Реал прв обезбеди пласман на Ф4 во Берлин
Топ Спорт - пред 4 часа
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0. Третиот натпревар од серијата се одигра во „Фернандо Буеса“, во Виторија, Реал победи со 102:98. Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади. Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока. Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос....
(Видео) „Милионерите“ чекор поблиску до финалето – Филкруг му пресуди на ПСЖ
Топ Спорт - пред 5 часа
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг. Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси. Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума. Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим. Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот. Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива. Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд. Реваншот е следниот вторник во Париз....
Парма се врати во Серија А
Топ Спорт - пред 5 часа
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција. Историјата на Парма во последниве години беше сè само не сјајна. Клубот згасна, па повторно оживеа во 2015 година. Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг. Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата....
Фернандеш не е сигурен дали ќе остане на „Олд Трафорд“
Топ Спорт - пред 9 часа
Капитенот на Манчестер Јунајтед, Бруно Фернандеш изјави дека по завршувањето на Европското првенство ќе одлучи дали следната сезона ќе игра за клубот од „Олд Трафорд“. Фернандеш рекол дека приоритети во моментов му се финалето на ФА Купот и Европското првенство. „Не зависи се од мене. Ако треба да размислувам за заминување од Премиер лигата, тоа ќе биде дури по Европското првенство. Можеме успешно да ја завршиме сезоната со освојување на ФА Купот. Потоа го имам Европското првенство, што е многу важно. Ништо не може да ме спречи и да ми го одвлече вниманието од финалето на ФА Купот и од Европското првенство, бидејќи во моментов нема ништо поважно од тоа“, изјави Фернандеш за португалски „ДАЗН“. Фернандеш пристигна во Манчестер Јунајтед во 2020 година од Спортинг за 80 милиони евра. Тој има договор со клубот од „Олд Трафорд“ до јуни 2026 година со можност за продолжување на уште една сезона. „Не размислувам премногу за иднината. Оваа сезона досега не беше на нивото на кое се надевав. Сакам да бидам конкурентен. Сакам да се натпреварувам и да победувам”, додаде португалскиот фудбалер. Манчестер Јунајтед ќе игра против Манчестер Сити во финалето на ФА Купот на 25 мај на Вембли. ЕП ќе се одржи од 14 јуни до 14 јули во Германија....
Мадрид ќе добие нов шампион – Рубљов го победи Алкараз
Топ Спорт - пред 9 часа
Шпанските навивачи на Мастерсот во Мадрид, по елиминацијата на Рафаел Надал доживеаја уште едно разочраување. Бранителот на трофејот Карлос Алкараз не успеа да се пласира во полуфиналето. По два часа голема борба, во три сета, Алкараз загуби од Андреј Рубљов. Рускиот тенисер славеше со пресврт 4:6, 6:3, 6:2. Првиот сет Алкараз го реши во своја корист со брејк кој го направи во петтиот гем откако спаси брејк топка што ја имаше неговиот ривал во вториот. Шпанецот имаше две сет топки на сервис на Рубљов во деветтиот гем, но сепак мораше да ја заврши работата и да го добие сетото на свој сервис. Рубљов нападна на стартот од вториот сет. Во вториот гем пропушти четири брејк можности, но не и петтата. Русинот можеше да го удвои брејкот во шестиот гем кога имаше три брејк топки, но Алкараз се извлече. Потоа Рубљов спаси две брејк топки во седмиот гем, за да ја искористи втората сет топка во деветтиот и да го внесе мечот во третиот сет. Решавачкиот дел од натпреварот беше и најкраток. Рубљев направи брејк во првиот, а потоа уште еден во петтиот и се пласира во полуфиналето. Во полуфиналето Русинот ќе игра против подобриот од мечот во кој се среќаваат Тејлор Фриц и Франциско Серундоло....
Шкендија нов лидер во првенството, Вардар блиску до баражот за опстанок
Топ Спорт - пред 10 часа
Шкендија е нов лидер во Првата македонска фудбалска лига. Во последните три кола Шкендија, Шкупи и Струга влегуваат со по 58 бодови. По оваа рунда се чини дека Македонија ЃП и Брегалница имаат само теоретски шанси да останат во лигата, а Вардар е најблиску до баражот. Шкендија ги искористи поразите на Шкупи во Гостивар и актуелниот шампион струга во Кавадарци и се искачи на првото место на табелата. Ист број на бодови, 58 имаат Струга и Шкупи. Шкендија во периодот од 77. до 94.минута против АП Брера постигна три гола и успеа да ја стигне и престигне предноста на гостите. Струга против Тиквеш успеа да направи пресврт со головите на Ибраими (кој дојде до бројта од 201 гол во Првата макеоднскат фудбалска лига), но до крајот Тиквеш со головите во 82. и 94.минута му пресуди на шампионот. Вардар слаеше убедливо во Штип кај Брегалница и ја прекина серијата од три порази. Црвено-црните сега имаат шест бода повеќе од Македонија ЃП и Брегалнца и се наоѓаат на 10.место кое води во бараж за опстанок. Воска спорт победи кај Македонија ЃП и се одлепи од Вардар на пет бода. Брегалница – Вардар 0:3 (Шушњара 8’, Тошев 85′, Николоски 90+2′) Гостивар – Шкупи 2:0 (Кировски 62’, Кехинде 97’) Македонија ЃП – Воска 0:2 (Илиески 61’, Марушиќ 69’) Шкендија – АП Брера 3:2 (Адеми 77’, Цаке 87’ , Аганспахиќ 94’- Ивковиќ 16’, Цветановски 68’) Силекс – Работнички 0:1 (Регба 82′) Тиквеш – Струга 3:2 (Мојсов 32’, Стојковски 82’, Луан Силва 94’ – Ибраими 63’, 77’) Табела:...
Баерн е во завршни преговори со Рагник
Топ Спорт - пред 13 часа
Претседателот на фудбалскиот клуб Баерн, Херберт Хајнер изјави дека клубот ги финализира преговорите со Ралф Рангник, кој од следната сезона треба да биде тренер на тимот од Минхен, пренесуваат германските медиуми. Тренерот на Баерн, Томас Тухел ќе го напушти клубот од Минхен по крајот на сезоната. Рангник, кој моментално е селектор на австриската репрезентација, неодамна потврди дека преговара со тимот од Минхен. „Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави Херберт за „Скај Спортс Германија“. Германските медиуми тврдат дека Баерн до крајот на неделата би можел да објави дека Рагник ќе го преземе клубот. „Се надевам дека нема да чекаме предолго. Ќе видиме кога ќе го објавиме конечниот резултат. Брзо ќе дознаеме во кој правец ќе одиме“, изјави Хајнер. Фудбалерите на Баерн синоќа одиграа во Минхен со Реал без победник, 2:2 во првиот полуфинален натпревар од Лигата на шампионите. Реваншот е закажан за следната среда во Мадрид. Рангник ја презеде австриската репрезентација во 2022 година, а претходно меѓу другите беше тренер на Манчестер Јунајтед, Лајпциг, Шалке, Хофенхајм, Хановер и Штутгарт. Тој има договор со Фудбалскиот сојуз на Австрија до јуни 2026 година....
Шпанскиот сојуз го казни Атлетико Мадрид
Топ Спорт - пред 13 часа
Фудбалерите на Атлетико Мадрид ќе мора да ги играат последните два домашни натпревари оваа сезона во шпанската Ла Лига да ги одиграат пред делумно затворени трибини. Фудбалскиот сјуз на Шпанија го казни клубот поради расиситичкиот испад на неговите навивачи, во саботрата на натпреварпт против Атлетик Билбао. Дел од навивачите го навредуваа Нико Вилијамс. Заедно со затворањето на дел од трибините, Атлетико ќе треба да плати и казна од 20.000 евра. Последните два домашни натпревари оваа сезона Атлетико ќе ги одигра прптив Селта Виго во 35.коло и Осасуна во претпоследното, 37.коло. Атлетико моментално е четврти во поредокот, на позиција која ќе води до настап во Лигата на шампионите следната сезона. Тимот на Диего Симеоне има шест бода повеќе од петтопласираниот Атлетик Билбао....
Ред Бул и Адријан Њуи спогодбено се разделија
Топ Спорт - пред 14 часа
Адријан Њуи, најдобриот дизајнер во модерната ера на Формула 1, го раскина договорот со Ред Бул. Дека двете страни работата на спгодбен раскин на договорот се шепекулираше изминатите денови. Њуи бил решен да го напушти Ред Бул, а ниту Ред Бул не се обиделе да го задржат Њуи. Ред Бул денеска потврди дека човекот чии креации освоија шест титули во Светскиот шампионат за конструктори и седум во конкуренција на 19. години поминати во лабораториите на Милтон Кејнс, ќе го напушти тимот на крајот на сезоната. Тимот наведе дека „потребата да бара нов предизвик во кариерата“, го натерала Њуи да си замине, иако долго време се зборува за несогласување меѓу првиот човек на австрискиот тим Кристијан Хорнер според многу мислења најдобриот жив дизајнер на Формула 1 болиди. „Сакаме да му се заблагодариме на Адријан за сите подвизи во времето кое го поминавме заедно. Тој одигра клучна улога во постигнувањето на неверојатни седум титули кај возачите и шест меѓу конструкторите со вкупно 118 победи, заедно со 101 пол-позиција, вклучувајќи ја и победата на Торо Росо од пол-позицијата во 2007 година“, стои во соопштението кое го обајви Ред Бул. Допрва ќе се види каква ќе биде иднината на Њуи. Сигурно е дека тој нема да престане да работи. Според медиумите тој може да заврши во еден од овие три тема: Ферари, Мерцедес, Астон Мартин. Наводно, 65-годишниот Англичанец веќе добиле понуда од Ферари, тим кој се засилува на сите нивоа. Ако го доведат и Њуи по Луис Хамилтон од Мерцедес, Ферари ќе го добие најтрофејниот возач на сите времиња и најуспешниот шеф за технолошки развој на болидите во Формула 1 од редовите на двата најголеми ривали....
Калинић повеќе нема да игра за Србија
Топ Спорт - пред 15 часа
Кошаркарот на Барселона, Никола Калиниќ, по победата на Барселона над Олимпијакос (82:80), во Атина, за Спортал изјави дека повеќе нема да играза репрезентацијата на Србија. „Мислам дека завршив. Не сум таму ни со главата ни со телото, мислам дека не можам повеќе да се борам со тоа како што е потребно. Време е некои од помладите момци да играат и да се докажат. Особено по тој успех минатата сезона. Мислам дека овде се е јасно“, изјави Калиниќ. Калиниќ за Србија дебитираше во 2013 година, со репрезентацијата освои сребрени медали на Олимписките игри и на Светското првенство....
