Министерот за економија Крешник Бектеши не ги слуша барањата на граѓаните да ги замрзне цените на производите место маржите, оти практиката со замрзнување на маржите се покажа дека не го сопира растот на цените. Со замрзнати маржи, дел од основните продукти ја дуплираа цената последниве три месеци, па граѓаните бараат место маржата, да се одредат највисоки цени на производите кои трговците нема да смеат да ги надминат. Од Министерството за економија на прашањето дали размислуваат за замрзнување на цените на производите место маржите одговорија дека цената веќе ја контролираат. „Со примена на трговските маржи како инструмент за контрола на цените се врши ограничување на цените бидејќи во висината на трговските маржи се опфатени трговскиот профит и оперативните трошоци на трговците. На овој начин, евентуалниот раст на цените во трговијата на големо и трговијата мало ќе биде предизвикан од растот на увозните и берзанските цени, како и растот на производствените трошоци“, стои во одговорот од кабинетот на министерот за економија Бектеши за „А1он“. Министерот Бектеши најави и дека ќе ја прошири листата на прехранбени производи со замрзнати маржи. Од неговиот кабинет велат дека оценката дали да се прошири листат ќе ја направи државниот пазарен инспекторат. „Врз основа на состојбата на терен при инспекција кај трговците на големо и трговците на мало кои вршат продажба на основните прехранбени производи од страна Државниот пазарен инспекторат ќе се оцени дали ќе се прошири опфатот на производи за кои ќе се пропише трговска маржа“, велат од Министерството за економија. Додека министерот чека Државниот пазарен инспекторат да направи оценка дали да се прошири листата, од Инспекторатот велат дека од нив никој не побарал да се анализираат маржи и цени на дополнителни производи. „До нас нема официјално стигнато барање да направиме анализа на цени и маржи на дополнителни прехранбени производи. Доколку Министерството ни достави листа кои производи да се анализираат, нашите инспектори ќе утврдат која е цената, кои се маржите и ќе доставиме информација. Последни производи за кои го направивме ова беа пелетите и огревното дрво и за нив се ограничи маржата“, вели Анета Симеска-Димоска за „А1он“. Маржите на пелетите и на огревното дрво на 10% беа замрзнати во август годинава, а од јуни ограничени се маржите на лебот, шеќерот и сончогледовото масло на 5% и на пченицата, макароните, шпагетите, оризот и кравјото млеко на 10 %.

На крајот на вториот квартал од 2022 година нето надворешниот долг изнесува 3.988 милиони евра (или 29,9 отсто од проектираниот БДП) и бележи квартално намалување за 101 милион евра, или за 2,5 отсто. Од аспект на структурата, приватниот нето-долг и натаму има поголемо учество во вкупниот нето долг со 57 отсто, е истакнато во редовното статистичко соопштение за позначајните промени кај надворешниот долг, надворешните побарувања и меѓународната инвестициска позиција на Народната банка (НБ). -Во текот на вториот квартал од 2022 година, негативната нето меѓународна инвестициска позиција (МИП) е зголемена за 41 милион евра и изнесува 7.770 милиони евра, што претставува 58,3 отсто од проектираниот БДП за 2022 година, информира НБ. Според НБ, на крајот на вториот квартал од 2022 година, нето надворешниот долг бележи квартално намалување за 101 милион евра, со што на крајот на јуни 2022 година изнесува 3.988 милиони евра. Притоа, намалувањето на нето надворешниот долг во вториот квартал произлегува од намалувањето на приватниот нето-долг за 122 милиона евра, во услови на зголемен јавен нето-долг за 21 милион евра. -Зголемување на квартална основа од 385 милиони евра забележа бруто надворешниот долг, со што на крајот на второто тримесечје изнесува 10.379 милиони евра. Бруто надворешните побарувања забележаа зголемување за 486 милиони евра и изнесуваат 6.391 милион евра, соопшти НБ. Негативната нето меѓународна инвестициска позиција, се вели во соопштението, на крајот на јуни 2022 година, изнесува 7.770 милиони евра, или 58,3 отсто од проектираниот БДП за 2022 година. Од овој износ, најголемиот дел, или 83 отсто, се нето-обврски врз основа на директни инвестиции, од кои 73 отсто се врз основа на сопственички капитал. -На крајот на јуни од 2022 година, бруто надворешниот долг изнесува 10.379 милиони евра (или 77,9 отсто од проектираниот БДП) и бележи квартално зголемување од 385 милиони евра (или за 3,9 отсто). Доколку од долгот се исклучи ефектот од специфичните активности за управување со девизните резерви на централната банка, бруто-долгот бележи квартално намалување од 48 милиони евра. Оваа квартална промена е резултат на намалениот јавен долг (за 139 милиони евра), додека приватниот долг бележи квартално зголемување (за 91 милион евра), велат од НБ. Кварталното намалување на јавниот надворешен долг од 139 милиони евра, додаваат, е резултат на намалувањето на долгот на секторот „држава“ (за 210 милиони евра), во услови на зголемен долг на јавните банки и јавните претпријатија (за 67 милиони евра). Растот на приватниот долг се должи на зголемениот долг на небанкарскиот приватен сектор (за 52 милиона евра), на приватните банки (за 28 милиони евра) и на капитално поврзаните субјекти (за 11 милиона евра). -Во споредба со крајот на 2021 година, бруто надворешниот долг е повисок за 802 милионa евра, или за 8,4 отсто. Притоа, во првата половина од 2022 година, долгот со исклучен ефект од специфичните активности за управување со девизните резерви на централната банка е зголемен за 426 милиони евра. Остварениот раст е резултат на зголемениот приватен долг (за 721 милион евра), во услови на намален јавен надворешен долг (за 295 милиони евра). Растот на приватниот долг произлегува од зголемените обврски на капитално поврзаните субјекти (за 424 милиони евра), приватните банки (за 157 милиони евра) и небанкарскиот приватен сектор (за 140 милиони евра). Падот на јавниот долг е резултат на намалените обврски на секторот „држава“ (за 354 милиони евра), во услови на зголемени обврски на јавните банки и јавните претпријатија (за 54 милиони евра), прецизираат од НБ. Нагласуваат дека бруто надворешните побарувања, на крајот на вториот квартал од 2022 година, изнесуваат 6.391 милион евра (или 48 отсто од проектираниот БДП) и забележаа квартално зголемување од 486 милиони евра (или за 8,2 отсто). -Доколку се исклучи ефектот од специфичните активности на централната банка поврзани со управувањето со девизните резерви, бруто надворешните побарувања се зголемени за 58 милиони евра и изнесуваат 5.960 милиони евра. Оваа квартална промена е резултат на зголемените приватни побарувања за 213 милиони евра, при намалени јавни побарувања за 155 милиони евра. Кварталниот раст на надворешните побарувања кај приватниот сектор е резултат на зголемените побарувања на останатите сектори (за 185 милиони евра) и депозитните институции (за 37 милиони евра), во услови на намалени побарувања на капитално поврзаните субјекти (за 9 милиони евра). Падот на јавните побарувања се должи на намалените побарувања на централната банка, истакнуваат од НБ. Во споредба со крајот на претходната година, како што вели, бруто надворешните побарувања се повисоки за 476 милиони евра. -Без ефектот од специфичните активности за управување со девизните резерви на централната банка, бруто надворешните побарувања се зголемени за 79 милиони евра, и тоа како резултат на зголемените приватни побарувања (за 633 милиони евра), при намалени јавни побарувања (за 553 милиони евра). Растот на приватните побарувања произлегува од зголемените побарувања на капитално поврзаните субјекти (за 376 милиони евра), останатите сектори (за 251 милион евра) и од депозитните институции (за 6 милиони евра), велат од НБ. Како што посочуваат на 30.6.2022 година, нето надворешниот долг изнесува 3.988 милиони евра (или 29,9 отсто од проектираниот БДП). Нето надворешниот долг на земјата, во вториот квартал од 2022 година, е намален за 101 милион евра, или за 2,5 отсто. -Од аспект на структурата, приватниот нето-долг и натаму има поголемо учество во вкупниот нето-долг со 57 отсто. Во однос на крајот на 2021 година, нето надворешниот долг е зголемен за 327 милиони евра (или 8,9 отсто), при зголемување на нето јавниот долг (за 239 милиони евра) и на нето приватниот долг (за 88 милиони евра), прецизираат од НБ. Во текот на вториот квартал од 2022 година, посочуваат дека негативната нето меѓународна инвестициска позиција (МИП) е зголемена за 41 милион евра и изнесува 7.770 милиони евра, што претставува 58,3 отсто од проектираниот БДП за 2022 година. -Кварталното зголемување на негативната нето МИП произлегува од засиленото зголемување на обврските (за 515 милиони евра) во однос на зголемувањето на средствата (за 474 милиони евра). Гледано по инструменти, нето-обврските врз основа на сопственички инструменти бележат зголемување за 142 милиона евра, додека нетообврските врз основа на должнички инструменти се намалени за 101 милион евра. Во споредба со крајот на 2021 година, негативната МИП, нето, е зголемена за 525 милиони евра, како резултат на растот на нето-обврските врз основа на должнички инструменти (за 327 милиони евра) и сопственичките инструменти (за 199 милиони евра), велат од НБ.

Регулаторната комисија за енергетика и водни услуги на Република Македонија донесе Одлука со која се врши зголемување на малопродажните цени на нафтените деривати во просек за 1,06% во однос на одлуката од 26.09.2022 година. Малопродажната цена на ЕУРОСУПЕР БС-95 се зголемува за 2,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 26.09.2022 година и со тоа малопродажната цена на ЕУРОСУПЕР БС-95 изнесува 86,00 ден/лит. Малопродажната цена на ЕУРОСУПЕР БС-98 се зголемува за 2,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 26.09.2022 година и со тоа малопродажната цена на ЕУРОСУПЕР БС-98 изнесува 88,50 ден/лит. Малопродажните цени на ЕУРОДИЗЕЛ (Д-Е V) , на Екстра лесното масло за домаќинство на (ЕЛ-1) и на Мазутот М-1 НС, не се менуваат, односно остануваат на исто ниво како што утврдени со одлуката за утврдување на највисоки малопродажни цени на нафтените деривати и горива за транспорт од 26.09.2022 година и со тоа малопродажната цена на ЕУРОДИЗЕЛ (Д-Е V) изнесува 91,00 ден/лит, малопродажната цена на Екстра лесното масло за домаќинство на (ЕЛ-1) изнесува 87,50 ден/лит, додека малопродажната цена на Мазутот М-1 НС изнесува 49,768 ден/кг. Од 1.10.2022 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС – 95 86,00 (денари/литар) Моторен бензин ЕУРОСУПЕР БС – 98 88,50 (денари/литар) Дизел гориво ЕУРОДИЗЕЛ БС (Д-Е V) 91,00 (денари/литар) Масло за горење Екстра лесно 1 (ЕЛ-1) 87,50 (денари/литар) Мазут М-1 НС 49,768 (денари/килограм)

Во исто време проценува дека даночните приходи ќе ја подобрат состојбата на јавните финансии. Годинава БДП ќе порасне за 3,3 отсто, проценува Министерството за финансии во годишниот Економски и финансиски документ (ДЕФ), со што благо ја зголемиле проценката од април благодарение на силниот раст во првите шест месеци. Во втората половина од годината БДП благо ќе падне, покажуваат проценките објавени вчера. Прогнозата за следната година е намалена од 2,4 на само 0,6 отсто. Министерството за финансии сега очекува половина процентен поен помал буџетски дефицит во оваа и следната година, од 5,1, односно 3,4 отсто од БДП. Оценката за овогодинешниот јавен долг е намалена од 147 на 145,4 отсто од БДП. Во еврозоната само Грција има повисок јавен долг, изразен како дел од БДП. Во 2023 година треба да се намали на 143,2 отсто од БДП. Инфлацијата во просек треба да биде 6,6 отсто оваа година и да се спушти на 4,5 отсто во 2023 година. Рекордно високата инфлација го намалува огромниот јавен долг на Италија, и покрај намалените прогнози за економијата, а растот на цените на нафтата и гасот истовремено ги зголемуваат приходите од данокот на додадена вредност и акцизите. Министерството во извештајот наведува и дека Италија досега успеала да потроши околу 21 милијарда евра од средствата на ЕУ за закрепнување од пандемијата. Дополнителни 170 милијарди и остануваат на располагање за инвестиции до 2026 година доколку направат сѐ што договориле со Брисел.

Министерот за економија Крешник Бектеши и предложи на ВМРО-ДПМНЕ кога ќе се расправа по измените на Законот за енергетика да достави амандман со кој би се оданочување приватните хидроцентрали и соларните капацитети во земјава кои продаваат струја на слободниот пазар по 400 евра. Предлог на Бектеши е приватните хидроцентрали кои продаваат струја по 400 евра да ги замрзнат цените. -Сега ќе дојде законот за енегетика, ви препорачувам таков амандман да доставите, им порача Бектеши на пратениците од ВМРО-ДПМНЕ. Тој потсети дека веќе се обезбедени 250 милиони евра за справување со кризата и додаде дека и ВМРО-ДПМНЕ ако сака, со својот глас, може да придонеср за обезбедување дополнителни 100 милиони евра заем од ЕБОР за АД ЕСМ. Во рамки на денешната собраниската расправа по предлог-одлуката за продолжување на кризната состојба до 30 април, министерот уште еднаш повтори дека рудниците, банките, казината и воопшто компаниите кои остваруваат милионски суми профит не треба да добиваат субвенции од државниот буџет за струјата. -Јас не сум за директна субвенциија од Буџетот за компании кои имаат милионски суми профит. Тие тој профит го направиле од овие граѓани, во оваа држава и треба да бидат општествено одговорни. Кога никелот на светските берзи рушеше рекорди немаше никаков проблем во делот на електричната енергија, но тие профити дали ги сподели некој со граѓаните?, рече Бектеши. Седницата почна со речиси еден час задоцнување, а прв за збор се јави пратеникот од ВМРО-ДПМНЕ Бојан Стојаноски кој обвини дека Владата нема план како да се зголеми поизводството и како да се заштеди. Манесто најавените 300 милиони евра, рече, ќе се потрошат многу повеќе.

