Притвор од 30 дена за жител на Сопиште, пронајдена дрога во неговиот дом
Сител - пред 2 часа
Определен е притвор во траење од 30 дена за И.Ј.(37) од Скопје во КПУ Затвор - Скопје, за кого ќе биде изготвена кривична пријава по чл.215 од Кривичниот законик. Како што информира МВР, полицијата по преземени оперативни мерки и активности вчера го лишила од слобода И.Ј.(37) од Скопје. При претрес во неговиот дом во Сопиште, извршен со судска наредба, биле пронајдени и одземени марихуана, кокаин, амфетамин, семки од растение, три дигитални ваги со остатоци од дрога....
Ковачевски: Нека ни е честит 1 Мај, СДСМ секогаш била на страната на работниците
Сител - пред 2 часа
„СДСМ како единствена авентична социјалдемократска партија секогаш била на страната на работниците, а нашите социјалдемократските политики ги заштитија граѓаните и ја спасија земјата од колапс за време на кризите во изминатите години“, изјави претседателот на СДСМ, Димитар Ковачевски, на денешниот Првомајски пикник што се одржа во Градскиот парк во Скопје. Тој потенцираше дека за време на владеењето на СДСМ значително се унапредиле работничките права и се подобрил животниот стандард на граѓаните. „СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Нешто што беше незамисливо до пред само седум години. Незамисливо беше затоа што претходната власт на ДПМНЕ ги третираше и продаваше нашите работници низ светот како евтина работна сила. Верувале или не, со тоа привлекуваа инвестиции“, рече Ковачевски. Ковачевски потсети дека токму СДСМ е партијата која обезбеди недела да биде неработен ден и ги зголеми пензиите и платите во суштинските сектори како здравство, образование и безбедност. Никого не оставивме сам да се бори со последиците од кризата, водејќи се од принципите на солидарност и правда, истакна Ковачевски. „Кога ги носевме антикризните мерки, ние решивме да се однесуваме одговорно. Правилно го распределивме ограничениот буџет и ги вративме парите кај граѓаните кога беше најпотребно. Обезбедивме 2,6 милијарди евра за поддршка на граѓаните и стопанството со што го заштитивме животниот стандард и достоинството на граѓаните, но и ги зачувавме работните места.“ Лидерот на СДСМ на сите граѓани на Македонија им го честиташе 1 Мај – Меѓународниот ден на трудот и најави дека партијата останува верен сојузник и поддржувач на работниците. Центар за комуникации со јавноста на СДСМ...
Каде ќе завршат гласовите за Османи и Таравари во вториот круг - одлука ќе се носи во следните денови
Сител - пред 2 часа
Embedded video for Каде ќе завршат гласовите за Османи и Таравари во вториот круг - одлука ќе се носи во следните денови...
Студен туш за барањата на Максим Димитриевски - за него пак, ароганцијата на СДСМ е ненадминлива
Сител - пред 2 часа
Embedded video for Студен туш за барањата на Максим Димитриевски - за него пак, ароганцијата на СДСМ е ненадминлива...
ДС: Само силен синдикат е гарант за работничките права
Сител - пред 2 часа
Демократскиот сојуз на сите работници им го честита Меѓународниот Ден на правата, 1-ви Мај. Во услови на влошена економско-социјална положба на работниците, единствен гарант се само силни синдикати. Независни цврсти, добро организирани и меѓусебно координирани синдикати можат да ги штитат и унапредуваат правата на работниците. Слабо платените работници и други работоспособни граѓани ја напуштаат Македонија. Ваквата состојба е резултат на вкупните лоши политики и негрижата на власта и работодавците кон тие што работат и создаваат нови вредности. Демократскиот сојуз е прва партија која во МакедонскиотПарламент предложи минимална плата, како што предлагаме и дефинирање на минимална пензија. Повеќе од јасно е дека е неопходен системски пристап и вреднување на трудот на секој вработен, но без реформи и борба против високата корупција состојбите нема да се променат. Според Павле Трајанов: "НАРОДОТ НЕ МОЖЕ ДА СОЗДАДЕ ТОЛКУ КОЛКУ ШТО ВЛАСТА МОЖЕ ДА УКРАДЕ" Демократскиот сојуз ги повикува синдикатите, на претстојните избори да се вклучат во промените. Демократски сојуз...
Експерти: Екстрадицијата на Палевски треба да се прави во најголема тајност
Сител - пред 2 часа
Embedded video for Експерти: Екстрадицијата на Палевски треба да се прави во најголема тајност...
Охрид полн со туристи за 1 Мај
Сител - пред 2 часа
Embedded video for Охрид полн со туристи за 1 Мај...
Првомајската традиција продолжува
Сител - пред 2 часа
Embedded video for Првомајската традиција продолжува...
Тема на денот со Иван Пешевски, ССМ
Сител - пред 2 часа
Embedded video for Тема на денот со Иван Пешевски, ССМ...
Почнува уписот на првачиња за учебната 2024/2025 година
Сител - пред 2 часа
Во основните училишта во државава во мај ќе се спроведува запишување ученици во прво одделение. Родителот односно старателот е должен во основно училиште да го запише детето кое до крајот на календарската година ќе наполни шест години. По исклучок детето може да се запише во прво одделение доколку наполни шест години до 31 јануари наредната година, по претходно барање од родителот, односно старателот, и добиено мислење од педагогот или психологот во училиштето. Родителот односно старателот има право да го запише детето во основното училиште во реонот во кој живее или каде што постојано престојува. Основното училиште е должно да ги опфати учениците од својот реон. На барање на родителот и доколку има соглсност од училиштето, како и слободни места, детето може да се запише и во училиште што не е во неговиот реон на живеење....
Масовен протест за 1 Мај: Синдикатите побараа 450 евра минимална плата од новата влада
Сител - пред 2 часа
Embedded video for Масовен протест за 1 Мај: Синдикатите побараа 450 евра минимална плата од новата влада...
Извонредна организација на АФН-9 ВАКО-ПРО кик бокс настанот во Скопје
Сител - пред 7 часа
Турнирот организациски помина одлично баш како големите светски турнири. Со тоа покажавме дека Македонија може и има капацитет и квалитетни борци и им овозможи на гледачите и на поддржуваците да уживаат во кик боксот. Сите присутни на ВАКО ПРО АФН 9 настанот во СЦ Јане Сандански во Скопје, беа одушевени од целокупната организација и останаа до последната минута на овој 3,5 часовен кикбокс спектакл. Секако сето тоа немаше да биде реализирано без помагачите и спонзорите на настанот до кој сакам да упатам огромна благодарност. Исто така благодарност на градоначалниците на Град Скопје Данела Арсовска, на општина Аеродром Тимчо Муцунски, општина Гази Баба Бобан Стефковски и општина Бутел Дарко Костовски кој од секогаш ги помагале нашите клубови во својте општини кој клубови ги издигале натпреварувачи кој натпреварувачи како наши репрезентативци подоцна носеле резултати за нашата земја Македонија на меѓународните настапувања. Ќе се потрудам Македонија почесто да биде домаќин на вакви настани и нашата публика да дознае повеќе за насшот спорт и нашите натпреварувачи. Во врска со нашите натпреварувачи, сакам да истакнам дека секој поради своја причина не го покажа она што го знае најдобро. Мое мислењ е дека причина за тоа беше кондицијата и тремата поради настап пред своја публика. Најголема трема имаа токму најуспешните и најискусните натпреварувачи како што се Викторија Варадинова, Димитар Гјоргиев и Бобан Илиоски. Секој од нив има многупати настапувано на меѓународни борби и првенства како сениори, но на овој настан токму кај нас кондиционо слабо се покажаа. Бобан во главната борба извојува победа над турскиот светски шампион Берк Дузенли. Пред почетокот на борбата Бобан имаше трема и беше возбуден пред се поради својата публика, роднините и пријателите кои беа дојдени да го бодрат. Го приметив дека од преголема желба да покаже добра борба, тој се укочи и не го покажа очекуваното - да ја заврши борбата со нокаут. И покрај желбите и оцекувањата, морам да напоменам дека во борба помеѓу двајца искусни борци како во овој случај - двајца светски прваци, можноста за завшеток на борбата со нокаут е минимална, бидејќи двајцата борци се спремни, борбата им е тактичка и одмерена и голема улога игра надитрувањето и кондицијата. Професионалните мечеви се бодуваат на добиени рунди не во собирање на бодовите од сите рунди заедно. Викторија Варадинова бесе кондициски послаба од противничката во овој меч, истото се случи и со насшиот трикратен светски и европски шампион Димитар Гјоргиев, но и покрај тоа тој покажа голема храброст и пожртвуваност и го прифати овој меч иако небеше кондиционо доволно спремен. И покрај сите околности, Диме го одработи мечот лавовски до крај. Посебна пофалба сакам да упатам до нашите јуниорски натпреварувачи : Марија Димовска, Силвио Мировски, Нелсон Узеир и Максим Митровски кои приказаа технички атрактивни борби за публиката, без нималку трема и не им дозволија на противниците било каква доминација над нив и сите извојуваа победа. Секоја чест и браво за подмладокот....
Максим дебитираше во ВАКО-ПРО со победа
Сител - пред 7 часа
Оваа година за прв пат Максим Митровски во јуниорска конкуренција настапи на професионален кикбокс меч ВАКО ПРО АФН 9 во дисциплината К1 -75 кг. Максим е натпреварувач од Кикбокс клубот Шампион од Скопје под водство на неговиот татко и тренер Дејан Митровски - Урко. Тој извојува апсолутна победа над својот противник Алекса Павловиќ од Србија со победа во сите рунди (3:0). “Мечот на Максим беше исклучително интересен и атрактивен за публика со комплетна доминација над противникот со примена на многу реализирани различни комбинации на врвно технички кикбокс удари. Тој е енергичен, силен и технички добро подготвен натпреварувач.” - изјави организаторот и претседател на КМФМ Дејан Митровски Урко. “Настапот на ваков гала настан со врвна организација, пред своја публика во преполната сала од една страна е дополнително оптоварување и стрес за мене како борец, но истовремено е и предизвик и мотив да се фокусирам и да дадам се од себе за да ја оправдам најпрво довербата на мојот тренер што ми овозможил учество и настап на ваков настан, но секако и поддршката од мојата фамилија, другарите, пријателите, клубски другари и сите поддржувачи и љубители на кикбоксот. Пресреќен сум што бев дел од еден прекрасен кикбокс настан и секако што победив. Продолжувам и понатаму напорно да тренирам и ветувам уште идни успеси и медали, аматерски, но и професионални” - изјави Максим Митровски....