Штербик имал срцев удар
Топ Спорт - пред 16 часа
Еден од најдобрите ракометни голамни во историјата, поранешниот член на Вардар, Арпад Штребик доживеал срцев удар. Веспрем ги потврди пишувањата на медиумите, но и ја информираше јавноста дека Штербик се чувствува добро и дека најверојатно ќе биде пуштен од болница во четврток наутро. Брзата реакција на лекарите спречила трагичен исход. Штербик кариерата ја започна во Југовиќ од Каќ, по што двапати беше во Веспрем, додека во меѓувреме бранеше за Сиудад Реал, Атлетико Мадрид, Барселона и Вардар. Во Вардар беше од 2014 до 2018 година и стана европски првак. Кариерата ја заврши во Веспрем во 2020 година....
Финалето во ЛЕ во 2028 во Белград – Србија со Албанија сака да биде домаќин на ЕП за играчи до 21 година
Топ Спорт - пред 16 часа
Во Белград, денска звечено беше означен почетокот на изградбата на Националниот стадион. Претседателот на Србија, Александар Вучиќ, објави дека овој стадион, за четири годони ќе биде домаќин на финалниот натпревар во Лигата Европа. „Финалето на Лига Европа ќе се игра во 2028 година на Националниот стадион, еве ви информација“, изјави Вучиќ. Тој најави дека стадионот ќе биде готов за две години. Националниот фудбалски стадион ќе има околу 52.000 седишта и ќе биде изграден според сите стандарди на УЕФА. Стадионот ќе биде изграден според архитектонскиот проект на Марк Фенвик. Вучиќ истакна дека Србија со изградбата на Националниот стадион би можела да аплицира со Унгарија за организација на Олимписките игри. „Ќе продолжиме да ја развиваме инфраструктурата, а планираме во иднина ние и Унгарија да аплицираме за Олимписките игри. Исто така со Албанија можеме да се кандидираме за организација на Европското првенство за фудбалери до 21 година, отворањето кај нив, затворањето кај нас“, рече Вучиќ....
ПСЖ гостува на „Вестфален“
Топ Спорт - пред 17 часа
Фудбалерите на Борусија Дортмунд и ПСЖ, вечерва на „Вестфален“, ќе го одиграат првиот полуфинален натпревар во Лигата на шампионите. Борусија ги елиминираше ПСВ Ајндховен и Атлетико Мадрид до полуфиналето во нокаут фазата, од друга страна, ПСЖ прво го елиминираше Реал Сосиедад во осминафиналето, а потоа и во четвртфиналето и Барселона, откако загуби со 3:2 во Париз, „светците“ славеа со 4:1 во реваншот. Интересно е што оваа сезона Борусија и ПСЖ играа и во групната фаза од Лигата на шампионите. Во Дортмунд беше 1:1, а во Париз победи ПСЖ со 2:0. ПСЖ, по четири години повторно е во полуфиналето. Во 2020 година (корона сезоната), стигна до финалето на турнирот кој се одигра во Лисабон. Во финалето загубија од Баерн со голот на Кингси Коман. Бурусија, пласман меѓу најдобрите четири чекаше уште од времето на Јирген Клоп. Во 2013 година „милионерите“ дојдоа до финалето, но и тие како и ПСЖ седум години подцна беа поразени од Баерн. Натпреварот започнува во 21 часот, а првиот дуел помеѓу Борусија и ПСЖ вечерва ќе го суди англискиот судија Ентони Тејлор....
Модриќ урна рекорд стар 60 години
Топ Спорт - пред 17 часа
Со синоќешниот настап во полуфиналето против Баерн во Минхен, Лука Модриќ влезе во историјата на Реал. Модриќ против Баерн урна рекорд стар 60 години. Со 38 години и 234 дена, тој стана најстариот играч што одиграл натпревар во дресот на Реал, во Лигата на шампионите или Купот на шампионите. Досега рекордот го држеше легендарниот Ференц Пушкаш, кој настапи за „Кралскиот клуб“ во ноември 1965 година, исто така во ремито 2:2 на гостувањето кај Килмарнок, со 38 години и 229 дена. Хрватскиот играч за врска против Баерн го забележа својот 126. настап во Лигата на шампионите и се наоѓа на 16. место на вечната листа. Во историјата на Реал повеќе натпревари од него во Лигата на шампионите одиграле Серхио Рамос (129), Раул (130), Карим Бензема (133) и Икер Касиљас (150). Модриќ, синоќа го забележа 17. настап во полуфиналето на Лигата на шампионите. Во историјата на Лигата на шампионите повеќе настапи од него во оваа фаза од натпреварувањето имаат само Бензема (18), Тони Крос (19) и Кристијано Роналдо (21)....
30 години од смртта на Аиртон Сена
Топ Спорт - пред 17 часа
На денешен ден пред 30 години животот го загуби легендарниот Аиртон Сена на трката за Големата награда на Сан Марино во Формула 1. Сена, еден од најдобрите возачи во историјата на Формула 1, ако не и најдобар, почина на 34. годишна возраст откако ја изгуби контролата над својот болид и со брзина од 305 км/ч удри во ѕидот на свиокот Тамбурело на патеката „Енцо и Дино Ферари“ во Имола. Легендарниот Бразилец победи на 41 трка во кариерата, освои три шампионски титули и остана запаметен како крал на квалификациите и најдобар возач на дожд на сите времиња. На погребот на Сена присуствуваа повеќе од милион луѓе, а многу повеќе излегоа на улиците да му оддадат почит на Бразилецот. „Господ долго време ја држеше рака над Формула 1. Овој викенд ја тргна“, коментираше легендарниот Ники Лауда во моментот на смртта на Сена. За време на квалификациите за истата трка, само еден ден претходно, почина младиот австриски возач Роланд Расцрбергер, што беше прва смрт во Ф1 по речиси 12 години. Сена не ја прифати добро смртта на Австриецот, на која потсети лекарскиот делегат Сид Воткинс, кој му рекол на Бразилецот да не се натпреварува на Имола. „Аиртон полуде. Пред тоа немаше видено смрт на патеките. Во претходните 12 години имаше многу инциденти, многу повреди, но никој не загина“, рекол Воткинс, откривајќи што му рекол Сена кога го молел да не се трка и да замината на риболов“. „Има одредени работи кои не можеме да ги контролираме. Не смеам да се откажам, морам да продолжам“. Сена ја започна трката во пол-позицијата, а трката започна со безбедносно возило откако Педро Лами удри во болидот на Џеј Џеј Лехто. Веќе во вториот круг по рестартот на трката, Сена со својот Вилијамс во кривината Тамбурело удри во бетонскиот ѕид. Бразилецот беше пренесен во болница, а трката продолжи 37 минути по судирот и победи Михаел Шумахер. Два и пол часа подоцна беше објавено дека Сена починал. Тоа беше само трета трка на Сена во Вилијамс откако го напушти Мекларен, и многу се пишуваше за тоа неделно попладне, но само едно е сигурно. Смртта на Сена целосно ја промени Формула 1: беа воведени многу поригорозни безбедносни проверки и се промени историјата на овој спорт....
(Видео) Јанакопулос на српски го пцуе судијата
Топ Спорт - пред 18 часа
Контроверзниот сопственик на Панатинаикос, Димитрис Јанакопулос, повторно се најде во центарот на вниманиетот поради своето некулторно однесување. Панатинаикос, синоќа, во драматичен натпревар во Белград загуби од Макаби со 83:85. Макаби поведе во четвртфиналната серија со 2:1 и во четврток може да обезбеди пласман на завршниот турнир. Виниовни за поразот според Јанакопулос се судиите. За една одлука клубот вложи жалба и бара натпреварот да биде поништен. Во текот на натпреварот во салата „Александар Николиќ“ постојано им дофрлаше на судиите од првиот ред. А по мечот го опцу, судијата Лука Кардума. Покрај него, правдата ја делеа и Сретен Радовиќ и Емин Могулкоч. pic.twitter.com/ogrINvG5CW — OvoOno (@OvoOnoX) April 30, 2024...
Белгија без Куртоа на ЕУРО 2024
Топ Спорт - пред 18 часа
Белгискиот голман Тибо Куртоа ќе го пропушти претстојното Европско првенство во Германија поради повреда на лигаментите на коленото. Куртоа ја пропушти целата сезона и му требаше уште една операција во март кога се појавија проблеми во неговото закрепнување. Тој би можел да се врати на терените во тимот на Реал Мадрид пред крајот на сезоната, но селекторот на Белгија, Доменико Тедеско го отпиша од тимот, објави Би-би-си. Куртоа, кој досега одигра 102 натпревари за Белгија, во декември изјави дека нема целосно да се опорави за да игра во натпреварувањето во Германија. „На оваа тема веќе се е кажано. Се концентрираме на играчи кои се во добра форма – изјави Тедеско за германските медиуми. Тренерот на Реал Мадрид, Карло Анчелоти изјави дека се надева дека Куртоа ќе се врати на теренот за саботниот натпревар од Ла Лига против Кадиз....
Тухел го обвини Ким за ремито против Реал
Топ Спорт - пред 18 часа
Foto/ EPA Баерн Минхен и Реал Мадрид одиграа 2:2 во првиот полуфинален натпревар во Лигата на шампионите. Баерн не успеа да ја искористи надмоќта во поголемиот дел од натпреваорт и со предност да патува во Мадрид на реваншот. Виновник е Кореецот Ким Мин-Јае, згреши кај двата гола. „Беше премногу алчен и во двата случаи. Прво, прерано стартуваше на Винисиус за првиот гол, а Тони Крос со додавање го фати на погрешна нога. Тој ризикуваше и беше премногу агресивен. Истата грешка ја направи и кај вториот гол. Игравме пет на два, бевме повеќе. Немаше потреба толку агресивно да го брани Родриго. Кога Даер се обиде да му помогне, Ким го собори Родриго. За жал, со квалитетот што го има Реал тие грешки се казнуваат. Тоа се случува, мора да продолжиме понатаму“, изјави Тухел. Реваншот на „Сантијаго Бернабеу“ на програмата е наредната середа....
(Видео) Нестварна секвенца на Мекси, ја спаси Филаделфија од елиминација
Топ Спорт - пред 19 часа
Неверојатната партија на Тајрис Мекси ги обележа плеј-оф натпреварите одиграни во Источната конференција. Филаделфија победи во Њујорк по едно продолжение со 112:106 и го намали резултатот во серијата на 2:3. Тајрис Макси го замолкна „Медисон Сквер Гарден“ во последните 25 секунди. Бекот на Севентисиксерс, најпрвин погоди тројка под фаул, потоа Џош Харт на спротивната страна реализираше едно слобоно фрлање, а во последните напа Мекси погоди тројка од 10 метри и избори продолжение. Во продолженијата шокираните играчи на Њујорк немаа никакви шанси. Мекси натпреварот го заврши со 46 поени, пет скока и девет асистенции. Го следеа со по 19 поени Џоел Ембид и Тобајас Херис. Ембид имаше и 16 скокови и 10 асистенции. На спротивната страна Џејлен Брансон заврши со 40 поени. Кошаркарите на Милвоки на домашен терен ја победија Индијана со 115:92 и намалија на 3:2 во првото коло од плејофот на Источната конференција. Повторно го немаше Јанис Адетокумбо, но овојпат тимот од Висконсин успеа да најде начин целосно да го уништи тимот на Пејсерс. Ослабените Бакс до победата ги предводеа Крис Мидлтон и Боби Портис со по 29 поени. Портис забележа и 10 скока, а Мидлтон 12 скока и пет асистенции и беше клучен фактор во победата. Кај поразениот тим најефикасен беше Тајрис Халибартон со 16 поени, но далеку од тоа да го спречи убедливиот пораз на својот тим. Индијана ќе има „меч-топка“ на следниот натпревар кој е закажан за ноќта меѓу четврток и петок, а во кој е домаќин. Кливленд води против Орландо со 3:2, откако славеше победа со 104:103. Еван Мобли на шест секунди до крајот го блокира Франц Вагнер и го однесе Кливеленд до победата. Шестиот натпревар од оваа серија ќе се одигра во петок кога домаќин ќе биде Орландо. Во евентуалниот седми, Кливленд повторно ќе ја има предноста на домашниот терен....
