СлајдерСовети Печењето на скара може да го зголеми ризикот од рак: За среќа, постои фантастичен трик за да го избегнете ова Арт Кујна Мај 2, 2024 Фото: Unsplash 2 Сподели Имна неколку работи кои прават голема разлика во намалувањето на изложеноста на супстанции кои се поврзани со појавата на рак Многу луѓе не се свесни дека печењето на скара носи потенцијални ризици за развој на рак. Но, секоја година Американскиот институт за истражување на ракот објавува упатства за „печење на скара безбедно за рак“, предупредувајќи ги луѓето да избегнуваат два вида супстанци кои се поврзани со ракот. Овие супстанции, наречени полициклични ароматични јаглеводороди и хетероциклични ароматични амини, се формираат кога храната, особено месото, се пече на скара. Лабораториските тестови покажале дека тие ја менуваат ДНК на начин што може да доведе до развој на рак. „Полицикличните ароматични јаглеводороди се создаваат кога секоја органска супстанција, првенствено маснотијата што капе од месото помеѓу решетките, согорува бидејќи јаглеродот што е внатре согорува во пламенот, а овие јаглеводороди потоа се креваат во чадот“, вели Рашми Синха, научник во Одделот за епидемиологија на рак и генетика при Националниот институт за рак. Чадот произведен како резултат на ова согорување може да го покрие месото со потенцијално канцерогени материи. Црните саѓи што ги гледаме на решетките за скара и храната на скара се всушност хетероциклични ароматични амини, или HCA, кои се формираат кога високите температури ќе се здружат со мускулниот дел од месото, што вклучува црвено месо (свинско, говедско, јагнешко и козјо), живина (пилешко и мисиркино) и риба. Печењето на скара, па дури и пржењето во тава, на толку високи температури предизвикува амино киселините присутни во месото да стапат во реакција со една друга супстанца од месото наречена креатин – вели Колин Дојл, нутриционистка од Американското здружение за рак. Реакцијата на овие аминокиселини и креатин создава HCA, а тоа е причината поради која овој јаглен не се создава кога печеме шпароги, тиква, пиперки и друг зеленчук.Како и со другите фактори на животниот стил кои можат да го зголемат или намалат ризикот од рак кај една личност, количината е она што е токсично. А тоа значи дека ако печете еднаш или двапати годишно, не мора да се грижите за тоа. Но, ако често правите скара, како еднаш или двапати неделно, експертите советуваат да преземете некои мали чекори за да направите голема разлика во намалувањето на изложеноста на овие супстанции. Размислувајте подалеку од плескавиците Изберете риба на скара, морска храна, живина или зеленчук наместо црвено месо и особено наместо преработки, како виршли. Иако HCA се формира и при печење риба и морски плодови на скара, Дојл истакнува дека морската храна обично не треба да се пече на скара толку долго како стековите и пилешкото, а тоа го намалува таложењето на овие материи. Прво маринада Студиите сугерираат дека маринирањето најмалку 30 минути може да го намали формирањето на HCA кај месото, живината и рибата. Причината за ова сè уште не е целосно разбрана, но една можност е дека маринадата има некаков заштитен ефект. Ако ставите бариера помеѓу месото и топлината, тогаш ова е тоа штп ќе биде изгорено наместо месото, вели Најџел Броктон, потпретседател на одделот за истражување на Американскиот институт за истражување на ракот. Освен тоа, маринадата го прави месото повкусно. Наместо месо, главната улога нека имаат други намирнициМногу видови на овошје и зеленчук имаат заштитно дејство кога станува збор за ризикот од рак и не доведуваат до формирање на HCA кога се печат на скара. Многу експерти препорачуваат да се користи месото како зачин. На пример, на стапче наизменично ставете коцки пилешко со пиперки и кромид или со праски и ананас. Овој трик, кој делува и при пржење во тава, ја намалува површината на месото што е изложена на жешката површина, имајќи предвид дека месото допира други состојки при печењето, објаснува д-р Броктон. Моќта на зачинските билки Според д-р Броктон, печењето месо на скара со ароматични билки, зачини, чај, чили пиперки и слични состојки кои содржат фенолни супстанци може да биде корисно бидејќи се покажало дека спречуваат формирање на потенцијално канцерогени материи поради нивните антиоксидантни својства. Внимавајте и на чадот Обидете се да го намалите количеството чад што го вдишувате, е советот на експертите од Факултетот за јавно здравје на Харвард за поздрав облик на вашата омилена празнична или викендашка забава. Избегнувајте ги изгорените делови Црната крцкава кора што често ја гледате околу рабовите на ребрата или шницлите веројатно содржи поголема концентрација на потенцијално канцерогени материи. Дополнително, нутриционистката Дојл препорачува однапред да ги исчистите решетките на скарата и да ги отстраните изгорените остатоци од претходното печење. Скратете го времето за печење Колку подолго печете нешто, толку подолго се одвива хемиската реакција и се формира поголема количина на HCA, истакнува д-р Броктон. Ако делумно го загреете месото пред печењето на скара, на пример со печење во рерна или готвење во микробранова печка, слојот од HCA што ќе се формира нема да биде дебел како да сте печеле сирово месо на скара. Истото важи и за месото исечено на помали парчиња бидејќи е потребно помалку време за печење. Печењето на скара во фолија исто така помага и во заштитата на храната од чад и го забрзува времето на готвење, истакнуваат експертите од Школата за јавно здравје на Харвард. Намалете ја количината на масни делови За да ја намалите изложеноста на полициклични ароматични јаглехидрати, експертите советуваат да изберете помалку мрсни парчиња месо или да ги отстраните сите видливи маснотии за да ја намалите количината на маснотии што капе на решетките и потоа повторно се крева како чад. За да капе на минимум, Дојл предлага да не го боцкате месото со вилушка или нож додека се пече на скара. Превртувајте го често Според упатствата на Националниот институт за рак на САД, помалку HCA се формира ако месото почесто го вртите додека го готвите на многу висока температура. канцерогени материипечење на скараскара 2 Сподели FacebookTwitterGoogle+ReddItWhatsAppPinterestEmail...

СлајдерТОП 5 Сите лажат, не само политичарите! Каде и да се свртите, некој ќе ве излаже, дури и за едни обични краставици на пазар Драгица Христова Мај 2, 2024 Фотографијата е само илустрација за текстот 96 Сподели Пред една недела купуваме од една тезга свежи краставици од човек кој вели дека се тоа негови краставици. Ги продава по 50 денари за килограм. Завчера, одиме на истата тезга да купиме пак, а тој вели: 100 денари за килограм! Тоа се истите краставици и истиот човек, ама денот е 30 април, ден пред Први мај. Го прашуваме како тоа наеднаш се двојно поскапи, а тој мртов-ладен вели: Не е до мене, толку ги земам и јас, ја качија цената пред празници! Кој ја качил цената, нели беа ваши краставиците?! И така… Лагите постојат откако има луѓе. Познато е дека речиси сите лажат, дури и оние кои брзо и лесно се колнат во својата вистинољубивост. Сепак, не лажат ситеподеднакво често или од исти причини. Исто така, сите лаги не се подеднакво опасни бидејќи не предизвикуваат подеднакво тешки последици за оние кои паднале во замката на лагите, како на туѓите, така и на своите. Инаку, кога станува збор за политичарите кои се дефинитивно најголемите лажговци на светот, мораме како олеснителна околност да споменеме и дека лагата како политичка алатка не е ништо ново. Уште во 16 век, Николо Макијавели го советувал владетелот да се труди да биде искрен, но да лаже во моменти кога поради зборувањето на вистината „ќе ја изгуби предноста“. Луѓето не сакаат да ги лажете, сметал тој, „но оној што лаже секогаш ќе најде такви што ќе бидат излажани“. Е каква врска има тоа со Арт кујна? Па има, затоа што лажговци и излажани нема само по митинзите на политичките партии и на претседателските кандидати, туку и по пазарите. Ете каква врска има! Ние од Арт кујна многу ги сакаме пазарите, а најубав, најбогат и најевтин, за разлика од оној тафталиџанскиот и тој на Буњаковец, ни е Зелениот пазар. И ете, изгледа дека си се лажевме дека таму барем има и тезги на кои наместо препродавачи, своите производи ги продаваат самите тие, производителите. И сигурно има, ама веќе не сме сигурни кои се навистина производители со свои производи, а кои само препродавачи. На пример, пред една недела купуваме од една тезга свежи краставици од еден човек кој ни вели дека се тоа негови краставици и ги продава по 50 денари за килограм. Завчера, одиме на истата тезга да купиме пак еден килограм и повеќе ја нема цената на која пишуваше 50 денари. Нема никаква цена, па го прашуваме колку се краставиците, а тој ни вели: 100 денари. Тоа се истите краставици и истиот човек, ама денот е 30 април, ден пред Први мај. Го прашуваме како тоа наеднаш се двојно поскапи, а тој мртов-ладен вели: Не е до мене, толку ги земам и јас, ја качија цената пред празници! Кој ја качил цената, нели беа ваши краставиците, го прашувам јас. Ме гледа бледо и решава да ме игнорира, па вели: Сакате да ви измерам? И така. Одам до следната тезга и веќе знам што ме очекува, но веќе не знам од кого да купувам. Не верувам никому кога ќе ми каже дека производите што ги продава ги насадил и одгледал тој, во својата мала бавчичка со своите две раце. Почнувам да забележувам дека повеќето од нив воопшто и немаат земјоделски раце, испукани и црни, раце како оние кои имаат допир со земја. И си велам, тоа е, ќе си купуваме „домашни“ тиквички и домати, па дури и пиперки и краставици од Турција, Албанија или Грција, а грав „тетовец“ – од Киргистан. Земјоделците велат дека ако сме имале правилна стратегија во последниве 30 години, немало да дојдеме до ова дереџе – од држава што ја снабдувала цела поранешна Југославија со храна сега да бидеме зависни од увозот на храна. И додека селаните ја напуштаат земјата, нивните ниви зјаат празни, а тие купуваат станови во некој од скопските „кокошарници“, граѓаните, особено скопјани, сѐ почесто купуваат имоти на село и ги засукуваат ракавите па си садат и домати и краставици и пиперки и грашок, па дури и култури кои кај нас воопшто немаат традиција на садење, но одлично успеваат и се уште еден додаток плус во здравата исхрана. Значи, ако сакате да се храните здраво и со домашни производи, а притоа и да бидете физички активни, што е уште еден од предусловите за здрав живот, повелете, сигурно ќе се најде некоја празна нива на продажба. 96 Сподели FacebookTwitterGoogle+ReddItWhatsAppPinterestEmail...

СлајдерТОП 5 Велики четврток, ден за фарбање јајца Арт Кујна Мај 2, 2024 Фото: Pexels 68 Сподели „Земете, јадете, ова е телото Мое кое за вас се прекршува за отпуштање на гревовите! Пијте од неа сите. Ова е крвта Моја која за вас и за мнозина се излева за отпуштање на гревовите! Правете го ова во Мој спомен“ Кога бев мала, на Велики четврток баба ми не будеше такашто по лицето ни го тркалаше првото црвено јајце кое го имаше офарбано тоа утро. Велеше: „црвено, бело, дебело“! И сѐ беше добро додека не потпораснавме и почнавме сѐ потешко да се будиме за да одиме на училиште, а и почнуваше да не нервира она „дебело“. Потоа баба ми почина, па мајка ми се обидуваше да ја продолжи традицијата, ама ние веќе не бевме оние мали, слатки дечиња, туку бевме веќе тинејџери кои ги нервира сѐ живо, а не пак некој да им поминува со јајце по лицето и да им вели „црвени, бели и дебели“. И така почна да ги фарба јајцата сѐ подоцна, а потоа веќе и не стануваше рано наутро во четврток туку најчесто ги фарбаше сите јајца во сабота, кога не одеше на работа. Ете толку од традицијата. Но бидејќи сега сѐ се враќа, да потсетиме дека според традицијата, првите три велигденски јајца или барем само едно црвено јајце се вапсуваат токму на Велики четврток, пред изгрејсонце. Првото вапсано јајце му се наменува на Господ и се нарекува Господово јајце. Второто е за домаќинот на семејството. Третото за бериќет и за стоката. Бидејќи сега дома сите имаат миленици наместо стока, третото јајце наменето го за нив, за кучето, мачето и, се разбира, за бериќет, односно, за повисока плата. Ако сте од оние среќници кои се вратиле или пак за првпат сега отишле да живеат на село и самите си одгледуваат зеленчук или пак чуваат домашни животни, за нив важи тоа старото правило, третото јајце да биде за стоката и за бериќет од земјата. Обичаите велат дека домаќинката не треба да биде гладна кога започнува со вапсувањето на јајцата. Треба да касне макар еден залак леб, зашто, наводно, доколку вапсува на празен стомак, таквите јајца не носат радост, туку би можело оној што ги вапсува да биде несреќен и болен. Сега наместо залак леб, можете да си направите нешто модерно, на пример, смуди од овошје и растително млеко. Сепак и во вапсувањето јајца, како и во сите други нешта најважна е добрата мисла. Така, штом излезат првите сончеви зраци на Велики четврток, домаќинката наместо да пцуе со полузатворени очи што станала толку рано, или нека ги вапсува јајцата како што треба, со добра мисла или нека чека да дојде сабота. За поминувањето по лицата на домашните изговарајќи ги три пати зборовите: „црвено, бело, дебело“, домаќинки наши, сами си знаете што имате дома по креветите. За симболиката на црвеното јајце Вапсувањето на јајцата за Велигден е еден од најасоцијативните обичаи за самиот празник, и всушност, претставува симбол на животот и на раѓањето. Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта. Црвената боја ја претставува божјата сила и моќ, а воедно ја симболизира и христовата крв, која Исус ја пролеал на крстот за спасение на сите луѓе на земјава. Така, бојата на јајцето не потсетува на крвта Христова и на спасението. Црвените јајца во христијанството се симбол на воскресението Христово и на самиот празник Велигден. Оваа црковна традиција потекнува од првиот век по Христа, односно тоа се практикувало уште во времето на светите апостоли – Христови ученици и нивните наследници. За тоа сведочи Светото предание. Велигденското јајце е старо колку и Христијанството и црквата го прифатила во својата традиција и практика како симбол на Христовото Воскресение. Првите христијани и современици на апостолите почнале да бојадисуваат јајца и да ги подаруваат на Велигден, поздравувајќи се со поздравот Христос Воскресе! На тоа отпоздравувале: Вистина Воскресе! Тајната вечера и предавството Главно за овој значаен ден од Страдалната седмица е дека Исус Хистос тогаш ги востановил двете суштествени тајни за нашето спасение: Светата евхаристија (на Тајната вечера: „Земете, јадете, ова е телото Мое кое за вас се прекршува за отпуштање на гревовите! Пијте од неа сите. Ова е крвта Моја која за вас и за мнозина се излева за отпуштање на гревовите! Правете го ова во Мој спомен“.) и Исусовата молитва („…Вистина, вистина ви велам: што и да посакате од Отецот во Мое име, ќе ви се даде“ (Јован 16, 23). „И што и да посакате од Отецот во Мое име, ќе ви го направам за да се прослави Отецот во Синот. Ако посакате нешто во Мое име, Јас ќе го направам…“, Јован 14, 13 – 14). Со други зборови, на Велики Четврток почнува светотаинскиот живот на Црквата. Се спомнува и миењето на нозете на апостолите што го направил Сам: „Ако Јас, Господ и Учител ви ги измив нозете, тогаш сте должни и вие еден на друг да си ги миете нозете“ (Јован 13; 14). А заврши со предавството на Богочовекот Исус Христос на првосвештениците и фарисеите, извршено од Јуда Искариот, еден од дванаесеттемината најблиски Христови ученици. За Велики петок, денот на страдањата и смртта на Исус Христос, црквата пропишува најстрог пост, денот да помине без јадење и пиење, освен за немоќните и старите. Веста за воскресението в сабота на полноќ ќе ја објават свештениците и архиереите на богослужбите во сите цркви и манастири во сите православни цркви во светот. Како да ги вапсате јајцата со природни бои За да постигнете прекрасна црвена боја на јајцата за Велигден, не ви требаат бои од кесички, можете да користите нешто што веќе го имате во кујната. Природното боење на јајцата е најбезбедниот начин да ги декорирате вашите велигденски јајца и целосно да ја елиминирате употребата на купени бои со потенцијално штетни материи, а сепак да добиете убави и интензивни бои. Фото: Pexels Постојат неколку начини природно да се обојат јајцата во црвено и иако некои наведуваат повеќе начини, меѓу кои дури и фарбање со компот од вишни, малини или со сок од калинка, сметаме дека тоа би било премногу ексцентрично и скапо, па ги препорачуваме следните два начини: Со голема количина лушпи од кромидСо цвеклоВи требаат уште:2-4 чаши вода (во зависност од тоа колку јајца ќе боите и колку од лушпите или цвеклото ќе користите)1,5 лажица бел оцетголемо тенџерепластични чашиИнструкции Истурете ја водата во тенџерето и загрејте ја додека не зоврие, а во меѓувреме додадете ја храната што ја користите за бојадисување на јајцата.Кога ќе зоврие, додајте оцет и оставете да се готви покриено околу половина час.Потоа извадете ги лушпите или цвеклото, во зависност од тоа што сте одбрале за фарбање, со лажица со дупчиња.Потоа натопете ги варените јајца и оставете ги внатре додека не ја достигнат саканата нијанса. За посветли бои ви треба помалку време, за појаки и потемни секако повеќе и оптимално е да ги оставите да отстојат барем половина час.Потоа извадете ги и наредете ги на картонот од јајцата да се исушат и имајте на ум дека дури тогаш ќе ја добијат вистинската боја. Велики четвртокфарбање јајца 68 Сподели FacebookTwitterGoogle+ReddItWhatsAppPinterestEmail...

СлајдерХраната лек Пијте 1 дл од овој напиток секој ден и веднаш ќе го намалите лошиот холестерол! Арт Кујна Апр 30, 2024 Фото: Unsplash 200 Сподели Не е новост дека лимонот и магдоносот се исклучително здрави намирници, но кога се во комбинација можат да бидат одличен лек за намалување на холестеролот Mагдоносот е одличен сојузник на здравјето во секојдневното подготвување на храната, бидејќи се додава во јадењата како мал додаток, главно за вкус. Но со тоа правиме многу и за нашето здравје. Магдоносот содржи две групи посебни состојки, многу важни за здравјето. Првата група состојки вклучува природни есенцијални масла, а втората група флавоноиди. Покрај сето тоа, тој е исклучително богат извор на витамините Ц, А и К, па затоа се препорачува повеќе да се консумира во сезоните на грип и настинки. Покрај тоа, листот од магдонос се покажа како одлично средство за поттикнување на излачувањето на штетните материи од нашиот организам и за поттикнување на циркулацијата. Ако во лимонот додадеме магдонос и од него направиме сок, ќе добиеме чудесен напиток кој го намалува нивото на лошиот холестерол во крвта. Состојки: 1,5 литар вода3 китки магдонос1 кг лимонисода бикарбона Приготвување: Кората од лимон добро истријте ја со сода бикарбона за да ги отстраните нечистотиите од кората. Сепак, обидете се да користите домашни, непрскани лимони. Сварете ја водата и оставете да се излади. Лимонот исечкајте го на кришки, исечкајте го магдоносот и додадете го во студената вода. Покријте сè заедно и оставете го да отстои во фрижидер еден ден. На крај измешајте сè и префрлете во тегла или во шише. Секој ден пијте по еден децилитар. 200 Сподели FacebookTwitterGoogle+ReddItWhatsAppPinterestEmail...

МениСлајдер Ќофтиња од леќа Арт Кујна Апр 30, 2024 Фото: Freepik 101 Сподели Најдовме вкусен рецепт со леќа што ќе ве натера да се запрашате зошто не сте ја пробале порано. Леќата често се занемарува во корист на јадењата базирани на месо, но ние сме тука за да ви кажеме зошто пропуштате една прекрасна кулинарска тајна. Најдовме вкусен рецепт со леќа што ќе ве натера да се запрашате зошто не сте ја пробале порано. Состојки што ќе ви требаат2 шолји рамна зелена или кафена леќа1 мала банана3 лажици брашно1,5 шолја презли1 главица кромид изрендана или ситно исечкана2 чешниња лук, згмечениЦрн пипер, ким, црвен пипер, мајчина душица, сол2 супени лажици маслиново маслоМасло за пржење Приготвување:Потопете ја леќата преку ноќ со многу вода за да се покрие. Добро исцедете ја.Ставете свежа вода и варете ја додека не омекне. Изладете, па исцедете.Сварената леќа ставете ја во сад со малата банана. Изблендирајте ги или изгмечете ги заедно.Додадете зачини (приближно 1 лажиче ким, 1 лажичка црвен пипер, 1 лажичка сува мајчина душица, црн пипер и сол по вкус), рендан кромид, згмечен лук и брашно. Темелно измешајте.Додавајте презли полека додека смесата не стане густа за да може да ја задржи формата.Покријте ја смесата и ставете ја во фрижидер да одмори 20 минути.Од смесата формирајте ќофтиња. Намачкајте ги со маслиново масло.Можете или да ги печете во рерна на 200°C 20 минути или да ги пржите во масло, внимателно превртувајќи ги додека не поруменат од двете страни. Совети:Ако смесата е премногу влажна, додадете уште малку презли.Ако е премногу сува, додадете малку вода или испасирана банана.Ако решите да ги печете, загрејте ја рерната на 200°C и печете 20-25 минути или додека не поруменат.Овие „ќофтиња“ од леќа се совршени за подготовка на оброци! Направете повеќе и чувајте ги во фрижидер до 3 дена. Загрејте ги во рерна или во микробранова печка пред да ги послужите. 101 Сподели FacebookTwitterGoogle+ReddItWhatsAppPinterestEmail...

СлајдерСовети Зошто јадеме и кога не сме гладни Арт Кујна Апр 30, 2024 Фото: Pexels 95 Сподели Ако самите сфатиме дека често јадеме без да бидеме гладни, време е да направиме драстични промени во нашите животи. Сите понекогаш јадеме кога не сме гладни и најчесто не сме ни свесни за тоа. Јадењето храна е основен аспект од човечкиот живот. Чувството на глад е инстинкт за преживување. Меѓутоа, се поставува прашањето, дали јадеме само кога ни е потребно или, како што покажуваат истражувањата, ја консумираме храната и со оглед на некои други фактори, без оглед дали се физички или емоционални. Можеби грицкаме кога ни е здодевно или земаме слатко секогаш кога ќе помине покрај него. Сите овие и некои други ситуации кои ги користиме за да јадеме нешто не се со вистинска причина, бидејќи јадеме иако не сме гладни. Многупати се случува и покрај доволно количество храна, да чувствуваме глад. Постојат неколку фактори зошто јадеме кога сме сити, а тие варираат од личност до личност. Во повеќето случаи, храната ја користиме како замена за некој недостаток, кој можеме да го идентификуваме со следење на нашите навики во текот на денот и нашата емоционална состојба и на тој начин да влијаеме на непотребното внесување храна. Некогаш се работи само за храна со недоволно хранливи материи, која не заситува на кратко, а понекогаш тоа се фактори кои долгорочно можат да ни го нарушат здравјето. Без разлика што храната не искушува, единствено важно е што на крајот сме јаделе нешто иако не сме биле навистина гладни. Понекогаш не е толку лошо, но јадењето премногу без размислување може да ја поремети нашата тежина или планот за слабеење, а во зависност од тоа што јадеме, можеме да го доведеме во ризик и нашето здравје. Правилната исхрана ќе го подобри квалитетот на нашиот живот, како краткорочно така и за подолг животен период. Ситуации во кои јадеме и кога не сме гладниПостојат начини да се справиме со ситуациите во кои јадеме и кога не сме гладни на едноставен начин. Стрес Продолжениот стрес го преплавува нашето тело со кортизол, хормон кој игра улога во нашиот систем за борба или бегство. За да ги наполниме нашите тела со гориво по стресна средба, кортизолот нè тера да сакаме да јадеме повеќе. Ако стресот е речиси постојана состојба за нас, тие нивоа на кортизол остануваат високи и нè тераат да посегнуваме по грицки. Замор Кога не се одмораме доволно, нивото на грелин (хормонот што нè тера да сакаме да јадеме) расте. Во меѓувреме, нивото на лептин (хормон кој го намалува гладот ​​и желбата за јадење) опаѓа. Овие два хормони го контролираат чувството на глад. Резултат: чувствуваме глад дури и ако на нашето тело не му треба храна. Нерви Јадењето е пригоден изговор за дополнителната енергија што доаѓа со чувството на нервоза. Тоа не само што ни дозволува да направиме нешто, туку и ни го одвлекува вниманието од сѐ што не прави нервозни. Можеме да го контролираме стресот со тоа што воопшто не јадеме. Ова може да го забави нашето тело, бидејќи нашето тело мисли дека гладува. Кога конечно ќе решиме да јадеме, поголема е веројатноста да се прејадеме. Анксиозност Анксиозноста има силна врска со нарушувањата во исхраната. Прејадувањето може да биде начин да ни помогне да управуваме со нашите грижи и стрес. Други работи, од гени, депресија и нарушувања на расположението до траума, зависност или злоупотреба, може да ве натераат да се прејадувате како начин да управувате со вашите емоции. Притисок од околината Емоционалното јадење не се случува секогаш кога се чувствуваме лошо. Лесно ни е да се опуштиме на забава со друштво и да ги игнорираме знаците кои укажуваат дека веќе не сме гладни или дека чувствуваме обврска да се вклопиме во групата. Алкохол Пиењето ги релаксира нашите сопирачки, а тоа важи и за доброто проценување кога и колку да јадеме. Исто така, прави поголема веројатност да јадеме помалку здрави работи, како храна полна со масти и шеќер. Истражувањата покажуваат дека пиењето влијае на делот од мозокот кој ја следи самоконтролата, што отежнува да се одолее на вкусната храна. Сликите на храна Понекогаш потребна е само моќта на сугестија за да сакаме да јадеме. Истражувањата покажуваат дека рекламирањето на храна ја зголемува веројатноста дека ќе ја зграпчиме храната која ни е при рака и ќе ја јадеме. Цената на безумното јадење Јадењето кога не сме гладни може да доведе до зголемување на телесната тежина и други здравствени проблеми како што се проблеми со шеќерот во крвта. Овој нездрав циклус нема да заврши доколку не станеме свесни за нашите сигнали и не најдеме други начини да одговориме на нив. Дали навистина мораме да јадеме? Вистинската глад нè удира полека и лесно може да се одложи. Исто така, поверојатно е да се чувствуваме задоволни благодарение на многуте опции. Емотивното или безумното јадење доаѓа брзо и нè тера да копнееме за одредена храна. Нашата реакција може да се должи на фактот дека храната ни е достапна и јадеме затоа што – има храна. Поради ова, поголема е веројатноста да се прејадеме – а потоа да се чувствуваме виновни. Како да престанете со безумното јадењеТреба да најдеме здрави решенија за нашите емоции, како вежбање или медитација. Пријателите можат да ги поддржат нашите аспирации да јадеме повнимателно. И важно е да не внесувате брза храна во куќата. Тоа ќе ни олесни да бидеме здрави ако ги „јадеме своите чувства“. 95 Сподели FacebookTwitterGoogle+ReddItWhatsAppPinterestEmail...

СлајдерСовети Како да го скратите времето на варење на гравот? Арт Кујна Апр 30, 2024 Фото: Unsplash 278 Сподели Оние кои ги испробале овие трикови тврдат дека со помош на една од овие две состојки, гравот ќе биде готов за само 50 минути! Не сме ги испробале овие трикови, ама оние кои ги пробале тврдат дека гравот ќе биде готов за 50 минути! Ставете една лажица сода бикарбона или чашка ракија во тенџерето и ќе го намалите времето за готвење. Само искусните готвачи го знаат овој трик и го користат постојано за гравот да биде побрзо готов. Испробајте го па јавете. Едно од омилените јадења на нашите трпези е гравот. Но, сите домаќинки знаат дека се потребни часови за да се зготви. Сепак, искусните готвачи открија како тие го кратат времето за готвење на гравот, а вкусот е совршен. Постојат две состојки кои можете да ги додадете за брзо готвење на вашето омилено јадење, а вие одберете ја онаа што повеќе ви одговара или што моментално ја имате во домот. Сода бикарбона Во првата вода во која се вари гравот додадете една кафена лажичка сода бикарбона. Оставете го гравот да се динста најмалку 15 минути, а потоа истурете ја водата и додадете малку масло. Добро измешајте за да бидете сигурни дека маслото е распоредено низ гравот. Содата ќе го спречи и создавањето на гасови кои ги предизвикува гравот. Ракија Во овој случај, истурете 4 дела ладна вода и 1 дел грав. На пример, истурете 4 литри вода на 1 кг грав. Во тенџерето веднаш ставете и 50 мл ракија и оставете да зоврие. Потоа намалете ја температурата на шпоретот и динстајте го гравот околу 50 минути. За тоа време ќе омекне. гравракијасода бикарбона 278 Сподели FacebookTwitterGoogle+ReddItWhatsAppPinterestEmail...

СлајдерСовети Надуеност, грчеви и болки во стомакот: Кога е синдром на нервозно дебело црево, а кога е нешто друго? Арт Кујна Апр 30, 2024 Фото: Freepik 218 Сподели Најчесто пациентите со синдром на нервозно дебело црево (IBS) имаат тегоби во утринските часови или после јадење храна во форма на итна потреба за дефекација, се јавуваат стомачни болки, гасови, грчеви, надуеност, а по дефекацијата болката обично се намалува и лицето не мора да има никакви симптомите во остатокот од денот или надуеноста заостанува. Синдром на нервозно дебело црево (IBS) се јавува најчесто кај младите и возрасните, обично пред 40-годишна возраст, двапати почесто кај жените. Промените во ритамот на движењето на дебелото црево и промените во конзистентноста на столицата се појавуваат периодично, а помеѓу овие епизоди лицето обично нема поплаки, што го разликува IBS од други гастроинтестинални заболувања како што се инфективни проливи или воспалителни болести на цревата. Најчесто пациентите имаат тегоби во утринските часови или после јадење храна во форма на итна потреба за дефекација, се јавуваат стомачни болки, гасови, грчеви, надуеност, а по дефекацијата болката обично се намалува и лицето не мора да има никакви симптомите во остатокот од денот или надуеноста заостанува. Во следните денови, ритамот на празнење и конзистентноста на столицата може да бидат редовни. По неколку дена, ситуацијата може да се повтори предизвикана од оброк, одредена храна или стресна ситуација. Симптоми на IBS Клучните симптоми кои ги поврзуваме со синдромот на нервозно дебело црево се хронична, повторлива абдоминална болка (се јавува најмалку еднаш неделно најмалку три месеци, а болката е поврзана со движењето на дебелото црево), потоа има промени во конзистентноста на столицата и динамиката на движењето на дебелото црево. Може да бидат присутни и дополнителни симптоми како надуеност, гасови, нагон за дефекација, промени во расположението, болки во грбот и главоболки. Нема симптоми како што се гадење, повраќање, треска, крв во столицата, болка или дијареа во текот на ноќта или губење на тежината, што го разликува ИБС од другите цревни заболувања. Зошто се јавува IBS?IBS е резултат на интеракцијата на бројни фактори или комбинација на некои од нив: промени во подвижноста на гастроинтестиналниот трактвисцерална хиперсензитивностулогата на воспалителните клетки, мастоцититепромени во фекалната флора (дисбиоза)синдром на прекумерен бактериски раст во тенкото црево (SIBO)чувствителност на храна (нетолеранција, малапсорпција)генетска предиспозицијапсихосоцијални дисфункции. Имајќи ги предвид бројните теории за патофизиолошката причина за ИБС, третманот е комплексен, а целта е да се намалат тегобите, да се ублажи доминантниот симптом и да се подобри квалитетот на животот. За разлика од, на пример, воспалителни болести на цревата или целијачна болест, не постои една специфична причина, а со тоа и специфичен лек за IBS. Затоа, на пациентот треба да му се пристапи индивидуално, да се зборува за доминантните симптоми, да се едуцира пациентот сам да забележи која храна или ситуации ги влошуваат симптомите и да ги избегнува. Планот за лекување е индивидуален, започнува со промена на навиките во исхраната и намалување на стресот и со методи за релаксација. Исто така, се препорачува да се вклучат пробиотици за регулирање на дисбиозата и намалување на висцералната хиперсензитивност. Промените во исхраната се првата линија во терапијата за ИБСИстражувањата покажаа дека западната исхрана, која е богата со високо преработена храна, масти и рафинирани шеќери, го поттикнува развојот на IBS. Првиот чекор е пациентот да ја елиминира храната за која тој самиот забележал дека ги влошува симптомите на IBS, кои често се млечни производи (лактоза). Некои пациенти со IBS ќе имаат подобрување во нивните симптоми ако го елиминираат глутенот од нивната исхрана (дури и кај пациенти кои не се целијачни), а тоа се објаснува со нецелијачна чувствителност на глутен. Вториот чекор е да се елиминира храната која произведува повеќе гасови во цревата (како грав, прокељ, кељ, брокула итн.). Најголем ефект врз подобрувањето на симптомите на ИБС (кај дури 70% од пациентите) има исхраната со внес на храна со ниска содржина на FODMAP (ферментирачки олигосахариди, дисахариди, моносахариди и полиоли). Акронимот што означува „ферментирање на олигосахариди, дисахариди, моносахариди и полиоли“ се однесува на типовите на шеќери со кои вашето тенко црево може да се мачи со варење. Кога тоа ќе се случи, луѓето може да доживеат гастроинтестинални проблеми, вклучувајќи гасови, надуеност, дијареа и запек. Студијата покажала дека исхраната со ниска содржина на овие шеќери ги намалува симптомите на IBS и прекумерен раст на бактерии (SIBO) кај 86 проценти од луѓето. Овој тип на диета е дизајниран да идентификува која храна предизвикува гастроентеролошки симптоми и да направи план за исхрана врз основа на стекнатото знаење за намалување или елиминирање на овие симптоми. Вообичаената храна богата со FODMAP вклучува кравјо млеко, јаболка, авокадо, суво грозје, грав, аспарагус, индиски ореви, ф’стаци, засладувачи, чај и рум. Истражувањата покажале дека дисбиозата постои кај пациенти со ИБС, а таа е дел од терапијата и нејзината корекција, како преку исхрана, така и преку земање пробиотици и пребиотици. Пробиотиците, пребиотиците и симбиотиците ги постигнуваат своите позитивни ефекти со намалување на воспалението, влијание врз метаболизмот на жолчните соли, интестиналниот мотилитет и намалување на висцералната чувствителност. 218 Сподели FacebookTwitterGoogle+ReddItWhatsAppPinterestEmail...

