УХМР со најнова прогноза: Познато какво време не очекува за Велигден
Прес 24 - пред 23 минути
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Утре, како што информира УХМР, особено во источните делови, на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Утре ќе биде променливо облачно, особено претпладне ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Температурата ќе се движи од 5 до 22 степена. И во Скопје времето ќе биде променливо облачно, претпладне во делови од котлината нестабилно, со пороен дожд, грмежи, засилен ветер и услови за изолирана појава на краткотрајно невреме. Според УХМР, во сабота ќе дува засилен северен ветер, а температурата ќе достигне 21 степен....
Стефковски: Започна градежна офанзива во Гази Баба, ќе се асфалтираат 30 улици
Прес 24 - пред 27 минути
Во објава на својата официјална страна на фејсбук, градоначалникот на општина Гази Баба Бобан Стефковски информира дека е започната големата акција за асфалтирање на повеќе од 30 локални улици во Гази Баба. Започна голема акција за асфалтирање на над 30 улици во Гази Баба, истакна Стефковски. „Продолжуваат инвестициите во подобрување на патната инфраструктура! Развојот и подобрувањето на патната инфраструктура насекаде низ општина Гази Баба останува наш врвен приоритет. Како локална самоуправа и оваа година ќе извршиме асфалтирање на повеќе од 30 улици во Јурумлери, Идризово, Виниче, Булачани, Гоце Делчев, Инџиково, Керамидница, Ченто, Кирил Петрушевски, Хиподром, Раштак и други населени места. Во изминатите две години извршивме реконструкција и ревитализација на повеќе од 60 локални улици“, напиша Стефковски....
Битиќи и кандидатите од ИЕ2: Во коалиција сме со граѓаните за европска Македонија
Прес 24 - пред 40 минути
„Ја слушнавме и прифативме пораката која ни ја упативте на 24-ти април. Го имавте тоа право и слобода да ни ја испратите таа порака во фер и демократска атмосфера, која грижливо ја градевме седум години“, вели во видео обраќање Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2. Во видео пораката на Битиќи и дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Билјана Муиќ), се вели дека имаме избирачки процес кој доликува на една европска и демократска државата. „На избирачките места не ве принудувавме да климате со главата, кога на ВМРО ДПМНЕ идеалот им беше од типот на 'човечињата идаат и гласаат и ќутат' - имавте можност својот глас да го дадете без страв и уцени. Слободно!“, се порачува во видеото. „Демократијата не напредува во молк и согласување, со уцени и закани, таа бара дијалог, со вас, граѓаните. Затоа и ве слушаме, ги прифаќаме критиките, се поправаме. Ние сме партија која работи и греши, но и се поправа, а за тоа имаме јасен план и програма. А тоа нема сами да го направиме, во коалиција сме со вас за да ги одбраниме нашите европски вредности и нема да се откажеме од борбата за напредна и прогресивна Македонија“, се вели во видео обраќањето на Битиќи заедно со дел од кандидатите и кандидатки за пратеници на Коалицијата за европска иднина во ИЕ2....
Претседателот на ИНТЕГРА ја претстави економската платформа за економски препород на Македонија
Прес 24 - пред 49 минути
Претседателот на ИНТЕГРА и носител на листата во ИЕ2 на Коалицијата Храбро за Македонија ја претстави економската платформа за економски препород на Македонија. Тој повика да се гласа за бројот 3 и да се даде шанса од парламентот да се реализира во законско решение оваа економска пплатформа. „Како ќе го ослободиме финансискиот сектор во Македонија? Ќе го отвориме пазарот за една слободна финансиска зона на потегот Скопје-Охрид-Струмица со буквално слободна финансиска инвестициска зона за приватни инвестициски фондови. Грото од капиталните инвестиции наместо да служат за корупцијата на властите, на премиерот, на вицепремиери и министри, ќе ги ставиме во служба на населението освен за оној егзистенцијален инфраструктурен минимум кој е потребен во секоја држава во мали рурални средини, патишта, водовод, канализација, да не газат луѓето кал.Грото од тоа треба да оди партнерски со народот, со крупниот бизнис но и со микро малите и средни претпријатија. Станува збор за потенцијал од околу 700 милиони евра на годишно ниво, овие 700 милиони евра на годишно ниво мора да се стават во функција партнерски со народот, ние мора да го ослободиме секторот на акционерскиот капитал. Наместо да бидат депозити во банките, тие пари коишто граѓаните сакаат да ги штедат да им се дозволи да ги даваат во акции на меѓународна берза и меѓународен план за тоа што профитите и богатството од тој дел ќе доаѓа повторно во Македонија“, образложи Ристовски. „Капиталните инвестиции во посебен македонски инвестициски фонд ќе бидат основа за докапитализација на фондот од овие приватни инвестициски фондови во оваа слободна финансиска зона од сите приватни инвестициски фондови коишто ќе дојдат во неа и ќе бидат оданочени со нулта стапка на оданочување. Ова е гаранција дека во Македонија ќе дојдат милијарди долари во слободната зона, долари коишто ќе бидат на располагање на крупниот капитал, на малиот и среден бизнис во Македонија, да црпат евтини финансиски средства, тоа е конкуренција на банкарскиот сектор, така ќе ја отвориме солвентноста на бизнисот во Македонија, и тоа е нашиот проект за 50.000 микро мали и средни прептријатија на кои државата ќе сподели дел од капитални инвестиции од својот буџет, дел за да можат тие да го експресираат својот моќен творечки потенција. Секое семејство ќе добие подадена рака од државата за да може да стане партнер на државата во овој инвестициски фонд, до пет години државата ќе мора да се ослободи од тие средства, а секоја година ќе правиме докапитализација со нови капитални инвестиции и секоја година ќе се прави докапитализација со нови вложувања во приватните инвестициски фондови во фондот, рече Ристовски. Овој инвестициски фонд ќе прерасне во моќен фонд, кој не само што ќе учествува на јавни тендери во Македонија за Чебрен, за Галишта, за Бошков мост, за Вардарска долина, за гасификација во Македонија, за коридорите 8 и 10, за новата рафинерија во Македонија према Беласица, за Македонија соларен парк со 280 сончеви денови, за Македонија буквално првата земја во Европа којашто ќе произведува зелен хидроген, проект којшто ние го зборувавме 2020 година, никој не веруваше во тој проект, но еве денеска владата донесе насоки и одлука во Неготино и Битола повеќе од 1,1 гигават енергија оди со хибридна или комбинарана гасна водородна електрана. Тоа значи дека третиот бран алтернативни извори на енергија е хидрогенот ќе стане основа на Македонија затоа што Солунска Глава како втор базен во Европа по издашност на вода и Галичица како третиот базен во Европа по издашност на вода после Виенскиот, е огромен ресурс. Македонија може да ги задоволи потребите на Европа за енергија и да го премостиме јазот што се случи со руско-украинскиот конфликт. Ова се нови иновативни решенија во енергетскиот сектор, така што овој инвестициски фонд може да стана моќен во еден буџетски циклус од 4 години, може да премаши 20 до 30 милијарди долари капитал кој ќе биде на располагање на сиот бизнис, рече Ристовски....
Полицијата во акција: Казнети 130 возачи за брзо возење
Прес 24 - пред 1 час
Во текот на вчерашниот ден Министерството за внатрешни работи спроведе акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 130 возачи. Од нив 12 возила се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина. Притоа, 53 возила ја пречекориле брзината во населено место, а 77 надвор од населено место. Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта....
Почина таткото на Тоше Проески
Прес 24 - пред 1 час
Почина Никола Проески – татко на музичарот Тоше. Веста за неговата смрт на социјалните мрежи ја објави Дора, неговата ќерка. „Светол патот, татко мој“, напиша таа. Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста....
ЦУК: Три пожари на отворено, апел за внимателност поради наглите метеоролошки нестабилности
Прес 24 - пред 1 час
Три пожари на отворен простор се евидентирани изминатото деноноќие, информираат утрово од Центарот за управување со кризи (ЦУК). - Регионалниот ЦУК Битола информира дека пожарникарите од ТППЕ Крушево од 15.45 до 19.30 часот, со едно ПП возило и три пожарникари и еден вработен и едно теренско возило од ЈП „Национални шуми“ подружница „Липа“ од Крушево, интервенирале на запалена ниска вегетација на површина од еден хектар кај месноста „Белушки ливади“. Регионалниот ЦУК Штип ја пренесува информацијата од ТППЕ Берово, дека од 12.40 до 13.15 часот, со еден пожарникар и едно ПП возило интервенирале на запалена ниска вегетација во реонот на селото Будинарци, на месноста „Ленишка Река“. Регионалниот ЦУК Тетово известува дека пожарникарите од ТППЕ Гостивар со едно ПП возило и два пожарникара, интервенирале на запалено ѓубриште кај пунктот за патарината на автопатот Гостивар-Тетово, појаснуваат од ЦУК. Според Управата за хидрометеоролошки работи следува период на променливо облачно време со повремени локални врнежи од дожд. - Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за два до четири степени. ЦУК апелира на внимателност, граѓаните да ја имаат предвид временската прогноза при престој во природа и да се засолнат при периодите на наглите метеоролошки нестабилности во наредните неколку денови, а по локалните пообилни врнежи на терен, да внимаваат на пороите, да не се движат блиску до корита на реки, покрај суводолици, во длабоки и стрмни долови, наведуваат од ЦУК. Оттаму нагласуваат дека треба да бидат исчистени каналите од отпадоци, бидејќи насобраниот отпад при поројна вода, често создава брани и се запушуваат каналите, а тоа доведува до излевање на водата од коритата и поплавување на околината. Вкупно 1.513 повици се евидентирани на единствениот повикувачки број за итни случаи 112 во ЦУК, изминатото деноноќие. - „Реални“ повици биле 63,52 отсто, а 36,48 проценти биле за други потреби на граѓаните што не биле итни. Кон полицијата биле упатени 64,66 отсто, кон итната медицинска помош - 29,72 проценти, а кон пожарникарите - 3,21 отсто од реалните повици кон 112 во ЦУК, се наведува во соопштението....
Пронајдена човечка коска во дворот на Клиничкиот центар во Скопје
Прес 24 - пред 1 час
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта. Излезено било на местото на настанот од полициски службеници од СВР Скопје и известен бил јавен обвинител....
Николоски: Соработка со Али Ахмети во било која варијанта, форма и начин нема да има
Прес 24 - пред 1 час
„Со Али Ахмети е исклучена секаква соработка во било која варијанта, во било која форма, на било кој начин нема да има соработка со Али Ахмети. Ние сме многу сериозни дека ДУИ ќе оди во опозиција, јас сум свесен дека до првиот круг најголем дел од политичката елита и дел од граѓаните во Македонија мислеа дека блефираме и дека го правиме тоа за политички поени. Свесен сум дека во овој момент има граѓани кои сеуште мислат дека ова го правиме како политичка игра, но ние ова ќе го реализираме и нашата поддршка после изборите ќе расте затоа што ќе видат дека го држиме зборот како што го одржавме дека нема да има измени на Уставот под бугарски диктат и немаше“, истакна потпретседателот и носител во ИЕ 4 од ВМРО-ДПМНЕ Александар Николоски во гостување во емисијата „Еспресо со Златев и Боцевски“ на радио Лидер. Николоски продолжи и додаде дека завчера во Струмица имало огромна енергија и најави дека разликата во Струмица ќе е поголема. „Завчера на 30ти имавме прекрасен митинг во Струмица, огромна енергија и еве да најавам оттука, во првиот круг разликата беше 2,800 гласа разлика, а во вториот круг и за претседателски и за парламентарни ќе е поголема од 2,800 гласа“, вели Николоски. Николоски истакна дека ВМРО-ДПМНЕ очекува на парламентарните избори да е над 400,000 гласа и додаде дека Силјановска Давкова ќе оди над 450,000 гласа. „Реално е да се очекува да на парламентарните избори да сме над 400,000 гласа. Прво тоа ќе е резултат освоен од опозиција, второ од најтешка опозиција било која политичка структура што ја имало во државава и трето на различен попис. Ние до овој попис мислевме дека имаме два милиони и сто илјади жители, но овој попис ни покажа дека имаме еден милион и осумсто илјади жители“, истакна Николоски. Николоски потенцираше дека гласачите кои гласале за дел кандидати за кои мислеле дека се опозициски сега се свестуваат дека се лажни опозициски кандидати и сега ќе гласаат за правиот опозициски кандидат тоа е Гордана Силјановска Давкова....
Од утре до понеделник јавниот превоз во Скопје по неделен возен ред
Прес 24 - пред 1 час
За време на велигденските празници, односно од утре петок - 3 мај до понеделник 6 мај. јавниот превоз ќе функционира по неделен возен ред. Како што информираат од ЈСП Скопје исклучок ќе бидат линиите 11, 11А, 18А, 32, 47А, 55, 56, 56А, 81, 118, 160 и 164 кои утре ќе сообраќаат по саботен возен ред. -Утре и во понеделник на 5 мај од 7 до 14 часот дежурни ќе бидат билетарниците на Транспортен центар и таа во Ѓорче Петров. Во сабота сите билетарници и центри за персонализација ќе функционираат вообичаено, а в недела за сите е неработен ден, информираат од ЈСП Скопје. Жичницата за време на празничните денови нема да работи единствено во понеделник, другите денови ќе работи вообичаено, од 10 до 20 часот. Од ЈСП Скопје потсетуваат дека за време на викенди и државни празници користењето на линијата 25 (Транспортен центар – Средно Водно) е бесплатно за сите граѓани....
Дневен хороскоп: Што ви предвидуваат ѕвездите за денес?
Прес 24 - пред 2 часа
Овен Во следните неколку дена ќе бидете под силно влијание на вашите минати проблеми. Особено е важно да се фокусирате на себе и на вашите деловни обврски, бидејќи на тој начин ќе ја надминете потребата да се справите со минатото. Здравјето е одлично. Бик Во овој момент учите да се почитувате себеси и своите способности. Најважно е да се свртите кон себе и кон вашите желби и можности. Партнерот е премногу љубоморен за да се справи со вас и вашите потреби. Близнаци Венера е задолжена како да му се обратите на партнерот, но вие тоа го одбивате. Имате силна потреба да се посветите на работи кои ви се многу поважни, а кои се однесуваат на работните и деловните односи. Човек Лав многу ве нервира. Рак До крајот на денот грижете се за можните љубовни конфликти бидејќи сте под силен притисок од планетата Марс. Пазете се од нови и ненадејни емотивни одлуки бидејќи тоа се однесува на вашиот став кон себе што е многу погрешен. Лав Во следниот месец ќе бидете под силно влијание на вашите проблеми од минатото, а најважно е тоа да го сумирате во една одлука. Тоа мора да се однесува на вашиот однос кон сопственото здравје, кое многу сте го запоставиле. Главоболка. Девица Во следните три дена внимавајте на двојните стандарди кога се во прашање вашите пријатели и што им должите. Не дозволувајте другите да ве злоупотребуваат само за себе и за својата работа. Емоционално сте стабилни. Вага Во наредниот период ќе бидете под силно влијание на семејството. Односите во кругот на семејството се под ваша контрола, најмногу преку потребата да го кажете што мислите. Пазете се од двојни пријателства. Шкорпија Ова е идеален период да им се посветите на луѓе со кои не сте се виделе или со кои долго време не сте имале време. Пазете се од лажни пријатели и лажни ветувања. Ова најмногу се однесува на личност под знакот Девица. Стрелец Деловната ситуација ви е стабилна и би било добро да се посветите на љубовна ситуација која излегла од контрола. Партнерот е многу напнат, а тоа расположение лесно се пренесува на вас и на вашето секојдневие. Јарец Денес сте окупирани од луѓе кои имаат преголема желба да се занимаваат со вас и вашите потреби. Свртете се кон себе и кон вашиот внатрешен мир бидејќи не можете да живеете без него. Тоа е она што ви треба во моментов. Водолија Почетокот на денот ќе биде многу емотивно негативен за вас бидејќи имате чувство дека партнерот го менува своето однесување. Не навлегувајте во расправии и расправии, но не дозволувајте тоа да дојде до вас. Можен проблем со притисокот. Риби До крајот на денот внимавајте да не се свртите против себе и вашите деловни интереси Личноста под знакот Овен е голема деловна пречка за вас и обидете се да се потпирате на себе....
