Најдобриот дизајнер во светот на Формула 1, Адријан Њуи замина од Ред Бул откако се договори со екипата, а оваа вест најмногу ги израдува во таборот на Ферари кои подготвуваат договор за еден од главните луѓе за успехот на актуелниот шампион. Како причина е наведена потребата на Њуи за нов предизвик во кариерата, иако се шпекулира дека не бил во добри односи со првиот човек на тимот, Кристијан Хорнер. Ред Бул официјално потврди дека се раздели со Њуи, а ова ќе се обиде да го искористи Ферари во следниот период и да потпише договор со директорот за дизајн. „Њуи имаше голема улога во походот кон седум титули за возачи и шест во конкуренција на конструктори со вкупно 118 победи и 101 пол-позиција“, соопшти екипата....

Борусија Дортмунд славеше во првиот полуфинален меч против ПСЖ со 1-0 во Лигата на шампиони (ЛШ), а единствениот гол го постигна Никлас Фулкруг. Натпреварот беше возбудлив од самиот почеток, а до првиот гол се чекаа 36 минути кога Фулкруг излезе пред Џанлуиџи Донарума и ја затресе неговата мрежа. ПСЖ во вториот дел нападна и се обидуваше да постигне гол, а блиску до такво нешто беа Мбапе и Хакими, кои ја погодија рамката од голот на Кобел. „Милионерите“ имаа шанса во продолжение од средбата, но Маркињос беше одличен во одбраната и ги спречи ривалите да постигнат и втор гол. Реваншот меѓу ПСЖ и Дортмунд се игра на „Паркот на принцовите“ на 7 мај. Sancho what a performancepic.twitter.com/McJ83xX1OP — Wise (@trikcode) May 1, 2024...

Вечерва беа одиграни два меча од четвртфиналето на кошаркарската Евролига, при што Реал Мадрид славеше против Басконија со 102-98 и обезбеди место на Ф4-турнирот, додека Фенербахче го совлада Монако со 89-78. „Кралскиот клуб“ водеше голема борба против Басконија, а на полувремето имаше негатива од 52-56, меѓутоа во вториот дел се разигра и го скрши отпорот на ривалот (102-98). Хауард беше најефикасен кај Басконија со 29 поени, додека Јабузеле постигна 23 поени и седум асистенции за „кралевите“. Фенербахче поведе со 2-1 во четвртфиналната серија против Монако, откако вечерва триумфира со 89-78....

Магдебург е втор патник на Ф4-турнирот во Келн, откако вечерва славеше на пенали против Кјелце во четвртфиналето во Лигата на шампиони (ЛШ). Кјелце одигра солидно прво полувреме кое го доби со 13-11, но Магдебург влезе во одличен ритам во вторите 30 минути и направи пресврт за триумф од 23-22. Екипите го решаваа прашањето за победник на пенали, а по првите пет серии беше 3-3, по што Магдебург го постигна решавачкиот гол за победа од вкупни 27-25....

Кристијано Роналдо одигра уште еден одличен натпревар за Ал Наср и со два гола помогна во победата против Ал Калеџ (3-1) во Купот на Саудиска Арабија. Роналдо стрелаше во 17. и 57. минута за Ал Наср, додека во листата на стрелци се запиша и Садио Мане за победничкиот тим, а за Ал Калеџ стрелаше Ал Тераис. 🚨🚨| GOAL: WHAT A GOAL BY CRISTIANO RONALDO!!!Al Nassr 1-0 Al Khaleej pic.twitter.com/tM7z7EEXTE— CentreGoals. (@centregoals) May 1, 2024 🚨🚨| GOAL: CRISTIANO RONALDO WITH A BRACE!!Al Nassr 3-0 Al Khaleej pic.twitter.com/SN5yCW2jlF— CentreGoals. (@centregoals) May 1, 2024 Ал Наср во финалето на саудискиот Куп ќе игра против Ал Хилал....

Италијанскиот тенисер Јаник Синер се откажа од полуфиналето на мастерсот во Мадрид, кое требаше да го игра против Феликс Оже-Алиасим. Синер имаше повреда на колкот и реши да не ризикува дополнително за да не си го загрози здравјето. „Многу сум тажен што морам да се повлечам од следниот меч во Мадрид. Колкот ме мачи цела недела и болката станува сè посилна“, кажа Синер. Very sad to have to withdraw from my next match here in Madrid. My hip has been bothering me this week and has slowly been getting more painful. Taking the advice from the doctors we decided it’s best to not play further and make it worse. pic.twitter.com/QJX9WVA4Np— Jannik Sinner (@janniksin) May 1, 2024...

Никлас Фулкруг ѝ донесе водство на Борусија Дортмунд во 36. минута од првиот полуфинален меч против ПСЖ во Лигата на шампиони (ЛШ). Фулкруг излезе пред голманот Џанлуиџи Донарума и со моќен удар ја „скина“ неговата мрежа за предност на „милионерите“. PENALTY | BORUSSIA DORTMUND 1-0 PSG | NICLAS FULLKRUG THAT IS SENSATIONALpic.twitter.com/0DGM6HiGBp — SimplyGoal (@SimplyGoal) May 1, 2024...

Фудбалерите на Парма освоија бод на гостувањето кај Бари, а тоа им беше доволно да обезбедат едно од првите две места во Серија Б кои носат директна промоција во повисок ранг. Голот за водство на Парма го постигна Бони во 50. минута, но Ди Чезаре потоа стрелаше за да му донесе бод на Бари. Парма е прва во Серија Б со 74 бодови, односно три повеќе од Комо, а до крајот на сезоната има две кола....

Ракометарите на Алборг му се реваншираа на Веспрем и триумфираа со 33-28 со што обезбедија пласман на Ф4-турнирот во Лигата на шампиони (ЛШ). Алборг беше подобар на паркетот во првото полувреме и замина на паузата со водство од четири гола (18-14), по што Веспрем се обидуваше да ја врати неизвесноста, меѓутоа данскиот тим оствари победа од пет гола. Ландин го заврши натпреварот со 15 интервенции, додека најефикасен во екипата на Алборг беше Матс Хангард со девет голови....

Актуелниот македонски шампион Пелистер вечерва славеше со 35-25 против Тиквеш во 12. коло од плејофот на Суперлигата, со што се приближи кон одбрана на титулата. Битолчани го преземаа водството уште на самиот старт и во 14. минута достигна четири голови (10-6), додека Тиквеш не се предаваше и парираше до крајот на првото полувреме (14-18). Тиквеш се распадна во вториот дел кога почнаа проблемите во нападот, а тоа знаеше како да го искористи актуелниот шампион кој оствари триумф од 35-25. Богдан Радивојевиќ постигна седум голови за победничкиот тим, додека Срѓан Мијатовиќ запиша пет погодоци за Тиквеш. Пелистер со оваа победа ја зголеми предноста пред Вардар на пет бодови, но „црвено-црните“ имаат одиграно еден меч помалку во плејофот на Суперлигата....

Борусија Дортмунд вечерва ќе го пречека ПСЖ од 21 часот во Германија, а тренерите ги објавија составите со кои ќе излезат на теренот во првиот полуфинален меч во Лигата на шампиони (ЛШ). Немаше изненадувања во составот на Дортмунд, кој ќе излезе со најсилниот тим, а таква ќе биде и ситуацијата со парижаните. ⭐️ Mit dieser START11 gegen Paris! ⭐️#BVBPSG #UCL pic.twitter.com/088TVEOwXW — Borussia Dortmund (@BVB) May 1, 2024 📋🔴🔵#UCL | #BVBPSG pic.twitter.com/Igwj33nh4E — Paris Saint-Germain (@PSG_inside) May 1, 2024...

Манчестер јунајтед се подготвува за големи промени следното лето, а еден од тие кои може да заминат е и капитенот Бруно Фернандез. Фернандез има договор до 30 јуни 2026 година, но „Телеграф“ објави дека Португалецот не е сигурен во неговата иднина на „Олд Трафорд“, а тоа го потврдува и изјавата на самиот фудбалер. „Во моментов не размислувам за други работи. Не зависи само од мене. Ако сакате да бидам искрен, имам желба да победувам и да освојувам трофеи. Во моментов сум фокусиран на ФА-купот и Европското првенство, по кои ќе донесам конечна одлука“, кажа Фернандеш....

