© Vecer.mk, правата за текстот се на редакцијатаАморим: Знам што правам, но ќе мора да страдаме за да успеемеЃоковиќ прифати извинување

Португалскиот фудбалски гигант Порто соопшти дека ја прекина соработката со досегашниот тренер Бруно Витор. По последниот пораз од Жил Висенте, Порто забележа серија од три порази по ред во сите натпреварувања, па управата реши да направи радикален потег и да го отпушти Бруно Витор. Стратегот, чија работа на „Драгао“ е прва независна во кариерата, ја загуби лидерската позиција од Спортинг во последните две кола, а клубот на ова гледа како на предупредувачки сигнал. Во исто време се зборува дека Витор ја изгубил и довербата во соблекувалната, а еден од водачите на бунтот против него е искусниот Пепе, кој одбивал да игра под палката на Витор. Според португалските медиуми, Хорхе Коста треба да го наследи Витор како тренер на Порто. sportmedia.mk© Vecer.mk, правата за текстот се на редакцијатаАморим: Знам што правам, но ќе мора да страдаме за да успеемеЃоковиќ прифати извинување

На шессте одиграни натпревари во НБА лигата единствената победа на гостите ја остварија кошаркарите на Денвер. Нагетс предводени од Никола Јокиќ славеа на гостувањето кај Орландо со 113:100. Се беше решено за три четвртини, па немаше потреба Никола Јокиќ да остане на теренот поголем број минути. Иако не играше во последниот период Јокиќ оствари трипл-дабл учинок со 20 поени, 14 скокови и 10 асистенции. Во дербито на Лос Алџелес екипата на Клиперси со 116:102 ги совладаа Лејкерси. Ивица Зубац и Џејмс Харден имаа двоен ефект во победничката екипа. Хрватот, Зубац натпреварот го заврши со 21 поени и дури 19 скокови, а Харден имаше 21 поен и 12 асистенции. Сепак прв стрелец беше Норман Пауел кој постигна поен повеќе (22). Кај Лејкерси, Леброн Џејмс постигна 25 поени со 11 асистенции и пет скока, Руи Хачимура додаде 19 поени и седум скока, а Дејвис забележа 16 поени и десет скока.

Фудбалскиот клуб Милан сериозно е заинтересиран за Жоао Феликс (25), објави инсајдерот на „Скај Спорт Германија“, Флоријан Плетенберг. „Калчомеркато“, додава дека Челзи не е подготвен да го пушти напаѓачот на позајмица до крајот на сезоната бидејќи го смета за суштински дел од својот тим. Тренерот Енцо Мареска го искористи на 19 натпревари (941 минута) оваа сезона, на кои постигна седум гола и забележа две асистенции. Милан подготвува нова понуда според која Феликс би дошол на 18-месечна позајмица, по што Италијанците би имале опција да го купат во летото 2026 година за приближно 35 милиони евра. Феликс е петти најскапиот фудбалер на сите времиња. Атлетико Мадрид го доведе од Бенфика во 2019 година за 127 милиони евра, но португалскиот интернационалец не го оправда тоа на теренот. Тој одигра 131 натпревар, постигна 34 и забележа 18 асистенции за Атлетико, кој го испраќаше на позајмици во Барселона и Челзи. Челси летово го купи за 52 милиони евра и му даде договор до 2030 година, со опција за продолжување на уште една сезона. „Трансфермаркт“, неговата вредност ја проценува на 30 милиони евра, а највисоката на истиот сајт била 100 милиони евра. Најголемите трансфери во историјата според „Трансфермаркт“: 1. Нејмар – 222 милиони евра (Барселона – ПСЖ) 2. Килијан Мбапе – 180 милиони евра (Монако – ПСЖ) 3. Филипе Кутињо – 135 милиони евра (Ливерпул – Барселона) 4. Усман Дембеле – 135 милиони евра (Борусија Дортмунд – Барселона) 5. Жоао Феликс – 127 милиони евра (Бенфика – Атлетико Мадрид) 6. Енцо Фернандез – 121 милион евра (Бенфика – Челзи) 7. Еден Азар – 120,8 милиони евра (Челзи – Реал Мадрид) 8. Антоан Гризман – 120 милиони евра (Атлетико Мадрид – Барселона) 9. Џек Грилиш – 117,5 милиони евра (Астон Вила – Манчестер сити) 10. Кристијано Роналдо – 117 милиони евра (Реал Мадрид – Јувентус)

Јаник Синер се мачеше во осминафиналето на Австралија опен, жестината му направи сериозен проблем. . Синер се пласираше во четвртфиналето на првиот Грен слем сезонава со победата над Холгер Руне со 6:3, 3:6, 6:3, 6:2. Сепак, натпреварот во Мелбурн беше сè само не обичен, бидејќи го одбележаа екстремни жештини, прекини и бизарен дефект на теренот. Од топлото време, Синер во еден момент не можеше да стане од столчето поради што побара лекарска помош Лекарскиот тим го однесе во соблекувалната, каде што помина извесно време. Клучна улога во неговото закрепнување имаше Улисес Бадио, поранешниот физиотерапевт на Новак Ѓоковиќ, кој за Синер подготви специјален пијалок и му го испрати преку редарот. Jannik Sinner physically shaking during his match against Rune at Australian Open He told his team he wasn’t able to ‘move to his left’ Visibly struggling and hasn’t been the same for the last two sets Likely adrenaline combined with not feeling 100% pic.twitter.com/0RPDSxTI2T — The Tennis Letter (@TheTennisLetter) January 20, 2025 Синер успеа да се опорави и го продолжи натпреварот. На почетокот на четвртиот сет дојде до нов прекин, овој пат од бизарна причина. Додека сервираше, топчето на Синер ја погоди конструкцијата на мрежата, која и покрај тоа што беше безбедно прицврстена, се скрши. Промената на мрежата траеше дури 20 минути, што дополнително го продолжи мечот. Insane tennis. Sinner is suffering at the change of ends now, hands visibly shaking as he holds the towel. pic.twitter.com/OpITAditqy — Stephen Boughton (@theslicestephen) January 20, 2025 Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:sport Следно Ниту еден тим во НБА не е како Никола Јокиќ Претходно Унгарија ја победи Холандија, Египет славеше над Хрватска, Португалија ја шокира Норвешка Би можело да ве интересира и... Ниту еден тим во НБА не е како Никола Јокиќ Унгарија ја победи Холандија, Египет славеше над Хрватска, Португалија ја шокира Норвешка (Видео) Манчестер сити го декласира Ипсвич Аморим: Ние сме најлошиот тим во историјата на клубот Македонија ја победи Гвинеја, носи еден бод во главната фаза Лопетеги во преговори со Фудбалскиот сојуз на Белгија

РЦУК Велес, известува дека во село Чемерско во општина Кавадарци, има пожар во старечкиот дом. На терен се 10 пожарникари со три противпожарни возила и интервенираат. Исто така во терен има уште три медицински тима и две полициски коли со осум полицајци. Во меѓувреме се евакуираат 30 лица кои се сместени во старечкиот дом со две мини возила (минибуси), се додава во известувањето. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:ЦУК Претходно УЈП со потсетување до даночните обврзници: рокот за поднесување на ДДВ – 04 пријавите е до 27 јануари Би можело да ве интересира и... Изгубени странски туристи безбедно извлечени преку езерото „Матка“ ЦУК: Ќе се одглавуваат автомобилите кои заглавија на патот меѓу Горно Нерези и Средно Водно ЦУК: Извлечени завеани пет малолетни и едно возрасно лице од село Рајчани и се однесени безбедно до нивните родители во Кочани ЦУК: Пет малолетни лица и еден возрасен поради обилниот снег се заглавени во село Рајчани Пожар во фирмата „Атлантик“ во Визбегово, горат два шлепери, постои опасност од проширување Патот Маврово-Галичник се уште не е прооден, извести ЦУК

На Анчелоти му се спрема отказ ако не се пласира меѓу 16 во ЛШ Фудбал 18.01.2025 Тренерот на Реал Мадрид, Карло Анчелоти може да добие отказ во случај да не избори пласман помеѓу 16 најдобри во Лигата на шампионите, објави „Relevo“. Како привремена замена за Анчелоти се посочува Сантијаго Солари. Реал Мадрид по шест кола е на 20. место во Лигата на шампионите има половичен ефект (три победи и три порази) Карло Анчелоти //=esc_url( home_url() ); ?>//=esc_attr( get_bloginfo( 'name', 'display' ) ); ?> //=get_permalink()?>//=the_title();?>

