Поради поддршката за Русија, Соединетите Држави воведоа нови санкции за неколку стотици субјекти, вклучително и компании со седиште во Кина, објави американското Министерство за финансии.Министерството воведе санкции за речиси 200 субјекти, а Стејт Департментот таргетираше повеќе од 80 во една од најобемните акции против кинеските компании досега во санкциите на Вашингтон насочени кон Русија, пишува Ројтерс.Канцеларијата за контрола на странски средства соопшти дека санкционирала компании со седиште во Хонг Конг, по повеќекратните предупредувања од Вашингтон за поддршка на руската војска.Поддршката на Кина за Русија е едно од многуте прашања што се закануваат да го комплицираат неодамнешното подобрување на односите меѓу најголемите светски економии....

Борусија Дортмунд славеше во првиот полуфинален меч во Лигата на шампиони (ЛШ- против ПСЖ со 1-0, а единствениот гол го постигна Никлас Фулкруг, а тоа ќе ги разочара и премиерлигашите.Победата на „милионерите“ значи и дека Бундеслигата ќе има пет претставници во ЛШ следната сезона, односно ѝ украде едно место на Премиерлигата.Ова значи дека Борусија си обезбеди место во ЛШ бидејќи во моментов е на петтото место во Бундеслигата....

Работната група на Советот за човекови права на Обединетите Нации (ОН), денеска (2 мај) во Женева ќе ги разгледува податоците за состојбата на човековите права во Северна Македонија по четврти пат.„Северна Македонија е една од 14 држави што треба да бидат прегледани од страна на работната група на Универзалниот периодичен преглед (УПП), за време на претстојната седница, што ќе се одржи од 29 април до 10 мај. Првиот, вториот и третиот УПП преглед на Северна Македонија беа одржани во мај 2009, јануари 2014, односно јануари 2019 година“, соопшти Канцеларијата на ОН во Скопје.Работната група на УПП се состои од 47 земји-членки на Советот за човекови права, секоја од 193-те земји-членки на ОН може да учествува во прегледот на земјата.„Документите врз што се темелат прегледите се: националениот извештај – информации обезбедени од страна на државата што се разгледува; информации содржани во извештаите на независни експерти за човекови права и групи, познати како специјални процедури, договорни тела за човекови права и други ентитети на ОН; информации обезбедени од други засегнати страни, вклучувајќи ги националните институции за човекови права, регионалните организации и групите за граѓанско општество“, се појаснува во соопштението....

Времето денеска ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени....

Кандидатите за претседател на државата, партиите и коалициите имаат уште пет дена за претставување на своите програми и политички понуди пред граѓаните, во пресрет на двојните избори на 8 мај. Кампањата за претседателските и за парламентарните избори завршува во понеделник, 6 мај, на полноќ.Денеска, пак, е последен ден за објавување на резултати од анкети поврзани со учесниците во изборниот процес.Двајцата кандидати за претседател синоќа се соочија на предизборен ТВ дуел, со спротивставени ставови за уставните измени, ЕУ интеграцијата, името, настаните во Собранието од 27 април, состојбата во судството…...

Времето денеска ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени....

Од Министерството за внатрешни работи молчат за наводите што во јавноста ги сподели лидерот на опозицијата Христијан Мицкоски, за постоење на наводна вооружена група блиска до ДУИ. МВР засега нема одговор на прашањата на Алсат за тоа какви сознанија евентуално тие имаат за оваа група и какви активности преземаат. Вчера, Мицкоски кажа дека ваква вооружена група постоела во Чаир и Бутел, за неа знаел и Али Ахмети, а набргу ќе дознаела и јавноста.„Точно знае Али Ахмети што зборувам и точно знае, тој негов соработник којшто уживаше вонредни привилегии во луксузен хотел во претседателски апартман во Истанбул, за што зборувам, бидејќи тој ја координира таа група којашто се движи на територијата на Општина Бутел и Чаир. Ги знаеме лицата и точно знаеме што прават и набргу ќе дознае и јавноста“, рече Мицкоски.Од ДУИ претходно одговорија дека Мицкоски, како што велат, измислува лажни вести, дезинформира и предизвикува страв од дестабилизација. Претставници на партијата денеска го повикаа Мицкоски да биде поконкретен и неговата изјава ја оценија како незрела и нејасна.„Зошто не кажува? Нека излезе, нека каже за што станува збор. За граѓаните и јавноста нема потреба од контаминација и подгревање на страстите, особено пред избори. Јас сакам осми мај, да биде што потивок ден, мирен ден, демократски ден, а за тоа, ние како политичари, особено лидерите на политичките партии имаат голема одговорност“, рече Арта Биљали Зендели – ДУИ.Министерката за одбрана, Славјанка Петровска вчера, во телевизиско интервју, истакна дека техничкиот министер за внатрешни работи Панче Тошковски вакви информации за вооружена група по службена линија не и споделил, туку побрзал да ги сподели на партискиот лидер, ако, како што додаде, воопшто информациите се вистинити.Лука Андреев...

Додека некои го користат слободниот ден за пикник, на 1 Мај работниците протестираат. Во Скопје, вработени во јавниот и приватниот сектор го изразија својот револт за правата што им следуваат, а како што велат, им ги ускратуваат работодавците. Протестот започна од зградата на ССМ кон Собранието.Маршот продолжи кон Владата. Улиците беа блокирани, а протестот беше обезбедуван од полицијата.Но, денеска не протестираа сите синдикати. Од Конфедерацијата на слободни синдикати велат дека немаат каде да протестираат, кога има техничка влада и се меѓу два изборни процеса.Аднан Ќаили...

Шест дена пред почетокот на молкот за парламентарните избори, двете коалиции од албанскиот блок се уште не постигнаа договор кој ќе го одржи својот завршен митинг на плоштадот во Тетово. И од Европскиот фронт и од коалицијата „Вреди“ засега немаат намера да отстапат.„Има некои правила – кој се појавува прв, кој поднесува барање прв, кому му дава полицијата прво одобрение за одржување на така голем митинг и мислам дека ние предничиме во овие барања, но останува да почекаме. Да се тргнеме од нашата цел, да ни биде завршниот митинг во Тетово на шести мај, немаме намера“, рече Арта Биљали Зендели – Европски фронт.„Не е така, ние уште пред десет дена имаме добиено дозвола од Општина Тетово, пријавено е во МВР, но и покрај тоа ќе анализираме деновиве и ќе излеземе со конечен став, бидејќи е чиста провокација“, рече Изет Меџити.На вчерашните митинзи, од ВМРО-ДПМНЕ истакнаа дека е потребно што поголем број граѓани да излезат на изборите и ги повикаа сите опозициски настроени граѓани да го дадат гласот за нив, додека пак од СДСМ побараа поддршка од, како што велат, прогресивните и правдољубиви граѓани за да продолжи евроинтегративниот пат.„Потребна е голема референдумска излезност и потребен е концентриран глас за ВМРО-ДПМНЕ, затоа што сите коишто се незадоволни од актуелната власт на заминување, на СДСМ и ДУИ, треба да знаат дека само гласот за ВМРО-ДПМНЕ значи промена“, рече Александар Николовски – коалиција „Твоја Македонија“.„Треба напредок и и развој. Од оние со ккои стоевме во чекалницата на Европската Унија, а кои се уште немаат ниту план, ниту визија како и кога да не однесат внатре во неа, таков напредок и развој не може и не треба да очекуваме“, рече Моника Зајкова – Коалиција за европска иднина.На средби со граѓаните, од Левица, но и од коалицијата предводена од Стевчо Јакимовски, истакнаа дека во Собранието нема да дозволат промена на Уставот.„Влегуваме во фото-финиш на кампањата. Очекуваме минимум да го дуплираме резултатот од претседателските избори, затоа што поддржавме независна кандидатка и тоа беше скор којшто беше горе-долу очекуван. Но, сега доаѓаат нашите главни избори, на осми мај, а на деветти мај ќе славиме од осум до дванаесет пратеници“, рече Димитар Апасиев – Левица.„Гласајте за коалицијата „Храбро за Македонија“, за ГРОМ, ИНТЕГРА И ПЦЕР и нема да зажалите. Ние ќе бидеме вашиот бедем и бастион, вашата одбрана, вашата разум во Парламентот, ќе ги браниме македонските национални интереси и нема да отстапиме ниту милиметар од промена на Уставот“, рече Љупчо Ристовски – „Храбро за Македонија“.Коалицијата „ЗНАМ за наша Македонија“ најави дека ќе се посвети на обединување на граѓаните.„Нашата цел е да продолжиме да ги обединуваме граѓаните и ние ќе работиме исклучиво во интерес на Македонија, за државните и националните интереси во прв план, а не партиските и за жал, на тесен дел од партиските раководства“, рече Максим Димитриевски – коалиција „ЗНАМ за наша Македонија“.Од партијата Демократи нагласија пак, дека преку Собранието ќе иницираат намалување на цената на струјата.„Ние како Демократи, предлагаме како ваши идни пратеници во Собранието на Македонија, да се градат електроцентрали за да имаме домашно производство, за да можеме да ја намалиме цената“, рече Јорго Огненовски – партија „Демократи“.На парламентарните избори на осми мај ќе настапат вкупно 17 коалиции и партии.Лука Андреев...

Од први мај до Велигден, голем број граѓани си ги поврзаа работните и неработните денови и го исполнија Охрид, особено оние кои работат во администрација. Дома ќе се вратат за денот на гласањето, 8 мај. Во градот најбројни се домашните и гостите од соседсатво и покрај повисоките цени на угостителските услуги.„Цените се за нашиот стандард се високи, но тоа е. Животот тече, мора да се живее“…„Дојдовме во Охрид да подишиме чист воздух и да уживаме во убавините на Охридското крајбрежје. Ќе останеме и за Велигден, а ќе ни се придружи и другиот дел од фамилијата. Ви пречат ли високите цени во угостителските објекти? Сите се жалат на нив и тие можат да бидат погубни за тие кои ги поставиле така цените. Ќе го осетат тоа по приходите“, рекоа анкетираните граѓани.А, за едно кафе во Охрид ќе треба да одвоите од 100 до 180 денари, за пиво од 140 до 180 денари, за сок од 120 до 150 денари, за топка сладолед од 60 до 120 денари. За порција месо во ресторан од 300 до 800 денари. Но, за српските туристи, кои се најбројни деновиве, цените не се проблем.„Остануваме четири дена. Го сакаме ова место. Уживаме секогаш кога доаѓаме. Во споредба со цените во Србија, цените се доста пониски. Особено цените на горивата, но и цените по рестораните се пониски. Можеме да си дозволиме да ручаме во ресторан“.„Петнаесетти пат веќе доаѓам во Охрид. Цените се доста коректни, неспоредливи се со оние во Белград. Поевтини се за околу 40% и повеќе“.„Овде имаме стан и затоа овде ќе останиме десеттина дена. Доаѓаме два пати годишно.Приметив дека цените во однос на минатата година се повисоки, но ако споредиме со некои други туристички места се по пристапни“.„Четири дена остануваме. Во Охрид има што да се види. Цените не се високи за нас. Рестораните се поевтини од оние во Србија, а цените во маркетите се речиси исти“, рекоа српските туристи.Хотелските капацитети не се исполнети според очекувањата и бележат половична исполнетост меѓу 40 и 60%.Цените на аранжманите се движат од 30 до 50 евра за ноќевање со појадок, додека во приватните сместување се бара место повеќе.„Веќе седум-осум години работиме да го промовираме како вистинска религиозна дестинација на Балканот.Велигденските празници ќе бидат полни,сите сместувачки капацитети и приватното и хотелите“, рече Зоран Тунтев, туристички водич.Најбарани се прошетките низ езеро до Свети Наум и околу стариот дел. Од туристичкиот сектор очекуваат летната сезона да биде меѓу најуспешните во изминатите неколку години, а затоа велат говорат веќе букираните аранжмани со туристи најмногу од Холандија, Турција, Англија, Србија и Полска.Мики Трајковски...

Кандидатот за претседател Стево Пендаровски очекува, како што вели, голема поддршка на осми мај за државата да продолжи напред, како демократска, мултиетничка, прогресивна држава на рамноправни граѓани. На средби со граѓаните во Арачиново и Куманово, тој вчера нагласи дека предводи концепт на обединување, а внатрешните поделби се најголемиот проблем за напредокот на државата.„Никогаш не сум бил и не се кандидирам за претседател само на Македонците. Ќе бидам претседател на сите, како што бев глас на секој без оглед на етничка и каква било припадност. Промовирањето и претставувањето на сите граѓани на Македонија ќе биде приоритет и во наредните пет години“, рече Пендаровски.Од друга страна, кандидатката за претседател Гордана Силјановска Давкова, на митинг во Струмица, одговори на обвинувањата дека таа го прекршува Уставот, бидејќи не го користела името на државата „Република Северна Македонија“. Давкова истакна дека тоа е нејзино индивидуално право на самоопределување.„Секој од нас има индивидуално право на самоопределување и никој, никаде и никогаш ниту мене, ниту вам не може да ни забрани да го употребуваме името „Македонија“, рече Давкова.Давкова повтори дека како претседател ќе се залага за владеење на правото и правната држава, а во однос на нејзиниот Кабинет кажа дека ќе биде „Македонија во мало“, но само врз основа на стручност, а не други критериуми.Лука Андреев...

Пред почетокот на главната туристичка сезона во Албанија, а имајќи го предвид фактот дека голем број македонски граѓани летуваат на тамошното крајбрежје, Македонската амбасада во Тирана информира за телефонските броеви, на кои може да се јават во случај на потреба.-И оваа сезона потсетуваме на важните телефонски броеви на кои македонските државјани кои ќе летуваат во земјата ќе може да се јават доколку имаат потреба. Дежурен телефон за итни случаи на македонската амбасада во Тирана: (Global Sos): +355 6890 19198 (+Viber+Whatsapp) амбуланта 127, полиција 129, итна служба 112, стои во соопштението на македонската амбасада во Тирана, објавено на Фејсбук страната на амбасадата.Македонските туристи се меѓу најбројните, по косовските, кои летните одмори ги минуваат на албанското крајбрежје, пред сè во Валона, Драч и Шенѓин. Во просек годишно, главно во летната сезона одмараат над 300 илјади македонски граѓани....

Соединетите Американски Држави соопштија дека се „разочарани“ по објавата дека две лица под санкции на САД се вклучени во предложениот нов српски владин кабинет.„Разочарани сме што гледаме две санкционирани лица предложени за функции во новата влада“, изјави портпаролот на американскиот Стејт департмент за РСЕ во писмена изјава на 1 мај.Станува збор за двајцата номинирани лица – Александар Вулин, кој е предложен за вицепремиер и Ненад Поповиќ, кој беше поставен за министер без ресор.„Нашиот став за г-дин Вулин и г-дин Поповиќ е добро познат“, рече портпаролот на Стејт департментот....

„Неправда, па тоа е неправда, имаш ти, немам јас“. Со овие стихови од песната „Неправда“ од Лева патика, Сојузот на синдикати на Македонија и Конфедерацијата на синдикални организации на Македонија го отворија протестот пред зградата на Владата, од каде упатија повеќе барања.Синдикалците бараат минимална плата во износ од најмалку 450 евра, исплата на трошоците за храна во висина од 20 проценти од просечната плата и исплата на трошоците за превоз.Тие порачаа дека после 8 мај, кој и да дојде во владата, треба да ги исполни нивните барања во првите 100 дена.„Бараме најниската плата да биде иста како таа во регионот односно минимум 450 евра. Исто така, бараме враќање на загубеното право во 2009 година, додаток за храна и превоз“, рекоа од Синдикатот на работниците од угостителството, туризмот, комунално-станбеното стопанство, занаетчиството и заштитните друштва на Македонија....

Високиот претставник за надворешна и безбедносна политика на ЕУ, Јосеп Борел, денеска, по повод 20-годишнината од најголемото проширување на ЕУ, изјави дека работата за повторно обединување на Европа не е завршена и порача дека Западен Балкан има историска можност цврсто да ја врзат својата иднина со Европската унија.„Западен Балкан, Турција, Украина, Молдавија и Грузија имаат историска можност цврсто да ја врзат својата иднина со ЕУ. Проширувањето на ЕУ е трансформативна политика која ги подобрува безбедноста, правдата и демократијата, истовремено подигнувајќи го животниот стандард на Европејците“, наведува Борел.Тој додаде дека ЕУ и земјите кандидати соработуваат на полето на безбедноста и одбраната со цел подобро да се соочат со повеќе геополитички предизвици заедно....

Кои се најчестите теми и извори на дезинформации и како граѓаните полесно да ги препознаат? За овие прашања „Полиграф“ разговараше со новинарката и уредничка Елида Зилбеари, која работи на ова поле повеќе години.Полиграф: Многу од нашите истражувања покажуваат дека кај нас има многу дезинформации. Во кои области ги забележуваме најмногу дезинформациите?Зилбеари: Нормално, бидејќи сме во изборна кампања, дезинформациите што кружат на локално ниво се оние за изборите, односно против разните политички опоненти. Но, нема да се надоврзам само на локалниот аспект, и на глобален аспект имаме дезинформации што се поврзани со проруски наративи.Обично, тие се однесуваат на тоа дека не ни треба Европската унија, не ни треба НАТО, има некои наративи што се против вредностите на Европската унија и, за жал, се шират и од партиите, и од различни групации. Секако, следуваат дезинформации за војната во Украина, дезинформации за Зеленски и против офанзивите што ги презема Украина. Исто така, во последно време се појавуваат и дезинформации за војната на Израел во Газа како и за нападот на Иран или Израел, на двете страни во овие две земји.Тренд е да се презентираат и фотографии и видеа што се направени со вештачка интелигенција, но има и фотографии кои се стари или се надвор од контекст, кои се претставени како вистински, и на нашите социјални мрежи, и во нашето опкружување.Полиграф: Кои се најчестите извори од кои доаѓаат овие дезинформации?Зилбеари: Најчести извори – во зависност од интересите на медиумите и центрите на моќ. На пример, дезинформациите поврзани со Русија и проруската пропаганда нормално дека доаѓаат од руските медиуми, кои имаат и нивен центар во Србија, и од Србија се шират во Северна Македонија. Потоа, и во другите земји на Балканот: во Република Српска, го имаме конфликтот меѓу Косово и Србија, а имаше и дезинформации поврзани со резолуцијата за геноцидот во Сребреница, со членството на Косово во светските институции…Значи, во зависност од интересите на предизвикувачите на штетата што ја прави дезинформацијата, такви се и изворите. Локално, ги имаме политичките партии, имаме луѓе кои се заинтересирани да добијат нешто во кампањата и разни мрежи на луѓе што ги знаеме или не ги знаеме, кои шират дезинформации.Полиграф: А граѓаните, што може да направат за да не наседнуваат и можеби полесно да ги детектираат овие дезинформации?Зилбеари: Исто како и новинарите, граѓаните треба да ги отворат очите, од кои извори се информираат. Треба да внимаваат, да размислат, да си го постават прашањето – ако оваа информација доаѓа од некого, тогаш треба да размислат кој има корист од оваа информација, што може да биде целта на оваа информација и зошто им се сервира токму ним. Значи, треба да си ги постават тие неколку критични прашања пред да ја споделат таа дезинформација.Интервјуираше: Ера Ѓакова...