Надал му кажа збогум на Мастерсот во Мадрид
Топ Спорт - пред 19 часа
Шпанскиот тенисер Рафаел Надал емотивно се прости од Мастерсот во Мадрид, за кој истакна дека му бил е поважен од Грен слем турнирите. Надал во третото коло загуби од Јиржи Лехечка (5:7, 4:6) и го одигра последниот професионален меч во шпанската прстолнина. „Ова е шега, се враќам следната година“, го започна својот говор Рафа и ја насмеа публиката која најмногу плачеше. „Тежок ден за мене, но животот и телото ми испратија сигнали дека е вистинското време. Можам само да им се заблагодарам на сите што ми помогнаа во кариерата во одреден момент. Се надевам дека успеав да бидам добар пример за новите генерации. Тоа е поважно од титулите. Се надевам дека предизвикав позитивни емоции. Единствено што можам да кажам е благодарам”, изјави Рафа. Тој призна дека не е сигурен дали ќе може да игра на Ролан Гарос, но дека ќе биде во Рим. „Сакам да играм во Рим. Ќе работам напорно за тоа да се случи. Тоа е еден од најважните турнири во мојата кариера, го освоив 10 пати”, изјави Надал....
(Видео) Без победник во Минхен, Реал е поблиску до големото финале
Топ Спорт - пред 1 ден
Баерн Минхен и Реал Мадрид одиграа 2:2, во првиот полуфинален натпревар во Лигата на шампионите. На „Алијанц арена“ во Минхен, Реал се спаси од пораз во 84.минута, кога Винисиус Жуниор од пенал го изедначи резултатот. Претходно, Бразилецот погоди за Реал во 24.минута, а Баерн во вториот дел, во само четири минути со головите на Сане и Кејн од пенал, направи пресврт. Натпреварот на „Алијанц Арена“ беше извонреден, онака како што двете екипи сезонава играат во Лигата на шампионите. На крајот заврши без победник, што пред реваншот на „Сантијаго Бернабеу“ му носи поголема предност на „кралскиот клуб“. Сепак, Баерн покажа дека не е за отпишување и ќе има што да каже за осум дена во шпанската престолнина....
Ферари демне: Наскоро ќе биде официјално – Њуи си заминува од Ред Бул
Топ Спорт - пред 1 ден
Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори. Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами. Adrian Newey’s #F1 departure from Red Bull is expected to be imminent, with sources suggesting an announcement could come ahead of the #MiamiGP 👀 FULL STORY: https://t.co/WIXsSltrXJ pic.twitter.com/kTYFE2tpFh — Autosport (@autosport) April 30, 2024 Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер. Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка. Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo. Њуи учествуваше во освојувањето на седум титули за возачи и шест конструктори за Ред Бул. Во генералниот пласман сега води Верстапен со 110 бодови, а зад него е Перез со 85. Овогодинешниот шампионат во Формула 1 продолжува со Големата награда на Мајами од 3 до 5 мај....
Тројца се недопирливи во Манчестер јунајтед, сите останати можат да си одат
Топ Спорт - пред 1 ден
Сер Џим Ретклиф еден од најбогатите Британци и сосптвеник на 25 отсто од акциите на Манчестер јунајтед, незадоволен од резултатите на тимот, во летниот преоден рок ќе направи темелна реконструкција. Многу играчи би можеле да го напуштат клубот од Манчестер, кој е на шестото место во Премиер лигата и со години талка по заминувањето на легендарниот тренер Сер Алекс Фергусон. Според „марка“, само тројца играчи сигурно ќе останат во клубот. Тоа се Расмус Хојлунд, Алехандро Гарначо и Коби Мајно. Сите останати се поделени во две категории, оние кои Јунајтед сака да ги продаде за да заработи и купи подобри играчи, и оние од кои Јунајтед сака да се ослободи по секоја цена. Касемиро, Рафаел Варан, Хари Мегваер, Антони, Кристијан Ериксен, Мејсон Маунт, Андре Онана, се фудбалерите кои можат да заминат доколку дојде вистинската понуда за нив. Арон Ван-Бисака, Џејдон Санчо, Дони ван де Бек, Мејсон Гринвуд и Амад Диало се меѓу играчите од кои Јунајтед планира да се ослободи....
Турски милионер го купува Марибор
Топ Спорт - пред 1 ден
Турскиот милионер Ацун Иликали наскоро ќе го заврши преземањето на словенечки Марибор. „Ги почитувам и другите клубови, Мура е успешен клуб, Олимпија е добро познато име во Европа, исто така и Марибор“, изјави тој за Спортклу Словенија“. „На крајот морате да донесете одлука, баравме и размислувавме два месеци, но сега мислам дека тимот и јас одлучивме дека ова е вистинскиот проект со одлични навивачи, одлични луѓе и голем град. Ми беше многу важно да имам аеродром во близина бидејќи постојано патувам. Мал аеродром да доаѓам и заминувам, а работа да не трпи. Јас сум луд по фудбал и сакам да гледам што повеќе натпревари“. Ова значи дека Марибор за прв пат во својата историја ќе има странски инвеститор. Марибор 16 пати беше шампион на Словенија, освои девет Купа и четири словенечки Суперкупа, а три пати играше во групната фаза од Лигата на шампионите. Сезонава не им оди баш најдобро, се само третопласирани зад Целје и Олимпија. Иликали веќе е сопственик на англиски Хал Сити, а претходно раководеше со холандската Фортуна Ситард и ирскиот Шелбурн. Сопственик е на ТВ каналите TВ8 и TВ8.5, како и на турската дигитална платформа „Ексен“. Од 2018 до 2021 година тој беше на листата на 500 највлијателни бизнисмени во медиумскиот и забавниот сектор....
Литванија со НБА ѕвезди во напад на олимписката виза
Топ Спорт - пред 1 ден
Домантас Сабонис и Јонас Валанчиунас сакаат да играат за Литванија на квалификацискиот турнир за Олимписките игри во Париз, изјави селекторот на кошаркарската репрезентација на оваа земја, Казис Максвитис. „Имаа тешка сезона во НБА. Разговарав со двајцата, ме побараа планови за подготовка. Националниот Сојуз ги усогласува сите услови околу осигурувањето. Ветија дека ќе играат“, изјави Максвитис. Сабонис и Валанчиунас последен пат заедно играа за Литванија на ЕП 2022 година. Валанчунас играше, додека Сабонис го пропушти СП минатат година. Сабонис е член на Сакраменто кој не успеа да се пласира во НБА плеј-офот. Литванскиот кошаркар сезонава во НБА лигата имаше просек од 19,4 поени, 13,7 скока и 8,2 асистенции по натпревар. Валанчиунас е кошаркар на Њу Орлеанс кој беше елиминиран од Оклахома во првото коло од НБА плеј-офот. Оваа сезона имаше просек од 12,2 поени и 8,8 скока по натпревар. Литванија ќе игра во групата А на олимпискиот квалификациски турнир во Порторико против Мексико и Брегот на Слоновата Коска. Во групата Б ќе играат Порторико, Бахреин и Италија. Турнирот ќе се игра од втори до седми јули, а на ОИ ќе се квалификува само победникот на турнирот. Победникот на турнирот на Олимписките игри во Париз ќе игра со селекциите на Србија, Соединетите Американски Држави и Јужен Судан....
Клаузула од милијарда евра за еден од најголемите светски таленти
Топ Спорт - пред 1 ден
Пау Кубарси (17) е новиот супер талент клупската академија на Барселона, Ла Масија. Шпанскиот стопер оваа сезона забележа 30 настапи за тпрвиот тим. Кубарси има договор со Барселона до јуни 2026 година, а трансфер инсајдерот, Фабрицио Романо најави дека клубот сака што е можно побргу фудбалерто да потпише нов договор. Деко, спортскиот директор на Барселона, ги договорил условите со менаџеорот на Кубарси пред две недели. Романо откри дека моментално се средуваат деталите и дека тинејџерот наскоро треба да потпише договор кој ќе има вградена откупна клаузула од една милијарда евра. Секако, Барселона не мисли дека некој ќе ја плати таа сума за играчот, туку сака да го заштити за да не може некој да му и „украде“ во случај да стави помала клаузула. „Трансфермаркт“, веб-страница специјализирана за вредноста на фудбалерите, го проценува Кубарси на 25 милиони евра....
Салах му викал на Клоп: Ќе добијам црвен картон
Топ Спорт - пред 1 ден
Вест Хем и Ливерпул во Лондон минатата сабота одиграа 2:2 во 35. коло од Премиер лигата. Тренерот на Ливерпул, Јирген Клоп, направи тројна замена две минути откако неговиот тим го прими вториот гол. Меѓу другите, во тој момент во игра влезе и најголемата ѕвезда на Ливерпул, Мохамед Салах. Репрезентативецот на Египет пред да стапне на теренот влезе во жестока расправија со Клоп, тој момент го уловија камерите. Англиските медиуми се занимаваа со ситуацијата неколку дена по натпреварот, анагжираа професионален читач од усни. Тој откри дека Клоп го прекорувал Салах затоа што бил премногу бавен за да се подготви за натпреварот, по што почнала расправијата. „Не можам да сторам ништо околу тоа“, рекол Салах, а одговорот на Клоп не е забележан на камерите. Меѓутоа рекол нешто што го вознемирило Салах, толку многу, што почна да вика дека ќе добие црвен картон кога ќе влезе: „Ќе, ќе добијам црвен картон. По седум години, по седум години играње, по седум години играње“, викал египетскиот напаѓач. Потоа ситуацијата ја смири соиграчот Дарвин Нуњез. По натпреварот, Салах прошета низ микс зоната, но одби да одговара на новинарски прашања. Само кратко им дофрли на насобраните новнари: „Ако зборувам денеска, ќе има оган“....
