Радио Слободна Европа ја отвори за аплицирање стипендијата за новинарство „Вацлав Хавел“
Радио Слободна Европа - пред 10 часа
„Стипендијата за новинарство Вацлав Хавел“ за 2025 година е отворена за аплицирање на независни новинари во земјите од Источното партнерство на Европската унија и Руската Федерација. Целта на стипендијата е да им помогне на новинарите аспиранти од регионот да ја продолжат својата професија како поддршка на медиумскиот плурализам и независност. „Стипендијата за новинарство Вацлав Хавел“ за 2025 година е отворена за аплицирање на независни новинари во земјите од Источното партнерство на Европската унија и Руската Федерација. Целта на стипендијата е да им помогне на новинарите аспиранти од регионот да ја продолжат својата професија како поддршка на медиумскиот плурализам и независност. Покрената во 2011 година, „Стипендијата за новинарство Вацлав Хавел“ е инспирирана од верувањето на покојниот чешки претседател, Вацлав Хавел, во трансформациската улога на новинарството во оспорувањето на тиранијата и угнетувањето и се надоврзува на наследството на Радио Слободна Европа (РСЕ) за промовирање поотворени општества преку новинарството. Стипендијата е заедничка иницијатива на Министерството за надворешни работи на Република Чешка и РСЕ, кофинансирана од Министерството. Стипендијата е седуммесечна програма која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионален и независен печат. Соработниците поминуваат шест месеци во седиштето на РСЕ во Прага, во соодветен јазичен сервис, за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: Професионално менторство, заедно со искусни професионалци на РСЕ Обука и развој на новинарски вештини на традиционални, мултимедијални и дигитални платформи Учество во дневните уреднички дискусии кои информираат за професионален и независен печат Самостојна работа на личен проект Разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии поврзани со слободата на медиумите во нивната земја. За стипендистите ќе се обезбеди месечна стипендија во бирото и во Прага, домување, здравствено осигурување и аранжмани за патување до и од Прага. За повеќе детали и за аплицирање кликнете ТУКА....
Грузискиот парламент на второ читање го усвои законот за „странски агенти“
Радио Слободна Европа - пред 11 часа
Вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе види ги сите денешни вести мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Протест на синдикатот во Белград: За демократски и работнички рестарт
Радио Слободна Европа - пред 14 часа
Вести мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Тирана го одбележува Денот на трудот со апели до младите да не се иселуваат
Радио Слободна Европа - пред 14 часа
Вести мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Добри односи со Кина, Русија, САД и членство во ЕУ се приоритети за Србија, рече мандатарот Вучевиќ
Радио Слободна Европа - пред 15 часа
Вести мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Работниците ширум Европа и Азија бараат поголеми работнички права
Радио Слободна Европа - пред 16 часа
Вести мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Работниците протестираа за повисоки плати и почитување на нивните права
Радио Слободна Европа - пред 17 часа
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада и исплата на трошоците за храна и превоз, се само дел од барањата што работниците ги испорачаа на првомајскиот протест. Црвен картон од Сојузот на синдикати доби Врховниот суд, поради одлуката да им биде одземен Работничкиот дом. Симболично, пред Работничкиот дом, објектот кој со последната одлука на Врховниот суд треба да им биде одземен на работниците, Сојузот на Синдикати на Македонија (ССМ) го почна традиционалниот првомајскиот протест, по повод Меѓународниот ден на трудот. Претседателот на ССМ, Слободан Трендафилов, порача дека работниците му даваат црвен картон на судот, поради „направените обиди за притисок врз синдикатите“. Додаде дека и покрај тоа, сработниците се сè посилни и обединети во борбата за достоинствен живот и почитување на нивните права. „Судот дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Но, ние синдикатите, ние работниците, ние граѓаните, пензионерите сме сите тука денеска, за да покажеме дека колку повеќе не напаѓаат, толку посилни не прават и колку повеќе се обидуваат да ги уништат синдикатите, ние стануваме уште посилни“, рече Трендафилов. Првомајски протест на работниците, Скопје, 1.5.2024 Работниците потоа се упатија кон Собранието. Со музика, транспаренти, свирежи, организирани преку своите синдикати, тие ги претставија главните барања: минимална плата од 450 евра за сите работници и враќање на трошоците за храна и превоз. „Мораме сериозно да ја сфатиме работата и сериозно уште од почетокот кој и да седи во ова Собрание, постојано да продолжиме со притисокот, затоа што ние заслужуваме и ние мораме да добиеме превоз, храна и почитување на колективните договори. Зарем работникот не заслужува да му биде платен превозот како на господата што седат зад нас, па зарем само нивните автомобили трошат горива? Не им попуштаме, затоа што ако се откажеме ќе ја изгубиме битката, а ако продолжиме, не може никој да го сопре работникот“, порача од пред Собранието, Томислав Гиевски, претседател на Независниот синдикат на образование и наука (НСОН). Видете и ова: Сага за Работничкиот дом - зградата во која се судрија социјализмот и капитализмот Пешевски: Газдите да ги почитуваат колективните договори Здружени во своите барања беа и вработените во културните институции кои исто така излегоа на улица, како и вработените во јавното претпријатие Водовод, Македонски пошти, но и работници од други државни и приватни компании. Синдикалците скандираа и пред седиштето на Стопанската комора, од каде упатија и „поздрав“ до своите работодавци. „Од срце ве замолувам да им свртиме грб на газдите зад нас што уживаат по Турција, Грција и така натаму. Да знаат дека без нас не можат, да знаат дека оваа држава и овие компании се изградени од работничка крв и пот. Да знаат дека ни го украдоа правото на пауза на дневен, неделен и месечен одмор, да знаат дека не се живее со 22 500 денари и да знаат дека треба да ги почитуваат колективните договори што ги потпишале“, порача Иван Пешевски од ССМ, претседател на синдикатот за градежништво и индустрија. Првомајски протест на работниците, Скопје, 1.5.2024 Барањата за повисоки плати, подобри услови за работниците, но и пораки до новата влада по изборите на 8 мај да не заборави на нив, синдикалците ги испратија и од пред Владата на Северна Македонија. „Кој и да седне во оваа Влада по 8 мај ќе дојде овде со 78 проценти повисока плата. Во минатата, но и оваа година, колку пати бевме овде присутни, а колку барања останаа неиспорачани. Сакам само да им порачам на оние што сега ќе дојдат во Влада, да не им текнало да го допрат колективниот договор, затоа што со тој договор вработените во јавниот сектор конечно ќе добијат просечна плата, а не минимална како сега. Да не им текне да ги пипкаат правата на работниците, без разлика дали е приватен или државен сектор, бидејќи само вака сложни, излезени на улици ќе се одбраниме и ќе го добиеме она што ни следува“, порача Трпе Деановски, претседател на УПОЗ. Видете и ова: Работниците протестираат за плати, политичарите во кампања за гласови Првомајскиот протест пак доаѓа во очи вториот круг претседателски и парламентарни избори кои во Северна Македонија ќе се одржат на 8 мај, а по кои ќе се формира и нова Влада. Токму во пресрет на денешниот протест, но и во еден меѓуизборен период синдикалците повеќепати излегоа на улица - протестираа вработените во „Национални шуми“, Водостопанство, Фондот за здравствено осигурување, а со протести и штрајк се заканија и вработените во Пошти. Сите пораки кои беа испратени, синдикалците ги повторија и денеска со апел до идната Влада да го почитува правото на работникот. Единаесет грански синдикати на КСС не го поддржаа протестот Сепак, и покрај големата поддршка и здруженоста на синдикалните организации на првомајскиот протест во организација на ССМ, претседателот на Конфедерација на слободни синдикати (КСС), Благоја Рапловски, соопшти дека 11 грански синдикати кои влегуваат под КСС нема да се појават на маршот. „Добро е што конечно им текна дека треба да излегуваат на улиците и да си ги бараат соите права. Но, мислам дека во иднина, ако имаме коректни односи меѓу двете синдикални организации, дека можеме заедно да излеземе на улиците и да си ги бараме своите права“, изјави Ралповски. Тој додаде дека членови на Самостојниот синдикат на образование и култура (СОНК), Синдикат на администрација, државна управа и правосудство, синдикат за транспорт и врски и членови на уште неколку синдикати во нивен состав, денеска не протестираат. Видете и ова: ФЗО најави генерален штрајк ако вработените не добијат повисоки плати „Ние денеска нема пред кого да протестираме. Имаме техничка Влада, ќе имаме нова влада во текот на следниот месец. Бараме од сите тие што претендираат да бидат носители на таа влада, да дојдат и да ги презентираат нивните програми пред нас“, истакна Ралповски. КСС и ССМ веќе подолг период дејствуваат одвоено, а иако и двете организации се борат за подобри работнички права, сепак тие не одржуваат заеднички протести. Artboard 4 Придружете се на Заедницата на Слободна Европа на Вибер...
Судир меѓу пропалестински и произраелски групи на кампус во Калифорнија
Радио Слободна Европа - пред 17 часа
Вести мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
САД разочарани бидејќи две лица кои се на црната листа се предложени да бидат дел од новата српска влада
Радио Слободна Европа - пред 17 часа
Вести мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Блинкен им порача на Израел и Хамас дека е време за прекин на огнот
Радио Слободна Европа - пред 18 часа
Вести мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Во ек на тензии, грузискиот парламент ја продолжува дебатата за законот за „странски агенти“
Радио Слободна Европа - пред 19 часа
Вести мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Се урна дел од автопат во Кина, најмалку 19 загинати
Радио Слободна Европа - пред 19 часа
Вести мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе Вчитај повеќе...
Прогресивен, рамен и олигархиски данок - каква реформа е во игра за изборите?
Радио Слободна Европа - пред 19 часа
Давачките со кои граѓаните ја полнат државната каса, се дел од политичкиот „флерт“ со граѓаните во партиските програми. Даночните аналитичари велат дека најавените реформи се само „додворување“ на гласачите. Во меѓувреме, старите ветувања за даночни реформи ги полнат страниците во изборните програми Од субвенции на даноци и нивно намалување, преку рамен данок или воведување на прогресивен данок, па се до таканаречен олигархиски данок, се движат ветувањата на политичките партии во нивните изборни програми. Најголемите политички понуди за даночни реформи се во делот на персоналниот данок и данокот на добивка, кои според сегашните правила изнесува 10 проценти, како и во делот на распределбата на данокот на додадена вредност. Од бруто платите на македонските работници се издвојува вкупно 37,2 проценти кои завршуваат во државата каса. Трошоците за платите на вработените, што работодавачите ги одвојуваат за државата се речиси на ниво на европскиот просек кој изнесува 38,6 проценти, покажуваат податоците на Евростат. Политичките партии во предизборните програми ветуваат системски даночни реформи, кои со години претходно ги најавуваа и не ги спроведоа до крај. Економскиот аналитичар од Центарот за даночна политика Славко Лазовски вели дека од досега прикажаното, политичките партии несериозно пристапуваат кон идејата за системска даночна реформа, без при тоа да обратат внимание на даночните слабости кои со години се проткајуваат низ системот. „Речиси сите партии тргнале од тоа, да ги задоволат интересите на одредени групи на граѓани, повеќе да му се додворат на народот, отколку сериозно да пристапат кон планирање на тоа што е неопходно да се направи во даночната политика“, вели Лазовски. Прогресивниот данок повторно на „партиското мени“ Владејачката коалиција СДСМ- ДУИ својот мандат во 2017-та година го започна со наратив за праведно прогресивно оданочување како антитеза на рамниот данок воведен од страна на претходната власт предводена од коалицијата на ВМРО-ДПМНЕ и ДУИ. Изминативе години владејачката коалиција на СДСМ и ДУИ „срамежливо кокетираше“ со овој концепт и истиот беше одложуван од година во година. И сега, по седум години владеење, повторно го најавуваат како системска реформа - концептот на прогресивен данок со почетна стапка од 0 % данок на личен доход за исплатена минимална плата. „Целта што ќе се постигне преку оваа даночна реформа е повисоки и достоинствени нето-плати за оние граѓани и граѓанки со пониски примања, притоа давајќи силен импулс и во сузбивањето на сивата економија“, се вели во програмата на СДСМ, без при тоа да ги опишат деталите за тоа како планираат да изгледа процентуално даночењето по скалата нагоре. Имено во 2018 година обидот на тогашниот министер Драган Тевдовски на замена на рамниот данок со прогресивен пропадна. Тогаш се предвидуваше државата да зема поголем персонален данок од граѓаните што имаат највисоки доходи, над 90 илјади денари месечно. „Пратениците на СДСМ, пред да гласаат за ова, нека помислат дали се за бришење на Социјалдемократски од името на СДСМ“, напиша Тевдовски на Фејсбук, откако Владата одлучи да го стави прогресивниот данок во мирување во наредните три години. Тевдовски беше сменет со долгонајавуваната „метла“ по изборите. Тогаш се предвидуваше државата да зема поголем персонален данок од граѓаните што имаат највисоки доходи, над 90 илјади денари месечно. Од друга страна, владејачката ДУИ во својата програма, нуди „50 отсто попуст“ односно, ветува намалување на ефективниот персонален данок до 50 проценти за работниците кои добиваат минимална плата, но и редефинирање на персоналниот данок во семеен данок. Кога станува збор за прогресивниот данок, ДУИ ветува само јавна дебата. Според финансиската анализа на изборните програми на невладината Фајнанс Тинк, ветувањето за 0% данок на доход за примателите на минимална плата, обезбедува соодветна прогресивност во оданочувањето, но ќе предизвика дисторзија во услови на застапеност на сивата економија кај примателите на минимална плата. Тоа значи дека ќе повлече ризик за познатиот феномен „плата во плико“, односно разликата од минамалната до реалната плата работниците да ја добиваат на рака. „Значи, понатамошно намалување на данокот на доход на минимална плата – повеќе од намалувањето определено со даночното ослободување – ќе го зголеми мотивот на работодавачите и работниците да нудат и прифаќаат осигурување на минимална плата, а исплата на остатокот преку „плата во плико“. Неопходни се механизми за превенирање и сузбивање на оваа појава, пред решението за понизок данок на минимална плата да биде ефективно“, се вели во анализата на Фајнанс Тинк. Видете и ова: Бесими – Се планира данок за екстра профит Владејачката СДСМ влогот за дебата на актуелниот партнер ДУИ за системска даночна реформа го покренува со ветување за воведување на нов данок, данок на луксуз, кој според нивната програма треба да стапи на сила догодина. „Тргнувајќи од принципите на еднаквост и социјална правичност, ќе воведеме данок на луксуз (богатство), со што сите оние што имаат акумулирано значително богатство пропорционално повеќе ќе придонесуваат за општото добро во државата и социјалните програми и услуги“, ветува СДСМ. Минатиот септември Собранието го усвои Законот за солидарен данок, кој е еднократна и вонредна јавна давачка. Солидарен данок требаше да платат компаниите кои во 2022 година оствариле приход поголем од 10 милиони евра, а данок требаше да го платат само на екстра приходот. Управата за јавни приходи јавно предупредуваше дека од 156 компании, 24 не платиле солидарен данок и останале должни на државата 16, 4 милиони евра. Левица го „надгради и прошири“ прогресивниот данок Со ветување за прогресивен данок на изборите излезе и опозициската Левица која за разлика од власта, пак, со прецизно наведена скалеста стапка на прогресивен данок предвидува „персоналец “ до 5 проценти за минимална плата. По нивните проценки, платите до 550 евра ќе треба да се даночат со 7, 5 проценти, над илјада евра плата со 10 проценти „персоналец“, а тие над 3300 евра ќе треба да одвојат до 15 проценти за данок. Во нивната програма се наведени и нови корпоративни даноци, потоа редовен данок на екстра профит таканаречен солидарен данок во услови на криза, како и данок на богатство кој ќе се плаќа на нето имот кој го поседуваат домаќинствата во кој влегуваат од домот до автомобилот и акциите во фирмите. Според Левица, данок нема да плаќаат тие што поседуваат богатство до 120 илјади евра, додека тие со двојно поголема вредност ќе треба годишно да платат 0,25 проценти од вредноста. Данок од еден процент од вредноста на имотот Левица ветува дека ќе им наплати на граѓаните чиј имот надминува половина милион евра. „Воведување на нов олигархиски данок на луксуз за енормно скапи и непотребни т.н. луксузни добра: пр. накит, облека, обувки, уметнички слики, луксузни автомобили, јахти, приватни воздухоплови, хациенди и слично“, се вели во нивната програма. Видете и ова: Даночна реформа без нови даноци Според анализата на невладината Фајнанс Тинк идејата на партиите да го зголемуваат даночниот товар врз формалната економија нема економска смисла, ако сива економија која „тежи“ 700 милиони евра годишно и натаму е надвор од фокусот на носителите на политиките. Рамен данок - концент напуштен од земјите во регионот Според акутуелните данични правила од платите на македонските работници се одвојува 10 проценти за персонален данок, и ист процент, односно рамен ранок се наплаќа за добивка. Овој систем на рамен данок го воведе владата на ВМРО-ДПМНЕ и ДПА во 2007-мата година. Ист таков систем во тој период беше воведен во неколку земји од регионот како Бугарија, Албанија и Црна Гора, кои го напуштија во 2013 година, заменувајќи со го прогресивен данок. Опозициската ВМРО-ДПМНЕ во својата програма „1198“ ветуваа дека Македонија ќе биде меѓу земјите со најниски даноци со тоа што ќе задржат актуелниот даночен систем за рамен данок и дека нема да се зголемува ниту данокот на личен доход, ниту данокот на добивка кои изнесуваат 10 проценти. Но, нивниот посакуван коалиционен партнер „Вреди“ пак, има поинакви гледишта за даночната политика. Тие ветуваат преполовување на данокот на добивка и ослободување до даноци за иселениците кои ќе се вратат во земјава за да инвестираат. ВМРО-ДПМНЕ исто така, најавува даночни ослободувања за фриленсери, инвеститори, како и враќање на мерката „признат расход“. Во однос на даночната политика, од партијата „ЗНАМ“ на Максим Димитриевски, која за прв пат настапи на парламентарните избори, имаа став само по едно прашање, а тоа е за данокот на имот. „Укинување на данокот за купување на стан во кој живее сопственикот“, е наведено во нивната програма. Даночниот аналитичар Лазовски смета дека најавите за нови даноци од една страна, па од друга страна даночни ослободувања и олеснувања, субвенционирање на одредени групи граѓани со поврат на даноци поради исплати на минимална плата се популистички мерки без целосно системко решение, кои што во основа го успоруваа економскиот раст на земјата. „ Па ќе настанат компликации, избегнување на даноци, сива економија и слични последици. Се тоа треба да се отфрли, и да имаме јасна и цврста ориентација за да изградиме даночен систем како што се применува кај мнозинството земји членки на Европската Унија, затоа што сакаме да станеме членка на Унијата“, објаснува Лазовски. Политичарите ветуваат разни субвенции во даноци Речиси сите политички партии им ветуваат на младите до 29 години субвенции во даноци ако отворат фирма во земјава. Нивните ветувања се разликуваат во делот на прагот на даночење, кој се движи од 3 до 5 милиони денари односно од 50 до 80 илјади евра. Ветуваат и ослободување од данок на личен приход за фирмите кои што ќе вработат млади до 29 години, а некои истото го ветуваат и за вработување на жени. Се ветуваат и даночни олеснувања за персоналниот данок за фриленсери. Но, тоа не е сè. Политичките партии ветуваат субвенции во даноци за странски инвестиции. Опозициската ВМРО-ДПМНЕ ветува дека ќе привлекува мултинационални компании кои имаат висока нето-добивка над 50 милиони евра, со намалување на данокот на добивка ќе биде 5 отсто од сегашните 10 проценти. Видете и ова: Бизнисот не сака да биде солидарен со државата За разлика од нив, нивниот посакуван владин партнер „Вреди“ ветува дека на печалбарите што ќе се вратат во земјава со инвестиција од најмалку 50 илјади евра ќе им субвенционира даноци во првите три години, без притоа да посочат кои. Од „ Вреди“ ветуваат и дека државата ќе им плаќа придонеси во следните три години на инвеститорите во, како што пишува во програмата, „албанската слободна зона“. Владејачката ДУИ пак игра на карта здрава храна, па ветува воведување на таканаречениот „sugar tax“ за нездрави производи, не давајќи детали колку ќе изнесува тој данок. Дополнително ветува и „ tax free“ за потрошувачите од дијаспората и странство кои не живеат во земјава. А ветуваат и зелени даноци за заштита на животната средина. Еколошко (зелено) оданочување најавува и нивниот актуелен партнер СДСМ. Македонскиот даночен систем има најмалку пет слабости, вели аналитичарот Лазовски. Според него најголемиот проблем е во тесната даночна структура од пет национални и пет локални даноци, дополнително системот за наплата е бавен, со многу трошоци за негово спроведување и оддржување, не се почитуваат доволно правата на даночните обврзници и не се обврнува внимание на наплата на локалните даноци. Artboard 4 Придружете се на Заедницата на Слободна Европа на Вибер Зорана Гаџовска Спасовска Новинарската кариера ја започна во А1 телевизија. Работела на теми од образование, социјални проблеми, здравство и екологија. Родена е на 23.09.1983 година во Скопје. Од јуни 2009-та година работи како постојан дописник за Радио Слободна Европа од Скопје. Регистрирај се...
Најмалку три лица загинаа во руски напад во Одеса
Радио Слободна Европа - пред 20 часа
Вести мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Светот го одбележува 1 Мај, меѓународниот ден на трудот
Радио Слободна Европа - пред 20 часа
Вести мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Зошто протестираат студентите на американските универзитети?
Радио Слободна Европа - пред 20 часа
Њујоршката полиција доцна синоќа (30 април) изврши рација на Универзитетот Колумбија и уапси десетици пропалестински демонстранти, од кои некои ја окупираа зградата на кампусот и го отстранија протестниот камп што училиштето „Ivy League“ се обидуваше да го растури речиси две недели. Претседателката на Универзитетот Колумбија, Минуш Шафик, објави писмо во кое бара од полицијата да остане во кампусот најмалку до 17 мај - два дена по дипломирањето, со цел „да се одржи редот и да биде сигурно дека камповите нема повторно да бидат поставени“. Во рок од три часа, кампусот беше исчистен од демонстранти, рече портпаролот на полицијата, додавајќи дека спровеле „десетици“ апсења. „Слободна, слободна, слободна Палестина“, скандираа демонстрантите пред зградата. Други извикуваа: „Ослободете ги студентите!“ „Колумбија ќе се гордее со овие студенти за пет години“, рече Сведа Полат, еден од членовите на „Апартхеид Дивест“ на универзитетот Колумбија, што претставува коалиција на студентски групи која ги организираа протестите. Полицијата пред зградата на кампусот, во Њујорк, САД, на 30 април 2024 година. Демонстрантите имаат три барања: Прекинување на соработка со компании кои ја поддржуваат израелската влада, поголема транспарентност во финансирањето на универзитетите и амнестија за студентите и професорите кои се дисциплинирани поради протестите. Претседателот на Универзитетот Немат, Минуш Шафик, оваа недела рече дека Колумбија нема да се откаже од финансирањето поврзано со Израел. Наместо тоа, истакна дека се понудени инвестиции во здравството и образованието во Газа и потранспарентни директни инвестиции од Колумбија. Универзитетот претходно предупреди дека студентите кои учествувале во окупацијата на зградата на кампусот се соочуваат со академско исклучување. „Окупацијата“ започна во текот на ноќта кога демонстрантите ги скршија прозорците и насилно влегоа внатре. Осумкатницата, неокласична зграда е место на различни студентски окупации уште од 1960-тите години. Видете и ова: Гринфилд: Предлог-резолуцијата за Палестинците ќе помогне во решавање на израелско-палестинскиот конфликт Студентските протести пак на американските универзитети за поддршка на Палестинците некои ги сметаат за најзначајното студентско движење од протестите во 1960-тите против Виетнамската војна. Зошто? По неколку години спорадични студентски протести и маршеви низ градовите, кревајќи го својот глас за расна правда, борба против климатските промени и воведување контрола на оружјето, протестите поради војната во Газа на универзитетите ширум САД не престануваат, а по полицијата во некои кампуси уапсени демонстранти, додека Универзитетот Колумбија, каде што сето тоа започна, ги суспендираше студентите по ќор-сокакот во преговорите за ставање крај на демонстрациите. Полицијата употреби солзавец и електрошокери на еден универзитетски кампус додека администраторите на некои од најпрестижните високообразовни институции во САД се бореа да спречат блокада. Протестите беа предизвикани од гневот поради израелската офанзива на Газа, во која загинаа повеќе од 34 000 Палестинци. Израел ја започна офанзивата откако околу 1200 Израелци и странци, главно цивили, беа убиени и 253 други однесени во Газа како заложници кога Хамас, означен како терористичка организација од страна на САД и Европската Унија, ги нападна израелските позиции на 7 октомври минатата година во близина на границата со Појасот Газа. Видете и ова: Хамас подготвува одговор на понудата за прекин на огнот во Газа Низ американските кампуси каде избувнаа протести, студентите повикаа на конечен прекин на огнот во Газа, крај на воената помош на САД за Израел, дистанцирање на универзитетите од добавувачите на оружје и други компании кои профитираат од војната, и помилувања и амнестија за студентите и професорите кои се дисциплинирани или отпуштени затоа што излегле на протест. Бура на универзитетите од источниот до западниот брег Во текот на викендот (27 и 28 април) на североисточниот универзитет во Бостон, повеќе од 100 демонстранти беа уапсени, бидејќи одбиле да ги послушаат полициските наредби за отстранување на шаторите од универзитетските терени, соопшти полицијата. Кампот бил растурен од полицијата. Североисточниот универзитет на платформата X напиша дека „демонстрациите биле инфилтрирани од професионални организатори кои немаат врска со универзитетот“. Видете и ова: Француската полиција го растури пропалестинскиот протест пред Сорбона На Универзитетот во Јужна Калифорнија, пропалестинските демонстранти се вратија во кампусот неколку дена откако полицијата беше повикана да ги расчисти демонстрациите во Алумни паркот на универзитетот. Протестот, наводно, бил главно мирен, но администрацијата на универзитетот пријавила „вандализам“ во кампусот по саботните демонстрации. Студентите се собираат за поддршка на Палестинците и покрај крајниот рок даден од универзитетските претставници да ги распуштат и суспендираат активистите од универзитетот, Њујорк, 29 април 2024 година. Универзитетот соопшти дека кампусот бил вандализиран од „поединци кои се дел од група која продолжила да кампува илегално на кампусот“, додавајќи дека статуата и фонтаната биле оштетени. Кампусот ќе биде привремено затворен за нерезиденти, соопшти универзитетот. Проблемот со „антисемитизмот“ Протестите започнаа на Универзитетот Колумбија кога студентите поставија шаторски камп во колеџот „Ivy League“ во Њујорк на 17 април. Полицијата првично се обиде да го расчисти кампот на 18 април, кога беа уапсени повеќе од 100 демонстранти. Како и да е, потегот на полицијата резултираше со контраефект, бидејќи ги поттикна студентите ширум земјата да демонстрираат, додека студентите од Универзитетот Колумбија се прегрупираа за да бараат бојкот на компаниите и поединците поврзани со Израел. Од друга страна, некои еврејски студенти се пожалија на наводниот антисемитизам што го покажуваат одредени демонстранти. Демократскиот претседател Џо Бајден, кој беше критикуван од демонстрантите за вооружување на Израел, им рече на новинарите во понеделникот (22-ри април) дека ги осудува и „антисемитските протести“ и „оние кои не разбираат што се случува со Палестинците“. Поранешниот претседател Доналд Трамп, републиканскиот кандидат за изборите во 2024 година, ја нарече ситуацијата со демонстрациите во кампусот „хаос“, објави Ројтерс. Универзитетот Колумбија каде студентите бараат крај на конфликтот во Газа, 29 април 2024 година. Во Колумбија, неколку организатори ја обвинија антисемитската реторика на надворешни лица кои не се поврзани со универзитетот кои застанаа зад демонстрантите. „Ние сме фрустрирани од медиумските извештаи кои се фокусираат на поединечни поттикнувачи кои не не претставуваат нас“, велат „Студентите од Колумбија за правда во Палестина“. Демонстрантите претставуваат голем предизвик за администрациите во високото образование кои се обидуваат да ја балансираат посветеноста на универзитетот за правата на слободата на говорот со жалбите дека протестите ја преминале црвената линија. Видете и ова: Турција го ограничува извозот во Израел додека не дојде до прекин на огнот во Газа Поддржувачите на Израел и другите загрижени за безбедноста на колеџските кампуси укажаа на антисемитски инциденти и тврдат дека кампусите поттикнуваат заплашување и говор на омраза. „Никогаш не се плашев повеќе да бидам Евреин од сега“, рече Скајлер Сиерадски, 21-годишен студент по филозофија и политички науки на Универзитетот Џорџ Вашингтон, пренесува „Франс 24“. Демонстрантите, вклучително и оние со еврејско потекло, го отфрлија антисемитизмот и ги критикуваа функционерите кои го поистоветуваат антисемитизмот со противењето на Израел. „Луѓето што се тука го поддржуваат палестинскиот народ од различно потекло... поттикнати од нивното општо чувство за правда“, рече 33-годишниот дипломиран студент на Универзитетот во Тексас во Остин, кој рече дека е Евреин“, пренесе АФП. Проблемот со слободата на говорот Коренот на сите апсења и протести во Колумбија, како што пишува магазинот „Вокс“, лежи во прашањето за слободата на говорот. Во сведочењето пред Комитетот за образование и работна сила на Претставничкиот дом во Вашингтон во средината на април, претседателката на Универзитетот Колумбија, Минуш Шафик, се бореше да ја најде линијата помеѓу обезбедувањето на безбедноста на студентите и заштитата на академската слобода. „Ние веруваме дека улогата на Универзитетот Колумбија не е да ги заштити поединците од позиции што ги сметаат за непристојни“, рече таа, „туку наместо тоа да создаде средина каде што различните гледишта можат да бидат тестирани и оспорени“, истакна Шафик. Видете и ова: Пораст на антисемитизмот ширум светот Бранот пропалестински протести не само што претставува предизвик за пратениците кои ја зајакнаа заштитата на слободата на говорот на кампусите во последниве години, туку е и политички тест за законите и правните доктрини усовршени за време на ерата на граѓанските права и Виетнамската војна, пишува Политико. Продолжен студентски протест на Универзитетот Колумбија, 30 април 2024 година. „Генерално не можете да ги затворите државните универзитети поради говори, протести, маршеви, демонстрации“, рече во интервју за Политико Марк Ротенберг, адвокат на Хилел Интернешнл и поранешен функционер на Министерството за правда на претседателот Роналд Реган. „Тоа е апсолутно јасно од долгогодишниот уставен преседан. Но, исто така, демонстрантите немаат право, вклучително и на државните универзитети, едноставно да одлучуваат како што сакаат“, додава тој. Јавните универзитети се соочуваат со построги закони со првиот амандман за разлика од Колумбија, Јеил и другите приватни училишта. И Тексас, Флорида и Индијана се меѓу дваесетината држави кои имаат некаква форма на закон за слобода на говор во нивните федерални устави, според Фондацијата за граѓански права и организацијата за застапување на слободата на говор. Со крајот на семестарот во универзитетот Колумбија на почетокот на мај, официјалните лица на американскиот универзитет можеби сметаат дека демонстрациите спонтано ќе згаснат. Но, студентите најавија дека планираат да продолжат додека не се исполнат нивните барања - училиштето да ги прекине врските со компаниите за кои велат дека профитирале од војната во Израел, вклучувајќи ги Мајкрософт, Гугл и Амазон, како и да го прекине партнерството со Универзитетот во Тел Авив. Artboard 4 Придружете се на Заедницата на Слободна Европа на Вибер...
