Фудбалерите на Борусија Дортмунд забележа минимална победа со 1-0 во првиот полуфинален натпревар против ПСЖ во Лигата на шампионите. Првиот половина час мина во внимателна игра во која двата тима повеќе размислуваат да не направат грешка во одбраната. А, токму тоа се случи во 34-тата минута. Гостите не успеаја да постават офсајд замка. Шлотербек со одлична долга топка го пронајде Фулкруг, која одлично се снајде и му донесе предност на германскиот тим. Во продолжението уште неколку убави можности имаа домаќините, но резултатот остана не променет 1-0 за Борусија. Во вториот дел во иста акција многу среќа за домашниот состав. Ударите на Мбапе и Хакими завршија во рамката на домашниот гол, а резултатот не променет. Напаѓаа „светците“ од Париз со сите сили за израмнување, но и „милионерите“ имаа свои шанси. На двете страни недостасуваше завршница, па на крајот Борусија со гол предност ќе патува во Париз Кој ќе игра во финалето на „Вембли“ во Лондон, ќе дознаеме по реваншот закажан за во вторник (7 мај)....

Актуелниот европски шампион Магдебург е вториот полуфиналист во ракометната Лига на шампиони. По големата драма и изведувањето на ударите од 7.метри, ракометарите на Магдебург се пласираа во финалето. Германскиот тим го доби реванш четвртфиналниот натпревар против Килце со еден гол разлика 25-24. Имаа шанси во последниот напад гостите од Полска, за израмнување, но сомнителната судиска одлука не им дозволи на ракометарите на Килце да стигнат до израмнување и полуфинале. Резултатот остана не променет, а имајќи го во предвид и исходот од првиот меч (победа на Килце со еден гол) се пристапи кон изведување на седмерци. А, во пенал „рулетот“ повеќе нерви и мирна рака имаа домаќините, а трагичар беше Алекс Душебаев кој не реализира за победа во последната петта серија. Така Германскиот тик ќе има моќност да ја брани шампионската титула на завршниот „фајнал-фор“ турнир во Келн, на кој место си обезбеди и Алборг со победата над Веспрем. Последните два тима полуфиналисти ќе ги дознаеме утре, за кога се закажани преостанатите два реванш четвртфинални натпревари. ЛИГА НА ШАМПИОНИ – ЧЕТВРТФИНАЛЕ (реванш натпревари)Среда 1 мајАЛБОРГ – ВЕСПРЕМ 33-28 (31-32 прв натпревар)МАГДЕБУРГ – КИЕЛЦЕ 25-24 (26-27)Четврток 2 мај18.45 КИЛ – МОНПЕЉЕ (30-39 прв натпревар)20.45 БАРСЕЛОНА – ПСЖ (30-22) „Фајнл-форот“ ќе се одржи во „Ланксес арената“ во Келн, Германија на 8 и 9 јуни 2024 година....

Вториот патник во Првата кошаркарска лига за следната сезона ќе биде решен во „мајсторка“. Ова откако екипата на Маџари го доби реванш полуфиналниот дуел со Шкупи во плејофот на второлигашката конкуренција. Маџари славеше пред своите навивачи со 81-70 и го израмни резултатот на 1:1 во победи, со што се избори за трет решавачки натпревар. На почетокот на натпреварот гостите од Чаир поведоа со 4-5, но тука застанаа, Со серија од 9-0, Маџари ја презеде контролата над резултатот. До крајот на првиот период постигна уште два повеќе од противникот, па домашниот тим ја доби четвртината со 26-16. Тешко поентираа двата тима во вториот период. Затоа и помал број на постигнати поени 14-18 . На одмор домашниот состав замина со +6 (40-34). Речиси иста слика и во третиот квартал. Во него Маџари беше подобар, па затоа по 30.минути игра имаше и најголеми до тој момент +13 (59-46). Избраниците на Перо Блажевски го контролираа резултатот, а во 34.минута ги имаат и најголемите на натпреварот +16. Љубиша Димитровски со деветте поени во низа го одржуваше во игра составот на Шкупи, но чаирчани немаа сили да ја анулираат негативата. На крајот Маџари се славеше со конечни 81-70. Така „мајсторката“ што ќе се игра во Чаир, на теренот на Шкупи ќе реши кој тим ќе биде финалист. Инаку пласман во финалето, а со тоа и следната сезона во првата лига, веќе обезбеди екипата на МКК Куманово....

Кошаркарките на Баскет Кам и Вардар ја потврдија фаворитската улога и поведоа со 1-0 во полуфиналната серија од плејофот. Актуелните шампионски убедливо, без многу мака славеа во дуелот со Крива Паланка со 83:67. Зубац со 26 и Кметовска со 24, заедно со Димова која заврши со 19 поени беа првите стрелци во победничкиот тим. Вториот натпревар одигран во Скопје беше далеку по интересен и неизвесен. Сепак Вардар ја искористи предноста на домашниот терен и славеше над Куманово Гризли со 72:67. Матие која оствари дабл-дабл ефект со 21 поени и 13 скокови. Таа заедно со Наков која додаде 14, беа првите имиња во победничката екипа. Така двете прворангирани екипи во лигашпкиот дел Баскет Кам и Вардар сега ги дели само една победа од пласман во финалето....

Ракометарите на Еурофарм Пелистер направија уште еден чекор поблиски до одбраната на шампионската титула. Битолчани го совладаа Тиквеш и ја зголемија предноста во однос на второ пласираниот Вардар на пет бодови. Во натпреварот од 12-тото коло во плејоф конкуренцијата, Еурофарм Пелистер прес своите симпатизери го победи Тиквеш со 35-25. Од самиот почеток домаќините ја имаа контролата на резултатот, брзо направија и три гола предност. Во втората половина на првото полувреме, имаа зелено-белите и осум голови предност (14-6)., а на одмор заминаа со +5 (16-11). Второто полувреме рутински го одработија пелистерци и во ниту еден момент не му дозволија на Тиквеш да се понадева на изненадување. Напротив, на крајот Пелистер славеше со убедливи 10 голови разлика 35-25. Богдан Радивојевиќ со 7 голови беше прв стрелец во победничката екипа, за која Денис Васиљев реализира пет. Кај Тиквеш, прв стрелец беше Срџан Мијатовиќ со 5 гола. Сега Е. Пелистер има пет бодови повеќе од Вардар кој е втор, а осим од Алкалоид кој е трето пласиран. Битолчани сега мирно ќе може да го следат утрешното дерби во кое Вардар е домаќин на Алкалоид. СУПЕР ЛИГА МАЖИ – ПЛЕЈОФ – 12.КОЛОденескаЕУРОФАРМ ПЕЛИСТЕР – ТИКВЕШ 35-25БУТЕЛ – СТРУГА 34-20утре18:00 ВАРДАР – АЛКАЛОИД19:00 ОХРИД – ПРОЛЕТ 62 ТАБЕЛА: Еурофарм Пелистер 35 бодови, Вардар 30, Алкалоид 27, Охрид 23, Тиквеш 19, Бутел 10, Пролет 6 и Струга 0. СУПЕР ЛИГА МАЖИ – ПЛЕЈАУТ – 12.КОЛОденескаСКОПЈЕ – ЕУРОФАРМ ПЕЛИСТЕР 2 30-3404.мај – сабота18:30 ПРИЛЕП – КУМАНОВО09.мај – четврток17:00 ГОЛДЕН АРТ КЛ7 – ВАРДАР НЕГОТИНО ТАБЕЛА: Е. Пелистер 30 бодови, Куманово 29, Прилеп 27, Вардар Неготино 21, Мулти Есенс 17, Голден Арт 13, Скопје 6....

Екипата на Алборг е првиот патник во Келн, на завршниот „фајнал-фор“ во ракометната Лига на шампиони. Ова откако Алборг го победи Веспрем во реванш четвртфиналниот натпревар одигра попладнево во Данска. Алборг славеше со 33-28 и ја анулира негативата од гостувањето во Унгарија од еден гол (31-32). Унгарскиот тим подобро го започна натпреварот, а имаше предност од три гола (4-7). Но, тука застанаа избраниците на Момир Илиќ, па домашниот состав во 14-тата минута стигна до израмнување (7-7). Данскиот тим продолжи во висок ритам и до крајот на полувремето создаде четири гола предност (18-14). Во второто полувреме Веспрем постојано беше меѓу 2 и 4 гола негатива. Вечерва ќе го дознаеме и вториот патник во полуфиналето. За тоа место ќе се борат актуелниот Магдебург и Киелце екипи кои лани играа во финалето. Актуелниот шампион Магдебург ќе ја има предноста на домашниот терен, но ќе започне со еден гол негатива од првиот меч во Полска. ЛИГА НА ШАМПИОНИ – ЧЕТВРТФИНАЛЕ (реванш натпревари)Среда 1 мајАЛБОРГ – ВЕСПРЕМ 33-28 (31-32 прв натпревар)20.45 МАГДЕБУРГ – КИЕЛЦЕ (26-27)Четврток 2 мај18.45 КИЛ – МОНПЕЉЕ (30-39 прв натпревар)20.45 БАРСЕЛОНА – ПСЖ (30-22) „Фајнл-форот“ ќе се игра во „Ланксес арената“ во Келн, Германија, на 8 и 9 јуни 2024 година....

„Мртва“ трка за шампионскиот трофеј, нов лидер и три тима со ист број бодови по денешното 30-коло во ПМФЛ. Ова во една реченица е сублиматот на дуелите од оваа рунда. По двете големи изненадувања и со пресврт во судиското дополнение во Тетово, има промена на лидерското место во Првата македонска лига. Тетовска Шкендија сега е водечки тим, пред Струга ТЛ и Шкупи, а трите тима имаат идентични 58 бодови. Екипата на Тиквеш продолжува со одличните игри. Пред своите симпатизери кавадарчани го совладаа шампионот Струга Трим Лум со 3-2. Домаќините поведоа со прекрасниот гол на ветеранот Мојсов во 32.минута. Во вториот дел гостите направија пресврт со двата гола на Ибраими. Но, кавадарчани не се откажаа. Стојновски во 82-та израмни на 2-2, а во четвртата минута од судиското дополнение Тиквеш стигна до победа со конечни 3-2. Екипата на Гостивар пак со головите на Кировски (62) и Кехинде (90+7) го совлада Шкупи. Овие резултати им одат во полза на тетовци. Шкендија иако имаше два гола предност во дуелот со Брера Струмица, успеа да слави победа. Аганспахиќ во судиското продолжение (90+4) беше стрелец на победничкиот го за конечни 3-2. Во дуелот за опстанок, одигран во Штип, Вардар славеше убедливо над Брегалница со 3-0. Составот на Воска спорт се радуваше против Македонија во Ѓорче Петров, па сега охридскиот тим „плива“ во мирни води за опстанок во лигата. Еден гол и тоа во судиското дополнение, го реши победниот во Кратово каде Работнички го победи Силекс. Сите голови од денешните натпревари, може да ги видите на едно место, ОВДЕ (линк) ПРВА ЛИГА 30.КОЛОТИКВЕШ – СТРУГА Т.Л. 3-2ГОСТИВАР – ШКУПИ 2-0ШКЕНДИЈА – БРЕРА СТРУМИЦА 3-2БРЕГАЛНИЦА – ВАРДАР 0-3МАКЕДОНИЈА ЃП – ВОСКА СПОРТ 0-2СИЛЕКС – РАБОТНИЧКИ 0-1 Standings provided by Sofascore...

