Српскиот вицепремиер и министер за финансии, Синиша Мали, денеска објави дека просечната плата во Србија за ноември достигнала 100.738 динари (861 евро), што е првпат платите во земјата да ја надминат границата од 100.000 динари. Мали истакна дека официјалните податоци ќе бидат објавени од Републичкиот завод за статистика утре. – Првпат просечната плата во Србија надминува 100.000 динари, што е околу 861 евро. Рековме дека до декември годинава ќе достигнеме просечна плата меѓу 910 и 920 евра, и тоа ќе го постигнеме. Потврдувам дека сме на добар пат да ја исполниме нашата цел, до крајот на годината просечната плата во Србија да надмине 1.000 евра, изјави Мали за ТВ Пинк. Тој исто така нагласи дека од 1 јануари годинава платите во јавниот сектор се зголемени за 8%, пензиите за 10,9% од 1 декември лани, а минималната плата е повисока за 13,7%. Овие мерки, според Мали, се дел од стратегијата за економски раст и подобрување на животниот стандард во Србија.

Републиканските конгресмени предупредуваат на терористички закани во САД 24/01/2025 СВЕТ Високи републикански претставници на Конгресот побараа од американските безбедносни агенции да започнат поефикасно да се спротивставуваат на заканите од терористичките организации, како што се Исламската држава и Ал Каеда, соопшти Одборот за внатрешна безбедност на Претставничкиот дом. Проценката на заканата објавена од Одборот акцент става на нападот во Њу Орлеанс во кој се убиени 14 лица, како и апсењето на осум државјани на Таџикистан во јуни 2024 година, осомничени дека се поврзани со Исламската држава, пренесе Гласот на Америка. Терористичкиот напад во Њу Орлеанс е остар потсетник дека терористичките закани се присутни во Америка. „Странските терористички организации и џихадистичките мрежи во странство се посветени на регрутирање и радикализирање на поединци на американско тло“, изјави претседателот на одборот, републиканецот Марк Грин. рп/ извор: МИА 2025-01-24 Toni Ivanoski

Центарот за развој на Скопскиот плански регион е првиот македонскиот партнер кој учествува во спроведувањето на ЕУ проект кофинансиран во рамки на програмата Интеррег ИПА Адрион, посветен на дигиталната трансформација и нејзино усогласување во целиот овој регион преку креирање на заедничка рамка за локален дигитален модел. Овој проект, кој е насловен „ПАДРИОН“, има за цел да ја зајакне иновативноста во јавните администрации преку соработка на партнери од 7 земји од Јадранско-јонскиот регион: Албанија, Хрватска, Грција, Италија, Црна Гора, Северна Македонија и Србија. Носител на 36-месечните проектни активности е организацијата „Лепида“ од Болоња, Италија. ПАДРИОН (Соочување на јавната администрација со процесот на дигитална трансформација како заедница од областа АДРИОН) се фокусира на развивање алатки како што се локални дигитални агенди и тематски заедници, креирање на модел кој може да се реплицира, пилотирање на приспособени решенија и доставување заеднички акционен план со насоки за долгорочна одржливост. Овој пристап има за цел да ги направи дигиталните услуги подостапни, инклузивни и усогласени со реалните потреби на локалните заедници, истовремено поттикнувајќи ја соработката меѓу институциите, граѓаните и бизнисите. Проектот, кој има за цел да придонесе кон дигиталната трансформација во Јадранско-Јонскиот регион, минатион месец веќе го одржа својот конститутивен состанок во Болоња. На состанокот беше презентирана регионалната дигитална стратегија на регионот Емилија Ромања, а партнерите ги дефинираа првичните чекори за имплементација на проектот, вклучувајќи го работниот план и организационите и финансиските аспекти на проектот. Во следниот период, се очекува интензивно развивање на моделот за спроведливи дигитални решенија на локално ниво „ПАДРИОН“, а од Центарот за развој на Скопскиот плански регион најавиваат вклучување на претставници од граѓанскиот и приватниот сектор кои заедно со дел од општините и надлежните владини министерства за локална самоуправа и дигитална трансформација ќе работат на успешна реализација на проектните активности во земјава.

Време зa читање: < 1 минутaПрва блок-трансакција годинава со акциите на „Македонијатурист“. Познат купувач вложил околу 77 илјади евра во 450 акции. Според податоците од вчерашната официјална дневна берзанска листа, единечната цена за акција е 10.500 денари. Вредноста на трансакцијата е 4.725.000 денари. На официјалниот пазар, пак, просечната цена за акција е 10.600 денари. Во четвртокот биле истргувани 735 акции, со кои е остварен промет од 7.791.000 денари или 126,6 илјади евра. Забележан е дневен раст кај вредноста на акцијата од 1,13 проценти. Претходниот ден просекот бил 10.481,16 денари, а прметот со 951 акција – 126 илјади евра. На крајот од минатата година, со прометот кој достигна 70 милиони евра, акцијата на „Македонијатурист“ беше прворангирана во берзанската статистика. Предводеше и со реализираните блокови, од кои 85 во периодот јуни – декември. По сите тие трансакции се смени сопственичката структура, па на 17 февруари ќе се одржи вонредно акционерско Собрание за промена на стариот и избор на нов Надзорен одбор.

Прентоска, ИСОС: Неопходни се поголеми вложувања и напори од сите, ако сакаме да ги достигнеме најдобрите сметководствени стандарди и практики 24/01/2025 ВЕСТИ, ПРЕТПРИЕМНИШТВО Институтот на сметководители и овластени сметководители (ИСОС) e независна, неполитичка, непрофитна, професионална организација во која членуваат сите активни сметководители и овластени сметководители во нашата земја. Од донесувањето на новиот Закон за вршење на сметководствени работи во 2022 година, ИСОС започна со низа активности и значајни процеси за зајакнување и унапредување на сметководствената професија. Еден од клучните процеси беше преводот на најновите меѓународни стандарди за финансиско известување (МСФИ) кои не беа ажурирани во македонскиот финансиски систем од 2009 година. Дополнително, ИСОС спроведе и обемен процес на ажурирање на податоците за членовите, со цел јасно утврдување на бројот на правни и физички лица кои вршат сметководствени работи во земјата. Како резултат на тој процес, ИСОС изврши размена на податоци со Централниот регистар, што сега стана редовна пракса која придонесува кон намалување на нелојалната конкуренција и „сивата“ економија во секторот. Од Институтот најавија амбициозна програма за работа и во текот на оваа година, а за клучните приоритети и предизвици во нејзиното спроведување разговаравме со претседателката на ИСОС, Весна Прентоска. Кои се клучните приоритети од Програмата на Институтот за 2025-та година и што можат сметководителите и финансиските институции да очекуваат од ИСОС оваа година? Прентоска: Една од главните наши заложби во текот на оваа година ќе биде целосната имплементација на ажурираните меѓународни стандарди за финансиско известување (МСФИ), за што ќе биде потребна целосна посветеност на институциите, бизнис секторот и академската заедница, како и, се разбира, на самите сметководители и овластени сметководители. Би сакала да појаснам дека процесот на превод на МСФИ што ИСОС го спроведе, како и нивната имплементација, треба да придонесат кон намалување на јазот во областа на финансиското известување на земјава, во споредба со земјите од регионот и пошироко. Овој јаз ги изложуваше компаниите со странски капитал во земјата да креираат дополнителни финансиски извештаи според стандардите кои важеа во земјата, а домашните компании изготвуваа финансиски извештаи по неажурирани стандарди, што придонесуваше за намалена конкурентност на домашната економија. Оттука, особено значајно за нас како Институт, во текот на оваа година, е да работиме заеднички со сметководителите, претставниците на државните институции, академската заедницата и бизнис секторот на имплементација на стандардите. Овој процес ќе бара напорна работа од сите засегнати страни, но сметам дека премногу долго професијата е во застој и ќе биде неопходно да чекориме брзо и одлучно за да го стигнеме нивото на кое се останатите земји од регионот, како и на развиените земји. Дополнително, ваквите решителни чекори ќе ѝ помогнат и на македонската економија, имајќи предвид дека сметководителите се клучната алка помеѓу државата и стопанството. Од нашата работа зависи и ефективноста на даночниот систем, а од финансиските податоци, параметри и извештаи зависи креирањето на успешни економски политики. Токму затоа, ИСОС е посветен и на подигнување на квалитетот на сметководствените услуги, за што од оваа година започнуваме со спроведување на процес на контрола на квалитет, во кој целта е да се обезбеди стручна поддршка на сметководствените бироа. Исто така, една од главните цели на Институтот и оваа година останува унапредувањето на системот на континуирана едукација и стручно усовршување на сметководителите, што неминовно ќе влијае на натамошно унапредување на квалитетот на сметководствените услуги во земјата. Покрај ова, од оваа година ИСОС ќе започне и со реализација и спроведување на испит, што е законска обврска во процесот на издавање лиценци за сметководители и овластени сметководители. Ќе продолжиме и со интензивната регионална и меѓународна соработка, како и со активностите за зголемување на атрактивноста на сметководствената професија. Со оглед на тоа дека сметководството како професија во земјата сѐ повеќе старее, односно имаме зголемен одлив на членови поради пензионирање, ИСОС преку соработка со академската заедница оваа година ќе разработи и програми за пракса на студентите, регистар на сметководствени приправници, како и разработка на планови за користење на алатки за дигитализација во сметководствената работа. Со тоа, како и со ред други активности, се надевам дека интересот за сметководствена работа кај младите луѓе сѐ повеќе ќе се зголемува, а ние ќе се обидеме да ги доближиме придобивките на професијата до нив. Ги споменавте ажурираните меѓународни стандарди за финансиско известување кои треба да започнат да се применуваат оваа година. Што ќе донесе овој процес во практичната работа на сметководителите и нивната комуникација со финансиските институции? Прентоска: ИСОС преку партнерски однос и дијалог со сите институции кои се надлежни за имплементација на стандардите, веќе отпочна со реализација на конкретни активности кои треба да го олеснат нивното спроведување. Во координација со Советот за унапредување и надзор над сметководствената професија, организиравме работна средба на сите засегнати страни, односно компаниите, странските инвеститори, банките, академската заедница, лиценцираните правни лица за спроведување обуки за континуирано професионално усовршување на сметководителите, како и со претставниците на сметководствените бироа. На таа средба дискутиравме за предлози за ефикасна имплементација на стандардите, во смисла на актите кои се пропишани од институциите кои се неопходни за финансиското известување, а за кои е потребно да се изврши усогласување со ажурираните меѓународни стандарди. Предлозите ги испративме до Министерството за финансии со кое имаме дијалог и соработка во врска со начинот на имплементација на стандардите. Често во разговори и со сметководителите повторувам дека апсолутно нема потреба за загриженост кај фелата или во бизнис заедницата, бидејќи се работи за промени кои не се нови и непознати во работата на сметководителите и верувам дека нема да биде предизвик да се применуваат. Точно е дека каскаме во овој сегмент повеќе од 13 години, но ако сакаме да комуницираме на јазик разбирлив за секој, во делот на бројките и финансиските извештаи, треба да излеземе од зоната на комфорот и да фатиме чекор со професијата. Би сакала и да истакнам дека тие веќе се применуваат во банкарскиот сектор, а Советот на Народната банка на крајот од 2024 година усвои и измени на регулативата за усогласување со ажурираните меѓународни стандарди. Исто така, важно е да се напомене дека процесот на усогласување на финансиското известување со начинот на кој известуваат компаниите во развиените земји и регионот придонесува и кон зголемена конкурентност на домашните компании, како и кон поголема предвидливост за странските инвеститори. Впрочем, преводот и имплементацијата на меѓународните стандарди за финансиско известување беше и едно од барањата на Советот на странски инвеститори при Стопанската комора. Оттука, процесот е исклучително значаен за развојот на домашната економија, за зголемување на нејзината атрактивност за инвеститорите од странство, како и за издигнување на сметководствената фела на општественото ниво кое го заслужува. И во наредниот период, ИСОС ќе остане посветен на дијалогот со институциите, сметководителите, компаниите и академската заедница, заради целосна и ефикасна имплементација на стандардите. Годината ја започнувате со нова седница на Собранието на ИСОС. Кои се клучните одлуки кои ќе треба да ги усвојат делегатите на оваа седница која е најавена за први февруари? Прентоска: На оваа седница членовите на Собранието на ИСОС ќе имаат можност да дискутираат за предлог-одлуки кои се однесуваат на јакнењето на организацијата, нејзините програмски цели, но пред сѐ на клучната заложба на ИСОС, а тоа е имплементација на стандардите и исполнување на условите за членство во Меѓународната федерација на сметководители (IFAC). На претходната седница на Собранието дискутиравме за аспектите кои се неопходни за одржливо функционирање на Институтот, во смисла на остварување на клучните цели и ефикасното застапување на интересите на фелата. Врз основа на препораките на Собранието, управниот одбор на ИСОС направи анализа на економските фактори кои влијаат врз работата на Институтот. Во таа насока, ги погледнавме и анализиравме сите фактори и параметри кои влијаат на работата на ИСОС, како и оние фактори од кои зависи износот на законски утврдената членарина која ја плаќаат сметководителите и овластените сметководители, како и трошоците кои ги имаат правните лица кои вршат сметководствени работи. Оттука, најнапред утврдивме дека сметководителите и овластените сметководители кои работат во фирмите кои вршат сметководствени услуги веќе плаќаат индивидуални членарини, па затоа предлагаме овие правни лица да се ослободат од плаќање членарина. Понатаму, утврдивме дека износот на годишната членарина на сметководителите и овластените сметководители не е променет од 2017 година, додека социоекономскиот контекст, како и регулативата за сметководствената професија во меѓувреме се значајно променети. Факторите, како што се растот на трошоците за живот и растот на платите во овој седумгодишен период, имаат значајно влијание врз исполнување на програмските цели и законските надлежности на ИСОС. Но, најголемо влијание има фактот што бројот на членови на ИСОС е намален за 40%, што во голем дел се должи на пензионирање на сметководителите и овластените сметководители. Во меѓувреме, како што истакнав, спроведуваме низа активности за зајакнување на квалитетот на сметководствената услуга и ја прошируваме регионалната и меѓународната соработка. Сепак, клучниот аспект по кој се водевме за предлог-одлуката за висината на членарината е да не создадеме финансиски товар врз членовите и усогласувањето да биде оптимизирано, односно износот на членарината што ќе го плаќаат сметководителите да биде 200 денари месечно, а овластените сметководители 500 денари месечно. Едукацијата и континуирано професионално усовршување е законска обврска за сметководителите, која тие мора да ја исполнат за да ја задржат лиценцата. Какви активности презема Институтот за подигнување на квалитетот на едукацијата? Прентоска: Континуираната едукација на сметководителите е од исклучителна важност, бидејќи оваа професија, знаете, не функционира со правила кои важат засекогаш, туку е динамична и е неопходно постојано да се следат промените и меѓународните практики. На пример, сега е особено актуелна примената на ЕСГ-стандардите во сметководството, како и употребата на вештачката интелигенција во финансиското известување, па ние ќе мораме да бидеме подготвени да учиме како тие процеси да се применуваат и во нашата работа. Поради долгиот вакуум период од 13 години, во кој не се применуваа и ажурираа меѓународните стандарди за финансиско известување во нашата земја, имаме пад на продуктивноста и квалитетот на сметководствените услуги. Денешното значење на сметководствена услуга е многу променето и неопходно ќе биде во наредниот период да се вложат напори за да се надомести пропуштеното. Сакам да кажам, квалитетната едукација на сметководителите влијае на нивната конкурентност и генерално на подигнување на квалитетот на услугите кои ги нудат. За да може да се следат новите практики, но и да се ангажираат странски и домашни експерти во овој сегмент, неопходни се вложувања, а особено во овој период на транзиција, кога започнуваме со примена на меѓународните сметководствени стандарди, после 13 години тапкање во место. Ние во ИСОС, преку дијалог со лиценцираните правни лица за обуки, утврдивме правила за начинот на спроведувањето на едукацијата и сите сме согласни дека потребни се чекори за унапредување на квалитетот на обуките. Треба исто така да се има предвид дека во моментов ние имаме најниска цена за час обука во целиот регион, што едноставно не овозможува да се следат зацртаните цели за тоа каква треба да биде едукацијата, а истовремено не можат да се следат ниту потребите на сметководителите и областите на нивниот професионален интерес. Затоа, на претстојната седница на Собранието на ИСОС ќе дискутираме и за усогласување на цената за час едукација, пред сѐ поради тоа што дел од едукацијата треба да бидат и стандардите, како и примената на Меѓународниот кодекс на етика за сметководители, за што ќе биде неопходно лиценцираните правни лица да ангажираат странски и домашни експерти. Истовремено, ние во континуитет разговараме со меѓународните и регионалните партнери за продлабочување на соработката во делот на едукацијата. Во рамки на тие напори беше организирана и работилница од страна на ИСОС, во партнерство со Центарот за реформа на финансиското известување на Групацијата на Светска Банка, наменета за сметководителите, претставници на институциите и лиценцираните правни лица за вршење обуки на сметководители, со фокус на примената на меѓународните стандарди за финансиско известување. Со реализацијата на ваквите активности планираме да продолжиме уште поинтензивно во наредниот период. 2025-01-24 Toni Ivanoski

„Изгреби за здравје“ за предизвиците со кои се соочуваат жените Ромки 24/01/2025 ПРЕТПРИЕМНИШТВО Пред Спомен-куќата на Мајка Тереза денеска од 12:00 до 14:00 часот ќе биде поставена интерактивна табла со грепка, а минувачите ќе имаат можност да изгребаат и да откријат кои се клучните проблеми со кои се соочуваат жените Ромки во државава. Се работи за креативен активизам „Изгреби за здравје“, кој е во рамки на проектот „Унапредени права на девојките, жените и ранливите групи“, поддржан од ЦИВИКА МОБИЛИТАС. Организатор е Здружението Инцијатива за правата на жените од Шуто Оризари. – Овој активизам е дизајниран како начин да се подигне свеста за дискриминацијата и социо-економските предизвици со кои се соочуваат Ромките, како и да се создаде простор за јавна дебата и можности за промена, соопшти организаторот. мд/са/ Фото: Лого на Здружението Инцијатива за правата на жените од Шуто Оризари 2025-01-24 Toni Ivanoski

Се збратимија Атина и Шангај 23/01/2025 ВЕСТИ, СВЕТ – Градоначалниците на Атина и Шангај Харис Дукас и Женг Гонг, денеска потпишаа договор за збратимување на двата града, со што дополнително ќе се продлабочи соработката во повеќе области како што се туризмот, културата, спортот, претприемништвото и иновациите, образованието, климатската криза, отпорноста и одржливоста, јави дописничката на МИА од Атина. Двата града досега имаат потпишано четири меморандуми за соработка во периодот од 2009 до 2017 година, а со збратимувањето, како што информираа од општина Атина, односите меѓу Атина и Шангај, кои се одлични, дополнително ќе се развиваат. Градоначалникот на Атина Дукас посочи дека „Шангај и Атина, Кина и Грција се два региони со важен геостратешки карактер“ и изрази убеденост дека, „посветени на меѓународната соработка, единственото нешто што нè разделува е растојанието“, додавајќи дека се стремат со заеднички активности да ја надминат оваа пречка. – Нашите два града ги поврзува вековна културна традиција, блиски трговски, економски и бизнис односи, кои создаваат цврста основа за развој и просперитет на нашите пошироки региони. Нашата заедничка цел е да ги зајакнеме нашите врски. Ги покануваме кинеските пријатели да ја посетат Грција и да го искусат уникатното атинско искуство. Одблиску да ги запознаат спомениците на светското културно наследство, но и современото грчко културно творештво, кое гради мостови меѓу нашите народи, порача Дукас. Градоначалникот на Шангај Гонг истакна дека „откако беа воспоставени пријателски размени меѓу Шангај и Атина во 2009 година, остварена е обемна и прагматична соработка во многу области и се постигнати позитивни резултати“. – Имајќи го како нова почетна точка збратимувањето на нашите два града, ние сме подготвени дополнително да ги продлабочиме размените и интеракциите помеѓу градовите, да постигнеме уште повисоко ниво на заемна корист и вин-вин резултати, да се стремиме кон поголем просперитет за народите и заеднички да ги промовираме пријателските размени и соработки меѓу Шангај и Атина на ново ниво, рече градоначалникот на кинескиот град. ср/сд/Фото: Општина Атина . Извор: МИА 2025-01-23 korisnik

„Дезинформации: како да се препознаат и да се спречат“ – настан со кој се заокружува Твининг проектот „Зајакнување на капацитетите на АВМУ и на Јавниот радиодифузен сервис“ 24/01/2025 ПРЕТПРИЕМНИШТВО „Дезинформации: како да се препознаат и да се спречат“, е насловен настанот што денеска ќе се одржи, а со кој се заокружува Твининг проектот „Зајакнување на капацитетите на Агенцијата за аудио и аудиовизуелни медиумски услуги и на Јавниот радиодифузен сервис“. Проектот е финансиран од Европската Унија, а спроведуван од германската Фондација за меѓународна правна соработка (ИРЗ). Како што соопштија од Агенцијата за аудио и аудиовизуелни медиумски услуги (АВМУ), во рамки на настанот ќе се одржи панел дискусија и промоција на Прирачникот за справување со дезинформации, а воведни обраќања ќе имаат Холгер Албрих, проектен лидер, Лазо Петрушевски претседател на Советот на АВМУ, Драган Николовски, главен и одговорен уредник на првиот програмски сервис на Македонската радио телевизија. За панел дискусијата најавено е присуство и на Микалис Рокас, амбасадор на Европската Унија во Република Северна Македонија и Петра Дрекслер, амбасадорка на Сојузна Република Германија. цр/са/ Фото: МИА архива 2025-01-24 Toni Ivanoski

Албанија го осуди приведувањето и протерувањето од Србија на двајца нејзини државјани 24/01/2025 СВЕТ Албанија го осуди приведувањето и протерувањето од Србија на двајца нејзини државјани, учесници на состанокот организиран од фондацијата Ерсте, наведувајќи дека ваквите потези не се во согласност со добрососедските односи. Министерството за Европа и надворешни работи на Албанија на Фејсбук објави дека синоќа го повикале амбасадорот на Србија во Тирана, Слободан Вукчевиќ и изразиле жалење и сериозна загриженост за приведувањето и депортирањето на двајца претставници на граѓанското општество од Албанија. „Тие потези не се во согласност со нашата желба и напор за одржување на добрососедските односи и имаат негативно влијание врз слободното движење на нашите граѓани“, соопшти Министерството. Министерството додаде дека побарало појаснување во врска со случајот и дека ја нагласува потребата српските власти да ги разгледаат и да ги земат во предвид жалбите по донесените одлуки. Беше побарано и да не се дозволи повторување на вакви настани во иднина. вт/ 2025-01-24 Toni Ivanoski

Годишна конференција на Еквалис за активно граѓанство 24/01/2025 НАУКА И ТЕХНОЛОГИЈА, ПРЕТПРИЕМНИШТВО Годишна конференција за активно граѓанство „КритикУМ“ денеска и утре ќе се одржи во Лабораториум во Скопје во организација на Здружението за едукативен развој Еквалис. Оваа национална конференција, како што велат организаторите, претставува простор за поврзување, градење на заеднички стратегии, но и оснажување за пракси, примери и платформи преку коишто граѓаните се обидуваат да ги променат заедниците. Денеска во рамките на конференцијата ќе се одржат два панела – Граѓански визии за градот: Во одбрана на воздухот, водата и јавниот простор и Пркоси во алтернативната културна сцена, а вечер ќе има настап бендот „Кокиче“. За утре, пак, е предвидено да се реализира интерактивна прошетка насловена „Скопје, големото бегство“. -Преку оваа едиција на конференцијата ќе погледнеме во некои од најистрајните и храбри подвизи на граѓанско мобилизирање во нашата држава, но во исто време ќе зборуваме за активизмот низ неговата несовршена перспектива, како нешто коешто се менува, не менува и нас самите, на моменти можеби разочарува, но несомнено непрестајно не инспирира и движи напред. Излегувајќи од класичниот формат на конференција, во вториот ден организираме и интерактивна прошетка низ градот со којашто ќе бидеме во контакт со јавниот простор како место каде што нашите борби секојдневно се случуваат и испишуваме истории на истрајност и отпор, велат од Еквалис.вј/са/ Фото: принтскрин 2025-01-24 Toni Ivanoski

Одборот на директори на Македонска берза АД Скопје донесе одлука за изрекување на мерката јавна опомена преку интернет страницата на Берзата на друштвата РЖ Интер-Трансшпед АД Скопје и ДС Смитх АД Скопје, котирани на Официјалниот пазар на подсегментот Берзанска котација на Македонска берза, информираат од таму. Опомената за РЖ Интер-Трансшпед е поради необјавување на ревидирани финансиски извештаи за 2023 година (Извештај на независниот ревизор, Биланс на состојба, Биланс на успех, Извештај за паричните текови, Извештај за промените во капиталот и Белешки кон финансиските извештаи), заедно со годишниот извештај за работењето за 2023 година, усвоени од Собранието на акционери на Друштвото во пропишаниот рок со Правилата за котација. Друштвото не постапило согласно член 40, точка 1 од Правилата за котација. За ДС Смитх е поради необјавување на неревидиран Биланс на успех за периодот 01.01.-31.03.2024 година, со што Друштвото не постапило согласно член 40, точка 2 од Правилата за котација. ПОВРЗАНИ ВЕСТИ РЖ Интер-трансшпед лани ја намали загубата Смени во Управниот одбор на ДС Смитх Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

Од Централна кооперативна банка АД Скопје преку Македонската берза информираа дека од страна на Народната банка е издадено Решение со кое се издава претходна согласност Јордан Борисов Христов да биде именуван за член на Надзорниот одбор (НО) на Банката за период од четири години. ПОВРЗАНИ ВЕСТИ Георги Димитров Константинов поднесе оставка од НО на Централна кооперативна банка, Јордан Борисов Христов нов член Централна кооперативна банка со намалена добивка во првото полугодие Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

Цените на кафето арабика денеска достигнаа максимум благодарение на силната побарувачка и ниската понуда од Бразил. Цените на арбика денеска е зголемија за над 2,1 отсто, достигнувајќи рекордни 3,489 долари за една фунта (0,4 килограми). Според трговците, вниманието на пазарот останува насочено кон испораките од Бразил, кој е најголемиот производител на кафе во светот, додека резервите на сертифицирана арабика на берзата ICE (Intercontinental Exchange Inc.) остануваат на ниско ниво. Цената на кафето робуста се зголеми за 1,3 отсто, достигнувајќи 5.522 долари за метрички тон – највисокото ниво од 10 декември. Учесниците на пазарот забележаа и висока побарувачка на спот пазарите во Европа, особено за бразилското кафе. - Реклама -

Додека Давос го чека говорот на Трамп, европските индекси нееднакви, цените на златото и нафтата паѓаат Бизнис Макфакс / 23.01.2025 / 10:28 Европските берзански индекси денеска се нееднакви, цените на нафтата и златото паднаа, додека пазарите и учесниците на Светскиот економски форум во Давос го чекаат обраќањето на американскиот претседател Доналд Трамп преку видео-врска, кое е закажано за 17:00 часот. Индексот на Франкфуртската берза DAX во 9:30 часот порасна на 21.297,42 поени, францускиот CAC 40 на 7.845,31 поени, додека британскиот FTSE 100 падна на 8.543,25 поени, а московскиот MOEX на 2.937,45 поени. Според сегашните берзански податоци, цената на суровата нафта падна на 75.285 долари, а цената на нафтата од типот Брент порасна на 78.859 долари. Европските фјучерси на гас за февруари се тргуваа на отворањето на берзата TTF по цена од 49.420 евра за мегават-час. Цената на златото падна на 2.753,44 долари за унца, а на пченицата на 5,5065 долари за бушел (бушел е 27,216 кг). Вредноста на еврото во однос на доларот на берзата Forex изнесува 1,03989, што е приближно исто како и вчера. Тагови цена на злато цена на нафта

Меѓународната аналитичка агенција Brand Finance го објави својот нов рејтинг на 500 најскапи брендови во светот. Лидерите во последните неколку години, Apple, Amazon и Google, поскапеа за 10-40% за една година, а брендот NVidia за прв пат влезе во глобалните топ 10. Брендовите кои најмногу ги ценат во изминатите пет години се TikTok, AMD, Microsoft, BYD, Apple и TSMC. Brand Finance Global 500, рангирање на 500 највредни светски брендови, објавено денес, известува дека многу брендови забележале значителни зголемувања на вредноста во текот на изминатата година, но не е само високотехнолошкиот сектор кој бележи значителен раст на цените. На пример, глобалната топ 5 го вклучува брендот на најголемиот малопродажен синџир во САД и светот, Walmart, кој ја зголеми својата вредност за 42% за годината и сега се проценува на 137 милијарди долари. Само традиционалните лидери во рејтингот се пред Волмарт. Apple е на прво место со проценка од 574,5 милијарди долари (или +11%). Мајкрософт е на второ место (461 милијарди долари, +35%), Google е трет (413 милијарди долари, +24%), а Amazon е на четврто место со проценка од 356 милијарди долари (+15%). Во првите десет се и јужнокорејскиот Samsung (шесто место, 110,5 милијарди долари), кинескиот TikTok (седмо место, 105,8 милијарди долари), Facebook (сопственост на Meta, осмо место, 91,5 милијарди долари), NVidia (деветто место, 87,9 милијарди долари) и State Грид корпорација од Кина (десетто место, 85,6 милијарди долари). Brand Finance исто така одделно ги идентификува брендовите чија вредност најмногу се зголемила во изминатите 20 години. Тие вклучуваат TikTok (+80%), Nvidia (1770% – од 4,7 милијарди долари до 87,9 милијарди долари), кинески производител на електрични возила BYD (+350%), кинески онлајн трговец на мало Pinduoduo (+420%), тајвански производител на чипови TSMC (+ 300%), Microsoft (+294%), Apple (+310%). „Нашата анализа за брендовите чија вредност е најмногу зголемена од 2020 година. бидејќи, покажува дека технолошките компании повеќе немаат монопол на најбрзиот раст на вредноста на брендот. Ова, исто така, потврдува уште еден глобален тренд – како кинеските компании како TikTok, Pinduoduo или BYD напредуваат со нови производи или услуги, предизвикувајќи ги на тој начин лидерите на пазарот“, вели Дејвид Хеј, основач и извршен директор на Brand Finance. Повеќе од половина од брендовите во рангирањето се од САД (194 брендови), нивната вкупна вредност е еднаква на 52,9% од вкупниот волумен. На второ место е Кина (15%, и 69 марки). На трето место по број на брендови е Јапонија (36), на четврто е Франција (35), а на петто е Германија (27). Најскап сектор во рејтингот е финансискиот сектор – вкупната вредност на брендовите на финансиските компании изнесува 12,7% од вкупната вредност. Во рејтингот застапени се вкупно 78 банкарски брендови. На второ место е малопродажбата (11,4% удел, со 45 брендови), на трето место е медиумската индустрија (со удел од 10,3%, 24 брендови).

Railway Gazette: Отворена е првата делница од пругата Скопје – Софија Економија 23.01.2025 Британското списание Railway Gazette, кое е специјализирано за вести од железничката индустрија, објави прилог за отворањето на пругата Куманово – Бељаковце, која е прв дел од долго-очекуваната пруга до Бугарија. Премиерот Христијан Мицкоски ја инаугурираше првата делница од идната пруга од Скопје до Софија, која се гради како дел од пан-европскиот Коридор 8 кој ќе го поврзе Јадранот со Црното Море. Делницата беше отворена на 17 јануари, и почнува од Куманово, кое лежи на главната линија на Коридорот 10, и има 30.8 километри и завршува во Бељаковце. Пругата првично беше отворена во 1956 година, но сообраќајот запре во 1994 година поради лошата состојба на железничката инфраструктура. Неколку домашни компании беа ангажирани во 1994 година да ја рехабилитираат линијата, но не постигнаа многу напредок. Страбаг потпиша договор вреден 40 милиони евра за оваа делница во 2022 година, пишува британското списание. Понатаму се наведува дека вкупната зделка изнесувала 78 милиони евра, и била финансирана од македонската Влада, Европската Унија и организации како ЕБРД. Оваа линија не е само инфраструктурен проект туку и нова можност за економски развој, подобра поврзаност и просперитет во целиот регион, изјави премиерот Мицкоски. Матеј Закоњшек, директор на постојаниот секретаријат на Транспортната Заедница на ЕУ, во изјава за Railway Gazette рекол дека се работи за „важен чекор со кој ќе се засили одржливиот транспорт и регионалната поврзаност“. Вицепремиерот Александар Николоски е исто така цитиран со најавата дека на пругата првично ќе се воведат возови два до три пати неделно, а по подобрувањето на капацитетот на Македонски Железници, ќе се започне со работа со полн капацитет. Списанието исто така наведува дека втората делница од Бељаковце до Крива Паланка веќе се гради, со турската компанија Гулермак како главен изведувач на проектот вреден 155 милиони евра, а дека во почетна фаза е и работата на тендерот за третата делница од Крива Паланка до граничниот премин Деве Баир. „Првите планови за пруга од Македонија до Бугарија потекнуваат од 1869 година, но ништо не беше изградено. Плановите продолжија да се подготвуваат во 1910 и 1912 година, но напредокот беше попречен од Првата Светска Војна. Во 1942 година почна да се гради од Ѓуешево до Куманово, но работата повторно запре во 1945 година, со крајот на Втората Светска Војна“, додава списанието. Куманово - Бељаковце //=esc_url( home_url() ); ?>//=esc_attr( get_bloginfo( 'name', 'display' ) ); ?> //=get_permalink()?>//=the_title();?>

Добивај вести на Viber Според дел од хрватските синдикати, странските работници имаат повеќе права од домашните. Велат дека странците често се привилегирани во многу компании, во споредба со домашните работници. Така, хрватскиот синдикат ППДИВ, (Синдикатот на вработените во земјоделството, прехранбената и тутунската индустрија и водостопанство), му укажа на народниот правобранител дека многу работодавци ги плаќаат трошоците за сместување и за храна за странските работници и креираат распоред за работа што ги фаворизира, односно има случаи кога тие работат само прва смена, а не работат за викенд, за разлика од локалните работници. Ова ги става странските работници во значително подобра и поповолна положба, што претставува одредена форма на дискриминација, тврдат од ППДИВ, пишува Даница.хр.Велат дека тоа предизвикува незадоволство кај локалните работници, кои честопати се помалку платени од странците.„Со вработување на странски работници, работодавачот има значителни трошоци во вид на трошоци за храна, плаќање на сместување и друго. Со подобрување на условите за работа на хрватските работници и трошење на истите средства, тие успешно би придонеле за задржување на домашните работници и зачувување на домашниот пазар на труд. Иако странските работници го збогатуваат општеството и ги пополнуваат празнините на пазарот на трудот кои настанаа поради високата стапка на иселување, дефинитивно треба да се работи на подобрување на условите за работа на граѓаните на Република Хрватска и нивно задржување на нивните работни места“, велат од синдикатот. Додаваат дека не треба да се вработуваат странски работници под подобри материјални услови и на подолг временски период во однос на домашните работници. Foto: PIK / Strani radnici u vrbovečkom Piku uče hrvatski / ILUSTRACIJA

Лани ЕУ произвела повеќе струја од соларни панели отколку од јаглен Свет 23.01.2025 Количествата на електрична енергија добиени од соларните системи во Европската Унија во текот на 2024 година првпат ги надминаа оние произведени во термоцентралите на јаглен, покажува студијата на тинк-тенкот „Ембер“. Во документот, објавен денеска, се посочува и дека во исто време лани количеството на струја добиени од централите на ветер останало речиси непроменето во однос на претходната година. Според студијата, 11 отсто од електричната енергија произведена во ЕУ во 2024 година потекнувала од соларните системи, додека уделот на струјата од термоцентралите на јаглен првпат по повеќе децении падна под 10 проценти. Во 2023 година учеството на соларната енергија во вкупното енергетско производство во ЕУ изнесуваше 9,3 проценти. Мало намалување лани бележи и производството на струја од централите на гас и нејзиниот удел во вкупните количества на електрична енергија изнесувало 15,7 отсто. Замената на фосилните горива со обновливи извори на енергија е една од главните цели на стратегијата на ЕУ за декарбонизација и на нејзините напори на намалување на енергетската зависност од трети земји, пред се од Русија. Според раководителот на тимот што ја подготви студијата, Крис Рослоу, податоците укажуваат дека употребата на фосилните горива за производство на струја во ЕУ лани бил на историски најниско ниво. Друга добра вест од студијата, како што нагласува Рослоу, е тоа што првпат по две години пад, лани во ЕУ е регистриран рас на побарувачката на електрична енергија, иако Европа „се уште троши за пет отсто помалку струја отколку во 2019 година. Рослоу нагласува дека загрижувачки факт претставува тоа што лани капацитетите за производство на струја од ветерот биле помали отколку во 2023 година. Ветерот и сончевата енергија се доста комплементарни, бидејќи произведуваат електрична струја во различни периоди во текот на денот и годината, вели Рослоу, додавајќи дека значајниот раст на производството на соларна енергија не ќе може да го компензира намалувањето на еолската енергија. еу струја //=esc_url( home_url() ); ?>//=esc_attr( get_bloginfo( 'name', 'display' ) ); ?> //=get_permalink()?>//=the_title();?>

Добивај вести на Viber Неделата со која започна сезоната за објавување на деловните резултати помина прилично мирно до средата. Во средата учесниците на американската берза ги развесели најголемата американска банка JPMorgan Chase, која додаде оптимизам на американските акции.Главните американски берзански индекси ја завршија неделата со значително повисока вредност, закрепнувајќи од падот на крајот од минатата недела. Особено беа поволни за сопствениците на американските банкарски акции, кои обезбедија рекордни деловни резултати. JPMorgan Chase ги зголеми приходите за 10 % споредено со претходната година, главно поради силните перформанси на Волстрит и повисоките нето приходи. Приходите од тргувањето со должнички хартии од вредност пораснаа за 20 %, тргувањето со акции за 22%, а приходите од инвестициското банкарство за 49%. Извршниот директор на банката Џејми Дајмон по објавувањето на резултатите изјави дека американската економија останува отпорна, поддржана од ниската невработеност и силната потрошувачка. Тој предупреди на два важни ризици, а тоа се геополитичкиот, кој според него е најопасен и најкомплексен по Втората светска војна и на постојаната инфлација. Тој, исто така, го истакна влијанието на победата на Доналд Трамп, што може да донесе регулаторно олеснување, што ќе внесе дополнителен оптимизам на пазарот.Инвеститорите ги поздравија податоците за декемвриската инфлација на американското Министерство за труд. Иако вкупната инфлација покажа забрзување во однос на ноември, базичната инфлација (без храна и енергија) порасна за само 0,2% во декември, нешто помалку од претходниот месец и најмал месечен пораст од јули. Забави и годишната базична инфлација, која падна на 3,2% од 3,3% во ноември. Овие податоци веројатно нема да бидат доволно убедливи за американската централна банка (ФЕД) да ги намали каматните стапки на претстојниот состанок во јануари. Сепак, бројките во декември даваат оптимизам дека ФЕД продолжува да постигнува напредок во намалувањето на инфлацијата по неколкумесечни највисоки нивоа, оставајќи ја вратата отворена за можни намалувања на каматните стапки подоцна во годината.На европско тло Германија втора година по ред се соочи со пад на економската активност од 0,2 %. Ова е првпат од 2000 година германската економија да се соочи со висока невработеност. Проблемите на германската економија се бараат во кризата на најголемиот германски производител Фолксваген. Во декември, автомобилскиот гигант објави големи промени во своето работење во Германија, кое вклучува укинување на повеќе од 35.000 работни места и план за пренос на дел од производството во Мексико. Како и Фолксваген, така и Германија се соочува со високи трошоци за работна сила, слаб раст на продуктивноста и конкуренција од Кина. Таа, исто така, повеќе не може да се потпира на силната побарувачка за својот извоз во втората по големина економија во светот, бидејќи Кина сè повеќе произведува производи што некогаш ги увезувала од самата Европа.Кинеските акции пораснаа бидејќи економијата се подобри и покрај постојаните дефлациски притисоци. Шангајскиот Composite Index порасна за 2,06 %. Кинескиот БДП порасна за 5,4 % на годишно ниво во последниот квартал, надминувајќи ги очекувањата и растот од 4,6% во третиот квартал. На квартална основа, економијата порасна за 1,6 %, во однос на ревидираниот раст од 1,3 % во претходниот квартал. Така, Кина ја исполни целта за годишен економски раст над 5 %, поставена од Пекинг.Пр објава

МАКЕДОНИЈА Е ДЛАБОКО НАВЛЕЗЕНА ВО ЕНЕРГЕТСКА ТРАНЗИЦИЈА За три години, од обновливи извори, Македонија го зголеми инсталираниот капацитет за производство на електрична енергија за 32-33 отсто, што е одлична бројка, смета претседателот на Регулаторната комисија за енергетика, Марко Бислимоски. – Во 2024 година имаше околу 300 лиценци за 330 и нешто нови мегавати, најголем дел од фотоволтаични електрани, а од претходните години имавме уште 550- 560 мегавати. Македонскиот приватен сектор ја виде кризата како можност за инвестиции во обновливи извори, кои, да, немаат стабилно производство како термоелектраните и зависат од временските услови, но поради нив во 2023 година и поради доброто производство на ЕСМ, увозната зависност од 33 до 34 отсто ја сведовме на 2,75 проценти. Сега увозот на струја е далеку помал, а 90 отсто од фотоволтаичните електрани немаат поддршка од државата – вели Бислимоски.

Сектор за развој на понуда и маркетинг на НЛБ Банка го зајакнува својот тим на успешни професионалци и нуди можност за работење во сегментот на развој на продукти, услуги и канали.Доколку имаш желба и амбиција да се приклучиш на НЛБ тимот и заедно да ги споделувате предизвиците на работењето, НЛБ Банка те мотивира да се пријавиш на отворената работна позиција:Специјалист за развој на продукти, услуги и каналиУлога во тимот:Развој на продукти – Водење на развојот и унапредувањето на банкарските продукти и услуги со фокус на дигитални решенија. Работа во различни тимови, вклучувајќи технологија, дизајн и маркетинг.Анализа на пазар – Следење на пазарот и идентификација на нови трендови, потреби на клиентите и следење на конкуренцијата во дигиталното банкарство. Употреба на резултатите за унапредување на карактеристиките на продуктите и услугите со функционалност/дизјан кои ќе ја издвојат понудата на Банката на пазарот.Дигитална стратегија – Инволвираност во креирањето и следењето на дигиталната стратегија на Банката преку насочување и усoгласување на развојот на продукти и услуги во рамките на стратегијата (познавање на клиентите и нивното однесување, познавање на дигиталните канали и искуство во индустријата).Комуникација со засегнати страни – Комуникација со клучни засегнати страни, вклучувајќи менаџмент, надворешни партнери и корисници. Анализа на барањата и потребите со цел комуникација на визијата на продуктот/услугата и управување со очекувањата и плановите. Работа во тимови за успешна и навремена имплементација на банкарските продукти.Креирање на позитивно корисничко искуство (UX – User Experience) – Свесност за важноста на дизајнот на продуктот/услугата гледани од аспект на корисник (кориснички поставен дизјан, беспрекорно корисничко искуство, интуитивни и визуелно привлечни решенија).Тестирање на продукти и оптимизација – Соработка со тимови во насока на контрола на изведбата, квалитет и сигурност преку тестирање на развојот. Анализа на feedback од корисници и користење на резултатите и перформанси со цел оптимизација и постојано унапредување на продуктот.Познавање на индустријата – Познавање на најновите регулативи и прописи за дигитални банкарски продукти. Задолжителна контрола на запазени правни, сигурносни стандарди и заштита на клиентите/податоците во процесите.Потребни квалификации и компетенции:Универзитетско образование;Креативно и иновативно размислување (Digital mindset);Познавање и користење на нови технологии;Познавање и користење на дигитални алатки и напредни алатки за работа со податоци;Познавање на банкарските продукти;Подготвеност за креативно и иновативно размислување;Проактивен пристап, динамичност, иницијативност, мотивираност и насоченост кон реализација/исполнување на цели;Одлични организациски вештини;Напредни комуникациски и аналитички вештини, способност за тимска работа и самоиницијативност;Напредно користење на Office пакетот;Одлично познавање на aнглискиот јазик.Мотив да се придружите на НЛБ тимот:Препознатлив регионален бренд и современо работно опкружување;Меѓусебната доверба и грижа за другиот се основни начела во работењето;Напредна обука и индивидуален кариерен развој; менторство од врвни банкарски експерти;Позитивна организациска култура базирана на флексибилно работно време и слободни денови за различни пригоди;Континуирано учество во групациски корпоративни проекти;Конкурентен пакет на плата и надоместоци (вклучително приватно здравствено осигурување и трет пензиски фонд).Потврди го твојот интерес со доставување на кратка биографија (CV) најдоцна до25.01.2025 на [email protected] со назнака за Специјалист за развој на продукти, услуги и канали.Само кандидатите кои ги исполнуваат основните критериуми ќе бидат контактирани за интервју.

Embedded video for Унгарскиот заем наскоро ќе биде достапен за фирмите

Општините веќе го реализираат вториот повик, а бизнисот се уште ги чека парите од унгарскиот кредит преку комерцијалните банки за да ги искористи за инвестиции. Парите легнаа на сметката на државата кон крајот на октомври, но поминаа три месеци додека се договорат сите детали, каматните стапки, критериумите и содржината на договорите за заем. Парите лежат неискористени и иако имаме грејс период, каматата си тече за овие три месеци, а неа ќе ја платат граѓаните преку централниот буџет. Парите од првиот кредит од Унгарската приватна експорт-импорт банка за износ од 500 милиони евра легнаа на трезорската но според последната најава на премиерот Христијан Мицкоски, компаниите може да се надеваат на кредит во вкупен износ од 250 милиони евра наменет за нив од февруари. На следната владина седница треба да поминат договорите за трансфер на средствата до деловните банки и договорите за условите на комерцијалните банки до клиентите. Потоа ќе може македонската банка за обнова и развој да ги потпишува договорите со комерцијалните банки кои пак ќе може веднаш да ги понудат парите на стопанството. На последната седница пак, Владата го смени ноемврискиот заклучок за намената на унгарскиот кредит за бизнисот и дозволи унгарските пари да се користат и за обновливи извори на енергија наменети за производство на енергија, а не само за сопствените производствени капацитети. Првично кредитната линија требаше да биде наменета за инвестиции во производство, опрема и погодни, потоа се додадоа и административни објекти на компаниите, како и изградба на трговски објекти. Премиерот Мицкоски во меѓувреме рече дека ќе се прошири намената на средствата од кредитот, но не прецизираше за што точно. Според договорот меѓу Владата и банките, средствата што ќе се пласираат кај стопанството се со камата од 1,95 проценти. Кредитот од унгарската банка е земен со каматата од 3,25 проценти и ќе се враќа од буџетот, односно од народните пари. Највисоката сума за која можат да аплицираат фирмите е 10 милиони евра, но треба да имаат учество од 20 проценти.

Американски бизнисмен сака да го купи „Тик-ток“

Шефовите на компаниите за криптовалути се оптимисти за промените на сеопфатните федерални правила за индустријата што ќе бидат усвоени оваа година, сега кога Доналд Трамп го поддржува биткоинот се врати во Белата куќа. Извршните директори на Coinbase, Binance и Circle изјавија за CNBC дека сега гледаат појасен пат кон обезбедување на некои конкретни правила за дигиталните средства – за разлика од претходната американска администрација, која презеде агресивна акција против неколку големи крипто компании. Брајан Армстронг од Coinbase рече дека гледа дека криптовалутите влегуваат во „зората на новиот ден“ со американската администрација предводена од Трамп. „Мора да запомните: во последните четири години, навистина се чувствувавме како да сме нападнати од оваа администрација“, изјави Армстронг за CNBC во ТВ интервју на годишниот настан на Светскиот економски форум во Давос, Швајцарија. „Тие се обидоа да го искористат недостатокот на јасност во правилата како оружје за навистина да возвратат, дури и за добрите актери“, додаде Армстронг. „Имаше некои лоши актери, да бидам фер – но тие дури и навистина се обидоа да бараат добри актери, мислам, како нас“. Coinbase е најголемата платформа за крипто тргување во САД. Компанијата често се рекламира како регулирана алтернатива на офшор берзите, како што е Binance.

ЕУ ќе и обезбеди на Украина 35 милијарди евра финансиска помош во 2025 година во рамките на Кредитната иницијатива Г7 ЕРА и програмата за Украина, најави потпретседателот на Европската Комисија и европски комесар за трговија Валдис Домбровскис. „ЕУ ќе обезбеди финансиска поддршка на Украина преку кредитната иницијатива Г7 ЕРА и помош за Украина во износ од 35 милијарди евра за 2025 година“, напиша Домбровскис на платформата „Х“. Тој наведе дека за време на неговиот престој во Давос се сретнал со првата заменик-премиерка на Украина, Јулија Свириденко, со која разговарале за проширувањето и чекорите насочени кон приближување на Украина до единствениот пазар на ЕУ.

Гувернерот Хрватската централна банка, Борис Вујчиќ, изјави дека најавеното ограничување на критериумите за кредитирање се воведува превентивно, во контекст на многу силен раст на потрошувачките кредити, така што во иднина, кога ќе се забави растот на економијата и приходите, можноста за отплата на долговите би не се влошила, објави Индекс.хр. Хрватската народна банка (ХНБ) вчера објави дека, со цел да се зачува стабилноста на финансискиот систем, планира да воведе нови макропрудентни мерки за ограничување на критериумите за потрошувачко кредитирање, а со тоа и ублажување на ризиците за потрошувачите и финансиската стабилност. Вујчиќ рече дека овој документ има намера да воспостави минимални критериуми за кредитирање на потрошувачите, и во однос на станбените и готовинските потрошувачки кредити. Истовремено, износот на новото потрошувачко задолжување е ограничен така што при одобрување нов кредит, односот на месечната отплата на вкупниот долг спрема приходите не смее да надмине 45 отсто за станбените кредити и 40 отсто за ненаменските готовински кредити. Понатаму, односот на износот на станбениот кредит со вредноста на заложениот недвижен имот не смее да надмине 90 проценти. Дополнително, рокот на достасување на станбените кредити е ограничен на триесет години, а на нестанбените на десет години. Кога станува збор за станбените кредити, банките ќе имаат можност да одобруваат до 20 отсто од вкупниот број кредити врз основа на други критериуми, врз основа на сопствена проценка, додека кај готовинските кредити тоа е можно до 10 проценти од вкупниот број на кредити. Мерките стапуваат на сила од 1 април.

Време зa читање: 3 минути Американските берзански индекси зајакнаа во средата, поттикнати од посилните од очекуваните приходи од големите технолошки компании и зголемениот ентузијазам за профитниот потенцијал на вештачката интелигенција (ВИ). S&P 500 порасна за 0,5 отсто во почетокот на тргувањето, што го означи шестиот раст во последните седум сесии. Dow Jones Industrial Average порасна за 97 поени или 0,2 отсто, додека Nasdaq Composite за 1 отсто. Нетфликс ја предводеше цената, зголемувајќи се за 13 отсто откако стриминг гигантот објави стабилна квартална изведба. Компанијата додаде скоро 19 милиони нови претплатници, поттикнати од настани во живо како што се NFL игрите и големата публицитетска борба Мајк Тајсон-Џејк Пол. Нетфликс, исто така, ги надмина очекувањата за профит на Вол Стрит и ги објави плановите за зголемување на цените на претплатата. Силните резултати од Нетфликс се дел од поширокиот тренд, при што многу компании ги надминаа проценките за профит на аналитичарите за четвртиот квартал од 2024 година. Ова обезбедува многу неопходен поттик за цените на акциите, особено бидејќи повисоките приноси на државниот трезор извршија притисок врз акциите во последниве месеци. Аналитичарите шпекулираат дека очекуваните политики на претседателот Доналд Трамп би можеле да помогнат да поттикнат понатамошни придобивки во крипто секторот. Procter & Gamble, гигантот за стоки за широка потрошувачка зад брендовите како Charmin, Crest и Pampers, порасна за 3,4 отсто откако објави подобри од очекуваните приходи и приходи за последниот квартал. И покрај предизвиците од зголемените трошоци за стоките и посилниот американски долар, компанијата ги потврди своите финансиски прогнози за целата фискална година. „Јунајтед ерлајнс“, исто така, забележа раст на акциите за 3,2 отсто, откако објави посилна од очекуваната добивка и приход. Најголемите придобивки, сепак, дојдоа од компаниите поврзани со вештачката интелигенција. Oracle порасна за 6,8 отсто, додавајќи го растот од 7,2 отсто во однос на претходниот ден. Напливот следеше по објавувањето на Stargate, заедничко вложување со OpenAI и SoftBank, чија цел е развој на центри за податоци и зајакнување на иновациите за вештачка интелигенција во Тексас. Белата куќа потврди дека иницијативата ќе вклучи до 500 милијарди долари инвестиции, што означува значителна посветеност на инфраструктурата за вештачка интелигенција. Акциите на SoftBank во Токио се зголемија за 10,6 отсто, како одраз на возбудата на инвеститорите поради потенцијалот на партнерството. Другите акции поврзани со вештачката интелигенција, исто така, забележаа значителни добивки, при што Nvidia, лидер во технологијата на чипови со вештачка интелигенција, порасна за 2,7 проценти. Акциите на Nvidia веќе забележаа астрономски добивки, со речиси осумкратно зголемување на вредноста во последните две години. Меѓународните пазари го следеа примерот, при што европските индекси забележаа добивки по мешаните перформанси во Азија. На пазарот на обврзници, приносот на 10-годишниот трезор остана стабилен на 4,57 отсто, сè уште покачен од најниските септемвриски падови од под 3,65 отсто. Во меѓувреме, пазарот на криптовалути продолжи со нагорниот тек, при што биткоинот се чува над 104.000 долари, и покрај тоа што во понеделникот постави рекордно високо ниво над 109.000 долари. Скот Кирби, извршен директор на „Јунајтед ерлајнс“, рече дека авиокомпанијата доживува силна побарувачка, што го поттикнува оптимизмот за континуиран раст до 2025 година. Со силната корпоративна заработка и инвестициите во вештачката интелигенција што го поттикнуваат оптимизмот, американските пазари се позиционираат за континуиран раст, и покрај повисоките приноси на обврзниците. Инвеститорите внимателно ќе го следат следниот круг на извештаи за заработка и развојот на вештачката интелигенција додека ги оценуваат изгледите за 2025 година.

Последен пат Србија го тестираше пазарот со динарска обврзница во февруари минатата година – кога ги продаде последните обврзници од вкупно 150 милијарди динари. На таа февруарска емисија беше постигната стапка на добивка од 6,12 отсто, додека денеска државата ќе понуди емисија со вкупна вредност од 120 милијарди динари со купонска стапка од 5,25 отсто и рок на достасување од 10,5 години, пишува Каматица. Експертите очекуваат дека инвеститорите ќе покажат голем интерес и дека хартиите од вредност ќе бидат распродадени, но предупредуваат и да не заборавиме дека секоја емисија значи и зголемување на јавниот долг. „Верувам дека големите инвеститори – на кои во суштина им е наменета денешната емисија – нема да ја пропуштат можноста да ги купат овие обврзници“, вели Зоран Грубишиќ, декан на белградската банкарска академија. Според него, светскиот тренд на намалување на каматите „игра“ во корист на купувачите на овие државни обврзници.

Време зa читање: 2 минути „Во новата епизода на „Каде се парите? со Горан Теменугов“, економскиот експерт Абил Бауш зборува за економските реформи на Доналд Трамп. Потпишаните извршни наредби се дизајнирани за да ја вратат економската моќ на Америка. Дали ќе успеат? Премиерата е во четврток, во 12.00 часот. Притиснете „сабскрајб“ за повеќе!“ „ Идеолошката матрица му е десничарска од економски аспект и се очекуваше да направи некој вид протекционизм кон американската економија. Да се постави на еден вид, да врати Америка таму кај што била на пример во времето на Реган да речеме, но сега во обратна ситуација. Не беше чудно што она инаугурацијата на председателот беше токму во ист стил како што беше на Реган, ако се сеќавате. Ако видите Реган, што направи со негова економија, направи еден голем бум иако реперкусиите, тоа што понатаму се случи со Америка, со јавниот долг, па со ред други работи кои се случува понатаму во Америка, остае длабоки последици, но што направи? Тој беше еден од инициаторите да ја запре војната, она главната војна меѓу тогашниот СССР или Русија и САД, односно истокот и западот.“

Со www.flaerservis.mk, компаниите кои редовно испраќаат фактури, сметки, списанија или други важни документи, сега имаат брзо и сигурно решение за достава. Независно дали вашата организација има потреба од месечна дистрибуција на печатени материјали или испорака на маркетинг материјали до ваши клиенти и претплатници, FlaerServis.mk е тука да го поедностави процесот. Зошто да го изберете FlaerServis.mk? Професионалност: Тимот гарантира навремена достава на материјалите до саканите адреси. Оптимизација: Намалете ги вашите административни трошоци и фокусирајте се на растот на бизнисот. Флексибилност: Прилагодени услуги според вашите потреби, без разлика дали станува збор за фактури, списанија, промотивни материјали или друг вид испорака. Фокусирајте се на вашата основна дејност, додека ние се грижиме за вашата достава. Посетете ја нашата веб-страница www.flaerservis.mk за повеќе информации и започнете со едноставна и ефикасна дистрибуција веќе денес.

Време зa читање: 8 минути Новото истражување на Истражувачкиот центар Пју во 36 нации открива широко распространета јавна загриженост за економската нееднаквост. И на прашањето што води до оваа нееднаквост, повеќето луѓе од сите земји во истражувањето укажуваат на пресекот на богатството и политиката. Клучните наоди од истражувањето вклучуваат: Просечна вредност од 54 отсто од возрасните во анкетираните нации велат дека јазот меѓу богатите и сиромашните е многу голем проблем во нивната земја. Други 30% велат дека тоа е умерено голем проблем. Просечна вредност од 60% веруваат дека богатите луѓе кои имаат премногу политичко влијание придонесуваат многу за економската нееднаквост. Овие ставови се особено чести меѓу луѓето од идеолошката левица, иако многумина од десницата се согласуваат. Идеолошките поделби се особено големи во САД. Истражувањето, исто така открива длабоки глобални грижи за економската иднина и силна желба за економски реформи. Просечна вредност од 57% од возрасните низ анкетираните нации очекуваат децата во нивната земја да бидат финансиски полоши од нивните родители кога ќе пораснат. Ова гледиште е особено широко распространето во неколку нации со високи приходи, вклучувајќи ги Австралија, Канада, Франција, Италија, Јапонија, Шпанија, Обединетото Кралство и САД. Во најголем дел, овој песимистички поглед за економската иднина го делат и помладите и постарите возрасни лица, како и луѓето со повисоки и пониски примања. Сепак, во неколку земји, јавноста е повеќе оптимист отколку песимист за финансиските перспективи на следната генерација. Тие вклучуваат неколку јужноазиски и југоисточни азиски нации: Бангладеш, Индија, Индонезија, Филипини, Сингапур и Тајланд. Скромен оптимизам има и во некои земји од Латинска Америка. Околу половина од анкетираните во Аргентина, Бразил, Чиле и Мексико мислат дека на денешните деца ќе им биде подобро од нивните родители, додека околу четири од десет или повеќе велат дека ќе им биде полошо. Во многу земји, денес има поголем економски песимизам отколку пред пандемијата на KОВИД-19 – што наштети на многу луѓе економски. Во 15 од 31 земја каде што се достапни трендови, уделот на јавноста што мисли дека децата ќе бидат финансиски полоши од нивните родители е поголем денес отколку во анкетите пред пандемијата. Мнозинството во 33 од 36 нации, исто така, мислат дека на економскиот систем на нивната земја му требаат големи промени или целосна реформа. Луѓето од нациите со среден приход во азиско-пацифичкиот регион, Латинска Америка, суб-сахарска Африка и регионот на Блискиот Исток-Северна Африка особено веројатно ќе го сакаат овој степен на промена. Сепак, луѓето во многу побогати земји исто така сакаат промени. Најмалку шест од десет возрасни лица во повеќето европски земји кои се анкетирани сакаат големи економски промени или целосна реформа; 66% го делат овој став во САД. Речиси во секоја анкетирана земја, луѓето кои ја гледаат економската нееднаквост како многу голем проблем имаат значително поголема веројатност од другите да сакаат големи промени или целосна економска реформа. Согледани причини за економската нееднаквост Што предизвикува економска нееднаквост? Во листа од шест потенцијални фактори, силната врска меѓу парите и политиката најмногу одекнува кај испитаниците, на врвот на листата во 31 од 36 земји. Севкупно, повеќе од осум од десет возрасни луѓе велат дека богатите луѓе кои имаат преголемо влијание врз политиката придонесуваат за економска нееднаквост или во голема мера (60% на средната вредност) или прилично (26%). Но, испитаниците гледаат и други фактори како важни. Мнозинството низ анкетираните земји веруваат дека проблемите со образовниот систем ја зголемуваат нееднаквоста во нивната нација. Многумина, исто така, ја припишуваат нееднаквоста на некои луѓе кои работат понапорно од другите или некои се родени со повеќе можности. Помалите, но сепак значајни акции наведуваат други фактори, вклучително и роботи и компјутери кои вршат работа претходно направена од луѓе и дискриминација на расните или етничките малцинства. Севкупно, повеќе од осум од десет возрасни луѓе велат дека богатите луѓе кои имаат преголемо влијание врз политиката придонесуваат за економска нееднаквост или во голема мера (60% на средната вредност) или прилично (26%). Но, испитаниците гледаат и други фактори како важни. Мнозинството низ анкетираните земји веруваат дека проблемите со образовниот систем ја зголемуваат нееднаквоста во нивната нација. Многумина, исто така, ја припишуваат нееднаквоста на некои луѓе кои работат понапорно од другите или некои се родени со повеќе можности. Помалите, но сепак значајни акции наведуваат други фактори, вклучително и роботи и компјутери кои вршат работа претходно направена од луѓе и дискриминација на расните или етничките малцинства. Погледи на други форми на нееднаквост Речиси една и пол деценија по протестите „Окупирајте го Волстрит“ во САД – што се совпадна со слични движења во други земји – економската нееднаквост останува реалност во многу нации. И како што нагласува анкетата, ова е прашање на силна јавна загриженост. Повеќе од осум од десет возрасни луѓе низ испитаните земји го гледаат јазот меѓу богатите и сиромашните како многу или умерено голем проблем во нивната земја. Но, постои загриженост и за други форми на нееднаквост. Приближно две третини велат дека дискриминацијата на луѓето врз основа на нивната раса или етничка припадност е многу или умерено голем проблем каде што живеат, додека околу шест од десет го кажуваат ова за родовата нееднаквост. А повеќе од половина ја опишуваат дискриминацијата на луѓето врз основа на нивната религија како голем проблем. Загриженоста за овие прашања често е поврзана со демографските карактеристики, потеклото и искуствата на испитаниците. На пример, во некои нации, луѓето со пониски примања се особено загрижени за економската нееднаквост; расните и етничките малцинства се повеќе загрижени за расната и етничката дискриминација; жените се повеќе загрижени за родовата нееднаквост; а луѓето кои имаат приоритет на религијата имаат поголема веројатност да ја гледаат верската дискриминација како многу голем проблем. И како што нагласува нашата анкета, ова е прашање на силна јавна загриженост. Повеќе од осум од десет возрасни луѓе низ испитаните земји го гледаат јазот меѓу богатите и сиромашните како многу или умерено голем проблем во нивната земја. Но, постои загриженост и за други форми на нееднаквост. Приближно две третини велат дека дискриминацијата на луѓето врз основа на нивната раса или етничка припадност е многу или умерено голем проблем каде што живеат, додека околу шест од десет го кажуваат ова за родовата нееднаквост. А повеќе од половина ја опишуваат дискриминацијата на луѓето врз основа на нивната религија како голем проблем. Загриженоста за овие прашања често е поврзана со демографските карактеристики, потеклото и искуствата на испитаниците. На пример, во некои нации, луѓето со пониски примања се особено загрижени за економската нееднаквост; расните и етничките малцинства се повеќе загрижени за расната и етничката дискриминација; жените се повеќе загрижени за родовата нееднаквост; а луѓето кои имаат приоритет на религијата имаат поголема веројатност да ја гледаат верската дискриминација како многу голем проблем. За неколку прашања во оваа анкета, мислењата значително се разликуваат според политичката идеологија. На пример, додека загриженоста за нееднаквоста е вообичаена низ идеолошкиот спектар, во многу земји луѓето кои се ставаат себеси на левата страна веројатно ќе кажат дека јазот меѓу богатите и сиромашните е многу голем проблем. Оние од левицата, исто така, особено веројатно ќе ја видат расната и етничката дискриминација и родовата нееднаквост како многу големи проблеми. И истата шема се појавува кога станува збор за воочените причини за нееднаквоста. Луѓето од левата страна имаат поголема веројатност од оние од десницата да го наведат политичкото влијание на богатите, расната дискриминација и фактот дека некои се раѓаат со повеќе можности од другите. Некои од најголемите идеолошки поделби во истражувањето се во САД. На пример, 76% од американските либерали велат дека економската нееднаквост е многу голем проблем во нивната земја, во споредба со само 30% од конзервативците. Овој јаз од 46 процентни поени е најголемата разлика лево-десно во сите земји кои беа испитани. (Истражувањето беше спроведено пред претседателските избори во САД во ноември 2024 година.) Ставови за нееднаквост во нациите со среден и висок приход Истражувањето открива важни разлики меѓу нациите со средни и високи примања во ставовите за нееднаквоста во приходите. Испитувавани се 18 земји со среден приход и 18 земји со високи приходи. Додека загриженоста за економската нееднаквост е широко распространета во сите земји кои беа испитани, луѓето од земјите со среден приход особено веројатно ќе ја опишат како многу голем проблем. Тие, исто така, имаат поголема веројатност да кажат дека богатите кои имаат премногу политичко влијание е главната причина за нееднаквоста. Но, кога станува збор за ставовите за економската иднина, луѓето во нациите со среден приход се нешто попозитивни. Просечно 44% од возрасните во земјите со среден приход веруваат дека кога децата во нивната земја ќе пораснат, ќе бидат финансиски подобро од нивните родители. Просечна вредност од само 26% во побогатите нации го изразува овој став.

Германскиот весник Ханделсблад објаснува како Грција може да стане столб на Европа, за да ја покрие со галиум. Во моментов инвестира 295,5 милиони евра во производството на галиум во Европската унија. Според компанијата, производството треба да започне во 2027 година и целосно да го замени увозот на галиум во Европа до 2028 година. Според изјавите на извршниот директор и главниот акционер на компанијата, Евангелос Митилинеос, вака „ја зајакнуваат самодоволноста на Европа во критичните суровини и ја поддржуваат стратешката позиција на Грција на глобалниот пазар“. „Скапоцениот метал“ се наоѓа во паметните телефони, ЛЕД диоди и компјутерски чипови, додека соединенијата на галиум се особено потребни во 5Г технологијата. Досега земјите од ЕУ најголем дел од потребите ги задоволуваа од Кина. Според статистичката агенција Еуростат, во 2023 година 79% од галиумот бил набавен од Кина, 13% од Русија и 5% од Канада пренесува То Вима. Според податоците на Геолошкиот институт на САД, повеќе од 98% од глобалното производство на галиум доаѓа од Кина во 2023 година. Во 2023 година, Пекинг објави дека ќе воведе контрола на извозот на германиум и галиум. Ова беше одговорот на кинеското раководство на забраната на Западот за извоз на микрочипови.

Време зa читање: 5 минутиСлужбата во името на народот, на македонскиот пратеник годишно му носела просечни 40 илјади евра како компензација за патните трошоци. Овозможено со утврдените 20 отсто од цената на литар гориво, врз која им се пресметуваат износите што ги инкасираат месечно. Наместо тоа, парламентарците да добиваат надомест не поголем од продажната цена на шест и пол литри гориво, просечно потребни за изминат пат од 100 километри. Идејата е на Левица, чии пратеници доставија Предлог на закон за изменување на Законот за пратениците. Предложеното се аргументира со бројките произлезени од компаративната анализа за просечните исплатени патни трошоци за пратеник, со која се опфатени Македонија, Словенија, Бугарија, Хрватска и Косово, за периодот 2010–2016 година. Оттаму, најмногу ќар од патувањата на народна сметка имал македонскиот пратеник. Со сумата од просечните 40.000 евра е за 4.000 подобар од колегата во Словенија. За 21.000 евра од бугарскиот пратеник и за 28.000 евра го надминува хрватскиот посланик. А, дури за 34.000 евра го „шие“ пратеникот на Косово! КИЛОМЕТРАЖА ЗА 14.000 ЕВРА Со текот на годините трошоците се намалувале, но и натаму се високи. Најмногу пари на име патни трошоци се исплатени во 2015 – 770.883 евра; во 2016 се работело за износ од 698.797 евра; во 2017 за 512.000 евра; во 2018 – 522.930 евра и за 2019 година од даночните обврзници биле намирени 390.993 евра за патувањата на народните избраници. Нема кој не се сеќава на Силвана Бонева, на Мира Стојчевска „Дизел“… На кои им парираат и пратениците од актуелниот состав, каде што топ 10 по поминатите и наплатени километри ги предводи прилепчанецот Петар Ристески од ВМРО-ДПМНЕ, кои во 2024 изброил 868.650 денари или над 14 илјади евра. „Неразумното расфрлање со народни пари од пратениците во име на патни трошоци продолжува. За удобно патување на претставниците во законодавниот дом од народни пари е платено 300.000 евра за изминатата 2024 година, односно околу 280.000 евра е потрошено за претходната 2023 година“, велат од Левица. Во образложението на предлогот се наведува дека „предвидената и планирана битна измена на Законот е сублимат од поправичната уредност на оваа правна област во некои од земјите-членки на ЕУ“, а потреба за промена се оправдува со „досегашните енормни суми на надоместоци кои им се исплатени на пратениците“. Па, поради тоа што се „народни претставници“, за да се доближат до граѓаните кои ги претставуваат, потребно е да се „ограничи пратеничкото право на надоместок за патни трошоци, кое честопати се злоупотребува“, сметаат од партијата и нагласуваат дека „износите кои пратениците ги добиваат на име на патни трошоци за службени потреби во изминатите години се нереални и често на месечно ниво достигнуваат и до три минимални плати“. БЕСПЛАТЕН ЈАВЕН ПРЕВОЗ – ПРИВИЛЕГИЈА ЗА ШВЕДСКИТЕ ПРАТЕНИЦИ За разлика од македонскиот пристап кон пратеничката функција, од која се вади лична корист (не само преку патните трошоци), далеку одовде пратениците се сосема обични граѓани. Би имало ли кандидати за македонското Собрание доколку се практикува шведскиот систем на вреднување? Би ја прифатиле ли логоката – ги претставуваме гласачите и за тоа не се потребни посебни привилегии, односно привилегија е самото тоа што ја работиме таа работа во корист на граѓаните и државата? Шведските пратеници, кои за должностите што ги извршуваат добиваат надомест, а не плата, имаат бесплатен јавен превоз. Годишниот билет за воз овозможува неограничен број патувања, но само службени во име на Риксдагот или за други државни задачи. За годишен авио-билет, по правило за економска класа, можат да аплицираат пратениците кои живеат многу далеку од престолнината. „Ако е потребно, членовите можат да го користат својот сопствен автомобил за службени патувања. Тие добиваат надомест од 38 шведски круни (3,31 евро) на секои 10 километри, од кои 25 круни (2,18 евра) се ослободени од данок. Доколку е потребно, членовите можат наместо тоа да изнајмат автомобил за службените патувања. Ако нема јавен превоз или постојат посебни причини, можат да добијат надомест за патување со такси. Посебни причини може да вклучуваат, на пример, тежок багаж, заштеда на време или медицински причини“, се правилата според кои се раководат шведските парламентарци. А, тие што патуваат до работното место во Риксдагот во Стокхолм, добиваат трактамент. Или дневници, бидејќи местото на живеење на пратеникот се смета за негово работно место и патувањата од таму до Стокхолм се третираат како службени. На веб-страницата на шведскиот Риксдаг пишува: „При изборот на видот на превоз членовите мора да го земат предвид трошокот, времето на патување и влијанието врз животната средина. Исто така, треба да се земе предвид и аспектот на безбедноста. Членовите кои избираат вид на превоз што не е најевтин, мора да го оправдаат тој избор“. Дневниците за престој и ноќевање се движат – 13 круни или 11,34 евра за тие со адреса на далечина до 50 километри од Стокхолм. Тие, пак, кои треба да минат над 50 километри добиваат дневница од 490 шведски круни (42,7 евра), од кои 290 (25 евра) се ослободени од данок, и тоа ако патувањето заврши до 19 часот или подоцна. Ако не, дневницата е 245 круни (21 евро), од кои 145 (12,6 евра) се ослободени од данок. „Доколку членовите добијат бесплатни оброци како дел од службеното патување, тие се одземаат од надоместот“. Во текот на мандатот пратениците можат да работат и да примаат плата, а за ангажманот во Риксдагот добиваат месечен надомест од 78.500 шведски круни или 6.850 евра, сума која подлежи на данокот на доход. M.A. Преземањето на авторски содржини (текстови и фотографии) од оваа страница е дозволено само делумно и важат условите опишани на следниот линк.

© Vecer.mk, правата за текстот се на редакцијатаПОСКАПУВА НЕТФЛИКС, првично во САД и Канада, дали да очекуваме и кај насЛажно интервју на министерката Димитриеска-Кочоска се споделува на социјалните мрежи

Средба Божиновска – Габриел: Енергетската иднина поддржана од ЕИБ 22/01/2025 ВЕСТИ, ЛОКАЛНО Министерката за енергетика, рударство и минерални суровини Сања Божиновска денеска оствари средба со Бјорн Габриел, претставник на Европската инвестициска банка (ЕИБ), на која дискутираа за тековните и идни проекти во енергетскиот сектор, со посебен акцент на интерконекторот за гас кој ќе поминува низ земјава. На средбата Божиновска ја истакнала важноста на овој проект за енергетската безбедност на земјата и изразила благодарност за поддршката од ЕИБ. Средбата, како што велат од Министерството, претставува продолжување на соработката меѓу Министерството за енергетика и ЕИБ. -Како долгорочен партнер на регионот, банката на ЕУ постојано обезбедува финансиска и техничка поддршка за изградба на клучна инфраструктура и подобрување на оперативните капацитети, соопштија од Министерството за енергетика, рударство и минерални суровини. На средбата, како што велат, станало збор и за инвестициите во обновливи извори на енергија, кои ќе придонесат за енергетската сигурност, истовремено намалувајќи ги емисиите на јаглерод диоксид. Министерката Божиновска ја нагласила посветеноста на Министерството за енергетика, рударство и минерални суровини во спроведувањето на реформите и проектите кои ќе обезбедат одржлива и сигурна енергетска иднина за државава. вј/са/Фото: Министерство за енергетика, рударство и минерални суровини . Извор: МИА 2025-01-22 korisnik

Парите на граѓаните и компаниите доверени на банкарскиот сектор во декември достигнуваат 9,76 милијарди евра. За еден месец се зголемени за 5,3 проценти. На годишно ниво – за 12,4 насто. Во добар дел движењата се засновани врз штедачките навики на македонското население, иако се бележи раст и кај депозитите на корпоративниот сектор. Кој, пак, има позначајна улога во стимулирањето на кредитната банкарска активност, без оглед што домаќинствата се позадолжени од компаниите. Од ноември до декември вкупните кредити нараснале за 2,7, а за една година се повисоки за 11,2 проценти. Изнесуваат 8,03 милијарди евра. Во вкупните депозити од 600.382.000.000 денари, средствата на граѓаните зафаќаат 396.898.000.000 денари или 6,45 милијарди евра. Според податоците на Народната банка, на месечна основа влоговите на секторот домаќинства се зголемени за 3,9 насто. Во тие рамки, позначаен е растот на депозитните пари, иако позитивни промени се забележани и кај долгорочните денарски и девизни депозити, како и кај краткорочните депозити во домашна валута. Годишниот рас изнесува 13,8 проценти. На населението во декември му биле одобрени за 1,1 насто повеќе кредити во споредба со ноември, и тоа во доминантни се задолжувањата во странска валута. За една година, пак, во овој сегмент кредитната поддршка е повисока за 8,8 насто, каде што е поизразено кредитирањето во денари. И натаму најмногу се аплицира за потрошувачки кредити, чиј вкупенн износ во декември е 128.863.000.000 денари, односно 2,09 милијарди евра. Овде има месечен напредок за 1,3 и годишен за 7,5 проценти. Вообичаено, следуваат станбените кредити, каде што се регистрирани 2,3 насто како месечна и 12,5 насто како годишна промена. Или, за обезбедување сопствен дом се искористени 94.398.000.000 денари (1,53 милијарди евра). Во текот на последниот месец од 2024 граѓаните не покажале особен интерес за купување возило на кред. Напротив, има намалување за 2,9 отсто на месечно ниво. Сепак, се бележи годишен раст од 4,7 проценти. Континуирано оди надолу задолжувањето кај банките со употреба на кредитните картички, при што податоците на НБРСМ укажуваат на месечен минус од 1,9% и годишен од 9,2%. Во таква фаза е и состојбата кај негативните салда на тековните сметки., со месечно намалување од 13,5% и годишно за 4,4%. А, кредитите одобрени по други основи за еден месец се повисоки за 0,2%, но годишно се пониски за 12%. Вкупните депозити на корпоративниот сектор во декември се зголемени за 8,7% на месечно ниво и се во износ од 176.281.000.000 денари, односно 2,86 милијарди евра. Анализирано на годишна основа бележат раст од 9,2%. Кредитите што им биле одобрени на компаниите во декември поттикнале зголемување од 4,4%. Тоа, најмногу произлегува од побараните и добиени кредити во денари. Годишниот раст изнесува 13,9 проценти.

Македонските менаџери мора да тежнеат кон помодерен начин на водење на компаниите за долгорочно да ги задржат вработените 22/01/2025 ВЕСТИ, ЕКОНОМИЈА Македонските компании треба да бидат извонредни средини, мотивирачки и креативни за да ги задржат вработените да не се иселуваат. Мора да се трудат да создадат подобра работна атмосфера каде ќе има тимска работа, вработените ќе бидат ценети и почитувани, со цел да бидат позадоволни, а со самото тоа и попродуктивни и поиновативни. Од Македонската асоцијација за искуство на клиенти и вработени (МАЦЕКС) велат дека многу показатели покажуваат дека луѓето не се иселуваат само поради платите, туку и поради условите за работа и квалитетот на живот. – Ниските плати се оние параметри на коишто компанијата треба да посвети внимание пред се дали платите се достоинствени за живот. Не е само платата фактор, иако таа треба да се среди, туку и да се види што е тоа што на луѓето им е потребно за нивниот личен и професионален развој. Ние велиме паричката има две страни што значи дека понекогаш вработените не посегнуваат по одговорност, но понекогаш и самите менаџерски структури не ги позиционираат на тој начин да им ја предадат автономијата на вработените на нивните работни места, вели Христина Велковска, претседателка на МАЦЕКС. Преку програмата „Квинтаниум“, која почнува да се реализира во земјава, компаниите ќе имаат можност да ги дијагностицираат и подобрат слабостите во управувањето и да го стават фокусот на добросостојбата на вработените. Оваа дијагностика прави персонализиран пристап во којшто компанијата ќе се соочи сама со себе односно менаџментот ќе се соочи со предизвиците во компанијата без разлика дали недостиг се кариерните патеки за вработените, транспарентоста на работењето, ефикасниот менаџмент, дали вработените имаат премногу работа и немаат баланс меѓу работата и приватноста. Програмата е креирана на начин на кој со една проценка се опфаќаат 350 сигнали во однос на тоа во која насока се движи компанијата, а методологијата е прилагодена за секоја држава, со оглед на тоа што во различни општевства има различни вредности. – Се надеваме дека компаниите ќе се охрабрат, ќе влезат во процесот и ќе ја подобрат својата внатрешна состојба. Оние што ќе имаат најдобри резултати, ќе бидат прогласени како добри работодавачи и компании кои се одлично место за работа и живот, вели Велковска. Аплицирањето трае до 1 март, а на најдобрите ќе им бидат врачени сертификати (Quintaum) на 16 април. Според Андреја Кодрин, oсновач и генерален менаџер на Квинтанум, менаџментот мора да следи што се случува со луѓето и како тие промени влијаат врз најважниот ресурс, а тоа е човечкиот фактор. – Живееме во време на зачестени турбуленции и промени, кои според истражувањето што го правевме во 2019 и 2020 година имале уддел од пет проценти во насоката во која се движеле бизнисите, а по Ковидот, тој процент достигнал 50, за во изминатите четири години 183. Со оглед на интензивинте промени, менаџметнот мора да следи што се случува со луѓето и како тие промени влијаат врз најважниот рерус, а тоа е човечкиот фактор. Според едно истражување работено во соработка со Харвард, како што посочи 73 отсто од предусловите за успешен бизнис се поврзани со луѓето, а потоа следуваат технологијата, капиталот. . . , истакна Кодрин. Дел од македонските компании, особено оние од ИКТ секторот и е-трговијата, се согласни дека компаниите мора да ги следат трендовите и да овозможат услови за работа со кои вработените ќе бидат попродуктивни, иницијативни и иновативни. Тоа, според нив, е услов за долгорочен ангажман на вработените. – Платата е еден од критериумите, но многу е важен и кариерниот развој и сите други фактори. Неопходно е лидерите во компаниите да го најдат балансот меѓу тоа што го бара работата и она што го бара личниот развој на вработените, смета Илија Господинов од МАСИТ. Според Нина Ангеловска од Асоцијацијата за е-трговија, компаниите мора да се трудат да создаваат подобра работна атмосфера за вработените. – Зборуваме за професии каде тоа е возможно. Работа од дома, флексибилно работно време, охрабрување на вработените односно кога се на одмор да не одговараат на повици – се е тоа со цел работниците да бидат задоволни. Во светот во кој живееме има многу предизвици, но компаниите мора да се трудат да создадат подобра работна атмосфера каде ќе има тимска работа, каде вработените се ценети и почитувани, каде има содветен мерит систем на препознавање и наградување со цел вработените да бидат позадоволни, а со самото тоа и поадаптивни, попродуктивни и поиновативни. И многу важно е да се негува културата на постојано учење бидејќи без тоа нема одење напред, вели Ангеловска. Според претседателот на Здружението на словенечки и македонски стопанственици Војдан Јорданов, она што им недостига на македонските компании е иницијативноста. Мора да се тежнее кон помодерен начин на водење на компаниите, вели Јорданов. Словенечките компании покажуваат поголема усогласеност во балансот на работата и задоволството на вработените. Кај македонските компании, пак, веќе има напредок, но она со што тие се соочуваат се предизвиците во прилагодувањето на очекувањата на младите генерации и усогласувањето на работните со секојдневните активности. Според словенечкиот амбасадор Грегор Прескер, благосостојба на вработените не е само прашање на лична среќа, туку таа директно влијае врз продуктивноста, иновациите и успехот на организациите. бак/ац/Фото: МИА . Извор: МИА 2025-01-22 korisnik

Европската комисија планира промоција на „туристички потценетите“ дестинации во ЕУ како една од мерките за раст и развој на туризмот, но и за пренасочување на посетителите од локациите кои се соочуваат со преоптовареност од туристи. Ваквите планови, како што најави еврокомесарот за транспорт и туризам Апостолос Ѕиѕикостас, ќе бидат дел од новата Стратегија за одржлив туризам на ЕУ, која ќе има за цел да му овозможи на туристичкиот сектор да продолжи да расте. Можеби ќе ве интересира РАСТЕ ИНФЛАЦИЈАТА ВО ЕВРОЗОНАТА Декемвриската изнесува 2,4% плусинфо 17/01/2025 СО ДРСКИ ПРАВИЛА ЕВРОПА САКА ДА НИ ГИ ЗЕМЕ ПРЕВОЗНИЦИТЕ Од… Рада Исовска Маневска 13/01/2025 Во однос на забелешките за преголем број на туристи на некои дестинации, Ѕиѕикостас оцени дека не постои ништо што се нарекува „преоптоварен туризам“, туку дека станува збор за „неурамнотежен туризам“ и за „погрешно насочување“ на гостите. Според него, регионите првенствено се фокусираат на промоција на нивните дестинации наместо да „управуваат со протокот на туристи“ и да ги насочуваат кон оние области кои се „туристички потценети“. Ѕиѕикостас најави и дека новата Стратегија за одржлив туризам на ЕУ треба да биде промовирана во 2026 година.