Од ДПМНЕ-овското “Никогаш Северна, само Македонија”, Мицковски го избриша името Македонија во статутот на партијата чиј претседател е, пишува на социјалните мрежи, министерката за одбрана Славјанка Петровска. „Дафина Стојановска и пратеничката група на ДПМНЕ поддржаа и гласаа ЗА користење на името Северна Македонија во Армијата. Александар Николовски изјави дека не биле Талибанци па да прават проблеми околу името, а нивната кандидатка за Претседател, која патем ги изгуби потписите од граѓаните некаде по пат, изјави дека нема да се противат ако други не нарекуваат Северна, они ќе ќутат и ќе слушаат. Патриотизмот на ДПМНЕ пука по шавови…. Па нели ќе го сменевте името? ТИК-ТАК, ТИК-ТАК…кој ли ќе биде прв што ќе го употреби името Северна? И колку брзо?„ се наведува во објавата на Пертровска. Дали ќе правите нешто “округло, па на ќоше” како за амнестијата на Хашките случаи?...

Мандатарот на новата српска влада Милош Вучевиќ во експозето на собраниската седница на која ќе се избере владата и новите министри, најави дека таа ќе биде континутет на политиката на досегашните влади и на претседателот Александара Вучиќ. За Македонија кажа дека е држава која во Србија секогаш може да најде партнер и повеќе од тоа. Владата ќе продолжи да води надворешна политика заснована на политичка независност и воена неутралност, а полноправното членство во ЕУ останува наша стратешка цел, рече Вучевиќ, додавајќи дека идната влада „ќе направи се за да го спречи приемот на лажната држава на Косово“ за членство во ЕУ во Советот на Европа (СЕ), иако призна дека „шансите за тоа не се големи“ и додаде дека „Владата на Србија ќе биде принудена да одговори соодветно“ доколку Косово биде прифатено како членка на СЕ. Во поглед на Русија, Вучевиќ потенцираше дека Србија нема да воведе санкции кон Русија и да „нема да се откаже од пријателството со неа“ и го истакна стратешкото партнерство на Србија со Кина, кое во текот на оваа година ќе биде крунисано со ратификација и стапување во сила на Договорот за слободна трговија. Кога станува збор за регионот, Вучевиќ во експозето истакна дека придонесот на Србија за зачувување на мирот и стабилноста ќе биде активен и континуиран. -Македонија е држава која во Србија секогаш може да најде партнер и повеќе од тоа. Србите и Македонците повеќе немаат ниту една тема што ги оддалечува. Не постои ниту едно прашање околу кое може да се раздвоиме или околу кое би можело да се направи раздор. Проектот Отворен Балкан дополнително не зближи, а разрешувањето на црковниот спор, ја тргна и последната пречка на патот на изградбата на меѓусебната доверба и зедничката работа каква не е видена од распадот на поранешна Југославија, истакна Вучевиќ, говорејќи одделно за односите на Србија со соседните земји. Вучевиќ при презентацијата на експозето изјави дека Министерството за одбрана и војската на Србија подготвиле неколку модели на воена служба, во траење до четири месеци. На седницата на Собранието на Србија мнозинството пратеници на СНС-СПС и коалициските партнери од помалите партии по експозето на Вучевиќ ќе гласаат за избор на новата коалициска влада на СНС-СПС која ќе има 25 министерства и 31 член....

Оваа година изберете природни методи Ако преферирате да избегнувате бои од кесичка и други слични методи на боење јајца, имаме добри вести за вас. Можно е да се добие интензивна зелена боја на сосема природен начин. Се што ви треба е спанаќ! Можете да користите свеж или замрзнат, резултатите сигурно нема да пропаднат. Постапката никогаш не била поедноставна – само ставете го саканиот број јајца во тенџере со ладна вода, лажица сол и оцет и додадете го спанаќот. Сварете ги јајцата на тивок оган заедно со спанаќот, па оставете ги целосно да се изладат во водата. Кога ќе ги извадите, ќе ја добиете совршената зелена боја на вашите велигденски јајца. Можете претходно да ги украсите со тревки и да ги завиткате во хулахопки, како кога тоа го правите тоа во лушпи од кромид....

„Не очекувајте јавно да му се спротивставам на господинот Мицкоски. Тој лидер на политичка партија. Тие разговараат и преговараат, а граѓаните гласаат“ рече кандидатката за претседател, Гордана Силјановска-Давкова на дуелот на ТВ Телма, запрашана за калкулациите за гласови кои ги прави лидерот на ВМРО-ДПМНЕ, Христијан Мицкоски во пресрет на вториот круг од претседателските избори. Таа додаде дека никој не може да им оневозможи на партиите да разговараат и преговараат. На ваквиот став на Сиљановска се спротивстави претседателот Стево Пендаровски, кој рече дека единствениот легитимен начин е да се мотивираат гласачите со својата програма и концепт. „Јас се надевам дека ќе ги мотивирам да ме гласаат и тоа е единствениот легитимен начин. Јас да ги убедам, а не да одам од партија до партија, од лидер до лидер. Лидерските договарања не придонесуваат за демократијата во Македонија“ рече Пендаровски. Претседателот додаде дека има драстична разлика во пристапот, бидејќи трката е за претседател, кој треба да биде независен од било кои центри на политичка или економска моќ. „Собиравме потписи за да покажеме граѓанска компонента, но Сиљановска ги отфрли тие граѓански потписи и отиде само со потписи од пратеници. Затоа сосема е логично партискиот лидер, со другите партиски лидери сега договара дополнителна поддршка, бидејќи не е граѓански поддржана, па логично е партискиот лидер да ги прави партиските договарања“ рече Пендаровски....

„Јас сум за ветинг на политичарите во прва линија, па потоа на судии и јавни обвнвинители. И тоа зборувам од 90 тите години. Немојте да заборавите и да ја замајувате јавноста дек акога предлагате членови на судски совет вие ги бирате нив, гги предлагате пред собранието, ако таму немате согласност од мнозинството кое го прави собранието, тие нема да бидат избрани. Дали е подобро да немате избран кандидат, или да направите координација и да кажете ова е мојот предлог, дали аќе го гласате? Инаку во однос на ветинзите кај уставниот судија на пример, кој го цитира госпоѓата доста често Дарко Костадиновски, тој не поминал ниту еден ветинг, бидејќи беше партиски потрчко во кабинетот на Ѓорѓи Иванов,“ истакна во реплика престедателот на Република Северна Македонија, Стево Пендаровски, на дуелот со против кандидатката за претседател Гордана Силјановска Давкова на ТВ Телма. Во однос на директорите на Агенцијата за разузнавање и на АНБ, Пендаровски посочи дека имаат поминато најјак можен ветинг затоа што сме членки на НАТО. И дека сите членки на НАТО во таа зона која ја покриваат ги одобриле.Тој посочи на времето на ВМРО-ДПМНЕ кога први братучеди се ставаа на чело на оваа институција. „Ако алудирате на претседателката на судскиот совет, цела Европска Унија и Европска Комисија во Скопје се покрена да ја врати отакакао беше нелегално разрешена. Прашајте го амбасадорот Гир и кого сакате, кои кажаа дека таа мора да се врати на чело на судскиот совет. Инаку мојот претходник предлага човек за судски совет, тогашното парламентарно мнозинство вели не доаѓа во предвид и го држи во фиока, и нема комплетен состав на судскиот совет. И тоа е подобро? , посочи Пендаровски во контра реплика на Силјановска....

Автомобил попладнево се запалил на паркинг кај Градски ѕид во скопската населба Центар. Благодарение на брзата и ефикасна интервенција на противпожарната единица пожарот бил навремено изгаснат со што се спречило тој да се прошири на соседните возила и објекти....

Интегрален текст од соопштение за јавност на СДСМ: Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес. За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова. Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ. Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро....

Денеска (01.05.2024) околу 18.15 часот во Сарај е пронајдено 5-годишно дете, за кое околу 16.20 часот во ПО Сарај од страна на М.Х. беше пријавено дека се оддалечило во паркот Сарај, информира МВР. Веднаш по добиената пријава, од страна на полициски службеници на СВР Скопје преземени се мерки и активности за пронаоѓање и околу 18.15 часот детето е пронајдено. Инаку, денеска поради 1 мај излетничкото место парк Сарај беше преполно со посетители....

„Денес ЕУ го прославува 20-годишниот јубилеј на големото проширување на ЕУ. На 1 мај 2004 година, граѓаните на овие земји станаа граѓани на ЕУ. Во текот на последните две децении, забележаа пораст и значителен развој. Реалните плати се удвоиле од 2004 до 2023 година во овие десет земји, додека нивото на сиромаштија драстично се намалило“, напиша Вицепремиерот Бојан Маричиќ во своја објава на Фејсбук. Тој додаде дека земјите од 27-члената ЕУ ги засилиле своите врски преку модерна инфраструктура, поттикната од инвестициите и фондовите на ЕУ и забележале многу случаи за време на природни катастрофи или медицински кризи, бидејќи земјите на ЕУ се обединети да се поддржуваат една со друга. „Мотото на ЕУ е ПОСИЛНИ ЗАЕДНО! Посилни заедно во ЕУ може да бидеме и ние со полноправното членство до 2030 година! Нашата определба за развој и просперитет во рамки на најмоќната унија на современиот свет е принцип и приоритет.Со желба да бидеме дел од следниот бран на проширување на ЕУ, да ги создадеме најголемите чекори и одлуки во име на создавање подобри услови за нашите млади и поколенија“ потенцираше Маричиќ. Тој заклучи дека раката ни е подадена, од нас зависи дали ќе одиме кон забрзан напредок на државата или кон уназадување на целото општество и дека нема да се откажеме од нашата иднина....

Во прекуредното 30. коло од прволигашката фудбалска конкуренција на Македонија актуелниот шампион Струга ТЛ загуби на гостувањето кај Тиквеш (3:2), а Шкупи кај Гостивар (2:0). Киксовите на конкурентите ги искористи Шкендија кој со резултатски пресврт пред своите гледачи ја совлада АП Брера (3:2) и се врати како ко-лидер на табелата во трката за титулата. Значајни гостински победи за бекство од опасната зона забележаа Работнички на гостувањето кај Силекс (0:1), Вардар кај Брегалница (0:3) и Воска спорт кај Македонија ЃП (0:2). Во Кавадарци по првото полувреме водеше Тиквеш со голот на Мојсов во 32 минута. Следуваа два погодоци на Ибраими со кои Струга ТЛ направи пресврт во 63 и 77 минута, овој вториот од пенал. Тиквеш израмни во 82 минута преку Стојкоски, а конечниот епилог го постави Луан Силва во 94 минута. Еден од кандидатите за шампионската титула сезонава Шкупи беше непријатно изненаден во Гостивар (2:0). Домашниот состав дојде до бодовитесо погодоците на Кировски (62`) и Кехинде (97`). Шкендија повторно е во трка титулата откако со пресврт ги освои бодовите прптив АП Брера (3:2). Струмичкиот лигаш поведе со 1:0 со голот на Ивковиќ во 16 минута, а во 68 минута гостите постигнаа уште еден гол преку Цветаноски, но на крајот беа поразени. Тетовските „црвено-црни“ во финишот од средбата, во 77 минута намалија преку Адеми, па во 87 минута израмни Цаке, а во 94 минута голема радост на домашните навивачи донесе Аганспахиќ. Вардар дојде до битна победа во трката за опстанок, како гостин со 3:0 ја надигра Брегалница од Штип со погодоците на Шушњара, Дошев и Николовски. Работнички запиша нов триумф сезонава против Силекс во Кратово (1:0), а за скопскиот клуб бодови донесе Али Регба кој беше прецизен од белата точка. Брегалница Штип – Вардар 0:3Гостивар – Шкупи 2:0Македонија ЃП – Воска Спорт 0:2Шкендија – Брера Струмица 3:2Силекс – Работнички 0:1Тиквеш – Струга 3:2 Табела: Шкендија 58 бодови, Струга 58, Шкупи 58, Тиквеш 42, Силекс 41, Гостивар 40, Работнички 38, Брера Струмица 37, Воска Спорт 37, Вардар 32, Македонија ЃП 26, Брегалница Штип 26....

МВР информира дека денеска околу 16:20 во паркот Сарај во Скопје е исчезнато девојче на возраст од пет години, а исчезнувањето во полиција го пријавила нејзина возрасна роднина. Девојчето има руса долга коса собрана во репче, облечена во розев фустан и розеви кондурчиња со чорапи. Екипи на полицијата го пребаруваат теренот....

Кандидатот за претседател Стево Пендаровски денеска во рамки на кампањата беше во посета на општина Студеничани. Пендаровски на граѓаните им го честита 1 мај – Меѓународниот ден на трудот и повика на силна мобилизација на осми мај. „Потребна е мобилизација на сите за вториот круг и знам дека имаше голем број граѓани кои одлучија да не излезат и да не гласаат во првиот круг очекувајќи дека се ќе се решава во вториот круг. Но на осми мај почнуваме од нула и затоа секој глас е важен. Знам дека има притисоци од различни партии и агитации граѓаните да се определат предвреме, да се гласа блоковски, но јас сметам дека секој треба да одлучи за себе, треба да се гласа за човек, а не за партија, бидејќи ова се избори за претседател на државата“ рече Пендаровски, Пендаровски посочи дека тој во изминатите пет години покажал дека е претседател на сите, дека по ниту една основа ги нема делено граѓаните и дека така и ќе продолжи, додавајќи дека во последните неколку години меѓуетничките односи се на високо ниво и дека тоа е рецептот за натамошен напредок на државата. „Сите ние живемее и работиме заедно во ова наше заедничко општество, сме живееле едни со други и треба да продолжиме да живееме така и заеднички да работиме за напредок во евроинтеграциите, а на овие избори бројот еден е гаранција, дека државата ќе продолжи по патот на евроинтеграциите“ порача Пендаровски во Студеничани....

