Во Варшава, Полска од 27 до 29 април се одржа Светското првенство во латино танци каде танчерите на Dancers United се вратија со вкупно 25 медали. Ова е исклучителен успех за сите наши танчери кои беа дел од светската латино сцена, за клубот и за нашата Македонија. Нашите резултати, седум златни медали, десет сребрени и осум бронзени медали освен што покажуваат дека сме на вистинскиот пат и го потврдуваат нашиот успех во латино танците на светско ниво, дополнително ја засилува нашата посветеност кон танцот и понатамошното вложување во идните поколенија танчери. Ја претставивме нашата држава на највисоко ниво, а Македонија секоја година сè повеќе и повеќе станува силен конкурент на светската сцена на што сме особено горди. Три дена колку што траеше Светското првенство во Варшава, Dancers United и Македонија беа вистински репрезенти на македонската култура и уметност. Официјален судија од Македонија беше Сара Кочан. WADF Warsaw Championship 2024 за Dancers United ќе биде забележан како натпревар на кој целиот тим има минимум по еден златен медал. На овој натпревар од светски рамки во кој учествуваа 22 држави бевме поддржани од Министерството за култура. Ова се наградените: Златен медал –Passion and Youth – Група Синхро Танц Латино – Младинци и Возрасни –Vintage Chic – Група Латин Шоу – Јуниори – Bringing the disco Back – Група латин шоу – мини кидс –The DS Crew Carribean – Инклузивна мала група –Over the Rainbow – The DS Crew – Инклузивна голема група – Willy Wonka, Су Али – Соло латин шоу мини кидс – Coco Chanel, Нина Спасовска – Соло латин шоу јуниори 1 Сребрен медал – Suit & Slay – Група латин шоу – Младинци & Возрасни – Анастасија Бановиќ и Никола Дамовски – Самба – Парови Младинци & Возрасни – Анастасија Бановиќ и Никола Дамовски – Џајв – Парови Младинци & Возрасни – Анастасија Бановиќ и Никола Дамовски – Румба – Парови Младинци & Возрасни –Су Али – Џајв – Соло Мини кидс –Су Али – Ча ча ча – Соло Мини кидс –Су Али – Самба – Соло Мини кидс – ABBA – Ангела Николиќ & Михаела Филипова -Латин шоу дуо – Младинци & Возрасни – The White Rabbit – Луна Дариа Кочан – Соло латин шоу мини кидс – Emiy in Paris – Емили Нера Кочан Соло латин шоу деца 1 Бронзен медал – Ангела Николиќ – Пасо Добле – Соло јуниори 1 – Анастасија Бановиќ и Никола Дамовски – Ча ча ча – Парови Младинци & Возрасни – Луна Дариа Кочан – Џајв – Соло Мини кидс – Луна Дариа Кочан – Самба – Соло Мини кидс – Анастасија Бановиќ и Никола Дамовски – Пасо добле – Парови Младинци & Возрасни – Јоана Поп Арсовска – Румба – Соло мини кидс – Rapunzel – Јоана Поп Арсовска – Соло латин шоу мини кидс – Athena and Medusa – Нина Андоновска & Тима Муминовиќ , Дуо латин шоу јуниори...

Веста за неговата смрт на социјалните мрежи ја објави неговата ќерка Дора, „Светол патот, татко мој“, напиша таа. Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста....

На 11 мај со почеток во 20.00 часот ќе се изведе спектакуларната опера „Трубадур“ од Џузепе Верди, во рамките на 52. издание на меѓународниот фестивал „Мајски оперски вечери“. Билетите за премиерната изведба на „Трубадур“ на 9 мај се распродадени. Диригент е Иван Еминовиќ, режијата е на реномираниот македонски режисер, Иван Поповски кој живее и работи во Москва повеќе од две децении и за своите врвни уметнички достигнувања е добитник на највисоки признанија во Русија и низ светот и за првпат поставува опера на македонската сцена. Сценографијата е на Миодраг Табачки од Србија, костимографијата е на Марија Пупучевска, а кореографијата на Саша Евтимова. Во улогата на Манрико ќе настапи гостинот од Чиле, Филипе Рохас, тенор кој настапувал на повеќе светски сцени, во улогата на Гроф Луна ќе настапи нашиот баритон Ристе Велков, во улогата на Леонора ќе настапи гостинката од Канада Криста де Силва, драмски сопран препознатлива по нејзините темни мистични бои. Во улогата на Ацучена ќе настапи, Сања Анастасиа, мецосопран, првенка на операта во Народниот театар во Белград. Во улогата на Ферандо ќе настапи нашиот бас, Владимир Саздовски кој е чест гостин на светските оперски сцени. Во останатите улоги ќе настапат: Јане Дунимаглоски, Ана Ројдева, Тихомир Јакимовски и Дејан Стоев во придружба на хорот и оркестарот на Националната опера и балет. Романтична љубов, смртна љубомора и oдмазда се движечките драмски елементи на операта „Трубадур“ од италијанскиот музички мајстор Џузепе Верди. Операта се одликува со прекрасна музика и спектакуларно предводени вокални делови кои пренесуваат силни емоции, додека исклучително сложената приказна изобилува со огнена страст....

Метео прогноза на Славчо Попоски: Под влијание на циклонска активност од запад, до крајот на денешниот ден времето во Македонија ќе биде променливо облачно со повремени врнежи од дожд. Од пладневните часови ќе има развој на нестабилна облачност со пороен дожд, грмежи и засилен ветер. Локалано, и тоа особено во централните, како и во источната половина од државава процесите ќе бидат поинтензивни и во форма на невреме, проследено со силни и чести електрични празнења, силен ветер и со појава на град. Токму поради очекуваната појава на електрични празнења, апелираме граѓаните да бидат крајно претпазливи, односно да не се претстојува на отворен простор и под осамени дрвја. Што се однесува до температурите, тие ќе се искачуваат во интервалот од 18 до 25 степени. Во Скопје и околината исто така од пладневните часови ќе има појава на повремено пороен дожд, грмежи и засиллен ветер. Во делови од котлината можна е и појава на невреме, проследено со силен ветер и со појава на град. Температурата на воздухот денес во Скопје ќе се искачи до околу 23 степени....

Емилија Златкова Анастасова е родена на 2 мај 1982 година во Кочани. Таа е македонска писателка. Од петтата година живеела во Пробиштип, каде завршува основно и средно училиште. Завршува македонска книжевност и македонски јазик на факултетот „Блаже Конески“ во Скопје. Плоден автор, основач на издавачката куќа „ЗБОР“ и главен уредник во истата. Моментално живее и работи во Велес. Автор е на книгите: „Волшебното синџирче“ 2000 г. (роман за деца и млади), „Нов Ден, Нова Песна“ 2003 г. (поезија), „Поглед кон невидливото“ 2020 г. (збирка драми), „Близнаци“ 2020 г. (прв роман за возрасни), „Детето во снегот“ 2020 г. (раскази). „Неверство “ 2021 г. (роман) „Каде е Емили?“ 2021 г. (роман) „Новогодишна ноќ“ 2021 г. (роман) „Невообичаен Велигден“ 2022 г. (роман) „Одмазда“ 2022 г. (роман) Среќен роденден Емилија ти посакува редакцијата на Екран....

Ѓоко Дончев е роден на 2 мај 1949 година во Валандово. Тој беше истакнат македонски пејач на народна музика и фолк музика. Ѓоко Дончев беше присутен на македонската естрада повеќе од 35 години, и има создадено голем број на песни. Најмногу го помниме по неговите хитови како: О доме мој, Чуј ги куме свирачите и Сношти Кате пак те видов. И има еден дует со Петранка Костадинова Македонија името не го менува. Тој е добитник на голем број на награди и признанија, од кои последните години, ги има добиено наградите за животно дело на Фолк Фест Роса во 2014 година, Гоце Фест во 2020 година и постхумну му е доделена наградата за животно дело на Фолк Фест Валандово во 2023 година. Почина во Скопје на 15 јануари 2021 година....

Велик четврток Велики четврток или Величетврток — ден од Страдалната седмица. Според источното христијанство тој е шести ден од Страсната седмица, односно пет дена по Лазаровата сабота и четири по Цветници. А според западното христијанство тој е петти ден од страсната седмица, односно четири дена по Цветници. На овој ден се прави спомен на светото миење на нозете, Тајната вечера, предавањето на страшните тајни, Првосвештеничката натприродна молитва, и самото предавство на Христос. Главно за овој значаен ден од Страдалната седмица е дека Господ тогаш ги востанови двете суштествени тајни за нашето спасение: Светата евхаристија (на Тајната вечера: „Земете, јадете, ова е телото Мое кое за вас се прекршува за отпуштање на гревовите! Пијте од неа сите. Ова е крвта Моја која за вас и за мнозина се излева за отпуштање на гревовите! Правете го ова во Мој спомен“.) и Исусовата молитва („…Вистина, вистина ви велам: што и да посакате од Отецот во Мое име, ќе ви се даде“ (Јован 16, 23). „И што и да посакате од Отецот во Мое име, ќе ви го направам за да се прослави Отецот во Синот. Ако посакате нешто во Мое име, Јас ќе го направам…“, Јован 14, 13 – 14). Со други зборови, на Велики Четврток почнува светотаинскиот живот на Црквата. Денот започна со Христовите последни поуки за карактерот на љубовта што треба да ја стекнеме ако сме Негови, Неговото смирение; се памти миењето на нозете на апостолите што го направи Сам: „Ако Јас, Господ и Учител ви ги измив нозете, тогаш сте должни и вие еден на друг да си ги миете нозете“ (Јован 13; 14). А заврши со предавството на Богочовекот Исус Христос на првосвештениците и фарисеите, извршено од Јуда Искариот, еден од бројот на Дванаесеттемина најблиски Христови ученици. Тропар Кога славните ученици, при миењето на нозете на Вечерата, се просветлуваа, тогаш злочестивиот Јуда, болен од среброљубие, се помрачуваше и на беззаконите судии, Тебе – праведниот судија – Те предава. Душо среброљубива, гледај каде оди да се обеси таквата душа; одврати се од среброљубието на Јуда, кој се осмели да Му направи такви работи на Својот Учител; Господи, Кој си добар за сите, Слава Ти. Кондак Откако предавникот зеде леб во рацете, скришно ги пружа и ја прима цената на Оној што со Свои раце го создаде човекот, и Јуда остана непоправлив слуга и измамник. Преподобен Јован Ветхопешчерник Се подвизуваше во т.н. Ветха Пешчера или Лавра на Харитон Велики во Палестина. Бидејќи со сето срце, со сиот ум, со целата своја душа Го возљуби Христа, од младоста почна да патува по Светите места и да ги слуша поуките и советите на светите луѓе. Најпосле се насели во Харитоновата пештера, каде што се предаде на тврд подвиг минувајќи ги деновите и годините во пост, молитва и бдеење, непрестајно помислувајќи на смртта и учејќи се на смирение. Смртта го најде како добро созреан плод и го внесе во Рајот. Поживеа и се упокои во 8 век. Тропар Со поглед кон Небесата подигнат, свети Јоване преподобен, душата твоја се напои со благодат врз благодат, трудот и воздржанието ги умртвија страстите на човечкото тело, земен ангел постанувајќи, на Бога Му угоди, Кој не ги презре твоите молитви, затоа и сега за нас застапи се пред Оној Кој мирот Свој тебе ти го подари. Светите маченици Христофор, Теона и Антонин Тројцата беа млади офицери кај царот Диоклецијан. Кога беше мачен Светиот великомаченик Георгиј, тие ги гледаа неговите маки и чудата што се извршија при тој настан. Кога го видоа сето тоа, излегоа пред царот и храбро го исповедаа името на Господ Исус. За ова беа подложени на големи маки и најпосле фрлени во оган, каде им изгореа телата, а душите им заминаа во вечната радост на Господ. Пострадаа чесно во Никомидија во 303 година. Свети Трифун патријарх Цариградски Царот Роман, а тој владееше со Византија во почетокот на 10 век, имаше син Теофилакт на возраст од шеснаесет години кога умре патријархот Стефан. Царот сакаше да го возведе за патријарх својот малолетен син, бидејќи го имаше заветувано на духовна служба, но се засрами да го направи тоа. На патријаршискиот престол седна Свети Трифун, прост но чист и благочестив старец. Трифун остана на престолот три години. Кога царскиот син влезе во дваесеттата година, царот намисли по секоја цена да го тргне Трифун од престолот, а да го постави својот син. Божјиот светител Трифун не сакаше доброволно да си оди од престолот не заради нешто друго, туку затоа што сметаше за голема соблазна толку млад човек да се возвиси на таква одговорна и тешка положба како што е патријаршиската. Тогаш со сплетка на еден зол епископ измамија од Свети Трифун потпис на чиста хартија и над потписот во царскиот дворец ја напишаа божемната оставка на патријархот, којашто царот ја објави. За ова настана голем смут во Црквата, зашто народот и свештенството стоеја на страната на Божјиот човек Трифун. Тогаш царот насилно го тргна Свети Трифун и го испрати во манастир, а својот син Теофилакт го воздигна за патријарх. Свети Трифун поживеа во манастирот како подвижник две години и пет месеци и се упокои во Господ во 933 година. Тропар Смирението твое, свети Трифуне, ја понижи верата на оние кои дела немаат, и Христа Го прослави и посведочи, но не со мастило и хартија која бессилна стана, туку со благочестието на твојата преподобна глава. Сега за нас застапи се пред Бога, да го раскине списокот на нашите прегрешенија. Преподобниот маченик Агатангел Од Тракија. Служеше кај Турците и тие насилно го потурчија во Смирна. Како покајник се замонаши во манастирот Есфигмен на Света Гора. Мачен од совеста посака со својата крв да си го измие гревот. Отиде во Смирна и таму им ги покажа на Турците крстот и иконата на Христовото Воскресение. Го убија на 19 април 1819 година, во деветнаесеттата година од неговиот живот. По смртта му се јави жив на својот духовник Герман. Тропар Велик си ти, Агатангеле, затоа што големо е твоето покајание пред Господа, кое ја смири совеста, од оган обвинувачки запалена, и мир не даде на душата Твоја, додека не те приведе во крајно мачеништво. А Он, Пресветиот, ја прими твојата тежина и прости на возљубениот покајник. Затоа, денес, и постојано повикуваме: Господи, спаси и помилуј, по молитвите на Агатангел свети, кого Љубовта Твоја го приведе. Преподобен Симеон Босиот Се подвизуваше на Света Гора и кратко време беше игумен на Филотејскиот манастир. Ги утврдуваше христијаните во верата и во многу балкански краишта се прослави со чудотворство. Одеше бос и затоа го нарекоа Босиот. Се упокои во Цариград. Тропар Зборовите твои напоени од благодатта Христова, стигнаа до оние кои утеха бараат, утврдувајќи ги во верата и закрепнувајќи ги во неволјите, а ти Патот следејќи Го земјата едвај ја допираше, непрестајно Бога славејќи Го, Кој при Себе примајќи те, благослови за нас да се молиш пред Милоста Која простува. Блажена Матрона Московска Блажената Матрона била родена во 1881 година, во селото Себино, Епифанска околија (во Кимовскиот регион), односно во Тулската губернија. Нејзините родители биле сиромашни селани, благочестиви луѓе. Господ ја избрал Матрона за посебна служба; токму затоа од самиот почеток ? дал тежок крст (се родила слепа), кој таа со покорност и трпение го носела целиот свој овоземен живот. При Крштението девојчето добило име Матрона во чест на преподобна Матрона Цариградска, подвижничка од 5 век. Матрона буквално пораснала во црква – редовно одела на богослужби секогаш кога била во можност. Уште од седум-осум години го здобила дарот на духовно расудување, проѕорливост и чудотворство. По нејзините молитви луѓето добивале исцеление од болестите и утеха во маките. Затоа имала многу посетители. Доаѓале неподвижни и луѓе во колички, како од блиските села така и од подалечните краишта. Во седумнаесеттата година Матрона не можела повеќе да оди: одеднаш ? се парализирале нозете. Самата укажала на духовната причина за болеста: „Таква била Божјата волја“. До крајот на својот овоземен живот проживеала во седечка положба, уште педесет години. Но, таа никогаш не роптала поради тоа, туку смирено го носела својот тежок крст, даден од Бог. Господ ? го открил времето на упокојувањето три дена пред нејзината смрт. До упокојувањето на 19 април/2 мај 1952 година редовно се исповедала и причестувала. По триесет години од нејзиното упокојување, нејзиниот гроб станал едно од светите места за поклонение во Москва и Русија. „Матронушка“ – умилно ? се обраќаат верните, а таа, исто како и за време на овоземниот живот, и сега непрестајно им помага на сите....

Први Мај во Дојран е главно врвулица од луѓе кои го бараат своето место да се забавуваат, дружат, пијат и јадат вкусна храна од рестораните. Така денес, ви носиме фоторепортажа од Дојран. Фото: екран.мк...

Метео прогноза на Славчо Попоски: Под влијание на циклонска активност од запад, утре (четврток 2.5.2024) времето во Македонија ќе биде променливо облачно со повремени локални врнежи од дожд во текот на претпладневните часови. Од пладневните часови на многу места ќе има развој на нестабилна облачност, проследена со пороен дожд, грмежи и засилен ветер. Локално, и тоа особено во централните , како и во источната половина од државава процесите ќе бидат поинтензивни, во форма на невреме, проследено со силен ветер и со појава на град, како и со силни и чести електрични празнења. Токму поради очекуваната појава на електрични празнења, апелираме граѓаните да бидат крајно внимателни, односно да не претстојнуваат на отворен простор и под осамени дрвја. И во Скопскиот регион утре од пладневните часови ќе има локален развој на нестабилна облачност, проследена со пороен дожд, грмежи и засилен ветер. Можно е овие процеси да бидат застапени и во форма на невреме. Што се однесува до температурите, тие утре ќе се искачуваат во интервалот од 19 до 27 степени. Во Скопје утре температурата ќе се искачи до околу 25 степени....