Од лани зборуваме дека доцниме неколку години, а со кризава доцниме секој ден, длабоко сме заглавени и во договори за набавка на електрична енергија, која што ни недостасува со години 30% редовно купуваме и тоа не нѐ освести. Слушајќи, читајќи, гледајќи дека кризата се приближува да си обезбедиме навреме електрична енергија, затоа што нашите производни погони немаат доволно гориво да произведат сопствена електрична енергија и да направиме договор за увоз на јаглен, наместо да штедиме во колку можеме повеќе вода за да ја користиме во зимските периоди кога потрошувачката на електрична енергија е барем за 50% повисока од летните, ние на тоа се противно правиме. Велам ние, не го правиме тоа ние, тоа го прави Владата која е носител на таа дејност и треба да ги превземе тие мерки, изјави Проф. Д-р Константин Димитров во тема на денот на Телевизија Сител. -За опциите за набавка на енергенси тој истакна дека тоа досега веќе требаше да се разгледа, односно уште лани да се разгледа или на пролет за до сега веќе да ги имаме тие енергенси.Знаевме дека немаме, ние во времето досега колку што знаеме милион тони јаглен купени од Грција и 400 илјади од Албанија. И сега ќе трчаме, мазутот ќе го купуваме ама не купен, не е платен, значи имаме и финансиски проблем. Ова што е сега, ние ќе земеме кредит, тој треба да помине во Собрание, па ќе ги добиеме парите. Од каде во Македонија пари ако не земеме заем. Таму каде што можеше да земеме заем ефтино, веќе гледаат дека стануваме несолвентни, дека немаме производство, нема нарачки, нашето стопанство не може да произведува колку што треба со овие високи цени на електричната енргија, го смалува производството колку да се преживее. Они го прават и го полнат буџетот, не го полни администрацијата, не го полни здравство, школство, сите само трошат пари. Не го полни Владата, Владата само троши пари. Единствен начин е буџетот и да земе заем, се повеќе зема заеми па некој ќе ги враќа, ќе ги враќа македонскиот народ, посочи проф. Димитров.

Зголемените цени на енергијата и храната повторно ја поттикнаа инфлацијата во 19-те земји кои го користат еврото на највисоката годишна стапка од создавањето на валутата. Потрошувачките цени во земјите кои го користат еврото како валута достигнаа годишна стапка од 10 отсто во септември, што е највисоко ниво од создавањето на еврото пред повеќе од две децении, објави во петокот Европската комисија. Двоцифреното темпо беше поголемо отколку што предвидуваа економистите и голем скок од 9,1 отсто во август, што беше претходниот рекорд, пишува nytimes. Цените на енергијата, кои во септември пораснаа со годишна стапка од 40,8 отсто, повторно беа главниот фактор за забрзување на инфлацијата во еврозоната, поттикната од руската инвазија на Украина, која претходно го снабдуваше најголемиот дел од европскиот природен гас. Цените на храната во септември пораснале за 11,8 отсто, од 10,6 отсто во август. Десет земји забележаа двоцифрена инфлација, вклучувајќи ја и најголемата економија во еврозоната, Германија. Објавувањето на посилните од очекуваните резултати на инфлацијата во Германија ден претходно, кои достигнаа највисоко ниво во последните 70 години од 10,9 отсто, ги предупреди економистите дека податоците за целата еврозона би можеле да бидат поголеми од прогнозите. Естонија, Литванија и Летонија регистрираа стапки на инфлација над 22 отсто, додека инфлацијата во Холандија беше 17,1 отсто, што е намалување од под 14 отсто претходниот месец. Словачка, со 13,6 отсто во септември, исто така беше меѓу несреќната група на нации со повисоки стапки од просечните. Во Франција инфлацијата благо се намали и во септември падна на 6,2 отсто, од 6,6 отсто претходниот месец. Таму се намали инфлацијата на енергијата, но се зголеми инфлацијата на храната. Сепак, илјадници луѓе излегоа на улиците низ Франција во четвртокот барајќи повисоки плати за борба против инфлацијата. Во Чешка, исто така, беа забележани масовни протести поради високата цена на енергијата. Инфлацијата го нагризува животниот стандард и заштедите не само во Европа, туку и во целиот свет. Заостанатите работи на синџирот на снабдување и прекините кои произлегуваат од пандемијата на коронавирус, како и напливот на активности што го придружуваа повторното отворање на економиите, ги зголемија цените. Зголемувањето на цените на енергијата и храната што следеше по руската инвазија на Украина, исто така, ја поттикна инфлацијата, а санкциите наметнати од Европа, САД и нивните сојузници ја влошија. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли: Следно Најголемиот германски производител на пиво го прекина производството во Франкфурт Претходно Граѓаните сѐ повеќе ги користат дигиталните канали за плаќање во земјава Би можело да ве интересира и...

Плаќањата од страна на граѓаните во трговијата во земјата со платежни картички издадени од издавачи во земјата, во вториот квартал од 2022 година, забележаа годишен раст кај вредноста и бројот на остварените трансакции од 22,9 и 17,8 проценти, соодветно. Притоа, бројот на извршени трансакции забележа годишен раст од 18,3 отсто на физичките места на продажба, односно од 12,6 проценти, на виртуелните (интернет) продажни места, во споредба со вториот квартал од 2021 година. Овие податоци укажуваат дека граѓаните и натаму сè повеќе ги користат дигиталните канали за вршење на плаќањата. Од аспект на плаќањата со кредитен трансфер, во вториот квартал од 2022 година, е забележан годишен раст од 14 отсто кај вредноста на трансакциите, односно 5,5 проценти кај бројот на извршените трансакции, во споредба со истиот период од 2021 година, соопшти Народната банка. Граѓаните и понатаму ги користат придобивките од електронското банкарство при иницирањето на кредитните трансфери. Така, бројот на електронски иницираните кредитни трансфери во вториот квартал од 2022 година се зголемил за 11% на годишна основа. За извршување на плаќањата, граѓаните особено ги користеле мобилните апликации (раст од 19,9% на годишна основа), што повторно укажува на натамошно менување на навиките при извршувањето на плаќањата во прилог на користењето на дигиталните канали за плаќање. Во првото полугодие на 2022 година, кај граѓаните е остварен годишен раст на вкупниот број на плаќања со платежни картички и кредитни трансфери од 15,1%, односно 10,9%, соодветно. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:топ-тема Следно Инфлацијата во Еврозоната достигна 10 отсто – највисоко ниво на поскапување во последните 20 години Претходно (Видео) Шкријељ: Со СДСМ има континуиран раст на пензиите, за една година покачување од 16% Би можело да ве интересира и... Филмот „Снежаната на крајот умира“ ќе се прикажува во кината од 6 октомври В недела стартува 18.издание на Визер скопски маратон, стартот и целта на добро позната локација (Видео) Мицкоски: Го повикувам Ковачевски да не дезертира од дуел, како што тоа вообичаено го прави во својот живот Лукашенко: Нашата унија со Русија е посилна од НАТО-блокот Груби: ДУИ може без мене, нема раскол во партијата Инфлацијата во Еврозоната достигна 10 отсто – највисоко ниво на поскапување во последните 20 години

Адора инженеринг 12 месеци е сопственик на топланите Исток и Запад за кои има платено 9,26 милиони евра. Но, компанијата сѐ уште не може да добие владение врз топланите. Поминуваме низ вистинска голгота по купувањето на Топлификација, вели бизнисменот Ванчо Чифлиганец во СТУДИО 10 на ТВ24. Чифлиганец вели дека бизнисмените сакаат да работат во Македонија, но под услови на рамноправност и фер односи во државата, без фаворизирање поради политички интереси. Јас се согласувам дури и само да ми се покријат финансиските загуби и ќе им ги предадам топланите на оние кои бесправно ги користат, вели Чифлиганец. Тој вели дека поради тие долгови за првпат во 45 години кариера ќе мора да потпише негативна годишна сметка. Мене насила ме тераат државни институции да потпишам дека ги давам под закуп топланите, но не се споменува исплатата на долговите од 550.000 евра за кои не се знае каде се. Се бара закуп во смисла на управување со топланите, а кредитите да продолжи да ги отплаќа Адора. Адора е спремна да направи купопродажен договор и да го продаде имотот за 8,8 милиони евра од кои 7 се отплата на преостанатиот кредит, објаснува Чифлиганец. Чифлиганец вели дека се надева оти топланите функционираат оти тој воопшто не влегол таму и додава дека купиле „магла и ветер“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Според Шведска и Данска, оштетувањата на гасоводите во Балтичкото Море биле предзвикани од најмалку две подводни експлозии, предизвикани „со експлозив од неколку стотици килограми“. Детонациите биле со јачина од 2,3 и 2,1 степени според Рихтеровата скала, што резултирало со четири оштетувања испуштајќи гас во морето. Две од истекувањата се на данска; две се на шведска територија. Во изјавата на шведскиот и данскиот оператор со гасоводот упатена до Советот за безбедност на ОН, двете земји истакнуваат дека гасните столбови што се испуштаат се закана за бродовите, а можат да бидат опасни и за морскиот живот. „Сите достапни информации покажуваат дека експлозиите се предизвикани намерно. Таквите дејствија се неприфатливи, ја загрозуваат меѓународната безбедност и се причина за наша длабока загриженост“, се вели во соопштението. Извор: МИА

ПочетнаЕКОНОМИЈАБританската економија за влакно избегна рецесија во вториот квартал ЕКОНОМИЈАСВЕТ Британската економија за влакно избегна рецесија во вториот квартал септември 30, 2022 6 FacebookTwitterLinkedinWhatsAppPinterestEmail Бруто домашниот производ се зголеми за 0,2% во април-јуни 2022-ра година, што е повеќе од претходната проценка за пад од 0,1%. Економијата на Британија порасна во вториот квартал, успевајќи да избегне рецесија и покрај кризата со трошоците на животот во земјата. Бруто домашниот производ се зголеми за 0,2 отсто во периодот април-јуни 2022-ра година, што е изненадувачки пораст од претходната проценка за пад од 0,1 отсто, објави во петокот заводот за статистика на земјата. Одделни податоци покажаа дека дефицитот на тековната сметка на Британија се намали на 33,8 милијарди фунти (37,6 милијарди долари). Услугите забележаа раст од 0,2 отсто, во споредба со претходните проценки за пад од 0,4 отсто, предводен од секторите за здравство и социјална работа, финансии и осигурување и професионални, научни и технички активности, објави „Trading Economics“. Во исто време, трговијата на големо и мало и сегментот на хотели и ресторани бележат податоци ревидирани надолу. Преработувачката индустрија, пак, се намали за 0,2% (наспроти -0,5% во претходните проценки). Индустријата забележа пад од 1,1%. Економскиот раст од вториот квартал значи дека економијата не е во техничка рецесија како што многумина мислеа. Падот се очекува да започне во третиот квартал, кога производството најверојатно ќе се намали поради дополнителните неработни денови околу погребот на кралицата Елизабета Втора, и да продолжи во следните квартали. Податоците се добри вести за владата, која е погодена од послаба фунта и финансиска криза откако во петокот ги објави промените во буџетот. Таговивелика британијаекономијаизбегнувањерастрецесија FacebookTwitterLinkedinWhatsAppPinterestEmail НАЈНОВИ ВЕСТИ „Nintendo“ ќе ги дели акциите во обид да привлече нови инвеститори „Porsche“ го изврши најголемото ИПО во Европа ЕУ одобри данок на добивката на енергетските компании: Почна нова... Во каков имот е најдобро да се инвестира – Апартмани,... Линкедин 5 години тајно експериментирал на корисници – Манипулирани алгоритми... ХОРОСКОП ХОРОСКОП Дневен хороскоп 30.09.2022септември 30, 2022прочитајте повеќе

Дури 451% поскапа сметка за струја добила гостиварската болница за месец август. Тие велат дека ако продолжи овој тренд, ќе биде многу тешко за функционирање. „Земајќи го во предвид трендот на поскапување на потрошената електрична енергија по (KWh) и согледувајќи дека цената на електричната енергија бележи драстичен пораст од 3,70 ден на 35,93 ден (зголемување за 32,23 ден или 871 %), ние како институција започнавме да ги преземаме сите неопходни мерки (ограничувања) за намалување на потрошувачката на електричната енергија во наредните месеци бидејќи тие се навистина неиздржливи. Од финансиските анализи што ги направивме, врз основа на официјална документација и споредувајќи ги фактурите за месец август 2018/2019/2020/2021 и 2022 година добиени од добавувачите Fuente Dynamics и ЕВН групацијата кои ја снабдуваат нашата институција со електрична енергија, се забележува дека како резултат на поскапувањето на електричната енергија, фактурата за месец август 2021 година во однос на фактурата за месец август 2022 година бележи пораст од 451%. Во продолжение ви претставуваме подетална анализа; Фактура за месец август 2018 година (431.457 ден, 7.015 евра), Фактура за месец август 2019 година (465.663 ден, 7.571 евра, +8% зголемување во однос на месец август 2018 година), Фактура за месец август 2020 година (379.202 ден, 6.166 евра, -23% намалување во однос на месец август 2019 година), Фактура за месец август 2021 година (507.872 ден, 8.258 евра, +34% зголемување во однос на месец август 2020 година), Фактурата за месец август 2022 година (2.800.517 ден., 45.536 евра, +451% зголемување во однос на месец август 2021 година). Сметаме дека сите јавни здравствени установи во нашата држава се соочени со овa проблемaтика и со жалење може да констатираме дека доколку оваа висока цена на струјата продолжи и во наредните месеци, ќе биде многу тешко да се менаџира, функционира и да се реализираат сите проекти и основни планови, велат од Болницата во Гостивар.