Пронајдено изгубеното лице во Парк - шумата Водно
Прес 24 - пред 2 часа
Регионалниот Центар за управување со кризи - Скопје информира дека на бројот 112, вчера во 15:23 часот била добиена пријава за изгубено лице во Парк - шумата Водно. Веднаш биле известени надлежните за нивна понатамошна постапка, по што лицето било пронајдено за околу еден час. - Од полициската станица - Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи....
Претрес во Мала Речица, пронајдена дрога
Прес 24 - пред 2 часа
Во Тетово вчера во 18.45 часот полициски службеници од Отсекот за недозволена трговија со дрога и оружје при СВР Тетово го лишиле од слобода А.Т.(35) од село Мала Речица, тетовско. Како што денеска соопштија од МВР, при претрес во домот кој го користи под наем, извршен со судска наредба, биле пронајдени и одземени саксии со насади од растението канабис, шишиња со течност и други предмети поврзани со делото. Лицето било задржано во полициска станица и по целосно документирање на случајот, против него ќе биде поднесена соодветна пријава....
Зошто јајцата се бојадисуваат со црвена боја - еве која е симболиката
Прес 24 - пред 2 часа
Вапсањето црвени јајца за Велигден е најраспространетата традиција во сиот христијански свет. Вапсањето започнува денеска на Велики Четврток. Домаќините, рано наутро, пред изгревањето на Сонцето ги бојадисуваат првите три црвени Велигденски јајца. - Оваа црковна традиција потекнува од првиот век по Христа, односно тоа се практикувало уште во времето на светите апостоли – христовите ученици и нивните наследници. За тоа ни сведочи Светото Предание. Велигденското јајце е старо колку и Христијанството, вели за МИА професорот на Богословскиот факултет во Скопје, Ратомир Грозданоски. Објаснувајќи го значењето на црвеното јајце и зошто е земено за традиција, Грозданоски појаснува дека велигденското јајце црквата го прифатила во својата традиција и практика како симбол на Христовото воскресение. Првите Христијани и современици на апостолите почнале да вапцуваат јајца и да ги подаруваат на Велигден, поздравувјаќи се со радосниот поздрав Христос Воскресе! На тоа отпоздравувале: Вистина воскресе! Така поздравувајќи се, првиот ја соопштува веста за Христовото воскресение, додека вториот ја потврдува, а всушност и двајцата ја исповедуваат својата вера во Воскресението. Оваа практика и до ден -денес е запазена во Светото Православие, па верниците со овој поздрав се поздравуваат се до Вознесението Христово, Спасовден. Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта. Црвената боја ја претставува божјата сила и моќ, а воедно ја симболизира и Христовата крв, која Исус ја пролеал на крстот за спасение на сите луѓе на земјава. Бојата на јајцето не потсетува и на крвта Христова и на спасението. Според хронологијата на Христовите настани забележани во Евангелието се знае дека на Велики Четврток, Господ Исус Христос на Тајната вечера ја востановил Светата тајна Причест (Евхаристија), земајќи ги за основа лебот и црвеното вино, кои се претвораат во Христовото тело и крв. Оваа света тајна – Евхаристијата е дадена за спасение на луѓето, а за основа ја има Христовата крв. Затоа црвената боја, симболизирајќи ја Христовата крв од светата причесна ги украсува и Велигденските јајца. Како што бојадисаните црвени јајца од Велики Четврток се јасна најава на блискоста до Велигден, така и тогаш, на Велики Четврток на Тајната вечера, Христос јасно најавил и кажал дека наскоро ќе биде предаден, ќе пострада и ќе воскресне. – Според Светото Предание, се смета дека Марија Магдалена, една од жените мироносици прва го започнала овој обичај за Велигденските црвени јајца, вели Грозданоски, говорејќи за почетокот на традицијата на вапцување велигденски јајца. Се вели дека Марија Магдалена наскоро по Христовото вознесение (Спасовден) го напуштила Ерусалим и тргнала по светот да го проповеда Евангелието. Во Рим таа побарала да појде и кај римскиот император Тивериј, со цел да му раскаже на царот за Господа Исуса Христа. На средбата, таа на царот најнапред му подарила едно црвено јајце и го поздравила со зборовите: Христос Воскресе. Потоа му раскажала за се што ги учел Христос, за неговите добри дела и чуда што ги правел на луѓето. Следејќи го нејзиниот пример, првите христијани започнале да си подаруваат црвени јајца на празникот Велигден и притоа да се поздравуваат: Христос Воскресе – Вистина Воскресе! Православните христијани на Велигден подарувајќи си црвено јајце еден на друг или кршејќи се со него, всушност го симболизираат Христовото Воскресение и нашето спасение: победата над смртта – смрт на смртта. Затоа, овој обичај е израз на вера во Христовото Воскресение и вера во воскресение на мртвите. Тоа е надежта во спасението и идниот живот....
Денеска е Велики четврток - почнуваат велигденските празнувања
Прес 24 - пред 3 часа
Со вечерната богослужба на Велика Среда завршуваат великоипосните богослуженија, а продолжуваат посебни богослужби, со друг состав и со особено значење. До Велика Среда во богослужбените текстови има поттик за плач на луѓето заради својата грешност, а од Велики Четврток започнува поинаков плач на верниците – плач од глетката на ужасните страдања, мачења и распнување на Христа Спасителот. Тогаш се испомешани чувствата на плач и радост – плач за маките на Христа, а радост поради нашето спасение и благодарност кон Бога. Таа неопислива промена на чувствата ги возбудува срцата на верниците и ја исполнува душата. Тоа е време со наплив од горки и радосни чувства, умилителни и животворни молитви, богољубивост и црквољувие. Богослужбите нè пренесуваат кај настаните во Ерусалим, на Елеонската Гора, на Сион, во Гетсиманија, по Патот на страданијата, на Голгота и во градината на Јосифа од Ариматеја – во неговата гробница. Таа непроценлива можност ни ја даваат овие дни, кога можеме постојано да се молиме и да созерцаваме за тоа. Ние тогаш сме со Господа и учествуваме во сите собитија, со мислите, со срцето и со душата. На Велики Четврток се одбележуваат настаните што се случиле пред да тргне Спасителот на доброволните страданија. Во овој ден си спомнуваме за: Тајната вечера и сè што се случувало тогаш: подготовката, миењето нозе на апостолите, поуката за смирението и братољубието, посочување на предавникот и излегувањето на Јуда од вечерата, востановување на Светата евхаристија, најава за Петровото одрекување, Прошталната беседа на Христа со 11 апостоли, завршувањето на Тајната вечера и излегувањето од Ерусалим кон Елеонската Гора – во Гетсиманската Градина. + + + Велики Четврток е денот на Тајната вечера. На овој ден се повикуваат верниците на Причест, затоа што на Велики Четврток е востановена Светата причест, на Тајната вечера. Тоа е Празникот на Причеста. Тогаш, од рацете на Господа Исуса Христа, директно ја примиле Причеста светите апостоли и во тој спомен е овој ден на Причеста. И во пофалната песна за Богородица, која се пее на Литургијата (место Достојно...) се повикуваат верниците на Христовата вечера на бесмртната трпеза. А, место Херувимската песна, денес се пее за Тајната вечера, се изобличува Јуда, а се воспева благоразумниот разбојник. Евангелските текстови ги опишуваат сите тие настани, а светите отци и учителите на Црквата ги разјаснуваат и толкуваат, низ своите поуки и текстови. Четивата од овие случувања се поразителни, трогателни и многу чувствени, а мислите се насочуваат кон Бога и Неговата преголема жртва за нас. Тоа е изразено и во богослужбените песни и во молитвите. Ние сме внесени во тоа и созерцателно ги предаваме нашите мисли, чувства и волја на Бога. Да бидеме со Него во последните мигови на страданијата, да бидеме Христови сострадалници, во сета ск’рб, мака и страдание. Такво треба да биде нашето христијанско срце – сочувствено и сострадално. А Кој е тој Страдалник? За кого страда? Зошто трпи? Што згреши за да биде мачен и распнат? Христос Безгрешниот Спасител на светот, страда заради нас грешните, доброволно – од љубов кон нас. Ние, пак, треба да покажеме побожност и благодарност. Да не бидеме предавници како Јуда и отстапници од Господа, ниту богопротивници како оние што Му судеа на Бога, туку да се поклониме пред долготрпеливиот Господ и Спасител Исус Христос. + + + На Велики Четврток, на крајот од Литургијата (по замвонската молитва), се извршува чинот: Архиерејското миење на нозете на 12 свештеници, кои ги претставуваа 12 апостоли на Тајната вечера. За тоа време се читаат текстовите од евангелијата, кои говорат за тоа како Христос им ги измил нозете на апостолите, почнувајќи од Јуда, за да не рече дека го запоставил, па затоа го предал и завршувајќи со Петар, којшто се пофалил дека и сите да се одречат од Него, тој нема тоа да го направи, а уште ноќта трипати се одрекол од Христа. + + + Осветувањето миро се извршува на Литургијата на Велики Четврток. Со осветеното миро се извршува светата тајна миропомазание по кршевањето, се осветуваат цркви и антиминси. + + + На Велики Четврток се прави и општо маслоосветување, кое е различно од светата тајна елеосвештение. Ова маслоосветување се употребува за помазување на здрави, а елеосвештението се извршува над болни луѓе, за да оздравеат. Освен присутните во храмот за време на општото маслоосветување, со него се помачкуваат верниците през целата година, а по манастирите, на Велики Четврток ги помачкуваат со него и ѕидовите од монашките ќелии. Тоа се прави за зачувување на здравјето: духовно и телесно и во знак на покајанието. Елејот е симбол на Божјото милосрдие – елеј на радоста и покајанието. Симбол на проштевањето. Маслоосветувањето се прави на Велики Четврток затоа што во овие свети денови сите христијани треба да се каеме и да се помачкаме со маслото на покајанието, а Бог ќе ни ги прости гревовите, како што и простил на жената грешница која го помазала Господа. Со овој осветен елеј, порано, на Велики Четврток ги помазувале огласените, кои биле подготвени да се крстат на Велигден. + + + На трпезата е разрешено масло и вино. Постот на Велики Четврток се ублажува и, според Правилото, се допушта да се јаде зготвено со масло (зејтин) и се пие вино, до три чаши во денот. Традиционалниот пост, пак, во народот задржал постење строг пост и во овој ден, што не е забрането, но не е задолжително, бидејќи може да се јаде со зејтин. + + + Црковното предание и нашата стара традиција уредиле на Велики Четврток, рано наутро, пред изгрејсонце, да се вапцуваат првите Велигденски јајца. + + + Во Четвртокот попладне се читаат Дванаесетте евангелија на светите Христови страданија. Во нив се опишуваат страданијата на Господа до Неговото распнување. Евангелските читања се проследени со црковни песни од антифоните, кои со поетски израз го кажуваат евангелскиот збор. На оваа богослужба што се служи во вечерните часови, се изнесува Распетието – Крстот, со двете икони: на Богородица и свети Јован под крстот, и се поставува на сред црква. + + + Подготовка за Пасхалната вечера Во Евангелието е запишано сè што станало на Велики Четврток. Започнува со Подготовката за Пасхалната вечера, позната како Тајна вечера на Господа Исуса Христа со апсотолите (Матеј 26,17-19; Марко 14,12-16; Лука 22,7-13). Се вели: „Во првиот ден на Бесквасници, кога го колеа Пасхалното јагне, учениците Негови Му рекоа: ,Каде сакаш да отидеме и да приготвиме, за да ја јадеш пасхата?‘ “ (Марко 14,12). Првиот ден на Бесквасници бил, всушност, четвртокот, кој претходел на празникот кога се колело пасхалното јагне. Првиот ден е денот пред главниот настан. Тој ден бил чет¬врток, затоа што јудејците во петок почнувале да ја јадат пасхата, а денот пред тоа го подготвувале пасхалното јагне. По Божја наредба Евреите секоја година колеле пасхално јагне во спомен и сеќавање на преминот (пасха=премин), излегувањето од еврејското ропство. Во тој ден, учениците отишле да Го прашаат Христа каде сака да ја подготват и да ја јадат Пасхата. Според ова, видно е дека Господ Исус Христос немал сопствено живеалиште, а ни апостолите немале свои домови за да Го повикаат и да Го одведат на пасхалната вечера, но исто така, видно е и тоа дека Он и Неговите апостоли сакале да го испочитуваат Старозаветниот закон за Пасха, а веројатно тоа го правеле и претходните три години. Христос ги испратил апостолите Петар и Јован (Лука 22,8), да ја подготват Пасхалната вечера. Преданието вели дека станува збор за куќата на евангелистот Јован Марко во Ерусалим. Можеби, токму заради одржувањето на Тајната вечер во тој дом, кога е востановена светата Евхаристија, подоцна токму „куќата на Марија, мајката на Јована, наречен Марко“ постанува првиот храм во Ерусалим каде што се собирале мнозина и се молеле (Дела 12,12), односно ја продолжувале светата тајна Евхаристија. Подготвката на Пасхалното јагне, односно, Пасхалната вечера била како што предвидува обредниот закон: со горчливи билки, со вино и сè што било потребно за обредот. Господ Исус Христос на оваа Пасхална вечера или Тајна вечера, зел најобични работи: леб, вино, чаша и чинија, и на сето му дал вечно значење како на човечкото тело што го зел врз себе. Сличноста меѓу Пасхалната и Тајната вечера се покажува во тоа што и едната и другата е премин од ропство во слобода: првата, од египетското ропство, а втората, од ропството на гревот; и едната и другата имаат жртви: првата, Пасхалното јагне, а втората, Господа Исуса Христа; и двете поставуваат заедница со Бога: учениците, во Пасхалната вечера претставувале знак за единството со Бога, а во Евхаристиската вечера сите учесници – сите приматели, претставуваат единство со Христа, избавување од гревот и премин од материјалниот во вечниот живот. Миење нозе на апостолите Во некои православни цркви се практикува и обредното миење нозе на апостолите за коешто пишува светиот апостол и евангелист Јован во Евангелието (Јован 13,1-17). Христос им ги измил нозете и им покажал пример на смирение и понизност, како и пример на љубов и жртва преку служење еден на друг. Да се натпреваруваат кој кому да му служи, а не кој да биде поголем и кој да владее со другите. Не го издвоил ни Јуда – и нему му ги измил нозете и тоа најпрво нему. Во тропарот – основната песна на празникот, се вели: „Кога славните ученици, при миењето на нозете на Вечерата, се просветлуваа, тогаш злочестивиот Јуда, болен од среброљубие, се помрачуваше и на беззаконите судии, Тебе – праведниот Судија – Те предава. Душо среброљубива, гледај каде оди да се обеси таквата душа; одврати се од среброљубието на Јуда, кој се осмели да Му направи такви работи на Својот Учител; Господи, Кој си добар за сите, Слава ти.“ Поука за смирението и братољубието Христос ги поучувал апостолите до последен момент. Ги советувал и им велел да се сакаат помеѓу себе (Јован 13,12-16). Он им дал пример како треба да прават и тие. Бил како слуга меѓу нив (Лука 22,27). И завршил со зборовите: „Кога го знаете ова, блажени сте, ако го извршувате“ (Јован 13,17). Поуките за љубовта меѓу апостолите претставувале уште една опомена на Јуда да се откаже од предавството, но тие не допирале до срцето негово, кое било обземено со злобност и среброљубивост. Посочување на предавникот и излегувањето на Јуда од вечерата Господ Исус Христос го знаел предавникот и на Вечерата го навестил: „И кога седеа и јадеа, Исус им рече: ,Вистина, ви велам: еден од вас, што јаде со Мене, ќе Ме предаде.‘ Тие се разжалостија и почнаа еден по друг да велат: ,Да не сум јас?‘ А Он им одговори и рече: ,Еден од дванаесетте е, што мака со Мене во чинијата‘ “ (Матеј 26,20-25; Марко 14,17-21; Лука 22,14-23; Јован 13,21-26). Во Евангелието според Јован најопширно се опишани поединостите во врска со тоа, како Господ Исус Христос пред апостолите укажувал дека Јуда ќе биде Неговиот предавник. Ова може да го објасниме со фактот што светиот апостол и евангелист Јован бил најблиску до Господа Исуса Христа на Тајната вечера, та дури и главата си ја навалил на Него и затоа тој можел да ги чуе сите Христови зборови. Тој, како што забележал во Своето евангелие, откако се навалил на градите Исусови и му рекол: „Кој е Господи“, Исус одговорил: „ ,Оној е, на кого Јас ќе му натопам залак и подадам.‘ И кога натопи залак му го подаде на Јуда Симонов Искариот“ (Јован 13,25-26). На Јуда и во тие последни моменти му се дала можност да се откаже од својата предавничка намера и да се покае, но тој тоа не го направил. Зошто, пак, Господ Исус Христос, воопшто, го избрал Јуда за Свој апостол, кога, како Бог, знаел дека тој ќе го предаде? Во Светото писмо јасно стои дека Господ Исус Христос знаел дека ќе биде предаден од еден од 12-те и во разговорот со нив им рекол: „ ,Не дванаесетмина ли ве избрав Јас? Но еден од вас е ѓавол.