Поранешниот голман на двократниот европски и повеќекратен македонски рекометен првак Вардар, српско-шпанскиот интеренционалец Арпад Штербик доживеал срцев удар! Благодарение на експресната реакција на лекарите избегнат е трагичен исход. Штербик кој работи сега како тренер на голамните кај унграскиот Веспрем згрижен е во болница и оттаму доаѓаат добри вести. Неговиот клјуб Веспрем објави и потврди дека Арпад се чувствува добро. „Нашиот тренер на голманите не отпатувал со тимот. Во текот на утрото се чувствувал лошо, отишол во болница и му бил дијагностициран срцев удар. Благодарение на брзата реакција на лекарот, неговата состојба е подобра. Тој може да ја напушти интензивната нега уште утре. Посакуваме Арпи да се опорави што е можно поскоро“ велат од Веспрем. Арпад е роден во Сента (1979 г.), кариерата ја започна во Југовиќ, а потоа бранеше за Веспрем, Сиудад Реал, Атлетико Мадрид, Барселона и Вардар. Со репрезентацијата на Југославија освои бронза на СП во Египет (1999) и Франција (2001), а потоа во 2008 година го промени државјанството и бранеше за Шпанија со која освои злато и бронза на СП. Со нив има злато и сребро од ЕП....

Метео анализа на Славчо Попоски: Под влијание на циклонска активност од запад, утре (четврток 2.5.2024) времето во Македонија ќе биде променливо облачно со повремени локални врнежи од дожд во текот на претпладневните часови. Од пладневните часови на многу места ќе има развој на нестабилна облачност, проследена со пороен дожд, грмежи и засилен ветер. Локално, и тоа особено во централните , како и во источната половина од државава процесите ќе бидат поинтензивни, во форма на невреме, проследено со силен ветер и со појава на град, како и со силни и чести електрични празнења. Токму поради очекуваната појава на електрични празнења, апелираме граѓаните да бидат крајно внимателни, односно да не претстојнуваат на отворен простор и под осамени дрвја. И во Скопскиот регион утре од пладневните часови ќе има локален развој на нестабилна облачност, проследена со пороен дожд, грмежи и засилен ветер. Можно е овие процеси да бидат застапени и во форма на невреме. Што се однесува до температурите, тие утре ќе се искачуваат во интервалот од 19 до 27 степени. Во Скопје утре температурата ќе се искачи до околу 25 степени....

Турскиот главен град Анкара синоќа беше погоден од пороен дожд кој предизвика поплави по улиците. Властите предупредуваат на дополнителни врнежи. Главните сообраќајници во Анкара се претворија во вистински реки, а силен дожд паѓа низ централна Турција. Поплавени се продавници и подруми на куќи. Обилните врнежи гоо нарушија и нормалното функционирање на метрото во Анкара, соопштија властите, додавајќи дека поради безбедносни причини, електричната енергија е исклучена на одредени линии на метрото. Се работи на повторно воспоставување на градскиот превоз. Турската метеоролошка служба предупреди на продолжување на понатамошните обилни врнежи во Анкара и другите делови на Анадолија. Невреме се очекува и над Црното Море....

Денеска рано утрово бил пронајден мртов Д.С. (63) од Скопје на неговото работно место во куќарка на паркинг во скопската Општина Центар. Случајот бил пријавен во 06.10 часот во СВР Скопје. Лекар од Итна медицинска помош констатирал смрт без видливи траги на насилство. Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција....

Првиот светски тениски рекет, Србионот Новак Ѓоковиќ по неодамнешната разделба со тренерот Горан Иванишевиќ одлучи да направи уште една рокада во стручниот штаб. Најдобриот тенисер околи полноќ на социјалните мержи обелодени дека се разделува со Италијанецот Марко Паники со кога соработуваа речиси цела деценија и ги остваруваше најголемите успеси во кариерата. -Гранде Марко, какви неверојатни години соработка имавме заедно. Стигнавме до врвот, освојувавме титули, уривавме рекорди. Сепак, најмногу од се уживав во најобичните денови на тренинзи во теретаната или надвор од неа. Бескрајни часови „карциофини“ и смеење поради кои се чувствував супермотивиран да се подготвам за успех. Грацие Романиста (како што Горан те нарекува) за сета енергија, труд и време што ги вложи да ме направиш најдобар можен играч и личност што можам да бидам. Ти испраќам многу љубов и се гледаме наскоро во Рим, напиша Ѓоковиќ на својот инстаграм-профил....

На денешен ден пред три децении во трката за Големата награда на Сан Марино, на патеката Имола загина легендарниот пилот во Формула 1, Бразилецот Аиритон Сена. Легендарниот Ф1-возач, познат меѓу љубителите на најбризиот „циркус“ како „дождливиот човек“ трагично го загуби животот откако удри во ѕидот на излезот од кривината „Тамбурело“. Сликите од уништениот сино-бел болид на Вилијамс го обиколија светот, а кариерата на тогашниот трикратен шампион заврши 40 дена по неговиот 34-ти роденден. Во својата кариера Сена возеше за Толумнен, Лотус, Мекларен и Вилијамс, три пати беше шампион (во 1988, 1990 и 1991 година, со болид на Мекларен). Во својата кариера забележа 41 победа, 80 подиуми и 65 пол-позиции....

Гласот за број еден, за СДСМ и Коалицијата за европска иднина, е глас за поголеми плати и унапредени работнички права. Седум години градиме економска атмосфера на постојан раст на платите, да не дозволиме ова да биде загрозено – работниците и работничките тоа не го заслужуваат”, им порача на сопартијците Фатмир Битиќи, потпретседател на СДСМ и ко-носител на листата на кандидати за пратеници во Изборна единица 2, на денешниот Првомајски пикник кој беше организиран од партијата во Градскиот парк во Скопје. „Двојно ја зголемивме просечната плата од 2016 година, денес таа изнесува речиси 40.000 денари. Минималната плата не ја оставивме на егзистенцијалниот минимум, на кој ја затекнавме во 2016, кога изнесуваше 10.000 денари, сега таа изнесува 22.500 денари. Знаеме дека треба уште повеќе, затоа ветуваме просечна плата од 1.100 евра и минимална плата од 600 евра во наредните четири години. Ова е добриот глас кој треба да го ширите до секој човек, во секое село и град”, порача до членовите на СДСМ потпретседателот Битиќи. Тој истакна дека СДСМ е силна партија и денешниот Ден на трудот треба да биде дополнителна мотивација за поголемо заедништво во пресрет на денот на изборите на 8 – мај и продолжување на битката за европска Македонија. „Не смееме да се откажеме, социјалдемократијата не обврзува да водиме грижа за секое работно место, за достоинствена плата. Никој друг, само ние, социјалдемократите можеме тоа да го понудиме на граѓаните со програмата каде работникот е на прво место. Никој да не биде изоставен од економските успеси, што значи повисоки плати и пензии, поголема куповна моќ и подобар квалитет на животот. Ќе се погрижиме секое домаќинство да ужива во сигурна финансиска иднина, со поголем пристап до услуги и можности”, рече Битиќи. Потпретседателот на партијата посочи дека СДСМ е партија која се води од социјална правда, еднаквост и солидарност и секогаш е на страната на работниците, го почитува и вреднува нивниот труд....

Меѓународниот ден на трудот 1 Мај Д-р Венко Филипче го поминува во Дојран од каде испрати порака дека работничкиот труд, солидарност и истрајност треба високо да се ценат. Како носител на листа во Изборната единица 4 од СДСМ и Коалицијата за европска иднина Филипче потсети на најтешките времиња и најголемите кризи кога во прашање беше здравјето на граѓаните и егзистенцијата на семејствата. „Влогот на работниците нивниот труд, солидарност и истрајност најмногу го почувствувавме во најтешките времиња. И не го заборавивме. Го вреднуваме и унапредуваме. СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Тоа беше незамисливо до пред само седум години. И продолжуваме. Си поставивме цел за минимална плата од 600 евра и просечна плата од 1.100 евра во новиот мандат. Работниците се двигатели на секоја економија во секоја држава. Затоа не се откажуваме од унапредување на работничките права, растот на платите и обезбедувањето подобро платени работни места”, порача Филипче од Дојран. Д-р Венко Филипче на денешниот меѓународен ден на трудот потсети дека за седум години просечната плата од 22.000 денари денес е зголемена на близу 40.000 денари, а минималната плата од 8.000 денари денеска изнесува речиси 23.000 денари. Тој зборуваше и за невработеноста која од 25% во 2016 година е преполовена на 12,8 %, дека е зголемен животниот стандард и куповна моќ за цели 35% како и тоа дека недела е ден на семејството и е неработен ден. Грижејќи се за граѓаните Филипче не изуми и на антикризните мерки и обезбедените 2,6 милијарди евра за поддршка на граѓаните и стопанството со што беше заштитен животниот стандард и достоинството на граѓаните, но и зачувани работните места. Д-р Филипче од Дојран зборуваше и следниот мандат кој предвидува програма за млади во која младите до 26 години ќе добиваат по 200 евра за прво вработување, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Д-р Филипче се осврна и на растот на платите на здравствените работници во следниот мандат. „Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Само во земјава од цел регион имаше реален раст на плата за време на кризата. Доколку повторно ја добиеме вашата доверба во наредните четири години ќе обезбедиме европски и достоинствен животен стандард за граѓаните. Нека е за многу години денот, Честит 1 Мај, ние ќе продолжиме во духот на социјалдемократијата да го почитуваме и цениме трудот на секој работник”, порача Филипче. Меѓународниот ден на трудот 1 Мај Д-р Венко Филипче го поминува во Дојран од каде испрати порака дека работничкиот труд, солидарност и истрајност треба високо да се ценат. Како носител на листа во Изборната единица 4 од СДСМ и Коалицијата за европска иднина Филипче потсети на најтешките времиња и најголемите кризи кога во прашање беше здравјето на граѓаните и егзистенцијата на семејствата. „Влогот на работниците нивниот труд, солидарност и истрајност најмногу го почувствувавме во најтешките времиња. И не го заборавивме. Го вреднуваме и унапредуваме. СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Тоа беше незамисливо до пред само седум години. И продолжуваме. Си поставивме цел за минимална плата од 600 евра и просечна плата од 1.100 евра во новиот мандат. Работниците се двигатели на секоја економија во секоја држава. Затоа не се откажуваме од унапредување на работничките права, растот на платите и обезбедувањето подобро платени работни места”, порача Филипче од Дојран. Д-р Венко Филипче на денешниот меѓународен ден на трудот потсети дека за седум години просечната плата од 22.000 денари денес е зголемена на близу 40.000 денари, а минималната плата од 8.000 денари денеска изнесува речиси 23.000 денари. Тој зборуваше и за невработеноста која од 25% во 2016 година е преполовена на 12,8 %, дека е зголемен животниот стандард и куповна моќ за цели 35% како и тоа дека недела е ден на семејството и е неработен ден. Грижејќи се за граѓаните Филипче не изуми и на антикризните мерки и обезбедените 2,6 милијарди евра за поддршка на граѓаните и стопанството со што беше заштитен животниот стандард и достоинството на граѓаните, но и зачувани работните места. Д-р Филипче од Дојран зборуваше и следниот мандат кој предвидува програма за млади во која младите до 26 години ќе добиваат по 200 евра за прво вработување, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Д-р Филипче се осврна и на растот на платите на здравствените работници во следниот мандат. „Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Само во земјава од цел регион имаше реален раст на плата за време на кризата. Доколку повторно ја добиеме вашата доверба во наредните четири години ќе обезбедиме европски и достоинствен животен стандард за граѓаните. Нека е за многу години денот, Честит 1 Мај, ние ќе продолжиме во духот на социјалдемократијата да го почитуваме и цениме трудот на секој работник”, порача Филипче....

Германскиот фудбалски гигант Баерн Минхен, кој по единаесетгодишна доминација во бундеслигашката конкуренција сезонава останува без титулата, на крајот од сезоната ќе добие нов тренер. Се поизвесно е дека наследник на Томас Тухел ќе биде селекторот на австриската фудбалска репрезентација Ралф Рангник, кој е во завршни разговори со Баерн. На Европското првенство Австрија ќе игра во групата „Д“ со Франција, Холандија и Полска, а Рангник по завршувањето со настапите на континеталниот собир ќе се збогува со репрерзентацијата и ќе се поресели на клупската сцена каде главна цел ќе му биде да го врати Баерн на шампионската патека. Како што пренесуваат германските медиуми, Рангник му потврдил на Баерн дека сака да биде тренер на баварскиот клуб....

САД се против планираниот израелски напад врз пренаселениот град Рафах на југот на Појасот Газа. Ова му го повторил во денешниот разговар американскиот државен секретар Ентони Блинкен на израелскиот премиер Бенјамин Нетанјаху, соопшпти портпаролот на Стејт департментот Метју Милер. Според него, Блинкен ја повторил „јасната позиција на САД за Рафа“, пренесува Ал Џезира. Милер додаде дека Блинкен исто така го забележал „подобрувањето во испораката на помош во Газа“ и ја повторил важноста од „забрзување и одржување на тоа подобрување“. Претходно денеска, за време на средбата со израелскиот претседател Исак Херцог, Блинкен рече дека „сега е време“ за договор со Хамас за ослободување на заложниците и прекин на огнот. Тој изјави дека таквиот договор ќе овозможи влез на многу потребните лекови, храна и вода во Газа. Посетата на Блинкен на Израел доаѓа еден месец откако американскиот претседател Џозеф Бајден го предупреди Нетанјаху дека политиката на Вашингтон може да се промени доколку Израел не преземе чекори за ублажување на цивилната штета, хуманитарното страдање и за обезбедување на безбедноста на хуманитарните работници. САД и арапските партнери го повикаа Израел да стори повеќе за да го олесни протокот на помош во услови на растечка хуманитарна криза во енклавата, каде што повеќето луѓе останаа без покрив над главата и се соочуваат со недостиг на храна и вода и уништена инфраструктура. Ова е седма посета на Блинкен на Блискиот Исток од почетокот на војната по нападот на Хамас на 7 октомври....

