Променливо облачно време викендот
Нетпрес - пред 40 минути
Во Скопје променливо облачно со слаб до умерен ветер од јужен правец. Попладне во делови од котлината ќе има краткотраен пороен дожд и појава на ретки грмежи. Променливо облачно со слаб до умерен ветер од југозападен правец. Попладне на повеќе места ќе биде нестабилно со пороен дожд и грмежи, локално во форма на краткотрајно невреме. Времето утре ќе биде променливо облачно со слаб до умерен ветер од југозападен правец. Попладне на повеќе места ќе биде нестабилно со пороен дожд и грмежи, локално во форма на краткотрајно невреме. Во петок времето ќе биде променливо облачно со слаб до умерен, а во западните делови повремено засилен ветер од западен правец. Попладне на повеќе места ќе биде нестабилно со пороен дожд и грмежи, локално во форма на краткотрајно невреме. Во сабота времето ќе биде променливо облачно со повремени врнежи од дожд. Ќе дува слаб до умерен, а долж Повардарието и во источните делови повремено засилен ветер од северен правец....
Утре е Велики четврток: Првото фарбано јајце има волшебна моќ
Нетпрес - пред 44 минути
CREATOR: gd-jpeg v1.0 (using IJG JPEG v62), quality = 82 Утре е Велики четврток, ден кога се фарбаат велигденските јајца. Сега се наоѓаме во средината на Страдалната седмица, седмица која е полна со важни настани за спасението на човекот. Главен обичај што се изведува на овој ден и со посебно внимание е вапцувањето на велигденските јајца. Според обичајот најпрвин се вапцувале три јајца, а потоа и другите. Се верува дека првото јајце било наменето на Господ и се викало Господово јајце, второто на домаќинот – главата на семејството, а третото на стоката и бериќетот. Особено повеќе обичаи и верувања се поврзани со јајцето првак за кое се верува дека има волшебна моќ. Тоа подоцна стои пред иконата, со него се враќа облак, се лекуваат болести кај луѓето и стоката, тоа заштитува од пожар, гром и сл. Јајцата ги вапцува домаќинката рано наутро пред да изгрее сонцето, зашто се верувало дека ако тоа се направело подоцна јајцата ќе се засмрдат. Вапцани пред да ги види сонцето, овие јајца, особено првакот, не се расипуваат и по неколку години. Кога ги вапцува јајцата домаќинката мора да има нешто јадено или да има каснато барем еден залак леб, зашто ако тоа го прави на гладно срце, јајцето може да ја разбие, да се разболи или да е несреќна, а и таа ако го разбие тоа ќе ја загуби магиската моќ. Насекаде во Македонија, на Велики четврток, рано пред изгрејсонце, првото јајце се става во сито и се обесува на дирекот од куќата или на друго место спроти сонце за да го видат првите сончеви зраци. Во некои краишта во ситото ставаат едно во други две или три јајца. Исто така, во некои краишта во ситото ставале и жито, некаде и срп за богат бериќет или сукало. Ситото било покривано со црвен машки појас или со друга ткаенина но секогаш со црвена боја. По вапсувањето на јајцата, но пак рано пред изгрејсонце, домаќинката го земала јајцето првак и на децата, уште додека биле во постела, им минувала три пати по лицето зборувајќи: „Црвено, бело, дебело“ или: „Црвено бело здраво и живо“, што значи да се дебели како јајцето, но и црвени во образите, што е ознака за здравје и напредок....
Турската партија ТХП го напушта Европскиот фронт на Ахмети
Нетпрес - пред 48 минути
Кандидатите Турци за пратеници кои се во коалиција со Демократската унија за интеграција (ДУИ) во рамките на Европскиот фронт не делат заеднички вредности, па по изборите ќе ја напуштат оваа коалиција. Ова го изјави во интервју за порталот Пресонлајн.ал Енес Ибрахим претседател на Партијата за движење на Турците (ТХП) и кандидат за пратеник на Коалиција за европска иднина во ИЕ Бр.5. „Коалициите треба да имаат одредени вредности, во овој случај, доколку се Европски фронт, треба навистина во таа коалиција да учествуваат политички партии кои веруваат во овој концепт, а не кои сакаат само да имаат пратеник, па потоа во 20 часот на 8 мај да избегаат во различни коалици. Изминативе години тоа се случуваше во рамки на другите коалиции, па така најголем дел од тие коалиционни партнери нема да останат со ДУИ бидејќи не ги имаат истите вредности со ДУИ. Коалицијата предводено од ДУИ, сметам дека не е принципиелна. Најголем дел од тие коалициони партнери, претходно биле во коалиција со ВМРО-ДПМНЕ, потоа биле со СДСМ, па откако им биле затворени вратите во СДСМ и во ВМРО-ДПМНЕ, нашле една мала врата во ДУИ. Кога зборувам за непринципијална коалиција, зборувам за европските вредности. Во оваа коалиција имате политички партии и поединци кои секогаш биле анти НАТО, анти Европа. И затоа оваа коалиција е непринципиелна и нема да има успех“, смета Ибрахим. Тој смета дека турската заедница е маргинализирана и изолирана и дека за нив патот кон членството во ЕУ е најбитен елемент. Според него, помалку бројните етнички заедници, вклучително и турската заедница, немаат алтернатива, и затоа, смета тој, патот кон ЕУ мора продолжи....
Ископана е човечка коска во дворот на Клиничкиот центар во Скопје
Нетпрес - пред 1 час
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта. Излезено било на местото на настанот од полициски службеници од СВР Скопје и известен бил јавен обвинител....
Ограничувањето на цената на руската нафта не функционира, велат осигурителите
Нетпрес - пред 1 час
Ограничувањето на цената на руската нафта повеќе не функционира, предупреди група западни осигурителни компании, истакнувајќи дека ограничувањето само поттикнало повеќе бродови да се приклучат на флотата којашто се обидува да го заобиколи. За да го ограничи приходот на Москва во војната во Украина, земјите од групата Г7 поставија ограничување на цената на руската нафта на 60 долари за барел, заканувајќи им се на превозниците и осигурениците со санкции доколку ги сервисираат поскапите барели. Тие одредија и ограничување за нафтените продукти како што се бензините и дизелот, од 45 односно 100 долари за барел. Сепак, ова ограничување не се однесува на набавките на руската нафта преработена во трети земји. Лимитот не ја постигна саканата цел, бидејќи Русија почна да транспортира нафта со сопствена флота и бродови кои не се контролирани од Западот, предупреди во писмено соопштение Меѓународната групација на клубови за осигурување и задолжително осигурување. Изјавата беше поднесена како писмен доказ на сослушувањето во британскиот парламент во вторникот. Групацијата во писмото наведува дека вклучува 12 осигурителни компании во поморскиот транспорт на товар кои покриваат 87 отсто од тонажата на светските океани. „Заклучокот е дека станува речиси невозможно да се спроведе одлуката за ограничувањето на цената на нафтата, бидејќи сѐ повеќе бродови и поврзани услуги учествуваат во паралелната трговија“, нагласуваат од групата. „Проценуваме дека околу 800 танкери веќе се повлекле од Меѓународната група на клубови, што е директна последица на воведувањето на горната граница за цената на нафтата“, додаваат од таму....
Стојаноска: Со платформата 1198 ќе имаме широк дијалог со синдикатите, жестока борба со корупцијата и економска трансформација
Нетпрес - пред 2 часа
Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија. -Оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија. Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда, рече Дафина Стојаноска, носител на изборна единица 6...
Димитриевски до СДСМ: Ароганцијата ве донесе до ова дереџе
Нетпрес - пред 2 часа
Движењето ЗНАМ – За наша Македонија денеска по повод празникот на трудот организираше пикник во Пелинце. Претседателот Максим Димитриевски во изјавата за медиумите им го честиташе празникот на сите граѓани и работници и им посака здравје, успех и среќа. Тој рече дека работничката класа е онаа што ја дигнала Македонија да стане држава. Димитриевски од Пелинце испрати порака до раководството на СДСМ: „Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија. Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат. Не само што ја навредија ЗНАМ, лично мене, навредија и уште 84 илјади граѓани кои го дадоа својот глас за движењето ЗНАМ-ЗА наша Македонија. Ниското ниво на комуникација нема да го прифатиме. Но, како и да е, ние позитивно продолжуваме понатаму и чест ми е што денеска токму овде традиционално во Меморијалниот центар Пелинце- АСНОМ, каде што се удрени темелите на современата македонска држава, гледам голем број на мои поранешни соборци и сопартијци, коишто ни се придружија на овој настан во организација на Движење ЗНАМ – За наша Македонија и нивниот број секојдневно расте. За разлика од раководството на СДСМ, тие ја прифатија подадената рака. Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, државните и националните интереси“....
Македонија е држава која во Србија секогаш може да најде партнер, порача Вучевиќ
Нетпрес - пред 2 часа
Мандатарот на новата српска влада Милош Вучевиќ во експозето на собраниската седница на која ќе се избере владата и новите министри, најави дека таа ќе биде континутет на политиката на досегашните влади и на претседателот Александара Вучиќ. За Македонија кажа дека е држава која во Србија секогаш може да најде партнер и повеќе од тоа. – Владата ќе продолжи да води надворешна политика заснована на политичка независност и воена неутралност, а полноправното членство во ЕУ останува наша стратешка цел, рече Вучевиќ, додавајќи дека идната влада „ќе направи се за да го спречи приемот на лажната држава на Косово“ за членство во ЕУ во Советот на Европа (СЕ), иако призна дека „шансите за тоа не се големи“ и додаде дека „Владата на Србија ќе биде принудена да одговори соодветно“ доколку Косово биде прифатено како членка на СЕ. Во поглед на Русија, Вучевиќ потенцираше дека Србија нема да воведе санкции кон Русија и да „нема да се откаже од пријателството со неа“ и го истакна стратешкото партнерство на Србија со Кина, кое во текот на оваа година ќе биде крунисано со ратификација и стапување во сила на Договорот за слободна трговија. Кога станува збор за регионот, Вучевиќ во експозето истакна дека придонесот на Србија за зачувување на мирот и стабилноста ќе биде активен и континуиран. -Македонија е држава која во Србија секогаш може да најде партнер и повеќе од тоа. Србите и Македонците повеќе немаат ниту една тема што ги оддалечува. Не постои ниту едно прашање околу кое може да се раздвоиме или околу кое би можело да се направи раздор. Проектот Отворен Балкан дополнително не зближи, а разрешувањето на црковниот спор, ја тргна и последната пречка на патот на изградбата на меѓусебната доверба и зедничката работа каква не е видена од распадот на поранешна Југославија, истакна Вучевиќ, говорејќи одделно за односите на Србија со соседните земји. Вучевиќ при презентацијата на експозето изјави дека Министерството за одбрана и војската на Србија подготвиле неколку модели на воена служба, во траење до четири месеци. На седницата на Собранието на Србија мнозинството пратеници на СНС-СПС и коалициските партнери од помалите партии по експозето на Вучевиќ ќе гласаат за избор на новата коалициска влада на СНС-СПС која ќе има 25 министерства и 31 член. Синиша Мали ќе биде вицепремиер и министер за финансии, Ивица Дачиќ – министер за внатрешни работи и вицепремиер, Александар Вулин – вицепремиер, Ирена Вујовиќ – вицепремиер и министер за заштита на животната средина, Братислав Гашиќ – министер за одбрана, Марко Ѓуриќ – министер за надворешни работи, Тања Мишчевиќ – министер за евроинтеграции, Горан Весиќ, министер за градежништво, транспорт и инфраструктура, Дубравка Ѓедовиќ – министерка за рударство и енергетика, Златибор Лончар – министер за здравство,Томислав Момировиќ – министер за внатрешна и надворешна трговија, Маја Поповиќ – министер за правда, Славица Ѓукиќ Дејановиќ – министер за образование, Немања Старовиќ – министер за вработување, труд, ветерани и социјални прашања, Милица Ѓурѓевиќ Стаменковски, министер за семејна грижа и демографија, Никола Селаковиќ, министер за култура, Андријана Месаровиќ, министер за економија, Јелена Жариќ Ковачевиќ, министер за администрација и локална самоуправа, Јелена Беговиќ – наука и иновации и Хусеин Мемиќ – министер за туризам. Милан Кркобабиќ – министер за грижа на селото, Дејан Ристиќ – министер за информации и телекомуникации, Дарко Глишиќ – министер за јавни инвестиции, Новица Тончев, Усаме Зукурлиќ, Ненад Поповиќ и Татјана Мацура се министри без ресор....
Вучиќ со одговор на Стејт департментот за Вулин и Поповиќ: Еве се дружам и пијам со Додик, кој е под санкции
Нетпрес - пред 2 часа
Српскиот претседател Александар Вучиќ денеска реагираше на пораката од Стејт департментот во која се вели дека САД се разочарани од фактот што Александар Вулин и Ненад Поповиќ, функционери кои се под санкции на САД, се дел од новата Влада на Србија. Вучиќ рече дека „Владата на Србија ја избираат граѓаните“, а потоа го наведе случајот со Милорад Додик, кој беше со него во друштво, наведувајќи дека редовно се гледаат и пијат заедно и покрај тоа што претседателот на Република Српска е под американски санкции, јави дописникот на МИА од Белград. Па, и Милорад Додик е под санкции на САД и еве го до мене. Еве, се дружиме. Пиеме еднаш неделно, тој чашка ракија, јас вино, и што со тоа? Ова за нас не е добра вест, се надевам дека ќе имаме добри односи со нашите американски партнери. Исклучително е важно да имаме добри односи. Не ме радува нивната реакција, но Владата на Србија ја избираат граѓаните на Србија. Што тоа значи? Кога ќе воведат санкции против некого, ние треба понизно да ја наведнеме главата и да кажеме: Да, благодарам што не информиравте кој не треба да биде ништо. Па, претседателот Додик го избра народот и јас ја почитувам волјата на народот, исто како што ја почитувам волјата на оние што беа избрани овде – рече Вучиќ, реагирајќи на пораката од Стејт департментот. Претседателот на Србија потоа додаде дека имало и критики поради тоа што во владата ќе има и „еврофанатични министри“. Слушнав забелешки и од другата страна, но тие беа толку љубезни што не зборуваат за тоа јавно. Важно е Владата да биде српска и да ги спроведува интересите на Србија – кажа Вучиќ. Според најавите од мандатарот Милош Вучевиќ, новата влада на Србија ќе има и двајца членови кои се под санкции од САД – Александар Вулин, кој е предложен за вицепремиер и Ненад Поповиќ, кој е предложен за функцијата министер без ресор. Нашиот став за господинот Вулин е добро познат. Останува под американски санкции, се наведува во соопштението на Стејт департментот, во кое се нагласува дека „САД не играат никаква улога во кадровските решенија на српската Влада“....
Македонската амбасада во Тирана пред туристичката сезона објави броеви за итни случаи
Нетпрес - пред 2 часа
Пред почетокот на главната туристичка сезона во Албанија, а имајќи го предвид фактот дека голем број македонски граѓани летуваат на тамошното крајбрежје, Македонската амбасада во Тирана информира за телефонските броеви, на кои може да се јават во случај на потреба. „И оваа сезона потсетуваме на важните телефонски броеви на кои македонските државјани кои ќе летуваат во земјата ќе може да се јават доколку имаат потреба. Дежурен телефон за итни случаи на македонската амбасада во Тирана: (Global Sos): +355 6890 19198 (+Viber+Whatsapp) амбуланта 127, полиција 129, итна служба 112“, се наведува во соопштението на македонската амбасада во Тирана, објавено на Фејсбук страницата на амбасадата. Македонските туристи се меѓу најбројните, по косовските, кои летните одмори ги минуваат на албанското крајбрежје, пред сè во Валона, Драч и Шенѓин. Во просек годишно, главно во летната сезона, одмараат над 300 илјади македонски граѓани....
Предраг Стојаковиќ влезе во „Куќата на славните“ на НБА
Нетпрес - пред 2 часа
Легендарниот српски кошаркар, Предраг Стојаковиќ, официјално ќе биде примен во „Куќата на славните“ на НБА лигата, јавуваат американските медиуми. Големата чест за Стојаковиќ ја најави официјалната страница на ФИБА, а заедно со него на церемонијата ќе биде примен и славниот играч на Индијана Пејсерс, Реџи Милер. Вкупно седум играчи и тренери ќе добијат своето место меѓу „вечните“, а Стојаковиќ го заслужи ова признание како долгогодишен член на Сакраменто Кингс и Далас Маверикс, со кој ја освои НБА титулата во 2011 година....
Починал утрово додека бил на работа во куќарка за наплата на паркинг во Центар
Нетпрес - пред 2 часа
подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје. Од страна на лекар од Итна медицинска помош констатирана била смрт без видливи траги на насилство. Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција....
