Макпетрол АД Скопје ќе дели дивденда од 3.700 денари бруто по акција, соопшти компанијата преку Македонската берза. Станува збор за предлог-одлука која е на дневен ред на престојното Собрание на акционери на компанијата, а вкупната сума за оваа намена е 374.232.800 денари бруто. Последен ден на тргување со право на дивиденда е 14.6.2024 година. ПОВРЗАНИ ВЕСТИ „Макпетрол“ најпосакуван работодавач помеѓу нафтените компании за 2023 година Претседателот на НО на Макпетрол купи акции на компанијата Андреја Јосифовски купи акции на Макпетрол Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Врховниот суд информира дека ја уважил жалбата за пртиворот на таткото на Вања, Александар Ѓорчевски и тој од затворот во Шутка оди во домашен притвор. „По одржаната јавна седница на ден 25.04.2024 година, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје КСЖ-320/24 од 02.04.2024 година, го преиначи на начин што определената мерка притвор против обвинетиот А.Ѓ. ја укина и за обвинетиот определи мерка куќен притвор и мерка на претпазливост,“ информираат од Врховен суд. Неговиот адвокат Туфегџиќ по седницата рече дека се уште нема докази против Ѓорчевски, а осомничениот не може да се даде во бегство, бидејќи пасошот повеќе не му е важечки и дека соработува со Обвинителството во истрагата за убиството на неговата ќерка. Александар Ѓорчевски изјави дека „бил обвинуван за работи кои не ги разбира“. „Ми одземаа се и бев прикажуван каков човек и татко сум. Веќе не сум ни родител, ни татко. Ехо од човек остана од мене,“ рече Ѓорчевски, кој според изјавата на неговиот адвокат, немал контакт ниту со другата ќерка, и затоа било поднесено барање до Центарот за социјална работа, Адвокатот Туфегџиќ рече дека Ѓорчевски два пати бил подложен на тортура и завршил на клиника и дека за тоа е известен Хелсиншкиот комитет од кој се чека извештај. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Со концерт на македонски и српски изведувачи во сабота на 8. јуни на стадионот на АРМ во Скопје почнува музичката ноќ на фестивалот Скопје се лади – три концерти во една ноќ. Скопје добива нова форма на музичко изразување и ноќ посветена на љубителите на добрата музика со три концерти кои истовремено ја оживуваат енергијата со драм ен бејс, рап, реге и балкански звук. За загревање на атмосферата ќе се погрижат момците од бендот Брас Брадерс, кои ќе ја вжештат атмосферата со нивните брас инструменти и со нивните хитови кои одлично поминаа кај македонската публика. Миленикот на повеќе генерации раперот Тајзи после неколку феноменални концерти низ Македонија, ќе настапи со неговите најголеми хитови на кои сите пејат и танцуваат. И како круна на оваа незаборавна вечер со 90 минутен концерт ќе настапат извонредните српски изведувачи С.А.Р.С. со добро познатите хитови кои рушат рекорди на Јутјуб, песните: Буџав Лебац, Лутка, Ракија, Перспектива и многу други. Билетите може да се набават во Kupi Karti Za Se и на 44event.mk. Фото: Unsplash Промотивна објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

По кусо боледување, денеска на 75 години почина Велибор Џаровски-Џаро, еден од најпознатите менаџери на просторите на бивша Југославија, пренесе sdk.mk. Џаровски соработуваше со најголемите југословенски естрадни ѕвезди, но исто така беше познат како „крал на местенките“ во фудбалот, нешто што самиот никогаш не го криеше и отворено зборуваше за тоа. Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена се само некои од музичките ѕвезди со кои соработуваше Џаровски и на кои им организираше турнеи. Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер. Џаровски остави силен впечаток и во југословенскиот фудбал, каде што, како што самиот призна, наместил повеќе од 80 натпревари во сите рангови на натпреварување, оставајќи зад себе легендарни приказни за тоа. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Atlantic Grupa во првото тримесечје од 2024 година забележи приход од продажба во износ од 236,6 милиони евра, што во споредба со истиот период минатата година претставува раст од 9,8%, соопштија од таму. Добивката пред камата, данок и амортизација (EBITDA) порасна за 20,3% на 25,2 милиони евра, додека нето добивката порасна за 3,2% и изнесува 9,9 милиони евра. „Одличните продажни резултати на почетокот на годината ни овозможија силен раст на профитабилноста и покрај значителниот раст на цената на какаото и сировините, како и логистичките предизвици кои и понатаму траат, како и растот на вложувањата во луѓе и маркетинг. Со заклучувањето на аквизицијата на Strauss Adriatica, ја потврдивме стратешката определба на Атлантик Група за зајакнување на нашиот основен бизнис, конкретно за раст на категоријата кафе, како и зајакнување на конкурентноста на регионалните индустрии и локалните брендови. Продолжуваме со значајни капитални вложувања, како и иновации во производното портфолио, меѓу кои се истакнува лансирањето на Argeta Meatless асортиманот. И покрај предизвикувачкото геополитичко и макроекономско опкружување, остануваме уверени дека ќе продолжиме со раст на бизнисот, на одржлив начин“, истакна претседателот на Управата на Atlantic Grupa, Емил Тедески. Пијалаци, Фармација и Кафе го предводат растот Најголем раст оствари Стратешкото деловно подрачје Пијалаци (16%), Фармација (11,8%) и Кафе (9,4%). Кафето како најголема поединечна категорија учествува во вкупниот приход со 20,1%. Во дистрибуцијата растот го предводи Стратешката дистрибутивна област Македонија со раст од 11,6%, па следи Хрватска со раст од 10,6% и потоа Србија со раст од 9%. Во вкупната продажба на Atlantic Grupa сопствените брендови сочинуваат 61,9% од вкупната продажба, медицинското работење 9,5%, додека принципал брендовите учествуваат со 28,6% во вкупниот приход од продажба. Atlantic Grupa на 1. март го комплетираше преземањето на Strauss Adriatica, сопственик на српските брендови на кафе Doncafe и C Kafa, а кои со оваа аквизиција им се придружуваат на регионалните лидери во категоријата, Grand kafa и Barcaffe. Atlantic го презеде и модерниот производен погон во индустриската зона Шимановци крај Белград, со 220 вработени, а трансакцијата претходно беше уредно одобрена од страна на Комисијата за заштира на конкуренцијата во Република Србија. Значајна новост во производната програма во првиот квартал донесе и Argeta, со лансирањето на безмесните намази со вкус на месо, во склад со растечките трендови во прехрамбената индустрија, посочуваат од таму. Пионер во известувањето по ESRS стандарди и шампион во родова еднаквост Годишниот извештај на Atlantic Grupa за 2023 година е објавен во согласност со новите законски прописи за нефинансиско известување, што значи дека, покрај вообичаените ставки, ги применува ESRS (Европски стандарди за известување за одржливост) во рамките на одржливост, со што се воспоставува Atlantic Grupa како една од првите компании во оваа област која применува нови стандарди. Освен тоа, Atlantic Grupa Droga Kolinska е прогласена за првак на Словенија во ESG за 2024 година, потврдувајќи уште еднаш дека Atlantic Grupa подеднакво ги исполнува ESG обврските во сите три области – околина, заедница и управување. Сите показатели се поврзуваат во индексот на одржливост на претпријатието, кои укажуваат на успешноста на компанијата во реализација на годишните цели, а посветеноста на одржливиот развој беше видлива по тоа што Атлантик Група ги надмина поставените цели на индексот за одржливост за 2023 година, велат од таму. Анализирајќи ја Atlantic Grupa, беше утврдена заложба за следење на родовата разновидност во компанијата и корекција на процентот на жени на раководни позиции каде што постојат такви недостатоци. Така, во Atlantic Grupa, 55% од жените се на раководни позиции, 58% во развојни програми и 52% жени вработени преку интерни конкурси, а разлика во платите нема, односно е незначителна и изнесува 2,6% во корист на жените. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Гордана Сиљановска Давкова, зад која застана опозициската ВМРО-ДПМНЕ е убедлив победник во првиот круг на претседателските избори, кој се одржа вчера. Партијата победата ја славеше на плоштадот „Македонија“ во Скопје, а еве како изгледаше атмосферата: ПОВРЗАНИ ВЕСТИ (Фото) Сиљановска Давкова прва, Пендаровски втор, Османи трет: Официјални податоци на ДИК ПОВРЗАНИ ВЕСТИ Максим Димитриевски трет на претседателските избори во македонскиот блок Османи го победи Таравари во првиот круг од претседателските избори 48,38% е излезноста на првиот круг од претседателските избори, повисока отколку на последните избори Видео: Фејсбук/ВМРО-ДПМНЕ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија (ДИК) од обработени 94,37% избирачки места излезноста на првиот круг од претседателски избори, кој се одржава вчера, е 48,38%. На последните претседателски избори во 2019 година излезноста на првиот круг беше 41,82%. ПОВРЗАНИ ВЕСТИ (Фото) Сиљановска Давкова прва, Пендаровски втор, Османи трет: Официјални податоци на ДИК Максим Димитриевски трет на претседателските избори во македонскиот блок Османи го победи Таравари во првиот круг од претседателските избори Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Времето денеска ќе биде променливо облачно со повремени врнежи од дожд, а на планините со повремен снег. Локално врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени Целзиусови. Во Скопје ќе биде променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени Целзиусови. Според најавите од Управата за хидрометеоролошки работи (УХМР) од утре следува период на претежно стабилно и потопло време со пораст на температурите. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лидерот на владејачката ДУИ, Али Ахмети многу ретко се појавува во јавноста со својата сопруга Везире. Вчера тие заедно гласаа на првиот круг од претседателските избори. ПОВРЗАНИ ВЕСТИ Османи го победи Таравари во првиот круг од претседателските избори (Фото) Сиљановска Давкова прва, Пендаровски втор, Османи трет: Официјални податоци на ДИК Фото: Ахмети/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Кандидатот на коалицијата „Европски фронт“ и актуелен министер за надворешни работи Бујар Османи е победник во т.