Нејмар вториот дел од сезоната ќе го мине на позајмица во својот матичен клуб Сантос. Италијанскиот инсајдер Фабрицио Романо наведува дека Сантос испратил официјална понуда за позајмица до крајот на сезоната, кога на Нејмар ќе му истече договорот со Ал Хилал. Во последно време се зборува за интерес на Чикаго, но поранешниот клуб на Нејмар има голема предност пред тимот од МЛС. 32-годишниот фудбалер наводно инсистирал да се врати во Сатнос, од каде се преселил во Барселона во 2013 година. Нејмар оваа сезона одигра само два натпревари за Ал Хилал во сите натпреварувања, или вкупно седум откако пристигна во Саудиска Арабија од ПСЖ во август 2023 година. Бразилецот имаше големи проблеми со повредите, а клубот не го пријави за вториот дел од сезоната во националниот шампионат. По 15 кола Ал Хилал го дели првото место во шампионатот со Ал Итихад. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:sport Следно Флорентино Перез ќе го води Реал до 2029 година Претходно Ниту еден тим во НБА не е како Никола Јокиќ Би можело да ве интересира и... Флорентино Перез ќе го води Реал до 2029 година Ниту еден тим во НБА не е како Никола Јокиќ (Видео) Синер посилен од жештината и Руне, избори место во четвртфиналето Унгарија ја победи Холандија, Египет славеше над Хрватска, Португалија ја шокира Норвешка (Видео) Манчестер сити го декласира Ипсвич Аморим: Ние сме најлошиот тим во историјата на клубот

Аман, дојдовме во мир, вели Милошоски откако жени и деца биле најгрубо претресувани од нервозни редари Ракомет 20.01.2025 Генералниот секретар на РФМ, Филип Милошевски реагира на односот кон македонските навивачи пред и за време на вчерашниот натрпревар од Светското ракометно првенство во Вараждин, Хрватска. Во врска организација на вечерашниот натпревар : само еден влез во арена активен ; жени и деца најгрубо претресувани од нервозни редари ; во опасни предмети вклучени се и кармини, лабело , сјај за уста, полњач за телефон и сл. ; простор за пушење нема, а ако решите да излезете треба пак назад кај редарот на главен влез ; АМАН дојдовме во мир, најпријателски и најспортски навивачи рфм сп во ракомет 2025 филип милошевски //=esc_url( home_url() ); ?>//=esc_attr( get_bloginfo( 'name', 'display' ) ); ?> //=get_permalink()?>//=the_title();?>

Одложувајте ги обврските: Еве кога игра Македонија во втората фаза на Светското првенство Ракомет 20.01.2025 Македонките ракометари ќе имаат само ден одмор пред продолжувањето на Светското првенство. Остануваме во Вараждин и веќе утре во 15 и 30 часот против Австрија против која можеме да играме и да победиме. Во четврток, исто во 15 и 30 часот играме против Катар и сме благи фаворити, а во сабота во вечерен термин играме против страшната Франција. македонска ракоментна репрезентација //=esc_url( home_url() ); ?>//=esc_attr( get_bloginfo( 'name', 'display' ) ); ?> //=get_permalink()?>//=the_title();?>

Флорентино Перез е реизбран за претседател на Реал Мадрид до 2029 година. Тогаш неуништливиот газда на „кралскиот клуб“ ќе има 81 година. Како што објави познатиот италијански новинар и инсајдер Фабрицио Романо, првиот човек на клубот Флорентино Перез е реизбран за претседател на Реал Мадрид Овој познат бизнисмен доби нов четиригодишен мандат. Перез првиот мандат го имаше во периодот од 2000 до 2006 година, а потоа од 2009 година до денес. За време на неговото владеење, Реал Мадрид освои дури 65 трофеи како спортски клуб – 37 во фудбал и 28 во кошарка, вклучувајќи седум титули во Лигата на шампионите во фудбал и три титули во кошаркарската Евролигата. Tweet ©Makfax.com.mk Доколку преземете содржина од оваа страница, во целост сте се согласиле со нејзините Услови за користење. Поврзани Артикли:sport Претходно Нејмар се враќа дома Би можело да ве интересира и... Нејмар се враќа дома Ниту еден тим во НБА не е како Никола Јокиќ (Видео) Синер посилен од жештината и Руне, избори место во четвртфиналето Унгарија ја победи Холандија, Египет славеше над Хрватска, Португалија ја шокира Норвешка (Видео) Манчестер сити го декласира Ипсвич Аморим: Ние сме најлошиот тим во историјата на клубот

Бразилската ѕвезда Нејмар ја заврши својата авантура во Саудиска Арабија. Од него се очекуваше многу, но никогаш не успеа да го покаже потенцијалот во Ал-Хилал, а паралелно со тоа проблеми му правеа и многу повреди. Нејмар ја напушта арапската земја за да се врати во Бразил. Според последните информации, постигнат е договор и Нејмар ќе се врати во Сантос на позајмица во следните 6 месеци. Разбирањето е веќе факт и ќе биде официјализирано во следните неколку дена. Во неделата, претседателот на Сантос, Марсело Тешеира и директорот Педро Мартинс се сретнаа со претставниците на Нејмар и преговараа за платата на играчот.

Како и што се очекуваше, Светската ракометна федерација го промени распоредот на натпреварите за втората фаза на ракометниот Мундијал. Иако првично репрезентацијата на Макеоднија требаше два пати да игра во вечерниот термин од 20.30 часот, сепак тоа нема да се случи. Напротив, македонските ракометари два дуели од групата 2, ќе ги играат во попладневниот термин од 15 часот. Единствено остана терминот за дуелот со Франција во последното 3.коло, па со Триколорите ќе играме од 20.30 часот. Ова се новите термини и распоредот на натпреварите во група 2. РЕЗУТАТИ И ТАБЕЛИ / ГРУПИ | СП 2025 by SportPlus Macedonia | СПОРТ ПЛУС МАКЕДOНИЈА

Голема е веројатноста дека доминацијата на Манчестер Сити во Премиерлигата ќе заврши оваа сезона со оглед на несвојствената форма на „граѓаните“ кои досега загубија шест натпревари и ремизираа пет. Манчестер Сити заостанува 12 бода од лидерот Ливерпул, но само шест од второто место на табелата на кое е Арсенал. Со оглед на доминантната игра во последниот натпревар против Ипсвич и убедливата победа од 6-0, многумина сметаат дека најдоброто од составот на Пеп Гвардиола допрва доаѓа. Еден од нив е и Марк Шварцер, поранешниот голман на Мидлсбро, Фулам, Челси и Лестер кој смета дека не само што Манчестер Сити ќе заврши пред Арсенал на крајот на сезоната, туку не се загубени и шансите за титула, но се зависи од Ливерпул. „Сити дефинитивно може да заврши меѓу првите два тима во Премиерлигата. Само не мислам дека Ливерпул ќе загуби доволно натпревар за Сити да има шанса за титула, но може да заврши меѓу првите два. Мислам дека тимот на Пеп Гвардиола е повеќе од способен за тоа. Имаат сила, имаат способност, знаење и мислам дека ќе завршат пред Арсенал, Форест… Тоа е врвен тим и нема сомнеж дека ќе ја вратат формата“, вели поранешниот репрезентативец на Австралија. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

На Светското првенство за ракометари денеска на програмата се нови осум натпревари. За нас (македонската репрезентација) секако поголемо внимание ќе привлечат дуелите од Ц групата што се игра во Пореч. Оттаму ќе дојдат противниците на Македонија во втората рунда на шампионатот, македонските ракометари тоа треба да го изборат утре против Гвинеја. Сигурни во втората фаза се Франција и Австрија кои денеска играа меѓусебен дуел по кој ќе се знае која селекција колку бодови ќе префрли во следната рунда. Во вториот натпревар Катар и Кувајт во меѓусебниот натпревар ќе решаваат за третиот патник од оваа група. Иста е ситуацијата и во Б групата во Хернинг во која Данска (актуелниот светски првак) и Италија решаваат за првото, а Алжир и Тунис за третото место. Во другите две групи во Осло и Загреб ќе се играат натпревари од второто коло. ДЕНЕСКА НА СВЕТСКО ПРВЕНСТВО Група Б (Хернинг) 3. коло 18:00 АЛЖИР – ТУНИС 20:30 ДАНСКА – ИТАЛИЈА Група Ц (Пореч) 3. коло8:00 ФРАНЦИЈА – АВСТРИЈА 20:30 КАТАР – КУВАЈТ Група Ф (Осло) 2. коло18:00 ШПАНИЈА – ЈАПОНИЈА 20:30 ЧИЛЕ – ШВЕДСКА Група Г (Загреб) 2. коло18:00 ЗЕЛЕНОРТСКИ ОСТРОВИ – СЛОВЕНИЈА 20:30 ИСЛАНД – КУБА

Освен што се наметна како лидер и е прв стрелец во нашиот табор, Кузмановски покажа голема великодушност на Мундијалот. Пред мечот со Гвинеја купил 40 карти за македонски навивачи, за да може во живо да го бодрат нашиот национален тим. Македонија ја оправда фаворитската улога против африканскиот претставник кој го совлада со 29:20, а ракометарот на Еурофарм Пелистер повторно блесна со најголем број на голови. На првиот дуел против Унгарија постигна 10 гола, против Холандија 9 и синоќа 12, кои во моментов го прават прв стрелец на Светското со 31 погодок. На второто место на листата на стрелци е Тен Фелде од Холандија со 30 гола, а третопласиран е Германецот Усчинс со 24 погодоци. Фитиљ беше прогласен за играч на натпреварот и на мечот против Холандија и против Гвинеја. Во втората фаза на Мундијалот, Македонија се среќава со Австрија, Катар и Франција.