СлајдерТОП 5 Идеи за боење јајца кои можеби не сте ги испробале! Вапцајте јајца со креп-хартија, со сода бикарбона, на пареа… Арт Кујна Апр 29, 2024 Фото: Freepik 2.156 Сподели Идеи за фарбање јајца се секогаш добредојдени во пресрет на Велигден, а секоја година наоѓаме по некоја нова, досега неиспробана Велигден е најголемиот христијански празник, а бојадисувањето јајца е една од најубавите традиции кои го придружуваат. Велигден 2024 година се паѓа во недела на 5 мај, со што завршува големиот велигденски пост, а јајцата се бојадисуваат веќе на Велики четврток, но ако задоцните, слободно можете да го направите тоа и во петок или сабота. Секоја година се откриваат сè повеќе интересни техники, па доколку и вие уживате во оваа интересна активност, еве неколку предлози и идеи зкои можеби сè уште не сте ги пробале, а би можеле да го направат овогодинешниот Велигден уште поспецијален и пооригинален. Декупаж јајца За техниката на декупаж потребни ви се само белки, ножици и најубавите делови, односно мотиви од салфетки, четки и секако варени јајца. Постапката за украсување на јајцата е следна: вареното јајце намачкајте го со белка и залепете го мотивот од салфетката што го сакате, па повторно премачкајте го со белка и оставете го да се исуши. Мермерни јајца За убави „мермерни јајца“ ќе ви требаат лушпи од кромид (колку повеќе нијанси толку подобро), газа (или стар најлонски чорап), конец, ножици. За да постигнете „мермерни“ преливи на бојата, потребна ви е и кесичка со прехранбени бои, најчесто се избира зелена, иако сината и виолетовата исто така би можеле да обезбедат добар контраст… Исечкајте ги лушпите на мали парчиња и измешајте ги. Исечете ја газата на парчиња приближно 15×15 cm. Потопете го секое јајце во вода, нурнете го во лушпите, па ставете го на исечено парче газа, завиткајте го и врзете го со конец. Наредете ги во тава со вода и ставете ги да се варат. На крајот премачкајте ги со масло, ќе блеснат како вистински мермер. Боење јајца со креп-хартија За да ги обоите јајцата со креп-хартија, потребни ви се: јајца, креп-хартија што можете да ја набавите во книжарници или во продавници за канцелариски материјали во различни бои и алкохолен оцет, стаклена или пластична тегла, пластични или гумени ракавици за заштита на рацете. Прво треба да ги сварите јајцата. Додека се варат, исечете ја хартијата на парчиња со големина (приближно) 20х20 см. Покријте ја масата со весник за да не се извалка (бојата тешко се отстранува), а во длабока чинија истурете оцет. Кога јајцата се готови, ставете ракавици и земете исечено парче креп-хартија, потопете го во оцет и завиткајте го јајцето во него. Јајцето треба да биде топло. Во теглата ставете го завитканото јајце. Направете го истото со другите јајца. Наредете ред по ред, по можност секој следен ред да е со посветла боја. На овој начин дезенот ќе излезе поубав. Различни бои ќе течат една врз друга и јајцата ќе бидат пошарени. Оставете ги јајцата така 20-30 минути. Потоа извадете ја хартијата од јајцата и оставете ги малку да се исушат, па премачкајте ги со масло. Фарбање јајца со салфетка За оваа едноставна техника потребни ви се: јајца, бои по избор, вода, 2 шприца, сламка и стапче за уши. И салфетки, се разбира. Подготовката изгледа вака: Варете ги јајцата околу 6-7 минути во солена вода. Извадете ги и избришете ги. Земете 5 чаши и во секоја истурете боја по ваш избор. Додадете една-две лажици вода и една кафена лажичка оцет. Измешајте, па ставете стапче за уши во една чаша, една сламка во друга чаша, два шприца во две чаши и во последната, една мала лажичка. Јајцето замотајте го во бела салфетка која сте ја преполовиле, па земете го стапчето и направете дезен по желба, истото направете го и со лажичката, шприцевите и сламката со другите бои. Направете така со секое јајце и оставете ги во салветата околу 20 минути. Извадете ја салфетката и ставете ги јајцата во сад. Намачкајте ги со масло. Боење јајца со фломастери и салфетка За оваа техника на бојадисување јајца веќе имате дома се што ви треба, а тоа се фломастери, салфетки и чаша вода. Сè што треба да направите е салфетката да ја истурите со фломастери. Ако сакате шарени јајца, направете го тоа со неколку бои на маркери, а ако сакате поедноставни јајца, доволен е еден маркер. Потоа завиткајте ги варените јајца во салфетка и потопете ги во чаша вода. Веднаш извадете ги од водата, дури и кога се влажни и завиткани во крпа, оставете ги да отстојат околу 30 минути, по што ќе добиете интересни и шарени јајца. Фарбање јајца на пареа Потребни ви се: јајца, црвени, сини, зелени и виолетови бои (по 2) и една чаша алкохолен оцет и лимена цедалка со дупчиња. Подготовката изгледа вака: Варете ги јајцата околу 4 минути, а потоа изладете ги. Истурете вода во тавата и ставете цедалка преку неа. Водата не смее да ја допира цедалката. Наредете ги јајцата, а одозгора со прстите испрскајте ги со оцетот. Ставете ги на шпорет за полека да се загрее водата и истурете по малку од секоја боја на секое јајце. Ако јајцата почнат да се сушат, попрскајте уште малку оцет. Покријте и оставете околу 10-15 минути пареата да ги обои јајцата. На крај премачкајте ги со малку масло. Потребни ви се: 10 варени јајца, бои по избор, топла вода, 4 лажици сода бикарбона за секоја боја, 3-4 лажички по јајце, оцет и масло. Подготовката изгледа вака: Во секој сад ставете по четири лажици сода бикарбона и измешајте со малку вода, за да добиете густа паста. Цевките со боја ставете ги во сад и прелијте ги со врела вода. Оставете ги да отстојат малку и за тоа време одвојте ја содата бикарбона во посебни чинии или чаши, во кои потоа ќе ги додадете боите. Сварете ги јајцата и исушете ги, па ставете ги во калап за мафини. Секое јајце прелијте го со лажица со различна боја (соединете по желба), па прелијте ги со лажица оцет. Оставете ги околу 15 минути, а потоа извадете ги јајцата од бојата и нежно избришете ги со крпа. боење јајцавелигденски јајцајајца 2.156 Сподели FacebookTwitterGoogle+ReddItWhatsAppPinterestEmail...

СлајдерТОП 5 „Не ломите ми багрење“! Цветот од багрем е природен лек за ревматизам, главоболка и висок притисок Арт Кујна Апр 29, 2024 Фото: Pexels 179 Сподели Багремот, познат и под називот лажна акација е богат со витамини Ц и К и минерали, калиум, манган и магнезиум Иако за многумина е алерген, за оние кои не се алергични, може да биде лек. Не ја пропуштајте неговата цветна сезона, па искористете ја за да го употребите и за здравствени цели. Погодувате, станува збор за багрем, познат и како лажна акација (Robinia pseudoacacia), листопадно дрво од семејството на мешунките. Неговите бели цветови нанижани заедно во кластери се со пријатен мирис и полни со нектар. Лековити својства Покрај тоа што е украсно и корисно растение, багремот има и голем број лековити својства. Цвеќињата, лисјата и кората се користат во традиционалната медицина. Цветовите на багремот најчесто се сушат и се користат како чај за лекување на настинка, кашлица, главоболка и треска. Листовите од багремот можат да се сушат и да се користат како чај, а традиционално се користат за ублажување на дигестивни проблеми. Се верува дека кората има антиинфламаторни својства и се користи за ревматизам и артритис. Во хомеопатијата, цветовите на багремот се користат како лек за заболувања кои се резултат на прекумерно лачење на стомачна киселина, мигрена и невралгија на фацијалниот нерв одговорен за изразите на лицето и подвижноста. Лажната акација, багремот (Robinia pseudoacacia) исто така ги нуди овие придобивки: Богат е со витамин Ц, познат како идеален сојузник на имунитетот, витамин К важен за здравјето на коските и минерали, калиум кој го регулира крвниот притисок, манган и магнезиум кој е одговорен за релаксирање на мускулната тензија и намалување на стресот. Содржи антиоксиданти кои се борат против слободните радикали. Багремот е богат со пребиотици важни за варењето и имунитетот и може да ги ублажи симптомите на синдромот на нервозно дебело црево (IBS). Сепак, како и за сè што не ни е познато, важно е да се консултираме со експерти. Несакани нус-појави Познат на многумина, медот од багрем е генерално безбеден за консумирање, но, како и во сè, постои едно „но“. Така, неговото внесување ќе мора да го ограничат или целосно да го избегнуваат оние кои се алергични на пчели или мед поради можна алергиска реакција. Исто така, да се избегнува секаков вид мед за бебиња под една година поради ризикот од болузитис, болест предизвикана од токсинот на бактеријата Clostridium botulinum. Чај од багрем за главоболки Доколку страдате од чести главоболки, пиењето природен чај секако не може да ви одмогне. Лажица суви цветови од багрем прелијте ги со два децилитри врела вода. Покријте и оставете да отстои околу 15 минути. По желба збогатете го чајот со лимон или со малку багремов мед. 179 Сподели FacebookTwitterGoogle+ReddItWhatsAppPinterestEmail...

МениСлајдер Помфрит од моркови со пармезан и зачини Арт Кујна Апр 29, 2024 Фото: Freepik 117 Сподели Печењето помфрит во рерна стана популарна алтернатива, бидејќи луѓето сфатија дека можат да добијат вкусен прилог од различни зеленчуци без вишок маснотии. Нѐ радува тоа што сѐ повеќе луѓе се свртуваат кон поздрав начин на исхрана и избегнуваат пржење во длабоко масло. Печењето помфрит во рерна стана популарна алтернатива, бидејќи луѓето сфатија дека можат да добијат вкусен прилог од различни зеленчуци, како корен од целер или сладок компир, без вишок маснотии. Во тој дух, денес ви носиме рецепт за помфрит од морков со пармезан кој ќе ве воодушеви со својата едноставност и извонреден вкус. Оваа комбинација на медитерански билки, сладоста на морковите и пармезан ќе ви овозможи уникатно гастрономско искуство кое дефинитивно ќе сакате да го повторите. Состојки:330 гр моркови (околу 3 големи моркови)40 гр пармезан 1 лажица маслиново масло2 чешниња лук¼ лажичка чили (или некој друг лут зачин)Малку сол½ лажичка сушени далматински билки (на пр. рузмарин, оригано, мајчина душица…) Приготвување:Вклучете ја рерната на 200°C.Подгответе ја тавата и обложете ја со хартија за печење.На хартијата расфрлајте го ренданиот пармезан кој ќе послужи како подлога за помфритот од морков.Излупете ги морковите, па исечете ги на тенки стапчиња.Во сад измешајте маслиново масло, изрендан лук и зачини. Ставете ги стапчињата од морков и добро измешајте за секое стапче да биде зачинето.Потоа наредете ги морковите врз пармезанот, едно парче до друго без да оставите простор меѓу нив.Печете го помфритот 25-30 минути додека зеленчукот не омекне. Послужете како закуска или со главното јадење по ваш избор! 117 Сподели FacebookTwitterGoogle+ReddItWhatsAppPinterestEmail...

СлајдерСовети Овие намирници содржат повеќе протеини отколку јајцата Арт Кујна Апр 29, 2024 Фото: Pexels 434 Сподели Иако јајцата се богат извор на протеини, постојат голем број нутриционистички опции кои се еднакви или ја надминуваат содржината на протеини во јајцата. Секој од овие извори на протеини нуди единствени вкусови, текстури и нутритивни профили. Без разлика дали барате алтернативи од растително потекло, брзи додатоци во оброците или едноставно сакате да ги проширите вашите кулинарски хоризонти, еве опции кои ќе го задоволат секое непце и прехранбени преференци. НаутНудејќи речиси осум грама протеини во половина шолја, во наутот се ужива уште од многу одамна, особено како основа за хумус. Тој е разноврсен и додава многу хранливи материи во салатите или супите. Свежо сирењеСо речиси 12 г протеини во половина чаша, урдата е извор на протеини со благ вкус. Добро се комбинира со овошје како здрава ужина или може да се користи за зголемување на протеините во палачинките. Путер од бадемиЧесто засенет од путерот од кикиритки, путерот од бадем содржи седум грама протеини во две супени лажици. Богат со масти здрави за срцето, тој е идеално гориво пред тренинг и може да се прилагоди со различни зачини. Чедар сирењеСирењето Чедар содржи околу седум грама протеини на 30 г, а исто така е богато со калциум и витамини. Сепак, треба да го консумирате умерено поради неговата висока содржина на масти и сол.ЛеќаНудејќи осум грама протеини на половина чаша, леќата се готви брзо и доаѓа во различни бои. Таа е разновидна, погодна за јадења како што се вегетански хамбургери, салати итн. Семки од тикваСо 8,5 г протеини на 30 г, семките од тиква се хранлива ужина богата со различни минерали. Може да се јадат сами или да се додадат во јадења како што се овесна каша, салати или во домашен леб. РакчињаРакчињата содржат повеќе од 17 г протеини во само 30 г, се ниски во калории и масти и брзо се спремаат. Ракчиња на скара може да се додадат во тестенини за оброк богат со протеини. КиноаНудејќи околу 7,5 г протеини по чаша, киноата е исто така добар извор на влакна и не содржи глутен. Може да се додаде во салати или да се јаде како каша. Суво посно месоСушеното посно месо како мисирка или лосос може да содржи до 15 г протеини на 30 г. Иако традиционално имаат висок процент на сол и адитиви, поновите производи нудат поздрави опции. Семе од конопСемето од коноп содржи 9,5 г протеини во три лажици. Богато е со масти здрави за срцето и може да се додаде во смути или да се користи за подготовка на млеко од коноп. 434 Сподели FacebookTwitterGoogle+ReddItWhatsAppPinterestEmail...

МениСлајдер Бургери од леќа и тиквичка Арт Кујна Апр 26, 2024 Фото: https://foodyhealthylife.com/ 155 Сподели За време на пости, но и доколку не јадете месо, овие плескавици од жолта леќа и тиквичка (нашите две омилени состојки) се одличен предлог за здрав оброк Состојки:200 гр (1 чаша) жолта леќа450 мл (2 чаши) вода1 средна тиквичка, рендана1 кромид, ситно сечкан1 чешне лук, згмечено85 г (1 шолја) брашно од бадеми (може да се замени со какво било брашно)6 сушени домати, сечкани10 маслинки, сечканиСол и црн пипер по вкус1/2 лажичка чили во прав (по желба)Масло за пржењеФакултативни состојки: Приготвување:Исплакнете ја леќата и сварете ја со вода во тенџере на средна температура. Додека се готви леќата, изрендајте ја тиквичката. За да се отстрани вишокот на влага, поросете ја со сол и оставете да отстои па процедете.Пропржете го кромидот додека не стане проѕирен, потоа додадете го лукот и продолжете со пржењето уште една минута.Откако леќата е готова, исцедете ја и ставете ја во голем сад заедно со кромидот и лукот. Изгмечете ја смесата до саканата конзистентност. Додадете ја тиквичката и останатите состојки. Од смесата обликувајте топчиња со рамномерна големина и потоа сплескајте ги во плескавици.Пржете ги во загреано масло додека двете страни не добијат убава златно-кафеава боја.Можете да ги послужите со некој сос или едноставно како замена за плескавици од месо, односно, во секоја комбинација во која се јадат тие. Одлично одат со сос на база на јогурт или традиционално цацики. Може да се јадат и само со салата или да се завиткаат во тортиља за брз и вкусен оброк во движење. Рецептот и фотографијата се од ТУКА. 155 Сподели FacebookTwitterGoogle+ReddItWhatsAppPinterestEmail...

СлајдерСовети Црно семе, ама не она на Ташко Георгиевски: Се препорачува кај дијабетес, за пореметувања во варењето, за рак … Арт Кујна Апр 26, 2024 Фото: Pexels 158 Сподели Антиканцерогените придобивки од црното семе и тимокинонот кој го содржи, се тестирани кај пациенти и во лабораториски студии. Најраните списи кадешто се споменува билката Nigella sativa, односно нејзиното семе, се од стариот Египет. Најдено е во гробницата на Тутанкамон уште пред околу 3.300 години. Во арапската култура е нарекувано благословено семе. Интересно е тоа што исламскиот пророк Мухамед рекол за црното семе дека е лек за сите болести освен за смртта. А познатиот грчки лекар Хипократ го користел за лекување на оние кои имале пореметување во метаболизмот и варењето. И традиционалната кинеска медицина повеќе од илјада години го препорачува за многу болести. Почнувајќи од дијабетес, преку пореметувања во варењето, па сѐ до рак. Благодарение на биолошките испитувања, многу негови дејствија биле потврдени кај луѓе кои боледувале од одредени болести. Во многу западноевропски земји се направени повеќе студии и истражувања кои докажуваат дека маслото Nigela Sativa е природна материја со богата прехранбена вредност, минерали, амино киселини, со голема способност за поддржување на системот за имунитет, како и за лекување на многу болести. Современите научни истражувања потврдија дека црното семе е златен рудник на здравје. Според денешните сознанија, црното семе може да излекува и фатални болести, како што се ракот и сидата. Црното семе и маслото од црно семе можат да ги намалат несаканите ефекти од третманите со хемотерапија за разни видови карцином. Тоа содржи различни активни хранливи состојки како Тимокинон. Антиканцерогените придобивки од црното семе и Тимокинонот се тестирани кај пациенти и во лабораториски студии. Меѓутоа, многу е важно да се персонализира исхраната за специфичен карцином и третман за да се добијат придобивките од исхраната и да се биде безбеден. Сто отсто чистото ладно цедено масло од црно семе го зајакнува имунолошкиот систем, ја прочистува крвта и го штити телото од сите видови болести. Го зајакнува имунитетот, помага во намалување на стресот од секојдневните обврски, делува аналгетски, антибактериски, противвоспалително и антивирусно, помага при крварење, помага при габични инфекции на раце, нозе и нокти, ја зајакнува косата и не дозволува предвремено опаѓање, ниту пак белеење, го регулира нивото на гликоза, триглицериди и сперматозоиди, го намалува високиот крвен притисок, ги заштитува бубрезите и црниот дроб. Овие неколку фармацевтски дејства се само дел од многубројните придобивки на црното семе. Добри резултати покажува и кај следните состојби: Дијабетес тип 2: 2 грама црно семе на ден го намалува шеќерот во крвта, го зајакнува инсулинот, ја зголемува функцијата на бета-клетките и го намалува хемоглобинот. Хеликобактер Пилори: Црното семе го спречува актвирањето на оваа бактерија за која нема лек. Тие што веќе ја имале знаат дека секогаш ќе се соочуваат со неа, но со помош на црниот сусам ќе заборават дека постои во нивниот организам. Епилепсија: Познато е дека црното семе има антиконвулзивно дејство. Една студија во 2007 година извршена врз епилептични деца, чијашто терапија се базирала на лекови, покажала дека црното семе помешано во вода помага при намалување на нападите. Висок крвен притисок: Дневната консумација на 100-200 мг црно семе во рок од два месеца, ќе резултира со намален крвен притисок, кај луѓето со хипертензија. Астма: Една од главните состојки на црното семе – тимокинон – има големо антиастматично дејство на дишните патишта. Доволно е само секојдневно да се консумира црно семе во зовриена вода. Канцер на дебелото црево: Истражувањата покажаа дека маслото од црното семе има значителна улога во намалувањето на растот на канцерот на дебелото црево. Освен за здравјето, црното семе се употребува и како еликсир за убавина. Црното семе можете да го најдете на пазар или во билна аптека, а ладно цедено масло од црно семе има во продавниците или во одделите за здрава храна во поголемите маркети. 158 Сподели FacebookTwitterGoogle+ReddItWhatsAppPinterestEmail...

СлајдерТОП 5 Патка со маџун и слатко од зелени смокви, суши, вино, деликатеси… Драгица Христова Апр 26, 2024 298 Сподели Кога ќе ве поканат на дегустација на вино и ќе сфатите дека пола од присутните се од дипломатскиот кор, во неофицијална посета на Винската соба на нашиот пријател Дејан Донев, а трпезата, освен со прекрасните македонски вина крцка со деликатеси, е тогаш може да кажете дека ви е драго што сте се одзвале на поканата. Па кој би одолеал на македонски вина во комбинација со суши и паткини гради во сос од маџун и слатко од зелени смокви, нели? Кога ќе ве поканат на дегустација на вино од една од нашите најдобри винарии (Дане Хермес, за која ќе пишуваме наскоро) и ќе сфатите дека освен локалната, многу сте ја засакале и јапонската кујна, но и дека пола од присутните се од дипломатскиот кор во неофицијална посета на Винската соба на нашиот пријател Дејан Донев, е тогаш може да кажете дека ви е драго што сте се одзвале на поканата. Имено, беше неверојатно и неочекувано изненадување од амбасадорот на Јапонија во Македонија, Оцука Казуја-сан, да го прослави својот роденден и да присуствува на винската дегустација во оваа Винска соба во центарот на градот, во која секој четврток речиси цели две години се одвиваат тематски вински дегустации на вина од нашите и од винарии од странство. На фотографијата се: јапонскиот амбасадор г. Оцука Казуја, словенечкиот амбасадор г. Грегор Прескер и нашиот Дане Јованов – Хермес, производител на вината кои беа тема на вечерта Како и секогаш, на овие вински дегустации, не знаете кој ќе биде присутен до последен момент, но секогаш се тоа добри, културни и пристојни луѓе. Така и овојпат, со убави разговори во опуштена и пријателска атмосфера и договор за 2-3 следни приказни за нашите портали (арткујна.мк и мајкаидете.мк) и сето тоа, во комбинација со роденденот на јапонскиот амбасадор и во присуство на нашите нови познаници, словенечкиот амбасадор г.Грегор Прескер и неговата прекрасна сопруга Елвира Златиќ Прескер, како и уште двајца членови од словенечката амбасада во Скопје (г-ѓа Ѓуле Вишај и г. Бранко Скрбинек) и нашата веќе добра пријателка, Кјоко Нишикава, готвачка во јапонската амбасада, ние, од Арт кујна, навистина уживавме. Иако, како што често знаеме да се пошегуваме и нам работата не ни е лесна – мора да се појавиме на толку многу настани со вкусна храна и пијалаци, што понекогаш се прашуваме – како воопшто издржуваме?! Шега на страна, најубавото од сето ова е што секогаш овие настани завршуваат со еден куп нови контакти и можности за многу нови, интересни и убави приказни. Патем, освен интересните вински дегустации, од настан во настан, сѐ побогата и поинтересна станува и трпезата во Винската соба на Дејан, па освен во вината, сега нејзините посетители уживаат постојано и во нови и вкусни специјалитети. Нашата драга Кјоко-сан беше заслужна за најинтересните специјалитети на овој четврточен неофицијален и полудипломатски настан, што е и разбирливо со оглед на тоа што го прославувавме и роденденот на јапонскиот амбасадор. Така, на масата, освен редовното мезе со деликатесите кое го подготвува домаќинот, централно место имаше и сушито од кујната на Кјоко-сан, како она со лосос, така и она со зеленчук, а особено е прекрасен начинот на кој таа успева да ги вметне во нивната традиционална јапонска кујна и нашите македонски производи. Па така, паткините гради беа прелиени со превкусниот маџун од винаријата Захарчев и послужени со македонското единствено слатко од зелени смокви. За сушито веќе знаеме дека го прави со кочански ориз за кој вели дека е одличен за оваа намена. Патем, месото од патка е добар извор на тиамин, рибофлавин, ниацин, витамин Б6, фолна киселина, фосфор, селен и има добра содржина на протеини. Изгледа дека Арт кујна е секогаш на вистинското место и во вистинско време, нели? 298 Сподели FacebookTwitterGoogle+ReddItWhatsAppPinterestEmail...

СлајдерСовети Путер од кикиритки, рецепт за намаз кој лесно се прави Арт Кујна Апр 25, 2024 Фото: Pexels 159 Сподели Путерот од кикиритки е вкусен и хранлив додаток на храна и се препорачува на различни групи луѓе поради неговите многубројни здравствени придобивки. Многу лесно можете да го направите и сами Можете да го користите путерот од кикиритки на различни начини. Можете да го намачкате на леб, со него да направите сендвичи, да го додадете во солени или слатки јадења, да го додадете во смути. И многу лесно се прави. Состојки: 2 шолји кикиритки (несолени и непечени), можете да користите и печени несолени 1/2 до 1 лажичка сол (опционално) 1-2 лажици мед или јаворов сируп (по избор) 1-2 лажици растително масло (на пример, сончогледово, од кикиритки, кокосово) Приготвување: Испечете ги: Загрејте ја рерната на 175°C и испечете ги кикиритките во тенок слој на плехот и печете ги во загреана рерна околу 10-15 минути со повремено мешање додека не поруменат. Внимавајте да не ги препечете бидејќи путерот ќе биде горчлив. Ако сте купиле печени кикиритки, секако прескокнете го овој чекор. Излупете ги кикиритките: Кога се доволно ладни за да се држат, излупете ги така што ќе ги триете меѓу дланките. Овој чекор е опционален, но ќе резултира со покремаст путер. Блендирајте: Ставете ги излупените кикиритки во блендер. Мешајте ги на голема брзина околу 5-10 минути. Повремено прекинувајте го блендерот и истругајте ги страните за да се осигурате дека се добро измешани. Кикиритките ќе станат прав, потоа грутчиња, а потоа ќе почнат да се формираат топчиња. Додадете масло: Кога ќе видите дека кикиритките почнуваат да се лепат и да стануваат мазни, додадете мала количина растително масло (околу 1-2 лажици). Продолжете со мешање додека путерот не стане мазен и кремаст. Додадете сол и засладувач (по желба). Мешајте додека убаво не се соедини. Готовиот путер од кикиритки ставете го во чиста стаклена тегла со капак и чувајте го во фрижидер. Како да го користите? Путерот од кикиритки може да се користи на различни начини. Еве неколку идеи за тоа како можете да го послужите: Намаз со леб: путерот од кикиритки одлично делува како намаз на леб, тост или крекери. Можете да го послужите самостојно или да го комбинирате со џем, мед или свежо овошје. Додаток во смути: Додајте лажица путер од кикиритки во омиленото смути за дополнителен протеин и вкус. Во сосови: путерот од кикиритки можете да го користите како состојка во преливи за салати, азиски јадења или пилешки сосови. Во солени јадења: додадете путер од кикиритки во азиски тестенини, кари или пилешки сосови. Во слатки јадења: Користете путер од кикиритки како состојка во слатките задоволства како колачи, чоколадни тартови или бомбици од кикиритки. Со овошје: Послужете путер од кикиритки со свежо овошје како јаболка, банани или целер. Во сендвичи: Додајте путер од кикиритки во сендвичите со овошје, зеленчук или месо. Како прелив за палачинки: Можете да користите путер од кикиритки како прелив за палачинки заедно со јаворов сируп или мед. Ова се само неколку идеи, но можностите се бесконечни! На кого му се препорачува путер од кикиритки? Путерот од кикиритки е вкусен и хранлив додаток на храна и се препорачува на различни групи луѓе поради неговите многубројни здравствени придобивки. За спортисти и активни луѓе: путерот од кикиритки е богат со протеини, здрави масти и влакна, што го прави одличен извор на енергија. Протеинот во путерот од кикиритки помага во обновата на мускулите после вежбање. За деца: Путерот од кикиритки е вкусен и привлечен за децата, а во исто време е и хранлив. Може да биде одличен извор на протеини, здрави масти и влакна за раст и развој. За вегетаријанци и вегани: путерот од кикиритки е одличен извор на растителни протеини и здрави масти кои можат да го компензираат недостатокот на протеини и омега-3 масни киселини во исхраната базирана на растенија. За луѓе кои сакаат да изгубат тежина: Иако путерот од кикиритки е богат со калории, неговите здрави масти и влакна можат да придонесат за чувството на ситост, што може да помогне во контролата на тежината. За луѓе кои сакаат да го подобрат здравјето на срцето: путерот од кикиритки содржи мононезаситени и полинезаситени масти кои можат да го намалат нивото на холестерол во крвта и да го намалат ризикот од срцеви заболувања. За луѓе со дијабетес: путерот од кикиритки има низок гликемиски индекс и може да помогне во стабилизирање на нивото на шеќер во крвта. За луѓе кои страдаат од недостаток на железо: путерот од кикиритки е добар извор на железо, што го прави погоден за луѓе кои имаат недостаток на овој минерал. За луѓе кои сакаат да го подобрат здравјето на коските: путерот од кикиритки содржи минерали како што се магнезиум, фосфор и манган, кои се важни за здравјето на коските. Доколку немате алергија на кикиритки, путерот може да биде одличен додаток во вашата исхрана и да ви обезбеди бројни здравствени придобивки. Сепак, важно е да се консумира умерено, бидејќи е калоричен. кикириткипутер од кикириткирецепт за путер 159 Сподели FacebookTwitterGoogle+ReddItWhatsAppPinterestEmail...

СлајдерСовети Дали е дозволено да се јадат јајца на кои им поминал рокот? Три начини со кои се проверува исправноста на јајцата Арт Кујна Апр 25, 2024 Фото: Unsplash 282 Сподели Кога се ближи Велигден, повеќето од нас сакаат со време да си купат јајца, но често се поставува прашањето колку всушност се стари овие јајца и дали сѐ уште се погодни за консумирање. Постојат три едноставни начини да го проверите ова. Јајцата се популарна храна ширум светот поради нивната разновидност и хранлива вредност. Тие се богати со висококвалитетни протеини, витамини и минерали како што се витамин Б12, рибофлавин, селен и железо. Покрај тоа, јајцата се лесни за подготовка и достапни за повеќето луѓе. Можат да се подготвуваат на различни начини – варени, печени, пржени или како дел од разни јадења како омлети, фритати, киш или разни печива. Јајцата се клучна состојка во многу кулинарски рецепти ширум светот, додавајќи богатство на вкусот и текстурата на јадењата. И покрај неговата популарност, важно е да се забележи дека луѓето со одредени здравствени состојби или ограничувања во исхраната можеби ќе треба да го ограничат внесот на јајца поради нивната содржина на холестерол. Сепак, за повеќето луѓе умереното консумирање јајца може да биде вкусен и здрав додаток во исхраната. Дали може да се консумираат по истекот на рокот? Но, што е со јајцата со поминат рок? Дали ви е дозволено да ги консумирате и каква е опасноста да се појави салмонела? Бенџамин Чепмен, експерт за безбедност на храна, укажува на важноста од разбирање на рокот на траење на јајцата, пренесува Southern Living. Овој рок го означува времето во кое јајцата се со најдобар квалитет, но не гарантира безбедност за консумирање по истекот на рокот. Производителите обично тврдат дека јајцата можат да траат 4-5 недели во фрижидер, но не постои универзален рок на траење кој би ја одредил безбедноста. И по истекот на рокот, можете да јадете јајца, но постои ризик од салмонела. Контаминација може да се појави во внатрешноста на јајцето, иако тоа е ретко. За среќа, салмонелата не се појавува многу често, околу 1:10.000 или 1:20.000 Важно е правилно да се чуваат јајцата за да се намали ризикот од контаминација и да се зачува нивната свежина. Чувајте ги во фрижидер, идеално под 5°C и секогаш проверувајте го нивниот квалитет пред употребата. Доколку забележите необичен мирис или изглед, подобро е да не ризикувате и да не ги консумирате. Иако ретко, важно е да се биде свесен за потенцијалните опасности и да се преземат мерки на претпазливост за да се обезбеди безбедно консумирање на храната. Откријте дали јајцата се расипани со овие три едноставни трикови Се ближи Велигден, па почнуваат и набавките за обилниот велигденски појадок и ручек. Се купуваат шунки, се подготвуваат десерти и секако, најважното – јајца. Кога се ближи Велигден, повеќето од нас сакаат со време да си купат јајца, но често се поставува прашањето колку всушност се стари овие јајца и дали сѐ уште се погодни за консумирање. Постојат три едноставни начини да го проверите ова. Првиот начин е тестирање во вода. Јајцето се става во сад со ладна вода, каде што нивото на водата треба да биде двојно поголемо од висината на јајцето. Свежото јајце ќе потоне до дното и ќе лежи рамно, додека малку постаро јајце (околу една недела) исто така ќе потоне, но едниот крај ќе биде малку подигнат. Ако јајцето се избалансира и се крене од дното откако ќе го потопите, веројатно е старо околу три недели. Јајцата кои пливаат на површината се премногу стари за да се јадат. Друг начин е тестот со протресување. Јајцето нежно се протресува на увото, па ако слушнете звук на поместување, подобро е да го избегнувате конзумирањето на тоа јајце. Ако не слушнете ништо, јајцето веројатно сè уште е безбедно за јадење.Третиот начин е тестот со кршење јајца. Скршете јајце на чинија и набљудувајте ги жолчката и белката. Свежото јајце ќе има жолчка со кружен облик на глобус, додека белката ќе биде цврста. Ако жолчката е малку израмнета, а белката е уште цврста, јајцето е малку постаро, но сепак е прифатливо за јадење. Меѓутоа, ако жолчката е целосно израмнета и белката тече како вода, јајцето не е погодно за консумирање. Кога ги подготвувате велигденските јајца, најдобро е да ги јадете во рок од три до четири дена по варењето, бидејќи дотогаш сигурно не се расипани. После тоа треба да се потпреме на нашето сетило за мирис. јајцарок на траење 282 Сподели FacebookTwitterGoogle+ReddItWhatsAppPinterestEmail...

СлајдерСовети Дали е дозволено да се јадат јајца на кои им поминал рокот? Три начини со кои се проверува исправноста на јајцата Арт Кујна Апр 25, 2024 Фото: Unsplash 1 Сподели Кога се ближи Велигден, повеќето од нас сакаат со време да си купат јајца, но често се поставува прашањето колку всушност се стари овие јајца и дали сѐ уште се погодни за консумирање. Постојат три едноставни начини да го проверите ова. Јајцата се популарна храна ширум светот поради нивната разновидност и хранлива вредност. Тие се богати со висококвалитетни протеини, витамини и минерали како што се витамин Б12, рибофлавин, селен и железо. Покрај тоа, јајцата се лесни за подготовка и достапни за повеќето луѓе. Можат да се подготвуваат на различни начини – варени, печени, пржени или како дел од разни јадења како омлети, фритати, киш или разни печива. Јајцата се клучна состојка во многу кулинарски рецепти ширум светот, додавајќи богатство на вкусот и текстурата на јадењата. И покрај неговата популарност, важно е да се забележи дека луѓето со одредени здравствени состојби или ограничувања во исхраната можеби ќе треба да го ограничат внесот на јајца поради нивната содржина на холестерол. Сепак, за повеќето луѓе умереното консумирање јајца може да биде вкусен и здрав додаток во исхраната. Дали може да се консумираат по истекот на рокот? Но, што е со јајцата со поминат рок? Дали ви е дозволено да ги консумирате и каква е опасноста да се појави салмонела? Бенџамин Чепмен, експерт за безбедност на храна, укажува на важноста од разбирање на рокот на траење на јајцата, пренесува Southern Living. Овој рок го означува времето во кое јајцата се со најдобар квалитет, но не гарантира безбедност за консумирање по истекот на рокот. Производителите обично тврдат дека јајцата можат да траат 4-5 недели во фрижидер, но не постои универзален рок на траење кој би ја одредил безбедноста. И по истекот на рокот, можете да јадете јајца, но постои ризик од салмонела. Контаминација може да се појави во внатрешноста на јајцето, иако тоа е ретко. За среќа, салмонелата не се појавува многу често, околу 1:10.000 или 1:20.000 Важно е правилно да се чуваат јајцата за да се намали ризикот од контаминација и да се зачува нивната свежина. Чувајте ги во фрижидер, идеално под 5°C и секогаш проверувајте го нивниот квалитет пред употребата. Доколку забележите необичен мирис или изглед, подобро е да не ризикувате и да не ги консумирате. Иако ретко, важно е да се биде свесен за потенцијалните опасности и да се преземат мерки на претпазливост за да се обезбеди безбедно консумирање на храната. Откријте дали јајцата се расипани со овие три едноставни трикови Се ближи Велигден, па почнуваат и набавките за обилниот велигденски појадок и ручек. Се купуваат шунки, се подготвуваат десерти и секако, најважното – јајца. Кога се ближи Велигден, повеќето од нас сакаат со време да си купат јајца, но често се поставува прашањето колку всушност се стари овие јајца и дали сѐ уште се погодни за консумирање. Постојат три едноставни начини да го проверите ова. Првиот начин е тестирање во вода. Јајцето се става во сад со ладна вода, каде што нивото на водата треба да биде двојно поголемо од висината на јајцето. Свежото јајце ќе потоне до дното и ќе лежи рамно, додека малку постаро јајце (околу една недела) исто така ќе потоне, но едниот крај ќе биде малку подигнат. Ако јајцето се избалансира и се крене од дното откако ќе го потопите, веројатно е старо околу три недели. Јајцата кои пливаат на површината се премногу стари за да се јадат. Друг начин е тестот со протресување. Јајцето нежно се протресува на увото, па ако слушнете звук на поместување, подобро е да го избегнувате конзумирањето на тоа јајце. Ако не слушнете ништо, јајцето веројатно сè уште е безбедно за јадење.Третиот начин е тестот со кршење јајца. Скршете јајце на чинија и набљудувајте ги жолчката и белката. Свежото јајце ќе има жолчка со кружен облик на глобус, додека белката ќе биде цврста. Ако жолчката е малку израмнета, а белката е уште цврста, јајцето е малку постаро, но сепак е прифатливо за јадење. Меѓутоа, ако жолчката е целосно израмнета и белката тече како вода, јајцето не е погодно за консумирање. Кога ги подготвувате велигденските јајца, најдобро е да ги јадете во рок од три до четири дена по варењето, бидејќи дотогаш сигурно не се расипани. После тоа треба да се потпреме на нашето сетило за мирис. јајцарок на траење 1 Сподели FacebookTwitterGoogle+ReddItWhatsAppPinterestEmail...

