ПСЖ создаде многу добрри шанси во второто полувреме и беше блиску до израмнувачки гол, но на крајот можеше да мине и полошо и да прими и втор од Борусија Дортмунд. Такво нешто не дозволи капитенот Маркињос кој херојски реагираше и го блокираше Брандт во 84-та минута, потег кој може да има и круцијално значење во една ваква израмнета полуфинална фаза во Лигата на шампионите. Борусија ќе патува во Париз со минимална предност благодарение на голот на Филкруг, но Маркињос не планира да се предаде и најави дека во Париз ќе мора да ги поправат деталите пред противничкиот гол. – Ова беше натпревар во кој два тима сакаа да напаѓаат и се играше офанзивен фудбал. Резултатот е малку фрустрирачки за нас, особено поради шансите во второто полувреме. На вториот меч ќе мора да ги поправите деталите кои прават разлика пред двата гола. – Знаевме што не чека, знаевме каков плус добиваат од навивачите, а примивме гол каков што не смееме да примиме. Цела недела зборевме за ова, зборувавме дека не смееме да дозволиме пас во простор, а на крајот примивме таков гол. Се договоривме дека такво нешто не смее да ни се случи, но на крајот ни се случи. Резултатот е активен и се останува отворено за реваншот. Знаеме дека можеме многу подобро и ќе се обидеме да направиме пресврт вреден финале во Лига на шампиони, – изјави Маркињос....

Реал Мадрид е бранител на титулата во Евролигата и важи за главен фаворит за нов трофеј во најелитното натпрварување, а тоа го потврди и со перфектни изданија во четвртфиналната фаза. „Кралевите“ се први патници на завршниот турнир во Евролигата и повторно се дел од четирите најдобри екипи во Европа, откако на три натпревари испорачаа „метла“ за сонародниците од Шпанија. Басконија во моментов не е дораснат ривал за Реал и не можеше да победни на ниту еден меч, па денеска на домашен терен претрпе нов пораз, трет во низа за конечни 3:0. Актуелниот европски првак на овој начин го обезбеди своето место во Берлин и стана прв тим кој се пласираше на Ф4, а во таа фаза ќе игра со подобриот од серијата меѓу Барселона и Олимпијакос. Реал вечерва победи со 98:102, а на првиот меч во Турција, Фенербахче го победи Монако со 89:78 и поведе со 2:1 во серијата....

Борусија Дортмунд ја одбрани својата тврдина и успеа да оствари посакувана победа во првото полуфинале против ПСЖ, а конечниот резултат на „Сигнал Идуна парк“ им дава мала предност на Германците во пресрет на реваншот во Париз. Натпреваорт беше максимално динамичен и отворен на двете страни и се играше со отворен гард во текот на сите 90 минути, па вистинско чудо е што видовме само еден гол на толку многу стопроцентни шанси. Борусија беше далеку подобра во првиот дел и заслужено стигна до предност во овој дел од мечот преку Филкруг, но во оваа фаза можеше да постигне и втор преку Забицер кој биеше директно во Донарума. ПСЖ успеа да се консолидира во вториот дел и се наметна со агресивен пристап во половината на Борусија, па така домаќините најмногу се закануваа преку контри. Мбапе и Хакими ги погодија двете стативи во иста акција и ова беше најдобрата шанса во почетната фаза на вториот дел, додека во продолжение стопроцентна шанса не реализираше и Дембеле. На спротивната страна, Филкруг промаши зицер и одлична шанса за 2:0, а Маркињос со спектакуларна реакција спречи чист гол на Брандт во 84-та минута, што беше последна стопроцентна прилика на овој возбудлив меч....

Поразот од Вардар во големото дерби донесе доста повозбудлива завршница на ракометната Суперлига, но Еурофарм Пелистер зависи сам од себе и засега без проблеми си ја завршува својата работа. Од натпреврарите до крајот на сезоната, овој денеска против Тиквеш требаше да биде претпоследна голема закана за „зелено-белите“, но ракометарите на домашниот тим запишаа убедлива победа и покажаа дека се цврсто решени да ја одбранат титулата. Пелистер диктираше уште во првото полувреме и на пауза замина со предност од 18:14, но во вторите 40 минути разликата почна да расте и истата стана двоцифрена. Фаворитот на крајот славеше со 35:25 и запиша уште една важна победа во Суперлигата, па сега е чекор поблиску до титулата која сите ја посакуваат. До крајот на шампионатот Пелистер игра уште два натпревари, оној на гостувањето кај Струга, односно оној со Алкалоид на домашен терен....

Вест Хем и Ливерпул ги поделија бодовите изминатиов викенд и одиграа реми со четири постигнати гола, но по крајот на натпреварот најмногу се зборуваше за тензијата која ја имаа Јирген Клоп и Мо Салах. Менаџерот на Ливерпул влезе во расправија со својот напаѓач пред Египќанецот да влезе во игра, па во ситуација кога англиските медиуми ангажираа и експерти за читање на усни за да дознаат што си кажале двајцата еден на друг, денеска пристигна сведоштво од фудбалер кој беше на теренот. Антонио со години наназад е еден од најважните играчи на Вест Хем и најчесто го привлекува вниманието поради постигнати голови, но сега тоа е така поради изјавата која ја даде за клинчот меѓу Јирген и Салах. – Ова не е инсајдерска информација, туку информација од тоа што го слушнавме, тоа што го слушнавме со момците. За ова се зборуваше и во тренинг центарот. Клоп обично ги прегрнува своите играчи и им посакува среќа за играта на теренот. – Салах замина во друг правец кога Клоп го направи тоа и тоа не му се допадна на Јирген. Го праша дали сака да го врати назад на клупа…… Тоа беа зборовите на Клоп, а никој не знае што возврати Салах. Тоа беше интересна ситуација за сите, – гласи изјавата на Антонио....

Ал Наср е вториот патник во големото финалел на кралскиот Куп во Саудиска Арабија, откако тимот во кој лидер е Кристијано Роналдо вечерва го победи Ал Калеј со 3:1. По вчерашната победа на Ал Хилал, денеска падна одлука кој ќе им се спротистави на „сините“ во големото финале во Кинг Купот, па одговор на тоа прашање добивме вечерва во меч во кој главната улога ја имаше Роналдо. Португалецот постигна два гола и му овозможи на Мане да изведе пенал и да се запише во листата на стрелците, но најголемо внимание привлече со начинот на кој го отвори резултатот. Неповторливиот голгетер постигна несекојдневен погодок со својата послаба лева нога, а притоа покажа извонредна техника и погоди со лева без точно да гледа каде е голот. Мајсторијата на Роналдо ги воодушеви фудбалските фанови и ремек-делото беше прикажано од различни агли, а во продолжение се покажа дека истото е најава за победа од 3:1. Мане погоди за 2:0 од белата точка, Роналдо со својот втор гол зголеми на 3:0 во вториот дел, па на крајот видовме и почесен гол од Ал Калеј преку Ал Тераис. CRISTIANO RONALDO WHAT A GOAL THE GREATEST OF ALL TIME pic.twitter.com/ZFK9db6dh5 — Janty (@CFC_Janty) May 1, 2024 Stop that, Cristiano Ronaldo. pic.twitter.com/EzgkIuY8Z6 — TC (@totalcristiano) May 1, 2024 ‘F*ck it, I’m Cristiano Ronaldo.’ pic.twitter.com/gSsclWZ90X — TC (@totalcristiano) May 1, 2024 RONALDOOOOOOOOOOOOOOOOOOOOOOOOOOOOOOOOO 887TH CAREER GOAL FOR THE GREAT CRISTIANO RONALDO 🐐 pic.twitter.com/3a2YQQ5QNF — fan (@NoodleHairCR7) May 1, 2024...

Томас Тухел се обиде да биде добар прогнозер и типуваше дека Серж Гнабри ќе биде стрелец на гол против Реал Мадрид, но откако тоа не се случи вчера на „Алијанц арена“, новинарите не пропуштиле да му постават интересно прашање на пресот. Германскиот стручњак беше пресамоуверен и со сигурност тврдеше дека Гнабри ќе се запише во листата на стрелците, меѓутоа уште поголемо изненадување беше тоа што Серж не се најде во стартната постава. Репрезентативецот на Германија доби шанса во завршницата и немаше некое посериозно влијание врз играта, но Тухел не се откажува од својот став и сега малку ја промени изјавата за да се справи со инсистирањето на новинарите. – Тој ќе постигне гол против Реал. Ова беше само прво полувреме. Имаме второ полувреме на „Бернабеу“ и тој ќе постигне гол таму, – изјави Тухел. Гнабри беше надвор од тренажен процес во изминатите три недели и најверојатно Тухел не сакаше да ризикува со него, па така место во стартниот тим доби Милер кој одигра извонреден натпревар. Tuchel asked about his statement that Gnabry will score: "It's only first half. We have a second half at the Bernabéu and he will score" 🎥 @HaytersTV pic.twitter.com/v7RqtMrxOM — Bayern & Germany (@iMiaSanMia) April 30, 2024...

Жозе Мурињо е без работа во овој момент и најверојатно ќе има задачи како стручен аналитичар за време на Европското првенство, турнир кој претстојново лето ќе се игра во Германија. Португалскиот стручњак знаел да биде добар прогнозер за големите настани и тоа го покажа на Светското првенство во Русија, а зарпашан за тоа кои се главни фаворити за европскиот трон оваа година, тој не гледа како Италија би ја одбранила титулата освоена на „Вембли“ пред три години. Доскорешениот тренер на Рома верува дека трофејот ќе заврши кај една од трите најсилни репрезентации, а тоа според него се Португалија, Франција или Англија. – Според мене, трофејот ќе заврши кај еден од трите најсилни тима. Тоа се Португалија, Франција или Англија. Може да има изненадувања, но гледајќи го квалитетот и квантитетот, Португалија мора да тргне по титулата на претстојниот европски турнир. – Имав можност да ја водам Португалија, но не ја прифатив понудата. Сега сме на Европско првенство и имаме тренер кој може да направи многу со новата генерација на фудбалери, – порачува Жозе....

На две кола пред крајот на сезоната во италијанската Серија Б го дознавме и првиот патник во елитното друштво, а тоа е славната Парма која низ историјата донесе многу убави спомени во Серија А. По три години минати во втората лига, Парма се враќа во италијанската фудбалска елита и ќе биде дел од Калчото наредната сезона, откако денеска и математички ја обезбеди промоцијата во повисок ранг. Ремито на гостувањето кај Бари со резултат 1:1 донесе потврда на една од првите две позиции на табелата, а доколку победи во претпоследното коло, Парма ќе го завери и првото место. Тоа е најмалку важно во овој момент, бидејќи верните навивачи на Парма почнаа со прослава на успехот кој го оставри тимот предводен од Фабио Пекија, а истото важи и за неутралните фудбалски фанови кои сметаат дека овој тим се враќа онаму кадешто припаѓа. Како што стојат работите, многу блиску до пласман во Серија А е и Комо, клуб кој ваквиот статус може да го обезбеди во следното коло. 𝗜𝘁'𝘀 𝗣𝗮𝗿𝗺𝗔𝗴𝗮𝗶𝗻! 🆙💛💙 pic.twitter.com/YQOiLTsHR4 — Parma Calcio 1913 (@ParmaCalcio_en) May 1, 2024 A club with legendary players in #SerieA history is back among the elite again! 🔝 pic.twitter.com/UF2N2lRSy2 — Lega Serie A (@SerieA_EN) May 1, 2024...