н. албански блок на првиот круг од претседателските избори кој се одржа вчера. ПОВРЗАНИ ВЕСТИ Како имот пријавил Бујар Османи, кандидат за претседател на Македонија на ДУИ Кој е Бујар Османи, кандидат на ДУИ за претседател на Македонија Тој според податоци на Државната изборна комисија (ДИК) освои 13,36%. ПОВРЗАНИ ВЕСТИ Кој е Арбен Таравари, кандидат за претседател на албанската опозиција Каков имот пријавил Арбен Таравари, кандидат за претседател на Македонија на албанската опозиција Кандидатот на коалицијата „Вреди“ и градоначалник на Гостивар, Арбен Таравари освои 9,21% од гласовите. ПОВРЗАНИ ВЕСТИ Максим Димитриевски трет на претседателските избори во македонскиот блок (Фото) Сиљановска Давкова прва, Пендаровски втор, Османи трет: Официјални податоци на ДИК Фото: Османи/Фејсбук Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лидерот на ЗНАМ – За наша Македонија и градоначалник на Куманово, Максим Димитриевски според официјални податоци на Државната изборна комисија (ДИК) од над 99% обработени гласачки места е трет во македонскиот блок и четврт генерално во првиот круг од претседателските избори, кој се одржа вчера. ПОВРЗАНИ ВЕСТИ Османи го победи Таравари во првиот круг од претседателските избори (Фото) Сиљановска Давкова прва, Пендаровски втор, Османи трет: Официјални податоци на ДИК Тој е еден од победниците во првиот круг на претседателските избори, пред се поради тоа што предводи нова партија, формирана неколку месеци пред изборите. ПОВРЗАНИ ВЕСТИ Каков имот пријавил Максим Димитриевски, кандидат за претседател на државата на ЗНАМ Кој е Максим Димитриевски, кандидат за претседател на Македонија на ЗНАМ Максим Димитриевски за првпат зборува за приватниот живот: Сопругата Надица ми е коректор Фото: ЗНАМ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државниот завод за статистика најниската просечна нето-плата во февруари е во секторот Заштитни и истражни дејности – 22.702 денари, следи Услуги поврзани со одржување на згради и дејности на уредување и одржување животна средина и природа – 23.768 денари, па Производство на кожа и слични производи од кожа – 24.036 денари, Рибарство и аквакултура – 24.815 денари и Производство на облека – 25.972 денари. ПОВРЗАНИ ВЕСТИ Највисоки просечни нето-плати во февруари Колку изнесува највисоката просечна бруто-плата во февруари Просечната нето-плата во февруари 39.276 денари Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На вчерашните претседателски избори во првиот круг убедливо победи професорката Гордана Сиљановска Давкова, зад која застана опозициската ВМРО-ДПМНЕ. Според официјални податоци на Државната изборна комисија (ДИК) од обработени над 99% од гласачките места, таа освои 40,08% од гласовите. ПОВРЗАНИ ВЕСТИ Каков имот пријавила Гордана Силјановска-Давкова, кандидат за претседател на Македонија на ВМРО-ДПМНЕ Која е Гордана Силјановска-Давкова, кандидат на ВМРО-ДПМНЕ за претседател на Македонија Втор е кандидат на СДСМ и актуелен претседател на Македонија, Стево Пендаровски, со 19,93%. ПОВРЗАНИ ВЕСТИ Каков имот пријавил Стево Пендаровски, кандидат за претседател на Македонија на СДСМ Кој е Стево Пендаровски, кандидат на СДСМ за претседател на Македонија Трет е кандидатот на коалицијата „Европски фронт“ и актуелен министер за надворешни работи, Бујар Османи со 13,36%. Четврт е кандидат на Знам – За наша Македонија и актуелен градоначалник на Куманово, Максим Димитриевски со 9,26% од гласовите. Следи кандидатот на „Вреди“ и актуелен градоначалник на Гостивар, Арбен Таравари, па професорката Билјана Ванковска, кандидат на Левица и последен е Стевче Јакимовски, кандидат на Гром и актуелен градоначалник на скопски Карпош. Во вториот круг кој ќе се одржи на 8. мај заедно со парламентарните избори, одат Сиљановска Давкова и Пендаровски. ПОВРЗАНИ ВЕСТИ Максим Димитриевски трет на претседателските избори во македонскиот блок Османи го победи Таравари во првиот круг од претседателските избори Фото: ДИК Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија (ДИК) од преброени 77,32% гласачки места, Гордана Сиљановска Давкова, зад која застана опозициската ВМРО-ДПМНЕ е со двојна предност пред Стево Пендаровски, кандидат на владејачката СДСМ. Таа има 272.729 гласови (39,58%), а Пендаровски 133.184 (19,33%). Другите кандидати за претседател на Македонија ги освоија следниве гласови: Фото: Игор Бансколиев/ДИК Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На заедничка прес-конференција министерот за внатрешни работи Панче Тошковски, дополнитениот заменик министер Митко Бојмацалиев, директорот на Бирото за јавна безбедност, Сашо Тасевски и помошник министерот за односи со јавност, Тони Ангеловски, оценија дека денешниот изборен ден во кој граѓаните гласаа за избор на претседател на државата помина во мирна, безбедна и демократска атмосфера. „Без сомневање, мирните и безбедни избори се резултат на добрата соработка помеѓу полицијата, државната изборна комисија и сите други чинители кои беа вклучени во спроведувањето на овој изборен процес кој помина без пречки и поголеми инциденти. Имајќи ги предвид информациите кои ги добив од надлежните аналитички служби во МВР, во текот на денешниот ден евидентирани се повеќе настани кои се однесуваат на фотографирање на гласачко ливче, пријави за агитирање на гласачко место и други незначителни нерегуларности, но не се евидентирани посериозни инциденти насочени кон нарушување на регуларноста на изборниот процес,“ изјави Тошковски. На ниво на целата држава биле евидентирани се 12 случаи на фотографирање на гласачко ливче, два случаи на кинење на гласачкото ливче, шест пријави за нудење поткуп, 15 пријави за агитирање. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на претседателот на Избирачки одбор. Врз основа на претходно поднесени пријави, од страна на МВР констатирани се шест прекршоци по чл.190 од Изборниот законик, а ќе бидат поднесени и две кривични пријави, една за кривично дело “Повреда на тајноста на гласањето“ по член 163 од КЗ и една за „Повреда на избирачко право“ предвидено и казниво согласно член 159 од КЗ. На подрачје на СВР Охрид пријавено е јавно гласање пред Комисијата и на подрачје на СВР Тетово пријавен е настан за упатени навреди кон шеф на штаб на политичка партија. На подрачје на СВР Куманово гласачките места 1100 во с.Умин Дол и 1075 во СОУ Гимназија „Гоце Делчев“ беа затворени, а избирачкиот материјал е вратен до канцеларијата на Општинската изборна комисија. На подрачје на СВР Струмица, лице при гласање на набљудувач го покажало гласачкото ливче. Фото: МВР Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Излезноста на гласачите до 18:30 часот од обработени податоци од 3.174 избирачки места е 48,46 проценти, односно на гласање излегле 801.074 гласачи, соопшти претседателот на Државната изборна комисија (ДИК), Александар Даштевски. Најголема излезност има во Новаци каде на гласање излегле 71,07, а најмала во Центар Жупа 16,90 проценти. Гласањето поминало мирно без поголеми инциденти на гласачките места, а продолжено гласање ќе има во едно место во Демир Хисар, Липково, Могила и во Делчево. Уважени се 134 поплаки од граѓани за избирачко право, на бесплатна телефонска линија на ДИК имало 10 јавувања на граѓани, а како видео повици имало од осум лица со оштетен слух. На три места во Куманово гласањето е прекинато и тие се затворени. Како што објасни претседателот на ДИК доколку резултатите од овие избирачки места имаат влијание на крајниот резултат ќе има прегласување. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија (ДИК) излезноста на претседателските избори до 17 часот е 44,18 отсто. Најголема излезност има во Новаци од 67,19 отсто, а најмала во Пласница од 15,5 отсто. Во споредба со првиот круг на преседателските избори во 2019 година, до 17 часот има поголема излезност од околу 9 отсто. До ДИК досега се доставени 308 приговори за заштита на лично избирачко право, од кои 75 се усвоени и на избирачите им е овозможено да го остварат правото на глас, 25 се отфрлени како неуредни, 38 се одбиени, а останатите се во обработка. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во текот на денешното гласање, покрај настаните кои беа соопштени на прес конференцијата на помошникот министер за односи со јавност Тони Ангеловски, од страна на МВР регистрирани се и следните настани. ПОВРЗАНИ ВЕСТИ Досега изборниот процес се одвива мирно, какви нарушувања регистрираше МВР Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок. Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок. Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на случајот ќе биде поднесен соодветен поднесок. Во 12.35 часот е пријавено дека на избирачко место бр.0006 во Берово, Д.Т. (42) го фотографирал гласачкото ливче. Д.Т. е приведен во полициска станица и по документирање на случајот ќе биде поднесен соодветен поднесок. Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок. Во 14 часот е пријавено дека на избирачко место во Штип М.Ш. (23) го фотографирал гласачкото ливче. Се преземаат мерки за расчистување на случајот, по што ќе следи соодветен поднесок. Полициски службеници од СВР Штип го приведоа Г.Ј. (34) од с. Тработивиште затоа што го фотографирал гласачкото ливче. По документирање на случајот ќе следи соодветен поднесок. Во 15.30 часот е пријавено дека на избирачко место бр. 1680 во с. Сопот Р.А. од с. Сопот го фотографирал гласачкото ливче. Се преземаат мерки за расчистување на случајот, по што ќе следи соодветен поднесок. Во 15.40 часот е пријавено дека на избирачко место бр. 2880 во Скопје Р.Х. (72) го скинал гласачкото ливче. Р.