СлајдерСовети Како да направите хроно брашно и од него најздравиот леб Арт Кујна Апр 25, 2024 126 Сподели Со комбинација на неколку видови интегрално брашно, повеќето луѓе можат да избегнат мачнини, надуеност и гасови Една од најголемите придобивки на хроно лебот е тоа што се прави без квасец кој го крева нивото на инсулин, а секој вид брашно што се комбинира има докажани здравствени придобивки. Хроно лебот е составен дел на хроно исхраната, којa се базира на резултатите од проучувањето на биохемиските и физиолошките процеси во човечкото тело. Целта е најдоброто можно функционирање на метаболизмот. Практично, оброците се усогласени со временските периоди во текот на денот во кои се лачат одредени дигестивни ензими и хормони, заедно со изборот на поздрава храна. Целите на хроно исхраната и квалитетите на хроно брашното и хроно леботЛуѓето кои се придржуваат до оваа диета не само што ќе се ослободат од вишокот килограми. Целите на хроно исхраната се повеќекратни, како и нивните придобивки. Навиките во исхраната се менуваат, се стекнува свесност за концептот на поздрава комбинација на храна. Ваквиот начин на исхрана, поради специфичниот „часовник“ според кој функционира нашиот метаболизам, го спречува таложењето на масти во телото и вишокот килограми. Кога јадете хроно леб според правилата на оваа диета, ќе бидете поздрави, но со помалку телесни масти. Ќе го регулирате лачењето на инсулин, метаболизмот на шеќер и масти. Ова резултира со подобро здравје и превенција од болести. Не се забележани негативни ефекти, а лицата со целијачна болест не смеат да ги користат оние брашна што содржат глутен во подготовката на ова брашно и леб. Една од неговите најголеми придобивки е тоа што е направен без квасец што предизвикува инсулин. Какви видови брашно треба да содржи смесата за хроно лебХроно лебот не поттикнува негативни ефекти од варењето (надуеност, гасови, мачнина), бидејќи не содржи адитиви и вештачки материи. Нутриционистите советуваат при подготовката на брашното за смесата да се користат два или најмногу три вида брашно. Практиката покажува дека најдобри резултати се добиваат со комбинирање на овие видови (сите брашна се интегрални), со одредени додатоци: интегрална пченицахељда‘ржспелтаовесјачмен. Зошто хроно лебот е еден од најздравитеЕве ги индивидуалните квалитети на видовите интегрално брашно што може да се користи за хроно леб. Пченично брашно од цело зрноСе добива со преработка (мелење) цели зрна пченица. Содржи диетални влакна и протеини, а има и бројни здравствени придобивки: го намалува нивото на шеќер во крвта, позитивно делува на хормоните и го поттикнува исфрлањето на штетните материи и токсините од телото. Сепак, содржи глутен. Интегрално брашно од хељдаЛесно се вари, иако е „потешка“ по структура и има специфичен вкус, како зрнца земја. Содржи витамин Е, магнезиум, нитрати, калиум, цинк, фосфор и јод, како и лизин, кој е важен за градење на коскената маса. Не содржи глутен. Интегрално брашно од ‘ржСодржи глутен. Содржи нецелулозни полисахариди, кои даваат чувство на ситост, поради што се препорачува за исхрана на луѓе кои сакаат да ослабат. Богат е со комплекс од витамини Б и Е, заедно со магнезиум, фосфор, селен и манган, како и голема количина природни растителни влакна. Во него има и глутен. Интегрално брашно од спелтаРизница на витамини, минерали, протеини, јаглени хидрати и масти. Одличен е за деца, спортисти, стари лица и оние со анемија, бидејќи има висока енергетска вредност, го зајакнува имунитетот и е богат со железо. Содржи глутен. Овесно брашно од цели зрнаМногу е здрав бидејќи содржи протеини, витамин Е, калциум и железо и не содржи глутен. Јачменово интегрално брашноИдеален е за комбинирање бидејќи е незгодно да се користи самостојно поради неговата кртост. Содржи глутен, но во мали количини, како и фосфор и калциум. Се препорачува за срцеви и кардиоваскуларни пациенти. Што друго да се додаде во мешавината на состојки?Изберете максимум три вида брашно и додадете по вкус: сусамленовессемки од тиквасемки од сончогледХималајска солпрашок за пецивокисела вода.Ако тестото стои подолго стои пред печењето, лебот ќе биде помек и поиздашен. Долготраен е, вкусен и здрав. 126 Сподели FacebookTwitterGoogle+ReddItWhatsAppPinterestEmail...

ПрофилСлајдер Хошино Сан, суши-шеф од Токио кој зборува турски јазик, а обожава македонски мед: Перфекционист кој ги обучува сите готвачи на синџирот ресторани „Сушико“ Драгица Христова Апр 24, 2024 Фото: Стефани Христов (PS visualart) 610 Сподели „Ту мач соја сос, мејкс д харт гоу бам-бам, енд ју гоу бај-бај“, ни објасни сликовито нашиот соговорник Јутака Хошино, покажувајќи ни како правилно се јаде суши. Тој е суши-шеф во синџирот на ресторани од брендот СушиКо кој во Скопје доаѓа еднаш до двапати годишно. Првото што го прави тука е купувањето на македонски мед за кој смета дека е најдобар на светот и тоа не само поради филмот „Ханиленд“, туку затоа што и самиот го пробал. Јутака Хошино го запознавме на промоцијата на вината кои за македонскиот пазар ги увезува компанијата Алхемист, во новоотворениот ресторан Сушико Зен во Дајмонд Мол. Таму имавме можност овие вина да ги дегустираме во комбинација со деликатесите подготвени од ресторанот, поточно, од кулинарската екипа предводена од Хошино Сан, суши-шеф од Токио кај кој се обучуваат сите готвачи од двата скопски ресторани од ланецот ресторани на Сушико, но и од сите други што постојат низ светот.Благодарение на тоа што на настанот бевме во друштво со нашата пријателка Кјоко, инаку, негова сонародничка, која е готвачка во јапонската амбасада во Македонија, многу лесно се договоривме да се сретнеме со него во ресторанот Сушико во Дебар Маало и да ја слушнеме неговата приказна. Роден е во Токио пред 64 години и таму го научил занаетот. Работел во Лондон кога ја добил понудата за работа во Турција и бил учесник во формирањето на еден од првите јапонски ресторани во Истанбул, првиот од ланецот ресторани „Сушико“. Таму е веќе 25 години, несебично споделувајќи го сето свое знаење и искуство и претставувајќи ја и промовирајќи ја јапонската култура и кујна. Како што рече неговиот пријател, колега и, како што на шега вели, „брат од друга мајка“ кој беше дојден со него од Истанбул, сите имаат посебен однос и голема почит кон Јутака кој е и најстар во семејството на СушиКо.„Јутака е најстар во нашето Сушико семејство, веќе долго време живее во нашата земја и ја има сета наша почит и љубов. Всушност, бидејќи не е женет и нема семејство, ние сме неговото семејство“, вели неговиот пријател од Истанбул кој патем, беше и негов преведувач од турски јазик. Со оглед на тоа што живее таму веќе четврт век, Хошино го зборува турскиот многу подобро од англискиот и иако е ова од една страна разбирливо, сепак чудно звучи кога Јапонец ви вели нешто како: „јок“ (yok) или ве прашува: „En çok hangi tür balığı yemeyi seversiniz?“ (кој вид на риба најмногу сакате да го јадете?). Фото: Стефани Христов (PS visualart) Како и да е, нашиот соговорник Хошино Сан смета дека е многу важно да се работи долго за иста компанија, тоа го нарекува лојалност и посветеност.Впрочем, тој толку долго време живее во Истанбул и во Турција, а претходно и во Англија, што после сите тие години работа и живеење надвор од Јапонија, не само што не сака да ја менува работата, туку сега најмногу се чувствува како турист кога е во родниот град и во својата земја. За перфекционизмот и маниритеКога станува збор за изгледот на храната, како и за манирите, да стануваше збор за религија или за некоја идеологија, сигурно ќе го наречевме нашиот соговорник – ортодоксен, но сега велиме само – перфекционист.Впрочем, како поинаку би го нарекле тоа што, бидејќи не му се допадна чинијата во која ни беше послужена храната, патем, само тој си знае зошто, ја врати назад во кујната со молба да ја сменат.Дури потоа беше навистина задоволен.Ако го прашате за правилата кои треба да се почитуваат кога се јаде традиционалното јапонско суши, со оглед на тоа што не зборува добро англиски, а македонски воопшто, сликовито ги објаснува сите грешки што ги прават Европејците и Американците кога јадат суши.Па така, за да ни ги покаже практично грешките, донесе суши и два мали сада за соја-сос. Едниот беше скоро полн и тој беше пример за тоа како не треба да биде, а другиот имаше сосема малку, речиси на дното, за да може сушито исто така само малку да се натопи во него. Се разбира, притоа ни објасни и со која страна се прави ова, односно, дека не се потопува од страната кадешто е оризот, туку со горната страна, за да не се распадне.И на свој духовит начин ни укажа и на другите последици од употребата на премногу соја-сос кој содржи многу сол. „Ту мач соја сос, мејкс д харт гоу бам-бам, енд ју гоу бај-бај“, рече тој држејќи се за градите и имитирајќи срцев удар. Фото: Стефани Христов (PS visualart) За време на неговата куса презентација на правилата што треба да се запазат кога се јаде суши, ни објасни и дека за разлика од порано кога суши во Јапонија се приготвувало само за специјални пригоди, денес, откако е тоа веќе широко распространето во светот, а во Америка во некои локали има веќе и третман на брза храна, тоа се прилагодило и според вкусовите на луѓето надвор од Јапонија, но и на големиот број странци во земјата.Па така сега се прави и суши во кое не се користи исклучиво само сирова риба, која во Турција, па и кај нас, на многу луѓе им е одбивна. Нам не ни е, па со задоволство ги испробавме сите видови суши што ни беа послужени. И сите беа навистина перфектни, а особено оние со сиров лосос и туна.За состојките, цените, сакето и вината За време на нашиот разговор во ресторанот СушиКо, со нас беа и двајца љубезни членови на персоналот кои ни објаснија некои работи во врска со тоа како функционираат скопските локали на овој бренд.„Пред да почнат да работат тука, сите суши готвачи поминуваат обука во Истанбул кадешто ги обучува Хошино Сан, а моментално, готвачите во Скопје се од Тајланд и од Турција, додека нашата македонска суши-мајсторка Величе која е исто така негова ученичка, е на породилно отсуство.Инаку, во нашиот ресторан се почитуваат сите правила кои се однесуваат на температурата на чување на свежата риба, па така, таа не се чува во ист, туку во различни фрижидери и на различна температура. Користиме и доста производи кои кај нас инаку ги нема, како на пример, јапонска репка и висококвалитетен соја сос. Ресторанот користи локални добавувачи за основни намирници како црвено месо, зеленчук, брашно, шеќер итн“, објаснуваат тие.Со оглед на ентузијастичкиот и ексклузивен профил на клиентите, компанијата во Турција, но и кај нас, во рестораните Сушико во Дебар Маало и Сушико Зен во Дајмонд Мол, има внимателно одбрано мени за вино и алкохолни пијалаци. Фото: Стефани Христов (PS visualart) Хошино Сан ни објаснува дека во менито секогаш го вклучуваат и сакето и дека на почеток, кога клиентите во првиот ресторан на Сушико ќе дознаеле дека сакето се прави со ферментирање на ориз, можел да го забележи за момент шокот што се одразувал на нивните лица. Вели дека освен со саке, суши многу добро се согласува и со македонските вина.„Во Јапонија кога пијат саке, Јапонците наместо вода, пијат пиво. Малку саке, па потоа пиво за гаснење на огнот“, се смее тој.Што се однесува до цената на сушито, Хошино вели дека во поскапите ресторани кадешто се служи суши, повисоката цена се должи на тоа што и состојките кои се користат се поскапи и секако, поквалитетни. Особено, вели, за разлика од Јапонија и Америка кои имаат океани и кадешто е полесно да се набави свежа риба, за да ја донесете во Македонија, се разбира дека ќе чини повеќе. За македонскиот мед и неговите омилени места во Скопје Од отварањето на првиот ресторан на Сушико во Скопје, а овојпат и по повод промоцијата на вината во вториот, во Дајмонд Мол, нашиот драг нов пријател доаѓа во нашиот град неколку пати годишно и го проверува квалитетот на храната и одржувањето на стандардите. А првата работа што ја прави кога доаѓа во Македонија е купувањето мед, за кој вели дека е најдобар на светот.„Ммм, го гледав и Ханиленд, тука има навистина најдобар мед. Во Турција го мешаат со вода, а во Македонија има одличен квалитет. Всушност, сметам дека Македонија има најдобар мед на светот“, заклучува тој.Друга работа која му се допаѓа кај нас е месото за кое вели дека има квалитет, но и добра цена. Сака и бурек, а најмногу му се допаѓа затоа што и во Турција и кај нас, се користи маслиново масло, кое пак во јапонската кујна не се употребува. Сака чорби, па често ги јаде и кога е тука, а секако и во Турција, а едно од омилените јадења му е леќата. Му се допаѓа и центарот на Скопје, но и крстот на Водно, кадешто се качил со жичарата. Фото: Стефани Христов (PS visualart) На крајот од разговорот, како секој добар домаќин, не праша што најмногу би сакале да пробаме од менито на Сушико. Се одлучивме изборот да му го препуштиме нему и не згрешивме. Набрзо стасаа порциите со салмон дрим, нигири микс, бест оф, … Малку го разочаравме затоа што наместо вино (претеравме претходните два дена, од кои еден, токму на дегустацијата во Сушико Зен во Дајмонд Мол), одбравме зелен чај.Како и да е, до следната можност за перфектно суши, аригато Хошино Сан и сајонара. ЈапонијаЈутака ХошиносушиСушико 610 Сподели FacebookTwitterGoogle+ReddItWhatsAppPinterestEmail...

Готвам и сликам Хошино Сан, суши-шеф од Токио кој зборува турски јазик, а обожава македонски мед: Перфекционистот кој ги обучува сите готвачи на рестораните „Сушико“ Драгица Христова Апр 24, 2024 Фото: Стефани Христов (PS visualart) 2 Сподели „Ту мач соја сос, мејкс д харт гоу бам-бам, енд ју гоу бај-бај“, ни објасни сликовито нашиот соговорник Јутака Хошино, покажувајќи ни како правилно се јаде суши. Тој е суши-шеф во синџирот на ресторани од брендот СушиКо кој во Скопје доаѓа еднаш до двапати годишно. Првото што го прави тука е купувањето на македонски мед за кој смета дека е најдобар на светот и тоа не само поради филмот „Ханиленд“, туку затоа што и самиот го пробал. Јутака Хошино го запознавме на промоцијата на вината кои за македонскиот пазар ги увезува компанијата Алхемист, во новоотворениот ресторан Сушико Зен во Дајмонд Мол. Таму имавме можност овие вина да ги дегустираме во комбинација со деликатесите подготвени од ресторанот, поточно, од кулинарската екипа предводена од Хошино Сан, суши-шеф од Токио кај кој се обучуваат сите готвачи од двата скопски ресторани од ланецот ресторани на Сушико, но и од сите други што постојат низ светот.Благодарение на тоа што на настанот бевме во друштво со нашата пријателка Кјоко, инаку, негова сонародничка, која е готвачка во јапонската амбасада во Македонија, многу лесно се договоривме да се сретнеме со него во ресторанот Сушико во Дебар Маало и да ја слушнеме неговата приказна. Роден е во Токио пред 64 години и таму го научил занаетот. Работел во Лондон кога ја добил понудата за работа во Турција и бил учесник во формирањето на еден од првите јапонски ресторани во Истанбул, првиот од ланецот ресторани „Сушико“. Таму е веќе 25 години, несебично споделувајќи го сето свое знаење и искуство и претставувајќи ја и промовирајќи ја јапонската култура и кујна. Како што рече неговиот пријател, колега и, како што на шега вели, „брат од друга мајка“ кој беше дојден со него од Истанбул, сите имаат посебен однос и голема почит кон Јутака кој е и најстар во семејството на СушиКо.„Јутака е најстар во нашето Сушико семејство, веќе долго време живее во нашата земја и ја има сета наша почит и љубов. Всушност, бидејќи не е женет и нема семејство, ние сме неговото семејство“, вели неговиот пријател од Истанбул кој патем, беше и негов преведувач од турски јазик. Со оглед на тоа што живее таму веќе четврт век, Хошино го зборува турскиот многу подобро од англискиот и иако е ова од една страна разбирливо, сепак чудно звучи кога Јапонец ви вели нешто како: „јок“ (yok) или ве прашува: „En çok hangi tür balığı yemeyi seversiniz?“ (кој вид на риба најмногу сакате да го јадете?). Фото: Стефани Христов (PS visualart) Како и да е, нашиот соговорник Хошино Сан смета дека е многу важно да се работи долго за иста компанија, тоа го нарекува лојалност и посветеност.Впрочем, тој толку долго време живее во Истанбул и во Турција, а претходно и во Англија, што после сите тие години работа и живеење надвор од Јапонија, не само што не сака да ја менува работата, туку сега најмногу се чувствува како турист кога е во родниот град и во својата земја. За перфекционизмот и маниритеКога станува збор за изгледот на храната, како и за манирите, да стануваше збор за религија или за некоја идеологија, сигурно ќе го наречевме нашиот соговорник – ортодоксен, но сега велиме само – перфекционист.Впрочем, како поинаку би го нарекле тоа што, бидејќи не му се допадна чинијата во која ни беше послужена храната, патем, само тој си знае зошто, ја врати назад во кујната со молба да ја сменат.Дури потоа беше навистина задоволен.Ако го прашате за правилата кои треба да се почитуваат кога се јаде традиционалното јапонско суши, со оглед на тоа што не зборува добро англиски, а македонски воопшто, сликовито ги објаснува сите грешки што ги прават Европејците и Американците кога јадат суши.Па така, за да ни ги покаже практично грешките, донесе суши и два мали сада за соја-сос. Едниот беше скоро полн и тој беше пример за тоа како не треба да биде, а другиот имаше сосема малку, речиси на дното, за да може сушито исто така само малку да се натопи во него. Се разбира, притоа ни објасни и со која страна се прави ова, односно, дека не се потопува од страната кадешто е оризот, туку со горната страна, за да не се распадне.И на свој духовит начин ни укажа и на другите последици од употребата на премногу соја-сос кој содржи многу сол. „Ту мач соја сос, мејкс д харт гоу бам-бам, енд ју гоу бај-бај“, рече тој држејќи се за градите и имитирајќи срцев удар. Фото: Стефани Христов (PS visualart) За време на неговата куса презентација на правилата што треба да се запазат кога се јаде суши, ни објасни и дека за разлика од порано кога суши во Јапонија се приготвувало само за специјални пригоди, денес, откако е тоа веќе широко распространето во светот, а во Америка во некои локали има веќе и третман на брза храна, тоа се прилагодило и според вкусовите на луѓето надвор од Јапонија, но и на големиот број странци во земјата.Па така сега се прави и суши во кое не се користи исклучиво само сирова риба, која во Турција, па и кај нас, на многу луѓе им е одбивна. Нам не ни е, па со задоволство ги испробавме сите видови суши што ни беа послужени. И сите беа навистина перфектни, а особено оние со сиров лосос и туна.За состојките, цените, сакето и вината За време на нашиот разговор во ресторанот СушиКо, со нас беа и двајца љубезни членови на персоналот кои ни објаснија некои работи во врска со тоа како функционираат скопските локали на овој бренд.„Пред да почнат да работат тука, сите суши готвачи поминуваат обука во Истанбул кадешто ги обучува Хошино Сан, а моментално, готвачите во Скопје се од Тајланд и од Турција, додека нашата македонска суши-мајсторка Величе која е исто така негова ученичка, е на породилно отсуство.Инаку, во нашиот ресторан се почитуваат сите правила кои се однесуваат на температурата на чување на свежата риба, па така, таа не се чува во ист, туку во различни фрижидери и на различна температура. Користиме и доста производи кои кај нас инаку ги нема, како на пример, јапонска репка и висококвалитетен соја сос. Ресторанот користи локални добавувачи за основни намирници како црвено месо, зеленчук, брашно, шеќер итн“, објаснуваат тие.Со оглед на ентузијастичкиот и ексклузивен профил на клиентите, компанијата во Турција, но и кај нас, во рестораните Сушико во Дебар Маало и Сушико Зен во Дајмонд Мол, има внимателно одбрано мени за вино и алкохолни пијалаци. Фото: Стефани Христов (PS visualart) Хошино Сан ни објаснува дека во менито секогаш го вклучуваат и сакето и дека на почеток, кога клиентите во првиот ресторан на Сушико ќе дознаеле дека сакето се прави со ферментирање на ориз, можел да го забележи за момент шокот што се одразувал на нивните лица. Вели дека освен со саке, суши многу добро се согласува и со македонските вина.„Во Јапонија кога пијат саке, Јапонците наместо вода, пијат пиво. Малку саке, па потоа пиво за гаснење на огнот“, се смее тој.Што се однесува до цената на сушито, Хошино вели дека во поскапите ресторани кадешто се служи суши, повисоката цена се должи на тоа што и состојките кои се користат се поскапи и секако, поквалитетни. Особено, вели, за разлика од Јапонија и Америка кои имаат океани и кадешто е полесно да се набави свежа риба, за да ја донесете во Македонија, се разбира дека ќе чини повеќе. За македонскиот мед и неговите омилени места во Скопје Од отварањето на првиот ресторан на Сушико во Скопје, а овојпат и по повод промоцијата на вината во вториот, во Дајмонд Мол, нашиот драг нов пријател доаѓа во нашиот град неколку пати годишно и го проверува квалитетот на храната и одржувањето на стандардите. А првата работа што ја прави кога доаѓа во Македонија е купувањето мед, за кој вели дека е најдобар на светот.„Ммм, го гледав и Ханиленд, тука има навистина најдобар мед. Во Турција го мешаат со вода, а во Македонија има одличен квалитет. Всушност, сметам дека Македонија има најдобар мед на светот“, заклучува тој.Друга работа која му се допаѓа кај нас е месото за кое вели дека има квалитет, но и добра цена. Сака и бурек, а најмногу му се допаѓа затоа што и во Турција и кај нас, се користи маслиново масло, кое пак во јапонската кујна не се употребува. Сака чорби, па често ги јаде и кога е тука, а секако и во Турција, а едно од омилените јадења му е леќата. Му се допаѓа и центарот на Скопје, но и крстот на Водно, кадешто се качил со жичарата. Фото: Стефани Христов (PS visualart) На крајот од разговорот, како секој добар домаќин, не праша што најмногу би сакале да пробаме од менито на Сушико. Се одлучивме изборот да му го препуштиме нему и не згрешивме. Набрзо стасаа порциите со салмон дрим, нигири микс, бест оф, … Малку го разочаравме затоа што наместо вино (претеравме претходните два дена, од кои еден, токму на дегустацијата во Сушико Зен во Дајмонд Мол), одбравме зелен чај.Како и да е, до следната можност за перфектно суши, аригато Хошино Сан и сајонара. 2 Сподели FacebookTwitterGoogle+ReddItWhatsAppPinterestEmail...

СлајдерСовети Kако да го држите крвниот притисок под контрола? Арт Кујна Апр 24, 2024 Фото: Pexels 333 Сподели Хипертензијата е тивка, подмолна болест, која може да не покажува никакви симптоми со години. Високите вредности на крвниот притисок се забележуваат само кога се манифестираат оштетувања на различни органи, најчесто во срцето, мозокот, бубрезите или очите. Лекар и нутриционист објаснуваат како да го држите крвниот притисок под контрола Во многу земји, кардиоваскуларните болести се главната причина за смртност, а крвниот притисок кај многу жители има вредности кои се повисоки од 140/90 mmHg. Иако хипертензијата е поврзана со фактори на ризик што може да се избегнат и постојат ефективни лекови за нејзино лекување, истражувањата покажуваат дека таа е слабо контролирана кај популацијата. Вредностите на крвниот притисок треба да се спуштат под 140/90 mmHg. Лекарите напоменуваат дека не се сите лекови за намалување на крвниот притисок подеднакво добри за секој пациент со висок крвен притисок, па затоа е важно да се пие соодветна терапија. Исто така, околу 90 отсто од случаите со висок крвен притисок се од непозната причина, но некои фактори играат значајна улога, како што се внесот на сол, генетиката, возраста или стресот. Исхраната е многу важна за превенција и третман на висок крвен притисок. Маслиновото масло, лукот, минералната вода и диетата DASH се најдобри сојузници против хипертензијатаНаучните студии за екстра девственото маслиново масло се особено охрабрувачки. Имено, забележано е дека луѓето кои редовно консумираат маслиново масло имаат пониски вредности на крвниот притисок, а редовното консумирање на маслиново масло може дури и да ја намали потребата од лекови за намалување на крвниот притисок, иако во никој случај не се препорачува тоа да го правите на сопствена иницијатива. Исто толку е важна и оптималната физичка активност како и промените во исхраната. Се препорачува умерена физичка активност од најмалку 30 минути секој ден. Нутриционистите го споменуваат лукот како суперхрана во борбата против високиот крвен притисок, чие заштитно дејство врз кардиоваскуларните заболувања е докажано со бројни студии кои укажуваат дека лукот влијае на нивото на липидите во плазмата, фибринолитичката активност и го намалува крвниот притисок. Минералната вода богата со бикарбонати може да биде корисна затоа што е докажано дека консумирањето на газирана натриум-хидрогенкарбонат природна минерална вода може да биде корисна во превенцијата од кардиоваскуларни болести бидејќи бикарбонатите во водата имаат антихипертензивно дејство, објаснуваат нутриционистите. За секој со вишок килограми и висок крвен притисок, тие ја предлагаат диетата DASH. Самиот збор, DASH, значи Dietary Approaches to Stop Hypertension или, во превод: Диететски пристап за запирање на хипертензијата. Оваа диета има за цел да ги намали масните наслаги и да овозможи подобар проток на крв низ крвните садови, што доведува до понормален крвен притисок и подобра работа на срцевите мускули. Докажано е и дека оваа диета драстично го намалува ризикот од дијабетес, го намалува холестеролот и ја намалува тежината. Најдоброто нешто во оваа диета е што нема да морате да гладувате, туку ќе треба само малку да ја прилагодите исхраната и да внимавате што јадете. Сè уште ќе можете да јадете разновидна храна и да јадете вкусни оброци, но некои работи ќе мора да ги намалите. Се заснова на висок внес на овошје и зеленчук, млечни производи со малку маснотии и ограничување на сувомеснатите производи и солта. Научниците во САД ја развиле и ја тестирале диетата DASH за хипертензија во бројни клинички студии и таа се покажала како многу ефикасна и може да се прифати долгорочно, како здрав начин на живот, а резултатите во килограми и намалување на крвниот притисок се видливи веќе по две недели. Препорачана хранаМагдоносот содржи многу витамин Ц, кој докажано пропорционално го намалува крвниот притисок. Покрај магдоносот, се препорачува да се користи и свежо овошје и зеленчук.Пробиотиците се богати со калциум, кој благотворно делува на крвниот притисок, а најдобро е да ги комбинирате со банана која е богата со калиум.Коцка темно чоколадо дневно, богата со антиоксиданти, помага во намалување на крвниот притисок без да добиете вишок на килограми. Храна која треба да се избегнуваАлкохолот се смета за една од главните причини за висок крвен притисок и не се препорачува да се консумира ниту во мали количини. Кофеинот ги стеснува крвните садови и на тој начин го зголемува крвниот притисок. Кафето, чајот и газираните пијалаци содржат големи количини на кофеин, затоа избегнувајте ги. Масната храна го зголемува крвниот притисок.Избегнувајте рафинирани масла, користете само ладно цедени масла бидејќи содржат „добри масти“. ДАШ диетамаслиново маслосоветихипертензија 333 Сподели FacebookTwitterGoogle+ReddItWhatsAppPinterestEmail...

СлајдерСовети 6 совети за будење на „заспаното“ варење! Арт Кујна Апр 24, 2024 Фото: Unsplash 936 Сподели Појадувајте, не пијте вода половина час пред и 1 час после оброкот, џвакајте долго. Избегнувајте само сува храна. Обидете се да вклучите што е можно повеќе свежа храна во вашата исхрана, особено овошје и зеленчук. Бавното варење често е резултат на погрешна исхрана. Но, стресот и неактивноста може да придонесат и за лошо варење. Еве неколку едноставни трикови за да го разбудите и да го забрзате заспаното варење. Не го прескокнувајте појадокотПојадокот е најважниот оброк, затоа не го прескокнувајте. Појадокот ќе ви обезбеди доволно енергија за добар почеток на денот, а за првиот оброк изберете храна богата со растителни влакна. Како влакната имаат позитивен ефект врз варењето? Како што впиваат вода, тие отекуваат во цревата и на тој начин го зголемуваат волуменот на столицата, ја зголемуваат перисталтиката на цревата и го забрзуваат нивното празнење – со што се спречува запек. Кога храната побавно минува низ цревата, се зголемува отстранувањето на некои штетни состојки. Храна богата со растителни влакна се зеленчукот, овошјето, целите зрна и мешунките. Затоа, консумирајте смокви, боранија, грашок, прокељ, моркови и друг влакнест зеленчук. Важно е секој залак добро да го џвакатеСо џвакањето ја растворате храната што го олеснува варењето и испраќа сигнал до мозокот дека сте сити, што ќе ве спречи да се прејадете. Џвакањето вклучува две активности – самото џвакање, но и паралелно дишење. Едно од основните правила е добро џвакање, долго џвакање и дишење, се разбира, преку нос. Со внесување на соодветна количина кислород, промовираме понатамошна апсорпција на храната во телото. Самото џвакање е процес. Меѓу другото, процес со кој храната се ситни, бидејќи во понатамошното патување на храната низ телото нема шанса да наиде на заби. Распарчувањето на храната е важно затоа што ќе се избегне лачење на дополнително количество киселина и ензими во желудникот со цел да се разложат големите парчиња храна, а со тоа ќе се спречат повреди на слузницата на желудникот и ѕидот на желудникот. Обрнете внимание на тоа кога пиете водаПоловина час пред и час по оброкот, се препорачува да не пиете вода доколку сакате да го забрзате метаболизмот. Имено, водата ги разредува дигестивните сокови, поради што варењето ќе биде побавно. Топлата вода ја забрзува работата на цревата и го ублажува запекот. Пиењето чаша топла вода на празен стомак секое утро ја подобрува функцијата на цревата и ја намалува зачестеноста на стомачни проблеми како што се надуеност, гасови и запек. Голем број истражувања покажале дека пиењето топла вода наутро го забрзува варењето. Внимавајте што јадете пред спиењеНе јадете најмалку три часа пред спиење. Оставете го стомакот да се одмори со остатокот од телото. Покрај тоа, тешката храна во вечерните часови исто така ќе му наштети на сонот. Храна која никогаш не треба да ја јадете пред спиење се тестенини, брза храна и грицки, слатки, па дури ни зеленчук. Имено, зеленчукот како кромидот и брокулата содржат висок процент на нерастворливи влакна, кои ќе ве држат сити долго време. Ова е позитивна карактеристика доколку сте на диета и сакате да бидете сити поголемиот дел од денот додека внесувате малку калории, но не ја јадете навечер кога телото се подготвува за одмор. Умерена физичка активност е најдобра после оброкПосле оброк, најдобро е да се прошетате или да се одлучите за некоја друга умерена физичка активност. Долгото и интензивно вежбање треба да се избегнува бидејќи на овој начин можете да ја пренасочите енергијата потребна за процесот на варење. Имено, активностите како трчање или пливање му пречат на дигестивниот систем кој ги апсорбира хранливите материи од внесената храна. Затоа се препорачува вежбањето или поинтензивната физичка активност да се одложат за најмалку два часа после оброк. Јадете разновидна хранаАко постојано ја јадете истата храна, варењето ќе се забави. Избегнувајте само сува храна. Обидете се да вклучите што е можно повеќе свежа храна во вашата исхрана, особено овошје и зеленчук. Овошјето и зеленчукот се нискокалорична храна и содржат многу малку масти – со исклучок на авокадото, кокосот и маслинките. Обидете се да јадете една порција зеленчук со секој главен оброк, а овошјето нека биде ужина. Притоа, изберете шарени овошја кои имаат различни фитохемикалии со различни благотворни ефекти во организмот. 936 Сподели FacebookTwitterGoogle+ReddItWhatsAppPinterestEmail...

Готвам и сликамСлајдер Брзи лепчиња од тава Арт Кујна Апр 23, 2024 1.754 Сподели Ете, кога ќе останете без леб, а немате баш многу време за печење леб во рерна, секогаш можете да ги направите овие брзи лепчиња во тефлонска тава Кога ќе заборавите да купите леб и ќе видите дека немате дури кога ќе дојдете дома, а надвор истура дожд, еве го овој рецепт кој можете да го направите буквално сите, дури и ако немате големо искуство во кујна. Ви требаат само брашно, сол, вода и малку квасец. Значи, ова се идеални лепчиња за оние кои постат без масло. 400 г брашно 1 лажица сув квасец малку сол млака вода по потреба (околу 250 мл) Замесете тесто, а водата додавајте ја полека, а ако ви е тестото и натаму лепливо, додадете брашно. Месете го убаво, околу 10 минути, а потоа расукајте го на дебелина од околу пола сантиметар и вадете кругови со помош на поголема шолја или длабока чинија. Покријте ги и оставете ги да одморат околу пола час. Потоа загрејте тефлонка тава и ставајте по 3 тркалца и кога ќе се испечат од едната страна, свртете ги од другата. Печењето трае по 2-3 минути. Покријте ги со крпа и оставете да се изладат. Можете да ги полните со нешто по свој избор или да ги јадете наместо леб. 1.754 Сподели FacebookTwitterGoogle+ReddItWhatsAppPinterestEmail...

СлајдерСовети Како лесно и брзо да ги избелите јајцата за Велигден и да ги подготвите за најубавите шари Арт Кујна Апр 23, 2024 Фото: Pexels 3.597 Сподели Белите јајца ја задржуваат бојата подолго и подобро, па ако имате кафени јајца, еве како лесно да ги избелите. Се ближи Велигден, а по традиција на Велики петок се бојадисуваат јајца. Вредните домаќинки веќе „крстарат“ по интернет во потрага по идеи како да ја подготват велигденската трпеза, ги бараат најдобрите рецепти за слатки и сoлeни jадења, а бараат и нови техники за боење јајца. Има многу идеи, можете да користите овошје, зеленчук и зачини за прекрасни пастелни нијанси… Интересна е и техниката со чај од хибискус, со која добивате велигденски јајца кои личат на ѕвезденото небо. Кога ги избирате јајцата што ќе ги бојадисате за Велигден, треба да знаете и дека боите подобро се фаќаат на белите во споредба со „обичните“, кафените јајца. Но дури и ако не можете да најдете кафени јајца на време, има решение. Сѐ што ви треба е малку трпение и волја. За да ја добиете најубавата боја ќе треба прво да ги избелите јајцата. Прво, ставете ги јајцата во тенџере во кое ќе ставите вода и оцет во еднакви размери. Ако налеете 500 мл вода, додадете 500 мл оцет. Потоа ставете ги да се варат, а кога ќе почнат да вријат, на површината ќе се појави кафеава пена. Мора постојано да ја вадите. Јајцата се варат откако ќе зовријат уште 10-12 минути. После тоа, внимателно префрлете ги во сад полн со ладна вода и оставете ги таму околу 5-7 минути. Потоа секое јајце исплакнете го со млаз вода и добро исчистете го со стара четка за заби додека не побели. Внимавајте при чистењето да не притискате премногу за да не пукне лушпата. И тоа е сѐ. 3.597 Сподели FacebookTwitterGoogle+ReddItWhatsAppPinterestEmail...