‘ А зборуваше за Јуда Симонов Искариот, оти тој, како еден од дванаесетте, сакаше да Го предаде“ (Јован 6,70-71). Изборот на Јуда за апостол претставува возвишено покажување на љубовта Божја кон човекот и кон гршникот, како што и натопувањето на залакот и давањето од рацете Христови во устата на Јуда претставува најсовршено искажување на љубовта и грижата Божја за спасување на грешникот до последниот момент. Така се пее и во псалмите: „Штедар и милостив е Господ, долготрпелив и многумилостив“ (Псал. 102,8; 77,38; 110,4; Јерем. 3.12). Синот Божји заминува од овој свет предаден од Својот пријател и апостол, тоа било пророкувано уште во Стариот завет и запишано во Светото писмо, но преку тоа не може да се оправда лажниот Христов апостол и да ја олесни неговата виновност, односно личната одговорност за она што го направил. Јуда е виновен за тоа што останал при својата одлука, а предавството е лично негово определување, според својата слободна волја. Тој не морал да го изврши предавството и никој не смее да мисли дека тоа го направил за да се исполни кажаното, бидејќи Божјата промисла не ја укинува слободната волја на човекот. Бог однапред знаел дека Јуда ќе Го предаде, но исто така, знаел и дека тој сосема слободно ќе го изврши своето дело. Јуда не Го предал Христа затоа што Бог со Своето провидение тоа го видел однапред, туку причината за Јудиното предавство е во неговата лична слободна волја, со која можел да ја прифати љубовта и спасението или да се определи за гревот и смртта. Размислувајќи за Јуда и неговото предавство, ние не сме повикани да го осудуваме, туку сериозно да се себеиспитуваме и да прашуваме како што Го прашувале апостолите Христа: „Да не сум јас – да не сме и ние“ предавници на Христа! По каснувањето на залакот добиен од раката Господова, Јуда не ја примил последната опомена и не ја прифатил љубовта од Господа, туку го прифатил ѓаволот и тогаш влегол сатаната во него, па станал од Вечерата и излегол, заминувајќи кај првосвештениците. Договорени биле да ги одведе кај Господа и лично да им го предаде, во текот на ноќта – во времето на темнината и злото. „Откако предавникот зеде леб во рацете, скришно ги пружа и ја прими цената на Оној што со Свои раце го создаде човекот, и Јуда остана непоправен слуга и измамник.“ (кондак). „Тајна вечера“ – востановување на Светата евхаристија Оваа е најзначајната вечера Господова – Последната вечера со апостолате – Тајната вечера (Матеј 26,26-30; Марко 14,22-25; Лука 22,15-20; 1. Кор. 11,23-25). Пасхалната вечера, го поврзувале јадењето на Пасхалното јагне со јадењето на телото Христово. Се поистоветува Христовото тело со закланото Пасхално јагне. Ова е слика како Господ Исус Христос Го зема врз себе обичното човечко тело, Го благословува и го издигнува до спасението, и допушта тоа Негово тело да биде прекршено и дадено на сето човештво за спасение, преку Светата евхаристија. Виното на Тајната вечера ја претставува Христовата пролиена крв, која е „крв на Новиот завет“, односно, преку која се создава Новиот завет, новиот договор (тестамент) меѓу Бога и човекот. Со Голготската жртва на Господа Исуса Христа престанува крвната жртва во новозаветната Црква и се создава нов, многу посовршен завет од Стариот завет. Во Христовата смрт симболично се гледа смртта на Пасхалното јагне. Таа претставува почеток на Новиот завет и нова жртва за гревот на човекот, односно „за простување на гревовите“ (Матеј 26,28) и за спасение. Пасха за Евреите претставува најголем, но и најрадосен, спасителен празник. На тој ден тие Му благодарат на Бога за излегувањето од египетското ропство и за спасувањето од него. Тогаш со пасхалното печено јагне тие пијат вино. Господ Исус Христос на Тајната вечера, востановувајќи ја светата Евхаристија, создава нова радосна заедница во која секој може да учествува, откако ќе постане член на Црквата. Светата Евхаристија претставува најголем празник за христијанските души, извор на спасение, сокровиште на духовни и морални сили и добродетелен живот. Светата Евхаристија во Црквата е основа за Евхаристијата во царството Божјо и во идниот живот. Причеста им дава на христијаните многу повеќе, отколку Пасха на Евреите. Избавувањето од гревот преку Причесната, која се прима за простување на гревовите и за вечен живот, е многу позначајно од избавувањето на Евреите од египетското ропство. Најава за Петровото одрекување Апостол Петар горделиво се поставил над другите апостоли и рекол дека тој нема да се одрече од Христа, дури и сите кога би се одрекле. Но, токму тој ќе го стори тоа, му рекол Христос и тоа уште ноќта (Матеј 26,31-35; Марко 14,27-31; Лука 22,31-34; Јован 13,36-38). Така и се случило. Петар се одрекол од Господа трипати и го обзела силна тага, срам и страв, па горко плачел. И најсилниот апостол ја покажал слабоста на човечката природа и се видело дека смртта е страшна за сите. Петар, пак, научил дека треба да им се простува на луѓето заради нивните слабости и немоќи, и да биде милостив кон грешниците, како што бил милостив Бог кон него. Апостолот Петар бил со експлозивен карактер и многу брз. Тој горделиво се пофалил и Го разжалостил Господа. Ноќното пеење на петелот бил знакот што него, а и останатите апостоли, ќе ги потсети на неговото ветување, кога ќе го чујат второто пеење на петлите во Ерусалим. Тоа се случува во раните мугри, пред зората да зазори, зашто првото пеење на петлите е нешто по полноќ. Тогаш ќе се сетат на Христовите зборови. Во времето меѓу првото и второто кукурикање на петлите, Петар навистина трипати се откажал од Христа и кога го чул второто пеење на петелот, се сетил на Христовите зборови и горко заплакал (Марко 14,72). Потоа, цел живот, штом ќе слушнел пеење на петел, апостол Петар веднаш плачел. Прошталната беседа на Христа со 11 апостоли По причестувањето на апостолите, Христос ги искажал пророчките зборови за сè што ќе се случи: и страдање и слава (Јован 13,31-14,31). Им рекол: „Чеда, уште малку сум со вас.“ Им претскажал дека ќе се исплашат и ќе се разбегаат како овци без пастир. Но, за да не бидат обесхрабрени, ги утешува со најавата дека ќе воскресне и ќе отиде во Галилеја пред нив, и таму ќе се сретне со нив. Соблазнувањето на апостолите во моментите на Христовото страдање и нивното разбегување од Христа било нивна лична определба, а не од некакви надворешни прогони и притисоци. Иако Господ Исус Христос ги предупредил апостолите, кажувајќи им што ќе се случи со Него во Ерусалим, сепак, Гетсиманските и Голготските настани ја разнишале нивната вера во Него. Тие не разбрале сè што сакал да им каже Христос во Неговите поуки, но Он им говорел дека Он живее и дека и тие ќе живеат, и дека ќе има воскресение на мртвите. Завршување на Тајната вечера По завршувањето на Вечерата, Господ Исус Христос и апостолите заблагодариле на Бога молитвено, пеејќи „благодарствена песна“ (Халлел), која содржи делови од псалмите. Тие се помолиле и Му заблагодариле на Бога, и пред и по јадењето, за да нè научат и нас дека треба да се кажува молитва и пред и по јадење. Потоа, ја напуштиле куќата во Ерусалим, каде што ја јаделе Пасхата, и овојпат не се упатиле кон Витанија, туку, бидејќи било доцна во ноќта и затоа што сакале за празникот да останат во Ерусалим, тие излегле од градот и тргнале кон Елеонската Гора. Господ Исус Христос и апостолите решиле ноќта да ја минат под отворено небо на Маслиновата Гора. Христос отишол во Елеонската Гора каде што, уште ноќта, еврејските старешини и првосвештеници организирале да биде фатен. Тоа, по Божја промисла, се случило на оваа Гора, во Маслиновата Градина, за да не се направи бунт и врева меѓу народот во градот. Ако Христос беше нападнат и фатен во градот, можеби мноштво народ ќе се побунеше и тогаш Неговите непријатели ќе го исползуваа тоа да Го обвинат дека навистина Он е бунтовник и дека создава немири околу Себе, па се бунтува против еврејските старешини, против првосвештениците и против римската власт. Вакво обвинение не можеле да Му припишат на Христа, ниту, пак, тоа можело да се случи во Елеонската Гора, каде што бил само Он со Своите единаесет ученици и бил фатен без присуство на народ, во часовите на длабоката ноќ....
Делови од Скопје ќе останат без струја
Прес 24 - пред 3 часа
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија. Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа....
Времето денеска нестабилно со пороен дожд и грмежи
Прес 24 - пред 3 часа
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР. Минималната температура ќе биде во интервал од 6 до 12, а максималната ќе достигне од 18 до 25 Целзиусови степени. Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени. Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени....
Пронајдено 5-годишното девојче кое исчезна во парк Сарај
Прес 24 - пред 16 часа
Пронајдено 5-годишното девојче кое исчезна во парк Сарај. Од МВР информираа дека денеска околу 16:20 во паркот Сарај во Скопје исчезнало девојче на возраст од 5 години, а исчезнувањето во полиција го пријавила нејзина возрасна роднина. Девојчето имало руса долга коса собрана во репче, облечена во розев фустан и розеви кондурчиња со чорапи. Два часа подоцна поточно во 18:15 на ул.1 во Сарај поточно пред ТЦ-Сарај, од страна на случаен минувач пронајдено е исчезнатото дете Асија Халими....
Димитриевски: Ароганцијата на оние кои дозволија отварање на бугарски клубови во Македонија е ненадминлива
Прес 24 - пред 20 часа
Движењето ЗНАМ – За наша Македонија денеска по повод празникот на трудот Први Мај организираше пикник во Пелинце. Претседателот на движењето ЗНАМ, Максим Димитриевски во изјавата за медиумите им го честиташе празникот на сите граѓани и работници и им посака здравје, успех и среќа. Тој рече дека работничката класа е онаа што ја дигнала Македонија да стане држава. Димитриевски рече дека истовремено сака да испрати порака до актуелното раководство на СДСМ, при што рече: „Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат. Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија. Ниското ниво на комуникација нема да го прифатиме. Но, како и да е, ние позитивно продолжуваме понатаму и чест ми е што денеска токму овде традиционално во Меморијалниот центар Пелинце- АСНОМ,каде што се удрени темелите на современата македонска држава, гледам голем број на мои поранешни соборци и сопартијци, коишто ни се придружија на овој настан во организација на Движење ЗНАМ – За наша Македонија и нивниот број секојдневно расте. За разлика од раководството на СДСМ, тие ја прифатија подадената рака. Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, државните и националните интереси....
Мојсоска: На бугарофилите им кажавме дека местото не им е тука
Прес 24 - пред 21 часа
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали. ,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска. Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите. ,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска. Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока. ,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска. ,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5....
Синдикалците бараат минимална плата од 450 евра во првите 100 дена од новата влада
Прес 24 - пред 21 часа
Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз. Тие порачаа дека после 8 мај, кој и да дојде во владата, треба да ги исполни нивните барања во првите 100 дена. „Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците. Оттаму порачаа дека бараат достоинствени плати за да не мора, како што рекоа, својата егзистенција да ја бараат во Хрватска, Црна Гора или други земји. Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Претседателот на ССМ Слободан Трендафилов на денешниот протест порача дека работниците даваат црвен картон на Врховниот судот за неговата одлука да им биде одземен Работничкиот дом, појаснувајќи дека со тоа се направени обиди за притисок врз синдикатите....
Полицијата трага по измамници: Преку телефон вршат измами за наводно случени сообраќајни незгоди
Прес 24 - пред 21 часа
СВР Охрид презема мерки за пронаоѓање на лица кои деновиве, преку телефонски јавувања кај граѓани од Охрид, лажно претставувајќи се, вршат измами за случени сообраќајни незгоди во кои, наводно, жртви или тешко повредени биле членови на нивните семејствата или други нивни роднини. Со тоа создаваат огромна вознемиреност кај граѓаните, а целта на овие измами е да изнудат пари за наводна помош при понатамошната постапка. „Апелираме до граѓаните, да не наседнуваат на ваквите телефонски јавувања и веднаш да ги пријават на бесплатниот телефонски број 112 или лично во најблиската полициска станица“, се вели во соопштението на СВР Охрид....
Како да разликувате оригинал и фалсификувани евро монети ?
Прес 24 - пред 22 часа
Народна банка на Северна Македонија посочува на разликите меѓу оригиналните и фалсификуваните евра за да се намали ризикот на нашите граѓани, кои патуваат во странство и кои можат да дојдат во контакт со фалсификувани ковани евра. -Фалсификуваните евро монети можат лесно да се препознаат, доколку внимателно се провери дизајнот на предната и задната страна на монетата и нејзиниот раб: Дизајнот на фалсификуваните монети често изгледа заматен, со доста нерамнини и гребнатини, а формата им е неправилна. Натписите на рабовите на оригиналните евро монети се остри, заради полесно препознавање од лицата со оштетен вид, додека кај фалсификуваните се нејасни и непрепознатливи, а се разликува и растојанието помеѓу поединечните симболи и зборови, се вели во соопштението. Преку употреба на магнет, наведуваат дека може релативно лесно и едноставно да се утврди фалсификувана кована пара. – Централниот дел на монетите е изработен од посебен безбедносен материјал кој е поседува слаби магнетни својства, додека надворешниот прстен не поседува магнетни својства. За разлика од оригиналните, фалсификуваните монети имаат изразено силни магнетни својства или пак воопшто ги немаат, стои во соопштението од Народна банка....
Стојаноска: Со платформата 1198 како идна влада ќе имаме широк дијалог со синдикатите
Прес 24 - пред 22 часа
Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија, истакна Дафина Стојаноска, носител на изборна единица 6. „Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда“, посочи Стојаноска....
Ковачевски: Нека ни е честит 1 Мај, денот на трудот - СДСМ секогаш била на страната на работниците
Прес 24 - пред 22 часа
„СДСМ како единствена авентична социјалдемократска партија секогаш била на страната на работниците, а нашите социјалдемократските политики ги заштитија граѓаните и ја спасија земјата од колапс за време на кризите во изминатите години“, изјави претседателот на СДСМ, Димитар Ковачевски, на денешниот Првомајски пикник што се одржа во Градскиот парк во Скопје. Тој потенцираше дека за време на владеењето на СДСМ значително се унапредиле работничките права и се подобрил животниот стандард на граѓаните. „СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Нешто што беше незамисливо до пред само седум години. Незамисливо беше затоа што претходната власт на ДПМНЕ ги третираше и продаваше нашите работници низ светот како евтина работна сила. Верувале или не, со тоа привлекуваа инвестиции“, рече Ковачевски. Ковачевски потсети дека токму СДСМ е партијата која обезбеди недела да биде неработен ден и ги зголеми пензиите и платите во суштинските сектори како здравство, образование и безбедност. Никого не оставивме сам да се бори со последиците од кризата, водејќи се од принципите на солидарност и правда, истакна Ковачевски. „Кога ги носевме антикризните мерки, ние решивме да се однесуваме одговорно. Правилно го распределивме ограничениот буџет и ги вративме парите кај граѓаните кога беше најпотребно. Обезбедивме 2,6 милијарди евра за поддршка на граѓаните и стопанството со што го заштитивме животниот стандард и достоинството на граѓаните, но и ги зачувавме работните места.“ Лидерот на СДСМ на сите граѓани на Македонија им го честиташе 1 Мај – Меѓународниот ден на трудот и најави дека партијата останува верен сојузник и поддржувач на работниците....