Земјотрес од 4,3 степени според Рихтер во централна Хрватска
Сител - пред 10 часа
Земјотрес со јачина од 4,3 степени според Рихтеровата скала утрово во 5 часот и 38 минути го погоди подрачјето на градот Слуњ во централна Хрватска, соопшти Сеизмолошката служба. Епицентарот на земјотресот бил на околу 15 километри јужно од Слуњ и на длабочина од 10 километри. Магнитудата на земјотресот изнесувала 4,3 степени според Рихтеровата скала, а интензитетот во епицентарот е проценет на V-VI нивоа од ЕМС скалата“, соопшти Сеизмолошката служба на Хрватска. Граѓаните од подрачјето во близина на епицентарот велат дека се се тресело. Земјотресот бил почувствуван низ цела Хрватска, најмногу во Лика и централна Хрватска. Земјотресот е почувствуван и во Загреб. Европско-медитеранскиот сеизмолошки центар соопшти дека земјотресот е почувствуван и во Босна и Херцеговина и во Италија....
Стејт Департмент: Разочарани сме што две санкционирани лица ќе бидат министри во Владата на Србија
Сител - пред 10 часа
По соопштувањето на составот на новата српска Влада реагираше Стејт департментот на САД дека се „разочарани што гледаат две санкционирани лица предложени за функции во новата влада“, јави дописникот на МИА од Белград. Според најавите од мандатарот Милош Вучевиќ, во новата Влада на Србија ќе има и двајца членови кои се под санкции на САД- Александар Вулин, кој е предложен за вицепремиер и Ненад Поповиќ, кој е предложен за министер без ресор. -Нашиот став за господинот Вулин е добро познат. Тој останува под санкции на САД, се наведува во соопштението на портпаролот на Стејт департментот за Гласот на Америка, во кое се додава дека САД не играат никаква улога во кадровските решенија на српската влада. Мандатарот за состав на новата Влада на Србија и претседателот на Српската напредна партија (СНС) Милош Вучевиќ го именуваше Александар Вулин, еден од најконтроверзните актери на српската политичка сцена, кој се смета за лице со силни руски врски и кој од 11 јули минатата година е на листата на санкции на Министерството за финансии на САД за „коруптивни и дестабилизирачки акти“, заради унапредување на сопствени политички агенди и лични интереси, на штета на мирот и стабилноста на Западен Балкан. -Тие коруптивни зделки го олеснуваат ширењето на руските злонамерни активности во Србија и во регионот, се наведува во соопштението на Канцеларијата за контрола на странски средства на Министерството за финансии на САД (OFAC) кога санкциите беа воведени во јули 2023 година. Во ноември 2023 година, американскиот Стејт департмент воведе санкции и против Ненад Поповиќ, поранешен министер без ресор во Владата на Србија, и компаниите поврзани со него. -Поповиќ одржува блиски врски со Кремљ и ја користи својата мрежа за коруптивни шеми за лично да се збогати, наведе во соопштението портпаролот на Стејт департментот Метју Милер. Поповиќ е поранешен потпретседател на Народното собрание на Република Србија и претседател на парламентарната група за пријателство со Руската Федерација. Тој е поранешен потпретседател на Демократската партија на Србија (ДСС). -Од 1990-тите, Поповиќ ги користи своите деловни зделки во Русија за да се збогати и да стекне блиски врски со високи лидери на Кремљ. Поповиќ продолжи да ги користи своите врски со Кремљ за да обезбеди бизнис за неговите холдинг компании, од кои повеќето работат во консултантскиот сектор, за недвижности и електроника за руската економија, за да го изгради своето лично богатство преку проневера и даночни шеми. Стејт департментот го означи Ненад Поповиќ како некој кој работи за електронскиот сектор на Руската Федерација. Главните холдинзи на Поповиќ со седиште во Русија ги вклучуваат „Asset Electro LLC“ и „Asset Automation LLC“. „Mosen Asset Management LLC“ управува со секојдневното работење на холдинзите на Поповиќ во Русија, соопштија американските власти....
Вучиќ со одговор на Стејт департментот: Еве се дружам и пијам со Додик
Сител - пред 10 часа
Српскиот претседател Александар Вучиќ денеска реагираше на пораката од Стејт департментот во која се вели дека САД се разочарани од фактот што Александар Вулин и Ненад Поповиќ, функционери кои се под санкции на САД, се дел од новата Влада на Србија. Вучиќ рече дека „Владата на Србија ја избираат граѓаните“, а потоа го наведе случајот со Милорад Додик, кој беше со него во друштво, наведувајќи дека редовно се гледаат и пијат заедно и покрај тоа што претседателот на Република Српска е под американски санкции, јави дописникот на МИА од Белград. -Па, и Милорад Додик е под санкции на САД и еве го до мене. Еве, се дружиме. Пиеме еднаш неделно, тој чашка ракија, јас вино, и што со тоа? Ова за нас не е добра вест, се надевам дека ќе имаме добри односи со нашите американски партнери. Исклучително е важно да имаме добри односи. Не ме радува нивната реакција, но Владата на Србија ја избираат граѓаните на Србија. Што тоа значи? Кога ќе воведат санкции против некого, ние треба понизно да ја наведнеме главата и да кажеме: Да, благодарам што не информиравте кој не треба да биде ништо. Па, претседателот Додик го избра народот и јас ја почитувам волјата на народот, исто како што ја почитувам волјата на оние што беа избрани овде, рече Вучиќ, реагирајќи на пораката од Стејт департментот. Претседателот на Србија потоа додаде дека имало и критики поради тоа што во владата ќе има и „еврофанатични министри“. -Слушнав забелешки и од другата страна, но тие беа толку љубезни што не зборуваат за тоа јавно. Важно е Владата да биде српска и да ги спроведува интересите на Србија, кажа Вучиќ. Според најавите од мандатарот Милош Вучевиќ, новата влада на Србија ќе има и двајца членови кои се под санкции од САД – Александар Вулин, кој е предложен за вицепремиер и Ненад Поповиќ, кој е предложен за функцијата министер без ресор. -Нашиот став за господинот Вулин е добро познат. Останува под американски санкции, се наведува во соопштението на Стејт департментот, во кое се нагласува дека „САД не играат никаква улога во кадровските решенија на српската Влада“....
Приведено лице во Стојаково, полицијата нашла марихуана во неговиот дом
Сител - пред 12 часа
Полициски службеници од ОВР Гевгелија, вчера во 16.10 часот во село Стојаково, општина Богданци, го лишиле од слобода В.К.(30) од село Стојаково. -При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава, се наведува во соопштението од МВР....
Санкционирани 131 возач во Скопје
Сител - пред 12 часа
Секторот за внатрешни работи Скопје вчера на територијата на град Скопје изрече 131 меркa. Како што соопшти МВР, за возење без возачка дозвола 17 санкции, 14 мерки за непочитување на брзината на движење, девет мерки за користење мобилен телефон при возење, осум санкции за минување на затворен сигнал - црвено светло... Сообраќајните контроли продолжуваат и во наредните денови...
Вметнувани страници во пасош, приведен швеѓанин на Табановце
Сител - пред 12 часа
Денеска (01.05.2024) во 01.15 часот на Граничниот премин Табановце бил лишен од слобода Г.Ј.Ј.М.(27) од Шведска, поради тоа што при извршена пасошка контрола било констатирано дека во неговата патна исправа недостасувале страници, а исто така во неа биле и вметнувани страници од друга патна исправа. Тој бил предаден на полициски службеници од СВР Куманово за понатамошна постапка....
Девојче со тешки телесни повреди пренесено во прилепската болница
Сител - пред 12 часа
Вчера во 09.20 часот во Полициската станица Прилеп било пријавено дека на ул.„11 Октомври“ во Прилеп патничко возило „југо“ со прилепски регистарски ознаки, управувано од Ј.М.(52) удрило во велосипед управуван од малолетничка, двајцата од Прилеп. Во несреќата со тешки телесни повреди се здобила малолетничката, констатирани во Градската болница Прилеп. Извршен бил увид од увидна екипа од Полициската станица Прилеп....
За влез во Грција се чека по 1 час
Сител - пред 12 часа
На граничниот премин Богородица за излез од Македонија се чека и по еден час за возила кои се упатиле кој Грција. Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден....
Традиционален пикник за 1 Мај
Сител - пред 12 часа
Embedded video for Традиционален пикник за 1 Мај...
Продолжува предизборната кампања
Сител - пред 12 часа
Embedded video for Продолжува предизборната кампања...
Поведена истрага против осомничен за трговија со дрога и психотропни супстанции во Скопје
Сител - пред 12 часа
Основното јавно обвинителство Скопје донело наредба за спроведување истражна постапка против едно лице за кривично дело „неовластено производство и пуштање во промет наркотични дроги и психотропни супстанции“ од член 215 став 1 од Кривичниот законик. -При претрес во домот каде престојувал осомничениот 36-годишник во Скопје била пронајдена и одземена наркотична дрога марихуана со вкупна нето маса од 56,40 грама и 15 семки кои потекнуваат од растение кое припаѓа на растителниот род канабис, еден шприц со остатоци од хашиш смола, едно полиетиленско пакување со наркотична дрога кокаин со вкупна нето маса од 10,40 грама, пет полиетиленски пакувања со психотропна супстанца – амфетамин со вкупна нето маса од 5,13 грама и едно полиетиленско пакување со психотропна супстанца MDMA со вкупна нето маса од 0,45 грама. Дрогата и психотропните супстанции зедно со три дигитални ваги биле пронајдени и одземени од овластени службени лица, соопшти Јавното обвинителство. Јавниот обвинител до судијата на претходна постапка од Основниот кривичен суд Скопје доставил предлог за определување мерка притвор за осомничениот....
Мицкоски: Работничките права се прекршени, државата не води грижа за тие кои се р`бетот на економијата
Сител - пред 12 часа
Денес работничките права се прекршени и погазени. Државата многу малку води грижа за тие кои создаваат и се р'бетот на нашата економија. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница. Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја. Честит 1 мај, меѓународен ден на трудот! Центар за комуникации на ВМРО-ДПМНЕ...
Единаесет грански синдикати во КСС нема да протестираат по повод Меѓународниот ден на трудот
Сител - пред 13 часа
Ние денеска нема пред кого да протестираме. Имаме техничка Влада, ќе имаме нова влада во текот на следниот месец. Бараме од сите тие што претендираат да бидат носители на таа влада, да дојдат и да ги презентираат нивните програми пред нас, изјави денеска претседателот на Конфедерацијата на слободни синдикати (КСС) Благоја Ралповски. Одговорајќи на новинарско прашање дали ќе се придружат на денешниот најавен протест, Ралповски рече дека тие имаат направено стотици протести во државата во изминатите шест-седум години. -Добро е што конечно им текна дека треба да излегуваат на улиците и да си ги бараат соите права. Но, мислам дека во иднина ако имаме коректни односи меѓу двете синдикални организации дека да, за некој е вистинско право, а не изнудено право дека можеме заедно да излеземе низ улиците и да си ги бараме своите права, нагласи Ралповски. Тој појасни дека на денешниот протестот организиран од Сојузот на синдикати по повод Меѓународниот ден на трудот - 1 Мај нема да излезат 11 грански синдикати - Самостојниот сидникат на образование, наука и култура на Република Македонија - СОНК, Синдикатот на администрацијата, државната управа и правосудство на Македонија, Синдикат за транспорт и врски, Синдикатот на станбено - деловни, комунални и водостопански организации на Република Македонија... Ралповски додаде дека на денешната свечена првомајска академија, што се одржува во просториите на СОНК, биле поканети сите политички партии за да ги презентираат своите економски програми. Поканата ја прифатиле само ВМРО-ДПМНЕ, Левица и Движење ЗНАМ - За наша Македонија!...
На првиот ден од мај променливо облачно и топло, попладне локален дожд
Сител - пред 14 часа
Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи, соопшти Управата за хидрометеоролошки работи. Минималната температура ќе биде во интервал од 6 до 12, а максималната ќе достигне од 20 до 27 степени. Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени. Во наредните денови следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање....
Јавниот превоз во Скопје денеска по неделен возен ред
Сител - пред 14 часа
Поради празникот 1 Мај – Меѓународниот ден на трудот, денеска јавниот превоз во Скопје ќе сообраќа по неделен возен ред. Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров. Од јавното претпријатие додаваат дека жичницата ќе работи два часа повеќе од досега, односно од 10 до 20 часот. -Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје. Работното време е согласно со Одлуката за работно време на Жичарницата во период мај – септември....
ЦУК апелира до граѓаните на внимателност при палење оган на отворено
Сител - пред 14 часа
Центарот за управување со кризи апелира до граѓаните на внимателност при палење оган на отворено за Меѓународниот ден на трудот - 1 Мај. -За првомајскиот празник традиционално граѓаните излегуваат во природа и на излетнички места. Апелираме за внимателност при палење оган на отворено за првомајскиот празник, како и секогаш кога се престојува во природа. Ако се пали оган на отворено при одењето на излет, таму каде што нема посебно направени огништа за правење скара, тоа да се прави внимателно и пред заминување од местото, обврзно да се изгасне жарта од огнот, велат од ЦУК....
Денеска е Велика среда
Сител - пред 14 часа
На Велика Среда се одбележуваат три значајни настани: Последното претсмртно помазание на Господа, Заговорот на јудејците за да го убијат и Јудиното предавство на Христа за триесет сребреници. И на Велика Среда се читаат библиските текстови кои се во контекст со претходните денови и во врска со настаните од денот (на Утрената: Јован 12,17-50; на Литургијата: Матеј 26,6-16). Последното претсмртно помазание на Господа Христос е помазан со миро во Витанија (Матеј 26,6-13; Марко 14,3-9; Лука 7,37-50; Јован 12,1-8). Според евангелските сведоштва, Господ Исус Христос и апостолите ноќта ја поминале „во Витанија, во куќата на Симона Прокажениот“ (Матеј 26,6). Во Евангелието, коешто се чита на Предосветената Литургија (Матеј 26,6-16), се вели дека токму на тој ден некоја жена излила миро врз главата на Господа Исуса Христа (Матеј 26,7). Со тоа, таа Него Го подготвила за погребение, како што рекол и Самиот Он (Јован 12,7). На Исток, помазувањето со миро било позната работа. Тоа се правело на значајни личности (на цареви и првосвештеници) или, пак, кога во домовите на побогатите ќе дојдел значаен гостин, кој бил особено почитуван и уважуван – и тој бил помазуван. Обично, при помазувањето, ја помазувале косата на главата, челото, лицето и брадата, а кога сакале кон некого да покажат исклучителна почит, му ги помазувале и нозете. Освен ова помазание, Евреите имале востановен обичај да ги помазуваат со мириси и телата на упокоените при погребувањето (види: Јован 19,39-40; Марко 16,1; Лука 24,1). Помазанијата на Господа Исуса Христа не смеат да се поистоветуваат, не треба да се спојуваат ни во едно, ни во две, бидејќи тие се три. Станува збор за три настани, кои меѓусебно се слични, но сепак имаат доволно разлики за да не се сметаат како еден настан. Различни се според: помажувачите, времето, местата, домаќините и начинот на помазувањето. Во Евангелието се спомнуваат три помазанија на Господа Исуса Христа со миро и тоа во различни места, од различни жени и во различни вечери. Имено: 1) Во Евангелието според Лука се спомнува „жена грешница“ која му ги помазала нозете на Исуса со миро излиено од „алабастрен сад“. Тоа се случило во Ерусалим, во домот на Симон Фарисејот (Лука 7,36-50). Според Светото предание, таа жена била Марија Магдалина „од која“ преку чудотворната моќ на Спасителот, „беа излегле седум демони“ (Лука 8,2). 2) Второто помазание е опишано во Евангелието според Јован, каде што се вели: „На шест дена пред Пасха дојде Исус во Витанија, каде што беше умрениот Лазар, кого го воскресна од мртвите. Таму Му приготвија вечера и Марта послужуваше… а Марија, како зеде литар скапоцено миро, ги помаза нозете Исусови, и ги избриша со косата своја“ (Јован 12,1-11). 3) Третиот случај бил пак „во Витанија, во куќата на Симона Лепрозниот“ (Марко 14,3 и Матеј 26,6). Тоа се случило два дена пред Пасха. Така се вели во Евангелието според Марко (Марко 14,1). И тогаш некоја жена, различна од првите две, чие име останува скриено, се удостоила да Го помаза Исуса со „скапоцено и чисто нардово миро“ кое го излила врз „главата Негова“ (Марко 14,3). Притоа, Спасителот рекол дека таа го помазала телото Негово, подготвувајќи го за погребение (Марко 14,8). Овој настан е забележан во Евангелието според Марко (Марко 14,1-9) и според Матеј (Матеј 20,6-13). Толкувачите се согласни дека овде се работи за еден ист настан којшто е опишан и во двете евангелија: во Евангелието според Матеј и во Евангелието според Марко. Анализирајќи ги трите помазанија на Христа, забележливо е тоа што во првите два примера мирото е излеано врз нозете Исусови, а во третиот случај, врз главата, и тогаш, жената што го излила мирото врз „главата Негова“, не се нарекува грешница. Свети Јован Златоуст за помазанието кај Симон Лепрозниот, вели дека не е незначајно тоа што ова помазание е извршено токму кај човек лепрозен и затоа е тоа нагласено крај неговото име. Симон бил лепрозен човек, кого Господ Исус Христос го излекувал од лепрата (опасна, заразна, смртоносна болест – неизлечива во она време). Лепрата се сметала за гнасна и нечиста болест и секој што ќе се допрел до лепрозниот станувал нечист и се заразувал, па требало да принесе жртва за очистување. Христос го допрел лепрозниот и не само што Он не се заразил, туку болниот се очистил. Затоа и бил во неговиот дом. Жената, пак, го видела тоа чудо, но сепак, со срам и страв приоѓала кон Христа, а со цврста вера дека Оној што ја очисти лепрата, лесно ќе ја очисти и нејзината духовна нечистотија. За чудо, пак, имало негодување за помазанието, односно за истурањето на скапоценото миро, кое можело да се продаде за повеќе од 300 динарии и да се помогнат сиромасите. Евангелистот Марко за негодувањето зборува неодредено, Матеј запишал дека тоа биле „учениците Негови“ (Матеј 26,8), а Јован, многу конкретно вели дека тоа го рекол: „Јуда Симонов Искариот, кој што подоцна Го предаде…“ (Јован 12,4-5). Значи, јасно е кажана и цената на мирото, кое било многу скапо, како и тоа, кој од апостолите негодувал и го рекол тоа. Јуда негодувал за парите од скапоценото миро, бидејќи бил среброљубец. Тој, замаен од среброљубието, сметал дека Господ Исус Христос има негрижлив став кон парите и кон богатството, та, просто, не можел да го разбере Неговото однесување. Ете, пред малку, Он ги вреднувал повеќе двете лепти на вдовицата, отколку големите богатства подарени од имотните Евреи, а сега, скапоценото миро Го растурал, иако можело за него да се добијат многу пари. Ваквото Христово однесување за Јуда немало никаква смисла и било неразбирливо, па го сметал за неисправно и неприродно. На таков начин, сатаната лукаво, вистинското го прави лажно, злото го претставува како добро итн., создавајќи превртеност на вредностите. Зошто Јуда приговарал за излиеното миро и зошто барал за него да се добијат 300 динарии? Затоа што бил среброљубец и затоа што бил нечесен, како што запишал апостолот и евангелист Јован: „Ова тој го рече не дека се грижеше за сиромасите, туку зашто беше крадец. Тој го чуваше ковчежето и крадеше од она, што пуштаа во него“ (Јован 12,6). По овие евангелски зборови можеме јасно да го сфатиме однесувањето на Христовиот среброљубив благајник Јуда. Ова е опомена и за нас, за да не претеруваме во световното и во материјалното. Реченото, дека добиените пари од продаденото миро можеле да се раздадат на сиромаси било сосема точно, но Бог повеќе сака вистинска оддаденост и дар, без елементи на пресметки и пресудување при давањето дарови, односно, Господ сака вистинско радосно дарување, без проценки и математики, како што вели свети апостол Павле: „Секој да дава од се срце, а не со жал или принуда; оти Бог го љуби оној што од срце дава“ (2. Кор. 9,7). Забележливо е и тоа дека на почетокот, при Неговото доаѓање во тело на земјава, уште во витлеемската пештера, Христос бил даруван со скапоцени дарови: злато, смирна и ливан (Матеј 2,11). Исто така, и на крајот од Неговиот живот во тело на земјава, Он бил помазан со скапоцени мириси. А ова помазување со миро, за кое Христос рекол дека жената „испревари да го помаже телото Мое за погребение“, се случило по Божја промисла, затоа што при погребението Он не ќе можел да биде помазан, па затоа било и одењето на жените мироносици на гробот – отишле за да го помазуваат со миро телото на Христа. Постапката на жената и постапката на Јуда се две крајни спротивности: жената е пример на пожртвувана љубов, а Јуда е пример на саможивост и егоизам. Таа не жали најскапоцена жртва за да покаже љубов кон Господа, а Јуда од ништо не се срамува и не се плаши, за да ја задоволи љубовта на Мамона (Мамон бил бог на богатството и парите). Таа го излила скапоценото миро, па дури и садот го скршила, давајќи се што има за Бога, а тој, бидејќи среброљубец само за 30 сребреници го продаде Господа, бесценетиот. Христовото помазание во Витанија била слатка капка, а Јудиното предавство, горка капка во чашата Господова. Овие две личности, засекогаш остануваат претставници на двете групи луѓе, кои различно приоѓаат кон Господа и кон спасението на душата. Блажени Теофилакт Охридски вели да се срамат сите кои претпочитаат нешто друго повеќе од Христа, па дури ни сиромасите. Еве, овде лично Господ Исус Христос покажал дека повеќе го цени служењето Нему, отколку на сиромасите. И уште, вели дека погрешно мислат оние кои сметаат дека може да се продадат златните садови за жртвопринесување во храмот и парите да се раздадат на сиромасите. Велелепието на храмот и на домот Божји е грижа на верниците и свештенослужителите, а во златниот дискос и путир се поставува вистинското тело и вистинската крв Христова. Не треба да ја прифаќаме мислата на Јуда, туку постапката на жената, која Го миропомазала Господа. Квалитетот и цената на мирото За квалитетот на мирото со коешто бил помазан Господ Исус Христос се вели дека било: вистинско, нелажно, чисто, нерастворено и посебно зачувано миро. Оттаму е утврдена и цената: скапоцено. Тоа значи дека било не обично, туку посебно миро. Нешто што се чувало како драгоценост. Можело да се продаде „за повеќе од триста динарии“ (Марко 14,5). Навистина, таа вредност е голема. Еден динариј била плата за една работничка дневница, а 300 динарии значи повеќе од 300 дневници. Тоа се пари за плати за цела една година. Дека 1 динариј вредел една дневница, пишува во Евангелието, во Параболата за работниците во лозјето (Матеј 20,1–16). Состав на мирото По својот состав мирото ги содржело следниве состојки: смирна, миризлив цвет на цимет, разни миризливи стебленца, маслиново масло и од многу други нешта. Жената излила врз Христовата глава „чисто, нардово миро“. Нард е билка која е распространета во Арапската пустина и низ Источна Индија. Позната е како камилска трева. Од коренот и од листовите на нардот се правело многу мирисно масло. И денес од нард се прават скапоцени парфеми. Во Новиот завет се спомнува во евангелијата според Марко и Јован. Сад за миро Чувано било во алабастерн сад. Бидејќи бил скапоцен мирис, обично, мирото се чувало во мали алабастерни садови. На Христовото помазување што го направила жената, се противел среброљубецот Јуда. Затоа, на Велика Среда се прославува жената грешница, а се укорува среброљубието на Јуда. Ете, грешната жена, грешницата – ја воспева денес Црквата, за тоа што таа Му принесе миро на Господа – а Неговиот апостол Јуда – предавство; таа се радуваше, истурајќи го скапоценото миро, а тој отрча да Го продаде Непроценливиот; таа Го позна Христа, а тој се одрече од Него; таа Му пријде, а тој си замина; таа се ослободи, а тој стана роб на гревот и ѓаволот. Заговор за убиство Јудејците се договориле да Го убијат. Библискиот текст вели: „По два дни беше Пасха и празникот Бесквасници; а првосвештениците и книжниците сакаа да го фатат на измама и да го убијат; но велеа: ,На празникот не, за да не стане бунт меѓу луѓето‘ “ (Матеј 26,3-5; Марко 14,1-2). Заговорот против Христа првосвештениците и книжниците го направиле во средата пред Пасха. Овој настан што се случил тогаш е причина во Црквата Христова среда да биде ден определен за пост, бидејќи тогаш Господ Исус Христос бил предаден и првосвештениците и книжниците се договориле да го фатат, лажно да го обвинат и да го осудат на смрт, распнувајќи го на крст. А во петокот бил паспнат. Непријателите сакале да го исползуваат предпразничното време, пред Пасха да го фатат и убијат, за да можат ослободени од Него да ја прославуваат Пасха. Господ Исус Христос, пак, го определил времето на Своите страдања и според промислата на Светата Троица, Он бил распнат спроти Пасха, затоа што Он Самиот е вистинската Пасха. Овде е забележано дека првосвештениците и книжниците донеле најконкретна одлука: Исус мора да биде фатен и убиен, и тоа, што е можно побрзо. Ним им недостасувало само погодно време тоа да го извршат. Тие, отишле дури дотаму во гревот, така што, на нивната морална и верска содржина, не им пречело убиството на Христа и биле согласни Он да биде убиен дури и на Пасха, не сметајќи дека со тоа ќе го осквернат праз¬никот. Тоа не им пречело, туку биле загрижени, од практични причини, „за да не стане бунт меѓу луѓето“. Тие се договориле „да го фатат на измама“, затоа што немале вистин¬ска причина со која би Го обвиниле, осудиле и убиле. Јудиното предавство на Христа Јуда Го предал Господа за 30 сребреници (Матеј 26,14-16; Марко 14,10-11; Лука 22,1-6; Јован 13,2,27). Во Евангелието е запишано вака: „Тогаш Јуда Искариотски, еден од дванаесетте, отиде кај првосвештениците, за да им Го предаде. А тие, штом чуја, се зарадуваа и ветија да му дадат сребреници. И бараше погодно време, за да го предаде“ (Марко 14,10-11). Јуда отишол кај првосвештениците со намера да им го предаде Господа Исус Христа. „Отиде“ – значи отишол сам, без некој да го повика, односно, првосвештениците не го повикале, па дури и тие биле изненадени од неговата постапка. Јуда, всушност, им ја олеснил нивната работа. Што го натерало Јуда да „отиде при првосвештениците“? Светиот евангелист Лука вели: „Влезе сатаната во Јуда“ (Лука 22,3), се разбира по негово допуштање и според слободната волја на апостол Јуда, бидејќи сатаната нема таква сила и моќ, без наша волја да раководи со нас, туку ние, со нашата слободна волја, му допуштаме. Светите отци истакнуваат уште една причина за желбата кај Јуда да го предаде Христа. Имено, сè до тој момент Јуда се двоумел дали Христос ќе биде Јудејски цар на земјава или не. Јуда повеќе посакувал Исус да биде политички цар. Зошто? За да добие некаква важна функција во државната власт. Но, неговите планови пропаднале кога видел дека Учителот се подготвува за страдање, за смрт и тогаш веќе, конечно ја изгубил сета надеж. Почнал да си размислува за себе и си велел дека од Христа не ќе може ништо повеќе да добие, а можел да биде само гонет, па затоа решил да искористи барем нешто, а тоа било да го предаде Христа и за тоа да земе некоја награда во пари. „И рече: ,Што ќе ми дадете, па да ви Го предадам?‘ А тие му предложија триесет сребреници“ (Матеј 26,15). Евангелието мудро ги открива работите. Забележуваме дека Јуда во оваа реченица не сака ни да го спомне името на Спасителот. А, не спомнува и никаква цена, туку, едноставно, си вели: дајте колку ќе дадете. Тој, пак, бидејќи не предложил цена за Исуса, тоа веднаш го направиле првосвештениците и „му предложиле триесет сребреници“. Тоа значи дека Исус е потценет и вреднуван само колку еден најобичен роб. Евангелскиот текст спомнува дека тие му ветиле „да му дадат сребреници”, од што, јасно заклучуваме дека Јуда се одлучил на предавство затоа што бил среброљубец и алчен за пари. Откако видел дека неговите надежи се завршени и дека играта во своите мисли, дека ќе биде важна личност во земното царство на Господа Исуса Христа е неисполнлива, а наскоро ќе нема и пари во ковчежето од каде што ќе може да краде, се одлучил да се откаже од Христа, да им го предаде на јудејските старешини, да се приврзе кон нив и да ја задоволи својата среброљубива страст, земајќи дури и толку малку пари. Според текстот од Евангелието според Матеј, точно се наведува ветениот износ што му го дале првосвештениците на Јуда: „30 сребреници“ (Матеј 26,15 сп: Зах. 11,12). Во Втората книга Мојсеева се спомнува дека износот од 30 сребреници претставувала цена определена како “крварина” за еден ненамерно убиен роб, како што е запишано: “Прободе ли, пак, волот роб, или робинка, тогаш на господарот нивни да му се платат триесет сикли сребро, а волот да се убие со камења” (2. Мој. 21,32). Исто така, познато е дека цената на еден најлош и безвреден слуга изнесувала 30 сребреници. Таа цена била определена и за Господа Исуса Христа во пазарот меѓу Јуда и првосвештениците. Откако ја договориле цената, и Јуда и свештениците, потоа, само барале „погодно време“ за да го исполнат договореното. Чудно било задоволството што го чувствувале и Јуда и свештениците! Јуда ја задоволил својата среброљубива страст и чувствувал задоволство како што чувствува пријатност алкохоличарот од голтката алкохол, клептоманот од украденото итн. Првосвештениците, пак, биле задоволни што можеле така безвредно да Го добијат галилејскиот Учител и уште еднаш да им се потврди нивната мисла дека парите можат сè и дејствуваат секаде, па дури и меѓу Христовите ученици. Синедрионците сакале да Го понизат Христа со цена за роб, иако можеле да понудат повеќе за бараниот Човек, а таквата „услуга“ чинела многу повеќе! Кој бил Јуда? Јуда бил Христов апостол. Човекот што одел постојано со Господа Исуса Христа и дење-ноќе, го слушал Евангелието, ги гледал чудата и добрините што ги правел Господ и знаел сè што треба да прави, го знаел доброто, а го извршил злото. Тој е пример за отстапништво. Пример колку може човекот да падне и да се оддалечи од Бога. Пример како праведникот може да постане грешник, апостолот – предавник. Среброљубието, парољубието, материјалноста, овоземното богатство и слава, злобата и зависта, му го обзеле неговото срце и тој станал предавник. Кога човекот ќе го опфатат тие гревови и пороци, тогаш, од таквиот може да пострада секој, па дури и Господ Кој бил единствено безгрешен во светов. Зошто и како можел Јуда да го предаде Господа, кога тој бил избран за апостол од Христа? Тоа покажува дека Бог, повикувајќи ги луѓето кај Себе, не им наложува ништо насила и не ги принудува, не ја присилува нашата волја, туку ја почитува нашата слобода и нè остава самите, со нашата слободна волја, да се определиме за доброто. Притоа, Бог само ни помага да се насочиме кон тоа, нè упатува, советува, помага, се грижи и сака да ја побуди нашата волја кон доброто и да станеме добри, но Он не одлучува, туку ние. Ако и покрај сè, некои не сакаат да бидат добри, нив Бог не ги принудува. А, ако Бог принудува, тогаш каква е нашата заслуга? Зошто тогаш да бидеме наградени за направеното добро, ако не е наша одлуката за тоа? Со кое право, пак, би нè казнувал за злото, кога Он е Којшто одлучува? Ние не сме виновни. Тогаш ние не сме ни за казна, ни за награда. Господ Исус Христос знаел кој го предал. Знаел дури и пред да го предаде. Тоа го покажал на Тајната вечера. Прекрасно објаснување на овие евангелски содржини има во богослужбата на Велики Четврток вечерта, ако внимателно ги слушаме антифоните. + + + Со Велика Среда се завршува редот на великопосните богослуженија и особености. Тогаш, последно се служи Предосветена Литургија и се прават длабоки поклони при пеењето на: „Нека биде благословено името Господово“…– (Буди имја Господне…). Некаде, особено по манастирите, и на Велика Среда се извршува чинот простување, како на Прочка. + + + Со богослужението на Велика Среда, завршуваат и великопосните Големи повечерија со поклони, како и читањето катизми на утрените богослужби, на часовите и на вечерните богослужби. Од овој ден до Томина недела не се богослужи Полуноќница (Полноќна богослужба). + + + На Велика Среда завршува мироварението и свареното миро се собира во 12 алабастрени садови, мои ги симболизираа т 12 апостоли кои ја имале благодатта Божја и добиле од Господа право да крштеваат и да миропомазуваат (во почетокот со полагање рака, а потоа, со свето миро). Преку апостолското преемство од Господа и апостолите, тоа право го примаат и свештенослужителите во Црквата Божја до денес. + + + Во овие денови се нè сврзува со спомените на нашата гревовност. Постојано мислиме и сочувствуваме со доброволното страдање на Христа за спасение на грешната човечка природа. Сето тоа во срцата на верниците предизвикува тага и плач. Тоа е плачење од созерцанијата – од духовното согледување на ужасните измачувања и крсните страдања на Синот Божји – нашиот Спасител Господ Исус Христос. Но, истовремено, побожните верници чувствуваат и неопислива радост заради своето спасение – заради спасението на човечкиот род, коешто е дарувано од Бога, преку Христовите страдања. Поради сето ова, во овие празнични денови христијаните се исполнуваат со благодарност кон Бога Искупителот.Во деновите на Страстната седмица, со солзи го оплакуваме поруганиот и распнатиот наш Спасител, но чувствуваме и неискажлива благодарност кон Бога за спасението што ни го дарува....