СлајдерСовети Како да јадете леб, а да не се здебелите? Познат нутриционист откри трик кој многу помага Арт Кујна Апр 22, 2024 Фото: Pexels 680 Сподели Трикот е во тоа да го ставите купениот или домашниот леб во замрзнувач! Зошто? Бидејќи, со замрзнувањето скробот се претвора во отпорен скроб. Звучи чудно, но тоа значи дека вашето тело добива многу помалку калории од лебот. Кога размислуваме за слабеење, а овие денови размислуваме, мислиме дека лебот е првото нешто што треба да се исфрли од исхраната. Добрата вест е дека постои поздрава алтернатива која ни дава можност да не се откажеме целосно од оваа компонента на нашата редовна исхрана, пишува Daily Mail. Имено, експертите откриле трик како едноставните јаглехидрати во лебот да ги претворат во поздрави, односно „поотпорни“ јаглехидрати. Доколку навистина ви е тешко да се откажете од лебот, а би сакале да ослабете, како што пишува Дејли Мејл, можеби ќе ви биде полесно доколку примените трик кој наводно ќе го преполови бројот на калории што ги внесувате со лебот. Трикот е во тоа да ставите купен или испечен леб во замрзнувач! Зошто? Бидејќи, со замрзнувањето скробот се претвора во отпорен скроб. Звучи чудно, но тоа значи дека вашето тело добива многу помалку калории од лебот. Всушност, отпорниот скроб ги храни цревните бактерии наместо да се таложи и да создава вишок.Поголемиот дел од отпорен скроб значи дека телото побавно го вари замрзнатиот леб, што предизвикува поблаг пораст на шеќерот во крвта отколку што е случај кога станува збор за свеж леб, што потенцијално го намалува ризикот од дијабетес тип 2. „Отпорниот скроб значи дека вашето тело апсорбира помалку калории и затоа повеќе се достапни за вашиот микробиом (вашите цревни бактерии), давајќи им на „добрите“ бактерии нешто за да се хранат и да се размножуваат“, објаснува нутриционистот д-р Мајкл Моусли.Најголемиот проблем со белиот леб е тоа што поради високиот гликемиски индекс пребрзо ослободува енергија и го зголемува нивото на шеќер во крвта. Сепак, оние кои немаат дијабетичари во своето семејство не треба да се грижат за консумирање бел леб, кој е идеален за појадок бидејќи го забрзува метаболизмот, тврдат научниците. Покрај сè што е споменато погоре, замрзнувањето го продолжува и рокот на траење на лебот. 680 Сподели FacebookTwitterGoogle+ReddItWhatsAppPinterestEmail...

СлајдерТОП 5 Ако можевме порано без пластика, зошто е денес тоа толкав проблем?! Одберете го животот наместо пластиката! Арт Кујна Апр 22, 2024 Фото: Slow Food International 92 Сподели Порано кога мајка ми ќе не пратеше да купиме нешто, секогаш велеше: Земете торба! Ние со нетрпение ѝ одговаравме: „Е како да не, торби ќе влечеме, има кеси во продавница!“ Во последно време, односно, откако почна кај луѓето да се враќа свеста за зачувување на Земјата и откако сѐ повеќе се враќаат во живот старите практики кои кога бевме деца толку многу не нервираа, почнав да се потсетувам на многу работи од детството. Од она дека порано, кога мајка ми ќе не пратеше да купиме нешто, секогаш велеше: „земете торба“, а ние со нетрпение ѝ одговаравме: „е како да не, торби ќе влечеме, има кеси во продавница“, до тоа дека кога ќе видевме дека поткиселува млеко, па со рачна маталка ни прави јогурт, а ние ѝ велевме: „дај бе купечки јогурт еднаш купи“. Или пак, кога ќе сакавме сок во тетрапак, а она ќе ни понудеше домашен сок од бозел или од вишни. Е денес, кога сите се гушиме во пластика и во ѓубре и споделуваме некои од овие стари практики како невиден изум, си велам – „кај ни беше паметот!“ Можеме ли да се вратиме неколку чекори назад? Движењето Слоу Фуд, а ние сме дел од него преку членството во Слоу фуд Македонија, верува дека можеме. Станува збор за глобално движење кое дејствува заедно за да обезбеди добра, чиста и правична храна за сите, движење кое негува стил на живеење во кој нема место за брза храна, храна која е индустриски преработена, генетски модифицирана, храна која пропатувала долга километража. „Слоу Фуд“ всушност претставува движење на истомисленици кои ги спојуваат уживањето во храната со одговорноста која ја имаме при производството, дистрибуцијата и консумацијата на храна која е добра за нас, за локалната заедница и за планетата. Затоа Денот на планетата Земја (EarthDay – 22.април) оваа година е посветен на подигање на свеста за потребата од постепено укинување на пластиката за еднократна употреба. Од SlowFood international велат: „Го избравме животот наместо пластиката. Пластиката претставува една од најголемите закани за човештвото и целиот живот на планетата.Прехранбената индустрија во голема мера придонесува за прекумерна употреба на пластика, што претставува ризик не само за животната средина, туку и за нашето здравје. Но, наместо резигнација, сакаме да го свртиме вниманието на веќе постоечките решенија. Пазарите на Земјата се многу конкретен пример за тоа како алтернативите на пластиката отсекогаш постоеле и едноставно е потребно повторно да ги откриеме.Но, за да се поттикне целиот прехранбен сектор да се оддалечи од пластиката, политичарите треба да ја регулираат нејзината употреба и да ги обучуваат, да ги поддржат и да ги наградуваат оние што спроведуваат добри практики.Во Слоу фуд го избравме животот наместо пластиката. Кои се другите ефективни решенија што би сакале институциите да ги промовираат? Дали и вие имате некој предлог? ден на планетата Земјапластикаслоу фуд 92 Сподели FacebookTwitterGoogle+ReddItWhatsAppPinterestEmail...

СлајдерТОП 5 Ако можевме порано без пластика, зошто е тоа денес толкав проблем?! Одберете го животот наместо пластиката! Арт Кујна Апр 22, 2024 Фото: Slow Food International 1 Сподели Порано кога мајка ми ќе не пратеше да купиме нешто, секогаш велеше: Земете торба! Ние со нетрпение ѝ одговаравме: „Е како да не, торби ќе влечеме, има кеси во продавница!“ Во последно време, односно, откако почна кај луѓето да се враќа свеста за зачувување на Земјата и откако сѐ повеќе се враќаат во живот старите практики кои кога бевме деца толку многу не нервираа, почнав да се потсетувам на многу работи од детството. Од она дека порано, кога мајка ми ќе не пратеше да купиме нешто, секогаш велеше: „земете торба“, а ние со нетрпение ѝ одговаравме: „е како да не, торби ќе влечеме, има кеси во продавница“, до тоа дека кога ќе видевме дека поткиселува млеко, па со рачна маталка ни прави јогурт, а ние ѝ велевме: „дај бе купечки јогурт еднаш купи“. Или пак, кога ќе сакавме сок во тетрапак, а она ќе ни понудеше домашен сок од бозел или од вишни. Е денес, кога сите се гушиме во пластика и во ѓубре и споделуваме некои од овие стари практики како невиден изум, си велам – „кај ни беше паметот!“ Можеме ли да се вратиме неколку чекори назад? Движењето Слоу Фуд, а ние сме дел од него преку членството во Слоу фуд Македонија, верува дека можеме. Станува збор за глобално движење кое дејствува заедно за да обезбеди добра, чиста и правична храна за сите, движење кое негува стил на живеење во кој нема место за брза храна, храна која е индустриски преработена, генетски модифицирана, храна која пропатувала долга километража. „Слоу Фуд“ всушност претставува движење на истомисленици кои ги спојуваат уживањето во храната со одговорноста која ја имаме при производството, дистрибуцијата и консумацијата на храна која е добра за нас, за локалната заедница и за планетата. Затоа Денот на планетата Земја (EarthDay – 22.април) оваа година е посветен на подигање на свеста за потребата од постепено укинување на пластиката за еднократна употреба. Од SlowFood international велат: „Го избравме животот наместо пластиката. Пластиката претставува една од најголемите закани за човештвото и целиот живот на планетата.Прехранбената индустрија во голема мера придонесува за прекумерна употреба на пластика, што претставува ризик не само за животната средина, туку и за нашето здравје. Но, наместо резигнација, сакаме да го свртиме вниманието на веќе постоечките решенија. Пазарите на Земјата се многу конкретен пример за тоа како алтернативите на пластиката отсекогаш постоеле и едноставно е потребно повторно да ги откриеме.Но, за да се поттикне целиот прехранбен сектор да се оддалечи од пластиката, политичарите треба да ја регулираат нејзината употреба и да ги обучуваат, да ги поддржат и да ги наградуваат оние што спроведуваат добри практики.Во Слоу фуд го избравме животот наместо пластиката. Кои се другите ефективни решенија што би сакале институциите да ги промовираат? Дали и вие имате некој предлог? ден на планетата Земјапластикаслоу фуд 1 Сподели FacebookTwitterGoogle+ReddItWhatsAppPinterestEmail...

СлајдерТОП 5 За најдобрата симит погача во градот Арт Кујна Апр 22, 2024 673 Сподели Најпознатиот скопски производ, симит-погачата, е мошне стар и исклучиво скопски специјалитет, а вкусот многу зависи од тоа дали е лепчето, односно, симитот, направено навистина со наут. Оваа симит-погача од Фурна Бит Пазар е токму таква, најавтентична и највкусна, па веројатно затоа и ја има најдоцна до пладне Оние што периодов ги постат Велигденските пости, ама онака, хардкор, како скопјанецот Стефан Русевски, за време на викендот уште рано насабајле се пред фурната Бит-пазар која е најпозната токму по симит-погачите кои се прават по оригиналниот рецепт стар повеќе од 1 век. Вели дека дозата му се две симитки во комбинација со црн чај со мед. Секако, купува барем 10, за цело семејство и за секој случај, ако наиде некој случаен гостин, да не мора никој да се откаже од својата порција. Скопјани велат дека, за жал, автентичниот вкус на ова препознатливо традиционално скопско јадење полека исчезнува, а она што денеска се нуди низ фурните и пекарниците, иако оние кои не пробале досега нема да го забележат ова, всушност го нема оној препознатлив вкус како во минатото. Ако направите анкета помеѓу скопјани, сите ја посочуваат токму оваа фурна на Бит-пазар, кадешто може да се најдат традиционалните симитки, со вкус и квалитет кој не е променет со децении или, како што велат таму, се прават по рецепт стар повеќе од 1 век. Во нашите краишта наутот се користел многу одамна, најчесто за правење лепче-наутлија, а во последно време, сè повеќе се користи и како хумус, како и во други варијанти заради неговите здравствени придобивки. Лепчето со наут е токму најважниот дел од овој деликатес што се прави и продава речиси исклучиво во Скопје или ако веќе го има и во некои други места во државата, тогаш, велат, сигурно мајсторот е дојден од Скопје или занаетот е пренесен од Скопје. Оние кои не знаат што е симит-погача, најчесто се чудат затоа што јадеме „леб со леб“, ама ако еднаш ја пробаат, ќе стане нешто на што со задоволство ќе се навраќаат на секоја посета на нашиот град. Ние најдовме еден рецепт кој може да ви послужи ако сакате самите да направите лепче со наут, односно, симит. Состојки: 200 грама наут 1,5 кг брашно Вода Сол Приготвување: Прво се приготвува квасот. Наутот се меле, се става во сад и се попарува со зовриена вода и сол. Смесата се меша со дрвена лажица, се покрива садот и се остава цела вечер да отстои на топло. Наредниот ден квасот за лебот е готов. Се зема половина килограм од брашното и му се додава квасот со малку вода. Се меша со лажица се додека целата смеса не се соедини, потоа се покрива и се остава 1-2 часа на топло за да стаса. На тестото му се додава уште 1 кг брашно, сол, вода по потреба и повторно се меси. Тестото се става во плех и се остава да стаса уште половина час во загреана рерна на 50 степени. Се пече 45 минути на 200 степени. наутсимит погачафурна Бит-пазар 673 Сподели FacebookTwitterGoogle+ReddItWhatsAppPinterestEmail...

Готвам и сликамСлајдер Мезе со чаден лосос, нов специјалитет од кујната на Винска соба Арт Кујна Апр 23, 2024 103 Сподели Ако досега доаѓаа во Винската соба на Дејан Донев главно поради дегустациите на вината од голем број македонски и винарии од странство, сега ќе почнат и поради мезето. Го пробавме неговото одлично мезе со чаден лосос, а го имаме и рецептот Во Винската соба на Дејан Донев во Скопје секогаш имало добро мезе, нели, за да не се дегустираат на гладно сите тие убави вина од голем број македонски, но и од винарии од странство, но овојпат, домаќинот ги засукал ракавите и направи и едно ново – со чаден лосос. Се разбира, ние бевме таму за да го пробаме и еве го и рецептот: Состојки: Чаден лосос крем сирење краставица капери виолетов кромид копар и италијанска мешавина на зачини Приготвување: Се сечкаат ситно кромидот, краставицата, каперите и лососот и се поврзуваат со крем сирењето, се зачинува по вкус и се сервира врз крекери. Наш предлог за сервирање: Со оглед на тоа што намазот ги омекнува крекерите и тие повеќе не се онака крцкави како претходно, можеби е подобро да се сервираат во одделна чинија и секој да си зема по малку во својата чинија па да си мацка со крекерите или пак да се намачка врз мали кришки од интегрален багет. Винска собамезечаден лосос 103 Сподели FacebookTwitterGoogle+ReddItWhatsAppPinterestEmail...

СлајдерХраната лек Влијанието на млечниот кефир врз сезонските алергии Арт Кујна Апр 19, 2024 Фото: Freepik 144 Сподели Се чини дека здравјето на цревата може повторно да биде клучно како и кај многу болести поврзани со алергија. Сезонските алергии можат да бидат голем проблем за многу луѓе. На многумина не им помагаат ниту антихистамински таблети, ниту кортикостероидни назални спрејови. Што е сезонска алергија? Сезоните на полен може да траат неколку месеци и тешко е да се избегне изложеноста на причинителите. Симптомите на алергиски ринитис се предизвикани од имунолошкиот одговор на телото на вдишениот полен, што резултира со хронично воспаление на очите и носните отвори. Во умерени до тешки случаи, алергискиот ринитис може да предизвика дури и напад на астма. Дали млечниот кефир може да биде клучот за ублажување на симптомите на сезонската алергија? Се чини дека здравјето на цревата може повторно да биде клучно како и кај многу болести поврзани со алергија. Имаше бројни студии (1, 2, 3) кои укажуваат на антиалергиското дејство на млечниот кефир преку супресија на воспалителниот механизам на телото. Воспалението во овој контекст е реакција на телото на туѓ материјал, имено, на алергени како поленот. Како одговор, цревните клетки произведуваат реактивни метаболити на кислород како хипохлорит (белило за домаќинство) и водород пероксид (обична хемикалија за дезинфекција). Хипотезата на авторот на овој текст е дека прекумерно активниот имунолошки систем и производството на реактивни метаболити на кислород може значително да го нарушат цревниот микробиом со неселективно убивање на комензалните бактерии или на „старите пријатели“ (како што ги нарекува д-р Мајкл Мозли), што последователно ги ослабува цревата и ги влошува работите со текот на времето. Повторно калибрирање на имунолошкиот систем Врз основа на овие наоди, вели авторот, почнав значително да ја зголемувам дозата на домашен млечен кефир до 600 мл (200 мл x 3 пати на ден). Почнав да забележувам дека моите симптоми на сезонска алергија беа значително намалени и многу поподносливи. Повторно претпоставувам дека ова е како да го намалиме воспалителниот термостат што им дозволува на нашите стари пријатели повторно да се населат и да ги зајакнат цревата. Текстот е од ТУКА. 144 Сподели FacebookTwitterGoogle+ReddItWhatsAppPinterestEmail...

СлајдерСовети Уживајте како Јапонците: Како правилно да јадете суши? Арт Кујна Апр 19, 2024 Фото: Pexels 90 Сподели Да се јаде со стапчиња за јадење или не, е честа дилема. Имено, јадењето со прсти е всушност дел од јапонската традиција и се смета дека на тој начин сте најдобро поврзани со храната. А сепак, денес претежно сите јадат со стапчиња за јадење, најмногу, од хигиенски причини… Теоретски, сушито е многу едноставно јадење што можете да го јадете како што сакате. Меѓутоа, доколку сакате да уживате исто како да сте „домашен“ во Токио, запомнете дека начинот на јадење варира во однос на амбиентот во кој се наоѓате. Со овие едноставни трикови ќе се разликувате од типичните аматери, па можеби не е лошо да ги прочитате овие совети кои беа објавени на порталот CNN… Обуката да се биде готвач за суши е многу интензивна и одзема многу време, а честопати се потребни неколку години пред постарите готвачи да им дозволат на учениците самите да ги сечат скапите парчиња риба. Еден од таквите „суши храмови“ е Суши Савада, ресторан со две Мишелин ѕвезди, сместен во престижниот кварт Гинза во Токио. Според нивната препорака, долниот дел од сушито не треба да се потопува во соја сос, туку делот на кој е рибата. На овој начин оризот нема да се распадне и нема да впие премногу сос и да го промени вкусот на јадењето. Покрај тоа, рибата треба да биде првото нешто што ќе го допре јазикот. Улогата на киселиот ѓумбир е да го „одмори“ непцето пред следниот залак. Секој вистински суши ресторан ќе ви го даде вашиот ошибори, пешкир со кој ќе ги бришете рацете меѓу секој залаците. Вообичаено, со суши се сервира лут васаби сос. Ако ставите премногу васаби на својот залак, ќе можете со крајчето од окото да го фатите намуртениот поглед на суши шефот. Секој од нив го смета своето суши веќе за доволно зачинето, а премногу Васаби дефинитивно ќе го промени вкусот на јадењето. Исто така, не е вообичаено да се мешаат соја сос и васаби, освен ако не јадете сашими (тенко исечена сирова морска храна која се служи без ориз и не се смета за вид на суши). Да се јаде со стапчиња за јадење или не, е честа дилема. Имено, јадењето со прсти е всушност дел од јапонската традиција и се смета дека на тој начин сте најдобро поврзани со храната. А сепак, денес претежно сите јадат со стапчиња за јадење, најмногу, од хигиенски причини… Ако се најдете во подобар ресторан за суши, немојте да се изненадите ако нема класично мени туку неколку „менија за дегустација“ со различни ценовни распони. Тоа е затоа што менито се креира според тоа кои намирници се најсвежи тој ден. По правило, секој залак во чинијата ќе го добиете веднаш откако ќе се направи, а не се смета за учтиво да го држите предолго на чинијата, бидејќи температурата и влажноста на храната ќе се менуваат со стоењето, а со тоа и доживувањето на јадењето. Во најдобрите ресторани често ќе ве прашаат кои намирници ги преферирате и не двоумете се да ја кажете вистината – менито ќе биде креирано според вашите желби. Исто така, пофалете го готвачот и спомнете кое јадење ви било особено добро. јапонска кујнакако се јаде сушиоризсирова рибасуши 90 Сподели FacebookTwitterGoogle+ReddItWhatsAppPinterestEmail...

СлајдерТОП 5 Овошно лижавче ќе може да открива рак на устата: Нов револуционерен метод за дијагностицирање на орален карцином Арт Кујна Апр 19, 2024 Фото: Pexels 96 Сподели Тим од Бирмингем создаде иновативен начин за дијагностицирање на орален карцином со помош на лижавче наместо преку традиционални методи. Освен овие иновации, студиите покажале дека редовното консумирање на ресвератрол, состојка присутна во грозјето, доматите, јагодите и црвеното вино, може да го намали ризикот од рак на устата за околу 15 проценти. На Универзитетот во Бирмингем, научниците развиваат лижавче што може да ја револуционизира дијагнозата на рак на устата. Кога човек ја консумира оваа овошна бонбона, која брзо се топи во устата, специјален гел во неа ги фаќа протеините поврзани со туморот од плунката. После тоа, гелот се активира со ултравиолетова светлина, ослободувајќи ги протеините и дозволувајќи им на лекарите да направат брза дијагноза. Во моментов, на речиси 9.000 луѓе во Британија годишно им се дијагностицира орален карцином, кој зафаќа различни делови од усната шуплина. Поради недостаток на очигледни симптоми, многу случаи се откриваат доцна, што резултира со лоша прогноза. Дури 3.000 смртни случаи годишно се последица на оваа болест, пишува Daily Mail. Ова е делумно затоа што повеќе од половина од случаите не се откриваат додека туморот не се прошири на другите делови на вратот и главата, бидејќи ретко има очигледни симптоми. Бонбони за спас Тим од Бирмингем создаде иновативен начин за дијагностицирање на болеста со помош на лижавче наместо преку традиционални методи. Наместо пациентот да ги чека резултатите од тестот, гелот направен од вода и полимер кој се наоѓа на лижавчето, ги фаќа протеините, вклучително и оние поврзани со рак, присутни во плунката. Еден од овие протеини, интерлеукин-6, често е присутен во прекумерни количини кај оралниот карцином. Овој тест овозможува брза дијагноза бидејќи резултатите би биле достапни веднаш, што би овозможило порано препознавање на болеста и побрзо упатување на пациентите на дополнителни тестови или биопсија. Истражувачите дополнително ќе го развијат овој тест во текот на следните три години за да го направат подостапен за општите лекари и стоматолозите. Ова лижавче може да ја промени сликата. Истражувачите од Бирмингем развија гел кој ги заробува протеините во плунката, вклучувајќи ги и оние кои се поврзани со рак. Ова би овозможило брза дијагноза, дури и кај луѓе кои немаат очигледни симптоми. Овој тест ќе биде дополнително развиен и тестиран во следните три години за да биде достапен за што повеќе луѓе. „Ракот на устата тешко се лекува“ Д-р. Најџел Картер, главен извршен директор на Фондацијата за орално здравје, рекол: „Во моментов оралниот рак е многу тежок за лекување и има лоша прогноза, делумно поради доцната дијагноза. Брзиот тест како овој може да биде одличен начин да се постави дијагноза во раните фази“. Освен овие иновации, студиите покажале дека редовното консумирање на ресвератрол, состојка присутна во црвеното овошје како грозјето, доматите и јагодите, може да го намали ризикот од рак на устата за околу 15 проценти. Ова соединение, исто така присутно во црвеното вино, има моќни својства кои го намалуваат ризикот од развој на тумори, поради што редовното консумирање на овие намирници е корисно за оралното здравје. 96 Сподели FacebookTwitterGoogle+ReddItWhatsAppPinterestEmail...

СлајдерТОП 5 Бесплатно шише вино за гостите кои ќе исполнат еден услов: Ресторан во Италија со несекојдневна понуда Арт Кујна Апр 18, 2024 Фото: Pexels 71 Сподели Италијански ресторан им нуди бесплатно шише вино на гостите кои се откажуваат од мобилните телефони за време на оброкот. Целта на Анџела Лела, сопственичка на неодамна отворениот ресторан „Ал Кондоминио“ во Верона, е да ги поттикне гостите да разговараат за време на оброкот наместо постојано да гледаат во нивните телефони, објави „Гардијан“.Таа вели дека сакала да отвори ресторан кој се разликува од другите. „Технологијата станува проблем – нема потреба да гледате во телефонот на секои пет секунди, но за многумина тоа е како дрога… На овој начин имаат можност да го остават телефонот на страна и да испијат добро вино“, рекла Лела. Гостите од ресторанот кои ќе се решат да го сторат тоа, го ставаат телефонот во посебна кутија на влезот и го покажуваат клучот од кутијата на келнерот кој ќе им донесе шише вино. Во кутијата гостите можат да ја стават и својата оценка за оброкот, а на оние кои ќе напишат највпечатлива оценка, ќе им биде понуден оброк следниот пат кога ќе дојдат. Гардијан пишува дека со ветувањето за бесплатно вино, ресторанот станал популарен меѓу оние кои се подготвени да се „детоксираат“ од мобилните телефони. „Одговорот беше многу позитивен“, рекла Лела, додавајќи дека 90 отсто од гостите одбрале да ги остават телефоните во замена за вино. Таа вели дека е убаво да се видат луѓето како разговараат меѓу себе наместо да гледаат слики или да одговараат на пораки. Ал Кондоминио верува дека е првиот ресторан во регионот Венето со новата иницијатива, иако ги има неколку, вклучувајќи го и оној во Тоскана кој на гостите им дава ваучери доколку ги остават своите мобилни телефони. виномобилни телефониресторан 71 Сподели FacebookTwitterGoogle+ReddItWhatsAppPinterestEmail...

СлајдерСовети Дали водата со нане може да ви помогне да ослабнете? Арт Кујна Апр 18, 2024 Фото: Pexels 287 Сподели Нането е одлично за детоксикација, преполно со хранливи материи, богато со железо и помага при слабеење Слабеењето и постигнувањето на посакуваните резултати бара труд, упорност и многу одлучност. Покрај исхраната, која игра важна улога во слабеењето, водата со нане може да биде одличен начин да се ослободите од вишокот килограми. Нането додава пријатен мирис на нашите јадења. Помалку познат факт за нането е неговата улога како одлична билка за детоксикација. Полна е со хранливи материи и богата со железо. Достапно во изобилство во текот на летото, нането нуди освежителен и лесен начин да ги искористите неговите придобивки преку вода со нане. Покрај тоа, се верува дека е добар пијалак за сите оние кои се обидуваат да ослабат. Водата со нане ќе ни помогне да ослабнеме, но не е магично средство, бидејќи го започнува процесот на детоксикација на телото. Патот до губење на тежината бара здрава урамнотежена исхрана и редовно вежбање, почетокот со вода со нане може ефикасно да го започне ова патување – вели нутриционистот Ети Џеин. Како да направите вода со нане?Состојки: неколку листови наневодаПостапка: Истурете 4 чаши свежа вода во тегла или во бокал за вода.Измијте околу 4 гранчиња свежо нане или околу 25-30 листови. Можете да земете толку листови од нане колку што сакате.Нежно згмечете ги листовите.Ставете ги гранчињата нане во вода и потопете ги.Оставете ги водата и нането неколку часа за нането да ѝ додаде вкус на водата.На овој начин хранливите материи од нането ќе влезат во водата, зголемувајќи ги нејзините придобивки. Оваа вода може да се консумира во текот на денот, а преостанатото нане може повторно да се користи во јадења. Кога е најдобро време да пиете вода од нане за да изгубите тежина?Ако се трудиме да ослабнеме, наутро треба да пиеме вода со нане. Може да се конзумира на празен стомак за да дејствуваат неговите детоксикациски својства. Иако утрото е идеално време, можете да го пиете и во текот на денот бидејќи нуди неколку предности за губење на тежината. Повеќе здравствени придобивки од водата со нанеСлабеењето не е единствената придобивка од пиењето вода со нане. Други придобивки од водата со нане кои треба да ги знаеме се следните: Богато е со железо Нането е богато со железо, а водата со нане може да ни помогне да ги задоволиме нашите потреби за железо, што го прави особено корисен за луѓето со дефицит на железо или анемија. Ги балансира хормоните Нането делува како суперхрана кога станува збор за решавање на хормонални нерамнотежи како PCOS, проблеми со тироидната жлезда и менопауза, благодарение на неговите природни својства, според студијата објавена во Journal of Ovarian Research. Го олеснува варењето Ментолот во водата со нане обезбедува ослободување од киселоста и го помага варењето, намалувајќи ја непријатноста поврзана со дигестивни проблеми, според студијата објавена во списанието Research Gate Journal. Помага да се избегне мачнина за време на бременоста Бремените жени можат да имаат корист од водата со нане бидејќи помага да се спречат мачнините и рефлуксот, обезбедувајќи го многу потребното олеснување за време на бременоста. Обезбедува хидратација Покрај здравствените придобивки, водата со нане служи и како освежителен и хидратантен напиток, помагајќи ни да ја добиеме потребната дневна количина на вода. Дали има некои несакани ефекти од пиење вода со нане? Иако генерално е безбедна за пиење, водата со нане можеби не е добра за луѓе со хронична бубрежна болест или дијабетична бубрежна болест. Пациентите со ГЕРБ (Гастроезофагеална рефлуксна болест) може да доживеат киселини, гадење и главоболки од конзумирање на вода со нане. Инаку, водата со нане е безбедна за секого, без ограничувања на нејзината консумација. вода со наненанеслабеење 287 Сподели FacebookTwitterGoogle+ReddItWhatsAppPinterestEmail...

СлајдерСовети Замената за сол може да ја намали кардиоваскуларната смртност Арт Кујна Апр 18, 2024 Фото: Pexels 93 Сподели Замената на солта е евтина интервенција без лекови која може да ги намали исходите на смртноста без да го зголеми ризикот од сериозни несакани ефекти, велат научниците. Замената за сол може да ја намали смртноста од сите причини за кардиоваскуларни болести, според студијата објавена во Annals of Internal Medicine. Научниците од Универзитетот Бонд во Квинсленд (Австралија) ги испитале долгорочните ефекти на замената на сол врз кардиоваскуларните исходи со прегледување на 16 контролирани испитувања по случаен избор. Истражувачите откриле дека замената на солта, особено кај постарата популација, може да го намали ризикот од смртност од сите причини, како и од кардиоваскуларна смртност. Замената на солта е евтина интервенција без лекови која може да ги намали исходите на смртноста без да го зголеми ризикот од сериозни несакани ефекти, велат научниците. Вишокот натриум во телото е „тивок убиец“И покрај добро познатата врска помеѓу прекумерното консумирање сол и високиот крвен притисок, на многумина им е тешко да се откажат од солта. Исто така, желбата да се намали количината на сол или натриум хлорид може да биде многу неефикасна, имајќи предвид дека натриумот се додава во голем број индустриски намирници, како и во храната во рестораните. Експертите истакнуваат дека има многу причини зошто треба да ја ограничите солта во исхраната. Високиот крвен притисок или хипертензија погодува речиси половина од светската популација. Често се нарекува „тивок убиец“ бидејќи хипертензијата ги става луѓето на поголем ризик од кардиоваскуларни болести, вклучувајќи срцев удар, срцева слабост и мозочен удар. Еден од главните придонесувачи за хипертензија кај возрасните е вишокот натриум во исхраната. Натриумот, како суштинска хранлива материја, е потребен во мали количини за одржување на здрава рамнотежа на течности и за нормална функција на мускулите и нервите. Сепак, премногу сол предизвикува акумулација на течност во крвните садови, принудувајќи го срцето да работи понапорно за да пумпа повеќе крв низ телото, зголемувајќи го во овој процес крвниот притисок. Што е замена за солта?Се смета дека високите нивоа на сол се наоѓаат во многу преработени, пакувани, приготвени и ресторански јадења. Всушност, повеќе од 75 проценти од натриумот што луѓето го консумираат доаѓа од овој вид храна, а не од сол. Иако Американското здружение за срце (АХА) препорачува возрасните да консумираат не повеќе од 2.300 милиграми натриум дневно и дека 1.500 милиграми дневно е уште подобра цел, просечниот возрасен троши повеќе од 3.400 милиграми натриум секој ден – далеку над препорачана граница. Повеќето замени за сол го заменуваат натриумот целосно или делумно со калиум хлорид, природно соединение слично на сол кое е по вкус слично на натриумот. За многу луѓе, калиум хлоридот и натриумот имаат доволно сличен вкус што обичната сол лесно може да се замени. Сепак, за некои, калиум хлоридот има горчлив и/или метален вкус, особено кога се користи во големи количини. За луѓето кои не сакаат чисти замени за сол на база на калиум хлорид, „лесните“ солени производи содржат мешавини на натриум хлорид и калиум хлорид. Често означени како производи со „низок натриум“, овие алтернативи на сол имаат потрадиционален вкус на сол, но содржат помалку натриум од конвенционалната кујнска сол. Дали секоја замена за сол е добра за човечкото тело?Калиум хлоридот содржи калиум, минерал кој може да помогне во намалување на крвниот притисок. Како резултат на тоа, комбинацијата на намалување на натриумот додека се зголемува калиумот може да ги направи замените за сол здрава алтернатива за многу луѓе. Сепак, некои луѓе треба да избегнуваат дополнителен калиум што се наоѓа во замените за сол. Замената на сол може да го подигне нивото на калиум во крвта на опасни нивоа кај луѓе со состојби како што се бубрежни заболувања, срцеви заболувања, заболувања на црниот дроб и дијабетес. Исто така, замените на сол може да го подигнат нивото на калиум во крвта на нездраво ниво ако тоа лице зема одредени лекови за крвен притисок, вклучувајќи инхибитори на ангиотензин-конвертирачкиот ензим (ACE) и диуретици кои штедат калиум. Во овој случај, неопходна е консултација со лекар. Други здрави алтернативи за сол Намалувањето на внесот на сол не значи дека треба да се лишиме од задоволството од вкусната храна. Нутриционистите и диететичарите често препорачуваат луѓето кои сакаат да го намалат внесот на натриум да се обидат да готват со различни билки и зачини. Некои вкусни замени за сол што треба да ги пробате се: ЛукСок или кора од лимонМелен црн пиперСушен кромид или кромид во правБалсамико, јаболков и црвен вински оцетпиперкаЃумбирРузмарин, коријандер, копар, жалфија, естрагон и цимет. замена за солздравјесол 93 Сподели FacebookTwitterGoogle+ReddItWhatsAppPinterestEmail...

ПрофилСлајдер Од кожни војнички, во гумени лозарски чизми: До неодамна воено лице, а сега само винар кој докажа дека и Прилеп може да биде Кавадарци Драгица Христова Апр 17, 2024 1.657 Сподели На светскиот вински натпревар Декантер 2023 неговиот Вранец Барик освои сребрен медал, а Гоце Станоески ја постигна целта – да го побие стереотипот дека Прилеп е само тутунски регион. Неговата следна цел е да поттикне и други негови сограѓани да навлезат посериозно во правењето вино, а потоа да формираат и здружение по угледот на малите семејни тиквешки винарии. Неговата „Сарика“ е првата, а откако Гоце потегнал нога, во Прилеп се регистрирани уште три мали семејни винарии Војничката упорност поради која прилепчанецот Гоце Станоески, во гумените лозарски чизми е исто толку стабилен и сигурен како што бил и во војничките кои ги носел од 1995-та, сигурни сме, ќе го доведе до остварување на сите негови соништа, особено оние поврзани со „Сарика“, винаријата која е сега веќе позната, препознатлива и успешна дома, но и надвор од границите на Македонија. Имено, на светскиот вински натпревар Декантер 2023 виното Вранец Барик 2020 на винаријата Сарика освои сребрен медал, а Гоце Станоески ја постигна својата цел – да го побие стереотипот дека Прилеп е само тутунски регион и да покаже дека прилепското поднебје може да даде добар резултат и кога станува збор за вино. Следната негова цел е да поттикне и други сограѓани да навлезат посериозно во производстото на вино и да формираат здружение на мали семејни винарии од прилепскиот регион, по урнекот на тиквешкото. Со оглед на тоа што од минатиот месец е веќе млад пензионер, во рана воена, но заслужена пензија, ќе може целосно да се посвети на својата најголема љубов и страст и да ги оствари сите свои винарски сништа, вклучувајќи ги и оние кои се однесуваат на производство на органски, а потоа и на биодинамични вина. Од семејната традиција долга 80 години, Гоце успеал да изгради квалитетен бренд кој е веќе препознатлив по производство на квалитетно вино за домашниот пазар, а освојува награди и на светски натпревари. „Иако Прилеп е познат како тутунски крај, сепак се работи за град во кој речиси да нема куќа без вино во подрумот. Најголем број го пијат како комињарник, односно, не го одделуваат виното од комињето. За разлика од кавадаречкиот крај, кај нас количините се под 1000 литри по семејство. Некои грозјето го купуваат, но голем дел имаат и сопствени лозја. Последниве години бројот на лозари е сведен на минимум, така што најчесто грозјето го купуваат од Радобил, Ракле, Фариш и од кавадаречко. Во мојата фамилија, покрај тоа што се произведуваше тутун, имавме и сопствено лозје. Истото е засадено од мојот прадедо и традицијата ја продолжи мојот дедо, татко и сега јас и мојот син Гордан. Сè уште користам грозје од некои лози кои датираат од времето на мојот прадедо Ѓоше кој ја почнал нашата винска приказна во далечната 1937.година, кога го засадил лозјето во месноста Сарика, во близина на Прилеп. Татко ми активно е вклучен во одгледувањето на грозјето, но правењето на вино го отпочнав самостојно во 2012. година“, ја раскажува Гоце својата приказна. Гордан, син и десна рака на Гоце Првиот негов обид бил успешен и следувало само надградување на неговото знаење и интерес за усовршување на вината. Следувало зачленувањето во здружението „Тиквешки семејни винарии“ каде што се запознал со млади винари, ентузијасти, чија основна цел е иста како и неговата, производство на врвно вино. Со помош на здружението остварил контакти со енолози и почнал да зема часови за производство на вино. Имено, иако до скоро бил воено лице и неговата дотогашна работа немала никаква врска со винарството, тој одлучил да го развие своето хоби и да го издигне на професионално ниво. „Во виното сè се врти околу лозовите насади и земјиштето. Потребно е да имате вистинска локација за лозје, сорта која ќе биде автентична, а потоа и огромна работа и желба за постојано докажување. Дури после тоа може да се роди голема винска приказна. Инстант приказни во винарството не постојат“, дециден е Станоески. Освен наградите и веста за пензионирањето, тој има и други новости, а тоа е зголемување на капацитетот на неговата винарија и соба за дегустација за 8 лица. „Во план ми е да почнам со дегустации за пет сорти на вино, Мускат и Ркацители од белите, Пловдина – розе и Прокупец и Вранец од црвени вина. Прoкупецот е вино со изразена киселина за црвени вина и многу добро се вклопи во прилепското пoднебје, а кај нас го имаат само неколку винарии“, вели Гоце, кој за виното од оваа не толку вообичаена сорта кај нас, добил пофалби и на Денот на Прокупец кој традиционално се одржува во соседна Србија. И додека некои луѓе се плашат од конкуренција, тој ги поттикнува своите сограѓани кои прават вино за домашна употреба да се охрабрат и да му се придружат во неговиот сон, да направат во Прилеп здружение на семејни винарии од типот на тиквешките. „Од годинава Прилеп ќе биде побогат за уште три мали винарии кои ги убедив да се регистрираат како мали винарии од типот на „Сарика“. Ако се зголеми бројот на винарии ќе можеме да направиме уште едно здружение и ќе добиеме можност за помош од нашата општина како што винариите од Тиквешијата добиваат помош за етикети, за маркетинг, за настани, кои им се субвенционирани од нивната општина“, објаснува нашиот соговорник Гоце. Бидејќи од март годинава Гоце е официјално пензионер, тоа значи дека уште повеќе ќе ѝ се посвети на винаријата и на производството на вино. Гоце ни објаснува дека, поради поднебјето, неговите вина се полесни од оние од тиквешкиот регион и со оглед на тоа што ги прави исклучиво од свое грозје, се оригинал прилепски. Веруваме дека овој вреден и војнички дисциплиниран винар и натаму ќе докажува дека и Прилеп може да биде Кавадарци кога станува збор за квалитетни македонски вина. винаријаГоце СтаноескиПрилепСарика 1.657 Сподели FacebookTwitterGoogle+ReddItWhatsAppPinterestEmail...