Според тоа, нејзината пазарна капитализација се проценува речиси на ниво на Фолксваген, неговата матична компанија, која вреди околу 84 милијарди евра. Ги надмина и ривалите како Ферари. Книгата за преднарачки е затворена вчера, а ИПО на Порше е меѓу најголемите во Европа и втора по големина во Германија, по ИПО на Дојче Телеком во 1996 година. Цената на акција на Porsche на отворањето на тргувањето била 84 евра, блиску до горната граница на опсегот од 76,5 до 82,5 евра, што ја објавиле овој месец. Компаниите во континентална Европа годинава собраа најмал капитал на берзата од глобалната финансиска криза во 2009 година, или приближно 44 милијарди долари. Само 4,5 милијарди долари биле собрани преку ИПО, според податоците на Refinitiv. Фолксваген рече дека нестабилноста на пазарот е причината зошто на менаџерите на паричните фондови за инвестирање им требаат стабилни и атрактивни акции како на Порше. „Порше беше и е бисер на групацијата Фолксваген“, изјави Крис-Оливер Шикентанц, главен инвестициски директор во фондот Капител. „ИПО сега многу транспарентно покажа колкава вредност дава пазарот на Порше, што исто така, се разбира, има позитивни ефекти врз акционерите на VW“, додава тој. Соочени со огромните трошоци за радикална промена кон електричната мобилност и софтвер, раководителите на Фолксваген долго размислуваа да го котираат Порше на берзата, надевајќи се дека ќе ги соберат многу потребните средства и ќе ја зголемат вредноста на Фолксваген. Семејствата Porsche и Piech ќе ја консолидираат контролата врз компанијата Porsche, со 25 отсто од акциите плус една обична акција со право на глас. Дури 113 милиони и 875 илјади приоритетни акции, без право на глас, ќе бидат продадени на инвеститорите при првичната јавна понуда.

Шпаркасе Банка продолжува да ја зацврстува својата капиталната позиција како значајна мерка за поддршка на планираниот развој во делот на кредитниот раст. Со одлука на Собранието на акционери на Шпаркасе Банка, Банката го зголеми основниот капитал за нови 20 милиони евра. Капиталот делува како регулатор во креирањето на долгорочните цели на работењето, како и значаен инпут при креирањето на стратегиските цели за преземање поинтензивни кредитни активности. Секако, значајна придобивка од капиталното зголемување е и подобрувањето на структурата на изворите на финансирање, бидејќи нуди можности за намалување на трошоците на финансирање, а со тоа и позитивен ефект на профитабилната позиција на Банката. Групацијата Ерсте и Штаермеркише Шпаркасе е една од водечките групации во областа на финансиски услуги во Средна и Источна Европа и опслужува повеќе од 17 милиони клиенти преку 3.200 експозитури, а за нејзината стабилност и традиција зборува фактот за непрекинато работење од близу 200 години. Групацијата континуирано ја докажува својата стратегиска определба за долгорочно делување во регионот и во Република Северна Македонија, со перманентни инвестиции за поддршка на кредитниот раст на Банката преку реинвестирање на добивката во сите претходни години од работењето како и повеќекратни докапитализации. Сето ова заборува за исклучителна посветеност во исполнување на зацртаните стратегиски цели за значаен раст и развој и зајакнување на пазарната позиција. Шпаркасе Банка останува посветена на обезбедување континуирана финансиска поддршка на своите клиенти преку разбирање на нивните потреби, понуда на конкурентни производи, унапредување на процесите и постојано инвестирање во технологијата и дигитализацијата, опслужувајќи во моментов повеќе од 120.000 клиенти во 36 експозитури. (ПР) Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли: Следно Исплатени се субвенции за произведено и предадено кравјо, овчо и козјо млеко Претходно МТСП: Во тек е етапната исплата на септемвриските пензии Би можело да ве интересира и...

Меѓународниот монетарен фонд во моментов преговара за нови аранжмани со Србија и со Северна Македонија, изјави денеска шефицата на канцеларијата на ММФ за Западен Балкан, Стефани Верен Ебле, пренесе Бета. „Монетарната политика мора да ја игра својата улога во време на криза, а тоа ќе влијае и на буџетот и на растот. Монетарната политика мора цврсто да ја контролира инфлацијата и да ја одржува транспарентноста и целосната независност во процесот, или во спротивно ризикува да биде помалку ефективна“, рече таа.Нејзината изјава беше дадена на Самитот на гувернери, министри за финансии и директори на даночни администрации од Западен Балкан, што се одржува во Бечиќи, Црна Гора. Таа оцени дека во овие кризни времиња фискалната политика мора да ја поддржува монетарната политика, пред се со ограничување на побарувачката. „Ќе биде неопходна фискална консолидација. Платите во јавниот сектор треба да бидат под контрола, бидејќи тие го зголемуваат притисокот врз инфлацијата, покрај притисокот врз буџетот. Подобро е да се исплаќаат еднократни бонуси отколку да се зголемат платите“, рече Стефани Верен Ебл. Според неа, најзагрозените граѓани треба да се поддржат со пари од буџетот, а притоа да се избегне поттикнување на инфлацијата. „Ограничувањето на цените на електричната енергија не е само фискално преголем трошок, туку исто така не поддржува заштеда на електрична енергија. Владите треба да избегнуваат даночни намалувања“, препорача таа. Извор: МИА

Фото: ФЕИТ Факултетот за електротехника и информациски технологии додели Златна диплома на дипломираните електроинженери од генерацијата 1970, 1971 и 1972 година. Во далечната 1970 дипломирале 27, во 1971 дипломирале 28 и во 1972 година дипломирале 31 студент. На доделувањето на Златната диплома во амфитеатарот на ФЕИТ присуствуваа 30-тина електроинженери од дипломираните 86 во трите генерации. На доделувањето на дипломите, деканот на ФЕИТ, професор д-р Димитар Ташковски потенцираше дека со оваа активност ФЕИТ се заблагодарува на електроинженерите од овие генерации за придонесот за развојот на државата и промоцијата на Факултетот. -Главна причина за организација на ова случување е да Ви овозможиме да се видите со колегите и да се потсетите на тие студентски денови, за кои верувам дека будат одлични спомени. Минатото не треба да се заборави. Не треба ниту да се игнорира. Затоа што, минатото е темел, база, на која во сегашноста ја градиме иднината. Минатото не се менува и затоа е многу важно добро да го зацементираме во сегашноста. Ние сме горди и на минатото и на сегашноста а се надеваме ќе бидеме горди и на иднината – рече деканот Ташковски. Фото: ФЕИТ Досега, на ФЕИТ дипломирале над 8.000 електроинженери и дипломирани електроинженери, повеќе од 800 магистри и над 120 доктори на науки. -Она што е ФЕИТ денес е резултат на работа на голем број генерации наставници, асистенти, административен кадар, како и на квалитетните студенти кои сме ги имале. Задача на секоја генерација е да креира нови вредности, а на наредната да ја надмине претходната генерација. Ние сме успешни во ова и посебно сме горди на нашиот образовен кадар, со кој успешно го носиме и одржуваме епитетот Најелитен факултет во Македонија – додаде Ташковски. Фото: ФЕИТ

82 илјади евра на ден, и во делник и во празник. Ова е сумата што во просек ја плаќаат државните институции и јавните претпријатија на „Пуцко петрол“, фирма чиј основач е пратеникот од редовите на ДУИ, Исмаил Јахоски. Компанијата за трговија со нафта и нафтени деривати во последните три месеци добила тендери во вредност од над 7 милиони и 350 илјади евра. Министерството за внатрешни работи во август склучило договор вреден 1 милион и 918 илјади евра за набавка на екстра лесно гориво, еуро дизел, еуро супер, како и за млазно гориво. Набавката се однесува за период од три години или до исцрпување на утврдените средства. На иста сума од 1 милион и 918 илјади евра во јули бил склучен договор и со Јавното претпријатие за одржување на магистралните и регионалните патишта, но предвидено е овие пари да се потрошат во рок од две години. ЕСМ за потребите на РЕК Битола потпишало договор вреден над 1.3 милиони евра, а за потребите на РЕК Осломеј тендерот бил тежок над 447 илјади евра. Во изминативе три месеци меѓу поголемите муштерии на „Пуцко петрол“ е и државното Водостопанство каде вработените три месеци немаат земено плата за што повеќе пати и протестираа, а кое на „Пуцко петрол“ ќе му плати над 150 илјади евра за гориво. Компанијата е формирана уште во 1992-та во селото Пласница, но најголем залет зема во последниве пет години, откако СДСМ со ДУИ доаѓа на власт. Оттогаш драстично е зголемена нејзината соработка со државните институции и станува главен добавувач на нафта. Компанијата има и десетина бензински станици, а во последно време го шири бизнисот и во градежниот сектор. „Пуцко“ во 2021-та имала вкупни приходи од 48 милиони и 133 илјади евра што е за 40% повеќе во однос на 2020-тата година. Компанијата се наоѓа на 67 место меѓу 100-те најголеми во Македонија. Исмаил Јахоски пред да стане пратеник, претходно беше градоначланик на најсиромашната општина во Македонија, Пласница, и тоа во пет мандати. Во првиот како кандидат од СДСМ, а потоа поддржан од ДУИ. Во моментов на чело на општината е братот на Исмаил, Алија Јахоски. Борис Грујоски Tags: топ Continue Reading Previous 13-та школа за млади лидери на поранешниот претседател Ѓорѓе Иванов во ОхридNext Мицкоски го повикува Ковачевски да не дезертирал и од ТВ дуел за енергетските проблеми во државата

Во врска со денешниот апел на Министерството за финансии упатен на Собранието на РСМ, за побрзо да се усвојат од нив предложените измени на Законот за игри на среќа и забавни игри, ја упатуваме следната реакција: „Во името на 10 илјади вработени во оваа економска дејност, уште еднаш предупредуваме дека предлогот за дислокација на 500 метри од образовните институции е предлог за целосно затворање на објектите за игри на среќа, губење на нашите работни места со драматични последици по целата македонската економија. Заблуда е дека постои решение ем да се дислоцираат 500 метри, ем да продолжат објектите за игри на среќа да работат. Заради постоечката урбанистичка поставеност и планирање, овој услов е невозможно да се исполни. Дислоцирањето на 500 метри од една значи дека истиот објект ќе биде поставен на помалку од 500 метри од друга образовна институција. После усвојувањето на едно вакво избрзано решение, ќе почне отворање „диви“ играчници, надвор од регулацијата на надлежните институции, каде младите навистина ќе станат таргет. Аргумент за ова е аферата „Детонатор“, од 2011, кога полицијата заплени 1500 на црно поставени покер апарати во нелегални играчници. Само вчера државата мораше да се задолжи со 250 милиони евра, кои треба да ги вратат граѓаните за 18 месеци, и за тоа ќе се пресмета и камата. Додека целата економија е во неизвесност од драматичното зголемување на цените на струјата и енергенсите низ цела Европа, кога многу домашни компании се прашуваат дали ќе треба да стават клуч и да ги отпуштат вработените, некој буквално си игра со судбината на една сериозна економска дејност која вработува 10 илјади луѓе, индиректно помага меѓу 54 до 100 илјади други работни места, секоја година придонесува со најмалку 280 милиони евра во државниот Буџет. Нам како Здружение, неминовно ни се наметнува дилемата дали можеби Министерството за финансии делува под притисок на „Антикоцкање“ од Тетово? Не можеме да прифатиме дека никој од надлежните не чувствува одговорност да ги демантира нивните неосновани обвинувања дека игрите на среќа се извориште на нелегални активности и наводно делуваат штетно врз младината. Тоа не е точно и за тоа постојат факти со кои државните институции располагаат. Нападите на „Антикоцкање“ од Тетово се тенденциозни и немаат допирна точка со реалноста. Уште повеќе затоа што освен притисок врз државата, политичките партии, закуподавачите на објектите, играчите се прави обид суптилно да се инволвираат и верските заедници. Тоа е апсолутно недозволиво и претставува злоупотреба на верските чувства на граѓаните за оцрнување на секој кој има допирна точка со игрите на среќа. Државата, секоја индивидуа и семејство несомнено е должна да ги заштити малолетниците и да ги создава сите предуслови за воспитување здрава младина. Не сме против законски решенија кои одат во оваа насока. Но, сме категорично против политички и бизнис мотивирани законски измени кои ќе затворат една легална економска дејност што по автоматизам ќе предизвика организирање нелегални игри на среќа. Крајно време е да се напушти популизмот и да почнеме да говориме со факти. Сите општествено одговорни чинители треба да бидат свесни дека не постои пример во опкружување каде укинувањето на игрите на среќа не предизвикало играње на диво. Ако државата навистина одлучила да ги затвори игрите на среќа, мора да земе предвид дека со таква погрешна одлука ќе предизвика егзодус на илјадници семејства кои ќе се преселат во западните земји и таму повторно ќе работат во истата дејност. Предупредуваме, со цел да превенираме состојби кои ќе предизвикаат сериозни штети. Крајно време е да земат предвид овие наши укажувања. Во спротивно ќе бидеме принудени да излеземе на масовни протести со кои ќе бараме заштита на правата“. ПР текст

Просечната цена на електричната енергија за домаќинствата во првото полугодие од 2022 година изнесува 5 761 денар по киловат час што претставува пораст од 11,2 отсто во споредба со второто полугодие од 2021 година, соопшти Државниот завод за статистика. Просечната цена на електричната енергија без данокот на додадена вредност за крајните потрошувачи, освен домаќинствата, се движи од 10 316 до 14 782 денари по киловат час по групи на потрошувачи. Просечната цена на природниот гас без данокот на додадена вредност за крајните потрошувачи, освен домаќинствата, се движи од 57 840 до 65 380 денари по нормален метар кубен по групи на потрошувачи.