Ерлинг Халанд станува лик во култната видео игра
Топ Спорт - пред 1 ден
Еден од најдобрите напаѓачи во светот, играчот на Манчестер Сити, Ерлинг Халанд (23), не е на нивото од минатата сезона, поради што неодамна беше мета на критики, пред се од поранешните играчи кои денес ги анализираат натпреварите за ТВ куќите. какви стандарди постави Халанд минатата сезона најдобро покажува податокот дека оваа сеозна често го критикуваат, а тој има постигнато вкупно 32 гола (21 во Премиер лигата) на 40 настапи во сите натпреварувања. Вредноста на Халанд за Манчестер Сити, со кого има договор до 2027 година, не е само на теренот, туку Норвежанецот е еден од најпопуларните фудбалери во светот, а неговиот маркетиншки потенцијал е огромен, а тоа го покажува и веста дека ова недела Халанд станува лик што може да се игра во видео играта „Clash of Clans“. Ова е првпат во играта да се додаде вистинска личност, а Халанд ќе стане ликот на „Кралот на варварите“ во текот на месец мај. Халанд ја игра „Clash of Clans“ повеќе од десет години и стапи во контакт со „Supercell“, финските програмери кои стојат зад популарната игра, за да формираат партнерство. „Кога слушнавме дека Ерлинг Халанд е обожавател на нашата игра и сака да биде партнер со нас, тоа навистина беше сценарио од соништата“, изјави Стјуарт Мекгау, генерален директор на „Clash of Clans“. Халанд имал десет години кога првпат ја открил оваа игра, а активно учествува и денес. „Јас сум голем обожавател на играта долго време и знам сè за неа, така што е навистина кул да се појавиш како лик во играта“, рече Халанд....
Роналдо го продаде Крузеиро
Топ Спорт - пред 1 ден
Легендарниот бразилски фудбалер Роналдо ја објави продажбата на Крузеиро. Сопственик на клубот во кој ја започна кариерата, Роналдо стана пред две години. „Мојата мисија е остварена. Целта беше да се обнови Крузеиро, да се врати таму каде што припаѓа и да се предаде на вистинската личност“, рече светскиот шампион од 2002 година на прес-конференција во Бело Хоризонте. Со него беше и новиот сопственик на клубот, Педро Лоуренсо, милионер кој раководи со еден од главните супермаркети во земјата. Детали за продажбата не се откриени, но локалните медиуми јавуваат дека новиот сопственик, како и неговиот претходник, ќе има 90 отсто од акциите за сума која се проценува на 600 милиони реали (110 милиони евра). Во декември 2021 година, Роналдо се здоби со 90 отсто од акциите на Крузеиро, клубот во кој ја започна својата кариера во 1993 година, за сума од околу 400 милиони реали. Четирикратниот бразилски шампион и двократниот победник на Копа Либертадорес, Крузеиро, во периодот пред Роналдо минуваше низ финансиска, поради што клубот во 2019 година испадна од бразилската Серија А. Крузеиро веднаш се врати во елитата под водство на Роналдо, кој го преполови долгот на клубот, моментално седми во бразилското првенство. Поранешниот играч на ПСВ, Интер, Барселона и Реал Мадрид сепак беше мета на критики минатата година за резултатите кои се сметаа за разочарувачки бидејќи Крузеиро ја заврши сезоната на 14. место. „Крузеиро беше на интензивна нега и сега удобно одмара во болнички кревет“, рече Роналдо и му го предаде клубот на Лоуренсо. Инаку, според најавите Роналдо се подготтвува да го продаде и втроиот тим, кој се наоѓа во неговат сопственост. Станува збор за шпанскитиот вторлигаш, Ваљадолид....
Браќата го гледаа Никола Јокиќ изолирани од другите навивачи
Топ Спорт - пред 1 ден
Никола Јокиќ и Денвер успеаја да се пласираат во конференциското полуфинале, откако во пет натпревари го елиминираа ЛА Лејкерс. Петтиот натпревар од серијата избраниците на Мајк Мелоун победија со 108:106 со кошот на Џамал Мареј, а Јокиќ беше на прагот на трипл-дабл 25 поени, 20 скокови, девет асистенции). Во „Бол арена“, во Денвер, изолирани од останатите навивачи на трибините, натпреварот го следеа браќата на Никола Јокиќ. Минатата недела, во натпреварот број 2, постариот брат Страхиња удри навивач на трибините. Браќата на Јокиќ добија места во најгорните редови, изолирани од навивачите и со празни седишта околу нив, што беше начин на Денвер да спречи нов потенцијален инцидент. Да потсетиме, поради целата ситуација од претходниот меч во „Бол арена“, НБА одлучи да покрене истрага, а локалната полиција се обиде да го пронајде човекот кој го удри Страхиња. pic.twitter.com/1pQ89KkGqi — OvoOno (@OvoOnoX) April 30, 2024...
Неопислива трагедија, почина 18-месечниот син на Френсис Нгану
Топ Спорт - пред 1 ден
Камерунскиот борец Френсис Нгану (37) доживеа голема семејна трагедија. Почина 18-месечниот син на поранешниот шампион на УФЦ. „Неговата смрт се случи прерано. Моето момче, пријател, партнер Коби беше среќен и полн со живот. Сега лежи безживотно”, објави Нгану на социјалните мрежи. Засега не се познати околностите за смртта на неговиот син. „Го викнав неговото име, но тој не одговори. Го доби најдоброто од мене и сега веќе не знам кој сум. Животот е неправеден бидејќи удира таму каде што најмногу боли. Како се справувате со нешто како Како се живеесо ова, ве молам помогни ми, не знам како да се справам со ова?“ 💔 pic.twitter.com/aHD685fbMQ — Francis Ngannou (@francis_ngannou) April 29, 2024 Нгану е фантастичен борец и поранешен шампион на УФЦ во тешка категорија, кој сега е под договор организацијата ПФЛ. Изминатите две борби му беа во бокс. И во двете ги загуби од Тајсон Фјури и Ентони Џошуа, иако стручните коментатори беа воодушевени од она што тој го покажа со оглед на тоа што досега се занимаваше со ММА....
Тајсон по 19 години ќе боксува во профи меч
Топ Спорт - пред 1 ден
Бокс-мечот меѓу поранешниот светски шампион Мајк Тајсон и јутјуберот Џејк Пол доби статус на професионална борба. Мечот ќе се одржи на 20 јули на стадионот на Далас Каубојс, во Тексас. Ова значи дека резултатот од борбата ќе влезе во официјалниот настап на двајцата боксери. Што се однесува до другите детали од борбата, најважно за љубителите на боксот е тоа што се дозволени нокаути. Исто така, боксерите ќе користат ракавици од 14 унци, кои се користат во категориите од 68 до 79 килограми. Борбата ќе има најмногу осум рунди во времетраење од по две минути. Овие правила фрлаат сомнеж за доделениот статус на професионална борба бидејќи не се елементи на традиционалниот професионален бокс. Тајсон има 57 години и мораше да добие специјална медицинска дозвола за да се бори. Во кариерата имаше 58 борби во кои забележа 50 победи, од кои 44 со нокаут. Сепак, неговата последна професионална борба беше пред речиси 7.000 дена. Од друга страна, Пол има 27 години и десет борби во кои забележа девет победи, шест со нокаут. Последната професионална борба ја имаше пред 58 дена....
Пресметка на великаните, Реал на гости кај Баерн Минхен
Топ Спорт - пред 1 ден
Баерн Минхен и Реал Мадрид вечерва од 21 часот ќе го започнат полуфиналниот двомеч во Лигата на шампионите. Минатиот викенд Баварците дефинитивно се простија од шампионскиот пехар во Бундеслигата, претходно испаднаа и од Купот на Германија, што значи дека Лигата на шампионите им е шанса сезоната да ја завршат со трофеј. Последен пат без трофеј Баерн сезона заврши пред 12 години. Баварците ќе имаа тешка задача, да го елиминираат Реал Мадрид, кој се наоѓа на чекор од освојувањето на титулата во Шпанија Баерн Минхен и Реал Мадрид одиграа најмногу натпревари во историјата на европските натпреварувања, вкупно 26. Сите се одиграа во рамките на Купот или Лигата на шампионите и сите освен два беа одиграни во елиминациската фаза од елитното европско клупско натпреварување. Досегашниот учинок е 11 победи за Баерн, 12 за Реал Мадрид и три нерешени. Интересно е што никогаш не се сретнале во финалето. Најмногу дуели имале во полуфиналето, дури 14. Реал, три пати успеал да го мине Баерн во полуфиналето и потоа ја освојувал титулата. Баерн има скор 3:1, единствено во 1987 година не успеал да ја освои титулата, откако претходно во полуфиналето го победил Реал. Последните два дуели на „Алијанц арена“ му припаднаа на Реал и двата со резултат 2:1, но и двата се одиграа пред почетокот на серијата без пораз на Баварците во Европа, која започна во април 2021 година. Со неверојатна серија од десет меча без пораз во Лигата на шампионите на УЕФА, со рекордни осум победи и две нерешени средби, а по драматичната елиминација на актуелниот европски првак Манчестер Сити, Реал сега е фаворит на обложувалниците за освојување на ова натпреварување. Ова не е изненадување, со оглед на нивната лидерска позиција во Ла Лига, како и импресивните пет последователни триумфи на гости во Лигата на шампионите. Тренерот на Реал, Карло Анчелоти се враќа во еден од своите поранешни клубови со помалку проблеми со повреди во споредба со неговиот колега Томас Тухел. Повредени се Саша Бои, Тарек Бухман, Кингсли Коман, Габриел Марушиќ, Конрад Лејмер, Матијс де Лихт и Буна Сар, додека под знак прашалник за овој меч за домашните се Серж Гнабри, Џамал Мусиала, Лерој Сане и Дајот Упамекано, додека гостите пристигнаа во Минхен без Тибо Курту и Давид Алаба, кои долго време се повредени, додека Дани Карвахал е суспендиран. Баерн е на пат до седмата европска титула (1974, 1975, 1976, 2001, 2013 и 2020 година), а Реал Мадрид до 15. титула (1956, 1957, 1958, 1959, 1960, 1969, 1969, 200 2014, 2016, 2017, 2018, 2022 година). Победникот за титулата на 1 јуни, на „Вембли“ ќе игра против подобриот од двата натпревари меѓу Борусија Дортмунд – ПСЖ....
Легендата на Нигерија го презеде националниот тим
Топ Спорт - пред 1 ден
Нигерискиот фудбалски сојуз го назначи поранешниот репрезентативец Финиди Џорџ за нов селектор на националниот тим. Џорџ на клупата на Нигерија ќе го замени Португалецот Хозе Песеиро. 53-годишниот тренер му беше асистент на Песеиро 20 месеци. Португалецот ја напушти функцијата откако Нигерија беше поразена од Брегот на Слоновата Коска во финалето на Африканскиот куп на нации. Поранешниот играч на Ајакс и Бетис ќе има задача да избори пласман на Светското првенство во 2026 година. Нигерија, во јуни мора да победи во наредните дба натпревари, против Јужна Африка и Бенин, бидејќи моментално е трета во групата Ц, зад Руанда и Јужна Африка. Џорџ, кој одигра 62 натпревари за националниот тим, беше дел од „златната генерација“ на Нигерија која го освои Африканскиот куп на нации во Тунис во 1994 година....