Борусија Дортмунд и Пари Сен Жермен вечерва ќе го играат првиот натпревар од полуфиналето на Лигата на шампионите. Во последните четири години двата тима одиграа четири меѓусебни натпревари. Во сезоната 2020/21 се сретнаа во осминафиналето. ПСЖ по поразот на првиот натпревар (2:1) на домашен терен победи со 2:0 и се пласираше во четвртфиналето. Останатите два дуели беа во овогодинешното издание на Лигата на шампионите во групната фаза. Французите повторно беа подобри во Париз (2:0), додека во Дортмунд беше 1:1. Популарните „милионери“ ќе имаат тешка задача по 11 години повторо да играат во големото финале. Избраниците на Един Терзиќ во вечерашниот натпревар влегуваат по поразот од Лајпциг (4:1) изминатиот викенд. Со него значително се оддалечија од пласман меѓу четирите најдобри екипи во првенството и пласман во Лигата на шампионите за следната сезона. Единствен спас за Борусија би можел да биде дополнително место во елитното европско натпреварување за Бундеслигата. Италијанските клубови според коефициентот веќе обезбедија пет претставници во Лигата на шампионите, а германските клубови се на добар пат да го сторат истото. ПСЖ има лоша традиција, во дуелите со германските екипи. „Светците“ во овој меч влегуваат со обезбедена нова титула во шампионатот на Франција. Иако одиграа 3:3 со Авр, сепак, поразот на Монако од Лион и математички на парижаните им ја обезбеди титулата. Но, она што може да го загрижи шпанскиот стручњак, Луис Енрике е „скорот“ на ПСЖ во дуелите со екипите од Германија. Имено, на последните седум натпревари францускиот тим забележа само еден триумф, два нерешени исходи и дури четири порази. Дали Борусија и ПСЖ се подготвени да понудат возбудувања како што беше вчерашното меѓу Баерн и Реал, останува да видиме. Дуелот во Дортмунд ќе почне во стандардниот термин од 21 часот. ⚽️ 𝐉𝐎𝐔𝐑 𝐃𝐄 𝐌𝐀𝐓𝐂𝐇 ⚽️🆚 Borussia Dortmund🏆 @ChampionsLeague 🏟️ BVB Stadion Dortmund📱 #BVBPSG⌚️ 21h CEST🔴 #AllezParis 🔵 pic.twitter.com/4IG99FuNQT— Paris Saint-Germain (@PSG_inside) May 1, 2024...

Во машката ракометна Супер лига денеска ќе се одиграат три натпревари од 12-тото коло. Два натпревари на програмата се во плејоф, односно еден во плејаут конкуренцијата. Вниманието ќе биде насочено кон дуелот во Битола, каде шампионот Еурофарм Пелистер го пречекува кавадаречки Тиквеш. Со победа, битолчани ќе бидат чекор поблиску до одбрана на шампионската титула, па мирно ќе може да го следат утрешното дерби. А, тоа ќе се одигра во СЦ „Јане Сандански“ каде ривалот на пелистерци, Вардар ќе го дочека вицепрвакот и трето пласиран на табелата Алкалоид. По оваа рунда следуваа пауза поради репрезентативниот настап на машката селекција во баражот за Мундијалот со Фарските Острови. Последните две рунди ќе се играат по завршницата на Купот на Македонија закажана од 16 до 19 мај во Скопје. СУПЕР ЛИГА МАЖИ – ПЛЕЈОФ – 12.КОЛО01.мај – среда18:00 БУТЕЛ – СТРУГА19:00 ЕУРОФАРМ ПЕЛИСТЕР – ТИКВЕШ02.мај – четврток18:00 ВАРДАР – АЛКАЛОИД19:00 ОХРИД – ПРОЛЕТ 62 ТАБЕЛА: Еурофарм Пелистер 32 бодови, Вардар 30, Алкалоид 27, Охрид 23, Тиквеш 19, Бутел 7, Пролет 6 и Струга 0. СУПЕР ЛИГА МАЖИ – ПЛЕЈАУТ – 12.КОЛО01.мај – среда15:30 СКОПЈЕ – ЕУРОФАРМ ПЕЛИСТЕР 204.мај – сабота18:30 ПРИЛЕП – КУМАНОВО09.мај – четврток17:00 ГОЛДЕН АРТ КЛ7 – ВАРДАР НЕГОТИНО ТАБЕЛА: Куманово 29 бодови, Е. Пелистер 27, Прилеп 27, Вардар Неготино 21, Мулти Есенс 17, Голден Арт 13, Скопје 6....

Празничната спортска првомајска понуда денеска ќе биде збогатена со натпреварите во Првата македонска фудбалска лига. На програмата се делите од 30-тото коло. На четири рунди до крајот на сезоната се разгорува битката, како за шампионскиот трофеј, така и за опстанок. Поразот во неделата на Струга Трим Лум го искористија ривалите за трофејот Шкупи и Шкендија, па сега трите тима се во три бодови разлика. Шампионот го чека тешко гостување во Кавадарци кај Тиквеш кој игра во одлична форма, а тоа го потврди и со пласманот во финалето на Купот. Второ пласираниот Шкупи оди на „мегдан“ кај Гостивар кој полека но сигурно си го осигура своето место во Првата лига и следната сезона. Во слична ситуација е и Шкендија која во Тетово ја пречекува струмичка Брера. Директни дуели во битката за опстанок ќе се играа во Штип и Ѓорче Петров. Последно пласираната Брегалница го пречекува Вардар, а Македонија е домаќин на Воска спорт. Бодови за мирни завршни три рунди ќе бркаат и фудбалерите на Работнички кои гостуваат во Кратово кај Силекс. Сите натпревари ќе почнат во терминот од 16 часот. ПРВА ЛИГА – 30.колосреда 1 мајТИКВЕШ – СТРУГА Т.Л.БРЕГАЛНИЦА – ВАРДАРГОСТИВАР – ШКУПИМАКЕДОНИЈА ЃП – ВОСКА СПОРТШКЕНДИЈА – БРЕРА СТРУМИЦАСИЛЕКС – РАБОТНИЧКИ Standings provided by Sofascore...

Четирите најдобри екипи од регуларниот дел на сезоната во Првата женската кошаркарска лига, останаа до самата заврница. Токму тие ќе се борат за влез во големото финале во разигрувањето за шампионскиот трофеј. А, бранителот Баскет Кам важи за фаворит за пехарот со кој би ја заокружиле сезоната со двојна „круна“, по успехот во Купот. Екипата од Македонска Каменица тоа треба прво да го потврди во полуфиналните дуели со Крива Паланка. Тоа е и првиот пар за полуфиналната серија што се игра во два добиени натпревари. Вториот го сочинуваат Вардар и Куманово Гризли. Полуфиналните серии почнуваат денеска, а натпреварите може да ги ГЛЕДАТЕ ВО ЖИВО ОВДЕ. ПЛЕЈОФ ПРВА ЛИГА (ЖЕНИ) – ПОЛУФИНАЛЕ (прв натпревар)17.00 БАСКЕТ КАМ – КРИВА ПАЛАНКА18.30 ВАРДАР – КУМАНОВО ГРИЗЛИ КОШАРКА | ПЛЕЈОФ (ЖЕНИ)...

Спектакуларен натпревар одиграа Баерн и Реал во првиот полуфинален дуел од Лигата на шампионите. Четири постигнати голови, многу шанси и без победни (2-2) заврши натпреварот на двата европски гиганти. Домаќините беа многу поофанзивни во текот на целиот натпревар. Имаа Баварците две големи шанси во првите пет минути. Уште на самиот старт односно во првата минута се обиде Лерој Сане, но голман на Реал, Лунин успеа да го одбрани. Во петата минута се закани и Хари Кејн, но украинскиот голман повторно беше поуспешен од напаѓачот на Баерн. Иако Баварците постојано притискаа кон голот на Реал, казната стигна на спротивната страна. Во 23.минута, по брзата контра и одличното додавање на Тони Крос, Винициус му донесе предност на Реал од 1-0. Домашниот тим во продолжението се обидуваше да стигне до израмнување, но сета тоа беше јалово. На полувреме „кралскиот тим“ замина со минимална предност. Во вториот дел, Баерн набрзина постигна два гола. Сане во 53-тата го израмни резултатот. Три минути подоцна, Лукас Васкез направи прекршок за најстрога казана. Хари Кејн беше сигурен реализатор на пеналот за водство на Баерн од 2-1. Германскиот тим не престана со притисокот по голот на Реал. Се обидоа Кејн и Дајер, но нивните обиди (65 и 66.минута) беа не прецизни. Голема шанса за израмнување имаше Винициус. Во 78-та минута изби сам пред Нореј, биеше од косо, но само во добро поставениот голман на домаќините. Но, само три минути подоцна беше досуден пенал за мадриѓаните. Во казнениот простор беше соборен Родриго, од Ким Минјае . Одговорноста ја презеде Бразилецот, Винициус кој беше прецизен и израмни на 2-2. Овој резултат, но пред се играта што ја демонстрираа двата тима, ветува уште поголеми возбудувања на реваншот. А, тој ќе се игра на „Сантијаго Бернабеу“ во Мадрид ќе се игра на 8 мај....

Шампионот МЗТ Скопје Аеродром со победа ја почна полуфиналната серија од плејофот со ТФТ. Сино-белите во неизвесен дуел славеа во првиот меч со 79-77 и поведоа со 1:0 во победи во серијата подобар до три. Неизвесен натпревар одиграа МЗТ и ТФТ во „Јане Сандански“. Ниту еден од тимовите не успеа да создаде двоцифрена предност. МЗТ во неколку наврати беше блиску до тоа и најмногу водеше со +8. Аеродромци ги добија првите две четвртини (22-18 и 19-17) и на паузата заминаа со +6 (41-35). Имаше осум разлика МЗТ во третиот период, но предводени од Ташовски гостите успеаја да израмнат на 55-55. Во последната четвртина се играше кош за кош. Двата тима се менуваа во водство се до самиот финиш. Со тројката на Војдан Стојановски, шампонот поведе до 77-74. Имаа напад за израмнување гостите на 10,4 секунди до крајот, но Калун направи фаул во напад. Делалиќ погоди две слободни фрлања на 8,3 секунди до крајот и практично го реши победникот. МЗТ Славеше со конечни 79-77. Во победничката екипа, најефикасен беше Војдан Стојановски со 16 поени, додека по 15 постигнаа Дамјан Стојановски, Делалиќ и Танасковиќ. Кај поразениот тим, воедно и на натпреварот, прв стрелец беше Виктор Ташковски со 24 поени. За МЗТ претстои обврската во АБА2 лигата, реванш полуфиналниот дуел со Спартак, Суботица закажана за во сабота. Затоа најверојатно вториот натпревар меѓу МЗТ и ТФТ ќе се игра во текот на следната седмица, повторно во „Јане Сандански“....

Екипата на предводена од поранешниот македонски селектор Марин Докузовски, МКК Куманово и официјално следната сезона ќе игра во Првата лига. Кумановци ка продолжија победничката низа, откако попладнево го добија реванш полуфиналниот дуел со Ангели. МКК Куманово славеше со 71-56 и со 2:0 во победи ја затвори серијата. Со тоа обезбеди пласман во финалето, а со тоа и прволигашки статус. Екипата на Ангели не можеше да се надеваат на изненадување, особено што на претходниот и овој меч настапи без четворица клучни кошаркари. Сепак во првата четвртина со мал број на поени, домашниот состав подобро го отвори натпреварот. Првото водство гостите го имаа во осмата минута 9-11, а периодот го добија со 13-17. До крајот на полувремето Куманово создаде двоцифрена предност (26-39). Знаеше како искусниот тим предводен од Докузовски да го одработи вториот дел и на крај да стигне до посакуваната победа со конечни 71-56. Кој ќе биде вториот финалист во Втората лига, а со тоа и нов прволигаш ќе дознаеме по дуелот меѓу Маџари и Шкупи. Во реваншот закажан за утревечер (20 часот) екипата од Чаир влегува со предност од 1:0 во победи. Нов триумф ќе го промовира Шкупи во нов член на Првата лига, следната сезона....

