Блинкен му повтори на Нетанјаху дека САД се против израелски напад на Рафа
Макпрес - пред 4 часа
Американскиот државен секретар Ентони Блинкен денеска во разговор со израелскиот премиер Бенјамин Нетанјаху во Ерусалим го повтори противењето на Вашингтон на најавениот израелски напад врз градот Рафа, на југот на Појасот Газа. Блинкен ја повтори јасната позиција на САД за Рафа, рече портпаролот на Стејт департментот Метју Милер, зборувајќи за прашањето за копнена офанзива врз градот, од која израелскиот премиер одбива да отстапи и покрај противењето на ОН и многу земји. Се стравува дека во нападот би можеле да загинат голем број од 1,5 милиони цивили кои се засолниле во тој град, главно луѓе раселени поради борбите. Разговорите меѓу Блинкен и Нетанјаху првин се воделе тет-а-тет, а потоа се прошириле и на соработниците и траеле два и пол часа. Ова е седма посета на Блинкен на Блискиот Исток од почетокот на војната во Газа, која почна по терористичкиот напад на Хамас на 7 октомври во Израел по што Израел го нападна Појасот Газа, каде Хамас е на власт од 2007 година. Посредниците – Египет, Катар и САД, сè уште го чекаат одговорот на Хамас на најновата понуда за примирје, која вклучува пауза во израелската офанзива и ослободување на палестинските затвореници, во замена за ослободување на израелските заложници киднапирани во терористичкиот напад на 7 октомври. Блинкен претходно рече дека САД се решени Израел и Хамас да постигнат договор за примирје, по речиси седум месеци борби во Појасот Газа, кој е под опсада и му се заканува глад. Милер рече дека Блинкен разговарал за договорот за примирје со Нетанјаху и оценил дека Хамас го блокира патот до примирје....
Македонски филмови во мајската програма на Кинотека со фокус на творештвото на Столе Попов
Макпрес - пред 4 часа
На програмата на Кинотеката во мај ќе има проекции на македонски филмови, а фокусот ќе биде на филмското творештво на режисерот, сценарист и продуцент Столе Попов (1950) кому оваа година му е доделена кинотечна награда „Златен објектив“. -Автор кој во голема мера ја задолжи националната кинематографија – како со својот наградуван филмски опус, така и со својот педагошки и менаџерски ангажман на полето на седмата уметност и филмското образование, соопшти Кинотеката. Ќе бидат прикажани неговите документарни филмови „Оган“, „Дае“, „Австралија, Австралија“ и играните „Црвениот коњ“, „Среќна Нова ’49“, „Тетовирање“, „Џипси меџик“, „До Балчак“. Покрај филмови од Попов, мајската програма на Кинотеката ќе прикаже и ретроспектива на кратки македонски филмови на режисерите Кочо Недков, Дарко Марковиќ и Елеонора Венинова, новиот документарен филм на Игор Иванов - „Време на бетон“. Исто така и „Буре барут“ на Дејан Дуковски во режија на Горан Паскаљевиќ, како и документарецот „Скопје 63“ на Вељко Булајиќ. -На менито на Кинотека месецов се наоѓа и промоцијата на новиот филм потпишан од францускиот кинопровокатор Франсоа Озон - „Питер фон Кант“. Се работи за еден интересен, постмодерен осврт и своевиден римејк на делата потпишани и креирани од легендата на германскиот нов бран, Рајнер Вернер Фасбиндер, соопшти Кинотеката. Во рамки на програмата за овој месец, од 13 до 18 мај во Кинотеката ќе биде организирана и Недела на италијанскиот филм....
Папата ја осуди индустријата за оружје
Макпрес - пред 4 часа
Папата Франциск денеска упати молитви за жртвите од војните во Украина, палестинските територии, Израел и бегалците Рохинџи во Мјанмар, нагласувајќи дека, „за жал, најпрофитабилните инвестиции се оние поврзани со индустријата за оружје“. - Војната секогаш е пораз, секогаш. Ние бараме мир, бараме вистински мир за овие народи и за целиот свет, рече папата, по повод католичкиот црковен празник Свети Јосиф Работник, пренесе Ватикан Њуз. Обраќајќи им се на присутните во салата Павле VI во Ватикан на општа аудиенција, папата ја осуди индустријата за оружје, нагласувајќи дека „таа профитира од смртта“...
5 годишно дете се изгубило во паркот во Сарај, МВР го пронајде
Макпрес - пред 4 часа
Денеска (01.05.2024) околу 18.15 часот во Сарај е пронајдено 5-годишно дете, за кое околу 16.20 часот во ПО Сарај од страна на М.Х. беше пријавено дека се оддалечило во паркот Сарај. В еднаш по добиената пријава, од страна на полициски службеници на СВР Скопје преземени се мерки и активности за пронаоѓање и околу 18.15 часот детето е пронајдено....
Во Кенија евакуирани туристи поради поплави, 170 загинати од март
Макпрес - пред 4 часа
Стотици туристи денеска се евакуирани од десетици хотели, апартмани и кампови откако пукнаа брани во националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март. Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија. Метеоролошкиот завод на Кенија предупреди дека се очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати...
Почнува уписот на првачиња за учебната 2024/2025 година
Макпрес - пред 4 часа
Во основните училишта во државава во мај ќе се спроведува запишување ученици во прво одделение. Родителот односно старателот е должен во основно училиште да го запише детето кое до крајот на календарската година ќе наполни шест години. По исклучок детето може да се запише во прво одделение доколку наполни шест години до 31 јануари наредната година, по претходно барање од родителот, односно старателот, и добиено мислење од педагогот или психологот во училиштето. Родителот односно старателот има право да го запише детето во основното училиште во реонот во кој живее или каде што постојано престојува. Основното училиште е должно да ги опфати учениците од својот реон. На барање на родителот и доколку има соглсност од училиштето, како и слободни места, детето може да се запише и во училиште што не е во неговиот реон на живеење....
Заврши сезоната за Вернер
Макпрес - пред 4 часа
Напаѓачот на Тотенхем, Тимо Вернер, поради повреда ќе отсуствува до крајот на сезоната. Тренерот на премиерлигашот Анже Постекоглу изјави дека сезоната за Германецот е завршена. Постекоглу го замени напаѓачот Тимо Вернер во првото полувреме од натпреварот од 35. коло на Премиер лигата со Арсенал (2:3) одигран изминатиот викенд. Фудбалерот се повреди во првото полувреме и итно го напушти теренот. Неговото место го зазеде Бренан Џонсон. Вернер игра за Тотенхем како позајмен од Лајпциг. Раководството на тимот се уште не одлучило дали ќе го купи напаѓачот на трајна основа за 17 милиони евра...
Во Флорида стапи во сила забраната за абортус по шест недели бременост
Макпрес - пред 4 часа
Во Флорида денеска стапи во сила забраната за повеќето абортуси по шест недели од бременоста, пред многу жени да знаат дека се бремени, а некои лекари се загрижени дека жените во државата повеќе нема да имаат пристап до здравствената заштита што им е потребна. Докторката Леа Робертс, репродуктивен ендокринолог и специјалист за плодност во Бока Фертити во Бока Ратон, рече дека законите против абортусот донесени од Флорида и другите „црвени“ држави се напишани од луѓе кои не ја разбираат медицината. - Правилата не ги засегаат само жените кои сакаат да ја прекинат бременоста како личен избор, туку и проблематичните бремености за жените кои сакаат да имаат бебе, нагласи таа. Американскиот претседател Џозеф Бајден пред една недела го обвини поранешниот претседател Доналд Трамп за новите ограничувања на правото на абортус во државата Флорида. - Да бидеме многу јасни, има само едно лице одговорно за овој кошмар. Тој се фали со тоа. Доналд Трамп, им рече Бајден на своите приврзаници во градот Тампа и истакна дека правото на абортус „треба да биде уставно право“. - Не се работи за правата на (сојузните) држави, туку за правата на жените, рече Бајден и оцени дека Трамп „е загрижен дека гласачите ќе го сметаат за одговорен за суровоста и хаосот што ги создаде“. На почетокот на претходниот месец, Врховниот суд на Флорида го одобри законот со кој се забранува абортус по првите шест недели од бременоста, период кога повеќето жени не се ни свесни дека се бремени. Прашањето за абортусот е важно за претстојните избори на 5 ноември во САД, а демократите веруваат дека строгите ограничувања на тоа право во Флорида и Аризона ќе ги „свртат“ гласачите на Трамп кон Бајден. На изборите во 2022 година Трамп освои 51,2 отсто во таа држава, а Бајден 47,9 отсто. Шефицата на Демократската партија на Флорида, Ники Фрид изјави дека Бајден разбира дека победата во таа држава е малку веројатна, но дека вреди да се обиде...
Работниците ширум Европа и Азија бараат поголеми работнички права на првомајските демонстрации
Макпрес - пред 4 часа
Работниците и активистите на улиците на азиските и европските градови денеска бараат подобри работнички права и зголемување на платите, кои станаа недоволни поради растот на цените и политиките на владејачките структури. Стотици луѓе учествуваа на собирот под мотото „За целосно вработување: да се намали работното време и да се подобрат платите“ по повод одбележувањето на Меѓународниот ден на трудот 2024 година во Барселона. Иако Први мај во многу земји во светот ги слави работничките права и им дава можност на граѓаните да искажат општи економски поплаки или политички барања, полицијата во Истанбул приведе десетици луѓе кои се обидоа да ги искажат своите ставови на улиците, на познатиот плоштад Таксим, пренесе Бета. Полицијата уапси демонстранти кои се обидоа да стигнат до централниот плоштад во Истанбул, иако владата го забрани прославувањето на Денот на трудот на таа локација. Владата на претседателот Реџеп Таип Ердоган со години забранува одржување на митинзи и демонстрации на таа локација, наведувајќи ги безбедносните причини како причина за таквата одлука. И покрај тоа, дел од политичките партии и синдикатите ги повикаа граѓаните да излезат на протестен марш до плоштадот во центарот, кој има симболична вредност за синдикатите и работниците. Сепак, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа беше намален, а само мала група претставници на синдикатот добија дозвола да влезат на плоштадот и да положат венец на споменикот подигнат во спомен на жртвите од инцидентот во 1977 година во кој напаѓачите предизвикаа стампедо во кое загинаа 34 лица. Интервентната полиција уапси триесетина членови на левичарската Народноослободителна партија кои се обидоа да ги пробијат барикадите околу плоштадот. Во Атина, неколку илјади демонстранти учествуваа на првомајскиот марш кој го запре јавниот транспорт и националните железнички услуги низ Грција. Штрајковите ширум земјата беа предводени од најголемиот синдикат во земјата, кој побара враќање на колективното преговарање, откако беа одземени правата на работниците за време на тешката финансиска криза во Грција 2010-2018 година. Во Париз, демонстрантите се собраа на Плоштадот на Републиката за да учествуваат на маршот предводен од главните синдикати во Франција, барајќи подобри плати и услови за работа. Се очекува пропалестински групи и антиолимписките активисти да се приклучат на маршот низ француската престолнина, која ќе биде домаќин на Летните олимписки игри за помалку од три месеци. Во Индонезија работниците излегоа на улица за да го изразат своето незадоволство од новиот закон, за кој тврдат дека ги крши нивните права и им штети на нивната благосостојба и побараа заштита на работниците мигранти во странство, како и зголемување на минималната плата. Се очекува околу 50.000 работници од Џакарта, Богор, Депок, Тангеранг и Бекаси да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е во корист на бизнисите. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на денешниот собир. Организаторите рекоа дека нивниот собир првенствено имал за цел да ги засили критиките на, како што ги нарекоа, антиработничките политики предводени од конзервативната влада предводена од претседателот Јун Сук-Јул. Во Јапонија, повеќе од 10.000 луѓе се собраа во паркот Јојоги во центарот на Токио на првомајски протест, барајќи зголемување на платите за кое рекоа дека треба да биде доволно за да ги „покрие“ растечките цени. За време на митингот, Масако Обата, лидер на левичарската Национална конфедерација на синдикати, рече дека намалувањето на платите довело многу работници во Јапонија во тешка состојба и го зголемила јазот во приходите. Во Србија вообичаено на 1 мај се оди на излет, потсетува Бета. Се организираат собири на локални излетнички места со релативно богата трпеза и многу пијалаци, главно без работнички обележја и без да се потенцираат какви било барања. Обединетите гранкови синдикати „Независност“ денеска во 12 часот го прославија Денот на трудот со митинг на платото Димитрије Туцовиќ, недалеку од плоштадот Славија во Белград, под слоганот „За демократски и работнички рестарт“. Претседателката на УГС „Независност“ Чеданка Андриќ изјави дека се собрале во чест на загинатите на работни места. Синдикатот на работниците на Босна и Херцеговина и Синдикатот на металците на ФБиХ организираа првомајска протестна прошетка во Сараево. Собирот почна пред зградата на Парламентарното собрание на БиХ, а потоа продолжија со пешачење, едните кон седиштето на Делегацијата на ЕУ, другите кон Владата на ФБиХ....
Ливерпул нема намера да го пушти Салах на лето
Макпрес - пред 4 часа
Ливерпул не планира да се раздели со Мо Салах. Крилниот напаѓач продолжува да има добри односи со сите во Ливерпул. Директорот на клубот Мајкл Едвардс верува дека Салах треба да биде дел од плановите на Ливерпул за иднината, изјави новинарот Фабрицио Романо за подкастот „Here We Go“. Кон крајот на сезоната ќе има средба помеѓу Салах и неговиот агент. Ќе разговара за иднината на крилниот напаѓач и ќе ги истражи неговите опции. Но, во моментов Ливерпул нема намера да се раздели со него. Претходно беше објавено дека Салах би можел да го напушти Ливерпул во 2025 година кога ќе му истече актуелниот договор. Оваа сезона играчот има 24 гола и 12 асистенции во 41 натпревар за клубот....