Навивачите на Борусија Дортмунд важат за едни од најстраствените и најпосветените во фудбалска Европа, но тоа посебно доаѓа до израз кога се играат натпревари од највисок ранг. „Милионерите“ денеска ќе играат против ПСЖ во полуфиналето во Лигата на шампионите, а навивачите на Борусија се погрижиле за вистински спектакл уште пред стадионот. Река од навивачи обоени во жолто се упатиле кон стадионот и заедно се погрижиле за дополнително загревање на атмосферата, која се очекува да добие своја кулминација на „Сигнал Идуна парк“. На еден час пред европското дерби, пристигнаа и официјалните состави на двајцата тренери, па Луис Енрике и Един Терзиќ се одлучија за следните 11 во своите постави. Борусија Дортмунд: Кобел, Шлотербек, Хумелс, Матсен, Рајерсон, Џан, Сабицер, Брандт, Адејеми, Санчо и Филкруг ПСЖ: Донарума, Ашраф, Маркињос, Ернандес, Мендеш, Заир Емери, Витиња, Фабијан Руиз, Дембеле, Мбапе и Баркола To be a part of this family is something that can’t be easily described with words… 🖤💛#BVBPSG pic.twitter.com/Sha7F8idMM — Alessandro (@BorussiaPassion) May 1, 2024 The calm before the storm 🟡🟡🟡#BVBPSG pic.twitter.com/vUMEed41X7 — Alessandro (@BorussiaPassion) May 1, 2024...

Јаник Синер го победи Карен Хачанов во три сета и успеа да го пронајде патот до четвртфиналето, но самиот најави дека може воопшто да не се појави на утрешниот меч со Оже Алијасим. За жал, оваа вечер Италијанецот ја потврди лошата најава и соопшти дека нема да излезе на терен, сето тоа како резултат на повреда која не сака да ја влоши со евентуално форсирање. Синер е најдобар светски тенисер во 2024-та година и сигурно ќе беше главен фаворит за титулата во ситуација кога испадна Алкарас, но сега и тој е надвор од ждребот во „Магичната кутија“ во Мадрид. – Јаник Синер се повлече од Мастерсот во Мадрид како резултат на повреда на десниот колк. Поради тоа, тој нема да излезе утре не теренот за чевртфиналето против Феликс Оже Алијасим, – гласи објавата на турнирот. На овој начин, Феликс без борба стана вториот полуфиналист на турнирот во Мадрид, рунда во која ќе го чека подобриот од мечот меѓу Медведев и Лехечка. Jannik Sinner has withdrawn from the Mutua Madrid Open with a right-hip injury. As a result, he will not take to the court on Thursday to play his quarter-final match against Felix Auger-Aliassime. Get well soon, @janniksin 😘 pic.twitter.com/iWFdtEgWrC — #MMOPEN (@MutuaMadridOpen) May 1, 2024...

Сержињо Дест самиот најави дека не размислува да се врати во Барселона после извонредната сезона која ја мина во ПСВ, но неговиот план за останување во Холандија сега добива непосакуван тек. Десниот бек требаше да донесе 10 милиони евра во касата на Барселона по крајот на заемот, но сега прашање е дали холандскиот клуб ќе ја активира оваа клаузула по тешката повреда која ја заработил Сержињо. Дефанзивецот за жал го скинал предниот вкрстен лигамент и ќе мора да прави операција на коленото, што автоматски значи дека во најмала рака нема да игра фудбал до крајот на 2024-та година. Ова е многу лоша вест за него и амбициите кои ги имаше, но исто така лоша и за Барселона која сега може да остане без планираните 10 милиони евра, ако ПСВ на крајот одлучи дека нема да плати толку за тешко повреден фудбалер. – За жал го искинав предниот вкрстен лигамент на коленото и набрзо ќе ме оперираат. Ќе се исфорсирам максимално за да се вратам на посакуваното ниво што побрзо. Ова ќе биде тежок период за мене, но знам дека ќе се вратам посилен, – порача Дест. I was pretty suprised When I heard about the news I never thought that this would happen to me! It’s a difficult time But i’ll face it Come back stronger And make y’all proud againThanks for all the messages and support! 🙏🏽❤️#beastmode pic.twitter.com/ek0ZHACwmz — Sergiño Dest (@sergino_dest) May 1, 2024...

Реал Мадрид го преживеа тешкото гостување во Минхен и успеа да извлече 2:2 против Баерн, но иако најзаслужен за тоа е Винисиус Жуниор кој постигна два гола, за многумина убедливо најдобар играч во Реал беше Тони Крос. Искусниот ветеран беше посебно инспириран против својот поранешен клуб и ја диригираше играта на средината на теренот, но посебно воодушеви со пасот кој му го додели на Винисиус за водство од 0:1. Тони му покажа на Вини каде треба да се движи и потоа му испрати теледиригирана топка, а во целата оваа ситуација, на телевизиските камери им побегна и еден интересен момент. Бразилскиот голгетер не остана рамнодушен на магијата која ја изведе Германецот, па во моментите кога се враќал кон својата половина, му се поклонил на Тони во знак на благодарност за страшното додавање. Винисиус до крајот на мечот постигна и втор гол од белата точка, а истиот беше последен на натпреварот и ги постави конечните 2:2. Vini Jr agradecendo a genialidade do Kroos. Meu alemão é um maestro!!! pic.twitter.com/xnqYoWIyTG — REAL MIL GRAU (@realmilgrauu) April 30, 2024...

Тоа што се шушкаше изминатите неколку дена, денеска беше официјално потврдено од страна на Ред Бул, па така актуелниот Ф1 шампион соопшти дека Адријан Њуи си заминува по крајот на оваа сезона. Легендарниот дизајнер за Ф1 болиди и експерт за аеродинамика беше клучен фактор во сите најважни успеси кои ги оствари Ред Бул во изминатите две децении, а после точно 19 години се решава за друг чекор и нов предизвик во кариерарта. Британскиот инженер самостојно побарал прекин на соработката и од Ред Бул не форсирале во обидот да го премислат Њуи, па така денсека пристигна официјална потврда дека се става крај на една успешна приказна во Формула 1. Оваа вест секако е причина плус да продолжат шпекулациите дека Њуи ќе се пресели во Ферари, но истотвремено почнаа да излегуваат и првите поплаки од најблиското опкружување на Ред Бул, и тоа од Јос Ферстапен, таткото на недопирливиот шампион во овој момент. – Тимот е во опасност да се распадне. Се плашев од ова на стартот на сезоната. За да има внатрешен мир во тимот, клучните луѓе мора да останат на своите места. За жал, гледаме дека тоа не е случај во Ред Бул во овој момент. Њуи си заминува, а на стартот на сезоната изгледаше дека ќе си оди и Хелумт Марко. Ова не е добро за иднината, – вели Јос Ферстапен. BREAKING: Red Bull confirm Adrian Newey will leave the team in early 2025#F1 pic.twitter.com/x0IEZfzYNg — Formula 1 (@F1) May 1, 2024...

Тотенхем забележа болен пораз од Арсенал во големото дерби и мораше да се помири со нов неуспех на домашен терен (2:3), но и покрај тоа, тимот на Анге Постекоглу се уште има математички шанси за влез во топ четири. За да се случи тоа, Тотенхем навистина ќе мора да направи едно мало чудо, не само поради тешкиот распоред кој го има на последните пет натпревари, туку и поради проблемите со повредени фудбалери. „Петлите“ се еден од двата тима кои имаат два заостанати меча и до крајот имаат уште пет рунди, а од споменатите пет кола, три се против Челси, Ливерпул и Манчестер Сити. Тотенхем ќе има исклучително тешка задача да освојува бодови, уште повеќе и поради фактот што до крајот нема да може да смета на Дејвис и Вернер. – За жал, поразот од Арсенал донесе и дополнителни проблеми. Тимо заработи повреда на задната ложа и ќе биде во аут до крајот на сезоната. Има уште три седмици за игра и тој нема да може да се врати. За жал, повреда на листот заработи и Бен Дејвис, па и тој ќе биде во аут во последните пет кола. Единствена добра вест од повредените е онаа со Скип, кој најверојатно ќе може да игра утре против Челси, – изјави Постекоглу....

Празничмото „1-во мајско“ коло во Првата македонска фудбалска лига донесе многу голови и возбуда на натпреварите во нашата земја, а мора да се издвои дека од денеска има нов лидер на првенствената табела. Шкендија на најдобар можен начин ги искористи киксовите на Шкупи и Струга и сега е во пол-позиција за освојување на титулата во домашното првенство, бидејќи тетовските црвено-црни ќе имаат уште поголема самодоверба после пресвртот кој го режираа. Тетовскиот тим беше на работ од пораз и Брера Струмица водеше со 0:2 до 77-та минута, но голоите на Ивковиќ и Цветаноски сепак не ги поколебаа фаворитите, кои во последдните 15-тина минути режираа чудо. Адеми намали на 1:2, Цаке израмни на 2:2, додека Аганспахиќ погоди за целосен пресврт и победа од 3:2 во 94-та минута. Во сличен и крајно драматичен меч, Струга испушти предност од 1:2 против Тиквеш и на крајот загуби со 3:2 во Кавадарци, додека Гостивар на домашен терен го победи Шкупи со резултат 2:0. Во дербито за опстанок, максимално важен натпревар се играше во Штип, каде Вардар успеа да ја победи Брегалница со високи 0:3, и тоа со головите на Шушњара, Дошев и Николовски. Воска Спорт ја победи Македонија Ѓорче Петров со 0:2, додека важен гостински триумф оствари и Работнички кај Силекс со 0:1. Standings provided by Sofascore...

Карлос Алкарас немаше загубено на шпанско тло од 2021-ва година, но на оваа неверојатна серија и дојде крајот, и тоа во четвртфиналето на Мастерсот во Мадрид каде беше бранител на титулата. Шпанскиот тенисер доживеа пораз од расположениот Андреј Рубљов и мораше да му подаде рака и да му честита на Русинот, кој во вториот и третиот сет делуваше како ураган и можеби го одигра и најдобриот тенис во кариерата. Алкарас почна одлично и го доби првиот сет со 6:4, но тоа го разбуди гневот кај Рубљов кој почна да игра моќно и агресивно, но и максимално прецизно од основната линија. Андреј доминираше во секој тениски сегмент и ги доби наредните два сета со 6:3 и 6:2, па така му нанесе навистина тежок удар на Алкарас, кој може да падне на четвртото место на АТП листата доколку Медведев стигне до полуфиналето во Мадрид. За Рубљов пласманот во полуфиналето е најдобар резултат на земјена подлога оваа сезона, а во таа рунда ќе игра со подобриот од дуелот меѓу Серундоло и Фриц. *bweh intensifies* 😤@AndreyRublev97 #MMOPEN pic.twitter.com/xhNhfWxihF — Tennis TV (@TennisTV) May 1, 2024 OH MY ANDREY 🤩@AndreyRublev97 #MMOPEN pic.twitter.com/gC5N4y8pkS — Tennis TV (@TennisTV) May 1, 2024 Establishment: STUNNED 😯 A scintillating @AndreyRublev97 ends Alcaraz’ reign in Madrid – taking out the 2022 & 2023 champion in the quarter-finals!#MMOPEN pic.twitter.com/KajBCSR3X6 — Tennis TV (@TennisTV) May 1, 2024...