Во тековната потрага да се откријат мистериите на нашиот Сончев систем, се појави неодамнешна студија која може да се пофали со „најсилните статистички докази досега“ за постоењето на таканаречената Деветта планета, теоретска скриена планета во Сончевиот систем.Тврдењата се изнесени за „Индепендент“ од страна на астрономот Константин Батигин од реномираниот калифорниски институт за технологија (Калтех), добро познато име во областа на планетарните истражувања, особено во врска со загадочната Деветта планета на Сончевиот систем.Споменатото истражување започна амбициозна мисија, односно внимателно испитување на движењата на транс-нептунските објекти (TNOs), разновидна низа на небесни тела кои ги населуваат најоддалечените делови на нашето соларно соседство, вклучувајќи ги Плутон и Ерис. Објектите TNO често се занемаруваат поради гравитационите нарушувања предизвикани од Нептун, но тие беа во фокусот на гореспоменатата студија, која беше прифатена за објавување во Astrophysical Journal и моментално се наоѓа на складиштето arXiv.Преку софистицирана мешавина на симулации, вклучувајќи ги и гравитационите влијанија на различни небесни тела, вклучувајќи ги и нашите соседни планети и сеопфатната галактичка плима што произлегува од Млечниот Пат, научниот тим спроведе исцрпна истрага. Беа разгледани две различни сценарија: едното го разгледуваше присуството на Планетата Девет, додека другото го разгледуваше нејзиното отсуство.Земајќи ги предвид предрасудите за набљудување, нашите резултати откриваат дека орбиталната архитектура на оваа група на објекти тесно се совпаѓа со предвидувањата на моделите кои ја вклучуваат Деветтата планета, забележуваат авторите на студијата, сигнализирајќи привлечна корелација помеѓу набљудуваното однесување на TNO и претпоставеното постоење на Деветта планета.Спротивно на тоа, сложените траектории на овие небесни номади ќе изгледаат многу неверојатни во универзум лишен од гравитационото влијание на Деветтата планета. Сепак, и покрај се поголемиот број докази, потрагата по дефинитивен доказ останува неостварлив потфат за астрономите, а претходните обиди да се открие мистериозна планета на работ на Сончевиот систем дадоа неубедливи резултати.Сепак, појавата на револуционерни астрономски технологии, како што е опсерваторијата Vera C. Rubin лоцирана во Чиле, нуди трошка надеж за решавање на енигмата околу Деветтата планета.Со нетрпение ги очекуваат новите откритија, научниците ја нагласуваат важноста од континуирано истражување и ригорозно тестирање на нивните хипотези. Нивните заклучоци, исцртани со ветувањето за неизбежно решение, сигнализираат клучен момент во тековната потрага за дешифрирање на мистериите на нашиот космички двор....

Пред зградата на Работничкиот дом (ССМ) во Скопје денеска почна протестот на Сојузот на синдикати организиран по повод Меѓународниот ден на трудот.Претседателот на ССМ Слободан Трендафилов порача дека работниците даваат црвен картон на судот, појаснувајќи дека тоа се должело на направени обиди за притисок врз синдикатите.-Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не напаќаат посилни не прават и колку повеќе пробуваат да ги уништат синдикатите ние се повеќе сме силни, порача Трендафиловски.Синдикатот на денешниот протест ќе потсети на барањата за пораст на платите во приватниот и во јавниот сектор,за минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.Протестот продолжи пред Собранието на Република Северна Македонија и Стопанската комора и се очекува да заврши пред Владата....

Владата на Шпанија формираше независна комисија ќе има задача да го надгледува процесот за решавање на корупциските скандали во фудбалската федерација, а на чело на овој орган постави добропознато и звучно име.Главната задача ќе ја има славниот Висенте Дел Боске, поранешен селектор на Шпанија и светски шампион со „фуријата“. Искусниот стратег ќе има должност да ги спроведе сите чекори зацртани во постапката против Педро Роча и пораннешниот претседател, Луис Рубијалес.Од министерството за спорт и образование изјавија дека Дел Боске самиот се понудил за оваа задача, а тие без двоумење прифатиле затоа што се работи за едно од најценетите имиња во спортскиот живот во Шпанија. Легендарниот тренер ја освои и европската титула со својот национален тим, а исто така има и две титули во Лигата на шампионите со Реал Мадрид....

Најмалку 19 лица загинаа на 1 мај кога се урна дел од автопатот во јужната кинеска провинција Гуангдонг, објави кинеската државна телевизија Си-Си-Ти-Ви.Дел од патот долг 17,9 метри се срушил околу два часот наутро, објавија властите во главниот град Гуангдонг, Меижоу, пренесува АП.May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR— Byron Wan (@Byron_Wan) May 1, 2024„Околу 11:45 часот по локално време, 18 автомобили се пронајдени под урнатините (на патот). Властите потврдија 19 смртни случаи, а уште 30 лица се во болница, но нивните животи не се во опасност“, се вели во извештајот на Си-Си-Ти-Ви.#China 🇨🇳 HIGHWAY COLLAPSE IN CHINAThe 17.9-meter-long section of a road collapsed in the southern Chinese province of Guangdong leaving at least 19 people dead according to authorities in Meizhou City.Footage showed flames and smoke rising from a deep, dark pit into which… pic.twitter.com/sFEaX8TVVu— Rula El Halabi (@Rulaelhalabi) May 1, 2024Изминативе денови во областа врнеа обилни дождови....

Едно лице загина, а три други се повредени во вторникот кога торнадо го зафати малото гратче Вестморленд во североисточниот дел на Канзас, уништувајќи домови, возила и помошни згради, соопштија локалните власти.Претставници на округот Потаватоми објавија на Фејсбук дека торнадо го погоди градот со околу 700 жители во вторникот вечерта, уништувајќи 22 домови, три РВ и пет доградби и оштетувајќи уште 13 домови и комерцијална зграда, пренесува АП.Портпаролот на округот Потаватоми потврди еден смртен случај. Повредени се и три лица, но никој од нив не е во критична состојба.Невремето Вестморленд е само два дена откако силни торнада ја зафатија Оклахома минатата недела, при што загинаа четири лица, а беа повредени најмалку 100.Во петокот американските сојузни држави Небраска и Ајова беа погодени од торнадо, при што едно лице загина, а беа уништени станбени и деловни објекти....

Екипата на Реал Мадрид синоќа ремизираше на гостувањето кај Баерн Минехн (2-2). „Кралевите“ овој меч освен по релативно добрата игра и отворената ситуација за пласман во финалето ќе го паметат и по рекорд.Лука Модриќ со својот настап против Баварците со 38 години и 234 дена стана најстариот играч што се појавил во дресот на Реал Мадрид на натпревар од ЛШ односно Купот на шампионите.Досегашниот рекорд беше во сопственост на легендарниот Ференц Пушкаш, кој во ноември 1965 година, исто така во ремито 2-2 на гостувањето кај шкотскиот Килмарнок, настапи на возраст од 38 години и 229 дена....

Американскиот државен секретар Ентони Блинкен изјави денеска за време на средбата со израелскиот претседател Исак Херцог дека „сега е време“ за договор со Хамас за ослободување на заложниците и прекин на огнот.„Ние сме решени да добиеме прекин на огнот што ќе ги врати заложниците дома и да го добиеме сега, а единствената причина зошто тоа нема да биде постигнато е Хамас. Предлогот е на маса, како што реков, нема одложување и Нема оправдувања, сега е време“, рече Блинкен.Тој изјави дека таквиот договор ќе овозможи влез на многу потребните лекови, храна и вода во Газа....

Одделението за сеизмологија на Институтот за хидрометеорологија и сеизмологија денеска регистрираше умерен земјотрес во 5 часот и 38 минути, со епицентар на 32 километри западно од Чазин во Хрватска.Јачината на земјотресот во хипоцентарот (фокалната точка) била 4,7 единици според Рихтеровата скала, што одговара на епицентралниот интензитет од VI степени на Меркалиевата скала (MCS).Според прелиминарните податоци за обработка, епицентарот на овој земјотрес бил лоциран на длабочина од 10 километри, соопшти Одделението за сеизмологија на Институтот за хидрометеорологија и сеизмологија.Врз основа на теоретскиот модел на макросеизмичкото поле на овој регион, јачината на земјотресот и длабочината на хипоцентарот, овој земјотрес можел да предизвика само мала материјална штета во епицентралното подрачје....

Белгискиот голман Тибо Куртоа ќе го пропушти претстојното Европско Првенство во Германија поради повреда на лигаментите на коленото. Куртоа ја пропушти целата сезона и му требаше уште една операција во март кога се појавија проблеми во неговото закрепнување.Тој би можел да се врати на терените во тимот на Реал Мадрид пред крајот на сезоната, но селекторот на Белгија, Доменико Тедеско го отпиша од тимот, објави Би-би-си. Куртоа, кој досега одигра 102 натпревари за Белгија, во декември изјави дека нема целосно да се опорави за да игра во натпреварувањето во Германија.„На оваа тема веќе се е кажано. Се концентрираме на играчи кои се во добра форма – изјави Тедеско за германските медиуми.Тренерот на Реал Мадрид, Карло Анчелоти изјави дека се надева дека Куртоа ќе се врати на теренот за саботниот натпревар од Ла Лига против Кадиз....

Според информациите на граничниот премин Богородица за излез од Македонија се чека и по еден час за возила кои се упатиле кој Грција.Од АМСМ информираат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.Меѓународниот ден на трудот, 1 мај, денеска се одбележува во светот во знак на сеќавање на тој датум во 1886 година, кога работниците во Чикаго со штрајкови и протести ја започнаа својата борба за осумчасовен работен ден....

Центарот за управување со кризи апелира до граѓаните на внимателност при палење оган на отворено за Меѓународниот ден на трудот – 1 Мај.-За првомајскиот празник традиционално граѓаните излегуваат во природа и на излетнички места. Апелираме за внимателност при палење оган на отворено за првомајскиот празник, како и секогаш кога се престојува во природа. Ако се пали оган на отворено при одењето на излет, таму каде што нема посебно направени огништа за правење скара, тоа да се прави внимателно и пред заминување од местото, обврзно да се изгасне жарта од огнот, велат од ЦУК....

Шпанскиот тенисер Рафаел Надал настапи на домашниот турнир во Мадрид и застана на патот кон четвртфиналето. Некогашниот прв светски рекет доживеа пораз од Јиржи Лехачка од Чешка со 0-2 во сетови.Овој меч беше доста емотивен за Рафа, затоа што на трибините имаше повеќе од 13.000 луѓе кои му даваа безрезервна поддршка. И по поразот, тој додека заминуваше од теренот доби „шпалир“ од организаторот, како знак за благодарност за се што направи за белиот спорт. Во обраќањето до публиката, 37-годишниот Рафаел Надал пушти солзи.„Ова беше еден од оние моменти, кога ви доаѓа тешко на душата, но мојот живот и моето тело веќе ми праќаат сигнали“, кажа Надал, со што го најави крајот на кариерата.По крајот на настапот во Мадрид, Рафаел Надал доби и специјален трофеј од страна на организаторот....

На една недела до одржувањето на парламентарните избори и вториот круг на претседателските избори, продолжуваат препукувањата меѓу партиите, а во фокусот се и условите на партиите за постизборните коалицирања.И од ВМРО-ДПМНЕ и од СДСМ повикуваат на масовна излезност. ВМРО-ДПМНЕ очекува двојна победа, а од СДСМ порачуваат дека со иднината на државата нема тргување и дека единствениот пат е евроинтеграцијата....

Петмина борачи и една преставничка од понежниот пол ќе ја претставуваат Македонија на Светскиот олимписки квалификациски турнир, кој ќе се одржи во Истанбул во периодот помеѓу 9 и 12 мај.Ова е можеби последна шанса за некој од нив да дојде до норма за учество на летните олимписки игри (ЛОИ) годинава во Париз, нешто што во неколку наврати изминатиот период им бегаше за малку.Кај дамите обид ќе направи Вероника Рјабоволова и тоа во категоријата до 53 килограми, додека кај мажите нашата надеж ќе биде во добри настапи на Владимир Егоров (57 кг), Бесир Алили (65 кг), Расул Шапиев (74 кг), Ахмат Могамедов (86 кг) и Магомедгаџи Нуров (97 кг)....

Англискиот премиерлигаш Њукасл упатил понуда до италијанскиот тренер Маурицио Сари, пренесуваат медиумите на Островот. 65-годишниот стратег неодамна го напушти италијанскиот Лацио, а неговото име веќе се поврзува со голем број европски тимови.Меѓу потенцијалните нови дестинации за Сари се клубови како Фиорентина, Торино, Милан, Наполи и Вест Хем. Се очекува искусниот тренер да донесе одлука за својата иднина по завршувањето на актуелната сезона.Саудиските сопственици на Њукасл испратија понуда до Маурицио Сари во обид да го убедат да го замени Еди Хау на лето. Њукасл се наоѓа на седмото место на моментната табела во Премиер – лигата со 53 бода по 34 одиграни натпревари....

Еден од најзаслужните за успехот на Ред Бул во Формула 1 шампионатот, главниот инженер на австрискиот тим Адријан Њуи ќе го напушти актуелниот шампион во конкуренција на конструктори. Како што пренесуваат многу европски медиуми, се е договорено и се очекува Ред Бул да ја потврди оваа вест пред почетокот на Големата награда на Мајами.Њуи е најуспешниот дизајнер на автомобили во модерната Формула 1 и е член на Ред Бул од неговото основање во 2006 година. Причините за разделбата се наводно незадоволство од улогата што ја има во тимот и несогласување со тимскиот шеф Кристијан Хорнер. Овој 65-годишник има актуелен договор кој е со важност до крајот на 2025 година, а за тоа досега не се огласил. Исто така, Ферари наводно веќе разговарал со Њуи и му испратил понуда за соработка.Покрај загубата што би ја претставувало заминувањето на Њуи, тоа исто така потенцијално би го доведе во прашање статусот на трикратниот последователен светски шампион Макс Верстапен, кој е бескомпромисно лојален на Њуи и советникот Хелмут Маркo. Њуи учествуваше во освојувањето на седум титули за возачи и шест конструктори за Ред Бул.Во генералниот пласман сега води Верстапен со 110 бодови, а зад него е соиграчот Перез со 85. Овогодинешниот шампионат во Формула 1 продолжува со Големата награда на Мајами од 3 до 5 мај....

Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот.Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата.– Неколку години наназад протестите станаа заштитен знак на ССМ како начин на изразување на работничкото незадоволство од продолжувањето на практиката карактеристична за изминатиот период, а тоа е дека нашите социјални партнери, работодавачите и претставниците на законодавната и извршната власт немаат слух за проблемите на работниците и народот, туку единствено и исклучиво работат за своите интереси. Сведоци сме дека додека платите на работниците се зголемуваат минорно, со забавено темпо и несоодветно на инфлацијата и зголемените трошоци на живот или воопшто не се зголемуваат, функционерите си обезбедија пораст на платите од енормни и незаслужени 78 проценти, се наведува во Првомајскиот проглас на ССМ.Оценка на ССМ е дека има зголемено кршење на работничките права, а новиот закон за работни односи не се носи веќе шест години, додека последнава година, како што посочуваат, воопшто не се работело на него, односно не биле одржани расправи за надминување на разликите во креирањето на законот меѓу социјалните партнери....

Поради празникот 1 Мај – Меѓународниот ден на трудот, денеска јавниот превоз во Скопје ќе сообраќа по неделен возен ред.Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров.Од јавното претпријатие додаваат дека жичницата ќе работи два часа повеќе од досега, односно од 10 до 20 часот.-Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје.Работното време е согласно со Одлуката за работно време на Жичарницата во период мај – септември....

Времето денеска ќе биде променливо облачно и топло со слаб до умерен ветер од јужен правец. Попладне ќе има локална појава на краткотраен пороен дожд и ретки грмежи. Минималната температура ќе биде во интервал од 6 до 12, а максималната ќе достигне од 20 до 27 степени.Во Скопје променливо облачно и топло со слаб до умерен ветер од јужен правец. Попладне и кон крајот на денот во делови од котлината ќе има краткотраен пороен дожд и појава на ретки грмежи. Минималната температура ќе се спушти до 9, а максималната ќе достигне до 25 степени.Следува период на променливо облачно време со повремени локални врнежи од дожд. Во четврток и петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од четврток до сабота ќе биде во постепено опаѓање....

Помалку од седум месеци пред претседателските избори во ноември, на републиканскиот кандидат Доналд Трамп му се суди затоа што се обидел да го купи молкот на поранешната порно ѕвезда Сторми Даниелс неколку дена по изборите во 2016 година на кои ја победи демократската кандидатка Хилари Клинтон.Судијата Хуан Мерчан рече дека Трамп е казнет со 9.000 долари поради кршење на забраната за коментирање на сведоци. Обвинителите го обвинија поранешниот претседател дека повеќе пати ја прекршил забраната за коментирање и побараа од судијата да го казни со 1.000 долари по прекршок, пишува Гардијан.Според забраната, Трамп не смее да дава, или да наложува други да даваат јавни изјави за сведоците на судењето, обвинителите и членовите на судскиот персонал. Пред судењето, судијата Мерчан ја прошири оваа забрана за коментирање на членовите на семејството откако Трамп напиша објава за ќерката на Мерчан.Трамп мора да отстрани седум навредливи објави од социјалната мрежа „Truth Social“ и две објави од неговата веб-страница на кампањата до 14:15 часот. „Го предупредуваме обвинетиот дека судот нема да толерира натамошно кршење на правните наредби и дека доколку е потребно и соодветно со оглед на околностите ќе биде осуден на затворска казна“, се вели во судската пресуда....

Министерството за правда преку писмено соопштение информираше дека е добиено официјално известување дека екстрадицијата на Љупчо Палевски е дозволена.Претходно министерот за правда Кренар Лога на социјалните мрежи потврди дека е дозволена екстрадиција на Палевски.„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“Љупчо Палевски е осомничен за убиствата на 14-годишната Вања Ѓорчевска и велешанецот Панчо Жежовски....

Јавното Обвинителство поднесе обвинение против 12 лица поради сомнение за проневера на 5,7 милиони евра државни пари од буџетот на Агенцијата за млади и спорт. Според Обвинителството, предлогот е на иницијатива на Комисијата за спречување на корупција. Од Јавното Обвинителство не даваат повеќе информации, но кусо велат дека надлежниот обвинител до судот ги доставил предложените обвиненија и побарал мерки за претпазливост против осомничените.„Постапувајќи по иницијатива на државната Комисија за спречување на корупцијата, соодветниот обвинител поднесе предлог-обвинение против 12 лица за сторени кривични дела „злоупотреба на службената должност“ и „несовесно работење“. За осомничените од кривичниот суд се побарани мерки на претпазливост“, велат од Јавно Обвинителство. Антикорупциска пред повеќе од една година најави дека поради сомнение за злоупотреба и непочитување на ваучер-системот за финансирање и распределба на фондации на спортски клубови, до јавното обвинителство поднесе иницијатива за кривично гонење на директорот на Агенцијата за млади и спорт, Наумче Мојсовски и двајца членови на Централната комисија. Оваа институција најави и иницијатива до владата за проверка на одговорноста, а дополнително побарала и вонредна контрола од Управата за Јавни Приходи.Сомнежите на Антикорупциска беа дека директорот и членовите на Централната комисија во текот на 2020, 2021 и 2022 година, непочитувајќи ги законските процедури и фаворизирајќи одредени клубови и субјекти, злоупотребиле 5,7 милиони евра од државниот буџет. Неофицијално се дознава дека меѓу осомничените има и имиња познати од партиските органи на СДСМ и други лица инволвирани во македонскиот олимписки комитет. Според извори на Алсат, штетата на државниот буџет е докажана и преку финансиско вештачење./Алсат.мкАдриан Керими...

Лидерот на партијата „Левица“ Димитар Апасиев пред жителите на Битола ја презентираше таканаречената „Македонска Платформа“. Тој рече дека оваа платформа е за зачувување на територијалниот интегритет, суверенитет и државните симболи. Тој подвлече дека пред граѓаните има три платформи, а тие сами ќе одлучат која ќе ја изберат.Социјалдемократите во Неготино. Претседателот на оваа партија, Димитар Ковачевски, рече дека дел од граѓаните изразиле незадоволство од политиките на оваа партија. Тој подвлече дека концептот „општество за сите“ често бил злоупотребуван од одредени политички структури, но подвлече дека следниот пат ќе бидат повнимателни.Коалицијата ВРЕДИ продолжува со директни средби со граѓаните, презентирајќи им ја нивната програма. Изет Меџити изјави дека се процесуираат сите изборни злоупотреби што ги прави Европскиот Фронт, посочувајќи дека по изборите ќе има одговорност.„Европскиот Фронт, покрај уцените што ги прави, освен што ги злоупотребува институциите, МВР, Исламската Заедница, полицијата, притисоците, купувањето гласови. Знаеме и колку пари размениле по менувачниците на Скопје, Тетово, знаеме и кој ги купил гласовите… Сето ова е документирано и ќе биде процесуирано на суд и ќе одговараат“, рече Изет Меџити, ВРЕДИ.ВМРО-ДПМНЕ ја презентираше програмата пред жителите на Куманово. Лидерот на оваа партија Христијан Мицкоски вети дека партијата што ја предводи ќе го промени имиџот на државата. Додека по падот на оваа власт, противниците ќе се соочат со одговорност.Кандидатот за пратеник од Европскиот Фронт, Наим Бајрами, порача дека државата мора да го следи европскиот пат. Тој ги оцени изборите на 8 мај како референдум за европската иднина на земјата, притоа подвлекувајќи дека одложувањето на преговорите за членство ќе значи стагнација, неизвесност и изолација.„Одложувањето на разговорите за членство во европската унија или отфрлувањето на европската агенда го доведува во прашање процесот на реформи во земјата и како резултат на тоа ризикуваме со стагнација, неизвесност, изолација и немање јасна развојна перспектива“, рече Наим Бајрами, Европски Фронт./Алсат.мк...

Кандидатот за претседател поддржан од ВМРО-ДПМНЕ, Гордана Силјановска-Давковка на митингот во Куманово наведе дека некои злосторства против човештвото никогаш не застаруваат. Помеѓу редови, Силјановска тврдеше за војната од 2001 година и можноста за решавање на овие злосторства пред меѓународен трибунал. Силјановска рече дека е време Македонија да има претседател кој не доаѓа со сила туку со заслужен авторитет.Стево Пендаровски од Тетово побара граѓаните да не му веруваат на некој што сака да ги поништи договорите кои донесоа мир во нашата земја. Пендаровски рече дека против нивниот кандидат бара укинување на договорите со меѓународни гаранции без да објасни каков е нејзиниот предлог. Кандидатот поддржан од СДСМ и коалицијата побара граѓаните да не гласаат за оние кои бараат промена на темелните документи на државата.Двајцата претседателски кандидати ја продолжат изборната кампања со средби со граѓаните. Пендаровски вечерва е во Куманово, додека Силјановска во Струмица./Алсат.мкАдриан Керими...

Молк во Исламската верска заедница по вчерашните обвинувања на Арбен Таравари дека муфтиството во Гостивар се претворило во партиско седиште на Демократската Унија за Интеграција.Денеска контактиравме и со ИВЗ и со муфтиството на Гостивар, од каде накратко ни одговорија дека не сакаат да ги коментираат изјавите на политичките партии.Арбен Таравари од коалицијата Вреди пред неколку дена ја обвини Исламската верска заедница дека не работи по верски правила туку по инструкции на првиот човек на ИВЗ, Шаќир Фетаху, кого дури го нарече инструмент на ДУИ.„Упатувам посебна покана до ИВЗ- Гостивар затоа што направија штаб во рамки на ИВЗ, штаб кој работи специјално за ДУИ. Ги повикувам гостиварските оџи да не станат плен на сите инструкции што им ги дава поглаварот на ИВЗ, за кој е општо познато дека е инструмент на партијата“, рече Арбен Таравари- Вреди.Во реакцијата Таравари вели дека веднаш по изборите, ИВЗ ќе биде првата институција која ќе треба да се исчисти и да го врати моралот и достоинството што и припаѓа како верска институција. Таравари ја обвини и гостиварската полиција која според него во селото Чегране врши притисок врз жителите да гласаат за ДУИ./Алсат.мкБашким Сулејмани...

Европската Комисија покрена истрага против социјалните мрежи Фејсбук и Инстаграм, во сопственост на технолошкиот гигант Мета, поради сомнежи дека не ги почитуваат своите обврски во борбата против дезинформациите. Овие обврски произлегуваат од Законот за дигитални услуги.„Оваа Комисија создаде средства за заштита на европските граѓани од насочени дезинформации и манипулации од трети земји и ако се сомневаме дека има прекршување на правилата, ние постапуваме“, рече претседателката на Европската комисија Урсула фон дер Лајен.Таа додаде дека борбата против дезинформациите е особено важна за време на изборната кампања.Комисијата ќе ја фокусира својата истрага на сомневањата дека Мета не ги исполнува своите обврски според Законот за дигитални услуги поврзани со ширење на погрешни реклами, кампањи за дезинформации и координирано лажно однесување во ЕУ....

Повторно се доведуваат во прашање услугите за граѓаните кои се осигурени од Фондот за здравство, како и платите на здравствените работници во Јавното здравство. Вработените во Фондот најавија дека од 1 јуни повторно ќе штрајкуваат. Бараат и целосно да се разреши Управниот одбор на Фондот и да се именува нов, бидејќи тројца од членовите се во пензија и им е истечен мандатот. Овој ист Управен одбор седницата на која требаше да одлучува за усогласување на платите на вработените ја одложи за по изборите, а тоа ги револтираше вработените повторно да протестираат, блокирајќи го патот пред нивниот главен објект во Скопје.Фондот за здравство пред два месеца штрајкуваше поради заканата за намалување на платите за 21 отсто, но Владата одлучи да ги задржи непроменети, по што штрајкот беше прекинат. За време на последниот штрајк на вработените во Фондот, во февруари, шалтерите на Фондот за здравство не работеа два дена. Не се обработуваа барањата на пациентите за рехабилитација, за исплата на породилно, за заверка на ортопедски помагала, а не се пресметани платите за сите здравствени услуги, што влијаеше на доцнењето на платите во државното здравство. Граѓаните може да се соочат со истата блокада на услугите доколку до 1 јуни не се исполнат барањата на вработените во Фондот.Аднан Ќаили...

ДУИ – „Европски фронт“, и коалицијата „ВЛЕН“ најавија завршни митинзи на предизборната кампања за парламентарните избори, на ист ден ( 6 мај), на плоштадот „Илирија“ во Тетово, што предизвика судир помеѓу двете спротивставени коалиции.Од ДУИ и „Европски фронт“ вчера излегоа со соопштение, во кое се наведува дека објавувањето на датумот и местото на одржувањето на завршниот митинг на опозицијата (ВЛЕН) е ненадејно, пред два дена, откако тие една недела претходно најавувале дека и нивниот митинг ќе се одржи на истото место и на ист датум, и го карактеризираа чинот како чиста провокација.Од коалицијата ВЛЕН денеска реагираа на соопштението на „Европски фронт“, нарекувајќи ги нивните најави провокативни и измамнички, бидејќи, како што велат од ВЛЕН, тие уредно упатиле барање до општина Тетово од каде на 18 април е дадена согласност за датумот (6 мај) и местото на одржување на завршниот митинг.Извор: Civilmedia...

Израелскиот премиер Бенјамин Нетанјаху вети дека ќе го нападне Рафах, град во Газа од каде што побегнаа стотици илјади Палестинци.Нетанјаху рече дека Израел ќе влезе во Рафах за да ги уништи тамошните баталјони на Хамас, „со или без договор“.Израел и Хамас преговараат за договор за прекин на огнот, кој треба да го договори и ослободувањето на последните заложници од Газа.Нетанјаху вети дека ќе постигне „тотална победа“ во војната што започна на 7 октомври, но се соочува со притисок да не започне офанзива во Рафах.Израел смета дека тој град е последното големо упориште на Хамас.Во меѓувреме, Хамас ја разгледува понудата на Израел за 40-дневно примирје во Појасот Газа во замена за ослободување на заложниците земени во нападот врз Израел на 7 октомври.Враќајќи се во Катар по последните разговори во Каиро, делегацијата на Хамас рече дека „ќе разговараат за идеите и предлозите“....

Јавното обвинителство на Република Северна Македонија денеска соопшти дека е поднесено барање за определување мерки на претпазливост за 12 лица осомничени за злоупотреба на службена положба, без да наведе повеќе детали за која институција станува збор.-Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост, стои во соопштението од Јавното обвинителство.Според дел од медиумите, станува збор за 12 лица од Агенцијата за млади и спорт вклучувајќи го и директорот на Агенцијата, Наумче Мојсовски, во врска со случајот со распределба на средства од ваучечер системот....

Претседателот на ВМРО-ДПМНЕ, Христијан Мицкоски не знае како ДУИ пресметале дека се претставници на немакедонското население во Македонија и дека мора да бидат дел од новата Влада најавувајќи дека со досегашната владејачка структура неговата партија нема да разговара за коалиција по изборите на 8 мај.– Жалам што ДУИ сѐ уште живее во некои времиња кои се минато. Македонија е држава на сите граѓани, не е федерација, ниту бионационална држава. Според демократијата, оној што има 61 пратеник и парламентарно мнозинство ја формира идната Влада. Јас не знам како тие пресметале дека се претставници на мнозинското немакедонско население во Македонија. Сите ние сме граѓани на Македонија и ценам дека политиката не треба да се гледа како шведска маса па ДУИ сега ќе земе малку од СДСМ, па од ВМРО-ДПМНЕ. ДУИ очекувам да биде опозиција за неколку недели од денеска -рече Мицкоски....

Европската комисија отвори формална постапка со цел да процени дали социјалните мрежи „Фејсбук“ и „Инстаграм“, кои се во сопственост на „Мета“, го прекршиле Законот за дигитални услуги на ЕУ (ДСА) во делот на заштита на европските граѓани од ширењето на дезинформации и манипулации од трети земји.Постапката треба да ги испита политиките и практиките на „Мета“ во врска со спречување на манипулативни реклами и политички содржини на нејзините две социјални мрежи.Комисијата се сомнева и дека механизмите за означување „нелегални содржини“ и за заштита на корисниците не се во согласност со барањата на Законот за дигитални услуги, како и дека постојат недостатоци во пристапот на истражувачите до податоците на „Мета“.Постапката е отворена врз основа на прелиминарна анализа на Извештајот за проценка на ризикот доставен од „Мета“ во септември 2023 година и на одговорите на компанијата на формалните барања за информации доставени од ЕК за нелегалните содржини и дезинформации, за пристапот до податоци, претплатата и користењето на генеративната вештачка интелигенција.Постапката ќе биде насочена кон проверка на сомнежите на Еврокомисијата дека „Мета“ не ги почитува обврските од ДСА поврзани со спречување на ширењето на манипулативни реклами, на кампањи за дезинформации и за координирано несоодветно однесување, кои може да претставуваат ризик за изборните процеси, основните права и заштитата на потрошувачите. Ова пред се ќе биде насочено на проверка на видливоста и пристапот до политички содржини на „Инстаграм“ и „Фејсбук“.Комисијата, исто така, се сомнева дека Механизмот за известување и дејствување на „Мета“, кој им овозможува на корисниците да пријавуваат нелегални содржини на нејзините социјални мрежи, не е во согласност со правилата на ДСА....

Денеска, околу седум часот наутро, маж почнал да напаѓа луѓе со мачета во североисточен Лондон. Пред тоа тој со автомобилот удрил во куќа.Лондонската служба за брза помош соопшти дека пет лица се избодени и пренесени во болница. Меѓу нападнатите, наводно, имало и двајца полицајци.Horrific scenes from #Hainault this morning.Yet again a blade causes carnage on our streets destroying lives.We need: – More proactive policing – More police on the streets – Mandatory sentences for carrying a blade – Life inside for using one of somebody – increased stop and… pic.twitter.com/kZdNulMeoc— DavidUKPulse 🏴󠁧󠁢󠁥󠁮󠁧󠁿 🇬🇧 🇮🇱 🇺🇦 ⚛️ (@DavidUKPulse) April 30, 2024Триесет и шестгодишниот напаѓач е уапсен. Од полицијата додаваат оти не веруваат дека напаѓачот имал помагачи, а истрагата за мотивите на нападот е во тек. Засега се чини дека нападот не е поврзан со тероризам....

Тренерот на Барселона, Чави Хернандез, зборуваше по победата на каталонците со 4:2 против екипата на Валенсија во натпреварот помеѓу двата тима од 33. коло од шпанската Ла Лига. Барса двапати заостануваше резултатски, но успеа да го сврти текот на настаните во своја полза и стигна до крајниот успех.„Индивидуалните грешки доаѓаа од недостаток на концентрација. Тоа ни се случува многу оваа сезона. Бевме слаби во позиционен напад, победивме затоа што ги искористивме нашите сили. Гледаме да внимаваме на сите елементи од нашата игра – и во нападот и во одбраната“, изјави Чави.И покрај критичките забелешки, Чави пофали и голем дел од своите играчи....

Боите имаат одредено значење и влијаат на нашите животи. Секој хороскопски знак има одредена боја која му носи среќа во некои ситуации.Астрологијата го проучува и овој сегмент без кој е тешко да се замисли квалитетна и сеопфатна анализа.ОвенНивната боја е црвената. Оваа боја ја нагласува страста и енергијата. Родените во знакот Овен кои ја сакаат оваа боја, сакаат акција, а често и опасности. Максимално уживаат во животот, секаде се со задоволство прифатени и со својата енергија, позитивно размислување и однесување привлекуваат сечие око. Се препорачува при склучувањето деловни договори да носат нешто во оваа боја.БикБоите на Биковите се сина и зелена. Луѓето кои ја сакаат сината боја се навидум ладни, но во суштина се многу емотивни и страсни. Тие се хуманисти, имаат добра душа и интуиција и најмногу се надарени во уметноста. Астролозите тврдат дека сината боја им носи среќа на емоционално ниво, а зелената на деловното ниво. Зелената е боја на природата и креативноста. Биковите се искрени и способни да ги надминат сите граници и разни предрасуди.БлизнациСивата боја е комбинација на бело и црно, а на Близнаците најмногу им одговара оваа боја поради рамнотежата помеѓу два концепта – празнина и исполнетост. Близнаците гледаат на работите од различни агли. Никогаш не даваат јасна изјава и затоа оваа боја им е совршена бидејќи е мешавина од две бои. Сигурно и стабилно се движат низ животот, чекор по чекор. Не брзаат кон целта и тоа ги води до безбедно решение на многу проблеми и работи.РакРаковите по природа се нежни и чувствителни. Затоа белата боја е идеална за нив. Опишува чистота, добрина и мир. Овој знак во комбинација со бело точно знае што сака во животот. Имаат јасна цел во животот.ЛавА што друго би му одговарало на кралот освен златна и жолта боја. Тие покажуваат дека Лавот го сака животот и луѓето. Овие бои најмногу им одговараат на Лавовите со нивниот детски карактер и нивната љубопитност. Златото им носи деловна среќа, па затоа астролозите препорачуваат секогаш да носат некој златен детаљ.ДевицаКафеавата боја е резервирана за срамежливи Девици. Поради нивната срамежлива природа, на овој знак најмногу му прилегаат незабележителните бои. Сите нијанси на кафена боја го нагласуваат внатрешниот мир, смиреноста и самодовербата на овој земјен знак.ВагаРозовата е боја на љубовта, пријателството и е идеална за суптилните Ваги. Им дава чувство на топлина, ги смирува, ја намалува агресијата и ја ублажува нивната ранливост. Оваа боја им припаѓа на припадниците на овој знак кои се опседнати со естетика. Вагите не сакаат темни бои, бидејќи тие негативно влијаат на нивното расположение. Нежните тонови на бои, светло розова или светло сина носат среќа на овој хороскопски знак.СкорпијаНив ги привлекуваат темни бои. Виолетовата е како направена за нив. Овој знак е сам по себе мистериозен, па луѓето кои ја сакаат оваа боја се малку енигматични, но токму поради нивната мистичност, тие се привлечни за другите луѓе. Виолетовата е исто така боја на медитација и инспирација.СтрелецСреќната боја на Стрелецот е портокалова. Оваа боја е комбинација на црвена која е боја на силата и жолта која е боја на духот. Забавниот Стрелците сакаат светли бои кои влијаат на нивниот интелект, инспирација и желба да бараат нешто ново и интересно. Луѓето родени во знакот Стрелец имаат силен дух.ЈарецНа овој знак најмногу му прилега црната боја. Поради сериозноста на овој хороскопски знак, оваа боја е идеална за нив бидејќи е јасна, темна боја, боја без светлина. Оваа боја претставува стабилен и силен карактер кој не се менува. Оние во црно оставаат впечаток на стабилни и сигурни луѓе кои имаат сила да ги надминат сите препреки.ВодолијаТиркизната боја и Водолиите се идеална комбинација. Оваа боја најдобро го опишува донекаде луцидниот карактер на Водолијата, нивната креативност и жива инспирација. Облечена во оваа боја или барем со деталите на неа, Водолијата може се. Водолијата не сака темни бои кои влијаат на нивните мисли и доведуваат до депресивно однесување. Секогаш бираат топли бои, а тиркизната им е основна боја.РибиСреќните бои на Рибите се темно сина и тегет. Овие бои им помагаат да останат невидливи за надворешниот свет и да најдат постојана инспирација за нови идеи. Емоциите најдобро се изразуваат во темна боја, а сиво-сребрената боја го нагласува нивниот интелект. Рибите не сакаат црвена и портокалова боја бидејќи им предизвикува непријатност. Романтичниот лик на Риби е обоен во темно сина боја....

