Тешка сообраќајка на ул. “11-ти Октомври” во Прилеп: Автомобил удри во малолетничка на велосипед
Маркукуле - пред 11 часа
На 30.04.2024 во 09.20 часот во Полициската станица Прилеп било пријавено дека на ул.„11 Октомври“ во Прилеп патничко возило „југо“ со прилепски регистарски ознаки, управувано од Ј.М.(52) удрило во велосипед управуван од малолетничка, двајцата од Прилеп. Во несреќата со тешки телесни повреди се здобила малолетничката, констатирани во Градската болница Прилеп. Извршен бил увид од увидна екипа од Полициската станица Прилеп – информираат од СВР Битола. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Патриотско “Жабино маало”, крена јарбол со македонско шеснаесеткрако сонце во Прилеп (ВИДЕО)
Маркукуле - пред 1 ден
На иницијатива на прилепчанецот Видан Николоски и Урбаната заедница “Жабино маало”, денес во паркот во оваа населба, веднаш до параклисот посветен на Св.Никола, беше подигнат јарбол со шеснаесеткракото македонско сонце од Кутлеш. -Патриотизмот, традицијата и единството на луѓето од оваа населба секогаш биле на највисоко ниво! Браво за париотско Жабино маало – напиша на ФБ, поранешниот градоначалник на општина Прилеп, Марјан Ристески, кој беше дел од оваа иницијатива и го овековечи кревањето на јарболот и знамето. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Секоја чест! Младиот пијанист Алексеј Белевски од Битола, освои златен медал на натпревар во Њујорк
Маркукуле - пред 1 ден
Алексеј Белевски – петтоодделенец од класата по пијано на проф.м-р Марија Шамоска Буџаковски, при Државното музичко училиште во Битола, е добитник на прва награда и златен медал на Интернационалниот натпревар за млади музичари во Њујорк, САД. Во силна конкуренција на учесници од 16 држави ширум светот, оценуван од 12 члена еминентна комисија на врвни пијанисти од САД, Австрија, Германија и Кина, младиот Алексеј беше избран да настапи на концертот на победниците во светски познатата сала Carnegie Hall во Њујорк. -Честитки за големиот успех на нашиот ученик Алексеј и на неговата професорка Марија за работата, посветеноста и љубовта која му ја дава секојдневно. Исто и за поддршката од неговото семејство за реализација на овој настап кој е од голема важност за неговиот пијанистички развој – му порачаа на младиот пијанист од Државното музичко училиште на Алексеј. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Повеќе нема главоболки и празен џеб: Во “Електро Елементи” Прилеп ќе најдете се’ од електро материјали и ЛЕД осветлување по најниски цени (Фото галерија)
Маркукуле - пред 1 ден
Неодамна Прилеп доби нов продажен салон за електро материјали и лед осветлување. Лоциран на улица “Кеј 1-ви Мај”, во непосредна близина на Основното училиште “Кочо Рацин”, во правец кон старата автобуска станица, “ЕЛЕКТРО ЕЛЕМЕНТИ” е местото каде ќе најдете буквално сe’ од електро материјали и лед расвета по најниски цени во градот. На едно место ќе најдете широк избор на електро производи од реномирани производители, со врвен квалитет и различни дизајни, но и високо квалификуван, услужен и љубезен персонал, кои се подготвени да излезат во пресрет на сите ваши барања и потреби. Токму затоа “ЕЛЕКТРО ЕЛЕМЕНТИ” за кратко време успеа да се наметне кај потрошувачите и да стекне доверба. Нудат се’ од програмите на VIKO и PANASONIC, за кои се овластени дистрибутери, а застапници се и за ЕТI осигурувачи. Покрај тоа во нивниот продажен салон ќе најдете секакви видови на подземни и воздушни кабли, а особено интерес предизвикува широкиот избор на ЛЕД светилки – и тоа од модерни LED светила, кои штедат енергија и нудат прекрасна осветленост, до класични дизајни кои никогаш не излегуваат од мода. Секако тука е секогаш расположениот пријателски тим на вработени кои ќе ви помогнат да го изберете најдоброто решение за вашиот ентериер и екстериер. Покрај широкиот избор на електро материјали, за кој можете да се уверите од фотографиите во прилог, “ЕЛЕКТРО МАТЕРИЈАЛИ” ви стојат на располагање и за изведба на секаков вид електрични инсталации, а вршат и техничка документација за приклучоци во ЕВН. Сe’ на се, oва е единствениот дуќан од ваков тип во Прилеп кој ќе ги задоволи сите ваши потреби, а притоа и ќе заштедите. Посетете ги и уверете се и самите! Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Дозволена екстрадицијата на Љупчо Палевски
Маркукуле - пред 1 ден
Министерството за правда известува дека е добиено официјално известување дека екстрадицијата на Љупчо Палевски е дозволена. Палевски е во екстрадициски притвор во Турција, каде беше приведен од тамошните власти по распишана потерница. Кога ќе биде донесен во земјава, Палевски ќе биде спроведен во казнено поправна установа, согласно решение на суд и понатаму тече постапката пред правосудните органи. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Максим Димитриевски денеска ги соопшти условите на Движењето ЗНАМ За наша Македонија за формирање на идна влада на Македонија
Маркукуле - пред 1 ден
Претседателот на Движење ЗНАМ – За наша Македонија денеска одржа прес конференција на која ги соопшти ставовите на партијата во однос на идните коалиции. Тој пред медиумите рече: „Изминатите денови слушам различни пораки од двата табора. Едните велат дека ЗНАМ бил создаден по нарачка на ВМРО-ДПМНЕ за да го ослаби СДСМ, дека гласот даден за ЗНАМ е глас даден за ВМРО и слично. Другиот табор вели дека наводно коалицијата меѓу ВМРО-ДПМНЕ и ЗНАМ е веќе договорена работа и дека очекуваат став од ЗНАМ во врска со вториот круг на претседателските избори. Уверен сум дека и двете пораки имаат за цел да го намалат изборниот резултат на ЗНАМ на парламентарните избори. Јас целиот мој живот сум борец! Кажано со спортски речник, никогаш не пласирам удари под појас, ниту правам нешто тајно. Не прифаќам да разговарам зад завесите и преку емисари, кои во овој период зачестено не контактираат индиректно или директно. Затоа, денес, онака како ме познавате, отворено и јавно, јасно и гласно ќе ги изнесам своите ставови, моите лични ставови и ставовите на партијата Движење ЗНАМ – За наша Македонија. Официјалниот став на Движењето ЗНАМ – За наша Македонија е следниот: Врвен државн приоритет на Движењето ЗНАМ – За наша Македонија е на овие избори да се избере Претседател на Македонија, затоа влеговме во оваа борба и учествувавме на претседателските избори, како и да се оневозможи институционалната блокада и политичка криза. Ги повикувам јавно сите граѓани, масовно, во што поголем број, на осми, да излезат на гласање, да гласаат и за претседателските кандидати, но и за парламентарните состави и тоа да го сторат по лично и сопствено убедување. Почнувам со порака до чесните членови и симпатизери на Социјалдемократскиот сојуз на Македонија. Почитувани, Срцето ме боли кога ве гледам вака исплашени од раководството на мојата поранешна политичка партија како ве држи во заложништво и како сте гневни на сите нив, а молчите.Да ви кажам искрено, гневен сум и јас! Сметам дека е етички исправно, да направам обид заедно да ги спасиме АСНОМските и Крушевските леви вредности и принципи. Затоа денеска на раководството на СДСМ му се обраќам директно и му ги соопштувам кумулативните услови на ЗНАМ за разговор за евентуална можна соработка. Прво, во наредните 24 часа раководството на СДСМ да поднесе комплет неотповикливи оставки од сите можни функции во партијата. Второ, носителите и ко-носителите на кандидатските листи на нотар да изјават дека нема да прифатат пратенички мандати, и истите ќе ги преземат сите кандидати коишто следуваата на листите по нив. Трето, да се обврзат дека ниту тајно, ниту јавно нема да продолжат да заговараат соработка со сегашното ДУИ, за навистина, а не само формално, туку и суштински со пример, да покажат дека ја примиле вистински пораката на граѓаните и постапиле веднаш по истата. Сакам да бидам јасен, овие услови не се за понижување, туку за одговорност на ова раководство на СДСМ, кое овие потези требаше да ги повлече многу одамна. Нашите работни групи се подготвени за разговори за евентуална соработка со некое преодно, техничко ново раководство на СДСМ, кое ќе изрази политичка волја за ревидирање на досегашните нивни политики за најважните национални прашања, но и целосна одговорност на сите поединци без исклучок по законот и без можност за каква било амнестија. Доколку ова не се случи, никој од раководството на СДСМ нема никакво право да му се обраќа на ЗНАМ, бидејќи ќе потврдат дека нивната цел е само да се докопаат до пратеничките мандати и имунитетот којшто го нудат мандатите и дека никогаш не воделе сметка, ниту за интересите на Македонија и граѓаните, ниту за чесните членови и симпатизери и поддржувачи на партијата. Ние од ЗНАМ нема да се вртиме назад, туку ќе гледаме во иднината на Македонија, што е и нашиот основен приоритет. Во оваа прилика сакам да упатам порака и до раководството на ВМРО-ДПМНЕ. Со вашите програмски определби дека не прифаќате уставни измени под бугарски диктат и не прифаќате соработка со ДУИ по ниту една цена, се согласуваме. Тоа се наши ставови, први излеговме со тој став и ќе стоиме на тоа. Поради досегашната кампања на ВМРО-ДПМНЕ во јавноста се наметнува една дилема која на ЗНАМ многу му е важно да биде расчистена во целост пред воопшто нашите работни групи, доколку седнат да разговараат, да разговораат за можна идна соработка. Барам да потврдите дека не е точно дека дел од раководството на ВМРО-ДПМНЕ заговара јавна или тајна соработка со поранешниот премиер Зоран Заев, преку неговите фикс кандидати за пратеници, како што е Венко Филипче и други, за обезбедување на 2/3 мнозинство во идниот собраниски состав, што доколку навистина постои, имплицира дека селективната правда ќе ја имаме и во идната Влада, како што беше и до сега. Во спротивно доколку немате таков став, најдобро е самите да си продолжите и јавно да соработувате, а ние ќе продолжиме заедно со народот. Ова се условите на ЗНАМ за почеток на разговори за евентуална соработка со едните или другите. Ние сме транспарентни и ќе бидеме транспарентни во целост. Никогаш нема да сториме нешто со што ќе ја изневериме довербата на граѓаните и интересите на Македонија“. Запрашан дали ќе побараат од граѓаните да гласаат за позицијата или опозицијата, Димитриевски одговори: „Јас реков уште во текот на кампањата како претседателски канадидат, дека гласачите кандидатите, ниту партиите не ги носат во џеб. Тоа е законско и уставно право на секој гласач, да се произнесе легитмно на демократски тајни избори за кого ќе гласа. По однос на гласањето, веќе реков дека секој гласач во Македонија може да гласа според мене, по сопствено убедување, така како што е запишано во Уставот и во законот“. На прашањето доколку би можел кој партнер од двата блока во македонскиот кампус би го преферирал, имајќи предвид дека ВМРО-ДПМНЕ е поизвесно дека ќе ја формира владата, дали би се определил за власт или за опозиција, претседателот на ЗНАМ, Димитриевски рече: „Ние од ЗНАМ нашиот избор за коалиција веќе го направивме. Тоа се граѓаните на Македонија, тоа го кажавме пред избори, тоа го потврдуваме и денеска. Нам од ЗНАМ не ни се битни личните или партиските интереси, туку првенствено граѓанските интереси и да бидам уште подиректен на вашето прашање, сакам да потврдам дека во јули 2022 година, јас лично го кажав својот став за актуелниот претседател Пендаровски и јавно се извинив на јавноста и дека имав направено грешка со мојата поддршка тогаш за него“. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Чук, чук…ОЈО бара мерки на претпазливост за Дарко Каевски, Даниел Димевски и Наумче Мојсовски
Маркукуле - пред 1 ден
Јавното обвинителство објави дека е поднесено барање за обезбедување мерки за претпазливост за 12 лица од Агенцијата за млади и спорт во врска со случајот со распределба на средства од ваучечер системот. „Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост“, информира ОЈО. Извор: Фактор Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Две прилепчанки дел од основчкиот одбор на канцеларијата на Обединета Македонска Дијаспора во Шведска (ФОТО)
Маркукуле - пред 1 ден
Со огромна чест и задоволство ве известуваме дека на 19.04.2024 год. се собра одборот за формирање на првата организација на ОМД во Шведска и во Европската Унија. Оваа канцеларија со седиште во Малмо, ќе има за цел да ги претставува правата на Македонците во Шведска и Скандинавија, како и ги канализира и навигира проектите на македонските веќе постоечки организации во Шведска и истите ги спојува со матичната држава Македонија – информираат од Обединета Македонска Дијаспора. Основачкиот одбор на оваа организација се состои од 6 члена на чело со: Мирјана Наумоска Антонијо Трпевски Габриела Јакимова Трајче Цветановски Александра Гарбеска Пеце Релушковски Инаку Александра Гарбеска и Габриела Јакимова се нашинки од Прилеп кои живеат и работат во оваа скандинавска земја. Оваа организација, како и останатите ќе се заснова на членство и донации на сите кои се од Македонија или имаат македонско потекло или се пријатели на Македонија. “Ми претставува огромна среќа и задоволство што за неполна една година успеавме да ги пронајдеме и се споиме со луѓе кои ја препознаа визијата и мисијата на ОМД и креиравме организација во која сите луѓе ќе имаат можност да придонесат за својата татковина Македонија. Ова е еден од најпрофесионалните тимови кои ќе им подаде рака на сите македонци и македонски организации во Шведска со цел гласот на многубројната македонска заедница биде достојно претставен” рече Гордан Јорданов, Директор на ОМД за Македонија и Европа. “Исполнет сум со радост и гордост, за отварањето на новата организација на ОМД во Шведска, знаејќи го длабокото влијание што оваа организација ќе го има врз Македонската заедница во Шведска, низ Скандинавија и низ целата Европска Унија. Заедно, ќе ги зајакнеме нашите врски , ќе го зачуваме нашето наследство и ќе го отвориме патот за посветла иднина на нашата македонска младина “. рече Стојан Николов, Потпретседател за глобални операции на ОМД. “Како Македонка и човек кој ги претставува интересите на Македонија насекаде низ Скандинавија, ова е огромна чест и задоволство за мене и сите основачки членови на организацијата, да ја донесеме и шириме глобалната мисија на ОМД токму во Шведска, земја во која македонската заедница има долга историја и континуитет. Заедно ќе ги отвориме вратите на сите македонци да ги прикажат своите квалитети и придонесат во поврзувањето на културите на двете држави”, рече Ко-основачот и Претседател на ОМД Шведска, Мирјана Наумоска. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Хуманитарна забава “ОД СРЦЕ ЗА СТЕФАН”: Во петок сите во “КАФЕ ПАУЗА”, да помогнеме малиот Стефан од Прилеп да има нормално детство!