95 милионското заслување на Манчестер Јунајтед, Ентони кој го засили тимот во 2022 година по само две и пол години заминува од „Олд Трафорд“ и кариерата ќе ја продолжи во Реал Бетис каде ќе се задржи најмалку до крајот на сезоната. Дваесетичетиригодишниот Бразилец потфрли во настапите, дополнително беше дел и од скандал па го загуби своето место во тимот уште во ерата на Ерик тен Хаг. На него не смета ниту новиот тренер Рубен Аморим па се е подготвено за заминување. Ентони веќе ги договори личните услови со Реал Бетис, а останува уште англискиот и шпанскиот клуб да ги договорат условите за позајмица до крајот на сезоната. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

сп ракомет ИХФ направи промена во сатниците на дуелите на Македонија во главната рунда

Македонската ракометна репрезентација одново има огромна поддршка на еден голем турнир. Во Вараждин трибините се исполнети со навивачи во „црвено-жолто“, но за разлика од минатото, овој пат натпреварите на Македонија се исполнети со тензија. Инцидент не изостана ниту на вчерашниот натпревар против Гвинеја на кој македонски навивачи беа апсени од страна на полицијата и навивачите. За тоа сведочи и „Фалангата“. „Пирова победа против Гвинеја – еве ја вистината за апсењата на трибините Последен ден од нашето патување во Вараждин. Играа Македонија – Гвинеја, лесен натпревар со однапред познат исход и очекувана лесна победа. Хрватските полицајци и обезбедување од лесен натпревар направија вистински хорор. Заради носење знаме од Кутлеш НЀ АПСЕА и нѐ тераа да платиме глоба од 173 евра додавајќи образложение дека сме требало да платиме и по 600 евра ама дека ќе ни излезат во пресрет. Нѐ малтретираа, нѐ тераа да се потчиниме. Чудно е како на овој натпревар знамето од Кутлеш не само што не смееше на ограда, туку не смееше ниту во раце да се држи. Тензијата се осеќаше во воздухот. Полицијата вечерва по секоја цена сакаше да апси. Имаше човек што е уапсен заради гестикулација кон холандски навивач случајно наоѓајќи се во арената. Друг беше уапсен заради тоа што внатре во арената МУ ДАЛЕ ДРЕГЕР да дува дали е пијан. Ниту вози, ниту ништо, туку гледа ракомет, а внатре се точи пиво. За иронијата да биде уште поголема и ако му пишувало и 0,0 промили алкохол пак приведувале. Десетина души во кое спаѓа моето друштво како што се гледа и на видеата беа апсени заради носење на симболот од Кутлеш. Апсени затоа што си го сакаат своето, си ја сакаат Македонија. Затоа што знаеме дека резервна татковина немаме и наше е да ја бодриме каде и да игра, па да бидеме осми играч на секој меч. Хрватите покажаа невидена ароганција. Уринираа на сѐ добро од минатите години и заедно со нивните браќа од ИХФ го понижија Македонецот. Како и да е. Вечерва бевме понижени, финансиски казнети, малтретирани. И не ни е криво – ЌЕ СТРАДАМЕ, НО НЕ СЕ ПРЕДАВАМЕ!“, пишува „Боемот“. View this post on Instagram A post shared by Nikola Nikolovski (@boemot.mk) Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

По два меча без пораз против Ливерпул и Саутемптон, ново разочарување за навивачите на Манчестер Ј. Попладнево на „Олд Трафорд“ избраниците на Рубен Аморим беа „потопени“ од екипата на Брајтон, кој замина со трите бода од ова гостување по победата од 1:3. Гостите покажаа многу повеќе и сосема заслужено славеа на крајот. Првиот гол за „галебите“ го постигна Митех во 5. минута и го најави изненадувањето. Сепак, со голот од пенал на Бруно Фернандеш до крајот на првиот дел Манчестер Ј. се избори за израмнување. Иако на стартот на вториот дел очекувавме многу подобар изглед на домаќините, Брајтон беше тој кој креираше шанси и погодуваше. Митома во 60. минута погоди за 1:2, а конечните 1:3 ги постигна Рутер во 76. минута. Ова е веќе 10-ти сезонски пораз за „црвените ѓаволи“. По пет гола видовме на преостанатите две средби. Евертон и Нотингем Ф. славеа на домашен тере со 3:2 над своите ривали, откако брзо направија предност од по 3:0, а потоа гостите залудно се обидуваа да се вратат. Standings provided by Sofascore sportmedia.mkСити броеше до шест на гостувањето кај ИпсвичПрва победа на Македонија на Светското првенство

Фото: ЕПА Уживам да ја работам оваа работа. Уживам да им го носам на моите тимови и на моите играчи сето она што бев како фудбалер. Тоа е работа што уште ми дава големо задоволство, изјави Инѕаги за „Скај спорт“. Тој имаше две промоции во повисок ранг со Венеција и уште една со Беневенто, а сега со Пиза, клубот што некогаш беше во петтата лига, има седум бода повеќе од третопласираната Специја и е на пат за директен пласман во Серија А ФУДБАЛ Пиза е на пат да се врати во италијанската фудбалска Серија А првпат по 34 години. Тренерот Филипо Инѕаги, легендарниот италијански напаѓач, со динамика и подобрен професионализам може да го врати овој познат град во фудбалската елита, пишува „Скај спорт“. Стефано Морео, напаѓачот што ја сврте кариерата сезонава, зборува за ентузијазмот на Инѕаги што ја прави разликата. Џовани Бонфанти, младиот дефанзивец ангажиран од Аталанта, потпиша дури по личен телефонски повик од самиот Инѕаги, Симоне Канестрели, кој од неодамна се поврзува со трансфер во Милан, е импресиониран од неговата очигледна страст за проектот. Антонио Карачоло, капитенот, вели дека Инѕаги е тој што го променил менталитетот во клубот, а неговата харизма влегува во главата на играчите, пишува „Скај спорт“. СКРОМНОСТ, ЕМПАТИЈА, ЕНТУЗИЈАЗАМ Резултатот е дека клубот што некогаш беше во петтата лига има седум бода повеќе од третопласираната Специја и е на пат за директен пласман во Серија А. – Она што ме импресионира кај Филипо е скромноста што ја покажа. Тоа е начинот на кој тој се однесува со сите вработени во клубот, не само со шефовите. Мислам дека создава посебна емпатија и ентузијазам. Тоа доаѓа од неговиот карактер, неговиот пристап кон луѓето, неговиот начин на комуникација, неговата посветеност и скромност – изјави за „Скај спорт“спортскиот директор Давиде Ваира. Што е тоа што го тера Инѕаги да сака да го направи сето ова? Тој е некој што освоил сѐ, победник во Лигата на шампионите (ЛШ) со Милан, светски првак со Италија. Но, еве го сега, на 51 година, се обидува да ја направи разликата во Серија Б, пишува „Скај спорт“. Поставувајќи го тоа прашање до Инѕаги, јасно е дека гладот, толку очигледен на теренот, уште е во него. – Ме води страста. Истата страст што ми даваше поттик во текот на мојата кариера уште од првите чекори. Кога решив да бидам тренер, отидов во Венеција, во Серија Ц. Уживам да ја работам оваа работа. Уживам да им го носам на моите тимови и на моите играчи сето она што бев како фудбалер. Тоа е работа што уште ми дава големо задоволство – изјави Инѕаги за „Скај спорт“. Тој имаше два пласмани во повисок ранг со Венеција и уште еден со Беневенто. Но неговите искуства во највисоката дивизија беа понезгодни, од првата работа со Милан до кратките престои во Болоња и во Салернитана, пишува „Скај спорт“. Инѕаги смета дека сега е подобар. – Сега имам речиси 350 натпревари како професионален тренер и јасно е дека секогаш учите нешто затоа што секогаш има што да научите. Мислам дека тренерот мора да еволуира и да расте со текот на времето за да успее. Во слободните моменти што ги имав се обидов да ја проучувам работата на подобри и поафирмирани колеги и, се разбира, имам доволно среќа што можам често да споделувам идеи со мојот брат Симоне, кого го сметам за еден од најдобрите тренери во Европа – објаснува тој. ИНЅАГИ ТРЕНЕРОТ, ИНЅАГИ ИГРАЧОТ Симоне е тренер на Интер, кој го предводеше до титулата во Серија А во минатата сезона. Во нивните тренерски кариери, најсилно блесна малиот брат. Иако и двајцата играа за Италија во нивните играчки денови, Пипо беше суперѕвездата, пишува „Скај спорт“. Тој останува меѓу најдобрите стрелци во историјата на ЛШ, постигна два гола во финалето во 2007 година против Ливерпул. Познат по играњето до рамото на последниот одбранбен играч, неговата способност да намириса гол одникаде му донесе место во елитата. Во ерата на повеќе мултифункционални фудбалери, Инѕаги би се вклопил во модерната игра како играч што бега од топката при изградбата на акциите наместо да оди кон неа. Тој признава дека тоа било друго време, но го гледа фудбалот како поцикличен. – Мојот период беше период на големи напаѓачи во светот. Тоа беше и златна ера за италијанскиот фудбал. Секако дека сега е потешко да се најдат такви играчи, ги има помалку, но мислам дека тоа е циклус што е предодреден повторно да се промени – вели Инѕаги. Дали Инѕаги тренерот би се снашол со Инѕаги играчот? – Мислам дека би имале многу добри односи. Бидејќи како фудбалер бев некој што постигнуваше многу голови. И многу се грижев за мојата работа, за тимот и за резултатот на натпреварот. Не сакам премногу дриблинзи. Верувам дека во фудбалот треба да бидете што е можно повертикални – одговара тој, пренесе „Скај спорт“. Таа сериозност кон неговата работа, таа потреба за дисциплина, тоа е најголемото нешто што го пренесе од своите играчки денови. – Од првиот ден на подготовките во почетокот на сезоната работев многу на основните принципи на групата, правилата за меѓусебно почитување, чувството за должност и одговорност. На теренот сакам мојот тим да може да остане уреден и компактен – вели Инѕаги. Карачоло вели дека претсезоната била најтешка во неговата кариера. Николас Бонфанти, неговиот тимски колега, зборува дека мораат да „трчаат како луди“ на теренот, а сега ги чувствуваат придобивките од таа летна работа. Во 10 наврати, Пиза го постигна првиот гол на мечот во првото полувреме. – Со Филипо и неговиот персонал се обидовме да создадеме поинаков менталитет, култура на работа, почитување на правилата. Тоа беше вистинскиот човек на вистинското место во вистинско време. Наследивме многу играчи што поради една или друга причина не дадоа сѐ од себе во минатата сезона, но, сепак, беа многу силни играчи. Мислам дека годинава оваа група наследени играчи, заедно со фудбалерите што ги доведовме, го создадоа вистинскиот микс – вели Ваира, кој му се приклучи на клубот летово. Пиза би била добредојдено дополнување во Серија А, со нејзината крива кула видлива од арената „Гарибалди“. Се зголемува возбудата во градот, пишува „Скај спорт“. – Финансиското влијание од пласманот во Серија А би било огромно поради ТВ-правата. Доаѓањето тимови како Јувентус, Интер, Милан, Наполи и дербито со Фиорентина би привлекло многу гледачи. Тоа би било плус за рестораните, баровите и хотелите. Но тука е и емоционалното влијание врз градот. Триесет и четири години се многу кога станува збор за фудбалот – вели Ваира. Но, останува уште работа, сезоната е долга, вели Ваира. – Пред само три сезони, Пиза го загуби финалето од плејофот во продолженијата. Ќе продолжиме да работиме сериозно, како што работевме од првиот ден – рече тој. Н.М.