Рекорден број мигранти го преминале Ла Манш во првите четири месеци од годинава
Макпрес - пред 4 часа
Бројот на мигранти кои пристигнале во Велика Британија откако го преминале ла Манш достигна ново рекордно високо ниво за првите четири месеци од годинава, и е зголемен за 27 проценти во однос на 2023 година. Вкупно 7.567 луѓе го преминале каналот до април, покажуваат привремените бројки на британското Министерство за внатрешни работи, пренесе ДПА. Ова е за 27 проценти повеќе од бројот на пристигнувања регистрирани во првите четири месеци од минатата година (5.946) и зголемување од 13 отсто во споредба со бројките регистрирани за истиот период во 2022 година (6.691). Вкупно 268 луѓе вчера пристигнале во Велика Британија со пет чамци, а преминувањата продолжуваат и денеска. Околу 2.132 луѓе патувале со 42 чамци во април, што укажува на просечно 51 лице по пловило минатиот месец. Ова е повисоко од просекот за март – 48 луѓе по чамец – но пониско од врвот што изнесувал 56 луѓе по брод во септември 2023 година....
Првомајски пикник на СДСМ и Коалицијата за европска иднина во Градскиот парк во Скопје
Макпрес - пред 4 часа
„Гласот за број еден, за СДСМ и Коалицијата за европска иднина, е глас за поголеми плати и унапредени работнички права. Седум години градиме економска атмосфера на постојан раст на платите, да не дозволиме ова да биде загрозено - работниците и работничките тоа не го заслужуваат“, им порача на сопартијците Фатмир Битиќи, потпретседател на СДСМ и ко-носител на листата на кандидати за пратеници во Изборна единица 2, на денешниот Првомајски пикник кој беше организиран од партијата во Градскиот парк во Скопје. „Двојно ја зголемивме просечната плата од 2016 година, денес таа изнесува речиси 40.000 денари. Минималната плата не ја оставивме на егзистенцијалниот минимум, на кој ја затекнавме во 2016, кога изнесуваше 10.000 денари, сега таа изнесува 22.500 денари. Знаеме дека треба уште повеќе, затоа ветуваме просечна плата од 1.100 евра и минимална плата од 600 евра во наредните четири години. Ова е добриот глас кој треба да го ширите до секој човек, во секое село и град“, порача до членовите на СДСМ потпретседателот Битиќи. Тој истакна дека СДСМ е силна партија и денешниот Ден на трудот треба да биде дополнителна мотивација за поголемо заедништво во пресрет на денот на изборите на 8 – мај и продолжување на битката за европска Македонија. „Не смееме да се откажеме, социјалдемократијата не обврзува да водиме грижа за секое работно место, за достоинствена плата. Никој друг, само ние, социјалдемократите можеме тоа да го понудиме на граѓаните со програмата каде работникот е на прво место. Никој да не биде изоставен од економските успеси, што значи повисоки плати и пензии, поголема куповна моќ и подобар квалитет на животот. Ќе се погрижиме секое домаќинство да ужива во сигурна финансиска иднина, со поголем пристап до услуги и можности“, рече Битиќи. Потпретседателот на партијата посочи дека СДСМ е партија која се води од социјална правда, еднаквост и солидарност и секогаш е на страната на работниците, го почитува и вреднува нивниот труд....
Димитриевски од Пелинце: Ароганцијата на СДСМ е ненадминлива
Макпрес - пред 4 часа
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на движењето ЗНАМ, Максим Димитриевски во изјавата за медиумите им го честиташе празникот на сите граѓани и работници и им посака здравје, успех и среќа. Тој рече дека работничката класа е онаа што ја дигнала Македонија да стане држава. Димитриевски рече дека истовремено сака да испрати порака до актуелното раководство на СДСМ, при што рече: Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат. Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија. Ниското ниво на комуникација нема да го прифатиме. Но, како и да е, ние позитивно продолжуваме понатаму и чест ми е што денеска токму овде традиционално во Меморијалниот центар Пелинце- АСНОМ, каде што се удрени темелите на современата македонска држава, гледам голем број на мои поранешни соборци и сопартијци, коишто ни се придружија на овој настан во организација на Движење ЗНАМ – За наша Македонија и нивниот број секојдневно расте. За разлика од раководството на СДСМ, тие ја прифатија подадената рака. Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, државните и националните интереси....
Албанија: Работнички протести за достоинствени плати и услови за работа
Макпрес - пред 5 часа
Албанските синдикати се обединија во заеднички протест пред владата во Тирана со барање за „достоинствени плати и услови за работа“. На работниците од различни професии, рудари, просветни работници, здравствени лица, им се придружија и невработени граѓани и пензионери. Во меѓувреме премиерот Еди Рама од Елбасан каде што денеска беше во посета на компанијата за фероникел „Албкром“ го честиташе Меѓународниот ден на трудот Први мај. - Честитката ја упатувам до секој работник, со желби за верба, добро здравје и само успеси. Ништо не е невозможно во нашата убава земја, порача Рама....
Стојаноска: Со платформата 1198 ќе имаме широк дијалог со синдикатите и економска трансформација
Макпрес - пред 5 часа
Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија. Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда....
Во Стојаково се одржаа 73. Првомајски игри
Макпрес - пред 5 часа
По повод Меѓународниот ден на трудот - 1 Мај, градоначалникот на Општина Богданци, Блаже Шапов, министерката за животна средина и просторно планирање, Каја Шукова и дополнителниот министер за внатрешни работи Митко Бојмацалиев присуствуваа на традиционалните 73. по ред Првомајски игри во Стојаково. На својот фејсбук профил дополнителниот министер Бојмацалиев посочи дека Првомајските игри се вистински заштитен белег за жителите од ова населено место и со право Стојаково е „центарот” на Македонија за 1 Мај. -Станува збор за неколку дисциплини - трки на 100, 1500, 3000 метри за јуниори и сениори во машка и женска конкуренција, трка со велосипеди, борба на рака и влечење со јаже, а едни од најинтересните, секако, се трките со коњи и магариња, работничката трка со колички и трката со вреќи. Традицијата во Стојаково е убав пример за тоа како се негува културата на македонскиот народ и како се јакне македонскиот идентитет, напиша Бојмацалиев. Игрите се одржуваат во организација на Советот на месната заедница од Стојаково, под покровителство на Општина Богданци...
Тинејџер приведен за обид за убиство откако повредил тројца во училиште во Велика Британија
Макпрес - пред 5 часа
Едно 17-годишно момче е уапсено под сомнение за обид за убиство, откако три лица беа повредени во средно училиште во Јужен Јоркшир, пренесе ДПА. Едно дете било нападнато, а двајца возрасни се здобиле со полесни повреди во инцидент што се случил утрово во Академијата Бирли во Шефилд. Полицајците од Јужен Јоркшир дошле местото на настанот откако одговориле на пријава за „инцидент со остар предмет во училиштето“ на Бирли Лејн. Училиштето соопшти дека било затворено по инцидентот и дека „сите ученици и персонал се безбедни“ и никој не бил пренесен во болница. Седумнаесетгодишно момче е уапсено под сомнение за обид за убиство и останува во полициски притвор. Портпаролот на полицијата рече дека полицијата ќе остане на местото на настанот во текот денот за да ја гарантира безбедноста на оние во училиштето и локалната заедница....
Вучевиќ во експозето: Македонија ќе најде повеќе од партнер во Србија
Макпрес - пред 5 часа
Мандатарот на новата српска влада Милош Вучевиќ во експозето на собраниската седница на која ќе се избере владата и новите министри, најави дека таа ќе биде континутет на политиката на досегашните влади и на претседателот Александара Вучиќ. За Северна Македонија кажа дека е држава која во Србија секогаш може да најде партнер и повеќе од тоа, јави дописникот на МИА од Белград. - Владата ќе продолжи да води надворешна политика заснована на политичка независност и воена неутралност, а полноправното членство во ЕУ останува наша стратешка цел, рече Вучевиќ, додавајќи дека идната влада „ќе направи се за да го спречи приемот на лажната држава на Косово“ за членство во ЕУ во Советот на Европа (СЕ), иако призна дека „шансите за тоа не се големи“ и додаде дека „Владата на Србија ќе биде принудена да одговори соодветно“ доколку Косово биде прифатено како членка на СЕ. Во поглед на Русија, Вучевиќ потенцираше дека Србија нема да воведе санкции кон Русија и да „нема да се откаже од пријателството со неа“ и го истакна стратешкото партнерство на Србија со Кина, кое во текот на оваа година ќе биде крунисано со ратификација и стапување во сила на Договорот за слободна трговија. Кога станува збор за регионот, Вучевиќ во експозето истакна дека придонесот на Србија за зачувување на мирот и стабилноста ќе биде активен и континуиран. -Северна Македонија е држава која во Србија секогаш може да најде партнер и повеќе од тоа. Србите и Македонците повеќе немаат ниту една тема што ги оддалечува. Не постои ниту едно прашање околу кое може да се раздвоиме или околу кое би можело да се направи раздор. Проектот Отворен Балкан дополнително не зближи, а разрешувањето на црковниот спор, ја тргна и последната пречка на патот на изградбата на меѓусебната доверба и зедничката работа каква не е видена од распадот на поранешна Југославија, истакна Вучевиќ, говорејќи одделно за односите на Србија со соседните земји. Вучевиќ при презентацијата на експозето изјави дека Министерството за одбрана и војската на Србија подготвиле неколку модели на воена служба, во траење до четири месеци. На седницата на Собранието на Србија мнозинството пратеници на СНС-СПС и коалициските партнери од помалите партии по експозето на Вучевиќ ќе гласаат за избор на новата коалициска влада на СНС-СПС која ќе има 25 министерства и 31 член. Синиша Мали ќе биде вицепремиер и министер за финансии, Ивица Дачиќ - министер за внатрешни работи и вицепремиер, Александар Вулин - вицепремиер, Ирена Вујовиќ - вицепремиер и министер за заштита на животната средина, Братислав Гашиќ - министер за одбрана, Марко Ѓуриќ - министер за надворешни работи, Тања Мишчевиќ - министер за евроинтеграции, Горан Весиќ, министер за градежништво, транспорт и инфраструктура, Дубравка Ѓедовиќ - министерка за рударство и енергетика, Златибор Лончар - министер за здравство,Томислав Момировиќ - министер за внатрешна и надворешна трговија, Маја Поповиќ - министер за правда, Славица Ѓукиќ Дејановиќ - министер за образование, Немања Старовиќ - министер за вработување, труд, ветерани и социјални прашања, Милица Ѓурѓевиќ Стаменковски, министер за семејна грижа и демографија, Никола Селаковиќ, министер за култура, Андријана Месаровиќ, министер за економија, Јелена Жариќ Ковачевиќ, министер за администрација и локална самоуправа, Jелена Беговиќ - наука и иновации и Хусеин Мемиќ - министер за туризам. Милан Кркобабиќ - министер за грижа на селото, Дејан Ристиќ - министер за информации и телекомуникации, Дарко Глишиќ - министер за јавни инвестиции, Новица Тончев, Усаме Зукурлиќ, Ненад Поповиќ и Татјана Мацура се министри без ресор....
Македонската амбасада во Тирана за нашите државјани кои ќе летуваат во Албанија објави телефонски броеви за итни случаи
Макпрес - пред 5 часа
Пред почетокот на главната туристичка сезона во Албанија, а имајќи го предвид фактот дека голем број македонски граѓани летуваат на тамошното крајбрежје, Македонската амбасада во Тирана информира за телефонските броеви, на кои може да се јават во случај на потреба. -И оваа сезона потсетуваме на важните телефонски броеви на кои македонските државјани кои ќе летуваат во земјата ќе може да се јават доколку имаат потреба. Дежурен телефон за итни случаи на македонската амбасада во Тирана: (Global Sos): +355 6890 19198 (+Viber+Whatsapp) амбуланта 127, полиција 129, итна служба 112, стои во соопштението на македонската амбасада во Тирана, објавено на Фејсбук страната на амбасадата. Македонските туристи се меѓу најбројните, по косовските, кои летните одмори ги минуваат на албанското крајбрежје, пред сè во Валона, Драч и Шенѓин. Во просек годишно, главно во летната сезона одмараат над 300 илјади македонски граѓани...
Фалсификувани евро монети распространети низ Европа, Народна банка со насоки како да се препознаат
Макпрес - пред 5 часа
Народна банка на Македонија посочува на разликите меѓу оригиналните и фалсификуваните евра за да се намали ризикот на нашите граѓани, кои патуваат во странство и кои можат да дојдат во контакт со фалсификувани ковани евра. -Фалсификуваните евро монети можат лесно да се препознаат, доколку внимателно се провери дизајнот на предната и задната страна на монетата и нејзиниот раб: Дизајнот на фалсификуваните монети често изгледа заматен, со доста нерамнини и гребнатини, а формата им е неправилна. Натписите на рабовите на оригиналните евро монети се остри, заради полесно препознавање од лицата со оштетен вид, додека кај фалсификуваните се нејасни и непрепознатливи, а се разликува и растојанието помеѓу поединечните симболи и зборови, се вели во соопштението. Преку употреба на магнет, наведуваат дека може релативно лесно и едноставно да се утврди фалсификувана кована пара. - Централниот дел на монетите е изработен од посебен безбедносен материјал кој е поседува слаби магнетни својства, додека надворешниот прстен не поседува магнетни својства. За разлика од оригиналните, фалсификуваните монети имаат изразено силни магнетни својства или пак воопшто ги немаат, стои во соопштението од Народна банка....