Македонец уапсен во Косово
Прес 24 - пред 22 часа
Македонец баран по меѓународна потерница уапсен во Феризај од страна на косовската полиција. „Врз основа на меѓународна потерница, уапсен е маж, државјанин на Северна Македонија, кој со решение на обвинител е приведен“, се вели во извештајот на полицијата....
Пронајдени марихуана, кокаин, амфетамин - Скопјанец заврши зад решетки
Прес 24 - пред 22 часа
Вчера полициски службеници на СВР Скопје во содејство со Одделот за криминалистичка полиција – Сектор за недозволена трговија со дрога, оружје и опасни материи, по претходно преземени оперативни мерки и активности, го лишија од слобода И.Ј.(37) од Скопје. Имено, при претрес во неговиот дом во Сопиште, извршен со судска наредба, биле пронајдени и одземени марихуана, кокаин, амфетамин, семки од растение, три дигитални ваги со остатоци од дрога. И.Ј. е приведен и против него ќе биде изготвена кривична пријава по чл.215 од Кривичниот законик, а денеска (01.05.2024) тој е изведен пред судијата на претходна постапка, кој му определи мерка притвор во траење од 30 дена во КПУ Затвор Скопје....
СДСМ не ја прифаќа понудата на Максим Димитриевски
Прес 24 - пред 22 часа
Граѓаните и гласачите на СДСМ веќе ја препознаваат измамата која им е сервирана од страна на ЗНАМ и непринципиелните коалиции. За разлика од субјектите како ЗНАМ, кои се човек-партија СДСМ е државничка партија со длабоки и силни корени, се вели во одговорот на социјалдемократите на вчерашната понуда на ЗНАМ. Вчера Максим Димитриевски, претседателот на ЗНМ рече дека единствен услов за евентуална соработка со СДСМ е оставка на раководството на партијата во рок од 24 часа, а носителите и ко-носителите на кандидатските листи на нотар да изјават дека нема да прифатат пратенички мандати. „Нас не водат социјалдемократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности. СДСМ е единствената партија наследник на НОБ, на АСНОМ. Не прифаќаме условувања од било кого, СДСМ со никого нема да прави политички дилови. Ова е прашање на иднината на државата и со неа нема тргување“, соопшти денеска СДСМ....
Меѓународниот ден на трудот одбележан со првомајски протест и барања упатени до новата влада
Прес 24 - пред 22 часа
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, побара Сојузот на синдикати на денешниот протест организиран по повод Меѓународниот ден на трудот. Пред републичкото Собрание претседателот на Гранскиот Независен синдикат на полицијата, Гоце Делчев Тодев порача дека е потребно враќање на работниците во земјава, ставајќи акцент на младите кои континуирано се иселуваат. Од друга страна, претседателот на Независниот синдикат за образование и науки, Томислав Гиевски истакна дека работниците не смеат во ниту еден момент да се откажат од своите барања. -Ние заслужуваме и мора да добиеме превоз, храна и почитување на колективните договори. Зарем работникот не заслужува да им биде платен превозот како на господата во Влада што седат, само нивните автомобили трошат гориво?!. Ќе продолжиме со истиот притисок и најважно не смееме да се откажеме затоа што ќе ја изгубиме битката, изјави Гиевски. Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Претседателот на ССМ, Слободан Трендафилов рече дека работниците од новиот состав на власта очекуваат да ги почитуваат посочените барања. -Денеска сме тука да им кажеме на тие што ќе седнат во удобните фотељи дека не може да се одлучува за нас, без нас, дека ние работниците бираме и потоа очекуваме од нив да ги почитуваат нашите барања. Да им порачаме да не се грижат само за себе, да не го злоупотребуваат европското знаменце кога е на штета на работниците, а за 24 часа да се изгласаат 78 проценти зголемени плати, тие да уживаат, а ние да патиме, истакна Трендафилов. Пред Стопанска комора се обрати потпретседателот на ССМ, Иван Пешевски, кој посочи дека секој час некој работник го губи животот на работното место, дека младите не можат да се одлучат на семејство со договорите на дело и дека платите на работниците не се доволни за пристоен живот. -Да знаат газдите и власта дека се лопови на сите наши браќа и сестри кои што не гледаат од странство, кои си заминаа поради егзистенцијални причини затоа што немаа леб на своите деца да им дадат, одете прошетајте слушнете ги реалните проблеми на овие луѓе, на оние кои ве ставија во вашите фотелји, и што треба да ве гласаат прашајте ги за проблемите, а не да кажувате кој што направил или не направил, посочи Пешевски. Протестот заврши пред пред Владата каде присутните претставници на синдикатите ги повторија барањата....
Месечен хороскоп: Значителни финансиски придобивки, промена на работно место, остварување на желбите
Прес 24 - пред 23 часа
Овен Вашите желби магично ќе се остварат. Но, ова розово предвидување важи само за оние претставници на овој знак кои добро поминаа минатиот месец. Мај ќе им донесе заслужени награди на оние кои ја сакаат креативноста. Можно е едноставното хоби да се претвори во бизнис што носи постојан приход. Најверојатно ќе ви биде вратен долгогодишен долг или платена работа што сте ја работеле одамна. Можно е да сакате да стапите во сериозна врска и да започнете голема љубовна приказна. Не се исцрпувајте со диети, туку обидете се да јадете урамнотежена исхрана. Бик Претставниците на овој знак ќе треба да се потрудат да ја зацврстат својата материјална положба. На Биковите ќе им биде важно да си ја завршат работата на време. Во овој момент можете да изградите сериозна основа за успех до крајот на годината. ,Многу е можно да ви биде понуден интересен заеднички проект. Не го отфрлајте веднаш – ова е вашата шанса да станете свој шеф Во сферата на љубовните врски ве очекува средба која ќе се покаже како навистина судбоносна. Можете да започнете заеднички живот со таа личност. Ќе мора максимално тактично да пристапите кон решавањето на семејните проблеми – претераната директност може да ве чини. Близнаци Живејте за денес и планирајте за иднината без да се грижите за пропуштените можности, а ѕвездите ќе ви помогнат да достигнете нови професионални височини. Мај ќе биде особено добар за оние кои се занимаваат со интелектуална работа. Свежите идеи и иновативните пристапи ќе бидат ваши незаменливи придружници. Можете да сметате на неочекувани парични добивки. Сферата на личниот живот ќе блесне со нови бои. Домот постојано ќе бара од вас да решавате некои итни проблеми. Не ги одбивајте овие задачи – благосостојбата на вашето семејство навистина зависи од нив. Рак Во трката на теренот во кариерата, можете да престанете да бидете лидер поради појавата на нов конкурент. Застанете и нека го преземе водството. Сè уште ќе имате можност целосно да се изразите.Претставниците на овој знак ќе мора да покажат присебност и точност. Ова е единствениот начин да се постигне успех. Се очекува мирен период на работа, кој треба да се искористи. Ѕвездите категорично не препорачуваат да земете заем овој месец и да трупате долгови. Лав И покрај вашата гордост, ќе треба да се обратите кај вашите колеги за помош. Само така ќе успеете да постигнете високи резултати и афирмација на професионален план. Ако имате лидерски квалитети, ве очекува успех. Нема да ви биде тешко да ги заразите колегите со вашиот ентузијазам. Успешно спроведениот проект ќе донесе не само слава, туку и достојна награда за вложениот труд. Осамените Лавови можат да сметаат на ветувачка романса, но само доколку не го очекуваат првиот чекор, туку самите ја иницираат врската. Девица Месечината со себе ќе донесе многу предизвици, но тоа не значи дека не вреди да се трудите да ги решите. Девиците треба да се занимаваат со рутински задачи без брзање. Можно е зголемување на приходите. Вашето хоби или хонорарен бизнис конечно ќе стане извор на приход. Куќата ќе стане место кое ќе го доживеете како сигурна тврдина. Не барајте романтични авантури за да избегнете да станете жртва на измамници. Вага Сè што правите ќе заврши со совршен резултат, но само ако вашите намери се добри. Мај ќе биде особено добар за Вагите вработени во социјалната сфера и оние кои се волонтери. Месечината ќе бара од вас најголема искреност и искреност. Не обидувај се да скриеш нешто од другата половина. Осамените претставници на овој знак можат да започнат нова врска. Најверојатно некој од вашите заеднички пријатели ќе ве запознае со вашиот иден партнер, па не ги одбивајте поканите за забави. Шкорпија Ве очекуваат многу пријатни изненадувања, затоа подгответе се за долгоочекуваниот потег или големите набавки кои лесно ќе ги финансирате. Ова е одличен период за Скорпиите на полето на претприемништвото – партнерите ќе ви понудат неколку нови профитабилни шеми кои вреди да ги спроведете. Обидете се да не позајмувате пари, бидејќи може да изгубите добар пријател. Личниот живот ќе задоволи хармонија и целосно меѓусебно разбирање. Осамените претставници на овој знак можат повторно да започнат романса со поранешната љубов. Стрелец Ќе сакате да избегате од монотонијата. Кога ќе се појават проблеми, научете ги сите корисни лекции од нив. На работа, можни се скандали и кавги поради личност која дошла не толку одамна, но веќе успеала да внесе конфузија во добро координиран тим. Не грижете се – сè ќе биде откриено. На семејството ќе му треба помош за животните проблеми. Тие често ќе ви се обратат за совет и поддршка. Осамените Стрелци брзо ќе стават крај на секоја романса. Јарец Месечината ветува дека ќе биде доста предизвикувачка во секојдневните работи. Обидете се да не трошите премногу пари, дури и ако финансиските приходи доаѓаат во постојан тек. Слободните Јарци конечно можат да го освојат вниманието на личност која долго време е предмет на нивните романтични соништа. Во долгите врски можна е љубомора. Водолија Доколку долго време сакате да ја промените професијата или работното место, време е да преземете чекори во таа насока. Дејствувајте одлучно, а ѕвездите ќе ве поддржат и ќе ви дадат многу шанси за успех. Оние кои се одлучиле за кардинални промени ќе уживаат посебна среќа. Прашањето за финансии може да стане камен на сопнување. Не обидувајте се да ја поправите ситуацијата со лесни пари. Осамените Водолии нема да имаат време за забава – сите нивни мисли ќе бидат насочени само кон личен раст. Риба Мај ќе бара од вас максимална емотивна воздржаност, што секако нема да ви биде лесно. Само избалансирани претставници на овој знак ќе можат да напредуваат во кариерата и да постигнат значителни финансиски придобивки. Треба да бидете покреативни на работа. Може да ве вознемират неочекуваните финансиски трошоци, но сите ќе бидат поврзани со семејството. Личните односи можат да започнат нов круг на развој. Вашата сродна душа ќе се обиде да внесе нова нота во врската со организирање на слободното време. Дури и ако не ви се допаѓаат сите идеи, прифатете ја оваа иницијатива со благодарност....
Европски фронт: Ветингот, услов за нова Влада
Прес 24 - пред 23 часа
Арта Билали Зендели, претставник на Европскиот фронт на прес- конференција истакна дека ветингот ќе биде услов за новата Влада. Според неа, без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. „Денеска ви ја претставуваме една од заложбите на политичката програма „Европа 2030“ на Европскиот фронт, спроведување на процесот на проверка за сите носители на политички функции и носители на големи одговорности во областа на судството и борбата против криминалот и корупцијата. Без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Владеењето на правото, правдата и доброто владеење гарантираат еднаква лојалност и одговорност за секој граѓанин пред законот. Борбата против корупцијата и организираниот криминал ќе продолжи да биде бескомпромисна, со нулта толеранција, но овојпат засилена со точноста на системот за проверка во законодавната, извршната, судската, обвинителството и секоја друга функција во централно и локално ниво, за именувани или избрани лица“, вели Арта Билали Зендели. Како што вели, ветингот ќе овозможи поголема транспарентност на богатството на кандидатите кои сакаат да преземат јавна одговорност и како се постигнува тоа богатство. „Ова објективно следење ќе биде поттик за сите и можност за чесни човечки капацитети да излезат на површина за да им служат на потребите на луѓето. Ветингот за корупција е неопходна категорија која еднаш засекогаш ќе ја затвори вратата за поединци кои го ставаат личниот интерес над општото. Европскиот фронт за првпат инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Донесувањето на посебен закон за ветинг ќе биде најсилниот одговор против секоја тенденција за манипулација и злоупотреба на јавната положба“, завршува Арта Билали Зендели....
Тошковски во посета на ОВР Радовиш, ПС Стар Дојран, ПО Нов Дојран и ПК Богданци
Прес 24 - пред 23 часа
Во текот на вчерашниот ден министерот за внатрешни работи Панче Тошковски оствари работни посети на Одделение за внатрешни работи Радовиш, Полициска станица за граничен надзор и гранични проверки Стар Дојран, Полициско одделение Нов Дојран и Полициска канцеларија Богданци. „На подрачје на ОВР Радовиш безбедносна состојба е стабилна со солидна ефикасност на расчистени кривични дела и намалување на сообраќајни незгоди за 30%. Во однос на првиот круг од Претседателските избори 2024 евидентирани се 2 изборни инциденти и за истите е изготвена соодветна пријава. Од аспект на човечки ресурси има слаба пополнетост особено во делот на инспектори од криминалистичката полиција. ПС за ГН и ГП Стар Дојран покрива 32 километри гранична линија од кои 13 километри се сина линија на дојранското езеро. Кадровската пополнетост и тука е на многу ниско ниво поради што има проблем во ефикасното постапување особено во летниот период кога има зголемена фреквенција на патници. Во делот на илегалната миграција се бележи драстично намалување. ПО Нов Дојран покрива големо подрачје на кое живеат 3600 жители и во оваа организациска единица пополнетоста е алармантна на ниво од само 25%, што е сериозен проблем во летната сезона кога има голем број на туристи и зголемен број на настани.“м издвои министерот Тошковски. На територијата која ја покрива ПК Богданци живеат 9700 жители и се соочуваат со недоволен број на полициски службеници, а во моментот немаат ниту едно возило.Во иднина треба да се направи сериозна анализа за реструктуирање на овие мали организациски единици кои покриваат помали Општини, со цел да се овозможи ефикасно постапување на полицијата и во овие подрачја....
Малолетничка со велосипед прегазена во Прилеп
Прес 24 - пред 23 часа
Вчера во 09.20 часот во Полициската станица Прилеп било пријавено дека на ул.„11 Октомври“ во Прилеп патничко возило „југо“ со прилепски регистарски ознаки, управувано од Ј.М.(52) удрило во велосипед управуван од малолетничка, двајцата од Прилеп. Во несреќата со тешки телесни повреди се здобила малолетничката, констатирани во Градската болница Прилеп. Извршен бил увид од увидна екипа од Полициската станица Прилеп....
Со автомобил удрил во пешак, тешко повреден кривопаланчанец
Прес 24 - пред 23 часа
Вчера во 11.00 часот во Полициската станица Крива Паланка било пријавено дека на магистралниот пат Крива Паланка–Граничен премин Деве Баир, кај с.Конопница, патничко возило „пасат“ со кривопаланечки регистарски ознаки, управувано од О.М.(57) удрило во пешакот Д.С.(63), двајцата од Крива Паланка. Во несреќата со тешки телесни повреди се здобил пешакот, констатирани во ЈЗУ Здравствен дом - Крива Паланка. Извршен бил увид од увидна екипа од Полициската станица Крива Паланка....
Мицкоски: Денес работничките права се прекршени и погазени
Прес 24 - пред 23 часа
Денес работничките права се прекршени и погазени. Државата многу малку води грижа за тие кои создаваат и се р'бетот на нашата економија, посочи Христијан Мицкоски, претседател на ВМРО-ДПМНЕ. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница, рече Мицкоски. „Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја. Честит 1 мај, меѓународен ден на трудот!“, порача Мицкоски....
