ВЕЛИГДЕНСКО ПОСЛАНИЕ НА АРХИЕПИСКОПОТ Г.Г. СТЕФАН: Та, кој ќе се осмели да нè оспори како македонски народ и како македонска држава!?
Денешен - пред 14 часа
† СТЕФАН, ПО МИЛОСТА БОЖЈА, АРХИЕПИСКОП ОХРИДСКИ И МАКЕДОНСКИ, ЗАЕДНО СО СВЕТИОТ АРХИЈЕРЕЈСКИ СИНОД, ДО СВЕШТЕНОСЛУЖИТЕЛИТЕ, ДО МОНАШТВОТО И ДО СИТЕ ЧЕДА НА МАКЕДОНСКАТА ПРАВОСЛАВНА ЦРКВА, А ПО ПОВОД ВЕЛИГДЕНСКИТЕ ПРАЗНУВАЊА, ИСПРАЌА МИР И БЛАГОСЛОВ ОД БОГА, ПОЗДРАВУВАЈЌИ ГИ СО ВЕЛИЧЕСТВЕНИОТ И ТОРЖЕСТВЕН ПОЗДРАВ – ХРИСТОС ВОСКРЕСE! Денес сето создание се весели и се радува, зашто – Христос воскресна1. Возљубени празникољупци, Христовото воскресение е смислата на нашето севкупно постоење! Тоа е стожерот околу којшто се одвива сиот наш живот и камен-темелникот врз којшто се гради сиот наш подвиг на верата, на надежта и на љубовта во Бога. Тајната на Христовото воскресение го преобразува и го вообличува севкупниот наш поглед кон светот и човекот, кон времето и вечноста. Зашто, токму ова спасоносно собитие е најголемата вистина којашто му беше објавена на човековиот род и токму оваа Тајна над тајните е најрадосното благовестие со коешто велегласно беше возвестена конечната победа на животот над смртта, на доброто над злото и на љубовта над омразата. Господ Исус Христос, со Своето воскресение од мртвите, ни го осмисли нашиот живот, и не само овој – земниот, туку и небесниот, односно ни го дари вечниот живот во Неговото Царство. Токму преку Христовото воскресение се одгатнаа сите загатки со коишто, уште од паѓањето во грев, се соочуваше немоќното и безутешно човештво, а коишто завршуваа со суровоста на смртта. Ете, токму преку тоа Чудо над чудата, ние, луѓето, од смртни станавме бесмртни2 и ни беше овозможено трајно да се ослободиме од прангите на смртта и да се упатиме кон Оној Kojшто и самиот е Живот3 – кон Христа Животодавецот. Возљубени сорадосници во Христа воскреснатиот, Радоста, којашто извира од тајната на Христовото воскресение и којашто, еве, сите ние, како христијани, ја сведочиме повеќе од две илјади лета, е неизмерна. Но, оваа неискажлива и преславна радост4 не треба да биде минливо чувство, коешто ќе нè обземе само во овие празнични дни, туку, напротив, треба да ни постане начин на живеење и на постоење. Впрочем, и самото христијанство е вера на радоста! Ако не постои радост, тогаш не постои ни вистинско христијанство; ако немаме радост во нас и помеѓу нас, тогаш не сме ни вистински христијани, ни вистински учесници во Христовото воскресение, ниту, пак, вистински следбеници на Христа. Според тоа, доколку сакаме да бидеме доследни подражатели на Христа и да врвиме по Неговите стапки, тогаш ќе мора да си ги земеме врз себе нашите животни крстови и, минувајќи низ сопствените голготи, истите да ги поднесеме докрај, и тоа со радост. Само на тој начин, во нашите души – и покрај сите животни премрежја, искушенија и предизвици – ќе ја почувствуваме бескрајната радост од Неговото воскресение и ќе заживееме со несфатливата и непреодна радост на вечниот живот. Возљубени чеда во Господа, Тајната на Христовото воскресение најмногу се открива во дарот на простувањето. Та, можно ли е вистински да го празнуваме Велигден – Празникот над празниците – ако не простуваме и ако не бараме да ни простат!? Можно ли е да водиме христијански живот и да се нарекуваме христијани ако во нашите срца се вгнездени злопамтивоста и одмаздољубивоста или, пак, ако во нашите души се всадени гневот и лутината!? Тоа е – невозможно! Да се живее вистински христијански живот – живот според Евангелието – значи да се постане обновен човек во Христа5 и да се чекори по патот на богољубието и човекољубието – по патот којшто води кон Царството небесно. Затоа, што е можно поскоро, да се угледаме кон сите оние коишто низ вековите Го возљубија Бога, а го возљубија и својот ближен, да се угледаме на нивниот богоугоден живот, во којшто особено се истакнува подвигот на човекољубието и на простувањето, па – со силата на Христовото воскресение – и сите ние, коишто се именуваме со Неговото име, да го возљубиме својот ближен и секому сè да простиме6 за, на тој начин, да станеме наследници на вечниот живот7. Возљубени чеда на Мајката Македонска Црква, Доколку се обѕрнеме во нашето историско раздобје, ќе воочиме огромни подеми и падови, како на црковен, така и на национален план. Впрочем, македонскиот народ, со Божја помош и поткрепа, успевал и сè уште успева достоинствено да ги извојува сите битки и да им одолее на сите непријателски настроенија, исполнети со лукави намери и со зли цели; и, притоа, со крената глава да продолжи по патот кон Бога – кон Изворот на добрините и на правдата. Та, кој ќе се осмели да нè оспори како македонски народ и како македонска држава!? Со кое право некои сè уште се обидуваат да ни ги одрекуваат историјата и традицијата, јазикот и верата, кога сета македонска почва е напоена со просветителските дејанија на македонските црковно-просветни дејци, со истрајноста на сите наши родобранители, со крвта на недобројните наши маченици и со благоверието на мноштвото исповедници и поборници за зачувување на Православието на ова свето македонско тло!? Но, како што не потклекнаа нашите прадедовци, така и ние – како нивни потомци и како доследни пазители на аманетот доверен од нив – да не дозволиме отстапки пред оние коишто постојано посегнуваат по нашето најсвето; пред оние коишто гледаат да го зграбат она коешто со векови макотрпно е градено и коешто е сочувано до денешни дни. Наша должност и обврска треба да ни биде да им се спротивставуваме на сите оние коишто на секаков начин се трудат да ни го одземат она за коешто се дадени многу жртви и коишто се желни да ни ги приграбат: и историјата, и земјата, и културата, и јазикот и сè што е наше – македонско. Затоа, што е можно побргу, да се освестиме и да се обединиме како народ, и молитвено да притекнеме кон Бога и кон закрилникот на нашата најсвета автокефална Охридска и Македонска Црква – кон светиот Климент Охридски, та, по примерот на нашите предци, да се избориме со сите неприлики со коишто катадневно се соочуваме. Но, сето ова ќе го постигнеме само ако си ги зацврстиме единството, слогата и сплотеноста, односно само ако трајно ги надминеме внатрешните разногласија и меѓусебните поделби и несогласувања. Возљубени родољупци, Ова лето Господово достојно ќе одбележиме и повеќе годишнини, коишто се изнедрени од пазувите на нашето богато и славно минато. Меѓу нив, најпрво ќе си припомниме за Беласичката битка, од 1014-тата, којашто, всушност, е неделиво поврзана со градењето и со запазувањето на нашата долговековна историска посебност, а ќе се присетиме и на бележитите одлуки од Првото заседание на АСНОМ, одржано во манастирот „Свети Прохор Пчињски“, во 1944 година. Исто така, ќе ги прославиме и 860-годишното постоење на велелепниот манастир „Свети великомаченик Пантелејмон“ во Нерези, Скопско, како и 100-годишнината од замонашувањето на возобновителот на Охридската Архиепископија во лицето на Македонската Православна Црква – блаженоупокоениот Архиепископ Доситеј. Еве, токму овие незаборавни настани нека ни бидат силен поттик за обнова на нашата црковно-национална самосвест, а истовремено нека ни бидат и постојани потсетници за она за коешто се бореле многу наши поколенија, а за коешто останува и ние да продолжиме да ги чуваме – нашата Татковина Македонија и нашата Македонска Црква. Нека незаодната светлина од празникот на Христовото воскресение – Велигден, ни биде нераскинлива нишка којашто ќе нè поврзе сите Македонци – и овде, во Татковината, и насекаде каде што нашинците се иселени по светот – во единството на троедната љубов: во богољубието, братољубието и родољубието, та едногласно да воскликнеме пред сиот свет: Христос воскресе!...
ХАМАС: САД ни вршат притисок да го прифатиме договорот со Израел
Денешен - пред 15 часа
Блинкен претходно неколку пати го повика Хамас да ја прифати понудата на Израел да ја прекине војната и да ги ослободи заложниците. Високиот функционер на милитантната група Хамас, Сами Абу Зухри, денеска изјави дека американскиот државен секретар Ентони Блинкен врши притисок врз Хамас да ги прифати барањата на Израел во преговорите за прекин на огнот и ослободување на заложниците. – Коментарите на Блинкен се спротивни на реалноста. Тоа не е чудно за Блинкен, кој е познат како министер за надворешни работи на Израел, а не на Америка, да дава такви изјави, ја пренесуваат светските медиуми изјавата на Абу Зухри која тој ја дал за Ројтерс. Тој додаде дека „дури и израелскиот преговарачки тим признал дека Нетанјаху е тој што го попречува постигнувањето договор“. Блинкен претходно неколку пати го повика Хамас да ја прифати понудата на Израел да ја прекине војната и да ги ослободи заложниците, опишувајќи ја како „исклучително дарежлива“, додека Абу Зухри рече дека групата сè уште ја проучува понудата...
ПРЕМИЕРКАТА НА БАНГЛАДЕШ: Сопствениците на фабрики да се откажат од луксузот заради вработените
Денешен - пред 15 часа
Премиерката на Бангладеш Шеиха Хасина за време на своето обраќање по повод празникот Први мај ги повика сопствениците на текстилните фабрики и другите фабрики од Бангладеш да ги подобрат условите за работа на своите вработени со тоа што ќе се откажат од дел од својот луксуз. „Сакам сопствениците (фабриките) да посветат посебно внимание на работниците, намалувајќи го малку нивниот луксуз, бидејќи работниците ви дадоа простор да водите луксузен живот со зголемување на производството со нивната напорна работа“, рече Хасина. Таа, исто така, ги предупреди работниците да ги игнорираат повиците за штрајк бидејќи „на тој начин работниците понекогаш всушност си нанесуваат штета себеси, на своите семејства, на земјата и на сопствениците на фабриките“, пренесува агенцијата БСС....
Велика Британија почнува да го спроведува планот за депортирање на мигрантите во Руанда
Денешен - пред 15 часа
Британските власти почнаа да ги задржуваат мигрантите за да ги подготват за депортација во Руанда во следните девет до 11 недели, објави владата, поставувајќи ја основата за водечката имиграциска политика на премиерот Риши Сунак. Парламентот во април го одобри законот кој го отвора патот за испраќање на барателите на азил во Руанда доколку останат во Британија без дозвола, а Сунак сака првите летови за Руанда да полетаат веќе во јули. Владата верува дека оваа политика ќе ги одврати луѓето од опасното патување преку Ла Манш Досега оваа година повеќе од 7.500 мигранти пристигнале во Англија со брод од Франција. Владата верува дека оваа политика ќе ги одврати луѓето од опасното патување преку Ла Манш. Минатата недела, на пример, пет лица загинаа обидувајќи се да го преминат опасниот канал. Добротворните организации за човекови права и синдикатите кои се противат на политиката се очекува да започнат нови правни потези за да спречат авионите да полетаат во Руанда, откако Врховниот суд на ОК минатата година ја прогласи политиката за незаконска. Портпаролот на организацијата рече дека нивната линија за помош примила повици од „неколку десетици луѓе“ кои сè уште не знаат кој е одреден за депортација во првите летови или кога тие ќе почнат да се спроведуваат....
Лидерот на ИСИС убиен во операција во пограничниот регион на Мали
Денешен - пред 15 часа
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер. Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали. Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач....
ПРВОМАЈСКИ ПРОТЕСТ ВО ИСТАНБУЛ: Летаa камења, уапсени 210 лица
Денешен - пред 15 часа
Бројот на приведени граѓани за време на првомајскиот протест во Истанбул се зголеми на 210, изјави турскиот министер за внатрешни работи Али Јерликаја. „Приведени се 210 лица кои не ги послушаа предупредувањата и се обидоа да одат на плоштадот Таксим и ги нападнаа нашите полицајци на Денот на трудот и солидарноста, 1 мај во Истанбул“, напиша министерот на платформата „Икс“. Како што јави ТВ каналот ТРТ Хабер, 28 полицајци се повредени кога учесниците на собирот ги нападнале со камења и стапови со знамиња. На повредените полицајци им била укажана помош во градските болници. Турската полиција денеска приведе група луѓе кои се обидоа да протестираат на плоштадот Таксим и покрај забраната на владата за првомајски собири, а на неколку претставници на синдикатите им беше дозволен пристап до споменикот на тој плоштад посветен на жртвите од инцидентот на 1 мај 1977 година. кога напаѓач отворил оган кон демонстрантите собрани на тоа место....
СИЛЈАНОВСКА ВО ДЕБАТАТА СО ПЕНДАРОВСКИ: Далеку е од умот дека осудените за „27 април“ вршеа терористичко рушење на уставниот поредок!
Денешен - пред 16 часа
Кандидатката на ВМРО-ДПМНЕ за претседател Гордана Силјановска Давкова најавува дека како иден шеф на државата ќе го искористи механизмот на помилување на осудените за настаните во Собранието на 27 април 2017 година. Нејзиниот противкандидат од СДСМ и актуелен претседател Стево Пендаровски, пак, е против и смета дека амнестија за такво дело не треба да има. На вечерашната дебата на ТВ Телма, Силјановска-Давкова оцени дека самата квалификацијата на кривичното дело е катастрофална. – Оние што применија насилство се на слобода. Има таму луѓе кои не сакаа амнестија, сакаа да докажат правда, има луѓе кои водат постапки пред судот во Стразбур. Секој е различен. Јас имам право да помилувам и врз основа на анализата – не само на правото и на правдата, ќе посегнам по тој механизам, истакна Силјановска Давкова. Пендаровски смета дека има модификација на претходната теза на Силјановска Давкова дека ќе ги амнестира сите сите. – Разбирам ако некој не е виновен или треба да добие помала казна па и да му ублажите. Ама таа вели дека сите за 27 април ќе ги амнестираме. Како може да амнестирате за таков чин?! Прво извинување, а потоа широка општествена дебата за евентуална амнестија, порача претседателскиот кандидат Стево Пендаровски. Прашани дали влегувањето во парламентот на 27 април бил насилен чин, Пендаровски одговори дека било насилство организирано од партијата која тогаш била на власт и обид за насилно уривање на уставниот поредок. – Ако не дозволувате мирен трансфер на власта, тоа не може да биде демократски чин, оцени Пендаровски. Силјановска Давкова, пак, смета дека имало насилство и луѓето требало да бидат судени за тоа, но, како што наведе, далеку од умот и од правото е дека имало терористичко рушење на уставниот поредок. Според неа, тоа кривично дело било намерно одбрано заради изрекување на најстроги казни....
Пендаровски е за ветинг, за Силјановска досега ветингот бил само празна реторика
Денешен - пред 16 часа
Осврнувајќи се на надлежностите кои ги има претседателот на државата, Силјановска Давкова и Пендаровски значително внимание посветија на судството, односно како да се подобри работата на Судскиот совет и Советот на јавни обвинители. Додека Пендаровски оцени дека и двете институции изминатиот период не биле на ниво на задачата, решението го гледа не во нивно укинување како институции, туку во подобрување на кадарот кој влегува во нив преку ветинг. -Ние можеме да направиме нов судски совет, еве денеска ќе се решиме, и совет на јавни обвинители, меѓутоа јас мислам дека без претходен длабок, прецизно направен ветинг, со странски експерти, со нивна асистенција и помош, ние џабе ќе правиме нови и нови судски совети ако сличен човечки материјал ни влегува во тие судски совети. Нашиот проблем во владеењето на правото не е проблем за еден или двајца кои се погрешно поставени овде или онде, ние имаме проблем со многу повеќе, со неквалитетен човечки материјал, да не кажувам почнувајќи од првичната правна едукација на тие луѓе, начинот како се влегува во судовите и обвинителствата, па се до испорачувањето на правдата, за жал често пати и неправдата. Значи не е само да ги смениме регулативите, туку треба да го смениме начинот како ги селектираме кадрите. Не само најдобрите на факултет, туку и луѓето со интегритет, рече Пендаровски. Претседателот за ветинг зборуваше и во 2016, и во 2020 и во 2024, му одговори Силјановска Давкова. Според неа, моменталната ситуација во судсвото е резултат на тоа што ветингот останал само како реторика, и не се спроведувал кога можело да биде спроведен. -Зависи на што мисли, и досега можеше да се спроведе ветингот како евалуација или ре-евалуација при секој избор, оти генерален ветинг, оној суштинскиот значи распуштање на сите и влегување во еден проблем. Можеше да се посегне по ветинг кога ги предлагаше претседателот Весна Дамева, Миљзим Мустафа итн. стручни соработници, најслабата алка во судскиот совет. Можеше за директорите на агенцијата за разузнавање, можеше секаде каде што има можност да предлага да го предложеше и овој механизам. Инаку, за сите сум, прво за политичарите, може да има таму и ретроактивно дејство, нема проблем никаков, и мислам дека она што се случува денеска е резултат на тоа што ветингот беше само реторика и кога можеше да се примени не се применуваше, рече Силјановска Давкова....