Кампања на СДСМ без отчет и без програма: Само да не го вратиме ВМРО-ДПМНЕ на власт, тоа ќе биде погубно, вели Ковачевски
Макпрес - пред 5 часа
„Враќање на ВМРО ДПМНЕ на власт значи режим во најава, сигурна блокада на Македонија и внатрешни етнички тензии. Ако го дозволиме тоа, ќе ѝ се нанесе огромна штета на државата“, порача претседателот на СДСМ, Димитар Ковачевски, од Првомајскиот пикник што денеска се одржа во Градскиот парк во Скопје. Тој ги повика граѓаните и сите прогресивни сили во земјата, кога ќе излезат на гласање на 8-ми мај да имаат предвид дека преголема моќ за десничарска партија како ВМРО ДПМНЕ ќе претставува сериозна закана за иднината на земјата. „Ако десничарска партија како ВМРО добие таква моќ, со сите државни ресурси на располагање, може да се соочиме со крајот на нашата европска перспектива. ВМРО ќе ја одложува евроинтеграцијата до недоглед како што тоа го правеше Груевски. Затоа, во среда, една недела од денеска, сме исправени пред уште една голема одлука – дали ќе го дадеме нашиот глас за да одиме напред, во европска иднина, или ќе гласаме за да се вратиме назад и да го вратиме режимот кој нѐ гушеше 11 години“, истакна Ковачевски. Лидерот на СДСМ им порача на граѓаните дека ова се исклучително важни избори за европската иднина на државата. „Гласот ЗА е глас за сигурна, безбедна и европска иднина на Македонија. Гласот ЗА е глас за инвестиции во иднината на земјата, не за жални врби, стиропор и фонтани. Со гласот ЗА ќе обезбедиме подобри услови за живот тука, во Македонија, за нашите деца, внуци и идните генерации да си останат дома и тука да си ја бараат среќата. Друга татковина ние немаме“, рече Ковачевски....
Првомајски протест, синдикатите бараат минимална плата во износ од 450 евра
Макпрес - пред 5 часа
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, побара Сојузот на синдикати на денешниот протест организиран по повод Меѓународниот ден на трудот. Пред републичкото Собрание претседателот на Гранскиот Независен синдикат на полицијата, Гоце Делчев Тодев порача дека е потребно враќање на работниците во земјава, ставајќи акцент на младите кои континуирано се иселуваат. Од друга страна, претседателот на Независниот синдикат за образование и науки, Томислав Гиевски истакна дека работниците не смеат во ниту еден момент да се откажат од своите барања. -Ние заслужуваме и мора да добиеме превоз, храна и почитување на колективните договори. Зарем работникот не заслужува да им биде платен превозот како на господата во Влада што седат, само нивните автомобили трошат гориво?!. Ќе продолжиме со истиот притисок и најважно не смееме да се откажеме затоа што ќе ја изгубиме битката, изјави Гиевски. Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Претседателот на ССМ, Слободан Трендафилов рече дека работниците од новиот состав на власта очекуваат да ги почитуваат посочените барања. -Денеска сме тука да им кажеме на тие што ќе седнат во удобните фотељи дека не може да се одлучува за нас, без нас, дека ние работниците бираме и потоа очекуваме од нив да ги почитуваат нашите барања. Да им порачаме да не се грижат само за себе, да не го злоупотребуваат европското знаменце кога е на штета на работниците, а за 24 часа да се изгласаат 78 проценти зголемени плати, тие да уживаат, а ние да патиме, истакна Трендафилов. Пред Стопанска комора се обрати потпретседателот на ССМ, Иван Пешевски, кој посочи дека секој час некој работник го губи животот на работното место, дека младите не можат да се одлучат на семејство со договорите на дело и дека платите на работниците не се доволни за пристоен живот. -Да знаат газдите и власта дека се лопови на сите наши браќа и сестри кои што не гледаат од странство, кои си заминаа поради егзистенцијални причини затоа што немаа леб на своите деца да им дадат, одете прошетајте слушнете ги реалните проблеми на овие луѓе, на оние кои ве ставија во вашите фотелји, и што треба да ве гласаат прашајте ги за проблемите, а не да кажувате кој што направил или не направил, посочи Пешевски. Протестот заврши пред пред Владата каде присутните претставници на синдикатите ги повторија барањата....
Трендафиловски: Работниците дадоа црвен картон на судот поради обидите за притисоците врз синдикатите
Макпрес - пред 5 часа
Пред зградата на Работничкиот дом (ССМ) во Скопје денеска почна протестот на Сојузот на синдикати организиран по повод Меѓународниот ден на трудот. Претседателот на ССМ Слободан Трендафилов порача дека работниците даваат црвен картон на судот, појаснувајќи дека тоа се должело на направени обиди за притисок врз синдикатите. -Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не напаќаат посилни не прават и колку повеќе пробуваат да ги уништат синдикатите ние се повеќе сме силни, порача Трендафиловски. Синдикатот на денешниот протест ќе потсети на барањата за пораст на платите во приватниот и во јавниот сектор,за минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Протестот продолжи пред Собранието на Република Северна Македонија и Стопанската комора и се очекува да заврши пред Владата...
КСС со свечена академија го одбележа Меѓународниот ден на трудот
Макпрес - пред 5 часа
Конфедерацијата на слободни синдикати на Македонија (КСС) денеска со свечена академија го одбележа 1 Мај - Меѓународниот ден на трудот. Претседателот на КСС Благоја Ралповски им го честиташе 1 Мај на сите работници во државата и изрази благодарност до ВМРО-ДПМНЕ, која е, како што рече, една од трите која денеска се одзва на овој наш повик на Јавната акдемија за презентирање на програмата. - Изминатите години, гледате на транспарентите околу нас, што се случуваше во државата. Можам да кажам дека еден хаос, кој се пренесе во работничките односи, денеска сакаме да го расчистиме со оние политички партии кои претендираат да бидат на власт. Денеска беше разговарано за непочитувањето на законите и колективните договори, тоа е една наша првична определба, која уште од 2017 година низ улиците на Македонија, со десетици протести и штрајкови на одредени синдикати го баравме, рече Ралповски. Додаде дека се почитува делумно, не се почитува целосно и затоа денеска побарале од политичките партии да дојдат тука и да ги презентираат нивните програми, да ги кажат нивните размислувања, работата која ќе ја пренесат во Владата. - Дали во иднина да очекуваме ист ваков хаос или дека работите ќе си дојдат на свое место, рече Ралповски. Според него, во земјава имаме добри закони и имаме, како што рече, какви такви колективни договори. - Во минатото ни беше одземено правото да преговараме целосно во делот на колективните договори, туку тоа беше наметнато преговарање. Ние треба само да го почитуваме работникот, да ги почитуваме законите и да ги почитуваме колективните договори, порача Ралповски. Технички министер за труд и социјална политика Ѓоко Велковски и портпаролката на ВМРО-ДПМНЕ и кандидат за пратеник Марија Митева беа дел од делегацијата на оваа партија. Велковски им го честиташе 1 Мај на сите работници во земјава и порача вработените секој ден да се борат за своите права. - Борбата за вработените и за работниците продолжува и треба да биде врвен приоритет за сите нас. Денеска заедно со КСС дискутиравме и се согласивме за многу работи, кои за жал изминатите седум години не функционирале во системот на државата. Да, имаме добри закони, кои треба да се применуваат, меѓутоа остануваат отворени многу прашања дали се применуваат или не. Денеска имаме Закон за работни односи, Закон за безбедност и здравје при работа, повеќе од пет години во фиоките, да не бидат презентирани и јавно достапни до секој еден чинител во општеството за да дадат свој придонес, за да бидат квалитетни и функционални за сите работници во Македонија, рече Велковски....
Хамас бара Израел да ги појасни своите услови за прекин на огнот
Макпрес - пред 5 часа
Милитантната група Хамас денеска побара од Катар и Египет, како посредници во преговорите со Израел, да ги појаснат условите на израелската делегација за договорот за прекин на огнот и ослободување на заложниците. Официјален претставник запознаен со преговорите изјави за „Тајмс оф Израел“ дека Хамас сака јасни услови за безусловно враќање на раселените Палестинци во северниот дел на Газа. Хамас, исто така, сака да обезбеди дека втората фаза од договорот ќе вклучува разговори за постепено и целосно повлекување на израелските трупи од Појасот Газа. Во моменталниот договор не е објаснето на кого и кога би било дозволено да се врати во северниот дел на Газа. Досегашниот договор меѓу Хамас и Израел, во неколку фази, вклучува ослободување на 33 заложници и во замена за прекин на борбите и ослободување на стотици палестински затвореници од израелските затвори...
Ред Бул најавија заминување на Њуи на почетокот на 2025 година
Макпрес - пред 5 часа
Австрискиот Формула 1 тим Ред Бул и шефот на техничкиот оддел Адријан Њуи се договорија да ја прекинат соработката. Стручњакот ќе го напушти тимот на крајот од оваа сезона, во првиот квартал од 2025 година. Адријан има намера да се фокусира на развојот на првиот хиперавтомобил на Ред Бул, RB17. Њуи е во Ред Бул од 2005 година. Новото место на работа на специјалистот сè уште не е објавено. Претходно се зборуваше дека може да се приклучи на Ферари. Ред Бул е на првото место во шампионатот на конструктори со 195 бодови. Ферари е на второто место со 151 бод....
Вучиќ во обиколка на подготвителните работи за изградба на комплексот Експо 27: Националниот стадион ќе биде еден од трите најубави во Европа
Макпрес - пред 5 часа
Претседателот на Република Србија, Александар Вучиќ кој во Сурчин крај Белград присуствуваше на церемонијата на отпочнување на изградбата на Националниот фудбалски стадион во рамките на ЕКСПО 2027 изјави дека тој ќе биде завршен до 1 декември 2026 година, дека е договорено таму да се игра финалето на Лига Европа во 2028 година и дека стадионот ќе биде еден од трите најубави во Европа, јави дописникот на МИА од Белград. Во обиколката на подготвителните работи за изградба на комплексот ЕКСПО 2027 и на новиот стадион, Вучиќ кажа дека стадионот се наоѓа на 121 хектар земја и дека за него ќе бидат потребни 2.400 шипови. -Тоа не е само градба, шиповите ќе бидат 25 метри длабоко во земјата за да ја обезбедат цврстината и стабилноста на стадионот. И благодарам на УЕФА за многу работи. Финалето на Лига Европа во 2028 година ќе се игра во Белград на националниот стадион, рече Вучиќ и додаде дека тој ќе има околу 52.000 седишта и ќе биде изграден според сите стандарди на ФИФА и УЕФА. -Очекуваме голем број луѓе од Европа и Азија, очекуваме дека повеќе од 130 земји ќе го посетат Експо, рече Вучиќ. Што се однесува до летечките такси, тој потсети дека се преговара со пет компании -Тоа е голем симбол на иновациите. Летечки автомобили постојат во неколку кинески градови, работиме со Кинезите и Европејците и ќе бидеме првата земја во Европа што ќе има летечко такси, рече Вучиќ. Тој додаде дека покрај Будимпешта, Србија ќе го има најголемиот центар за спортови на вода во Европа....
Непознати лица се обиделе да запалат синагога во Варшава
Макпрес - пред 5 часа
Непознати лица синоќа фрлиле молотов коктел врз единствената зачувана предвоена синагога во Варшава која се уште служи како место за богослужба и се обиделе да ја запалат, соопшти полската полиција. „Командата на полицијата добила пријава за обид за палење на синагогата Нозика во Варшава. Полицијата води истрага во врска со тоа“, изјави Јацек Вишњевски од варшавската полиција за полските медиуми. „Рабинот Шудрих пишува дека некој се обидел да ја запали синагогата со помош на молотов коктел. Фала му на Бога, никој не беше повреден. Интересно, кој се обидува да ја наруши годишнината од нашето влегување во Европската Унија?“, реагира на социјалната мрежа Икс, шефот на полската дипломатија Радослав Сикорски. Таа синагога се реновира од 2008 година....
Во Охрид одржан велигденски концерт
Макпрес - пред 5 часа
Во духот на предвечерието на големиот христијански празник Воскресение Христово –Велигден, НУ „Охридско лето“ организира концерт на православна хорска музика со Женскиот хор „Менада“ од Тетово. Под диригентската палка на професор доктор Ивица Зориќ во Охрид вчера настапија 21 хористки кои изведоа православна духовна музика со што дадоа свој придонес во одбележувањето на овој христијански празник. -Со големо задоволство ја прифативме поканата да земеме учество на овој концерт со единствена желба да дадеме свој придонес, посебно во овој катедрален храм, црквата „Света Софија“. Направивме ретроспектива на православна духовна музика. Имавме неколку визнатиски напеви, грузиски, македонски, грчки, но и напеви на други јазици. Вечерта ја заокруживме со ретроспектива на композиции кои се во духот на повеќегласното црковно пеење, така што имавме нагорна линија на најсовремени композиции што се пишуваат сега. И на крајот, завршувме со молитва, со „Оче наш“, со желба што повеќе луѓе да го почувствуваат овој голем христијански празник. Се надевам дека секој понесе позитивна мисла од концертот, вели маестро Зориќ. Маестро Зориќ, целиот свој работен век го има посветено токму на Женскиот хор „Менада“, но и на Детскиот хор „Лале“ чиј основач е самиот тој. -Со „Менада“ годинава одбележуваме 43 години постоење. Јас сум од првиот работен ден со овој хор. Исо така, работам и со Детскиот хор „Лале“ кој исто така настапува и во Охрид по разни поводи, а годинава одбележува 47 години постоење. Двата хора ги основав јас и раководам со нив сите изминати години, и навистина е огромно задоволството што човек се посветува самиот себеси. Ме радува што има интерес за нашите настапи. Тетово е град на хорската музика, но патуваме често и во странство. Досега имаме посетено повеќе од 20 земји, појаснува маестро Зориќ. Со програмата што ја изведоа на Велигденскиот концерт во организација на НУ „Охридско лето“, Женскиот хор „Менада“ во октомври треба да настапи во Истанбул, Турција....