Ракометарите на Бутел триумфираа со убедливи 34-20 против Струга и ја запишаа третата победа во плејофот на Суперлигата. Бутел го најави триумфот уште на стартот кога имаше серија од 7-0, а на полувреме предноста на скопскиот тим беше 19-12. Струга играше лошо и во вторите 30 минути, а тоа го искористи Бутел за да оствари двоцифрена победа (34-20). Филип Николов беше најефикасен со 11 голови кај Бутел, додека Мерис Бошњак постигна осум погодоци за Струга....

На денешен ден, пред 30 години, загина легендарниот возач во Формула 1, Аиртон Сена за време на трката за Големата награда на Сан Марино. Трката се возеше на 1 мај 1994 година, кога Сена во петтиот круг при брзина од 307 километри на час удри во ѕидот. Медицинските екипи реагираа брзо, а возачот беше префрлен во болница со тешки повреди на главата. Инцидентот не ја прекина трката, туку истата продолжи, а победник беше Михаел Шумахер кој таа година ја освои првата од титулите во „најбрзиот циркус“....

Инцидентот меѓу Мохамед Салах и Јирген Клоп сè уште е главна тема на Островот, а фудбалерот на Вест хем, Мајкл Антонио открива за што се карале на клупата на Ливерпул. Антонио кажа дека Клоп немал намера да почне караница, но Салах го испровоцирал тренерот со неговиот потег. „Ова не е инсајдерска информација, зашто сите го слушнаа. Кога играчите на Ливерпул се подготвуваат за да влезат во игра, Клоп ги прегрнува и се поздравува со нив, но Салах имале премногу благ поздрав со тренерот. Тоа го налути Клоп кој го праша Салах дали сака да седне на клупата доколку не сака да игра на теренот, но не знам што му одговори на тоа. Очигледно се нервозни поради лошите резултати затоа што никој не очекуваше такво нешто“, кажа Антонио. This lovely exchange between Salah and Klopp caps off a beautiful end to their season pic.twitter.com/PXRffLPgax— Fat Will (@UTDFat) April 30, 2024...

Актуелниот освојувач на турнирот во Мадрид, Карлос Алкараз беше елиминиран во четвртфиналето на мастерсот од страна на Андреј Рубљов со 6-4, 3-6 и 2-6. Третиот рекет во светот во шестиот гем од првиот сет направи брејк за 4-2, а потоа без проблеми го освои сетот со 6-4. Русинот отвори со 3-0 во вториот сет, а Шпанецот во седмиот гем пропушти шанса да ја врати неизвесноста, но пропушти три шанси и го загуби сетот. Алкара во последниот сет беше ужасен, откако на почетокот го загуби сервисот, а потоа и во петтиот гем за победа од 6-2 на Рубљов....

Фудбалерите на Вардар одиграа најдобро кога беше најпотребно и со триумф на денешното гостување кај директниот ривал Брегалница (3-0) речиси сигурно ги избегнаа двете места што директно водат во Втората лига со оглед што сега имаат дури шест бода повеќе од денешниот ривал и од Македонија ЃП на три кола до крајот на првенството. Златната победа на црвено-црните ја најави Шушњара уште во осмата минута, по што скопјани умешно го бранеа водството се до крајот, кога штипјани нападнаа со сите сили. Таквата офанзива донесе уште два погодци за вардарци, со што го запечатија триумфот кој и тоа како ги израдува навивачите на овој тим. Најголем победник од оваа прволигашка рунда е Шкендија, која со спектакуларен пресврт ја совлада Бреба (3-2) на домашен терен и тоа откако противникот до скоро 70. минута од мечот водеше со два гола разлика и тоа со погодоците на Ивковиќ во првото и Цветановски во второто полувреме. Адеми во 77. минута го најави пресвртот, ваке десет минути подоцна изедначи, а херој беше Аганспахиќ со гол во 94. минута. Тетовци со ова максимално ги искористија поразите на директните ривали за титулата. Шкупи неочекувано лесно падна на гости кај Гостивар (0-2), додека Струга во меч со два пресврти загуби на гости кај Тиквеш (2-3). Кавадарчани поведоа со голот на Мојсов во 32. минута, но Ибраими со два гола во 63. минута и во 77. минута (вториот од пенал) му донесе шанса на шампионот за посакуваниот триумф. Но, расположените кавадаречки фудбалери не се предадоа, па прво изедначи преку Стојкоски во 82. минута, а Луан Силва во 94. минута да донесе ерупција од воодушевување на стадионот. Воска и Работнички исто така остварија големи победи и тоа на гостински терен, првите против Македонија ЃП (2-0), која веќе со еден чекор е второлигаш, односно против Силекс (1-0). овие два тима веќе речиси немаат грижи околу опстанокот. ТАБЕЛА: Шкендија 58, Струга 58, Шкупи 58, Тиквеш 42, Силекс 41, Гостивар 40, Работнички 38, Брера 37, Воска 37, Вардар 32, Македонија ЃП 26, Брегалница 26....

Хрватот Денис Колингер е поранешен фудбалер на Локомотива Загреб, кој во последните години настапува за данскиот прволигаш Вејле, каде што по еден од последните натпревари се соочи со – гнасни навреди. Неговиот тим ремизираше со Лингби (1-1), во меч во кој хрватскиот фудбалер доби жолт картон во 24. минута, а во првото полувреме направи уште еден фаул за кој можеше да добие и црвен картон, но судијата не го исклучи. Ова го налути симпатизерот на Лингби, кој упати гнасни закани до хрватскиот стопер. „Првиот жолт го добив во 24. минута, а во 45. имав уште еден прекршок и судијата можеше да ми даде уште едно жолт, што би значело и црвено, но не го направи. Подоцна ме прашаа дали имало втор жолт, а јас реков дека немало. Дури потоа ме контактираше еден навивач и ми испрати заканувачки пораки дека ќе ми испрати бомба, дека сака Хрватите да умрат, а ми испрати и гробишта во Вуковар. Ми кажа и дека мрази Хрвати и дека се надева дека кај нас ќе има нова граѓанска војна, дека ќе ми плука по гробот. Ми напиша и дека Хрватите се добредојдени во Данска како СИДА-та во Африка“, изјави Колингер. Вејле застана во заштита на хрватскиот фудбалер и го пријави лицето кое му се заканувало. Колингер во својата кариера настапуваше за НК Загреб и Локомотива, а потоа во 2020 година замина во Вејле и една сезона мина на позајмица во Клуж. Оваа сезона одигра 20 натпревари и еднаш асистираше....

Напаѓачот на Манчестер Сити, Фил Фоден, повторно е во центарот на вниманието на медиумите на островот, но овој пат не поради добрите игри на теренот туку поради убав настан надвор од него. Тој објави дека го очекува третото дете со својата партнерка Ребека Кук, вест која англиските медиуми ја прокоментираа дека англискиот репрезентативец и во кревет стрела исто прецизно како и во противничките мрежи. Причина за тоа е фактот што тој има само 23 години, а неговата девојка е дури и една година помлада. Фоден првпат стана татко на 19 години кога го доби синот Рони, а второто дете го доби на 22 години и ќерката Тру. Младиот напаѓач не сака да застане на три деца. Неговиот тимски колега Кајл Вокер, кој е десет години постар, пред неколку дена стана татко по шести пат, па Фоден е решен да го достигне, а можеби и да го престигне....

По серијата казни во машката кошарка поради обложување и местење натпревари на актери од Србија, Грција, Косово и Црна Гора, денеска дојде и првиот случај за жестока суспензија во Бугарија и тоа изненадувачки во – женска конкуренција. Станува збор за поранешната бугарска репрезентативка, Теодора Данева, која од ФИБА доби суспензија со важност до крајот на 2026 година поради загрозување на интегритетот на кошаркарскиот спорт. Динева освен по својот квалитет е позната и по својата убавина, со оглед што со години наназад го носи епитетот една од најубавите спортистки кај нашиот источен сосед. Засега нема детали што конкретно направила, но со оглед на веќе изречената суспензија јасно е дека ФИБА имала силни докази за тоа. Ова е уште еден показател дека Светската кошаркарска федерација (ФИБА) е решена да ги исфрли сите што го уништуваат кошаркарскиот спорт со дилови со разни обложувачки мафии. Бугарија е петта земја на мапата, а наскоро се очекува случни казни да има и во македонската кошарка, каде што веќе извесно време се водат истраги поради сомнение за многу средби на кои дел од играчите наместо за тимот играле за нешто друго што го руши имиџот на кошарката....

Сѐ поизвесно е дека Ралф Рангник ќе биде новиот тренер на Баерн Минхен, информациите велат дека двете страни ги договараат последните детали пред да си подадат рака, а има и такви информации дека работата е завршена и дека новиот тренер кажал „да“ само пет минути по завршувањето на синоќешниот меч од ЛШ против Реал Мадрид (2-2). Актуелниот селектор на Австрија по Европското првенство ќе ја напушти репрезентацијата и ќе седне на клупата на Баерн Минхен. Двете страни ги водат завршните преговори и наскоро се очекува да падне договор. Главните работи за кои се дискутира се проектот, влијанието на тренерот врз трансфер политиката и слично. Засега разговорите се максимално позитивни....

Конечно ВАР технологија и во македонскиот фудбал, барем засега тоа ќе биде на финалето од Купот на Македонија меѓу Воска и Тиквеш. Неофицијално, Фудбалската федерација на Македонија работи на поставување на ВАР технологија за мечот од финалето на Купот на Македонија кое ќе се одигра на 22 мај меѓу Воска и Тиквеш. ВАР технолгија има речиси во сите земји во Европа, но во Македонија прват ќе се случи на домашен меч. По големите поплаки на клубовите за катастрофалното судење во домашното првенство, ФФМ претходно вети дека размислува за воведување на ВАР технологија. Финалето од купот треба да биде првиот чекор кон тоа....

Манчестер јунајтед доби поплака од Здружението на фанови со хендикеп дека дел од навивачите кои ги нарекуваат „ѓубриња“, ги лажираат дека се инвалиди со цел да добијат билети кои не им припаѓаат. Манчестер јунајтед има сектор за лица кои имаат инвалидитет, такви билети им следуваат и за гостински натпревари. Овие карти се продаваат посебно и се наменети само за лица со инвалидитет. Но, во последно време се случуваат измами. Некои навивачи со инвалидитет учествуваат во измамите со тоа што ги препродаваат своите карти на измамници, пишува Дејли Мејл. Овој проблем посебно е присутен за гостинските средби. Клубот потврди дека е запознаен со поплаките на лицата со инвалидитет кои седат во инвалидски колички на натпреварите. Манчестер јунајтед поради тоа ќе ги промени правилата, па покрај билет, лицата ќе треба да покажат и лични документи со цел да се извриши потврда дека влезницата е во рацете на вистинското лице....

Се шпекулира дека Мота ќе биде нов тренер на Јувентус, но бјанконерите ќе имаат сериозна конкуренција, информациите велат дека и Челси е сериозно заинтересиран за италијанскиот стратег. Мота со Болоња е хит оваа сезона, тимот ќе игра во Лигата на шампионите, но веројатно не со него бидејќи за него се интересираат најголемите клубови. Челси со Покетино изгледа како просечен тим од англиската лига, клубот вложи многу пари, но резултатите се разочарувачки. Се очекува тренерска смена, а токму Мота е еден од оние кои се на списокот на Тод Боли. Покрај со Јувентус и сега Челси, Тијаго Мота се поврзува и со Милан. Италијанецот има многу опции, а се очекува да одбере брзо откако ќе заврши сезоната....

Хари Кејн ги расчисти сите дилеми околу неговата иднина во Баерн Минхен, вели дека сака долго време да биде дел од баварскиот клуб. Кејн во Баерн Минхен дојде за да освои титула, но во првата сезона тоа тешко дека ќе се случи, освен како Баварците не ја освојат Лигата на шампионите. Но, напаѓачот ќе има и наредни години да ја оствари целта, бидејќи не планира брзо да замине. „Тука сум во Баерн Минхен за многу години, не само за една“, рече Кејн. „Дојдов тука за да играм вака големи натпревари, овие големи моменти и нема поголем од тој што ќе го играме следната недела на гостински терен“....

Претседателот на Србија, Александар Вучиќ го постави камен темелникот на националниот фудбалски стадион во Сурчин, југозападно предградие на Белград. Стадионот ќе биде од четврта категорија на УЕФА, а Вучиќ најави дека ќе биде готов до крајот на 2026 година. Стадионот ќе се наоѓа 121 хектари земја, а ќе чини околу 257 милиони евра. Капацитетот ќе биде околу 52.000 гледачи. На стадионот ќе има и шопинг центар, фудбалска академија и фудбалски музеј. Вучиќ рече дека е предвидено во 2028 на него да се игра финалето од Лига Европа. Тој кажа и предлог име за стадионот, но рече дека сепак ќе остави народот да го даде името. „Ќе му дадеме на народот да избере име. Јас мислев да се вика Србија, но народот ќе гласа, луѓето се паметни. Не е работата само стадионот туку и животите на нашите луѓе, родители ќе водат деца и внуци, тука ќе поминуваат време, ќе се забавуваат. На НБА се забавуваат, мора и тука да го направиме тоа“, рече Вучиќ. „На проектот во моментов работат 526 работници. За мене ова е живот, остварување на сон“....

Реал Мадрид вчера поведе против Баерн Минхен благодарение на едно ремек-дело на Тони Крос, една фантастична асистенција која Винисиус ја реализираше за 1-0. Германецот скромно го објасни неговиот потег, а пофалбите ги упати кон Винисиус. „Видов дека нивните централни дефанзивци секогаш го пратат Винисиус и знам дека Винисиус секогаш трча во простор... затоа заслугите одат за Вини. Тој го отвори просторот, а додавањето беше добро“, рече Крос. This Kroos pass to Vinícius’s goal from this angle is just incredible. pic.twitter.com/3RxI5yS3IV — 𝙇𝘽𝙕  (@losblancoszone) April 30, 2024...

Денеска на програмата во Лигата на шампионите е нов натпревар, првиот полуфинален дуел меѓу Борусија Дортмунд и ПСЖ. ПСЖ од доаѓањето на катарските газди копнее за трофејот од Лигата на шампионите, францускиот тим е во полуфиналето, а пречката до последниот меч од натпреварувањето е Борусија Дортмунд. Германскиот тим е пријатно изненадување оваа сезона. Во Бундеслигата се дури на петтото место, но во елитното европско натпреварување стигнаа до четирите најдобри. Интересно, ПСЖ и Борусија Дортмунд играа во иста група оваа сезона. Во Франција победија парижаните со 2-0, а во Германија дуелот заврши нерешено 1-1. Мечот е посебен за Килијан Мбапе кој ја игра последната сезона како фудбалер на ПСЖ и сигурно сака да се одјави со европската круна. Според квалитетот на тимот ПСЖ е фаворит во оваа пресметка, но Борусија Дортмунд нема да излезе со бело знаме. Германците познати по својата упорност си имаат свои математики, нивна победа денеска нема да биде изненадување. Мечот ќе го суди англискиот судија, Ентони Тејлор....

Несекојдневна ситуација ни доаѓа од Норвешка. Соблекувалните на прволигашот КФУМ Осло се одвоени од стадионот каде што играат, па фудбалерите треба да поминат улица на пешачки за да влезат на теренот. 🇳🇴🛣️ Meanwhile in the Norwegian league, newly promoted side KFUM Oslo have their changing rooms separate from the stadium... So the KFUM & Brann players had to cross the road to begin the game! 😅😂 pic.twitter.com/cqCoioDFV8 — EuroFoot (@eurofootcom) April 29, 2024...

Денеска на програмата е 30. коло од Првата македонска фудбалска лига, во центарот на вниманието се битките за опстанок, во Штип Брегалница го пречекува Вардар, а Воска гостува кај Македонија Ѓорче Петров. До крајот на сезоната остануваат уште само четири кола, секој бод е важен и во трката за титулата и во борбата за опстанок. Денешното коло носи две директни битки за опстанок. Вардар во лоша форма патува во Штип кај Брегалница, црвено-црните имаат серија од три порази и се надеваат дека таа денеска ќе биде прекината. Ниту формата на штипјани не е многу подобра, тие на последните три дуели имаат едно реми и два порази, во последното коло доживеаа дебакл во Охрид каде загубија од Воска со 4-0. Доколку Вардар успее да се врати со трите бода од ова гостување, ќе направи голем чекор за избегнување на позициите кои водат во ранг подолу. За Брегалница ова можеби е последната шанса, со победа ќе ја задржат надежта. Воска е во најдобра позиција за опстанок, врзаа две победи во последните две кола и се одлепија на пет бода пред Вардар, но опстанокот уште не е обезбеден. Позитивен резултат од Ѓорче Петров ќе биде многу значаен за тимот на Захариевски. Македонија Ѓорче Петров пак се надева дека со три бода од денешниот меч може да го фати последниот воз за опстанок, доколку не триумфира, шансите ќе бидат сведени само на теорија. Актуелниот шампион Струга му гостува на незгодниот Тиквеш кој покажа дека може да биде опасен за фаворитите. Незгодно гостување има и Шкупи кој игра кај Гостивар, Шкендија го пречекува тимот на Брера. Во Кратово играат Силекс и Работнички. Сите натпревари се играат од 16 часот. 30. коло: Брегалница - Вардар Гостивар - Шкупи Македонија ЃП - Воска Шкендија - Брера Силекс - Работнички Тиквеш - Струга Табела: Струга 58, Шкупи 58, Шкендија 55, Силекс 41, Тиквеш 39, Брера 37, Гостивар 37, Работнички 35, Воска 34, Вардар 39, Македонија ЃП 26, Брегалница 26....

Поранешниот голман на Вардар, легендарниот Арпад Штербик имал срцев удар, информираше Веспрем преку соопштение. Веспрем потврди дека утринава Штербик не се чувствувал добро, отишол во болница каде што му соопштиле дека имал срцев удар. Во моментов е во добра состојба. „Нашиот тренер на голманите, Штербик Арпад нема да патува со нашиот тим во вторник. Арпи утринава се почувствувал лошо и отишол во болница каде што му е дијагностициран срцев удар. Благодарение на брзата медицинска интервенција, тој се чувствува подобро и можеби утре ќе ја напушти интензивната нега. Му посакуваме брзо опоравување“, стои во соопштението на Веспрем. Арпад Штербик од 2014 до 2018 беше голман на Вардар со кој ја освои и Лигата на шампионите....

Леброн Џејмс не сакаше многу да зборува за својата иднина со Лос Анџелес Лејкерс, откако неговиот тим беше елиминиран на стартот од плејофот од Денвер нагетс (1-4), но и покрај тоа што одби да одговори на прашањето „дали ќе игра во Ел-Еј и следната сезона“, мораше да се огласи неколку часа подоцна на социјалните мрежи. Леброн со таа порака сакаше да ги поништи гласинтеи кои кружеа низ мрежите по поразот од Денвер, а кои велеа дека тој решил да се пензионира. „Видов и слушнав приказни за мојата иднина. Сè уште не знам што ќе се случи, во моментов размислувам за времето што сакам да го поминам со семејството и пријателите. По разговорот со семејството, советниците и претставниците, ќе дознаете“, изјави Леброн. Леброн петтиот меч против Денвер го заврши со 30 поени, девет скока и 11 асистенции, но тоа не беше доволно за да се совлада составот предводен од Никола Јокиќ. Џејмс има рок до 29 мај да се изјасни дали ќе ја искористи „опцијата“ и ќе остане во Лејкерси барем уште една сезона, што би му донело 51,4 милиони долари....

Екипата на Реал Мадрид има задоволувачки резултат по првиот полуфинален меч од Лигата на шампионите (ЛШ), откако синоќа ремизираше на гостувањето кај Баерн Минехн (2-2). „Кралевите“ овој меч освен по релативно добрата игра и отворената ситуација за пласман во финалето ќе го паметат и по рекорд. Лука Модриќ со својот настап против Баварците со 38 години и 234 дена стана најстариот играч што се појавил во дресот на Реал Мадрид на натпревар од ЛШ односно Купот на шампионите. Досегашниот рекорд беше во сопственост на легендарниот Ференц Пушкаш, кој во ноември 1965 година, исто така во ремито 2-2 на гостувањето кај шкотскиот Килмарнок, настапи на возраст од 38 години и 229 дена....

Рафаел Надал одигра релативно добро на мастерсот во Мадрид, но и покрај тоа неговото учество заврши во осминафиналето по синоќешниот пораз во пресметката со Чехот Јиржи Лехечка (5-7, 4-6), со што Надал на тажен начин се прости од мадридската публика, бидејќи ова му беше последен пат да настапува во својата татковина. Организаторите на крајот му подготвија посебен пехар, а тој одржа говор кој ја расплака публиката на трибините. Сите знаеја дека ова е неговиот „последен танц“ во Мадрид и дека никогаш повеќе нема да го видат како игра тенис. „Ова беше еден од оние моменти, кога станува збор, многу е тешко... Но, мојот живот и моето тело ги имаме праќа сигнали долго време. Мојот сон беше да завршам овде, на овој терен. Имав среќа во животот да ја претворам страста во работа. Бев привилегиран...“, рече Рафа на збогувањето со Мадрид Rafa Nadal waves goodbye to the crowd in Madrid for the very last time. Listen to that noise. That’s the sound of 13,000 people who’ve been inspired & moved by what this man has given to the sport for so many years. A king leaving his kingdom. 👑🥹pic.twitter.com/eK5ZxseVzq — The Tennis Letter (@TheTennisLetter) April 30, 2024 Надал потоа истакна дека ќе се обиде да игра во Рим, но дека главна цел од оваа сезона е да се обидеме да настапи на Ролан Гарос, потоа на Олимписките игри на истиот терен во Париз. „Мојот сон е да ги одиграм сите турнири на кои имав успех, барем уште еднаш. За жал, ми недостигаше Монте Карло, но во Рим освоив, мислам, десет титули. Сакам да играм таму и да играм добро. Продолжувам мојата кариера, имам неколку лични цели за следните неколку недели и сакам да видам дали ќе можам да ги остварам“, објасни Надал, кој дефинитивно ќе се повлече од тенисот на крајот од оваа сезона....

Петмина борачи и една преставничка од понежниот пол ќе ја претставуваат Македонија на Светскиот олимписки квалификациски турнир, кој ќе се одржи во Истанбул во периодот помеѓу 9 и 12 мај. Ова е можеби последна шанса за некој од нив да дојде до норма за учество на летните олимписки игри (ЛОИ) годинава во Париз, нешто што во неколку наврати изминатиот период им бегаше за малку. Кај дамите обид ќе направи Вероника Рјабоволова и тоа во категоријата до 53 килограми, додека кај мажите нашата надеж ќе биде во добри настапи на Владимир Егоров (57 кг), Бесир Алили (65 кг), Расул Шапиев (74 кг), Ахмат Могамедов (86 кг) и Магомедгаџи Нуров (97 кг)....

Кошаркарите на Филаделфија севентисиксерс ја спасија првата меч-топка во воведната плејоф-серија со Њујорк никс, откако ноќеска по голема борба и едно продолжение славеа со 112-106 и намалија на 2-3 во победи. „Никси“ беа многу блиску до втората рунда на Истокот бидејќи водеа со 96-90 на пола минута пред крајот, но тогаш на сцена стапи Тајриз Макси, кој со седум поени во последните 11 секунди донесе екстра пет минути (97-97). Гостите беа далеку помотивирани во продолжението и заслужено дојдоа до триумф. Макси средбата ја заврши со 46 поени, а Ембид имаше трипл-дабл од 19 поени, 16 скока и 10 асистенции. Кај Њујорк прво име беше Брансон со 40 реализирани поени. Шестиот меч се игра утре вечер по македонско време во Филаделфија. Милвоки Бакс иако играше без најголемите ѕвезди, Демијан Лилард и Јанис Адетокумбо, лесно ја совлада Индијана Пејсерс (115-92) и исто така намали на 2-3 во серијата. Мидлтон со 29 поени и 12 скока и Портис исто така со 29 поени и 10 скока беа најпрецизни кај „лените“, додека кај Индијана, Халибартон имаше 16 поени. Кливленд и Орландо продолжија со партиите без брејк, откако ноќеска славеа „коњаниците“ со резултат 104-103 за водство со 3-2 во серијата. Мичел со 29 поени и Гарланд со 23 беа најдобри кај победникот додека кај Меџик, Банчеро уфрли 39 поени....

Тренерот на Баерн Минхен, Томас Тухел јавно го искритикува Ким Мин-јае за погодоците на Реал Мадрид. Не вообичаено тренерот директно да ги критикува играчите, но Тухел го направи тоа по ремито со Реал Мадрид од 2-2. „Тој беше премногу алчен и во двата наврати. Првиот потег против Винисиус при првиот гол го направи прерано и беше затечен од пасот на Тони Крос. Тој шпекулираше и беше преагресивен. За вториот гол, за жал направи нова грешка. Ние бевме 5 на 2, бројките беа на наша страна. Немаше потреба од агресивна одбрана кон Родриго. За жал ваквите грешки екипа со квалитет на Реал Мадрид ги казнува. Но, се случи тоа, одиме понатаму“, рече Тухел....

Рафаел Надал загуби во осминафиналето загуби од Јири Лехечка и го заврши настапот на мастерсот во Мадрид, а потоа имаше големо испраќање од публиката. Кралот на земјината подлога, Рафаел Надал за последен пат настапи пред својата публика во Мадрид, на неговиот омилен турнир. На теренот даде сѐ од себе, но тоа беше доволно само за осминафиналето. Таму загуби од чешкиот тенисер Лехечка со 7-5 и 6-4. По мечот имаше спектакуларно испраќање од 13.000 навивачи кои го гледаа мечот. „Ова е период кој кога ќе дојде е многу тежок, но животот и моето тело веќе долго време ми даваат сигнали. Мојот сон беше да завршам тука, на теренот. Имав среќа во мојот живот, мојата пасија да ја претворам во работа. Јас сум привилгиран“, рече Надал по мечот. Nadal: "Soy un afortunado de la vida por todo lo que he vivido, no puedo pedir más. Espero haber sido un ejemplo para las nuevas generaciones". Y tanto que lo has sido. Gracias, gracias y gracias, Rafa. pic.twitter.com/zW1mFYqHuL — María Blanco (@Mariablanco_) April 30, 2024 Rafa Nadal waves goodbye to the crowd in Madrid for the very last time. Listen to that noise. That’s the sound of 13,000 people who’ve been inspired & moved by what this man has given to the sport for so many years. A king leaving his kingdom. 👑🥹pic.twitter.com/eK5ZxseVzq — The Tennis Letter (@TheTennisLetter) April 30, 2024...

Баерн Минхен и Реал Мадрид одиграа 2-2 во првиот полуфинален дуел од Лигата на шампионите, и двете екипи беа во водство, на крајот мечот заврши нерешено. На Реал Мадрид му припадна првото полувреме. Резултатот беше отворен во 24. минута кога по една фантастична асистенција од Крос, Винисиус излезе сам пред Нојер и погоди за водство од 1-0. По осум минути игра во второто полувреме, Сане постигна одличен погодок со силен шут откако претходно влезе во шеснаесетникот со една соло акција. Четири минути подоцна се случи комплетен пресврт, Хари Кејн реализираше пенал за водство на Баерн Минхен од 2-1. Баварците сепак не го сочуваа водството, пенал беше досуден и за Реал Мадрид, погоди Винисиус од белата точка во 83. минута за конечни 2-2....

Баерн Минхен фуриозно го почна второто полувреме и брзо го сврте резултатот, сега Реал Мадрид губи со 2-1. По осум минути игра во вториот дел Лирој Сане изведе една прекрасна соло акција по која упати вистинска бомба и погоди за израмнување на 1-1. 🚨🚨| GOAL: SANE WITH THE EQUALISER!!! Bayern 1-1 Real Madrid pic.twitter.com/CdcFiYE4v9 — CentreGoals. (@centregoals) April 30, 2024 Четири минути подоцна во листата на стрелци се запиша и Хари Кејн кој погоди од пенал за комплетен пресврт и водство на Баерн Минхен од 2-1. 🚨🚨| GOAL: KANE GIVES BAYERN THE LEAD!!!! Bayern 2-1 Real Madrid pic.twitter.com/fzoulXpOb2 — CentreGoals. (@centregoals) April 30, 2024...

Директорот на Агенцијата за млади и спорт, Наумче Мојсовски, ги отфрли обвинувањата од Основното јавно обвинителство (ОЈО) и смета дека тие се во политичка функција пред изборите. Наумче Мојсовски, заедно со неговиот претходник Дарко Каевски, претседателот на МОК Даниел Димевски и уште деветмина, се најде на тапет кај ОЈО. Тие се обвинети дека ја оштетиле државата за пет милиони евра преку искористување на службената положба и несовесно работење, заобиколувајќи ги законските процедури извришле распределба на средства наменети за спортистите. Мојсовки ги отфрла обвинувањата и смета дека тие се во политичка функција пред парламентарните и претседателските избори. „Целосно ги отфрлам обвинувањата против мене како директор на Агенција за млади и спорт, за евентуална злоупотреба во мојата работа во однос на ваучер системот. Ги сметам за тенденциозни “мистериозно” протечените информации во јавноста, очигледен е и тајмингот и намерата. Очекувам транспарентна постапка во која моите тврдења целосно ќе се потврдат, а ќе докажат дека токму оваа хајка во јавноста против мене е само алатка за заплашување пред вториот круг претседателски и парламентарни избори. Моето име е изградено од вредна работа и огромен придонес за македонскиот спорт. Како спортист роден во мал град, Струга, отсекогаш сум работел чесно и вредно сѐ со цел унапредување и зајакнување на домашниот спорт. Со гордост сум ги бранел боите на Македонија и со гордост работам на поддршка на сите македонски спортисти. Македонија е демократска држава и како таква функционира во изминатите 7 години, кога заплашувањата, уцените и јавните лични линчувања се минато“, стои во реакцијата на Наумче Мојсовски....

Реал Мадрид поведе со 1-0 на гостувањето кај Баерн Минхен во првиот полуфинален натпревар од Лигата на шампионите. По одлична асистенција на Крос, Винисиус се најде сам пред Мануел Нојер и рутински ја смести топката во мрежата за водство на Реал Мадрид од 1-0....

Легендарниот фудбалер на Баерн Минхен, Томас Милер со почетокот на мечот против Реал Мадрид, дојде до голем јубилеј. За Томас Милер ова е 150. натпревар во Лигата на шампионите за Баерн Минхен. Тој е само третиот фудбалер во Лигата на шампионите кој успеал да одигра толку натпревари за само еден клуб. Другите двајца на кои тоа им успеало се Чави (151 за Барселона) и Касиљас (150 за Реал Мадрид). 150 - Thomas Müller is making his 150th Champions League appearance for FC Bayern tonight, becoming only the third player to reach this milestone for a single club after Xavi (151 for Barcelona) and Iker Casillas (150 for Real Madrid). Loyalty. #FCBRMA @esmuellert_ pic.twitter.com/QU9VZJ7F1R — OptaFranz (@OptaFranz) April 30, 2024 Доколку Баерн Минхен стигне до финалето, Милер може да стане фудбалерот со најмногу настапи во Лигата на шампионите за еден клуб....

МЗТ Скопје по голема борба го победи ТФТ со 79-77 во првиот меч од полуфиналната серија во плејофот, аеродромци ја завршија работата, но добро се испотија. МЗТ Скопје дојде до планираната победа над ТФТ, но противникот му даде силен отпор на фаворитот, сепак не успеа и да го изненади. Неизвесно беше од самиот старт, кошаркарите на МЗТ најчесто водеа, но не успеваа да се одлепат, првите десет минути ги добија со 22-18 благодарение на серија од 5-0 во финишот од периодот. Во втората четвртина ТФТ го сврте резултатот, поведе со 32-29, но аеродромци се вратија и на полувремето заминаа со предност од шест поени разлика, беше 41-35. ТФТ не се откажуваше, продолжи да му прави проблем на фаворитот и во второто полувреме, во финишот од мечот имаа предност од 72-70, сепак МЗТ Скопје со подобар финиш на крајот успеа да дојде до триумф од 79-77 и да поведе со 1-0 во полуфиналната серија. Војдан Стојановски со 16 поени беше најефикасен кај МЗТ Скопје, Дамјан Стојановски, Танасковиќ и Делалиќ постигнаа по 15. Во составот на ТФТ најдобар беше Ташковски со 24 поени....

Карлос Алкараз добро се испоти за да стигне меѓу осумте најдобри на мастерс турнирот во Мадрид, во меч кој траеше речиси три часа Шпанецот го победи Штруф во три сета. Алкараз добро го почна мечот, го доби првиот сет со 6-3, но во вториот загуби во тајбрејк, германскиот тенисер беше поуспешен со 7-5 и изедначи на 1-1. И во третиот решавачки сет се играше тајбрејк, овојпат Алкараз беше подобар со 7-4, за победа од 2-1 во сетови. Во четвртфиналето Алкараз ќе игра против Рубљов кој со 2-0 во сетови беше подобар од Гриекспур....

Екипата на МКК Куманово предводена од поранешниот македонски селектор, Марин Докузовски го завери пласманот во Првата лига. Денеска Куманово славеше убедлива победа над Ангели од 71-56 и со 2-0 ја затвори полуфиналната серија, обезбеди финале, а со тоа и место во елитата. Куманово немаше многу мака по вторпат да го совлада противникот, момците на Докузовски одиграа уште еден квалитетен меч, покажаа дека се значително подобри и лесно го добија дуелот со 15 поени разлика. За второто место кое носи во Првата лига се борат Маџари и Шкупи. Екипата од Чаир има предност од 1-0....

Поранешниот директор на Агенцијата за млади и спорт (АМС), Дарко Каевски и првиот човек на Македонскиот олимписки комитет (МОК), Даниел Димевски, реагираа по повод поднесениот предлог за обвинителен акт од страна на Основното јавно овбинителство (ОЈО) за проневерени пет милиони евра. Дарко Каевски ги отфрли обвинувањата од ОЈО како неосновани и тендециозно, тој тврди дека го нема прекршено законот во ниту еден случај. „Ги отфрлам сите обвинувања на ОЈО кои ги сметам за неосновани и тенденциозни. Најодговорно тврдам дека го немам прекршено законот во ниту еден случај и тоа ќе се докаже. Очекувам и во исто време сум убеден дека во една јавна, транспарентна, фер постапка ќе се докаже вистината и целосна моја невиност. Ништо од ова нема основа и затоа што фактите покажуваат дека: 1. Ниту сум можел ниту сум влијаел, ниту сум поттикнувал било кој од Централната Комисија. Особено што е именувана од друг орган надлежен по Закон, на владина седница. Дополнително сите членови во своите изјави кажале дека не сум присуствувал на работа на комисијата ниту сум давал сугестии. Се е јасно. 2. Во делот на надзорот според тогашниот закон за спорт член 14е, извештајот се доставува до следната календарска година од добиените ваучери најдоцна до 15ти јуни или во конкретниот случај тоа е до 15.06.2021 година, период во кој што јас не сум директор на АМС. Не навлегувам во мотивите на ОЈО да бидам опфатен со ваква постапка, постои сомнеж дека ова е можеби и злоупотреба за избораната кампања, но едно е сигурно вистината ќе се потврди. Дополнително на ова вештачењето е од 25.04.2024 година ден после првиот круг од претседателските избори, а предлогот е доставен за 3 работни дена потоа“, вели Каевски во својата реакција. Претседателот на МОК, Даниел Димевски ја нападна обвинителката Лидија Раичевиќ и вели дека го очекувал таквиот нејзин чин. „Денеска сум информиран дека од страна на обвинителката Лидија Раичевиќ е поднесен обвинителен предлог против мене за наводно несовесно вршење на службата во својство на член на Централната комисија за ваучери во 2020 година. За мене очекуван чин кој е круна на напорите на гореспоменатата обвинителка која истовремено отвори истрага и за одржаното Изборно Собрание на МОК како што и пројави посебен интерес за неколку останати спортови со посебен афинитет кон пливањето. Со големо задоволство ќе соработувам со судот каде мора да дојдеме до вистинските заклучоци и при тоа да не оставиме простор за понатамошни шпекулации и инсинуации. На крај, моето совесно или несовесно работење е константно на увид и оценка на спортските федерации, клубови и спортисти кои најдобро знаат колку мерката ваучер и јас лично сум им помогнал во секоја прилика без исклучок. Затоа веројатно и ја уживам нивната безрезервна поддршка сето ова време. Воедно сакам да информирам дека од Советот на јавни обвинители побарав да биде оценето постапувањето на обвинителката со детално образложение за непримерниот и непрофесионален однос спротивен на кодексот на обвинителската функција“, стои во реакцијата на Даниел Димевски. Според ОЈО, Дарко Каевски, Даниел Димевски и Наумче Мојсовски, заедно со уште деветмина го оштетиле буџетот на Република Македонија за околу 5 милиони евра преку искористување на службената положба и несовесно работење, заобиколувајќи ги законските процедури извришле распределба на средства наменети за спортистите....

Рускиот тенисер, Данил Медведев, се пласираше во четврт-финалето на Мастерс турнирот во Мадрид, откако вечерва релативно лесно го совлада Казахстанецот Александар Бублик (7-6, 6-4). Четвртиот тенисер во светот за сто минути ја реши дилемата наречена 18-та на АТП листата. Медведев со оваа победа стигна до најмалку четвртфиналето на сите девет мастерс турнири. Тој за пласман во полуфиналето ќе се бори со победникот од пресметката меѓу Рафаел Надал и Јиржи Лехечка. Пласман во четврт-финалето обезбеди Русинот Андреј Рубљов, кој по 66 минути игра беше подобар од Холанѓанецот Талон Грикспор (6-2, 6-4), а следен ривал ќе му биде подобриот од дуелот меѓу Карлос Алкараз и Јан Ленард Штруф....

Американската тенисерка, Медисон Кис, се пласираше во четвртфиналето на ВТА турнирот во Мадрид, откако вечерва во осминафиналето ја совлада сонародничката Коко Гоф (7-6, 4-6, 6-4), која беше трета фаворитка за освојување на драгоцениот трофеј. Пресметката траеше два ипол часа, со триумф на аутсајдерката Кис, која е 20. тенисерка во светот, додека Гоф е трета. Ова беше нивни петти досегашен меѓусебен дуел и трета победа за Кис, која во четвртфиналето ќе игра против Унс Џабир од Тунис, која, пак, беше подобра од Летонката Јелена Остапенко (6-0, 6-4). Во четвртфиналето се пласираше и најдобрата светска тенисерка, Полјачката Ига Швјонтек, која претходно денеска ја прегази Сара Сорибес Тормо од Шпанија (6-1, 6-0). Полјакот во четвртфиналето Таа за место во полуфиналето ќе игра со Бразилката Беатриз Хадад Маја. ВТА турнирот во Мадрид се игра за награден фонд од 7.679.965 евра....

Најдобрата македонска тенисерка, Лина Ѓорческа, се пласира во осминафиналето на турнирот од челинџер-серијата во Леида (Шпанија), откако денеска беше подобра во пресметката со домашната натпреварувачка, Карлота Мартинез Сирез (3-6, 7-5, 6-1). Македонката релативно лошо го почна мечот, па дозволи противничката да ѝ освои два по ред гема на нејзин сервис за да го добие овој дел од мечот. Вториот сет почна со фестивал на брејкови, со оглед што до 4-4 ниту една од тенисерките не си го сочува сервисот. Прва на кои тоа ѝ успеа беше Лина, која потоа направи уште еден брејк и изедначи. Третиот сет беше круна на добрата игра на нашата тенисерка, која по стартните 1-1 освои пет гема по ред за голем триумф против слично рангираната противничка. Ѓорческа за место во четврт-финалето ќе ги одмери силите со победничката од мечот меѓу втората носителка Катарина Синиакова од Чешка (40. место на ВТА листа) и Алисија Паркс од САД....

Денешниот ден не беше баш пријатен за фаворитите на мастерс-турнирот во Мадрид, откако Александар Зверев загуби од Франциско Серундола (3-6, 4-6), а Хуберт Хуркач беше поразен и од Тејлор Фриц (6-7, 4-6) уште во осминафиналето. Зверев денеска дефинитивно немаше свој ден, бидејќи делуваше прилично инфериорно на теренот. На Аргентинецот во двата сета му беше доволно да му одземе по еден гем на негов сервис и со тоа да се пласира во четвртфиналето на овој престижен турнир. Дуелот помеѓу Хуркач и Фриц беше малку повозбудлива, првиот сет беше решен дури по тај брејкот и се чинеше дека ќе има драма и во продолжението. Сепак, Фриц го одзеде сервисот на Хуркач уште на почетокот, а потоа играше мирно до самиот крај, што му овозможи да се најде меѓу осумте најдобри тенисери во Мадрид. Овие двајца тенисери ќе играат меѓу себе за пласман во полуфиналето, меч закажан за утре....

Според англиските медиуми, првиот човек на Манчестер Јунајтед, Сер Џим Ретклиф, кој пред крајот на ланската година го презеде управувачкиот пакет акции, сега планира комплетна реконструкција на екипата, како резултат на ужасните резултати речиси на сите полиња. Клубот сака следната сезона да атакува на трофеи, за што му требаат поквалитетни фудбалери, а за да дојде до нив планираат да го распродадат речиси целиот состав. „Телеграф“ објави дека само тројца од сегашниот сениорски погон се недопирливи и нема да бидат на продажба и тоа Маино, Хојлунд и Гарначо, кои и тие се сметаат за иднината на „ѓаволите“. Јунајтед во моментов е на шестата позиција на табелата во Премиер лигата, без никакви шанси за пласман во Лигата на шампионите, а до крај допрва треба да се бори за излез во Лигата на Европа или Конференциската лига, а тоа може да го стори и доколку го освои ФА купот, каде што во финалето за противник го има градскиот ривал Манчестер сити....

Наместо да биде промоција на детскиот спорт, фудбалскиот турнир кој е во тек на српскиот планински центар Златибор донесе инцидент од големи размери, откако се случи жестока тепачка помеѓу родителите на учесниците. „Златибор куп“ собра момчиња родени помеѓу 2010 и 2017 година, а според сведоци проблемот го направиле родителите на децата од клубот Стар Аеродром од Подгорица и во на мечот против Инеграл од Москва. Се започнало кога рускиот тим дошол до водство на овој дуел, а потоа родителите на момчињата од црногорската престолнина почнале да ги удираат децата на рускиот тим со шишиња, а потоа го нападнале и судијата на натпреварот. Како резултат на тоа, 11-годишно момче завршило со повреди на главата здобиени за време на овој инцидент. Според учесниците, подгоричкиот тим од претходно бил познат по проблеми на вакви турнири, бидејќи голем инцидент направиле и пред извесни време на сличен собир во Белград....

Против актуелниот прв човек на Македонскиот олимписки комитет (МОК), Даниел Димевски, предводникот на Агенцијата за млади и спорт (АМС), Наумче Мојсовски и неговиот претходник, Дарко Каевски, е поднесен предлог за обвинителен акт од страна на Основното јавно овбинителство, информираа денеска од оваа институција. За нив тројца, но и за уште други девет инволвирани во аферата со спортскиот ваучер се побарани мерки за претпазливост, што значи дека тие треба постојано да му бидат на располагање на овој орган во обидот да се расчисти аферата. Сите 12-мина се осомничени за злоупотреба на службена должност и несовесно работење. ОЈО ваквите постапки ги презел по поднесената иницијатива од Државната комисија за спречување корупција. Според ДКСК, постои сомневање дека претседателот на АМС и членовите на Централната комисија во 2020, 2021 и 2022 година, по пат на искористување на службената положба и несовесно работење, заобиколувајќи ги законските процедури, извршиле распределба на средства, со што го оштетиле буџетот на државата, но и лицата што имале законско право на вакви средства, а не им биле доделени. Штетата на Буџетот, за која Обвинителството обезбедило докази, неофицијално, засега е околу 5 милиони евра. Спортскиот ваучер беше воведен како замена за претходниот Закон за данок, каде што беше предвидено даночно ослободување за фирмите што сакаат да инвестираат во спортот. Идеен творец е Димевски, тогаш од позиција на советник на поранешниот премиер Зоран Заев, кој само го ограничи овој начин на инвестирање во спортистите прво на шест, а потоа и на десет милиони евра. Останатите осомничени се дел од АМС, која беше во улога на креатор на листите според кои беа делени парите, на предлог на матичните федерации, но најчесто со дополнителни промени без никакво објаснување. Реакции на начинот на поделбата на парите и пред се на критериумите, кои создаваа нејаснотии и забуна, а со тоа и простор за манипулација, конечно стигнаа до луѓето од ДКСК, коо, пак, по голема борба успеаја да се изборат нивниот предлог да биде официјализиран од ОЈО....

Напаѓачот на Интер, Маркус Турам сака да му даде дрес на навивач кој на дрес од Лукаку го стави неговото име. Францускиот напаѓач кога дојде во Интер го зема дресот со број 9 кој претходно го носеше Ромелу Лукаку. На прославата за Скудетото на Интер се појави навивач облечен во дрес на нероазурите од сезоната 2019-2020. Тој го имаше покриено презимето на Лукаку, со натпис Турам и две ѕвезди на него. Турам преку својот инстаграм профил ги повика навивачите да го шеруваат неговиот пост со цел да го најде навивачот и да му подари нов дрес. View this post on Instagram A post shared by Marcus Thuram (@thuram)...

Холандската фудбалска легенда, Весли Снајдер смета дека работите тргнале на лошо за Ерик Тен Хаг кога тој влегол во дуел со Кристијано Роналдо. Според Снајдер, клучниот потег на Тен Хаг кој му го разнишал имиџот во соблекувалната е неговиот лош однос со Роналдо. „Да ви кажам каде тргна на лошо за Ерик тен Хаг? На денот кога одлучи да влезе во битка со Кристијано Роналдо. Тогаш почна да ја губи сета почит. Тој мислеше дека тоа ќе излезе добро за него, но се случи спротивното. Сите во соблекувалната се чуделе дали е добар во главата што го прави тоа“, рече Снајдер....

Арне Слот побарал од Ливерпул да го донесе Лучарел Гертраида од Феенорд како негово прво засилување, стратегот има високо мислење за 23 годишниот фудбалер, кој може да покрие неколку позиции. Арне Слот е изборот на Ливерпул за наследник на Јирген Клоп, и Холанѓанецот веќе крои планови за новата сезона. Се шпекулира дека стратегот го идентификувал првото засилување и побарал од „црвените“ да го донесат Лучарел Гертраида од Феенорд. 23 годишниот фудбалер може да покрие неколку позиции, одлично се снаоѓа и како десен бек, централен дефанзивец и дефанзивец во средниот ред. Неговата цена е околу 30 милиони евра, но таа може дополнително да се намали бидејќи Лучарел Гертраида e под договор до јуни 2025, и летово ќе биде последна шанса за Феенорд добро да заработи од негова продажба....

Ѕвездата на Манчестер Сити, Ерлинг Халанд стана лик со кој може да се игра на видеоиграта „Clash of Clans“. Играчите на „Clash of Clans“ ќе можат да го изберат норвешкиот напаѓач во играта. Халанд повеќе од десет години ја играл оваа игра и ги контактирал „Суперсел“, финските програмери кои стојат зад оваа популарна игра за мобилен телефон. „Кога слушнавме дека Ерлинг Халанд е фан на нашата игра и сака да ни биде партнер, тоа беше сценариот од соништата“, рече Стјуарт Мекгав, генералниот директор на „Clash of Clans“. Халанд имал десет години кога првпат ја играл играта, а тоа го прави и денеска. „Долго време сум фан на оваа игра и знам сѐ за неа, навистина е кул што ќе се појавам како лик во игра“, рече Халанд....

Селекторот на машката младинска репрезентација Радослав Стојановиќ го објави списокот со ракометари за пријателските натпревари против Словенија. Собирот на младинските ракометари е закажан за 7 мај, вторник, со почеток од 9.30 часот во СЦ „Борис Трајковски“. Натпреварите меѓу Македонија и Словенија ќе се играат на 10 мај од 18 часот и 11 мај од 10.30 часот....