Екипата на Чаир во дербито на колото го пречека тимот на Куманово. Чаирчанки се измачија, но го совладаа Куманово со 30:28. Куманово на почекате успеа да поведе со 3:1. Чаир брзо стигна до израмнување на 4:4. Домаќинките во 19-тата минута успеаја за прв пат да поведат со 9:8. Куманово со серија од 3-0 успеа да израмни, а потоа и да поведе со 12:11. Гостинската екипа успешно ја одржуваше оваа предност до крајот на полувремето. На пауза заминаа со позитива од еден гол 15:14. Во второто полувреме Чаир во 33-та минута израмни на 16:16. Во наредните десет минути се играше гол за гол. Кумановки во 42-та минута успеаја да поведе со 22:20, но Чаир брзо израмни на 22:22. Двете екипи не успеваа да создадат предност па резултатот постојано беше израмнет се до 51-та минута. Тогаш Чаир успеа да создаде предност од два гола (27:25). Таа разлика чаирчанки успешно ја одржува аи на крајот славеа со конечни 30:28. Најдобар стрелец од Чаир беше Ѓеоргиевска Стефанија со осум погодоци, додека од Куманово Богојеска и Зечевиќ дадоа по шест гола. Ивона Кимовска...

Денеска во јавноста излезе информацијата дека Јавното обвинителство покренало обвинение за 12 лица, за злоупотреба со така-наречениот „Спортски ваучер“. Меѓу обвинетите се, актуелниот директот на Агенцијата за млади и спорт, Наумче Мојсовски, неговиот претходник Дарко Каевски и претседателот на МОК, Даниел Димевски. Првиот човек на македонскиот олимпизам Димевски излезе со своја реакција, која ви ја пренесуваме интегрално. „До средствата за јавно информирање Почитувани, Денеска сум информиран дека од страна на обвинителката Лидија Раичевиќ е поднесен обвинителен предлог против мене за наводно несовесно вршење на службата во својство на член на Централната комисија за ваучери во 2020 година. За мене очекуван чин кој е круна на напорите на гореспоменатата обвинителка која истовремено отвори истрага и за одржаното Изборно Собрание на МОК како што и пројави посебен интерес за неколку останати спортови со посебен афинитет кон пливањето. Со големо задоволство ќе соработувам со судот каде мора да дојдеме до вистинските заклучоци и при тоа да не оставиме простор за понатамошни шпекулации и инсинуации. На крај, моето совесно или несовесно работење е константно на увид и оценка на спортските федерации, клубови и спортисти кои најдобро знаат колку мерката ваучер и јас лично сум им помогнал во секоја прилика без исклучок. Затоа веројатно и ја уживам нивната безрезервна поддршка сето ова време. Воедно сакам да информирам дека од Советот на јавни обвинители побарав да биде оценето постапувањето на обвинителката со детално образложение за непримерниот и непрофесионален однос спротивен на кодексот на обвинителската функција. Даниел Димевски“...

Најдобрата македонска тенисерка Лина Ѓорческа со триумф го почна настапот на ВТА 125 турнирот во Леида, Шпанија. Таа во 1.коло ја совлада домашната тенисерка Карлота Мартинез Сирез (254.место ВТА) со 2-1 во сетови. Мечот што траеше два часа и 9 минути по сетови заврши со 3:6, 7:5 и 6:1 за Ѓорческа. Во првиот сет по двата освоени гема на свој сервис, тенисерките направија по еден брејк за 2:2. Следниот брејк беше во осмиот гем кога Мартинез Сирез поведе со 5:3 во гемови. По искористената втора сет топка го освои првиот сет и поведе со 1:0. Вториот сет беше посебен. Во првите осум гема ниту една од тенисерките не освои гем на свој сервис и резултатот беше 4:4. И тука беше најава на пресвртот за македонската тенисерка. Деветиот и 11.тиот гем во вториот сет на свој сервис ги освојува без загубен поен, притоа во 10.тиот гем не ја искористи првата сет топка, но тоа го направи во 12.тиот гем кога ја реализираше четвртата сет топка. Сетот Ѓорческа го доби со 7:5 во гемови и изедначи на 1:1. Во решавачкиот сет македонската тенисерка беше убедлива и по 1:1, направи серија од 4-0 за конечен триумф и добиен сет со 6:1 во гемови, а во мечот 2-1 во сетови. Во второто коло Ѓорческа ќе игра со победничката од мечот меѓу втората носителка Катарина Синиакова од Чешка (40.место на ВТА листа) и Алисија Паркс од САД. Инаку, прва носителка на турнирот е Ема Наваро од Шпанија која е рангирана на 23.то место на ВТА листата....

Мајската ЕХФ репрезентативна недела, младите македонски ракометарки ќе ја искористат за подготвителни натпревари. Младинската селекција, ракометари до 20 години ќе одигра два натпревари против селекцијата на Словенија, во градот Зрече. Селекторот Радослав Стојановиќ денеска гои објави списокот на кој се 17 ракометари, на кои ќе смета за овој двомеч. Натпреварите ќе се играат на 10 и 11 мај (петок и сабота) во термините од 18 часот односно 10:30 часот. Собирот е закажан за 7 мај (вторник) во 09:30 часот во СЦ „Борис Трајковски“ во Скопје. Младинците летово ги очекува настап на Европското првенство што ќе се игра токму во Словенија. РАКОМЕТ | ЕП У20...

Екипата на МКК Куманово предводена од поранешниот македонски селектор Марин Докузовски е пред промоција во нов член на Првата лига. Кумановци кои во второлигашката конкуренција сезонава немаат ниту еден пораз, попладнево ќе го одиграат вториот полуфинален дуел од плејофот. Тие гостуваат во Скопје, кај екипата на Ангели и важат за апсолутен фаворит во овој меч. Убедливата победа во првиот натпревар, како и максималниот ефект досега, со право им ја дава таа улога. Доколку истата ја потврдат, кошаркарите на МКК Куманово ќе се пласираат во финалето. Тоа пак, според системот на натпреварување значи и пласман во Првата лига следната сезона. Денешниот дуел во салата „Независна Македонија“ во Кисела Вода ќе почне во 19 часот. Утре (20 часот) пак својот реванш полуфинален натпревар ќе го играат екипите на Маџари и Шкупи. Во него тимот од скопски Чаир влегува со предност од 1:0 во победи во серијата што се игра во два добиени натпревари. Натпреварите може да ги ГЛЕДАТЕ ВО ЖИВО ОВДЕ (линк)...

Откако ја загубија титулата во Бундес лигата, беа елиминирани ви во Купот, фудбалерите на Баерн Минхен сезоната ќе ја спасуваат во Лигата на шампионите. Ова меѓу останатото го потврди тренерот на Баварците, Томас Тухел кој изјави дека целта е пласман во финалето. „Сакаме да стигнеме до финалето на Лигата на шампионите. Направивме еден чекор против Арсенал и сега е време да го направиме следниот против Реал. Сакаме да бидеме конкурентни во полуфиналето, а потоа да се мислиме на “Вембли“. Тоа нема да ни помогне да ги вратиме бодовите од другите натпреварувања, но планираме да играме во финалето на Лигата на шампионите“, изјави Тухел на прес-конференцијата. Тој додаде дека на натпреварот очекува голема поддршка од навивачите. „Ни треба одлична атмосфера. Сакаме навивачите да бидат дел од играта и да ни даваат поддршка, особено во тешките моменти. Треба да создадеме атмосфера што ќе ни помогне да победиме “, додаде тренерот на Баерн. Задачата на Баерн ќе биде исклучително тешка. Против себе ќе го имаат најтрофејниот тим во Лигата на шампионите, мадридски Реал....

Кога ќе се спомене Реал Мадрид тоа веднаш асоцира на најтрофејниот клуб во елитната Лига на шампиони. Популарните „кралеви“ се на два чекори од ново финале. Но, за да го сторат тоа ќе треба да го минат минхенски Баерн. Тренерот на Реал, Карло Анчелоти верува дека неговиот тим може да обезбеди натпревар на „Вембли“ каде ќе се игра годинашното финале. „Имаме голема самодоверба, но и почит кон Баерн. Тие немаат одлична сезона во Бундеслигата, но одиграа спектакуларен двомеч против Арсенал. Баерн е силен тим во Европа. Мора да ја земеме предвид историјата на клубовите во Лигата на шампионите, тоа исто нешто значи“, изјави Анчелоти. Многумина не веруваа дека „кралевите“ можат до самата завршница, но, Анчелоти не се согласува со тоа. „Реал никогаш не смее да биде потценет во ова натпреварување. Секој знае што може да направи. Чувствуваме голема почит која доаѓа од сите во конкуренцијата. Полни сме самодоверба, но играме против силен противник. Првенствено среќни сме што сме тука. Ретко кој веруваше дека ќе ја одржам оваа прес-конференција, но успеавме. А, се надеваме дека повторно ќе играме финале“, нагласи италијанскиот стратег на „кормилото“ на Реал. Дуелот меѓу Баер и Реал што ќе се игра во Минхен ќе почне во стандардниот термин од 21 часот....

Обврските на актуелниот шампион МЗТ Скопје Аеродром во АБА2 лигата, беа причината за пролонгиран полуфиналната серија од плејофот во домашното првенство. Екипите на МЗТ Скопје и ТФТ попладнево ќе го одиграат првиот натпревар од оваа рунда. Аеродромци во овој дуел влегуваат како фаворити, не само поради тоа што се шампиони, туку и поради меѓусебните дуели сезонава. Во трите одиграни, сино-белите забележаа исто толку победи. Две од нив во првенството и онаа во АБА2 лигата. Единствен дуел во кој ТФТ парираше беше вториот првенствен одигран во СЦ „Кале“. Сепак, тимот од скопската населба Тафталиџе имаше повеќе време да одмори и да се подготви за денешниот дуел. За аеродромци овој меч доаѓа меѓу двата исклучително важни дуели со Спартак Суботица во полуфиналето на АБА2 лигата. Ќе го искористат ли тоа избраниците на Боро Смилковски да направат брејк на стартот на серијата што се игра во три добиени натпревари останува да видиме. Првиот (денешниот) од двата дуели што ќе се играта во „Јане Сандански“ ќе почне во 19 часот....

Баерн Минхен или Реал Мадрид е првиот полуфинален дуел во Лигата на Шампионите. Овој двомеч значи фудбалско шоу и празник за фановите, а за екипите значи заверка за финале. Не е тајна дека Баерн Минхен не игра во добра форма. Баварците по 11 години останаа без трофеј во домашното првенство. Последен пат кога Баерн Минхен не освоил никаков трофеј на домашната сцена е во далечната 2008/09 сезона. Хари Кејн е единствениот мотивиран играч на Баерн Минхен. Не е тајна дека Томас Тухел ќе ја напушти баварската клупа. Сепак, Тухел во минатото има покажано дека знае како да триумфира над Реал Мадрид и ќе сака тоа да го покаже и овој пат пред неговото збогум од Баерн Минхен. Реал Мадрид пак игра сезона за неверување. На почетокот од сезоната Реал Мадрид го напушти легендарниот Карим Бензема, пред отворањето на истата лигаменти скина Тибо Куртоа. На првиот натпревар од сезоната од истата повреда настрада Едер Милитао, а малку подоцна Давид Алаба ја претрпе истата повреда. Без класичен напаѓач, безброј повреди и неубедлива игра на старото од сезоната, фановите на Реал немаа премногу надеж за оваа сезона. Но, еве сме пред крајот на сезоната. Реал Мадрид има 11 бода предност на 5 кола до крај во Ла Лига, го освои шпанскиот Супер Куп. Во целата сезона „кралевите“ се поразени само на 2 натпревари и тоа од истиот противник и на истото место, на „Ванда Метрополитано” од Атлетико Мадрид. Фановите на Реал добија нов идол во Англичанецот, Џуд Белингам и нови херои како што се Андриј Луњин и Феде Валверде кој веќе некое време игра извонредно. Реал Мадрид на хартија ги има сите компоненти за да го нападне трофејот во Лигата на Шампионите. Тоа би бил 15-ти за „кралскиот“ тим, но имаат тешка пречка на патот до тоа. Екипата на Баерн Минхен која иако не игра на препознатливо ниво е голема екипа, а големите екипи секогаш играат вакво натпреварувања. Реал и Баерн по елиминацијата на водечките англиски екипи, Манчестер Сити и Арсенал, во полуфиналето ќе бараат карта за Лондон и за „Вембли”. Првиот натпревар што ќе се игра вечерва од 21 часот, треба да донесе голема возбуда. Реваншот е закажан за 8-ми мај во Мадрид....

Двете најдобри екипи од регуларниот дел на сезоната во Западната конференција Оклахома и Денвер обезбедија полуфинале во плејофот. Актуелниот шампион со 4:1 во победи го мина ЛА Лејкерс, откако ноќеска пред своите навивачи славеше со 108:106. Дуелот беше решен во самата заврница, Џамал ​​Мареј беше човекот на одлука. Тој погоди тројка на минута пред крајот и шампионот поведе со106-104. Леброн Џејмс израмни од линијата за слободни фрлања на 26 секунди пред крајот. Мареј повторно погоди за водство на четири секунди пред крајот. Обидот на Тауреан Пренс со звукот сирената беше неуспешен. Мареј го заврши натпреварот со 32 поени и седум асистенции, Мајкл Портер додаде 26 поени, а Никола Јокиќ 25 поени, 20 скока и девет асистенции. Кај Лејкерси Џејмс постигна 30 поени со девет скока и 11 асистенции, а Остин Ривс додаде 19 поени. Во полуфиналето Денвер за противник ќе ја има Минесота која со 4:0 во победи го мина Феникс. Оклахома Сити го победи Њу Орлеанс со 4:0 и се пласираше во следната рунда. На гостувањето „Тандерс“ славеа со 97:89 и многу полесно од очекуваното ја завршија серијата. По 24 поени во победничката екипа постигнаа Џејлен Вилијамс (и осум скока) и Шаи Џилиеус-Александер (и десет скокови). Оклахома ќе го чека исходот од дуелот меѓу Далас и ЛА Клиперс каде резултатот е 2:2 во победи. На една победа до полуфинале во источната конференција е и Бостон. „Селтикси“ го „демолираа“ Мајами пред нивната публика со 102:88. Дерик Вајт го одигра најдобриот натпревар во кариерата и постигна 38 поени (8/15 тројки), додека Џејсон Тејтум додаде 20 поени и 11 скока. Кај домаќините Бам Адебајо заврши со 25 поени и 17 скока, а Тајлер Херо со 19 поени....

Екипата на Барселона се изнамачи да го совлада „десеткуваниот“ состав на Валенсија. Барса ја искористи бројчаната предност на теренот и со хет-трикот на Роберт Левандовски славеше со 4-2. Домаќините поведоа во 22.минута со голот на Фирмин Лопез, а по акцијата на Рафиња. Но радоста на навивачите на Барса не траеше долго. Само пет минути подоцна (27) Духо, го искористи поклонот од Терштеген кој направи кардинална грешка и израмни на 1-1. Веќе во 38.минута Пепелу од пенал и донесе водство на Валенсија од 1-2. Гостите во судиското дополнение на првото полувреме останаа без играч помалку. Голманот на Мамардашвили, играше со рака надвор од казнениот простор во ситуација кога заработи Јамал беше во гол ситуација. Грузиецот заработи директен црвен картон. По четири минути игра во вториот дел, а по корнерот на Гундоган од левата страна, Левандовски ја затресе мрежата на Валенсија за изранување на 2-2. Избраниците на Чави се обидуваа со сите сили да дојдат до ново водство. По неколкуте шанси, повторно Левандовски најдобро се снајде по корнерот во 82-та минута. И кога сите очекуваа дека со тој резултат ќе заври натпреварот, Пољакот повторно стапи на сцена. Течеше третата минута од судиското дополнение кога Левандовски од слободен удар постигна еврогол и го комплетира својот хет-трик, за конечни 4-2 за Барса. Со овој триумф Барселона се врати на второто место на табелата со бод повеќе од трето пласираната Џирона. Водечкиот Реал Мадрид има дури 9 бодови повеќе од Барса....

До крајот на сезоната во машката ракометна Супер лига остануваат уште три кола. Веќе во среда и четврток ќе се играат дуелите од 12-тото во плејоф конкуренцијата. Потоа ќе следи репрезентативната пауза. Дербито од дванаесеттата рунда на програмата е во четврток (2 мај) кога во „Јане Сандански“ ќе играат Вардар и Алкалоид. Ова е еден можеби еден од последните решавачки натпревари, кога во прашање е шампионскиот трофеј. Секако, тоа најмногу ќе зависи од актуелност шампион Еурофарм Пелистер кој во моментов има два бода повеќе од вардарци, а дури пет од Алкалоид. Од таборот на црвено-црните информираа дека за дербито во четврток пуштени се во продажба картите. Цената на влезниците е 200 и 250 денари, а може да се купат онлајн на https://www.kupikartizase.com/Events/vardar_alkaloid. Продажба на картите за натпреварот ќе има и на билетарницата пред СЦ „Јане Сандански“.Работното време на билетарницата ќе биде во четврток (2 мај) од 15 до почеток на натпреварот, закажан за 18 часот....

Машката македонска ракометна репрезентација на Македонија ја очекува двомеч со Фарските Острови преки кои црвено-жолтите „бркаат“ настап на Светското првенство 2025-та. Откако пред само три дена селекторот Кирил Лазаров објави список со 36-мина ракометари, денеска тој е скратен на 20-мина. Имајќи во предвид дека во среда и четврток ќе се играат натпревари во Супер лигата, Лазаров, дополнително на списокот стави и седуммина резервни ракометари. Првата прозивка Лазаров ќе ја направи на 3 мај (петок) во 16.30 часот во хотел „Александар Палас“ во Скопје. Првиот натпревар против Фарските Острови македонските ракометари ќе го играат на гостински терен. Дуелот во Торшавн е закажан за 8 мај (среда) со почеток во 20 часот. Реваншот ќе се игра на 12 мај (недела) во СЦ „Борис Трајковски” со почеток во 19 часот. Картите за овој натпревар се одамна пуштени во продажба. РАКОМЕТ | МАКЕДОНИЈА – ФАРСКИ ОСТРОВИ СЕ ЗА ДУЕЛОТ МАКЕДОНИЈА – ФАРСКИ ОСТРОВИ...

Македонската одбојкарска репрезентација ја очекува уште едно долго жешко лето. Нашите одбојкари ќе играат „бркаат“ нов настап на Европските шампионати. Како и лани и годинава, формата ќе се темпира преку настапот во Европската Златна лига. Новиот селектор Хари Наковски првата прозивка ќе ја има на 2 мај, во Струмица. Александар Љафтов, кој побара одмор и ќе се приклучи во јули кога ќе почнат подготовките за евро-квалификациите. Филип Деспотовски нема да биде во селекцијата бидејќи ја заврши својата кариера. Нови играчи се Михајло Мирасчиев од Штип УГД и Кристијан Илиев од Струмица. Во стручниот штаб ново име е асистентот Кристијан Ристески, а остануваа скаутот Павле Матиќ и кондицискиот тренер Горан Панковиќ, кои работеа и лани. За 8 мај е предвиоден пријателски натпревари со Романија на гостински терен. Потоа репрезентацијата ќе се вратат во салата „Парк“ во Струмица каде ќе тренираат до почетокот на Европската златна лига на 17-ти. На првиот турнир Македонија ќе биде домаќини на Чешка и на Естонија. Следните два се во Белгија и во Хрватска. За разлика од досегашните изданија, ова натпреварување сега ќе претрпи промени. Во август се два од четирите натпревари во квалификациите за ЕП 2026. Акцентот ќе биде ставен токму на нив, затоа што преку Грузија и Грција, Македонија бара шанса за четврти континентален собир по ред. Хари Наковски ќе го наследи професорот Миленковски на чело на одбојкарската репрезентација на Македонија ЗЛАТНА ЛИГА – ОДБОЈКА (МАЖИ)...

Машката одбојкарска репрезентација на Македонија, се враќа на меѓународната сцена. По ланскиот успешен настап на Европскиот шампионат, нашите најдобри одбојкари во мај месец ги очекува настап во Европската злата лига. Тоа ќе биде второ учество на Македонија во оваа конкуренција, во која лани дебитираа како вовед во Европското првенство. Хари Наковски ќе биде наследник на Јошко Миленковски на селекторското место на нашата најдобра одбојкарска репрезентација. „Сакам да упатам благодарност до ОФМ, голема чест е да се наследи и да се работи со Јошко како наше најголемо тренерско име. Се надевам дека со добро здравје и со добра работа ќе ја исполниме целта“, е првиот коментар на Наковски, кој минатата година му беше асистент на Миленковски. Професорот останува во националниот тим, но сега како советник, а неговото искуство ќе го пренесе и со едукацијата која е важна за новите генерации македонски одбојкарски тренери. „Оваа сала, овој хотел, ова место, буди големи спомени, тука ги ковавме нашите резултати на последното ЕП. Тоа беше најубавиот дел од мојата тренерска кариера и сега веќе можам слободно да размислувам за тренерска пензија. Мене ми е време полека да се повлекувам, а со големо задоволство ја предавам палката на Хари, тренер којшто ми помогна мене како селектор и на сите играчи да го дадеме најдоброто. Верувам дека Хари со своите помошници и со моја помош, сега од еден друг агол во насока на логистика, совет, поддршка итн. ќе биде успешен, а јас на тој начин ќе бидам дел од нашиот следен успех“, Миленковски ја објаснува својата улога во репрезентацијата. Македонија во новото издание на Златната лига ќе одигра шест натпревари во групната фаза, во која противници ќе ги има селекциите на: Естонија, Чешка, Белгија, Азербејџан, Шпанија и Хрватска. ЗЛАТНА ЛИГА – ОДБОЈКА (МАЖИ)...

Екипата на Минесота е првата која обезбеди пласман во конференциското полуфинале во НБА плејофот. „Томбервулфс“ со чисти 4-0 во победи го минаа тимот на Фенис славејќи по втор пат на теренот на противникот со 122-116. Ентони Едвардс повторно беше одличен со 40 поени, 9 скока и 6 асистенции, Карл-Ентони Таунс додаде 28 поени и 10 скока. На „Санс“ не им помогнаа ниту 49-те поени на Девин Букер како и Кевин Дурент кој натпреварот го заврши со 33 поени и 9 скока. Ова е прв пат по 20 години Минесота да добие една серија во плејофот. Тоа последен пат го сторија во 2004-тата кога стигнаа до конференциското финале во кое беа поразени од ЛА Лејкерс. На чекор до полуфинале, но на истокот, е и екипата на Индијана. На домашен паркет во Индијанаполис, „Пејсерси“ победија со 126:113 и поведоа со 3-1 во победи против Милвоки. Мајлс Тарнер со 29 поени и девет скока и Тајрис Халибартон со 24 поени беа водечките играчи во победничката екипа. Во отсуство на првите ѕвезди на „Бакс“ Лилард и Антетокумпо кои не играа поради повреди, прв стрелец кај поразениот тим беше Брук Лопез со 24 поени. До првото конференциско полуфинале по 10 година Индијана ја дели една победа. Шанса за тоа ќе има на гостински терен веќе во среда наутро (3.30 часот) ....

Tренерот на Оклахома Сити Тандер, Марк Дегнолт е прогласен за тренер на годината во НБА, во изборот на спортските новинари. На 39-годишна возраст, Дегнолт е во својата четврта сезона на чело на Тандер, кои ги предводеше до врвот на Западната конференција со „скор“ од 57-25 во регуларниот дел од сезоната. Оклахома за прв пат по четири години обезбеди и настап во плејофот во кој е на чекор од конференциското полуфинале. Дегнолт со својот тим има предност од 3-0 во победи против Њу Орлеанс Пеликанс и го дечи само учте едне триумф од полуфиналето....

Денес се одигра завршниот турнир од женската ракометна пионерска лига. На „фајнал-фор“ турнирот учесници беа екипите на Вардар, Ѓорче Петров, Стружанка и Делчево. Екипата на Ѓорче Петров е новиот освојувач на трофејот во пионерската лига. Ѓорче во финалето за противник го имаше тимот на Стружанка. Ѓорче Петров уште на почетокот на натпреварот влезе мотивирано и успеа да создаде предност која ја одржуваше во текот на натпреварот. Тие на полувреме имаа предност од +2 (7:5). Во втората половина Ѓорче одигра многу поквалитетно па така и без проблем успеа да стигне до триумф со максимални 22:16. Ѓорче во полуфиналето го совлада Делчево со 25:18, додека Стружанка одигра доста тежок натпревар со Вардар и оствари минимална победа од 22:21. Третото место го освои тимот на Вардар откако го совлада тимот на Делчево со 30:26. Ивона Кимовска...

Екипата на Рајо Ваљекано за која настапува македонскиот репрезентативен голман Столе Димитриевски претрпе пораз на гостувањето кај Виљареал. Но натпревар од 30.коло популарната „жолта подморница“ славеше со убедливо 3-0. Домаќините поведоа во 18.минута со голот на Сорлот, кој уште еднаш го совлада Димитриевски во 30-тата, но тој гол беше поништен поради офсајд. Во вториот дел во листата на стрелци се запишаа Москера (69) и Сорлот уште еднаш (74) за конечни 3-0 за Виљареал. Ова беше 13-ти пораз сезонава за Рајо Ваљекано со пок останува на 15-место на табелата. Сепак, Рајо има осум бодови повеќе од 18-тиот Кадиз кој е во зоната за испаѓање....

Екипата на Трабзонспорт забележа победа со пресврт над Газиентеп со 4-2. Капитенот на македонската репрезентација Енис Барди беше стрелец на израмнувачкиот гол. Откако гостите имаа предност од 0-2, а Нигериецот, Пол Онуачу намали на 1-2, Барди на ефектен начин во 65.минута израмни на 2-2. Нигерискиот интернационалец во продолжението уште два пати се впиша во листата на стрелци за триумф на Трабзонспорт со 4-2. Со оваа победа и новите бодови, а вкупно 58, Трабзонсор се зацврсти на третото место на табелата и чекори кон пласман во Лигата на Европа....

Екипата на Аталанта славеше победа со 2:0 на дуелот против Емполи, а Наполи и Рома одиграа „мирољубиво“ 2:2. Аталанта рутински си ја заврши работата на натпреварот со Емполи. Головите ги постигнаа Пашалиќ од пенал во 42.та минута и Лукман во 51.та минута. Дербито на колото меѓу Наполи и Рома заврши со нерешен резултат. Рома прва поведе со голот на Дибала од пенал во 59.та минута. Наполи направи резултатски пресврт во 65.та и 84.та минута. На 1:1 изедначи Оливиера, а за 2:1 од пенал стрелаше Осимен. Конечните 2:2 ги постави Абрахам во 89.та минута. Аталанта се наоѓа на 6.та позиција која води во Лига Европа со 57 бода, додека Емполи се на 17.та позиција до 32 бод. Рома се наоѓа на последната позиција која носи Лига на шампиони односно на 5-та позиција со 59 бода, а стариот италијански шампион Наполи се 8.место со 50 бода....

Манчестер Сити обезбеди нова победа на гостински терен против екипата на Нотингем Форест со 2:0. Арсенал пак, го совлада Тотенхем во лондонското дерби со 3:2 и останува прв во Премиер лигата со бод повеќе од Сити, но „граѓаните“ имаат и натпревар помалку. Резултатот го отвори Јошко Гвардиол во 32-та минута, по одлично изведениот корнер на Кевин Де Брујне за 1:0. Во продолжението, избраниците на Пеп Гвардиола ја имаа иницијативата и мирно се обидуваа да го затворат натпреварот. Нововлезениот Ерлинг Халанд во 71-та минута зголеми на 2:0, а Де Брујне запиша нова асистенција на натпреварот. Натпреварот заврши 2:0. „Граѓаните“ се на втората позиција со 79 освоени бодови, еден помалку од првопласираниот Арсенал, но Сити имаат и еден натпревар помалку....

Во 22-то коло од женската Супер лига екипата на Вардар го пречека тимот на Стружанка. Црвено-црните лесно стигнаа до победата над Стружанка и тоа убедкиуво со 39:24. Вардарки уште на почетокот успеаја да направат предност од 7:1. Стружанка даде напор и во 12-тата минута успеа да намали на 9:5. Но, тоа беше се што сторија гостинките. Вардар постепено само ја зголемуваа предноста, па во 26-тата минута ја зголеми на +12 (19:7). На полувреме резултатот беше 21:10 за црвеноо-црните. Во втората половина домашната екипа продолжи со одличната игра. Вардарки со серија од 5-0 во 44-та минута успеаја да поведат со максимални 30:14. До крајот домашниот состав само ја одржуваа оваа предност, а крајниот резултат беше 39:24. Најдобар стрелец од победничката екипа беше Ивона Трпеска со седум гола, додека од Стружанка по шест погодоци дадоа Далипоска и Раткушиноска. Ивона Кимовска...

Голема битка претстои за шампионскиот трофеј во ПМФЛ. Ова особено по поразот на првакот Струга како и големата драма на Чаир во која Тиквеш од победник на крајот излезе како поразен тим. Екипата на Силекс приреди големо изненадување совладувајќи го шампионот Струга ТЛ со пресврт. Кратовци имаа два гола негатива откако Ибраими (23.минута) и Радевски (34) беа стрелци на головите за стружани. Но, Леоид Игњатов со два погодока (36 и 48.минута) успеа да го израмни резултатот, а Каланоски (52) да му донесе предност на Силекс од 3-2. Киксот на стружани го искористи Шкупи кој благодарение на двата гола Аворњо во финишот на натпреварот стигна до победа над Тиквеш со 3-1. Домашниот состав имаше предност по првиот дел со погодокот на Воша (39), но кавадарчани преку Спахиу (53 и 82) направија пресврт и поведоа со 1-2. Шкупи од пораз го спаси, а потоа и му донесе победа Аворњо со головите во 86-тата и деветтата минута од судиското дополнение (90+7) за конечни 3-2. Од триото што се бори за титулата, Шкендија освои полн плен совладувајќи го Гостивар со убедливи 4-1. Тетовци сега се на само три бодови помалку од Струга и Шкупи кои имаат по 58. Поразот на Брегалница на гостувањето кај Воска спорт, ги намалува шансите на штипскиот тим за опстанок. Тие како и Македонија ЃП имаат по 26 бодови и се на последните две позиции на табелата, а пред нов е Вардар со 29 кој пак денеска загуби во Струмица. ПРВА ЛИГА 29.КОЛОСТРУГА ТЛ – СИЛЕКС 2-3ШКУПИ – ТИКВЕШ 3-2ШКЕНДИЈА – ГОСТИВАР 4-1БРЕРА СТРУМИЦА – ВАРДАР 2-0РАБОТНИЧКИ – МАКЕДОНИЈА ЃП 1-1ВОСКА СПОРТ – БРЕГАЛНИЦА 4-0 Standings provided by Sofascore...

Екипата на Арсенал забележа победа во лондонското дерби против Тотенхем. Со конечни 3:2 Арсенал дојде до важен триумф во битката за титулата во Премиер Лигата. Првиот гол на мечот беше автоголот на Хојбјерг во 15-та минута. Арсенал зголемија на 2:0 во 27.минута со голот на Сака. Во 38-та минута Хаверц зголеми на 3:0. Во второто полувреме играта домаќините беа оние кои имаа повеќе од играта, но тоа не беше доволно за победа. По грешка на голманот Раја, Кути Ромеро намали на 3:1 во 64-та , а конечните 3:2 ги постави Сон од пенал во 87-та минута. Арсенал останува во трката за титулата во Премиер Лигата. „Топчиите” се на првата позиција со 80 бодови, а имаат четири повеќе од Манчестер Сити, но шампионот има одиграно два натпревари помалку. Тотенхем е на 5-та позиција со 60 бода....

Актуелниот шампион во Мото ГП, Фраческо Бањаја победи во трката за Големата награда на Шпанија. Италијанецот, имаше фантастичен настапи на патеката во Херез, и прв ја мина целната рамнина пред домашниот фаворит, Шпанецот, Марк Маркез. Дека Дукати има најдобри мотори сезонава потврди Марко Беѕеки кој го комплетира пиедесталот завршувајќи како трето пласира. Во Генералниот поредок лидер и натаму е Хорхе Мертин кој денеска не ја заврши трката, а зад него е Бањаја со 17 помалку. Следната трка во Мото ГП е на 12 мај кога ќе се вози француското Гранд-при....

Новиот италијански шампион Интер не дозволи никакво изненадување во дуелот со Торино. Интер пред своите симпатизери славеше победа со 2:0. Неро-азурите отпорот на противникот го скрши во вториот дел, откако Торино остана со играч помалку. Тамезе во 49.минута заработи директен црвен картон. Тоа го казни Чалханоглу со два гола, во 56-тата и 60-тата минута, вториот од пенал. За Интер ова беше 28-та победа сезонава, а Торино го претрпе десеттиот пораз. Со него Торино ја губи трката со конкурентите за настап на европската сцена, од која е оддалечен осум бодови колку што бега седмо пласираната Аталанта....

Во Белград денеска се одржа 37-то издание на атлетскиот маратон на кое учествува 2.000 натперварувачи. Победи Гилберт Киплинг Чумба од Етиопија. Тој маратонската делница од 42,195 км. ја истрча во време од 2:11.47, а потоа само падна. Заморот и силното темпо си го сторија своето па Чумба колабираше. Лекарските екипи веднаш му укажале помош, а потоа го ставија на носилка и беше изнесен од патеката....