Маркукуле - пред 1 ден
Малиот Стефан Трпчески од Прилеп боледува од Церебрална парализа – хемипареза на десната страна. Неговите родители од самото негово раѓање се трудат да му пружат здрав и нормален живот, а сега конечно им се пружи шанса за тоа. Имено, Стефан треба да замине на лекување во болница во Ниш, Србија, каде лекарите гарантираат дека третманот за него ќе биде 95% успешен, а со тоа Стефан ќе има нормален детски и тинејџерски живот. Лекувањето во Србија чини 17.000 евра, сума која семејството не е во можност целосно да ја покрие, па затоа им е потребна помош од сите хумани граѓани. Со цел што побрзо да се соберат потребните средства за лекувањето на Стефан, во петок (03.05), во “Кафе Пауза” во “Точила”, се организира хуманитарна забава, каде ќе ве забавуваат дечките од дуото “Леонид Бенд”. Бидете во што поголем број! Сите останати можете да донирате на телефонскиот број и трансакциските сметки во продолжение: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Изложбата „Моменти низ времето“ од уметницата Моника Десоска, во четврток пред прилепчани
Маркукуле - пред 1 ден
На 2 мај 2024 г. во 19.00 ч. во Ликовната галерија од ЦК „Марко Цепенков“ ќе биде отворена изложбата „Моменти низ времето“ од уметницата Моника Десоска, од Прилеп. Моника Десоска и се претставува на ликовната публика со серија на дела од циклусот “Моменти нив ремето”. Нејзината животна ретроспектива, несебично ја споделува преку свое самооткривање. Сеќавањето опстојува како белег низ димензиите на времето толкувајќи го човековото постоење. Го буди копнежот, носталгијата во нас и ни помага да ја согледаме животната трансформација. Тајни скриени длабоко во мислите, ги евоцираат спомените, ги потикнуваат соништата и ја будат надежта. Делата сведочат за детските мечти, безгрижните дни, за едно време кое душата ја храни.Драматичните промени и носталгичните импулси, го откриваат уметниковиот сензибилитет преточен низ играта на изразениот констраст. Препознатливата нота на тактилниот допир, ја рекреира нераскинливата врска на нејзиниот слободен дух со природата. Централната композиција го акцентира дејствието и не повикува заедно да го започнеме самооткривањето. Динамиката на просторот, формата, палетата на бои и раскошната тактилна вредност, ги интригира сетилата на набљудувачот и ја буди неговата љубопитна природа. И како што самиот уметник вели” Портата на тишината не чека…..”Ана Јосифовска Самосон од Моника Десоска Портата на тишината нè чека, Да си кажеме за височината на боговите Па да се скриеме меѓу листовите, Пиејќи од сржта на животот. Длабочини, тажни и тегобни, Понекогаш пропаѓам во вас, Понекогаш лебдам како птица, Пеејќи за изгубените мигови. Вечноста на духовното, Вгнездена во шишарките… Нè втурна да се загледаме во светот… И капките солзи да ни ја исплакнат душата. Боите на Сонцето, водата….. Се изгубија во гладните очи на тагата, По нашиот пат, одредок поредок. Во собата, високо на ридот, Е приказната за еден цвет. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Ова е понижување на комуналните работници: Еден јa фрлил јогата пред општина, други оставиле купишта картони на секое ќоше во чаршијата
Маркукуле - пред 1 ден
Најлесно е вака…. фрли кај ќе стигнеш, ви е гајле….друг ќе му го бери гајлето… Нели, затоа земаат плата?! Е се додека поединци се водат од тоа дека некој зема плата за нив да им ги чисте сите гадости, ќе сме сите на работ од бездната како општество. Од ЈКП Комуналец информираат дека за овој вид отпад се собира од домовите секој четврток со бесплатната линија. Потребно било само несовесниот граѓанин да се јавел на 048/ 428 992 и како на господин непотребната јога ќе му се земе од домот. Додека пак за купиштата картони низ чаршијата, од ова јавно претпријатие напишаа: -Во Старата чаршија, но и по булеварските пешачки патеки ќе се сопнете на купишта картони исфрлени од одредени дуќанџии. Иако истите имаат екстра дневна услуга со подигање на отпадот од дуќаните, навика е одредени дуќанџии купишта картон и друг вид на отпад да исфрлаат до кантите за отпадоци наменети за минувачите. Истите се ослободуваат од отпадот пред затворање на дуќанот, кога знаат дека интервентната смена од комуналните работници работи до 19 часот. Сликата е секојдневна до 05:00 часот наутро, кога доаѓа утринската смена комунални работници и кои наместо да се грижат за хигиената на улиците, тротоарите и плоштадите, тие се грижат да се ослободат од создадениот отпад од одредени бизнисмени. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Димитриевски од Битола ги повика граѓаните да се придружат во борбата за менување на владеачката структура која се однароди и од членството на СДСМ и од народот
Маркукуле - пред 1 ден
Караванот на Движењето ЗНАМ – За наша Македонија денеска по Охрид и Ресен, беше и во Битола. Претседателот на Движењето ЗНАМ За наша Македонија, Максим Димитриевски, носителката на листата за кандидати за пратеници во ИЕ, Весна Бендевска, како и другите кандидати имаа повеќе средби со граѓаните. Во изјавата за медиумите во Битола, Димитриевски рече дека ЗНАМ се формирал како политички субјект заедно со граѓаните и се афирмира како нова политичка сила во Македонија. „Нашата цел е да работиме согласно програмските определби, од граѓаните, заедно со граѓаните и за граѓаните“, рече тој и упати порака до сите чесни социјалдемократи дека вратата на ЗНАМ е отворена за нив. „Ги повикувам заедно да работиме на менување на оваа владеачка структура којашто се однароди, не само од сопственото членство, туку и од народот. Истите тие кои се претставуваат дека се наводно потомци на АСНОМ-ци, а всушност ги избришаа АСНОМ-ските постулати од Уставот на Македонија“, потенцира Димитриевски и ги повика сите да се придружат за да ја водат оваа борба заедно до крај. „Да победиме на овие избори и во иднина да бидеме коректив на секоја власт и на секоја опозиција во државата од позиција на трета политичка сила, која се вика Движење ЗНАМ – За наша Македонија“, рече тој. Носителката на листата за Ие 5, Весна Бендевска потенцира дека ЗНАМ добива се поголема и помасовна поддршка во очи на парламентарните избори на осми мај. „Сега сите знаеме дека сме на вистинската страна“, рече Бендевска и ги повика граѓаните да го заокружат бројот седум, затоа што Движењето ЗНАМ знае како заедно со граѓаните да ја подигне Македонија на нозе и да ја води државата достоинствено и чесно. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Ласовска: Предавствата не се забораваат! Никогаш!
Маркукуле - пред 1 ден
Фејсбук статус на пратеничката од ВМРО-ДПМНЕ, Благица Ласовска: На средбите со граѓаните, во нивните домови, се потсетувам на вашите предавства. И тие, исто така. И не ви ги забораваат.Затоа ќе ви се случи ПОТОП! Слика 1 ШАХТИ БРУСЕВТЕ Ееееј шахтиии. А СОНЦЕТО, по дворовите никне. Слика 2 Ми вели мојот сограѓанин, кој си има тешка мака. Влези дома. Влегов. Комити, војводи на слика, карта. Гоце Делчев е тука. Сликав, со дозвола, се разбира. Многу предавници има, ми вели. Има, одговарам, ама има и патриоти. Не им ја даваме Македонија, заеднички се согласивме. И да. Не им ја даваме. Наша е. Твоја е. Горда и твоја. А вие. Вие, СДС, ќе бидете на буништето на историјата. Запишани како предатели на својот народ. Преспански, Бугарски договор, Тиранска платформа… Затоа што НИЕ, НЕ СЕ ОТКАЖУВАМЕ ОД МИНАТОТО. БЕЗ МИНАТО, НЕМА ИДНИНА! Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Ќе биде ли повторно во право? Христијан Мицкоски даде предвидување за исходот на изборите на 8 мај (Видео)
Маркукуле - пред 2 дена
На прашањето „Која е вашата прогноза за вториот круг“ лидерот на ВМРО-ДПМНЕ, Христијан Мицкоски за Мегафон даде одговор. -Запишете, Гордана Силјановска Давкова ќе има повеќе од 500.000 гласови, а ВМРО-ДПМНЕ и коалицијата „Твоја Македонија“ ќе имаат повеќе од 55 пратеници. Христијан Мицкоски го споделува своето мислење за исходот на вториот круг на изборите, како и бројот на гласови и пратеници кои ВМРО-ДПМНЕ ќе ги освои. View this post on Instagram A post shared by Мегафон 📢🇲🇰 (@megafon.mk) Претходно, пред првиот круг, во интервју за ТВ 21, Мицкоски најави дека Гордана Силјановска Давкова ќе победи со разлика од 100 до 150 илјади гласови, што се покажа точно. Сега, со вториот круг на 8 МАЈ, сме предизвикани да видиме дали ќе се потврди неговата прогноза. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Ќе важат од полноќ: Ова се новите цени на горивата во Македонија
Маркукуле - пред 2 дена
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,57% во однос на одлуката од 22.4.2024 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 1,68%, кај дизелот намалувањето е за 2,026%, кај екстра лесното масло намалувањето е за 1,78% и кај мазутот зголемување е за 0,059%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,166% Од 30.4.2024 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС – 95 87,50 (денари/литар) Моторен бензин ЕУРОСУПЕР БС – 98 89,50 (денари/литар) Дизел гориво ЕУРОДИЗЕЛ БС (Д-Е V) 75,50 (денари/литар) Масло за горење Екстра лесно 1 (ЕЛ-1) 75,50 (денари/литар) Мазут М-1 НС 46,661 (денари/килограм) Малопродажните цени на бензинот ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 0,50 ден/лит. Малопродажната цена на бензинот ЕУРОСУПЕР БС-95 не се менува. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Кој има против македонската песна и знаме? Избришани сите патриотски песни од јутјуб каналот на пејачката Елена Андоновска
Маркукуле - пред 2 дена
Фолк пејачката Елена Андоновска остана без својот Јутјуб-канал, односно во текот на вчерашниот ден и ги избришале сите видеа со македонски песни кои имаат патриотска содржина, видеа во кои се вее македонското знаме и го содржат слоганот „Слушајте македонска музика“. – Почитувани пријатели и сите кои ме следите и поддржувате, во оваа прилика би сакала да ве известам дека после голем број опомени, примедби, забелешки кои ги добивав заради објави на песни со патриотска содржина, македонско знаме и слоганот кој го користам во секој пост: “Слушајте македонска музика” , беа отстранети сите видеа од мојот Youtube канал. Заедно со видеата, за жал, се избришаа сите прегледаности, допаѓања и вашите позитивни коментари, но најважно е никогаш да не се избрише македонската песна и историјата на македонскиот народ опеана во неа. Ви ветувам враќање на голем број проекти кои ја отсликуваа мојата досегашна кариера. И ви го најавувам најновиот музички проект кој го подготвивме со мојот тим во чест на големиот христијански празник ВЕЛИГДЕН! До тогаш следете ги објавите на мојата фан страна и претплатете се на на мојот Youtube канал!, напиша во обраќањето до својата публика на Фејсбук пејачката. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Најквалитетна дограма и врати: Изберете го “ГЕРМАК” за клима уредот да ви биде само украс во лето
Маркукуле - пред 2 дена
Вложувањето во квалитетна дограма во денешно време е пред се спас од високи сметки за електрична енергија, а за прилепчани најчесто тоа е инвестиција која значи домаќинлук. Прашањето секогаш е кому да му се даде довербата, кој нуди поевтини цени и квалитет и кој најбезболно ќе ви го реши проблемот со дотраената надворешна столарија. Ако ги прашате прилепчани, особено оние кои веќе се увериле, ќе ви речат да се обратите во “Гермак Дизајн”, една од најдобрите специјализирани фирми за производство и монтажа на ПВЦ и алуминиумска столарија. Енергетско ефективните ПВЦ и алуминиумски прозори и врати кои ги нуди “ГЕРМАК”, во изминатите години станаа прозорец кон светот за голем број домаќинства, не само во Прилеп, туку и ширум државата. Покрај тоа компанијата располага со сите видови на термопан стакла, ролетни, гаражни врати, роло врати, жалузини, завеси, секакви видови на комарници и парапетни даски. За сите производи од “ГЕРМАК” гарантираат за квалитетот, а целта секогаш е задоволни муштерии кои ќе го шират позитивниот глас. Нивните ПВЦ профили се со високи стандарди кои на вашиот дом ќе му дадат идеална топлотна и звучна изолација, безбедност, како и одличен естетски изглед. Профилите се произведени по најмодерна технологија која ги користи стандардите за квалитет EN ISO 9001. Тука пред се се издвојува 7 коморниот профил со ширина од 85мм и термопан стакло, кој овозможува техничко совршенство, а истовремено е лесно одржлив и функционален. И најважно, од “ГЕРМАК” ќе излезат во пресрет за сите ваши архитектонски и изведбени барања, а монтажата е секогаш брза и навремена. Контактирајте ги на телефонскиот број 078 308 548 и закажете состанок, а потоа заедно пронајдете го најдоброто и најфункционално решение за вашиот дом. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
МОРНИЦИ ПО ЦЕЛО ТЕЛО: “ЗАВЕТНА” во изведба на Андријана Јаневска и детскиот хор при ООУ “Ацо Шопов” (ВИДЕО)
Маркукуле - пред 2 дена
Уникатна и емотивна изведба на песната “Заветна” од учениците при ООУ “Ацо Шопов” во скопско Радишани и Андријана Јаневска, на патронатот на училиштето. Јаневска била ученик во ова училиште. Уживајте во продолжение: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Доктори од повеќе области имаа стручен состанок во Прилеп: Се разговараше за примена и складирање на матични клетки
Маркукуле - пред 2 дена
Македонската асоцијација на гинеколози и опстетричари и Интердисциплинарното здружение на лекарите за добра клиничка пракса поддржан од Cells4Life-банка за матични клетки од Велика Бритaнија, организираа стручен состанок на тема: „Матични клетки – современа технологија и можности“, во Прилеп. Свое обраќање имаше и д-р Ана Вангелов, специјалист гинеколог во Болница Плодност, на тема „Улогата на гинекологот во процесот на складирање на матичните клетки“. На овој стручен состанок, учествуаа со свои излагања и голем број доктори од повеќе области во медицината од државата (гинекологија, педијатрија, кардиологија), а се разговараше за матичните клетки, нивниот потенцијал, терапевтските методи и ефекти, како и за тоа што може да се очекува во блиската иднина од нивната употреба Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Распеано и весело во Бигорски и Рајчица: Со ангелскиот глас на дечињата се празнуваа празниците Лазарева сабота и Цветници (ВИДЕО)
Маркукуле - пред 2 дена
Погледнете како се празнуваа празниците Лазарова сабота и Цветници во двата најубави македонски манастири, манастирот Св. Јован Бигорски и манастирот Свети Ѓорѓи кај село Рајчица: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
(ВИДЕО) “Чкембари“ го “запалија“ паркот кај Саатот во чест на загинатите битолчани кај Вејце и упатија апел за помош
Маркукуле - пред 2 дена
Црвено – жолти бакли го осветлија паркот и споменикот на бранителите на годишнината од масакрот кај с. Вејце во чест на сите херои кои со животот не’ бранеле нас и ја бранеле МАКЕДОНИЈА! Наш завет е да ги чуваме од заборавот и да го пренесуваме нивното големо дело на секој човек. МАКЕДОНИЈА секогаш раѓала храбри синови со кои можиме да бидиме горди пред светот. На 28.04.2001 год. во заседа и во грозоморен чин се убиени: -МАРЈАН БОЖИНОВСКИ -ИЛЧЕ СТОЈАНОВСКИ -КИРЕ КОСТАДИНОВСКИ -БОШКО НАЈДОВСКИ -РОБЕРТ ПЕТКОВСКИ -БОБАН ТРАЈКОВСКИ -ИГОР КОСТЕСКИ -МИЛЕ ЈАНЕВСКИ “Нема потреба да доаѓате повеќе во помош, сите ќе загинеме за Македонија” – Последна реченица на еден од жртвите која кажува колкаво е херојството на овие бранители! ВЕЧНА ВИ СЛАВА! Должни сме и на живите бранители! САШО ЛАЗАРЕВСКИ БРАДА е командант на битолската чета на лавовите во војната. Потребна е финансиска помош поради сериозно нарушување на неговото здравје. Донирај на броевите: -143 401 (А1) -143 104 (Телеком) Жиро сметка: – 300 070163512 82 Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Николоски ја крена “Тризла” на нозе: Потребна е референдумска излезност на престојните избори!
Маркукуле - пред 2 дена
Ова се историски избори, потребна е највисока излезност во историјата на парламентарните и претседателските избори – порача потпретседателот на ВМРО-ДПМНЕ и носител во Изборната единица 4, Александар Николоски, при вчерашната посета на населбата “Тризла” во Прилеп. -Најголема поддршка за ВМРО-ДПМНЕ за: – Сценарио на ДУИ за БОЈКОТ на претседателските избори ДА НЕ УСПЕЕ – ВМРО-ДПМНЕ да има чист мандат за Влада која НЕМА да биде УЦЕНУВАНА од никого Благодарам населба Тризла – Прилеп! Референдумски на избори – порача Николоски. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Златни дечиња! Второоделенци од ООУ “Блаже Конески” Прилеп на прекрасен начин ви го честитаат Христовото Воскресение – Велигден
Маркукуле - пред 2 дена
Велигден – Голем ден. Најубавиот христијански празник, празник на љубовта и мирот. Учениците од II-3 одделение при ООУ “Блаже Конески” Прилеп, под менторство на наставничката Весна Арсиќ, на прекрасен начин ви го честитаат овој животворен ден, кој е една и единствена основа на христијанскиот живот и христијанската надеж. -Да поздравиме сé што е во светлината на Христовото Воскресение, зашто после него сé е поразлично од она што го имавме вчера, сé изгледа подобро и повеличенствено. Додај мир во душата, љубов во срцето со верба во Бога, во слава на Христос да се радуваме, да простуваме, да сакаме и да се почитуваме. Ви посакуваме од Велигден до Велигден да биде присутна кај сите вас ЉУБОВТА, ИСКРЕНОСТА, ДОБРОДУШНОСТА… и секогаш бидете она што и всушност сте, за да сите знаат колку е убаво да бидете само СВОИ… Имајте среќни празници! За многу години – стои во описот на видеото. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Величенствен настан! Во скопско Драчево осветен 63-метарскиот крст – Дванаесетти по височина во светот, а втор во Македонија (Фото галерија)
Маркукуле - пред 2 дена
Во организација на Светскиот македонски конгрес и Општина Кисела Вода, вчера на ден Цветници, точно напладне, беше осветен Македонскиот крст во центарот на населбата Драчево, кој е лоциран во Паркот на бранителите. Македонскиот крст, кој е висок 63,5 метри, беше осветен од неговото блаженство, архиепископ охридски и македонски и на Јустинијана Прима, г.г. Стефан, со свештеници од Скопската епархија. На осветувањето присуствуваше и неговото високопреосвештенство, бискуп скопски и струмичко-скопски епарх, г. Киро Стојанов, како и претставници од Светскиот македонски конгрес и од Општина Кисела Вода, на чело со градоначалникот Орце Ѓорѓиевски. – Од денес погледот кон небото нема да е ист. Од денес- над нас, тука во Драчево стои еден моќен симбол на верата, надежта и љубовта. Крстот е икона на верата, симбол на возвишеноста на човекот пред бескрајната моќ на небото. Во неговите контури е собрано целото значење на христијанството, каде се преплетуваат симболиката на жртвата, спасението и вечната љубов кон Бога! Осветувањето на овој Македонски Крст е чин на почитта кон минатото, вера во иднината и мост кој не спојува сите нас. Тој ќе стои тука, како светилник на нашата заедница, потсетувајќи нè на човековите вредности, на моралот и на нашиот пат кон почит и човекољубие. Силно верувам дека Бог нè осветлува и нè води, потсетувајќи нè дека секој наш чекор, секој наш обид да градиме нешто во Негово име, е благословен и благодетен. И затоа ова е богатството и заветот што го оставаме за следните генерации-истакна во своето обраќање градоначалникот Ѓорѓиевски. Додаде дека очекува овој Крст да биде светилиште за сите, мирно место за размислување и молитва, новото збиралиште и центар на Кисела Вода, а можеби и на цело Скопје, од каде ќе одекнува заедништвото, сплотеноста, и љубовта. Тој им се заблагодари на Светскиот Македонски Конгрес, на МПЦ И Г.Г. Стефан, и на секој поединец, на секоја компанија, на сите кои дадоа свој придонес за изградбата на Македонскиот крст. default – Посебно ми е драго што неговото осветување се случува денес, кога го славиме празникот Цветници, во предвечерјето на најголемиот ден за христијаните-Велигден. Празникот кој ја слави победата на животот над смртта и кој на највисок пиедестал ја издигнува верата. Денешниот ден е силен одек за времињата што доаѓаат, за промените што веќе започнаа да се случувaат, за новите историски моменти кои допрва ќе ги испишуваме во историјата на нашата Македонија. Со Божји благослов продолжуваме напред со проекти, со дела кои ќе бидат нашиот потпис и влог во иднината што ја оставаме на следните поколенија-изјави градоначалникот Орце Ѓорѓиевски. Изградбата на Македонскиот крст во центарот на Драчево, во “Паркот на бранителите”, започна на 16 април 2022 година. Неговото осветување денес е најголемата молитва пред Господа за победата на животот над смртта, за спасение на човештвото, на Македонците по род и државјанство, и на државата Македонија, истакна Претседателот на Светскиот Македонски Конгрес, Тодор Петров. -Македонскиот Крст во Драчево е дванаесетти во светот, а втор во Македонија. Висок е 63,5 метри, широк 4 метри, со распон на краците 34 метри, секој крак по 15 метри. Постаментот е 12,5 метри, на три нивоа, темелната плоча е со дебелина од 1 метар. Во Македонскиот Крст во Драчево е вградена челична конструкција од 80 тона, премачкана со алкална жолта боја. На крстот е изведена светлечка инсталација со енергетска самоодржливост, што ќе претставува вистинска атракција во овој дел од градот Скопје и општината Кисела Вода. Вечерва ќе не огрее неговата светлина. Крстот претставува симбол на мирот и љубовта наспроти омразата и војната и затоа, радоста е заемна и благодатна за сите граѓани на државата Македонија, за сите Македонци по род и државјанство. За многаја лета Крстот, кој денес се освети, за многаја лета Драчево и општината Кисела Вода, за многаја лета Скопје метрополата и државата Македонија! Нека овој свет крст биде светилник на верата во Бога и на љубовта за татковината Македонија! Нека Господ Бог не’ благослови сите нас, нека Господ Бог ја благослови Македонија-истакна Тодор Петров, кој потоа, како инвеститор на објектот им додели плакети и благодарници на сите кои ја помогнаа изградбата на ова свeто здание. default Настанот беше дополнет со богата музичка програма од познати македонски музичари- Огнен Здравковски, Миле Кузмановски, Бојана Скендеровски како и мешаниот камерен хор ,,Свети Климент Охридски” и дечињата од КУД “Китка”. Македонскиот крст во Драчево е дванаесетти по височина во светот, а втор во Македонија. Широк е четири метри, со распон на краците од 34 метри, секој крак по 15 метри. Постаментот е висок 12,5 метри и е на три нивоа, а темелната плоча е со дебелина од еден метар. Во Македонскиот крст е вградена челична конструкција од 80 тони, премачкана со алкална жолта боја. На крстот е изведена светлечка инсталација со енергетска самоодржливост, што ќе претставува вистинска атракција во овој дел од Градот Скопје и Општина Кисела Вода. Поставен е на 12 шипа со длабочина од 12 метри и дебелина од 80 сантиметри, плус четири централни шипа со длабочина од 16 метри и дебелина од еден метар. Во крстот се вградени 720 тони бетон и 32 тони армирано железо, најголемиот дел под земја, поради статиката на крстот. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Учениците од денеска се на пролетен распуст, а еве како ќе се одработат неработните денови поради изборите
Маркукуле - пред 2 дена
Учениците од основните и средните училишта од денеска заклучно со 6 мај 2024, ќе бидат на пролетен распуст кој е воведен во оваа учебна година. Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни. Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024. Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето. Како што информираше Министерството за образование и наука, наставата од деновите кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови. Скопските ученици треба да надоместат и за пропуштеното од наставата на 30 ноември 2023 кога во главниот град беше организиран Советот на министри на ОБСЕ. За планирањето и организирањето на дополнителните часови, МОН ги задолжи директорите на училиштата. – Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН кое, по реакции во јавноста и од синдикатите, ја повлече претходната одлука пропуштеното да се надомести во саботи. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Детско дружење, игра, забава и музика на Могила – падна и ГРАДОНАЧАЛНИЧКИ пинг-понг дуел (ФОТО)
Маркукуле - пред 3 дена
Во Паркот на револуцијата денеска во Прилеп, денеска на Цветници се одржа голем забавен хепенинг, насловен како “Пролетта не’ мами, на Могила не’ кани”. Голем број дечиња го искористија топлото време и играа различни игри, се забавуваа на музичка програма, цртаа, спортуваа, а во активноситете се приклучија и двајца градоначалници, поранешниот Марјан Ристески и актуелниот Борче Јовчески, кои одиграа и меѓусебен пинг-понг дуел. -Навистина е задоволство да се гледаат парковите исполнети. Посебно вака денес, во овој убав пролетен ден, во кој што организиравме уште еден Хепенинг исполнет со многу забава и многу активности за сите генерации. Денес е голем празник, Цветници, сакам да им го честитам именденот на сите кои што слават. Сакам да истакнам дека и во иднина ќе продолжиме со организација на вакви настани, на различни локации во нашиот град, со цел да понудиме анимација, вклученост и забава за сите наши сограѓани – порача Јовчески на ФБ. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Бидете внимателни во центарот на Прилеп, може да ви падне малтер на глава (ФОТО)
Маркукуле - пред 3 дена
До нашата редакција пристигнаа фотографии од загрижени граѓани, кои забележале поголем одрон на малтер од тераса на зграда во строгиот центар на Прилеп. Нашите читатели апелираат граѓаните да бидат внимателни кога поминуваат по ова шеталиште. Се работи за постар станбен објект, на кои итно му е потребна санација. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Приведени тројца прилепчани за нарушување на јавниот ред и мир – се степале пред угостителски објект
Маркукуле - пред 3 дена
Денеска (28.04.2024) во 01.30 часот полициски службеници од ОВР Прилеп ги привеле О.П(34), Д.Т.(41) и Ф.С.(28) сите од Прилеп, затоа што пред угостителски објект во Прилеп го нарушиле јавниот ред и мир со меѓусебна физичка пресметка. По целосно документирање на случајот ќе следува соодветен поднесок – информираат од ОВР Прилеп. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Целосна доминација и директен пласман во следен круг на убавата Мелиса од Лажани: Од нејзиниот моќен глас без зборови остана целото жири на “Ѕвездите на Гранд” (ВИДЕО)
Маркукуле - пред 3 дена
Две Македонки настапија во дуел во „Ѕвездите на Гранд“ и го украдоа шоуто со своите моќни интерпретации. Станува збор за скопјанката Андријана Петрушовска (23) и Мелиса Зијадиќ (18) од прилепско Лажани. 18-годишната Мелиса ги задоволи и високите критериуми на Драган Стојковиќ Босанац, а од коментарот на Марија Шерифовиќ, беше јасно дека младата девојка од прилепско ќе продолжи понатаму во шоуто. “Мелиса, лудило! Генерално добро пееш, меѓутоа ти укажав да бидеш поведра. Вечерва се’ ми се допадна и браво после осум кругови”, порача Шерифовиќ. Коментарот на Босанац беше следен: “Мелиса јас ќе те пофалам, а твојата менторка ќе ти каже каде имаш погрешено. Ти мене ми личиш како на приказната за лебедот, првиот и вториот круг беше преплашена, а сега доби крила и леташ злато мое, одличен трилер, одлична боја на гласот. Браво, ти си за мене чиста десетка”, рече Стојковиќ. На крајот и Цеца, која е ментор на Мелиса, не го криеше задоволството што нејзината кандидатка помина директно во наредниот круг. Настапот на Мелиса можете да го погледнете од 1:20:49, на видеото во продолжение: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
На сред село кај “Роко Брзи”, низ песна со Славче Ристески, која ќе ве натера да го посетите едно од најубавите македонски села (ВИДЕО)
Маркукуле - пред 3 дена
Живописното село Богомила, или некогашна општина Богомила, е дестинација која би му ја препорачале секому. Прекрасната природа, ридско-планинските селца во околината и реката Бабуна се рај и одмор за душата. Во Богомила ќе ги најдете едни од најгостопримливите мештани, а неодминлива дестинација е продавницата на “РОКО БРЗИ” на сред село, каде најдобро ќе запознаете многумина од нив. Имавме една убава прилика да се дружиме со чичко Славче Ристески, прекрасен човек кој потекнува од ова село, а дружбата ни помина со многу пеење, смеа и раскажување на многу анегдоти и случки од секојдневниот живот. Впечаток ни остави неговата изведба на песната “На сред село едно дрво”, која ви ја пренесуваме во продолжение: Нека оваа мелодија ве примами да ги посетите овие полни со љубов краишта на нашата преубава Македонија. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Браво Андреа, Прилеп се гордее со тебе! Пред една недела стана државен првак, а сега застана и рамо до рамо со најдобрите од цел Балкан (Фото галерија)
Маркукуле - пред 3 дена
Македонската бодибилдинг и фитнес репрезентација денес се враќа по успешниот настап ма 33-тото Балканско првенство кое викендов се одржуваше во Темишвар, Романија. Нашите репрезентативци освоија три златни медаљи, Георги Георгиевски, Петар Стојаноски и Ајремин Јусуфи, една сребрена, Дејан Димков и една бронзена, Томче Николовски. Дел од македонската репрезентација беше и Андреа Аврамоска од Прилеп, која беше четвртопласирана. Во голема конкуренција од целиот Балкан, нашата Андреа, преку упорност и многу работа застана рамо до рамо со најдобрите. Пред само една недела стана државен шампион во категоријата боди-фитнес, а сега и докажа дека сосема заслужено ја доби оваа титула. Да и’ посакаме овој најнов успех да биде поттик и до година да ја видиме на самиот врв на Балканот и Европа. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Два турнири по ред, Тамара на врвот – медали и за Ангела, Анабела и Јована – Девојките од БК “7-ми Мај” Прилеп газат каде и да се појават
Маркукуле - пред 3 дена
Вчера во Косово се одржа меѓународниот турнир “Хани Елези”, каде одново главниот збор го имаа прилепските борачки. Минатонеделната победничка во Качаник, Тамара Цветкоска, и на овој турнир освои прво место и беше избрана за најдобар странски борач. Покрај Тамара, со медали во своите конкуренции се стекнаа и: Ангела Трајкоска и Анабела Стојаноска, кои освоија втори места, а Јована Тодороска беше третопласирана. Честитки за девојките и нивните тренери. Благодарение на нивните успеси, Прилеп е во самиот врв во борењето во Македонија. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Автомобил удри во пешак на улица “Партизанска” во Битола
Маркукуле - пред 3 дена
На 27.04.2024 во 09.13 часот во СВР Битола било пријавено дека на ул.„Партизанска“ во Битола, патничко возило „лада“ со битолски регистарски ознаки, управувано од З.Р.(51) удрило во пешакот Ј.С.(73), двајцата од Битола. Во несреќата со тешки телесни повреди се здобил пешакот, констатирани во Клиничката болница Битола. Извршен бил увид од увидна екипа на СВР Битола – информриаат од СВР Битола. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Влегувањето на Исус во Ерусалим: Православните христијани го празнуваат Цветници – За многу години!