Овен Работа: Добар прилив на енергија, позитивно расположение и сите шанси типичниот Овен има да биде успешен на професионален план. Љубов: Во поголемиот дел од овој четврток ќе имате многу разбирање за желбите и потребите на другата страна во љубовната сфера. Понекогаш давањето дава повеќе задоволство отколку уживањето во разни придобивки. Здравје: Можни се повремени помали главоболки. Текстот продолжува на следната страна...

Овен Бизнис: Почетокот на месецот ќе биде обележан со турбулентни настани и појава на нови идеи во деловниот сегмент. Од 02-06.05. солидна деловна ситуација, унапредувања и нови деловни позиции и можности нема да ви одминат. Ќе ти се чини дека се вртиш во кругови, тоа е твое субјективно искуство. 06-12.05. некој ќе бара од вас да се прилагодите, иако не сте најдобриот модел на личност кој лесно се прилагодува на другите. Треба да се преиспитате себеси и вашите потези и одлуки од претходниот период. 12-22.05. големи можности за промени, нови шанси кои ќе се отворат преку контактите што сте ги оствариле, а исто така можно е некој од вашите пријатели да ве турка и истегне во вистинската насока. Од 25.05. некои од вас може да започнат нови деловни приказни или дури и нови начини на заработка. Искористете ја поддршката што ви се нуди во овој период, прифатете ги можностите што ќе се појават. Кон крајот на месецот презентирајте ја идејата за подобрување на средствата за работа, модернизација, токму поради прашањето на динамиката. Некои ненадејни притисоци можат да ви ги нарушат плановите, принудувајќи ве да се зафркавате со нешто што веќе мислевте дека сте го завршиле, но и вие ќе го надминете тоа. Љубов: Првиот дел од мај е добар за Овните кои се во емотивни врски, можете да воспоставите подобар контакт со партнерот, па потрудете се. Деновите пред вас ќе бидат променливи, но ќе успеете да се поврзете со партнерот. Планирајте патувања и излети со пријателите, секакви дружења и дружења. Втората половина од месецот во емотивните врски бара поголема комуникација со партнерот. Обидете се да не се провоцирате и провоцирате еден со друг ако некои работи што не ги сакате добиваат димензии на големи проблеми и несогласувања. До крајот на месецот врската е стабилизирана. Решението е дека треба да истраете и да продолжите да се обидувате да ја вратите вашата врска на некои понормални и постабилни линии. Нервозни сте исто како и партнерот и имате потреба да се расправате и да се карате без престан. Потребно е нешто да се промени, да се разбие воспоставеното секојдневие. Во првата половина од месецот ќе се случат многу интересни работи во близина на слободниот Овен. Во овој период може да се започнат приказни кои ќе ви донесат интересно запознавање Во втората половина од месецот ќе има многу комуникација, а можеби и некоја посериозна приказна на хоризонтот. Здравје: Првата деценија од мај носи изразена напнатост и нервоза, па на Овенот ќе му треба многу разбирање и поддршка на полето на здравствените прашања. Втората деценија од месецот – проблеми со желудникот и варењето, а на крајот на месецот и ендокриниот систем. Вежбајте, одморете се, јадете подобро, медитирајте. Попроблематична е третата деценија, особено изразени нарушувања во варењето и урогениталниот тракт. Текстот продолжува на следната страна...

Димитар Димитровски – Такец е роден во 1922 година во Битола. Тој беше истакнат македонски новинар, писател и публицист, сликар и композитор. Најпознат е како дојаен на битолското и македонското новинарство. Во својата долгогодишна творечка активност на повеќе полиња дал своевиден прилог во културното, ликовното, поетско и музичко движење во Битола. Студирал право во Софија и Белград. Работел како правен референт, селски учител и новинар, каде најголем дел од кариерата ја минал во Нова Македонија, Битолски весник и Радио Битола. Истражувал материјали за браќата Манаки, за Мустафа Ќемал Ататурк, за Вагнер, за Димитрие Лала и др. Во сликарството остварил 16 самостојни изложби и напишал 20 музички композиции. Бил член на Македонското научно друштво. Починал во Битола на 1 мај 2015 година....

Сашко Пандев е роден на 1 мај 1987 година во Струмица. Тој е поранешен македонски фудбалер и поранешен младински репрезентативец. Сашко е помлад брат на Горан Пандев. Пандев својата професионална кариера ја започнал во Беласица, од каде во септември 2005 година се преселил во Динамо Загреб. Својот прв настап за хрватскиот гигант тој го имал на 14 октомври 2006 година, кога влегол како доцна замена од клупата за резервни играчи во победата на Динамо Загреб над Вартекс од 4–1. На 9 декември 2006 година тој го постигнал својот прв гол во дресот на „сините“ во победата од 3–2 над Меѓимурје во натпревар од првата лига на Хрватска. Една недела претходно, во победата на Динамо Загреб над градскиот ривал Загреб, Пандев бил асистент на двата гола на својот клуб во победата од 2–1. Среќен роденден Сашко, ти посакува редакцијата на Екран....

Метео прогноза на Славчо Попоски: Почитувани наши, веќе започна да влијае ладниот феномен “ЛА НИЊА”, и истиот ќе го почувствуваме уште од месец мај, што значи дека истиот ќе биде со нешто пониски температури за разлика од изминатите години. Односно тие би били околу, повремено дури и под просекот. Секако не смее да се исклучи можноста да се случи и некој поизразен топол бран во текот на мај, но барем одсега гледано, шансите за тоа се многу мали. Што се однесува до врнежите, кај нас во Македонија тие би биле натпросечно високи, односно ќе бидат честа појава. Се поголеми ќе бидат и шансите за создавање на грмотевични облаци, како и на временски непогоди со силен пороен дожд, силен ветер, силни електрични празнења, како и појава на силен град. Поладно време од вообичаеното, освен кај нас, ќе има и во најголем дел од Балканот, како и Европа. Уште да напоменеме дека поради тоа што се работи за долгорочна анализа на времето, промени во истата се можни, па затоа граѓаните да ги следат нашите редовни и секојдневни пократкорочни анализи на времето....

Преподобен Јован Ученик на Св. Григориј Декаполит. Во времето на иконоборната ерес царот Лав Ерменин го подложи Св. Јован на маки заедно со неговиот учител Григориј и со Св. Јосиф Песнописец. Кога Св. Григориј го заврши својот земен живот, Јован стана игумен на Декаполитовиот манастир во Цариград. Штом стана игумен, заради Царството Божјо тој го удвои својот подвиг. Се упокои мирно околу 820 година. По смртта Св. Јосиф го погреба близу до гробот на неговиот учител Св. Григориј. Тропар Блажен си ти, Јоване преподобен, радост на великиот Григориј – твојот учител, смирен по срце, сотрудник на Јосиф, славејот на Духот Пресвет. Црквата ликува денес при споменот на животот твој свет, кој е радост на ангелите, посрамување на демоните, а за нас по твоите молитви – пат кон спасение. Светиот маченик Јован Нови Јанински Родум од Јанина, некогаш престолнина на царот Пир. Кога неговите сиромашни родители умреа, младиот Јован се пресели во Цариград и таму го продолжи својот занает (бидејќи беше занаетчија). Не многу пред тоа Турците го освоија Цариград и многумина христијани од страв се одрекоа од Христа и примија ислам. Продавницата на Св. Јован беше токму меѓу овие потурци. Колку што повеќе тој гореше од љубов кон Господ Христос толку посилно се изразуваше како христијанин меѓу предавниците на Христа. И почна да се препира со нив за верата, а најпосле и да ги укорува за предавството. Тие тогаш го одвлекоа на суд и лажно го обвинија дека божем порано го примил исламот, но повторно се вратил во христијанството. Откако го мачеа и биеја со стапови и со железни шипки, го фрлија в затвор. Другиот ден, беше Велигден, повторно го поведоа на мачење, а Јован излезе радосно пеејќи: „Христос воскресна од мртвите!“ На своите мачители храбро им рече: „Правете што сакате за поскоро да ме испратите од овој краткотраен земен живот во животот вечен: јас сум роб Христов, Христа Го следам, за Христа умирам, за да живеам со Него!“ По ова го врзаа во синџири и го одведоа да го запалат. Кога го виде големиот оган подготвен за него, Свети Јован самиот потрча и скокна во пламенот. А неговите мачители штом видоа како скока и колку ја сака смртта, го извлекоа од огнот и го осудија на смрт со меч. Откако му ја отсекоа главата, ги фрлија и телото и главата во огнот. Подоцна христијаните ја растргнаа пепелта и собраа некои остатоци од неговите чесни и чудотворни мошти и го погребаа во Великата Црква во Цариград. Свети Јован Јанински најде маченичка смрт и прими венец на Божествена слава на 18 април 1526 година. Тропар Благодатта Христова ја следеше ревноста твоја о Јоване, и те закрепнуваше како јагне меѓу волци испратено, каде Бога Го исповедаше молејќи се вистината да го победи светот. Тебе денес те молиме пред Христа за нас да се застапиш, ти кој мачеништвото го прими како награда. Светите маченици Виктор, Зотик, Зинон, Акиндин и Северијан Сите намачени во времето на царот Диоклецијан. Додека не ги видоа маките на Светиот великомаченик Георгиј беа незнабожци. Но кога ги видоа неговите маки и храброста на славниот Христов маченик, сите чудесии што се пројавија во времето на неговото страдање, ја примија христијанската вера за којашто наскоро и самите пострадаа и се овенчаа со слава. Свети Козма, епископ Халкидонски и преподобниот Авксентиј, неговиот соподвижник Живееја во 9 век, во времето кога иконоборците ги гонеа приврзаниците на Православието. Козма беше родум од Константинопол, и уште од младоста беше отишол во манастир и примил монашки потстриг. Потоа тој беше ракоположен за епископ Хакидонски и ревносно ја заштитуваше православната вера од еретиците иконоборци. Преподобниот Авксентиј му беше помошник во таа борба. Иконоборците многукратно се обидуваа да го здобијат светителот на своја страна, но тој до крај му остана верен на Православието. Козма не се потчини на указот на императорот Лав Ерменец (813-820) за отстранување на светите икони од храмовите. Заради тоа беше прогонет од својата катедра и испратен во заточеништво. Кога го вратија од таму, тој заедно со преподобниот Авксентиј продолжи да го заштитува почитувањето на светите икони. Од постојаните гонења, Козма ослабе со телото, но со духот остана цврст. Светиот Козма и преподобниот Авксентиј, сe до својата кончина неотстапно ја зачуваа православната вера. Се упокоија околу 815 – 820 година. Тропар Благочестието стекнато низ подвижнички трудови ја привлече благодатта Божја на тебе, Козмо преподобен оче наш, и ти погледна во вечноста преку прозорецот на Иконата за чие исповедување злочестите претрпе, но сега се радуваш со светиите во небесната татковина, од каде моли се да се спасат нашите души....

Овен Работа: Овој ден првенствено е наменет за одмор, па потрудете се да го искористите за тоа. Љубов: Денеска насочете ја целата своја енергија кон љубовта, бидете позитивни и направете нешто убаво за себе и за вашата сакана. Здравје: Одлично. Текстот продолжува на следната страна...

Стрип центарот на Македонија од Велес е во имплементација на Грантот “All we are saying is GIVE INCLUSION A CHANCE!“ од вториот повик отворен повик за предлози за Младинскиот меѓукултурен уметнички фонд во рамки на програмата „Градиме нови мостови“ на Мисијата на ОБСЕ во Скопје. Целта на проектот е да се зајакне капацитетот на младите луѓе без разлика на етничката поделба да користат стрипови како соодветна културна алатка за промовирање на меѓуетнички дијалог, граѓански вредности и борба против дискриминацијата. – Право на учество имаа сите ученици од основно и средно образование од државата, без разлика на родот, етничка или друга припадност со цел прикажување на пријателства што ги надминуваат културните и националните граници, нагласувајќи како заедничките вредности можат да ги премостат разликите. -Tемите на стрипот беа : А) прикажување на пријателства што ги надминуваат културните и националните граници, нагласувајќи како заедничките вредности можат да ги премостат разликите. Б) фантастични или научно-фантастични светови каде што се спојуваат ликовите од различно културно потекло, формирајќи сојузи и пријателства кои ги надминуваат измислените културни поделби. Како дел од проектот беше организиран тематски стрип конкурс за учениците од основните и средни училишта од државата Според Томе Трајков –проект координатор на проектот и Стрип центар на Македонија масовноста далеку ги надминаа очекувањата со пријавени 263 (двестеа шеесет и три ) стрипови на ученици од : Скопје, Велес, Брвеница, Јегуновце , Неготино , Тетово, Битола, Кавадарци, Прилеп, Куманово , Кочани (вклучено с .Оризари) , Ресен и Берово/ Но, некој мораше да се издвои, а како најдобри беа избрани: Категорија Основци место – тимска работа на учениците од 8 -2 одд. ООУ „„ Гоце Делчев“ “Ресен за стрипот „Магичниот портал“ место – Кристина Маркоска с. Брвеница за стрипот „Балкански културен собир“ место – Филип Томевски и Стефани Јовановска од Куманово за стрипот „Вселенска авантура “ Најдобар цртеж Андреа Младенова , Скопје за стрипот „ Мојата пријателка ме вклучува !“„ Најдобар колор : Андреа Ѓорѓиева , Неготино за стрипот „Пријателски договор“ Пофалници добиваат : Ана Василевска, Радовиш за стрипот „ Различни сме,но можеме заедно да откриваме нови планети!“ Јоана Талеска, Прилеп за стрипот „Кратка средба на патот“ Категорија -Средношколци Место Елена Апостоловска, Скопје за стрипот ” Добрината од внатре” Место Вилма Дамњановска, Скопје за стрипот „Пријателства помеѓу различни светови“ Место Теодора Христова и Михаела Васкоска , Битола за стрипот „Покрај замрзнатата река“ Најдобар колор Нена Капсарова , Гевгелија за стрипот „„ ,,Желба“” Пофалница Георги Тодоров-Кочани за стрипот „ ,Together We’re Unbreakable “ Влера Чиче , Скопје за стрипот „ Заедно со боите“ Најмлад учесник: Марко Купенков – Скопје со 5,5 г Најуспешен ментори Татјана Антевска Маркоска ООУ „ Александар Здравковски“ Јегуновце Тетово, ООУ „ Кирил и Методи“ Тетово, ООУ „Шемшево“, ПОУ Жилче, Јегуновце Тетово (54 автори) Маја Крстева Крстева ООУ „Братство“ Тафталиџе . Скопје. (60 автори)...

Добриот појадок може да донесе повеќе здравствени придобивки, да ја подобри когнитивната способност, да го намали ризикот од срцеви болести, па дури и да го зголеми нивото на енергија. Тогаш, каков појадок да изберете за првиот оброк во денот? Постои изобилство од избор, од овесна каша, чаша јогурт со чиа семе или пак печено интегрално лепче со некој вкусен намаз, но ние сакаме да ви препорачаме нешто поразлично – крцкави и здрави мусли со двојно чоколадо. Новите кранчи мусли со двојно чоколадо на Виталиа се совршено крцкав и вкусен, а сепак целосно здрав појадок кој можете да го консумирате без да чувствувате грижа на совест. Со ваков избор на појадок, не можете да погрешите. Кранчи муслите со двојно чоколадо се богат извор на растителни влакна, што ги прави балансиран и хранлив оброк со кој ќе бидете сити подолго време. Притоа, темното чоколадо важи за ненадминлив антиоксидант, кој го подобрува расположението и дава енергија, а во комбинација со парчињата бело чоколадо отвора цела палета од вкусови создадени за љубителите на слатките задоволства. А пак, кој вели дека муслите мора да се јадат само за појадок, потопени во млеко? За да го интензивирате вкусот, потопете ги кранчи муслите во јогурт или додадете им сушено овошје по ваш вкус. Или пак, ако ги преферирате муслите помеки, потопете ги и оставете ги да стојат во текот на вечерта и да ги впијат сите нутриенти. Но, кранчи муслите на Виталиа не мора да се јадат само за појадок. Тие може да бидат и вкусен додаток на некој здрав десерт или пак закуска која ќе ве засити во текот на денот. Здравото тело и здравиот ум зависат од навиките кои самите ги воспоставуваме, а утрото го поставува патот на секој нов ден. Затоа, одберете вкусен и здрав појадок кој ќе ви даде енергија и соодветно ќе го подготви телото за секојдневните предизвици. Кранчи муслите со двојно чоколадо се само еден избор од широката палета на здрава храна на Виталиа, што можете да ги јадете безгрижно без да броите калории. Погледнете го целиот асортиман на: https://www.vitalia.com.mk/shop-mk/....