(ВИДЕО) СЕНАТОРОТ РАНД ПОЛ: Фаучи и 15 агенции знаеле за истражувањата на корона вирусот во Вухан и го финансирале тоа
Денешен - пред 16 часа
Ранд Пол е републикански сенатор, лекар по професија, кој е еден од најигилните американски сенатори кој настојува докрај да се расчисти улогата на Антони Фаучи и американската Национална агенција за здравје во финансирањето на лабораторијата во Вухан за екпериментирање со корона вирусот. Иако тоа во низата дебати во Конгресот со Фаучи никогаш не го рекол, во заднина лебди можноста дека вирусот киј уби над 6 милиони луѓе во светот, од кои еден милион Американци, е вештачки создаден, меѓудругото и со пари од САД. Во ова интервју тој одново зборува за целиот проблем: Водител: Републиканскиот сенатор Ранд Пол вели дека 15 федерални агенции целото време знаеле дека научниците во Вухан се обиделе да креираат вирус кој би изгледал многу слично на COVID-19. Во ставот “Големото прикривање на COVID: Шокантната вистина за Вухан и 15 федерални агенции”, објавен на Fox News Digital, Пол пишува: “Со години, се борам да добијам записи од десетици федерални агенции поврзани со потеклото на COVID-19 и проектот ‘Diffuse’. Под притисок, администрацијата на крајот објави документи кои покажуваат дека проектот ‘Diffuse’ беше претставен на најмалку 15 агенции во јануари 2018 година.” За да ја појасни оваа “бомба, со нас е сенатор Пол. Сенатор, добре дојдовте повторно на Ризинг. Сенатор Ранд Пол: Благодарам за поканата. Водител: Одлично е што зборувам со вас. Значи, знаеме, се разбира, дека Еко здравствената алијанса го претстави проектот ‘Diffuse’ до Министерството за одбрана кое не го одобрило финансирањето за тој проект, дали тој проект бил веќе извршен, сеуште во тек или бил прекинат е сеуште отворено прашање. Но, сега велите дека не е само оваа агенција која знаела за овој проект. Кој друг во владата знаеше дека научниците се обидуваат да добијат владино финансирање за да направат вирус што би изгледал како КОВИД-19? Сенатор Ранд Пол: „Важно е да се знае дека единствена причина поради која знаеме за ова е само поради свиркач. Така, во 2021 година, потполковник, марински потполковник Џозеф Марфи од ДАРПА, се јави и рече дека барал вакво истражување бидејќи бил убеден дека се случува. Отворил во папка на компјутер, но немало ништо. Потоа тој видел разговор помеѓу мене и Фаучи и видел дека се зголемува вниманието околу тоа. Се вратил во истата компјутерска папка и одеднаш го открил документот. А документот укажува дека лабораторијата во Вухан работи со UNC, Ралф Бариќ и со Питер Дашчак од Eco Health и нивниот предлог беше да се земе коронавирус кој обично не е многу заразен кај луѓето и да го направи позаразен кај луѓето со ставање на специјално место за расцеп наречено “Фурин”. ДАРПА (Министерството за одбрана) го одби ова. ДАРПА рече дека звучи луди да создадете вирус кој може да биде толку заразен, бидејќи коронавирусот може да биде смртоносен, но обично не е многу заразен и сега комбинирате смртоносно со заразно, имате вистински проблем. И така, тие го одбија. И така, секогаш велевме кога се случи 2020 година и ја видовме секвенцата на КОВИД-19, требаше да се огласат алармите во ДАРПА и тие требаше да се појават и да не предупредат дека Вухан веќе предложил да се создаде многу сличен тип на вирус и никој не направи ништо. Никој од ДАРПА не алармираше. Значи, секогаш сме ги обвинувале луѓето во ДАРПА и мислевме дека тоа го прикривале. Но, сега знаеме дека презентацијата за ова истражување беше дадена на 15 агенции, вклучувајќи ги НИХ (Национална агенција за здравје) и НИАИД, а на чело на НИХ на Фаучи и уште полошо од тоа, не само што беа информирани, оригиналниот предлог „Дифузен“, кој сега знаеме вклучувал и работа што треба да се направи во лабораторијата Роки Маунтин во Колорадо, која е во сопственост на НИХ на Фаучи. Значи, не го поминува тестот за веродостојност што Ентони Фаучи некако не знае ништо за ова. Значи, ние всушност смисливме уште една кривична пријава за него бидејќи во комисијата и Комитетот за помош, тој му кажува на сенаторот Роџер Маршал дека не знае ништо за овој „Diffuse“ грант. И, исто така, во Мисури против Бајден, сведочењето под заклетва пред формалното судење, тој вели дека не знаел ништо за овој „Diffuse“ грант. А сепак сега знаеме дека неговата агенција била брифирана и дека неговата агенција требало да биде дел од првичниот предлог“. Водител: Како ова би можело да ги промени работите во почетокот на избивање на зараза кога започнаа разговори за тоа од каде се појави ова? Како би биле различни тие разговори ако овие агенции кои знаеле дека научниците барале да прават истражувања кои би можеле да доведат до КОВИД? Како би тоа било релевантно за овие разговори кога научниците многу брзо изјавија дека вирудот не можел да дојде од лабораторија? Тоа е тоа што тие рекоа во таа статија, статијата за потеклото, не можело да дојде од лабораторија. Сенатор Ранд Пол: Па, повеќето научници кои ја следат и науката за вирологија и јавната политика како Роберт Редфилд, тој беше шеф на ЦДЦ (Центарот за заразни болести), тој е виролог, тој беше вклучен се до времето на потеклото на СИДА-та, тој беше вклучен во многу од оваа дискусија. Тој вели дека едно нешто за животинските вируси што се разликува од лабораториските вируси е тоа што животинските вируси се многу прилагодени за животните. Има смисла. Кога напаѓаат човек или случајно ќе заразат човек, тие обично не се многу заразни затоа што природно се избрани да бидат добри во репродукцијата кај животното. Значи, тие мора да продолжат да се обидуваат. Тие имаат неколку различни напади кон луѓето. И тогаш, по среќа или природа, се случува мутација, тие заразуваат човек и одеднаш, станува позаразно. Но, овој процес трае, и тие го опишуваат како состојба во која вирусот е незгоден и не е многу добар. Значи, SARS One беше вирус, коронавирус што доведе до епидемија во 2003 година. Имаше стапка на смртност од 10%. Затоа бевме многу загрижени со оваа пандемија. Но, тоа не беше многу заразно (Sars-1); се заразиле само околу 8.000 луѓе. И бидејќи можеше да се стават луѓето во карантин бидејќи не се ширеше брзо, луѓето остануваа дома додека беа болни. Прилично, тие можеа да го спречат преку традиционалниот карантин. Овој САРС КОВ 2 беше различен од самиот почеток. Овој коронавирус беше многу заразен и стануваше уште позаразен со тек на време. Беше многу заразен вирус од самиот почеток. Па, начинот на кој го третирате ова од аспект на јавното здравство, ако е животински вирус, вие мислите за 2003 SARS 1; ова нема да биде толку лошо, знаете? Затоа мислам, знаете, го слушавте Фаучи во раните фази, како во јануари и февруари 2020, има неколку цитати од него каде што вели дека тоа не е толку сериозно, повеќето од овие работи обично исчезнуваат. Тоа би било точно ако биле животински вируси. Но со сите докази дека доаѓа од лабораторија, тие би биле многу поисплашени. И можеби нашето тестирање, можеби нашиот карантин, можеби нашите ограничувања на патувањата, можеби ќе биле во можност да советуваме некои работи побрзо. Но, вистинската злоупотреба овде е тоа што се прикрива врската помеѓу американските долари што течат во лабораторијата во Вухан, а потоа и крајната вина, или барем делот во вината, на Ентони Фаучи бидејќи тој одобрил овие пари да одат во лабораторија која била или невешта или имала несреќа. Но, на крајот, таа ја создаде оваа пандемија. Водител: Би помислиле дека некои од овие федерални агенции би почувствувале малку презир или би сакале одговорност од луѓето во, на пример, Еко здравствената алијанса, кои знаеле за проектот “Diffuse”. Приватно, научниците признаа дека се обидувалe грешно да ја насочат владата за тоа каде ќе се прават истражувањата бидејќи знаеле, бидејќи имале намера да направат голем дел од истражувањата во Вухан, Кина, знаеле дека ако го кажат тоа на владата, ќе предизвика црвени знамиња затоа што безбедносните стандарди таму се полабави. Зошто нашите агенции за одговорност за јавно здравје не се доволно фрустрирани што беа заведени од овие научници? Сенатор Ранд Пол: Тоа ме шокира бидејќи обично луѓето од левицата обрнуваат внимание кога станува збор за безбедноста и малверзациите кај една влада. Ако тоа беше приватна компанија која правеше бебешка формула, би ја затвориле. И, знаете, луѓето би биле затворени, сериозно, ако беше приватна компанија што го правеше ова. Но ова испаѓа да биде од владата. И мислам дека нивната љубов кон владата и централното планирање ги натера да ги бранат, ирационално, да ги одбрануваат работите и кога се грешно менаџирани или кога имаше грешна небрежност. Тие ги бранат до крај. На Антони Фаучи му се доделени милионски награди од групи од левицата, милионски награди. Сеуште има лимузина и безбедносна услуга 24 часа, 7 дена во неделата, иако е веќе пензиониран. Така, љубовта продолжува. И мислам дека е вистинската љубов кон централното планирање. И тие го гледаат нападот на Фаучи или било што што се случило како напад на централната власт. И треба да биде. Тоа е аргумент за индивидуалниот избор на здравствени одлуки кои ги прават индивидуи, за луѓето кои се во можност да ги оценат своите ризици и користи. Има простор за совети, знаете? Има нешто што и јас би рекол ако би бил јавниот здравствен службеник на почетокот на пандемијата. Има две работи што би ги препорачал кои би можеле да спасат животи. Едната би било да се заштитат старите со тоа што лицата кои се грижат за нив, да се лица кои веќе се опоравиле од COVID, користејќи ја природната имуност за да се заштитат, нема да биде перфектно, но е подобро од ништо, особено кога нема вакцина. Исто така и да се обезбеди вакцина најпрво за лицата кои се најризични. И, знаете, ги видовме, знаете, немам ништо против пожарникарите или полицајците, но гледавме 22-годишни здрави полицајци како се вакцинираат. Мислам дека 90-годишниот треба да биде вакциниран пред пожарникарот и полицаецот затоа што се докажа дека болеста не беше многу смртоносна за младите луѓе. Повеќето од нив не ни осетија дека биле заразени. И што повеќе млади луѓе се заразуваат и преживуваат, тоа помага во развивањето на повеќе имунитет во заедницата што на крајот ви треба за да се борите со овој вирус. Водител: Која би била соодветната одговорност за некои од овие владини функционери? Ако, всушност, имало прикривање и ако навистина откриеме дека тоа истражување што го финансиравме, очигледно, тоа сè уште не е докажано, но треба да направиме многу проверки и многу прашања за тоа од каде дојде КОВИД. Која е соодветната одговорност за владините претставници како д-р Фаучи? Се разбира, не мислам дека треба да добива смртни закани или слично, но дали треба да има одговорност во однос на правниот процес ако се докаже дека КОВИД потекнува од лабораторија, или дури и да не потекнува од лабораторија, да се сноси одговорност бидејќи ова истражување било ризично или било направено на несоодветен, незаконски начин и дали требаше да биде како предупредувачки знак кога се случи КОВИД? Сенатор Ранд Пол: Знаете, мислам дека одговорноста е важна. Мислам дека е уште поважно да не дозволиме ова да се повтори. Но, што се однесува до одговорноста, кривично дело е да се лаже Конгресот. Имаше и луѓе од администрацијата на Трамп кои беа уапсени со лисици во долна облека од 17 агенти наутро. Мислам, тргнаа по луѓето на Трамп. Значи, треба да имаме иста правда без разлика кој сте или која е вашата партија. Немам надеж дека администрацијата на Бајден ќе го гони Фаучи. Значи, иако испраќам кривични пријави затоа што мислам дека тој го прекршил законот, и ако имавме јавен обвинител што си ја вршеше работата, мислам дека ќе беше кривично гонет. Не мислам дека тоа ќе се случи. Што се однесува до луѓето што не откриле работи, ако лажеле, треба сносат одговорност. Така, на пример, знаеме дека еден од поручниците на Фаучи, Дејвид Моренс, го користел неговиот приватен мејл. Знаеме затоа што им се пофали на другите луѓе: „Не ми испраќајте никакви информации на мојот владин мејл. Испратете ми ги на мојот Gmail“. Се пофали дека го прекршил законот. Не можеме ни да дознаеме дали го отпуштиле. Мислиме дека е на административно отсуство. Што значи тоа? Една година е на платен одмор. Не мора да работи, сепак е платен за правење нешто што не е во ред, за малверзации. Треба да те отпуштат, а не да те платат. И не можеме ни да ја добиеме таа информација. Веројатно е полесно да се дојде до тајните на хидрогенската бомба, знаете, или нуклеарната фисија или нуклеарната фузија отколку да се добијат документи од НИХ. Тие беа целосно некооперативни и никогаш не ни дадоа ништо. Веројатно ќе биде потребна нова администрација. Но, јас разговарав со, Becerra, секретарот Becerra, кој е шеф на HHS што го надгледува НИХ. И јас разговарав со него по телефон со претседателот на демократскиот шеф на Министерството за одбрана. Се собравме, двете страни, барајќи ја оваа информација. Едноставно не ни одговараат иако ништо од ова не е класифицирано. Сакаме да ги видиме кој утврдил дека ова истражување е безбедно, кој утврдил дека е во ред да се финансира и како течел тој процес? Затоа што за да го поправиме ова, треба да знаеме што тргнало наопаку, бидејќи згрешиле. Никој од нив не е подготвен да признае дека направиле грешка со финансирањето на ова истражување. И истражувачкиот лак не е навистина поврзан со администрацијата. Некои од овие истражувања се од 2015, 2016 година. Но, дури и до тоа време, имаше пауза; федералната влада не требаше да го финансира ова истражување. И имаше исклучоци дадени. Ентони Фаучи даваше исклучоци. И така, ние навистина треба да дојдеме до дното на ова за да го поправиме. И не можеме само да кажеме: „Ох, ништо никогаш не се случило и не дојде од лабораторија“, и да очекуваме дека ќе бидеме заштитени, ова повторно да не се случи. Водител: Сенаторе Пол, ви благодарам за разговорот....
ТВ 24: Полошкиот регион се празни
Денешен - пред 17 часа
Секоја втора куќа е со спуштени ролетни. Ваква е сликата во полошкиот регион особено кога поминувате покрај селата, се вели воприлогот на ТВ 24. Прилично раскошни домови се отвораат еднаш или два пати во годината кога исселените тетовци- печалбари доаѓаат во својот роден крај за време на летнитот одмор и новогодишните празници. Исселувањето од полошкиот регион е рак рана која ги празни градовите и селата .Граѓаните велат дека дека многу нивни пријатели и роднини веќе не се тука, претежно се заминато во западно-европските земји каде бараат подобра иднина. Преполните автобуси на автобуската станица во Тетово говорат за иселување од Полог. Секој ден се повеќе автобуски линиии се упатуваат кон Запад. За празнењето на полошкиот регион говорат и поразителните бројки од почетокот но и од второто полугодие на оваа учебна година.Според Секторот за јавни дејности при Општина Тетово, цели семејства заминуваат во западноевропските земји, училишните клупи остануваат празни. „За жал трендот на намалување на бројот на ученици не ја одминува ниту општина Тетово. Последниве години, секоја учебна година има помалку запишани ученици. Колку за пример, во средните училишта оваа учебна година има запишано 500 ученици помалку, а во основните околу 800. Во текот на првото полугодие од училиштата во општина Тетово се отпишани 160 ученици, а до крајот на оваа учебна година се очекува таа бројка да се зголеми на 250. Намалувањето на бројот на ученици повлекува и проблем за наставниот кадар, бидејќи голем број на наставници заради затворање на паралелките се соочуваат со губење на работните места. Главната причина за сето ова е иселувањето во странските држави, потврдуваат од Секторот за односи при Општина Тетово. Ако во минатото луѓето заминувале само поради економски, сега причините за отселувањето од Тетово, но и за цела држава се повеќеслојни, велат граѓаните за телевизија 24. Но, масовниот егзодус е се поголем поради политички причини но и проблемите со кои граѓаните се соочуваат во образованието, здравството и животната средина....
ДЕР ЛАЈЕН: ЕУ требаше да ги послуша предупредувањата на Централна Европа за Русија
Денешен - пред 17 часа
Претседателката на Европската комисија, Урсула фон дер Лајен денеска изјави дека требало да се слушаат што зборуваат земјите од Централна Европа за Русија и порано да се преземат „одлучни акции“. – Мислам дека требаше подобро да ги слушаме земјите од Централна Европа. Тие имаат многу повеќе искуство со соседството на Русија. Можеби требаше да направиме нешто порано, како што предложија некои централноевропски земји. Денеска можеме да бидеме благодарни и задоволни што имаме толку силна Европа, која може да даде толку силен одговор на Русија, рече таа на прес-конференција во Брисел на прашањето што научи ЕУ од Полска во изминатите 20 години. Претседателката на Европската комисија истакна дека 20-годишнината од големото проширување на ЕУ бил одлучувачки момент и гледајќи од денешна перспектива, суштински ја промени Европа и ја направи посилна, пренесува полската телевизија TV World....
ТРАГИЧЕН НАСТАН: 26 годишната Христина Б. е пронајдена мртва во Штип
Денешен - пред 18 часа
СВР Штип работи на расчистување на случајот со пронајдената мртва 26 годишна кавадарчанка во куќа каде престојувала како потстанар. Неофицијални информации говорат дека девојката дошла во Штип каде мајка ѝ издржувала затворска казна, а тоа е всушност жената која лани уби човек во Кавадарци, а потоа го запали неговото тело. Мајката на 26 годишната Х.Б која завчера во Штип е пронајдена мртва во својот стан, лани извела невиден масакр врз тело на пензионер од Кавадарци. Според доказите жестоко со нож го избола човекот со кого во еден период живеела, а потоа сакајќи да го сокрие злосторството телото го запалила. Полицијата по извесен период имала проблем со идентификација на убиецот, но сепак мајката на Х.Б е откриена, а потоа и осудена на затворска казна од 14 години. Починатата Х.Б живеела во Штип, а во Кавадарци одела поретко каде имала брат и татко со кого имала проблеми, а пред неколку месеци и физички го нападнала. Ова укажува на друг момент од нејзиното психичко однесување, кое веројатно било контролирано со медикамент. Засега ова се само претпоставки бидејќи резултатите од обдукцијата се уште не се познати. Од МВР денеска го потврдија случајот со смртта на Х.Б, потврдувајќи ги наводите на ТВ Стар дека вчера таа е пронајдена почината во изнајмениот стан на улицата „Кеј Димитар Влахов“ во Штип. На 26-ти април во 23:57 часот, сега веќе починатата Х.Б. на социјалната мрежа Фејсбук оставила потресна порака: – Овоа ви е правдата! Со лаги и манипулација местите невини луѓе! Олигарси сите до еден! Хакиран Акаунт! Препраќани пораки! Намерно Ме направите бугарка да ме закопате! Ме направите расист додека бевте сите ви бели а јас црна. Убиена од сопствената фамилија и боговите на власт и опозиција! Лажни Докази! Конспирација! Силувачи! Манипулација! Закани! трагот ви стое...
На ГП Богородица се чека околу 30 минути
Денешен - пред 18 часа
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. На ГП Богородица се бележи зголемена фреквенција на возила, времето на чекање за излез од државата е околу 30 минути. На останатите гранични премини од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево....
СЕКОЈ ДЕН ПОРОЈНИ ДОЖДОВИ: УХМР со прогноза за претстојните денови
Денешен - пред 18 часа
Времето денес е променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи. Во Скопје променливо облачно со слаб до умерен ветер од јужен правец. Попладне во делови од котлината ќе има краткотраен пороен дожд и појава на ретки грмежи. Променливо облачно со слаб до умерен ветер од југозападен правец. Попладне на повеќе места ќе биде нестабилно со пороен дожд и грмежи, локално во форма на краткотрајно невреме. Времето утре ќе биде променливо облачно со слаб до умерен ветер од југозападен правец. Попладне на повеќе места ќе биде нестабилно со пороен дожд и грмежи, локално во форма на краткотрајно невреме. Во петок времето ќе биде променливо облачно со слаб до умерен, а во западните делови повремено засилен ветер од западен правец. Попладне на повеќе места ќе биде нестабилно со пороен дожд и грмежи, локално во форма на краткотрајно невреме. Во сабота времето ќе биде променливо облачно со повремени врнежи од дожд. Ќе дува слаб до умерен, а долж Повардарието и во источните делови повремено засилен ветер од северен правец....
Турската партија ќе го напушти „Европскиот фронт“ на Ахмети по изборите
Денешен - пред 19 часа
Кандидатите Турци за пратеници кои се во коалиција со Демократската унија за интеграција (ДУИ) во рамките на Европскиот фронт не делат заеднички вредности, па по изборите ќе ја напуштат оваа коалиција. Ова го изјави во интервју за порталот Пресонлајн.ал Енес Ибрахим претседател на Партијата за движење на Турците (ТХП) и кандидат за пратеник на Коалиција за европска иднина во ИЕ Бр.5. „Коалициите треба да имаат одредени вредности, во овој случај, доколку се Европски фронт, треба навистина во таа коалиција да учествуваат политички партии кои веруваат во овој концепт, а не кои сакаат само да имаат пратеник, па потоа во 20 часот на 8 мај да избегаат во различни коалици. Изминативе години тоа се случуваше во рамки на другите коалиции, па така најголем дел од тие коалиционни партнери нема да останат со ДУИ бидејќи не ги имаат истите вредности со ДУИ. Коалицијата предводено од ДУИ, сметам дека не е принципиелна. Најголем дел од тие коалициони партнери, претходно биле во коалиција со ВМРО-ДПМНЕ, потоа биле со СДСМ, па откако им биле затворени вратите во СДСМ и во ВМРО-ДПМНЕ, нашле една мала врата во ДУИ. Кога зборувам за непринципијална коалиција, зборувам за европските вредности. Во оваа коалиција имате политички партии и поединци кои секогаш биле анти НАТО, анти Европа. И затоа оваа коалиција е непринципиелна и нема да има успех“, смета Ибрахим. Тој смета дека турската заедница е маргинализирана и изолирана и дека за нив патот кон членството во ЕУ е најбитен елемент. Според него, помалку бројните етнички заедници, вклучително и турската заедница, немаат алтернатива, и затоа, смета тој, патот кон ЕУ мора продолжи....
СИНДИКАЛЕН ПРОТЕСТ ЗА 1 МАЈ: 450 евра минимална плата, со 22 500 денари не се живее
Денешен - пред 20 часа
Лазе Георгиевски по педесети пат маршираше за работничките права. Почнувајќи од далечната 1974-та, секоја година, на први мај излегува на улица заедно со работниците. И по 50 години, со истиот жар и енергија, како да му е првпат, го крена својот глас и повика на работничко обединување, поголеми плати и достоинствени услови за сите, објавува ТВ СИТЕЛ. „Ова ми е 50-ти марш мене овде. Затоа добив и плакета од Сојуз на синдикати. Синдикатите да се спојат. Сите синдикати се некаде околу 300 илјади. И нашите пензионирани синдикати се уште 300, тоа се 600 илјади. Таа е една маса што може да направи голема промена во оваа држава“, изјави Лазе Георгиевски. Традиционалниот првомајски марш тргна точно во 11 часот пред работничкиот дом. Оттаму се упатија кон Собранието, каде кренаа црвен картон за пратениците. „Зарем работникот не заслужува да му биде платен превозот, како на господата позади што седат? Само нивните ли автомобили трошат горива? Не им попуштаме. Постојано ќе продолжиме со истиот притисок“, изјави Томислав Гиевски, Претседател на независниот синдикат за образование „За неколку дена кога ќе се наполни собранието, немој да мислат дека ова што денеска го правиме, нема да го продолжиме“, рече Гоце Делчев од НСП. „Со големо „уа“ да ги поздравиме и да им порачаме дека во иднина не може без нас. Да живее Македонија“, истакна Игор Ѓерасов, Претседател на СИЕР Пред Стопанската комора порачаа дека газдите нема да опстојат без работниците, младите не можат да се одлучат на семејство со договорите на дело и дека платите на работниците не се доволни за пристоен живот. „Да знаат дека оваа држава и компании се изградени од работничка крв и пот. Да знаат дека не се живее со 22.500. И да знаат уште многу работи после ова: лопови, лопови, лопови!“, порача Иван Пешевски од ССМ. Маршот заврши на Илинденска. Таму рекоа дека после 8 мај, кој и да дојде во владата, треба да ги исполни нивните барања уште во првите 100 дена. „Бараме најниската плата да биде иста со платите во регионот, односно минимум 450 евра. Бараме враќање на загубеното право во 2009-та година, додаток за храна и превоз“, изјави Столе Кашиковски од СУТКОЗ. „Во минатата година, а и оваа година, не знам колку пати бевме тука пред оваа зграда и не знам какви се барања не испорачавме. Од тие барања, и за повисоки плати, и за подобри права, овие позади не не слушаа“, порача Трпе Деаноски, УПОЗ. „Не сме задоволни од ниту една влада досега. Не сме задоволни затоа што водат грижа само за себе, а не се грижат за работниците, пензионерите и граѓаните. Не сме задоволни поради тоа што покажаа дека само за нив важат правилата во државата, а за нас не“, рече Слободан Трендафилов од ССМ....
БИТИЌИ: Со победа на СДСМ на 8-ми мај за уште поголеми плати на работниците
Денешен - пред 20 часа
„Гласот за број еден, за СДСМ и Коалицијата за европска иднина, е глас за поголеми плати и унапредени работнички права. Седум години градиме економска атмосфера на постојан раст на платите, да не дозволиме ова да биде загрозено – работниците и работничките тоа не го заслужуваат“, им порача на сопартијците Фатмир Битиќи, потпретседател на СДСМ и ко-носител на листата на кандидати за пратеници во Изборна единица 2, на денешниот Првомајски пикник кој беше организиран од партијата во Градскиот парк во Скопје. „Двојно ја зголемивме просечната плата од 2016 година, денес таа изнесува речиси 40.000 денари. Минималната плата не ја оставивме на егзистенцијалниот минимум, на кој ја затекнавме во 2016, кога изнесуваше 10.000 денари, сега таа изнесува 22.500 денари. Знаеме дека треба уште повеќе, затоа ветуваме просечна плата од 1.100 евра и минимална плата од 600 евра во наредните четири години. Ова е добриот глас кој треба да го ширите до секој човек, во секое село и град“, порача до членовите на СДСМ потпретседателот Битиќи. Тој истакна дека СДСМ е силна партија и денешниот Ден на трудот треба да биде дополнителна мотивација за поголемо заедништво во пресрет на денот на изборите на 8 – мај и продолжување на битката за европска Македонија. „Не смееме да се откажеме, социјалдемократијата не обврзува да водиме грижа за секое работно место, за достоинствена плата. Никој друг, само ние, социјалдемократите можеме тоа да го понудиме на граѓаните со програмата каде работникот е на прво место. Никој да не биде изоставен од економските успеси, што значи повисоки плати и пензии, поголема куповна моќ и подобар квалитет на животот. Ќе се погрижиме секое домаќинство да ужива во сигурна финансиска иднина, со поголем пристап до услуги и можности“, рече Битиќи. Потпретседателот на партијата посочи дека СДСМ е партија која се води од социјална правда, еднаквост и солидарност и секогаш е на страната на работниците, го почитува и вреднува нивниот труд....
КОВАЧЕВСКИ: Со враќање на ВМРО-ДПМНЕ дозволуваме сигурна блокада на Македонија
Денешен - пред 20 часа
„Враќање на ВМРО ДПМНЕ на власт значи режим во најава, сигурна блокада на Македонија и внатрешни етнички тензии. Ако го дозволиме тоа, ќе ѝ се нанесе огромна штета на државата“, порача претседателот на СДСМ, Димитар Ковачевски, од Првомајскиот пикник што денеска се одржа во Градскиот парк во Скопје. Тој ги повика граѓаните и сите прогресивни сили во земјата, кога ќе излезат на гласање на 8-ми мај да имаат предвид дека преголема моќ за десничарска партија како ВМРО ДПМНЕ ќе претставува сериозна закана за иднината на земјата. „Ако десничарска партија како ВМРО добие таква моќ, со сите државни ресурси на располагање, може да се соочиме со крајот на нашата европска перспектива. ВМРО ќе ја одложува евроинтеграцијата до недоглед како што тоа го правеше Груевски. Затоа, во среда, една недела од денеска, сме исправени пред уште една голема одлука – дали ќе го дадеме нашиот глас за да одиме напред, во европска иднина, или ќе гласаме за да се вратиме назад и да го вратиме режимот кој нѐ гушеше 11 години“, истакна Ковачевски. Лидерот на СДСМ им порача на граѓаните дека ова се исклучително важни избори за европската иднина на државата. „Гласот ЗА е глас за сигурна, безбедна и европска иднина на Македонија. Гласот ЗА е глас за инвестиции во иднината на земјата, не за жални врби, стиропор и фонтани. Со гласот ЗА ќе обезбедиме подобри услови за живот тука, во Македонија, за нашите деца, внуци и идните генерации да си останат дома и тука да си ја бараат среќата. Друга татковина ние немаме“, рече Ковачевски....
