Стопанска банка АД Скопје во првиот квартал од 2024 година продолжи со остварување солидни резултати и висока профитабилност.Добивката пред оданочување и резервации во анализираниот период изнесува 1.345.050 илјади денари, што е 17 % повеќе споредено со претходната година. Задржувајќи го високо прудентниот пристап во однос на управување со квалитетот на кредитното портфолио, во истиот период Банката издвои исправка на вредност на финансиските средства и посебна резерва за вонбилансна изложеност, на нето-основа, во износ од 387.330 илјади денари. Со тоа, добивката на Банката пред оданочување на 31.03.2024 година изнесува 957.720 илјади денари и во однос на истиот период од минатата година е повисока за 23 %. Во најголем дел, ова е резултат на зголемените приходи по сите основи поради зголемувањето на обемот на деловните активности.Нето-приходите од камати изнесуваат 1.565.359 илјади денари и се зголемени за 21% во однос на истиот период од минатата година, како резултат на кредитните активности и вложувањето на вишокот ликвидни средства во првокласни инструменти.Нето-приходите од провизии и надоместоци изнесуваат 213.431 илјади денари и се зголемени за 3% во однос на анализираниот период во 2023 година, што се должи на зголемен обем на активности, односно зголемен обем на испорачани услуги на клиентите, од кои најмногу во делот на услугите во платниот промет и картичното работење.Вкупната актива на Банката во анализираниот период изнесува 129.303.255 илјади денари.Капиталот и резервите изнесуваат 26.626.451 илјади денари, што претставува зголемување за 3% во однос на крајот на 2023 година. Дополнително, Банката пренамени износ од 2.460.000 илјади денари од задржаната добивка од претходни години во добивка ограничена за распределба на акционерите во иднина, со што се зголемија сопствените средства и стапката на адекватност на капиталот, која на 31.03.2024 година изнесува 19%.Во следниот период се очекува продолжување на деловните активности во согласност со дефинираниот деловен план на Банката со целосна ориентираност кон поддршка на клиентите, прудентно управување со ризиците и одржување на високата стабилност, сигурност и ефикасност во сите сегменти од нејзиното работење. Исто така, Банката продолжува со реализација на започнатите проекти, пред сè, во делот на дигитализацијата, како и подготовка на понуда на нови услуги. Секако, фокусот останува на редовното и ефикасно извршување на основните деловни активности, одржување на лидерското пазарно учество од околу 27% во сегментот на кредитирање на населението, со фокус за натамошно зголемување на пазарното учество во делот на кредитирање на компаниите.Оваа година Стопанска банка прославува 80 години од основањето и следствено целиот натамошен период ќе биде исполнет со многубројни новитети и изненадувања на задоволство на нашите клиенти и соработници, но и на пошироката заедница....

Филијалите и експозитурите на Комерцијална банка АД Скопје нема да работат на 1 мај (среда) поради прослава на 1 Мај – Денот на трудот.“Ги известуваме нашите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка“, велат од Комерцијална банка.За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид....

Комерцијална банка АД Скопје започна со исплата на пензиите за април од денес (вторник – 30.04.2024 година).Пензионерите кои имаат активна дебитна картичка со својата пензија може да располагаат од денес – вторник 30.04.2024 година, и ќе може да ја подигнат на банкомат или да ја користат за безготовинско плаќање низ трговската мрежа.Пензионерите кои не користат дебитна картичка, пензијата од 30.04.2024 година ќе може да ја подигнат во експозитурите и филијалите на Банката.Повеќе филијали и експозитури на Комерцијална банка им овозможуваат на клиентите трансакции преку шалтер до 17 часот, со што бројни шалтери им се достапни со најдолго работно време на пазарот од понеделник до петок. А, секако и во сабота, кога филијалите на Банката низ целата земја и повеќе експозитури во Скопје работат од 9 до 12 часот, додека експозитурата во East Gate mall, пак, е отворена до 14 часот....

Дали имате желба да започнете ново патување во кариерата, но немате претходно искуство во банкарскиот сектор? Не дозволувајте тоа да ви биде пречка! Банкарскиот сектор нуди широк спектар на можности за кариера, во распон од услуги за корисниците и продажни улоги до позиции на високо ниво на финансии и инвестирање. Светот на банкарството е преполн со бескрајни хоризонти што чекаат да бидат откриени од амбициозни и мотивирани поединци. Дури и без претходно искуство во банкарскиот сектор, постојат бројни начини за истражување на можностите за кариера во оваа динамична индустрија.Во согласност со стратегијата за забрзан и континуиран растеж и обезбедување на најдобри услуги на своите клиенти, Халкбанк АД Скопје е постојано отворена за нови, образовани, високо мотивирани и талентирани кадри кои знаат да ги препознаат предизвиците на новите времиња.Халкбанк во моментов бара кандидати за вработување без претходно релевантно искуство за позицијата референт, кои може да очекуваат конкуретна нето плата и приватно здравствено осигурување за вработените и членови од нивното семејство. Покрај значително поголемиот износ од минималниот за исплата на годишен регрес, кандидатот што ќе биде вработен треба да очекува и награди врз основа на системот на бонуси, континуирани обуки за кариерен и професионален развој спроведени од банката, како и отворен пристап и пријатна работна средина.Покрај тоа, вработувањето во Халкбанк АД Скопје значи и да се биде дел од динамична работна средина насочена кон развој и иновации, можност за соработка со амбициозен тим со големи можности за забрзан професионален развој и континурано стручно усовршување под менторство на експертскиот и искусен кадар. Угледот на банката, досегашните резултати како и стремежот за заземање на една од водечките улоги на македонскиот финаниски пазар, се гарант на стабилноста, сигурноста и перспективноста на банката.За возврат, од кандидатите се бара да бидат личности кои знаат да ги препознаат можностите за остварување профит, способност за функционирање во високо развојна и пазарно флексибилна средина и располагање со квалитет и ефективност во работењето.Една од придобивките од работата во Халкбанк е и користењето на простории со фитнес центар, пинг понг, пикадо, билјард и менза. Сплотената и инклузивна атмосфера во банката се огледува и преку спроведување редовни тим билдинзи, спортски активности, настани за дружење и заеднички патувања, како и наградувања и инсентивни наградни игри наменети за вработените во филијали, а треба да се истакне и успешното функционирање на синдикалната организација за остварување на правата на вработените....

Асоцијацијата за е-трговија на Македонија – AETM, втора година по ред објавува Jавен повик за бесплатно отварање на е-продавници насловен „Е-трговија: Супермоќ за локалните бизниси” vol.2, кој се реализира во партнерство со компанијата Visa. Јавниот повик е отворен за сите микро, мали и средни компании, кои сè уште не ги продаваат своите производи или услуги онлајн, со цел да добијат можност да отворат дополнителен продажен канал – е-продавница во рамки на локален маркетплејс или своја е-продавница со сопствено софтверско решение, да го зголемат своето онлајн присуство, да се во тек со последните трендови во е-трговијата и да ги зајакнат дигиталните вештини поврзани со е-трговија и дигитален маркетинг.Јавниот повик се состои од поддршка на 20 компании со вредносни пакети од 1000 евра за отворање на нов продажен канал – е-продавница и учество на еднодневен едукативен практичен семинар. Поддржаните компании ќе имаат можност да одберат да отворат нов продажен канал – е-продавница како дел од една од понудените маркетплејс платформи на Јавниот повик и да добијат маркетинг промоција со цел зголемување на е-продажбите или да отворат своја е-продавница со сопствено софтверско решение преку една од понудените IT компании на Јавниот повик. Отворањето на е-продавниците ќе се одвива во текот на месец мај и јуни 2024 година. Еднодневниот практичен семинар „Сѐ за е-трговија“ ќе се оддржува во јуни 2024 со физичко присуство, каде што ќе бидат опфатени дел од следните теми: алатки за менаџирање и одржување на е-продавница, алатки за дигитален маркетинг за е-трговија, маркетинг и рекламирање на социјалните медиуми итн. Учесниците ќе имаат можност да научат нови алатки и тактики кои ќе им помогнат во унапредување на работењето во областа на е-трговијата и зголемување на е-продажбите. По завршување на семинарот, учесниците ќе добијат сертификат за успешно завршување на програмата од Асоцијацијата за е-трговија на Македонија – АЕТМ. Едукативниот семинар ќе можат да го посетат по најмногу двајца претставници од секоја компанија.„Зајакнувањето на понудата во е-трговија е еден од приоритетите во годишната програма на АЕТМ. Со овој повик, Асоцијацијата за е-трговија со поддршка на компанијата Visa повторно се вклучува во напорите за зајакнување на конкурентноста на микро, малите и средни компании и нивно мотивирање за подобрување и унапредување на нивното работење поврзано со е-трговија“, истакнува д-р Нина Ангеловска Станков, Претседател на АЕТМ.“Visa е глобален лидер во областа на дигиталните плаќања, кои ги олеснуваат трансакциите помеѓу потрошувачите и трговците во повеќе од 200 земји и територии на цела планета. Поради тоа ние како компанија сме многу посветени на поддршката на малите и средни компании преку унапредување на нивното дигитално присуство и електронската продажба, со цел нивното работење да го прошират на глобалните пазари и да обезбедат долгорочна профитабилност. Исто така сакаме да се заблагодариме на Асоцијацијата за е-трговија на Македонија – АЕТМ којa со наша поддршка го организира овој конкурс, заедно со пропратните едукативни семинари на оваа тема” – изјави Ана Драшковиќ, потпретседател и генерален директор на компанијата Visa за Југоисточна Европа.Пријавените компании бесплатно учествуваат во програмата, но подлежат на процес на селекција и избор. Изборот ќе го прави комисија составена од експерти во областа на е-трговијата, која ќе ги разгледува апликациите и по однапред утврдените критериуми Јавниот повик ќе ги одбере учесниците кои ќе бидат поддржани за отворање на нова е-продавница и за зајакнување на дигиталните вештини за е-трговија и дигитален маркетинг. Жените претприемачи и младите под 29 години ќе имаат предност во оценувањето и изборот.Пријавувањето се прави преку пополнување на кратка онлајн апликација достапна на овој линк. Пријавувањето ќе може да се направи, најдоцна до вторник, 07.05.2024 до 23:59 часот.Oвој јавен повик се реализира со поддршка на компанијата Visa, која втора година по ред преку реализирање на иницијативи влијае на зголемување на понудата во е-трговијата.Повеќе информации за Јавниот повик можат да се погледнат на: https://ecommerce.mk/visa-2024/ ....

Агенцијата за супервизија на осигурување ја известува јавноста дека зголемувањето на цената на полисите за задолжително автомобилско осигурување е неоправдан чекор на осигурителните компании.По добиените известувања од осигурителните компании дека ќе ја зголемат цената направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано.Поради тоа АСО го информираше и достави предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност....

На 26 април пред 32 години беше воведен денарот како национална валута и беше воспоставена институционална рамка на монетарниот систем, односно Народната банка започна да функционира како самостојна централна банка.„Овој датум е значаен во нашата историја, бидејќи со монетарната самостојност се заокружи целовитоста на процесот на формирањето на нашата држава!Во изминатите 32 години, Народната банка се соочи со голем број предизвици, на кои успешно им одговори, додека денарот беше и ќе остане да биде „сидрото на стабилноста на нашата економија“„, се вели во објавата на официјалниот Фејсбук профил на Народната банка....

Советот на Народната банка, на редовната седница одржана на 25 април 2024 година, го усвои Годишниот извештај на Народната банка за 2023 година, во кој се наведува дека мерките и политиките на Народната банка спроведениминатата година, овозможија успешно одржување на стабилноста на девизниот курс и справување со инфлацијата, којашто од највисокото ниво од 19,8% во октомври 2022 година, се сведе на 3,6% на крајот на 2023 година, без притоа позначително да се загрози реалната економија и финансиската стабилност. Всушност финансиската стабилност и дополнително зајакна и покрај последователните кризи во изминатиов период. Во 2023 година Народната банка продолжи со постепено зголемување на основната каматна стапка до нивото од 6,3%, а истовремено направи и промени во макропрудентната политика, како и кај инструментот на задолжителна резерва, кои дополнително го поттикнаа штедењето во домашната валута, односно доведоа до поголема „денаризација“. Начинот на водењето на монетарната политика од страна на Народната банка, одржувањето на финансиската стабилност, како и довербата на граѓаните и на институциите во нашата централна банка беа позитивно оценети од страна на повеќе релевантни меѓународни и европски институции како што се Меѓународниот монетарен фонд (ММФ), Европската комисија, Европската централна банка (ЕЦБ), како и Светската банка.Дел од активностите на Народната банка во 2023 година беа насочени во области кои носат погодности за граѓаните како корисници на банкарските услуги. Со стапувањето на сила на Законот за платежни услуги и платни системи, се поттикнува влез на нови даватели на платежни услуги, што ќе придонесе за поширока понуда на поевтини платежни услуги за граѓаните и компаниите, а се уредуваат и повеќе решенија за подобра заштита на потрошувачите, преку поставување насоки и ограничувања за надоместоците за платежните услуги, основната сметка со платежни функции, како и поголема транспарентност. Народната банка воспостави и нова алатка која овозможува споредба на надоместоците помеѓу давателите на платежните услуги, а исто така за прв пат донесе и Циркулар којшто ги опфаќа добрите практики за заштита на правата и интересите на потрошувачите при користењето финансиски услуги од банкарскиот сектор. Исто така, Народната банка започна со таргетирани контроли на давателите на платежни услуги во насока на заштита на корисниците на финансиските услуги.Минатата година се засилуваше и колективната свест кон спроведување одржливи економски политики насочени кон екологијата. За таа цел, Народната банка го усвои првиот Среднорочен план на активностите на Народната банка во доменот на управувањето со климатските промени за периодот 2023 ‒ 2025 година, со што се постави сеопфатна рамка за управувањето со ризиците од климатските промени, којашто предвидува повеќе активности во областа на регулативата и супервизијата за климатските ризици, вклучително и стрес-тестирања на домашните банки поврзани со климатските промени. Како дел од активностите од Планот, Народната банка донесе и Насоки за управување со ризиците поврзани со климатските промени, коишто деловните банки ќе ги земат предвид при формулирањето и спроведувањето на својата деловна стратегија и во процесот на управување со ризиците.Во 2023 година беше донесена и Финтек-стратегијата за финансиските регулатори, во која се содржат препораки за координиран пристап на регулаторите, со цел да се трасира патот за ползување на придобивките од развојот на иновациите на финансиите, коишто се повеќекратни.Народната банка активно работеше на остварувањето на Програмата за работа за 2023 година којашто придонесува за исполнување на стратегиските цели и јакнење на институционалните капацитети предвидени со Стратегискиот план за периодот 2022 ‒ 2024 година, а воедно и за исполнување на предвидената визија да биде препознаена како независна, одговорна, професионална, иновативна и транспарентна институција којашто ужива висока доверба и кредибилитет во јавноста.Во однос на статистиката, Народната банка продолжи со објавување на нови сетови на податоци со кои ги продолжи напорите за следење на меѓународните и европски статистички барања и го исполни последниот показател во рамките на највисокиот статистички стандард за дисеминација на податоци СДДС плус. Ова, во основа значи зголемување на транспарентноста на Народната банка што е видливо и преку збогатувањето на веб-страницата со повеќе податоци, алатки за пристап до информации и преку дополнувањето со други начини на комуникација со јавноста.На истата седница беше усвоен и Извештајот за ризиците во банкарскиот сектор во 2023 година. Во него се наведува дека и покрај повеќето шокови кредитното портфолио на банките е со солиден квалитет, а учеството на нефункционалните во вкупните кредити од 2,8% е на ниво на историскиот минимум. Адекватноста на капиталот на банките во 2023 година достигна нивоа коишто се највисоки во изминатите 17 години и на крајот од годината изнесува 18,1%, што е суштински за задржувањето на стабилноста при соочувањето со евентуалните ризици. Народната банка во неколку наврати во текот на 2023 година го зголеми нивото на противцикличниот капитален заштитен слој што треба да го одржуваат банките, со што се очекува натамошно јакнење на отпорноста на банкарскиот систем. Во насока на понатамошно јакнење на отпоноста на банкарскиот сектор и јакнење на макропрудентната политика, минатата година беа подготвени и донесени новиот Законот за финансиска стабилност и Законот за решавање банки.Носител на депозитниот раст во 2023 година чиј годишен раст достигна 9,2% беа депозитите од домаќинствата, иако и депозитите од претпријатијата го забрзаа растот. Преку инструментот за задолжителна резерва Народната банка придонесе за раст на склоноста на депонентите за чување на своите средства во денарските депозити, чиј годишен раст е неколкукратно повисок во споредба со зголемувањето на девизните депозити, при што кај домаќинствата растот на депозитите во денари изнесува 11,8% наспроти 4,4% во странска валута, додека кај корпоративниот сектор 15,8% наспроти 8,2%. Дополнително, позитивни придвижувања има и во однос на рочноста на депозитите, при што долгорочните депозити, по подолг период на намалување, во 2023 година забележаа раст со стапка од 25,7%, највисока во последните десетина години.Показателите за изложеноста на ризици на банкарскиот сектор се стабилни и дополнително се подобрени, а стрес-тестовите упатуваат на добар капацитет за апсорбирање на можните шокови. Сепак, окружувањето и натаму е неизвесно во услови на геополитички превирања и потребно е натамошно внимателно следење на ризиците и претпазливост во водењето на политиките....

Комерцијална банка АД Скопје ја известува јавноста дека Надзорниот одбор на Банката на 25.04.2024 година донесе Одлука за спроведување постапка на длабинска анализа на целокупното работење на Стопанска банка АД Битола со цел да се дефинира намера за присоединување на Стопанска банка АД Битола кон Комерцијална банка АД Скопје.По завршување на постапката на длабинска анализа, Комерцијална банка АД Скопје ќе донесе одлука дали да продолжи постапката со изразување на намера за склучување на трансакцијата на присоединување, за што јавноста ќе биде известена....

НЛБ Банка успешно го заврши првиот квартал од годината со нето добивка од 678 милиони МКД. Во периодот 01.01.2024 до 31.03.2024 година, Банката продолжи да испорачува кредитна поддршка за населението и бизнис секторот, зголемувајќи го пласманот на вкупните кредити и обезбедувајќи раст од 7,0% во овој сегмент, споредено со истиот период претходната година. И вкупните депозити споредно со истиот период претходната година, бележат зголемување за 5,3%.Успешните резултати на Банката се должат на континуираните продажни активности на кредитните продукти со посебен фокус на домаќинствата, микро, малите и средни претпријатија, како и зголемениот број на корисници на платните сервиси.Во првиот квартал од годинава, НЛБ Банка реализираше низа проекти и активности од областа на општествената одговорност, продолжувајќи ја поддршката кон заедницата, ранливите и маргинализирани категории. Во споменатиот период, НЛБ Банка донираше медикаменти за Центарот за бездомни лица на Црвениот Крст на Град Скопје во Момин Поток, како и средства за набавка на медицински апарати за домашна употреба за пациентите со цистична фиброза во рамките на своето патронство над Асоцијацијата за цистична фиброза, а обезбеди и донација за реновирање на читална во Националната универзитетска библиотека. Во првиот квартал НЛБ Банка го формализираше и своето членство во „Клубот на одговорни бизниси“ во рамки на проектот на УСАИД „Партнерства за донирање“, спроведуван од асоцијацијата „Конект“, потврдувајќи ги своите заложби за одржливост, етичко деловно работење и грижа за заедницата.НЛБ Банка, и натаму ќе продолжи да биде поддршка на населението и бизнис секторот во земјата, давајќи притоа значаен придонес во макроекономскиот и финансискиот амбиент на државата. Во фокусот на работењето на Банката, како и до сега, се унапредување на дигиталните канали во насока на зголемување на дигиталната пенетрација на клиентите, унапредување на клиентското искуство, проширување на портфолиото на производи и услуги со посебен акцент на „зелените“ продукти, како и на општествено одговорни проекти за грижа за своите вработени и заедницата во целост....

„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.Вицегувернерката Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка. „Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината....

Нашите претставници на Европскиот квиз на парите, учениците Кирил Китевски и Кристијан Лазароски, кои го освоија третото место на овој престижен меѓународен натпревар за млади во областа на финансиската писменост, остварија средба со Нејзиното Височество, кралицата Матилда од Белгија.Кралицата Матилда од Белгија која присуствуваше на церемонијата на доделувањето награди на Европскиот квиз на парите, одржа интерактивна средба со првите три победнички тимови – Австрија, Чешка и нашиот тим. Средбата со кралицата Матилда беше значаен момент на признание за учениците, кој ќе биде инспирација за уште поголеми постигнувања и напредок во иднината.Македонската банкарска асоцијација во соработка со Народната банка и Комисијата за хартии од вредност ќе продолжи да ја поддржува и промовира финансиската едукација како клучен елемент за успешната и независна иднина на младите луѓе....

Во рамките на глобалната зелена иницијатива на „Мастеркард“, „Прајслес планет“, „Халкбанк“ АД Скопје вчера на Светскиот ден на планетата Земја организираше работилници со цел да ги поттикнат значењето на заштитата на животната средина и подигнувањето на еколошката свест.Настанот се одржа во прекрасниот амбиент во Градскиот парк на Школка, каде што учесниците заеднички придонесоа за подобрување на животната средина преку работилниците за градинарство.Децата, но и возрасните, уживаа во активностите и во процесот на садење по советите од стручните лица кои беа во улога на едукатори на самиот настан.Споделувањето на искуства и моменти помеѓу различни генерации беше навистина убава глетка и се радуваме што присутните со голем ентузијазам и желба пристапија за да научат повеќе за хортикултурните практики. Од дедовци и баби до најмладите членови на нашата заедница, сите заедно го прославивме овој ден. Несекојдневно искуство, како што е и целиот концепт на Прајслес планет, беше присуството на работилниците со кое веруваме дека поттикнавме љубов кон растенијата и цвеќињата. Покрај тоа што се садеа шарени цвеќиња, учесниците насадија и билки кои се користат во исхраната како што се босилек, копар, нане а децата особено беа среќни садејќи ги нивните омилени јаготки. Настанот беше посетен и од развигорчињата на Првиот скопски извиднички одред, јато желади.„Денот планетата Земја, во соработка со нашите партнери од Мастеркард, оваа година одлучивме да го прославиме со едукативна кампања и работилници наменети за граѓаните од кои што добивме впечатливи резултати – успеавме да споделиме многу важни и корисни информации за негувањето и одгледувањето на природата, засадивме бројни растенија, шарени цветни насади и заедно направивме чекор повеќе кон придонес за убава и чиста животна средина. Се надеваме дека овој настан не само што беше забавен и едукативен, туку и нè поттикна да продолжиме со активности кои ќе ја штитат и негуваат нашата планета.Голема благодарност на сите кои учествуваа и придонесоа за успешно остварување на овој настан. Нека нашите заеднички напори продолжат да бидат инспиративен пример за поддршка на нашата планета и нејзиното богатство“, изјави Маја Наумовска Савеска, директор на корпоративни и маркетинг комуникации во Халкбанк АД Скопје.Со долгорочниот ангажман на „Халкбанк“ за одржување на животната средина и партнерството со „Мастеркард“ во иницијативата „Прајслес планет“, уште еднаш се потврдува општествено одговорното дејствување на банката за подигнување на еколошката свест. Во иднина, „Халкбанк“ планира да ја поддржи оваа иницијатива преку различни кампањи, со цел да ги зголеми свеста на заедницата и индивидуалниот придонес кон заштитата на нашата планета....

Во рамките на глобалната зелена иницијатива на „Мастеркард“, „Прајслес планет“, „Халкбанк“ АД Скопје организира две работилници по повод Светскиот ден на планетата Земја. Со цел да ги поттикнат значењето на заштитата на животната средина и подигнувањето на еколошката свест, „Халкбанк“ ќе организира две работилници во Градскиот парк, на сцена „Школка“, денеска во 16:30 часот.Првата работилница, насочена кон учење и едукација за растенијата и за техниките на садење, претставува несекојдневна можност за едукација на повеќе теми, вклучувајќи ги почвата, водата и нивната употреба. На работилницата ќе се учи за различни видови растенија: растенија кои може да се користат во исхраната, растенија кои го подобруваат квалитетот на воздухот, растенија кои го подобруваат квалитетот на живот на нашата планета. Под слоганот „Направи простор за дишење“, учесниците ќе имаат можност да добијат практични совети за одгледување на растенијата во своите домови и градини, од стручен едукатор кој ќе биде присутен на настанот.Во втората работилница учесниците ќе се запознаат со креативни техники за рециклирање на саксии и создавање уникатни декоративни елементи за своите домови. Оваа работилница ќе ги поттикне учесниците да ги искористат своите креативни вештини и да придонесат за заштита на животната средина преку рециклирање и уметност. Креативноста секогаш е забавна, а рециклирањето без исклучок е корисно.Уникатните саксии потоа ќе послужат за садење растенија и за придонес кон глобалната иницијатива за зачувување на нашиот заеднички дом – планетата Земја.Со долгорочниот ангажман на „Халкбанк“ за одржување на животната средина и партнерството со „Мастеркард“ во иницијативата „Прајслес планет“, уште еднаш се потврдува општествено одговорното дејствување на банката за подигнување на еколошката свест. Во иднина, „Халкбанк“ планира да ја поддржи оваа иницијатива преку различни кампањи, со цел да ги зголеми свеста на заедницата и индивидуалниот придонес кон заштитата на нашата планета.Коалицијата „Прајслес планет“ е формирана во јануари 2020 година, како одговор на големиот број пожари и елементарни непогоди што ја зафатија нашата планета. Таа ги обединува напорите на потрошувачите, финансиските институции, трговците и градовите низ целиот свет за борба против климатските промени преку обновување на 100 милиони дрвја во текот на пет години. Во коалицијата членуваат и експертите за шумарство „Конзервејшн интернешнел“ (CI, Conversation International) и Институтот за светски ресурси (WRI, World Resource Institute)....

Стопанска банка АД – Скопје ги известува своите почитувани клиенти дека поради одржување на претседателски избори, филијалите на Банката нема да работат на ден 24.4.2024 (среда).На располагање на клиентите достапни им се дигиталните услуги: m-banking, e-banking и банкоматите на СБ, како и партнерите од трговската мрежа....

Филијалите и експозитурите на Комерцијална банка АД Скопје нема да работат на 24 април (среда) заради спроведување на претседателските избори.Комерцијална банка ги известува своите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка.За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид....

За поддршка на спортот и на здравите навики и за многу дружба и спортски дух, Комерцијална банка станува Златен спонзор на годинашниот Скопски маратон, а трката на 5 километри ќе го носи името Комерцијална банка 5 КМ. „Како поддржувачи на најмасовната трка ќе го обоиме во зелено дел од улиците во Скопје и ќе испратиме порака дека спортот, дружењето и општествената одговорност нѐ прават поздрави, посреќни и повесели”, велат од Комерцијална банка АД Скопје.Комерцијална банка како општествено одговорна компанија и докажан поддржувач на спортските манифестации во земјава, од оваа година финансиски ќе го поддржи и најмасовниот спортски настан за трчање во земјава, кој веќе претставува македонски спортски бренд.Во октомври ќе трчаме низ скопските улици, ќе се дружиме и ќе навиваме затоа што многу Полесно е заедно да стигнеме до целта!...

Стопанска банка АД – Скопје е банка со најдолга традиција на македонскиот пазар. Основана како прва банка во државата, во 1944 година ги постави темелите за банкарското работење и се уште претставува лидер во развојот и во спроведувањето на најсовремените финансиски производи за населението и за правните лица што работат во Северна Македонија, остварувајќи притоа одлични резултати благодарение на високот ниво на професионалност и усвоените европски принципи на работа.Со цел проширување на својот тим, Стопанска банка АД – Скопје објавува оглас за вработување за следната работна позиција: Советник за одржливост.Советникот за одржливост е одговорен за воспоставување и одржување на политики, процедури и стратегии поврзани со еколошките, социјалните и управувачките ризици (ризици од ЕСГ), како и подготовка на извештаи за одржливост во согласност со Директивата за корпоративно известување за одржливост (CSRD), Регулативата за таксономија на ЕУ, Регулативата за обелоденувањата поврзани со одржливоста во секторот за финансиски услови (SFDR), Кодексот за корпоративно управување, како и интерните процедури и политики на Банката и интерните процедури и политики на NBG Групацијата. Учествува во проекти од овие области како и проекти кои служат за подобрување на процесот на собирање и обработка на податоци, или било кој друг поврзан проект кој може да се појави во текот на работењето. Активно ја следи целокупната домашна и меѓународна регулатива во областа на животната средина, општествени прашања и корпоративно управување. Подгототвува извештаи и презентации за ESG перформансите, како и соодветен ангажман со инвеститори, регулаторни тела и други заинтересирани страни за прашања поврзани со ЕСГ.Прочитајте го огласот во целост на следниот линк....

Стопанска банка АД – Скопје 80 години создава трајни вредности за нашата заедница. Преку општествено одговорните активности Банката неуморно донира, спонзорира, но и активно делува за подобра животна средина, поголема инклузивност и мобилност.Денес, во соработка со Општина Центар го најавува почетокот на изведба на ново урбано катче, нов плоштад, за чии потреби веќе е ограден просторот на аголот од ул. „Михаил Цоков“ и ул. „Орце Николов“ во Дебар Маало.Модерната конструкција наречена „Урбан атрактор“ опфаќа површина од 56m2 за релаксација и одмор на граѓаните и ќе го збогати јавниот простор со платформа со неправилни облици, клупи, зеленило и паркинг за велосипеди....

Комерцијална банка е прогласена за Најпосакуван работодавач во 2023 година во категоријата Банкарство и финансии од страна на платформата Vrabotuvanje.com.Банката е особено горда на оваа награда затоа што е признание за задоволството и успехот на вработените, кои се еден од нејзините најсилни и највредни ресурси.Изборот е направен врз основа на интересот на потенцијалните вработени за отворените работни позиции во Банката, како и врз база на анкетите спроведени на веб-страницата на Vrabotuvanje.com за испитување на јавното мислење.Д-р Маја Стевкова Штериева, Главен финансов директор и член на Управниот одбор на Комерцијална банка, во име на целиот менаџмент на Банката изрази голема благодарност за доделената награда.„Огромна благодарност и до сите вработени за нивниот придонес, посветеност и професионализам, со кои секојдневно излегуваат во пресрет на потребите на клиентите. Комерцијална банка е горда на КБ тимот и продолжуваме заедно понатаму кон нови успеси затоа што дефинитивно така е полесно“, истакна д-р Стевкова Штериева.Признанијата за најдобрите работодавачи во земјава во 8 категории беа доделени вчера вечер на свечениот настан „Работодавач на годината”, организиран од страна на Vrabotuvanje.com....

Синоќа 17 Април 2024 во Хотелoт Лимак, Скопје се случи втората по ред Манифестација за избор на наjпосакуван работодавач „Работодавач на годината“, а во организација на првиот сајт за огласи за работни места во земјава Вработување.комКонцепирана како Оскари за работодавачите, оваа манифестација прв пат се случи минатата година оддавајќи им признание на најпосакуваните, но и предизвикувајќи ги помалку атрактивните.Оваа година пред присутни 300 посетители македонски и странски компании, им се оддаде признание на најатрактивнте за 2023 година, кои со своите огласи и објави предизвикале најмногу внимание кај посетителите на сајтот, а и спроведената анкета за привлечноста на компаниите за вработување ја потврдува нивната атрактивност.Манифестацијата ја отвори Генералниот менаџер на Вработување.ком Дарко Велков, кој нагласи дека ова е еден исклучително тежок период за пазарот на труд и токму заради тоа ваквата манифестација е охрабрувачка за сите компании кои се дел од македонскиот бизнис.“Вечерва нема да има губитници, ќе имаме наградени и мотивирани. Ќе имаме предизвикани и предизвикувачи. Вечерва сите овде присутни сме победници затоа што заеднички опстојуваме и се бориме за човечки ресурси, се бориме со миграциите, со инфлацијата и со пребрзото технолошко менување на светот. Но, ќе заклучам ако во маката јунакот се познава тогаш сите ние овде присутни компании сме јунаци” – заклучи Велков.Беа доделени награди во вкупно 8 категории, а една компанија ја доби титулата апсолутен победник.Добитници на наградите:1. Најпосакувана болница за вработување СИСТИНА2. Најпосакуван маркет за вработување ЛИДЛ3. Најпосакувана компанија за вработување во категорија храна и пијалоци СКОПСКА ПИВАРА4. Во категоријата најпосакувана банка за вработување добитник е КОМЕРЦИЈАЛНА БАНКА5. Најпосакувана компанија од категоријата странски инвестиции е ЏОНСОН МЕТИ6. Најпосакувана компанија од нафтената индустрија е МАКПЕТРОЛ7. Најпосакуван телекомуникациски оператор во кој граѓаните со задоволство би се вработиле е ТЕЛЕКОМ8. Во категоријата најпосакувана компанија за транспорт и логистика добитник е ТАВ МАКЕДОНИЈААпосолутен победник пак, во однос на сите добитници, според бројот на гласови на анкетата и направената статистика на број на прегледи како и интересот на апликантите за нивните објави на сајтот Вработување.ком, е компанијата АЛКАЛОИД која со оваа титула се закити и минатата година.Останувајќи и оваа година прва компанија во која луѓето без размислување би се вработиле, АЛКАЛОИД ја докажа својата апсолутна доминација во однос на посветеноста на своите сегашни и идни вработени.Заблагодарувајќи се за наградата Генералниот директор и Претседател на Управниот одбор на „Алкалоид“ АД Скопје Живко Мукаетов им оддаде признание на своите 3000 вработени потенцирајќи ги годините на опстојување и традиција на Алкалоид – вкупно 88.Нагласи дека и понатаму вистинските вредности ќе бидат на прво место во нивната компанија, дека им е чест што по втор пат се одбрани за најатрактивна компанија за вработување во Македонија и изрази надеж дека и во останатите 22 единици кои се надвор од Македонија во иднина ќе го добијат ова признание.На манифестацијата беше доделена и една специјална награда.„Работодавач со најуспешен ребрендинг раст“ која отиде во рацете на РЕПЛЕК, а за „Најуспешна емплоер брендинг кампања“ статуетката отиде во рацете на Флекс Кредит.Организатор и творец на наградната манифестација е сајтот Вработување.ком кој прослави и 21 година од своето основање а од минатата година е во сопствеништво на финската компанија за огласи за работа Алма Кариера која работи во 11 европски земји, вклучувајќи ја Хрватска, Босна, Словенија, Словачка, Чешка, Естонија, Литванија, Латвија, Финска и Македонија.Водител на настанот беше актерот Гораст Цветковски....