Конкурс за стипендија за новинарски фелоушип „Јиржи Динстбир“ за 2025 година
Радио Слободна Европа - пред 21 часа
Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА....
Временска прогноза – Променливо облачно и топло, попладне локален дожд
Радио Слободна Европа - пред 21 часа
Вести мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Чивијата ми влезе со Квискотека
Радио Слободна Европа - пред 22 часа
Нема измами, квалитетот не може да се скрие и тој мора да излезе на површина, вели во „Зошто“ Зоран Јорданов, еден од напознатите квизаџии, творци и учесници на квизово во земјата, регионот и на светско ниво Тој е победник на последната поединечна сезона од ТВ квизот „Енигма“ на националните телевизии Сител и Телма Победник е на ТВ квизот „Одиме во Европа“ на Канал 5 Победник на ТВ квизот „Најслаба Алка“ Финалист е на ТВ квизовите Арена, Круг на знаење и други. Во ова издание на Зошто разговараме со Зоран Јорданов еден од најпознатите квизаџии во земјата. Embed share Квизаџиството е џентлменски спорт Од Радио Слободна Eвропа Embed share The code has been copied to your clipboard. The URL has been copied to your clipboard Сподели на Фејсбук Сподели на Твитер No media source currently available 0:00 0:17:38 0:00 Директен линк 128 kbps | МП3 64 kbps | МП3 Поп-аут плеер Има ли во земјата квалитетни квизови каде се тестира вистинското знаење како некогаш? „Кога ќе речете како некогаш веројатно мислите на познатата Квискотека во бивша Југославија. Денеска кај нас се развива квизаџиството. Има се повеќе млади и паметни квизаџии и тоа е во подем.“ Зоран Јорданов од 2004 па до денес е уредник на повеќе ТВ квизови како Добра Шанса, Бројки и Букви, Без поени, и др. Со него разгораме за мотививите и за задоволството од ваков голем ангажман? Тој е машински инженер, работи во ТВ Сител како продуцент, Учествувал двапати на Светско квиз првенство преку Српската асоцијација во Белград затоа што тогаш немало македонската квиз асоцијација? Денес Зоран Јорданов е активен член на Македонската квиз асоцијација, која организира десетина квиз натпревари во градови во Македонија, Мастерс турнири и тематски квизови. Поткаст Зошто - Зоран Ќука и Зоран Јорданов Со Зоран Јорданов разговаравме и за неговата приказна со патување во Загреб и неоствареното учество на легендарната Квискотека во моментите кога се распаѓаше Југославија? Слушајте не, следете те го поткастот Зошто на Слободна Европа и на Спотифај, Јутјуб, Ејпл и Гугл поткаст. Кликнете на Зошто и давајте ни идеи и теми кои сакате да ги слушате, а ние ќе прашуваме преку нашите социјалните мрежи. Зоран Ќука Во Слободна Европа во Прага е од нејзиното формирање на 1 Септември 2001 година. Кариерата ја започна во Македонското радио, па следат ТВ - А1 и ТВ Телма, со истовремена дописничка работа за Радио и ТВ Босна и Херцеговина, Загребското Независно 101 Радио, и Љубљанското Студент Радио. [email protected] Регистрирај се...
ОБСЕ:Грузискиот закон за „странски агенти“ негативно ќе влијае врз граѓанското општество
Радио Слободна Европа - пред 1 ден
Вести април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Шефот на МААЕ Гроси ќе го посети Иран
Радио Слободна Европа - пред 1 ден
Вести април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Чешка ќе ја зголеми старосната граница за пензионирање
Радио Слободна Европа - пред 1 ден
Вести април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Србија најави унапредување на соработката со Кина
Радио Слободна Европа - пред 1 ден
Вести април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Казахстански новинар обвинет за хулиганство поради видео поврзано со поплави
Радио Слободна Европа - пред 1 ден
Вести април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Трамп казнет со девет илјади долари поради непочитување на судот
Радио Слободна Европа - пред 1 ден
Вести април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Приведени 58 луѓе во Турција, осомничени за провокации на Денот на трудот
Радио Слободна Европа - пред 1 ден
Вести април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе види ги сите денешни вести мај 01, 2024 Грузискиот парламент на второ читање го усвои законот за „странски агенти“ Полицијата за време на немирите користи бибер спреј за да ги растера демонстрантите на собирот против контроверзниот предлог-закон за „странски агенти“ пред парламентот во Тбилиси, 30 април, 2024 година. Грузискиот Парламент денеска, 1 мај, гласаше за усвојување на контроверзниот нацрт-закон за „странски агенти“, кој беше причината за неколкунеделните протести во главниот град Тбилси и предупредувањата од Брисел дека тој потег ќе ги наруши надежите Грузија да стане членка на Европската Унија. Со 83 гласа „за“ и 23 „против“, пратеницита гласаа за усвојување на нацрт-законот во второ читање по жестоката дебата која вклучуваше исклучување на четворица опозициски пратеници, а потоа дури и тепачка меѓу членовите кои ги претставуваат опозициските и мнозинските партии. Владејачката партија соопшти дека сакаат законот да биде потпишен до средината на мај. Гласањето во Парламентот следуваше набргу по судирите меѓу полицијата и демонстрантите во текот на ноќта токму околу законот за „странски агенти“, кој пак многумина го сметаат како одраз на законот што го користи руската влада за да ги задуши неистомислениците во таа земја. Министерството за внатрешни работи на Грузија објави соопштение во кое ги повикува демонстрантите да не блокираат улици и да не се обидуваат да го окупираат Парламентот. Но, во соопштението, исто така, се вели дека луѓето ќе имаат можност да протестираат на улицата пред и зад зградата. Видете и ова: Во ек на тензии, грузискиот парламент ја продолжува дебатата за законот за „странски агенти“ Во исто време, полициски службеници од единиците на специјалните сили ја презедоа контролата врз улицата на задниот излез од Парламентот, каде што мала група луѓе протестираа. Полицијата употреби солзавец и водени топови во текот на ноќта за да ги растера нелегалните демонстрации и приведе 63 лица. Петмина демонстранти и шест полицајци се хоспитализирани со повреди. Пратениците Алеко Елисашвили и Леван Хабеишвили се повредени во судирите, изјави портпаролот на Министерството за внатрешни работи Александар Даракхвелидзе. Хабеишвили, претседател на опозициското Обединето национално движење (УНМ), беше пренесен во болница, а фотографиите покажаа дека има модринки и исеченици на главата и телото. Од УНМ соопштија дека тој бил „киднапиран“ од полицијата и тврдеа дека „му помагал на повреден граѓанин“, токму кога бил приведен од страна на полицијата. Репортерот на РСЕ на местото на настанот сними два инциденти во кои маскирано лице ги удира демонстрантите со тупаници по лицето. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Шефот за надворешна политика на Европската Унија, Жозеп Борел, го осуди „насилството врз демонстрантите“ во објава на 1 мај на социјалната мрежа X, порано позната Твитер. „Грузија е земја кандидат за влез во ЕУ. Ги повикувам нејзините власти да го обезбедат правото на мирни собири“, стои во објавата на Борел. Специјалната истражна служба соопшти дека во тек е истрага за употреба на прекумерна сила врз демонстрантите. Синоќашните дмонстрации беа најнови во серијата масовни протести во изминатите две недели против законодавството што го предложи владејачката партија Грузиски сон. Видете и ова: Грузијците повторно протестираа против „законот за странски агенти во руски стил“ Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето доколку тој биде формално усвоен во трето читање. Сепак, владата ги има потребните гласови да го отфрли ветото и оттаму веќе најавија дека ќе го сторат тоа. На 30 април пак, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот на демонстрантите ќе резултира со објавување информации за сите ваши владини претставници“. Во објава на X, групата се закани дека ќе ги хакира и објави базите на податоци и е-поштата, велејќи дека „ова е вашето прво и единствено предупредување“. прочитај повеќе мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе Вчитај повеќе...
Уапсени се 5 Руси осомничени за подметнување пожар на хеликоптер
Радио Слободна Европа - пред 1 ден
Вести април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе види ги сите денешни вести мај 01, 2024 Протест на синдикатот во Белград: За демократски и работнички рестарт Протестот го организираше синдикатот „Независност“, 1 мај 2024 година. Под слоганот „за демократски и работнички рестарт“, синдикатот „Независност“ одржа протестен марш во центарот на Белград, Србија на 1 мај, по повод одбележувањето на Меѓународниот ден на трудот. Протестот се одржа на плоштадот Славија, во близина на споменикот на Димитри Туцовиќ, кој е еден од шампионите на социјалдемократијата во Србија. Претседателката на Обединетиот грански синдикат „Независност“, Чеданка Андриќ, изјави дека собирот е организиран во чест на работниците кои загинале на своите работни места. Слоганот на протестот во Белград - „За демократски и работнички рестарт“, 1 мај 2024 година. Само минатата година 42 од нив починале на работа, а повеќе од 800 лица се здобиле со тешки повреди на работното место, нагласи Андриќ. „Никој не одговараше кривично за тоа“, додаде таа. Андриќ нагласи дека синдикатот се бори „за безбедни и здрави работни места“. „Се бориме за одговорност на работодавачот и спроведување на мерките за безбедна и здрава работа, се бориме за правото да организираме синдикат, да го применуваме Законот за работни односи и да бидеме на маса кога ќе се носат нови закони“, додаде таа. Видете и ова: Работниците протестираа за повисоки плати и почитување на нивните права Синдикални состаноци се одржаа и во неколку други градови во Србија. На Меѓународниот ден на трудот, работниците и активистите ширум светот излегоа на улици за да повикаат на поголеми работнички права. прочитај повеќе мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе Вчитај повеќе...
Турција одобри екстрадиција на Љупчо Палески- Палчо
Радио Слободна Европа - пред 1 ден
Вести април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе види ги сите денешни вести мај 01, 2024 Тирана го одбележува Денот на трудот со апели до младите да не се иселуваат „Не заминувај, и требаш на твојата татковина“, пишува на транспарент истакнат за време на протестот за Меѓународниот ден на трудот во Тирана на 1 мај 2024 година. На 1-ви мај се одржаа неколку протести во Тирана. На еден од нив група луѓе се собра на патот што ја поврзува Тирана со аеродромот Ринас. На овој протест беше упатен апел до младите да се борат за своите права на работа и да не ја напуштаат Албанија. Челниците на Конфедерацијата на синдикати порачаа дека на земјата и се потребни работници, бидејќи многу компании страдаат од овој проблем, но додаваат дека на младите не им се нудат пристојни плати и услови. Протест на патот што ја поврзува Тирана со аеродромот Ринас, 1 мај 2024 година. „Не заминувај, и требаш на твојата татковина“, пишуваше на еден од транспарентите што ги носеа демонстрантите на овој протест. „Младите луѓе не би биле принудени да емигрираат доколку креаторите на политики дизајнираат политики за да ги задржат овде, мотивирајќи ги и вреднувајќи ги“, рече еден од демонстрантите. На уште еден протест одржан по повод 1 мај, просветните работници се собраа пред Министерството за образование барајќи повисоки плати и подобри услови за работа. Просветните работници го изразија своето незадоволство на транспарентите на кои пишуваше најразлични пароли како: „Без добро платени наставници нема квалитетно образование“, „спроведување на колективниот договор“ и „наградете го наставникот на крајот на годината“. Протест на просветните работници во Тирана, 1 мај, 2024 година Просветните работници побараа двојно зголемување на платите, посочувајќи дека само така матурантите можат да изберат да студираат за да станат наставници, професија што сè помалку млади ја одбираат. Просечната плата на наставникот во Албанија е околу 600 евра месечно. „Бараме премиерот да го одржи ветувањето дека буџетот за образование ќе биде 5 проценти од бруто националниот производ, тоа мора да се спроведе што поскоро, нема инфраструктура, нема лаборатории, нема зголемување на платите. Без квалитетно образование оваа држава не може да има иднина“, изјави Иса Халилај, претставник на Синдикатот за образование. Потоа, наставниците се приклучија на протестот што го одржаа пред кабинетот на премиерот, заедно со работници од различни сектори како рудари, нафтени работници и работници во кол-центрите. Протестот го организираше Сојузот на синдикати на Албанија и Албанската коалиција за работнички права. Извикувајќи „Достоинство на работниците“, демонстрантите побараа владата да размисли, предупредувајќи на помасовни протести во наредните денови. Видете и ова: Работниците протестираа за повисоки плати и почитување на нивните права Жените кои учествуваа на протестот го кренаа својот глас за разликата во платите меѓу мажите и жените и нивните тешкотии да се справат со високите цени. „Денеска зборуваме за правата на работничките во фабриките за чевли и облека, дали некогаш сте биле таму? Зборуваме за минимална плата во време кога во Европа, па и во Балканот, се зборува за квалитетна плата, која ќе ви овозможи на крај на месецот да можете да си ги платите лекарствата, да можете да купите квалитетна храна, храна чиј рок не и е истечен“, рече еден од учесниците на протестот. Додека во Тирана се одржуваа работнички протести, премиерот на земјата Еди Рама за време на настанот во Елбасан на кој присуствуваше, рече дека работниците секојдневно докажуваат дека ништо не е невозможно. прочитај повеќе мај 01, 2024 Добри односи со Кина, Русија, САД и членство во ЕУ се приоритети за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе Вчитај повеќе...
Британија го екстрадираше црногорскиот бизнисмен Кнежевиќ
Радио Слободна Европа - пред 1 ден
Вести април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе види ги сите денешни вести мај 01, 2024 Добри односи со Кина, Русија, САД и членство во ЕУ се приоритет за Србија, рече мандатарот Вучевиќ Мандатарот за состав на новата Влада на Србија Милош Вучевиќ при претставување на експозето во парламентот, 1 мај 2024 година. Мандатарот за состав на новата влада на Србија и лидер на владејачката Српска напредна партија (СНС), Милош Вучевиќ, при своето излагање во српскиот парламент истакна дека членството во Европската унија (ЕУ) останува стратешка цел за Србија. „Полноправното членство во ЕУ останува стратешка цел на Србија“, рече Вучевиќ, но додаде дека „не може да се игнорира фактот дека процесот е оптоварен со новововедени политички критериуми“. Тој рече дека очекувањата на ЕУ се поврзани со Србија да се „понижи“ преку признавањето на независноста на Косово и да се приклучи на санкциите против Русија поради нејзината инвазија на Украина. Мандатарот најави дека Србија ќе направи се за да го спречи приемот на Косово во Советот на Европа, иако, како што рече, нејзините шанси се мали. Видете и ова: САД разочарани бидејќи две лица кои се на црната листа се предложени да бидат дел од новата српска влада Пратеникот Милош Вучевиќ го презентира своето експозе пред пратениците во српското Собрание на седницата за избор на новата Влада. Изборот на Владата на Србија и давање заклетва на претседателот и членовите на Владата е единствената точка на дневен ред на седницата што се одржува на 1 мај, Меѓународниот ден на трудот. На седниците на Собранието на Србија присуствуваат претставници на дипломатскиот кор, меѓу кои и амбасадорот на САД, Кристофер Хил. Вучевиќ рече дека неговиот кабинет ќе биде Влада на континуитет во најголема можна мера. Во однос на надворешната политика, како што посочи, Владата ќе се води од досегашните принципи - политичка и воена неутралност. „Придонесот на Србија за регионалниот мир и стабилност во регионот ќе биде активен и континуиран“, рече тој. Без санкции за Русија Вучевиќ нагласи и дека Србија нема да се приклучи кон санкциите против Русија. „Нема сомнеж дека притисоците ќе продолжат, веројатно ќе се интензивираат, но нашата одлука е да останеме на истите позиции“, рече Вучевиќ. „Србија не може и нема да се откаже од пријателството со Русија, чиј народ го сметаме за братски, исто како што тоа е случајот со Украинците. Јасно го осудивме рускиот напад врз Украина, но изјавивме дека нема да се приклучиме на политиката на санкции“, додаде тој. Тој истакна и дека за Србија „територијалниот интегритет на Украина е неприкосновен“. Пријателство со Кина, но и со САД Вучевиќ во своето излагање посебно ја истакна важноста на партнерството со Кина, оценувајќи дека трговскиот договор ќе ги отвори вратите на кинескиот пазар за бизнисмените. Видете и ова: Штајнмаер: Западен Балкан не смее да остане „сива зона за руско деструктивно влијание“ „И покрај спротивставените ставови на многумина на Запад, за нас Кина претставува пријателска земја, партнер и сигурен сојузник во одбраната на нашиот територијален интегритет“, додаде тој. Вучевиќ рече и дека позицијата на Србија кон политиката на една Кина нема да се промени и додаде дека со нетрпение ја очекува посетата на кинескиот претседател Си Џинпинг, кој доаѓа во Србија на 7 и 8 мај. Но, Вучевиќ нагласи и дека Србија ќе гради најдобри односи со САД. „Онаму каде што има несогласувања, како на пример за Косово и Метохија, ќе го повториме нашиот став, ќе работиме на тоа нашите американски партнери да не слушнат и разберат“, додаде Вучевиќ. Покрај ова, тој рече и дека новата Влада ќе се стреми да гради добри односи и со соседите, односно со земјите од Западен Балкан. Новата српска Влада пак се очекува да има 25 министерства и пет министри без ресор. Идниот премиер на Србија ќе биде мандатарот Милош Вучевиќ, кој вчера, на 30 април ги предложи имињата на новите министри во Владата, а меѓу нив се и две лица кои веќе се наоѓаат на црната листа на САД – Александар Вулин, предложен за вицепремиер и Ненад Поповиќ, предложен за министер без ресор. прочитај повеќе мај 01, 2024 Работниците ширум Европа и Азија бараат поголеми работнички права Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе Вчитај повеќе...
Мерки за претпазливост за 12 луѓе за злоупотреба на службена положба, бара Обвинителство
Радио Слободна Европа - пред 1 ден
Вести април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе види ги сите денешни вести мај 01, 2024 Работниците ширум Европа и Азија бараат поголеми работнички права на првомајските собири Членовите на синдикатот се препукуваат со турските полицајци додека маршираат за време на прославите на Денот на трудот во Истанбул, Турција, среда, 1 мај 2024 година. Работниците и активистите во азиските престолнини и европските градови излегоа на улиците во средата за да го одбележат Први мај со протести поради зголемените трошоци за живот и, како што истакнаа „лошите“ владини политики. Сите бараат поголеми работнички права. Првомајските настани им дадоа на многумина можност да изразат општи економски поплаки или свои политички барања. Полицијата во Истанбул приведе десетици луѓе кои се обидоа да стигнат до централниот плоштад Таксим, пркосејќи на владината забрана за прослава на Денот на трудот на овој плоштад. Владата на претседателот Реџеп Тајип Ердоган донесе одлука со која на плоштадот Таксим се забранети собири и демонстрации од безбедносни причини, но некои политички партии и синдикати ветија дека ќе маршираат на плоштадот, кој има симболична вредност за работничките синдикати. Во 1977 година, неидентификувани вооружени лица отворија оган на прославата на Први мај во Таксим, предизвикувајќи стампедо и убивајќи 34 луѓе. Во средата, полицијата подигна барикади и ги затвори сите патишта што водат до централниот плоштад во Истанбул. Јавниот превоз во областа исто така беше ограничен. Само мала група претставници на синдикатот добија дозвола да влезат на плоштадот и да положат венец на споменикот во спомен на жртвите од инцидентот во 1977 година. Членовите на синдикатот во судир со турските полицајци додека маршираат за време на прославата на Денот на трудот во Истанбул, Турција, среда, 1 мај 2024 година. Интервентната полиција уапсила 30-тина членови на левичарската Народноослободителна партија кои се обиделе да ги пробијат бариерите, пишува АП. Во Индонезија работниците изразија гнев поради новиот закон за кој рекоа дека ги крши нивните права и им штети на благосостојбата и побараа заштита за работниците мигранти во странство и зголемување на минималната плата. Видете и ова: Светот го одбележува 1 Мај, меѓународниот ден на трудот „Околу 50.000 работници од Џакарта, Богор, Депок, Тангеранг и Бекаси се очекува да се приклучат на првомајските маршеви во главниот град, рече Саид Икбал, претседател на Конфедерацијата на индонезиските синдикати. Парламентот на Индонезија минатата година ја ратификуваше владината регулатива со која се заменува контроверзниот закон за отворање работни места, но критичарите велат дека тој сепак е од корист за бизнисите. Законот требаше да ја намали бирократијата како дел од напорите на претседателот Јоко Видодо да привлече повеќе инвестиции во земјата. Работниците мигранти и членовите на Корејската конфедерација на синдикати маршираат за време на митингот за работничките права на мигрантите во Сеул, Јужна Кореја, недела, 28 април 2024 година. Во Сеул, главниот град на Јужна Кореја, илјадници демонстранти скандираа, вееја знамиња и извикуваа про-работнички слогани на почетокот на нивниот митинг во средата. Организаторите рекоа дека нивниот собир првенствено имал за цел да ги засили критиките за, како што ја нарекоа, антиработничката политика на конзервативната влада предводена од претседателот Јун Сук Јеол. „Во изминатите две години под владата на Јун Сук Јеол, животите на нашите работници паднаа во очај“, рече во својот говор Јанг Кјунг-су, шеф на Корејската конфедерација на синдикати, која го организираше собирот. „Не можеме да ја игнорираме владата на Јун Сук Јеол. Ние самите ќе ги истераме од власта“, додаде тој. Видете и ова: Приведени 58 луѓе во Турција, осомничени за провокации на Денот на трудот И Синдикатот на Босна и Херцеговина (БиХ) и Синдикатот на металците на ФБиХ, ја започнаа првомајската протестна прошетка во Сараево. Собирот започна пред зградата на Парламентарното собрание на БиХ, а потоа продолжија со пешачење, едниот кон седиштето на Делегацијата на ЕУ, другиот кон Владата на ФБиХ. Демонстрантите птсетуваат дека на 21 март 2024 година Босна и Херцеговина доби зелено светло за почеток на преговорите за членство во Европската унија и дека овој важен момент беше во фокусот во изминатата година, додека другите процеси во земјата останале во сенка. Првомајски протест во Сараево Затоа, едно од нивните барања е намерата за учество во преговарачкиот процес, посочувајќи ја потребата од усогласување на домашното законодавство со директивите на ЕУ, меѓу другото, преку зголемување на минималната плата. За подобра позиција се борат и синдикалците во Бања Лука кои се собраа во паркот Младен Стојановиќ. Видете и ова: Работниците протестираа за повисоки плати и почитување на нивните права Претседателите на гранковите синдикати собрани од Сојузот на синдикати на Република Српска ги изнесоа своите барања. Тие бараат нов систем на плати, почетен коефициент според работните места за стручно оспособување помножен со најниската плата, плата за секое работно место, топол оброк и годишен одмор, кои се право на секој работник. прочитај повеќе мај 01, 2024 Судир меѓу пропалестински и произраелски групи на кампус во Калифорнија Група демонстранти се обидуваат да ги отстранат барикадите во пропалестинскиот камп во кампусот на Универзитетот во Калифорнија, Лос Анџелес, Калифорнија, САД, на 1 мај 2024 година. На 1 мај, две различни групи демонстранти, пропалестински и произраелски, се судрија предизвикувајќи турканици и тепачка, во кампусот на Универзитетот во Калифорнија, Лос Анџелес (УКЛА). По неколкучасовна пресметка меѓу овие две групи, полицијата интервенираше за да ги раздвои и да го расчисти насилството. Пред само неколку часа, полицијата интервенираше во друг универзитетски кампус во САД, за да ги растера пропалестинските демонстранти кои беа изолирани во зградата на Универзитетот Колумбија. Полицијата беше поактивна во кампусите низ САД во изминатите две недели, како резултат протестите преку кои се повикуваа универзитетите да престанат да соработуваат со Израел или со компаниите кои ја поддржуваат војната во Газа. Во текот на протестите досега беа уапсени повеќе од 1.000 студенти. Судирите во УКЛА се случија околу кампот на пропалестинските демонстранти, кои поставија барикади додека контрадемонстрантите се обидуваа да ги урнат. Дел од демонстрантите фрлаа столови, а во еден момент група луѓе нападна лице кое лежело на земја, клоцајќи го и удирајќи го со стапови. Се уште не е познат бројот на повредени за време на овие судири. Градоначалничката на Лос Анџелес, Карен Бас, насилството го нарече „апсолутно одвратно и неоправдано“ и рече дека полицајците од полициската управа во Лос Анџелес биле на местото на настанот откако им било кажано дека универзитетот побарал полициска помош. Видете и ова: Зошто протестираат студентите на американските универзитети? Нападот на 7 октомври од милитантите на Хамас во јужен Израел - палестинска група означена како терористичка организација од САД и Европската Унија - и последната израелска офанзива, ги предизвикаа најголемите студентски протести во САД од антирасистичките протести во 2020 година. Пропалестинските демонстранти, исто така, се собраа на Сити колеџот во Њујорк, а универзитетот им нареди да го напуштат кампусот, рече заменик-комесарот на Њујорк Каз Датри. Десетици демонстранти се уапсени, објави Њујорк Тајмс. Датри, исто така, рече дека универзитетот побарал присуство на полиција за да ги растера демонстрантите. Многу протести низ САД беа придружени и со контрапротести во кои има и обвинувања за поттикнување на антисемитизам. Пропалестинската страна, вклучително и Евреите кои се противат на израелските акции во Газа, велат дека неправедно се етикетирани како антисемитисти бидејќи ја критикуваат израелската влада и изразуваат поддршка за човековите права. Ова прашање доби и политичка конотација пред претседателските избори во САД во ноември, при што републиканците обвинија некои универзитетски администратори дека замижуваат пред антисемитската реторика. Портпаролот на Белата куќа Џон Кирби во вторникот го нарече принудното влегување во зградите на кампусот „погрешен пристап“. прочитај повеќе мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе Вчитај повеќе...
Естонија:Русија ги прекрши меѓународните правила со пречки во ГПС сигналите
Радио Слободна Европа - пред 1 ден
Вести април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе види ги сите денешни вести мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе Вчитај повеќе...
На двојните избори, граѓаните ќе можат да дојдат на гласање само еднаш
Радио Слободна Европа - пред 1 ден
Вести април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе види ги сите денешни вести мај 01, 2024 САД разочарани бидејќи две лица кои се на црната листа се предложени да бидат дел од новата српска влада Поранешниот шеф на српската служба за безбедност Александар Вулин беше санкциониран од Вашингтон во јули 2023 година за „коруптивни и дестабилизирачки акти, кои исто така ги олеснија малигните активности на Русија во регионот“. (Архивска фотографија) Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет. „Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај. Станува збор за двајцата номинирани лица - Александар Вулин, кој е предложен за вицепремиер и Ненад Поповиќ, кој беше поставен за министер без ресор. „Нашиот став за г-дин Вулин и г-дин Поповиќ е добро познат“, рече портпаролот на Стејт департментот. „Тие остануваат под санкции на САД“, истакна тој додавајќи дека Вашингтон нема никаква улога во именувањата во српската влада. Српскиот претседател Александар Вучиќ на 1 мај изјави дека „не е задоволен“ од позицијата на Стејт департментот. „Се надевам дека ќе имаме добри односи со нашите американски партнери. Исклучително е важно да имаме добри односи“, истакна Вучиќ. Вулин, поранешен директор на српската безбедносна агенција БИА, беше санкциониран од Вашингтон во јули 2023 година за „коруптивни и дестабилизирачки акти кои исто така ги олеснија малигните активности на Русија во регионот“. Видете и ова: Столтенберг предупредува на руско влијание во Западен Балкан Поповиќ, бизнисмен и поранешен министер без ресор, беше санкциониран во ноември 2023 година поради наводно „работење во електронскиот сектор на економијата на Руската Федерација“. Во март, Вучиќ побара од министерот за одбрана Милош Вучевиќ да формира нова влада по оспорените парламентарни избори во декември минатата година. Вучевиќ, лидерот на владејачката Српска напредна партија (СНС), ја извршува функцијата министер за одбрана и вицепремиер од 2022 година. СНС и нејзините коалициски партнери кои освоија тесно мнозинство од 129 мандати во законодавниот дом со 250 места се избори за гласање што беше нарушено со наводи за измама. Вучевиќ ги објави своите предлози на 30 април, тврдејќи дека неговиот кабинет ќе вклучува шефови на 25 министерства и пет министри без ресор. Актуелниот министер за надворешни работи Ивица Дачиќ е предложен за министер за внатрешни работи, додека министерот за полиција Братислав Гашиќ е избран за министер за одбрана. Српскиот парламент требаше да расправа за формирање на новата влада на 1 мај. прочитај повеќе мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе Вчитај повеќе...