По повод меѓународниот ден на танцот, вчера на Плоштад Македонија се одржа Флеш моб, во организација на танцовото студио „Брејк А лег”, кое години наназад го одбележува овој ден на спектакуларен начин. Вчерашниот Флеш моб настан предизвика позитивни реакции кај случајните минувачи, благодарение на неверојатната енергија што им ја пренесоа танчерите со настапот на песната „Can’t Touch This” од MC Hammer. Плоштадот беше разигран во ритамот на повеќе од 500 млади танчери, кои заедно го креираа импресивниот Флеш моб во срцето на градот. На Флеш мобот учествуваа танцовите клубови „Аква”, „Ит Да Бит” и „Брејк А Лег”.Исто така, вчера присуствуваше и градоначалничката на Град Скопје, Данела Арсовска која низ насмевка изјави дека е неизмерно среќна и горда на сите 500 млади деца, кои вчера го разиграа центарот на градот и направија одлична, позитивна атмосфера. Исто така, Арсовска сподели дека и е чест и задоволство што го Град Скопје е поддршка за Светскиот шампионат во хип хоп 2024 година и дека се радува што токму Скопје, ќе биде домаќин. Инаку, градот Скопје се подготвува да заземе централно место како горд домаќин на претстојниот Светски шампионат во хип хоп 2024. Овој настан се очекува со нетрпение и ветува дека ќе биде ексклузивна прослава на хип хоп танцот, културата и меѓународното другарство, ставајќи го Скопје во центарот на вниманието на глобално ниво. Светското првенство во хип хоп 2024 ќе се одржи во Спортскиот Центар „Борис Трајковски”, во организација на клубот „Брејк А Лег”, од 8 до 17 октомври. Подготовките за овој грандиозен настан кои започнаа уште од минатата година се во полн ек, и токму затоа исчекувањето се зголемува, а Скопје е подготвено да ги пречека најталентираните и најстрасните танчери во светот. Изборот на Скопје за град домаќин не само што го нагласува неговото појавување на глобалната сцена, туку и ја потврдува неговата посветеност на негување на танцот како уметност. Скопје ќе биде домаќин на скоро 6000 танчери од повеќе од 30 земји од светот, од пет континенти. Токму поради овие фасцинантни бројки, овој настан е одлична можност за промовирање на македонската култура, уметност и традиција, но и потврда дека во Македонија има квалитетни танчери со неверојатни вештини и страст кон танцот. Сето тоа, го препозна и Светската танцова организација и ја поддржа идејата Скопје да биде центар на хип хоп доживувањето. Танцовото студио „Брејк А Лег “, во своето портфолијо има организирано голем број на вакви светски настани, па благодарение на долгогодишното богато искуство, подготви низа активности и настани кои се во знак на светското првенство што следува, меѓу кои и спектакуларниот концепрт на двете музички, мега ѕвезди, Пајак и Voyage, кој ќе се случи на 11.10.2024 во С.Ц Борис Трајковски. Скопското топло гостопримство, богатата историја и енергичната атмосфера несомнено ќе остават траен впечаток кај сите оние кои ќе присуствуваат на Светскиот шампионат во хип хоп 2024 година. Остануваат уште неколку месеци до Светскиот шампионат, а дотогаш, организаторите ќе продолжат позитивно да ја изненадуваат македонската јавност со интерактивни настани, концерти и активности во духот на хип хоп културата....

Метео прогноза на Славчо Попоски: Како што веќе подолго време најавуваме, утре на 1 мај времето во Македонија ќе биде променливо облачно со сончеви периоди и со слаб до умерен, а Долж Повардарието повремено засилен ветер од југоисточен правец. Од пладневните часови се очекува изолиран развој на нестабилна облачност, проследена со пороен дожд, грмежи и засилен ветер. Не се исклучува можноста и за ретка појава на град. Нестабилноста ќе продолжи и во текот на ноќта кон 2 мај. Што се однесува пак до температурите, тие остануваат без промени и ќе се искачуваат во интервалот од 21 до 28 степени. Во Скопје и околината исто така од пладневните часови се очекува локална нестабилност, проследена со пороен дожд, грмежи и засилен ветер. Нестабилноста е можна и во ноќните часови према 2 мај. Температурата утре во Скопје ќе се искачи до околу 26 степени....

Бранка Станковска е родена на 30 април 1931 година во Скопје. Таа беше позната македонска радио и тв водителка. Во Македонската радио-телевизија го поминала целиот работен век (1948-1987). Нејзината најава на првиот телелевизиски пренос од Црн Врв на 5 јуни 1964 година е почеток на програмата на ТВ Скопје, емитувана преку сопствената телевизиска мрежа. Неколку месеци подоцна (на 14 декември) Станковска ги читала вестите на првиот телевизиски „Весник“, што го означи почетокот на емитувањето на редовната програма на Македонската телевизија. Беше една од најпознатите спикерки и водителки на малиот екран. Починала во Скопје на 21 јануари 2021 година....

Арна Шијак е родена на 30 април 1976 година во Скопје како ќерка на ликовниот уметник Томо Шијак. Дипломирала на Факултетот за драмски уметности во Универзитетот „Св. Кирил и Методиј“, на отсекот за глумечка игра во 1999 година, во класата на проф. Кирил Ристески и проф. Владе Цветаноски. На сцената на МНТ дебитира уште во студентските денови, во претставата „Вишновата градина“, во режија на Љубиша Георгиевски, 1998 г. со улогата на Ања Рањевска. Вработена е во Македонскиот народен театар од 2010 година. Театрографија; Актерката (Без галама, 2018), автор: Мајкл Фрејн, а во колективна адаптација, режисер: Тони Михајловски, копродукција: Македонски народен театар и Брачна игра“; Тања (МАММА МИА!, 2017), музика и текст: Бени Андерсон, Бјорн Улвеус, текст: Кетрин Џонсон, по приказната на: Џуди Крејмер, режисер: Наташа Поплавска, копродукција: Македонски народен театар и Проспот-Словенија; Актерката (Говорна мана, 2017), автор: Горан Марковиќ, режисер: Драгана Милошевска – Попова, продукција: Македонски народен театар; Мајката (Соларис, 2016), автор: Станислав Лем, режисер: Андриј Жолдак, продукција: Македонски народен театар; (Викај ги среќа, 2016), режисер: Златко Славенски; Клеопатра Максимовна (Животот е перкрасен, 2015), автор: Николај Ердман, режисер: Александар Морфов, продукција: Македонски народен театар; Велма Кели (Чикаго, 2015), автори: Фред Еб и Боб Фос, режисер: Наташа Поплавска, продукција: Македонски народен театар; Телохранител на Клитемнестра, Негувателка на Електра и Орест (Електра, 2014), автори: Есхил, Софокле, Еврипид и Жан-Пол Сартр, режисер: Андриј Жолдак, продукција: Македонски народен театар; Самовилата Берилин, Сосетката Берленго (Сината птица, 2014), автор: Морис Метерлинк, режисер: Златко Славенски, продукција: Македонски народен театар; Шарлота Корде (Аферата Елсинор, 2014), автор и режисер: Љубиша Георгиевски, продукција: Македонски народен театар; Хинг Гиу Миу (Вечната куќа, 2013), автор: Јордан Плевнеш, режисер: Дејан Пројковски, продукција: Македонски народен театар; Албин, витез Де Ла Тремуј (Подемот и падот на кабарето, 2013), автор: Артур Шницлер, режисер: Владимир Милчин, продукција: Македонски народен театар; (Животот е сон, 2012), автор: Педро де ла Барка Калдерон, режисер: Владо Цветановски, продукција: Македонски народен театар; Лисицата (Декамерон, 2012), автор: Џовани Бокачо, режисер: Боњо Лунгов, копродукција: Македонски народен театар и Театар за деца и младинци – Скопје; Глас (Психоза 4.48, 2011), автор: Сара Кејн, режисер: Ѓорѓи Јолевски, копродукција: Македонски народен театар со Театар „Квартет“; (Копнеж по целина, 2011), автор: Матеја Матевски, режисер: Ристо Алексовски, продукција: Македонски народен театар; Марија Тимофеевна Лебедјаткина (Бесови, 2011), автор: Фјодор Михајлович Достоевски, режисер: Златко Славенски, продукција: Македонски народен театар; Марија (Така било пишано, 2010), автор: Сашко Насев, режисер: Синиша Евтимов, продукција: Македонски народен театар; Д-р Бренон, Келнерката (Темпирана опера, 2010), според „Опера за три гроша“ и „Пеколен портокал“, режисер: Васил Христов, продукција: Македонски народен театар; Елена (Дипломец, 2004), автор: Чарлс Веб, режисер: Синиша Евтимов, продукција: Македонски народен театар; Вендела Бергман (Будење на пролетта 2000, 2000), автор: Франк Ведекинг, адаптација: Огнен Георгиевски и Златко Славенски, режисер: Златко Славенски, продукција: Македонски народен театар; Ќерката (Песочна сложувалка, 1999), автор: Јана Добрева, режисер: Зоја Бузалковска, продукција: Македонски народен театар; Лулу (Шопинг енд факинг, 1998), автор: Марк Рејвенхил, режисер: Срѓан Јаниќијевиќ, продукција: Македонски народен театар; Европа (Среќата е нова идеја во Европа, 1997), автор: Јордан Плевнеш, режисер: Владо Цветановски, продукција: Драмски театар – Скопје; Ања (Вишновата градина, 1997), автор: Антон Павлович Чехов, режисер: Љубиша Георгиевски, продукција: Македонски народен театар – Скопје; Еуфорион (Фауст, 1997), автори: Јохан Волвганг вон Гете и Хајнер Милер, режисер: Ѓорѓи Јолевски, продукција: Драмски театар – Скопје; Луси (Опера за три гроша, 1996), автор: Бертолд Брехт, режисер: Владо Цветановски, продукција: Народен театар „Војдан Чернодрински“ – Прилеп. Од филмските улоги на Арна Шијак ги издвојуваме; Луција (Dust Flowers, краткометражен филм, 2021), режисер: Мирослав Илиќ; Нада (Состојба на шок, 2010), режисер: Андреј Коша; Девојката со сребрена коса (Тајната книга, 2006), режисер: Владо Цветановски; (Самитот на шаманите, 2006), режисер: Александар Станкоски; (Како лош сон, 2003), режисер: Антонио Митриќески; Цветанка (Ноќ спроти Св. Василиј, 2001), режисер: Иван Митевски; Ремза (Џипски меџик, 1997), режисер: Столе Попов. Добитничка е на наградата „Трајко Чоревски“ за најдобар млад актер на МТФ „Војдан Чернодрински“ – Прилеп, 1997 година, за улогата на Европа во претставата „Среќата е нова идеја во Европа“. Редакцијата на Екран ја користи оваа прилика да и го честита роденденот на Арна и да и посака многу здравје и уште многу успеси на професионален план....

На Велика Среда се одбележуваат три значајни настани: Последното претсм ртно помазание на Господа, Заговорот на јудејците за да го уб ијат и Јудиното пpедавство на Христа за триесет сребреници. На светата и велика среда, светите Отци заповедале да правиме спомен на жената блудница, којашто го помаза Господа со миро, бидејќи тоа се случило пред самите Спасителеви стр адања. Кога Господ дошол во Јерусалим и се ноаѓал во куќата на Симон лепpозниот, му пристапила жената блудница и на Неговата глава излила скапоцено миро. Од кои побуди се раководела таа! Бидејќи забележала дека Христос е сочувствителен кон сите, и дружељубив, та особено сега, кога видела дека Он е влезен во куќата на лепpозниот, а законот налагал таквиот да се смета за нечист и одлачен од заедницата, таа заклучила дека Он, како што и Симоновата лепpа, така ќе ја исцели и нејзината душевна болеcт. И, ете, додека Он вечерта седел на трпезата, таа излива на Неговата глава миро, вредно околу тристотини динари, т.е. шеесет асарии, десет пенези и три сребреници. Учениците ја спречувале, особено Јуда Искариот, но Христос застанал во нејзина заштита, за тие да не ја спречат нејзината добра намера. Притоа го спомнал својот погpеб, одвраќајќи го Јуда од предавcтвото и удостојувајќи ја жената со чест, со тоа што насекаде низ светот ќе се проповеда за нејзиното добро дело. Текстот продолжува на следната страна...

Светиот свештеномаченик Симеон епископ Персиски Во времето на злочестивиот цар Савориј или Сапор, Симеон беше мачен за Христа заедно со неговите двајца презвитери, Авделај и Ананија. Пред нив пострада и царевиот евнух Устазан, којшто прво се одрече од Христа, а потоа трогнат од прекорот на Свети Симеон повторно пред царот ја исповеда вистинската вера. На губилиште заедно со Симеон беа изведени уште илјада христијани. Симеон некако се протна за да може да биде убиен последен, зашто сакаше да ги храбри другите докрај за ниеден од нив да не се поколеба од страв пред смртта. Кога презвитерот Ананија ја положи главата на трупецот, со целото тело затрепери. А царевиот пристав, Фусик, кој беше потаен христијанин, почна да го храбри Ананија велејќи: „Не плаши се, старецу, затвори ги очите и биди мажествен, за да ја видиш Божествената Светлина!“ Штом го изговори тоа, го повикаа како христијанин и го обвинија кај царот. Царот го уби во големи маки и него и неговата ќерка, девицата Аскитреја. Најпосле го убија и Свети Симеон, откако прво го испрати своето стадо на оној свет. Следната година на Велики Петок беше убиен и царевиот омилен евнух Азат, а со него илјада други верници. Тогаш царот пожали за својот евнух и го запре натамошното убивање на христијаните. Сите чесно пострадаа за Господ Христос во 341 или 344 година. Тропар О пастиру Божји, Симеоне, Христос Спасителот ти ги предаде клучевите со кои ја отвори вратата на Персиската слава маченичка: Авделај и Ананиј, Устазан, Фусик и Азат, Аскитреја и многу други влегоа во реката на крвта нивна заради Небесното Царство и таму засветлија во Тебе, Христе Боже, Кој по нивните молитви и нас спаси н?. Свети Акакиј епископ Мелитински Се подвизуваше во својот роден град ерменска Мелитина. Епископот на тој град, блажениот Отриј, којшто учествуваше на Вториот Вселенски Собор, го ракоположи за презвитер. После смртта на Отриј епископ стана Акакиј. Учествуваше на Третиот Вселенски Собор во Ефес, кој го осуди Несториевото злохулство кон Пресвета Богородица. Овде заедно со Св. Кирил Александриски тој многу ревнуваше за чистотата на православната вера. Свети Акакиј имаше голема благодат од Бога и вршеше многубројни чуда. После долг и ревносен живот во Христа мирно се упокои во 435 година. Свети Агапит папа Римски Испратен од готскиот крал Теодот кај царот Јустинијан во Цариград за да го одврати од поход против Готите. Патем тој исцели еден нем и слеп. Во Цариград помогна во утврдувањето на Православието и се упокои во 536 година. Преподобните Саватиј и Зосим Основачи на подвижничката обител на Соловецкиот остров во Белото Море. Во таа Соловецка обител се прославија многумина големи светители. Свети Саватиј се упокои во 1435 година, а Зосим во 1478 година. Тропар О смирено срце за Бога приготвено, Саватие свети, кој пустината Соловецка за слава Господова ја подготви, а нас преку неа до осознавање на нашите падови, по твоите молитви Христос н? приведе. Моли се непрестајно за нас, несмирените, во мир пред Господа да се претставиме. Свети свештеномаченик Кипријан Слепченски Свети Кипријан бил игумен на манастирот посветен на светиот Јован Претеча во Слепче, во времето на турското владеење, во 18 век. Во 1780 година, на Велик четврток, манастирот бил нападнат од турски разбојници, од кои Кипријан претрпел големи мачења. По нивното заминување, тој поживеал уште три дена, речиси полумртов. Од жестоките мачења се упокоил на денот на Христовото Воскресение. Тропар Кипријане, велик молитвениче, пред Бога застапниче, за нашите души покровителе. Моли се, оче преподобне, за оние кои ти приоѓаат од тебе благодат измолуваат. За нивно преумување, за нивно спасение, пред Бога поклонение. Кондак Наставик на монасите, пример за испосниците, украс на свештениците. Злобата агарјанска ја посрами, и со пролиената крв Црквата ја украси. Затоа ти повикуваме: Радувај се, свештеномачениче Кипријане, на душите наши исцеление....

Овен Бизнис: За повеќето Овни претстои одличен ден за секакви преговори и договори во врска со лансирањето на некои нови идеи и проекти. Љубов: Можно е да ја преиспитувате партнерската врска. Разгледајте ги сите опции пред да одлучите нешто. Здравје: Многу добро. Текстот продолжува на следната страна...

Овен Работа: На почетокот на неделата ќе бидете доста активни, комуникативни, актуелни и на многу полесен начин ќе можете да го иницирате она што ве интересира. Некои ситуации конечно ќе започнат и ќе тргнат кон реализација или разрешница, ќе имате доволно енергија за се. Решавате дел од проблемот што ви тежеше. Приливите се зголемени, но вие имате тенденција да трошите многу, па може да наидете на дефицит на вашата сметка, па бидете внимателни. На самиот крај на неделата веќе започнатите деловни проекти би можеле да ги доведете до успешен крај без поголеми проблеми, а од друга страна, реално е да очекувате дека ќе започнете барем еден нов бизнис. Љубов: Оваа недела е добар момент за Овните кои се во врски да ги исправат грешките во партнерските односи, да ја вратат комуникацијата во некоја нормална рамка, но време е и да ја вратите страста и заедништвото во врската со саканата личност. Ќе се промени енергијата помеѓу вас и партнерот, ќе имате повеќе време еден за друг, но и за излегување или евентуално одење на патување. Слободен Овен, ве следат интересни контакти со спротивниот пол, но без многу конкретни настани. Само комуникација која оди во вистинска насока. Здравје: Здравјето повеќе или помалку стабилно и под контрола. Зајакнете го вашиот имунитет и внимавајте на исхраната. Текстот продолжува на следната страна...