Пролетните проекции за инфлацијата во земјава на Меѓународниот монетарен фонд се слични со есенските очекувања на Народната банка, дека инфлацијата ќе се намалува и годинава за околу 4% и за околу 2% догодина, во просек. Трендовите се поволни и доколку инфлацијата и натаму се намалува во согласност со проекциите, без да се остварат позначителни ризици, тоа ќе создаде простор за промена на монетарната политика во втората половина од оваа година, истакна гувернерката на Народната банка, Анита Ангеловска-Бежоска во интервју за Гласот на Америка, коешто го даде за време на Пролетните средби на Меѓународниот монетарен фонд и Светската банка. Говорејќи за економскиот раст, таа укажа дека со оглед на големата трговска и финансиска отвореност на нашата економија, изгледите за растот годинава и догодина, покрај од домашните фактори, во голема мера ќе зависат и од глобалните случувања. Според најновите проекции на ММФ, глобалната економија и натаму би растела со стабилна стапка од 3,2% во 2024 и во 2025 година, што сепак е малку подобро од претходните очекувања. Низ подолгорочна перспектива, овие стапки на економски раст се историски ниски, што говори дека кризите оставија подолгорочни последици врз глобалната економија. За ЕУ, којашто е нашата најзначајна економска партнерка, се очекува постепено забрзување на растот, односно од 0,5% во 2023 година на 0,9% и на 1,7% за годинава и за следната, но тоа сепак е побавно во однос на претходните очекувања. За македонската економија, ММФ направи надолна ревизија за годинава, односно 2,7% во споредба со претходните очекувања од 3,2%.Гувернерката посочи дека Народната банка работи на пролетните макроекономски проекции за нашата економија, во кои ќе бидат вклучени најновите расположливи податоци. Пролетните проекции на Народната банка ќе бидат објавени во текот на следниот месец.Во интервјуто, гувернерката се осврна и на постојаните напори на Народната банка за јакнење на транспарентноста, што беше препознаено и од испитаниците на анкетата спроведена од Светската банка, кои ја препознаа Народната банка како домашна институција со најголема доверба. Гувернерката говореше и за значењето на поддршката за женското претприемаштво, коешто може да придонесе за подигање на економскиот раст. За таа цел се и активностите на Народната банка со новиот Меморандум за поддршка на женското претприемаштво, којшто неодамна го склучи со ЕБРД. Со овој проект, Народната банка го проширува опфатот на своите активности во овој домен и како предводник на проектот, ќе работи заедно со јавниот и со приватниот сектор за зголемување на финансиската вклученост на жените, што ќе придонесе за отворање нови бизниси и работни места и за придвижување на економскиот раст....

Како што се приближува времето на празници и големиот број неработни денови, многумина се подготвуваат да заминат на пат низ државата или во некоја од странските земји. Иако овој период е идеален за празнична авантура и истражување на различни возбудливи локации, за да се обезбеди непречено и пријатно патување, пожелно е што е можно подобро однапред да се подготвите за вашата претстојна авантура. Еве неколку совети кои ќе ви помогнат во тоа:Планирајте однапред – Патувањата во време на празници често значат зголемена гужва и повисоки цени. Врз основа на вашето истражување, однапред резервирајте го сместувањето и превозот. Споредете ги цените, читајте рецензии и изберете ги опциите што им одговараат на вашите преференции и буџет.Спакувајте лесен багаж – Спакувајте ги само најосновните работи за да избегнете носење на тежок багаж. Проверете ја временската прогноза за локацијата на која патувате и спакувајте се во склад со тоа.Подгответе ги патните документи – Проверете ги условите за пасош и виза за вашата дестинација и погрижете се вашата патна исправа да важи најмалку шест месеци по планираниот датум на поаѓање. Направете копии од вашите патни документи и чувајте ги физичките и дигиталните копии на безбедно место.Креирајте буџет – Воспоставете реален буџет за патување за да можете да ги одредите ограничувањата за трошење. Истражете ги просечните трошоци за вашата дестинација и соодветно распределете ги средствата, а бидете сигурни да вклучите и фонд за непредвидени трошоци. Секако, потребно е навреме да аплицирате и за платежна картичка, која ќе ги задоволи сите ваши потреби и финансии за време на патувањето.Идеален придружник на вакви патувања е кредитната платежна картичка Visa Travel на Халкбанк, која нуди низа бенефиции за време на патувањето и особено е наменета за клиенти кои често патуваат или сакаат да патуваат низ Европа со автомобил.Картичката се карактеризира со: кредитен лимит до максимум 300.000 денари во зависност од кредитоспособноста, до пет плати вкупна кредитна изложеност по кредитни платежни картички, достапност на средствата 24/7 преку АТМ или преку домашната и меѓународната мрежа на ПОС терминали кои овозможуваат плаќање со Visa картички и минимален месечен износ за враќање на средства од 3%, кој понатаму може повторно да се користи.Со Visa Travel корисникот добива бенефиции како Халк Асистенција на пат од Халк Осигурување АД Скопје, бесплатно патничко осигурување со покритие од 10 дена за првата година, како и 10% намалување на цените на сите полиси за доброволно осигурување преку Халк Осигурување АД Скопје. На корисникот му следува и пристап до Drive Angel – мобилна апликација која ги предупредува возачите на небезбедно возење, овозможува итни повици и повици во случај на несреќа.Корисникот на Visa Travel картичката може да ги ужива и поволностите како плаќање на рати без камата и собирање бонус поени кај одредени трговци и користење на истите при секојдневните пазарувања на ПОС терминалите на Халкбанк АД Скопје.Покрај тоа, доколку со Visa Travel картичката се направи резервација на Booking.com преку линкот наведен на веб страната на Халкбанк АД Скопје, 60 дена по успешно реализираниот престој, 4% од платениот износ ќе биде рефундиран на трансакциската сметка која е поврзана со картичката....

Народната банка изработи и воведе нова веб-услуга за автоматизирано преземање на податоците од Курсната листа, којашто веќе може да се користи напоредно со старата.Оттука, Народната банка ги информира приватните субјекти дека старата веб-услуга којашто што е достапна на веб-страницата ќе се користи до крајот на мај 2024 година и дотогаш сите корисници треба да почнат да ја употребуваат новата веб-услуга. Деловните банки веќе се префрлија на новата апликација и автоматизирано ја читаат Курсната листа секој ден. Оваа апликација на Народната банка за Курсната листа и за курсевите за државните органи е изработена со нови современи алатки и е достапна на следнава врска: https://www.nbrm.mk/web-servis-novo.nspx , на која има и упатство за корисниците за нејзиното користење.Воведувањето на новата услуга е во рамките на унапредувањето на ИТ-безбедноста на процесите преку примена на нови технологии коишто се поотпорни на нападите од дигиталниот простор. Постојаното јакнење на киберотпорноста, како и користењето на технологиите за подобрување на услугите кон корисниците е заложба на централната банка. Оттука, неодамна започна билатерална соработка со централната банка на Италија, проект на Европската Унија, чијашто цел е преку пренесување на искуствата да се зајакнат стандардите и најдобрите практики во Народната банка за развивање и одржување апликативен софтвер....

Европската комисија и Бугарија потпишаа Договор за партнерство за организација на информативни и комуникациски кампањи за премин на земјата од бугарскиот лев на еврото, како дел од подготвителните чекори за влез на Софија во Еврозоната.Договорот го потпишаа извршниот потпретседател на Европската комисија за економија во интерес на луѓето Валдис Домбровскис, еврокомесарот за економија Паоло Џентилони и бугарската вицепремиерка и министерка за финансии Људмила Петкова.Како што соопшти Еврокомисијата, Договорот е потврда на нејзината заложба за поддршка на организацијата на информативни и комуникациски кампањи за преминот кон еврото во Бугарија, откако земјата ќе ги исполни сите критериуми за тоа.„Тој е и основа за подготовка и потпишување на Договор за грант, кој ќе и овозможи на Комисијата да ги кофинансира комуникациските активности за преминот кон еврото во Бугарија”, се додава во соопштението....

Фондот за иновации и технолошки развој денеска го објави јавниот повик „Ваучери за иновации за Западен Балкан”, со кој вкупно 240 илјади евра ќе се доделат за поттикнување на соработката помеѓу академската заедница со домашните, мали и средни компании, во насока на поддршка на научно истражувачки проекти кои ќе придонесат кон зголемување на иновативноста и конкурентноста на бизнисите.Пилот програмата „Ваучери за иновации за Западен Балкан“ ја реализира Фондот за иновации и технолошки развој како дел од европскиот проект „Policy Answer” (Одговори за јавните политики – креирање, спроведување и поддршка на политиките за истражување и развој на Западен Балкан), во кој Фондот ја доби главната улога во пилотирање на мерки за поддршка за истражување, развој и иновации во сите економии од Западен Балкан. Проектот е финансиран од програмата Хоризонт Европа на Европската Комисија.Главен критериум за подобност за прекураничката соработка е апликантот и давателот на услугата мора да бидат од две различни економии на Западен Балкан. На јавниот повик можат да аплицираат: правни деловни субјекти регистрирани како микро, мали или средна компанија во која било од економиите на земјите од Западен Балкан, инкорпориран според соодветниот актуелен Закон за трговски друштва на земјите од Западен Балкан и регистриран во која било агенција за регистрација на бизниси на земјите од Западен Балкан и лоциран во земјите од Западен Балкан.Иновациските ваучери ќе можат да се искористат за покривање на 80% од вкупните трошоци на високо образовните институции, во износ од 8.000 евра без данок на додадена вредност (ДДВ). Останатиот дел од 20 отсто е учество на компанијата, корисник на услугите од факултетите. Доделените Ваучери за иновации примателот треба да ги искористи во период до девет месеца од датумот на потпишување на договорот.Средствата од ваучерите ќе можат да се искористат за пренос на научно, технолошко или иновативно знаење што е ново за компанијата или за решавање на техничко/технолошки проблем што ќе го идентификува компанијата, односно за: развој на нови или подобрување на постоечките производи, процеси или услуги, доказ за концепт, физибилити студија, производство на лабораториски прототипови, производство на демонстративни прототипови, различни видови тестови, валидизација на технологијата, валидизација на нови или подобрени производи, процеси или услуги, развој и воведување на специјален софтвер за производ или процес, како и ИПР и трансфер на технологија.Рокот за аплицирање на повикот за „Ваучери за иновации” е најдоцна до 26 Јуни 2024 година, до 16:00 часот. Аплицирањето е исклучиво електронски, преку веб страната на ФИТР: https://shorturl.at/qwD17...

Плати помалку, а добиј повеќе со КБ Стандард, КБ Плус или КБ Бонус и уживај во современото банкарство на Комерцијална банка.Избери КБ пакет каков што најмногу ти одговара и добиј ефикасни, брзи и поевтини банкарски производи и услуги.КБ пакетот го користиш секој ден, а го плаќаш еднаш месечно и тоа во симболичен износ.КБ пакетите се вистинскиот избор за секој што има платежна сметка во денари и во девизи, користи мБанка и Интернет банка, поседува дебитни и кредитни картички, сака да плаќа со Google Pay и Garmin Pay или на рати без камата со дебитните картички, има потреба од дозволено пречекорување и, најважно од сѐ, сака да има целосна контрола на личните финансии.Секој КБ пакет може да го активираш со едноставно пополнување барање во најблиската експозитура на Комерцијална банка.Доколку немаш сметка во Комерцијална банка, можеш да ја отвориш онлајн на лесен и брз начин со електронска идентификација преку OneID, а пакетот може да го активираш при подигање на дебитната картичка во избраната експозитура.Дознај повеќе и избери го твојот омилен КБ пакет на следниот ЛИНК....

Комерцијална банка, како општествено одговорна компанија, воведе тактилни платежни картички, кои ќе им помогнат, пред сѐ, на слепите лица и на лицата со оштетен вид полесно да ги идентификуваат и да ги разликуваат нивните платежни картички.Тактилните платежни картички, кои се разликуваат од постоечките по својот облик, денеска беа промовирани од Комерцијална банка во соработка со Националниот сојуз на слепи на Република Северна Македонија.Со тактилните картички Комерцијална банка придонесува за поголема инклузивност, еднакви можности и права на сите граѓани. Тактилните картички имаат посебни засеци, и тоа заоблен засек кај дебитните и квадратен засек кај кредитните платежни картички, со што можат лесно да се идентификуваат и разликуваат без користење на видот.Сите платежни картички издадени од Комерцијална банка постепено ќе бидат заменети со тактилни. Банката, во рамките на своите заложби за поголема безбедност и инклузивност на лицата со посебни потреби, овозможи и сите слепи лица да можат бесплатно до крајот на годинава да ја заменат постоечката дебитна и кредитна платежна картичка од Комерцијална банка со тактилна картичка.„Корисничкото задоволство е секогаш наш врвен приоритет. Со воведувањето на тактилните картички направиме уште еден чекор плус кон доближување на производите и услугите на Комерцијална банка до сите граѓани со цел непречено задоволување на нивните финансиски потреби. А, како дел од нашите заложби да создадеме поголема финансиска инклузивност и независност на слепите лица, овозможивме и бесплатна замена на нивните дебитни и кредитни картички со тактилни“, изјави д-р Никола Џамбазовски, Главен директор за продажба и развој и член на Управниот одбор на Комерцијална банка, на прес-конференцијата по повод промовирањето на тактилните картички.Претседателот на Националниот сојуз на слепи, Жарко Селковски, во име на сите членови изрази најискрено задоволство и благодарност кон Комерцијална банка за овој чекор.„Комерцијална банка е предводник во однос на инклузивноста и пристапноста на банкарските услуги за лицата со оштетен вид. Воведувањето тактилни платежни картички е значаен чекор напред во обезбедувањето еднакви можности за нашите членови и за сите лица со оштетен вид. Новите картички не само што ќе им обезбедат поедноставен пристап на слепите лица до нивните финансии, туку и значително ќе го подобрат нивниот секојдневен живот. Веруваме дека реализацијата на ваквите иницијативи не само што ќе го подигне степенот на свесност за потребите на лицата со оштетен вид во општеството, туку и ќе ги инспирира останатите компании да го следат нивниот пример и да се вклучат во создавањето поинклузивно општество за сите. Ова е уште еден доказ дека секој мал чекор, секое мало дело, го гради светот во кој сите сонуваме да живееме, свет посветен на различноста и исполнет со взаемно разбирање и соработка“, истакна Селковски. Комерцијална банка веќе започна со издавање тактилни картички од видот Visa Debit и Debit Mastercard World, а во наредниот период постепено и останатите видови картички од брендовите на Mastercard и Visa ќе станат тактилни.Тактилните платежни картички се континуитет на досегашните прилагодувања што ги обезбеди Комерцијална банка за поголема финансиска инклузивност и достапност на банкарските производи и услуги за слепите и слабовидните лица. Банката прифаќа факсимил како своерачен потпис, ја има адаптирано електронската банка за слепи лица, дозволува нејзини вработени да бидат сведоци за банкарски трансакции на слепи лица, врши достава на ПДФ документи по електронска пошта, а веб страницата kb.mk се придржува до WCAG 2.2 (Web Content Accessibility Guidelines), АА+ ниво, кои се меѓународни стандарди за уредување на веб содржини на начин пристапен за лица со попреченост. Исто така, Банката има реализирано и обуки за информирање на слепи лица за придобивките од користење електронско банкарство, работење со тековна сметка и отворање сеф, сѐ со цел оваа категорија на клиенти на полесен и поефикасен начин да стигнат до сѐ што им е потребно за нивните лични финансии....

Клубот на Млади Инженери од минатата година организира серијал од настани “КMI Talks”, на кои се презентираат успешни бизнис приказни, идеи и иновации кои потекнуваат од нашата држава. На вчерашниот настан кој се одржа во Скопје, имавме можност да слушнеме за искуствата на неколку успешни компании од областите на градежништвото и архитектура и нивниот развој во модерното време на дигитализација.Еден од говорниците беше Кирил Лазаров-Магистер по градежништво од областа на геотехниката, проект менаџер, сопственик на градежната компанија БИТЕМ. Кирил ги мотивираше младите да се посветат на образованието и едукацијата во нашата држава, да се трудат за стекнување искуство и да не се откажуваат при првиот предизвик.“Почетоците на работењето на БИТЕМ беа доста тешки, се соочив со многу предизвици, секогаш со сомнеж дали ќе успееме или не. Дали ќе го најдеме сопственото место на пазарот, како ќе најдеме вработени, како ќе ги убедиме потенцијалните вработени да дојдат на работа во нова компанија, која освен желба, план и ентузијазам за работа во дадениот момент не располагаше со ништо друго.Јас лично во тој контекст вложив многу. Во тој период работев и по 15 часа дневно секој ден, вложив се што знаев и умеев и се што ми беше на располагање за да БИТЕМ успее и се најде на врвот помеѓу најдобрите компании во Македонија и регионот. Иако и во тој момент имав изградено личен и професионален интегритет, како менаџер во голема градежна компанија, не секој имаше доверба во мене во моментот кога решив сам да работам во сопствена компанија.Можноста да имате колеги, менаџери, претпоставени или сопственици на компанија од кои може многу да научите е можеби најважната работа при првото вработување по напуштање на образовните клупи. Секако, останува на секој од вас да ги прифати и реализира насоките кои ги добива и да ги искористи во своја полза, за личен и професионален раст и развој на сопствената професионална кариера. Живееме во време каде премногу се акцентира материјалното, секој се бори за што поголема плата, меѓутоа барем додека сме млади, при првите вработувања предуслов не треба да ни биде платата. Најважно е да се избере добра компанија, професионална средина, колеги, соработници и ментори од кои може да се учи. Знаењето секако е најголемиот капитал кој ќе го имате. Платата и материјалните придобивки и добра од работата неминовно ќе следат“.Денес БИТЕМ прерасна во компанија со околу 100 вработени, од кои голем дел се млади инженери, ентузијасти кои растат професионално паралелно со компанијата....

Во тек се подготовките за втората конференција „Чувари на мудроста“ во организација на „Халкбанк“ АД Скопје. На конференцијата, како и минатата година, ќе говорат успешни и реализирани луѓе, различни профили на стопанственици, уметници, професори, автори. И оваа година ќе се дискутира на интересни теми значајни за професионалната надградба и кариерниот развој на младите, со цел да се мотивираат и да се инспирираат на својот професионален пат.„Преку искуството на панелистите од различни области, идејата е да се пренесат и да се раскажат многу интересни приказни за кои веруваме дека ќе ги инспирираат и ќе ги мотивираат младите на нивниот професионален пат. Сметаме дека поддршката и мотивацијата на младите кадри е клучна за нивниот успешен развој и за зацврстување на нивните професионалните вештини“, изјави Маја Наумовска Савеска, директор на корпоративни и маркетинг-комуникации во „Халкбанк“ АД Скопје.Конференцијата „Чувари на мудроста“ од 2023 година беше наградена како најдобра конференција во категоријата Најдобар самит, конгрес или конференција. Оваа година организаторите се мотивирани да ја реализираат во малку поинаков формат, со многу повеќе интересни гости, докажани и значајни во нивните области.Целната публика се, пред сè, млади луѓе, младински граѓански организации, студенти, млади претприемачи, културни работници, претставници на стартап компании итн.Целта на конференцијата е да одговори на низа прашања на кои наидуваат младите во градењето на професионалната кариера. Да придонесе за поквалитетен развој во областите во кои дејствуваат. А мудроста, искуството, ентузијазмот и успехот кои ги дефинираат панелистите ќе отворат низа прашања и одговори, важни за сечиј развој.Конференцијата е дел од поголемата кампања „Да ги слушнеме и гушнеме“, што започна во 2022 година, со намера да им даде глас на припадниците на повозрасните генерации. Во рамките на кампањата се спроведоа повеќе активности, настани и работилници во чиј центар беа пензионерите и повозрасните лица.Повеќе информации за кампањата „Да ги слушнеме и гушнеме“ и за конференцијата „Чувари на мудроста“ се достапни на https://cuvarinamudrosta.mk/Влезот за сите студенти ќе биде бесплатен, со приложување студентска легитимација, но заради ограничениот број на присутни, задолжително ќе биде пријавувањето преку следната онлајн форма: bit.ly/Конференција-ЧувариНаМудростаДатум: 11 јуни 2024 ( вторник )Времетраење: 10:00 – 15:00Локација: Младински културен центар...

Комерцијална банка и БЕСТ Скопје се подготвени за почетокот на Саемот за вработување Job Fair, кој од 15 до 19 април ќе се одржи на техничко-технолошкиот кампус во Скопје.Како Генерален спонзор на Бордот на Европски студенти по технологија, Комерцијална банка ќе го поддржи и овој значаен и интересен настан и ќе биде присутна со свој штанд на Технолошко-металуршкиот факултет, каде на студентите ќе им обезбеди корисни информации за сите можности што ги имаат за успешен почеток на нивната кариера. Студентите на штандот на Банката ќе може да се информираат за пракса или вработување, за ИТ тимот и дигитализацијата како воспоставен стандард во работењето и во понудата на Комерцијална банка, како и за бесплатниот пакет за млади кој им ги нуди банкарските производи и услуги што му се потребни на секој млад човек за безбедни и безгрижни лични финансии.Успешниот старт на кариерата се базира на знаење и вештини, како и на располагање со корисни и потребни информации. Токму затоа Комерцијална банка и нејзините вработени на Job Fair ќе им овозможат на студентите да добијат сѐ што им треба за нивниот иден кариерен развој....

Филијалите и експозитурите на Комерцијална банка АД Скопје нема да работат на 10 април (среда) заради празнување на Рамазан Бајрам.Комерцијална банка ги известува своите клиенти дека за подигнување и уплата готовина може да ги користат банкоматите на Банката, а за други финансиски трансакции на располагање ги имаат веб и мобилните апликации Интернет банка и мБанка.За корисниците на платежни картички, 24/7 во Скопје се отворени дигитализираната експозитура на Комерцијална банка на улица Македонија и дигиталните делови од експозитурите ГТЦ, Бисер, Буњаковец, Ист Гејт Мол, Ѓорче Петров, 11 Октомври и Лептокарија и во експозитурите во Дебар, Неготино и во Охрид....

Денес на пригодна средба на генералниот директор на КИБС Клириншката куќа г-дин Горан Анастасовски со претставниците на Педагошкиот факултет “Св. Климент Охридски” – Скопје при УКИМ, деканот проф. д-р Билјана Камчевска и продеканот за финансии проф. д-р Весна Хорватовиќ, КИБС донираше компјутерска опрема за потребите на Педагошкиот факултет.Оваа донација е дел од иницијативата на КИБС да ги поддржи студентите и персоналот во напорите за постигнување значајни резултати во нивната академска работа и студии, како и да ја стимулира иновативноста во имплементацијата на образовните програми.Со повеќе од 20 години постоење и искуство, КИБС се позиционираше како куќа на доверба и сигурност, играјќи витална улога во обезбедувањето стабилност на постојната платежна инфраструктура и нудејќи други висококвалитетни доверливи и ИКТ услуги. Паралелно на тоа, КИБС посветено работи и на поддршката и развојот на заедницата и општото добро. Во тој контекст, оваа донација ја демонстрира силната и недвосмислена поддршка за новите академски генерации и нивните ментори, како и важноста тие да учат и да работат во една модерна и иновативна средина.Високите претставници од Педагошкиот факултет изразија посебна благодарност за донацијата со која на студентите ќе им се олесни и подобри квалитетот на образовниот процес, особено поради фактот што токму од овој факултет ќе излезат кадри кои ќе образуваат и едуцираат многу нови генерации.Тимот на КИБС продолжува со својата посветеност кон обезбедување позитивен придонес и импакт за општеството, убеден дека со ваквите и слични иницијативи се креираат нови трајни вредности и солидна подлога за развој на целата држава....

Со нови „зелени километри“ истрчани на Авицена женската трка вработените од Комерцијална банка уште еднаш ја покажаа својата лична и корпоративна одговорност за подобро женско здравје и дадоа свој пример за поттикнување на свесноста за трчањето како здрава навика.По повод Светскиот ден на здравјето, вработени од Банката го прифатија новиот предизвик во рамките на Триглав Зелена лига и трчаа на оваа традиционална женска трка.Голем број вработени на Комерцијална банка пред околу една година се приклучија на предизвикот наречен Триглав Зелена лига и досега испeшачија или истрчаа над 130.000 километри, со што придонесоа за спречување на емисија на над 35 тони СО2 во атмосферата, што е еквивалентно на 980 засадени дрвја.Комерцијална банка продолжува со „зелената мисија“ затоа што се грижи за личното здравје и за животната средина....

Народната банка продолжува со активностите за промовирање на зелените финансии, во рамките на своите надлежности. Така, на својата веб-страница, за првпат објави Преглед на „зелените“ показатели, во согласност со предвидените активности во рамките на Среднорочниот план на активности на Народната банка во доменот на управувањето со климатските ризици. Целта е да се подобри расположливоста на податоците за климатските промени, којашто е суштинска при изработката на анализи и носењето политики.Прегледот содржи податоци и показатели коишто се групирани во три целини, и тоа: показатели за животната средина и енергетика, показатели за климатските ризици и показатели за зелените финансии. Изворот на податоците се различни институции и со овој преглед се прави обид да се соберат релевантните податоци од различни извори на едно место. Податоците и показателите од Прегледот имаат за цел да послужат како основа за подготовка на анализите поврзани со климатските промени, да придонесат за полесно следење на одржливоста на финансискиот систем и економијата и да помогнат во следењето на трендовите на „зелените“ пазари на капитал. Заедно со Прегледот, е објавен и Методолошки водич со појаснувања и дефиниции на показателите заради полесно разбирање и нивна правилна употреба.Достапноста на податоците ќе овозможи поблиско следење на климатските ризици и проширување на познавањата за нив. Во изработката на Прегледот особено беа корисни контактите на Народната банка со Министерството за животна средина и просторно планирање и Истражувачкиот центар за енергетика и одржлив развој при МАНУ со своите искуства на оваа тема.Прегледот на „зелените“ показатели и Методолошкиот водич се достапни преку следнава врска....

Народната банка ги објави податоците за „зелените кредити“ за четвртиот квартал од 2023 година, каде што се забележува раст на квартално ниво од 5%, додека на годишна основа од 29,1%. Во споредба со крајот на 2019 година, кога почнале да се прибираат податоците, „зелените кредити“ се зголемени за 2,8 пати. Станува збор за заеми наменети за проекти коишто поддржуваат одржливи, еколошки цели, или цели коишто придонесуваат за зелената транзиција во општеството, како што е развивање нова еколошка технологија.Според податоците на Народната банка, на крајот од 2023 година, банкарските побарувања врз основа на зелени кредити изнесуваат 19.863 милиони денари. За споредба, на крајот на 2019 година тие изнесувале 7.176 милиони денари. Растот на зеленото кредитирање се должи најмногу на кредитите земени од фирмите, додека најмногу зелени кредити давале големите банки.Расте и уделот на зелените во вкупните кредити, иако сѐ уште е на ниско ниво. Oд крајот на 2019 година, заклучно со 2023 година, учеството на зелените во вкупните кредити е зголемено од 2,2% на 4,5%.Народната банка, препознавајќи ги ризиците од климатските промени на долг рок, зазеде проактивен став и како една од своите стратегиски цели ја постави зголемената свесност за климатските промени и придонесот кон зелената одржлива економија. Преку низа активности, нашата централна банка придонесува за поттикнување на зеленото финансирање, вклучувајќи ги и монетарните мерки. Народната банка изработи Среднорочен план на активностите во доменот на управување со ризиците поврзани со климатските промени за периодот 2023 − 2025 година, а неодамна заради подобрување на расположливоста на податоците за климатските промени објави и Преглед на зелените показатели коишто ќе помогнат во анализите за понатамошно носење политики. Се гради и зелено портфолио на хартиите од вредност во девизните резерви. За оцена на отпорноста на банкарскиот систем на климатските промени се планираат стрес-тестови....

Сите клиенти кои ќе аплицираат за кредитна картичка од Халкбанк имаат можност да добијат 1.000 или 2.000 денари во вид на бонус поени на својата кредитна картичка кои веднаш можат да ги искористат за пазарување на првиот ПОС терминал на Банката.Со најновата понуда на Халкбанк, првите 1000 активирани картички за кои е аплицирано во филијалите на банката ќе добијат 1.000 денари во вид на бонус поени, додека 2.000 денари во вид на бонус поени ќе добијат првите 500 клиенти кои аплицирале за кредитна картичка преку електронското банкарство на Халкбанк.Бонус поените се вредносно еднакви на пари, односно 1 поен = 1денар и истите можат да се искористат на кое било продажно место каде постои ПОС терминaл на Халкбанк. Со едноставно вметнување на картичката во терминалот, се користи опцијата –искористи бонус поени, се наведува сумата на поени која се сака да се искористи и плаќањето ќе биде реализирано откако ќе се потврди трансакцијата со ПИН код. Истовремено, при пазарување со кредитната картичка издадена од Халкбанк во пре-дефинирани периоди на различни типови продажни места објавени од страна на Банката, во иднина можат да се заработуваат нови бонус поени од купувањата што секојдневно се реализираат. Бонус поените се дел од бонус програмата со која Халкбанк континуирано спроведува различни бонус кампањи и ги наградува своите клиенти кои се корисници на Мастеркард и Виза кредитни картички.Затоа побрзајте и искористете ја можноста да добиете дополителни средства со вашата кредитна картичка и истовремено во иднина да заработувате со бонус програмата на Халкбанк....

Анализа на бројот и вредноста на онлајн трансакциитеСогласно најновите објавени податоци за безготовински платежни трансакции на виртуелните места на продажба во 2023 година на Народната Банка на Република Северна Македонија, вредноста на вкупните трансакции направени кон интернет продавниците од Македонци дома и во странство, како и од иматели на странски картички изнесува 39,929.2 милиони денари или 649.3 милиони евра, односно бележи пораст од 18% во однос на 2022 година. Притоа, вредноста на направените вкупни е трансакции од физички лица изнесува 455.6 милиони евра и има пораст од 18.7%, додека правните лица оствариле пораст од 16.3% во однос на 2022 година. Доминира учеството на физичките лица во направените вкупни трансакции со 70.2%. Се зголемува и бројот на вкупните онлајн трансакции, но со помал интензитет на пораст односно 15.2% во однос на 2022 година. Кај правните лица бројот на реализираните вкупни е трансакции се зголемува за 8.7%, додека кај физичките лица за 17.1% во однос на минатата година. Просечната вредност на направените онлајн трансакции во 2023 година изнесува 33.7 евра и е за 2.3% поголема од 2022 година. При тоа растот на просечната вредност е поголем кај правните лица каде што просечната трансакција се зголемува за 6.8% и изнесува 45.6 евра, додека кај физичките има минимален пораст (1.05%) и изнесува 30.3 евра.Во структурата на вкупната вредност на направените онлајн трансaкции во 2023 година се забележува намалување на учеството кон домашни е-трговци од 72% во 2022 година на 70% во 2023 година, на сметка на зголемениот раст на вредноста на направените е- трансакции кон странски е-трговци. Имено, во 2023 година вкупната вредност на направени е-трансакции кон домашни е-трговци направени и од домашни и од странски купувачи изнесува 453.6 милиони евра што преставува пораст од 15.2% во однос на претходната година. Македонците во странство со платежни картички на виртуелни продажни места оствариле трансакции во вредност од 195.6 милиони евра што преставува раст од 25.3% во однос на 2022 година.Што се однесува до структурата на бројот на направените е-трансакции според потеклото на картичката и местото на направената трансакција кон домашните е-трговци Македонци и странци со своите картички оствариле 76% од трансакциите, додека во странство Македонците оствариле 24% од трансакциите. Тоа ни укажува на поголема просечна вредност која е направена кон странски е-трговци односно 42.9 евра. При тоа физичките лица оствариле просечна вредност по трансакција од 32.6 евра додека правните од 129 евра.Понуда во е-трговија – Е-продажни местаВо 2023 година, согласно подaтоците на Народната банка има вкупно 1703 виртуелни места на продажба, што претставува зголемување од 105 нови е-продажни места или 6.5% пораст. Што се однесува до активни е-продажни места, од вкупните 75% биле активни, односно 1293 имале барем една трансакција во текот на 2023 година. Асоцијацијата за е-трговија неодамна направи унпаредување на регистарот на е-трговци, кој претставува единствен регистар на онлајн продажни места кој се обновува во соработка со 5те банки кои нудат процесирање на е-трансакции. Регистарот содржи и категоризација, односно може да се прегледаат сите активни е-трговци и може да се пребаруваат е-трговците.“Вредноста на онлајн трансакциите бележи годишен раст од 18% во 2023 година. Вредноста реализирана кон домашни е-трговци (со домашни и странски картички) бележи раст од 15% и изнесува 453.6 милиони евра. Асоцијацијата за е-трговија минатата година придонесе за зајакнување на домашната понуда во е-трговија и тоа преку две иницијативи беа помогнати 65 микро, мали и средни компании да започнат да продаваат онлајн и да ги зајаканат своите дигитални вештини. И оваа година продолжуваме со бројни активности кои ќе придонесат за проширување и зајакнување на понудата во е-трговија, унапредување на дигиталните вештини, намалување на сивата економија и зајакнување на довербата во онлајн купувањето. Преку активности како што е регистарот на е-трговци, беџот за верификувани е-трговци и информативно-едукативните кампањи за јавноста влијаеме на поголема информираност, свесност и само-заштита на граѓаните со што придонесување и за унапредување на страната на побарувачката” – вели Претседателката на АЕТМ, д-р. Нина Ангеловска....

Комерцијална банка АД Скопје ги известува своите акционери дека почнувајќи од 25.04.2024 година ќе врши исплата на дивиденда за 2023 година. Право на исплата на дивиденда за 2023 година имаат сите акционери на Комерцијална банка кои се евидентирани во книгата на акции на 11.04.2024 година.Исплатата на дивиденда на правните лица ќе се врши со пренос на средствата на нивните платежни сметки во Комерцијална или во друга банка.Согласно Законот за данокот на личен доход, Комерцијална банка, како исплатувач на доход по основ на дивиденда, пресметката и плаќањето на данокот на доход и исплатата на дивидендата на физички лица ќе ги врши со поднесување електронска пресметка за бруто-доходот и за данокот по одбивка (е-ППД) до Управата за јавни приходи преку системот е-Персонален данок.Е-ППД системот не прифаќа неточни и непотполни податоци. Затоа се повикуваат сите акционери-физички лица кои не се запишани во евиденцијата на УЈП како даночни обврзници да преземат соодветни мерки за нивно запишување согласно процедурите на УЈП. Ова особено се однесува на малолетните лица и/или други лица кои досега не биле приматели на оданочив доход од кој било вид во Република Северна Македонија. Средствата од дивидендата за 2023 година преку е-ППД системот ќе бидат уплатени на платежните сметки на физичките лица во Комерцијална банка. Исклучок ќе бидат лицата кои имаат дадено овластување/инструкција за пренос на дивидендата на платежна сметка во друга банка. Комерцијална банка во таков случај средствата од дивидендата преку е-ППД системот ќе ги уплати на назначената платежна сметка. Доколку некој акционер, резидент физичко лице, нема дадено такво овластување, а сака дивидендата да му биде исплатена на платежна сметка во друга банка, треба да го стори тоа преку доставување инструкции во електронска форма, а кои може да се најдат на следниот линк.Согласно член 85, став 11, од Законот за данокот на личен доход, пресметката на данокот на доход од дивиденда остваренa со учество во добивката во 2023 година, a исплатена во 2024 година, ќе биде доставена до секој акционер евидентиран во книгата на акции по извршената исплата на дивидендата.Дополнителни информации може да се добијат на телефонските броеви: (02) 3168-313, 3168-309, 3168-323 и 3168-311....

Фокусирана на постигнување континуиран раст, развој и долгорочен успех, Шпаркасе Банка АД Скопје донесе одлука за проширување на менаџерскиот тим, осигурувајќи непречено продолжување на успешните активности на Банката.Од 1.4.2024 година, нови членови на Управниот одбор на Шпаркасе Банка АД Скопје се Златица Цивкароски и Александар Џорџевиќ.Покрај Санел Кустурица како претседател на УО и Нина Неданоска како заменик- претседател на УО, третиот член на УО, Златица Цивкароски, ќе биде надлежна за активности поврзани со стратегиско управување со ризик, активности поврзани со управување со кредитен ризик и наплата и активности поврзани со банкарски операции, додека, пак, Александар Џорџевиќ како четврти член на Управниот одбор ќе биде надлежен за активностите поврзани со информатичка технологија, како и активности поврзани со дигитални канали и организација.Златица Цивкароски својата кариера во областа на банкарството ја започнува во 2004 година, како дел од тимот на Тетекс кредитна банка АД Скопје, учествувајќи во комплексни проекти и извршувајќи работни активности во делот на управување со ризиците, на раководни позиции. Станува дел од Шпаркасе Банка во мај 2012 година. Таа извршувала повеќе менаџерски позиции во рамки на Банката, односно во јули 2014 година е назначена за в.д. директор на Дирекцијата за наплата и управување со преземен имот, а од мај 2015 година ја добива функцијата директор на Дирекцијата за наплата и управување со преземен имот, која ја извршува сè до јули 2023 година, кога е назначена за директор на Секторот за кредитен ризик и наплата. Во својата работна кариера има посетено и завршено дополнителни тренинг и едукативни програми во областа на управувањето со ризиците, меѓу другото стекнувајќи се со групациски лиценци од оваа област.Александар Џорџевиќ кариерата ја започнува во 2008 година во Asseco SEE, Белград, Србија, на позицијата проект-менаџер за имплементација на банкарски софтверски решенија. Во 2014 година Џорџевиќ преминува во Германското друштво за меѓународна соработка (Deutsche Gesellschaft für Internationale Zusammenarbeit – GIZ), Белград, Србија, како проект-менаџер одговорен за проектот за Реформа на системот за јавни финансии, односно управување и поддршка на целиот процес на трансформација и организациско реструктурирање на Даночната управа и на Министерството за финансии на Република Србија. Кон тимот на Ерсте и Штаермеркише Групацијата, Џорџевиќ се приклучува во мај 2019 година, на позицијата проектен и процесен менаџер одговорен за Југоисточна Европа. Директно водел комплексни програми и проекти од клучно значење за Ерсте и Шпаркасе Групацијата, а бил и стрим-лидер одговорен за ИТ и организација, за успешно водење на интеграцијата на Шпаркасе и Охридска Банка.Шпаркасе Банка им посакува добредојде на своите нови членови во УО. Нивните свежи перспективи, иновативни идеи и непоколеблива посветеност ќе бидат насочени кон понатамошен успех на Банката. Нивната стручност и лидерство несомнено ќе нè инспирираат да достигнеме нови височини и да ги постигнеме нашите колективни цели.Заедно, формираме силен и обединет тим, водени од заедничка визија за извонредност и посветеност да им служиме на нашите клиенти со интегритет и професионализам....

Во чест на Светскиот ден на литературата за деца, Халкбанк, во соработка со Меѓународниот фестивал за деца „Литера“, ги посети дечињата во градинката „Пролет“ носејќи им ја магијата на приказните.Во убавата атмосфера на празничниот ден, маскотата Халки ги израдува децата со неверојатни халки пакетчиња, пренесувајќи го духот на добрата приказна и читањето.Настојувајќи да ги поттикнеме децата на читање и развивање на креативноста, авторката Александра Тодоровиќ им пренесе една особено весела и инспиративна приказна за Халки. Со многу радост и забава, децата се препознаваа во ликовите и одлетаа на крилјата на фантазијата.„Во Халкбанк сме длабоко посветени на развојот и образованието на децата. Ние веруваме дека секое дете има право на пристап до квалитетно образование и до книги кои носат насмевки на лицата. Со ваквите иницијативи, продолжуваме да ги ослободуваме потенцијалите на децата и да создаваме подобра иднина за нив“, изјави Маја Наумовска Савеска, директор за корпоративни и маркетинг-комуникации во Халкбанк АД Скопје.Оваа инспиративна заедничка акција на „Халкбанк“ и Фестивалот „Литера“ има за цел да ги охрабри малите читатели да истражуваат и да се подготват за предизвиците на светот со најважната алатка – книгите.Преку различни кампањи и проекти, „Халкбанк“, заедно со маскотата Халки, им носи радост и среќа на децата воведувајќи ги во светот на финансиите и личната одговорност на начин кој е прифатлив и забавен за нив.Слончето Халки, како симбол на детското штедење, е дел од голем број општествено одговорни проекти на „Халкбанк“. Преку различни настани, работилници и програми, децата учат важни теми како што се здрава животна средина, прифаќање и креативно изразување. Халки е омилен другар на малите, но и на големите деца, поддржувајќи ги во нивните авантури и во развивање на талентите....

Стопанска банка АД – Скопје во соработка со брендот VISA организираат голема наградна игра во која најсреќните добитници ќе патуваат на Олимписките игри во Париз ова лето.Наградната игра „Со VISA картички до Париз на Олимпијада 2024“ ексклузивно се организира само за корисниците на VISA картички издадени од Стопанска банка. Таа почна денеска (1 април) и ќе трае до 31 мај. Во неа може да учествуваат сите полнолетни граѓани кои во наведениот период имаат направено безготовински трансакции со VISA дебитна или кредитна картичка од Стопанска банка. Секоја трансакција носи по едно право на учество во извлекувањето. Колку повеќе трансакции се направени, толку се поголеми шансите за добивка. На крајот на наградната игра ќе бидат извлечени двајца најсреќни добитници кои ќе добијат по два авионски билети за патување во Париз и посета на олимписките игри во организација на VISA. Покрај двете главни награди, во наградната игра ќе бидат доделени и 14 штици за веслање (СУП) и 14 мини фудбал игри.За правилата на наградната игра може да се информирате подетално на следниот линк.Извлекувањето на наградите е закажано за 12 јуни, при што добитниците ќе бидат извлечени автоматски, по принципот на случаен избор, со помош на специјален софтвер изготвен за таа намена.Стопанска банка и VISA им посакуваат среќа на сите учесници во наградната игра....

Под слоганот „Веруваме во зелена иднина“, а во рамките на платформата за општествена одговорност Sparkasse Life, во текот на април, месецот посветен на планетата Земја, Шпаркасе Банка почнува кампања со многубројни зелени активности како дел од својата широка зелена агенда.Кампањата ќе трае еден месец – „Green month“, а сите вработени ќе имаат ЗЕЛЕНА цел – подигнување на свесноста за ефектите од еколошката мобилност користејќи го еколошкиот возен парк на Банката, кој се состои од велосипеди, електрични тротинети и електрични возила, или движејќи се пеш од и до работа, сè со цел активно намалување на CO 2 отпечатокот и заштита на планетата Земја.„Отсекогаш сум бил поборник за здрав живот и зачувување на животната средина, и особено ми е драго што имам можност да работам во банка со колеги со кои делиме исти вредности. Sparkasse Life е нашата платформа за општествено одговорни проекти, преку која се реализира Стратегијата за одржливост. Во платформата Sparkasse Life ги обединуваме сите иницијативи и активности што ги преземаме за заштита на животната средина“, изјави Игор Бојковски, директор на дирекција за имот, логистика и безбедност.Состојбата со енергетската криза Банката ја управуваше на високо ниво, при што се постигнаа поставените цели за заштеда на електрична енергија и оптимално управување со ресурсите. Според анализата на потрошувачката на електрична енергија за периодот 2022/2023 година, направена е заштеда на повеќе од 200.000 kWh или 20% помала потрошувачка на електрична енергија, односно заштита на животната средина преку намалување на емисија на CО 2 за приближно 60.000 кг/годишно. Исто така, преку воведување на дигитализацијата и отстранувањето на хартијата во деловното комуницирање во 2023 година, остварено е намалено користење на хартијата со заштедаза повеќе од 10% во вкупната набавка и потрошувачка на хартија, односно реализирана намалена емисија на CО 2 за приближно 3.078 кг/годишно. Банката го збогати својот возен парк со две возила на електричен погон, постави два полнача за електричните возила и дополнително набави четири е-скутери за пократки дестинации.Во текот на зелениот месец, Банката продолжува со заложбите за трансформација на експозитурите опремени со еколошко одржливи материјали и почитувајќи ги највисоките стандарди за енергетска ефикасност, управување со ресурси и отпад, исфрлање од употреба на пластика на работното место, поставување корпи за рециклирање низ централите и експозитурите за остварување позитивни ефекти и подобрување на влијанието на Банката врз околината.За заокружување на кампањата, Банката ќе спроведе уште една зелена активност – засадување дрвја на места за пошумување во координација со организацијата „Мен енд маунтен“ и на тој начин ќе дадe дополнителен и многу значаен придонес во подобрување на животната средина, како и позитивен пример за вработените, клиентите, соработниците и за целата заедница....

НЛБ Банка АД Скопје ги известува своите клиенти и соработници дека на социјалната мрежа Facebook, преку страница именувана како ’’Personal offers’’ се споделува лажна информација со која на клиентите им се нуди можност за брзо одобрување на кредитни картички за лица кои не се приматели на плата. Од НЛБ Банка потенцираат дека се работи за лажен профил кој го злоупотребува логото и името на НЛБ Банка АД Скопје и се обидува да собере лични податоци од корисници на оваа социјална мрежа.НЛБ Банка Скопје известува дека нема никаква поврзаност со оваа активност.Лажната страница е пријавена до Facebook како и до надлежните институции во земјата, согласно позитивните законски прописи.„Ве советуваме да бидете исклучително внимателни кога ги споделувате Вашите лични податоци додека сте на интернет. Доколку се сомневате на злоупотреба, Ве молиме веднаш контактирајте не на телефон 02/15600″, велат од НЛБ Банка Скопје....

Д-р Маја Стевкова Штериева, Главен финансов директор и член на Управниот одбор на Комерцијална банка, во свое видео обраќање ги образложува финансиските резултати на Банката, зборува за новите производи и иновативните дигитални услуги што ги понуди Банката за своите клиенти, како и за нејзиниот придонес за посреќно и похумано општество.Комерцијална банка ја заврши 2023 година со зголемени приходи и профитабилност, со стабилно кредитно портфолио и исклучително силна капитална позиција. Целосното обраќање на д-р Стевкова Штериева може да го погледнете во видеото погоре....

Без разлика дали се работи за штедење за пензија, купување куќа или финансирање на образованието на вашите деца, планирањето однапред го намалува финансискиот стрес и несигурноста. Сознанието дека ги контролирате вашите финансии и имате план за иднината, може да ви донесе мир на умот и ви овозможува да се фокусирате на други аспекти од вашиот живот без постојано да се грижите за пари.Помеѓу многубројните иновативни и корисни банкарски услуги за корисниците, Халкбанк АД Скопје ја воведе и услугата „Приматели на плата”, која што покрај обезбедување пристап до паричните средства на трансакциската сметка, носи и низа други значајни бенефиции за секој клиент. Секој што ќе отвори тековна сметка во Халкбанк и преку наведената сметка остварува редовен личен доход, како примател на плата, добива можност за користење на Mastercard Debit Contactless дебитна картичка со која на клиентот му е овозможено да подигнува готовина од банкоматите на сите банки во земјата без провизија.Друга бенефиција за примателите на плата е можноста за дозволено пречекорување на трансакциската сметка во висина до три месечни плати. Со станување клиент со плата во Халкбанк, секој може да избере да добие дебитна, но и кредитна картичка од светските брендови Visa и MasterCard. Со кредитните картички клиентите можат да купуваат на рати без камата на мрежата на ПОС терминали со кои Банката има склучено договор за рати без камата. Корисниците на кредитните картички, Халкбанк ги наградува и со Бонус програма со која со пазарување на одредени продажни места и во одредени периоди, се добива одреден процент на бонус поени. Бидејќи 1 бонус поен вреди 1 денар, со собирање бонус поени се остваруваат средства кои потоа може да се искористат на било кое продажно место каде постои ПОС терминал на Халкбанк.Халкбанк, на своите клиенти, приматели на плата им овозможува и штедење со најповолни каматни стапки со наменскиот депозит за приматели на плата „Мој депозит”. Годишната каматна стапка за овој тип на производ е фиксна и се движи до 2,20% за штедење во денари и 1,70% за штедење во евра за рок од 36 месеци. Клиентот може да одбере помеѓу исплата на камата на крај на период на орочување или месечно.Помеѓу останатите придобивки од оваа услуга се можноста за станбен кредит со најдобри услови, брзи процедури за подигнување на потрошувачки кредит со најдобри услови и електронско и мобилно банкарство, кое му овозможува на клиентот добивање нотификацииза примена плата како и за секој прилив и одлив и извршување на останатите обврски онлајн.Дополнително Халкбанк го прошири асортиманот на производи и услуги, и на своите ценети клиенти им овозможи да купат полиси за неживотно осигурување (патничко осигурување, автомобилска одговорност, каско осигурување, зелен картон, осигурување на имот и останати типови) издадени од Халк Осигурување АД Скопје во сите филијали на Халкбанк во земјата....

Советот на Народната банка, на својата редовна седница, одржана на 28 март 2024 година, врз основа на редовната квартална оцена на системските ризици, донесе одлука за задржување на стапката на противцикличниот заштитен слој на капиталот за изложеностите на банките во Република Северна Македонија во висина од 1,5%, којашто ќе се применува и во вториот квартал од 2025 година. Одлуката се заснова врз оцените за постепено стабилизирање на нагорните циклични системски ризици и постојана стабилност на банкарскиот систем. Исто така, ги зема предвид условите од окружувањето коешто и натаму е неизвесно и придружено со ризици, што е причина за претпазливо спроведување на макропрудентните мерки заради натамошно јакнење на отпорноста на банкарскиот сектор. Со одржувањето на стапката на противцикличниот заштитен слој на капиталот се придонесува за спречување и за намалување на можните ризици.Народната банка ќе продолжи со внимателно следење на системските ризици и ќе ја преоценува висината на стапката на противцикличниот заштитен слој на капиталот на редовна квартална основа. Притоа, имајќи ја предвид природата на противцикличниот заштитен слој на капиталот и насоките на релевантните европски институции, Народната банка може да ја оцени потребата за зголемување на стапката, при раст на ризиците и неизвесностите од окружувањето, во услови на поволни остварувања на банките. Во случај, пак, на значително остварување на ризиците во билансите на банките,може да се оцени и потребата од делумно или целосно ослободување на овој заштитен слој на капиталот,како поддршка во работењето на банките при евентуални неповолни сценарија.Советот на Народната банка на седницата разгледа и други материјали поврзани со работата на централната банка....

За „Најдобра банка во Северна Македонија за 2024 година“ е прогласена Комерцијална банка. Угледниот магазин Global Finance по 13-ти пат ѝ го додели престижното признание на Комерцијална банка затоа што ја препозна како банка која им обезбедува на клиентите широка понуда на производи и услуги и иновации кои значат бенефит и задоволство за нив.И во услови на динамични промени и новитети во сегментот на банкарската индустрија, Комерцијална банка успеа да одржи брз чекор со дигиталните трендови и иновации и на најефикасен начин да ги задоволи потребите на клиентите.Горда на своите постигнувања, Комерцијална банка ја смета оваа награда за уште едно врвно признание за успешното работење и одличните финансиски резултати. Со оваа награда Комерцијална банка повторно се вброи во друштвото на најдобрите банки во над 150 држави во светот, избрани во рамките на 31-то издание на годишните награди на Global Finance.За менаџментот и за вработените во Банката наградата „Најдобра банка во Северна Македонија за 2024 година“ е уште еден мотив плус да продолжат со следење на деловниот модел кој гарантира заеднички успех и просперитет.„Континуираната посветеност на задоволството и корисничкото искуство на клиентите, силните финансиски перформанси и исклучителниот придонес за заедницата се она што нѐ радува и нѐ мотивира секој ден да продолжиме кон уште поголеми достигнувања и подобри резултати. Не недостигаат новите предизвици затоа што дигитализацијата и иновациите во финансискиот свет се трендовите кои будно и динамично ги следиме. Во името на Управниот одбор упатувам благодарност до почитуваното стручно жири на Global Finance што ги препозна и награди целокупните резултати на Комерцијална банка“, изјави по повод наградата Хари Костов, Главен извршен директор и Претседател на Управниот одбор на Комерцијална банка.Според Global Finance, традиционално победници се банките кои внимателно ги следеле потребите на клиентите, постигнале силни резултати и управувале со своите средства и обврски на разумен начин во услови на брзо менливи каматни стапки.„Банкарството достигна уште еден пресвртен момент со дебито на генеративната вештачка интелигенција, која ветува дека ќе ја преобрази индустриската игра. Во ова променливо опкружување, наградите за најдобра банка ги препознаваат финансиските институции кои нудат најширок опсег на услуги, долгорочна доверливост и технолошки иновации“, изјави Џозеф Д. Џиарапуто, издавач и уреднички директор на Global Finance.Остварените резултати на банките ги оценуваат извршни финансиски директори, банкари, банкарски консултанти и аналитичари од целиот свет. Клучни објективни критериуми за оценување се раст на актива, профитабилност, географски опсег, стратешки односи, нов бизнис развој и иновации во производи. Дополнително, во оценувањето се применуваат и субјективни критериуми кои ги вклучуваат мислењата на истакнати аналитичари на капитал и кредитен рејтинг, банкарски консултанти и на останати експерти од финансиската индустрија.Магазинот Global Finance е основан во 1987 година во Њујорк и има 50.000 читатели од 193 земји, а особено е профилиран во корпоративниот и финансискиот свет. Вообичаено избира најдобри банки и останати финансиски институции, а доделените награди се сметаат за стандард за извонредност од страна на меѓународната финансиска заедница.Комерцијална банка е горда што во последните пет години редовно е добитник на признание за најдобра банка во земјава од страна на угледни меѓународни магазини, како што се The Banker, Euromoney и Global Finance. Тие се признание за лидерството и успехот што го покажува Банката во сите сегменти од своето работење....

Компанијата „Инграм Микро“, која веќе над 35 години е препознаена како глобален лидер за технологија и логистика, го проширува своето присуство во Северна Македонија со отворање на Тренинг центар што нуди комплетно портфолио на системски и софтверски курсеви со модули кои одговараат на секој метод на учење.Тренинг центарот нуди курсеви кои ги зафаќаат клучните области на технологијата како: Check Point, Veeam, Veritas, VMWare, Kaspersky, Radware и IBM. Овие курсеви се дизајнирани да го надградат знаењето на поединците со цел тие успешно да функционираат и напредуваат во дигиталниот свет.Она што е специфично, е тоа што Тренинг центарот обезбедува соодветна и персонализирана услуга, односно, имате можност да добиете целосна поддршка во однос на изборот на адекватен курс, како и во однос на вашите потреби за надградување на знаењето.Компаниите кои ќе ги користат услугите на Центарот, за три или повеќе лица добиваат дополнителен попуст, како и они кои следат повеќе курсеви.Обуките ги спроведуваат врвни професионалци кои се вработени во „Инграм Микро“ и имаат долгогодишно искуство во своето работење.Сертифицираните курсеви, освен што ќе им помогнат на припадниците на ИТ заедницата да го надградат своето знаење, тие ќе им овозможат и отворање на нови можности и напредок во ИТ индустријата.„Од самото основање сме позиционирани како лидери за технологија и логистика, а нашиот успех се темели на постојаните иновации, врвниот кадар и желбата за постојан напредок, а тоа се докажува со нашето дејствување во над 160 земји ширум светот. Новиот Тренинг центар во Скопје е само уште еден доказ за нашиот стремеж кон постојано проширување, а мене лично особено ме радува проширувањето во земјава и регионот“, истакна Филип Силјановски, генералниот менаџер на „Инграм Микро“ за Северна Македонија, Албанија и Косово.Тој потенцираше дека новоотворениот Центар во Скопје претставува огромна придобивка за ИТ заедницата во Северна Македонија.„Технологијата е менлива материја, а ние константно создаваме иновации кои ги водат трендовите во дигиталниот свет, токму затоа нашите сертифицирани курсеви се издвојуваат во ИТ светот. Даваме знаење за решавање на сите системски предизвици, како и за надградување на бизнисите согласно индивидуалните потреби“, наведе Силјановски.Раководител на техничкиот оддел за Југоисточна Европа на „Инграм Микро“, Игор Урошевиќ, на отворањето ги сподели успесите на Тренинг центарот во Србија, нагласувајќи дека сите обуки на „Инграм Микро“ се засновани на практични искуства и дека им обезбедуваат на учесниците да ја разберат темелно заднината на технолошките текови и да ги практикуваат сценаријата во реалниот свет.„Информатичката технологија и вистинските решенија денес се менуваат толку брзо што е многу тешко да се следи оваа динамика дури и за квалификуваните инженери. Технолошката експертиза станува подвижна цел, наместо статична и предефинирана крива на учење како што беше пред неколку години. За ИТ професионалците денес е задолжително да инвестираат во својата експертиза и вештини со цел да останат конкурентни на ИТ пазарот и Центарот за обука „Инграм Микро“ е тука за да им помогне во секој чекор од ова патување“, потенцираше Урошевиќ.Говорниците, на отворањето на Центарот порачаа дека и понатаму ќе работат интензивно со цел да ја задржат заслужената титула на глобален лидер во ИТ индустријата, а преку специјализираните курсеви, дека ќе создаваат врвни професионалци кои ќе бидат заслужни за напредокот на дигиталниот свет и ќе имаат соодветна експертиза да се справат со сите предизвици.Тренинг центарот на „Инграм Микро“ се наоѓа во населба Аеродром.Компанијата „Инграм Микро“ е основана во 1979 година во Америка и во изминатите над 35 години константно бележи огромни успеси во своето поле на работа. Најголемите светски брендови како и помалите бизниси се потпираат на системските решенија што ги создава компанијата, а со тоа го унапредуваат своето дејствување.Компанијата има над 160 претставништва ширум светот, како и илјадници вработени кои ги диктираат најновите трендови во ИТ индустријата.Повеќе информации можете да најдете на https://mk.ingrammicro.eu...

„Посветено работиме за да ја финализираме подготовката на апликацијата за Единствената област за плаќањa во евра – СЕПА“, истакна гувернерката на Народната банка, Анита Ангеловска-Бежоска во интервју за регионалната новинска агенција Сињуз (SeeNews). Гувернерката посочи дека нашата земја направи голем исчекор кон членството во СЕПА, со усвојувањето на новиот Закон за платежни услуги и платни системи, како и 26 подзаконски акти донесени од централната банка и усогласени со ЕУ регулативата. Преку интеграцијата на земјата во СЕПА, граѓаните и фирмите ќе може да вршат безготовински плаќања во евра кон земјите членки на ЕУ, како и голем број земји кои не се ЕУ членки, преку кредитни трансфери и директни задолжувања, на брз, безбеден и ефикасен начин, како и националните плаќања. Со пристапот кон СЕПА, ќе се намалат трошоците за прекуграничните трансакции, што е особено значајно за дознаките кои ги праќаат нашите граѓани од странство, посочува Ангеловска-Бежоска.Гувернерката истакнува дека развојот на платните системи, зголемувањето на ефикасноста и намалувањето на трошоците за прекуграничните трансакции, се во рамки на приоритетите на Народната банка, бидејќи тие ќе обезбедат повеќе благодети за домаќинствата, компаниите и ќе влијаат на поттикнување на економскиот раст. „Трансакциските трошоци за увоз и извоз се многу значајни за фирмите, како и за нашата економија во целина, имајќи предвид дека таа е многу отворена. Намалувањето на трошоците за компаниите би помогнало во целокупниот раст на економијата. За да ја постигнеме оваа цел треба да продолжиме со усогласување на нашите регулативи со СЕПА, како и подготовката на самата платежна инфраструктура“, посочува Ангеловска-Бежоска.Единствената област за плаќањa во евра – СЕПА се состои од 36 земји меѓу кои 27 ЕУ држави-членки, 3 земји од Европската економска област – ЕЕА како и 6 земји кои не се членки на ЕЕА, а на кои е проширен географскиот опсег. На почетокот на годинава шесте земји од Западен Балкан се договорија да ги намалат надоместоците за финансиските трансакции во регионот, усогласувајќи ги регулативите со оние со земјите во СЕПА....

Комерцијална банка информира дека склучи договор за продажба на имотот на комбинатот Еуроникел индустри од Кавадарци со друштва основани од холандската холдинг компанија Polynickel Holding BV, која е дел од групацијта Yildirim Group. За финална реализација на купопродажниот договор останува уште да се исполнат сите правни и регулаторни предуслови.Во истовреме, Банката со групацијата Yildirim склучи договор за продажба и на имотот на фабриката Нова рефрактори во Пехчево.„Убедени сме дека продажбата е долгорочно решение за комбинатот Еуроникел имајќи го предвид кредибилитетот и капацитетот на Yildirim групацијата. Веруваме дека со ова е надминат неизвесниот период за сите доверители и, пред сѐ, за вработените во комбинатот, кои покажаа максимална посветеност и професионалност и покрај тешката состојба во која се најдоа не по нивна вина.Групацијата Yildirim е глобален индустриски конгломерат со седиште во Амстердам и во Истанбул. Основана е во 1963 година и моментално работи во 56 земји на 5 континенти, вработува 25.000 лица во девет индустрии: метали и рударство, управување со пристаништа, вештачки ѓубрива и хемикалии, енергија и енергетски производи, транспорт и логистика, финансиски услуги, градежништво и недвижности и меѓународната трговија.Во целиот изминат период од декември 2023 година, кога Комерцијална банка гопрезеде имотот на комбинатот во своја сопственост, бевме посветени на наоѓањето сериозен инвеститор кој ќе ја продолжи дејноста на еден од најзначајните индустриски капацитети во земјата. Со цел да се одржи комбинатот во добра состојба за безбедно и ефикасно рестартирање на производниот процес, Банката во изминатите четири месеци обезбеди речиси 100 милиони денари за одржување на технолошкиот минимум на комбинатот и за давање шанса за продолжување на работењето.Банката останува посветена и понатаму да придонесе со сите свои капацитети за фер наплата на доверителите и вработените во рамките на стечајната постапка. Прв услов за тоа е сите должници на Еуроникел веднаш да ги платат своите обврски”, велат од Комерцијална банка....

Депозитите се основен извор на финансирање на банките и следствено банките имаат разновидна понуда на депозитни производи којашто ги има предвид различните потреби на клиентите. Во финансискиот систем во земјава постепено се зголемува и понудата на нови инвестициски алтернативи.„Да имаме предвид дека финансискиот систем се развива, постепено се збогатува и се отвораат нови инвестициски алтернативи за граѓаните. Една од нив е граѓанската обврзница на државата, за којашто знаеме дека имаше интерес, што од своја страна ќе влијае и врз каматните стапки на депозитите на банките“, посочи главната економистка на Народната банка, Анета Крстевска, говорејќи на панел-дискусијата „Динамиката на економскиот раст и можности за штедење и инвестирање 2024“ во рамките на Женскиот економски форум, организиран од Здружението „Јас сум жена“ и Факултетот за туризам и бизнис-логистика – УГД Штип.Во современи услови, дигитализацијата може значително да го подобри пристапот до финансии и до новите инвестициски алтернативи. Дигиталната транзиција на малите и средните претпријатија, со која може да се обезбеди поголема продуктивност, може да биде поттикната од понудата на дигитални услуги од банките, но во голема мерка ќе зависи и од спремноста за дигитализација на компаниите, порача Крстевска. Таа посочи дека во периодот на пандемијата имаше насочување кон поголема употреба на дигиталните плаќања, како од страна на физичките, така и од страна на правните лица.„Организацијата за економска соработка и развој (ОЕЦД) спроведе анкета во 2022 година за финансиска писменост и дигитализацијата на микро, малите и средните претпријатија (ММСП) во Југоисточна Европа (ЈИЕ), во рамките на регионалниот проект на ИНФЕ − ОЕЦД и Министерство за финансии на Холандија. Нашите фирми имаат 28 од вкупните 100 бода за дигитализација (просекот на е ЈИЕ 31, а на Г20 од 41 до 45), од кои 13 за дигитализација на финансиските активности (просекот за ЈИЕ е 13) и 15 за дигитализација на бизнисот (просекот за е ЈИЕ 17). Сето ова упатува на простор за подобрување на дигитализацијата на фирмите“, истакнува Крстевска....

Деловниот сектор за работа со корпоративни клиенти на НЛБ Банка АД Скопје го зајакнува својот тим на успешни професионалци и нуди можност за работење во Службата за мали и средни претпријатија.Доколку имаш желба и амбиција да се приклучиш на тимот за работење во сегментот на работа со корпоративни клиенти, НЛБ Банка те мотивира да се пријавиш на отворената работна позиција:Банкарски комерцијалист за личен третманДеловен сектор за работа со корпоративни клиентиУлога во тимот:Промовирање, понуда и продажба на продукти и услуги на правни лица на постојни клиенти и аквизиција на нови клиенти;Остварување на продажните цели и резултати со цел зголемување на пазарното учество, портфолиото и конкурентската предност на Банката;Воспоставување, посредување, уредување и проактивно негување и развој на контакти и деловни аранжмани со клиентитеKYC активности (познавање на бизнис моделот, финансиските извештаи и показатели на клиентот).Потребни квалификации и компетенции:Универзитетско образование;Претходно искуство за работа со клиенти (работа со правни лица, анализа на финансиски показатели) ќе се смета за предност;Развиени комуникациски и продажни вештини потребни за советување на клиенти и продажба;Способност за тимска работа, одлучување, самоиницијативност, организациски и аналитички вештини;Одлично познавање на англиски јазик, како и стручно/напредно користење на MS Office.Мотив да се придружите на НЛБ тимот:Препознатлив регионален бренд и современо работно опкружување;Меѓусебната доверба и грижа за другиот се основни начела во работењето;Напредна обука и индивидуален кариерен развој; менторство од врвни банкарски експерти;Позитивна организациска култура базирана на флексибилно работно време и слободни денови за различни пригоди;Континуирано учество во групациски корпоративни проекти;Конкурентен пакет на плата и надоместоци (вклучително приватно здравствено осигурување и трет пензиски фонд).Потврди го твојот интерес со доставување на мотивациско писмо во кое ќе ги образложиш амбициите, мотивите и начините на придонес на наведеното работноместо како и кратка биографија (CV) најдоцна до 27.03.2024 година на: [email protected] со назнака за Банкарски комерцијалист за личен третман.Само кандидатите кои ги исполнуваат основните критериуми ќе бидат контактирани за интервју....

Од денеска (25.03.2024г.), во Куманово, експозитурата на Шпаркасе Банка започнува со работа на нова локација.Новата локација на експозитурата Куманово е на адреса ул. Доне Божинов бр. 9, и ќе работи секој работен ден од понеделник до петок, од 8.00 до 16.00 часот. Во новата експозитура, клиентите на Шпаркасе Банка, ќе добијат врвно корисничко искуство во доменот на депозитно и благајничко работење, кредитирање, платен промет и други банкарски сервиси.За време на официјалното отварање на Новата експозитура, дел од менаџментот на Шпаркасе Банка ја повторија цврстата посветеност и стремежот Шпаркасе Банка да биде водечка Банка по исклучителен квалитет на услугите, задоволството на клиентите и ангажираноста на вработените, истовремено поддржувајќи го развојот на локалните заедници.Просторот на новата експозитура е во согласност со корпоративниот дизајн на Банката, опремен со еколошко одржливи материјали за одржливост и заштита на животната средина, и збогатен со сите стандарди за комфорно и безбедно работење.Шпаркасе Банка АД Скопје континуирано се грижи за поголема достапност до своите клиенти, со отворање нови и модерни услужни модели на експозитури, кои ги задоволуваат највисоките стандарди во поглед на простор, функционалност, отворена комуникација и ефикасно опслужување на клиентите. Во секоја од експозитурите, клиентите имаат можност да ги користат атрактивните банкарски производи и услуги, со што тие стануваат уште подостапни за што поголем број граѓани.Продажната мрежа на Шпаркасе Банка брои 36 експозитури на територијата на Македонија, од кои 17 се лоцирани во Скопје и 19 надвор од главниот град....