Во операција против „Исламска држава“ во Турција уапсени се над 40 лица
Нетпрес - пред 3 часа
Повеќе од 40 лица се приведени во Турција за време на операција против „Исламска држава“, јави турската државна телевизија ТРТ Хабер, повикувајќи се на изјава на министерот за внатрешни работи Али Јерликаја. Акциите биле спроведени на територијата на 12 (од вкупно 81) окрузи во земјата, меѓу кои Истанбул, Ескишехир, Каракале, Невшехир и Маниса. Тие биле извршени од страна на окружните полициски служби под координација на разузнавачките и антитерористичките сили на Генералниот директорат на полицијата. Како резултат на операциите уапсени се вкупно 41 осомничен, од кои 10 во Истанбул. Запленети се пиштоли во нелегална сопственост, бројни дигитални материјали и поголема количина девизи и турски лири....
Еврозоната излегла од рецесија на почетокот од годината
Нетпрес - пред 3 часа
Економијата на еврозоната пораснала во првиот годинешен квартал, покажаа првите проценки на европската статистичка служба, сигнализирајќи излегување на зоната на примена на заедничката европска валута од рецесија. Во периодот од јануари до март, економската активност во еврозоната е зголемена, според сезонски приспособените податоци, за 0,3 отсто во однос на претходните три месеци кога, според ревидираните податоци на Еurostat, таа е намалена за 0,1 отсто. А во периодот од јули до септември лани бруто домашниот производ (БДП) на еврозоната е намален за 0,1 отсто, што значи дека ревидираните податоци за крајот на 2023 година покажуваат рецесија во втората половина од минатата година. Техничка рецесија значи пад на активноста на квартална основа два квартали по ред. Економијата на ЕУ го следела темпото на раст на еврозоната на почетокот на годината, со проценета стапка на раст од 0,3 отсто, по стагнацијата во периодот од октомври до декември. Eurostat забележува дека проценките се засноваат на податоци од 18 земји-членки, кои сочинуваат 95 отсто од БДП на еврозоната или 94 отсто од БДП на Унијата. Во табелите во извештајот се наведени податоците за 13 земји-членки. Во групата земји чии податоци не се вклучени во извештајот се Хрватска, Словенија, Бугарија, Естонија, Грција, Кипар, Луксембург, Малта, Холандија, Полска, Португалија, Романија, Словачка и Финска. Меѓу земјите чии податоци се наведени во извештајот, активноста во Ирска е најсилно зголемена во првиот квартал, за 1,1 отсто во споредба со претходните три месеци. Следуваат Летонија, Литванија и Унгарија, каде е зголемен за 0,8 отсто. Најниска стапка на раст од 0,2 отсто е забележана во Германија, Франција и Австрија. Следат Белгија и Италија, кои го следеле просекот во еврозоната. На почетокот на годината само Шведска забележа пад на активноста на квартално ниво, за 0,1 отсто. Споредено со почетокот на минатата година, економијата на еврозоната пораснала во првиот квартал, според сезонски прилагодените податоци, за 0,4 отсто, пресметале во Eurostat. Во периодот од октомври до декември е зголемен за 0,1 отсто, ја потврди проценката од почетокот на март од Еurostat. Во ЕУ активноста се зголемила за 0,5 отсто на почетокот на годината, проценуваат статистичарите. На крајот на 2023 година порасна за 0,2 отсто. На годишно ниво, економијата на Литванија порасна најсилно на почетокот на годината, за 2,9 отсто. Границата од два отсто ја надмина и Шпанија со пораст на активноста за 2,4 отсто. Блиску е и Унгарија со стапка на раст од 1,7 отсто. Пад на активноста во однос на првиот квартал од минатата година е забележан во Ирска, Австрија, Шведска и Германија. Најостро намалување на активноста има во Ирска, за 4,9 отсто. Следеа Австрија и Шведска, каде што падна за 1,3, односно 1,1 отсто. Германија западна на работ на стагнација со стапка на пад на активноста од 0,2 отсто во споредба со почетокот на 2023 година....
САД сѐ уште се противат на израелската операција во Рафах
Нетпрес - пред 3 часа
Американскиот државен секретар Ентони Блинкен во денешниот разговор со израелскиот премиер Бенјамин Нетанјаху повтори дека САД се против планираниот израелски напад врз пренаселениот град Рафах на југот на Појасот Газа, изјави портпаролот на Стејт департментот Метју Милер. Според него, Блинкен ја повторил „јасната позиција на САД за Рафа“, пренесува Ал Џезира. Милер додаде дека Блинкен исто така го забележал „подобрувањето во испораката на помош во Газа“ и ја повторил важноста од „забрзување и одржување на тоа подобрување“. Претходно денеска, за време на средбата со израелскиот претседател Исак Херцог, Блинкен рече дека „сега е време“ за договор со Хамас за ослободување на заложниците и прекин на огнот. Тој изјави дека таквиот договор ќе овозможи влез на многу потребните лекови, храна и вода во Газа. Посетата на Блинкен на Израел доаѓа еден месец откако американскиот претседател Џозеф Бајден го предупреди Нетанјаху дека политиката на Вашингтон може да се промени доколку Израел не преземе чекори за ублажување на цивилната штета, хуманитарното страдање и за обезбедување на безбедноста на хуманитарните работници. САД и арапските партнери го повикаа Израел да стори повеќе за да го олесни протокот на помош во услови на растечка хуманитарна криза во енклавата, каде што повеќето луѓе останаа без покрив над главата и се соочуваат со недостиг на храна и вода и уништена инфраструктура. Ова е седма посета на Блинкен на Блискиот Исток од почетокот на војната по нападот на Хамас на 7 октомври. Оттогаш, повеќе од 34.000 Палестинци се убиени, додека во нападот на Хамас на 7 октомври загинаа 1.200 луѓе....
Народна банка советува проверка на дизајнот на предната и на задната страна на евро монетите за препознавање на фалсификат
Нетпрес - пред 3 часа
Народна банка на Северна Македонија посочува на разликите меѓу оригиналните и фалсификуваните евра за да се намали ризикот на нашите граѓани, кои патуваат во странство и кои можат да дојдат во контакт со фалсификувани ковани евра. -Фалсификуваните евро монети можат лесно да се препознаат, доколку внимателно се провери дизајнот на предната и задната страна на монетата и нејзиниот раб: Дизајнот на фалсификуваните монети често изгледа заматен, со доста нерамнини и гребнатини, а формата им е неправилна. Натписите на рабовите на оригиналните евро монети се остри, заради полесно препознавање од лицата со оштетен вид, додека кај фалсификуваните се нејасни и непрепознатливи, а се разликува и растојанието помеѓу поединечните симболи и зборови, се вели во соопштението. Преку употреба на магнет, наведуваат дека може релативно лесно и едноставно да се утврди фалсификувана кована пара. – Централниот дел на монетите е изработен од посебен безбедносен материјал кој е поседува слаби магнетни својства, додека надворешниот прстен не поседува магнетни својства. За разлика од оригиналните, фалсификуваните монети имаат изразено силни магнетни својства или пак воопшто ги немаат, стои во соопштението од Народна банка....
ССМ бара од новата влада минималец од 450 евра уште во првите 100 дена
Нетпрес - пред 4 часа
На денешниот Првомајски протест, Сојузот за синдикати на Македонија (ССМ) од новата влада побараме воведување на 450 евра минимална плата и враќање на трошоците за храна и превоз во платата. Протестот започна пред зградата на ССМ, од каде продолжи пред Собранието и пред Владата. „Нашите барања се зголемување на платите на работниците оти видовме дека функционерите не можат да преживеат со 78 отсто поголема плата. Бараме 450 минимална плата уште во првите 100 дена од новата влада, како и враќање на трошоците за храна и за превоз. Ако знаеме дека функционерите со 2.500 евра тешко преживуваат, ние работниците тешко преживуваме со 25.000 и 35.000 денари месечно. Денеска работниците се излезени за да кажат дека не се задоволни со тоа што се случуваше во изминатиот период. Прво политичарите треба да ги задоволат работниците, а потоа самите себе“, кажа Слободан Трендафилов, претседател на ССМ. На протестот работниците кажаа дека му даваат црвен картон на судот поради тоа што направил обид да изврши притисок врз синдикатите за да ги уништи со одземање на нивниот имот. „Судот дозволи функционерска чизма на вратот на работниците, за да молчат, да бидат понизни, тоа што го направија денеска го гледаме на дело. Ние, синдикатите, ние работниците, ние граѓаните, пензионерите, сите сме тука денеска за да покажеме дека колку повеќе нè напаѓаат, толку посилни нè прават и колку повеќе пробуваат да ги уништат синдикатите, ние сме сè посилни“, додаде Трендафилов....
Притвор од 30 дена за жител на Сопиште поради пронајдена дрога во неговиот дом
Нетпрес - пред 4 часа
Определен е притвор во траење од 30 дена за И.Ј.(37) од Скопје во КПУ Затвор – Скопје, за кого ќе биде изготвена кривична пријава по чл.215 од Кривичниот законик. Како што информира МВР, полицијата по преземени оперативни мерки и активности вчера го лишила од слобода И.Ј.(37) од Скопје. При претрес во неговиот дом во Сопиште, извршен со судска наредба, биле пронајдени и одземени марихуана, кокаин, амфетамин, семки од растение, три дигитални ваги со остатоци од дрога....
Работничките права се погазени, државата не води грижа за тие кои се столбот на економијата, да ја направиме Македонија повторно твоја, изјави Мицкоски
Нетпрес - пред 5 часа
Денес работничките права се прекршени и погазени. Државата многу малку води грижа за тие кои создаваат и се р’бетот на нашата економија, објави на Фејсбук претседателот на ВМРО-ДПМНЕ, Христијан Мицкоски. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница.Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја.Честит 1 мај, меѓународен ден на трудот!, напиша Мицкоски....
Капацитетите во охридско-струшката ривиера исполнети со 50 отсто
Нетпрес - пред 6 часа
Сместувачките капацитети на охридско-струшката ривиера за 1 Мај и Велигден се исполнети повеќе од половина, што не ги исполни очекувањата на хотелиерите, но тие очекуваат подобра туристичка сезона во однос на претходните години. Првиот човек на Асоцијацијата на хотелиери – ХОТАМ, Крсте Блажески забележа дека најголем дел од домашните гости, празниците ќе ги поминат надвор од државата, а гостите од соседството и пошироко ги исполниле хотелските легла за околу 60 отсто. – Немаме голема исполнетост од домашни гости. Тие отидоа надвор од државата, но тука се странските туристи иако не на очекуваното ниво. Не можеме да се пофалиме со исполнетост од 80 – 90 проценти. Бројката е значително помала од очекуваното, хотелите се исполнети околу 60 отсто, вели Блажески за МИА. Зголемување на бројот на туристи очекува во текот на мај, што според него, навестува богата туристичка сезона. – Бројките на сместување се зголемуваат после Велигден и очекуваме побогата туристичка сезона од лани. Од почетокот на годината до сега имаме многу повеќе ноќевања од минатата година. Очекуваме мај да биде еден од подобрите месеци, може да го споредиме со летите месеци во исполнетост, посочи Блажески. За летните месеци, нагласи, дека веќе работат на исполнетост од 90 отсто со организирани тури, а останатите легла очекува дека ќе ги исполнат индивидуалните гости. – Знаеме дека околу 2 август, една недела пред и една недела потоа, тешко е да се најде место. Ако некој планира во тој период да доаѓа во Охрид или Струга уште од сега треба да си резервира, напомена Блажески. Заклучи дека туристичкиот секотр, пред се хотелиерството заздраве од корона кризата, кога беше драстично погоден. – Го надминавме сето тоа и сме во една фаза во која треба да се работи на поголема стратегија и се враќаме на старите барања од 2017, 2018 и 2019 година, за зголемување на број на ноќевања, олеснувања на даночни обврски, намалување на ддв-то во однос на растот на секторот туризам кој носи полесни пари во државниот буџет, рече Блажески. И годинава на охридско-струшкото карајбрежје најбројни се очекува да бидат холандските туристи, а нема да изостанат ниту гостите од Полска, Турција, како и од соседството. Но, сепак најголем како најголем проблем го хотелиерите го посочуваат патот од Скопје до Охрид, што е и причина српските туристи да го избегнуваат брегот на Охридското Езеро и годишните одмори ги поминуваат во Грција....
Јавниот долг минатата година достигна дури 62,1 отсто од БДП
Нетпрес - пред 7 часа
-Конечно, Министерството за финансии вчера во објавата на податоците за јавниот долг на својата веб страна „призна” дека јавниот долг во 2023 год. изнесува 62,1% од БДП и дека е прекршено „златното буџетско правило”! Додека ова може да се види во објавата на веб страната, МФ повторно не го истакна децидно овој факт во своето вчерашно соопштение за медиумите. Но, од фактите не може да се бега, објави а Фејсбук, Елена Петрова, дополнителен заменик-министер за финансии.-Што се однесува до објавениот податок дека јавниот долг на крајот на првиот квартал од оваа година изнесува 58,6% од проектираниот БДП, вреди да се напомене дека оваа проекција за номинален БДП во 2024 год. од 14,966 милиони евра е многу оптимистичка во однос на остварениот номинален БДП во претходните години (13,668 милиони евра во 2023 год., 13,059 милиони евра во 2022 год.). Но, свесни сме дека со вака проектираниот БДП се влијае на тоа колкав буџетски дефицит и јавен долг ќе искажува МФ во текот на годината.Новата влада после изборите ќе има голем предизвик да го стабилизира јавниот долг и да го поттикне растот на економијата преку придвижување на јавните и приватните инвестиции и други мерки за поттикнување на економските активности и создавање нова додадена вредност, напиша таа....
Од Струмица ќе тргне политичкиот вулкан како отпор на феудалните енклави на самонаречените европјани!, порача Силјановска Давкова
Нетпрес - пред 7 часа
-Во Струмица се чувствувам особено добро бидејќи знам дека од тука ќе тргне тој политички вулкан што ќе стави крај на последната феудална енклава во Македонија. Таа енклава ја нареков феудот на Заеви што ќе се распадне! Замислете, „заколнати“ самонаречени европјани мислат дека со рефудализација ќе стигнат во ЕУ. Неверојатно нешто! Посебно ми беше убаво кога видов дека сме победиле и во Муртино, вели кандидатката за претседателка на Македонија, професор д-р Гордана Силјановска-Давкова, од Струмица. Денеска во една чудна дебата, квази дебата на давеник што се фаќа за сламка, бев прашана како може да не го употребувам името „северна“, сум го кршела Уставот. Му објаснив дека правото на самоопределување е колективно право и дека Македонија истото го искористи уште на АСНОМ. Но, и дека секој од нас има право на индивидуално самоопределување и дека никој, никогаш ниту мене, ниту вам не може да ни забрани да го употребуваме името Македонија. Замислете, во една емисија, во еден изборен циклус, не знаете кој е кој, не знаете со кого разговарате, бидејќи господинот Пендаровски неколку пати го негира она што го кажал. Во една изјава сум одличен професор, меѓународно признат експерт, дека сум имала висока морална вертикала. Па после вика не, јас мислев на висока морална вертикала во однос на Уставниот суд. Пазете, луѓево имаат по десет морални вертикали. Еднаш за Уставниот суд, еднаш за Собрание, еднаш за претседател… Неверојатен конгломерат. Како тогаш очекувате став од ваквите луѓе? Како очекувате да опстојат? Уште посмешни се оние од Проевроскиот фронт. Маршираат во место и си замислуваат дека се „европски“ претседатели, имагинарна функција. Замислете го говорот кога ние сме велеле твоја и горда Македонија, тоа било екстремен национализам. Па не знам зошто, ако тоа е национализам, програмата се преведе на албански, турски, српски, влашки, ромски и бошњачки јазик. Кој е тука националистот? Не, ние не сме, рече Силјановска Давкова....
Уапсени 48 студенти на Универзитетот Колумбија за време на пропалестинскиот протест
Нетпрес - пред 7 часа
Голем број њујоршки полицајци влегоа во вторникот вечерта на Универзитетот Колумбија и приведоа најмалку 48 пропалестински демонстранти, неколку часа откако градоначалникот на Њујорк рече дека студентскиот протест што ја парализира образовната институција веќе две недели „мора веднаш да заврши. “ Полицијата упадна на Универзитетот Колумбија веднаш по 21 часот, неколку часа откако демонстрантите ја окупираа Хамилтон Хол, административната зграда на универзитетот, ескалирајќи го речиси двонеделниот протест. Полицијата соопшти дека демонстрантите ги забарикадирале ходниците со машини за сокови, столици и друг мебел. Кога полицијата влегуваше на Универзитетот Колумбија, студентите пред кампусот извикуваа „Срам, срам“ и „слободна Палестина“, а недолго потоа, полицајците почнаа да ги спроведат демонстрантите со лисици до полициските возила. Полицијата уапсила најмалку 48 лица, а околу кампусот биле распоредени голем број полициски и возила на брза помош. Според полицијата, биле употребени шок бомби за дезориентација на демонстрантите, но не бил употребен солзавец. Демонстрантите на универзитетите бараат прекин на огнот во Газа, прекин на соработката со израелските компании и амнестија на приведените студенти. Повеќе од 1.000 демонстранти се уапсени во текот на изминатите две недели во кампусите во Тексас, Јута, Вирџинија, Северна Каролина, Ново Мексико, Конектикат, Луизијана, Калифорнија и Њу Џерси, некои по судирите со полицијата....
