„Денес ЕУ го прославува 20-годишниот јубилеј на големото проширување на ЕУ. На 1 мај 2004 година, граѓаните на овие земји станаа граѓани на ЕУ. Во текот на последните две децении, забележаа пораст и значителен развој. Реалните плати се удвоиле од 2004 до 2023 година во овие десет земји, додека нивото на сиромаштија драстично се намалило“, напиша Вицепремиерот Бојан Маричиќ во своја објава на Фејсбук. Добиј ги најважните вести, бесплатно на Viber Тој додаде дека земјите од 27-члената ЕУ ги засилиле своите врски преку модерна инфраструктура, поттикната од инвестициите и фондовите на ЕУ и забележале многу случаи за време на природни катастрофи или медицински кризи, бидејќи земјите на ЕУ се обединети да се поддржуваат една со друга. „Мотото на ЕУ е ПОСИЛНИ ЗАЕДНО! Посилни заедно во ЕУ може да бидеме и ние со полноправното членство до 2030 година! Нашата определба за развој и просперитет во рамки на најмоќната унија на современиот свет е принцип и приоритет. Со желба да бидеме дел од следниот бран на проширување на ЕУ, да ги создадеме најголемите чекори и одлуки во име на создавање подобри услови за нашите млади и поколенија“ потенцираше Маричиќ. Тој заклучи дека раката ни е подадена, од нас зависи дали ќе одиме кон забрзан напредок на државата или кон уназадување на целото општество и дека нема да се откажеме од нашата иднина....

Американскиот државен секретар Ентони Блинкен денеска го посети Керем Шалом, преминот за хуманитарна помош од Израел до Појасот Газа. Добиј ги најважните вести, бесплатно на Viber За време на посетата на Блинкен, десетина камиони чекаа да влезат во Појасот Газа додека неколку израелски тенкови беа паркирани во близина. Посетата на американскиот државен секретар доаѓа во момент кога Израел изрази намера да изврши копнен напад врз Рафа, град на неколку километри од Керем Шалом, кој сега е дом на околу 1,5 милиони Палестинци, од кои огромното мнозинство се раселени поради војната....

Поранешна руска шпионка открива како ги заведувала своите мети: „Не е само секс – еве на какви нешта нè учеа во тајната програма на КГБ“ Добиј ги најважните вести, бесплатно на Viber Поранешна руска државјанка која тврди дека некогаш работела како шпион, открива како ги заведувала и манипулирала со своите цели. Алија Роза во новиот поткаст „To Die For“ на „Tenderfoot TV“ и „iHeartPodcasts“ зборувала за својата наводна „обука, техники, мети и мисии“. Фото: Принтскрин/Инстаграм/Aliia Roza – Поминаа повеќе од две децении како молчам. Но, од неколку причини, повеќе не можев да останам во тишина. Не можев повеќе да живеам со оваа болка, иако поминав низ сите тие трауми. Да не проговорев, кој ќе го направеше тоа? – рекла таа за „Фокс њус“, пренесува „Ндтв“ (Ndtv.com). Алија во поткастот се присетила како побегнала од Москва со синот, бидејќи сакала да му овозможи подобар живот. – Најголемиот потфат во мојот живот беше тоа што станав родител. Сакав да го искусам тоа. Сакав да создадам семејство, да имам деца. А тоа не ми беше дозволено. Тогаш сфатив, „чекај малку, имам само еден живот. Не сакам да го поминам жртвувајќи се за нешто во што повеќе не верувам.“ Тоа беше моментот кога започнав да трагам по можности за бегство – рекла Алија. Поранешната шпионка зборувала и за своето семејство. Таа рекла дека е родена во мешовито, казахстанско-татарско семејство на висок воен офицер на Советскиот Сојуз. Била, како што вели, вклучена во специјална државна програма за деца на високи офицери. https://www.slobodenpecat.mk/wp-content/uploads/2024/05/Snapinsta.app_video_An-hhYKF1KJde0uTneWcW3p1L5zy5j8pwrai_EdnBSh9_Muwm-jxWvaIigAax_IkLkRzjVImLi6viwq5DysPF8-V.mp4 Иако сакала да биде моден дизајнер, нејзиниот татко ѝ рекол дека нема друг избор освен да ја посетува специјалната државна програма. Од раното детство учела боречки вештини и се занимавала со други напорни физички активности, за на 18 години да стане дел од „секс-програмата“. Била избрана од група од 350 ученици да учествува во тајна програма развиена од поранешни психолози и високи офицери на КГБ. – Не е само секс – тоа е многу далеку од секс. Сè се врти околу уметноста на комуникацијата. Учевме како да се облекуваме, нашминкаме, да се претставуваме, како да разговараме со таргетираните лица и како да ги натераме да ни веруваат. Се работи за психологијата на луѓето, криминалците, мажите… За разбирањето на машката перспектива и што точно тие сакаат – рекла Алија. – Кога заведувате, тоа е… како да започнувате со добар комплимент. Не е само да се каже, на пример, ми се допаѓа вашето палто. Мора да биде нешто навистина специфично и соодветно во тој момент. Тоа ќе ги привлече луѓето кон вас. Ќе почнете да им се допаѓате. А кога знаете како да водите разговор, луѓето ќе станат многу отворени кон вас. Тие ќе станат многу пријателски расположени. Учите како да бидете учтиви, дружељубиви и почитувани во друштвото. Тука се и сексуалните техники. Тоа е екстремно, но ќе направи вашата мета да стане опседната со вас. Тоа е сосема друга игра – раскажала Алија. Фото: Принтскрин/Инстаграм/Aliia Roza И покрај ниските примања – 100 долари месечно за шестдневна работна недела – таа продолжила да го прави тоа од патриотизам и затоа што „се чувствувала како херој што спасува нечиј живот“. – На крајот на денот, кога спасував нечиј живот, се чувствував добро поради тоа. Но, никогаш не се запрашав како се чувствувам во телото кое постојано беше злоставувано и силувано од случајни мажи. Еден поранешен агент на ФБИ рече дека сум расипана играчка, дека и самата сум била предмет на сексуална трговија. Но, не сите мои другари од одделението мислат така. Ние се чувствувавме како патриоти. Бевме подготвени да се жртвуваме и да направиме сè за нашата влада. Така се чувствував – рекла Алија. Меѓутоа, таа исто така се чувствувала „искористено“ од страна на руската влада и подоцна сфатила дека ѝ бил „испран мозокот“. – Ги видов сите тие други агентки во одредени години, на пример на 56. Беа толку кутри, осамени. Не им беше дозволено да имаат приватен живот. Не можеле да имаат семејство. Не можев да дозволам тоа да ми се случи и мене – рекла Алија. Наводната поранешна шпионка не се вратила во Русија повеќе од 10 години и сега користи ново име. Таа денес дава совети за заведување на жени на кои им е потребно да ја кренат својата самодоверба и има повеќе од милион следбеници на Инстаграм. Инаку, Алија Роза е честа гостинка на многу настани од светот на шоубизнисот, како Филмскиот фестивал во Кан. https://www.slobodenpecat.mk/wp-content/uploads/2024/05/Snapinsta.app_video_10000000_318809737897713_771469207558917733_n.mp4...

Украина веќе целосно го реализираше својот дел од обврските за да ги почне преговорите за влез во Европската унија во јуни, изјави денеска украинскиот претседател Володимир Зеленски. Добиј ги најважните вести, бесплатно на Viber – Како и во секоја претходна фаза на интеграција со Европската унија, многу зависи од нашата активност, рече Зеленски во вечерашното видео обраќање. Според него, Украина веќе целосно го исполнила својот дел од обврските за почеток на пристапните преговори во јуни....

Ракометарите на Еурофарм Пелистер запишаа нова победа оваа сезона во македонската Суперлига и направија уште еден важен чекор кон одбрана на титулата. Добиј ги најважните вести, бесплатно на Viber Играчите на тренерот Бранислав Ангеловски славеа убедливо со конечен резултат 35:25 против екипата на Тиквеш. Во победничките редови се истакна Радивојевиќ со седум голови, а кај поразениот Мијатовиќ имаше пет погодоци. Денеска се одигра уште еден меч, составот на Бутел Скопје триумфираше над Струга со 34:20 најмногу благодарение на Николов кој имаше 11 голови, додека на спротивната страна Бошњак постигна осум. На табелата Еурофарм Пелистер е првопласиран со 35 бодови, пет повеќе од Вардар кој има меч помалку. Тиквеш е на петтото место со 19 бодови, а на последната осма позиција е Струга без бодови....

Вкупно 1,8 тони кокаин е запленет од чамец кај островот Сен Мартен во француската Западна Индија (француски Антили), јави француската телевизија канал Европа 1. Добиј ги најважните вести, бесплатно на Viber Запленувањето се случило вчера доцна попладне, кога чамецот, без име и регистрација, бил врзан за понтон во градот Маригот, на француската страна на островот, според извор запознаен со истрагата. Локалните жандарми пронашле „неколку десетици пакувања“ кокаин, со вкупна тежина од 1,8 тони, а полицијата се уште трага по шверцерите, кои веднаш побегнале, додава изворот....

Осврнувајќи се на надлежностите кои ги има претседателот на државата, Силјановска Давкова и Пендаровски значително внимание посветија на судството, односно како да се подобри работата на Судскиот совет и Советот на јавни обвинители. Додека Пендаровски оцени дека и двете институции изминатиот период не биле на ниво на задачата, решението го гледа не во нивно укинување како институции, туку во подобрување на кадарот кој влегува во нив преку ветинг. Добиј ги најважните вести, бесплатно на Viber -Ние можеме да направиме нов судски совет, еве денеска ќе се решиме, и совет на јавни обвинители, меѓутоа јас мислам дека без претходен длабок, прецизно направен ветинг, со странски експерти, со нивна асистенција и помош, ние џабе ќе правиме нови и нови судски совети ако сличен човечки материјал ни влегува во тие судски совети. Нашиот проблем во владеењето на правото не е проблем за еден или двајца кои се погрешно поставени овде или онде, ние имаме проблем со многу повеќе, со неквалитетен човечки материјал, да не кажувам почнувајќи од првичната правна едукација на тие луѓе, начинот како се влегува во судовите и обвинителствата, па се до испорачувањето на правдата, за жал често пати и неправдата. Значи не е само да ги смениме регулативите, туку треба да го смениме начинот како ги селектираме кадрите. Не само најдобрите на факултет, туку и луѓето со интегритет, рече Пендаровски. Претседателот за ветинг зборуваше и во 2016, и во 2020 и во 2024, му одговори Силјановска Давкова. Според неа, моменталната ситуација во судсвото е резултат на тоа што ветингот останал само како реторика, и не се спроведувал кога можело да биде спроведен. -Зависи на што мисли, и досега можеше да се спроведе ветингот како евалуација или ре-евалуација при секој избор, оти генерален ветинг, оној суштинскиот значи распуштање на сите и влегување во еден проблем. Можеше да се посегне по ветинг кога ги предлагаше претседателот Весна Дамева, Миљзим Мустафа итн. стручни соработници, најслабата алка во судскиот совет. Можеше за директорите на агенцијата за разузнавање, можеше секаде каде што има можност да предлага да го предложеше и овој механизам. Инаку, за сите сум, прво за политичарите, може да има таму и ретроактивно дејство, нема проблем никаков, и мислам дека она што се случува денеска е резултат на тоа што ветингот беше само реторика и кога можеше да се примени не се применуваше, рече Силјановска Давкова....

Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул на југот на Бразил. Добиј ги најважните вести, бесплатно на Viber Над 1.400 жители се раселени поради невремето, кое доведе до пораст на нивото на водата и поплави во 104 општини. Гувернерот Едуардо Леите изјави дека државата работи на пронаоѓање на исчезнатите лица и обезбедување на сигурноста на луѓето во загрозените области....

Српскиот пејач Никола Роквиќ веќе 10 дена патува за Грција, a сето тоа без никакво превозно средство. Крајната дестинација е манастирот Нектариј Едински, каде пејачот ќе се поклони и ќе ја заврши својата хуманитарна мисија. Добиј ги најважните вести, бесплатно на Viber Никола секојдневно се огласува и открива детали од патувањата, а сега откри и колку пари собрал за 10 дена. – Помага Господ, драги луѓе. Само сакам да ве информирам дека денеска стигнавме до 12 милиони динари и половина од вкупната сума. Господ да ве благослови и да продолжите да ја поддржувате „Фондацијата Семејство“ и нашите деца. Овој пат за детска радост. Збогум – рекол Роквиќ. Фото: Принтскрин/Инстаграм Никола го продолжува своето патување со иконата в рака, а на својот профил на Инстаграм ја сподели и цифрата што ја собрал. Да потсетиме, Никола на ова патување собира средства за купување апарат за дијагностицирање на рак на мозокот кај децата и за реновирање на детското онколошко одделение. Роквиќ и неговата сопруга Бојана ја основаа „Фондацијата Семејство“ која со својата хуманост и парична донација ќе им помогне на сите на кои им е потребна. Фото: Принтскрин/Инстаграм Тој денеска прошета со мештаните на планината Кукавица и ја сподели со јавноста убавината на недопрената природа, но и откри кои диви животни можат да се најдат во овој дел на Србија. ВИДЕО | За Велигден ќе помине низ Македонија: Колку пари собрал Никола Роквиќ на мисијата на која пеш тргна за Грција...

Фудбалерите на Парма со ремито на гостувањето кај славниот Бари успеаја да обезбедат едно од првите две места во Серија Б за оваа сезона и со тоа по долги три години да се вратат во најдобрите тимови во Серија А. Добиј ги најважните вести, бесплатно на Viber Водечкиот гол на овој натпревар за Парма го постигна Бони во 50 минута, но Ди Чезаре на крајот му донесе бод на Бари, кој не ги загрози амбициите на гостинскиот тим. По ова коло Парма има 74 бода, три повеќе од второпласираната екипа на Комо, која исто така е многу блиску до пласман во Серија А, а вкупно седум од Венеција која моментално е на третото место, која повеќе не може да ја достигне Парма на кој било начин. Фудбалерите на Парма ќе станат шампиони во Серија Б доколку во следното коло слават против Кремонезе на домашен терен или во последното против Реџиана на гости, односно доколку Комо не успее да освои повеќе од три бода вкупно во последните две кола. Последен пат ја видовме Парма во Серија А во сезоната 2020/21, која ја одбележа сезоната на коронавирус, по која Парма беше убедливо последна со само 20 бода, па се пресели во Серија Б со Кротоне и Беневенто....