На 28 март 2023 година (четврток), со почеток во 14 часот, ќе се одржи 50. сесија на Клубот на истражувачите во просториите на Народната банка.На сесијата ќе биде презентиран трудот: „Испитување на динамичкиот пренесен ефект на светските цени врз македонските цени на храната“ од авторите Даница Уневска Андонова и Магдалена Петровска. По презентирањето на трудот e предвидена дискусија.Народната банка објавува повик до сите истражувачи коишто се заинтересирани да учествуваат на сесијата на Клубот да се пријават на е-адресата: [email protected], најдоцна до 27 март 2023 година (среда).Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата. Трудовите коишто се презентираат на сесиите на Клубот, треба да бидат изработени согласно со трендовите и стандардите на современите истражувања, што подразбира емпириска анализа, како и систематизирани заклучоци од истражувањето.На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија. Сесиите се од јавен карактер и фотографиите од настанот се објавуваат на веб страната на Народна банка и на профилите на социјалните мрежи. Зачленувањето во Клубот на истражувачите е од отворен карактер....

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Така, кај повеќето земји од регионот на Западен Балкан стапката на активност е повеќе намалена кај жените отколку кај мажите, што е слично и со глобалните трендови. Според анализата на Светската банка, земјите во регионот од Западен Балкан секоја година губат околу 18% од БДП поради родовиот јаз на пазарот на труд, при што две третини од загубата се објаснува со ниската стапка на активност на жените, а преостанатиот дел на разликите во изборот на занимањата помеѓу мажите и жените. Оттаму, водењето соодветни политики за поголема вклученост на жените на пазарот на трудот може значително да придонесе за повисок економски раст, порача гувернерката на Народната банка, Анита Ангеловска-Бежоска на работилницата „Улогата на жената во економската трансформација на општеството“ во организација на Економскиот факултет при Универзитетот „Св. Кирил и Методиј“ во Скопје. Глобално и во регионот, неодамнешните кризи посилно ги погодија секторите со поголемо учество на жените и неповолно се одразија врз активноста и јазот. „Според Светскиот економски форум (СЕФ), ако напредокот продолжи со досегашната динамика, на глобално ниво ќе бидат потребни 131 година за да се постигне целосна рамноправност. За споредба, пред пандемијата беше проценето дека се потребни 100 години за да се постигне родова еднаквост, што укажува на последиците од неодамнешните шокови врз женската популација и родовиот јаз“, посочи Ангеловска-Бежоска.Ангеловска-Бежоска посочува дека позитивен ефект од намалувањето на родовиот јаз врз растот би имало не само од зголемениот број на работната сила, туку и од различните вештини и карактеристики на жените, коишто можат да дадат поинаква квалитативна димензија на пазарот на трудот и пооптимално одлучување.Гувернерката посочува дека за да се постигне тоа се потребни реформи во повеќе сегменти, како откривање на сите извори на родовите разлики присутни во институционалните, регулаторните, образовните и традиционалните норми, развивање политики коишто ќе ги поттикнат жените да се вратат на пазарот на труд, разбивање на стереотипите и создавање еднакви можности за кариерен развој на жените (учество во лидерските и високите позиции), соодветна поддршка на жените од државата и работодавачите во однос на обврските кон семејството/децата, осмислување нови иновативни технолошки решенија коишто ќе овозможат поголема финансиска инклузија и пристап до финансирање на жените со ниски примања.На работилницата во организација на Катедрата по економија, на која и гувернерката одржа предавање, учествуваа и ректорката на Универзитетот „Св. Кирил и Методиј“ во Скопје, проф. д-р Билјана Ангелова и претседателката на Организацијата на работодавачи на Македонија (ОРМ), д-р Владанка Трајкоска. Работилницата ја отвори деканот на Економскиот факултет, проф. д-р Предраг Трпески, а воведни обраќања имаа и професорките д-р Даниела Бојаџиева и д-р Билјана Ташевска....

ПроКредит Групацијата, главно активна во Југоисточна и Источна Европа, забележа одличен финансиски резултат од 113,4 милиони евра во 2023 година, што одговара на принос на капиталот од 12,2%. Оперативните приходи се зголемија за 21% на годишно ниво, како резултат на позитивните движења во сите редовни текови на приходи. Соодносот на трошоци и приходи се подобри за 4,1 процентни поени, на 59,9%.Умерениот раст на кредитното портфолио од 1,9% во голема мера се должи на тековните намалувања на портфолиото во Украина. Депозитите забележаа добар раст од 965 милиони евра, или 15,3%, со значаен придонес од сегментот комерцијално банкарство. Врз основа на соодносот на CET1 од 14,3%, Управниот одбор има намера да предложи дивиденда од 0,64 евра по акција на Годишното генерално собрание на 4 јуни 2024 година.Кредитното портфолио на Групацијата порасна за 119 милиони евра или за 1,9%. Депозитите пораснаа за значителни 965 милиони евра или за 15,3%, во кои физичките лица учествуваа со приближно 50%.Значителен развој на приходите и зголемена трошковна ефикасностОперативните приходи на Групацијата се зголемија втора година по ред за повеќе од 20%, со раст од 72,7 милиони евра или 21,4% во споредба со 2022 година, на 412,5 милиони евра (2022 година: 339,8 милиони евра). Овој позитивен развој е поттикнат од повисоките нето-приходи од камати, нето-приходите од провизии и надоместоци и приходите од девизни трансакции. Сите банки на ПроКредит во Југоисточна и Источна Европа објавија позитивни резултати, при што повеќето покажаа значително подобрени или стабилно добри нивоа на профитабилност и на трошковна ефикасност во споредба со претходната година.Нето-приходите од камати пораснаа за 72,6 милиони евра или за 27,4%, на 337,2 милиони евра (2022 година: 264,6 милиони евра). Нето-каматната маржа се зголеми за 53 базични поени, на 3,6%, како резултат на главно стабилните кредитни маржи и на повисоките клучни каматни стапки. Во четвртиот квартал, нето-каматната маржа изнесуваше 3,8%.Со 57,5 милиони евра, нето-приходите од провизии и надоместоци се 5,1% над нивото забележано во претходната година (2022 година: 54,7 милиони евра). Особено позитивно се развиваа приходите од активностите со трансакции и картички. Другите нето оперативни приходи придонесоа 17,8 милиони евра во вкупниот резултат (2022 година: 20,5 милиони евра). Резултатот од девизните трансакции, што е вклучен во оваа ставка, бележи солиден пораст од 4,1 милиони евра или 17,2%.Кадровските и административните расходи пораснаа за 29,6 милиони евра или 13,6%. Ова зголемување главно се должи на повисоките трошоци за персоналот, ИТ и за маркетинг. Соодносот на трошоци и приходи видливо се подобри за 4,1 процентни поени, на солидно ниво од 59,9% (2022 година: 64,0%).Управниот одбор ги објави изгледите за финансиската 2024 годинаЗемајќи ги предвид солидните финансиски резултати во 2023 година, Управниот одбор очекува принос на капиталот од околу 10%-12% за 2024 година, врз основа на внимателна проценка до 40 базични поени за трошоците за ризик. Соодносот на трошоци и приходи се очекува да биде околу 63%, земајќи ги предвид зголемените инвестиции и претпоставувајќи благо намалена нето каматна маржа.„Продолжуваме интензивно да инвестираме во однос на персоналот, ИТ и маркетингот, бидејќи сакаме видливо да го зголемиме нашиот отпечаток на нашите пазари во наредните години, со цел да постигнеме важни ефекти на скалирање, да ги зајакнеме маржите на двете страни од билансот на состојба и да го зајакнеме позитивното влијание што сакаме да го создадеме во општествата и во економиите во кои работиме“, истакна Хуберт Спехтенхаузер.На среден рок, ПроКредит има за цел да го зголеми кредитното портфолио на Групацијата за над 10 милијарди евра. Се очекува среднорочниот принос на капиталот да се зголеми на ниво од приближно 13%-14%, со претпоставка за трошок за ризик од околу 30-35 базични поени. Соодносот на трошоците и приходите се очекува да биде приближно 57% (без еднократни ефекти).Годишниот извештај на ПроКредит групацијата за 2023 година и Извештајот за одржливост за 2023 година од денес се достапни во делот Односи со инвеститори на веб страницата на ПроКредит Холдинг на https://www.procredit-holding.com/investor-relations/reports-and-publications/financial-reports/ и https://www.procredit-holding.com/investor-relations/reports-and-publications/non-financial-reports/.Пакетот на Извештајот за одржливост се состои од два дела. Самиот Извештај за одржливост дава детален преглед на стратегијата за одржливост на ПроКредит Холдинг, како и на неговите перформанси за одржливост, иницијативи и цели за иднината. Освен тоа, во нејзиниот Годишен извештај, Групацијата доброволно ги открива своите стратегии, планови и методологии во контекст на два стандарди специфични за темата, ESRS E1 „Климатски промени“ и ESRS S1 „Сопствена работна сила“, во согласност со начелата на Меѓународната рамка за интегрирано известување....

Поголемата финансиска инклузија на жените претприемачи преку развивање вештини, знаења, изработката и следењето на соодветните податоци и пристапот до финансиски средства се основните цели на пилот-проектот со кој ќе раководи Народната банка со поддршка од Европската банка за обнова и развој (ЕБОР). Ова беше истакнато на денешниот настан на кој се потпиша Меморандумот за соработка за примената на Кодексот за финансирање на жените претприемачи во нашата земја, на кој присуствуваа гувернерката на Народната банка, Анита Ангеловска-Бежоска и претставникот на ЕБОР во нашата земја, Фатих Туркменоглу, како и дел од тимовите на централната банка и на Канцеларијата на ЕБОР.Гувернерката Ангеловска-Бежоска се заблагодари за довербата укажана од ЕБОР, којашто одлучи централната банка да биде предводник на проектот и да гради мостови помеѓу јавниот и приватниот сектор за зголемување на финансиската вклученост на жените, што ќе придонесе за отворање нови бизниси и работни места и за придвижување на економскиот раст.„Поддршката на бизнисите предводени од жени е клучна во борбата за родовата еднаквост. Централната банка активно ќе работи на едуцирање на корисниците на кредити за можностите и обврските коишто давателите на кредити ги имаат кон нив, како и за обезбедувањето податоци за кредитирање на компаниите предводени од жени, што ќе придонесе за подобар пристап на жените претприемачи до финансии. Последната анкета на Националната платформа за женско претприемаштво „Барометар за женското претприемаштво од 2023 година“ покажува дека околу 40% од жените сметаат дека немаат доволно поддршка во смисла на советодавна платформа и грантови за поддршка на нивниот бизнис. Исто така, повеќе од половината сметаат дека или немаат доволен или немаат соодветен пристап до финансии, а речиси 88% од жените претприемачи посочуваат дека со сопствени средства или со заем од семејството и пријателите го почнуваат својот бизнис. Преку овој проект сакаме да направиме разлика и да го свртиме вниманието кон овие политики коишто може да придонесат кон побрз економски раст и развој“, истакна гувернeрката Ангеловска-Бежоска.„Промовирањето на родовата еднаквост е еден од трите стратегиски приоритети на ЕБОР, при што клучна улога игра поддршката на жените претприемачи. Кодексот за финансирање на жените претприемачи е исклучително добра можност да ги насочиме тековните напори во оваа област и особено сме задоволни за тесната соработка со Народната банка на ова поле“, истакна претставникот на ЕБОР во нашата земја, Туркменоглу.Народната банка и ЕБОР се обврзаа дека во иднина ќе работат на зголемување на бројот на потписници на Кодексот за финансирање на жените претприемачи во земјава, вклучувајќи ги и носителите на политиките, давателите на финансиски услуги и други надлежни субјекти со цел се обезбедат податоци за фирмите на жените претприемачи и да се промовира неговата употреба при осмислувањето на политиките и производите за микро, малите и средните претпријатија предводени од жени....

Главниот извршен директор на Халкбанк АД Скопје, д-р Билал Суџубаши упати силна порака до акционерите, клиентите и соработниците на банката во врска со работењето и резултатите за изминатата 2023 година. Пораката на првиот човек на Халкбанк ви ја пренесеуваме во целост.„Почитувани акционери, клиенти, драги колеги, пријатели,Изминатата 2023 година, иако повторно исполнета со низа на неизвесности на глобално ниво, во споредба со 2022 година, економските текови почнаа полека да се стабилизираат.Иако се продолжи со затегнување на монетарната политика на централните банки со цел намалување на инфлацијата, а истите чекори ги следеше и Народната банка на РСМ, сепак, банкарскиот сектор во целина и во кризните времиња ги потврди својата стабилност и сигурност и продолжи да биде поддршка на економијата на земјата.Халкбанк и во вакви услови, со раст на каматите и затегнати услови на работење, испорача позитивни резултати во секој домен. Нашата стратегија постојано да нудиме најразлични производи на пазарот според барањата и потребите на клиентите и тоа по најдобри услови, се покажува како најдобар начин да создаваме вредност за сите – за државата, акционерите, вработените и клиентите.Заклучно со декември, забележавме значаен резултат во однос на депозитната база, која надмина една милијарда евра, од кои 1.020 милиони евра се депозити на клиенти − правни и физички лица кои се зголемија во однос на истиот период лани за 171 милиони евра. Притоа депозитите на корпоративниот сектор се зголемени за 80 милиони евра, а на населението – за дури 90 милиони евра. Причина за ваквиот раст во делот на компаниите е веројатно „задршката“ од поголеми трошоци поради кризата која носи неизвесност, додека во сегментот на население е на атрактивните депозитни производи, со атрактивни каматни стапки, кои ги понудивме на пазарот.Во делот на кредитирањето, и во услови на затегната монетарна политика, имаме пораст од над 95 милиони евра. Ова најмногу се должи на корпоративниот сектор каде што имавме зголемување на кредитирањето во висина од речиси 90 милиони евра. Кога зборуваме за правните лица, раст на кредитирањето има кај сите големини на компании. Најголем, секако, е во сегментот на големите компании, но пораст има и кај средните, малите и микро фирми. Кај населението имаме намалување на кредитирањето, што и можеби е очекувано со оглед на мерките и целите на централната банка за намалување на инфлацијата.Нашата актива со вкалкулираниот пораст сега веќе изнесува 1,6 милијарди евра. Нашиот нето-профит, заклучно со декември 2023 година, изнесува 20,3 милиони евра. Сето ова го потврдува фактот дека Халкбанк е силен бренд и сигурна и стабилна банка.Наш деловен императив и во годинава што изминува беше посветување особено внимание на корпоративната општествена одговорност како начин за помош на поединци и заедницата во целина. Оттаму, поддржавме најразлични општествени активности од областа на спортот, културата, образованието, поддршка за најмладите во делот на образованието и едукацијата, посветување внимание на постарата генерација и друго. Особено сме горди на нашата „зелена агенда“ и препознавање на Халкбанк како еко ориентирана банка која помага во зголемување на шумскиот фонд во Северна Македонија, поттикнување здрави животни навики и заштита на природата.И во 2023 година се потрудивме да испорачаме производи во согласност со потребите на пазарот, но и иновативни производи како дел од нашата стратегија да бидеме лидери во воведувањето производи базирани на новите технологии и дигитализацијата. Затоа и продолживме со воведување нови производи и услуги кои носат ново корисничко искуство и задоволство кај нашите сегашни и идни клиенти. Овој принцип ги води сите наши активности и се применува во нашите секојдневни ангажмани.Во наредниот период ќе продолжиме да го градиме нашиот бренд и да ја остваруваме целта да бидеме една од најголемите банки во земјата и прв избор на клиентите. Тоа ќе го оствариме со понуда на нови, иновативни услуги со најдобри услови на пазарот и со следење и имплементирање на новите технологии кои се развиваат со незапирливо темпо и отвораат многу нови можности. Ќе продолжиме да бидеме и пример за општествено одговорно делување со нашата поддршка на општествени активности. Тука, секако посебно место ќе заземат нашите еко активности чија основна цел е давање директен придонес во насока на зголемување на зеленилото и заштита на природата, но и подигање на свеста како за потребата на сите поединци и чинители во оштеството да се грижат за природната средина. Во тие рамки, како што веќе најавивме, ќе реализираме голема петгодишна донација од 1.000.000 садници за пошумување на земјата во региони каде што е тоа потребно. Сето тоа ќе го постигнеме со нашите вработени кои се основа на нашиот успех.”Со почит,Билал Суџубаши, главен извршен директор на Халкбанк АД Скопје...

Пензионерите кои своите пензии ги добиваат преку сметка во Халкбанк АД Скопје веќе денеска можат да располагаат со средствата.Халкбанк на последниот ден од февруари, изврши исплата на февруарските пензии продолжувајќи ја праксата за предвремена исплата на пензии за сите оние пензионери кои се нејзини клиенти.Иако од септември ланската година, со оглед на завршување на пандемијата, деловните банки ја прекинаа праксата за предвремена исплата на пензии и се вратија на стариот начин на исплата, односно на 1-ви во месецот директно од буџетот на државата, Халкбанк, согласно својата деловна политика и во интерес на своите клиенти продолжи со праксата за предвремена исплата на пензии.Со цел на клиентите да им бидат достапни средствата до својот дом и да си го заштедат своето време им се овозможува достава на пензија на домашна адреса, благодарение на партнерството меѓу Македонска пошта АД и Халкбанк АД Скопје. Исплатата може да се изврши и на шалтерите во поштенските единици на Пошта на Северна Македонија само за клиентите кои имаат дадено согласност за трансакции преку пошта. За оваа услуга клиентите може да се пријават преку сите филијали на банката и преку сите шалтерски места на пошта.Дополнително, пензионерите кои се клиенти на Халкбанк, имаат можност за подигање готовина од сите банкомати во државата, без надомест, со Mastercard Debit Contactless меѓународната картичка, издадена од банката.Па така, примателите на пензија во Халкбанк, како и сите претходни месеци и пред 1-ви можат слободно да располагаат со своите средства, односно да ги користат преку своите картички во продажната мрежа или да ги подигнат на банкоматите и филијалите на банката....

По донесувањето на последните измени на Законот за субвенциониран студентски оброк, Шпаркасе Банка ги известува студентите што се корисници на кобрендираната картичка за студентски оброк издадена од Шпаркасе Банка во соработка со Министерство за образование и наука, дека се врши измена во начинот на исплата на средствата за субвенциониран оброк – наместо на дневна, ќе се исплаќаат на неделна основа.Со промената на Законот, почнувајќи од 1.3.2024 година, секој студент што го остварува правото на субвенциониран студентски оброк, на својата трансакциска сметка ќе добива буџет во износ од 840 денари, кои ќе може да се користат за приготвена храна и за прехранбени производи. Овој износ ќе им биде на располагање од понеделник до сабота. Доколку во сабота не се искористат средствата, тие нема да бидат префрлени за понатамошно користење....

Граѓаните во кое било време можат да ги затворат платежните сметки и платежните картички, при што банките не смеат да наплатат надоместок за тоа, доколку договорот којшто клиентот го има со банката е постар од шест месеци. На барање на клиентот, банката е должна веднаш да ја затвори сметката, но доколку во договорот е предвиден отказен рок, тогаш банката има рок најмногу 30 дена за прекинување на услугата, којшто е утврден со новиот Закон за платежни услуги и платни системи, објаснува директорот на Дирекцијата за платни системи при Народната банка, Игор Величковски, во интервју за емисијата „Само прашај“ на Институтот за комуникациски студии.Правата и обврските за платежните услуги, како за банките, така и за граѓаните се уредуваат со рамковен договор. Оттаму, многу е важно граѓаните внимателно да го прочитаат пред да го потпишат. Доколку банката не обезбедува услуги во согласност со рамковниот договор, или, пак, надоместоците коишто ги наплатува не се во согласност со прописите, граѓаните имаат право да поднесат приговор до банката, како и поплака до Народната банка којашто соодветно ќе биде разгледана, укажува директорот Величковски. Тој посочува и дека граѓаните имаат право да ги заменат старите договори коишто ги склучиле пред примената на новиот Закон за платежни услуги и платни системи, односно пред 1 јануари 2023 и да ги заменат со нови рамковни договори, со што би обезбедиле поголема правна заштита.Величковски наведува дека доколку договорот којшто го има клиентот со банката е пократок од шест месеци, банката не смее да им наплати надоместок со којшто ќе оствари заработка, туку во висина на реалните трошоци коишто таа ги има за затворање на производот. „На пример, ако се обраќаме на 15-ти во месецот за да го прекинеме производот платежна сметка или платежна картичка, надоместокот којшто може да ни го наплати банката ќе изнесува една половина од надоместокот утврден во тарифникот за тој месец. Ако банката наплатува на пример 40 денари месечно за одржување на платежната сметка, а ние се обраќаме на 15-тиот ден од месецот, банката може да ни наплати само 20 денари за месечното одржување на платежната сметка. Доколку банката го наплатила надоместокот на почетокот на месецот, авансно, должна е да ни врати 20 денари при затворањето на платежната сметка“, појаснува Величковски. Тој додава дека истиот принцип се применува и кога граѓаните сакаат да затворат и дебитна или кредитна картичка, или, пак, одредени онлајн услуги како што е мобилното или електронското банкарство, или која било друга услуга за која банката наплатува одредено месечно или годишно одржување на сметката или производот....

НЛБ Банка денес на ден 05.03.2024 година започна со исплата на парична помош од социјална, детска и цивилна заштита.Во насока на поголема заштита и намалување на гужвите во експозитурите, од 05 – ти март клиентите ќе можат да ги подигнат средствата од парична помош од социјална и детска заштита на банкоматите во секое време, додека исплатата во експозитурите на Банката ќе се реализира согласно определен редослед. Распоредот е направен по азбучен редослед, според првата буква од презимето на корисниците и тоа: 05 – ти март (вторник) – А, Б, В, Г, Д, Ѓ, Е, Ж, З, Ѕ; И, Ј, К, Л, Љ06 – ти март (среда) – М, Н, Њ, О;П, Р С, Т, Ќ, У, Ф, Х, Ц, Ч, Џ, Ш​НЛБ Банка ги потсетува клиентите дека имаат можност средствата првенствено да ги користат безготовински, за плаќања во продажната мрежа или преку електронско и мобилно банкарство.НЛБ Банка Ви благодари на разбирањето....

Банките се должни, на граѓаните, пред да пристапат кон користење на платежните услуги, да им дадат т.н. информативен документ со стандардизирана структура, поими, термини и дефиниции, за надоместоците коишто им ги наплаќаат. Целта е на граѓаните да им се даде поширока информација и можност за споредба на надоместоците, пред да донесат одлука од која банка ќе користат платежни услуги, посочува заменик-директорката на Дирекцијата за платни системи, при Народната банка, Биљана Доновска-Гечева, во гостување на телевизија Канал 5.„Законот за платежни услуги и платни системи има за цел да ја осигури транспарентноста и заштитата на потрошувачите. Во согласност со Законот, Народната банка пропиша единаесет најрепрезентативни услуги коишто се поврзани со платежната сметка и овозможуваат споредба на надоместоците. Од септември минатата година, на веб-страницата на Народната банка е поставена алатка преку која граѓаните може да ги споредат надоместоците коишто ги наплаќаат давателите на платежните услуги, според банката или според видот на услугата. Алатката е едноставна за користење, но доколку на граѓаните им се потребни дополнителни информации, исто така содржи и објаснувања“, вели Доновска-Гечева.Заменик-директорката посочува и дека банките се должни, на почетокот на годината, да им достават извештај на своите корисници за надоместоците коишто им ги наплатиле во текот на изминатата година.Доновска-Гечева истакнува дека рамковниот договор помеѓу банката и корисниците на платежните услуги е клучен документ, со кој се уредуваат правата и обврските за двете страни. „Законот за првпат ја определува содржината на рамковниот договор и во таа смисла, сите одредби коишто ги пропишува Законот за поголема заштита на потрошувачите важат и за договорите коишто граѓаните ги исклучиле пред стапувањето во сила на овој закон, односно пред 1 јануари 2023 година. Секако, доколку граѓаните не се задоволни од обезбедувањето одредена платежна услуга во согласност со договорот, тие имаат право да поднесат приговор до банката од која ја користат таа услуга, а понатаму и поплака до Народната банка. Ние соодветно постапуваме според поплаките на граѓаните“, вели Доновска-Гечева....

Олеснувањето на процесите и подобрувањето на услугите, преку користењето на придобивките од дигитализацијата е заложба на Народната банка и таа како регулатор, но и преку личен пример, настојува да се зголеми искористувањето на технолошките придобивки.За таа цел, Народната банка им овозможи на граѓаните брзо и лесно добивање извештај од Кредитниот регистар, преку Националниот портал за услуги www.uslugi.gov.mk. Директна врска за да се извади извештајот за кредитната изложеност е https://uslugi.gov.mk/register.nspx. Како и до сега, кога услугата се добиваше единствено во просториите на Народната банка, таа е бесплатна.За да ја користат оваа услуга, граѓаните ќе треба да се регистрираат на Националниот портал за услуги. Услугата ќе им биде достапна во текот на 24 часа, на македонски или на албански јазик. Извештајот од Кредитниот регистар ги содржи податоците за вкупната кредитна изложеност на граѓанинот заклучно со последниот датум на податоците со коишто располага Народната банка....

ПроКредит Банка АД Скопје изврши зголемување на капиталот на банката за дополнителни 6.000.000 евра.Врз основа на Решението на Комисијата за хартии од вредност Број УП1 10-7 од 01.03.2024 година, одобрена е седмата емисија на хартии од вредност по пат на приватна понуда. Со тоа, ПроКредит Банка А.Д. Скопје изврши зголемување на основната главнина со издавање на 1.200.000 обични акции со номинална и продажна вредност од 5 евра по акција, во денарска противвредност.Купувач на целата емисија на акции е институционалниот инвеститор на Банката ПроКредит Холдинг АГ Франкфурт, со седиште во Ромерплац 33-37 (Rohmerplatz 33-37) 60486 Франкфурт на Мајна, Сојузна Република Германија.Преку зголемувањето на основните средства, банката обезбедува унапредување на структурата и квалитетот на сопствените средства и оптимална адекватност на капиталот, како основа за континуирана поддршка на инвестициите на бизнис клиентите и физичките лица и раст на кредитното портфолио....

Креативната кампања на Халкбанк посветена на поддршката на жените, популарно именувана како „Фустани со џебови” го добива својот продолжеток оваа година.Платформата која Халкбанк посветено започна да ја гради минатата година, а која за своја цел го има градењето и поддршката на финансиската и економската самостојност на жените и преку која беа директно донирани средства во Женскиот интервентен фонд, оваа година ги вклучува македонските дизајнери Јована Филиповиќ, Mарјан Бебекоски, Ирина Тошева, Наталија Терзија, кои повторно преку своите уникатни креации ќе бидат дел од продажна кампања.Централната фигура во овие креации е џебот, инкорпориран како детаљ кој најчесто отсуствува од женската гардероба, која традиционално се изработува низ историјата. Џебот во овој контекст служи како симбол за финансиска слобода и рамноправност.Денес во јавноста беше промовирано најавното видео, кое го означува почетокот на уште една од низата активности на Банката, посветени на мотивирање на бизниси основани и раководени од жени.Собраните средства од оваа кампања, повторно ќе бидат донирани за жени од ранливи социјални категории....

Вработените во Народната банка организираа хуманитарна акција, преку која изразија поддршка за борбата против семејното насилство. Донацијата на вработените за „Кризниот центар за згрижување на жени жртви на семејно насилство-Надеж“, кој 20 години нуди поддршка и помош на жените кои поминуваат низ тешки животни искуства, ја врачија гувернерката на Народната банка, Анита Ангеловска-Бежоска, вицегувернерката Ана Митреска и претставници на Синдикатот на вработените во Народната банка.При посетата на Кризниот центар, тимот на Народната банка се запозна со предизвиците со кои се соочува здружението и активностите кои ги преземаат за помош и поддршка на жените жртви на насилство. На средбата беше истакната потребата од понатамошно јакнење на свеста на сите општествени чинители за предизвиците со кои се соочуваат овие жени и долгиот процес и улогата на општеството во нивната рехабилитација.„Потребата од натамошно подобрување на состојбите треба да е и причина да размислиме што и каде може да се унапреди за да се направат промени. Треба да посветиме должно внимание и да упатиме гласни пораки дека со економско зајакнување, жените жртви на семејно насилство многу полесно ќе го прекинат кругот на насилство и помалку ќе бидат жртви. Потребна е многу поголема сензибилност во однос на пристапот до работа на оваа ранлива категорија на жени. Тоа подразбира креирање мерки за нивно вработување, врз основа на реалните потреби на жените, или нивна стручна преквалификација, доквалификација што ќе придонесе за нивно интегрирање и задржување на пазарот на трудот“, истакна гувернерката Ангеловска-Бежоска, при посетата на Здружението „Кризен центар за згрижување на жени жртви на семејно насилство-Надеж“....

НЛБ Банка, во светло на одбележување на Меѓународниот ден на жената, со задоволство објавува дека станува членка на Women On Boards Adria (WOBA), регионална невладина и непрофитна асоцијација за промоција на родовата еднаквост на високо-раководни позиции. Фокусирана на регионот Адриа, WOBA работи со бизниси, влади и меѓународни институции со цел да придонесе кон зголемување на застапеноста на жените во одборите и на извршните позиции, исполнувајќи ги барањата на ЕУ кои произлегуваат од Европската директива за жени во извршни одбори.„Членството е дел од континуираните заложби и посветеноста на нашата Банка за родова еднаквост на сите нивоа и области во деловното работење, градење на свест и култура на почитување на вредностите и компетенциите независно од родот, и повисоки работни позиции за жените, засновани на квалитет. Со членството во WOBA, одиме чекор повеќе кон јакнење на жената во корпоративниот свет, охрабрување и респект кон женскиот бизнис потенцијал, препознавајќи ја вредноста на ова партнерство во контекст на интеграција на ESG критериумите и корпоративната одржливост.“ – потенцира Бранко Грегановиќ, Претседател на УО на НЛБ Банка Скопје и иден амабасадор на WOBA.Членството во WOBA нуди неспоредливи можности за личен раст и вмрежување, преку настани кои ќе се одржуваат во главните градови од Адриа регионот, врвни програми за обука, лични коучинг сесии фокусирани на градење на лидерски вештини и компетенции за членство во извршни одбори, техники за интервју, ефективни стратегии и стратешко планирање на кариерата, со цел забрзување на темпото со кое жените се искачуваат на високи менаџерски позиции.„Исклучително сме горди што НЛБ Банка Скопје, како една од водечките банки во Северна Македонија, станува дел од мрежата Women on Boards Adria и веруваме дека ова партнерство ќе придонесе за понатамошно унапредување на родовата еднаквост и поголема застапеност на жените на водечки позиции и корпоративни одбори во Северна Македонија и регионот Адриа. Сакаме да ги зајакнеме жените, да им дадеме можност да ги подобрат своите вештини и знаења за улогите во управните одбори преку обука и менторство, и да ги подготвиме компаниите за бизнис според европските стандарди, сè со цел да се постигнат извонредни резултати, за што, поддршката на НЛБ Банка на патот кон ова е многу важна“ – истакнува Билјана Брејтвејт, Претседателка на регионалното здружение Women on Boards Adria и извршен директор на Sustineri Partners.Поддржувајќи го мотото на годинешниот Меѓународен ден на жената #ИнспирирајИнклузија, НЛБ Банка упатува срдечни честитки до сите жени, со искрени заложби за свет без пристрасност, стереотипи и дискриминација, разновиден, правичен и инклузивен....

Банките се должни, на граѓаните, пред да пристапат кон користење на платежните услуги, да им дадат т.н. информативен документ со стандардизирана структура, поими, термини и дефиниции, за надоместоците коишто им ги наплаќаат. Целта е на граѓаните да им се даде поширока информација и можност за споредба на надоместоците, пред да донесат одлука од која банка ќе користат платежни услуги, посочува заменик-директорката на Дирекцијата за платни системи, при Народната банка, Биљана Доновска-Гечева, во гостување на телевизија Канал 5.„Законот за платежни услуги и платни системи има за цел да ја осигури транспарентноста и заштитата на потрошувачите. Во согласност со Законот, Народната банка пропиша единаесет најрепрезентативни услуги коишто се поврзани со платежната сметка и овозможуваат споредба на надоместоците. Од септември минатата година, на веб-страницата на Народната банка е поставена алатка преку која граѓаните може да ги споредат надоместоците коишто ги наплаќаат давателите на платежните услуги, според банката или според видот на услугата. Алатката е едноставна за користење, но доколку на граѓаните им се потребни дополнителни информации, исто така содржи и објаснувања“, вели Доновска-Гечева.Заменик-директорката посочува и дека банките се должни, на почетокот на годината, да им достават извештај на своите корисници за надоместоците коишто им ги наплатиле во текот на изминатата година.Доновска-Гечева истакнува дека рамковниот договор помеѓу банката и корисниците на платежните услуги е клучен документ, со кој се уредуваат правата и обврските за двете страни. „Законот за првпат ја определува содржината на рамковниот договор и во таа смисла, сите одредби коишто ги пропишува Законот за поголема заштита на потрошувачите важат и за договорите коишто граѓаните ги исклучиле пред стапувањето во сила на овој закон, односно пред 1 јануари 2023 година. Секако, доколку граѓаните не се задоволни од обезбедувањето одредена платежна услуга во согласност со договорот, тие имаат право да поднесат приговор до банката од која ја користат таа услуга, а понатаму и поплака до Народната банка. Ние соодветно постапуваме според поплаките на граѓаните“, вели Доновска-Гечева....