Борел го осуди насилството врз демонстрантите во Грузија
Макпрес - пред 5 часа
Високиот претставник на ЕУ за надворешна политика и безбедност, Жозеп Борел, денеска ја нарече „неприфатлива“ употребата на „сила за репресирање“ на учесниците во протестите против спорен закон во Грузија. „Грузија е земја кандидат за ЕУ. Ги повикувам грузиските власти да го гарантираат правото на мирно собирање“, напиша тој на „Икс“. За време на синоќешните протести против нацрт-законот „за странски агенти“ во Тбилиси, приведени се 63 лица, а повредени се шест полицајци, соопшти претходно денеска Министерството за внатрешни работи на Грузија. Критичарите на предлог-законот велат дека тој е инспириран од рускиот закон за странски агенти, кој се користи од властите за замолчување на неистомислениците...
Судири во Истанбул меѓу полицијата и демонстрантите кои го одбележуваат Меѓународниот ден на трудот
Макпрес - пред 5 часа
Турската полиција интервенираше за да спречи групи кои сакаат да стигнат до плоштадот Таксим во Истанбул за да учествуваат во демонстрации по повод Меѓународниот ден на трудот, 1 Мај, кои се забранети од властите, објави турскиот весник „Хуриет“. Дојде до судирите меѓу полицијата и демонстрантите и дел од нив се приведени. Турските власти претходно оваа недела објавија дека ги забрануваат првомајските демонстрации на централниот плоштад Таксим во Истанбул и предупредија на планирани терористички напади во метрополата за празникот. Во различни делови на Турција вчера беа приведени 58 осомничени откако беше утврдено дека учествувале во подготовка на провокации по повод Денот на трудот, а денеска следуваа серија нови апсења на 41 лице во акција против Исламската држава. Во рамки на мерките за 1 мај, од утрото се затворени патиштата кон централниот истанбулски плоштад Таксим. Властите идентификуваа вкупно 40 места во Истанбул за одржување настани по повод Денот на трудот, чие обезбедување ќе го следат над 42.000 полицајци...
Штербик преживеа срцев удар
Макпрес - пред 5 часа
Поранешниот ракометен голман на Вардар, Арпад Штербик имал срцев удар, објави унгарскиот клуб Веспрем. Во информацијата на клупската страница на Веспрем стои дека Штербик вчера наутро имал срцев удар и веднаш бил хоспитализиран. - Нашиот тренер на голманите Арпад Штербик не патуваше со тимот за мечот од ЛШ со Алборг. Арпи се чувствуваше лошо утрото, отиде во болница каде што му беше дијагностициран срцев удар. Благодарение на брзата лекарска интервенција, Штербик денеска се чувствува подобро и веќе утре би требало да го напушти одделението за интензивна нега. Му посакуваме на Арпи брзо опоравување и со нетрпение го очекуваме неговото враќање, објави Веспрем. Штребик беше дел од тимот на Вардар кој го освои првиот трофеј во Лигата на шампионите....
Вучиќ со одговор на Стејт департментот за Вулин и Поповиќ: Еве се дружам и пијам со Додик, кој е под санкции
Макпрес - пред 5 часа
Српскиот претседател Александар Вучиќ денеска реагираше на пораката од Стејт департментот во која се вели дека САД се разочарани од фактот што Александар Вулин и Ненад Поповиќ, функционери кои се под санкции на САД, се дел од новата Влада на Србија. Вучиќ рече дека „Владата на Србија ја избираат граѓаните“, а потоа го наведе случајот со Милорад Додик, кој беше со него во друштво, наведувајќи дека редовно се гледаат и пијат заедно и покрај тоа што претседателот на Република Српска е под американски санкции, јави дописникот на МИА од Белград. -Па, и Милорад Додик е под санкции на САД и еве го до мене. Еве, се дружиме. Пиеме еднаш неделно, тој чашка ракија, јас вино, и што со тоа? Ова за нас не е добра вест, се надевам дека ќе имаме добри односи со нашите американски партнери. Исклучително е важно да имаме добри односи. Не ме радува нивната реакција, но Владата на Србија ја избираат граѓаните на Србија. Што тоа значи? Кога ќе воведат санкции против некого, ние треба понизно да ја наведнеме главата и да кажеме: Да, благодарам што не информиравте кој не треба да биде ништо. Па, претседателот Додик го избра народот и јас ја почитувам волјата на народот, исто како што ја почитувам волјата на оние што беа избрани овде, рече Вучиќ, реагирајќи на пораката од Стејт департментот. Претседателот на Србија потоа додаде дека имало и критики поради тоа што во владата ќе има и „еврофанатични министри“. -Слушнав забелешки и од другата страна, но тие беа толку љубезни што не зборуваат за тоа јавно. Важно е Владата да биде српска и да ги спроведува интересите на Србија, кажа Вучиќ. Според најавите од мандатарот Милош Вучевиќ, новата влада на Србија ќе има и двајца членови кои се под санкции од САД - Александар Вулин, кој е предложен за вицепремиер и Ненад Поповиќ, кој е предложен за функцијата министер без ресор. -Нашиот став за господинот Вулин е добро познат. Останува под американски санкции, се наведува во соопштението на Стејт департментот, во кое се нагласува дека „САД не играат никаква улога во кадровските решенија на српската Влада“...
Поведена истрага против осомничен за трговија со дрога и психотропни супстанции во Скопје
Макпрес - пред 5 часа
Основното јавно обвинителство Скопје донело наредба за спроведување истражна постапка против едно лице за кривично дело „неовластено производство и пуштање во промет наркотични дроги и психотропни супстанции“ од член 215 став 1 од Кривичниот законик. -При претрес во домот каде престојувал осомничениот 36-годишник во Скопје била пронајдена и одземена наркотична дрога марихуана со вкупна нето маса од 56,40 грама и 15 семки кои потекнуваат од растение кое припаѓа на растителниот род канабис, еден шприц со остатоци од хашиш смола, едно полиетиленско пакување со наркотична дрога кокаин со вкупна нето маса од 10,40 грама, пет полиетиленски пакувања со психотропна супстанца – амфетамин со вкупна нето маса од 5,13 грама и едно полиетиленско пакување со психотропна супстанца MDMA со вкупна нето маса од 0,45 грама. Дрогата и психотропните супстанции зедно со три дигитални ваги биле пронајдени и одземени од овластени службени лица, соопшти Јавното обвинителство. Јавниот обвинител до судијата на претходна постапка од Основниот кривичен суд Скопје доставил предлог за определување мерка притвор за осомничениот...
Притвор од 30 дена за жител на Сопиште, пронајдена дрога во неговиот дом
Макпрес - пред 5 часа
Определен е притвор во траење од 30 дена за И.Ј.(37) од Скопје во КПУ Затвор - Скопје, за кого ќе биде изготвена кривична пријава по чл.215 од Кривичниот законик. Како што информира МВР, полицијата по преземени оперативни мерки и активности вчера го лишила од слобода И.Ј.(37) од Скопје. При претрес во неговиот дом во Сопиште, извршен со судска наредба, биле пронајдени и одземени марихуана, кокаин, амфетамин, семки од растение, три дигитални ваги со остатоци од дрога....
Претпладнево во пет колони се влегуваше во Грција преку преминот Богородица
Макпрес - пред 5 часа
Од утринските часови, па се до пладне, преку граничниот премин Богородица во Грција се влегуваше во пет колони, а зголемена фреквенција на возила и патници е забележана и на преминот Дојран-Дојрани. Според началникот на Регионалниот центар за гранични работи Југ при МВР, Славчо Богев, фреквенцијата драстично е намалено околу 12 часот, до кога најголем број патници и возила заминале од државата. Како што информираше тој, зголемената фреквенција на премините кон Грција е очекувана, а македонските погранични служби работат со полн капацитет. Според информациите од АМСМ се бележи зголемена фреквенција на возила на ГП Табановце, каде времето на чекање за влез во државава е околу 15 до 30 минути. На останатите гранични премини, од македонска страна, нема подолги задржувања за влез и излез од државата....
Повеќе од 40 приведени во операција против „Исламска држава“ во Турција
Макпрес - пред 5 часа
Повеќе од 40 лица се приведени во Турција за време на операција против „Исламска држава“, јави турската државна телевизија ТРТ Хабер, повикувајќи се на изјава на министерот за внатрешни работи Али Јерликаја. Акциите биле спроведени на територијата на 12 (од вкупно 81) окрузи во земјата, меѓу кои Истанбул, Ескишехир, Каракале, Невшехир и Маниса. Тие биле извршени од страна на окружните полициски служби под координација на разузнавачките и антитерористичките сили на Генералниот директорат на полицијата. Како резултат на операциите уапсени се вкупно 41 осомничен, од кои 10 во Истанбул. Запленети се пиштоли во нелегална сопственост, бројни дигитални материјали и поголема количина девизи и турски лири...
Кејн: Можеме да извлечеме многу позитивни елементи од ремито со Реал
Макпрес - пред 5 часа
Напаѓачот на Баерн, Хари Кејн се осврна на синоќешното реми со Реал Мадрид. Баерн на домашен терен одигра 2:2 со фаворизираниот Реал во првиот полуфинален натпревар од Лигата на шампионите. - Ова се големи натпревари. Атмосферата денеска беше неверојатна. Сигурен сум дека и следната недела ќе биде исто. Сакам да бидам дел од овие големи натпревари и нема ништо поубаво од тоа. Можеме да земеме многу позитиви работи од денешниот натпревар. Има неколку мали детали што треба да ги поправиме бидејќи се виде дека лесно можеме да бидеме казнети и за најмали грешки. Позитивниот став мора да го пренесеме и на реваншот, изјави Кејн. Возвратниот натпревар ќе се игра на 8 мај на „Сантијаго Бернабеу“ во Мадрид. Во втората полуфинална пресметка на елитното фудбалско натпреварување ќе се соочат Борусија Дортмунд и Пари Сен-Жермен. Првиот натпревар се игра вечер од 21 часот во Дортмунд...
ВМРО-ДПМНЕ: Милионерот Каевски ја злоупотребил позицијата, со распределбата на ваучерите направен милионски криминал
Макпрес - пред 5 часа
Милионерот Каевски ја злоупотребил позицијата како директор на АМС, со распределбата на ваучерите направен милионски криминал. Каевски како директор на Агенцијата за млади и спорт, неговиот наследник Наумче Мојсовски и Даниел Димевски од МОК се гонат заради сомнежи дека како директори на Агенцијата, но и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на пари, со што го оштетиле Буџетот на државата, но и луѓето што имале законско право на тие пари, а не им биле доделени. Во предметот на Државната комисија за спречување на корупцијата, врз основа на кој како што известија медиумите е поднесена пријавата и отпочната постапката се присутни сомневања дека спортските федерации, клубовите и спортистите добиваа ваучери, а одредена фирма ги реализирала под услов дел од парите да ги добие назад преку даночно ослободување. Сега е повеќе од јасно зошти Каевски беше најжесток гласноговорник на СДС, повеќе од очигледно е дека интересот му бил голем. По оваа афера станува јасно зошто спортот во Македонија во последните 7 години е на историско најниско ниво. Наместо за развој на спортот, парите наменети за истиот се пренасочувани во криминални шеми. Време е да го вратиме спортот во рацете на спортистите. Време Македонија повторнo да биде твоја....
Мицкоски: Денес работничките права се прекршени и погазени, државата не води грижа за тие кои се р`бетот на економијата
Макпрес - пред 5 часа
Денес работничките права се прекршени и погазени. Државата многу малку води грижа за тие кои создаваат и се р'бетот на нашата економија. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница. Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја. Честит 1 мај, меѓународен ден на трудот!...