КОВАЧЕВСКИ НА ПИКНИК ВО СКОПСКИОТ ПАРК: Силен СДСМ во Собранието е потребен заради иднината на државата
Денешен - пред 20 часа
„Силен СДСМ во Собранието е потребен заради иднината на државата. Нема друг начин да го спречиме ВМРО ДПМНЕ повторно да го донесе режимот кој толку долго се трудевме да го срушиме“, истакна претседателот на СДСМ и носител во ИЕ 1, Димитар Ковачевски на Првомајскиот пикник што денеска се одржа во Градскиот парк во Скопје. Тој потенцираше дека СДСМ во изминатите седум години успешно се справи со здравствената, енергетската и економската криза и донесе тешки, но важни одлуки за подобра и просперитетна иднина на државата. „Изминатите неколку години носевме тешки, но исправни одлуки. Разговаравме и разговараме со граѓаните, на терен сме, нѐ гледате и мене и нашите кандидати за пратеници. Свесни сме за грешките што ги направивме, но и свесни сме дека сето ова беше една лекција од која извлековме многу поуки. Тешките одлуки значеа многу политички компромиси и хируршки прецизно водење на процесот за зачленување на Македонија во НАТО“, рече Ковачевски. Лидерот на СДСМ ги повика граѓаните масовно да излезат на изборите на 8-ми мај и да дадат поддршка за кандидатите на СДСМ и Коалицијата за европска иднина и за претседателскиот кандидат Стево Пендаровски. „Само така, сите заеднички, ќе зачекориме кон европска иднина за Македонија, европска иднина за нашите деца“, порача Ковачевски....
ДИМИТРИЕВСКИ ЗА СДСМ: Нивната ароганција е ненадминлива, ги доведе до најслаб резултат во историјата
Денешен - пред 20 часа
Движењето ЗНАМ – За наша Македонија денеска по повод празникот на трудот организираше пикник во Пелинце. Претседателот Максим Димитриевски во изјавата за медиумите им го честиташе празникот на сите граѓани и работници и им посака здравје, успех и среќа. Тој рече дека работничката класа е онаа што ја дигнала Македонија да стане држава. Димитриевски од Пелинце испрати порака до раководството на СДСМ: „Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат. Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија. Ниското ниво на комуникација нема да го прифатиме. Но, како и да е, ние позитивно продолжуваме понатаму и чест ми е што денеска токму овде традиционално во Меморијалниот центар Пелинце- АСНОМ, каде што се удрени темелите на современата македонска држава, гледам голем број на мои поранешни соборци и сопартијци, коишто ни се придружија на овој настан во организација на Движење ЗНАМ – За наша Македонија и нивниот број секојдневно расте. За разлика од раководството на СДСМ, тие ја прифатија подадената рака. Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, државните и националните интереси“....
Ковачевски ги одби условите на Димитриевски, Мицкоски негира „кокетирање“ со структури на СДСМ
Денешен - пред 20 часа
На синоќешниот митинг во Кисела Вода на СДСМ, Ковачевски рече дека немало да тргува со иднината на државата, а упати и низа критики за неговиот поранешен сопартиец, пренесе Канал 5. Според него, СДСМ е единствената партија наследник на НОБ и АСНОМ, а граѓаните и гласачите на партијата веќе ја препознале, како што рече, измамата која им е сервирана од страна на ЗНАМ и непринципиелните коалиции. -За разлика од субјектите како „ЗНАМ“ кои се човек-партија, СДСМ се државничка партија со длабоки и силни корени. СДСМ не прифаќа условувања и со никого не прави политички дилови. Раководството на СДСМ го бираат членовите на СДСМ кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Но, една работа ќе им порачам, на крајот на денот предавникот не го сакаат дома, меѓутоа уште помалку го сакаат надвор од дома, рече Ковачевски. Димитриевски од првомајскиот пикник на ЗНАМ од Пелинце му возврати на Ковачевски дека навредите уште еднаш ја покажале ароганцијата на партискиот врв на СДСМ. Во изјавата за медиумите Димитриевски не одговори на повикот од Мицкоски, кој од митингот во Струмица демантираше дека имале соработка со Заев. Лидерот на ВМРО-ДПМНЕ оттаму уште еднаш побара од првиот човек на ЗНАМ да се изјасни дали ќе ја поддржи Силјановска или Пендаровски во вториот круг од изборите.. -Наместо да работат за интересот на народот и на Македонија, и да измислуваат триста глупости и изговори, зошто сме контактирале со овој зошто сме контактирале со оној.. Еве да му одговорам на оној претседателски кандидат, којшто постави прашање кукавички денеска дека ВМРО-ДПМНЕ кокетирало де со овој-де со оној. Ниту со Ковачевски, ниту со Венко Филипче, ниту со Зоран Заев, ние комуницираме и сме во коалиција со народот на Македонија. Ајде кажи сега кого ќе поддржиш?, изјави Христијан Мицкоски – претседател на ВМРО-ДПМНЕ Во пакетот услови, покрај оставки од раковдството и повлекување од пратеничките листи на носителите и коносителите, Димитриевски од СДСМ побара и гаранција дека нема да продолжат соработка со ДУИ.. За ова, како и за темата уставни измени – рече дека се согласува со ВМРО-ДПМНЕ....
ДЕСПОТОВСКИ: По изборите, ново раководство на СДСМ
Денешен - пред 20 часа
По двојните избори за претседател и парламент на 8-ми мај, СДСМ ќе има ново раководство, а тоа треба да подаде рака на гласачите кои отидоа кај Максим Димитриевски, рече во DailyClick на ТВ 21 Јован Деспотовски од СДСМ. „Што треба сега да направиме? И според мене новото партиско раководство треба да подаде рака кон избирачите кон нашите членови кои во првиот круг од претседателските избори, а дел од нив верувам и сега заокружиле за Максим. На кој начин тоа треба да се направи? Треба да се седне и да се разговара, меѓутоа секако станува збор за нашите поранешни, сегашни идни партиски другари кои биле заедно со нас изминатите 20 години во сите битки кои СДСМ ги водела“, вели Јован Деспотовски. „СДСМ треба да прифати дека во делот на националните и државни прашања некаде згреши. Тие 80 илјади во првиот круг да учествуваат во процес на рушење на Власта која претходно ја поддржаа. Станува збор за францускиот предлог, станува збор за внатрешните односи меѓу граѓаните, доминацијата на ДУИ, дури и последица од Преспанскиот договор“, вели Илија Димовски. Деспотовски вели дека СДСМ потфрлила во клучни политики, но и во кадровски решенија. Димовски пак се надева дека секоја идна Влада ќе паѓа на ваков начин, додавајќи дека потребни се драстични промени на политиката кон соседите и ЕУ и односот на државата кон криминалот и корупцијата. „И сегашниот партнер во Владата ДУИ помогна одреден дел од гласачкото тело да се хомонегизираат кон ВМРО-ДПМНЕ. Дојде времето сега навистина да покажеме дека сме ја разбрале пораката“, порача Јован Деспотовски. -И неколку пати се најавува метла… „Да и мислам дека сега е дојдено времето тоа да се случи“. „Ние би биле среќни доколку нашите сограѓани Албанци ја разберат фустрацијата која Македонците во последните години ја имаат по однос на државни и национални интереси. Иако некои од политичките партии на албанците таа фрустрација пробуваат да ја препакуваат во некако анти-албанство, тоа е неточно и злоупотреба. Ние велиме, ве молиме за дозволете ни, за национални и идентитески прашања ние да процениме како ќе постапиме сами спрема семе и бидете ни први комшии и соработници да го зачуваме тоа“, вели Димовски. Димовски заклучува дека сензиилитетот кај граѓаните за политика во квалитативна смисла е многу продлабочен и нема да може граѓаните веќе да бидат излажани....
МИЦКОСКИ: Денес работничките права се прекршени и погазени, државата не води грижа за тие кои се р`бетот на економијата
Денешен - пред 21 часа
Денес работничките права се прекршени и погазени. Државата многу малку води грижа за тие кои создаваат и се р’бетот на нашата економија, вели претседателот на ВМРО-ДПМНЕ, Христијан Мицкоски. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница. Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја. Честит 1 мај, меѓународен ден на трудот!...
СИЛЈАНОВСКА: Струмица ја нареков феудот на Заеви што ќе се распадне!
Денешен - пред 21 часа
Во Струмица се чувствувам особено добро бидејќи знам дека оттука ќе тргне тој политички вулкан што ќе стави крај на последната феудална енклава во Македонија. Таа енклава ја нареков феудот на Заеви што ќе се распадне! Замислете, „заколнати“ самонаречени европјани мислат дека со рефудализација ќе стигнат во ЕУ. Неверојатно нешто! Посебно ми беше убаво кога видов дека сме победиле и во Муртино,вели кандидатката за претседателка на Македонија, професор д-р Гордана Силјановска-Давкова, од Струмица. Денеска во една чудна дебата, квази дебата на давеник што се фаќа за сламка, бев прашана како може да не го употребувам името „северна“, сум го кршела Уставот. Му објаснив дека правото на самоопределување е колективно право и дека Македонија истото го искористи уште на АСНОМ. Но и дека секој од нас има право на индивидуално самоопределување и дека никој, никогаш ниту мене, ниту вам не може да ни забрани да го употребуваме името Македонија. Замислете, во една емисија, во еден изборен циклус, не знаете кој е кој, не знаете со кого разговарате, бидејќи господинот Пендаровски неколку пати го негира она што го кажал. Во една изјава сум одличен професор, меѓународно признат експерт, дека сум имала висока морална вертикала. Па после вика не, јас мислев на висока морална вертикала во однос на Уставниот суд. Пазете, луѓево имаат по десет морални вертикали. Еднаш за Уставниот суд, еднаш за Собрание, еднаш за претседател… Неверојатен конгломерат. Како тогаш очекувате став од ваквите луѓе? Како очекувате да опстојат? Уште посмешни се оние од Проевроскиот фронт. Маршираат во место и си замислуваат дека се „европски“ претседатели, имагинарна функција. Замислете го говорот кога ние сме велеле твоја и горда Македонија, тоа било екстремен национализам. Па не знам зошто, ако тоа е национализам, програмата се преведе на албански, турски, српски, влашки, ромски и бошњачки јазик. Кој е тука националистот? Не, ние не сме....
ПЕТРОВА: Прекршено е „златното буџетско правило“
Денешен - пред 21 часа
Конечно, Министерството за финансии вчера во објавата на податоците за јавниот долг на својата веб страна “призна” дека јавниот долг во 2023 год. изнесува 62,1% од БДП и дека е прекршено “златното буџетско правило”! Додека ова може да се види во објавата на веб страната, МФ повторно не го истакна децидно овој факт во своето вчерашно соопштение за медиумите. Но, од фактите не може да се бега, вели Дополнителниот заменик-министер за финансии во преодната Влада Елена Петрова. Што се однесува до објавениот податок дека јавниот долг на крајот на првиот квартал од оваа година изнесува 58,6% од проектираниот БДП, вреди да се напомене дека оваа проекција за номинален БДП во 2024 год. од 14,966 милиони евра е многу оптимистичка во однос на остварениот номинален БДП во претходните години (13,668 милиони евра во 2023 год., 13,059 милиони евра во 2022 год.). Но, свесни сме дека со вака проектираниот БДП се влијае на тоа колкав буџетски дефицит и јавен долг ќе искажува МФ во текот на годината. Новата Влада после изборите ќе има голем предизвик да го стабилизира јавниот долг и да го поттикне растот на економијата преку придвижување на јавните и приватните инвестиции и други мерки за поттикнување на економските активности и создавање нова додадена вредност....
АНДОНОВСКИ: Борбата против корупцијата ќе биде прв приоритет на идната Влада
Денешен - пред 21 часа
При подготовката на програмата насловена „СТОП ЗА КОРУПЦИЈАТА“, се стаса до два заклучоци – прво дека корупцијата е развиена и на највисоко и најниско ниво во државата, а второ дека нема алатка за борба против корупцијата. Ако тргнеме од формалното, напишани се бројни стратегии, патокази, одлуки на странски тела, странски анализи. Меѓутоа, видовме дека државата нема концепт за борба против корупцијата и од таму тргна нашето осмислување на програмата, изјави дополнителниот заменик министер на министерството за информатичко општество и администрација, Стефан Андоновски, на гостувањето на поткастот „Избори 2024: Партиски заложби против корупција“ на Институтот за демократија „Социетас Цивилис“. Прв пристап е во делот на спречувањето – односно во правосудството, коментираше Андоновски. „Преку проверка на имотот на судиите и јавните обвинители, ќе воведеме филтер кој ќе треба да води кон интегритет на судиите и јавните обвинители. Втората алатка е распуштање на распуштање на судскиот совет и јавни обвинители, чии што членови покажаа партизираност и непрофесионален однос. „Замислете, членови на партиски правни комисии се бираа да го водат судството.“ Третата алатка е да судиите и јавните обвинители да бидат раздвоени во посебни Академии – Академија за судии и Академија за јавни обвинители. Целта е судиите и обвинителите да не бидат на исто место со цел спречување на блискоста меѓу нив. Борбата со нашироко распространетата корупција мораме да ја водиме преку сеопфатна робусна дигитализација. „Дигитализацијата на регистрите и нивно поврзување ќе даде полесен пристап на сите граѓани, каде што не би можело да се чуваат предмети во фиока или пак, би можело да се дојде до потеклото на имот. Поврзувањето на Катастарот, Управата за водење матични книги, Управата за јавни приходи и Централниот регистар ќе даде вистинска слика за потеклото на имотот на функционерите, прикажување на имотот на високите административни и правосудни органи и со нив поврзаните лица....
ТВ 21 открива што се случуваше зад кадарот на претседателската дебата
Денешен - пред 21 часа
Зад кадар на првата претседателска дебата меѓу кандидатите за претседател Стево Пендаровски и Гордана Силјановска Давкова. Ќе ви откриеме што се случуваше во студиото на ТВ21, пред да се вклучат и откако се изгасија камерите. Прв дојде кандидатот поддржан од СДСМ Стево Пендаровски. Заедно со своето обезбедување и лицата задолжени за односи со јавност. Додека ја чекаше својата против кандидатка, со својот тим го бираше пенкалото со кое ќе „настапи“ на дуелот. Пристигна и Гордана Силјановска Давкова, исто така со својот тим. Упатувајќи се кон студиото, ја прашавме дали се чувствува изморено со оглед на тоа што веќе доаѓа и крајот на кампањата пред вториот круг. Ни рече дека не чувствува замор, бидејќи сака да патува и да се среќава со луѓе низ Македонија. Влегувајќи во студиото, Давкова оставајќи ја ташната се поздрави со обезбедувањето и лицата задолжени за односи со јавност на против кандидатот Стево Пендаровски, кратко прокоментира дека не ги познава. Дојде и момент за средба меѓу двајцата против кандидати. Страните на седење веќе беа утврдени, па си подадоа рака и посакаа успешна дебата, а нашата екипа ги замоли и за заедничка фотографија. Ништо до тој момент не навестуваше дека ова ќе биде жешка дебата со остри коментари еден кон друг. По строго утврдени правила, 90 секунди за одговор на прашање и 30 секунди за реплика и контра реплика дебатата започна со првото прашање. Колминацијата се случи кога кандидатите еден кон друг започнаа да дофрлаат и изговараат лични квалификации, особено на теми од 90-тите години. И така 75 минути, над 500 илјади гледачи само на друштвените мрежи го следеа дуелот по кој следуваа низа на коментари и анализи кој бил победникот. Водителот пред крајот нагласи дека и двајцата кандидати за претседател се професори, а следуваше краток коментар од Силјановска Давкова дека ваква дебата не доликува на професори, а кон водителот и уредник на дебатата упати критика дека требало да биде построг. Откако водителот Љубиша Цветковски означи крај на дебатата и им посака успешна кампања и изборен ден, камерите се изгасија, а лицата задолжени за односи со јавност и комуникација веднаш дотрчаа до своите кандидати. „Мислам дека не се ниту погледнаа откако заврши дебатата. Настана еден молк во студиото, секунди кои се претворија во часови… Тишината одредуваше кој и како ќе го напушти студиото“, коментира уредникот Јовица Пауноски. Гордана Силјановска Давкова стана од столицата и се упати кон вратата, кратко осврнувајќи се кон техничката екипа која ја реализираше дебатата: „Ви благодарам многу и извинете за тоа што се случи“, алудирајќи на делот од дебатата во кој падна нивото на квалитет. Водителот и уредник ја испрати кандидатката, а потоа истото го стори и со кандидатот....
ВМРО-ДПМНЕ: Милионерот Каевски ја злоупотребил позицијата како директор на АМС, со распределбата на ваучерите направен милионски криминал
Денешен - пред 21 часа
Милионерот Каевски ја злоупотребил позицијата како директор на АМС, со распределбата на ваучерите направен милионски криминал, велат од ВМРО-ДПМНЕ. Каевски како директор на Агенцијата за млади и спорт, неговиот наследник Наумче Мојсовски и Даниел Димевски од МОК се гонат заради сомнежи дека како директори на Агенцијата, но и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на пари, со што го оштетиле Буџетот на државата, но и луѓето што имале законско право на тие пари, а не им биле доделени. Во предметот на Државната комисија за спречување на корупцијата, врз основа на кој како што известија медиумите е поднесена пријавата и отпочната постапката се присутни сомневања дека спортските федерации, клубовите и спортистите добиваа ваучери, а одредена фирма ги реализирала под услов дел од парите да ги добие назад преку даночно ослободување. Сега е повеќе од јасно зошти Каевски беше најжесток гласноговорник на СДС, повеќе од очигледно е дека интересот му бил голем. По оваа афера станува јасно зошто спортот во Македонија во последните 7 години е на историско најниско ниво. Наместо за развој на спортот, парите наменети за истиот се пренасочувани во криминални шеми. Време е да го вратиме спортот во рацете на спортистите. Време Македонија повторнo да биде твоја....
Во Шпанија уапсени повеќе од 100 лица поради измама на корисниците на Воцап
Денешен - пред 1 ден
Повеќе од 100 лица се уапсени во Шпанија под обвинение дека со измама украле илјадници евра од корисници на апликацијата Воцап (WhatsApp), тврдејќи дека се роднини во неволја, објавија денеска шпанските медиуми. Полицијата соопшти дека уапсените биле дел од криминална група која преку оваа измама остварила нелегална добивка од речиси еден милион евра, јавува Би-Би-Си. Сите уапсени се обвинети за измама, перење пари и учество во криминална организација која, според шпанската полиција, ги измамила корисниците на Воцап и барала од 800 до 55.000 евра....
Одбележување на Меѓународниот ден на трудот ширум светот
Денешен - пред 1 ден
Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови....
Земјотрес од 4,3 степени според Рихтер во централна Хрватска
Денешен - пред 1 ден
Земјотрес со јачина од 4,3 степени според Рихтеровата скала утрово во 5 часот и 38 минути го погоди подрачјето на градот Слуњ во централна Хрватска, соопшти Сеизмолошката служба. Епицентарот на земјотресот бил на околу 15 километри јужно од Слуњ и на длабочина од 10 километри. Магнитудата на земјотресот изнесувала 4,3 степени според Рихтеровата скала, а интензитетот во епицентарот е проценет на V-VI нивоа од ЕМС скалата“, соопшти Сеизмолошката служба на Хрватска. Граѓаните од подрачјето во близина на епицентарот велат дека се се тресело. Земјотресот бил почувствуван низ цела Хрватска, најмногу во Лика и централна Хрватска. Земјотресот е почувствуван и во Загреб. Европско-медитеранскиот сеизмолошки центар соопшти дека земјотресот е почувствуван и во Босна и Херцеговина и во Италија....
ШМИТ: Сериозни закани по територијалниот интегритет на БИХ доаѓаат од лидерите на РС
Денешен - пред 1 ден
Високиот претставник во Босна и Херцеговина (БиХ) Кристијан Шмит синоќа истакна дека постојат закани по територијалниот интегритет на БиХ и дека тие доаѓаат од лидерите на Република Српска (РС). „Постојат закани за Босна и Херцеговина, бидејќи претставниците на РС постојано зборуваат за отцепување, одвојување на ентитетот од државата. Додик неодамна изјави дека Бошњаците можат да имаат 25 отсто од територијата. Некои го сфатија ова како простор за етнички инциденти“, рече Шмит во своето обраќање пред Советот за безбедност на Обединетите нации. Тој посочи дека неговиот мандат е да го надгледува спроведувањето на Дејтонскиот договор и оти за тоа има поддршка од Советот за безбедност. „Советот за безбедност повеќе пати искажа поддршка за моето работење. Веќе со нетрпение го очекувам мојот извештај следниот месец“, додаде Шмит. Тој се осврна на излагањето на српската членка на Претседателството на БиХ, Жељка Цвијановиќ, која упати сериозни обвинувања против Шмит, наведувајќи дека во него „не се почитуваат фактите и правната рамка на БиХ“. „Се надевам дека разбирате дека ова не е место за разговор за навреди, ова е место за разговор едни со други. Повикувам на поголема точност, единственото нешто што го гледам е злонамерност“, рече Шмит. Тој посочи дека како висок претставник мора да биде гарант за постоењето на ентитети, кои се делови од БиХ, која има меѓународен субјективитет, додавајќи дека РС е составен дел на БиХ....
Првомајски штрајк и протести во Грција
Денешен - пред 1 ден
Најголемите грчки синдикати денеска закажаа штрајк и протести за одбележување на Денот на трудот, иако официјално со министерска одлука првомајскиот празник е поместен за следниот вторник поради Велигден, јави дописничката на МИА од Атина. Денешниот штрајк го организираат синдикатите на вработените во приватниот и државниот сектор и синдикатот на Комунистичката партија, а учествуваат и Здруженијата на новинарите, со што Грција од пет часот утрово ќе биде без вести и информативни емисии. Штрајкот ќе создаде проблеми и во поморскиот сообраќај во земјата, со оглед на тоа што бродовите 24 часа ќе останат закотвени на пристаништата. Возовите ќе сообраќаат со намален возен ред, а проблеми ќе има и во јавниот превоз во Атина, бидејќи автобусите, тролејбусите, трамвајот и метрото ќе имаат неколкучасовни прекини на работата. Паралелно, синдикатите закажаа и протести во Атина, традиционално, како и секоја година за одбележување на Денот на трудот....
ТВ ДУЕЛ: Силјановска и Пендаровски против повиците за бојкот, кои се антиевропски, и со повик граѓаните да излезат на гласање
Денешен - пред 1 ден
Двајцата кандидати за претседател Стево Пендаровски и Гордана Силјановска-Давкова се на ставот дека граѓаните треба да излезат на гласање на 8 мај кога треба да се одржи вториот круг од претседателскиите избори. И двајцата вечерва се оградија од повиците за бојкот. На вечерашната дебата на „Клик плус“ на телевизија 21, Силјановска-Давкова рече дека е антиевропски чекор доколку не се случи потребната излезност од 40 проценти во вториот круг од претседателските избори, а Пендаровски рече дека мора да се почитува Уставот, иако смета дека не би требало да има долен праг. – Доколку не се случи излезноста од 40 проценти, тоа ќе биде уште еден антиевропски чекор, бидејќи Венецијанската комисија и ОБСЕ/ОДИХР по најмалку четири мислења велат дека е тотално нелогично во вториот изборен круг да имате цензус од 40 отсто оти кога одат двајца, еден треба да биде избран со релативно мнозинство, посочи Силјановска Давкова. Таа додава дека пораките за бојкот воопшто не се во духот на парламентарната демократија. -Некои пораки што ги слушаме за бојкот, воопшто не се во духот на парламентарната демократија, туку се наспроти парламентарната демократија, бидејќи јасно е дека овие 40 проценти туркаат во политички пазар, во уцени, во спогодби, а ние кандидатите бараме граѓаните да кажат дали сме за претседател подобни и соодветни, појаснува Силјановска Давкова. Според Пендаровски, не станува збор дали некој кандидат бара или не бара бојкот, туку за уставна одредба што мора да се почитува, а во која се вели дека 40 проценти од гласачкото тело мора да излезе за да има валиден претседател. – Овде станува збор за, за жал, уставна одредба која мора да се почитува, а која вели 40 проценти од гласачкото тело мора да излезе за да имаме валиден претседател. Јас сум да менуваме Устав и да немаме долен праг, затоа што кој сака да гласа има право да гласа, тоа никому не му е оневозможено, посочи Пендаровски. Повиците за бојкот, вели, доаѓаат од политичката структура која ја поддржува Силјановска Давкова. Според Пендаровски, треба да се избере претседател на 8 мај бидејќи во спротивно би влегле во политичка криза и неизвесност. – Од моја страна ниту некогаш било кажано, ниту некогаш помислено, гласачите кои ме поддржуваат да бидат наведувани на така наречен израз на ВМРО-ДПМНЕ – тивок бојкот. На секоја средба со граѓаните, на секој митинг јас велам „Излегувајте и гласајте. Македонија треба да има претседател на 8 мај, затоа што се друго освен тоа е влез во политичка криза, во неизвесност и тоа не ни е потребно. Јас сум првиот кој вели не за бојкот и ургирам сите, и оние кои ме гласаат и оние кои нема да ме гласаат да излезат и да го искористат своето демократско право, додава Пендаровски. Фото: МИА архива...
