа, кога се чувствуваат несигурни, можат да станат многу љубоморни. Лавовите сакаат да бидат во центарот на вниманието и сакаат да бидат сакани. Кога ќе почувствуваат дека партнерот не им обрнува доволно внимание, можат да станат љубоморни. Девиците се познати по нивната аналитичка и перфекционизам. Кога ќе почувствуваат дека нивната врска не е совршена или кога се сомневаат во верноста на партнерот, можат да станат многу љубоморни....
Пехчевски со нова моќна порака овој пат до СЗО: Кој во оваа држава се осмелува да одлучува кој ќе живее, а кој не?
Скопје24 - пред 275 дена
| јуни 27, 2023 Игор Пехчевски е еден од пациентите со цистична фиброза во земјава и веќе и е добро познат на јавноста поради својата борба и одлучност сите пациенти со оваа дијагноза да го добијат лекот Трикафта. Тој беше првиот кој во земјава информираше за лекот и неговите одлични резултати во борбата со болеста, кој од болничкиот кревет преку натпис го бараше лекот за него и неговите соборци. Сепак лекот се уште го нема за сите. Овој пат, тој преку нова порака се обрати кон Светската Здравствена Организации, европските организации за заштита на човечките права, Европскиот парламент и Американската амбасада во земјава. „Кој во оваа држава се осмелува да одлучи кој да живее, а кој не. Бараме „Трикафта“ (Кафтрио) ВЕДНАШ И СЕГА, еднакво за секого“ – пишува на натписот. “Не можеме повеќе да живееме со ова, во 21 век се молиме да им биде достапен лек на СИТЕ пациенти кои страдаат од ретката болест Цистична фиброза, од која зависи нашиот живот. Придружете ни се во нашата борба и да ни го дадете здивот кој го заслужуваме, т.е. лекот ТРИКАФТА (КАФТРИО) кој за нас значи ЖИВОТ. Она што го бараме е еднаков, недискриминаторски третман. Право на ЛЕК и право на ЖИВОТ“, напиша тој на објаваѕа на Фејсбук, под објавената фотографија....
Голема експлозија во складиште во Бугарија, сопственикот бил познат трговец со оружје: Сомнежите се во Русија
Скопје24 - пред 275 дена
| јуни 27, 2023 Во бугарскиот град Карнобат, недалеку од црноморското пристаниште Бургас, во складиштето на еден од најголемите трговци со оружје, Емилијан Гебрев, дошло до експлозија, а потоа и пожар, објави локалната новинска агенција „БТА“. Самиот Емилијан Гебрев за бугарските медиуми изјавил дека му е нејасно што се случило, бидејќи, како што истакнал, во магацинот немало самозапаливо производство и изразил сомнеж дека таму има нечиста работа. Инаку, според медиумот, Емилијан Гебрев е голем трговец со оружје и тргува со Украина од 2014 година, што и самиот го потврди во интервју за американскиот весник „Њујорк Тајмс“. Наводно, во 2015 година, членови на руската воена разузнавачка служба ГРУ се обиделе да го елиминираат Гебрев. Имено, по деловниот ручек во април 2015 година, на Гебрев му се слошило и бил хоспитализиран. Тој бил во кома речиси еден месец, а се зборувало дека Гебрев бил отруен со супстанца слична на „новичок“, опасен отров од лабораториите на КГБ. Недолго потоа, во болница бил примен и неговиот син со слични симптоми, а Гебрев тврди дека недолго по излегувањето од болницата бил направен уште еден обид за да биде убиен. Но, ова не е прв пат под чудни околности да се случуваат експлозии или пожари во неговите воени магацини, стои во написите. Имено, во 2014 година, откако беше откриено дека Гебрев и доставува оружје на Украина, се случи експлозија во еден од неговите магацини во Чешка, во селото Врбетице кај Злин. По истрагата, чешките власти обвинија за саботажа двајца руски државјани, кои се претставија како потенцијални купувачи, Александар Петров и Руслан Баширов, кои се осомничени дека со „новичок“ се обиделе да го отрујат рускиот двоен агент Сергеј Скрипал и неговата ќерка Јулија. Во јуни 2022 година се случи експлозија во друг магацин на Гебрев во Бугарија, наведува медиумот....