Најмалку две лица загинале во руски напади врз Харкив
Радио Слободна Европа - пред 1 ден
Вести април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе види ги сите денешни вести мај 01, 2024 Блинкен им порача на Израел и Хамас дека е време за прекин на огнот Американскиот државен секретар Антони Блинкен зборува со новинарите пред камионот за хуманитарна помош за Газа во јорданската хуманитарна организација Хашемит во Аман на 30 април 2024 година. Државниот секретар на Соединетите Држави (САД) Ентони Блинкен се состана со израелските лидери на 1 мај, за време на посетата на Израел, а во таа прилика му порача на претседателот на земјата дека „е дојдено времето“ за договор за прекин на огнот во војната во Газа. Ова е седма посета на Блинкен од почетокот на војната меѓу Израел и Хамас - палестинска група прогласена за терористичка организација од страна на САД и Европската Унија уште од октомври. Блинкен се обидува да постигне договор кој би ги ослободил заложниците кои ги држат милитантите на Хамас во замена за прекин на борбите. Како дел од договорот се очекува да бидат ослободени и палестинските затвореници. Блинкен го обвини Хамас за какво било одложување на постигнувањето договор. „Решени сме да постигнеме прекин на огнот што ќе ги врати заложниците дома и сакаме да го постигнеме тоа сега, а единствената причина што нема да биде тоа постигнато е поради Хамас“, рече тој. Блинкен ги посети клучните регионални лидери во Саудиска Арабија и Јордан пред да пристигне во Израел. Тој се сретна со израелскиот претседател Исак Херцог, а подоцна ќе се сретне и со премиерот Бенјамин Нетанјаху. Според американскиот Стејт департмент, тој ќе се сретне и со семејствата на заложниците и ќе посети израелско пристаниште каде се проверува влезот на хуманитарна помош во Газа. Видете и ова: Блинкен се надева дека Хамас ќе го прифати „дарежливиот“ договор за Газа Се чини дека тековниот договор меѓу Израел и Хамас постигнува напредок, пренесува новинската агенција АП, но останува клучното прашање дали војната ќе заврши како дел од договорот - барање што Хамас го повтори, а Израел го отфрли. Блинкен во вторникот рече дека Израел планира да отвори голем премин за хуманитарна помош во северниот дел на Газа. Војната меѓу Израел и Хамас срамни со земја големи делови од северна Газа, а гладот е неизбежен за стотиците илјади цивили кои остануваат таму. Речиси седум месеци израелски бомбардирања и копнени офанзиви во Газа, според локалните здравствени власти убиле повеќе од 34.000 Палестинци и предизвикале хуманитарна катастрофа. Војната меѓу Израел и Хамас предизвика напад без преседан на 7 октомври во јужен Израел, во кој милитантите убија околу 1.200 луѓе, главно цивили, и киднапираа околу 250 заложници. Израел тврди дека милитантите сè уште држат околу 100 заложници, како и останките на повеќе од 30 други лица. прочитај повеќе мај 01, 2024 Во ек на тензии, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе Вчитај повеќе...
Штајнмаер: Западен Балкан не смее да остане „сива зона за руско деструктивно влијание“
Радио Слободна Европа - пред 1 ден
Вести април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе види ги сите денешни вести мај 01, 2024 Во екот на тензиите, грузискиот парламент ја продолжува дебатата за законот за „странски агенти“ Жена стои пред полицијата за време на протестот против таканаречениот „руски закон“ во близина на зградата на парламентот во Тбилиси, Грузија, на 1 мај 2024 година. Грузискиот парламент остана во состојба на готовност по судирите во раните утрински часови на 1 мај меѓу полицијата и демонстрантите кои се противат на законот за странски агенти. Многумина веруваат дека овој закон го отсликува законот што го користи руската влада за да го поттисне несогласувањето во таа земја. Предвидено е пратениците да продолжат да расправаат за законот за време на седницата на 1 мај и се очекува да гласаат на второ читање. Во доцните часови на 30 април, грузиските безбедносни сили употребија солзавец и водени топови за да ги растераат илјадниците демонстранти. Портпаролот на МВР на 1 мај соопшти дека се уапсени 63 лица, а шест полицајци биле повредени. Не е познато колку демонстранти се повредени. За време на судирите се повредени пратениците Алеко Елисашвили и Леван Хабеишвили, изјави портпаролот на Министерството за внатрешни работи Александар Даракхвелидзе. Видете и ова: ОБСЕ:Грузискиот закон за „странски агенти“ негативно ќе влијае врз граѓанското општество Хабеишвили, шефот на Обединетото национално движење (УНМ), пренесен е во болница, а на фотографиите се гледа дека има модринки и исеченици на главата и торзото. УНМ соопшти дека бил „киднапиран“ од полицијата и тврди дека тој му „помагал на повреден граѓанин“ кога бил приведен. Новинар на грузискиот сервис на Радио Слободна Европа објави два инциденти во кои маскирано лице ги удира демонстрантите со тупаници по лицето. Тоа беше последниот во серијата масовни протести во изминатите две недели против законите воведени од владејачката партија Грузиски сон. Критичарите го нарекуваат предлог-законот „руски закон“, а претседателката Саломе Зурабишвили, која се огради од политиката на владејачката партија, вети дека ќе стави вето на законот доколку тој биде официјално одобрен во трето читање, како што се очекуваше. Сепак, владата ги има потребните гласови за да се отфрли ветото. Пратениците ја завршија седницата на 30 април без гласање. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Леван Јоселијани, омбудсман на Грузија, рече дека извештаите за прекумерна употреба на сила од страна на службениците за спроведување на законот кружат на социјалните мрежи и ги повика демонстрантите „да не одат подалеку од организирање на мирни собири“. Јоселиани предупреди дека употребата на секаков вид сила или специјални средства од страна на службениците за спроведување на законот „мора да исполни строг тест на неопходност и пропорционалност“. „Не е дозволено да се користи бибер спреј на лицето“, рече тој, додавајќи дека за употреба на какви било посебни средства мора да и претходни предупредување. На 30 април, меѓународниот хакерски колектив Анонимус изрази поддршка за демонстрантите и ја предупреди грузиската полиција дека „нападот врз демонстрантите ќе резултира со објавување информации за сите владини функционери“. Во објава на социјалната мрежа X, порано позната како Твитер, групата се закани дека ќе ги хакира и објави базите на податоци и електронската поштата, потенцирајќи дека „ова е прво и единствено предупредување“. прочитај повеќе мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе Вчитај повеќе...
ФЗО најави генерален штрајк ако вработените не добијат повисоки плати
Радио Слободна Европа - пред 1 ден
Вести април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе види ги сите денешни вести мај 01, 2024 Се урна дел од автопат во Кина, најмалку 19 загинати Превртени возила на местото на уривање на надвозник на автопат во Ежу, провинцијата Хубеи, Кина, на 19 декември 2021 година. (Архивска фотографија) Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви. Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП. Видете и ова: Колапс на мост во Кина, 11 жртви „Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви. Изминативе денови во областа врнеа обилни дождови. прочитај повеќе мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе Вчитај повеќе...
Протести и контрапротести во Тбилиси за Законот за „странски агенти“
Радио Слободна Европа - пред 1 ден
Протести и контрапротести во Тбилиси за Законот за „странски агенти“ Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News Видео Протести и контрапротести во Тбилиси за Законот за „странски агенти“ април 30, 2024 Embed Протести и контрапротести во Тбилиси за Законот за „странски агенти“ Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Илјадници Грузијци демонстрираа и ЗА и ПРОТИВ додека парламентот ги продолжи дискусиите за таканаречениот закон за „странски агенти“. Поддржувачите на владејачката партија Грузиски сон се собраа во центарот на Тбилиси на 29 април по масовниот протест на опозицијата претходната ноќ. Критичарите на законодавството велат дека тоа ќе го задуши граѓанското општество со ограничување на работењето на организациите со странско финансирање. Сподели Протести и контрапротести во Тбилиси за Законот за „странски агенти“ share Категории Македонија Кои се клучни проблеми на младите и имаат ли партиите решенија? Основци од Скопје - новинари на Инстаграм Првиот круг претседателски избори - мирен со незначителни проблеми Повеќе Свет Украинци во странство во неизвесност поради новите правила за мобилизација Гореше станбена зграда по смртоносните руски напади на Днепропетровск Американската новинарка, затворена во Русија, вели дека ќе излезе на слобода како невина Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Украинци во странство во неизвесност поради новите правила за мобилизација Првиот круг претседателски избори - мирен со незначителни проблеми Гласањето на претседателските избори - мирно и без проблеми Повеќе Во 90 секунди Што е заднината на апсењето на рускиот заменик министер за одбрана? Сериозни здравствени ризици од палењето стари гуми во Црна Гора Американската новинарка, затворена во Русија, вели дека ќе излезе на слобода како невина Повеќе Радио програми Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...
Седуммина загинати во напад на џамија во Авганистан
Радио Слободна Европа - пред 1 ден
Вести април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе види ги сите денешни вести мај 01, 2024 Најмалку три лица загинаа во руски напад во Одеса Штетата од рускиот ракетен напад врз Одеса на 23 април Три лица загинаа, а три се повредени во руски ракетен напад врз украинското пристаниште Одеса рано утрово на 1 мај, изјави регионалниот гувернер Олех Кипер. „Непријателот ја нападна Одеса со балистички проектили. Во нападот загинаа три лица, а тројца се повредени“, изјави градоначалникот на Одеса Генадиј Труханов на социјалната мрежа Телеграм. Кипер додаде дека нападот ја оштетил цивилната инфраструктура во градот. Русија во последниве денови постојано ја напаѓа Одеса, вклучувајќи го и нападот на 29 април со проектил „Искандр“. Во тој напад загинаа пет цивили, соопштија официјални лица, а 23 се повредени. Видете и ова: Москва тврди дека презела контрола врз село во источна Украина Главниот воен командант на Украина, генерал-полковник Олександр Сирски, во неделата предупреди дека состојбата на истокот на земјата се влошила и дека Русија напаѓа „по целата линија на фронтот“. Руската армија редовно ги напаѓа украинските региони со различни видови оружје - беспилотни летала, ракети и противвоздушни ракети. И покрај доказите и сведочењата, Москва негира дека цел на нападите се цивили уште од почетокот на сеопфатната инвазија. прочитај повеќе мај 01, 2024 Светот го одбележува 1 Мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 Мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе Вчитај повеќе...
Партиите лицитираат со плати, работниците сакаат достоинство
Радио Слободна Европа - пред 1 ден
Со суми од 600 до 800 евра за минималец и над 1.000 евра за просечна плата, како и ветувања за нови работни места и конкурентна економија политичките партии настапуваат во изборната кампања. Синдикатите, пак, излегуваат на протест и очекуваат конкретен чекор уште во првите сто дена од новата влада. Низа ветувања со конкретни суми за повисоки плати и подобар животен нудат политичките партиите во екот на изборната кампањата. Работниците, пак, порачуваат дека поради зголемените трошоци за живот и ниските примање се под сè поголем притисок за нивната егзистенција и бараат конкретни чекори за имаат достоинствен живот по одржувањето на парламентарните избори на 8 мај. Наместо политичарите да се расфрлаат со ветувања, од Сојузот на синдикати на Македонија (ССМ) очекуваат итни чекори уште во првите сто дена од идната влада. „Сметаме дека 450 евра минимална плата во првите сто дена од владата е реалност, за да се спречи да ни се исели работната сила во Црна Гора, Босна и Херцеговина, Србија, да не зборуваме за Хрватска и Словенија каде се далеку повисоки минималните плати“, вели претседателот на ССМ, Слободан Трендафилов, за Радио Слободна Европа (РСЕ). Видете и ова: Работниците протестираат за плати, политичарите во кампања за гласови Ова ќе биде и едно од главните барања кое ќе го упатат од традиционалниот протест закажан за утре (1 мај) – Меѓународниот ден на трудот. Со последното усогласување, од март годинава минималецот изнесува 22.500 денари. Просечната плата, пак, според последните податоци на Државниот завод за статистика (ДЗС) за февруари изнесува 39.276 денари. Од друга страна, пак, пресметките на ССМ за минималната потрошувачка кошничка покажуваат дека на едно четиричлено семејство месечно му се неопходни 60.212 денари. Подобрувањето на ваквиот животен стандард со раст и на минималната и на просечната плата е дел од сите изборни програми на учесниците на претстојните избори. Лицитации во партиските програми Како актуелна владејачка партија СДСМ фалејќи се дека го исполниле и надминале ветувањето од минатите избори од 500 евра просечна плата, на работниците им ветува дека на крајот на следниот потенцијален мандат таа ќе изнесува 1.100 евра. За минималецот, пак, социјалдемократите се обврзуваат дека ќе достигне 600. Ваквите суми, како што наведуваат и во програмата, сметаат дека ќе се покачат за по 200 евра кога Северна Македонија ќе влезе во ЕУ. Во предизборните настапи поранешниот министер за здравство и носител на листата во „четворката“ кај СДСМ, Венко Филипче, зборуваше и конкретно за здравствените работници ветувајќи дека платите за докторите-специјалисти ќе достигнат до 180.000 денари, 120.000 денари за општите доктори и 90.000 за медицинските сестри. Видете и ова: Повисоките плати ќе го зголемат дефицитот и државниот долг И коалицискиот партнер во Владата на социјалдемократите, ДУИ лицитира со конкретни суми – 900 – 1.000 евра просечна плата во 2028 година. Наспроти нив, албанската опозициска коалиција „Вреди“ во амбициозниот настап на првиот ден од кампањата вети минималец од 800 евра. ВМРО-ДПМНЕ, пак, ветува конкурентна економија и економски раст, а со тоа и континуирано зголемување на платите. Со конкретни пресметки настапува и Левица која во програмата наведува „зголемување на минималната плата на две третини од синдикалната потрошувачка кошничка“. „Конкурентна и одржлива економија“ ветува и партијата ЗНАМ која во однос на платите ги издвојува наставниците и професорите на кои има ветува 100 проценти зголемување, 20 отсто за докторите, а 50 медицинските сестри и другиот здравствен персонал. Видете и ова: Економијата во 2024 - анемичен раст, инфлација и низок животен стандард Синдикатите, пак, предупредуваат дека ветувањата за просечна плата не значат ништо и зголемувањата треба да ги опфатат сите. „Ветувањата во делот на зголемувањето на платите – просечната и минималната, да ги потсетам дека треба да бидат зголемување и на сите останати плати на вработените во државата, а не само на една категорија на работници“, вели Трендафилов од ССМ. Пократка работна недела и намалување на невработеноста Во политичките програми, покрај ветувањата за плати, партиите ветуваат за работниците и низа други поволности. Меѓу нив, е и скратени работни часови. СДСМ најавува дека од 2026 ќе започне со проект за намалување на работното време од осум на седум часа дневно (од 40 на 35 часа недело). Исто ветување има и Левица која предвидува шест работни часа на ден (30 неделно), како и пензионирање на 60 (за жени) односно 62 години (за мажи). Намалувањето на невработеноста, како заложба може да се прочита во сите програми. Така, на пример, ВМРО-ДПМНЕ ветува дека ќе ја симне на стапка од 7,5 проценти со тоа што ќе отвори 55.000 работни места. СДСМ и ДУИ, пак, верува дека ќе успее да се достигне седум отсто. Видете и ова: Функционерите си ги намалија коефициентите, но не и платите Намалување на инфлацијата, поддршка за бизнисите, развивање на економските зони, поволности за придонесите се исто така во низата ветувања на партиите. Листа со барања, пак, имаат и синдикатите кои очекуваат да бидат слушнати на утрешниот протест по повод 1 мај. Покрај покачување на минималецот на 450 евра во првите сто дена, ССМ најавува дека од утрешниот протест ќе бара да се изгради „системско решение и обезбедување на континуиран раст на платите и во приватниот и во јавниот сектор врз основа на егзистенцијалните потребите“. На работниците да им се исплаќаат трошоци за храна во висина од 20 отсто од просечната плата, како и трошоци за превоз, работата на определено време да се ограничи на максимум една година, да се добие право на неработна сабота, работната недела да биде 35 часа, да се зголеми породилното отсуство итн. Видете и ова: Ниту закон нема да помогне против високите цени Наспроти ветувањата и желбите од една страна, со оценки за економската состојба во државата изминатиот период излегоа и меѓународните институции. Светска банка во последниот извештај забележа дека платите во Северна Македонија растат побрзо од растот на Бруто домашниот производ (БДП). Оттаму забележаа дека платите не се во согласност со продуктивноста и тоа, од друга страна, е нешто што годинава може да ја одржи инфлацијата на зголемено ниво. „Она што видовме во Северна Македонија, е дека инфлаторните притисоци се намалуваат, одговорот на политиките беше доста соодветен, но она што го гледаме како ризик е зголемување на платите, кои не се во согласност со продуктивнoста. Тоа е нешто што може да ја одржи инфлацијата на зголемено ниво во 2024 година. Нашите проекции укажуваат дека се работи за инфлација која се приближува кон историските цели, но сепак е зголемена,“ рече Сања Маџаревиќ-Шујстер, виш економист во Светска банка при презентација на редовниот Економски извештај за Западен Балкан на 11 април. Коментирајќи ја ситуцијата, тогаш и домашниот економскиот аналитичар Павле Гацов во изјава за РСЕ предупреди и дека државата ќе мора да се задолжува. „Ќе мораме да се задолжуваме дома или надвор за да го затвориме она што го трошиме повеќе. Значаен дел од растот на платите во земјата е генериран од зголемувањето во јавниот сектор, каде имате раст од цели 25 отсто во однос на истиот период лани, што значи поголеми расходи кои за жал не се следени со поголеми приходи, кои растат со само 4 проценти во Буџетот. Ефектот е зголемен дефицит и на крајот зголемен долг“, рече Гацов. Месецов и агенцијата за кредитен рејтинг „Фич“, пак, предупреди дека брзиот раст на платите би можел да биде ризик за инфлацијата во земјава. Artboard 4 Придружете се на Заедницата на Слободна Европа на Вибер Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...
Би-Би-Си: Иранските безбедносни сили малтретирале и убиле тинејџерка за време на протестите
Радио Слободна Европа - пред 1 ден
Вести април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе види ги сите денешни вести мај 01, 2024 Светот го одбележува 1 мај, меѓународниот ден на трудот ССМ протест пред Стопанска Комора за Први мај (Архивска фотографија) Меѓународниот ден на трудот, 1 мај, денеска се одбележува ширум светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. Видете и ова: Првомајски протести - Ќебапче за работникот, бифтек за функционерите На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови. Како во повеќе метрополи ширум светот, така денеска и во Скопје, Сојузот на синдикати на Македонија организира протест на кој ги повикаа да им се приклучат сите работници во борбата и апелите до надлежните за порамноправни работнички права. прочитај повеќе мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе Вчитај повеќе...
Јеменските Хути нападнаа брод во Индискиот Океан
Радио Слободна Европа - пред 1 ден
Вести април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе види ги сите денешни вести мај 01, 2024 РСЕ Конкурс за стипендија за новинарски фелоушип „Јиржи Динстбир“ за 2025 година Илустрација - Архивска фотографија од Јиржи Динстбир во Обединетите нации Стипендијата за новинарство „Јиржи Динстбир“ за 2025 година е отворена за апликанти - независни новинари од Западен Балкан. Целта на стипендијата е да им помогне на новинарите аспиранти од регионот да ја продолжат својата професија за поддршка на медиумскиот плурализам и независност. Започна во 2014 година, стипендијата за новинарство „Јиржи Динстбир“ е инспирирана од придонесите на Јиржи Диенстбиер Сениор во полето на новинарството, надворешната политика и човековите права и има за цел да го продолжи наследството на Радио Слободна Европа (РСЕ) за промовирање поправедни и отворени општества преку новинарството. Стипендијата е заедничка иницијатива на Министерството за надворешни работи на Чешката Република и РСЕ, финансирана од Министерството. Стипендијата е седуммесечна програма, која ги обучува стипендистите со врвни новинарски вештини и ги вклучува во секојдневните уреднички дебати и дискусии кои информираат за професионално и независно печат. Соработниците поминуваат шест месеци во седиштето на РСЕ во Прага, каде што се сместени во Балканскиот сервис за да добиваат дневна обука и менторство на работното место додека работат заедно со искусни професионалци на РСЕ. По Прага, соработниците го поминуваат последниот месец во локалното биро на РСЕ. Главните компоненти на програмата се: професионално менторство заедно со искусни професионалци на РСЕ обука и развој на новинарски вештини на традиционални, мултимедијални и дигитални платформи учество во дневните уреднички дискусии кои афирмираат професионално и независно новинарство самостојна работа на личен проект разбирање на мисијата и практиката на професионална, слободна и независна медиумска компанија Стипендијата содржи и работилници за новинарски практики и алатки, дискусии со владини претставници, граѓански лидери и регионални аналитичари, потоа посети на локални медиуми и новински агенции во Прага, како и можности за професионален развој во Чешката Република и во странство. Од стипендистите ќе се очекува да се претставуваат себеси и Стипендијата на англиски јазик на јавни настани и во дискусии во врска со слободата на медиумите во нивната земја. Ќе биде обезбедена месечна стипендија во бирото и во Прага, домување, здравствено осигурување и аранжмани за патување до и од Прага. За условите и за аплицирање кликнете ТУКА. прочитај повеќе мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе Вчитај повеќе...
Австралија се соочува со национална криза на семејно насилство
Радио Слободна Европа - пред 1 ден
Австралискиот премиер Ентони Албанезе го опиша семејното насилство како „национална криза“, откако илјадници луѓе се собраа на протести против насилството врз жените, во неколку градови во последните денови. Низ Австралија, службите на првата линија, борците против семејно насилство и полицајците бараат превенција и спречување на насилството и построги закони за насилство врз жените, пишуваат светските медиуми. Австралискиот премиер Ентони Албанезе свика итен состанок на владата бидејќи најновата статистика покажува дека на секои четири дена е убиена по една жена во инциденти на семејно насилство. Протести низ целата земја Илјадници луѓе протестираа во градовите низ Австралија во неделата (28 април) за да го привлечат вниманието кон смртта на 27 жени годинава, предизвикана од акти на родово засновано насилство во популацијата која брои 27 милиони. Еден ден подоцна, премиерот Албанезе рече дека собирите се повик за акција за сите нивоа на австралиската влада да направат повеќе за да го спречат родовото насилство. Во изјава за телевизијата „Nine Network“, како што јави Асошиејтед прес, Албанезе изјави дека „не е доволно само да се има емпатија“ и дека владата мора да направи повеќе. „Фактот што една жена умира во просек на секои четири дена од рацете на нејзиниот партнер е национална криза“, рече австралискиот премиер. Како што истакнува АП, во текот на викендот низ Австралија се одржани 17 собири, а се проценува дека само во Мелбурн протестирале околу 15 000 луѓе. Албанезе рече дека ќе свика состанок на лидерите на австралиските држави и територии во среда, 1 мај, за да разговараат за координиран одговор. Тој нагласи дека треба да се посвети поголемо внимание на сторителите и спречување на насилството. „Мораме да ја промениме културата, мораме да ги смениме ставовите, мораме да го промениме правниот систем“, рече Албанезе во неделата, обраќајќи им се на толпата на протестот во главниот град Канбера. Покрај премиерот, на средбата беа и неговата министерка за жени Кети Галагер и министерката за социјални услуги Аманда Ришворт. Според АП, насобраните им извикувале на владините лидери: „сакаме акција“ и „работете ја својата работа“. Епидемија на насилство Демонстрантите кои протестираат ширум Австралија во неделата сакаат да го прогласат родовото насилство за национална вонредна состојба и да воведат построги закони за да го запрат, објави Би-Би-Си. Говорејќи на митингот во Канбера, Албанезе призна дека владата на сите нивоа треба да биде подобра, велејќи дека „останува на мажите да го променат однесувањето“. Видете и ова: Протести во Бугарија против насилство врз жените Одговарајќи на повиците на демонстрантите, насилството врз жените да се квалификува како национален вонредна состојба, Албанезе рече дека таквата класификацијата обично се користи за време на поплави или шумски пожари за да се ослободи привременото финансирање. „Не ни треба месец или два, треба да се справиме со ова на сериозен начин, недела по недела, месец за месец, година во година“, рече тој. Албанезе во неколку наврати го нарече родовото насилство - епидемија, но тоа не е ново, посочува Би-Би-Си и потсетува дека во 2021 година низ целата земја се одржаа маршеви поради обвинувања за сексуално недолично однесување во парламентот и општеството. Во Аделаида, околу 3000 луѓе се собраа пред зградата на градскиот парламент во саботата. Протести се одржаа и во Бризбејн, Мелбурн, Голд Коуст и Њукасл во петокот и саботата. Загрижувачка статистика Собирите, исто така, се совпаднаа со обвинението против маж за наводното убиство на 30-годишната мајка на четири деца, Ерика Хеј, која беше пронајдена мртва по пожар во куќа во Перт на почетокот од овој месец. Вкупно, 27 жени биле убиени во првите 119 дена од 2024 година, според податоците собрани од кампањата „Destroy the Joint“. Според статистичките податоци составени од активисти за борба против семејното насилство, минатата година во Австралија, секоја недела била убиена по една жена во инциденти на семејно насилство. Годинава просекот се искачи на речиси еден на секои четири дена, пишува лондонски „Тајмс“. Само во Баларат годинава се убиени три жени. Саманта Марфи (51), мајка на три деца, не е видена откако го напуштила својот дом на 4 февруари и отишла да џогира низ шумата. За нејзиното убиство е уапсен „локален младинец“, но нејзините останки не се пронајдени. Неколку дена подоцна, Ребека Јанг (42), мајка на пет деца, била пронајдена мртва во нејзиниот дом со нејзиниот партнер, кој имал силни врски со одметнички банди со мотоцикли. Се верува дека ја убил пред да си го одземе животот. Видете и ова: Молкот „соучесник“ во убиства на жените Овој месец, телото на Хана Мекгваер (23), учителка, беше пронајдено во изгорен автомобил јужно од Баларат. За нејзиното убиство е обвинет 21-годишен маж, кого го познавала. Исто така во април, маж избоде шест лица до смрт во трговски центар во Сиднеј. Пет жртви се жени, а полицијата истражува дали тоа било намерно. Насилство надвор од урбаните средини Низ Австралија, службите на првата линија, застапниците против семејно насилство и полицајците бараат да се интервенира во превенција и спречување на насилството, пишува Гардијан. Според податоците на феминистичката невладината организација „Destroy the Joint“, половина од убиените жени оваа година биле во регионални делови од земјата, што ги истакнува ранливостите со кои се соочуваат жените кои доживуваат насилство надвор од урбаните средини и потребата од дополнителни ресурси. Втор пат во еден месец жителите на Баларат, третиот по големина регионален град во Викторија, маршираа низ улиците на градот барајќи да се стави крај на убиствата на жените. Елис Филипс, заменик-извршен директор за семејно насилство во Нов Јужен Велс, вели дека ресурсите во регионалните и руралните области се голем проблем. Особено, недостигот на станови и кризни сместувања. „Жените треба да бираат помеѓу тоа да бидат бездомници или да продолжат да искусуваат злоупотреба“, вели таа. Во меѓувреме, жените во руралните области низ Австралија имаат 24 пати поголеми шанси да завршат во болница поради семејно насилство, вели таа. Антоанета Брејбрук, извршен директор на Организацијата за спречување на семејно насилство за Абориџинската заедница во Викторија, исто така вели дека податоците за бројот на убиени и исчезнати жени од Првата нација се лоши. „Најновите национални податоци покажуваат дека жените Абориџини имаат 33 пати поголема веројатност да бидат хоспитализирани и 11 пати поголеми шанси да умрат од насилен напад отколку другите жени. Но, ретко нашите приказни се следат или се забележуваат како вредни за вести“, вели Брејбрук. Итна седница на владата Итен состанок на националната влада за насилството врз жените врз жените ќе биде свикан во среда, 1 мај, а се очекува премиерот Ентони Албанезе да им пренесе на сите регионални влади ширум земјата, вклучително и неговата на федерално ниво, дека мора да направат промени и да се фокусираат повеќе на запирање на сторителите, пишува Гардијан. Во Викторија, федералниот јавен обвинител Марк Драјфус и државната премиерка Џасинта Алан им се придружија на илјадниците луѓе минатиот викенд на митингот на плоштадот Федерација. Зборувајќи пред новинарите, Алан истакна: „Треба да престанеме да зборуваме за безбедноста на жените и да почнеме да се бориме против машкото насилство“, рече Алан. Artboard 4 Придружете се на Заедницата на Слободна Европа на Вибер...
Хамас подготвува одговор на понудата за прекин на огнот во Газа
Радио Слободна Европа - пред 1 ден
Вести април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе види ги сите денешни вести мај 01, 2024 Временска прогноза – Променливо облачно и топло, попладне локален дожд NMACEDONIA-WEATHER-HEAT Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи (УХМР). Минималната температура ќе биде во интервал од 6 до 12, а максималната ќе се движи 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Видете и ова: Временска прогноза - Сончево и релативно топло Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање. прочитај повеќе април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе Вчитај повеќе...
Кои се клучни проблеми на младите и имаат ли партиите решенија?
Радио Слободна Европа - пред 1 ден
Кои се клучни проблеми на младите и имаат ли партиите решенија? Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News #ВашТаг Кои се клучни проблеми на младите и имаат ли партиите решенија? април 30, 2024 Емилија Бунтеска Нацоска Embed Кои се клучни проблеми на младите и имаат ли партиите решенија? Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:42 0:00 Директен линк 240p | 6,8MB 360p | 8,9MB 480p | 13,0MB 720p | 36,6MB 1080p | 42,7MB Што е најголем проблем за младите во Северна Македонија и колку тие се дел од изборните програми на партиите? Во пресрет на Парламентарните избори, на оваа тема разговаравме со подмладоците на ВМРО-ДПМНЕ, СДСМ и Демократско движење. Сподели Кои се клучни проблеми на младите и имаат ли партиите решенија? share Поврзано Поткаст Зошто Чивијата ми влезе со Квискотека Категории Македонија Основци од Скопје - новинари на Инстаграм Првиот круг претседателски избори - мирен со незначителни проблеми Гласањето на претседателските избори - мирно и без проблеми Повеќе Свет Протести и контрапротести во Тбилиси за Законот за „странски агенти“ Украинци во странство во неизвесност поради новите правила за мобилизација Гореше станбена зграда по смртоносните руски напади на Днепропетровск Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Протести и контрапротести во Тбилиси за Законот за „странски агенти“ Украинци во странство во неизвесност поради новите правила за мобилизација Првиот круг претседателски избори - мирен со незначителни проблеми Повеќе Во 90 секунди Што е заднината на апсењето на рускиот заменик министер за одбрана? Сериозни здравствени ризици од палењето стари гуми во Црна Гора Американската новинарка, затворена во Русија, вели дека ќе излезе на слобода како невина Повеќе Радио програми Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...