Emilija L Ducks е наша мултиталентирана уметница. Таа досега го има издадено своето ЕП со наслов „Бои“ и новелата „Марика и стравот“. Во моментов е актуелна со видео спотот за нејзиниот нов сингл „Вредеше“. Пишува, компонира, свири и пее, а денес ни открива кои се нејзините омилени песни и албуми од македонски изведувачи. Омилени песни: -Ја сакам “Кога проклето ти требам” од Калиопи, многу ми фали Александра Пилева, која не можам да ја најдам на спотифај, и ми се допаѓа “Не” од неа, и Кристина Арнаудова, “Прашина.” Омилени албуми: Калиопи пак, “Ако денот ми е ноќ,” Фолтин – “Оваа трансплантирана машина за чукање досега не типкала љубовно писмо,” и Архангел – “Архангел.” Подолу погледенете го и слушнете го нејзиниот последен сингл „Вредеше“....

Денес со почеток во 18:00 часот во НУЦК Трајко Прокопиев во Куманово ќе биде изведена претстава за деца „Трнорушка“. Станува збор за детска приказна, којшто зборува за моќта на љубовта да го победи и најголемото зло. Во претставата играат: Марко Трајковиќ, Сања Русевска, Нина Максимова, Владанка Димковска, Жарко Јовановиќ и Давид Илиќ. Сценографијата е на Крсто Богоjeвски, Избор на костими Дарко Илиевски. Дизајн на плакат: Нина Максимова Инспициент: Антонио Пешевски Светло мајстор: Звонимир Мицевски Тон мајстор: Звонимир Мицевски Суфлер: Виктор Величковски Гардеробер: Елизабета Накевска Реквизитер: Драгана Стојмановска Сценски декоратери: Јовица Николовски, Марјан Милановски, Лила Зафировска, Бобан Милановски, Игор Душановски, Саљим Хамдија, Исак Јаихии, Зорица Милошевска. Набавувачи: Снежана Стојановска Маркетинг: Јоана Серафимовска Директор: Сашо Тодоровски...

НУ Драмски театар, Скопје (ДТС), на 27 април, денот на роденденот на драмскиот автор Горан Стефановски, ја востанови наградата „Горан Стефановски“ за најдобар драмски текст од млад автор до 30-годишна возраст кој ќе се избира по пат на јавен конкурс. Преку овој чин се оддава почит и се чува споменот за Горан Стефановски и неговата улога во развојот на македонската драматургија и театар, и воедно се проширува заложбата на ДТС за афирмација на македонските млади автори и македонското драмско писмо. Стефановски како млад драмски автор со драмските дела „Јане Задрогаз“ и „Диво месо“ во соработка со ДТС постигна успеси за паметење. За временската рамка во која ќе се одвива конкурсот и пропозициите од истиот, јавноста ќе биде дополнително информирана. ДТС ќе партиципира и во Фондацијата „Горан Стефановски“ основана со одлука на УКИМ под иницијатива на Факултетот за драмски уметности. И ќе земе активно учество во реализацијата на програмските активности на истата....

Нашата позната пејачка Андријана Јаневска на својот фесјбук профил сподели прекрасна изведба на песната „Заветна” за време на одбележувањето на патрониот празник на ООУ „Ацо Шопов”. Погледнете и уживајте!...

Метео прогноза на Славчо Попоски: Април месец ќе го испратиме со стабилно, суво, сончево и пролетно топло време. Сепак ќе има и појава на мала до умерена локална облачност, а ќе дува и слаб до умерен ветер од променлив правец. Што се однесува до температурите на воздухот, тие ќе се искачуваат во интервалот од 21 до 28 степени. Во Скопје и околината исто така ќе имаме стабилно, суво и сончево време со мала до умерена локална облачност. Ќе дува слаб до умерен ветер од променлив правец, додека температурата ќе се искачи до околу 26-27 степени....

Ристо Калчевски е роден на 29 април 1933 година во Прилеп. Тој беше исакнат македонски сликар и професор на Факултетот за ликовни уметности во Скопје, најкарактеристичен претставник на апстрактното сликарство. Акцентот на неговите платна го става на густата текстура. Најголемиот број дела од раната фаза реферираат на некакви урбани фрагментирани пејзажи, перципирани од аеро-перспектива. Делата од подоцнежната фаза, кои се речиси монохромно обоени, индицираат на внатрешната флуктуација на енергијата на сликарската материја. Дипломирал на Академијата за ликовни уметности во Љубљана во 1953 година. Членувал во групата Мугри. Самостојно излагал во Скопје, Љубљана, Париз и Крањ. Уште во најраните слики се јавуваат асоцијативни елементи („Фигури во зелено“, 1959), кои подоцна преминуваат во наполно нефигуративни претстави („Пареа“, 1961). Кон крајот на шеесеттите внесува во делото несликарски материјали со ненаметлив геометризам, ослободувајќи го патот на сликата кон објектот. Последните дела, инспирирани како и претходните од македонското културно и географско поднебје, содржат повесел колорит и понагласена раздвиженост. Во 1969 година ја добил наградата „11 октомври“. Починал на 7 август 1989 годин во Скопје....

Ѓокица Лукаревски е роден во Скопје на 29 април 1951година. Тој е македонски глумец, познат по бројните улоги во филмови, театарски претстави и телевизиски екранизации. Една година по завршувањето на Факултетот за Драмски уметности во Скопје, во 1977 година во класата на проф. Илија Џувалековски се вработил во Драмски театар – Скопје. Со својата длабока доживувана глумечка интерпретација Лукаревски посебно се истакнува во неколку претстави каде толкува главни и споредни улоги. Добитник е на бројни награди и признанија; Главната глумечка награда на Меѓународниот театарски фестивал на детски претстрави во Котор – Црна Гора. Награда за најдобро глумечко остварување Војдан Чернодрински (1984) Прв добитник е на Наградата за најдобра епизодна улога „Димче Трајковски“ што се доделува на традиционалната смотра на професионалните театри во Прилеп. Награда за најпопуларно ТВ-лице на годината на “Екран” (1995) Награда за најпопуларно ТВ-лице според списанието “Вечер” (1996) Награда за најдобра улога на фестивалот во “Котор” (2010) Награда за животно дело Анче Џамбазова (2020)[4] Награда за животно дело на фестивалот “Гола месечина” (2020). Награда за животно дело “Свети Јоаким Осоговски” (2021). Орден за заслуги за Македонија” (2024). Среќен роденден Ѓокица ти посакува редакцијата на Екран....

Во рамките на Скопскиот градски фестивал 2024, на 7 мај, во Камерната сала на Филхармонија, настапува дуото Роџерс и Харисон (Roggers&Harrison) со нивниот последен проект „Вагабундо“, префинет и возбудлив спој од смут џез, њу ејџ и етно елементи. Џими Роџерс е австриски државјанин роден во Македонија, пеач, текстописец и гитарист со меѓународна кариера, која ја именува како „Патување по патеките на музичарите“ и која ја започнува со само 16 години како уличен музичар низ Германија, Франција и Швајцарија. Иако дипломиран студент на Факултетот за физичка култура на УКИМ во Скопје, тој се фокусира на музичката кариера, инспириран од музиката на James Taylor, Cat Stevens, Arlo Guthrie, Paul Simon, Bob Dylan, а подоцна и од Bruce Springsteen, Mark Knopfler, Joni Mitchell и други, експериментирајќи со многу различни стилови и постепено градејќи го својот оригинален пристап. Првиот позначаен успех доаѓа во 1991 година кога кантри музиката станува негов доминантен стил. Во 1994 година со својот бенд го издава првиот албум „Fancy Cowboys“, станува популарен и тој, како успешен музичар, настапува на големите кантри фестивали во Австрија, Германија и Швајцарија. Вториот негов албум „When the Sun begins to Shine“ е снимен во 1997 во Texas, USA, чиј продуценти е Wink Taylor (George Strait) и Frank Wilson и е презентиран на многу светски радио станици. По враќањето во Австрија, заедно со неговиот пријател Tex Robinson, го издаваат албумот „Colors of Life“, промовиран од „Allmusica” Hamburg label. Фото: Скопско Културно Лето Фото: Скопско Културно Лето Заедно со Waterloo, Andy Lee Land and Tex Robinson, во 2008 година работи на проектот „Најдоброто од земјата Австрија“, организиран од TV Burgenland (Tyrolis Records). Во 2009 година постигнува нов пробив со неговата музика од новиот албум „Steep and Deep“. Сега веќе неговата музика сè повеќе се движи кон блуз, но сепак доминантна одлика ќе остане комбинацијата на различни стилови со сопствениот музички сенс, создавајќи свој оригинален и препознатлив стил. По турнејата со „Steep and Deep“, со бендот кој сега е трио, настапува на меѓународни сцени – од мали настани до големи фестивали, а во 2012 година тие стануваат вице-шампиони на „European Country Music Masters“ во Калкар / Германија. Истата, 2012 година, се предгрупа на славните Назарет. Во 2015 година, на 25-годишнината од неговата присутност на светската музичка сцена, Џими ја издава својата „Ultimate Collection“ со неговите 20 најдобри песни. Изјавува дека неговиот голем сон е да сними чисто акустичен албум во студиото за снимање „Ромин Кацер“ во Нирнберг. Сонот почнува да станува реалност во летото 2019 година, кога заедно со неговиот партнер Ендрју Харисон, работат на проектот „Вагабундо“, за на почетокот на 2020 година да го издадат ЦД-то, а музиката од албум да биде достапна и на најважните онлајн музички провајдери. Иако насочен кон светската музичка сцена, изјавува дека Македонија е местото од каде сè почнува, па постојано е присутен и на нашата музичка сцена. Како позначајна за одбележување е 2003 година, кога Џими учествува во голема ТВ продукција, како дел од неговата турнеја низ Македонија. Во 2022 е дел од Скопското културно лето и настапуваат во фоајето на Македонската опера и балет во Скопје. Изјавува дека каде и да е, што и да прави, каква музика и да свири, тој секогаш се потпира на македонската музичка традиција. Постојано раскажува за Македонија и нејзината култура, а своите настапи во земјата од која потекнува и која неизбежно го дефинира ги смета за круна на секоја фаза од неговиот музички пат. За себе вели дека се обидува да изгради мостови помеѓу местата каде што е и неговиот роден град Скопје, секаде да ја промовира земјата на неговото потекло – Македонија, што го прави амбасадор на македонската култура во светот....

Светите маченички Агапија, Хионија и Ирина Родени сестри од околината на Аквилеја. Кога царот Диоклецијан се бавеше во Аквилеја, нареди да го погубат прочуениот духовник Хрисогон. Во тоа време еден стар свештеник Зоил имаше видение во коешто му се откри каде се наоѓа непогребаното тело на Хрисогон. Старецот побрза, го најде телото на маченикот, го положи во ковчег и го чуваше во својот дом. Триесеттиот ден по ова му се јави Св. Хрисогон и го извести за овие маченички дека ќе пострадаат во следните девет дена, а дека и самиот ќе се престави во тоа време. Вакво известување прими во видение и Анастасија Одврзителка, која беше тргнала по својот учител Хрисогон. И навистина, по девет дена се престави и старецот Зоил, а и оние три сестри беа изведени на суд пред царот. Царот ги советуваше светите девојки да им се поклонат на идолите, но тие го одбија и ја исповедаа својата тврда вера во Христа. Света Ирина му рече на царот дека е глупаво човек да им се поклонува на предмети изработени од дрво или камен, нарачани за спогодена цена, направени од раце на смртен човек. Царот се разјари и ги фрли во затвор. Кога царот тргна за Македонија, со него ги поведоа сите негови робови и заробеници, меѓу кои и овие три светителки. Царот им ги даде на еден војвода Дулкитиј за мачење. Војводата се распали со мрачна страст и сакаше да ги оскверни девиците, но кога сакаше да влезе кај нив во затворот во времето кога беа на молитва пред Бога, тој полуде и почна да ги прегрнува и бакнува некои црни котли и лончиња што се најдоа таму и така си отиде сиот поцрнет. Кога слушна за ова, царот му нареди на еден друг војвода, Сисиниј, да го преземе судењето на трите христијанки. По тешки мачења судијата ги осуди првите две сестри на смрт во оган, а Света Ирина ја задржа уште некое време кај себе надевајќи се дека ќе може да ја оскверни. Но кога ја испрати со војници во блудилиштето, Божјите ангели ја спасија чистотата на девицата, војниците ги вратија, а нејзе ја изведоа на еден рид. Утредента војводата излезе со војниците на оној рид, но не можеа да се качат, па им нареди на војниците да ја убијат со стрели. Света Анастасија ги собра телата на едно место и чесно ги погреба. Пострадаа за Христа околу 304 година. Тропар Девственички свети маченички, поучени за воскресение во живот вечен од истоименитоста со благодат преисполнета – светата Анастасија, заштитени со молитвите на Христовиот пастир, темнината ја посрамивте со светлина од Христа подарена, молете се за нас на Пресвета Троица, о вие три сестри, од Небесната висина. Светиот маченик Леонид и маченичките Хариеса, Никија, Галина, Калида, Нунехија, Василиса и Теодора Ги фрлија в море, но морето не ги прими. Тие одеа по морето како по суво и Му пееја на Бога. Кога ги видоа незнабожците најпрво се восхитија, но потоа им врзаа камења на вратот и повторно ги фрлија во морските длабочини. Сите пострадаа за Христа во 281 година. Тропар Се радува, денес, Пелопонез, воскликнува земјата цела која Бога Го прославува, закрепнува од молитвите Леонидови, кога заедно со Хариеса, Никија, Калида, Нунехија, Басилица и Теодора, Христос ги сочува, Кому нова песна Mу пееја, закитена и посведочена oд мачеништвото нивно, по чии молитви, Господи Исусе Христе, Сине Божји, помилуј н?....

Метео прогноза на Славчо Попоски: Почитувани наши, уживајте во убавото пролетно топло време се до вторник. Максималните дневни температури ќе се искачуваат во интервалот од 22 до 28 степени. Веќе од среда поради влијание на циклон од запад, ни следува подолг период на нестабилно време, па така особено од пладневните часови ќе има појава на локален пороен дожд, грмежи и засилен ветер. Поради загреаната Атмосфера и исполнета со енергија, локално се можни и поинтензивни Атмосферски процеси, во вид на невреме, проследено со силен ветер и со појава на град. И во Скопје и околината веќе од среда па во деновите потоа очекуваме локална нестабилност, проследена со пороен дожд, грмежи и засилен ветер. Уште од сега Евроспкиот центар за Среднорочна прогноза (ECMWF) кој ние најажурен, во првата деката од месец пај црта ново големо заладување на времето. Што значи дека нестабилното време и со чести врнежи би го имале и за Велигденските празници....

Овен Работа: Можно е денес да комуницирате со некој од минатото кој би можел да понуди значајна помош и поддршка која ви е важна за некои нови идеи и проекти. Љубов: Оние кои се во емотивни врски и бракови може да имаат различни ставови за некои суштински прашања во моменталната партнерска врска. Се согласувам. Здравје: Многу добро. Текстот продолжува на следната страна...

По повеќемесечни темелни подготовки, почна снимањето на долгометражниот игран филм со работен наслов „17“, дебитантското долгометражно остварување на Косара Митиќ, во продукција на „Црна мачка продукција“. Жанровски „17“ се дефинира како каминг-оф-ејџ филм. Инспириран е од вистински настан и обработува тема посветена на младите во нивните критични тинејџерски години, кога тие се најранливи и под постојан притисок да се вклопат во средината и кога донесените одлуки може да остават длабока трага во нивните животи. „Црна мачка продукција“ го реализира филмскиот проект „17“ во копродукциска соработка со „Арт и Покорн“ од Србија и со „Децембер“ од Словенија, со поддршка од Агенцијата за филм на Македонија, Филмскиот центар на Србија и Словенечкиот филмски фонд. Филмската екипа, која е ангажирана на проектот, е составена од професионалци од трите земји копродуценти. Снимањето на филмот ќе се одвива на локации во Скопје и во Битола. Улогите ги толкуваат: Ева Костиќ, Мартина Даниловска, Ева Стојчевска, Петар Маниќ, Ирена Димеска, Луна Бејков, Христијан Ристески, Алина Христовска, Даме Јовески, Јован Тодоров, Мина Јелушиќ, Тодор Стојковски, Иво Јездиќ, Ана Стојановска, Жаклина Стевковска, Сашко Коцев и Оливер Митковски. Режисерка е Косара Митиќ, сценаристи се Косара Митиќ и Огњен Свиличиќ, продуценти на филмот се Томи Салковски и Кристијан Буровски, а како копродуценти се јавуваат: Мирослав Могоровиќ, Владо Булајиќ и Лија Погачник. Кинематографер е Наум Доксевски, сценографи се Дејан Ѓоршевски и Александра Чевреска, костимографка е Жаклина Крстевска, шминката и фризурата се на Карла Лазиќ (Србија), снимател на звук е Аљаж Лукан (Словенија) и монтажер е Дејан Смилески. Косара Митиќ е родена во 1987 година во Скопје. Дипломирала на Факултетот за драмски уметности во Скопје, отсек филмска и ТВ-режија, во 2013 година, во класата на проф. Столе Попов. Досега режирала неколку кратки филма, меѓу кои „Црвената соба“ (2016), „Роденден“ (2015) и „Намини бар еднаш“ (2013), кои биле прикажани на повеќе од 20 фестивали во светот....