СлајдерХраната лек Храна која помага во борбата против киселините Арт Кујна Апр 16, 2024 Фото: Pexels 178 Сподели Еден залак банана нема да помогне по обилен ручек со храна која предизвикува киселини. Затоа, иако има „добри“ намирници, генерално бидете свесни што внесувате во организмот Најчесто се зборува за храна која може да ги влоши киселините, од кафе до чоколадо и домати. Но, што е со храната што може да ги ублажи? Ова се неколку клучни намирници кои треба да ги додадете во вашата исхрана доколку страдате од овој проблем. До ова непријатно чувство доаѓа кога киселината од стомакот ќе се врати во хранопроводникот. Сепак, кога киселината е веќе во вашиот стомак не е единствениот проблем. Природните киселини во храната, кои се наоѓаат во многу овошја, зеленчуци и пијалаци, исто така играат улога, вели за WebMd д-р Бани Роланд, гастроентеролог и асистент на Универзитетот Џон Хопкинс. За да ги спречите киселините, советува таа, оброците засновајте ги на природна храна со ниска киселина, како што се: Дињи и банани Иако повеќето овошја имаат висока содржина на киселина, ова се исклучоци, бананите се секогаш добредојдени како закуска. Добри се сите видови дињи и лубеници. Овесна каша Покрај тоа што е одличен начин да го започнете денот, не предизвикува рефлукс, заситува и е полна со здрави влакна. Леб Изберете некој направен од цели зрна, пченица или леб што содржи влакна и хранливи материи. Ориз и кус-кус Овие здрави сложени јаглехидрати се одлични ако имате рефлукс. При изборот на ориз, одберете кафеав ориз, кој има повеќе влакна. Зелен зеленчук Брокулата, шпарогите, зелениот грав, целерот и карфиолот се со малку киселина. Друга придобивка за телото е, се разбира, количината на витамини што ги содржат. Посна живина и месо Подгответе пилешко и мисиркино на жар или на пареа. Само извадете ја кожата и не ги пржете, вели Роланд. Дури и меленото говедско месо и стек можат да бидат добри, доколку се посни, вели Роланд. Компири Одличен е исто како и другиот коренест зеленчук. Избегнувајте кромид. Риба Рибата на жар, поширана и печена е добар избор. Само не ја пржете и не користете масни сосови. Белки од јајца Тие се добар извор на протеини и имаат малку киселина. Само прескокнете ја жолчката, која е поверојатно да предизвика проблеми. Постојат и други намирници и билки кои долго време се сметаат за лекови за рефлукс и стомачни проблеми. Но, имајте на ум дека иако тие можат да обезбедат олеснување за некои, но нема да функционираат за секого, вели гастроентерологот Џеј Кумерле, доктор на науки од Универзитетот Вирџинија Комонвелт. Меѓу нив се: Коморач: Постојат некои докази дека може да го подобри вашето варење. Има pH вредност од 6,9, па затоа има и ниска содржина на киселина.Ѓумбир: Долгогодишен природен лек за стомачни проблеми, се чини дека помага и при рефлукс.Магдонос: Тоа гранче магдонос во вашата чинија не е само за декорација. Магдоносот е традиционален лек за стомачни заболувања стотици години.Алое вера: Ова е уште еден стар лек за проблеми со гастроинтестиналниот тракт кој се чини дека помага при рефлукс. Можете да купите алое вера како растение или како додаток – во капсули, сокови и други форми. Само внимавајте да не е во форма на латекс и да не содржи антрахинони (првенствено соединението алоин), кои можат да го иритираат дигестивниот систем. Како да знаете која храна е добра?Не можете да видите колку е кисела храната, а оваа информација не е ни наведена ниту на нутритивната етикета. Но, можете да ја истражите pH вредноста на храната, што е резултат на содржината на киселина. Колку е помала pH вредноста, толку е поголема киселината. Така, сокот од лимон има pH вредност од 2,0. Ако целите на храна со pH од 5 или повисока, може да почувствувате помалку симптоми. Можете да го најдете нивото на pH на храната на некои интернет-страници и специјализирани книги за готвење. киселинирефлуксхрана 178 Сподели FacebookTwitterGoogle+ReddItWhatsAppPinterestEmail...

СлајдерТОП 5 Дали растителните замени за месо се навистина подобри за срцето од месните опции? Арт Кујна Апр 16, 2024 Фото: LikeMeat/Unsplash 147 Сподели Како што замените за месо од растително потекло стануваат сѐ попопуларни, истражувачите спровеле студија во која ги споредиле нивните здравствени ефекти со оние на традиционалното месо, со посебен фокус на здравјето на срцето и ризикот од дијабетес. Во новата студија, објавена во The American Journal of Clinical Nutrition, научниците истражиле какви се диетите кои содржат вистинско месо во споредба со оние кои користат алтернативи за месо од растително потекло, особено во однос на кардиоваскуларното здравје и ризикот од дијабетес. Месните аналози од растително потекло (PBMA) се дизајнирани да го имитираат вкусот и текстурата на вистинското месо користејќи одржливи состојки и стануваат сè попопуларни ширум светот. Влијанието на аналозите на месо од растително потекло врз здравјето Ова ново истражување имало за цел да ги спореди ефектите на диетата заснована на аналози на месо од растително потекло (PBMA) и традиционално месо од животинско потекло (ABM) врз здравјето на срцето на Сингапурците со поголем ризик од дијабетес тип 2. Главното прашање било дали замената на животинското месо со PBMA ќе го подобри здравјето на срцето и ќе го намали ризикот од хронични заболувања. Истражувачите, меѓу другите здравствени индикатори, ги набљудувале нивоата на лошиот холестерол, шеќерот во крвта и крвниот притисок. Наодите не покажале значителни промени во профилите на холестеролот за која било диета, но и двете биле поврзани со подобрувања на некои маркери за шеќер во крвта. Немало јасна предност на еден тип на диета во однос на друг во подобрувањето на здравјето на срцето. Меѓутоа, во помала група која внимателно го следела нивото на шеќер во крвта, оние кои јаделе животинско месо имале подобра контрола на шеќерот во крвта. Подобрување на крвниот притисок исто така било забележано кај групата со животинско месо, но не и во групата PBMA. Ова сугерира дека придобивките кои често се поврзуваат со исхраната базирана на растенија можеби не се однесуваат директно на PBMA, бидејќи тие нутритивно се разликуваат од целата растителна храна и нивното влијание врз здравјето на срцето. Разлики во нутритивниот составАнализата на хранливи материи покажала дека исхраната со животинско месо обезбедува повеќе протеини, додека PBMA имале повисоки натриум, калиум и калциум. Подобрата контрола на шеќерот во крвта во групата со животинско месо може да се должи на помалиот внес на јаглени хидрати и поголем внес на протеини. Иако студијата не ја разгледала апсорпцијата на протеините, други истражувања сугерираат дека протеините од PBMA може да не се апсорбираат толку лесно како оние од животинското месо, што влијае поинаку на реакциите на инсулинот и на цревните хормони. Иако PBMA стануваат сè попопуларен избор на протеини, наодите од оваа студија не ја поддржуваат идејата дека таквата диета нуди подобри здравствени придобивки за срцето и метаболизмот отколку диетите кои вклучуваат животинско месо. Се чини дека додавањето на PBMA во исхраната може да го смени внесот во исхраната на начини што може негативно да влијаат на контролата на шеќерот во крвта. Иако овој резултат може да биде неочекуван за некои, не е изненадувачки што не се забележани никакви придобивки кога се споредува нездрав вид на ултра-обработена храна со храна од животинско потекло. Ова е веројатно затоа што аналози на месо од растително потекло ќе спаѓаат во индексната категорија на помалку здрава исхрана базирана на растенија, што веројатно нема да го подобри кардиометаболното здравје, но може да го зголеми ризикот. Еден од главните проблеми со методологијата на оваа студија било тоа што избраните алтернативи за месо од растително потекло, наводно, биле богати со натриум и содржеле загреани масла од семиња. Значи, и покрај големото збогатување со есенцијалните хранливи материи како што се витамините Б12 и Д, железото и цинкот, негативните кардиометаболички ефекти на натриумот и потенцијалниот оксидативен стрес предизвикан од потрошувачката на загреани масла може да ги надминат сите потенцијални придобивки од овие конкретни растителни месни аналози, изјавила за Medical News Today регистрираната диететичарка Келси Коста. Опциите за целосна храна се поздрав избор Иако на пазарот има потенцијално поздрави замени за месо од растително потекло од оние што се користат во оваа студија, потрошувачите треба да бидат свесни дека овие замени често се сè уште високо преработена храна и не треба да се потпираат на нив како главен извор на протеини во здравата исхрана. Спротивно на тоа, исхраната богата со растителна храна, вклучувајќи интегрални житарки, мешунки, јаткасти плодови, овошје и зеленчук и нивните биоактивни соединенија, постојано се поврзува со подобри кардиометаболички здравствени резултати и намален ризик од смрт од која било причина. Важно е да се фокусираме на целосна, минимално обработена храна и да не се потпираме само на ултра-обработени алтернативи, нагласила Коста. Во идеален случај, опциите за целосна храна треба да бидат примарен извор на протеини и за диетите базирани на растенија и за сештојадите. Диетата со целосна храна го промовира кардиометаболното здравје бидејќи вклучува повеќе влакна, омега-3 масни киселини и антиоксиданти, заклучила нутриционистоката Хејли Бишоф. 147 Сподели FacebookTwitterGoogle+ReddItWhatsAppPinterestEmail...

СлајдерТОП 5 Луѓето внесуваат во себе до 5 грама пластика неделно! Дали сте сега подготвени за „пластичен пост“? Арт Кујна Апр 16, 2024 Фото: Pexels 325 Сподели „Студијата на Универзитетот Њукасл покажа дека луѓето внесуваат до пет грама пластика неделно“, вели Томас Фишер од германската организација за заштита на животната средина (DUH). Тоа е отприлика како да ја изедете кредитната картичка. Понекогаш може да изгледа дека сè што сакате да купите е направено од пластика, завиткано во пластика или содржи некоја форма на пластика – накратко, пластика е насекаде. Пластиката ја загадува и труе животната средина, а со тоа и луѓето, поради што многумина од нас се обидуваат да ја намалат својата зависност од неа. Добрата вест е дека дури и малите промени во вашиот секојдневен живот можат да направат голема разлика. Како откажувањето од пластика. „Пластичниот пост“ го има истиот концепт како целосното или делумно воздржување од храна и пијалаци, но наместо да се откажете од слатките или од алкохол, се избегнува пластика. „Тоа е свесно избегнување на користење на пластични производи, особено оние што завршуваат во ѓубре по краток период на употреба“, вели Силвија Кабрера-Кајола, експертка за отпад и заштита на ресурси во центарот за советување на потрошувачи во Германија. Со избегнување на непотребна пластика за еднократна употреба, можете да придонесете за зачувување на ресурсите и за заштита на вашето здравје. Пластиката ја внесуваме во себе со храна и со вода, и тоа не само во микроколичини. „Студијата на Универзитетот Њукасл покажа дека луѓето внесуваат до пет грама пластика неделно“, вели Томас Фишер од германската организација за заштита на животната средина (DUH). „Тоа е отприлика како да изедете кредитна картичка. Свеста е едно, но како во пракса без пластика? Општо правило е да се избегнува непотребно индивидуално пакување. Ова ќе ви помогне постепено да заштедите големи количини отпад со секое купување. Како алтернатива за користење кеси за купување или тенки кеси за овошје, стекнете навика да носите платнена мрежа за растурен зеленчук, торба или корпа со себе кога купувате. Таквиот пристап ќе ви заштеди и дополнително трошење пари. Водата во пластични шишиња за еднократна употреба може лесно да се замени со вода од чешма. Но, ако не ви се допаѓа нејзиниот вкус, најдобро е да се префрлите на стаклени шишиња за повеќекратна употреба. Внимателно прочитајте ги декларациите за козметичките и хигиенските производи, бидејќи тие често содржат пластика. „Во производите како паста за заби, гелови за туширање и производи за чистење, цврстата микропластика сега е забранета низ цела ЕУ“, вели Томас Фишер. „Но, ова не е случај со полуцврстата, желатинозна или течна пластика што се користи во геловите за коса“. Микропластиката може да се најде во шампони, гелови за туширање и во пилинзи. Производителите ја користат пластиката како абразивно средство за белење на забите. Детергентите и средствата за чистење може да содржат течна или полуцврста пластика. Добрата вест е дека постојат многу алтернативи без пластика, како што се крути шампони и гелови за туширање, како и одржливи производи за чистење. Внимавајте на етикетите што ви кажуваат дека производот е без пластика. Дури и за кафето кое обично го земате патем, има подобро решение Ако сакате брзо кафе на пат кон работа, подобро е да земете своја чаша за повеќекратна употреба бидејќи хартиените чаши за еднократна употреба се обложени со пластика и не можат повторно да се користат. Се проценува дека само девет проценти од глобалната пластика се рециклира, а дури и во земјите каде отпадот се селектира во корпи за рециклирање, огромното мнозинство од пластиката завршува на депонии или во печки за согорување. Откажувањето од пластика не значи дека веднаш фрлате сѐ што е направено од пластика. „Не смеете да заборавите дека станува збор за намалување на пластиката, а не за нејзина замена по секоја цена“, потсетува Кабрера-Кајола. Предметите кои сè уште се во добра состојба може да продолжат да се користат додека не се истрошат или расипат. „Целта треба да биде да се произведе помалку отпад воопшто, без разлика на материјалот. отпадпластикапотрошувачка на пластика 325 Сподели FacebookTwitterGoogle+ReddItWhatsAppPinterestEmail...

СлајдерТОП 5 Дали сте подготвени за „пластичен пост“? Пластиката ја внесуваме со храна и со вода и тоа не само во микроколичини Арт Кујна Апр 16, 2024 Фото: Pexels 2 Сподели „Студијата на Универзитетот Њукасл покажа дека луѓето внесуваат до пет грама пластика неделно“, вели Томас Фишер од германската организација за заштита на животната средина (DUH). Тоа е отприлика како да ја изедете кредитната картичка. Понекогаш може да изгледа дека сè што сакате да купите е направено од пластика, завиткано во пластика или содржи некоја форма на пластика – накратко, пластика е насекаде. Пластиката ја загадува и труе животната средина, а со тоа и луѓето, поради што многумина од нас се обидуваат да ја намалат својата зависност од неа. Добрата вест е дека дури и малите промени во вашиот секојдневен живот можат да направат голема разлика. Како откажувањето од пластика. „Пластичниот пост“ го има истиот концепт како целосното или делумно воздржување од храна и пијалаци, но наместо да се откажете од слатките или од алкохол, се избегнува пластика. „Тоа е свесно избегнување на користење на пластични производи, особено оние што завршуваат во ѓубре по краток период на употреба“, вели Силвија Кабрера-Кајола, експертка за отпад и заштита на ресурси во центарот за советување на потрошувачи во Германија. Со избегнување на непотребна пластика за еднократна употреба, можете да придонесете за зачувување на ресурсите и за заштита на вашето здравје. Пластиката ја внесуваме во себе со храна и со вода, и тоа не само во микроколичини. „Студијата на Универзитетот Њукасл покажа дека луѓето внесуваат до пет грама пластика неделно“, вели Томас Фишер од германската организација за заштита на животната средина (DUH). „Тоа е отприлика како да изедете кредитна картичка. Свеста е едно, но како во пракса без пластика? Општо правило е да се избегнува непотребно индивидуално пакување. Ова ќе ви помогне постепено да заштедите големи количини отпад со секое купување. Како алтернатива за користење кеси за купување или тенки кеси за овошје, стекнете навика да носите платнена мрежа за растурен зеленчук, торба или корпа со себе кога купувате. Таквиот пристап ќе ви заштеди и дополнително трошење пари. Водата во пластични шишиња за еднократна употреба може лесно да се замени со вода од чешма. Но, ако не ви се допаѓа нејзиниот вкус, најдобро е да се префрлите на стаклени шишиња за повеќекратна употреба. Внимателно прочитајте ги декларациите за козметичките и хигиенските производи, бидејќи тие често содржат пластика. „Во производите како паста за заби, гелови за туширање и производи за чистење, цврстата микропластика сега е забранета низ цела ЕУ“, вели Томас Фишер. „Но, ова не е случај со полуцврстата, желатинозна или течна пластика што се користи во геловите за коса“. Микропластиката може да се најде во шампони, гелови за туширање и во пилинзи. Производителите ја користат пластиката како абразивно средство за белење на забите. Детергентите и средствата за чистење може да содржат течна или полуцврста пластика. Добрата вест е дека постојат многу алтернативи без пластика, како што се крути шампони и гелови за туширање, како и одржливи производи за чистење. Внимавајте на етикетите што ви кажуваат дека производот е без пластика. Дури и за кафето кое обично го земате патем, има подобро решение Ако сакате брзо кафе на пат кон работа, подобро е да земете своја чаша за повеќекратна употреба бидејќи хартиените чаши за еднократна употреба се обложени со пластика и не можат повторно да се користат. Се проценува дека само девет проценти од глобалната пластика се рециклира, а дури и во земјите каде отпадот се селектира во корпи за рециклирање, огромното мнозинство од пластиката завршува на депонии или во печки за согорување. Откажувањето од пластика не значи дека веднаш фрлате сѐ што е направено од пластика. „Не смеете да заборавите дека станува збор за намалување на пластиката, а не за нејзина замена по секоја цена“, потсетува Кабрера-Кајола. Предметите кои сè уште се во добра состојба може да продолжат да се користат додека не се истрошат или расипат. „Целта треба да биде да се произведе помалку отпад воопшто, без разлика на материјалот. отпадпластикапотрошувачка на пластика 2 Сподели FacebookTwitterGoogle+ReddItWhatsAppPinterestEmail...

СлајдерХраната лек Овес, овес, овес и на крај – вода од овес: Како може овесната вода да го подобри целокупното здравје? Арт Кујна Апр 16, 2024 Фото: Freepik 385 Сподели Овесната вода е природен лек за контрола на високите нивоа на ЛДЛ холестерол и за подобрување на здравјето на срцето! Како може овесната вода да го подобри целокупното здравје? Обичниот овес (Avena sativa) е зрно кое има долга традиција во прехранбената индустрија, но во последно време станува сè попопуларно поради многубројните здравствени придобивки. Овесната вода која често се приготвува од овесни снегулки, стана популарен напиток поради својата хранлива вредност. Овесна вода или вода од овес е напиток кој лесно се прави и ќе му користи на вашето тело на многу начини. Овесна вода е напиток што се добива такашто овесните снегулки се натопуваат во вода и потоа течноста се процедува. Овој едноставен процес овозможува екстракција на хранливи материи од овесот, вклучувајќи бета-глукани, растворливи влакна кои играат клучна улога во бројните здравствени придобивки. Овесот и овесната вода се одлични додатоци во исхраната кои нудат разновидни здравствени придобивки. Вклучувањето на оваа житарка во исхраната може да го подобри општото здравје, да го поддржи срцето, да го контролира шеќерот во крвта и да обезбеди чувство на ситост. Овесната вода е вкусен и хранлив напиток кој лесно се подготвува и може да стане редовен дел од здравиот начин на живот. За што е добра овесната вода?За овесната вода да има поубав вкус, додадете малку мед, цимет или дури и путер од кикиритки, а за што е добра дознајте во остатокот од текстот… Регулирање на холестеролот: Бета-глуканите присутни во овесот имаат способност да го намалат нивото на лошиот холестерол (ЛДЛ) во крвта. Овие својства можат да придонесат за намалување на ризикот од срцеви заболувања. Што значи дека овесната вода е природен лек за контрола на високите нивоа на ЛДЛ холестерол и за подобрување на здравјето на срцето! Контрола на шеќерот во крвта: Овесните влакна играат клучна улога во одржувањето стабилно ниво на шеќер во крвта, а со тоа помагаат да се спречи дијабетес тип 2. Редовното консумирање овес во исхраната доведува до намалување на шеќерот во крвта. Овесната вода е корисен напиток бидејќи помага во регулирање на нивото на шеќер во крвта обезбедувајќи ви стабилен и долготрајен извор на енергија. Спречете ја остеопорозата: Друга предност на овесната вода е тоа што ни обезбедува добар извор на калциум. Но, калциумот не е единствениот минерал потребен за здрави коски. Овесот содржи и други минерали, како што се цинк, магнезиум и бакар, кои му помагаат на вашето тело да го апсорбира калциумот и да ја зголеми густината на коските. Овес за подобрување на варењето: Овесните влакна го поддржуваат здравото варење, го спречуваат запекот и го поттикнуваат редовното празнење на дебелото црево. Некои истражувања покажуваат дека јадењето овес може да помогне во растот на пробиотските микроорганизми во дебелото црево. Намалување на воспалението: Антиоксидантите во овесот помагаат да се намалат воспалителните процеси во телото, што може позитивно да влијае на различни здравствени проблеми. Антиоксиданти добиваме од различни извори, а за среќа, овесната вода може да биде еден од тие извори! Посебен антиоксидант кој се наоѓа во овесот се нарекува авенантрамид и се покажало дека резултира со подобар проток на крв и има антиинфламаторно дејство. Извор на хранливи материи: Овесната вода обезбедува многу есенцијални хранливи материи како што се витамини, минерали и антиоксиданти, а со тоа го негува целокупното здравје на телото. Овесна вода за слабеење – како да ја пиете?Овесните влакна обезбедуваат чувство на ситост, помагаат да се контролира апетитот и го поддржуваат процесот на слабеење. Овесната вода треба да се пие наутро, пред првиот оброк. Само една чаша од пијалакот ќе ви даде чувство на ситост, што ќе ја поддржи вашата диета за слабеење. Овесната вода исто така ќе ја подобри функцијата на цревата и ќе ги исчисти од насобраните токсини. Чај од овесПодготвувањето чај од овес е прилично едноставно… Потребни состојки: 1 чаша овесни снегулки (најдобри се целите)4 чаши водаМед или друг засладувач по желбаИзборни додатоци (на пр. цимет, ванила)Овесните снегулки исплакнете ги и ставете ги да се готват. Намалете ја топлината на минимум и варете ги покриени околу 15-20 минути, повремено мешајќи. По варењето, процедете ја течноста за да го одвојте чајот од овесот. По желба додадете мед или друг засладувач. вода од овесздравјеовесна водахолестерол 385 Сподели FacebookTwitterGoogle+ReddItWhatsAppPinterestEmail...

СлајдерСовети Кога е најдобро време за консумирање мед? Постои разлика ако го јадете наутро или навечер Арт Кујна Апр 16, 2024 Фото: Pexels 222 Сподели Медот содржи многу корисни витамини и минерали кои имаат лековито дејство, но не е сеедно во кое време од денот го консумирате. Поради своите антибактериски својства, медот се смета и за една од најпопуларните активни состојки кои го зајакнуваат имунолошкиот систем, ја потиснуваат кашлицата и ги ублажуваат болките во грлото. Иако е практично синоним за помош кај одредени здравствени проблеми, земањето мед не само што е корисно за болести, туку може да се консумира секојдневно. Но, кои се придобивките од уживањето во мед во различни периоди од денот? Придобивките од консумирањето мед наутроЧаша топла вода со мед и лимон се смета за еликсир на здравјето, кој исто така има многу придобивки за благосостојбата. Земањето мед наутро може да помогне во зголемување на нивото на енергија, па затоа некои нутриционисти го препорачуваат токму во тој период од денот. Исто така, јадењето мед наутро помага да биде кожата поубава и телото да се хидрира, но и доколку сакате да се ослободите од вишокот килограми. Исто така, помага и за: подобрување на варењетоштити од вирусни инфекции и настинкиги намалува можните алергиски реакцииги отстранува токсините од телото Што може да очекувате ако конзумирате мед навечер?Ако уживате во медот навечер, тој може да ви помогне да се регенерирате по напорниот ден. Меѓу другото, медот е природен засилувач на енергија, што значи дека брзо ја враќа или зголемува енергијата. Ако консумирате мед пред спиење во топол напиток, тој може да ви помогне да спиете подобро и помирно. Конзумирањето мед пред спиење, исто така, има корист за губење на вишокот килограми, а исто така балансира некои здравствени состојби како што се рефлукс на киселина и висок крвен притисок. Меѓу другото, го намалува и ризикот од дијабетес тип 2 и има корист за здравјето на црниот дроб. Пред или после спортски активностиМедот се смета за богат извор на јаглехидрати и природен шеќер, кои многумина ги земаат кога се исцрпени и уморни. Некои луѓе кои се занимаваат со фитнес и спортски активности консумираат мед пред или после тренинг, како алтернатива на засладените енергетски пијалаци или како додаток на протеинските мешавини. Се смета за добар додаток во исхраната после тренинг, бидејќи лесно се апсорбира од телото и помага во обновувањето на мускулите после тренинг. Исто така, поради неговите ефекти за зголемување на енергијата, може да ја подобри ефикасноста на тренингот. меднаутропред спиењепридобивки од медот 222 Сподели FacebookTwitterGoogle+ReddItWhatsAppPinterestEmail...

СлајдерСовети Храна која спречува Алцхајмерова болест Арт Кујна Апр 16, 2024 Фото: Pexels 123 Сподели Одредени намирници како јајцата и сардините се квалитетни и здрави за мозокот, со што се спречуваат болестите на тој орган, како што е Алцхајмеровата болест. Има многу работи што можеме да ги направиме за да го заштитиме нашето когнитивно здравје како што старееме, но еден од најважните чекори што можеме да ги преземеме е да јадеме храна здрава за мозокот која може да спречи Алцхајмерова болест, деменција и други слични болести. Има многу вкусни намирници кои можеме да ги додадеме во нашата чинија за поздрав мозок и намален ризик од Алцхајмерова болест. Неодамна, невронаучникот и доктор специјализиран за превенција на Алцхајмеровата болест користејќи наука, Роберт Лав, сподели видео на Тик-Ток во кое истакна пет фантастични опции. Јајца Преполни со протеини, јајцата се фантастични за целокупното здравје, вклучувајќи го и мозокот. „Многу луѓе не се согласуваат за ова, но науката е многу јасна“, вели Лав. Тој наведува дека јајцата се богати со витамини од Б-комплексот, селен и холин, претходник на невротрансмитерот ацетилхолин, кој е од витално значење за меморијата. Сардини Следни на листата се сардините кои Лав ги смета за личен фаворит. Овие риби се карактеризираат со изобилство на омега-3 масни киселини, особено DHA. Бидејќи мозокот главно се состои од маснотии, јадењето здрави масти како оние што се наоѓаат во сардината може да направи чуда. „Тоа му дава на вашиот мозок суровини за создавање нови мозочни клетки и за правење и поправка на мозочните клетки“, објаснува Лав. Тој препорачува дневен внес од околу 2.000 милиграми DHA за оптимално здравје на мозокот. Чоколадо/какао Чоколадото нуди мноштво здравствени придобивки, дури и кога станува збор за нашиот мозок. Тој предлага да се одлучите за органско чоколадо или какао. „Истражувањата покажуваат дека какаото ја подобрува меморијата кај здравите возрасни лица. Промовира нешто што се нарекува неврогенеза, што е раст на нови мозочни клетки и ангиогенеза, раст на нови крвни садови“, вели Лав. Покрај тоа, потрошувачката на какао може да го намали ризикот од мозочен удар, што го прави вкусен, но моќен сојузник против когнитивниот пад. Див лосос Мрсната риба, како што е лососот, е една од најздравите суперхрани. „Ова е апсолутно одлично за вашиот мозок“, вели Лав, нагласувајќи ја важноста да се избере див лосос, а не од фарма, за оптимално здравје на мозокот. Дивиот лосос, богат со омега-3 масни киселини како што е DHA, дава бројни придобивки благодарение на изобилството на здрави масти. Ова го прави главен во нутритивните препораки за зајакнување на мозокот. Црн ориз Последно, но не и најмалку важно, Лав го наведува црниот ориз како изненадувачки додаток на листата. За разлика од белиот ориз, црниот ориз е „богат со полифеноли, кои се растителни хранливи материи кои се одлични за цревните бактерии“, објаснува неврологот. Тој забележува дека она што е добро за нашите црева е добро и за нашиот мозок. Се препорачува да се користи за пудинг од ориз како десерт. 123 Сподели FacebookTwitterGoogle+ReddItWhatsAppPinterestEmail...

СлајдерТОП 5 Дали сте пробале млеко од кикиритки? Се прави од две состојки, а кога ќе го пробате ќе се прашате зошто досега не сте го направиле Арт Кујна Апр 15, 2024 Фото: Pexels 113 Сподели Лесно се подготвува и нуди уште еден избор за оние кои сакаат да се хранат поздраво. Во оваа статија, ќе дознаете повеќе за млекото од кикиритки, но и рецепт за да го направите сами. Растителните млека станаа многу популарни со текот на годините, или поради здравствени причини (нетолеранција на лактоза) или поради преференции на вкус. Новите, различни видови млеко без млечни производи кои секој може да ги проба стануваат сѐ попопуларни. Меѓу нив е и млекото од кикиритки, кое не е ново, но сепак е помалку познато и потешко е да се најде во продавниците од, на пример, бадемовото, кокосовото или оризовото млеко. Ова млеко е природно веганско, кошер и без холестерол, а токму поради главната состојка – кикиритките, има високо ниво на протеини. Иако можеби овој пијалак не е добро познат на нашите простори, тој постои одамна. Го развил Џорџ Вашингтон Карвер, кој го нарекуваат и „човек од кикиритки“. Со многу малку состојки, Карвер смислил рецепт за млеко од кикиритки со вкус споредлив со кравјото млеко, иако неговото производство било многу поевтино. Млекото од кикиритки треба да се чува во фрижидер, каде што може да остане четири дена. Исто така, не ги фрлајте исцедените парчиња кикиритки, бидејќи од нив може да се направи брашно, кое може да се додаде во колачиња, креми или домашен путер од кикиритки. Млекото од кикиритки може да се направи само со кикиритки и вода, а има покремаста текстура од некои други млека од јаткасти плодови, особено ако додадете состојки како урми. Во споредба со бадемовото млеко, млекото од кикиритки е покремасто. Исто така, кога ќе го пробате, за разлика од некои други растителни млека, нема да се прашувате од што е направено, сѐ ќе ви биде јасно веднаш. Во Нигерија, млекото од кикиритки е вообичаен пијалак кој се служи разладен, додека две од најмногубројните нации во светот – Индија и Кина – масовно го произведуваат ова млеко. Бидејќи потрошувачите сакаат повеќе алтернативи од растително потекло, можеби е само прашање на време кога ќе се зголеми популарноста на млекото од кикиритки и во Европа. Други земји произведуваат млеко од кикиритки во прав, што не се разликува од путер од кикиритки во прав. Оваа опција има подолг рок на траење, што ја прави погодна за чување во оставата, но тука е тешко да се најде. Но, добрата вест е што можете да го направите сами. Состојките што се користат за негово правење се лесно достапни, а и подготовката е едноставна. Кога правите млеко од кикиритки, ви препорачуваме да користите несолени кикиритки за да не биде напитокот многу солен, а доколку сакате слатка варијанта, можете да го направите со додавање мед или урми. Ако не сте сигурни дали би пиеле кафе со ова богато млеко, пробајте со него да направите кремаст сос за тестенини. Ако овој пијалак се прави само со вода и кикиритки, вкусот на кикиритките е многу силен. Рецепт за млеко од кикиритки Ќе ви требаат:250 гр сирови излупени кикиритки2 литри вода Приготвување: Потопете ги кикиритките во литар вода најмалку шест часа, но идеално е преку ноќ. Потоа исцедете ги и измијте ги со ладна вода. Вода и измиените кикиритки ставете ги во блендер. Набргу потоа (минута до две) течноста треба да изгледа соединето и мазно. Процедете го млекото, по можност преку газа, за да ги избегнете малите парчиња кикиритки што блендерот не може да ги смеле. И тоа е тоа! Совет плус: Доколку сакате да го засладите ова млеко, во два литри вода додадете 2 лажици мед или десетина урми кои исто така ќе ги измешате во блендерот, заедно со кикиритките и водата. 113 Сподели FacebookTwitterGoogle+ReddItWhatsAppPinterestEmail...

МениСлајдер Посни сармички од винова лоза Арт Кујна Апр 15, 2024 Фото: Pexels 72 Сподели Има ли нешто поубаво од оние мали зелени сармички кои можете да ги јадете полнети со мелено месо, но ако не прашувате нас, уште повкусни се кога се посни Состојки: околу 40 листови од винова лоза1 шолја ориз1 морков3 главици кромидМасло1 компир50 гр соја снегулки50 гр семки од сончогледсол, пипер, црвен пипермалку брашно за запршка (по желба) Приготвување: Попарете ги листовите ов винова лоза со топла вода и оставете ги во сад да омекнат. Во меѓувреме сварете го оризот. Загрејте го маслото во тава и пропржете го исечканиот кромид, додадете ги црвениот пипер и варениот ориз, а потоа и изренданите морков и компир, попарени снегулки од соја и мелени семки од сончоглед. Зачинете по желба. Добро измешајте, полнете ги листовите и виткајте ги во сармички. Во садот во кој ќе се варат ставете масло, одоздола ставете неколку листови, па наредете ги сармичките, покријте ги одозгора со преостанатите листови од винова лоза, малку притиснете со капак, истурете вода да се покријат и варете на тивок оган. На крајот, по желба направете запршка со малку брашно пропржено на масло. посни сармичкисармички од винова лоза 72 Сподели FacebookTwitterGoogle+ReddItWhatsAppPinterestEmail...