Еруптираше вулканот Маунт Руанг во Индонезија
Радио Слободна Европа - пред 1 ден
Вести април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе види ги сите денешни вести април 30, 2024 ОБСЕ:Грузискиот закон за „странски агенти“ негативно ќе влијае врз граѓанското општество Поддржувачите на грузиската опозициска партија присуствуваат на протест против нацрт-законот за „странски агенти“ во близина на Парламентот на Грузија во Тбилиси, Грузија, 28 април 2024 година. Организацијата за безбедност и соработка во Европа (ОБСЕ) предупредува дека нацрт-законот што владата на Грузија го турка во Парламентот, таканаречениот предлог-закон за „странски агенти“, ќе ги етикетира граѓанските организации и активистите за заштита на човековите права создавајќи атмосфера на „недоверба, страв и непријателство“. Директорот на Канцеларијата за демократски институции и човекови права (ОДИХР) при ОБСЕ, на 30 април за грузиската служба на РСЕ изјави дека нацрт-законот, кој предизвика огромни протести во главниот град Тбилиси, ќе има „негативни последици за граѓанското општество. „Доколку се одобри суштината и содржината на предлог-законот, влијанието врз граѓанското општество сепак ќе биде негативно“, додаде тој. Грузискиот парламент требаше да гласа на 30 април за второто читање на контроверзниот нацрт-закон, за кој критичарите дома и во странство, велат дека го отсликува законодавството на Кремљ што се користи во Русија за да се замолчат критичарите и несогласувањата. Embed share Протести и контрапротести во Тбилиси за Законот за „странски агенти“ Embed share The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:02:23 0:00 Директен линк 240p | 6,7MB 360p | 11,6MB 480p | 25,0MB 720p | 37,1MB 1080p | 68,0MB Десетици илјади луѓе веќе две недели излегуваат а улиците на Тбилиси во знак на протест против законот предложен од владејачката грузиска партија. Соединетите Американски Држави, Велика Британија и Европската унија, кои на Грузија и доделија кандидатски статус во декември, сите го критикуваа законот. Официјални претставници на ЕУ рекоа дека тоа би можело да го запре напредокот на Грузија кон интеграција во блокот. „Разбирам дека поголемиот дел од граѓанските организации во Грузија добиваат финансиска поддршка од меѓународни донаторски институции, (и навистина речиси сите поголеми организации доброволно ја откриваат листата на нивните донатори)“, рече Мекачи во писмената забелешка на прашањата на РСЕ. Доколку биде усвоен, законот ќе бара од организациите и групите да се регистрираат како „странски агенти“ доколку добиваат повеќе од 20 проценти од финансирањето од странство. Видете и ова: Грузијците повторно протестираа против „законот за странски агенти во руски стил“ „Овој предлог-закон, доколку биде усвоен, ќе го претвори огромното мнозинство од институциите на граѓанското општество преку ноќ во „странски агенти“ или „претставници на странски сили“, што е спротивно на духот на меѓународната соработка“, вели Мекачи. Иако грузиската претседателка Саломе Зурабичвили вели дека ќе стави вето на законот доколку парламентот го усвои во трето читање, владејачката партија може да го отфрли ова со собирање 76 гласа. Потоа претседателот на парламентот може да го потпише во закон. За финалното читање на законот е предвидено да се расправа на 17 мај. прочитај повеќе април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе Вчитај повеќе...
Проширувањето на ЕУ и владеењето на правото - теми на неформалниот европски Совет за општи работи
Радио Слободна Европа - пред 1 ден
Вести април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе види ги сите денешни вести април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе Вчитај повеќе...
САД ја отфрлија можноста Меѓународниот кривичен суд да го истражува Израел
Радио Слободна Европа - пред 1 ден
Вести април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе види ги сите денешни вести април 30, 2024 Шефот на МААЕ Гроси ќе го посети Иран Архивска фотографија, Шефот на Меѓународната агенција за атомска енергија Рафаел Гроси Шефот на Меѓународната агенција за атомска енергија Рафаел Гроси треба да го посети Иран за да учествува на нуклеарната конференција од 6 до 8 мај и да се сретне со иранските претставници, објави во вторникот иранската новинска агенција Мехр. „Гроси ќе се сретне со ирански претставници во Техеран пред да учествува на Меѓународната конференција за нуклеарни науки и технологии што се одржува во Исфахан“, објави агенцијата. Шефот на МААЕ во февруари најави дека планира посета на Техеран за да се справи со „одалечувањето“ во односите меѓу агенцијата и Иран. Видете и ова: Министрите од ЕУ се согласија да ги заострат санкциите кон Иран Гроси тогаш изјави дека иако темпото на збогатување ураниум од страна на Иран е малку забавено од крајот на минатата година, сепак Иран сè уште збогатува со покачена стапка од околу 7 килограми ураниум месечно до 60% чистота. Збогатувањето до 60% го приближува ураниумот до степенот на оружје и не е неопходен за комерцијална употреба во производството на нуклеарна енергија. Иран негира дека создава нуклеарно оружје, но ниту една друга држава не збогатила до тоа ниво без да произведе оружје. Според договорот од 2015 година на Иран со светските сили, Техеран можеше да збогатува ураниум само до 3,67%. Откако тогашниот американски претседател Доналд Трамп ги повлече Соединетите држави од тој договор во 2018 година и повторно ги воведе санкциите, Иран многу ги надмина нуклеарните ограничувања од договорот. прочитај повеќе април 30, 2024 Чешка ќе ја зголеми старосната граница за пензионирање Илустрација, Прага, Чешка Зголемување на старосната граница за пензионирање и намалување на висината на пензиите за идните пензионери се дел од реформите кои ги донесе чешката влада. Целта на владините реформи е заштеда од милијарди долари буџетски средства. Со овие реформи старосната граница се поместува за седум месеци, односно од 65 години на 65 години и седум месеци, а пензиите за идните пензионери се намалени за околу осум отсто во однос на сегашниот износ на пензиите, јавуваат новинските агенции. Чешка се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. Видете и ова: Работниците протестираат за плати, политичарите во кампања за гласови „Промените ќе го спречат колапсот на пензискиот систем и ќе обезбедат достоинствени пензии за денешната млада генерација“, изјави чешкиот премиер Петр Фијала. Реформата што ја воведе десноцентристичката чешка Влада има за цел да го одржи просечното време што граѓаните го поминуваат во пензија на околу 21 година, што значи дека во иднина, заедно со промената на животниот век, ќе се промени и возраста за пензионирање. прочитај повеќе април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе Вчитај повеќе...
Американските, британските и египетските дипломати се оптимисти за предлогот за прекин на огнот во Газа
Радио Слободна Европа - пред 2 дена
Вести април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе види ги сите денешни вести април 30, 2024 Србија најави унапредување на соработката со Кина Архивска фотографија, Претседателот на Кина Си Џинпинг и претседателот на Србија Александар Вучиќ, 17 октомври 2023 година. Српската Влада соопшти дека на седницата на 30 април ги усвоила актите потребни за унапредување на соработката со Кина. „Донесени се документи од областа на образованието, науката, иновациите, технолошкиот развој, како и економско-техничката соработка во областа на инфраструктурата“, се наведува во владиното соопштение. Кинескиот претседател Си Џинпинг ќе ја посети Србија на 7 и 8 мај. Претседателот на Србија, Александар Вучиќ изјави дека за време на посетата на Си, Белград ќе „иницира проекти за забрзан технолошки развој во оние сфери во кои нема доволно знаење, од роботика, сателитска технологија, летечки автомобили до многу други работи“. Видете и ова: Разузнавачите „ловат“ сигнали на кинеска пропаганда во изборите Последен пат Си Џинпинг беше во официјална посета на Србија во 2016 година. Сега доаѓа во Белград на годишнината од бомбардирањето на кинеската амбасада при интервенцијата на НАТО во СР Југославија. Претседателот на Кина во Белград пристигнува на покана на Вучиќ. Шефот на кинеската дипломатија Ванг Ји изјави дека Пекинг со нетрпение ја очекува оваа посета, како уште една можност за зацврстување на „железното пријателство“ со Србија. прочитај повеќе април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе Вчитај повеќе...
Стано: Недостиг на политичка волја е причина за стагнација на договорот меѓу Србија и Косово
Радио Слободна Европа - пред 2 дена
Вести април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе види ги сите денешни вести април 30, 2024 Казахстански новинар обвинет за хулиганство поради видео поврзано со поплави Казахстанскиот новинар Раул Упоров Полицискиот оддел во регионот на Западен Казахстан за сервисот на Радио Слободна Европа на 30 април изјави дека новинарот Раул Упоров, кој опширно известуваше за тековните невидени поплави во градот Орал, е обвинет за хулиганство. Еден ден претходно, Упоров на Фејсбук објави дека полицијата насилно го одвела во полициска станица за официјално да го обвини за некој „административен случај“. Тој подоцна рече дека случајот против него бил покренат поради неговото онлајн видео за одлуката на локалниот оддел за итни случаи да им забрани на новинарите да ги посетуваат областите погодени од поплавите и да ја известуваат јавноста од такви места. Одделот ја објасни одлуката наведувајќи ги „безбедносните мерки на претпазливост“, додека Упоров остро ја критикуваше одлуката во видеото што го направи за поплавите, објавено на Инстаграм. Полицијата соопшти дека некои од зборовите што ги употребил Упоров во видеото ги сметала за „вулгарни“ и поднела пријава за хулиганство против репортерот. Видете и ова: Руски државјанин осуден на пет години принудна работа поради изјава за РСЕ Во меѓувреме, ситуацијата околу поплавите предизвикани од наглото топло време што доведоа до масовно топење на снег кон крајот на март останува комплицирана во западниот регион Атирау. Казахстанското Министерство за вонредни состојби соопшти на 30 април дека спасувачките тимови од 10 региони и воениот персонал остануваат во регионот Атирау за да го надгледуваат секој час нивото на водата во реката Жаик. Претходно, Министерството соопшти дека од евакуираните по поплавите, досега 38.521 луѓе се вратиле дома, додавајќи дека некои од спасувачките тимови и воениот персонал распоредени да им помогнат на регионите погодени од поплавите почнале да заминуваат бидејќи нивото на водата почнало да се намалува. Севкупно, околу 120.000 луѓе, вклучително и 44.000 деца, беа евакуирани од подрачјата погодени од поплавите. Најмалку пет лица загинаа во Казахстан за време на поплавите, додека најмалку четири се водат како исчезнати од почетокот на април. прочитај повеќе април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе Вчитај повеќе...
Француската полиција го растури пропалестинскиот протест пред Сорбона
Радио Слободна Европа - пред 2 дена
Вести април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе види ги сите денешни вести април 30, 2024 Трамп казнет со девет илјади долари поради непочитување на судот Поранешниот американски претседател Доналд Трамп Поранешниот американски претседател Доналд Трамп денеска (30 април) е казнет со 9.000 долари за непочитување на судот, затоа што во судницата во Њујорк постојано ја прекршувал забраната за коментирање на судскиот процес во јавноста, односно давање јавни изјави за сведоци, поротници . Станува збор за судскиот процес против Трамп за за тајна уплата на пари на порно актерката Сторми Даниелс. Судијата Хуан Мерџан изјави дека доколку го направи тоа повторно, може да биде испратен во затвор. Судијата Мерчан посочи дека паричната казна можеби не е доволна за да послужи како пречка за богатиот бизнисмен, кој стана политичар, и жали што нема овластување да наметне повисока казна. „Трамп со ова е предупреден дека судот нема да толерира континуирани намерни прекршувања на неговите законски наредби и дека, доколку е потребно, ќе изрече затворска казна“, се вели во одлуката на судијата. Видете и ова: Трамп e подготвен да го обнови конзервативниот сојуз со Орбан Одлуката е остро предупредување за поранешниот републикански претседател, кој инсистира дека само го користи своето право на слобода на говор. Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Судијата ја донесе одлуката на почетокот на втората недела од сведочењето во историскиот процес против поранешниот претседател. Обвинителите на Менхетен тврдат дека Трамп и неговите соработници се вклучиле во нелегална шема за да влијаат на претседателската кампања во 2016 година, спречувајќи негативните приказни за него да стигнат до медиумите и јавноста. Според одлуката, поранешниот претседател е казнет со илјада долари за секоја од онлајн изјавите, за кои судијата Мерџан, заклучил дека се кршење на забраната. Трамп мора да ја плати казната до крајот на работниот ден во петок, и ќе мора да отстрани седум навредливи објави од својот профил на социјалната мрежа „Трут сошл“ и две од неговата веб-страница на кампањата до вторник во 14:15 часот, се вели во судката одлука. На судењето на Трамп во вторник, ќе сведочи третиот сведок на обвинителството, Гери Феро, банкар кој му помогна на поранешниот адвокат на Трамп, Мајкл Коен, да ги отвори спорните сметки. прочитај повеќе април 30, 2024 Приведени 58 луѓе во Турција, осомничени за провокации на Денот на трудот Архивска фотографија од протести на Први мај, Денот на трудот во Турција Во полициската акција „Боздоган - 33“ се приведени вкупно 58 луѓе во различни делови на Турција, поради сомнение дека се вмешани во подготовка на провокации по повод Денот на трудот – 1 мај, напиша на социјалната платформа Х порано позната како Твитер, турскиот министер за внатрешни работи Али Јерликаја. Полициската акција е спроведена во вкупно 11 турски окрузи – Истанбул, Дијарбекир, Адана, Анталија, Билеџик, Мардин, Батман, Мугла, Муш, Шанлиурфа и Ван. Видете и ова: Партиите лицитираат со плати, работниците сакаат достоинство Во акциите во Анталија и во Измир, уапсени се четворица осомничени, за кои полицијата тврди дека на социјалните мрежи вршеле пропаганда во корист на левичарски терористички организации. „Нема да дозволиме да се толерира ниту еден терорист. Со континуираните напори на нашите безбедносни сили ќе продолжиме со нашата решителна борба сè додека не се неутрализира и последниот терорист во име на мирот, единството и солидарноста на нашиот народ“,напиша министерот Јерликаја. Министерот за внатрешни работи вчера соопшти дека властите забрануваат организирање демонстрации по повод 1 мај на централниот плоштад Таксим во Истанбул. прочитај повеќе април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе Вчитај повеќе...
Столтенберг во посета на Киев, Зеленски повика на побрза испорака на оружје
Радио Слободна Европа - пред 2 дена
Вести април 29, 2024 Столтенберг во посета на Киев, Зеленски повика на побрза испорака на оружје Генералниот секретар на НАТО Јенс Столтенберг со украинскиот претседател Володимир Зеленски на заедничка прес-конференција во Киев, 29 април 2024 година. На 29 април, генералниот секретар на НАТО Јенс Столтенберг се сретна со украинскиот претседател Володимир Зеленски во Киев. Столтенберг на заедничка конференција со медиумите оцени дека неколкумесечното доцнење на воената помош од Соединетите Американски Држави (САД) за Украина „има сериозни последици на бојното поле“, пренесе Агенцијата Франс Прес. Столтенберг изјави дека „на пат е повеќе воена помош“ и дека „не е доцна“ Украина да победи во војната. „Украина со месеци е отфрлена од оружје, принудена да ја рационализира својата муниција... Но, не е доцна Украина да победи“, рече Столтенберг на заедничката конференција со украинскиот претседател. Зеленски, од друга страна, повика на побрза испорака на оружје со цел Украина да се спротивстави на руската офанзива. Тој изјави дека во Украина почнало да пристигнува „витално оружје“ од САД, но во мали количини. Видете и ова: Русија продолжува со интензивните напади врз украинската енергетска инфраструктура „Заедно мора да ја прекинеме руската офанзива. Брзината на снабдување со оружје буквално значи стабилизација на линијата на фронтот“, рече Зеленски на прес-конференцијата. САД минатата недела одобрија пакет помош од 61 милијарда долари за Украина, ставајќи крај на повеќемесечниот ќорсокак во Конгресот за поддршка на Киев, кој се соочува со ниски залихи артилериски гранати. Видете и ова: Што има во новиот американски пакет оружје за Украина? Врховниот командант на Украина на 28 април изјави дека неговите војници се повлекле од три села на истокот каде руските сили се во офанзива и постепено зајакнуваат. „Руската војска сега се обидува да ја искористи ситуацијата додека чекаме испораки од нашите партнери“, рече Зеленски на 29 април. Украинскиот лидер, исто така, ја истакна потребата од испорака на софистицирани американски системи за противвоздушна одбрана Патриот, кои Киев ги смета за клучни за одбрана на воздушниот простор на Украина од руски ракетни напади. прочитај повеќе види ги сите денешни вести април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе Вчитај повеќе...
Финансиска полиција: Со лажни формулари откупувале стари акумулатори, кривична против фирма и три лица
Радио Слободна Европа - пред 2 дена
Вести април 29, 2024 Финансиска полиција: Со лажни формулари откупувале стари акумулатори, кривична против фирма и три лица Управа за финансиска полиција Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела „измама” и „фалсификување исправа”. Штетата која ја наведува Финансиската полиција дека е направена изнесува 214.411.861 денари или нецели 3,5 милиони евра Како што се наведува во соопштението од Финансиска полиција, првопријавеното физичко лице во својство на вработено и третопријавеното физичко лице во својство на сопственик и управител на четвртопријавеното правно лице, заедно со второпријавеното физичко лице вработено кај оштетеното правно лице, со намера да се стекнат со противправна имотна корист и со лажно прикажување на факти, го довеле во заблуда оштетеното правно лице, неосновано да исплати значителен износ на пари по основ на откуп на стари акумулатори. „Првопријавеното и третопријавеното лице во свое име и за сметка на пријавеното правно лице изготвувале и употребувале лажни формулари за отпад на стари акумулатори, кои второпријавеното физичко лице како вработено во оштетеното правно лице ги потпишувало и ги одобрувало лажните испратници и откупните белешки, иако истото знаело дека робата не била испорачана и примена, со што овозможило оштетеното правно лице неосновано да исплати вкупен износ од 214.411.861 денари“, пишува во соопштението од Управата за финансиска полиција. прочитај повеќе види ги сите денешни вести април 30, 2024 Уапсени се 5 Руси осомничени за подметнување пожар на хеликоптер Архивска фотографија од рускиот хеликоптер Ка-32 Московскиот суд на 30 април им одреди притвор од најмалку два месеци за пет млади лица осомничени за подметнат пожар на хеликоптер Ка-32 во предградието на руската престолнина. Анастасија Молчалина, Станислав Хамидулин, Никита Булгаков, Роман Јаковец и Даниил Јамсков беа обвинети за тероризам и се соочуваат со затворска казна до по 20 години доколку бидат прогласени за виновни. Видете и ова: Естонија:Русија ги прекрши меѓународните правила со пречки во ГПС сигналите Полициските инспектори тврдат дека водачот на групата, Хамидулин, бил регрутиран од украинските разузнавачи. Рускиот суд не соопшти како се изјасниле осомничените по сослушувањето при изрекувањето на мерка притво. На 26 април, украинското воено разузнавање (ГУР) објави видео на Јутјуб на кое се гледа како што рече, подметнувањето пожар. прочитај повеќе април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Од Јавното обвинителство соопштија дека екстрадицијата ќе биде спроведена преку Министерството за внатрешни работи. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе Вчитај повеќе...
Министерство за финансии: Да се вратат старите цени на автомобилското осигурување
Радио Слободна Европа - пред 2 дена
До крајот на денешниот ден осигурителните компании да ги стават во мирување одлуките за зголемување на трошоците, бара Комисијата за осигурување од автомобилска одговорност која денеска на седница го разгледа извештајот од Националното биро за осигурување поврзано со зголемените цени по основ на премија за вршење на дејноста на осигурување. Од Националното биро за осигурување и од Агенцијата за супервизија на осигурувањето како регулатор се бара во текот на денов да им предложат на осигурителните друштва до крајот на денот ги стават во мирување одлуките за зголемување на трошоците, да ги вратат на ниво од пред 25 април и за тоа да ја известат Комисијата. „Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките“, се наведува во соопштението од Министерството за финансии. Од Агенцијата за супервизија на осигурувањето се бара да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, со цел обезбедување сеопфатна информација за донесување објективна и транспарентна одлука. Видете и ова: Агенција за супервизија на осигурување: Неоправдано е поскапувањето на автомобилското осигурување „Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица. На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци“, наведува Министерството за финансии. Од Националното биро за осигурување во пресрет на денешната седница на Комисијата за осигурување од автомобилска одговорност посочија дека „одлуката треба да ги земе предвид интересите на крајните потрошувачи, но и реалната пазарна состојба, како и условите под кои работат осигурителните компании“. Со донесените одлуки за зголемување на цената на полисата за задолжителното авто осигурување од страна на осигурителните компании за 15,44 отсто поскапува полисата што ја плаќаат граѓаните при регистрација на нивните возила со моќност од над 44 киловати. Поскапувањето е од 840 до скоро 1.600 денари во зависност од моќноста на возилото....
Разузнавачите „ловат“ сигнали на кинеска пропаганда во изборите
Радио Слободна Европа - пред 2 дена
Во ек на предизборието, директорот на Агенцијата за разузнавање Еролд Муслиу вели дека се остварува сценариото за кое предупредувал за кинеска и руска пропаганда, но, не дава конкетни докази за тоа. Во Северна Македонија за време на предизборието има кинеска дезинформациска пропаганда која добива форма на кампања и продуцира евроскептицизам, а од друга страна им нуди алтернатива на граѓаните во членство на државата во БРИКС и Евроазиска унија. Ова во изјава за РСЕ го тврди првиот човек на Агенцијата на разузнавање, Еролд Муслиу, не посочувајќи кои „актери“ - политички или медиумски ги става во оваа група. Агенцијата за разузнавање иако во неколку наврати предупредува на кинеско влијание, никогаш не посочи конкретен политички субјект во Северна Македонија. Сепак, на овие избори, партијата Левица и нивната кандидатка Билјана Ванковска отворено се залагаа за соработка со Кина, за напуштање на НАТО и ЕУ интеграциите и барање на други алтернативи. Левица е партија со двајца пратеници во Парламентот и екстремно левичарска идеологија, но во исто време и националистичка. Во програмата за парламентарните избори, Левица се залага за издигнување на билатералните односи со Народна Република Кина на ниво на стратешко партнерство (соработка во рамки на „Иницијатива 17+1“ и поддршка на иницијативата „Појас и Пат“), со фокус на инфраструктурно поврзување, како и за укинување на визниот режим со Кина. Во изборните програми на другите политички партии независно дали се работи за претседателските или за парламентарните избори, Кина не се споменува. На официјалната веб - страница на Левица, и политичката платформа за делување на партијата ја има и на кинески јазик. Политичка платформа на партијата Левица Партијата Левица има и свој онлајн медиум. Станува збор за порталот Антропол, кој е регистриран на име Здружение на граѓани - медиумска асоцијација за информирање на граѓаните „Антропол – Скопје“. Основачката структура на невладината ја сочинуваат членови на партијата Левица. Содржински, на Антропол се споделуваат текстови и колумни на автори со наративи за промоција на политиките на НР Кина. Текстови објавени на порталот Антропол Во 2022 година, Левица испрати и писмо до кинеската Комунистичка партија честитајќи го реизборот на нивниот лидер Кси Џипинг. Една година претходно, членови на Президиумот на Левица и нејзиниот претседател Димитар Апасиев учествуваа виртуелно на светскиот самит на кинеската Комунистичка партија по повод 100 годишнината од основањето. Иако директорот Еролд Муслиу не посочува кој промовира кинеска пропаганда во Северна Македонија, сепак, оваа политичка партија е единствената која ја нуди алтернативата на Западот. Во однос на наводите од Агенцијата за разузнавање и дали се препознаваат во нив, од партијата Левица велат дека „ние сме суверена држава и ниту една друга држава нема право да се меша во внатрешните работи и политики на Република Македонија“. „Што се однесува до нас, Левица не е анти-ЕУ, ниту пак промовира евроскептицизам. Нас ни треба промена на преговарачката рамка и на методологијата за влез во ЕУ, и во отсуство на слух од ЕУ ние имаме полно право за барање на алтернативи кои нема да не потчинуваат“, одговорија од Левица за РСЕ. Не се забележува директно кинеско влијание на изборите Според Ана Крстиновска од „Естима“, која е долги години ги анализира кинеските политики, оценува дека во предизборниот период во Северна Македонија не се забележува директно кинеско влијание, иако во Канада или други западноевропски држави се чувствува протежирање на кандидати кои имаат наклонетост кон Кина. „Кај нас тоа е партијата Левица и нивната претседателска кандидатка, кои со нивните наративи за БРИКС, за мултиполарен свет, директно ги промовираат кинеските позиции и кинеската визија за нов светски поредок. Она што би требало да се провери е дали е тоа резултат на нивната идеолошка определба или наклонетост или поддршка и помош директна или индиректна од различни кинески чинители“, вели Крстиновска. Од партијата Левица за РСЕ одговараат дека причината за негување на односите со НР Кина и други земји е од идеолошка природа. „Левица се залага за индивидуален и симултан развој на стратешко партнерство со секоја од земјите постојани членки на Советот за безбедност на ООН, вклучувајќи ја Кина, но и: САД, Русија, Франција и Велика Британија - за да се обезбеди сигурност и стабилност за нашата држава и нашите граѓани. Во програмата се спомнува и развивање на соработката и со останатите земји кои развиваат социјалистичко уредување со сопствени специфики: Виетнам, Боливија, Куба и други. Причината поради која се залагаме за негување на односите со овие земји е идеолошка, додека избегнувањето на издигнување на билатералните односи со НР Кина на ниво на стратешко партнерство е неодговорно и кратковидо“, одговорија од Левица за РСЕ. Сценарио кое се остварува На 20 јуни 2023 година, Агенцијата за разузнавање предупреди дека Северна Македонија ќе биде мета на дезинформациска пропаганда за уставните измени и изборите во 2024 година. Во пресрет на двојните избори, претседателски и парламентарни на 8 мај, директорот на Агенцијата, Еролд Муслиу во изјава за РСЕ вели дека таквото предизборно сценарио се остварува, напоменувајќи дека се нотирани пропагандни наративи во изминатиот период. Агенцијата за разузнавање препознала хибридна стратегија и селективна употреба на наративи кои побудуваат емотивни реакции, користејќи сензитивни прашања во регионот кои особено добиваат на интензитет при изборните циклуси. „Во Северна Македонија, во фокус е евроинтегративниот процес кој нужно е поврзан со уставните измени. Целиот процес околу преговорите со Бугарија е проследен со дезинформации токму поради интенција за манипулација на јавноста, создавање конфузија и меѓуетнички и интраетнички поделби. Една од целите на оваа кампања е поткопување на довербата во институциите на системот, особено во безбедносно-разузнавачките служби кои се изложени на интензивни напади преку социјалните мрежи и платформите Јутуб и Тик-Ток“, вели Муслиу за РСЕ. Видете и ова: Успехот на „меката моќ“ на Кина во Македонија Уставните измени за внесување на Бугарите во Преамбулата е услов за продолжување на пристапните преговори на Северна Македонија со ЕУ и ова е во фокусот на изборната кампања. Сепак, директорот Муслиу не одговара конкретно на прашањето дали Агенцијата располага со информации за кинеско влијание или можеби и финансирање на политички партии во Северна Македонија. „Изборната година и овозможува на Кина мешање во избори преку промоција и сеопфатна поддршка на преферирани кандидати и партии со кои веќе има соработка. Иако во многу земји ваквите партии се маргинални, од интерес на Кина е и ширење наративи во рамки на изборни кампањи кои се против западното стратешко сојузништво, а се залагаат за мултиполарен свет и соработка со Кина“, вели Муслиу. Позитивни наративи за Кина во медиумите Досегашните анализи на невладината „Естима“ во делот на медиумското претставување покажуваат дека Кина во голема мера се потпира на пропаганда и пласирање на исклучиво позитивни перцепции во едно „розово и нереално“ светло. „Во нашите медиуми, Кина се претставува како економска суперсила, како земја која е на пат да оствари технолошка доминација во светот. Но, се повеќе имаме и прикажување на кинескиот модел на управување или владеење, како модел кој е во основа на кинескиот технолошки успех, со што автоматски се промовира авторитарниот карактер наспроти демократијата, како режим кој е поповолен да поттикне економски раст, во споредба со демократското управување“, вели Крстиновска. Видете и ова: Зголеменото кинеско влијание треба да го вклучи црвениот аларм Но, од првиот човек на Агенцијата за разузнавање, Еролд Муслиу оди дури и чекор понатаму. Муслиу наглсува дека Кина се обидува да го наметне своето влијание во медиумскиот простор преку создавање блиски односи со одредени новинари и медиуми и координирано пласирање на подготвени пропагандни пораки наменети за обликување на јавното мислење во корист на Кина. Муслиу наведува дека некои медиуми, притоа не откривајќи кои, со цел да обезбедат финансиска одржливост и во трката за профит, несвесно влегуваат во матрицата на хибридно дејствување на држави кои се стратешки ривали на ЕУ и НАТО. И Амбасадата на Кина во Северна Македонија е прилично активна и на социјалната мрежа Фејсбук. Но, неретко под објавите Фејсбук ги означува дека објавите доаѓаат од „кинеско државни контролирани медиуми“. Во објаснувањето пишува дека „Фејсбук го означува овој издавач бидејќи верува дека може делумно или целосно да биде под уредувачка контрола на државата“. Објава на веб - страницата на Фејсбук на кинеската амбасада во Северна Македонија Слабо и спорно економско присуство на Кина Претходно, се уште актуелниот шеф на државата, Стево Пендаровски во изјава за РСЕ истакна дека кинеското влијание во Северна Македонија „неспорно го има“ и дека доаѓа преку економските текови. Пендаровски сепак прави дистинкција за начинот на кој Кина и Русија се присутни во Северна Македонија. „Руското влијание никогаш не доаѓа преку економијата. Ние, практично, во Македонија немаме руски инвестиции. Никогаш и не сме имале. Меѓутоа, Кина има сосема поинаков пристап. Кина доаѓа преку инвестициите и преку евтините заеми кои ви ги дава. И на тој начин, ако вие сте во некои делови склони кон нечесно однесување, Кинезите можат на таков начин да влезат. До сега доаѓаат исклучиво со економски иницијативи кои на прв поглед воопшто не делуваат како обид за, не знам, разузнавачка пенатрација. Не можам да тврдам такво нешто. Меѓутоа, не сум видел до сега класична или традиционална шпионска школа или пристап од страна на Кинезите. Кај Русите, тоа е традиционален пристап“, вели Пендаровски. Видете и ова: Пендаровски: Можно е да се зголеми руското влијание пред двојните избори Во споредба со другите земји од Западен Балкан, Северна Македонија има релативно малку кинески инвестиции. Мапирањето на кинеските инвестиции овој регион покажува дека развојната кампања на Кина во инфраструктурни проекти како Иницијативата „Појас и пат“ има висока цена за човековите права, транспарентноста и животната средина со особено силни последици за климата, пишува во неодамнешниот извештај на невладината организација Just Finance International. Истражувањето се однесува на мапирање на кинеските инвестиции и судските процеси поврзани со нив во Северна Македонија, Босна и Херцеговина, Црна Гора, Србија и Албанија. Според извештајот во соседните земји се забележани над 100 случаи во десетци инвестиции, за кои како што се вели во извештајот, ја доведуваат во прашање законитоста и етиката на кинеските инвестиции на Западен Балкан. Во Северна Македонија се евидентирани два кинески инфраструктурни проектa и тоа изградбата на автопатите Кичево - Охрид и Миладиновци- Штип. Како изведувач на градежните работи е наведена кинеската фирма „Синохидро“. Видете и ова: Контроверзии во кинеските инвестиции на Западен Балкан Невладината организација пишува за судската постапка во случајот „Траекторија“, кој се однесуваше на постапката за избор на кинеската компанија „Синохидро“ за изградба на автопатиштата Миладиновци – Штип и Кичево – Охрид. Овој предмет го отвори поранешното Специјално јавно обвинителство во кое ги обвини поранешните власти за корупција односно наплатени провизии од кинеската фирма. Но, со измените на кривичниот законик, делото застаре и нема да бидат кривично гонети обвинетите за злоупотреба на службена должност и мито. Борба против дезинформации Во борбата против руските и кинеските наративи, Северна Македонија не е сама. На 12 мај 2023, Северна Македонија беше првата земја со која САД потпишаа Меморандум за разбирање и соработка во борба против дезинформациите кои доаѓаат од Русија, Кина или трети земји. А само еден месец порано, во април, Кина и Соединетите Американски Држави се „судрија“ на македонско тло. Причина за тоа беа меѓусебните обвинувања за ширење на дезинформации и пропаганда во земјите од Западен Балкан, меѓу кои и Северна Македонија. Видете и ова: САД и Северна Македонија потпишаа меморандум за соработка против манипулација со дезинформации Специјалниот претставник и координатор на Центарот за глобален ангажман при Стејт департментот, Џејмс Рубин истакна дека „регионот на Западен Балкан е под силно влијание на манипулации и лаги од руски и кинески структури“. Реагираше кинеската амбасада во Северна Македонија, оценувајќи дека САД се „најголем дистрибутер на дезинформации“ и повикаа американските политичари да престанат да ја оцрнуваат и клеветат Кина и воедно да ги нарушуваат пријателските односи со Северна Македонија. Во тој временски период за прв пат на јавна сцена директорот на државната Агенција за разузнавање истакна дека во Северна Македонија покрај руско, има и кинеско влијание и посочи дека државата ќе биде мета на дезинформации и пропаганда за време на двојните претседателски и парламентарни избори. Artboard 4 Придружете се на Заедницата на Слободна Европа на Вибер Петар Клинчарски Петар Клинчарски новинарската кариера ја започнува како репортер во медиумот А1он, подоцна продолжувајќи ја во ТВ Телма. Од 2016-та до 2022-ра година беше дел од емисијата „360 степени“. Од јуни 2023-та година работи како новинар во Радио Слободна Европа. [email protected] Регистрирај се...