Мај е еден од најубавите месеци во годината кога пролетта е во целиот свој сјај. Исто така во мај ќе имате можност да погледнете некоја од одличните претстави кои ќе бидат изведени во Театар Комедија. Подолу е репертоарот на театарот за месец мај, а ваше е да одберете која претстава ќе ја гледате. 10 мај – Петок Вардарски Пастуви 11 мај – Сабота Жени во Собрание 14 мај – Вторник Илуминати 15 мај – Среда Пар Распар 17 мај – Петок Ало, Ало! 18 мај – Сабота Демнејќи го Годо 21 мај – Вторник Пар Распар 22 мај – Среда Веќе не е смешно 28 мај – Вторник Ало! Ало! 29 мај – Среда Анатомија на неверството 30 мај – Четврток Вечера за глупаци 31 мај – Петок Одбраната на инвалидот Сите претстави почнуваат во 20:00 часот, а билетите за истите можете да ги набавите на билетарницата на Театар Комедија или онлајн преку www.online.teatarkomedija.mk...

Денес во барот Кантина, со почеток во 17:00 часот ќе имате можност да запознаете некои од учесниците на Сакура фестивал. Ханами значи гледање на цветови, а за таа прилика ќе подготвиме соодветен амбиент за заедницата со: Промо коктели -Сакура Sour (со јапонскиот UKIYO CHERRY BLOSSOM џин) -Aphea Коктел (со вистински цветови) -Азиската храна ќе биде на промоција како и ексклузивно за овој настан ќе имате шанса да пробате чизкејк со прелив од јагода. Ќе се одржи и Мини Ханами базар, Animeshop, Factory girl, Chaotic dolls, Siena Целата атмосфера ќе биде разубавена со дел од колекции на бонсаи дрвца: Bonsai trees Macedonia, Mansa bonsai, Tomas bonsai....

Денес на празникот Цветници со почеток во 11:00 часот, во организација на Здружение за локален и рурален развој „Рурал Ума Сто“, ќе биде организиран излет во селото Умин Дол и Ново Село, Куманово. Присутните ќе може да уживаат во: – Храна ( рибља чорба во котле, посни сармички со штавељ, домашно месено лепче итн. итн.); – Локален водич што ќе ве прошета; – Спортски активности: одбојка на трева и баскет; – Можност да си изнајмите велосипед; – Детско игралиште веднаш до настанот; – Возење со едно превозно средство што ќе остане изненадување :); – Културни содржини: посета на мал етно музеј и стогодишна брвнара; Собирно место: сретсело. Се гледаме!...

Милан Фирфов е роден во Скопје на 25 март 1943 година. Тој беше истакнат македонски музички работник, диригент, пијанист, оперски пејач – баритон и пензиониран редовен професор на ФМУ во Скопје. Фирфов е син на македонската оперска дива Данка Фирфова и музичкиот деец Живко Фирфов. Фирфов дипломирал пијано кај А. Прегер, во 1969 и соло-пеење кај Н. Цвеиќ, во1970 година на Музичката академија во Белград, каде што ја стекнувал и титулата магистер по соло-пеење кај З. Зикова во 1974 година. Уметничката кариера ја започнал како солист во Операта на МНТ, а од 1969 година почнал да предава на ФМУ во Скопје како редовен професор. Приредил повеќе солистички рецитали и настапи во придружба на оркестар. Се занимавал и со музичка критика. Познат бил по многубројните солистички и концертни настапи на разни музички манифестации во Македонија и во странство. Има настапено и како фолк пејач на фестивалот за патриотски песни Гоце Фест. До своето пензионирање бил редовен професор на ФМУ во Скопје, кој предавал соло-пеење и клавир. Починал во Скопје на 28 април 2012 година....

Каролина Гочева е родена на 28 април 1980 година во Битола. Таа е позната македонска поп-пејачка. Честопати е позната и само по името Каролина. Ја започнала музичката кариера во 1991 година со настап на локалното детско шоу и продолжила да учествува во наредните години, добивајќи се со признание за нејзиниот талент. Во 1992, го издава својот прв детски албум насловен Мамо, пушти ме. Потпишува договор со издавачката куќа Авалон продукција во 2000 година. Дискографијата на Гочева се состои о девет музички албуми коишто опфаќаат поп, R&B, рок, традиционални фолк и етно, џез и светски музички стилови. Кратко откако го потпишала договорот со Авалон продукција, Гочева го издала првиот студиски албум Јас Имам Песна, којшто ја вклучува песната „Немир“ снимена со Тоше Проески. Нејзиниот втор, трет и четврти студиски албум Зошто сонот има крај, Знаеш колку вредам и Во заборав биле издадени во 2002, 2003 и 2005, последователно. Додека нејзините први пет албуми се претежно во стилот на поп, R&B и рок, подоцнежните издадени дела Македонско девојче (2008), Македонско девојче 2 (2014) и Извор (2018) вклучувале елементи од македонската традиционална музика и џез. Оваа промена во звукот води до зголемена популарност, широка прифатеност од публиката и распродадени концерти во Северна Македонија, Србија и Бугарија. Нејзиниот деветти студиски албум, во сорапотка со Дуке Бојаџиев и Исмаил Лумановски, Песни за љубов и копнеж, е издаден на 24 декември 2022. Десеттиот очекуван студиски албум е најавен како поп проект којшто е најавен со синглот „Дај на сунце“ (македонски: „Дај на сонце“) и се очекува да биде издаден кон крајот на 2024. Ја претставува Македонија на Изборот за песна на Евровизија во 2002 година во Талин, Естонија, со песната „Од нас зависи“ каде се пласира на 19-то место. Во 2007 година во Хелсинки, Финска, настапува со песната „Мојот свет“, пласирајќи се како 9-та во полуфиналето, а како 14-та во финалето. Гочева има освоено многу награди и признанија во Северна Македонија како и другите Балкански церемонии за награди. Широко е позната како најпознатата македонска поп пејачка за што ги добива називот „македонска поп принцеза/кралица“ и „поп дива“. Иако најголемиот број од нејзините песни се испеани на македонски, Гочева исто така има издадено албуми на српскохрватски и англиски што довело до зголемена популарност во Бугарија и екс-Југословенските држави како Србија, Босна и Херцеговина, Црна Гора и Хрватска. Во март 2023, Гочева дава интервју за емисијата Жилет на Македонската Радио Телевизија. На 13 декември 2023, Гочева ја издава песната „Дај на сунце“ напишана од Дино Мухаремовиќ и аранжирана од Дино Шукало заедно со црнобело музичко видео режирано од Миомир Милиќ. Песната ја има својата премиера на српската радио станица Накси каде што пејачката кратко изјавила дека насловот е повик за женскиот протагонист да го покаже нејзиното убаво лице на сонце. Ја снима песната два месеци пред да биде издадена. Клипот е снимен во ноември, на ладни температури од -5 °C на две локации на македонската планина Бистра, вклучувајќи ги Галичник и Маврово. Како промоција на песната, се појавува на шоуто Među Nama на српскиот телевизиски канал Nova S во Белград на 21 декември 2023 каде што дава интервју. На 22 декември, се појавува на српското шоу Kec na jedanaest во Белград каде што ја промовира песната, дава интервју и ги изведува своите српски песни „Srešćemo se Opet“, „Kad Voliš“ и „Više se ne Vraćaš“ како и македонската преработка на песната „Ако згрешам нека изгорам“. Пејачката исто така ги споделува своите планови за иден студиски албум на којшто има вклучено некои сопствени аранжирани песни, објавува нов сингл пред неговото издавање и споделува дека очекува да го издаде во септември или октомври таа година. Зборувајќи за идните планови за учество во Евровизиската Песна за Евровизија, таа открива дека последното учество во 2007 ѝ претставувало голема одговорност, дека не би сакала баш повторно да помени преку „толку стресно искуство“ знаејќи го прогресот на социјалните медиуми на полуфиналната и финалната вечер. На 1 и 2 март 2024, Гочева одржува два последователни концерти во ноќниот клуб Пјур во Скопје; нејзиниот настап добива многу добри критики од новинарите за ЦрноБело коишто ја нарекуваат „фантастична“. Подоцна истиот месец, на 22 март, се појавува во Тирана, Албанија каде што настапува во Националниот театар на опера и балет на Албанија. На 24 март 2024, Гочева го одржува првиот концерт во Крива Паланка каде што настапува со песни од Македонско девојче и Извор покрај нејзините постари песни. Редакцијата на Екран и го честита роденденот на Каролина и и посакува многу здравје и уште многу успеси во понатамошната кариера....

Влегување на Господ Исус Христос во Ерусалим – Цветници Кога Царот, седејќи на осле, влегол во Ерусалим, сите луѓе – деца, возрасни, старци, простирајќи ја својата облека и со палмови гранчиња во рацете, кои се симбол на победата, брзо Го пресретнале, како Животодавец и Оној Кој ја победил смртта. Паднале на колена пред Него и потоа оделе по Него, не само на влезот од градот, туку и во самото свето место, гласно пеејќи: „Осана на Синот Давидов! Осана во висините!“ Пофалната песна „Осана“ се вознесува бидејќи во превод значи „Слава“. Додавајќи „во висините“, покажале дека Тој се прославува со песна не само на земјата и не само од луѓето, туку и од ангелите на небото. Значи, како деца, посетени од Светиот Дух, тие на Господ Му принеле совршена и потполна химна, сведочејќи дека Тој, како Бог, го оживеа четиридневниот мртовец Лазар… Како што во Исус Христос, како што кажува Божјиот апостол, нема ни машки ни женски пол, ни Елин ни Јудеец, туку сите се едно, така во Него нема ни кнез ни потчинет, туку сите ние преку верата во Него и Неговата благодат сме едно. Наоѓајќи се во Неговото Тело, во Црквата, ние имаме една Глава – Него; благодатта на Светиот Дух соединува само во еден дух; сите сме примиле едно крштение и сите имаме една надеж; и еден е нашиот Бог, над сите и преку сите, и во сите нас. Значи, да се љубиме еден со друг, да се трудиме еден за друг, бидејќи сме соединети едни со други. Знакот според кој н? познаваат дека сме Негови ученици е љубовта, и тоа е Татковото наследство, кое Тој ни го остави заминувајќи од овој свет. И последниот совет што ни го даде при заминувањето кај Својот Отец ја утврди нашата меѓусебна љубов. Свети Григориј Палама Тропар Христе Боже, за да нe увериш во општото воскресение, пред Твоето страдање го воскресна Лазара од мртвите. Затоа и ние, како децата носејќи ги знаците на победата, Ти пееме Тебе, Победителу на смртта: Осана во висините, благословен е Оној што доаѓа во името на Господа. Кондак На небесата носен на престолот, а на земјата – на осле, Христе Боже, си ја примил похвалата од ангелите и песната од децата, кои Ти викаат: Благословен си Ти, Кој доаѓаш да го повикаш Адама. Светите апостоли Аристарх, Пуд и Трофим Од бројот на Седумдесеттемина апостоли. Аристарх беше епископ во Апамија Сириска. Апостолот Павле го спомнува неколкупати (Дела 19, 29; Колосјани 4, 10; Филимон 23). Во Ефес беше фатен од толпата заедно со Гај. Тој народ тогаш се беше кренал против Св. апостол Павле. Павле им пишува на Колосјаните: „Ве поздравува Аристарх којшто е со мене во ропство“. Во Посланието до Филимон Павле го нарекува Аристарх свој помошник, заедно со Марко, Димас и Лука. Пуд беше угледен римски граѓанин. Апостолот Павле го спомнува еднаш (II Тимотеј 4, 21). Домот на Пуд најпрво беше засолниште за врховните апостоли, а потоа се претвори во црква, наречена Пастирска. Трофим беше од Азија (Дела 20, 4) и го придружуваше Св. апостол Павле на патувањата. На едно место Павле пишува: „Трофим го оставив во Милет болен“ (II Тимотеј 4, 20). За времето на гонењата од Нерон, кога беше убиен Св. апостол Павле, беа убиени и овие тројца славни апостоли. Тропар Патот кон Бога преку вашите стапки е посведочен, о апостоли свети Христови, сотрудници на Павле, помошници на Петар великите, молете се за нас Аристархе, Пуде и Трофиме, верата чиста да ја запазиме, и вратата на бесмртноста да се отвори по вашите свети молитви. Светиот маченик Сава Готски Во готските краишта имаше сурово гонење на христијаните. Еден готски кнез дојде во селото каде што живееше благочестивиот Сава и ги запраша селаните има ли во нивното село христијани. Тие му се колнеа дека нема ниеден. Тогаш Сава застана пред кнезот и рече: „Никој нека не се колне за мене, зашто јас сум христијанин.“ Кога го виде беден и сиромав, кнезот го пушти во мир велејќи: „Од тебе нема ни полза ни штета“. Другата година на Воскресение дојде еден свештеник Сансал во тоа село и ја отпразнува светлата Пасха заедно со Сава. Слушнаа за тоа незнабожците, па ненадејно го нападнаа домот на Сава и почнаа немилосрдно со стапови да ги бијат Божјите угодници. Сава пак, го соблекоа гол и го влечеа по трњето, а потоа двајцата ги врзаа за дрво и им нудеа месо од идолските жртви. Но сеќавајќи се на апостолските зборови Божјите луѓе одбија да јадат од скверните ѓаволски жртви. Најпосле кнезот го осуди Сава на смрт и им го предаде на војниците. Преполнет со радост Сава тргна на губилиштето фалејќи Го Бога. Кога го видоа дека е добар човек, војниците патем посакаа да го пуштат, но тој многу се нажали и им зборуваше дека тие се должни да ја исполнат заповедта на својот кнез. Тогаш војниците го одведоа до една река, му врзаа камен на вратот и го фрлија во водата. Неговото тело беше исфрлено на брегот. Подоцна, во времето на царот Валент, војувајќи со Готите грчкиот војвода Јуниј Соранос го најде телото на Свети Сава и го пренесе во Кападокија. Свети Сава пострада во триесет и првата година од животот, во 372 година. Светите маченички Василиса и Анастасија Две благочестиви римјанки. Во времето на царот Нерон ги собираа телата на убиените апостолски ученици и чесно ги погребуваа. За ова беа обвинети и фрлени во затвор, а после долги мачења, во кои им ги отсекоа јазиците и градите, ги обезглавија. Тропар Големи се круните маченички ваши, о Анастасија и Василица, вие кои Христовите деца ги љубевте и заклон за нивните тела подготвивте. Од Спасителот не само вечност, туку и прослава во вековите добивте, а за нас милост измолувате, кои го чествуваме светиот ваш спомен....

Метео прогноза на Славчо Попоски: Утре и во вторник, и тоа под влијание на нов длабок циклон од Атлантикот, во Македонија повторно очекуваме нови обилни врнежи од дожд на повеќе места, проследени со грмежи. Не се исклучува можноста повторно локално да се случат поинтензивни Атмосферски процеси во форма на невреме, проследено со обилен пороен дожд, силен ветер, електрични пранења и со појава на град. Денес, а особено во текот на утрешниот ден ќе дува засилен, повремено силен ветер од јужен правец (повремено и локално со брзина од над 70 км/час). Остануваат високите пролетни температури на воздухот. И во Скопје очекуваме слично време, утре и во вторник со повремен пороен дожд и услови за појава на грмежи. Ќе дува засилен ветер од јужен правец. Заследете ја мојата официјална фејсбук страница Славчо Попоски – МЕТЕО Прогнозер и мојот официјален инстаграм профил https://www.instagram.com/slavchopoposki/ И во деновите потоа ќе продолжи променливото време со повремени локални врнежи од дожд, што значи како што и претходно најавивме ќе имаме влажна седмица. Што се однесува до температурите, тие остануваат да кажеме пролетно високи и речиси насекаде ќе надминуваат 10 степени, понекаде тие ќе се искачат и до околу 15 степени, а во најтоплите централни и југоисточни предели тие ќе се искачат и близу 20 степени. Утре и во вторник во случај на појава на електрични празнења, да не се претстојува на отворен простор и под осамени дрвја. Заследете го мојот официјален инстаграм профил https://www.instagram.com/slavchopoposki/ Исто така следете го и мојот официјален фејсбук профил и мојата официјална фејсбук страница Славчо Попоски – МЕТЕО Прогнозер Фејсбук профил: Славчо Попоски...

Овен Работа: На Овенот им претстои релаксиран ден, да го поминат на начин кој им одговара, по можност некаде на отворено и со многу физичка активност. Љубов: Добар ден во љубовната сфера ќе имаат сите оние кои сакаат адекватно да одговорат на вниманието кое го добиваат од саканата личност. Здравје: Одлично. Текстот продолжува на следната страна...

Вечерва во Драмскиот Театар во Скопје, со почеток во 20:00 часот, ќе може да ја погледнете претставата „Фирма“ според Push up 1-3 од Роланд Шимелфенинг, а во режија на Нела Витошевиќ. Сценографија: Костантин Трпеноски, mvv.design Костимографија: Розе Трајчевска – Ристоска Избор на музика: Нела Витошевиќ Улоги: (според редослед на појавување): Анџелика – Ирена Ристиќ Сабине – Ивана Павлаковиќ Патриција – Сања Арсовска Роберт- Филип Трајковиќ Ханс – Игор Ангелов Франк – Стефан Вујисиќ Инспициент: Гоце Бојчев Суфлер: Жаклина Цветковска Роланд Шимелфениг е еден од најплодните, најуспешни и најпреведувани германски автори. Поради тематската актуелност „Фирма“ (Push Up 1-3) авторот храбро прави вивисекција на капиталистичкото општество и последиците што доаѓаат како резултат од така поставениот систем. Тој во преден план ја истакнува бескрупулозната борба на индивидуата која се стреми да се искачи на врвот на хиерархиската пирамида, како и проблемот на осаменоста и отуѓеноста кои се рефлексија на таквото капиталистичко уредување. Целото дејство се случува во ИТ-корпорација. Во тоа „застрашувачко“ опкружување карактерите се натпреваруваат меѓусебно за повисока позиција во фирмата. Механизмите да се стигне до врвот се бескрупулозни, карактерите се служат со вербална манипулација и лицемерие за да го зграбат она што го посакуваат. Посветени да ги добијат овие битки, тие остануваат без социјален живот, затворени во нивните големи празни станови, асоцијативни за нивната духовна и социјална празнина....