Откако Турција даде одобрение за екстрадиција на Љупчо Палевски, првоосомничен за убиството на Вања Ѓорчевска и Панче Жежовски, се очекува негово пристигнување во Македонија. Точна информација кога Палевски ќе биде испорачан во Македонија не се соопштува во интерес на процесот на спроведување на екстрадицијата. Министерот за внатрешни работи, Панче Тошковски изјави дека полициските службеници од Македонија се во комуникација со турските колеги и се очекува во наредниот период да утврдат сѐ што е потребно за Палевски да биде изведен пред лицето на правдата. Полициски извори велат дека не треба да очекуваме спроведувањето на Палевски да се случи денес или утре. Палевски во Турција беше уапсен на 5 декември изминатат година. Покрај Палевски за двојното убиство се осомничени уште 4 лица меѓу кои и таткото на убиената Вања, кој минатата недела беше пуштен во домашен притвор....

На децата не треба да им се дозволува да користат паметни телефони пред да наполнат 13 години и треба да им се забрани користењето на конвенционалните социјални медиуми како ТикТок, Инстаграм и Снепчет до 18 години, се вели во експертскиот извештај нарачан од францускиот претседател Емануел Макрон. Макрон побарал експертите да предложат упатства за употреба на паметни телефони кај детската популација. Тој сака да преземат решителни чекори за да ја ограничат нивната изложеност на негативното влијание на оваа технологија, пренесува лондонски Гардијан....

Турската полиција интервенираше за да спречи групи кои сакаат да стигнат до плоштадот Таксим во Истанбул за да учествуваат во демонстрации по повод Меѓународниот ден на трудот, 1 Мај, кои се забранети од властите, објави турскиот весник „Хуриет“. Дојде до судирите меѓу полицијата и демонстрантите и дел од нив се приведени. Турските власти претходно оваа недела објавија дека ги забрануваат првомајските демонстрации на централниот плоштад Таксим во Истанбул и предупредија на планирани терористички напади во метрополата за празникот. Во различни делови на Турција вчера беа приведени 58 осомничени откако беше утврдено дека учествувале во подготовка на провокации по повод Денот на трудот, а денеска следуваа серија нови апсења на 41 лице во акција против Исламската држава. Во рамки на мерките за 1 мај, од утрото се затворени патиштата кон централниот истанбулски плоштад Таксим. Властите идентификуваа вкупно 40 места во Истанбул за одржување настани по повод Денот на трудот, чие обезбедување ќе го следат над 42. 000 полицајци....

Претседателот на Република Србија, Александар Вучиќ кој во Сурчин крај Белград присуствуваше на церемонијата на отпочнување на изградбата на Националниот фудбалски стадион во рамките на ЕКСПО 2027 изјави дека тој ќе биде завршен до 1 декември 2026 година, дека е договорено таму да се игра финалето на Лига Европа во 2028 година и дека стадионот ќе биде еден од трите најубави во Европа, јави дописникот на МИА од Белград. Во обиколката на подготвителните работи за изградба на комплексот ЕКСПО 2027 и на новиот стадион, Вучиќ кажа дека стадионот се наоѓа на 121 хектар земја и дека за него ќе бидат потребни 2.400 шипови. –Тоа не е само градба, шиповите ќе бидат 25 метри длабоко во земјата за да ја обезбедат цврстината и стабилноста на стадионот. И благодарам на УЕФА за многу работи. Финалето на Лига Европа во 2028 година ќе се игра во Белград на националниот стадион, рече Вучиќ и додаде дека тој ќе има околу 52.000 седишта и ќе биде изграден според сите стандарди на ФИФА и УЕФА. -Очекуваме голем број луѓе од Европа и Азија, очекуваме дека повеќе од 130 земји ќе го посетат Експо, рече Вучиќ. Што се однесува до летечките такси, тој потсети дека се преговара со пет компании. -Тоа е голем симбол на иновациите. Летечки автомобили постојат во неколку кинески градови, работиме со Кинезите и Европејците и ќе бидеме првата земја во Европа што ќе има летечко такси, рече Вучиќ. Тој додаде дека покрај Будимпешта, Србија ќе го има најголемиот центар за спортови на вода во Европа....

Денешниот неработен ден го испразни Скопје откако многу граѓани заминаа за Охрид, Маврово, но и соседна Грција. Но оние што останаа во градот како и туристите што дојдоа први мај го минуваат во излетничките места во околината како Матка, Сарај, Марков манастир и сл. Полно беше и во Градскиот парк во Скопје за што сведочат и кадрите во видеата и фотографиите подолу....

Денес унијата на жени на ВМРО-ДПМНЕ од Брвеница во дворот на црвата Св. Никола во Челопек организираше одличен настан во кој учество имаа земено и млади девојки во поречка носија оттука го честитаме први мај меѓународниот ден на трудот и се обврзуваме како идна влада со програмата платформа 1198 дека ќе имаме широк дијалог со синдикатите, дека ќе направиме економска трансформација од која ќе бидат задоволни сите граѓани на Република Македонија. Ветуваме жестока борба со корупцијата и секако конечно завладејување на правото. Македонија мора повторно да биде твоја и повторно да биде горда....

„Силен СДСМ во Собранието е потребен заради иднината на државата. Нема друг начин да го спречиме ВМРО ДПМНЕ повторно да го донесе режимот кој толку долго се трудевме да го срушиме”, истакна претседателот на СДСМ и носител во ИЕ 1, Димитар Ковачевски на Првомајскиот пикник што денеска се одржа во Градскиот парк во Скопје. Тој потенцираше дека СДСМ во изминатите седум години успешно се справи со здравствената, енергетската и економската криза и донесе тешки, но важни одлуки за подобра и просперитетна иднина на државата. „Изминатите неколку години носевме тешки, но исправни одлуки. Разговаравме и разговараме со граѓаните, на терен сме, нѐ гледате и мене и нашите кандидати за пратеници. Свесни сме за грешките што ги направивме, но и свесни сме дека сето ова беше една лекција од која извлековме многу поуки. Тешките одлуки значеа многу политички компромиси и хируршки прецизно водење на процесот за зачленување на Македонија во НАТО”, рече Ковачевски. Лидерот на СДСМ ги повика граѓаните масовно да излезат на изборите на 8-ми мај и да дадат поддршка за кандидатите на СДСМ и Коалицијата за европска иднина и за претседателскиот кандидат Стево Пендаровски. „Само така, сите заеднички, ќе зачекориме кон европска иднина за Македонија, европска иднина за нашите деца”, порача Ковачевски....

Повеќе од 40 лица се приведени во Турција за време на операција против „Исламска држава“, јави турската државна телевизија ТРТ Хабер, повикувајќи се на изјава на министерот за внатрешни работи Али Јерликаја. Акциите биле спроведени на територијата на 12 (од вкупно 81) окрузи во земјата, меѓу кои Истанбул, Ескишехир, Каракале, Невшехир и Маниса. Тие биле извршени од страна на окружните полициски служби под координација на разузнавачките и антитерористичките сили на Генералниот директорат на полицијата. Како резултат на операциите уапсени се вкупно 41 осомничен, од кои 10 во Истанбул. Запленети се пиштоли во нелегална сопственост, бројни дигитални материјали и поголема количина девизи и турски лири....

Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, побара Сојузот на синдикати на денешниот протест организиран по повод Меѓународниот ден на трудот. Пред републичкото Собрание претседателот на Гранскиот Независен синдикат на полицијата, Гоце Делчев Тодев порача дека е потребно враќање на работниците во земјава, ставајќи акцент на младите кои континуирано се иселуваат. Од друга страна, претседателот на Независниот синдикат за образование и науки, Томислав Гиевски истакна дека работниците не смеат во ниту еден момент да се откажат од своите барања. -Ние заслужуваме и мора да добиеме превоз, храна и почитување на колективните договори. Зарем работникот не заслужува да им биде платен превозот како на господата во Влада што седат, само нивните автомобили трошат гориво?!. Ќе продолжиме со истиот притисок и најважно не смееме да се откажеме затоа што ќе ја изгубиме битката, изјави Гиевски. Синдикатите побараа и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Претседателот на ССМ, Слободан Трендафилов рече дека работниците од новиот состав на власта очекуваат да ги почитуваат посочените барања. -Денеска сме тука да им кажеме на тие што ќе седнат во удобните фотељи дека не може да се одлучува за нас, без нас, дека ние работниците бираме и потоа очекуваме од нив да ги почитуваат нашите барања. Да им порачаме да не се грижат само за себе, да не го злоупотребуваат европското знаменце кога е на штета на работниците, а за 24 часа да се изгласаат 78 проценти зголемени плати, тие да уживаат, а ние да патиме, истакна Трендафилов. Пред Стопанска комора се обрати потпретседателот на ССМ, Иван Пешевски, кој посочи дека секој час некој работник го губи животот на работното место, дека младите не можат да се одлучат на семејство со договорите на дело и дека платите на работниците не се доволни за пристоен живот. -Да знаат газдите и власта дека се лопови на сите наши браќа и сестри кои што не гледаат од странство, кои си заминаа поради егзистенцијални причини затоа што немаа леб на своите деца да им дадат, одете прошетајте слушнете ги реалните проблеми на овие луѓе, на оние кои ве ставија во вашите фотелји, и што треба да ве гласаат прашајте ги за проблемите, а не да кажувате кој што направил или не направил, посочи Пешевски. Протестот заврши пред пред Владата каде присутните претставници на синдикатите ги повторија барањата....

СВР Охрид презема мерки за пронаоѓање на лица кои деновиве, преку телефонски јавувања кај граѓани од Охрид, лажно претставувајќи се, вршат измами за случени сообраќајни незгоди во кои, наводно, жртви или тешко повредени биле членови на нивните семејствата или други нивни роднини. Со тоа создаваат огромна вознемиреност кај граѓаните, а целта на овие измами е да изнудат пари за наводна помош при понатамошната постапка. „Апелираме до граѓаните, да не наседнуваат на ваквите телефонски јавувања и веднаш да ги пријават на бесплатниот телефонски број 112 или лично во најблиската полициска станица“, се вели во соопштението на СВР Охрид....

Непознати лица синоќа фрлиле молотов коктел врз единствената зачувана предвоена синагога во Варшава која се уште служи како место за богослужба и се обиделе да ја запалат, соопшти полската полиција. „Командата на полицијата добила пријава за обид за палење на синагогата Нозика во Варшава. Полицијата води истрага во врска со тоа“, изјави Јацек Вишњевски од варшавската полиција за полските медиуми. „Рабинот Шудрих пишува дека некој се обидел да ја запали синагогата со помош на молотов коктел. Фала му на Бога, никој не беше повреден. Интересно, кој се обидува да ја наруши годишнината од нашето влегување во Европската Унија?“, реагира на социјалната мрежа Икс, шефот на полската дипломатија Радослав Сикорски. Таа синагога се реновира од 2008 година....

Народна банка на Северна Македонија посочува на разликите меѓу оригиналните и фалсификуваните евра за да се намали ризикот на нашите граѓани, кои патуваат во странство и кои можат да дојдат во контакт со фалсификувани ковани евра. -Фалсификуваните евро монети можат лесно да се препознаат, доколку внимателно се провери дизајнот на предната и задната страна на монетата и нејзиниот раб: Дизајнот на фалсификуваните монети често изгледа заматен, со доста нерамнини и гребнатини, а формата им е неправилна. Натписите на рабовите на оригиналните евро монети се остри, заради полесно препознавање од лицата со оштетен вид, додека кај фалсификуваните се нејасни и непрепознатливи, а се разликува и растојанието помеѓу поединечните симболи и зборови, се вели во соопштението. Преку употреба на магнет, наведуваат дека може релативно лесно и едноставно да се утврди фалсификувана кована пара. – Централниот дел на монетите е изработен од посебен безбедносен материјал кој е поседува слаби магнетни својства, додека надворешниот прстен не поседува магнетни својства. За разлика од оригиналните, фалсификуваните монети имаат изразено силни магнетни својства или пак воопшто ги немаат, стои во соопштението од Народна банка....

Пред почетокот на главната туристичка сезона во Албанија, а имајќи го предвид фактот дека голем број македонски граѓани летуваат на тамошното крајбрежје, Македонската амбасада во Тирана информира за телефонските броеви, на кои може да се јават во случај на потреба. -И оваа сезона потсетуваме на важните телефонски броеви на кои македонските државјани кои ќе летуваат во земјата ќе може да се јават доколку имаат потреба. Дежурен телефон за итни случаи на македонската амбасада во Тирана: (Global Sos): +355 6890 19198 (+Viber+Whatsapp) амбуланта 127, полиција 129, итна служба 112, стои во соопштението на македонската амбасада во Тирана, објавено на Фејсбук страната на амбасадата. Македонските туристи се меѓу најбројните, по косовските, кои летните одмори ги минуваат на албанското крајбрежје, пред сè во Валона, Драч и Шенѓин. Во просек годишно, главно во летната сезона одмараат над 300 илјади македонски граѓани....

Денес работничките права се прекршени и погазени. Државата многу малку води грижа за тие кои создаваат и се р’бетот на нашата економија. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница. Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја. Честит 1 мај, меѓународен ден на трудот!...

„Враќање на ВМРО ДПМНЕ на власт значи режим во најава, сигурна блокада на Македонија и внатрешни етнички тензии. Ако го дозволиме тоа, ќе ѝ се нанесе огромна штета на државата”, порача претседателот на СДСМ, Димитар Ковачевски, од Првомајскиот пикник што денеска се одржа во Градскиот парк во Скопје. Тој ги повика граѓаните и сите прогресивни сили во земјата, кога ќе излезат на гласање на 8-ми мај да имаат предвид дека преголема моќ за десничарска партија како ВМРО ДПМНЕ ќе претставува сериозна закана за иднината на земјата. „Ако десничарска партија како ВМРО добие таква моќ, со сите државни ресурси на располагање, може да се соочиме со крајот на нашата европска перспектива. ВМРО ќе ја одложува евроинтеграцијата до недоглед како што тоа го правеше Груевски. Затоа, во среда, една недела од денеска, сме исправени пред уште една голема одлука – дали ќе го дадеме нашиот глас за да одиме напред, во европска иднина, или ќе гласаме за да се вратиме назад и да го вратиме режимот кој нѐ гушеше 11 години”, истакна Ковачевски. Лидерот на СДСМ им порача на граѓаните дека ова се исклучително важни избори за европската иднина на државата. „Гласот ЗА е глас за сигурна, безбедна и европска иднина на Македонија. Гласот ЗА е глас за инвестиции во иднината на земјата, не за жални врби, стиропор и фонтани. Со гласот ЗА ќе обезбедиме подобри услови за живот тука, во Македонија, за нашите деца, внуци и идните генерации да си останат дома и тука да си ја бараат среќата. Друга татковина ние немаме”, рече Ковачевски....

На 30.04.2024 полициски службеници на СВР Скопје во содејство со Одделот за криминалистичка полиција – Сектор за недозволена трговија со дрога, оружје и опасни материи, по претходно преземени оперативни мерки и активности, го лишија од слобода И.Ј.(37) од Скопје. Имено, при претрес во неговиот дом во Сопиште, извршен со судска наредба, биле пронајдени и одземени марихуана, кокаин, амфетамин, семки од растение, три дигитални ваги со остатоци од дрога. И.Ј. е приведен и против него ќе биде изготвена кривична пријава по чл.215 од Кривичниот законик, а денеска (01.05.2024) тој е изведен пред судијата на претходна постапка, кој му определи мерка притвор во траење од 30 дена во КПУ Затвор Скопје....

Со синоќешниот настап во полуфиналето против Баерн во Минхен, Лука Модриќ влезе во историјата на Реал. Модриќ против Баерн урна рекорд стар 60 години. Со 38 години и 234 дена, тој стана најстариот играч што одиграл натпревар во дресот на Реал, во Лигата на шампионите или Купот на шампионите. Досега рекордот го држеше легендарниот Ференц Пушкаш, кој настапи за „Кралскиот клуб“ во ноември 1965 година, исто така во ремито 2:2 на гостувањето кај Килмарнок, со 38 години и 229 дена. Хрватскиот играч за врска против Баерн го забележа својот 126. настап во Лигата на шампионите и се наоѓа на 16. место на вечната листа. Во историјата на Реал повеќе натпревари од него во Лигата на шампионите одиграле Серхио Рамос (129), Раул (130), Карим Бензема (133) и Икер Касиљас (150). Модриќ, синоќа го забележа 17. настап во полуфиналето на Лигата на шампионите. Во историјата на Лигата на шампионите повеќе настапи од него во оваа фаза од натпреварувањето имаат само Бензема (18), Тони Крос (19) и Кристијано Роналдо (21)....

Српскиот претседател Александар Вучиќ денеска реагираше на пораката од Стејт департментот во која се вели дека САД се разочарани од фактот што Александар Вулин и Ненад Поповиќ, функционери кои се под санкции на САД, се дел од новата Влада на Србија. Вучиќ рече дека „Владата на Србија ја избираат граѓаните“, а потоа го наведе случајот со Милорад Додик, кој беше со него во друштво, наведувајќи дека редовно се гледаат и пијат заедно и покрај тоа што претседателот на Република Српска е под американски санкции, јави дописникот на МИА од Белград. -Па, и Милорад Додик е под санкции на САД и еве го до мене. Еве, се дружиме. Пиеме еднаш неделно, тој чашка ракија, јас вино, и што со тоа? Ова за нас не е добра вест, се надевам дека ќе имаме добри односи со нашите американски партнери. Исклучително е важно да имаме добри односи. Не ме радува нивната реакција, но Владата на Србија ја избираат граѓаните на Србија. Што тоа значи? Кога ќе воведат санкции против некого, ние треба понизно да ја наведнеме главата и да кажеме: Да, благодарам што не информиравте кој не треба да биде ништо. Па, претседателот Додик го избра народот и јас ја почитувам волјата на народот, исто како што ја почитувам волјата на оние што беа избрани овде, рече Вучиќ, реагирајќи на пораката од Стејт департментот. Претседателот на Србија потоа додаде дека имало и критики поради тоа што во владата ќе има и „еврофанатични министри“. -Слушнав забелешки и од другата страна, но тие беа толку љубезни што не зборуваат за тоа јавно. Важно е Владата да биде српска и да ги спроведува интересите на Србија, кажа Вучиќ. Според најавите од мандатарот Милош Вучевиќ, новата влада на Србија ќе има и двајца членови кои се под санкции од САД – Александар Вулин, кој е предложен за вицепремиер и Ненад Поповиќ, кој е предложен за функцијата министер без ресор. -Нашиот став за господинот Вулин е добро познат. Останува под американски санкции, се наведува во соопштението на Стејт департментот, во кое се нагласува дека „САД не играат никаква улога во кадровските решенија на српската Влада“....

„СДСМ како единствена авентична социјалдемократска партија секогаш била на страната на работниците, а нашите социјалдемократските политики ги заштитија граѓаните и ја спасија земјата од колапс за време на кризите во изминатите години”, изјави претседателот на СДСМ, Димитар Ковачевски, на денешниот Првомајски пикник што се одржа во Градскиот парк во Скопје. Тој потенцираше дека за време на владеењето на СДСМ значително се унапредиле работничките права и се подобрил животниот стандард на граѓаните. „СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Нешто што беше незамисливо до пред само седум години. Незамисливо беше затоа што претходната власт на ДПМНЕ ги третираше и продаваше нашите работници низ светот како евтина работна сила. Верувале или не, со тоа привлекуваа инвестиции”, рече Ковачевски. Ковачевски потсети дека токму СДСМ е партијата која обезбеди недела да биде неработен ден и ги зголеми пензиите и платите во суштинските сектори како здравство, образование и безбедност. Никого не оставивме сам да се бори со последиците од кризата, водејќи се од принципите на солидарност и правда, истакна Ковачевски. „Кога ги носевме антикризните мерки, ние решивме да се однесуваме одговорно. Правилно го распределивме ограничениот буџет и ги вративме парите кај граѓаните кога беше најпотребно. Обезбедивме 2,6 милијарди евра за поддршка на граѓаните и стопанството со што го заштитивме животниот стандард и достоинството на граѓаните, но и ги зачувавме работните места.” Лидерот на СДСМ на сите граѓани на Македонија им го честиташе 1 Мај – Меѓународниот ден на трудот и најави дека партијата останува верен сојузник и поддржувач на работниците....

Арта Билали Зендели, претставник на Европскиот фронт на прес- конференција истакна дека ветингот ќе биде услов за новата Влада. Според неа, без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. „Денеска ви ја претставуваме една од заложбите на политичката програма „Европа 2030“ на Европскиот фронт, спроведување на процесот на проверка за сите носители на политички функции и носители на големи одговорности во областа на судството и борбата против криминалот и корупцијата. Без воспоставување на ефикасен механизам и објективен скенер на чистотата на личностите кои преземаат јавна одговорност, како што е проверката, не може да се постигне оптимален напредок во борбата против криминалот и корупцијата. Владеењето на правото, правдата и доброто владеење гарантираат еднаква лојалност и одговорност за секој граѓанин пред законот. Борбата против корупцијата и организираниот криминал ќе продолжи да биде бескомпромисна, со нулта толеранција, но овојпат засилена со точноста на системот за проверка во законодавната, извршната, судската, обвинителството и секоја друга функција во централно и локално ниво, за именувани или избрани лица“, вели Арта Билали Зендели. Како што вели, ветингот ќе овозможи поголема транспарентност на богатството на кандидатите кои сакаат да преземат јавна одговорност и како се постигнува тоа богатство. „Ова објективно следење ќе биде поттик за сите и можност за чесни човечки капацитети да излезат на површина за да им служат на потребите на луѓето. Ветингот за корупција е неопходна категорија која еднаш засекогаш ќе ја затвори вратата за поединци кои го ставаат личниот интерес над општото. Европскиот фронт за првпат инсистира и на примена на проверка на руското влијание и антидржавните служби за да се елиминира ризикот од дестабилизација и дезориентација на земјата од евро-американската ориентација. Донесувањето на посебен закон за ветинг ќе биде најсилниот одговор против секоја тенденција за манипулација и злоупотреба на јавната положба“, завршува Арта Билали Зендели....

Американскиот Сенат едногласно го усвои Законот за забрана на увоз на руски ураниум, откако Претставничкиот дом во декември го усвои овој предлог-закон, пренесоа денеска американските медиуми. Ураниумот се користи за напојување на комерцијални нуклеарни реактори кои произведуваат електрична енергија, објави „Гардијан“. Се очекува и американскиот претседател Џозеф Бајден, кој минатата недела го потпиша Законот за воена помош за Украина, да потпише и закон за забрана за увоз на руски ураниум. Американските нуклеарни централи извезле околу 12 отсто од потребниот ураниум од Русија во 2022 година, според евиденцијата на Управата за енергетски информации. Портпаролот на Советот за национална безбедност во пресрет на гласањето рече дека Конгресот со воведувањето на забранат „и дал уверување на индустриите, сојузниците и партнерите“ дека Америка донела јасна одлука дека во децениите кои претстојат ќе воспостави безбеден синџир за снабдување со нуклеарно гориво, независен од влијанието на спротивставената страна. „Вајоминг има ураниум кој може да го замени увозот од Русија и ние сме подготвени тоа да го искористиме. Нашата двопартиска законодавна иницијатива ќе помогне да се намали финансирањето на руската воена машинерија, да заживее производството на американски ураниум и да се поттикнат инвестициите во американскиот синџир за снабдување со нуклеарно гориво“, рече американскиот сенатор Џон Барасо, главен републиканец во Комитетот за енергетика на Сенатот....

Основното јавно обвинителство Скопје донесе Наредба за спроведување истражна постапка против едно лице за кривично дело – Неовластено производство и пуштање во промет наркотични дроги и психотропни супстанции од член 215 став 1 од Кривичниот законик. При претрес во домот каде престојувал осомничениот 36-годишник во Скопје била пронајдена и одземена наркотична дрога марихуана со вкупна нето маса од 56,40 грама и 15 семки кои потекнуваат од растение кое припаѓа на растителниот род канабис, еден шприц со остатоци од хашиш смола, едно полиетиленско пакување со наркотична дрога кокаин со вкупна нето маса од 10,40 грама, пет полиетиленски пакувања со психотропна супстанца – амфетамин со вкупна нето маса од 5,13 грама и едно полиетиленско пакување со психотропна супстанца MDMA со вкупна нето маса од 0,45 грама. Дрогата и психотропните супстанции зедно со три дигитални ваги биле пронајдени и одземени од овластени службени лица. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот....

Општина Центар пред две недели започна со инсталирање на паметно јавно осветлување на цела територија на општината. Тоа значи дека граѓаните на Општина Центар добиваат јавно осветлување со нова ЛЕД технологија за автоматско димирање односно прилагодување на светлината следствено временските услови или зачестениот сообраќај на улицата. Општина Центар појаснува дека овие светилки не се палат мануелно туку тие почнуваат да светат следејќи го намалувањето на дневната светлина додека нивната јачина на светлост се зголемува како настапува ноќта. Исто така светлината на овие паметни светилки е во мирување со потивка осветленост кога на улицата нема движење односно зголемување на светлоста кога на улицата ќе помине пешак или автомобил. Светлината која ќе зрачи од овие нови паметни светилки ќе биде ниту многу жолта, ниту многу бела односно светлина која ја зголемува видливоста на возачите и пешаците. Тоа значи дека Општина Центар ќе има побезбедни улици за сите граѓани и учесници во сообраќајот но и побезбедни маала од било какви девијантни појави. Со овие светилки Општина Центар става крај на темните ќошиња. Воедно оваа технологија значи дополнителни заштеди за општинските средства и нивна пренамена во други нови проекти за граѓаните. Општина Центар преку реализација на овој проект ќе ја унапреди енергетската ефикасност со тоа што ќе оствари заштеда до 70% на потрошувачката на електрична енергија за јавно осветлување и повеќе од 75% на трошоците за одржување на сеуште постојниот систем. На територија на Општина Центар ќе бидат поставени 3982 улични светилки со нова технологија на ЛЕД светилки за паметно мерење и управување со електричната енергија. Инсталацијата на светилките ќе биде извршена во две фази и тоа по урбани заедници и истата опфаќа демонтажа на старите и монтажа на новите светилки. Предвидени се различни типови на светилки, вкупно 4 за различни типови на сообраќајници односно дали истите ќе бидат оставени на главни, споредни и резиденцијални улици, пешачки патеки или споредни улици. Процесот за менување на јавното осветлување го имплементира А1 Македонија и во Општина Центар го започна со поставување на Тип 1 светилките кои се инсталираат на најфреквентните улици во општината, а вчера започна и инсталирањето на Тип 2 светилките кои ќе бидат инсталирани на споредни улици низ целата општина односно близу основни училишта, градинки, паркови, шеталишта итн. Тип 3 светилките ќе бидат инсталирани на спореди резиденцијални улици, додека Тип 4 на споредните улици и пешачките патеки на територија на општината. Општина Центар ги информира граѓаните дека новите ЛЕД светилки немаат еколошки штетни материјали, немаат UV зрачење, имаат висок и предвидлив животен век, емитуваат светлина само во видливиот опсег, имаат компактна големина, намалена потрошувачка на електрична енергија, висока светлосна ефикасност, одличен индекс за рендерирање на бои, лесни се за рециклирање, помалку привлекуваат ноќни инсекти и се отпорни на вибрации и удари. Со новото јавно осветлување Општина Центар ја унапредува енергетската ефикасност, остварување на заштеда во однос на потрошувачката на електрична енергија и во однос на одржувањето на уличното осветлување и го подобрува квалитетот на животната средина....