(Видео) Пеликанс добија метла од Оклахома, Мајами пред елиминација
Топ Спорт - пред 1 ден
Кошаркарите на Оклахома сити Тандер се пласираа во полуфиналето во Западната конференција, а на Бостон Селтикс за пласман во оваа фаза им е потребна уште една победа. Најдобриот тим на Западот, во регуларниот дел од сезоната, Оклахома со 97:89 славеше во Њу Орлеанс и со 4:0 ја доби серијата против Пеликанс. Оклахома до победата ја предводеа Шеј Гилџис-Александер и Џејлен Вилијамс со по 24 поени, додека кај Њу Орлеанс најдобри играчи беа Јонас Валанчиунас со 19 поени и 13 скока и Си-Џеј Меколум, кој постигна 20 поени. Во следното коло од плеј-офот, екипата на Оклахома ќе игра со победникот од серијата помеѓу Лос Анџелес Клиперс и Далас, во таа серија резултатот е 2:2. Бостон стигна до 3:1 и е на чекор до пласман во второто коло од плејофот на Истокот откако на гостински терен го совлада Мајами со 102:88. Дерик Вајт, со личен рекорд во плеј-офот, го предводеше Бостон до победата со 38 поени, Џејсон Тејтум додаде 20 поени со 11 скока, додека Џејлен Браун придонесе за победата со 17 поени. Во тимот на Мајами најдобар беше Бем Адебајо со 25 поени и 17 скока, Тајлер Хиро постигна 19. Messi, Busquets, Alba and Suarez taking in @MiamiHEAT playoff basketball. 🏀 (Via @NBA) pic.twitter.com/enCQbjlKNT — Major League Soccer (@MLS) April 30, 2024 Овој натпревар од трибините го следеше еден од најдобрите фудбалери на денешницата, Лионел Меси. Аргентинецот беше во друштво на соиграчите Луис Суарез, Серхио Бускетс и Џорди Алба, но ниту тие не му помогнаа на Мајами да избегне пораз....
Игор Дуљај повеќе не е тренер на Партизан
Топ Спорт - пред 1 ден
Фудбалскиот клуб Партизан му врачи отказ на тренерот Игор Дуљај. Во последните пет натпревари во Супер лигата, тимот ќе го предводи Алберт Наѓ. Управниот одбор на Партизан, доцна синоќа, ја донел одлуката тренерот да добие отказ. На Дуљај му пресудија четири порази во низа од Чукарички, два од Црвена звезда и ТСЦ. Црно-белите се втори на табелата, а до крајот на сезоната целта им е да останат на второт место на табелата. На пет кола до крајот Партизан има четири бода повеќе од ТСЦ. Партизан, телефонски го известил тренерот за одлуката која била донесена. Повикот го добил откако го завршил гостувањето на една српска телевизија. Игор Дуљај беше на клупата на Партизан како шеф на стручниот штаб од почетокот на март 2023 година и за тоа време ги предводеше црно-белите на 53 натпревари каде забележа 32 победи, седум нерешени и 14 порази....
Премиер лигата на клубовите ќе им го ограничи трошењето
Топ Спорт - пред 1 ден
Клубовите од Премиер лигата направија уште еден чекор кон воведување ограничувања за трошење, објавија британските медиуми. Мерката, која беше поддржана од мнозинството клубови од Премиер лигата, ќе треба да биде ратификувана на на следното Генерално собрание во јуни за да стапи на сила од сезоната 2025/26. Против овој предлог гласаа клубовите од Манчестер, Сити и Јунајтед, односно Астон Вила, додека Челзи беше воздржан, објавија британските медиуми. Ограничувањето на трошоците има за цел да ги замени Правилата за профитабилност и одржливост (ПСР) кои моментално се во сила во Премиер лигата. Тој систем ќе ги ограничи, или ќе ги зацврсти, трошењата на сите клубови. Како последица на тоа, потрошувачката моќ на клубовите со најголеми приходи и најбогати сопственици би била намалена, а со тоа би се зголемила конкурентноста на лигата. Евертон и Нотингем Форест оваа сезона се казнети со одземање бодови поради кршење на актуелните правила на ПСР, еден вид финансиски фер-плеј според кој клубовите, во период од три години не смеаат да имаат загуба поголема од 105 милиони фунти....
(Видео) Јокиќ брилијантен, Мареј повторно меч-винер, Денвер ги елиминира ЛА Лејкерс
Топ Спорт - пред 1 ден
Кошаркарите на Денвер Нагетс ги совладаа Лос Анџелес Лејкерс со 108:106 во петтиот натпревар од првото коло на плејофот на Западот Нагетс со 4-1 во серијата ги елиминираа Лос Анџелес Лејкерс. Повторно кобен за Лејкерси беше Џамал Мареј, кој погоди за победа на три секунди до крајот на натпреварот. Никола Јокиќ, одигра бледо прво и офлично второ полувреме, мечот го заврши со 25 поени, 20 скока и 9 асистенции, но и седум загубени топки. Исто така, на крајот постигна неколку важни кошеви, но најважниот му припадна на Џамал Мареј. Бекот на Нагетс постигна 32 поени и седум асистенции, со 13-28 од поле. Кај Денвер одличен беше Мајкл Портер Џуниор со 26 поени. Во поразениот тим Џејмс постигна 30 поени, Ривс 19, а Дејвис 17, заедно со 15 скока и четири асистенции. Денвер Нагетс во второто коло од плеј-офот ќе играат против Минесота Тимбервулвс....
Лоши вести за Французите пред Европското првенство
Топ Спорт - пред 2 дена
Францускиот фудбалски голман Мајк Мењан го повреди мускулот на десната нога на само шест недели пред Европското првенство, соопшти неговиот клуб Милан. Италијанскиот клуб објави дека Мењан, кој е прв голман на Франција, бил подложен на магнетна резонанца, која ја открила повредата, но не соопшти колку долго ќе паузира. Повредата на Мењан е лоша вест за селекторот на Франција, Дидие Дешамп, кој на 16 мај ќе го објави својот тим за Европското првенство. Првиот натпревар на Европското првенство Франција ќе го одигра на 17 јуни против Австрија....
Ларкин ја одбил понудата на Фенер – останува во Ефес
Топ Спорт - пред 2 дена
Кошаркарот на Ефес, Шејн Ларкин нема да го менува клубот ова лето, пренесуваат шпанските медиуми. Како што пишува Енцестандо, Ларкин ќе остане во клубот од Истанбул иако договорот со турскиот гигант му истекува на крајот на јуни. Се додава дека ја прифатил понудата од Ефес и дека ќе биде нивни играч во следните три сезони, иако наводно имал подобра понуда од Фенербахче, градскиот ривал. Larkin refused Fenerbahce’s offer and has accepted a contract extension with Efes for 3 seasons, I was informed. 🏀 Larkin no se mueve: ha renovado por tres temporadas con el Efes ➡️https://t.co/5i8Yf923rn pic.twitter.com/FQJkXmDRAC — www.encestando.es (@webEncestando) April 29, 2024 Фенербахче му понуди 11,5 милиони евра нето за три сезони, а понудата на Ефес е околу 10,5 милиони исто така за истиот период, но Ларкин реши да остане и да го поддржи новиот проект кој ќе има нов тренер и неколку нови играчи кои ќе дојдат ова лето. Искусниот плејмејкер е во тимот на Ефес од 2018 година и беше дел од тимот кој освои две Евролиги во 2021 и 2022 година....
Хари Наковски нов селектор на одбојкарската репрезентација
Топ Спорт - пред 2 дена
Извор/ vfmkd.org.mk Поранешниот репрезентативец, Хари Наковски е нов селектор на одбојкарската репрезентација на Македонија. Во пресрет на Европската златна лига и квалификациите за Европското првенство во 2026 година, ОФМ реши Наковски да ја преземе улогата на Јошко Миленкоски, кој лани со пласманот во осминафиналето на Европското првенство, го забележа најголемиот успех на националниот тим. „Сакам да упатам благодарност до ОФМ, голема чест е да се наследи и да се работи со Јошко како наше најголемо тренерско име. Се надевам дека со добро здравје и со добра работа ќе ја исполниме целта“, рече Наковски, кој минататa година му беше асистент на Миленкоски. „Оваа сала, овој хотел, ова место, буди големи спомени, тука ги ковавме нашите резултати на последноо ЕП. Тоа беше најубавиот дел од мојата тренерска кариера и сега веќе можам слободно да размислувам за тренерска пензија. Мене ми е време полека да се повлекувам, а со големо задоволство ја предавам палката на Хари, тренер којшто ми помогна мене како селектор и на сите играчи да го дадеме најдоброто. Верувам дека Хари со своите помошници и со моја помош, сега од еден друг агол во насока на логистика, совет, поддршка итн. ќе биде успешен, а јас на тој начин ќе бидам дел од нашиот следен успех“, изјави екс-селекторот Миленкоски. Македонските одбојкари ќе се соберат на 2 мај, ќе тренираат во Струмица до 8 мај кога ќе отпатуваат во Романија, каде ќе играат контролни натпревари со оваа селекција. Потоа ќе се вратат во салата „Парк“ и ќе тренираат до почетокот на Европската златна лига на 17 мај. Македонија ќе биде домаќин на првиот турнир, а за противници ќе ги има Чешка и Естонија. Следните два се во Белгија и во Хрватска. Во август се два од четирите натпревари во квалификациите за ЕП 2026. Акцентот ќе биде ставен токму на нив, затоа што преку Грузија и Грција, Македонија бара шанса за четврто последовно учество на континеталните шампионати....
Пазарната вредност на Јамал зголемена за 134 милиони евра
Топ Спорт - пред 2 дена
Младиот фудбалер на Барселона Ламине Јамал, кој на 13 јули ќе наполни 17 години и официјално е фудбалер со најголема вредност на пазарот. Меѓународниот центар за спортски студии (ЦИЕС) објави рангирање на млади фудбалери до 23 години со најголем раст на пазарната вредност. Првото место со огромна разлика во однос на останатите го зазеде напаѓачот на Барселона, Ламине Јамал, чија цена порасна за 134 милиони евра. Станува збор за периодот од октомври 2023 година до почетокот на април 2024 година. Второто место го зазеде 19-годишниот играч од средниот ред на Бенфика, Жоао Невес (плус 73 милиони евра), а третото место го поделија Бразилецот Савио од Џирона и играчот од средниот ред на Челзи, Кол Палмер. Ламине Јамал е најголемиот талент во последната деценија, кој излезе од младинската школа на Барселона, познатата Ла Масија, а тамошните новинари го нарекоа новиот Меси. Овој тинејџер има договор со Барса до 30 јуни 2026 година....