ВРЕМЕ: Променливо и топло денеска, утре и во петок нестабилно со пороен дожд и грмежи и со опаѓање на температурата до сабота
Денешен - пред 1 ден
Времето во Македонија денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи. Минималната температура ќе биде во интервал од 6 до 12, а максималната ќе достигне од 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање....
СИЛЈАНОВСКА: Господине Пендаровски, ги почитуваме европските вредности и принципи и преговарачката рамка, ама и себе
Денешен - пред 1 ден
Кандидатката за претседател од ВМРО-ДПМНЕ Гордана Силјановска Давкова вечерва изјави дека ја прифаќаат Преговарачката рамка, но не и уставните измени. Во претседателската дебата заедно со кандидатот за претседател поддржан од СДСМ Стево Пендаровски на ТВ21 потенцираше дека уставните измени нема да го решат проблемот, туку дека напротив ќе го продлабочат. – Преговарачката рамка ние ја прифаќаме. Ние не го прифаќаме само елементот врзан за уставните измени и мислиме дека со поинаква добрососедска интерпретација, дека ако се копенхагенски критериуми во прашање може вето, нека си разговараат комисиите инаку не може да се употреби тоа за вето и ги почитуваме европските темелни вредности и принципи и преговарачката рамка, ама и себе претседателе, рече Силјановска Давкова. На новинарско прашање како земјава ќе го продолжи патот кон ЕУ и како ќе се надмине проблемот со закочените измени во Уставот, Силјановска Давкова рече дека ако некој ги закочил уставните измени, тоа е сегашниот технички премиер, бидејќи не го ставил во првата фаза на гласање предлогот за измени на Уставот, само помина во Комисијата. – Тој го стави во фиока и со тоа се самопрогласи за американски претседател кој на некој начин во џеб ги стави уставните измени, а нема право на тоа. Јас сум за тоа и кажав оние кои можат да предложат уставни измени, тие тоа не го процесуираа, инаку ќе се видеше дека слично како и народот, и пратениците внатре, дури и од опозицијата некои мислат слично на мене, дека нема потреба од такви уставни измени на ваков начин, порача Силјановска Давкова. Фото: Принтскрин...
ПЕНДАРОВСКИ: Ако сегашнава опозиција дојде на власт нема да влеземе во ЕУ и да станеме рамноправна членка до 2050 година
Денешен - пред 1 ден
Кандидатот за претседател поддржан од СДСМ и коалицијата, Стево Пендаровски истакна дека со сегашниот став на опозицијата или ако утре таа биде власт, до 2050 година нема да бидеме земја членка на Европската унија. Пендаровски во вечерашното гостување со кандидатката за претседател поддржана од ВМРО-ДПМНЕ и коалицијата Гордана Силјановска Давкова на ТВ21 нагласи дека имаме и други слабости детектирани од Европската комисија, но како што потенцира, проблемот со уставните измени треба да го надминеме. – Во овој момент само овој проблем треба да го надминеме, со уставните промени. Џабе лицитираме со години, не можеме ако не го надминеме ова. Со оваа опозиција и со утрешната опозиција или власт, која ја поддржува противкандидатката, ние не можеме до крајов на веков да станеме, порача Пендаровски. Актуелниот претседател потенцира дека услови за составување на влада поставува тој што ќе победи на изборите. Според него, не е добро да се поставуваат услови пред изборите да завршат. – Условите ги поставува изборниот победник, оној кој на крајот победува и тоа е логиката, а не претходно. Не знам зошто тогаш госпоѓата прво вели дека се сигурни победници со 3:1, го знае резултатот оти ќе победат и на претседателските и на парламентарните избори пред да завршат, а условите пред избори ги поставува нејзиниот лидер Мицкоски, кој вели дајте ги гласовите за нашиот кандидат ако сакате да влезете во влада, рече Пендаровски. Фото: Принтскрин од видео...
АНГЛИСКИ ПЕЧАТ ОД 1903: По Солунските атентати македонските револуционери на Европа и се заканувале со биолошко оружје
Денешен - пред 1 ден
Диверзантските акции на македонските револуционери и борци за независна македонска држава многупати низ историјата ја кренале на нозе европската и светската јавност, а за тоа известувале светските медиуми. Во пролетта 1903 година, неколку месеци пред Илинденското востание, започнале терористичките акции на Солунските атентатори, а овие настани придонеле светот и Европа да слушнат за проблемот со македонското прашање. „Чумата како оружје: Последниот воен ресурс на Македонците“ е насловот на новинарски напис во англискиот весник Lancashire Evening Post објавен на 2 јуни 1903 година. По завршувањето на терористичките акции на младите гемиџии кои го парализираат градот со второто најголемо пристаниште во Европа, според написот во англискиот весник, некој од лидерите на македонските револуционери се заканил дека Константинопол, Солун, па дури и Берлин можат да бидат инфицирани со чума, или поточно, со индиски бацили. -Лидерите на македонските револуционери во овој момент, вели дописникот на Дејли Њус од Софија, поседуваат големо количество на индиски бацили со намера да ги инфицираат Константинопол (денешен Истанбул), Солун, па дури и Берлин, стои во написот на Ланкашаер Евенинг Пост од 1903 година. -Доколку во рок од осум дена по ова предупредување, велат македонските револуционери во текстот, големите сили не гарантираат поништување на Договорот од Берлин (1878), ние ќе загинеме. Но, ние нема да загинеме сами, со нас ќе земеме и илјадници луѓе од Европа – од истата Европа која ни ја украде слободата, стои во изјавата на македонските револуционери за англискиот весник од 1903 година. Напад со биолошко оружје од македонските револуционери во тој период не е забележан. Но, како што наведува и англискиот дневен весник во 1903, оваа закана била предупредување дека нападот со „чума“ би била последната опција за македонските револуционери. Ланкашаер Евенинг Пост е англиски дневен весник, кој сѐ уште постои. Според Британската библиотека, првиот број е испечатен на 18 октомври 1886 година. Марко Петревски...
КАЛЕНДАР НА МПЦ: Денеска е Преподобен Јован
Денешен - пред 1 ден
Според календарот на МПЦ (Јулијанскиот календар) денеска е 18 април. Денеска е Преподобен Јован. Животот на преподобен Јован е тесно поврзан со животите на двајца духовници од осмиот и деветтиот век, Григориј Декаполит и Јосиф Химнограф. Првиот му бил учител во монашкиот подвиг на преподобен Јован. Во името на царот Лав Ерменецот, иконоборец, тој ја дели заедничката судбина со сите заштитници на почитувањето на иконите. По смртта на неговиот духовник Григориј Декаполит, Јован станува игумен во истиот манастир. Се упокоил во 820 година. . ОД КАТОЛИЧКИОТ КАЛЕНДАР: Денеска е Св. Јосип Работник. Овој празник го вовел папата Пио Дванаесетти. Со својата работа, човекот е во служба на другите луѓе. Затоа земјоделците и работниците, трговците, учителите и свештениците, чиновниците, па и министрите мораат да бидат во служба на други луѓе и така да го исполнат законот на љубовта. Во текот на работата соработуваме со Господ. Исус од Назарет најголем дел од својот живот го поминал работејќи заедно со свети Јосип....
ДЕНЕСКА ВЕЛИКА СРЕДА: Последното претсмртно помазание на Господа, заговорот на јудејците за да го убијат и Јудиното предавство на Христа
Денешен - пред 1 ден
На Велика Среда се одбележуваат три значајни настани: Последното претсмртно помазание на Господа, Заговорот на јудејците за да го убијат и Јудиното предавство на Христа за триесет сребреници. И на Велика Среда се читаат библиските текстови кои се во контекст со претходните денови и во врска со настаните од денот (на Утрената: Јован 12,17-50; на Литургијата: Матеј 26,6-16). Последното претсмртно помазание на Господа Христос е помазан со миро во Витанија (Матеј 26,6-13; Марко 14,3-9; Лука 7,37-50; Јован 12,1-8). Според евангелските сведоштва, Господ Исус Христос и апостолите ноќта ја поминале „во Витанија, во куќата на Симона Прокажениот“ (Матеј 26,6). Во Евангелието, коешто се чита на Предосветената Литургија (Матеј 26,6-16), се вели дека токму на тој ден некоја жена излила миро врз главата на Господа Исуса Христа (Матеј 26,7). Со тоа, таа Него Го подготвила за погребение, како што рекол и Самиот Он (Јован 12,7). На Исток, помазувањето со миро било позната работа. Тоа се правело на значајни личности (на цареви и првосвештеници) или, пак, кога во домовите на побогатите ќе дојдел значаен гостин, кој бил особено почитуван и уважуван – и тој бил помазуван. Обично, при помазувањето, ја помазувале косата на главата, челото, лицето и брадата, а кога сакале кон некого да покажат исклучителна почит, му ги помазувале и нозете. Освен ова помазание, Евреите имале востановен обичај да ги помазуваат со мириси и телата на упокоените при погребувањето (види: Јован 19,39-40; Марко 16,1; Лука 24,1). Помазанијата на Господа Исуса Христа не смеат да се поистоветуваат, не треба да се спојуваат ни во едно, ни во две, бидејќи тие се три. Станува збор за три настани, кои меѓусебно се слични, но сепак имаат доволно разлики за да не се сметаат како еден настан. Различни се според: помажувачите, времето, местата, домаќините и начинот на помазувањето. Во Евангелието се спомнуваат три помазанија на Господа Исуса Христа со миро и тоа во различни места, од различни жени и во различни вечери. Имено: 1) Во Евангелието според Лука се спомнува „жена грешница“ која му ги помазала нозете на Исуса со миро излиено од „алабастрен сад“. Тоа се случило во Ерусалим, во домот на Симон Фарисејот (Лука 7,36-50). Според Светото предание, таа жена била Марија Магдалина „од која“ преку чудотворната моќ на Спасителот, „беа излегле седум демони“ (Лука 8,2). 2) Второто помазание е опишано во Евангелието според Јован, каде што се вели: „На шест дена пред Пасха дојде Исус во Витанија, каде што беше умрениот Лазар, кого го воскресна од мртвите. Таму Му приготвија вечера и Марта послужуваше… а Марија, како зеде литар скапоцено миро, ги помаза нозете Исусови, и ги избриша со косата своја“ (Јован 12,1-11). 3) Третиот случај бил пак „во Витанија, во куќата на Симона Лепрозниот“ (Марко 14,3 и Матеј 26,6). Тоа се случило два дена пред Пасха. Така се вели во Евангелието според Марко (Марко 14,1). И тогаш некоја жена, различна од првите две, чие име останува скриено, се удостоила да Го помаза Исуса со „скапоцено и чисто нардово миро“ кое го излила врз „главата Негова“ (Марко 14,3). Притоа, Спасителот рекол дека таа го помазала телото Негово, подготвувајќи го за погребение (Марко 14,8). Овој настан е забележан во Евангелието според Марко (Марко 14,1-9) и според Матеј (Матеј 20,6-13). Толкувачите се согласни дека овде се работи за еден ист настан којшто е опишан и во двете евангелија: во Евангелието според Матеј и во Евангелието според Марко. Анализирајќи ги трите помазанија на Христа, забележливо е тоа што во првите два примера мирото е излеано врз нозете Исусови, а во третиот случај, врз главата, и тогаш, жената што го излила мирото врз „главата Негова“, не се нарекува грешница. Свети Јован Златоуст за помазанието кај Симон Лепрозниот, вели дека не е незначајно тоа што ова помазание е извршено токму кај човек лепрозен и затоа е тоа нагласено крај неговото име. Симон бил лепрозен човек, кого Господ Исус Христос го излекувал од лепрата (опасна, заразна, смртоносна болест – неизлечива во она време). Лепрата се сметала за гнасна и нечиста болест и секој што ќе се допрел до лепрозниот станувал нечист и се заразувал, па требало да принесе жртва за очистување. Христос го допрел лепрозниот и не само што Он не се заразил, туку болниот се очистил. Затоа и бил во неговиот дом. Жената, пак, го видела тоа чудо, но сепак, со срам и страв приоѓала кон Христа, а со цврста вера дека Оној што ја очисти лепрата, лесно ќе ја очисти и нејзината духовна нечистотија. За чудо, пак, имало негодување за помазанието, односно за истурањето на скапоценото миро, кое можело да се продаде за повеќе од 300 динарии и да се помогнат сиромасите. Евангелистот Марко за негодувањето зборува неодредено, Матеј запишал дека тоа биле „учениците Негови“ (Матеј 26,8), а Јован, многу конкретно вели дека тоа го рекол: „Јуда Симонов Искариот, кој што подоцна Го предаде…“ (Јован 12,4-5). Значи, јасно е кажана и цената на мирото, кое било многу скапо, како и тоа, кој од апостолите негодувал и го рекол тоа. Јуда негодувал за парите од скапоценото миро, бидејќи бил среброљубец. Тој, замаен од среброљубието, сметал дека Господ Исус Христос има негрижлив став кон парите и кон богатството, та, просто, не можел да го разбере Неговото однесување. Ете, пред малку, Он ги вреднувал повеќе двете лепти на вдовицата, отколку големите богатства подарени од имотните Евреи, а сега, скапоценото миро Го растурал, иако можело за него да се добијат многу пари. Ваквото Христово однесување за Јуда немало никаква смисла и било неразбирливо, па го сметал за неисправно и неприродно. На таков начин, сатаната лукаво, вистинското го прави лажно, злото го претставува како добро итн., создавајќи превртеност на вредностите. Зошто Јуда приговарал за излиеното миро и зошто барал за него да се добијат 300 динарии? Затоа што бил среброљубец и затоа што бил нечесен, како што запишал апостолот и евангелист Јован: „Ова тој го рече не дека се грижеше за сиромасите, туку зашто беше крадец. Тој го чуваше ковчежето и крадеше од она, што пуштаа во него“ (Јован 12,6). По овие евангелски зборови можеме јасно да го сфатиме однесувањето на Христовиот среброљубив благајник Јуда. Ова е опомена и за нас, за да не претеруваме во световното и во материјалното. Реченото, дека добиените пари од продаденото миро можеле да се раздадат на сиромаси било сосема точно, но Бог повеќе сака вистинска оддаденост и дар, без елементи на пресметки и пресудување при давањето дарови, односно, Господ сака вистинско радосно дарување, без проценки и математики, како што вели свети апостол Павле: „Секој да дава од се срце, а не со жал или принуда; оти Бог го љуби оној што од срце дава“ (2. Кор. 9,7). Забележливо е и тоа дека на почетокот, при Неговото доаѓање во тело на земјава, уште во витлеемската пештера, Христос бил даруван со скапоцени дарови: злато, смирна и ливан (Матеј 2,11). Исто така, и на крајот од Неговиот живот во тело на земјава, Он бил помазан со скапоцени мириси. А ова помазување со миро, за кое Христос рекол дека жената „испревари да го помаже телото Мое за погребение“, се случило по Божја промисла, затоа што при погребението Он не ќе можел да биде помазан, па затоа било и одењето на жените мироносици на гробот – отишле за да го помазуваат со миро телото на Христа. Постапката на жената и постапката на Јуда се две крајни спротивности: жената е пример на пожртвувана љубов, а Јуда е пример на саможивост и егоизам. Таа не жали најскапоцена жртва за да покаже љубов кон Господа, а Јуда од ништо не се срамува и не се плаши, за да ја задоволи љубовта на Мамона (Мамон бил бог на богатството и парите). Таа го излила скапоценото миро, па дури и садот го скршила, давајќи се што има за Бога, а тој, бидејќи среброљубец само за 30 сребреници го продаде Господа, бесценетиот. Христовото помазание во Витанија била слатка капка, а Јудиното предавство, горка капка во чашата Господова. Овие две личности, засекогаш остануваат претставници на двете групи луѓе, кои различно приоѓаат кон Господа и кон спасението на душата. Блажени Теофилакт Охридски вели да се срамат сите кои претпочитаат нешто друго повеќе од Христа, па дури ни сиромасите. Еве, овде лично Господ Исус Христос покажал дека повеќе го цени служењето Нему, отколку на сиромасите. И уште, вели дека погрешно мислат оние кои сметаат дека може да се продадат златните садови за жртвопринесување во храмот и парите да се раздадат на сиромасите. Велелепието на храмот и на домот Божји е грижа на верниците и свештенослужителите, а во златниот дискос и путир се поставува вистинското тело и вистинската крв Христова. Не треба да ја прифаќаме мислата на Јуда, туку постапката на жената, која Го миропомазала Господа. Квалитетот и цената на мирото За квалитетот на мирото со коешто бил помазан Господ Исус Христос се вели дека било: вистинско, нелажно, чисто, нерастворено и посебно зачувано миро. Оттаму е утврдена и цената: скапоцено. Тоа значи дека било не обично, туку посебно миро. Нешто што се чувало како драгоценост. Можело да се продаде „за повеќе од триста динарии“ (Марко 14,5). Навистина, таа вредност е голема. Еден динариј била плата за една работничка дневница, а 300 динарии значи повеќе од 300 дневници. Тоа се пари за плати за цела една година. Дека 1 динариј вредел една дневница, пишува во Евангелието, во Параболата за работниците во лозјето (Матеј 20,1–16). Состав на мирото По својот состав мирото ги содржело следниве состојки: смирна, миризлив цвет на цимет, разни миризливи стебленца, маслиново масло и од многу други нешта. Жената излила врз Христовата глава „чисто, нардово миро“. Нард е билка која е распространета во Арапската пустина и низ Источна Индија. Позната е како камилска трева. Од коренот и од листовите на нардот се правело многу мирисно масло. И денес од нард се прават скапоцени парфеми. Во Новиот завет се спомнува во евангелијата според Марко и Јован. Сад за миро Чувано било во алабастерн сад. Бидејќи бил скапоцен мирис, обично, мирото се чувало во мали алабастерни садови. На Христовото помазување што го направила жената, се противел среброљубецот Јуда. Затоа, на Велика Среда се прославува жената грешница, а се укорува среброљубието на Јуда. Ете, грешната жена, грешницата – ја воспева денес Црквата, за тоа што таа Му принесе миро на Господа – а Неговиот апостол Јуда – предавство; таа се радуваше, истурајќи го скапоценото миро, а тој отрча да Го продаде Непроценливиот; таа Го позна Христа, а тој се одрече од Него; таа Му пријде, а тој си замина; таа се ослободи, а тој стана роб на гревот и ѓаволот. Заговор за убиство Јудејците се договориле да Го убијат. Библискиот текст вели: „По два дни беше Пасха и празникот Бесквасници; а првосвештениците и книжниците сакаа да го фатат на измама и да го убијат; но велеа: ,На празникот не, за да не стане бунт меѓу луѓето‘ “ (Матеј 26,3-5; Марко 14,1-2). Заговорот против Христа првосвештениците и книжниците го направиле во средата пред Пасха. Овој настан што се случил тогаш е причина во Црквата Христова среда да биде ден определен за пост, бидејќи тогаш Господ Исус Христос бил предаден и првосвештениците и книжниците се договориле да го фатат, лажно да го обвинат и да го осудат на смрт, распнувајќи го на крст. А во петокот бил паспнат. Непријателите сакале да го исползуваат предпразничното време, пред Пасха да го фатат и убијат, за да можат ослободени од Него да ја прославуваат Пасха. Господ Исус Христос, пак, го определил времето на Своите страдања и според промислата на Светата Троица, Он бил распнат спроти Пасха, затоа што Он Самиот е вистинската Пасха. Овде е забележано дека првосвештениците и книжниците донеле најконкретна одлука: Исус мора да биде фатен и убиен, и тоа, што е можно побрзо. Ним им недостасувало само погодно време тоа да го извршат. Тие, отишле дури дотаму во гревот, така што, на нивната морална и верска содржина, не им пречело убиството на Христа и биле согласни Он да биде убиен дури и на Пасха, не сметајќи дека со тоа ќе го осквернат праз¬никот. Тоа не им пречело, туку биле загрижени, од практични причини, „за да не стане бунт меѓу луѓето“. Тие се договориле „да го фатат на измама“, затоа што немале вистин¬ска причина со која би Го обвиниле, осудиле и убиле. Јудиното предавство на Христа Јуда Го предал Господа за 30 сребреници (Матеј 26,14-16; Марко 14,10-11; Лука 22,1-6; Јован 13,2,27). Во Евангелието е запишано вака: „Тогаш Јуда Искариотски, еден од дванаесетте, отиде кај првосвештениците, за да им Го предаде. А тие, штом чуја, се зарадуваа и ветија да му дадат сребреници. И бараше погодно време, за да го предаде“ (Марко 14,10-11). Јуда отишол кај првосвештениците со намера да им го предаде Господа Исус Христа. „Отиде“ – значи отишол сам, без некој да го повика, односно, првосвештениците не го повикале, па дури и тие биле изненадени од неговата постапка. Јуда, всушност, им ја олеснил нивната работа. Што го натерало Јуда да „отиде при првосвештениците“? Светиот евангелист Лука вели: „Влезе сатаната во Јуда“ (Лука 22,3), се разбира по негово допуштање и според слободната волја на апостол Јуда, бидејќи сатаната нема таква сила и моќ, без наша волја да раководи со нас, туку ние, со нашата слободна волја, му допуштаме. Светите отци истакнуваат уште една причина за желбата кај Јуда да го предаде Христа. Имено, сè до тој момент Јуда се двоумел дали Христос ќе биде Јудејски цар на земјава или не. Јуда повеќе посакувал Исус да биде политички цар. Зошто? За да добие некаква важна функција во државната власт. Но, неговите планови пропаднале кога видел дека Учителот се подготвува за страдање, за смрт и тогаш веќе, конечно ја изгубил сета надеж. Почнал да си размислува за себе и си велел дека од Христа не ќе може ништо повеќе да добие, а можел да биде само гонет, па затоа решил да искористи барем нешто, а тоа било да го предаде Христа и за тоа да земе некоја награда во пари. „И рече: ,Што ќе ми дадете, па да ви Го предадам?‘ А тие му предложија триесет сребреници“ (Матеј 26,15). Евангелието мудро ги открива работите. Забележуваме дека Јуда во оваа реченица не сака ни да го спомне името на Спасителот. А, не спомнува и никаква цена, туку, едноставно, си вели: дајте колку ќе дадете. Тој, пак, бидејќи не предложил цена за Исуса, тоа веднаш го направиле првосвештениците и „му предложиле триесет сребреници“. Тоа значи дека Исус е потценет и вреднуван само колку еден најобичен роб. Евангелскиот текст спомнува дека тие му ветиле „да му дадат сребреници”, од што, јасно заклучуваме дека Јуда се одлучил на предавство затоа што бил среброљубец и алчен за пари. Откако видел дека неговите надежи се завршени и дека играта во своите мисли, дека ќе биде важна личност во земното царство на Господа Исуса Христа е неисполнлива, а наскоро ќе нема и пари во ковчежето од каде што ќе може да краде, се одлучил да се откаже од Христа, да им го предаде на јудејските старешини, да се приврзе кон нив и да ја задоволи својата среброљубива страст, земајќи дури и толку малку пари. Според текстот од Евангелието според Матеј, точно се наведува ветениот износ што му го дале првосвештениците на Јуда: „30 сребреници“ (Матеј 26,15 сп: Зах. 11,12). Во Втората книга Мојсеева се спомнува дека износот од 30 сребреници претставувала цена определена како “крварина” за еден ненамерно убиен роб, како што е запишано: “Прободе ли, пак, волот роб, или робинка, тогаш на господарот нивни да му се платат триесет сикли сребро, а волот да се убие со камења” (2. Мој. 21,32). Исто така, познато е дека цената на еден најлош и безвреден слуга изнесувала 30 сребреници. Таа цена била определена и за Господа Исуса Христа во пазарот меѓу Јуда и првосвештениците. Откако ја договориле цената, и Јуда и свештениците, потоа, само барале „погодно време“ за да го исполнат договореното. Чудно било задоволството што го чувствувале и Јуда и свештениците! Јуда ја задоволил својата среброљубива страст и чувствувал задоволство како што чувствува пријатност алкохоличарот од голтката алкохол, клептоманот од украденото итн. Првосвештениците, пак, биле задоволни што можеле така безвредно да Го добијат галилејскиот Учител и уште еднаш да им се потврди нивната мисла дека парите можат сè и дејствуваат секаде, па дури и меѓу Христовите ученици. Синедрионците сакале да Го понизат Христа со цена за роб, иако можеле да понудат повеќе за бараниот Човек, а таквата „услуга“ чинела многу повеќе! Кој бил Јуда? Јуда бил Христов апостол. Човекот што одел постојано со Господа Исуса Христа и дење-ноќе, го слушал Евангелието, ги гледал чудата и добрините што ги правел Господ и знаел сè што треба да прави, го знаел доброто, а го извршил злото. Тој е пример за отстапништво. Пример колку може човекот да падне и да се оддалечи од Бога. Пример како праведникот може да постане грешник, апостолот – предавник. Среброљубието, парољубието, материјалноста, овоземното богатство и слава, злобата и зависта, му го обзеле неговото срце и тој станал предавник. Кога човекот ќе го опфатат тие гревови и пороци, тогаш, од таквиот може да пострада секој, па дури и Господ Кој бил единствено безгрешен во светов. Зошто и како можел Јуда да го предаде Господа, кога тој бил избран за апостол од Христа? Тоа покажува дека Бог, повикувајќи ги луѓето кај Себе, не им наложува ништо насила и не ги принудува, не ја присилува нашата волја, туку ја почитува нашата слобода и нè остава самите, со нашата слободна волја, да се определиме за доброто. Притоа, Бог само ни помага да се насочиме кон тоа, нè упатува, советува, помага, се грижи и сака да ја побуди нашата волја кон доброто и да станеме добри, но Он не одлучува, туку ние. Ако и покрај сè, некои не сакаат да бидат добри, нив Бог не ги принудува. А, ако Бог принудува, тогаш каква е нашата заслуга? Зошто тогаш да бидеме наградени за направеното добро, ако не е наша одлуката за тоа? Со кое право, пак, би нè казнувал за злото, кога Он е Којшто одлучува? Ние не сме виновни. Тогаш ние не сме ни за казна, ни за награда. Господ Исус Христос знаел кој го предал. Знаел дури и пред да го предаде. Тоа го покажал на Тајната вечера. Прекрасно објаснување на овие евангелски содржини има во богослужбата на Велики Четврток вечерта, ако внимателно ги слушаме антифоните. + + + Со Велика Среда се завршува редот на великопосните богослуженија и особености. Тогаш, последно се служи Предосветена Литургија и се прават длабоки поклони при пеењето на: „Нека биде благословено името Господово“…– (Буди имја Господне…). Некаде, особено по манастирите, и на Велика Среда се извршува чинот простување, како на Прочка. + + + Со богослужението на Велика Среда, завршуваат и великопосните Големи повечерија со поклони, како и читањето катизми на утрените богослужби, на часовите и на вечерните богослужби. Од овој ден до Томина недела не се богослужи Полуноќница (Полноќна богослужба). + + + На Велика Среда завршува мироварението и свареното миро се собира во 12 алабастрени садови, мои ги симболизираа т 12 апостоли кои ја имале благодатта Божја и добиле од Господа право да крштеваат и да миропомазуваат (во почетокот со полагање рака, а потоа, со свето миро). Преку апостолското преемство од Господа и апостолите, тоа право го примаат и свештенослужителите во Црквата Божја до денес. + + + Во овие денови се нè сврзува со спомените на нашата гревовност. Постојано мислиме и сочувствуваме со доброволното страдање на Христа за спасение на грешната човечка природа. Сето тоа во срцата на верниците предизвикува тага и плач. Тоа е плачење од созерцанијата – од духовното согледување на ужасните измачувања и крсните страдања на Синот Божји – нашиот Спасител Господ Исус Христос. Но, истовремено, побожните верници чувствуваат и неопислива радост заради своето спасение – заради спасението на човечкиот род, коешто е дарувано од Бога, преку Христовите страдања. Поради сето ова, во овие празнични денови христијаните се исполнуваат со благодарност кон Бога Искупителот.Во деновите на Страстната седмица, со солзи го оплакуваме поруганиот и распнатиот наш Спасител, но чувствуваме и неискажлива благодарност кон Бога за спасението што ни го дарува. (За МИА подготви проф. д-р Ратомир Грозданоски)...
ДЕНЕСКА Е ПРЕП. ЈОВАН: Ученик на св. Григориј Декаполит со кого биле подложени на големи маки, а со нив заедно и св. Јосиф Песнописец
Денешен - пред 1 ден
Денеска е 18 април (по стар стил) и се слави Преподобен Јован. Ученик на светиот Григориј Декаполит. Во времето на иконоборната ерес, царот Лав Ерменин го подложи свети Јован на маки заедно со неговиот учител Григориј и со свети Јосиф Песнописец. Кога Григориј го заврши својот земен живот, Јован стана игумен на Декаполитовиот манастир во Цариград. Штом стана игумен, заради Царството Божјо тој го удвои својот подвиг. Се упокои мирно околу 820 година. По смртта, Јосиф го погреба Јована близу до гробот на неговиот учител Григориј....
КОВАЧЕВСКИ ЗА ТВ ТЕРА: СДСМ е партија од цврст материјал, нема да се откаже од одлуките за подобра иднина на државата
Денешен - пред 1 ден
„СДСМ е направена партија од цврст материјал, партија која што никогаш не калкулирала, многу јасно сме кажувале дека сме носеле и носиме тешки одлуки, меѓутоа одлуки кои што обезбедуваат подобра иднина за Македонија, потенцираше претседателот на Социјалдемократскиот сојуз на Македонија, Димитар Ковачевски, во вечерашното интервју на телевизија Тера. „Ние сме партија наследник на сојузот на комунисти на Македонија. Членската книшка број 1 во СДСМ ја има поранешниот претседател на Македонија Киро Глигоров. Замислете ако Киро Глигоров се откажал и Македонија не станеше членка на ООН. Подоцна во 2005 година, повторно под водство на претседател на СДСМ ние добиваме кандидатски статус за членка на ЕУ. Со СДСМ пред 4 години стануваме земја членка на НАТО со тешка одлука за носење на Преспанскиот договор. Во 2023 повторно под водство на СДСМ и претседател од СДСМ добиваме преговарачка рамка со која што ги започнуваме преговорите со ЕУ3, рече Ковачевски. Во интервјуто Ковачевски посочи дека за разлика од правилните одлуки на СДСМ, ВМРО ДПМНЕ единствено знае да блокира. „Ние имаме многу јасен став и претседателот Пендаровски и јас како претседател на СДСМ, во кој што ги повикуваме сите граѓани на 8 мај да излезат масовно и да го дадат гласот за нашиот претседател Стево Пендаровски и за Коалицијата за европска иднина. ВМРО-ДПМНЕ нормално дека ќе зборува за бојкот и за блокади бидејќи тие единствено тоа знаат да прават и да зборуваат. Ако се вратиме наназад, тогаш кој сакаше да го блокира членството на Македонија во ООН, кога требаше да се потпише времената спогодба, тоа беше ВМРО-ДПМНЕ. Таа партија единствено може да зборува за блокади и за бојкот, меѓутоа не може тоа да го адресира на нас, бидејќи ние сме прогресивна партија, со прогресивен кандидат за претседател“, рече Ковачевски. Во однос на претстојните парламентарни и вториот круг на претседателски избори, Ковачевски посочи дека се почнува од нула и дека овие избори ќе ја одредат иднината на државата. „Изборите почнуваат од нула. Не очекува вториот круг на претседателски избори и не очекуваат парламентарните избори кои практично ќе ја одредат иднината на Македонија, дали ќе се движиме кон напредно прогресивно општество кон ЕУ или ќе бидеме повторно изложени на едни минати времиња кои што ги имавме ќе имаме изолација, на етнички конфликти. На избори се гласа или „За“ или „против“. Јас секогаш сум мислел дека треба да се гласа „за“ бидејќи гласајќи „за“ вие гласате за една извесна иднина и за еден извесен план“, порача претседателот на СДСМ, Димитар Ковачевски, додавајќи дека гласајќи за СДСМ и Коалицијата за европска иднина, не само што е извесен планот за членство во ЕУ, туку тоа е глас за подобро владеење на право, подобар животен стандард, подобра борба против корупција, подобро здравство, подобро образование....
МИЦКОСКИ ДО КОВАЧЕВСКИ: Ти му аплаудираше на режимот, а народот е незадоволен зашто нема пари да си плати сметки за струја, а животниот стандард е уништен
Денешен - пред 1 ден
Од народниот митинг во Струмица претседателот на ВМРО-ДПМНЕ, Христијан Мицкоски во своето обраќање пред присутните граѓани, меѓу другото, кажа неколку збора и за претседателот на Социјалдемократскиот сојуз, Димитар Ковачевски кој, како што рече, вината за големиот пораз и дебакл на изборите на 24 април ја бара секаде, само не во себе и во своите луѓе. „Тој секаде и во сите ја бара вината за својот пораз и дебакл само не во себе си и своите луѓе. Многу погрешно потсетува на некои минати времиња, вика и се надвикува на полупразни митинзи дека ќе се врател режимот и не знам уште што. Па сакам да му одговорам. Тој може да се навраќа и за тоа што било пред 10 или 15 години, за тоа што било и пред 50 и сто години, но народот е незадоволен и револтиран затоа што сега лошо живее и затоа што нема пари да си плати сметки за струја, затоа што животниот стандард е уништен“, рече Мицкоски. Во однос на тоа што Ковачевски го нарекува режим, Мицкоски го потсети на снимките од пред за време на отворањето на новата зграда на МНТ, каде што тој аплаудираше и се восхитуваше на тоа. „А што се однесува до тоа што тој го нарекува режим, мислам дека нема право да збори, затоа што ако тоа било режим, тогаш тој му аплаудираше на тоа и се восхитуваше на тоа, што и впрочем го видовме на снимките при отворање на МНТ во Скопје пред петнаесетина години. Па токму тој е измеќар на ДУИ партијата која беше соучесник во сите влади овие 20 години. Како ДУИ не е режим и како таа соработка не му пречеше? Но, Димитар доаѓа време кога треба да се стави крај на таквата лицемерна политика, а тој крај е 8 мај кога народот масовно и во голем број ќе излезе на избори и ќе каже доста е“, порача Мицкоски....
ПЕНДАРОВСКИ: Резултатот е таков затоа што имавме седум кандидати во првиот круг
Денешен - пред 1 ден
Кандидатот за претседател Стево Пендаровски во претседателската дебата на ТВ21 порача дека резултатот во првиот круг од претседателските избори бил таков затоа што имало седум кандидати. Јас сум единствениот од сите седум кандидати кој претендираше и секогаш претендира и добивал гласови од сите етнички заедници“, порача Пендаровски. Во однос на партиските математики за тоа кој и чии гласови ќе земе, Пендаровски порача дека тој тип на математики му бил туѓ....
СИЛЈАНОВСКА: Во ДУИ има две струи – едните ЗА едните ПРОТИВ бојкот
Денешен - пред 1 ден
Во првата претседателска дебата пред вториот круг на ТВ21, кандидатот за претседател од ВМРО-ДПМНЕ, Гордана Силјановска Давкова изјави дека „во ДУИ има две струи – едните ЗА едните ПРОТИВ“. Прво, бојкот на некој којшто е најголем добитник во првиот круг апсолутно не му одговара, второ ние сме сведоци, јавна тајна е дека внатре во ДУИ има две струи – едните за едните против. Инаку, мене воопшто не ме интересира дали некој ме поддржувал или не, избирачкото право е лично политичко право, едно од најважните и граѓаните гласаат, вели Давкова во ТВ21....
МИЦКОСКИ: Победата е на дофат, да излеземе масовно на избори
Денешен - пред 1 ден
Ги слушнавме вашите гласови како одекнуваат низ улиците, одѕвонуваат од желбата за промена и обнова. И денес стојам пред вас, длабоко благодарен од вашата непоколеблива поддршка и инспириран од вашата издржливост. Дојде време уште еднаш да се слушне нашиот глас. Кога сонцето изгрева на денот на изборите, имаме свечена должност и света привилегија: да го дадеме својот глас и да го обликуваме текот на судбината на Македонија, изјави претседателот од ВМРО-ДПМНЕ, Христијан Мицкоски на митингот во Струмица. Мицкоски ги повика граѓаните во овој клучен момент, да ја потврдиме нашата посветеност на демократијата, на слободата и на вредностите кои не обединуваат како народ. – Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност, истакна Мицкоски. Мицкоски посочи дека победата е на дофат, но не е доволно само да веруваме во подобро утре, затоа мора да дејствуваме, да се мобилизираме и да гласаме, за да немаат можност да не уценуваат никогаш повеќе. – Ве повикувам да излезете на избори со гордост и со одлучност. Да тргнеме гордо и масовно на избирачките места, обединети за да може нашите гласови најсилно да одекнат низ сите краишта на Македонија. Заедно ќе изградиме иднина достојна за нашите амбиции. Заедно ќе го напишеме следното поглавје од приказната за нашата преубава татковина Македонија. Заедно ќе победиме, нагласи Мицкоски....
НИКОЛОСКИ ОД СТРУМИЦА: Врвен претставник на криминал и корупција во Македонија е Артан Груби, доаѓа време на одговорност
Денешен - пред 1 ден
„Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна Влада предводена од ВМРО-ДПМНЕ“, истакна Александар Николоски, потпретседател на ВМРО-ДПМНЕ и носител на изборна единица 4 на митингот во Струмица. „Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски. Николоски ги повика граѓаните масовно да излезат на гласање. „Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски. Тој посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција. „Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски. Николоски додаде дека врвен претставник на криминал и корупција во Македонија е Артан Груби. „Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој. Тој нагласи дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ....
КОВАЧЕВСКИ: Ако ВМРО ДПМНЕ добие преголема моќ, тоа ќе ги убие ЕУ перспективите
Денешен - пред 1 ден
Претседателот на СДСМ, Димитар Ковачевски, од предизборниот митинг на СДСМ и Коалицијата во Аеродром порача дека ако десничарска партија како ВМРО ДПМНЕ добие преголема моќ, тоа ќе ги убие ЕУ перспективите. ВМРО ќе ја одложува евроинтеграцијата во недоглед, тие немаат ниту план, ниту се доследни во остварување на стратешките цели. Тоа го правеше и Груевски, тие само ќе продолжат кај што застана тој. Оваа земја нема да се помести ни милиметар напред со ВМРО. Ќе глумат дека работат, а во реалноста нема ништо да се менува. Сме го виделе тоа со Груевски, знаеме како изгледа. Не сакаме само лоша реприза на неговото владеење, изјави Ковачевски. Тој ги повика граѓаните масовно да излезат на гласање и да ја дадат довербата за Пендаровски и за СДСМ бидејќи силен СДСМ во Собранието е потребен заради иднината на државата. Основната цел на нашата програма е брзи, ефикасни и успешни преговори со ЕУ затоа што знаеме дека само на тој начин може да обезбедиме повисок животен стандард, поефикасна борба против криминалот и корупцијата, подобро образование и здравство, порача Ковачевски. Тој во своето обраќање пред граѓаните на Аеродром истакна дека СДСМ е единствената политичка партија која никогаш нема да се откаже од инклузијата и која константно придонесува мултиетничкиот карактер на Македонија. Но, деновиве, за жал, слушам опасни наративи кои може лесно да разгорат меѓуетничка нетрпеливост. Лидерите на ВМРО и на ДУИ се однесуваат во најмала рака неодговорно и кон државата и кон граѓаните. Им порачувам на Мицкоски и на Ахмети – граѓаните се свесни за вредноста на мирот и стабилноста што ги гради СДСМ, граѓаните знаат дека на сите нѝ треба европска иднина, а не враќање 20 години во минатото. Престанете да се препукувате со штетни скандирања и закани, кои никому не носат добро. Ние нема да ви дозволиме да си играте со европската иднина на нашите деца! Граѓаните нема да ви дозволат да се коцкате со нивната иднина, изјави Ковачевски....
Првиот братучед на Зоран Заев, милионерот Трајче, со семејството заминува за Австрија?
Денешен - пред 1 ден
Братучедот на поранешниот премиер и лидер на СДСМ, Трајче Заев сосе семејството се иселиле од државата. Неофицијално, како дестинација за почеток на новиот живот ја избрале Австрија и уште на стартот од оваа школска година децата биле испишани од училиште, објавува ТВ АЛФА. Трајче Заев, освен по тоа што е братучед на поранешниот премиер и лидер на СДСМ Зоран Заев, на јавноста е познат и по низата скандали кои се поврзуват со неговото име. Минатата година, фирма во негова сопственост поради неплатено ДДВ во висина од 2 милиони евра се најде на листата топ десет најголеми должници на Управата за јавни приходи. Пред три години пак името на Трајче Заев, се поврзуваше и со акцијата на ДЕА, во која беа запленети 200килограми канабис, вреден 800.000евра. Во акцијата беа уапсени командирот на прилепската полиција и личниот возач на Трајче Заев, Александар Ушликовски. Тогаш лидерот на СДСМ го правдаше својот братучед и демантираше било каква поврзаност со нивните фирми. „Мојот братучед Трајче Заев имаше јавен коментар за ова. Јас разговарав со него. Лицето Александар, не му го знам презимето, не е вработен во семејните фирми на Заеви, ниту пак комбето е во сопственост на фирмите на Заеви“, изјави Зоран Заев на 12 април 2021. Лани албанската телевизија “Ора“, објави дека Трајче Заев, со кодирани пораки се обидувал да спречи објавување на аудио разговори во кои имало докази дека државни функционери од СДСМ и ДУИ саботирале акции на странски агенции за сузбивање на шверц на марихуана. Единствена потврда за акција на странска агенција во нашата држава е онаа на ДЕА на Плетвар. Инаку Трајче Заев, се прослави и со својот „мајбах„ од 300.000 евра кога го паркираше на пешачкин премин во Скопје, додека пазаруваше во „Хуго Бос“....
МИСАЈЛОВСКИ: Обединети сме како никогаш досега околу идејата за силна Македонија
Денешен - пред 1 ден
Продолжуваме во Куманово со посета и разговори со граѓаните во Пуковско! Обединети сме како никогаш досега околу идејата за силна Македонија. Гласајте за број 2 Гласајте за победа на Македонија!, пишува во својата објава на Фејсбук Мисајловски....
ГУТЕРЕШ: Израелската офанзива во Рафа би била неподнослива ескалација на ситуацијата
Денешен - пред 1 ден
Генералниот секретар на ОН, Антонио Гутереш денеска предупреди дека израелската воена офанзива врз Рафа, град на југот од Појасот Газа, ќе биде неподнослива ескалација на ситуацијата во регионот. -Воен напад врз Рафа би претставувал неподнослива ескалација, бидејќи уште илјадници цивили би биле убиени, а стотици илјади луѓе ќе мора да побегнат, изјави Гутереш пред новинарите во ОН, барајќи од израелските власти да не го прават тоа. Израелскиот премиер Бенјамин Нетанјаху претходно денеска изјави дека планира да го нападне Рафа без разлика дали ќе биде постигнат договор за прекин на огнот со палестинското движење Хамас или не. Гутереш, исто така, изрази длабока загриженост поради откривањето на масовните гробници во двете главни болници во Појасот Газа и повика на независна истрага. -Императив е независните меѓународни истражители да добијат дозвола за директен пристап до локациите за да се утврдат точните околности во кои Палестинците ги загубија животите и беа погребани, кажа генералниот секретар на ОН....
ВМРО-ДПМНЕ: Пратеничката Колева, преку нејзиниот сопруг адвокат, испумпува пари од општина Росоман
Денешен - пред 1 ден
Од ВМРО-ДПМНЕ реагираат дека, изминатиот период, пратеничката на СДСМ Даниела Колева од Кавадарци редовно доаѓа на терен да агитира помеѓу жителите на општина Росоман. Долго време се прашуваме која е нејзината заентересираност за тоа, за на крај да дојдеме до одговорот и начинот како преку нејзиниот сопруг се испумпувале финансиски средства од општина Росоман. Која е потребата на општина Росоман за плаќање на огромни финансиски средства кон адвокат? На кој начин е избран за адвокат Бранко Колев? Дали има јавна набавка за адвокатски услуги?“, прашуваат од ВМРО-ДПМНЕ....
Кристина има 25 години и 22 деца- планира троцифрен број деца
Денешен - пред 1 ден
Кристина Октрук наскоро ќе наполни 26 години, но таа веќе се реализира како мајка преку сурогат мајчинство. Нејзиниот дом е исполнет со детски смеа и извици и таа постигнува сѐ иако во куќата има дури 22 деца. Блогерката од Русија се омажила за милионерот и бизнисмен Галип (57) со кого добила едно дете, а другите деца ги добила со помош на сурогат мајка. Успева да се грижи за сите деца, да се гушка со нив и да ги прошета. Се разбира, таа не е сама во оваа работа. Кристина често оди на прошетки со своите асистенти, кои се добра помош и одлично друштво. Нејзината најстара ќерка, осумгодишната Викторија веќе ѝ помага на мајка си во обврските. Тригодишните деца, кои моментално ги воспитува нивната мајка откако Галип бил уапсен во мај како дел од руската истрага за измама, се: Мустафа, Маријам, Ајрин, Алис, Хасан, Џуди, Харпер, Тереза, Хусеин, Ана , Изабела, Исмаил, Мехмет и Ахмет. Овој семеен дом има и многу двегодишни деца, по име Али, Кристина, Алена, Сара, Локман и Алпарслан, а покрај најновиот член на семејството, тука е и најмладата ќерка Оливија. Сепак, и покрај тоа што е критикувана за „купување деца“, Кристина не планира да престане. Таа во претходните интервјуа откри дека сака да достигне троцифрена бројка. Бизнис магнатот бил затворен во 2023 година под обвинение за „перење“ пари, како и за фалсификување документи. Опседната со бебиња, Кристина има армија од 16 дадилки кои живеат во куќата и ѝ подаваат рака на помош на 25-годишната девојка, додека нејзиниот сопруг е осуден на осум години затвор, пишува „TheSun“. Двајцата првпат се сретнале во клуб во Москва, Русија, и оттогаш го започнале своето поглавје во раскошна трикатна палата во Батуми, Грузија. Уште во февруари минатата година, Кристина – која платила 142.000 фунти на сурогат мајки – објавила и книга во која зборува за нејзините искуства како мајка на толку големо семејство. View this post on Instagram A post shared by Kristina Ozturk (@batumi_mama)...