Ким Мин-Јае имаше неколку добри реакции во дуелите со Винисиус Жуниор и изгледаше како добар коректор на контра нападите, но сепак Кореецот беше главен трагичар на баварците поради двете грешки кои ги направи во полуфиналето. Играчот кој лани беше избран за најдобар дефанзивец во Серија А едноставно не може да се препознае како член на Баерн, а падот во концентрацијата скапо го платија неговите соиграчи, но и фановите на Баерн. Реал постигна два гола по две негови грешки и со добар резултат се враќа во шпанската престолнина, но бидејќи Ким беше посочен како главен виновник и од Тухел за крајниот исход на првото полуфинале, самодовербата по крајот на мечот била на уште пониско ниво. Како што откриваат германските новинари, Ким минал крај микс-зоната и не застанал да разговара со ниту еден претставник од медиумите, а на заминување испорачал само три збора на корејски: – Многу ми е жал, – порачал Ким, кој пак доби зборови за утеха од капитенот Мануел Нојер. – Зборувавме со Ким во соблекувалната и заклучивме дека грешки се случуваат во фудбалот. Тоа е дел од оваа игра, но тоа не значи дека нема да биде добар на следните натпревари. Неговиот меч не беше целосно лош, имаше и добри моменти на теренот. За жал, донесе некои погрешни одлуки во клучни моменти и за жал тоа е дел од фудбалот, – изјави Нојер....

Реал Мадрид го преживеа тешкото гостување во Минхен и успеа да извлече 2:2 против Баерн, но иако најзаслужен за тоа е Винисиус Жуниор кој постигна два гола, за многумина убедливо најдобар играч во Реал беше Тони Крос. Искусниот ветеран беше посебно инспириран против својот поранешен клуб и ја диригираше играта на средината на теренот, но посебно воодушеви со пасот кој му го додели на Винисиус за водство од 0:1. Тони му покажа на Вини каде треба да се движи и потоа му испрати теледиригирана топка, а во целата оваа ситуација, на телевизиските камери им побегна и еден интересен момент. Бразилскиот голгетер не остана рамнодушен на магијата која ја изведе Германецот, па во моментите кога се враќал кон својата половина, му се поклонил на Тони во знак на благодарност за страшното додавање. Винисиус до крајот на мечот постигна и втор гол од белата точка, а истиот беше последен на натпреварот и ги постави конечните 2:2. Vini Jr agradecendo a genialidade do Kroos. Meu alemão é um maestro!!! pic.twitter.com/xnqYoWIyTG — REAL MIL GRAU (@realmilgrauu) April 30, 2024...

Интер дојде до пехарот во италијанската Серија А, а славјето на 20. Скудето во историјата беше бурно и играчите заедно со навивачите пеаја навредувачки песни кон Милан и кон дел од играчите. Најголем дел од тие скандирања беа насочени кон Тео Ернандес, па токму за тоа новиот италијански првак е санкциониран со 3000 евра. Засега неказнет останува дефанзивецот Дензел Дамфрис кој зема еден банер во кој беше претставен како газда и држеше куче на ланец при што на главата на животното имаше фотографија од Ернандес. Холанѓанецот потоа се извини на социјалните мрежи, но се уште може да биде казнет во зависност од истрагата на спортскиот суд во Италија. Дамфрис ќе биде казнет за гестот на прославата на Интер (ВИДЕО)...

Несреќата во која загина Аиртон Сена предизвика далеку поголемо внимание и паметење отколку која било друго несреќа од овој спорт, кој има долга и брутална историја. Фактот дека несреќата во која загина трикратниот светски шампион кој инспирираше многумина, и сѐ уште е почитуван како најдобриот на сите времиња, предизвика низ промени во спортот, како на планот на безбедноста на болидите, така и при изградбата на патеките и користењето на нови и корисни технологии. Во оваа прилика, потсетуваме на интервјуто што медицинскиот делегат на ФИА, Проф. Д-р Сид Воткинс, го направи со новинарот Зоран Живков, денешен уредник на магазинот „Top speed“. – Имав лошо претчуство и кога добивме порака дека се случила несреќа, односно дека трката е прекината, веднаш знаев дека е во прашање Сена. Кога му пријдов да му ја симнам кацигата, видов дека состојбата е критична и дека има сериозна повреда, дека загубил многу крв. Откако го извадивме од болидот почувствував дека неговото тело се опушти. Ги погледнав неговите зеници, беа вкочанети. Од претходните искуства знаев дека нема да преживее. Направив се што можев, како и моите колеги. Во интервјуто, Д-р Воткинс откри дека откако претходните денови се случиле несреќите на Рубенс Барикело (беше во кома), како и на Роланд Раценбергер (загина во квалификациите пред трката за Големата награда на Сан Марино во 1994 година, истиот гран при викенд со Сена), му имал сугерирано на бразилскиот ас да направи пауза од трките. – Жал ми е што претходниот ден не успеав да го наговорам да земе одмор или да се откаже од Формула 1. Видов под колку голем притисок е, баш не му одеше таа сезона. Му продложив да одиме по риба заедно, бевме навистина добри пријатели. Никогаш, со ниеден возач не бев толку близок, а не запознав друг што толку многу се интересираше за мојата работа. Фото: Зоран Живков и Мартин Цандир...

Хари Кејн беше еден од стрелците за Баерн Минхен во вчерашниот натпревар со Реал Мадрид во полуфиналето на Лигата на шампионите. Англискиот репрезентативец погодоци во второто полувреме од белата точка и тоа откако во казнениот простор беше фаулиран Мусиала. Напаѓачот ја презема одговорноста, ситуација при која сонародникот Џуд Белингем му пријде и се обиде да го дефокусира, но Кејн остана максално мирен, посветен и рутински реализираше. -Да бидам искрен, не знам што зборуваше. Тој мрмореше… Ќе морав да го прашам што рече. Кога сум во тој момент и во таа зона се блокирам, ама сигурен сум дека зборуваше нешто за да се обиде за да ме дефокусира! За среќа, беше во ред за мене, -истакна Кејн. Nothing was going to distract Harry Kane from getting his goal 😤 pic.twitter.com/mR05vjxCPH — Football on TNT Sports (@footballontnt) April 30, 2024 Наводно Џуд му порачал „Знам дека ќе шутнеш лево“....

Мохамед Салах во изминативе денови е актуелен по конфликтот што го имаше со тренерот Јирген Клоп во пресметката со Вест Хем. Напаѓачот реагираше нервозно како никогаш досега кога се подготвуваше да влезе во игра во второто полувреме, а по крајот на дуелот кратко им порача на новинарите дека ќе има пожар ако застане и разговара со нив. Останува да се види дали ова ќе има влијание врз резултатите на „црвените“ во финишот на оваа сезона, сезона која пак според легендарниот Грем Сунес ќе биде последна за Салах на „Енфилд Роуд“. -Има шанси тој да се договорил со Ливерпул на крајот од минатата сезона – летото минатата година. „О, има интерес од Саудиска Арабија“ – но тој им даде дополнителна година. Тоа е како [Кристијано] Роналдо во Манчестер Јунајтед, тој им даде уште една година, а потоа замина во Реал Мадрид [во 2009 година]. Мислам дека има можност тоа да биде случај. Со оглед на тоа што Салах сега има [речиси] 32 години, мислам дека беше фантастичен за Ливерпул, но мислам дека ја сврте главата. -Тој се враќа во муслиманска земја, неговиот мајчин јазик, така што на негова возраст и сè друго, мислам дека има сите шанси тоа да се случи, -порача Сунес за „Токспорт“. Офанзивецот има договор со премиерлигашот до 30 јуни 2025 година....

Три натпревари се одиграа во плејофот во НБА лигата, три средби по кои имаме идентичен резултат на сите водство од 3-2 на екипите на Њујорк Никс, Индијана Пејсерс и Кливленд Кавалирс против Филаделфија Севентисиксерс, Милвоки Бакс, односно Орландо Меџик. Од соочувањата во Њујорк, Кливленд и Милвоки ги имаме најдобрите десет потези, топ листа на која го имаме Макси кој блеска и ја спасува Филаделфија од елиминација, потоа Мобли кој имаше клучна „банана“ во соочувањето со Орландо, а во одбраното друштво се и Лаверт, Беверли, Лопез, Ембид… Standings provided by Sofascore...

Арсенал вложува сериозни финансиски средба во екипата, но засега ги нема посакуваните резултати ако се земат предвид освоените титули. Под водство на Микел Артета клубот од северен Лондон има само еден голем трофеј и тоа е оној во ФА Купот во 2020 година. Во меѓувреме екипата забележа два триумфи во Комјунити Шилд, ама тоа дефинитивно не се некои успеси кои се паметат, односно се бара далеку поголем резултат. Јенс Леман беше дел од една успешна генерација на „топчиите“, па од свој агол се обиде да посочи што и недостасува на оваа екипа. -Тие се многу различни од нас (Непобедливите) во нивниот пристап – многу повнимателни и побавни со топката. Физички, трчаат многу повеќе и имаат повеќе трчања со висок интензитет, но не играат побрзо од нас затоа што бевме тим со еден допир. Сите тие имаат по три, четири допири. И ако сте премногу претпазливи во фудбалот, не можете да освојувате трофеи. Најчесто, најхрабрите тимови ја освојуваат лигата. Би сакал да ја освојат титулата, но тоа ги чинеше во одредени натпревари. Поминаа 20 години откако ја освоивме лигата и се надевам дека Арсенал ќе победи, но тоа веќе не е во нивни раце и тоа е слабост, -истакна Германецот кој говореше и за разочарувањето во ЛШ. -Бев многу разочаран од тоа како загубија од Баерн Минхен во Лигата на шампионите. Потоа, тие покажаа одлична реакција победувајќи ги Челси и Тотенхем. Ама за да бидеш голем клуб, треба да освојуваш трофеи. Тој заврши добра работа, но за жал, разговарате со момче кое го сака Арсенал, сака да победува, а не само да биде таму, -порача Леман....

