Албанската министерка за туризам и животна средина, Мирела Кумбаро изјави дека до 2030 година Албанија ќе има четири аеродроми, објави Албанската радио и телевизија. На веќе постоечките аеродроми во главниот град Тирана и северниот град Кукс, аеродромите во крајбрежниот град Валона, југозападна Албанија и во јужниот град Ѓирокастро, ќе бидат додадени до 2030 година. Во интервјуто Кумбаро додаде дека до 2030 година меѓународниот аеродром „Мајка Тереза“ во Тирана ќе започне со прекуокеански летови. Таа е оптимист дека во 2030 година во земјата ќе престојуваат 30 милиони туристи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Помина цела година од страшниот масакр што го изврши Коста Кецмановиќ во основното училиште „Владислав Рибникар“. По невидената трагедија, Коста, кој тогаш имаше само 13 години, заврши на Клиниката за деца и млади за невропсихијатрија, каде што е во тек неговата психијатриска опсервација. Иако се очекуваше дека ќе покаже барем навестување на каење, и по една година тоа не се случи. Сепак, деновиве покажува агитација, а се претпоставува дека тоа е токму поради следните денови. Коста ноќе има кошмари, не може да заспие и постојано е во некои размислувања. Секако, не кажува што го мачи, но се претпоставува дека е токму датумот – трети мај, кој следи. Една година е во затвор, а многу порано очекувал да биде на слобода. Не се помирува со фактот дека нема да биде толку слободен како што мислеше-велат лекарите кои го набљудуваат. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Синдикат на полиција во Македонија јавно ја дава својата безрезервна поддршка на министерот за внатрешни работи, Панче Тошковски. Нивното соопштение го пренесуваме во продолжение: Прв Министер за внатрешни работи кој јавно проговори за зголемување на професионалноста во Полицијата. Прв Министер за внатрешни работи кој јавно проговори дека платите во МВР се на дното споредбено со другите професии. Прв Министер за внатрешни работи кој јавно прозва дека професијата Полицаец е една од најпотценетите професии. Прв Министер за внатрешни работи кој јавно призна дека за да имаме достоинствен полицаец истиот мора да има достоинствена плата. Прв Министер за внатрешни работи кој јавно изјави дека е потребна итна реорганизација и промена на систематизацијата. Министре Панче Тошковски, како Синдикат на полиција во Македонија поаѓајќи од фактот што токму за тоа се залагаме како Синдикат и од причина што јавно проговоривте за состојбата на платите во Полицијата дека се мали и недостоинствени, како Синдикат ЈА ДАВАМЕ БЕЗРЕЗЕРВНО НАШАТА ПОДРШКА. Сметаме дека во иднина ќе останете доследен и за многу брзо време ќе почнете да го остварувате кажаното. Уште еднаш се додека се борите за враќање на ПРОФЕСИОНАЛИЗМОТ ВО ПОЛИЦИЈАТА, ја имате нашата подршка. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Уривањето на автопатот во кинеската провинција Гуангдонг предизвика пад на повеќе возила, при што загинаа 36 лица, 30 беа повредени, објавија денеска државните медиуми, додека милиони Кинези патуваат за празникот Први мај. Уривањето, предизвикано од силен дожд, се случило во средата околу 2 часот по полноќ на автопатот Меижоу-Дабу, пренесува новинската агенција Ксинхуа, додавајќи дека урнатиот дел бил долг 17,9 метри и предизвикал пад на 23 возила. Меижоу е една од областите во Гуангдонг во јужна Кина, која е сериозно погодена од силен дожд и град од крајот на април, што доведе до опасни лизгања на земјиштето, поплавени куќи и уништени мостови. Очевидци изјавија за локалните медиуми дека слушнале силна бучава и виделе дупка широка неколку метри отворена зад нив откако поминале дел од патот кој се срушил. Причината за несреќата се истражува. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Граѓаните ги препознаваат реалните ветувања, наспроти популизмот. Довербата ни е ветер во грб, за да ги реализираме проектите кои на народот ќе му донесат поквалитетен живот. Чуда се невозможни, во услови на опустошен буџет како што имаме во моментов. Но, според платформата „Платформа 1198“ предвидени се реални проекти во различни сфери, кои ВМРО-ДПМНЕ се обрзува дека ќе ги оствари во следните четири години. Ова во интервју за Фактор го најавува Сања Божиновска, меѓународен експерт за енергетика и член на Извршниот комитет на ВМРО-ДПМНЕ. Таа смета дека енергетиката е сектор кој се планира долгорочно и Македонија мора да има долгорочна енергетска стратегија. „Најпрво мора да се види работењето на ЕСМ, сите тендери кои се договарани во четири очи, што се е набавено и целокупното работење на енергетските капацитети“, вели Божиновска. Фактор: Со оглед на расположението на гласачите во првиот круг од претседателските избори, веќе станува се поизвесно дека новата влада во земјава ќе ја формира ВМРО-ДПМНЕ. Вие сте членка на Извршниот комитет на таа партија, па би сакала да Ве прашам, кои се, според Вас, најголемите предизвици со кои ќе се соочи новата власт во делот на економијата, кои се оние проблеми кои ургентно ќе мора да се решаваат? Божиновска: Изборите ја покажаа волјата на народот за промена на власта и казна за досегашната недисциплинирана фискална политика на СДСМ и ДУИ. Граѓаните ги препознаваат реалните ветувања, наспроти популизмот. Довербата ни е ветер во грб, за да ги реализираме проектите кои на народот ќе му донесат поквалитетен живот. Најголемите два предизвика со коишто ќе се соочи новата влада се инфлацијата и значајно нарушениот фискален простор, тука мислам на истрошениот буџет и високиот јавен долг. Македонската економија веќе има висок трошок од ненавремено справување со инфлацијата од страна на Владата во заминување и затоа новата влада мора да го стави како прв приоритет справувањето со инфлацијата. Растот на платите и пензиите беше нивелиран со превисоките цени. По одмрзнувањето на цените, месечната стапка на инфлација во март беше 1 отсто, а годишната стапка на инфлација 4 отсто, а пак базичната стапка на инфлација без варијабилните цени на храната и енергијата годишно е зголемена за 5,1 отсто, т.е повисока е од вкупната годишна стапка на инфлација. И што покажува ова? Инфлациските очекувања не се смирени и постојат сѐ уште фактори коишто условуваат раст на цените. Потребна е поагресивна битка со инфлацијата. Ова вклучува идентификување на домашните фактори кои во континуитет предизвикуваат дивеење на цените, нивно ставање под контрола и побрза примена на Законот за нефер трговски практики. Исто така, потребна е и појасна комуникација со јавноста од страна на централната банка дека ако не се смири инфлацијата каматите на кредитите ќе останат високи, а со тоа и трошоците на фирмите, што во крајна истанца би ја влошило ликвидноста на фирмите, би ги намалило изгледите за нови приватни инвестиции и изгледите за подинамичен економски раст. Населението исто така има зголемени трошоци за камати, што го намалува расположливиот личен доход, којшто пак се јаде и од инфлацијата. За да се смири инфлацијата потребно е да се смири растот на трошоците на фирмите, на пример платите треба да растат согласно растот на продуктивноста, а не на вештачки начин којшто креира постојано раст на малопродажните цени. Истовремено фирмите треба да разберат дека добивањето на краткорочни профити заради инфлацијата, на долг рок е погубно за нив. Исто така, мора да ги задржиме работоспособните граѓани и да имаат конкурентни работни места во Македонија. Што се однесува до јавниот долг, бројките се поразувачки и се зголемуваат секојдневно, ќе мора набрзо да ги видиме вистинските бројки и да ја знаеме реалната состојба. За сите овие вистински реформи да се остварат потребно е и независно судство и владеење на правото, кои се императив за да се движи Македонија напред. Целото интервју на „Фактор“ Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Агенцијата за супервизија на осигурување (АСО) ја охрабрува Владата, согласно своите законски надлежности, да ги заштити правата на осигурениците и преку измени во Тарифникот да ги намали цените на полисите за задолжително осигурување од автомобилска одговорност. АСО како регулатор на пазарот на осигурување уште еднаш јавно информира дека е целосно неоправдан и без основа потегот со кој осигурителните компании ги зголемија цените на осигурувањето од задолжителна автомобилска одговорност. Клучните аргументи против зголемување на цената се наведени во анализата што е доставена до надлежната комисија при Министерството за финансии. Зголемувањето на цената на осигурувањето не е во функција на јакнење на заштитата на осигурениците. Напротив, ова зголемување на цените е само и исклучиво во функција на покривање на трошоците за оперативно работење на компаниите за осигурување. Групација на осигурителни компании: При кумулативен пораст на цените од 61.5%, само премиите за авто осигурување се замрзнати 15 години Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

За време на велигденските празници, односно од утре петок – 3 мај до понеделник 6 мај. јавниот превоз ќе функционира по неделен возен ред. Како што информираат од ЈСП Скопје исклучок ќе бидат линиите 11, 11А, 18А, 32, 47А, 55, 56, 56А, 81, 118, 160 и 164 кои утре ќе сообраќаат по саботен возен ред. -Утре и во понеделник на 5 мај од 7 до 14 часот дежурни ќе бидат билетарниците на Транспортен центар и таа во Ѓорче Петров. Во сабота сите билетарници и центри за персонализација ќе функционираат вообичаено, а в недела за сите е неработен ден, информираат од ЈСП Скопје. Жичницата за време на празничните денови нема да работи единствено во понеделник, другите денови ќе работи вообичаено, од 10 до 20 часот. Од ЈСП Скопје потсетуваат дека за време на викенди и државни празници користењето на линијата 25 (Транспортен центар – Средно Водно) е бесплатно за сите граѓани. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени. Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова. Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет. Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, истакна Драган Ковачки од ВМРО-ДПМНЕ, носител на листа во ИЕ 3. -Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот. Затоа ве повикувам сите на 8 мај заеднички да излеземе и да ги донесеме промените. Да ја донесеме победата на Македонија којашто долго се очекува, порача Ковачки. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Град Скопје и ЈУ Културно Информативен Центар ќе отпочнат со реализација на Европскиот проект CreArt 3, со активноста „Европски месец на креативноста“ на 10 мај во галеријата Империјал 1 – ЈУ Културно Информативен Центар, каде што до крајот на месец мај ќе биде отворена групната изложба насловена: „Четирите мајстори на модернизмот“ Учесници: Теодора Андоноска, Мартин Буровски, Илина Василеска, Сергеј Јордановски, Камелија Каламерникова, Манели Крстиќ, Сара Милошевска, Ивона Петрова и Никола Тренов, сите студенти од четврта година на студиската програма Сликарство на Факултетот за ликовни уметности, Универзитет „Св. Кирил и Методиј“ – Скопје, во класата на проф. Слободанка Стевческа. Изложбата „Четирите мајстори на модернизмот“ е воспоставена во чест на основоположниците на Факултетот за ликовни уметности од Катедрата за сликарство, професорите Петар Мазев, Родољуб Анастасов, Димитар Кондовски и Душан Перчинков. Изложбата ќе биде отворена до 20.04.2024 година. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Почина Никола, таткото на Тоше Проески. Тажната вест ја сподели неговата ќерка Дора. Светол патот татко мој, пишува таа. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во Тетово вчера во 18.45 часот полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од село Мала Речица, тетовско. Како што денеска соопштија од МВР, при претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото. Лицето било задржано во полициска станица и по целосно документирање на случајот, против него ќе биде поднесена соодветна пријава. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно. Веднаш биле известени надлежните за нивна понатамошна постапка, по што лицето било пронајдено за околу еден час. – Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

РегионалниотЦУК– Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно. Веднаш биле известени надлежните за нивна понатамошна постапка, по што лицето било пронајдено за околу еден час. – Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ. Денеска, пак, е последен ден за објавување на резултати од анкети поврзани со учесниците во изборниот процес. Двајцата кандидати за претседател синоќа се соочија на предизборен ТВ дуел, со спротивставени ставови за уставните измени, ЕУ интеграцијата, името, настаните во Собранието од 27 април, состојбата во судството… Кандидатите за претседател ги кажаа различните ставови и за уставните измени и за тоа дали преговорите со ЕУ се почнати или не. Според Пендаровски, тие почнале со одржувањето на првата меѓувладина конференција и рече дека не оди едно без друго Преговарачката рамка и промената на Уставот. Силјановска-Давкова, пак, го праша Пендаровски како може да ветува промена на Уставот кога тоа не е негова надлежност туку него може да го сменат само гласовите на пратениците во Собранието и, како што рече, „како никој не се сетил да им каже на оние од Советот и од Европската комисија и сите останати дека со тоа се рушат темелните вредности на ЕУ“. На прашањето која би била нејзината порака при прва средба со претседателот на Бугарија и со претставниците на Унијата, одговори дека ќе го потсети на Преамбулата на Договорот за пријателство и добрососедство, дека секој договор не е вечен и може да се смени и дека во Договорот „нема ниту еден збор за уставните измени“. Пендаровски во врска со внесувањето на Бугарите во Уставот посочи дека е услов што треба да се помине за да продолжат преговорите кои, рече се блокирани поради ставот на ВМРО-ДПМНЕ. Силјановска Давкова најави и дека како иден шеф на државата ќе го искористи механизмот на помилување на осудените за настаните во Собранието на 27 април 2017 година. Нејзиниот противкандидат од СДСМ и актуелен претседател Стево Пендаровски е против и смета дека амнестија за такво дело не треба да има. За него настаните од 27 април биле насилен чин, организиран од партијата која тогаш била на власт и обид за насилно уривање на уставниот поредок. Силјановска Давкова, пак, смета дека имало насилство и луѓето требало да бидат судени за тоа, но, како што наведе, далеку од умот и од правото е дека имало терористичко рушење на уставниот поредок. Кампањата за парламентарните избори, пак, вчера беше во знакот на одбележувањето на 1 Мај и ветувања за подобар статус на работниците, но и со меѓупартиски пораки и обвинувања. Претседателот на СДСМ, Димитар Ковачевски, од Првомајскиот пикник во Градскиот парк во Скопје порача дека „враќање на ВМРО-ДПМНЕ на власт значи режим во најава, сигурна блокада на Македонија и внатрешни етнички тензии, и ако се дозволи тоа, ќе ѝ се нанесе огромна штета на државата“. Тој ги повика граѓаните и сите прогресивни сили во земјата, кога ќе излезат на гласање на 8-ми мај да имаат предвид дека преголема моќ за десничарска партија како ВМРО-ДПМНЕ ќе претставува сериозна закана за иднината на земјата. Лидерот на ВМРО-ДПМНЕ Христијан Мицкоски во првомајската порака истакна дека денес работничките права се прекршени и погазени. Смета дека државата многу малку води грижа за тие кои создаваат и се р’бетот на економијата, за мобингот врз работниците многу ретко се зборува, но најголемиот проблем се платите кои ги изеде инфлацијата и не се доволни ниту за половина од потребната потрошувачка кошница. Максим Димириевски од ЗНАМ од Пелинце го обвини раководството на СДСМ за ароганција, дека не ја прифатило подадената рака, за погазување на социјалдемократијата, илинденските и асномските левичарски вредности и принципи. Од СДСМ му одговорија дека тој е човек-партија кој одработува против своите довчерашни сопартијци, за личен интерес. Го обвинија за договарање соработка со ВМРО-ДПМНЕ и поддршка на Гордана Силјановска Давкова. Левица ја претстави својата програма пред Конфедерацијата на слободни синдикати. Тврдат дека се единствена партија на трудот, која даде поддршка на синдикалните протести и ги повикаа работниците да им дадат поддршка на претстојните избори. Партискиот лидер Димитар Апасиев очекува Левица двојно да го зголеми резултат од првиот круг на претседателските избори и да освои од 80 до 120 илјади гласови на парламентарните избори со проекција од осум до 12 пратеника зависно од излезноста. На следниот мандатар му порача дека основа за преговарање е Македонската платформа за национално единство. Европскиот фронт најави дека ветингот ќе биде услов за новата влада. Според нив, без воспоставување ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Европски фронт инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Од Коалиција „Храбро за Македонија“, пак, предизборно ветија економски мерки со таргет цената на лебот да биде 20 денари, на млекото 30, а на зејтинот 40 денари, како и намалување на даноците, нулта стапка оданочување за иновациски, информатички и високо технолошки знаења. Во меѓувреме течат активностите за спроведување на изборите на 8 мај. ДИК, според роковникот за изборните дејствија, вчера на овластено лице во МНР му го предаде гласачкиот материјал за гласање во ДКП-та. МНР, гласачкиот материјал на ДКП го доставува веднаш по приемот, а најдоцна до крајот не денов. Членовите на ИО во ДКП гласаат во ДИК три дена пред денот определен за одржување на изборите, односно на 4 мај (сабота). На 30 април заврши пријавувањето за гласање на болните и немоќните лица, а до 4 мај на полноќ тоа треба да го сторат и избирачите кои на денот на гласањето се наоѓаат на издржување мерка куќен притвор. Тие заедно со лицата кои се на издржување казна затвор или се во притвор, како и пријавените од дијаспората гласаат ден пред изборниот ден, на 7 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Един Терзиќ е хит во Европа и е на прагот да ја донесе Борусија во финалето на Лигата на шампионите.Тој е роден во Германија од мајка Хрватица и татко Бошњак. Има само 42 години. Тој летува во Макарска, знае хрватски песни, дете е на Дортмунд кој го обликуваше. Терзиќ поради тешка повреда мораше предвреме да ја заврши играчката кариера. Класична приказна за талент кој го оневозможија повредите, но веднаш се фрли во тренерските води. Неверојатно! Роден сум на 30 километри од тука и првпат дојдов на стадион како деветгодишно дете. Оттогаш е јасно за кого е моето срце. Но, никогаш не се осмелив ниту да сонувам дека ќе се најдам во оваа улога. Сопругата Кора Волм ја запознал на игралиште бидејќи и таа била фудбалерка, играла за Бохум во втора лига. Тие се венчаа во 2013 година и имаат две ќерки. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