Одите на одмор и не знаете каде да ги скриете скапоценостите и парите? Погледнете ги овие генијални идеи (ВИДЕО)
Скопје24 - пред 275 дена
| јуни 27, 2023 Сезоната на одмори штотуку започна, но со неа доаѓаат и проблемите. Празните куќи и станови се совршени мети за крадците, а многу семејства се грижат каде да ги сокријат своите скапоцености и заштеди. За да бидете сигурни, најдобро би било работите да се сокријат за да се минимизираат шансите крадците да ги најдат. Избегнувајте класични места и места кои се лесно достапни, а доколку немате идеја каде да ги скриете, видеото може да ви помогне. View this post on Instagram A post shared by Sivri Zeka İşleri (@sivri_zeka_isleri)...
УТРЕ Е ВИДОВДЕН, ДЕВОЈКИТЕ ОВА ТРЕБА ДА ГО НАПРАВАТ ВЕЧЕРВА – ноќта пред празникот ќе им ја открие судбината
Скопје24 - пред 275 дена
| јуни 27, 2023 Видовден, еден од најголемите православи празници се празнува на 28 јуни. За Видовден кој посебно го слават Србите и Бугарите, се врзани многу интересни верувања, а на Видовден најмногу му се радуваат девојките, зошто ноќеска може да сонат со кого ќе се омажат. Имено се верува дека видовата трева, која од дамнина се сметала за билка за гатање, може да им открие кој ќе им биде младоженец. Пред Видовден девојките би требало видовата трева, парче леб и малку сол да ги стават под перница и да ги кажат зборовите: „Виде, Виде! Жити солта и лебот, земјата и небото, кажи ми кој ќе ми биде суден. Нека ми излезе на сон“. Таа според верувањето треба да го сони својот иден маж. Верувањето вели дека и мажените жени би требало видова трева да стават под перница пред празникот. Доколку нешто сонуваат таа ноќ, тоа ќе им се случи. Постои уште едно верување, а тоа е дека видовата тревата им помага на немажените за кратко време да го запознаат идниот сопруг. На свети Вид растата две видови треба, видовчица – со јакоцрвен и мал цвет и модар вид, со сличен цвет. Би требало да се пронајдат двете, да се наберат и да се стават под перница, а пред спиење да се изговори: „Свети Вид невидени, дојди драг мој судени, дојди ноќеска во мојот сон, дојди на мојот прв состанок“. Тие девојки, како што се верува веќе во наредните денови ќе го запознаат идниот маж. Инаку Свети Вит е роден во Сицилија, од славни, но неверни родители. Модест му беше учител, а Крискентија дадилка. Свети Вит се крсти мошне рано и уште во дванаесеттата година отпочна голем подвиг. Ангели му се јавуваа и го раководеа и го крепеа во подвигот, а и самиот тој беше светол и убав како Божји ангел. На судијата што го тепаше му се исуши раката, а тој со молитва му ја исцели. Татко му ослепе кога во неговата соба виде дванаесет Свети ангели на коишто „очите им беа како ѕвезди, а лицата како молњи“. Но Вит со молитва му го врати видот. Кога татко му сакаше да го убие, на Вит му се јави ангел и заедно со Модест и Крискентија ги пренесе во Луканија, на брегот на реката Силар. И овде Свети Вит покажа многубројни чуда над болните и демоноопседнатите. Повикан од царот Диоклецијан отиде во Рим, каде што го изгони злиот дух од царскиот син, за што царот не само што не го награди туку и луто го мачеше затоа што одби да им се поклони на глупавите идоли. Но од сите овие маки го избави Господ и со Својата невидлива рака го пренесе пак во Луканија, од каде и тој и Модест и Крискентија се преставија кај Господа. Моштите на Свети Вит почиваат во Прага....