Гаснење на сијалиците кога има доволно дневна светлина и во период кога нема никој во канцеларија, исклучување на компјутерите по завршување на работните задачи, забранета употребата на дополнителна опрема за греење или ладење на просториите и печатење само на потребните материјали, се дел од мерките што ги презеде АД МЕПСО, објави директорот на оваа компанија Орхан Муртезани. Тој преку сензибилизирачко видео ги повика и другите институции но и граѓаните да штедат електрична енергија, давајќи конкретни примери од АД МЕПСО. „Како одговорна компанија мора да предничиме со мерките за штедење. Во овие тешки времиња на енергетската криза, ако бараме штедење од граѓаните, мора да бидеме први што тоа ќе го спроведеме“, нагласува Муртезани. Според него, граѓаните треба да се осигураат дека тие кои бараат да се штеди, се првите што штедат. Од друга страна, од септември на сила се мерките за заштеда, со кои, според Владата, потрошувачката на електрична енергија треба да се намали за 15 отсто во однос на истиот период лани.

Просечната каматна стапка на вкупните кредити во август годинава изнесува 4,34 отсто и забележа мал месечен раст од 0,01 процентен поен (п.п.), при остварен годишен пад од 0,15 п.п.. Просечната каматна стапка на вкупните депозити е зголемена за 0,02 п.п. на месечно ниво и изнесува 0,69 отсто, додека на годишно ниво забележа пад од 0,10 п.п., информира Народната банка (НБ). Во август, просечната каматна стапка на новоодобрените кредити бележи месечен раст од 0,03 п.п. и годишен од 0,26 п.п. и изнесува 4,04 отсто. Просечната каматна стапка на новопримените депозити изнесува 0,92 отсто и оствари месечно зголемување од 0,08 п.п. и годишно од 0,42 п.п., соопшти НБ. Просечната каматна стапка на вкупните кредити на корпоративниот сектор во август, се посочува во соопштението, е зголемена за 0,02 п.п. во споредба со претходниот месец и изнесува 3,55 отсто. Месечната промена се должи на зголемувањето кај сите компоненти: каматните стапки на кредитите во денари без валутна клаузула и каматните стапки на кредитите во странска валута за 0,03 п.п., како и каматните стапки на кредитите во денари со валутна клаузула за 0,01 п.п.. Анализирано на годишна основа, оваа каматна стапка е пониска за 0,05 п.п.,велат од НБ. Нагласуваат дека каматната стапка на новоодобрените кредити на корпоративниот сектор изнесува 3,72 отсто и забележа месечен раст од 0,15 п.п. Нагорната промена е резултат на растот на сите компоненти: каматните стапки на денарските кредити со валутна клаузула (за 0,74 п.п.), како и каматните стапки на денарските кредити без валутна клаузула и каматните стапки на кредитите во странска валута (за 0,10 п.п. и 0,03 п.п., соодветно). На годишно ниво, каматната стапка на новоодобрените кредити на корпоративниот сектор оствари раст од 0,49 п.п., прецизираат од НБ. Во август, додаваат, просечната каматна стапка на вкупните депозити на корпоративниот сектор изнесува 1,03 отсто и се зголеми за 0,09 п.п. на месечна основа. Месечното зголемување произлегува од повисоките каматни стапки на денарските депозити без валутна клаузула и каматните стапки на депозитите во странска валута (за 0,08 п.п. и 0,05 п.п., соодветно), во услови на забележан пад на каматните стапки на денарските депозити со валутна клаузула (за 0,11 п.п.). Во споредба со август минатата година, оваа каматна стапка е пониска за 0,06 п.п. Каматната стапка на новопримените депозити на корпоративниот сектор, во август, оствари месечен раст од 0,16 п.п. и изнесува 0,81 отсто. Нагорната промена се објаснува со зголемувањето на каматните стапки на денарските депозити без валутна клаузула и на каматните стапки на депозитите во странска валута (за 0,44 п.п. и 0,11 п.п., соодветно). Истовремено, каматната стапка на денарските депозити со валутна клаузула, овој месец, изнесува 0,20 отсто, за разлика од претходните три месеци кога банките и штедилниците не примиле ваков вид депозити. Каматната стапка на новопримените депозити на корпоративниот сектор бележи раст од 0,35 п.п., на годишно ниво, посочуваат од НБ. Во август, каматната стапка на вкупните кредити на домаќинствата, пак, е намалена за 0,01 п.п. во споредба со јули и изнесува 5,07 отсто. Притоа, месечната промена е резултат на пониските каматни стапки на денарските кредити со валутна клаузула и каматните стапки на кредитите во странска валута (за 0,02 п.п. и 0,01 п.п., соодветно), во услови на непроменета каматна стапка на денарските кредити без валутна клаузула. Анализирано на годишна основа, оваа каматна стапка е намалена за 0,21 п.п., истакнуваат од НБ. Просечната каматна стапка на новоодобрените кредити на домаќинствата, во август, изнесува 4,49 отсти и во споредба со претходниот месец забележа пад од 0,10 п.п. Надолната промена произлегува од намалените каматни стапки на денарските кредити без и со валутна клаузула (за 0,13 п.п. и 0,09 п.п., соодветно), додека кај каматните стапки на кредитите во странска валута е остварен раст (за 0,09 п.п.). Каматната стапка на новоодобрените кредити на домаќинствата бележи раст од 0,07 п.п., на годишно ниво, се вели во соопштението од НБ. Се нагласува дека во август, каматната стапка на вкупните депозити на домаќинствата е зголемена за 0,01 процент на месечно ниво и изнесува 0,66 отсто. Анализирано по валута, месечниот раст се должи на зголемените каматни стапки на денарските депозити без валутна клаузула и на каматните стапки на депозитите во странска валута за 0,01 п.п., при забележан пад на каматните стапки на денарските депозити со валутна клаузула за 0,01 п.п.. Во споредба со август претходната година, оваа каматна стапка е пониска за 0,09 п.п., порачуваат од НБ. Каматната стапка на новопримените депозити на домаќинствата, пак, изнесува 0,97 отсто и оствари раст од 0,05 п.п. на месечна основа. Нагорната промена се објаснува со повисоките каматни стапки на депозитите во странска валута и каматните стапки на денарските депозити без валутна клаузула (за 0,09 п.п. и 0,08 п.п., соодветно). Истовремено, каматната стапка на денарските депозити со валутна клаузула, овој месец, изнесува 1,10 отсто, за разлика од претходните пет месеци кога банките и штедилниците не примиле депозити од овој вид. Каматната стапка на новопримените депозити на домаќинствата забележа годишно зголемување од 0,44 п.п., потецнираат од НБ. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Европската унија се согласи да воведе итни мерки за данок на енергетските компании за нивниот рекорден профит. Министрите за енергетика на земјите членки на ЕУ договорија неочекувани даноци за одредени енергетски компании, како и задолжителни кратења во користењето на електричната енергија.Планот вклучува давачка за вишокот профит на фирмите за фосилни горива и давачка за вишокот приходи направени од зголемените трошоци за електрична енергија. Собраните пари се очекува да бидат наменети за семејства и бизниси погодени од кризата.Но, блокот е поделен околу тоа дали и како да се стави ограничување на големопродажната цена на гасот. Неочекуваниот данок ќе го наметне владата на една компанија за да ги таргетира фирмите кои имале корист односно, неочекуван профит.Европските министри се надеваат дека можат да соберат 140 милијарди евра од давачките на екстра профит на производителите и добавувачите на струја без гас, кои од сегашната побарувачка остваруваат поголем профит.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Германскиот производител на пиво „Радебергер“ објави дека поради драматично зголемување на трошоците ќе ја затвори фабриката во Франкфурт. „ Најдоцна до октомври 2023 година Групацијата ‘Радебергер’ ќе ги прекине активностите за производство и флаширање на локацијата во Франкфурт, т.е. во пиварницата ‘Биндинг’ и постепено ќе ги префрли марките и количините произведени и флаширани таму на сестринските локации“, објавија од фабриката. Околу 150 работници би требало да останат без работа, а од компанијата нагласуваат дека „секаде каде што е можно, бараат општествено прифатливи решенија“, како хонорарна работа за постари работници и работа во други погони. Седиштето на Групацијата „Радебергер“ останува во Франкфурт. Поради драстичното зголемување на цените на суровините, енергенсите и логистиката, групацијата веќе ги зголеми цените на пивото, но тоа долгорочно не ги реши проблемите, потенцираат оттаму. „ Со оглед на сегашните кризи, огромниот товар со кој се соочуваат германските производители на пиво и, последно, но не и најмалку важно, драматичната експлозија на трошоците со која ние како индустрија треба да се справиме, ситуацијата за жал стана неодржлива“, рече портпаролот Гидо Мокел. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли: Следно (Видео) Фирмите што ги нуди Мицкоски да ги достават понудите до среда, порача директорот на ЕСМ Претходно Инфлацијата во Еврозоната достигна 10 отсто – највисоко ниво на поскапување во последните 20 години Би можело да ве интересира и...

Од утре ако просечната дневна температура е 12 степени, или пониска парното ќе мора да се вклучи. Но, на што ќе работат објетките кои прозиведуваат топлинска енергија, сѐ уште не се знае затоа што потребните количини на гас и мазут не се обезбедени. ЕСМ до среда очекува да добие понуди за набавка на 250.000 тони мазут и за 250 милиони метри кубни гас. Овие количини се неопходни за скопските топлани и за ТЕТО да може да обезбедат топлинска енергија.Во меѓувреме сѐ уште траат преговрите со Србија за да се види дали ќе биде возможно да се испорачаат одредени количини на гас од таму, а за возврат тие од Македонија да добијат електрична енергија произведена од ТЕТО.Сѐ уште не е постигнат официјален договор ниту со Адора за топланите Исток и Запад, а ниту со ТЕТО, кои се клучни за 60.000 домаќинства оваа зима да имаат топол дом.Откако, пред два дена од Владата соопштија дека според Член 6 од Законот за енергетика им се овозможува на компаниите кои вршат енергетска дејност да им наложат да извршуваат јавна услуга, а за тоа да добиваат паричен надомест, и од Тето, но и од Адора, излегоа со став дека тие се подготвени за преговарање.Од Адора се подготвени да склучат договор за закуп и покрај штетите кои ќе ги претрпат, до моментот на реазлирање на сите потребни услови за купопродажба. Од ТЕТО пак велат ако им се наложи таа обврска ќе ја испочитуваат, но бараат и Владата да им исплати 37 милиони евра, колку што е загубата која ја претрпеле за време на претходната кризна сосотојба, поради тоа што својата струја ја продавале по цена од 170 односно 190 евра за мегават, пониско од берзанската.Властите веќе и одобрија пари на ЕСМ за да може да купува гас за престојната грејна сезона. Компанијата на располагање има 18 милиони евра.Ирена Чачкова© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

„Значи, според Трифун Костовски, сите тие фактори во државата, од Народна банка, Управата за финансиско разузнавање, Управата за финансиска полиција, Јавното обвинителство како и Владата со министрите во неа, одобрувале и доделувале ненаплатливи кредити или переле пари во Еуростандард банка и без негово знаење. Или пак, реалноста и вистината се сосема други. Еве еден сликовит пример за тоа што е правено.Во неколку јавни објави, Трифун Костовски ја истакнува фирмата Прототип, која како клиент во Еуростандард банка била преземена од Комерцијална банка со 2,5 милиони евра ненаплатлив долг. Таква фирма должник не постои во официјалниот извештај на Еуростандард банка, но постои фирмата Феро центар, која пак е тесно поврзана со фирмата Прототип.Феро центар е најголемата фирма должник во Еуростандард банка во стечај со невратен долг во износ од 2,5 милиони евра. Долгот датира од 2019 година, а фирмата нема платено ниту една рата. Како сопственик и управител на фирмата се води Оливера Спировска Мандевска. Обезбедувањето на кредитот било направено единствено со обична меница.Во 2019 година, во времето од кога датира овој долг во Еуростандард банка, Феро центар била во екстремно лоша финансиска состојба, несолвентна ниту кредитоспособна за да добие така голем кредит. Според билансите, од 2017 до 2019 година фирмата имала загуби од 500 илјади, па се до 4 милиони евра. Во истиот тој период, обврските на фирмата се движеле од 5,5 до 7,7 милиони евра. Задолженоста на фирмата се зголемила од 110 на 450 отсто! Крајниот резултат е стечај на фирмата во февруари 2021 година, а парите од кредитот земен од Еуростандард банка, како што може и да се очекува во ваков случај, се ненаплатливи.За Феро центар да добие кредит од Еуростандард банка, некој тоа требал да го одобри. Според износот, кредитот морал да биде разгледан и да биде одобрен од надзорниот одбор на Еуростандард банка. Токму Трифун Костовски, како претседател на надзорниот одбор на Еуростандард банка, требало да ја потпише и одобри исплатата на овој милионски кредит.Без да навлегуваме во причините и побудите за одобрување на милионскиот кредит за фирмата Феро центар, се прашуваме дали сите оние фактори кои Трифун Костовски ги наведува дека се виновни за пропаста на Еуростандард банка се тие кои го потпишале и одобриле ненаплатливиот кредит, или пак таа заслуга му припаѓа токму него, на Трифун Костовски.Одговорот е јасен. Одговорност за предизвикувањето стечај на Еуростандард банка мора да има“, соопшти Правда за штедачи.