Триесет години од смртта на Аиртон Сена
Нетпрес - пред 7 часа
На денешен ден пред 30 години животот го загуби легендарниот Аиртон Сена на трката за Големата награда на Сан Марино во Формула 1. Сена, еден од најдобрите возачи во историјата на Формула 1, ако не и најдобар, почина на 34. годишна возраст откако ја изгуби контролата над својот болид и со брзина од 305 км/ч удри во ѕидот на свиокот Тамбурело на патеката „Енцо и Дино Ферари“ во Имола. Легендарниот Бразилец победи на 41 трка во кариерата, освои три шампионски титули и остана запаметен како крал на квалификациите и најдобар возач на дожд на сите времиња. На погребот на Сена присуствуваа повеќе од милион луѓе, а многу повеќе излегоа на улиците да му оддадат почит на Бразилецот. „Господ долго време ја држеше рака над Формула 1. Овој викенд ја тргна“, коментираше легендарниот Ники Лауда во моментот на смртта на Сена. За време на квалификациите за истата трка, само еден ден претходно, почина младиот австриски возач Роланд Расцрбергер, што беше прва смрт во Ф1 по речиси 12 години. Сена не ја прифати добро смртта на Австриецот, на која потсети лекарскиот делегат Сид Воткинс, кој му рекол на Бразилецот да не се натпреварува на Имола. „Аиртон полуде. Пред тоа немаше видено смрт на патеките. Во претходните 12 години имаше многу инциденти, многу повреди, но никој не загина“, рекол Воткинс, откривајќи што му рекол Сена кога го молел да не се трка и да замината на риболов“. „Има одредени работи кои не можеме да ги контролираме. Не смеам да се откажам, морам да продолжам“. Сена ја започна трката во пол-позицијата, а трката започна со безбедносно возило откако Педро Лами удри во болидот на Џеј Џеј Лехто. Веќе во вториот круг по рестартот на трката, Сена со својот Вилијамс во кривината Тамбурело удри во бетонскиот ѕид. Бразилецот беше пренесен во болница, а трката продолжи 37 минути по судирот и победи Михаел Шумахер. Два и пол часа подоцна беше објавено дека Сена починал. Тоа беше само трета трка на Сена во Вилијамс откако го напушти Мекларен, и многу се пишуваше за тоа неделно попладне, но само едно е сигурно. Смртта на Сена целосно ја промени Формула 1, беа воведени многу поригорозни безбедносни проверки и се промени историјата на овој спорт....
Утрово во Хрватска земјотрес од 4,3 степени
Нетпрес - пред 8 часа
Земјотрес со јачина од 4,3 степени според Рихтеровата скала утрово во 5 часот и 38 минути го погоди подрачјето на градот Слуњ во централна Хрватска, соопшти Сеизмолошката служба. Епицентарот на земјотресот бил на околу 15 километри јужно од Слуњ и на длабочина од 10 километри. Магнитудата на земјотресот изнесувала 4,3 степени според Рихтеровата скала, а интензитетот во епицентарот е проценет на V-VI нивоа од ЕМС скалата“, соопшти Сеизмолошката служба на Хрватска. Граѓаните од подрачјето во близина на епицентарот велат дека се се тресело. Земјотресот бил почувствуван низ цела Хрватска, најмногу во Лика и централна Хрватска. Земјотресот е почувствуван и во Загреб. Европско-медитеранскиот сеизмолошки центар соопшти дека земјотресот е почувствуван и во Босна и Херцеговина и во Италија....
Албанската пејачка Тахити во првите редови на митингот на ВМРО-ДПМНЕ
Нетпрес - пред 8 часа
Пејачката Аделина Тахири на својот Инстаграм објави неколку фотографии на кои е во првите редови, блиску до лидерот на ВМРО-ДПМНЕ, Христијан Мицкоски, на партиски митинг. Не е познато во какво својство се појавила на митингот, како пејачка или како поддржувач. Таа пред две години беше во првиот ред на протестот организиран од опозициската ВМРО-ДПМНЕ, под мотото „Премногу е!“, против Францускиот предлог. Тогаш беше во друштво на сопругата на Мицкоски, Рози Мицкоска....
Каевски ја злоупотребил позицијата како директор на АМС, со распределбата на ваучерите направен е милионски криминал, велат од ВМРО-ДПМНЕ
Нетпрес - пред 9 часа
Милионерот Дарко Каевски ја злоупотребил позицијата како директор на Агенциојата за млади и спорт, АМС, со распределбата на ваучерите направен е милионски криминал, велат од ВМРО-ДПМНЕ. -Каевски како директор на АМС, неговиот наследник Наумче Мојсовски и Даниел Димевски од МОК се гонат заради сомнежи дека како директори на Агенцијата, но и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на пари, со што го оштетиле Буџетот на државата, но и луѓето што имале законско право на тие пари, а не им биле доделени. Во предметот на Државната комисија за спречување на корупцијата, врз основа на кој, како што известија медиумите, е поднесена пријавата и отпочната постапката се присутни сомневања дека спортските федерации, клубовите и спортистите добиваа ваучери, а одредена фирма ги реализирала под услов дел од парите да ги добие назад преку даночно ослободување. Сега е повеќе од јасно зошти Каевски беше најжесток гласноговорник на СДС, повеќе од очигледно е дека интересот му бил голем. По оваа афера станува јасно зошто спортот во Македонија во последните 7 години е на историско најниско ниво. Наместо за развој на спортот, парите наменети за истиот се пренасочувани во криминални шеми, додаваат од партијата....
Први мај, денот на трудот, ќе се одбележи со протест и барања упатени до новата влада
Нетпрес - пред 9 часа
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот. Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата. – Неколку години наназад протестите станаа заштитен знак на ССМ како начин на изразување на работничкото незадоволство од продолжувањето на практиката карактеристична за изминатиот период, а тоа е дека нашите социјални партнери, работодавачите и претставниците на законодавната и извршната власт немаат слух за проблемите на работниците и народот, туку единствено и исклучиво работат за своите интереси. Сведоци сме дека додека платите на работниците се зголемуваат минорно, со забавено темпо и несоодветно на инфлацијата и зголемените трошоци на живот или воопшто не се зголемуваат, функционерите си обезбедија пораст на платите од енормни и незаслужени 78 проценти, се наведува во Првомајскиот проглас на ССМ. Оценка на ССМ е дека има зголемено кршење на работничките права, а новиот закон за работни односи не се носи веќе шест години, додека последнава година, како што посочуваат, воопшто не се работело на него, односно не биле одржани расправи за надминување на разликите во креирањето на законот меѓу социјалните партнери. Оттаму нагласуваат дека кај нив има над 10.000 обраќања за прекршени работнички права, а според ССМ, преседан е и тоа што измената на Законот за работни односи со која е воведена можноста за 72 часовна работна недела е направена без социјален дијалог и учество на ССМ како репрезентативен синдикат. Атак на синдикализмот во државата, според ССМ, е и пресудата на Врховниот суд со која после 18 години судски спор и повеќе од 8 пресуди во корист на ССМ, се одзема Работничкиот дом. – На идната Влада, ние работниците и порачуваме дека партнерски треба да ги градиме меѓусебните односи со активно учество на синдикатите во креирањето на националните стратегии и политики и доследно почитување на работничките и граѓанските права, во спротивно ќе продолжи трендот на штрајкови и протести како единствен облик на синдикална борба за работничките права и интереси, се наведува во Промајскиот проглас на ССМ. Меѓународниот ден на трудот се празнува секој 1 мај и е посветен на борбата за зачувување и унапредување на правата на работниците. Овој празник се одбележува во знак на почит кон жртвите на штрајкот што се одржал од 1 до 4 мај 1886 година во Чикаго, организиран со цел воведување на осумчасовен работен ден. Во знак на почит кон жртвите од штрајкот, Втората интернационала на Основачкиот конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба....
Чешка ја зголеми старосната граница за пензионирање за седум месеци
Нетпрес - пред 9 часа
Чешката влада денеска ги одобри реформите на пензискиот систем, со кои се зголеми старосната граница за пензионирање и се намалува висината на пензиите за идните пензионери. Реформите се усвоени со цел да се заштедат милијарди долари буџетски средства, а старосната граница се поместува за седум месеци, односно од 65 години на 65 години и седум месеци, пренесуваат британските медиуми. Согласно усвоената реформа, пензиите за идните пензионери се намалени за околу осум отсто во однос на сегашниот износ на пензиите. Се додава дека како и многу други развиени земји, Чешката Република, исто така, се соочува со притисок врз нејзиниот фискален систем поради стареењето на населението, зголемувањето на животниот век и ниската стапка на наталитет. -Промените ќе го спречат колапсот на пензискиот систем и ќе обезбедат достоинствени пензии за денешната млада генерација, изјави чешкиот премиер Петр Фијала....
Академик Коцарев: Сегашнава Влада и сегашниот претседател се виновни за безизлезната состојба на Македонците и грешките во евроинтеграциите !
Нетпрес - пред 9 часа
Да се „крене рачна“ и да се престане со спиралата на грешки во евроинтеграциите, побара академик Љупчо Коцарев во емисијата „За или против“ на ТВ Алфа со новинарот Љупчо Цветановски. Вината за пат-позицијата во која се најде Македонија е конкретна и лоцирана директно во сегашната влада на СДСМ/ДУИ и во претседателот Стево Пендаровски, цени поранешниот претседател на МАНУ.„Откако сегашнава Влада и сегашниот претседател на Македонија, исклучиви виновници за безизлезната состојба во која се најдоа Македонците: во ЕУ само како Бугари и никако поинаку, ќе заминат од политичката сцена на Македонија еднаш и засекогаш, одговорот на прашањето, со зборовите на Ристевска Јорданова, е: „Сегашново брзање нема никакво оправдување. Потребна ни е стабилност, сигурност, разум. Има време и простор за сѐ, освен за нови грешки. Единствена итност е да се престане со спиралата на грешки. Ако сакате попластично – време е да се крене „рачна“, за најпрвин да се прекине сегашнава надолна спирала. Да престанат поделбите по сите линии во име на „светлата европската иднина“, да престане разградувањето на институциите. А потоа низ дијалог и внатрешно јакнење, да се постават, и што е најважно – да се спроведат, јасни приоритети, кои реално ќе им служат, пред сѐ, на граѓаните на оваа држава“.Што, според моето мислење, значи „да се крене рачна“? Прво, раскинување на потпишаниот билатерален Договор со Бугарија. Второ, да почнеме и тоа да трае најмалку една година, едногласно, сите леви, десни, шарени, еднобојни, во центарот, на периферијата, да говориме за неправедните, понижувачките, нелогичните, бесмислените членови и ставови на договорот со Грција“ посочува академик Коцарев.„Тоа треба да го направиме за да сите: и нашите поддржувачи и нашите опоненти да разберат за неправедниот, понижувачкиот, нелогичниот, и бесмислениот договорот со Грција. Трето, департизација на институциите, подобрување на внатрешната кохезија и градење на доверба кон Владата и кон ЕУ. Четврто, македонските претставници на билатералниот скрининг да се обврзат на транспарентност: да нема повторно изненадувачки „остварени факти“ и нови „преземени обврски“ за коишто јавноста се запознава откако обврските веќе се преземени. Граѓаните на Македонија од другите етникуми треба да разберат дека ние – Македонците, не можеме подолу од тоа каде што сме денес, во спротивно, тие, всушност, не се за соживот, туку го подржуваат разнебитувањето на Македонија, па оттука, слоганот „Македонија – едно општество и едно семејство за сите, сите се граѓани од прв ред“ се трансформира во „Македонија – едно општество без Македонци“, предупредува Коцарев во разговорот со Цветановски на Алфа....
Велика среда на помазувањето на Христа со скапоцено миро
Нетпрес - пред 10 часа
На светата и Велика среда, светите Отци заповедале да правиме спомен на жената блудница, којашто го помаза Господа со миро, бидејќи тоа се случило пред самите Спасителеви страдања. Кога Господ дошол во Јерусалим и се ноаѓал во куќата на Симон лепрозниот, му пристапила жената блудница и на Неговата глава излила скапоцено миро. Од кои побуди се раководела таа! Бидејќи забележала дека Христос е сочувствителен кон сите, и дружељубив, та особено сега, кога видела дека Он е влезен во куќата на лепрозниот, а законот налагал таквиот да се смета за нечист и одлачен од заедницата, таа заклучила дека Он, како што и Симоновата лепра, така ќе ја исцели и нејзината душевна болест. И, ете, додека Он вечерта седел на трпезата, таа излива на Неговата глава миро, вредно околу тристотини динари, т.е. шеесет асарии, десет пенези и три сребреници. Учениците ја спречувале, особено Јуда Искариот, но Христос застанал во нејзина заштита, за тие да не ја спречат нејзината добра намера. Притоа го спомнал својот погреб, одвраќајќи го Јуда од предавството и удостојувајќи ја жената со чест, со тоа што насекаде низ светот ќе се проповеда за нејзиното добро дело. По влегувањето на Исус заедно со учениците во Ерусалим во пресрет на празникот Пасха, неговата популарност меѓу народот им пречела на властите и фарисеите и тие барале погодна можност да го фатат Исус и да го казнат. Прилика им се укажала во средата кога еден ученик Исусов по име Јуда Искариотски дошол кај фарисеите и им понудил да го предаде Исус за 30 сребреници. Ова предавство ќе биде вовед во страданијата Христови. Со Велика среда се поврзани повеќе верувања и обичаи. На Велика среда се подготвува бојата за вапцување. Првите велигденски јајца, три на број, се бојадисуваат пред изгрејсонце на Велики четврток. На Велика среда, навечер, се зачадувала стоката. Начадената стока се верувало е заштитена од болести и разни други несреќи....