Наумче Мојсоски и Дарко Каевски демантираат злоупотреби со спортските ваучери и го отфрлија отворањето на предметот на ОЈО инициран од Државната комисија за спречување на корупција како политички мотивиран. Добиј ги најважните вести, бесплатно на Viber Се гони уште едно познато име во спортот, актуелниот претседател на Македонскиот олимписки комитет Даниел Димевски, за несовесно работење за време на неговата функција како претседател на Централната комисија за доделување на ваучерите. Тие и уште девет лица се обвинети дека ја оштетиле државата при распределба на парите наменети за федерациите, клубовите и спортистите кои добиваа ваучери, а одредена фирма се согласува да го реализира под услов дел од парите да ги добие назад преку даночно ослободување. „Ги сметам за тенденциозни „мистериозно“ протечените информации во јавноста. Очигледен е тајмингот и намерата. Очекувам транспарентна постапка во која моите тврдења целосно ќе се потврдат, а ќе докаќат дека токму оваа хајка во јавноста против мене е само алатка за заплашување пред вториот круг претседателски и парламентарни избори, изјави Наумче Мојсовски. Каевски порача дека обвинувањата против него се неосновани и тенденциозни и дека не го прекршил законот и тоа ќе се докаже. „Очекувам и во исто време сум убеден дека во една јавна, гтранспарентна, фер постапка ќе се докаќе вистината и целосна моја невиност. Не навлегувам во мотивите на ОЈО да бидам опфатен со ваква постапка. Постои сомнеж дека оба можеби е злоупотреба за изборната кампања, но едно е сигурно – вистината ќе се потврди дополнително на ова вештачење е од 25.042024, ден после првиот круг од претседателските избори, а предлогот е доставен на три работни дена потоа, вели Дарко Каевски....

Кандидатката на ВМРО-ДПМНЕ за претседател Гордана Силјановска Давкова најавува дека како иден шеф на државата ќе го искористи механизмот на помилување на осудените за настаните во Собранието на 27 април 2017 година. Нејзиниот противкандидат од СДСМ и актуелен претседател Стево Пендаровски, пак, е против и смета дека амнестија за такво дело не треба да има. Добиј ги најважните вести, бесплатно на Viber На вечерашната дебата на ТВ Телма, Силјановска-Давкова оцени дека самата квалификацијата на кривичното дело е катастрофална. – Оние што применија насилство се на слобода. Има таму луѓе кои не сакаа амнестија, сакаа да докажат правда, има луѓе кои водат постапки пред судот во Стразбур. Секој е различен. Јас имам право да помилувам и врз основа на анализата – не само на правото и на правдата, ќе посегнам по тој механизам, истакна Силјановска Давкова. Пендаровски смета дека има модификација на претходната теза на Силјановска Давкова дека ќе ги амнестира сите сите. – Разбирам ако некој не е виновен или треба да добие помала казна па и да му ублажите. Ама таа вели дека сите за 27 април ќе ги амнестираме. Како може да амнестирате за таков чин?! Прво извинување, а потоа широка општествена дебата за евентуална амнестија, порача претседателскиот кандидат Стево Пендаровски. Прашани дали влегувањето во Парламентот на 27 април бил насилен чин, Пендаровски одговори дека било насилство организирано од партијата која тогаш била на власт и обид за насилно уривање на уставниот поредок. – Ако не дозволувате мирен трансфер на власта, тоа не може да биде демократски чин, оцени Пендаровски. Силјановска Давкова, пак, смета дека имало насилство и луѓето требало да бидат судени за тоа, но, како што наведе, далеку од умот и од правото е дека имало терористичко рушење на уставниот поредок. Според неа, тоа кривично дело било намерно одбрано заради изрекување на најстроги казни....

Наумче Мојсоски и Дарко Каевски демантираат злоупотреби со спортските ваучери и го отфрлија отворањето на предметот на ОЈО инициран од Државната комисија за спречување на корупција како политички мотивиран. Добиј ги најважните вести, бесплатно на Viber Функционерите на актуелната власт се обвинети за злоупотреба на службена положба. Се гони уште едно познато име во спортот, актуелниот претседател на Македонскиот олимписки комитет Даниел Димевски, за несовесно работење за време на неговата функција како претседател на Централната комисија за доделување на ваучерите. Тие и уште 9 лица се обвинети дека ја оштетиле државата при распределба на парите наменети за федерациите, клубовите и спортистите кои добиваа ваучери, а одредена фирма се согласува да го реализира под услов дел од парите да ги добие назад преку даночно ослободување. „Ги сметам за тенденциозни „мистериозно“ протечените информации во јавноста. Очигледен е тајмингот и намерата. Очекувам транспарентна постапка во која моите тврдења целосно ќе се потврдат, а ќе докаќат дека токму оваа хајка во јавноста против мене е само алатка за заплашување пред вториот круг претседателски и парламентарни избори, изјави Наумче Мојсовски. Каевски порача дека обвинувањата против него се неосновани и тенденциозни и дека не го прекршил законот и тоа ќе се докаже. „Очекувам и во исто време сум убеден дека во една јавна, гтранспарентна, фер постапка ќе се докаќе вистината и целосна моја невиност. Не навлегувам во мотивите на ОЈО да бидам опфатен со ваква постапка. Постои сомнеж дека оба можеби е злоупотреба за изборната кампања, но едно е сигурно – вистината ќе се потврди дополнително на ова вештачење е од 25.042024, ден после првиот круг од претседателските избори, а предлогот е доставен на три работни дена потоа, вели Дарко Каевски....

Домаќинките во Македонија традиционално бојадисуваат јајца или на Велики четврток или на Велики петок, во согласност со обичаите во нивниот регион. Но, колку јајца треба да се обојат? Добиј ги најважните вести, бесплатно на Viber Според народното верување, првото јајце кое ќе се бојадиса за Велигден треба да биде црвено – т. н. чувар на куќата. Се верува дека ова јајце го штити домаќинството во текот на целата година до следниот Велигден, симболизирајќи ја крвта на Исус и радост. Другите бои на јајцата се избираат по желба. Бројот на јајца кои се вапцуваат го одредува домаќинката според потребите на нејзиното семејство. Меѓутоа, според старото верување, би било идеално да се бојадисаат точно 33 јајца. Овој број ги симболизира годините од животот на Исус во моментот кога бил распат. Иако овој обичај датира многу одамна и се пренесува од генерација на генерација, ретко кој денес бојадисува точно 33 велигденски јајца. Сепак, потсетувањето на овие стари народни обичаи може да биде корисно. Фото: PickPik Боењето на велигденските јајца, освен што е традиционален дел од подготовките за празникот, има и длабоко симболично значење. Покрај црвениот „чувар на куќата“, јајцата често се бојадисуваат и во други живипосни бои кои претставуваат различни симболи. На пример, зелената боја може да ја симболизира пролетта и обновувањето на животот, додека жолтата боја ја претставува светлината и радоста на велигденското утро. Освен тоа, во некои региони јајцата се бојадисуваат во различни шари и дезени кои дополнително ја надополнуваат празничната атмосфера. Во модерните времиња, бојадисувањето на велигденските јајца често станува семеен ритуал кој ги зближува членовите на семејството и носи радост и забава. Тоа е можност да поминете квалитетно време заедно, да разговарате и споделувате смеа, притоа создавајќи убави спомени кои ќе се негуваат со години. Преку овој обичај се пренесува важна порака за заедништвото, традицијата и празничната симболика, потсетувајќи нè на важноста од зачувување и негување на културното наследство. Фото: Peakpx...

И втора година по ред Карлос Алкараз не успеа да дојде до трофејот на мастерс турнирот во Мадрид, Шпанија, пред своите навивачи загуби во четвртфиналето од Андреј Рубљов со 2:1 во сетови. Добиј ги најважните вести, бесплатно на Viber Првиот сет го освои шпанскиот тенисер со 6:4, но Рубљов направи пресврт добивајќи ги следните два сета со 6:3 и 6:2. Рубљов за пласман во големото финале ќе игра со подобриот од дуелот меѓу Тејлор Фриц (САД) и Франциско Серундоло (Аргентина). Вториот полуфинален пар ќе го дознаеме в четврток, поради повреда Италијанецот Јаник Синер се повлече од турнирот, па директно во полуфиналето се пласираше Феликс Оже-Алијасим. Канаѓанецот за противник ќе го има победникот од пресметката меѓу Данил Медведев Јижи Лехечка од Чешка....

Десетици илјади луѓе ширум Франција се приклучија на синдикалните собири за повисоки плати и мир по повод Меѓународниот ден на трудот. Добиј ги најважните вести, бесплатно на Viber Од Марсеј до Лион, Рен или Тулуз на големите поворки во големите градови се вееја знамиња на различни синдикати и палестински знамиња. Во Париз, според синдикатите, се собрале 50.000 луѓе, а според полицијата 18.000, атмосферата на почетокот била карневалска, но на крајот полицијата интервенирала со солзавец. Според полицијата, група од 4.500 луѓе, со „неколку стотици радикали“ запалиле камион, а уништени се и излози. Досега се уапсени 25 лица. Низ цела Франција, 12.000 полицајци се распоредени за да го зачуваат мирот, од кои 5.000 во Париз. Моќниот синдикат ЦГТ упати апел против „мерките за штедење“, за отворање работни места, повисоки плати и мир. Водечкиот синдикат ЦФДТ ги повика луѓето да се приклучат на маршевите во повиците за поамбициозна Европа која повеќе ги штити работниците....

Се продолжува периодот во кој ДДВ за лебот и брашното во бугарската трговија ќе биде 0%. Ова беше одлучено на седница на комисијата за буџет во Собранието во второ читање, објави порталот Телеграф.бг. Мерката во буџетот беше предвидено да трае до јуни. Добиј ги најважните вести, бесплатно на Viber Пратениците одлучија и да воведат ограничување за обележување леб во комерцијалната мрежа – до 15%. Според претседателот на Комисијата за буџет, Јордан Цонев, иако предлогот е од ДПС и ГЕРБ, тој не треба да се поврзува со политичката ситуација. Тој предложи сите пратеници да го поддржат предметниот текст и тоа се случи. Меѓудруготѕо во расправата во пленарната сала, ПП-ДБ побара од Министерството за финансии да покаже проценки дали нултата стапка е од корист за потрошувачите или од неа корист имаат само трговците во Бугарија....

Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер. Добиј ги најважните вести, бесплатно на Viber Неутрализацијата на терористичкиот лидер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали. Во соопштението се потсетува дека еден лидер на ИСИС учествувал во напад на Нигер во 2017 година, во кој беа убиени четири американски Зелени беретки и четворица нигериски војници, вклучително и еден преведувач....

Најдобриот светски тенисер и спортист Новак Ѓоковиќ ноќта на 30 април ја поминал во Дубровник на настапот на Северина Вучковиќ во еден клуб! Добиј ги најважните вести, бесплатно на Viber Како што може да се слушне и да се види на видеоснимките од клубот, кога Ноле зачекорил во клубот, луѓето почнале да скандираат: „Ноле, Ноле!“, а рамнодушна не останала ниту пејачката која го поздравила од сцената. Еден од обожавателите го снимил моментот во кој Ѓоковиќ танцува на стиховите на песната на „Тарапана“, а со видеото напишал: „Кога ќе дојдеш на Северина, а Ѓоковиќ ќе го украде шоуто“. @dcotic Ono kad dođeš na Severinu, ali Đoković ukrade show! 👻✌🏽 #dubrovnik #severina #djokovic #fyp #foryou #foryoupage #balkantiktok #novakdjokovic #revelin #cultureclubrevelin ♬ original sound – danielacotic Ноле бил во друштво на пријатели, а во Дубровник дошол од Херцег Нови, од комплексот Портонови каде што поседува и недвижност. https://www.slobodenpecat.mk/wp-content/uploads/2024/05/Snapinsta.app_video_9F44B40134CE9CBF072BAA289D872DA1_video_dashinit.mp4 Ова не е првпат Ѓоковиќ да го посети Дубровник. Минатото лето тој во друштво на семејството уживаше на својата јахта „Тара“ на плажите во Дубровник. Потоа беше снимен со сопругата Јелена и децата како се забавуваат во воден парк. – Најдобро се одморам на море, но секогаш имам некои физички активности – рекол Ѓоковиќ минатата година и го нарекол Дубровник бисер на Јадранот. ВИДЕО | „Ти си најдобрата мајка на светот“: Северина доби емотивни честитки од син ѝ и од мајка ѝ за 52. роденден ФОТОГАЛЕРИЈА | Северина направи музички земјотрес во Скопје и ни порача да ја чуваме Македонија!...

Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта. Добиј ги најважните вести, бесплатно на Viber Излезено било на местото на настанот од полициски службеници од СВР Скопје и известен бил јавен обвинител....

Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта. Добиј ги најважните вести, бесплатно на Viber Излезено било на местото на настанот од полициски службеници од СВР Скопје и известен бил јавен обвинител....

Вчера во 12.35 часот полициски службеници од Полициската станица Ѓорче Петров го лишиле од слобода С.Ј.(75) од скопско, по претходна пријава од 33-годишна скопјанка според која тој, околу 11.50 часот во близина на паркот во населбата Ѓорче Петров, се самозадоволувал во своето возило. Добиј ги најважните вести, бесплатно на Viber По целосно документирање на случајот ќе следува соодветен поднесок....

Се одиграа шесте натпревари во рамките од 30 коло во Првата македонска фудбалска лига, актуелниот шампион Струга загуби на гостувањето кај Тиквеш со 3:2. Добиј ги најважните вести, бесплатно на Viber По првото полувреме водеше кавадаречкиот клуб со голот на Мојсов од 32 минута. Следуваа два погодоци на Ибраими на спротивната страна за пресврт во 63 и 77 минута, овој вториот од пенал. Следуваше нов пресврт, Тиквеш најпрвин во 82 минута преку Стојкоски дојде до израмнување, а конечниот епилог го постави Луан Силва во 94 минута. Еден од кандидатите за шампионската титула сезонава Шкупи беше непријатно изненаден со поразот кај Гостивар (2:0). Домашниот состав дојде до бодовите благодарение на Кировски (62`) и Кехинде (97`). Шкендија повторно е во сериозна трка за пехарот, со пресврт дојде до важен триумф над Брера (3:2). Струмичката водеше со 1:0 по првиот дел со голот на Ивковиќ во 16 минута, а во 68 минута гостите постигнаа уште еден гол кој го реализираше Цветаноски. Целосно се вратија тетовските „црвено-црни“ во финишот од средбата, во 77 минута негативата ја намали Адеми, па во 87 минута израмни Цаке, а во 94 минута голема радост на домашните навивачи донесе Аганспахиќ. Вардар дојде до битна победа во трката за опстанок, како гостин со 3:0 ја надигра Брегалница од Штип преку Шушњара, Дошев и Николовски. Работнички запиша нов триумф сезонава против Силекс од Кратово (1:0), а за скопскиот клуб бодови донесе Али Регба кој беше прецизен од белата точка. Прва македонска фудбалска лига (ПМФЛ) Среда, резултати: Брегалница Штип – Вардар 0:3 Гостивар – Шкупи 2:0 Македонија ЃП – Воска Спорт 0:2 Шкендија – Брера Струмица 3:2 Силекс – Работнички 0:1 Тиквеш – Струга 3:2 Табела: Шкендија 58 бодови, Струга 58, Шкупи 58, Тиквеш 42, Силекс 41, Гостивар 40, Работнички 38, Брера Струмица 37, Воска Спорт 37, Вардар 32, Македонија ЃП 26, Брегалница Штип 26....

Папата Франциск денеска упати молитви за жртвите од војните во Украина, палестинските територии, Израел и бегалците Рохинџи во Мјанмар, нагласувајќи дека, „за жал, најпрофитабилните инвестиции се оние поврзани со индустријата за оружје“. Добиј ги најважните вести, бесплатно на Viber – Војната секогаш е пораз, секогаш. Ние бараме мир, бараме вистински мир за овие народи и за целиот свет, рече папата, по повод католичкиот црковен празник Свети Јосиф Работник, пренесе Ватикан Њуз. Обраќајќи им се на присутните во салата Павле VI во Ватикан на општа аудиенција, папата ја осуди индустријата за оружје, нагласувајќи дека „таа профитира од смртта“....

Декорирањето јајца е една од најинтересните велигденски традиции, но некои техники за боење јајца вклучуваат состојки кои ги прават јајцата небезбедни за јадење… Бидејќи непотребниот отпад од храна е нешто што дефинитивно е препорачливо да се избегнува, затоа попрво треба да се прибегнете кон природните, сосема безбедни методи за боење јајца, кои исто така даваат одлични резултати. Добиј ги најважните вести, бесплатно на Viber Кога не сте сигурни за начинот на боење и украсување на велигденските јајца, но и за храната воопшто, најдобро е да го следите следново правило – не користете нешто што не сте сигурни дали ќе го загрози здравјето на конзументите. Кога станува збор за јајца, треба да бидете особено внимателни затоа што хемикалиите лесно може да навлезат во лушпата од јајцето. За среќа, многу е лесно да се направат обоени јајца кои се убави и се сосема безбедни за јадење. Секој од овие методи на боење јајца може да се користи со тврдо варени јајца, па можете да ги вратите во фрижидер и да ги јадете подоцна. Јајца бојадисани со шлаг Овој метод првично вклучува пена за бричење, но замената на пената со шлаг дава одлични резултати. Во сад за печење додадете го шлагот, на површината ставете ги капките течна прехранбена боја и измешајте за да се соединат. Потоа валкајте ги јајцата во обоениот шлаг. Мермерни јајца Можеби звучи како нешто комплицирано што одзема многу време и материјал, но всушност е исклучително едноставно. Сè што ви треба се обична боја за јајца и неколку лушпи од кромид. Исечкајте ги лушпите на мали парчиња, а потоа нанесете ги на влажно варено јајце и завиткајте го јајцето во мрежест чорап и ставете го во растворена боја за јајца. Природни бои за јајца Не ги фрлајте лушпите од кромид! Оваа сезона свртете се кон природните и безбедни методи, со што воедно ќе имате помалку отпад. Сина боја ќе добиете од испасирани боровинки варени во вода или варена виолетова зелка со две лажици оцет, за потемна зелена нијанса, сварете го виолетовиот кромид со две чаши вода и две лажици оцет, портокалова боја ќе добиете од жолт кромид сварен во вода и две лажици оцет; комбинацијата од кафе и оцет ќе ви даде кафеава боја. Комбинациите се навистина многубројни. Фото: Freerangestock Јајца обоени со ориз Ако имате обичен сув ориз во оставата, пробајте го овој метод – ставете ориз во пластична чаша, додадете неколку капки прехранбена боја, додадете едно јајце и нежно протресете. Шарени јајца во масло Тајната на шарените велигденски јајца се крие во вашата кујна. Направете боја за јајца со комбинирање на бел оцет и прехранбена боја. На крајот, потопете ги обоените јајца во мешавина од растително масло и вода за да создадете прекрасен, мермерен ефект. Фото: Peakpx Јајца вапцани со прехранбена боја Еден од наједноставните начини за боење јајца се состои од само три состојки и е многу едноставен. Измешајте боја за храна, оцет и вода за да создадете свои шарени бои за јајца. Потопете ги обичните јајца во добиената смеса (колку подолго ги оставите, толку подлабока и посилна ќе биде бојата. Ако сакате да добиете одредена шема, залепете ги јајцата со селотејп пред да ги обоите, кој подоцна ќе го отстраните. Фото: Picryl Бојадисување со памук Оваа техника донекаде го спречува лошиот квалитет на боите, бидејќи кај неа тие се раствораат во сосема мала количина на вода. По што земате еден памук, колку да го обиколите јајцето и додавате на растојание неколку капки сина боја, неколку капки црвена, жолта… комбинирајте ги боите, како што ви се допаѓа и вртите. Го оставате јајцето убаво да се напои и по некое време го одвиткувате. Останува само да го измачкате со крпче и малку масло. Наместо памук може да користите и салфетка. Tie-dye јајца Овој метод е одлична забава и за најмалите. Завиткајте ги јајцата во хартиена крпа и посипете ги со мешавина од оцет и прехранбена боја – многу лесно, а и децата можат да ви помогнат. По бојадисувањето, задолжително вратете ги јајцата во фрижидер во рок од два часа. Фото: Nancy Dorsner / Flickr...

Стотици туристи денеска се евакуирани од десетици хотели, апартмани и кампови откако пукнаа брани во националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март. Добиј ги најважните вести, бесплатно на Viber Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија. Метеоролошкиот завод на Кенија предупреди дека се очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати....

Во основните училишта во државава во мај ќе се спроведува запишување ученици во прво одделение. Родителот односно старателот е должен во основно училиште да го запише детето кое до крајот на календарската година ќе наполни шест години. Добиј ги најважните вести, бесплатно на Viber По исклучок детето може да се запише во прво одделение доколку наполни шест години до 31 јануари наредната година, по претходно барање од родителот, односно старателот, и добиено мислење од педагогот или психологот во училиштето. Родителот односно старателот има право да го запише детето во основното училиште во реонот во кој живее или каде што постојано престојува. Основното училиште е должно да ги опфати учениците од својот реон. На барање на родителот и доколку има соглсност од училиштето, како и слободни места, детето може да се запише и во училиште што не е во неговиот реон на живеење....

Кралот Чарлс (75) се врати на своите кралски обврски и во вторникот заедно со кралицата Камила го посетил Центарот за лекување на рак во Лондон. Во февруари Бакингемската палата објави дека на кралот му бил дијагностициран рак, а потоа се дозна дека и принцезата Кејт Мидлтон боледува од рак. Добиј ги најважните вести, бесплатно на Viber Кралот одлучил да облече еден забавен додаток за оваа пригода. Како што наведува „Дејли мејл“, розовата вратоврска со Т-Рексови (тираносаурус) што ја носел кралот наводно ја добил на подарок од еден од своите внуци, веројатно од принцот Луис кој сака диносауруси. Се шпекулира дека вратоврската е исто така дел од интерната шега помеѓу членовите на кралското семејството бидејќи „Rex“ на латински значи крал. Фото: Stephen Lock / Zuma Press / Profimedia Ова не е првпат кралот Чарлс да ја носи оваа вратоврска. Ја носеше во јануари минатата година кога го посети Голем Манчестер, а потоа и пред неколку месеци во Сандрингем кога беше на миса. Инаку, во петокот палатата објави дека кралот се враќа на своите должности. Иако тоа нема да биде целосно враќање на официјалните ангажмани, од палатата се оптимисти и испраќаат охрабрувачки вести. Од палатата додадоа дека кралот ќе преземе повеќе јавни должности. Кралот Чарлс и кралицата Камила / Фото: Imageplotter / Avalon / Profimedia Да потсетиме, еден месец по дијагнозата на кралот, принцезата Кејт Мидлтон соопшти дека има рак. Тогаш објави видео на Инстаграм и кажа дека е подложена на превентивна хемотерапија. Принцезата од Велс откри дека во јануари имала операција на абдоменот во лондонската болница и дека таму ѝ бил дијагностициран ракот. Принцезата, но и палатата не открија за каков вид на рак станува збор. Кралот Чарлс и кралицата Камила ќе присуствуваат на неделната велигденска служба во Виндзор...

Баерн Минхен ги договара последните детали со новиот тренер кој ќе го наследи Томас Тухел по крајот на оваа натпреварувачка сезона. Добиј ги најважните вести, бесплатно на Viber Како што се најавува на местото на Тухел според ќе дојде селекторот на австриската фудбалска репрезентација, Ралф Рангник. На Европското првенство Австрија ќе биде во групата „Д“ со Франција, Холандија и Полска, а претпоставката е дека Рангник би го презел Баерн по завршувањето на континенталниот шампионат. Како што пренесуваат германските медиуми, Рангник му потврдил на Баерн дека сака да биде тренер на баварскиот клуб. – Во добри преговори сме со Ралф Рангник – изјави претседателот на Баерн, Херберт Хајнер за „Скај Спорт“. Новинарот Фабрицио Романо претходно откри дека парите не биле главниот мотив на Рангник да го преземе Баерн, туку дека најважниот проект на кој треба да работи. – Договорот е многу блиску. Главните работи за кои преговараат се проектот, влијанието за носење и продавање играчи и други. Засега сè е позитивно – објави експертот трансфери Романо....

Едно 17-годишно момче е уапсено под сомнение за обид за убиство, откако три лица беа повредени во средно училиште во Јужен Јоркшир, пренесе ДПА. Добиј ги најважните вести, бесплатно на Viber Едно дете било нападнато, а двајца возрасни се здобиле со полесни повреди во инцидент што се случил утрово во Академијата Бирли во Шефилд. Полицајците од Јужен Јоркшир дошле местото на настанот откако одговориле на пријава за „инцидент со остар предмет во училиштето“ на Бирли Лејн. Училиштето соопшти дека било затворено по инцидентот и дека „сите ученици и персонал се безбедни“ и никој не бил пренесен во болница. Седумнаесетгодишно момче е уапсено под сомнение за обид за убиство и останува во полициски притвор. Портпаролот на полицијата рече дека полицијата ќе остане на местото на настанот во текот денот за да ја гарантира безбедноста на оние во училиштето и локалната заедница...

Рестораторите очекуваат многу од пролетната и летната сезона поради најавите за добра туристичка побарувачка и инвестирање во квалитет, но ги мачат старите проблеми, од недостиг на работници и даночни оптоварувања до нереално регулирано работно време, посочува претседателот на Здружение на угостителски активности ХГК Јелена Табак, анализира Н1 Хрватска. Добиј ги најважните вести, бесплатно на Viber „За рестораните, 2024 година може да биде првата деловно-нормална и добра година од пандемијата и сите ограничувања што ги преживеаја за време на неа. Иако сè уште не можеме да зборуваме за целосно закрепнување, бидејќи многумина се задолжија и нема да биде лесно да се заработат пари за сите трошоци, рестораните се уште се надеваат на подобра сезона од минатата година. Има многу инвестиции во капацитети и понуда и веруваме дека по ова ќе следи побарувачка“, вели Табак. Традиционално, рестораните и другите објекти имаат повеќе работа оваа година на пролет поради различни општествени и црковни настани (пролетни фестивали, потврди, први причести, училишни излети, матурски забави итн.), додека, на пример, Денот на трудот 1 мај. не им носи повеќе промет, особено ако времето е убаво и луѓето се повеќе надвор. Зголемувањето на цените се движи од околу 10 до околу 20 проценти вкупно, но има и објекти, особено ресторани и кафулиња, каде што остануваат исти како лани. Трошоците за работниците, кои тешко се наоѓаат, особено квалификуваните, кои бараат повисоки и повисоки плати, растат повеќе од цените. Се повеќе странски работници има во угостителството, особено во кујните, магацините, на шалтерите и во чистењето. „Сè потешко е да се најдат локални луѓе кои сакаат да работат во угостителството. Се чини дека се движиме во насока се повеќе странци да работат на овие позиции. Покрај платите, постојано растат и другите трошоци, а стапката на ДДВ во угостителството и натаму е меѓу највисоките во ЕУ. За да можат да ги покријат сите трошоци, рестораните избираат дали да инвестираат во објекти или луѓе и образование и квалитет, а тоа не е одржливо гостопримство“, коментира Табак....

Основачот на водечката светска берза за криптовалути Бајненс, Жао Чангпенг,вчера беше осуден на четири месеци затвор откако се изјасни за виновен за обвиненијата за перење пари. Добиј ги најважните вести, бесплатно на Viber „Зборовите не можат да изразат колку длабоко жалам за изборот што го направив што ме доведе до тоа да застанам пред судот. Бидете уверени дека тоа никогаш повеќе нема да се случи“, рече Жао на изрекувањето на пресудата во американскиот федерален суд во Сиетл, пренесе Си-Ен-Ен. Жао, чиј имот се проценува на околу 40 милијарди долари, исто така се согласи да се повлече од функцијата извршен директор на Бајненс и да плати казна од 200 милиони долари. Си-Ен-Ен објави дека обвинителите предлагале казна од три години затвор. По повеќегодишна истрага, американските власти во ноември објавија дека Бајненс дозволил таканаречените „лоши актери“ да работат на платформата, овозможувајќи трансакции поврзани со сексуална злоупотреба на деца, наркотици и финансирање тероризам. Покрај тоа, Бајненс немаше протоколи за означување или известување за трансакции поради ризици од перење пари, а вработените беа свесни дека таквиот надзор ќе ги привлече криминалците на платформата. Минатата година, Бајненс се согласи да плати повеќе од 4 милијарди долари казни и други казни како дел од координирана спогодба со федералната влада, признавајќи дека се занимавала со нелиценцирани активности за пренос на пари и прекршување на санкциите....

Меѓународниот ден на трудот 1 Мај Д-р Венко Филипче го поминува во Дојран од каде испрати порака дека работничкиот труд, солидарност и истрајност треба високо да се ценат. Како носител на листа во Изборната единица 4 од СДСМ и Коалицијата за европска иднина Филипче потсети на најтешките времиња и најголемите кризи кога во прашање беше здравјето на граѓаните и егзистенцијата на семејствата. Добиј ги најважните вести, бесплатно на Viber „Влогот на работниците нивниот труд, солидарност и истрајност најмногу го почувствувавме во најтешките времиња. И не го заборавивме. Го вреднуваме и унапредуваме. СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Тоа беше незамисливо до пред само седум години. И продолжуваме. Си поставивме цел за минимална плата од 600 евра и просечна плата од 1.100 евра во новиот мандат. Работниците се двигатели на секоја економија во секоја држава. Затоа не се откажуваме од унапредување на работничките права, растот на платите и обезбедувањето подобро платени работни места“, порача Филипче од Дојран. Д-р Венко Филипче на денешниот меѓународен ден на трудот потсети дека за седум години просечната плата од 22.000 денари денес е зголемена на близу 40.000 денари, а минималната плата од 8.000 денари денеска изнесува речиси 23.000 денари. Тој зборуваше и за невработеноста која од 25% во 2016 година е преполовена на 12,8 %, дека е зголемен животниот стандард и куповна моќ за цели 35% како и тоа дека недела е ден на семејството и е неработен ден. Грижејќи се за граѓаните Филипче не изуми и на антикризните мерки и обезбедените 2,6 милијарди евра за поддршка на граѓаните и стопанството со што беше заштитен животниот стандард и достоинството на граѓаните, но и зачувани работните места. Д-р Филипче од Дојран зборуваше и следниот мандат кој предвидува програма за млади во која младите до 26 години ќе добиваат по 200 евра за прво вработување, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Д-р Филипче се осврна и на растот на платите на здравствените работници во следниот мандат. „Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Само во земјава од цел регион имаше реален раст на плата за време на кризата. Доколку повторно ја добиеме вашата доверба во наредните четири години ќе обезбедиме европски и достоинствен животен стандард за граѓаните. Нека е за многу години денот, Честит 1 Мај, ние ќе продолжиме во духот на социјалдемократијата да го почитуваме и цениме трудот на секој работник“, порача Филипче. Меѓународниот ден на трудот 1 Мај Д-р Венко Филипче го поминува во Дојран од каде испрати порака дека работничкиот труд, солидарност и истрајност треба високо да се ценат. Како носител на листа во Изборната единица 4 од СДСМ и Коалицијата за европска иднина Филипче потсети на најтешките времиња и најголемите кризи кога во прашање беше здравјето на граѓаните и егзистенцијата на семејствата. „Влогот на работниците нивниот труд, солидарност и истрајност најмногу го почувствувавме во најтешките времиња. И не го заборавивме. Го вреднуваме и унапредуваме. СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Тоа беше незамисливо до пред само седум години. И продолжуваме. Си поставивме цел за минимална плата од 600 евра и просечна плата од 1.100 евра во новиот мандат. Работниците се двигатели на секоја економија во секоја држава. Затоа не се откажуваме од унапредување на работничките права, растот на платите и обезбедувањето подобро платени работни места“, порача Филипче од Дојран. Д-р Венко Филипче на денешниот меѓународен ден на трудот потсети дека за седум години просечната плата од 22.000 денари денес е зголемена на близу 40.000 денари, а минималната плата од 8.000 денари денеска изнесува речиси 23.000 денари. Тој зборуваше и за невработеноста која од 25% во 2016 година е преполовена на 12,8 %, дека е зголемен животниот стандард и куповна моќ за цели 35% како и тоа дека недела е ден на семејството и е неработен ден. Грижејќи се за граѓаните Филипче не изуми и на антикризните мерки и обезбедените 2,6 милијарди евра за поддршка на граѓаните и стопанството со што беше заштитен животниот стандард и достоинството на граѓаните, но и зачувани работните места. Д-р Филипче од Дојран зборуваше и следниот мандат кој предвидува програма за млади во која младите до 26 години ќе добиваат по 200 евра за прво вработување, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Д-р Филипче се осврна и на растот на платите на здравствените работници во следниот мандат. „Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Само во земјава од цел регион имаше реален раст на плата за време на кризата. Доколку повторно ја добиеме вашата доверба во наредните четири години ќе обезбедиме европски и достоинствен животен стандард за граѓаните. Нека е за многу години денот, Честит 1 Мај, ние ќе продолжиме во духот на социјалдемократијата да го почитуваме и цениме трудот на секој работник“, порача Филипче....

Бројот на мигранти кои пристигнале во Велика Британија откако го преминале Ламанш достигна ново рекордно високо ниво за првите четири месеци од годинава, и е зголемен за 27 проценти во однос на 2023 година. Добиј ги најважните вести, бесплатно на Viber Вкупно 7.567 луѓе го преминале каналот до април, покажуваат привремените бројки на британското Министерство за внатрешни работи, пренесе ДПА. Ова е за 27 проценти повеќе од бројот на пристигнувања регистрирани во првите четири месеци од минатата година (5.946) и зголемување од 13 отсто во споредба со бројките регистрирани за истиот период во 2022 година (6.691). Вкупно 268 луѓе вчера пристигнале во Велика Британија со пет чамци, а преминувањата продолжуваат и денеска. Околу 2.132 луѓе патувале со 42 чамци во април, што укажува на просечно 51 лице по пловило минатиот месец. Ова е повисоко од просекот за март – 48 луѓе по чамец – но пониско од врвот што изнесувал 56 луѓе по брод во септември 2023 година....

Во текот на мај 2024 година ќе се случат неколку важни транзити, а овие датуми се клучни поради изобилството на различни енергии што ги носат. Maj ќе биде многу интересен и ќе донесе ветрови на промени кои можат да имаат длабоко влијание врз нашите животи, велат астролозите. Добиј ги најважните вести, бесплатно на Viber Тие нè советуваат да се потпреме на лекциите што ги стекнавме врз основа на нашето искуство и да оставиме во минатото сè што нè оптоварува, како и да го понесеме во иднина само она што ни е неопходно и вредно. Како што се очекува, повеќе датуми ќе бидат клучни за реализација на нашите планови и духовен развој во текот на мај, а ова се најважните. 1. Четврток, 2 мај – ретрограден Плутон Плутон, господарот на подземниот свет, започнува ретроградно во Водолија, привлекувајќи ве кон новата вистина и подлабокото исцелување. Ретроградниот Плутон ни помага да обработиме некои работи кои не ни даваат мир и да растеме за да можеме да создадеме нови врски и да изградиме живот на она кон што навистина се стремиме. Ретроградниот Плутон ќе нè принуди да нурнеме длабоко во себе, да ги преживееме старите трауми, отворените рани, но токму тоа ќе ни ја даде завршницата што ја сакаме и ќе ни помогне да продолжиме понатаму поздраво и постабилно. 2. Вторник, 7 мај – млада месечина во Бик Младата месечина, која секогаш означува нов почеток, овој пат ќе биде во земниот знак Бик, со кој владее Венера. Ова го прави овој транзит многу моќен кога станува збор за љубовните врски. Ќе ви биде појасно каде треба да ја насочите енергијата за да изградите постабилна врска, а на вас останува да размислите што е тоа што ви недостасува за да ја искористите младата месечина на вистински начин. 3. Четврток, 15 мај – Меркур во Бик Меркур во Бик ќе го фаворизира начинот на кој комуницирате со партнерот, но и со самите себе. Бидејќи оваа планета владее со мислите, комуникациите и договорите, значајно е што Бикот ќе ѝ помогне да обезбеди факти, знаење и способност мудро да ги планираат следните чекори. Ова не е време да ги земате работите здраво за готово, туку да направите јасен план! 4. Вторник, 21 мај – владеење на Близнаците Сезоната на Близнаци ќе им донесе на припадниците на сите знаци, особено на Близнаците, инспирација и отвореност да кажат сè што им е на душа. Оваа енергија ќе ви помогне да се ослободите од зимските метежи и да ја прифатите енергијата на пролетната сезона, затоа очекувајте да бидете посоцијални и да се забавувате, особено во новите околности, можности и активности. Искористете го ова време за да почнете да му пристапувате на животот поотворено и поразиграно. 5. Четврток, 23 мај – полна месечина во Стрелец Полната месечина во Стрелец ќе се појави наспроти Сонцето во Близнаците, со што ќе го нагласи она што ги поврзува вашето свесно и потсвесно, повисокото и пониското „јас“. Овој контраст ќе ви помогне да пронајдете рамнотежа помеѓу одговорноста и желбата да доживеете сè што можете. Меѓучовечките односи се особено важни: Стрелецот бара подлабоко значење, а Близнаците забава, па меѓу нив ќе се појави истражување за тоа што можете да направите за да внесете стабилност и леснотија на разиграност во вашиот љубовен живот. На истиот ден, планетата на љубовта влегува во Близнаците, која ќе донесе повеќе енергија, но и повеќе немир во љубовните врски. Во некои случаи тоа може да ни помогне да се отвориме за нови љубови, но генерално не носи силно чувство на посветеност. Затоа, мора да бидете сигурни да не занемарите нешто што е добро за старите луѓе во вашиот живот само затоа што ви е здодевно и копнеете по нешто ново. Бидете пофлексибилни. 6. Сабота, 25 мај – Јупитер во Близнаци Планетата на среќата и изобилството ќе го напушти Бикот и ќе се пресели во Близнаци на 25 мај, а Јупитер ќе настојува да ја прошири секоја област од вашиот живот што ќе ја допре. Близнаците, во овој случај, ќе се обидат да ги истакнат темите како што се комуникацијата и уживањето, а некои знаци како Стрелец, Риби и Водолија, тоа повеќе ќе го чувствуваат во својот романтичен живот, но и другите ќе го почувствуваат на различни начини. Зборовите ќе имаат огромна моќ во тој период....

Мандатарот на новата српска влада Милош Вучевиќ во експозето на собраниската седница на која ќе се избере владата и новите министри, најави дека таа ќе биде континутет на политиката на досегашните влади и на претседателот Александара Вучиќ. За Македонија кажа дека е држава која во Србија секогаш може да најде партнер и повеќе од тоа. Добиј ги најважните вести, бесплатно на Viber – Владата ќе продолжи да води надворешна политика заснована на политичка независност и воена неутралност, а полноправното членство во ЕУ останува наша стратешка цел, рече Вучевиќ, додавајќи дека идната влада „ќе направи се за да го спречи приемот на лажната држава на Косово“ за членство во ЕУ во Советот на Европа (СЕ), иако призна дека „шансите за тоа не се големи“ и додаде дека „Владата на Србија ќе биде принудена да одговори соодветно“ доколку Косово биде прифатено како членка на СЕ. Во поглед на Русија, Вучевиќ потенцираше дека Србија нема да воведе санкции кон Русија и да „нема да се откаже од пријателството со неа“ и го истакна стратешкото партнерство на Србија со Кина, кое во текот на оваа година ќе биде крунисано со ратификација и стапување во сила на Договорот за слободна трговија. Кога станува збор за регионот, Вучевиќ во експозето истакна дека придонесот на Србија за зачувување на мирот и стабилноста ќе биде активен и континуиран. -Македонија е држава која во Србија секогаш може да најде партнер и повеќе од тоа. Србите и Македонците повеќе немаат ниту една тема што ги оддалечува. Не постои ниту едно прашање околу кое може да се раздвоиме или околу кое би можело да се направи раздор. Проектот Отворен Балкан дополнително не зближи, а разрешувањето на црковниот спор, ја тргна и последната пречка на патот на изградбата на меѓусебната доверба и зедничката работа каква не е видена од распадот на поранешна Југославија, истакна Вучевиќ, говорејќи одделно за односите на Србија со соседните земји. Вучевиќ при презентацијата на експозето изјави дека Министерството за одбрана и војската на Србија подготвиле неколку модели на воена служба, во траење до четири месеци. На седницата на Собранието на Србија мнозинството пратеници на СНС-СПС и коалициските партнери од помалите партии по експозето на Вучевиќ ќе гласаат за избор на новата коалициска влада на СНС-СПС која ќе има 25 министерства и 31 член. Синиша Мали ќе биде вицепремиер и министер за финансии, Ивица Дачиќ – министер за внатрешни работи и вицепремиер, Александар Вулин – вицепремиер, Ирена Вујовиќ – вицепремиер и министер за заштита на животната средина, Братислав Гашиќ – министер за одбрана, Марко Ѓуриќ – министер за надворешни работи, Тања Мишчевиќ – министер за евроинтеграции, Горан Весиќ, министер за градежништво, транспорт и инфраструктура, Дубравка Ѓедовиќ – министерка за рударство и енергетика, Златибор Лончар – министер за здравство,Томислав Момировиќ – министер за внатрешна и надворешна трговија, Маја Поповиќ – министер за правда, Славица Ѓукиќ Дејановиќ – министер за образование, Немања Старовиќ – министер за вработување, труд, ветерани и социјални прашања, Милица Ѓурѓевиќ Стаменковски, министер за семејна грижа и демографија, Никола Селаковиќ, министер за култура, Андријана Месаровиќ, министер за економија, Јелена Жариќ Ковачевиќ, министер за администрација и локална самоуправа, Jелена Беговиќ – наука и иновации и Хусеин Мемиќ – министер за туризам. Милан Кркобабиќ – министер за грижа на селото, Дејан Ристиќ – министер за информации и телекомуникации, Дарко Глишиќ – министер за јавни инвестиции, Новица Тончев, Усаме Зукурлиќ, Ненад Поповиќ и Татјана Мацура се министри без ресор....

Граѓаните на Србија повеќе би сакале да работат во странство во Австрија, Германија, Швајцарија и САД, а меѓу земјите во регионот, Словенија се издвојува како популарна дестинација за потенцијално вработување, покажува истражувањето спроведено од Инфостуд во соработка со Нетвоек, глобално здружение на портали за вработување и Степстоун Груп, во кое беа вклучени работници од Србија меѓу 150.000 испитаници од 188 земји во светот, објави Политика.рс. Добиј ги најважните вести, бесплатно на Viber Кога станува збор за работни места кои српските граѓани повеќе би сакале да ги работат во странство, т.н зелени работни места, потоа дигитализација, наука за податоци и вештачка интелигенција, но и занаетчиски и физички работни места, како и инженерски и технички професии. Според истражувањето, 36 отсто од испитаниците планираат долгорочен престој, 28 отсто се неопределени, 17 отсто претпочитаат среднорочен престој, 11 отсто претпочитаат краткотраен престој, а 8,0 отсто претпочитаат привремен престој. За напуштањето на Србија биле наведени различни причини, а мнозинството од испитаниците, 83 отсто од нив, како примарен мотив ги истакнале финансиските и економските фактори, додека 70 отсто како клучна причина го навеле подобриот квалитет на живот, пренесува Танјуг. Од друга страна, причините за престојот во Србија се неможноста да се напуштат членовите на семејството или партнерите, емоционалната приврзаност кон татковината и непознавањето на странски јазици. Подготвеноста за работа во странство кај нашите работници е намалена во претходните години, бидејќи во 2018 година 20 отсто од испитаниците изразиле подготвеност за работа во странство, во 2020 година 15 отсто, а лани само 11 отсто од испитаниците изјавиле дека одлучиле да работат во странство. Анализата на податоците од целото истражување покажа дека Лондон и понатаму е најатрактивниот град за преселба, а по него е Амстердам на второ место и Дубаи на трето место....

Наградуваниот американски романсиер и сценарист Пол Остер почина од компликации предизвикани од ракот на белите дробови во својот дом во Бруклин во вторникот вечерта на 77-годишна возраст, објави „Њујорк тајмс“, повикувајќи се на пријателот и писател Џеки Лајден. Добиј ги најважните вести, бесплатно на Viber Писателот роден во Њу Џерси е познат по низата признаени дела, од кои „Њујоршката трилогија“, „Левијатан“, „Сансет парк“, „Во земјата на последните нешта“, „Човек во мракот“, „Книга на илузии“, „Месечевата палата“… Остер ѝ е познат на пошироката публика како ко-сценарист на „Дим“ на Вејн Ванг. „Њујоршката трилогија“ е составена од три дела: „Град од стакло“, „Духови“ и „Заклучена соба“. „Многу сме тажни поради смртта на Пол Остер, кандидатот за Букеровата награда, чии дела ги допреа читателите и влијаеа врз писателите низ целиот свет и чија великодушност се почувствува на исто толку страни“, објавија од Букеровата награда на социјалната мрежа Икс, поранешен Твитер. Жирито на таа престижна награда го вклучи неговиот роман „4 3 2 1“ во потесниот избор за 2017 година. Авторот на повеќе од 30 книги, вклучувајќи поезија и мемоари, изјави за Ројтерс во 2011 година дека сака рачно да пишува во тетратки, а потоа да ја напише конечната верзија на машина за пишување, а не на компјутер. – Се чувствувам пожив кога работам. Убеден сум дека пишувањето е еден вид болест. Кој би сакал да го помине животот седејќи во соба, ставајќи зборови на хартија? Тоа е чудна професија. Мора да ви се допаѓа самотијата – рекол писателот....

Во Зоолошката градинка во Скопје деновиве има вистински бејби бум. Нови членови на Зоолошката се берберски овци, патас мајмун, алпака и двогрба камила. Добиј ги најважните вести, бесплатно на Viber Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 3 април и по краток карантин со мајката, веќе ужива во пролетните сончеви денови, пишуваат од Зоолошката градина на Фејсбук. ФОТО: Во Зоолошката градина Скопје се роди двогрба камила Во Зоолошката градина Скопје се роди двогрба камила / Фото: „Слободен печат“, Слободан Ѓуриќ Зоолошка градина/ Фото: Слободен печат, Слободан Ѓуриќ Алпаката Дина, која се роди во 2021 година деновиве доби сестричка, а Фелиција вторпат стана мајка. -За малото бебе се грижи целата фамилија на алпаки, велат од Зоолошката. ФОТО: Во Зоолошката градина Скопје се роди алпака Во Зоолошката градина Скопје се роди алпака/Фото: „Слободен печат“, Слободан Ѓуриќ Зоолошка градина/ Фото: Слободен печат, Слободан Ѓуриќ Зоолошка градина/ Фото: Слободен печат, Слободан Ѓуриќ Во Зоолошката градина Скопје се роди алпака/Фото: „Слободен печат“, Слободан Ѓуриќ...

Определен е притвор во траење од 30 дена за И.Ј.(37) од Скопје во КПУ Затвор – Скопје, за кого ќе биде изготвена кривична пријава по чл.215 од Кривичниот законик. Добиј ги најважните вести, бесплатно на Viber Како што информира МВР, полицијата по преземени оперативни мерки и активности вчера го лишила од слобода И.Ј.(37) од Скопје. При претрес во неговиот дом во Сопиште, извршен со судска наредба, биле пронајдени и одземени марихуана, кокаин, амфетамин, семки од растение, три дигитални ваги со остатоци од дрога....

Откако шпанската полиција минатата недела откри кинеска група која произвле околу милион евра во лажни монети од по две евра, од Народната банка на Македонија објавија соопштение во кое појаснуваат како граѓаните кои патуваат во странство можат да направат разликите меѓу оригиналните и фалсификуваните евра. Добиј ги најважните вести, бесплатно на Viber -Фалсификуваните евро монети можат лесно да се препознаат, доколку внимателно се провери дизајнот на предната и задната страна на монетата и нејзиниот раб: Дизајнот на фалсификуваните монети често изгледа заматен, со доста нерамнини и гребнатини, а формата им е неправилна. Натписите на рабовите на оригиналните евро монети се остри, заради полесно препознавање од лицата со оштетен вид, додека кај фалсификуваните се нејасни и непрепознатливи, а се разликува и растојанието помеѓу поединечните симболи и зборови, се вели во соопштението. Фото: НБРСМ Преку употреба на магнет, наведуваат дека може релативно лесно и едноставно да се утврди фалсификувана кована пара. -Централниот дел на монетите е изработен од посебен безбедносен материјал кој е поседува слаби магнетни својства, додека надворешниот прстен не поседува магнетни својства. За разлика од оригиналните, фалсификуваните монети имаат изразено силни магнетни својства или пак воопшто ги немаат, стои во соопштението од Народна банка....

Белгискиот голман Тибо Куртоа ќе го пропушти претстојното Европско фудбалско првенство во Германија поради повреда на лигаментите на коленото. Добиј ги најважните вести, бесплатно на Viber Куртоа ја пропушти целата сезона и му требаше уште една операција во март кога се појавија проблеми во неговото закрепнување. Тој би можел да се врати на терените во тимот на Реал Мадрид пред крајот на сезоната, но селекторот на Белгија, Доменико Тедеско го „отпиша“ од тимот, објави Би-Би-Си. Куртоа, кој до сега одигра 102 натпревари за Белгија, во декември изјави дека нема целосно да се опорави за да игра на ЕП во Германија. – Веќе сè е кажано на оваа тема. Концентрирани сме на играчи кои се во добра форма – рече Тедеско за германските медиуми. Тренерот на Реал Мадрид, Карло Анчелоти изјави дека се надева дека Куртоа ќе се врати на теренот за саботниот натпревар против Кадиз во „Ла Лига“. Белгија на континенталниот шампионат се наоѓа во групата „Е“ заедно со Словачка, Романија и Украина....

Непознати лица синоќа фрлиле молотов коктел врз единствената зачувана предвоена синагога во Варшава која се уште служи како место за богослужба и се обиделе да ја запалат, соопшти полската полиција. Добиј ги најважните вести, бесплатно на Viber „Командата на полицијата добила пријава за обид за палење на синагогата Нозика во Варшава. Полицијата води истрага во врска со тоа“, изјави Јацек Вишњевски од варшавската полиција за полските медиуми. Синагогата се реновира од 2008 година....

Повеќе од три години по напуштањето на ЕУ, Обединетото Кралство, по неколку одложувања, треба да почне да врши инспекции на стоки за увоз на животински и растителни производи од Унијата, потврди британскиот Оддел за животна средина, храна и рурални прашања (Дефра). Дополнително, увозниците на храна ќе треба да платат „вообичаена корисничка такса“ до 145 фунти по товар за некои производи како што се колбаси, сирење и јогурт, како и сечено цвеќе, објави Хина, пренесува Н1 Хрватска. Добиј ги најважните вести, бесплатно на Viber Експертите и компаниите предупредуваат на подолго време на испорака, поголема бирократија и повисоки трошоци, кои на крајот треба да ги сносат потрошувачите во ОК. Според пресметките на осигурителот на кредити Алијанц Трејд, новите регулативи за Брегзит би можеле да ги чинат британските бизниси до 2 милијарди фунти и да поттикнат инфлација. Трошоците за увоз може да се зголемат за десет проценти во првата година. Физичките проверки по Брегзит беа одложувани неколку пати поради недостаток на инфраструктура и персонал. Порталот Политико објави дека има уште многу неодговорени прашања. Комерцијалните пристанишни оператори вложија многу милиони фунти во изградба на инспекциски објекти, а сега се сериозно загрижени како ќе ги покријат оперативните трошоци. Обединетото Кралство ја напушти ЕУ на крајот на јануари 2020 година по референдумот во 2016 година. Земјата го напушти единствениот пазар на ЕУ и царинската унија во 2021 година. Договорот во последен момент обезбеди трговско партнерство главно без такси. Сепак, има многу пречки во билатералната трговија. Трговците се жалат на поголема бирократија и нови царини во некои области....

Џони Деп проговори за холивудската филмска индустрија, велејќи дека е „фрлен во корпа за отпадоци“ и бара објаснување зошто не работи во неа со години. Добиј ги најважните вести, бесплатно на Viber Деп во 2022 година ја доби тужбата за клевета против поранешната сопруга Амбер Херд поради статијата од 2018 година што ја напиша за „Вашингтон пост“. Претходно, Џони ја загуби тужбата за клевета против британскиот таблоид „Сан“, откако весникот објави статија во која го нарекува „тепач на сопруга“ – тврдења кои Деп отсекогаш ги негирал. Ситуацијата доведе до тоа Деп да биде исфрлен од франшизата „Фантастични ѕверови“ (Fantastic Beasts) и со таа „етикета“ во последно време не доби ниту една холивудска улога. Повеќето од неговите неодамнешни улоги беа во европската кинематографија, вклучително и неговата последна улога како кралот Луј 15 во „Жан ду Бери“ (Jeanne Du Barry), каде што игра на француски. Меѓутоа, дојдоа и неговите пет минути да биде сослушан за својата страна на приказната во врска катастрофалниот брак со Амбер Херд и клеветите од нејзина страна. По мачното судење, Џони Деп излезе како победник од судот. Деп нема баш убави зборови за Холивуд. – Тие се за еднократна употреба и го сфаќаат тоа. Познати сметководители кои имаат способност да притиснат зелено светло и да снимаат студиски филмови, но притиснувајќи зелено светло, потрошија многу пари. Буџетот е смешен за овие филмови… некои романтични комедии со двајца многу популарни луѓе. Луѓето вистинските луѓе – им се гади – рекол тој за британски „Метро“. На друго место во интервјуто, тој зборува за ефектите што славата ги има врз него. – Имав многу среќа и не можам да се пожалам за ништо. Ништо од тоа. Нема да имам – рекол Деп и додал: – Но, славата прави смешни работи на една личност. Те погодува, а потоа не можеш да одиш никаде без луѓето да те гледаат. И тоа е многу интересен начин на растење. Но, по 38 години од такво нешто… – изјавила филмската ѕвезда, пренесува НМЕ. ФОТО | Шокантна трансформација: Џони Деп изненади со нов изглед на премиера во Лондон Започна снимањето на филмот во режија на Џони Деп со Ал Пачино во главната улога...

Пораст на платите во приватниот и јавниот сектор, минимална плата од 450 евра во првите сто дена од новата влада, исплата на трошоци за храна во висина од 20 проценти и исплата на трошоците за превоз, ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти, се барањата што Сојузот на синдикати на Македонија (ССМ) ги побара на денешниот протест по повод Меѓународниот ден на трудот. Добиј ги најважните вести, бесплатно на Viber Протест на ССМ по повод Меѓународниот ден на трудот/Фото: „Слободен печат“, Слободан Ѓуриќ Протестот започна пред зградата на Работничкиот дом во Скопје, потоа кон Собранието, па Министерство за правда, а заврши пред зградата на Владата. Претседателот на ССМ, Слободан Трендафилов порача дека работниците даваат црвен картон поради обидот да се направи притисок врз синдикатите. Протест на ССМ по повод Меѓународниот ден на трудот/Фото: „Слободен печат“, Слободан Ѓуриќ -Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не напаѓаат, толку посилни нѐ прават и колку повеќе пробуваат да ги уништат синдикатите ние се повеќе сме силни, порача Трендафиловски. Протест на ССМ по повод Меѓународниот ден на трудот/Фото: „Слободен печат“, Слободан Ѓуриќ ССМ го заврши протестот пред Владата каде ги испорачаа барањата до идниот владин состав. На денешниот протест не се приклучија 11 граѓански синдикати, меѓу нив СОНК, УПОЗ, Синдикатот за транспорт и врски и Синдикатот на станбено – деловни, комунални и водостопански организации. Од Конфедерацијата на слободни синдикати на Македонија рекоа дека ваквата одлука е затоа што во моментов има техничка влада. Протест на ССМ по повод Меѓународниот ден на трудот/Фото: „Слободен печат“, Слободан Ѓуриќ Меѓународниот ден на трудот се празнува секој 1 мај и е посветен на борбата за зачувување и унапредување на правата на работниците. Овој празник се одбележува во знак на почит кон жртвите на штрајкот што се одржал од 1 до 4 мај 1886 година во Чикаго, организиран со цел воведување на осумчасовен работен ден. Во знак на почит кон жртвите од штрајкот, Втората интернационала на Основачкиот конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба. Протест на ССМ по повод Меѓународниот ден на трудот/Фото: „Слободен печат“, Слободан Ѓуриќ Меѓународниот ден на трудот е државен празник во повеќе земји во светот. Протест на ССМ по повод Меѓународниот ден на трудот/Фото: „Слободен печат“, Слободан Ѓуриќ Во државава има статус на државен празник и до 2006 година се празнуваше два дена, а од 2007 година се празнува само на 1 мај....

Лоши вести го погодија ракометниот свет, пренесуваат шпанските медиуми, Арпад Штербик (44), ракометниот ас и поранешен голман на репрезентацијата на Југославија и Шпанија, доживеал срцев удар, пренесува „Релево“. Добиј ги најважните вести, бесплатно на Viber Штербик е на одделението за интензивна нега во Унгарија, Веспрем, тимот во кој поранешниот репрезентативец на Србија работи како тренер на голманите. Тој не отпатува на натпреварот од Лигата на шампионите против дански Алборг бидејќи не се чувствувал добро. Го однеле во болница каде му било констатирано срцев проблем и таму е хоспитализиран. Штербик во периодот од 2014 до 2018 година ги бранеше боите на ракометниот клуб Вардар со кој во сезоната 2016/17 ја освои титулата во Лигата на шампионите....

Српскиот претседател Александар Вучиќ денеска реагираше на пораката од Стејт департментот во која се вели дека САД се разочарани од фактот што Александар Вулин и Ненад Поповиќ, функционери кои се под санкции на САД, се дел од новата Влада на Србија. Добиј ги најважните вести, бесплатно на Viber Вучиќ рече дека „Владата на Србија ја избираат граѓаните“, а потоа го наведе случајот со Милорад Додик, кој беше со него во друштво, наведувајќи дека редовно се гледаат и пијат заедно и покрај тоа што претседателот на Република Српска е под американски санкции. -Па, и Милорад Додик е под санкции на САД и еве го до мене. Еве, се дружиме. Пиеме еднаш неделно, тој чашка ракија, јас вино, и што со тоа? Ова за нас не е добра вест, се надевам дека ќе имаме добри односи со нашите американски партнери. Исклучително е важно да имаме добри односи. Не ме радува нивната реакција, но Владата на Србија ја избираат граѓаните на Србија. Што тоа значи? Кога ќе воведат санкции против некого, ние треба понизно да ја наведнеме главата и да кажеме: Да, благодарам што не информиравте кој не треба да биде ништо. Па, претседателот Додик го избра народот и јас ја почитувам волјата на народот, исто како што ја почитувам волјата на оние што беа избрани овде, рече Вучиќ, реагирајќи на пораката од Стејт департментот. Стејт департментот разочаран што санкционирани лица ќе бидат дел од Владата на Србија Претседателот на Србија потоа додаде дека имало и критики поради тоа што во владата ќе има и „еврофанатични министри“. -Слушнав забелешки и од другата страна, но тие беа толку љубезни што не зборуваат за тоа јавно. Важно е Владата да биде српска и да ги спроведува интересите на Србија, кажа Вучиќ. Според најавите од мандатарот Милош Вучевиќ, новата влада на Србија ќе има и двајца членови кои се под санкции од САД – Александар Вулин, кој е предложен за вицепремиер и Ненад Поповиќ, кој е предложен за функцијата министер без ресор. -Нашиот став за господинот Вулин е добро познат. Останува под американски санкции, се наведува во соопштението на Стејт департментот, во кое се нагласува дека „САД не играат никаква улога во кадровските решенија на српската Влада“....

Социјалдемократскиот сојуз на Македонија (СДСМ) преку соопштение одговори на условите за евентуална соработка по изборите, што вчера ги постави претседателот на Движењето ЗНАМ, Максим Димитриевски. Од СДСМ велат дека не прифаќаат уцени и нема тргување со иднината на државата. Добиј ги најважните вести, бесплатно на Viber -Граѓаните и гласачите на СДСМ веќе ја препознаваат измамата која им е сервирана од страна на ЗНАМ и непринципиелните коалиции. За разлика од субјектите како ЗНАМ, кои се човек-партија СДСМ е државничка партија со длабоки и силни корени. Не прифаќаме условувања од било кого, СДСМ со никого нема да прави политички дилови. Ова е прашање на иднината на државата и со неа нема тргување, се вели во соопштението. Од партијата додаваат дека тие се единствената партија наследник на НОБ, на АСНОМ и ќе продолжат да ги водат социјалдемократските вредности, борбата за граѓаните и европската иднина на Македонија. -Нас не водат социјалдемократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности. СДСМ е единствената партија наследник на НОБ, на АСНОМ, велат од СДСМ. ЗНАМ постави услови за формирање на новата Влада: СДСМ да се обврзе дека нема да соработува со ДУИ Претседателот на ЗНАМ, Димитриевски вчера го повика раководството на СДСМ во наредните 24 часа да поднесе неотповикливи остави од функциите во партијата, како и носителите и ко-носителите на кандидатските листи на нотар да изјават дека нема да прифатат пратенички мандати. -Во наредните 24 часа раководството на СДСМ да поднесе комплет неотповикливи оставки од сите можни функции во партијата. Второ, носителите и ко-носителите на кандидатските листи на нотар да изјават дека нема да прифатат пратенички мандати и истите ќе ги преземат сите кандидати коишто следуваата на листите по нив. Трето, да се обврзат дека ниту тајно, ниту јавно нема да продолжат да заговараат соработка со сегашното ДУИ, за навистина, а не само формално, туку и суштински со пример, да покажат дека ја примиле вистински пораката на граѓаните и постапиле веднаш по истата, рече Димитриевски. Вели условите кои ги дава ЗНАМ не се за понижување на СДСМ, туку за одговорност на нејзиното раководство. -Нашите работни групи се подготвени за разговори и евентуална соработка со некое преодно техничко ново раководство на СДСМ кое ќе изрази политичка волја за ревидирање на досегашните нивни политики, за најважните национални прашања, но и целосна одговорност за сите поединци кои без исклучок по законот без никаква можност за амнестија, рече Димитриевски....

Следува период на променливо облачно време со повремени локални врнежи од дожд, информираат од Управата за хидрометеоролошки работи. Добиј ги најважните вести, бесплатно на Viber Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени....

Шпанија на нејзино тло најверојатно го гледаше последниот меч на нивниот најголем тенисер во историјата, Рафаел Надал, кој го заврши настапот во Мадрид каде во осминафиналето загуби од Јиржи Лехечка од Чешка со 2:0 во сетови 7:5, 6:4. Добиј ги најважните вести, бесплатно на Viber Сега за Рафа следува учеството на мастерсот во Рим (8-19 мај), па грен слем турнирот „Ролан Гарос“ во Париз, (20 мај – 9 јуни). – Ќе играм во Рим, со надеж дека ќе бидам подобар од овде. И после тој турнир ќе се одлучам за „Ролан Гарос“. Сè уште не сум сигурен дека ќе настапам во Париз – изјави Надал по поразот од Лехечка. Иако беше подобар во Мадрид од неколку дена претходно во Барселона, факт е дека денес Надал е далеку од неговите најдобри денови. – Го напуштам Мадрид со многу подобро чувство отколку кога пристигнав. Тешко е дури и да се замисли дека можеш да постигнеш некој успех со формата во која сум сега, но во спортот работите се менуваат многу брзо. Ќе играм во Рим, тоа е посебен турнир за мене. Го освоив 10 пати. Сакам да играм добро. Верувам дека можам да направам нешто – се зборовите на Надал....

Ние денеска нема пред кого да протестираме. Имаме техничка Влада, ќе имаме нова влада во текот на следниот месец. Бараме од сите тие што претендираат да бидат носители на таа влада, да дојдат и да ги презентираат нивните програми пред нас, изјави денеска претседателот на Конфедерацијата на слободни синдикати (КСС) Благоја Ралповски. Добиј ги најважните вести, бесплатно на Viber Одговорајќи на новинарско прашање дали ќе се придружат на денешниот најавен протест, Ралповски рече дека тие имаат направено стотици протести во државата во изминатите шест-седум години. – Добро е што конечно им текна дека треба да излегуваат на улиците и да си ги бараат своите права. Но, мислам дека во иднина ако имаме коректни односи меѓу двете синдикални организации дека да, за некој е вистинско право, а не изнудено право дека можеме заедно да излеземе низ улиците и да си ги бараме своите права, нагласи Ралповски. Тој појасни дека на денешниот протестот организиран од Сојузот на синдикати по повод Меѓународниот ден на трудот – 1 Мај нема да излезат 11 грански синдикати – Самостојниот синдикат на образование, наука и култура на Република Македонија – СОНК, Синдикатот на администрацијата, државната управа и правосудство на Македонија, Синдикат за транспорт и врски, Синдикатот на станбено – деловни, комунални и водостопански организации на Република Македонија … Ралповски додаде дека на денешната свечена првомајска академија, што се одржува во просториите на СОНК, биле поканети сите политички партии за да ги презентираат своите економски програми. Поканата ја прифатиле само ВМРО-ДПМНЕ, Левица и Движење ЗНАМ – За наша Македонија....

Повеќе од 13.000 компании од Србија работеа во рамките на ЦЕФТА регионот во 2023 година, а за многумина влегувањето на овој пазар е првиот и најважен чекор во интернационализацијата на бизнисот, вели Ненад Ѓурѓевиќ, советник на претседателот на Стопанската комора на Србија (ПКС) за агенцијата Бета, пренесува Данас. Тој додаде дека ЦЕФТА има двојно значење за членките кои се во оваа слободна трговска зона. Добиј ги најважните вести, бесплатно на Viber Покрај развојот на бизнисот, компаниите кои работат во ЦЕФТА регионот стекнуваат практики и честопати можат да бидат конкурентни и на пазарот на Европската унија (ЕУ). Во текот на минатата година трговската размена меѓу Србија и членките на ЦЕФТА изнесувала 6,46 милијарди евра. Според него, Србија извезла најмногу стоки во Босна и Херцеговина во вредност од 1,96 милијарди евра, Црна Гора во вредност од 1,22 милијарди евра и Македонија во износ од 954 милиони евра, а најмногу стоки увезла од Босна и Херцеговина за 1,02 милијарди евра и Македонија за 429 милиони евра. Тој оцени и дека нерешените политички односи во регионот, во моментов на релација Белград-Приштина, негативно влијаат на деловното опкружување и на економијата во целина, вклучително и на имплементацијата на ЦЕФТА договорот. Тој смета и дека забраната за пласман на готови производи од Србија на територијата на Косово, воведена во јуни минатата година, им штети на компаниите од двете страни. „Проценетата штета на компаниите од Србија во 2023 година изнесува 157,5 милиони евра, мерена само со нереализирани пласмани, без трошоците што ги имаа производителите поради пренасочувањето на стоката на други пазари во регионот или светот и трендот на раст на извозот. На ова треба да се додадат и загубите од претходно договорените зделки, кои останаа недоговорени и нереализирани поради забраната“, рече Ѓурѓевиќ. Тој додаде дека значителен дел од штетата претрпеле и меѓународни компании кои имаат производствени капацитети во Србија, а кои учествуваат со 40 отсто во вкупниот пласман на стоката на Косово. Оваа година Србија претседава со ЦЕФТА договорот за слободна трговија во Централна Европа, чии потписници ги вклучуваат Албанија, Босна и Херцеговина, Македонија, Молдавија, Црна Гора и Косово....

Се чини дека европските кралски семејства не можат без скандали со фотошоп. Една таква афера го погоди данското кралско семејство откако во петокот беше објавена фотографија на кралот Фредерик и кралицата Мери. Се коментира дека фотографијата е резултат на фотошоп, но и одраз на вистинската состојба на нивниот брак по големиот скандал со прељуба што ги снашол. Добиј ги најважните вести, бесплатно на Viber Оваа фотографија е нивниот прв официјален портрет откако беа прогласени за крал и кралица на Данска. Да потсетиме, поранешната кралица Маргарет Втора абдицираше во корист на својот син во февруари минатата година. Многумина имаат впечаток дека Мери и Фредерик се фотографирани одделно, а потоа „додадени“ на заедничката фотографија. After months of wild rumour and speculation about the state of their marriage, King Frederik and Queen Mary of Denmark stand side-by-side in their first official gala portrait since ascending the throne https://t.co/pv9UhNGLNk pic.twitter.com/rJjqHvHWH4 — Tatler (@Tatlermagazine) April 27, 2024 „Ужасен фотошоп, толку несмасно“, „Дали е ова фотошопирано? Мислам, изгледа како да се фотографирани одделно, а потоа составени? Мери изгледа одлично, а Фредерик, па кралот изгледа како штотуку да се стркалал од креветот“, коментираат. Други ја истакнуваат положбата на нејзината рака пред онаа на кралот Фредерик, тврдејќи дека изгледа неприродно. „Изгледа дека кралицата Мери е ставена на фотографијата на Фред. Положбата на рацете е идентична“, пишуваат на социјалните мрежи. Како спорни се издвојуваат и деталите зад кралската двојка, односно белите столбови и златната заматена позадина. На некои луѓе им се допаднала фотографија, иако и тие тврдат дека се работи за монтиран портрет. Фотографијата беше објавена месец ипол откако Кенсингтонската палата објави фотографија на Кејт Мидлтон и децата Џорџ, Шарлот и Луис за Денот на мајката, за која принцезата од Велс призна дека е монтирана и се извини за тоа. На таа спорна фотографија пронајдени се 16 грешки кои предизвикаа голем скандал. Фото: PRINCE OF WALES/KENSINGTON PALAC / MEGA / THE MEGA AGENCY / PROFIMEDIA Додека, пак, реакцијата на данското кралско семејство е дека не се работи за фотошопирана фотографија на Мери и Фредерик. Многумина велат дека фотошопот има голема смисла поради гласините дека кралот ја изневерил сопругата со мексиканската реалити ѕвезда Геновева Казанова, со која беше виден минатата година во Шпанија. Фотографијата на тој начин ја доловува дистанцата помеѓу нив додека блискоста е вештачки направена. Некои веруваат дека поранешната кралица абдицирала за да го спаси бракот на нејзиниот син и снаа, што е многу важно за данскиот двор. Се коментира и дека Мери и Фредерик на фотографијата (и покрај фотошопот) изгледаат чудно: „Има толку многу напнатост! Дали се воопшто во иста просторија или ова е монтажа?“; „Зошто ја изневеруваше, толку сум му лута“, „Ох, изгледа прекрасно, но толку напнато! Нешто не е во ред“. Некои забележале дека кралицата изгледа многу ладно покрај својот сопруг и дека не сакала да позира за овој портрет. Данското кралско семејство исто така беше критикувано во јануари поради фотошопираната фотографија, тогаш беше објавена фотографија од децата на кралската двојка, принцот Винсент и принцезата Џозефина, за нивниот 13-ти роденден. Се коментираше дека фотографијата на децата е земена од семејниот портрет и дека од него е создаден нов портрет, пишува „Дејли мејл“. ФОТО | По повод јубилејниот роденден, принцезата Мери од Данска блесна во сино Се запознала со принцот Фредерик во паб: Која е идната данска кралица Мери? Фредерик десетти e новиот крал на Данска по абдицирањето на неговата мајка Маргарета Втора...

По соопштувањето на составот на новата српска Влада реагираше Стејт департментот на САД дека се „разочарани што гледаат две санкционирани лица предложени за функции во новата влада“. Добиј ги најважните вести, бесплатно на Viber Според најавите од мандатарот Милош Вучевиќ, во новата Влада на Србија ќе има и двајца членови кои се под санкции на САД – Александар Вулин, кој е предложен за вицепремиер и Ненад Поповиќ, кој е предложен за министер без ресор. -Нашиот став за господинот Вулин е добро познат. Тој останува под санкции на САД, се наведува во соопштението на портпаролот на Стејт департментот за Гласот на Америка, во кое се додава дека САД не играат никаква улога во кадровските решенија на српската влада. Мандатарот за состав на новата Влада на Србија и претседателот на Српската напредна партија (СНС) Милош Вучевиќ го именуваше Александар Вулин, еден од најконтроверзните актери на српската политичка сцена, кој се смета за лице со силни руски врски и кој од 11 јули минатата година е на листата на санкции на Министерството за финансии на САД за „коруптивни и дестабилизирачки акти“, заради унапредување на сопствени политички агенди и лични интереси, на штета на мирот и стабилноста на Западен Балкан. Старо – нови министри предложени на клучни позиции во кабинетот на новиот српски премиер Вучевиќ -Тие коруптивни зделки го олеснуваат ширењето на руските злонамерни активности во Србија и во регионот, се наведува во соопштението на Канцеларијата за контрола на странски средства на Министерството за финансии на САД (OFAC) кога санкциите беа воведени во јули 2023 година. Во ноември 2023 година, американскиот Стејт департмент воведе санкции и против Ненад Поповиќ, поранешен министер без ресор во Владата на Србија, и компаниите поврзани со него. -Поповиќ одржува блиски врски со Кремљ и ја користи својата мрежа за коруптивни шеми за лично да се збогати, наведе во соопштението портпаролот на Стејт департментот Метју Милер. Поповиќ е поранешен потпретседател на Народното собрание на Република Србија и претседател на парламентарната група за пријателство со Руската Федерација. Тој е поранешен потпретседател на Демократската партија на Србија (ДСС). -Од 1990-тите, Поповиќ ги користи своите деловни зделки во Русија за да се збогати и да стекне блиски врски со високи лидери на Кремљ. Поповиќ продолжи да ги користи своите врски со Кремљ за да обезбеди бизнис за неговите холдинг компании, од кои повеќето работат во консултантскиот сектор, за недвижности и електроника за руската економија, за да го изгради своето лично богатство преку проневера и даночни шеми. Стејт департментот го означи Ненад Поповиќ како некој кој работи за електронскиот сектор на Руската Федерација. Главните холдинзи на Поповиќ со седиште во Русија ги вклучуваат „Asset Electro LLC“ и „Asset Automation LLC“. „Mosen Asset Management LLC“ управува со секојдневното работење на холдинзите на Поповиќ во Русија, соопштија американските власти....

Амбасадорот на САД во Обединетите нации (ОН) Роберт Вуд најави дека ќе продолжат санкциите против претседателот на Република Српска, Милорад Додик и оние кои, како што рече, му ги овозможиле неговите „антидејтонски и коруптивни акции“. Добиј ги најважните вести, бесплатно на Viber „Неговите опасни дејствија и сецесионистичка реторика ги загрозуваат мирот и стабилноста во регионот. Санкциите против Додик и оние кои ги овозможија неговите антидејтонски и коруптивни акции ќе продолжат и во иднина“, рече Вуд на седницата на Советот за безбедност на ОН посветена на ситуацијата во Босна и Херцеговина. Тој оцени дека политичарите кои инсистираат на поделби ги штитат нивните интереси, додавајќи дека РС и Додик се пример за тоа, бидејќи тие ги забрзуваат чекорите кон поткопување на институциите и повикуваат на распаѓање на државата. „На денешниот состанок ја истакнуваме опасноста од етнонационализам што произлегува од една насока. Русија го злоупотребува Советот за безбедност за свои цели. САД ги повикуваат сите влади да соработуваат и да ги искористат одлуките на ЕУ за да започнат преговорите со Босна и Херцеговина. Сите лидери треба тежнеат кон евроатлантска интеграција“, оцени американскиот амбасадор во ОН. Тој додаде дека САД се залагаат за избегнување на етнонационални агенди и промовирање на транспарентно владеење....

Бугарската амбасада во Албанија донираше опрема и компјутери за мултифункционалниот објект на општината Пустец, област населена со македонско малцинство, јави Репорт ТВ. Добиј ги најважните вести, бесплатно на Viber Пакетите покриени со бугарското знаме, како што пренесува Репорт, предизвикале реакција кај партијата Македонска алијанса за европска интеграција, МАЕИ, која бугарските симболи во оваа општина ги смета за провокација. Македонската партија во Албанија бара почитување на македонскиот јазик во Општина Пустец -Бугарското знаме е целосна провокација. Тоа е со цел да се создаде впечаток дека тука живее различно малцинство од она што го признала албанската држава, а тоа се Македонците. Државата мора да реагира бидејќи на овој простор се знае дека има само македонско малцинство. Овде признаваме две знамиња, албанско и знамето на оваа област, македонското, изјави Ефтим Митревски, потпретседател на партијата. Градоначалникот на Пустец, Пали Колефски ја поздравил донацијата и изјавил дека „знамето не е проблем сè додека нема политичка заднина“. -Секоја донација што нема задни намери, која не го нарушува идентитетот на областа е добредојдена. Во моментот кога ќе дојде донација, ќе ја прифатиме бидејќи развојот на областа ни е важен. Не гледам етнички проблем, луѓето се изразија на пописот и немаше поплаки. Проблемот што го има Северна Македонија со Бугарија сметам дека треба да се реши во Скопје и Софија а не овде во Пустец, ние сме општина во Република Албанија. Секоја помош што доаѓа за заедницата е добредојдена, вели Колефски. За време на пописот во Албанија, бугарскиот амбасадор во Тирана со донација за болницата во Пустец Бугарскиот амбасадор во Албанија, Ивајло Киров, во својот поздравен говор меѓу другото нагласил дека бугарската влада неколкупати донела помош за Пустец, опишувајќи ја својата земја како најголем донатор за оваа заедница....

Командата на силите за специјални операции на Украина денеска соопшти дека во синоќешниот напад со руски балистички ракети врз Одеса загинале три лица, а три се повредени. Добиј ги најважните вести, бесплатно на Viber Од друга страна, вооружените сили на Украина уништија два руски противвоздушни ракетни системи „бук“ во секторот Суми, се вели во објава на Фејсбук, пренесува Укринформ. Украинскиот претседател Володимир Зеленски изјави дека на Украина и треба „значително забрзување“ во испораката на оружје од партнерите за да и се овозможи на нејзината армија да се соочи со унапредувањето на руските сили на неколку фронтови. „На Украина и треба значително забрзување во испораката на оружје за што поскоро да стигне до војниците на фронтот“, рече Зеленски. Се огласи и рускиот министер за одбрана Сергеј Шојгу кој наложи „поголема и побрза испорака на оружје за специјалната воена операција во Украина“. Шојгу наложи да се обезбеди повеќе оружје за војната во Украина...

По неуспехот во Баку, Азербејџан, да се оствари норма за учество на Олимписките игри во Париз, последна шанса најдобрите македонски борачи ќе имаат во Истанбул, Турција. Добиј ги најважните вести, бесплатно на Viber Квалификацискиот турнир во Истанбул ќе се одржи во периодот од 9 до 12 мај. Во женска конкуренција боите на нашата земја ќе ги брани Вероника Рјабоволова во категоријата до 53 килограми. Кај мажите ќе настапат Владимир Егоров (57 кг.), Бесир Алили (65 кг.), Расул Шапиев (74 кг.), Ахмат Могамедов (86 кг.) и Магомедгаџи Нуров (97 кг.) Секоја категорија во Истанбул нуди три олимписки места во Париз, по едно за двајцата финалисти и едно за победникот од плејофот меѓу двајцата бронзени медалисти....

Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека треба сериозно да се посветиме на заштита и унапредување на работничките права, напиша претседателот Стево Пендаровски во пораката по повод 1 Мај, Денот на трудот. Добиј ги најважните вести, бесплатно на Viber Според него, единствено задоволни работници се успешни и мотивирани работници кои можат да придонесат за напредок и просперитет на државата. За таа цел, како што потенцира Пендаровски, секој работник треба да има фер третман од страна на работодавачот, да се чувствува безбедно, сигурно и заштитено на работното место, да има достоинствени услови за работа, а неговиот труд да биде соодветно вреднуван. – Наша задача е да продолжиме да ги поддржуваме заложбите на синдикалните организации, да помогнеме во унапредување на стандардите и условите за работа, со цел сите работници да имаат праведни и еднакви можности за реализација и развој на професионален план, нагласува шефот на државата....

Левица очекува двојно да го зголеми резултат од првиот круг на претседателските избори и да освои од 80 до 120 илјади гласови на парламентарните избори со проекција од осум до 12 пратеника зависно од излезноста. На следниот мандатар му порачуваат дека основа за преговарање е македонската Платформа за национално единство. Што повеќе левичарски пратеници во Собранието тоа е поголема гаранција дека нема да има Бугари во Уставот. Добиј ги најважните вести, бесплатно на Viber Во однос на резултатите од првиот круг на претседателските избори, претседателот на Левица, Димитар Апасиев во интервју за МИА вели дека лично очекувал од 60 до 80 илјади гласови, но дека и со 41 илјада Левица го положиле матурскиот испит самостојно да собере 10 илјади потписи без никакви коалиции и потоа да оди на избори со поддршка на независен кандидат. Ние ги прифаќаме како такви, не очајуваме. Напротив, учиме од искуството и одиме сега да освоиме, да го дуплираме овој резултат, практично да освоиме – нашата проекција е од 80 до 120 илјади гласови, бидејќи статистички гледано секогаш парламентарните избори имаат повисок одѕив од претседателските и тој одѕив во случајов изнесува цирка околу 100 гласови коишто ќе излезат на гласање и тие се најчесто проопозициски гласови и оттука ние очекуваме да растеме на парламентарните избори, вели Апасиев. Ние, посочува Апасиев, одиме со проекција од осум до 12 пратеника зависно од излезноста и така ако гледате – да, не може да има влада без Левица, особено промакедонска влада, инаку може да има влада без Левица во секој момент, но тоа, како што нагласува, е влада на двете други платформи кои ние не ги застапуваме и со кои ние не ни преговараме – софиската и тиранската платформа, додека ние нудиме македонска платформа. Според Апасиев, Левица не мора да влезе во Влада и не се фокусирани стриктно да дојдат само на власт, подвлекувајќи дека покажале дека може да бидат корисни за Републиката дури и како опозиција со двајца пратеници. Сепак, појаснува тој, ако идниот мандатар смета дека е уценет од Вреди или од ДУИ, и ни понуди соработка, ова, како што вели, е нашата македонска платформа во пет точки. – Со оваа платформа конечно ние ставаме црвени линии и ги повикуваме сите македонски партии да се обединат позади оваа платформа затоа што секој нареден мандатар покажува дека е се’ попустлив кон албанското малцинство. Тоа е недозволиво затоа што или градиме современа секуларна и модерна држава или се враќаме во 19 век. Оттука, ние го нудиме овој концепт, појаснува Апасиев. За тоа како Левица планира да гарантира дека нема да има уставни измени, Апасиев вели дека со двајца не може да спречат „ако тие се нафатиле да менуваат, меѓутоа со 10-12 и тоа како можеме“ затоа што, како што нагласува, тоа договарање нема да оди глатко. -Доколку ние би имале солиден број на пратеници тогаш ако отпаднат овие уцени и ако мандатарот треба да тргне условно кажано со нас и да преговара тогаш ние нема да прифатиме такви услови и оттука се гаранциите. Значи, што повеќе левичарски пратеници во Собранието тоа е поголема гаранција дека нема да има Бугари во Уставот, нагласува Апасиев. Балансерот, според Апасиев, е рак рана на општеството и треба конечно мерит систем особено во јавна администрација каде што луѓето ќе можат да дојдат до израз врз основа на своите квалитети, додека за Рамковниот договор вели дека бил мировен договор кој требаше да трае привремено. -Кажете им на работниците во транзицијата дека стекнати права не се губат ќе видите што ќе ви кажат. Како што ние голтавме кнедли дојде време сега други да голтаат кнедли, Македонецот веќе особено со појавата на Левица не може да биде инфериорен во сопствената држава и тоа ние сме тука како политички чинители да го тоа некако испорачаме и тоа не е национализам. Јас не се согласувам со таа теза затоа што класното и националното прашање се измешани прашања, тоа го покажаа и основачите на оваа држава, така што преку класна борба, тие преку Народноослободителна борба дојдоа до АСНОМ. Оттука тие две борби се испреплетени и ние ги водиме двете паралелно, појаснува Апасиев. Во однос на најавите на Левица за укинување на како што велат сите штетни договори за државата, прашан дали дали смета дека постои подобро решение или дека едноставно повеќе не постојат проблемите воопшто, Апасиев вели дека постои суверено решение и постои правно решение, посочувајќи дека во правото пресуда менувате со пресуда, закон менувате со закон, а одлука на референдум или плебисцит менувате само со нова одлука. – Да не заборавиме дека Преспанскиот договор е илегален по сите узанси и на домашното уставно право и на меѓународното јавно право. Зошто? Затоа што прво е потпишан од неговиот титулар тоа е министер за надворешни работи иако по Устав само претседателот можеше да го потпише. Второ, Законот за ратификација е илегален закон кој е објавен во „Службен весник“ без потпис на претседателот за првпат во историјата на независна Македонија. Оттука, не постои де јуре тој закон. Трето е донесен по пат на кривични дела. Не заборавајте дека имаше влечење за уши на осум пратеници од ДПМНЕ на кои им беа амнестирани криминалите за да гласаат и тоа е повреда на Виенска конвенција, така што по сите узанси тоа е неважечки договор, непостоечки договор, ништовен договор и она што ние треба само да го кажеме како држава е да декларираме дека тој е таков и најголемиот аргумент е тоа што тој не помина на референдум , вели Апасиев....

Земјотрес со јачина од 4,3 степени според Рихтеровата скала утрово во 5 часот и 38 минути го погоди подрачјето на градот Слуњ во централна Хрватска, соопшти Сеизмолошката служба. Добиј ги најважните вести, бесплатно на Viber Епицентарот на земјотресот бил на околу 15 километри јужно од Слуњ и на длабочина од 10 километри. Магнитудата на земјотресот изнесувала 4,3 степени според Рихтеровата скала, а интензитетот во епицентарот е проценет на V-VI нивоа од ЕМС скалата“, соопшти Сеизмолошката служба на Хрватска. Граѓаните од подрачјето во близина на епицентарот велат дека се се тресело. Земјотресот бил почувствуван низ цела Хрватска, најмногу во Лика и централна Хрватска. Земјотресот е почувствуван и во Загреб. Европско-медитеранскиот сеизмолошки центар соопшти дека земјотресот е почувствуван и во Босна и Херцеговина и во Италија....

Повеќе од 100 лица се уапсени во Шпанија под обвинение дека со измама украле илјадници евра од корисници на апликацијата Вацап, тврдејќи дека се роднини во неволја, објавија денеска шпанските медиуми. Добиј ги најважните вести, бесплатно на Viber Полицијата соопшти дека уапсените биле дел од криминална група која преку оваа измама остварила нелегална добивка од речиси еден милион евра, јавува Би-Би-Си. Сите уапсени се обвинети за измама, перење пари и учество во криминална организација која, според шпанската полиција, ги измамила корисниците на Вацап и барала од 800 до 55.000 евра....

Денес е 1 Мај, Меѓународниот ден на трудот, и, покрај честитките, дозволете да изразам и огромна благодарност до сите почитувани работници кои и во овие тешки околности на глобални кризи од здравствен, енергетски и економски аспект, посветено, одговорно и професионално придонесуваат во јакнењето на издржливоста, растот, развојот и конкурентноста на економијата во Република Северна Македонија, напиша техничкиот премиер Талат Џафери во честитката до граѓаните по повод Меѓународниот ден на трудот. Добиј ги најважните вести, бесплатно на Viber Како држава, посочува Џафери, треба секогаш да размислуваме во насока на понатамошно унапредување на работничките права, да го споделуваме товарот и да покажеме солидарност. Да ги заштитиме и работниците, и работодавачите. Затоа што, секогаш може да биде подобро. -Да се чувствуваат посреќни, еднакви и рамноправни. Затоа што, само задоволни работници претставуваат и верни и лојални чувари на јавното добро. Тогаш стануваат моќни двигатели на домашната економија а со тоа овозможуваат и обезбедување на поквалитетен семеен стандард и живот, истакнува тој. Како идна земја членка на Европската Унија, како што посочува Џафери, наша заложба е да ги штитиме работниците и да осигураме еднаков и фер третман за нив од работодавачите, бидејќи секој работник е пред сѐ, човечко битие кое заслужува почит и достоинствен живот....

Фудбалерите на Борусија денеска во Дортмунд од 21.00 часот за ривал го имаат ПСЖ во првиот натпревар од полуфиналет во Лигата на шампионите. Добиј ги најважните вести, бесплатно на Viber Борусија и ПСЖ оваа сезона веќе одиграа два дуели во групната фаза на ЛШ. ПСЖ на домашен терен победи со 2:0, додека во Дортмунд беше 1:1. Главен судија на вечерашниот меч е Англичанецот Ентони Тејлор, а помошници ќе му бидат Гери Бесвик и Адам Нан. Клубот од Париз ја елиминираше Барселона во четвртфиналето од ЛШ, додека Борусија во два меча беше подобра од Атлетико Мадрид. ПСЖ на три кола пред крајот на првенството обезбеди нова титула во францускиот шампионат, додека Борусија е на петтото место на табелата во Бундес лигата со 57 бодови. Реваншот од полуфиналето на Лигата на шампионите меѓу ПСЖ и Борусија ќе се одигра на 7 мај во Париз. ВИДЕО | Без победник во првата полуфинална битка на Баерн и Реал...

За влез во Грција од Македонија преку граничниот премин Богородица се чека по еден час. Добиј ги најважните вести, бесплатно на Viber Граѓаните го искористија 1 мај како неработен ден и велигденските празници да прошетаат до Грција. Од АМСМ велат дека интензитетот на сообраќајот на патните правци надвор од градските средини е умерен. На останатите гранични премини пак, од македонска страна, нема подолги задржувања за влез и излез од државата. ВИДЕОАНКЕТА | Го знаете ли вистинското значење на 1 Мај?...

Претседател на Собранието, Јован Митрески од име на пратениците и од негово лично име упати честитки до работниците, до синдикатите и до сите граѓани на државава по повод 1 Мај, Меѓународниот ден на трудот, соопшти собраниската прес-служба. Добиј ги најважните вести, бесплатно на Viber – Денешниот датум е уште една можност да се потсетиме дека почитувањето и соодветното вреднување на трудот на работникот е темелот на изградбата на рамноправно, економски просперитетно и социјално праведно општество. Тоа се премисите до кои треба да се придржуваме секојдневно, креирајќи и реализирајќи политики кои обезбедуваат поддршка на домашните претпријатија, привлекување странски инвестиции, отворање нови работни места, раст на платите. И кои им овозможуваат на граѓаните да се чувствуваат достоинствено, валоризирани и продуктивни на своите работни места, придонесувајќи на тој начин и за развојот на државата, напиша Митрески во честитката. Тој потсети дека овој собраниски состав ги донесе измените на Законот за минимална плата, со кои се утврди методологија за постојан раст на платите и на стандардот на граѓаните, со што е постигнат значаен исчекор во унапредувањето на правата на работниците. -Сепак, во оваа прилика, сакам да го изразам моето убедување дека борбата за работничките права не престанува никогаш и дека, независно од моменталните политички или економски прилики, секогаш е неопходно да се развива социјалниот дијалог на различни нивоа, меѓу работниците, синдикатите, работодавачите, стопанските комори и властите, истакнува Митрески. Според него, постојаното унапредување на работничките права, на стандардот на работниците, на условите за работа, на безбедноста на работните места мора да биде приоритет за сите релевантни политички и општествени чинители. -Тие фактори ги мотивираа работниците да ги вложат сите знаења и потенцијали во исполнувањето на своите работни обврски, чувствувајќи дека не се оставени сами на себе да го носат товарот на економските предизвици. Нека ни е честит 1 Мај, Меѓународниот ден на трудот. Да продолжиме да бидеме трудољубиви, рамноправни, како и храбри и решителни во зачувувањето и унапредувањето на работничките права, напиша Митрески во честитката....

Дијана Иваноска со својот талент за комбинација на вкусови нè носи на едно исклучително гастрономско патување. Иваноска стои зад инстаграм-профилот „Dash of Spice“ и ни ги открива малите тајни за создавање магија од вкусови. Добиј ги најважните вести, бесплатно на Viber Овој пат Дијана споделува како природно да ги вапсате јајцата. Фото: Приватна архива – Идејата за овие јајца ја добив минатата година кога ги украсував јајцата со белка и цветови од салфетки. Сакав да пробам како ќе изгледаат со вистинско цвеќе, но тогаш немав подготвено навреме суви цветчиња. Многу сум задоволна како излегоа. И до Велигден има време за пресување нови цветови. Мислам дека убаво ќе изгледаат и ако јајцата се нежно обоени со пастелни, природни бои. Овие јајца ги украсив со пресувани цветови користејќи белка и техника декупаж. Се надевам дека ќе ви се допаднат – порачува Дијана. Фото: Приватна архива Потребни се: – сварени бели јајца – белка – мека четка – суво, пресувано цвеќе Начин на бојадисување: Се премачкува јајцето со белка. Се нанесува цветот и со четката натопена со белка нежно се поминува преку цветот. Важно е да биде четката мека за да не се оштетат цветовите. Се остава да се исуши целосно белката. https://www.slobodenpecat.mk/wp-content/uploads/2024/04/Snapinsta.app_video_121240299_295147440142130_1235131799811004328_n.mp4...

На една недела до одржувањето на парламентарните избори и вториот круг на претседателските избори, продолжуваат препукувањата меѓу партиите, а во фокусот се и условите на партиите за постизборните коалицирања. Добиј ги најважните вести, бесплатно на Viber И од ВМРО-ДПМНЕ и од СДСМ повикуваат на масовна излезност. ВМРО-ДПМНЕ очекува двојна победа, а од СДСМ порачуваат дека со иднината на државата нема тргување и дека единствениот пат е евроинтеграцијата. Лидерот на ВМРО-ДПМНЕ Христијан Мицкоски на вчерашните митинзи рече дека пораката од граѓаните е јасна и дека државата ќе биде горда, достојна и трансформирана. Очекува убедлива победа на Гордана Силјановска-Давкова како претседателски кандидат на коалицијата „Твоја Македонија“. За коалицирањето со албанската опозиција „Вреди“ и за уставните измени рече дека ќе се разговара по изборите. Посочи дека тој и неговата партија не функционираат врз основа на уцени и закани и дека засега ВМРО-ДПМНЕ е фокусирана на изборите, а по нивното завршување ќе се седне на маса со опозициските партии. За ДУИ и за ставот на лидерот на партијата Али Ахмети кој се повикува на Мајскиот договор, Мицкоски вели дека оваа партија мора да оди во опозиција. -Демократијата се темели на принципот – кој има мнозинство во Палраментот ја формира владата. Не знам за кој Мајски договор зборува ДУИ, не знам за кое правило „победник со победник“. Имаше едно правило во минатото „победник со победник“ кое е резултат на договор од минатото, тој договор и тоа правило самите го прекршија во 2017 година и повторно би потсетил дека политиката не смееме да ја гледаме како „шведска маса“, настрана што ако ВМРО-ДПМНЕ освои мнозинство, како што се очекува, нема ниту елементарна доверба да соработува со ДУИ. Така што, тие мора да одат во опозиција, подвлече Мицкоски. Од ДУИ, пак, велат дека не може никој да го оспорува нивниот легитимитет и дека пратениците од Европскиот фронт се вистински претставници на сите народи претставени во оваа платформа. -Секоја таква политичка авантура ќе биде ризична за европската иднина на оваа држава и за сите политички околности што ќе се случуваат после 8 мај. Бидете сигурни дека никоја политичка гарнитура – владејачка гарнитура нема да се формира без пратениците на Европскиот фронт, затоа што пратениците на Европскиот фронт се вистинските претставници на албанскиот народ, на турскиот народ, на бошњачкиот народ, на ромскиот народ и на сите народности кои се претставени во оваа платформа, во оваа изборна програма Европа 2023-2030 година. Бидете сигурни дека политичките авантури неславно ќе завршат, а народот на крај ќе победи, вели Наим Бајрами од ДУИ. Од здружената албанска опозиција „Вреди“ очекуваат разликата во гласови од првиот круг од претседателските кандидати во албанскиот блок да се намали на парламентарните избори затоа што велат гласовите на ДУИ не се само од Албанци, туку од девет политички партии. Чисто албански концепт, како што вчера изјави лидерот на Демократското движење Изет Меџити, е „Вреди“ и тие ги имаат гласовите само од Албанците. -Ахмети првпат беше во ситуација да се спасува со гласовите од другите помали заедници. Ако на тоа се додаде и поткупот на гласови и притисоците, полнење на кутии од шоферот на Садула Дураку … Сето тоа ќе се процесуира од новата власт. Ако се изземат тие гласови, тогаш нивниот резултат е под нашиот. ДУИ не е чист албански концепт и тоа е спротивно на Мајскиот договор, рече Меџити за телевизија „Сител“. Меџити посочи дека има разговори со ВМРО-ДПМНЕ, а во однос на распределбата на секторите рече дека редно е сектори што досега не се водени од Албанци како Министерството за внатрешни работи, Бирото за јавна безбедност, Управата за јавни приходи и Царината да бидат раководени од Албанци. И од Движењето ЗНАМ-За наша Македонија вчера ги изнесоа условите за постизборно коалицирање. Лидерот на партијата, кој беше и претседателски кандидат Максим Димитриевски, на прес-конференција упати пораки до раководствата на двете најголеми партии од македонскиот блок. Го повика раководството на СДСМ во наредните 24 часа да поднесе неотповикливи оставки од функциите во партијата, како и носителите и ко-носителите на кандидатските листи на нотар да изјават дека нема да прифатат пратенички мандати и истите да ги преземат кандидатите кои следуваат на листите по нив. – Нашите работни групи се подготвени за разговори и евентуална соработка со некое преодно техничко ново раководство на СДСМ кое ќе изрази политичка волја за ревидирање на досегашните нивни политики, за најважните национални прашања, но и целосна одговорност за сите поединци кои без исклучок по законот без никаква можност за амнестија, рече Димитриевски. Тој упати порака и до раководството на ВМРО-ДПМНЕ, укажувајќи дека се согласува со нивните програмски определби за неприфаќањето на уставните измени, како и неприфаќањето соработка со ДУИ. – Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев, преку неговите фикс кандидати за пратеници, како што е Венко Филипче и други, за обезбедување на 2/3 мнозинство во идниот собраниски состав, што доколку навистина постои, имплицира дека селективната правда ќе ја имаме и во идната Влада, како што беше и досега. Во спротивно доколку немате таков став, најдобро е самите да си продолжите и јавно да соработувате, а ние ќе продолжиме заедно со народот, рече Димитриевски. Од СДСМ порачаа дека не прифаќаат условувања и политички договори со никого бидејќи, како што велат, нема тргување со иднината на државата. -Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните, изјави вчера лидерот на СДСМ Димитар Ковачевски на митингот во Драчево. Тој посочи дека се фокусирани да го постигнат најдобриот резултат на претстојните избори на 8-ми мај и ги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ. -Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма, рече Ковачевски. Од „Левица“ вчера порачаа дека нудат македонска платформа, со која, како што велат, ќе биде запрено уценувањето од албанското малцинство при формирањето на идната влада. -На избор пред граѓаните се три платформи, на нив останува за која ќе се определат на претстојните Парламентарни избори на 8 мај. Првата е веќе познатата „Тиранска“ платформа. Независно дали се нарекуваат Европски фронт или Вреди, тоа е иста необалистичка матрица која тежи кон разградување на државата. Втората е „Софиската“ платформа што ја поддржуваат македонските буржујски партии, одродената македонска елита – СДС и ДПМНЕ, од кои едните ја поддржуваат отворено, другите латентно. Нашите информации говорат дека во првите сто до 200 дена е договорено внесување на Бугарите во Уставот. И третата, тоа е платформата што ја застапува Левица, а тоа е македонска платформа во пет точки, со цел конечно да запре уценувањето при составувањето влада од албанското малцинство, изјави лидерот на партијата Димитар Апасиев во Охрид....

Босанскиот пејач Харис Џиновиќ (72) неодамна службено се раздели од сопругата Мелина Џиновиќ (43), а како што пишуваат српските медиуми – сега ужива во нова романса. Добиј ги најважните вести, бесплатно на Viber Во српските медиуми одекна веста дека пејачот Харис по разводот со Мелина си нашол нова љубов. Како што напишаа, станува збор за 15 години помлада, успешна деловна жена. По бомбастичната вест, Харис вчера се огласи по тој повод. – Од каде тие знаат дали сум нашол 15 години помлада, или сто години помлада… Прво, не сум со девојка, би сакал да сум, но не сум, според тоа… Но, ќе бидам – ​​рекол Харис за „Уна“, па додал: – Тоа повеќе не е штета, штета е кога си во брак. Мислам дека во животот треба да бидеш коректен, да бидеш чесен и сè ќе биде во ред. Немам девојка, би сакал, но немам. Мелина и Харис Џиновиќ се разведоа по 22 години заеднички живот во кој добија две деца, синот Кан и ќерката Џина. Во меѓувреме, Мелина се исели од луксузната вила на Сењак, а пејачот по разводот остана со децата да живее во неа. Српски медиуми: Харис Џиновиќ има 15 години помлада партнерка?...