Пред зградата на Работничкиот дом (ССМ) во Скопје денеска почна протестот на Сојузот на синдикати организиран по повод Меѓународниот ден на трудот. Претседателот на ССМ Слободан Трендафилов порача дека работниците даваат црвен картон на судот, појаснувајќи дека тоа се должело на направени обиди за притисок врз синдикатите. -Денеска ние работниците се собравме пред Работничкиот дом, домот кој сакаат да го конфискуваат од нас за да го уништат синдикалното движење. Работничкиот дом пред кој повеќе од 70 години ги започнувавме сите протести, сите штрајкови и денеска го започнуваме големиот работнички протест. Ние работниците дадовме црвен картон на судот заради тоа што направи обид да изврши притисок врз синдикатите да ги уништи, дозволи функционерска чизма на вратот на работниците за да молчат, да бидат понизни, тоа што го направија денеска го гледаме на дело. Ние синдикатите, ние работниците, ние граѓаните, пензионерите сме сите тука денеска за да покажеме дека колку повеќе не напаќаат посилни не прават и колку повеќе пробуваат да ги уништат синдикатите ние се повеќе сме силни, порача Трендафиловски. Синдикатот на денешниот протест ќе потсети на барањата за пораст на платите во приватниот и во јавниот сектор,за минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти. Протестот продолжи пред Собранието на Република Северна Македонија и Стопанската комора и се очекува да заврши пред Владата....

Ние денеска нема пред кого да протестираме. Имаме техничка Влада, ќе имаме нова влада во текот на следниот месец. Бараме од сите тие што претендираат да бидат носители на таа влада, да дојдат и да ги презентираат нивните програми пред нас, изјави денеска претседателот на Конфедерацијата на слободни синдикати (КСС) Благоја Ралповски. Одговорајќи на новинарско прашање дали ќе се придружат на денешниот најавен протест, Ралповски рече дека тие имаат направено стотици протести во државата во изминатите шест-седум години. -Добро е што конечно им текна дека треба да излегуваат на улиците и да си ги бараат соите права. Но, мислам дека во иднина ако имаме коректни односи меѓу двете синдикални организации дека да, за некој е вистинско право, а не изнудено право дека можеме заедно да излеземе низ улиците и да си ги бараме своите права, нагласи Ралповски. Тој појасни дека на денешниот протестот организиран од Сојузот на синдикати по повод Меѓународниот ден на трудот – 1 Мај нема да излезат 11 грански синдикати – Самостојниот сидникат на образование, наука и култура на Република Македонија – СОНК, Синдикатот на администрацијата, државната управа и правосудство на Македонија, Синдикат за транспорт и врски, Синдикатот на станбено – деловни, комунални и водостопански организации на Република Македонија… Ралповски додаде дека на денешната свечена првомајска академија, што се одржува во просториите на СОНК, биле поканети сите политички партии за да ги презентираат своите економски програми. Поканата ја прифатиле само ВМРО-ДПМНЕ, Левица и Движење ЗНАМ – За наша Македонија!....

Денеска (01.05.2024) во 01.15 часот на Граничниот премин Табановце бил лишен од слобода Г.Ј.Ј.М.(27) од Шведска, поради тоа што при извршена пасошка контрола било констатирано дека во неговата патна исправа недостасувале страници, а исто така во неа биле и вметнувани страници од друга патна исправа. Тој бил предаден на полициски службеници од СВР Куманово за понатамошна постапка....

На денешен ден пред 30 години животот го загуби легендарниот Аиртон Сена на трката за Големата награда на Сан Марино во Формула 1. Сена, еден од најдобрите возачи во историјата на Формула 1, ако не и најдобар, почина на 34. годишна возраст откако ја изгуби контролата над својот болид и со брзина од 305 км/ч удри во ѕидот на свиокот Тамбурело на патеката „Енцо и Дино Ферари“ во Имола. Легендарниот Бразилец победи на 41 трка во кариерата, освои три шампионски титули и остана запаметен како крал на квалификациите и најдобар возач на дожд на сите времиња. На погребот на Сена присуствуваа повеќе од милион луѓе, а многу повеќе излегоа на улиците да му оддадат почит на Бразилецот. „Господ долго време ја држеше рака над Формула 1. Овој викенд ја тргна“, коментираше легендарниот Ники Лауда во моментот на смртта на Сена. За време на квалификациите за истата трка, само еден ден претходно, почина младиот австриски возач Роланд Расцрбергер, што беше прва смрт во Ф1 по речиси 12 години. Сена не ја прифати добро смртта на Австриецот, на која потсети лекарскиот делегат Сид Воткинс, кој му рекол на Бразилецот да не се натпреварува на Имола. „Аиртон полуде. Пред тоа немаше видено смрт на патеките. Во претходните 12 години имаше многу инциденти, многу повреди, но никој не загина“, рекол Воткинс, откривајќи што му рекол Сена кога го молел да не се трка и да замината на риболов“. „Има одредени работи кои не можеме да ги контролираме. Не смеам да се откажам, морам да продолжам“. Сена ја започна трката во пол-позицијата, а трката започна со безбедносно возило откако Педро Лами удри во болидот на Џеј Џеј Лехто. Веќе во вториот круг по рестартот на трката, Сена со својот Вилијамс во кривината Тамбурело удри во бетонскиот ѕид. Бразилецот беше пренесен во болница, а трката продолжи 37 минути по судирот и победи Михаел Шумахер. Два и пол часа подоцна беше објавено дека Сена починал. Тоа беше само трета трка на Сена во Вилијамс откако го напушти Мекларен, и многу се пишуваше за тоа неделно попладне, но само едно е сигурно. Смртта на Сена целосно ја промени Формула 1: беа воведени многу поригорозни безбедносни проверки и се промени историјата на овој спорт....

Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје. Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје....

По соопштувањето на составот на новата српска Влада реагираше Стејт департментот на САД дека се „разочарани што гледаат две санкционирани лица предложени за функции во новата влада“, јави дописникот на МИА од Белград. Според најавите од мандатарот Милош Вучевиќ, во новата Влада на Србија ќе има и двајца членови кои се под санкции на САД- Александар Вулин, кој е предложен за вицепремиер и Ненад Поповиќ, кој е предложен за министер без ресор. -Нашиот став за господинот Вулин е добро познат. Тој останува под санкции на САД, се наведува во соопштението на портпаролот на Стејт департментот за Гласот на Америка, во кое се додава дека САД не играат никаква улога во кадровските решенија на српската влада. Мандатарот за состав на новата Влада на Србија и претседателот на Српската напредна партија (СНС) Милош Вучевиќ го именуваше Александар Вулин, еден од најконтроверзните актери на српската политичка сцена, кој се смета за лице со силни руски врски и кој од 11 јули минатата година е на листата на санкции на Министерството за финансии на САД за „коруптивни и дестабилизирачки акти“, заради унапредување на сопствени политички агенди и лични интереси, на штета на мирот и стабилноста на Западен Балкан. -Тие коруптивни зделки го олеснуваат ширењето на руските злонамерни активности во Србија и во регионот, се наведува во соопштението на Канцеларијата за контрола на странски средства на Министерството за финансии на САД (OFAC) кога санкциите беа воведени во јули 2023 година. Во ноември 2023 година, американскиот Стејт департмент воведе санкции и против Ненад Поповиќ, поранешен министер без ресор во Владата на Србија, и компаниите поврзани со него. -Поповиќ одржува блиски врски со Кремљ и ја користи својата мрежа за коруптивни шеми за лично да се збогати, наведе во соопштението портпаролот на Стејт департментот Метју Милер. Поповиќ е поранешен потпретседател на Народното собрание на Република Србија и претседател на парламентарната група за пријателство со Руската Федерација. Тој е поранешен потпретседател на Демократската партија на Србија (ДСС). -Од 1990-тите, Поповиќ ги користи своите деловни зделки во Русија за да се збогати и да стекне блиски врски со високи лидери на Кремљ. Поповиќ продолжи да ги користи своите врски со Кремљ за да обезбеди бизнис за неговите холдинг компании, од кои повеќето работат во консултантскиот сектор, за недвижности и електроника за руската економија, за да го изгради своето лично богатство преку проневера и даночни шеми. Стејт департментот го означи Ненад Поповиќ како некој кој работи за електронскиот сектор на Руската Федерација. Главните холдинзи на Поповиќ со седиште во Русија ги вклучуваат „Asset Electro LLC“ и „Asset Automation LLC“. „Mosen Asset Management LLC“ управува со секојдневното работење на холдинзите на Поповиќ во Русија, соопштија американските власти....

Праските се омиленото овошје на многу луѓе, во кое уживаат особено во текот на летото. Препорачливо е да внесете праски колку што можете повеќе во исхраната, бидејќи благодарение на нивните влакна, антиоксиданси и витамини придонесуваат за подобра состојба на организмот. Позитивно влијание врз дигестивниот систем Според Health Shots, праските се плодови кои содржат влакна, кои се неопходни за нормално функционирање на дигестивниот систем. Приближно сто грама праски имаат 1,5 грама влакна, а токму влакната се клучни за промовирање на здравото варење, тврди диететичарката Девананда В.М. Редовното јадење праски помага при проблеми како дијареа и запек бидејќи обезбедуваат непречено варење и функционирање на цревата, истакнува диететичарката. Влијаат на губење на тежината Праските се нискокалорични и без маснотии, а благодарение на содржината на влакна, тие се одличен избор за сите оние кои сакаат да ослабат или да ја одржат посакуваната телесна тежина. Праските се одличен избор за ужина, бидејќи тие исто така промовираат чувство на ситост, со што се осигуруваат човекот да не се прејадува во текот на денот и да избере можеби не толку здрави грицки. Зајакнување на имунолошкиот систем Освен што се вкусни, праските можат да помогнат во зајакнувањето на имунолошкиот систем. Диететичарката истакнува дека јадењето праски „го зајакнува имунолошкиот систем, штити од болести како што се настинки и ја подобрува целокупната имунолошка функција“, пренесува Health Shots. Ова овошје содржи и полифеноли и антиинфламаторни антиоксиданси кои помагаат да се намали воспалението. Позитивно влијание врз здравјето на срцето Оние поединци кои имаат недостаток на калиум треба почесто да јадат праски. Според Health Shots, околу сто грама праски имаат 122 милиграми калиум, кој може да помогне во регулирање на крвниот притисок и одржување на здравјето на срцето. Заштита на кожата Јадењето праски ја штити кожата од штетните ултравиолетови зраци благодарение на антиоксидансите, витаминот Ц и бета-каротинот. Ова овошје не само што ја штити кожата, туку и го подобрува нејзиниот изглед, давајќи и поздрав и посјаен изглед. Влијание врз здравјето на очите Праските се богати со витамин А и бета-каротен, кои позитивно влијаат на здравјето на очите“, тврди диететичарката. Редовното консумирање на ова многу популарно овошје помага во одржување на добар вид и значително го намалува ризикот од катаракта, пренесува Health Shots....