Турција ќе ја изрази својата поддршка за Марк Руте како шеф на НАТО
Радио Слободна Европа - пред 2 дена
Вести април 29, 2024 Турција ќе ја изрази својата поддршка за Марк Руте како шеф на НАТО Знамето на Турција до логото на НАТО пред седиштето на Алијансата во Брисел (Илустративна фотографија) Турција им кажа на своите сојузници во НАТО дека Анкара ќе ја поддржи кандидатурата на холандскиот премиер во заминување Марк Руте за функцијата генерален секретар на НАТО, објави Асошиејтед прес (АП) на 29 април, повикувајќи се на изјавата на високo рангиран турски функционер. Висок турски функционер, како што јави АП, изјавил дека Турција во понеделникот ги известила дипломатите на сојузниците на НАТО во Брисел. Одлуката доаѓа три дена откако Руте отпатува за Турција за да побара поддршка од претседателот Реџеп Тајип Ердоган за неговата кандидатура. Службеникот зборуваше под услов да остане анонимен во согласност со протоколот на турската влада. Актуелниот шеф на НАТО, Јенс Столтенберг, поранешен норвешки премиер, се ближи до крајот на својот мандат, кој беше продолжен неколку пати, бидејќи Северноатлантската Aлијанса се обиде да одржи континуитет и стабилност по руската инвазија на Украина во февруари 2022 година. Членките на НАТО, Турција и Унгарија претходно изразија резервираност за кандидатурата на Рутe, а Ердоган не се обврза за такво нешто на заедничката прес-конференција со Рутe на 26 април. Видете и ова: Сикорски: Рускиот напад врз НАТО би завршил со пораз на Москва Претставниците на НАТО бараат номинацијата за наследник на Столтенберг да биде завршена до крајот на април, пред да започнат изборите за највисоките позиции во Европската Унија закажани за 6 и 9 јуни. Во јули во Вашингтон се одржува самит по повод 75-годишнината од НАТО. Генералните секретари на НАТО се одговорни за претседавање со состаноци и за спроведување на консултации меѓу земјите-членки за да се осигура дека организацијата заснована на консензус може да продолжи да функционира. Тие, исто така, гарантираат дека одлуките се спроведуваат во име на сите членки на Алијансата. прочитај повеќе види ги сите денешни вести април 30, 2024 Турција одобри екстрадиција на Љупчо Палески- Палчо Архивска фотографија, првоосомничениот за двојно убиство Љупчо Палески - Палчо. Турскиот суд ја одобри екстрадицијата на македонскиот државјанин, првоосомничениот за двојно убиство Љупчо Палески - Палчо. Од македонското министерство за правда соопштија дека денеска ( 30 април ) им пристигнало официјално известување од Турција дека екстрадицијата на Љупчо Палевски е дозволена. Во соопштението од Министерството нема повеќе детали за тоа кога и како ќе биде спроведена екстрадицијата. Како првоосомничен за грабнувањата и убиствата на малолетничката Вања Ѓорчевска и велешкиот фризер Панче Женовски, Палевски на 5 декември беше уапсен во градот Балибекир во Турција. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Видете и ова: Уапсен Љупчо Палевски-осомничениот за грозоморното убиство на 14-годишната Вања Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања. прочитај повеќе април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе Вчитај повеќе...
Полските земјоделци ја прекинаа блокадата на границата со Украина
Радио Слободна Европа - пред 2 дена
Вести април 29, 2024 Полските земјоделци ја прекинаа блокадата на границата со Украина Илустрација од протестите на полските земјоделци Полските земјоделци ја прекинаа повеќемесечната блокада на граничниот премин со Украина. Британските медиуми ја пренесуваат позитивната оценка на украинскиот министер за земјоделство за напорите на Полска да стави крај на блокадата и најави дека се деблокирани сите гранични премини со Полска. Блокадите започнаа кон крајот на минатата година, по протестите на полските земјоделци поради изземањето на украинските земјоделци од барањето да аплицираат за влез во Полска. Видете и ова: Украина е подготвена да го ограничи извозот во ЕУ поради протестите на полските земјоделци Варшава и Киев со месеци преговараа за изнаоѓање решение за блокадата, а Украина ја повика Европската Унија да интервенира. Илјадници земјоделци во Полска излегоа на улиците во Варшава на 27 февруари, ескалирајќи го протестот што започна на почетокот на февруари против увозот на храна од Украина и зелените правила на ЕУ. Земјоделците ширум Европа протестираа со недели против ограничувањата што им ги поставуваат регулативите за „Зелениот договор“ на ЕУ, наменети за справување со климатските промени, како и зголемените трошоци и, како што велат, нелојалната конкуренција надвор од ЕУ, особено Украина. Полските земјоделци започнаа серија протести низ целата земја на почетокот на овој месец, а за време на протестите целосно ги блокираа и сите украински гранични премини, како и пристаништата и низ целата земја. прочитај повеќе види ги сите денешни вести април 30, 2024 Британија го екстрадираше црногорскиот бизнисмен Кнежевиќ Архивска фотографија, приведувањето на бизнисменот Душко Кнежевиќ Црногорскиот бизнисмени, обвинетиот Душко Кнежевиќ, некогаш близок соработник на поранешниот црногорски претседател Мило Ѓукановиќ, е екстрадиран во Црна Гора од Велика Британија за да се соочи со обвиненија за корупција. Кнежевиќ бил пренесен од Лондон во Подгорица рано наутро на 30 април со специјален лет, соопшти црногорското Министерство за правда. Кнежевиќ, кој има британски, црногорски, кипарски и српски пасоши, е обвинет за „злоупотреба на положба во деловните операции преку поттикнување, создавање криминална организација и перење пари“, соопшти црногорската полиција. Имено, Специјалното државно обвинителство го бара Кнежевиќ од јули 2019 година, а против него се покренати три обвиненија - за организирање криминална група, перење пари и злоупотреби во економијата. Видете и ова: Укината одлуката за екстрадиција на „кралот на криптовалутите“ од Црна Гора во Јужна Кореја Од покренувањето на истрагата тој престојува во Велика Британија. На четири дена пред екстрадицијата, поранешниот премиер Дритан Абазовиќ изјави дека најдобро би било претседателот на Атлас груп Душко Кнежевиќ да биде заштитен сведок во Црна Гора и да му каже на обвинителството се што знае за бизнисите и економските активности на поранешната влада. Инаку, Кнежевиќ со години црногорската јавност го сметаше за човек близок на поранешниот премиер Мило Ѓукановиќ. Се занимавал со мултимилионски бизниси - од банкарство, градежништво, образование до медиуми. прочитај повеќе април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе Вчитај повеќе...
Блинкен се надева дека Хамас ќе го прифати „дарежливиот“ договор за Газа
Радио Слободна Европа - пред 2 дена
Вести април 29, 2024 Блинкен се надева дека Хамас ќе го прифати „дарежливиот“ договор за Газа Американскиот државен секретар Ентони Блинкен Американскиот државен секретар Ентони Блинкен денеска (29 април) изјави дека се надева оти Хамас ќе ја прифати „исклучително дарежливата“ понуда за запирање на израелската офанзива во Газа во замена за ослободување на заложниците. Европската Унија и САД ја прогласија Хамас за терористичка организација. „Хамас има пред себе предлог кој е „извонредно дарежлив“ од страна на Израел. Во овој момент, единственото нешто што стои меѓу луѓето во Газа и прекинот на огнот е -Хамас“, рече Блинкен во Ријад на Светскиот економски форум и додаде: „Можеме да имаме фундаментална промена во динамиката“ за повеќе од половина година крвопролевање“. Говорејќи во Саудиска Арабија, американскиот државен секретар рече дека има „мерлив напредок“ во доставувањето помош за Газа, но дека е потребно повеќе. Блинкен рече и дека Иран е најголемиот извор на нестабилност во регионот. Тој посочи дека настаните од последните неколку месеци покажаа дека има два можни патишта. Едниот, рече тој, бил обележан со „поделби, уништување, насилство и постојана несигурност“. Видете и ова: Блинкен во посета на Саудиска Арабија, Јордан и Израел Сепак, Блинкен посочи дека состаноците како денешниот покажале дека има многу повеќе нации во регионот на Ријад заинтересирани за вториот пат, „поголема интеграција, поголема безбедност, поголем мир“. „Многу повеќе од нас сакаат да одат по тој пат“, рече Блинкен. Тој се сретна и со саудискиот министер за надворешни работи, принцот Фајсал бин Фархан ал Сауд. Блинкен, исто така, ќе се состане со турскиот министер за надворешни работи Хакан Фидан и други регионални претставници пред очекуваната посета на Израел подоцна во текот на неделата. прочитај повеќе види ги сите денешни вести април 30, 2024 Мерки за претпазливост за 12 луѓе за злоупотреба на службена положба, бара Обвинителство Обвинителство Мерки за претпазливост за 12 луѓе поради злоупотреба на службена должност побара денеска ( 30 април ) Јавното обвинителство. Во нивното кусо соопштение е наведено дека обвиненителниот предлог е базиран на истрага која била спроведена по иницијатива на Државната комисија за спречување на корупција, без да се наведе информација од која инститиција се осомничените за злоупотреба на службената должност. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела - Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство. Видете и ова: ДКСК со иницијатива за кривично гонење на директорот на АМС за злоупотреби на ваучер системот Дел од медиумите во земјава објавија дека овој обвинителен предлог се однесува на аферата со распределба на спортските ваучери преки Агенцијата за млади и спорт. (ДКСК) во февруари достави иницијатива до Јавното обвинителство за кривично гонење на актуелниот директор на Агенцијата за млади и спорт Наумче Мојсовски и членовите на централната комисија поради основани сомнежи за злоупотреба и непочитување на ваучер системот на финансирање фондации и спортски клубови во периодот од 2020 до 2022 година. Според анализите на ДКСК годишно на овој начин се трошат околу една милијарда денари, што се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК тогаш соопшти дека е неопходно да се интервенира и во самиот Закон за спорт, со носење на некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС. Освен од АМС, податоци биле побарани и од фудбалската, кошаркарската, ракометната и одбојкарската федерација, како и до спортските клубови кои користеле средства од ваучери во висина од над еден милион денари. Тогашната претседателката на ДКСК Билјана Ивановска, изјави ДКСК не е против доделување средства на клубовите, туку да се направи праведен систем без фаворизирање. прочитај повеќе април 30, 2024 Естонија:Русија ги прекрши меѓународните правила со пречки во ГПС сигналите Илустрација Естонија ја обвини Русија за кршење на меѓународните прописи за воздушен простор со мешање на ГПС (GPS) сигналите. Министерот за надворешни работи на балтичката земја, Маргус Цахна најави дека ќе го разгледа ова прашање со своите партнери во НАТО и Европската унија. Финската најголема авиокоманија Финаир (Finnair) по овој настан на 29 април објави привремена суспензија на своите летови до Тарту во источна Естонија на еден месец поради тековните нарушувања на ГПС сигналите кои спречија нивни два авиона да слетаат. Летовите ќе бидат суспендирани за да му се овозможи на аеродромот да инсталира алтернативен метод на пристап кој не се потпира на ГПС сигналите, соопштија од авиокомпанијата. Повеќето аеродроми имаат инсталирано таква опрема. Финската авиокомпанија соопшти дека не знае од каде потекнува мешањето, но дека има зголемување на инцидентите од 2022 година. Видете и ова: Најмалку две лица загинале во руски напади врз Харкив Превозникот пријави слични проблеми во близина на руската ексклава Калининград и источната граница на Финска со Русија. „Мешањето на ГПС сигналите во естонскиот воздушен простор од страна на Руската Федерација го погоди цивилното воздухопловство во нашиот регион. Со тоа Русија ги прекршува меѓународните регулативи“, напиша министерот за надворешни работи на Естонија, Маргус Цахна на социјалните мрежи Х доцна во понеделникот. Тој не објави повеќе детали и докази за да го поткрепи тврдењето. Ниту Кремљ, ниту Министерството за одбрана на Русија не одговорија веднаш на барањата за коментар, јавува новинската агенција Ројтерс. Агенцијата за воздухопловна безбедност на Европската унија (ЕАСА) не ги следи пречките во реално време, но информациите со отворен код покажаа големо мешање во областа на денот кога двата авиони беа пренасочени, рече портпаролот на Агенцијата. прочитај повеќе април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе Вчитај повеќе...
Израелските власти „загрижени“ за можните налози за апсење од Меѓународниот кривичен суд
Радио Слободна Европа - пред 2 дена
Вести април 29, 2024 Израелските власти „загрижени“ за можните налози за апсење од Меѓународниот кривичен суд Меѓународниот кривичен суд (МКС) со седиште во Хаг (илустрација) Израелските власти се загрижени дека Меѓународниот кривичен суд (МКС) со седиште во Хаг може да издаде налози за апсење на водачите на земјата по меѓународниот притисок поради војната на Израел против Хамас во Појасот Газа, објави Асошиејтед прес (АП) на 29 април. Соединетите Држави (САД) и Европската Унија го прогласија Хамас за терористичка организација. Пред три години Меѓународниот кривичен суд започна истрага за можни воени злосторства извршени од Израел и палестинските милитанти кои датираат од војната меѓу Израел и Хамас во 2014 година, но не даде никакви индикации за можни налози за апсење. АП пренесува дека судот веднаш не ги коментирал наводите за можни налози за апсење на израелски официјални лица. Израелското Министерство за надворешни работи соопшти дека ги информирало израелските мисии за „гласините“ дека може да бидат издадени налози против високи политички и воени функционери. Не е јасно што ја предизвикало загриженоста на Израел, пренесува АП. „Очекуваме судот да спречи издавање налози за апсење на високи израелски функционери“, рече министерот за надворешни работи Израел Кац, додавајќи дека таквите налози ќе го „зајакнат моралот“ на Хамас и другите милитантни групи. Израелскиот премиер Бенјамин Нетанјаху на 26 април рече дека Израел „никогаш нема да прифати каков било обид на Меѓународниот кривичен суд да го поткопа неговото вродено право на самоодбрана“. „Заканата да се заробат војниците и функционерите на единствената блискоисточна демократија и единствената еврејска држава во светот е срамота. Ние нема да и се поклониме“, рече Нетанјаху во објава на мрежата X. Видете и ова: Палестинците пред највисокиот суд на ОН бараат итен прекин на израелската окупација Истрагата на Меѓународниот кривичен суд опфаќа наводи кои датираат од војната во Газа во 2014 година, како и израелската изградба на еврејски населби на окупираната територија што Палестинците ја сакаат за нивната идна држава. Обвинителот на Меѓународниот кривичен суд, Карим Кан, за време на посетата на регионот во декември рече дека истрагата напредува и дека тој инсистира да се дејствува „не врз основа на емоции, туку врз основа на цврсти докази“. Ниту Израел, ниту неговиот близок сојузник Соединетите Држави ја прифаќаат јурисдикцијата на Меѓународниот кривичен суд, но потенцијалните налози за апсење би можеле да ги стават израелските функционери во ризик од апсење во други земји признати од Меѓународниот кривичен суд. Специјалното тело на Меѓународниот кривичен суд истражува дали Израел извршил геноцид во актуелната војна во Газа. Се очекува секоја пресуда да трае со години. Израел ги отфрли обвиненијата и го обвини судот за пристрасност. Видете и ова: Меѓународниот суд на правдата му нареди на Израел да преземе мерки за да спречи геноцид Истовремено, Израел го обвини Хамас за геноцид за нападот врз Израел на 7 октомври 2023 година со кој започна војната. Хамас упадна во воените бази и кибуци низ јужен Израел, убивајќи околу 1 200 луѓе, главно цивили, а земајќи околу 250 заложници. Како одговор, Израел започна сеопфатна воздушна, морска и копнена офанзива во која загинаа повеќе од 34 000 Палестинци, главно жени и деца, според Министерството за здравство на Газа, под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. Израел најави дека ќе ја прошири својата копнена офанзива кон градот Рафа во јужниот дел на Газа, каде што повеќе од милион Палестинци побараа засолниште од војната. Израел тврди дека Рафа е последното упориште на Хамас. прочитај повеќе види ги сите денешни вести април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе Вчитај повеќе...
Кастрати: Србите од северот „се двоумат“ да се попишат
Радио Слободна Европа - пред 2 дена
Вести април 29, 2024 Кастрати: Србите од северот „се двоумат“ да се попишат Општина Грачаница, Косово (илустрација) Директорот на Агенцијата за статистика на Косово, Авни Кастрати, рече дека припадниците на српската заедница во општините со српско мнозинство на север сè уште „се двоумат“ да одговорат на пописот, но дека масовно се попишуваат само оние во општините на југот. „Српската заедница (на север) сè уште во голема мера се колеба“, рече Кастрати на прес-конференција во понеделник, 29 април. Пописот на населението во Косово почна на 5 април и ќе трае до 17 мај. На денот кога започна пописот, Српска листа објави дека припадниците на српската заедница нема да учествуваат во овој процес. Како едно од објаснувањата, најголемата партија на Србите на Косово, која има поддршка од Белград, ја наведе „репресијата“ на режимот на премиерот на Косово, Албин Курти. Видете и ова: САД се разочарани од повиците до Србите да го бојкотираат пописот во Косово Последниот попис на населението во Косово во 2011 година не беше одржан во четири општини на север каде живее мнозинско српско население, додека во општините на југ процесот најмногу беше бојкотиран на повик на Белград. Според тој попис, вкупниот број на жители на Косово е околу 1,8 милиони, од кои околу 25 000 се Срби. Сепак, според проценките на граѓанскиот сектор, на Косово живеат околу 100 000 припадници на српската заедница. На 29 април, директорот на Агенцијата за статистика на Косово рече дека во врска со бојкотот на пописот на северот, каде живее мнозинската српска заедница, минатата недела разговарал со неколку меѓународни институции. „Треба да знаат дека (пописот) е добар за нив, да се знае бројот на оние што живеат во тие општини“, рече Кастрати и уште еднаш ги повика Србите да учествуваат во овој процес. Видете и ова: Во Косово започна пописот на населението Тој додаде дека во последните денови е регистриран поголем број од населението на Косово, како што било планирано. „До вчера (28 април) беа регистрирани повеќе од 891 000 жители на Косово“, рече тој. Кастрати ги повика граѓаните да бидат активни и да се обратат во нивната општина доколку попишувачот не дојде кај нив во наредните пет до шест дена. Тој рече и дека прелиминарните резултати од пописот треба да бидат објавени во втората половина на јуни. Согласно Законот за попис на населението, домаќинствата и становите, секое лице може да се казни со парична казна од 30 до 2 000 евра доколку одбие да ги даде податоците што ги бара попишувачот. Казните се уште повисоки за бизнисмените и достигнуваат до 20 000 евра. прочитај повеќе види ги сите денешни вести април 30, 2024 На двојните избори, граѓаните ќе можат да дојдат на гласање само еднаш Граѓанин гласа на првиот круг од претседателските избори, 24 април 2024 година Државната изборна комисија донесе упатство со кое на граѓаните со право на глас им се укажува дека ако гласаат само на едните избори, потоа во текот на денот доколку се предомислат нема да можат да се вратат на гласачкото место и да гласаат на другите избори. Претседателот на Државната изборна комисија (ДИК), Александар Даштевски во интервју за МИА вели дека на граѓаните треба да им се објасни дека имаат право да гласаат за двата вида избори, но и право да одлучат дали ќе гласаат само за парламентарните или само за претседателските избори. Ова, вели Дашевски, мора добро да се објасни бидејќи за претседателските избори има ценсуз, односно за да биде изберен претседател во вториот круг, излезеноста треба да биде 40 отсто од вкупниот број на запишани гласачи во единствениот избирачки список. „Граѓанинот ќе може да дојде само еднаш и да гласа и за двата избори и кога ќе дојде постапката е следна: прво ја дава личната карта да се види дека е тој, потоа оди на биометриска идентификација, потоа го бараат во списокот да го заокружат и му даваат ливчиња. И после оди да гласа. Претпоставувам дека најмногу ќе гласаат за двата избори, а може да се случи и само за парламентарните, бидејќи знаеме дека излезноста и интересот таму е многу поголем. Но не смее да се доведе човекот во заблуда, бидејќи ако ве прашаат прво дали сте за едните, па за другите вие може да кажете, па јас сум за парламентарни. Значи, треба добро да се објасни дали сте за претседателски, дали сте за парламентарните и дали сте за двата, за човекот да не помисли дека поважни му се едните од другите, туку да знае дека има право да гласа и за двата избори и така да направиме и цензус“, вели претседателот на ДИК во интервјуто. Видете и ова: ОБСЕ/ОДИХР: Изборниот ден позитивно оценет, забелешки за кампањата Даштевски очекува дека и на 8 мај вечерта, резултатите од изборите би можеле да се знаат до полноќ, имајќи ги предвид промените што ДИК ги направила во изминатиот период, но и искуството од изминатите избори. Тој потенцира дека за да се забрза изборниот процес во избирачките места во секое време ќе има по седум наместо пет лица, како претходно, а за броењето на резултатите ќе бидат присутни сите. Претседателот на ДИК апелира до гласачите да придонесат за слободни, фер и демократски избори и се надева на мирни и демократски избори. На 8 мај во земјава се одржуваат двојни избори, вториот круг од претседателските избори и парламентарните избори. На првиот круг од претседателските избори најмногу гласови освои кандидатката на ВМРО-ДПМНЕ, Гордана Сиљановска-Давкова, пред кандидатот на СДСМ и актуелен претседател, Стево Пендаровски кој се најде на второ место по освоени гласови. прочитај повеќе април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе Вчитај повеќе...
Украинци во странство во неизвесност поради новите правила за мобилизација
Радио Слободна Европа - пред 2 дена
Украинци во странство во неизвесност поради новите правила за мобилизација Достапни линкови Оди на содржината Оди на главната навигација Премини на пребарување линкот е копиран рубрики Македонија Свет Визуелно Вести Нова генерација Насловна #ВашТаг #ШтоСеГледа Моја порака Иноватори Што треба да знаете Пријави се за њузлетер Подкаст Зошто? Следете не РСЕ веб страници Барај Барај Претходно Следно Breaking News Видео Украинци во странство во неизвесност поради новите правила за мобилизација април 29, 2024 Embed Украинци во странство во неизвесност поради новите правила за мобилизација Embed The code has been copied to your clipboard. width px height px Сподели на Фејсбук Сподели на Твитер The URL has been copied to your clipboard No media source currently available 0:00 0:03:14 0:00 Директен линк 240p | 9,0MB 360p | 15,0MB 480p | 29,2MB 720p | 49,1MB 1080p | 85,0MB Украина објави нови правила за военоспособни мажи кои живеат во странство, оставајќи многумина во сомнеж за тоа како промената ќе влијае на нив. Украинските конзулати од 18 мај привремено ќе престанат да даваат услуги за граѓаните кои не ја ажурирале својата воена евиденција. Украинските мажи на возраст од 18 до 60 години кои живеат надвор од земјата -- вклучително и оние со постојан престој и семејства во странство -- се трудат да ги добијат документите што им се потребни и изразуваат збунетост во врска со новите правила. Сподели Украинци во странство во неизвесност поради новите правила за мобилизација share Категории Македонија Кои се клучни проблеми на младите и имаат ли партиите решенија? Основци од Скопје - новинари на Инстаграм Првиот круг претседателски избори - мирен со незначителни проблеми Повеќе Свет Протести и контрапротести во Тбилиси за Законот за „странски агенти“ Гореше станбена зграда по смртоносните руски напади на Днепропетровск Американската новинарка, затворена во Русија, вели дека ќе излезе на слобода како невина Повеќе ТВ Тема на неделата Од зима во лето - што ни направија климатските промени? Гранатиран живот: Една година од руската инвазија во Украина Пчелите исчезнуваат, ќе нема што да јадеме? Повеќе ТВ Тема на денот Протести и контрапротести во Тбилиси за Законот за „странски агенти“ Првиот круг претседателски избори - мирен со незначителни проблеми Гласањето на претседателските избори - мирно и без проблеми Повеќе Во 90 секунди Што е заднината на апсењето на рускиот заменик министер за одбрана? Сериозни здравствени ризици од палењето стари гуми во Црна Гора Американската новинарка, затворена во Русија, вели дека ќе излезе на слобода како невина Повеќе Радио програми Врати се најгоре Следете не Инфо страница Пријави се За нас Контакт Линкови Нова генерација Визуелно Што треба да знаете Истражуваме Интервју Моја порака Поткаст Зошто? Радио Слободна Европа / Радио Слобода. Сите права се резервирани XS SM MD LG...
Европскиот Парламент почна кампања за поттикнување на одзивот на евроизборите
Радио Слободна Европа - пред 2 дена
Вести април 29, 2024 Европскиот Парламент почна кампања за поттикнување на одзивот на евроизборите илустрација Европскиот Парламент од денеска (29 април) започнува кампања за поттикнување на граѓаните на ЕУ да учествуваат на Евроизборите закажани за 6 до 9 јуни годинава, чија примарна цел е да се зголеми одзивот на гласачите. Идејата на кампањата е да се пренесе пораката: „Користете го вашиот глас, не дозволувајте толку лесно да ви биде одземена демократијата. Таа е дадена, вие треба да ја браните“. Почнувајќи од првите директни избори за европратеници во 1979 година кога одзивот беше 61,99 отсто, тој беше во опаѓање на секое следно гласање, паѓајќи под 50 проценти на сите избори по 1999 година, за да ја достигне најмалата излезност од 42,61 отсто во 2014 година. На последните избори за членови на Европарламентот во 2019 година, во сенка на Брегзитот, одзивот беше 50,62 проценти. Видете и ова: „Треска“ за функции во Брисел Во фокусот на кампањата се ставени историјата на демократијата во Европа, руската инвазија врз Украина и антидемократските трендови на континентот, со потсетување на искуствата на Европејците со диктатурите и војните, Холокаустот, Прашката пролет од 1968 година, падот на Берлинскиот ѕид, па се до и достигнувањата на европскиот мир. „Демократијата е во опасност. Искористете го вашиот глас или другите ќе одлучат наместо вас“, повикува Европарламентот. За спроведување на оваа кампања Европскиот Парламент издвои буџет од 37 милиони евра, што претставува 0,08 евра по глава на граѓанин на ЕУ со право на глас на Евроизборите. Својата последна предвидена пленарна седница во сегашниот состав Европскиот Парламент ја одржа минатата недела. прочитај повеќе види ги сите денешни вести април 30, 2024 Најмалку две лица загинале во руски напади врз Харкив Последици од руските ракетни напад врз Харкив, 30 април, 2024 година Најмалку две лица загинаа, а шест беа ранети денеска (30 април) во руските напади врз Харкив, изјави регионалниот гувернер Олег Синегубов. „Според првичните извештаи, две лица се убиени, а шест се повредени во нападите на Харков“, напиша Синегубов на Телеграм. Видете и ова: Москва тврди дека презела контрола врз село во источна Украина Харкив, каде што живеат повеќе од 1,4 милиони луѓе пред војната и е лоциран во близина на границата со Русија, се повеќе е цел на руските напади во последните неколку недели. Во нападите значително беше оштетена електричната инфраструктура, поради што во градот беа воведени рестрикции за електрична енергија. прочитај повеќе април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе Вчитај повеќе...