Советот за безбедност на ОН за БиХ – западните земји со Шмит и Русија со Цвијановиќ
Нетпрес - пред 11 часа
Во средата, Советот за безбедност на Обединетите нации повика на усогласеност со Дејтонскиот договор и зачувување на мирот и стабилноста во Босна и Херцеговина, при што американскиот и амбасадорите на другите западни земји му дадоа јасна поддршка на високиот претставник Кристијан Шмит додека рускиот амбасадор ја поддржа политиката на Република Српска. Вонредната расправа беше свикана на барање на Русија за да ѝ се овозможи на српската членка на Претседателството на БиХ, Жељка Цвијановиќ, пред ова тело да ги изнесе ставовите на политичарите од Република Српска кои на секој начин се обидуваат да спречат усвојување на резолуција на Генералното собрание на ОН за наводен геноцид во Сребреница. Тоа беше повод амбасадорот на БиХ во ОН, Златко Лагумџија, на седницата да предупреди дека се работи за „манипулација под руско спонзорство“, бидејќи биле наводно заобиколени другите двајца членови на Претседателството на БиХ. Цвијановиќ, која зборуваше во онлајн формат без согласност на Претседателството, побара од Советот за безбедност да ги осуди прекршувањата на Дејтонскиот договор од 1995 година, и предупреди дека на неговата ревизија од страна на бошњачките политичари поддржани од западните земји, со која се обидува да создаде централизирана држава, се работи со години. „Република Српска не го крши меѓународното право и уставот, таа се залага за почитување на Дејтонскиот договор, кој им дава најголем дел од овластувањата на ентитетите“, рече Цвијановиќ, чија теза е дека надворешните интервенции ја држат БиХ под протекторат и на тој начин го спречуваат помирувањето меѓу нации. Босна и Херцеговина, како што рече Цвијановиќ, може да функционира само без прегласување на конститутивните народи, и посочи дека политичарите на Бошњаците се виновни за сите проблеми во земјата, бидејќи се обидуваат да создадат унитарна држава, а смета дека сите претходни високи претставници им помагале во тоа. Цвијановиќ ги обвини бошњачките власти дека се закануваат со војна и поттикнуваат конфликти, ја опиша БиХ како „засолниште на џихадистите“, а Кристијан Шмит како „колонијален претставник“ кој со своите постапки го попречува напредокот на земјата. Српските политичари во БиХ, инаку, не го признаваат легимитетот на Шмит, затоа што тој не е именуван на вообичаен начин со дискусија и соласност на сите члени во ова тело. Таа го обвини високиот претставник и дека со неговите интервенции го поткопува владеењето на правото, а особено ја нападна најавата за усвојување резолуција во Генералното собрание на ОН, со која 11 јули ќе биде воспоставен како „меѓународен ден на сеќавање на жртвите на геноцидот во Сребреница“, кој бил извршен против Бошњаците во 1995 година од припадници на војската и полицијата на босанските Срби. Иако предлагачи на резолуцијата се Германија и Руанда, Цвијановиќ најави дека поради ова ќе бара разрешување на амбасадорот Лагумџија. Бања Лука, како и Белград, признаваат дека во Сребреница се случил тешко воено злосторство, но изнесуваат низа факти дека не може да станува збор за геноцид. Покрај тоа српската страна како најголемо лицемерие го наведува фактот што предлагачи се Германија и Руанда, двете земји обвинети за милионски систематски ликвидации на цели народи. Покрај тоа, особено од Белград, посочуваат дека целта на овој предлог е прогласување на целиот српски народ за геноцид што ќе послужи за укинување на српскиот ентитет во БиХ. „Нема консензус меѓу нашите народи и во телата на властите за текстот на резолуцијата“, рече Цвијановиќ, која тврди дека резолуцијата не е воопшто безопасна бидејќи нејзината крајна цел е укинување на Република. Шмит ги отфрли сите тврдења на Цвијановиќ и го потсети Советот за безбедност на неговиот мандат, кој не го прифаќаат ниту Русија и Кина, според кој тој наводно има овластување да го следи почитувањето на Дејтонскиот договор, а на политичарите од Република Српска им замери дека се тие што ја почитуваат правната рамка и законите на земјата во која живеат. „Има закани за мировниот договор. Претседателот на Република Српска (Милорад Додик) и други функционери од Република Српска често го напаѓаат Дејтон со запалива реторика кога зборуваат за распаѓање на државата и одвојување на Република Српска од Босна и Херцеговина“, тврдеше Шмит. „Постојните тензии во земјата се подгреани од ваквата реторика, иако за среќа досега не ескалираа во насилство“, додаде Шмит. Тој ги осуди појавите на „историскиот ревизионизам“ и „негирањето на геноцидот“, потсетувајќи како ги користел своите овластувања за да ги спречи лицата осудени за воени злосторства да учествуваат на изборите. „До последната фаза на европската интеграција, Дејтонските правила мора да останат во сила и да се почитуваат, вклучително и суверенитетот и територијалниот интегритет на БиХ, како и соработката со Канцеларијата на високиот претставник (OHR)“, заклучи Шмит. Американскиот амбасадор Роберт Вуд предупреди на опасноста од етнонационализам во БиХ и му даде јасна поддршка на Шмит како висок претставник.Тој посебно го повика Додик дека го негира геноцидот во Сребреница, предупредувајќи дека и лидерот на босанските Срби редовно се заканува со отцепување, а со тоа и мир во регионот, поради што САД му воведоа санкции. „Факт е дека во Сребреница е извршен геноцид и тоа е утврдено со пресудите на меѓународните судови“, истакна Вуд, а на сличен начин реагираа и британскиот амбасадор Фергус Екерсли и амабсадорот на Франција. Рускиот амбасадор Василиј Небензја ја поддржа изјавата на Жељка Цвијановиќ, а истовремено инсистираше на тврдењето дека грубо се прекршува Дејтонскиот договор и затоа БиХ нема статус на независна и суверена држава. Тој ја префрли вината за ова на Западот и на високиот претставник Шмит, кого го нарече „самопрогласен босански автократ“. Повторувајќи ги тезите што со месеци ги промовираа политичарите од Бања Лука и Белград, Небензја заклучи дека поради Шмит, како и резолуцијата за Сребреница, ситуацијата во Босна и Херцеговина може да излезе од контрола, што потоа може да се прелее преку нејзините граници и да го дестабилизираат целиот Балкан. Кинескиот претставник Генг Шуанг го изрази противењето на Пекинг на „наметнувањето решенија и санкции“ во Босна и Херцеговина а злосторството во Сребреница го нарече „масакр“, укажувајќи дека Кина не е подготвена да поддржи резолуција за која нема консензус. Претставниците на Јапонија, Швајцарија, Словенија, Малта, Кореја, Еквадор, Алжир, Гвајана, Мозамбик, Сиера Леоне повикаа на строго почитување на Дејтонскиот договор и зајакнување на стабилноста на Босна и Херцеговина како единствена држава....
Дневен хороскоп за среда, 1-ви мај 2024-та
Нетпрес - пред 11 часа
ОВЕНАко вашите должности не ви дозволуваат да одбиете деловни понуди, разгледајте ги со колегите и постапете внимателно. Збогатете ја вашата општа култура. Не ги висприемајте емотивно вашите професионални успеси и бидете претпазливи. БИКБидете внимателни со деловните состаноци. Околу пладне сте напнати, но успехот ќе ве следи. Останете смирени по секоја цена. Ќе си гарантирате успех доколку со трпение и тактичност договорите деловна соработка. Бидете великодушни и попустливи доколку некој близок или пријател ви згрешил и простете им за миг. БЛИЗНАЦИДенеска сте во хармонија со себеси и се чувствувате сигурни во своите способности. Не претерувајте во вашата потрага да докажете дека сте во право. Пожнеете го материјалниот успех. Сите дискутирани договори поврзани со вашата професионална реализација ќе бидат успешни. Деловните состаноци и комуникацијата се тешки. РАКУспехот може да се измести од вашиот пат доколку навреме не сте ги завршиле задачите. Избегнувајте критички забелешки кои предизвикуваат агресивност кај вашите колеги. Деловните состаноци ќе ви носат успех, само доколку сте сигурни во вашите барања и не импровизирате. ЛАВМенаџментот ќе ја цени вашата сериозност. Денот ветува интересни настани во вашиот личен и професионален живот. Одржувајте деловни состаноци и споделете ги вашите идеи. Преземете иницијатива на вашето работно место. Ќе мора да се оптоварувате со повеќе од планираните обврски. ДЕВИЦАВо секој случај, убедете ги колегите да ги прифатат вашите планови. Рекламирајте ја вашата активност активно за да не бидете во сенка на конкурентите. Попладне бидете организирани и одговорни за вашата работа. Стабилизирајте ги односите со вашите колеги за да ги поддржат вашите професионални идеи. ВАГАРасправиите на работното место можат да го поткопаат вашиот авторитет. Доброто разбирање со вашите партнери и колеги ви помага успешно да се справите со итни професионални прашања. Патувањата се успешни доколку се поврзани со вашата деловна активност. Очекувајте да се вложат финансиски приходи на денот. ШКОРПИЈАНа првиот ден од месецот ќе си ги обезбедите приходите од соништата. Патувањето ќе ви се одрази добро. Настојувањата ќе бидат успешни доколку не избрзувате и детално сте размислиле за вашите намери и цели за овој месец. Не претерувајте со големи брзини, бидејќи ако ве запре сообраќајната полиција и сте нервозни, не ви гине казна. СТРЕЛЕЦОчекувајте приходи поврзани со дополнителна задача која сте должни да не ја запоставите. Обрнете внимание на вашите колеги и слушајте ги деловните предлози коишто ви ги претставија. Чувствителни сте на критики. Можно е додека сте понесени од желбата за заработка и акумулација на пари, да пропуштите шанса за професионално претставување. ЈАРЕЦНе одбивајте дополнителни работни задачи доколку ви се доделени од менаџментот. Исполнивајте ги и вашите непосредни задолженија, за да се справите навемено. Вашата предвидливост ќе ги претвори тешкотиите на работното место во успеси доколку сте упорни и фокусирани на вашите должности. ВОДОЛИЈАСо проблемите во деловните разговори ќе се справувате со тактичност. Вашата работа се одвива. Бидете оптимист. Брилијантно се справувате со вашите задачи. Некои од вас вработени во индустријата, трговијата и услугите ќе бидат непријатно изненадени поради помалата плата за изминатиот месец. РИБИВашето чувство за правилниот тек на настаните околу вас ќе ви помогне да не пропуштите уште една одлична можност за професионално пројавување, што е ваш стар сон и наскоро ќе стане реалност. Ако сте ја заостанале со работата последните денови, денеска можете да го надоместите тоа и да започнете со вашите нови амбициозни идеи....
Променливо облачно и топло, попладне локални врнежи
Нетпрес - пред 11 часа
Во Македонија во средата ќе преовладува променливо облачно и топло време, со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи. Утринските температури се движат во интервалот од 5 и 12, додека во текот на денот соодветно ќе се искачат меѓу 17 и 27 Целзиусови степени. Во Скопје и околината денеска ќе биде променливо облачно со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Температурата ќе дистигне до 25 степени....
Marshall Major 3 Bluetooth Pc Best Sale – Atlanta Progressive News
Нетпрес - пред 15 часа
Use your Google Account Forgot email?Not your computer? Use a private browsing window to sign in. Learn more about using Guest mode source...
Полуфинале ЛШ: Реми во првиот дуел меѓу Баерн и Реал
Нетпрес - пред 18 часа
На минхенската „Алијанц Арена“ фудбалерите на Баерн и Реал Мадрид го одиграа првиот полуфинален натпревар од Лигата на шампионите, а немаше победник по 2:2 (0:1) во текот на 90 минути игра, а драмата се сели на теренот на мадриѓаните „Сантијаго Бернабеу“. Реал поведе во 24. минута со голот на Винисиус Жуниор, додека пресвртот дојде на почетокот на вториот дел. Во 53. минута Лерој Сане погоди за 1:1, додека во 57. Хари Кејн реализираше пенал за 2:1 на Баерн. Конечните 2:2 беа поставени, исто така, од белата точка а ги постави Винисиус Жуниор во 83. минута На Баерн му беа потребни само четириесет секунди да ја создаде првата голема шанса на натпреварот. Сане изби пред голот на Мадрид, но голманот на Реал, Лунин добро реагираше со нога по неговиот удар малку откосо. Како и со Манчестер Сити, во реваншот од четвртфиналето, Реал играше со сите единаесет играчи зад топката. Во воведните дваесетина минути Реал исклучиво се бранеше, а Баерн се обидуваше да се закани преку густо поставената одбрана на противникот. По слабиот обид на Кејн во седмата минута, Сане повторно беше закана за мадриѓаните, но во таа прилика играчот на Баерн беше непрецизен. Потоа имаше луциден обид од средината на теренот на Кејн, стрелаа Мусијал и Горецка, додека Реал својот прв удар кон противничкиот гол и првото појавување на неговите играчи пред домашниот голман Нојер го круниса со гол. Во 24. минута Тони Крос со одлично додавање ја исфрли од игра целата одбрана на Баерн, Винисиус Жуниор излезе сам пред Нојер и лесно ја пласираше топката крај него за 1:0. Голот не промени ништо на теренот до крајот на полувремето. Баерн плетеше мрежа околу противничкиот шеснаесетник, но на сѐ му недостигаше последното додавање и вистинскиот удар. Непосредно пред паузата Кејн направи уште еден добар обид од слободен удар од 18 метри, но ја промаши целта. Првата голема шанса Реал ја имаше во 51. минута. Белингам и Крос комбинираа, а германскиот фудбалер на мадриѓаните одлично шутираше во спротивниот агол, но Нојер спречи нов гол за гостите. А потоа се случи целосен пресврт за само неколку минути. Во 53. минута Сане израмни на 1:1 откако истрча дијагонално кон шеснаесетникот и со жесток удар го погоди поблискиот агол од голот на Лунин. Четири минути подоцна дојде до уште поголема ерупција на навивачите на „Алијанц Арената“. На сѐ му претходеше прекршокот на Лукас Васкез во шеснаесетникот на Реал врз Мусиала, а Кејн погоди од белата точка за 2:1. По пресвртот продолжи подобрата игра на Баерн и домаќинот продолжи да создава повеќе прилики. Во 66. минута ударот на Кејн беше изблокиран, додека минута подоцна Диер одлично гаѓаше со глава по корнер, но на семафорот остана 2:1. Реал во самиот финиш на мечот конечно покажа поголемо ангажирање во нападот, па најпрвин сериозно се закани Винисиус Жуниор во 79. минута, но Нојер одбрани, додека гостите израмнија четири минути подоцна. Ким, кој претходно двапати беше надигран од Винисиус и при постигнувањето на првиот погодок и неколку минути претходно кога спаси Нојер, направи прекршок врз Родриго, а неговиот сонародник Винисиус Жуниор погоди од точка за конечни 2:2. Реваншот се игра на „Сантијаго Бернабеу“ во среда на 8 мај. Во среда, со почеток од 21 часот, Борусија и Париз Сен Жермен ќе го одиграат првиот полуфинален натпревар во Дортмунд....
Евролига: Макаби и Барселона поведоа со 2-1
Нетпрес - пред 19 часа
Кошаркарите на Макаби и Барселона поведоа со 2-1 во четвртфиналните серии од Евролигата во пресметките со грчките претставници Панатинаикос и Олимпијакос. Како домаќин во Белград, Макаби го победи Панатинаикос со 85:83 (23:11, 23:26, 21:19, 18:27), со што поведе со 2-1 во серијата до три победи. Макаби водеше цел натпревар, во воведниот дел од вториот дел и со 15 поени разлика, но израелскиот тим ја осигури победата на само 1,8 секунди до крајот. Тогаш Браун ги погоди двете слободни фрлања за 85:83, додека на спротивната страна Нун со звикот на сирената промаши шут за „тројка“ и за победа. Најдобар играч на Макаби беше Џош Небо со 22 поени и девет скокови. Лоренцо Браун додаде 16 со осум асистенции. Кај Панатинаикос најдобар беше Кендрик Нан со 25 поени. Барселона по поролжението во Пиреја го победи домашниот Олимпијакос со 82:80 (13:13, 19:24, 25:14, 14:20; 11:9), со што каталонскиот тим ја врати предноста на домашниот паркет на своја страна. Со звукот на сирената во продолжението, Петрушев го фаулираше Џаба Паркер, а овој погоди два од трите слободни фрлања за победа на Барселона од 82:80. Прв стрелец на Барселона беше Јан Весели со 16 поени, а Саторански, Паркер и Ернангомез додадоа по 13 коша. На другата страна Филип Петрушев постигна 18 поени со пет скока, а Мозес Рајт додаде 16 со осум скока. Макаби и Олимпијакос повторно се домаќини на третите натпревари, а тие се закажани за 2-ри мај. Во среда се играат третите натпревари меѓу Фенербахче – Монако и Басконија – Реал Мадрид. Во соочувањето меѓу турската и француската екипа резултатот моментално е 1-1, додека Реал води со 2-0 против Басконија....
Зеленски: Мораме да ја забрзаме испораката на оружје за војниците на линијата на фронтот
Нетпрес - пред 19 часа
Украинскиот претседател Володимир Зеленски во вторникот изјави дека е потребно „значително забрзување“ на испораките на оружје од неговите западни партнери за да можат неговите војници да се соочат со руските војници во неколку сектори на фронтот. Зеленски го изјави ова откако неговиот врховен командант Александар Сирски призна дека украинските сили се повлекле од селата во некои од критичните сектори во двегодишната војна. „Потребно ни е значително забрзување на снабдувањето со цел значително да ги подобриме способностите на нашите војници“, рече Зеленски. Особено ја нагласи важноста на испораката на американско оружје, по шестмесечната блокада, како наводно критична за корекција на ситуацијата на клучните точки на повеќе од илјада километри долгата линија на фронтот. „Овие залихи мора да ја нарушат логистиката на окупаторот и да го отежнат стационирањето на окупираната територија“, додаде Зеленски. Додека ги набројуваше областите на исток и североисток каде борбите и натаму се интензивни, Зеленски рече дека Русија мора да се турка назад секаде каде што создава притисок. Соединетите држави велат дека испораките почнуваат да пристигнуваат во Украина по значителната блокада поради повеќемесечните расправии во Конгресот. Меѓутоа, изминатите денови извори од Пентагон потврдија дека клучното вооружување односно ракетите со долг дострел му биле испорачувани на Киев тајно и многу пред да биде донесен законот за најновиот пакет американска помош од речиси 61 милијарда долари. Русија претходно седмицава објави дека нејзините сили заземале повеќе населени места и села по заземањето на силно утврдениот град Авдиевка во февруари, поместувајќи ја линијата на фронтот од граничните зони на одметнатите украински проруски региони во Донбас. Главниот командант на Украина, Александар Сирски, рече дека руските сили се насочиле кон освојување на клучниот град Часов Јар, североисточно од Авдиевка, и дека тоа наводно се совпаѓа со руското одбележување на советската победа во Втората светска војна на 9-ти мај....