Претседателот на Германија Франк-Валтер Штајнмаер, претседателот на Чешката Република Петр Павел и чешкиот премиер Петр Фијала на денешната конференција во Прага по повод 20-годишнината од проширувањето на Европска унија повикаа Западен Балкан да не се остава долго да чека пред портите на Унијата бидејќи не смее „да остане сива зона за руското деструктивно влијание“.– После 20 години, 10 земји повторно се во процес на влез во ЕУ. Путин ќе го примени своето деструктивно влијание каде што може. Балканот не смее да остане сива зона за тоа. Земјите од Западен Балкан, Украина припаѓаат на нашиот простор, рече Штајнмаер.Германскиот претседател рече дека нападот на Русија не е само врз Украина, туку и врз сите историски лекции што Германија и Чешка и цела Европа ги научиле од двете светски војни.– Со рускиот напад врз Украина, војната се врати во Европа. Подмолниот напад врз нашиот сосед е истовремено и напад на идејата за мирољубив соседски живот во Европа, кршење на меѓународното право со последици далеку надвор од границите на Украина, кои не засегаат сите нас, рече Штајнмаер....

Денеска се игра 27. првенствено коло во кое Беса и официјално ќе биде промовирана како нов прволигаш. Тимот од Џепчиште заслужено е лидер на табелата и за првпат во историјата од следната сезона ќе игра во елитата. На прославата на стадионот во село Врапчиште доаѓа Охрид Лихнидос.Пелистер на домашен терен го пречекува Тетекс, а Детонит Плачковица е домаќин на Каменица Саса. ФК Скопје на „Автокоманда“ ќе ја нагости Победа, Арсими ќе се сретне со Башкими, а Вардар Неготино ќе игра против Осогово. Караорман на домашен терен ќе ја пречека Беласица, а Кожуф во Гевгелија ќе игра против Новаци. Натпреварите од 27.коло во Втората лига почнуваат од 16 часот....

Постои една структура во мозокот која се издвојува по својата компактна, но пресудна улога – малиот мозок. И покрај неговата скромна големина, која сочинува само 10 отсто од масата на мозокот, малиот мозок е дом на неверојатни 75 отсто од мозочните неврони, што укажува на неговата голема важност.Малиот мозок традиционално се смета за првенствено одговорен за координирање на моторните функции како што се рамнотежата и движењето, но неодамнешното истражување сугерира поширока улога на малиот мозок во процесите на учење. Студијата предводена од научници од Универзитетот во Питсбург и Универзитетот Колумбија ја разгледа вклученоста на малиот мозок во когнитивните функции, фокусирајќи се на неговиот заден страничен регион.„Долгогодишната претпоставка за функцијата на малиот мозок беше дека тој само контролира како се движиме“, забележува невробиологот Андреа Бостан од Универзитетот во Питсбург.Студијата користела мајмуни кои биле обучени да поврзуваат одредени движења на рацете со визуелни знаци на екранот, со награди како поттик за правилни одговори. Привремената инактивација на задниот-латерален дел на малиот мозок значително ја нарушил способноста на мајмуните да учат и да ги задржат овие асоцијации. Истражувањето е објавено во списанието Nature Communications.„Кога го деактивирате тој церебеларен регион, попречувате нови учења“, објаснува Бостан.Откритието на американските научници ја нагласува клучната улога на малиот мозок во олеснувањето на стекнувањето и задржувањето на нови вештини и знаења. Покрај тоа, ја нагласува сложената меѓусебна врска помеѓу различните мозочни региони во поддршката на когнитивните функции.Поважно, импликациите на студијата се протегаат надвор од основните истражувања на невронауката. Разбирањето на придонесот на малиот мозок во процесите на учење може да понуди вредни сознанија за решавање на невролошките нарушувања кои влијаат на когнитивната функција.„Нашето истражување дава јасни докази дека малиот мозок не е важен само за учење како да се изведуваат вешти акции, туку и за учење кои дејства се највредни во одредени ситуации“, вели Бостан....

Бокс-мечот меѓу поранешниот светски шампион Мајк Тајсон и јутјуберот Џејк Пол доби статус на професионална борба. Мечот ќе се одржи на 20 јули на стадионот на Далас Каубојс, во Тексас. Ова значи дека резултатот од борбата ќе влезе во официјалниот настап на двајцата боксери. Што се однесува до другите детали од борбата, најважно за љубителите на боксот е тоа што се дозволени нокаути.Исто така, боксерите ќе користат ракавици од 14 унци, кои се користат во категориите од 68 до 79 килограми. Борбата ќе има најмногу осум рунди во времетраење од по две минути. Овие правила фрлаат сомнеж за доделениот статус на професионална борба бидејќи не се елементи на традиционалниот професионален бокс.Тајсон има 57 години и мораше да добие специјална медицинска дозвола за да се бори. Во кариерата имаше 58 борби во кои забележа 50 победи, од кои 44 со нокаут. Сепак, неговата последна професионална борба беше пред речиси 7.000 дена.Од друга страна, Пол има 27 години и десет борби во кои забележа девет победи, шест со нокаут. Последната професионална борба ја имаше пред 58 дена....

Вработените во Фондот за здравство излегоа на предупредувачки протест поради незадоволството за неусогласувањето на платите со растот на минималната плата.Вработените бараат и разрешување на управниот одбор на Фондот, откако тој во петокот не донел одлука за зголемување на платите за 2600 денари, како и досегашниот бод за пресметка на плата да важи и од 1-ви јуни. Вработените бараат нов управен одбор кој ќе дозволи да се усогласат платите на вработените, односно примањата да не им се намалуваат од 1-ви јуни.„Со оглед дека самите најавиле дека до формирање на нова Влада немаат во план да донесат никаква одлука по овие прашања, останува прашањето зошто постои Управниот одбор, би било поетички да си отидат и да се изберат нов. Ако ова до 15 мај не се реши, ние ќе имаме предупредувачки протести во сите градови. Ако на 1 јуни не се реши прашањето, тогаш, стапуваме во генерален штрајк“, изјави претседателот на синдикалната организација, Бранко Аџигогов....

Белата куќа соопшти дека е против истрагата на Меѓународниот кривичен суд (МКС) за акциите на Израел во Појасот Газа, јави ДПА.Портпаролката на Белата куќа Карин Жан-Пјер рече дека Вашингтон „не ги поддржува“ истрагите нагласувајќи дека „не верува дека тие имаат јурисдикција“.Новинарите неколку пати ја прашаа Жан-Пјер дали евентуално издавање налози за апсење на израелскиот премиер Бенјамин Нетанјаху и други израелски официјални лица може да ги прекине разговорите за прекин на огнот во Газа. Но, портпаролката одби подетално да ја коментира темата....

Републичкиот совет за безбедност на сообраќајот на патиштата (РСБСП) упатува апел за внимателно и совесно учество во сообраќајот за време на претстојните празници.Како што се наведува во соопштението оттаму во пресрет на празниците 1 Мај и Велигден, се очекува зголемување на фрекфенцијата во сообраќајот, патувања на подолги дестинации, излети во природа и дружења со семејството и пријателите, затоа апелираме на-Со цел зачувување на безбедноста на секој учесник во сообраќајот РСБСП советува на почитувајте ги сообраќајните правила и прописи и поставената сообраќајна сигнализација,користење сигурносен појас, возете одморени и правете почести паузи, особено кога патувате на подолги дестинации, не управувајте со моторно возило доколку сте под дејство на алкохол, возете со технички исправно возило, прилагодете ја брзината според условите на патот и одржувајте безбедно растојание од другите возила, не зборувајте на мобилен телефон додека возите, внимавајте на секој учесник во сообраќајот. Возете внимателно и одговорно! Безбедноста на секој учесник во сообраќајот е заедничка грижа. СРЕЌНИ ПРАЗНИЦИ!, стои во соопштението од Советот за безбедност на сообраќајот и патиштата....

Некои медиуми продолжуваат некритички да пренесуваат пропагандни изјави од руски функционери поврзани со агресијата на Русија врз Украина.На пример, на 21 април 2024, порталот Република објави наслов: „Медведев за новиот пакет помош од САД за Украина: Тоа е русофобија“. Истиот наслов го објавија и порталот „Локално“, како и порталот „Скопје 1“. И порталот МКД.мк објави наслов: „Медведев за пакетот американска помош за Украина: Тоа е русофобија“.Но, овие непоткрепени обвинувања за „русофобија“ не се ништо ново. Проверувачите на факти од „ЕУ вс. Дисинфо“ даваат повеќе примери за употребата на зборот „русофобија“ како дел од класичниот наратив со дезинформации на Кремљ.Уште во 2022 година, и проверувачите на факти од Вистиномер укажаа дека „Обвинувањата за „русофобија“, кои тогаш ги ширеше руската амбасада, се „дел од пропагандниот арсенал на Кремљ…“.И американскиот Стејт департмент ги препознава овие обвинувања како дел од главните наративи со дезинформации на Русија, која глуми жртва и ги етикетира како „русофоби“ сите што ја осудуваат нејзината агресија во Украина, иако таа беше осудена и со Резолуција на Генералното собрание на ОН.Инаку, во контакт групата за одбрана на Украина учествуваат над 50 држави, меѓу кои и Северна Македонија. Тие ја помагаат Украина, не заради „русофобија“, туку затоа што Украина има неприкосновено право на самоодбрана од надворешна агресија.Затоа, обвинувањата на Медведев за „русофобија“ може да се сметаат за пропагандни дезинформации. Медиумите не треба некритички да пренесуваат вакви обвинувања, кои се злоупотребуваат за оправдување на руската агресија врз Украина....

Претседателот на Државната изборна комисија (ДИК) Александар Даштевски во интервју за МИА вели дека интензивно се работи на подготовките за вториот круг од претседателските избори и парламентарните избори на 8 мај. Даштевски ја објаснува постапката за гласање на изборите имајќи предвид дека за двојните избори гласачите ќе може само еднаш да излезат на гласање. Исто така тој ги повикува гласачите да го искористат своето право на глас на 8 мај достоинствено и без притисоци и да имаме фер, демократски и слободни избори.-Сега со оглед дека се работи за вториот круг и некои работи веќе се завршени за вториот круг во првиот круг, уште подобро се одвиваат подготовките, дури и за викенд се работеше. Во петокот го утврдивме изгледот на гласачкото ливче кое ќе биде за вториот круг на претседателски избори, а овие другите за парламентарни веќе се печатат, при крај се записниците и другите доверливи материјали, така што веќе сме во добра подготовка, рече Даштевски....

Поради празникот 1 Мај – Меѓународниот ден на трудот, утре јавниот превоз во Скопје ќе сообраќа по неделен возен ред.Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров.Од јавното претпријатие додаваат дека жичницата ќе работи два часа повеќе од досега, односно од 10 до 20 часот.-Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје.Работното време е согласно со Одлуката за работно време на Жичарницата во период мај – септември....

Четириесет и деветгодишниот Д.К., државјанин на Република Грција вчера во 12:40 часот е лишен од слобода на граничниот премин „Табановце“. Полициските службеници го лишиле од слобода поради сомневање дека сторил кривично дело давање поткуп.Лицето, како што информираат од Министерството за внатрешни работи, во патната исправа на возилото што го управувало ставило пари како поткуп.„При пасошка и гранична контрола на возилото ’форд’ со германски национални ознаки, кое го управувал, тој во својата патна исправа ставил пари како поткуп. Парите биле одземени со потврда за одземени предмети, а лицето било предадено на полициски службеници од Секторот за внатрешни работи Куманово за понатамошна постапка“, се вели во полицискиот извештај....

Процесот на проширување, зајакнувањето на Европската Унија и заштитата на владеењето на правото во рамките на блокот ќе бидат главни теми на денешното продолжение на дводневното неформално заседание Советот за општи работи на ЕУ (ГАК) во Брисел.Заседанието започна синоќа (29 април) со свеченост во бриселскиот Центар за ликовни уметности „Бозар“ со која се одбележа 20-годишнината од приемот на Естонија, Кипар, Малта, Летонија, Литванија, Полска, Словачка, Словенија, Унгарија и Чешка во Европската Унија на 1 мај 2004 година.На денешниот работен дел од неформалниот Совет за општи работи министрите или државни секретари на земјите членки на ЕУ задолжени за европски прашања ќе разговараат за процесот на проширување, вклучувајќи и за искуствата од проширувањето во 2004 година, за потребата од зајакнување на Унијата, како и за инструментите на блокот за заштита на владеењето на правото....

Синоќа е пронајдено безживотно тело на почината 26 годишна девојка од Кавадарци во куќа во близина на Градската црква „Св Никола“во Штип.Возила на полицијата и Итна помош биле пред куќата.Неофицијално девојката била почината пред неколку дена, а според првичните информации таа во куќата живеела под кирија.Од СВР Штип повеќе детали за настанот најавија за денес....

Силен земјотрес утрово ги разбудил жителите на Кладово во источна Србија, соопшти Европскиот медитерански сеизмолошки центар (ЕМСЦ).Земјотресот бил со јачина од 4,3 степени според Рихтеровата скала, а се почувствувал и во Зајечар, Неготин, Доњи Милановац, Бор и други градови во источна Србија. Некои граѓани го почувствувале и во Ниш.И Сеизмолошкиот завод на Србија на својата веб-страница објавил дека во 7:42 часот е регистриран земјотрес во областа Кладово....

Лестер ја забележа 31. победа во Чемпионшипот откако во 45. коло славеше на гостувањето кај Престон со убедливи 3-0 со што ја осигура и шампионската титула во второлигашката фудбалска конкунреција на „Островот“.Капитенот Џејми Варди го предводеше својот тим со два гола во 36. и 52. минута, а победата ја потврди МекАтер со гол во 67. минута....

Италијанскиот фудбалски гигант, Милан, ја информираше јавноста дека нивниот голман Мајк Мењан заработил повреда на бутниот мускул и уште не е познато колку ќе отсуствува од терените.„Росонерите“ објавија дека францускиот репрезентативен чувар на мрежата заминал на магнетна резонанца, а повредата за него доаѓа во најлош момент, на само шест недели пред почетокот на Европското првенство во Германија.Селекторот Дидие Дешамп мора да го соопшти конечниот список на фудбалери најдоцна до 16 мај, па останува да видиме дали на него ќе се најде и името на Мењан. „Триколорите“ својот настап го започнуваат со натпреварот против Австрија, кој е закажан за 17 јуни....

Напаѓачот на Барселона, Роберт Левандовски, се радуваше по победата на Каталонците против Валенсија од 4-2 во мечот од 33. коло од шпанската Ла Лига. Полјакот беше клучен дел од успехот бидејќи постигна хет-трик за да му помогне на тимот да се врати во натпреварот откако двапати имаше негатива.„Во првото полувреме не делувавме офанзивно. Мислам дека добро се снајдовме во второто полувреме кога ги наоѓавме слободните простори. Сега се радуваме на следниот натпревар. Ако сите играчи одиграат вака добро, ќе ми биде лесно да постигнам гол. Колку повеќе голови постигнам, толку е полесно и за мене и за сите други. Мојот хет-трик дојде поради играта на целиот тим“, изјави Левандовски.Во следното коло, актуелниот шампион ќе игра против директниот конкурент за второто место, тимот на Џирона....

Денвер Нагетс славеше против Лос Анџелес Лејкерс со 108-106 во петтиот меч од првата рунда во плејофот на Западната Kонференција. Лејкерс се надеваше дека може да избегне четврти пораз од ривалот и да остане во игра за полуфинале, но Џамал Мареј на четири секунди пред крајот му пресуди на „кралот“ Џејмс и неговите соиграчи.Mареј постигна 32 поени, додека Мајкл Портер Јуниор запиша 26 поени, а Јокиќ додаде 25 поени во кошот на Лејкерс. Леброн по поразот веднаш избега од мечот и покажа непочит кон ривалот, зашто не сакаше да се поздрави со ривалите.Бостон Селтикс славеше на гостувањето кај Мајами Хит со 102-88 и поведе со 3-1 во плејоф серијата, а Дерик Вајт беше најефикасен со 38 поени, додека Оклахома го елиминира Њу Орлеанс со триумф од 97-89....

Вулканот Маунт Руанг во Индонезија денеска повторно еруптираше, поради што властите го подигнаа нивото на тревога на највисоко ниво и наредија итна евакуација во радиус од шест километри.Ерупцијата на Маунт Руанг, кој се наоѓа во провинцијата Северен Сулавеси, предизвика облаци од пепел и чад во висина од 2000 метри, соопшти геолошката агенција на Индонезија.Агенцијата ги повика жителите во погодените области да ги следат наредбите за евакуација и да носат маски за заштита од пепел.Последната ерупција следува по зголемената вулканска активност која почна во средината на април.Индонезиските власти претходно издадоа предупредување за цунами и го подигнаа нивото на тревога за вулканот откако имаше повеќекратни големи ерупции, исфрлајќи пепел високи до висина од 3000 метри....