Германски политичар од партијата на Шолц примил мито од 300.000 евра во кеш, уапсен е
Денешен - пред 1 ден
Политичар од СДП бил уапсен на 17 април како дел од меѓународна операција против банда вмешана во шверц во осум сојузни покраини во Германија. Според полицијата и јавниот обвинител, шверцерите работеле со богаташи, претежно од Кина, на кои им „средувале“ дозволи за престој. Како што објави Билд, висок функционер на областа Дирен, кој во меѓувреме е уапсен, шверцерите добиле поткуп со 300.000 евра во готовина. Ова денеска го потврди портпаролот на обвинителството во Дизелдорф, откако претходно објави „Kolner Stadt-Anzeiger“. Јавното обвинителство го обвинува политичарот дека го искористил своето влијание врз властите кога другите колеги сакале да ги отфрлат барањата на кинеските државјани за дозволи за престој во Германија. Двајцата главни осомничени во овој случај се двајца адвокати на возраст од 42 и 46 години од областа Келн. Според јавното обвинителство, се наведува дека нивните странски клиенти примиле повеќе од девет милиони евра за шверцерски услуги. Бранителите на двајцата затвореници, како и адвокатите не сакале да коментираат, објави „Колнер штад-Анзајгер“....
КОВАЧЕВСКИ ОДГОВОРИ НА УСЛОВИТЕ ОД „ЗНАМ“: Не правиме дилови со некој кој се продал на политичкиот противник
Денешен - пред 1 ден
СДСМ не прифаќа никакви условувања и со никого нема да прави политички дилови, особено не со некого кој веќе се продал на нашиот политички противник и мора да пишува писма за да го оправда своето шурување и своето коалицирање со нашиот политички противник. Овде се работи за прашање на иднината на државата и со неа нема тргување. Фокусирани сме да постигнеме најдобриот резултат на престојните избори на 8-ми мај и повикуваме на мобилизација на сите демократски и прогресивни сили за да се спречи враќањето на режимот на ВМРО-ДПМНЕ, порача претседателот на СДСМ Димитар Ковачевски од митингот на СДСМ и Коалицијата за европска иднина во Аеродром. Ковачевски нагласи дека ова е прашање на иднината на државата и со неа нема тргување. СДСМ е најголемата и единствената автентична социјал-демократска партија во Македонија. За разлика од субјектите како ЗНАМ, кои се човек – партија, СДСМ е државничка партија со длабоки и силни корени. Нас не водат социјал-демократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности, рече Ковачевски. Претседателот Ковачевски нагласи дека СДСМ е модерна, прогресивна партија и единствена политичка сила која може да ја однесе Македонија во Европската Унија. Ние не се откажуваме од Македонија во ЕУ! Верувајте, тоа не е цел сама за себе! Не се откажуваме од ЕУ затоа што знаеме дека тоа ќе обезбеди повисок животен стандард, поефикасна борба против криминалот и корупцијата, подобро образование и здравство, порача претседателот на СДСМ Димитар Ковачевски од митингот на СДСМ и Коалицијата за европска иднина во Аеродром, се наведува во партиското соопштение....
НАПАД ВО ЛОНДОН: Бесен манијак со меч сечел луѓе на улица, дете им подлегна на повредите
Денешен - пред 1 ден
Тринаесетгодишно момче загина, а уште четворица се повредени по напад што се случи во североисточен Лондон во близина на метро станица. Пет лица биле итно префрлени во болница по инцидентот кога маж прво удрил во куќа со возило, а потоа со меч ги повредил минувачите и полицајците кои се обиделе да го задржат. „Повредените лица бараат лекарска интервенција, но веруваме дека нивните повреди не се опасни по живот“, соопштија од полицијата. Според главниот надзорник Стјуарт Бел, 36-годишниот маж кој беше уапсен утринава бил приведен нешто пред 7 часот наутро, 22 минути откако полицијата го примила првиот повик. Тој моментално е во притвор. „Би сакал во овој момент да потврдам дека не веруваме дека постои закана за пошироката јавност и не бараме други поединци“, додаде Супт Бел. „Се чини дека инцидентот не е поврзан со никаков терористички акт“, рече тој. 🚨🇬🇧BREAKING: STABBING INCIDENT IN LONDON. In London, an individual wielding a sword has attacked homes, injuring two police officers and two residents. Authorities have preliminarily stated that the incident does not seem to be a terrorist attack. And of course since the… pic.twitter.com/GQXgHPTFbc — Suppressed News. (@SuppressedNws) April 30, 2024 Пред нападот, маж во жолта качулка удрил со својот автомобил во куќа, а потоа излегол од возилото и почнал да мавта со самурајски меч. На видеата направени од случајни минувачи, тој може да се види како шета од куќа до куќа. Се се случило околу 7 часот утринава, а на терен се голем број полицајци. Метро станицата Хаинолт беше веднаш затворена....
ПЕНДАРОВСКИ: Само бројот еден е гаранција дека Македонија ќе продолжи по правилниот курс кон ЕУ
Денешен - пред 1 ден
Кандидатот за претседател Стево Пендаровски денеска беше помеѓу граѓаните на општина Арачиново. Пред присутните, Пендаровски порача дека во досегашниот мандат покажал дека е претседател кој не ги дели граѓаните по ниту една основа и дека така ќе продолжи и во следниот мандат. „Никогаш не сум бил и не се кандидирам за претседател само на Македонците. Ќе бидам претседател на сите, како што бев глас на секој без оглед на етничка и каква било припадност. Промовирањето и претставувањето на сите граѓани на Македонија ќе биде приоритет и во наредните пет години. “ порача Пендаровски. Пендаровски посочи дека очекува голема поддршка на осми мај за државата да продолжи напред, како демократска, мултиетничка, прогресивна држава на рамноправни граѓани. „Само бројот еден е гаранција дека Македонија ќе продолжи по правилниот курс кон ЕУ, се друго е продавање на политичка магла и обиди за враќање во времињата на тензии, поделби и неизвесност. Македонија нема друга опција освен продолжување на преговорите за членство во ЕУ додека да станеме дел од големото европско семејство. На 8 мај сите заедно да гласаме за европска Македонија, тоа се гарантира само со заокружување на бројот 1“ посочи Пендаровски, сопштуваат од неговиот тим....
ЗЕЛЕНСКИ: Украина ќе влезе во НАТО кога ќе ја победи Русија во војната
Денешен - пред 1 ден
Претседателот на Украина, Володимир Зеленски, е убеден дека Украина ќе се приклучи на Северноатлантскиот договор по победата во војната со Русија. Зеленски ова го изјави за време на заедничката средба со офицери кои минуваат курсеви за професионално воено образование според стандардите на НАТО, со учество на генералниот секретар на Алијансата, Јенс Столтенберг, пренесе Униан. Според мое лично мислење, во НАТО ќе бидеме само кога ќе победиме“, нагласи Зеленски. Претседателот на Украина додаде дека одлуката за пристапување на Украина во Алијансата е донесена со едногласен консензус на сите земји членки на Алијансата. „А мнозинството е политичко прашање, за да може Украина политички да биде прифатена во Алијансата, потребна е победа“, додаде Зеленски. Тој изјави дека една од причините за војната на Русија против Украина е фактот што Украина порано не била примена во НАТО. „Пред многу години имаше и соодветен скептицизам кај некои членки, а Русија работеше многу напорно со нашите сегашни партнери, тие водеа дијалог. Таа направи се за да ја спречи Украина да биде примена не само во НАТО, туку и во Европската унија, така што Украина едноставно не се развиваше и не беше отсечена од влијанието на Руската Федерација. Затоа, за да се оттргне од ова влијание, неопходно е да се заштити нејзината независност со победа“, нагласи Зеленски....
МИЦКОСКИ ДО ОСМАНИ: Слоганот не е шовинистички туку означува дека ќе ја вратиме Македонија на народот која вие ја крадете
Денешен - пред 1 ден
Додека од власта зборуваат за интеграции, ја купуваат „Соравија“ додека тие се колнат лажно во европските вредности, им течат тендери и набавки, додека тие се обидуваат со лаги и празни зборови да ве плашат дека ние сме биле против Европската Унија, а тие за Европската Унија, и дека живеете најубаво во Југоисточна Европа, Македонија сѐ повеќетоне, а тие беозбразно се богатат“, кажа претседателот на ВМРО-ДПМНе Христијан Мицкоски од митингот во Радовиш и додаде: Секогаш кога ќе ја кажеме вистината за ДУИ, дека тие грубо ја злоуотребуваат судбината пред се на Албанците, и нивната мака, за да се богатат и крадат, кажувањето на таа вистина од ДУИ ја толкуваат како напад врз албанците. Тоа во суштина е заштитниот чадор со кој тие сакаат лажно да се престават за некакви борци за каузата на Албанците додека истите ги оставаат во сиромаштија, без патишта, без работа, без вода за пиење, без канализација, без основни услови за живот. Мицкоски упати порака до Бујар дека слоганот не е шовинистички, туку слоганот Македонија повторно твоја означува дека Македонија ќе ја вратиме на народот, истиот тој кој власта безимислосно го краде и осиромашува. „Па така Бујар Османи ќе обвини дека слоганот Македонија повторно твоја бил шовинистички слоган. Тоа може само да го каже неук човек кој е вистинси шовинист и кој Македонија не ја чуствува за своја татковина, затоа што јас кога ќе кажам Македонија мислам на сите граѓани кои живеат во нејзе. На Македонците, но и на Албанците, Турците, Ромите, Србите, Власите, Бошњацитеи сите останати. Кога Бујар Османи ќе каже Македонија тој не ја чуствува за своја татковина иако бил министер во сите можни влади на Македонија. Иако црпи пари и плати од државата која не ја признава за своја татковина. Е тоа е шовинизам на дело. Да ги признаваш парите што ги земаш, но и државата која те плаќа. И лицемиерието е поголемо што токму Бујар е министер за надворешни работи и од него се очекува да ги брани интересите на Македонија пред светот. Македонија е и твоја држава, сакал или несакал да признаеш. Мојата борба е Македонија да ја вратиме на народот, истиот тој кој безимислосно го крадете и осиромашувате“, нагласи Мицкоски. Мицкоски истакна дека времето на Артан и Бујар помина а доаѓа ново време кога Македонија се враќа во рацете на народот. „Времето на Артан и Бујар престанува. Доаѓа ново време кога Македонија се враќа на народот. Ковачевски треба да престане да ја бара вината во сите други само не во себе. Доцна се сети дека ДУИ ќе биде јамката околу него која ќе му ја заврши и неговата кариера. Но си ја продаде душата за грст привилегии и тендери. Е сега го плаќа цехот. Ако нешто не му е јасно нека ја види разликата од над 180 илјади гласови. Тоа е кога народот на Македонија некому му вели доста е“, нагласи Мицкоски....
НИКОЛОСКИ ОД РАДОВИШ: Филипче е човекот кој го уништи здравството, ќе биде запишан на најцрните страници
Денешен - пред 1 ден
На 8 мај треба да имаме масовна референдумска излезност, сите да излезат за убедливо да победиме во изборна единица 4, да не се доведеме во ситуација основни здравствени услуги да не може да добиеме ни во Радовиш ни во Струмица. Да не се доведеме во ситуација да барате пријатели, врски за она што следува, за основна здравствена заштита, треба да се стави точка на таа работа, системот мора да функционира, а имаме луѓе кои може да го средат системот, професионалците да добијат шанса, изјави потпретседателот на ВМРО-ДПМНЕ и носител во изборна единица 4, Александар Николоски на митингот во Радовиш. Николоски истакна дека како и за многу области има луѓе кои си ја работат професијата и луѓе кои ја злоупотребуваат и наша цел е да ги поканиме професионалците да ни помогнат заеднички да ја реализираме Платформа 1198 за заеднички да ги поправаме работите. Вечерва со нас е мојот пријател докторот професорот Виктор Камнар, би сакал да му се заблагодарам на поддршката, тој е најдобриот ортопед во целиот регион, кој направи прва трансплантација на коска во регионот, кој си ја сака професијата, медицината, врвен професионалец и кој сака да се подобрува здравството. Тоа се професионалци луѓе кои не ги интересираат провизии, мито, туку гледаат да помогнат на пациентите и не ги злоупотребуваат пациентите, не се сликаат со своите пациенти туку им помагаат, не ја злоупотребуваат својата професија и гледаат да не збогатат преку ноќ со крадење, туку да му помогнат на народот. Со вакви луѓе ќе го поправаме здравството, изјави Николоски. Николоски нагласи дека од друга страна е неговиот против кандидат, човекот кој го уништи здравството, кој ќе остане запишан на најцрните страници на македонското здравство, влече десетици афери позади себе, дали е тоа случајот со приватизација на стерилизацијата, дали е тоа провизијата за вакцини кои не стигнаа, дали е тоа сомнителната набавка на апарати или неговата улога во случајот Онкологија каде што терапија не беше давана на болни од канцер на кои им беше најпотребна. Николоски се осврна и на проектите за Радовиш и регионот. Во Радовиш планираме да се заврши изградбата на експресен пат од Радовиш до Струмица, кој треба да продолжува до Ново село и границата, односно од граница со Бугарија до Штип да има експресен пат кој би се врзувал со автопатот и целиот исток подобро да функционира. Тука е реконструкција и пренамена на оваа стоковна куќа во едукативен и забавен културен центар со содржини од јавни дејности и сум убеден дека градоначалникот ќе го направи на најдобар можен начин. Планираме уредување на речното корито на Радовишка река, уредување на населени места, спортско рекреативен центар и бројни други проекти кои треба да го подобрат животот во Радовиш, рече Николоски. Николоски истакна дека нема да биде заборавени и земјоделието. Тутунот е основен извор на егзистенција и планираме да го донесеме законот за забрана на увоз на тутун за целиот македонски тутун да се откупува по пристојни цени. СДСМ не го гласа затоа што главен увозник е братот на министерот за земјоделие. Потребна е масовна референдумска излезност, секој еден да излезе на гласање, потребна е масовна поддршка, ВМРО-ДПМНЕ е единствената сила која може да ја направи промената, нагласи Николоски....
АКАДЕМИК КОЦАРЕВ: На 8 мај одлучно да кажеме „НЕ“ за сите што го негираат македонството!
Денешен - пред 1 ден
Флоскулата „Или интеграција во ЕУ или изолација“, претставува празна фраза и манипулација, цени поранешниот престедател на МАНУ, академик Љупчо Коцарев во емисијата „За или против“ на Алфа со новинарот Љупчо Цветановски, повикувајќи ги граѓаните на 8-ми мај одлучно да кажат НЕ! за сите тие што го негираат македонството. Цени дека на претстојните избори на 8 мај бираме меѓу безнадежна и недостоинствена Македонија што сегашната Власт упорно ја промовира и надежта да изградиме достоинствена, хумана, солидарна и просперитетна Македонија во која пејоративните „северномакедонци“ ќе бидат повторно Македонци за сите жители на планетата Земја. „Честитајќи го празникот Први мај – меѓународниот ден на трудот, на сите граѓани во Македонија, ве повикувам на 8 мај одлучно да кажеме НЕ! за сите што го негираат македонството. Но, ова треба да биде аманет и за идната власт: таа треба одлучно да се спротивстави на негирањето на македонството, однадвор и одвнатре. До 2018 година Македонија беше признаена како „Република Македонија“ од повеќе од 130 земји, вклучувајќи ги сите десет најнаселени земји во светот (Кина, Индија, САД, Индонезија, Бразил, Пакистан, Нигерија, Бангладеш, Русија, Мексико). Елементарна алгебра покажува дека во 2018 г. нашата земја беше именуваа како Република Македонија од речиси 80 отсто од жителите на планетата Земја. Во еден ден, 17 јуни 2018 г., со еден потпис сето тоа беше избришано“ посочува академик Коцарев кој апелира и порачува дека ние мораме секојдневно да зборуваме за македонската кауза, со единствена цел повторно да ги придобиеме нашите вистински пријатели – „Во 2018 година тие беа повеќе од шест милијарди граѓани на планетата Земја – тогаш, во 2018, не бевме сами, денес нив ги нема, денес, всушност, ние сме изолирани – оставени на ветрометина да не понижуваат и навредуваат сите, дури и одвнатре!“ цени Коцарев. „Флоскулата „Или интеграција во ЕУ или изолација“, претставува празна фраза, манипулација,“ посочува академикот и потенцира дека државите како Велика Британија, Исланд, Норвешка, Турција, Сан Марино, Андора, Лихтенштајн, Ватикан, Монако, Швајцарија, на пример, не се членки на ЕУ и не се изолирани држави, а впрочем, и Република Македонија не е членка на ЕУ и не е изолирана држава. „Каква е целта на упорното повторување: „или ЕУ или изолација“? Можеби сеење страв и раздор? Па затоа, на претстојните избори на 8 мај бираме меѓу безнадежна и недостоинствена Македонија што сегашната Власт упорно ја промовира и надежта да изградиме достоинствена, хумана, солидарна и просперитетна Македонија во која Северномакедонците ќе бидат повторно Македонци за сите жители на планетата Земја! Оттука, ги повикувам новите владејачки елити освен ветувањата за поголеми економски придобивки (на пример, зголемени пензии), што се несомнено есенцијални, да се обврзат дека ќе го бранат македонството: да го запомнат аманетот на Блаже Конески: „Послушајте Македонци, за нас повеќе отколку за многу други во светот, јазикот ни претставува единствена наша комплетна татковина“. Сите, минатите и идните политички елити (од било која провиниенција) треба да го перципираат Блаже Конески за џин, колос, титан, а не за џуџе од Небрегово!“ резимира академик Коцарев во интервјуто за Алфа....
ДУИ: Ние сме длабоко загрижени поради тоа што Мицкоски поттикнува меѓуетничка омраза со вокабулар како оној на Москва и Путин
Денешен - пред 1 ден
Мицкоски и ВМРО почнаа со лажни вести да измислуваат, дезинформираат и оцрнуваат се што е албанско, реагира владејачката партија ДУИ. Во продолжение целото соопштение од оваа партија: Ни помалку ни повеќе, денес, Мицкоски во стилот на лажни вести и заслепен од желбата за власт ја обвинува ДУИ и Али Ахмети дека организирале вооружена група некаде во Чаир и Бутел. ДУИ и Европскиот фронт изразуваат длабока загриженост за подбуцнувачкиот вокабулар на меѓуетничка омраза на Мицкоски една недела пред 8 мај, денот кога Европскиот фронт ќе ја одбележи својата длабока победа. Свесен и исплашен дека нивните слуги од албанската опозиција ќе претрпат длабок пораз, Мицкоски намерно ги загрозува меѓуетничките односи предизвикувајќи страв од дестабилизација на ситуацијата, која е желба и главна цел на проруските центри во С. Македонија. Во оваа прилика, ДУИ и Европскиот фронт ги повикуваат граѓаните, без разлика на етничката припадност, да не станат плен на измислици и поттикнување меѓуетничка омраза, бидејќи вокабуларот како оној на Мицкоски е агенда на Москва и Путин, кои сакаат да ја дестабилизираат С. Македонија посебно, а и регионот во целина. Потсетуваме на мислењето дека кога ДУИ организираше избори во последните години, тие секогаш беа слободни, демократски и меѓународно прифатени. ДУИ...
КОЦАРЕВ: Нашата Влада зазеде цврст и непоколеблив став – ние не сме Македонци!
Денешен - пред 1 ден
Ова е интегралното интервју на Љупчо Цветановски со академик Љупчо Коцарев, емитувано вечерва на ТВ АЛФА: ЦВЕТАНОВСКИ: Утре е Први мај, па за избегаме од стереотипите, да стартуваме со, овој голем ден, ден на работниците, ден на трудот. Да го започнеме ова интервју со вашата порака до граѓаните на Република Македонија. КОЦАРЕВ: Во говорот по повод првото одбележување на Први мај, во 1890 година, Еленор Маркс (ќерката на Маркс) ќе рече: „Не смееме да бидеме како некои христијани кои грешат шест дена и одат во црква седмиот ден, туку мораме секојдневно да зборуваме за каузата и да ги натераме сите, мажите, но особено жените, да се приклучат и да ни помогнат“, завршувајќи со стиховите на англискиот поет Перси Биш Шели: „Станете како лавови после сон / Во неприкосновен број / … / Вие сте многу – тие се малку“. „Ноќва виното, во крвта ми е, / црвено вино, црвени знамиња, / црвено вино, црвени знамиња, / пред очите на сигурно“ – пееше „Меморија“. Честитајќи го празникот Први мај – меѓународниот ден на трудот, на сите граѓани во Македонија, ве повикувам на 8 мај одлучно да кажеме НЕ! за сите што го негираат македонството. Но, ова треба да биде аманет и за идната власт: таа треба одлучно да се спротивстави на негирањето на македонството, однадвор и одвнатре. До 2018 година Македонија беше признаена како „Република Македонија“ од повеќе од 130 земји, вклучувајќи ги сите десет најнаселени земји во светот (Кина, Индија, САД, Индонезија, Бразил, Пакистан, Нигерија, Бангладеш, Русија, Мексико). Елементарна алгебра покажува дека во 2018 г. нашата земја беше именувана како Република Македонија од речиси 80 отсто од жителите на планетата Земја. Во еден ден, 17 јуни 2018 г., со еден потпис сето тоа беше избришано. Македонци, парафразирајќи ја Еленор Маркс, ние мораме секојдневно да зборуваме за македонската кауза, со единствена цел повторно да ги придобиеме наште вистински пријатели – во 2018 година тие беа повеќе од шест милијарди граѓани на планетата Земја – тогаш, во 2018, не бевме сами, денес нив ги нема, денес, всушност, ние сме изолирани – оставени на ветрометина да не понижуваат и навредуваат сите, дури и одвнатре! Флоскулата: „или интеграција во ЕУ или изолација“, претставува празна фраза, манипулација: државите како Велика Британија, Исланд, Норвешка, Турција, Сан Марино, Андора, Лихтенштајн, Ватикан, Монако, Швајцарија, на пример, не се членки на ЕУ и не се изолирани држави. Впрочем, и Република Македонија не е членка на ЕУ и не е изолирана држава. Каква е целта на упорното повторување: „или ЕУ или изолација“? Можеби сеење страв и раздор? Па затоа, на претстојните избори на 8 мај бираме меѓу безнадежна и недостоинствена Македонија што сегашната власт упорно ја промовира и надежта да изградиме достоинствена, хумана, солидарна и просперитетна Македонија во која „северномакедонците“ ќе бидат повторно Македонци за сите жители на планетата Земја. Оттука, ги повикувам новите владејачки елити освен ветувањата за поголеми економски придобивки (на пример, зголемени пензии), што се несомнено есенцијални, да се обврзат дека ќе го бранат македонството: да го запомнат аманетот на Блаже Конески: „Послушајте Македонци, за нас повеќе отколку за многу други во светот, јазикот ни претставува единствена наша комплетна татковина“. Сите, минатите и идните политички елити (од било која провиниенција) треба да го перципираат Блаже Конески за џин, колос, титан, а не за џуџе од Небрегово! ЦВЕТАНОВСКИ: Да излеземе малку и од егоцентричноста, од „нашиот круг“, да одиме со геополитика. Малку дедукција, од општото кон посебното. Наредните прашања се однесуваат токму за геополитичките збиднувања во светот. Кои се, според вашето мислење, основните/базичните геополитички настани во изминатите триесетина години? КОЦАРЕВ: По падот на Берлинскиот ѕид во 1989 година и распадот на комунистичките режими, започна енормна политичка, економска и културна офанзива со цел Западот и особено Соединетите Американски Држави да капитализираат од победата во Студената војна и да завладеат со сите пространства и земји на уништениот социјалистички сон, при тоа водејќи се од тврдењето дека американската глобална хегемонија е идеален поредок, па затоа, треба да опстои тежнеењето за нејзината непроменливост, политичка вечност. Кон ова бесмислено тврдење треба да се додаде сеништето на денес заборавените седум договори од Локарно, според коишто европските граници беа ефективно поделени во две групи: фиксирани, гарантирани западни граници и негарантирани, неизвесни, порозни источни граници. Тие стапија на сила на 10 септември 1926 година, кога Германија стана членка на Лигата на народите, додека пак, за да биде уште еднаш потврдено арогантното однесување на Западот кон останатите, министрите за надворешни работи на Германија и Франција за нивниот придонес во изработката на договорите, беа наградени со Нобеловата награда за мир во 1926 година. Лицемерниот, арогантниот и манипулативен пристап на Западот во одржувањето на американскиот хегемон е толку видлив и очигледен што нема потреба за него да се елаборира детално: светот подолго време, особено од Втората светска војна, е игротека на САД – без поддршка на меѓународно право и меѓународните организации бевме и сеуште сме сведоци за „оправданите и праведни“ воени акции, бомбардирања, масакрирања, менување влади… воени акции во Југославија, Авганистан, Ирак, Сирија, Либија…, но и безброј други интервенции. Врв на нивната арогантност беше бомбардирањето на Амбасадата на НР Кина во Белград! И, да, се разбира дека сите инвазии, не само руската инвазија во Украина, се нелегални, неправедни и штетни. Всушност, вистинското уривање на светскиот поредок, како што тоа го забележува професорот Мирослав Грчев, уреден по Втората светска војна почна – и сè уште трае – со манипулирањето за антифашистичкиот отпор во Европа и за нејзиното ослободување од страна на Америка и Велика Британија, како и со денешната верзија е дека Црвената армија само ја ширеше Сталиновата империја, заменувајќи им го на источните и централните Европејци нацистичкото ропство со социјалистичко. Оваа фашистичка лага е денес таканаречената „конвенционална мудрост“ на официјална Европа, Британија и Америка. Децата ја учат уште во основно училиште, политичарите изгласуваат декларации во Европскиот парламент со овие гнасни лаги, лесно соборливи, дури прелесно за секој што има и грам човечко достоинство и самопочит. Но, никој не проверува, а нема и зошто: лагата е толку широко прифатена што е вон сечија памет да се посомнева во неа. А, стамена е вистината дека пред Втората светска војна и за целото време на нејзиното траење, единствениот организиран и траен отпор во од нацистите окупираната Европа го даваа комунистите. Непобитен факт е дека масивна антифашистичка војна во Европа од 1941 до 1944 година со фашистичките сили водеа единствено Црвената Армија на Советскиот Сојуз и Народноослободителната војска и партизанските одреди на Југославија. Поради тоа, само Советскиот Сојуз и Југославија без непосредна надворешна помош се ослободија од нацизмот, Црвената армија безмалку самата ја победи фашистичката Европа во германска униформа, а овие словенски земји – заедно со Полска – ги поднесоа и најголемите жртви во војната: Полска изгуби 18 отсто од населението, Советскиот Сојуз 15 отсто, а Југославија 12 отсто. ЦВЕТАНОВСКИ: Каков ќе биде, според вашето мислење, геополитичкиот поредок во наредните години? КОЦАРЕВ: Геополитичката слика на светот ќе биде определена од односот меѓу Кина и САД. Односите на САД и Кина во период по Втората светска војна до денес се карактеризираат од целосно негирање (период до 1972 година), преку соживот и постепено отворање на Кина (период од 1972 до 1978 година), до, последната фаза, целосно економско отворање (период од 1978 година до денес). На 13 декември 1978 година, Денг Ксијаопинг ја објави политиката на отворена врата, поканувајќи ги странски бизниси и охрабрувајќи ги членовите на партијата да „ги еманципираат своите умови“. Две недели подоцна, пристигнаа првите шишиња кока-кола во Кина. Во периодот по 1978 година, двете држави (молчеливо) се договорија за меѓусебна поврзаност: САД понуди знаење и технологија (заради задоволување на потребите на неговиот бизнис), додека Кина, за возврат, понуди евтина работна сила. Меѓутоа, оваа поврзаност не беше само економска, за САД тоа преставуваше обид, со промени, да ја ограничи политичката моќ на Кина. Од друга страна, за Кина тоа значеше можност за глобална пенетрација. Во меѓувреме, Кинезите се здобија со пософистицирана технологија, а американските големи компании (технологии) се научија на софистициран пристап во дигиталниот авторитаризам. Оваа симбиоза доведе до енормен економски подем на Кина. Бројките што зборуваат за економскиот подем на Кина по 1980 година се повеќе од фантастични, дури шокантни. Професорот по политички науки од Харвард, Греам Алисон (Graham T. Allison), во својата книга „Предодредени за војна: Дали Америка и Кина можат да ја избегнат стапицата на Тукидид?“ од 2017 година, ги наведува следните факти: (1) БДП на Кина, помал од 300 милијарди американски долари во 1980 година, порасна на 11 трилиони американски долари во 2015 година, (2) вкупната трговија на земјата со надворешниот свет од 40 милијарди американски долари во 1980 година, порасна, во 2015 година, на 4 трилиони долари (стократно зголемување), (3) од рецесијата во 2008 година, 40 проценти од целиот економски раст во светот се случува само во една земја: Кина. За крај, Алисон го цитира основачот на Сингапур, „Не е можно да се преправаме дека ова е само уште еден голем играч. Ова е најголемиот играч во историјата на светот.“ Паралелно со јакнењето на економската моќ на Кина, а особено по 2010 година, аналитичари, научници, политичари, и новинари почнаа да пишуваат за плановите Кина во следните 30 години да стане една од најголемите светски суперсили. Пекинг тоа не го криеше. Така, на пример, во 2019 година, за време на прославата на седумдесеттиот роденден на Народна Република Кина, претседателот Си Џинпинг ќе изјави: „Ниту една сила не може да го запре напредокот на кинескиот народ и на кинеската нација“. Каква ќе биде геополитичката мапа на светот во наредните години? Одговорот на ова прашање бара детална анализа на различни сценарија, што, за жал, е тешко, скоро невозможно, да се направи во интервју. Едно од можните сценарија вклучува интензивирање на ривалитетот меѓу САД и Кина. Со други зборови, според ова сценарио ќе се зголемат трендовите што постоеја со години во нивната борба за економска доминација, ќе се интензивираат дезинформациите, невистините, и теориите на заговор меѓу двете држави во битка за влијанието во меѓународното јавно мислење, но и како средство за остварување на економската доминација, и ќе ја помести глобалната рамнотежа на моќ од Запад кон Исток. Уште повеќе, постои ризик дека Кина и САД сè почесто ќе ја искористат својата моќ врз трети страни, до тој степен што неутралниот став ќе стане економски забранет. На економски, политички, и особено на геополитички план, се случуваат големи промени: БРИКС, Шангајската организација за соработка, „глобалниот југ“ и нивната меѓусебна соработка, трговијата во сопствена валута, намалувањето на глобалното влијание на петро-доларот, експанзијата на автономни технологии, научниот и технолошкиот развој и особено помирувањето на довчерашните лути ривали против заедничкиот непријател ја доведуваат американскиот хегемон во незавидна положба. Според моето мислење, тоа што најмногу денес му треба да светот е лидерство, и тоа, исклучиво балансирано лидерство меѓу повеќе светки велесили. Човештвото ќе се соочи со застрашувачка иднина, ако САД продолжат да се борат, користејќи воглавном недемократски средства, за одржување на нивната глобалната хегемонија. Соединетите Држави може да продолжат тоа да го прават, иако безуспешно, сеуште заради тоа што тие ги поседуваат следните карактеристики: економска моќ (остварена, меѓу другото и со неверојатната динамичност), поврзувачка моќ (постоењето на многубројни сојузи, политички пријатели) и, без разлика на намалениот американскиот престиж, мека моќ (soft power). Меѓутоа, Кина, Русија и глобалниот југ ги предводат светските промени против „колективниот запад“, против „империјата“ и нејзините вазали, оттука, мулиполарниот поредок е веќе реалност и од оваа точка нема враќање назад. Европската Унија треба, според моето мислење, што поскоро да престане да биде американски вазал, за што некои европски лидери веќе зборуваат подолго време. Во еден документ на ЕУ од 2019 година, што се однесува до нејзиниот пристап кон Кина, ќе прочитате: „Кина е, истовремено, во различни области на политиката, партнер за соработка со кој ЕУ има тесно усогласени цели, преговарачки партнер со кој ЕУ треба да најде рамнотежа на интереси, економски конкурент во потрагата по технолошко лидерство и системски ривал промовирајќи алтернативни модели на владеење“ (видете го документот на Европската комисија со наслов „EU-China – A strategic outlook“ од 12 март 2019 година). Тоа за жал, во изминатите пет години, се занемари и се отфрли: ЕУ стана вазал на американската надворешна политика. Денес, светот е соочен со раѓањето на нов геополитички поредок. Дали тоа ќе биде повторно униполарен, биполарен или мултиполарен, останува да видиме, но ист, секако повеќе нема да биде. Тука не ми преостанува ништо друго освен да го цитирам професорот Трајче Стојанов: „Да се надеваме дека пред неизбежната катаклизма сите ќе разберат дека светот е сепак доволно голем и дека има доволно место за сите. Да се надеваме дека старите и новите светски играчи ќе седнат навреме на некоја нова ‘Јалта’!“. ЦВЕТАНОВСКИ: Како ја оценувате актуелната позиција на Македонија во меѓународно-политички контекст? КОЦАРЕВ: Имајќи го предвид функционирањето на ЕУ и нејзините приоритети, а воедно, земајќи ја предвид позицијата на Македонија како составен дел на Југоисточна Европа, не е тешко да се заклучи дека геополитичката позиција на нашата земја е обременета од нејзината асиметрична положба во однос на соседите – членки на Европската Унија. Уште повеќе, геополитичката позиција на Македонија е оптоварена и од неуспехот на неолиберализмот, особено од политичките кризи кои претставуваат вистинска рефлексија на неговото влијание и поттикнуваат длабоки социјално-политички последици, популизам, национализам и верски радикализам, во глобални рамки. Во поголемиот број држави, во последните десетина години, беа прифатени национализмот, ксенофобијата и милитаризмот, при што сè повеќе се забрануваа слободата на печатот, академската слобода и слободата на говорот. Подемот на пазарниот фундаментализам, религиозниот фундаментализам и на политичкиот фундаментализам има длабоки корени во повеќето општествени сфери и научни области, како и во културата и во образованието. Една африканска поговорка вели: „Кога се тепаат слоновите, страда тревата“, чие значење, парафразирано, во геополитички контекст, може да се пренесе на повеќе нивоа: на регионално (Југоисточна Европа, Европска Унија), континентално (Европа) и на светско ниво. За жал, во минатите триесетина години, политичарите во Македонија не се снајдоа, делумно од неукост, но делумно и од лукративни причини, во управувањето со кормилото на бродот Македонија среде бурните геополитички превирања. Во книгата со наслов „Возрасни во собата: Мојата битка со европскиот длабок естаблишмент“ (2017), Варуфакис потсетува на жестоката кампања што, во 2015 година, ја започна европскиот длабок естаблишмент со цел да се смени вистината и да се убие карактерот на една проевропска, демократски избрана влада на Грција. Ако ЕУ така се однесува со нејзините рамноправни членки, што може денес Македонија да очекува од ЕУ? Во текстот (од јануари 2024 година) со наслов „Која е поентата на НАТО?“ и поднаслов „Членството не е гаранција за демократија“, Варуфакис се прашува: „Колку е мудро да се верува дека нашите демократии ќе се зајакнат со пренесување на надлежностите во доменот на надворешната политика и одбраната во рацете на НАТО – односно администрацијата на САД? Можеби студентите од Атинската Политехника и генералот Де Гол, заедно со нив, беа во право кога се плашеа дека непромисленото потчинување на НАТО алијансата ќе го забрза падот на Европа во статус на вазален континент?“ Во текстот, Варуфакис потсетува дека бунтовните студенти на Атинската Политехника во ноември 1973 година, кои ги ставија своите животи за да помогнат во обновата на грчката демократија, ги употребуваа слоганите: НАДВОР САД и НАДВОР НАТО. Лидерите на Македонија конечно и еднаш засекогаш треба во одлуките што ги носат да даваат јасна предност на аспирациите на македонскиот народ пред желбите на моќните суперсили. Мудро дејствување на надворешната политика значи реализирање на прифатените обврски, но не и одење чекор понатаму и исполнување повеќе од прифатените обврски. Сè што е надвор од договорените и прифатените обврски, мора да биде исклучиво во интерес на Македонија. Основните решенија за Македонија се: прво, опстојба дека македонскиот идентитет и македонскиот јазик имаат словенски, не бугарски карактер, и второ, приспособување и имплементирање на европските вредности, но без инсистирање, по секоја цена, на полноправно членство во ЕУ. За жал, денес сме соочени со непринципиелни уцени и закани врз основа на ненаучни аргументи, бесмислено барање дека македонскиот идентитет и македонскиот јазик имаат бугарски корени, и недостоинствено и понижувачко барање Македонија да ја дефинира македонската национална генеза по барање на соседна држава. Македонија, се надевам, нема да отстапи од одбраната на македонскиот идентитет и македонскиот јазик, тие имаат словенски, не бугарски, карактер. ЦВЕТАНОВСКИ: Многу копја се кршеа и се кршат на ова поле во македонското поделено општество. На домашен план, вашите размисли за контаминираната Преговарачка рамка? КОЦАРЕВ: Во одговор на Вашето прашање ќе ја цитирам д-р Малинка Ристевска Јорданова, една од ретките вистински експерти на полето на евроинтеграциите, инаку шефица на кабинетот на Шекеринска во време кога Македонија го доби статусот на кандидат. Според нејзе пристапот на Владата во изминатите неколку години се карактеризира со две особености: прво, спроведување на тактиката „остварени факти“, што подразбира донесување одлуки пред засегнатите воопшто да се запознаат со нив, соочувајќи ги со единствената опција: нивно прифаќање и второ, ширење лаги и манипулации за евроинтеграциите. Во рамките на првата особеност, јавноста беше соочена со прифаќање „на заклучоците на Советот, двете позиции на Советот на ЕУ заедно со Преговарачката рамка, Протоколот со Бугарија… Во нив се проголта сѐ и сешто, вклучувајќи ги едностраните изјави за македонскиот јазик, согласноста членството на ЕУ да зависи од завршетокот на работата на Мешовитата комисија за историски и образовни прашања… Ама, бидејќи тоа ќе биде таму некаде во 2030 година, тогаш ќе мислиме за тоа“. Од големиот број лаги и манипулации ќе спомнам две: (1) тврдењето дека започнувањето на преговорите или полноправното членство ќе предизвика престанок на миграцијата, всушност, е манипулација: скоро во сите држави од минатиот бран на проширување миграцијата во ЕУ се зголеми по членството; и (2) тврдењето дека „само да почнат преговорите и ќе почнат вистинските реформи, затоа што ЕУ ќе нѐ среди” е повторно лага, вистината е дека Македонија мора сама да ја заврши работата, ЕУ само може да помогне. За последниот чекор од голготата „започнување преговори“: уставните измени и внесување на Бугарите во Уставот, Ристевска Јорданова ќе рече: „Тие и не беа дел од првобитните бугарски услови, туку се дополнителен услов и влезна точка за остварување на бугарските цели преку преговарачкиот процес“. Повторно, внесувањето на Бугарите во Уставот се манипулира и релативизира: ќе се внесат и Хрватите, и Црногорците, и други…, па затоа Ристевска Јорданова ќе заклучи: „Да, но нивните матични држави не го негираат македонскиот идентитет и ги признаваат Македонците во своите држави. За разлика од нив, Бугарија и натаму отворено го негира македонскиот идентитет“. Бугарија нема потреба да ги смени нејзините ненаучни и понижувачки барања: негирање на македонскиот идентитет, македонскиот јазик, македонската историја… – разликата во однос на периодот пред и по 2022 година, е што по 2022 г. бугарските барања „прераснаа во вградени механизми во процесот на пристапување за гаранција на исполнување на бугарските услови“, што ќе бидат „основа за Бугарија да бара вградување на веќе вградените услови во сите натамошни чекори од процесот, а ги има многу со новата Методологија“. Внимателно читање на документот на Европската комисија „Извештајот за 2022“ покажува дека (цитат од документот): „Парламентот и Владата се обврзаа да започнат и приоритетно да ги постигнат релевантните уставни измени, со цел во Уставот да се вклучат и граѓаните кои живеат во границите на државата“. Па затоа, на прашањето: „Дали уставните измени се дел од реформите поврзани со ЕУ?“ Ристевска Јорданова ќе одговори: „Не. Тие се политичко барање, засновано врз нашата согласност, односно преземената обврска за промена на Уставот“. Оттука, прашањето „Што се случи во 2022 година?“ има јасен одговор. Резимирајќи дека бугарските барања прераснаа во „вградени механизми во процесот на пристапување за гаранција на исполнување на бугарските услови“, единствен одговор е: целосен помор на сѐ што е македонско. Македонците од нивните политички лидери очекуваат храброст за заштита на македонските национални интереси и спротивставување на криминалот, не криминогеност и понизност, не продавање и предавање на сѐ што е македонско. Освен пропагандата – лагите и манипулациите дека од денот на започнување на преговорите сѐ ќе цвета: просперитетот на Македонија и македонскиот идентитет се загарантирани – пропаганда вешто водена од нашата Влада и нашите душегрижници – официјалните претставници на ЕУ и државите членки, Македонците изгубија сѐ, но најмногу самопочитта и почитта од другите: нашата Влада зазеде цврст и непоколеблив став – ние не сме Македонци! ЦВЕТАНОВСКИ: Од сето претходно кажано произлегува и можеби најесенцијалното прашање: Како понатаму? КОЦАРЕВ: Откако сегашнава Влада и сегашниот Претседател на Македонија, исклучиви виновници за безизлезната состојба во која се најдоа Македонците: во ЕУ само како Бугари и никако поинаку, ќе заминат од политичката сцена на Македонија еднаш и засекогаш, одговорот на прашањето, со зборовите на Ристевска Јорданова, е: „Сегашново брзање нема никакво оправдување. Потребна ни е стабилност, сигурност, разум. Има време и простор за сѐ, освен за нови грешки. Единствена итност е да се престане со спиралата на грешки. Ако сакате попластично – време е да се крене „рачна“, за најпрвин да се прекине сегашнава надолна спирала. Да престанат поделбите по сите линии во име на „светлата европската иднина“, да престане разградувањето на институциите. А потоа низ дијалог и внатрешно јакнење, да се постават, и што е најважно – да се спроведат, јасни приоритети, кои реално ќе им служат, пред сѐ, на граѓаните на оваа држава“. Што, според моето мислење, значи „да се крене рачна“? Прво, раскинување на потпишаниот билатерален Договор со Бугарија. Второ, да почнеме и тоа да трае најмалку една година, едногласно, сите леви, десни, шарени, еднобојни, во центарот, на периферијата, да говориме за неправедните, понижувачките, нелогичните, бесмислените членови и ставови на договорот со Грција. Тоа треба да го направиме за да сите: и нашите поддржувачи и нашите опоненти разберат за неправедниот, понижувачкиот, нелогичниот, и бесмислениот договорот со Грција. Трето, департизација на институциите, подобрување на внатрешната кохезија и градење на доверба кон Владата и кон ЕУ. Четврто, македонските претставници на билатералниот скрининг да се обврзат на транспарентност: да нема повторно изненадувачки „остварени факти“ и нови „преземени обврски“ за коишто јавноста се запознава откако обврските веќе се преземени. Граѓаните на Македонија од другите етникуми треба да разберат дека ние – Македонците, не можеме подолу од тоа каде што сме денес, во спротивно, тие, всушност, не се за соживот, туку го подржуваат разнебитувањето на Македонија, па оттука, слоганот „Македонија – едно општество и едно семејство за сите, сите се граѓани од прв ред“ се трансформира во „Македонија – едно општество без Македонци“. Според моето мислење, со Преговарачката рамка, Советот на ЕУ исчекори во територија непозната во историјата на меѓународните односи. Преговарачката рамка и договорите со Грција и со Бугарија се документи што пресудуваат, што одлучуваат за научни мислења и резултати во лингвистиката, археологијата, етнологијата, историјата… Секогаш кога постојат документи што влијаат и ги трасираат научните тврдења и не оставаат простор за дијалог, за научни дебати и размисли, резултатот, парафразирајќи го Еразмо Ротердамски, е ист: „Пофалба на глупоста“, што овозможува да се согледа гнилежот на македонските и европски институции. Во триесеттите години од минатиот век, во Советскиот Сојуз, директорот на центарот за генетика, академик Лисенко, предложил пристап, подоцна именуван со терминот лисенкоизам, за надминување на кризата во советското земјоделство со кој се исклучува науката, а се промовира вродената итроштина и интелигенција на селаните за наоѓање најдобри резултати во земјоделството! Во името на оваа „наука“, биолозите и агрономите биле избркани, а оваа негова „наука“ набрзо се претворила во хистерично владино барање за земјоделско самоснаоѓање околу посевите. Ваквиот идеолошки пристап, при што се исклучува науката, повторно се изроди стотина години подоцна, во недемократска ЕУ. Така, во 21 век, под влијание на моќните, ЕУ воведе „оригинален“ пристап за почнување на пристапните преговори со Македонија: во името на политиката, под влијанието на Грција и на Бугарија, ЕУ претпочитува псевдонаучен пристап во лингвистиката, археологијата и историјата. Дали државите што не се членки на ЕУ, ќе се распаднат или не – тоа е прашање на коешто е несериозно дури и да се обидеме да одговориме, но, имајќи ги предвид Заклучоците на Советот на ЕУ, општата позиција на Европската Унија и на Преговарачката рамка, а со тоа и на пристапните преговори, ваквиот пристап на ЕУ сигурно ќе доведе до разнебитување на Македонците! ЦВЕТАНОВСКИ: Македонија се соочува со сериозни проблеми одвнатре: разделена и нефункционална држава. Повторно, она најбитното: Како понатаму? КОЦАРЕВ: Што се однесува до проблемите на македонското општество, мене друга јанѕа ме јаде, чувство на неспокој: дали некогаш во Македонија, и ако да, кога ќе има соживот меѓу нејзините граѓани? Што граѓаните на Македонија подразбираат под терминот соживот? Дали тоа вклучува и користење на заеднички јазик за меѓусебна комуникација? Денес во Македонија постојат две разделени општества, па затоа државата се распаѓа. Слоганот „Македонија – едно општество и едно семејство за сите, сите се граѓани од прв ред“ се трансформира во неговата спротивност: две разделени општества. Приказната за Вавилон, можеби, е најдобрата метафора за денешна Македонија – една држава со две (паралелни) општества: две општества опстојуваат на иста територија со различни верзии на Уставот, со различно владеење, со различна економијата, со различен однос спрема сопствената држава, со различна отчетност, различен поглед на иднината, накусо, фрагментацијата ad absurdum. Граѓаните со коишто би требало да градиме соживот порачуваат дека тие ќе градат соживот со нас само ако го внесеме бугарското малцинство во Уставот. Македонија нема проблем со бугарското малцинство, туку со државата Бугарија и со некои нејзини институции. Од нас се бара, за да започнат преговорите со ЕУ, ние да се декларираме за немакедонци, всушност, ние, Македонците, да се самоуништиме. Дали ако Македонија стане граѓанска држава, сите граѓани на Македонија ќе бидат навистина космополити – граѓани на светот? Или тие граѓаните на Македонија ќе глумат дека се космополити, а всушност ќе градат биетничко општество, разделено по сите основи? Дали, ако македонскиот устав е граѓански, тогаш сите народни што живеат во Македонија се државотворни? Дали граѓанскиот карактер на Уставот, всушност, имплицира дека нема потреба од границата 20 проценти? Денес, Македонците се борат, по срамните договори со Грција и со Бугарија и прифаќањето на Преговарачката рамка, за елементарни човекови права: македонски идентитет, македонскиот јазик, македонска историја, да кажат дека во Македонија живеат граѓани од македонско етничко потекло. Оттука, Македонците, всушност, се борат за придавката македонска, македонски, македонско!!! Ако другите граѓани на Македонија не не’ поддржат во ова, дали тие, всушност, не сакаат соживот со нас? Има многу прашања на кои треба искрено и разумно да се пристапи во нивно разрешување! Еден од основните проблеми на Македонија е нејзиниот Устав, за што многу пати пишувал и говорел д-р Драган Попоски. По завршувањето на конфликтот во 2001 година, Роберт Бадинтер е поканет во Република Македонија, со барање да даде уставни совети. Тој јасно става до знаење дека „не сака да го замени законодавецот и дека е невозможно да се практикува консензуална демократија, зашто консензусот ништо не решава“ и понатаму „консензусот е да им се препушти власта на малцинствата. Тоа не може да функционира… За да се задоволат барањата на албанското малцинство, Македонија да развива директна демократија што ќе ги задоволува длабоките потреби на граѓаните…“. Во однос на сегашниот „Бадинтеров принцип“ и процентуалната застапеност на малцинствата, Бадинтер оценува: „Тоа не е решение, бидејќи ризикува да ја парализира администрацијата и да создаде групи со привилегии и вредности, наместо да создаде еден заеднички народ, една заедничка нација. Етничкиот пристап ризикува да го влоши она што, всушност, треба да се надмине.