На Велика Среда се одбележуваат три значајни настани: Последното претсмртно помазание на Господа, Заговорот на јудејците за да го убијат и Јудиното предавство на Христа за триесет сребреници. И на Велика Среда се читаат библиските текстови кои се во контекст со претходните денови и во врска со настаните од денот (на Утрената: Јован 12,17-50; на Литургијата: Матеј 26,6-16). Последното претсмртно помазание на Господа Христос е помазан со миро во Витанија (Матеј 26,6-13; Марко 14,3-9; Лука 7,37-50; Јован 12,1-8). Според евангелските сведоштва, Господ Исус Христос и апостолите ноќта ја поминале „во Витанија, во куќата на Симона Прокажениот“ (Матеј 26,6). Во Евангелието, коешто се чита на Предосветената Литургија (Матеј 26,6-16), се вели дека токму на тој ден некоја жена излила миро врз главата на Господа Исуса Христа (Матеј 26,7). Со тоа, таа Него Го подготвила за погребение, како што рекол и Самиот Он (Јован 12,7). На Исток, помазувањето со миро било позната работа. Тоа се правело на значајни личности (на цареви и првосвештеници) или, пак, кога во домовите на побогатите ќе дојдел значаен гостин, кој бил особено почитуван и уважуван – и тој бил помазуван. Обично, при помазувањето, ја помазувале косата на главата, челото, лицето и брадата, а кога сакале кон некого да покажат исклучителна почит, му ги помазувале и нозете. Освен ова помазание, Евреите имале востановен обичај да ги помазуваат со мириси и телата на упокоените при погребувањето (види: Јован 19,39-40; Марко 16,1; Лука 24,1). Помазанијата на Господа Исуса Христа не смеат да се поистоветуваат, не треба да се спојуваат ни во едно, ни во две, бидејќи тие се три. Станува збор за три настани, кои меѓусебно се слични, но сепак имаат доволно разлики за да не се сметаат како еден настан. Различни се според: помажувачите, времето, местата, домаќините и начинот на помазувањето. Во Евангелието се спомнуваат три помазанија на Господа Исуса Христа со миро и тоа во различни места, од различни жени и во различни вечери. Имено: 1) Во Евангелието според Лука се спомнува „жена грешница“ која му ги помазала нозете на Исуса со миро излиено од „алабастрен сад“. Тоа се случило во Ерусалим, во домот на Симон Фарисејот (Лука 7,36-50). Според Светото предание, таа жена била Марија Магдалина „од која“ преку чудотворната моќ на Спасителот, „беа излегле седум демони“ (Лука 8,2). 2) Второто помазание е опишано во Евангелието според Јован, каде што се вели: „На шест дена пред Пасха дојде Исус во Витанија, каде што беше умрениот Лазар, кого го воскресна од мртвите. Таму Му приготвија вечера и Марта послужуваше… а Марија, како зеде литар скапоцено миро, ги помаза нозете Исусови, и ги избриша со косата своја“ (Јован 12,1-11). 3) Третиот случај бил пак „во Витанија, во куќата на Симона Лепрозниот“ (Марко 14,3 и Матеј 26,6). Тоа се случило два дена пред Пасха. Така се вели во Евангелието според Марко (Марко 14,1). И тогаш некоја жена, различна од првите две, чие име останува скриено, се удостоила да Го помаза Исуса со „скапоцено и чисто нардово миро“ кое го излила врз „главата Негова“ (Марко 14,3). Притоа, Спасителот рекол дека таа го помазала телото Негово, подготвувајќи го за погребение (Марко 14,8). Овој настан е забележан во Евангелието според Марко (Марко 14,1-9) и според Матеј (Матеј 20,6-13). Толкувачите се согласни дека овде се работи за еден ист настан којшто е опишан и во двете евангелија: во Евангелието според Матеј и во Евангелието според Марко. Анализирајќи ги трите помазанија на Христа, забележливо е тоа што во првите два примера мирото е излеано врз нозете Исусови, а во третиот случај, врз главата, и тогаш, жената што го излила мирото врз „главата Негова“, не се нарекува грешница. Свети Јован Златоуст за помазанието кај Симон Лепрозниот, вели дека не е незначајно тоа што ова помазание е извршено токму кај човек лепрозен и затоа е тоа нагласено крај неговото име. Симон бил лепрозен човек, кого Господ Исус Христос го излекувал од лепрата (опасна, заразна, смртоносна болест – неизлечива во она време). Лепрата се сметала за гнасна и нечиста болест и секој што ќе се допрел до лепрозниот станувал нечист и се заразувал, па требало да принесе жртва за очистување. Христос го допрел лепрозниот и не само што Он не се заразил, туку болниот се очистил. Затоа и бил во неговиот дом. Жената, пак, го видела тоа чудо, но сепак, со срам и страв приоѓала кон Христа, а со цврста вера дека Оној што ја очисти лепрата, лесно ќе ја очисти и нејзината духовна нечистотија. За чудо, пак, имало негодување за помазанието, односно за истурањето на скапоценото миро, кое можело да се продаде за повеќе од 300 динарии и да се помогнат сиромасите. Евангелистот Марко за негодувањето зборува неодредено, Матеј запишал дека тоа биле „учениците Негови“ (Матеј 26,8), а Јован, многу конкретно вели дека тоа го рекол: „Јуда Симонов Искариот, кој што подоцна Го предаде…“ (Јован 12,4-5). Значи, јасно е кажана и цената на мирото, кое било многу скапо, како и тоа, кој од апостолите негодувал и го рекол тоа. Јуда негодувал за парите од скапоценото миро, бидејќи бил среброљубец. Тој, замаен од среброљубието, сметал дека Господ Исус Христос има негрижлив став кон парите и кон богатството, та, просто, не можел да го разбере Неговото однесување. Ете, пред малку, Он ги вреднувал повеќе двете лепти на вдовицата, отколку големите богатства подарени од имотните Евреи, а сега, скапоценото миро Го растурал, иако можело за него да се добијат многу пари. Ваквото Христово однесување за Јуда немало никаква смисла и било неразбирливо, па го сметал за неисправно и неприродно. На таков начин, сатаната лукаво, вистинското го прави лажно, злото го претставува како добро итн., создавајќи превртеност на вредностите. Зошто Јуда приговарал за излиеното миро и зошто барал за него да се добијат 300 динарии? Затоа што бил среброљубец и затоа што бил нечесен, како што запишал апостолот и евангелист Јован: „Ова тој го рече не дека се грижеше за сиромасите, туку зашто беше крадец. Тој го чуваше ковчежето и крадеше од она, што пуштаа во него“ (Јован 12,6). По овие евангелски зборови можеме јасно да го сфатиме однесувањето на Христовиот среброљубив благајник Јуда. Ова е опомена и за нас, за да не претеруваме во световното и во материјалното. Реченото, дека добиените пари од продаденото миро можеле да се раздадат на сиромаси било сосема точно, но Бог повеќе сака вистинска оддаденост и дар, без елементи на пресметки и пресудување при давањето дарови, односно, Господ сака вистинско радосно дарување, без проценки и математики, како што вели свети апостол Павле: „Секој да дава од се срце, а не со жал или принуда; оти Бог го љуби оној што од срце дава“ (2. Кор. 9,7). Забележливо е и тоа дека на почетокот, при Неговото доаѓање во тело на земјава, уште во витлеемската пештера, Христос бил даруван со скапоцени дарови: злато, смирна и ливан (Матеј 2,11). Исто така, и на крајот од Неговиот живот во тело на земјава, Он бил помазан со скапоцени мириси. А ова помазување со миро, за кое Христос рекол дека жената „испревари да го помаже телото Мое за погребение“, се случило по Божја промисла, затоа што при погребението Он не ќе можел да биде помазан, па затоа било и одењето на жените мироносици на гробот – отишле за да го помазуваат со миро телото на Христа. Постапката на жената и постапката на Јуда се две крајни спротивности: жената е пример на пожртвувана љубов, а Јуда е пример на саможивост и егоизам. Таа не жали најскапоцена жртва за да покаже љубов кон Господа, а Јуда од ништо не се срамува и не се плаши, за да ја задоволи љубовта на Мамона (Мамон бил бог на богатството и парите). Таа го излила скапоценото миро, па дури и садот го скршила, давајќи се што има за Бога, а тој, бидејќи среброљубец само за 30 сребреници го продаде Господа, бесценетиот. Христовото помазание во Витанија била слатка капка, а Јудиното предавство, горка капка во чашата Господова. Овие две личности, засекогаш остануваат претставници на двете групи луѓе, кои различно приоѓаат кон Господа и кон спасението на душата. Блажени Теофилакт Охридски вели да се срамат сите кои претпочитаат нешто друго повеќе од Христа, па дури ни сиромасите. Еве, овде лично Господ Исус Христос покажал дека повеќе го цени служењето Нему, отколку на сиромасите. И уште, вели дека погрешно мислат оние кои сметаат дека може да се продадат златните садови за жртвопринесување во храмот и парите да се раздадат на сиромасите. Велелепието на храмот и на домот Божји е грижа на верниците и свештенослужителите, а во златниот дискос и путир се поставува вистинското тело и вистинската крв Христова. Не треба да ја прифаќаме мислата на Јуда, туку постапката на жената, која Го миропомазала Господа. Квалитетот и цената на мирото За квалитетот на мирото со коешто бил помазан Господ Исус Христос се вели дека било: вистинско, нелажно, чисто, нерастворено и посебно зачувано миро. Оттаму е утврдена и цената: скапоцено. Тоа значи дека било не обично, туку посебно миро. Нешто што се чувало како драгоценост. Можело да се продаде „за повеќе од триста динарии“ (Марко 14,5). Навистина, таа вредност е голема. Еден динариј била плата за една работничка дневница, а 300 динарии значи повеќе од 300 дневници. Тоа се пари за плати за цела една година. Дека 1 динариј вредел една дневница, пишува во Евангелието, во Параболата за работниците во лозјето (Матеј 20,1–16). Состав на мирото По својот состав мирото ги содржело следниве состојки: смирна, миризлив цвет на цимет, разни миризливи стебленца, маслиново масло и од многу други нешта. Жената излила врз Христовата глава „чисто, нардово миро“. Нард е билка која е распространета во Арапската пустина и низ Источна Индија. Позната е како камилска трева. Од коренот и од листовите на нардот се правело многу мирисно масло. И денес од нард се прават скапоцени парфеми. Во Новиот завет се спомнува во евангелијата според Марко и Јован. Сад за миро Чувано било во алабастерн сад. Бидејќи бил скапоцен мирис, обично, мирото се чувало во мали алабастерни садови. На Христовото помазување што го направила жената, се противел среброљубецот Јуда. Затоа, на Велика Среда се прославува жената грешница, а се укорува среброљубието на Јуда. Ете, грешната жена, грешницата – ја воспева денес Црквата, за тоа што таа Му принесе миро на Господа – а Неговиот апостол Јуда – предавство; таа се радуваше, истурајќи го скапоценото миро, а тој отрча да Го продаде Непроценливиот; таа Го позна Христа, а тој се одрече од Него; таа Му пријде, а тој си замина; таа се ослободи, а тој стана роб на гревот и ѓаволот. Заговор за убиство Јудејците се договориле да Го убијат. Библискиот текст вели: „По два дни беше Пасха и празникот Бесквасници; а првосвештениците и книжниците сакаа да го фатат на измама и да го убијат; но велеа: ,На празникот не, за да не стане бунт меѓу луѓето‘ “ (Матеј 26,3-5; Марко 14,1-2). Заговорот против Христа првосвештениците и книжниците го направиле во средата пред Пасха. Овој настан што се случил тогаш е причина во Црквата Христова среда да биде ден определен за пост, бидејќи тогаш Господ Исус Христос бил предаден и првосвештениците и книжниците се договориле да го фатат, лажно да го обвинат и да го осудат на смрт, распнувајќи го на крст. А во петокот бил паспнат. Непријателите сакале да го исползуваат предпразничното време, пред Пасха да го фатат и убијат, за да можат ослободени од Него да ја прославуваат Пасха. Господ Исус Христос, пак, го определил времето на Своите страдања и според промислата на Светата Троица, Он бил распнат спроти Пасха, затоа што Он Самиот е вистинската Пасха. Овде е забележано дека првосвештениците и книжниците донеле најконкретна одлука: Исус мора да биде фатен и убиен, и тоа, што е можно побрзо. Ним им недостасувало само погодно време тоа да го извршат. Тие, отишле дури дотаму во гревот, така што, на нивната морална и верска содржина, не им пречело убиството на Христа и биле согласни Он да биде убиен дури и на Пасха, не сметајќи дека со тоа ќе го осквернат праз¬никот. Тоа не им пречело, туку биле загрижени, од практични причини, „за да не стане бунт меѓу луѓето“. Тие се договориле „да го фатат на измама“, затоа што немале вистин¬ска причина со која би Го обвиниле, осудиле и убиле. Јудиното предавство на Христа Јуда Го предал Господа за 30 сребреници (Матеј 26,14-16; Марко 14,10-11; Лука 22,1-6; Јован 13,2,27). Во Евангелието е запишано вака: „Тогаш Јуда Искариотски, еден од дванаесетте, отиде кај првосвештениците, за да им Го предаде. А тие, штом чуја, се зарадуваа и ветија да му дадат сребреници. И бараше погодно време, за да го предаде“ (Марко 14,10-11). Јуда отишол кај првосвештениците со намера да им го предаде Господа Исус Христа. „Отиде“ – значи отишол сам, без некој да го повика, односно, првосвештениците не го повикале, па дури и тие биле изненадени од неговата постапка. Јуда, всушност, им ја олеснил нивната работа. Што го натерало Јуда да „отиде при првосвештениците“? Светиот евангелист Лука вели: „Влезе сатаната во Јуда“ (Лука 22,3), се разбира по негово допуштање и според слободната волја на апостол Јуда, бидејќи сатаната нема таква сила и моќ, без наша волја да раководи со нас, туку ние, со нашата слободна волја, му допуштаме. Светите отци истакнуваат уште една причина за желбата кај Јуда да го предаде Христа. Имено, сè до тој момент Јуда се двоумел дали Христос ќе биде Јудејски цар на земјава или не. Јуда повеќе посакувал Исус да биде политички цар. Зошто? За да добие некаква важна функција во државната власт. Но, неговите планови пропаднале кога видел дека Учителот се подготвува за страдање, за смрт и тогаш веќе, конечно ја изгубил сета надеж. Почнал да си размислува за себе и си велел дека од Христа не ќе може ништо повеќе да добие, а можел да биде само гонет, па затоа решил да искористи барем нешто, а тоа било да го предаде Христа и за тоа да земе некоја награда во пари. „И рече: ,Што ќе ми дадете, па да ви Го предадам?‘ А тие му предложија триесет сребреници“ (Матеј 26,15). Евангелието мудро ги открива работите. Забележуваме дека Јуда во оваа реченица не сака ни да го спомне името на Спасителот. А, не спомнува и никаква цена, туку, едноставно, си вели: дајте колку ќе дадете. Тој, пак, бидејќи не предложил цена за Исуса, тоа веднаш го направиле првосвештениците и „му предложиле триесет сребреници“. Тоа значи дека Исус е потценет и вреднуван само колку еден најобичен роб. Евангелскиот текст спомнува дека тие му ветиле „да му дадат сребреници”, од што, јасно заклучуваме дека Јуда се одлучил на предавство затоа што бил среброљубец и алчен за пари. Откако видел дека неговите надежи се завршени и дека играта во своите мисли, дека ќе биде важна личност во земното царство на Господа Исуса Христа е неисполнлива, а наскоро ќе нема и пари во ковчежето од каде што ќе може да краде, се одлучил да се откаже од Христа, да им го предаде на јудејските старешини, да се приврзе кон нив и да ја задоволи својата среброљубива страст, земајќи дури и толку малку пари. Според текстот од Евангелието според Матеј, точно се наведува ветениот износ што му го дале првосвештениците на Јуда: „30 сребреници“ (Матеј 26,15 сп: Зах. 11,12). Во Втората книга Мојсеева се спомнува дека износот од 30 сребреници претставувала цена определена како “крварина” за еден ненамерно убиен роб, како што е запишано: “Прободе ли, пак, волот роб, или робинка, тогаш на господарот нивни да му се платат триесет сикли сребро, а волот да се убие со камења” (2. Мој. 21,32). Исто така, познато е дека цената на еден најлош и безвреден слуга изнесувала 30 сребреници. Таа цена била определена и за Господа Исуса Христа во пазарот меѓу Јуда и првосвештениците. Откако ја договориле цената, и Јуда и свештениците, потоа, само барале „погодно време“ за да го исполнат договореното. Чудно било задоволството што го чувствувале и Јуда и свештениците! Јуда ја задоволил својата среброљубива страст и чувствувал задоволство како што чувствува пријатност алкохоличарот од голтката алкохол, клептоманот од украденото итн. Првосвештениците, пак, биле задоволни што можеле така безвредно да Го добијат галилејскиот Учител и уште еднаш да им се потврди нивната мисла дека парите можат сè и дејствуваат секаде, па дури и меѓу Христовите ученици. Синедрионците сакале да Го понизат Христа со цена за роб, иако можеле да понудат повеќе за бараниот Човек, а таквата „услуга“ чинела многу повеќе! Кој бил Јуда? Јуда бил Христов апостол. Човекот што одел постојано со Господа Исуса Христа и дење-ноќе, го слушал Евангелието, ги гледал чудата и добрините што ги правел Господ и знаел сè што треба да прави, го знаел доброто, а го извршил злото. Тој е пример за отстапништво. Пример колку може човекот да падне и да се оддалечи од Бога. Пример како праведникот може да постане грешник, апостолот – предавник. Среброљубието, парољубието, материјалноста, овоземното богатство и слава, злобата и зависта, му го обзеле неговото срце и тој станал предавник. Кога човекот ќе го опфатат тие гревови и пороци, тогаш, од таквиот може да пострада секој, па дури и Господ Кој бил единствено безгрешен во светов. Зошто и како можел Јуда да го предаде Господа, кога тој бил избран за апостол од Христа? Тоа покажува дека Бог, повикувајќи ги луѓето кај Себе, не им наложува ништо насила и не ги принудува, не ја присилува нашата волја, туку ја почитува нашата слобода и нè остава самите, со нашата слободна волја, да се определиме за доброто. Притоа, Бог само ни помага да се насочиме кон тоа, нè упатува, советува, помага, се грижи и сака да ја побуди нашата волја кон доброто и да станеме добри, но Он не одлучува, туку ние. Ако и покрај сè, некои не сакаат да бидат добри, нив Бог не ги принудува. А, ако Бог принудува, тогаш каква е нашата заслуга? Зошто тогаш да бидеме наградени за направеното добро, ако не е наша одлуката за тоа? Со кое право, пак, би нè казнувал за злото, кога Он е Којшто одлучува? Ние не сме виновни. Тогаш ние не сме ни за казна, ни за награда. Господ Исус Христос знаел кој го предал. Знаел дури и пред да го предаде. Тоа го покажал на Тајната вечера. Прекрасно објаснување на овие евангелски содржини има во богослужбата на Велики Четврток вечерта, ако внимателно ги слушаме антифоните. + + + Со Велика Среда се завршува редот на великопосните богослуженија и особености. Тогаш, последно се служи Предосветена Литургија и се прават длабоки поклони при пеењето на: „Нека биде благословено името Господово“…– (Буди имја Господне…). Некаде, особено по манастирите, и на Велика Среда се извршува чинот простување, како на Прочка. + + + Со богослужението на Велика Среда, завршуваат и великопосните Големи повечерија со поклони, како и читањето катизми на утрените богослужби, на часовите и на вечерните богослужби. Од овој ден до Томина недела не се богослужи Полуноќница (Полноќна богослужба). + + + На Велика Среда завршува мироварението и свареното миро се собира во 12 алабастрени садови, мои ги симболизираа т 12 апостоли кои ја имале благодатта Божја и добиле од Господа право да крштеваат и да миропомазуваат (во почетокот со полагање рака, а потоа, со свето миро). Преку апостолското преемство од Господа и апостолите, тоа право го примаат и свештенослужителите во Црквата Божја до денес. + + + Во овие денови се нè сврзува со спомените на нашата гревовност. Постојано мислиме и сочувствуваме со доброволното страдање на Христа за спасение на грешната човечка природа. Сето тоа во срцата на верниците предизвикува тага и плач. Тоа е плачење од созерцанијата – од духовното согледување на ужасните измачувања и крсните страдања на Синот Божји – нашиот Спасител Господ Исус Христос. Но, истовремено, побожните верници чувствуваат и неопислива радост заради своето спасение – заради спасението на човечкиот род, коешто е дарувано од Бога, преку Христовите страдања. Поради сето ова, во овие празнични денови христијаните се исполнуваат со благодарност кон Бога Искупителот.Во деновите на Страстната седмица, со солзи го оплакуваме поруганиот и распнатиот наш Спасител, но чувствуваме и неискажлива благодарност кон Бога за спасението што ни го дарува....

Граѓаните и гласачите на СДСМ веќе ја препознаваат измамата која им е сервирана од страна на ЗНАМ и непринципиелните коалиции. За разлика од субјектите како ЗНАМ, кои се човек-партија СДСМ е државничка партија со длабоки и силни корени, се вели во одговорот на социјалдемократите на вчерашната понуда на ЗНАМ. Вчера Максим Димитриевски, претседателот на ЗНМ рече дека единствен услов за евентуална соработка со СДСМ е оставка на раководството на партијата во рок од 24 часа, а носителите и ко-носителите на кандидатските листи на нотар да изјават дека нема да прифатат пратенички мандати. „Нас не водат социјалдемократските вредности, борбата за граѓаните и европската иднина на Македонија. Не се откажуваме од тоа, СДСМ е цврста и силна партија. Ќе продолжиме да се бориме за овие вредности. СДСМ е единствената партија наследник на НОБ, на АСНОМ. Не прифаќаме условувања од било кого, СДСМ со никого нема да прави политички дилови. Ова е прашање на иднината на државата и со неа нема тргување“, соопшти денеска СДСМ. Вчера на Димитриевски му одговори и Димитар Ковачевски, претседателот на СДСМ: „Партиското раководство го бираат членовите на СДСМ кои се наследници и на НОБ, АСНОМ и на Киро Глигоров, а не вазали кои се предале и отишле да шуруваат со наследниците на Ванчо Михајлов. СДСМ е едиствената партија наследник на Сојузот на комунисти на Македонија, на Народноослободителната борба, наследник на независната Македонија и Киро Глигоров. За разлика од субјектите како ЗНАМ кои се човек-партија, СДСМ е државничка партија со длабоки и силни корени. Нас нè водат социјалдеморкатските вредности. Борбата за граѓаните и европската иднина на Македонија и не се откажуваме од тоа“, одговори Ковачевски на вчерашниот митинг во скопската општина Аеродром....

Американскиот државен секретар Ентони Блинкен изјави денеска за време на средбата со израелскиот претседател Исак Херцог дека „сега е време“ за договор со Хамас за ослободување на заложниците и прекин на огнот. „Одлучни сме да постигнеме прекин на огнот што ќе ги врати заложниците дома и да го добиеме сега, а единствената причина зошто тоа не би било постигнато е Хамас. Предлогот е на маса, како што кажав, нема одложувања и оправдувања. Времето е сега“, изјави Блинкен.Тој изјави дека таквиот договор ќе овозможи влез на многу потребните лекови, храна и вода во Газа. Блинкен вчера најави дека денеска ќе се сретне со израелскиот премиер Бенјамин Нетанјаху и ќе разговара за дополнителни мерки што Тел Авив мора да ги преземе за да се зголеми испораката на помош за Газа....

Во потег што ја одразува зголемената загриженост за стабилноста на американската економија, повеќе африкански и блискоисточни земји почнаа да ги повлекуваат своите златни резерви од Соединетите држави во последните месеци. Меѓу земјите кои ги повлекоа своите златни резерви се: Нигерија, Јужна Африка, Гана, Сенегал, Камерун, Алжир, Египет и Саудиска Арабија. Нивните постапки ги поттикнуваат прашањата за иднината на американскиот долар како примарна светска резервна валута. Одлуката на Саудиска Арабија да ги повлече своите златни резерви од Соединетите Американски Држави предизвика шокантни бранови на светските пазари. Потегот на еден од најголемите светски извозници на нафта и главен столб на глобалната економија го нагласува растечкото разочарување од американскиот финансиски систем. Како што пишува „Хјустон пост“, овој тренд означува значителна промена во глобалната економска динамика и го истакнува растечкиот скептицизам меѓу земјите во однос на традиционалниот статус на безбедно засолниште на американскиот долар и американските финансиски институции. Одлуката за повлекување на златните резерви не е само симболична – таа одразува подлабока вознемиреност меѓу овие земји за траекторијата на американската економија. Постојаната инфлација, зголеменото ниво на долг и загриженоста за способноста на Федералните резерви да одржува стабилна монетарна политика, ја намалија довербата во американскиот долар. Дополнително, геополитичките тензии и несигурноста околу трговските односи дополнително ги поттикнаа стравувањата кај странските влади. Иако моменталното влијание врз американската економија може да биде ограничено, долгорочните импликации од овој тренд се длабоки и потенцијално би можеле да го преобличат глобалниот финансиски пејзаж....

Оризовата вода се смета за едно од најдобрите средства за зајакнување на косата и враќање на сјајот, а тоа e вода што ја добивате кога го миете неварениот ориз. Користењето оризова вода за да се постигне поубав и поздрав изглед на косата не е нова техника. Потекнува од античката ера на Хејан во Јапонија, каде жените со сјајна и долга коса тврделе дека нивната тајна е токму употребата на оризова вода. Иако се верува дека оризовата вода има бројни придобивки за косата, таа првенствено се користи за зајакнување на косата. Други придобивки вклучуваат отплеткување, враќање на сјајот и мекоста, намалување на иритацијата и поттикнување на растот. Бидејќи има многу малку студии за придобивките од оризовата вода за косата, во моментов нема научни докази дека оризовата вода навистина делува. Сепак, докажано е дека оризовата вода ја содржи состојката инозитол, која длабински ја регенерира косата, што исто така ја штити од понатамошно оштетување. Можете да направите оризова вода на неколку начини. Оризот што го користевте за правење оризова вода може да се користи за јадење. Во овој случај, користете го веднаш, за да не се формира мувла. Техника на натопување на ориз Ова е најпопуларниот и најбрзиот начин за подготовка на оризова вода. Прво, треба да исплакнете половина чаша неварен ориз во вода користејќи мала цедалка. Потоа ставете го оризот во сад, заедно со 2-3 шолји вода и оставете го да отстои 30 минути. Процедете ја оризовата вода во чист сад, по што е подготвена за употреба. Некои поборници за користење на оризова вода за коса веруваат дека ферментираната оризова вода дава најдобри резултати. Ако сакате да го пробате, наместо 30 минути, оризот потопете го во вода 12-24 часа на собна температура. После тоа, се цеди во чист сад. Откако ќе ја направите оризовата вода, користењето е многу едноставно. За едноставност, истурете ја оризовата вода во чисто шише или чиста тегла. Добро протресете го садот пред употреба. Откако ќе ја измиете косата со шампон и регенератор, рамномерно нанесете оризова вода. Особено фокусирајте се на коренот на косата. Оставете да делува 3-5 минути и потоа исплакнете ја косата. Можете да користите оризова вода секогаш кога ќе ја миете косата или поретко, во зависност од вашите преференции. Чувајте ја водата во фрижидер до следната употреба за да го продолжите нејзиниот животен век бидејќи може да трае до седум дена со соодветно чување. Оризовата вода може да ја користат луѓе со секаков тип на коса, дури и луѓе со бојадисана коса. Сепак, луѓето со екстремно сува коса и скалп треба да го користат најмногу еднаш неделно....

За Лионел Меси 1 мај е датумот кога му се случија убави работи на фудбалскиот терен. Меси го постигна својот 600-ти гол за ФК Барселона на 1 мај 2019 година. Голот го постигна со фантастичен удар од слободен удар во 82. минута од натпреварот против Ливерпул во Лигата на шампионите. Аргентинскиот напаѓач со чудесен удар од околу 30 метри го погоди горниот агол од мрежата на Ливерпул. Пред тоа Меси веќе имаше постигнато еден гол на тој натпревар, а конечниот резултат гласеше 3:0. На истиот натпревар Меси по стоти пат ја носеше капитенската лента. Четиринаесет години претходно на 1 мај, Меси го постигна својот прв гол за првиот тим на Барселона....

За излез од Македонија на граничниот премин Богородица се чека и по еден час за возила кои се упатиле кој Грција информираат од АМСМ. Оттаму додаваат дека интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. Денеска во земјава е неработен ден за сите граѓани. Го одбележуваме 1-ви Мај, меѓународниот ден на трудот, а потоа следат Велики Петок кој е неработен ден како и Велигден....

Метео анализа на Славчо Попоски: Почитувани наши, веќе започна да влијае ладниот феномен “ЛА НИЊА”, и истиот ќе го почувствуваме уште од месец мај, што значи дека истиот ќе биде со нешто пониски температури за разлика од изминатите години. Односно тие би биле околу, повремено дури и под просекот. Секако не смее да се исклучи можноста да се случи и некој поизразен топол бран во текот на мај, но барем одсега гледано, шансите за тоа се многу мали. Што се однесува до врнежите, кај нас во Македонија тие би биле натпросечно високи, односно ќе бидат честа појава. Се поголеми ќе бидат и шансите за создавање на грмотевични облаци, како и на временски непогоди со силен пороен дожд, силен ветер, силни електрични празнења, како и појава на силен град. Поладно време од вообичаеното, освен кај нас, ќе има и во најголем дел од Балканот, како и Европа. Уште да напоменеме дека поради тоа што се работи за долгорочна анализа на времето, промени во истата се можни, па затоа граѓаните да ги следат нашите редовни и секојдневни пократкорочни анализи на времето....

Голем број њујоршки полицајци влегоа во вторникот вечерта на Универзитетот Колумбија и приведоа најмалку 48 пропалестински демонстранти, неколку часа откако градоначалникот на Њујорк рече дека студентскиот протест што ја парализира образовната институција веќе две недели „мора веднаш да заврши. “ Полицијата упадна на Универзитетот Колумбија веднаш по 21 часот, неколку часа откако демонстрантите ја окупираа Хамилтон Хол, административната зграда на универзитетот, ескалирајќи го речиси двонеделниот протест. Полицијата соопшти дека демонстрантите ги забарикадирале ходниците со машини за сокови, столици и друг мебел. Кога полицијата влегуваше на Универзитетот Колумбија, студентите пред кампусот извикуваа „Срам, срам“ и „слободна Палестина“, а недолго потоа, полицајците почнаа да ги спроведат демонстрантите со лисици до полициските возила. Полицијата уапсила најмалку 48 лица, а околу кампусот биле распоредени голем број полициски и возила на брза помош. Според полицијата, биле употребени шок бомби за дезориентација на демонстрантите, но не бил употребен солзавец. Демонстрантите на универзитетите бараат прекин на огнот во Газа, прекин на соработката со израелските компании и амнестија на приведените студенти. Повеќе од 1.000 демонстранти се уапсени во текот на изминатите две недели во кампусите во Тексас, Јута, Вирџинија, Северна Каролина, Ново Мексико, Конектикат, Луизијана, Калифорнија и Њу Џерси, некои по судирите со полицијата....