Според министерството, тоа е потврда за зајакнат инспекциски надзор од страна на Управата за јавни приходи,за поголема ефикасност во наплатата на даночните приходи и со тоа овозможување забрзана реализација на поврат на ДДВ.„Податоците за извршениот поврат на ДДВ по години покажуваат дека тој износ од година во година расте. Така што за цела 2019 година е направен поврат од 17,5 милијарди денари, во 2020 година 17,8 милијарди денари, во 2021 година 20,6 милијарди денари и во 2022 година само за девет месеци има за 10,1 милијарда денари извршен поврат повеќе во споредба со 2021 година.Извршениот поврат на ДДВ во 2022 година за деветте месеци е за 19,3 милијарди денари повисок во однос на повратот извршен во првите девет месеци од 2014 година. Така што во 2014 година бил извршен повратот во деветте месеци во износ од 11,4 милијарди денари, 2015 година 12,1 милијарда денари, во 2016 – 11,6 милијарди денари, во 2017 – 13,8 милијарди денари, во 2018 – 17,5 милијарди денари, во 2019 и 2020 година по 18,2 милијарди денари и во 2021 година 30,7 милијарди денари.Повратот на ДДВ кон стопанството значи поддршка на ликвидноста и конкуреноста на компании, а особено е значајно што тој се врши тековно и навреме и тоа дава одредена сигурност на компаниите, а што е особено значајно во услови на криза, како што е случај во последните години со ковид-19 и актуелната енергетска и ценовна криза.Ваквата динамика во процесот на поврат на ДДВ ќе продолжи и во иднина, со оглед на тоа што овој процес ќе има целосна автоматизација“, пишува во соопштението на Министерството за финансии.

Од Сојузот на синдикати на Македонија со порака работниците да се здружуваат во синдикати. Од таму појаснуваат дека основната причина е остварувањето на економските и социјални права. -Само здружени во синдикат, работниците имаат право на колективно преговарање за регулирање на условите за вработување, работа, како и на другите права од работниот однос; како и право на штрајк и на преземање на сите форми на синдикални акции. Работникот не е моќен сам да преговара за поголеми права. Мал број работници се информирани за своите права од работниот однос, што е главната причина зошто тие не знаат ниту да си побараат некое право ниту, пак, знаат како да се заштитат. Оттука произлегува и потребата за здружување во синдикат - објаснуваат од ССМ. Додаваат дека работниците што се членови во синдикат имаат можност да ги добијат сите потребни информации од стручните служби на синдикатите и така уживаат соодветна заштита во поглед на заштитата на правата од работниот однос. -На своите членови, синдикатот им обезбедува бесплатна правна помош и совети при остварувањето на правата од работниот однос, организира и едукативни семинари, работилници и обуки за јакнење на своите капацитети и подигнување на свеста кај своето членство. Синдикатот бара на сите работници да им биде обезбедена достоинствена работа, да бидат уредно пријавени, да примаат редовна плата, исплата на надоместок за прекувремена и ноќна работа, целосно искористување на правото на годишен одмор согласно закон, плаќање на придонесите од плата. Синдикатот е единствен што се залага за почитување на човековите права и слободи, за правна држава, демократија и слободен пазар, и води вечна борба против кршењето на работничките права - потенцираат од ССМ. Од ССМ велат, дека важноста на синдикатите се гледа и во неговата борба за почитување на интегритетот на секој работник, борба против злоупотребата на работничкиот труд, работата на црно, корупцијата, дискриминацијата и вршењето мобинг на работниците.

Еуроникел индустри е најголем поединечен потрошувач на електрична енергија во државата и струјата има најголем удел во нивниот производен трошок.„Имајќи предвид дека цената на електричната енергија започна вртоглаво да расте уште во октомври 2021 година, ние преземавме бројни активности за амортизирање на последиците и продолжување на производниот процес. Со натомошна ескалација на пазарот на струја во месец јули 2022 година, застанавме со производството и во изминатите три месеци преземавме бројни неопходни ремонтни активности, а веќе во средината на септември, започнавме и со принуден платен одмор на работниците. Бидејќи долгорочно одржување на електро-печката во топла состојба не е препорачливо од техничка гледна точка и носи техничко-технолошки ризици, а во исто време се трошат огромни средства, а притоа не се генерираат никакви приходи, одлучивме плански да го стопираме напојувањето и сите ресурси да ги насочиме кон енергетски проекти кои имаат за цел да обезбедат електрична енергија за продолжување на производниот процес.Во меѓувреме, преземени се сите соодветни мерки, доколку дојде до поволна промена на пазарот на електрична енергија, или пак се обезбеди електрична енергија од страна на државата, по субвенционирана цена, подготвени сме во најкраток рок да го рестартираме процесот. Паралелно на ова, реализацијата на нашите планови за енергетска независност подразбираат и институционална поддршка, која се надеваме соодветно ќе ја добиеме, а во интерес на компанијата, вработените, добавувачите и сите останати засегнати страни, и секако во интерес на националната економија, ако се земе предвид дека Еуроникел е еден од најголемите работодавачи, втор најголем извозник, со значаен придонес кон бруто домашниот производ“, соопшти компанијата.

Цените на млекото и млечните производи во маркетите го достигнаа својот максимум. Кашкавалот и сирењето за многуминаа станаа недостижни. Граѓаните бараат поевтина варијанта, па почнаа директно да купуват од производителите.. 42годишниот Сељами Сулејман од штипското село Шашаварлија секој петок на штипскиот пазар продава козјо сирење и млеко. Вели периодов драстично му е зголемена побарувачката. Освен на пазарот, производите му ги купуваат и од дома.. „За 30 до 40% ми е зголемена потрошувачката..350денари козјото сирење, а млекото 1,6л.100денари. Околу 70денари го продавам литрото„-вели Сељами Сулејман, локален производител. Главниот мотив е како да се преброди кризата. Секој се снаоѓа како знае и умее, велат граѓаните кои се желат на празните кесиња и уште попразните џепови.. „Разгледуваме каде е поевтино таму. Пред 3-4 месеци успевав да се прехранам, а сега не ми стига пензијата. 500ден. за килограм сирење е нереално, се е покачено. Денес лебот е 40, утре веќе 45 денари„-се жалат граѓаните. Наќе Михајлов има над 1500 овци и речиси две децении своите производи ги продава по пазарите. Вели дека не сака сирењето и урдата да ги продава на улица, напротив треба да има одредено место на пазарите каде што ќе може да ги изнесе своите производи. Според овој одгледувач, екстремниот скок на цените на млечните производи е нереален „ Не е убаво тоа сирење, бидејќи не е вистинско млеко, а ова е право сирење. А покачувањето во маркетите е не реално„-вели Наќе Михајлов, сточар. За разлика од маркетите каде овчо сирење се продава над 500денари, кај произведувачот истиот производ но со друг квалитет може да се купи од 400 до 450денари. Нлокален проиа социјалните мрежи веќе постојат платформи и групи каде граѓаните онлајн можат да си купат тазе измолзено млеко или направено сирење директно од производителот. Александра Ристевска Continue Reading Previous Ахмети не успеа да ги изгаси огнените: Дали битката во ДУИ води кон ново парламентарно мнозинство?Next 13-та школа за млади лидери на поранешниот претседател Ѓорѓе Иванов во Охрид

Расте задолженоста на компаниите во земјава, иако од Народна Банка сметаат дека засега задолжувањето е под прагот на ранливост. Меѓу негативните опасности на долговите на компаниите е изложенсота на странски валути, но и мерките кои ги преземаат централните банки во насока на сузбивање на инфлацијата, со што се очекува кредитирањето да стане поскапо. – Долгот на корпоративниот сектор се зголеми во 2021 година, но неговата задолженост мерена преку учеството во БДП е стабилна и е под изведениот праг на ранливост. Значителен дел од долгот на компаниите е со валутна компонента и со променливи каматни стапки, што ја нагласува изложеноста на валутниот ризик, кој е ограничен заради стратегијата на таргетирање на девизниот курс и на каматниот ризик, кој станува сѐ позначаен во тековните услови на промена на циклусот на каматни стапки. Неизвесното окружување создава ризици за корпоративниот сектор во следниот период. Војната во Украина ги продлабочи присутните нерамнотежи на глобалниот пазар под влијание на пандемијата, доведe до раст на цените на енергентите и на репроматеријалите и генерално засилување на инфлацијата во глобални рамки – се истакнува во Извештајот за финансиска стабилност на Народна банка. Од НБ поосчуваат оти со затегнување на монетарната политика се заоструваат условите за финансирање и се очекува период на низок глобален раст, па дури и глобална рецесија. Според нив, ова може да доведе до значително влошен амбиент за работење на домашниот корпоративен сектор, проследен со зголемени трошоци за финансирање, што може да влијае и за поголемо остварување на кредитниот ризик кај домашните банки. Банкарите потенцират дека ризиците се најприсутни кај субјекти кои имаат високо ниво на должнички товар, не остваруваат задоволителен обем на оперативен паричен тек или работат со ниски профитни маргини. – Микросубјектите се најранливата група кои се најмногу изложени на ризици поврзани со ликвидноста, со оглед дека имаат најниски нивоа на показателите за моментната и тековната ликвидност и негативен нето работен капитал. Нагласена е ранливоста и за останатите субјекти од корпоративниот сектор кои би можеле да се соочат со притисоци врз ликвидноста и евентуално влошување на способноста за навремено намирување на долгот, особено доколку шокот потрае или се продлабочи во следниот период – истакнуваат од НБРСМ. Вкупната задолженост на домашните компании се зголеми во 2021 година и достигна 49,5 отсто (47,3 проценти во претходната година). Зголемена е и задолженоста со каматоносен долг, која на крајот од 2021 година изнесува 23 отсто од вкупните средства (22% во претходната година). – Со економското заздравување, забележливо е зголемување на покриеноста на каматните расходи и расходите за финансирање со добивката од редовни активности, што укажува на подобрување на способноста за намирување на обврските. Покрај ниските каматни стапки, придонес имаше и зголемувањето на профитабилноста на корпоративниот сектор. Во 2021 година забрза и растот на капиталот на корпоративниот сектор, што овозможи раст на должничкото финансирање, без позначително да се зголеми нивото на задолженост изразено како сооднос меѓу долгот и капиталот (финансиски левериџ). Сепак, исклучително неизвесните глобални и домашни услови создаваат ризици за управувањето со долгот во следниот период, кои се поизразени за субјектите со повисоко ниво на задолженост и оние што нема да успеат да го приспособат работењето на новонастанатите услови. Ранливоста е најголема за микросубјектите кои прикажаа негативен финансиски резултат во 2021 година, а имаат и најголемо годишно влошување на показателите за задолженоста – се наведува во извештајот на НБ. Банкарите посочуваат дека вкупниот долг на домашниот корпоративен сектор во 2021 година забележа раст од 9,9 отсто, што е највисок од 2008 година. Сепак, поради пост-пандемиското закрепнување стапката на задолженост на корпоративниот сектор на крајот од 2021 година остане на слично ниво како и претходната година (68,5%, наспроти 68,7%). Нивото на долгот на корпоративниот сектор (мерено преку учеството во БДП) и натаму е под прагот на ранливост, но го надминува просекот на задолженоста во изминатиот десетгодишен период, се посочува во анализата. – Главен носител на задолженоста на корпоративниот сектор во 2021 година беше надворешниот долг, кој услови над 60 отсто од годишниот раст на вкупната задолженост. Забрзување на растот во 2021 година имаше и кај домашниот долг, што главно се должи на кредитната активност на банкарскиот сектор како главен домашен кредитор на корпоративниот сектор. Небанкарските финансиски институции и натаму имаат многу скромна улога во финансирањето на домашниот корпоративен сектор (учество од 1,6 проценти во вкупниот долг). За домашниот корпоративен сектор карактеристично е отсуство на финансирање преку емисија на должнички хартии од вредност на домашниот или на странските финансиски пазари. Воедно, за разлика од компаниите од други земји, дури ни поголемите домашни компании немаат побарано и добиено кредитен рејтинг од некоја од меѓународно активните кредитни рејтинг агенции – посочуваат банкарите. Покрај ризикот од промена на каматните стапки, значаен ризик за корпоративниот сектор останува и ризикот од промена на девизниот курс, со оглед на доминантното учество на долгот со валутна компонента во рамки на валутната структура на вкупниот долг на корпоративниот сектор (учество од 73,1 отсто). Во 2021 година девизниот долг имаше највисок придонес во растот на вкупниот долг, при намалување на денарската задолженост со валутна клаузула. Растот на девизната задолженост на компаниите главно се должи на растот на надворешниот долг (придонес од 86,4%), а удел имаа и домашните банки (со придонес од 13,6% во вкупниот раст на девизниот долг). – Ваквата валутна структура на долгот на корпоративниот сектор, ја прави исклучително важна стратегијата на одржување стабилен девизен курс на денарот во однос на еврото, во насока на заштита од остварување на валутниот ризик, особено ако се земе предвид дека еврото претставува водечка валута во структурата на надворешниот долг со учество од 80,4 отсто. Исто така, значајно е учеството на еврото во рамките на кредитната изложеност на домашните банки кон корпоративниот сектор кое изнесува 36,4 проценти, што претставува 98,6 отсто од кредитната изложеност со валутна компонента. Втора најважна валута е американскиот долар, кој заклучно со 2021 година зафаќа 19,1 отсто од вкупниот надворешен долг и скромни 0,5 проценти од изложеноста на домашните банки кон корпоративниот сектор. Со оглед што курсот на американскиот долар во однос на еврото и последователно со денарот, се одредува слободно на девизниот пазар, практичнo токму долгот во американски долари ja претставува суштинската изложеност на домашните компании на валутен ризик – појаснуваат од НБ. Извор: Фактор.мк