Ковачевски насекаде освен кај себеси гледа вина за дебаклот, вели Мицкоски
Нетпрес - пред 20 часа
Од народниот предизборен собир во Струмица претседателот на ВМРО-ДПМНЕ, Христијан Мицкоски во своето обраќање пред присутните граѓани, меѓу другото, кажа неколку збора и за претседателот на Социјалдемократскиот сојуз, Димитар Ковачевски кој, како што рече, вината за големиот пораз и дебакл на изборите на 24-ти април ја бара секаде, само не во себе и во своите луѓе. „Тој секаде и во сите ја бара вината за својот пораз и дебакл само не во себе си и своите луѓе. Многу погрешно потсетува на некои минати времиња, вика и се надвикува на полупразни митинзи дека ќе се врател режимот и не знам уште што. Па сакам да му одговорам. Тој може да се навраќа и за тоа што било пред 10 или 15 години, за тоа што било и пред 50 и сто години, но народот е незадоволен и револтиран затоа што сега лошо живее и затоа што нема пари да си плати сметки за струја, затоа што животниот стандард е уништен“, рече Мицкоски. Во однос на тоа што Ковачевски го нарекува режим, Мицкоски го потсети на снимките од пред за време на отворањето на новата зграда на МНТ, каде што тој аплаудираше и се восхитуваше на тоа. „А што се однесува до тоа што тој го нарекува режим, мислам дека нема право да збори, затоа што ако тоа било режим, тогаш тој му аплаудираше на тоа и се восхитуваше на тоа, што и впрочем го видовме на снимките при отворање на МНТ во Скопје пред петнаесетина години. Па токму тој е измеќар на ДУИ партијата која беше соучесник во сите влади овие 20 години. Како ДУИ не е режим и како таа соработка не му пречеше? Но, Димитар доаѓа време кога треба да се стави крај на таквата лицемерна политика, а тој крај е 8 мај кога народот масовно и во голем број ќе излезе на избори и ќе каже доста е“, порача Мицкоски....
Николоски: Врвен претставник на криминалот и корупцијата е Артан Груби, доаѓа време на одговорност
Нетпрес - пред 20 часа
Очекувам историски најголема победа за ВМРО-ДПМНЕ, со најголема разлика, најмногу гласови за Гордана Силјановска Давкова, најмногу гласови за Христијан Мицкоски за стабилна влада предводена од ВМРО-ДПМНЕ, истакна Александар Николоски, потпретседател на ВМРО-ДПМНЕ и носител на кандидатската листа за пратеници од Изборната единица 4 на митингот во Струмица. „Пред нас престои сериозна работа во деновите кои што доаѓаат, да се сретнеме со секој кој што сака да ни отвори, да поразговараме со сите кои што сакаат да не слушнат и да ги поканиме сите да излезат на гласање. Потребна е голема референдумска излезност и потребен е концентриран глас за ВМРО-ДПМНЕ. Затоа што сите кои што се незадоволни од актуелната власт на заминување треба да знаат дека само глас за ВМРО-ДПМНЕ значи промена“, порача Николоски. Николоски ги повика граѓаните масовно да излезат на гласање. „Мојот противкандидат е човек кој што го уништи македонското здравство. Човек кој што ќе биде запишан на најцрните страници на македонската историја затоа што го уништи здравството и ја внесе корупцијата во него. Но, најголем дел од здравствените работници и докторите не се такви. Јас сакам вечерва да се заблагодарам и да го повикам и да го поздравите со нас вечерва е професор доктор Виктор Камнар, најдобриот македонски ортопед, човекот кој што ја направи првата трансплантација на коски во Македонија и во регионот. Камнар е човек кој што е претставник на чесните доктори и чесните лекари, на оние кои што сакаат да го градат македонското здравство и оние кои што не ги злоупотребуваат пациенти туку остануваат со нив секогаш кога им е потребно“, рече Николоски. Посочи дека овие избори се избори во кои што ќе се стави крај на криминалот и корупцијата. Избори во кои што ВМРО-ДПМНЕ ја бара поддршката од граѓаните покрај СДСМ и ДУИ да се испрати во длабока опозиција. „Ние сме многу сериозни во ова што го ветуваме, ние стоиме позади нашиот збор. И доколку ја добиеме вашата поддршка во огромен број како што ја очекуваме, ДУИ ќе оди во опозиција и ќе одговараат за криминалот и корупцијата кои што ги прават во Македонија“, укажа Николоски. Николоски додаде дека врвен претставник на криминал и корупција во Македонија е Артан Груби. „Сакам да го поздравам од овде од Струмица, и да му кажам дека ќе му ја испитаме цела работа од точка до запирка, се што правел ќе биде испитано. Ама исто така и сите наводи за криминалот што го прави и за притисоците кои што ги прави. Ќе испитаме и што прави другар му Перпарим во Лотарија на Македонија, и што правеа со притисоците за Законот за игри на среќа, и која е неговата улога во казината во Македонија, каква е неговата поврзаност со бројни градежни фирми во Македонија, каква е неговата поврзаност со спортските клубови кои што се се освен спортски клубови. И да му кажам од овде дека нема да му дозволиме нему блиска фирма да копа во Беласица, да отворат тука рудник за нивните камиони и багери да вртат. ДУИ нема да работи во Струмица и струмичко“, порача тој. Истакна дека одговорноста е битна работа и тоа е најпотребно во Македонија. Одговорност ќе има со помош на Владата предводена од ВМРО-ДПМНЕ....
Силјановска Давкова: Ја прифаќаме Преговарачката рамка, но не и уставните измени на ваков начин
Нетпрес - пред 20 часа
Кандидатката за претседател на државата од ВМРО-ДПМНЕ, Гордана Силјановска Давкова вечерва изјави дека ја прифаќаат Преговарачката рамка, но не и уставните измени. Во претседателската дебата заедно со кандидатот за претседател поддржан од СДСМ, Стево Пендаровски на ТВ21 потенцираше дека уставните измени нема да го решат проблемот, туку дека напротив ќе го продлабочат. „Преговарачката рамка ние ја прифаќаме. Ние не го прифаќаме само елементот врзан за уставните измени и мислиме дека со поинаква добрососедска интерпретација, дека ако се копенхагенски критериуми во прашање може вето, нека си разговараат комисиите инаку не може да се употреби тоа за вето и ги почитуваме европските темелни вредности и принципи и преговарачката рамка, ама и себе претседателе“, рече Силјановска Давкова. На новинарско прашање како земјава ќе го продолжи патот кон ЕУ и како ќе се надмине проблемот со закочените измени во Уставот, Силјановска Давкова рече дека ако некој ги закочил уставните измени, тоа е сегашниот технички премиер, бидејќи не го ставил во првата фаза на гласање предлогот за измени на Уставот, само помина во Комисијата. „Тој го стави во фиока и со тоа се самопрогласи за ‘американски претседател’, на некој начин во џеб ги стави уставните измени а нема право на тоа. Јас сум за тоа и кажав оние кои можат да предложат уставни измени, тие тоа не го процесуираа, инаку ќе се видеше дека слично како и народот, и пратениците внатре, дури и од опозицијата некои мислат слично на мене, дека нема потреба од такви уставни измени на ваков начин“, порача Силјановска Давкова....
Партизан поведе против Будуќност во борбата за финалето на АБА лигата
Нетпрес - пред 20 часа
Кошаркарите на белградски Партизан ја совладаа подгоричка Будуќност со резултат 78:67 во првиот натпревар од полуфиналната серија на АБА лигата и на тој начин дојдоа на една победа до пласман во финалето. Од самиот почеток на мечот „црно-белите“ беа подобри и предводени од Зек Ледеј и Франк Камински ја создадоа почетната предност (19:14), а со третата „тројка“ на Ледеј, разликата стана двоцифрена 27:16. Сепак, првиот дел го одбележа забивањето на Камински, а се чинеше дека играчите на Партизан не можат ништо да промашат. Но почетокот на вториот дел се карактеризираше со крајно збунета игра на двете екипи, каде Будуќност се снајде нешто подобро и успеа да ја намали разликата не толку со одличната игра, туку поради бројните лоши напади на Партизан, чии играчи постигнаа само два поени за шест ипол минути игра. Жељко Обрадовиќ мораше да реагира и да побара тајм-аут, а Џејлин Смит и Ален Смаилагиќ го претворија во нова серија за „црно-белите“, кои на полувремето имаа 12 поени предност, 41:29. Кога Ален Смаилагиќ со „тројка“ го доведе Партизан до предност 56:40, се чинеше дека тимот од „Хумска“ лесно ќе ја оствари првата победа. Но Партизан повторно падна во криза, не успеваше да доаѓа до лесни поени а на спротивната страна се разигра Џоги Ферел, па Будуќност вп еден момент се доближи и до едноцифрено заостанување. Сепак, Ледеј и Кевин Пантер во клучните моменти погодија „тројки“, а Пантер реализираше и три слободни фрлања, па на крајот резултатот беше 78:67. Ледеј го предводеше „црно-белиот“ тим до победата со 15 поени, Камински додаде 13, а двоцифрени беа и Кевин Пантер и Алекса Аврамовиќ со по 11 поени. Кај гостите од Подгорица Жоан Маконду постигна 14 поени, Ферел додаде 13, а Кенан Камењаш 12. Следниот натпревар во Подгорица е закажан за 7-ми мај, каде домаќин е Будуќност. Серијата се игра на две победи. Во второто полуфинале се среќаваат Црвена звезда и Мега....
Али Ахмети прогласен за почесен граѓанин на Тирана
Нетпрес - пред 21 часа
Советот на општина Тирана на денешната седница донесе одлука со која за почесен граѓанин го прогласи претседателот на Демократската унија за интеграција, Али Ахмети, јавија медиумите. „На предлог на градоначалникот Ерион Велиај, Советот на општина Тирана денеска едногласно одлучи да му додели титула „Почесен граѓанин“ на албанскиот политичар Али Ахмети, во знак на благодарност за целиот негов придонес кон албанската заедница во Северна Македонија„, јавија медиумите. Титулата почесен граѓанин на Ахмети се очекува да му биде врачена на 2 мај, од страна на Велиај. Претходно за почесен граѓанин Ахмети беше прогласен во косовскиот град Призрен....
АТП Мадрид: Тешки победи за Алкараз и Синер
Нетпрес - пред 21 часа
Италијанскиот тенисер Јаник Синер и Шпанецот Карлос Алкараз, првиот и вториот носител на земјениот АТП Мастерс 1000 турнир во Мадрид, со голема тешкотија ги минаа своите пречки во осминафиналето. Во репризата на минатогодишното финале Алкараз исто како и во 2023 година во три сета го совлада Германецот Јан-Ленард Штруф. Овојпат во крајно драматичен натпревар со 6-3, 6-7(5), 7-6(4) по речиси три часа игра. Се чинеше дека Алкараз имаше чист пат до победата во два сета, бидејќи водеше со 6-3, 2-0. Потоа Штруф се разбуди, го врати брејк заостанувањето и подобро го одигра остатокот од вториот дел кој го доби во тај-брејкот. Во третиот сет повторно Алкараз беше тој кој секогаш беше чекор понапред и водеше со 5-2. При 5-3, Шпанецот имаше четири меч топки, од кои три беа врзани за неговиот сервис, но сите ги пропушти со необјасниви потези. Алкараз беше доведен на работ на пораз бидејќи при 5-5 Штруф имаше брејк-топка, но таа остана неискористена и одлуката падна во тај-брејк. Во него Алкараз најпрвин поведе со 3-0, а потоа Штруф освои четири поени во низа за 4-3, за Шпанецот да заврши сѐ со четири поени во низа и конечна победа. Во четвртфиналето Алкараз ќе игра против Русинот Андреј Рубљев, кој лесно го совлада Холанѓанецот Грикспур со 6-2, 6-4. Синер го победи Русинот Карен Хачанов по пресвртот со 5-7, 6-3, 6-3. Синер почна да го прави пресвртот на почетокот од вториот сет кој го отвори со 3-0. Италијанецот доминираше до крајот и обезбеди четвртфинален меч каде го чека подобриот од дуелот меѓу Норвежанецот Каспер Руд и Канаѓанецот Феликс Огер-Алиасиме. Лесни беше елиминиран од турнирот германскиот тенисер со руско потекло Александар Зверев, четвртиот носител, од од Аргентинецот Франциско Черундоло со 6-3, 6-4. Во следното коло Аргентинецот ќе игра против Американецот Тејлор Фриц, кој во осминафиналето беше подобар од Полјакот Хуберт Хуркач со 7-6(2), 6-4....
ВИДЕО| Давкова до Пендаровски: Вие го кршите Уставот и ја урнисувате положбата на Македонија
Нетпрес - пред 22 часа
Кандидатката за претседателка Гордана Силјановска Давкова денеска во Претседателската дебата истакна дека тие немаат проблем толку голем со Бугарија и нејзиното вето, туку со сегашната власт. „Читате ли вие, заради Фридом Хаус, заради сите извештаи, заради отсуство на владеење на право, заради отсуство на правда држава, корупција и криминал, зависно судство на чело со двајца ваши членови во Советот. Знаете ли дека Судскиот совет е прогласен за фактор на зависност и политизација, не ги предложив јас претседателе, вие ги предложивте. Вие сте директен учесник во ова“, вели Давкова. Таа додаде дека Пендаровски е првиот претседател кој го прекршил Уставот. Целата емисија во 21:15 часот на ТВ21...
Николоски: Филипче е човекот кој го уништи здравството, ВМРО-ДПМНЕ со вистински професионалци ќе го поправа здравството
Нетпрес - пред 22 часа
На 8 мај треба да имаме масовна референдумска излезност, сите да излезат за убедливо да победиме во изборна единица 4, да не се доведеме во ситуација основни здравствени услуги да не може да добиеме ни во Радовиш ни во Струмица. Да не се доведеме во ситуација да барате пријатели, врски за она што следува, за основна здравствена заштита, треба да се стави точка на таа работа, системот мора да функционира, а имаме луѓе кои може да го средат системот, професионалците да добијат шанса, изјави потпретседателот на ВМРО-ДПМНЕ и носител во изборна единица 4, Александар Николоски на митингот во Радовиш. Николоски истакна дека како и за многу области има луѓе кои си ја работат професијата и луѓе кои ја злоупотребуваат и наша цел е да ги поканиме професионалците да ни помогнат заеднички да ја реализираме Платформа 1198 за заеднички да ги поправаме работите. Вечерва со нас е мојот пријател докторот професорот Виктор Камнар, би сакал да му се заблагодарам на поддршката, тој е најдобриот ортопед во целиот регион, кој направи прва трансплантација на коска во регионот, кој си ја сака професијата, медицината, врвен професионалец и кој сака да се подобрува здравството. Тоа се професионалци луѓе кои не ги интересираат провизии, мито, туку гледаат да помогнат на пациентите и не ги злоупотребуваат пациентите, не се сликаат со своите пациенти туку им помагаат, не ја злоупотребуваат својата професија и гледаат да не збогатат преку ноќ со крадење, туку да му помогнат на народот. Со вакви луѓе ќе го поправаме здравството, изјави Николоски. Николоски нагласи дека од друга страна е неговиот против кандидат, човекот кој го уништи здравството, кој ќе остане запишан на најцрните страници на македонското здравство, влече десетици афери позади себе, дали е тоа случајот со приватизација на стерилизацијата, дали е тоа провизијата за вакцини кои не стигнаа, дали е тоа сомнителната набавка на апарати или неговата улога во случајот Онкологија каде што терапија не беше давана на болни од канцер на кои им беше најпотребна. Се осврна и на проектите за Радовиш и регионот. „Во Радовиш планираме да се заврши изградбата на експресен пат од Радовиш до Струмица, кој треба да продолжува до Ново село и границата, односно од граница со Бугарија до Штип да има експресен пат кој би се врзувал со автопатот и целиот исток подобро да функционира. Тука е реконструкција и пренамена на оваа стоковна куќа во едукативен и забавен културен центар со содржини од јавни дејности и сум убеден дека градоначалникот ќе го направи на најдобар можен начин. Планираме уредување на речното корито на Радовишка река, уредување на населени места, спортско рекреативен центар и бројни други проекти кои треба да го подобрат животот во Радовиш“, рече Николоски. Истакна дека нема да биде заборавени и земјоделието. „Тутунот е основен извор на егзистенција и планираме да го донесеме законот за забрана на увоз на тутун за целиот македонски тутун да се откупува по пристојни цени. СДСМ не го гласа затоа што главен увозник е братот на министерот за земјоделие. Потребна е масовна референдумска излезност, секој еден да излезе на гласање, потребна е масовна поддршка, ВМРО-ДПМНЕ е единствената сила која може да ја направи промената, нагласи Николоски....