СлајдерТОП 5 Во фалсификуваниот мед се додава дури и жива сода: Европската пчеларска асоцијација ги повика земјите-членки да се борат против лажниот мед на пазарот Арт Кујна Апр 15, 2024 Фото: Pexels-Pixabay 140 Сподели Европската комисија неодамна објави дека речиси 50 отсто од увезениот мед е лажен. Европската пчеларска асоцијација ги повика земјите-членки да се борат против лажниот мед на пазарот, а купувачите да ја набавуваат оваа намирница директно од пчелари од најблиската околина. Експертскиот тим на Европската пчеларска асоцијација (ЕБА), ги повика сите земји од ЕУ итно да го решат проблемот со фалсификуваниот мед, бидејќи пчеларството е под закана. Како што наведоа, поради сѐ посилната нелојална конкуренција и пазарен притисок на фалсификуваниот, т.е. лажниот мед кој ја преплави Европа, пчеларите масовно губат интерес за чување пчели. Доколку овој тренд продолжи и во наредните месеци, Европа ќе остане без пчели, бидејќи пчелите не можат да преживеат без пчелари. Медот може да се увезува, но тоа би довело до драматично зголемување на цената на храната, до натамошен раст на инфлацијата и уништување на здравата исхрана на нашето население, се наведува во ова соопштение испратено до Европскиот парламент, раководството на ЕУ, како и националните пчеларски здруженија на Европа. Од ЕБА порачаа и дека е важно потрошувачите да го изберат европскиот мед, односно оној што географски се произведува на таа територија, бидејќи тоа им помага на пчеларите да го задржат интересот да се занимаваат со овој бизнис. „Дивите опрашувачи се десеткувани со интензивното земјоделство, а медоносната пчела одеднаш стана единствениот опрашувач и тоа ќе биде случај само сѐ додека пчеларите имаат симболичен интерес за одгледување пчели. „Без пчелари нема пчели, бидејќи без нив тие би исчезнале за неполни две години поради дејството на пчелните паразити кои нема да има кој да ги контролира“, се наведува во оваа објава. Од Европската пчеларска асоцијација велат дека Европејците знаат дека европските пчелари ги следат правилата на традиционалното производство, се грижат за пчелите и доставуваат безбеден мед со највисок квалитет до потрошувачите. Тамошните прописи обезбедуваат високи хигиенски стандарди за производство на мед, а пчелите не се третираат со антибиотици и други средства забранети во Европа, така што е исклучена можноста за загадување на медот. „Медот произведен во географската област на Европа содржи антиоксиданти, минерали и пробиотски бактерии кои се очекувано повеќе прилагодени на нашето тело. Овој производ е со неспоредливо подобар квалитет и арома од увозните медови, поради неговата чиста природа и вода. Затоа изборот на европски мед го подига квалитетот на сите домашни земјоделски производи кои бараат опрашување, бидејќи опрашувањето не може да се увезе како медот“, наведуваат во овој апел. Пчеларите од европските земји (и од ЕУ и надвор од ЕУ), да потсетиме, ја основаа Европската пчеларска асоцијација (ЕБА), која се бори за квалитетот на медот и отстранувањето на фалсификатите од пазарот, заштитувајќи ги и потрошувачите и пчеларите преку одбрана на автентичноста на европскиот мед. ЕБА бара да се воспостави единствен метод за утврдување на природноста на медот на европскиот пазар. Медот што не го направиле пчелите не е мед. Европската комисија неодамна објави дека речиси 50 отсто од увезениот мед е лажен. Потрошувачите имаат најголема гаранција за квалитет кога набавуваат мед директно од пчелари од најблиската околина. Доколку оваа храна се набавува во продавница, треба да внимаваат на земјата на потекло, бидејќи најбезбедниот мед е од територијата на географска Европа. „Повеќето фалсификати се обичен шеќерен сируп со адитиви, пчелите обично не го ни виделе тој лажен мед, тој служи само за да ги измами потрошувачите и за профитирање на фалсификаторите. Фалсификуваниот мед носи ризици по здравјето на потрошувачот, бидејќи во текот на фалсификувањето во него се додаваат дури и жива сода (жива или каустична сода), вештачки ензими (кои се додаваат и во таканаречениот вегански мед, кој всушност не постои, бидејќи нема мед без пчели), му се додаваат вештачки вкусови, вештачки бои, шеќери со низок квалитет. Во таквиот лажен мед нема никаква биолошка вредност што пчелниот мед му ја дава на човечкото тело и поради што го јадеме. Затоа пчелните производи сè поуспешно се користат во апитерапијата (гранка на комплементарната медицина базирана на наука и богата традиција)“, наведуваат од здружението. Европалажен медмед 140 Сподели FacebookTwitterGoogle+ReddItWhatsAppPinterestEmail...

СлајдерХраната лек Младата коприва помага при гихт, уринарни инфекции, артритис…Кој не би требало да ја користи бодликавата билка? Арт Кујна Апр 15, 2024 Фото: Pexels 275 Сподели Покрај железото, по кое е најпозната, копривата содржи и фосфор, манган, магнезиум, калиум, калциум и азот. Совет е да се бере на чисти места, да се измие со зовриена вода, да се исцеди и да се исечка Младите коприви се собираат во овој период од годината (април) и често се користат во рецептите слично како спанаќот и зелјето. Копривата е и најпознатиот народен лек за лекување на анемија, се верува дека може да им помогне и на пациентите кои страдаат од зголемена простата, уринарни инфекции, артритис, гихт. И покрај сите предности, копривата е растение кое некои луѓе треба да го избегнуваат. Копривата е диуретик, терапија за болки во зглобовитеКопривата (Urtica Dioica) е диво растение богато со железо, калциум, магнезиум, витамини Ц, К. Листовите, корените и семките на копривата имаат лековити својства. Во средновековна Европа, копривата се користела како диуретик и терапија за болни зглобови. Ситните влакненца на листовите и стеблата на копривата содржат иритирачки хемикалии кои се ослободуваат кога ќе дојдат во контакт со кожата, поради што чувствуваме непријатно чувство на печење. Од друга страна, се верува дека кога е во контакт со болен дел од телото, копривата го попречува начинот на кој телото ги пренесува сигналите за болка и на тој начин го намалува чувството на болка. Примена на коприватаКопривата се користи стотици години за лекување на болки во мускулите и зглобовите, егзема, артритис, гихт и анемија. Сѐ повеќе се користи како помошен лек при уринарни проблеми предизвикани од бенигна хиперплазија на простатата и инфекции на уринарниот тракт. Се верува дека копривата може да ги смири симптомите на алергискиот ринитис. Во форма на облози или креми, се користи за лекување на болки во зглобовите, исчашувања, истегнувања, тендонитис и каснувања од инсекти. Копривата е растение од кое се подготвуваат варива, а може да се користи како чај кој се приготвува од семките, листовите и корењата од коприва. Тоа е едно од растенијата што има најразновидна употреба. Бенигна хиперплазија на простатаЕкспертите од клиниката Маунт Синај наведуваат дека коренот од коприва во Европа се користи за лекување на бенигно зголемување на простатата. Студиите на хумана популација покажуваат дека копривата, во комбинација со други билки (особено со палмета), може да биде ефикасно средство за ублажување на симптомите на бенигно зголемување на простатата. Некои студии дури тврдат дека копривата е споредлива со финастеридот, лек кој најчесто се препишува за бенигно зголемување на простатата, но за разлика од финастеридот, копривата не влијае на големината на простатата такашто ја намалува. Не е сосема јасно како копривата влијае на симптомите на зголемување на простатата, се претпоставува дека содржи супстанции кои делуваат на хормоните тестостерон и естроген. Копривата како народен лек за артритисЛистовите и стеблата на копривата се народен лек за ублажување на симптомите на артритис и болки во мускулите. Нема многу студии на оваа тема, но оние што постојат нагласуваат дека листот од коприва може да ги ублажи болките во зглобовите. Листот се нанесува локално на болното место. Исто така, постојат претпоставки дека за истовремена употреба на орални екстракти од коприва со нестероидни антиинфламаторни лекови потребни се помали дози од лекот. Поленска грозницаПрелиминарната студија на луѓе сугерира дека капсулите од коприва ги смируваат симптомите на кивање и чешање од поленската грозница. Во друга студија, 57 проценти од пациентите рекле дека копривата е ефикасна за ублажување на симптомите на алергија, а 48 проценти веруваат дека копривата е поефикасна од лековите за алергија. Се верува дека копривата може да ја намали количината на хистамин што телото го произведува како одговор на алергенот. Сепак, потребни се повеќе студии за да се потврдат антихистаминските својства на копривата. Прелиминарните студии на животни покажуваат дека копривата може да го намали и шеќерот во крвта и крвниот притисок. Експертите од клиниката Mount Sinai нагласуваат дека се потребни повеќе истражувања за да се потврди ваквото влијание на копривата врз луѓето. Се бере на чисти подрачјаКопривата се користи како сушен лист, лиофилизиран лист, во форма на екстракт, капсула, таблета и како тинктура од корен (растителен раствор во алкохол), како сок или чај. Достапен е и во форма на масти или креми, кои се нанесуваат на кожата. Покрај железото, по кое е најпозната, содржи и фосфор, манган, магнезиум, калиум, калциум и азот. Совет е да се бере на чисти места, да се измие со зовриена вода, да се исцеди и да се исечка. Несакани реакцииИако е достапна во многу комбинирани формули за третман на настинки, астма и алергии кај деца, сè уште не е утврдена специфична безбедна и ефикасна доза за педијатриската популација. Затоа се советува претпазливост доколку се дава на деца, најдобро е за сѐ да се консултираме со педијатар. И покрај добрите својства, употребата на коприва, како и други растенија, може да биде придружена со несакани реакции. Копривата може да стапи во интеракција со други билки, суплементи или лекови. Затоа, лековитите билки треба да се земаат внимателно и под надзор на лекар. Копривата е генерално безбедна кога се користи според упатствата. Благи стомачни проблеми, потење, дијареа, осип при локална употреба се најчестите несакани ефекти. Допирањето на копривата може да предизвика алергиска реакција кај некои луѓе. Копривата никогаш не се нанесува на отворена рана. Зголемувањето на простатата не го лекувајте сами со коприва, бенигната хиперплазија на простата е состојба која мора правилно да се дијагностицира, за да се елиминираат сомнежите за можни малигни промени. Кој треба да ги избегнува копривите?Копривата може да влијае на способноста на крвта да се згрутчува и да го попречува дејството на лековите за разредување на крвта како што се варфарин, клопидогрел, аспирин. Може дополнително да го намали крвниот притисок, па затоа не се препорачува за пациенти кои веќе земаат лекови за намалување на крвниот притисок, како што се АКЕ инхибитори, бета-блокатори, блокатори на калциумови канали.Копривата може да делува како диуретик, па затоа не се препорачува за пациенти кои пијат диуретици, бидејќи може да го зголеми дејството на овие лекови и да го зголеми ризикот од дехидрација. Пациентите кои се лекуваат од дијабетес треба да избегнуваат и препарати од коприва и коприва, бидејќи ова растение може да го намали нивото на шеќер во крвта, да го зголеми ефектот на лековите и да го изложи пациентот на ризик од хипогликемија. Копривата исто така не се препорачува за луѓе на терапија со литиум, која се користи во лекување и превенција на манични епизоди кај биполарно растројство и некои други психијатриски состојби. Оваа билка исто така не треба да ја користат пациенти кои земаат нестероидни антиинфламаторни лекови (НСАИЛ).Во стручно истражување, забележано е засилено дејство на НСАИЛ после оброк направен од динстани коприви кај пациенти со акутен артритис. Се препорачува сите пациенти, особено ако имаат придружни болести, да се консултираат со својот лекар за деталите. копривалековити билки 275 Сподели FacebookTwitterGoogle+ReddItWhatsAppPinterestEmail...

СлајдерТОП 5 Вараждинскиот рен доби статус на производ со заштитено потекло Арт Кујна Апр 15, 2024 Фото: Фејсбук 20 Сподели Лудбрешкиот рен кој се одгледува во реонот на хрватскиот град Вараждин, е додаден на листата од 3.857 земјоделски производи од земјите членки на ЕУ со заштитено потекло. Европската комисија го вклучи лудбрешкиот рен, кој се одгледува во реонот на хрватскиот град Вараждин, во Регистарот на производи на ЕУ со заштитено потекло. Комисијата оцени дека станува збор за сорта на рен, која има свои специфики благодарение на климатските и почвените услови во реонот на Вараждинската Жупанија, како и на специфичната техника на неговото одгледување и вештината на производителите базирана на традицијата. „Месечните средни дневни температури на дефинираната географска област во текот на сезоната на растење и количеството на врнежите се оптимални за одгледување на лудбрешкиот рен, кој се произведува комерцијално исклучително во оваа област. Особено е значаен рамничарскиот терен на Подравјето, бидејќи обезбедува рамномерен проток на вода, што заедно со постојните водотеци и подземните води, обезбедува доволно снабдување со вода на подрачјата на кој се одгледува лудбрешкиот рен“, наведува ЕК во образложението. Лудбрешкиот рен е додаден на листата од 3.857 земјоделски производи од земјите членки на ЕУ со заштитено потекло. 20 Сподели FacebookTwitterGoogle+ReddItWhatsAppPinterestEmail...

ПрофилСлајдер Кај ќе искачаш вечер? На берба на грозје – од полноќ „до даљнег“ Драгица Христова Апр 12, 2024 780 Сподели „Да не се караме веќе со инсектите и плевелот во лозјето, туку да ги оставиме да живеат во симбиоза, бидејќи секој си има свое место во природата“, вели младиот Сашко Андов од винаријата „Ерос“. Сашко, инаку пионер во воведувањето на техниката на ноќна берба на грозје кај нас, е оној поради кој наместо макотрпна работа, бербата на грозје се преобрази во своевиден фестивал и одлична можност за дружба под ѕвездите Веќе 7-8 години по ред, на лозјето на винаријата Ерос сместена во кавадаречкото село Марена (патем, така се викала мајката на мајка ми) се случува ноќна берба на грозјето која сега веќе е традиционална и прерасна во еден вид на фестивал на кој се пријавуваат луѓе дури и од Скопје кои ова не го сфаќаат како макотрпна работа, туку како своевидна забава.Младиот винар Сашко Андов признава дека на почеток, кога прочитал на Интернет за ноќните берби на грозје кои се одамна познати во други држави кои се занимаваат со производство на вино, ова му се видело како интересна промена, од макотрпна берба на високи температури во забавно искуство и дружба со пријателите.„Пред да истражам што е поентата на овие ноќни берби, самото тоа што се бере ноќе, ми се виде интересно и пред сѐ, како еден вид на забава. Од една страна, да не ни е жешко додека береме, а од друга, како можност да се дружиме. Така, откако ја обелоденив идејата, другарите се наканија да дојдат да ми помогнат и тоа, тие што не очекував, први дојдоа, а и татко ми исто така крена рака за ова. Првите години беревме од полноќ до 11-12 другиот ден, а сега веќе сме поголема екипа берачи, па береме пократок интервал и имаме повеќе време и за забава“, раскажува Сашко. Засега нема музика бидејќи е логистички тешко да се донесе опрема за озвучување со оглед на тоа што е лозјето далеку од регионален пат, но затоа има скара, многу интересни муабети и голема инспирација под ѕвезденото небо со мирис на зрело грозје. Сашко вели дека откако навлегол подлабоко во сето тоа, дознал за другите придобивки кои се однесуваат не само на удобноста на берачите, односно, да не им е жешко додека берат, туку и на самото грозје и виното што ќе се произведе од него.„Техниката на „ноќна берба“ значи дека грозјето се бере исклучиво ноќе, додека лозата „спие” и нема размена на материи помеѓу земјата и грозјето, па сите ароматични компоненти се задржуваат во зрната. Со тоа што се избегнуваат високите температури кои за време на бербата негативно влијаат на квалитетот на грозјето, ноќната берба придонесува вината да ги зачуваат ароматските карактеристики на сортата и да постигнат повисок квалитет на виното“, ни објаснува Сашко кој е пионер во воведувањето на оваа техника во нашата држава, иако сега истата почнуваат да ја практикуваат и некои други винарии.Тој израснал во лозјата и семејната винарија која ја регистрирал неговиот татко, господин Душко Андов пред цели 20 години и токму поради потребата од човек што ќе се посвети целосно на работата во винаријата и ќе ја продолжи семејната традиција, се запишал на студии по лозарство и енологија и својата наобразба и животна определба ги посветил на виното.Арно ама, не само што успева да го задржи она што го изградил неговиот татко, туку полека ја презел работата и ја развива на повисоко ниво, внесувајќи многу новитети, а секако, не го запоставува ниту искуството и скапоцените совети на винарот-сениор.Освен неговата првична мисија, враќањето на винската сорта Странушина во редот на квалитетни автохтони македонски сорти, како и афирмација на производите од Странушина, како што се, вино, маџун, ракија и гроздов сок, Сашко има и друга цел, а тоа е, комплетно зачувување на природата и како што вели, „да не се караме веќе со инсектите и плевелот во лозјето, туку да ги оставиме да живеат во симбиоза, бидејќи секој си има свое место во природата“. Токму тоа е оној биодинамички аспект поради кој е интересна и самата техника на ноќна берба. „Биодинамиката се заснова на ставот дека сè во природата е меѓусебно поврзано: луѓе, растенија, животни, животна средина и небесни тела. Земјоделците и производителите на вино мора да работат во хармонија со природните сили како што се планетарните, сончевите и месечевите циклуси“, објаснува Сашко.Бидејќи, во основа, биодинамиката не се разликува многу од органското производство, тој најпрвин почнал со органско производство и насадите на винаријата „Ерос“ веќе имаат сертификат за органски. И органското производство и биодинамиката вклучуваат употреба на природни ѓубрива и во голема мера избегнуваат синтетички соединенија, со тоа што збирот на биодинамички правила е нешто поширок и поинтересен од органските. „Биодинамиката е специфична поради употребата на природни препарати кои се користат како компост, односно, ферментирање на неколку видови на билки кои се користат за третирање/прскање на насадите. Од оваа година применувам таков вид на заштита, а секоја од тие билки си има свој период кога се користи. При самата ферментација тие создаваат бактерии кои влијаат позитивно врз габичните инфекции кај виновата лоза, но се и хранливи материи, кои го потпомагаат процесот на фотосинтеза“, објаснува нашиот млад винар. Освен ова, интересен концепт е и тоа што во намера да се задржи биодиверзитетот во лозјето, тие не го ораат и дозволуваат тревата како и сите други живи суштества да коегзистираат со лозјата.„Почвата е полна и со семиња и корени и со други растенија и тоа е еден циклус кој едноставно не може и не треба да се уништи, туку тие треба да се помират и да живеат во симбиоза сите заедно, лозјето, инсектите и билките“, вели нашиот соговорник.Сашко е еден од оние мали производители кои вистински ја живее својата винска приказна и жив доказ дека, за да се прават добри вина, пред сѐ, треба да се има љубов и почит кон природата.Има многу успешни и наградувани вина, но тешко му е да одвои некое кое е за него посебно. Сепак, го одвојува неговото „Рубин Кармин“, насловено по името на песната од Архангел, токму како што ѝ ветил на својата сопруга уште додека му била девојка. Ах, тие романтични винари!„Станува збор за комбинација од Вранец, Кратошија и Станушина во сооднос од 4:4:2. Излезе екстра добро вино од кое веднаш се продадоа 300 шишиња, па 200 шишиња ставив во резерва зашто ќе ми биде криво да не видам кој е крајниот потенцијал на виното. Но како што на една мајка сите деца ѝ се убави, така се за мене и нашите вина. Секоја година некое вино знае да ме изненади, годинава беа тоа Темјаниката и Станушината, но и Совињон од 2021, кое иако е постаро, дури сега, после две години во шише, комплетно созреа“, се разборе инаку не многу зборливиот Сашко, кој сепак, кога зборува за вината, зборува со вистинска и страстна љубов, речиси како да рецитира љубовни стихови. биодинамикавинарија „Ерос“ноќна бербаСашко Андов 780 Сподели FacebookTwitterGoogle+ReddItWhatsAppPinterestEmail...

СлајдерСовети Сина риба наместо црвено месо спасува 750.000 животи Арт Кујна Апр 12, 2024 Фото: Pexels 127 Сподели Ако црвеното месо во исхраната се замени со ситни риби, како што се инчуните, сардините или харингата, до 2050 година би можеле да се намалат глобално бројни болести и да се спасуваат до 750.000 човечки животи годишно, покажуваат резултатите од студијата спроведена од тим од јапонски и австралиски научници. Само во Велика Британија, намалувањето на потрошувачката на црвено месо за осум отсто и негово заменување со ситна риба во исхраната во следните 26 години би можело да спречи 10 отсто од смртните случаи од срцеви заболувања, велат јапонските и австралиските научници кои ја направиле најголемата анализа од ваков вид врз основа на податоци достапни од повеќе од 130 земји во светот. Истражувањето покажало и дека бенефитот од ваквата диета најмногу би се почувствувал во посиромашните земји во светот. Ако црвеното месо во исхраната се замени со ситни риби, како што се инчуните, сардините или харингата, до 2050 година би можеле да се намалат глобално бројни болести и да се спасуваат до 750.000 човечки животи годишно, покажуваат резултатите од студијата. Малата сина рипка е богата со хранливи материи со низок јаглероден отпечаток, иако луѓето консумираат само околу 26 отсто од уловот. Остатокот од уловот, вклучително и значителна количина уловена во морињата на земјите кои се соочуваат со неухранетост и несигурност на храната, се претвора во рибино брашно и рибино масло, со кои се хранат поскапите одгледувани риби како лосос и пастрмка. Научниците одлучиле да истражат дали замената на консумирањето црвено месо со ситна риба може да ја намали стапката на болести кај луѓето, што ќе резултира со поздрав начин на живот и помала смртност. „За да придонесеме за општото подобрување на здравјето на луѓето, но и здравјето на планетата, треба да ја ограничиме потрошувачката на црвено месо и да се свртиме кон здрава и еколошки прифатлива храна“, објавија во списанието BMJ Global Health. „Во споредба со црвеното месо, морската храна не само што обезбедува повисоки концентрации на есенцијални хранливи материи, туку и го спречува ширењето на незаразните болести поврзани со начинот на исхрана. Малата сина риба е богата со омега-3 полинезаситени масни киселини со долг ланец, чиј внес може да спречи развој на коронарни заболувања, а богата е и со калциум и витамин Б12. Истражувачите исто така истакнуваат дека малата сина риба има најмал јаглероден отпечаток во споредба со кој било друг извор на животинска храна. Хроничните болести се одговорни за 70 проценти од сите смртни случаи во светот во 2019 година, а тоа се однесува на болести на циркулаторниот систем, рак на дебелото црево, дијабетес и мозочен удар. Тимот од научници ја проектирал потрошувачката на црвено месо во наредните децении во 137 земји ширум светот, проценувајќи ја достапноста на малите сини риби како замена за црвеното месо до 2050 година, користејќи историски податоци за риболов. Фото: Pexels Фото: Pexels Тие откриле дека гореспоменатата промена во навиките во исхраната може да спречи меѓу 500.000 и 750.000 смртни случаи на глобално ниво до 2050 година, особено кога станува збор за срцеви заболувања. Признаваат дека не е доволна само ситна сина риба, кога станува збор за замена во исхраната за целото црвено месо, но истакнуваат дека може да биде „алтернатива што ветува“. Британската национална здравствена служба (NHS) потсетува дека црвеното месо како говедско, јагнешко и свинско месо е составен дел од здравата исхрана. Но, ако секојдневно се консумираат големи количини на такво месо со додавање на месни производи како што се шунка, сланина и солено говедско месо, резултатот може да биде зголемен ризик од развој на рак на дебелото црево и бројни други болести. Истражувачите истакнуваат дека постои „потреба да се ограничи потрошувачката на црвено месо, кое исто така предизвикува и големи емисии на стакленички гасови“ и потребата да се „прејде на здрава и еколошка храна“. Крајната цел е „да се намали товарот“ на хроничните болести поврзани со исхраната во наредните децении. Тие, исто така, сметаат дека треба да се смислат политики за дистрибуција на рибниот фонд во регионите каде што е најпотребно – Африка, делови од Азија, Латинска Америка и Карибите со цел да се ограничи „глобалниот товар на болести“. инчунирибасардинисина рибахарингацрвено месо 127 Сподели FacebookTwitterGoogle+ReddItWhatsAppPinterestEmail...

СлајдерХраната лек Лешниците можат да ја подобрат машката плодност и да ги намалат воспалителните процеси Арт Кујна Апр 12, 2024 Фото: Pexels 112 Сподели Лешниците се ризница на витамин Е, здрави масти, протеини и диетални влакна, а претпазливоста при конзумирање се однесува на луѓето склони кон алергии на јаткасто овошје. Кога лешниците се составен дел од нашето разновидно мени, се очекува да ги искористиме нивните здравствени придобивки. Меѓу нив се намалување на телесната тежина, контрола на нормалното ниво на холестерол и намалување на воспалителните процеси. Лешниците го помагаат варењето и редовното празнење на цревата Ова јаткасто овошје е добар извор на диетални влакна, кои поттикнуваат редовно празнење на цревата и помагаат во спречување на запек. Нутриционистите препорачуваат жените на возраст од 31 до 50 години да консумираат 25,2 грама диетални влакна дневно. Мажите на иста возраст треба да консумираат 30,8 грама влакна дневно. За илустрација, порција лешник од 28 г содржи околу 2,7 г диетални влакна. Секако, тоа не значи дека целосната дневна препорачана количина треба да се консумира само со консумирање лешници, туку со разновидна исхрана и комбинирање со друга храна. Слабеење: Дали лешниците можат да придонесат за тоа?Според некои неодамнешни студии, лешниците можат да им помогнат на одредени категории на луѓе со губење на тежината. Студија од 2018 година открила врска помеѓу јадењето јаткасти плодови, избегнувањето на зголемување на телесната тежина и помалиот ризик од дебелина. Во студијата, учесниците кои јаделе повеќе јаткасти плодови имале помала веројатност да станат дебели од оние кои не јаделе. Ова истражување покажало одредена корелација, а понатамошните студии треба да потврдат дали постои директна причинско-последична врска помеѓу консумирањето јаткасти плодови и намалениот ризик од вишок килограми. Заштита од оштетување на клетките (оксидативен стрес)Лешниците се богати со антиоксиданти, соединенија кои ги штитат клетките од оксидативен стрес, односно оштетување предизвикано од слободните радикали. Покрај тоа, тие содржат витамин Е, а некои истражувања сугерираат дека витаминот Е може да помогне во заштитата на телото од некои од оштетувањата на клетките поврзани со развојот на малигнитет. Лешници и намалување на нивото на холестеролСтудија од 2013 година покажала дека исхраната богата со лешници го намалува нивото на холестерол на липопротеини со ниска густина кај учесниците. Во спротивно, овој тип на холестерол може да го зголеми ризикот од проблеми со срцето. Истражувачите заклучиле дека најдобриот начин да ги искористите здравствените придобивки од лешниците е да ги јадете секојдневно, но умерено, без да го зголемите вкупниот внес на калории. Друг преглед на студии од 2016 година покажува дека лешниците можат да го намалат нивото на штетниот холестерол и дека нема зголемување на телесната тежина кај учесниците во истражувањето. Подобрување на чувствителноста на инсулинЈадењето мешавина од јаткасти плодови што вклучува лешници може да помогне да се подобри чувствителноста на инсулин. Претходно, помало испитување од 2011 година покажало дека консумирањето мешавина од 30 г јаткасти плодови што содржи 7,5 г лешници секој ден ја подобрува чувствителноста на инсулин на учесниците во текот на 12 недели од консумирањето. Намалената чувствителност на инсулин игра улога во развојот на дијабетес тип 2, а неговото подобрување го намалува ризикот од болеста. Поддржете го здравјето на срцетоЛешниците можат да му помогнат на срцето да остане поздраво. Студија од 2013 година покажала дека консумирањето лешник има потенцијал да ги подобри биомаркерите на кардиоваскуларниот ризик, потенцијално намалувајќи го ризикот од проблеми со срцето. Намалување на воспалителните процеси?Студија од 2013 година покажала дека исхраната богата со лешници ги намалува знаците на воспаление кај учесниците. Сепак, друга студија заклучила дека промената на воспалителните маркери по јадење лешници е незначителна и не може да им се припише само на лешниците. Конечното утврдување на ефектот на лешниците врз воспалението бара понатамошни, поопсежни истражувања. Подобрување на плодноста кај мажитеНеодамнешните истражувања сугерираат дека јадењето повеќе јаткасти плодови, вклучително и лешници, може да го зголеми бројот на сперматозоиди и да го подобрат квалитетот на спермата.Истражувачите нагласуваат дека оваа мала студија опфатила здрави учесници, кај кои е забележано подобрување и забележана е подобра подвижност на спермата. Потребни се повеќе истражувања за да се утврдат придобивките што се однесуваат на пошироката популација. здравјејаткасти плодовилешници 112 Сподели FacebookTwitterGoogle+ReddItWhatsAppPinterestEmail...

СлајдерТОП 5 Кисело, слатко, солено, горчливо и луто: Добредојде Македонија и Институтот Конфуциј не поканија на настанот „Чај и традиции“ Арт Кујна Апр 11, 2024 268 Сподели Добредојде Македонија и Институтот Конфуциј при УКИМ не поканија на настанот насловен „Чај и традиции: Кинеско културно утринско искуство“ и нормално, најинтересна ни беше кинеската храна Кисело, слатко, солено, горчливо и луто се петте основни вкусови на кинеската кујна, па затоа најпопуларната мешавина на зачини во Кина е онаа со петте зачини кои ги даваат овие пет вкусови (слатко, горчливо, кисело, солено и луто). Петте зачини во мешавината се коморач, каранфилче, кинески цимет, сечуан пипер и семки од анасон и се сметаат за класична мешавина на зачини во кинеската кујна која, според кинеската култура, треба да биде и вкусна и здрава. А бидејќи Кинезите, како и ние, се опседнати со храната, ниту една јавна активност не може да биде целосна без храна. На наше задоволство, таков беше и настанот на кој „Арт кујна“ беше поканета од „Добредојде“ Macedonia Welcome Centre кој во соработка со Институтот „Конфуциј“ при Универзитетот „Св. Кирил и Методиј“, во КИЦ (Културно-информативниот центар) организираа настанот за промовирање на кинеската традиција и култура. Неговата екселенција г-дин Џанг Зуо, амбасадорот на Народна Република Кина, го отвори настанот насловен „Чај и традиции: Кинеско културно утринско искуство“, а директорите на Институтот „Конфуциј“ при УКИМ, проф. Влатко Стоилков и проф. Лиао Веи направија вовед во презентацијата на традиционалната чајна церемонија, калиграфијата, сечењето хартија и Таи Чи (древна кинеска традиција која денес се практикува како грациозна форма на вежбање). И секако, најинтересно за нас, а очигледно и за сите други присутни на настанот, беше делот посветен на храната, односно, послужената кинеска храна во која уживавме сите кои ја сакаме кинеската кујна. Впрочем, има ли некој кој не ја сака? 268 Сподели FacebookTwitterGoogle+ReddItWhatsAppPinterestEmail...

СлајдерТОП 5 Дали би јаделе сладолед од карфиол? Млади претприемнички од Нов Зеланд прават вкусен вегански сладолед Арт Кујна Апр 10, 2024 Фото: Инстаграм 51 Сподели Доколку сте љубител на сладолед, оваа приказна ќе ве воодушеви. Нејзините хероини се две млади претприемнички вљубени во овој деликатес и полни со ентузијазам да создадат целосно иновативен производ кој истовремено ќе придонесе за решавање на конкретен и сериозен општествен проблем. Младоста, знаењето и ентузијазмот се очигледно добитна комбинација од која можат да се родат сосема неверојатни идеи и потфати. Ова е едно од нив… Две девојки од Нов Зеланд – Џени Метисон и Мили Кумар ги споиле заедничките идеи и загриженоста за неодржливоста на системот за производство на храна. Користејќи го своето знаење стекнато на студиите на технологија за храна, но и маркетинг, тие успеале да создадат рецепт за неверојатно кремаст и вкусен сладолед, чија главна состојка е скромниот карфиол. Џени и Мили смислиле генијален начин да поврзат две навидум некомпатибилни работи – нивната љубов кон сладоледот и решавањето на проблемот со отпадот од храна. Светските статистики покажуваат дека многу голем процент (до 40% во некои земји) градинарски култури од фармите не стигнуваат до полиците на супермаркетите. Плодовите кои се со несоодветна форма или големина и со мало оштетување обично се фрлаат. Истражувањето и усовршувањето на рецептот за сладолед од карфиол не било лесно, а според младите претприемнички биле потребни речиси три години. Сепак, судејќи по реакциите на луѓето кога го пробуваат својот сладолед, се чини дека сиот тој труд се исплател. View this post on Instagram A post shared by VegNews (@vegnews) Сите придобивки од овој неверојатен сладоледПотрошувачите во Нов Зеланд, каде што поголемите продавници веќе го продаваат овој необичен сладолед, се воодушевени не само од неговиот вкус, туку и од другите својства на овој производ: Тој е вегански, без ГМО, без присуство на палмино масло и не содржи ниту еден од најчестите алергени: кравјо млеко, соја, јаткасти плодови, како и вештачки засладувачи, бои и вкусови. Тоа е всушност производ од соништата за оние кои страдаат од алергија.Со изборот на овој сладолед, клиентите избираат одржливост и придонесуваат за намалување на проблемот со отпадот од храна, бидејќи во неговото производство се користат само несовршени (само по изглед) главици карфиол.Потрошувачката на овој неверојатен производ не предизвикува никаква еколошка штета на планетата, бидејќи пакувањето е направено од еколошки материјали кои се целосно биоразградливи (може да се додадат во компост).И, конечно, најголемата предност – уживањето во омиленото кремасто уживање без грижа на совест, бидејќи неговата главна состојка е карфиолот, еден од најздравите видови зеленчук. Сладоледот од карфиол наскоро ќе се прошири и на други големи пазариМладите сопственички на брендот „Eat kinda“, кои станаа сензација по појавувањето на популарна ТВ-шоу програма во Нов Зеланд, се надеваат дека наскоро ќе го прошират својот производ на пазарите во Америка и Австралија. Како потенцијални купувачи на нивниот иновативен сладолед, тие ги гледаат флекситаријанците кои бараат поздрави опции и сакаат да го зголемат процентот на зеленчук во нивната исхрана, ентузијасти во потрага по нови интересни производи од растително потекло, луѓе со алергии на млечни производи, како и вегани кои сакаат вкусни и здрави десерти. 51 Сподели FacebookTwitterGoogle+ReddItWhatsAppPinterestEmail...

СлајдерТОП 5 Млади претприемнички направиле фантастичен сладолед чија главна состојка е карфиолот Арт Кујна Апр 10, 2024 Фото: Инстаграм 0 Сподели Доколку сте љубител на сладолед, оваа приказна ќе ве воодушеви. Нејзините хероини се две млади претприемнички вљубени во овој деликатес и полни со ентузијазам да создадат целосно иновативен производ кој истовремено ќе придонесе за решавање на конкретен и сериозен општествен проблем. Младоста, знаењето и ентузијазмот се очигледно добитна комбинација од која можат да се родат сосема неверојатни идеи и потфати. Ова е едно од нив… Две девојки од Нов Зеланд – Џени Метисон и Мили Кумар ги споиле заедничките идеи и загриженоста за неодржливоста на системот за производство на храна. Користејќи го своето знаење стекнато на студиите на технологија за храна, но и маркетинг, тие успеале да создадат рецепт за неверојатно кремаст и вкусен сладолед, чија главна состојка е скромниот карфиол. Џени и Мили смислиле генијален начин да поврзат две навидум некомпатибилни работи – нивната љубов кон сладоледот и решавањето на проблемот со отпадот од храна. Светските статистики покажуваат дека многу голем процент (до 40% во некои земји) градинарски култури од фармите не стигнуваат до полиците на супермаркетите. Плодовите кои се со несоодветна форма или големина и со мало оштетување обично се фрлаат. Истражувањето и усовршувањето на рецептот за сладолед од карфиол не било лесно, а според младите претприемнички биле потребни речиси три години. Сепак, судејќи по реакциите на луѓето кога го пробуваат својот сладолед, се чини дека сиот тој труд се исплател. View this post on Instagram A post shared by VegNews (@vegnews) Сите придобивки од овој неверојатен сладоледПотрошувачите во Нов Зеланд, каде што поголемите продавници веќе го продаваат овој необичен сладолед, се воодушевени не само од неговиот вкус, туку и од другите својства на овој производ: Тој е вегански, без ГМО, без присуство на палмино масло и не содржи ниту еден од најчестите алергени: кравјо млеко, соја, јаткасти плодови, како и вештачки засладувачи, бои и вкусови. Тоа е всушност производ од соништата за оние кои страдаат од алергија.Со изборот на овој сладолед, клиентите избираат одржливост и придонесуваат за намалување на проблемот со отпадот од храна, бидејќи во неговото производство се користат само несовршени (само по изглед) главици карфиол.Потрошувачката на овој неверојатен производ не предизвикува никаква еколошка штета на планетата, бидејќи пакувањето е направено од еколошки материјали кои се целосно биоразградливи (може да се додадат во компост).И, конечно, најголемата предност – уживањето во омиленото кремасто уживање без грижа на совест, бидејќи неговата главна состојка е карфиолот, еден од најздравите видови зеленчук. Сладоледот од карфиол наскоро ќе се прошири и на други големи пазариМладите сопственички на брендот „Eat kinda“, кои станаа сензација по појавувањето на популарна ТВ-шоу програма во Нов Зеланд, се надеваат дека наскоро ќе го прошират својот производ на пазарите во Америка и Австралија. Како потенцијални купувачи на нивниот иновативен сладолед, тие ги гледаат флекситаријанците кои бараат поздрави опции и сакаат да го зголемат процентот на зеленчук во нивната исхрана, ентузијасти во потрага по нови интересни производи од растително потекло, луѓе со алергии на млечни производи, како и вегани кои сакаат вкусни и здрави десерти. 0 Сподели FacebookTwitterGoogle+ReddItWhatsAppPinterestEmail...

СлајдерСовети Се најадовте лук? Изедете едно јаболко и отстранете го лошиот здив! Арт Кујна Апр 9, 2024 Фото: Pexels 156 Сподели Дали сакате лук, но ве мачи неговиот непријатен мирис? Ги знаеме сите трикови како да го отстраниме, а имаме и одличен рецепт со печен лук во кој мирисот не е никаков проблем Уште го памтам советот на мајка ми која секогаш кога ќе кажев дека ми се јаде лук, ама не сакам да смрдам кога ќе одам некаде, ми велеше: Изеди едно јаболко! И сега, меѓудругите, го гледам истиот совет. Свежото јаболко доста добро го решава проблемот со непријатниот мирис на лукот. Исто како и сокот од лимон и зелениот чај. Сите знаеме колку лукот е добар за нашето здравје и колку го подобрува вкусот на храната, но сепак имаме проблем со него. Знаеме и зошто – тешко е да се ослободиме од неговиот интензивен и непријатен мирис. Освен што останува на прстите откако ќе го исечкаме, здивот после јадење лук не е најпријатното нешто на светот. Па, како да се ослободите од него? 3 совети против непријатниот мирис на лукотЕве 3 совети кои со своето истражување го поткрепиле научниците од Државниот универзитет во Охајо: Јадете сирово јаболко – сетете се како јаболкото оксидира ако го исечете и го оставите на воздух извесно време? Тоа е затоа што содржи ензим што го прави зеленчукот потемен ако долго стои во воздух, но делува и како природен дезодоранс, кој на пример успешно го отстранува непријатниот мирис на лукот, бидејќи ги неутрализира сулфитите.Пијте сок од лимон – ова делува особено добро ако јадете згмечен лук. Киселината во сокот од лимон го неутрализира ензимот алиназа кој се наоѓа во сировиот лук и кој е една од причините за непријатниот мирис.Пијте зелен чај – Исто како што е случајот со сировото јаболко, полифенолите од лимонот ги „поништуваат“ ефектите на супстанциите кои се одговорни за непријатниот мирис на лукот.Не мора да цедите лимони и да џвакате јаболка секогаш кога јадете лук, доволно е да изрендате малку кора од лимон и да исцедите малку сок од лимон во вашиот сос од лук. Се разбира, сите овие совети се одлични, но ние мислиме дека нашиот е сепак најдобар – користете печен лук (како во нашиот рецепт подолу), кој има многу поблаг мирис и вкус, па дури и вашите прсти не добиваат непријатен мирис, бидејќи лукот се пече во лушпа. Освен тоа, оваа едноставна супа од печен лук е и многу вкусна! Супата од печен лук со препечено лепче и рендан пармезан е совршено јадење кое воодушевува со својот вкус. Состојки: 2 главици лук 2 1 лажица маслиново масло4 шолји пилешка супа или вода250 гр компири Пармезан по вкус сол и црн пипер по вкус Приготвување:Загрејте ја рерната на 190 степени. Пресечените главици лук премачкајте ги со малку масло и цврсто завиткајте ги во алуминиумска фолија и печете околу 40 минути. Оставете ги да се изладат, а потоа истиснете го печениот лук од лушпата. Компирите исечени на коцки и печениот лук ставете ги во водата и оставете да зоврие. Нека врие околу 12 минути, додека компирот не омекне. Тргнете го од оган и измешајте свежо изрендан пармезан. Оставете го малку да се излади, па ставете го во блендер и блендирајте додека не добиете густа, еднолична смеса. Зачинете по вкус. Послужете ја супата со препечен леб и поросете со малку рендан пармезан. јаболколош здивлук 156 Сподели FacebookTwitterGoogle+ReddItWhatsAppPinterestEmail...

СлајдерТОП 5 Покрај тоа што е добра за цревата, комбухата има уште еден ветувачки ефект Арт Кујна Апр 9, 2024 Фото: Pexels 84 Сподели Црвите кои биле хранети со микроби од комбуха покажале значително намалување на резервите на маснотии Комбухата е веќе некое време позната како фантастичен сојузник на нашите црева. Сепак, не е познато дали комбухата воопшто може да испорача доволно микрофлора за да го промени составот на човечкиот микробиом на кој било значаен начин. Затоа, и на ова поле, научниците не мируваат со нивните истражувања за тоа како безбедно да го снабдиме нашето тело, особено цревата, со оние добри бактерии кои ќе влијаат на целокупното здравје. Така, една нова студија за цевчестите црви (Caenorhabditis elegans) открила докази дека микробите поврзани со чајот од комбуха можат силно да ги колонизираат животинските црева. „Црвите кои биле хранети со микроби од комбуха покажале значително намалување на резервите на маснотии кое не било поради намалена апсорпција на хранливи материи“, велат истражувачите од Универзитетот North Carolina Chapel Hill, додавајќи дека понатамошната анализа на генетската активност на црвите сугерира дека ефектот дошол од зголемување на протеините што ги разбиваат мастите произведени во цревата на црвите. Ваквите ефекти, веруваат истражувачите, ги отсликуваат придобивките од постот кај луѓето. Тајните на цревата се сè уште бројни И покрај популаризацијата и големата продажба на пробиотици и пребиотици во последните години, тајните на цревата сè уште се многубројни. Научниците само загребаа по површината на ова опсежно поле на човечкиот организам. Останува да се открие како микробите стигнуваат до цревата, што го менува составот на микробиомот и како може да се манипулира со него. Додека некои истражувања сугерираат дека пробиотиците може да го подобрат имуното здравје или гастроинтестиналните нарушувања, резултатите досега биле мешовити. Конкретно за комбухата, некои мали студии открија дека пијалакот може да има корист за здравјето на цревата на оние кои се хранат со западен стил. Сепак, речиси сите претходни истражувања се спроведени на животински модели, така што резултатите можат да бидат контрадикторни. Не се сите комбухи еднакви Овој пијалак доаѓа во многу различни форми со различни состави на микробиолошки двигатели. Доколку пијалакот не се чува на вистинската температура, овие корисни играчи лесно би можеле да умрат пред да се консумираат. До денес многу малку клинички испитувања на луѓе ги тестирале ефектите на комбухата врз здравјето на цревата. Во 2023 година, беше спроведена пилот-клиничка студија на десетина учесници, која откри дека комбухата во комбинација со храна богата со јаглени хидрати го намалува нивото на гликоза во крвта на гладно по четири недели во споредба со плацебо. Иако звучи добро, ова испитување треба да се направи кај поширока популација. Друго клиничко испитување покажа дека исхраната богата со ферментирана храна, вклучително и комбуха, може да ја зголеми разновидноста на микробиомот и да ги намали воспалителните маркери. Додека чекаме нови клинички испитувања, досега собраните сознанија покажуваат дека пиењето на овој вкусен пијалак не може да биде штетно на ниту еден начин. комбухамаснотиицрева 84 Сподели FacebookTwitterGoogle+ReddItWhatsAppPinterestEmail...

СлајдерСовети Диета за спречување на рак: Намалете го ризикот од болести со исхрана Арт Кујна Апр 9, 2024 Фото: Pexels 395 Сподели Сите знаеме дека храната влијае на нашето здравје и квалитетот на животот, но во последно време нутриционистите сѐ повеќе алармираат за фактот дека исхраната навистина може да влијае на ризикот – или намалување на ризикот – од рак. Неверојатни 25% од 18 милиони случаи на рак во САД би можеле да се спречат со подобрување на исхраната, покажало истражувањето на Харвард Т.Х. Чан Школата за јавно здравје, известува WebMD. Прекумерната тежина или дебелината може да ве изложи на ризик за голем број видови на рак, вклучувајќи рак на дојка, црн дроб и дебело црево, меѓу неколку други, велат од Американското здружение за рак. Здравата исхрана може да помогне во борбата против овие болести намалувајќи ги ризиците поврзани со дебелината – првенствено хронично воспаление, пред сѐ, хроничните воспаленија, предупредуваат експертите од Харвард. Развивањето воспаление поради лошата исхрана предизвикува зголемување на нивото на инсулин, што може да доведе до фактори на раст слични на IGF-1 инсулин, рекол д-р Едвард Џованучи, професор по исхрана и епидемиологија на Универзитетот Харвард. Хроничното воспаление придонесува за појава на ракОвие фактори на раст на инсулинот им кажуваат на вашите клетки дека има доволно хранливи материи и дека тие клетки треба да продолжат да растат. Веројатно предизвикува зголемено производство на клетки, а бидејќи многу клетки се делат, имате поголеми шанси да добиете мутација што на крајот ќе доведе до рак, вели Џованучи. Но, хроничното воспаление кое предизвикува рак (кој може да се појави во текот на долг период на лоши навики во исхраната) не е исто како акутно воспаление, кое може да се појави по, да речеме, удар во прстот на ногата. Хроничното воспаление се случува со години, а клетките стануваат неправилни и мутираат. Тоа е вид на воспаление на кое мислиме дека исхраната може да има влијание, како и на работите кои би биле многу важни за причините за ракот, вели д-р Тимоти Ребек, професор по превенција од рак на Харвард. Експертите ги истражиле видовите на храна и пијалаци што треба да ги консумирате за да го намалите ризикот од рак, ги отфрлиле вообичаените митови околу ракот и исхраната и дале практични совети за тоа како да се направи подостапна доследна исхраната за промовирање на здравјето: Претежно растителна исхранаИсхраната која се состои главно од билки е извонреден долгорочен план за исхрана за промовирање на здравјето, според Елиза Леоне, регистрирана диететичарка и директорка за велнес во Restaurant Associates. Ова не треба да се меша со исхраната која се сведува исклучиво на билки. Таа дава пример за „Харвардската здрава чинија“. Ова значи дека вашата чинија треба да содржи 50% овошје и зеленчук, 25% цели зрна/житарки/скроб и 25% протеини. Протеините може да вклучуваат животински протеини (како што се јајца, млечни производи, посно месо) или растителни протеини (како тофу, грав, јаткасти плодови). Претерано преработеното месо, како сувомесното и црвеното месо, треба да се јаде умерено. Воспалението, инсулинот и дебелината одат рака под рака, а преработената храна богата со рафинирани јаглехидрати (на пример, бел леб) и заситени масти првично придонесуваат за прекумерно внесување калории. Хроничното воспаление е важно за ракот. Затоа мислам дека преработената храна е дефинитивно важен дел од равенката, вели Џованучи. Целовита хранаГолем дел од вашата исхрана треба да биде целосна храна, како онаа од земјата, и би требало да бидете многу свесни за големината на вашите порции, рекол д-р Ребек. Целата храна вклучува намирници како ориз, компири, грав, овошје и зеленчук наспроти преработена храна како леб, колачиња и тестенини. Доказите за ова доаѓаат од студиите на луѓе, како и студии на животни, дека ограничувањето на калориите може да биде многу корисно. Популациите кои имаат ограничен внес на калории имаат тенденција да бидат поздрави, со помалку рак и помалку кардиоваскуларни болести. Животинските модели кои се направени го покажуваат истото, рекол Ребек. Лекарите советуваат лесен начин за да внимавате на вашите порции – користете помали чинии за вашите оброци, како оние за салата. Намалете го алкохолотВеројатно се сеќавате на истражувањето кое вели дека една или две чаши црвено вино секоја вечер го промовираат здравјето на кардиоваскуларниот систем. Некои експерти сега го отфрлаат тоа тврдење – особено кога станува збор за ризикот од рак и консумирање алкохол. Всушност, истражувањата покажуваат дека не постои нешто како „безбеден“ вид на алкохол, вели Ребек. Алкохолот е канцероген од класа 1 (што значи дека може да предизвика рак), според Меѓународната агенција за истражување на ракот. Конзумирањето поголеми количини на алкохол на редовна основа е специфично поврзано со различни видови на рак. Можеби не сакате да се откажете од пиво после фудбал и работа или од коктелите со пријателките. Но, многу работи во животот доаѓаат со ризик, а вие можете да изберете да направите попаметни избори, како што е намалувањето на внесот на алкохол од често на повремено, рекол тој. 395 Сподели FacebookTwitterGoogle+ReddItWhatsAppPinterestEmail...

СлајдерТОП 5 Колку чини маса под сенка? На рестораните во оваа земја им е дозволено да наплаќаат за сенката во ресторанот Арт Кујна Апр 8, 2024 Фото: Freepik 187 Сподели Во шпанска Андалузија на рестораните ќе им биде дозволено да наплатуваат и дополнителен надомест за секое јадење кое се служи во одредени области на објектот, доколку тоа е јасно наведено во ценовникот Властите во шпанска Андалузија пресудиле дека рестораните имаат законско право да наплаќаат дополнително за маси на сонце или сенка, под услов гостите да бидат соодветно информирани за повисоките цени пред да нарачаат. Известувањата за повисоки цени може да се даваат преку менито, ценовникот или да се соопштат на некој друг начин, додека вербалната порака до посетителот нема да биде доволна, пишува The Olive Press. Воедно, се појаснува дека нема да има посебна такса за маса со одреден поглед или локација на менито, туку на рестораните ќе им биде дозволено да наплатуваат дополнителен надомест за секое јадење кое се служи во одредени области на објектот, доколку тоа е јасно наведено во ценовникот. Портпаролот на здружението на потрошувачи Рубен Санчез изјави дека рестораните не можат да наплаќаат „10 евра повеќе“ за маса на тераса. „Сепак, на рестораните и баровите им е дозволено да наплаќаат повеќе за секое јадење што се служи на терасата сѐ додека тоа е јасно наведено во ценовникот“, рекол Санчез, додавајќи дека рестораните не можат да наплаќаат такса за резервација на маса, а ако наплаќаат, овој износ мора да се отстрани од конечната сметка. Исто така, според Санчез, од гостите не треба да се бара да купуваат флаширана вода бидејќи водата од чешма мора да биде достапна. За бакшишот, Санчез изјавил дека одлуката дали да остави бакшиш е на гостинот, што значи дека задолжителната дополнителна „наплата за услуга“ е незаконска. Претходно властите во градот Севиља, главниот град на Андалузија, објавија планови за ограничување на влезот на туристи на централниот градски плоштад Плаза де Еспана. Жителите на градот и покраината, како и досега, ќе можат да влезат таму без ограничувања, но туристите ќе можат да одат на главниот градски плоштад само со плаќање. 187 Сподели FacebookTwitterGoogle+ReddItWhatsAppPinterestEmail...

СлајдерСовети Намирници што го снижуваат холестеролот Арт Кујна Апр 8, 2024 Фото: Freepik 120 Сподели Зголеменото ниво на холестерол е заедничка грижа за многумина, со оглед на неговото значително влијание врз здравјето на срцето и зголемениот ризик од кардиоваскуларни болести. Иако многу фактори можат да влијаат на нивото на холестерол, а некои се целосно надвор од наша контрола (како на пример генетиката), нашата исхрана може да има значително влијание врз нивото на холестерол. Вклучувањето на храна здрава за срцето во вашите дневни оброци може да игра клучна улога во намалувањето на лошиот холестерол (ЛДЛ) и зголемувањето на добриот холестерол (ХДЛ), со што се промовира целокупното здравје на срцето и се намалува ризикот од срцеви заболувања. Мешунки Мешунките, кои вклучуваат храна како леќата и наутот, не само што се разновидни и хранливи компоненти на здравата исхрана, туку и играат важна улога во управувањето и одржувањето на здрави нивоа на холестерол. Една од главните причини за ова е нивната содржина на растворливи влакна. Тие играат клучна улога во контролата на холестеролот со тоа што се врзуваат за честичките на холестеролот во дигестивниот систем и ги отстрануваат од телото пред да можат да циркулираат во крвта. ПечуркиПечурките содржат мешавина од моќни соединенија како што се бета-глукани и хитин кои помагаат во намалувањето на лошиот холестерол додека потенцијално го зголемуваат добриот холестерол. Макадамија оревОвие јаткасти плодови се преполни со мононезаситени масти, слични на оние кои се наоѓаат во маслиновото масло, кои се познати по нивните ефекти за намалување на холестеролот. Тие се исто така добар извор на антиоксиданти, диетални влакна и фитостероли, кои придонесуваат за целокупното здравје на срцето. Суви сливиНекои истражувања го поврзуваат редовното консумирање суви сливи со подобрувањето на нивото на холестерол кај постарите лица. Поточно, кај мажите на возраст над 55 години, потрошувачката на сливи беше поврзана со подобрени нивоа на HDL и подобрен однос на вкупниот холестерол и HDL. Кај жените во постменопауза, јадењето четири до шест суви сливи на ден е поврзано со подобрени нивоа на HDL и намалени маркери на воспаление. ОвесОвесот е богат со бета-глукан, моќен агенс за намалување на холестеролот кој се наоѓа и во печурките. Кога се консумира, бета-глуканот формира супстанца слична на гел во цревата, која се врзува за жолчните киселини богати со холестерол и ја спречува нивната апсорпција во крвотокот. Овој процес не само што го намалува нивото на ЛДЛ или „лошиот“ холестерол, туку помага и во целокупното дигестивно здравје. Авокадо Во клиничкото испитување, учесниците кои јаделе по едно авокадо дневно, како дел од исхраната со умерена маснотија, го намалиле вкупниот холестерол и лошиот ЛДЛ-холестерол и го подобриле односот на вкупниот холестерол и добриот ХДЛ-холестерол, во споредба со учесниците кои не јаделе авокадо. Иако заклучоците од една студија не можат да се генерализираат на поголеми, поразновидни популации, студијата поддржува сѐ поголем број докази кои покажуваат дека авокадото е здраво за срцето. ЛукИстражувањата покажале дека лукот може умерено да го намали нивото на холестерол. Се смета дека активните соединенија во лукот, како што е алицинот, се одговорни за овие ефекти. Масна рибаСе покажало дека омега-3 масните киселини ги намалуваат триглицеридите со инхибиција на синтезата на липопротеини со многу ниска густина (VLDL), претходник на LDL холестеролот. Истражувањата покажале дека редовното консумирање на масни риби богати со омега-3 масни киселини може да доведе до значително намалување на нивото на триглицериди, нагласувајќи го нивниот корисен ефект на профилот на холестерол и целокупното кардиоваскуларно здравје. ЈачменЈачменот е значаен извор на диетални влакна, витамини и минерали, особено корисен за здравјето на срцето, варењето и одржувањето на урамнотежена исхрана. Бета-глуканот во јачменот е вид на растворливи влакна кои имаат насочено дејство на ЛДЛ. Јаболка Јаболката се познати по своите способности за намалување на холестеролот, првенствено поради високата содржина на растворливи влакна. Растворливите влакна влегуваат во интеракција со дигестивниот процес, се врзуваат со водата и создаваат супстанца слична на гел која го заробува холестеролот и ја спречува неговата апсорпција во крвотокот. БоровинкиБоровинките се познати како храна која го намалува нивото на холестерол благодарение на нивната висока содржина на растворливи влакна и антиоксиданти. Растворливите влакна во боровинките помагаат да се намали количината на LDL холестерол во крвотокот. Докажано е дека моќните антиоксиданти, особено антоцијаните, кои на боровинките им даваат светла боја, ја спречуваат оксидацијата и акумулацијата на холестеролот во ѕидовите на артериите. 120 Сподели FacebookTwitterGoogle+ReddItWhatsAppPinterestEmail...

СлајдерХраната лек Златна паста од куркума: Зголемете ја биорасположивоста на нејзината главна состојка – куркумин! Арт Кујна Апр 8, 2024 Фото: Pexels 356 Сподели Иако сама по себе е ефикасна, куркумата може да биде уште покорисна кога се комбинира со други состојки кои ги подобруваат нејзините природни својства, правејќи ја нејзината паста одлична основа за различни рецепти, без разлика дали се лековити или кулинарски. Златната паста од куркума е вистински еликсир за нашето тело бидејќи нуди безброј здравствени придобивки и кулинарски можности како дел од здравата исхрана. Во Ајурведата, овој жолт корен се смета за свет зачин илјадници години и е клучна состојка во различните ајурведски формули за холистички третман. Куркумата се здоби со огромна популарност благодарение на моќното соединение куркумин, кое е едно од најистражуваните природни соединенија во студиите. Ова соединение доби голема почит од научниците кои го препознаа куркуминот како моќен природен лек кој го лекува целото тело. Куркумата (Curcuma longa) е основна храна во Јужна Азија, особено во индиската и блискоисточната кујна, која на јадењата им дава убава и препознатлива жолта боја. Во традиционалната кинеска и индиска ајурведска медицина, куркумата се смета за горчлив дигестив и карминатив. Служи за исфрлање на слузта, како и за отворање на крвните садови за подобрување на циркулацијата на крвта. Познат е по широк спектар на здравствени придобивки, како што се третман на кожни болести како егзема и псоријаза, прочистување на крвта, зајакнување на имунолошкиот систем и антиинфламаторно дејство на болките во зглобовите. Во ајурведската медицина, куркумата е добро документирана како лек за разни респираторни состојби како што се астма, бронхијална хиперактивност и алергии, нарушувања на црниот дроб, анорексија, ревматизам, дијабетични рани, течење на носот, кашлица и синузитис. Во традиционалната кинеска медицина се користи за лекување на болести поврзани со абдоминална болка. Многу јужноазиски земји го користат како антисептик за исекотини, изгореници и модринки и како антибактериско и антиинфламаторно средство. Во Пакистан се препорачува како лек за гастроинтестинални тегоби поврзани со синдром на нервозно дебело црево и други дигестивни нарушувања. Индијците, пак, користат куркума за да подготват златно млеко, популарен еликсир за телото и умот. Сестраност на златната паста од куркума Златната паста од куркума има многу разновидна употреба. Може да се додаде во врело млеко за ревитализирачки пијалак, во зовриена вода за лековит чај и да се користи како лек кој се зема неколку пати на ден за да се намали воспалението на зглобовите при артритис. Како лековит чај се користи за подобрување на варењето и намалување на гасовите и надуеноста. Додадена во врелото млеко, лекува болки во грлото и настинки, како и разни цревни пореметувања. За збогатување на секојдневната исхрана, може да се вклучи во главните јадења како што се кари и јадења од компири, зеленчук, ориз, леќа и грав. Иако сама по себе е ефикасна, куркумата може да биде уште покорисна кога се комбинира со други состојки кои ги подобруваат нејзините природни својства, правејќи ја нејзината паста одлична основа за различни рецепти, без разлика дали се лековити или кулинарски. Придобивките од пастата од куркумаПастата од куркума за златно млеко ја забрзува подготовката на овој одличен напиток кој го чува нашето здравје, ги храни ткивата, ја разубавува кожата, го подмладува телото, го стимулира метаболизмот, го зајакнува дигестивниот оган, ги смирува воспаленијата, го поддржува имунитетот и промовира здрав сон. Доволно е да измешате 1-2 лажички паста од куркума во млекото по ваш избор (кравјо, бадемово, козјо и сл.) за да добиете вкусен златен напиток. За да ја збогатите исхраната и вкусот на вашите јадења и да го поддржите организмот во заздравувањето од одредени болести и да ги ублажите дигестивните нарушувања, можете да користите паста од куркума 1-2 пати на ден во оброците. Златната паста од куркума може да се чува во тегла и во фрижидер до три недели. На овој начин ќе ја олесните нејзината редовна употреба при подготовка на златно млеко и разни јадења или во третмани за нега на кожата на лицето и телото. Златна паста од куркума – рецептАјурведската паста од куркума е мешавина од едноставни, но моќни состојки – куркума во прав, вода, ги (опционално кокосово масло) и црн пипер. Секоја компонента игра клучна улога во подобрувањето на нејзините здравствени придобивки.Водата делува како медиум за формирање паста, обезбедувајќи соодветна конзистентност и леснотија на нанесување. Куркумата со своето соединение куркумин има силни антиинфламаторни, антиканцерогени и антиоксидантни својства кои помагаат во борбата против хроничните болести, го поддржуваат здравјето на нервниот систем, срцето, крвните садови и зглобовите, ја стимулираат функцијата на имунолошкиот систем и обезбедуваат сјајна кожа. Ghee-Ги путер (или кокосово масло) содржи здрави масти кои ја зголемуваат апсорпцијата на куркумата. Ghee е многу важна храна во Ајурведата бидејќи ги зајакнува виталните органи, ја промовира подвижноста на зглобовите, го забавува процесот на стареење и ги отстранува токсините од телото. Мелениот црн пипер има затоплувачки својства и ја зголемува биорасположивоста на куркуминот, што го прави полесно да се апсорбира од телото. Оваа комбинација ја подобрува ефикасноста на оптималните својства на куркумата за промовирање на здравјето. Едноставен рецепт за златна паста од куркумаПрво, ви го пренесуваме наједноставниот рецепт. Состојки:250 мл вода30 гр куркума5 г мелен црн пипер35 мл Ги путер (или кокосово масло). Приготвување:Во тенџере измешајте вода и куркума. Гответе на тивко седум минути. Продолжете со мешање додека смесата не добие конзистентност слична на паста. Можете да додадете повеќе или помалку вода ако сакате погуста или потенка конзистентност.Оставете малку да се излади.Додадете го растопениот Ги (или кокосово масло) и црн пипер и сè добро измешајте.Додека пастата е сè уште топла и течна, истурете ја во тегла со херметички капак и оставете ја да се излади. Смесата ќе се згусне додека се лади.Да се ​​чува во фрижидер 2-3 недели.Користете ја редовно во вашите оброци и пијалаци. Начини на користење паста од куркумаЕве како можете да ја користите златната паста од куркума: билен чај – додадете една лажичка паста од куркума во вашиот омилен билен чај, измешајте и пијтечај од куркума и ѓумбир – сварете шолја чај со ставање 1-2 лажички паста од куркума и парче свежо рендан ѓумбир во топла вода; засладете го со мед; по желба подгответе поголема количина, чувајте го чајот во термос и пијте по малку преку цел денсок или смути – додадете половина или една кафена лажичка во омилениот сок или ајурведскиот пијалакзлатно млеко – додадете 1-2 лажички златна паста во врелото млеко и варете 2-3 минути; истурете во чаша и, кога е доволно ладно, додадете мед; оваа смеса е многу вкусна, но слободно експериментирајте со додавање други зачини; Ајурведското златно млеко е брз и вкусен начин да уживате во многуте придобивки од куркуматаглавни оброци – користете ја пастата во главните јадења како што се кари, вегетаријански јадења, супа, салати, помфрит или динстан зеленчук, наместо една кафена лажичка куркума, енергетски топки – направете хранливи и енергични закуски комбинирајќи паста од куркума со мелени и лесно пропржени овесни снегулки, путер од бадем, семки од сончоглед и мелен кокос. златна паста од куркумакуркуминпаста од куркума 356 Сподели FacebookTwitterGoogle+ReddItWhatsAppPinterestEmail...

СлајдерСовети Корен од целер: Повеќе од зачин за супа! Имаме три рецепти Арт Кујна Апр 8, 2024 Фото: Unsplash 2.808 Сподели Благодарение на влакната, консумирањето корен од целер може да го подобри варењето. Освен тоа, коренот на целерот содржи и антиоксиданти кои се исклучително важни за заштита од слободните радикали, а со тоа го штитат организмот од болести како што се ракот и срцевите заболувања. Коренот од целер е малку занемарен коренест зеленчук. Најчесто се користи во бистрите супи или во чорбите како зачин, но всушност може да биде ѕвезда на јадењето! Целерот е богат со влакна, витамини и минерали, па вашето тело ќе ви се заблагодари доколку го вклучите во вашето дневно мени. Во продолжение ви пренесуваме идеи за подготовка на корен од целер во кои сигурно ќе уживате. Корен од целер – лековити својстваЦелерот е богат со влакна, витамини и минерали, вклучувајќи: витамин Цвитамин Б6витамин Кфосфоркалиумманган.Имајте на ум дека сировиот корен од целер содржи поголема количина на витамини и минерали од варениот, иако задржува значителна количина на хранливи материи дури и по термичка обработка. Коренот од целер како лекБлагодарение на влакната, консумирањето корен од целер може да го подобри варењето. Освен тоа, коренот на целерот содржи и антиоксиданти кои се исклучително важни за заштита од слободните радикали, а со тоа го штитат организмот од болести како што се ракот и срцевите заболувања. За разлика од компирот, целерот има помалку јаглехидрати, што го прави идеален зеленчук за подготовка на пире или како прилог за луѓето кои се обидуваат да го намалат внесот на јаглехидрати.Корен од целер – рецептиКоренот од целер може да се подготви на различни вкусни начини, а во продолжение ви пренесуваме неколку рецепти. Прженици од целеров корен Потребни се само неколку состојки и можете да подготвите поголема количина дури и за следниот ден. Заедно со нив можете да комбинирате придружни јадења како што се: ризи-бизилеќапире од грашок, компири или карфиолсалати. Според овој рецепт, ќе добиете околу 25 мали прженици. Внимавајте на количеството брашно – ако пржениците не можат да ја задржат конзистентноста во тавата, додадете уште брашно. Состојки:1 корен од целер (околу 700 гр исчистен целер)3 главици кромид1 јајце1 лажичка пипер во прав1 лажичка ким во прав1 лажичка лук во прав1 и пол лажичка солцрн пипер по желба6-8 супени лажици брашномасло за пржење.Приготвување:Исчистете го и изрендајте го коренот на целерот.Кромидот исечкајте го на тенки тркалца и измешајте го со ренданиот целер.Во смесата додадете изматено јајце, зачините и брашното.Земајте по една супена лажица од смесата и ставајте во загреано масло.Пржете ги додека не добијат златна боја, околу 4-5 минути, потоа превртете ги на другата страна и пржете уште 3-4 минути или додека не добијат златна боја и од другата страна.Кога ќе бидат готови, извадете ги на хартија за да се впие вишокот масло.Крем супа од корен од целерМожете да ја послужите како предјадење или како главно јадење со леб, тост или фокача. Состојки:1 главица корен од целер (околу 800 г)2 моркови1 компир со средна големина2 супени лажици маслиново масло1 кромид2 чешниња лукдо 1 л супа од зеленчук или вода1/4 лажичка морско оревчесол и пипер по желба.Приготвување:Целерот, морковот и компирот исчистете ги и исечкајте ги на коцки.Загрејте го маслиновото масло во поголем сад и додадете го исечканиот кромид. По 5-6 минути, кога кромидот ќе порумени, додадете го сечканиот лук. Сè заедно накратко пржете.По околу 30 секунди, кога лукот ќе замириса, додадете сечкан корен од целер, моркови и компири и сè заедно динстајте неколку минути, за да омекне зеленчукот.По неколку минути додадете ја водата (супата) и морското оревче. Количината на вода зависи од количината на зеленчук што сте го користеле, како и од вашите желби за густината на супата. Започнете со мала количина вода по потреба додека ја блендирате супата.Гответе сè заедно 20-25 минути или додека зеленчукот целосно не омекне.Изблендирајте ја супата со рачен блендер и по потреба додадете сол и пипер.Оваа крем супа можете да ја послужите со: маслиново маслопавлакакрутонисечкани печени лешници. Похуван корен од целерОдлично оди со придружни јадења кои вообичаено би ги послужиле со похувана риба, како што е блитвата. Похуваните парчиња корен од целер се особено вкусни послужени со малку сок од лимон и/или тартар сос. Состојки:1 корен од целер1 јајцеоколу 1/2 шолјичка брашнооколу 1/2 шолјичка презлисол и пипер по желбамасло за пржење. Приготвување: Исчистете го коренот на целерот и исечете го на кришки дебели околу половина сантиметар.Парчињата треба да се варат кратко за да омекнат. Варете ги околу пет минути во солена вода, во зависност од тоа колку дебели сте ги исекле. Целта на готвењето е да се омекне целерот, но не и целосно да се зготви.Исцедете ги кришките и подгответе ги како што би похувале било што друго – прво валкајте ги во брашно, потоа во изматено јајце и на крај во презла. Презлатите можете да ги зачините со сол, пипер и други зачини по желба.На масло пропржете ги подготвените парчиња целер од секоја страна додека не добијат златна боја, па извадете ги на хартија за да се впие вишокот масло.Ако сакате да го испуштите јајцето затоа што сте алергични или се придржувате до веганска исхрана, подгответе ја смесата за панирање со мешање на обично брашно или брашно од наут и млеко од растително потекло. Смесата треба да биде густа како тесто за палачинки. Откако ќе го сварите целерот, секое парче измешајте го во оваа смеса и пржете додека не порумени од секоја страна. Уште неколку предлози: Ако сè уште не сте сигурни како да јадете корен од целер без само да го додадете во вашата супа, еве уште неколку предлози: пире од корен од целер – варениот корен од целер можете да го претворите во пире и да го послужите како прилог; за текстурата на пирето од корен од целер, можете да сварите и неколку компири; вкусовите на леќата или печурките одлично се комбинираат со пирето од корен од целерпечен корен од целер – како и другиот коренест зеленчук, можете да го печете и целерот како прилог; коренот на целерот мора да се исчисти, да се исече на коцки, да се зачини и да се пече на 200 °C околу половина час.Салата од рендан корен од целер – можете да користите рендан сиров корен од целер за да подготвите салата; додавањето на рендано јаболко ја прави оваа салата посвежа, а можете да додадете и сенф, маслиново масло и сок од лимон. корен од целеррецепти со корен од целерцелер 2.808 Сподели FacebookTwitterGoogle+ReddItWhatsAppPinterestEmail...

Готвам и сликамДесертиСлајдер Брз и здрав десерт: Едно поинакво тирамису Арт Кујна Апр 8, 2024 161 Сподели Ако избегнувате да јадете благо, а пустото, не можете без него, за среќа, има безброј здрави варијанти кои сепак ќе ви ја задоволат желбата за слатко, а се исто така и превкусни, дури и кога се од состојки кои сами за себе не се баш вкусни (на пример, оризови галети) Овој рецепт го направи нашата читателка Марина Луетиќ која од неодамна е фрлена во потрага по здрави рецепти и секогаш ги наоѓа и ги испробува оние најинтересните и најбрзите за кои потоа може да гарантира дека се и највкусни. Еве и ова поинакво и здраво тирамису е едно од тие кои таа го испробала во две верзии, со пудинг од соја и со грчки јогурт.Вели дека и двете варијанти се одлични, но сепак, предноста ја има варијантата со грчки јогурт. Најдобро од сѐ е што се прави за минутка. Состојки: Нес кафе (две супени лажици) со малку млеко кое може да биде кравјо со помалку маснотии или пак растително 3 галети од ориз (да, да, од оние што немаат вкус) 150 г пудинг од соја (ако најдете) или 150 г грчки јогурт 1 лажичка мед Приготвување: Сварете мала шолја нес-кафе и додадете малку млеко. Потоа, во оладеното кафе потопувајте ги галетите. Измешајте го пудингот или грчкиот јогурт со 1 лажичка мед. Редете ред галета, ред пудинг (грчки јогурт) На крајот поросете какао во прав. Десертот можете да го јадете без грижа на совест. Читателката ни ги испрати фотографиите од нејзиниот десерт во двете варијанти, но и видеото кадешто го нашла. View this post on Instagram A post shared by Jana Domonji Lakatoš (@nutricionista_jana) 161 Сподели FacebookTwitterGoogle+ReddItWhatsAppPinterestEmail...

ПрофилСлајдер Кога виното ти е страст, не пиеш сам! Тој е заразен вински ентузијаст, дегустира, едуцира и здружува вино, храна и луѓе во своето интимно винско катче Драгица Христова Апр 5, 2024 1.623 Сподели Некои велат, плукнат Даме Груев, други пак, Христо Ботев. Споредбата е главно поради брадите, иако тие не се единствената сличност. Сите се револуционери…Првите двајца, во борбата за ослободување од османлиското ропство, а нашиов, Дејан Донев прави револуција во винската култура…Тивко, полека, со многу дегустации и круг на вински пријатели кои концентрично се шири, а центарот е – неговата Винска соба Не е скопјанец, ама поради него Скопје е побогато за еден од најзначајните настани кој се чека со нетрпение секоја година. Станува збор за Скопскиот вински салон – Винодонија. И не е само тоа. Дејан Донев е основач и на таканаречената Винска соба, сместена во зградата над Пјаца Либерта, карши гимназијата Јосип Броз Тито.Во мај годинава овој вински клуб во нашиот град ќе полни точно две години. Наместо како дотогаш, кога пријателите на Дејан, инаку, како и тој, големи љубители на вино, се собирале во неговиот стан во Тафталиџе за да уживаат во вината што Дејан или некој од нив ќе ги донел од некое патување во странство, сега местото на тие нивни интимни вински дегустации е оваа Винска соба. Иако сега, веќе не станува збор само за најблиските пријатели на Дејан, туку гости во Винската соба се сѐ повеќе луѓе кои многу често кога еднаш ќе дојдат за да видат како изгледа една винска дегустација, се навлекуваат на овие дружби па стануваат и редовни посетители. Многу често, всушност, најчесто, освен двајца-тројца постојани гости, на големата дрвена маса во винската соба се наоѓаат луѓе кои се меѓусебе тотални странци. Отпрвин, односно, при послужувањето на првото вино (секоја дегустација се состои од испробување на 6-7, па дури и 8 различни вина), околу масата е прилично тивко, па покрај тивката музика, тивки се и луѓето кои дегустираат и им поставуваат прашања на производителот на виното кое се дегустира, сопственикот на винаријата, самиот Дејан или некој друг познавач на оние вина кои се ѕвезди на вечерта. Но веќе после второто, третото, четвртото, и така натаму, испробано вино, атмосферата се стоплува, гласовите стануваат погласни, а луѓето кои седнуваат околу масата како странци, стануваат пријатели кои разменуваат мислења за тукушто испробаните вина, си ги подаваат чиниите со деликатеси кои добро одат со вино, како кашкавал, пршут, суви домати, крекери, интересни намази и задолжително, многу, многу вода и по секоја голтка, прават живели, чиарс, чин-чин или на здравје, во зависност од тоа од каде се гостите. И секако, на одење, сите го прашуваат Дејан, кога ќе биде следната дегустација и кои вина ќе се дегустираат.Ние, од Арт кујна, го запознавме Дејан кога не покани на првиот скопски вински салон кој се одржа во 2016-та во тогаш новоотворениот хотел Мериот, каде што изложуваа околу 30 винарии, за подоцна, низ годините, бројот на винарии да се искачи на 80 винарии со импресивни 600 етикети на вино.Тој во овој период веќе беше длабоко навлезен во винскиот свет во кој сега плива сигурно, како риба во вода.„Додека бев дома, во Македонска Каменица, ниту кај нас дома, ниту пак во тоа време генерално секаде, немаше винска култура. Се знаеше, од бело се пиеше Смедеревка, а од црвено Витач или Кавадарка. По доаѓањето на студии во Скопје, првично почнав да се запознавам со виното преку фестивалот Виноскоп. Тука, иако немаше таков избор на вина како сега, сепак имаеше можност да се испробаат повеќе вина на едно место. Имаше 15-20 штандови, а виното се продаваше по промотовни цени, па можеше да се пробаат повеќе“, се потсетува Дејан.Откако му влегла „чивијата“ за виното, приказната продолжила во тренинг центарот на Камник.„Тренинг центарот за обуки за вински советници во просториите на Камник го формираа Златко Евелински и Слободен Чокревски. Јас бев втората генерација. Иако обуката се состоеше од околу 150 часа,од кои, 120 теоретски и 30 практични. Ако сметаме дека после предавањата најчесто се одеше во некој вински бар кадешто и практично спарувавме вино со храна, во неформални дружби, тогаш ќе излезат и 300 часа. Значи, во тие 3 месеци со набиена агенда, обуката која беше поделена во три модули, од тероар, одгледување лозје, берба, производство на вино, спарување на храна и вино и со врвни професори, сите едвај чекавме да одиме на часови, па дури и посакувавме да ги имаме секој ден“, се смее Дејан.На крајот од обуката се стекнал со сертификат за вински советник. Кога и на овој веќе попрофесионален начин навлегол во винскиот свет, со Александар Вучковски, неговиот вински колега со кој заедно ја отпочнаа и Винодонија, кој уште тогаш работел како претставник на винаријата Фантинел, винаријата, Дејан почнал да посетува многу вински салони.„Прво отидовме во Белград, па Подгорица, Бања Лука, Прага, Будимпешта, Софија, Загреб, педесетина вински настани посетени во последниве години, а винскиот салон во Подгорица е до денес единствен салон од кој не сум пропуштил ниедно издание. Па токму овие посети на винските салони беа и поттик да се роди идејата за Винодонија. Всушност, веќе втората година кога бевме во Црна Гора, на враќање, му реков дека и нам во Македонија ни недостасува ваков настан, па така се роди и Винодонија која стана традиција која ја негува винската страст, промовира добри вина, едуцира и со години ја потврдува и својата цел – подигнување на винската свест и развој на нашата винска култура“, раскажува нашиот соговорник.Тој е таков вљубеник во виното што едноставно, не престанува да зборува на оваа тема со толкава страст и знаење за вината што ги презентира и на приватни средби и на оние поофицијалните во Винска соба, што неговиот ентузијазам не може да не ве понесе. Меѓудругото, Дејан е член и на групата наречена Вински мускетари, наменета за сите винољупци и вински ентузијасти, авантуристи, едукатори, сомелиери… чија главна мисија е ширење и развој на винската култура во Македонија.И да не биде дека Дејан залудно студирал и завршил на еден од најтешките факултети (Електро-техничкиот), иако не работи по струка, вработен е во фирма за веб-дизајн. Меѓудругото, се занимава токму со изработка на медиумски сајтови, но и со изработка на дизајнот на неколку магазини.За среќа, има клизно работно време и успешно, веќе 14 години работи во фирмата М медиа, па има доволно време за својата најголема страст, виното.„Воден од идејата, оние кои немаат можности често да дегустираат различни вина, а да не ја чекаат еднаш годишно Винодонија, ја направив оваа винска соба која има богата винотека и во која се прават мини работилници и обуки, а се дегустираат и наши и странски вина. И ова винско катче функционира речиси две години, секако, со закажување. Следниот проект кој ми е во план е да ја опремам кујната и на презентациите да имаме визитинг готвач кој ќе готви за тие 10-12 луѓе колку што има обично на дегустациите, а јас да ги спарувам вината. Ете дури тогаш ќе бидеме вистински Ено-гастрономски клуб“, вели Дејан. А дека не ги заборавил ниту најблиските роднини и пријателите од неговиот роден град, зборува и тоа што освен сестра му која со екипа од Каменица присуствувала на дружба во Винска соба, таму организирале и генерациска средба на која дошле десетина луѓе од гимназијата кадешто учел.Родителите, а особено мајка му, често знаат да му речат: „Секој ден пиете вино, барем дали ви се исплати тоа?“ Или пак: „На салон ќе одите само пари да трошите“, се смее Дејан.А тој, иако често се дружи со виното, а на винските салони знае да испроба и по 70-90 вина, има одличен тренинг.„Главата не би требало да боли ако се пијат технички исправни вина и доста вода. На салоните знам да пробам и 70-90 вина. Кога ми е интересно виното што го пробувам, знам да земам и втора голтка, но другото го истурам. На почеток ми беше жал да истурам, но со тек на време се научив“, објаснува Дејан.Што се однесува до вкусот вели дека на почеток повеќе ги сакал црвените вина, но како што навлегувал предизвик му станаа белите кои, вели, се потешки за правење. Од белите омилени му се Совињон Бланк, а од црвените, Каберне Фран и Сира (двете се француски, едното од долината на Рона, другото од Бордо) и секако, си го почитува и Вранецот кој го прават многу македонски винарии.Инаку, Дејан има замешано прсти и во организацијата на настанот „Вино на штикли“, а направил и 20-тина настани со концепт на „bring your own bottle“. 1.623 Сподели FacebookTwitterGoogle+ReddItWhatsAppPinterestEmail...

Готвам и сликамСлајдер Бургери од црвена леќа (ВИДЕО) Арт Кујна Апр 5, 2024 205 Сподели Уште еден одличен рецепт за вегетаријански бургери. Ги пробавме кај нашата сликарка која е подеднакво вешта и во кујната, Симонида Филипова Китановска Ова е уште еден од рецептите за оние вкусни работи што ги пробавме кај нашата сликарка Симонида Филипова Китановска, која е исто толку вешта во кујната, колку и во сликарството. Згора на сѐ, гурманка е, а се знае дека оние што сакаат да јадат и уживаат во храната, готват највкусно зашто готват како за своја душа. Еве го рецептот, а најдолу е и видеото кое ја инспирирало Симонида за овие веге-бургери. Состојки: 2 шолји црвена леќа 1 кромид 1 главица лук 5-6 зелени чили пиперчиња ливчиња кориандер чили во прав и сол по вкус ѓумбир Приготвување: Убаво исплакнете ја и накиснете ја леќата преку ноќ. Следниот ден, изблендирајте ја. Исечкајте ги кромидот, лукот, пиперчињата, коријандерот и измешајте ги со леќата. Додадете зачини, измешајте убаво и обликувајте ќофтиња. Испржете ги. 205 Сподели FacebookTwitterGoogle+ReddItWhatsAppPinterestEmail...

СлајдерСовети Природни лекови за Хеликобактер пилори Арт Кујна Апр 5, 2024 Фото: Freepik 243 Сподели Хеликобактер пилори е незабележлива, упорна и може да биде деструктивна, но тоа не значи дека нејзиното лекување не е можно. Важно е да се открие вистински и ефикасен природен третман против Helicobacter pylori, особено затоа што отпорноста на антибиотици е во пораст во последните години. Helicobacter pylori е бактерија со спирална форма која живее во желудникот и дванаесетпалечното црево. Желудочниот сок содржи дигестивни ензими и концентрирана хлороводородна киселина и на тој начин ја разградува консумираната храна и микроорганизмите кои се внесуваат преку неа. Заради високата киселост, до неодамна се сметало дека желудникот е стерилен и не содржи бактерии, но Helicobacter pylori дефинитивно го смени ова мислење. Имено, желудникот е заштитен од сопствениот желудочен сок со тенок слој на мукоза, кој ја обложува неговата внатрешна површина, но Хеликобактер пилори има моќ да ја надмине оваа заштита, со тоа што живее во самиот мукозен слој. Имуниот систем реагира на инфекцијата со Helicobacter pylori создавајќи соодветни антитела, во почетокот IgA, а потоа IgG. Tие сепак тешко допираат до бактеријата бидејќи не можат да се пробијат низ мукозниот слој. Како последица на инфекцијата со Helicobacter pylori се јавува гастритис, чир на желудникот или на дванаесетпалечното црево, а во најлош случај и карцином на желудникот. Како се пренесува бактеријата? Бактеријата се пренесува орално, преку фекални остатоци кои може да се внесат преку храната (недоволно измиени салати и друг вид на зеленчук или овошје). Особено, во овој период од годината, кога консумацијата на свежо овошје и зеленчук е зголемена, ризикот за пренесување на H. pylori е уште поголем. Исто така при подждригнување бактеријата може да се пренесе од желудникот во устата и на тој начин може да се пренесе директно, преку орален контакт. Симптоми при инфекција со Helicobacter pylori Најчестите симптоми кои укажуваат на инфекција со Helicobacter pylori се: подждригнување; чувство на надуеност; болки во желудникот. Пробиотиците се одлични за лекување на Helicobacter pylori Антибиотиците може да бидат скапи и телото може да развие отпорност на нив. Ова не е случај со пробиотиците. Тие се поволна алтернатива за секој кој има проблеми со органите за варење, меѓу кои и со Helicobacter pylori. Пробиотиците се одлична помош во борбата против оваа инфекција. Неопходно е да се зголеми бројот на корисни бактерии во цревата, со што ќе се започне нормалниот процес на варење и ќе се ослаби Helicobacter pylori. Lactobacillus fermentum, Lactobacillus casei и Lactobacillus bravis се најефективните пробиотски бактерии кои успешно се борат против ефектите на Helicobacter pylori. За само шест недели растот на Helicobacter pylori ќе забави и ќе биде целосно уништен. Пробиотиците, исто така, делуваат добро како превентивна мерка против чиревите и можат да помогнат во заздравувањето на постоечките чирови. Можете исто така да земате додатоци на база на пробиотици по консултација со вашиот лекар. Најдобар извор на пробиотски бактерии се млечните производи како јогуртот и кефирот. Изберете производи со што е можно помалку млечни масти за да не го оптоварите дополнително стомакот. Во чаша јогурт или кефир додадете малку овесна каша, што дополнително ќе го подобри функционирањето на дигестивниот систем. Црн ким или црно семе како природен лек за Helicobacter pyloriНајчесто се користи како зачин, особено за печива, но има и значајни лековити својства. 2 г мелени семиња на ден прават чуда во борбата против Helicobacter pylori и делуваат подобро од конвенционалната антибиотска терапија и лековите за ослободување од желудочна киселина. Семето на ова растение само по себе ја регулира количината на желудочната киселина и има заштитна улога во дигестивниот систем. Тоа ги отстранува лошите бактерии од телото, како Helicobacter pylori, но и повеќето вируси и паразити. Го забавува нивното ширење, а потоа активно ги елиминира. Исклучително е добар за зајакнување на имунитетот, виталноста на организмот, а го намалува и лошиот холестерол и шеќерот во крвта. Има и лаксативни својства, па може да го реши проблемот со хроничен запек. Може да се најде во продавниците за здрава храна во форма на ладно цедено масло или есенцијално масло. Истурете една лажичка семки во 1 дцл топла вода. Оставете ја течноста да зоврие половина час, па тргнете ја од шпоретот. Процедете и пијте по една доза дневно. Маслиново масло за елиминирање на бактеријата Моќните антиоксиданти и фитонутриенти во маслиновото масло го прават одлично оружје во борбата против Helicobacter pylori. Кога подготвувате здрави јадења, заменете го сончогледовото масло со ладно цедено девствено маслиново масло. Многу брзо ќе забележите како таквиот чекор ќе влијае на дигестивниот систем. Во стомачната киселина, маслиновото масло останува стабилно и ефикасно ослободува супстанции кои го запираат понатамошниот развој на бактериите. Дури и ако се развие отпорност на антибиотици, тоа е ефикасно. Ваквата промена во секојдневното подготвување на храната совршено ќе ги третира инфекциите предизвикани од бактеријата Helicobacer pylori. Покрај елиминацијата на Helicobacter pylori, маслиновото масло дава одлични резултати во лекувањето на чир. Ова масло е добро и за вашиот стомак и за вашето срце. Исто така, витаминот Е во него ги спречува абдоминалните тумори и го штити организмот од многу хронични болести. Измешајте 500 гр кисело млеко со десет капки маслиново масло и додадете малку сечкан магдонос. Конзумирајте ја оваа смеса секое утро и секоја вечер. Никулците од брокула ефикасно лекуваат Helicobacter pyloriТие претставуваат новоизникнати растенија, стари само неколку дена. Содржат исклучително високо ниво на хемикалија на база на сулфур – сулфорафан. Ова хемиско соединение е одличен антиоксидант и има способност да го детоксицира целиот организам. Никулците од брокула се користат за подготовка на масла за надворешна употреба и додатоци за внатрешна употреба. Според едно истражување, 78% од тестираните, по седум дена консумирање на пропишаната количина на никулци од брокула, повеќе немале Helicobacter pylori во телото. Така органите погодени од оваа бактерија се детоксифицираат и се обновуваат од дејството на истата. Во принцип, брокулата ќе ви обезбеди солидна заштита од срцеви заболувања, ќе го подобри варењето, ќе се бори против ракот и ќе ги ублажи различните видови на воспаленија. Сосема заслужено го носи епитетот супер храна. Обезбедува широк спектар на хранливи материи и исто така има корисен ефект врз вашиот гастроинтестинален тракт. Можете да јадете никулци од брокула како здрава ужина или да ги користите како состојка во хумусот. Црвено вино за лекување на Helicobacter pyloriПозитивното дејство на црвеното вино врз здравјето на луѓето е познато уште од многу одамна. Компонентите содржани во виното имаат антибактериски својства, како што се одредени витамини, минерали и шеќери. Ако пиете неколку чаши квалитетно црвено вино неделно, го намалувате ризикот од чир. Поточно, само една чаша дневно навистина дава позитивен ефект. Целосно ќе се ослободите од Helicobacter pylori, која е главната причина за чир. Покрај тоа, црвеното вино подеднакво ефикасно ги елиминира бактериите на ешерихија коли и салмонела. Покрај поволното дејство на органите за варење, виното е важно и за неутрализирање на токсините присутни во одредени намирници, за неутрализирање на штетните хемикалии во црвеното месо, за ублажување на анксиозноста и стресот и за подобрување на функцијата на срцевиот мускул. Препорачуваме вина со пониска содржина на алкохол во нивниот состав. Лукот го блокира дејството на Helicobacter pyloriОва растение е совршен антиинфламаторен лек и е природен антибиотик. Без разлика на мирисот и аромата кои некои луѓе не ги сакаат, неспорно е дека е еликсир на здравјето. Токму овие карактеристики на лукот ги стимулираат жлездите во желудникот и цревата. Тие ѝ помагаат на цревната флора и ги бркаат штетните бактерии, како Helicobacter pylori. Поради влијанието на сулфурното соединение, алицин, од лукот, се блокира дејството на Helicobacter pylori. Лукот е одговорен и за зајакнување на концентрацијата и ни помага да се бориме против стресот. Помага да се обноват оштетените клетки во телото, вклучително и ДНК. Го зајакнува срцето и овозможува непречен проток на крв низ крвотокот. Јадењето и свеж и варен лук ќе помогне да се убие Helicobacter pylori. Земањето две чешниња за време на ручекот или вечерата е идеална мерка за успешна редукција на овој предизвикувач на инфекција на гастроинтестиналниот тракт. Жалфијата го намалува влијанието на Helicobacter pyloriЖалфијата е едно од најстарите лековити растенија и ароматичен зачин. Има остар мирис и горчлив вкус. Тоа е природен антибиотик со широк спектар на дејство. Делува како антисептик и антимикробно средство. За лекување се користат листовите од ова растение кои се чуваат во стаклени тегли или платнени кеси на суво и темно место. Жалфијата дава многу придобивки за дигестивниот систем и го намалува влијанието на Helicobacter pylori врз телото. Не може да го убие како некои други природни лекови, но може да го спречи да се шири на подолг временски период. Ги ублажува воспалените црева и желудникот и ги лекува грчевите и абдоминалните болки, кои се појавуваат како симптоми на инфекцијата предизвикана од бактеријата Helicobacter pylori. Жалфијата се користи во форма на чај, тинктура или есенцијално масло за решавање на стомачни проблеми. Може слободно да се комбинира со други видови лековити растенија. Измешајте 40 гр жалфија, 40 гр листови од бел слез, 10 гр камилица и 10 гр матичен млеч. Три лажици од оваа смеса прелијте ги со ладна вода и оставете да отстои. Загрејте ја водата додека не зоврие, па варете ја уште најмалку 5 минути. Пред секој главен оброк испијте една чаша од оваа подготвена течност. Корисни совети Избегнувајте кофеин и газирани пијалаци. Особено е опасно да ги пиете на празен стомак. Наместо кафе и кока-кола, пијте свежо цеден сок, смути или чај. Не јадете премногу зачинета и мрсна храна. Кога додавате зачини, бидете умерени. Посебно внимавајте на зачините кои додаваат пикантност на храната. Користете здрави масла за готвење, како што се маслиново, кокосово и бадемово масло. Внимавајте на хигиената. Не заборавајте да ги миете рацете после јадење и по користење на тоалетот. Секогаш носете со себе влажни марамчиња или антибактериско средство за суво миење раце, доколку немате при рака чешма. Посветете им посебно внимание на децата и научете ги уште од мали нозе колку е хигиената важна за здравјето. Јадете само храна која е подготвена на безбеден начин. Многу е важно храната од која го правите оброкот да биде добро измиена и термички обработена. Избегнувајте индустриски готови оброци и преработена храна полна со сол, шеќер, конзерванси и транс масти. Најдобро е сами да го подготвите тоа што ќе го јадете. Пијте само чиста, филтрирана вода. Верувале или не, недоволно чистата вода е причина број еден за смртност во светот. Без разлика дали сте стари или млади, исклучително е важно да пиете вода која нема да има негативно влијание врз вашето здравје. Нечистата вода може да биде извор на бактеријата Helicobacter pylori. Работете на намалување на стресот. Без разлика кои симптоми ја придружуваат инфекцијата, стресот само ќе придонесе за нивно влошување. Воведете неколку дневни рутини кои многу ќе ви помогнат да се ослободите од стресот. Некои од нив може да бидат вежбите за длабоко дишење или медитација. Кога треба итно да одите на лекар?Доколку симптомите, кои претходно ги споменавме, траат со денови, тоа е повеќе од доволна причина за посета на лекарска ординација. Доколку забележите нагло влошување на вашата здравствена состојба во вид на остри и многу силни стомачни болки, крвава и црна столица или појава на крв по повраќање, не чекајте, туку веднаш одете на лекар. Овие можат да бидат знаци на сериозни проблеми, па затоа е важно да побарате помош што е можно поскоро. Што ќе се случи со организмот ако не се лекува бактеријата?Игнорирањето на симптомите кои потекнуваат од активноста на Helicobacter pylori, како и несоодветниот третман, може да доведе до сериозни компликации кои дополнително може да го загрозат вашето здравје. Внатрешно крварење се јавува ако пукне чирот, предизвикан од Helicobacter pylori. Анемијата е сериозен фактор на ризик, бидејќи недостатокот на железо ги зголемува шансите за чиреви и крварење. Настанува опструкција, кога препрека како што е туморот го блокира понатамошниот проток на храна од вашиот стомак. Можен е и перитонитис, односно воспаление на серозната мембрана што ја обложува абдоминалната празнина и внатрешните органи. Хеликобактер пилори е незабележлива, упорна и може да биде деструктивна, но тоа не значи дека нејзиното лекување не е можноРазвојот и ефектот на Helicobacter pylori врз човечкиот дигестивен тракт е многу важна тема за здравството, бидејќи е многу честа појава. Во повеќето случаи, прогнозата за Helicobacter pylori е доста добра. Многу инфекции предизвикани од оваа бактерија се благи и не се опасни по живот. Има неколку симптоми, но многу е веројатно дека нема да имате ниту еден од нив, доколку имате Helicobacter pylori во гастроинтестиналниот тракт. Важно е да се открие вистински и ефикасен природен третман против Helicobacter pylori, особено затоа што отпорноста на антибиотици е во пораст во последните години. Луѓето воопшто не се свесни дека кај нив се развива хеликобактер пилори, па мислат дека нарушувањето на нивната здравствена состојба потекнува од некоја друга причина. Она што навистина им треба е адекватна терапија за лекување на Helicobacter pylori, која може да содржи специјални лекови, но и лекови кои се сосема природни. Откако ќе се утврди дали во вашиот случај хеликобактер пилори е одговорен за појавата на болестите, можете лесно да ја излечите и да го прекинете нејзиното влијание врз вашето тело. Ако негувате здрави навики и добра хигиена, ќе ги заштитите вашите деца и себеси од потенцијални инфекции. 243 Сподели FacebookTwitterGoogle+ReddItWhatsAppPinterestEmail...

СлајдерСовети Дали и колку е здраво конзервираното овошје? Арт Кујна Апр 4, 2024 Фото: Pixabay 178 Сподели Конзервираното овошје обезбедува јаглехидрати за енергија, влакна за варење и витамини и минерали кои не одржуваат здрави. Дали некогаш сте се запрашале како конзервираното овошје како ананас, праски, јаболка или кој било друг компот е добар избор за вашето здравје? Овде можете да дознаете за здравствените придобивки од конзервираното овошје, како и за вообичаените заблуди, а ние ќе ви дадеме практични совети за вклучување на конзервираното овошје во здравата исхрана. „Постојано слушаме „свежото е најдобро“, но конзервираното овошје може да биде исто толку хранливо“, вели Челзи Лебланк, сопственичка на Chelsea LeBlanc Nutrition во Нешвил, Тенеси.Конзервираното овошје обезбедува јаглехидрати за енергија, влакна за варење и витамини и минерали кои не одржуваат здрави. Дали знаевте дека конзервираното овошје се бере кога е во врвна зрелост, а потоа се конзервира за неколку часа? Ова помага да се обезбеди тоа да го задржи вкусот кога и да одлучите да го јадете. Исто како свежото и замрзнатото овошје, конзервираното овошје е одличен извор на есенцијални хранливи материи како што се влакна, витамини и минерали. Според прегледот од 2019 година објавен во International Journal of Food Science and Nutrition, овошјето и зеленчукот го поддржуваат нашето целокупно здравје и помагаат да се намали ризикот од одредени болести како што се кардиоваскуларни болести.ЛеБланк дури укажува на неодамнешниот преглед од 2020 година објавен во Nutrients, кој покажал дека зголемувањето на внесот на овошје и зеленчук (вклучувајќи и конзервирано овошје) може да промовира подобро ментално здравје. 178 Сподели FacebookTwitterGoogle+ReddItWhatsAppPinterestEmail...

СлајдерХраната лек Сокот од зелка е народен лек за желудникот: Докажано помага при киселини Арт Кујна Апр 4, 2024 Фото: Freepik 111 Сподели Сокот од зелка е исклучително богат со витамин Ц и бета-каротин, како и со многу исклучително квалитетни состојки кои го прават народен лек. Најчесто се користи како природен лек за желудникот кој докажано помага при киселини. Зелката потекнува од западниот брег на Средоземното Море, како и од брегот на Атлантскиот Океан. Се одгледува повеќе од 4.000 години, a во древниот Египет му се припишува божествена сила и моќ. Старите Грци и Римјани веќе ги знаеле корисните ефекти на киселата зелка. Тие го користеле за лекување на чир на желудникот, па дури и за третмани за чума. Во 16 век, морнарите го користеле за да спречат скорбут (болест предизвикана од недостаток на витамин Ц). Јадењето на овој зеленчук, без разлика дали е сиров, кисело или расол, има многу позитивни ефекти врз нашиот организам. Научете како да направите сок од зелка и зошто е лековит и корисен. Што содржи сокот од зелка? Сокот од зелка е исклучително богат со витамин Ц и бета-каротин (провитамин А). Со неговото консумирање внесуваме и фолна киселина, витамин Б1, Б6 и тиамин во организмот. Исто така, содржи значителни количини на витамини Е и К. Потоа антиоксидантите холин, бета-каротен, индол, сулфорафан, лутеин и зеаксантин, како и флавоноидите кемпферол, кверцетин и апигенин. Има многу минерали, имено калциум, калиум, фосфор, сулфур, железо, манган, хлор, јод, како и магнезиум и натриум. Зелката содржи мала количина калории, од друга страна, богата е со растителни влакна, а до 92 отсто од нејзината содржина е вода. Црвената зелка е побогата со лековити и хранливи материи, содржи 6-8 пати повеќе витамин Ц од зелената зелка. Богата е со антиоксиданти (особено антоцијани) кои го штитат мозокот од штетните слободни радикали. Киселата е исто така многу хранлива и благотворно делува на нашиот организам. Кога готвите со неа, внимавајте како ја подготвувате храната. Колку повеќе се готви, толку повеќе се губат корисни материи, витамини и минерали. Затоа, избегнувајте прекумерна термичка обработка. Најдобро е да се консумира свежа, на пример во салати или да се направи сок. Како се прави сокот од зелка? Ако се прашувавте како да направите сок од зелка во соковник, дојдовте на вистинското место. Се подготвува од зелена или црвена зелка по ваш избор. Потребно е добро да се измие главицата и да се исече на парчиња, а потоа да се стави во соковник. Сокот се прави како и секое друго овошје или зеленчук. Се пие без додавање на никакви засладувачи. Ако сакате, можете да додадете и некој друг зеленчук за разновиден вкус. Меѓутоа, доколку сакате да го користите за терапевтски цели, тогаш потребно е да го консумирате чист без додавање други намирници. 111 Сподели FacebookTwitterGoogle+ReddItWhatsAppPinterestEmail...

СлајдерТОП 5 Таа е најголем амбасадор на Македонија во Англија: Нејзината книга „Дома“ е вистинска ода на македонската кујна, полна со радосни приказни и вкусна храна Арт Кујна Апр 5, 2024 2.976 Сподели Што доаѓа во кутија за пица, а не е пица? Одговорот на ова прашање во Англија гласи вака: Тоа се моќните македонски пити со богат фил на Спасиа Динковски. Од наша гора, лист, што би рекле Србите. Сега излезе и нејзината книга со едноставно име: „Дома“, вистинска ода на македонската кујна Денес (4 април 2024) излезе од печат книгата „Дома“ на нашата Спасиа Динковски, девојката која во последните четири години доживеа речиси филмски успех и стана славна речиси како членовите на кралското семејство во Англија. А Спасиа е всушност, од наша гора лист, што би рекле Србите. Нејзините родители се Македонци, а таа е родена во Англија, но е поголема Македонка дури и од оние што си заминале оттука пред само неколку години, а покрај неа, научија за Македонија многу дури и оние кои не знаеја ништо. Користејќи го знаењето кое се пренесувало од колено на колено низ нејзиното семејство, Спасиа направи беспрекорна формула и почна да ги продава своите огромни пити бурек преку Инстаграм, пакувајќи ги во кутии за пица и продавајќи ги низ градот. И сето тоа, во време на пандемијата со вирусот корона. Оттогаш наваму, Спасиа направи многу. Ја отвори продавницата Mystic Burek со седиште во Лондон, во кое централно место зазема македонското знаме. Мисијата на Спасиа Динковски е да ги пренесе богатите вкусови и традиции на Македонија до колку што е можно повеќе луѓе, а нивниот круг се шири сам од себе, со пренесување на приказната за нејзината храна од уста на уста, но и прераскажана во тамошните медиуми кадешто е таа навистина чест гостин. Спасија е искусна готвачка, која работела 15 години во професионални кујни во Лондон и САД. Беше избрана за едно од „50 нешта што ги сакаме во светот на храната“ на списанието Observer Food Monthly, за еден од најдобрите лондонски поп-апи од страна на магазинот Eater, а за неа пишуваа и во Тајмс, магазинот Олив, Тајм Аут, Телеграф и Гардијан. Фото: Кејтлин Исола И затоа не е чудно што сега, ако некому во Англија му го поставите прашањето: Што е тоа што доаѓа во кутија за пица, но не е пица, ќе ви одговори: Една од моќните македонски пити богати со фил на Спасиа Динковски. А нејзиниот бизнис со бурек на нејзин оригинален начин се родил во моментите кога копнеела по вкусната пита со сирење и јајца на нејзината баба Славка. Книгата на Спасиа во која, можеме да се пофалиме, и ние имаме замешано прсти, е вистинска ода на македонската кујна, вклучувајќи го и бурекот. „Полна со свежи и иновативни рецепти за јадења што не се пропуштаат, „Дома“ разиграно експериментира со традиционалните вкусови, притоа создавајќи уникатен и модерен поглед на храната од овој досега неистражен регион. Покрај повеќето рецепти има и убави и искрени приказни за храната од целата земја кои нудат уникатна слика за енергичната кулинарска и културна историја на регионот и живописни слики од модерна Македонија. Отклучете ги вкусовите на ова евокативно катче на Југоисточна Европа со оваа автентична и современа регионална книга за готвење од една од ѕвездите во подем на балканското готвење“, пишува во најавата за книгата на Спасиа нејзиниот британски издавач. Во неа ќе најдете и ќе препознаете и многу оригинални ликови и места кои Спасиа ги посетила и ги засакала во текот на своите посети на Македонија, додека паралелно ги пишувала приказните за книгата и склопувала пријателства кои траат. Тука се Тони и Фросина од популарната скопска кафеана „Фросина“, Давид од „Кози, млеко, планина“, Наташа од селското домаќинство „Пирустија Неданоски“ и многу други. Повеќе за книгата ќе најдете ТУКА. Домакнига за готвењеМистик бурекСпасиа Динковски 2.976 Сподели FacebookTwitterGoogle+ReddItWhatsAppPinterestEmail...

СлајдерТОП 5 Таа е најголем амбасадор на Македонија во Англија: Нејзината книга „Дома“ е полна со македонски дух, радосни приказни и вкусна храна Арт Кујна Апр 4, 2024 7 Сподели Што доаѓа во кутија за пица, а не е пица? Одговорот на ова прашање во Англија гласи вака: Тоа се моќните македонски пити со богат фил на Спасиа Динковски. Од наша гора, лист, што би рекле Србите. Сега излезе и нејзината книга со едноставно име: „Дома“, вистинска ода на македонската кујна Денес излезе од печат книгата „Дома“ на нашата Спасиа Динковски, девојката која во последните четири години доживеа речиси филмски успех и стана славна речиси како членовите на кралското семејство во Англија. А Спасиа е всушност, од наша гора лист, што би рекле Србите. Нејзините родители се Македонци, а таа е родена во Англија, но е поголема Македонка дури и од оние што си заминале оттука пред само неколку години, а покрај неа, научија за Македонија многу дури и оние кои не знаеја ништо. Користејќи го знаењето кое се пренесувало од колено на колено низ нејзиното семејство, Спасиа направи беспрекорна формула и почна да ги продава своите огромни пити бурек преку Инстаграм, пакувајќи ги во кутии за пица и продавајќи ги низ градот. И сето тоа, во време на пандемијата со Корона. Оттогаш наваму, Спасиа направи многу. Ја отвори продавницата Mystic Burek со седиште во Лондон, во кое централно место зазема и македонското знаме. Мисијата на Спасиа Динковски е да ги пренесе богатите вкусови и традиции на Македонија до колку што е можно повеќе луѓе, а нивниот круг се шири сам од себе, со пренесување на приказната за нејзината храна од уста на уста, но и прераскажана во тамошните медиуми кадешто е таа навистина чест гостин. Спасија е искусна готвачка, која работела 15 години во професионални кујни во Лондон и САД. Беше избрана за едно од „50 нешта што ги сакаме во светот на храната“ на списанието Observer Food Monthly и за еден од најдобрите лондонски поп-ап оброци од страна на магазинот Eater. За неа пишуваа и во Тајмс, магазинот Олив, Тајм Аут, Телеграф и Гардијан. Фото: Кејтлин Исола И затоа не е чудно што сега, ако некому во Англија му го поставите прашањето: Што е тоа што доаѓа во кутија за пица, но не е пица, ќе ви одговори: Една од моќните македонски пити богати со фил на Спасиа Динковски. А нејзиниот бизнис со бурек на нејзин оригинален начин се родил во моментите кога таа копнеела по вкусната пита со сирење и јајца на нејзината баба Пандора. Книгата на Спасиа во која, можеме да се пофалиме, и ние имаме замешано прсти, е вистинска ода на македонската кујна, вклучувајќи го и бурекот. „Полна со свежи и иновативни рецепти за јадења што не се пропуштаат, „Дома“ разиграно експериментира со традиционалните вкусови, притоа создавајќи уникатен и модерен поглед на храната од овој досега неистражен регион. Покрај повеќето рецепти има и убави и искрени приказни за храната од целата земја кои нудат уникатна слика за енергичната кулинарска и културна историја на регионот и живописни слики од модерна Македонија. Отклучете ги вкусовите на ова евокативно катче на Југоисточна Европа со оваа автентична и современа регионална книга за готвење од една од ѕвездите во подем на балканското готвење“, пишува во најавата за книгата на Спасиа нејзиниот британски издавач. Во неа ќе најдете и ќе препознаете и многу оригинални ликови и места кои Спасиа ги посетила и ги засакала во текот на своите посети на Македонија, додека паралелно ги пишувала приказните за книгата и склопувала пријателства кои траат. Тука се Томи и Фросина од популарната скопска кафеана „Фросина“, Давид од „Кози, млеко, планина“, Наташа од селското домаќинство „Пирустија Неданоски“ и многу други. Повеќе за книгата ќе најдете ТУКА. Домакнига за готвењеМистик бурекСпасиа Динковски 7 Сподели FacebookTwitterGoogle+ReddItWhatsAppPinterestEmail...