Интер дојде до пехарот во италијанската Серија А, а славјето на 20. Скудето во историјата беше бурно и играчите заедно со навивачите пеаја навредувачки песни кон Милан и кон дел од играчите. Најголем дел од тие скандирања беа насочени кон Тео Ернандес, па токму за тоа новиот италијански првак е санкциониран со 3000 евра. Засега неказнет останува дефанзивецот Дензел Дамфрис кој зема еден банер во кој беше претставен како газда и држеше куче на ланец при што на главата на животното имаше фотографија од Ернандес. Холанѓанецот потоа се извини на социјалните мрежи, но се уште може да биде казнет во зависност од истрагата на спортскиот суд во Италија. Дамфрис ќе биде казнет за гестот на прославата на Интер (ВИДЕО)...

Ариго Саки како човек кој има оставено голема, длабока трага во Милан секогаш сака да говори за „росонерите“, да дава совети и едноставно да помогне клубот да напредува и се движи во позитивна насока. „Црвено-црните“ остануваат без пехар во оваа кампања и до крајот целта ќе биде да се задржи сегашното второ место на табелата. Меѓутоа како што сега стојат работите тоа нема да му помогне на тренерот Стефано Пиоли да ја задржи работата, поточно информациите говорат дека клубот е во потрага за негов наследник и веќе како опција се неколку имиња. -Ги прочитав имињата на Лопетеги, Фонсека, Галтие, Гаљардо, Тедеско, Ван Бомел и Де Ѕерби. Тренери кои ги познавам и кои навистина ги почитувам. Меѓутоа, настрана од нивното искуство, еден фундаментален аспект не се разгледува. Ако на некој странски играч му треба време да се смести во италијанскиот фудбал, за тренер, тоа е уште потешко. На тренерот му требаат најмалку две сезони за да разбере како е направено. Ова го велам без разлика на вредноста на споменатите тренери. Кој и да пристигне ќе му треба време да се прилагоди на различна култура, -вели Саки и продолжува: -Зошто да не го задржат Пиоли? Верувам дека неговото искуство во Милан е позитивно. Освои титула и во тој случај ги изненади сите и играше забавен фудбал. Ако се биде во ред, тој ќе заврши втор оваа сезона. Тоа значи дека само Интер бил подобар. И јас имам едно прашање. Кој ги избра новите играчи [минатото лето]? Пиоли или директорите? Ако тие беа директори, тогаш одговорноста мора да се подели. Верувам дека Пиоли заслужува почит за се што му даде на Милан и како се однесуваше. Чувствувам дека неговиот престој не би бил план Б. Напротив, тој е тренер кој разбира како да се подобрува со текот на времето. Тој исто така правеше грешки, вистина е. Но, да се греши е човечки. Освен тоа, тој е чесен човек кој имал понизност да се стави под прашање и да ги признае своите грешки, -истакна Ариго кој запрашан за тоа што тој би направил одговори: -Прво, ќе размислам да го задржам Пиоли, а потоа ќе имам втора опција: да ангажирам врвен тренер. Клоп, Анчелоти, Гвардиола и Конте се меѓу најдобрите, но мислам дека нема да бидат достапни за Милан. -Трето е да се избере тренер во подем кој веќе ја докажал својата вредност. Мислам дека Де Ѕерби е спомнат исто така и мислам дека би бил тренер кој би можел добро да работи. Тој има важни искуства. Мислам на времето поминато во Украина, па замина во Англија, во најфасцинантната лига на светот. Тој добро ја познава Серија А. Тој беше добар во подобрување на своите играчи. Друга работа што не треба да се потцени е тоа што тој им дава идентитет на своите тимови, -порача Саки за „Газата Дело Спорт“....

Реал Мадрид остана непоразен во Минхен на пресметката со Баерн Минхен и со тоа се доведе во добра позиција за пласман во големото финале на Лигата на шампионите. На „кралевите“ ќе им биде потребна било каква победа во реваншот на „Сантијаго Бернабеу“, односно таков еден резултат ќе ги доведе до завршниот меч во натпреварувањето, а со тоа воедно многу блиску до уште еден голем трофеј. -Имаме добар резултат. Што се однесува до играта, можевме подобро. Најдобриот период ни беше на почетокот на вториот дел, кога примивме два гола. Баерн е многу опасен тим. Тој ја покажа најдобрата верзија од себе, но ние тоа не го направивме. Имаме време до среда да се подобриме, -рече Анчелоти и додаде: -Им дадовме премногу контрола. Во второто полувреме кога тргнаа напред почнавме повеќе да ги притискаме. Се чинеше дека ни е удобно на теренот, но ни недостигаше интензитет. Загубивме многу дуели. Добро го завршивме натпреварот“. Тука сме да се бориме. Од Лондон сме на 90 минути, порача Италијанецот. Винисиус Жуниор смета дека Реал е подготвен за магична ноќ и финале во ЛШ. -Сега е време за уште една магична ноќ на Сантијаго Бернабеу. Сакавме да победиме во Минхен, но лесно ја губевме топката и Баерн знаеше како да го казни тоа. Следува одмор и подготовки за реваншот, мора да дадеме се во Мадрид. Време е да го вратиме Реал таму каде што му е местото – во финалето на Лигата на шампионите, -изјави Бразилецот. Реваншот е закажан за 8 мај....

Реал Мадрид може да се соочи со Пари Сен Жермен во големото финале во Лигата на шампионите, а при едно такво сценарио ќе можеме да видиме како Килијан Мбапе се соочува со новите соиграчи. Иако официјално не е потврдени, сите релевантни светски медиуми пренесоа дека Мбапе се договорил со „кралевите“ и се чека само вистинското време за да се објави дека напаѓачот ќе го носи дресот на шпанскиот великан. Антонио Ридигер сака предизвици и порача дека е подготвен да се соочи со Мбапе ако се наместат коцките да играат на „Вембли“. -Ако играм против Мбапе во финалето, ние ќе го победиме. Ако ме помине, ќе го уништам, -рече Германецот. -Најдобрите играчи во историјата секогаш доаѓале во Реал Мадрид. Тој е еден од најдобрите играчи во светот, така што би бил добар натпревар. Кој вели дека тој (Мбапе) доаѓа, тоа не е официјално, -дополнил Антонио со насмевка....

Бруно Фернандеш веќе четири години е дел од премиерлигашот Манчестер Јунајтед со кого е под договор од 30 јуни 2026 година. Тој е еден од најважните играчи во екипата, но во фудбалот често се менуваат работите, па така во последната вест која ја објави „Телеград“ офанзивецот не беше споменат како дел од групаат од тројца играчи кои се недопирливи ова лето, односно не можат да бидат продадени. Овие информации дефинитивно допираат до фудбалерите, па така и самиот Португалец не отфрли ниту една опција, односно ја остави вратата отворена за трансфер во преодниот рок. -Во моментов не размислувам за други работи. Очигледно, тоа не зависи само од мене, нели? Играчот секогаш мора да сака да биде тука, но во исто време треба да сакаш тој да остане. Во моментов чувствувам дека тоа го има на двете страни. Не размислувам премногу за иднината, не само затоа што очигледно, оваа сезона досега не беше на нивото на кое се надевав, ниту индивидуално, ниту колективно. -Се уште би можеле да ја завршиме сезоната со освојување на ФА Купот. После тоа, ни претстои многу важно ЕО. Значи, ако сакате да бидам многу искрен, ако треба да размислувам да не продолжам во Премиер лигата, тоа нема да биде дури по ЕП бидејќи ништо нема да може да ми го одземе фокусот од финалето на ФА Купот и ЕП, бидејќи во моментов нема ништо поважно од тоа, -порача Бруно за „ДАЗН“....

Веспрем вечерва му гостува на Алборг во реванш натпреварот од четвртфиналната рунда во Лигата на шампионите, меч пред кој унгарскиот великан објави еден непријатна вест поврзана со Арпад Штербик. 44-годишниот Штербик кој сега е тренер на голманите на Веспрем имал срцев удар. Тој не се чувствувал добро по што отишол во болница каде е утврдено дека имал срцев удар. -Нашиот тренер на голманите, Арпад Штербик не отпатува со тимот во вторникот. Арпи се чувствувал лошо утрината и отишол во болница каде што му е дијагностициран срцев удар. -Благодарение на брзата медицинска интервенција, тој се чувствува подобро и можеби утре ќе ја напушти интензивната нега. Му посакуваме на Арби целосно закрепкување. Те чекаме да се вратип, -порачаа од Веспрем. Само за потсетување Штербик дел од својата кариера ја мина и во Вардар со кој стана и европски шампион....

Екипата на Њујорк Никс не ја искористи првата меч топка во пресметката со Филаделфија Севентисиксерс и тоа во својот дом во „Медисон Сквер Гарден“. Гостите се изборија за тежик триумф од 112:106 по дополнителните пет минути и сега Никси водат со 3-2 во серијата со тоа што мора да се напомене дека наредната средба се игра во Филаделфија што значи дека нема воопшто да биде изненадување ако видиме и мајсторка во оваа битка на Истокот. Играч на средбата беше неверојатниот Макси кој „испука“ 46 поени со 5 скока и 9 асистенции. Особено ќе се памети неговата улога во финишот на натпреварот кога во завршните 25 секунди постигна седум поени и го однесе истиот во продолженија. Херис конечно се разбуди и уфрли 19 кошеви, додека трипл-дабл имаше Ембид од 19 поени, 16 скока и 10 асистенции. Залудни за Никси беа 40 поени на Брансон. Милвоки Бакс пак без двете главни ѕвезди Адетокумбо и Лилард се избори за славје над Индијана Пејсерс од 115:92 и ја пресели серијата во Индијанаполис (3-2 водат Пејсерс), додека пак Кливленд Кавалирс одново води во дуелот со Орландо Меџик, овојпат со 3-2 по триумфот од 104:103....

МКК Куманово е првиот тим кој избори место во најдобрата македонска кошаркарска конкуренција за наредната сезона. Куманово предводен од нашата тренерска легенда Марин Докузовски без ниту еден пораз дојде до посакуваната цел, место во Првата лига. Во полуфиналето беше совладан составот на Ангели со 2-0, првиот меч заврши со 77:47, вториот во во салата „Независна Македонија“ со 71:56. Капитенот Јанески реализираше 26, а Димитриевски додаде 10.поени кај сега веќе новиот прволигаш, додека пак, Атанасов имаше 12 кошеви кај поразените. Во второто полуфинале Шкупи води против Маџари и ако избраниците на Тони Симиќ слават и во денешниот меч тогаш обезбедуваат финале, а со тоа автоматски и пласман во елитната конкуренција....

Баерн Минхен и Реал Мадрид одиграа интересен натпревар кој заврши со по два гола во мрежите на Нојер и Лунин што значи ќе не очекува возбудлив реванш во кој двете екипи ќе почнат од „нула“. Баварците беа поконретни, ја имаа повеќе топката во своите нозе и сметаат дека можеле да се изборат за подобар резултат, меѓутоа тоа не го направија и ќе мора да жешкиот терен во Мадрид за се изборат за нешто повеќе и пласман во финалето на ЛШ. Воедно ова за Томас Милер беше 150 меч во елитната конкуренција и токму тој се најде во фокусот на „Си-Би-Ес“ и даваше интервју кое во еден момент беше прекинато од Орелијан Чуамени кој нетрпеливо чекаше да дојде неговито ред. Германецот тоа го забележа и во свој стил се пошегува. -Чуамени ја прислушкува тактиката за следниот натпревар. -рече Милер со што ги насмеа Абдо, Анри, Ричардс и Карагер кои беа во студиото. Another classic #UCLToday postmatch interview 😂@kate_abdo, Thierry, @Carra23 and @MicahRichards catch up with @esmuellert_ after his 150th Champions League appearance 💪 pic.twitter.com/Y3JVn6y3t1 — CBS Sports Golazo ⚽️ (@CBSSportsGolazo) April 30, 2024...