Веселин и Келтаноски-Келтано неколку години беа препознатлив прилепски голмански тандем. Предност секогаш имаше поискусниот Келтаноски, кој беше афирмиран како извонреден чувар на голот и во поранешна Југославија. И легендарниот Владимир Беара пројави интерес за „жолтата мачка“ Веселин Веско Тофоски (2) Пишувајќи за Веселин Веско Тофоски, прилепската спортска легенда, не можам да заборавам некои зборови што ги кажа покојниот Веско, во емисијата на Наша ТВ, снимена во 2010 година. Тогаш тој, сеќавајќи се на минатите времиња, особено на оние поминати во екипата на ФК Победа, полн со емоции и носталгија ми рече: „Победа по многу нешта е различна од другите клубови. Таа е во душата на секој прилепчанец, без неа не може да се замисли животот во градот. Не знам дали и во другите градови луѓето со толкава љубов гледаат кон своите фудбалски екипи, но она што го чувствуваат прилепчани за својата Победа, тоа е нешто неверојатно“. И навистина Веско имаше право кога зборуваше или пак како новинар пишуваше за големата љубов на своите сограѓани кон клубот што им носеше среќа и радост кога ќе победеше, но и тага кога ќе загубеше, се добиваше впечаток оти вакви чувства кон својот миленик нема на други места и во други градови. Тоа беше карактеристично само за Прилеп и за прилепчани. Сега, ќе се навратам на некои интересни доживувања од кариерата на Веско, кој беше во сенка на Келтаноски, но никогаш не се лутеше за тоа. Тој го почитуваше својот колега и воопшто не му пречеше кога тренерот ќе го издиктираше составот пред натпреварите, а во него го немаше Веско. Предност секогаш имаше поискусниот Келтано, како што го нарекуваа прилепчани. Каде е „жолтата мачка“ Веско се сеќава на еден момент, кој особено му остави впечаток, а се однесуваше на средбата со големиот Владимир Беара, кој беше еден од најпознатите голмани во поранешна Југославија, па и во светот. – Се случи во хотелот „Црна Гора“ во Титоград истовремено да престојуваме ние и фудбалерите на Црвена звезда. Бевме дојдени да го одиграме натпреварот со ОФК Титоград, кој беше од квалификациско значење за влегување од тогашната Четврта зона во Втората лига и кој, за среќа, го добивме и станавме второлигаши, а фудбалерите на Црвена звезда, пак, имаа прволигашки дуел со Будуќност. Така, седејќи во ресторанот, неочекувано ни пријде никој друг туку Беара. Бевме изненадени, но и задоволни зашто тој беше големо име не само на југословенскиот туку и на европскиот, па и светскиот фудбал. Но нашето изненадување беше уште поголемо кога токму тој, човекот што во тие години беше еден од најдобрите голмани во светот, дојде кај нас и нѐ праша „каде е онаа вашата ’жолта мачка’ за која зборуваат сите“? А „жолтата мачка“, всушност, беше Келтановски. Тој беше препознатлив по тоа што бојата на косата му беше жолтеникава, па, така, луѓето лесно можеа да го препознаат. Ова го кажувам за да се види што значеше нашиот Келтановски во тоа време, на југословенските простори. Кога и еден Беара се интересираше за него, тоа беше голема работа. Тоа беше доказ оти поради своите квалитети што ги манифестираше бранејќи го голот на Победа за него знаеја сите фудбалски љубители. Потоа, Беара и Келтаноски лично се запознаа и разговараа за своите кариери и за сѐ што го исполнуваше нивниот живот. Ние, пак, клупските другари на „жолтата мачка“ бевме среќни и горди што легендарниот Беара со почит гледаше кон нашиот голман – вели тој. Ова беше едно сеќавање на Веско Тофоски за својот колега, со кого го бранеше голот на Победа, кога таа навистина значеше нешто за македонскиот и југословенскиот фудбал. Славење со пиво во Градската кафеана Повторно ќе споменам оти Победа е карактеристична по многу нешта. Таа беше екипа што можеше секого да изненади. Можеби тоа беше причина што кога играше дома, особено против посилните ривали, на стадионот „Гоце Делчев“ имаше и повеќе од 20.000 гледачи. Според пишувањето на новинарите, особено оние што известуваа за настапите на Победа во Прилеп, најмногу гледачи имало на натпреварот помеѓу Победа и Вардар одигран во 1960 година. Тоа претставувало вистински спектакл, за кој пишувале речиси сите весници во поранешна Југославија. На тој начин, со рекордната публика и добрите игри, Победа ги освојуваше симпатиите не само кај домашната туку пошироко и кај југословенската публика. Токму во тоа беше големината на прилепскиот клуб, кој околу себе анимираше голема маса луѓе, кои и не беа прилепчани, ама некако потајно си навиваа за неа. Впрочем, тоа е истакнато и во пишувањата за Победа од перото на Веско Тофоски, како што е и ова што следува: „Кога ќе победевме, тоа се славеше насекаде во градот. Ние, пак, фудбалерите, редовно одевме во Градската кафеана во центарот на градот, каде што бевме пречекувани со насмеани лица од нашите навивачи, за потоа да следува честење со пиво. Тоа стана традиција, која долго време се негуваше. Сите знаеја оти по победите, ние сме тука во Градската кафеана. Инаку, ако се случеше да загубиме, од срам по два-три дена не излегувавме оддома. Тешко ги поднесувавме поразите, зашто знаевме оти истата тежина ја чувствуваат и нашите навивачи“, пишува Веско, сеќавајќи се на тоа убаво фудбалско време. Засрамени и понижени од Партизан Но не одеше сѐ така мазно во животот на Победа. Се случуваше не само да се загуби меч туку и да се доживее тежок пораз. – Еден од таквите беше оној со Партизан во четврт-финалето на Купот на Југославија во Белград. Јас бранев од почетокот, времето беше студено, морничаво, а сето тоа придонесе да имаме чувство како да сме „замрзнати“. И токму така изгледавме, Партизан почна фуриозно. Јас до 28-та минута бев најдобар поединец и ги одбранив сите удари. Но во таа минута ја повредив раката и веќе не бев во состојба да бранам во ист стил. Бранејќи со една рака примив дури шест гола. За малерот да биде поголем, се разигра и најдобриот фудбалер на домашните Лина Михајловиќ, кој беше незапирлив. Тој се закануваше од секоја позиција, шутираше, а јас само немоќно стоев меѓу стативите и ги броев головите на „црно- белите“. Така броејќи стигнав до шест. Не можејќи веќе да издржам, на полувремето останав во соблекувалната, а бидејќи претходно беше извршена една измена, немавме право за следна замена, па, така, на голот застана Илија Димоски. Тој се трудеше колку што можеше, но и тој беше немоќен да ги запре разиграните партизанови напаѓачи, па во вториот дел домаќините постигнаа уште пет гола и го заокружија резултатот на 11-0. На тој меч бевме навистина понижени и засрамени. Ова белградско фудбалско попладне никогаш не можев да го заборавам. Никој не можеше да верува во она што ни се случи, но, за жал, таква е вистината, доживеавме вистински бродолом – пишува во книгата Веско. За разлика од овој меч, пак, еден од натпреварите што ги памети и за кој пишува во книгата Веско Тофоски бил дуелот со Морава од Јагодина (тогашно Светозарево). Со оглед на фактот што овој натпревар бил од клучно значење дали Победа ќе се пласира во Втората сојузна лига или ќе остане во Четвртата зона, прилепчани го одиграле на највисоко ниво. Најрасположен поединец бил Крстески, кој правел дар-мар во противничката одбрана и постигнал четири гола, за конечниот резултат да биде 5-1 за прилепчани. Тоа бил најрадосниот момент за фудбалерите и за симпатизерите на Победа, на кој Веско бил на голот и немал многу работа, зашто Победа заиграла неустрашливо и офанзивно. – Ова беше еден од моите најрадосни моменти во дресот на Победа – ми велеше Веско во емисијата што ја снимив со него во 2010 година, а беше посветена на македонските спортски легенди. Чувствувајќи оти е дојден крајот на неговата кариера, тој во натпреварувачката сезона 1962/1963, против Вардар од Неготино го одиграл својот проштален натпревар. Потоа се посветува на својата работа како професор, а во настојувањето многу работи од спортската историја на Прилеп, особено фудбалската на Победа, да не бидат заборавени продолжува како хроничар и публицист да ги бележи најзначајните настани, за потоа тие да бидат достапни до пошироката јавност. Тофоски има големо значење и заслуга за афирмацијата на прилепскиот спорт како новинар дописник на „Вечер“, а и на други југословенски весници. Своето новинарско искуство го пренесе и во весникот „Народен глас“, во кој ги обработуваше темите врзани за својот град. На тој начин, покрај фудбалскиот, Веселин Веско Тофоски остави еден голем новинарски опус.