Митрески: Борбата за работничките права не престанува никогаш
Сител - пред 14 часа
Претседател на Собранието на Република Северна Македонија, Јован Митрески од име на пратениците и од негово лично име упати честитки до работниците, до синдикатите и до сите граѓани на државава по повод 1 Мај, Меѓународниот ден на трудот, соопшти собраниската прес-служба. - Денешниот датум е уште една можност да се потсетиме дека почитувањето и соодветното вреднување на трудот на работникот е темелот на изградбата на рамноправно, економски просперитетно и социјално праведно општество. Тоа се премисите до кои треба да се придржуваме секојдневно, креирајќи и реализирајќи политики кои обезбедуваат поддршка на домашните претпријатија, привлекување странски инвестиции, отворање нови работни места, раст на платите. И кои им овозможуваат на граѓаните да се чувствуваат достоинствено, валоризирани и продуктивни на своите работни места, придонесувајќи на тој начин и за развојот на државата, напиша Митрески во честитката. Тој потсети дека овој собраниски состав ги донесе измените на Законот за минимална плата, со кои се утврди методологија за постојан раст на платите и на стандардот на граѓаните, со што е постигнат значаен исчекор во унапредувањето на правата на работниците. -Сепак, во оваа прилика, сакам да го изразам моето убедување дека борбата за работничките права не престанува никогаш и дека, независно од моменталните политички или економски прилики, секогаш е неопходно да се развива социјалниот дијалог на различни нивоа, меѓу работниците, синдикатите, работодавачите, стопанските комори и властите, истакнува Митрески. Според него, постојаното унапредување на работничките права, на стандардот на работниците, на условите за работа, на безбедноста на работните места мора да биде приоритет за сите релевантни политички и општествени чинители. -Тие фактори ги мотивираа работниците да ги вложат сите знаења и потенцијали во исполнувањето на своите работни обврски, чувствувајќи дека не се оставени сами на себе да го носат товарот на економските предизвици. Нека ни е честит 1 Мај, Меѓународниот ден на трудот. Да продолжиме да бидеме трудољубиви, рамноправни, како и храбри и решителни во зачувувањето и унапредувањето на работничките права, напиша Митрески во честитката....
Една недела до одржување на изборите, партиите продолжуваат со предизборните активности
Сител - пред 14 часа
На една недела до одржувањето на парламентарните избори и вториот круг на претседателските избори, продолжуваат препукувањата меѓу партиите, а во фокусот се и условите на партиите за постизборните коалицирања. И од ВМРО-ДПМНЕ и од СДСМ повикуваат на масовна излезност. ВМРО-ДПМНЕ очекува двојна победа, а од СДСМ порачуваат дека со иднината на државата нема тргување и дека единствениот пат е евроинтеграцијата. Лидерот на ВМРО-ДПМНЕ Христијан Мицкоски на вчерашните митинзи рече дека пораката од граѓаните е јасна и дека државата ќе биде горда, достојна и трансформирана. Очекува убедлива победа на Гордана Силјановска-Давкова како претседателски кандидат на коалицијата „Твоја Македонија“. За коалицирањето со албанската опозиција „Влен“ и за уставните измени рече дека ќе се разговара по изборите. Посочи дека тој и неговата партија не функционираат врз основа на уцени и закани и дека засега ВМРО-ДПМНЕ е фокусирана на изборите, а по нивното завршување ќе се седне на маса со опозициските партии. За ДУИ и за ставот на лидерот на партијата Али Ахмети кој се повикува на Мајскиот договор, Мицкоски вели дека оваа партија мора да оди во опозиција. - Демократијата се темели на принципот - кој има мнозинство во Палраментот ја формира владата. Не знам за кој Мајски договор зборува ДУИ, не знам за кое правило „победник со победник“. Имаше едно правило во минатото „победник со победник“ кое е резултат на договор од минатото, тој договор и тоа правило самите го прекршија во 2017 година и повторно би потсетил дека политиката не смееме да ја гледаме како „шведска маса“, настрана што ако ВМРО-ДПМНЕ освои мнозинство, како што се очекува, нема ниту елементарна доверба да соработува со ДУИ. Така што, тие мора да одат во опозиција, подвлече Мицкоски. Од ДУИ, пак, велат дека не може никој да го оспорува нивниот легитимитет и дека пратениците од Европскиот фронт се вистински претставници на сите народи претставени во оваа платформа. - Секоја таква политичка авантура ќе биде ризична за европската иднина на оваа држава и за сите политички околности што ќе се случуваат после 8 мај. Бидете сигурни дека никоја политичка гарнитура – владејачка гарнитура нема да се формира без пратениците на Европскиот фронт, затоа што пратениците на Европскиот фронт се вистинските претставници на албанскиот народ, на турскиот народ, на бошњачкиот народ, на ромскиот народ и на сите народности кои се претставени во оваа платформа, во оваа изборна програма Европа 2023-2030 година. Бидете сигурни дека политичките авантури неславно ќе завршат, а народот на крај ќе победи, вели Наим Бајрами од ДУИ. Од здружената албанска опозиција „Влен“ очекуваат разликата во гласови од првиот круг од претседателските кандидати во албанскиот блок да се намали на парламентарните избори затоа што велат гласовите на ДУИ не се само од Албанци, туку од девет политички партии. Чисто албански концепт, како што вчера изјави лидерот на Демократското движење Изет Меџити, е „Влен“ и тие ги имаат гласовите само од Албанците. - Ахмети првпат беше во ситуација да се спасува со гласовите од другите помали заедници. Ако на тоа се додаде и поткупот на гласови и притисоците, полнење на кутии од шоферот на Садула Дураку... Сето тоа ќе се процесуира од новата власт. Ако се изземат тие гласови, тогаш нивниот резултат е под нашиот. ДУИ не е чист албански концепт и тоа е спротивно на Мајскиот договор, рече Меџити за телевизија „Сител“. Меџити посочи дека има разговори со ВМРО-ДПМНЕ, а во однос на распределбата на секторите рече дека редно е сектори што досега не се водени од Албанци како Министерството за внатрешни работи, Бирото за јавна безбедност, Управата за јавни приходи и Царината да бидат раководени од Албанци. И од Движењето ЗНАМ-За наша Македонија вчера ги изнесоа условите за постизборно коалицирање. Лидерот на партијата, кој беше и претседателски кандидат Максим Димитриевски, на прес-конференција упати пораки до раководствата на двете најголеми партии од македонскиот блок. Го повика раководството на СДСМ во наредните 24 часа да поднесе неотповикливи оставки од функциите во партијата, како и носителите и ко-носителите на кандидатските листи на нотар да изјават дека нема да прифатат пратенички мандати и истите да ги преземат кандидатите кои следуваат на листите по нив. – Нашите работни групи се подготвени за разговори и евентуална соработка со некое преодно техничко ново раководство на СДСМ кое ќе изрази политичка волја за ревидирање на досегашните нивни политики, за најважните национални прашања, но и целосна одговорност за сите поединци кои без исклучок по законот без никаква можност за амнестија, рече Димитриевски. Тој упати порака и до раководството на ВМРО-ДПМНЕ, укажувајќи дека се согласува со нивните програмски определби за неприфаќањето на уставните измени, како и неприфаќањето соработка со ДУИ. – Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев, преку неговите фикс кандидати за пратеници, како што е Венко Филипче и други, за обезбедување на 2/3 мнозинство во идниот собраниски состав, што доколку навистина постои, имплицира дека селективната правда ќе ја имаме и во идната Влада, како што беше и досега. Во спротивно доколку немате таков став, најдобро е самите да си продолжите и јавно да соработувате, а ние ќе продолжиме заедно со народот, рече Димитриевски. Од СДСМ порачаа дека не прифаќаат условувања и политички договори со никого бидејќи, како што велат, нема тргување со иднината на државата. - Да одговорам на она писание кое го има напишано субјектот ЗНАМ до јавноста. Прво, раководството на СДСМ го бираат членовите на СДСМ, кои се наследници и на НОБ и на АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. Второ, носителите на пратеничките листи и сите кандидати на пратеничките листи на СДСМ и на коалицијата се излезени на избори за да ја претстават програмата на СДСМ и на политичките партии кои ја сочинуваат коалицијата и со таа програма, со тие луѓе, со тие претставници на социјалдемократската идеја ние го бараме гласот на граѓаните, изјави вчера лидерот на СДСМ Димитар Ковачевски на митингот во Драчево. Тој посочи дека се фокусирани да го постигнат најдобриот резултат на претстојните избори на 8-ми мај и ги повика на мобилизација сите демократски и прогресивни сили за да се спречи враќањето на режимот на ВМРО-ДПМНЕ. -Ние не се откажуваме од Македонија во ЕУ! Верувајте, тоа не е цел сама за себе! Нашиот план за европска Македонија е преточен во конкретна и остварлива програма, рече Ковачевски. Од „Левица“ вчера порачаа дека нудат македонска платформа, со која, како што велат, ќе биде запрено уценувањето од албанското малцинство при формирањето на идната влада. - На избор пред граѓаните се три платформи, на нив останува за која ќе се определат на престојните Парламентарни избори на 8 мај. Првата е веќе познатата „Тиранска“ платформа. Независно дали се нарекуваат Европски фронт или Вреди, тоа е иста необалистичка матрица која тежи кон разградување на државата. Втората е „Софиската“ платформа што ја поддржуваат македонските буржујски партии, одродената македонска елита – СДС и ДПМНЕ, од кои едните ја поддржуваат отворено, другите латентно. Нашите информации говорат дека во првите сто до 200 дена е договорено внесување на Бугарите во Уставот. И третата, тоа е платформата што ја застапува Левица, а тоа е македонска платформа во пет точки, со цел конечно да запре уценувањето при составувањето влада од албанското малцинство, изјави лидерот на партијата Димитар Апасиев во Охрид....
Меѓународниот ден на трудот ќе се одбележи со првомајски протест
Сител - пред 14 часа
Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот. Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата. - Неколку години наназад протестите станаа заштитен знак на ССМ како начин на изразување на работничкото незадоволство од продолжувањето на практиката карактеристична за изминатиот период, а тоа е дека нашите социјални партнери, работодавачите и претставниците на законодавната и извршната власт немаат слух за проблемите на работниците и народот, туку единствено и исклучиво работат за своите интереси. Сведоци сме дека додека платите на работниците се зголемуваат минорно, со забавено темпо и несоодветно на инфлацијата и зголемените трошоци на живот или воопшто не се зголемуваат, функционерите си обезбедија пораст на платите од енормни и незаслужени 78 проценти, се наведува во Првомајскиот проглас на ССМ. Оценка на ССМ е дека има зголемено кршење на работничките права, а новиот закон за работни односи не се носи веќе шест години, додека последнава година, како што посочуваат, воопшто не се работело на него, односно не биле одржани расправи за надминување на разликите во креирањето на законот меѓу социјалните партнери. Оттаму нагласуваат дека кај нив има над 10.000 обраќања за прекршени работнички права, а според ССМ, преседан е и тоа што измената на Законот за работни односи со која е воведена можноста за 72 часовна работна недела е направена без социјален дијалог и учество на ССМ како репрезентативен синдикат. Атак на синдикализмот во државата, според ССМ, е и пресудата на Врховниот суд со која после 18 години судски спор и повеќе од 8 пресуди во корист на ССМ, се одзема Работничкиот дом. - На идната Влада, ние работниците и порачуваме дека партнерски треба да ги градиме меѓусебните односи со активно учество на синдикатите во креирањето на националните стратегии и политики и доследно почитување на работничките и граѓанските права, во спротивно ќе продолжи трендот на штрајкови и протести како единствен облик на синдикална борба за работничките права и интереси, се наведува во Промајскиот проглас на ССМ. Меѓународниот ден на трудот се празнува секој 1 мај и е посветен на борбата за зачувување и унапредување на правата на работниците. Овој празник се одбележува во знак на почит кон жртвите на штрајкот што се одржал од 1 до 4 мај 1886 година во Чикаго, организиран со цел воведување на осумчасовен работен ден. Во знак на почит кон жртвите од штрајкот, Втората интернационала на Основачкиот конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба. Меѓународниот ден на трудот е државен празник во повеќе земји во светот. Во државава има статус на државен празник и до 2006 година се празнуваше два дена, а од 2007 година се празнува само на 1 мај....
Пендаровски: Човечкиот е најскапоцениот ресурс за секоја држава
Сител - пред 14 часа
Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека треба сериозно да се посветиме на заштита и унапредување на работничките права, напиша претседателот Стево Пендаровски во пораката по повод 1 Мај, Денот на трудот. Според него, единствено задоволни работници се успешни и мотивирани работници кои можат да придонесат за напредок и просперитет на државата. За таа цел, како што потенцира Пендаровски, секој работник треба да има фер третман од страна на работодавачот, да се чувствува безбедно, сигурно и заштитено на работното место, да има достоинствени услови за работа, а неговиот труд да биде соодветно вреднуван. - Наша задача е да продолжиме да ги поддржуваме заложбите на синдикалните организации, да помогнеме во унапредување на стандардите и условите за работа, со цел сите работници да имаат праведни и еднакви можности за реализација и развој на професионален план, нагласува шефот на државата....
Првомајска честитка од претседателот на СПМ Љупчо Димовски
Сител - пред 14 часа
Во мое лично име и во име на членовите на Социјалистичката партија на Македонија на македонските работници, трудбеници и сите граѓани на Република Македонија им го честитам 1-ви Мај, Меѓународниот ден на трудот. Почитувани работници, Изминативе неколку децении работникот и неговиот трудот постојано и сè повеќе е потценет и згазен. Изминатите седум години со социјалдемократската влада се најтешките и најцрните економски години за Македонија со илјадници нови невработени и огромен број лица кои живеат во сиромаштија. Како последица на неодговорната социјалдемократска влада животот на македонскиот работник станува сè поскап, а неговата несреќа сè поголемa. Со безнадежност, очај и чувство дека се оставени сами на цедило македонските работници го одбележуваат и овој 1-ви Мај. Чувството на горчина кај работникот е уште поголемо поради негрижата и лошите политики на власта, кои не даваат надеж дека наскоро состојбите ќе се подобрат. Сликата за правата на работниците и нивниот стандард никогаш не била потажна и поцрна. Мерките кои социјалдемократската и антиработничка влада ги превзема се необмислени и задоцнети и наместо конкретна помош претворени се во вулгарен политичко партиски маркетинг на една малограѓанска експлоататорска самонабедена елита која посега да владее со сè и секого, директно штитејќи ги интересите на капиталот, а на штета на работниците. Почитувани трудбеници, Долг децениски период заеднички и од темел ја градевме нашата држава. Оттаму, Социјалистичката партија на Македонија постојано ги штитела интересите на работниците и на работничката класа, иницирајќи го и активно учествувајќи во процесот на воведување на самоуправувањето како највисок стадиум на владење на работниците со општествено-економските процеси, имотот и со сопствениот труд. Затоа и врз основа на ова искуство и идеолошките определби Социјалистичката партија на Македонија има историската одговорност и морална задача да се грижи и да ги штити работничките права и интереси. Другари работници, Време е нештата да се променат. Време е поразите и неуспесите преку надежта која се раѓа, веќе во мај, заедно да ги замениме со силна експлозија на одлучност и решителност, кршејќи го јаремот на економското поробување и социјалното ништење на македонскиот работник со ново сонце и со повторно ослободување и рушење на експлоататорската, социјалдемократска власт. Време е за враќање на работничкото достоинство, заедно и обединети со чесна работа, трудољубивост и посветеност да донесеме добробит, подобар стандард и да обезбедиме подобро, вистински вреднуван труд, социјална правда и широки европски права за македонските работници. Честит 1-ви Мај! Честит Ден на Трудот! Љупчо Димовски претседател на Социјалистичката партија на Македонија...
Првомајски штрајк и протести во Грција
Сител - пред 16 часа
Најголемите грчки синдикати денеска закажаа штрајк и протести за одбележување на Денот на трудот, иако официјално со министерска одлука првомајскиот празник е поместен за следниот вторник поради Велигден, јави дописничката на МИА од Атина. Денешниот штрајк го организираат синдикатите на вработените во приватниот и државниот сектор и синдикатот на Комунистичката партија, а учествуваат и Здруженијата на новинарите, со што Грција од пет часот утрово ќе биде без вести и информативни емисии. Штрајкот ќе создаде проблеми и во поморскиот сообраќај во земјата, со оглед на тоа што бродовите 24 часа ќе останат закотвени на пристаништата. Возовите ќе сообраќаат со намален возен ред, а проблеми ќе има и во јавниот превоз во Атина, бидејќи автобусите, тролејбусите, трамвајот и метрото ќе имаат неколкучасовни прекини на работата. Паралелно, синдикатите закажаа и протести во Атина, традиционално, како и секоја година за одбележување на Денот на трудот....
Зградата на ЕК осветлена во чест на 20-годишнината од големото проширување на ЕУ
Сител - пред 16 часа
Палатата „Берлемон“ во Брисел во која се наоѓа седиштето на Европската комисија минатата ноќ беше осветлена во чест на 20-годишнината од т. н. големо проширување на ЕУ, кога на 1 мај 2004 година во членство во Унијата беа примени 10 земји од Источна Европа. – Со проширувањето во 2004 година, ЕУ стана поголем политички, економски и културен ентитет, создавајќи повеќе можности за граѓаните низ нашата Унија, наведе Европската комисија во објава на Икс. Претседателката на Европската комисија, Урсула фон дер Лајен, пак, потенцира дека со одбележувањето на 20 години од зголемувањето на европското семејство, ЕУ слави и две децении единство и напредок. – Историското прошиување во 2004 година донесе нови можности и поголем просперитет за граѓаните низ нашата Унија, објави Фон дер Лајен на Икс. Претседателот на Советот на ЕУ, Шарл Мишел пак оцени дека со проширувањето во 2004 година го означи и повторното обединување на поделениот континент. На 1 мај 2004 година во членство во ЕУ беа примени Естонија, Кипар, Малта, Летонија, Литванија, Полска, Словачка, Словенија, Унгарија и Чешка, со што Унијата од дотогашните 15 се зголеми на 25 члена, поради што приемот на овие 10 членки уште се нарекува и големо проширување....
Одбележување на Меѓународниот ден на трудот ширум светот
Сител - пред 16 часа
Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден. На првиот конгрес на Втората интернационала во 1889 година, беше одлучено следната година да се одржи голема манифестација со која ќе биде прославен 1 мај, како знак на сеќавање на протестите во Чикаго и како форма на борба за работничките права. На вториот конгрес на Работничката интернационала е одлучено од 1890 година на 1 мај ширум светот да се одржуваат манифестации, демонстрации и штрајкови....
Хотелиерите очекуваат одлична туристичка сезона, исполнетоста за празниците повеќе од половина
Сител - пред 16 часа
Сместувачките капацитети на охридско-струшката ривиера за 1 Мај и Велигден се исполнети повеќе од половина, што не ги исполни очекувањата на хотелиерите, но тие очекуваат подобра туристичка сезона во однос на претходните години. Првиот човек на Асоцијацијата на хотелиери - ХОТАМ, Крсте Блажески забележа дека најголем дел од домашните гости, празниците ќе ги поминат надвор од државата, а гостите од соседството и пошироко ги исполниле хотелските легла за околу 60 отсто. - Немаме голема исполнетост од домашни гости. Тие отидоа надвор од државата, но тука се странските туристи иако не на очекуваното ниво. Не можеме да се пофалиме со исполнетост од 80 - 90 проценти. Бројката е значително помала од очекуваното, хотелите се исполнети околу 60 отсто, вели Блажески за МИА. Зголемување на бројот на туристи очекува во текот на мај, што според него, навестува богата туристичка сезона. - Бројките на сместување се зголемуваат после Велигден и очекуваме побогата туристичка сезона од лани. Од почетокот на годината до сега имаме многу повеќе ноќевања од минатата година. Очекуваме мај да биде еден од подобрите месеци, може да го споредиме со летите месеци во исполнетост, посочи Блажески. Само четири плажи во Струга и струшко имаат ангажирано спасители на вода, за поголема безбедност на капачите во водите на Охридското Езеро. За летните месеци, нагласи, дека веќе работат на исполнетост од 90 отсто со организирани тури, а останатите легла очекува дека ќе ги исполнат индивидуалните гости. - Знаеме дека околу 2 август, една недела пред и една недела потоа, тешко е да се најде место. Ако некој планира во тој период да доаѓа во Охрид или Струга уште од сега треба да си резервира, напомена Блажески. Заклучи дека туристичкиот секотр, пред се хотелиерството заздраве од корона кризата, кога беше драстично погоден. - Го надминавме сето тоа и сме во една фаза во која треба да се работи на поголема стратегија и се враќаме на старите барања од 2017, 2018 и 2019 година, за зголемување на број на ноќевања, олеснувања на даночни обврски, намалување на ддв-то во однос на растот на секторот туризам кој носи полесни пари во државниот буџет, рече Блажески. И годинава на охридско-струшкото карајбрежје најбројни се очекува да бидат холандските туристи, а нема да изостанат ниту гостите од Полска, Турција, како и од соседството. Но, сепак најголем како најголем проблем го хотелиерите го посочуваат патот од Скопје до Охрид, што е и причина српските туристи да го избегнуваат брегот на Охридското Езеро и годишните одмори ги поминуваат во соседна Грција...
Распределбата на спортски ваучери ќе седне на обвинителна клупа 12 лица
Сител - пред 1 ден
Embedded video for Распределбата на спортски ваучери ќе седне на обвинителна клупа 12 лица...
Одобрена екстрадицијата на Палевски
Сител - пред 1 ден
Embedded video for Одобрена екстрадицијата на Палевски...
Дарко Каевски тврди дека не е виновен
Сител - пред 1 ден
„Ги отфрлам сите обвинувања на ОЈО кои ги сметам за неосновани и тенденциозни. Најодговорно тврдам дека го немам прекршено законот во ниту еден случај и тоа ќе се докаже. Очекувам и во исто време сум убеден дека во една јавна, транспарентна, фер постапка ќе се докаже вистината и целосна моја невиност“. Вака напиша на социјалната мрежа портпаролот на СДСМ, Дарко Каевски откако ЈО денеска покрена обвинителен акт против 12 лица, меѓу кои и Каевски. За злоупотреба на службената положба обвинети се Мојсоски и Каевски, а другите се обвинети за несовесно работење. „Ништо од ова нема основа и затоа што фактите покажуваат дека: 1. Ниту сум можел ниту сум влијаел, ниту сум поттикнувал било кој од Централната Комисија. Особено што е именувана од друг орган надлежен по Закон, на владина седница. Дополнително сите членови во своите изјави кажале дека не сум присуствувал на работа на комисијата ниту сум давал сугестии. Се е јасно. 2. Во делот на надзорот според тогашниот закон за спорт член 14е, извештајот се доставува до следната календарска година од добиените ваучери најдоцна до 15ти јуни или во конкретниот случај тоа е до 15.06.2021 година, период во кој што јас не сум директор на АМС. Не навлегувам во мотивите на ОЈО да бидам опфатен со ваква постапка, постои сомнеж дека ова е можеби и злоупотреба за избораната кампања, но едно е сигурно вистината ќе се потврди. Дополнително на ова вештачењето е од 25.04.2024 година ден после првиот круг од претседателските избори, а предлогот е доставен за 3 работни дена потоа“, стои во објавата на Каевски....
ДСЗИ повторно влезе на Токсикологија
Сител - пред 1 ден
Embedded video for ДСЗИ повторно влезе на Токсикологија...
Приватните специјализанти ќе работат за празниците, но не се откажуваат од барањата
Сител - пред 1 ден
Embedded video for Приватните специјализанти ќе работат за празниците, но не се откажуваат од барањата...
Тема на денот со Изет Меџити, коалиција Вреди
Сител - пред 1 ден
Embedded video for Тема на денот со Изет Меџити, коалиција Вреди...
Осигурителните компании не ги поевтинија полисите
Сител - пред 1 ден
Embedded video for Осигурителните компании не ги поевтинија полисите...
Ново бебе алпака во скопската Зоолошка градина
Сител - пред 1 ден
Ново бебе алпака може да се погледне во скопската Зоолошка градина, информираат денеска оттаму, преку социјалната мрежа „Фејсбук“. – Нашата алпака Фелиција стана мама по вторпат. Дина, која се роди во 2021 година, деновиве доби сестричка. За малото бебе се грижи целата фамилија на алпаки, пишува во објавата на социјалната мрежа. Во Зоолошката градина во Скопје, овој месец се роди и двогрба камила од фамилијата Бактријан....
Мајката на починатата студентка од Кавадарци во Штип лани измасакрирала и запалила човек
Сител - пред 1 ден
Мајката на 26 годишната Х.Б која вчера во Штип е пронајдена мртва во својот стан, лани извела невиден масакр врз тело на пензионер од Кавадарци. Според доказите жестоко со нож го избола човекот со кого во еден период живеела, а потоа сакајќи да го сокрие злосторството телото го запалила. Полицијата по извесен период имала проблем со идентификација на убиецот, но сепак мајката на Х.Б е откриена, а потоа и осудена на затворска казна од 14 години. Починатата Х.Б живеела во Штип, а во Кавадарци одела поретко каде имала брат и татко со кого имала проблеми, а пред неколку месеци и физички го нападнала. Ова укажува на друг момент од нејзиното психичко однесување, кое веројатно било контролирано со медикамент. Засега ова се само претпоставки бидејќи резултатите од обдукцијата се уште не се познати. Од МВР денеска го потврдија случајот со смртта на Х.Б, потврдувајќи ги наводите на ТВ Стар дека вчера таа е пронајдена почината во изнајмениот стан на улицата „Кеј Димитар Влахов“ во Штип....
Следува период на променливо време со повремени локални врнежи од дожд
Сител - пред 1 ден
Следува период на променливо облачно време со повремени локални врнежи од дожд, информираат од Управата за хидрометеоролошки работи. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме. Дневната температура од четврток ќе биде во постепено опаѓање. Времето денеска сончево и топло со мала до умерена локална облачност. Попладне во источните делови ќе има услови за слаб локален дожд. Ќе дува слаб до умерен ветер од североисточен правец. Максималната температура ќе биде во интервал од 20 до 27 степени. Времето во Скопје, ќе биде сончево со мала облачност. Ќе дува слаб ветер од променлив правец. Температурата ќе се движи до 26 степени....
Кампања за парламентарни избори
Сител - пред 1 ден
Embedded video for Кампања за парламентарни избори...
Мицкоски: Очекувам ДУИ да оди во опозиција, немаме ни елементарна доверба за соработка со нив
Сител - пред 1 ден
Жалам што раководството на ДУИ се уште живее во некои времиња кои се веќе минато. Македонија е на сите граѓани, ниту е федерација, ниту е би, три или четиринационална држава, според Уставот е на сите граѓани, а според демократијата, оној што има 61 пратеник ја формира владата. Не знам како пресметале дека се претставници на мнозинското немакедонско население. Мислам дека сите сме граѓани на Македонија, Македонци, и ценам дека политиката не треба да се гледа како „шведска маса“ па ДУИ да земе малку од СДСМ, малку од ВМРО-ДПМНЕ, малку од друга политичка партија. ДУИ беше 6,5 години со СДСМ во Владата, поразени се во првиот круг претседателски избори, очекувам да бидат поразени и по парламентарните избори и очекувам ДУИ да биде опозиција за неколку недели, рече денеска претседателот на ВМРО-ДПМНЕ Христијан Мицкоски. Тој уште еднаш напомена дека на 8 мај очекува убедлива победа на Гордана Силјановска Давкова и на коалицијата „Твоја Македонија“, а за коалицирањето со „Вреди“ и уставните измени ќе се разговара, рече, по изборите. Доколку уставните измени се услов за соработка, повтори дека тој и неговата партија не функционираат врз основа на уцени и закани. Засега, напомена Мицкоски, ВМРО-ДПМНЕ е фокусирана на изборите, а по нивното завршување ќе се седне на маса со опозициските партии. Мицкоски е дециден дека местото на Западен Балкан е во ЕУ, како и дека ВМРО-ДПМНЕ во своите фдундаменти ги вклучува амбициите Македонија да биде дел од ЕУ, но мора, како што потенцира, Брисел да покаже јасен план и активости за македонската интеграција, за да се види колку е блиска, а колку е далечна европската иднина на земјава. Одговорајќи на новинарски прашања по средбата со претставниците на Стопанската комора на северозападна Македонија, Мицкоски го прокоментира и ставот на Али Ахмети кој повикува на Мајскиот договор. -Демократијата се темели на принципот - кој има мнозинство во Палраментот ја формира владата. Не знам за кој Мајски договор зборува ДУИ, не знам за кое правило „победник со победник“. Имаше едно правило во минатото „победник со победник“ кое е резултат на договор од минатото, тој договор и тоа правило самите го прекршија во 2017 година и повторно би потсетил дека политиката не смееме да ја гледаме како „шведска маса“, настрана што ако ВМРО-ДПМНЕ освои мнозинство, како што се очекува, нема ниту елементарна доверба да соработува со ДУИ. Така што, тие мора да одат во опозиција, подвлече Мицкоски. Тој изрази жалење што многупати досега голем дел од бирократите кои доаѓаа од Брисел даваа ветувања во однос на македонските евроинтеграции, кои не ги исполнуваа. Од нив, дополни, очекува малку повеќе сериозност. -Местото на Западен Балкан е во рамки на ЕУ. ВМРО-ДПМНЕ во своите фундаменти ги вклучува овие амбиции, Македонија да биде дел од ЕУ. Жалам што многупати досега голем дел од бирократите кои доаѓаа од Брисел даваа ветувања кои не ги исполнуваа кога велеа „уште ова само треба да го направи Македонија и веднаш ќе ја почувствува европската иднина“. Би очекувал малку повеќе сериозност од луѓето што ги испраќаат тие пораки, јасен план, јасен гантограм на активности и да видиме колку е блиска, а колку е далечна таа европска иднина, имајќи предвид дека повеќе од две децении трае овој пат на Макеоднија кон ЕУ, а по пат граѓаните и партиите направија многу, како ниту еден народ и како ниту една држава. ВМРО-ДПМНЕ е подготвена како идна влада да преговара врз основа на Копенхагеншките критериуми и вредностите дефинирани од Де Гаспер, Аденауер и Шуман, повтори лидерот на ВМРО-ДПМНЕ. На прашањето дали разговарал со сите претставници на коалицијата „Вреди“, Мицкоски уште еднаш кажа дека сега ВМРО-ДПМНЕ е фокусирана на парламентарните и вториот круг претседателски избори. -Веднаш потоа ќе седнеме и ќе разговараме со сите опозициски партии. Многу ни е важен во моментов политичко-општествениот консензус против владините партии. Можам да го потврдам тоа што го кажав на 24 април, дека разговаравме со Таравари, му честитав за исклучително добриот резултат на изборите, имајќи предвид кои беа противниците, мислам на Османи и Пендаровски. Ценам дека во овој момент треба да останеме фокусирани на основната цел, а тоа е победа на претседателските и парламентарните избори, рече Мицкоски....
Штрајк од први јуни ако не им се исполнат барањата: Вработените во ФЗОМ одржаа предупредувачки протест
Сител - пред 1 ден
Embedded video for Штрајк од први јуни ако не им се исполнат барањата: Вработените во ФЗОМ одржаа предупредувачки протест...
И ДУИ и Вреди со завршни митинзи во Тетово во понеделник
Сител - пред 1 ден
Embedded video for И ДУИ и Вреди со завршни митинзи во Тетово во понеделник...
Осигурителните компании не ја почитуваат препораката на Финансии, полисите и денеска по повисоки цени
Сител - пред 1 ден
По вчерашната препорака од Министерството за финансии осигурителните компании сепак не ги намалија цените на полисите за осигурување на автомобилите. Според последните најави денеска комисијата за авто одговорност при Министерството за финансии повторно ќе одржи состанок и според неофицијални информации, ќе им биде наложено на компаниите да ги вратат старите цени. Ваквата одлука се очекува да се стави и на дневен ред на денешната владина седница. Инаку граѓаните веќе 5 дена плаќаат од 840 до 1600 денари поскапи полиси за осигурување откако ваква одлука донесе Националното биро за осигурување. Со став дека цените се непроменети од 2008 година. Многу повеќе на оваа тема пренесуваме во Вестите во 16 часот...
Турција ја одобри екстрадицијата на Љупчо Палевски-Палчо
Сител - пред 1 ден
Одобрена е екстрадицијата на Љупчо Палевски, осомничен за убиство на 14-годишната Вања Ѓорчевска и на 74-годишниот Панче Жежовски, информира министерот за правда, Кренар Лога. „Денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда“, вели Лога. Љупчо Палевски Палчо повеќе од четири месеци е во екстрадационен затвор во Турција. Тој е првоосомничен во истрагата за грабнување и убиство на свиреп начин на малолетната Вања и на фризерот од Велес, Панче Жежовски. Нивните тела беа пронајдени во ист ден, на 3 декември лани – едното во близина на Скопје, а другото кај Велес. Палевски беше уапсен неколку денови подоцна во Турција. Како соизвршители во делата во притвор се наоѓаат уште три лица. Петтоосомничен е нејзиниот татко, кој минатата недела, по одлука на Врховниот суд, доби мерка куќен притвор и мерка на претпазливост. Мартин Арсов...
Сите имаат услови за владина коалиција
Сител - пред 1 ден
Embedded video for Сите имаат услови за владина коалиција...
Скопјанец со тешки повреди заврши на КАРИЛ по пад во отворена шахта
Сител - пред 1 ден
Embedded video for Скопјанец со тешки повреди заврши на КАРИЛ по пад во отворена шахта...
РКЕ: Само 2,75 отсто од струјата е од увоз, на праг сме до енергетски независна држава
Сител - пред 1 ден
Само 2,75 проценти од потребите за електрична енергија е обезбедена од увоз изминатата година, покажуваат податоците од Годишниот извештај за 2023 година што Регулаторната комисија за енергетика (РКЕ), водни услуги и услуги за управување со комунален отпад (РКЕ) го достави до Собранието на Република Северна Македонија, соопштија денеска од РКЕ. - По 32 години независна република, конечно можеме да соопштиме дека сме на праг до енергетски независна држава кога е во прашање електричната енергија. Податоците покажуваат дека Eldorado-то на инвестиции во фотонапонски централи, каде има пораст во инсталираниот капацитет за 251 проценти во споредба со 2022 година, го стопи увозот од 30 проценти на 2,75 проценти. Овој успех има сеопфатно влијание, како кон енергетска транзиција, така и кон финансиските текови преку намалувањето на дефицитот, посочил Марко Бислимоски, претседател на РКЕ, се наведува во соопштението. Во 2023 година, се додава, се регистрирал раст на извоз на нафтените деривати при што кај бензините имало забележителен раст на извезените количества за 139,53 проценти во однос на 2022 година, кај млазното гориво извозот е зголемен за 38,41 проценти и кај дизел горивата извозот има раст од 2,31 проценти, што е потврда, се подвлекува, дека во земјава има горива со најниска цена. Како што стои во соопштението од РКЕ, останува високо нивото на неприходуваната вода од 62,29 процент поради кој РКЕ инсистира да и се даде во целост надлежноста за регулирање на крајната цена на вода....
Вучиќ: Една третина од новата српска влада ќе биде составена од нови луѓе
Сител - пред 1 ден
Една третина од новата српска влада ќе биде составена од нови лица, изјави српскиот претседател Александар Вучиќ во обраќањето до нацијата, цитирано од српската јавна телевизија РТС. Вучиќ изрази надеж дека владата ќе биде формирана во следните два дена и рече дека повеќе од 30 отсто од неа ќе бидат „целосно нови луѓе“. Останатите ќе бидат луѓе кои покажале резултати во претходниот период. На 17 декември 2023 година во Србија се одржаа предвремени парламентарни избори, а локални избори во Белград и во 64 други градови и општини. Коалицијата околу владејачката Српска напредна партија на Вучиќ освои 129 места, додека опозициската коалиција Србија против насилството стана втора сила во парламентот со 65 места. Српскиот претседател ја потврди и посетата на неговиот кинески колега Си Џинпинг на Белград, која ќе се одржи на 7 и 8 мај. Вучиќ посочи дека во Србија ќе се реализираат проекти за забрзан технолошки развој во области каде земјата нема доволно знаење, како роботика, сателитски технологии, летечки автомобили....
РСБСП: Внимателно и одговорно возење за време на празниците
Сител - пред 1 ден
Републичкиот совет за безбедност на сообраќајот на патиштата (РСБСП) упатува апел за внимателно и совесно учество во сообраќајот за време на претстојните празници. Како што се наведува во соопштението оттаму во пресрет на празниците 1 Мај и Велигден, се очекува зголемување на фрекфенцијата во сообраќајот, патувања на подолги дестинации, излети во природа и дружења со семејството и пријателите, затоа апелираме на -Со цел зачувување на безбедноста на секој учесник во сообраќајот РСБСП советува на почитувајте ги сообраќајните правила и прописи и поставената сообраќајна сигнализација,користење сигурносен појас, возете одморени и правете почести паузи, особено кога патувате на подолги дестинации, не управувајте со моторно возило доколку сте под дејство на алкохол, возете со технички исправно возило, прилагодете ја брзината според условите на патот и одржувајте безбедно растојание од другите возила, не зборувајте на мобилен телефон додека возите, внимавајте на секој учесник во сообраќајот. Возете внимателно и одговорно! Безбедноста на секој учесник во сообраќајот е заедничка грижа. СРЕЌНИ ПРАЗНИЦИ!, стои во соопштението од Советот за безбедност на сообраќајот и патиштата....
Еколошките здруженија реагираат на загадувањето на Охридското Езеро
Сител - пред 1 ден
Embedded video for Еколошките здруженија реагираат на загадувањето на Охридското Езеро...
140 социјално загрозени семејства од Прилеп ќе добијат пакети храна и пари пред Велигден
Сител - пред 1 ден
Embedded video for 140 социјално загрозени семејства од Прилеп ќе добијат пакети храна и пари пред Велигден...
Пендаровски и Силјановска и денеска на терен
Сител - пред 1 ден
Embedded video for Пендаровски и Силјановска и денеска на терен...