Сиљановска: Од Струмица ќе се вивне политичкиот вулкан како отпор на феудалните енклави на замислените европјани
Макпрес - пред 5 часа
Вчера, изборната кампања за кандидатката за претседателка на Македонија, професор д-р Гордана Сиљановска-Давкова, одржа митинг во Струмица. Во Струмица се чувствувам особено добро бидејќи знам дека оттука ќе тргне тој политички вулкан што ќе стави крај на последната феудална енклава во Македонија. Таа енклава ја нареков феудот на Заеви што ќе се распадне! Замислете, „заколнати“ самонаречени европјани мислат дека со рефудализација ќе стигнат во ЕУ. Неверојатно нешто! Посебно ми беше убаво кога видов дека сме победиле и во Муртино. Денеска во една чудна дебата, квази дебата на давеник што се фаќа за сламка, бев прашана како може да не го употребувам името „северна“, сум го кршела Уставот. Му објаснив дека правото на самоопределување е колективно право и дека Македонија истото го искористи уште на АСНОМ. Но и дека секој од нас има право на индивидуално самоопределување и дека никој, никогаш ниту мене, ниту вам не може да ни забрани да го употребуваме името Македонија. Замислете, во една емисија, во еден изборен циклус, не знаете кој е кој, не знаете со кого разговарате, бидејќи господинот Пендаровски неколку пати го негира она што го кажал. Во една изјава сум одличен професор, меѓународно признат експерт, дека сум имала висока морална вертикала. Па после вика не, јас мислев на висока морална вертикала во однос на Уставниот суд. Пазете, луѓево имаат по десет морални вертикали. Еднаш за Уставниот суд, еднаш за Собрание, еднаш за претседател... Неверојатен конгломерат. Како тогаш очекувате став од ваквите луѓе? Како очекувате да опстојат? Уште посмешни се оние од Проевроскиот фронт. Маршираат во место и си замислуваат дека се „европски“ претседатели, имагинарна функција. Замислете го говорот кога ние сме велеле твоја и горда Македонија, тоа било екстремен национализам. Па не знам зошто, ако тоа е национализам, програмата се преведе на албански, турски, српски, влашки, ромски и бошњачки јазик. Кој е тука националистот? Не, ние не сме....
Единаесет грански синдикати во КСС не се приклучија на протестот по повод Меѓународниот ден на трудот
Макпрес - пред 6 часа
Ние денеска нема пред кого да протестираме. Имаме техничка Влада, ќе имаме нова влада во текот на следниот месец. Бараме од сите тие што претендираат да бидат носители на таа влада, да дојдат и да ги презентираат нивните програми пред нас, изјави денеска претседателот на Конфедерацијата на слободни синдикати (КСС) Благоја Ралповски. Одговорајќи на новинарско прашање дали ќе се придружат на денешниот најавен протест, Ралповски рече дека тие имаат направено стотици протести во државата во изминатите шест-седум години. -Добро е што конечно им текна дека треба да излегуваат на улиците и да си ги бараат соите права. Но, мислам дека во иднина ако имаме коректни односи меѓу двете синдикални организации дека да, за некој е вистинско право, а не изнудено право дека можеме заедно да излеземе низ улиците и да си ги бараме своите права, нагласи Ралповски. Тој појасни дека на денешниот протест организиран од Сојузот на синдикати по повод Меѓународниот ден на трудот - 1 Мај нема да излезат 11 грански синдикати - Самостојниот сидникат на образование, наука и култура на Република Македонија - СОНК, Синдикатот на администрацијата, државната управа и правосудство на Македонија, Синдикат за транспорт и врски, Синдикатот на станбено - деловни, комунални и водостопански организации на Република Македонија... Ралповски додаде дека на денешната свечена првомајска академија, што се одржува во просториите на СОНК, биле поканети сите политички партии за да ги презентираат своите економски програми. Поканата ја прифатиле само ВМРО-ДПМНЕ, Левица и Движење ЗНАМ - За наша Македонија!....
Американскиот Сенат едногласно усвои закон со кој се забранува увоз на руски ураниум
Макпрес - пред 6 часа
Американскиот Сенат едногласно го усвои Законот за забрана на увоз на руски ураниум, откако Претставничкиот дом во декември го усвои овој предлог-закон, пренесоа денеска американските медиуми. Ураниумот се користи за напојување на комерцијални нуклеарни реактори кои произведуваат електрична енергија, објави „Гардијан“. Се очекува и американскиот претседател Џозеф Бајден, кој минатата недела го потпиша Законот за воена помош за Украина, да потпише и закон за забрана за увоз на руски ураниум. Американските нуклеарни централи извезле околу 12 отсто од потребниот ураниум од Русија во 2022 година, според евиденцијата на Управата за енергетски информации. Портпаролот на Советот за национална безбедност во пресрет на гласањето рече дека Конгресот со воведувањето на забранат „и дал уверување на индустриите, сојузниците и партнерите“ дека Америка донела јасна одлука дека во децениите кои претстојат ќе воспостави безбеден синџир за снабдување со нуклеарно гориво, независен од влијанието на спротивставената страна. „Вајоминг има ураниум кој може да го замени увозот од Русија и ние сме подготвени тоа да го искористиме. Нашата двопартиска законодавна иницијатива ќе помогне да се намали финансирањето на руската воена машинерија, да заживее производството на американски ураниум и да се поттикнат инвестициите во американскиот синџир за снабдување со нуклеарно гориво“, рече американскиот сенатор Џон Барасо, главен републиканец во Комитетот за енергетика на Сенатот...
Стејт Департмент: Разочарани сме што две санкционирани лица ќе бидат министри во Владата на Србија
Макпрес - пред 6 часа
По соопштувањето на составот на новата српска Влада реагираше Стејт департментот на САД дека се „разочарани што гледаат две санкционирани лица предложени за функции во новата влада“, јави дописникот на МИА од Белград. Според најавите од мандатарот Милош Вучевиќ, во новата Влада на Србија ќе има и двајца членови кои се под санкции на САД- Александар Вулин, кој е предложен за вицепремиер и Ненад Поповиќ, кој е предложен за министер без ресор. -Нашиот став за господинот Вулин е добро познат. Тој останува под санкции на САД, се наведува во соопштението на портпаролот на Стејт департментот за Гласот на Америка, во кое се додава дека САД не играат никаква улога во кадровските решенија на српската влада. Мандатарот за состав на новата Влада на Србија и претседателот на Српската напредна партија (СНС) Милош Вучевиќ го именуваше Александар Вулин, еден од најконтроверзните актери на српската политичка сцена, кој се смета за лице со силни руски врски и кој од 11 јули минатата година е на листата на санкции на Министерството за финансии на САД за „коруптивни и дестабилизирачки акти“, заради унапредување на сопствени политички агенди и лични интереси, на штета на мирот и стабилноста на Западен Балкан. -Тие коруптивни зделки го олеснуваат ширењето на руските злонамерни активности во Србија и во регионот, се наведува во соопштението на Канцеларијата за контрола на странски средства на Министерството за финансии на САД (OFAC) кога санкциите беа воведени во јули 2023 година. Во ноември 2023 година, американскиот Стејт департмент воведе санкции и против Ненад Поповиќ, поранешен министер без ресор во Владата на Србија, и компаниите поврзани со него. -Поповиќ одржува блиски врски со Кремљ и ја користи својата мрежа за коруптивни шеми за лично да се збогати, наведе во соопштението портпаролот на Стејт департментот Метју Милер. Поповиќ е поранешен потпретседател на Народното собрание на Република Србија и претседател на парламентарната група за пријателство со Руската Федерација. Тој е поранешен потпретседател на Демократската партија на Србија (ДСС). -Од 1990-тите, Поповиќ ги користи своите деловни зделки во Русија за да се збогати и да стекне блиски врски со високи лидери на Кремљ. Поповиќ продолжи да ги користи своите врски со Кремљ за да обезбеди бизнис за неговите холдинг компании, од кои повеќето работат во консултантскиот сектор, за недвижности и електроника за руската економија, за да го изгради своето лично богатство преку проневера и даночни шеми. Стејт департментот го означи Ненад Поповиќ како некој кој работи за електронскиот сектор на Руската Федерација. Главните холдинзи на Поповиќ со седиште во Русија ги вклучуваат „Asset Electro LLC“ и „Asset Automation LLC“. „Mosen Asset Management LLC“ управува со секојдневното работење на холдинзите на Поповиќ во Русија, соопштија американските власти...
Ампева: „Гласен Текстилец“ даде бесплатна правна помош на 5369 работници
Макпрес - пред 6 часа
Бесплатна правна помош за 5369 работници даде „Гласен текстилец“ во изминатиот период од 365 денови, истакна Кристина Ампева од „Гласен Текстилец“. Таа посочи дека оваа бројка е за една година, од 1 мај 2023 до 1 мај 2024 година. Забележува дека пријавите од работниците се однесувале на незаконски откажувања на договорите за вработување, откази за време на боледување и пренамена од неопределено на определено работно време од само еден ден, поради што многу работнички, претежно од текстилниот сектор останаа без работа, но и без опремнина која ги следува. -Да, текстилната индустрија се соочуваше со проблем, меѓутоа, начинот на кој работодавачите го правеа тоа, прекинување на договори, откази и слично, не доликува и не е човечно за некои што работеле по 25 години во дадена фирма. Навистина е проблем, бидејќи се соочуваат со тоа каде сега да најдат работа, поради возраста која што ја имаат. Дополнително, се уште се соочуваме во 21 век со доцнење од неколку плати, а со тоа и немање на здравствено и пензиско осигурување, рече Ампева. Прашана за позитивните исходи од судските рочишта, кои ги покренаа работници, а поддршка им даде „Гласен Текстилец“, Ампева вели дека отворени се 26 судски процеси, а три се мониторирани од страна на „Гласен Текстилец“. -Од кои два се случаи на повреда, кои резултирале со смрт на работно место. Мислам дека дел од тие постапки, ако не отидевме ние да ги мониторираме, ќе завршеа повторно на штета на работниците, изјави Ампева Според неа и анализите кои ги има „Гласен Текстилец“ генерално, работниците се охрабрени да ги бараат своите работнички права, самостојно да пријавуваат во трудовиот синдикат, но реалниот сектор се уште се соочува со исплата на минимална плата, без додаток за смена, прекувремена работа, работа на празник или ден недела како неработен ден....
На незавршени избори, почна да се распаѓа „Европскиот фронт“ на ДУИ: Турската партија на Ибрахим ја напушта коалицијата
Макпрес - пред 6 часа
Кандидатите Турци за пратеници кои се во коалиција со Демократската унија за интеграција (ДУИ) во рамките на „Европскиот фронт“ не делат заеднички вредности, па по изборите ќе ја напуштат оваа коалиција. Ова го изјави во интервју за порталот PRESSonline.al, Енес Ибрахим претседател на Партијата за движење на Турците (ТХП) и кандидат за пратеник на „Коалиција за европска иднина“ во ИЕ Бр.5. - Коалициите треба да имаат отредени вредности, во овој случај, доколку се Европски фронт, треба навистина во таа коалиција да учествуваат политички партии кои веруваат во овој концепт, а не кои сакаат само да имаат пратеник, па потоа во 20 часот на 8 мај да избегнат во различни коалици. Изминативе години тоа се случуваше во рамки на другите коалицији, така да најголем дел од тие коалиционни партнери нема да останат со ДУИ бидејќи не ги имаат истите вредности со ДУИ. Коалицијата предводено од ДУИ, сметам дека не е принципијална. Најголем дел од тие коалиционни партнери, предходни биле во коалиција со ВМРО ДПМНЕ, потоа биле со СДСМ, откоа им биле затворени вратите од страна на СДСМ и ВМРО ДПМНЕ, нашле една мала врата во ДУИ. Кога зборам за непринципијална коалиција, зборам за европските вредности. Во оваа коалиција имате политички партии и поединци кои секогаш биле анти НАТО, анти Европа. И затоа оваа коалиција е непринципиeлна и нема да има успех, смета Ибрахим. Доколку правиме споредба, додава тој, од времето на гуревизмот, односно владата предводена од ВМРО ДПМНЕ на чело со Гуревски, и владите предводени од Зоран Заев и Димитар Ковачевски разликата е многу голема. - За време на Гуревизмот, за жал, Турската заедница беше втора категорија на граѓани. Барем, Турци така се осеќаја, така се чувствуваа. Со доаѓањето, односно со промената на владата, веќе Турската заедница ги има унапредено своите права. Дали е доволно? Секако дека не е доволно, но 11 години додека се боревме против режимот, Турската заедница беше маргинализирана и изолирана, но и државата ни беше изолирана. Доколку Турската заедница сака да ги унапреди своите права, односно, помалку броните етнички заедници, ако сака да ги унапреда своите права, патот кон членството во Европското Унија е најбитен елемент, нагласува Ибрахим во интервјуто за PRESSonline.al Според него, помалку броните етнички заедници, вклучително и Турската заедница, немаат алтернатива, и затоа, смета тој, патот кон Европското Унија мора да се продолжи. - Има многу причини зошто нас треба да не гласат Турците и сите граѓани на Републиката. Покажавме транспарентност, храброст, покажавме како може да се менаџира со светските кризи, и со пандемијата, како и со проблемите што ги предизвика војната што во моментот се случува меѓу агресорот Русија врз Украина, или војната Израел и Газа. Во сите проблеми, државата успешно беше менаџирана особено во делот на економијата. Патот кон Европското Унија ни е многу битен елемент, многу битен фактор за демократскиот развој, за економскиот просперитет, нагласи Енес Ибрахим претседател на Партијата за движење на Турците (ТХП) и кандидат за пратеник на „Коалиција за европска иднина“ во ИЕ Бр.5. Тој потенцира дека на 8 мај, турската заедница масовно ќе излезе и ќе гласа за број еден, за просперитет и Европска Македонија. - ТХП следниот мандат имам во план да формираме институт за турски јазик и турска култура, подвлече Ибрахим. Енес Ибрахим, претседател на Партијата за движење на Турците (ТХП)...