Фото: ЕПА Пред сѐ, среќен сум што успешно ги водевме сите големи натпреварувања на многу високо ниво, со зголемени наградни фондови и гледаност, како и настани што се одржаа на иконски локации. Ја завршуваме годината со проширена шаховска заедница во која се вклучени повеќе држави. Нашиот следен предизвик е како да ја направиме нашата база на гледачи уште поширока и да го направиме шахот комерцијално уште попривлечен, рече Дворкович ШАХ – АРКАДИЈ ДВОРКОВИЧ, ПРЕТСЕДАТЕЛ НА ФИДЕ Претседателот на Светската шаховска федерација (ФИДЕ), Аркадиј Дворкович, во интервју за „Чесбејс Индија“, кое го пренесе ФИДЕ, зборуваше за активностите на ФИДЕ лани, за плановите за годинава, за случаите со кодексот на облекување, заедничката титула помеѓу Карлсен и Јан Непомнијашчи, шахот во слободен (Фишеров) стил… Вашето размислување за минатата 2024 година, која беше исполнета со толку многу работи, како и за плановите во 2025 година? – Пред сѐ, среќен сум што успешно ги водевме сите големи натпреварувања на многу високо ниво, со зголемени наградни фондови и гледаност, како и настани што се одржаа на иконски локации, вклучувајќи ги и последниот дел од Светското првенство (СП) во Сингапур и СП во забрзан и во брз шах во Њујорк. Тимот на ФИДЕ работеше напорно за да ги организира тие настани. Додека 2024-та беше година на некои големи настани и стогодишнина на ФИДЕ, 2025-та е за социјалната мисија на шахот, покрај сите големи настани. Ја завршуваме годината со проширена шаховска заедница, во која всушност се вклучени повеќе држави. Нашиот следен предизвик е како да ја направиме нашата база на гледачи уште поширока и да го направиме шахот комерцијално уште попривлечен. На СП во Њујорк имаше два случаја, првиот беше со кодексот на облекување, а вториот делењето на првото место во брз шах. – Временската разлика беше многу голема, а јас не бев добро, па, за жал, не бев присутен кога се носеше одлуката. Не критикувам никого инволвиран, ниту нашиот тим, ниту Магнус, кој го призна прекршувањето и беше подготвен да се усогласи со казните. Лично би предложил поинакво решение доколку би бил таму, но повторно станува збор за критикување некого. Тоа е само лекција што треба да ја научиме. Совршено знам дека Магнус немал намера да го прекрши кодексот на облекување. Тоа е најважниот дел за мене. Добро е што најдовме решение и Магнус можеше да учествува на СП во брз шах. Што се однесува до поделбата на титулата во брз шах, мислам дека е лекција во однос на регулативата. Прописите не беа совршени. Во основа го создадовме ризикот дека може да трае вечно, што не е добро. По два турнира, никој не очекуваше дека може да заврши така, но Јан се врати во игра, го израмни резултатот и се случи тоа. Мојот аргумент во основа беше дека играчите немаат вистинска мотивација. Исто така, имаше само неколку часа до Нова година. Добро, спорт е и сите сакаме да се борат до самиот крај, но мотивацијата веќе беше намалена и беше тешко да се притиска и да се игра силно. Така што во тој момент не видов никакво друго решение и луѓето што беа во комуникација со мене не предложија друга опција. Дали сега ќе има промени во кодексот на облекување? – Повторно разговараме за кодексот на облекување и, нормално, тоа е во рацете на Комисијата на играчите. Ги следиме препораките што ни ги испраќаат и ги охрабрувам сите играчи што се заинтересирани за темата да контактираат со Комисијата за играчи. На играчите секако треба да им биде удобно. Од друга страна, настанот треба да изгледа стилски. Зборуваме за СП, а не за некаков фестивал каде што стилот може да биде целосно индивидуален. Само се договоривме дека не треба да изгледа целосно спортски, како да трчате на улица во спортски обувки и облека, а потоа да дојдете да играте на СП во шах. Тоа е поинаков вид спорт, затоа треба да најдеме рамнотежа и мислам дека повеќето врвни играчи го разбираат тоа. Карлсен, најсилниот играч на светот во моментов, рече дека би сакал целото свое внимание да го насочи кон шахот во слободен стил и се претпоставува дека во 2025 година тие имаат намера да направат цела турнеја во слободен стил. Се чувствува како да се случуваат некакви две паралелни работи. Каков е вашиот став за целата оваа ситуација? – Пред сѐ, верувам дека интегритетот на шаховското семејство е клучен за шахот да остане привлечен за секого. Создавањето хаос во шаховскиот свет нема да биде корисно. Ни требаат интегритет и соработка во шаховскиот свет. Второ, Магнус беше малку пофлексибилен отколку само да каже дека ќе се концентрира само на шахот во слободен стил. Тој рече дека ќе се фокусира на побрзи формати, е-спорт и шах во слободен стил. Мислам дека сака да игра во овие забрзани и брзи настани. Тој напомена дека со задоволство би учествувал на Светски куп во е-спорт организиран во Саудиска Арабија. Ние уште работиме со Интернационалниот олимписки комитет (ИОК) за да се осигуриме дека шахот е дел од игрите на олимписките спортови. Шаховскиот свет се шири. Новите формати се добри и јас лично ја поздравувам иницијативата да се зајакне и Фишеровиот шах или шах 960 или, како што го нарекуваат тие, шах во слободен стил. Ние, всушност, организиравме две СП во слободен шах, но нашите врвни приоритети остануваат првенствата во класичен шах и забрзани и брзи шампионати. Подготвени сме да размислиме да дадеме само дозвола за одобрување, за да го направиме тоа врз основа на разбирањето дека ФИДЕ е управно тело во шахот, и го одобруваме овој нов проект. Тоа би решило сѐ. Нашата повелба е признаена од ИOK, што е многу важно за целиот свет и секој треба да го почитува тоа. Значи, ние сме многу отворени за наоѓање решение и веруваме дека станува збор за добра волја од нашите потенцијални партнери. Во овој случај ќе им дадеме одобрение или нема да го нарекуваат светско првенство. Многу е лесно да се најде и друго атрактивно име, но ние сме отворени за секое нормално решение. Г.И.