“ Врз основа на „Бадинтеровиот принцип“, во Уставот е внесено, чл. 69 „За закони кои директно ги засегаат културата, употребата на јазиците, образованието, личните документи и употребата на симболите, Собранието одлучува со мнозинство гласови од присутните пратеници при што мора да има мнозинство гласови од присутните пратеници кои припаѓаат на заедниците, кои не се мнозинство во Република Македонија“. За добивање одредени политички и малцински интереси, „Бадинтеровиот принцип“ различно се толкува и се применува, всушност овој „принцип“ дава можности за злоупотреба и се злоупотребува, излегува од граѓанските норми и потребно е да се укине. Тоа го согледал и самиот Бадинтер по десет години од неговата примена. Малцинствата (а всушност само албанското) добива дупло гласачко право од парламентот до локалната општинска управа. Мнозинството може да изгласа некој закон или пропис, но ако тој не е потврден и со мнозинство од малцинствата (а всушност од албанското), тој не може да биде усвоен! Ова претставува граѓанска дискриминација, спротивно на Уставот дека Република Македонија е граѓанска држава и со еднакви слободи и права. ЦВЕТАНОВСКИ: На 8 мај ќе има избори.И престедателски и парламентарни. Вашата порака кон граѓаните? КОЦАРЕВ: Ги повикувам граѓаните на Македонија масовно да излезат на 8 мај. Ги повикувам Македонците масовно да гласате на претстојните избори, при што, според моето мислење, ги повикувам да заокружат било кој друг број, само не бројот што ги определува тековните властодршци. Недвојбено сите во Македонија се за европска Македонија, но само некои политички партии се за Македонија со Македонци. Денешниве властодршци, во однос на македонскиот јазик, безобзирно лажат и манипулираат – исклучиво од лукративни причини, па затоа, повторно ќе слушнете/прочитате: „македонскиот јазик го зацементиравме … го потпишавме првиот европски документ со македонски јазик“. Да не се залажуваме: македонскиот јазик ќе стане официјален јазик на ЕУ тогаш кога Република Македонија ќе стане полноправна членка на ЕУ. Тоа нема да се случи на денот кога ќе започнат пристапните преговори, тоа нема да се случи ниту на денот кога ќе се потпише Договорот за пристапување на Република Македонија во ЕУ, туку на денот кога сите членки на ЕУ ќе го ратификуваат Договорот за пристапување. Така, Договорот за пристапување на Република Македонија во ЕУ ќе треба да се ратификува во Собранието на Република Бугарија. А што мислите кога ќе се случи тоа? Според сегашните ставови на Република Бугарија, тогаш кога ќе потврдиме дека македонскиот јазик е бугарски дијалект, дека македонскиот јазик е вештачка, комунистичка творба, што постои од 1945 година, или, со други зборови, тогаш кога ќе се согласиме дека Македонците се Бугари или македонски Бугари, а името Македонци доаѓа од тоа што тие живеат на територијата Македонија, инаку, всушност, тие се Бугари. Опцијата која ја застапуваат тековните властодршци е Македонија без Македонците. ЦВЕТАНОВСКИ: Која е Вашата порака до новите владејачки елити? КОЦАРЕВ: Накусо, лаконски, мојата порака до идната власт, најдобро се преточува во три зборови: обединување, неменување и департизација. Прво, повикувам на обединување на македонските партии што се залагаат за македонството, повикувам на Влада во која ќе учествуваат ВМРО-ДПМНЕ, ЗНАМ и Левица, при што уште еднаш, да нема забуна, ќе повторам, дека терминот македонство подразбира две работи. Прво, автохтоност на македонскиот народ и на неговиот историски, јазичен, културен и религиски континуитет, нагласувајќи, за што пишував и говорев често во изминатите две години, дека македонскиот јазик, како, впрочем, и сите други јазици, не само словенските, има свој просторен и свој временски, да бидам прецизен – милениумски континуитет. Второ, македонскиот национален супстрат го претставуваат Македонците што живеат во државата Македонија, но и оние во соседството (како државјани на соседните земји, вклучувајќи ги тука и Грција и Бугарија и Албанија), како и низ целиот свет. Второ, повикувам на неменување на Уставот на Република Македонија. Бугарската заедница не треба никогаш да се внесе во Преамбулата на нашиот Устав. По, внесување во Уставот, со вклучување на синтагмата „дел од бугарскиот народ“, со невидена жестина, притисок и поткупување Бугарија ќе дојде до бројката 20 проценти, па и бугарскиот народ ќе стане државотворен народ. Така, Македонија ќе стане пример за учебници – парадоксална држава: иако државата Бугарија го негира постоењето на македонскиот идентитет и македонскиот јазик, државата Македонија, којашто би требала да се грижи за македонскиот идентитет и за македонскиот јазик, всушност, дозволува, ако се промени Уставот, бугарскиот народ да стане државотворен народ во Македонија! Би сакал уште еднаш да предочам дека за Грција користењето на именката Македонија и придавката македонски требаше да се забранат, додека пак, за Бугарија е спорен терминот македонски народ, оттука негирањето на македонскиот јазик и на македонскиот идентитет. Бугарија нема проблем со синтагмата „македонската држава“ или „македонската нација“ се додека во државата Македонија не живеат делови од македонски, туку бугарскиот народ и јазикот со кој говорат македонските државјани е бугарски дијалект. Трето, повикувам на департизација на институциите во Македонија. Еден од основните атрибутите за економскиот развој на Македонија, што треба да го спроведе идната влада, е департизација на институциите во државава. Секоја четврта година во САД се спроведува процес познат под името „претседателска транзиција“ за време на кој новоизбраниот претседател на Соединетите Држави се подготвува да ја преземе администрацијата на федералната влада на САД од актуелниот претседател. Што мислите колку раководни места се предмет на неконкурентно назначување од страна на новоизбраниот претседател во извршната и законодавната власт, при што постојат различни позиции, на пример, некои подлежат на потврда од Сенатот, други не? Последната публикацијата на издавачката канцеларија на Владата на САД, достапна и во печатена и во онлајн верзија, од пред четири години, наведува повеќе од 9000 позиции. Ако бројот 10 000 (зборот повеќе го заменив со десет илјади) се подели со бројот на жители на САД и потоа се помножи со бројот на жители на Македонија, ќе се добие број, следејќи ја аналогијата со САД, на назначени позиции – не нови работни места, што би требало новата влада во Македонија да ги предложи по нејзиното формирање. Што мислите кој е тој број? Нема да верувате: 61 или со букви шеесет и еден! Македонија ќе биде силна држава само ако има силни институции, а првиот предуслов за тоа е нивна департизација. Според податоците на Државниот завод за статистика, во 2023 година, вкупниот број работоспособно население во Македонија изнесува 1 515 107, од кои 688 296 се вработени, 103 351 лица се невработени, додека вкупниот број работодавци изнесува 41 467. Според видот на сопственоста на деловните субјекти од вкупниот број вработени во Македонија, вработени во приватен сектор се 513 292, додека пак, вработени во установи со мешовита, задружна или државна сопственост се 175 004, од тоа (податок од 2022) во јавниот сектор на Република Македонија активни се 1 354 институции, во кои работен однос имаат засновано 129 374 лица. Да се задржиме на бројките уште малку: само 2,7 проценти од вкупниот број работоспособно население се работодавци – столбот на економијата на Македонија, додека пак, 18,8 проценти од вкупниот број во Македонија се на државни јасли. Но, за економските предизвици ќе зборувам во друга пригода. Иако споредбите не се секогаш меродавни, а нам ни е јасно дека бројот 61 (или некој број малку поголем од него) е далечен неостварлив сон, сепак, Македонија ќе опстои само ако департизацијата на Македонија е приоритет на идната влада, па затоа предлагам: (1) Слабеењето на позициите на извршната власт и администрацијата, па затоа е потребно да се намали бројот на ешалони на извршната власт, но и да се ограничи па дури и да се изземе извршната власт од раководење на јавните претпријатија, јавните установи и акционерските друштва во сопственост на државата (на пример, ЕМС, МЕПСО, Пошта и други); (2) Намалување на ингеренциите на извршната власт во подрачја што според Уставот се утврдени за автономните сфери на општеството (образование и наука, култура, здравство итн.). Во изминативе години сведоци сме на хиперинфлација на законски прописи и нивни чести измени, особено во образованието, науката и културата, донесени во скратена постапка и без поширока стручна и научна расправа; (3) Намалување на бројот на вработени во јавните институции и администрацијата и воспоставување на мериторен систем за вработување во јавните институции и администрацијата. Правичната застапеност е уставна категорија и обврска за јавните институции регулирана со Закон, меѓутоа, вработувањата треба да бидат засновани само врз основа на квалитет и на компетентност. Ви благодарам на поканата. Да е вековита и просперитетна Република Македонија....
КОЦАРЕВ: Соочени сме со уцени и закани дека македонскиот идентитет и македонскиот јазик имаат бугарски корени
Денешен - пред 1 ден
Мудро дејствување на надворешната политика значи реализирање на прифатените обврски, но не и одење чекор понатаму и исполнување повеќе од прифатените обврски, вели академик Љупчо Коцарев во интервју со новинарот Љупчо Цветановски во емисијата „За или против“ на ТВ Алфа. „Лидерите на Македонија конечно и еднаш засекогаш треба во одлуките што ги носат да даваат јасна предност на аспирациите на македонскиот народ пред желбите на моќните суперсили. Мудро дејствување на надворешната политика значи реализирање на прифатените обврски, но не и одење чекор понатаму и исполнување повеќе од прифатените обврски. Сè што е надвор од договорените и прифатените обврски, мора да биде исклучиво во интерес на Македонија. Основните решенија за Македонија се: прво, опстојба дека македонскиот идентитет и македонскиот јазик имаат словенски, не бугарски, карактер, и второ, приспособување и имплементирање на европските вредности, но без инсистирање, по секоја цена, на полноправно членство во ЕУ. За жал, денес сме соочени со непринципиелни уцени и закани врз основа на ненаучни аргументи, бесмислено барање дека македонскиот идентитет и македонскиот јазик имаат бугарски корени, и недостоинствено и понижувачко барање Македонија да ја дефинира македонската национална генеза по барање на соседна држава. Македонија, се надевам, нема да отстапи од одбраната на македонскиот идентитет и македонскиот јазик“, порачува поранешниот претседател на МАНУ. „Геополитичката позиција на нашата земја е обременета од нејзината асиметрична положба во однос на соседите – членки на Европската Унија. Уште повеќе, геополитичката позиција на Македонија е оптоварена и од неуспехот на неолиберализмот, особено од политичките кризи кои претставуваат вистинска рефлексија на неговото влијание и поттикнуваат длабоки социјално-политички последици, популизам, национализам и верски радикализам, во глобални рамки. Во поголемиот број држави, во последните десетина години, беа прифатени национализмот, ксенофобијата и милитаризмот, при што сè повеќе се забрануваа слободата на печатот, академската слобода и слободата на говорот. Подемот на пазарниот фундаментализам, религиозниот фундаментализам и на политичкиот фундаментализам има длабоки корени во повеќето општествени сфери и научни области, како и во културата и во образованието. Една африканска поговорка вели: „Кога се тепаат слоновите, страда тревата“, чие значење, парафразирано, во геополитички контекст, може да се пренесе на повеќе нивоа: на регионално (Југоисточна Европа, Европска Унија), континентално (Европа) и на светско ниво. За жал, во минатите триесетина години, политичарите во Македонија не се снајдоа, делумно од неукост, но делумно и од лукративни причини, во управувањето со кормилото на бродот Македонија среде бурните геополитички превирања“, потенцира академик Коцарев во „За или против“ на ТВ Алфа....
АСТРА ЗЕНЕКА ПРИЗНА НА СУД: Вакцината против Ковид 19 може да предизвика несакани ефекти и згрутчување на крвта
Денешен - пред 1 ден
Фармацевтската компанија АстраЗенека првпат во судски документ призна дека нејзината вакцина против Ковид во ретки случаи може да предизвика несакани ефекти, вклучително и згрутчување на крвта и низок број на црвени крвни зрнца. – Причината за синдромот е непозната. Синдромот на тромбоцитопенија (ТТС) може да се појави и без вакцината на АстраЗенека или која било друга вакцина. Каузалноста ќе треба да се докаже професионално, се наведува во соопштението Фармацевтската компанија. Во Велика Британија е покрената колективна тужба против АстраЗенека, во која се тврди дека употребата на нивната вакцина „КовиШилд“ (CoviShield) довела до смрт и сериозни повреди и се бара отштета до 100 милиони фунти за 50 жртви. Еден од тужителките тврдела дека вакцината и предизвикала трајно оштетување на мозокот и дека згрутчувањето ја оставило неспособна за работа. „КовиШилд“ е развиена од британско-шведската компанија АстраЗенека во соработка со Универзитетот во Оксфорд и Велика Британија, а ја произведуваше индиската компанија Серум институт од Индија, еден од најголемите производители на лекови во светот. Вакцината се користеше во повеќе од 150 земји, вклучувајќи ги Велика Британија и Индија. Некои истражувања спроведени за време на пандемијата покажаа дека вакцината е 60 до 80 проценти ефикасна во заштитата од Ковид-19. Сепак, истражувањето покажа дека вакцината „КовиШилд“може да предизвика згрутчување на крвта кај некои луѓе, што може да биде опасно по живот. Светската здравствена организација (СЗЗО) потврди дека „КовиШилд“ може да предизвика несакани ефекти опасни по живот. – По имунизацијата со таа вакцина пријавен е многу редок несакан ефект наречен Тромботски тромбоцитопениски синдром, кој вклучува ненадејни и сериозни случаи на згрутчување на крвта поврзани со низок број на тромбоцити. Во земјите каде САРС-КоВ-2сè уште се пренесува, придобивките од вакцинацијата во заштитата од Ковид-19 ги надминуваат ризиците, се наведува во соопштението на СЗО. STR фото: МИА архива...
ОСУДА ЗА ШПИОНАЖА ВО САД: 21 година затвор за поранешен специјалист во НСА поради обид за шпионирање во корист на Русија
Денешен - пред 1 ден
Џаред Себастијан Далк, поранешен вработен во американската Агенција за национална безбедност (НСА), која спаѓа под Пентагон, од суд синоќа беше прогласен за виновен и осуден на 21 година затвор за обид за шпионажа, јави весникот „Ју-Ес-Еј тудеј“. Триесет и две годишниот специјалист за развој на безбедност на информациски системи беше прогласен за виновен после обид за предавање тајни информации од одбраната на руски агент, чија улога ја извршувал вработен на Федералното биро за истраги (ФБИ.) За предавањето на информациите Далк побарал 85.000 долари бидејќи имал долгови од студентски кредит и кредитна карта, а исплатата ја барал во крипто валута. Според Министерството за правда на САД, во септември 2022 година Далк на агентот на ФБИ му предал четири доверливи фајла, како и кратки извештаи од три документи вклучувајќи и оценка на заканите по одбранбениот потенцијал на САД. Според ФБИ, обвинетиот имал пристап до строго доверливи информации и потпишал доживотен договор за нераспространување. Покрај финансиските Далк имал и идеолошки побуди. Како што му рекол на тајниот агент, тој сакал да помогне на Русија со тоа што се стремел да постигне „избалансирана вага на светот“ и да предизвика промени, но и да ги „исполнувам моите интереси“. Веднаш по испраќањето на документите преку електронска пошта, оперативци на ФБИ го задржале ова лице, кое потоа целосно ја признало вината. -Оваа пресуда демонстрира дека оние кои ќе ја предадат нашата земја ќе бидат повикани на одговорност за своите злосторства, изјави генералниот обвинител на САД Мерик Гарланд....
САД: Универзитетот Колумбија почна да брка од настава пропалестински активисти кои одбиле да ги соберат шаторите во кампот
Денешен - пред 1 ден
Универзитетот Колумбија започна да брка од настава пропалестински активисти кои одбиле да ги соберат шаторите во поставениот камп на територијата на кампусот во Њујорк. Универзитетот, кој e дел од престижната Бршленова лига (Ivy league), објави неуспех на преговорите за запирање на поларизирачките протестни акции кои траат веќе со недели. Претседателката на високообразовната институција, Миноуш Шафик, изјави дека неколкудневните преговори меѓу студентските организитори и академското раководство не ги убеди студентите да ги соберат десетиците шатори поставени како протестна акција а поради војната на Израел во Газа. Во писмо вчера од таму испратија предупредување до демонстрантите со барање до 14 часот по локално време да потпишат формулар со ветување дека ќе ги почитуваат правилата на универзитетот. Во спротивен случај тие ќе бидат избркани од настава и нема да можат да го завршат семестарот. -Кампот создаде неповолна атмосфера за нашите еврејски студенти и предавачи, а вревата смета на предавањата, обуката и подготовката за испити, изјави на брифинг прес секретарот на универзитет Бен Чан. Овој универзитет, кој стана еден од центрите на протестите што се почесто се случуваат на американските кампуси низ САД а поврзано со настаните во Газа, презеде жестоки мерки против активистите. Во меѓувреме, полицијата на Универзитетот Тексас синоќа уапси десетици студенти кои беа на пропалестинки митинг при што против нив употреби и солзавец....
ПРАВДА ВО САД: Судијата Хуан Мерчан го казни Трамп да плати 9.000 долари оти критикувал сведоци на социјалните мрежи
Денешен - пред 1 ден
Судијата Хуан Мерчан пресуди денеска на судењето во Њујорк дека поранешниот претседател Доналд Трамп направил престап со тоа што како обвинет во овој процес го нарушил молкот. Според наредбата, Трамп до крајот на оваа недела треба да плати 9.000 долари казна поради тоа што низ социјалните мрежи и на неговата кампањска страница именувал и критикувал сведоци. Судијата исто така се закани со затворска казна за него ако повторно го наруши правилото. Останати моменти од денешното рочиште на судењето за исплатата изршена пред изборите во 2016 година на Сторми Дениелс, актерка на филмови за возрасни, за нераспространување компромитирачки информации од приватниот живот на поранешниот претседател се неколкуте сведочења на сведоци. Денеска беа слушнати изјавите на повеќе сведоци вклучувајќи го и Гери Фаро, банкарот на поранешниот адвокат на Трамп, Мајкл Коен. Фаро даде детаљи за документацијата поврзана со исплатата на 130.000 долари на Дениелс, што е во центарот на овој судски процес. Сведочеше и Роберт Браунинг, извршен дикректор на архивите на јавната медиумска куќа „Си-спан“ при што обвинителите прегледаа неколку видео снимки со Трамп како доказ. Понатаму, сведочеше и Кит Дејвидсон, поранешен адвокат на Дениелс и Карен Мекдугал, поранешна манекенка која исто така е дел од процесот, за преговорите меѓу изданието „Нејшнл енквајерер“ и Коен за откуп и необјавување на сторијата на Мекдугал околу личната врска што таа ја имала со Трамп. фото;МИА архива...
ШТАЈНМАЕР: Путин ќе го примени своето деструктивно влијание, но Западен Балкан и Украина припаѓаат на нашиот простор
Денешен - пред 1 ден
Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска унија повикаа Западен Балкан да не се остава долго да чека пред портите на Унијата бидејќи не смее „да остане сива зона за руското деструктивно влијание“. – После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија и Чешка и цела Европа ги научиле од двете светски војни. – Со рускиот напад врз Украина, војната се врати во Европа. Подмолниот напад врз нашиот сосед е истовремено и напад на идејата за мирољубив соседски живот во Европа, кршење на меѓународното право со последици далеку надвор од границите на Украина, кои не засегаат сите нас, рече Штајнмаер. Германскиот претседател во текот на својот говор неколку пати потенцираше дека ЕУ е историски најголемиот мировен проект кој треба да се брани бидејќи не се подразбира сам по себе и не е неуништлив, пренесе Бета. – Би го цитирал (поранешниот) чешки претседател Вацлав Хавел во врска со интервенцијата во Косово дека „има моменти кога треба да се каже доста“. Тоа не е само чин на солидарност, туку и на самоодржување. Руската агресија е напад на сите лекции што ги научивме во Германија и Европа од двете светски војни. На тој напад можеме да одговориме на единствен начин – со поддршка на Украина како составен дел на Европа и идна членка на ЕУ“, рече Штајнмаер. Претседателот на Чешка Петр Павел на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници туку многу подалеку и оти е неприфатлива индиферентноста кон соседите на Унијата. – Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа, рече чешкиот претседател. Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. – Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, и од внатре. – И внатре во ЕУ има оспорување на основните демократски вредности. Неодговорните популисти го оспоруваат целиот проект на ЕУ. Кругот ѕвезди на знамето на ЕУ ја покажува природата на нашата заедница – сите ние сме поврзани и во исто време слободни. На ЕУ и треба да се брани бидејќи таа сигурно не е неуништлива, како што предупреди во својот говор претседателот Макрон во Сорбона. Опасно е да се однесуваме како тоа што сме го постигнале да е засекогаш сигурно, рече германскиот претседател. Франк-Валтер Штајнмаер во Прага ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. Фото: ДПА...
ТОШКОВСКИ: Палевски ќе биде екстрадиран во Македонија во најкраток можен рок, за тоа во комуникација сме со колегите во Турција
Денешен - пред 1 ден
Министерот за внатрешни работи Панче Тошковски попладнево изјави дека во најкраток рок ќе биде екстрадиран Љупчо Палевски откако денеска Министерството за правда соопшти дека е одобрена екстрадицијата од турските власти. – Во текот на денешниот ден добивме информација од Секторот за меѓународна полициска соработка дека е одобрена екстрадицијата за предметното лице, со тоа што нашите полициски службеници се во комуникација со турските колеги и се очекува во наредниот период да утврдат се што е потребно од аспект предметното лице кое е прогон од страна на Обвинителството на РМ, да биде изнесено пред лицето на правда, изјави Тошковски. Прашан дали има конкретен рок кога треба да се испорача Палевски, министерот за внатрешни работи рече дека нема конкретен рок, но дека Палевски ќе биде екстрадиран најбрзо што може во Македонија. Министерството за правда денеска соопшти дека е добиено официјално известување дека екстрадицијата на Љупчо Палевски е дозволена. За МИА оттаму посочија дека е завршен судскиот процес и административната процедура и сега останува само да се реализира трансферот. Палевски е првоосомничен за две кривични дела „грабнување“ и „убиство на свиреп начин“ на Вања Ѓорчевска и Панче Жежовски. Фото: МИА...