Малолетничка со велоспед прегазена во Прилеп
Прес 24 - пред 23 часа
Вчера во 09.20 часот во Полициската станица Прилеп било пријавено дека на ул.„11 Октомври“ во Прилеп патничко возило „југо“ со прилепски регистарски ознаки, управувано од Ј.М.(52) удрило во велосипед управуван од малолетничка, двајцата од Прилеп. Во несреќата со тешки телесни повреди се здобила малолетничката, констатирани во Градската болница Прилеп. Извршен бил увид од увидна екипа од Полициската станица Прилеп....
УХМР најавува град, пороен дожд, грмежи
Прес 24 - пред 23 часа
Следува период на променливо облачно време со повремени локални врнежи од дожд, информираат од Управата за хидрометеоролошки работи. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени....
Што добиваат центарци со Смарт осветлувањето?
Прес 24 - пред 23 часа
Општина Центар пред две недели започна со инсталирање на паметно јавно осветлување на цела територија на општината. Тоа значи дека граѓаните на Општина Центар добиваат јавно осветлување со нова ЛЕД технологија за автоматско димирање односно прилагодување на светлината следствено временските услови или зачестениот сообраќај на улицата. Општина Центар појаснува дека овие светилки не се палат мануелно туку тие почнуваат да светат следејќи го намалувањето на дневната светлина додека нивната јачина на светлост се зголемува како настапува ноќта. Исто така светлината на овие паметни светилки е во мирување со потивка осветленост кога на улицата нема движење односно зголемување на светлоста кога на улицата ќе помине пешак или автомобил. Светлината која ќе зрачи од овие нови паметни светилки ќе биде ниту многу жолта, ниту многу бела односно светлина која ја зголемува видливоста на возачите и пешаците. Тоа значи дека Општина Центар ќе има побезбедни улици за сите граѓани и учесници во сообраќајот но и побезбедни маала од било какви девијантни појави. Со овие светилки Општина Центар става крај на темните ќошиња. Воедно оваа технологија значи дополнителни заштеди за општинските средства и нивна пренамена во други нови проекти за граѓаните. Општина Центар преку реализација на овој проект ќе ја унапреди енергетската ефикасност со тоа што ќе оствари заштеда до 70% на потрошувачката на електрична енергија за јавно осветлување и повеќе од 75% на трошоците за одржување на сеуште постојниот систем. На територија на Општина Центар ќе бидат поставени 3982 улични светилки со нова технологија на ЛЕД светилки за паметно мерење и управување со електричната енергија. Инсталацијата на светилките ќе биде извршена во две фази и тоа по урбани заедници и истата опфаќа демонтажа на старите и монтажа на новите светилки. Предвидени се различни типови на светилки, вкупно 4 за различни типови на сообраќајници односно дали истите ќе бидат оставени на главни, споредни и резиденцијални улици, пешачки патеки или споредни улици. Процесот за менување на јавното осветлување го имплементира А1 Македонија и во Општина Центар го започна со поставување на Тип 1 светилките кои се инсталираат на најфреквентните улици во општината, а вчера започна и инсталирањето на Тип 2 светилките кои ќе бидат инсталирани на споредни улици низ целата општина односно близу основни училишта, градинки, паркови, шеталишта итн. Тип 3 светилките ќе бидат инсталирани на спореди резиденцијални улици, додека Тип 4 на споредните улици и пешачките патеки на територија на општината. Општина Центар ги информира граѓаните дека новите ЛЕД светилки немаат еколошки штетни материјали, немаат UV зрачење, имаат висок и предвидлив животен век, емитуваат светлина само во видливиот опсег, имаат компактна големина, намалена потрошувачка на електрична енергија, висока светлосна ефикасност, одличен индекс за рендерирање на бои, лесни се за рециклирање, помалку привлекуваат ноќни инсекти и се отпорни на вибрации и удари. Со новото јавно осветлување Општина Центар ја унапредува енергетската ефикасност, остварување на заштеда во однос на потрошувачката на електрична енергија и во однос на одржувањето на уличното осветлување и го подобрува квалитетот на животната средина....
Гужва на Богородица: За излез од Македонија се чека и по еден час
Прес 24 - пред 23 часа
На граничниот премин Богородица за излез од Македонија се чека и по еден час за возила кои се упатиле кој Грција. Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден....
Прегазен пешак во Скопје
Прес 24 - пред 1 ден
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје. Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје....
Ампева: „Гласен Текстилец“ даде бесплатна правна помош на 5369 работници
Прес 24 - пред 1 ден
Бесплатна правна помош за 5369 работници даде „Гласен текстилец“ во изминатиот период од 365 денови, истакна Кристина Ампева од „Гласен Текстилец“. Таа посочи дека оваа бројка е за една година, од 1 мај 2023 до 1 мај 2024 година. Забележува дека пријавите од работниците се однесувале на незаконски откажувања на договорите за вработување, откази за време на боледување и пренамена од неопределено на определено работно време од само еден ден, поради што многу работнички, претежно од текстилниот сектор останаа без работа, но и без опремнина која ги следува. -Да, текстилната индустрија се соочуваше со проблем, меѓутоа, начинот на кој работодавачите го правеа тоа, прекинување на договори, откази и слично, не доликува и не е човечно за некои што работеле по 25 години во дадена фирма. Навистина е проблем, бидејќи се соочуваат со тоа каде сега да најдат работа, поради возраста која што ја имаат. Дополнително, се уште се соочуваме во 21 век со доцнење од неколку плати, а со тоа и немање на здравствено и пензиско осигурување, рече Ампева. Прашана за позитивните исходи од судските рочишта, кои ги покренаа работници, а поддршка им даде „Гласен Текстилец“, Ампева вели дека отворени се 26 судски процеси, а три се мониторирани од страна на „Гласен Текстилец“. -Од кои два се случаи на повреда, кои резултирале со смрт на работно место. Мислам дека дел од тие постапки, ако не отидевме ние да ги мониторираме, ќе завршеа повторно на штета на работниците, изјави Ампева Според неа и анализите кои ги има „Гласен Текстилец“ генерално, работниците се охрабрени да ги бараат своите работнички права, самостојно да пријавуваат во трудовиот синдикат, но реалниот сектор се уште се соочува со исплата на минимална плата, без додаток за смена, прекувремена работа, работа на празник или ден недела како неработен ден....
Подгответе се: Неколку скопски општини утре ќе останат без струја
Прес 24 - пред 1 ден
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров. Како што соопшти РЦУК - Скопје, прекинот е поради технички зафати во електро дистрибутивната мрежа....
Силен земјотрес ја погоди Хрватска
Прес 24 - пред 1 ден
Силен земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ). Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела. Земјотресот бил на длабочина од 10 километри. Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала. Засега нема извештаи за повредени лица или за предизвикана материјална штета....
Дневен хороскоп: Пазете се од непромислени одлуки
Прес 24 - пред 1 ден
Овен Пазете се од непромислени одлуки кон кои можеби сте склони, особено што личноста под знакот Лав не сака да ви даде доволно поддршка. Во наредниот период важно е да знаете што сакате и како тоа да го постигнете, особено во однос на работата што ве очекува до крајот на мај. Бик Денеска може да биде многу интересен ден доколку си дозволите да уживате во одредени работи, особено кога станува збор за работи кои сте ги планирале подолго време. Личноста под знакот Водолија е ваш голем деловен „непријател“, но до крајот на денот мора да воспоставите некаков однос со таа личност. Близнаци Самиот почеток на денот ќе биде многу интересен бидејќи ќе имате многу нови работи за учење преку односите со луѓе со кои ќе започнете да соработувате на деловен план во следните неколку дена. Обидете се добро да се организирате и имате време и за себе и за деловната ситуација. Рак До крајот на денот, научете да користите некои мали трикови за да ги избегнете луѓето со кои не сакате да разговарате или да работите. Ова е многу интересен начин да се претворите во некој до кој не е лесно да се дојде. Лав Денес е совршен ден во однос на љубовта и решавањето на проблемите кога партнерот се поставува дека очекуваат многу повеќе од вас. Не брзајте и чекајте партнерот да иницира се што е потребно и се што има за да ве поддржи. Здравјето е одлично. Девица Денес ќе бидете под притисок на личност која сака да соработува со вас и со која веќе некое време избегнувате да разговарате на оваа тема. Не прифаќајте се веднаш како тешко и комплицирано, дозволете некој да ви се обрати и да ви објасни што има да каже за работните и деловните можности. Вага Пазете се од се што може да се активира доколку не сте доволно искрени, ако не сте доволно отворени со партнерот за неговиот деловен пат. Родителите или семејството не ве поддржуваат кога се во прашање плановите со партнерот, но на вас е да се изборите за такви работи. Шкорпија Ова е идеален период да се фокусирате само на работите кои ве интересираат и да не губите време на други луѓе. Во наредниот период од вас ќе се очекува многу повеќе во однос на работата и во однос на аспектите каде што треба многу повеќе да напредува бизнисот. Стрелец Во следните неколку дена ќе бидете многу експонирани токму поради работата, но научете дека сето тоа може да биде забавно и интересно, не треба премногу да се грижите за работи кои се уште не се ни започнати. Личноста под знакот Јарец е ваш лут противник на деловен план, но научете сето тоа да го прифаќате „спортски“. Јарец Вашата амбиција доаѓа до израз во следните неколку дена, но личноста под знакот Овен тоа не го сака и може да ви создаде деловни проблеми. Ова е идеален период да научите да се забавувате со себе во врска со идните деловни проекти. Водолија Во овој период се зависи од вас и од тоа како ќе се однесувате со луѓето околу вас. Заштитете се од разочарување, особено кога се во прашање односите со странски земји или со луѓе кои долго време не сте ги виделе. Бидете најважната личност во секој момент. Риби Ова е идеална можност да научите да бидете вашето најдобро и најважно јас ако тоа не е во описот на вашата личност. Човек Лав ќе ви биде многу благодарен за се што правите доколку обезбедите доволно информации и деловна поддршка во следните три дена....
Андоновски: Борбата против корупцијата ќе биде прв приоритет на идната Влада
Прес 24 - пред 1 ден
„При подготовката на програмата насловена „СТОП ЗА КОРУПЦИЈАТА“, се стаса до два заклучоци - прво дека корупцијата е развиена и на највисоко и најниско ниво во државата, а второ дека нема алатка за борба против корупцијата. Ако тргнеме од формалното, напишани се бројни стратегии, патокази, одлуки на странски тела, странски анализи. Меѓутоа, видовме дека државата нема концепт за борба против корупцијата и од таму тргна нашето осмислување на програмата“, изјави дополнителниот заменик министер на министерството за информатичко општество и администрација, Стефан Андоновски, на гостувањето на поткастот „Избори 2024: Партиски заложби против корупција“ на Институтот за демократија „Социетас Цивилис“. Прв пристап е во делот на спречувањето – односно во правосудството, коментираше Андоновски. „Преку проверка на имотот на судиите и јавните обвинители, ќе воведеме филтер кој ќе треба да води кон интегритет на судиите и јавните обвинители. Втората алатка е распуштање на распуштање на судскиот совет и јавни обвинители, чии што членови покажаа партизираност и непрофесионален однос. „Замислете, членови на партиски правни комисии се бираа да го водат судството.“ Третата алатка е да судиите и јавните обвинители да бидат раздвоени во посебни Академии – Академија за судии и Академија за јавни обвинители. Целта е судиите и обвинителите да не бидат на исто место со цел спречување на блискоста меѓу нив. Борбата со нашироко распространетата корупција мораме да ја водиме преку сеопфатна робусна дигитализација. „Дигитализацијата на регистрите и нивно поврзување ќе даде полесен пристап на сите граѓани, каде што не би можело да се чуваат предмети во фиока или пак, би можело да се дојде до потеклото на имот. Поврзувањето на Катастарот, Управата за водење матични книги, Управата за јавни приходи и Централниот регистар ќе даде вистинска слика за потеклото на имотот на функционерите, прикажување на имотот на високите административни и правосудни органи и со нив поврзаните лица....
Битиќи и кандидатите од ИЕ2: Со повисоки плати правично го вреднуваме трудот на работниците
Прес 24 - пред 1 ден
„На овој Ден на трудот, но и во останатите 364 дена во годината ние сме рамо до рамо со вас. Вреднувањето на работникот е главен постулат на социјалдемократските вредности за кои и се боревме овие седум години. Достоинствен живот за секој работник и работничка во нашата Македонија“, вели во видео обраќањето Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2, по повод 1-ви мај - Денот на трудот. Во празничното обраќање Битиќи заедно со дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Анета Здравковска, Билјана Муиќ) кажуваат дека обезбедено е трудот не само да се цени, туку и правично да биде награден. „Заеднички ја браневме нашата заедничка социјална кауза. Како Влада дадовме приоритет на растот на платите во сите сектори подеднакво, затоа што тоа е најважно за поттикнување на правичен социо-економски развој. Успеавме просечната плата двојно да ја зголемиме од 2016 година на речиси 40.000 денари“, кажуваат кандидатите, притоа потсетувајќи дека минималната плата од 10.000 денари во 2016 година, во март 2024 година изнесува 22.500 денари, што е зголемување од 125 проценти. „Ние се погриживме животниот стандард да остане не само недопрен, туку и подобрен во услови на инфлација“, велат кандидатите и кандидатките и нагласуваат дека овој раст не е случаен, туку дека тоа е резултат на намерна политика насочена кон подигнување и заштита на животниот стандард на работниците и работничките, политика на системски решенија. „Нашата посветеност на социјалдемократијата обезбеди растот на платите да е изолиран од партиски интереси. Трудот никогаш повеќе нема да биде пион во политичките игри, а ние цврсто стоиме да ги заштитиме правата на сите работници и работнички без оглед на етничка, религиска или партиска определба. Честит нека е денот на трудот“, вели Битиќи заедно со дел од кандидатите и кандидатки за пратеници на Коалицијата за европска иднина во ИЕ2....
ВМРО-ДПМНЕ: Каевски ја злоупотребил позицијата како директор на АМС
Прес 24 - пред 1 ден
Милионерот Каевски ја злоупотребил позицијата како директор на АМС, со распределбата на ваучерите направен милионски криминал, велат од ВМРО-ДПМНЕ. „Каевски како директор на Агенцијата за млади и спорт, неговиот наследник Наумче Мојсовски и Даниел Димевски од МОК се гонат заради сомнежи дека како директори на Агенцијата, но и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на пари, со што го оштетиле Буџетот на државата, но и луѓето што имале законско право на тие пари, а не им биле доделени. Во предметот на Државната комисија за спречување на корупцијата, врз основа на кој како што известија медиумите е поднесена пријавата и отпочната постапката се присутни сомневања дека спортските федерации, клубовите и спортистите добиваа ваучери, а одредена фирма ги реализирала под услов дел од парите да ги добие назад преку даночно ослободување. Сега е повеќе од јасно зошти Каевски беше најжесток гласноговорник на СДС, повеќе од очигледно е дека интересот му бил голем. По оваа афера станува јасно зошто спортот во Македонија во последните 7 години е на историско најниско ниво. Наместо за развој на спортот, парите наменети за истиот се пренасочувани во криминални шеми. Време е да го вратиме спортот во рацете на спортистите. Време Македонија повторнo да биде твоја“, стои во соопштението на ВМРО-ДПМНЕ....
Џафери: За нас почитувањето и еднаквиот третман на работниците и работничките права е императив
Прес 24 - пред 1 ден
Денес е 1 Мај, Меѓународниот ден на трудот, и, покрај честитките, дозволете да изразам и огромна благодарност до сите почитувани работници кои и во овие тешки околности на глобални кризи од здравствен, енергетски и економски аспект, посветено, одговорно и професионално придонесуваат во јакнењето на издржливоста, растот, развојот и конкурентноста на економијата во Република Северна Македонија, напиша техничкиот премиер Талат Џафери во честитката до граѓаните по повод Меѓународниот ден на трудот, соопшти владината прес - служба. Како држава, посочува Џафери, треба секогаш да размислуваме во насока на понатамошно унапредување на работничките права, да го споделуваме товарот и да покажеме солидарност. Да ги заштитиме и работниците, и работодавачите. Затоа што, секогаш може да биде подобро. -Да се чувствуваат посреќни, еднакви и рамноправни. Затоа што, само задоволни работници претставуваат и верни и лојални чувари на јавното добро. Тогаш стануваат моќни двигатели на домашната економија а со тоа овозможуваат и обезбедување на поквалитетен семеен стандард и живот, истакнува тој. Како идна земја членка на Европската Унија, како што посочува Џафери, наша заложба е да ги штитиме работниците и да осигураме еднаков и фер третман за нив од работодавачите, бидејќи секој работник е пред сѐ, човечко битие кое заслужува почит и достоинствен живот....
Претрес во Богданци: Пронајдена дрога, приведено едно лице
Прес 24 - пред 1 ден
Полициски службеници од ОВР Гевгелија, вчера во 16.10 часот во село Стојаково, општина Богданци, го лишиле од слобода В.К.(30) од село Стојаково. -При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава, се наведува во соопштението од МВР....
Митрески: Борбата за работничките права не престанува никогаш
Прес 24 - пред 1 ден
Претседател на Собранието на Република Северна Македонија, Јован Митрески од име на пратениците и од негово лично име упати честитки до работниците, до синдикатите и до сите граѓани на државава по повод 1 Мај, Меѓународниот ден на трудот, соопшти собраниската прес-служба. - Денешниот датум е уште една можност да се потсетиме дека почитувањето и соодветното вреднување на трудот на работникот е темелот на изградбата на рамноправно, економски просперитетно и социјално праведно општество. Тоа се премисите до кои треба да се придржуваме секојдневно, креирајќи и реализирајќи политики кои обезбедуваат поддршка на домашните претпријатија, привлекување странски инвестиции, отворање нови работни места, раст на платите. И кои им овозможуваат на граѓаните да се чувствуваат достоинствено, валоризирани и продуктивни на своите работни места, придонесувајќи на тој начин и за развојот на државата, напиша Митрески во честитката. Тој потсети дека овој собраниски состав ги донесе измените на Законот за минимална плата, со кои се утврди методологија за постојан раст на платите и на стандардот на граѓаните, со што е постигнат значаен исчекор во унапредувањето на правата на работниците. -Сепак, во оваа прилика, сакам да го изразам моето убедување дека борбата за работничките права не престанува никогаш и дека, независно од моменталните политички или економски прилики, секогаш е неопходно да се развива социјалниот дијалог на различни нивоа, меѓу работниците, синдикатите, работодавачите, стопанските комори и властите, истакнува Митрески. Според него, постојаното унапредување на работничките права, на стандардот на работниците, на условите за работа, на безбедноста на работните места мора да биде приоритет за сите релевантни политички и општествени чинители. -Тие фактори ги мотивираа работниците да ги вложат сите знаења и потенцијали во исполнувањето на своите работни обврски, чувствувајќи дека не се оставени сами на себе да го носат товарот на економските предизвици. Нека ни е честит 1 Мај, Меѓународниот ден на трудот. Да продолжиме да бидеме трудољубиви, рамноправни, како и храбри и решителни во зачувувањето и унапредувањето на работничките права, напиша Митрески во честитката....
Пендаровски: Човечкиот е најскапоцениот ресурс за секоја држава
Прес 24 - пред 1 ден
Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека треба сериозно да се посветиме на заштита и унапредување на работничките права, напиша претседателот Стево Пендаровски во пораката по повод 1 Мај, Денот на трудот. Според него, единствено задоволни работници се успешни и мотивирани работници кои можат да придонесат за напредок и просперитет на државата. За таа цел, како што потенцира Пендаровски, секој работник треба да има фер третман од страна на работодавачот, да се чувствува безбедно, сигурно и заштитено на работното место, да има достоинствени услови за работа, а неговиот труд да биде соодветно вреднуван. - Наша задача е да продолжиме да ги поддржуваме заложбите на синдикалните организации, да помогнеме во унапредување на стандардите и условите за работа, со цел сите работници да имаат праведни и еднакви можности за реализација и развој на професионален план, нагласува шефот на државата....
Јавниот превоз во Скопје денеска по неделен возен ред
Прес 24 - пред 1 ден
Поради празникот 1 Мај – Меѓународниот ден на трудот, денеска јавниот превоз во Скопје ќе сообраќа по неделен возен ред. Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров. Од јавното претпријатие додаваат дека жичницата ќе работи два часа повеќе од досега, односно од 10 до 20 часот. -Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје. Работното време е согласно со Одлуката за работно време на Жичарницата во период мај – септември....
Денеска се одбележува Меѓународниот ден на трудот ширум светот
Прес 24 - пред 1 ден
Денеска се одбележува Меѓународниот ден на трудот ширум светот.Овој ден се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови....
Денеска е Велика среда
Прес 24 - пред 1 ден
На Велика Среда се одбележуваат три значајни настани: Последното претсмртно помазание на Господа, Заговорот на јудејците за да го убијат и Јудиното предавство на Христа за триесет сребреници. И на Велика Среда се читаат библиските текстови кои се во контекст со претходните денови и во врска со настаните од денот (на Утрената: Јован 12,17-50; на Литургијата: Матеј 26,6-16). Последното претсмртно помазание на Господа Христос е помазан со миро во Витанија (Матеј 26,6-13; Марко 14,3-9; Лука 7,37-50; Јован 12,1-8). Според евангелските сведоштва, Господ Исус Христос и апостолите ноќта ја поминале „во Витанија, во куќата на Симона Прокажениот“ (Матеј 26,6). Во Евангелието, коешто се чита на Предосветената Литургија (Матеј 26,6-16), се вели дека токму на тој ден некоја жена излила миро врз главата на Господа Исуса Христа (Матеј 26,7). Со тоа, таа Него Го подготвила за погребение, како што рекол и Самиот Он (Јован 12,7). На Исток, помазувањето со миро било позната работа. Тоа се правело на значајни личности (на цареви и првосвештеници) или, пак, кога во домовите на побогатите ќе дојдел значаен гостин, кој бил особено почитуван и уважуван – и тој бил помазуван. Обично, при помазувањето, ја помазувале косата на главата, челото, лицето и брадата, а кога сакале кон некого да покажат исклучителна почит, му ги помазувале и нозете. Освен ова помазание, Евреите имале востановен обичај да ги помазуваат со мириси и телата на упокоените при погребувањето (види: Јован 19,39-40; Марко 16,1; Лука 24,1). Помазанијата на Господа Исуса Христа не смеат да се поистоветуваат, не треба да се спојуваат ни во едно, ни во две, бидејќи тие се три. Станува збор за три настани, кои меѓусебно се слични, но сепак имаат доволно разлики за да не се сметаат како еден настан. Различни се според: помажувачите, времето, местата, домаќините и начинот на помазувањето. Во Евангелието се спомнуваат три помазанија на Господа Исуса Христа со миро и тоа во различни места, од различни жени и во различни вечери. Имено: 1) Во Евангелието според Лука се спомнува „жена грешница“ која му ги помазала нозете на Исуса со миро излиено од „алабастрен сад“. Тоа се случило во Ерусалим, во домот на Симон Фарисејот (Лука 7,36-50). Според Светото предание, таа жена била Марија Магдалина „од која“ преку чудотворната моќ на Спасителот, „беа излегле седум демони“ (Лука 8,2). 2) Второто помазание е опишано во Евангелието според Јован, каде што се вели: „На шест дена пред Пасха дојде Исус во Витанија, каде што беше умрениот Лазар, кого го воскресна од мртвите. Таму Му приготвија вечера и Марта послужуваше… а Марија, како зеде литар скапоцено миро, ги помаза нозете Исусови, и ги избриша со косата своја“ (Јован 12,1-11). 3) Третиот случај бил пак „во Витанија, во куќата на Симона Лепрозниот“ (Марко 14,3 и Матеј 26,6). Тоа се случило два дена пред Пасха. Така се вели во Евангелието според Марко (Марко 14,1). И тогаш некоја жена, различна од првите две, чие име останува скриено, се удостоила да Го помаза Исуса со „скапоцено и чисто нардово миро“ кое го излила врз „главата Негова“ (Марко 14,3). Притоа, Спасителот рекол дека таа го помазала телото Негово, подготвувајќи го за погребение (Марко 14,8). Овој настан е забележан во Евангелието според Марко (Марко 14,1-9) и според Матеј (Матеј 20,6-13). Толкувачите се согласни дека овде се работи за еден ист настан којшто е опишан и во двете евангелија: во Евангелието според Матеј и во Евангелието според Марко. Анализирајќи ги трите помазанија на Христа, забележливо е тоа што во првите два примера мирото е излеано врз нозете Исусови, а во третиот случај, врз главата, и тогаш, жената што го излила мирото врз „главата Негова“, не се нарекува грешница. Свети Јован Златоуст за помазанието кај Симон Лепрозниот, вели дека не е незначајно тоа што ова помазание е извршено токму кај човек лепрозен и затоа е тоа нагласено крај неговото име. Симон бил лепрозен човек, кого Господ Исус Христос го излекувал од лепрата (опасна, заразна, смртоносна болест – неизлечива во она време). Лепрата се сметала за гнасна и нечиста болест и секој што ќе се допрел до лепрозниот станувал нечист и се заразувал, па требало да принесе жртва за очистување. Христос го допрел лепрозниот и не само што Он не се заразил, туку болниот се очистил. Затоа и бил во неговиот дом. Жената, пак, го видела тоа чудо, но сепак, со срам и страв приоѓала кон Христа, а со цврста вера дека Оној што ја очисти лепрата, лесно ќе ја очисти и нејзината духовна нечистотија. За чудо, пак, имало негодување за помазанието, односно за истурањето на скапоценото миро, кое можело да се продаде за повеќе од 300 динарии и да се помогнат сиромасите. Евангелистот Марко за негодувањето зборува неодредено, Матеј запишал дека тоа биле „учениците Негови“ (Матеј 26,8), а Јован, многу конкретно вели дека тоа го рекол: „Јуда Симонов Искариот, кој што подоцна Го предаде…“ (Јован 12,4-5). Значи, јасно е кажана и цената на мирото, кое било многу скапо, како и тоа, кој од апостолите негодувал и го рекол тоа. Јуда негодувал за парите од скапоценото миро, бидејќи бил среброљубец. Тој, замаен од среброљубието, сметал дека Господ Исус Христос има негрижлив став кон парите и кон богатството, та, просто, не можел да го разбере Неговото однесување. Ете, пред малку, Он ги вреднувал повеќе двете лепти на вдовицата, отколку големите богатства подарени од имотните Евреи, а сега, скапоценото миро Го растурал, иако можело за него да се добијат многу пари. Ваквото Христово однесување за Јуда немало никаква смисла и било неразбирливо, па го сметал за неисправно и неприродно. На таков начин, сатаната лукаво, вистинското го прави лажно, злото го претставува како добро итн., создавајќи превртеност на вредностите. Зошто Јуда приговарал за излиеното миро и зошто барал за него да се добијат 300 динарии? Затоа што бил среброљубец и затоа што бил нечесен, како што запишал апостолот и евангелист Јован: „Ова тој го рече не дека се грижеше за сиромасите, туку зашто беше крадец. Тој го чуваше ковчежето и крадеше од она, што пуштаа во него“ (Јован 12,6). По овие евангелски зборови можеме јасно да го сфатиме однесувањето на Христовиот среброљубив благајник Јуда. Ова е опомена и за нас, за да не претеруваме во световното и во материјалното. Реченото, дека добиените пари од продаденото миро можеле да се раздадат на сиромаси било сосема точно, но Бог повеќе сака вистинска оддаденост и дар, без елементи на пресметки и пресудување при давањето дарови, односно, Господ сака вистинско радосно дарување, без проценки и математики, како што вели свети апостол Павле: „Секој да дава од се срце, а не со жал или принуда; оти Бог го љуби оној што од срце дава“ (2. Кор. 9,7). Забележливо е и тоа дека на почетокот, при Неговото доаѓање во тело на земјава, уште во витлеемската пештера, Христос бил даруван со скапоцени дарови: злато, смирна и ливан (Матеј 2,11). Исто така, и на крајот од Неговиот живот во тело на земјава, Он бил помазан со скапоцени мириси. А ова помазување со миро, за кое Христос рекол дека жената „испревари да го помаже телото Мое за погребение“, се случило по Божја промисла, затоа што при погребението Он не ќе можел да биде помазан, па затоа било и одењето на жените мироносици на гробот – отишле за да го помазуваат со миро телото на Христа. Постапката на жената и постапката на Јуда се две крајни спротивности: жената е пример на пожртвувана љубов, а Јуда е пример на саможивост и егоизам. Таа не жали најскапоцена жртва за да покаже љубов кон Господа, а Јуда од ништо не се срамува и не се плаши, за да ја задоволи љубовта на Мамона (Мамон бил бог на богатството и парите). Таа го излила скапоценото миро, па дури и садот го скршила, давајќи се што има за Бога, а тој, бидејќи среброљубец само за 30 сребреници го продаде Господа, бесценетиот. Христовото помазание во Витанија била слатка капка, а Јудиното предавство, горка капка во чашата Господова. Овие две личности, засекогаш остануваат претставници на двете групи луѓе, кои различно приоѓаат кон Господа и кон спасението на душата. Блажени Теофилакт Охридски вели да се срамат сите кои претпочитаат нешто друго повеќе од Христа, па дури ни сиромасите. Еве, овде лично Господ Исус Христос покажал дека повеќе го цени служењето Нему, отколку на сиромасите. И уште, вели дека погрешно мислат оние кои сметаат дека може да се продадат златните садови за жртвопринесување во храмот и парите да се раздадат на сиромасите. Велелепието на храмот и на домот Божји е грижа на верниците и свештенослужителите, а во златниот дискос и путир се поставува вистинското тело и вистинската крв Христова. Не треба да ја прифаќаме мислата на Јуда, туку постапката на жената, која Го миропомазала Господа. Квалитетот и цената на мирото За квалитетот на мирото со коешто бил помазан Господ Исус Христос се вели дека било: вистинско, нелажно, чисто, нерастворено и посебно зачувано миро. Оттаму е утврдена и цената: скапоцено. Тоа значи дека било не обично, туку посебно миро. Нешто што се чувало како драгоценост. Можело да се продаде „за повеќе од триста динарии“ (Марко 14,5). Навистина, таа вредност е голема. Еден динариј била плата за една работничка дневница, а 300 динарии значи повеќе од 300 дневници. Тоа се пари за плати за цела една година. Дека 1 динариј вредел една дневница, пишува во Евангелието, во Параболата за работниците во лозјето (Матеј 20,1–16). Состав на мирото По својот состав мирото ги содржело следниве состојки: смирна, миризлив цвет на цимет, разни миризливи стебленца, маслиново масло и од многу други нешта. Жената излила врз Христовата глава „чисто, нардово миро“. Нард е билка која е распространета во Арапската пустина и низ Источна Индија. Позната е како камилска трева. Од коренот и од листовите на нардот се правело многу мирисно масло. И денес од нард се прават скапоцени парфеми. Во Новиот завет се спомнува во евангелијата според Марко и Јован. Сад за миро Чувано било во алабастерн сад. Бидејќи бил скапоцен мирис, обично, мирото се чувало во мали алабастерни садови. На Христовото помазување што го направила жената, се противел среброљубецот Јуда. Затоа, на Велика Среда се прославува жената грешница, а се укорува среброљубието на Јуда. Ете, грешната жена, грешницата – ја воспева денес Црквата, за тоа што таа Му принесе миро на Господа – а Неговиот апостол Јуда – предавство; таа се радуваше, истурајќи го скапоценото миро, а тој отрча да Го продаде Непроценливиот; таа Го позна Христа, а тој се одрече од Него; таа Му пријде, а тој си замина; таа се ослободи, а тој стана роб на гревот и ѓаволот. Заговор за убиство Јудејците се договориле да Го убијат. Библискиот текст вели: „По два дни беше Пасха и празникот Бесквасници; а првосвештениците и книжниците сакаа да го фатат на измама и да го убијат; но велеа: ,На празникот не, за да не стане бунт меѓу луѓето‘ “ (Матеј 26,3-5; Марко 14,1-2). Заговорот против Христа првосвештениците и книжниците го направиле во средата пред Пасха. Овој настан што се случил тогаш е причина во Црквата Христова среда да биде ден определен за пост, бидејќи тогаш Господ Исус Христос бил предаден и првосвештениците и книжниците се договориле да го фатат, лажно да го обвинат и да го осудат на смрт, распнувајќи го на крст. А во петокот бил паспнат. Непријателите сакале да го исползуваат предпразничното време, пред Пасха да го фатат и убијат, за да можат ослободени од Него да ја прославуваат Пасха. Господ Исус Христос, пак, го определил времето на Своите страдања и според промислата на Светата Троица, Он бил распнат спроти Пасха, затоа што Он Самиот е вистинската Пасха. Овде е забележано дека првосвештениците и книжниците донеле најконкретна одлука: Исус мора да биде фатен и убиен, и тоа, што е можно побрзо. Ним им недостасувало само погодно време тоа да го извршат. Тие, отишле дури дотаму во гревот, така што, на нивната морална и верска содржина, не им пречело убиството на Христа и биле согласни Он да биде убиен дури и на Пасха, не сметајќи дека со тоа ќе го осквернат праз¬никот. Тоа не им пречело, туку биле загрижени, од практични причини, „за да не стане бунт меѓу луѓето“. Тие се договориле „да го фатат на измама“, затоа што немале вистин¬ска причина со која би Го обвиниле, осудиле и убиле. Јудиното предавство на Христа Јуда Го предал Господа за 30 сребреници (Матеј 26,14-16; Марко 14,10-11; Лука 22,1-6; Јован 13,2,27). Во Евангелието е запишано вака: „Тогаш Јуда Искариотски, еден од дванаесетте, отиде кај првосвештениците, за да им Го предаде. А тие, штом чуја, се зарадуваа и ветија да му дадат сребреници. И бараше погодно време, за да го предаде“ (Марко 14,10-11). Јуда отишол кај првосвештениците со намера да им го предаде Господа Исус Христа. „Отиде“ – значи отишол сам, без некој да го повика, односно, првосвештениците не го повикале, па дури и тие биле изненадени од неговата постапка. Јуда, всушност, им ја олеснил нивната работа. Што го натерало Јуда да „отиде при првосвештениците“? Светиот евангелист Лука вели: „Влезе сатаната во Јуда“ (Лука 22,3), се разбира по негово допуштање и според слободната волја на апостол Јуда, бидејќи сатаната нема таква сила и моќ, без наша волја да раководи со нас, туку ние, со нашата слободна волја, му допуштаме. Светите отци истакнуваат уште една причина за желбата кај Јуда да го предаде Христа. Имено, сè до тој момент Јуда се двоумел дали Христос ќе биде Јудејски цар на земјава или не. Јуда повеќе посакувал Исус да биде политички цар. Зошто? За да добие некаква важна функција во државната власт. Но, неговите планови пропаднале кога видел дека Учителот се подготвува за страдање, за смрт и тогаш веќе, конечно ја изгубил сета надеж. Почнал да си размислува за себе и си велел дека од Христа не ќе може ништо повеќе да добие, а можел да биде само гонет, па затоа решил да искористи барем нешто, а тоа било да го предаде Христа и за тоа да земе некоја награда во пари. „И рече: ,Што ќе ми дадете, па да ви Го предадам?‘ А тие му предложија триесет сребреници“ (Матеј 26,15). Евангелието мудро ги открива работите. Забележуваме дека Јуда во оваа реченица не сака ни да го спомне името на Спасителот. А, не спомнува и никаква цена, туку, едноставно, си вели: дајте колку ќе дадете. Тој, пак, бидејќи не предложил цена за Исуса, тоа веднаш го направиле првосвештениците и „му предложиле триесет сребреници“. Тоа значи дека Исус е потценет и вреднуван само колку еден најобичен роб. Евангелскиот текст спомнува дека тие му ветиле „да му дадат сребреници”, од што, јасно заклучуваме дека Јуда се одлучил на предавство затоа што бил среброљубец и алчен за пари. Откако видел дека неговите надежи се завршени и дека играта во своите мисли, дека ќе биде важна личност во земното царство на Господа Исуса Христа е неисполнлива, а наскоро ќе нема и пари во ковчежето од каде што ќе може да краде, се одлучил да се откаже од Христа, да им го предаде на јудејските старешини, да се приврзе кон нив и да ја задоволи својата среброљубива страст, земајќи дури и толку малку пари. Според текстот од Евангелието според Матеј, точно се наведува ветениот износ што му го дале првосвештениците на Јуда: „30 сребреници“ (Матеј 26,15 сп: Зах. 11,12). Во Втората книга Мојсеева се спомнува дека износот од 30 сребреници претставувала цена определена како “крварина” за еден ненамерно убиен роб, како што е запишано: “Прободе ли, пак, волот роб, или робинка, тогаш на господарот нивни да му се платат триесет сикли сребро, а волот да се убие со камења” (2. Мој. 21,32). Исто така, познато е дека цената на еден најлош и безвреден слуга изнесувала 30 сребреници. Таа цена била определена и за Господа Исуса Христа во пазарот меѓу Јуда и првосвештениците. Откако ја договориле цената, и Јуда и свештениците, потоа, само барале „погодно време“ за да го исполнат договореното. Чудно било задоволството што го чувствувале и Јуда и свештениците! Јуда ја задоволил својата среброљубива страст и чувствувал задоволство како што чувствува пријатност алкохоличарот од голтката алкохол, клептоманот од украденото итн. Првосвештениците, пак, биле задоволни што можеле така безвредно да Го добијат галилејскиот Учител и уште еднаш да им се потврди нивната мисла дека парите можат сè и дејствуваат секаде, па дури и меѓу Христовите ученици. Синедрионците сакале да Го понизат Христа со цена за роб, иако можеле да понудат повеќе за бараниот Човек, а таквата „услуга“ чинела многу повеќе! Кој бил Јуда? Јуда бил Христов апостол. Човекот што одел постојано со Господа Исуса Христа и дење-ноќе, го слушал Евангелието, ги гледал чудата и добрините што ги правел Господ и знаел сè што треба да прави, го знаел доброто, а го извршил злото. Тој е пример за отстапништво. Пример колку може човекот да падне и да се оддалечи од Бога. Пример како праведникот може да постане грешник, апостолот – предавник. Среброљубието, парољубието, материјалноста, овоземното богатство и слава, злобата и зависта, му го обзеле неговото срце и тој станал предавник. Кога човекот ќе го опфатат тие гревови и пороци, тогаш, од таквиот може да пострада секој, па дури и Господ Кој бил единствено безгрешен во светов. Зошто и како можел Јуда да го предаде Господа, кога тој бил избран за апостол од Христа? Тоа покажува дека Бог, повикувајќи ги луѓето кај Себе, не им наложува ништо насила и не ги принудува, не ја присилува нашата волја, туку ја почитува нашата слобода и нè остава самите, со нашата слободна волја, да се определиме за доброто. Притоа, Бог само ни помага да се насочиме кон тоа, нè упатува, советува, помага, се грижи и сака да ја побуди нашата волја кон доброто и да станеме добри, но Он не одлучува, туку ние. Ако и покрај сè, некои не сакаат да бидат добри, нив Бог не ги принудува. А, ако Бог принудува, тогаш каква е нашата заслуга? Зошто тогаш да бидеме наградени за направеното добро, ако не е наша одлуката за тоа? Со кое право, пак, би нè казнувал за злото, кога Он е Којшто одлучува? Ние не сме виновни. Тогаш ние не сме ни за казна, ни за награда. Господ Исус Христос знаел кој го предал. Знаел дури и пред да го предаде. Тоа го покажал на Тајната вечера. Прекрасно објаснување на овие евангелски содржини има во богослужбата на Велики Четврток вечерта, ако внимателно ги слушаме антифоните. + + + Со Велика Среда се завршува редот на великопосните богослуженија и особености. Тогаш, последно се служи Предосветена Литургија и се прават длабоки поклони при пеењето на: „Нека биде благословено името Господово“…– (Буди имја Господне…). Некаде, особено по манастирите, и на Велика Среда се извршува чинот простување, како на Прочка. + + + Со богослужението на Велика Среда, завршуваат и великопосните Големи повечерија со поклони, како и читањето катизми на утрените богослужби, на часовите и на вечерните богослужби. Од овој ден до Томина недела не се богослужи Полуноќница (Полноќна богослужба). + + + На Велика Среда завршува мироварението и свареното миро се собира во 12 алабастрени садови, мои ги симболизираа т 12 апостоли кои ја имале благодатта Божја и добиле од Господа право да крштеваат и да миропомазуваат (во почетокот со полагање рака, а потоа, со свето миро). Преку апостолското преемство од Господа и апостолите, тоа право го примаат и свештенослужителите во Црквата Божја до денес. + + + Во овие денови се нè сврзува со спомените на нашата гревовност. Постојано мислиме и сочувствуваме со доброволното страдање на Христа за спасение на грешната човечка природа. Сето тоа во срцата на верниците предизвикува тага и плач. Тоа е плачење од созерцанијата – од духовното согледување на ужасните измачувања и крсните страдања на Синот Божји – нашиот Спасител Господ Исус Христос. Но, истовремено, побожните верници чувствуваат и неопислива радост заради своето спасение – заради спасението на човечкиот род, коешто е дарувано од Бога, преку Христовите страдања. Поради сето ова, во овие празнични денови христијаните се исполнуваат со благодарност кон Бога Искупителот.Во деновите на Страстната седмица, со солзи го оплакуваме поруганиот и распнатиот наш Спасител, но чувствуваме и неискажлива благодарност кон Бога за спасението што ни го дарува....
Од денеска жичницата на Водно со ново работно време
Прес 24 - пред 1 ден
Од ЈСП Скопје информираат дека поради празникот 1 Мај – Меѓународниот ден на трудот, јавниот превоз ќе сообраќа по неделен возен ред. Од 7 до 14 часот ќе работат билетарниците: на Транспортен центар и во Ѓорче Петров. Од денеска, Жичницата ќе работи два часа повеќе од досега, односно од 10 до 20 часот. Од 19-19.30 часот е последно возење од долу кон врвот, додека во 19.45 часот е последно возење од врвот надолу. Работното време е согласно со Одлуката за работно време на Жичницата во период мај – септември. – По повод претстојниот државен празник „Ден на трудот“, од „Паркинзи на општина Центар“ известуваат дека паркиралиштата со кои стопанисува ЈП Паркинзи на Општина Центар ќе бидат без наплата за сите граѓани. Редовната наплата за паркирање на паркиралиштата ќе продолжи на 02.05.2024 година (четврток) со вообичаено работно време....
Променливо облачно и топло, попладне пороен дожд
Прес 24 - пред 1 ден
Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи. Минималната температура ќе биде во интервал од 6 до 12, а максималната ќе достигне од 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање....
Филипче: СДСМ нема да трпи уцени, ќе пропаднат обидите да се подели партијата
Прес 24 - пред 1 ден
Носителот на изборната листа четири на СДСМ и Коалицијата, Венко Филипче, денес беше во посета на Валандово каде оствари средби со граѓани. Филипче ги промовираше мерките за земјоделците и се осврна на актуелната политичка состојба и пораките од партиите. -СДСМ нема да трпи уцени. Оние кои му мислат добро на СДСМ секогаш остануваат и се борат од внатре да ги менуваат работите на подобро. Вистинските социјалдемократи не бегаат и не се обидуваат да ја поделат СДСМ. Граѓаните и гласачите на СДСМ веќе ја препознаваат измамата која им е сервирана од страна на ЗНАМ. Паднаа маските, се открија скриените коалиции кои имале за цел ослабување на СДСМ. Но, за нивна несреќа тоа нема да се случи. Ја верувам дека има доволно време до 8 мај, оние кои сега ја видоа скриената агенда на ЗНАМ, да ја преиспитаат одлуката и да ја поддржат СДСМ на изборите, рече Филипче....
Селин Дион за болеста со која се учи да живее: Имам два избора
Прес 24 - пред 1 ден
Канадската поп-пејачка Селин Дион во интервјуто за на француското издание на списанието „Вог“ проговори за своето невролошко заболување наречено Синдром на вкочанета личност. Болеста ѝ беше дијагностицирана есента 2022 година. – Не сум ја победила болеста, таа сѐ уште е во мене и секогаш ќе биде. Се надевам дека ќе се случи чудо, дека ќе најдеме начин да ја излечиме преку научно истражување, но токму сега, морам да научам да живеам со неа. Значи, ова сум јас сега – со синдромот на вкочанета личност, изјави Дион. Таа потоа раскажува како изгледа нејзиниот живот по дијагнозата. – Во неделата, пет дена одам на атлетска, физичка и гласовна терапија. Работам на прстите на рацете, на нозете, колената, листовите, пеам… Гласот… Морам да научам да живеам со тоа сега и да престанам да се преиспитувам себеси. На почетокот се прашував: „Зошто јас? Како се случи ова? Што направив? Дали е моја вина?“, се потсеќа пејачката. Таа вели дека сега има два избора – да тренира или целосно да се повлече. – Животот не дава никакви одговори. Само треба да го живеете. Ја имам оваа болест од непозната причина. Како што ја гледам, имам два избора. Или ќе тренирам како спортист и ќе работам напорно, или „се исклучувам“ и останувам дома… Значи, ги слушам моите песни, стоејќи пред огледалото и ги пеам со цело тело и душа, со медицинскиот тим, повторно, нагласи Селин. Таа има голема поддршка од семејството и децата. – Пред сè, љубовта на моето семејство и моите деца, љубовта на обожавателите и поддршката на мојот тим – сè тоа ме крепи. Луѓето кои страдаат од СПС (кретенка за болеста, з.п.), можеби немаат доволно среќа или имаат средства да имаат добри лекари и добри третмани. Тоа е дар, знам дека ништо нема да ме спречи, појасни таа. На прашањето дали ќе се врати на сцената, Селин сè уште нема конкретен одговор. – Моето тело ќе ми каже. Од друга страна, не сакам само да чекам. Многу е тешко да се живее од ден за ден. Но, има едно нешто што никогаш нема да запре, а тоа е волјата. Тоа е страста. Тоа е сонот. Тоа е одлучноста!, заклучи поп-ѕвездата....
Петар Грашо ќе стане татко по вторпат
Прес 24 - пред 1 ден
Хана Хуљиќ Грашо (33) и поп-ѕвездата Петар Грашо (48) го очекуваат своето второ дете. Гордиот татко ја потврди среќната вест од Скопје за хрватскиот „ИН магазин“. Петар и Хана пред една година и девет месеци станаа родители за првпат на девојче. Хана последен пат се појави во јавноста пред десетина дена во Сплит на изложба и раскажа колку радост им донела ќерката Алба која во јули ќе наполни две години....
Левица со поддршка за утрешните протести организирани од синдикатите
Прес 24 - пред 1 ден
Во пресрет на 1 Мај, Левица, како единствена Партија на трудот, дава поддршка на утрешните протести организирани од синдикатите во Република Македонија. „Организираниот труд е искрата во модерното време во кое владее профитот како главен двигател на политичките текови кои создаваат богатство за малкумина потиснувајќи го мнозинството. Оваа држава ја одбраниле и изградиле работниците, а ја ограбиле великопоседниците. Левица има најопсежна и суштинска програма за трудовата политика, како ваша Партија – партија на работничкиот народ. Ни треба суштинска промена, не лажна козметика, и тоа: – 6 часовно работно време;– Укинување на договорите на определено време;– Зголемување на минималната плата на 2/3 од утврдената синдикална потрошувачка кошница;– Задолжителна исплата на платите до секој седми во тековниот месец;– Задолжителна дупла дневница за работа за викенди и празници;– Повторно учество на работниците во Управните одбори на претпријатијата;– Проширување на дефиницијата за професии со бенифициран стаж за трудово интензивни професии;– Здравствено осигурување и во случај на неисплатени плати и неплатени придонеси од страна на работодавците;– Воведување на дополнително татковско отсуство, за новородено дете имногу други мерки кои ќе го вратат вашето достоинство. Работници, вие сте столбот на општеството и без вас не може ништо! Пробудете се и зграпчете ја политичката моќ назад во свои раце“, велат од партијата....
Делови од Скопје утре ќе останат без струја
Прес 24 - пред 1 ден
ЕВН Македонија АД и Регионалниот центар за управување со кризи-Град Скопје, ги известува граѓаните дека, поради планирани технички зафати во електро дистрибутивната мрежа, без електрична енергија ќе останат: · Во период од 09:00 – 12:00ч дел од корисниците во с. Бардовци ( о.Карпош); · Од 09:30-14:00ч корисниците од ул.Дрезденска (о.Карпош)....