Петрова: Финансии призна дека јавниот долг е 62,1% со што е прекршено „златното буџетско правило"
Макпрес - пред 6 часа
Конечно, Министерството за финансии вчера во објавата на податоците за јавниот долг на својата веб страна "призна" дека јавниот долг во 2023 год. изнесува 62,1% од БДП и дека е прекршено "златното буџетско правило"! Додека ова може да се види во објавата на веб страната, МФ повторно не го истакна децидно овој факт во своето вчерашно соопштение за медиумите. Но, од фактите не може да се бега. Што се однесува до објавениот податок дека јавниот долг на крајот на првиот квартал од оваа година изнесува 58,6% од проектираниот БДП, вреди да се напомене дека оваа проекција за номинален БДП во 2024 год. од 14,966 милиони евра е многу оптимистичка во однос на остварениот номинален БДП во претходните години (13,668 милиони евра во 2023 год., 13,059 милиони евра во 2022 год.). Но, свесни сме дека со вака проектираниот БДП се влијае на тоа колкав буџетски дефицит и јавен долг ќе искажува МФ во текот на годината. Новата Влада после изборите ќе има голем предизвик да го стабилизира јавниот долг и да го поттикне растот на економијата преку придвижување на јавните и приватните инвестиции и други мерки за поттикнување на економските активности и создавање нова додадена вредност....
Следува период на променливо облачно време со локален дожд
Макпрес - пред 6 часа
Следува период на променливо облачно време со повремени локални врнежи од дожд, информираат од Управата за хидрометеоролошки работи. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени....
Амбасадорот на САД во ОН најави дека санкциите против Додик ќе продолжат
Макпрес - пред 6 часа
Амбасадорот на САД во Обединетите нации (ОН) Роберт Вуд најави дека ќе продолжат санкциите против претседателот на Република Српска, Милорад Додик и оние кои, како што рече, му ги овозможиле неговите „антидејтонски и коруптивни акции“. „Неговите опасни дејствија и сецесионистичка реторика ги загрозуваат мирот и стабилноста во регионот. Санкциите против Додик и оние кои ги овозможија неговите антидејтонски и коруптивни акции ќе продолжат и во иднина“, рече Вуд на седницата на Советот за безбедност на ОН посветена на ситуацијата во Босна и Херцеговина. Тој оцени дека политичарите кои инсистираат на поделби ги штитат нивните интереси, додавајќи дека РС и Додик се пример за тоа, бидејќи тие ги забрзуваат чекорите кон поткопување на институциите и повикуваат на распаѓање на државата. „На денешниот состанок ја истакнуваме опасноста од етнонационализам што произлегува од една насока. Русија го злоупотребува Советот за безбедност за свои цели. САД ги повикуваат сите влади да соработуваат и да ги искористат одлуките на ЕУ за да започнат преговорите со Босна и Херцеговина. Сите лидери треба тежнеат кон евроатлантска интеграција“, оцени американскиот амбасадор во ОН. Тој додаде дека САД се залагаат за избегнување на етнонационални агенди и промовирање на транспарентно владеење....
Шојгу наложи да се обезбеди повеќе оружје за војната во Украина
Макпрес - пред 6 часа
Министерот за одбрана на Русија, Сергеј Шојгу наложи денеска што поскоро да се обезбеди поголемо количество оружје за воената операција во Украина. „За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана. Како што е соопштено, за време на состанок, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од натамошно зголемување на набавката на оружје и воена опрема, пренесуваат руските медиуми....
Уапсени 63 лица на протест во Грузија, повредени шестмина полицајци
Макпрес - пред 6 часа
Најмалку 63 лица се уапсени синоќа на протест против предлог-законот за „странски агенти“ во Тбилиси, а во судирите се повредени шест полицајци, соопшти Министерството за внатрешни работи на Грузија. Грузиските безбедносни сили употребија водени топови, солзавец и шок-бомби за да ги растераат демонстрантите пред Парламентот. Агенциите јавија дека лидерот на најголемата опозициска партија Обединето национално движење, Леван Кахеишвили, бил претепан за време на протестот и добил лекарска помош...
Приведено лице во Стојаково, полицијата нашла марихуана во неговиот дом
Макпрес - пред 6 часа
Полициски службеници од ОВР Гевгелија, вчера во 16.10 часот во село Стојаково, општина Богданци, го лишиле од слобода В.К.(30) од село Стојаково. -При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава, се наведува во соопштението од МВР....
Продолжува агендата на официјална Софија: Донација од бугарската амбасада во Албанија за општина Пустец
Макпрес - пред 6 часа
Бугарската амбасада во Албанија донираше опрема и компјутери за мултифункционалниот објект на општината Пустец, област населена со македонско малцинство, јави Репорт тв. Додава дека пакетите покриени со бугарското знаме предизвикале реакција од страна на партијата Македонска алијанса за европска интеграција, МАЕИ, која бугарските симболи во оваа општина ги смета за провокација. - Бугарското знаме е целосна провокација. Тоа е со цел да се создаде впечаток дека тука живее различно малцинство од она што го признала албанската држава, а тоа се Македонците. Државата мора да реагира бидејќи на овој простор се знае дека има само македонско малцинство. Овде признаваме две знамиња, албанско и знамето на оваа област, македонското, изјавил Ефтим Митревски, потпретседател на партијата. Градоначалникот на Пустец, Пали Колефски ја поздравил донацијата и изјавил дека „знамето не е проблем се додека нема политичка заднина". -Секоја донација што нема задни намери, која не го нарушува идентитетот на областа е добредојдена. Во моментот кога ќе дојде донација, ќе ја прифатиме бидејќи развојот на областа ни е важен. Не гледам етнички проблем, луѓето се изразија на пописот и немаше поплаки. Проблемот што го има Северна Македонија со Бугарија сметам дека треба да се реши во Скопје и Софија а не овде во Пустец, ние сме општина во Република Албанија. Секоја помош што доаѓа за заедницата е добредојдена, рекол Колефски. Бугарскиот амбасадор во Албанија, Ивајло Киров, во својот поздравен говор меѓу другото нагласил дека бугарската влада неколкупати донела помош за Пустец, опишувајќи ја својата земја како најголем донатор за оваа заедница. Информацијата ја пренесуваат и други медиуми и сите наведуваат дека во оваа општина живеат припадници на македонското малцинство...
Панатинаикос поднесе две жалби по поразот од Макаби во третиот натпревар од плејофот во Евролигата
Макпрес - пред 6 часа
Панатинаикос по поразот од Макаби (83:85) синоќа во третиот натпревар од четвртфиналето на плејофот во Евролигата, поднесе две жалби. Според BasketNews, грчкиот клуб смета дека откако Матијас Лесор го одбрани ударот на Лоренцо Браун на 13 секунди до крајот, поседот на топката требаше да му припадне на Пао. Сепак, судиите се одлучија за потфрлање по кое топката ја освои Џош Нибо. Следуваше прекршок над Браун, кој ги претвори двете слободни фрлања з апобеда на израелскиот тим. Панатинаикос е незадоволен и што му ја одземаа топката на Нибо на 55 секунди пред крајот на последната четвртата тврдејќи дека излегол надвор од теренот по еден офанзивен скок. По три натпревари, Макаби води со 2:1 во серијата прв до три победи...
Битиќи и кандидатите од ИЕ2: Со повисоки плати правично го вреднуваме трудот на работниците
Макпрес - пред 6 часа
„На овој Ден на трудот, но и во останатите 364 дена во годината ние сме рамо до рамо со вас. Вреднувањето на работникот е главен постулат на социјалдемократските вредности за кои и се боревме овие седум години. Достоинствен живот за секој работник и работничка во нашата Македонија“, вели во видео обраќањето Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2, по повод 1-ви мај - Денот на трудот. Во празничното обраќање Битиќи заедно со дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Анета Здравковска, Билјана Муиќ) кажуваат дека обезбедено е трудот не само да се цени, туку и правично да биде награден. „Заеднички ја браневме нашата заедничка социјална кауза. Како Влада дадовме приоритет на растот на платите во сите сектори подеднакво, затоа што тоа е најважно за поттикнување на правичен социо-економски развој. Успеавме просечната плата двојно да ја зголемиме од 2016 година на речиси 40.000 денари“, кажуваат кандидатите, притоа потсетувајќи дека минималната плата од 10.000 денари во 2016 година, во март 2024 година изнесува 22.500 денари, што е зголемување од 125 проценти. „Ние се погриживме животниот стандард да остане не само недопрен, туку и подобрен во услови на инфлација“, велат кандидатите и кандидатките и нагласуваат дека овој раст не е случаен, туку дека тоа е резултат на намерна политика насочена кон подигнување и заштита на животниот стандард на работниците и работничките, политика на системски решенија. „Нашата посветеност на социјалдемократијата обезбеди растот на платите да е изолиран од партиски интереси. Трудот никогаш повеќе нема да биде пион во политичките игри, а ние цврсто стоиме да ги заштитиме правата на сите работници и работнички без оглед на етничка, религиска или партиска определба. Честит нека е денот на трудот“, вели Битиќи заедно со дел од кандидатите и кандидатки за пратеници на Коалицијата за европска иднина во ИЕ2....
Апасиев: Што повеќе левичарски пратеници во Собранието, тоа поголема гаранција дека нема да има Бугари во Уставот
Макпрес - пред 6 часа
Левица очекува двојно да го зголеми резултат од првиот круг на претседателските избори и да освои од 80 до 120 илјади гласови на парламентарните избори со проекција од осум до 12 пратеника зависно од излезноста. На следниот мандатар му порачуваат дека основа за преговарање е македонската Платформа за национално единство. Што повеќе левичарски пратеници во Собранието тоа е поголема гаранција дека нема да има Бугари во Уставот, вели во интервју за МИА претседателот на Левица, Димитар Апасиев. Во однос на резултатите од првиот круг на претседателските избори, Апасиев вели дека лично очекувал од 60 до 80 илјади гласови, но дека и со 41 илјада Левица го положиле матурскиот испит самостојно да собере 10 илјади потписи без никакви коалиции и потоа да оди на избори со поддршка на независен кандидат. - Од аспект на резултатите ви кажав, јас очекував од 60 до 80, тие се 42 илјади, но сега влегуваме во нашите главни избори, а тоа се парламентарните оние за коишто ние имаме практично и адут во рака, а тоа се двајцата пратеници кои бевме во Собранието, така што тоа се материјалните прилики. Ние ги прифаќаме како такви, не очајуваме. Напротив, учиме од искуството и одиме сега да освоиме, да го дуплираме овој резултат, практично да освоиме – нашата проекција е од 80 до 120 илјади гласови, бидејќи статистички гледано секогаш парламентарните избори имаат повисок одѕив од претседателските и тој одѕив во случајов изнесува цирка околу 100 гласови коишто ќе излезат на гласање и тие се најчесто проопозициски гласови и оттука ние очекуваме да растеме на парламентарните избори, вели Апасиев. Ние, посочува Апасиев, одиме со проекција од осум до 12 пратеника зависно од излезноста и така ако гледате – да, не може да има влада без Левица, особено промакедонска влада, инаку може да има влада без Левица во секој момент, но тоа, како што нагласува, е влада на двете други платформи кои ние не ги застапуваме и со кои ние не ни преговараме – софиската и тиранската платформа, додека ние нудиме македонска платформа. - И таа ќе биде основа за преговарање со кој било мандатар следен на којшто ќе му затребаат мандатите на Левица за да тераме македонска платформа. Таа е во пет точки, многу едноставна со цел да запрат уцените кои веќе две децении ги гледаме после Рамковниот договор, а тоа се уцени на федерализација, разградување на државата и уцени од албанското малцинство со цел – гледате какви се, секои избори се се’ поголеми и сега одат на тоа да се укинат 20 отсто, да се воведе албански јазик како уставен, значи класична кантонизација. Потоа се оди на тоа да не се бира претседател на избори со тајно гласање, туку со Бадентер во Собрание, Села изјавуваше дводомни парламенти. Значи, тоа се платформите и народот конечно треба да се одлучи за која платформа. Три платформи се во игра. Ние ја застапуваме македонската и ќе видиме до кај ќе стасаме, нагласува Апасиев. Според Апасиев, Левица не мора да влезе во Влада и не се фокусирани стриктно да дојдат само на власт, подвлекувајќи дека покажале дека може да бидат корисни за Републиката дури и како опозиција со двајца пратеници. Сепак, појаснува тој, ако идниот мандатар смета дека е уценет од Вреди или од ДУИ, и ни понуди соработка, ова, како што вели, е нашата македонска платформа во пет точки. - Со оваа платформа конечно ние ставаме црвени линии и ги повикуваме сите македонски партии да се обединат позади оваа платформа затоа што секој нареден мандатар покажува дека е се’ попустлив кон албанското малцинство. Тоа е недозволиво затоа што или градиме современа секуларна и модерна држава или се враќаме во 19 век. Оттука, ние го нудиме овој концепт, појаснува Апасиев. Прашан зошто иако фокусот на нивната програма се работничките права, од досегашната кампања акцентот повеќе е на популистички мерки, Апасиев вели дека таков е наметнат наративот во медиумите и дека тие мора да го следат она што се пласира во јавноста. - Во јавноста во моментот најбитна тема е Бугари во Устав, дводомни парламенти, такви теми, УЧК се скандира. Значи, се оди на национализам, на националшовинизам, на етнотрибализам и оттука ако сакате во тој ринг ние сме спремни и во тој ринг да се боксуваме, зборувам со нашите политички непријатели. Оттука, ние како левичари, социјалисти не бегаме од националните прашања притоа третирајќи го и класното прашање, нагласува Апасиев. Програмата на Левица, според Апасиев, во многу сегменти е радикална, но реална - се залага за намалување на работното време од осум на шест часа, дуплирање на породилното отсуство од девет на 18 месеци и намалување за две години на одењето во пензија, односно жени на 60, а мажи на 62 години. Исто така, Левица единствена се залага за прогресивен данок, што, како што нагласува, е разликата практично помеѓу левичарите и десничарите. Посочува дека Левица, исто така, единствена предлага антилихварско законодавство и единствена партија која заговара укинување на приватните извршители. За тоа како ќе се обезбедат средства за ваквите политики, Апасиев вели дека тоа ќе се направи преку банкарска регулација и даночни реформи – мерки кои не се нови и коишто функционираат онаму каде што ние стремиме, а тоа е Европската унија. - Значи, преку регулација на банкарскиот сектор, преку намалување на провизии и камати вие ослободувате милиони коишто ќе останат кај народот. Тоа е едната реформа. И втората е прогресивната даночна реформа која што единствено ние ја залагаме. Тоа значи богатите да плаќаат повеќе даноци, сиромашните и работниците да плаќаат помалку даноци. Единствени сме коишто предвидуваат корпоративен данок исто така и данок на луксуз, појаснува Апасиев. Прашан за тоа каде Левица