Американската агенција за борба против дрога ДЕА ќе ја промени класификацијата на марихуаната и ќе ја означи како помалку опасна дрога, објави Асошиејтед прес. Тоа ќе биде историска промена во повеќедецениската политика за дроги на Америка која може да има последици низ целата земја. Предлогот на ДЕА, кој допрва треба да биде разгледан од Канцеларијата за менаџмент и буџет на Белата куќа, ќе ја признае медицинската употреба на канабисот и дека лекот има помал потенцијал за злоупотреба од некои од најопасните наркотици. Сепак, тој предлог нема веднаш да ја легализира марихуаната за рекреативна употреба. Ваквиот потег на агенцијата, изјавија пет лица запознаени со ова прашање, ќе ја отстрани последната голема административна пречка пред да стапи на сила најголемата промена на политиката на ДЕА во повеќе од 50 години. Откако предлогот ќе биде потпишан од Канцеларијата за менаџмент и буџет на Белата куќа, ДЕА јавно ќе го коментира планот за класификацијата на марихуаната, која сега е класифицирана заедно со хероин и ЛСД. Во октомври 2022 година, американскиот претседател Џо Бајден повика на ревизија на федералниот закон за марихуана и помилува илјадници Американци осудени на федерално ниво само за поседување на дрога. Бајден, исто така, ги повика гувернерите и локалните лидери да преземат слични чекори за да ги поништат пресудите за марихуана. Промената на класификацијата на марихуаната во изборна година може да му помогне на Бајден, очекуваниот кандидат на Демократската партија на изборите во ноември, да добие поголема поддршка, особено кај помладите гласачи....

Работниците на Чикаго се заслужни тоа што денес во голем дел од светот се одбележува Први мај како меѓународен празник на трудот. Во многу земји се поистоветува со денот на трудот кој произлезе од традициите на работничкото движење, иако славењето на први мај има длабоки корени во древните пагански празници посветени на природата. Празникот на трудот кој се празнува на првиот ден од мај и е посветен на борбата за зачувување и унапредување на работничките права, всушност е ден на кој се оддава почит кон жртвите на штрајкот што се одржал од 1 до 4 мај 1886 година во Чикаго. На први мај 1886 година повеќе десетици илјади работници на Чикаго излегоа на улиците, со единствена цел да издејствуваат воведување на осумчасовен ден. Полицијата која внимателно го следела штрајкот, во првите два дена не употребила сила. Меѓутоа, на 3 мај кога дошло до судир помеѓу работниците на синдикатот кои штрајкуваа и оние кои биле вработени наместо нив, се вмешала многубројната полиција со палици и огнено оружје за да воспостави ред при што се убиени 4 лица и повредени многу членови на синдикатот. Ваквиот однос на полицијата предизвикала огромен револт помеѓу штрајкувачите, а група предводена од Август Спајс и Алберт Парсонс побарале самите да се вооружаат. На 4 мај, околу 3.000 членови на синдикатот го продолжија штрајкот, но пред крај, лице чие идентитет никогаш не бил откриено, фрлило бомба при што биле убиени 7 а ранети 67 полицајци. Полицијата ги уапсила организаторите на штрајкот и ги извела на суд, а четворица од нив, меѓу кои Спајс и Парсонс, на 11 ноември 1887 година биле погубени. Никогаш не била докажана вината на погубените, иако заговарале вооружен отпор и насилство како револуционарна метода. Околу 250.000 луѓе, долж улиците на Чикаго ги испратила погребните остатоци на Парсонс, изразувајќи ја својата солидарност со неправедно погубените работници. На првиот конгрес на Втората интернационала одржан во 1889 година било одлучено „Први мај да биде заеднички празник во сите земји, на кој работниците треба да манифестираат единство и солидарност во своите барања за подобрување на својата положба“. Оттогаш празникот е манифестација на класната солидарност на работниците во светот. Работничките синдикати се следбеници на оваа иницијатива. До денешен ден, како во целиот свет, така и кај нас, Први мај се одбележува во спомен на Чикашките работници, на оние кои своите животи ги дадоа за подобри работни услови. Интересно е тоа што иако во најголем дел во светот денот на трудот се одбележува на Први мај, во САД денот на трудот се слави во првиот понеделник во Септември. Всушност тие ги слават социјалните и економските достигнувања на американските работници, односно тоа е ден во чест за сето она што американскиот работник го има направено за просперитет и благосостојба на нивната земја. За првпат Денот на трудот во Америка е одбележан на 5 септември, 1882 година во Њу Јорк, во согласност со плановите на Централниот синдикат, а со тек на времето овој ден правно ќе се етаблира во САД. Синдикалното движење во Македонија има длабоки корени и традиција. Првите синдикални зачетоци датираат од 1908 година, кога е формиран првиот легален Синдикат на чевларските работници. На Првиот земски конгрес, на работниците и намештениците на Македонија, кој се одржал во Скопје од 18 до 21 август 1946 година, продолжува традицијата на синдикализмот од пред војната, со формирањето на единствената синдикална организација – Сојузот на синдикатите на Македонија. Во Македонија Први мај е државен празник, како и во повеќе земји во светот. Се до 2006 година Први мај се празнуваше два дена, на 1 и 2 мај, а од 2007 година се празнува само еден ден. Вообичаено кај нас, овој ден се користи за излети во природа. Скоро секој град има свои традиционални излетнички места, а тоа се најчесто зелени прекрасни ливади покрај вода каде населението ја пали традиционалната скара и со песна и игра го поминува денот на трудот. Слично како и кај нас така и во други европски држави овој ден се прославува во природа покрај логорски оган на кој се спрема скара или некое друго јадење. Во некои земји во Северна и Централна Европа, во природа се излегува ноќта спроти Први мај (Валпургина ноќ) и се прославува плодноста, при што се пие и пее долго во ноќта покрај запалените огнови.За разлика од ваквото празнување, кое има корени во паганското чествување на природата, во некои држави работничките синдикати организираат масовни протести на кои се истакнуваат нови барања за подобрување на работничките права при што често пати има и судири со полицијата. Кај нас тоа е само симболично, што е одраз на традициите и културата на славање на овој празник како и на нивото на зрелоста на синдикалната организација....

„На овој Ден на трудот, но и во останатите 364 дена во годината ние сме рамо до рамо со вас. Вреднувањето на работникот е главен постулат на социјалдемократските вредности за кои и се боревме овие седум години. Достоинствен живот за секој работник и работничка во нашата Македонија”, вели во видео обраќањето Фатмир Битиќи, потпретседател на СДСМ и ко-носител на листата на кандидати за пратеници на Коалицијата за европска иднина во Изборна единица 2, по повод 1-ви мај – Денот на трудот. Во празничното обраќање Битиќи заедно со дел од кандидатите и кандидатки за пратеници на Коалицијата за европска иднина во ИЕ2 (Марко Михаиловски, Анета Здравковска, Билјана Муиќ) кажуваат дека обезбедено е трудот не само да се цени, туку и правично да биде награден. „Заеднички ја браневме нашата заедничка социјална кауза. Како Влада дадовме приоритет на растот на платите во сите сектори подеднакво, затоа што тоа е најважно за поттикнување на правичен социо-економски развој. Успеавме просечната плата двојно да ја зголемиме од 2016 година на речиси 40.000 денари”, кажуваат кандидатите, притоа потсетувајќи дека минималната плата од 10.000 денари во 2016 година, во март 2024 година изнесува 22.500 денари, што е зголемување од 125 проценти. „Ние се погриживме животниот стандард да остане не само недопрен, туку и подобрен во услови на инфлација”, велат кандидатите и кандидатките и нагласуваат дека овој раст не е случаен, туку дека тоа е резултат на намерна политика насочена кон подигнување и заштита на животниот стандард на работниците и работничките, политика на системски решенија. „Нашата посветеност на социјалдемократијата обезбеди растот на платите да е изолиран од партиски интереси. Трудот никогаш повеќе нема да биде пион во политичките игри, а ние цврсто стоиме да ги заштитиме правата на сите работници и работнички без оглед на етничка, религиска или партиска определба. Честит нека е денот на трудот”, вели Битиќи заедно со дел од кандидатите и кандидатки за пратеници на Коалицијата за европска иднина во ИЕ2....

Новак Ѓоковиќ, најдобриот тенисер на сите времиња, повторно стана актуелен во медиумите поради промените во стручниот штаб. Имено, 36-годишниот тенисер на својот Инстаграм профил објави дека решил да ја прекине соработката со фитнес тренерот Марко Паничи. „Почитуван Марко, периодот на нашата соработка беше прекрасен – освојувавме титули и соборивме рекорди. Што е најважно, уживав во најобичните тренинзи на теренот и надвор од него. Безброј часови „карциофини“ и смеа кои ме мотивираа да се подготвам за да постигнам успех. Голем Римјанин (како што те нарекува Горан), ти благодарам за целата енергија, труд и време што го вложи за да станам најдобар можен играч и човек. Многу љубов за вас и се гледаме наскоро во Рим“, напиша Ѓоковиќ....

Посилен земјотрес со јачина од 4,3 степени според Рихтеровата скала утрово во 5 часот и 38 минути го погоди подрачјето на Слуњ, соопшти Сеизмолошката служба на Хрватска. Епицентарот на земјотресот бил на длабочина од 10 километри, а земјотресот бил почувствуван низ цела Хрватска, најмногу во Лика и централна Хрватска. „Сеизмографите на Сеизмолошката служба забележаа прилично силен земјотрес со епицентар на околу 15 километри јужно од Слуњ. Магнитудата на земјотресот е 4,3 степени според Рихтеровата скала, а интензитетот во епицентарот е проценет на V-VI нивоа од ЕМС скалата“, соопшти Сеизмолошката служба. Европско-медитеранскиот сеизмолошки центар (EMSC) најпрвин соопшти дека се работи за земјотрес со јачина од 4,8 степени според Рихтер, а подоцна ја намалиле магнитудата на 4,6 степени. ЕМСЦ јавува дека земјотресот бил почувствуван и во БиХ и Италија....

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека треба сериозно да се посветиме на заштита и унапредување на работничките права. Единствено задоволни работници се успешни и мотивирани работници кои можат да придонесат за напредок и просперитет на државата. За таа цел, секој работник треба да има фер третман од страна на работодавачот, да се чувствува безбедно, сигурно и заштитено на работното место, да има достоинствени услови за работа, а неговиот труд да биде соодветно вреднуван. Наша задача е да продолжиме да ги поддржуваме заложбите на синдикалните организации, да помогнеме во унапредување на стандардите и условите за работа, со цел сите работници да имаат праведни и еднакви можности за реализација и развој на професионален план. Честит 1 Мај на сите работници!”...

Повеќе од 100 лица се уапсени во Шпанија под обвинение дека со измама украле илјадници евра од корисниците на апликацијата WhatsApp, тврдејќи дека се роднини во неволја, објавија денеска шпанските медиуми. Полицијата соопшти дека уапсените биле дел од криминална група која преку оваа измама остварила нелегална добивка од речиси еден милион евра, јавува Би-Би-Си. Во наједноставниот облик на измама на корисниците на WhatsApp , осомничените се претставиле како роднини на жртвата кои користат нов телефонски број во итна ситуација и бараат од неа да им помогне со парично плаќање. Сите уапсени се обвинети за измама, перење пари и учество во криминална организација која, според шпанската полиција, ги мамела корисниците на WhatsApp и барала од 800 до 55.000 евра. Најмалку 238 жртви биле идентификувани само во провинцијата Аликанте, а апсења биле извршени во неколку фази во Барселона, Жирона, Мадрид, Малага и Валенсија, објави шпанскиот весник „Ел Паис“. Последните апсења доаѓаат откако Полицијата Национал, другата шпанска национална сила, објави во јануари дека уапсила 59 членови на криминалниот синџир што извлекол од жртвите над 460.000 евра. Измамниците најчесто контактирале со оние родители чие дете се осамостоило, студирало во странство или патувало. Им праќале пораки во кои се претставувале како нивни син или ќерка, а потоа барале пари. Во наједноставниот облик на измама, измамниците се преправале дека се роднини кои коритат нов број за итни случаи и бараат од жртвата да им испрати пари. Тие често тврделе дека телефонот им е изгубен или оштетен и дека не можат да пристапат до банка....

Поради празникот 1 Мај – Меѓународниот ден на трудот, денеска јавниот превоз во Скопје ќе сообраќа по неделен возен ред. Од ЈСП Скопје информираат дека жичницата ќе работи со вообичаено работо време, а дежурни ќе бидат две билетарници. Од 7 до 14 часот ќе работат билетарниците на Транспортен центар и таа во Ѓорче Петров. Од јавното претпријатие додаваат дека жичницата ќе работи два часа повеќе од досега, односно од 10 до 20 часот. -Во период од 19-19.30 часот е последно возење од долу кон врвот, односно во 19.45 часот е последно возење од врвот надолу, велат од ЈСП Скопје. Работното време е согласно со Одлуката за работно време на Жичарницата во период мај – септември....

СДСМ како партија која се води од социјална правда, еднаквост и солидарност како социјалдемократски вредности, секогаш е на страната на работниците. Со низа мерки и политики СДСМ ги унапредува работничките права, бидејќи напредокот се обезбедува со вреднувани, мотивирани и почитувани, работници. Откако заврши режимот на Груевски, кој ја рекламираше Македонија како земја со евтина работна сила, СДСМ работеше посветено на враќање на достоинството на работниците, значително ги зголеми платите во сите сектори. Минималната плата од 8.000 денари, а во некои сектори и помалку, сега е покачена на 22.500 денари и ќе продолжи да расте. Просечната плата достигна историски највисоко ниво од речиси 40.000 денари. Зголемена е за 50% во однос на 2016 година. СДСМ предвреме го исполни ветувањето за просечна плата од 500 евра, а за наредниот мандат гарантира европски животен стандард, просечна плата од 1.100 евра и минимална плата од 600 евра. Исто така исполнето е и ветувањето за недела – неработен ден, ден за одмор со семејствата, а за оние што ќе работат обезбедена е двојно поголема дневница. Со антикризните мерки за време на здравствената и економската криза, СДСМ спаси илјадници работни места. Во СДСМ работниците имаат искрен партнер и сојузник во залагањата за заштита и унапредување на работничките права, за повисоки плати. Со СДСМ работниците никогаш нема да биде оставени сами. Нека ни е честит Денот на трудот!...