Силјановска Давкова: ДУИ да каже кој ги поддржал оти не се стапнати во ниту една европска партиска фамилија
Прес 24 - пред 1 ден
Кандидатката за претседателка од ВМРО - ДПМНЕ и коалицијата вечерва од митингот во Струмица го праша раководството на ДУИ да кажат кој ги поддржал бидејќи, како што рече, во ниту една европска партиска фамилија не стапнале, само локално и регионално ги познавале, ама марширале во место и си замислувале дека се европски претседатели. -И сега замислете го говорот, кога ние сме велеле твоја Македонија, горда Македонија, тоа бил екстремен национализам, зошто сме мислеле само на Македонецот. Зошто тогаш јас побарав да се преведе програмата и на албански, турски, влашки за првпат, на ромски, и на српски и бошњачки и веројатно видовте вчера. Не ја презентирав јас, туку тие си говореа на своите јазици. Кој е тука националистот. Не, ние не сме. Она што ние го практикуваме е нешто што може да се нарече, да либерален национализам. Сите држави порано или подоцна во 18 и во 19 век значи тргнале по патеката на нација држава исто така и ние. И Вилсоновото начело важи за сите, право на самоопределување. Ама ние денеска не велиме дека државата е само на Македонците оти тоа е реализирана цел, признаена цел. Ние сега зборуваме за граѓански концепт дека во овој народ влегуваат сите други, не е тоа твоја само македонска. Твоја значи на сите заедници без оглед на било каква припадност. И ги видовте вчера построени во Куманово сите, ама тие не го гледат она што е пред нив , туку тоа што мислат дека треба да е, рече Гордана Силјановска - Давкова....
Пендаровски и Силјановска-Давкова се оградија од повиците за бојкот
Прес 24 - пред 1 ден
Двајцата кандидати за претседател Стево Пендаровски и Гордана Силјановска-Давкова се на ставот дека граѓаните треба да излезат на гласање на 8 мај кога треба да се одржи вториот круг од претседателскиите избори. И двајцата вечерва се оградија од повиците за бојкот. На вечерашната дебата на „Клик плус“ на телевизија 21, Силјановска-Давкова рече дека е антиевропски чекор доколку не се случи потребната излезност од 40 проценти во вториот круг од претседателските избори, а Пендаровски рече дека мора да се почитува Уставот, иако смета дека не би требало да има долен праг. - Доколку не се случи излезноста од 40 проценти, тоа ќе биде уште еден антиевропски чекор, бидејќи Венецијанската комисија и ОБСЕ/ОДИХР по најмалку четири мислења велат дека е тотално нелогично во вториот изборен круг да имате цензус од 40 отсто оти кога одат двајца, еден треба да биде избран со релативно мнозинство, посочи Силјановска Давкова. Таа додава дека пораките за бојкот воопшто не се во духот на парламентарната демократија. -Некои пораки што ги слушаме за бојкот, воопшто не се во духот на парламентарната демократија, туку се наспроти парламентарната демократија, бидејќи јасно е дека овие 40 проценти туркаат во политички пазар, во уцени, во спогодби, а ние кандидатите бараме граѓаните да кажат дали сме за претседател подобни и соодветни, појаснува Силјановска Давкова. Според Пендаровски, не станува збор дали некој кандидат бара или не бара бојкот, туку за уставна одредба што мора да се почитува, а во која се вели дека 40 проценти од гласачкото тело мора да излезе за да има валиден претседател. - Овде станува збор за, за жал, уставна одредба која мора да се почитува, а која вели 40 проценти од гласачкото тело мора да излезе за да имаме валиден претседател. Јас сум да менуваме Устав и да немаме долен праг, затоа што кој сака да гласа има право да гласа, тоа никому не му е оневозможено, посочи Пендаровски. Повиците за бојкот, вели, доаѓаат од политичката структура која ја поддржува Силјановска Давкова. Според Пендаровски, треба да се избере претседател на 8 мај бидејќи во спротивно би влегле во политичка криза и неизвесност. - Од моја страна ниту некогаш било кажано, ниту некогаш помислено, гласачите кои ме поддржуваат да бидат наведувани на така наречен израз на ВМРО-ДПМНЕ - тивок бојкот. На секоја средба со граѓаните, на секој митинг јас велам „Излегувајте и гласајте. Македонија треба да има претседател на 8 мај, затоа што се друго освен тоа е влез во политичка криза, во неизвесност и тоа не ни е потребно. Јас сум првиот кој вели не за бојкот и ургирам сите, и оние кои ме гласаат и оние кои нема да ме гласаат да излезат и да го искористат своето демократско право, додава Пендаровски....
Мицкоски: Победата е на дофат, заедно да победиме за промени и да го испишеме следното поглавје од приказната за Македонија
Прес 24 - пред 1 ден
Ги слушнавме вашите гласови како одекнуваат низ улиците, одѕвонуваат од желбата за промена и обнова. И денес стојам пред вас, длабоко благодарен од вашата непоколеблива поддршка и инспириран од вашата издржливост. Дојде време уште еднаш да се слушне нашиот глас. Кога сонцето изгрева на денот на изборите, имаме свечена должност и света привилегија: да го дадеме својот глас и да го обликуваме текот на судбината на Македонија, изјави претседателот од ВМРО-ДПМНЕ, Христијан Мицкоски на митингот во Струмица. Мицкоски ги повика граѓаните во овој клучен момент, да ја потврдиме нашата посветеност на демократијата, на слободата и на вредностите кои не обединуваат како народ. - Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност, истакна Мицкоски. Мицкоски посочи дека победата е на дофат, но не е доволно само да веруваме во подобро утре, затоа мора да дејствуваме, да се мобилизираме и да гласаме, за да немаат можност да не уценуваат никогаш повеќе. - Ве повикувам да излезете на избори со гордост и со одлучност. Да тргнеме гордо и масовно на избирачките места, обединети за да може нашите гласови најсилно да одекнат низ сите краишта на Македонија. Заедно ќе изградиме иднина достојна за нашите амбиции. Заедно ќе го напишеме следното поглавје од приказната за нашата преубава татковина Македонија. Заедно ќе победиме, нагласи Мицкоски....
Пендаровски: Силјановска е соучесник на Мицкоски кога упатува навреди кон мене
Прес 24 - пред 1 ден
„Дали е можно дека тој европски премиер, политичар за мене вели има длабока, психолошка, внатрешна раздразнетост, и чувство на интелектуална инфериорност? Па да се оградевте освен ако не го поддржувате?“, ја праша вечерва кандидатот за претседател Стево Пендаровски неговата противкандидатка Силјановска, притоа посочувајќи ги секојдневните навреди кои кон него ги упатува Христијан Мицкоски. Силјановска не само што не се огради од навредите на Мицкоски кон Пендаровски на митинзите низ Македонија, туку тоа не го стори и во вечерашниот телевизиски дуел. Напротив, одговори иронично -„Јас не сум му ни родител, ниту учителка ниту е под мое старателство“, рече таа....
Николоски: Врвен претставник на криминал и корупција во Македонија е Артан Груби
Прес 24 - пред 1 ден
„Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна Влада предводена од ВМРО-ДПМНЕ“, истакна Александар Николоски, потпретседател на ВМРО-ДПМНЕ и носител на изборна единица 4 на митингот во Струмица. „Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски. Николоски ги повика граѓаните масовно да излезат на гласање. „Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски. Тој посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција. „Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски. Николоски додаде дека врвен претставник на криминал и корупција во Македонија е Артан Груби. „Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој. Тој нагласи дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ....
Силјановска Давкова: Уставните измени нема да го решат проблемот, туку ќе го продлабочат
Прес 24 - пред 1 ден
Кандидатката за претседател од ВМРО-ДПМНЕ Гордана Силјановска Давкова вечерва изјави дека ја прифаќаат Преговарачката рамка, но не и уставните измени. Во претседателската дебата заедно со кандидатот за претседател поддржан од СДСМ Стево Пендаровски на ТВ21 потенцираше дека уставните измени нема да го решат проблемот, туку дека напротив ќе го продлабочат. - Преговарачката рамка ние ја прифаќаме. Ние не го прифаќаме само елементот врзан за уставните измени и мислиме дека со поинаква добрососедска интерпретација, дека ако се копенхагенски критериуми во прашање може вето, нека си разговараат комисиите инаку не може да се употреби тоа за вето и ги почитуваме европските темелни вредности и принципи и преговарачката рамка, ама и себе претседателе, рече Силјановска Давкова. На новинарско прашање како земјава ќе го продолжи патот кон ЕУ и како ќе се надмине проблемот со закочените измени во Уставот, Силјановска Давкова рече дека ако некој ги закочил уставните измени, тоа е сегашниот технички премиер, бидејќи не го ставил во првата фаза на гласање предлогот за измени на Уставот, само помина во Комисијата. - Тој го стави во фиока и со тоа се самопрогласи за американски претседател кој на некој начин во џеб ги стави уставните измени, а нема право на тоа. Јас сум за тоа и кажав оние кои можат да предложат уставни измени, тие тоа не го процесуираа, инаку ќе се видеше дека слично како и народот, и пратениците внатре, дури и од опозицијата некои мислат слично на мене, дека нема потреба од такви уставни измени на ваков начин, порача Силјановска Давкова....
Пендаровски: Силјановска Давкова нема одговор како ќе ја надмине блокадата на патот кон ЕУ
Прес 24 - пред 1 ден
Во вечерашниот прв телевизиски дуел на телевизија 21, претседателскиот кандидат Стево Пендаровски истакна дека неговата противкандидатка нема одговор како ќе ја надминеме блокадата на патот на државата кон Европската Унија, односно како ќе се надмине проблемот со закочените измени на Уставот. „Значи, вие не одговоривте, не кажувате како ќе се откочат тие промени, односно како ќе се деблокира нашата сегашна блокада кон Европската Унија, претпоставувам тоа е суштината на вашето прашање. Значи, партија која три години наназад правеше улични протести против европската преговарачка рамка и цело време изјавува дека само како Бугари сме можеле наводно да влеземе во Европска Унија не може да се вади на процедурални работи“, потенцираше Пендаровски. Во оваа насока, тој додаде дека ако државата сака да ги продолжи преговорите со ЕУ, мора да се направат уставни измени. „Со овој став на сегашнава опозиција ако утре биде власт па дури и ако остане во опозиција, а за уставни промени знаеме дека требаат две третини ние нема да стигнеме до 2050 да бидеме членки. Со оваа опозиција и со утрешната опозиција, или со утрешната власт која ја поддржува госпоѓата ние не можеме до крајот на веков да станеме. Тоа вие мислите дека ќе можете од позиција на нечленка да ги условувате овие кои се членки вака да направат. Еве ги заклучоците на букурештанскиот самит на НАТО, 2008, кога не одбиваат. Значи, тоа е една брутална формулација, тоа е меѓународна политика, вели оваа земја кандидат за членство во НАТО, Поранешна Југословенска Република Македонија во тој момент ги исполни сите критериуми за членство остана уште спорот билатерален со Грција. При влез во Обединети Нации ние имаме услови за сите други членки, за нас имавме плус услов. И сега што требаше да направиме да останеме надвор од ОН? И денеска ќе бевме држава? Тоа се „сила Бога не моли“ во меѓународни односи. Ти кажуваш дека не треба така, дека тоа е услов кој не е за другите поставен, меѓутоа тој ти вели тоа е. Зборуваме за реал политика, не за правнички толкувања во кабинети“, заклучи Пендаровски. На ова, во недостиг на аргументи, Силјановска Давкова, зборувајќи на англиски упати навреди кон Пендаровски, односно рече: Не само што не е wishful thinking, туку нема thinking, no thinking работава е“....
Апасиев: Македонска платформа за да запрат уценувањата на албанското малцинство
Прес 24 - пред 1 ден
Левица нуди македонска платформа, со која конечно ќе биде запрено уценувањето од албанското малцинство при формирањето на идната влада. Тоа го порача партискиот лидер, Димитар Апасиев, на Народниот собир што го партијата Левица го организираше во Охрид во рамки на својата предизборна кампања. - На избор пред граѓаните се три платформи, на нив останува за која ќе се определат на престојните Парламентарни избори на 8 мај. Првата е веќе познатата „Тиранска“ платформа. Независно дали се нарекуваат Европски фронт или Вреди, тоа е иста необалистичка матрица која тежи кон разградување на државата. Втората е „Софиската“ платформа што ја поддржуваат македонските буржујски партии, одродената македонска елита – СДС и ДПМНЕ, од кои едните ја поддржуваат отворено, другите латентно. Нашите информации говорат дека во првите сто до 200 дена е договорено внесување на Бугарите во Уставот. И третата, тоа е платформата што ја застапува Левица, а тоа е македонска платформа во пет точки, со цел конечно да запре уценувањето при составувањето влада од албанското малцинство, рече Апасиев. Како што посочи тој, тоа е изборот, тоа се трите платформи на кои ќе се кршат копјата на 8 мај. - Влегуваме во фото-финиш на кампањата, очекуваме минумум да го удвоиме резултатот од првиот круг од претседателските избори. Поддржавме независна кандидатка, тоа беше горе-долу очекуван скор. Но сега, доаѓаат нашите главни избори, на 9 мај ќе славиме од осум до 12 пратеници, тоа се нашите реални очекувања, рече Апасиев. Јована Мојсоска, носител на кандидатската листа на Левица во Петтата изборна единица, од своја страна рече дека на овие избори партијата ја сведочи најавената пасокизација на социјалдемократите. Според неа, влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали. - Сведоци бевме дека тука во Охрид кога се отвораше фашистикиот клуб „Цар Борис“, Левица повика на масовен протест, а народот тоа го поддржа. Фијаското на СДС произлегува од тоа што ги предадоа сите АСНОМ-ски идеали врз кои почива Републиката, рече таа. Мојсоска уште потсети дека ниту од СДС ниту од ДПМНЕ немало реакција на остранувањето на спомен-плочата на АСНОМ од пред дивоградбата на објект во Охрид. Таа порача дека првото што новата власт ќе направи е дека ќе ја врати отстранетата плоча, а Охрид ќе биде ослободен од узурпарот, советникот Нефи Усиени, кого го поддржувала секоја од досегашните власти....
Мицкоски до Османи: Слоганот не е шовинистички туку означува дека ќе ја вратиме Македонија на народот
Прес 24 - пред 1 ден
Лидерот на ВМРО ДПМНЕ, Христијан Мицкоски вечерва од митингот во Радовиш упати порака до Бујар Османи дека нивниот изборен слоган не е шовинистички, туку тој означувал дека Македонија ќе ја вратат на народот, кој власта безмислосно го крадела. -Бујар Османи ќе обвини дека слоганот „Македонија повторно твоја“ бил шовинистички слоган. Тоа може само да го каже неук човек кој е вистинси шовинист и кој Македонија не ја чуствува за своја татковина, затоа што јас кога ќе кажам Македонија мислам на сите граѓани кои живеат во нејзе. На Македонците, но и на Албанците, Турците, Ромите, Србите, Власите, Бошњацитеи сите останати. Кога Бујар Османи ќе каже Македонија тој не ја чуствува за своја татковина, иако бил министер во сите можни влади на Македонија. Иако црпи пари и плати од државата која не ја признава за своја татковина. Е тоа е шовинизам на дело. Да ги признаваш парите што ги земаш, но и државата која те плаќа. И лицемиерието е поголемо што токму Бујар е министер за надворешни работи и од него се очекува да ги брани интересите на Македонија пред светот. Македонија е и твоја држава, сакал или несакал да признаеш. Мојата борба е Македонија да ја вратиме на народот, истиот тој кој безимислосно го крадете и осиромашувате, нагласи Мицкоски. Тој истакна дека времето на Артан и Бујар помина, а доаѓа ново време кога Македонија се враќа во рацете на народот. -Времето на Артан и Бујар престанува. Доаѓа ново време кога Македонија се враќа на народот. Ковачевски треба да престане да ја бара вината во сите други само не во себе. Доцна се сети дека ДУИ ќе биде јамката околу него која ќе му ја заврши и неговата кариера. Но, си ја продаде душата за грст привилегии и тендери. Е сега го плаќа цехот. Ако нешто не му е јасно нека ја види разликата од над 180 илјади гласови. Тоа е кога народот на Македонија некому му вели доста е, рече Мицкоски....