најмногу би и помогнала на државата од кадровски аспект, доколку има шанса, Апасиев вели дека најмоќна позиција е собранискиот спикер. - Од кадровски ако гледате најмоќна е спикерската позиција во моментот. Сериозно. Јас тоа го увидов од првиот пратенички мандат и таа позиција ако ја имате вие сте многу моќна не само политичка туку и партиска фигура и затоа е стратешка грешка што СДС тоа место го отстапи на ДУИ и тоа сега им се гледа во резултатот. Конечно се остварува нашата теза која ја предвидовме пред четири години, која е политиколошки емпириски доказлива, а тоа е пасокизација на СДС и тоа се прави. Гледате СДС доживува драстичен пад од 200 илјади гласови за првпат во историјата, тоа ни на Шекеринска, ни на Бучковски не им се случи, но му се случи на Таче, така што тоа е токму поради тоа што тие во законодавната власт вие ако сте најголема партија ако го немате спикерското столче вие немате ништо. Оттука, тој опасен преседан со изборот на Таљат Џафери, ако се вратиме историски Груевски никогаш не го даде спикерското место на друга партија, се сеќавате – секогаш беше или Љубиша Георгиевски или Трајко Велјановски, значи негов партиски човек затоа што знаеше дека тоа е многу моќна позиција. Оттука, ако гледаме кадровски кон што пикира Левица, да кон спикерско столче, изјави Апасиев. За тоа како Левица планира да гарантира дека нема да има уставни измени, Апасиев вели дека со двајца не може да спречат „ако тие се нафатиле да менуваат, меѓутоа со 10-12 и тоа како можеме“ затоа што, како што нагласува, тоа договарање нема да оди глатко. -Доколку ние би имале солиден број на пратеници тогаш ако отпаднат овие уцени и ако мандатарот треба да тргне условно кажано со нас и да преговара тогаш ние нема да прифатиме такви услови и оттука се гаранциите. Значи, што повеќе левичарски пратеници во Собранието тоа е поголема гаранција дека нема да има Бугари во Уставот, нагласува Апасиев. Балансерот, според Апасиев, е рак рана на општеството и треба конечно мерит систем особено во јавна администрација каде што луѓето ќе можат да дојдат до израз врз основа на своите квалитети, додека за Рамковниот договор вели дека бил мировен договор кој требаше да трае привремено. -Кажете им на работниците во транзицијата дека стекнати права не се губат ќе видите што ќе ви кажат. Како што ние голтавме кнедли дојде време сега други да голтаат кнедли, Македонецот веќе особено со појавата на Левица не може да биде инфериорен во сопствената држава и тоа ние сме тука како политички чинители да го тоа некако испорачаме и тоа не е национализам. Јас не се согласувам со таа теза затоа што класното и националното прашање се измешани прашања, тоа го покажаа и основачите на оваа држава, така што преку класна борба, тие преку Народноослободителна борба дојдоа до АСНОМ. Оттука тие две борби се испреплетени и ние ги водиме двете паралелно, појаснува Апасиев. Во однос на најавите на Левица за укинување на како што велат сите штетни договори за државата, прашан дали дали смета дека постои подобро решение или дека едноставно повеќе не постојат проблемите воопшто, Апасиев вели дека постои суверено решение и постои правно решение, посочувајќи дека во правото пресуда менувате со пресуда, закон менувате со закон, а одлука на референдум или плебисцит менувате само со нова одлука. - Да не заборавиме дека Преспанскиот договор е илегален по сите узанси и на домашното уставно право и на меѓународното јавно право. Зошто? Затоа што прво е потпишан од неговиот титулар тоа е министер за надворешни работи иако по Устав само претседателот можеше да го потпише. Второ, Законот за ратификација е илегален закон кој е објавен во „Службен весник“ без потпис на претседателот за првпат во историјата на независна Македонија. Оттука, не постои де јуре тој закон. Трето е донесен по пат на кривични дела. Не заборавајте дека имаше влечење за уши на осум пратеници од ДПМНЕ на кои им беа амнестирани криминалите за да гласаат и тоа е повреда на Виенска конвенција, така што по сите узанси тоа е неважечки договор, непостоечки договор, ништовен договор и она што ние треба само да го кажеме како држава е да декларираме дека тој е таков и најголемиот аргумент е тоа што тој не помина на референдум, вели Апасиев. Во однос на мотото „Шанса за младите, неподмитливите во Собранието“, Апасиев нагласува дека тие веќе докажале дека се неподмитливи и дека старосна структура на пратеници која ја предлага Левица е од 30 до 40 години и апелира до младите да гласаат масовно и да не се воздржуваат како сега. Александар Атанасов...
Блинкен: САД се залагаат Хамас и Израел сега да постигнат договор за примирје
Макпрес - пред 6 часа
САД вршат притисок Израел и Хамас „во моментов“ да постигнат договор за примирје со ослободување на заложниците по речиси седум месеци борби во Газа Стрип, изјави американскиот државен секретар Ентони Блинкен во Тел Авив. „Дури и во овие тешки времиња, ние сме решени да постигнеме примирје со кое заложниците ќе се вратат дома, и тоа да го постигнеме веќе сега. А единствената причина зошто тоа не би се случило е Хамас“, рече Блинкен денеска во Тел Авив за време на состанокот со израелскиот претседател Исак Херцог. Посредниците Египет, Катар и САД сè уште го чекаат одговорот на Хамас на најновата понуда за примирје, која вклучува крај на израелската офанзива во Појасот Газа и ослободување на палестинските затвореници во замена за ослободување на заложниците кои Хамас ги заплени на 7 октомври за време на нападот врз јужен Израел. Блинкен вчера го притисна Хамас да „го прифати без дополнително одлагање“ примирјето, кое тој го опиша како „исклучително великодушен предлог од Израел“. Хамас, сепак, бара „траен прекин на огнот“ пред каков било договор за ослободување на заложниците, што Израел досега го отфрли, продолжувајќи да укажува дека ќе ја започне својата копнена офанзива врз Рафах, град во јужниот дел на Појасот Газа, кој се смета последното локално упориште на Хамас и каде околу 1,5 милиони Палестинци сега се главно раселени поради војната. За време на неговата посета на Израел, Блинкен се очекува да изврши притисок врз израелската Влада да дозволи повеќе помош да влезе во Појасот Газа, каде што ОН предупредуваат на неизбежен глад поради недостиг на храна. Американскиот државен секретар денеска треба да се сретне со израелскиот премиер Бенјамин Нетанјаху и да го посети Ашдод, израелското пристаниште во близина на Газа неодамна повторно отворено за да испрати помош на палестинската територија...
Шмит: Сериозни закани по територијалниот интегритет на БИХ доаѓаат од лидерите на РС
Макпрес - пред 6 часа
Високиот претставник во Босна и Херцеговина (БиХ) Кристијан Шмит синоќа истакна дека постојат закани по територијалниот интегритет на БиХ и дека тие доаѓаат од лидерите на Република Српска (РС). „Постојат закани за Босна и Херцеговина, бидејќи претставниците на РС постојано зборуваат за отцепување, одвојување на ентитетот од државата. Додик неодамна изјави дека Бошњаците можат да имаат 25 отсто од територијата. Некои го сфатија ова како простор за етнички инциденти“, рече Шмит во своето обраќање пред Советот за безбедност на Обединетите нации. Тој посочи дека неговиот мандат е да го надгледува спроведувањето на Дејтонскиот договор и оти за тоа има поддршка од Советот за безбедност. „Советот за безбедност повеќе пати искажа поддршка за моето работење. Веќе со нетрпение го очекувам мојот извештај следниот месец“, додаде Шмит. Тој се осврна на излагањето на српската членка на Претседателството на БиХ, Жељка Цвијановиќ, која упати сериозни обвинувања против Шмит, наведувајќи дека во него „не се почитуваат фактите и правната рамка на БиХ“. „Се надевам дека разбирате дека ова не е место за разговор за навреди, ова е место за разговор едни со други. Повикувам на поголема точност, единственото нешто што го гледам е злонамерност“, рече Шмит. Тој посочи дека како висок претставник мора да биде гарант за постоењето на ентитети, кои се делови од БиХ, која има меѓународен субјективитет, додавајќи дека РС е составен дел на БиХ....
Една недела до одржување на изборите, партиите продолжуваат со предизборните активности
Макпрес - пред 6 часа
На една недела до одржувањето на парламентарните избори и вториот круг на претседателските избори, продолжуваат препукувањата меѓу партиите, а во фокусот се и условите на партиите за постизборните коалицирања. И од ВМРО-ДПМНЕ и од СДСМ повикуваат на масовна излезност. ВМРО-ДПМНЕ очекува двојна победа, а од СДСМ порачуваат дека со иднината на државата нема тргување и дека единствениот пат е евроинтеграцијата. Лидерот на ВМРО-ДПМНЕ Христијан Мицкоски на вчерашните митинзи рече дека пораката од граѓаните е јасна и дека државата ќе биде горда, достојна и трансформирана. Очекува убедлива победа на Гордана Силјановска-Давкова како претседателски кандидат на коалицијата „Твоја Македонија“. За коалицирањето со албанската опозиција „Влен“ и за уставните измени рече дека ќе се разговара по изборите. Посочи дека тој и неговата партија не функционираат врз основа на уцени и закани и дека засега ВМРО-ДПМНЕ е фокусирана на изборите, а по нивното завршување ќе се седне на маса со опозициските партии. За ДУИ и за ставот на лидерот на партијата Али Ахмети кој се повикува на Мајскиот договор, Мицкоски вели дека оваа партија мора да оди во опозиција. - Демократијата се темели на принципот - кој има мнозинство во Палраментот ја формира владата. Не знам за кој Мајски договор зборува ДУИ, не знам за кое правило „победник со победник“. Имаше едно правило во минатото „победник со победник“ кое е резултат на договор од минатото, тој договор и тоа правило самите го прекршија во 2017 година и повторно би потсетил дека политиката не смееме да ја гледаме како „шведска маса“, настрана што ако ВМРО-ДПМНЕ освои мнозинство, како што се очекува, нема ниту елементарна доверба да соработува со ДУИ. Така што, тие мора да одат во опозиција, подвлече Мицкоски. Од ДУИ, пак, велат дека не може никој да го оспорува нивниот легитимитет и дека пратениците од Европскиот фронт се вистински претставници на сите народи претставени во оваа платформа. - Секоја таква политичка авантура ќе биде ризична за европската иднина на оваа држава и за сите политички околности што ќе се случуваат после 8 мај. Бидете сигурни дека никоја политичка гарнитура – владејачка гарнитура нема да се формира без пратениците на Европскиот фронт, затоа што пратениците на Европскиот фронт се вистинските претставници на албанскиот народ, на турскиот народ, на бошњачкиот народ, на ромскиот народ и на сите народности кои се претставени во оваа платформа, во оваа изборна програма Европа 2023-2030 година. Бидете сигурни дека политичките авантури неславно ќе завршат, а народот на крај ќе победи, вели Наим Бајрами од ДУИ. Од здружената албанска опозиција „Влен“ очекуваат разликата во гласови од првиот круг од претседателските кандидати во албанскиот блок да се намали на парламентарните избори затоа што велат гласовите на ДУИ не се само од Албанци, туку од девет политички партии. Чисто албански концепт, како што вчера изјави лидерот на Демократското движење Изет Меџити, е „Влен“ и тие ги имаат гласовите само од Албанците. - Ахмети првпат беше во ситуација да се спасува со гласовите од другите помали заедници. Ако на тоа се додаде и поткупот на гласови и притисоците, полнење на кутии од шоферот на Садула Дураку... Сето тоа ќе се процесуира од новата власт. Ако се изземат тие гласови, тогаш нивниот резултат е под нашиот. ДУИ не е чист албански концепт и тоа е спротивно на Мајскиот договор, рече Меџити за телевизија „Сител“. Меџити посочи дека има разговори со ВМРО-ДПМНЕ, а во однос на распределбата на секторите рече дека редно е сектори што досега не се водени од Албанци како Министерството за внатрешни работи, Бирото за јавна безбедност, Управата за јавни приходи и Царината да бидат раководени од Албанци. И од Движењето ЗНАМ-За наша Македонија вчера ги изнесоа условите за постизборно коалицирање. Лидерот на партијата, кој беше и претседателски кандидат Максим Димитриевски, на прес-конференција упати пораки до раководствата на двете најголеми партии од македонскиот блок. Го повика раководството на СДСМ во наредните 24 часа да поднесе неотповикливи оставки од функциите во партијата, како и носителите и ко-носителите на кандидатските листи на нотар да изјават дека нема да прифатат пратенички мандати и истите да ги преземат кандидатите кои следуваат на листите по нив. – Нашите работни групи се подготвени за разговори и евентуална соработка со некое преодно техничко ново раководство на СДСМ кое ќе изрази политичка волја за ревидирање на досегашните нивни политики, за најважните национални прашања, но и целосна одговорност за сите поединци кои без исклучок по законот без никаква можност за амнестија, рече Димитриевски. Тој упати порака и до раководството на ВМРО-ДПМНЕ, укажувајќи дека се согласува со нивните програмски определби за неприфаќањето на уставните измени, како и неприфаќањето соработка со ДУИ. – Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев, преку неговите фикс кандидати за пратеници, како што е Венко Филипче и други, за обезбедување на 2/3 мнозинство во идниот собраниски состав, што доколку навистина постои, имплицира дека селективната правда ќе ја имаме и во идната Влада, како што беше и досега. Во спротивно доколку немате таков став, најдобро е самите да си продолжите и јавно да соработувате, а ние ќе продолжиме заедно со народот, рече Димитриевски. Од СДСМ порачаа дека не прифаќаат условувања и политички договори со никого бидејќи, како што велат, нема тргување со иднината на државата. - Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните, изјави вчера лидерот на СДСМ Димитар Ковачевски на митингот во Драчево. Тој посочи дека се фокусирани да го постигнат најдобриот резултат на претстојните избори на 8-ми мај и ги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ. -Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма, рече Ковачевски. Од „Левица“ вчера порачаа дека нудат македонска платформа, со која, како што велат, ќе биде запрено уценувањето од албанското малцинство при формирањето на идната влада. - На избор пред граѓаните се три платформи, на нив останува за која ќе се определат на престојните Парламентарни избори на 8 мај. Првата е веќе познатата „Тиранска“ платформа. Независно дали се нарекуваат Европски фронт или Вреди, тоа е иста необалистичка матрица која тежи кон разградување на државата. Втората е „Софиската“ платформа што ја поддржуваат македонските буржујски партии, одродената македонска елита – СДС и ДПМНЕ, од кои едните ја поддржуваат отворено, другите латентно. Нашите информации говорат дека во првите сто до 200 дена е договорено внесување на Бугарите во Уставот. И третата, тоа е платформата што ја застапува Левица, а тоа е македонска платформа во пет точки, со цел конечно да запре уценувањето при составувањето влада од албанското малцинство, изјави лидерот на партијата Димитар Апасиев во Охрид....