Со само девет години Русинот Роман Шогџиев стана најмладиот шахист во историјата што освоил норма за интернационален мајстор (ИМ). Тој е и еден од само тројцата шахисти што ја поминале бариерата од 2.300 рејтинг-поени пред да наполнат десет години. Исклучителниот подвиг се случи за време на турнирот „Раднички шах“ во Белград. На турнирот со двајца велемајстори (ВМ) и двајца ИМ, Шогџиев освои седум поени од девет партии, губејќи само од победникот, ВМ Суат Аталик, пишува шаховската интернет-страница „Чес“. Тоа е импресивен резултат на рускиот талент, кој ја постигна својата прва ИМ норма на девет години, 10 месеци и седум дена, речиси еден месец побрзо од аргентинскиот ИМ Фаустино Оро, кој ја постигна својата прва норма во 2023 година. За споредба, индискиот ВМ Абхиманју Мишра, најмладиот ВМ во светот, ја постигна својата прва ИМ-норма на 10 години и девет месеци. Само три недели пред својата норма, Шогџиев со 10 поени од 11 партии стана светски првак во категоријата до десет години. Тој победи на СП за млади до осум години во 2023 година (11/11) и на ЕП за млади до осум години (9/9) во 2022 година. Тој е само еден од тројцата што некогаш оствариле рејтинг од 2.300 пред да наполнат десет години. Англискиот ФМ Итан Панг, кој има рекорд како најмлад што ја достигнал оваа цел, е вториот покрај Оро. Талентот на Шогџиев особено доаѓа до израз во брзиот шах, за што сведочи неговиот рејтинг во брз шах (2.418). Тој редовно игра велемајсторски, како на пример на неодамнешниот турнир во брз шах, каде што ги победи силните ВМ Андреј Есипенко, Владимир Поткин, Ернесто Инаркиев и Алексеј Дреев. Тој имаше само осум години кога се најде на насловните страници победувајќи пет ВМ за време на СП во забрзан и брз шах во 2023 година. Подемот на Шогџиев е симбол на новата генерација млади играчи што се занимаваа со шах за време на пандемијата. Покрај Панг и Шогџиев, во 2015 година е родена ЖФМ од Англија Бодана Сиванандан, која стана најмладата што некогаш постигнала норма за ЖИМ. Г.И.

Тенис Алкараз: Ќе се сеќавам на страста со која Надал го живееше тенисот

ЕКИПА во Вараждин, Стеван Цаневски Валентин Карасманакис цел живот ќе го памети вчерашниот ден, кога младиот пивот на РК Алкалоид доби шанса да дебитира за националниот тим на едно големо натпреварување. Тој првите две средби ги проследи од трибините на арената во Вараждин, но во ситуација кога Марко Митев се здоби со незгодна повреда селекторот Лазаров го избра токму Карасманакис за негова замена. „Искрено, до пред неколку часа пред натпреварот не знаев дека ќе бидам во составот. Го правев она што се бараше од мене, тренирав напорно и тоа вроди со плод. Не можам да ја опишам гордоста, на 20 години да го облечеш дресот на Македонија, да играш на Светско првенство… Згора на тоа постигнав и гол во првиот обид, тоа е нешто што ќе го паметам додека сум жив. Среќен сум за своето деби, но уште повеќе за победата. Не ја потценивме Гвинеја, одигравме квалитетен натпревар и заслужено славевме и ја остваривме првата зацртана цел за овој шампионат – пласман во главната рунда“, изјави Карасманакис. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

Кирил Лазаров пред почетокот на главната рунда испрати важна порка, а тоа е дека Марко Митев треба да биде подготвен за мечот со Австрија, кој се игра утре со почеток во 15:30 часот. Против Гвинеја успеа да ги одмори поискусните во составот. Митев поради повреда која не е од сериозен карактер не настапи на оваа средба. Истата бара претпазливост, па затоа било одлучено да не се ризикува. „Имаме искуство од вакви турнири, добро ги менаџираме работите. Против Гвинеја ги сочувавме Митревски, Маркоски, Пешевски, Митев, Лазаревски и Велковски. Митев има ситна повреда, не можеше да игра на вчерашниот меч, можевме да ризикуваме ама не го сторивме тоа. Познавајќи го него и неговиот карактер се надевам дека ќе опорави 80%“, изјави нашиот селектор. Покрај Австрија, Македонија во главната рунда ќе ги одмери силите со Катар и Франција.

Нотингем Форест триумфираше со 3-2 против Саутемптон, но во 66. минута се случи необична сцена кога судијата Ентони Тејлор тргна да ја прегледа ВАР-снимката. Никола Миленковиќ постигна гол по еден центар-шут, но англискиот судија реши да ја прегледа ситуацијата, додека зад ВАР-мониторот се наоѓаа навивачите на Нотингем. Кога застана пред мониторот, дел од навивачите решија да ги извадат паричниците и кредитните картички за да го „потплатат“ Тејлор, а сцената стана хит на социјалните мрежи. NOTTINGHAM FOREST FANS HOLDING THEIR WALLETS AND CREDIT CARDS UP TO THE REF! 😂😭😂 pic.twitter.com/c4oYzplWKz— David (@DavidC547191308) January 19, 2025

Најдобриот српски тенисер Новак Ѓоковиќ го прифати извинувањето кое јавно го упати новинарот Тони Џонс и „Канал 9“, откако претходно го исмеваше по една победа на Австралијан опен. Новинарот на „Канал 9“ го исмеваше Ѓоковиќ, но и српските навивачи, поради што тенисерот реши да не дава интервјуа за медиумот. „Новак го прифати извинувањето кое е јавно испратено и побара повеќе да не се зборува за таа тема затоа што сака да се фокусира на следниот натпревар“, објави Тениската асоцијација на Австралија.

Барселона влезе во сериозна резултатска криза и ја очекува тешка борба за титулата до крајот на сезоната затоа што пред себе ги има Атлетико и Реал Мадрид. Ханси Флик имаше почеток од соништата и делуваше дека лесно ќе стигне до титулата во Ла Лига, меѓутоа резултатите во последно време загрижуваат, а воедно тимот по 20 одиграни кола освои 39 бодови. Новинарот Фабрицио Романо објави интересна споредба на Флик со неговиот претходник, легендарниот Чави, кој во сезоната 2023/34 имал 44 бодови, а една сезона претходно дури 53 поени. Чави беше жестоко критикуван минатата сезона поради резултатите, но очигледно оваа сезона тимот е уште полош.

Македонската ракометна репрезентација обезбеди пласман во следната фаза на тековниот Мундијал што се одржува во Вараждин, Хрватска. Во клучниот дуел вечерва, избраниците на селекторот Кирил Лазаров ја совладаа селекцијата на Гвинеја и со освоен бод од оваа фаза се пласираа понатаму. Поддршката за нашите ракометари на овој турнир е на највисоко ниво. Популарната Фаланга е неизоставен дел од атмосферата и синоќа беше на висина на задачата, пренесувајќи го духот на Македонија во арената. Но, вечерта ја одбележа и еден потег кој предизвика восхит. Нашиот капитен, Филип Кузмановски, пред мечот против Гвинеја, обезбеди четириесет билети од сопствени средства за навивачи кои немале можност да ги набават за вчерашниот натпревар. Оваа несебична акција е вистински пример за лидерство и љубов кон татковината. Кузмановски, кој со години е симбол на борбеноста и посветеноста во националниот дрес, уште еднаш покажа дека е капитен во вистинската смисла на зборот. Македонските ракометари продолжуваат понатаму, а со ваква поддршка од навивачите и ваков дух на тимот, сигурни сме дека успехот нема да изостане.