Деклан Рајс доста време беше еден вид на заштитен знак на Вест Хем, тим без кој не можеше да се замисли почетната постава на „чеканите“, но во одреден момент стана јасно дека тој е подготвен за поголем, позначаен предизвик во екипа со поголеми амбиции. Неговиот потпис на крајот го доби Арсенал кој успеа да ја победи конкуренцијата во која беше и Манчестер Сити, тим кој доминира во Англија и кој е еден од најдобрите во Европа. Сепак Рајс се реши да ги избере „топчиите“ и тоа поради една причина која се издвојува. -Знам дека можев да играм со Родри и во Сити. Ама овој проект ми изгледаше повозбудливо и затоа избрав да дојдам во Арсенал, бидејќи верувам дека тука сме на големи работи, -рече Рајс кој говореше за Шпанецот за кого смета дека е најдобар на таа позиција на светот. -Добро е, уживам. Ние сме различни играчи, чувствувам. Со Родри, тој е роден во Шпанија, отсекогаш бил природна шестка. По начинот на кој игра, можете да забележите дека толку долго работел под водство на Пеп (Гвардиола). Тој е многу поструктуиран од мене. -Очигледно, оваа сезона бев поструктуриран. Но, во однос на начинот на кој играм, се чувствувам како… да бидам слободен уште малку. Постојат различни работи за кои се надополнуваме – но без сомнеж, тој е најдобриот на светот, -порача англискиот репрезентативец....

Рафаел Надал не успеа да избори место во четвртфиналето на Мастерсот во Мадрид или поточно на тој пат му застана Јири Лехечка кој славеше со 2-0 во сетови со 7-5 и 6-4. Ветеранот не можеше соодветно да одговори, поточно да биде на посакуваното ниво по исцрпувачкиот меч кој го имаше во претходната рунда, па иако се бореше на крајот беше поразен во дуелот кој за него најверојатно ќе биде последен во шпанската престолнина. Надал загуби и доживеа неверојатно испраќање во Мадрид, очите му се насолзија и на Чоло Симеоне (Видео) -Ова е шега, ќе се вратам следната година“, го започна својот говор Рафа и ја насмеа публиката која плачеше. -Тежок ден за мене, но животот и телото ми испратија сигнали дека е вистинското време. Можам само да им се заблагодарам на сите кои ми помогнаа во кариерата во одреден момент. Сè уште не е готово, но тука сме. Тоа е подарокот што ми го давате 21 година. Мадрид ми беше поважен од Грен слем. Емоциите од Мадрид ќе останат со мене засекогаш. Имав среќа што успеав да го претворам моето хоби во работа и што добро го работам и не барам ништо повеќе. Се надевам дека успеав да бидам добар пример за новите генерации. Тоа е поважно од титулите. Се надевам дека предизвикав позитивни емоции. Единствено што можам да кажам е благодарам, -рече Шпанецот кој потврди дека ќе настапи во Рим. -Ова беше тежок ден, но сега е реалност. Животот и телото веќе долго време ми праќаат сигнали. Морав да се збогувам играјќи на овој терен, со оние кои најмногу ме трогнаа, каде што играв како што сакав. На крајот, сакам да им се заблагодарам на сите што го овозможија овој турнир, генерациите ќе продолжат да уживаат во оваа атмосфера. Моето семејство ќе ви се заблагодари на денот кога ќе се пензионирам. -Не сакав да плачам, бидејќи не го завршив патувањето со рекетот во рака. Ова беше исклучително емотивна ноќ. Но, не е време да ослободам се што имам во себе во однос на емоциите и не сакам да го ослободам целиот тој адреналин што не можев да го замислам овде на 38 години. Сакам да играм во Рим. Ќе работам напорно за тоа да се случи. Тоа е еден од најважните турнири во мојата кариера, го освоив 10 пати, -порача големиот грен слем шампион....

На бензинската станица на „Макпетрол“ во Визбегово од денес е во употреба брз полнач за електрични возила. Овој уред е прв од десетте нови брзи полначи што во партнерство со ЕВН ќе бидат поставени на фреквентни локации ширум Македонија. – ЕВН ги направи најраните напори за развојот на електромобилноста во Македонија. Во последните седум години поставивме околу 40 полначи за електрични возила на јавни површини во 17 градови низ земјата. Нашите напори продолжуваат со силен фокус на брзото полнење, како главен предуслов за олеснета мобилност на електричните возила на подолги дестинации. Соработката со „Макпетрол“ ни е многу важна – споделуваме сродни вредности, а преку нивната широко распространета мрежа на пумпи низ државата успеваме да се приближиме поблиску до корисниците,– изјави Волфганг Маиер, Претседател на Управниот одбор на ЕВН Македонија. Во 2022 година, на бензинската станица на „Макпетрол“ близу граничниот премин „Богородица“ беше поставен полнач за електрични возила, исто така, во соработка со ЕВН. На оваа локација веќе е поставена и фотонапонска централа што произведува електрична енергија од обновливи извори. – Грижата за животната средина е меѓу стратешките цели на „Макпетрол“ и е вклучена во нашиот годишен план преку „Зелената агенда“. Во рамки на овие активности, друштвото на различни начини ќе инвестира во заштита на околината. Поставувањето 10 брзи полначи ќе придонесе во развојот на електромобилноста во земјава и ќе нè приближи до модерните форми на транспорт. Особено е значајно што овој проект го реализираме партнерски, заедно со ЕВН. Ваквите соработки се исклучително значајни, ако не и пресудни, за реализирање на зелената иднина на Македонија, – вели Андреја Јосифовски, Претседател на Управниот одбор на „Макпетрол“. Полначите се со DC конектори од типот CCS со моќност од 150kW и се наменети за брзо полнење на едно или две електрични возила. Моделот е меѓу најефикасните во својата класа, овозможува брзо и лесно полнење со времетраење од 30-40 минути во зависност од типот на возилото. ЕВН и „Макпетрол“ својата грижа за животнта околина ја демонстрираат во конкретни инвестиции во доменот на „зелената“ енергија. И двете компании, покрај проектите за електромобилност, поставуваат и фотоволтаични централи за потребите на сопствените објекти. ЕВН ја надградува флотата со електрични возила и инвестира во производство на обновлива енергија, а „Макпетрол“ ќе продолжи да ја проширува мрежата за автоплин и метан (КПГ) преку вложување во малопродажни објекти....

Леброн Џејмс иако даде од се од себе не успеа да му помогне на Лос Анџелес Лејкерс да се справи со Денвер Нагетс во првата рунда на плејофот во западната конференција. „Езерџиите“ беа максимално конкуренти, водеа во најголемиот дел од натпреварите, меѓутоа на крајот со пораз од 4-1 ја завршија оваа серија и со тоа настапот во актуелнава сезона во која како резултат ќе го паметат освоениот НБА Куп, воведеното ново натпреварувања. Многу прашалници има околу овој состав на Лејкерс, а меѓу нив е и иднината на Џејмс за тоа дали воопшто ќе остане и дали ќе продолжи да игра со оглед на тоа што во декември ќе го прослави 40. роденден. Самиот Леброн не беше конкретен и со своето однесување, изјава отвори дилеми дали најави крај на кариерата, па „кралот“ ги искористи социјалните мрежи за да се огласи и испрати порака на темата. -Видов и слушнав приказни за мојата иднина. Тоа го кажав синоќа и сега ќе повторам… Уште не знам што ќе се случи, во моментов размислувам за времето кое сакам да го поминам со моето семејство и пријателите. По разговорот со моето семејство, советниците и претставниците, ќе дознаете и вие. До тогаш тишина. Ве сака кралот, -порача Леброн. I’ve seen, heard a lot of reports about my future. I said it last night and I’ll say it again. I do not know yet as I’m only thinking about spending time with my family & friends! When I know after speaking with the fam, my counsel as — LeBron James (@KingJames) May 1, 2024...

Тимот на Видеолотарија Касинос Австрија подготви уште едно забавно изненадување за играчите на интернет игрите на среќа на единствената легална платформа за интернет игри на среќа во Македонија- 2win.мк. Од 29.04.2024 до 12.05.2024 кеш добивки во фонд од 860.000 денари. Кеш добивките се освојуваат со собирање поени и позиционирање на првите 30 места на ранг-листата. Можност за освојување имаат учесниците во видеолотариските игри на среќа и спортско обложување. Сите детали кои се однесуваат на правилата се достапни на следниов линк. Обложувајте се и играјте одговорно со најдобрите на единствената легална платформа за интернет игри на среќа -2win.mk. Извор: Соопштение за медиуми...

Тони Крос испорача спектакуларно додавање до Винисиус Жуниор и ја извади од игра комплетната одбрана на Баерн Минхен, а најинтересно од се беше тоа што Германецот му покажа со прст на својот соиграч во кој правец да тргне со движење. Оваа генијално размислување на играчот за врска не остави никого рамнодушен и цела Шпанија му се поклони за маестралниот потег, но Тони Крос бил доста резервиран по дуелот на „Алијанц арена“ и дури испорачал еден несекојдневен одговор. Според Тони, пасот не бил ништо посебно и најголема заслуга му даде на својот бразилски соиграч, бидејќи според него клучни во вакви ситуации е точното читање на акцијата и вистинското движење. – Имавме добри моменти и не толку добри на овој меч. Сепак, ова е полуфинале во Лигата на шампиони и се прашува и противникот. Добар е резултатот, покажавме карактер и сега следи реваншот во Мадрид. – Додавањето? Најголемите заслуги одат за Вини, тој ми овозможи да дадам таков пас со своето движење. Пасот не беше ништо специјално, клучно беше движењето на Винисиус. Не само што е брз, тој е и остар и одлучен, знае кога треба да се открие и да се побара топка во празно, – изјави Крос....