Под водство на Словенецот Урх одржан првиот камп за македонски пингпонгари
Макпрес - пред 6 часа
Првиот камп за млади македонски пингпонгари од предвидените шест под водство на тренерот Јоже Урх од Словенија се одржа од 26 до 30 април во Скопје. - На кампот учествуваа 11 наши репрезентативци од различни клубови од Македонија, информираат од Македонската пинг-понг федерација. Дел од нив, Моника Стајковска, Матеја Смолиќ, Фани Јованоска, Дарко Китановски, Мартин Ристески и Кристијан Каламадевски, веднаш по завршувањето на кампот отпатуваа за Сараево каде ќе учествуваат на турнирот „European Youth Series 2024 BIH“ од 1 до 3 мај во поединечна категорија и во категорија на двојки. Во престолнината на Босна и Херцеговина, македонската репрезентација ќе биде предводена од селекторот Милош Миленковиќ...
Џафери: За нас, како идна земја членка на ЕУ, почитувањето и еднаквиот третман на работниците и работничките права е императив
Макпрес - пред 6 часа
Денес е 1 Мај, Меѓународниот ден на трудот, и, покрај честитките, дозволете да изразам и огромна благодарност до сите почитувани работници кои и во овие тешки околности на глобални кризи од здравствен, енергетски и економски аспект, посветено, одговорно и професионално придонесуваат во јакнењето на издржливоста, растот, развојот и конкурентноста на економијата во Република Северна Македонија, напиша техничкиот премиер Талат Џафери во честитката до граѓаните по повод Меѓународниот ден на трудот, соопшти владината прес - служба. Како држава, посочува Џафери, треба секогаш да размислуваме во насока на понатамошно унапредување на работничките права, да го споделуваме товарот и да покажеме солидарност. Да ги заштитиме и работниците, и работодавачите. Затоа што, секогаш може да биде подобро. -Да се чувствуваат посреќни, еднакви и рамноправни. Затоа што, само задоволни работници претставуваат и верни и лојални чувари на јавното добро. Тогаш стануваат моќни двигатели на домашната економија а со тоа овозможуваат и обезбедување на поквалитетен семеен стандард и живот, истакнува тој. Како идна земја членка на Европската Унија, како што посочува Џафери, наша заложба е да ги штитиме работниците и да осигураме еднаков и фер третман за нив од работодавачите, бидејќи секој работник е пред сѐ, човечко битие кое заслужува почит и достоинствен живот...
Буфон: Доколку би можел да одберам натпревар кој би го одиграл повторно, тоа е финалето на ЕП 2012
Макпрес - пред 6 часа
Поранешниот голман на Италија и Јувентус, Џанлуиџи Буфон именуваше натпревар кој би сакал да го повтори. - Доколку треба повторно да одиграм еден натпревар во кариерата, би го избрал финалето на ЕП 2012 против Шпанија. Не го заслуживме овој резултат, бевме исцрпени. Не барам изговори, но натпреварот го одигравме во невозможни психофизички услови. Да ни беше даден дополнителен ден за одмор, можевме да играме поинаку. Така како што беше не можевме да направиме ништо против Шпанија, изјави Буфон за „La Repubblica“. Во финалето на ЕП 2012, репрезентацијата на Шпанија ја совлада Италија со резултат 4:0. Головите ги постигнаа Давид Силва, Жорди Алба, Фернандо Торес и Хуан Мата. Тоа Европско првенство беше последно на учествуваа 16 репрезентации....
Одржано првото коло од Државното првенство во дресурно јавање
Макпрес - пред 6 часа
Во организација на Коњичка федерација на Северна Македонија изминатиот викенд се одржа првото коло од отвореното Државно првенство во дерсурно јавање со три натпревари во категорија А, М и ЛМ. Најуспешна во категоријата деца беше Лија Кајев со грлото Аполо од клубот Анималс. Во категоријата јуниори победи Леона Анушев со грлото Отто од Анималс. Леонида Грозадновска исто така од клубот Анимлас со грлата Но Лимит, односно Олимпус Дионис беше единствената која настапи во категориите сениори, односно млади 5 г:Коњи....
Земјотрес од 4,3 степени според Рихтер во централна Хрватска
Макпрес - пред 6 часа
Земјотрес со јачина од 4,3 степени според Рихтеровата скала утрово во 5 часот и 38 минути го погоди подрачјето на градот Слуњ во централна Хрватска, соопшти Сеизмолошката служба. Епицентарот на земјотресот бил на околу 15 километри јужно од Слуњ и на длабочина од 10 километри. Магнитудата на земјотресот изнесувала 4,3 степени според Рихтеровата скала, а интензитетот во епицентарот е проценет на V-VI нивоа од ЕМС скалата“, соопшти Сеизмолошката служба на Хрватска. Граѓаните од подрачјето во близина на епицентарот велат дека се се тресело. Земјотресот бил почувствуван низ цела Хрватска, најмногу во Лика и централна Хрватска. Земјотресот е почувствуван и во Загреб. Европско-медитеранскиот сеизмолошки центар соопшти дека земјотресот е почувствуван и во Босна и Херцеговина и во Италија....
Хотелиерите очекуваат одлична туристичка сезона, исполнетоста за празниците повеќе од половина
Макпрес - пред 6 часа
Сместувачките капацитети на охридско-струшката ривиера за 1 Мај и Велигден се исполнети повеќе од половина, што не ги исполни очекувањата на хотелиерите, но тие очекуваат подобра туристичка сезона во однос на претходните години. Првиот човек на Асоцијацијата на хотелиери - ХОТАМ, Крсте Блажески забележа дека најголем дел од домашните гости, празниците ќе ги поминат надвор од државата, а гостите од соседството и пошироко ги исполниле хотелските легла за околу 60 отсто. - Немаме голема исполнетост од домашни гости. Тие отидоа надвор од државата, но тука се странските туристи иако не на очекуваното ниво. Не можеме да се пофалиме со исполнетост од 80 - 90 проценти. Бројката е значително помала од очекуваното, хотелите се исполнети околу 60 отсто, вели Блажески за МИА. Зголемување на бројот на туристи очекува во текот на мај, што според него, навестува богата туристичка сезона. - Бројките на сместување се зголемуваат после Велигден и очекуваме побогата туристичка сезона од лани. Од почетокот на годината до сега имаме многу повеќе ноќевања од минатата година. Очекуваме мај да биде еден од подобрите месеци, може да го споредиме со летите месеци во исполнетост, посочи Блажески. За летните месеци, нагласи, дека веќе работат на исполнетост од 90 отсто со организирани тури, а останатите легла очекува дека ќе ги исполнат индивидуалните гости. - Знаеме дека околу 2 август, една недела пред и една недела потоа, тешко е да се најде место. Ако некој планира во тој период да доаѓа во Охрид или Струга уште од сега треба да си резервира, напомена Блажески. Заклучи дека туристичкиот секотр, пред се хотелиерството заздраве од корона кризата, кога беше драстично погоден. - Го надминавме сето тоа и сме во една фаза во која треба да се работи на поголема стратегија и се враќаме на старите барања од 2017, 2018 и 2019 година, за зголемување на број на ноќевања, олеснувања на даночни обврски, намалување на ддв-то во однос на растот на секторот туризам кој носи полесни пари во државниот буџет, рече Блажески. И годинава на охридско-струшкото карајбрежје најбројни се очекува да бидат холандските туристи, а нема да изостанат ниту гостите од Полска, Турција, како и од соседството. Но, сепак најголем како најголем проблем го хотелиерите го посочуваат патот од Скопје до Охрид, што е и причина српските туристи да го избегнуваат брегот на Охридското Езеро и годишните одмори ги поминуваат во соседна Грција...
Во Шпанија уапсени повеќе од 100 лица поради измама во вредност од милион евра на корисниците на WhatsApp
Макпрес - пред 6 часа
Повеќе од 100 лица се уапсени во Шпанија под обвинение дека со измама украле илјадници евра од корисници на апликацијата WhatsApp, тврдејќи дека се роднини во неволја, објавија денеска шпанските медиуми. Полицијата соопшти дека уапсените биле дел од криминална група која преку оваа измама остварила нелегална добивка од речиси еден милион евра, јавува Би-Би-Си. Сите уапсени се обвинети за измама, перење пари и учество во криминална организација која, според шпанската полиција, ги измамила корисниците на Воцап и барала од 800 до 55.000 евра....
Пендаровски: Човечкиот е најскапоцениот ресурс за секоја држава
Макпрес - пред 6 часа
Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека треба сериозно да се посветиме на заштита и унапредување на работничките права, напиша претседателот Стево Пендаровски во пораката по повод 1 Мај, Денот на трудот. Според него, единствено задоволни работници се успешни и мотивирани работници кои можат да придонесат за напредок и просперитет на државата. За таа цел, како што потенцира Пендаровски, секој работник треба да има фер третман од страна на работодавачот, да се чувствува безбедно, сигурно и заштитено на работното место, да има достоинствени услови за работа, а неговиот труд да биде соодветно вреднуван. - Наша задача е да продолжиме да ги поддржуваме заложбите на синдикалните организации, да помогнеме во унапредување на стандардите и условите за работа, со цел сите работници да имаат праведни и еднакви можности за реализација и развој на професионален план, нагласува шефот на државата....
Кинескиот носач на авиони „Фуџиан“ ги започна своите први поморски испитувања
Макпрес - пред 6 часа
Третиот кинески носач на авиони „Фуџиан“ утринава ги започна своите први поморски испитувања. Бродот го напушти бродоградилиштето во Шангај околу 8 часот наутро. Поморските испитувања првенствено ќе ја тестираат доверливоста и стабилноста на погонските и електричните системи на носачот на авиони. Од неговото лансирање во јуни 2022 година, „Фуџиан“ ги заврши пробите за прицврстување, местење и прилагодувања на опремата. Според кинеската агенција, тој ги исполни техничките услови за почеток на поморски испитувања...
Филаделфија и Милвоки избегнаа елиминација, Кливленд на чекор до второто коло во НБА плејофот
Макпрес - пред 6 часа
Во најсилната кошаркарска лига на светот – НБА во тек е првото коло од разигрувањето за титулата. На трите натпревари одиграни ноќеска победи за останување во серијата извојуваа Филаделфија и Милвоки, додека Кливленд по трет пат се радуваше против Орландо и е на чекор до пласман во четвртфиналето. Резултати: Њујорк – Филаделфија 106:112 (по продолжение) (3:2 во серијата прв до четири победи) Кливленд – Орландо 104:103 (3:2 во победи) Милвоки – Индијана 115:92 (2:3 во победи). Пласман во 2.коло од НБА плејофот досега обезбедија Оклахома, Денвер и Минесота...
Јавниот превоз во Скопје денеска по неделен возен ред
Макпрес - пред 17 часа
Поради празникот 1 Мај – Меѓународниот ден на трудот, денеска јавниот превоз во Скопје ќе сообраќа по неделен возен ред. Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров. Од јавното претпријатие додаваат дека жичницата ќе работи два часа повеќе од досега, односно од 10 до 20 часот. -Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје. Работното време е согласно со Одлуката за работно време на Жичарницата во период мај – септември....