Вечерва, со почеток во 21:30 часот, во Котур, ќе може да го проследите концертот на полското дуо Siksa. Siksa е музичко дуо, составено од пејачката Алекс Фрајхајт и басистот Пјотр Буратињски, познат како „Бури“. Тие се познати по нивните луди настапи, на кои Бури саат време ја напаѓа својата бас гитара, додека Алекс ја напаѓа публиката со нејзиното пеење инспирирано од слем поезија, често симнувајќи се од сцена, поканувајќи ја публиката на своите музичко-танцовни егзорцизми. Текстовите на Алекс се мост меѓу личното и политичкото. Токму тоа што е Алекс е толку слободна, сурова и моќна на сцената е феминистички и моќен чин сам по себе – веројатно затоа Сикса ги надминува јазичните бариери низ нивните многубројни настапи низ Европа. Иако можеби изгледаат импровизирани, секоја турнеја, или „сезона“ како што ги нарекуваат тие, раскажува своја приказна. Шикса во моментов на турнеја во Источна Европа и ја изведуваат сезоната „… and the She-devil bangs with a bass”, опишан од бендот како легенда, песна и мит каде што кралот сега е извршен директор на корпорација. Билети: 250 мкд во предпродажба кои можете да ги купите од барот на Котур и 300 мкд на врата....

Во ликовниот салон од ЦК”Марко Цепенков” во Прилеп синоќа 26.04.2024, е отворена изложбата “Пиктограми” од Светлана Попова и Марија Штерјова, кои се претставуваат со 33 дела. Симболиката на преносното значење на знаците, да се препознаат, прочитаат, почуствуваат, универзалноста на математички совршениот бескраен универзум, пресликан во фантастичниот мал Фибоначи човек е лајтмотивот на изложбата. Уметниците м-р Светлана Попова, од Штип, израсната во чколијата, чошињата и чаршијата прилепска, и магистрант Марија Штерјова, штипско моме, две различности, две професии, две искуства, работејќи заедно создаваат вистинско уметничко искуство. Љубовта кон боите, платното, четките ги споила, а резултатот е сега видлив со изложените дела. Секое парче резонира со суштината на животот, раскошот на љубовта, битот на семејството, визијата кон иднината, а се преку универзалниот јазик на симболите. „ПИКТОГРАМИТЕ”, во своите творби не само што ја прославуваат убавината на светот околу нив, туку и пренесуваат наратив на емоции, искуства и врски, поканувајќи ги гледачите да ги истражат длабочините на човековото изразување, втурнувајќи се длабоко во значењето на сликовниот јазик и сопствената душа – вели Каролина Мицевска од ЦК”Марко Цепенков”. Сликите се изработени во техника акрил на платно, акрил на панел, акрил на хартија, со различни димензии и јаки контрасти на бои....

Со силни аплаузи и честитки беше дочекано првото печатено издание на кривопаланечките староградски песни приредено од Филип Додевски, кое беше промовирано синоќа пред преполната сала во НУ Центар за култура од Крива Паланка. Книгата „Кривопаланечки староградски песни ” содржи вкупно 17 автентични песни со текст и нотен запис, како и фотографии кои се трајно сведоштво за историјата и растежот на КУД „8-ми Октомври” и КУЗ „Распеани Паланчани”, кои веќе 50 децении ја негуваат и чуваат староградската кривопаланечка музичка традиција. „Имав желба песните да ги подготвиме во едно издание , но и да се даде освртот на градската кривопаланечка традиција. Покрај стиховите на песните , дигитализиравме, преработивме и ги доработивме нотните записи кои ќе останат за музичарите како материјал со кој можат да се служат и по 100 години. Многу ми е мило што покрај песните успеавме да пронајдеме, да обработиме и да ги забележиме и ликовите на пејачите и членовите на староградското друштво низ генерациите, а фотогрфаиите соодветно да бидат реставрирани, обновени и овековечени за идните генерации”, истакна младиот Филип Додевски. Песните се инсирирани од вистинити настани и личности од кривопаланечкиот градски живот во минатото. Како што вели д-р Јордан Михајловски кој го има напишано освртот за кривопаланечката традиција и естетската анализа на песните сместени во книгата, тоа е е аманет кој треба сите да го понесеме во иднината, ако сакаме да бидеме препознатливи во времето. „Книгата е компилација од повеќе содржини, ноти, автентични записи, текст, чиј автор е народниот гениј, фотографии и пригоден текст. Мислам дека оваа книга има големо значење , бидејќи во себе ги сублимира сите аспекти на староградската традиција. Како таква ќе биде предизвик за оние што се занимаваат со музика , ќе биде предизвик за нашата колективна меморија, за се што се случувало низ традицијата да го пренесеме како знаци на патот за идните генерации”, истакна Михајловски на промоцијата. Тој подвлече дека создадените околу 50-тина песни за кривопаланечкиот крај од кои 17 се внесени во книгата, претставуваат колосално дело за македонската култура и македонската културна ризница. „Песната живее само тогаш кога се пее и тогаш таа е бесмртна”, рече Михајловски. Драган Величковски, еден од уредниците на книгата, истакна дека таа е резултат на двегодишна макотрпна работа и вложен труд во собирање, документирање и уредување на песните. „Беше потребно време и трпение да се соберат, обработат и соодветно да се уредат староградските песни. Ги баравме старите записи, беа спроведени интерјуа, ја документиравме староградската традиција низ фотографии, податоци и релевантни извори, за да денеска го имаме она што е пред нас-првото печатено издание за кривопаланечката староградска песна”, рече Величковски. Издавач на книгата „ Кривопаланечки староградски песни” е Општина Крива Паланка, а промоцијата е дел од манифестацијата „Крива Паланка-Град на културата 2024″. Настанот беше збогатен со настап на КУЗ „Распеани Паланчани” и КУД „8-ми Октомври” при НУ Центар за култура Крива Паланка. Книгата се продава по симболични 200 денари кои одат во фондот за собирање средства за купување на концертен клавир, со што ќе се создадат услови за збогатување на куртурната и концертна програма на Крива Паланка....

Третата средба на книжевниот кружок ќе се одржи денес со почеток во 17:00 часот во книжарницата Илика во Скопје. На оваа средба ќе се разговара за романот Фауна на канадската франкофонска писателка Кристијан Вадне. Романот Фауна припаѓа на жанрот еко-фикцијата и ја истражува иднината на планетата по климатските промени, кога луѓето се борат со мистериозна епидемија, додека другите видови се прилагодуваат и размножуваат. Возбудливото писмо на Вадне остава простор да развиеме интересна дискусија околу поврзаноста на книжевноста и екологијата....

Денес во Аудиокултура со почеток во 12:30 часот ќе може да го проследите концертот на музичкиот бенд креиран од студенти на Музичка Академија на Универзитет „Гоце Делчев“ – Штип. Како дел од концептот “Live at Audiokultura” за 2024 година, импресивните настапи во живо на младите студенти се вистинско освежување и потврда дека нивната амбиција и спремност во потполност кореспондираат со високите стандарди за изведба на музиката во живо кои се поставени во Аудиокултура. Со цел да покажеме максимално внимание и почит кон младите музичари, како и да поттикнеме нивна дополнителна афирмација пред што поширока публика, настанот ќе биде емитуван во живо (livestream) на нашите социјални медиуми....

Во склоп на концертите по повод ,,Први Март” во Македонија, Каролина ќе одржи ексклузивен концерт на 27ми април во Велес, во Народниот театар ,,Јордан Х.К. Џинот”! После распродадените концерти во март во Скопје, Гевгелија, Струмица и Крива Паланка и претстојните концерти овој викенд во Куманово и Охрид, Каролина доаѓа во Велес на 27ми април со својата “greatest hits” програма и најубави песни, во интимниот амбиент на Народниот театар ,,Јордан Х.К. Џинот”! Влезниците по цена од 1200 денари може да се набават онлајн на ticketx.mk, продажната мрежа на ticketx низ Македонија и билетарницата на театарот....

Денес на паркингот кај градски базен во Куманово во период од 10:00-17:00 часот, ќе се одржи хуманитарна изложба на автомобили насловена „Со цело срце за нечие подобро утре“. Настанот е во организација на Црвен крст Куманово во соработка со Illegal hunters Куманово. Активноста е во склоп на програмата ЦКА-ПХВ, во рамките на проектот “Со цело срце за нечие подобро утре” кој има за цел да помогне на нашата сограѓанка Јована Илиевска за успешно да го продолжи своето лекување. Влезот за автомобили ќе биде 300 денари, додека за посетителите е бесплатен, но истите ќе имаат можност да донираат на обележани места во кутии на Црвен крст Куманово. Ве очекуваме во што поголема бројка, да бидеме хумани и да помогнеме со цело срце за нечие подобро утре...

Димо Тодоровски е роден во Солун на 11 декември 1910 година. Тој беше истакнат македонски вајар и академик од првата генерација вајари кои го втемелиле современиот облик на оваа ликовна уметност во Македонија. Претставува единствениот вајар што се појавил во земјата меѓу двете светски војни. Две години по неговото раѓање, неговото семејство се вратило во родниот град Прилеп. Во 1917 година, татко му починал, а Димо од 1920 до 1929 година престојувал во Домот за воени сирачиња во Битола. Без доволно финансиски средства, од 1929 до 1935 година студирал во Белград, каде ја завршил Уметничката школа со академски курс, на вајарскиот отсек во класата на П. Палавичини. По враќањето во Македонија, учествувал во формирањето на Уметничката школа во Скопје (каде бил и професор до пензионирањето), но и во формирањето на Уметничката галерија во 1949 година. Тодоровски бил и дописен член на МАНУ. И денес, во населбата Трнодол каде живеел, стои неговата празна куќа со ателјето, за која тој оставил аманет да биде претворена во спомен дом. Димо Тодоровски, освен дела со теми од НОБ и социјални теми, изработувал и портрети, меѓу другите и на неговите пријатели Никола Мартиноски, Лазар Личеноски, на Ана Липша Тофовиќ. Познат е како автор, кој бил целосно предаден на скулптурата, на вајарството, иако во текот на животот се соочувал со многу финансиски проблеми. Неговиот постар брат Панче Тодоровски го охрабрувал да студира, а поради немање пари, за време на студирањето работел и како фирмописец, во Нишкиот театар и како сценограф. Како студент учествувал и на конкурси и добивал и откупни награди, но за жал, многу од скулптурите од пред Втората светска војна му биле уништени. „Во принцип тој бил човек со големо срце, не бил материјалист, не знаел да даде цена за своите дела. Му било важно делото да му биде убаво, да ги исполни неговите критериуми“. Во Националната збирка на музејот на современата уметност се наоѓаат повеќе дела на Димо Тодоровски, а некои негови дела се дел од приватни збирки. Притоа, дури 90% од неговите дела се изработени во гипс, само 10% се излеани во бронза. Во Националната галерија се чуваат 23 дела на Тодоровски, од кои 17 се излеани во бронза, четири се во гипс, а две се направени од теракота. Во Музејот на современата уметност се чуваат 25 негови скулптури, од кои, 22 се во гипс, а три во бронза. Споменикот на Мечкин Камен е авторско дело на Димо Тодоровски, изработено во 1983 година. Исто така, едно од неговите најзначајни дела е скулптурата „Јама“ што се чува во Даут-пашиниот амам. Најпосле, тој е автор на споменикот на НОВ во Трница. Починал во Скопје на 27 април 1983 година....

Елена Ристеска е родена на 27 април 1986 година во Скопје. Таа е позната македонска пејачка и текстописец на популарна музика. Претставник е на Македонија на изборот на песна за Евровизија за 2006 со песната „Нинанајна“ на Дарко Димитров и Раде Врчаковски. Таа уште во своите рани години покажала интерес кон музиката и уметноста. Своите први чекори во музиката ги прави во раните школски денови. Подоцна се приклучува кон КУД „Кочо Рацин“ во одделот за народни ора и танци. Со ова културно уметничко друштво гостува во неколку европски земји. Во 1996 година таа започнува и да пее во училишниот хор. Нејзиното меѓународно претставуваше со хорот било во Бугарија. Во 1998 година таа започнала и со цртање и при тоа се здобила со повеќе награди. Во 2000 година заедно со играорната дружина била на турнеја во Бугарија, Чешка и Турција. Елена официјално позната на Македонската публика и стана со победата на музичкото-реалити шоу – Плеј – потрага по ѕвезди. Нејзиниот деби сингл „Она Другото“, на авторскиот двоец – Дарко Димитров (музика, аранжман и продукција) – Александар Принц (текст), за која веднаш е реализиран и видео-спот, станува инстантен хит во Македонија. Како резултат на тоа произлегува нејзиниот деби албум насловен како „Ден и Ноќ“. Албумот вклучува неколку песни кои исто така стануваат успешни хитови во Македонија и соседните земји. Ристеска освен како пејач се покажува и како текстописец и пишува за ѕвезди како 4Плеј, Ламбе Алабаковски, Александра Пилева, Маја Саздановска, Роберт Билбилов, Верица Пандиловска и др. Заедно со големиот успех на нејзиниот деби албум, Елена почнува да се промовира и надвор од Македонија. Во 2004 година таа учествува на „Голден Стаг“ фестивалот во Романија, а во 2005 година со нејзиниот хит „Ни на небо, ни на земја“ се претставува на Сунчане Скале во Херцег Нови. Нејзините видеа често време беа вртени по МТВ Адриа, а со тоа нејзината популарност сè повеќе се зголемува. На 4 март 2006, Елена Ристеска победува на македонскиот „Избор на песна за Евровизија“ со песната „Нинанајна“. Со извојуваната победа таа го добива правото да ја претставува Македонија на финалниот избор на „Евросонг 2006“ во Атина, Грција. Во Атина успева да биде една од десетте изведувачи во полуфиналето (18 мај 2006) кои обезбедуваат пласман на финалната манифестација. Во финалето одржано на 20 мај 2006, Елена добила 56 бода и го освоила 12-то место. Дванаесеттото место било најдобриот пласман за земјата на Евровизија до 2019 година, кога Тамара Тодевска го освоила седмото место. Во јули 2006 г, Елена настапува со песната „Не Могу“ (на српски) на Сунчане Скале. Песната е дело на Калиопи и Дарко Димитров. На крајот завршува на 10 место. Истата година во септември патува за Ереван, Ерменија да присуствува како гостин на концертот на претставникот на Ерменија на Евровизија 2006 Андре. Таа е добро пречекана од публиката во Ерменија што е и очекувано затоа што „Нинанајна“ станува летен хит и популарен рингтон таму. Во октомври таа реализира нов сингл насловен како „Есен Во Мене“. Песната е дело на Дарко Димитров. После нејзините безбројни хитови во претходната година, вториот албум на Елена насловен како 192 е реализиран во декември 2006. Албумот ги содржи „Нинанајна“, „Есен Во Мене“, македонската верзија на „Не Могу“ насловена како „Не Можам“ и нов материјал. Во 2007 таа зема дел во Скопје Фест 2007, но сега не како натпреварувач туку како специјален гостин и автор на текстот на „Бело е се“, песната на Ламбе Алабаковски. На Евровизија 2007 таа ги презентираше гласовите од Македонскиот телевотинг во финалната вечер. Елена учествува на српскиот Радијски Фестивал на 15 декември 2007 изведувајќи ја песната „Кревета Два“ или српската верзија на нејзината песна „Има Ли Крај“. Елена завршува на второто место кое го дели со нејзината колешка и идол Каролина Гочева. Елена исто така добива и уште две награди, една за најдобра интерпретација, а другата од Радио ОСМ Пале. Кон крајот на 2007 година таа ја реализира и Српската верзија на албумот 192, насловена како „Милионер“. За Елена Ристеска 2008 година започнува професионално. Таа го реализира првиот самостоен сингл на англиски јазик и тоа со видеоклип. Тоа е за песната насловена како „Million Dollar Player“ (или англиската верзија на „Милионер“). Видеото е продукција на „Corrino Media Group“, а режисер на видеото е Мајк Статик. Покрај Елена во видеото се појавува и Лирој Чемберс кој всушност е и автор на текстот за оваа песна. После тоа Елена се навраќа на некои постари проекти. Таа снима видео за песната „Некаде Далеку“ од албумот 192. Покрај македонската верзија таа снима видео и за српската верзија која е насловена како „Bye bye“ и дел од албумот „Милионер“. Режисер на видеото е Александар Ристовски – Принц. Во меѓувреме снима нова песна, односно дует со групата „Паркети“ под насловот „Сакам да те галам“ која исто така се здобива со видео реализација. На 19 декември таа го одржува и нејзиниот прв солистички концерт. Одржан е во „Метрополис Арена“. На концертот како гости се појавија Ламбе Алабаковски, Туна, Паркети како и Босанскиот бенд „Регина“ со коишто Елена има дует. На 28 декември 2015 година, Елена Ристеска го претставила албумот „Без шминка“, снимен со финансиска помош на „Македонски телеком“. На албумот се наоѓаат постари осум песни, меѓу кои и „А можевме“ (напишана од Тоше Проески) и „Доживотно“, како и пет нови песни, и тоа: „Без шминка“, „Вети“, „На крај на свет“, „Немаш право ти да ми судиш“ и „Како да се радувам“. За промоција на албумот бил снимен видео-спот за песната „Доживотно“. Среќен роденден Елена, ти посакува редакцијата на Екран....