Од голф-терени до легални биткоини во партиските ветувања за изборите
Радио Слободна Европа - пред 2 дена
Патека за мото-трки, карлинг, жичница и адреналински парк на Водно, урбана шума покрај Вардар, биатлон стадион во Крушево, се меѓу ветувањата за претстојните парламентарни избори. Според аналитичарите, програмите само се пишуваат за да изгледаат убаво и не се води сметка колку се тие реални или не. Држава во која трговијата со крипто-валутите е легална и во банка може да се купи биткоин, а постои и електронски денар. Граѓаните и туристите може да се релаксираат играјќи голф или хокеј, а номадите „копнеат“ да живеат овде и тоа ќе им биде олеснето со специјални визи. Во земја во која учениците немаат учебници, до училишта што ќе ја користат вештачката интелигенција. Ова се дел од трансформациите што би ги доживеала Северна Македонија за четири години од сега ако им се верува на партиските програми за парламентарните избори закажани за 8 мај. Видете и ова: Убедливата победа на Сиљановска резултат на незадоволство од власта Но изгледа дека ретко кој ги чита изборните програми, а уште помалку им верува на ветувањата, па дел од политичките партии на овие избори не ги ни отпечатија, туку ги имаат само онлајн. Економијата – растот на платите и пензиите и подобриот животен стандард, борбата против корупцијата, евроинтеграциите и зачувувањето на националниот идентитет, функционалната администрација се темите кои се фокусот на кампањата. Мото-трки, уметничко лизгање, биатлон стадион, музеј Но, во стотиците страници може да се најдат и проекти кои „отскокнуваат“ од вообичаените ветувања. Меѓу нив се, на пример, голф-терени, кои се меѓу ветувањата на социјалдемократите. „Ќе воведеме давање под закуп на државно земјиште за развој на аутлет-молови и голф-терени, кои ќе придонесат кон збогатување на туристичката понуда. Оваа мерка ќе цели да ги искористи неискористените ресурси за создавање на нови туристички и рекреативни простори“, пишува во програмата на СДСМ. Тие ветуваат и изградба на Европски спортски центар „Кале“ тежок четири милиони евра, со затворени лизгалиште олимписки базени за да го развиваат уметничкото лизгање, хокејот, карлингот … Во Петровец, пак, СДСМ сака да гради регионална и европска мото-стаза за мото трки, картинг итн. Планот е и Крушево да се мапира како град каде постои еден од 20-те стадиони за биатлон. Видете и ова: Работниците протестираат за плати, политичарите во кампања за гласови Со спортските проекти не заостанува ниту ВМРО-ДПМНЕ. Партијата планира национален спортски центар „Методија Андонов – Ченто“ со нов фудбалски стадион, повеќе спортски сали, административни простории за спортските федерации, фитнес сали, спортски музеј… Жичница или адреналински парк на Водно Во своите програми на двете најголеми партии не го забораваат ниту Водно. Социјалдемократите покрај пошумување на планината, предвидуваат дека следната година ќе почнат да градат адреналински парк на падините на Водно вреден 20 милиони евра. ВМРО-ДПМНЕ, пак, планира „реинкарнација“ на стариот проект и изградба на жичница од Скопје до Водно. За главниот град, каде има најмногу гласачи, опозициската партија ветува дека долж реката Вардар, од Карпош 4 преку Центар до Ново Лисиче ќе прави урбана шума со садници, а социјалдемократите ќе го претвораат лунапаркот во забавен парк „Скопјеленд“. Легална трговија со биткоини Крипто-валутите, исто така, најдоа место во програмите кај двете партии. СДСМ наведува дека ќе ги легализира и регулира и ќе им овозможи на граѓаните што имаат биткоини или други стабилни криптовалути „да ги разменуваат на легален начин, а домашните компании да вршат трговија кон странство во криптосредства“. Видете и ова: Големите партии во пол-позиција за стартот на изборната трка И ВМРО-ДПМНЕ ветува дека ќе ги дефинира овие валути и ќе им овозможи на банките да продаваат и чуваат крипто-средства на приватни физички лица, но и нула ДДВ за тргување со нив. Оваа партија предвидува и да воведе визи за дигитални номади кои ќе може да ги добиваат странци што би сакале да живеат од три до 12 месеци во земјава под услов да имаат обезбедена работа на далечина кај странска фирма. Вака, опозицијата смета дека и помогне на локалната економија и ќе ја направи државата „видлива на меѓународно ниво“. „Пишуваат ветувањата за да изгледа убаво на хартија“ За да се нижат и вакви и стандардни инфраструктурни ветувањата, партиите треба да ја земаат реалната моќ што ја има државата, смета политичкиот аналитичар Синиша Пекевски. „Реално политичките партии ги пишуваат нивните изборни програми колку да бидат убави и лични на хартија и не земаат предвид економската моќ и финансиските можности на државата за реализирање на тие ветувања. Доволно е само да се види колку од тоа што ветиле, исполниле. Ако земеме дека инфраструктурните проекти не се реализирани што останува за другите споредни работи“, вели Пекевски. Аналитичарот Александар Цветковски вели дека инфраструктурен проект може да биде реален секаде ако некој сака да потроши пари, но прашање е колку тоа би било корисно. „Голф терени, жичници тоа не е нешто што кај нас би се искористило и би имало муштерии на сето тоа. Забавни паркови. Прескапо им е и во странство кога одат, а не па овде. Проблемот е во друго, тие ветуваат работи како што е борба против корупцијата, но никој не кажува како. Никој не кажува што со судството. На пример, еден јасен план за судството не можеме ни да чуеме освен оние општи ветувања. Не можеме еден план за обвинителите да чуеме“, вели вели Александар Цветковски, претседател на невладината организација Асоцијација за граѓанска толеранција и соработка (АГТИС). Тој смета дека и онаму каде што има сериозни ветувања и планови, тоа ќе остане само „фолклор“. Видете и ова: Ќе донесат ли парламентарните избори и предвремени за градоначалници? Покрај посочените проекти кои паѓаат во очи од програмите на двете најголеми партии, меѓу ветувањата има и такви кои граѓаните ги слушаат со децении – изградба на Клинички центар во Скопје, конечно завршување на автопатот Кичево-Охрид, брза пруга и железничко поврзување со регионот и крак до скопскиот меѓународен аеродром за граѓаните да може да отидат до таму со воз итн. Претстојните парламентарни избори за кои партиите и коалициите ги пишуваа програмите, ќе бидат 11-ти по ред од 1990 година. На 8 мај ќе се гласа и во вториот круг од претседателските избори во кој ќе се соочат кандидатите поддржани од СДСМ и ВМРО-ДПМНЕ и нивните коалиции – Стево Пендаровски и Гордана Сиљановска-Давкова. Artboard 4 Придружете се на Заедницата на Слободна Европа на Вибер Александар Самарџиски Александар Самарџиски ја започнал новинарската кариера во дневниот весник „Нова Македонија“ во 2014 година. Потоа работел како новинар во порталот „Плусинфо“ и во интернет-изданието на „360 степени“. Од септември 2023 година работи како новинар во Радио Слободна Европа. Регистрирај се...
Киев вели дека Телеграм ги блокирал програмите на украинските разузнавачки служби
Радио Слободна Европа - пред 2 дена
Вести април 29, 2024 Киев вели дека Телеграм ги блокирал програмите на украинските разузнавачки служби илустрација Главната управа за разузнавање на Министерството за одбрана на Украина (HUR) соопшти дека платформата за пораки Телеграм блокирала голем број официјални ботови, вклучително и чет-бот на украинската разузнавачка служба. „Ботовите“ се софтверски апликации програмирани да извршуваат специфични задачи, додека „четботовите“, на нивното најосновно ниво, се програми дизајнирани да имитираат разговори што се одвиваат меѓу луѓето преку текстуална или гласовна интеракција. „Денес, менаџментот на платформата Телеграм неоправдано блокираше голем број официјални ботови кои се противат на руската воена агресија против Украина, вклучувајќи го и главниот разузнавачки бот“, објави ХУР на Телеграм рано на 29 април. Главната управа за разузнавање додаде дека е спротивно на „правилата“ и „јавните изјави“ на менаџментот на Телеграм. „И покрај блокирањето на нашиот бот, вашите лични податоци се безбедни“, соопшти Управата. Во врска со ова, засега нема реакција од Телеграм. прочитај повеќе види ги сите денешни вести април 30, 2024 Штајнмаер: Западен Балкан не смее да остане „сива зона за руско деструктивно влијание“ Претседателот на Германија Франк-Валтер Штајнмаер (архивска фотографија) Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска Унија, повикаа Западен Балкан да не се остава долго да чека пред вратите на Унијата, бидејќи не смее „да остане сива зона за руското деструктивно влијание“. „После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор“, рече Штајнмаер. Германскиот претседател рече дека нападот на Русија не е само врз Украина, туку и врз сите историски лекции што Германија, Чешка и цела Европа ги научиле од двете светски војни. Во текот на својот говор тој неколку пати потенцираше дека ЕУ е историски најголемиот мировен проект кој треба да се брани, бидејќи не се подразбира сам по себе и не е неуништлив. Претседателот на Чешка, Петр Павел, на конференцијата по повод одбележувањето на две децении Чешка во ЕУ посочи дека безбедноста на ЕУ не почнува од нејзините граници, туку многу подалеку и оти е неприфатлива индиферентноста кон соседите на Унијата. „Имам разбирање за земјите кои стојат пред вратата на ЕУ, нивните амбиции ја докажуваат привлечноста на тој проект. Проширувањето е исто така геополитичка неопходност. Ако ги оставиме Западен Балкан, Украина и Молдавија да стојат пред вратата на ЕУ, ќе ги оставиме на милост и немилост на Русија и на актерите кои не и посакуваат добро на Европа“, порача чешкиот претседател. Видете и ова: Неформален состанок на Советот за општи работи на ЕУ Чешкиот премиер Петр Фијала, исто така, истакна дека проширувањето со Црна Гора, Србија, Албанија, Северна Македонија, Босна и Херцеговина и Косово е неопходно за безбедноста на континентот и самата ЕУ. „Да им ја дадеме таа шанса и да ги искористиме можностите што ќе ни ги донесе тоа. Тоа проширување е неопходност за безбедноста на ЕУ. Секоја друга опција е полоша и за нив како и за нас“, рече Фијала. Зборувајќи за клучните достигнувања и придобивки од проширувањето пред две децении за сите членки на ЕУ, не само економски, туку пред се мировни и решавање на проблемите и несогласувањата со постигнување компромис, и претседателот и премиерот на Чешка истакнаа дека Европа сега мора активно да се брани бидејќи не е неуништлива и од надворешни закани, како што е агресивната политика на Русија, но и од внатре. Штајнмаер, меѓудругото, ги повика Европејците да излезат на европските парламентарни избори и да не дозволат популистите да ја нарушат нивната доверба во институциите и да ги убедат дека најгласните гласови се најважни. прочитај повеќе април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе Вчитај повеќе...
Најмалку 13 лица загинале во израелски воздушни напади во јужниот дел на Газа
Радио Слободна Европа - пред 2 дена
Вести април 29, 2024 Најмалку 13 лица загинале во израелски воздушни напади во јужниот дел на Газа илустрација Најмалку 13 лица загинаа, а многу се ранети во израелски воздушни напади врз три куќи во градот Рафа, јужно од Газа, соопштија локалните медицински служби, а пренесе Ројтерс. Медиумите на Хамас, што ЕУ и САД ја прогласија за терористичка организација, проценуваат дека во израелските напади загинале 15 лица. Нападите на Рафа, каде што повеќе од милион луѓе се засолниле од неколкумесечното израелско бомбардирање, се случија неколку часа пред Египет да биде домаќин на лидерите на Хамас за да разговараат за изгледите за договор за прекин на огнот со Израел. Војната беше поттикната од нападот на Хамас врз Израел на 7 октомври, кога беа убиени 1 200 луѓе, а 253 беа заробени. Израел вети дека ќе го искорени Хамас, кој ја контролира Газа, во воена операција во која загинаа повеќе од 34 000 Палестинци, од кои 66 беа во изминатите 24 часа, според здравствените власти во Газа. Видете и ова: ЕУ одвои 68 милиони евра дополнителна хуманитарна помош за Палестинците Во неделата, претставници на Хамас изјавија дека делегацијата, предводена од Калил Ал-Хаја, заменик-шефот на групата на групата Газа, ќе разговара за предлогот за прекин на огнот што Хамас го достави до посредниците од Катар и Египет, како и за одговорот на Израел. Посредниците, поддржани од Соединетите Држави, ги засилија напорите за постигнување договор додека Израел се закануваше дека ќе го нападне Рафа. Војната расели повеќето од 2,3 милиони жители на Газа и опустоши голем дел од енклавата. прочитај повеќе види ги сите денешни вести април 30, 2024 ФЗО најави генерален штрајк ако вработените не добијат повисоки плати Предупредувачки протест на вработените во Фондот за здравствено осигурување, Скопје, 30 април 2024 година Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата. Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни. „Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов. Видете и ова: Штрајк во Фондот за здравство: Вработените незадоволни, граѓаните затечени Доколку вработените на ФЗО стапат во генерален штрајк, услугите за граѓаните кои се здравствени осигуреници на Фондот, како и платите на вработените во јавното здравство, повторно ќе бидат доведени во неизвесност. „Немаме образложение и не знаеме зошто ова се случи. По толкав штрајк на вработените во ФЗО, а ние сме втора најголема синдикална организација во државната управа, едноставно ова го сфаќаме дека не им е грижа“, додаде Аџигогов. Протест на вработените во ФЗО за зголемување на платите, 30 април 2024 година Пред три месеци, Фондот за здравство влезе во штрајк поради опасноста дека платите ќе им се намалат за 21 процент, меѓутоа владата донесе одлука тие да останат непроменети по што штрајкот беше прекинат. Додека траеше последниот штрајк во јануари, шалтерите на Фондот за здравство не работеа и не се процесираа барањата на пациентите за рехабилитација, за исплата на породилно боледување, за заверка на ортопедски помагала, а не се пресметуваше ни платата за цело здравство, поради што платите во државното здравство доцнеа. прочитај повеќе април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе Вчитај повеќе...
Два проблема што Бугарија не може да ги реши
Радио Слободна Европа - пред 2 дена
На прв поглед може да се каже дека Бугарија е на прилично добар пат. Земјата е членка на Европската Унија и НАТО. Премиерот Димитар Главчев вети дека ќе ја зголеми поддршката за Украина. А сегашната влада го удвои планот на Бугарија за воведување на еврото во 2025 година. Сепак, по распуштањето на претходната прозападна влада на Николај Денков, последната привремена влада, која беше именувана на 9 април, се состои главно од „олдтајмери“ од поранешната владејачка партија. Се чини дека малку е променето, пишува Радио Слободна Европа (РСЕ) на англиски јазик. Двете неодамнешни привремени владини назначувања го свртеа вниманието на јавноста. Прво, новиот министер за правда, кој претходно беше заменик државен обвинител во моќната канцеларија на јавниот обвинител, ја одложи расправата за многу потребните реформи во судството. Предложениот закон, кој „би ги пресекол крилјата“ на моќниот јавен обвинител и се смета за клучен чекор во борбата против поткупот, сега е во застој. Второ, за нов министер за енергетика беше назначен Владимир Малинов, поранешниот шеф на Булгартрансгаз, државниот оператор на гасоводна мрежа. Ова покрена прашања околу одлучноста на Бугарија да се бори со руското влијание, имајќи предвид дека токму Булгартрансгаз ја надгледуваше изградбата на контроверзниот гасовод „Турски тек“, што е заеднички проект меѓу Гаспром и Турција кој транспортира гас од Русија во Турција под Црното Море. Гасоводот беше широко критикуван за поткопување на бугарските интереси и поради тоа што со него управува нивниот главен корисник: Русија. Додека политичарите свират на музички столчиња, патологијата на бугарската политика сè уште е во голема мера иста. Како што земјата се приближува кон шестите парламентарни избори за три години, кои ќе се одржат на почетокот на јуни, остануваат две трајни широкораспространети прашања: корупцијата и злонамерното влијание на Русија. Во последните две години бугарската политика е инертна, а анкетите на прво место ја ставаат коалицијата на две централнодесничарски партии, ГЕРБ и Сојузот на демократски сили (СДС), а по неа е реформската коалиција „Продолжуваме со промените“ и Демократска Бугарија (ПП-ДБ). Либералното Движење за права и слободи (ДПС), кое традиционално го претставува бугарското етничко турско и муслиманско население и е предводено од бизнис магнатот и политичар Дејлан Пеевски, санкциониран од САД и екстремно десната, проруска преродба се борат за трето место. Видете и ова: Бугарија оди на шести избори за три години Најмалата партија сега во Националното собрание, еднодомниот парламент на Бугарија, е популистичката партија Има таков народ (ИТН). Според една неодамнешна анкета на Галуп, партијата има поддршка од околу пет отсто и на следните избори би можела да го надмине прагот од четири отсто што е потребен за влез во парламентот. ИТН се појави пред три години како популистичка партија спротивна на ГЕРБ, која доминира во бугарскиот политички живот од 2009 година. Смртта на „Нотарот“ Широката корупција со години ја уништува Бугарија, со „лукави“ процедури за јавни набавки, лобирање и наводно купување гласови. Бугарија со години е најкорумпираната земја во Европската Унија, според Индексот за перцепција на корупцијата на Транспаренси Интернешнл, но во 2023 година беше претпоследна, додека Унгарија ја освои „дрвената лажица“. Решавањето на проблемот со корупцијата го комплицира актуелната состојба во судството, кое е на големо критикувано за потчинување на интересите на политичарите. На 31 јануари во главниот град на Бугарија, Софија, беше убиен Мартин Бојанов, кој бил вмешан во имотна измама, наречен „Нотар“. По неговата смрт, се појавија докази дека Бојанов водел мрежа преку која се вршеле влијанија во судството, па дури и наводно поседувал приватен клуб до кој имале пристап обвинители, судии и полицајци. Во замена, Бојанов, наводно, обезбедил одреден степен на имунитет во истрагата од страна на полицијата или обвинителството. Независно од тоа, во Бугарија ретко се решаваат вакви случаи, а поборниците за реформи во правосудството велат дека истражителите се тие кои всушност треба да истражат, бидејќи гнилежот допира до врвот. Министерот за внатрешни работи Калин Стојанов беше критикуван дека прикрил информации за врските на „Нотарот“ со неговото министерство. Сепак, партиите ГЕРБ и ДПС ги отфрлија критиките и со нивна поддршка Стојанов останува министер. Ваквите тврдења, заедно со неизбежните негирања, се составен дел на бугарската политика. Иако поновите политички партии како „Продолжуваме со промените“ дојдоа на власт благодарение на широкото јавно незадоволство од корупцијата и водеа кампањи за антикорупциски програми, тие имаа мал успех во реформирањето на судството. Политичарите од реформската коалиција ПП-ДБ ги обвинија лидерите на ГЕРБ и ДПС, Бојко Борисов и Пеевски, дека ги „презеле“ Канцеларијата на главниот обвинител и безбедносните служби со назначувањето на нивни лојални луѓе на високи позиции. Како одговор, Борисов и Пеевски ја обвинија ПП-ДБ дека сака самите да го контролираат судството. На 7 февруари Парламентот формираше специјална комисија за истрага на аферата „Нотар“, но состаноците беа бојкотирани од претставници на ГЕРБ и ДПС, со поддршка на ИТН и Препород. Мал апетит за реформи Со новата министерка за правда, Марија Павлова, тешко дека овој парламент ќе донесе нов закон за правда. Во нејзината претходна улога, таа работеше во Канцеларијата на јавниот обвинител, силен столб на правосудството. Канцеларијата е цврсто против судските реформи бидејќи таквите промени значително ќе ги намалат нејзините овластувања. Видете и ова: Странските студенти во Бугарија се жалат на расизам и насилни напади И покрај тоа што блокот ПП-ДБ се залага за специјална парламентарна комисија за истрага за изградбата на гасоводот Турски тек, владата на ГЕРБ-СДС и поранешниот премиер Борисов, кои беа на власт кога беше изграден гасоводот, одбија да прифатат какви било прашања поврзани на проектот. Жешките прашања на корупцијата и руското влијание често се испреплетени. „Нема сомнеж дека акциите околу Турскиот тек се (поделени) меѓу Борисов и Пеевски. Многу работи ги поврзуваат. А некои од тие работи се поврзани со почитување на интересите на Русија, во некои случаи и на штета на бугарските интереси“, изјави Денков во неодамнешно интервју за бугарската служба на РСЕ. Следните избори во Бугарија ќе се одржат на 9 јуни, а граѓаните нема да гласаат само за претставници во националниот парламент, туку и во Европскиот парламент. На Бугарите може да им се прости за нивниот скептицизам. Во последните три години Националното собрание успеа да избере само две влади. И двете паднаа додека се обидуваа да спроведат реформи, да се борат против корупцијата и да ја прекинат зависноста на земјата од Русија во поглед на енергијата и безбедноста. Ако ништо не се смени во следните два месеца, тешко ќе биде да се формира стабилна влада по јуни, а уште потешко ќе биде да се формира влада која има волја и сила барем да се обиде со спроведување реформи. Претходната влада падна откако ПП-ДБ побара распоред за промени во безбедносните служби и антикорупциски реформи, а ГЕРБ-СДС одби да се согласи. Доколку воопшто не се формира влада, тогаш Бугарија ќе има нови избори, најверојатно веќе во октомври, а на власт ќе остане привремената влада. За Бугарија влогот е огромен. Ако реформите се бавни во најдобар случај, ќе биде многу потешко да се постигнат целите на земјата за воведување на еврото во 2025 година и отворање на копнените граници за Шенген. Artboard 4 Придружете се на Заедницата на Слободна Европа на Вибер...
Грузијците повторно протестираа против „законот за странски агенти во руски стил“
Радио Слободна Европа - пред 2 дена
Вести април 29, 2024 Грузијците повторно протестираа против „законот за странски агенти во руски стил“ Илјадници граѓани протестираа на улиците во Тбилиси, Грузија против „законот за странски агенти“, 28 април 2024 година Илјадници луѓе синоќа повторно излегоа на улиците на грузиската престолнина за да протестираат против плановите на владејачката партија да воведе закон за кој домашните критичари и западните земји рекоа дека ќе се користи за сузбивање на независните гласови во оваа јужнокавкаска држава. Акцијата на 28 април беше продолжение на двонеделните митинзи предводени од опозициските партии и активистичките групи против таканаречениот закон за „странски агенти“, кој критичарите велат дека го отсликува оној што го користи Кремљ за да ги замолчи критичарите во Русија. Околу 10 000 луѓе се собраа на Плоштадот на Републиката во центарот на Тбилиси, при што многумина ги пееја химните на Грузија и на Европската Унија и држејќи транспаренти на ЕУ. Извештаите пренесуваат дека некои демонстранти ги пробиле безбедносните линии во близина на зградата на парламентот, поради што полицијата употребила солзавец за да ја растера толпата. Очевидци велат дека полицијата се движела со потешка опрема околу местата за протести на Плоштадот на Републиката и во близина на парламентот. Видете и ова: Грузискиот парламент го одобри првото читање на контроверзниот закон за „странски агенти“ Двопартиска група американски сенатори на 26 април преку писмо до грузискиот премиер Иракли Кобахиџе предупреди дека планот на нацијата повторно да воведе „закон за странски агенти во руски стил“ може да доведе до промена на американската политика кон Тбилиси. Во писмото во кое имаше увид Гласот на Америка (VOA), сенаторите велат дека се „сè повеќе загрижени дека трансатлантските аспирации на Грузија се поткопуваат“. Официјални претставници на ЕУ рекоа дека ако Грузија го усвои нацрт-законот како закон, тоа ќе ги наруши надежите за членство на нацијата. Владејачката партија Грузиски сон го воведе законот во 2023 година, но беше принудена да го повлече по масовните протести. Пратеничката група на партијата го врати законот со мали измени во формулацијата и тој помина во првото читање на 17 април. Видете и ова: ЕУ критикува, Кремљ го брани законот за странски агенти во Грузија За последното читање на законот треба да се расправа на 17 мај. Грузиската претседателка Саломе Зурабишвили за Би-Би-Си изјави дека ќе стави вето доколку биде одобрен во неговото последно читање. Зурабишвили рече дека нејзина главна грижа е фактот што предлог-законот е „копија на законот на рускиот претседател Владимир Путин“. Сепак, Зурабишвили потсети дека владејачката партија Грузиски сон има доволно пратеници за да го поништи законотдоколку го искористи своето вето. Поранешниот грузиски премиер Иракли Гарибашвили, претседател на Грузиски сон и други партиски лидери велат дека законот има за цел да ја зголеми транспарентноста во политичката средина во земјата. прочитај повеќе види ги сите денешни вести април 30, 2024 Седуммина загинати во напад на џамија во Авганистан илустрација Седум лица загинале во напад на џамија во авганистанската провинција Херат доцна на 29 април. Портпаролот на Министерството за внатрешни работи Абдул Матин Кани изјави дека „непознат вооружен маж пукал во цивили, верници во џамија“ во областа Гузара во провинцијата Херат во понеделник околу 21 часот. Меѓу загинатите биле имамот на џамијата, едно дете и пет возрасни верници. Локалните жители велат дека џамијата и служела на малцинската шиитска заедница. За разлика од официјалните лица, тие рекоа дека нападот бил организиран од група од тројца вооружени лица. „Едниот од нив беше надвор, а двајца од нив влегоа во џамијата, пукајќи во верниците, за време на молитвата“, изјави 60-годишниот Ибрахим Ахлаќи, брат на убиениот имам. „Сите што беа во џамијата се или мртви или повредени“, додаде 23-годишниот Сајед Муртаза Хусаини. Ниту една група не ја презеде одговорноста за нападот. Регионалниот огранок на групата Исламска држава (ИД) е најголемата безбедносна закана во Авганистан и често ги таргетира шиитските заедници. Талибанската влада вети дека ќе ги заштити верските и етничките малцинства од враќање на власт во август 2021 година, но групите за човекови права велат дека направиле малку за да го исполнат тоа ветување. Видете и ова: Исламската држава ја презеде одговорноста за нападот во Кабул во кој загинаа пет лица Најозлогласениот напад поврзан со Исламска држава откако Талибанците ја презедоа власта беше во 2022 година, кога најмалку 53 лица беа убиени од бомба во образовен центар. Талибанските власти ја обвинија ИД за нападот, кој се случи во шиитска населба во главниот град Кабул. Талибанските власти често пријавуваа помалку смртни случаи од другите извори, по бомбашките напади и други напади со оружје, или ги минимизираа во очигледен обид да ја минимизираат безбедносната закана. Во извештајот на Советот за безбедност на Обединетите Нации објавен во јануари се наведува дека има намалување на нападите на ИД во Авганистан поради „напорите на Талибанците за борба против тероризмот“. Во извештајот се наведува и дека Исламската Држава сè уште има „значително“ регрутирање во земјата и дека милитантната група има „способност да проектира закана во регионот и пошироко“. Регионалниот огранок на Исламска Држава во Авганистан, Пакистан и Централна Азија ја презеде одговорноста за нападот во концертната сала „Крокус Сити“ во Москва, во кој загинаа повеќе од 140 луѓе. Тоа беше најсмртоносниот напад во Русија во последните две децении. прочитај повеќе април 30, 2024 Би-Би-Си: Иранските безбедносни сили малтретирале и убиле тинејџерка за време на протестите Ника Шакарама Иранска тинејџерка била сексуално нападната и убиена од тројца мажи кои работеле за иранските безбедносни сили, пишува Би-Би-Си, повикувајќи се на официјален документ. Документ од внатрешна истрага овозможи да се утврди што се случило со 16-годишната Ника Шакарама, која исчезна во 2022 година за време на протест против иранскиот режим. Нејзиното тело било пронајдено девет дена подоцна. Владата тврдеше дека таа се самоубила. Иранската влада и нејзината Револуционерна гарда не одговорија на прашањата поврзани со случајот. Етикетиран како „строго доверливо“, извештајот го резимира сослушувањето за случајот на Ника што го одржа Корпусот на Исламската револуционерна гарда (ИРГЦ) - безбедносните сили што го бранат исламскиот естаблишмент во земјата. Документот ги вклучува имињата на нејзините убијци и високи команданти кои се обиделе да ја сокријат вистината. Тој исто така содржи вознемирувачки детали за настаните што се случија во задниот дел на комбето во кое безбедносните сили ја привеле Ника. Во документот пишува дека еден од мажите ја малтретирал додека седел врз неа. И покрај тоа што била врзана, Ника давала отпор, клоцала и пцуела. Документот содржи и признание дека мажите на отпорот на Ника одговориле со палки. Бидејќи се во оптек бројни лажни ирански официјални документи, пишува Би-би-си и наведува дека тие со месеци го проверувале секој детал со повеќе извори. Опсежните истраги покажаа дека документите што ги добиле навистина ги опишуваат последните часови на тинејџерката. За исчезнувањето и смртта на Ника Шакарами беше нашироко известувано, а нејзиниот имиџ стана синоним за борбата на жените во Иран за поголеми слободи. Видете и ова: Макса Амини и иранското движење „Жени, живот, слобода“ ја добија европската награда Сахаров Движењето Жени, живот, слобода беше лансирано само неколку дена порано по смртта на 22-годишната Махса Амина. Таа почина од повредите здобиени во полициски притвор, откако беше обвинета дека не носи хиџаб правилно, соопшти мисијата на ОН за проверка на факти. Во случајот на Ники, нејзиното семејство го нашло нејзиното тело во мртовечница повеќе од една недела откако исчезна од протестот. Но, иранските власти негираа дека смртта на Ника е поврзана со протестите и објавија дека истрагата покажала дека Ника се самоубила. Непосредно пред да исчезне, Ника била снимена вечерта на 20 септември во близина на паркот Лалех во центарот на Техеран, како стои до контејнер и пали хиџаби. Другите околу неа извикуваат „смрт за диктаторот“ - мислејќи на врховниот лидер на Иран, ајатолахот Али Хамнеи. „Иако тогаш не знаела, таа веќе била набљудувана“, се вели во тајниот извештај. Демонстрациите беа следени од неколку тајни безбедносни единици, се вели во документот. Еден од нив, од Тимот 12, се посомнева дека тинејџерката е еден од организаторите „поради нејзиното неконвенционално однесување и повеќе повици на нејзиниот мобилен телефон“. Тимот испрати еден од нивните оперативци во толпата, каде што требаше да се преправа дека е демонстрант и да потврди дека Ника навистина е еден од водачите на демонстрациите. Потоа, според пријавата, тој ја повикал својата екипа да ја уапси. Но, таа побегнала. Нејзината тетка за Би-Би-Си претходно изјави дека Ника се јавила на пријател таа вечер и рекла дека ја бркаат безбедносните сили. Поминал речиси еден час пред повторно да биде забележана, се вели во извештајот. Потоа ја фатиле и ја ставиле во нивното возило. Водачот на тимот Мортеза Џалил призна дека не се ни обидел да открие што се случило во возилото. Тој рече дека го оставиле мртвото телото на Ника на тивка улица под автопатот Јадегар-е-Емам во Техеран. Извештајот заклучува дека сексуалниот напад предизвикал тепачка во задниот дел на комбето, а ударите на Тимот 12 ја предизвикале смртта на Ника. „Употребени се три палки и три електрошокери. Не е јасно кој од ударите бил фатален“, се вели во него. Извештајот е во спротивност со наративот на владата за тоа што се случи со Ники. Видете и ова: Како смртта на Макса Амини стана повик за бунт на илјадници Иранци? Речиси еден месец по нејзиниот погреб, државната телевизија ги објави резултатите од официјалната истрага, според која Ника скокнала во смрт од зграда. Беа прикажани и снимки од надзорните камери на кои се гледа како лице за кое се тврди дека е Ника влегува во станбената зграда. Мајката на Ника во телефонско интервју за Би-Би-Си изјави дека не може „под никакви околности да потврди дека ова лице е Ника“. Како што е познато, одговорните за смртта на Ника не се казнети. Причината за тоа може да се најде во самиот документ. Сите од Тимот 12 се наведени во извештајот, а десно од нивните имиња е групата во која припаѓаат: Хезболах. Станува збор за иранска паравоена група која не е поврзана со истоимената либанска група. Членовите на оваа група работат за ИРГЦ, но понекогаш работат надвор од нивната јурисдикција. Безбедносните сили убиле дури 551 демонстрант за време на протестите на иранското движење Жени, живот, слобода, повеќето од нив со огнено оружје, соопшти мисијата на ОН за проверка на факти. Протестите стивнаа по неколку месеци поради крвавото задушување од страна на безбедносните сили. прочитај повеќе април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе Вчитај повеќе...