Новак Ѓоковиќ реши јавно, на социјалните мрежи да проговори за хаосот на Австралија Опен. По мечот со Јиржи Лехечко, српскиот тенисер одби да зборува на теренот, поточно не сакаше да направи интервју со Џим Куриер. Тој брзо објасни дека причината за тоа е водителот Тони Џонс, кој пред камера го навредувал него и неговите обожаватели. Добивај вести на вибер Новак детално зборуваше за тоа на прес-конференција, а за да биде сигурен дека допре до сите, реши да го објави на социјалните мрежи. Тој на своите официјални профили објави видео порака во која објасни зошто го направил тоа. Кога го објави ова на Твитер, се огласи и најбогатиот човек на светот Илон Маск. Го поддржа Новак. Подобро е директно да му се обратите на народот отколку да поминете низ негативниот филтер на медиумите“, му напиша Маск, сопственикот на споменатата социјална мрежа. It’s way better just to talk to the public directly than go through the negativity filter of legacy media https://t.co/QYDJXWAC5r — Elon Musk (@elonmusk) January 19, 2025 Под таа објава веднаш возвратија фановите на српскиот тенисер. Повеќето од нив му се заблагодарија на Маск што одлучил јавно да го поддржи Новак и да проговори на тема која привлече големо медиумско внимание. Во таа објава Ѓоковиќ најпрвин им се заблагодари на сите за поддршката, а потоа објасни што се случило на теренот. „Сакам да одвојам момент да објаснам што се случи на теренот и зошто не дадов интервју по мечот, што е вообичаена практика. Сакав на сите да им објаснам што се случи“, започна Новак. Продолжи во истиот здив. „Причината поради која го направив тоа е затоа што тој е познат спортски новинар од Австралија кој работи за телевизијата Австралија опен, Канал девет. Тој ги исмеваше српските навивачи и даваше навредливи коментари за мене. Се надевав дека ќе се извини, но тој сеуште не го направил тоа“, заклучи Ѓоковиќ.

ЕКИПА во Вараждин, Стеван Цаневски Македонската ракометна репрезeнтација денеска на дуелот против Гвинеја (18 часот, Вараждин), ќе го игра својот единаесетти натпревари против ривал од Африка на светските шампионати. Досегашниот скор на нашиот национален тим е шест победи и четири порази, од кои по два пати имаме капитулирано во пресметките со Египет и со Тунис. Премиерниот настап на едно големо натпреварување, на СП во Египет донесе и наш прв дуел со „фараоните“, при што африканската селекција рутински славеше со 30-24. Во Вараждин на СП 2009 во Хрватска имаме одиграно два меча против ривали од Африка, првиот пораз од Тунис со минимални 24-25, а вториот убедлива победа над Алжир од 32-19. На СП 2013 во Севилја немавме противник од „црниот континент, но затоа две години подоцна во Катар се сретнавме со Тунис и на отворањето ја преслушавме оваа селекција со 33-25. Кире Лазаров беше прв стрелец на овој дуел со десет гола, а по шест псотигнаа Манасков и Миркуловски. Групната фаза од СП 2017 ја игравме во француски Мец, а селектор ни беше Лино Червар. Во првото коло се сретнавме со Тунис и со маестрална игра „седум на шест“ стигнавме до победа од 34-30. Кире Лазаров беше прв стрелец со 12 гола, пред Стоилов и Манасков со по седум. Неколку дена подоцна се сретнавме со Ангола, за лесна победа од 31-22 во која најефикасни беа Лазаров со 10 и Георгиевски со пет погодоци. Мундијалот во Германија во 2019 година не донесе нашата пресметка со африкански ривал, а во 2021, на „корона-мундијалот“ повторно се сретнавме со Египет, и тоа повторно на теренот на оваа селекција. „Фараоните“ доминираа од почеток до крај, триумфирајќи со убедливи 38-19, наш најубедлив пораз од една африканска селекција во историјата. Последните мечеви со ривали од Африка ги имавме пред две години, на „Президент купот“ на СП 2023 во Плоцк, Полска. Во првиот дуел лесно го декласиравме Алжир со 40-25 (најефикасни беа Пешевски и Манасков со по седум), во вториот загубивме од Тунис (осум гола на Кузмановски), за во последниот меч да славиме со 40-25 над Мароко (осум гола на Кузмановски, седум на Петар Атанасијевиќ, по шест на Костески и на Серафимов). На ред е Гвинеја, идеална можност за седма победа на Македонија над ривал од Африка на ракометните мундијали. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

Фото: ЕПА По седмото коло неделава и осмото идната недела, можни се промени во пласманите на табелите, откако во ЛШ разликата меѓу тимовите од третото до 14-то место е само два бода, меѓу третопласираниот и 19-от тим на табелата три бода, а во ЛЕ од осмопласираниот до 25-от тим на табелата има четири бода разлика ФУДБАЛ По повеќе од еден месец пауза, неделава продолжуваат натпреварите во лигашката фаза на два фудбалски купа, Лигата на шампионите (ЛШ) и Лига Европа (ЛЕ), со мечевите од седмото, претпоследно коло сезонава. Тимовите во Конференциската лига (КЛ) нема да играат до 13 февруари, за кога се закажани првите плејоф-дуели за влез во осминафиналето, кое на програмата е во март, а во кое директно се пласираа осум клуба. Во реформираното најсилно клупско натпреварување во Европа во тек е трката за влез меѓу 16-те најдобри (првите осум тима) и за учество во плејофот (екипите од деветтото до 24-то место) за пласман во осминафиналето. Води Ливерпул, кој по шест кола е единствен без загубен бод, а Барселона е второпласирана, со еден пораз. Разликата меѓу тимовите од третото до 14-то место е само два бода, а меѓу третопласираниот и 19-от тим на табелата три бода, па по последните две кола сезонава (осмото коло е идната недела) можни се промени во пласманите на табелите. Во седмото коло, меѓу другите, играат Атлетико Мадрид – Баер, Ливерпул – Лил, Бенфика – Барселона, Пари сен Жермен – Манчестер сити, Феенорд – Баерн… Слична неизвесност има и во Лига Европа, која исто така се игра според нов формат во однос на минатите сезони. Разликата од осмопласираниот Глазгов ренџерс до 25-от тим на табелата, Брага, е четири бода. Во Конференциската лига се играа вкупно шест кола во лигашката фаза (во Лигата на шампионите и во Лига Европа се играат по осум), па во тоа натпреварување веќе е извлечена ждрепката за плејофот за влез во осминафиналето, во кое директно ќе настапат Челси, Виторија, Фиорентина, Рапид, Ѓургарден, Лугано, Легија и Серкл Бриж. Лига на шампионите, седмо коло: утре играат Аталанта – Штурм, Монако – Астон вила (двете од 18.45 часот), Атлетико Мадрид – Баер, Болоња – Борусија Дортмунд, Клуб Бриж – Јувентус, Црвена звезда – ПСВ Ајндховен, Ливерпул – Лил, Слован – Штутгарт и Бенфика – Барселона (сите од 21 ч.). Двојки за среда: Лајпциг – Спортинг, Шахтер – Брест (двете од 18.45 ч.), Реал Мадрид – Салцбург, Пари сен Жермен – Манчестер сити, Спарта – Интер, Арсенал – Динамо Загреб, Селтик – Јанг бојс, Феенорд – Баерн и Милан – Џирона (сите од 21 ч.). Табела: Ливерпул 18 бода, Барселона 15, Арсенал, Баер, Астон вила, Интер, Брест и Лил по 13, Борусија Дортмунд, Баерн, Атлетико Мадрид и Милан по 12, Аталанта и Јувентус по 11, Бенфика, Монако, Спортинг, Феенорд и Клуб Бриж по 10, Реал Мадрид и Селтик по девет, Манчестер сити, ПСВ Ајндховен и Динамо Загреб по осум, Пари сен Жермен и Штутгарт по седум, Шахтер и Спарта Прага по четири, Штурм, Џирона, Црвена звезда и Салцбург по три, Болоња два, Лајпциг, Слован Братислава и Јанг бојс без бодови. Н.М.