Во Првата македонска фудбалска лига, попладнево ќе се играат сите натпревари од 29-тото коло. Водечкото трио на екипи што се борат за шампионскиот трофеј, ќе играат пред својата публика. Шампионот и лидер на табелата Струга Трим Лум го пречекува петто рангираниот тим на табелата Силекс. Дербито ќе се игра на Чаир каде вториот Шкупи ќе бара „одмазда“ за елиминацијата во полуфиналето на Купот во дуелот со Тиквеш. Во Тетово, ќе се игра соседското дерби меѓу Шкендија и Гостивар. Интересно ќе биде и на останатите три натпревари во кои ќе играат екипите што грчевито се борат за опстанок. Брера Струмица и Работнички се во нешто по поволна ситуација од останатите. Струмичани го пречукуваат Вардар, додека Работнички е домаќин на Македонија ЃП. Во Охрид, кај Воска спорт патува штипска Брегалница. Бодовите за речиси сите екипи се императив, како во ова така и во преостанатите четири кола. Сите денешни натпревари ќе почнат во терминот од 16 часот, а ќе може да ги ГЛЕДАТЕ ВО ЖИВО ОВДЕ (линк) ПРВА ЛИГА 29.КОЛОНедела (16 часот)СТРУГА ТЛ – СИЛЕКСШКУПИ – ТИКВЕШШКЕНДИЈА – ГОСТИВАРБРЕРА СТРУМИЦА – ВАРДАРРАБОТНИЧКИ – МАКЕДОНИЈА ЃПВОСКА СПОРТ – БРЕГАЛНИЦА Standings provided by Sofascore...

Аргентинскиот ас Лионел Меси продолжува со фантастичните настапи во дресот на Интер Мајами во американската МЛС лига. Меси со два гола и две асистенции го предводеше својот тим до нова победа. Интер Мајами славеше на гостувањето кај Њу Ингланд со 4:1. Иако домашните први поведоа преку Аргентинецот, Чанкалеј, во продолжението „шолуто“ ми припадна на Меси. Тој постигна два гола и имаше две асистенции. Со тоа стана првиот играч во историјата на МЛС лигата кој учествувал во головите на својот тим, повеќе од еднаш во пет последователни натпревари. Инаку, досега ниеден играч во историјата на МЛС немал директно влијание на головите во првите 10 натпревари повеќе од него. Меси има вкупно 17 вакви ситуации, од кои девет постигнати гола и осум асистенции. Натпреварот се одигра пред точно 65.612 луѓе, со што е срушен рекордот на „Зилет стадионот“ кога се во прашање фудбалските натпревари. Секако, причината е доаѓањето на Меси. Билетите за овој натпревар беа во просек поскапи отколку за натпреварите на Њу Ингланд Патриотс во НФЛ лигата. За рагби натпреварите во просек треба да се потрошат 275 долари, а за гостувањето на Меси просечната цена беше 285 долари....

По 11 последователни порази, Лос Анџелес Лејкерс успеа да победи против актуелниот шампион Денвер Нагетс. Лејкерси на домашен терен славеа со 119:108 и со тоа ја избегнаа елиминација во првото коло од плејофот. Сега резултатот во четвртфиналната серија што се игра во четири добиени натпревари е 3:1 за Денвер. омашните водеа со 19 разлика на нешто повеќе од шест минути до крајот, Нагетс успеаја да се спуштат на минус седум (113:106), но не отиде подалеку од тоа. Леброн Џејмс ги предводеше Лејкерси со 30 поени и пет скока, Ентони Дејвис додаде 25 поени и дури 23 скока. Првото име на Денвер беше Никола Јокиќ со троен ефект со 33 поени и по 14 скока и асистенции. Мајкл Портер Јуниор постигна 27 поени и додаде 11 скока, додека Џамал ​​Мареј додаде 22 поени. Следната шанса да ја затворат серијата „Нагетси“ ќе ја имаат на домашен терен во вторник наутро во 4 часот. Во Источната конференција, Бостон направи „ри-брејк“ против Мајами и поведе со 2:1 во победи. Ова откако ноќеска Селтикс славеа на теренот на Мајами. Гостите го добија првиот период со 12 разлика, но во вториот беа супериорни. Селтикси постигнаа дури 42 поени, а противникот 15 помалку. Во продолжението немаше поголеми промени, а Селтикс на крајот победија со резултат 84:104. По 22 поени за победничката екипа постигнаа Џејлен Браун (осум скока) и Џејсон Тејтум (11 скока, шест асистенции) постигнаа, а Кристапс Порзингис додаде 18 поени и пет скока. Кај Мајами прво име беше Бам Адебајо со 20 поени и девет скока, додека Никола Јовиќ и Тајлер Херо додадоа по 15 поени . Четвртиот натпревар повторно ќе се игра во Мајами....

Атлетико Мадрид дојде до триумф против Атлетик Билбао во дербито од 33.коло во шпанската Ла Лига. Мадриѓаните со 3:1 го победија директниот ривал за Лига на Шампиони. Во првото полувреме имаше израмнета игра. Родриго де Пол стрелаше за 1:0 во 15-та минута. На спротивната страна за Баскијците, погоди Нико Вилијамс и изедначи на 1:1. Во вториот дел Атлетико Мадрид почна да доминира на теренот. Анхел Кореа во 52.минута повторно му донесе предност за домашниот тим сега со 2:1. Со автоголот на Унаи Симон за 3:1 Атлетико Мадрид ја потврди победата. Со 64 бода Атлетико Мадрид се на 4-та позиција која води следната сезона во Лига на Шампиони. Директниот конкурент Билбао остана петти со 58 бода....

Екипата на Шкупи ја дели една победа од пласман во Првата кошаркарска лига. Чаирчани го добија првиот полуфинален дуел со Маџари и победеа со 1:0 во победи во серијата подобар до два. Домашниот тим решително го почна натпреварот и отвори со 10-0. Првите поени гостите од Маџари ги постигнаа на истекот на третата минута. Двоцифрената предност домашниот состав ја одржуваше во најголемиот дел од натпреварот. Заминаа чаирчани со +17 на одмор меѓу двете полувремиња (47-29). Искусниот состав предводен од Двојаковски и Димитровски рутински не дозволи да ја загуби стекнатата предност. Иако во финишот гостите дојдоа и на четири негатива, сепак немаа сили за комплетен пресврт. На крајот Шкупи славеше со конечни 86-78. Првата „меч“ топка за финале, а со тоа и пласман во Првата лига, тимот на Шкупи ќе ја има веќе во среда на теренот на Маџари. Пред промоција во прволигаш е и не поразениот МКК Куманово кој тоа треба да го потврди во вторник кога му гостува на Ангели во реванш полуфиналниот дуел. МКК Куманово убедливо ја доби првата средба со 30 разлика (77-47). КОШАРКА | ВТОРА ЛИГА (МАЖИ)...

Македонскиот репрезентативец Ненад Димитријевиќ летово ќе биде еден од најбараните кошаркари на европско тло. Одличните игри во Уникс Казан, и признанието МВП во ВТБ лигата, секако се одлична препорака за Димитриевиќ да се врати во Евролигата. Како што пренесуваат турските медиуми, Нено е на мета на Шарунас Јасикевичиус за следната сезона. Тренерот на Фенербахче сака во своите редови да го донесе Македонецот и да се обиде да се врати на врвот на Евролигата. Сезонава турскиот тим е дел од четвртфиналната рунда, во која за противник го има францускиот Монако....

Со триумфот во Скопје на гостувањето кај Пролет шампионот на Македонија Еурофарм Пелистер со новите три бодови се врати на првата позиција на табелата по 11.коло во Супер лигата плеј оф. Битолчани славеа победа со 36:27. Во првиот дел домашниот тим беше конкурентен, но избраниците на Александар Јовиќ немаа сили за повеќе отпор на првакот, па во вториот дел битолчани стигнаа до висока победа. Новит три бодови запишаа и ракометарите на Тиквеш, кои на домашен терен го совладаа Бутел со 28:23. На првите два дуела од 11.коло денеска Алкалоид го совлада Охрид со 42:31, додека вчера Вардар славеше на гостувањето кај Струга со 36:15. Во Супер лигата плеј аут во Битола Еурофарм Пелистер 2 го совлада Мулти Есенс со 30:21, а во Куманово домашниот тим го совалда Голден Арт со 25:24, додека Вардар Неготино славеше на домашен терен против Скопје 2020 со 34:30. Слободна беше екипата на Прилеп. Табела плеј оф: Еурофарм Пелистер 32 бода, Вардар 30, Алкалоид 27, Охрид 23, Тиквеш 19, Бутел 7, Пролет 6, Струга 0. Табела плеј аут: МРК Куманово 29, Е.Пелистер 2 27, Прилеп 27, Вардар Неготино 21, Мулти Есенс 17, Голден Арт 13, Скопје 2020 6, Аеродром -9....

Македонскиот шамион МЗТ Скопје Аеродром е поразен од Спартак во првиот полуфинален натпревар од плејофот на АБА2 лигата. Аеродромци пред своите навивачи во „Јане Сандански“ загубија од српската екипа со 73-78. Израмнет натпревар одиграат овие два тима. Гостите од Суботица беа подобри во првата и последната, а МЗТ во втората и третата четвртина. Во најголемиот дел од првото полувреме гостинскиот тим беше оној кој го контролираше резултатот. Имаше Спартак и 11 поени предност. МЗТ одигра одлично во третата четвртина кога го сврте резултатот во своја полза, а во последната влезе и со три предност (55-52). Но, тука аеродромци подзастанаа. Повторно му дозволија на противникот да реализира лесно. Погодуваше Спартак од сите позиции и на крајот славеше со 78-73. Доминираа играчите на победничката екипа во скок играта, направија 46, а на МЗТ му дозволија да фати 24 топки под обрачите. Иако тројца играчи во редовите на сино-белите беа двоцифрени, сепак Војдан Стојановски повторо се издвои. Постигна Војдан 10 поени беше најефикасен на натпреварот, но попусто. На спротивната страна искусниот Гордиќ со 16 поени беше прв стрелец кај победникот. Реванш натпреварот во Суботица ќе се игра на 4 мај (сабота, 19 часот)....

Баер Леверкузен стигна до „реми“ во дерби натпреварот со Штутгарт со гол во последните мигови. Сезонава никако не можат да загубат „фармацевтите” па така и на овој натпревар стигнаа до реми од 2:2. Во првото полувреме не се постигна ниеден од головите. Затоа пак во второто сите 4 гола беа постигнати. Најпрво Штутгарт дојде до предност од 2:0. Головите ги постигнаа Фухрих во 47.та минута и Ундав во 57.та. Баер сепак не се предаде. Во 62.та минута Адли стрелаше за 2:1 и им даде живот на „фармацевтите”. Во 97.тљ минута Андрих постигна гол за 2:2 и ја остави жива серијата на Леверкузен. Новиот германски шампион по 31 коло има 81 бод. Штутгарт пак се наоѓа на третата позиција и има учинок од 64 освоени бода. Популарните „шваби“ пропуштија победа со која уште сега можеа да си го потврдат местото во Лигата на шампионите....

Ретко возбудлив натпревар без погодоци одиграа Јувентус и Милан на „Алијанц“ стадионот во Торино. Во првото полувреме единствената посериозна прилика беше во самиот финиш кога Душан Влаховиќ одлично биеше од работ на шестнаесетникот, но Спортиело одлично интервенираше. По паузата екипата од Торино стави во втора брзина и го притисна гостинот од Милано креирајќи одлични прилики за погодок кои не беа реализирани. Тоа му овозможи на Милан контра-напади и шанси на другата страна од теренот. Имено, Лофтус Чик и Рафаел Леао во 66-тата и 79-тата минута не успеаја да искористат две одлични прилики за водство на својот тим. Јувентус во финишот имаше изгледни прилики преку Аркадиуш Милик да постигнат гол, но одлично се бранеа „росонерите“ и резултатот остана 0:0. Милан и Јувентус по ова реми остануваат на втората односно третата позиција на табелата и се со „една нога“ пласирани во Лигата на шампионите следната сезона....

Во првиот натпревар од полуфиналната серија, Пелистер со убедлива победа од 63-86 поведе со 1-0 против Работнички. Гостите од Битола делуваа како екипа која имаше поголема концентрација, барем во тие први 20.минути од првото полуфинале. Пелистер замина на одмор со позитива од пет поени за 35-41. Во третиот период „зелено-белите“ предводени од тренерот Дарко Радуловиќ, одиграа одлично и позитивата од полувремето ја претворија во двоцифрена недостжна предност од 47-67. Период од играта во кој свои одлични моменти имаше Маслинко, кој освен 11 поени додаде и 4 скока, а пријатно изненадување во играта на „лелистерци“ беше и Лука Стојановски, кој постигна и три тројки од три обиди, за негови девет поени. Рикиќ беше првото поентерско име кај Работнички. Високиот центар веќе имаше 14 поени во тие 20.минути, додека Трајс и Ѓелетовиќ искомбинираа уште толку (двајцата по седум). На почетокот на последната четвртина, Пелистер стигна и до највисоките 49-72. Се покажаа како и повеќе од доволни за екипата од Битола да се стекне со почетна предност од (1-0) во серијата во која се бараат три победи за финале. Кај Пелистер, Планиниќ реализира 16.поени, Маслинко имаше 15, Мијовиќ 14, Најт 13, а Стојановски уште 12 поени. Кај Работнички, Рикиќ застана на 16.поени, Ѓелетовиќ имаше 11, а младиот Шошкиќ уште десет поени. Вториот меч со игра во Битола на 1 мај во среда....

Ракометарите на Алкалоид славеа победа во дербито со Охрид, а во рамките на 11.коло на плејоф суперлигашката конкуренција. На натпреварот одигран попладнево во салата во Автокоманда, Алкалоид го победи Охрид со 42-31. Целата работа домашниот тим ја заврши уште во првото полувреме во кое создаде големи осум голови предност. Гостите беа рамношпрабвни9 само во водоводниот дел се до 4-4, по што избраниците на Кирил Лазаров „фрлија“ во поголема брзина. Од минута во минута вицепрвакот ја зголемуваше предноста, а по 30.минути игра имаше водство со 22-14. Таквата предност Алкалоид знаеше како да ја сочува до крајот и да слави со конечни 42-31. По седум голови за победничката екипа постигнаа Марко Стојковиќ и Марко Митев, додека Дамјан Митев И Мартин Серафимов реализира по шест пати. Во гостинскиот, поразениот, тим Јапонецот, Хироки Матцуока беше стрелец на седум гола. Со оваа победа Алкалоид се зацврсти на третото место со 27 бодови, четири повеќе од Охрид. Моменталниот лидер на табелата Вардар има 30, додека Еурофарм Пелистер кој попладнево игра против Пролет има 29 бодови....

Кошаркарите на Вардар со победа над Охрид ја завршија сезоната во Првата лига. Во натпреварот од последното, 6.коло од плеј-аут конкуренцијата вардарци славеа со 94-62 и го потврдија своето учество во Првата лига. Иако се беше јасно и пред одигрувањето на овој натпревар. Вардарци само сакаат да го потврдат своето место, па заедно со гевгелиски Кожув изборија опстанок. Покрај Охрид следната сезона во Втората лига се сели и тимот на Академија ФМП. Кои два тима ќе бидат прволигаши ќе дознаеме по полуфиналните дуели во Второлигашката конкуренција. Досега не поразениот МКК Куманово е на најдобар пат да го стори тоа бидејќи убедливо го доби првиот дуел со Ангели. Вечерва пак во Чаир (20 часот), екипите на Шкупи и Маџари ќе ја имаат првата полуфинална пресметка. Во прволигашката конкуренција, во овие моменти Работнички и Пелистер го играа првиот полуфинален меч во серијата подобар до три победи. КОШАРКА | ПРВА ЛИГА (МАЖИ) КОШАРКА | ВТОРА ЛИГА (МАЖИ)...

Манчестер Јунајтед на „Олд Трафорд“ одигра нерешено со Барнли 1:1, но продолжува да се бори за Европските натпреварувања следната сезона. Одлично изведениот пенал на Зеки Амдуни во 87-та минута на гостинот му донесе важен бод во борбата за опстанок во Премиер лигата. Контролата на натпреварот и поседот на топката беше на страна на Манчестер Јунајтед уште од самиот старт на натпреварот, но Барнли успеа да возврати со одлична игра во дефанзивата. Сепак, во 79-тата минута по грешка во одбраната на гостите Ентони излезе во ситуација очи во очи со голманот на Барнли и успеа да реализира за водство од 1:0 на својот тим. Кога се изгледаше дека е готово и „црвените ѓаволи“ требаше само да го „заклучат натпреварот“, дојде грешката на Андре Онана кој направи прекршок над противникот и беше досуден пенал за гостинот. Ударот од белата точка прецизно го изведе Зеки Амдуни во 87-та минута за 1:1 со што му донесе важен бод на својот тим во борбата за опстанок. Избраниците на Ерик Тен Хаг се наоѓаат на шестата позиција на табелата со 54 освоени бодови, шест помалку од Тотехнем кој има два натпревари помалку и само еден повеќе од Њукасл....

Борусија Дортмунд потклекна пред Лајпциг во Бундеслигата. Со резултат од 1:4 „милионерите” загубија пред првиот полуфинален дуел против ПСЖ во Лигата на Шампионите. Иако „Милионерите” го започна натпреварот добро, дури и поведоа во 20.та минута со голот на Санчо, се потоа тргна наопаку за нив. Лајпциг израмни на 1:1 во 23.та минута со голот на Лоис Опенда. До полувреме зголемија и на 2:1 со голот на Шешко во 47.та минута. Лајпциг не почека многу на стартот од второто полувреме и за 3:1 стрелаше во 46.та Симакан. Конечните 4:1 ги постави Баумгартнер во 80.та минута. Македонскиот репрезентативец Ељиф Елмаз не доби шанса за настап и остана на клупата за резерви. Да не е Хари Кејн, Баерн Минхен сезонава ќе „потоне”. Германецот со своите два гола во 9.та и 61.та минута донесе „измачен” триумф над Франкфурт. Голот за Ајнтрахт го постигна Екитике. Баерн со тешка победа се спрема за полуфиналето во Лигата на Шампионите против Реал Мадрид. Лајпциг со оваа победа им избега на Борусија Дортмунд на 5 бода за местото кое води во Лигата на Шампионите. На 31 натпревар Лајпциг се 4-ти со 62 бода, а Борусија Дортмунд се петти со 57 бода.Баерн Минхен пак по 11 години останува дефинитивно втор во Бундеслигата бидејќи минатото коло Баер Леверкузен ја осигура титулата. Со 69 бода на 31 одиграно коло Баерн Минхен се втори. Ајнтрахт е на 6-та позиција со 45 бода по 31 коло....

Фудбалерите на Ливерпул не успеаја да победат на гостувањето кај Вест Хем и да го продолжат притисокот на конкурентите за титулата. На гостувањето во Лондон, а во меч со четири гола Вест Хем и Ливерпул одиграа 2:2. Најголемата шанса да го отвори резултатот ја имаше Дијаз за гостите. Но, неговиот удар во 40-тата минута заврши во стативата од голот на домаќините. На спротивната страна во 44.минута, Алисон го спаси својот гол во првиот обид, но не и вториот кога биеше Џерод Бовен за водство на Вест Хем од 1:0. На стартот на вториот дел Ливерпул тргна далеку по офанзивно. Тоа резултираше со голот на Ендрју Робертсон по само три минути игра (48) за израмнување на 1:1. Со многу среќа и со помош на домашниот фудбалер Огбона, Ливерпул во 65.минута направи пресврт и поведе со 1:2. Предноста Ливерпул не ја задржа долго. Се играше 78.минута кога по нафрлање на Робертсон на вистинското место беше Антонио за израмнување на 2:2. Во судиското дополнение Елиот можеше да му донесе триумф на Ливерпул но ја погоди пречката, а резултатот остана не променет. Ливерпул загуби два важни бода во трката за титулата. Црвените кои се трети сега имаат 75, еден помалку од Манчестер Сити кој е втор у два од лидерот Арсенал. Водечкиот двоец утре ќе ги игра своите натпревари од оваа рунда, а шампионот Сити треба да игра уште еден....

Во машката ракометна Супер лига, нејзината плејоф конкуренција, денеска ќе се играат три натпревари од 11-тото коло. Воведниот натпревари, е и дерби на оваа рунда, а ќе се игра во Автокоманда. Таму актуелниот вицепрвак Алкалоид ќе го пречека Охрид. Ова е натпревар на екипите кои се борат за третото место на табелата, на кое во моментов е скопскиот тим со бод повеќе. По двете победи во првиот дел од сезоната на Алкалоид, дуелот во плејоф конкуренцијата го добија охриѓани. Како и на претходните така и на денешниот меч (17.15 часот) се очекува интересна и без компромисна борба. Во Кавадарци, Тиквеш ќе го пречека составот на Бутел, додека шампионот Еурофарм Пелистер гостува во Скопје кај Пролет. Битолчани важат за апсолутен фаворит за освојување на бодовите со кои ќе се вратат на првата позиција на табелата. Во моментот таму е Вардар со бод повеќе кој вчера лесно се справи со последно пласираната Струга. Сите натпревари може да ги ГЛЕДАТЕ ВО ЖИВО ОВДЕ (линк) СУПЕР ЛИГА ПЛЕЈ-ОФ (МАЖИ) 11.КОЛОСабота17.15 АЛКАЛОИД – ОХРИД18.00 ТИКВЕШ – БУТЕЛ19.00 ПРОЛЕТ – ЕУРОФАРМ ПЕЛИСТЕРПетокСТРУГА – ВАРДАР 15-36 ТАБЕЛА: Вардар 30 бодови, Еурофарм Пелистер 29, Алкалоид 24, Охрид 23, Тиквеш 16, Бутел 7, Пролет 6 и Струга 0. РАКОМЕТ | СУПЕР ЛИГА (мажи)...

Овој викенд ќе се одигра 22.коло од женската ракометна Супер лига. Ова оваа рунда фаворитите немаат тешки противници, па би требало лесно да дојдат до победа. Екипата на Металург Автокоманда игра против Астибо, додека Пелистер 2012 гостува кај тимот на Куманово. Последниот натпревар денес ќе го одиграат Ѓорче Петров и Овче Поле во Свети Николе. Во текот на утрешниот ден се закажани четири натпревари. Гевгелија игра со тимот на Деспина, а Скопје ја пречекува екипата на Чаир. Шампион за противник го има Спартак, додека вардарки ја пречекуваат екипата на Стружанка во ,,Криме Кепески”. Актуелност шампион Ѓорче Петров е се поблиску до нов трофеј. Ѓорче се наоѓа на првото место на табелата со 61 бода, со шест бодови повеќе од Металург Автокоманда . СУПЕР ЛИГА (ЖЕНИ) – 22.КОЛОСабота13:00 АСТИБО – МЕТАЛУРГ АВТОКОМАНДА14:00 КУМАНОВО – ПЕЛИСТЕР 201218:00 ОВЧЕ ПОЛЕ СУ – ЃОРЧЕ ПЕТРОВнедела13:30 ГЕВГЕЛИЈА – ДЕСПИНА14:00 СКОПЈЕ – ЧАИР СКОПЈЕ14:30 ВАРДАР – СТРУЖАНКА16:30 ШАМПИОН – СПАРТАК ТАБЕЛА: Ѓорче Петров 61 бодови, Металург Автокоманда 55, Вардар 49, Чаир 49, Куманово 45,… Ивона Кимовска...

Македонскиот кошаркарски шампион МЗТ Скопје Аеродром ја продолжува битката во АБА2 лигата. Аеродромци се домаќини на Спартак Суботица во првиот од двата натпревари од двата натпревари во полуфиналната серија. Српскиот Спартак, беше најдобриот тимот во регуларниот дел од сезоната кој го заврши на првото место. Во „пресметка“ со МЗТ во лигашкиот дел, Спартак славеше победа со 86-81. Аеродромци веруваат дека можат да го минат овој состав и да се пласираат во големото финале. „Колку е поквалитетен противникот, толку е посилна нашата мотивација и желба за победа. Добро трениравме изминатиов период, ги знаеме добрите, но и нешто полошите страни на противникот и сигурен сум дека ако се држиме според планот ќе може да се радуваме на крајот. Задоволство ми е кога играм пред полна сала, затоа ги замолува сите што го сакаат МЗТ и што сакаат да продолжиме со успесите да дојдат и да ни ја дадат можеби клучната поддршка на патот кон победата“, изјави Џон Гилон кошаркарот на МЗТ. За остварување на целта тие ја повикаа публиката вечерва да им ја даде голем неопходната поддршка. Затоа влезот во „Јане Сандански“ ќе биде слободен за натпреварот што ќе почне од 19 часот....

Со дуелот што ќе се игра попладнево во салата на СРЦ „Кале“, започнува полуфиналната рунда од плејофот во кошаркарскиот шампионат. Први на „мегдан„ излегуваат кошаркарите на Работнички и Пелистер. Двете екипи експресно, во само три натпревари, ја завршија работата во четвртфиналето. Скопјани, кои завршија на 2.место на табелата, ќе ја имаат предноста на домашниот терен. Првите два натпревари ќе се играат во Скопје, а наредниот следуваат два Битола, за евентуалната мајсторка да би де играла повторно во „Кале“. Работнички сезонава два пати го доби Пелистер, но како што истакнуваат од двата тима, тие натпревари се веќе минато. Сега сите се насочени кон плејоф серијата што се игра во три добиени натпревари. Денешниот, прв ќе почне во терминот од 18 часот. А, поради обврските во АБА2 лигата втората полуфинална серија во која МЗТ Скопје Аеродром ќе игра против ТФТ ќе започне на 30 април (вторник), со почеток од 19 часот, во СЦ „Јане Сандански“. Натпреварите може да ги ГЛЕДАТЕ ВО ЖИВО ОВДЕ (линк) КОШАРКА | ПРВА ЛИГА (МАЖИ)...

Кошаркарите на Далас поведоа со 2:0 во победи во четвртфиналето со ЛА Клиперс во Западната конференција на НБА лигата. Ова откако Маверикс ноќеска пред своите симпатизери славеа со 101-90. На Лука Дончиќ му недостасуваше една асистенција да оствари троен ефект. Словенецот го заврши натпреварот со 22 поени. 10 скока и 9 асистенции. Голем придонес имаше и Кајри Ирвинг кој реализира 21 поен и шест асистенции. Кај гостите потфрлија првите ѕвезди Каваи Ленард и Пол Џорџ кои беа едноцифрени. Единствено Џејмс Харден беше на ниво реализирајќи 21 поен. До водство од 2-1 дојде и екишата на Индијана во дуелот со Милвоки. Пејсерси се изнамачија да ги совладаат Баксим кои повторно беа без својот најдобар играч Јанис Антетокумпо. Имаа и 20 поени предност кошаркарите на Индијана, но дозволија противникот да ги анулира и да се избори за продолжение. Немаа сили гостите од Милвоки за целосен пресврт па Индијана славеше со 121:118. Мајлс Тарнер постигна 29 поени со девет скока, а Халибартон додаде 18 поени, десет скока и 16 асистенции. Кај Бакс, Мидлтон постигна 42 поени со десет скока, а Демијан Лилард додаде 28 поени и осум асистенции. Екипата на Минесота е пред пласман во конференциското полуфинале. „Тимбервулфс“ со совладаа Феникс со 126-109 и поведоа со 3:0 во победи во серијата подобар до четири. Најдобри играчи кај победникот беа Ентони Едвардс со 36 поени и 9скока и Руди Гоберт со 19 поени и 14 скока. За домашниот тим на Феникс, Бредли Бил постигна 28 поени, Кевин Дурент 25, а Девин Букер 23....

Најдобрата машка ракометна репрезентација на Македонија, на почетокот на мај месец ја очекуваат два важни натпревари. Бараж двомечот со Фарските Острови е можност за Македонија повторно да боде дел од ракометниот Мундијал. Селекторот Кирил Лазаров денеска го објави првиот список на кој има дури 36 ракометари. Сигурно дека тој ќе биде редуциран најмалку уште два пати. Првиот натпревар македонските ракометари ќе го играат на гостински терен на 8 мај (20 ч.), а реваншот на 12-ти ќе се игра во СЦ „Борис Трајковски“ (19 часот)....

Бобан Илиоски ја израдува македонската спортска јавност со нова шампионска титула. Најдобриот македонски кикбоксер стана светски првак во професионален во ВАКО ПРО во дисциплината К1 (до 88,6 кг). Илиоски во СЦ „Јане Сандански“ во Скопје Илиоски со одлука на судиите славеше со 2-1 против Берк Дузенли од Турција, актуелен светски аматерски првак. Илиоски имаше голман поддршка од публиката, а „Комитите“ направија атмосфера како што доликува на ваков меч. Ова беше првпат Македонија да биде домаќин на еден ваков спектакуларен настан, кој беше во организација на Кикбокс маитаи-федерација на Македонија. Покрај главната борба на Илиоски, се одржаа уште седум борби на кои настапија шестмина македонски кикбоксери:62 кг Марија Димовска – Марија Обрадовиќ (Србија) лоу кик постари јуниори 3-071 кг Силвио Мировски – Вук Митровиќ (БиХ) лоу кик постари јуниори 3-0 КО Р263 кг Викторија Варадинова – Теодора Видиќ (Србија) К1 0-3 ТКО Р286 кг Узеир Нелсон – Лазар Татиќ (Србија) К1 2-175 кг Максим Митровски – Алекса Павловиќ (Србија) К1 постари јуниори 3-085 кг Димитар Ѓоргиев – Никола Миљковиќ (Србија) лоу кик 0-3...

По двата порази на гостувањето во Њујорк, кошаркарите на Филаделфија славеа победа во четвртфиналната серија на Источната конференција. Во ефикасен натпревар одигран пред своите навивачи „76-ките“ ги победија „Никси“ со 125-114. Први имиња на натпреварот очекувано беа Џоел Ембид и Џејлен Бронсон. Ембид беше предводник на Филаделфија во оваа победа со 50 постигнати поени на кои додаде 8 скокови и четири асистенции. На другата страна Бронсон заврши со двоен ефект со 39 поени и 13 асистенции. Филаделфија намали на 1:2 во победи, а моќност да израмни ќе има во недела (19 часот) повторно на домашен терен. И екипата на Орландо стигна до првата плејоф победа. „Меџикс“ на домашен терен го победија Кливленд со 121:83 и го намалија водство на „Кавс“ на 1-2 во серијата подобар до четири триумфи. Паоло Банкеро со 31 поен и 14 скока и Џејлен Сугс со 24 поени беа првите стрелци во победничката екипа. И следниот натпревар овие два тима ќе го одиграат во Орландо веќе во утре (сабота) од 19 часот....

Капитенот на македонската одбојкарска репрезентација, Никола Ѓоргиев со екипата на АЦХ Волеј ја освои титулата во словенечкиот одбојкарски шампионат. Во третиот натпревар од големото финале, одиграно во салата Тиволи во Љубљана, домашниот состав по голема борба ја одбрани титула. Екипата на АЦХ Волеј по речиси два и пол часа игра славеше над Калцит Волеј со 3:2 во сетови. За овој тим ова беше 20-ти пат ја освои титулата, а воедно ова беше трета последователна титула на тимот на Ѓоргиев во словенечкиот шампионат....

Македонскиот репрезентативец Бојан Миовски, очекувано и сосема заслужено доби признание од својот клуб Абердин. Миовски на синоќешната свеченост е прогласен за најдобриот фудбалер на шкотскиот тим. Македонецот е првиот стрелец во екипата со 24 постигнати голови. Миовски во моментов е трет стрелец во шкотското првенство. Тој има постигнато 14 голови и две асистенции, а покрај во домашниот шампионат македонскиот напаѓач блескаше и во европските натпревари. Our 2023/24 Player of the Year, sponsored by Central Coaches, is Bojan Miovski.Well done @bojanmiovskii on an outstanding campaign 🙌#StandFree 🔴 pic.twitter.com/16PddaMwlQ— Aberdeen FC (@AberdeenFC) April 25, 2024...

Шампионот Денвер Нагетс е на една победа од полуфиналето во Западната конференција. Нагетс, до третиот четвртфинален триумф над Лејкерси стигнаа на гостински терен во ЛА со 112-105. Дури четворица играчи кај победникот завршија со 20 и повеќе поени, а најефикасен беше Арон Гордон со 29 поени на кои додаде 15 скока. На Никола Јокиќ му недостасуваше една асистенција за троен ефект. Србинот постигна 24 поени имаше и 15 скока и девет асистенции, Џамал ​​Мареј додаде 22 поени и девет асистенции, а Мајкл Портер постигна 20 поени и десет скока. Кај Лејкерси, Ентони Дејвис забележа 33 поени и 15 скока, Леброн Џејмс 26 поени и девет скока, а Остин Ривс 22 поени и пет скока. За Лејкерс ова беше 11-от последователен пораз против Денвер, а следниот ќе значи и елиминација од четвртфиналето....

Актуелниот англиски првак Манчестер Сити забележа очекувана победа над Брајтон. Во натпревар од 29-.коло на Премиер лигата, Манчестер Сити славеше на гостувањето кај Брајтон со 4-0. Целата работа гостите ја завршија уште во првото полувреме кога создадоа три гола предност. Серијата ја отвори Де Бриуне во 17-тата, па следуваа двата гола на Фоден (26 и 34.минута). Во вториот дел во листата на стрелци се запиша и Аргентинецот, Хилијан Алварез (62.минута) за конечни 4-0 на Манчестер Сити. Со триумфот и трите освоени бодови, популарните „Граѓани“ се на втората позиција на табелата. Лидерот Арсенал има 77 бодови, а Сити 76, но и натпревар помалку па доколку го добие, шампионот ќе избие на првото место. Тимот на Ливерпул кој на последните четири натпревар освои само четири бодови, е трет со 74 бодови....