Маркукуле - пред 3 дена
Православните христијани денеска го празнуваат Влегување на Господ Исус Христос во Ерусалим Цветници. Празникот Цветници познат уште и како Цветоносна недела и Врбица, секогаш е една недела пред Велигден и се празнува во спомен на влегувањето на Исус Христос во Ерусалим, кога неговите ученици и симпатизери со цвеќе и врбови гранчиња, како и со својата облека, му го постилале патот. Неделата, една седмица пред Велигден е празникот Цветници познат уште и како Цветоносна недела и Врбица, што се празнува во спомен на влегувањето на Исус во Ерусалим, кога неговите ученици и симпатизери кршеле цвеќе од дрвјата и врбови гранки и со нив, како и со својата облека му го постилале патот по кој минувал. Саботата пред Цветници се вика Лазарева Сабота или Лазарица, односно Лазара. Според преданието, во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата. Според тогашните закони учител можело да биде само лице што наполнило триесет години. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител. Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар, Марта и Марија, го прекориле Исуса велејќи му дека ако дојдел на време немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“. Легендата вели дека Бог сакал Лазар да умре за врз него да се манифестира силата Божја. Кога дошол до гробот, Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим. Кога стигнал во подножјето на Маслиновата гора, Исус пратил двајца свои ученици во Витфагија за да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“. Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре? Толкувачите на Светото Писмо истакнуваат дека кај источните народи магарето било симбол на мирот, наспроти коњите што служеле за водење војни. Магарето мирно му служело на човекот, како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на вистините“. Во спомен на ова свечено влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Бендевска: Членството на “ЗНАМ” во Битола, зголемено за 20% во последните два дена
Маркукуле - пред 4 дена
Граѓаните во Битола масовно се приклучуваат кон Движењето ЗНАМ, препознавајќи дека сме единствената опција која се заснова на принципи и вредности – порача денеска од пред канцеларијата на “ЗНАМ” на Широк Сокак, Весна Бендевска, носител на партијата во Изборната единица 5. -Нашите врати се отворени за сите без оглед на нивните уверувања или каде биле претходно – дојдете на вистинската страна на историјата, заедно да се бориме за наша Македонија – рече Бендевска. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Николоски: Ќе вложиме 50 милиони евра во спортот, поддршка за клубовите и федерациите
Маркукуле - пред 4 дена
Денеска сум во посета на општините Гевгелија, Валандово и Неготино. Во Гевгелија имав задоволство да проследам дел од државното првенство во карате за категорија од 10 до 14 години. Навистина импресивно како бројни млади деца се натпреваруваат и го градат спортскиот дух, и тоа е нешто што сакаме да го видиме во Македонија после изборите. Затоа силно ќе го поддржиме спортот. И затоа планираме секоја година дополнителни 50 милиони евра поддршка за спортот во Македонија со цел спортот да се развива, и тоа да е основата за развој на нацијата, изјави денеска Александар Николоски, потпретседател на ВМРО-ДПМНЕ и носител на изборна единица 4. Истакна дека ќе инвестираат во изградба и на спортски објекти, на спортски сали и на сето она кое што е потребно како спортска инфраструктура, но и поддршка на клубовите, федерациите со цел што повеќе луѓе да се занимаваат со спорт. -Денеска исто така ќе посетиме неколку стопански објекти тука во Гевгелија каде што ќе ги презентираме нашите проекти, пред се поврзани со економскиот развој на Македонија, за стимулирање на домашните инвеститори, секако и привлекување на странски инвеститори. Тука е делот на намалување на даноци кои што треба да овозможи по поволна бизнис клима, стимулирање на извозот преку реструктуирање на министерствата, тука секако доаѓа формирањето на таканаречено Министерство за надворешни работи и трговија, кое што треба да се занима покрај се она што се основни обврски на Министерството за надворешни работи и со промоција на извозот од Македонија, како и привлекување на странски инвестиции во Македонија. Ќе поразговараме и за состојбите во земјоделието каде што планираме бројни проекти во следниот период и за сето она кое што е важно за граѓаните. Би сакал да искоментирам уште една работа. Ја гледаме паниката во власта, особено во политичката партија ДУИ, слушаме дека веќе интензивно размислуваат за поткуп на гласачи, да им кажам дека тоа е недозволиво, дека е законски казниво дело и дека одговорност ќе има. Да не помислуваат на таква работа, нашата цел е јасна што поголема поддршка за СДС и ДУИ да одат во опозицијата. И ние сме убедени дека граѓаните ќе ни дадат огромна поддршка за да го реализираме ова, се со цел после тоа да воведеме функционален систем на правото, економски да ја развиваме Македонија, да ги подобруваме условите во образованието, во здравството, пензиите да растат, а младите да имаат подобра иднина во Македонија, нагласи Николоски. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Најпознатиот млад клавијатурист од Прилеп подготви прекрасен Велигденски подарок за целата публика (Фото галерија)
Маркукуле - пред 4 дена
Еден од најпознатите прилепски млади клавијатуристи, Ицко Ѓорѓиовски, деновиве на градскиот плоштад во Прилеп, го заврши со снимање својот нов музички проект. “Дарино пајдушко оро”, инспирирано од неговата ќерка и со ритам на македонското пајдушко оро, ќе биде музичко уживање за сите генерации. Проектот се снимаше и во далечната Австралија, каде снимките ги направи уште еден прилепчанец, Христијан Конески, а желбата да се промовира родниот град, го натера Ице да го збогати ова музичко парче со кадри од Прилеп и нашата убава Македонија. На плоштадот “Методија Андонов-Ченто” заиграа и играорците од КУД “Моминок”, а меѓу нив беше и прекрасната ќеркичка на Ѓорѓиовски. Во очекување на крајниот производ, кој треба да излезе околу Велигден, погледнете низ фотографии како се одвиваше снимањето: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Rock & Blues Shelter – ново музичко парче од прилепскиот блузер Игор Јагуриноски (ВИДЕО)
Маркукуле - пред 4 дена
После една година од последната песна која беше насловена како “Биди млад”, прилепскиот блузер Игор Јагуриноски, ја објави својата нова авторска песна, или петта по ред. Композицијата за која текстот и аранжманот се дело токму на Јагуриноски, е насловена како Rock & Blues Shelter и ја краси прекрасно музиче и ритам, кои веднаш влегуваат во глава. – Во песната зборувам за музиката која можи да не заштити од сите глупости и нервози кои секојдневно ни се случуваат – вели Игор за својата нова песна. Слушнете ја и уживајте во продолжение: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
„Пролетта нѐ мами, на Могила нѐ кани“ – утре голем забавен хепенинг на Паркот не револуцијата во Прилеп
Маркукуле - пред 4 дена
–Почитувани сограѓани,ни претставува чест да ве поканиме на целодневна дружба „Пролетта нѐ мами, на Могила нѐ кани“ Овој прекрасен настан ќе се одржи во недела, 28.04.2024, од 11:00 до 16:00 часот, во Паркот на Могилата на Непобедените. Ќе има многу забава, дружба, музика и различни содржини за сите, од најмладо до најстаро. Исто така, сакаме да изразиме благодарност до општествено-одговорните компании „Витаминка“ и „Прилепска Пиварница“ кои дадоа несебичен придонес во реализација на овој настан. Се гледаме в недела на Могила! – стои во поканата од општина Прилеп. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Јанески: “Власта која дојде со паролата “нема правда, нема мир”, не само што не донесе правда, туку изгласа и неказнивост на кривичните дела” (ВИДЕО)
Маркукуле - пред 4 дена
Живееме во држава во која што правдата за државните функционери стана недостижна. Денешната власт, која што на власт дојде под паролата: “Нема правда, нема мир”, не само што не донесе ниту правда ниту мир, туку изгласа неказнивост на кривичните дела кои што ги прават државните функционери, а денешната опозиција им обезбеди кворум во парламентот – порача на денешната прес конференција, Емил Јанески, кандидат за пратеник од движењето “ЗНАМ” во четвртата изборна единица. Прес конференцијата во целост ја пренесуваме во продолжение: Затоа, Движењето ЗНАМ За Наша Македонија во својата програма предвиува: незастарување на кривичните дела поврзани со криминалот и корупцијата, врајќање на укниатите членови во крвиичниот законик, најмалку десет години казна затвор за крвичното злоуботреба на службена положба и овластување, зголемување на платата на судската администрација од најмалку 30%. ЗБОРОТ Е ЗБОР, МАКСИУМУМ ЗА МАКЕДОНИЈА! Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Тошкоски и новите полицајци докажа дека Македонија е жива – Снимка која денеска ја обиколи Македонија
Маркукуле - пред 4 дена
Новите полициски службеници и публиката која беше присутна во Центарот за обука во Идризово, ја запеаја „Бисер Балкански“ при свеченоста за нивна промоција. Вкупно 508 службеници рапортираа пред министерот за внатрешни работи, Панче Тошковски, па патриотски го поздравија. Во првиот дел од настанот, кога се интонираше македонската химна, Тошковски ги поздрави полициските службеници на кои им рече: „Пред да почнам со официјалниот дел од говорот, сакам да ви се заблагодарам, затоа што чувството да ја чуеш македонската химна од оволкав голем број на патриоти кои си ја сакаат Македонија, морам да признаам дека е фантастично. Ви благодарам многу за тоа“. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Македонија доби СВЕТСКИ ШАМПИОН во кикбокс – Бобан Илиоски стана светски шампион и во ВАКО ПРО
Маркукуле - пред 4 дена
Македонскиот кикбоксер, Бобан Илиоски ја доби битката со Берк Дузенли и стана светски професионален првак во кикбокс на ВАКО ПРО во дисциплината К1 до 88,6 килограми. Голема борба водеа Илиоски и Дузенли во СЦ „Јане Сандански“ во Скопје, беа разменети многу удари, двајцата имаа успешни акции, но нашиот ас воден и бодрен од публиката и навивачката група „Комити“ сепак го имаше последниот збор и успеа да слави над актуелен светски аматерски првак. Илиоски славеше со 2-1 со одлуката на судиите, па со ова само продолжи да реди успеси на оваа спортска сцена. Илиоски е актуелен светски и европски ВАКО-аматерски шампион и добитник на највисокото спортско признание во Македонија, спортист на годината за 2023 година. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Силјановска Давкова го крена Кривогаштани на нозе: “На 24 април имаше политички земјотрес, вие го предизвикавте и јас од срце ви благодарам”
Маркукуле - пред 4 дена
Во рамките на кампњата од вториот круг на претседателските избори, кандидатката за претседател на ВМРО-ДПМНЕ, Професорката Гордана Силјаноска Давкова, вчера го посети и одржа средби со жителите на Кривогаштани. Во првиот круг, Давкова во оваа општина оствари победа од 500 гласа разлика, па токму затоа им се заблагодари на кривогаштанци и ја побара одново нивната поддршка на 8. мај. -Топла, срдечна средба со кривогаштанци. Меѓу нив имаше и нашинци од Австралија и Германија. Велат дека биле заборавени и цврсто решени за промени! На 24 април имаше политички земјотрес, вие го предизвикавте и јас од срце ви благодарам! Очекувам на 8 мај уште еден политички вулкан. Тоа за нив ќе биде научена лекција, оти после сè што направија не можат ниту да соберат сила да се извинат, па велат: ,,Грешевме, не правевеме, ама сега дајте ни уште еден мандат! Оваа власт е потрошена и треба да си замине, ВМРО-ДПМНЕ треба да се потсети на сите научени лекции и да рече дека никогаш нема да го направи тоа што се случило, и така ќе зачекориме напред – напиша Силјаноска на ФБ. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Во ликовниот салон на ЦК “Марко Цепенков”, отворена изложбата “Пиктограми” од уметниците Светлана Попова и Марија Штерјова
Маркукуле - пред 4 дена
Во ликовниот салон од ЦК”Марко Цепенков” во Прилеп синоќа 26.04.2024, е отворена изложбата “Пиктограми” од Светлана Попова и Марија Штерјова, кои се претставуваат со 33 дела. Симболиката на преносното значење на знаците, да се препознаат, прочитаат, почуствуваат, универзалноста на математички совршениот бескраен универзум, пресликан во фантастичниот мал Фибоначи човек е лајтмотивот на изложбата. Уметниците м-р Светлана Попова, од Штип, израсната во чколијата, чошињата и чаршијата прилепска, и магистрант Марија Штерјова, штипско моме, две различности, две професии, две искуства, работејќи заедно создаваат вистинско уметничко искуство. Љубовта кон боите, платното, четките ги споила, а резултатот е сега видлив со изложените дела. Секое парче резонира со суштината на животот, раскошот на љубовта, битот на семејството, визијата кон иднината, а се преку универзалниот јазик на симболите. „ПИКТОГРАМИТЕ“, во своите творби не само што ја прославуваат убавината на светот околу нив, туку и пренесуваат наратив на емоции, искуства и врски, поканувајќи ги гледачите да ги истражат длабочините на човековото изразување, втурнувајќи се длабоко во значењето на сликовниот јазик и сопствената душа – вели Каролина Мицевска од ЦК”Марко Цепенков”. Сликите се изработени во техника акрил на платно, акрил на панел, акрил на хартија, со различни димензии и јаки контрасти на бои. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Денеска е Лазарова сабота, ден кога го пpaзнyваме големото чyдо
Маркукуле - пред 4 дена
Лазарова сабота и Цветници се големи православни празници кои се и најава на најголемиот од сите – Велигден. На овој ден, познат дури и како Лазарица во одредени делови од Македонија, се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и yбиcтвото на Христос на Голгота. На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците. Цветници, пак, е во спомен на влегувањето на Исус Христос во Ерусалим, кога неговите ученици и симпатизери со цвеќе и врбови гранки, како и со својата облека му го постилале патот. На Лазарова сабота именден слават оние кои го носат името Лазар и неговите варијации. На Цветници пак, именден слават оние кои носат имиња инспирирани од цвеќе, како на пример Цветанка, Цветан, Јасмина, Лилјана, Виолета, Босилка, Трендафилка, Роза и слични. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Вриеше како во кошница! Учениците и наставниците од ООУ “Кочо Рацин” Прилеп организираа голем предвелигденски панаѓур (ФОТО)
Маркукуле - пред 5 дена
ООУ “Кочо Рацин” Прилеп денеска организираше голем предвелигденски панаѓур. На шеталиштето пред училиштето беа поставени тезги на кои се продаваа изработки од вредните раце на учениците и нивните наставници. Панаѓурот предизвика огромен интерес кај прилепчани, кои ја искористија можноста да си купат по некој украс и да го наградат трудот на учениците. Настанот го посети и градоначалникот на општина Прилеп, Борче Јовчески, кој порача: -Денес го посетивме предвелигденскиот панаѓур каде што ја видовме креативноста, идеите и прекрасните производи сработени од вредните раце на учениците на ООУ „Кочо Рацин“. Она што навистина ме радува е оваа денешна преубава глетка во центарот на градот, многу насмеани лица, одлични изработки и прекрасна празнична атмосфера! Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Раскошна убавина! За Цветници, цветно во прилепската гордост – храмот Св. Петка (Фото галерија)
Маркукуле - пред 5 дена
ЗА ЦВЕТНИЦИ ПОВЕЛЕТЕ ВО НАШИОТ ЦВЕТЕН ХРАМ – повикуваат од црковниот храм Св. Петка во населбата “Toчила” во Прилеп Во она време радосното „Осана на Синот Давидов! Благословен е Оној Кој доаќа во името Господово“ се слушало надалеку од Ерусалим! „Осана“ се кревало високо до ведрото небо! Ликувал и славел еврејскиот народ! Била Цветна недла. Некакво свето воодушевување ги обзело народните маси … Славењето било величествено. Но тоа одговарало на величието на Оној за кого било приредено. Од Ерусалим и од неговата околина голем број луѓе, свечено облечени и накитени, биле излезени пред портите на Ерусалим и надвор од него, за да го пречекаат Месијата. Оној што претходниот ден го воскреснал четиридневниот Лазар и направил уште многу чуда! Секој се трудел видливо да ја изрази својата почит кон Големиот Учител: едни ги симнувале алиштата од себе и со нив го постилале патот каде што Он поминувал; други, пак, сечеле гранки од дрвјата и ги фрлале по патот или мафтале над своите глави во знак на посебна радост проследено со стихијниот татнеж од радосните восклици. Се било насмеано, се било весело, восхитено. Тоа бил највозвишен миг на радосно ликување на еврејскиот народ! Црквата оваа недела ќе го прославува тоа Христово влегување во Ерусалим. Тој голем настан и сега во нашите души предизвикува радосни чувства. Во недела и ние ќе се собереме во нашиот храм да му се изнарадуваме на влегувањето Христово во светиот Ерусалим. Во недела Христос ќе влезе низ Златните порти, онака како што светите пророци, неколку столетија пред тоа, пророкувале во своите пророчки книги од Стариот завет. Ќе влезе како најсмирен и најпокорен слуга на луѓето. Оваа недела во илјадници храмови ширум светот ќе се празнува тој настан. Милиони православни ќе празнуваат во храмовите, пак и пак обновувајќи го споменот на палмовите гранчиња, кои ќе ги замениме со врбови, бидејќи тие најрано се будат од зимскиот сон. Истовремено тие се симбол и на Лазаревото воскресение и на победатa на животот над смртта. Сето тоа е полезно и спасоносно, оти помага за јакнење на верата, за ублажување и облагородување на срцата и за возвишување на човечкиот дух. Но … Христос, при влегувањето во Ерусалим, плачел и тагувал. Зошто Исус, Кого толку свечено го чекале, бил натажен? Во Неговите јасни и секогаш смирени очи дури се гледале солзи. Во таква свечена и радосна минута наеднаш … солзи! Според вообичаената човечка проценка, тоа е просто незамисливо. Но Господ, подобро отколку самите луѓе, ја знаел променливоста на човечкото срце. Пред Неговото божествено сезнаење се отсликувала друга страшна слика што по неколку дена требало да се открие на Голгота. В недела, браќа и сестри, Христос ќе зачекори по патот не само на Неговите страданија туку и по патот на страшната осаменост која ќе Го следи за време на сите денови на Страсната Седмица. Осаменоста започнува со недоразбирање; луѓето очекуваат дека Господовото влегување во Ерусалим ќе биде триумфална процесија на политички лидер, кој ќе го ослободи својот народ од окупацијата, од ропството. Осаменоста ќе се развие уште повеќе и заради неразбирањето од страна на Неговите ученици. За време на Тајната Вечера кога Спасителот им говори за последен пат, а тие ќе се посомневаат во Неговите зборови. И подоцна кога Тој ќе оди во Гетсиманската градина непосредно пред страшната смрт која Го очекува, Неговите најблиски ученици, Петар, Јован и Јаков кои Тој ги одбира да одат со Него, заспиваат, разочарани, уморни и безнадежни. Кулминацијата на Неговата осаменост е Христовиот повик на крстот: „Боже Мој, Боже Мој, зошто Ме напушти?“ Отфрлен од луѓето, одбиен од народот на Израел, Тој се соочува со крајна напуштеност и умира без луѓето, Сам, само со Својата љубов кон Бога и Својата љубов кон човештвото, умирајќи заради нас и заради Божјата слава. Почетокот на Христовите страдања е овонеделната триумфална поворка. Во текот на наредната седмица ние нема само да се присетуваме туку и ќе бидеме лично присутни на Христовите Страданија. Ќе бидеме дел од масата народ која Го опкружуваше Христос и Неговите ученици и Мајката Божја. И како што пред нашите очи, една по една ќе поминуваат сликите од Страсната Седмица, секој еден од нас да се запраша: Каде јас стојам, кој сум јас во оваа толпа? Фарисеј? Писар? Предавник или кукавица? Кој? Дали сум во оние што во недела ќе извикуваат „Осана на Синот Давидов“ или од оние кои неколку дена подоцна ќе извикуваат „Распни Го, распни“? Да се замислиме за ова, и ако не сме способни да сториме ништо, барем да разбереме кои сме и каде стоиме, па во последниот час да се завртиме кон Него со плач, со молба како онаа на разбојникот: „Сети се на мене Господи во Твоето Царство“. Амин Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Сиљановска Давкова од Крушево порача: Крушевчани имаат на што да бидат горди! Ќе покажам и ќе докажам дека сум тука поради граѓаните, не поради себе
Маркукуле - пред 5 дена
Во рамките на кампањата за вториот изборен круг од претседателските избори, проф. д-р Гордана Сиљановска-Давкова беше во Крушево. Во своето обраќање пред граѓаните на Крушево, проф. д-р Гордана Сиљановска-Давкова порача: Морам да кажам дека тука во Крушево има куќи кои се бисер на македонската архитектура, доказ за нашата историја, тие сведочат дека во нив илинденците мислеле, правеле планови за Македонија. Крушево треба да биде метропола на културата. Вие Крушевчани има на што да сте горди и вие заслужувате самопочит! Не заборавјате, ако не се самопочитуваме никој нема да не почитува. Мора да го вратиме животот во Крушево, тука има шанси за опстанок. Ви ветувам дека ќе се опкружам со луѓе од знаење. Но и ви ветувам дека секогаш ќе бидам блиску до вас. Како? Преку народните канцеларии. Народните канцеларии за првпат ги примени поранешниот претседател, господинот Иванов. Мислам дека требаше да останат. Токму преку народните канцеларии јас ќе имам можност честопати да доаѓам овде, да ве видам и да видам на што сте се покажлиле, што сте предложиле. Понатаму, во зависност од тоа дали сметаат граѓаните дека треба нешто да се промени ќе правам список на приоритети кои ќе ги реализирам. Ќе покажам и ќе докажам дека сум тука поради вас, не поради себе. Крушево е жив културен споменик. Искористете ги луѓето кои уште во меморијата го имаат она што ние го забораваме. Кога ќе се грижиме за споменот на Тоше, кога ќе им оддаваме почит на партизаните, кога нема да ги заборавиме Карев, Питу и останатите, тогаш ќе бидеме горди на Македонија! Во рамките на денешните активности, професорката Гордана Сиљановска-Давкова на Гумење оддаде почит на гробовите на Питу Гули и партизаните, како и на гробот Тоше Проески, а исто така ја посети и Спомен куќата посветена на него и споменикот Македониум. Во текот на денот, професорката имаше можност и да ги види изложените ракотворби изработени од здруженијата на жени на Крушево, а исто така и да оствари повеќе средби со граѓаните. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Димитриевски: ЗНАМ нема да влезе во ниту една можна постизборна коалиција со ДУИ
Маркукуле - пред 5 дена
Максим Димитриевски, претседателот на Движењето ЗНАМ – За наша Македонија денеска беше гостин воТема на денот во вестите на Сител телевизија. Запрашан дали е изненаден од резултатите Димитриевски рече: „Резултатот не е изненадување за мене, но секој глас за мене значи. Јас гледам луѓе, не гледам гласови. Уште повеќе ми значи трендот и поддршката којашто доаѓа во овие тешки моменти од страна на граѓаните, бидејќи сметам дека во јавноста тлееше едно старо правило дека освен два политички субјекти во Македонија не може да се појави трета опција, трет политички субјект. Еве тоа е Движење ЗНАМ – За наша Македонија. Горд сум на секој глас, благодарен сум на сите гласачи и особено благодарен на сите коишто излегоа на изборите и апелирам да излезат уште помасовно на парламентарните избори“. Во однос на тоа какви се пресметките околу можните пратенички места, Димитриевски рече дека тие не се водат од пресметки и дека им е важна поддршката. „Сметам, рече тој, дека третата политичка сила којашто сериозно е веќе позиционирана со оваа поддршка треба да добие уште поголема поддршка кај граѓаните, со цел да биде коректор на власта и на опозицијата. Потпишувањето на тој документ за национален консензус, дефинирање на националните црвените линии. ЗНАМ како политички субјект и идна парламентарн партија нема да отстапи од ниту едно свое барање кое е испорачано пред граѓаните“. Запрашан кои се тие барања, бидејќи се сега многу битни, Димитриевски одговори дека многу пати ги има кажано, дека граѓаните ги знаат. „Но еве ќе повторам, рече тој, – Јазик, идентитетт, континуитет, самобитност, сопствена историја“ . Запрашан дали има остварено комуникација со другите политички субјекти по првиот круг, тојј рече дека добил куртуазни пораки од поединци, луѓе позиционирани во вторите ешалони, а дека тој лично се јавил на противкандидатката со најголем број освоени гласови да и честита на резултатот. Димитриевски потенцира дека ЗНАМ ниту ќе биде политичка партија којашто ќе го спасува ова актуелно раководство на СДСМ од политичкиот потоп, којшто се случува, ниту пак ќе се вклучи во каков било тип на соработка, идна соработка за формирање на било какво мнозинство со нив. Тој притоа додаде: „Еве и екслукзивно да кажам во вашата емисија. ЗНАМ нема да влезе во ниту една можна коалиција, постизборна коалиција, во којашто ќе партиципира сегашниот и поранешниот владин партнер , а тоа е ДУИ, затоа што сметаме дека таа политичка партија се изгради во континуитет на коруција и потребна е сериозна реформа во истата, за да може едносставно да расчисти со минатото и сето она лошо што го направи во оваа држава. Дополнително ќе разговараме со сите потенцијални сили во делот што значи просперитет, евроинтегративен процес на Македонија во рамките на нашите програмски заложби. Тоа значи реципроцитет, воведување на амандманите во сила од моментот на полноправно членство на Македонија во Европскаата Унија и дополнително, по примерот на Србија и Црна Гора, измена на преговарачката рамка, раздвојување на она што значи историска комисија од самата рамка и сите оние работи што ние ги зборувавме и претставивме пред граѓаните“. Запрашан дали ова значи дека ќе работите на промена на Уставот, Димитриевски рече дека тој во Куманово веќе функционира со една коалиција од албанскиот блок, тоа се четирите партии, коалицијата Вреди и има добро искуство со нив. Во однос на барањата за промена на процентите, изборот на претседател во собрание, Димитриевски потенцира дека тоа апсолутно отпаѓа и нема да се дискутира воопшто од нивна страна за тоа. „Доколку се отвори јавна дебата, ќе ја исслушаме, но нашиот став е дефинитвно јасен. Доколку бидеме одбиени од сите потички субјекти кои доаѓаат од моноетничките партии, ставот го имам кажано, да се формира влада со политички партии кои имаат мнозинство, а ќе има отворени места за претставници од албанскиот политички блок“. Димитриевски како одговор на констатацијата дека Мицковски понудил ненапаѓање меѓу партиите во почетокот на кампањата за парламентарните избори рече: -Видете јас реков дека ако има некој нешто за да напаѓа партија, која постои три ипол месеци, слободно може да не нападне и да ги извади на маса сите аргументи. Но, јас во ниту во еден момент не можам да премолчам дека ВМРО ДПМНЕ беше власт до 2016 година и го знаеме епилогот на таа власт. Значи, во таа партија е потребно да се соочат со суштински промени исто така. Господинот Мицковски треба да порабти на одделни кадри коишто треба да ги дофилтрира,бидејќи не се филтрирани во целост. Би ја искористил оваа прилика да упатам јасна порака до сите гласачи, поддржувачи и чесни челнови на СДСМ дека СДСМ на овие избори, ова аактуелно раководство излезе со аболициони листи, кандидатски листи за пратеници, кои им овозможуват на поединци, коишто направија најголем број на грешки во последите седум години и голем број на коруптивни зделки и дејанија, за кошто ќе се водат во иднина постапки, да се самозаштитат, да се амнестираат и дополнително да обезбедат самите за себе си имунитет. Вистинските, АСНОМ-ски мотивирани социјалдемократи, од ден на ден се повеќе и повеќе се во ЗНАМ, бидејќи таа е партијата којашто ги штити и Крушевските посстулати , но пред се АСНОМ-ските. Верувам дека можеби ќе дојде и момент во иднина, кога се носат стратешки одлуки за државата, реално да се спојат традиционално комитите и партизаните и да ја дефинираат понатаму судбината на Македонија како ќе се движи, а при тоа да не дозволиме никогаш да не бидеме уценувани од никој. Запрашан дали ова значи дека остава врата за коалиција со Мицковски, Димитриевски рече дека тоа значи дека остава отворена врата за коалиција со граѓаните. „А какви ќе бидат калкулациите по изборите, тоа ќе зависи од програмите, од она што се програмски определби, стратешкиот и државниот интерес на граѓаните“. Димитриевски потенцира дека Движењето ЗНАМ – За наша Македонија понудило најквалитетни кадри на кандидатските листи за пратеници. -Во ИЕ 1, Бобан Карапејовки, професор, заштитник на македонскиот јазикот, во ИЕ 2, млади луѓе на чело со Даниел Стојчевски, докажан менаџер на јавно претпријатие во општина Куманво, во ИЕ 3, генерал Павле Арсоски, којшто е еден од јунаците на Шара, докажан патриот, а не само на хартија. Во ИЕ 5, Весна Бендевска, која е проверен кадар, која е заштитник на позициите на граѓаните како претседател на Комсијата за дискриминација и која во суштински моменти кажала не на актуелната власт. Тешко е да се спротивставите сам против своите кога се најсилни. Во ИЕ 4, излегуваме со кандидат којшто доаѓа од стопанството, господи Миле Цеков, за да покаже што знае во однос на противкандидатот Венко Филипче, којшто знаеме како функционираше и како, и во ИЕ 6 доаѓаме со ново име, локален авторитет; Небојша Захариевски. Листи со луѓе, кои имаат изградено авторитет, карактер и добри човечки особини. Луѓе на коишто не им е битно да се членови на парламентот, туку да се вистинската слика на граѓаните во парламентот, а ЗНАМ да биде заштитник на граѓаните секогаш кога е потребно, затоа што знаеме дека ако нема партија која ќе ја котролира власта или опозицијата, граѓаните ќе бидат ставени во подредена позиција, а партиските интереси во прв план. На прашњето дали има јасно не за ВМРО како што има за СДСМ, Димитриевски одговори: „Ние имаме јасно не за лидершипот на СДСМ, на ова актуелно раковдство. Во однос на ВМРО- ДПМНЕ, ќе видиме. Тоа ќе зависи од моментумот во кој се наоѓа Македонија. За нас како нов политички субјект на прво место е државата, граѓаните, а партијата е на споредно место“. На крајот од гостувањеато Димитриевски ги повика граѓаните масовно да излезат на парламетнарните избори и да го дадат својот глас за да победи Македонија, да се формира едно стабилно мнозинство во идниот парламент, коешто ќе ја преземе одговорноста сега, Македонија да ја направи самоодржлива, функционална држава и држава во функција на своите граѓани, а не сателит држава којашто ќе ја раководи кој како ќе сака и на кој начин ќе сака. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
И тоа ова го вели Албанец! Ако ја тераат оваа логика, СДСМ ќе паднат на 10% освоени гласови (ВИДЕО)
Маркукуле - пред 5 дена
Политичкиот аналитичар Љуљзим Фаризи вчера му држеше политички лекции на про опозицискиот новинар Љубиша Николовски на тема избори и калкулациите за вториот круг. -Коалиција сите на една страна не е можна бидејќи ја имаме Левица и ЗНАМ. Ги имаме СДСМ, ВЛЕН и Европскиот фронт. Вие мислите ако Ахмети влегува во таа шема со СДСМ ќе им го даде премиерското место. Тогаш тој ќе бара претседател на држава, премиерско место и од 15 министерства ќе им даде четири. Македонците ќе бидат задоволни од мнозинство во државата да станат малцинство во владата? Тоа не е логично. Дури е и спротивно на Рамковниот договор, затоа што тој договор ги брани и Македонците и другите етнички заедници. Јас мислам дека оваа логика ја тера СДСМ на 18 пратеници. Aко ја тераат оваа логика на 8 мај ќе имаат десет посто гласови. 📢 Внимание! Љуљзим Фаризи му држи важни лекции од политичка наука, политичка математика и политичка култура на новинарскиот "бард" Љубиша Николовски Асма. Браво момче‼️ pic.twitter.com/zhOEFQqYVL — ☀ М (@arozgj) April 25, 2024 Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
ГЛЕТКА ЗА МЕРАК! Струга ја грееја стотина македонски сонца (ВИДЕО)
Маркукуле - пред 5 дена
Неверојатна глетка и атмосфера на митингот на ВМРО-ДПМНЕ во Струга, на кој беа претставени кандидатите за пратеници во Петтата изборна единица. Голем број стужани со знамиња со сонцето од Кутлеш го обоија централниот дел на градот во црвено-жолта боја. За потсетување, на првиот круг од претседателските избори во средата, кандидатката за претседател од ВМРО-ДПМНЕ, Гордана Силјаноска Давкова, во Струга освои над 5700 гласови, или околу 3.000 повеќе од Стево Пендаровски. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Ќе биде величенствен настан: На Цветници ќе се осветува 63-метарскиот крст во скопско Драчево
Маркукуле - пред 5 дена
Вo недела на Цветници ќе биде осветен македонскиот Крст во Драчево. – Заедно со Светски Македонски Конгрес за сите присутни се потрудивме настанот да помине во добра и пријатна атмосфера за која ќе се погрижат Огнен Здравковски, Миле Кузмановски, Бојана Скендеровски како и мешаниот камерен хор ,,Свети Климент Охридски”. Потоа, следува она што ќе го запише историјата – во 12 часот е чинот на осветување на Крстот изграден со многу љубов и големи заложби кое ќе го изврши Неговото блаженство – Архиепископот охридски и македонски и на Јустинијана прва, г.г. Стефан. Дојдете заедно да посведочиме за овој прекрасен настан, на едно од најголемите православни градби во светот со кој го градиме и нашиот национален идентитет – вели градоначалникот на општина Кисела Вода, Орце Ѓорѓиевски. Крстот во Драчево е висок 63,5 метри, широк 4 метри, со распон на краците од 34 метри, секој крак по 17 метри, постаментот е 12,5 метри, втор по височина во Македонија после оној на врвот на Водно кој е висок 66 метри. Инвеститор на Крстот е Светскиот Македонски Конгрес, а донатори се компаниите Дабар, Прототип и Факом. Воопшто не беа користени буџетски средства од општината Кисела Вода, Градот или Републиката. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Бура од емоции: Зајкова убедена во победа на Коалицијата за европска иднина
Маркукуле - пред 5 дена
Како дел од коалицијата „За европска иднина“ не можам да кажам колку пратенички мандати ќе се освојат, тоа ќе го кажат на крајот од денот граѓаните. Сметам дека оваа коалиција ќе биде победничката коалиција и дека ќе го заокружи процесот на евроинтеграција до 2030 година, затоа што покажа дека знае како да работи, вели претседателката на Либералнодемократската партија Моника Зајкова во интервју за МИА во рамки на серијата интервјуа што Агенцијата ги подготви во пресрет на парламентарните избори. ЛДП која деновиве одбележа 27 години од постоењето на политичката сцена, има тројца кандидати за пратеници, а Зајкова која е ко-носителка во Изборната единица 1 заедно со претседателот на СДСМ Димитар Ковачевски, очекува сите тројца да станат пратеници. Како коалиција јас не можам да кажам колку пратенички мандати ќе се освојат, тоа ќе го кажат на крајот од денот граѓаните. Јас сметам дека оваа коалиција ќе биде победничката коалиција затоа што покажа знае како да работи. Да, оној кој работи има и грешки. Меѓутоа, ние тие грешки не ги преќутуваме, ги признаваме и се извинуваме на граѓаните, знаеме каде ни се аномалиите и каде треба да се фокусираме во периодот кој претстои. ЛДП има тројца кандидати. Мене ми е чест што сум ко-носителка заедно во Изборната единица 1 со претседателот на СДСМ Димитар Ковачевски. Имаме кандидат во Изборната единица 4, тоа е познатиот и ценет доктор кардиохирург Илија Нешковски и генералниот секретар на партијата којшто трча кампања во Изборната единица 5, тоа е Боби Мојсовски. Јас искрено сметам дека ЛДП во овој парламентарен состав ќе има тројца пратеници во однос на досегашните двајца, бидејќи заедно со оваа коалиција се изборивме за многу работи. Покажавме дека можеме да се грижиме за сите, од младите до возрасните, до менаџирање на кризата, до почнување на онаа енергетска транзиција во државата, така што има еден континуитет и пред се борбата за членство во Европската унија, вели Зајкова. Таа нема амбиции да стане дел од владиниот кабинет доколку коалицијата победи на изборите, а во однос на тоа колку министерски места очекува, Зајкова нагласува дека е тоа работа за понатамошни преговори и договори помеѓу коалиционите партнери, но уверува дека имаат квалитетни луѓе кои може да се најдат во кој било ресор во владата. Двајцата претседатели на политички партии вчера одиграле и партија на плејстејшен и одговарале на кратки прашања: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Како за Бајрам така и Велигден: Во недела бесплатно потстрижување кај мајстор Шогун за сите дечиња
Маркукуле - пред 5 дена
Како за Бајрам, така и за Велигден, порача познатиот охридски бербер Неат Алим- Шогун, кој важи за една исклучителна личност помеѓу охриѓани, човек кој ги почитува различностите и го почитуваат и сакаат сите граѓани во Балканскиот Ерусалим. – Почитувани мои Охриѓани, се ближит големиот Православен празник-Велигден. Одлучивме заедно со берберот Емин Алим од Barber shop Shogun, во недела, на 28-ми април 2024 година, во нашата берберница „Шогун“ да посветиме еден ден за сите деца од православна вероисповед за кои шишањето ќе е бесплатно. Деца ве очекуваме, порача бербер Шогун. Претходно мајстор Шогун истото го направи за празникот Рамазан Бајрам. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
20-годишно момче од прилепско загина во сообраќајна несреќа помеѓу две возила кај Новоселани
Маркукуле - пред 5 дена
Вчера во 12.16 часот во ОВР Прилеп било пријавено дека на регионалниот пат Македонски Брод–Прилеп, кај село Новоселани, се случила сообраќајна несреќа помеѓу патничко возило „бмв“ со прилепски регистарски ознаки, управувано од 20-годишниот М.М. од село Браилово-прилепско и товарно возило „мерцедес“ со скопски регистарски ознаки, управувано од 43-годишниот К.Т. од Скопје, извести МВР. „Во несреќата на местото на настанот починал М.М., а смрт била констатирана од лекар од Итна медицинска помош. Со телесни повреди се здобил К.Т., констатирани во Градската општа болница Прилеп“, соопшти МВР. Извршен бил увид од Јавен обвинител и увидна екипа од ОВР Прилеп. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Учениците од понеделник за прв пат на пролетен распуст
Маркукуле - пред 5 дена
Учениците од основните и средните училишта од понеделник, 29 април, заклучно со 6 мај 2024, ќе бидат на пролетен распуст кој е воведен во оваа учебна година. Првпат има промена и во календарот за настава, така што 2023/2024 за основците ќе заврши на 17 јуни, а за средношколците, како и во минатите години – на 10 јуни. Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024. Ден претходно, вторник 7 мај, скратени часови и работно време до 11 часот ќе имаат оние училишта каде што утредента ќе се организира гласањето. Како што информираше Министерството за образование и наука, наставата од двата дена кои поради изборите се неработни ќе бидат одработени во работни денови со подолг престој на учениците во училиштата за да се реализираат дополнителни часови. Скопските ученици треба да надоместат и за пропуштеното од наставата на 30 ноември 2023 кога во главниот град беше организиран Советот на министри на ОБСЕ. За планирањето и организирањето на дополнителните часови, МОН ги задолжи директорите на училиштата. -Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, соопшти МОН откако по реакции во јавноста и од синдикатите ја повлече претходната одлука пропуштената настава да се надомести во саботи. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Пред нас се големи празници, утре е Лазарова сабота, а во недела Цветници: Еве што треба да знаете за овие денови
Маркукуле - пред 5 дена
Лазарова сабота или Лазарици или Лазаровден — еден од поголемите христијански празници од пролетниот циклус којшто е променлив празник и секогаш се паѓа еден ден пред Цветници, кои се точно една недела пред најголемиот празник Велигден. На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос на Голгота. На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците. Во Македонија овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни. Има повеќе лазарски песни и се користат според личниот, семејниот или општествениот статус на лицето за кое е наменета песната. Песните обично се со оптимистична и духовита содржина и посакуваат здравје, успех и напредок.Лазарова сабота или Лазарици или Лазаровден — еден од поголемите христијански празници од пролетниот циклус којшто е променлив празник и секогаш се паѓа еден ден пред Цветници, кои се точно една недела пред најголемиот празник Велигден. На овој ден се споменува чудесното воскресение на четиридневно упокоениот Лазар извршено од Исус Христос. Овој настан бил на шест дена пред предавството и убиството на Христос на Голгота. На Лазарева сабота обичај е да се носат гранчиња од врба што симболично претставува свечено Христово влегување во Ерусалим, каде што го пречекале следбениците. Во Македонија овој празник има големо значење и масовно се прославува низ целата земја. Од раните утрински часови групи девојчиња облечени во традиционална невестинска облека одат низ населените места и пеат лазарски песни. Има повеќе лазарски песни и се користат според личниот, семејниот или општествениот статус на лицето за кое е наменета песната. Песните обично се со оптимистична и духовита содржина и посакуваат здравје, успех и напредок. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител. Но тогаш разбрал дека неговиот пријател Лазар од Витанија е тешко болен. Исус веднаш се упатил тамо но стигнал четири дена по неговата смрт и по погребот. Сестрите на Лазар, Марта и Марија го прекориле Исуса велејќи му дека ако дојдел на време немало Лазар да умре. Марта уште му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“. Легендата вели дека Бог сакал Лазар да умре за врз него да се манифестира силата Божја. Кога дошол до гробот Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим. Во Македонија со Лазаревата сабота се поврзани повеќе обичаи и песни познати како лазарски. Ги изведуваат девојки во групи одејќи по куќите и низ населените места и пресретнувајќи ги луѓето. Лазарките му пеат посебна песна на секој човек зависно од неговата возраст и општествената положба и за тоа добиваат дарови, најчесто пари. Во овие песни се велича личноста, се посакуват напредок на семејството здравје и среќен живот на поединецот. Овој обичај се нарекува Лазарување. На овој ден обично се оди на река и се вели: Колку далеку го фрлив овој камен, толку подалеку да биде змијата од мене! На овој ден се бере цвеќе, но не се внесува дома, туку важно е да се остави во дворот. Со цвеќето се кити домот, а со водата каде стоело се замиваат домашните. Неделата, една седмица пред Велигден е празникот Цветници познат уште и како Цветоносна недела и Врбица, што се празнува во спомен на влегувањето на Исус во Ерусалим, кога неговите ученици и симпатизери кршеле цвеќе од дрвјата и врбови гранки и со нив, како и со својата облека му го постилале патот по кој минувал. Саботата пред Цветници се вика Лазарева Сабота или Лазарица, односно Лазара. Според преданието, во саботата умрел Лазар од Витанија, а во неделата Исус го воскреснал. Поради тоа во народот неделата се смета за поголем празник од саботата. Според тогашните закони учител можело да биде само лице што наполнило триесет години. Исус веќе четврта година го проповедал своето учење, а бидејќи за Пасха мноштво народ доаѓал во Ерусалим за да го прослави празникот и Исус по четврти пат доаѓал како учител. Но тогаш разбрал дека неговиот пријател Лазар од Витанија е тешко болен. Исус веднаш се упатил таму, но стигнал четири дена по неговата смрт и по погребот. Сестрите на Лазар, Марта и Марија, го прекориле Исуса велејќи му дека ако дојдел на време немало Лазар да умре. Марта му рекла: „Господи, ако беше Ти овде, немаше да умре брат ми. Но и сега знам што и да посакаш од Бога, Бог ќе ти даде“. Легендата вели дека Бог сакал Лазар да умре за врз него да се манифестира силата Божја. Кога дошол до гробот, Исус го повикал Лазара: „Лазаре, излези надвор“. И Лазар веднаш излегол завиткан со платно на рацете и нозете и со крпа околу лицето. Сите што го виделе тоа се почудиле и поверувале дека Исус е синот Божји. Со овој чин Исус уште повеќе се здобил со слава. И пак се упатил кон Ерусалим. Кога стигнал во подножјето на Маслиновата гора, Исус пратил двајца свои ученици во Витфагија за да му донесат осле (магаре) и ослица. Им рекол: „Одете во селоно, што е наспроти вас и веднаш ќе најдете врзана ослица и осле со неа; одврзете ги и доведете ми ги. А ако ви рече некој нешто, ќе му кажете дека му се потребни на Господа и веднаш ќе ги прати“. Учениците ги донесле, а потоа ги ставиле на ослето своите облеки врз кои седнал Исус и така влегол во Ерусалим поздравен од мноштво народ. Ваквиот пречек на Исус во Ерусалим бил последица од неговата голема популарност меѓу народот уште повеќе зголемена по воскреснувањето на Лазара. Се поставува прашањето, зошто Исус во Ерусалим влегол качен на магаре? Толкувачите на Светото Писмо истакнуваат дека кај источните народи магарето било симбол на мирот, наспроти коњите што служеле за водење војни. Магарето мирно му служело на човекот, како што и Исус му служел на народот. Пречекувајќи го Исуса воодушевениот народ со цвеќе, врбови гранки, но и со својата облека го постилал патот и пеел: „Осана на синот Давидов. Благословен е оној кој доаѓа во името Господово. Осана на вистините“. Во спомен на ова свечено влегување на Исус во Ерусалим уште од најраните христијански времиња е востановен празникот Цветници кој, меѓутоа, се празнува од III век. На иконата овој чин е насликан како Исус јава на магаре, а неговите ученици и народот му го постилаат патот со цвеќе и облека. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Уште едно прво место за гимназијалецот Благој, овојпат на Македонската олимпијада по информатика
Маркукуле - пред 5 дена
Благој Рујаноски Стојановски од втора година и Иван Јованоски од четврта година од прилепската гимназија “Мирче Ацев”, учествуваа на Македонската олимпијада по информатика, која се одржа на 16.04 и 17.04. во Скопје на ФИНКИ. Натпреварувачи од цела Македонија во два дена си ги одмеруваа знаењата при што нашиот ученик Благој освои прво место. Со овој успех, Благој може да учествува во селекционите натпревари за учество на балканската, односно светската информатичка олимпијада. Ментор на Благој му е професорката по информатика Анета Стојческа. Ова, не е прв ваков успех на Благој. На државниот натпревар по информатика кој се одржа пред еден месец, Благој беше апсолутен победник со најмногу бодови од сите натпреварувачи. Браво Благој! Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
(ВИДЕО) Одличен гест! Дориан Бабунски преку видео ги поздрави најмалите фубалерчиња на Победа и им испрати спортска опрема
Маркукуле - пред 6 дена
Најмалите фудбалерчиња на Фудбалскиот клуб Победа се фотографираа во нова опрема, а за што станува збор, дознаваме од објавата на социјалните мрежи, споделена од “Идеал Спорт”, невладина спортска организација предводена од прилепчанецот Александар Ѓорѓиески. -ИДЕАЛ СПОРТ изразува голема благодарност до Дориан Бабунски, Жарко Костиќ, ФК Победа – младинската школа, за овој убав гест кој со ваша помош преку оваа идеја, сите ние заедно придонесуваме да ги промовираме основните спортски вредности, за доброто пред сè, и дека заедно можеме нештата да ги направиме уште подобри. Се надеваме дека ќе допреме и поттикнеме и други врвни спортисти да го направат истото во други фудбалски клубови, фудбалски школи или училишта во Македонија🇲🇰. Идеал Спорт го испраќа и следниот совет до родителите на децата: Оставете ги вашите деца да уживаат, да се забавуваат во спортот, не ги форсирајте и не им правете непотребен притисок, и кога грешат дајте им поддршка и охрабрете ги. Учете ги на основните спортски вредности да се почитуваат меѓу себе да се бодрат и кога победуваат и кога губат. Ова е фаза да уживате заедно со вашето дете и сите други деца, бидете среќни што во ова денешно дигитално време тие спортуваат. Патот до врвен фудбалер има многу фази и е многу суров, но без основните спортски вредности не се стигнува никаде.👈🏻 На тренерите кои работат со деца до 12 години, а притоа промовираат играње на резултати, сакаме да им посочиме дека прават штета на самите деца. Овој вид на притисок може да има негативен ефект и врз децата и врз нивните перформанси во иднина, воедно и самите како тренери си правите непотребен притисок, сепак ова не е финале на лига на шампиони. Затоа ги молиме тренерите да го разгледаат својот пристап и да се фокусираат на развојот и уживањето на децата во спортот, без да ги притискаат да бидат професионалци пред време. Идеал спорт, ќе продолжи и со нови активности и акции со крајна цел за подобар спорт во Македонија. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Аплицирајте за универзетска летна пракса во Битола – Можност за едномесечен платен ангажман во општината и јавните претпријатија за 40 студенти
Маркукуле - пред 6 дена
Втора година по ред, Општина Битола во соработка со Универзитетот „Свети Климент Охридски“, објавува јавен повик за универзитетска летна пракса, со цел збогатување на практичните вештини на студентите и стекнување искуство во реалниот сектор. Можност за практикантска работа во одделенијата на општината и во дел од јавните претпријатија, за период од 1 месец, ќе имаат 40 студенти, распоредени во месеците јули, август и септември, за што ќе добиваат месечен надомест од 10.000 денари. Средствата за оваа намена, во висина од 500.000 денари, планирани се во буџетот на Општина Битола, преку Програмата за спорт и млади. За да може да аплицираат на јавниот повик за универзитетска летна пракса, студентите, потребно е да достават CV, мотивационо писмо, потврда од факултетот за запишан летен семестар и своерачно потпишана изјава дека ќе ги почитуваат правилата кои важат во институцијата и дека ќе се однесуваат совесно и одговорно. Документацијата се доставува во електронска форма на мејл адресата [email protected], најдоцна до 15 мај 2024 година. Универзитетската летна пракса, за првпат беше воведена минатата година, на иницијатива на градоначалникот на општина Битола, Тони Коњановски и ректорот на универзитетот, Проф. Д-р Игор Неделковски, а резултираше со успешно завршување на практичната работа од страна на 30 студенти од битолскиот универзитет. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Просечната нето плата во февруари 39 276 денари, измери Државниот завод за статистика
Маркукуле - пред 6 дена
Просечната месечна исплатена нето-плата по вработен во февруари годинава изнесувала 39 276 и во однос на февруари минатата година е повисока за 16,5 отсто, објави Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Јавна управа и одбрана; задолжително социјално осигурување (24.9 проценти), Административни и помошни услужни дејности (22,5 проценти) и Уметност, забава и рекреација (20,4 проценти). Намалување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10,1 процент), Рударство и вадење на камен (7,2 проценти) и Земјоделство, шумарство и рибарство (6,3 проценти). Просечната месечна исплатена бруто-плата по вработен, во февруари 2024 година, изнесува 58 967 денари. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Kaртата обоена во жолто: Силјановска Давкова победи во 60 општини, Пендаровски само во Крушево, Маврово и Центар Жупа
Маркукуле - пред 6 дена
Гордана Силјановска Давковска победи во: Аеродром (51,48 %), Берово (54,92 %), Битола (48,44%), Богданци (49,59 %), Босилево (57,61 %), Брвеница (33,54 %), Бутел (43,91%), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77%), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %), Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %). Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %) Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %). Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Мисајловски: Многу сме блиску до 61 пратеник
Маркукуле - пред 6 дена
Се среќавам со многу луѓе, има убава енергија, ги слушаме маките на граѓаните и се забележува сплотување насекаде во Македонија, ја оценува за „Република“ Владо Мисајловски, носителот во втората изборна единица на ВМРО-ДПМНЕ, досегашната кампања. -Граѓаните најчесто се жалат на нефункционирање на целиот систем во државата.Ако зборуваме со пензионерите се жалат дека немаат средства за основните потреби, за лековите. Власта се фали дека ја зголемувале минималната плата и пензиите кога ќе ги прашате пензионерите или било кој дали ви се доволни тие велат инфлациите ни ги изеде парите.Тоа е најголемиот проблем. Ние како политичари треба да ветиме реални работи и да ги исполниме. СДСМ и ДУИ лажеа и ќе лажат. Затоа ние ветуваме дека пензионерите ветуваат 5000 денари уште во првата година. Најчестото прашање е ќе има ли доволно пари? -Треба да се знае дека во Македонија околу 30-40 проценти има сива економија.Тоа е огромна бројка што ние мора да ја сведеме до минимум.Ако ова се направи ќе има пари во буџетот не само за пензии, туку и за капитални проекти.Лидери сме во регионот по криминал и корупција и на СДСМ и ДУИ ова им е природна средина.Сакаме тоа да го смениме и ќе има доволно пари и за пензии и за многу проекти. Мисајловски вели дека е возможен економски раст од пет отсто. Тој открива и колку пратеници очекува. -Многу сме блиску до 61 пратеник. Зависи од излезноста и колку граѓани дополнително ќе се мотивираат на денот на изборите да излезат. Затоа ќе кажам дека многу сме блиску до 61 пратеник за ВМРО-ДПМНЕ да има стабилна влада, Христијан Мицкоски да биде нов премиер и да имаме сериозна влада со реформи и проекти и економски стандард што сите го заслужуваме-нагласува Мисајловски за „Република“. Носителот на листа во втората изборна единица вели дека ВМРО-ДПМНЕ има коалициски потенцијал. Целото интервју на Мисајловски прочитајте го на Република. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Прилеп: Полицијата му рекла да застане, а тој се дал во бегство, па фрлил од автомобилот ќеса со дрога
Маркукуле - пред 6 дена
На 23.04.2024 во 18.45 часот на ул.„Дабничка“ од страна на полициски службеници од ОВР Прилеп бил даден знак за запирање на возило управувано од А.А.(20) од Прилеп, но тој не ја испочитувал наредбата, продолжил да се движи и од возилото исфрлил ќеса со марихуана. По комплетно документирање на случајот против него ќе биде поднесен соодветен поднесок – информираат од СВР Битола. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Поранешен градоначалник на СДСМ во прилепско јавно повика да не се гласа за партијата: “Златна партија ја претворија во дувло на криминал” (ВИДЕО)
Маркукуле - пред 6 дена
Поранешниот градоначалник на СДСМ на Кривогаштани, Рубинчо Шефтероски јавно го искажа своето незадоцолство и револт, а сега јавно ја напушти партијата. -Не можам да ја препознаам партијата од чии редови бев градоначалник и од чии редови се борев за Македонија да биде подобро место за живеење. Ова не е СДСМ во кое јас верувам. Златна партија ја претворија во дувло на криминал, рече тој. Посочи дека со СДСМ целосно е изгубено достоинството на Македонците. -Јас го замрзнувам членството и си заминувам од СДСМ и ги повикувам сите членови да го напуштат членството. Овој пат, СДСМ не заслужува да победи, рече тој Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Ченто: “Ние го кренавме тоа црвено-црно знаме и назад нема”
Маркукуле - пред 7 дена
По објавувањето на резултатите од првиот круг претседателски избори и убедливата победа на ВМРО-ДПМНЕ и Гордана Силјаноска Давкова, од затворот во Идризово се јави и Јане Ченто. -Ние го кренавме тоа црвено црно знаме и назад нема ! Да живее ВМРО! Да живее Македонија! Радувајте се Македонци – напиша Јане на ФБ. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Разликата се искачи на над 180.000 гласови: Ова се резултатите после 99% обработени податоци
Маркукуле - пред 7 дена
Убедлива победа освои Гордана Силјановска Давкова на вчерашното гласање во првиот круг од претседателските избори. На над 99% изброени гласови таа има освоено 362.522 гласови или 40,09% од вкупниот број на гласачи. Кандидатот на СДСМ, Стево Пендаровски, на досега објавените резултати, има освоено 180.197 гласови или 19,93%. Се огласија двајцата кандидати кои влегуваат во вториот круг на претседателските избори. По оваа убедлива победа, Силјановска Давкова му се заблагодари на македонскиот народ. Немам зборови со кои можам да ја изразам благодарноста, дури се срамам зарем е можно толку луѓе вака да реагираат. Не мислам дека сум посебна од многу работи, само знам дека она што ќе го ветам ќе го остварам на мој начин. Во тоа ве уверувам, од првиот ден, изјави кандидатката за претседателка на ВМРО-ДПМНЕ, Гордана Силјановска Давкова. На прес-конференција во седиштето на ВМРО-ДПМНЕ, Силјановска Давкова рече дека овој резултат е инспиративен за неа. -Горда сум на мнозина, најпрво, горда сум на граѓаните, не само на оние кои гласаа за мене, туку и на останатите, особено сум горда на членовите на ВМРО-ДПМНЕ заради поддршката. Без нив немаше да го запознам народот, ниту тие мене, рече таа. Дополни дека треба, како што рече, да ги инспирираме граѓаните дека вреди да се учествува на избори. Пендаровски, пак, не криеше дека е разочаран од резултатите. -Од она што го знам, веројатно разликата ќе биде некаде околу 130.000 гласови, може и нешто повеќе. Очекувавме помалку. Но, од утре е нов ден. Почнуваме средби со граѓани како и до сега. Тргнуваме, практично, од нула, рече Пендаровски. Вели дека гласовите се поделиле на повеќе страни затоа што имало повеќе кандидати. -До вториот изборен круг има празници и неработни денови, но за нас тоа нема да важи. Продолжуваме до крај да го промовираме концептот во кој веруваме и јас сум убеден дека на крај ќе излеземе со мнозинска поддршка на македонските граѓани за тој концепт, рече Пендаровски. Претседателот на Државната изборна комисија (ДИК) Александар Даштевски истакна дека излезноста на гласачите според податоците од 3.156 избирачки места изнесува 49,75 отсто. На гласање излегле 810 971 гласачи. Важечки гласачки ливчиња се 789 031, а неважечки 21. 946 гласачки ливчиња. Даштевски оцени дека изборниот ден минал мирно, а граѓаните достоинствено гласале. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Мицкоски: Победуваме со 170.000 гласови разлика, над 600.000 луѓе гласаа против власта (ВИДЕО)
Маркукуле - пред 7 дена
Народот на Македонија покажа дека секој оној кој го потценува, прави голема грешка, порача лидерот на ВМРО-ДПМНЕ, Христијан Мицкоски по победата во првиот круг од претседателските избори на кандидатката Гордана Силјановска Давкова. „Ветив дека ќе победиме со најмалку 100 илјади гласови разлика, победуваме со повеќе од 170 илјади гласови. Зборувавме дека многу работи ќе се случат не ни веруваа, не потценуваа, мислеа дека си имаат работа со мали деца. Но ние благодарение на народот покажавме и докажавме дека Македонија ја има и ќе ја има уште многу долго време. Ветував многу работи и сите работи се случија, не напаѓаа и од внатре, ни се закануваа, се обидуваа да не делат, се обидуваа да ја делат Македонија, користеа структури од минатото на ВМРО-ДПМНЕ, но ние издржавме. Ви благодарам од срце народе на Македонија. Ветував дека ќе се случи народ и денеска се случи народ. Ова е голема победа за македонскиот народ. Пораката е јасна, Македонија не се плаши и се враќа во рацете на народот. Ние заедно со вас наспроти стотина трговци од ДУИ и СДСМ се причина за целото страдање сиромаштија и криминал во Македонија. Нашата сила сте вие, народот“, кажа Мицкоски. „Резултатите кои ги постигнавме оставаат простор да бидеме задоволни, имаме огромна историска победа на многу избирачки места. Оваа власт паѓа. Ова е најдобриот резултат што ВМРО-ДПМНЕ го имала од позиција на опозиција. Над 600 илјади луѓе гласаа против власта, ова е победа на народот, цунамито се крена, а на 8 мај ќе ги потопи целосно. Имаме обврска да им ги срушиме сите идеи за калкулации и предавство. Ова е револуција на народот на Македонија. Работата не е завршена, а власта не е нималку наивна. На осми мај е потребен убедлив резултат, јасна победа врз оваа криминална и корумпирана власт“, додаде лидерот на ВМРО-ДПМНЕ. Тој упати порака до оние кои излегле и гласале за власта дека нема да има освета кон било кој. „Ги почитувам вашите уверувања, повеќе никој не смее да ве плаши. Единствено треба да се плашат тие што се огрешиле кон законите, а со тоа се огрешиле кон народот. Е тие ќе одговараат“, кажа Мицкоски. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Мицкоски: Ова е победа на народот, цунамито се крена и им виси на глава – на 8 мај ќе ги потопи целосно
Маркукуле - пред 7 дена
Денеска народот во Македонија покажа дека си ја сака Македонија. И дека секој оној кој што го потценува народот, ја потценува Македонија и прави голема грешка. Ветив дека ќе победиме со најмалку 100.000 гласови разлика, победуваме со повеќе од 170.000, истакна лидерот на ВМРО-ДПМНЕ, Христијан Мицкоски. -Многу работи зборувавме дека ќе се случат, не ни веруваа, не потценуваа. Мислеа дека со деца мали си имаат работа. Најлошо е кога човек ќе го потцениш. Но, ние благодарение на народот, народот на Македонија покажавме и докажавме дека Македонија ја има и ќе ја има уште многу долго време. Ветував многу работи, и сите работи се случија. Не напаѓаа, не напаѓаа и од внатре, ни се закануваа, се обидуваа да не делат, се обидуваа да ја делат Македонија, се обидуваа да го делат народот, користеа структури од минатото на ВМРО-ДПМНЕ да не напаѓа, но ние издржавме затоа што верувавме и затоа што вие бевте со нас. Ви благодарам од срце народе на Македонија! Ветував дека ќе се случи народ и денес се случи народ. Победа, победа голема е ова за македонскиот народ, за граѓаните во Македонија, порача тој. Мицкоски истакна: „Народ се излеа и пораката е јасна и единствена, Македонија не сее плаши, Македонија се враќа на народот. Целиот народ ние заедно со вас наспроти стотина трговци од ДУИ и СДСМ кои се причина за целото страдање, сиромаштија и криминал во Македонија“. -Македонија е на нозе, нашата сила сте вие народот, граѓаните на Македонија. Македонија денес покажа дека е посилна од криминалот и корупцијата и дека народот е определен. Американскиот претседател Реган кажал: „И покрај сите наши разлики и несогласувања оваа е чесна скромна и голема земја, ѕвоната сепак ѕвонат за татковината“. Драги пријатели, браќа и сестри, резултатите кои ги постигнавме оставаат простор да бидеме задоволни. Имаме историска и огромна победа на многу избирачки места и бројките покажуваат дека оваа власт паѓа. Ова е најдобриот резултат што ВМРО-ДПМНЕ го имала од позиција на опозиција. Над 600 илјади луѓе гласаа против власта. Ова е победа на народот. Цунамито се крена и им виси на глава, а на 8 мај ќе ги потопи целосно. Имаме обврска да им ги срушиме сите идеи за калкулации и предавства, сите нивни понижувања кои ги прават посебно изминативе денови. Ова е револуција, револуција на народот на Македонија, но, работата не е завршена, а власта не е ни малку наивна, рече лидерот на ВМРО-ДПМНЕ. Мицкоски вели дека првиот круг од изборите е жолтиот картон, а тој свети. Конечниот, рече, црвениот мора да следи на 8 мај каде потребен е убедлив резултат, јасна победа врз оваа криминална и корумпирана власт. -Вечерва има простор за задоволство и славење, но морам да го споделам со вас и чувството на грижа поради лошите состојби во Македонија и тоа чувство за мене, а и за сите вас со мене, тука е одговорност спрема народот. Свесен сум и треба секој еден што е со мене да испорача брзи резултати, на народот му требаат брзи резултати и не чека работа, многу работа, мерки проекти, многу промени за да се избориме за подобар живот. Мораме да ја промениме сликата за реалноста, денес секој еден глас кој беше даден со голема надеж и силна верба за менување на работите. Свесен сум дека многумина од вас не се до крај уверени, но сепак ни дадоа поддршка затоа што состојбите се претешки а ние сме единствената надеж и шанса која и свесен сум и затоа мораме да ја оправдаме. Благодарност за секој еден глас, Македонија постои и е голема поради вас народот кој во клучните времиња се одважува и носи исправна одлука но ќе ги споменам и оние кои не гласаа и се уште се двоумат подавам рака кон сите и ја барам вашата поддршка. Заедно ќе сме посилни и заедно ќе направиме многу повеќе. Воедно и оние кои излегоа и гласаа за власта сакам да знаете дека нема да има освета кон било кој. Тоа никогаш не била моја цел ниту ќе водам таква политика. Ги почитувам вашите уверувања и повеќе никој не смее да ве плаши. Единствено треба да се плашат тие што се огрешиле кон законите, а со тоа се огрешиле и кон народот е тие ќе одговараат, истакна Мицкоски. Им порача дека ќе одговараат до последниот. -Драги пријатели, браќа и сестри. Ве молам да го поздравиме идниот претседател, идната претседателка на Македонија, да и посакаме успешен мандат затоа што тоа ќе се случи, жалам што не веруваа во нас, жалам што многумина денес ќе има разочарани. Среќен сум што народот на Македонија веруваше во нас, народе на Македонија ви благодарам. Голема благодарност до оваа дама до мене професорката Гордана Силјановска Давкова. Ја напаѓаа, ја навредуваа, но таа издржа и храбро се бореше. Докажа дека верува и е горда и ќе ја направи Македонија повторно горда. Професорке заедно ќе успееме! Овие гласови се одговорност но и револт кон Пендаровски, истакна Мицкоски. Тој откри дека се слушнал со албанската опозиција и дека на Арбен Таравари му честитал на резултатот и му посакал успешни парламентарни избори и идна влада во Македонија. -Македонија ќе ги мобилизира сите капацитети најквалитетните Македонци, Албанци, Турци, Роми, Срби, Власи, Бошњаци. Ова е ваша земја, заедничка земја време е да си ја вратите во ваши раце и да испишеме заедно една нова историја со која сите заедно ќе се гордееме. Во вториот круг да не дозволиме ДУИ да успее во намерите да направи нешто кое што никој од нас не го сака, а тоа е, направи добар резултат. Затоа, ве повикувам излезете и заедно, сите ние да гласаме за Македонија да биде повторно горда и да биде Македонија повторно твоја, да биде Македонија повторно ваша. Покажете им на сите дека Македонија живее, дека Македонија е идеја во која веруваме и која ќе опстане и успее. Пред една недела повикав на национално единство, но после денешниот ден и со оглед на одговорноста која ја имаме и предизвиците пред кои застануваме, јас повикувам на целосно народно и се државно обединување против оваа власт. Ги повикувам сите Македонци, Албанци, Турци, Власи, Срби, Роми, Бошњаци и сите останати. Ги повикувам христијаните, муслиманите, политички определените и неопределените, академиците, професорите, докторите, новинарите, уметниците и спортистите, подавам рака и ги повикувам патриотските здруженија, дијаспората, синдикатите, земјоделците, вработените и невработените, пензионерите, младите во Македонија, студентите, стопанските комори, секој еден човек, дојдете да се сплотиме и обединиме. Ве повикувам, овде имаме работа поважна од секоја партија, поединечниот став или интерес за Македонија се работи, сега е моментот, ова е тоа време да се обединиме под едно знаме и под една цел. Македонија ќе биде повторно твоја, наша заедничка единствена, посочи Мицкоски. Тој во говорот истакна: „Покажавте дека има надеж и дека тоа сме сите ние. Нашиот момент е сега, ова е нашето време. Да се обединиме во заедничката цел. Да го направиме овој мандат и да ја направиме оваа деценија од нашата историја нешто кое ќе се памети со генерации, ајде да ја промениме реалноста да го промениме секојдневието, да го промениме светот во кој живееме на подобро, да покажеме заедно дека силата на Македонија е во нас во сите нас заедно, да бидеме пример на сите идни генерации. Државата е твоја е време е да си ја вратиш во твои раце. Македонија повторно твоја, промените во твои раце. На крај вечерва славиме, утре продолжуваме, утре се гледаме Охрид, Вевчани, Струга, Кичево, одиме од врата на врата, од дом во дом, продолжуваме до конечна победа“. Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....
Маркукуле ексклузивно дознава: Разликата меѓу Гордана и Стево сега е над 100.000 гласови
Маркукуле - пред 7 дена
Ексклузивно Маркукуле дознава, ова е моменталната состојба на освоени гласови од претседателските кандидати: Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....