ПОБЕДНИЧКАТА НА „ГРАНД“ СЕДНА ВО ПОДАРЕНИОТ АВТОМОБИЛ – Саша Поповиќ прегорд на нашата Струмичанка (ФОТО)
Скопје24 - пред 275 дена
| јуни 27, 2023 Саша Поповиќ ги додели клучевите од автомобилот Фиат ТИПО на нашата Славица Ангелова која победи во „Ѕвездите на гранд“ за сезоната 2022/23. Креативниот директор на „Гранд“ продукција доделувањето на клучевите го направи во склоп на комплексот кој го гради на Бежаниска коса каде и живее. -Ух кога ќе се појавиш во Струмица со овој автомобил, а сите знаат дека си го добила откако победи во „Ѕвездите на гранд“, тоа ќе биде шоу, вели Поповиќ. Нашата Славица на Саша му потврди дека има возачка дозвола и знае да вози автомобил. -Ова ти е полесно да стигнеш кога би имала обврски кон „Гранд“, кажа Ѓорѓе Давид. Саша Поповиќ додаде дека е горд поради тоа што победила на поштен начин и заслужено го добила овој автомобил. -Кариерата ќе ја гради и во Македонија и во Србија, ќе добие песна, спот, ќе гостува во сите наши емисии. Веруваме дека многу повеќе шанси има во Македонија, бидејќи е прва нивна победничка во ова шоу, но секако ќе се трудиме да ја туркаме и во БиХ, Србија и Црна Гора, вели Саша. За потсетување Славица во финалето победи освојувајќи 88.367 гласа, а нејзин ментор беше Ѓорѓе Давид....
Погледнете во луксузниот стан на Јована Јеремиќ – го платила во кеш 200 илјади евра, а златните детали се насекаде (ФОТО)
Скопје24 - пред 275 дена
| јуни 27, 2023 Водителката Јована Јеремиќ неодамна пазари стан во центарот на Белград за вртоглави 200. 000 евра, а наскоро ќе се пресели во него откако во овој момент го реновира од корен. Таа во него ќе живее со наследничката Леа, а сега на својот Инстаграм профил со следбениците сподели како изгледа внатрешноста на истиот. Буквално луксуз во златна боја насекаде, од спалната соба, до трпезаријата и столчињата за седење. Со овие фотографии таа само уште еднаш докажа дека таа е кординатор во сите работи кои се прават во нејзиниот стан....
Никако не носете чипс и сендвичи на плажа, ова се причините
Скопје24 - пред 275 дена
| јуни 27, 2023 Многу луѓе кои го поминуваат целиот ден на плажа на одмор обично носат храна со себе, како сендвичи или салата. Сепак, нутриционистката Кирстен Хикман истакнува дека некои намирници не се многу погодни за оброк на плажа. Според неа, најлошата храна што се носи на плажа е онаа што предизвикува дехидрација. „Ако поголемиот дел од денот го поминувате на сонце и високи температури, последното нешто што сакате е храна која може да доведе до дехидрација“, вели таа, посочувајќи која храна е најмалку погодна за плажа според неа. Сувомеснати производи Овие намирници се познати по нивната висока содржина на натриум, поради што нутриционистот советува да ги избегнувате кога поминувате многу време на сонце. Наместо тоа, таа препорачува сендвич со зеленчук кој го хидрира телото, со додавање на малку хумус за додавање протеини. Солени закуски Уживањето во грицки на плажа е сосема нормално, но чипсот и сличните производи не се најдобриот избор поради високата содржина на сол што може да доведе до дехидрација. Кирстен предлага наместо тоа да носите овошје или сецкан свеж зеленчук што можете да го потопите во некој сос. Пржена храна Не е изненадувачки што пржената храна има висока содржина на сол што ја влошува дехидрацијата. Освен тоа, јадењето пржена храна може да доведе до пад на енергијата, што може да предизвика поспаност и лошо расположение на плажа, предупредува нутриционистот. Слатки пијалоци Слично на солта, храната и пијалоците богати со шеќер исто така може да предизвикаат дехидрација. Кога внесувате шеќер, телото користи повеќе вода за метаболизмот, што може да резултира со почесто одење во тоалетот. Покрај тоа, конзумирањето слатки пијалоци може да предизвика брзи флуктуации на нивото на шеќер во крвта, што доведува до исцрпеност во текот на денот. Затоа, најдобро е да изберете вода или незасладени ладни чаеви. Топли оброци Овде не се работи само за здравјето, туку и за практичноста. Ако понесете топол оброк на плажа, до моментот кога ќе го јадете, веројатно ќе биде млак и помалку вкусен. Ладната храна е посоодветна бидејќи може да остане подолго свежа и пријатна за консумирање на плажа. Кирстен предлага да уживате во ладни салати со тестенини додека се релаксирате покрај морето....