Мицкоски до Османи: Слоганот не е шовинистички туку означува дека ќе ја вратиме Македонија на народот кој вие од власта го крадете
Нетпрес - пред 22 часа
Додека од власта зборуваат за интеграции, ја купуваат „Соравија“ додека тие се колнат лажно во европските вредности, им течат тендери и набавки, додека тие се обидуваат со лаги и празни зборови да ве плашат дека ние сме биле против Европската Унија, а тие за Европската Унија, и дека живеете најубаво во Југоисточна Европа, Македонија сѐ повеќе тоне, а тие беозбразно се богатат“, кажа претседателот на ВМРО-ДПМНе Христијан Мицкоски од митингот во Радовиш. Секогаш кога ќе ја кажеме вистината за ДУИ, дека тие грубо ја злоуотребуваат судбината пред се на Албанците, и нивната мака, за да се богатат и крадат, кажувањето на таа вистина од ДУИ ја толкуваат како напад врз албанците. Тоа во суштина е заштитниот чадор со кој тие сакаат лажно да се престават за некакви борци за каузата на Албанците додека истите ги оставаат во сиромаштија, без патишта, без работа, без вода за пиење, без канализација, без основни услови за живот. Мицкоски упати порака до Бујар дека слоганот не е шовинистички, туку слоганот Македонија повторно твоја означува дека Македонија ќе ја вратиме на народот, истиот тој кој власта безимислосно го краде и осиромашува. „Па така Бујар Османи ќе обвини дека слоганот Македонија повторно твоја бил шовинистички слоган. Тоа може само да го каже неук човек кој е вистинси шовинист и кој Македонија не ја чуствува за своја татковина, затоа што јас кога ќе кажам Македонија мислам на сите граѓани кои живеат во нејзе. На Македонците, но и на Албанците, Турците, Ромите, Србите, Власите, Бошњацитеи сите останати. Кога Бујар Османи ќе каже Македонија тој не ја чуствува за своја татковина иако бил министер во сите можни влади на Македонија. Иако црпи пари и плати од државата која не ја признава за своја татковина. Е тоа е шовинизам на дело. Да ги признаваш парите што ги земаш, но и државата која те плаќа. И лицемиерието е поголемо што токму Бујар е министер за надворешни работи и од него се очекува да ги брани интересите на Македонија пред светот. Македонија е и твоја држава, сакал или несакал да признаеш. Мојата борба е Македонија да ја вратиме на народот, истиот тој кој безимислосно го крадете и осиромашувате“, нагласи Мицкоски. Мицкоски истакна дека времето на Артан и Бујар помина а доаѓа ново време кога Македонија се враќа во рацете на народот. „Времето на Артан и Бујар престанува. Доаѓа ново време кога Македонија се враќа на народот. Ковачевски треба да престане да ја бара вината во сите други само не во себе. Доцна се сети дека ДУИ ќе биде јамката околу него која ќе му ја заврши и неговата кариера. Но си ја продаде душата за грст привилегии и тендери. Е сега го плаќа цехот. Ако нешто не му е јасно нека ја види разликата од над 180 илјади гласови. Тоа е кога народот на Македонија некому му вели доста е“, нагласи Мицкоски....
Германија во страв од немири во текот на првомајските протести
Нетпрес - пред 22 часа
Полицијата во Германија, особено во главниот град Берлин, поради блискоисточниот конфликт очекува поголеми немири од вообичаеното во текот на првомајските протести , соопштено е во вторник. „Полицијата мора енергично да реагира на појави на насилство, предизвикување немири и извикување антисемитски слогани“, рече министерката за внатрешни работи Ненси Фезер. Најавено е дека ќе полицајците ќе реагираат на секое величење на тероризмот, што според германските закони вклучува поддршка за палестинското радикално движење Хамас, како и извикување на пароли кои го негираат правото на постоење на Израел, како пораката „Од реката до морето, Палестина ќе биде слободна“, а всушност се однесува на окупираниот Западен брег (на реката Јордан) и крајбрежната медитеранска енклава Појасот Газа која е под одмазничка седумесечна инвазија на израелската војска. Во Берлин, според полицијата, некои од овогодинешните првомајски паради, кои традиционално ги организираат синдикати, левичарски политички организации и некои цркви, избрале рути низ делови од градот претежно населени со Арапи, поради што се очекува дека пропалестинските протести ќе се приклучат на првомајските протести. Претставникот на берлинската полиција Бенјамин Јендро изјави дека полицијата е „добро подготвена“ и, меѓу другото, е екипирана со полицајци кои зборуваат арапски и кои знаат да препознаат антисемитски слогани. Околу 5.500 колеги од целата земја ќе дојдат да ѝ помогнат на полицијата во Берлин. По протестите на исламистите минатиот викенд во Хамбург, на кои се бараше воспоставување на калифат, односно воведвуање на шериајтското законодавство во Германија и поддршка на Хамас, германската министерка Фазер е под притисок и забелешки дека не реагирала навреме да ги забрани овие протести. Од друга страна, се очекува дека особено радикалните левичарски групи ќе ја искористат тензичната ситуација околу пропалестинските протести за да се пресметаат со полицијата. Насилните првомајски протести имаат долга традиција, особено во левичарските упоришта како Берлин и Хамбург....
Познатиот македонски ортопед се приклучи на промените, д-р Виктор Камнар на митингот на ВМРО-ДПМНЕ во Радовиш
Нетпрес - пред 22 часа
Познатиот македонски ортопед д-р Виктор Камнар се приклучи на промените и дава поддршка на ВМРО-ДПМНЕ и Коалицијата „Твоја Македонија“. Имено, докторот Виктор Камнар вечерва присуствувашена митингот на ВМРО-ДПМНЕ во Радовиш, притоа давајќи ја поддршка на листата пратеници предводена од Николоски. ВМРО-ДПМНЕ дненеска одржа митинзи во Конче, во Радовиш, а од 20.30 часот во Струмица....
Тошковски: Палевски ќе биде екстрадиран што е множно побрзо
Нетпрес - пред 23 часа
Министерот за внатрешни работи Панче Тошковски во вторникот попладнето изјави дека во најкус можен обвинетиот Љупчо Палевски Палчо ќе биде екстрадиран од Турција во Македонија, откако претходно денеска Министерството за правда соопшти дека е одобрена екстрадицијата од турските власти. „Во текот на денешниот ден добивме информација од Секторот за меѓународна полициска соработка дека е одобрена екстрадицијата за предметното лице, со тоа што нашите полициски службеници се во комуникација со турските колеги и се очекува во наредниот период да утврдат се што е потребно од аспект предметното лице кое е под прогон од страна на Обвинителството, да биде изнесено пред лицето на правда“, изјави Тошковски. Прашан дали има конкретен рок кога треба да се испорача Палевски, министерот за внатрешни работи рече дека нема конкретен рок, но дека Палевски ќе биде екстрадиран најбрзо што е можно. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Министерството за правда денеска соопшти дека е добиено официјално известување дека екстрадицијата на Љупчо Палевски е дозволена. Оттаму посочија дека е завршен судскиот процес и административната процедура и сега останува само да се реализира трансферот. Палевски е првоосомничен за две кривични дела „грабнување“ и „убиство на свиреп начин“ на 14-годишната Вања Ѓорчевска од Скопје и седмдесетгодишниот велешанец Панче Жежовски. Претходно министерот за правда Кренар Лога на социјалните мрежи потврди дека е дозволена екстрадиција на Палевски. „Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда“, објави Лога. Љупчо Палевски – Палчо повеќе од три месеца е во екстрадационен затвор во Турција. За соучество се товарат и Велибор Манев, Влатко Кешишов и Боре Видевски кои се во притвор во Скопје. Во притвор е и таткото на Вања, Александар Ѓорчевски, кој се сомничи дека помагал во грабнувањето. Осомничен за помагање во грабнувањето, заедно со нив е и таткото на Вања, кој според првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24 април замина во куќен притвор и доби мерка на претпазливост. 14 годишната Вања Ѓорчевска беше киднапирана и убиена заради изнуда на пари, како што кажаа тогашниот министер за внатрешни работи Оливер Спасовски и јавниот обвинител Гаврил Бубевски на 4 декември. Нејзиното тело беше пронајдено по седумдневна потрага, ден претходно, на 3 декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања....
Стојаноска: СДСМ е реалниот проблем на граѓаните, таа влада служеше само за склучување штетни договори
Нетпрес - пред 23 часа
СДСМ е реалниот проблем на граѓаните, седум години актуелната власт ништо не направи за доброто на граѓаните, затоа по 8-ми мај ќе заминат во длабока опозиција, оцени носителката на пратеничката лиза за Изборната единица 6, Дафина Стојаноска, во емисијата „Аргумент“ на 24ТВ. „Таква енергетска криза која што ја имаше Македонија немаше никаде во регионот. Македонија со такви ресурси, актуелната власт ја направи зависна од увоз на струја“, појасни Стојаноска говорејќи како актуелната власта не направи ништо за справување со енергетската криза туку ја продлабочија. „Доцна е веќе било што да се слуша од страна на актуелната власт бидејќи имаше доволно време, односно седум години за да покаже храброст и одлучност бидејќи дојде на власт со паролите – „Нема правда, нема мир“, а напротив во државава завладеаја корупцијата и криминалот“, појасни Стојаноска. Стојаноска додаде дека власта единствено служеше само за склучување на штетни договори, и таа порача – „Аспирациите на ВМРО-ДПМНЕ се што поскоро Македонија да влезе во ЕУ, но не уценети и не условени“. „Очекувам уште поголема излезност на граѓаните на гласање и уште поголемо заокружување двапати на бројот 2“, порача Стојаноска....
Во Србија отворена мисијата на ОДИХР за следење на локалните избори на 2-ри јуни
Нетпрес - пред 23 часа
Канцеларијата на ОБСЕ за демократски институции и човекови права (ОДИХР) отвори мисија за следење на локалните избори во Србија, што ќе се одржат на 2-ри јуни. Шефот на таа набљудувачка мисија, Алберто Заниери на денешната прес-изјави дека мисијата се состои од главен тим од 11 меѓународни експерти со седиште во Белград, како и 18 „долгорочни“ набљудувачи кои ќе бидат распоредени на девет локации во Србија почнувајќи од следниот понеделник. Тој додаде дека Мисијата на ОДИХР ќе бара на изборниот ден, 2-ри јуни да бидат ангажирани 160 „краткорочни“ набљудувачи. Додека главниот тим е составен од експерти од разни сфери од девет држави. Според Заниери, на денот на изборите, ОДИХР ќе ги здружи силите со делегацијата на Конгресот на локални и регионални власти на Советот на Европа и ќе го набљудува отворањето на избирачките места, процесот на гласање, пребројувањето на гласовите, броењето на резултатите. Потврди дека мисијата добила официјална покана од властите во Белград за набљудување на изборите и изјави дека нејзините членови имале средба со претставници на Министерството за внатрешни работи на Србија, Републичката изборна комисија и Градската изборна комисија. Заниери потенцира дека конечниот извештај со оценки за целиот изборен процес ќе биде објавен два до три месеца по изборите....
Мицкоски: Народот се обединува околу промените, новата влада на ВМРО-ДПМНЕ ќе направи сѐ криминалците да одговараат
Нетпрес - пред 23 часа
На овие избори народот јасно кажа каква е политичката реалност во Македонија, а тоа е дека Владата односно двете партии од Владата треба да заминат во опозиција. Гордана Силјановска Давкова, Коалицијата „Твоја Македонија“ предводена од ВМРО-ДПМНЕ во однос на Стево Пендаровски и Коалицијата која што го подржа Стево Пендаровски во првиот круг имаат 183.000 гласа разлика. Нешто што досега во македонската историја, во демократска Македонија не се случило да кандидат од опозиција да има таков силен резултат, и тоа е јасна порака на народот дека се потребни промени, истакна во вторникот претседателот на ВМРО-ДПМНЕ, Христијан Мицкоски во обраќањето од предизборниот собир во радовишко Конче. Мицкоски истакна дека првиот круг од претседателските избори и големото водство на кандидатката на ВРМО-ДПМНЕ, Гордана Силјановска Давково покажал дека народот се обединува околу промените. „Од друга страна, ги слушате пораките од Мала Речица, од ДУИ, тие велат дека требало да се слуша народот. И да – ние го слушаме народот, народот и во тој случај донесе правилна одлука и испрати јасна порака дека Гордана Силјановска Давкова, Коалицијата ‘Твоја Македонија’ предводена од ВМРО-ДПМНЕ има за 20 отсто повеќе гласови отколку што имаат двајцата владини кандидати, а тоа се Бујар Османи и Стево Пендаровски заедно. Односно 363.000 наспроти 301/302 илјади, колку што имаат заедно“ рече Мицкоски. Посочи дека пораката од граѓаните е јасна, правецот по којшто треба да се движи Македонија е јасен и порча дека ВМРО-ДПМНЕ и Коалицијата повикуваат на уште поголема поддршка од граѓаните во вториот круг. „Заедно да ја завршиме историјата која што ја започнавме уште пред неколку години односно пред 30-тина месеци за време на локалните избори кои што се случија во 2021 година“, повика Мицкоски. Посочи дека за ВМРО-ДПМНЕ најважна е поддршката од народот. „Време е заедно со вас граѓаните да ставиме точка на оваа историја, бидејќи таа точка ќе ја определи траекторијата по која што ќе се движи Македонија – дали Македонија ќе биде горда, достојна, трансформирана, онака како што сите ние сакаме да ја видиме нашата држава, или ќе биде ограбена, обесправена, понижена, омаловажена како што беше досега изминативе шест ипол години“, додаде Мицкоски. Посочи дека според резултатот од првиот круг на претседателски избори е јасно по кој пат граѓаните одлучија дека треба да се движи Македонија. „Мојата порака е до нашите сограѓани Турци, знам дека овде Бујар Османи освои 100 гласа и знам дека прилично беа активни некои од функционерите на турската партија овде во општина Конче, и ги бараа гласовите за Бујар Османи. Јас ќе споделам со вас нешто коешто не сум го зборувал досега но мислам дека треба да се знае, а тоа е следново: претседателот на турската партија којшто подоцна заврши во прегратките на Али Ахмети, пред да заврши таму беше кај мене. И кога дојде кај мене ми рече претседателе доаѓам од средба со Али Ахмети и сакам да знаете дека на тој човек му треба медицинска нега, тој е ваков, таков, почна да го навредува и да користи недолични зборови“, рече Мицкоски. Додаде дека му се заблагодарил на средбата и веќе никогаш му се нема јавено за да разговараат. „А, следниот ден од медиумите прочитав дека тој отишол во прегратките на овој за кој што велеше дека му е потребна медицинска нега. И таму потоа продолжи да функционира како политичар“, појасни Мицкоски. Мицкоски вети дека новата влада на ВМРО-ДПМНЕ и Коалицијата „Твоја Македонија“ ќе направи се за да криминалците одговараат....
Николоски: Во првите сто дена дена од владата предводена од ВМРО-ДПМНЕ ќе ги донесеме измените на Законот за тутун со кој се забранува увозот
Нетпрес - пред 1 ден
борувавме со земјоделците и она што е најголема грижа, секако е главниот извор на егзистенција на жителите на општина Конче, а тоа е производството на тутун. Зборувавме за маките на тутунарите, за тоа како е потценет нивниот труд, како цените за откуп не се тие кои што би требало да бидат, како се касни со исплатата, како се касни со субвенциите и како се помалце се произведува, рече од митингот во општина Конче, потпретседателот и носител на листата за пратеници во четвртата изборна единица, Александар Николоски. Истакна дека тоа е жалната слика за македонското земјоделие каде што се помалку се произведува, за што се свесни и самите земјоделци и дека производството за тутун скоро за половина е намалено, што е трагично за државата имајќи предвид дека се работи за една стратешка гранка, гранка која што носи егзистенција на десетици илјади жители на Македонија. „Во таа насока, една од првите работи кои што ќе ја направиме е усвојување на измените на Законот за тутун, со кој што ќе се забрани увоз на тутун во Македонија со цел да се откупи целокупниот домашен тутун, по пристојни цени и да се произведува повеќе од она што се произведува до сега. Ние како пратеници, два пати тој закон го поднесувавме во Собранието, но за жал немавме мнозинство за да го изгласаме, пратениците на СДСМ и на ДУИ овој закон не го гласаа од чисто бизнис интереси, затоа што главен увозник на тутун во моментов во Македонија е братот на министерот за земјоделие, Љупчо Николоски“, рече Николоски. Така што, посочи дека од чисто лични бизнис интереси, досегашното парламентарно мнозинство предводено од СДСМ и ДУИ не го поддржаа тој закон, но затоа пак ВМРО-ДПМНЕ измените на Законот за тутун ќе ги донесе во првите 100 дена од формирањето на новата влада предводена од ВМРО-ДПМНЕ. „Но, ние апсолутно, планираме тој закон да го изгласаме уште во првите 100 дена после формирањето на Влада, предводена од ВМРО-ДПМНЕ со цел вашиот труд биде почитуван, да можете да заработувате добра и да можете чесно да живеете тука“, истакна Николоски....
Иван Џолев нов претседател на Здружението на судиите
Нетпрес - пред 1 ден
Актуелниот претседател на Кривичниот суд во Скопје, судијата Иван Џолев во вторникот беше избран за претседател на Здружението на судиите. Денеска на редовно изборно Собрание во присуство на делегати од судски подружници, Здружението на судиите на Република Северна Македонија го избра судијата Иван Џолев за нов претседател, соопшти попладнево Здружението на судиите. Џолев доаѓа на местото на досегашниот претседател на Здружението на судиите, судијата Џемали Саити. Мандатот на претседателот на Здружението на судиите е четири години. На денешната седница, како што е наведено во соопштението, биле избрани и членовите на новиот Управен и Надзорен одбор на Здружението на судиите....