Неформален состанок на Советот за општи работи на ЕУ
Радио Слободна Европа - пред 2 дена
Вести април 29, 2024 Неформален состанок на Советот за општи работи на ЕУ илустрација Советот за општи работи на ЕУ (ГАК) денеска и утре (29 и 30 април) ќе одржи неформално заседание, на кое централен настан ќе биде одбележување на 20-годишнината од големото проширување на Унијата на 1 мај 2004 година. Заседанието ќе започне вечер со свеченост во Центарот за ликовни уметности „Бозар“ во Брисел со која ќе се одбележи годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија. Работниот дел од неформалното заседание на ГАК ќе продолжи утре во чии рамки министрите или државни секретари на земјите членки на ЕУ задолжени за европски прашања ќе одржат серија работни сесии на кои ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и инструментите на блокот за заштита на владеењето на правото. Видете и ова: Вонреден Совет за надворешни работи на ЕУ за состојбата на Блискиот Исток Меѓу другото, предвидено е европските министри да одржат размена на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На состанок европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата прочитај повеќе види ги сите денешни вести април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Финансиска полиција: Со лажни формулари откупувале стари акумулатори, кривична против фирма и три лица Управа за финансиска полиција Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела „измама” и „фалсификување исправа”. Штетата која ја наведува Финансиската полиција дека е направена изнесува 214.411.861 денари или нецели 3,5 милиони евра Како што се наведува во соопштението од Финансиска полиција, првопријавеното физичко лице во својство на вработено и третопријавеното физичко лице во својство на сопственик и управител на четвртопријавеното правно лице, заедно со второпријавеното физичко лице вработено кај оштетеното правно лице, со намера да се стекнат со противправна имотна корист и со лажно прикажување на факти, го довеле во заблуда оштетеното правно лице, неосновано да исплати значителен износ на пари по основ на откуп на стари акумулатори. „Првопријавеното и третопријавеното лице во свое име и за сметка на пријавеното правно лице изготвувале и употребувале лажни формулари за отпад на стари акумулатори, кои второпријавеното физичко лице како вработено во оштетеното правно лице ги потпишувало и ги одобрувало лажните испратници и откупните белешки, иако истото знаело дека робата не била испорачана и примена, со што овозможило оштетеното правно лице неосновано да исплати вкупен износ од 214.411.861 денари“, пишува во соопштението од Управата за финансиска полиција. прочитај повеќе април 29, 2024 Столтенберг во посета на Киев, Зеленски повика на побрза испорака на оружје Генералниот секретар на НАТО Јенс Столтенберг со украинскиот претседател Володимир Зеленски на заедничка прес-конференција во Киев, 29 април 2024 година. На 29 април, генералниот секретар на НАТО Јенс Столтенберг се сретна со украинскиот претседател Володимир Зеленски во Киев. Столтенберг на заедничка конференција со медиумите оцени дека неколкумесечното доцнење на воената помош од Соединетите Американски Држави (САД) за Украина „има сериозни последици на бојното поле“, пренесе Агенцијата Франс Прес. Столтенберг изјави дека „на пат е повеќе воена помош“ и дека „не е доцна“ Украина да победи во војната. „Украина со месеци е отфрлена од оружје, принудена да ја рационализира својата муниција... Но, не е доцна Украина да победи“, рече Столтенберг на заедничката конференција со украинскиот претседател. Зеленски, од друга страна, повика на побрза испорака на оружје со цел Украина да се спротивстави на руската офанзива. Тој изјави дека во Украина почнало да пристигнува „витално оружје“ од САД, но во мали количини. Видете и ова: Русија продолжува со интензивните напади врз украинската енергетска инфраструктура „Заедно мора да ја прекинеме руската офанзива. Брзината на снабдување со оружје буквално значи стабилизација на линијата на фронтот“, рече Зеленски на прес-конференцијата. САД минатата недела одобрија пакет помош од 61 милијарда долари за Украина, ставајќи крај на повеќемесечниот ќорсокак во Конгресот за поддршка на Киев, кој се соочува со ниски залихи артилериски гранати. Видете и ова: Што има во новиот американски пакет оружје за Украина? Врховниот командант на Украина на 28 април изјави дека неговите војници се повлекле од три села на истокот каде руските сили се во офанзива и постепено зајакнуваат. „Руската војска сега се обидува да ја искористи ситуацијата додека чекаме испораки од нашите партнери“, рече Зеленски на 29 април. Украинскиот лидер, исто така, ја истакна потребата од испорака на софистицирани американски системи за противвоздушна одбрана Патриот, кои Киев ги смета за клучни за одбрана на воздушниот простор на Украина од руски ракетни напади. прочитај повеќе Вчитај повеќе...
Блинкен во посета на Саудиска Арабија, Јордан и Израел
Радио Слободна Европа - пред 2 дена
Вести април 29, 2024 Блинкен во посета на Саудиска Арабија, Јордан и Израел Американскиот државен секетар Ентони Блинкен пристигна во Ријад, Саудиска Арабија, 29 април 2024 година Американскиот државен секретар Ентони Блинкен пристигна во Ријад како дел од посетата на регионот. Блинкен од денеска (29 април) до среда ќе ги посети Саудиска Арабија, Јордан и Израел, соопшти Стејт департментот. Како што е наведено, на средбите ќе се разговара за тековните напори за постигнување прекин на огнот во Газа што треба да обезбеди ослободување на заложниците. Видете и ова: Шеснаесет земји побараа итно ослободување на заложниците во Газа Се додава дека ќе разговараат и за зголемување на хуманитарната помош испорачана во Газа. „Секретарот, исто така, ќе ја нагласи важноста од спречување на ширење на конфликтот и ќе разговара за тековните напори за постигнување траен мир и безбедност во регионот“, соопшти Стејт департментот. прочитај повеќе види ги сите денешни вести април 30, 2024 Јеменските Хути нападнаа брод во Индискиот Океан илустрација Јеменските борци Хути објавија дека со дрон го нападнале контејнерскиот брод „МСЦ Орион“ во Индискиот Океан, како дел од нивната актуелна кампања против меѓународните бродови во знак на солидарност со Палестинците и против израелските воени акции во Газа. Бродот „МСЦ Орион“ со португалско знаме пловел помеѓу пристаништата Синес, Португалија и Салалах, Оман, а неговиот регистриран сопственик е Зодијак (Zodiac Maritime). Зодијак е делумно во сопственост на израелскиот бизнисмен Ејал Офер. Компанијата не одговори веднаш на барањето за коментар. Хутите кои се поврзани со Иран започнаа серија напади со беспилотни летала и ракетни напади во Црвеното Море, теснецот Баб ал-Мандаб и Аденскиот залив од ноември, принудувајќи ги испраќачите да го пренасочат товарот кон подолги и поскапи патувања низ јужна Африка и да ги подигнат стравувањата дека војната меѓу Израел и Хамас може да се прошири и да го дестабилизира Блискиот Исток. Во март, водачот на групата рече дека групата ја проширува својата зона на удар за да ги спречи бродовите поврзани со Израел да минуваат низ Индискиот Океан кон Ртот Добра надеж. Видете и ова: Јеменските Хути оштетија танкер со нафта „поврзан со Русија“ Групата поврзана со Иран, исто така, го нападна комерцијалниот брод Кикладес, како и два американски разурнувачи во Црвеното Море, рече нејзиниот портпарол во телевизиско обраќање рано во вторникот(30 април). Британската поморска безбедносна компанија „Амбри“ претходно објави дека контејнерскиот брод под знаме на Малта бил нападнат со три проектили во понеделникот додека се движел од Џибути кон саудискиот град Џеда. Хутите рекоа дека Киладес бил на тој пат кога бил нападнат контејнерскиот брод. Амбри рече дека бродот најверојатно бил мета поради трговијата на неговиот оператор со Израел. САД и Велика Британија извршија напади врз цели на Хутите како одмазда за нивните напади врз бродови, пишува Ројтерс. прочитај повеќе април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Финансиска полиција: Со лажни формулари откупувале стари акумулатори, кривична против фирма и три лица Управа за финансиска полиција Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела „измама” и „фалсификување исправа”. Штетата која ја наведува Финансиската полиција дека е направена изнесува 214.411.861 денари или нецели 3,5 милиони евра Како што се наведува во соопштението од Финансиска полиција, првопријавеното физичко лице во својство на вработено и третопријавеното физичко лице во својство на сопственик и управител на четвртопријавеното правно лице, заедно со второпријавеното физичко лице вработено кај оштетеното правно лице, со намера да се стекнат со противправна имотна корист и со лажно прикажување на факти, го довеле во заблуда оштетеното правно лице, неосновано да исплати значителен износ на пари по основ на откуп на стари акумулатори. „Првопријавеното и третопријавеното лице во свое име и за сметка на пријавеното правно лице изготвувале и употребувале лажни формулари за отпад на стари акумулатори, кои второпријавеното физичко лице како вработено во оштетеното правно лице ги потпишувало и ги одобрувало лажните испратници и откупните белешки, иако истото знаело дека робата не била испорачана и примена, со што овозможило оштетеното правно лице неосновано да исплати вкупен износ од 214.411.861 денари“, пишува во соопштението од Управата за финансиска полиција. прочитај повеќе април 29, 2024 Столтенберг во посета на Киев, Зеленски повика на побрза испорака на оружје Генералниот секретар на НАТО Јенс Столтенберг со украинскиот претседател Володимир Зеленски на заедничка прес-конференција во Киев, 29 април 2024 година. На 29 април, генералниот секретар на НАТО Јенс Столтенберг се сретна со украинскиот претседател Володимир Зеленски во Киев. Столтенберг на заедничка конференција со медиумите оцени дека неколкумесечното доцнење на воената помош од Соединетите Американски Држави (САД) за Украина „има сериозни последици на бојното поле“, пренесе Агенцијата Франс Прес. Столтенберг изјави дека „на пат е повеќе воена помош“ и дека „не е доцна“ Украина да победи во војната. „Украина со месеци е отфрлена од оружје, принудена да ја рационализира својата муниција... Но, не е доцна Украина да победи“, рече Столтенберг на заедничката конференција со украинскиот претседател. Зеленски, од друга страна, повика на побрза испорака на оружје со цел Украина да се спротивстави на руската офанзива. Тој изјави дека во Украина почнало да пристигнува „витално оружје“ од САД, но во мали количини. Видете и ова: Русија продолжува со интензивните напади врз украинската енергетска инфраструктура „Заедно мора да ја прекинеме руската офанзива. Брзината на снабдување со оружје буквално значи стабилизација на линијата на фронтот“, рече Зеленски на прес-конференцијата. САД минатата недела одобрија пакет помош од 61 милијарда долари за Украина, ставајќи крај на повеќемесечниот ќорсокак во Конгресот за поддршка на Киев, кој се соочува со ниски залихи артилериски гранати. Видете и ова: Што има во новиот американски пакет оружје за Украина? Врховниот командант на Украина на 28 април изјави дека неговите војници се повлекле од три села на истокот каде руските сили се во офанзива и постепено зајакнуваат. „Руската војска сега се обидува да ја искористи ситуацијата додека чекаме испораки од нашите партнери“, рече Зеленски на 29 април. Украинскиот лидер, исто така, ја истакна потребата од испорака на софистицирани американски системи за противвоздушна одбрана Патриот, кои Киев ги смета за клучни за одбрана на воздушниот простор на Украина од руски ракетни напади. прочитај повеќе Вчитај повеќе...
Мицкоски најави коалиција со „Вреди“, продолжува кампањата за изборите на 8 мај
Радио Слободна Европа - пред 3 дена
Вести април 28, 2024 Мицкоски најави коалиција со „Вреди“, продолжува кампањата за изборите на 8 мај Христијан Мицкоски, лидер на ВМРО-ДПМНЕ Идната коалиција во Македонија ќе ја предводи ВМРО-ДПМНЕ, а во нејзе ќе биде коалицијата која на овие избори настапи под името „Вреди“, изјави денеска, 28 април, лидерот на ВМРО-ДПМНЕ Христијан Мицкоски, во одговор на новинарско прашање на настан при увид на градежни активности во општина Аеродром. „Треба да се почитува волјата на граѓаните. Ако го анализирате изборниот резултат, ќе дојдете до следниот заклучок, дека владините кандидати Стево Пендаровски и Бујар Османи освоија вкупно 300,000 гласа. Ако го гледате резултатот кој го одлучија граѓаните, а тоа е резултатот на Гордана Силјановска Давкова идниот претседател и градоначалникот на Гостивар Арбен Таравари тоа е близу 450,000 гласа што значи за еден и пол пати повеќе“, истакна Мицкоски. Претседателот на ВМРО-ДПМНЕ изјави и дека во вториот круг од претседателските избори ВМРО-ДПМНЕ ќе очекува поддршка и од гласачите на ЗНАМ, кои во првиот круг го поддржаа нивниот кандидат за претседател Максим Димитриевски. Сепак одговарајќи денеска на новинарско прашање на денешната пресконференција во Чаир, еден од лидерите на коалицијата на албанските опозициски партии - „Вреди“, претседателот на Демократско движење, Изет Меџити, истакна дека услов за коалицирање со која било партија се прифаќање на уставните измени и спроведување на нивната предизборна кампања. Меџити рече и дека според него мандатар на новата влада ќе биде ВМРО-ДПМНЕ, а посочи и дека ДУИ сакале да бидат дел од таа власт, но „сите бегаат од нив“. „ Од ДУИ бега и ВМРО-ДПМНЕ, од ДУИ бега и Максим Димитриевски, не сака Влада со нив, на ДУИ и екс-премиерот Ковачевски им е налутен оти некоректно играа и со него. Значи и Социјалдемократскиот сојуз не сака со ДУИ. По се изгледа, ДУИ ќе остане во опозиција со Левица“, истакна Меџити на денешната пресконференција. Видете и ова: Гир: Изборите поминаа во мирна и демократска атмосфера, се надеваме дека ќе биде така и во вториот круг Инаку денеска продолжија и партиските активности во рамките на предизборната кампања за двојните избори на 8 мај, па така претседателот Стево Пендаровски одржува средби со жителите во Велебрдо и општина Аеродром, а професорката Гордана Сиљановска-Давкова ја презентира својата програма пред граѓаните во Могила, Ресен Демир Хисар и Битола. Претседателот на Движењето ЗНАМ - За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид, додека, во Штип на народен собир ќе се обрати претседателот на Левица, Димитар Апасиев. Али Ахмети денеска е во Струга и Дебар, додека Изет Меџити во рамките на кампањата денеска беше во посета на Чаир. Предизборната кампања веќе влезе во својата втора половина, а граѓаните на 8 мај за првпат ќе имаат прилика да гласаат на двојни избори во ист ден. прочитај повеќе види ги сите денешни вести април 30, 2024 Хамас подготвува одговор на понудата за прекин на огнот во Газа Луѓето се собираат во близина на телата наредени за идентификација откако беа ексхумирани од масовна гробница пронајдена во јужниот дел на Појасот Газа, 25 април 2024 Хамас, означен како терористичка организација од Соединетите Држави (САД) и Европската унија (ЕУ), ја разгледува понудата на Израел за 40-дневно примирје во војната во Појасот Газа во замена за ослободување на број на заложници кои ги држеше групата од нападoт на 7-ми октомври. Враќајќи се во Катар по последните разговори во Каиро, анонимен извор од делегацијата на Хамас соопшти дека „ќе разговара за идеите и предлогот... и дека сакаат да одговорат што е можно поскоро“. Египетски извори за Ал Кахера њуз, веб-страница поврзана со египетските разузнавачки служби, изјави дека делегацијата на Хамас „ќе се врати со писмен одговор“. Американскиот државен секретар Ентони Блинкен ги опиша условите на примирјето како „исклучително дарежливи“, додека Белата куќа побара од колегите посредници Египет и Катар да го засилат притисокот врз Хамас да го прифати последниот обид за ставање крај на речиси седуммесечната војна. Американскиот претседател Џо Бајден ги повика египетските и катарските лидери „да вложат максимални напори за да обезбедат ослободување на заложниците кои ги држи Хамас“, нарекувајќи го тоа „единствената пречка“ за обезбедување помош за цивилите во опколениот Појас Газа. Со месеци Египет, Катар и САД се обидуваат да обезбедат нов договор. За време на еднонеделното примирје во ноември, 80 израелски заложници беа разменети за 240 Палестинци кои беа затворени во израелските затвори. Во меѓувреме, немилосрдното израелско бомбардирање ја опустоши Газа со која владее Хамас, израмнувајќи голем дел од територијата и доведувајќи го нејзиниот народ на работ на глад, истовремено заканувајќи се да ескалира во поширок регионален конфликт. Во јужниот град Рафа, Палестинците очајуваат од војната додека трагаат по жртвите од последниот напад. Израел вети дека ќе изврши напад врз баталјоните на Хамас во Рафа, каде што повеќето од 2,4 милиони жители на Газа побараа засолниште. Видете и ова: Најмалку 13 лица загинале во израелски воздушни напади во јужниот дел на Газа Но, министерот за надворешни работи Израел, Кац изјави дека владата би можела да ја „прекине“ таа операција доколку се постигне прекин на огнот. Зборувајќи во Ријад за време на неговата седма посета на регионот од почетокот на војната во Газа, високиот американски дипломат Блинкен ја истакна потребата Хамас „брзо да одлучи“ за прекин на огнот. Тој на специјалниот состанок на Светскиот економски форум изјави дека „се надева дека ќе донесе правилна одлука“, додека египетскиот министер за надворешни работи Самех Шукри рече дека „предлогот ги земал предвид ставовите на двете страни“. Британскиот министер за надворешни работи Дејвид Камерон рече дека на Хамас му било понудено „трајно примирје од 40 дена, потенцијално ослободување на илјадници палестински затвореници, во замена за ослободување на овие заложници“. Видете и ова: Шеснаесет земји побараа итно ослободување на заложниците во Газа Извор од Хамас за АФП изјави дека групата е заинтересирана за договор кој „гарантира траен прекин на огнот, слободно враќање на раселените, прифатлив договор за (размена на затвореници и заложници) и крај на опсадата“ во Газа. Израел проценува дека 129 заложници остануваат во Газа, вклучувајќи 34 за кои се верува дека се мртви. Нападот на Хамас резултираше со смрт на приближно 1200 луѓе во Израел, од кои повеќето цивили. Според Министерството за здравство на територијата што ја контролира Хамас, во израелската одмаздничка офанзива загинаа најмалку 34 488 луѓе во Газа. прочитај повеќе април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Финансиска полиција: Со лажни формулари откупувале стари акумулатори, кривична против фирма и три лица Управа за финансиска полиција Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела „измама” и „фалсификување исправа”. Штетата која ја наведува Финансиската полиција дека е направена изнесува 214.411.861 денари или нецели 3,5 милиони евра Како што се наведува во соопштението од Финансиска полиција, првопријавеното физичко лице во својство на вработено и третопријавеното физичко лице во својство на сопственик и управител на четвртопријавеното правно лице, заедно со второпријавеното физичко лице вработено кај оштетеното правно лице, со намера да се стекнат со противправна имотна корист и со лажно прикажување на факти, го довеле во заблуда оштетеното правно лице, неосновано да исплати значителен износ на пари по основ на откуп на стари акумулатори. „Првопријавеното и третопријавеното лице во свое име и за сметка на пријавеното правно лице изготвувале и употребувале лажни формулари за отпад на стари акумулатори, кои второпријавеното физичко лице како вработено во оштетеното правно лице ги потпишувало и ги одобрувало лажните испратници и откупните белешки, иако истото знаело дека робата не била испорачана и примена, со што овозможило оштетеното правно лице неосновано да исплати вкупен износ од 214.411.861 денари“, пишува во соопштението од Управата за финансиска полиција. прочитај повеќе април 29, 2024 Столтенберг во посета на Киев, Зеленски повика на побрза испорака на оружје Генералниот секретар на НАТО Јенс Столтенберг со украинскиот претседател Володимир Зеленски на заедничка прес-конференција во Киев, 29 април 2024 година. На 29 април, генералниот секретар на НАТО Јенс Столтенберг се сретна со украинскиот претседател Володимир Зеленски во Киев. Столтенберг на заедничка конференција со медиумите оцени дека неколкумесечното доцнење на воената помош од Соединетите Американски Држави (САД) за Украина „има сериозни последици на бојното поле“, пренесе Агенцијата Франс Прес. Столтенберг изјави дека „на пат е повеќе воена помош“ и дека „не е доцна“ Украина да победи во војната. „Украина со месеци е отфрлена од оружје, принудена да ја рационализира својата муниција... Но, не е доцна Украина да победи“, рече Столтенберг на заедничката конференција со украинскиот претседател. Зеленски, од друга страна, повика на побрза испорака на оружје со цел Украина да се спротивстави на руската офанзива. Тој изјави дека во Украина почнало да пристигнува „витално оружје“ од САД, но во мали количини. Видете и ова: Русија продолжува со интензивните напади врз украинската енергетска инфраструктура „Заедно мора да ја прекинеме руската офанзива. Брзината на снабдување со оружје буквално значи стабилизација на линијата на фронтот“, рече Зеленски на прес-конференцијата. САД минатата недела одобрија пакет помош од 61 милијарда долари за Украина, ставајќи крај на повеќемесечниот ќорсокак во Конгресот за поддршка на Киев, кој се соочува со ниски залихи артилериски гранати. Видете и ова: Што има во новиот американски пакет оружје за Украина? Врховниот командант на Украина на 28 април изјави дека неговите војници се повлекле од три села на истокот каде руските сили се во офанзива и постепено зајакнуваат. „Руската војска сега се обидува да ја искористи ситуацијата додека чекаме испораки од нашите партнери“, рече Зеленски на 29 април. Украинскиот лидер, исто така, ја истакна потребата од испорака на софистицирани американски системи за противвоздушна одбрана Патриот, кои Киев ги смета за клучни за одбрана на воздушниот простор на Украина од руски ракетни напади. прочитај повеќе април 29, 2024 Турција ќе ја изрази својата поддршка за Марк Руте како шеф на НАТО Знамето на Турција до логото на НАТО пред седиштето на Алијансата во Брисел (Илустративна фотографија) Турција им кажа на своите сојузници во НАТО дека Анкара ќе ја поддржи кандидатурата на холандскиот премиер во заминување Марк Руте за функцијата генерален секретар на НАТО, објави Асошиејтед прес (АП) на 29 април, повикувајќи се на изјавата на високo рангиран турски функционер. Висок турски функционер, како што јави АП, изјавил дека Турција во понеделникот ги известила дипломатите на сојузниците на НАТО во Брисел. Одлуката доаѓа три дена откако Руте отпатува за Турција за да побара поддршка од претседателот Реџеп Тајип Ердоган за неговата кандидатура. Службеникот зборуваше под услов да остане анонимен во согласност со протоколот на турската влада. Актуелниот шеф на НАТО, Јенс Столтенберг, поранешен норвешки премиер, се ближи до крајот на својот мандат, кој беше продолжен неколку пати, бидејќи Северноатлантската Aлијанса се обиде да одржи континуитет и стабилност по руската инвазија на Украина во февруари 2022 година. Членките на НАТО, Турција и Унгарија претходно изразија резервираност за кандидатурата на Рутe, а Ердоган не се обврза за такво нешто на заедничката прес-конференција со Рутe на 26 април. Видете и ова: Сикорски: Рускиот напад врз НАТО би завршил со пораз на Москва Претставниците на НАТО бараат номинацијата за наследник на Столтенберг да биде завршена до крајот на април, пред да започнат изборите за највисоките позиции во Европската Унија закажани за 6 и 9 јуни. Во јули во Вашингтон се одржува самит по повод 75-годишнината од НАТО. Генералните секретари на НАТО се одговорни за претседавање со состаноци и за спроведување на консултации меѓу земјите-членки за да се осигура дека организацијата заснована на консензус може да продолжи да функционира. Тие, исто така, гарантираат дека одлуките се спроведуваат во име на сите членки на Алијансата. прочитај повеќе Вчитај повеќе...