МПЦ во четвтрток организира протести проив законот за матична евиденција и родова еднаквост
Скопје24 - пред 275 дена
| јуни 27, 2023 Македонската православна црква во четврток организира народен протест против двата предложени закони кои според нив ги нарушуваат основните основи на верата и општеството. Едниот е предлог-законот за матична евиденција кој е во собраниска процедура и другиот е предлог-законот за родова еднаквост. Двете законски решенија му овозможуваат на поединецот преку декларативно изјаснување, законски да го промени полот Според владиката Јаков Стобиски, ова е кршење и ограничување на човековите права и слободи. Стобиски оценува дека начинот на кој мнозинството тврди дека ги остварува правата на една група на сметка на општеството значи диктатура. СДСМ синоќа со одлука на Извршниот комитет се повлече од предлог-Законот за матична евиденција, додека консултациите ќе продолжат за предлог-Законот за родова еднаквост. Против законските решенија се и другите верски заедници во земјава, но не се знае дали и тие ќе го поддржат протестот во четврток. Владата по втор пат се повлекува од Законот за матична евиденција, откако претходно се повлече во март минатата година....
Скопјанка исчезнала, сопругот пријавил во полиција
Скопје24 - пред 275 дена
| јуни 27, 2023 Вчера претпладне, 56-годишен жител на Скопје пријавил дека неговата десет години помлад сопруга се оддалечила од домот, соопшти МВР. „На 26.06.2023 во 10.00 часот во Полициската станица Гази Баба, К.Ш.(56) од Скопје пријавил дека од домот се оддалечила неговата сопруга А.Ш.(46)“, велат од МВР. Полицијата соопшти дека презема мерки за пронаоѓање на жената....
Скопјанец со огнено оружје им се заканувал на две лица… Неготинчанец ја демнеел поранешната вереница
Скопје24 - пред 275 дена
| јуни 27, 2023 На 26.06.2023 во 19.10 часот на место „Марков Манастир“, полициски службеници од Полициската станица Драчево го лишиле од слобода Б.П.(64) од Скопје, поради тоа што околу 15.30 часот, по претходна расправија со С.С.(41) од Скопје и М.Н., им се заканил со огнено оружје. Од пријавениот биле одземени воздушна пушка и дијаболи. По целосно документирање на случајот ќе следи соодветен поднесок. Неготинчанец ја демнел поранешната вереница, за што доби кривична пријава. Жител на Неготино на возраст од 35 години, според полицијата, со месеци ја следел и ја демнел поранешната вереница, испраќајќи ѝ писма и несакани пораки. „На 27.06.2023 ОВР Неготино поднесе кривична пријава против Б.П.(35) од Неготино, поради постоење основи на сомневање за сторено кривично дело „демнење“. Во периодот од февруари 2023 до 02.05.2023 година, пријавениот неовластено ја следел неговата поранешна вереница и ја вознемирувал со пораки преку „Вајбер“ и со испраќање писма до домот во којшто таа живее“, информираат од полицијата. Основното јавно обвинителство Скопје месецов поднесе Обвинителен предлог против едно лице за две кривични дела – Демнење од член 144-а од Кривичниот законик, додека уште едно лице се гони за помагање при извршување на наведеното кривично дело. Човекот прогонувал маж и жена, ги сликал и им се заканувал....