Во Дебар и Центар Жупа до попладневно пријавени за гласање 18 болни и изнемоштени лица
Нетпрес - пред 1 ден
Во општините Дебар и Центар Жупа до 17 часот, за остварување на правото на глас, за парламентарните избори, се пријавиле 18 болни и изнемоштени лица. -Во општина Дебар до 17 часот доставени се 15 барања од болни и изнемоштени лица. Рокот, како што е познато истекува вечерва на полноќ. За првиот круг од претседателските избори во домашни услови требаше да гласаат 32 лица, но поради разни причини гласаа 29, изјави за МИА, Рилинд Хаса, претседател на Општинската изборна комисија. Во соседната општина, Центар Жупа, пријавени се три лица. -За гласање во својот дом, до доцна попладнево имаме добиено три барања. За првиот круг од претседателските избори беа пријавени пет болни и изнемоштени лица, беа прифатени сите, но, гласаа три лица, причина за негласање на едно од нив е смрт, рече за МИА, Неџип Илјаз, претседател на ОИК. Според изборниот законик пријавувањето во Општинските изборни комисии се однесува само за парламентарните избори, додека прифатените барања за гласање на претседателските избори на 24 април се важечки и за вториот круг од претседателските избори. Болните и немоќните, како и затворениците, лицата во домашен притвор и лицата во старските домови ќе гласаат ден пред изборите односно на 7 мај....
Jавниот долг на крајот на првиот квартал 58,6 отсто од БДП
Нетпрес - пред 1 ден
Министерството за финансии во вторникот ги објави податоците за состојбата на јавниот долг заклучно со 31 март 2024 година. Согласно објавените податоци јавниот долг изнесува 8.769 милиони евра што претставува 58,6 отсто од бруто домашниот производ (БДП). Во првиот квартал се издадени државни хартии од вредност во износ од 219,2 милиони евра, повлечени се средства во износ од 175,5 милион евра по основ на склучени кредитни аранжмани со странски кредитори, како што е повлекувањето на втората транша од Меѓународниот монетарен фонд (ММФ – IMF) од кредитната линија за претпазливост и ликвидност и 57,6 милиони евра по основ заеми за јавни претпријатија и АД основани од државата и општините, општините во градот Скопје и Градот Скопје. Притоа извршена е и исплата на обврски по основ на главнина за надворешен долг во износ од 82,7 милиони евра. Министерството за финансии ја објавува состојбата на јавниот долг на квартално ниво, а при пресметката на јавениот долг во однос на БДП се користени податоци за вредноста на БДП за период 2005 – 2024 година, за 2022 година користен е податок за вредност на БДП објавен на веб страната на Државниот завод за статистика, додека податоците за 2023 се прелиминарни податоци на Државниот завод за статистика, а 2024 година е проектирана вредност на БДП на Министерство за финансии. Исто така, денеска согласно утврдената динамика, Министерството за финансии ги објави податоците за состојбата на државниот долг кој заклучно со 31 март 2024 година изнесува 7.544 милиони евра што претставува 50,4% од БДП. Состојбата на државниот долг се објавува на месечно ниво. Министерството за финансии транспарентно ги објавува овие податоци на својата веб-страница. Последниот податок укажува дека јавниот долг е во дефинираните граници со новиот Закон за буџети. Со новиот Закон за буџети е воспоставено правило со кое јавниот долг не треба да надминува 60% од БДП, што е согласно и со Мастришките критериуми. Министерството за финансии останува на определбата за одржување на јавниот долг на стабилно ниво и во рамки на утврдените критериуми....
ФОТО| Тринаесетгодишно момче убиено во нападот со мачета во Лондон
Нетпрес - пред 1 ден
Во нападот на 36-годишен маж со мачета во вторникот во североисточен Лондон убиено е 13-годишно момче, а четири други лица се повредени. Полицијата смета дека не се работи за терористички напад. Полицајците уапсија маж вооружен со мачета по извештаите за сериозен инцидент со прободување во североисточен Лондон и одговорија на повиците дека автомобил удрил во куќа во близина на метро станицата Хино. Со пиштол за шокирање го совладале 36-годишникот кој размавтувал со мачета. „Со голема тага можам да потврдам дека 13-годишното момче кое беше избодено, почина во болница набргу откако беше избодено“, изјави началникот на лондонската полиција Стјуарт Бел. Уште две лица и двајца полицајци се во болница поради убодни рани и се надвор од животна опасност. „Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел....
Дозволена екстрадицијата на Љупчо Палевски
Нетпрес - пред 1 ден
Министерството за правда известува дека е добиено официјално известување дека екстрадицијата на Љупчо Палевски е дозволена. Палевски е во екстрадициски притвор во Турција, каде беше приведен од тамошните власти по распишана потерница. Кога ќе биде донесен во земјава, Палевски ќе биде спроведен во казнено поправна установа, согласно решение на суд и понатаму тече постапката пред правосудните органи. Тој е првоосомничен за убиствата на 14-годишната Вања Ѓорчевска и велешанецот Панче Жежовски. За убиствата се осомничени уште четири лица меѓу кои и таткото на убиената Вања, кој минатата седница беше пуштен во домашен притвор. По одлуката на Турција за екстрадиција, преземањето на Палчо ќе треба да се реализира преку канцелариите на Интерпол во рамки на министерствата за внатрешни работи. Двете држави имаат воспоставено соработка за екстрадиција, а имаат и меѓусебен Договор за правна соработка во граѓанските и кривичните предмети. Откако ќе биде екстрадиран, Палевски во земјава ќе биде пречекан со судско решение за 30-дневен притвор и ќе биде пренесен во Шутка. Таму веќе се наоѓаат тројца осомничени соизвршители во грабнувањата и свирепите убиства. Осомничен за помагање во грабнувањето, заедно со нив е и таткото на Вања, кој е осомниечн дека наводно првичните сознанија, на Палевски му давал информации кога девојчето ќе биде само. Тој со последната одлука на Врховниот суд, која ја уважи неговата жалба, за меркат притвор, на 24-ти април замина во куќен притвор и доби мерка на претпазливост. Вања Ѓорчевска беше киднапирана и убиена заради изнуда на пари, како што тврдеа тогашниот министер за внатрешни работи Оливер Спасовски и јавниот обвинител Гаврил Бубевски на 4-ти декември. Нејзиното тело беше пронајдено по седумдневна потрага, ден претходно, на 3-ти декември, во близина на скопското село Бразда. Истиот ден (3 декември) беше пронајдено и безживотното тело на пензионерот Панче Жежовски од Велес. Според Спасовски, неговото убиство не е поврзано со убиството на Вања, туку неговото возило, кое подоцна беше запалено, било користено за грабнување на Вања....
ФОТО| Пропалестински демонстранти ја заземаа зградата на Универзитетот Колумбија
Нетпрес - пред 1 ден
Пропалестинските демонстранти на Универзитетот Колумбија во вторникот заземаа зграда во кампусот во Њујорк, а администрацијата го ограничи пристапот само на студентите кои живеат таму и на вработените. Демонстрантите кои го запоседнаа „Хамилтон Хол“ на прозорците истакнаа транспаренти на кои пишуваше „Интифада“, арапски збор за востание, извести CNN. Универзитетот објави во раното утринско известување по локално време дека пристапот до кампусот Морнингсајд е ограничен на студентите кои живеат таму и на вработените кои обезбедуваат основни услуги. Упавата на Универзитетот Колумбија во понеделникот почна да ги суспендира пропалестинските студентски активисти кои одбија да го отстранат протестниот камп во кампусот во Њујорк, откако пропаднаа преговорите за прекин на протестите. Претседателјата на универзитетската управа, Немат Минуш Шафик, рече дека неколкудневните преговори не успеале да ги убедат демонстрантите да ги отстранат десетиците шатори поставени за да го изразат противењето на израелската војна во Појасот Газа. Задушувањето на протестот во Колумбија, во центарот на протестите поврзани со Појасот Газа кои ги зафатија колеџските кампуси низ САД во последните неколку седмици, доаѓа откако полицијата на Универзитетот Тексас во Остин уапси десетици студенти кои беа испрскани со бибер-спреј на пропалестинскиот протестен собир....
Кривична пријава против полицаец за смејно насилство
Нетпрес - пред 1 ден
Основното јавно обвинителство Прилеп поднесе кривична пријава против полицискиот службеник М.К. поради постоење на основи на сомнение за сторено кривично дело „загрозување на сигурноста при вршење на семејно насилство“ по член 144 став 3 од Кривичниот законик, информираат од МВР. -Надворешната канцеларија за криминалистички работи при ОВР Прилеп до Основното јавно обвинителство Прилеп поднесе кривична пријава против полицискиот службеник М.К. поради постоење на основи на сомнение за сторено кривично дело „загрозување на сигурноста при вршење на семејно насилство“ по член 144 став 3 од Кривичниот законик, а Одделот за внатрешна контрола, криминалистички истраги и професионални стандарди при МВР заради постапување спротивно на член 26 став 2 од Етичкиот кодекс за однесување на работниците во МВР поднесе предлог за поведување на постапка за кршење на работниот ред и дисциплина по член 210 став 1 точка 10 и 20 од Колективниот договор на МВР и изрече задолжителни мерки одземање на оружјето. Имено, на 31.01.2024 во Прилеп, пријавениот М.К. агресивно се однесувал кон неговата поранешна сопруга, ја влечел за раката и ѝ упатил закани, стои во соопштението на МВР....
Мицкоски очекува ДУИ да оди во опозиција: Немаме ни елементарна доверба за соработка со нив, политиката не е „шведска маса“, изјави тој
Нетпрес - пред 1 ден
-Жалам што раководството на ДУИ се уште живее во времиња кои се веќе минато. Македонија е на сите граѓани, ниту е федерација, ниту е „би“, „три“ или „четиринационална“ држава. Според Уставот таа е на сите граѓани, а според демократијата, оној што има 61 пратеник ја формира владата. Не знам како пресметале дека се претставници на мнозинското немакедонско население. Мислам дека сите сме граѓани на Македонија, Македонци, и ценам дека политиката не треба да се гледа како „шведска маса“ па ДУИ да земе малку од СДСМ, малку од ВМРО-ДПМНЕ, малку од друга политичка партија. ДУИ беше 6,5 години со СДСМ во Владата, поразени се во првиот круг на претседателски избори, очекувам да бидат поразени и по парламентарните избори и очекувам ДУИ да биде опозиција за неколку недели, рече денеска претседателот на ВМРО-ДПМНЕ Христијан Мицкоски. Тој уште еднаш напомена дека на 8 мај очекува убедлива победа на Гордана Силјановска Давкова и на коалицијата „Твоја Македонија“, а за коалицирањето со „Вреди“ и уставните измени ќе се разговара, рече, по изборите. Доколку уставните измени се услов за соработка, повтори дека тој и неговата партија не функционираат врз основа на уцени и закани. Засега, напомена Мицкоски, ВМРО-ДПМНЕ е фокусирана на изборите, а по нивното завршување ќе се седне на маса со опозициските партии. Мицкоски е дециден дека местото на Западен Балкан е во ЕУ, како и дека ВМРО-ДПМНЕ во своите фдундаменти ги вклучува амбициите Македонија да биде дел од ЕУ, но мора, како што потенцира, Брисел да покаже јасен план и активости за македонската интеграција, за да се види колку е блиска, а колку е далечна европската иднина на земјава. Одговорајќи на новинарски прашања по средбата со претставниците на Стопанската комора на северозападна Македонија, Мицкоски го прокоментира и ставот на Али Ахмети кој повикува на Мајскиот договор. -Демократијата се темели на принципот – кој има мнозинство во Парламентот, тој ја формира владата. Не знам за кој Мајски договор зборува ДУИ, не знам за кое правило „победник со победник“. Имаше едно правило во минатото „победник со победник“ кое е резултат на договор од минатото, тој договор и тоа правило самите го прекршија во 2017 година и повторно би потсетил дека политиката не смееме да ја гледаме како „шведска маса“, настрана што ако ВМРО-ДПМНЕ освои мнозинство, како што се очекува, нема ниту елементарна доверба да соработува со ДУИ. Така што, тие мора да одат во опозиција, подвлече Мицкоски. Тој изрази жалење што многу пати досега голем дел од бирократите кои доаѓаа од Брисел даваа ветувања во однос на македонските евроинтеграции, кои не ги исполнуваа. Од нив, дополни, очекува малку повеќе сериозност. -Местото на Западен Балкан е во рамки на ЕУ. ВМРО-ДПМНЕ во своите фундаменти ги вклучува овие амбиции, Македонија да биде дел од ЕУ. Жалам што многупати досега голем дел од бирократите кои доаѓаа од Брисел даваа ветувања кои не ги исполнуваа кога велеа „уште ова само треба да го направи Македонија и веднаш ќе ја почувствува европската иднина“. Би очекувал малку повеќе сериозност од луѓето што ги испраќаат тие пораки, јасен план, јасен гантограм на активности и да видиме колку е блиска, а колку е далечна таа европска иднина, имајќи предвид дека повеќе од две децении трае овој пат на Макеоднија кон ЕУ, а по пат граѓаните и партиите направија многу, како ниту еден народ и како ниту една држава. ВМРО-ДПМНЕ е подготвена како идна влада да преговара врз основа на Копенхагеншките критериуми и вредностите дефинирани од Де Гаспер, Аденауер и Шуман, повтори лидерот на ВМРО-ДПМНЕ. На прашањето дали разговарал со сите претставници на коалицијата „Вреди“, Мицкоски уште еднаш кажа дека сега ВМРО-ДПМНЕ е фокусирана на парламентарните и вториот круг претседателски избори. -Веднаш потоа ќе седнеме и ќе разговараме со сите опозициски партии. Многу ни е важен во моментов политичко-општествениот консензус против владините партии. Можам да го потврдам тоа што го кажав на 24 април, дека разговаравме со Таравари, му честитав за исклучително добриот резултат на изборите, имајќи предвид кои беа противниците, мислам на Османи и Пендаровски. Ценам дека во овој момент треба да останеме фокусирани на основната цел, а тоа е победа на претседателските и парламентарните избори, рече Мицкоски. Во врска со кажувањето на Димитар Ковачевски дека имал роднини кои биле излажани и гласале за други партии, Мицкоски изрази жалење што „во Димитар Ковачевски ни неговото семејство нема доверба“. -Жалам што во Димитар Ковачевски ни неговото семејство нема доверба, а ја очекува довербата од граѓаните. Не знам кој е одговорен од луѓето кои му ги составуваат пораките, мислам дека таа порака е погрешна. Ако вам и во вашето семејство не ви веруваат, не гледам тогаш како граѓаните би имале доверба во вашите политики, рече Мицкоски. На прашањето, пак, да објасни што конкретно мислел со вчерашната порака до Ахмети дека вооружени лица се собираат во Чаир, Мицкоски рече дека и Ахмети и неговиот соработник точно знаат што зборува. -Точно знае Али Ахмети што зборувам и точно знае тој негов соработник што уживаше привилегии во луксузен хотел во претседателскиот апартман во Истанбул, бидејќи тој ја координира таа група што се движи на територијата на општините Бутел и Чаир, а и ги знаеме лицата и точно знаеме што прават, а набрзо ќе дознае и јавноста, рече Мицкоски....
ВИДЕО| Русија ги брани традиционалните вредности кои Западот ги укина
Нетпрес - пред 1 ден
Растечките антируски чувства на Западот произлегуваат од фактот дека Русија се придржува до традиционалните вредности кои западните „прогресивци“ се обидуваат да ги уништат, рече филозофот и политички коментатор Александар Дугин во интервју за новинарот Такер Карлсон. За време на интервјуто, Дугин го истакна својот поглед на современиот западен свет и она што тој го гледа како историско потекло на неговата сегашна идеологија. Тој објасни дека Западот преминал од „класичен либерализам“ – кој ја исповеда индивидуалната слобода и демократија сфатени како владеење на мнозинството – кон „нов либерализам“ дефиниран со „владеење на малцинствата“ и со „будност“. Наместо да се нагласи индивидуалната слобода, новата инкарнација на либерализмот пропишува придржување до одредени прогресивни вредности со што се обидуваат да ги укинат традиционалните вредности. Карлсон го праша Дугин зошто многу западњаци, дури и оние кои претходно го поддржуваа Советскиот Сојуз, се свртеа против Русија кога претседателот Владимир Путин дојде на власт во раните 2000-ти и почна да се залага за русофобични идеи. Филозофот изјави дека „Путин е традиционален лидер“ кој ги брани традиционалните вредности, кои се во спротивност со оние кои моментално се во мода на Запад. „Кога Путин дојде на власт, од самиот почеток почна да ја отстранува Русија од глобалното влијание. Тој почна да противречи на глобалната прогресивна агенда… успешно се обиде да ги врати традиционалните вредности – државниот суверенитет, христијанството, традиционалното семејство“, рече тој, објаснувајќи дека западните прогресивци сметаат дека тоа е спротивно на нивните вредности. „Оваа омраза не е случајна… таа е метафизичка. Ако вашата главна задача и главна цел е да ги уништите традиционалните вредности – традиционалното семејство, традиционалната држава, традиционалните односи, традиционалните верувања – и некој со нуклеарно оружје, цврсто ги брани традиционалните вредности што ќе ги укинете – тие имаат некаква основа за оваа русофобија и омраза кон Путин“. Во 2022 година, ќерката на Дугин, Дарја, беше убиена во бомбашки напад во Москва, за кој руските власти тврдат дека бил организиран од украински агенти, верзија што ја посочи и американската влада. Дарја, сама по себе новинарка и политички активист, беше гласен поддржувач на руската воена операција против Киев. Русофобичното чувство расте експоненцијално во светлината на конфликтот меѓу Русија и Украина, за чие избивање во 2022 година Западот ја обвини Русија. НАТО ја означи Русија како „најважната и најдиректна закана“ за мирот и безбедноста на нејзините членки, а многу западни лидери тврдат дека Москва ќе ја нападне Европа доколку обезбеди победа во Украина. Русија постојано изјавува дека нема такви планови, а Путин ги отфрли таквите тврдења како „глупости“ минатиот месец. Портпаролот на Кремљ, Дмитриј Песков, минатата недела ги нарече ваквите идеи „хорор приказни“ дизајнирани да го одвлечат вниманието од домашните проблеми на Запад....