Москва тврди дека презела контрола врз село во источна Украина
Радио Слободна Европа - пред 3 дена
Вести април 28, 2024 Москва тврди дека презела контрола врз село во источна Украина Еден човек стои покрај куќите уништени од артилериски оган и воздушни напади во селото Очеретине, во близина на градот Авдијивка во регионот Доњецк, на 15 април 2024 година, среде руската инвазија на Украина. Илустративна фотографија На 28 април руското Министерство за одбрана објави дека нејзините сили презеле контрола врз уште едно село во источна Украина. „Како резултат на активните операции, единицата „Центар“ го ослободи селото Новобахмутивка во Доњецката Народна Република“, соопшти руското Министерство за одбрана на дневниот брифинг од бојното поле. Селото е на околу 10 километри северно од Авдиевка, која руските сили ја зазедоа во февруари по една од најкрвавите битки во двегодишниот конфликт. Москва еден ден претходно објави дека нејзините војници околу Доњецк успеале да навлезат „длабоко“ во украинските одбранбени линии. Видете и ова: Русија продолжува со интензивните напади врз украинската енергетска инфраструктура Украинските воени лидери претходно признаа дека Русија имала некои „тактички успеси“ во областа и дека нејзините позиции се влошени. Шефот на украинската разузнавачка служба во Министерството за одбрана, Кирило Буданов, овој месец изјави дека ситуацијата на бојното поле за Украина најверојатно ќе се влоши од средината на мај до почетокот на јуни. Киев чека помош од милијарди долари американско оружје, за кое се надева дека ќе ја стабилизира состојбата на главните линии на фронтот. прочитај повеќе види ги сите денешни вести април 30, 2024 Еруптираше вулканот Маунт Руанг во Индонезија илустрација Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри. Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија. Агенцијата ги повика жителите во погодените области да ги следат наредбите за евакуација и да носат маски за заштита од пепел. Последната ерупција следува по зголемената вулканска активност која почна во средината на април. Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри. Видете и ова: Вулкан во Индонезија исфрла пепел и гас Тие ерупции ги натераа воздухопловните власти да го затворат аеродромот Сем Ратуланги во Манадо, кој се наоѓа на околу 100 километри од вулканот, за да ги заштитат летовите од опасната вулканска пепел. Вулканот висок 725 метри е еден од најактивните во Индонезија. Последната голема ерупција на Маунт Руанг се случи во 2002 година, генерирајќи пирокластични текови кои предизвикаа штета на околината. Во Индонезија, земја сместена на Пацифичкиот „Огнен прстен“, често има сеизмичка и вулканска активност. прочитај повеќе април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Финансиска полиција: Со лажни формулари откупувале стари акумулатори, кривична против фирма и три лица Управа за финансиска полиција Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела „измама” и „фалсификување исправа”. Штетата која ја наведува Финансиската полиција дека е направена изнесува 214.411.861 денари или нецели 3,5 милиони евра Како што се наведува во соопштението од Финансиска полиција, првопријавеното физичко лице во својство на вработено и третопријавеното физичко лице во својство на сопственик и управител на четвртопријавеното правно лице, заедно со второпријавеното физичко лице вработено кај оштетеното правно лице, со намера да се стекнат со противправна имотна корист и со лажно прикажување на факти, го довеле во заблуда оштетеното правно лице, неосновано да исплати значителен износ на пари по основ на откуп на стари акумулатори. „Првопријавеното и третопријавеното лице во свое име и за сметка на пријавеното правно лице изготвувале и употребувале лажни формулари за отпад на стари акумулатори, кои второпријавеното физичко лице како вработено во оштетеното правно лице ги потпишувало и ги одобрувало лажните испратници и откупните белешки, иако истото знаело дека робата не била испорачана и примена, со што овозможило оштетеното правно лице неосновано да исплати вкупен износ од 214.411.861 денари“, пишува во соопштението од Управата за финансиска полиција. прочитај повеќе април 29, 2024 Столтенберг во посета на Киев, Зеленски повика на побрза испорака на оружје Генералниот секретар на НАТО Јенс Столтенберг со украинскиот претседател Володимир Зеленски на заедничка прес-конференција во Киев, 29 април 2024 година. На 29 април, генералниот секретар на НАТО Јенс Столтенберг се сретна со украинскиот претседател Володимир Зеленски во Киев. Столтенберг на заедничка конференција со медиумите оцени дека неколкумесечното доцнење на воената помош од Соединетите Американски Држави (САД) за Украина „има сериозни последици на бојното поле“, пренесе Агенцијата Франс Прес. Столтенберг изјави дека „на пат е повеќе воена помош“ и дека „не е доцна“ Украина да победи во војната. „Украина со месеци е отфрлена од оружје, принудена да ја рационализира својата муниција... Но, не е доцна Украина да победи“, рече Столтенберг на заедничката конференција со украинскиот претседател. Зеленски, од друга страна, повика на побрза испорака на оружје со цел Украина да се спротивстави на руската офанзива. Тој изјави дека во Украина почнало да пристигнува „витално оружје“ од САД, но во мали количини. Видете и ова: Русија продолжува со интензивните напади врз украинската енергетска инфраструктура „Заедно мора да ја прекинеме руската офанзива. Брзината на снабдување со оружје буквално значи стабилизација на линијата на фронтот“, рече Зеленски на прес-конференцијата. САД минатата недела одобрија пакет помош од 61 милијарда долари за Украина, ставајќи крај на повеќемесечниот ќорсокак во Конгресот за поддршка на Киев, кој се соочува со ниски залихи артилериски гранати. Видете и ова: Што има во новиот американски пакет оружје за Украина? Врховниот командант на Украина на 28 април изјави дека неговите војници се повлекле од три села на истокот каде руските сили се во офанзива и постепено зајакнуваат. „Руската војска сега се обидува да ја искористи ситуацијата додека чекаме испораки од нашите партнери“, рече Зеленски на 29 април. Украинскиот лидер, исто така, ја истакна потребата од испорака на софистицирани американски системи за противвоздушна одбрана Патриот, кои Киев ги смета за клучни за одбрана на воздушниот простор на Украина од руски ракетни напади. прочитај повеќе април 29, 2024 Турција ќе ја изрази својата поддршка за Марк Руте како шеф на НАТО Знамето на Турција до логото на НАТО пред седиштето на Алијансата во Брисел (Илустративна фотографија) Турција им кажа на своите сојузници во НАТО дека Анкара ќе ја поддржи кандидатурата на холандскиот премиер во заминување Марк Руте за функцијата генерален секретар на НАТО, објави Асошиејтед прес (АП) на 29 април, повикувајќи се на изјавата на високo рангиран турски функционер. Висок турски функционер, како што јави АП, изјавил дека Турција во понеделникот ги известила дипломатите на сојузниците на НАТО во Брисел. Одлуката доаѓа три дена откако Руте отпатува за Турција за да побара поддршка од претседателот Реџеп Тајип Ердоган за неговата кандидатура. Службеникот зборуваше под услов да остане анонимен во согласност со протоколот на турската влада. Актуелниот шеф на НАТО, Јенс Столтенберг, поранешен норвешки премиер, се ближи до крајот на својот мандат, кој беше продолжен неколку пати, бидејќи Северноатлантската Aлијанса се обиде да одржи континуитет и стабилност по руската инвазија на Украина во февруари 2022 година. Членките на НАТО, Турција и Унгарија претходно изразија резервираност за кандидатурата на Рутe, а Ердоган не се обврза за такво нешто на заедничката прес-конференција со Рутe на 26 април. Видете и ова: Сикорски: Рускиот напад врз НАТО би завршил со пораз на Москва Претставниците на НАТО бараат номинацијата за наследник на Столтенберг да биде завршена до крајот на април, пред да започнат изборите за највисоките позиции во Европската Унија закажани за 6 и 9 јуни. Во јули во Вашингтон се одржува самит по повод 75-годишнината од НАТО. Генералните секретари на НАТО се одговорни за претседавање со состаноци и за спроведување на консултации меѓу земјите-членки за да се осигура дека организацијата заснована на консензус може да продолжи да функционира. Тие, исто така, гарантираат дека одлуките се спроведуваат во име на сите членки на Алијансата. прочитај повеќе април 29, 2024 Полските земјоделци ја прекинаа блокадата на границата со Украина Илустрација од протестите на полските земјоделци Полските земјоделци ја прекинаа повеќемесечната блокада на граничниот премин со Украина. Британските медиуми ја пренесуваат позитивната оценка на украинскиот министер за земјоделство за напорите на Полска да стави крај на блокадата и најави дека се деблокирани сите гранични премини со Полска. Блокадите започнаа кон крајот на минатата година, по протестите на полските земјоделци поради изземањето на украинските земјоделци од барањето да аплицираат за влез во Полска. Видете и ова: Украина е подготвена да го ограничи извозот во ЕУ поради протестите на полските земјоделци Варшава и Киев со месеци преговараа за изнаоѓање решение за блокадата, а Украина ја повика Европската Унија да интервенира. Илјадници земјоделци во Полска излегоа на улиците во Варшава на 27 февруари, ескалирајќи го протестот што започна на почетокот на февруари против увозот на храна од Украина и зелените правила на ЕУ. Земјоделците ширум Европа протестираа со недели против ограничувањата што им ги поставуваат регулативите за „Зелениот договор“ на ЕУ, наменети за справување со климатските промени, како и зголемените трошоци и, како што велат, нелојалната конкуренција надвор од ЕУ, особено Украина. Полските земјоделци започнаа серија протести низ целата земја на почетокот на овој месец, а за време на протестите целосно ги блокираа и сите украински гранични премини, како и пристаништата и низ целата земја. прочитај повеќе Вчитај повеќе...
Приведен уште еден руски новинар поради наводна соработка со тимот на Навални
Радио Слободна Европа - пред 3 дена
Вести април 28, 2024 Приведен уште еден руски новинар поради наводна соработка со тимот на Навални Портрет на покојниот руски опозициски лидер Алексеј Навални, кој почина во руски арктички затвор на 20 февруари 2024 година. (Илустративна фотографија). Уште еден руски новинар беше приведен во Русија за „екстремизам“, а обвинет е и за снимање видео материјал за тимот на покојниот дисидент Алексеј Навални, објави на 28 април меѓународната новинска агенција Асошиејтед прес (АП). Сергеј Карелин, кој работеше за АП, е вториот новинар уапсен поради ваквите наводи по приведувањето на Константин Габов, кој повремено работеше за новинската агенција Ројтерс и беше уапсен на 27 април. „Асошиетед прес се многу загрижени поради приведувањето на рускиот новинар Сергеј Карелин“, изјави агенцијата за АФП, додавајќи дека бараат дополнителни информации за неговото апсење. Габов, кој, според пишувањата на медиумите, работел и за руските телевизиски канали Москва 24 и МИР, како и за белоруската новинска агенција Белсат, ќе остане во притвор најмалку до 27 јуни, соопшти прес-службата на судот на Телеграм. Карелин и Габов се обвинети дека помогнале во подготовка на видеа за објавување на каналот на Навални на Јутјуб, платформа што ја користи тимотна покојниот руски опозиционер, соопштија судовите. Видете и ова: Продолжен рокот за прелиминарна истрага за смртта на Навални Навални, најистакнатиот критичар на рускиот претседател Владимир Путин, почина под сомнителни околности во затвор на Арктикот во февруари. Неговото движење е означено како „екстремистичко“ во Русија, што ги изложува неговите поддржувачи и соработници на кривично гонење. Повеќето сојузници на Навални се во егзил или отслужуваат долги затворски казни. Руските власти го засилија притисокот врз независните и странските медиуми во последниве месеци во заеднички напори да ги замолчат гласовите на дисидентите по офанзивата врз Украина. Во март, фотографката Антонина Кравцова беше обвинета и за „екстремизам“ откако таа често известуваше за судењата на Навални за SOTAvision, една од ретките медиумски организации кои документираат политички конфронтации во Русија и властите ја сметаат за „странски агент“. Видете и ова: Европратениците гласаа за резолуција со која се бара ослободување на новинарите Курмашева и Гершкович Сергеј Мингазов, руски новинар кој работи за руската верзија на Форбс, беше приведен на 26 април и обвинет за ширење „лажни информации“ за воени злоупотреби во Украина. Меѓу другите затворени новинари е и новинарот на Волстрит журнал Еван Гершкович, кој се соочува со обвинувања за шпионажа кои тој и американските власти ги негираат. Руско-американската новинарка Алсу Курмашева, која работи за Радио Слободна Европа, исто така е зад решетки од октомври бидејќи, според руските власти, не се пријавила како „странски агент“. Таа отпатува во Русија поради итна семејна ситуација во мај минатата година. прочитај повеќе види ги сите денешни вести април 30, 2024 САД ја отфрлија можноста Меѓународниот кривичен суд да го истражува Израел Меѓународниот кривичен суд во Хаг Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА. Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“. Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата. Видете и ова: Израелските власти „загрижени“ за можните налози за апсење од Меѓународниот кривичен суд Израелските медиуми претходно јавија дека Нетанјаху стравува дека главниот обвинител на МКС, Карим Кан, оваа недела би можел да издаде меѓународни потерници за него, министерот за одбрана Јоав Галант и началникот на Генералштабот Херзи Халеви. Од 2021 година, судот во Хаг ги истражува израелските одбранбени сили и организација Хамас, која САД и ЕУ ја прогласија за терористичка, за наводни воени злосторства во Појасот Газа, окупираниот Западен Брег и Источен Ерусалим. Во 2021 година судот пресуди дека има јурисдикција над палестинските територии окупирани по 1967 година – Западниот Брег и Појасот Газа. Сепак, ниту САД ниту Израел не го признаваат судот, забележува ДПА. Во моментов во тек е истрага и за акти на насилство извршени од израелски доселеници на Западниот Брег. Налог за апсење на Нетанјаху и други израелски граѓани издаден од МКС би значело дека државите што го потпишале статутот на судот ќе бидат обврзани да ги уапсат тие лица и да ги префрлат во Хаг под услов да се на нивна територија прочитај повеќе април 30, 2024 Проширувањето на ЕУ и владеењето на правото - теми на неформалниот европски Совет за општи работи илустрација Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел. Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година. На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото. Видете и ова: Неформален состанок на Советот за општи работи на ЕУ Меѓу другото, предвидено е европските министри да разменат на мислења со претставници на земјите кандидати и аспиранти за членство на ЕУ за владеењето на правото во рамките на процесот на проширување. На заседанието ќе стане збор и за важноста за почитување на владеењето на правото во рамки на Унијата, како и за потенцијални подобрувања на постоечките механизми на заштита на овој принцип и нивната ефикасност. Покрај тоа европските министри ќе разговараат и за иднината на ЕУ, при што се очекува да разменат мислења за потребните чекори и реформи за зајакнување на капацитетот за дејствување на Унијата. Неформалните заседанија на Советите на ЕУ се средби на ресорните министри на кои не се носат никакви одлуки, туку само се дебатира и се разменуваат мислења за различни теми и прашања по кои треба да се решава на формалните средби или на состаноци на други тела на Унијата. прочитај повеќе април 29, 2024 Американските, британските и египетските дипломати се оптимисти за предлогот за прекин на огнот во Газа Американскиот државен секретар Ентони Блинкен на состанок со претставници на Египет, Јордан, Саудиска Арабија, Катар, Обединетите Арапски Емирати и Палестинската управа, во Ријад, 29 април 2024 година. Надежите за можно примирје и ослободување на заложниците се зголемија во понеделникот на 29 април, по изјавите на официјални лица од Соединетите Американски Држави (САД) и Египет, кои посредуваат во преговорите меѓу Израел и Хамас, пренесе Агенцијата Франс Прес. Американскиот државен секретар Ентони Блинкен рече дека се надева оти Хамас ќе ја прифати понудата, за која британскиот министер за надворешни работи Дејвид Камерон рече дека може да доведе до ослободување на израелските заложници кои ги држеше Хамас од 7 октомври. САД и ЕУ го сметаат Хамас за терористичка организација. Зборувајќи на специјален состанок на Светскиот економски форум во Ријад, Блинкен рече дека предлогот на Израел до Хамас е „исклучително дарежлив“. „Хамас има пред себе исклучително дарежлив предлог од Израел. Тие треба да одлучат - и мора брзо да одлучат. Се надевам дека ќе донесат правилна одлука“, рече Блинкен во Ријад, пренесе АФП. Видете и ова: Блинкен се надева дека Хамас ќе го прифати „дарежливиот“ договор за Газа Шефот на британската дипломатија Дејвид Камерон на истиот состанок рече дека на Хамас му е понуден „траен прекин на огнот од 40 дена и потенцијално ослободување на илјадници палестински затвореници, во замена за ослободување на овие заложници“. Во меѓувреме, саудискиот министер за надворешни работи Фајсал бин Фархан рече дека новиот договор „би бил многу позитивен“. „Но, апсолутно е неопходно прекинот на огнот да биде траен, а не привремен“, рече тој. Говорејќи на состанокот на Светскиот економски форум, египетскиот министер за надворешни работи Самех Шукри рече дека „предлогот ги зема предвид ставовите на двете страни“. Блинкен пристигна во Саудиска Арабија во понеделникот како дел од неговата седма турнеја на Блискиот Исток по избувнувањето на војната меѓу Израел и Хамас, за да разговара со официјални лица за управувањето со Газа по завршувањето на војната со Израел. Во исто време, преговарачите од Хамас требаше да пристигнат во Египет, земја која посредува во мировните преговори заедно со САД и Катар. Тие земји со месеци се обидуваат да посредуваат за нов договор меѓу Израел и Хамас, по оној од ноември 2023 година, кога за време на еднонеделното примирје беа разменети 80 израелски заложници за 240 Палестинци кои беа чувани во израелските затвори. Агенцијата Франс Прес пишува дека врз основа на новите дипломатски навестувања, има нов поттик за примирје. Висок функционер на Хамас на 28 април рече дека групата нема „големи проблеми“ со најновиот план за примирје. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Стано: Недостиг на политичка волја е причина за стагнација на договорот меѓу Србија и Косово Портпаролот на Европската унија Петер Стано Претставниците на Европската унија (ЕУ) се на мислење дека недостатокот на политичка волја на политичарите во Косово и Србија е причината поради која нема напредок во спроведувањето на договорот постигнат од лидерите минатата година, изјави на 29 април портпаролот на ЕУ, Петер Стано. „Можете некому да му помогнете само онолку колку што е подготвен да прифати помош. ЕУ не ги тера партнерите. Партнерите доброволно изјавија дека сакаат да влезат во Европската унија еден ден“, рече Стано на прес-конференцијата, одговарајќи на прашањето дали Брисел смета дека тоа не успеа да ги убеди двете страни да го спроведат она што го договорија. Тој ја потврди подготвеноста на европските институции да продолжат да работат во процесот на нормализирање на односите меѓу Србија и Косово. Мандатот на специјалниот претставник на ЕУ за дијалог, Мирослав Лајчак истекува во август. Веќе е потврдено дека потоа нема да му биде продолжен мандатот, откако е избран за амбасадор на ЕУ во Швајцарија. Исто така, на крајот на својот мандат е и европскиот шеф на дипломатијата, Жозеп Борел, бидејќи по европските избори кои ќе се одржат во јуни, ќе бидат избрани нови шефови на европските институции, вклучително и функцијата висок претставник на ЕУ за заеднички надворешни работи, политика и безбедност. Видете и ова: Вучиќ и Османи со меѓусебни обвинувања во ОН за „притисоци“ врз Србите од Косово Стано на прес-конференцијата посочи дека успехот на посредувањето на ЕУ во дијалогот е ограничен во однос на волјата на преговарачките страни. „Ако се обидувате да им помогнете на партнерите, а тие не сакаат да им се помогне и тие постојано покажуваат со прст кон другиот, поставуваат нови пречки, дејствуваат еднострано, без координација, без консултации, тогаш можете да направите само онолку колку што тие дозволи“, рече тој. Во февруари минатата година, лидерите на Србија и на Косово постигнаа договор за патот кон нормализација на односите. Во март истата година во Охрид беше договорен анекс за имплементација. Сепак, документите не беа потпишани, бидејќи српскиот претседател Александар Вучиќ одби да го стори тоа. Без разлика што договорот и Анексот за негова имплементација не се потпишани, ЕУ смета дека договорот е правно обврзувачки за двете страни. Ниту Приштина ниту Белград не направија ниту еден чекор кон имплементација на договорените одредби од договорот и анексот. Косовската страна одбива да работи на имплементација на клучната точка, која се однесува на формирање на Заедница на општини со српско мнозинство. Српската страна, пак, во неколку наврати потврди дека нема да ги спроведе сите одредби од договорот, особено оние поврзани со, како што се наведува, „црвените линии“, како што е непреченото членство на Косово во која било меѓународна организација. Видете и ова: Брисел формално предложи вклучување на обврските од Охрид во преговорите со Србија и Косово Ова писмено го потврди и поранешната премиерка на Србија, Ана Брнабиќ, која во декември минатата година испрати писмо до Брисел во кое потврди дека Белград нема да ги спроведе сите одредби од договорот со Косово. Косово е во процес на прием во полноправно членство во Советот на Европа. Српските власти активно работат на спречување на членството на Косово во таа меѓународна организација. прочитај повеќе април 29, 2024 Француската полиција го растури пропалестинскиот протест пред Сорбона Студентите протестираат за поддршка на Палестинците во Газа во близина на Универзитетот Сорбона во Париз, 29 април 2024 година. На 29 април, француската полиција го растури студентскиот протест за поддршка на палестинскиот народ во близина на Универзитетот Сорбона во Париз, пренесе Агенцијата Франс Прес. Десетици демонстранти беа придружувани од просториите на универзитетот од страна на полицијата откако тие поставија шатори внатре. „Бевме околу 50 луѓе кога безбедносните сили втрчаа во дворот“, вели Реми, 20-годишен студент по историја и географија, кој учествуваше на протестот. Тој оцени дека евакуацијата на студентите кои протестираат била „брутална“, но и дека никој не бил уапсен. Образовните власти претходно објавија дека студентите поставиле 12 шатори во дворот и ходникот на универзитетот, поради што ги откажале претходно закажаните испити. Сорбона соопшти дека универзитетот е затворен, бидејќи од 29 април напладне никој не може да влезе во зградата на универзитетот. Асошиетед прес (АП) објави дека 100 демонстранти учествувале на протест во близина на престижен универзитет инспириран од слични протести на универзитетите во САД. АП објави дека демонстрантите развиле огромно палестинско знаме и извикувале слогани за поддршка на Палестинците во Газа среде израелската офанзива по нападот на Хамас врз јужен Израел на 7 октомври 2023 година. Демонстрантите, меѓу другото, скандираа „Газа, Сорбона е со тебе“. Видете и ова: Макрон предупредува: Постои ризик нашата Европа да умре АП известува дека Сорбона зазема уникатно место во срцето на францускиот јавен и интелектуален живот. Минатата недела, претседателот Емануел Макрон го избра како место за говор за неговата визија за Европа пред изборите за Европскиот парламент во јуни. Во текот на изминатата недела, имаше протести на друг елитен универзитет во регионот на француската престолнина, Парискиот институт за политички студии, кој ги вбројува Макрон и премиерот Габриел Атал меѓу многуте познати алумни. Тензиите се разгореа на кампусот додека пропалестинските студенти, инспирирани од камповите со лизгачи на американските универзитети, се обидоа да го окупираат амфитеатарот. Пропалестинските и произраелските демонстранти се судрија на улицата пред училиштето во петокот. Реагираше интервентната полиција. Протестот заврши мирно, кога студентите доцна во петокот, на 26 април, се договорија да ја напуштат зградата. Француските власти ја критикуваат офанзивата на Израел поради хуманитарната катастрофа со која се соочува народот во Газа. Шефот на француската дипломатија на 9 април рече дека врз Израел мора да се изврши притисок и може да воведе санкции за да се отворат премини за испорака на хуманитарна помош за Палестинците во појасот Газа. Израел ја започна војната против Хамас, кој САД и Европската унија го сметаат за терористичка организација, по нападот на Хамас на 7 октомври на израелска територија, при што беа убиени околу 1.200 луѓе, главно цивили, а зедоа околу 250 заложници. Од почетокот на војната, во израелската офанзива загинаа повеќе од 34.000 Палестинци, главно жени и деца, според Министерството за здравство на Газа под контрола на Хамас. Како резултат на војната, околу 80 отсто од населението на Газа, околу 2,3 милиони луѓе, ги напуштија своите домови, додека северот на Газа беше доведен до работ на глад. прочитај повеќе април 29, 2024 Финансиска полиција: Со лажни формулари откупувале стари акумулатори, кривична против фирма и три лица Управа за финансиска полиција Управата за финансиска полиција до Основното јавно обвинителство Штип поднесе кривична пријава против три физички и едно правно лице, поради постоење на основано сомнение за сторени кривични дела „измама” и „фалсификување исправа”. Штетата која ја наведува Финансиската полиција дека е направена изнесува 214.411.861 денари или нецели 3,5 милиони евра Како што се наведува во соопштението од Финансиска полиција, првопријавеното физичко лице во својство на вработено и третопријавеното физичко лице во својство на сопственик и управител на четвртопријавеното правно лице, заедно со второпријавеното физичко лице вработено кај оштетеното правно лице, со намера да се стекнат со противправна имотна корист и со лажно прикажување на факти, го довеле во заблуда оштетеното правно лице, неосновано да исплати значителен износ на пари по основ на откуп на стари акумулатори. „Првопријавеното и третопријавеното лице во свое име и за сметка на пријавеното правно лице изготвувале и употребувале лажни формулари за отпад на стари акумулатори, кои второпријавеното физичко лице како вработено во оштетеното правно лице ги потпишувало и ги одобрувало лажните испратници и откупните белешки, иако истото знаело дека робата не била испорачана и примена, со што овозможило оштетеното правно лице неосновано да исплати вкупен износ од 214.411.861 денари“, пишува во соопштението од Управата за финансиска полиција. прочитај повеќе април 29, 2024 Столтенберг во посета на Киев, Зеленски повика на побрза испорака на оружје Генералниот секретар на НАТО Јенс Столтенберг со украинскиот претседател Володимир Зеленски на заедничка прес-конференција во Киев, 29 април 2024 година. На 29 април, генералниот секретар на НАТО Јенс Столтенберг се сретна со украинскиот претседател Володимир Зеленски во Киев. Столтенберг на заедничка конференција со медиумите оцени дека неколкумесечното доцнење на воената помош од Соединетите Американски Држави (САД) за Украина „има сериозни последици на бојното поле“, пренесе Агенцијата Франс Прес. Столтенберг изјави дека „на пат е повеќе воена помош“ и дека „не е доцна“ Украина да победи во војната. „Украина со месеци е отфрлена од оружје, принудена да ја рационализира својата муниција... Но, не е доцна Украина да победи“, рече Столтенберг на заедничката конференција со украинскиот претседател. Зеленски, од друга страна, повика на побрза испорака на оружје со цел Украина да се спротивстави на руската офанзива. Тој изјави дека во Украина почнало да пристигнува „витално оружје“ од САД, но во мали количини. Видете и ова: Русија продолжува со интензивните напади врз украинската енергетска инфраструктура „Заедно мора да ја прекинеме руската офанзива. Брзината на снабдување со оружје буквално значи стабилизација на линијата на фронтот“, рече Зеленски на прес-конференцијата. САД минатата недела одобрија пакет помош од 61 милијарда долари за Украина, ставајќи крај на повеќемесечниот ќорсокак во Конгресот за поддршка на Киев, кој се соочува со ниски залихи артилериски гранати. Видете и ова: Што има во новиот американски пакет оружје за Украина? Врховниот командант на Украина на 28 април изјави дека неговите војници се повлекле од три села на истокот каде руските сили се во офанзива и постепено зајакнуваат. „Руската војска сега се обидува да ја искористи ситуацијата додека чекаме испораки од нашите партнери“, рече Зеленски на 29 април. Украинскиот лидер, исто така, ја истакна потребата од испорака на софистицирани американски системи за противвоздушна одбрана Патриот, кои Киев ги смета за клучни за одбрана на воздушниот простор на Украина од руски ракетни напади. прочитај повеќе април 29, 2024 Турција ќе ја изрази својата поддршка за Марк Руте како шеф на НАТО Знамето на Турција до логото на НАТО пред седиштето на Алијансата во Брисел (Илустративна фотографија) Турција им кажа на своите сојузници во НАТО дека Анкара ќе ја поддржи кандидатурата на холандскиот премиер во заминување Марк Руте за функцијата генерален секретар на НАТО, објави Асошиејтед прес (АП) на 29 април, повикувајќи се на изјавата на високo рангиран турски функционер. Висок турски функционер, како што јави АП, изјавил дека Турција во понеделникот ги известила дипломатите на сојузниците на НАТО во Брисел. Одлуката доаѓа три дена откако Руте отпатува за Турција за да побара поддршка од претседателот Реџеп Тајип Ердоган за неговата кандидатура. Службеникот зборуваше под услов да остане анонимен во согласност со протоколот на турската влада. Актуелниот шеф на НАТО, Јенс Столтенберг, поранешен норвешки премиер, се ближи до крајот на својот мандат, кој беше продолжен неколку пати, бидејќи Северноатлантската Aлијанса се обиде да одржи континуитет и стабилност по руската инвазија на Украина во февруари 2022 година. Членките на НАТО, Турција и Унгарија претходно изразија резервираност за кандидатурата на Рутe, а Ердоган не се обврза за такво нешто на заедничката прес-конференција со Рутe на 26 април. Видете и ова: Сикорски: Рускиот напад врз НАТО би завршил со пораз на Москва Претставниците на НАТО бараат номинацијата за наследник на Столтенберг да биде завршена до крајот на април, пред да започнат изборите за највисоките позиции во Европската Унија закажани за 6 и 9 јуни. Во јули во Вашингтон се одржува самит по повод 75-годишнината од НАТО. Генералните секретари на НАТО се одговорни за претседавање со состаноци и за спроведување на консултации меѓу земјите-членки за да се осигура дека организацијата заснована на консензус може да продолжи да функционира. Тие, исто така, гарантираат дека одлуките се спроведуваат во име на сите членки на Алијансата. прочитај повеќе април 29, 2024 Полските земјоделци ја прекинаа блокадата на границата со Украина Илустрација од протестите на полските земјоделци Полските земјоделци ја прекинаа повеќемесечната блокада на граничниот премин со Украина. Британските медиуми ја пренесуваат позитивната оценка на украинскиот министер за земјоделство за напорите на Полска да стави крај на блокадата и најави дека се деблокирани сите гранични премини со Полска. Блокадите започнаа кон крајот на минатата година, по протестите на полските земјоделци поради изземањето на украинските земјоделци од барањето да аплицираат за влез во Полска. Видете и ова: Украина е подготвена да го ограничи извозот во ЕУ поради протестите на полските земјоделци Варшава и Киев со месеци преговараа за изнаоѓање решение за блокадата, а Украина ја повика Европската Унија да интервенира. Илјадници земјоделци во Полска излегоа на улиците во Варшава на 27 февруари, ескалирајќи го протестот што започна на почетокот на февруари против увозот на храна од Украина и зелените правила на ЕУ. Земјоделците ширум Европа протестираа со недели против ограничувањата што им ги поставуваат регулативите за „Зелениот договор“ на ЕУ, наменети за справување со климатските промени, како и зголемените трошоци и, како што велат, нелојалната конкуренција надвор од ЕУ, особено Украина. Полските земјоделци започнаа серија протести низ целата земја на почетокот на овој месец, а за време на протестите целосно ги блокираа и сите украински гранични премини, како и пристаништата и низ целата земја. прочитај повеќе април 29, 2024 Блинкен се надева дека Хамас ќе го прифати „дарежливиот“ договор за Газа Американскиот државен секретар Ентони Блинкен Американскиот државен секретар Ентони Блинкен денеска (29 април) изјави дека се надева оти Хамас ќе ја прифати „исклучително дарежливата“ понуда за запирање на израелската офанзива во Газа во замена за ослободување на заложниците. Европската Унија и САД ја прогласија Хамас за терористичка организација. „Хамас има пред себе предлог кој е „извонредно дарежлив“ од страна на Израел. Во овој момент, единственото нешто што стои меѓу луѓето во Газа и прекинот на огнот е -Хамас“, рече Блинкен во Ријад на Светскиот економски форум и додаде: „Можеме да имаме фундаментална промена во динамиката“ за повеќе од половина година крвопролевање“. Говорејќи во Саудиска Арабија, американскиот државен секретар рече дека има „мерлив напредок“ во доставувањето помош за Газа, но дека е потребно повеќе. Блинкен рече и дека Иран е најголемиот извор на нестабилност во регионот. Тој посочи дека настаните од последните неколку месеци покажаа дека има два можни патишта. Едниот, рече тој, бил обележан со „поделби, уништување, насилство и постојана несигурност“. Видете и ова: Блинкен во посета на Саудиска Арабија, Јордан и Израел Сепак, Блинкен посочи дека состаноците како денешниот покажале дека има многу повеќе нации во регионот на Ријад заинтересирани за вториот пат, „поголема интеграција, поголема безбедност, поголем мир“. „Многу повеќе од нас сакаат да одат по тој пат“, рече Блинкен. Тој се сретна и со саудискиот министер за надворешни работи, принцот Фајсал бин Фархан ал Сауд. Блинкен, исто така, ќе се состане со турскиот министер за надворешни работи Хакан Фидан и други регионални претставници пред очекуваната посета на Израел подоцна во текот на неделата. прочитај повеќе Вчитај повеќе...