Томас Тухел очекувано имаше измешани чувства по крајот на првото полуфинале меѓу Баерн Минхен и Реал Мадрид, бидејќи неговиот тим беше поактивен и создаде повеќе шанси за гол, но на крајот мораше за да се задоволи со 2:2. Индивидуалните грешки во одбраната направија голем проблем за баварците и тоа ги оневозможи да отпатуваат со далеку подобар резултат на „Бернабеу“, а во својата анализа по мечот, тренерот на Баерн не пропушти да го посочи Ким Мин-Јаер како главен виновник за двата гола кои ги постигнат гостинот. – Тој беше премногу амбициозен во двата случаи. Најпрво прерано направи потег во тркачкиот дуел со Винисиус и беше фатен на спиење од пасот на Крос. Ким калкулираше и беше прермногу агресивен, а потоа за вториот гол, повторно направи грешка. Бевме 5 против 2 во таа акција и се беше на наша страна во шеснаесетникот. Немаше потреба да се браниме агресивно од Родриго. Ерик беше тука да помогне, но Ким го собори Родриго и направи грешка. Бевме казнети за тоа, но сега мора да продолжиме напред. – Имавме многу добри воведни 15 минути, имавме многу шанси и игравме флуидно. Тие создадоа само една шанса и веднаш постигнаа гол. Потоа се вративме и повторно бевме добри во второто полувреме, а имавме и шанси за 3:1. Тие повторно се вратија и од ништо стигнаа до 2:2. Го почувствувавме Реал на своја кожа. Ова го имаат направено со многу ривали, го направија и со нас. – Се ќе се одлучува на „Бернабеу“. Според мене и натаму останува 50-50 за пласман во финалето. Секако дека верувам во успех, тоа е тешко гостување, но исто така и голем предизвик. Го заборавме овој меч и тргнуваме од нула, мора да бидеме храбри, фокусирани и клинички добри. Сега ситуацијата е јасна за нас, потребна ни е победа за да се најдеме во финалето на „Вембли“, – изјави Тухел....

Баерн Минхен и Реал Мадрид одиграа без победник 2-2 во првиот натпревар од полуфиналето на Лигата на шампионите. Двета тима имаа можност, минути во кои водеа, но и минути во кои беа негатива, па на крајот ремито ги остава отворени сите опции на реваншот на „Сантијаго Бернабеу“ закажан за 8 мај. Овие натпревари од елитното натпреварување се интересни и се пратат од сите фудбалски фанови во кој секако спаѓаат сегашни и поранешни играчи, група од која дел е некогашниот член на Манчестер Сити, Челси и Ливерпул, Даниел Стариџ кој пред средбата на Минхен даде една прогноза која се оствари. -Сане ќе биде голем проблем вечерва. Гол за него и пенал за Кејн,-напиша Стариџ. Само за потсетување Сане го даде првиот гол за Баерн, а Кејн беше стрелец на вториот со удар од 11 метри....

Македонскиот репрезентативец, Ти-Џеј Шортс од натпревар во натпревар ги решава противниците во било кое натпреварување, а најнова жртва му беше Шалон на кого му пресуди во дуелот од првата француска лига. Париз го оправда статусот на фаворит и триумфираше со 84:73 и со тоа официјално го обезбеди второто место на табелата, поточно во плејофот ќе тргне од втората позиција. Во главна улога беше Шортс со 24 поени на кои испорача 8 асистенции со 2 скока. Вториот најефикасен играч кај гостите беше Малком со 12 кошеви што доволно говори каква е улогата на плејмејкерот во тимот. Инаку Париз е во низа од 23 победи во сите натпреварувања што е навистина импресивно, односно е на две победи од историскиот лекорд на Лимож. Record en ligne de mire… ⏳ Il manque 2 victoires au @ParisBasketball pour battre le record historique du @limogescsp 1989… et il reste 2 journées 🤯🔥 pic.twitter.com/WzE9eYX8wc — LNB (@LNBofficiel) April 30, 2024...

Македонскиот интернационалец, Димитар Димитриоски е автор на еден од најубавите колови на 27. коло во првата лига на Шпанија. Валјадолид успеа да направи изненадување и го надигра Гранолјерс во дуел во кој крилото имаше три погодоци, а токму еден од нив на асистенција на Вилхена се најде во одбрано друштво, Топ 10 изборот во АСОБАЛ лигата. Димитриоски и Димитриевски одлични, Валјадолид го реши фаворизираниот Гранолјерс Цепелинот на Португалецот со Македонецот го зазема четвртото место....

Рафаел Надал немаше сили да одигра два тешки меча во период од 24 часа и доцна во ноќта загуби од Јири Лехечка во осминафиналето на АТП Мастерсот во Мадрид, пораз со кој најверојатно го заврши своето незаборавно поглвје на турниррот во шпанската престолнина. Шпанецот најави дека секое негово наредно учество ќе биде последно на турнирот на кој ќе го игра, па откако тоа го направи во Барселона, вчеравечер по се изгледа за последен пат настапи во Мадрид. Поради тоа, организаторите му подготвија неверојатно и незаборавно испраќање и му организираа емотивно видео кое беше проследено со музика од негвиот омилен филм „Гладијатор“, а тоа придонесе емоциите на стадинот да бидат на навистина завидно ниво. По поразот од 7:5 и 6:4, Надал им се заблагодари на сите во Мадрид за безрезервната поддршка која ја добивал во изминатите две децении, а организаторите му посветија и пет банери кои беа симбол за петте освоени титули на „Маноло Сантана“ стадионот. За време на обраќањето, Рафа не остави никого рамнодушен и во солзи завршија неговата сопруга и сестра заедно со голем број фанови, но интересно е дека со насолзени очи заврши и вип гостинот на трибините, Чоло Симеоне. Видеото погледнете го ТУКА 🔝 Tienes que ser una AUTÉNTICA leyenda… 😱 Para emocionar a Diego Pablo Simeone. 📸 @rtve pic.twitter.com/9w7D9HfYLd — Relevo (@relevo) April 30, 2024...

Кошаркарите на МЗТ Скопје Аеродром издвојуваа победа над ТФТ Моцарт од 79:77 во првата средба од полуфиналето во Првата лига. Домаќините мораа добро да се потрудат, испотат за да дојдат до посакуваниот резулат и водство во оваа серија. Гостите одлично парираа, се носеа со актуелниот првак, па и покрај тоа што загубија овој дуел може да им послужи како мотив плус, кревање на самодовербата дека можат да се носат со „металците“ и да ја направат интересна скопската пресметка. Двоецот Стојановски, потпомогнати од Танасковиќ и Делалиќ, реализираа најголем дел од поените за екипата од Аеродром – вкупно 61 од конечните 79.поени. Кај поразените Ташовски беше автор на 24 кошеви....

Јаник Синер денеска одигра три сета во дуелот со Карен Хачанов и избори четвртфинале на Мастерсот во Мадрид, но засега е неизвесно дали ќе може да се појави на следниот меч. Италијанецот го загуби првиот сет, по што направи пресврт со два сета кои ги доби со 6:3, за по мечот да признае дека има големи проблеми. – Мојот физиотерапевт и јас работевме напорно вчера, тоа беше долга ноќ, но тоа е она што го кажува моето тело. – Најважно е утре да не се разбудам во полоша ситуација, утре ќе одлучам дали можам да играм. Сега не можам да знам што ќе се случува, – рекол Синер. Противник на Италијанецот во четвртфиналето ќе му биде Оже-Алиасим....

Баерн Минхен не успеа да стигне до предност во пресрет на реваншот со Реал Мадрид во полуфиналето на Лигата на шампионите, а резултатот 2:2 е најава за уште повозбудлив реванш на „Бернабеу“. Резултатот на првиот натпревар беше отворен од гостите, кои во првото полувреме искористија голем простор во половината на Баерн, па асистенцијата на Крос беше клучна за лесната реализација на Винисиус. Сепак, поранешниот ирски голман Шеј Гивен во својот коментар за натпреварот истакнал дека Мануел Нојер сноси дел од одговорноста за првиот гол на Реал. – Знаеме дека Нојер е познат како голман кој сака да игра со топката, секогаш е излезен повисоко. Во ситуацијата со првиот гол, тој мораше да биде барем на единаесет метри. – Не знам дали пиел вода или едноставно загубил концентрација, но не се наоѓаше на добра позиција. Мораше да биде барем кај пенал позицијата, ако беше таму сигурно лесно ќе ја собереше или исфрлеше оваа топка. – Нојер е фантастичен голман, но кога ќе го гледа видеото, сам ќе сфати дека морал да биде понапред на теренот, – рекол поранешниот голман на неколку премиерлигаши....

Винисиус постигна два гола во Минхен и му обезбеди помирен реванш на Реал Мадрид на вториот натпревар (2:2) од двомечот со Баерн Минхен во полуфиналето на Лигата на шампионите. Баерн тргна поофанзивно пред своите во Минхен, ги имаше првите посериозни обиди да го совлада Лунин, но Тони Крос мајсторски искористи лоша поставеност на одбраната на домаќините и го проигра Винисиус, за Бразилецот рутински да го доведе Реал во водство во 24. минута. Тој резултат беше активен на полувреме, но Баерн дополнително го засили темпото во вториот дел и резултатот стигна во 53. минута кога Сане со силен удар ја затресе мрежата на шпанскиот ривал. Само четири минути подоцна, Кејн реализираше пенал кој го изнуди Мусиала, со што Баерн направи целосен пресврт и предизвика еуфорија на „Алијанц“ во Минхен. Тој резултат беше активен до 83. минута, кога Ким направи прекршок над Родриго во шеснаесетникот на Баерн, а Винисиус реализираше за 2:2. Реваншот се игра во Мадрид на 8. мај....

Макаби прокоцка голема предност против Панатинаикос, но сепак избори победа на третиот натпревар од четвртфиналната серија во плејофот на Евролигата, во кој Олимпијакос по продолжение загуби од Барселона. Двете средби имаа драматичен финиш и завршија со порази на грчките тимови, но на таа во Белград, Макаби се доведе во опасна ситуација иако долго имаше двоцифрена предност и му дозволи на грчкиот ривал да се врати во игра за победа. На крајот, сепак Макаби славеше со 85:83 и има предност од 2:1 во пресрет на четвртиот натпревар во серијата. Лапровитола обезбеди продолжение за Барселона во драматичната завршница против Олимпијакос, на 23,2 секунди до крајот на продолжението беше 80:8о, домаќините не искористија напад, а Петрушев направи лична грешка над Паркер на помалку од секунд до крајот и со тоа се претвори во трагичар за грчкиот тим. Паркер погоди две од трите слободни фрлања и ги постави конечните 80:82, со што Барса поведе со 2:1 во серијата. Петрушев со 18 поени беше најефикасен кај домаќините, додека Весели со 16 поени ги предводеше стрелците кај Барселона....

Томас Тухел ќе ја напушти тренерската функција во Баерн Минхен по крајот на сезоната, а бундеслигашот и натаму не одредил кој ќе биде негов наследник. По многу шпекулации и предвидувања, познатиот шпански новинар Гилјем Балаг, денеска во својата колумна за „Би-Би-Си“ потврдил дека Баерн е во сериозни преговори со Ралф Рангник. Актуелниот австриски селектор прифатил да ја преземе одговорната функција преку која ќе треба да го врати Баерн на врвот на Бундеслигата, односно да ја врати титулата која оваа сезона му припадна на Баер Леверкузен. Балаг од свои извори добил потврда дека се договараат последните детали и Рангник ќе биде потврден до крајот на оваа недела, за што потврда е и фактот дека клубот во моментов не преговара со други кандидати. Летово, искусниот тренер ќе ја води Австрија на ЕП, по што ќе треба да ја започне работата во германскиот клуб....