Вечерва се игра првиот полуфинален натпревар во Лигата на шампиони (ЛШ) меѓу Баерн Минхен и Реал Мадрид, а овие екипи ќе се соочат по осми пат во оваа фаза од натпреварувањето и поранешниот германски шампион води со 4-3. Историјата ни покажува дека баварскиот тим во вкупно 26 меча против Реал Мадрид славел 12 пати, три пати било нерешено и загубил 11 пати, но реалноста во моментов е поинаква и „кралевите“ се за нијанса поголем фаворит од нивниот голем ривал. „Сите знаат што може Реал во Лигата на шампиони, не смее никој да нè потцени. Чувствуваме почит од сите, имаме голема самодоверба и се надеваме на добар резултат. Баерн нема добра сезона во Бундеслигата, но одигра спектакуларни натпревари против Арсенал“, кажа тренерот на Реал, Карло Анчелоти. Rodrygo 🤝 scoring in the knockouts#UCL | @RodrygoGoes pic.twitter.com/9QFBxwUp8A— UEFA Champions League (@ChampionsLeague) April 30, 2024 Баерн ја загуби титулата во Германија по 11 сезони, а разочара и во германските Суперкуп и Куп, па единствен спас на сезоната гледаат во елитното европско натпреварување. „Сакаме да се пласираме во финале. Направивме чекор напред против Арсенал, а сега следниот треба да го направиме против Реал. Сакаме да бидеме конкурентни и да заигра во финалето“, кажа Томас Тухел. Натпреварот меѓу Баерн и Реал Мадрид се игра од 21 часот, додека реваншот меѓу клубовите е закажан за 8 мај. 🎯 Kane and Vini involved in the goals⚡ Sancho and Mbappé's elite dribbling Who will come out on top? @FedExEurope || #FPZstats pic.twitter.com/C1ywDpBzBj— UEFA Champions League (@ChampionsLeague) April 30, 2024...

Младиот турски талент Арда Ѓулер оваа сезона имаше проблеми со неколку повреди, но конечно се врати на теренот и постигна гол, по што даде кратко интервју за медиумите во кое откри зошто потпишал за Реал Мадрид, а не за Барселона. Ѓулер имал неколку понуди за неговата иднина, но „кралевите“ му ветиле дека ќе биде наследник на хрватскиот фудбалер Лука Модриќ. „Сонувам за Реал Мадрид откако сум дете. Додека бев на одмор, мојот татко ми се јави и ми кажа дека ме бара Реал. Бев возбуден, се чувствував како да сонував. Реал ми кажа дека ќе бидам наследник на Модриќ, тоа ме убеди да потпишам за нив“, кажа Ѓулер....

Ритуалот на српскиот кошаркар Никола Јокиќ е вистински хит на социјалните мрежи, а со него се „загрева“ пред секој од натпреварите. Јокиќ пред секој натпревар трча низ ходниците на салата каде што играат, па тоа станал еден вид ритуал кој е хит на социјалните мрежи. Jokic put the BURNERS on 😆LAL-DEN | 10:00pm/et on TNT pic.twitter.com/qUIYotNSOg— NBA (@NBA) April 30, 2024...

Шпанскиот тенисер Рафаел Надал успеа да се врати на големата сцена по голема пауза и се пласира во осминафиналето на мастерсот во Мадрид. На прес-конференцијата за медиумите кажа дека пред три недели не можел да се движи и не очекувал дека ќе може да заигра на ова ниво. „Сакам да продолжам да се натпреварувам и напредувам. Среќен сум по сè што морав да поминам. Губев од момчињата во академијата, не можев да станам и да се движам“, кажа Надал....

Еден од најдобрите боксери во историјата, Мајк Тајсон по пауза од 19 години ќе ја има првата професионална борба и ќе се соочи против Џејк Пол. Тајсон на 20 јули, кога ќе биде одржана борбата, ќе има 58 години додека неговиот противник има само 27 години. Првата идеја беше бокс-мечот да не биде професионален, меѓутоа потоа се променија плановите на боксерите. 📋 Jake Paul vs Mike Tyson rules confirmed: [@ESPN]👨‍⚖️ Officially sanctioned professional fight✅ Result will go on official records💥 Knockouts are allowed🤼‍♂️ 8x2-minute rounds🥊 14-ounce gloves❌ No headgear📆 July 20th🏟️ AT&T Stadium, Texas— Michael Benson (@MichaelBensonn) April 29, 2024...

Кошаркарите на Денвер нагетс минатата ноќ го елиминираа Лос Анџелес Лејкерс и се пласираа во полуфинале на Западот, каде што ќе играат против Минесота тимбервулвс. Веќе е познат и распоредот на натпревари меѓу Денвер и Минесота, па така првите два дуели се играат во Денвер на 5 и 7 мај, по што серијата се сели во Минесота на 11 и 13 мај. Доколку победникот не биде решен во првите четири меча, потоа ќе се игра во Денвер на 15 мај, па во Минесота на 17 мај и потенцијалната „мајсторка“ е закажана за 20 мај....

Францускиот голман Мајк Мањан се повреди на само шест недели пред почетокот на Европското првенство (ЕП) во Германија и постои можност да го пропушти турнирот. Милан соопшти дека Мањан се здобил со повреда на десната нога, но не откри колку време треба да паузира 28-годишниот чувар на мрежата. Повредата на Мењан е лоша вест за селекторот на Франција, Дидие Дешам, кој на 16 мај треба да го објави тимот со кој ќе настапи на турнирот во Германија. Франција првиот меч на ЕП го игра на 17 јуни против Австрија, а во групата се уште и Полска и Холандија. Мењан го пропушти и и Мундијалот во Катар во 2022 година поради повреда....

Најдобриот тенисер во светот, Новак Ѓоковиќ пред неколку недели се раздели со тренерот Горан Иванишевиќ, а од стручниот штаб си заминаа и Едоардо Арталди, Елена Капеларо, Марко Паники. На тренингот на Ѓоковиќ се појави австрискиот експерт за кондиција, Гебхард Фил-Грич и тоа е знак дека Србинот планира со нови луѓе да ја продолжи сезоната. Ѓоковиќ е подготвен да тргне во поход за една од наградите кои му недостигаат во кариерата, а тоа е златниот олимписки медал....

Браќата Јокиќ пред неколку дена учествуваа во инцидент на трибините, кога Страхиња удри навивач во глава, поради што Денвер реши да ги изолира за петтиот меч против Лос Анџелес Лејкерс. За да не се случуваат идентични работи, Страхиња и Немања беа изолирани од останатите навивачи, односно беа во ложата. На крајот нивниот брат Никола Јокиќ им донесе радост затоа што со помош на неговите соиграчи го елиминира Лејкерс....

Кошаркарите на Лос Анџелес лејкерс беа елиминирани во плејофот од НБА-лигата од Денвер нагетс со 1-4, а минатата ноќ пред новинарите се појави Леброн Џејмс. Џејмс доби незгодно прашање од новинарите, па реши да ја напушти прес-конференцијата, откако кажа дека нема да даде одговор. Прашањето кое го налути „кралот“ беше за неговата иднина, односно дали го одиграл последниот меч во дресот на Лејкерс. „Нема да ви одговорам на тоа прашање“, кажа Џејмс и замина од прес-конференцијата. Reporter: Was there any thought at all that this could’ve been your last game with the Lakers Lebron: I'm not gonna answer that. I appreciate it.pic.twitter.com/A0kHvr5lx8 — Barstool Sports (@barstoolsports) April 30, 2024...

Искусниот напаѓач на Барселона, Роберт Левандовски постигна три гола во победата од 4-2 против Валенсија во 33. коло од шпанската Ла ЛИга. Левандовски постојано се поврзува со заминување од Барселона, но полскиот голгетер не планира да го напушти клубот. „Не доаѓа во предвид да се збогувам со Барселона. Се чувствувам одлично. Сè додека се чувствува вака како сега, сакам да продолжам да играм. Ниту секунда не размислував за Саудиска Арабија или САД. Тоа во моментов нема смисла за мене. Кога ќе имам 38 години и ќе чувствувам болка, ќе си го поставам тоа прашање“, кажа Левандовски....