Мареска размислува за наредната сезона: Целта е да опстанеме во Премиер лигата
Топ Спорт - пред 2 дена
Лестер на две кола до крајот на сезоната избори пласман во Премиер лигата. Вечерва против Престон, сензационалните шампиони од 2016 година ќе имаат можност да го обезбедат првото место во Чемпионшип. Лестер во Чемпионшип се задржа една сезона, на теренот ги предводи ветеранот Џејми Варди, а од клупата Италијанецот Енцо Мареска, кој ги откри целите на клубот за наредната сезона. „На играчите и навивачите им беше тешко да ја прифатат реалноста дека Лестер е во Чемпионшип. Сега, кога се вративме луѓето повторно ќе размислуваат за трофеите во Премиер лигата и ФА Купот или за други работи што ги постигнавме во претходните години. Тоа се добри спомени, но реалноста сега е поинаква. Наша цел не е ниту Премиер лигата ниту ФА Купот, туку само опстанок во лигата“, изјави Мареска. Италијанецот призна дека од срцето му паднал огромен камен кога го видел поразот од Лидс. „Ова е успех што сите го делиме заедно, знам дека им значи многу на сопствениците, играчите и навивачите. Не беше лесно. Тука има многу добри тимови, ова е исклучително конкурентна лига. Ова е фантастичен момент за клубот и треба да славиме, но прво треба да ја завршиме работата. Решени сме да ја завршиме сезоната на прво место“, изјави Мареска....
Колегите го избраа Џејмс за МВП
Топ Спорт - пред 2 дена
Кошаркрот на Монако, Мајк Џејмс, според неговите колеги од Евролигата, треба да го добие признанието за МВП на сезоната. Порталот „Баскет њу“з направи анкета во која учествуваа 35 кошаркари, а Џејмс доби 76 отсто од гласовите. Гласови добија и Факундо Кампацо, Торнике Шенгелија, Најџел Хејс-Дејвис, Вејд Болдвин и Џанан Муса. Тоа не е единственото прашање што „Баскет њуз“ им го постави на испитаниците. Најдобра петорка: Кампацо, Џејмс, Болдвин, Хејс-Дејвис, Лесор. Втора петорка: Ларкин, Хауард, Питерс, Монеке, Весели. Тренер на годината: Ергин Атаман (28 отсто од гласовите), Шарунас Јасикевичиус (24 отсто), Чус Матео (12 отсто). Дебитант на годината: Коди Милер-Мекинтајр Пробив на годината: Чима Монеке Најдобар одбранбен играч: Томас Вокуп (24 отсто од гласовите), Џеријан Грант и Џон Браун (по 20 отсто) Ѕвезда во подем: Габриеле Прочида (41,7 отсто), Тарик Биберовиќ (25 отсто) Евролигата, добитникот на наградата ќе го објави пред фајналфорот кој од 24 до 26 мај ќе се одржи во Берлин....
(Видео) Силва потврди дека заминува од Челзи
Топ Спорт - пред 2 дена
Тиаго Силва потврди дека ќе го напушти Челзи на крајот на сезоната. Договорот на бразилскиот фудбалер со „сините“ истекува во јуни. Во пораката што ја објавија официјалните профили на Челзи на социјалните мрежи, Силва потврди дека на крајот од сезоната го напушта „Стемфорд Бриџ“. „Челзи ми значи многу. Дојдов во клубот една година, а на крајот испадна дека останав четири“, изјави Силва, а потоа продолжи: „Моите синови играат во академијата на Челзи, што ме прави неизмерно горд. Се надевам дека ќе остат тука и по моето заминување и ќе станат дел од клуб кој негува победнички менталитет. Мислам дека јас лично го дадов максимумот во овие четири години“. Дефанзивецот истакна дека и во иднина ќе продолжи да соработува со Челси. „За жал, како што знаеме, се има почеток, средина и крај. Сепак, се надевам дека ова дефинитивно не е крај за мене со клубот. Би сакал да бидам дел од него и во иднина, но во поинаква улога“, вели меѓу другото бразилскиот ветеран во видеото. Силва дојде во Челзи во 2020 година од Пари Сен Жермен, а претходно играше за Милан, Флуминенсе, Динамо Москва, Б тимот на Порто, Хувентуде и бразилскиот Футебол. Four years, countless memories. A message from Thiago Silva… pic.twitter.com/f2YbB4GMXY — Chelsea FC (@ChelseaFC) April 29, 2024...
Лазаров го објави спискот за баражот со Фарски Острови
Топ Спорт - пред 2 дена
Фото/ macedoniahandball.com.mk Селекторот на на Македнија, Кирил Лазаров го скрати списокот на ракометари за бараж натпреварите со Фарски Острови, за пласман на Светското првенство, кое во јануари наредната година ќе се одржи во Хрватска, Данска и Норвешка. На спиското на селекторот има само тројца интернационалци (Никола Митревски, Филип Талески и Никола Костески), сите останати настапуваат во домашното првенство. Собирот на репрезентацијата е закажан за 3 мај во Скопје. Првиот натпревар, Македонија ќе го одигра на гостински терен на 8 мај со почеток во 20:00 часот , а ревашот е четири дена подоцна во Скопје....
(Видео) Простачки гест на Дамфрис на прославата на титулата
Топ Спорт - пред 2 дена
Фудбалерите на Интер заедно со своите фанови ја прославија 20. титула во Серија А. Според италијанските медиуми, низ улиците на Милано титулата ја славеле околу 300.000 навивачи, повеќе од 20.000 имало на главниот плоштад каде се одвиваше центрачниот дел од прославата. Our Starry Night 🖼️⭐️⭐️#ForzaInter #IM2Stars pic.twitter.com/0a0iqMKyzN — Inter ⭐⭐ (@Inter_en) April 28, 2024 Хит на прославата беше еден навивач, кој обоил крава во боите на Интер, и ја донесе меѓу навивачите како специјален гостин. Ospiti speciali 🤣⚫️🔵 pic.twitter.com/f2p71FZLp7 — LineaInter (@linea_inter) April 28, 2024 Во негативен контекст се „истакна“, фудбалерот на Интер, Дензел Дамфрис. Поради неговото однесување Фудбалскиот сојуз на Италија отвори истрага. На прославата, репрезентативецот на Холандија вееше знаме на кое со ланец како куче го држи играчот на Милан, Тео Ернандез. ⛓️😳 Inter's Denzel Dumfries holding up a poster of him chaining up Theo Hernandez during title celebrations! 🚐 pic.twitter.com/1jWDToJxX3 — EuroFoot (@eurofootcom) April 28, 2024 Минатиот понеделник, кога Интер го победи Милан со 2:1 и математички ја обезбеди титулата, во финишот на натпреварот жестока пресметка имаа Дамфрис и Тео Ернандез, поради што двајцата беа исклучени....
Историски лош учинок за Нуркиќ
Топ Спорт - пред 2 дена
Репрезентативецот на Босна и Хрцеговина, Јусуф Нуркиќ не може да се пофали со успешни настапи во НБА плеј-офот. Центарот на Феникс Санс има 3-17 во плеј-офот, што е најлошиот процент во историјата на НБА, во конкуренција на кошаркари кои одиграле најмалку 20 плеј-оф натпревари. Феникс Санс, испаднаа во плеј-офот од Минесота без да забележат победа. Вулфс славеа со чисти 4:0. Нуркиќ, во четвртиот натпревар имаше девет поени, осум скока и пет асистенции. Овој 29-годишен кошаркар е во НБА од 2014 година, кога дојде во Денвер, каде играше три сезони. Од 2017 до 2023 година беше член на Портланд, а минатото лето се пресели во Феникс....
(Видео) Иџе вози Ферари на ридски патеки
Топ Спорт - пред 2 дена
Игор Стефановски – Иџе вчера го освои третото место, во „Група 1“ на трката во Рехберг, Австрија. Иџе во Австрија настапи со новиот автомобил „Ферари 488“. Резултатот што го постигна е извонреден со оглед на тоа што се уште се „запознава“ со новиот автомобил. По трката во Рехберг за која беа пријавени 247 возачи од 18 земји Иџе на социјалните мрежи објави видео и напиша: Дали знаете како е да се вози Ферари на ридски патеки?...
Навивачите револтирани, не сакаат Лопетеги да биде нов тренер
Топ Спорт - пред 2 дена
Стефано Пиоли, на крајот од сезоната, по пет сезони ќе го напушти Милан. Резултатите се тие кои му пресудијата на тренерот кој на клубот му донесе шампионска титула во 2022 година. Американските газди, минатата недела, според медиумите, донеле одлука Хулен Лопетеги од наредната сезона да го предводи Милан. Хулен Лоптеги е без работа од октомври минатата година кога се раздели со Вулверхемптон. Италијанските медиуми тврдат дека двете страни си пуштиле рака за тригодишен договор, вреден 4.000.000 по сезона. Како одговор на плановите на клубот, навивачите на Милан покренаа акција „НОпетеги“. Со ова јасно ставија до знаење дека не го сакаат Шпанецот во тимот. Фановите на Мила се надеваа дека звучно име ќе седна на клупата. Се надеваа на Антонио Конте, Роберто де Зерби или хитот на сезоната Тиаго Мота....
Дагнолт тренер на сезоната во НБА лигата
Топ Спорт - пред 2 дена
Тренерот на Оклахома сити Тандер, Марк Дагнолт е прогласен за најдобар тренер во НБА, објави лигата. Во својата четврта сезона на клупата на Оклахома, Дагнолт го предводеше тимот до првото место во регуларниот дел од сезоната, Западната конференција со 57 победи и 25 порази. Тој освои 89 од можните 100 гласови и со вкупно 473 поени стана вториот тренер на Оклахома, по Скот Брукс, кој го освоил ова признание. Дагнолт наградата ја доби пред колегите од Минесота и Орландо, Крис Финч и Џамал Мозли. Финч со Минесота го освои третото место на Западот со скор од 56 победи и 26 порази, а во првото коло од плеј-офот Минесота го елиминира Феникс и се пласираше во конференциското полуфинале. Мозли го предводеше Орландо до петтото место во Источната конференција со 47 победи и 35 порази....
(Видео) Ри-брејк на Клиперси, Минесота го почисти Феникс, Индијана води против Милвоки
Топ Спорт - пред 2 дена
ЛА Клиперс направија ри-брејк, откако во фантастичен натпревар победија во Далас. Резултатото во оваа сероја сега е 2:2. Минесота преку Феникс се пласираше во полуфиналето на Западот. Вулвс ги почистија Феникс Санс со 4:0. Пред елиминација се и Милвоки Бакс, кои губат во серијата од Индијана со 3:1. Пред три години во големото финале играа Феникс Санс и Милвоки Бакс. Оттогаш, тие направија големи промени во тимовите со надеж за дополнително подобрување, но тоа не се случи. Минесота го победи Феникс со 122-116, додека Бакс доживеаја пораз од Индијана 126-113. Бакс од почетокот на серијата се без својот најдобар играч Јанис Адетокумбо, во натпреварот број4 беа и без Демијан Лилард и двајцата се под знак прашалник за петтиот натпревар во Милвоки. Индијана постигна 22 тројки, што е тимски рекорд во плеј-офот, а повторно блескаше Мајлс Тарнер со 29 поени, а Тајрис Халибартон додаде 24 поени. На другата страна најефикасен беше Брук Лопез со 27 поени и девет скока, Крис Мидлтон уфрли 25 поени. Мидлтон го повреди скочниот зглоб во второто полувреме, Пет Конатон ги повреди ребрата, а Боби Портис беше исклучен на средината на првото полувреме во кое имаше шест технички грешки. Минесота го совладаа Феникс со 122-116 на крилата на 40 поени на Ентони Едвардс . Карл-Ентони Таунс постигна 28 поени, а МекДаниелс додаде 18 (две важни тројки на крајот). Вулвс во полуфиналето го чекаат победникот од серијата меѓу Далас и ЛА Лејкерс. Со само двајца играчи Санс не можеа да се носат со Минесота. Фантастичниот Девин Букер постигна 49 поени, со девет скока и шест асистенции, а Кевин Дурент забележа 33 поени, девет скока и пет асистенции. Нестварен меч одиграа Далас и ЛА Клиперс. Победија гостите од Лос Анџелес со 116:111. Далас, на крилјата на Кајри Ирвинг успеа да се врати од минусот од 31 поен и на две минути до крајот да дојдат до предност (105:104). Налетот Клиперси го одбија со нестварната тројка на Пол Џорџ и симултанката која Џејмс Харден ја одигра во последните три кминути од натпреварот. Харден и Џорџ постигнаа по 33 поени. Харден 13 од нив постигна во последните три минути. Далас го предводеше Ирвинг со 40 поени, Лука ДОнчиќ имаше лоши проценти на реализиција, но забелржа трипл дабл од 29 поени и по 10 скока и асистенции....