Ерлинг Халанд денеска потврдил дека ја прифатил понудата да стане карактер на ултра популарната видео игра „Clash of Clans“. Покрај фудбалските успеси и постигнатите голови, Норвежанецот ќе биде достапен и за остварување одлични резултати и рекорди во играта чиј фан е и самиот Халанд. – Тешко беше да ја сокријам оваа вест и мислам дека ќе биде кул што ќе бидам карактер во играта, – рекол Халанд по претставувањето на интересниот новитет. Фановите на играта ќе имаат можност да го користат Халанд од 1. мај. Haaland for the Win! That’s right, long-time player of Clash of Clans, @ErlingHaaland is coming to Clash of Clans TOMORROW! Get ready for a full month of Challenges, Skins, Troops, Events, and more! Learn more: https://t.co/6gUgVAOuxy pic.twitter.com/hmB0dJzRU5 — Clash of Clans (@ClashofClans) April 30, 2024...

Баерн Минхен вечерва го пречекува Реал Мадрид во големотод дерби од полуфиналето на Лигата на шампионите, а познати се и составите со кои двете екипи ќе го започнат натпреварот. Томас Тухел малку повеќе тактизираше и втор го објави составот, а во него го нема Серж Гнабри, кој очигледно е планиран како џокер за Баварците. 🚨 OFFICIEL ! La composition du Bayern Munich pour affronter le Real Madrid ! 🇩🇪🔥#FCBRMA | #BayernRealMadrid pic.twitter.com/nsqG8lLb8z — Club Football (@_ClubFootball) April 30, 2024 Ова би требало да биде објаснување за потегот на тренерот, кој вчера изјави дека е сигурен оти Гнабри ќе постигне гол против Реал. На другата страна, Карло Анчелоти реши друштво во одбраната на Ридигер да му прави искусниот Начо, додека во средниот ред го избра Чуамени пред Камавинга. 🚨 OFFICIEL ! La composition du Real Madrid pour affronter le Bayern Munich ! 🔥🇪🇸#FCBRMA | #BayernRealMadrid pic.twitter.com/a5uCTkuPsq — Club Football (@_ClubFootball) April 30, 2024 Тухел типува кој играч на Баерн ќе постигне гол против Реал: Не знам зошто, но сигурен сум во тоа...

Арда Ѓулер одлично ја искористи првата можност да биде стартер во дресот на Реал Мадрид и го постигна голот за победа на гостувањето кај Реал Сосиедад, а во најновото интервју зборувал на повеќе теми поврзани со својата фудбалска кариера. Турскиот интернационалец пристигна во Реал од редовите на Фенербахче, а покрај со мадридскиот клуб преговараше и со Барселона. Во интервјуто открил како ја донел одлуката да стане член на „кралскиот клуб“. – Многу деца уште од најмала возраст сонуваат да играат за Реал, најголемиот клуб во светот. Тие се како фамилија и ми понудија долгорочен проект, преговорите траеја кратко и брзо ги решивме сите детали. – Порано гледав видеа од Реал, а сега можам да тренирам со тие фудбалери, клубот ми најави дека Лука Модриќ ќе ми помогне кога ќе бидам овде. – Карло Анчелоти ми се јави три пати, дури и побара да му ветам дека ќе дојдам во Реал, – изјавил турскиот фудбалер....

Поранешниот шпански селектор, Винсенте Дел Боске е назначен за прв човек на владиниот комитет кој ќе ги контролира случувањата во Шпанската фудбалска федерација до конечно решение за позицијата претседател. Луис Рубиалес ја загуби функцијата по неколку скандали, а пред неколку дена федерацијата го избра Педро Роча за нов предводник, што предизвика нови контроверзи бидејќи и самиот Роча е под истрага за корупција. Шпанските власти сакаат да ја мониторираат ситуацијата под водство токму на Дел Боске, а УЕФА и ФИФА изразија загриженост поради инволвирањето на овој комитет и ја предупредиле владата дека нема да дозволат мешање на политиката во федерацијата. УЕФА побарала објаснување за формирање на комитетот и неговата цел, а доколку не биде задоволна од одговорот, може да испорача европска суспензија за клубовите. Дел Боске ја предводеше Шпанија до единствениот мундијалски триумф во 2010 година и до триумф на ЕП две години подоцна. Претходно, го предводеше Реал до две европски титули и две титули во шпанското првенство....

По минатата одлична сезона во која Њукасл избори место во Лигата на шампионите, актуелнава „црно-белите“ не можат да повторат истиот успех и според медиумите веќе се во потрага по нов менаџер. Еди Хау веројатно нема да остане на клупата на Њукасл по завршувањето на сезоната, а главен фаворит за негов наследник е Маурицио Сари. Италијанскиот стручњак работеше во Челси и остави солиден впечаток пред да се врати во татковината каде го презема Јувентус, за потоа да биде тренер на Лацио. Дел од италијанските медиуми тврдат дека Сари веќе добил конкретна понуда од Њукасл и нема да биде изненадување ако 65-годишниот стручњак потврди враќање во Премиер лигата. За Сари се интересираат и неколку членови на Серија А, кои веројатно ќе направат тренерска смена по крајот на сезоната, па самиот тренер ќе треба да одлучи што ќе му биде приоритет при одредувањето на следната фудбалска функција....

Нотингем Форест подигна голема прашина со жестокото соопштение по поразот од Евертон, а со кое екипата која се бори за опстанок во Премиер лигата обвини за голем „грабеж“ од страна на судиите. „Шумарите“ тврдеа дека судијата Ентони Тејлор не досудил три пенали за време на натпреварот, а независниот панел кој ги анализира натпреварите, денеска потврди дека Нотингем требало да добие еден од тие три пенали. Панелот утврдил дека поранешниот европски првак требало да добие пенал по стартот на Јанг над Хадсон-Одои и тоа била единствената сериозна грешка на Тејлор и неговите асистенти од ВАР собата. Инцидентот се случи во 55. минута, а до крајот Евертон го доби натпреварот со 2:0, а бодовите имаа посебно значење бидејќи беа остварени во директен дуел со екипа која исто така се бори за опстанок. Нотингем допрва ќе добие казна за соопштението, во кое меѓу другото го обвини и ВАР судијата Стјуарт Атвел дека е фан на Лутон....

Јаник Синер и Карлос Алкарас мораа да играат три сета за да обезбедат следна фаза на Мастерсот во Мадрид, а денеска добија сериозен испит во дуелите со Карим Хачанов и Јан Ленард Штруф. Хачанов поведе против Синер, но италијанскиот тенисер ги доби вториот и третиот со 6:3 и обезбеди место во четвртфиналето на престижниот турнир. Алкарас се намачи повеќе против расположениот Штруф, иако имаше водство од 1:0 во сетови, 5:3 и четири меч топки во третиот сет. Германецот успеа да направи пресврт и да израмни преку тај-брејк, а тај-брејк го решаваше и победникот на мечот. Шпанецот во него поведе со 3:0, Штруф стигна до 4:3, но до крајот Алкарас ја презема контролата и го доби со 7:4 за место во следната фаза. Следен противник на Алкарас ќе му биде Рубљов, додека Синер ќе се соочи со победникот од дуелот меѓу Руд и Оже-Алиасим....

Белгија нема да смета на првиот голман Тибо Куртоа на претстојното Европско првенство во Германија, а тоа денеска го потврдил и селекторот Доменико Тедеско. Куртоа ја пропушти цела сезона во дресот на Реал Мадрид поради сериозната повреда на лигаментите на коленото, а се соочи со дополнителен проблем непосредно откако се врати на тренинзите на својот тим. Уште претходно беше најавено дека Куртоа ја известил федерацијата дека нема да може да му помогне на националниот тим во Германија, а сега тоа е и официјално потврдено. – Оваа тема е затворена и за неа се е веќе кажано. Ќе се концентрирам само на фудбалерите кои се во добра форма, – рекол Тедеско. Куртоа е блиску до враќање на голот на Реал и тоа може да се случи претстојниот викенд против Кадиз....

ПСЖ ќе се соочи со Борусија Дортмунд во полуфиналето на Лигата на шампионите, а тренерот Луис Енрике не се согласува дека неговиот тим е фавирот во двомечот со бундеслигашот. Шпанскиот стручњак реагирал нервозно на таквата констатација на еден од новинарите, одговарајќи во свој стил. – ПСЖ е фаворит? – Токму поради вакви работи велам дека новинарите не го разбираат фудбалот. – Ќе имаме можност да уживаме во уште еден европски натпревар кој ќе се игра во одлична атмосфера, а сигурен сум дека секоја од четирите екипи ќе бидат незадоволни ако останат без пласман во финалето. – Ќе се обидеме да победиме на наш начин, сигурен сум дека ќе биде шоу и ќе има голови, – рекол Луис Енрике....

Микел Артета и менаџментот на Арсенал уште отсега планираат дел од активностите поврзани со ростерот за следната сезона, а англиските медиуми тврдат дека еден од најискусните играчи добил понуда за продолжување на соработката. Жоржињо дојде на „Емирејтс“ во јануари 2023 година од градскиот ривал Челси, а клубот сака да му го продолжи договорот кој му истекува летово, со што ќе бидат прекинати и шпекулациите за негово враќање во Италија. Играчот за врска сезонава забележа 35 настапи и најчесто добива шанса од клупата, но менаџерот Артета често го истакнува како позитивен пример и карактер на фудбалер кој има ист пристап на теренот без разлика на минутажата. Продолжувањето на договорот е своевидна награда за италијанскиот репрезентативец и очекувањата се дека тој ќе ги прифати условите за останување барем уште една сезона во лондонскиот премиерлигаш, кој сезонава се бори и за титулата. Арсенал минатата година плати 12 милиони фунти за ангажманот на Жоржињо, сума која е симболична за премиерлигашкиот трансфер пазар....

Јирген Клоп и Мохамед Салах влегоа во неочекуван вербален конфликт во ремито на Ливерпул против Вест Хем, а расправијата очекувано стана топ тема на медиумите во целиот свет. Менаџерот и првата ѕвезда на „црвените“ веројатно едвај чекаат да заврши сезоната во која Ливерпул нанижа неколку лоши резултати во финишот и заостанува сериозно зад доскорешните ривали за титулата. Анализирајќи го конфликтот, поранешниот напаѓач Крис Сатон истакнал дека Салах претерал во ситуацијата и требало поинаку да го искаже своето незадоволство што не беше стартер против лондонскиот ривал. – Не ми се допадна тоа што се случи, но мислам дека Салах претера со својата реакција. – Тој не е поразличен од своите соиграчи, а да бидеме искрени и формата не му е највисоко ниво откако се врати по паузата поради повреда. – Салах беше феноменален за Ливерпул изминативе сезони, но сметам дека постои граница, а тој ја премина со овој потег, – рекол Сатон....

Денвер ја комплетираше победата во првата рунда на НБА плејофот, а Никола Јокиќ со уште еден одличен настап не дозволи брејк на Лос Анџелес Лејкерс во петтиот дуел во серијата. Домашните фанови со право ја прославија доминацијата над Лејкерс, а Денвер не сакаше да ризикува со браќата на Јокиќ и реши да ги смести на малку поинаква позиција во однос на претходните натпревари. По инцидентот кој се случи на трибините на претходната средба во Денвер, Страхиња и Немања Јокиќ се забележани во изолирана ложа и далеку од противничките фанови кои очигледно ги испровоцираа во претходната ситуација. Фото од позицијата на браќата Јокиќ на трибините може да ја видите ТУКА Страхиња Јокиќ удри навивач со тупаница и ја шокираше американската јавност, а НБА отвори истрага за инцидентот, за кој засега нема некаква дисциплинска санкција. Еден од браќата на Јокиќ удри фан на трибините во арената на Денвер (Видео)...

Роберт Левандовски постигна три гола против Валенсија и се погрижи Барселона да оствари дерби победа со пресврт, но во меѓувреме Полјакот е максимално популарен и поради интервјуто кое го направил за германски „Билд“. Во најавата за големото полуфинале во Лигата на шампионите, вклучен во целата дебата е и голгетерот на Барселона, кој го искористи своето обраќање за да испрати предупредување до својот поранешен клуб. Левандовски смета дека Баерн ќе мора да извлече позитивен резутлат на вечерашниот меч Минхен, бидејќи во спротивно, ризикува да се соочи со неочекувани и надворешни влијанија кои можат да одат во прилог на Реал на реваншот во Мадрид. – Ова е многу важен меч за Баерн во сезоната која беше тешка за нив. И покрај се, Баерн има шанси да стигне до големо финале, но предизвикот кој е пред нив е многу тежок. Сметам дека шансите се 50-50, никогаш не смеете да го потцените Реал Мадрид. Тие победуваат на натпревари на кои мислите дека ги победувате, некогаш тешко е да се објасни тоа. Реал Мадрид никогаш не може да го прогласите мртов, тие никогаш не се откажуваат и работат како тим. – Баерн има шанси, особено ако одигра добар прв натпревар во Минхен. Вториот меч на „Бернабеу“ може да биде специјален, бидејќи може да влијаат и многу надворешни работи. Тоа го дознав на своја кожа пред извесно време (алудирајќи на „фантомскиот гол“ на Јамал). Моја желба е Баерн да го победи Реал и ќе стискам палци за нив, – вели Левандовски во интервјуто за „Билд“....

Џамал Мареј се претвори во вистински кошмар за Леброн Џејмс, Ентони Дејвис и останатите играчи на Лејкерс во плејоф серијата која беше приведена до крај рано утрово, бидејќи ѕвездата на Денвер повторно реши еден меч во последниот напад. Идентично како и на вториот меч за водство од 2:0, Џамал решаваше и рано утрово за конечни 4:1, а со тоа го понесе епитетот на вистински јунак и клучен фактор на теренот. Мареј погоди за конечни 108:106, но претходно и буквално го постеризираше „кралот Џејмс“, кој инаку е еден од неговите најголеми идоли во НБА лигата. – Вакви шутеви како овој последниот се оние за кои сонувате како дете. Сето ова успева поради моите соиграчи. Некогаш најлесна задача е да погодите кош, многу потешко е да сопрете играч како Леброн Џејмс. Тоа е огромен прердизвик и секоја чест за соиграчите. Се сеќавам дека како дете го носев неговиот дрес кога играше за Кливленд против Орландо. Го добив неговиот дрес од пријател на мојот татко за роденден и се сеќавам дека на тој меч постигна кош за победа. – Тој отсекогаш ми бил омилен играч и задоволство е да се игра против него. Ве тера да размислувате за време на мечот и натаму е физички доминатен, но пред се, ве тера да мислите на играта, на додавањата. Задоволство е да се игра против Леброн и забавно е да се победи. Ме блокираше неколку пати, забавно е да се има дуел со еден од најголемите на сите времиња, – порача Мареј. JAMAL MURRAY WITH A POSTER ON LEBRON JAMES 😱pic.twitter.com/VmM3EjN891 — ClutchPoints (@ClutchPoints) April 30, 2024...

Новак Ѓоковиќ размислува да ја продолжи својата играчка кариера без тренер, но тоа не значи дека нема да има свој важен тим крај себе, кој секако е составен од луѓе кои можат да му помогнат во надминување на секојдневните предизвици. Лошиот старт на 2024-та година го натера Србинот да се раздели со Горан Иванишевиќ, но на наредните турнири нема да го гледаме и човекот кој секогаш беше блиску до хрватскиот стручњак. Како што јавува угледниот „Спорт Клуб“, Ноле се разделил и со кондицискиот тренер Марко Паники, а доказ за тоа биле тренинзите во Србија каде светскиот рекет број еден бил уловен во друштво на Гебхард Фил-Грич, австриски стручњак за физичка подготовка. Ноле и во минатото има соработувано со Фил-Грич и најверојатно ова ќе значи негов кам-бек во тимот на Србинот, но новиот рез кој го прави Ѓоковиќ јасно алудира дека прави сериозни корекции во тимот пред најважниот период кој претстои. Главна цел на најтрофејниот грен слем шампион се Олимписките игри во Париз, но пред да дојде до тоа, Ѓоковиќ ќе има големи амбиции и на Ролан Гарос и на Вимблдон. Ноле влегува во месец мај без освоен трофеј и без своите двајца најважни соработници во изминатите неколку години, а како тоа ќе се одрази на неговите резултати, останува да видиме во месеците кои претстојат....

Весли Снајдер остана составен дел од фудбалските настани по крајот на играчката кариера и редовно е гостин во специјализираните фудбалски емисии во Холандија, од каде често испорачува и „отровни стрели“ за луѓето кои треба да бидат амбасадори на холандскиот фудбал. Легендарниот играч за врска го нападна Ерик Тен Хаг за најголемата грешка која ја направи во неговиот престој во Манчестер Јунајтед, која според него ќе биде и клучна за сето она што му се случи во последната година. Снајдер смета дека Тен Хаг направил вистинска лудост што се откажал од Кристијано Роналдо, но во обраќањето за „Циго Спорт“, Весли не го поштедил и Антони кој им се потсмеваше на играчите на Ковентри во полуфиналето на ФА Купот. – Денот кога Тен Хаг реши да се бори против Кристијано Роналдо, тогаш почна да ја губи почитта. Мислеше дека ќе му помине добро, но беше сосема спротивното. Сигурен сум дека сите во соблекувалната се прашувале дали е добар во главата, – вели Снајдер и продолжува. – Антони? Треба да биде засрамен од тоа што го направи. Требаше да се упати веднаш кон соблекувалната, наместо да провоцира. Се надевам дека Јунајтед ќе загуби 5:0 во финалето со Сити поради неговиот потег, – додава Весли....

Џанлуиџи Буфон стави крај на својата долга и блескава играчка кариера на крајот на минатата сезона, па затоа легендарниот чувар на мрежата се уште со свежо сеќавање се навраќа ја она што го мина на фудбалскиот терен. Буфон во меѓувреме се приклучи во таборот на Лучијано Спалети и работи во италијанската фудбалска репрезентација, но додека правеше ретроспектива на клубовите кои ги смени во својата кариера, Џиџи ги наброја и сите оние кои ги одбил, од кои посебно се издвојува Рома поради тоа што двапати бил блиску до престолнината. – Најпрво во 2001-ва година бев многу биску до Рома. Ме делеа само детали, но на крајот не се случи. Потоа бев блиску и до Барселона, а на крајот завршив во Јуве. Во 2005-та година имаше уште еден странски клуб кој многу ме сакаше, но не сакав да навлегувам во преговори. – Во 2011-та година повторно бев блиску до Ррома, нешто се скрши меѓу мене и Јувентус. За среќа, Конте пристигна во клубот и така го потврди мојот статус во Јувентус. – Вториот пат кога се враќав во Јувентус, исто така бев многу блиску и до Аталанта. Тоа беа мои избори. Париз беше мој избор, враќањето во Јувентус исто така, играњето во Серија Б за Парма…… Им ги објаснувам овие работи на моите деца и се надевам дека ќе извлечат нешто добро од моето фудбалско наследство, – објаснува Буфон....

Лестер ја прекина мини-кризата во вистински момент и со серија победи го потврди првото место во Чемпионшип лигата, или поточно кажано, го официјализираше своето експресно враќање во Премиер лигата. „Лисиците“ го заверија тоа на мечот со Саутемптон кој се одигра во претходното коло, а навивачите вчера без страдање го проследи мечот против Престон на кој беше забележана нова победа. Лестер славеше со 0:3 во натпревар на кој два гола постигна Џејми Варди, капитенот кој стигна до бројката од 20 погодоци во сезоната. Варди веќе е фудбалски ветеран и на 37 години полека влегува во завршницата од својата кариера, но страста која ја покажува и емоциите кои ги имаа во себе ги прават горди фановите на Лестер. Човекот кој ја освои Премиер лигата доаѓајќи од најниските фудбалски лиги во Англија прерасна во вистински фудаблски мит и легенда на Лестер, а за навивачите вчера посебно интересно беше и неговото шутирање на топката на празен гол во моментите кога го постигна вториот гол. Jamie Vardy had no chill 😭 pic.twitter.com/V6ihb7fKvW — CentreGoals. (@centregoals) April 30, 2024 You may never find another player who truly bleeds the club they play for as much as Jamie Vardy. 12 years of loyalty, the man has delivered for us on every single stage we've put him on. pic.twitter.com/FCPlSdAFyM — 𝙇𝘾𝙁𝘾 𝙎𝙋 (@LCFCshitposting) April 29, 2024...

Лестер ја прекина мини-кризата во вистински момент и со серија победи го потврди првото место во Чемпионшип лигата, или поточно кажано, го официјализираше своето експресно враќање во Премиер лигата. „Лисиците“ го заверија тоа на мечот со Саутемптон кој се одигра во претходното коло, а навивачите вчера без страдање го проследи мечот против Престон на кој беше забележана нова победа. Лестер славеше со 0:3 во натпревар на кој два гола постигна Џејми Варди, капитенот кој стигна до бројката од 20 погодоци во сезоната. Варди веќе е фудбалски ветеран и на 37 години полека влегува во завршницата од својата кариера, но страста која ја покажува и емоциите кои ги имаа во себе ги прават горди фановите на Лестер. Човекот кој ја освои Премиер лигата доаѓајќи од најниските фудбалски лиги во Англија прерасна во вистински фудаблски мит и легенда на Лестер, а за навивачите вчера посебно интересно беше и неговото шутирање на топката на празен гол во моментите кога го постигна вториот гол. Jamie Vardy had no chill 😭 pic.twitter.com/V6ihb7fKvW — CentreGoals. (@centregoals) April 30, 2024 You may never find another player who truly bleeds the club they play for as much as Jamie Vardy. 12 years of loyalty, the man has delivered for us on every single stage we've put him on. pic.twitter.com/FCPlSdAFyM — 𝙇𝘾𝙁𝘾 𝙎𝙋 (@LCFCshitposting) April 29, 2024...