ракомет Серафимов: Одиме понатаму, да одиграме исто и со Холандија…

Фото: ЕПА Имавме среќа или, како што постојано велеше Брајан Клаф, навистина имавме среќа што го добивме него, изјави О’Нил, некогашен фудбалер на Нотингем форест. Пред точно 50 години, раководството на клубот, свесно за потребата од свеж воздух, го донесе славниот фудбалски тренер, а она што, всушност, го доби, додека еден весник пророчки го прогласи тоа во својот наслов, беше „ураган“ од личност, што во рок од четири години ја трансформира екипата од второлигаш во европски гигант, пишува „Би-би-си“. Клаф го презеде Нотингем форест во 1975 година, две години подоцна влезе во Првата лига, ја освои титулата во Англија во 1978 и беше европски првак во 1979 и во 1980 година ФУДБАЛ Пред точно 50 години, раководството на Нотингем форест, свесно за потребата од свеж воздух, го донесе славниот фудбалски тренер Брајан Клаф на бреговите на реката Трент, а она што, всушност, го доби, додека еден весник пророчки го прогласи тоа во својот наслов, беше „ураган“ од личност, што во рок од четири години ја трансформира екипата од второлигаш во европски гигант, пишува „Би-би-си“. Мартин О’Нил беше еден од петте фудбалери на „црвените“ кога пристигна Клаф, кој две години подоцна ќе влезе во првата лига, ќе ја освои титулата во Англија 12 месеци потоа и ќе го освои првиот од двата по ред трофеи за европски првак во 1979 година. – Имавме среќа или, како што постојано велеше Клаф, навистина имавме среќа што го добивме него. Тој, исто така, велеше дека бевме второлигаш што не одеше никаде додека не дојде тој – изјави О’Нил за „Би-би-си“. Само три години порано и само околу 25 км подалеку, во Дерби, Клаф го освои својот прв голем трофеј во тренерската кариера, водејќи го тимот до првата англиска титула во 1972 година. И додека тој го однесе Дерби до полуфиналето на Купот на шампионите со Јувентус, расправијата со раководството доведе до негово заминување во 1973 година. Потоа тој беше менаџер на Брајтон, но ги напушти тогашните третолигаши по 32 натпревари за неславно 44-дневно водење на Лидс, каде што му се претстави на тимот што ја освои титулата на Англија само неколку месеци порано, велејќи дека треба да ги фрлат медалите во канта, пишува „Би-би-си“. „Најголемиот селектор што Англија никогаш не го имала“ Во децениите што следуваа го сметаа за „најголемиот селектор што Англија никогаш не го имала“, беше интервјуиран за таа позиција во 1977 и во 1982 година и нашироко се смета дека Фудбалската асоцијација го сметаше Клаф за премногу отворена фигура за да ја задржи работата, пишува „Би-би-си“. Некои во Форест беа нервозни од истите причини кога тргнаа по него како замена за Алан Браун, кој беше отпуштен по поразот дома со 2-0 од градскиот ривал Нотс Каунти, кој ги остави црвените на 13-то место во второто ниво во Англија, во почетокот на 1975 година. – Брајан Клаф беше многу контроверзна личност и многумина од раководството не сакаа тој да дојде. Мислам дека беа исплашени што ќе се случи. Мојот став беше едноставно дека не можеме да бидеме во полоша позиција од сега и ни требаше свеж воздух. И токму тоа беше Брајан Клаф – рече поранешниот претседател на Форест, Брајан Еплби, во интервјуто за „Би-би-си“, пред да почине во 2021 година. Весникот „Фудбал пост“ на Нотингем ги повтори токму тие зборови во написот објавен откако Клаф ја оствари првата победа, која го исфрли Тотенхем од ФА-купот во репризата во третото коло на стадионот „Вајт Харт Лејн“. УРАГАН – Не беше толку многу свеж воздухот што ги зафати ходниците на Градскиот стадион оваа недела, повеќе беше како ураган. Ветер на промени го зафати клубот и за еден час по неговото пристигнување, Брајан Клаф имаше поголемо влијание отколку што повеќето менаџери постигнуваат во текот на животот – пишува во почетокот на текстот. О’Нил вели дека се сеќава на првиот состанок со Клаф кога седел со соиграчите во соблекувалните на Градскиот стадион на денот на пристигнувањето на новиот тренер. Додека поранешниот играч од средниот ред вели дека многумина во таа соблекувална би биле релативно непознати за новиот шеф, самиот Клаф беше меѓу најпознатите во Велика Британија. Неговата личност беше позната надвор од стадионите, бидејќи неговата духовитост и умешност за забава како гостин во ТВ-шоу го направија медиумски миленик чиј каталог со незаборавни цитати останува дел од фудбалскиот лексикон до денес, пишува „Би-би-си“. – Во тоа време имаше многу малку телевизиски станици, но тој беше славна личност. Тој се појавуваше во шоуто на Мајкл Паркинсон, и можеби претерувам, но се чинеше како да е таму секои шест недели. Тој беше голема вест. Она што го имаше беше голема харизма – рече О’Нил. За еден 18-годишен навивач на Форест во тоа време, доаѓањето на Клаф во јануари беше дочекано како „доцен божиќен подарок“. Лијам Хит е навивач на црвените, кој сега има 68 години и живее и работи во Мијас, на јужниот брег на Шпанија, каде што е дел од неофицијалниот клуб на поддржувачи на Нотингем форест. Кога Клаф почнал да работи во Форест, Хит бил чирак електричар во Нотингем, кој се обидувал да создаде кариера во текот на „тридневната работна недела“, мерка донесена од тогашната влада за да се обиде да ги зачува намалените резерви на гориво во земјата. – Годината пред Клаф да му се приклучи на Форест беше мошне мрачна. Имаше штрајкови на рударите, земјата беше во тридневна работна недела и со тоа што јас бев втора година чирак, се прашував дали има иднина во мојата работа. Тоа беше мошне досадна година што се однесува до иднината – изјави Хит за „Би-би-си“. Додека беше во Лидс, Клаф само се чинеше дека го дополнува тој мрак, бидејќи го ангажира напаѓачот на Форест, Данкан Мекензи, кој се сметаше за еден од ретките светли точки во сезоната 1973/74, откако постигна 26 гола. – Клаф, откако го однесе нашиот најдобар играч во Лидс, не беше мојата омилена личност во светот во тоа време. Но тоа беше како доцен божиќен подарок. Дури се сеќавам дека добив дневник за Божиќ и мислев дека никогаш нема да пишувам во него, а првото нешто што го напишав беше на 6 јануари, дека Брајан Клаф е новиот менаџер на Нотингем Форест, со исклучително високи очекувања за тоа што ќе се случи – се сеќава Хит. ЧУВСТВО НА ИСЧЕКУВАЊЕ О’Нил, чија прва сезона со Форест заврши со испаѓање од Првата лига во 1972 година, се сеќава на истото чувство на исчекување во соблекувалната. – Почувствувавме дека нешто ќе се случи кога тој пристигна во фудбалскиот клуб. Тој пристигна на мрачно и очајно утро во јануари 1975 година, а на голем број играчи во соблекувалната, помлади играчи како мене, Тони Вудкок, Вив Андерсон, Џон Робертсон и Иан Бауер, тој апсолутно им ги промени животите – рече О’Нил. Она што го направи Клаф во следните 18 години на чело беше да му помогне на Форест да освои девет од 11-те главни титули што клубот ги има. Во негово време беа освоени две европски шампионски титули, европскиот Суперкуп, англиската титула, суперкупот на Англија и четири Лига-купа. Во 110-те години од основањето на Форест до доаѓањето на Клаф, клубот двапати го освои ФА-купот, трофеј што Клаф никогаш не го освои, и во 32-те години откако го напушти клубот единствениот трофеј е титулата во Втората лига, пишува „Би-би-си“. Кога Форест победи во финалето на плејофот за Чемпионшип против Хадерсфилд на Вембли во 2022 година за да се врати во Премиер-лигата по 23-годишно отсуство, тоа беше прв настап на клубот на националниот стадион откако Клаф последен пат го одведе таму за финалето на Лига-купот, три децении порано. Дури и сега, кога Форест е високопласиран во Премиер-лигата откако се бореше да избегне испаѓање во претходните сезони, подвизите на тимот постојано се споредуваат со оние од ерата на Клаф, пишува „Би-би-си“. – Го смени фудбалскиот клуб. Кога дојде Питер Тејлор (помошник-тренерот), тој му даде нова енергија, не е спорно тоа. Двајцата заедно беа апсолутен динамит. Клаф владееше, неговата личност беше насекаде и го заслужи целиот кредит поради она што го направи – вели О’Нил. Н.М.

Лазаров: Не’ очекуваат тешки борби, одиме да се подготвувамеСити броеше до шест на гостувањето кај Ипсвич

Каталонските медиуми денеска објавуваат дека Барселона има договор за позајмица на репрезентативецот на Англија, Маркус Рашфорд, но тој не може да се реализира. Проблеми прави Ансу Фати кој и покрај тоа што не е во плановите на Ханси Флик, не сака да си замине од клубот и да оди на позајмица. „Десетката“ на Барселона на последните четири натпревари воопшто не беше во комбинација за настап, но и покрај тоа се надева дека може да ја сврти ситуацијата во своја корист и може да се избори за место во екипата. Слична е ситуацијата со Рашфорд кој влезе во конфликт со Рубен Аморим веднаш по доаѓањето на Португалецот, но тој барем е свесен дека за него нема место во екипата и бара клуб каде може да ја продолжи кариерата.

Ракомет Џонов: Против Гвинеја мора да сме спремни на све

Десниот бек и повремен репрезентативец на Македонија, Тодор Тодороски зимава ќе има нов клуб. Откако си замина од романскиот тим Политехника Јаши, се најде на „радарот“ на неколку клубови. Прво се шпекулираше со негово враќање во Вардар, но таа опција отпаѓа затоа што сака да продолжи да игра во странство. Така сега за неговиот потпис се заинтересирани полскиот Сласк Вроцлав и казахстански Тобол. Од играта отпадна Неа Саламис од Кипар, поради разделбата со Чедомир Јаневски. Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА