На Велика Среда се одбележуваат три значајни настани: Последното претсмртно помазание на Господа, Заговорот на јудејците за да го убијат и Јудиното предавство на Христа за триесет сребреници. И на Велика Среда се читаат библиските текстови кои се во контекст со претходните денови и во врска со настаните од денот (на Утрената: Јован 12,17-50; на Литургијата: Матеј 26,6-16). Последното претсмртно помазание на Господа Христос е помазан со миро во Витанија (Матеј 26,6-13; Марко 14,3-9; Лука 7,37-50; Јован 12,1-8). Според евангелските сведоштва, Господ Исус Христос и апостолите ноќта ја поминале „во Витанија, во куќата на Симона Прокажениот“ (Матеј 26,6). Во Евангелието, коешто се чита на Предосветената Литургија (Матеј 26,6-16), се вели дека токму на тој ден некоја жена излила миро врз главата на Господа Исуса Христа (Матеј 26,7). Со тоа, таа Него Го подготвила за погребение, како што рекол и Самиот Он (Јован 12,7). На Исток, помазувањето со миро било позната работа. Тоа се правело на значајни личности (на цареви и првосвештеници) или, пак, кога во домовите на побогатите ќе дојдел значаен гостин, кој бил особено почитуван и уважуван – и тој бил помазуван. Обично, при помазувањето, ја помазувале косата на главата, челото, лицето и брадата, а кога сакале кон некого да покажат исклучителна почит, му ги помазувале и нозете. Освен ова помазание, Евреите имале востановен обичај да ги помазуваат со мириси и телата на упокоените при погребувањето (види: Јован 19,39-40; Марко 16,1; Лука 24,1). Помазанијата на Господа Исуса Христа не смеат да се поистоветуваат, не треба да се спојуваат ни во едно, ни во две, бидејќи тие се три. Станува збор за три настани, кои меѓусебно се слични, но сепак имаат доволно разлики за да не се сметаат како еден настан. Различни се според: помажувачите, времето, местата, домаќините и начинот на помазувањето. Во Евангелието се спомнуваат три помазанија на Господа Исуса Христа со миро и тоа во различни места, од различни жени и во различни вечери. Имено: 1) Во Евангелието според Лука се спомнува „жена грешница“ која му ги помазала нозете на Исуса со миро излиено од „алабастрен сад“. Тоа се случило во Ерусалим, во домот на Симон Фарисејот (Лука 7,36-50). Според Светото предание, таа жена била Марија Магдалина „од која“ преку чудотворната моќ на Спасителот, „беа излегле седум демони“ (Лука 8,2). 2) Второто помазание е опишано во Евангелието според Јован, каде што се вели: „На шест дена пред Пасха дојде Исус во Витанија, каде што беше умрениот Лазар, кого го воскресна од мртвите. Таму Му приготвија вечера и Марта послужуваше… а Марија, како зеде литар скапоцено миро, ги помаза нозете Исусови, и ги избриша со косата своја“ (Јован 12,1-11). 3) Третиот случај бил пак „во Витанија, во куќата на Симона Лепрозниот“ (Марко 14,3 и Матеј 26,6). Тоа се случило два дена пред Пасха. Така се вели во Евангелието според Марко (Марко 14,1). И тогаш некоја жена, различна од првите две, чие име останува скриено, се удостоила да Го помаза Исуса со „скапоцено и чисто нардово миро“ кое го излила врз „главата Негова“ (Марко 14,3). Притоа, Спасителот рекол дека таа го помазала телото Негово, подготвувајќи го за погребение (Марко 14,8). Овој настан е забележан во Евангелието според Марко (Марко 14,1-9) и според Матеј (Матеј 20,6-13). Толкувачите се согласни дека овде се работи за еден ист настан којшто е опишан и во двете евангелија: во Евангелието според Матеј и во Евангелието според Марко. Анализирајќи ги трите помазанија на Христа, забележливо е тоа што во првите два примера мирото е излеано врз нозете Исусови, а во третиот случај, врз главата, и тогаш, жената што го излила мирото врз „главата Негова“, не се нарекува грешница. Свети Јован Златоуст за помазанието кај Симон Лепрозниот, вели дека не е незначајно тоа што ова помазание е извршено токму кај човек лепрозен и затоа е тоа нагласено крај неговото име. Симон бил лепрозен човек, кого Господ Исус Христос го излекувал од лепрата (опасна, заразна, смртоносна болест – неизлечива во она време). Лепрата се сметала за гнасна и нечиста болест и секој што ќе се допрел до лепрозниот станувал нечист и се заразувал, па требало да принесе жртва за очистување. Христос го допрел лепрозниот и не само што Он не се заразил, туку болниот се очистил. Затоа и бил во неговиот дом. Жената, пак, го видела тоа чудо, но сепак, со срам и страв приоѓала кон Христа, а со цврста вера дека Оној што ја очисти лепрата, лесно ќе ја очисти и нејзината духовна нечистотија. За чудо, пак, имало негодување за помазанието, односно за истурањето на скапоценото миро, кое можело да се продаде за повеќе од 300 динарии и да се помогнат сиромасите. Евангелистот Марко за негодувањето зборува неодредено, Матеј запишал дека тоа биле „учениците Негови“ (Матеј 26,8), а Јован, многу конкретно вели дека тоа го рекол: „Јуда Симонов Искариот, кој што подоцна Го предаде…“ (Јован 12,4-5). Значи, јасно е кажана и цената на мирото, кое било многу скапо, како и тоа, кој од апостолите негодувал и го рекол тоа. Јуда негодувал за парите од скапоценото миро, бидејќи бил среброљубец. Тој, замаен од среброљубието, сметал дека Господ Исус Христос има негрижлив став кон парите и кон богатството, та, просто, не можел да го разбере Неговото однесување. Ете, пред малку, Он ги вреднувал повеќе двете лепти на вдовицата, отколку големите богатства подарени од имотните Евреи, а сега, скапоценото миро Го растурал, иако можело за него да се добијат многу пари. Ваквото Христово однесување за Јуда немало никаква смисла и било неразбирливо, па го сметал за неисправно и неприродно. На таков начин, сатаната лукаво, вистинското го прави лажно, злото го претставува како добро итн., создавајќи превртеност на вредностите. Зошто Јуда приговарал за излиеното миро и зошто барал за него да се добијат 300 динарии? Затоа што бил среброљубец и затоа што бил нечесен, како што запишал апостолот и евангелист Јован: „Ова тој го рече не дека се грижеше за сиромасите, туку зашто беше крадец. Тој го чуваше ковчежето и крадеше од она, што пуштаа во него“ (Јован 12,6). По овие евангелски зборови можеме јасно да го сфатиме однесувањето на Христовиот среброљубив благајник Јуда. Ова е опомена и за нас, за да не претеруваме во световното и во материјалното. Реченото, дека добиените пари од продаденото миро можеле да се раздадат на сиромаси било сосема точно, но Бог повеќе сака вистинска оддаденост и дар, без елементи на пресметки и пресудување при давањето дарови, односно, Господ сака вистинско радосно дарување, без проценки и математики, како што вели свети апостол Павле: „Секој да дава од се срце, а не со жал или принуда; оти Бог го љуби оној што од срце дава“ (2. Кор. 9,7). Забележливо е и тоа дека на почетокот, при Неговото доаѓање во тело на земјава, уште во витлеемската пештера, Христос бил даруван со скапоцени дарови: злато, смирна и ливан (Матеј 2,11). Исто така, и на крајот од Неговиот живот во тело на земјава, Он бил помазан со скапоцени мириси. А ова помазување со миро, за кое Христос рекол дека жената „испревари да го помаже телото Мое за погребение“, се случило по Божја промисла, затоа што при погребението Он не ќе можел да биде помазан, па затоа било и одењето на жените мироносици на гробот – отишле за да го помазуваат со миро телото на Христа. Постапката на жената и постапката на Јуда се две крајни спротивности: жената е пример на пожртвувана љубов, а Јуда е пример на саможивост и егоизам. Таа не жали најскапоцена жртва за да покаже љубов кон Господа, а Јуда од ништо не се срамува и не се плаши, за да ја задоволи љубовта на Мамона (Мамон бил бог на богатството и парите). Таа го излила скапоценото миро, па дури и садот го скршила, давајќи се што има за Бога, а тој, бидејќи среброљубец само за 30 сребреници го продаде Господа, бесценетиот. Христовото помазание во Витанија била слатка капка, а Јудиното предавство, горка капка во чашата Господова. Овие две личности, засекогаш остануваат претставници на двете групи луѓе, кои различно приоѓаат кон Господа и кон спасението на душата. Блажени Теофилакт Охридски вели да се срамат сите кои претпочитаат нешто друго повеќе од Христа, па дури ни сиромасите. Еве, овде лично Господ Исус Христос покажал дека повеќе го цени служењето Нему, отколку на сиромасите. И уште, вели дека погрешно мислат оние кои сметаат дека може да се продадат златните садови за жртвопринесување во храмот и парите да се раздадат на сиромасите. Велелепието на храмот и на домот Божји е грижа на верниците и свештенослужителите, а во златниот дискос и путир се поставува вистинското тело и вистинската крв Христова. Не треба да ја прифаќаме мислата на Јуда, туку постапката на жената, која Го миропомазала Господа. Квалитетот и цената на мирото За квалитетот на мирото со коешто бил помазан Господ Исус Христос се вели дека било: вистинско, нелажно, чисто, нерастворено и посебно зачувано миро. Оттаму е утврдена и цената: скапоцено. Тоа значи дека било не обично, туку посебно миро. Нешто што се чувало како драгоценост. Можело да се продаде „за повеќе од триста динарии“ (Марко 14,5). Навистина, таа вредност е голема. Еден динариј била плата за една работничка дневница, а 300 динарии значи повеќе од 300 дневници. Тоа се пари за плати за цела една година. Дека 1 динариј вредел една дневница, пишува во Евангелието, во Параболата за работниците во лозјето (Матеј 20,1–16). Состав на мирото По својот состав мирото ги содржело следниве состојки: смирна, миризлив цвет на цимет, разни миризливи стебленца, маслиново масло и од многу други нешта. Жената излила врз Христовата глава „чисто, нардово миро“. Нард е билка која е распространета во Арапската пустина и низ Источна Индија. Позната е како камилска трева. Од коренот и од листовите на нардот се правело многу мирисно масло. И денес од нард се прават скапоцени парфеми. Во Новиот завет се спомнува во евангелијата според Марко и Јован. Сад за миро Чувано било во алабастерн сад. Бидејќи бил скапоцен мирис, обично, мирото се чувало во мали алабастерни садови. На Христовото помазување што го направила жената, се противел среброљубецот Јуда. Затоа, на Велика Среда се прославува жената грешница, а се укорува среброљубието на Јуда. Ете, грешната жена, грешницата – ја воспева денес Црквата, за тоа што таа Му принесе миро на Господа – а Неговиот апостол Јуда – предавство; таа се радуваше, истурајќи го скапоценото миро, а тој отрча да Го продаде Непроценливиот; таа Го позна Христа, а тој се одрече од Него; таа Му пријде, а тој си замина; таа се ослободи, а тој стана роб на гревот и ѓаволот. Заговор за убиство Јудејците се договориле да Го убијат. Библискиот текст вели: „По два дни беше Пасха и празникот Бесквасници; а првосвештениците и книжниците сакаа да го фатат на измама и да го убијат; но велеа: ,На празникот не, за да не стане бунт меѓу луѓето‘ “ (Матеј 26,3-5; Марко 14,1-2). Заговорот против Христа првосвештениците и книжниците го направиле во средата пред Пасха. Овој настан што се случил тогаш е причина во Црквата Христова среда да биде ден определен за пост, бидејќи тогаш Господ Исус Христос бил предаден и првосвештениците и книжниците се договориле да го фатат, лажно да го обвинат и да го осудат на смрт, распнувајќи го на крст. А во петокот бил паспнат. Непријателите сакале да го исползуваат предпразничното време, пред Пасха да го фатат и убијат, за да можат ослободени од Него да ја прославуваат Пасха. Господ Исус Христос, пак, го определил времето на Своите страдања и според промислата на Светата Троица, Он бил распнат спроти Пасха, затоа што Он Самиот е вистинската Пасха. Овде е забележано дека првосвештениците и книжниците донеле најконкретна одлука: Исус мора да биде фатен и убиен, и тоа, што е можно побрзо. Ним им недостасувало само погодно време тоа да го извршат. Тие, отишле дури дотаму во гревот, така што, на нивната морална и верска содржина, не им пречело убиството на Христа и биле согласни Он да биде убиен дури и на Пасха, не сметајќи дека со тоа ќе го осквернат праз¬никот. Тоа не им пречело, туку биле загрижени, од практични причини, „за да не стане бунт меѓу луѓето“. Тие се договориле „да го фатат на измама“, затоа што немале вистин¬ска причина со која би Го обвиниле, осудиле и убиле. Јудиното предавство на Христа Јуда Го предал Господа за 30 сребреници (Матеј 26,14-16; Марко 14,10-11; Лука 22,1-6; Јован 13,2,27). Во Евангелието е запишано вака: „Тогаш Јуда Искариотски, еден од дванаесетте, отиде кај првосвештениците, за да им Го предаде. А тие, штом чуја, се зарадуваа и ветија да му дадат сребреници. И бараше погодно време, за да го предаде“ (Марко 14,10-11). Јуда отишол кај првосвештениците со намера да им го предаде Господа Исус Христа. „Отиде“ – значи отишол сам, без некој да го повика, односно, првосвештениците не го повикале, па дури и тие биле изненадени од неговата постапка. Јуда, всушност, им ја олеснил нивната работа. Што го натерало Јуда да „отиде при првосвештениците“? Светиот евангелист Лука вели: „Влезе сатаната во Јуда“ (Лука 22,3), се разбира по негово допуштање и според слободната волја на апостол Јуда, бидејќи сатаната нема таква сила и моќ, без наша волја да раководи со нас, туку ние, со нашата слободна волја, му допуштаме. Светите отци истакнуваат уште една причина за желбата кај Јуда да го предаде Христа. Имено, сè до тој момент Јуда се двоумел дали Христос ќе биде Јудејски цар на земјава или не. Јуда повеќе посакувал Исус да биде политички цар. Зошто? За да добие некаква важна функција во државната власт. Но, неговите планови пропаднале кога видел дека Учителот се подготвува за страдање, за смрт и тогаш веќе, конечно ја изгубил сета надеж. Почнал да си размислува за себе и си велел дека од Христа не ќе може ништо повеќе да добие, а можел да биде само гонет, па затоа решил да искористи барем нешто, а тоа било да го предаде Христа и за тоа да земе некоја награда во пари. „И рече: ,Што ќе ми дадете, па да ви Го предадам?‘ А тие му предложија триесет сребреници“ (Матеј 26,15). Евангелието мудро ги открива работите. Забележуваме дека Јуда во оваа реченица не сака ни да го спомне името на Спасителот. А, не спомнува и никаква цена, туку, едноставно, си вели: дајте колку ќе дадете. Тој, пак, бидејќи не предложил цена за Исуса, тоа веднаш го направиле првосвештениците и „му предложиле триесет сребреници“. Тоа значи дека Исус е потценет и вреднуван само колку еден најобичен роб. Евангелскиот текст спомнува дека тие му ветиле „да му дадат сребреници”, од што, јасно заклучуваме дека Јуда се одлучил на предавство затоа што бил среброљубец и алчен за пари. Откако видел дека неговите надежи се завршени и дека играта во своите мисли, дека ќе биде важна личност во земното царство на Господа Исуса Христа е неисполнлива, а наскоро ќе нема и пари во ковчежето од каде што ќе може да краде, се одлучил да се откаже од Христа, да им го предаде на јудејските старешини, да се приврзе кон нив и да ја задоволи својата среброљубива страст, земајќи дури и толку малку пари. Според текстот од Евангелието според Матеј, точно се наведува ветениот износ што му го дале првосвештениците на Јуда: „30 сребреници“ (Матеј 26,15 сп: Зах. 11,12). Во Втората книга Мојсеева се спомнува дека износот од 30 сребреници претставувала цена определена како “крварина” за еден ненамерно убиен роб, како што е запишано: “Прободе ли, пак, волот роб, или робинка, тогаш на господарот нивни да му се платат триесет сикли сребро, а волот да се убие со камења” (2. Мој. 21,32). Исто така, познато е дека цената на еден најлош и безвреден слуга изнесувала 30 сребреници. Таа цена била определена и за Господа Исуса Христа во пазарот меѓу Јуда и првосвештениците. Откако ја договориле цената, и Јуда и свештениците, потоа, само барале „погодно време“ за да го исполнат договореното. Чудно било задоволството што го чувствувале и Јуда и свештениците! Јуда ја задоволил својата среброљубива страст и чувствувал задоволство како што чувствува пријатност алкохоличарот од голтката алкохол, клептоманот од украденото итн. Првосвештениците, пак, биле задоволни што можеле така безвредно да Го добијат галилејскиот Учител и уште еднаш да им се потврди нивната мисла дека парите можат сè и дејствуваат секаде, па дури и меѓу Христовите ученици. Синедрионците сакале да Го понизат Христа со цена за роб, иако можеле да понудат повеќе за бараниот Човек, а таквата „услуга“ чинела многу повеќе! Кој бил Јуда? Јуда бил Христов апостол. Човекот што одел постојано со Господа Исуса Христа и дење-ноќе, го слушал Евангелието, ги гледал чудата и добрините што ги правел Господ и знаел сè што треба да прави, го знаел доброто, а го извршил злото. Тој е пример за отстапништво. Пример колку може човекот да падне и да се оддалечи од Бога. Пример како праведникот може да постане грешник, апостолот – предавник. Среброљубието, парољубието, материјалноста, овоземното богатство и слава, злобата и зависта, му го обзеле неговото срце и тој станал предавник. Кога човекот ќе го опфатат тие гревови и пороци, тогаш, од таквиот може да пострада секој, па дури и Господ Кој бил единствено безгрешен во светов. Зошто и како можел Јуда да го предаде Господа, кога тој бил избран за апостол од Христа? Тоа покажува дека Бог, повикувајќи ги луѓето кај Себе, не им наложува ништо насила и не ги принудува, не ја присилува нашата волја, туку ја почитува нашата слобода и нè остава самите, со нашата слободна волја, да се определиме за доброто. Притоа, Бог само ни помага да се насочиме кон тоа, нè упатува, советува, помага, се грижи и сака да ја побуди нашата волја кон доброто и да станеме добри, но Он не одлучува, туку ние. Ако и покрај сè, некои не сакаат да бидат добри, нив Бог не ги принудува. А, ако Бог принудува, тогаш каква е нашата заслуга? Зошто тогаш да бидеме наградени за направеното добро, ако не е наша одлуката за тоа? Со кое право, пак, би нè казнувал за злото, кога Он е Којшто одлучува? Ние не сме виновни. Тогаш ние не сме ни за казна, ни за награда. Господ Исус Христос знаел кој го предал. Знаел дури и пред да го предаде. Тоа го покажал на Тајната вечера. Прекрасно објаснување на овие евангелски содржини има во богослужбата на Велики Четврток вечерта, ако внимателно ги слушаме антифоните. + + + Со Велика Среда се завршува редот на великопосните богослуженија и особености. Тогаш, последно се служи Предосветена Литургија и се прават длабоки поклони при пеењето на: „Нека биде благословено името Господово“…– (Буди имја Господне…). Некаде, особено по манастирите, и на Велика Среда се извршува чинот простување, како на Прочка. + + + Со богослужението на Велика Среда, завршуваат и великопосните Големи повечерија со поклони, како и читањето катизми на утрените богослужби, на часовите и на вечерните богослужби. Од овој ден до Томина недела не се богослужи Полуноќница (Полноќна богослужба). + + + На Велика Среда завршува мироварението и свареното миро се собира во 12 алабастрени садови, мои ги симболизираа т 12 апостоли кои ја имале благодатта Божја и добиле од Господа право да крштеваат и да миропомазуваат (во почетокот со полагање рака, а потоа, со свето миро). Преку апостолското преемство од Господа и апостолите, тоа право го примаат и свештенослужителите во Црквата Божја до денес. + + + Во овие денови се нè сврзува со спомените на нашата гревовност. Постојано мислиме и сочувствуваме со доброволното страдање на Христа за спасение на грешната човечка природа. Сето тоа во срцата на верниците предизвикува тага и плач. Тоа е плачење од созерцанијата – од духовното согледување на ужасните измачувања и крсните страдања на Синот Божји – нашиот Спасител Господ Исус Христос. Но, истовремено, побожните верници чувствуваат и неопислива радост заради своето спасение – заради спасението на човечкиот род, коешто е дарувано од Бога, преку Христовите страдања. Поради сето ова, во овие празнични денови христијаните се исполнуваат со благодарност кон Бога Искупителот.Во деновите на Страстната седмица, со солзи го оплакуваме поруганиот и распнатиот наш Спасител, но чувствуваме и неискажлива благодарност кон Бога за спасението што ни го дарува./За МИА подготви проф. д-р Ратомир Грозданоски...

Среќен први мај меѓународниот ден на трудот Меѓународниот ден на трудот 1 мај се одбележува во знак на почит на жртвите на штрајкот одржан од 1 до 4 мај 1886 година во Чикаго. На овој штрајк на кој излегле стотина илјади работници, организиран со цел воведување на 8-часовен работен ден, употребена е сила од страна на полицијата, при што имало и жртви. Во знак на почит кон жртвите од чикашкиот штрајк, Втората интернационала на својот оснивачки конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба. Во многу земји 1 мај е државен празни и традиционално секоја година ширум светот се одржуваат демонстрации во знакот на одбележувањето на Меѓународниот ден на трудот. Многу ангажирани уметници низ своите уметнички дела во вид на плакати дале придонес во оваа класна борба. Advertisement Post Views: 45 Меѓународниот ден на трудот 1 мај 2024-05-01 Весник Илинден...

ЕУ и земјите кандидати мора да бидат подготвени за проширување до 2030 година, порача Шарл Мишел Европската унија и земјите кандидати мора да бидат подготвени за проширување до 2030 година, изјави претседателот на Европскиот совет, Шарл Мишел и порача дека следниот бран на проширување на ЕУ претставува геополитички императив и „нова средба со историјата“. Во Брисел, на церемонијата по повод 20-годишнината од големото проширување на ЕУ, која се одржа на првиот ден од состанокот на министрите за внатрешни работи на ЕУ, Мишел истакна дека 2004 година, кога десет земји пристапија во ЕУ, ја одбележа повторно обединување на „поделениот континент“. „Денес, 20 години подоцна, војната се врати во Европа. Следниот бран на проширување повторно е рандеву со историјата, тоа е повторно геополитички императив“, рече Мишел. Тој нагласи дека проширувањето е камен-темелник на стратешкиот суверенитет на ЕУ. „И ние, земјите кандидати и институциите на ЕУ, имаме многу работа. Би сакал да го повторам моето цврсто верување дека мора да бидеме подготвени од двете страни за проширување до 2030 година“, рече Мишел. Тој објасни дека за кандидатите тоа значи спроведување на неопходните реформи и решавање на сите билатерални спорови, а за ЕУ ​​реформа на програмата и буџетот и процесот на одлучување. „Тестот на нашата генерација е да ја направиме оваа Европа, нашата Европска унија, посилна, посуверена, повлијателна, поинтегрирана и пообединета. Повторно сме на прагот на уште еден историски момент за нашата Унија. Имаме средба со историја Ајде да ја зграпчиме со двете раце“, рече Мишел. Тој оцени дека Европејците со децении ги земале мирот, безбедноста и просперитетот „здраво за готово“ и станале премногу зависни од енергијата од Русија, клучните суровини од Кина, па дури и од одбраната од САД. Неформалниот состанок на Советот на ЕУ за општи работи почна вчера во Брисел, на кој министрите за внатрешни работи на ЕУ ќе разговараат за процесот на проширување на ЕУ во серија работни сесии. Како што е најавено, тема ќе бидат и разговорите за владеењето на правото во рамките на процесот на проширување со десет партнери со европска перспектива. Advertisement Post Views: 105 Европската Унија 2024-04-30 Весник Илинден...

Евгенија Нацулиду преставник на македонското национално малцинство во Грција кандидира за Европскиот парламент Оваа година гласачкото ливче на Партијата за еднаквост, мир и пријателство политичка партија на турското малцинство во Тракија, Грција oваа година член на македонското национално малцинство учествува на гласачкото ливче! Сите Македонци кои сакаат да ја дават поддршката за македонскиот јазик и национален идентитет, гласајте за број 26 за Евгенија Нацулиду. Нема да можеме да избираме европратеник, поради изборниот закон на сила, ама може да се преброиме за некои да не кажат дека не постоиме. Го гласаме Партијата за еднаквост, мир и пријателство на претстојните европски избори. Обединетите малцинства во Грција ќе имаат посилен глас отколку одделно, за да ги почитуваат нивните права. Евгенија Нацулиду, e преставник на организација „Крсте Мисирков (Движење за промоција на македонскиот мајчин јазик)“ на македонското малцинство во Грција. Нашиот глас за Партијата за еднаквост, мир и пријателство нема да биде изгубен глас за Македонците. Сепак немаме што да изгубиме! Можеме само да победиме. Advertisement Post Views: 277 Mакедонското малцинство во Грција Евгенија Нацулиду 2024-04-30 Весник Илинден...

130.000 посетители од 150 земји, 4.000 изложбени компании и над 300 економски и политички делегации од целиот свет во Саемот во Хановер (ВИДЕО) Фото: Hannover Messe Повеќе од 130.000 посетители од 150 земји, 4.000 изложбени компании, 300 стартапи и над 300 економски и политички делегации од целиот свет, Саемот во Хановер импресивно ја покажа својата способност на меѓународно синтетизирање на најдоброто од технолошките иновации, деловниот саем и економската и политичката агенда. Ви благодариме на сите што бевте таму и што сте дел од потегот! – стои во соопштението на Саемот Хановер Advertisement Post Views: 58 Hannover Messe 2024 Саемот во Хановер 2024-04-30 Весник Илинден...

Ѓурѓај до Македонците кои живеат во Албанија: Да дадеме масовна поддршка за ВМРО-ДПМНЕ и Гордана Силјановска Давкова Николај Ѓурѓај, претседател на Македонско друштво “Илинден”-Тирана во кое што членуваат најголем дел од Македонците кои што живеат во Албанија, со јавна поддршка за кандидатката за претседател, Гордана Силјановска Давкова. Почитувани Македонки и Македонци од Република Албанија со право на глас во татковината Македонија, на 8 мај 2024 ве повикувам масовно да излезете да гласате за Проф. д-р Гордана Силјановска Давкова број 2. Јас лично без никаква дилема целосно ја поддржувам Проф. д-р Гордана Силјановска Давкова, исто барам од Вас масовно да ја дадеме поддршката на ВМРО-ДПМНЕ за една нова и поубава иднина и просперитетна татковина. Македонија повторно горда! Победата ќе биде историска, напиша Никола Ѓурѓај. Advertisement Post Views: 195 ВМРО-ДПМНЕ Македонско друштво “Илинден“-Тирана Николај Ѓурај проф.д-р гордана силјановска - давкова 2024-04-30 Весник Илинден...

Ѓурај до Македонците кои живеат во Албанија: Да дадеме масовна поддршка за ВМРО-ДПМНЕ и Гордана Силјановска Давкова Николај Ѓурај, претседател на Македонско друштво “Илинден”-Тирана во кое што членуваат најголем дел од Македонците кои што живеат во Албанија, со јавна поддршка за кандидатката за претседател, Гордана Силјановска Давкова. Почитувани Македонки и Македонци од Република Албанија со право на глас во татковината Македонија, на 8 мај 2024 ве повикувам масовно да излезете да гласате за Проф. д-р Гордана Силјановска Давкова број 2. Јас лично без никаква дилема целосно ја поддржувам Проф. д-р Гордана Силјановска Давкова, исто барам од Вас масовно да ја дадеме поддршката на ВМРО-ДПМНЕ за една нова и поубава иднина и просперитетна татковина. Македонија повторно горда! Победата ќе биде историска, напиша Никола Ѓурѓај. Advertisement Post Views: 6 ВМРО-ДПМНЕ Македонско друштво “Илинден“-Тирана Николај Ѓурај проф.д-р гордана силјановска - давкова 2024-04-30 Весник Илинден...

Партиите на Македонците, Власите, Ромите и Египќаните во Албанија со заедничко барање за измена на изборниот законик за гарантирани пратенички места Денеска, во Тирана, партијата на Македонците во Албанија, Македонска алијанса за европска интеграција (МАЕИ), како и партиите на Власите, Ромите и Египќаните, обединети во заедничкиот стремеж за подобрување на демократијата и заштита на правата на малцинствата, поднесовме барање до групата за дијалог при албанското Собрание, која е надлежна за подготвување на новиот изборен законик. Нашето барање е да се вклучат гаранции за загарантирани места на малцинствата во парламентот во новиот изборен законик. Сметаме дека малцинствата се богатство на една земја и заслужуваат почит и заштита на нивните права. Истото барање го поднесовме и до меѓународниот фактор во Албанија, бидејќи сметаме дека поддршката на малцинствата е важен дел од изградбата на посилна и поинклузивна заедница. Заедно се бориме за посилна и поинклузивна Албанија! Advertisement Post Views: 129 Македонци во Албанија 2024-04-29 Весник Илинден...

Мицкоски: Идната влада ќе ја предводи ВМРО-ДПМНЕ и коалицијата Твоја Македонија Убеден сум дека на 8 мај сите заедно ќе направиме уште еден чекор кон историјата и ќе донесеме толку убедлива победа што во македонскиот Парламент коалицијата Твоја Македонија и ВМРО-ДПМНЕ ќе имаат 61 пратеник, а иден претседател ќе биде Гордана Силјановска Давкова, изјави претседателот на ВМРО-ДПМНЕ, Христијан Мицкоски на денешниот митинг во Брвеница. Мицкоски истакна дека народот треба да се слуша и затоа ДУИ оди во опозиција и со тоа завршува една неславна ера на една политичка партија на политичката сцена во Македонија, неславна пред се за Албанците, но и за сите граѓани во Македонија. Повеќе од 22 години се утепаа од крадење, голтари влегоа во политика, а сега живеат како блискоисточни шеици во своите хациенди. Не може така и за тоа мора да има одговорност, рече Мицкоски. Мицкоски посочи дека семејствата на на блиски до челниците на ДУИ купуваат милионски имоти и и имаат милионски возни паркови, а народот нема леб да купи. Народот очекува резултати веднаш, свесен сум и тоа ќе го испорачаме, имаме план, програма, знаеме како и ќе испорачаме, веднаш почнуваме со агенда како да ги испорачаме резултатите, истакна Мицкоски. Мицкоски додаде дека има политички партии кои на овие избори излегоа со свој кандидат кој се претставуваше како опозициски и бараше антивладини гласови и добија определен број гласови и сега активистите на тие партии се обраќаат кон граѓаните, зошто да гласате за ВМРО-ДПМНЕ, гласајте за нас, ние сме во коалиција со нив. Тоа не е точно, тоа е манипулација и тоа е лага. Едно е само вистинито, идната влада ќе ја предводи коалицијата Твоја Македонија и ВМРО-ДПМНЕ, а иден претседател Гордана Силјановска Давкова. Тоа го прават затоа што се свесни дека немаат теортска шанса да се доближат до посериозен резултат и се обидуваат да добијат повеќе гласови за при формирање на идна влада да бараат лични работи. Затоа повикувам на обединување, околу бројот 2, изјави Мицкоски. Мицкоски се обрати и до граѓаните кои останаа дома мислејќи дека така ги казнуваат политичарите мислејќи дека сите се исти. Не сме сите исти, тоа го покажавме и докажавме, се разликуваме. Погледнете ги градоначалниците од ВМРО-ДПМНЕ и коалицијата, од ништо прават нешто. Имајќи предвид дека оваа влада на СДС и ДУИ сопре многу проекти, градоначалниците најдоа начин тоа што е ветено да е испорачано. Додека тие влегоа во политиката да го ограбуваат народот и државата, ние влегуваме да оставиме историска трага и генерациите ќе бидат горди, изјави Мицкоски. Advertisement Post Views: 119 ВМРО-ДПМНЕ 2024-04-29 Весник Илинден...

Соопштение на Македонската амбасадата во Тирана за македонските државјани кои летуваат во Албанија Македонската амбасада во Тирана, преку објава на Фејсбук ги информира македонските државјани кои летуват во Република Албанија или кои што планираат да летуваат. И оваа сезона потсетуваме на важните телефонски броеви. Дежурен телефон за итни случаи на Македонската амбасада во Тирана: (Global Sos): +355 6890 19198 (+Viber+Whatsapp) Амбуланта 127; Полиција 129; Итна служба 112. – стои во соопштението на Македонската амбасада во Тирана. Advertisement Post Views: 241 Македонската Амбасада во Тирана 2024-04-29 Весник Илинден...

Почна Страдалната – Страсната – Велика седмица Последната седмица пред Велигден (Пасха) е Страдална или Страстна седмица, Седмица на маките (страст е црковно-словенски збор и значи: мака, страдание). Страдалната седмица ја претставува последната седмица од Христовиот живот на земјава. Таа е недела на страданијата Господови. Сè е во спомен на последните денови од земниот живот на Спасителот наш Господ Исус Христос: Неговите страдања, смртта и погребението. Оваа седмица се нарекува и Велика седмица, поради големината на настаните што се случиле во неа. Свети Јован Златоуст вели: „Во таа седмица е пресудена древната тиранија на ѓаволот, победена е смртта, врзан е силниот (ѓаволот) и уништено неговото оружје, искупен е гревот, симната е клетвата и рајот е отворен. Тогаш небото престанало да биде недостапно. Луѓето се зближиле со ангелите. Оттргната е преградата што ги разделувала луѓето од Бога. Границите се избришани. Бог на мирот ги измирил небесното и земното“. Според сведочењето на светите отци (особено свети Јован Златоуст, IV век), христијаните во првите векови ги зголемувале своите молитви и постот во текот на Страдалната седмица. Во овие денови го подражавале Господа Исуса Христа, особено во љубовта кон човекот. Така, во Страдалната седмица тие се обидувале да бидат подобри, пострпливи, повоздржливи и посправедливи кон своите ближни, правејќи дела на љубовта и милосрдието. Во тие дни се сметало за недолично да се оди на суд и да се обвинува или да се осудува, па затоа, во текот на Страдалната седмица луѓето ги прекинувале сите тужби, сите судски парници, обвиненија, спорови и казни. Во овој празничен период се практикувало дури и да ослободат некого од вратите на затворот, којшто не бил голем престапник. Деновите на Страдалната седмица Господ Исус Христос ги поминал во Ерусалим и во храмот. Таму секој ден го поучувал народот. Затоа, според Неговиот пример, и православните христијани овие денови ги минуваат во храмовите. Тие се таму и наутро и навечер, и по цел ден, молитвено размислувајќи за евангелската историја на Богочовекот и Спасителот наш Господ Исус Христос и за Неговото служење на човечкиот род. Во текот на Страдалната седмица ни се претставува централната библиска содржина. Гледаме дека целата Библија е христоцентрична. Нејзината главна личност е Господ Исус Христос, а главно дејство: спасението на човечкиот род. Во овие дни, зближени се настаните од Стариот и од Новиот завет. Сè што е пророкувано и претскажано во Стариот завет и сè што е забележено во Новиот завет ни е на очиглед во настаните од Страдалната седмица. Сè е збрано во она што се случило во последните денови и часови од земниот живот на Господа Исуса Христа. Тоа сето го сконцентирала светата Црква и го претставува во една преубава и величествена форма, низ прекрасните богослужби во оваа седмица. Богослуженијата се обилно збогатени и украсени со мудро избрани текстови од Библијата. Овие денови на богослужбите се читаат содржини од пророчките книги, од Евангелието и од Апостолот. Сето тоа е велелепно проследено со длабоки, содржајни молитви и песнопенија. Тие се и слаткопејни и оплакувачки, и покајни и животорадосни, страдални и воскресенски. Преубави и вдахновени се црковните песни што се пеат на богослужбите во Страстната седмица. Тие ги галат нашите души. Ги издигаат до небесните убавини и до рајските радости. Тоа се доживува само тогаш – во овие дни. Затоа верниците ги посетуваат богослужбите, особено попладневните богослуженија на Велики Четврток и Велики Петок, а задолжително за секој христијанин е пречекот на Велигден, во саботата ноќта. Посебно се забележливи и длабоко содржајни побожните, црковно – народни обичаи и обреди во овие денови. Тие се изразито присутни и в црква, започнувајќи од Велики Четврток, од првото вапцување велигденски јајца. Преку богослужбите, обредите и обичаите, во душите на верниците, се пренесуваат настаните кои се случиле во последните денови од земниот живот на Христа Спасителот. Со љубов и со побожност се следи секој евангелски збор и, чекор по чекор, преку верата и духовното расположение, сè нè внесува во спасоносните настани. Во овие денови верниците стануваат сопатници Христови. Во тие дни ние одиме по стапките Господови и по Неговиот пат до Крстот – патуваме од Витанија до Черепница (Голгота), од Неговото царско влегување во Ерусалим – до Неговите искупителни страдања на Крстот, а потоа и до светлото торжество на Воскресението. Оваа седмица се особено долги богослуженијата и голема е нивната важност, како и на настаните од тие дни. Тие ни ги насочуваат нашето внимание и нашите мисли кон сите евангелски глетки од пожртвованоста Христова за човечкиот род. Во текот на целата Страстна седмица, освен на Литургијата на Велики Четврток и Сабота, свештениците се облечени во црни одежди. Оваа седмица не се прават панихиди, помени и акатисти, заради посветеноста на целото внимание и молитва кон големите настани. Во овие денови на Страдалната седмица, на трпезата, за храна се употребуваат само суви јадења. „И со тоа да бидеме задоволни“, вели правилото од Посниот триод. Тоа е утврдено и на Шестиот Вселенски собор. Постот трае сè до полноќта на Велика Сабота, односно до завршувањето на велигденската света Литургија. + + + Душеполезно е читањето на поучни текстови за овие празници. Тие се полни со библиски содржини и со нивно разјаснување и толкување. Тоа нè пренесува во Евангелието и нè води во дружба со Господа. Тогаш, не мислиме на ништо друго, туку ги созерцаваме Христовите страданија и Неговата богоспасителна дејност за нас. Ние сме со Бога и Бог е со нас. Таквото читање е богослужение. Тоа е еднакво на богослужение – тоа е нашето лично богослужение. Тоа ќе нè одведе и на богослужението в црква. (За МИА подготви Проф. д-р Ратомир Гроздановски) Advertisement Post Views: 112 Велика седмица 2024-04-29 Весник Илинден...

Кралот Чарлс се враќа на јавните должности Кралот Чарлс ќе се врати на јавните должности следната недела откако неговиот третман за рак имаше позитивен ефект. 75-годишниот монарх добива амбулантна нега и е виден само неколку пати откако ја објави својата состојба во февруари, кога се повлече од ангажманите кои вклучуваа јавно говорење. Изворите рекоа дека кралот сè уште има рак и ќе продолжи да се лекува. Програмата за лекување на Неговото Височество ќе продолжи, но лекарите се доволно задоволни од досегашниот напредок што сега кралот може да продолжи со низата јавни должности. Претстојните ангажмани ќе бидат приспособени таму каде што е потребно за да се минимизираат сите ризици за континуираното закрепнување – изјави портпаролот на Бакингемската палата. Advertisement Post Views: 79 Кралот Чарлс 2024-04-28 Весник Илинден...

Во Драчево на Цветници осветен 63 метарски крст вториот најголем во Македонија (ФОТО) Денеска, на големиот верски празник Цветници, во пресрет на Велигден, беше осветени Крстот во Драчево, кој е висок 63,5 метри, е втор по големина во Македонија. Церемонијата на осветување на крстот ја предводеше поглаварот на МПЦ-ОА г.г. Стефан. На настанот присуствуваат градоначалникот на Кисела Вода Орце Ѓорѓиевски, лидерот на ВМРО-ДПМНЕ, претседателот на Светскиот Македонски Конгрес Тодор Петров, како инвеститор на објектот, и голем број на граѓани. Од денес погледот кон небото нема да е ист. Од денес, над нас, тука во Драчево стои еден моќен симбол на верата, надежта и љубовта. Крстот е икона на верата, симбол на возвишеноста на човекот пред бескрајната моќ на небото. Во неговите контури е собрано целото значење на христијанството, каде се преплетуваат симболиката на жртвата, спасението и вечната љубов кон Бога. Осветувањето на овој Македонски крст е чин на почитта кон минатото, вера во иднината и мост кој нè спојува сите нас. Тој ќе стои тука, како светилник на нашата заедница, потсетувајќи нè на човековите вредности, на моралот и на нашиот пат кон почит и човекољубие, рече градоначалникот Ѓорѓиевски. Тој истакна дека силно верува оти Бог нè осветлува и нè води, потсетувајќи нè дека секој наш чекор, секој наш обид да градиме нешто во Негово име, е благословен и благодатен. И затоа ова е богатството и заветот што го оставаме за следните генерации, нагласи Ѓорѓиевски. Тој им се заблагодари на Светскиот Македонски Конгрес, на МПЦ-ОА и г.г Стефан и на сите кои дале свој придонес за изградбата на крстот. Посебно ми е драго што неговото осветување се случува денес, кога го славиме празникот Цветници, во предвечерјето на најголемиот ден за христијаните-Велигден. Празникот кој ја слави победата на животот над смртта и кој на највисок пиедестал ја издигнува верата. Денешниот ден е силен одек за времињата што доаѓаат, за промените што веќе започнаа да се случуваат, за новите историски моменти кои допрва ќе ги испишуваме во историјата на нашата Македонија. Со Божји благослов продолжуваме напред со проекти, со дела кои ќе бидат нашиот потпис и влог во иднината што ја оставаме на следните поколенија, изјави градоначалникот Орце Ѓорѓиевски. Изградбата на крстот во центарот на Драчево, во „Паркот на бранителите“, почна на 16 април 2022 година. Неговото осветување денес е најголемата молитва пред Господа за победата на животот над смртта, за спасение на човештвото, на Македонците по род и државјанство, и на државата Македонија, истакна претседателот на СМК Петров. Крстот во Драчево е дванаесетти во светот, а втор во Македонија. Висок е 63,5 метри, широк четири метри, со распон на краците 34 метри, секој крак по 15 метри. Постаментот е 12,5 метри, на три нивоа, темелната плоча е со дебелина од еден метар. Во Македонскиот Крст во Драчево е вградена челична конструкција од 80 тона, премачкана со алкална жолта боја. На крстот е изведена светлечка инсталација со енергетска самоодржливост, што ќе претставува вистинска атракција во овој дел од градот Скопје и општината Кисела Вода. Вечерва ќе нè огрее неговата светлина. Крстот претставува симбол на мирот и љубовта наспроти омразата и војната и затоа, радоста е заемна и благодатна за сите граѓани на државата Македонија, за сите Македонци по род и државјанство. За многаја лета Крстот, кој денес се освети, за многаја лета Драчево и општината Кисела Вода, за многаја лета Скопје метрополата и државата Македонија! Нека овој свет крст биде светилник на верата во Бога и на љубовта за татковината Македонија! Нека Господ Бог нè благослови сите нас, нека Господ Бог ја благослови Македонија, рече Петров, кој потоа, како инвеститор на објектот им додели плакети и благодарници на сите кои ја помогнаа изградбата на ова свето здание. Advertisement Post Views: 87 Крстот во Драчево Македонија 2024-04-28 Весник Илинден...

Илир Мета реизбран за претседател на Партијата на Слобода Со тајно гласање тој доби 690 гласа, а неговиот противкандидат Фаик Баша само 27 гласа. На функцијата потпретседател избрана е Ериса Џиџо, која успеа да добие 680 гласови. На Национална конвенција на Партијата на слободата, за нејзин лидер е реизбран Илир Мета, што според познавачите на состојбите во Партијата не е никакво изненадување. Со тајно гласање тој доби 690 гласа, а неговиот противкандидат Фаик Баша само 27 гласа. На функцијата потпретседател избрана е Ериса Џиџо, која успеа да добие 680 гласови. Tој најави пет приорите за, како што рече 4 милиони албански граѓани и повеќе, со цел “да се фрли во ѓубре проектот на актуелната влада за 1 милион жители” обвинувајќи ја директно владата на премиерот Еди Рама за масовната миграција на населението и депопулацијата. Кој е со Илир Мета е со мене. Кој не е со Илир Мета, било да е маж или жена, се ракува со Илир Мета и се збогува. Но, кој сонува за манипулации и игри, греши бидејќи Илир Мета ја е ученик на школата на Рамиз Алија, Фатос Нано и Сали Бериша а тоа се школи за соочување со мафијата, изјави меѓу другото Мета. Најголемо изненадување е што Мета не ја вброи неговата сопруга Моника Круемади во составот на Претседателството. Јас гласот го дадов за него. Не ми е сеедно што буквално сум исфрлена од Партијата. По 30 години се повлекувам од политиката, време е да им се посветам на моите три деца, изјави Круемади. Таа, додека Мета беше шеф на државата, од јули 2017 до јули 2022 година, ја предводеше партијата, тогаш Движење за Социјалистичка интеграција. По завршување на претседателскиот мандат, Мета, повторно ја презеде лидерската функција и го смени името на партија во Партија на слободата. Advertisement Post Views: 115 илир мета 2024-04-28 Весник Илинден...

Конгресот на Федералната унија на европски националности 2024 ќе се одржи во Хусум, Германија Фото: Wolfram Zuth/pixabay.com Конгресот на Федералната унија на европски националности (ФУЕН) 2024 ќе се одржи во Хусум, Сојузна Република Германија, 68-от годишен конгрес на Федералната унија на европските националности овој пат, најголемиот состанок на автохтони национални малцинства, и јазични групи во Европа ќе се одржи од 19 до 22 септември 2024 година во Хусум. Овогодинешниот конгрес на Федералната унија на европски националности (ФУЕН) се организира во соработка со едно од најмалите малцинства без роднинска држава етничката група Севернофризи, кои се дома на островите и бреговите на Северна Фризија. Во живописното пристаниште Хусум, недалеку од севернофризиското Ваденско Море, учесниците можат да очекуваат инспиративни дискусии, вмрежување и нови перспективи. Оваа година има една посебна карактеристика за време на конгресот, Федералната унија на европски националности (ФУЕН) ја слави 75-годишнината од основањето! Македонско друштво ”Илинден”-Тирана е член на Федералната унија на европски националности (ФУЕН) од 16 мај 2015 година и дел од Работната група на словенските малцинства при Федералната унија на европски националности (ФУЕН)./www.fuen.org Advertisement Post Views: 102 2024 конгрес Македонско друштво “Илинден“-Тирана Федералната унија на европски националности 2024-04-28 Весник Илинден...

Масовна излезност на 8ми мај и поддршка за ВМРО-ДПМНЕ ќе овозможат враќање на Македонија на народот Масовна излезност на 8ми мај и недвосмислена поддршка за ВМРО-ДПМНЕ ќе бидат сила за коренити промени и враќање на Македонија на народот, велат од ВМРО ДПМНЕ. Поразот на власта е катастрофален. Големата победата ќе отвори пат за влада без уцени. Масовната излезност и поддршката за ВМРО-ДПМНЕ, и ќе отвори пат за економска трансфромација на Македонија. Време е државата да ја вратиме во рацете на народот. Македонија повторно твоја, велат од ВМРО ДПМНЕ. Advertisement Post Views: 69 2024 ВМРО-ДПМНЕ 2024-04-28 Весник Илинден...

Сијарто: Фокусот на унгарското претседателство со ЕУ ќе биде проширувањето на Унијата на Западен Балкан За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто. Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ. „Тоа е ситуација што треба да се реши, така што унгарското претседателство со Унијата има јасна агенда да им помогне на земјите од Западен Балкан да го забрзаат пристапниот процес“, рече Сијарто. Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив. „Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто. Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел. Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто. Advertisement Post Views: 77 Петер Сијарто 2024-04-27 Весник Илинден...

Волстрит журнал: Американски разузнавачи утврдија дека Путин најверојатно не наредил ликвидација на Навални По неодамнешната проценка заснована на низа информации, вклучително доверливи разузнавачки информации и анализа на јавни факти, како што пишува „Волстрит журнал“, цириран од „Скај њуз“, американските разузнавачки агенции не веруваат оти рускиот претседател ја наредил смртта на неговиот противник. Американските разузнавачки агенции утврдија дека рускиот претседател Владимир Путин најверојатно не наредил опозицискиот политичар Алексеј Навални да биде убиен во озлогласениот брутален затворски логор во февруари, објави „Волстрит журнал“, повикувајќи се на изјавите на познавачите на ова прашање. Сојузниците на Навални, вклучително и неговата сопруга Јулија Навални го обвинија рускиот претседател за смртта на најжестокиот критичар на Путин – обвинение што Кремљ постојано го отфрла. По неодамнешната проценка заснована на низа информации, вклучително доверливи разузнавачки информации и анализа на јавни факти, како што пишува „Волстрит журнал“, цириран од „Скај њуз“, американските разузнавачки агенции не веруваат оти Путин ја наредил смртта на неговиот противник. Весникот цитира извори кои велат дека наодот бил „најшироко прифатен во разузнавачката заедница и споделен од неколку агенции, вклучително и Централната разузнавачка агенција, Канцеларијата на директорот на националното разузнавање и разузнавачката единица на Стејт департментот“. Високиот помошник на Навални, Леонид Волков, ги оценил ваквите наоди за наивни и смешни. Advertisement Post Views: 93 Алексеј Навални 2024-04-27 Весник Илинден...

ЕП ќе отвори канцеларија во Западен Балкан за подобро да го контролира проширувањето на ЕУ Европскиот парламент планира да отвори нова канцеларија во Западен Балкан со цел да се подобри контролата врз процесот на проширување, објави порталот „Еурактив“. Во документот усвоен на пленарната седница на ЕП во Стразбур оваа недела се наведува дека отворањето на нова канцеларија на Западен Балкан е со цел да се понуди поголема поддршка на патот на европската интеграција на земјите кандидати или потенцијалните кандидати за членство во Европска Унија. Новата канцеларија ќе ги зајакне односите со партнерските парламенти од Западен Балкан и ќе ја зголеми видливоста на претставниците на ЕП во активностите поврзани со процесот на проширување на ЕУ. Канцеларијата ќе му даде на ЕП поголема контрола врз процесот на пристапување бидејќи ќе работи со постојните делегации на ЕУ кои работат под контрола на Европската служба за надворешни работи – се истакнува во документот. ЕП има локална канцеларија во секоја земја-членка на ЕУ. Поддржува контакт и комуникација, организирање настани и интеракција со локалните медиуми. Во ноември минатата година, ЕП отвори канцеларија во Украина на барање на Владата во Киев. Во моментов има само неколку локални канцеларии на ЕП во земји надвор од ЕУ, како што се САД, Етиопија и Индонезија. Македонија, Албанија, Босна и Херцеговина, Црна Гора и Србија се земјите од Западен Балкан кои имаат статус на кандидати за членство во ЕУ. Advertisement Post Views: 96 Балкан Еу 2024-04-27 Весник Илинден...

Општина Пустец се подготвува за туристичката сезона Во рамки на отворањето на туристичката сезона, Општина Пустец, во соработка со Управата на заштитените подрачја Корча, ја организира Преспа Фест, на која ќе бидат истакнати вредностите на културата, традицијата и кујната, со учество на фолклорни групи од Преспа и фолклорни групи oд Македонија. Со задоволство ве покануваме на 07.05.2024, во 11:00 часот на Централниот плоштад Пустец, да бидете дел од Преспа Фест заедно да уживаме во убавините на природата, вкусовите на традиционалното готвење и фолклорот на преспанскиот крај. Општина Пустец со подобрувањето на условите, станува се почеста дестинација за посета и на странските туристи. Освен чистите езерски води, општината располага и со значајни културно историски објекти примамливи за туристите, пештерската црква “Света Богородица, манастирот “Света Марена”, природните убавини на Националниот парк “Преспа” и секако островот Мал Град. Advertisement Post Views: 214 општина пустец 2024-04-27 Весник Илинден...

ЕУ одвои 13,79 милиони евра за прекуграничен одржлив развој во Албанија и Македонија Преземајќи значаен чекор за целите за пристапување кон Европската унија, Македонија и Албанија денеска заедно ја започнаа Програмата за прекугранична соработка ИПА 3 во Корча. Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година. Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма. „Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК). Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес. Вулнет Арифи, шеф на одделот за ЕУ и координатор за СБС, при Министерство за локална самоуправа на Република Македонија, ја истакна улогата на Програмата во забрзувањето на аспирациите за членство во ЕУ. „Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи. Брисеида Ѓоза од Антена канцеларијата Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“ Ова стратешко вложување од ЕУ преку Програмата ИПА 3 е доказ за постојаните напори на Македонија и Албанија за влез во ЕУ, испраќајќи директна порака за нивното патување кон европската интеграција. Advertisement Post Views: 156 Албанија Еу Македонија 2024-04-26 Весник Илинден...

Албанската полиција запленила фалсификувани чекови во вредност од еден милион долари и уапси двајца Италијанци (ВИДЕО) На граничниот премин Хан Хоти, на албанско-црногорската граница, албанската полиција запленила фалсификувани чекови во вредност од милион долари. Уапсени се двајца италијанските државјани во чиј автомобил биле откриени фалсификуваните чекови. Фалсификуваните чекови се одземени како материјален доказ заедно со возилото, 1700 евра, печати и два мобилни телефона и се предадени на Обвинителството при Основниот суд од општата надлежност Скадар за понатамошни дејствија. Advertisement Post Views: 109 Албанија 2024-04-26 Весник Илинден...

Универзитетот „Св. Кирил и Методиј“ во Скопје донесе Одлука за основање на Фондација „Горан Стефановски“ Универзитетот „Св. Кирил и Методиј“ во Скопје донесе Одлука за основање на Фондација „Горан Стефановски“. Одлуката, на предлог на Ректорската управа, денеска, во очи на роденденот на овој великан на македонската драма – 27 април, ја донесе Сенатот на УКИМ, по што ќе започне постапката за носење на основачките акти и избор на органите на Фондацијата. Фондацијата се основа на иницијатива на Факултетот за драмски уметности – Скопје, каде што Стефановски долги години ги предаваше драмските занаети, пред да го продолжи својот животен пат во Велика Британија. Во органите на Фондацијата, освен претставниците на академската заедница и на семејството на Стефановски, ќе партиципира и Драмскиот театар од Скопје, на чија сцена драмите на овој автор ги доживеаја најголемите успеси. Цели на Фондацијата ќе бидат заштита и негување на оставината на делото на нашиот најголем современ драмски автор Горан Стефановски, како трајна културна вредност, публикување на објавени и необјавени негови трудови, во печатен и електронски формат, подобрување на достапноста на неговото творештво на сите светски јазици, градење на културата – посета на театар и однос кон драмските уметности кај новите генерации, но и проекти за промоција и поттикнување на македонското драмско творештво воопшто. Фондацијата ќе обезбеди стипендирање на образованието во сите степени на талентирани ученици и студенти во областа на драмските уметности, поддршка и унапредување на талентираните ученици, студенти и млади кои аматерски се занимаваат со филм и театар. Исто така, таа ќе го поттикнува и поддржува неформалното образование за создавање драми, ќе организира едукативни дебати, работилници и семинари, уметнички и научни конференции, како и хуманитарни проекти од сценскоизведувачка и аудиовизуелна природа за поддршка на ранливи категории. Великанот на македонската драмска уметност, Горан Стефановски, почина пред пет години во Кентбери, Англија, на 66-годишна возраст. Автор е на култните драми: „Диво месо“, „Лет во место“, „Јане Задрогаз“, „Дупло дно“, „Тетовирани души“, „Демонот од Дебар маало“ и многу други. Беше еден од креаторите на популарната ТВ-серија „Бушава азбука“ и на повеќе филмски сценарија. Завршил Филолошки факултет во Скопје – англиски јазик и книжевност. Студирал драматургија на театарската академија на Универзитетот во Белград, каде што и магистрирал на тема: „Сценските напатствија како основа на драматургијата на Семјуел Бекет“. Работеше во драмската редакција на Телевизија Скопје, а потоа како асистент на Филолошкиот факултет „Блаже Конески“ во Скопје. Во 1986 година ја основал Катедрата за театарска и филмска драматургија и бил професор по драматургија на Факултетот за драмски уметности во Скопје. Добитник е на наградите: „Стале Попов“, „11 Октомври“, „Војдан Чернодрински“, „Стериина награда“. Стефановски беше и дописен член на МАНУ. Advertisement Post Views: 108 Горан Стефановски 2024-04-26 Весник Илинден...

Газа: САД започнаа изградба на привремено пристаниште САД започнаа со изградба на привремено пристаниште на брегот пред Појасот Газа за бродовите кои таму носат хуманитарна помош. Израел планира да го обезбеди проектот. Американската војска започнала со изградба на привремено пристаниште на брегот на Појасот Газа за лиферување на хуманитарни пратки. Портпаролот на Пентагон, Пат Рајдер даде потврда за акцијата: „Можам да потврдам дека американските воени бродови (…) почнаа да ги градат првите делови од привременото пристаниште и да подигаат насипи кај морето.” Реално би било да се очекува пристаништето да биде оперативно на почетокот на мај. Во меѓувреме, рече Рајдер, ние продолжуваме да работиме заеднички со меѓународната заедница за да донесеме помош за Појасот Газа. Владата на САД објави на почетокот на март дека, со оглед на хуманитарната вонредна состојба во крајбрежната област, армијата сака да изгради привремено пристаниште за да носи храна, вода и лекови во воената зона. Биле планирани пловечки платформи во близина на брегот каде што може да се укотват комерцијалните бродови кои носат помош. Стоката потоа би требало да биде префрлена на други бродови и однесена на пловечка патека, каде што на крајот би требало да се истовара. Израелската армија соопшти дека ќе обезбеди логистичка и безбедносна поддршка за американската иницијатива. Претходно беше соопштено дека, според израелски извештаи, палестински екстремисти истрелале минофрлачки гранати на градилиште за хуманитарен проект во северниот дел на Појасот Газа за време на посетата на соработници на ОН. Инцидентот се случил во средата, а според израелските медиуми, нема повредени. Во врска со тоа, Рајдер изјави дека биле испукани неколку гранати на местото каде што требало да пристигнат залихите од хуманитарна помош. Тоа немало влијание врз градежните планови и се случило пред американската војска да започне со изградба на привременото пристаниште. Рајдер повторно јасно стави до знаење дека нема планови американските сили да влезат во самиот Појас Газа. Сè уште не е јасно како ќе се дистрибуира хуманитарната помош на локално ниво. Advertisement Post Views: 122 Појасот Газа Сад 2024-04-26 Весник Илинден...

Поддршка од Илир Мета: Победата на професорката Давкова ќе биде уште поубедлива Поранешниот албански претседател и актуелен лидер на опозициската Партија на слободата, Илир Мета, „воодушевен е од вчерашниот изборен резултат на ВМРО-ДПМНЕ”. Вчерашниот резултат во Македонија јасно покажа дека нивното враќање ќе му даде друга уште повисока димензија, на тој модел, кој и ние треба да го следиме прилагодувајќи го на нашите услови, оценил Мета. Мета изразува убедување дека победата на кандидатот на ВМРО-ДПМНЕ, професорката Гордана Силјановска-Давкова, ќе биде уште поголема во вториот круг на 8 мај. Според телевизијата, по примерот на случувањата во соседната држава, Илир Мета, кој подготвува реформирање на неговата партија, вели дека треба да се организира и Демократската партија на Албанија за возобновување, и да биде алтернатива на изборите во 2025 година. Промените ќе бидат многу брзи, промената ќе биде многу силна. Промената што се случи вчера во Македонија и која ќе биде уште поконкретна по наредните две недели, е јасна порака од народите од нашиот регион дека не прифаќаат депопулација и дефакторизација за мафијашки цели на кој било во светот, додал тој. Ова не е првпат Мета за изборите отворено да ја каже поддршката за ВМРО – ДПМНЕ. Преку објава на социјалните мрежи на 14 месецов изрази директна поддршка за ВМРО – ДПМНЕ и убеденост во победата на партијата на изборите. Очекуваната победа на ВМРО-ДПМНЕ на претстојните избори ќе даде нова димензија на економскиот развој на Македонија во иднина од која бенефит ќе имаат сите нејзини граѓани. Земјата ќе продолжи безбедно да чекори по евроатлантскиот пат и повторно Албанците ќе бидат клучната гаранција за тоа, напиша меѓу другото во тогашната објава, постирајќи фотографија од средба со Христијан Мицкоски. Мета шеф на државата беше од 2017 до 2022 година. Advertisement Post Views: 160 ВМРО-ДПМНЕ илир мета Македонија 2024-04-25 Весник Илинден...

Тодороска: Документите за историјата на македонската држава мора да се заштитат и чуваат соодветно, зашто ние сме менливи и минливи, но Македонија мора да постои Кандидатката за пратеник во ИЕ 1 во Собранието на Македонија на претстојните парламентарни избори, од редовите на Движењето ЗНАМ – За наша Македонија, Катерина Тодороска одржа прес-конференција, на која се задржа на тоа зошто Движењето се определило во своите основни документи да ги стави Илинден и АСНОМ. Таа рече дека современата македонска држава е формирана благодарение на вековната борба на македонскиот народ и останатите жители, за самостојна држава, каде би биле свои на своето. Тодороска објасни дека во историјата постојат формално, пишано, и неформално, непишано, право, како што го толкуваат историчарите. „Создавањето на државите, без исклучок, во историјата се одвивало врз основа на стекнато право коешто ние го третираме како непишаното право. Тоа значи дека еден народ може да се повика на историско право за создавање на нова и опстојување на новата држава само врз основа на два принципа. Првиот е принципот на континуитет, т.е. доколку некој народ во минатото имал сопствена држава со сите законски и правно регулирани перформанси. Вториот е принципот на крвта, т.е. колку крв е пролеана за таа територија, за тој народ“. Тодоровска рече дека ние како Македонци не можеме да се повикуваме по првиот принцип, бидејќи сме немале некоја царска лоза помогната од странски династии како што е тоа случајот во создавањето на државите на нашите соседи, а што се однесува до вториот, принципот на крвта, Илинденското востание и АСНОМ се најголемите и најкрвави показатели за потребата на македонското население да биде самостојно и е подготвено да се жртвува за својот сон – своја држава. За тоа, како што рече таа, сведочи и фактот што ниту една од странските држави не се потрудила ниту да помогне, ниту да ја смири состојбата кога цели села во крушевско по Илинден, заедно со жителите биле пеплосувани. Тодороска додае дека Крушевската република и нејзниот Манифест се одраз и израз на најдемократска политичка творба во почетокот на 20. век. Следната жртва на македонскиот народ се годините од народно-ослободителната војна 1941-1944 година, која била крунисана со АСНОМ и неговите одлуки. Благодарение на АСНОМ биле донесени шесте најважни документи за формирање на македонската државна единица, меѓу кои и Решението за прогласување на АСНОМ за Врховно Законодавно и Извршно Народно претставничко тело, како и Прогласот на Првото заседание на АСНОМ до македонскиот народ и до целото население кое живеело во македонската држава. „Документите за историјата на македонската држава од 12 век наваму, а со тоа и најзначајните документи од Илинден и АСНОМ се чуваат во Државниот архив. За жал, таа бесценета документација денес е сместена во несоодветни услови, нешто што ќе бара итна реакција на новата власт за нејзино враќање во наменската зграда. Сите ние што знаеме дека историјата е учителка на животот, но и патоказ за иднината, знаеме и колкава е важноста на бесценетата документација која говори за македонското минато во креирањето на иднината на македонската драва. Затоа како совесни чувари на македонското минато, ние имаме обврска да ги зачуваме, покрај другите, и документите од овие два грамадни историски столбови на македонската историја, Илинден и АСНОМ“, рече Тодороска и додаде дека Програмата “Проглас за достоинствена Македонија” на Движењето ЗНАМ – За наша Македонија се залага за обезбедување на патот од минатото кон иднината, вложувајќи се максимум за Македонија, преку максимум заштита на историските корени и националните интереси на македонската драва. Запрашана зошто сега се покренува ова прашање кога со уставните измени при промената на името делумно се редефинираше прогласот од АСНОМ, кои се позициите и што се бара, Тодоровска одговори: „Едно е да се редефинира, друго е историја. Иторијата не трпи редефинирање, не трпи туширање. Најмалку пак трпи произволност. Она што е многу битно сега е да си ја заштитиме нашата документација. Да ги заштитиме сите темелни документи коишто ги имаме. Доколку се отвора Уставот треба да се говори многу искрено и многу отворено за сите прашања и сите грешки коишто се направени. Она што досега нам, како на историчари, најмногу ни пречи е ставот на партиите коишто имаат едно чувство дека се непогрешливи. Непогрешливоста не постои, секој од нас може да згреши, но секој од нас треба да си ја признае грешката, да си ја исправи грешката и на крајот ние сме сите менливи и минливи, но Македонија мора да постои“, потенцира Тодороска. Advertisement Post Views: 261 Катерина Тодоровска Македонија 2024-04-25 Весник Илинден...

Македонското друштво „Сонце“ од Корча примено во Мрежата за промовирање на јазичната разновидност Македонското друштво „Сонце“ од Корча стана членка на Мрежата за промовирање на јазичната разновидност, (NPLD) со добиената едногласна поддршка на Генералното собрание, што се одржува во Сантијаго де Компостела, Шпанија, информираше за МИА, Васил Стерјовски, претседател на друштвото. Во своето обраќање на Генералното собрание Стерјовски, меѓудругото посочил дека друштвото е цврсто посветено на застапувањето за македонското малцинство во Албанија, со „фокусирана посветеност на зачувување и промовирање на нивниот етнички, јазичен, културен и верски идентитет“. Ние во македонското друштво „Сонце“, сме длабоко ангажирани во активности дизајнирани да го слават и одржат уникатното културно и јазично наследство на македонската заедница. Овие иницијативи се движат од организирање јазични курсеви и објавување материјали на македонски јазик, до соработка со академски институции и формирање сојузи со други малцински здруженија. Нашите напори се водени од јасна мисија: да ги заштитиме човековите права и слободи на македонската заедница, а со тоа да го збогатиме мултикултурното општество на Албанија, рекол тој. Оценил дека соработката ќе обезбеди пристап до најдобрите практики и успешни модели од цела Европа, кои би можеле да се имплементираат во Албанија за промовирање на јазичната разновидност. Ова е од суштинско значење за поттикнување на поинклузивно општество каде што јазиците на малцинствата не само што се толерираат, туку се вреднуваат и чуваат. Една од нашите главни цели е да лобираме за потпишување и ратификација од страна на Албанија на Европската повелба за регионални или малцински јазици. Партнерството со мрежата за промовирање на јазичната разновидност значително ќе го засили овој напор за лобирање, зајакнат со експертизата и влијанието на мрежата, порачал Стерјовски. Според него, вклучувањето во мрежата, на Македонско друштво „Сонце“, основано на 11 јануари 2011 година, како независна и непрофитна НВО, ќе придонесе и за поширокото европско движење за зачувување и промовирање на јазичната различност. Мрежата за промовирање на јазичната разновидност е европска мрежа со седиште во Брисел, во која членуваат над 40 автономни региони, унверзитети и невладини организациикоја, работи на полето на јазичната политика и има за цел активно промовирање на лингвистичката различност во Европа. Ова е последователен успех на македонското движење во Албанија. Минатиот месец, партијата Македонска алијанса за европска интеграција, МАЕИ, стана полноправна членка на Европската слободна алијанса, ЕФА. Advertisement Post Views: 49 Македонското друштво „Сонце“ од Корча Македонци во Албанија Мрежата за промовирање на јазичната разновидност 2024-04-25 Весник Илинден...

Тодоровска: Документите за историјата на македонската држава мора да се заштитат и чуваат соодветно, зашто ние сме менливи и минливи, но Македонија мора да постои Кандидатката за пратеник во ИЕ 1 во Собранието на Македонија на претстојните парламентарни избори, од редовите на Движењето ЗНАМ – За наша Македонија, Катерина Тодоровска одржа прес-конференција, на која се задржа на тоа зошто Движењето се определило во своите основни документи да ги стави Илинден и АСНОМ. Таа рече дека современата македонска држава е формирана благодарение на вековната борба на македонскиот народ и останатите жители, за самостојна држава, каде би биле свои на своето. Тодоровска објасни дека во историјата постојат формално, пишано, и неформално, непишано, право, како што го толкуваат историчарите. „Создавањето на државите, без исклучок, во историјата се одвивало врз основа на стекнато право коешто ние го третираме како непишаното право. Тоа значи дека еден народ може да се повика на историско право за создавање на нова и опстојување на новата држава само врз основа на два принципа. Првиот е принципот на континуитет, т.е. доколку некој народ во минатото имал сопствена држава со сите законски и правно регулирани перформанси. Вториот е принципот на крвта, т.е. колку крв е пролеана за таа територија, за тој народ“. Тодоровска рече дека ние како Македонци не можеме да се повикуваме по првиот принцип, бидејќи сме немале некоја царска лоза помогната од странски династии како што е тоа случајот во создавањето на државите на нашите соседи, а што се однесува до вториот, принципот на крвта, Илинденското востание и АСНОМ се најголемите и најкрвави показатели за потребата на македонското население да биде самостојно и е подготвено да се жртвува за својот сон – своја држава. За тоа, како што рече таа, сведочи и фактот што ниту една од странските држави не се потрудила ниту да помогне, ниту да ја смири состојбата кога цели села во крушевско по Илинден, заедно со жителите биле пеплосувани. Тодоровска додае дека Крушевската република и нејзниот Манифест се одраз и израз на најдемократска политичка творба во почетокот на 20. век. Следната жртва на македонскиот народ се годините од народно-ослободителната војна 1941-1944 година, која била крунисана со АСНОМ и неговите одлуки. Благодарение на АСНОМ биле донесени шесте најважни документи за формирање на македонската државна единица, меѓу кои и Решението за прогласување на АСНОМ за Врховно Законодавно и Извршно Народно претставничко тело, како и Прогласот на Првото заседание на АСНОМ до македонскиот народ и до целото население кое живеело во македонската држава. „Документите за историјата на македонската држава од 12 век наваму, а со тоа и најзначајните документи од Илинден и АСНОМ се чуваат во Државниот архив. За жал, таа бесценета документација денес е сместена во несоодветни услови, нешто што ќе бара итна реакција на новата власт за нејзино враќање во наменската зграда. Сите ние што знаеме дека историјата е учителка на животот, но и патоказ за иднината, знаеме и колкава е важноста на бесценетата документација која говори за македонското минато во креирањето на иднината на македонската драва. Затоа како совесни чувари на македонското минато, ние имаме обврска да ги зачуваме, покрај другите, и документите од овие два грамадни историски столбови на македонската историја, Илинден и АСНОМ“, рече Тодоровска и додаде дека Програмата “Проглас за достоинствена Македонија” на Движењето ЗНАМ – За наша Македонија се залага за обезбедување на патот од минатото кон иднината, вложувајќи се максимум за Македонија, преку максимум заштита на историските корени и националните интереси на македонската драва. Запрашана зошто сега се покренува ова прашање кога со уставните измени при промената на името делумно се редефинираше прогласот од АСНОМ, кои се позициите и што се бара, Тодоровска одговори: „Едно е да се редефинира, друго е историја. Иторијата не трпи редефинирање, не трпи туширање. Најмалку пак трпи произволност. Она што е многу битно сега е да си ја заштитиме нашата документација. Да ги заштитиме сите темелни документи коишто ги имаме. Доколку се отвора Уставот треба да се говори многу искрено и многу отворено за сите прашања и сите грешки коишто се направени. Она што досега нам, како на историчари, најмногу ни пречи е ставот на партиите коишто имаат едно чувство дека се непогрешливи. Непогрешливоста не постои, секој од нас може да згреши, но секој од нас треба да си ја признае грешката, да си ја исправи грешката и на крајот ние сме сите менливи и минливи, но Македонија мора да постои“, потенцира Тодоровска. Advertisement Post Views: 47 Катерина Тодоровска Македонија 2024-04-25 Весник Илинден...

Кралството Норвешка донираше 76 неборбени моторни возила за Македонија Донацијата составена од седумдесет и шест моторни возила од Кралството Норвешка, официјално беше предадена на Армијата на Македонија на пригодна церемонија која се одржа во касарната Илинден во Скопје. На церемонијата на која беа изложени добиените 76 моторни возила, за значењето на донацијата се обратија министерката за одбрана Славјанка Петровска, амбасадорката на Кралството Норвешка за Македонија, Кристин Мелсом, началникот на генералштабот, генерал-потполковник Васко Ѓурчиновски и бригадниот генерал Андрес Јернберг, командант на логистика на Вооружените сили на Кралството Норвешка. Министерката за одбрана, Славјанка Петровска во своето обраќање истакна дека денешниот настан најдобро го отсликува цврстото сојузништво помеѓу Македонија и Кралството Норвешка и дека одбранбена соработка е пример за сојузничка соработка и поддршка со која се зајакнува Армијата на Македонија, а истовремено се зајакнува и мирот, безбедноста и стабилноста на Алијансата. „Оваа норвешка донација од 76 неборбени моторни возила, значително ќе придонесе за зголемување на транспортните можности на единците на Армијата односно на нивната борбената готовност. И јас како министерка, но и припадниците на Армијата и граѓаните на оваа држава, благодарни сме за вашата донација која доаѓа во прав момент и ќе овозможи значително зголемување на капацитетите на единиците на нашата Армија за извршување на нивните задачи, што директно ќе влијае и за постигнување на декларираното ниво на борбената подготвеност на претстојното оценување“, рече Петровска. Министерката посочи дека Норвешка е ценет, посветен и докажан пријател на Македонија, а областите во кои е воспоставена соработка и поддршката во градење на капацитетите особено во контекст на целите на способности на НАТО се бројни. „Заедно сме посилни, а поддржувајќи се едни со други како сојузници и пријатели можеме да изградиме посигурна иднина за генерациите што доаѓаат“, порача министерката Петровска. Обраќајќи се пред присутните, амбасадорката Мелсом истакна дека меѓусебните дипломатски односи кои континуирано се подобруваат во последните 30 години, во последните години уште повеќе се зајакнаа и во воената соработка, особено по приемот на Македонија во НАТО и посветеноста која ја покажуваме кон исполнување на вредностите на Алијансата. „Ја гледаме не само воената опрема што и ја дадовте на Украина, туку и зголемениот број војници што ги имате распоредено во различни мисии. Вашата цел да распоредите 10% од вашата армиска структура е импресивна. Ова го гледаме на дело со вашите придонеси во мисиите на ЕУ, мисиите на НАТО, КФОР во Косово, учеството во Активности за зајакната будност во Романија и Бугарија, Зајакнато истурено присуство во Латвија и мисијата на ОН во Либан. Сето ова потврдува дека работите подеднакво како и сите други во Алијансата и Норвешка со гордост ве нарекува и сојузник и пријател.“ истакна амбасадорката Мелсом. Генералот Јернберг го оцени овој ден од историско значење бидејќи ја одбележува најголемата донација на воена опрема што Кралството Норвешка ја има направено за некоја земја од Западен Балкан. Притоа тој истакна дека она што во меѓусебните разговори со нашите армиски претставници го има забележано е дека иако нашите земји се различни, како и армиските команди и воена организација се разликуваат, имаме заеднички логистички пристап и дека преку билатералната соработка кога станува збор за обезбедување на поддршка овозможува взаемно ефикасна, ефективна и поодржлива воена логистика. Началникот на генералштабот генералот Ѓурчиновски пред присутните изрази благодарност кон Кралството Норвешка, притоа истакнувајќи ја важноста на оваа донација за подобрување на армиските капацитетите преку значително подобрување на мобилноста на армиските единици во исполнување на задачите кои ни престојат. Притоа, зборувајќи за меѓусебната билатералната соработка кое Армијата ја има на ниво на началници на генералштабови тој ја истакна поддршката од неговиот колега генералот Ерик Кристоферсон и Вооружените сили на Кралството Норвешка кои го имаат препознаено нашиот придонес и поддршка која ја овозможуваме заедно со нашите НАТО сојузници за Украина. Говорејќи за важноста на донацијата рече дека е една од најголемите добиени донации на нашата Армија која не само што ќе ја подобри борбената готовност на Армијата, а воедно бенефит ќе имаат и граѓаните и институциите во државата со што ја вреднува и како едно од неговите најголеми достигнувања во текот на извршување на должноста началник на генералштабот. Седумдесет и шесте моторни возила, од кои 36 се лесни пешадиски моторни возила од типот – Мерцедес Бенз 290 ГД и 40 товарни моторни возила камиони – Сканија П3, се последен од досегашните многубројни проекти на одличната соработка во одбранбената сфера помеѓу Македонија и Кралството Норвешка. Реализацијата на донацијата е иницирана кон крајот на 2022 година, на една од средбите помеѓу началниците на Генералштабови на двете Армии, генералите Ѓурчиновски и Кристоферсен, кои разговори во контекст на значењето на мобилноста за Армиите и потребата за зајакнување на транспортните капацитети резултираа со несебична поддршка во овој сегмент од Кралството Норвешка. Согласно планот за реализација во почетокот на оваа година тим од армиски специјалисти за одржување имаше обука во Кралството Норвешка за запознавање со возилата и начин на нивно одржување, да веќе во месец март е пристапено кон доставување по морски пат до пристаништето во Солун, од каде на 18 и 19 овој месец се транспортирани до касарната Илинден. Моторните возила ќе бидат распоредени во единиците во Армијата со што не само што ќе се зголемат транспортните можности и мобилност на единиците, туку и значително ќе се зголемат капацитетите на единиците за извршување на поставените задачи. Во досегашниот период, поддршката од Кралството Норвешка во одбраната се реализира во повеќе начини, меѓу кои како позначајни се донацијата на полска болница со улога 2, експертска помош и советување, поддршка на Регионалниот Центар за Односи со Јавност, регионалниот проект за напредно учење на далечина, потрошен медицински материјал за потребите на полската болница, донацијата на музички инструменти за потребите на воениот оркестар и друго. Тука е и заедничко учество во операцијата ИСАФ и одлучна поддршка во Авганистан каде наши хируршки тимови учествуваа во составот на Норвешката полска болница. Advertisement Post Views: 100 арм Кралството Норвешка Македонија 2024-04-25 Весник Илинден...

Помина повеќе од една година, повеќејазичната табла сe уште не е поставена во Комитетот за национални малцинства Македонско друштво “Илинден“-Тирана на 31.01.2023 година испрати барање бр. 953/2023 при Комитетот за национални малцинства за поставување на повеќејазичната табела во Комитетот за национални малцинства. На 10.02.2023 година Комитетот за национални малцинства одговори на барањето со бр. 38 дека ќе се земе предвид и помина повеќе од една година, а табелата не е поставена. Повеќејазични табли беа поставени одамна во институцијата на Комесарот за заштита од дискриминација и Народниот правобранител. Македонското друштво “Илинден“-Тирана ги поздрави овие институции кога ги поставија нивните плакети на јазиците на националните малцинства. Македонското друштво “Илинден“-Тирана бара Комитетот за национални малцинства да постави повеќејазична табла, како што направиа институцијата Комесар за заштита од дискриминација и Народниот правобранител.-стои во соопштението потпишано од претседателот на друштвото, Никола Ѓурѓај. Advertisement Post Views: 132 Комитетот за национални малцинства Македонско друштво “Илинден“-Тирана 2024-04-25 Весник Илинден...

Македонија: Гордана Силјановска-Давкова со двојна предност пред Пендаровски во првиот круг Кандидатката на опозициската ВМРО-ДПМНЕ, Гордана Силјановска Давкова и кандидатот на владејачката СДСМ, претседателот Стево Пендаровски, се пласираа во вториот круг од претседателските избори, соопшти доцна синоќа Државната изборна комисија (ДИК). Силјановска во првиот круг освои речиси двојно повеќе гласови од нејзиниот главен противник, од кој беше поразена во вториот круг на претходните претседателски избори во 2019 година. Силјановска Давкова синоќа порача дека резултатот од првиот круг од претседателските избори е неверојатно инспиративен за неа. „Мислам дека ова е почеток на ново време. Немам зборови да искажам благодарност (на луѓето кои гласаа). Мислам дека не сум посебна во многу работи, само знам дека ќе го остварам тоа што го ветувам, на свој начин, ве уверувам во тоа“, рече Силјановска Давкова на прес-конференцијата од седиштето на ВМРО-ДПМНЕ. Таа најави дека (доколку биде избрана за претседател) ќе соработува со партијата што ја предложила, но и со опозицијата, со невладините, и со медиумите. „Ве уверувам дека секојдневно ќе се трудам да докажам дека сум таму не поради мојата политичка кариера, туку поради Македонија“, рече кандидатката. Таа додаде дека во вториот круг од изборите ќе се однесува со должна почит кон противникот со кој ќе треба да се натпреварува. Претседателот на ДИК, Александар Даштевски синоќа на прес-конференција оцени дека првиот круг од претседателските избори поминал мирно и дека сите учесници биле достоинствени во своето однесување и постапки. Во неделата, граѓаните избраа меѓу седум кандидати во првиот круг од седмите претседателски избори. Вториот круг од претседателските избори ќе се одржи заедно со парламентарните избори во среда на 8 мај. Advertisement Post Views: 80 ВМРО-ДПМНЕ гордана силјановска-давкова 2024-04-25 Весник Илинден...

Македонија: Гордана Сиљановска-Давкова со двојна предност пред Пендаровски во првиот круг Кандидатката на опозициската ВМРО-ДПМНЕ, Гордана Силјановска Давкова и кандидатот на владејачката СДСМ, претседателот Стево Пендаровски, се пласираа во вториот круг од претседателските избори, соопшти доцна синоќа Државната изборна комисија (ДИК). Силјановска во првиот круг освои речиси двојно повеќе гласови од нејзиниот главен противник, од кој беше поразена во вториот круг на претходните претседателски избори во 2019 година. Силјановска Давкова синоќа порача дека резултатот од првиот круг од претседателските избори е неверојатно инспиративен за неа. „Мислам дека ова е почеток на ново време. Немам зборови да искажам благодарност (на луѓето кои гласаа). Мислам дека не сум посебна во многу работи, само знам дека ќе го остварам тоа што го ветувам, на свој начин, ве уверувам во тоа“, рече Силјановска Давкова на прес-конференцијата од седиштето на ВМРО-ДПМНЕ. Таа најави дека (доколку биде избрана за претседател) ќе соработува со партијата што ја предложила, но и со опозицијата, со невладините, и со медиумите. „Ве уверувам дека секојдневно ќе се трудам да докажам дека сум таму не поради мојата политичка кариера, туку поради Македонија“, рече кандидатката. Таа додаде дека во вториот круг од изборите ќе се однесува со должна почит кон противникот со кој ќе треба да се натпреварува. Претседателот на ДИК, Александар Даштевски синоќа на прес-конференција оцени дека првиот круг од претседателските избори поминал мирно и дека сите учесници биле достоинствени во своето однесување и постапки. Во неделата, граѓаните избраа меѓу седум кандидати во првиот круг од седмите претседателски избори. Вториот круг од претседателските избори ќе се одржи заедно со парламентарните избори во среда на 8 мај. Advertisement Post Views: 4 ВМРО-ДПМНЕ гордана силјановска-давкова 2024-04-25 Весник Илинден...

Прес конференција на Претседателот на ВМРО-ДПМНЕ, Христијан Мицкоски (ВО ЖИВО) Advertisement Post Views: 164 ВМРО-ДПМНЕ Христијан Мицкоски 2024-04-24 Весник Илинден...

Македонија: Кандидатот на ВМРО-ДПМНЕ за претседател Гордана Силјановска Давкова (ВО ЖИВО) Advertisement Post Views: 174 ВМРО-ДПМНЕ гордана силјановска-давкова 2024-04-24 Весник Илинден...