Ќе останеме без храна, ако продолжи изградбата на фотонапонски централи и други објекти на плодно земјоделско земјиште, реагираат земјоделците. Тие бараат да се поставуваат вакви електрани на земјиште од седма класа. И познавачите на состојбите велат дека поставувањето фотонапонски централи треба да биде стратешки направено со утврдени локации од страна на државата кои ќе можат да ги купуваат инвеститори за да не се доведеме во состојба и на плодно земјиште да никнуваат централи наместо да се произведува храна. Тие велат дека има доволно површини во земјава кои се погодни за фотоволтаици, а не се обработливо земјиште, но притоа е потребно да не се дозволат манипулации и коруптивни зделки. Деновиве сточарите од Светиниколско алармираа дека странци им ги купуваат нивите и пасиштата за да поставуваат фотонапонски централи, а државата тоа го толерира. Тие побараа вакви објекти да не ги узурпираат плодните ниви. – Бараме фотоволтаиците да се поставуваат на земјиште од седма класа, а не на површини од прва, втора, трета или четврта класа. Поради немање пасишта стадата со овци се намалени – изјави земјоделец. Земјоделци и од други региони реагираат дека земјоделско земјиште неправилно се пренаменува во градежно и на него не се градат оранжерии кои ќе произведат храна, туку се градат други објекти и во последно време, фотоволтаици. Ристо Велков, од Сојузот на синдикати на земјоделците, неодамна за Плусинфо изјави дека покрај низата проблеми што ги имаат земјоделците, проблем е и тоа што неконтролирано се овозможува на плодно земјиште да се градат различни објекти. – Преку децентрализацијата се дозволи плодно земјиште да стане градежно и на него да се гради или да се формираат индустриски зони на кои нема ниту еден производен капацитет. Земјоделецот наместо да произведува на плодна почва сега оди со километри да обработува неплодно земјиште. Така е во струмичкиот регион, а така е и во другите региони. Од друга страна очекуваме земјоделците да произведуваат повеќе храна која сѐ помалку ќе ја има во светот – рече тој. Професорот Ристо Цицонков вели дека од големо значење за енергетиката во земјава е користењето на сонцето како извор на енергија, но не треба да се дозволи фотонапонски централи да се поставуваат на плодно земјиште. – Имаме многу терени каде што можат да се поставуваат вакви централи и треба да ги искористиме токму за тоа. Тие се главно необработливо земјиште, но погодни за оваа намена. Никако не смееме да дозволиме поради развој на една гранка да го уништиме земјоделството. Во никој случај на плодно земјиште не смее да се дозволи да се поставуваат вакви централи. За да се стави ред треба да има и поголема државна контрола во хаосот што го имаме сега – вели Цицонков. Според него, во земјава моментално има конфузија во поставувањето на вакви централи. – Од една страна сакаме да ја развиваме оваа енергија, а од друга страна инвеститорите, приватни компании или граѓани се ставени пред една голема бариера од документи за да ја реализираат инвестицијата. Да, фотоволтаиците се од огромна важност за енергетскиот сектор, но треба да се мотивираат луѓето да ги постават. Еве на пример мој предлог е да се мотивираат сите што штедат во банките каде што домаќинствата имаат 5,5 милијарди евра заштеда, а компаниите 2,5 милијарди да инвестираат во фотоволтаици. Но грамадата од документи демотивира зашто секој сам треба да ги набави пред да инвестира – вели тој. Храната е приоритет и за Маријан Ненов од невладината „Но пасаран“ кој вели дека земјоделците навреме алармираат и треба да се послушаат. Можеби ќе ве интересира САМО 6 КИЛОВАТИ НА ПОКРИВОТ НЕ СЕ НИШТО! Експерти велат… Рада Исовска Маневска 31/08/2022 НАМЕСТО СО 30% СОПСТВЕНОСТ, СО 70% ДА СЕ ДООФОРМУВА ПАРЦЕЛА… плусинфо 15/07/2022 – Приоритет во овој случај има храната. Но, бидејќи Светиниколско, Повардарие и Пелагонија се местата во земјава каде што има најмногу сончеви часови и се најпогодни за искористување на сончевата енергија, најголем притисок за пренамена на земјоделско во градежно земјиште ќе има токму таму. Но мислам дека по никаква цена не смее да се дозволи да се обезвредни храната пред фотоволтаиците. Оправдани се реакциите на земјоделците зашто нивното земјиште сега го купуваат моќни инвеститори кои имаат можност да влијаат на измени на законските и подзаконските акти и потоа лесно да можат да градат фотонапонски централи. Тие ги имаат сите информации однапред добиено и затоа го купуваат земјиштето – вели тој. За да нема малверзации, додава Ненов, владата таму треба да изврши контрола и да утврди што всушност се случува. – Ако е потребно треба да преземе и превентивни мерки, ама ако инвеститорите, како што реков, не се странци туку домашни моќници кои се кријат зад странци тешко ќе оди и ова – вели тој. Николајчо Николов, кој има големо искуство во рударството и истражувањата во секторот, вели дека земјава треба да изгради соодветен однос кон почвата како национално богатство, а во однос на фотоволтаиците да направи стратегија за користење на сончевата енергија. – Потребна е државна стратегија за фотоволтаиците во која главно ќе се каже што сака да постигне државата со нив, да се предвидат стриктни критериуми каде тие можат да се постават и кој може да инвестира во нив. со еден збор да се направи ред. Вака како што е секој може да купи обработлива нива и да побара таа да се претвори во градежно земјиште и да постави централа. Не смееме да дозволиме по неколку години да немаме каде да произведуваме храна. Почвата е наше национално богатство од кое не смееме да се откажеме. Имаме такви површини кои се погодни за тоа – вели Николов. Тој смета дека државата треба да основа посебно претпријатие кое ќе се занимава со секторот фотоволтаици и нема да дозволи преку корупциски зделки да се уништува плодното земјиште. – Ова претпријатие би ја вршело целокупната подготовка на проекти и процедури за подготвено инвестирање во оваа област, водејќи сметка за правилни и рационални локации и сè што е врзано за оваа проблематика. Се плашам дека ако не го централизираме ова прашање ќе ја доуништиме нашата земја, што може да има историски негативно влијание и несогледливи последици. Во ваков хаос од 70 документи сигурно има и можности за корупциски зделки кои не му носат добро народот – вели тој. Според законот за земјоделско земјиште (членот 48), земјоделското земјиште може да се пренамени во градежно или да се користи за неземјоделски цели. Исто така пасиштата може да се пренаменат во градежно или да се користи за неземјоделски цели. На овој член се упатуваат инвеститорите и во прирачникот за постапките за развој и изградба на електрани за производство на електрична енергија од обновливи извори на енергија – фотонапонски електрани каде што на инвеститорите им се појавува како да го користат земјиштето и каде треба да се обратат за добивање дозволи. „Доколку земјишната парцела (-и) на која инвеститорот има намера да гради фотонапонска електрана е класифицирана како земјоделско земјиште (обработливо земјиште, шуми, пасишта или слично), инвеститорот може да достави барање до Министерството за транспорт и врски или до Општината, во зависност од случајот, да побара од Министерството за земјоделство, шумарство и водостопанство да изврши трајна пренамена на соодветното земјоделско земјиште во градежно земјиште (Закон за земјоделско земјиште, член 49)“, се наведува во прирачникот. Членовите 50 и 51-а од Законот за земјоделско земјиште, пак, предвидува на земјоделско земјиште по претходна согласност од Министерството да се градат оранжерии, објекти за промоција на земјоделски производи, помошни објекти, како и објекти за примарна обработка на земјоделски производи, но може да се користи и за неземјоделски цели во случај на детални геолошки истражувања и експлоатација на минерални суровини предвидени со Законот за минералните суровини и за објекти за спортско рекреативни активности. Колку пренамени на земјоделско во градежно имало годинава и лани прашавме во министерствата за земјоделство и за транспорт и врски, но не добивме одговор. Побаравме одговори и за критериумите под кои се врши оваа пренамена.

Многу често се потценува потребниот напор за подготвување и поставување на бизнисот за е-трговија. Изминатите две години со пандемијата многу компании го префрлија својот бизнис онлајн за да преживеат. Но, поставувањето на бизнисот онлајн не подразбира само креирање веб страна и можности за онлајн плаќање. За успех на онлајн бизнисите треба добро да се размисли на кој начин ќе се привлече вниманието на публиката и ќе се поттикне продажба. Првични чекори се планирање, поставување, управување и маркетинг на вашата продавница за е-трговија. Планирање на вашиот бизнис за е-трговија, подразбира земање во предвид голем број фактори, а пред се изборот на најсоодветен модел за е-трговија. При планирањето важно е да се размисли за: целите на бизнисот, дали бизнисот планира да продава само онлајн, која содржина е потребна за да се поттикнат луѓето да го користат производот, начинот на достава и сл. Размислете за брендот, доколку бизнисот функционирал само со физичка продавница, а сега се префрла или проширува и онлајн, на кој начин физичката продавница може да ја поддржи продавницата за е-трговија. Секако со комбинација на онлајн и офлајн присуство, може да се понуди похолистичко и фокусирано искуство, усогласувајќи се со навиките на купување на потрошувачите. Вообичаени стапици на кои треба да се внимава се користење на постоечките ресурси на компанијата, неразбирање на деловните модели, несоодветна процена на сумата потребна за развој на веб-страница, создавање содржина, логистика за достава, управување и правна поддршка. Не заборавајте да ја следите вашата конкуренција. Разгледајте што и како прават, како се ангажираат на пазарот, нивниот опсег на цени. Запознајте се со нивната стратегија за комуникација и што е она што го пласираат на социјалните медиуми. Обидете се да примените социјално слушање. Што споделуваат луѓето за вашиот бренд со цел да ги следите разговорите и брендот. Дознајте каде се вклопувате на пазарот, каква вредност и давате на индустријата, што ќе помогне да понудите подобар производ или услуга од вашите конкуренти. Поставување на вашата продавница за е-трговија, значи разгледување на различни елементи на веб-страницата за е-трговија и разгледување на платформите за е-трговија. Повеќето веб-страници имаат заеднички елементи како што се: почетна страна каде го покажувате вашиот бренд и се обидувате да ги привлечете посетителите на вашата веб страна; страница со категории кои го подобруваат корисничкото искуство и го олеснуваат пребарувањето; контакт, каде корисниците ќе можат да се информираат за локацијата; кошничка, каде треба да се осигурете дека процесот на купување е јасен и едноставен, доколку процесот е долг и комплициран, голема е веројатноста купувачите да ја напуштат страната без да го завршат купувањето. Запомнете, потребно е да го направите купувањето и пребарувањето што е можно поедноставно дури и за потенцијалните купувачи кои имаат малку искуство во онлајн купување. Управување со вашата продавница за е-трговија, тука станува збор за начините на складирање и начин на пакување. Дали пакувањето го зајакнува вашиот бренд? Што ќе видат луѓето кога ќе го добијат вашиот производ? Дали го подобрува искуството на клиентите? Притоа треба да внимавате на трошоците и правните аспекти на купување. Со оглед на тоа дека онлајн продажбата подразбира прибирање на лични податоци неопходни за идентификување на купувачот и достава на производот погрижете се да ги знаете сите закони и добри практики кои ја покриваат оваа тема. Маркетинг на вашата продавница за е-трговија, подразбира • градење на брендот преку пласирање на содржина, односи со јавноста, комуникација на социјалните медиуми, • поттикнување на продажбата за што ви е потребна аналитика за досег и зачестеност: колку луѓе ја видоа вашата содржина и колку често ја гледаа, платено пребарување, оптимизација, • задржување на клиентите преку примена на онлајн маркетинг тактики како што се е-маил маркетинг за градење на однос со публиката, ретаргетирање, програми за лојалност и слично. Кога луѓето пребаруваат на интернет, тие поставуваат прашање. Поставете го вашиот бренд како одговор на нивното прашање! Размислете за платено рекламирање и анализирајте го целиот сообраќај на вашата веб-страна со помош на Google Analytics. Да се поттикне интерес за вашиот производи или услуга не е лесна задача. За таа цел треба да изградите култура каде публиката активно ги прегледуваат вашите производи, да бидете присутни и активни на социјалните медиуми, но најважно – вашиот фокус да биде задоволството на купувачите и исполнување на нивните очекувања. Јована Затаракоска Специјалист за Дигитален Маркетинг – Маркет Висион Скопје