Германија има инсталирано над 400 илјади соларни системи за балкони
Нетпрес - пред 1 ден
Германија е една од европските земји кои се предводници во оваа револуција и во земјата моментално има инсталирано над 400.000 соларни системи за балкони. Новите податоци покажуваат дека најмалку 50.000 од системите биле инсталирани во првата половина од годинава. Соларните балкони се дел од пошироката транзиција кон одржлива енергија во Европа. Тие се сметаат за подвид на соларните панели за кров, но истовремено се и нешто поинакво. Тие, исто така, се и тренд за искористување на сета вештачка инфраструктура за генерирање соларна енергија. Шините, патиштата, паркинзите, крововите на автомобилите, гробиштата и фасадите на зградите – сите тие се структури на кои може да се примени соларна енергија. Главната разлика меѓу соларните балкони и соларните панели за кров е во тоа што се многу помали системи. Нивната технологија, всушност, се состои од едне или два панели кои се приклучуваат во штекер. Тие произведуваат околу 10% од енергијата што ја произведуваат соларните кровни системи за домаќинства, велат експертите. Според грубата проценка, Германија има инсталирано балконски соларни системи со капацитет од околу 200 MW, што е значително помалку од капацитетот на инсталирани кровни соларни системи во земјата – околу 16 GW. Гледано од аспект на сопствениците, балконските системи се полесни за инсталација. Може да се купат онлајн и нема потреба од електричар за да се постават....
Американската дипломатија живее во „свет на огледало“
Нетпрес - пред 1 ден
Повиците на САД до Русија за одржување разговори за крај на украинскиот конфликт изгледаат одвоени од реалноста, бидејќи ги игнорираат претходните обиди на Москва да постигне решение, изјави портпаролката на Министерството за надворешни работи, Марија Захарова. Во понеделникот, американскиот државен секретар Антони Блинкен инсистираше на тоа дека наводните планови на Москва „да ја избрише Украина од картата“ не успеале. Тој додаде дека се надева дека рускиот претседател Владимир Путин ја забележал западната поддршка за Украина, па „ја добива пораката и демонстрира подготвеност вистински да преговара во согласност со основните принципи… на меѓународната заедница и Повелбата на ОН: суверенитет, територијален интегритет, независност“. Одговарајќи на забелешките на Блинкен подоцна истиот ден, Захарова рече дека американските политичари изгледаат како да живеат во „свет на огледало“. Таа потсети дека во 2014 и 2015 година, Русија „покажа почит кон меѓународното право“ со промовирање на сега веќе непостоечките договори од Минск, со кои се сакаше да се стави крај на крвопролевањето во регионот давајќи им на двете републики во Донбас специјален статус во рамките на украинската држава. Москва тврди дека Киев и западните земји на прво место никогаш немале намера да го спроведат договорот. Поранешниот украински претседател Пјотр Порошенко, поранешната германска канцеларка Ангела Меркел и поранешниот француски претседател Франсоа Оланд признаа дека основната цел на договорите била да му помогнат на Киев да купи време за да изгради посилна воена сила. Портпаролката изјави дека самиот Блинкен предложил решавање на конфликтот „не врз основа на меѓународното право“, туку врз „формулата за мир“ предложена од украинскиот претседател Владимир Зеленски, која бара Русија да ги повлече сите трупи од територијата што Киев ја смета за своја и ја вклучува уште неколку клаузули кои Москва ги отфрли како неприфатливи. „Во Белата куќа сè тргна на лошо“, рече Захарова. Москва останува на ставот дека е отворена за разговори со Украина. Сепак, Зеленски во есента 2022 година потпиша декрет за забрана за преговори со сегашното раководство во Москва. Овој потег дојде откако четири поранешни украински региони со големо мнозинство гласаа за приклучување кон Русија....
ЕВН и „Макпетрол“ ќе постават 10 брзи полначи за електрични возила низ цела Македонија
Нетпрес - пред 1 ден
На бензинската станица на „Макпетрол“ во Визбегово од денес е во употреба брз полнач за електрични возила. Овој уред е прв од десетте нови брзи полначи што во партнерство со ЕВН ќе бидат поставени на фреквентни локации ширум Македонија. – ЕВН ги направи најраните напори за развојот на електромобилноста во Македонија. Во последните седум години поставивме околу 40 полначи за електрични возила на јавни површини во 17 градови низ земјата. Нашите напори продолжуваат со силен фокус на брзото полнење, како главен предуслов за олеснета мобилност на електричните возила на подолги дестинации. Соработката со „Макпетрол“ ни е многу важна – споделуваме сродни вредности, а преку нивната широко распространета мрежа на пумпи низ државата успеваме да се приближиме поблиску до корисниците – изјави Волфганг Маиер, Претседател на Управниот одбор на ЕВН Македонија. Во 2022 година, на бензинската станица на „Макпетрол“ близу граничниот премин „Богородица“ беше поставен полнач за електрични возила, исто така, во соработка со ЕВН. На оваа локација веќе е поставена и фотонапонска централа што произведува електрична енергија од обновливи извори. – Грижата за животната средина е меѓу стратешките цели на „Макпетрол“ и е вклучена во нашиот годишен план преку „Зелената агенда“. Во рамки на овие активности, друштвото на различни начини ќе инвестира во заштита на околината. Поставувањето 10 брзи полначи ќе придонесе во развојот на електромобилноста во земјава и ќе нè приближи до модерните форми на транспорт. Особено е значајно што овој проект го реализираме партнерски, заедно со ЕВН. Ваквите соработки се исклучително значајни, ако не и пресудни, за реализирање на зелената иднина на Македонија – вели Андреја Јосифовски, Претседател на Управниот одбор на „Макпетрол“. Полначите се со DC конектори од типот CCS со моќност од 150kW и се наменети за брзо полнење на едно или две електрични возила. Моделот е меѓу најефикасните во својата класа, овозможува брзо и лесно полнење со времетраење од 30-40 минути во зависност од типот на возилото. ЕВН и „Макпетрол“ својата грижа за животнта околина ја демонстрираат во конкретни инвестиции во доменот на „зелената“ енергија. И двете компании, покрај проектите за електромобилност, поставуваат и фотоволтаични централи за потребите на сопствените објекти. ЕВН ја надградува флотата со електрични возила и инвестира во производство на обновлива енергија, а „Макпетрол“ ќе продолжи да ја проширува мрежата за автоплин и метан (КПГ) преку вложување во малопродажни објекти....
Над три милиони патници минатата година транзитирале на скопскиот и на охридскиот аеродром
Нетпрес - пред 1 ден
Пораст од 33 отсто во патничкиот сообраќај регистрираат двата македонски аеродрома, Меѓународниот Аеродром Скопје и Аеродромот Св. Апостол Павле Охрид, во 2023 година, споредено со 2022 година. Ланскиот број на патници го надмина и рекордот од 2019, кога низ двата аеродрома беа опслужени 2,7 милиони. Минатата година биле регистирани 24 илјади летови до 46 дестинација на Скопскиот, четири на Охридскиот и дополнителни сезонски авиолинии во летна сезона или вкупно 3,15 милиони патници. Македонскиот авиосообраќај е со втор најголем раст на превоз во Европа во 2023 година во однос на 2022 година. Забележани се над 250 илјади воздухопловни операции во 2023 година. Според статистиката за 2023 година најмногу се патувало кон Истанбул (двата аеродрома ИГА и Сабиха Гокчен со 10,9% пазарен удел), Базел Милуз (6,4%), Цирих (5,4%), Франкфурт (4,7%), Дортмунд (4,5%), Виена (4,4%), Минхен Меминген (4,3%), Анталија (3,2%), Хамбург и Келн (по 2,7%). Топ 5 земји со директни летови за 2023 година биле Германија (28,3% пазарен удел); Турција (16,1%); Швајцарија (13,4%); Шведска (6,5%); и Италија (6,4%). Кон крајот на 2022 година Владата објави повик за субвенционирани авиолетови за периодот од 2023 до 2025 година. Условите и критеримуните од повикот ги исполнија Германската авиокоманија „Луфтханза“ која воведе нова авиолинија од Скопје до Франкфурт, и „Виз Ер“ која воведе четири нови линии од Скопје до Луксембург, Штутград, Салцубург и до Љубљана. Финансиската поддршка која Владата им ја исплаќа на овие авиокомпании изнесува седум евра по патник во заминување превезен од Меѓународен аеродром Скопје и 4,5 евра од аеродромот Св. Апостол Павле – Охрид. Министерството за транспорт и врски во својот буџет за 2023 предвиде 1,1 милион евра за оваа намена, а вкупно пет милиони евра за тригодишната програма. „Сметаме дека е од големо значење за државата, но и граѓаните зошто аеродромот во Франкфурт е еден од најголемите во Европа и поврзува со 200 меѓународни дестинации. Финансиската поддршка авиокомпаниите ја добиваат за период од три години. По истекот на тригодишниот рок, авиопревозниците имаат обврска да продолжат да оперираат на линиите. Односно, и во наредните три години. Во спротивно, ќе мора да го вратат целиот износ што ги добиле како финансиска поддршка“, изјави министерот за транспорт и врски, Благој Бочварски....
Косовскиот новинар Берат Бужала со нова анализа за изборите во Македонија
Нетпрес - пред 1 ден
CREATOR: gd-jpeg v1.0 (using IJG JPEG v62), quality = 82 Познатиот косовски новинар Берат Бужала, прави осврт на актуелните политички состојби во Македонија, со посебна анализа за случувањата околу изборите. Еве, малку поопширно за Македонија и тамошните избори. Вчера напишав многу краток статус за изборите во Македонија, и на мое изненадување, одлично беше интерпретирана неговата содржина како кај Македонците, така и кај Албанците. Во тој статус реков, горе-долу, дека меѓународната заедница, а под меѓународна заедница мислам главно на Америка и Германија, не се гледа дека има ништо против идната влада во Македонија да ги има ВМРО со ВРЕДИ како субјекти кои ќе водат. Не реков дека тоа е моја желба. Реков дека ова е реална можност. Прво, ВМРО има толку гласови и е толку многу пред втората партија, што неминовно водењето на владата од нејзина страна, освен ако овој субјект не излезе и каже дека се со Русија, нешто што не го кажуваат, пишува тој. Бужала потенцира дека за меѓународната заедница ВМРО е реална опција. -Второ, и ВРЕДИ и ДУИ трчаат да влезат во кревет со ВМРО, значи не велат дека ќе се обединат, дека ќе ја поканат втората по големина македонска партија за да формираат влада без ВМРО. Не. Двата албански субјекти повеќе се мразеа меѓусебно, отколку ВМРО. Единствената разлика е што ВРЕДИ сака да влезе во кревет со ВМРО преку флерт, откако испиле едно шише вино, додека ДУИ преку „закани со оружје“… Погодете кого ќе избере ВМРО? Овој преседан дека треба најголемата македонска партија со најголемата албанска партија беше изневерен пред неколку години, кога најголемата македонска партија беше оставена во опозиција. Или? Дали се сеќавате? Секако дека е важен и конечниот резултат од изборите, но јас ја правам анализата врз основа на резултатите од претседателските избори, пишува тој. Косовскиот новинар потенцира дека своја тежина има и бројот на пратеници Албанци кои ќе влезат во Собранието, од двата албански блока. -Ако разликата е многу голема, секако тешко е да се игнорира најголемиот албански блок, но ако разликата е два-тројца пратеници, тогаш никој нема да праша која албанска партија симболично е прва. ДУИ е структурирана и моќна партија, добро распространета низ целата република, така што не мислам дека нејзиното преминување во опозиција е голем проблем. Згора на тоа, нека го пробаат и Албанците од Македонија „нивното Самоопределување“, кое е исто толку хетерогено како и самата Македонија. Понатаму, оваа закана дека „Македонија ќе биде уништена“ или „Македонија ќе се подели“ доколку овој или оној субјект не биде вклучен во владата, ми изгледа и наивна и смешна. Се знае кој ја дели и кој ја држи заедно оваа држава, пишува Бужала....
ОЈО бара мерки за претпазливост за Мојсоски, Каевски и Димевски
Нетпрес - пред 1 ден
Јавното обвинителство објави дека е поднесено барање за обезбедување мерки за претпазливост за 12 лица од Агенцијата за млади и спорт во врска со случајот со распределба на средства од ваучечер системот. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост“, информира ОЈО. Државната комисија за спречување корупција пред повеќе од една година најави дека поради сомнежи за злоупотреба и непочитување на ваучер-системот на финансирање фондации и спортски клубови до Јавното обвинителство ќе достави иницијатива за кривично гонење на директорот на АМС, Наумче Мојсовски, и членовите на Централната комисија на АМС. Антикорупциска освен иницијатива до Јавното обвинителство за кривично гонење најави дека ќе достави и иницијатива до Владата за утврдување одговорност кај нив, а до Управата за јавни приходи (УЈП) ќе иницира да изврши надзор на сите спортски објекти од аспект на користење на средствата што им се доделени по пат на ваучер-системот во периодот од 2020, 2021 и 2022 година. „Според анализите на ДКСК, годишно на овој начин се трошат околу една милијарда денари, кои се вложуваат во спортот по разни основи, но АМС нема никаква отчетност како ги доделува и како се трошат овие средства. ДКСК, исто така, смета дека е неопходно да се интервенира и во самиот Закон за спорт, со носење некое ново решение за распределба на средства со почитување на утврдени критериуми, за што веќе се дадени одредени предлози до кабинетот на вицепремиерката за добро владеење и до АМС“, рекоа од Антикорупциска. Според ДКСК, постои сомневање дека претседателот на Агенцијата и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на средства, со што го оштетиле буџетот на државата, но и лицата што имале законско право на вакви средства, а не им биле доделени. Од извори на истрагата Нетпрес неофицијално дознава дека обвинителниот предлог е поднесен против актуелниот директор на Агенцијата за млади и спорт Наумче Мојсоски, неговиот претходник на функцијата Дарко Каевски, како и за првиот човек на Македонскиот олимписки комитет Даниел Димевски и за уште 9 лица е поднесен во врска со доделувањето на таканаречените спортски ваучери. Мојсоски и Каевски се обвинети за злоупотреба на службена положба, а Димевски и останатите обвинети за несовесно работење....
На 8 мај да ставиме печат на една голема историска победа
Нетпрес - пред 1 ден
Денеска сме повторно во Гази Баба, како и секогаш во Гази Баба се работи. Нови позитивни работи каде и да одиме. Треба да се пофали градоначалникот Бобан Стефковски и неговиот тим бидејќи има многу проекти навистина.Во последниве две години откако е тој градоначалник сведоци сме на преку триесеттина игралишта, спортски училишни сали што е навистина за пофалба, плус реконструкции на патишта, водоводи, канализации, изјави Владо Мисајловски од ВМРО-ДПМНЕ, носител на изборна единица 2.„Вака навистина се сака Гази Баба и се сака Македонија.Јас секогаш сум горд бидејќи она што е ветуваме низ годините сега може да стане реалност.Честитки до целиот тим, но исто така сакам да ги повикам сите граѓани за да вакви проекти се создаваат и во иднина да ни ја дадат поддршката на 8 мај.На 8 мај да ставиме печат на една голема историска победа за да има повеќе средства за сите општини. 250 милиони евра да се даваат годишно на сите општини вклучително и на Гази Габа каде ќе можеме да видиме и плус многу проекти токму тука со помош од централната власт.Сега шансата е на народот! Промените се во твои раце народе!И Македонија останува твоја!Затоа промените треба да ги започне секој еден од нас!Се гледаме на терен и на 8 мај за голема историска победа!“....