Албански медиуми: Изборниот тек во Македонија во фер демократска атмосфера Албанските медиуми контунирано информираат за денешниот прв круг од претседателските избори. Сите, без исклучок, посебна акцент ставаат на тоа дека во изборната трка за Претседател на државата, од седум кандидати двајца се Албанци. Медимите известуваа и за изборната кампања, а неколку телевизиски екипи го следат денешниот изборен тек. Граѓаните на Македонија денеска избираат Претседател на државата. Изборниот тек минува во фер и демократска атмосефера, но со слаба излезност до пладне од околу 12 отсто. Поголем излезност се очекува во доцните попладневни часови, но ако се има предвид масовната миграција, која, како и за албанското општесто е рак рана, излезноста се очекува да биде помала од досегашните изборни циклуси, наведува АБЦ њуз. Македонските граѓани денеска гласаат на првиот круг од претседателските избори. Во трка се седум кандидати од нив двајца Албанци. Повеќе од сигурно е дека ќе има и втор изборен круг, што ќе се спроведе заедно со парламентарните на 8 мај, кога ќе се избираат 120 нови пратеници, објави Ора њуз. Дел од медиумите објавија дека според законските одредби, во првиот круг речиси е невозможно да се избере претседател, бидејќи кандидатот мора да добие повеќе од половина од гласовите на запишаните во Избирачкиот список или половина од гласовите на над 1,8 милиони гласачи. Во вториот круг поминуваат двајцата кандидати со најмногу гласови, додека за победник е избран кандидатот кој освоил повеќе од 50 отсто од гласовите, под услов на изборите да излезат повеќе од 40 отсто од гласачкото тело. Advertisement Post Views: 82 2024 Албански медиуми Избори Македонија 2024-04-24 Весник Илинден...

Грчката влада ќе го кандидира осудениот градоначалник Белери за Европскиот парламент Грчката владејачка партија направи особено спорен избор за учество на европските избори во јуни: Фреди Белери, затворениот новоизбран градоначалник на градот Химарa. Тој ќе биде кандидат на Нова демократија за изборите во Европскиот парламент. Затворањето на Белери е крупна тема во Грција бидејќи тој е етнички Грк, а тензиите меѓу Атина и Тирана околу неговото притворање сега се закануваат да влијаат на напорите на Албанија за пристапување во ЕУ. За Грците, Белери е жртва на измислени политички обвиненија, додека за Албанците тој е застрашувачка личност, поврзана со вооружените бунтови на етничкото грчко малцинство. Тој, исто така, нашироко се смета за клучен противник на албанската влада во борбата околу запленувањето на имотите што им припаѓаат на етничките Грци околу Химара. За конзервативната партија Нова демократија на премиерот Кирјакос Мицотакис, изборот на Белери за кандидат на гласањето во Европскиот парламент значи деликатна политичка пресметка. Поддржувајќи го затворениот етнички Грк, Нова демократија може да се пофали со своите патриотски ингеренции и да се обиде да се спротивстави на напливот на поддршка за екстремно-десничарските партии, вклучително и националистичкото Грчко решение и ултраортодоксната партија „Победа“. „Кандидатурата на Белери има многу тешка симболика. Сите оние кои се навистина заинтересирани – а не само зборуваат за правата на грчкото етничко малцинство во Албанија, го разбираат тоа“, рече Мицотакис во четвртокот на прес-конференција во Брисел. Од друга страна, изборот на човек со матно минато кој отслужува двегодишна затворска казна за купување гласови тешко дека е без ризици. Како прво, тоа повторно ќе ги разгори долгогодишните незадоволства со Тирана и ќе ги вознемири поддржувачите на проширувањето на ЕУ, кои тврдат дека Нова демократија го труе процесот со носење на билатералниот спор околу владеењето на правото на европско ниво. Имајќи предвид дека местата одат кај кандидатите кои ќе добијат најголема поддршка од народот, постојат сите шанси Белери, кој беше осуден на две години зад решетки во март, да добие место во Европскиот парламент. Во јунската анкета се очекува да доминира Нова демократија. Грчкото Министерство за надворешни работи претпазливо ја води политичката игра со Белери изразувајќи „силна резервираност“ за неговата кандидатура, изјавија неколку официјални лица. „Одлуката за кандидатурата на Белери мораше да ја одмери изборната добивка за владејачката партија Нова демократија од една страна, наспроти односите со Албанија и мнозинството европски партнери на Грција од друга страна“, рече Лукас Цукалис, професор на Sciences Po во Париз. „Одлуката што ја донесе грчкиот премиер покажува дека вагата конечно се сврте во корист на првиот фронт“. Белери беше избран за градоначалник на Химара, бастион на етничката грчка заедница, на локалните избори на 14 мај минатата година. Тој беше уапсен само два дена претходно додека, наводно, нудел 40.000 албански леки (390 американски долари во тоа време) за да купи осум гласови.На крајот, Белери го победи кандидатот на социјалистите Јорго Горо со 19 гласа разлика, но не можеше да положи заклетва додека беше приведен. Неговите поддржувачи инсистираат дека тој е жртва на политичка замка поставена од социјалистите на премиерот Еди Рама. Тоа е идеја што самиот Рама ја отфрли како „заблуда“.Белери протестираше тврдејќи дека е невин. „Со лажно криминално досие, без докази, без други сведоци, освен еден кој бил поткупен од полицијата, со наместен судија, во стаклен кафез без комуникација со мојот адвокат, албанскиот суд денеска ме осуди на две години во затвор“, се вели во соопштението. Атина ја притиска Тирана за негово ослободување за да положи заклетва дури и ако тоа се случи во затвор, но досега безуспешно. Сомнежите на Албанија за Белери се длабоки, честопати тврдејќи дека тој бил вмешан во иредентистичка милитантна терористичка мрежа. Во 1995 година – по нападот во кој загинаа двајца албански војници – тој беше уапсен и осуден во Грција на три години условна казна за соучесништво во поседување оружје.Неговата наводна вмешаност во овие активности беше постојано истражувана од албанското правосудство – во 1994, 2005 и 2015 година – но без докази против него. Белери обезбеди докази, вклучувајќи го и неговиот пасош со печат, дека бил на Кипар кога се случил нападот во 1994 година. Во меѓувреме, Горо, градоначалникот на Химара, исто така беше уапсен во април под обвинение за корупција. Белери го обвини дека произведувал лажни документи за да добие државно земјиште и да создаде одморалиште. За вршител на должноста градоначалник е назначена Блерина Бала од групата социјалисти. Грција тврди дека случајот на Белери треба да се гледа како европска загриженост, а не како билатерална работа, бидејќи зборува за владеење на правото во земја која се стреми да се приклучи на ЕУ. Атина, исто така, инсистира на тоа дека на патот за пристапување во ЕУ Албанија мора да го почитува грчкото малцинство. Прашањето ги заостри односите на Грција со некои нејзини сојузници во ЕУ, особено со Берлин, кога германскиот канцелар Олаф Шолц јавно зборуваше за кандидатурата на Албанија за ЕУ ​​и покрај приговорите на Атина. Во ноември, Грција предупреди на состанокот на Советот на постојани претставници на ЕУ дека е подготвена да ја блокира Албанија доколку не ги почитува правата на Белери. „Во моментов, Американците и Европејците не се убедени дека случајот Белери е прашање на демократија, владеење на правото и кршење на човековите права“, напиша Агелос Сиригос, доцент по меѓународно право на Универзитетот Пантеон и пратеник на Нова демократија. Никос Андролакис, водач на социјалистичката партија ПАСОК, рече дека стратегијата на Нова демократија тешко дека и помогнала на грчката заедница во Химара. „На грчкото малцинство му е потребен Белери за градоначалник на Химара. Ова требаше да биде приоритет на владата, но маката на Мицотакис да го запре губењето гласови на десничарските партии го наведе да се справи со работите на овој начин“, рече тој. Марилена Копа, професорка по компаративна политика на Универзитетот Пантеон, рече дека потегот на Грција е „популистички, опортунистички и кусоглед“. Advertisement Post Views: 74 Фреди Белери 2024-04-24 Весник Илинден...

Директорот на ФБИ: „ТикТок“ е проблем за националната безбедност на САД Директорот на ФБИ, Кристофер Реј изјави дека социјалната апликација „ТикТок“ е проблем за националната безбедност на САД, пренесе БТА. Реј ја објави оваа изјава додека американскиот Конгрес се подготвува да гласа за легислативата за забрана на апликацијата. Апликацијата и припаѓа на кинеската компанија ByteDance, која „има обврски кон кинеската влада“, рече Реј во ексклузивно интервју за Ен-би-си Њуз. Кога се разгледува моќта, пристапот, технолошките способности и контролата што ги има ТикТок, Американците треба да се запрашаат што мислат за моќта, пристапот, можностите и контролата што ги има компанијата што е сопственик на ТикТок, кинеската влада и, на крајот, кинеските разузнавачки служби, посочува директорот на ФБИ. Претставничкиот дом на САД во саботата одобри голем пакет помош за Украина, Израел и Тајван. Во рамките на овој пакет е содржан и ултиматумот во врска со „ByteDance“. Се очекува пакетот помош брзо да биде одобрен од Сенатот. Американските власти тврдат дека ТикТок и овозможува на кинеската влада да шпионира и манипулира 170 милиони корисници во Соединетите држави. Advertisement Post Views: 60 Сад ТикТок 2024-04-24 Весник Илинден...

ЕУ одобри 13 милиони евра за спас и заштита на Преспа Со пакет мерки, вредни 13.720 милиони евра, ЕУ и УНДП ќе работат на заштита на биодиверзитетот во Преспанското Езеро и на развојот на одржливо земјоделство и туризам, а ќе се спроведат и поголеми инфраструктурни интервенции за справување со крупниот отпад и отпадните води, како и за подобрување на регионалниот развој. Како што информираа денеска од Канцеларијата на УНДП во Скопје, инвестициите за заштита на еколошкиот систем во регионот на Преспа ќе се спроведуваат преку два комплементарни проекта, „ЕУ за инфраструктурни подобрувања во регионот на Преспа“ и „ЕУ за Преспа – обнова на природните ресурси за зајакнување на одржливото земјоделие и туризам“. „Регионот на Преспанското Езеро е област со исклучителна убавина и извонреден биодиверзитет. Неговиот ранлив еко-систем треба да биде заштитен, додека луѓето кои живеат на бреговите на езерото треба да имаат корист од можностите за одржлив развој. Програмата на Европската Унија ‘ЕУ за Преспа’ е дизајнирана да го направи токму тоа, преку зголемување на заштитата на регионот, заедно со промоцијата на одржливиот развој за сите. Програмата вклучува и финансиски придонес за изградба на граничниот премин Маркова Нога, кој ги поврзува Македонија и Грција, овозможувајќи поголеми економски можности, експанзија на туристичкиот потенцијал на регионот и поблиски економски врски меѓу заедниците околу езерото“, изјави амбасадорот Дејвид Гир, шеф на Делегацијата на Европската Унија во Македонија. Програмата „ЕУ за Преспа“ ќе помогне и во справување со загадувањето на водата и почвата, како и за заштита на ендемските видови во Преспанското Eзеро. Со изградба на системите за управување со отпадни води, повеќе од 1.500 жители на 6 села ќе имаат пристап до модерни и ефикасни решенија за справување со овој предизвик. Мрежата за собирање на цврст отпад, ќе се прошири со 11 села и над 1.100 жители, со што ќе се спречи загадувањето на животната средина со повеќе тони отпад секоја година. УНДП повеќе од една деценија се присутни во овој регион со разни проекти за заштита на Преспанското Езеро и резултатите се препознаени глобално, рече постојаниот претставник на Програмата за развој на Обединетите Нации, Армен Григорјан. Проектите од „ЕУ за Преспа“ се финансирани од Европската Унија и делумно од Програмата за развој на Обединетите Нации, а ќе ги имплементира УНДП во соработка со општина Ресен, Министерството за животна средина и просторно планирање, Министерството за земјоделство, шумарство и водостопанство, Царинската управа како и други национални и локални партнери. Проектите ќе се имплементираат во наредните три години и ќе се спроведат до 2027 година. Advertisement Post Views: 128 преспа 2024-04-24 Весник Илинден...

Македонија бира претседател на седми претседателски избори од осамостојувањето Македонските граѓани бираат шеф на државата кој треба да ја води земјата во наредните пет години. Во изборната трка се вклучија седим кандидати, а за нив ќе гласаат 1.814.317 граѓани. За да се избере претседател потребно е повеќе од половина од гласачите запишани во единствениот гласачки список или 907.159 гласачи. Доколку никој не добие ваква поддршка ќе се организира втор круг кој се одржува во рок од 14 дена од завршувањето на првиот круг на гласањето, а во кој влегуваат двајцата кандидати со најголем број гласови добиени во првиот круг. Вториот круг ќе се одржи на 8ми мај и тој ќе се поклопи заедно со парламентарните избори. Во вториот круг од гласањето за претседател ќе биде избран кандидатот кој добил мнозинство од гласовите, доколку на гласачките места излегле повеќе од 40 отсто од запишаните избирачи, односно 725.727 гласачи, што е предвидено во Изборниот законик, а за него гласале 362.864 избирачи. Доколку ниту еден од кандидатите не ги исполни двата услови, целата изборна постапка се повторува. На гласачките места кои се отворија утрово во 7 часот, граѓаните ќе можат да го дадат својот глас за еден од седумтемина кандидати за Претседател на државата, што е најголем број на кандидати во историјата на претседателските избори. Ќе можат да гласаат и граѓаните кои не успеаја да ги сменат личните документи со името Македонија, согласно Преспанскиот договор. Бидејќи државата не успеа навреме да го организира процесот на замена на документите на сите државјани, Собранието донесе закон со кој се дозволи гласање на овие избори со стари лични документи. Вчера своето право на глас го остварија болните и изнемоштени лица, затворениците, лицата во старските домови. Претседателските избори беа распишани на 14 февруари. Во согласност со податоците од ДИК, 7 од вкупно 15 кандидати ги собраа неопходните 10 000 потписи за учество на претседателските избори. Според македонскиот изборен систем, претседателот на Републиката се избира на општи и непосредни избори, со тајно гласање за мандат од 5 години, со право на најмногу два мандати. Овие избори ќе ги следат повеќе странски од домашни набљудувачи. За акредитации се пријавиле 859 набљудувачи од кои 342 домашни, а 517 странски. Канцеларијата на ОБСЕ за демократски институции и човекови права (ОДИХР) на 21 март ја отвори Набљудувачката мисија во Македонија и за претседателските и за парламентарните избори. Ќе бидат ангажирани 330 набљудувачи. Advertisement Post Views: 133 2024 Избори Македонија 2024-04-24 Весник Илинден...

Во финална фаза подготовките за поставување бистата на Гоце Делчев во центарот на Пустец Се финализираат подготовките за поставување биста на апостолот на македонскиот народ, Гоце Делчев, на плоштадот во Пустец, кој го носи неговото име, информираше за МИА, Васил Стерјовски, претседател на партијата Македонска алијанса за европска интеграција, МАЕИ, по чија иницијатива се поставува бистата. Сите потребни активности се веќе завршени, деновиве ќе биде поставен постаментот а потоа и бистата, која ќе биде откриена на свеченоста што ќе се организира на 4 мај, по повод 121- годишнина од убиството на Гоце Делчев. Голема благодарност до општината, советот и градоначалникот Пали Колефски, за поддршката што ја дадоа на нашето барање. Бистата е донација на нашата партија а автор на истата е Зоран Тошевски, додава Стерјовски. Деновиве во салата на Советот на општина Пустец се одржала јавна дебата за барањето, на која Стерјовски и потпретседателот на МАЕИ, Ефтим Митревски го образложиле значењето и симболот на поставувањето на бистата на Гоце Делчев за македонската заедница. Градоначалникот Колефски, од самиот почеток ја изрази поддршката од локалната власт заедно со Советот на општината кои активно се вклучија во организацијата на овој настан. Гоце Делчев е фигура која зазема централно место во колективната меморија на Македонците во нашата општина. Поставувањето на неговата биста на плоштадот кој го носи неговото име не само што е знак на почит, туку и потсетник на неговите идеали и наследство, изјави Колефски за МИА по доставеното барање. Стерјовски потсетува дека во 2008 година Советот на општина Пустец донесе едногласна одлука, со која плоштадот во Пустец го доби името „Гоце Делчев“, а поставувањето на оваа биста ќе биде важен додаток на заедницата и ќе придонесе за зачувување на македонското културно наследство и идентитет во регионот. Advertisement Post Views: 336 гоце делчев Македонци во Албанија мала преспа 2024-04-23 Весник Илинден...

Манифест на Федералната унија на европските националности за изборите во ЕУ Што очекуваат малцинствата од Европската Унија? Прочитајте го манифестот ФУЕН за изборите во ЕУ! Ние, традиционалните малцинства во Европа, веруваме во Европа која гордо ги чува своите културни богатства, традиции и јазична различност. Федералната унија на европските националности (ФУЕН) и неговите организации членки се залагаат за културно и јазично богата и демократска Европска унија во која напредуваат националните и јазичните малцинства. Сега, како што се наближува датумот за европските избори (6-9 јуни 2024 година), време е да се процени моменталната состојба на заштитата на малцинствата во Европската унија и да се предложат промени. И покрај основните правни гаранции во нејзините договори, на ЕУ сè уште и недостасува сеопфатна малцинска политика. Затоа, мора да се преземат чекори за да се постигне идеалната состојба што ја замислуваме за Европа. Манифестот на ФУЕН за изборите во ЕУ во 2024 година ги наведува барањата вклучувајќи: Усвојувањето на стандарди за заштита на малцинствата во ЕУ европска стратегија за заштита и промовирање на националните и јазичните малцинства целосна имплементација на критериумите од Копенхаген во земјите кандидати повторното формирање на интергрупата за малцинствата во Европскиот парламент создавање на советодавна група за Европската комисија за справување со традиционалните национални и јазични малцинства Учеството на европските избори од 6-ти до 9-ти јуни 2024 година е од исклучителна важност за иднината на малцинствата. Силно препорачуваме да гласаме за кандидатите од нашите малцински заедници за да се осигураме дека нашите гласови се слушаат во европската политика и креирање политики!/www.fuen.org Прочитајте го манифестот на ФУЕН за изборите за ЕУ ​​во 2024 година ТУКА! Advertisement Post Views: 148 федералната унија на европските националности 2024-04-23 Весник Илинден...

Изборите во Македонија ќе ги следат над 900 набљудувачи, странски медиуми и преведувачи Над 900 набљудувачи, странски новинари и преведувачи ќе ги следат претседателските избори во Македонија, чиј прв круг се одржува утре, а вториот на 8 мај заедно со парламентарните. Заклучно со 19 арпил, за следење на изборите се акредитирале вкупно 942 набљудувачи и преведувачи од кои 342 домашни и 568 странски. Најбројни се набљудувачите од ОБСЕ/ОДИХР – вкупно 375, а од домашните, набљудувачите на Здружението за развој на опшествено-социјални иновации „ВАКЕ УП“, односно 182. Шефицата на набљудувачката Мисија на ОБСЕ/ОДИХР, Џилијан Стирк, неодамна на прес-конференција во Скопје кажа дека согласно препораките на Мисијата, претстојните избори во земјава ќе ги следат зголемен број на набљудувачи поради поклопувањето на двата изборни циклуса. Изборите во земјава ќе ги следи и делегација од 14 набљудувачи од Парламентарното собрание на Советот на Европа (ПССЕ), предводена од швајцарскиот пратеник Алфред Хер. Меѓу организациите кои се акредитирани за следење на изборите во Македонија се и Здружението на граѓани ЦИВИЛ-Центар за слобода, Здружението за промоција и развој на инклузивно општество Инклузива Куманово, Фондацијата Ромите за демократија – Скопје, Националниот демократски институт за надворешни работи, Вашингтон САД – подружница Република Македонија, Центарот за развој на изборни системи, реформи и обука (тренинг центар) на Централна Изборна Комисија на Грузија, Амбасадата на Република Словачка во Скопје, Центарот за развој на изборни системи, реформи и обука (тренинг центар) на Централна Изборна Комисија на Грузија и Европската асоцијација за дијалог и демократија – Берген, Норвешка. Изборите за шеф на државата ќе ги следат и 32 странски новинари, меѓу кои од агенциите Ројтерс и Франс прес, Еуроњуз Албанија, Европската прес фото агенција – ЕПА, Ал Џезира Балкан, македонската редакција на Гласот на Америка, „Топ Канал“ Албанија – отсек Косово и други. Advertisement Post Views: 128 Македонија 2024-04-23 Весник Илинден...

Над 900 набљудувачи, странски новинари и преведувачи ќе ги следат претседателските избори во Македонија, чиј прв круг се одржува утре, а вториот на 8 мај заедно со парламентарните. Заклучно со 19 арпил, за следење на изборите се акредитирале вкупно 942 набљудувачи и преведувачи од кои 342 домашни и 568 странски. Најбројни се набљудувачите од ОБСЕ/ОДИХР – вкупно 375, а од домашните, набљудувачите на Здружението за развој на опшествено-социјални иновации „ВАКЕ УП“, односно 182. Шефицата на набљудувачката Мисија на ОБСЕ/ОДИХР, Џилијан Стирк, неодамна на прес-конференција во Скопје кажа дека согласно препораките на Мисијата, претстојните избори во земјава ќе ги следат зголемен број на набљудувачи поради поклопувањето на двата изборни циклуса. Изборите во земјава ќе ги следи и делегација од 14 набљудувачи од Парламентарното собрание на Советот на Европа (ПССЕ), предводена од швајцарскиот пратеник Алфред Хер. Меѓу организациите кои се акредитирани за следење на изборите во Македонија се и Здружението на граѓани ЦИВИЛ-Центар за слобода, Здружението за промоција и развој на инклузивно општество Инклузива Куманово, Фондацијата Ромите за демократија – Скопје, Националниот демократски институт за надворешни работи, Вашингтон САД – подружница Република Македонија, Центарот за развој на изборни системи, реформи и обука (тренинг центар) на Централна Изборна Комисија на Грузија, Амбасадата на Република Словачка во Скопје, Центарот за развој на изборни системи, реформи и обука (тренинг центар) на Централна Изборна Комисија на Грузија и Европската асоцијација за дијалог и демократија – Берген, Норвешка. Изборите за шеф на државата ќе ги следат и 32 странски новинари, меѓу кои од агенциите Ројтерс и Франс прес, Еуроњуз Албанија, Европската прес фото агенција – ЕПА, Ал Џезира Балкан, македонската редакција на Гласот на Америка, „Топ Канал“ Албанија – отсек Косово и други. Advertisement Post Views: 3 Македонија 2024-04-23 Весник Илинден...

Во Мелник собир во чест на великиот македонски водач Јане Сандански По повод годишнината од убиството на великиот македонски водач Јане Сандански во Мелник, Бугарија се одвива собир, одганизиран од ОМО “Илинден”-Пирин. Полицијата ги запираше сите автобуси, конфискуваа знамиња и постер, ги проверуваат и сликаа личните карти. Присуствуваат над 100 униформени и цивилни полицајци – информираат од ОМО “Илинден”-Пирин На собирот збореше внук на Јане Сандански. Поради своите идеолошки погледи, убиен е на 22 април 1915 година, а неговиот гроб се наоѓа до Роженскиот манастир во Бугарија. Секоја година на неговиот гроб се одржува традиционално семакедонско чествување. Остануваат запаметени неговите зборови: „Да живееш значи да се бориш: робот за слободата, а слободниот – за совршенството“. Advertisement Post Views: 145 ОМО "ИЛИНДЕН"- ПИРИН 2024-04-21 Весник Илинден...

Во Мелник собир во чест на великиот македонски водач Јане Сандански (ФОТО) По повод годишнината од убиството на великиот македонски водач Јане Сандански во Мелник, Бугарија се одвива собир, одганизиран од ОМО “Илинден”-Пирин. Полицијата ги запираше сите автобуси, конфискуваа знамиња и постер, ги проверуваат и сликаа личните карти. Присуствуваат над 100 униформени и цивилни полицајци – информираат од ОМО “Илинден”-Пирин На собирот збореше внук на Јане Сандански. Поради своите идеолошки погледи, убиен е на 22 април 1915 година, а неговиот гроб се наоѓа до Роженскиот манастир во Бугарија. Секоја година на неговиот гроб се одржува традиционално семакедонско чествување. Остануваат запаметени неговите зборови: „Да живееш значи да се бориш: робот за слободата, а слободниот – за совршенството“. Фото: ОМО “Илинден”-Пирин Advertisement Post Views: 4 ОМО "ИЛИНДЕН"- ПИРИН 2024-04-21 Весник Илинден...

Историска тужба против Европската комисија – Не ги штити правата на Македонците во Бугарија Македонскиот Клуб за Етничка Толеранција од Благоевград (Горна Џумаја) поднесе тужба против Европската Комисија пред Судот на Правдата во Луксембург, за да ја принуди Бугарија да го регистрира клубот и со тоа да го заштити европското право на асоцијација и здружување. Тужбата е поттикната и организирана од НовАсном, Македонското Меѓународно Движење за Човекови Права, Светскиот Македонски Конгрес – Канада, Симон Поповски, Иљо Јанев и многу други од цел свет. Со тужбата се бара од Судот на Правдата на Бугарија да и ги прекине сите исплати на финансии што доаѓаат од Кохезивниот Фонд во висина од 1.467 милијарди евра, се додека не го регистрира Македонскиот Клуб за Етничка Толеранција, чија регистрација беше одбиена само зошто е македонска организација. Во 2022, горенаведените организации поднесоа претставка против Бугарија во Европската Комисија за непочитувањето на европското право, сметајќи дека Бугарија го крши членот 12 од Фундаменталните права на ЕУ кој е дел од Договорот на ЕУ. Европската Комисија се прогласи за ненадлежна за овој случај, сметајќи дека нема надлежност да врши мониторинг на малцинските права во членките на ЕУ како Бугарија. Оваа одлука е неприфатлива – затоа, Македонскиот Клуб за Етничка Толеранција цени дека Европската Комисија го крши членот 317 од Договорот за Функционирање на ЕУ кој кажува дека Европската Комисија мора да врши мониторинг и ревизија на земјите членки за да спречи кршење на фундаменталните права на ЕУ. Ова е прв правен процес внатре во Европската Унија кој се однесува на дискриминацијата врз Македонците во делови од ЕУ. Со оваа тужба, Европската Комисија е приморана да даде одговор до Судот на Правдата за кршењето на основните човекови права на Македонците во Бугарија. Адвокатскиот тим кој ја поднесе тужбата е: SELARL CAMBACERES AVOCAT Represented by Maître Bouziane BEHILLIL Member of the Paris Bar 29 rue de Sèvres – 75006 Paris T. 01.42.18.25.25 – Fax : 01.42.18.25.26 Toque D 1403 [email protected] Advertisement Post Views: 191 македонци во бугарија 2024-04-22 Весник Илинден...

Почна нај големиот Индустриски саем во Хановер Фото: Hannover Messe Почна нај големиот Индустриски саем во Хановер, Германија на кој фирми од целиот свет ќе ги претстават достигнувањата во машинската технологија. Саемот во Хановер игра централна улога во глобалната економија и овозможува пристап до ресурси кои не се достапни во некои земји. Сепак, тоа носи и предизвици како што се трговскиот дисбаланс и протекционизмот. Саемот во Хановер поттикнува глобален дијалог за овие прашања. Саемот во Хановер е водечки светски саем за индустриска технологија. Нејзината водечка тема „Да енергизираме за одржлива индустрија“ ги обединува изложувачките компании од машинството и електротехниката, дигиталната индустрија и енергетскиот сектор за да презентираат решенија за иднината на производството и снабдувањето со енергија. Норвешка е земја партнер на Саемот ќе трае од 22 до 26 април 2024 година во Хановер. Advertisement Post Views: 57 Hannover Mese Саемот во Хановер 2024-04-22 Весник Илинден...

Поплави во Русија и Казахстан, десетици илјади луѓе ги напуштија своите домови Надојдените реки во пограничниот регион меѓу јужниот дел на Русија и северниот дел на Казахстан дополнително се зголемуваат. Нивото на водата достигна рекордно ниво, а поплавите предизвикани од ненадејниот пораст на температурите, кои доведоа до големи количини на стопен снег, продолжуваат да прават хаос и да принудуваат илјадници луѓе да бегаат од нивните домови. Нивото на реката Ишим, недалеку од истоимениот град во руската област Тјумен, порасна за повеќе од два метри во претходните 24 часа, достигнувајќи ниво од 9,11 метри на 20 април, многу над опасната точка на 8,5 метри, велат од градската управа. Гувернерот на областа Тјумен, Александар Мор, вели дека сегашните поплави се најголеми од 1947 година. Нивото на водата во реката Тобол во Русија и Казахстан „опасно се зголемува“ Во регионот беше воведена вонредна состојба на 8 април, а минатата недела властите наредија итна евакуација на жителите од регионите Казан и Ишим, кога Мор објави дека 51 место, вклучувајќи го и градот Ишим, ќе влезат во зоната на поплави. Тој, исто така, им вети на евакуираните 50.000 рубли (околу 531 долар) по лице за основни потреби, додека во регионот се отворени десетици центри за привремено сместување. Администрацијата, исто така, нареди евакуација на животните од фармите за да бидат донесни во безбедни зони, кои се наведени на посебна веб-страница. Во Казахстан нивото на реката Урал се зголеми за 34 сантиметри, достигнувајќи 8,28 метри во административниот регион Западен Казахстан. Нивото од 8,5 метри се смета за критично. Куќите на брегот на реката Чаган, која е притока на Урал, а кои беа првите поплавени на почетокот на месецот, сега повторно се под влијание на поплави, а куќите во градот Самал се веќе под вода. Локалната жителка Ала Иванова за казахстанскиот сервис на Радио Слободна Европа изјави дека до утрото на 20 април водата навлегла во куќите во населбата и дека нивото продолжило да расте. Advertisement Post Views: 156 Казахстан Русија 2024-04-20 Весник Илинден...

Претседателот на Македонско друштво ”Илинден”-Тирана, Никола Ѓурѓај, оствари средба со Министер советник Љуфтим Спахиу и Радмила Стојмировска прв секретар Претседателот на Македонско друштво ”Илинден”-Тирана, Никола Ѓурѓај, оствари средба со Министер советник Луфтим Спахиу и Радмила Стојмировска прв секретар во Амбасадта на Република Македонија во Тирана. На работната информирав за најновите настани поврзани со актуелната положба на Македонците во Република Албанија, при што беа актуелизирани прашања кои се однесуваат на проблемите на македонско национално малцинство во Република Албанија. Воедно, Спахиу и Стојмировска беше информирана и за активностите на Македонско друштво ”Илинден”-Тирана, кое со години е активен субјект сред македоското национално малциство во Република Албанија. Низ дискусијата, Министер советник г-дин Љуфтим Спахиу и г-ѓа Радмила Стојмировска покажа исклучителен интерес за положбата на Македонско национално малциство. На средбата, многу отворено, се разговараше за можни активности кои би помогнала за надминување на проблемите на Македонско национално малциство во Република Албанија на повеќе полиња. Секако, во опсегот на надлежностите, Спахиу и Стојмировска искажа подготвеност да помогне за подобрување и унапредување на малциските права на Македонско национално малциство во Република Албанија. Претседателот на Македонско друштво “Илинден”-Тирана топло и се заблагодарува за срдечна средба. Advertisement Post Views: 101 Македонско друштво “Илинден“-Тирана 2024-04-19 Весник Илинден...

„Со нив пораснав“, Намик Докле напиша 52 легенди од Гора, областа што ги обединува Албанија, Македонија и Косово Во Академијата на науките денеска беше промовирана книгата на Намик Докле „Танц со месечината“ со 52 легенди пренесени усно од областа Гора. Писателот на промоцијата собра културни личности, но и клучни фигури на Социјалистичката партија Писателот Намик Докле уште од детството слушал за најубавите девојки „Перите“ од Гора, со кои жена разговарала и го повикувале на орото. Исто како и за останатите 51 легенда што ги резимира во книгата „Танц со месечината“, која овој четврток ја промовираше издавачката куќа „Тоена“ при Академијата на науките. „Голем дел од нив ги слушнав од луѓето со кои пораснав, баби, прабаби итн., дел од тие балади кои се пеат и раскажуваат до денес, додека дел од последните остатоци од изгубени легенди. И сакав да ги оживеам оние што можеа да се изгубат и оние што имаа подолг животен век, да ги донесам меѓу луѓето, меѓу читателите, за тие бисери на духовната конструкција, каде што пораснав, да останат што подолго“. вели писателот Намик Докле. О, Дервиш, што не потсетува на тие дамнешни времиња Областа Гора во срцето на Европа, која, како што пишува авторот, „жителите мислат дека е крај на светот“, се појавува на корицата преку сликата на Пашк Перват, додека легендите од внатрешната страна се илустрирани со Дритан Наси оваа книга на Доклеш ги буди културните вредности на духовноста на овој крај, кој ги обединува Албанија (9 села), Косово (18 села) и Македонија (две села). „Поделени на три држави, во 9 села во Албанија, 18 села во Косово и две во Македонија, особено во Косово најпознато е дека една од ѕвездите на косовското знаме е токму за Гора и Гораните. Мора да направиме нешто повеќе. На пример, овие легенди се објавуваат за прв пат, тие првпат ја гледаат светлината на сонцето, никогаш не се напишани во ниедна книга, емитувани на ниту едно радио или телевизија, па и јас сум придонел за да не умре“, вели Докле. Гора, како што елаборира Докле, со ова име се среќава во документите од 1348 година, но книгата привлекува внимание и на јазикот што го зборуваат Гораните, необработен во училиштата и книгите. „Претходно не знаев, по промоцијата на книгата запознав професор по литература од моето село Борје, кој ми кажа дека овие легенди ги превел на Горанче, токму за да го одржи во живот овој тип јазик, кој е многу посебен. јазик на она што Конвенцијата на Советот на Европа го нарекува мали јазици, но кои се во опасност да бидат изгубени. Конвенција има, но конвенциите не функционираат ако не се напишани во книги“, додаде Докле. Во презентацијата на книгата денеска се вклучија и академици, истражувачи и други културни личности. Имаше и многу клучни политички фигури на Социјалистичката партија, кои, како што велат, покрај книжевниот и политичкиот придонес, на таков ден посебно ги обединуваат човечките вредности на авторот. Докле вели дека понекогаш „она што политиката го уништува, литературата го обединува“. „Не само литература, туку и пријателство. И мислам дека толеранцијата, договорите, човечките односи пред се ја разубавуваат политиката, бидејќи да не беа човечките односи, да не беа културата, особено духовната култура, познавањето на материјалната култура на луѓето, на различните провинции тие доаѓаат од политичарите. , тогаш политиката би била дива. Токму овие духовни елементи на пријателството, на општеството, на соработката, на разбирањето ја разубавуваат и омекнуваат политиката“, вели тој понатаму. Легендите за Гора инспирираа и ќе станат првиот преглед за други романи на авторот Намик Докле. Advertisement Post Views: 245 Македонци Намик Докле Областа Гора 2024-04-18 Весник Илинден...

Народен митинг на ВМРО-ДПМНЕ за кампањата за парламентарни избори во Охрид – Македонија повторно твоја (ВО ЖИВО) Advertisement Post Views: 179 Македонија повторно твоја 2024-04-18 Весник Илинден...

Собранието на Советот на Европа го поддржа членството на Косово За прием на Косово во Советот на Европа гласаа 131 од 171 присутен член, 29 беа против, а 11 беа воздржани. На расправата имаше жестока дебата, за и против членството на Косово, кое својата кандидатура ја поднесе пред две години. Сега процесот се сели во Комитетот на министри за надворешни работи на Советот на Европа, кој се очекува конечната одлука со двотретинско мнозинство да ја донесе кон средината на мај. Advertisement Post Views: 235 косово Советот на Европа 2024-04-16 Весник Илинден...

Германскиот пратеник Питер Баер ја поддржа кандидатката за претседател на Македонија, Гордана Силјановска Давкова Германскиот пратеник Питер Баер кој доаѓа од редовите на ЦДУ даде отворена поддршка за кандидатурата на Гордана Силјановска Давкова за претседател на Македонија, објави пратеникот Антонио Милошоски. Тројцата оствариле средба во Парламентот. Се разговараше за актуелната изборна кампања, за прекршувањето на изборниот законик од страна на Академијата за судии и обвинители, како и за програмата на Проф Силјаноска Давкова која е заснована на владеењето на правото и исполнување на копенхашките критериуми, информираше Милошоски. Од двете страни беше нагласена важноста за продлабочување на многу добрите германско-македонски односи во сите области од взаемен интерес. Проф Силјаноска Давкова нагласи дека доколку ја добие довербата за да биде претседателка на Република Македонија ќе вложи сериозни напори за градење на широк општествен и политички консензус по однос на интеграцијата во ЕУ, а истовремено во овој контекст ќе се залага за цврста регионална соработка и меѓусоседска солидарност на рамноправна основа, напиша Милошоски. Advertisement Post Views: 139 гордана силјановска-давкова 2024-04-16 Весник Илинден...

Путин го повика Блискиот Исток да се воздржи од нови конфликти Рускиот претседател Владимир Путин ги повика сите страни на Блискиот Исток да се воздржат од потези кои би предизвикале нов конфликт кој би имал катастрофални последици, објави Кремљ на 16 април, пренесува Ројтерс. Путин, кој ги зајакна врските со Иран откако испрати руски војници во Украина во 2022 година, телефонски разговараше со иранскиот претседател Ебрахим Раиси за нападот на Иран врз Израел, кој Кремљ го нарече „одмазднички мерки“. Доцна на 13 април, Иран лансираше беспилотни летала и проектили кон Израел како одмазда за израелскиот напад врз неговиот конзулат во Сирија на 1 април, во кој загинаа седум членови на Исламската револуционерна гарда, вклучително и двајца команданти. Иран го смета Израел како одговорен за овој напад, кој, од друга страна, ниту ја потврди ниту негираше својата вмешаност во инцидентот. Во својот прв јавен коментар за иранскиот напад врз Израел, Путин рече дека главната причина за моменталната нестабилност на Блискиот Исток е „нерешениот конфликт меѓу Палестинците и Израел“. „Најдоброто“ за Путин: Mожните придобивки на Кремљ од нападот на Иран врз Израел Кремљ соопшти дека Путин се надева дека сите страни ќе покажат воздржаност и ќе спречат нова рунда конфликти. Раиси, како што се наведува во соопштението, рекол дека акциите на Иран се од ограничен карактер и дека „Техеран не е заинтересиран за натамошна ескалација на тензиите“. Русија, која воспостави блиски врски со врховниот водач Али Хамнеи и арапските лидери како саудискиот престолонаследник Мохамед бин Салман, постојано го критикуваше Западот дека ја игнорира потребата од независна палестинска држава во границите од 1967 година. Путин и Раиси ги потврдија ставовите на Русија и Иран дека е потребен итен прекин на конфликтот во појасот Газа, како и решение за тешката хуманитарна ситуација и создавање услови за политичко и дипломатско решение на кризата. Соединетите Американски Држави (САД) веруваат дека сè посилните партнерства меѓу Русија, Кина, Иран и Северна Кореја претставуваат еден од најопасните предизвици во последните четири децении. Иран и достави на Русија голем број балистички ракети и беспилотни летала, кои Москва ги користеше во војната во Украина, која започна во февруари 2022 година. Advertisement Post Views: 109 Владимир Путин иран Русија 2024-04-16 Весник Илинден...

Саемот во Хановер ќе трае од 22 до 26 април 2024 Фото: Hannover Messe Саемот во Хановер игра централна улога во глобалната економија и овозможува пристап до ресурси кои не се достапни во некои земји. Сепак, тоа носи и предизвици како што се трговскиот дисбаланс и протекционизмот. Саемот во Хановер поттикнува глобален дијалог за овие прашања. Саемот во Хановер е водечки светски саем за индустриска технологија. Нејзината водечка тема „Да енергизираме за одржлива индустрија“ ги обединува изложувачките компании од машинството и електротехниката, дигиталната индустрија и енергетскиот сектор за да презентираат решенија за иднината на производството и снабдувањето со енергија. Норвешка е земја партнер на Саемот ќе трае од 22 до 26 април 2024 година во Хановер, Германија. Advertisement Post Views: 93 Hannover Messe Саемот во Хановер 2024-04-16 Весник Илинден...

Европскиот инвестициски фонд склучи договори со банките од Западен Балкан Европскиот инвестициски фонд (ЕИФ), дел од групата ЕИБ, склучи договори за портфолио гаранции со 11 банки и финансиски посредници во економиите на Западен Балкан, а гаранцијата на ЕУ ќе овозможи мобилизација на околу 750 милиони евра за малите бизниси во Западниот Брег и 250 милиони евра за Србија. Овие договори финансирани во рамките на иницијативата на Европската Унија „Гаранции за издржливоста на МСП“ ќе им овозможат на локалните банки и финансиски институции да создадат портфолио на заеми за МСП во вредност од над 750 милиони евра, вклучително и оние што допрва треба да бидат потпишани во првата половина на 2024, соопшти Делегацијата на ЕУ во Србија, објави Танјуг. Се очекува дека овие гаранции во Србија ќе овозможат пласман на кредити под поволни услови во вкупна вредност од 250 милиони евра за околу 4.650 мали и средни претпријатија, со што ќе се заштедат околу 64.000 работни места. Иницијативата на СБ ЕДИФ „Гаранција за отпорност на малите и средните претпријатија2, започната во 2022 година е финансирана од ЕУ. Во Србија, благодарение на гаранциите на ЕИФ, досега се мобилизирани вкупно околу 2,5 милијарди евра за околу 38.000 мали и средни претпријатија, што придонесе за зачувување на околу 637.000 работни места. Advertisement Post Views: 130 Европскиот инвестициски фонд 2024-04-16 Весник Илинден...

Шефот на ИДФ вели дека иранскиот напад ќе биде проследен со одговор Началникот на Генералштабот на ИДФ, генерал-полковник Херзи Халеви, во изјава од воздухопловната база Неватим, рече дека „ќе се одговори“ на иранскиот напад со ракети и дронови врз Израел. Иран сакаше да им наштети на стратешките способности на државата Израел, тоа е нешто што не се случило порано. Бевме подготвени за операцијата „Железниот штит“, рече тој. Минатиот понеделник видовме што се организира и мислиме дека државата Израел е многу силна и знае како сама да се справи со тоа, но со толку многубројна и толку далечна закана, секогаш сме среќни што ги имаме САД со нас, изјави Халеви. Гледаме напред, ги разгледуваме нашите чекори и ова лансирање на толку многу ракети, крстаречки ракети и дронови на територијата на државата Израел ќе наиде на одговор, истакна тој. Базата Неватим беше погодена во иранскиот ракетен напад, при што ИДФ пријави мала штета на инфраструктурата Операцијата на ИДФ за спротивставување на иранскиот напад во саботата е наречена „Железен штит“, соопшти војската. Advertisement Post Views: 130 ИДФ 2024-04-15 Весник Илинден...

Ексклузивно интервју со г-дин Никола Ѓурѓај, Претседател на Македонското друштво “Илинден”-Тирана, за Централниот совет на Македонците во Германија Кои значајни пресвртници и успеси успеавте да ги постигнете досега како претседател на Македонско друштво “Илинден”-Тирана? НЃ: Идејата за формирање на македонското друштво “Илинден”-Тирана дојде од неколкумина млади Македонци, а целта беше поинакво дејствување од дотогаш практикуваното, за заштита и афирмација на Македонците во Република Албанија. Еве, 15 години од формирањето на македонското друштво “Илинден”-Тирана се бори за заштита на правата на Македонците во Република Албанија, но и за афирмација на македонскиот етнички, јазичен, културен, верски, историски и државен идентитет на Македонците во Република Албанија. Како претседател, заедно со моите соработници, имавме можност да оствараме голем број работни и официјални средби со политички и општествени фактори. Се среќававме и соработувавме со владини и невладини институции како во Република Албанија, така и во матичната држава Македонија. Не помалку активно работевме на развивање на соработка со меѓународни организации. При сите средби со претставниците на државните институции во Република Албанија, во матичната држава Македонија и во европските институции, ги искористивме сите пригоди за размена на мислења за важни прашања за унапредување на положбата и правата на Македонците во Република Албанија. Иако не секогаш постигнувавме заедничко или задоволително решение за одреден проблем, сепак, изразувам благодарност на сите државни институции во Република Албанија, во татковината Македонија и низ светот. Голем успех е членството во Федералната унија на европските националности (ФУЕН). Сметам дека е потребно да истакнам дека македонското друштво “Илинден”-Тирана е првото друштво од Република Албанија формирано од малцинствата и од сите македонски друштва низ Европа, кое е рамноправен член на ФУЕН од 16 мај 2015 година и е дел од Работната група на словенските малцинства при ФУЕН. Како активен партиципант во ФУЕН, членови на друштвото досега учествуваа на сите конгреси и поднесуваа резолуции, што придонесува Македонско друштво “Илинден”-Тирана да биде силен глас на Македонците во Република Албанија. Еден од големите успеси на македонското друштво “Илинден”-Тирана е тоа што од новата академска 2023/2024 година ќе може повторно да функционира Лекторат по македонски јазик на Факултетот за странски јазици на Универзитетот во Тирана. Заедничките залози на Меѓународниот семинар за македонски јазик, литература и култура при Универзитетот “Св. Кирил и Методиј” во Скопје (МСМЈЛК при УКИМ) и Македонското друштво “Илинден”-Тирана, за остварување на иницијативата за повторно отворање на Лекторатот, дадоа конкретни резултати. Со официјален допис упатен до Македонското друштво „Илинден“, Деканатот на Факултетот за странски јазици при Универзитетот во Тирана, претставен од деканката, проф. д-р Есмералда Кромида, даде позитивен одговор на барањето за повторно отворање на Лекторатот. Можете ли да ни пренесете за предизвиците со кои се соочува македонското малцинство во Албанија и како сте придонеле за нивното надминување? НЃ: Слободно можеме да кажеме дека за Македонците во Република Албанија најголем проблем е немањето на право на образование на македонски мајчин јазик во областите Голо Брдо и Гора, како и во поголемите градови, како Тирана, Елбасан, Корча, Билиште, Поградец. За жал, само во Мала Преспа македонските деца учат на мајчин јазик, и тоа само во основно и средно образование. Воочувајќи го ова како голем проблем за Македонците во Албанија, поднесовме иницијатива за реактивирање на лекторатот по македонски јазик во Тирана. Сме многу среќни што во Тирана има Лекторат по македонски јазик, и се надеваме дека ќе се подигне иницијатива за претворање на лекторатот во катедра по македонски јазик. Друг голем проблем за Македонците во Голо Брдо е работното време на граничниот премин Џепиште – Требиште, кој беше отворен во мај 2013 година. Владите на Република Македонија и на Република Албанија, на заедничката седница одржана во Поградец на 15 декември 2017 година, донесоа одлука граничниот премин Џепиште – Требиште да работи 24 часа. И покрај тоа, оттогаш до денес преминот не работи 24 часа, туку со редуцирано работно време. Во неколку наврати, ние како друштво баравме овој граничен премин да работи постојано, поради потребите на граѓаните од двете страни на границата, но досега нема позитивно решение за проблемот. Друг голем проблем за Македонците во областите Голо Брдо, Гора и Мала Преспа претставува патната инфраструктура, која е главна причина за слабиот економски развој на овие области, населени со македонско население. Во катастрофална состојба е и здравствената заштита во населените места, бидејќи или нема објекти за таа намена или се во исклучително лоша состојба. Македонците од областа Голо Брдо имаат големи проблеми поради тоа што во 2014 година Владата на Република Албанија ги укина општините Требиште, Острени и Стеблево, за првите две да ги приклучи кон општината Булќиза. Укинати се и општините Шиштевац и Запот во областа Гора, кои сега се приклучени кон општината Кукс. На тој начин, единствена македонска општина во Република Албанија остана општина Пустец во областа Преспа. И покрај сите барања и аргументи на претставниците на македонската заедница во укинатите општини во 2014 година, индивидуално или преку македонското друштво “Илинден”-Тирана и македонското друштво “Илинден”-Огранок Голо Брдо, барања за формирање на општините Голо Брдо и Гора сè уште не добија одговор. Кои стратегии сте користеле за засилување на свеста за потребите на македонското малцинство, како на локално така и на национално ниво? НЃ: Основните задачи на Македонското друштво “Илинден“-Тирана се утврдени како заштитата и афирмацијата на македонскиот етнички, јазичен, верски, културен и наследство на Македонците во Република Албанија. Друштвото работи на промоција и афирмација на македонскиот етнички, јазичен, верски, културен и наследство, организирање на фолклорни фестивали, курсеви по македонски јазик, штампање на различни промотивни материјали. Македонскиот весник “Илинден” игра значајна улога како промотор на сите Македонци во Република Албанија. До која мера работата на Македонско друштво “Илинден”-Тирана допринесе за подигнување на културниот идентитет и образованието на македонската заедница во Албанија? НЃ: Македонското друштво “Илинден“-Тирана, во своите 15 години постоење, работи на промоција на македонскиот етнички, јазичен, верски, културен и наследство на Македонците во Република Албанија. Таа продолжува со оваа работа и во иднина. Кои моментални предизвици стојат пред македонското малцинство во Албанија и како планирате да ги преодите? НЃ: Најголемиот предизвик за Македонците во Република Албанија е асимилацијата и иселувањето од областите Голо Брдо, Преспа, Гора и Врбник, како и од полеглемите градови. Планираме да работиме на подобрување на ситуацијата во тие области за задржување и развој на македонската заедница. Каква улога игра Македонско друштво “Илинден”-Тирана во поддршка на интеркултурниот дијалог и соработката помеѓу различните етнички групи во Албанија? НЃ: Македонското друштво “Илинден“-Тирана има соработка со организации што претставуваат различни етнички групи во Република Албанија и промовира интеркултурниот дијалог и соработката за добро на малциствата во знак на взајмено почитување и соработка. Како би ги оцениле влијанието на политичкиот развој на Албанија врз правата и состојбата на македонското малцинство? НЃ: Политичкиот развој на Република Албанија има влијание и на малциствата, вклучително и на Македонците. Малциствата, вклучувајќи го и македонското малцинство, треба активно да се вклучат во политичкиот процес за да се подобри нивната состојба. Како изгледа соработката помеѓу Македонско друштво “Илинден”-Тирана и другите организации, како на пример Централниот совет на Македонците во Германија, и кои други организации играат значајна улога во постигнување на вашите цели и проекти за македонското малцинство во Албанија? НЃ: Македонското друштво “Илинден“-Тирана работи во соработка со другите македонски организации. Во 2012 година потпишавме меморандуми за соработка со Македонскиот клуб “Илинден”-Лацен, Германија, а на 30 мај 2023 година потпишавме Меморандум за соработка со Централниот совет на Македонците во Германија. Целта на овие соработки е промоција на македонските национални, традиционални и историски вредности на национално и меѓународно ниво. Овие партнерства имаат за цел да реализираат заеднички проекти како истражувања, креирање, развој и промоција на македонската култура, размена на деца и младинци како учесници во разни манифестации, како и промовирање и поддршка на научни, културно-уметнички, спортски и хуманитарни активности и манифестации. Во име на Централниот совет на Македонците во Германија, ви благодариме за разговорот и за соработката. Ви посакуваме личен и професионален успех, особено во соработката со нас од Централниот совет на Македонците во Германија. НЃ: Ви благодариме на вас за оваа можност. Исто така, ви посакуваме успех и како партнери да ги зголемиме нашите заеднички настапи, а соработката со вас ке биде од големо значење за нас. Благодарам ви за интервјуто и за соработката./www.zentralratdermakedonen.de Advertisement Post Views: 162 Ексклузивно интервју со г-дин Никола Ѓурѓај Македонското друштво “Илинден“-Тирана Централниот совет на Македонците во Германија 2024-04-15 Весник Илинден...

Албанија ги вклучува дроновите „Бајрактар“ во откривање случаи на одгледување канабис Министерот за внатрешни работи Таулант Бала денеска најави дека од идната недела ќе се користат беспилотни летала „Бајрактар“ за контрола на албанската територија и откривање случаи на одгледување канабис, што ќе го надополни воздушниот мониторинг од авионите на Guardia di Finanza. Тој најави дека 2024 година треба да биде година кога на „феноменот на одгледување и тргување со канабис ќе му биде зададен истребувачки удар“. Јас од средината на јули минатата година кога ја презедов функцијата кажав дека 2024 година треба да биде година кога треба да му зададеме истребувачки удар на феноменот на одгледување канабис и сакам да потврдам дека покрај следењето од воздух преку протоколот за соработка што го имаме со Guardia Di Finanza оваа година, почнувајќи од следната недела ќе почнеме да ги користиме и „Бајрактар“ беспилотни летала, кои ќе вршат систематски мониторинг на целата територија на Република Албанија со фокус на борбата против феноменот на одгледување наркотици, главно канабис сатива, изјави Бала. Додаде дека со беспилотните летала ќе се следат сите други форми на криминал, вклучително и еколошките, дивоградбите, како и во рамки на мерките поврзани со туристичката сезона. Три турски беспилотни летала „Бајрактар“ на Албанија и беа испорачани на почетокот на месец март годинава. Што се однесува до состојбата со канабисот, според Бала, во текот на минатата година запленети биле четири тони канабис и уништени 293 илјади стебла од ова наркотично растение. Advertisement Post Views: 132 Албанија 2024-04-15 Весник Илинден...

МНР формираше кризен штаб за извлекување на македонските граѓани од Блискиот Исток Министерот за надворешни работи, Бујар Османи, на денешната прес конференција, упати најостра осуда за масовниот напад на Иран врз Израел во текот на ноќта, што може да доведе до дополнителна ескалација на состојбите во Блискиот Исток. “Го осудуваме овој напад како што ги осудивме и претходните, и како што ќе ги осудиме и евентуалните следни одмазднички напади кои се најавуваат. Насилството раѓа насилство, а овој повторувачки круг на одмазда неповратно ја ескалира состојбата во регионот, која многу лесно може да се прошири; повикуваме на итно стопирање на сите насилства, затоа што ако сега не се прекине со насилството од одмазда, состојбата наскоро ќе ја помине точката од која враќање назад – нема.” Османи се осврна и на многу тешката ситуација на цивилното население во Газа, нагласувајќи дека Израел сноси своја одговорност за страдањата на цивилите, што ние принципиелно го осудуваме. Воедно, Османи нагласи дека доколку не се спречи натамошната крајно негативна динамика, има потенцијал да се претвори во регионална војна, што директно или индиректно ќе има влијание и надвор од регионот. Воедно, додаде дека заедно со актуелната агресија на Русија во Украина, уште една сериозна регионална воена криза на Блискиот исток, може да има драматични импликации по меѓународниот мир и стабилност. Исто така, Османи потсети дека Министерството за надворешни работи ги извлече најголемиот број на наши државјани кои се наоѓаа во Израел, со организиран лет во октомври минатата година, а дел останаа согласно своја сопствена одлука. Според податоци со кои располага Министерството, во Израел има најмногу 40-50 наши државјани, меѓу кои и семејствата на нашиот дипломатски персонал во Тел Авив. “Би сакал да информирам дека прва одлука што ја донесов утринава е одлуката за формирање на кризен штаб, примарно надлежен да организира извлекување на нашите државјани од Израел и пошироко Блискиот исток, доколку се јави потреба за тоа. Извлекувањето ќе зависи од динамиката на состојбите идните часови и денови, како и отворениот аеродром во Тел Авив, кој денес, во утринските часови, повторно е ставен во функција, но работи со ограничен капацитет. Единствената алтернативна рута е копнениот пат преку Јордан” потврди Министерот. Османи потсети дека персоналот на Амбасадата е на безбедно и останува на располагање на нашите државјани. “Ги повикувам сите државјани на Македонија во Израел да бидат во комуникација со нашата Амбасада во Тел Авив на дежурниот телефон + 972 549 267 378, како и SOS дежурните телефони на Министерството за надворешни работи (+389 75 273 732/ +389 75 268 736), со цел подготовки за евентуална евакуација” истакна Османи. Advertisement Post Views: 151 Министерот за надворешни работи 2024-04-14 Весник Илинден...

Поранешниот албански претседател, Илир Мета со поддршка за ВМРО-ДПМНЕ: Од очекуваната победа бенефит ќе имаат сите граѓани Поранешниот албански претседател и актуелен лидер на Партијата на слободата, Илир Мета, преку објава на социјалните мрежи изрази поддршка за ВМРО-ДПМНЕ и убеденост во победата на партијата, на претстојните избори. Тој оценува дека со победата на ВМРО-ДПМНЕ на изборите Македонија ќе продолжи безбедно да чекори по евроатлантскиот пат и повторно Албанците ќе бидат клучна гаранција за тоа. Очекуваната победа на ВМРО-ДПМНЕ на претстојните избори ќе даде нова димензија на економскиот развој на Македонија во иднина, од која бенефит ќе имаат сите нејзини граѓани, напиша тој на Фејсбук. Мета порача да не заборавиме дека визијата на партијата и политиките во владеењето ја трансформираа Македонија во 10-та земја во светот и 5-та во Европа по бизнис клима и странски инвестиции. Според него, благодарение на визијата на ВМРО-ДПМНЕ, Македонија направи бум во растот на земјоделството и сточарството, почнувајќи со 10 милиони евра годишна финансиска поддршка и зголемувајќи ги на 200 милиони евра. Новиот тим на ВМРО-ДПМНЕ, верувам, доволно научи од грешките направени во минатото и последиците од непотизмот, кој ги засени извонредните економски и општествени достигнувања. Македонија ќе продолжи безбедно да чекори по евроатлантскиот пат и повторно Албанците ќе бидат клучната гаранција за тоа, пишува Мета. Тој сподели фотографии од средби со лидерот на ВМРО ДПМНЕ, Христијан Мицкоски, професорката Весна Јаневска и други членови од Комисијата за образование на ВМРО-ДПМНЕ. Advertisement Post Views: 272 ВМРО-ДПМНЕ илир мета 2024-04-14 Весник Илинден...

Иран го нападна Израел со 300 дронови и проектили, речиси сите биле соборени од Израел Иран лансирал околу 300 дронови и крстосувачки и балистички проектили кон Израел во досега невиден напад, објавија Израелските одбранбени сили (ИДФ), додавајќи дека 99% од нив биле соборени од израелските противвоздушни системи и од сојузниците во регионот. Досега има информации за едно повредено лице и за мали штети во една воена база во јужен Израел. Снимките покажаа експлозии и огнени топки над Ерусалим како резултат на дејствувањето на противвоздушната одбрана. ИДФ кажа дека имало лансирања и од Ирак и Јемен. Џо Бајден изјави дека американските сили му помогнале на Израел да ги собори речиси сите дронови и проектили лансирани од Иран ноќеска. Тој додаде дека наредил движење на американски воени авиони и бродови во регионот откако Иран го почнал нападот. „Зборував со израелскиот премиер Нетанјаху за да го уверам во железната посветеност на САД кон безбедноста на Израел. Му реков дека Израел демонстрирал извонредни капацитети да се брани“, изјави Бајден. Иран се закани со одмазда откако Израел го бомбардираше иранскиот конзулат во Дамаск на 1 април, при што загинаа и генерали на Иранската револуционерна гарда. Техеран се закани дека повторно ќе нападне со уште поголема сила ако Израел се одмазди за овој напад и ги предупреди САД да не се мешаат. „САД не сакаат конфликт со Иран, но ќе дејствуваме ако треба да ги заштитиме нашите сили и да ја поддржиме одбраната на Израел“, изјави американскиот министер за одбрана Лојд Остин Advertisement Post Views: 78 иран 2024-04-14 Весник Илинден...

Иранската револуционерна гарда упаднаа на израелски брод: Се спуштиле од хеликоптер Ми-17 и го запленија пловилото (ВИДЕО) Иранската револуционерна гарда го заплени бродот „MSC Aries“ за кој вели дека е „поврзан со Израел“, јавува иранската државна новинска агенција ИРНА. Иранците најавија дека ќе го преместат бродот во иранските територијални води, пренесува Ројтерс. Операцијата била изведена така што иранските командоси се симнале од хеликоптер на брод кој пловел под знаме на Португалијаи. Сето тоа се случило во Ормутскиот Теснец на околу 80 километри североисточно од градот Фуџаира во Обединетите Арапски Емирати (ОАЕ), извести британската трговска поморска служба. Официјален претставник на иранската одбрана сподели снимка на која се гледаат командоси како слегуваат од хеликоптер на куп контејнери на палубата на бродот. Се слуша како член на екипажот во авионот вели: „Не излегувајте“. Од Zodiac Maritime потврдија дека се сопственици на запленетиот брод „MSC Aries“, на кој имало 25 членови на екипажот. Тие потврдија дека бродот е пренасочен кон Иран. „Ние тесно соработуваме со релевантните власти за да ја обезбедиме нивната благосостојба и безбедно враќање на бродот“, се вели во соопштението. Даниел Хагари, портпарол на израелската армија објави: „Иран ќе ги сноси последиците ако одлучи дополнително да ја ескалира ситуацијата. Ние сме во состојба на готовност. Ја зголемивме нашата подготвеност да го заштитиме Израел од понатамошна иранска агресија. Подготвени сме да одговориме“. Информациите за инцидентот доаѓаат во време на зголемени тензии меѓу Иран и Израел. Светот со денови очекуваше дека Иран или неговите партнери ќе го нападнат Израел како одмазда за минатонеделниот напад врз иранската амбасада во Дамаск, во кој загина висок командант на иранската Револуционерна гарда и уште шест офицери. Израел не ја презеде одговорноста за воздушниот напад на иранската амбасада на 1 април, но иранскиот врховен лидер Али Хамнеи рече дека „Израел мора да биде казнет и ќе биде казнет“ за операцијата, за која рече дека се чини дека била извршена на иранска територија. Командантот на Воената морнарица на Револуционерната гарда на Иран во вторникот рече дека Техеран го гледа присуството на Израел во ОАЕ како закана. Тој посочи дека Техеран може да го затвори Ормускиот теснец, влезот во Заливот, доколку смета дека е потребно. Градот Фуџаира се наоѓа на источната страна на Ормускиот теснец. Хутите, кои се на страната на Иран, со месеци организираат напади врз бродови во Црвеното Море. Advertisement Post Views: 198 Иранската револуционерна гарда 2024-04-13 Весник Илинден...

Комисијата за образование и наука на ВМРО-ДПМНЕ беше во посета на Пустец и Корча (ФОТО) Денес Комисијата за образование и наука на ВМРО-ДПМНЕ беше во посета на Пустец и Корча на состанoк на партијата на слободата на Албанија на покана од партијата. На состанокот беше присутен поранешниот претседател на Албанија и актуелен претседател на Партијата на слободата на Албанија, Илир Мета. Претседателката Весна Јаневска изрази задоволство за соработката, а албанскиот поранешен претседател Илир Мета даде поддршка на македонската заедница во Албанија. Присутен беше и преседателот на огранокот на Партијата на слободата за Мала Преспа, Панди Јани. Advertisement Post Views: 487 Македонци во Албанија 2024-04-13 Весник Илинден...

МАЕИ бара помош од ОН во врска со спроведениот попис во Албанија Македонска алијанса за европска интеграција (МАЕИ) во „име на единствениот политички субјект кој ги застапува интересите и правата на македонското малцинство во Албанија“, упати писмо до Комитетот за елиминација на расна дискриминација-Канцеларијата на Обединетите нации во Женева, во кое се изнесува посебен извештај подготвен од партијата во врска со „значајни и загрижувачки прашања поврзани со пописот на населението спроведен во Албанија во октомври 2023 година“. Нашиот извештај детализира низа инциденти кои предизвикуваат сериозна загриженост за спроведувањето и интегритетот на пописниот процес, особено фокусирајќи се на притисокот, заканите и заплашувањата, извршени од бугарските власти за време на пописот. Овие дејствија ги поткопаа правата и слободите на македонската заедница во Албанија, прашање што се наоѓа директно во рамките на мандатот на Комитетот за елиминација на расната дискриминација, за спречување на расната дискриминација и заштита на правата на малцинствата – изјави за МИА, Стерјовски. Додава дека целта на извештајот е двојна, да се истакне кршењето на правата на малцинствата и да даде детали и докази за тактиките што се користеле за заплашување на припадниците на македонската заедница во Албанија, тактики, за кои веруваат дека биле дизајнирани да влијаат или манипулираат со резултатите од пописот. Со почит го повикуваме Комитетот за елиминација на расната дискриминација, да го разгледа овој извештај и да размисли за преземање соодветни мерки. Ова може да вклучи истрага за овие инциденти, изразување загриженост до релевантните органи и давање препораки за тоа како да се заштитат правата на македонското малцинство во Албанија – посочува тој. Во извештајот, се нагласува дека МАЕИ е посветена на поттикнување на општество во кое сите етнички групи ќе можат да живеат во хармонија и подеднакво да се почитуваат нивните права. Сепак, настаните околу пописот во октомври 2023 година фрлија сенка врз оваа визија, барајќи интервенција од ценети тела како што е вашето. Веруваме дека Комитетот ќе му даде на ова прашање итно внимание што го заслужува и со нетрпение ја очекуваме поддршката во надминувањето на овие сериозни грижи. Доколку се потребни дополнителни информации или појаснувања, ги замоливме да не контактираат – вели Стерјовски. Минатиот месец делегација на МАЕИ предводена од Стерјовски оствари повеќе средби со претставници на Советот на Европа во Стразбург и со европратеници во Европскиот парламент во Брисел. Главен фокус на средбите беше даде на положбата на Македонците во Албанија а им беше доставен посебниот извештај подготвен од МАЕИ за пописот во Албанија, кој се спроведе во октомври 2023 година и притисоците на Бугарија за асимилација на Македонците во Албанија. Advertisement Post Views: 188 Македонска Алијанса за Европска Интеграција 2024-04-12 Весник Илинден...

Советот за безбедност не донесе одлука Палетина да биде примена за полноправна членка на ОН Членките на Советот за безбедност на ОН синоќа не успеаја да се договорат за барањето на Палестина за полноправно членство во светската организација, изјави амбасадорот на Малта, земјата која во април претседава со Советот за безбедност, пренесе Бета. Немаше консензус за прием на палестинска држава, рече Ванеса Фрејзиер по состанокот зад затворени врати. Сепак, недостатокот на консензус не ја спречува земјата-членка да го поднесе прашањето до Советот за безбедност на гласање. Советот за безбедност на ОН одлучи да одговори на барањето на Палестина за полноправно членство во Обединетите нации до крајот на април, изјави претходно Фрејзер, што палестинските власти го опишаа како „историско“, а Израел остро го осуди. Во септември 2011 година, претседателот на Палестинската управа, Махмуд Абас, ја покрена процедурата, барајќи „пристапување на државата Палестина во ОН“, но оттогаш постапката не е завршена. Во ноември 2012 година, Палестина доби статус на „држава набљудувач која не е членка“ на ОН. Палестина минатата недела го ажурираше своето барање за членство во ОН со писмо до Советот за безбедност на ОН, укажувајќи на израелската офанзива во Газа, а ова тело од понеделникот почна процес на разгледување на барањето. Advertisement Post Views: 77 Советот за безбедност на ОН 2024-04-12 Весник Илинден...

По апсење на тројца функционери на општина Тирана, опозицијата протестира со фрлање молотови коктели кон институцијата Опозицијата повторно одржа протест пред општина Тирана, каде бара оставка од градоначалникот Ерион Велиај, по приведувањето на неколку функционери од општината инволвирани во корупција поврзани со случајот „5Д“, пренесуваат албанските медиуми. Протестот ескалираше, каде што демонстрантите се судрија со полицијата, а дел од нив дури и фрлаа молотови коктели кон општината. Пратениците од опозицијата Албана Вокши, Фламур Нока, Клевис Балиу, Лучијано Бочи итн. беа присутни на протестот, додека демонстрантите бараа прекин на кражбите во оваа институција. Advertisement Post Views: 120 Тирана 2024-04-12 Весник Илинден...

САС на МПЦ-ОА: Канонизирање на тројца нови светии – Спасе и Спаса Вишенски и преподбно-маченичка Стефанида Битолска Синодот на МПЦ-ОА, по предлог на Синодската комисијата за канонзирање на светии, на денешната седница одлучи да ги вброи во диптихот на светители и исповедниците и праведни Спасе и Спаса Вишенски и преподбно-маченичка Стефанида Битолска. Синодот смета за потребно да појасни дека независно од личните мислења на поединци и црковни портали, официјалните ставови на МПЦ – ОА се оние кои излегуваат од портпаролот на Синодот и преку соопштенијата од канцеларијата на САС, потенцираат од МПЦ-ОА. Синодот им посакува на своите верни чеда душеполезен пост и достојно да го дочекаме Христовото Воскресение. Advertisement Post Views: 108 мпц-оа Синодот на МПЦ-ОА 2024-04-11 Весник Илинден...

Колумна на Проф. д-р Катерина Тодороска: Куршумот кој ја моделираше Америка Знаејќи ја моќта на историјата во креирањето на иднината, решив повторно навреме да ви напишам еден пример за тоа кој и како се гради држава. Од бројните примери што можев да ви ги наведам, сепак се решив за американската приказна бидејќи односот на македонските граѓани кон САД може да се спореди со религија во која безрезервно се верува. Но, како дошло до тоа САД да бидат тоа што се? Пресуден за развојот на американската држава бил 19. век, бидејќи тогаш започнал најбрзиот индустриски развој, а со тоа и беспоштедната борба меѓу магнатите за доминација над американските ресурси, а со тоа и освојување на пазарот. Според личниот ангажман и влијанието во американската државна политика во 19. век најзначајни биле имињата на четворица моделирачи на САД. Заедничко за сите нив било што секој заработен долар гледале да го помножат со 10, па со 20, не обрнувајќи внимание на животот на работниците кои реално ги заработувале доларите, а така станувале неприкосновени монополисти во американското општество, секој во својот бизнис. Џон Дејвисон Рокфелер (8 јули 1839 – 23 мај 1937) бил американски индустријалец и филантроп. Ја развивал нафтената индустрија и ја дефинирал современата филантропија. Во 1870 година, ја основал претпријатието „Стандард Оил“ и го водел сè до своето пензионирање во 1897 година. Неговата компанија Стандард Оил била основана во Охајо во 1870 година. Со оглед на зголемувањето на побарувачката за керозин и бензин за потребите на индустријата, богатството на Рокфелер,значајно се зголемило и тој станал најбогатиот човек во светот. Нејзиниот монопол на американскиот пазар бил прекинат од страна на Владата во 1901 година, која компанијата ја поделила на неколку помали како компаниите Амоко, Шеврон Коноко и Ексон Мобил. Откако седиштето на компанијата Стандард Оил го префрлил на Менхетен, Рокфелер станал централна фигура на заедницата во Њујорк. Ендрју Карнеги (25 ноември 1835 – 11 август 1919) бил шкотско-американски индустријалец кој ја предводел огромната експанзија на американската индустрија за челик на крајот на 19 век и станал еден од најбогатите Американци во историјата. Најголемиот дел од своето богатство го остварил со продажба на компанијата Карнеги Стил Компани на ЈП Морган за 480 милиони долари во 1901 година, што е нето еквивалент на денешните 310 милијарди долари. Неговите начела според кои се водел, станале дел од многу програми на идните американски бизнисмени. Според Карнеги основата на успехот се состоела во тоа да се направи план за акција и започнете веднаш да се работи на него; да се биде во врска и да се соработува со луѓе кои го поседуваат тоа што вие го немате; да се надминеме себеси со работење повеќе отколку што мораме; да се има целосна верба во себе; да се има позитивент став што овозможува да се освои почитувањето од другите. Корнелиус Вандербилт (27 мај 1794 – 4 јануари 1877). На 11-годишна возраст почнал да му помага на својот татко, кој работел како бродар во пристаништето Њујорк. Пет години подоцна, со заем од 100 долари од неговата мајка, тој го купил својот брод и превезувал патници меѓу Стејтен Ајленд и Менхетен, а набрзо создал флота од мали бродови. Корнелиус Вандербилт бил американски претприемач со холандско потекло. Во животот заработувал преку претприемничка дејност во водениот и железничкиот транспорт. Корнелиус Вандербилт, американски индустријалец и филантроп. Џон Пиерпонт Морган (17 април 1837 – 31 март 1913) бил американски финансиер и инвестициски банкар кој доминирал со корпоративните финансии на Волстрит во текот на позлатеното доба и прогресивната ера. Како шеф на банкарската фирма која на крајот стана позната како J.P. Morgan and Co., тој бил движечка сила зад бранот на индустриска консолидација во Соединетите држави на почетокот на дваесеттиот век. Овие четворица магнати кон крајот на 19. век се обидувале да ја креираат политиката во САД. На тој начин, секој во својата работа останувал неприкосновен и можел дополнително да го зголемува богатството. Во екот на кампањата за претседател во 1896 година, демократот Вилијам Џенингс Брајан наговестувал дека ќе ги разбие монополите, а со тоа ќе овозможи конкуренција во работата на магнатите. Таквата реторика внела голема вознемиреност кај четворицата недопирливи индустријалци, кои решиле да вложат сериозни пари во пропагирање на „свој“ човек за претседател на САД. Во тоа време човек по нивна мерка бил Макинли. Вилијам Макинли (29 јануари 1843 – 14 септември 1901) бил 25-тиот претседател на САД. Како кандидат на Републиканците, со силна финансиска помош на магнатите, успеал да победи на изборите во 1896 год. и да седне на претседателското столче во САД. Како човек на големите индустријалци, Макинли морал да ги прифаќа сите барања на негоците спонзори, што било во спротивност на интересите на американскиот народ. Четири години подоцна, во 1900 год. на претседателските избори. повторно со огромна финансиска помош од магнатите Макинли бил реизбран за претседател. Од друга страна, тоа бил период кога американските граѓани се соочувале со безработица, мали плати за многучасовна работа, што резултирало со големо незадоволство кај народот. Во таква ситуација, претседателот Макинли бил застрелан од Леон Чолгош на 6 септември 1901 год., а починал на 14 септември од компликации од инфицирана рана. Леон Чолгош (5 мај 1873 – 29 октомври 1901) бил американски работник и анархист, кој бил фатен при извршувањето на атентатот врз Макинли, бил суден, осуден и погубен на 29 октомври 1901 година во државата Њујорк. После куршумот со кој бил убиен Макинли, ништо во САД не било исто како пред тоа. На претседателското столче во САД дошол заменик – претседателот Теодор Рузвелт (27 октомври 1858 – 6 јнуари 1919), кој бил 26. претседател на САД, со мандат во периодот од 1901 до 1909 година. Рузвелт, бил на 42-годишна возраст и станал најмладиот претседател во историјата на САД, со искуство во повеќе служби на градско, државно и федерално ниво. Широк бил неговиот дијапазон на интерес, а неговите достигнувања како природонаучник, истражувач, ловец, автор и војник само ја доплнувале неговата популарност. За разлика од Макинли, Рузвелт не им должел ништо на магнатите и немал никаква обврска да ги штити нивните интереси. Напротив, бил иницијатор на закони со кои предизвикал борба против магнатите и монополизмот на бизнисите. Отворениот судир меѓу Рузвелт и магнатите довеле до тоа да се водат и бројни судски спорови меѓу претседателот и, дотогаш недопирливите богаташи. Неговите настојувања секој граѓанин да добие заслужена сума за својата работа станала многу популарна, поради што, меѓу другото, ги добил и сите судски спорови со магнатите. Рузвелт бил првиот Американец кој добил Нобелова награда, а запаметен е како водач на прогресивните движења, кој себеси се нарекувал „ каубој“. Бил водач на Републиканската партија, а во 1912 година основал своја т.н. Прогресивната партија, која по неговата прерана смрт немала значајни активности. Ете, така еден куршум придонел да се смени иднината на САД и американските држави да станат поле за натпревар на сите кои имале идеи за иновирање на нови бизниси со што се збогатувал економскиот пазар, а со тоа се зголемувал и просперитетот на граѓаните. Сигурно се прашувате која е поуката од ова писание за историјта на САД од 19. век, во македонското совремие во 21. век. И македонската држава е изборена со куршуми во Илинденското востание и годините пред АСНОМ, ама денес е време за изборно востание со оружје во вид на кругче. Се наоѓаме во предизборен период за претседател на Република Македонија, како и за народни претставници во македонското Собрание. Имајќи го предвид фактот дека нашиот единствен демоктарски куршум е кругчето околу бројот на кандидатите за претседател и кругчето околу бројот на партијата со список на кандидатите за народни претставници во македонското Собрание, чинам време е да помислиме дека треба да го промениме ставот за заокружување околу бројчињата на оние кои со децении им должат и им се оддолжуваат на „магнатите“ во Македонија. ЗНАМ дека и вам, како и мене, ви е смачено да ја гледате државата на патеката кон амбисот. ЗНАМ дека се срамите од себе кога немате пари да купите основни производи за дома. Но денес, исто така, ЗНАМ дека имате историска можност да го употребите своето кругче за подобрување на својот живот. Не пропуштајте ја можноста со своето оружје да ја смените иднината на македонската држава. Advertisement Post Views: 266 Проф. д-р Катерина Тодороска 2024-04-11 Весник Илинден...

Фридом Хаус: Влошување на медиумите и граѓанското општество во Албанија Фридом Хаус, со седиште во Вашингтон, во најновиот извештај „Земји во транзиција 2024: Регион соочен со силите на автократијата и демократијата“, објавен во четвртокот, нагласува дека демократијата во Албанија се соочила со голем број предизвици, особено за време на изборите на месец мај, што дополнително ја консолидираше доминантната позиција на владејачката партија. Во поглавјето за Албанија, Фридом Хаус укажува и на влошувањето на состојбата на медиумите и намалувањето на просторот на граѓанското општество. Според организацијата, корупцијата и понатаму останува загрижувачки феномен во Албанија. Целокупната оценка на организацијата за Албанија останува непроменета од минатата година, опишувајќи ја како земја со хибриден систем на владеење. Фридом Xаус ги цени напорите на СПАК за борба против корупцијата и организираниот криминал и ги истакнува резултатите од истрагите за политичките личности. „СПАК постепено ги подобруваше резултатите од истрагите за случаите на корупција на високо ниво и покрена обвиненија против голем број водечки политичари во Албанија во 2023 година, станувајќи една од ретките функционални институции на правдата и обвинителството во земјата, додека процесот на проверка во Албанија продолжи. во текот на 2023 година“, се наведува во извештајот. Извештајот се однесува на истрагите на СПАК против поранешниот премиер Сали Бериша за корупција, за што тој беше прогласен за нон-грата од САД и Велика Британија и се додава дека неговото политичко крило „се претвори во насилна група, која изгледа сака да ја дестабилизираат земјата, правејќи го неговото апсење добредојдена вест за многумина“. Во извештајот се наведува и обвинението на СПАК против поранешниот вицепремиер Арбен Ахметај за корупција и распишувањето на меѓународната потерница по заминувањето од Албанија. Според извештајот, „по истрагите и обвиненијата на СПАК против Бериша и Ахметај, како и разоткривањето на врските на неколку организирани криминални групи со бизниси, политичари и органи на прогонот“, забележана е сè поголема кампања за дезинформации од неколку портали. и од високи политички фигури во власта и опозицијата да се дискредитира работата на СПАК“. Овие засилени напори на СПАК за истрага на корупцијата и организираниот криминал на високо ниво, според Фридом Хаус, поттикнаа напади врз неговите судии и обвинители од сите политички партии, кои продолжуваат да не се оградуваат од функционерите обвинети меѓу нивните редови. „Негативната реакција ја нагласува реалноста дека СПАК не може сам да се бори против корупцијата на највисоките нивоа и од витално значење за демократијата во Албанија е политичките партии да ги отстранат оние кои се вмешани во корупција и кои имаат минато што го поткопува владеењето на правото и демократијата. “, се наведува во извештајот. Според Фридом Хаус „албанските политички партии и понатаму не можат да се справат со корупцијата во нивните редови и се чини дека не се подготвени да се оградат од проблематичните партиски лидери кои се санкционирани во странство или кои се соочуваат со сериозни обвиненија од СПАК“. „Овој феномен делумно е поврзан со немањето внатрешна демократија на политичките партии и нивната неспособност“ да одговорат на оваа негативна појава во нивните редови. „Внатрешните партиски неуспеси се прелеаа во владините структури – предизвикувајќи зголемено непријателство кон критичарите во граѓанскиот сектор и медиумскиот сектор – и продолжуваат да имаат негативно влијание врз целокупната состојба на демократијата во Албанија“, се вели во извештајот. Во поглавјето за Албанија, Фридом Xаус прикажува мрачна слика и на медиумската сцена. Според извештајот, голем дел од медиумите се подредени на деловните и политичките интереси на неколку семејства или се контролирани од бизнисмени кои купуваат акции во медиумите за да добијат јавни договори во замена за поволно известување. Извештајот ги идентификува групата Топ медиа, во сопственост на семејството Хоџа, групата Клан, во сопственост на семејството Франгај, Медиа Визион, сопственост на семејството Дулаку, Г2 Медиа, сопственост на браќата Улај, семејството Хисенбелиу и италијанскиот новинар Карло Болино. Според наодите на извештајот, телевизиските канали „во сопственост на семејствата Хоџа, Франгај, Хисенбелиу и Болино имале 86,94 отсто од телевизиската публика во првите пет месеци од 2023 година“. Некои од овие медиумски компании, според извештајот, кој се однесува на организации кои ги идентификуваат сопствениците на медиумите, добиваат субвенции од централната и локалната власт во замена за поволно покривање. Во извештајот се вели дека „кога медиумите ќе станат критички настроени кон владата, како во случајот со Њуз 24 на семејството Хисенбелиу, тие се соочуваат со казнени мерки, закани и во некои случаи високи казни“. Извештајот документира неколку случаи на физички и вербални напади врз новинари во Албанија поради нивното известување за високи политичари и членови на двете политички партии. Извештајот особено ги истакнува нападите и заканите кон новинарите Елвис Хила, Афровита Хисај и Елтон Кино, како и вербалниот напад врз новинарката на „Балкан инсајт“ Ола Џама од страна на градоначалникот на Тирана, Ерион Велиај, кој ја нарече „платен атентатор“ по објавувањето на написот за истрагата за корупција за тендерот за горење во Тирана. Според организацијата, бизнисмените „плаќаат на анкетари и новинари и спонзорираат големи телевизиски емисии на политичка дебата, кои влијаат на јавното мислење“. Според извештајот, ова е направено „за промовирање на агендите на политичките партии во замена за корист од договори за јавни тендери или други услуги“. Во оваа форма, според извештајот, овие медиуми ги игнорираат важните прашања со кои се соочува Албанија. Годишниот извештај на „Фридом Xаус“, кој се занимава со главните демократски параметри на земјите во транзиција, ги обвинува двете страни од политичкиот спектар во Албанија, кои доведоа до слабеење на позицијата на парламентот да ја надгледува работата на владата. . „Поделбата во Демократската партија имаше ударен ефект врз улогата што ја игра опозицијата во одржувањето на владата одговорна и придонесувајќи за основното функционирање на парламентот, што доведе до насилни судири во парламентот во последните два месеци од 2023 година, што го поткопа важното улогата што законодавниот дом ја игра во парламентарната демократија“, се вели во извештајот. Владата, според извештајот, ги искористила „насилните судири за дополнително да го попречи овластувањето на парламентот да бара одговорност од владата, донесувајќи голем број нови закони во декември 2023 година за строго да ги казни членовите на парламентот кои дејствуваат спротивно на правилата, што го отежнува опозицијата да побара парламентарни истраги за одлуките на Владата“. Во извештајот се наведува и дека „премиерот Рама и Социјалистичката партија ги искористиле се понасилните поделби на опозицијата за да ја консолидираат власта и да доминираат на изборите одржани на 23 мај“. „Набљудувачите на изборите ја документираа злоупотребата на државните ресурси од страна на Социјалистичката партија за зголемување на политичката предност во голем број општини пред изборите, стратегија особено корисна на општинско ниво каде што многу локални власти се недоволно финансирани и зависни од централната власт“, ​​се вели во извештајот. во извештајот. Во поглавјето за Албанија се посочува и дека просторот за дејствување на граѓанското општество е стеснет, нагласувајќи дека во текот на 2023 година владата предлагала, а парламентот одобрил закони „без соодветно ангажирање на невладини организации и интересни групи“, што е законска обврска за Членството на Албанија во Европската Унија. „Владата и парламентот не успеаја да се вклучат во конструктивен дијалог со граѓанскиот сектор, докажувајќи дека условите за ангажман на невладините организации и нивно зајакнување преку консултации за изготвување политики остануваат празно ветување“, нагласуваат од Фридом Хаус. Advertisement Post Views: 126 Freedom House 2024-04-11 Весник Илинден...