Новости Правда Светот на работникот Гласен Текстилец ја објави програмата за „Текстилијада 6“ петок, 30 септември 2022, 13:19 Редакција Текстилијада Фејсбук статус на Гласен Текстилец: #ТекстилИјадА6, Програма! 06.10.2022г. (четврток): 09.30 часот, отворање на ТЕКСТИЛИЈАДА 6 / TEKSTILIJADA 6 #ТекстилИјадА6 со откривање на уметничкото дело: „Работничка Клупа“, од Андреј Миневски, „И работниците заслужуваат пауза“. Домаќин: ЗЗРП Гласен Текстилец – Штип. Учесници: Уметник скулптор, Андреј Миновски; Директор на ЈП Стипион (ЈП Стипион 2011), Игор Ефтимов; Директор на ЈП Исар (Јп Исар), Трајче Здравков; Уметнички директор на КУЦ-Текстил (К.У.Ц Текстил) и #ТекстилИјадА6, Денис Ампев. Локација: парк К’ртеке,(Суитлак Штип). . . 10:00 часот, дебата на тема: „Иглата ја храни иднината“. Поздравен говор: Јохан Шмит, Шеф на тимот Европа- Олоф Палме Центар (Olof Palme International Center) – Шведска . Модераторка: Ивана Вучкова, Фондација Фридрих Еберт –Скопје (Friedrich-Ebert-Stiftung Skopje) . Планирани учесници: Марина Варадиновска, Директор на средно текстилно училиште во Штип; Ангел Димитров, Организација на работодавачи; Ацо Јаневски, Декан на Техничкиот факултет при Штипскиот Универзитет; Шериф Мифтари, Директор на Центарот за стручно образование и обука; Јоханес Хајдекер, советник на премиерот на Република Северна Македонија; Никола Булески, моден дизајнер Кристина Ампева, Гласен Текстилец Домаќин: Градоначалник на Општина Штип (Општина Штип Македонија) , г. Иван Јорданов. Локација: Мултимедијален центар “Киро Глигоров“ Штип. . . 14:00 часот, панел дискусија на тема: „Правата на жените, нивното економско зајакнување и влијанието на политиките врз нив“. Модератор: Виктор Митевски, ЗМАИ –Скопје (Здружение за истражување и анализи – ЗМАИ). Планирани учесници: Претставничка од Реактор – Истражување во акција (Reactor Research in Action/ Реактор истражување во акција), Таниа Иванова; Мила Царовска, поранешна министерка за труд и социјална политика; Претставник/чка од ЕСЕ- Здружение за еманципација, солидарност и еднаквост на жените; Пратеничка од Собранието на РСМ Санела Шкриjељ/СДСМ; Пратеничка од Собранието на РСМ Благица Ласовска/ВМРО; Локација: Мултимедијален центар “Киро Глигоров“ Штип. . . 07.10.2022г. (петок): 10:30 часот, дебата/панел дискусија на тема: „Институциите и државата во криза“. Под-тема:„Интеграции во ЕУ и почитување на основните права со акцент на поглавјата 23 и 24 (Затворањето и транспарентноста на институциите под прашање) и работничките права низ призмата на судскиот систем“. Домаќин: Иван Јорданов, градоначалник на Општина Штип. Модератор: Огнен Јанески (Ognen Janeski – Огнен Јанески). Учесници: Јохан Шмит, Шеф на тимот ЕвропаОлоф Палме Центар – Шведска; Фатмир Битиќи, Заменик на претседателот на Владата задолжен за економски прашања, координација со економските ресори и инвестиции; Јована Тренчевска (Јованка Тренчевска) , Министерката за труд и социјална политика; Сања Лукаревска (Сања Лукаревска), Директорка на Управата за јавни приходи; Миле Бошков, Бизнис Конфедерација; Локација: Хотел “Оаза“ Штип. . . 12.30 часот, потпишување на декларација за животна плата во Република Македонија. Дебата на тема: „За пристојна плата“ Планирани учесници: Претседателка на Гласен Текстилец, Кристина Ампева; Претставник на ССНМ; Претставник на ССМ; Претставник на КСС; Претставник на КСОМ; Претставник на Ла Страда /Отворена порта (Отворена Порта – Open Gate: La Strada Macedonia). Гости: Претседател на синдикат Слога Србија, Жељко Веселиновиќ; Претставник на синдикатот Хендeлс од Шведска. Локација: Хотел “Оаза“ Штип. . . 14:00 часот, промоција на весникот „Текстилец“. Промоција на 5-тото издание на весникот „Текстилец“. Учесници: Волонтери на Гласен Текстилец. Локација: Плоштад слобода, Центар Штип. . . 19:00 часот, изложба на Проф. Јана Јакимовска. Тема: „Плата за живот“. Учесници: Проф. Јана Јакимовска; Локација: Дом на млади (Дом на млади Штип). . . 08.10.2022г. (сабота): 12.00 часот, литературен настан за читање на поетски творби на тема „Плата за ЖИВОТ“. Основни и средни училишта од Штип. Во соработка со НУ -У библиотека „Гоце Делчев“ – Штип (НУ – УБиблиотека „Гоце Делчев“ – Штип). Соработничка: Ванѓе Манева. . . 16.00 часот, кратка посета на античкиот град и кратки едукации преку пикник до работничките права. Домаќин: Гласен Текстилец и Општина Штип. . . 19:00 часот, изложба на стрип на тема: „Супер работничка“. Учесници: Никола Костовски; Денис Ампев. Локација: Дом на млади. . . 21.00 часот, завршна забава. Забава со DJ, во Дом на млади. Olof Palme International Center – North Macedonia Programme Kvinna till Kvinn Post Views: 110 Редакција Редакција https://rabotnik.com.mk/author/boban/ Lorem ipsum dolor sit amet Редакција https://rabotnik.com.mk/author/boban/ Vestibulum maximus quis Редакција https://rabotnik.com.mk/author/boban/ Quisque nec Редакција https://rabotnik.com.mk/author/boban/ Post Format: Gallery

Проектните партнери од проектот “Бенефит“, финансиран од ИПА програмата за прекугранична соработка со Грција, во рамките на посетата на Брисел, го посетија одделот за Енергетска ефикасност при Генералниот директорат за енергија на Европската комисија. На состанокот со претставниците на DG ENER, беа презентирани досегашните активности и достигнувања на проектот за „Подобрување на енергетската ефикасност во згради – БЕНЕФИТ“, при што беше изразен интерес за идна соработка со Генералниот директорат за енергија, како оддел на Европската комисијата кој е одговорен за енергетската политика на ЕУ во делот на обновлива енергија, енергетска ефикасност, енергетски податоци и анализа, закони, политики, финансирање и грантови и друго. Претставниците на општина Битола, за дел од приоритетите и потребната поддршка од Европската комисија ја информираа директорката на одделот за праведна транзиција Паула Пино, а состојбата беше детално образложена пред Пјерлука Мерола и Едита Новак, задолжени за меѓународна соработка и финансирање. На состанокот, градоначалникот на општина Битола, Тони Коњановски и претседателката на Советот, Габриела Илиевска, потенцираа дека очекуваат поддршка од Европската унија и нејзините институции во процесот на праведна транзиција и постигнување енергетска правда, посебно за следните приоритети: – Во врска со формирањето на „Just transition“ фонд за Западен Балкан, да биде формирана контакт точка за Македонија со седиште во Битола, а проектите што би можеле да се реализираат од овој фонд да имаат партнери од Битола, при што главниот бенефит треба да остане во битолскиот регион, заради унапредување на регионот, со цел приближување до европските стандарди, земајќи ја предвид работата и близината на РЕК Битола во изминатите 40 години, – Формирање на национален „Фонд за праведна транзиција“ и „Фонд за енергетска ефикасност и животна средина“ со седиште во Битола – Воспоставување програма за финансирање од ЕУ за регионите Битола, Кожани поврзана со механизмот за праведна транзиција и зајакнување на регионалната соработка, – Поддршка од ЕУ во барањето на локалната самоуправа насочено кон државата, за обесштетување на битолскиот регион, поради загадување со јаглен со 10 евра за MWh електрична енергија произведена од РЕК Битола, во периодот додека се користи јагленот како енергенс. Претставниците на DG ENER, ги образложија своите размислувања во врска со изнесените ставови, при што беше договорена дополнителна размена на информации во насока на поддршка во реализацијата на приоритетите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Македонските храна и вино отсекогаш важеле за квалитетни во регионот, а светската криза за храна само го потврдија овој тренд. Се поголема е побарувачката за органски македонски земјоделски производи, но и млечки и месни производи, поради што продавачите од пазарите се преселија на социјалните мрежи. Секој ден, се повеќе се бараат квалитетни земјоделски производи, а местото за нивно наоѓање наместо во маркетите, станаа социјалните мрежи. Овој начин на продажба значи дека купувачите добиваат производи со поголем квалитет, но и со пониска цена од таа во маркетите. На манифестацијата „Незаменливиот вкус на традицијата“ во организација на Здружението за едукација на земјоделците „Зелена берза“ се претставија преку дваесеттина излагачи, локални земјоделци, производители на здрава храна и поддржувачи на македонската традиционална кујна. Таму локалните земјоделци кажаа дека за нивните производи немаат потреба од реклама, туку дека нивниот квалитет е доволен за да бидат распродадени. Изминатите денови, македонската слоу-фуд кујна исто така беше презентирана и на саемот Тера Мадре Салон дел Густо во Торино, Италија. Штандот за македонска храна на саемот во Торино беше распространет на 100 метри квадратни разубавен со суви пиперки, лук и тутун. Посетителите на саемот имаа можност да вкусат ајвар, органски мед, слатко со смокви, охридски комат, макало, домашно лепче, тавче гравче и слично, поради што токму македонскиот штанд беше најпосетуван. Ваквата промоција на македонската храна само го зацврстува ставот во регионот и Европа за нејзиниот квалитет, но ништо не заостанува ни македонското вино. Македонското вино беше претставено на меѓународниот саем за вино како дел од иницијативата „Отворен Балкан“ во Белград на почетокот на месецов. Таму учествуваа околу 400 излагачи и производители на вино од повеќе од 22 земји, а Северна Македонија, под мотото „Вкуси го животот“ ги претстави македонското вино и храна. Овој саем овозможи да се продлабочи соработката на винопроизводителите и земјоделците од земјите од „Отворен Балкан“ со што ќе се овозможи и заеднички настап на „трети пазари“ , но и да се зголемат инвестициите во секторот. Преку соработката низ иницијативата „Отворен Балкан“ ќе се овозможи македонските земјоделци и винопроизводители да ги извезуваат своите производи полесно на разни пазари, а ќе се зголеми и нивната продажба во земјите-членки на иницијативата – Албанија и Србија.

За 2023 година ќе има на располагање дополнителни 240 годишни и 264 месечни ЦЕМТ дозволи. Од сегашните 1.440 годишни ЦЕМТ дозволи следната година ќе има 1.680, а месечните 2.544 ЦЕМТ дозволи се зголемуваат на 2.808, објави денеска министерот за транспорт и врски Благој Бочварски на традиционалната средба на превозниците, во организација на Асоцијацијата Макам Транс. -На овој начин сметаме дека даваме посебен инпут за развој на транспортната дејност во земјава, рече Бочварски. Тој посочи на важноста на Информација што ја усвои Владата за одвивање на патниот транспорт на стока со Украина во билатерала и транзит без дозволи до крајот на годината, како и на изменетата и дополнета Уредба за начинот на распределба, дистрибуција и ревизија на искористеноста на дозволите за меѓународен превоз на стока, на која работеле заедно со Макам Транс. -Сакам да Ве уверам дека на овој начин настојуваме максимално да ги задоволиме потребите на нашите превозници за непречено одвивање на транспортот. Како ресорно Министерство остануваме посветени во работата со превозниците, остануваме отворени и секогаш транспарентни за вас. Ја спроведуваме транспортната политика и правиме сериозни чекори кон обезбедување подобри услови за работа за вас и за зајакнување на транспортната дејност, рече Бочварски. Генералниот секретар на Макам Транс Билјана Муратовска, потенцираше дека првпат по четири години е направена значајна измена на Уредбата за распределба на дозволите и се овозможил поголем број на ЦЕМТ дозволите што ќе бидат предмет на распределба во 2023 година. – Успеавме да донесеме измена со која ќе имаме подобри резултати во однос на претходните. И овојпат ќе имаме незадоволни кои очекувале повеќе, а добиле помалку, рече Муратовска, порачувајќи им на превозниците да увидат каде грешат за да имаат подобри резултати. Им порача и да бидат сложни за да може да се опстанат во условите на тековните кризи. -Немојте да си конкурирате меѓу себе, туку конкурирајте си со превозниците од другите држави. Ние мора да бидеме сложни ако сакаме во овие тешки времиња да опстанеме и да ги преживееме повеќето кризи, рече Муратовска на јубилејот по повод 30 години од првата организирана средба на превозниците во Росоман. Ресорниот министер на средбата информираше и дека во рамки на почнатите активности за процесот на преговори со Европската унија скринингот на ресорот транспорт ќе се случи на средината на 2023 година за што се подготвуваат во Министерството. Ги претстави и дополнителните дозволи што се обезбедени во изминатиот период преку Министерството за транспорт и врски, при што потести дека е договорено зголемување на квотата на годишни дозволи за и од трети земји со Република Бугарија од 1.150 на 1.500 дозволи, што е за 350 годишни дозволи повеќе. Дополнително, посочи министерот, го зголемивме бројот на транспортни дозволи за 300 дозволи повеќе за меѓународен транспорт со Република Турција и тоа од 1.300 дозволи за и од трети земји оваа година имаме 1.600 такви дозволи. Во однос на дозволите за билатерален превоз, од сегашните 3.150 дозволи обезбедивме дополнителни 500 дозволи, со што со Турција сега имаме 3.650 дозволи за билатерален превоз. Вкупнo 800 дозволи дополнителни за Турција за годинава… Северна Македонија како полноправна членка на Организацијата за црноморската економска соработка доби три илјади транспортни дозволи од годишната квота за 2022 година од системот на Б-СЕК. -Создадовме услови за олеснување на патниот транспорт во земјите на црноморскиот регион. Овие транспортни дозволи може да се користат за превоз на стоки во билатерала и транзит за Албанија, Турција, Романија, Србија, Украина, Молдавија, Грузија и Ерменија, а додека за превоз на стоки за и од трети земји може да се користат само во Албанија, Грузија, Молдавија, Романија и Украина. Обезбедени се и дополнителни 400 дозволи за нашите превозници за Италија до крајот на оваа календарска година, рече Бочварски, кому на свеченоста му беше доделена плакета во знак на благодарност за соработката со Макам Транс.

Под слоганот ИГРАЈ СО НАЈДОБРИТЕ, со донација од 3,284,819,00 денари Видеолотарија го пушти во употреба и третото игралиште од проектот за изградба на повеќенаменски и спортски игралишта низ целата земја. Во присуство на граѓаните од Гевгелија, претставниците на Видеолотарија, бренд амбасадорот Игор Стефановски Иџе и претставници на локалната самоуправа на општина Гевгелија, свечено беше пуштено во функција реконструираното игралиште. „Ова игралиште веруваме дека ќе биде новата среќна локација за игра, забава и натпревари во спортски дух. Со донација од 3,284,819,00 денари целосно и темелно е реконструирано ова игралиште, кое доби нови спортски реквизити, а и жичена ограда за поголема безбедност на сите кои ќе го користат неговиот спортски терен,“ нагласуваат од Видеолотарија Касинос Австрија. „Драго ми е што сум дел од овој убав проект за поттикнување на спортскиот дух и здрави навики во нашава земја. Верувам дека примерот на Видеолотарија ќе го следат и други одговорни компании“, изјави бренд амбасадорот на Видеолотарија, автомобилскиот ас Игор Стефановски Иџе. Игралишта се дел од компаниската стратегија за повеќегодишно вложување во спортот, а со цел постигнување на врвни спортски достигнувања и мотивирање на младите активно да се посветат на спортот. Денес сме среќни, затоа што може да најавиме дека во општина Липково веќе привршуваат последните активности, со кои ќе биде реконструирано и следното игралиште. На ваков начин, Видеолотарија Касинос Австрија ги реализира општествено одговорните компаниски цели, значајни за развој и унапредување на животот на граѓаните. Нашата идеја е да придонесеме во развојот на спортскиот дух кај младите и градењето здрави навики, преку забава и игра.

Фото: Игор Бансколиев Анализа на професорот и енергетичар Константин Димитров за фотоволтаичните колектори во домаќинствата Основните елементи што влијаат на одлуката за да се пристапи кон ваква инвестиција се висината на инвестицијата и динамиката на користење на енергијата произведена од колекторите, како и месечната/годишната потрошувачка на електрична енергија на домаќинството Постапката за олеснување на поставувањето фотоволтаични колектори на покривите на домаќинствата и компаниите остана заглавена во Собранието, така што сега веќе е доцна да се направи нешто посериозно во делот на индивидуалното производство на електрична енергија, бидејќи во зимските месеци се избегнуваат какви било градежни зафати врз покривите на куќите. Иако олеснувањата за поставување фотоволтаици Владата ги најави како одлична можност за граѓаните и стопанството да се спасат од високите сметки за електрична енергија, познавачите на состојбите сметаат дека со она што го нуди државата како олеснување, прашање е колку е економски оправдано да се инвестира во фотоволтаични сончеви колектори. Прашањето е оправдано и од особен интерес за сите потенцијални инвеститори. Оправданост на инвестицијата Универзитетскиот професор и експерт од областа на енергетиката Констатин Димитров смета дека оправданоста се проценува врз основа на односот на потребната инвестиција и остварената заштеда заради помалите трошоци за електрична енергија, т.е. за колку години ќе се вратат инвестираните средства. Тој направи анализа што се однесува првенствено за домаќинствата, додека за стопанските организации смета дека условите за поставување фотоволтаични централи се делумно поинакви и поповолни во однос на домаќинствата. Во продолжение ја пренесуваме анализата на професорот Димитров за исплатливоста на фотоволтаичните колектори за производство на електрична енергија за домаќинствата. – Одговорот не е едноставен, зависи од повеќе фактори или, како што вели народот, секоја планина со своја тежина. Ако инвестирам без да знам што може да ме очекува, следејќи ја „модата“ или некои од „препораките“ на трговците со сончеви колектори, може бргу да се разочарам во реалноста. Веќе има такви реакции од граѓаните во Србија, кои очекувале многу, а резултатите се значително под нивните очекувања. Основните елементи што влијаат на одлуката за да се пристапи кон ваква инвестиција се висината на инвестицијата, динамиката на користење на енергијата произведена од колекторите, како и месечната/годишната потрошувачка на електрична енергија на домаќинството – појаснува Димитров. Според него, инвестицијата зависи од тоа дали ќе се постават колектори со капацитет од 4, 6 или 10 и повеќе киловати. – Секое домаќинство треба да има право да постави колектори со капацитет еднаков на добиената дозвола за електричен приклучок кон електродистрибутивната мрежа. Со тоа воопшто не се влијае на мрежата – наведува Димитров. Во прилог се прикажани очекувани претпоставени приближни цени за одделни услуги. Тие се менуваат секој ден и лесно може да има разлики и до 20 отсто во одделни позиции од овие прикажани во табелата. Инвестициските трошоци се прикажани за два случаја, и тоа капацитет на колекторите од 6 и 10 kW, во „наши пари“, т.е. евра. Од оваа табела, важен заклучок за инвеститорот е дека со зголемување на капацитетот на сончевите колектори само делумно се зголемува инвестицијата. Ограничувачки фактор е и површината на покривот што е насочена кон југ или запад. За да се добие еден киловат инсталиран капацитет, потребни се од пет до шест квадратни метри површина на покривот. Зависи какви колекторски панели ќе се купат, т.е. од нивното производство по квадратен метар колекторска површина. Како првична информација за заинтересираните инвеститори е дека може да се купат и панели со капацитет од 530 до 550 Wp и димензија 2,26 х 1,13 метар. Динамика на користењето на енергијата Големите очекувања на домаќинствата значително се намалуваат кога ќе се анализираат производството и динамиката на користење на произведената сончева енергија. Основна потребна информација, приближно еднаква за територијата на Македонија, е дека на секој инсталиран kW сончеви колектори, на годишно ниво се добиваат околу 1.300 kWh/an. Споредбата за производство и динамика на преземање на енергијата е следната: Треба да се постави прашањето зошто е предвидено дека од вкупната енергија се искористени единствено 30 отсто (при инсталација на 6 kW колектори) или 35 отсто (при инсталација на 10 kW колектори). Овие вредности може да варираат од домаќинство до домаќинство, во зависност од вкупната потрошувачка на електрична енергија (трета или четврта група потрошувачи, во споредба со првата група) и од карактерот на потрошувачите на електрична енергија во домаќинството, т.е. нивната електрична моќ, времетраење на користење, едновременост на употреба и сл. Вториот чувствителен елемент е типот на инверторот. Во горната табела е прикажана цената за едноставен инвертор што ја распределува еднакво произведената електрична енергија од колекторите на трите фази од електричната инсталација во домаќинството. За да биде појасно за инвеститорите што не се многу „блиски“ со електротехниката, еве еден пример: во определен дел од денот (на пример 10 часот наутро), колекторите произведуваат енергија при вкупна електрична моќ од 2,1 kW (за еден час ќе произведат енергија во износ од 2,1 kWh). Инверторот оваа енергија ја распределува еднакво на секоја фаза, т.е. по 0,7 kW. Ако рерната е со грејачи од 1,5 kW, ќе добие само 0,7 kW бесплатна енергија, а преостанатата произведена енергија, ако нема на другите фази потрошувачи што во тој момент трошат енергија, ќе се предаде кон дистрибутивната мрежа. Значи, колекторите произвеле 2,1 kW, а домаќинството искористило само 0,7 kW. При поставување поголем капацитет на колекторите (во примеров 10 kW) му се овозможува на домаќинството, во поголем дел од денот, да има на располагање доволно енергија на секоја фаза од инсталацијата. Основен заклучок Домаќинствата со вградени колектори со капацитет 6 kW, во зимските месеци јануари, февруари, ноември и декември имаат на располагање, на секоја фаза од електричната инсталација, помалку моќност/енергија од 1 kW. На располагање имаат од 0,6 до 0,8 kW во периодот од 10 до 14 часот. Пред и потоа на располагање е значително помал капацитет. Во месеците март, април, мај, септември и октомври, на располагање на секоја фаза имаат капацитет малку над 1 kW, во периодот од 10 до 15 часот. Ако имаат потрошувач со потребна моќ над 1 kW, произведената енергија на таа фаза нема да биде доволна, туку треба да се дополни од мрежата. Во летните месеци јуни, јули и август, на секоја фаза домаќинствата имаат на располагање од 1,2 до 1,7 kW, во периодот од 10 до 16 часот. Домаќинствата со вграден капацитет на колектори од 10 kW имаат подолг временски период и поголема електрична моќ, за користење на енергијата од колекторите. Во зимскиот период (јануари, февруари, ноември и декември), на секоја фаза ќе имаат на располагање од 0,7 до 1,7 kW, во периодот од 10 до 14 часот. Во месеците март, април, мај, септември и октомври, на располагање на секоја фаза имаат капацитет од 1 до 1,9 kW, во периодот од 9 до 17 часот. Во летните месеци јуни, јули и август, на секоја фаза домаќинствата имаат на располагање од 1,5 до 2,8 kW, во периодот од 8 до 17 часот. За да се направи едно нагледно сценарио за колку време и при какви услови ќе се исплати инвестицијата, усвоено е дека потрошувачката на електрична енергија за едно домаќинство е 600 kWh/месец дневна тарифа (ДТ) и 400 kWh/месец ноќна тарифа. Ова домаќинство спаѓа во втората категорија на потрошувачи, според правилникот на РКЕ. Вредностите се прикажани во табелите подолу. Основниот заклучок е дека е економски оправдано да се користи што е можно повеќе енергијата од сонцето, затоа што таа носи заштеда од 138 евра/MWh, додека продадената енергија е со цена од 69 или 60 евра/MWh, во зависност од капацитетот на колекторското поле. Зголемување на искористувањето на сончевата енергија е остварливо со зголемување на капацитетот на колекторите, што овозможува поголем број на часови за работа на домашните потрошувачи на енергија. Зголемувањето на инвестицијата заради поголем капацитет на колекторите не е праволиниско, затоа што таа влијае само на дел од трошоците. Дали може да се зголеми процентот на искористување на енергијата од сонцето? Да, со инсталирање хибриден (паметен) инвертор што испорачува енергија на секоја фаза, во зависност на потрошувачката во неа, и со инсталирање акумулаторска батерија. Инвестицијата се зголемува значително, но соодветно на тоа и придобивките. Ова е особено препорачливо за потрошувачите на електрична енергија од третата и четвртата тарифна група потрошувачи. Дали може да се намали периодот за враќање на инвестицијата? Да, ако Владата донесе одлука за субвенционирање на овие инсталации и ако се ослободи основната опрема од ДДВ. Оправданоста Владата да ги поддржи овие инвестиции на домаќинствата се согледува од економската придобивка, намален увоз на електрична енергија – намалена зависност и намалено загадување на животната средина во урбаните средини. Професорот Димитров на крајот од изнесувањето на неговиот личен став за оваа проблематика уште прашува зошто Владата не презема мерки за стимулирање на поставувањето на сончевите колектори преку намалување на бирократските обврски и субвенционирање на овие системи. – Доволно е да се следат примерите (законски одредби и субвенции) од непосредното соседство – Србија, Хрватска, Српска Краина (БиХ), Црна Гора – потенцира Димитров.

На њујоршки Волстрит во четвртокот цените на акциите повторно остро паднаа, веќе седми ден со ред во последните осум дена, бидејќи вложувачите стравуваат дека агресивното зголемување на каматните стапки на американската централна банка Federal Reserve (Fed) ќе предизвика рецесија. И на водечките европски берзи цените на акциите вчера паднаа. Така лондонскиот FTSE индекс ослабе за 1,77 отсто на 6.881 поен, франкфуртскиот DAX се лизна за 1,71 проценти на 11.975 поени, а парискиот CAC индекс загуби на вредноста 1,53 отсто на 5.676 индексни поени. На Њујорк, на најголемата светска берза, пак, индексот Dow Jones се лизна за 1,54 отсто на 29.225 поени, S&P 500 потона за 2,11 проценти на 3.640 поени, а Nasdaq индексот падна за 2,84 отсто на 10.737 индексни поени. Откако ден претходно скокна за 2 отсто, вчера индексот S&P 500 повторно остро падна и се нурна на најниското ниво од ноември 2020 година. Притоа паднаа цените во сите 11 најважните сектори од S&P 500 индексот. Под највисок притисок беа акциите на технолошките компании, бидејќи повторно пораснаа приносите на американските обврзници, а на овој сектор не му одговара атмосферата со зголемени трошоци за задолжувањето. Притисокот врз пазарот е последица од стравувањата на вложувачите дека агресивното зголемување на клучните каматни стапки на Fed ќе ја одведе американската економија во рецесија. Минатата седмица централната банка на третата своја седница со ред ги зголеми каматните стапки за 0,75 процентни поени, во распонот од 3 до 3,25 отсто, што е нивното највисоко ниво од 2008 година. А челниците на Fed порачуваат дека и натаму ќе ја зголемуваат цената на парите, за да ја спуштат инфлацијата од највисоките нивоа по повеќе од 40 години. Лорета Местер, шефица на филијалата на Fed во Кливленд, изјави во четвртокот дека не гледа големи неволји на американскиот финансиски пазар коишто би влијаеле централната банка да ја промени политиката на подигнување на каматните стапки за да ја сузбие инфлацијата. А новите податоци покажаа дека пазарот на трудот и натаму е многу силно, и покрај зголемувањето на каматите на Fed. Бројот на Американците кои минатата седмица првпат побарале помош поради невработеност, паднал на најниското ниво во последните пет месеци. „Во ваквите околности, добрата вест од пазарот на трудот е лоша вест, бидејќи покажува дека Fed мора да мине уште долг пат. Вложувачите се плашат дека Fed ќе нѐ турне во длабока рецесија, што ќе предизвика рецесија на заработките. Поради тоа вложувачите ги продаваат акциите“, појаснува за Reuters Фил Бланкато, директор во компанијата „ Ladenburg Thalmann Asset Management“. Поради тоа, S&P 500 индексот од почетокот на годината падна за околу 24 отсто. Доколку преземете содржина од оваа страница, во целост сте се согласиле со нејзините Услови за користење.

Време зa читање: < 1 минутa Нова гардероба, нови патувања, почеток на грејна сезона, подготовки за зимата… списокот е долг, но кога имаш партнер на кој можеш да сметаш во секое време, нема потреба од грижи и стрес! Кредо Кард е тука да ти ги обезбеди сите потребни финансиски средства за да уживаш максимално во есента. Аплицирај ONLINE од било каде и во било кое време за износ до 120.000 мкд. Парите ќе бидат на твојата сметка за рекордни 15 минути. Посети го веб-сајтот на Кредо Кард – kredo.mk, избери ја сумата која што ти е потребна и рокот на отплата кој што ти одговара. КЛИКНИ – АПЛИЦИРАЈ – ДОБИЈ! Сега е брзо и лесно да ги добиеш финансиските средства што ти се потребни. Кредо Кард ти овозможува одлични услови и најниски трошоци за незаборавна есен! За дополнителни информации, професионалниот тим на Кредо Кард ти стои на располагање на 02 3243 003. ПР Објава