„Со Али Ахмети е исклучена секаква соработка во било која варијанта, во било која форма, на било кој начин нема да има соработка со Али Ахмети. Ние сме многу сериозни дека ДУИ ќе оди во опозиција, јас сум свесен дека до првиот круг најголем дел од политичката елита и дел од граѓаните во Македонија мислеа дека блефираме и дека го правиме тоа за политички поени. Свесен сум дека во овој момент има граѓани кои сеуште мислат дека ова го правиме како политичка игра, но ние ова ќе го реализираме и нашата поддршка после изборите ќе расте затоа што ќе видат дека го држиме зборот како што го одржавме дека нема да има измени на Уставот под бугарски диктат и немаше“, истакна потпретседателот и носител во ИЕ 4 од ВМРО-ДПМНЕ Александар Николоски во гостување во емисијата „Еспресо со Златев и Боцевски“ на радио Лидер. Николоски продолжи и додаде дека завчера во Струмица имало огромна енергија и најави дека разликата во Струмица ќе е поголема. „Завчера на 30ти имавме прекрасен митинг во Струмица, огромна енергија и еве да најавам оттука, во првиот круг разликата беше 2,800 гласа разлика, а во вториот круг и за претседателски и за парламентарни ќе е поголема од 2,800 гласа“, вели Николоски. Николоски истакна дека ВМРО-ДПМНЕ очекува на парламентарните избори да е над 400,000 гласа и додаде дека Силјановска Давкова ќе оди над 450,000 гласа. „Реално е да се очекува да на парламентарните избори да сме над 400,000 гласа. Прво тоа ќе е резултат освоен од опозиција, второ од најтешка опозиција било која политичка структура што ја имало во државава и трето на различен попис. Ние до овој попис мислевме дека имаме два милиони и сто илјади жители, но овој попис ни покажа дека имаме еден милион и осумсто илјади жители“, истакна Николоски. Николоски потенцираше дека гласачите кои гласале за дел кандидати за кои мислеле дека се опозициски сега се свестуваат дека се лажни опозициски кандидати и сега ќе гласаат за правиот опозициски кандидат тоа е Гордана Силјановска Давкова. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Поранешниот косовски координатор за дијалог со Србија, Авни Арифи вели дека барањата до Косово на земјите-партнери Германија, Франција и Италија не се исполнети, дека мора да се преземат конкретни чекори за формирање на Заедницата на општини со мнозинско срспко население за членство во Советот на Европа, поради што постои можност Косово да не влезе во агендата на Советот на министри на Советот на Европа, јави дописникот на МИА од Приштина. Арифи за приштинската телевизија ТЕВЕ 1 (tëvë 1) рече дека постои можност прашањето за Косово да биде ставено на гласање и да не помине, а тоа, според него, би било голема победа за Србија. „Многу се големи шансите да не се гласа и да биде одложено за следната година. Или, има и друга опција, која е потешка, да се оди на гласање и да не се изгласа, што би било многу голема победа за Србија, изјави Арифи. Според него, неуспехот во зачленувањето во СЕ ќе создаде перцепција дека Косово ја напуштило европската агенда. „Незачленувањето значи дека Косово ја напуштило европската агенда, го изгубило партнерството со ЕУ и во оваа ситуација Косово ќе се смета за исто виновно за постоечката ситуација и одговорно за неуспехот на дијалогот. Иако е тоа неправедно, бидејќи Србија е виновна“, рече Арифи. Франција, Германија, Италија, но и САД побараа конкретни чекори за формирање на Заедницата на српски општини во Косово, поврзувајќи го тоа со апликацијата на Косово за членство во Советот на Европа. Кон средината на мај во СЕ ќе се одржи состанок на Советот на министри, но се уште не е официјализирано дали на дневен ред ќе биде и Косово. Членството на Косово во СЕ беше изгласано со големо мнозинство гласови во Парламентарното собрание на 15 април. Владата на Косово вели дека ги исполнила сите услови за членство во европската организација. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ. Денеска, пак, е последен ден за објавување на резултати од анкети поврзани со учесниците во изборниот процес. Двајцата кандидати за претседател синоќа се соочија на предизборен ТВ дуел, со спротивставени ставови за уставните измени, ЕУ интеграцијата, името, настаните во Собранието од 27 април, состојбата во судството… Кандидатите за претседател ги кажаа различните ставови и за уставните измени и за тоа дали преговорите со ЕУ се почнати или не. Според Пендаровски, тие почнале со одржувањето на првата меѓувладина конференција и рече дека не оди едно без друго Преговарачката рамка и промената на Уставот. Силјановска-Давкова, пак, го праша Пендаровски како може да ветува промена на Уставот кога тоа не е негова надлежност туку него може да го сменат само гласовите на пратениците во Собранието и, како што рече, „како никој не се сетил да им каже на оние од Советот и од Европската комисија и сите останати дека со тоа се рушат темелните вредности на ЕУ“. На прашањето која би била нејзината порака при прва средба со претседателот на Бугарија и со претставниците на Унијата, одговори дека ќе го потсети на Преамбулата на Договорот за пријателство и добрососедство, дека секој договор не е вечен и може да се смени и дека во Договорот „нема ниту еден збор за уставните измени“. Пендаровски во врска со внесувањето на Бугарите во Уставот посочи дека е услов што треба да се помине за да продолжат преговорите кои, рече се блокирани поради ставот на ВМРО-ДПМНЕ. Силјановска Давкова најави и дека како иден шеф на државата ќе го искористи механизмот на помилување на осудените за настаните во Собранието на 27 април 2017 година. Нејзиниот противкандидат од СДСМ и актуелен претседател Стево Пендаровски е против и смета дека амнестија за такво дело не треба да има. За него настаните од 27 април биле насилен чин, организиран од партијата која тогаш била на власт и обид за насилно уривање на уставниот поредок. Силјановска Давкова, пак, смета дека имало насилство и луѓето требало да бидат судени за тоа, но, како што наведе, далеку од умот и од правото е дека имало терористичко рушење на уставниот поредок. Кампањата за парламентарните избори, пак, вчера беше во знакот на одбележувањето на 1 Мај и ветувања за подобар статус на работниците, но и со меѓупартиски пораки и обвинувања. Претседателот на СДСМ, Димитар Ковачевски, од Првомајскиот пикник во Градскиот парк во Скопје порача дека „враќање на ВМРО-ДПМНЕ на власт значи режим во најава, сигурна блокада на Македонија и внатрешни етнички тензии, и ако се дозволи тоа, ќе ѝ се нанесе огромна штета на државата“. Тој ги повика граѓаните и сите прогресивни сили во земјата, кога ќе излезат на гласање на 8-ми мај да имаат предвид дека преголема моќ за десничарска партија како ВМРО-ДПМНЕ ќе претставува сериозна закана за иднината на земјата. Лидерот на ВМРО-ДПМНЕ Христијан Мицкоски во првомајската порака истакна дека денес работничките права се прекршени и погазени. Смета дека државата многу малку води грижа за тие кои создаваат и се р’бетот на економијата, за мобингот врз работниците многу ретко се зборува, но најголемиот проблем се платите кои ги изеде инфлацијата и не се доволни ниту за половина од потребната потрошувачка кошница. Максим Димириевски од ЗНАМ од Пелинце го обвини раководството на СДСМ за ароганција, дека не ја прифатило подадената рака, за погазување на социјалдемократијата, илинденските и асномските левичарски вредности и принципи. Од СДСМ му одговорија дека тој е човек-партија кој одработува против своите довчерашни сопартијци, за личен интерес. Го обвинија за договарање соработка со ВМРО-ДПМНЕ и поддршка на Гордана Силјановска Давкова. Левица ја претстави својата програма пред Конфедерацијата на слободни синдикати. Тврдат дека се единствена партија на трудот, која даде поддршка на синдикалните протести и ги повикаа работниците да им дадат поддршка на претстојните избори. Партискиот лидер Димитар Апасиев очекува Левица двојно да го зголеми резултат од првиот круг на претседателските избори и да освои од 80 до 120 илјади гласови на парламентарните избори со проекција од осум до 12 пратеника зависно од излезноста. На следниот мандатар му порача дека основа за преговарање е Македонската платформа за национално единство. Европскиот фронт најави дека ветингот ќе биде услов за новата влада. Според нив, без воспоставување ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Европски фронт инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Од Коалиција „Храбро за Македонија“, пак, предизборно ветија економски мерки со таргет цената на лебот да биде 20 денари, на млекото 30, а на зејтинот 40 денари, како и намалување на даноците, нулта стапка оданочување за иновациски, информатички и високо технолошки знаења. Во меѓувреме течат активностите за спроведување на изборите на 8 мај. ДИК, според роковникот за изборните дејствија, вчера на овластено лице во МНР му го предаде гласачкиот материјал за гласање во ДКП-та. МНР, гласачкиот материјал на ДКП го доставува веднаш по приемот, а најдоцна до крајот не денов. Членовите на ИО во ДКП гласаат во ДИК три дена пред денот определен за одржување на изборите, односно на 4 мај (сабота). На 30 април заврши пријавувањето за гласање на болните и немоќните лица, а до 4 мај на полноќ тоа треба да го сторат и избирачите кои на денот на гласањето се наоѓаат на издржување мерка куќен притвор. Тие заедно со лицата кои се на издржување казна затвор или се во притвор, како и пријавените од дијаспората гласаат ден пред изборниот ден, на 7 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

„Конкуренцијата главно се занимава со злоупотреба на здравствениот систем во Македонија. Во секоја општина во ИЕ 4 има по еден јатак, едно лице кое го има задолжено да оди по луѓе и да ги прашува дали има здравствени проблеми и ако има здравствени проблеми да им закаже преглед или недај боже нешто посериозно и на тој начин го руши системот затоа што да му закажат на некого со врски кој е на пример од Демир Капија некој кој редовно чека да се прегледа на Мој термин а му е закажано пред три месеци дента џабе ќе оди на клиника во Скопје да се прегледа бидејќи овој со врски кој од мојата конкуренција ќе биде прегледан. Така што мојата конкуренција работи на дополнително уништување на здравствениот систем кој пепел го направи додека беше министер“, истакна потпретседателот и носител во ИЕ 4 од ВМРО-ДПМНЕ Александар Николоски во гостување во емисијата „Еспресо со Златев и Боцевски“ на радио Лидер. Николоски продолжи и додаде: „До први круг плаќаше преку пиар агенцијата Рејтинг по 100 евра од напишан текст за него. Јас тоа го зборував во кампањата интензивно, не демантираше тој ниту агенцијата Рејтинг, нити Никола Спасов. Имам кредибилни сознанија дека беа плаќани по 100 евра од објавен текст за него и тоа е кривично дело затоа што се работи за нелегално финансирање на изборна кампања. Но по првиот круг имајќи предвид резултатите секнаа и тие 100 евра и некако воопшто сега го нема“, вели Николоски. Николоски истакна дека има неколку помали политички партии од македонскиот кампус кои му слугуваат на Али Ахмети свесно или несвесно. „Има неколку помали политички партии од македонскиот политички кампус кои му слугуваат на Али Ахмети свесно или несвесно и му прават услуга, но дури и со нивното слугување пак нема да успее на Али Ахмети тактиката и стратегијата. Ако видите во првиот круг имаше седум кандидати за претседател, во вториот нормално влегуваат двајца според Уставот, од останатите 5 кандидати еден беше про владин тоа е Бујар Османи и четири беа про опозициски, овие четири до денес ја немаат поддржано Гордана Силјановска Давкова што е најнормалната работа да ја направат ако се опозиција. Што значи дека или немаат елементарно чувство за државата или се заслепени од сопствениот неуспех и тоа што не можат да си го признаат неуспехот или свесно или несвесно работат за ДУИ и Али Ахмети односно за власта“, дециден е Николоски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Враќање на режимот на ДПМНЕ во најава, би значела сигурна блокада на Македонија и внатрешни етнички тензии, што би и нанело огромна штета на иднината на државата – велат денеска од СДСМ. Тие додаваат: Преголема моќ за десничарска партија како ДПМНЕ која воопшто не е променете, ќе претставува сериозна закана од враќање на заробена држава, поделби, уцени и закани. Гласот ЗА СДСМ е глас за чување на темелите на државноста, демократските вредности, внатрешната кохезија, стабилни етнички односи, безбедна и европска иднина на Македонија. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На 9 мај во Чифте амам, во 19 часот ќе се отвори самостојната изложба на уметникот Камуран Горанци. Ова е одлична можност да се запознаете со талентираниот уметник и да го искусите неговото креативност и изразност преку неговите дела. На изложбата ќе бидат претставени вкупно 22 дела, изработени во техниката акрилик на платно, кои се произведени во периодот од 2020 до 2024 година, најавува Националната галерија. Камуран Горанци, уметник-сликар и продуцент, Албанец од Косово. Роден во Призрен на 28.07.1955 г. Дипломирал на Академијата за уметности на Универзитетот во Приштина во 1977 година, на отсекот сликарство на професорот Муслим Мулиќи. Додека магистрирал во Белград во 1981 година и се здобил со звање академик, магистер по сликарство. Од 2002 година живее и работи во Приштина, работи во Министерството за култура, млади и спорт како раководител на Секторот за изведувачки, музички и визуелни уметности во Секторот за култура. Во 2011 година на јавниот конкурс на МКРС е избран за директор на Одделението за култура, функција која ја извршува до ноември 2015 година. Продуцент е и на три играни филмови како што се: Филмот „Жедта на Косово“ во режија на Сунај Рача – 2005 година; Филмот „АНАТЕМА“ на режисерот Агим сопи – 2006 година и филмот „Три прозорци и бесење“ на режисерот Иса Ќосја – 2014. Во 2017 година заедно со своите колеги го основа Здружението за визуелни уметности на Косово и е Претседател на Здружението. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Дипика Падуконе, една од најуспешните боливудски актерки и годишно заработува 96 милиони долари ја поврзуваа и со Новак Ѓоковиќ. Се започна откако таа со одбрани зборови проговори за Новак. Ме шармираше на прв поглед! Знам дека е зафатен човек, има деца, но никогаш нема да го заборавам времето што го поминав со него. Беше шармантен, љубезен и крајно смешен. Кога ќе го комбинирате тоа со самодовербата на маж кој е најдобар на светот во она што го работи, можете да видите зошто ниту една жена не може да му одолее. Никогаш не сум сретнал некој како него! Затоа Ноле засекогаш ќе остане мојата најголема љубов-рече Дипика. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Со заем од Германската развојна банка (KfW) од 20 милиони евра и грант од 5 милиони евра преку Програмата за регионална енергетска ефикасност за Западен Балкан на Европската Унија почна реконструкцијата на студентскиот дом „Кузман Јосифовски-Питу“ во центарот на Скопје, соопшти Министерството за образование и наука (МОН). фото: МОН Активностите ги споревдува австриската компанија „Штрабаг“, како најповолен понудувач на меѓународниот тендер, со која на почетокот на годината Министерството за образование и наука потпиша договор. За 18 месеци објектот ќе добие подобрена одржливост, ќе биде енергетски ефикасен што значи ќе придонесе за почиста животна средина, но и ќе обезбеди финансиски заштеди. Ова е прва фаза од проектот за енергетски ефикасна рехабилитација на државните студентски домови во Македонија. Наскоро ќе започне и реконструкцијата на „Стив Наумов“ во Скопје, а потоа, во следните две фази ќе се реконструираат уште 7 други студентски домови во Скопје, Прилеп, Битола, Штип и Охрид, велат од МОН. фото: МОН Предвидена е промена на водоводната инсталација отстранување на причините за појава на влага во објектите, промена на комплетната електрична инсталација и поставување на енергетски ефикасни LED светилки, промена на инсталацијата за греење, комплетна промена на санитаријата, изработка на енергетски ефикасни фасади на објектите, поставување на фотоволтаици за производство на електрична енергија, а ќе се опремуваат и соби за студенти со посебни потреби. фото МОН Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Хрватскиот бенд „CODE 369“ ќе настапи на сцената на Филхармонија на 7-ми мај како дел од манифестацијата Скопски градски фестивал . Миленици на регионалните медиуми, на концертот ќе го промовираат нивниот последен албум издаден од хрватската Croatia Records. Нивната музичка мисла е на границата меѓу алтернативниот рок и комерцијалната рок и поп музика, задржувајќи ја свежината, слободата и авангардните идеи од првата категорија и прифатливоста на втората. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вапсањето црвени јајца за Велигден е најраспространетата традиција во сиот христијански свет. Вапсањето започнува денеска на Велики Четврток. Домаќините, рано наутро, пред изгревањето на Сонцето ги бојадисуваат првите три црвени Велигденски јајца. Оваа црковна традиција потекнува од првиот век по Христа, односно тоа се практикувало уште во времето на светите апостоли – христовите ученици и нивните наследници. За тоа ни сведочи Светото Предание. Велигденското јајце е старо колку и Христијанството, вели за МИА професорот на Богословскиот факултет во Скопје, Ратомир Грозданоски. Објаснувајќи го значењето на црвеното јајце и зошто е земено за традиција, Грозданоски појаснува дека велигденското јајце црквата го прифатила во својата традиција и практика како симбол на Христовото воскресение. Првите Христијани и современици на апостолите почнале да вапцуваат јајца и да ги подаруваат на Велигден, поздравувјаќи се со радосниот поздрав Христос Воскресе! На тоа отпоздравувале: Вистина воскресе! Така поздравувајќи се, првиот ја соопштува веста за Христовото воскресение, додека вториот ја потврдува, а всушност и двајцата ја исповедуваат својата вера во Воскресението. Оваа практика и до ден -денес е запазена во Светото Православие, па верниците со овој поздрав се поздравуваат се до Вознесението Христово, Спасовден. Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта. Црвената боја ја претставува божјата сила и моќ, а воедно ја симболизира и Христовата крв, која Исус ја пролеал на крстот за спасение на сите луѓе на земјава. Бојата на јајцето не потсетува и на крвта Христова и на спасението. Новиот коронавирус беше една од темите на денешниот состанок на Светиот синод на Грчката православна црква и соопштуваат дека „причестувањето не може да биде причина за пренесување на болести Според хронологијата на Христовите настани забележани во Евангелието се знае дека на Велики Четврток, Господ Исус Христос на Тајната вечера ја востановил Светата тајна Причест (Евхаристија), земајќи ги за основа лебот и црвеното вино, кои се претвораат во Христовото тело и крв. Оваа света тајна – Евхаристијата е дадена за спасение на луѓето, а за основа ја има Христовата крв. Затоа црвената боја, симболизирајќи ја Христовата крв од светата причесна ги украсува и Велигденските јајца. Како што бојадисаните црвени јајца од Велики Четврток се јасна најава на блискоста до Велигден, така и тогаш, на Велики Четврток на Тајната вечера, Христос јасно најавил и кажал дека наскоро ќе биде предаден, ќе пострада и ќе воскресне. Според Светото Предание, се смета дека Марија Магдалена, една од жените мироносици прва го започнала овој обичај за Велигденските црвени јајца, вели Грозданоски, говорејќи за почетокот на традицијата на вапцување велигденски јајца. Се вели дека Марија Магдалена наскоро по Христовото вознесение (Спасовден) го напуштила Ерусалим и тргнала по светот да го проповеда Евангелието. Во Рим таа побарала да појде и кај римскиот император Тивериј, со цел да му раскаже на царот за Господа Исуса Христа. На средбата, таа на царот најнапред му подарила едно црвено јајце и го поздравила со зборовите: Христос Воскресе. Потоа му раскажала за се што ги учел Христос, за неговите добри дела и чуда што ги правел на луѓето. Вапсањето црвени јајца за Велигден е најраспространетата традиција во сиот христијански свет. Вапсањето започнува денеска на Велики Четврток. Домаќините, рано наутро, пред изгревањето на Сонц Следејќи го нејзиниот пример, првите христијани започнале да си подаруваат црвени јајца на празникот Велигден и притоа да се поздравуваат: Христос Воскресе – Вистина Воскресе! Православните христијани на Велигден подарувајќи си црвено јајце еден на друг или кршејќи се со него, всушност го симболизираат Христовото Воскресение и нашето спасение: победата над смртта – смрт на смртта. Затоа, овој обичај е израз на вера во Христовото Воскресение и вера во воскресение на мртвите. Тоа е надежта во спасението и идниот живот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Изјавата на српскиот претседател Александар Вучиќ дека „40 часа работа се малку“ и дека треба да се работи повеќе неделно, покажува дека претседателот на Србија ја презира работничката класа, а ставот што го искажа заслужува најостра осуда, сметаат соговорници на весникот „Данас“. При своето обраќање до јавноста во вторникот, на 29 април, претседателот Вучиќ, меѓу другите, одговори на новинарско прашање како го коментира воведувањето седумчасовно работно време во Црна Гора. Претседателот на Србија рече дека тоа му се „ласка на народот“, а потоа продолжи. – Кај мене дојде политичка партија и еден од условите за соработка со СНС беше да не се работи во недела, а работното време да се намали на седум часа. Уште малку, за да не се работи воопшто…Како е можно за 35 часа берење малини да се направи истото како за 40 часа. Патем, мислам дека 40 часа се кратко време за работа и не ме интересира што мислеа работниците во Чикаго. Мора да се работи повеќе – рече Вучиќ. Таквиот став на Вучиќ предизвика револт во јавноста, а соговорниците на Данас нагласуваат дека најнавредлив дел од тоа што го кажа е омаловажувањето на работниците од Чикаго кои на демонстрациите одржани на 1 мај 1886 година го истакнаа барањето за осумчасовна работа. Претседателот на Обединетите синдикати на Србија „Слога“ Жељко Веселиновиќ за Данас вели дека тоа е целосен скандал и пресметана изјава на претседателот Вучиќ, која не случајно била дадена два дена пред одбележувањето на Меѓународниот ден на трудот. – Со таа изјава Вучиќ покажа дека ја презира работничката класа и воопшто не се грижи за интересите на нејзините членови. Претседателот на Србија често искажува силно антиработнички ставови, а своевремено зборуваше многу пофално за поранешната премиерка на Велика Британија, Маргарет Тачер, која за време на нејзиното владеење направи низа потези кои беа погубни за интересите на Британците, работничката класа и синдикалното движење во таа земја. Вучиќ не се грижи за работниците и не го интересира нивната позиција, а упорно се залага дека неделата мора да остане работен ден за трговците, одбивајќи да го скрати работното време, толерирајќи минимална плата помала од износот на минималната потрошувачка кошничка итн. дека единствено што го интересира е интересот на странските инвеститори – вели соговорникот на Данас. Според него, Вучиќ на најгруб начин ги исмева традициите на работничкото движење и неговите членови кои ги загубија животите во борбата за социјална правда и подобри услови за работа. -Изјавата што ја даде бара заедничка осуда на сите синдикалци во земјава. Но, имајќи предвид дека во Србија нема волја кај сите синдикати за заедничка реакција во вакви и слични ситуации, иако тоа би требало, за жал тоа нема да се случи – вели Веселиновиќ. Економскиот аналитичар Бранко Павловиќ вели дека изјавата на претседателот Вучиќ е за осуда и покажува дека државниот врв на Србија е целосно исклучен од реалноста, односно фактот дека вработените во државата работат напорно и живеат многу тешко. – Посебно е за осуда затоа што кажаното ја омаловажува борбата за работнички права во која луѓето ги загубија животите за да даде резултати. Генерации работнички активисти се залагаа за осумчасовна работна недела, осум часа одмор и осум часа слободно време. Остро е за осуда што ваквата изјава ги напаѓа тие достигнувања. Во Србија голем број работници работат повеќе од 40 часа неделно, наместо бројот на работни часови да се намалува со развојот на вештачката интелигенција и роботиката – нагласува тој. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Годинава, на 69. издание на Стериино позорје, ансамблот на Народен театар Битола ќе се натпреварува со претставата „Брод за кукли“ на Милена Марковиќ, во режија на Кокан Младеновиќ. Фестивалот ќе се одржи од 26 мај до 3 јуни во Нови Сад. Во претставата играат: Сандра Грибовска Илиевска, Викторија Степановска Јанкуловска, Илина Чоревска, Катерина Аневска Дранговска, Валентина Грамосли, Петар Спировски, Мартин Мирчевски, Никола Пројчевски, Марјан Георгиевски, Филип Мирчевски, Живко Борисовски, Огнен Дранговски, Петар Горко и Никола Стефанов. „Брод за кукли“ е приказна за една или сите женски судбини, или за сите човечки судбини – како една жена го доживува својот живот како серија за неостварени бајки. Во процесот на селекција д-р Ана Тасиќ, театролог и театарски критичар информира дека погледнала 70 претстави од Словенија, Хрватска, Босна и Херцеговина, Црна Гора, Македонија, Унгарија и Србија, а приоритетен критериум во изборот на претставите бил нивниот уметнички квалитет, вредноста на драмскиот текст, режијата, глумата, музиката, сценографијата и костимите, а како единствен македонски претставник избран е НУ Народен театар-Битола. Стериино позорје е еден од најначајните фестивали во регионот. На оваа престижна манифестација ќе се натпреваруваме по пауза од 33 години и повторно во силна конкуренција. Учеството на фестивалот го сметам како еден од најголемите успеси во поновата историја на Народен театар-Битола и македонскиот театар воопшто. Селекцијата што ја направи селекторката Ана Тасиќ сама по себе за нас претставува признание за нашата идеја континуирано да создаваме театар кој е жив, актуелен и говори гласно. Претставата „Брод за кукли“ на Милена Марковиќ во режија на Кокан Младеновиќ е бајка без среќен крај. Инисценции на текстот се видени неколку пати низ годините на Стериино позорје, и не се сомневам дека тоа ќе биде интересно како за публиката, така и за жирито кое ќе ја оценува нашата претстава. Се надевам на успех, истакна за МИА, Иван Јерчиќ, директор на НУ Народен театар-Битола. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Аргентинските археолози наводно го пронаше гробот на еден од најголемите негативци во историјата, Адолф Хитлер, на приватен имот во средината на шумата, на 60 километри од која било цивилизација и првиот град Сан Карлос де Барилоче, а тоа откритие е поткрепено со Доказ на ФБИ. Официјално, Хитлер починал на денешен ден, 30 април 1945 година, меѓутоа, многу теории го оспоруваат таквото нешто. Археолозите од Аргентина го пронашле гробот на 70 метри од имотот во шумата, украсен со свастика, орел и натпис „Тука лежи Адолф Хитлер, Фирер на Третиот Рајх“. Во 2014 година, американското ФБИ објави повеќе од 700 тајни документи, кои покажуваат дека тие го барале Хитлер 20 години по неговата наводна смрт. Имотот каде што научниците го пронашле гробот бил во сопственост на директорот на „Мерцедес“, кој бил и најголемиот поддржувач на нацизмот. Повеќе од 60.000 нацисти живееле во Аргентина, меѓу нив и креаторите на најсуровите нацистички логори на смртта. Меѓу нив, Јозеф Менгеле, еден од најголемите негативци во светот. Хитлер не се самоубил во својот бункер во Берлин, што било потврдено со ДНК анализа на череп во музеј во Русија, за кој се тврди дека е на Хитлер. Черепот воопшто не е машки туку женски, сега се шпекулира дека и припаѓа на Ева Браун, љубовницата на Хитлер-се наведува во извештајот. Реконструкцијата изгледа отприлика вака: По бегството од бункерот во Берлин, Хитлер преку подземните тунели стигнал до аеродромот „Темплтон“, оддалечен 400 метри од неговиот бункер. Тоа беше 7 дена пред неговото наводно убиство и ден пред Русите да го заробат „Темперлот“. На 21 април 1945 година од тој аеродром полетале 12 авиони во непознат правец. Еден пристигна во Галиција, во Шпанија, „неутрална“ земја со која владееше диктаторот, генералот Франко, најголемиот пријател на Хитлер, на кого Германија му даде милиони марки. Подморници У-62 го чекале Хитлер во пристаништето Виго – четворица ги превезуваа најважните луѓе на Рајхот, кои го придружуваа Хитлер, и нивниот имот во Аргентина, останатите биле поддршка.. Единствена и последна станица им биле Канарските Острови , шпанска територија, каде што се резервирани за патувањето во Аргентина. Тој беше префрлен во Аргентина, каде што наводно живеел до неговата смрт во 1984 година. Останува прашањето дали ова е точно или само една од многуте теории. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Каевски од голтар до милионер, фатен како прави милионски проневери како директор на Агенцијата за млади и спорт. Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување, велат од ВМРО-ДПМНЕ. Каевски е фатен на дело, и веќе на сите им е јасно зошто излегуваше и ширеше лаги и манипулации во јавноста. Тоа се кадрите на СДС, како Дарко Каевски, вмешани во криминал и корупција, се наведува во партиското соопштение. Од ВМРО-ДПМНЕ порачуваат: Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја! Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерката Петровска пред Велигден ги навреди загинатите македонски бранители од масакрот кај Вејце.Таа на митинг на СДСМ рече дека тие загинале поради ВМРО-ДПМНЕ а не поради тоа да ја одбранат државата. Загинаа зошто ваши генерали од Сдс ги предадова на Учките,набием те на кол ,дебела.@SlavjankaPetrov pic.twitter.com/gMEcRgSvr9 — MakedonKata. 🇲🇰 (@3_mkd024) May 1, 2024 Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Третото издание на Фестивалот на проза ќе се одржи на 30 и на 31 мај во Центарот за култура „Трајко Прокопиев“ во Куманово. На фестивалот покрај домашните писатели, ќе има гости од Бугарија, Србија и Црна Гора. Во склоп на фестивалот се плаирани работилници за најмалите, работилница за креативно пишување, две вечери дискусија за прозата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во рамките на Скопскиот поетски фестивал, чиешто четврто издание ќе се одржи од 29 мај до 1 јуни, и годинава ќе се организира преднастанот „Отскочна даска“ ‒ поетско читање за млади поети и поетеси. Како што соопштија организаторите од фестивалот, заинтересираните учесници треба да се на возраст од 16 до 25 години и да испратат куса биографија, фотографија со висока резолуција и две свои песни во Word на мејлот [email protected] најдоцна до 13-ти мај. Продолжуваме со поддршката за младите поети, за тие што можеби веќе се појавиле со по некоја песна во книжевно списание, ја објавиле својата прва стихозбирка или настапиле на некое поетско читање, но и за тие што можеби и не направиле ништо од сето тоа досега, давајќи им шанса да бидат прочитани, видени и слушнати на настан подготвен само за нив! Како и минатите години, така и оваа, врз основа на испратените песни ние ќе ги избереме учесниците на „Отскочна даска #3“, а тие меѓу себе ќе го одберат најдобриот, односно, ќе изгласаат кој млад поет или поетеса ќе отскокне до официјалното отворање на четвртото издание на СПФ и ќе чита како претставник на најмладата генерација заедно со другите повозрасни и етаблирани поети, соопштија од фестивалот. Имињата на одбраните поети ќе бидат објавени на 20 мај на фејсбук и на инстаграм страниците на фестивалот, а настанот ќе се одржи во кафе-книжарницата „Буква“ на 29 мај, со почеток од 20 часот. Одбраниот млад поет/поетеса ќе чита и на официјалното отворање на СПФ во МКЦ на 30 мај. Фестивалот е финансиски поддржан од Министерството за култура, а негови помагатели се Младинскиот културен центар – Скопје, градската библиотека „Браќа Миладиновци“ ‒ Скопје и кафе-книжарница „Буква“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Според календарот на МПЦ (Јулијанскиот календар) денеска е 16 април денеска е Велики Четврток. Денешниот празник е еден од базичните настани за Црквата. Сега се наоѓаме во средината на Страдалната седмица, седмица која е полна со важни настани за спасението на човекот. Во четвртокот од таа последна недела на Христовиот живот на земјата беше востановена животоносната тајна на Црквата тајната на Евхаристијата. Таа тајна е востановена во горната соба од една ерусалимска куќа, кога Христос зеде леб, го прекрши и им подаде на учениците, т.е. на апостолите, а зеде и чаша со вино и исто така им ја подаде да пијат, со што ја најави својата смрт и таинствениот трепет што треба да го имаат учениците, зашто по неговата смрт беше јасно дека нешто ќе се случи. Таа тајна е изворот на целокупното богослужење на Црквата, а нејзиниот централен дел е причестувањето со телото и крвта Христова. На трпезата е разрешено масло и вино. Постот на Велики Четврток се ублажува и, според Правилото, се допушта да се јаде зготвено со масло (зејтин) и се пие вино, до три чаши во денот. Традиционалниот пост, пак, во народот задржал постење строг пост и во овој ден, што не е забрането, но не е задолжително, бидејќи може да се јаде со зејтин. Во великата недела со обичаи и верувања особено е исполнет Велики четврток или Величетврток како што почесто се вика меѓу народот. Главен обичај што се изведува на овој ден и со посебно внимание е вапцувањето на велигденските јајца. Според обичајот најпрвин се вапцувале три јајца, а потоа и другите. В. Кличкова запишала дека во Порече, а тоа го среќаваме и во други краишта на Македонија, првото јајце било наменето на Господ и се викало Господово јајце, второто на домаќинот ‒ главата на семејството, а третото на стоката и бериќетот. Особено повеќе обичаи и верувања се поврзани со јајцето првак за кое се верува дека има магиска моќ. Тоа подоцна стои пред иконата, со него се враќа облак, се лекуваат болести кај луѓето и стоката, тоа заштитува од пожар, гром и сл. Јајцата ги вапцува домаќинката рано наутро пред да изгрее сонцето, зашто се верувало дека ако тоа се направело подоцна јајцата ќе се засмрдат. Вапцани пред да ги види сонцето, овие јајца, особено првакот, не се расипуваат и по неколку години. Кога ги вапцува јајцата домаќинката мора да има нешто јадено или да има каснато барем еден залак леб, зашто ако тоа го прави на гладно срце, јајцето може да ја разбие, да се разболи или да е несреќна, а и таа ако го разбие тоа ќе ја загуби магиската моќ. Насекаде во Македонија, на Велики четврток, рано пред изгрејсонце, првото јајце се става во сито и се обесува на дирекот од куќата или на друго место спроти сонце за да го видат првите сончеви зраци. Во некои краишта во ситото ставаат едно во други две или три јајца. Исто така, во некои краишта во ситото ставале и жито, некаде и срп за богат бериќет или сукало, за да се сучи касметот. Ситото било покривано со црвен машки појас или со друга ткаенина но секогаш со црвена боја. По вапсувањето на јајцата, но пак рано пред изгрејсонце, домаќинката го земала јајцето првак и на децата, уште додека биле в постела, им минувала три пати по лицето зборувајќи: „Црвено бело дебело“ или: „Црвено бело здраво и живо“, што значи да се дебели како јајцето, но и црвени во образите, што е ознака за здравје и напредок. Во Скопско, како што запишала Милица Георгиева, јајцата се бојадисувале не само пред сонце туку и пред да удрело клепалото од црквата зашто таквите јајца помалку се кршеле и подолго време не се расипувале. Е. Спространов сведочи дека во Охрид вечерта се носеле во црквата неколку црвени јајца „за да чует дванајсет ванѓељја“, а потоа едно од нив закопувале во нивата или во лозјето „за бериќет“. И Стефан Тановиќ во записите од Гевгелиско сведочи за одење во црквата каде што се слушале дванаесетте евангелија, а за тоа време секој во рацете држел свеќи. Таа свеќа, пак, што се држела додека се читало последното евангелие се носела дома и од неа се палело кандилото пред иконата. Со Велики четврток се поврзани и други обичаи и верувања. Така на пр. Стефан Верковиќ забележал дека во с. Мачуково, во егејскиот дел на Македонија, „таа ден колко црни кокошки снесат јајцата, и бележуват сус кониц, да напкум ʼи закопуват уф лозјата, за да не ʼи удре грат“. Кузман Шапкарев забележал обичај според кој малите моми замесувале за прв пат тесто, кое потоа со црвените јајца (чиј број бил колку што имало членови семејството) го носеле во црквата за таму да преспие додека се читале дванаесетте евангелија. Со тој квасец по празникот замесувале леб. На Велики четврток се запотнува, како што тоа се прави на сите Величетвртоци до Спасовден кога и не се работи, како што запишал Е. Спространов „за да не бијат град“. Запотнувањето се прави на тој начин што се става потка на клучките од вратите, потоа на долапите, стомните, грнците, амбарите, каците, бочвите и други места. За потка се користат билки за кои се верува дека имаат волшебна моќ како што се: кукурек, вратика, челинок, понекогаш се запотнува со гранки од леска, дрен, и др. Се запотнува за здравје но и со верување дека на тој начин луѓето, стоката и објектите ќе се заштитат од разни болести, несреќи, елементарни непогоди и сл. На Велики четврток се изведуваат и други обичаи. На пр. се јаде пресен зелник со зелје, потоа девојките си ги мијат косите, а во водата ставаат црвено јајце и здравец, за здравје. Во Мариово, како што запишал Милан Ристески, овчарите потстригувале неколку овци за потоа да стрижат во четвртоците, жените заплевувале во нивјето за потоа и тие да можат да плеват во овие денови, а мажите уште и оделе по дрва но без секира за да не треска град. Во Радовиш според записите на З. Делиниколова на овој ден вапцуваат јајца за Велигден. Секоја домаќинка јајцата што се одредени за вапцување ги пребројува уште во средата наутро, ги става во чиста вода да се киснат – за да им излезат нечистотиите. Приквечер ги варат јајцата во вода, ги мијат и ги бришат. Тогаш се пригитвува и бојата „бакам“ која ја купуваат од продавниците. Бакамот е црвена боја во форма на корупки од фамилијата на некои растенија, махунарки, кај нас се увезува од Мала Азија. За да си ја пушти подобро бојата бакамот се става од вечер во ладна вода „да кисне“ со која утредента јајцата се вапцуваат црвено. Во поново време јајцата се вапцуваат со други аналински бои: модри, зелени, жолти, шарени и др. До неодамна за бојадисување се користеле лушпи од кромид кои исто така претходно се киснат во вода за да пуштат боја –жолта. Според кажувањето на постари жерни од градот вистински велигденски јајца се само црвените. Жолтите се сметаат за еврејски, а боењето јајца во други анилински бои продрело од скоро време во градот. Изутрина на Вели Четврток секоја домаќинка станува рано, пред сонце, тихо за да не ја чуе никој од домашните, а особено децата. Запалува огин и го става на огин раскиснатиот бакам да зоврие, на кој му додава и стипса за да фати бојата. Најнапред пушта еедно јајце – јајцето на дедо Господ – Господово јајце, со кое оди кај децата кои сеуште спијат и ги гали по лице со зборовите: Црвено бело здраво-живо, а потоа го зема јајцето, го става на некое ткаено или плетено црвено парче спроти сонце – на источната страна на куќата и се враќа да ги бојадисува и другите јајца. Тоа го прави на брзина дури не огреало сонцето, за да не се усмрдат. Ако сака домаќинката јајцата да светат ги брише отпосле со зејтинлија крпа. Истиот ден се приготвуваат и слатки за Велигден. Се месат „пупи“ – вид бисквити и гевреци. Овие месени работи се приготвуваат скришум од децата, за да не каснат, зашто е грех да се омрсат пред Велигден. Обичај е на Вели четврток да се касне посен зелник со зелје. Зелниците се месат поручек, за да бидат готови за вечета. Девојчињата и невестите си ги мијат косите сус црвено јајце и здравец – за здравје. По вечера одат во црква на „дванајсет еванѓелии“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

† СТЕФАН, ПО МИЛОСТА БОЖЈА, АРХИЕПИСКОП ОХРИДСКИ И МАКЕДОНСКИ, ЗАЕДНО СО СВЕТИОТ АРХИЈЕРЕЈСКИ СИНОД, ПО ПОВОД ВЕЛИГДЕНСКИТЕ ПРАЗНУВАЊА, ИСПРАЌА МИР И БЛАГОСЛОВ ОД БОГА ДО СВЕШТЕНОСЛУЖИТЕЛИТЕ, ДО МОНАШТВОТО И ДО СИТЕ ЧЕДА НА МАКЕДОНСКАТА ПРАВОСЛАВНА ЦРКВА – ОХРИДСКА АРХИЕПИСКОПИЈА Денес сето создание се весели и се радува, зашто – Христос воскресна[1]. Возљубени празникољупци, Христовото воскресение е смислата на нашето севкупно постоење! Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата. Господ Исус Христос, со Своето воскресение од мртвите, ни го осмисли нашиот живот, и не само овој – земниот, туку и небесниот, односно ни го дари вечниот живот во Неговото Царство. Токму преку Христовото воскресение се одгатнаа сите загатки со коишто, уште од паѓањето во грев, се соочуваше немоќното и безутешно човештво, а коишто завршуваа со суровоста на смртта. Ете, токму преку тоа Чудо над чудата, ние, луѓето, од смртни станавме бесмртни[2] и ни беше овозможено трајно да се ослободиме од прангите на смртта и да се упатиме кон Оној Kojшто и самиот е Живот[3] – кон Христа Животодавецот. Возљубени сорадосници во Христа воскреснатиот, Радоста, којашто извира од тајната на Христовото воскресение и којашто, еве, сите ние, како христијани, ја сведочиме повеќе од две илјади лета, е неизмерна. Но, оваа неискажлива и преславна радост[4] не треба да биде минливо чувство, коешто ќе нѐ обземе само во овие празнични дни, туку, напротив, треба да ни постане начин на живеење и на постоење. Впрочем, и самото христијанство е вера на радоста! Ако не постои радост, тогаш не постои ни вистинско христијанство; ако немаме радост во нас и помеѓу нас, тогаш не сме ни вистински христијани, ни вистински учесници во Христовото воскресение, ниту, пак, вистински следбеници на Христа. Според тоа, доколку сакаме да бидеме доследни подражатели на Христа и да врвиме по Неговите стапки, тогаш ќе мора да си ги земеме врз себе нашите животни крстови и, минувајќи низ сопствените голготи, истите да ги поднесеме докрај, и тоа со радост. Само на тој начин, во нашите души – и покрај сите животни премрежја, искушенија и предизвици – ќе ја почувствуваме бескрајната радост од Неговото воскресение и ќе заживееме со несфатливата и непреодна радост на вечниот живот. Возљубени чеда во Господа, Тајната на Христовото воскресение најмногу се открива во дарот на простувањето. Та, можно ли е вистински да го празнуваме Велигден – Празникот над празниците – ако не простуваме и ако не бараме да ни простат!? Можно ли е да водиме христијански живот и да се нарекуваме христијани ако во нашите срца се вгнездени злопамтивоста и одмаздољубивоста или, пак, ако во нашите души се всадени гневот и лутината!? Тоа е – невозможно! Да се живее вистински христијански живот – живот според Евангелието – значи да се постане обновен човек во Христа[5] и да се чекори по патот на богољубието и човекољубието – по патот којшто води кон Царството небесно. Затоа, што е можно поскоро, да се угледаме кон сите оние коишто низ вековите Го возљубија Бога, а го возљубија и својот ближен, да се угледаме на нивниот богоугоден живот, во којшто особено се истакнува подвигот на човекољубието и на простувањето, па – со силата на Христовото воскресение – и сите ние, коишто се именуваме со Неговото име, да го возљубиме својот ближен и секому сѐ да простиме[6] за, на тој начин, да станеме наследници на вечниот живот[7]. Возљубени чеда на Мајката Македонска Црква, Доколку се обѕрнеме во нашето историско раздобје, ќе воочиме огромни подеми и падови, како на црковен, така и на национален план. Впрочем, македонскиот народ, со Божја помош и поткрепа, успевал и сѐ уште успева достоинствено да ги извојува сите битки и да им одолее на сите непријателски настроенија, исполнети со лукави намери и со зли цели; и, притоа, со крената глава да продолжи по патот кон Бога – кон Изворот на добрините и на правдата. Та, кој ќе се осмели да нѐ оспори како македонски народ и како македонска држава!? Со кое право некои сѐ уште се обидуваат да ни ги одрекуваат историјата и традицијата, јазикот и верата, кога сета македонска почва е напоена со просветителските дејанија на македонските црковно-просветни дејци, со истрајноста на сите наши родобранители, со крвта на недобројните наши маченици и со благоверието на мноштвото исповедници и поборници за зачувување на Православието на ова свето македонско тло!? Но, како што не потклекнаа нашите прадедовци, така и ние – како нивни потомци и како доследни пазители на аманетот доверен од нив – да не дозволиме отстапки пред оние коишто постојано посегнуваат по нашето најсвето; пред оние коишто гледаат да го зграбат она коешто со векови макотрпно е градено и коешто е сочувано до денешни дни. Наша должност и обврска треба да ни биде да им се спротивставуваме на сите оние коишто на секаков начин се трудат да ни го одземат она за коешто се дадени многу жртви и коишто се желни да ни ги приграбат: и историјата, и земјата, и културата, и јазикот и сѐ што е наше – македонско. Затоа, што е можно побргу, да се освестиме и да се обединиме како народ, и молитвено да притекнеме кон Бога и кон закрилникот на нашата најсвета автокефална Охридска и Македонска Црква – кон светиот Климент Охридски, та, по примерот на нашите предци, да се избориме со сите неприлики со коишто катадневно се соочуваме. Но, сето ова ќе го постигнеме само ако си ги зацврстиме единството, слогата и сплотеноста, односно само ако трајно ги надминеме внатрешните разногласија и меѓусебните поделби и несогласувања. Возљубени родољупци, Ова лето Господово достојно ќе одбележиме и повеќе годишнини, коишто се изнедрени од пазувите на нашето богато и славно минато. Меѓу нив, најпрво ќе си припомниме за Беласичката битка, од 1014-тата, којашто, всушност, е неделиво поврзана со градењето и со запазувањето на нашата долговековна историска посебност, а ќе се присетиме и на бележитите одлуки од Првото заседание на АСНОМ, одржано во манастирот „Свети Прохор Пчињски“, во 1944година. Исто така, ќе ги прославиме и 860-годишното постоење на велелепниот манастир „Свети великомаченик Пантелејмон“ во Нерези, Скопско, како и 100-годишнината од замонашувањето на возобновителот на Охридската Архиепископија во лицето на Македонската Православна Црква – блаженоупокоениот Архиепископ Доситеј. Еве, токму овие незаборавни настани нека ни бидат силен поттик за обнова на нашата црковно-национална самосвест, а истовремено нека ни бидат и постојани потсетници за она за коешто се бореле многу наши поколенија, а за коешто останува и ние да продолжиме да ги чуваме – нашата Татковина Македонија и нашата Македонска Црква. Нека незаодната светлина од празникот на Христовото воскресение – Велигден, ни биде нераскинлива нишка којашто ќе нѐ поврзе сите Македонци – и овде, во Татковината, и насекаде каде што нашинците се иселени по светот – во единството на троедната љубов: во богољубието, братољубието и родољубието, та едногласно да воскликнеме пред сиот свет: Христос воскресе! † СТЕФАН АРХИЕПИСКОП ОХРИДСКИ И МАКЕДОНСКИ заедно со членовите на Светиот архијерејски синод на Македонската Православна Црква – Охридска Архиепископија † ПЕТАР, Митрополит Преспанско-пелагониски и администратор Австралиско-новозеландски † ТИМОТЕЈ, Митрополит Дебарско-кичевски и администратор Австралиско-сиднејски † НАУМ, Митрополит Струмички † АГАТАНГЕЛ, Митрополит Повардарски † ЈОВАН, Митрополит Крушевско-демирхисарски † МЕТОДИЈ, Митрополит Американско-канадски † ПИМЕН, Митрополит Европски † ИЛАРИОН, Митрополит Брегалнички † ЈОСИФ, Митрополит Тетовско-гостиварски † ГРИГОРИЈ, Митрополит Кумановско-осоговски † ЈОАКИМ, Епископ Дељадровско-илинденски † МАРКО, Епископ Делчевско-каменички —————— [1] Припев на IX песна од Пасхалниот канон. [2] Сп. Свети Климент Охридски, Собрани дела: Слова, поуки, житија, Скопје 2012, 300. [3] Сп. Јн 14, 6. [4] Сп. 1 Птр 1, 8. [5] Сп. 2 Кор 5, 17. [6] Сп. Пасхална стихира на Слава и ниње: „Ден е на Воскресение…“ [7] Сп. Тит 3, 7. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Христовото воскресение е смислата на нашето севкупно постоење! Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата. Господ Исус Христос, со Своето воскресение од мртвите, ни го осмисли нашиот живот, и не само овој – земниот, туку и небесниот, односно ни го дари вечниот живот во Неговото Царство. Токму преку Христовото воскресение се одгатнаа сите загатки со коишто, уште од паѓањето во грев, се соочуваше немоќното и безутешно човештво, а коишто завршуваа со суровоста на смртта. Ете, токму преку тоа Чудо над чудата, ние, луѓето, од смртни станавме бесмртни[2] и ни беше овозможено трајно да се ослободиме од прангите на смртта и да се упатиме кон Оној Kojшто и самиот е Живот[3] – кон Христа Животодавецот. Возљубени сорадосници во Христа воскреснатиот, (фото: Влада на РМ) Радоста, којашто извира од тајната на Христовото воскресение и којашто, еве, сите ние, како христијани, ја сведочиме повеќе од две илјади лета, е неизмерна. Но, оваа неискажлива и преславна радост[4] не треба да биде минливо чувство, коешто ќе нѐ обземе само во овие празнични дни, туку, напротив, треба да ни постане начин на живеење и на постоење. Впрочем, и самото христијанство е вера на радоста! Ако не постои радост, тогаш не постои ни вистинско христијанство; ако немаме радост во нас и помеѓу нас, тогаш не сме ни вистински христијани, ни вистински учесници во Христовото воскресение, ниту, пак, вистински следбеници на Христа. Според тоа, доколку сакаме да бидеме доследни подражатели на Христа и да врвиме по Неговите стапки, тогаш ќе мора да си ги земеме врз себе нашите животни крстови и, минувајќи низ сопствените голготи, истите да ги поднесеме докрај, и тоа со радост. Само на тој начин, во нашите души – и покрај сите животни премрежја, искушенија и предизвици – ќе ја почувствуваме бескрајната радост од Неговото воскресение и ќе заживееме со несфатливата и непреодна радост на вечниот живот. Возљубени чеда во Господа, Тајната на Христовото воскресение најмногу се открива во дарот на простувањето. Та, можно ли е вистински да го празнуваме Велигден – Празникот над празниците – ако не простуваме и ако не бараме да ни простат!? Можно ли е да водиме христијански живот и да се нарекуваме христијани ако во нашите срца се вгнездени злопамтивоста и одмаздољубивоста или, пак, ако во нашите души се всадени гневот и лутината!? Тоа е – невозможно! Да се живее вистински христијански живот – живот според Евангелието – значи да се постане обновен човек во Христа[5] и да се чекори по патот на богољубието и човекољубието – по патот којшто води кон Царството небесно. Затоа, што е можно поскоро, да се угледаме кон сите оние коишто низ вековите Го возљубија Бога, а го возљубија и својот ближен, да се угледаме на нивниот богоугоден живот, во којшто особено се истакнува подвигот на човекољубието и на простувањето, па – со силата на Христовото воскресение – и сите ние, коишто се именуваме со Неговото име, да го возљубиме својот ближен и секому сѐ да простиме[6] за, на тој начин, да станеме наследници на вечниот живот[7]. Возљубени чеда на Мајката Македонска Црква, Доколку се обѕрнеме во нашето историско раздобје, ќе воочиме огромни подеми и падови, како на црковен, така и на национален план. Впрочем, македонскиот народ, со Божја помош и поткрепа, успевал и сѐ уште успева достоинствено да ги извојува сите битки и да им одолее на сите непријателски настроенија, исполнети со лукави намери и со зли цели; и, притоа, со крената глава да продолжи по патот кон Бога – кон Изворот на добрините и на правдата. Та, кој ќе се осмели да нѐ оспори како македонски народ и како македонска држава!? Со кое право некои сѐ уште се обидуваат да ни ги одрекуваат историјата и традицијата, јазикот и верата, кога сета македонска почва е напоена со просветителските дејанија на македонските црковно-просветни дејци, со истрајноста на сите наши родобранители, со крвта на недобројните наши маченици и со благоверието на мноштвото исповедници и поборници за зачувување на Православието на ова свето македонско тло!? Но, како што не потклекнаа нашите прадедовци, така и ние – како нивни потомци и како доследни пазители на аманетот доверен од нив – да не дозволиме отстапки пред оние коишто постојано посегнуваат по нашето најсвето; пред оние коишто гледаат да го зграбат она коешто со векови макотрпно е градено и коешто е сочувано до денешни дни. Наша должност и обврска треба да ни биде да им се спротивставуваме на сите оние коишто на секаков начин се трудат да ни го одземат она за коешто се дадени многу жртви и коишто се желни да ни ги приграбат: и историјата, и земјата, и културата, и јазикот и сѐ што е наше – македонско. Затоа, што е можно побргу, да се освестиме и да се обединиме како народ, и молитвено да притекнеме кон Бога и кон закрилникот на нашата најсвета автокефална Охридска и Македонска Црква – кон светиот Климент Охридски, та, по примерот на нашите предци, да се избориме со сите неприлики со коишто катадневно се соочуваме. Но, сето ова ќе го постигнеме само ако си ги зацврстиме единството, слогата и сплотеноста, односно само ако трајно ги надминеме внатрешните разногласија и меѓусебните поделби и несогласувања. Возљубени родољупци, Ова лето Господово достојно ќе одбележиме и повеќе годишнини, коишто се изнедрени од пазувите на нашето богато и славно минато. Меѓу нив, најпрво ќе си припомниме за Беласичката битка, од 1014-тата, којашто, всушност, е неделиво поврзана со градењето и со запазувањето на нашата долговековна историска посебност, а ќе се присетиме и на бележитите одлуки од Првото заседание на АСНОМ, одржано во манастирот „Свети Прохор Пчињски“, во 1944година. Исто така, ќе ги прославиме и 860-годишното постоење на велелепниот манастир „Свети великомаченик Пантелејмон“ во Нерези, Скопско, како и 100-годишнината од замонашувањето на возобновителот на Охридската Архиепископија во лицето на Македонската Православна Црква – блаженоупокоениот Архиепископ Доситеј. Еве, токму овие незаборавни настани нека ни бидат силен поттик за обнова на нашата црковно-национална самосвест, а истовремено нека ни бидат и постојани потсетници за она за коешто се бореле многу наши поколенија, а за коешто останува и ние да продолжиме да ги чуваме – нашата Татковина Македонија и нашата Македонска Црква. Нека незаодната светлина од празникот на Христовото воскресение – Велигден, ни биде нераскинлива нишка којашто ќе нѐ поврзе сите Македонци – и овде, во Татковината, и насекаде каде што нашинците се иселени по светот – во единството на троедната љубов: во богољубието, братољубието и родољубието, та едногласно да воскликнеме пред сиот свет: Христос воскресе! † СТЕФАН АРХИЕПИСКОП ОХРИДСКИ И МАКЕДОНСКИ заедно со членовите на Светиот архијерејски синод на Македонската Православна Црква – Охридска Архиепископија Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ. Денеска, пак, е последен ден за објавување на резултати од анкети поврзани со учесниците во изборниот процес. Двајцата кандидати за претседател синоќа се соочија на предизборен ТВ дуел, со спротивставени ставови за уставните измени, ЕУ интеграцијата, името, настаните во Собранието од 27 април, состојбата во судството… Ќе го почитувам, но нема да го употребувам, рече Силјановска-Давкова за тоа каков ќе биде нејзиниот став кон уставното име Cеверна Македонија како иден шеф на државата. Во дебатата со противкандидатот Стево Пендаровски кажа дека ќе употребува Македонија и дека на тој начин не прави конфузија. Силјановска-Давкова ќе почитува, но нема да употребува Северна Пендаровски, пак, ѝ реплицираше дека е невозможно да не го употребува уставното име од говорницата во Обединетите нации, во ЕУ, НАТО и други меѓународни институции и дека тоа ќе доведе до исфрлање на државава од Алијансата. Кандидатите за претседател ги кажаа различните ставови и за уставните измени и за тоа дали преговорите со ЕУ се почнати или не. Според Пендаровски, тие почнале со одржувањето на првата меѓувладина конференција и рече дека не оди едно без друго Преговарачката рамка и промената на Уставот. Силјановска-Давкова, пак, го праша Пендаровски како може да ветува промена на Уставот кога тоа не е негова надлежност туку него може да го сменат само гласовите на пратениците во Собранието и, како што рече, „како никој не се сетил да им каже на оние од Советот и од Европската комисија и сите останати дека со тоа се рушат темелните вредности на ЕУ“. На прашањето која би била нејзината порака при прва средба со претседателот на Бугарија и со претставниците на Унијата, одговори дека ќе го потсети на Преамбулата на Договорот за пријателство и добрососедство, дека секој договор не е вечен и може да се смени и дека во Договорот „нема ниту еден збор за уставните измени“. Пендаровски во врска со внесувањето на Бугарите во Уставот посочи дека е услов што треба да се помине за да продолжат преговорите кои, рече се блокирани поради ставот на ВМРО-ДПМНЕ. Силјановска Давкова најави и дека како иден шеф на државата ќе го искористи механизмот на помилување на осудените за настаните во Собранието на 27 април 2017 година. Нејзиниот противкандидат од СДСМ и актуелен претседател Стево Пендаровски е против и смета дека амнестија за такво дело не треба да има. За него настаните од 27 април биле насилен чин, организиран од партијата која тогаш била на власт и обид за насилно уривање на уставниот поредок. Силјановска Давкова, пак, смета дека имало насилство и луѓето требало да бидат судени за тоа, но, како што наведе, далеку од умот и од правото е дека имало терористичко рушење на уставниот поредок. Кампањата за парламентарните избори, пак, вчера беше во знакот на одбележувањето на 1 Мај и ветувања за подобар статус на работниците, но и со меѓупартиски пораки и обвинувања. Претседателот на СДСМ, Димитар Ковачевски, од Првомајскиот пикник во Градскиот парк во Скопје порача дека „враќање на ВМРО-ДПМНЕ на власт значи режим во најава, сигурна блокада на Македонија и внатрешни етнички тензии, и ако се дозволи тоа, ќе ѝ се нанесе огромна штета на државата“. Тој ги повика граѓаните и сите прогресивни сили во земјата, кога ќе излезат на гласање на 8-ми мај да имаат предвид дека преголема моќ за десничарска партија како ВМРО-ДПМНЕ ќе претставува сериозна закана за иднината на земјата. Лидерот на ВМРО-ДПМНЕ Христијан Мицкоски во првомајската порака истакна дека денес работничките права се прекршени и погазени. Смета дека државата многу малку води грижа за тие кои создаваат и се р’бетот на економијата, за мобингот врз работниците многу ретко се зборува, но најголемиот проблем се платите кои ги изеде инфлацијата и не се доволни ниту за половина од потребната потрошувачка кошница. Мицкоски: Денес работничките права се прекршени и погазени, државата не води грижа за тие кои се р`бетот на економијата Максим Димириевски од ЗНАМ од Пелинце го обвини раководството на СДСМ за ароганција, дека не ја прифатило подадената рака, за погазување на социјалдемократијата, илинденските и асномските левичарски вредности и принципи. Од СДСМ му одговорија дека тој е човек-партија кој одработува против своите довчерашни сопартијци, за личен интерес. Го обвинија за договарање соработка со ВМРО-ДПМНЕ и поддршка на Гордана Силјановска Давкова. Левица ја претстави својата програма пред Конфедерацијата на слободни синдикати. Тврдат дека се единствена партија на трудот, која даде поддршка на синдикалните протести и ги повикаа работниците да им дадат поддршка на претстојните избори. Партискиот лидер Димитар Апасиев очекува Левица двојно да го зголеми резултат од првиот круг на претседателските избори и да освои од 80 до 120 илјади гласови на парламентарните избори со проекција од осум до 12 пратеника зависно од излезноста. На следниот мандатар му порача дека основа за преговарање е Македонската платформа за национално единство. Европскиот фронт најави дека ветингот ќе биде услов за новата влада. Според нив, без воспоставување ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Европски фронт инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Од Коалиција „Храбро за Македонија“, пак, предизборно ветија економски мерки со таргет цената на лебот да биде 20 денари, на млекото 30, а на зејтинот 40 денари, како и намалување на даноците, нулта стапка оданочување за иновациски, информатички и високо технолошки знаења. Во меѓувреме течат активностите за спроведување на изборите на 8 мај. ДИК, според роковникот за изборните дејствија, вчера на овластено лице во МНР му го предаде гласачкиот материјал за гласање во ДКП-та. МНР, гласачкиот материјал на ДКП го доставува веднаш по приемот, а најдоцна до крајот не денов. Членовите на ИО во ДКП гласаат во ДИК три дена пред денот определен за одржување на изборите, односно на 4 мај (сабота). На 30 април заврши пријавувањето за гласање на болните и немоќните лица, а до 4 мај на полноќ тоа треба да го сторат и избирачите кои на денот на гласањето се наоѓаат на издржување мерка куќен притвор. Тие заедно со лицата кои се на издржување казна затвор или се во притвор, како и пријавените од дијаспората гласаат ден пред изборниот ден, на 7 мај. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Според календарот на МПЦ (Јулијанскиот календар) денеска е 16 април денеска е Велики Четврток. Денешниот празник е еден од базичните настани за Црквата. Сега се наоѓаме во средината на Страдалната седмица, седмица која е полна со важни настани за спасението на човекот. Во четвртокот од таа последна недела на Христовиот живот на земјата беше востановена животоносната тајна на Црквата тајната на Евхаристијата. Таа тајна е востановена во горната соба од една ерусалимска куќа, кога Христос зеде леб, го прекрши и им подаде на учениците, т.е. на апостолите, а зеде и чаша со вино и исто така им ја подаде да пијат, со што ја најави својата смрт и таинствениот трепет што треба да го имаат учениците, зашто по неговата смрт беше јасно дека нешто ќе се случи. Таа тајна е изворот на целокупното богослужење на Црквата, а нејзиниот централен дел е причестувањето со телото и крвта Христова. На трпезата е разрешено масло и вино. Постот на Велики Четврток се ублажува и, според Правилото, се допушта да се јаде зготвено со масло (зејтин) и се пие вино, до три чаши во денот. Традиционалниот пост, пак, во народот задржал постење строг пост и во овој ден, што не е забрането, но не е задолжително, бидејќи може да се јаде со зејтин. Во великата недела со обичаи и верувања особено е исполнет Велики четврток или Величетврток како што почесто се вика меѓу народот. Главен обичај што се изведува на овој ден и со посебно внимание е вапцувањето на велигденските јајца. Според обичајот најпрвин се вапцувале три јајца, а потоа и другите. В. Кличкова запишала дека во Порече, а тоа го среќаваме и во други краишта на Македонија, првото јајце било наменето на Господ и се викало Господово јајце, второто на домаќинот ‒ главата на семејството, а третото на стоката и бериќетот. Особено повеќе обичаи и верувања се поврзани со јајцето првак за кое се верува дека има магиска моќ. Тоа подоцна стои пред иконата, со него се враќа облак, се лекуваат болести кај луѓето и стоката, тоа заштитува од пожар, гром и сл. Јајцата ги вапцува домаќинката рано наутро пред да изгрее сонцето, зашто се верувало дека ако тоа се направело подоцна јајцата ќе се засмрдат. Вапцани пред да ги види сонцето, овие јајца, особено првакот, не се расипуваат и по неколку години. Кога ги вапцува јајцата домаќинката мора да има нешто јадено или да има каснато барем еден залак леб, зашто ако тоа го прави на гладно срце, јајцето може да ја разбие, да се разболи или да е несреќна, а и таа ако го разбие тоа ќе ја загуби магиската моќ. Насекаде во Македонија, на Велики четврток, рано пред изгрејсонце, првото јајце се става во сито и се обесува на дирекот од куќата или на друго место спроти сонце за да го видат првите сончеви зраци. Во некои краишта во ситото ставаат едно во други две или три јајца. Исто така, во некои краишта во ситото ставале и жито, некаде и срп за богат бериќет или сукало, за да се сучи касметот. Ситото било покривано со црвен машки појас или со друга ткаенина но секогаш со црвена боја. По вапсувањето на јајцата, но пак рано пред изгрејсонце, домаќинката го земала јајцето првак и на децата, уште додека биле в постела, им минувала три пати по лицето зборувајќи: „Црвено бело дебело“ или: „Црвено бело здраво и живо“, што значи да се дебели како јајцето, но и црвени во образите, што е ознака за здравје и напредок. Во Скопско, како што запишала Милица Георгиева, јајцата се бојадисувале не само пред сонце туку и пред да удрело клепалото од црквата зашто таквите јајца помалку се кршеле и подолго време не се расипувале. Е. Спространов сведочи дека во Охрид вечерта се носеле во црквата неколку црвени јајца „за да чует дванајсет ванѓељја“, а потоа едно од нив закопувале во нивата или во лозјето „за бериќет“. И Стефан Тановиќ во записите од Гевгелиско сведочи за одење во црквата каде што се слушале дванаесетте евангелија, а за тоа време секој во рацете држел свеќи. Таа свеќа, пак, што се држела додека се читало последното евангелие се носела дома и од неа се палело кандилото пред иконата. Со Велики четврток се поврзани и други обичаи и верувања. Така на пр. Стефан Верковиќ забележал дека во с. Мачуково, во егејскиот дел на Македонија, „таа ден колко црни кокошки снесат јајцата, и бележуват сус кониц, да напкум ʼи закопуват уф лозјата, за да не ʼи удре грат“. Кузман Шапкарев забележал обичај според кој малите моми замесувале за прв пат тесто, кое потоа со црвените јајца (чиј број бил колку што имало членови семејството) го носеле во црквата за таму да преспие додека се читале дванаесетте евангелија. Со тој квасец по празникот замесувале леб. На Велики четврток се запотнува, како што тоа се прави на сите Величетвртоци до Спасовден кога и не се работи, како што запишал Е. Спространов „за да не бијат град“. Запотнувањето се прави на тој начин што се става потка на клучките од вратите, потоа на долапите, стомните, грнците, амбарите, каците, бочвите и други места. За потка се користат билки за кои се верува дека имаат волшебна моќ како што се: кукурек, вратика, челинок, понекогаш се запотнува со гранки од леска, дрен, и др. Се запотнува за здравје но и со верување дека на тој начин луѓето, стоката и објектите ќе се заштитат од разни болести, несреќи, елементарни непогоди и сл. На Велики четврток се изведуваат и други обичаи. На пр. се јаде пресен зелник со зелје, потоа девојките си ги мијат косите, а во водата ставаат црвено јајце и здравец, за здравје. Во Мариово, како што запишал Милан Ристески, овчарите потстригувале неколку овци за потоа да стрижат во четвртоците, жените заплевувале во нивјето за потоа и тие да можат да плеват во овие денови, а мажите уште и оделе по дрва но без секира за да не треска град. Во Радовиш според записите на З. Делиниколова на овој ден вапцуваат јајца за Велигден. Секоја домаќинка јајцата што се одредени за вапцување ги пребројува уште во средата наутро, ги става во чиста вода да се киснат – за да им излезат нечистотиите. Приквечер ги варат јајцата во вода, ги мијат и ги бришат. Тогаш се пригитвува и бојата „бакам“ која ја купуваат од продавниците. Бакамот е црвена боја во форма на корупки од фамилијата на некои растенија, махунарки, кај нас се увезува од Мала Азија. За да си ја пушти подобро бојата бакамот се става од вечер во ладна вода „да кисне“ со која утредента јајцата се вапцуваат црвено. Во поново време јајцата се вапцуваат со други аналински бои: модри, зелени, жолти, шарени и др. До неодамна за бојадисување се користеле лушпи од кромид кои исто така претходно се киснат во вода за да пуштат боја –жолта. Според кажувањето на постари жерни од градот вистински велигденски јајца се само црвените. Жолтите се сметаат за еврејски, а боењето јајца во други анилински бои продрело од скоро време во градот. Изутрина на Вели Четврток секоја домаќинка станува рано, пред сонце, тихо за да не ја чуе никој од домашните, а особено децата. Запалува огин и го става на огин раскиснатиот бакам да зоврие, на кој му додава и стипса за да фати бојата. Најнапред пушта еедно јајце – јајцето на дедо Господ – Господово јајце, со кое оди кај децата кои сеуште спијат и ги гали по лице со зборовите: Црвено бело здраво-живо, а потоа го зема јајцето, го става на некое ткаено или плетено црвено парче спроти сонце – на источната страна на куќата и се враќа да ги бојадисува и другите јајца. Тоа го прави на брзина дури не огреало сонцето, за да не се усмрдат. Ако сака домаќинката јајцата да светат ги брише отпосле со зејтинлија крпа. Истиот ден се приготвуваат и слатки за Велигден. Се месат „пупи“ – вид бисквити и гевреци. Овие месени работи се приготвуваат скришум од децата, за да не каснат, зашто е грех да се омрсат пред Велигден. Обичај е на Вели четврток да се касне посен зелник со зелје. Зелниците се месат поручек, за да бидат готови за вечета. Девојчињата и невестите си ги мијат косите сус црвено јајце и здравец – за здравје. По вечера одат во црква на „дванајсет еванѓелии“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Аргентинските археолози наводно го пронаше гробот на еден од најголемите негативци во историјата, Адолф Хитлер, на приватен имот во средината на шумата, на 60 километри од која било цивилизација и првиот град Сан Карлос де Барилоче, а тоа откритие е поткрепено со Доказ на ФБИ. Официјално, Хитлер починал на денешен ден, 30 април 1945 година, меѓутоа, многу теории го оспоруваат таквото нешто. Археолозите од Аргентина го пронашле гробот на 70 метри од имотот во шумата, украсен со свастика, орел и натпис „Тука лежи Адолф Хитлер, Фирер на Третиот Рајх“. Во 2014 година, американското ФБИ објави повеќе од 700 тајни документи, кои покажуваат дека тие го барале Хитлер 20 години по неговата наводна смрт. Имотот каде што научниците го пронашле гробот бил во сопственост на директорот на „Мерцедес“, кој бил и најголемиот поддржувач на нацизмот. Повеќе од 60.000 нацисти живееле во Аргентина, меѓу нив и креаторите на најсуровите нацистички логори на смртта. Меѓу нив, Јозеф Менгеле, еден од најголемите негативци во светот. Хитлер не се самоубил во својот бункер во Берлин, што било потврдено со ДНК анализа на череп во музеј во Русија, за кој се тврди дека е на Хитлер. Черепот воопшто не е машки туку женски, сега се шпекулира дека и припаѓа на Ева Браун, љубовницата на Хитлер-се наведува во извештајот. Реконструкцијата изгледа отприлика вака: По бегството од бункерот во Берлин, Хитлер преку подземните тунели стигнал до аеродромот „Темплтон“, оддалечен 400 метри од неговиот бункер. Тоа беше 7 дена пред неговото наводно убиство и ден пред Русите да го заробат „Темперлот“. На 21 април 1945 година од тој аеродром полетале 12 авиони во непознат правец. Еден пристигна во Галиција, во Шпанија, „неутрална“ земја со која владееше диктаторот, генералот Франко, најголемиот пријател на Хитлер, на кого Германија му даде милиони марки. Подморници У-62 го чекале Хитлер во пристаништето Виго – четворица ги превезуваа најважните луѓе на Рајхот, кои го придружуваа Хитлер, и нивниот имот во Аргентина, останатите биле поддршка.. Единствена и последна станица им биле Канарските Острови , шпанска територија, каде што се резервирани за патувањето во Аргентина. Тој беше префрлен во Аргентина, каде што наводно живеел до неговата смрт во 1984 година. Останува прашањето дали ова е точно или само една од многуте теории. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Времето денеска ќе биде променливо облачно. Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР. Минималната температура ќе биде во интервал од 6 до 12, а максималната ќе достигне од 18 до 25 степени. Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени. Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Шкендија е најголем добитник во 30. коло на Прва македонска фудбалска лига. Тетовци ги искористија денешните киксови на Струга ТЛ и на Шкупи и се искачија на првата позиција на три кола пред крајот на домашното првенство. Значајни бодови во борбата за опстанок освоија Вардар и Воска со гостински победи над директните ривали во долниот дел на табелата. Резултати на денешните натпревари од 30.коло во ПМФЛ: Брегалница – Вардар 0:3 Гостивар – Шкупи 2:0 Македонија ЃП – Воска Спорт 0.2 Шкендија – АП Брера 3:2 Силекс – Работнички 0:1 Тиквеш – Струга Трим Лум 3:2. Табела: Шкендија 58 бодови, Струга ТЛ 58, Шкупи 58 Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Maкедонија е меѓу ретките членки на НАТО што нема ниту еден борбен авион. Во наше друштво се само Црна Гора и Албанија кои исто така немаат ниту едно борбено летало. Поради тоа, македонското небо го чува Грција, а сега тоа ќе го прави и Италија.За разлика од нас Бугарија има 20, Унгарија 14, Словенија 9, Романија 23.Од земјите во регионот рекордери се Србија и Хрватска со 31 и 23 борбени летала. „Леопард“, „Абрамс“, „Бредли“: Русија на изложба ја покажа НАТО техниката заробена во Украина Хрватска скоро набави нови „Рафали“ од Франција а во тек на набавка е и Србија. Италија доаѓа на македонското небо бидејќи Грција досега нѐ чуваше на „диво“ Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Комисијата за Автомобилска одговорност при Министерство за Финансии, 15 години не дала препорака на Владата за корекција на цените на авто осигурувањето. Од Групација на осигурувањето при Стопанската комора на Македонија очекуваат институциите да покажат поголемо разбирање за работењето на осигурителниот сектор, да ги земат во предвид сите доставени детални и сеопфатни анализи за цените на авто осигурувањето, и да се дојде до решение кое ќе подразбира имплементирање на реални, пазарни цени, кои ќе овозможат непречно сервисирање на штетите, наборјуваат од Групацијата на осигурителни компании. Во минатото во повеќе наврати осигурителните компании преку Националното биро за осигурување своите анализи ги имаат доставено до надлежните институции Министерство за Финансии, Комисијата за Автомобилска Одговорност при МФ и Агенцијата за Супервизија на осигурувањето. Тие истакнуваат дека според Законот за Задолжително Осигурување во Сообраќајот, Член 46, Комисијата за Автомобилска Одговорност има обврска еднаш годишно да прави анализи за тековните состојби, и да доставува до Владата предлог за утврдување на минималната и максималната стапка на техничка премија за осигурување од автомобилска одговорност. Но, и покрај горенаведените одредби, Комисијата не заседава еднаш годишно и при тоа минималната и максималната стапка на техничка премија за осигурување од автомобилска одговорност не е променета веќе 15 години, поточно од 2008 година, кога беше намалена за 30%. Последната одлука за утврдување на минимална и максимална стапка на техничка премија за осигурување од автомобилска одговорност е донесена 09.09.2008 од страна на Владата на Република Македонија. Тоа подразбира непроменетост на цените за осигурување од автомобилска одговорност од 2008 година, или цели 15 години, период во кој бележиме општ пораст на цените од 61.5%. Фактот што голем дел од осигурениците имаат максимален бонус/намалување на премија од 50%, товарот од новите давачки кои ги плаќаат Осигурителните Компании, 2% према Фондот за здравствено осигурурување и 0,8% према регулаторот, порастот на минималната и просечната плата на вработените и на работната рака на сервисите и проценителите, во услови на замрзнати цени за авто одговорност ја доведува во прашање одржливоста и оправданоста на бизнисот Авто осигурување и долгорочното учество на осигурителните компании во овој сегмент. Дека постоечките цени се непазарни и неодржливи потврдуваат и од Националното биро за осигурување кои информираат дека осигурителната индустрија во делот на осигурување од автомобилска одговорност во 2023 претрпела загуба во износ од 176 милиони денари. Од таму се надеваат дека ќе се најде разбирање и дека ќе се земат предвид фактите и реалните анализи. Осигурувањето е исклучително важен фактор за развој на економијата и општествените текови во земјата и ги заштитува граѓаните, државниот имот и бизнис секторот од немили настани. Затоа тоа мора да биде одржливо, стабилно и целосно спремно да одговори на барањата на осигуренците. Исто така, јавноста треба да биде запознаена со податокот дека имаме најниска цена за авто осигурување во регионот. Во изминатите години е евидентиран раст на цените на автомобилите од 70% – 100%, на резервните делови за 100%, на платите за 83%, индексот на трошоците на живот од 2008 до 2023 година е зголемен за 52,83%, нето трошоците за спроведување на осигурувањето за 215%, што ги прави неодржливи цените на автомобилското осигурување. Осигурителните компании се надеваат дека Комисијата и Владата, односно Министерството за финансии, како професионални и кредибилни индтитуции, ќе направат уште еднаш сериозна анализа, и ќе ги земат во предвид сите факти и тековни состојби, и врз основа на нив ќе донесат препорака до Владата за промена на одлуката, и креирање реални цени. Во спротивно, работење по нереални и 15 години непроменети цени нема да биде од корист ниту на граѓаните ниту на бизнис заедницата, ниту на државата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Јан Облак би можел да го напушти Атлетико Мадрид. Според „AЅ“, словенечкиот голман го загубил статусот на незаменлив играч, а мадридскиот клуб е подготвен да ги слушне понудите за негов трансфер. Атлетико сака да го обнови својот тим во текот на летото и да се раздели со своите најплатени играчи. Платата на Облак е една од највисоките во клубот, голманот добива 10 милиони евра нето по сезона. Самиот голман знае дека Мадрид е подготвен да го продаде. Тој сака да се обиде во Премиер лигата доколку мора да го напушти сегашниот тим. Забележано е дека Атлетико е заинтересиран за грузискиот репрезентативен голман Џорџи Мамардашвили. Валенсија за 23-годишниот голман ќе бара 25 милиони евра. Облак за мадридскиот клуб настапува од сезоната 2014/15. Во тековната сезона во Ла Лига одигра 33 натпревари и прими 39 голови Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Германија е во транс по победата на Борусија Дортумд над ПСЖ.Медиумите се прашуваат дали е можно германско финале по нерешениот исход на Баерн над Реал. Што мислите вие? 📽️ – KYLIAN MBAPPÉ HITS THE POST!pic.twitter.com/S8abXst4eP — Football Report (@FootballReprt) May 1, 2024 „Милионерите“ тоа го заслужуваат: Борусија на еден чекор до финалето на ЛШ Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Борусија Дортмунд е на еден чекор до финалето во Лондон откако вечерва го совлада ПСЖ со 1-0.Со ова „милионерите“ ќе ја исполнат желбата на фановите за ново финале во Лигата на шампионите. Стрелец на единствениот гол беше Никлас Филкруг во 36. минута. Се чини дека голманот Кобел ги чуваше Милионерите и од нападите на Мбапе.Посед на топка: Борусија Дортмунд: 45%, ПСЖ: 55%.. Реваншот е следната недела на Паркот на Принцовите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Напаѓачот на Тотенхем, Тимо Вернер, поради повреда ќе отсуствува до крајот на сезоната. Тренерот на премиерлигашот Анже Постекоглу изјави дека сезоната за Германецот е завршена. Постекоглу го замени напаѓачот Тимо Вернер во првото полувреме од натпреварот од 35. коло на Премиер лигата со Арсенал (2:3) одигран изминатиот викенд. Фудбалерот се повреди во првото полувреме и итно го напушти теренот. Неговото место го зазеде Бренан Џонсон. Вернер игра за Тотенхем како позајмен од Лајпциг. Раководството на тимот се уште не одлучило дали ќе го купи напаѓачот на трајна основа за 17 милиони евра Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Најмалку 63 лица се уапсени за време на протестите против предлог-законот за „странски агенти“ во Тбилиси, а шест полицајци се повредени во судирите, соопшти грузиското Министерство за внатрешни работи. Грузиските безбедносни сили употребија водени топови, солзавец и шок-бомби за да ги растераат демонстрантите пред парламентот во текот на ноќта. Законот за „странски агенти“ беше осуден од опозицијата и од западните влади како автократски, а тој бара организациите кои добиваат повеќе од 20 отсто од своите средства од странство да бидат регистрирани како агенти зависни од странско влијание. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На социјалните мрежи се шири видео од наводното претепување на еден од ветераните на воената група Вагнер, а според објавите тоа се случило во Ростов на Дон. Поранешниот борец на Вагнер бил со сопругата во продавница и таму случајно сретнал група млади луѓе, но кога дознале дека се работи за ветеран на Вагнер, го претепале. Teпачите се група украински бегалци Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерството за одбрана на Русија отвори изложба на заробено оружје и опрема во Паркот на победата. Министерството за одбрана на Руската Федерација денеска отвори изложба на заробено оружје и опрема заробени од руската армија за време на специјална воена операција во населбите Работино и Малаја Токмачка, Запорожје област и Авдеевка, Народна Република Донецк, во Музејот на Победа на Поклона Гора. Сите можат да ги погледнат и последиците од средбата на опремата на НАТО со нашите ловци – на Поклона Гора официјално беше отворена изложба на оштетени трофеи од зоната СВО. Изложена е 31 единица заробена опрема, меѓу експонатите се германски Leopard и Marder, American Abrams, Bradley, M113, HMMV, British Saxon, Mastiff, Husky, француски AMKS-10RC, шведски CV90. Цената на изложената опрема достигнува милиони долари. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Сега ќе мораме да направиме мобилизација, максимална за да спречиме враќање на режимот, бидејќи по сите специфики: политички, логистички и други разузнавачки, било какви, тие ќе бидат режим број два, порача вечерва од Штип, кандидатот на СДСМ за претседател, Стево Пендаровски. Забележа дека потоа нема да има демократски избори и да не се надева некој дека догодина ќе имаме легитимни, легални и транспарентни локални избори. -Ние кога сме биле на власт, оваа политичка структура сме организирале демокртаски избори и сме ја предавале власта, кога ќе сме ја изгубиле. Тие не само што организираат недемократски избори, туку и на такви избори во 2016 година, кога ја изгубија власта, со сила сакаа да ја задржат, рече Пендаровски. Тој посочи дека во одредени делови во земјата постои малку обескураженост за резулататите од првиот круг, но какошто рече има образложение. За првпат во историјата имаше седум кандидати во првиот круг, кој секој го зема својот дел од електоратот. -Меѓутоа ви тврдам, ве уверувам дека не само да го кревам вашиот и мојот морал, затоа што тоа е објективна политичка проценка, која ќе се покаже на 8 мај дека гласовите на овие што испаднаа од првиот круг, петмина, вкупно околу 330.000 гласови се многу блиску до овој концепт, која јас го заговрам, го застапувам, го промовирам изминатите години, а сите вие го поддржувате. Значи тие што испаднаа ќе си одат со своите политички субјекти на парламентарните избори, ќе видеме како ќе поминат. Но, во овој другиот дел на претседателските избори да немате никакви дилеми дека најголемиот дел од нив сакаат стабилна Македонија, сакаат Македонија со извесна иднина и сакаат Македонија да биде интегрирана во развиениот свет, рече Пендаровски. Тој се осврна и на изборните трикови со кандидатските листи на пратеници, кои имаат слични имиња и презимиња со кандидатите на СДСМ. Пендаровски истакна дека на овој начин се обидуваат да ги доведат во заблуда гласачите, а опозицијата ваквите начин на измама на гласачкото тело може да направи само ако имате какошто рече министер за внатрешни работи и пристап до сите лични податоци на граѓаните. Кандидатот за претседател на СДСМ, Стево Пендаровски истакна и дека неговата противкандидатка Гордана Силјановска-Давкова не ги знае основните надлежности на претседател на државата. -Значи госпоѓата нема поим од основните работи и надлежности на претседателот. Прво вели дека е добро нашето членство во НАТО, а вели дека е против Преспанскиот договор. Сакаме да отидеме нели во Европска унија, но немаме ништо против европската преговарчка рамка, а не спомнува промена на Уставот, со што не може да се продолжи понатаму. И најнов изум, која упорно го повторува последните денови, заговара нов Устав, граѓански Устав, со кој ќе се редифинира рамковниот договор. Нека ни е наирлија ако таквите добијат мнозинска поддршка од македонскиот народ и македонските граѓаните, рече Пендаровски вечерва на средбата со граѓани во Штип. Кандидатот за претседател на СДСМ, Пендаровски ги повика граѓаните кои не гласаа на првиот круг на претседателските избори, да излезат и да го остварат своето право на глас, со цел да не се врати режимот, а поради немање на демократија, младите во уште поголем број ќе се иселуваат Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори, изјави вечерва кандидатот за претседател на ВМРО-ДПМНЕ, Гордана Силјановска Давкова. Потенцираше дека штом ќе завршат изборите сака да разговарам со соседиѕр и заради регионалната политика и заради очекуваната поддршка од нив. -Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце. Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност? Понатаму, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија, посочи Силјановска Давкова. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кандидатот за претседател поддржан од ВМРО-ДПМНЕ, Гордана Силјановска Давкова во вечерашната претседателска дебата на Телма истакна дека таа на граѓаните им вели да го искористат своето политичко право и да гласаат по сопствено политичко уверување. -Не можете да им оневозможите на коалициите и на лидерите на партиите меѓу себе да разговараат. Логично е опозицијата да се обединува кога има противник каква што е оваа власт. Веројатно и совпаѓањето на изборите оневозможува да се постави една линија цврста, помеѓу она што, кој и како гласа за претседател и кој, како глса за пратеници. Значи, јас не ги повикувам партиите, јас ги повикувам граѓаните. Нема тука разлика меѓу мене и останатите, посочи таа. Додаде дека ако ги слушаме и лидерите на партиите, тие не само што повикуваат туку и поставуваат услови. -И не само за составувањето на владата и за настапот на парламентарните избори, туку и за самите кандидати. Само да потсетам, ние двајцата и на минатите избори излеговме заедно, тогаш имавме поддршка и од пратеници ама и од граѓаните. Јас добив повеќе потписи од граѓаните ама Изборниот законик е јасен дека можете да поднесете само една листа. И мојата дилема е како тогаш, ако можете да поднесете една листа, како ќе аплицирате и со потписите на граѓаните и со поддршката на пратениците? Инаку, логиката е во нешто друго. Ако господинот Пендаровски го поддржале граѓаните, тогаш се треба да оди, од договори со Вас до финансирањето, преку оние 10%. А, не 45 плус 45 како што тој и јас настапуваме. Сега ви е јасно кој кого изманипулирал. Само фрлете поглед на билбордите и ќе видите кој најзастапениот. Јас не сум видела толку варијации на билборди како овој пат. Навистина граѓаните се многу богати изгледа. Јас имам еден билборд, една слика. Инаку сум застапник на тоа во Изборниот законик да се регулира големината на билбордите така што апсолутно не гледам хипокризија. Јас кај вас гледам хипокризија и цинизам, посочи Силјановска Давкова. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Украина веќе целосно го реализираше својот дел од обврските за да ги почне преговорите за влез во Европската унија во јуни, изјави денеска украинскиот претседател Володимир Зеленски. – Како и во секоја претходна фаза на интеграција со Европската унија, многу зависи од нашата активност, рече Зеленски во вечерашното видео обраќање. Според него, Украина веќе целосно го исполнила својот дел од обврските за почеток на пристапните преговори во јуни Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Ќе го почитувам, но нема да го употребувам – рече кандидатката за претседател Гордана Силјановска-Давкова за тоа каков ќе биде нејзиниот став кон уставното име Македонија како иден шеф на државата. Во дебатата со противкандидатот Стево Пендаровски кажа дека ќе употребува Македонија и дека на тој начин не прави конфузија. – Кога кажав дека нема употребувам Северна не мислев дека ќе ги тргам таблите пред институциите и пред меѓународните конференции или во билатералните средби итн. Далеку од тоа. Јас говорам за себе. Правото на самоопределување е и лично право и никој не може да ви нареди да употребувате нешто што не ви го прифаќа умот и срцето. Ќе го почитувам, но нема да го употребувам Северна, ќе употребувам Македонија и никогаш нема да создадам конфузија бидејќи нема да треба да правам дистинкција меѓу Република јужна Македонија. Таква нема. Значи, кога ќе зборувам, јас ќе си зборувам Македонија, македонски, македонско – Македонија нека стои пред мене…меѓутоа јас кажувам за мене, тоа прашање нема да биде никогаш затворено, рече Силјановска-Давкова во вечерашниот дуел на ТВ Телма. Пендаровски, пак, ѝ реплицираше дека е невозможно да не го употребува уставното име од говорницата во Обединетите нации, во ЕУ, НАТО и други меѓународни институции и дека тоа ќе доведе до исфрлање на државава од Алијансата. -Кога сте претседател, вие имате право на личен став, да кажувате „вечна Македонија“, „Македонија засекогаш“, каква сакате Македонија кога ќе бидете во приватно својство, во семејството. Невозможно е да бидете на говорница во ОН, да бидете во НАТО, бидејќи сме членка таму, да одите во ЕУ, бидејќи сме кандидат кој преговара, да бидете во Совет на Европа, било каде, значи вие како експерт можете што сакате вербално да кажете. Не можете, нема да ви дозволат, Грција ќе прати прво нота, било кој друг некој ќе прати нота. Тоа значи блокада и таму и исфрлање од НАТО како организација, каде што одвај влеговме и кој ни е многу значаен. Впрочем, и противкандидатката тоа го пишува во нејзината програма, рече Пендаровски. Кандидатите за претседател ги кажаа различните ставови и за уставните измени и за тоа дали преговорите со ЕУ се почнати или не. Според Пендаровски тие почнале со одржувањето на првата меѓувладина конференција и рече дека не оди едно без друго Преговарачката рамка и промената на Уставот. -Највисокиот политички орган во Европската Унија, Советот на ЕУ, вели дека ова е политичкиот предуслов – промената на Устав, а рамката е понатаму по што вие ќе одите конкретно кластер по кластер. Значи, не може да стои тезата – ние не сме против европската Преговарачка рамка ама сме против промената на Уставот, истакна Пендаровски. Силјановска-Давкова, пак, го праша Пендаровски како може да ветува промена на Уставот кога тоа не е негова надлежност туку него може да го сменат само гласовите на пратениците во Собранието и, како што рече, „како никој не се сетил да им каже на оние од Советот и од Европската комисија и сите останати дека со тоа се рушат темелните вредности на ЕУ“. На прашањето која би била нејзината порака при прва средба со претседателот на Бугарија и со претставниците на Унијата, одговори дека ќе го потсети на Преамбулата на Договорот за пријателство и добрососедство, дека секој договор не е вечен и може да се смени и дека во Договорот „нема ниту еден збор за уставните измени“. -Суштината е да ги заштитите правата на малцинствата. Кај нас се заштитени. Во Бугарија нема никаква заштита бидејќи нема ниту еден член, а Бугарија е потписник и на Рамковната конвенција за заштита на правата на малцинствата и на Конвенцијата за регионални и малцински јазици, но не ја ратификувала. Значи, има контрадикција меѓу Договорот за пријателство кое е дел од Преговарачката рамка, додаде Силјановска-Давкова. Пендаровски во врска со внесувањето на Бугарите во Уставот посочи дека е услов што треба да се помине за да продолжат преговорите кои, рече се блокирани поради ставот на ВМРО-ДПМНЕ. -Тврдам дека овој услов не ја растура, не ја ништи Република Македонија, како што не ги ништи Македонците кои зборуваат македонски јазик, значи целокупниот наш македонски код е зачуван… Од мноштвото бугарски барања кои атакуваа директно на македонскиот идентитет од пред три години и во писмена форма испратени до највисоките претставници во Брисел преку нивниот амбасадор, ние дојдовме само до ова последново барање, Бугарите во Уставот, што е огромен чекор напред, бидејќи сите други атаци беа од Бугарија кон нашиот идентитет како Македонци кои зборуваат македонски јазик и беше одбиено и од Европа не само од нас. Значи, тоа е барањето во овој момент од Европа, нагласи Пендаровски во телевизискиот дуел на ТВ Телма. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Комисијата за Автомобилска одговорност при Министерство за Финансии, 15 години не дала препорака на Владата за корекција на цените на авто осигурувањето. Од Групација на осигурувањето при Стопанската комора на Македонија очекуваат институциите да покажат поголемо разбирање за работењето на осигурителниот сектор, да ги земат во предвид сите доставени детални и сеопфатни анализи за цените на авто осигурувањето, и да се дојде до решение кое ќе подразбира имплементирање на реални, пазарни цени, кои ќе овозможат непречно сервисирање на штетите. Во минатото во повеќе наврати осигурителните компании преку Националното биро за осигурување своите анализи ги имаат доставено до надлежните институции Министерство за Финансии, Комисијата за Автомобилска Одговорност при МФ и Агенцијата за Супервизија на осигурувањето. Тие истакнуваат дека според Законот за Задолжително Осигурување во Сообраќајот, Член 46, Комисијата за Автомобилска Одговорност има обврска еднаш годишно да прави анализи за тековните состојби, и да доставува до Владата предлог за утврдување на минималната и максималната стапка на техничка премија за осигурување од автомобилска одговорност. Но, и покрај горенаведените одредби, Комисијата не заседава еднаш годишно и при тоа минималната и максималната стапка на техничка премија за осигурување од автомобилска одговорност не е променета веќе 15 години, поточно од 2008 година, кога беше намалена за 30%. Последната одлука за утврдување на минимална и максимална стапка на техничка премија за осигурување од автомобилска одговорност е донесена 09.09.2008 од страна на Владата на Република Македонија. Тоа подразбира непроменетост на цените за осигурување од автомобилска одговорност од 2008 година, или цели 15 години, период во кој бележиме општ пораст на цените од 61.5%. Фактот што голем дел од осигурениците имаат максимален бонус/намалување на премија од 50%, товарот од новите давачки кои ги плаќаат Осигурителните Компании, 2% према Фондот за здравствено осигурурување и 0,8% према регулаторот, порастот на минималната и просечната плата на вработените и на работната рака на сервисите и проценителите, во услови на замрзнати цени за авто одговорност ја доведува во прашање одржливоста и оправданоста на бизнисот Авто осигурување и долгорочното учество на осигурителните компании во овој сегмент. Дека постоечките цени се непазарни и неодржливи потврдуваат и од Националното биро за осигурување кои информираат дека осигурителната индустрија во делот на осигурување од автомобилска одговорност во 2023 претрпела загуба во износ од 176 милиони денари. Од таму се надеваат дека ќе се најде разбирање и дека ќе се земат предвид фактите и реалните анализи. Осигурувањето е исклучително важен фактор за развој на економијата и општествените текови во земјата и ги заштитува граѓаните, државниот имот и бизнис секторот од немили настани. Затоа тоа мора да биде одржливо, стабилно и целосно спремно да одговори на барањата на осигуренците. Исто така, јавноста треба да биде запознаена со податокот дека имаме најниска цена за авто осигурување во регионот. Во изминатите години е евидентиран раст на цените на автомобилите од 70% – 100%, на резервните делови за 100%, на платите за 83%, индексот на трошоците на живот од 2008 до 2023 година е зголемен за 52,83%, нето трошоците за спроведување на осигурувањето за 215%, што ги прави неодржливи цените на автомобилското осигурување. Осигурителните компании се надеваат дека Комисијата и Владата, односно Министерството за финансии, како професионални и кредибилни индтитуции, ќе направат уште еднаш сериозна анализа, и ќе ги земат во предвид сите факти и тековни состојби, и врз основа на нив ќе донесат препорака до Владата за промена на одлуката, и креирање реални цени. Во спротивно, работење по нереални и 15 години непроменети цени нема да биде од корист ниту на граѓаните ниту на бизнис заедницата, ниту на државата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Украина веќе целосно го реализираше својот дел од обврските за да ги почне преговорите за влез во Европската унија во јуни, изјави денеска украинскиот претседател Володимир Зеленски. – Како и во секоја претходна фаза на интеграција со Европската унија, многу зависи од нашата активност, рече Зеленски во вечерашното видео обраќање. Според него, Украина веќе целосно го исполнила својот дел од обврските за почеток на пристапните преговори во јуни. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот на ЗНАМ, Димитриевски вчера го повика раководството на СДСМ во наредните 24 часа да поднесе неотповикливи остави од функциите во партијата, како и носителите и ко-носителите на кандидатските листи на нотар да изјават дека нема да прифатат пратенички мандати. Социјалдемократскиот сојуз на Македонија преку соопштение одговори на условите за евентуална соработка по изборите, што вчера ги постави претседателот на Движењето ЗНАМ, Максим Димитриевски. Од СДСМ велат дека не прифаќаат уцени и нема тргување со иднината на државата. – Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес. За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова. Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ – стои во соопштението на СДСМ. Во однос на неговите поранешни сопартијци Димитриевски постави цврсти ултиматуми. – Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, нѐ обвинија дека сме човек-партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат. Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија – порача денес Димитриевски од Пелинце. Во пораката, пак, до раководството на ВМРО-ДПМНЕ освен за неприфаќањето на уставните измени и соработката со ДУИ, Димитриевски повторно ги таргетира и СДСМ. Тој бара потврда дека раководството на ВМРО-ДПМНЕ не заговара јавна или тајна соработка со поранешниот премиер Зоран Заев за обезбедување на двотретинско мнозинство во идниот собраниски состав. – Еве да му одговорам на оној претседтаелски кандидат којшто постави прашање кукавички денеска дека ВМРО-ДПМНЕ кокетирало де со овој де со оној: ниту со Ковачевски ниту со Венко Филипче, ниту со Зоран Заев. Ние само комуницираме и сме во коалиција со народот на Македонија – рече Мицкоски за обвинувањата на Димитриевски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Осрвнувајќи се на надлежностите кои ги има Претседателот на државата, Силјановска Давкова и Пендаровски значително внимание посветија на судството, односно како да се подобри работата на Судскиот совет и Советот на јавни обвинители. Додека Пендаровски оцени дека и двете институции изминатиот период не биле на ниво на задачата, решението го гледа не во нивно укинување како институции, туку во подобрување на кадарот кој влегува во нив преку ветинг. Ние можеме да направиме нов судски совет, еве денеска ќе се решиме, и совет на јавни обвинители, меѓутоа јас мислам дека без претходен длабок, прецизно направен ветинг, со странски експерти, со нивна асистенција и помош, ние џабе ќе правиме нови и нови судски совети ако сличен човечки материјал ни влегува во тие судски совети. Нашиот проблем во владеењето на правото не е проблем за еден или двајца кои се погрешно поставени овде или онде, ние имаме проблем со многу повеќе, со неквалитетен човечки материјал, да не кажувам почнувајќи од првичната правна едукација на тие луѓе, начинот како се влегува во судовите и обвинителствата, па се до испорачувањето на правдата, за жал често пати и неправдата. Значи не е само да ги смениме регулативите, туку треба да го смениме начинот како ги селектираме кадрите. Не само најдобрите на факултет, туку и луѓето со интегритет, рече Пендаровски. Претседателот за ветинг зборуваше и во 2016, и во 2020 и во 2024, му одговори Силјановска Давкова. Според неа, моменталната ситуација во судсвото е резултат на тоа што ветингот останал само како реторика, и не се спроведувал кога можело да биде спроведен. Зависи на што мисли, и досега можеше да се спроведе ветингот како евалуација или ре-евалуација при секој избор, оти генерален ветинг, оној суштинскиот значи распуштање на сите и влегување во еден проблем. Можеше да се посегне по ветинг кога ги предлагаше претседателот Весна Дамева, Миљзим Мустафа итн. стручни соработници, најслабата алка во судскиот совет. Можеше за директорите на агенцијата за разузнавање, можеше секаде каде што има можност да предлага да го предложеше и овој механизам. Инаку, за сите сум, прво за политичарите, може да има таму и ретроактивно дејство, нема проблем никаков, и мислам дека она што се случува денеска е резултат на тоа што ветигнот беше само реторика и кога можеше да се примени не се применуваше, рече Силјановска Давкова. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот на ВМРО-ДПМНЕ, Христијан Мицкоски денеска со семејството ја посети кулата Пирго, средновековна кула која се наоѓа во селото Мокриево, на планината Беласица. Малку време за семејството, во посета на Пирго, Мокриево. И споделени моменти со граѓаните за првомајското одбележување. Мириса на промени… – објави Мицкоски на својот фејсбук профил. На средбата со граѓаните присуствуваше и носителот на листата на ВМРО-ДПМНЕ во ИЕ4, партискиот потпретседател Александар Николоски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Непознати лица синоќа фрлиле молотов коктел врз единствената зачувана предвоена синагога во Варшава која сѐ уште служи како место за богослужба и се обиделе да ја запалат, соопшти полската полиција. – Командата на полицијата добила пријава за обид за палење на синагогата Нозика во Варшава. Полицијата води истрага во врска со тоа – изјави Јацек Вишњевски од варшавската полиција за полските медиуми. – Рабинот Шудрих пишува дека некој се обидел да ја запали синагогата со помош на молотов коктел. Фала му на Бога, никој не беше повреден. Интересно, кој се обидува да ја наруши годишнината од нашето влегување во Европската Унија? – реагира на социјалната мрежа Икс, шефот на полската дипломатија Радослав Сикорски. Таа синагога се реновира од 2008 година. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Две лица се повредени во сообраќајна несреќа која вчера околу 13 часот се случила на магистрален пат во близина на влезот за аеродромот „Св.Апостол Павле“. МВР информира дека во несреќата учествувале автомобил „сеат“ со битолски регистарски ознаки, управуван од М.С.(47) од Битола, автомобил „киа“, управуван од В.Н.(79) од с.Белчишта, Општина Дебрца и паркирано патничко возило „опел“, двете со охридски регистарски ознаки. Во несреќата со тешки телесни повреди се здобиле В.Н. и неговата сопатничка В.Н.(79), констатирани во Општата болница Охрид и во Специјалната болница „Св.Еразмо“ во Охрид. Извршен бил увид од увидна екипа од СВР Охрид. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерството за внатрешни работи информира дека денеска околу 18.15 часот во Сарај е пронајдено 5-годишно дете За детето денеска околу 16.20 часот во ПО Сарај од страна на М.Х. било пријавено дека се оддалечило во паркот Сарај. -Веднаш по добиената пријава, од страна на полициски службеници на СВР Скопје преземени се мерки и активности за пронаоѓање и околу 18.15 часот детето е пронајдено, информира МВР. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во вечерашниот телевизиски дуел помеѓу двата претседателски кандидати, Пендаровски се осврна на неговиот концепт за напредок на државата, за кој, како што рече е победнички. Притоа нагласи дека се исполнети трите столба од неговата предизборна програма од 2019 година. „Клучните столбови на мојата програма во 2019 година беа влез во НАТО, отворање на преговори со ЕУ и стабилни меѓуетнички односи – триаголникот на успехот и стабилноста, просперитетот на државата, тоа сум тврдел и ќе тврдам. Ако ова не е остварено кажете ми – членка на НАТО, почнати преговори и меѓуетнички односи кои не се идеални, меѓутоа се далеку од она што беше во времето на режимот“, рече Пендаровски. И програмата за работа во вториот мандат, продолжи Пендаровски е заснована на реални основи, а не на фикции. „Јас не тврдам дека оние кои го потпишале Преспанскиот договор треба да завршат во затвор и дека треба да бидат кривично одговорни. Јас тврдам дека тоа е добар договор кој ги штити македонските национални интереси. Госпоѓата тврди спротивно. Таа денес вели добро е што влеговме во НАТО, имаме гарантор на безбедноста, ама пред три-четири години во интервјуа вели треба кривично да бидат гонети тие луѓе. Јас не велам дека Европската преговарачка рамка е во ред, ама имаме проблем со другите аспекти. Европската преговарачка рамка е договорена од Европа, од 27 држави и ние или ја прифаќаме, или ја одбиваме“, додаде Пендаровски. На прашањето зошто граѓаните да го дадат својот глас за него, Пендаровски упати јавен повик до сите граѓани кои ги поддржуваа кандидатите кои испаднаа во првиот круг и до оние кои воопшто не учествуваа во првиот круг, да гласаат за неговиот концепт доколку се препознаат во него. Во однос на партиската и граѓанската поддршка, тој посочи дека во трката за нов претседател на државата, обајцата велат дека ќе бидат независни од кои било центри на политичка и економска моќ и притоа собирале граѓански потписи за да покажат дека имаат сила, граѓанска компонента за претседателската кандидатура. „Госпоѓата Силјановска ги отфрли тие 20 и нешто илјади потписи колку и да беа и отиде само со потписи на пратениците. Сосема е логично партискиот лидер кој ја предложи за кандидатурата, да договара поддршка со другите партиски лидери за неа во вториот круг. Бидејќи не е граѓански поддржана, туку од партиите, логично е дека партискиот лидер ги прави тие меѓупартиски, меѓулидерски договарања“, истакна Пендаровски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кандидатот за претседател на СДСМ на последните партиски избори Јован Деспотовски вчера во емисијата Дејли Клик на ТВ21 најави ново партиско раководство по изборите кое ќе треба да го мобилизира и поврати членството во своите редови. Актуелниот директор на Дирекцијата за технолошко индустриски развојни зони рече дека големиот број на гласачи за Максим Димитриевски ЗНАМ се разочарани членови или избирачи на СДСМ. – Според мене новото партиско раководство треба да подаде рака кон избирачите кои заокружиле за Максим, Станува збор за поранешни и сегашни партиски другари во битки кои сме ги воделе 20 години. Вратите за нив се секогаш отворени. Имавме во 2006 слично сценарио. Луѓето се тука, гравитираат околу тие централно левичарски опции и наш прв чекор ќе биде тоа гласачко тело да се консолидира. Новото партиско раководство треба да испрати порака за подавање рака кон тие луѓе, рече Деспотовски. Тој додаде дека не е важно колку пратенички места ќе освои СДСМ во новиот собраниски состав, туку дали ќе води исправни пшолитики, а пред се кадровски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Разликата е прилично голема, инсистира актуелниот претседател Стево Пендаровски во однос на повиците за поддршка кои тој, но и опозицијата ги упатија до гласачите на претседателските кандидати кои не влегоа во вториот круг. Смета дека лидерските договарања не придонесуваат за демократијата во Македонија и затоа тој упатува јавен повик до сите граѓани чии кандидати испаднаа во првиот круг, и до оние кои воопшто не учествуваа во првиот круг, ако се препознаваат во неговиот концепт, да гласаат за тој концепт. Претседателот на ВМРО-ДПМНЕ уште незавршен првиот круг, значи во рамки на кампањата, велеше дека веќе имаат направено коалиција и бараше поддршка од тие коалициони, перспективни коалициони партнери, за претседателскиот кандидат кој тој и тие го поддржуваат. А, по завршување на првиот круг Мицкоски јавно рече дека разговарал и со Таравари, и со Максим Димитриевски, и во неколку наврати потоа го повторува и јавно дека од нив бара поддршка и за претседателскиот кандидат. Значи, директни разговори со лидери за претседателските избори во кои треба ние со нашиот концепт да ги убедуваме граѓаните, без да бараме јавна поддршка и задкулисни договарања и меѓупартиски договарања со другите перспективни коалициони партнери, мислам дека не приличи на највисоката политичка функција во државата, рече Пендаровски. Партиите разговараат и преговараат, ама граѓаните гласаат, му одговори противкандидатката Гордана Силјановска Давкова. Јас дури не им велам на граѓаните „гласајте за мене“, туку „искористете го вашето политичко право, едно од најважните, и гласајте по сопствено уверување“. Не можете да им оневозможите на коалициите и на лидерите на партиите меѓу себе да разговараат и преговараат. Инаку, логично е опозицијата да се обединува кога има противник каква што е оваа власт. Толку логично е тоа што се случувало и во собранието, веројатно и совпаѓањето и на претседателските и на парламентарните заедно оневозможува да се постави една линија, цврста, помеѓу она што, кој и како гласа за претседател, и кој како гласа за партиите. Јас не ги повикувам партиите, јас ги повикувам граѓаните, што значи нема тука разлика меѓу мене и останатите. Меѓутоа, ако ги слушаме и лидерите и на другите партии гледаме дека не само што повикуваат, туку и поставуваат услови, рече Силјановска Давкова. За Пендаровски фактот што Силјановска Давкова беше кандидирана само со потписи на пратениците во Собранието, прави да биде сосема логично партискиот лидер кој ја предлага сега со други партиски лидери да договара дополнителна поддршка за неа. Бидејќи не е граѓански поддржана, туку е партиите, логично е дека партискиот лидер ги прави тие меѓупартиски, меѓу-лидерски договарања, рече Пендаровски. Ваквиот став за Силјановска Давкова е хипокризија и цинизам. Логиката е во нешто друго. Ако господинот пендаровски го поддржале граѓаните, тогаш се треба да оди од договори со вас до финансирањето преку оние 10 проценти, а не 45 плус 45, како што тој и јас настапуваме. Сега, не ми е јасно, кој кого манипулира, одговори Силјановска Давкова ВО ЖИВО: Дебата на претседателските кандидати Силјановска Давкова и Пендаровски Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Следете ја во живо дебатата на претседателските кандидати Гордана Силјановска Давкова и Стево Пендаровски: Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вечерва од 19:30 на Телма следи ново соочување на кандидатите за претседател – проф. Гордана Силјановска Давкова и Стево Пендаровски. Во најавата за дебатата, споделен е дел во кој тие дебатираат околу обвинетите за 27 април. Kвалификацијата на кривичното дело е катастрофална. Јас имам право да помилувам и врз основа на анализата – не само на правото и на правдата, ќе посегнам по тој механизам, рече кандидатката за претседател Гордана Силјановска Давкова. Пендаровски: Разбирам ако некој не е виновен или треба да добие помала казна па и да му ублажите. Ама таа вели дека сите за 27 април ќе ги амнестираме. Како може да амнестирате за таков чин?! Прво извинување, а потоа широка општествена дебата за евентуална амнестија. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер. Неутрализацијата на терористичкиот лидер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали. Во соопштението се потсетува дека еден лидер на ИСИС учествувал во напад на Нигер во 2017 година, во кој беа убиени четири американски Зелени беретки и четворица нигериски војници, вклучително и еден преведувач Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Дваесети и шестгодишната девојка од Кавадараци, чие безживотно тело завчера беше пронајдено во куќа во близина на Градската црква „Свети Никола“ во Штип, неофицијално е ќерка на жената која лани во Кавадарци уби маж и го запали неговиот труп. За девојката од Кавадарци е познато дека во Штип престојувала како потстанар. Засега нема официјални информации за обдукцијата. Неофицијално, според информации на „Скопјеинфо“, таа дошла во Штип во посета на својата мајка која одлежува казна во тамошниот затвор. Уште бил жив кога го полила со ракија и го запалила – ОЈО со детали за убиството во Кавадарци СВР Штип работи на расчистување на случајот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....