Пари Сен Жермен повторно е шампион на Франција
Топ Спорт - пред 3 дена
Фудбалерите на Пари Сен Жермен на три кола до крајот обезбедија нова титула во Лига 1. „Светците“ во саботата одиграа 3:3 против Авр, но Лион во неделата победи против Монако и со тоа им ја обезбеди титулата на тимот на Луис Енрике. ПСЖ има 70 бодови, 12 повеќе од Монако. За ПСЖ ова е 12-та титула, трета по ред. Во последните 12 години, ПСЖ не беше шампион на Франција само во 2017 (Монако) и 2021 година (Лил). До крајот на сезоната ПСЖ ќе се фокусира на полуфиналето од Лигата на шампионите против Борусија Дортмунд, како и финалето на Купот против Лион....
(Видео) Тренерот на АЕК се тепаше со играч на ПАОК
Топ Спорт - пред 3 дена
ПАОК во Солун го победи АЕК со 3:2 во 34. коло од грчкото првенство. ПАОК со пресврт во последните 10 минути го победи лидерот на табелата, а по завршувањето на натпреварот тренерот на гостите Матиас Алмеида влезе во конфликт и се степа играч на ПАОК по што настана целосен хаос. Домашните поведоа во третата минута од играта, а стрелец беше 21-годишниот Јанис Константелиас. Гостите се вратија по само шест минути благодарение на голот на Мексиканецот Орбеилно Пинеда. Мрежите потоа мируваа до 75. минута, кога Домагој Вида погоди за АЕК по центаршут од слободен удар. Сепак, тогаш започнува лудиот пресврт на домашните. Најпрво во 81. минута Константелиас го постигна својот втор гол на натпреварот, а во 90. минута Шпанецот Жоан Састре погоди за конечни 3:2. На крајот од мечот дојде до тензии на двете страни, а тренерот на АЕК Алмеида се пресмета со Тајсон, напаѓачот на ПАОК. АЕК останува лидер со четири бода предност пред Панатинаикос, кој денеска киксна и загуби дома од Арис со 0:1 и пред ПАОК, кој има натпревар помалку....
Уникаха ја освои Лигата на шампиони на ФИБА, Пери МВП на завршниот турнир
Топ Спорт - пред 3 дена
Кошаркарите на Уникаха ја освоија Лигата на шампионите на ФИБА со триумф над Тенерифе со резултат 80:75. Завршниот турнир на натпреварувањето основано во 2016 година се одржа во Белград. Уникаха, во целост го имаше под контрола финалниот меч, имаше предност од почетокот до крајот на натпреварот, а најголемата предност изнесуваше +15. Кендрик Пери беше најефикасен со 17 поени. Нему адекватно друштво му правеше Нихад Ѓедовиќ со 14 поени, а двоцифрен беше Тајсон Картер со 10 поени. Кај поразениот тим Кајл Гај постигна 18 со шест скока, Џорџи Шермадини постигна 16 со шест скока, а Марселињо Хуертас имаше 14 со девет асистенции и пет скока. Ова е трет европски трофеј за Уникаха, по Купот на Радивој Кораќ во 2001 година и Еврокупот во 2017 година. За МВП на завршниот турнир е прогласен Американецот со црногорски пасош од редовите на Уникаха, Кендрик Пери....
(Видео) Убедлив пораз на Рајо Ваљекано во Виљареал
Топ Спорт - пред 3 дена
Столе Димитриевски со Рајо Ваљекано доживеа пораз на гостувањето во Виљареал со 3:0 во 33.коло од Ла Лига. Виљареал ја продолжи серијата одлични резултати и остана во конкуренција за пласман во Конференциската лига. „Жолтата подморница“ со 45 освоени бода скокна на деветтата позиција. Рајо Ваљекано е во безбедната зона, се наоѓа на 15.место на табелата со 34 бода. Биљареал до победата го предводеше Норвежанецот, Александар Серлот. Тој најпрвин погоди во 18. минута, во 30. минута повторно беше стрелец, но голот беше поништен поради офсајд. Во 69. минута Москера ја искористи асистенцијата на Баена за 2:0, а во 74. додаде истиот играч му асистираше на Серлот за 3:0. Во следното коло Виљареал и гостува на Селта, додека Рајо Ваљекано ја пречекува Алмерија која и математички испадна во Сегунда....
(Видео) Серија А: Без победник во „Дербито на сонцето“
Топ Спорт - пред 3 дена
Фудбалерите на Наполи и Рома ремизираа 2:2 во „Дербито на сонцето“. Сите четири гола беа постигнати во второто полувреме. Серијата ја отвори Паоло Дибала од пенал во 59. минута. Интересно, Дибала прв пат во кариерата постигна гол на стадиното кој го носи името на неговиот славен сонародник Диего Марадона. Само пет минути подоцна возврати Матиас Оливеира, а Хвича Кварацкелија избори пенал, кој во гол го претвори Виктор Осимен во 84.минута. Нигериецот го постигна 14. гол во Серија А оваа сезона. Рома од пораз ја спаси Тејми Ејбрахам во 90.минута. За Англичанецот, кој долго време отсуствуваше поради повреда, ова беше прв гол по пауза од една година. Рома моментално е петта на табелата со 59 бодови, додека Наполи е осми со девет бодови помалку. Рома до крајот ќе води жестока борба со Аталанта за петтото место. Аталанта, која има два бода помалку и натпревар помалку од Рома, во истиот термин го обеди Емполи со 2:0. Стрелци беа Марио Пашалиќ од пенал во 42. минута и Адемола Лукман во 51. минута....
Глазер ќе ја напушти Црвена звезда
Топ Спорт - пред 3 дена
Омри Глазер си заминува од Црвена Звезда на крајот од сезоната. Раководството на шампионот на Србија, според „Спорт Клуб“, го договорило трансферот на голманот во Франција. Израелецот е еден од најдобрите играчи на Црвена звезда оваа сезона, во клубот пристигна минатото лесто за 1.200.000 евра од Хапоел Бер Шива. Се очекува српскиот шампион да заработи околу 4.000.000 евра од трансферот. Инаку, Црвена звезда по завршувањето на сезоната ќе ги објави финасиските детали и името на новиот клуб. По заминувањето на Глазер, Црвена звезда ќе ангажира голман кој не е странец, а во клубот најверојатно ќе се врати Милан Борјан, кој сезонава е позајмен во Слован од Братислава....
(Видео) Сити победнички го мина тешкото гостување во Нотингем
Топ Спорт - пред 3 дена
Манчестер сити, во 35.коло забележа важна победа во борбата за шампионската титула. „Граѓаните“ славеа во Нотингем со 2:0, на табелатаа имаат бод и натпревар помалку од лидерот Арсенал. Конечниот резултат не ја дава вистинската слика на се она што се случуваше на стадинот во Нотингем. „Шумарите“ промашуваа, а актуелните шампиони максимално ги користеа своите шанси. Сити поведе со голот на хрватскиот репрезентативец Јошко Гвардиол во 32. минута по корнерот на Кевин де Брујне. До тој момент избраниците на Пеп Гвардиола не создадоа ниту една шанса, не блескаа ниту во преостанатиот дел од натпреварот, но Ерлинг Халанд во 71. минута се најде на вистинското место и го постигна својот 21. гол сезонава. Избраниците на Нуно Еспирито Санто храбро им се спротивставија на „Граѓаните“, имаа повеќе од играта и создадоа неколку исклучителни шанси, но несфатливо е како домашните играчи несмасно реагираа во неколку ситуации, пред се Новозеланѓанецот Крис Вуд, кој промаши две чисти шанси, а една голема шанса не реализираше Бразилецот Муриљо. Проблем за Сити во преостанатиот дел од сезоната би можела да биде повредата на првиот голман Едерсон. На паузата меѓу двете полувремиња го замени Стефан Ортега....
Струга ги врати Шкупи и Шкендија во борба за титулата, реми во скопското дерби, Вардар загуби во Струмица
Топ Спорт - пред 3 дена
Шкендија и Шкупи го искористија поразот на Струга и се вратија во борбата за шампионската титула. Шкендија на домашен терен убедливо го порази Гостивар со 4:1, Шкупи со пресврт и со гол во 97.минута славеше над Тиквеш, а бранителот на трофејот Струга загуби од Силекс 2:3, и покрај тоа што имаше водство од 2:0. По 29 рунди Струга и Шкупи имаат по 58 бода, три повеќе од Шкендија. Интересно до крајот на сезоната ќе биде и во борбата за опстанок. АП Брера се чини дека го обезбеди опстанокот откако славеше над Вардар 2:0. Црвено-црните се во бараж зоната имаат пет бода помалку од Воска спорт, која убедливо гја победи Брегалница со 4:0 и шест помалку од Работнички. „Романтичарите“ во градската пресметка со Македонија ЃП одиграа 1:1. Резултати, 29.коло: АП Брера-Вардар 2:0 (Цветаноски 24’) Работнички-Македонија ЃП 1:1 (Билали 66’ – Ларсон 45+3’) Струга-Силекс 2:3 (Ибраими 23’, Радески 34’ – Игњатов 36’, 48’, Каланоски 52’) Шкендија-Гостивар 4:1 (Шала 2, 9’, Адеми 54’, Цинари 88’ – Кехинде 81’) Шкупи-Тиквеш 3:2 (Воша 39’, Аворнио 86’, Дуду 97’ – Спахиу 53’, 82’) Воска спорт-Брегалница 4:0 (Јашароски 11’, 21’, Георгиев 44’, Марушиќ 82’) Табела:...
(Видео) Арсенал го доби Тотенхем во градското дерби
Топ Спорт - пред 3 дена
Фудбалерите на Арсенал успешно ја продолжуваат трката за титулата во Премиер лигата. „Топџиите“, гостуваа кај најголемиот ривал Тотенхем и славеа драматична победа во дербито на северен Лондон. Натпреварот на стадионот на Тотенхем заврши со резултат 2:3 (0:3). Арсенал со оваа победа ја зголеми предноста на врвот на табелата на четири бода од второпласираниот Манчестер Сити, но шампионот на Англија има два натпревари помалку. Се чинеше дека се е решено во дербито на северен Лондон по нешто повеќе од половина час игра кога гостите дојдоа до предност од три гола. „Топчиите“ поведоа само една минута откако голот на Хаверц беше поништен поради офсајд. Се играше во 15. минута, корнерот го изведе Букајо Сака, а Данецот Пјер Емил Хајберг си постигна автогол. Тотенхем одговори многу брзо, во 21. минута Ромеро најпрвин ја погоди стативата, а само минута подоцна Мики Ван де Вен ја затресе мрежата на Арсенал, но ВАР утврди дека младиот Холанѓанец бил во офсајд на почетокот на акцијата. Домашните продолжија да напаѓаат, во 27. минута имаше гужва во шеснаесетникот на гостите, во првиот момент се чинеше дека Тотенхем може да добие пенал (Кулушевски падна), но Арсенал изведе брза контра која ја заврши Букајо Сака. Само десет минути подоцна веќе беше 0:3. Деклан Рајс изведе уште еден корнер, овој пат од левата страна, а Каи Хаверц беше најснаодливиот играч во шеснаесетникот на Тотенхем. Второто полувреме започна со отворена игра и шанси на двете страни, а домашните на крајот постигнаа гол во 64. минута по големата грешка на голманот на Арсенал, Давид Раја. Шпанецот буквално му ја подари повратната топка на Габриел на Кристијан Ромеро, а Аргентинецот без мака ја затресе мрежата на гостите. Во 87. минута беше досуден пенал за Тотенхем, по фаулот на Деклан Рајс врз Бен Дејвис. Сон Хеунг-Мин ја зеде топката и буквално ја заби во мрежата. Тотенхем се обиде да стигне до сензационално реми, но резултатот повеќе не се менуваше. Тотенхем со овој пораз ги намали шансите во борбата за место кое води во Лигата на шампионите. Моментално се петти во поредокот со дури седум бода помалку од Астон Вила, иако имаат одиграно два натпревари помалку....
Шпанија пред ЕУРО 2024 се соочува со казна од ФИФА и УЕФА
Топ Спорт - пред 3 дена
УЕФА внимателно ја набљудува ситуацијата во Фудбалскиот сојуз на Шпанија и би можела да реагира со исфрлање на шпанските клубови од нивните натпреварувања, објави „АС“ минатата недела. Ако политиката се вклучи во фудбалот, тоа може да биде казна за која ќе размислува највисокото фудбалско тело во Европа. За потсетување, Барселона сака да го тужи националниот сојуз (РФЕФ) за она што го смета за неправда на Ел Класико. Барселона сака по судски пат да го реши спорот дали се оштетени во поразот од Реал Мадрид од 2:3. Спорен е голот на Јамал, односно дали топката по енгивот удар ја мина гол-линијата. Освен овој случај, на УЕФА не и се допаѓа уште еден. РФЕФ се уште не избрала нов претседател, а поради корупцискиот скандал дел од кандидатите се суспендирани. Исто така, Луис Рубиалес, поранешниот претседател на РФЕФ, беше суспендиран од сите фудбалски должности на три години поради сексистичкиот скандал во финалето на Светското првенство за жени. Ако УЕФА ја реализира заканата „АС“, тврди дека шпнските клубови нема да можат да учествуваат во Лигата на шампионите, Лигата на Европа и конференциската лига, а шпанската репрезентација на Европското првенство и Лигата на нации. „Во последните години ФИФА ги казни Перу, ЧАД, Гватемала, Кенија, Тринидад и Тобаго и Зимбабве. Следна на ред би можела да биде Шпанија. Во Нион и Цирих беа шокирани кога се појави информација за можната казна. По состанокот во четвртокот сфатиле дека се случува нешто што досега не е забележано. Двете организации сметаат дека претседателот на Врховниот совет за спорт на Шпанија, Родригез Урибес, прекршил се што е договорено и дека затоа мора да даде убедливо објаснување за своите постапки или Шпанија ќе почне да трпи последици за постапките на Врховниот советот. Овие последици се однесуваат на Евро 2024, Светско првенство 2026 и сите европски натпреварувања на шпанските клубови. Ова не е закана без покритие, сега е реалност“, пишува „Марка“....
(Видео) Интер во историски натпревар со триумф над Торино го прослави Скудетото
Топ Спорт - пред 3 дена
Фудбалерите на Интер пред своите навивачи, со победа на Торино (2:0) на најдобар начин ја прославија 20. шампионска титула, која математички ја обезбедија минатата недела. Натпреварот влезе во историјата на италијанскиот фудбал, бидејќи женска судиска тројка ја делеше правдата. 🏆❤️ Torino give a guard of honour to the Serie A champions Inter! Respect. 🇮🇹 pic.twitter.com/X2lancJRx5 — EuroFoot (@eurofootcom) April 28, 2024 Serie A makes 𝗛𝗜𝗦𝗧𝗢𝗥𝗬 with its first all-women refereeing team for the Inter vs Torino match! 👏 Maria Sole Ferrieri Caputi, Francesca Di Monte, and Tiziana Trasciatti leading the way ✨ 📺 @tntsports & @discoveryplusuk pic.twitter.com/GnkVSLhSRa — Football on TNT Sports (@footballontnt) April 28, 2024 Торино, против шампионот се држеше до 49. минута и исклучувањето на Тамезе. Со играч повеќе на теренот, Хакан Чалханоглу ги постигна двата гола за својот тим, првиот во 56. минута на асистенција на Мхитарјан, а вториот во 60. минута од пенал....
Пеко ја доби битката со Маркез, Мартин не ја заврши трката
Топ Спорт - пред 3 дена
Актуелниот светски првак, Франческо Бањаја, победи на трката за Големата награда на Шпанија. На патеката во Херез доминираа возачите на Дукати, Бањаја од фрабричкиот тим победи пред домшниот миленик Марк Маркез (Гресини Дукати) и Марко Бецеки (ВР46 Дукати). Пеко трката ја заврши за 40:58:053 минути. Второто место го зазеде возачот на Гресини, Марк Маркез, кој водеше антологиска битка со актуелниот шампион и ја мина целта со 0,372 секунди зад победникот. Марко Бецеки задоцни речиси речиси четири секунди зад победникот. Алекс Маркез во вториот Гресини ја заврши трката на четвртото место, веднаш пред Енеа Бастианини (Дукати) и Бред Биндер од КТМ. Топ 10 го комплетираа Фабио Ди Џанантонио (ВР46), Мигел Оливеира (ГасГас), Маверик Вињалес (Априлија) и Педро Акоста (Гас Гас). Маркез и Бецеки тргнаа одлично од првите две позиции, но апсолутен херој на првиот свиок беше Хорхе Мартин. Асот на Прамак Дукати при сопирање влезе малку подлабоко во свиокот, одлично го позиционираше мотоциклот и стигна до втората позиција. ајголеми губитници на стартот беа Биндер и Акоста. Мартин изгледа го инспирираше актуелниот шампион Франческо Бања, кој направи спектакуларно претекнување, со еден маневар ги престигна Мартин и Бецеки. Сепак Мартин не попушти, ја прзеде водечката позиција, а зад неговиот грб беше Бањаја. Шпанецот не го издржа притисокот, направи грешка во осмиот круг, падна од мотоциклот и ја заврши трката. Водечката позиција ја презеде Бањаја, а зад него за второто место се бореа Бецеки и Маркес. Младиот Италијанец ја загуби позицијата од Маркез, кој тргна да го „лови“ Бањаја. На пет круга пред крајот имаше контакт и кратка промена на водството, но Бањаја брзо успеа да се врати на првото место и на крајот да победи. Италијанецот со втората победа сезоната, ја намели предноста на лидерот Мартин на само 17 поени. Од друга страна Марк Маркез по пауза од 558 денови се искачи на победничкиот пиедестал....
Покетино: ВАР го нарушува имиџот на англискиот фудбал
Топ Спорт - пред 3 дена
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута. Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата. „Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино....
(Видео) Два гола и две асистенции, Меси го реши Њу Ингланд
Топ Спорт - пред 3 дена
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија. Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција. Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс. Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции. Гол за гостите постигна и Луис Суарез, а меѓу стрелците се запиша и Американецот Бенјамин Кремаски. In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq — SK10 𓃵🇵🇸 (@SK10_Football) April 28, 2024...
Порто го смени претседателот по 42 години
Топ Спорт - пред 3 дена
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш. Новиот претседател доби дури 80 отсто од гласовите, со што заврши најдолгата претседателска ера во светот на фудбалот. -„Порто повторно е слободен“, изјави Вилаш Боаш откако беше избран. Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38. Покрај тоа, Порто во неговата ера освои дури пет европски трофеи и два Интерконтинентални купа. Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј....
(Видео) Лејкерси се спасија од „метла“, Бостон го вратија брејкот
Топ Спорт - пред 3 дена
Лос Анџелес Лејкерс славеа победа над Денвер на домашен терен со 119:108 во четвртиот натпревар од првото коло на НБА плејофот и го намалија резултатот во серијата на 3:1. По 11 последователни порази, од кои седум во плеј-офот, Лејкерси конечно после година ипол успеаја да ги победат Денвер Нагетс. За да направат нешто повеќе, а тоа победа во серијата ќе им треба колосално достигнување, каков што досега никој во НБА не го направил, а тоа е да станат првиот тим кој го сменил 3-0. На шампионот не му помогна уште еден трипл дабл на МВП кандидатот Никола Јокиќ, втор во оваа серија. Србинот мечот го заврши со 33 поени и по 14 скока и асистенции (10/20 шут од поле, 2/5 тројки). Го следеа ортер и Џамал Мареј, но канадскиот репрезентативец шутираше 9/23 од поле. Можеби соодносот на скокови од 46:39 за Лејкерс беше од пресудна важност. А во тој сегмент апсолутно доминираше Ентони Дејвис кој собра дури 23. Тој имаше 25 поени и шест асистенции. Леброн Џејмс беше најефикасен кај победниците со 30 поени, а двоцифрени беа и ДиАнџело Расел и Остин Ривс со по 21 поен. Кошаркарите на Бостон славеа во третиот натпревар од првото коло на НБА плејофот на гостински терен против Мајами 104:84 и поведоа со 2:1 во серијата. Мајами едноставно беа немоќен. Се можеше да се насети веќе во првата четвртина во која постигнаа само 12 поени, а практично мечот беше решен на полувремето, кога Селтикси дојдоа до предност од 63:39. Кај победниците најефикасни беа Браун и Тејтум со по 22 поени, а Тејтум оствари дабл-дабл со 11 скока и шест асистенции. На другата страна Адебајо запиша 20 поени и девет скока, а Никола Јовиќ забележа личен плеј-оф рекорд 15 поени, осум скока и асистенции....