Овен Работа: Опуштениот прв ден од викендот е за повеќето Овни да уживаат првенствено во некои рекреативни активности. Организирајте екскурзија и дружете се со пријателите. Љубов: Одличен ден е за секакви забави, излегувања. Искористете го максимумот од тоа во добро расположение. Здравје: Одлично. Текстот продолжува на следната страна...

Лазарова сабота „Еве, сега е времето благопријатно; ете, сега е денот на спасението: да ги отфрлиме сите дела на мракот и да се облечеме во оружјето на Светлината. Да одиме чесно како дење“ (2 Кор. 6, 2) – зашто ни се приближува сеќавањето на спасоносните Христови страдања, се приближува нова, голема и духовна Пасха, награда за бестрастието (палмовото гранче), почетокот на идниот век. Тоа го најави Лазар, кога излезе од оние кои се скриени во пеколот; по заповедта на Божјиот Син, Кој има власт над животот и смртта, оној кој четири дена беше во гробот, стана од мртвите. Кога било извршено чудото над Лазар, и кога Христос јасно истакнал дека Тој е Бог, народот го прифатил тоа и поверувал, додека некои кнезови, односно книжници и фарисеи, биле далеку од верата, па неразумно смислувале лоши работи против Него и со своето безумие сакале да Ги убијат Оној, Кој преку тоа што го рекол и направил се претставил како Господар на животот и смртта. Овие зборови, иако заради народот изговорени во вид на молитва, не биле молитвени зборови, туку зборови на власт: „Лазар, излези надвор!“ – и Лазар веднаш, иако четири дена мртов, застанал жив пред Него; зарем не биле едно заповедта и молитвата на Животодавецот? Тој викнал со силен глас, и тоа заради присутните, бидејќи можел не само тивко, туку и само со волјата да воскресне, и тоа оддалеку, додека каменот се? уште лежел над гробот. Тој, пак, му се доближил на гробот и им рекол на присутните да го тргнат каменот, а овие го почувствувале непријатниот мирис на распаѓањето и тогаш Тој со силен глас му се обратил на Лазар, го повикал кај Себе, и токму тогаш го воскреснал. И сето тоа, за тие да видат со сопствени очи, бидејќи биле крај гробот, со сопствениот нос да ја почувствуваат смрдеата на мртвото тело кое четири дена било во гробот, и со сопствениот допир да почувствуваат – затоа што со своите раце го допреле каменот кога го отстранувале од гробот, потоа плаштаницата и убрусот на главата кога го одвивале, како и лично да го чујат Господовиот глас, кој допрел до ушите на сите присутни. Значи, преку сето тоа, тие поверувале дека Тој е Оној Кој „го повикува непостоечкото кон постоечко“, Кој се носи со силата на Своите зборови и Кој на почетокот со еден Свој збор с? доведе од небитие во битие. Свети Григориј Палама Тропар Христе Боже, за да нe увериш во општото воскресение, пред Твоите страдања, го воскресна Лазара од мртвите, затоа и ние носејќи како децата знаци на победата, Ти повикуваме Тебе, Победителу на смртта: Осана во висините! Благословен е оној што иде во името Господово! Свети Мартин Исповедник папа Римски Во времето на јаросната расправа на православните со еретиците монотелити, на 5 јули 649 година беше посветен за папа. Тогаш царуваше Констанс II, внукот на Ираклиј, а цариградски патријарх беше Павле. Со цел да се воспостави мир во Црквата самиот цар ја напиша книшката „Гипос“, којашто многу им погодуваше на еретиците. Папата Мартин свика собор од сто и петмина епископи, на којшто оваа царева книшка беше осудена. Во исто време папата му напиша писмо на патријархот Павле, молејќи го да ја држи чистата православна вера и да го посоветува царот да ги остави еретичките мудрувања. Ова писмо ги разлути и патријархот и царот. Затоа царот испрати во Рим еден војвода Олимпиј, за да го доведе римскиот папа врзан во Цариград. Војводата не се дрзна да го врзе папата, туку наговори еден војник да го убие со меч в црква. Но кога влезе војникот со скриениот меч во црквата, одеднаш ослепе. И со Божјата Промисла Мартин ја избегна смртта. Во она време пак, Сарацените напаѓаа на Сицилија и војводата Олимпиј замина за Сицилија и таму умре. Тогаш со сплетка на патријархот-еретик Павле, царот испрати друг војвода, Теодор, за да го врзе и да го доведе папата под обвинение дека тој, папата, стои во дослух со Сарацените и дека не Ја почитува Пресвета Богородица. Кога војводата стаса во Рим и го прочита обвинението против папата, овој одговори дека тоа е клевета, дека самиот нема никаква заедница со Сарацените коишто се противници на христијанството, „а оној што не ја почитува Пречиста Богородица и не Ја исповеда и не ? се поклонува, да биде проклет и на овој и на оној век“. Ова не ја измени одлуката на војводата. Тој го доведе папата врзан во Цариград, а таму Св. Мартин мошне болен лежеше во затвор, мачен и исцрпуван со глад, додека најпосле не го осудија на прогонство во Херсон, каде што поживеа две години и издивна заради Господ во 655 година. Две години пред него умре во покајание Павле. И кога царот го посети пред смртта, тој ја заврте главата на другата страна и заплака исповедајќи дека многу грешеше против папата Мартин. Пред смртта Павле го молеше царот да го ослободи Светиот папа Мартин. Тропар Исповедниче на вистинската вера што спасува, Мартине свет мачениче, прими од нас пофалба и благодарност. Од Бога со благодатна вистина исполнет, на патот исповеднички цврсто остана, и Христос преку тебе Црквата ја зацврсти, Духот Свет пастирите ги умудру, Троичниот Бог и денес н? милува по твоите свети молитви. Светите маченици Антониј, Јован и Евстатиј Сите тројца беа прво незнабожци и поклоници на огнот. Беа слуги на дворецот на литовскиот кнез Олгард во Вилна. Порано се нарекуваа: Круглец, Кумец и Нежило. Сите тројца ги крсти свештеникот Нестор. Ги обесија еден по друг на ист даб во 1347 година. Овој даб христијаните го исекоа и изградија црква во слава на Пресвета Троица. Во таа црква ги положија моштите на мачениците, а на трупот од дабот ја направија Чесната Трпеза. Нивните мошти се во Вилна. Тропар Јоване, свет Христов мачениче, тврдино на верата која го огради братот Антониј и го ободри да војува против прелеста на овој свет. Молете се а нас, свети исповедници, Кои во Христа добивте вистинска слобода. Светиот маченик Ардалион Глумец Прво беше артист комедијант. За развеселување на народот најпрво играше улога на маченик за верата и на сите можни начини ги исмеваше христијаните. Но кога настана гонењето на христијаните во времето на Максимијан, тој наполно се измени во духот. Гласно извика пред народот дека е христијанин и за ова го изведоа на суд. Пострада врзан за усвитена железна леса и така ја одигра својата вистинска и чесна улога на маченик. Тропар Погледна на тебе Спасителот, свет мачениче Ардалионе, и облека ти подари за во претставата на овој свет да ја посведочиш вистината за животот вечен и Христа да Го исповедаш, очистувајќи се во маките на исповедништвото....

Поддршка на населението и бизнисот, одговорно и одржливо работење НЛБ Банка успешно го заврши првиот квартал од годината со нето добивка од 678 милиони МКД. Во периодот 01.01.2024 до 31.03.2024 година, Банката продолжи да испорачува кредитна поддршка за населението и бизнис секторот, зголемувајќи го пласманот на вкупните кредити и обезбедувајќи раст од 7,0% во овој сегмент, споредено со истиот период претходната година. И вкупните депозити споредно со истиот период претходната година, бележат зголемување за 5,3%. Успешните резултати на Банката се должат на континуираните продажни активности на кредитните продукти со посебен фокус на домаќинствата, микро, малите и средни претпријатија, како и зголемениот број на корисници на платните сервиси. Во првиот квартал од годинава, НЛБ Банка реализираше низа проекти и активности од областа на општествената одговорност, продолжувајќи ја поддршката кон заедницата, ранливите и маргинализирани категории. Во споменатиот период, НЛБ Банка донираше медикаменти за Центарот за бездомни лица на Црвениот Крст на Град Скопје во Момин Поток, како и средства за набавка на медицински апарати за домашна употреба за пациентите со цистична фиброза во рамките на своето патронство над Асоцијацијата за цистична фиброза, а обезбеди и донација за реновирање на читална во Националната универзитетска библиотека. Во првиот квартал НЛБ Банка го формализираше и своето членство во „Клубот на одговорни бизниси“ во рамки на проектот на УСАИД „Партнерства за донирање“, спроведуван од асоцијацијата „Конект“, потврдувајќи ги своите заложби за одржливост, етичко деловно работење и грижа за заедницата. НЛБ Банка, и натаму ќе продолжи да биде поддршка на населението и бизнис секторот во земјата, давајќи притоа значаен придонес во макроекономскиот и финансискиот амбиент на државата. Во фокусот на работењето на Банката, како и до сега, се унапредување на дигиталните канали во насока на зголемување на дигиталната пенетрација на клиентите, унапредување на клиентското искуство, проширување на портфолиото на производи и услуги со посебен акцент на „зелените“ продукти, како и на општествено одговорни проекти за грижа за своите вработени и заедницата во целост....

Дојде и периодот од годината кога Кинотеката го одбележува својот роденден, односно датумот кога во „Службен весник” е објавен Законот за формирање на Кинотеката – на 29 април, во далечната 1974 година. И, иако Кинотеката формално започнува да работи со полн капацитет и со полна организациска структура дури две години потоа, во 1976 година, кога ги добива своите први канцеларии и депо и започнува да собира архивски материјали, формирајќи ги првите аудиовизуелни збирки и организирајќи ги првите кинотечни филмски проекции – сепак го одбележува како свој роденден29 април секоја година. Последниве две децении, по тој повод и околу тој датум – Кинотеката го објавува годишните добитници на сега веќе традиционалното признание „Златен објектив”, кое Кинотеката им го доделува на филмски автори и работници, кои преку својот професионален ангажман придонеле во создавањето, развојот, промовирањето и популаризацијата на македонската кинематографија. Досегашни добитници на ова признание, досега биле: режисерите Бранко Гапо, Трајче Попов и Кирил Ценевски, актерот и режисер Коле Ангелов, аниматорите Дарко Марковиќ и Тонкица Митровска, монтажерите Димитар Грбевски, Олга Луковска-Дончиќ и Спасе Тасевски, директорите на фотографија Драган Салковски, Љубе Петковски и Благоја Дрнков, продуцентот Панта Мижимаков, филсмките критичари Илинденка Петрушева и Благоја Куновски Доре, композиторот Љупчо Константинов, костимографите Елена Дончева и Зорица Тодорова-Младеновиќ, тон-мајсторот Глигор Паковски, сликарот Коле Манев и филмскиот работник Коста Крпач. Оваа година, пак, „Златниот објектив”, по одлука на Управниот одбор на Кинотеката, ќе му биде доделен на Столе Стојан Попов – режисер, сценарист, продуцент и автор, кој во голема мера ја задолжил националната кинематографија – како со својот наградуван филмски опус, така и со својот педагошки и менаџерски ангажман на полето на филмската уметност и филмското образование: Столе Попов е роден 1950 година во Скопје, а во 1973 година дипломира на Академијата за театар, филм и телевизија во Белград. Снима уште како студент, а со првите документарни филмови како филмски професионалец – ОГАН (1974) и АВСТРАЛИЈА, АВСТРАЛИЈА (1977), тој веќе се етаблира како талентиран филмски творец со препознатлив стилски и естетски сензибилитет. Од 1978 година, се вработува во „Вардар филм” – и веќе следната, 1979 година, со ДАЕ, документарецот за ромското население во Скопје – станува прв македонски автор кој е номиниран за престижниот американски „Оскар”, тогаш како претставник не само на македонскта, туку и на југословенската кинематографија во тоа време. Потоа, снима бројни рекламни филмови – за Алкалоид, ГП Маврово и ХЕК Југохром, а првиот негов игран филм – ЦРВЕНИОТ КОЊ, го реализира во 1981 година. По тоа следуваат долгометражните филмови СРЕЌНА НОВА ’49 (1986), ТЕТОВИРАЊЕ (1991), ЏИПСКИ МЕЏИК (1997) и ДО БАЛЧАК (2014), поголем број негови менторски и продуцентски проекти, како и неговиот професорски ангажман на Факултетот за драмски уметности во Скопје. Член е на Европската филмска академија, а еден период беше и директор на државната продуцентска куќа „Вардар филм” во тоа време. Во 2011 година – неговите филмови (три документарни и четири играни дела) беа дигитално реставрирани и објавени во форма на ДВД-издание – што воедно беше и првиот проект за дигитална реставрација реализиран од страна на Кинотеката. Речиси сите негови филмови – и документарните и играните – се наградувани на бројни регионални и на светски фестивали, а некои од нив – како на пример ТЕТОВИРАЊЕ и СРЕЌНА НОВА ’49 – се здобиваат и со култен статус кај различни генерации од тогашната домашна македонска и југословенска публика, и тој статус само се зголемува и продлабочува со минувањето на времето…! Тоа е и еден од најголемите и вистински показатели за неговата авторска оригиналност и специфична филмска естетика и квалитет – заедно со неговата филмска оставштина и залог помеѓу поновите генерации на филмски автори и промислувачи на филмот кои дошле и доаѓаат по него – поттикнати, окуражени и инспирирани од неговиот длабок естетски и специфичен филмски опус, и од неговиот високо значаен стилски авторски белег кој тој го остава во македонската кинематографија… … Исто така, по повод Денот на Кинотеката – на 29. Април, 2024 година – сите кинотечни печатени и електронски изданија на Кинотеката досега: значајниот број издадени книги од областите на кинотечната и филмска наука, историја и уметност, сите изданија на кинотечното списание КИНОПИС и сите ДВД-изданија на Кинотеката – ќе се продаваат со „роденденски” попуст од 50%, во просториите на Кинотеката…! … Свеченото доделување на „Златниот објектив” на нашиот голем доајен на филмската уметност – Столе Попов – ќе се одржи кон крајот на мај оваа година, во просториите на Кинотеката на Македонија....

Во Музеј на современата уметност во Скопје, вечерва со почеток во 20 часот, ќе биде претставен проектот на „Confutatis – од што се направени хероите?“ на ликовниот уметник – Велимир Жерновски, реализиран како завршен настан во рамки на манифестацијата Европско номадско биенале – Манифеста 14 (28.10.2022.) Во рамки на едновечерниот настан ќе биде промовирана печатена публикација со воведен текст „За соработката и оплакувањето со Велимир Жерновски“, конципиран од теоретичарката на уметноста – д-р Кетрин Николс, кураторка на Манифеста 14 и Хамбургер Банхов – Национална галерија на современата уметност, Берлин. Николс има поставено и бројни монографски и тематски уметнички изложби, вклучувајќи ги: Beuys: We are the Revolution, The End of the 20th Century: The Best Is Yet to Come и Capital: Debt – Territory – Utopia, Everyone is an Artist: Cosmopolitical Exercises with Joseph Beuys и многу други. Публикацијата содржи теоретски контрапункт на ликовниот проект: „Confutatis – од што се направени хероите?“, конципиран од д-р Натали Рајчиновска-Павлеска, кураторка на проектот, критичарка и ликовна теоретичарка. Поради спецификите и единственоста на изведбата, проектот ќе биде претставен преку документарен видео материјал од изведбата на едновечерниот перформанс. Соработници: Колектив Ветерница, Скопје & Трисомија 21, Скопје Изведувачи: Велимир Жерновски, Маша Блажевска, Кристина Петровска, Ена Ковачевска, Нана Танеска, Мартин Манчевски, Матеј Петровски, Ана Јовановска, Матеј Аларов, Ена Митревска, Марио Мицковски, Стефан Трпковски, Елизабета Петковска, Илина Георгиева, Коста Цветковски, Филип Ангеловски, Оливер Блажевски, Ивана Неделковска, Милош Стојановиќ, Марија Бејкова, Билјана Митева, Билјана Димитрова Музички соработници: Филип Митров, Јоана Ристеска Сценски режисер: Стојан Павлески Фотографии од перформанс: Јелена Белиќ Публикацијата е издадена од Здружение на граѓани – Контрапункт Изданието е дел од платформата КРИК – фестивал за критичка култура....

Програмската активност насловена „ОД МЛАДИ ЗА МЛАДИ“ има цел на редовните ученици од нашето училиште за театар „Од игра до претстава“, како и во тесна соработка со другите сродни училишта од Скoпје и Македонија, да овозможи на сите млади таленти соодветен креативен театарски простор, каде ќе можат да ги покажат своите вештини, пред поширока публика. Денес со почеток во 18:30 часот, на Сцена: Железничка станица, ќе биде изведена театарската претстава за деца „Приказничари“. Претставата „ПРИКАЗНИЧАРИ“ е креирана низ практичната примена на методите за невербален театар, пантомима, визуелна нарација кои беа предмет на интерес во учебната 2022/2023 година, во „Од игра до претстава“. Под менторство на предавачите, учениците заеднички ја креираа оваа несекојдневна претстава чија главна тема е за прифаќањето на различностите. Претставата ја следи приказната на едно отфрлено девојче од нејзините школски другари. Сите се поканети на родененската прослава кај најважната ученичка од одделението, само Ана не е. Таа секојдневно е нарекувана погрдно, затоа што има мали физички разлики од останатите деца, не се дотерува модерно и е многу креативна и паметна. За останатите таа е обична бубалица. Но, Ана и нејзината креативност ќе успее да им покаже на сите други за убавината на животот и подадената рака. Да се биде добар човек и другар е важното мото кое произлегува од оваа претстава. МЕНТОРИ: Игор ИВКОВИЌ Миодраг КОСТИЌ Марина ПОП ПАНКОВА Мето ЈАНАКИЕВСКИ Режисерско обликување: Неда Блажевска, Дарија Секуловска Играат: Јана Групчева Теона Трошанска Неда Тасевска Ведран Маричиќ Анастасија Геговска Теодора Трајковска Теофил Сачкарски Андреј Танушев Марко Миноски Матеа Козаровска Дарија Секуловска Неда Блажевска Андреа Стојковска Цена на билет 200 денари. Продажба на билети: на денот на изведбата на претставата од 15:00 часот до почетокот на истат...

Метео прогноза на Славчо Попоски: За време на овој викенд, како што наведовме и вчера, не очекува претежно стабилно, суво и пролетно топло време, со многу сонце. Сепак ќе има и мала до умерена локална облачност, а ќе дува и слаб до умерен ветер од променлив правец. Сепак утре во попладневните часови, и претежно во планинските предели ќе има услови за краткотрајна и локална нестабилност, проследена со пороен дожд, грмежи и засилен ветер. Во Скопје и околината исто така овој викенд ќе помине во знакот на претежно стабилно, суво и сончево време со појава на мала до умерена локална облачност. Ќе дува слаб до умерен ветер од променлив правец. Наутро температурите насекаде ќе бидат над нулата, додека максималните дневни температури ќе се искачуваат во интервалот од 17 до 24 степени во текот на утрешниот ден, а уште потопло ќе биде во недела, и тогаш максималните температури ќе се искачуваат во интервалот од 21 до 27 степени. Во Скопскиот регион овој викенд температурата ќе се искачува во интервалот помеѓу 21 и 24 степени. Почитувани наши, овој викенд можете слободно да го искористите за прошетка во природа, како и за правење на скара во природа....

Вечерва во Фоаје на Национална опера и балет, со почеток во 20:00 часот, ќе се одржи концертот на солисти од хорот при Националната Опера и Балет насловен „Љубовни Дуети“. Програма: 1. Ф.Лехар, дует на Хана и Данило од операта “Веселата вдовица” – Мила Николовска и Бобан Рајчиноски 2. Г.Доницети, дует на Адина и Неморино од операта “Љубовен напиток” – Билјана Бајевска и Денис Димоски 3. Џ.Верди, дует на Виолета и Алфредо од операта “Травијата”– Билјана Камчева-Божиновска и Бобан Рајчиноски 4. Џ.Пучини, дует на Мими и Родолфо од операта “Боеми” – Надежда Рубен и Нико Ѓоргиевски 5. В.А.Моцарт, дует на Церлина и Дон Џовани од операта “Дон Џовани” – Билјана Бајевска и Васко Здравков 6. Џ.Верди, дует на Дон Алваро и Дон Карло од операта “Моќ на судбината” – Виктор Битовски и Никола Чедомировски 7. Ж.Офенбах, Баркарола од операта “Хофманови приказни” – Марија Наумовска и Катерина Весковска 8. Џ.Верди, дует од операта “Травијата” на Виолета и Алфредо– Билјана Камчева-Божиновска и Виктор Битовски 9. Ж.Офенбах, дует на Џулиета и Хофман од операта “Хофманови приказни” – Марија Наумовска и Нико Ѓоргиевски 10. Џ.Верди, терцет на Леонора, Асучена и Манрико од операта “Трубадур” – Надежда Рубен, Катерина Весковска и Виктор Битовски 11. Џ.Верди, дует на Леонора и грофот Ди Луна од операта “Tрубадур” – Марија Наумовска и Васко Здравков Уметнички соработник: Елена Сиљаноска Инспициенти: Љупчо Полизов, Драган Костадиновиќ, Марко Павлевски Влезот е слободен....

Пораката „Не е до нив, до тебе е“ пристигна до многумина, затоа што караванот од оваа кампања отпатува низ повеќе градови низ Македонија. Утре (27.04.2024), диџеј Мац и актерот Бојан Кирковски доаѓаат во Скопје, во Градски парк, фонтана „Лотосов цвет“ во 12:00 часот. Веднаш потоа, караванот оди до својата следна станица – Плоштадот ‘’Св. Климент Охридски‘‘ во Охрид. Бојан Кироковски и Диџеј Мац им закажуваат средба на охриѓани во 18:30 часот. Затоа, доколку сакате да се забавувате, да се насмеете до солзи и на позитивен начин да донесете вистинска одлука, дека ВИЕ сте тие што ќе учествуваат во креирањето на вашата држава, не наоѓајте нови изговори и оваа сабота, бидете во првите редови од публиката на стенд ап настапот на Бојан Кирковски во Скопје и во Охрид. Благодарение на оваа кампања, секој од нас ќе посвети многу поголемо внимание на правото на глас и на одговорноста што ја имаме кон нашата најголема граѓанска должност. Но, доколку ти сеуште со недоверба си го поставуваш прашањето „Што ќе смени баш мојот глас“, тогаш дефинитивно треба да ги зачуваш следните локации и датуми на караванот, за да го добиеш вистинскиот одговор – „Не е до нив, до тебе е„. Исто така, голем дел од познатите личности од македонската јавна сцена, со задоволство прифатија да бидат дел од оваа кампања, затоа што сите имаат една цел – заедно со граѓаните да се обидат да ги променат навиките и да ја издигнат свеста во Македонија за вредноста на правото на глас на повисоко ниво. Искористете го викендот и утре дојдете во Градски парк, фонтана „Лотосов цвет“ во Скопје и на Плоштадот ‘’Св. Климент Охридски‘‘ во Охрид, за да се насмеете на ваша сметка и низ урнебесна комедија да се уверите дека навистина, „Не е до нив, до тебе е“. Понесете оптимизам и желба за промени со себе и придружете ни се заедно да се потсетиме на важноста на правото на глас, преку моќта на хуморот, заедно со Бојан Кирковски и Диџеј Мац....

Исусе, Ти плачеш како смртен човек, Но, како Бог, Ти го воскреснуваш својот пријател. Во тој ден го празнуваме воскреснувањето на светиот и праведен пријател Христов четвородневниот Лазар. Тој беше Евреин по потекло и припаѓаше на сектата фарисеи и син, како што некаде стои, на некој фарисеј по име Симон, од селото Витанија. Додека нашиот Господ Исус Христос одеше по земјата заради спасение на нашиот род, Он се спријатели со Симона. Бидејќи Христос често разговараше со Симона, зашто овој, последниов, високо го ценеше учењето за воскресението на мртвите, и Он често влегуваше во неговиот дом, Лазар стана негов близок пријател; и не само тој, туку и неговите две сестри Марта и Марија. Бидејќи веќе наближуваше спасителното страдање, требаше да се даде посигурно уверување во тајната на воскресението. Исус престојуваше од другата страна на Јордан, каде што најнапред ги воскресна Јаировата ќерка и синот на вдовицата. Погоден од тешка болест, умре и Неговиот пријател Лазар. Исус беше далеку, но им рече на своите ученици: „Лазар, нашиот пријател заспа” и, по малку време, додаде: „Лазар умре”. Откако го остави Јордан, дојде во Витанија, замолен од неговите сестри. Витанија се наоѓа на пет стадии од Ерусалим. Сестрите Лазареви Го пресретнаа, велејќи: „Господи, да беше Ти овде, нашиот брат немаше да умре, но и сега, ако сакаш, ќе го воскреснеш, бидејќи можеш”. Исус го праша народот: „Каде го положивте?” И веднаш го одведоа кај гробот. И, кога го тргнаа каменот, Марта рече: „Господи, веќе мириса (смрди), бидејќи веќе има четири дена.” Тогаш Исус, откако се помоли и пролеа солзи над него, викна со силен глас: „Лазаре, излези надвор!” И веднаш мртвиот излезе, го одврзаа и си отиде во својот дом. Ова необично чудо предизвика завист кај оние Евреи кои негодуваа против Исуса. Исус пак се склони оттаму. Првосвештениците помислуваа да го убијат дури и Лазара, бидејќи мнозина, гледајќи го, приоѓаа кон Христа. Но тој, кога ги разбра нивните планови, побегна на островот Кипар, каде што престојуваше. Подоцна апостолите го поставија за епископ на градот Китеј. Откако таму поживеа добро и богоугодно, триесет години по неговото воскреснување, пак умре и беше погребан таму, правејќи бројни чудеса. Се вели дека по неговото оживување (воскресение) тој не јадеше ништо друго освен благо, и дека Пречистата Мајка Божја му го подарила својот омофор што го направила со своите сопствени раце. Неговите чесни и свети мошти, пронајдени таму благодарејќи на едно божествено видение, премудриот цар Лав ги пренесе во Константинопол, во црквата што тој ја изградил во негова чест, и чесно и свечено ги положил во десната страна од црквата на влезот од храмот крај ѕидот спроти олтарот . Неговите свети мошти и сега се наогаат таму, испуштајќи некаква неискажливо пријатна миризба. Овој ден е определен да се празнува неговото воскресение, бидејќи светите и богоносни отци, како и светите апостоли, сметајќи дека светите страдања на Господ наш Исус Христос треба да се поместат по четириеседневниот пост за наше очистување, и затоа што сметаа дека ова чудо беше почетокот и причината на јудејскиот бес против Христа, затоа и ова натприродно чудо е поместено овде. Евангелистот Јован е единствениот кој пишува за овој настан; другите евангелисти се воздржуваат од тоа, најверојатно затоа што Лазар бил сè уште жив и видлив. Се вели дека ова последно евангелие е напишано заради него и дека другите евангелисти не рекле ништо за беспочетното раѓање на Христа. Бидејќи се бараше да се има уверување во тоа дека Христос е Син Божји и Бог, и дека воскресна, и дека ќе има воскресение на мртвите; а со воскресението на Лазара е многу полесно во тоа да се верува. Меѓутоа ништо не е кажано за престојот на Лазара во адот, или затоа што не му било дадено да види точно што има таму или, откако ги видел, добил заповед да молчи за тоа. Оттогаш и секој човек што умира е наречен „Лазар”, а гробната облека се именува „лазарома”, за спомен на првиот Лазар. Бидејќи, ако тој воскресна по зборот Христов и пак оживеа, така и оној што ќе умре сега, откако ќе воскресне при звукот на последната труба, ќе живее вечно. По молитвите на Твојот пријател Лазар, Христе Боже, помилуј нè и нас. Амин. Изворː ПОСЕН ТРИОД Подготвено од Светланка Трајчева за Покајание...

Today It’s All About Jazz Vol.8 👈 На 30ти април, во паркот “Ибни Пајко,” со почеток од 13 часот, ќе се одржи осмото по ред издание на целодневниот џез хепенинг со кој се приклучуваме кон глобалната прослава на Меѓународниот ден на џезот. Годинава на сцената ќе ги видиме следните артисти: Сашко Николовски Септет (МК) Фани Поса Квартет (ХУ/СРБ/ДЕ) Гоце Стевковски – Богданци Реунион квартет (МК) Лана Јањанин Квартет (ХР) Џијан Емин и Магичниот оркестар (МК) Карлос Сардуј Грув Месинџерс (КУБА). На настапите им претходи работилницата Џез за деца која се одржува секоја година, наменета за деца од 3 години па нагоре, на која најмладите ќе имаат можност да се запознаат музичките инструменти кои се користат во нашиот оркестар, како и да учествуваат во заедничка композиција. Оваа меѓународна манифестација, поддржана од Генералниот директор на УНЕСКО, Одри Азулеј, и легендарниот џез-пијанист и композитор Херби Хенкок, кој е амбасадор на УНЕСКО за меѓукултурен дијалог и претседател на Институтот за џез Херби Хенкок, секоја година поврзува заедници, училишта, уметници, историчари, академици и џез ентузијасти ширум светот да слават и да научат нешто повеќе за џезот и неговите корени, за неговата иднина и влијание, истакнувајќи ја потребата од меѓукултурен дијалог и меѓусебно разбирање, и зајакнување на меѓународната соработка и комуникација. Секоја година, на 30 април, џезот како меѓународна уметничка форма е препознаен како алатка за промовирање на мир и дијалог меѓу културите; почитување на различноста, човековите права и достоинство; алатка за искоренување на дискриминацијата; негување родова еднаквост и промовирање на слободата на изразување. Ден пред 1ви мај, ве покануваме да заборавите на секојдневните рутини и обврски и да ни се придружите на настанот по кој е препознатлива пролетта во Скопје – глобалната прослава на џезот и неговите придобивки! 👉 Бидете дел од ова случување, заедно да уживаме во радоста на џез музиката бидејќи на овој ден, сѐ е џез!...

Во интимниот амбиент на „Кафе Литература“ („Дајмонд мол“), овој петок (26.04), со почеток во 21 часот, ќе слушнеме скопски џез- звуци преку оригиналната музика на колективот „Skopje Jazz Inc.“. Овој џез- квартет ќе ја изведе музиката од нивниот албум насловен „Incorporated“. Предводени од моќниот звук на трубата, во придружба на гитара, бас- гитара и тапани, ќе ги слушнеме композициите: „The Professional“, „Uncle Zo“, „Run“, „Leena’s Song“, „To Repentance“, „The Miller Man“, „RH CH“ и „You and I“ Настапуваат: Трајче Велков – труба Зоран Костадиновски – гитара Мартин Јосифовски – бас Виктор Филиповски – тапани „Литература.мк“, во партнерство со радиото „Џез ФМ“, организираат низа музички настани, што се одржуваат секој петок во новото „Кафе Литература“ во „Дајмонд мол“. Целта на овие концерти е на публиката да ѝ се овозможи уникатно искуство и да се поддржи развитокот на џез-културата....

С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector. Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита. Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера. Влезниците за С.О.С фестивалот веќе се пуштени во продажба, и тоа онлајн преку мрежата на mktickets.mk и во продажните салони на mktickets.mk. Истите до 10 мај ќе се продаваат по промотивна цена, односно по 600 денари. НЕ ЗАБОРАВАЈТЕ: 15 јуни; 20:00 часот; Ракометно игралиште – Битола....

Утревечер, 27 април е третата и последна фестивалска вечер од „Крај Вардарот Џез“. Во Едукативниот културен центар Лабораториум со почеток во 21 часот со концертен настап ќе се претстават „Macedonian Free Society“. Потребата за нов-креативен, (о)слободен, инспиративен, а во исто време предизвикувачи израз, како соработка помеѓу извонредни автори и инструменталисти, кои ја исцртуваат новата историја на македонската џез и современа музика е токму поводот за креирање на еден ваков мега состав. Иновацијата во креирањето на музичко дело и изведба на поединечни музички преокупации и изразни форми на секој од членовите вткаени во предизвикувачка и квалитетна целина е резултатот на овој современ ансамбл. Неговите членови поединечно, или како дел од нивните матични состави нижат признанија и награди во домашен и меѓународен контекст, и тоа: Филип Букршлиев, Дени Омерагиќ и Нинослав Спировски, Владан Дробицки, Васко Бојаџиски, Гоце Наумов, Глигор Кондовски и Благојче Томевски. Месецов за ПМГ Џез, како 46 издание, излезе и првиот албум на „Macedonian Free Society“. Веднаш потоа во 22 часот на истата локација, концерт на „Поетроника“. Еден од највозбудливите музички проекти во земјава, кој поставува нова парадигма во начинот на изведба на современа македонска поезија во форма на поетско-музички перформанс и во симбиоза со авторска електронска музика, изведена во живо. Заслужни за тоа се двајца врвни современи уметници, Оливер Митковски, еден до најголемите домашни актери, кој во изведбата го носи читачкиот (поетски, интерпретативен) дел и Андреја Ристески – Салпе, талентиран автор и продуцент, еден од водечките современи македонски електронски артисти, задолжен за музиката. Неочекувана, но благодарна комбинација, која дава силно модерен и динамичен поглед врз македонскиот поетски пишан збор. Музиката на Андреја Салпе е квалитетна современа електронска продукција, со традиционални и џез одеци, која волшебно пронижена со искусниот вокал на Митковски фрла ново светло на познати и не толку познати стихови од нашето минато и сегашност од автори како: Ацо Караманов, Гого Ивановски, Игор Исаковски, па се до Горан Петрески, Владимир Лукаш, Оливера Ќорвезироска и Ѓоко Здравески. Квалитетот на изведбата во „Поетроника“ ги елевира песните на ново, неочекувано, неописливо атрактивно ниво и ги прави податни за ново толкување, приближувајќи ги до нова, млада публика. Крај Вардарот Џез Фестивал 2024 е поддржан од Министерство за култура на Република Северна Македонија и се реализира во соработка со Македонска филхармонија и едукативниот културен центар Лабораториум. Онлајн продажба на билети е достапна преку bileti.mk. https://bileti.mk/e/krajvardarotjazzfest24 (за 27 април)...