Х. е приведен и по документирање на случајот ќе следи соодветен поднесок. Во 15.50 часот е пријавено дека во избирачкото место бр.2783 во Скопје Б. С. (48) го скинала гласачкото ливче. Се преземаат мерки за расчистување на случајот, по што ќе следи соодветен поднесок. Фото: МВР Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државната изборна комисија, до 15 часот, одзивот на гласачите изнесува 35 проценти, односно право на глас оствариле 534.988 граѓани. Најголем одзив е забележан во општините Новаци (57,69%) и Крива Паланка (51,92%), а најмал во општините Маврово-Ростуше (17%) и Центар Жупа (13, 11 %). ПОВРЗАНИ ВЕСТИ Излезноста до 13 часот 26,35% До 11 часот излезноста 12,78% Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Elica медитеранска електрична интерконекција С.М. S.A., членка на Copelouzos Group, која го развива проектот за електрична интерконекција GREGY, ги објави првите два повици за изразување интерес за завршните студии на проектот. Првите два повици беа објавени и во грчкиот и во меѓународниот грчки печат, како и на веб-страницата на компанијата www.elicagroup.gr и се однесуваат на потребните „Desktop Studies“ за финализирање на оптималниот избор на подморската кабелска траса и пунктови за слетување во двете земји, како и „Техничка анализа на проектот и студиите за пресметка на индикатори за придобивки и анализа на трошоци и придобивки за проектот“. Како што е веќе познато, проектот GREGY е вклучен во 1. PCI/PMI листа на Европската Унија и се однесува на електричната интерконекција на електроенергетските системи на Египет и Грција, која вклучува HVDC врска со моќност од 3 000 MW, за пренос на 100% зелена енергија од Египет до Грција и Европа. Објавувањето на повиците ја сочинува следната фаза во развојот на ГРЕГИ со цел да се забрза имплементацијата на овој голем национален и европски проект. Електричната интерконекција меѓу Грција и Египет е енергетски скок напред за електроенергетските интерконекции во Медитеранот и надградба на улогата на Грција во енергетската карта на Југоисточна Европа. Краен рок за поднесување на Изјавување интерес за првите два тендери е 31. мај 2024 година. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На денешните претседателски избори, според податоци на Државната изборна комисија (ДИК), излезноста до 13 часот е 26,35%. Најголема излезност има во Новаци (42,87%), а најмала во Врапчиште (10,18%). Според претседателот на Државната изборна комисија, Александар Даштевски, изборниот ден засега минува мирно и без поголеми проблеми. ПОВРЗАНИ ВЕСТИ До 11 часот излезноста 12,78% Излезност до 9 часот е 3,85% Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

До сега Министерството за внатрешни работи нема регистрирано посериозни нарушувања на јавниот ред и мир во текот на гласањето, кое, генерално, се одвива мирно, без проблеми, соопшти портпаролот на МВР, Тони Ангеловски на денешната прес конференција. „Од отворањето на гласачките места до 11.00 часот регистрираме две фотографирања на гласачко ливче, едно во Штип и едно во Скопје. Во 09.30 часот на избирачко место 2274 во Штип Г.Ј. го фотографирал гласачкото ливче и од страна на полициски службеници од СВР Штип се преземаат мерки за расчистување на случајот. Во 09.20 часот на гласачко место 2844 во ОУ „Јохан Х. Песталоци“ во Скопје, С.М. (57) го фотографирала гласачкото ливче и од страна на СВР Скопје се преземаат мерки за расчистување на случајот“, рече Ангеловски. Околу 09.20 часот на избирачко место во с.Бучим, радовишко, од страна на претседателот на избирачки одбор е пријавено дека Р.О. (52) од с.Бучим му го покажал гласачкото ливче на еден набљудувач и од страна на ОВР Радовиш се преземаат мерки за расчистување на случајот. „Покрај ова, на подрачје на општина Чаир во Скопје на паркирани возила забележани се летоци во врска со изборниот процес, а на две локации во Скопје се забележани испишани графити. На гласачко место во Скопје, покрај испишан графит, околу 06.30 часот е пријавено од страна на претседателот на избирачкиот одбор дека во ходникот била пронајдена испукана димна бомба. Од страна на полициски службеници се преземени потребните мерки и активности и гласањето се одвива непречено“ сооопшти Ангеловски. Од Министерството за внатрешни работи апелираат до граѓаните и до учесниците во изборите и во останатиот дел од гласањето да се воздржат од инциденти, а доколку има било какво нарушување на изборниот процес граѓаните веднаш да ја известат полицијата на броевите 192 и 112 или да пријават во најблиската полициска станица. ПОВРЗАНИ ВЕСТИ Излезноста до 13 часот 26,35% Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На денешните претседателски избори излезноста до 11 часот, според податоците на Државната изборна комисија е 12,78 отсто или досега гласале вкупно 229.473 граѓани. ПОВРЗАНИ ВЕСТИ Излезност до 9 часот е 3,85% Македонија денеска гласа за претседател на државата Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

СВР Тетово информира дека жител на тетовскиот регион пријавил измама во која дал пари на странска фирма за набавка на роба, па открил дека е измамен по информација од германски служби. Тој нарачувал преку интернет. – На 23.04.2024 година во 11.30 часот во СВР Тетово, Б.Ф. (29) од тетовско, сопственик на правно лице, пријавил дека од 23.03.2024 година до денот на пријавувањето бил измамен од странска фирма за продажба и компанија за транспорт. Според пријавеното, тој преку интернет порачал роба за потребите на неговата фирма, за која преку банкарски трансакции во неколку наврати платил околу 21 илјада евра, но на 17.04.2024 година од компанијата за транспорт го известиле дека нарачката била блокирана во Германија. Како што е пријавено, Б.Ф. стапил во контакт со надлежна служба во Германија, од каде му било кажано дека кај нив нема регистрирано таква стока, по што сфатил дека е измамен, информира СВР Тетово. Тетовската полиција работи на расчистување на случајот. Фото: Unsplash Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Грчки државјанин починал во казинот во Битола, а неговото тело е предадено на обдукција, соопшти Министерството за внатрешни работи (МВР). „Лекар од Итна медицинска помош Битола вчера во 18.30 часот во СВР Битола пријавил дека кај нив, од казино во хотел во Битола, бил донесен Н.K. (62), државјанин на Грција, без знаци на живот. Лекарот констатирал смрт, а по наредба на јавен обвинител телото на починатиот ќе биде дадено да се изврши обдукција. Увид на местото извршила увидната екипа на СВР Битола,“ информира МВР. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Поттикнати од постојаните предизвици при адаптирање на новите интернет трендови со кои се соочуваат едукаторите, СмартАП – Лабораторија за социјални иновации го креираше првиот „Тренинг за сајбер безбедност за едукатори“. Едукацијата за безбедност на интернет претставува континуиран процес на учење и надоградување. Подготвен од одбрана група експерти во областа, новиот „Тренинг за сајбер безбедност на едукатори“ е кериран со цел да се создадат системски решенија и механизми за справување со интернет заканите. Тренингот првенствено е наменет за еудкаторите и стручните соработници, но преку дополнителните ресурси понудени во рамки на модулите на овој курс, знаењата и вештините индиректно се пренесуваат и до учениците, а преку нив и до родителите. Опфаќањето на важниот и често посочуваниот комуникациски триаголник: наставник-ученик-родител го прави курсот релевантен и сестран. Со цел директно запознавање на едукаторите со содржината на курсот, овој четврток, на 25 април, со почеток во 18ч., тимот на СмартАП – Лабораторија за социјални иновации, ќе го одржи првиот ЕДУЛАБ-вебинар Промоција на „Тренинг за сајбер безбедност за едукатори“. Основите на интернет безбедноста, нејзините принципи и видови измами, начини за справување со нив, како и создавањето, управувањето и одржувањето безбеден интернет идентитет и безбедното споделување информации и фотографии на интернет, се соржините што ќе бидат опфатени на овој ЕдуЛаб-вебинар. Учеството на вебинарот е бесплатно, со задолжителна регистрација преку следниот линк. Работниот јазик на овој вебинар е македонски, со симултано толкување на албански јазик. Линк за регистрација преку ZOOM: tinyurl.com. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Државната изборна комисија (ДИК) денеска на првата прес-конференција информираа дека излезноста на претседателските избори до 9 часот е 3,85%. Засега изборите во Македонија течат мирно и без неправилности, информираше претседателот на ДИК, Александар Даштевски. До ДИК досега пристигнале 12 приговори за заштита на гласачко право, кои во моментот се предмет на разгледување на Комисијата, а пријавени се и помали технички проблеми кои се решаваат тековно. Сите гласачки места се отворени навреме. ПОВРЗАНИ ВЕСТИ Правото на глас може да го искористат 1.814.317 граѓани Македонија денеска гласа за претседател на државата Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На седмите претседателски избори се гласа на 3.480 избирачки места во земјава, на кои до 19 часот правото на глас можат да го искористат 1.814.317 граѓани. Според заклучениот Избирачки список на Државната изборна комисија (ДИК), за гласање во државата се запишани 1.713.758 избирачи, 95.116 избирачи се на привремена работа или престој во странство, а 2.147 се на издржување казна затвор или се во притвор. Во посебниот извод од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се евидентирани 2.569 избирачи, како и 191 член членови и заменик членови на избирачките одбори кои ќе спроведат гласање во дипломатско-конзуларните преставништва. Запишани се и 534 избирачи, кои поднеле пријава за гласање, во посебниот извод од Избирачкиот список за лица кои за време на изборите се наоѓаат во установи за вон семејно згрижување, како и двајца избирачи со статус на внатрешно раселени лица, согласно евиденцијата на Министерството за труд и социјална политика. Вчера, ден пред изборите можеа да гласаат вкупно 6.935 болни и изнемоштени, затвореници во Казнено-поправните домови и лица во притвор, во старски домови и наши државјани во странство. ПОВРЗАНИ ВЕСТИ Излезност до 9 часот е 3,85% Македонија денеска гласа за претседател на државата Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Според податоци на Државниот завод за статистика највисоката просечна нето-плата во февруари е во секторот Компјутерско програмирање, консултантски и сродни дејности – 93.852 денари, следи Воздухопловен транспорт – 68.356 денари, па Телекомуникации – 65.134 денари, Производство на фармацевтски производи и препарати – 61.020 денари и Останати стручни, научни и технички дејности – 56.944 денари. ПОВРЗАНИ ВЕСТИ Колку изнесува највисоката просечна бруто-плата во февруари Просечната нето-плата во февруари 39.276 денари Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонија денеска гласа за претседател на државата. Гласањето започна во 7 часот, а ќе трае до 19 часот. Во трка за нов претседател на државата се седум кандидати, а првичните резултати Државната изборна комисија треба да ги соопшти неколку часа по завршувањето на гласањето. Очекувањата се да има и втор круг, кој ќе се одржи на 8. мај, заедно со прарламентарните избори. За претседател на Македонија, во првиот изборен круг е избран оној кандидат кој добил мнозинство гласови од вкупниот број избирачи запишани во Избирачкиот список. Ако во првиот круг ниту еден кандидат за претседател не го добил потребното мнозинство гласови, во вториот круг се гласа за двајца кандидати кои во првиот круг добиле најмногу гласови. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Цементарница Усје АД Скопје ќе дели дивиденда, соопшти Друштвото преку Македонската берза. Станува збор за предлог-одлука, а според истата, вкупниот износ за распределба на дивиденда на акционерите изнесува 1.361.538.355 денари или 2.415 денари за акција. -Добивката остварена за 2023 година да се распредели за дивиденда на акционерите во износ oд 1.098.327.991 денари и реинвестирана добивка во износ од 411.163.964 денари. Реинвестираната добивка од 2017 година која може да се распредели во 2024 година изнесува 263.210.364 денари. Вкупниот износ за распределба на дивиденда на акционерите изнесува 1.361.538.355 денари, стои во предлог-одлуката. Добивката на Друштвото лани изнесува 1.509.491.955 денари. Последен ден на тргување со право на дивиденда за 2023 година е 10.06.2024 година. ПОВРЗАНИ ВЕСТИ Цементарница УСЈЕ лани со раст на добивката Константинос Николау нов в.д. директор на Цементарница УСЈЕ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

И Македонците во Бугарија, на кои оваа членка на Европската Унија не им дозволува право на здружување се најдоа во извештајот на американскиот Стејт департментот за човековите права. Како што пренесува Гласот на Америка на македонски јазик, во однос на слобода на здружување во Бугарија, извештајот вели дека законот предвидува право на слобода на здружување и оти владата генерално го почитувала, но оти „властите продолжија да негираат регистрација на етничко-македонски активистички групи како што се Обединета македонска организација – Илинден, Друштвото на угнетените Македонци во Бугарија – жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров““. „И покрај бројните претходни одлуки на Европскиот суд за човекови права дека негирањето ја нарушува слободата на здружување на групите“, стои во извештајот. Во него се додава дека во февруари, Окружниот суд во Пловдив ја потврдил одлуката на Агенцијата за регистрација со која се одбива регистрацијата на Обединетата македонска организација Илинден – Пловдив, со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелациониот суд во Пловдив ја потврди одлуката на понискиот суд, нотира извештајот. ПОВРЗАНИ ВЕСТИ Македонците од Бугарија ја тужат Европската комисија за да ја принуди Бугарија да им ги признае правата Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Економската директорка на УЈЗ Клиника за токсикологија, Бесија Иљази е во фокусот на јавноста поради зголемување на долгот на Клиниката, невработување на потребен кадар, како и поради констатацијата на Државниот здравствен и санитарен инспекторат дека во Клиниката 11 лица (пет медицински сестри, тројца болничари, двајца биолози и еден лаборант) незаконски работеле со пациенти и давале здравствени услуги, иако биле без договори за ангажман, а дел од нив и без соодветно образование. ПОВРЗАНИ ВЕСТИ Директорката на Токсикологија која незнае македонски направи милионски долг и не сака да вработи потребни кадри, обвинуваат вработените Како што е и познато таа не знае и македонски јазик, па кога мора да соработува со колегите, преведувачи ѝ се двете секретарки вработени во оваа Клиника. Според вработените, таа неретко на работа доаѓа со својот татко, кој постојано е со неа како да е нејзино обезбедување. Сите овие факти не беа доволни Министерството за здравство (МЗ) да одговори на прашањето на еМагазин за образованието и искуството на Иљази. Од МЗ вчера ја побаравме нејзината биографија (за да се види колку е соодветна за оваа позиција), која ја нема на офцијалната страна на Клиниката, ниту пак за нејзе може да се најдат податоци на интернет. Таа дојде на оваа позиција ден пред формирање на техничката влада, а според вработените на Клиниката не ги исполнува условите пропишани со Законот за директори. ПОВРЗАНИ ВЕСТИ Министерот Демири нема забелешки за работата на директорката на Токсикологија, Иљази, ќе го разреши медицинскиот директор Петровски Дури и министерот за здравство Илир Демири, кој ја постави на оваа функција, пред некој ден не знаеше какво образование има таа. Рече само дека имала високо образование. Демири е кадар на владејачката Алијанса за Албанците, од крилото на Зијадин Села. Иљази не и објасни на јавноста како за толку кратко време го зголемила долгот на Клиниката и зошто 11 лица незаконски работеле на Клиниката. Таа деновиве одржа средба со новинарите, но бидејќи зборуваше само на албански јазик, новинарите демонстративно ја напуштија истата. Министерот Демири најави дека ако „било потребно“ таа на македонски јазик ќе објаснила што се случува на Клиниката, ама тоа не се случи. ПОВРЗАНИ ВЕСТИ Сестри, болничари, биолози, лаборант незаконски и без образование, работеле на Клиниката за токсикологија Доктор Беќаровски најави дека заминува од Клиниката за токсикологија Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Гранит АД Скопје во Годишниот извештај за работењето лани, објавен преку Македонската берза, информираа дека во 2023 година на органите на управување и надзор им е исплатен бруто износ од 66.842.460 денари на име надоместоци за плата, награда и надоместок за учество во органите на управување. Еден член од Надзорниот одбор (НО), Горан Марковски, кој е неизвршен член, е вработен во КБ Публикум Инвест АД Скопје, каде од својот работен однос остварил надоместоци во бруто износ од 4.839.899 денари. Член на НО според податоците на официјалната страна на компанијата е и Виолета Божиноска, а претседател на НО е Ивана Милковска Симева. Членотот на Управниот одбор (УО), Венко Зафиров, пак е вработен во фирмата Конер Компјутери ДОО Скопје, каде од својот работен однос остварил надоместоци во бруто износ од 802 262 денари. Генерален директор и член на на УО е Зоран Милковски. Тој е исто така и член на УО на Стопанската комора на Македонија Членот на УО е и Андреа Серафимовски, кој е и претседател на Здружението на градежници при Стопанската комора. Претседател на УО е Страшо Милковски. ПОВРЗАНИ ВЕСТИ Гранит ќе дели дивиденда од 42 денари бруто по акција Страшо Милковски и Ивана Милковска Симева купија по 4.200 акции во Гранит Директорот на Гранит, Зоран Милковски повторно купи акции на компанијата Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Државниот завод за статистика (ДЗС) соопшти дека просечната месечна исплатена бруто-плата по вработен во февруари изнесува 58.967 денари. Според податоци на ДЗС највисоката просечна бруто-плата за овој период е во секторот Компјутерско програмирање, консултантски и сродни дејности и истата изнесува 142.410 денари. ПОВРЗАНИ ВЕСТИ Највисоки просечни нето-плати во февруари Просечната нето-плата во февруари 39.276 денари Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во пресрет на претстојните претседателски избори што ќе се одржат во среда на 24. април, Министерството за внатрешни работи информира дека Одделот за граѓански работи, односно сите отсеци за управни работи на оваа организациона единица при МВР на 24. април ќе работат за издавање на лични документи со работно време од 08 до 19 часот. Исто така, граѓаните на Скопје, ќе можат своите лични карти да ги подигнат во полициските станици во Скопје. Фото: МВР Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Струшкиот суд донесе одлука да се направи супервештачење за случајот со родилката од Дебар, Јалдз Веапоска, која по породувањето во струшката болница остана без јајник, матка и бубрег. Одлука на судот следи поради неусогласувањата на наодите од Судска медицина и она на одбраната. Вештачењето од Институтот за судска медицина, приложено од Обвинителството, посочи одговорност кај лекарите од струшката болница, а вештачењето нарачано од одбраната, кое го направи вештакот Драге Дабески, заклучи дека лекарите ѝ го спасиле животот на родилката. Адвокатот на Веапоска, Сашо Јанев, изјави дека вештачење направено во Институтот за судска медицина ќе опстои, бидејќи нема друга вистина и очекува правдата си го најде својот пат. Фото: Unsplash Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Вонредниот инспекциски надзор на Државниот здравствен и санитарен инспекторат (ДЗСИ) во Клиниката за Токсикологија констатираше дека 11 лица (пет медицински сестри, тројца болничари, двајца биолози и еден лаборант) незаконски работеле со пациенти и давале здравствени услуги, иако биле без договори за ангажман, а дел од нив и без соодветно образование. „Издадено е решение за да се преземат следните мерки – здравствени услуги на Клиниката да се укажуваат од здравствени работници и соработници кои имаат важечки договори, здравствени услуги да се укажуваат од здравствени работници кои имаат соодветно образование, согласно закон. Медицинскиот и организацискиот директор да ги извршуваат непречено обврските од самостојна, а особено заедничка надлежност,“ изјави директорката на ДСЗИ, Рената Младеновска. Клиниката за Токсикологија има пет дена за поправање на недостатоците. Иако Министерство за здравство најави, се уште не е разрешен медицинскиот директор Данил Петровски. ПОВРЗАНИ ВЕСТИ Доктор Беќаровски најави дека заминува од Клиниката за токсикологија Министерот Демири нема забелешки за работата на директорката на Токсикологија, Иљази, ќе го разреши медицинскиот директор Петровски Директорката на Токсикологија која незнае македонски направи милионски долг и не сака да вработи потребни кадри, обвинуваат вработените Фото: МЗ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Министерството за образование и наука (МОН) информира дека наставата од деновите на гласање, 24 април и 8. мај, како и од 30. ноември кога беше организиран Самитот на ОБСЕ во Скопје, наместо во саботи, ќе се надомести во работни денови. „Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците. Потсетуваме дека наставната година за учениците од средните училишта трае до 10. јуни, додека за учениците од основните училишта до 17. јуни и потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја“ соопштија од МОН. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Амбасадорката на Соединетите американски држави Анџела Агелер на официјалниот фејсбук профил на Амбасадата упати порака до граѓаните да излезат на гласање и да гласаат за кандидат кој ги одразува нивните очекувања за иднината. „Граѓаните и гласачите на оваа земја треба да поставуваат тешки прашања на кандидатите, а потоа тие гласачи мора да гласаат. Тие мора да излезат таму и да го изберат кандидатот што ги одразува нивните соништа за иднината. Ништо нема да се постигне со негласање,“ порача Агелер. Фото/Амбасада на САД Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Сериозна владина корупција и сериозни ограничувања на слободата на изразување и слободата на медиумите, вклучително и насилство и закани со насилство врз новинари, се регистрирани во извештајот на Стејт департментот за состојбата со човековите права во Македонија во 2023 година, пренесува Гласот на Америка на македонски јазик. Извештајот наведува дека законот предвидува кривични казни за корупција од страна на функционери, но оти Владата не го спровела ефективно. „Имаше бројни извештаи за владина корупција. Во септември, Владата усвои измени на Кривичниот законик, значително намалувајќи ги обвиненијата и казните за кривични дела поврзани со корупција. Невладините организации тврдеа дека како најголем работодавач во земјата, доминантната улога на владата во економијата, создава широки можности за корупција“, стои во извештајот. Државната комисија за спречување на корупцијата (ДКСК) забележала дека корупцијата генерално се влошила. Извештајот нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. ОЈО Скопје покрена истрага за наводите дека персоналот на Државната клиника за онкологија крадел лекови за рак и ги продавал на црниот пазар. Граѓаните во многу наврати протестираа поради овие наводи, а полицијата и обвинителството на 1 септември упаднаа во клиниката за да соберат докази“. Уставот предвидува независно судство, но Владата не секогаш ја почитувала судската независност и непристрасност, стои во извештајот. „Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“, се вели во извештајот. Анкетите покажаа силна недоверба на јавноста кон судството, забележува извештајот. „Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26. април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“, стои во извештајот. Според медиумите и граѓанските организации, слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура. Независните медиумски здруженија изразиле стравување во врска со предложените измени на Законот за аудио и аудио-визуелни услуги, кои би можеле да дозволат владини кампањи од „висок јавен интерес“ да се рекламираат преку комерцијалните радиодифузери. Критичарите тврдат дека ова може да ја влоши медиумската корупција и уредувачкото мешање, стои во извешатјот, кој го пренесува Гласот на Америка на македонски јазик. Медиумскиот синдикат известил за случаи на притисоци и закани врз членовите поради спротивставување на овие амандмани. „Законот забранува говор кој поттикнува национална, верска или етничка омраза и предвидува казни за прекршоци. Покрај телевизијата и социјалните медиуми, овие ограничувања ги опфатија печатените и радиодифузните медиуми, објавувањето книги и онлајн весниците и списанијата“, стои во извештајот. Владата презеде ограничени чекори за да ги идентификува и казни службениците кои можеби извршиле кршење на човековите права, забележува извештајот. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Сојузот на синдикати на Македонија (ССМ) соопшти дека минималната синдикална кошница за април изнесува 60.212 денари и е за 1.214 денари повисока отколку во март годинава кога беше 58.998 денари. Со изнајмен стан од 60 квадратни метри, пак, изнесува 75.587 денари. Според пресметката на ССМ, од минималната синдикална кошничка едно четиричлено семејство за храна и пијалаци треба да одвои 22.200 денари или 36,9 отсто, за облека и обувки 4.866 денари, односно 8,1 отсто, за станарина, вода, електрична енергија, и греење 6.014 денари или 10 отсто, за лична хигиена и одржување на хигиена во домот 1.827 денари или 3 отсто, за здравје 1.059 денари или 1,8 отсто, за транспорт 5.068 денари, односно 8,4 отсто. За комуникации на едно четиричлено семејство во април годинава му биле неопходни 3.004 денари, односно 5 отсто од износот на минималната кошничка, за рекреација и култура 4.378 денари или 7,3 отсто, за образование 6.955 денари или 11,6 отсто, за ресторани и хотели 3.890 денари или 6,5 отсто, а за останати стоки и услуги 950 денари, односно 1,6 отсто. Доколку живеат во изнајмен стан потребни им се дополнителни 15.375 денари. Фото: Унсплеш Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонскиот телевизиски и радио водител Марко Новески и неговата сопруга Цена станаа родители на близнаци, момче и девојче. Радосната вест на социјалните мрежи ја сподели Новески. – Добредојдовте Вања и Веда и фала ти Цена што ми го оствари најголемиот сон. Те сакам, напиша тој на Фејсбук. Тие се во брак од август 2021 година. Фото: Фејсбук/Новески Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Управата за јавни приходи (УЈП) соопшти дека пропишаниот рок за поднесување на Пријавите за данокот на додадена вредност “ДДВ–04“, кој истекува на 25. април 2024 година, се продолжува за еден ден, односно, краен рок за поднесување на пријавите ДДВ – 04, ќе се смета 26 април 2024 година. Како што појаснуваат од УЈП, рокот се продолжува согласно одлуката на Владата, со која 24. април 2024 година (среда) се прогласува за неработен ден за сите граѓани. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Просечната месечна исплатена нето-плата по вработен во февруари изнесува 39.276 денари, соопшти Државниот завод за статистика (ДЗС). Индексот на просечната месечна исплатена нето-плата по вработен во февруари 2024 година, во однос на февруари 2023 година, изнесува 116.5. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Јавна управа и одбрана; задолжително социјално осигурување (24.9 %), Административни и помошни услужни дејности (22.5 %) и Уметност, забава и рекреација (20.4 %). Намалување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10.1 %), Рударство и вадење на камен (7.2 %) и Земјоделство, шумарство и рибарство (6.3 %). Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Македонија2025 денеска на прес-конференција ја престави новоформираната фондација „Центар за дигитална трансформација ГоДигитал Скопје“. Центарот „ГоДигитал“ е основан со цел да ја унапреди дигиталната трансформација во Македонија, а на прес-конференцијата беа претставени мисијата и основните цели на Центарот. Претставниците на Центарот објавија дека во 2024 година ќе се фокусираат на низа активности, вклучувајќи поддршка за микро, мали и средни претпријатија, и политики за намалување на сивата економија. На прес-конференцијата се обратија дел од со-основачите на ГоДигитал, Никица Мојсоска Блажевски и Васко Кроневски. Тие ги истакнаа клучните предности и стратешки цели на новата организација. Со-основачите изразија оптимизам за иднината и за потенцијалот на Центарот да придонесе кон дигитален и економски развој на земјата. „Сметавме дека е најдобро да основаме, нова, непрофитна организација чија цел е да го развие еко-системот за дигитална трансформација бидејќи недостигаат консултанти коишто знаат како да ги дигитализираат компаниите, компании коишто се доволно свесни за предностите на дигитализација, како и дигитални решенија кои одговараат на потребите на домашните компании,“ изјави Мојсоска Блажевски. Претставници од партнерските организации, вклучувајќи ги и ИМЕ, КИБС и Виза Југоисточна Европа, ја изразија својата поддршка за новоформираниот Центар. Членовите на Одборот на директори на Македонија2025 ја потврдија својата посветеност кон целите на Центарот „ГоДигитал“, со посебен акцент на поддршката на економскиот раст и дигитализацијата на земјата. „ГоДигитал веќе ја заврши својата прва поголема активност, обука на бизнис консултанти кои ќе им помагаат на компаниите да развијат стратегија за дигитална трансформација, како и да ја имплементираат истата. Обуката е според меѓународен курикулум и меѓународна сертификација. Следната фаза е селекција на успешни компании кои ќе бидат поддржани од програмата на ГоДигитал“, изјави Кроневски. Настанот се одржа во присуство на основачите на Центарот од Македонија2025 и бројни претставници од партнерските организации, медиумите и други заинтересирани страни. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Утре, среда (24.04.2024 година), јавниот превоз ќе функционира по неделен возен ред, а Жичницата нема да работи. „Дежурни од 7 до 14 часот ќе бидат билетарниците на Транспортен центар и таа во Ѓорче Петров,“ информираат од ЈСП. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Центарот за управување со кризи (ЦУК) изутринава апелира за внимателност поради најавените метеоролошки промени со дожд, умерен ветер и со снег на повисоките места. Кога се оди со возило на планините, препорачливо е да се има полн резервоар гориво и да се внимава на лизгавоста и проодноста на патот. ПОВРЗАНИ ВЕСТИ Денеска врнежливо време, наместа со пороен дожд, од четврток постабилно и потопло време Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Времето денеска ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата. Ќе дува слаб до умерен, а долж Повардарието и во источните делови повремено засилен ветер од југоисточен правец, соопшти Управата за хидрометеоролошки работи. Минималната температура ќе биде во интервал од 4 до 10, а максималната ќе достигне од 11 до 17 степен. Во Скопје ќе биде облачно со повремени врнежи од дожд, повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени. Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Докторот Нико Беќаровски најави дека си заминува од Клиниката за токсикологија. „35 години бев најголем борец за здрав јавен здравствен сектор. Дон Кихот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте,“ напиша тој на Фејсбук. Клиниката за токсикологија периодов ја тресат скандали, откако вработените јавно излегоа да го изразат своето незадоволство од работењето на економската директорка Бесија Иљази. ПОВРЗАНИ ВЕСТИ Министерот Демири нема забелешки за работата на директорката на Токсикологија, Иљази, ќе го разреши медицинскиот директор Петровски Директорката на Токсикологија која незнае македонски направи милионски долг и не сака да вработи потребни кадри, обвинуваат вработените Фото: Фејсбук/Беќаровски Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Прилепска пиварница АД Прилеп во Годишниот извештај за работењето лани, објавен преку Македонската берза, информираат дека на членовите на Управниот и Надзорниот одбор на компанијата минатата година им се исплатени вкупно 30.722.162 денари бруто, за плати и надоместоци. Надзорниот одбор (НО) го сочинуваат тројца членови. Александар Чатлески (дипломиран економист), Методија Самарџиоски (дипломиран технолог) и Александар Димитријески (дипломиран технолог). Независен член на НО е Димитријески. Управниот одбор (УО) го сочинуваат седум членови: Сашко Самарџиоски, генерален директор и претседател на УО (дипломиран економист), Панде Самарџиоска, заменик генерален директор (дипломиран технолог), Коста Мијоски (дипломиран електроинженер), Димитар Тодороски (дипломиран технолог), Јане Ангелески (дипломиран електроинженер), Владимир Блажески (дипломиран инженер по информатика), Катерина Митреска (дипломиран економист). ПОВРЗАНИ ВЕСТИ Прилепска пиварница ќе дели дивиденда од 1.111 денари бруто по акција Прилепска пиварница по третпат купи 100 сопствени акции Прилепска пиварница ја дуплираше добивката Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Лидерот на владејачката ДУИ, Али Ахмети тврди дека нема џентламентски, туку писмен договор помеѓу ДУИ, Алијанса за Албанците, Беса, Алтернатива, Демократско движење и ДПА, дека нема да има влада без уставни измени. Истиот според него бил потпишан пред повеќе од еден месец. „Договорот е потпишан…Помеѓу АА, ДПА, БЕСА и Алтернатива. Ако не грешам, да, Алтернатива беше..“, кажа меѓудругото Ахмети за „Click Plus“ на ТВ21. Тој и цитираше дел од договорот: „Нема партнерство со политички партии кои се против уставните промени и против евро-атлантскиот пат на Македонија. Толку. Нема влада со политичка партија која е против уставните промени„. ПОВРЗАНИ ВЕСТИ Ќе одлучат ли уставните измени кој ќе прави влада? Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Гранит АД Скопје ќе дели дивиденда од 42 денари бруто по акција, соопшти компанијата преку Македонската берза. Вкупната сума за оваа намена е 116,3 милиони денари, а е обезбедена од акумулираните нераспределени добивки до 31. декември 2008 година. Последен ден за тргување со право на дивиденда е 5. јуни. ПОВРЗАНИ ВЕСТИ Страшо Милковски и Ивана Милковска Симева купија по 4.200 акции во Гранит Гранит лани со добивка Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Прилепска пиварница АД Прилеп ќе дели дивиденда за минатата година, соопшти компанијата преку Македонската берза. Станува збор за предлог-одлука која ќе се најде на дневен ред на престојното Собрание на акционери, а според истата се планира исплата на дивиденда од 1.111 денари бруто по акција. Последен датум на тргување со право на дивиденда e 10.06.2024 година. ПОВРЗАНИ ВЕСТИ 30,7 милиони денари за плати и надоместоци за менаџментот на Прилепска пиварница лани Прилепска пиварница по третпат купи 100 сопствени акции Прилепска пиварница ја дуплираше добивката Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Министерството за внатрешни работи информираше дека вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане гостиварско (осудено лице) починал, а лекар од Итна медицинска помош констатирал смрт без видливи знаци на насилство. Извршен бил увид од увидна екипа од СВР Скопје, а по наредба на јавен обвинител телото на починатиот било предадено на обдукција. Фото: Влада Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Ученик претепал наставничка во скопското основно училиште “Димо Хаџи Димов“ во Влае, потврдија за Телма од Министерството за внатрешни работи. Ученикот нападнал повеќе деца во училиштето на голем одмор. Кога дежурната наставничка по географија сакала да ги раздели, тој ја турнал на земја, ја удирал по глава, и го фрлил мобилниот телефон и и се заканувал. Наставничката добила лекарска помош од Итната помош. Таа се жалела на повреди на главата и вознемиреност. Ученикот и претходно правел слични проблеми. Станува збор за дете без родители. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Приватните специјализанти, привремено го ставија штрајкот во мирување, но секој вторник ќе потсетуваат на нивните барања. Ваквата одлука е донесена поради, како што велат сензитивниот период на избори. Тие секој вторник за време на својата пауза, во 11 часот ќе се собираат во паркот пред интерните клиники, со цел да покажат дека чекаа да им се решат проблемите. Специјализантите се оградуваат од каква било политичка поврзаност на штрајкот и порачаа дека единствениот мотив за него е тоа што како приватни специјализанти биле „доведени до работ на егзистенцијата“. Специјализантите се надеваат дека по завршување на изборниот периодм нивните барања ќе бидат исполнети. Владата најави дека нивното прашање ќе биде решено по изборите. ПОВРЗАНИ ВЕСТИ Барањата на приватните специјализанти ќе се решаваат по изборите Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Министерот за здравство Илир Демири изјави дека немал сознанија за прекршок од страна на економската директорка на УЈЗ Клиника за токсокологија, Бесија Иљази, за која доктори од Клиниката денеска информираа дека го зголемила долгот и несака да вработи потребен кадар. Министерот не знаеше какво точно образование има директорката. ПОВРЗАНИ ВЕСТИ Директорката на Токсикологија која незнае македонски направи милионски долг и не сака да вработи потребни кадри, обвинуваат вработените Но, најави дека денеска ќе го разреши медицинскиот директор на Клиниката, д-р Данил Петровски. Фото: МЗ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Вработени во ЈЗУ Клиника за токсикологија обвинуваат дека економската директорка Бесија Иљази за помалку од два месеци го зголемила долгот на Клиниката за околу два милиони денари и одбила да потпише согласност за договор на дело за двајца дипломирани биолози, поради што токсиколошката лабараторија веќе два месеци не врши валидација на издадените резултати. „Сакаме да ве известиме дека со назначување на в.д. организациски директор Бесија Иљази на ден пред формирање техничка влада на нашата клиника (иако не ги исполнува условите пропишани со закон за директори) се случува деорганизација, а не организација. Поточно од нејзиното назначување за помалку од два месеци долгот на Клиниката го зголеми за приближно два милиони денари, со дневно работно време од 4 часа и 30 минути, поточно на работа доаѓа во 10:00 часот, а работното време и завршува во 14:30. Исто така Клиниката нема спроведено постапка за осигурување на имот, осигурување на скапата медицинска опрема и осигурување од лекарска грешка, бидејќи в.д директорката не сака да потпише затоа што не е прифатен нејзиниот брокер за осигурување и моментално Клиниката два месеци не е осигурана, иако за тоа сме со закон обврзани. Поради одбивање да потпише согласност за договор на дело за двајца дипломирани биолози, токсиколошката лабараторија веќе два месеци не врши валидација на издадените резултати“, информираа вработени во Клиниката преку соопштение. Денеска за хаосот на Клиниката на прес-конференција алармираа и д-р Нико Беќаровски, раководител на Одделението за интензивна нега на Клиниката со уште пет докторки од Стручниот колегиум, кои информираа и дека наместо вработување на двајца дипломирани биолози и еден болничар, таа инсистира да се вработат 18 лица со истечени договори на дело. Беќаровски рече дека тие 18 лица иако немаат никаква обврска, доаѓаат на работа и на визита. „Ние работиме со пациенти на кои им е битна приватноста и доверливоста. Навистина не е пријатно да зборувам на визита за пациентот пред лица на кои не им е тука местото. За шест години се сменија и министри и пет директори. Секој си носеше свои кадри и стигнавме до седум-осум административци и две-три секретарки“, рече Беќаровски. По прес-конференцијата и Иљази ги повика новинарите, ама зборуваше само на албански јазик, по што новинарите демонстративно си заминаа од средбата. Како што е веќе познато Иљази не знае македонски јазик, па кога мора да соработува со колегите, преведувачи ѝ се двете секретарки вработени во оваа Клиника. Според вработените, таа неретко на работа доаѓа со својот татко кој постојано е со неа како да е нејзино обезбедување. ПОВРЗАНИ ВЕСТИ Министерот Демири нема забелешки за работата на директорката на Токсикологија, Иљази, ќе го разреши медицинскиот директор Петровски Фото: МЗ Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Управата за хидрометеоролошки работи информираа дека утре под влијание на влажен бран ќе биде облачно со врнежи од дожд кои особено во западните и јужните делови од земјата ќе бидат пообилни (наместа над 20 л/м²), поројни и проследени со грмежи и засилен ветер (и над 60 км/час). Ветерот долж Повардарието ќе засилува и во среда. Во среда и четврток ќе има локална појава на повремено пороен дожд и грмежи, а потоа следи период на претежно стабилно и постепено потопло време. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На Факултетот за електротехника и информациски технологии (ФЕИТ), денеска, се отвори 12. издание на Робомак и 4. издание на Робомак јуниор. На двата Робомак настани учествуваат околу 115 учесници – студенти и средношколци. Робомак 2024 претставува меѓународен натпревар, семинар и студентска конференција во полето на роботиката, електрониката, автоматиката и вештачката интелегенција. Финалниот натпревар во сите категории ќе се одржи на 27. април. Носители на настанот се македонската секција на ИЕЕЕ (IEEE – The Institute for Еlectrical and Еlectronics Еnginеers), преку нејзиниот студентски огранок при УКИМ и Факултетот за електротехника и информациски технологии, во коорганизација со Факултетското студентско собрание – ФЕИТ. Ова собиралиште на млади иноватори и експерти, по 12. пат е домаќин на повеќе од 60 учесници од земјата и странство, што го прави најголем настан од ваков карактер на нашите простори. Преку оваа платформа, студентите имаат можност да се запознаат со последните технолошки иновации поврзани со роботиката, автоматиката, електрониката и вештачката интелигенција, преку богатата програма и практични работилници. „Со гордост може да кажам дека традицијата која ја постави Робомак прераснува и во бренд во нашата држава, брендот на Робомак, кој е познат меѓу студентите и средношколците. Бренд кој е синоним за роботика, автоматика, електроника и вештачка интелигенција. Бренд кој значи натпреварувачки дух, експериментирање со најсовремени технолошки достигнувања и одлично дружење меѓу натпреварувачите. Бренд кој на едно место собира талентирани млади умови, популаризира STEM дисциплини и прави промоција на капацитетите на нашиот универзитет и нашите студенти“, рече деканот на ФЕИТ, Владимир Атанасовски на отворањето на Робомак. Според деканот, Робомак претставува поширока платформа која на студентите им нуди можност за натпреварување и надградување. Преку петте натпреварувачки дисциплини, 61 студент на Робомак 2024 практично имплементираат роботски системи за препознавање бои и говорни команди, ќе програмираат интелигентни агенти за работа во динамички средини, ќе комбинираат роботика и алгоритми од машински вид заради роботски-помогнато сортирање на објекти и извонредно ќе се забавуваат со робомаковската интерпретација на формула 1, односно програмирање на само-управувачки тркачки возила. „Покрај практичната работа, оваа недела ќе биде исполнета и со одлични предавања кои ќе им помогнат на натпреварувачите подобро да ги подготват своите решенија за финалето. Конечно, преку натпреварувачкиот дел, студентите ќе може да научат што значи тимска работа, вештина која ќе им помогне во нивната идна кариера“, рече Атанасовски. Професор Биљана Ангелова, ректор на Универзитетот „Св. Кирил и Методиј“ – Скопје во своето обраќање потенцираше дека овој настан претставува збир на талентирани умови и доказ за зголемената важност на роботиката и вештачката интелигенција во општеството. „Светот околу нас претрпува брза технолошка трансформација. Автоматизацијата и интелигентните системи суштински ги менуваат индустриите, од производство и здравствена заштита до транспорт и комуникација. системите. Додека гледаме кон иднината, јасно е дека роботиката и вештачката интелигенција ќе играат се поважна улога во обликување на нашите животи“, порача Ангелова.. Робомак обезбедува клучна платформа за следните генерации и со поддршка Универзитетот инвестира во општествената иднина. „Ги зајакнуваме младите умови да станат архитекти на новото технолошко и просперитетно општество. Знаењето и искуството ќе ги поттикне да се справат со предизвиците и можностите што престојат“, рече Ангелова. Потпретседателот на македонската секција на ИЕЕЕ, професор д-р Гога Цветковски, потсети дека пред две години оваа организација одбележа 25 годишен јубилеј од своето основање. Минатата година, во октомври, е откриена спомен плочата која се однесува на пионерската работа на професор д-р Стево Божиноски, доктор Лилјана Божиновска и Михаил Шестаков со наслов „Прво управување на робот со помош на сигнали од мозокот“ како значаен придонес на македонската во светската наука, што е во тесна корелација со Робомак. Филип Жаков, претседател на студентската организација при македонската секција на ИЕЕЕ, силно верува дека младите и амбициозни студенти заслужуваат иста шанса и можности како нивните колеги во светот. „Мотивирани од успехот кој Робомак го постигнува веќе 12 години, заедно со волонтерите – студенти, успешно се справивме со сите предизвици да ја одржиме традицијата жива и да оставиме аманет на следните генерации да продолжат каде што застанавме ние. Роботиката и вештачката интелигенција пред неколку децении беа научно-фантастични концепти, сон на истражувачите и сценарио во филмовите,“ рече Жаков. Мелани Цветковска, претседател на Факултетско студентско собрание на ФЕИТ, рече дека се трудат студентскиот глас да не е само слушнат, туку и послушан, да ја сакаат науката и да учествуваат во настани и натпревари каде се слави науката. „Не се плашете да бидете свои, гласни и паметни. Умот никогаш нема да излезе од мода“, рече Цветковска. Работејќи во тимови, студентите имаат можност да ги употребат своите теоретски знаења и практични вештини, истите да ги надоградат и усовршат, да соработуваат со студенти од земјата и странство, со цел да го освојат првото место во својата категорија. Учесниците ќе се натпреваруваат во следните категории: Sence the Color, Select the Line > Design from scratch a line follower with colour sensing abilities, AI Football > Program intelligent agents to find and eliminate opponents in a dynamic environment, Robotic Arm Challenge > Combine robotics and machine vision to accurately sort objects, The ChatBot Challenge > Command your ChatBot to victory in this speech-driven robotics competition и Self-Racing Cars > Program and unleash NVIDIA JetBots for self-racing car showdown. Покрај ова, ќе имаат можност да присуствуваат на предавања од овие области. Како паралелен настан на RoboMac 2024, по четврти пат се организира и натпреварот за средношколци, RoboMac Junior 2024. Носители на настанот се ФЕИТ и IEEE. RoboMac Junior 2024 е натпревар за средношколци во роботика, автоматика и електроника, кој ќе трае до четврток. Натпреварот се одржува во просториите на ФЕИТ и на него учествуваат 54 ученици од четврта година од 26 средни училишта од Македонија, поделени во 2 категории. Освен активностите од натпреварувачки карактер, учесниците имаат можност да следат и неколку предавања во кои ќе се претстават популарни теми од роботиката, автоматиката, вештачката интелигенција и електрониката, одржани од професори и експерти во областа. Категории во кои се натпреваруваат средношколците се RoboMac Junior – Автономна мобилна роботика и RoboMac Junior – Паметна електроника за автономни возила. Финалниот настан на Робомак 2024 ќе се одржи во сабота (27.04.2024) со почеток во 17 часот во Амфитеаторот на ФЕИТ. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

На Технолошко – металуршкиот факултет при Универзитетот „Св. Кирил и Методиј“ – Скопје, денеска, беше отворена Лабораторија за напредни и одржливи материјали во вредност од 90.000 евра. Лабораторијата ќе овозможи да се развие иновативна технологија за мултифункционална војничка униформа која ќе биде огноотпорна, ќе штити од микроорганизми и УВ-зрачење, а преку промена на боја ќе детектира нервни гасови. Лабораторијата се отвора во рамки на проектот „Нанопревлаки за добивање повеќезаштитни текстилни материјали за војничка униформа“ кои го реализираат стручни тимови од Технолошко-металуршкиот факултет при УКИМ, Технолошко-металуршкиот факултет во Белград, Србија и од Тексас А & М Универзитетот во САД, а го финансира Програмата НАТО наука за мир и безбедност. „Овие својства ќе се постигнат со новата слој-по-слој техника за нанесување нанопревлаки на површината на материјалите со користење на хемикалии од обновливи извори. Овие нанопревлаки овозможуваат да се постигнат бараните својства, а униформата да биде лесна и да ги задржи своите комфорни својства. Проектот го реализираат стручни тимови од Технолошко-металуршкиот факултет при УКИМ, Технолошко-металуршкиот факултет во Белград, Србија и од Тексас А & М Универзитетот во САД. Посебно сум горд што нашата лабораторија е единствена специјализирана за огноотпорни материјали во Југоисточна Европа и што можеме да вклучиме млади истражувачи“, рече проф. д–р Игор Јорданов, носител на овој проект. Јорданов дополни дека проектот на кој се работи веќе 3 години е сега во завршна фаза, а а за неколку месеци се очекува да биде изработен и првиот прототип на оваа мултифункционална војничка униформа. На свеченото отворање на лабораторијата присуствуваше Владимир Анчев, државен секретар во Министерството за одбрана, кое ќе биде еден од крајните корисници на резултатот од овој проект. Деканот на ТМФ професор Стефан Кувенџиев искажа задоволство што проектот ќе ја зајакне врската меѓу институцијата со домашната индустрија, како и со пошироката научна заедница во регионот. „Среќен сум што во семејството на лаборатории на ТМФ добиваме уште една нова и модерна лабораторија која ќе биде од интерес на сите во Македонија. Истражувањето и проектот ќе придонесе да се зголеми капацитетот на институцијата за соработка со домашната индустрија, спроведување на применети проекти и развој на соодветни услови за развој на млади кадри,“ рече Кувенџиев. На настанот присуствуваше и професорот Џејми Грунлан од Универзитетот Тексас А&M, кој кажа дека оваа истражувачка инфраструктура е основа да продолжи соработката меѓу двата универзитети. Во рамките на нашата држава, но и регионот проектот креира одлична можност во иднина лабораторијата да се користи и за тестирање на огноотпорни, антимикробни, УВ-заштитни и индикативни својства за различни материјали. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од вечерва на полноќ малопродажната цена на дизелот се намалува за 1,50 ден/лит, малопродажната цена на бензинот „Еуросупер БС-95“ се зголемува за 1 ден/лит, додека малопродажната цена на бензинот „Еуросупер БС-95-98“ се зголемува за 1,50 ден/лит, одлучи Регулаторна комисија за енергетика, водни услуги и услуги за управување со комунален отпад. Со новите цени бензинот „Еуросупер БС-95“ ќе се продава за 87,50 денари, бензинот „Еуросупер БС-98“ ќе се продава за 90 денари за литар, а дизелот за 76 денари за литар. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Македонскиот клуб за етничка толеранција од Благоевград, Бугарија, информираа дека поднеле тужба против Европската комисија (ЕК) пред Судот на правдата во Луксембург, за да ја принуди Бугарија да го регистрира клубот и со тоа да го заштити европското право на асоцијација и здружување. Со тужбата се бара од Судот на правдата на Бугарија да и ги прекине сите исплати на финансии што доаѓаат од Кохезивниот фонд во висина од 1.467 милијарди евра, се додека не го регистрира Македонскиот клуб за етничка толеранција, чија регистрација беше одбиена само зошто е македонска организација. Ова е прв правен процес внатре во Европската Унија (ЕУ), кој се однесува на дискриминацијата врз Македонците во делови од ЕУ. Со оваа тужба, ЕК е приморана да даде одговор до Судот на правдата за кршењето на основните човекови права на Македонците во Бугарија. Тужбата е поттикната и организирана од НовАсном, Македонското меѓународно движење за човекови права, Светскиот македонски лонгрес – Канада и поединци од цел свет. Во 2022, овие организации поднесоа претставка против Бугарија во ЕК за непочитувањето на европското право, сметајќи дека Бугарија го крши членот 12 од Фундаменталните права на ЕУ, кој е дел од Договорот на ЕУ. ЕКсе прогласи за ненадлежна за овој случај, сметајќи дека нема надлежност да врши мониторинг на малцинските права во членките на ЕУ како Бугарија. „Оваа одлука е неприфатлива – затоа, Македонскиот клуб за етничка толеранција цени дека Европската комисија го крши членот 317 од Договорот за Функционирање на ЕУ кој кажува дека Европската комисија мора да врши мониторинг и ревизија на земјите членки за да спречи кршење на фундаменталните права на ЕУ“, велат од Клубот. Фото: Унсплеш Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Денеска завршува изборната кампања за првиот круг од Претседателските избори 2024 година, односно од полноќ започнува изборниот молк кој трае до 19 часот на 24. април, информираа од Агенција за аудио и аудиовизуелни медиумски услуги (ААВМУ). „За време на молкот, на 23 и на 24. април (до 19 часот), запира медиумското покривање во вестите и во посебните-информативни емисии на учесниците во изборните кампањи и за претседателските и за парламентарните избори. Според Изборниот законик, за прекршување на изборниот молк се смета емитувањето: какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија изборна кампања и можат да влијаат врз одлуката на избирачите, податоци со кои го откриваат идентитетот на политичките субјекти и/или на поединци вклучени во инциденти или други неправилности на денот на гласањето, како и изјави од кандидати во изборниот процес, од учесниците во изборна кампања, од претставници на политички партии и од носители на функции во органите на власта. Во овој период е дозволено емитување бесплатно политичко претставување и платено политичко рекламирање на учесниците во изборната кампања за парламентарните избори,“ се вели во соопштението. Воедно, во деновите на изборниот молк е дозволено емитување на едукативната рекламна кампања на Државната изборна комисија (ДИК) за Изборите 2024. Агенцијата очекува сите радиодифузери, почнувајќи од ноќеска на полноќ, да ја прилагодат својата програма за изборниот молк. Фото: Игор Бансколиев Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Израелските одбранбени сили (ИДФ) денеска соопштија дека шефот на военото разузнавање Ахарон Халива поднел оставка поради неуспехот да го спречи терористичкиот напад на Хамас врз Израел на 7. октомври минатата година, кога беше извршен напад врз Израел и беа убиени 1.200 лица и киднапирани околу 250, што предизвика војна во Газа. Во својата оставка Халива повика на формирање комисија „која темелно, продлабочено, сеопфатно и прецизно ќе ги истражи и открие сите фактори и околности кои доведоа до тешките настани“. „Во координација со началникот на Генералштабот, началникот на Управата за разузнавање, генерал-мајор Ахарон Халива, побара да ја прекине функцијата, по неговата лидерска одговорност како началник на Управата за разузнавање за настаните од 7. октомври. Началникот на Генералштабот му се заблагодари на генерал-мајор Ахарон Халива за неговата 38-годишна служба во ИДФ, за време на која тој даде значителен придонес за безбедноста на државата Израел и како борбен војник и како командант“, се вели во објава на ИДФ на социјалните мрежи. Ова е прва оставка на генерал од израелскиот Генералштаб, а тој една недела по нападот на Хамас изјави дека ја сноси целосната одговорност. Фото: Unsplash Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во март се пријавени четири нови случаи потврдени на ХИВ и два на СИДА, стои во Билтенот за движењето на акутните заболувања на Институтот за јавно здравје. Пет од лицата се од машки пол, а едно од женски пол и припаѓаат на возрасната група од 20 до 44 години. Согласно постоечката евиденција на пријавени случаи (заклучно со 31.03.2024 година), кумулативниот број на лица регистрирани со ХИВ/СИДА во Македонија, за периодот 1987–2024 година изнесува 651, од кои 127 лица починале, а 524 лица живеат со ХИВ/СИДА. ПОВРЗАНИ ВЕСТИ Зголемување на ХИВ инфекциите кај хетеросексуалната популација, кои се симптомите Во Македонија над 500 лица живеат со ХИВ, како се пренесува? Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Од Тетекс АД Тетово преку Македонската берза информираа за одлуката на Собранието на акционери на Друштвото за распредлбата на добивката од минатата година. Ланската добивка на Тетекс по оданочување е 94,2 милиони денари. Од неа 4,7 милиони денари одат за резерви, 44,8 милиони денари за дивиденда, а нераспределени остануваат 44,7 милиони денари. Според одлуката, на генералниот директор Бобан Гоговски, ќе му биде исплатено 5% од добивката по оданочување на Друштвото. ПОВРЗАНИ ВЕСТИ Колкави надоместоци имале лани членовите на Одборот на директори на Тетекс Тетекс ќе дели дивиденда од 110 денари бруто по акција Колкава плата лани имал Бобан Гоговски, генералниот директор на Тетекс Фото: Тетекс Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Учениците Кирил Китевски и Кристијан Лазароски од СОУ „Цар Самоил“од Ресен, под менторство на професорката Дијана Ѓоргиевска го освоија третото место на финалето на Европскиот квиз за пари 2024 година, кое се одржа на 19. април во Брисел, Белгија, во организаација на Европската банкарска федерација (ЕБФ). Овогодинешниот Европски квиз за пари забележа рекорден одѕив во неколку земји, при што приближно 36.000 тинејџери од 2.200 училишта учествуваа во националните натпревари низ Европа. Иницијативата, започната од ЕБФ во 2017 година, цели да ги подобри финансиските знаења на младите луѓе и да поттикне финансиски одговорна генерација. Тимот од Австрија го освои првото место, додека второпласирана беше екипата од Чешка. Квизот го тестираше знаењето на учесниците за критичните финансиски теми за тинејџерите, вклучувајќи долгорочно планирање, стратегии за штедење, разбирање на криптовалути, свесност за сајбер безбедноста и одговорно управување со кредитите. Сите прашања се усогласени со упатствата на ОЕЦД/ИНФЕ за едукација за финансиска писменост. „Секоја година во Брисел гледаме нова генерација на млади кои се подготвени да ги совладаат финансиските вештини и да ја добијат титулата европски шампион. Развивајќи ги своите вештини со поддршка од нивните ментори, тие добиваат сериозен почеток за зрелоста. Импресивно е да се види толку многу позитивна енергија во Брисел, од година во година,“ izjavi Вим Мијс, извршен директор на ЕБФ. На натпреварот учествуваа вкупно 26 земји: Албанија, Австрија, Чешка, Естонија, Финска, Германија, Грција, Унгарија, Исланд, Ирска, Италија, Латвија, Лихтенштајн, Литванија, Луксембург, Малта, Норвешка, Полска, Португалија, Македонија, Романија, Србија, Словачка, Словенија, Шпанија и Украина. Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....

Во рамки на втората фестивалска вечер на „Крај Вардарот Џез“, утревечер на 23. април во Македонската филхармонија со почеток во 20 часот на пијано ќе настапи Дуња Иванова. Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“… Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце. Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска. Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент. Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“. Онлајн продажба на билети е достапна преку bileti.mk. Блок билети за 23 и 27. април се по цена од 600 денари и поединечен билет 400 денари. Билетите се достапни на следниве линкови: bileti.mk (за блок карта), bileti.mk (за 23. април) и bileti.mk (за 27. април). Промотивна објава Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ....