ШоубизнисСлавни Адел го одложи концертот кој требаше да го одржи денес – низ солзи им се обрати на обожавателите (снимка) By A V - 18:45, 21 јануари Facebook Twitter Pinterest WhatsApp Славната британска пејачка Адел денеска, 21. јануари, требаше да го одржи првиот од 24-те концерти во Колосеумот на Цезар Палас во Лас Вегас. Но, пејачката беше принудена да ги одложи сите поради пандемијата на коронавирус. „Многу ми е жал, но шоуто не е подготвено. Половина од мојот тим има Ковид и беше невозможно да завршиме се` што сакавме. А доцнењето на испораката дополнително ми ги уништи сите планови“, рече пејачката во видеото објавено на нејзиниот Инстаграм. На крајот на ноември беше најавена серија концерти наречени Weekends With Adele, а до април требаше да се одржуваат два концерта секој викенд. Ова требаше да и бидат први концерти по петгодишна пауза, а на нив требаше да го промовира својот нов албум 30. Се проценуваше дека Адел ќе заработува 680.000 долари по настап. „Бев будна 30 часа обидувајќи се да ја спасам продукцијата, но се покажа невозможно. Исцрпена сум и длабоко им се извинувам на обожавателите кои веќе пристигнаа во Лас Вегас за концертот. Извинете, многу сум вознемирена и навистина ми е непријатно. Ќе ги поместиме сите датуми, веќе работиме на тоа“, рече пејачката. View this post on Instagram A post shared by Adele (@adele) Нејзините обожаватели имаа големо разбирање за неа и оставија бројни коментари за поддршка. „Се ќе биде добро“, „Луѓето ќе ја почувствуваат твојата љубов кога ќе дојде време, издржи“, „Животот е таков, тешки времиња се насекаде, не дозволувај тоа да те обесхрабрува“, „Не се нервирај за тоа, кралице “, „Не плачи, се` е во ред“, напишале нејзините фанови во коментарите. Адел пред неколку дена објави видео за песната Oh My God, кое излезе како дел од нејзиниот последен албум 30. TAGSТоп Facebook Twitter Pinterest WhatsApp Previous articleБрејвик еднакво опасен како и пред 10 години кога уби 77 лица A V...

АктуелноСветЦрна хроника Брејвик еднакво опасен како и пред 10 години кога уби 77 лица By A V - 18:40, 21 јануари Facebook Twitter Pinterest WhatsApp Норвешкиот масовен убиец Андерс Беринг Брејвик, кој во 2011 година уби 77 луѓе и рани неколку десетици, психички и карактерно не се подобрил за време на неговиот престој во затвор и мора да остане зад решетки, рече државниот обвинител Хулда Карлсдотир за време на сослушувањето за барањето на Брејвик за условно ослободување. – Тој не покажа сочувство или искрено жалење и продолжува да ја велича сопствената улога – рече Карлсдотир на крајот од тридневното сослушување. Брејвик, кој тврди дека е „антимуслимански неонацист“, уби осум лица со автомобил-бомба во Осло, а потоа застрела уште 69, главно тинејџери на островот Утоја. Неговото дело се смета за најголемото злосторство во Норвешка. Обвинителството претходно пред судот ги опиша убиствата, а денеска детално ги презентираше случаите на 33 преживеани кои беа ранети, од кои многу повеќепати и со трајна штета. Карлсдотир истакна дека верувањата на Брејвик дека повеќе нема да врши насилство едноставно не се веродостојни. Брејвик (42) отслужува максимална казна од 21 година затвор, која може да биде продолжена на неодредено време доколку продолжи да се смета за закана за општеството. Тој поднел барање за условен отпуст, велејќи дека се надева дека на крајот ќе биде ослободен. – Убеден сум дека сакам (да бидам ослободен) и дека нема да умрам во затвор. Мислам дека ќе бидам ослободен меѓу 2032 и 2070 година – изјави вчера Брејвик, кој до крајот на 2070 година ќе наполни 91 година. TAGSТоп Facebook Twitter Pinterest WhatsApp Previous articleПошта на Македонија во чест и сеќавање на ТошеNext articleАдел го одложи концертот кој требаше да го одржи денес – низ солзи им се обрати на обожавателите (снимка) A V...

ШоубизнисСлавни Пошта на Македонија во чест и сеќавање на Тоше By A V - 18:34, 21 јануари Facebook Twitter Pinterest WhatsApp АД „Пошта на Македонија“ по повод роденденот на Тоше Проески, 25 јануари започнува акција – „Во чест и сеќавање на Тоше“ преку која може да купите поштенска марка, ФДЦ коверт, максимум карта и масовен коверт. Филателистичките производи ќе може да се нарачаат онлајн, преку електронската продавница на Пошта www.postashop.mk. Поштенските марки се вечен паметник. Таква е и поштенската марка посветена на Тоше Проески која Пошта ја издаде во чест на нашата најголема музичка ѕвезда. Марката (фотографија на Дарко Мораитов), за првпат во историјата на Македонија е испечатена во еден милион примероци, со номинална вредност од 12 денари. Оваа марка, која беше промовирана на 15.12.2007 година, патува низ светот како што патува и неговата музика и неговата песна. Да се потсетиме на Тоше и да испратиме картичка со поштенска марка, со ликот на Тоше, на наш пријател или до Спомен куќата на Тоше Проески во Крушево и да напишеме колку ни значи Тоше. Да покажеме дека и сите ние, го сакаме исто толку, колку што тој нè сакаше нас! АД „Пошта на Македонија“ TAGSТоп Facebook Twitter Pinterest WhatsApp Previous articleШекеринска, Димитров и Царовска бараат апанажаNext articleБрејвик еднакво опасен како и пред 10 години кога уби 77 лица A V...

АктуелноМакедонијаПолитика Шекеринска, Димитров и Царовска бараат апанажа By A V - 17:04, 21 јануари Facebook Twitter Pinterest WhatsApp Четворица министри од владата на бившиот премиер Зоран Заев одат на апанажа, а бројката може да биде и поголема со оглед на тоа што се уште тече рокот во кој може да се поднесе вакво барање до собраниската Комисија за избори и именувања. Според информациите од Собранието, од поранешните членови на Владата на кои им заврши мандатот ноќта на 16 јануари, кога беше избран новиот владин кабинет, досега барање за апанажа доставиле доскорешните вицепремиер за европски прашања Никола Димитров, министерка за образование, Мила Царовска, и министерка за одбрана, Радмила Шекеринска. Претходната недела, пак Комисијата за избори и именувања го одобрила барањето за апанажа на ексминистерот за земјоделство, Аријанит Хоџа, како што информираа од Собранието, има право на апанажа во траење од девет месеци, со оглед на тоа што беше на функцијата од септември 2020 година до ноември 2021 година. Деветмесечна апанажа му е одобрена и на поранешниот заменик-министер за култура од редовите на Беса, Седат Сулејмани, кој исто како и Хоџа поднесе оставка во ноември минатата година. Според Законот за плата и други надоместоци на пратениците и другите избрани и именувани лица, функционерите на кои им престанал мандатот имаат рок од 30 дена да се вратат настарите работни места или да побараат апанажа, која им следува во зависност од тоа колку време биле на функцијата, но не подолго од една година. Ако мандатот на функционерот траел до шест месеци, тој има право на апанажа од три месеци. За мандат од шест до 12 месеци следува апажа половина година. Надоместокот е во траење од девет месеци за мандат од 12 до 24 месеци, а за подолг мандат од две години следува апанажа од една година. За време на остварувањето на ова право пратеникот ксфункционерот нема право на други примања и надоместоци на трошоц, односно апанажата ќе биде прекината, ако во меѓувреме се вработи. Надоместокот е во висина на платата што ексфункционерот ја добивал додека бил на функцијата. Димитров, Шекеринска и Царовска беа членови на Владата од средината на 2017, почнувајќи во првиот, а продолжувајќи и во вториот кабинет на Заев. Во периодот 2017-2020, Димитров беше шеф на дипломатијата, а Царовска министерка за труд и социјална политика, а едно време и вицепремиерка за економија – во преодната Влада, додека Шекеринска во изминатите четири и пол години беше на чело на одбраната. Од министерските позиции овој месец заминаа и Ирена Стефоска (култура), која е професорка на Институтот за национална историја и лекарката Јагода Шахпаска (труд и социјална политика), веројатно се враќаат на старите работни места. Досегашниот премиер Зоран Заев, пак, најави дека се враќа во семејните фирми во родната Струмица. Facebook Twitter Pinterest WhatsApp Previous articleВестбрук еден на еден со Гобер – дрско забивање преку човек (снимка)Next articleПошта на Македонија во чест и сеќавање на Тоше A V...

Спорт Вестбрук еден на еден со Гобер – дрско забивање преку човек (снимка) By A V - 14:25, 21 јануари Facebook Twitter Pinterest WhatsApp Иако со 25 поени, 7 скока и 7 асистенции, Леброн Џејмс беше лидерот кој во секоја смисла Лејкерски ги предводеше во победата над Јута Џез 101:95, сепак, Расел Вестбрук го имаше потегот на мечот. Забивањето кое го изведе со огромна дрскост, но и грубост, еден на еден со Руди Гобер може да конкурира за број 1 забивање на сезонава во НБА. TAGSТоп Facebook Twitter Pinterest WhatsApp Previous articleМалата „откачи“ на ЗЗ ТопNext articleШекеринска, Димитров и Царовска бараат апанажа A V...

ВебкафеЗемја на чудата Малата „откачи“ на ЗЗ Топ By A V - 14:18, 21 јануари Facebook Twitter Pinterest WhatsApp Девојчето на најслободен и најсимпатичен начин се забавуваше на уличната изведба на хитот од ЗЗ Топ. Точно во духот на уличните уметнички перформанси. TAGSТоп Facebook Twitter Pinterest WhatsApp Previous articleГлечер голем колку Луксембург кој се открши од Антарктикот се стопи и испушти милиони тони слатка вода во океанотNext articleВестбрук еден на еден со Гобер – дрско забивање преку човек (снимка) A V...

ВебкафеЗемја на чудата Глечер голем колку Луксембург кој се открши од Антарктикот се стопи и испушти милиони тони слатка вода во океанот By A V - 13:51, 21 јануари Facebook Twitter Pinterest WhatsApp Џиновски глечер, кој се одвои од Антарктикот во 2017 година, со топење испушти околу 61 милион олимписки базени слатка вода во океанот што покрена прашања за тоа како ова ќе влијае врз морскиот екосистем, се наведува во извештај објавен во текот на вчерашниот ден. Огромната санта мраз била двојно поголема од Луксембург кога се одвоила од ледената покривка Ларсен, која се загреала побрзо од кој било друг дел на најјужниот континент на Земјата. Според British Antarctic Survey (BAS), со површина од 5.719 километри квадратни, тој бил најголемиот глечер на Земјата кога се формирал и шести по големина забележан досега. Две години, „џинот” тежок 1 трилион тони, познат како А-68, плуташе во студените води на Веделското Море пред да отпатува на север и да му се закани на британскиот остров Јужна Џорџија, на околу 4.000 километри од неговата почетна точка. Глечерот, наречен А-68а, по откинувањето на парчето, се приближил до островот кон крајот на 2020 година, предизвикувајќи стравувања дека ќе се заглави на морското дно, блокирајќи ги океанските струи и попречувајќи го минувањето на илјадници пингвини и фоки. Сепак, според новата студија, глечерот иако накратко го допрел морското дно, брзо се стопил во потоплиот регион околу Јужна Џорџија и изгубил значајна количина од својата маса додека да стигне до поплитките води. Научниците кои го следеа неговото патување преку сателит пресметаа дека А-68 испуштил вкупно 152 милијарди тони слатка вода богата со хранливи материи во морето помеѓу крајот на 2020 година и неговото топење во 2021 година. Тоа е колку 20 пати поголема количина вода од таа во Лох Нес, Шкотска, односно 61 милион олимписки базени, соопшти БАС. Во соопштението се додава дека тоа е „нарушување кое би можело да има длабоко влијание на морскиот екосистем на островот”. – Тоа е огромна количина растворена вода, изјави Ен Бракман – Фолгман, научник во Центарот за поларни набљудувања и моделирање (CPOM), која го водела истражувањето објавено во весникот Remote Sensing of Environment. Таа додава дека следно што сакаат да го утврдат е тоа дали имало позитивно или негативно влијание на екосистемот околу Јужна Џорџија TAGSТоп Facebook Twitter Pinterest WhatsApp Previous articleЈелена Ѓоковиќ не користи парфеми во животот – еве со што „се мириса“Next articleМалата „откачи“ на ЗЗ Топ A V...

ШоубизнисСлавни Јелена Ѓоковиќ не користи парфеми во животот – еве со што „се мириса“ By A V - 10:03, 21 јануари Facebook Twitter Pinterest WhatsApp Јелена Ѓоковиќ, како одговор на на едно прашање на Инстаграм, откри дека не користи парфеми за кои некои трошат илјадници евра. На нејзината стори на Инстаграм, таа сподели порака од обожавател кој ја прашал што мисли за индустријата за парфеми. „Зрачите многу позитивна енергија, се гледа дека сте дете во душа, спонтано и секогаш желно за знаење. Имав прашање, што е со индустријата за парфеми, бидејќи сите ја сакаме, друга тема за истражување”, напишала нејзината придружничка. „Мило ми е што учиме заедно! Долго време користам есенцијални масла, не парфеми, одлично прашање“, ѝ одговорила Јелена. View this post on Instagram A post shared by Jelena Djokovic (@jelenadjokovicndf) TAGSТоп Facebook Twitter Pinterest WhatsApp Previous articleВрвот на американската и руската дипломатија денеска на средба во ЖеневаNext articleГлечер голем колку Луксембург кој се открши од Антарктикот се стопи и испушти милиони тони слатка вода во океанот A V...

АктуелноПолитикаСвет Врвот на американската и руската дипломатија денеска на средба во Женева By A V - 09:44, 21 јануари Facebook Twitter Pinterest WhatsApp Највисоки руски и американски дипломати денеска треба да остварат средба во Швајцарија на која ќе разговараат за растечките тензии околу Украина, откако серијата состаноци меѓу официјални претставници на двете страни минатата недела не постигнаа напредок. Американскиот државен секретар Антони Блинкен пристигна во Женева на разговори со рускиот министер за надворешни работи Сергеј Лавров по посетата на неколку европски земји за да ја поддржат посветеноста на американските сојузници да воведат санкции кон Русија доколку таа продолжи да ја напаѓа Украина. Надежите на Вашингтон за изградба на обединет опозициски фронт за Москва ги комплицираа коментарите на американскиот претседател Џо Бајден на прес-конференцијата во средата дека предвиде дека Русија ќе „инфилтрира“ во Украина и рече дека Москва скапо ќе плати. Русија распореди десетици илјади војници на границите со Украина, а западните земји стравуваат дека Москва планира нов напад врз земјата која изврши инвазија во 2014 година со цел да го анектира полуостровот Крим. Русија негира дека го планирала нападот, но вели дека би можела да преземе воена акција на неодредено време доколку не се исполни листата на барања, вклучително и ветувањето на НАТО дека никогаш нема да ја прифати Украина. Запрашан за коментарите на Бајден, портпаролот на Кремљ Дмитриј Песков рече дека Русија добивала слични предупредувања во изминатиот месец. Facebook Twitter Pinterest WhatsApp Previous articleГенералниот секретар на ОН, Гутереш, верува дека Русија нема да ја нападне УкраинаNext articleЈелена Ѓоковиќ не користи парфеми во животот – еве со што „се мириса“ A V...

АктуелноПолитикаСвет Генералниот секретар на ОН, Гутереш, верува дека Русија нема да ја нападне Украина By A V - 09:36, 21 јануари Facebook Twitter Pinterest WhatsApp Генералниот секретар на Обединетите Нации, Антонио Гутереш, предупреди дека ситуацијата во светот денеска е значително полоша од пред пет години поради пандемијата на ковид-19 која сè уште ја тресе планетата, поради климатската криза и геополитичките тензии што ги предизвикаа бројни судири. Но, за разлика од американскиот претседател Џо Бајден, тој смета дека Русија нема да ја нападне Украина. Не мислам дека Русија ќе ја нападне Украина. Се надевам дека моето уверување е точно, рече Гутереш, кој на 1 јануари го почна вториот петгодишен мандат на чело на ОН, во интервју за Асошиејтед прес. Тој нагласи оти не верува во воено решавање на проблемите кои постојат и дека најрационален начин за нивно решавање е преку дипломатски пат и низ сериозен дијалог. Гутереш истакна дека потенцијална инвазија би имала „страшни последици“. „Бевме во контакт со највисоки официјални претставници на Русија“, порача Гутереш, иако ОН, како што потенцира, не се директно ангажирани во украинската криза. Facebook Twitter Pinterest WhatsApp Previous articleБлинкен: Дури и ако еден руски војник ја премине украинската граница ќе го сметаме тоа за нападNext articleВрвот на американската и руската дипломатија денеска на средба во Женева A V...

АктуелноПолитикаСвет Блинкен: Дури и ако еден руски војник ја премине украинската граница ќе го сметаме тоа за напад By A V - 09:29, 21 јануари Facebook Twitter Pinterest WhatsApp Американскиот државен секретар Ентони Блинкен упати јавно предупредување до Русија дека САД ќе го сметаат за напад и тоа ако барем еден руски војник ја премине украинската граница. Блинкен денеска се среќава со рускиот министер за надворешни работи Сергеј Лавров. „Доколку макар и еден руски војник ја премине границата во Украина, тогаш ќе се занимаваме со сериозен проблем”, рече Блинкен во интервју за германската телевизија ЗДФ по средбата со канцеларот Олаф Шолц. Како што нагласи, тоа би бил многу јасен напад врз Украина, без разлика дали се работи за еден или 1.000 војници. Според него, постои голем ризик, не само во Украина, бидејќи руски војници биле испраќани и во Белорусија. Блинкен и Лавров ќе се сретнат денеска во Женева, а американскиот функционер истакна дека нема големи очекувања од тие разговори. Facebook Twitter Pinterest WhatsApp Previous articleПеточна и викенд временска прогнозаNext articleГенералниот секретар на ОН, Гутереш, верува дека Русија нема да ја нападне Украина A V...

АктуелноВремеМакедонија Петочна и викенд временска прогноза By A V - 09:18, 21 јануари Facebook Twitter Pinterest WhatsApp Денеска, петок, 21. јануари, времето во Македонија ќе биде облачно и студено со повремени врнежи од снег, особено претпладне. Врнежите ќе бидат пообилни во западните делови. Насекаде ќе се формира нова снежна покривка, освен во долниот тек на Повардарието. Заради ниските температури, ќе има појава на голомразица. Ќе дува умерен, вдолж Повардарието засилен северен ветер. Минималната температура ќе биде во интервал од -7 до -1, а максималната ќе достигне од -2 до 4 Целзиусови степени. Во Скопје, облачно и студено со повремени врнежи од снег, особено претпладне. Ќе дува умерен ветер од северен правец. Минималната температура ќе се спушти до -2, а максималната ќе достигне до 1 степен. За време на викендот и во почетокот на наредната седмица ќе преовладува променливо облачно, ветровито и многу студено време со повремен слаб локален снег. Утринските температури на места ќе се спуштаат под -10 степени, а дневните на повеќето места ќе се задржат под нула. Facebook Twitter Pinterest WhatsApp Previous articleРуско-италијанска научна студија тврди: Спутник V двојно поефикасна против омикрон сојот од вакцината на „Фајзер/Бионтек“Next articleБлинкен: Дури и ако еден руски војник ја премине украинската граница ќе го сметаме тоа за напад A V...

ЖивотЖивот и здравје Руско-италијанска научна студија тврди: Спутник V двојно поефикасна против омикрон сојот од вакцината на „Фајзер/Бионтек“ By A V - 22:07, 20 јануари Facebook Twitter Pinterest WhatsApp Руската вакцина против коронавирусот „Спутник V“ е двојно поефикасна во неутрализирањето на активноста на омикрон сојот на вирусот SARS-CoV-2 од вакцината на „Фајзер/БиоНТек“. Ова во денеска го соопштија од Рускиот фонд за директни вложувања (РФПИ) и научниот центар „Гамалеја“ по заедничката студија со италијанскиот Национален институт за заразни болести „Lazzaro Spallanzani“. – Според резултатите од студијата, вакцината „Спутник V“ покажа титар на вирусните неутрализирачки антитела на сојот омикрон (B. 1.1.529) повеќе од двапати повисока во споредба со двете вакцини од „Фајзер“ (2,1 пати повеќе во целина и 2,6 пати повеќе три месеца по вакцинацијата) – се наведува во соопштението за јавноста. Покрај тоа, стручњаците дошле до заклучокот дека „Спутник Лајт“, како дополнителна „бустер“ доза, ја зголемува активноста при вирусно неутрализирање против омикронот до нивоа споредливи со титрите коишто „Спутник V“ ги генерира во однос на изворниот сој на коронавирусот. – „Спутник Лајт“ претставува универзален засилувач за другите вакцини поради оптималната конфигурација на аденовиралната платформа во основата на вакцината „Спутник“, која обезбедува повисока заштита од сојот омикрон и другите мутации, што е потврдено со бројните студии – објавија од рускиот фонд кој учествуваше во развојот на вакцините против коронавирусот и во нивните промоции во странство. Руските и италијанските истражувачки дошле до заклучокот дека дополнителното вакцинирање со „Спутник Лајт“ е најдоброто решение за зголемување на ефикасноста на другите вакцини и продолжување на периодот на заштита во рамките на комбинираната употреба на вакцините. Студијата била спроведена под еднакви лабораториски услови од Институтот „Lazzaro Spallanzani“, врз основата на споредливи серумски примероци од поединци вакцинирани со „Спутник V“ и со „Фајзер“ со слични нивоа на IgG-антитела и активноста за неутрализирање на вирусот од изворниот сој идентификуван кон крајот на декември 2019 година во кинески Вухан. Руската вакцина е создадена врз посната веќе применувана за правење вакцини основа на аденоворуси, додека американско-германската се базира на новопојавената технологија на т.н. „информативна“ рибонуклеинска киселина (mRNA). TAGSТоп Facebook Twitter Pinterest WhatsApp Previous articleНови 1.172 случаи на Ковид-19 во Македонија во последното деноноќиеNext articleПеточна и викенд временска прогноза A V...

АктуелноМакедонијаЦрна хроника Нови 1.172 случаи на Ковид-19 во Македонија во последното деноноќие By A V - 21:58, 20 јануари Facebook Twitter Pinterest WhatsApp Во последните 24 часа во Македонија се регистрирани 1172 новозаразени пациенти со коронавирусот, а 13 луѓе починале, информира Министерството за здравство. Направени биле 4021 тестирања. Меѓу починатите има и лице од Велес на 30 години, и едно од Битола на 32 години. Останатите починати се на возраст од 59 до 84 години. Дванаесет луѓе починале во изминатите 24 часа, а еден починал на 15 јануари, но бил пријавен денеска. Петмина од починатите биле целосно вакцинирани. Регистрирани се 553 оздравени пациенти. Најмногу од новите случаи се регистрирани во Скопје – 629, Битола 109, Куманово 64, Охрид 53, Штип 36, Тетово 35, Кавадарци 30, Велес и Кичево по 27, Прилеп 25, Струмица 24, Гостивар 23, Ресен 20, Гевгелија 19, Струга 11, Неготино 9, Свети Николе 7, Крива Паланка и Богданци по 5, Кочани 3, Радовиш и Виница по 2, Берово, Дебар, Валандово, Кратово, Крушево, Демир Хисар и Дојран по еден. Од вкупниот број на позитивни (1.172), регистрирани се 145 реинфекции. Вкупната бројка на КОВИД-дијагностицирани лица во нашата земја од почетокот на епидемијата изнесува 250.876, бројот на оздравени пациенти е 223.606, на починати е 8.166, а бројот на активни случаи изнесува 19.104. Facebook Twitter Pinterest WhatsApp Previous articleФудбалскиот агент Мино Раиола во тешка здравствена состојба – лекарите се борат за неговиот животNext articleРуско-италијанска научна студија тврди: Спутник V двојно поефикасна против омикрон сојот од вакцината на „Фајзер/Бионтек“ A V...

ШоубизнисСлавни Фудбалскиот агент Мино Раиола во тешка здравствена состојба – лекарите се борат за неговиот живот By A V - 21:52, 20 јануари Facebook Twitter Pinterest WhatsApp Eден од најдобрите фудбалски агенти на денешницата и воопшто во историјата на фудбалот, 54-годишниот Мино Раиола се наоѓа во тешка состојба во миланската болница. Раиола пред осум дена беше итно опериран во болницата „Сан Рафаеле“ и немаше многу информации за неговата состојба. Вечерва од Италија пристигнуваат вести дека 54-годишниот агент е во тешка состојба. Според она што го пишуваат италијанските медиуми агентот се наоѓа во тешка состојба и е на интезивна нега додека докторите се борат за неговиот живот. Наводно проблемот на Раиола е со белите дробови. 💥 Informa @vonRichetti 🏥 Mino Raiola está hospitalizado en el Hospital San Raffaele de Milán 😔 Se encuentra en cuidados intensivos, ya que su estado sería grave 📞 Es el agente de futbolistas como @ErlingHaaland, @Ibra_official o @paulpogba, entre otros 📻 #PartidazoCOPE pic.twitter.com/aVt19e4H09 — El Partidazo de COPE (@partidazocope) January 20, 2022 TAGSТоп Facebook Twitter Pinterest WhatsApp Previous articleНа пешачки премин кај Сити Мол смртно прегазена 24-годишна девојкаNext articleНови 1.172 случаи на Ковид-19 во Македонија во последното деноноќие A V...

АктуелноМакедонијаЦрна хроника На пешачки премин кај Сити Мол смртно прегазена 24-годишна девојка By A V - 21:47, 20 јануари Facebook Twitter Pinterest WhatsApp Во сообраќајна трагедија која вечерва се случи во близина на „Сити Мол“ во Скопје, во населба Карпош, прегазена е 24-годишна девојка од Радовиш која загина на местото на настанот. Повредено е уште едно лице, кое е хоспитализирано, велат од МВР. „На 20.01.2022 год. во 19.44 час. пријавено е дека на ул.Московска со бул.Партизански Одреди се случила сообраќајна незгода во која ПМВ Цитроен управувано од Ј. Ѓ. (1999) од Скопје удрило во Л.Д. (1997) од Радовиш кој е повреден и пренесен во ГОБ 8-ми Септември и В.Н.1997 од Радовиш. која починала на лице место“, известуваат од МВР. Facebook Twitter Pinterest WhatsApp Previous article39 романи во игра за наградата „Роман на годината“ за 2022 на фондацијата „Славко Јаневски“Next articleФудбалскиот агент Мино Раиола во тешка здравствена состојба – лекарите се борат за неговиот живот A V...

НобелКултура 39 романи во игра за наградата „Роман на годината“ за 2022 на фондацијата „Славко Јаневски“ By A V - 19:31, 20 јануари Facebook Twitter Pinterest WhatsApp 39 романи оваа година се пријавиле за наградата „Роман на годината“ која ја доделува Фондацијата за унапредување и промоција на културните вредности „Славко Јаневски“. Ова го констатираше жири комисијата во состав: Владимир Јанковски (претседател), Катица Гароска Ацевска, Ермис Лафазановски, Лилјана Пандева и Катерина Богоева (претставник на Фондацијата). Жири-комисијата е должна да го соопшти добитникот на наградата најдоцна до 15 март оваа година. Наградата „Роман на годината“ годинава се доделува по 23-ти пат и се состои од плакета, оригинална статуетка и паричен износ од 150.000 денари. Во продолжение погледнете ги сите 39 романи кои ќе се натпреваруваат за оваа награда: „Сантос блуз“, Ненад Алексовски, „Арс Либрис“ „Опасна игра“, Мери Арсова, „Арс Либрис“ „Вистинска илузија во лажен свет“, Ангела Бош, „Ѓурѓа“ „Искра во мракот“, Е.Н.Веровска, „Муза“ „Се викам Лена“, Јагода Глигоровска, „Попули“ „Отпадот од духовните контејнери“, Јован Дамјановски, Тетово: „Напредок“ „Убиствата на пеперутката“, Теодора Ристеска Даскаловски, „Антолог“ 8. „Втората месечина“, Владо Димовски, „Арс Либрис“ „Сигурен ризик“ , Анде Јанков, „Антолог“ „Најосаменото место“, Симеон Јанков, „Или Или“ „Денот на црвот“, Симона Јованоска, „Или Или“ „Атласот на тајните“, Дејан Крстески,-Гостивар: Д.Крстески „Уништување“, Моџо Килингтон, „Арс Либрис“ „Тегли“, Јордан Коцевски, „ПНВ Публикации“ „Афера во музејот на пари“, Сашо Кузмановски, „Арс Либрис“ „Црната круна“, Илија Магденоски, „Антолог“ „Анатомија на бумбарот“, Стефан Марковски, „Паблишер“ „Лулу“, Јана Мишо, „Арс Либрис“ „Ловци на лажни вести од зграда 39“, Огнен Неделковски, Детски културен центар „Карпош“, Скопје „Врисок за избор“, Јадранка Павлек.-Св.Николе:Ј.Димитриева „Велиново“, Димче Парталоски, „Топер“ „Осамата на Мона Н.“, Загорка Поп-Антоска Андова, Центар за образование, култура и уметност „Данаил Станојески“ „Старчето“, Ѓорѓи Прчков, „Графо Пром“ „Патлачето“, Ѓорѓи Прчков, „Графо Пром“ „Сенки во подземјето“, Марија Ралповска, „Арс Либрис“ „Музеј на детството“, Алма Растодер, „Арс Либрис“ „Албино трип“, Александар Русјаков, „Арс Либрис“ „Трамонтана“, Наташа Сарџоска, „Три“ „Брезите што шумеа крај Темза“, Катерина Серафимовска, „Арс Либрис“ „Плетачката на тантели“, Билјана Станковска, „Феникс“ „Баба“, Луан Старова, „Паблишер“ „Теорија за кучешката година“, Милован Стефановски, „Матица Македонска“ „Лебед“, Ана Стојаноска, „Полица“ „Ноќите кога заспивавме во Помпеја“, Давор Стојановски, „Или Или“ „Храмот на натписите“, Петар Стојановски, „Арс Либрис“ „Деса“, Ивана Трајаноска, „Арс Либрис“ „Еден сив мартовски ден“, Тања Урошевиќ, „Или Или“ „Веќе не сум истиот“, Војо Цветановски, „Арс Либрис“ „Ден за одмазда“, Ивица Челиковиќ, „Паблишер“ Facebook Twitter Pinterest WhatsApp Previous articleОН ќе издејствува лекот за Ковид-19 наместо 700 да чини 20 долариNext articleНа пешачки премин кај Сити Мол смртно прегазена 24-годишна девојка A V...

ЖивотЖивот и здравје ОН ќе издејствува лекот за Ковид-19 наместо 700 да чини 20 долари By A V - 19:14, 20 јануари Facebook Twitter Pinterest WhatsApp Агенцијата за патенти на Обединетите нации склучила договор со речиси 30 фармацевтски компании за производство на генерички верзии на лекот молнупиравир против ковид-19 од Мерк, за посиромашните нации. На овој начин, ОН сакаат да обезбедат пристап до лекот за повеќе земји и луѓе во обид да ја потиснат пандемијата на коронавирус. За потпишување на договорот со Мерк е задолжена Агенцијата за патенти за лекови на ОН (MPP). Договорот ќе ја прошири листата на компании кои ќе го произведуваат овој антивирусен експериментален лек, со што значително ќе се зголеми количината и достапноста на молнупиравир. Претходно оваа година, Мерк потпиша билатерален договор за лиценцирање со осум индиски производители на генерички лекови, вклучувајќи ги Aurobindo Pharma, Cipla Ltd, Dr. Reddy’s Labs, Emcure Pharmaceuticals, Hetero Labs, Sun Pharmaceuticals и Torrent Pharmaceuticals. Сега новиот договор ќе им овозможи на компаниите – 27 од нив од Кина, Индија, Африка, Азија и Блискиот Исток – да произведуваат состојки и готов производ. Лекот на Мерк доби одобрение за итна употреба во САД во декември, откако се покажа дека за 30 проценти го намалува ризикот од болничко лекување и смрт кај пациенти со висок ризик. МПП наведува дека лекот, според договорот, ќе се дистрибуира во 105 помалку развиени земји, а ќе чини околу 20 американски долари. Тоа е пакување од 40 таблети за пет дена. Соединетите држави претходно се согласија да платат 700 долари за една терапија. Facebook Twitter Pinterest WhatsApp Previous articleКамчев нема да бара од Кичеец да му врати 1,5 милион евра – ќе бара обештетување од осудените во „Рекет“Next article39 романи во игра за наградата „Роман на годината“ за 2022 на фондацијата „Славко Јаневски“ A V...

АктуелноМакедонијаПолитика Камчев нема да бара од Кичеец да му врати 1,5 милион евра – ќе бара обештетување од осудените во „Рекет“ By A V - 17:49, 20 јануари Facebook Twitter Pinterest WhatsApp Бизнисменот Орце Камчев нема да бара од Зоран Милевски-Кичеец да му ги врати фамозните 1,5 милион евра од случајот „Рекет“. За оваа одлука неговите адвокати писмено го известиле Основниот граѓански суд, јави Телма. Телевизијата јавува дека тужбата не е повлечена и дека Камчев сѐ уште бара обештетување заради коруптивно однесување од осудените Бојан Јовановски и Катица Јанева, како и од Владата, Републичкото јавно обвинителство и распаднатото СЈО. Кои се причините за тужба против двете обвинителства, од кои СЈО е згаснато, ќе бидат познати на 14-ти февруари, кога се очекува да почне судењето. Камчев ја поднел тужбата есента, откако станаа правосилни пресудите во случајот „Рекет” на Јовановски од девет години затвор, на Катица од 7 и на Милески од 3 години. Facebook Twitter Pinterest WhatsApp Previous articleЃоковиќ пак го „јадат“ – сега заради оваа фотографија од авионNext articleОН ќе издејствува лекот за Ковид-19 наместо 700 да чини 20 долари A V...

ШоубизнисСлавни Ѓоковиќ пак го „јадат“ – сега заради оваа фотографија од авион By A V - 17:36, 20 јануари Facebook Twitter Pinterest WhatsApp Светскиот тениски рекет број еден, Новак Ѓоковиќ, во изминатиот период беше во центарот на вниманието поради сè што му се случуваше во Австралија. Откако беше депотиран од Австралија, Новак се врати во Белград, а фотографија од авионот која ја направил негов сопатник предизвика нови коментари. На Ѓоковиќ сега му се замерува затоа што не носи маска додека е во авионот. Маската во главно е задолжителна во сите авиокомпании. New rule. You don’t have to wear a mask when you’re reading or eating on the plane. #Djokovich #djokovic #Lacoste #Djokovid #NovakDjokovic #NoVaxDjoCovid pic.twitter.com/ervMWhVBNv — King of Malibu (@extrajohntra) January 17, 2022 За критичарите на Новак ова е нов доказ дека српскиот тенисер не е доволно внимателен во текот на пандемијата. TAGSТоп Facebook Twitter Pinterest WhatsApp Previous articleРубљев призна дека позитивен на Ковид влегол во Австралија – „може уште сум позитивен ако се тестирам“Next articleКамчев нема да бара од Кичеец да му врати 1,5 милион евра – ќе бара обештетување од осудените во „Рекет“ A V...

Спорт Рубљев призна дека позитивен на Ковид влегол во Австралија – „може уште сум позитивен ако се тестирам“ By A V - 17:32, 20 јануари Facebook Twitter Pinterest WhatsApp Рускиот тенисер Андри Рубљев предизвика реакции со својата изјава дека позитивен допатувал во Австралија Опен. Оваа негова изјава беше дочекана со реакции поради се што му се случуваше на Ѓоковиќ. Ѓоковиќ после 12-дневна сага беше депотиран и доби забрана за влес во Австралија откако властите не му го признаа „лекарското иземање“ да влезе невакцинирани во земјата. Сега Рубљев потврди дека тој влегол позитивен. „Не бев тестиран затоа што само што прележав ковид-19. Кога доѓав во Австралија уште бев позитивен. Но, нивото да ја проширам болеста беше премала. Ми беше дозволено да влезам во Австралија и да поминам 10 дена карантин. Ако се тестирам можеби се уште сум позитивен, сигурно е дека повеќе не сум опасен да јап ренесувам болеста. Затоа не правам ПЦР тестови“, изјавил Рубљев. TAGSТоп Facebook Twitter Pinterest WhatsApp Previous articleАД ЕСМ од денеска го презема работењето на БЕГ и Топлификација Скопје СеверNext articleЃоковиќ пак го „јадат“ – сега заради оваа фотографија од авион A V...

АктуелноБизнисМакедонија АД ЕСМ од денеска го презема работењето на БЕГ и Топлификација Скопје Север By A V - 09:59, 20 јануари Facebook Twitter Pinterest WhatsApp Државната АД ЕСМ денеска го презема работењето на БЕГ и Топлифкација Скопје Север. Ова се предвидува со кризната состојба на пазарот со топлинска енергија која ја прогласи Владата. Министерот за економија Крешник Бектеши вели дека нема точна пресметка колку пари ќе чини оваа криза. „Сѐ ќе зависи од тоа како ќе се движат берзанските цени на гасот. Засега предвидени се 6 милиони евра за покривање на трошоците на снабдувачите со топлинска енергија“, изјави министерот Бектеши кој сепак уверува дека доколку се потребни повеќе пари имало доволно средства во буџетот. Според него, нема да има проблеми до крајот на грејната сезона. Инаку, кризната состојба што ја прогласи владата е во времетраење од 30 дена. Владата реши да го стави БЕГ под еден вид на „принудна управа“ до крајот на грејната сезона, и преку ЕСМ да го стабилизира пазарот на топлинска енергија, откако во решавањето на проблемот не се вклучија Градот Скопје и општините. „Ние не субвенционираме приватни фирми и затоа е донесена одлука од страна на ЕСМ, која е фирма во 100 процентна сопственост на државата, да се преземе управувањето со БЕГ. Преку државната ЕСМ ќе се покрива разликата од реалната и постојната цена за корисниците“, вели Бектеши. Обвинителството три години води предистражна постапка за лиценците на БЕГ Долговите што ги прават БЕГ и АД Скопје Север кон АД ТЕ-ТО и Макпетрол за снабдување со гас во изминатите неколку дена заклучно со 21 јануари ќе треба да ги решат приватните компании со меѓусебни договори за одложено плаќање или на некој друг начин. Денеска најверојатно ќе има нов договор меѓу ЕСМ, БЕГ и Скопје Север. Во врска со одговорноста околу ладните радијатори во Скопје, министерот за економија вели дека веќе има постапки во Обвинителството за издавањето на лиценците за БЕГ во 2012 година, а за обврските што ги има согласно дадената лиценца, РКЕ може да провери дали БЕГ имал резерви мазут за 15-дневна работа како што произлегува од обврската од Законот за енергетика. Facebook Twitter Pinterest WhatsApp Previous articleЃоковиќ ќе поднесе тужба против Австралија и ќе бара 6 милиони долари обештетувањеNext articleРубљев призна дека позитивен на Ковид влегол во Австралија – „може уште сум позитивен ако се тестирам“ A V...

ШоубизнисСлавни Ѓоковиќ ќе поднесе тужба против Австралија и ќе бара 6 милиони долари обештетување By A V - 09:35, 20 јануари Facebook Twitter Pinterest WhatsApp Најдобриот тенисер на светот, Новак Ѓоковиќ, протеран од Австралија во пресрет на Грен слем турнирот, планира да ја тужи владата на оваа земја.Тенисерот ќе бара оштета 6 милиони долари, објавија британските медиуми. Ѓоковиќ ќе се жали за изгубен приход од парични награди за спортски настап, плаќања за спонзорство, како и морална штета за незаконски притвор и малтретирање. Точно, сè уште не е сосема јасно на кој суд ќе се обрати спортистот, бидејќи нема толку многу структури во светот што можат да ја повикаат целата држава на одговорност, особено надвор од Европа. На 5 јануари, Ѓоковиќ беше приведен на аеродромот во Мелбурн поради прекршување на визните прописи и влез во Австралија без вакцинација против Ковид. Новак беше сместен во хотел за оние кои чекаат депортација, но четири дена подоцна беше ослободен и му беше дозволено да тренира. На 14 јануари повторно беше издадена наредба за депортација против Србинот, во врска со фактот дека присуството на ѕвезда антиваксер во земјата се заканува со масовни немири. Обидите на тенисерот да ја оспори оваа одлука на суд беа неуспешни, тој ја напушти Австралија и не можеше да учествува на Грен слемот во Мелбурн. TAGSТоп Facebook Twitter Pinterest WhatsApp Previous articleЗверев загрижен за состојбата на Австралија Опен: „Сигурно има повеќе тенисери позитивни на Ковид-19, ама не ги тестираат“Next articleАД ЕСМ од денеска го презема работењето на БЕГ и Топлификација Скопје Север A V...

Спорт Зверев загрижен за состојбата на Австралија Опен: „Сигурно има повеќе тенисери позитивни на Ковид-19, ама не ги тестираат“ By A V - 09:29, 20 јануари Facebook Twitter Pinterest WhatsApp Германскиот тенисер и светски рекет број 3, Александар Зверев, е загрижен за моменталната состојба со Ковид-19 меѓу учесниците на Австрлиа Опен. Зверев смета дека веројатно има повеќе играчи заразени со ковид-19 на Австралија Опен, но тие не се тестираат, пренесува Ројтерс. Оваа изјава како ладен туш доаѓа само два дена по депортацијата на асот Новак Ѓоковиќ од Мелбурн. – Дозволено ни е да излеземе да јадеме, да правиме што сакаме, така што мислам дека е природно повеќе луѓе да заболат од ковид – им рече Зверев на новинарите по победата во второто коло против Австралиецот Џон Милман. Французинот Хуго Амбер претходно денеска објави дека е позитивен на коронавирусот, ден по поразот во првото коло од неговиот сонародник Ришар Гаске, поради што беше изолиран во Австралија една недела. Но, веројатно има и други позитивни меѓу тенисерите. – Мислам дека неколку играчи имаа проблем кога пристигнаа. Мислам дека сега има многу играчи. Не се тестираме, па мислам дека ако се тестиравме, веројатно ќе имаше повеќе позитивни отколку сега – рече Зверев. Од Ројтерс, пробале да контактираат со „Тенис Австралија“ за коментар во врска со новиот скандал. Според Еј-Би-Си Њуз, австралиски портал, играчите имаат обврска да вршат брзи антигенски тестови само на дневна основа, а се контролираа само оние тестови кои се спроведуваат на денот на пристигнувањето и помеѓу петтиот и седмиот ден од нивниот престој во Австралија. Австралискиот тенисер Бернард Томиќ минатата недела ги критикуваше протоколите за тестирање за ковид-19 за време на квалификациите. – Не можам да верувам дека никој не се тестира. Тие им дозволуваат на играчите да излезат на терен со брзи тестови во нивната соба. Официјално ПЦР-тестирање нема – рече Томиќ. TAGSТоп Facebook Twitter Pinterest WhatsApp Previous article„Тоа е сибирски рис. Јаде недостојни луѓе и пие само вотка“ – мачориште од 12,5 килограмиNext articleЃоковиќ ќе поднесе тужба против Австралија и ќе бара 6 милиони долари обештетување A V...

ВебкафеЗемја на чудата „Тоа е сибирски рис. Јаде недостојни луѓе и пие само вотка“ – мачориште од 12,5 килограми By A V - 09:24, 20 јануари Facebook Twitter Pinterest WhatsApp За време на карантинскиот период поради коронавирус пандемијата во 2020 година, во Русија, кога беше на сила режимот на самоизолација, 34-годишната Јулија Минина од Стари Оскол во Белгородската област, заедно со сопругот и двете деца, решаваат да си купат мачка за времето поминато дома да им биде позабавно и повесело. „Никогаш досега не сме имале мачки. Ги прелистувавме огласите на блиската одгледувачница и сосем случајно видовме мало бело маче. Сите останати изгледаа некако обично, а тој беше единствениот во леглото. Веднаш се вљубив“, се присетува Јулија. Кога дошла да го земе, веднаш се разочарала, бидејќи на фотографијата изгледал посимпатично. „Никој не ни можеше да претпостави дека толку грдо маче ќе прерасне во бела тумба од крзно“, вели Минина. Децата му го дале смешното име Кефир. На почетокот бил многу слаб, но на четири-пет години почнал да јаде сé што ќе стигне и постојано си играл со семејството. View this post on Instagram A post shared by @yuliyamnn Кога имал девет месеци, туфките на ушите и опашот му станале двојно подолги, а на една година Кефир станал трипати поголем. Сега има една година и десет месеци и тежи 12,5 килограми. „Според карактерот е како човек. Многу е паметен. Дури и кога вечераме седи со нас на маса, има свое столче, па ни прави друштво“, вели Минина за својот бел мачор. Мејн Куните ретко мјаукаат, така што нивниот мачор понекогаш „преде сосем тивко“. View this post on Instagram A post shared by @yuliyamnn „Исто така е навикнат да ми спие на градите. Кога беше маче, тоа беше во ред. Но, сега, кога ноќе на гради ми легнуваат 12,5 килограми… само едноставно морам да го избркам“, објаснува газдарицата. Џулија не разбира зошто нејзиниот мачор е толку популарен. Двапати го фотографираше за својот „Инстаграм“ и фотографијата брзо се појави во руските и странските медиуми и форуми, вклучувајќи го и „Редит“. Фотографијата со Кефир собра 18 илјади лајкови и десетици коментари на „Редит“. Едни претпоставуваат дека газдарицата намерно се обидела да направи мачорот да изгледа поголем со помош на специјален објектив и оптичка илузија, додека други го коментираа неговиот намуртен израз. View this post on Instagram A post shared by @yuliyamnn „Тоа е сибирски рис. Јаде недостојни луѓе и пие само вотка“, „И не изгледа многу среќен. Изгледа како да дошол по вотка и недостојни души и дека му снемало вотка“, пишуваат странците во коментарите. Според Јулија, повеќето руски и странски обожаватели на Кефир не веруваат дека мачорот навистина постои и прашуваат да не е во прашање монтажа. „Многумина истом така сакаат да го купат „Кефир“, но тоа би било страшно. Тој е член на семејството. Нема да го дадеме под ниеден услов, само почесто ќе го фотографираме“, вели Минина. Извор: Русија Бијонд на македонски јазик TAGSТоп Facebook Twitter Pinterest WhatsApp Previous articleСо моментално 18.498 активни случаи на Ковид-19 Македонија се враќа во групата на ризични земјиNext articleЗверев загрижен за состојбата на Австралија Опен: „Сигурно има повеќе тенисери позитивни на Ковид-19, ама не ги тестираат“ A V...

АктуелноМакедонијаЦрна хроника Со моментално 18.498 активни случаи на Ковид-19 Македонија се враќа во групата на ризични земји By A V - 08:43, 20 јануари Facebook Twitter Pinterest WhatsApp Бројот на активни случаи на Ковид-19 во Македонија секојдневно се зголемува. Според податоци кои вчера ги објавија од Институтот за јавно здравје, нивниот број во државава достигна 18.498 од кои повеќе од половина – 9.714 се во Скопје. Расте и бројот на реинфекции. Од направени 6.353 тестови, регистрирани се нови 2.051 случај со ковид-19 од кои 276 реинфекции, седум починати и 747 оздравени пациенти. Директорот на Институтот за имунологија, д-р Александар Петличковски синоќа во телевизиско гостување рече дека околу пикот сме на сојот омикрон, имајќи предвид дека и во земјите во соседството и во земјите во Западна Европа, овој последен бран на корона инфекцијата се ширеше многу брзо и многу побрзо стивнуваше. Тој истакна дека не очекува во следните месеци и години короната да биде сериозен проблем за човештвото. Препорачува да се носат маски N95. Вкупниот број ковид-дијагностицирани лица во земјава од почетокот на епидемијата изнесува 249.704, бројот на оздравени пациенти е 223.053, а на починати е 8.153. Заради ситуацијата со ковид-19, Германија ја врати Македонија на листата на ризични земји, а нови ковид протоколи има и за влез во Финска и Хонг Конг. Со најновата одлука на германските власти, од македонските државјани при влез во Германија се бара електронско пријавување и поседување потврда за вакцинација или за прележан ковид или негативен ПЦР тест. За лицата кои не биле заразени со ковид и не се вакцинирани, следува 10-дневен карантин, а можат да бидат ослободени најрано на петтиот ден со тестирање за ковид-19. Од оваа мерка се ослободени невакцинираните деца до шест години, на кои карантинот им се прекинува по пет дена. Со нов ковид-протокол е и Република Финска. Сите лица, вклучувајќи и наши државјани, кои не можат да се вакцинираат против ковид-19 од медицински причини, можат да влезат во Финска доколку имаат лекарско уверение кое го покажува тоа, заедно со потврда за негативен ковид-19 тест, не постар од 48 часа. Сите останати (освен оние со регулиран престој) кои пристигнуваат во Финска и натаму се задолжени да приложат доказ за целосна вакцинација или оздравување од ковид-19 (во изминатите шест месеци) заедно со негативен тест за ковид (не постар од 48 часа). Истовремено, Владата на Хонг Конг донесе одлука за измена на условите за влез во Хонг Конг, согласно која Македонија се наоѓа во група А земји каде се детектирани случаи на омикрон. Поради тоа, се ограничува влез на наши државјани и странци (кои не се резиденти на Хонг Конг), а кои во изминатите 21 ден престојувале во Македонија. Дополнително, дозволен е влез за резиденти на Хонг Конг, но со 21 дневен задолжителен карантин и 6 ПЦР теста, информираат од МНР. Брзо ширење на омикрон сојот на коронавирусот има речиси во сите држави, а експертите предупредуваат дека врвот на инфекцијата допрва доаѓа. Продолжување за уште една седмица на актуелните мерки во Грција што се однесуваат на угостителските објекти, спортските натпревари и работата од дома, најави вчера министерот за здравство на Грција, Танос Плеврис, говорејќи на грчката телевизија ЕРТ, јави дописничката на МИА од Атина. Сепак, конечната одлука на грчката Влада ќе се базира на препораката на надлежната комисија на епидемиолози. На 30 декември 2021 година беше воведено ограничено работно време до полноќ за угостителските објекти, забрана за музика, забрана за стоење и најмногу шест гости на маса, спортските натпревари се со публика до десет отсто од капацитетот или најмногу 1.000 лица, а 50 отсто од вработените во јавниот и приватниот сектор работат од дома. Првично, планирано беше мерките да бидат во сила до 16 јануари, а минатата седмица беа продолжени до 23 јануари. „Се чини дека кулминацијата на омикрон сојот дојде многу порано од очекуваното, но со делта сојот постои огромен притисок врз здравствениот систем. Додека во заедницата омикрон е 90 отсто раширен, кај хоспитализациите процентот е поделен, бидејќи има болни од делта, кои се разболеле за време на празниците, затоа логично е, за да го следиме феноменот, да има продолжување на мерките“, рече Плеврис, објаснувајќи дека ќе ја чекаат препораката од експертите. Во изминатите два дена, по пауза од еден месец, во Грција беше регистриран трицифрен број починати од ковид-19. Завчера беа регистрирани 106 смртни случаи, а ден претходно починаа 101 лице. Иако има намалување на бројот на нови случаи на ковид-19 и веќе една седмица новозаразените на дневно ниво се под 30.000, сепак и понатаму е висок бројот на пациенти приклучени на апарати на одделите за интензивна нега, вкупно 673 заклучно со завчера. Во изминатите седум дена во Франција дневната контаминација со коронавирус достигна рекордни бројки од над 300.000 позитивни лица, објави јавното здравство, но завчера оваа бројка се зголеми на 464.769. Со тоа просекот за неделата достигна 309.433 дневни случаи, наспроти 281.965 претходниот вторник, јави дописникот на МИА. Луѓето во Англија од следната недела повеќе нема да мора да носат маски. Научниците веруваат дека ширењето на сојот омикрон го достигнал својот врв во Британија, изјави вчера британскиот премиер Борис Џонсон. Најави дека засега ќе продолжи да важи условот за луѓето да се изолираат, но не се очекува продолжување на законодавството за самоизолација, што истекува во март. Премиерот изрази намера да се обиде порано да се постигне укинување на тоа барање. „Поради итна кампања за зголемување на дозите вакцини за засилување, во комбинација со начинот на кој општеството реагираше на мерките на планот Б, можеме да се вратиме на планот А во Англија, што значи дека правилата на Планот Б ќе престанат да важат од четврток следната недела“, рече Џонсон. Посочи дека задолжителните сертификати за коронавирус ќе бидат укинати, но компаниите би можеле да одлучат да продолжат со спроведување на пропусниците за ковид ако сакаат. Генералниот директор на Министерството за здравство на Израел, Нахман Еш вчера изјави дека 71.593 Израелци биле позитивни на коронавирусот завчера, но изрази уверување дека многу повеќе луѓе се заразени во изминатите 24 часа – дури 200.000. Здравствените власти во Белгија најавија дека вакцината „Новавакс” неодамна одобрена во Европа, ќе пристигне во земјата кон крајот на февруари. Цивилниот механизам за заштита на ЕУ вчера испорача над 2,2 милиони дози вакцини во Иран за бегалците од Авганистан. Првиот човек на Светската здравствена организација (СЗО), Тедрос Адана Гебрејсус, ги предупреди светските лидери дека пандемијата на коронавирусот „не е ни блиску до својот крај”. Тој потсети дека некои европски земји бележат рекорден број на нови случаи поради сојот омикрон. Би-Би-Си пренесе дека Тедрос на редовната прес-конференција во седиштето на СЗО во Женева, кажал дека сојот омикрон само минатата недела предизвикал 18 милиони нови инфекции ширум светот. „Иако овој сој може да се покаже дека е помалку сериозен, наративот дека се работи за блага болест е погрешен. Не правете грешка, омикрон предизвикува хоспитализации и смртни случаи, а уште потешки случаи ги поплавуваат здравствените установи“, рече директорот на СЗО. Тој ги предупреди глобалните лидери дека „со неверојатниот напредок на омикрон на глобално ниво, најверојатно ќе се појават нови варијанти на вирусот, поради што следењето и евалуацијата остануваат клучни”. „Исто така сум особено загрижен за многу земји кои имаат ниски стапки на вакцинација, бидејќи луѓето се многу повеќе изложени на ризик од сериозни болести и смрт доколку не се вакцинираат“, истакна Тедрос. Директорот за вонредни ситуации на СЗО, Мајк Рајан, предупреди дека зголемената преносливост на омикрон веројатно ќе доведе до зголемување на хоспитализациите и смртните случаи, особено во земјите каде што се вакцинирани помалку луѓе. „Експоненцијалното зголемување на случаите, без разлика на тежината на поединечните варијанти, доведува до неизбежно зголемување на хоспитализирањата и смртните случаи“, рече Рајан. Facebook Twitter Pinterest WhatsApp Previous articleНајслабите армии на светот – ја има и нашата во пописотNext article„Тоа е сибирски рис. Јаде недостојни луѓе и пие само вотка“ – мачориште од 12,5 килограми A V...

ВебкафеЗемја на чудата Најслабите армии на светот – ја има и нашата во пописот By A V - 08:40, 20 јануари Facebook Twitter Pinterest WhatsApp YouTube каналот BE AMAZED има објавено видео на кое прави попис и споредба на земјите со најслаби армии на светот. Македонската армија е опишана на првото место во листата. На видеото нашата армија е опишана дека брои 13.000 припадници, од кои 5.000 се резервисти, а годишно на одбрана сме трошеле 108 милиони долари, што е за 7.000 пати помалку од буџетот за одбрана кој го има САД, или Македонија троши само 0,85% од бруто домашниот производ годишно на одбрана. Тоа е многу помалку во споредба со земјите од Европската Унија, каде просекот изнесува 1,3%. Понатаму во видеото се вели дека Македонија поседува воздушни сили, или 14 транспортни хеликоптери и 4 воени. Следна на листата е Босна и Херцеговина, па Суринам, Сомалија, Бутан, Коста Рика, Маурициус и Монако. TAGSТоп Facebook Twitter Pinterest WhatsApp Previous articleСонце преку ден, снег во вечерните часови – временска прогноза за овој четвртокNext articleСо моментално 18.498 активни случаи на Ковид-19 Македонија се враќа во групата на ризични земји A V...

АктуелноВремеМакедонија Сонце преку ден, снег во вечерните часови – временска прогноза за овој четврток By A V - 08:26, 20 јануари Facebook Twitter Pinterest WhatsApp Времето во Македонија, денеска, 20. јануари, ќе биде сончево со мала локална облачност. Кон крајот на денот во западните делови облачноста ќе се зголеми. Во текот на ноќта во западните и северните делови ќе има локални врнежи од снег. Ќе дува слаб, а во западните делови умерен ветер претежно од западен правец. Минималната температура ќе биде во интервал од -10 до -2, а максималната од 4 до 10 Целзиусови степени. Во Скопје сончево, попладне со умерена облачност. Ќе дува слаб до умерен ветер од југозападен правец. Во текот на ноќта ќе има врнежу од снег. Минималната температура ќе се спушти до -6, а максималната ќе достигне до 6 степени. Под влијание на влажен и студен бран, врнежите од снег ќе продолжат и утре, кога ќе се прошират и во останатите делови. Пообилни врнежи ќе има во западните подрачја и насекаде ќе се формира снежна покривка, а на планините таа ќе се зголеми. Помала снежна покривка ќе се формира и во останатите делови, освен во долниот тек на Повардарието. Заради ниските температури, ќе има појава на голомразица. Ќе дува засилен северен ветер, Потоа во следните денови ќе се задржи променливо облачно, студено и ветровито време со повремен локален снег. Дневните температури на повеќе места ќе бидат под нулата. Facebook Twitter Pinterest WhatsApp Previous articleВо последните 24 часа во Македонија 2.051 нов случај на Ковид-19Next articleНајслабите армии на светот – ја има и нашата во пописот A V...

АктуелноМакедонијаЦрна хроника Во последните 24 часа во Македонија 2.051 нов случај на Ковид-19 By A V - 19:06, 19 јануари Facebook Twitter Pinterest WhatsApp Министерството за здравство информира, дека во последните 24 часа направени се 6.353 тестови, а регистриран е 2.051 нов случај на КОВИД-19: Скопје – 1.027, Битола – 170, Прилеп – 107, Куманово – 86, Струмица – 55, Тетово – 49, Охрид – 48, Штип – 47, Кавадарци – 45, Гостивар и Кочани – по 43, Гевгелија – 39, Кичево – 34, Велес – 32, Радовиш – 30, Струга – 24, Делчево – 22, Свети Николе – 21, Ресен – 19, Неготино – 15, Кратово – 14, Валандово – 12, Берово, Богданци и Демир Хисар – по 10, Крива Паланка и Крушево – по 8, Демир Капија – 6, Пехчево – 5, Пробиштип – 4, Македонска Каменица – 3, Македонски Брод – 2, Дебар, Виница и Дојран – по 1. Од вкупниот број на позитивни (2.051), регистрирани се 276 реинфекции. Регистрирани сe 747 оздравени пациенти од: Скопје – 473, Битола – 47, Куманово – 39, Охрид – 30, Кавадарци – 29, Прилеп – 27, Гостивар – 18, Велес – 13, Струга – 9, Гевгелија – 8, Штип – 7, Струмица, Делчево и Ресен – по 6, Кочани – 5, Радовиш и Виница – по 4, Крушево и Пробиштип – по 3, Неготино, Македонски Брод и Дебар – по 2, Кичево, Валандово, Богданци и Дојран – по 1. Во текот на изминатите 24 часа регистрирани се 7 починати лица: по 2 починати лица од Скопје (82г и 86г) и Битола (48г и 65г) и по едно починато лице од Крива Паланка (76г), Прилеп (77г) и Охрид (70г). Пријавените лица се починати во болнички услови. Согласно Регистарот на умрени лица со дијагноза КОВИД-19 од Мој Термин, пријавени се 7 починати лица од Скопје (2), Гостивар (2), Гевгелија (1), Струмица (1) и Тетово (1) починати во период од 08-14.01.2022. Починатите се на возраст од 47г до 89г. Од пријавените случаи 3 се починати во болнички услови и 4 се во домашни услови. Од вкупниот број на починати лица (n=14), четири лица се целосно вакцинирани. Facebook Twitter Pinterest WhatsApp Previous articleМасовните протести дадоа резултат – Рио Тинто си оди од СрбијаNext articleСонце преку ден, снег во вечерните часови – временска прогноза за овој четврток A V...

АктуелноПолитикаРегион Масовните протести дадоа резултат – Рио Тинто си оди од Србија By A V - 18:59, 19 јануари Facebook Twitter Pinterest WhatsApp Масовните еко-протести во Србија очигледно вродија со плод, а компанијата „Рио Тинто“ ќе си оди од Србија за неколку недели кога ќе истече нејзината лиценца која нема да биде продолжена, а воедно ќе биде откажан и проектот „Јадар“, пренесува ПлусИнфо. Утре попладне на седница на Владата ќе се зборува за копањето литиум во Лозница и за целиот случај. – Мене ми е важно што сакаат луѓето во Србија. Дозволите издадени за „Рио Тинто“ наскоро ќе истечат, ќе го откажеме просторниот план во кој беше вклучен проектот „Јадар“ и тоа е тоа – рече премиерката на ТВ Прва. Три последователни викенди, илјадници демонстранти во Белград и на други места во Србија ги блокираа главните патишта и мостови за да се спротивстават на планот за ископување литиум вреден 2,4 милијарди долари . Протестите беа најголемиот предизвик досега за владата на Александар Вучиќ. Градскиот совет на Лозница исто така гласаше против отворањето на ваков рудник. За Брнабиќ, тоа е еден наследен проект од 2012, кога Министерството за животна средина издало лиценца за дупчење со голем дијаметар. – Ниту ќе издаваме решение, ниту ќе правиме нешто повеќе, не само за „Рио Тинто“, туку и за литиумот, без договор со локалната заедница и локалното население – истакна Брнабиќ. Англо-американската корпорација „Рио Тинто“ е втора фирма во светот во областа на металите и рударството, по фирмата БХП. Facebook Twitter Pinterest WhatsApp Previous articleТориевците тврдат: Премиерот Џонсон плачеше во приватните соби на парламентот и повторуваше „Извинете!“Next articleВо последните 24 часа во Македонија 2.051 нов случај на Ковид-19 A V...

АктуелноПолитикаСвет Ториевците тврдат: Премиерот Џонсон плачеше во приватните соби на парламентот и повторуваше „Извинете!“ By A V - 18:37, 19 јануари Facebook Twitter Pinterest WhatsApp Британскиот премиер Борис Џонсон вчера плачел во приватните простории на парламентот, тврдат пратеници од редовите на Ториевците. Тој се соочи со тешки обвинувања за неговото справување со ковид-кризата, особено откако се дозна дека присуствувал на забава со стотина луѓе, јавува Нова. – Борис плачеше пред неколкумина од нас. Постојано велеше – извини. Знае дека е готов – изјави еден пратеник за „Мејл он Сандеј“. Околу 20 пратеници вчера одржаа состанок за да го координираат испраќањето писма потребни за да се започне со гласањето за недоверба на Џонсон. Постојат шпекулации дека прагот од 54 писма за да се иницира гласање недоверба може да се достигне уште денеска. Иако се чини дека пристигнуваат многу писма, другите пратеници сакаат да ги почекаат резултатите од истрагата за аферата „Партигејт“ што ја спроведе највисоката државна службеничка Сју Греј, кои би можеле да пристигнат веќе во петок. Во моментов се одржува собраниска седница, на која Џонсон одговара на бројните обвинувања од пратениците на ториевците. Facebook Twitter Pinterest WhatsApp Previous articleСЗО апелира дека светот е далеку од крајот на пандемијата на коронавирусотNext articleМасовните протести дадоа резултат – Рио Тинто си оди од Србија A V...

ЖивотЖивот и здравје СЗО апелира дека светот е далеку од крајот на пандемијата на коронавирусот By A V - 18:32, 19 јануари Facebook Twitter Pinterest WhatsApp Првиот човек на Светската здравствена организација (СЗО), Тедрос Адана Гебрејсус, упати предупредување до светските лидери дека пандемијата на коронавирусот „не е ни блиску до својот крај”. Тој потсети дека некои европски земји бележат рекорден број на нови случаи поради сојот омикрон. Би-Би-Си пренесе дека Тедрос, на редовната прес-конференција во седиштето на СЗО во Женева, кажа дека сојот омикрон само минатата недела предизвикал 18 милиони нови инфекции ширум светот. -Иако овој сој може да се покаже дека е помалку сериозен, наративот дека се работи за блага болест е погрешен, рече тој. „Не правете грешка, омикрон предизвикува хоспитализации и смртни случаи, а уште потешки случаи ги поплавуваат здравствените установи”, рече директорот на СЗО. Тој ги предупреди глобалните лидери дека „со неверојатниот напредок на омикрон на глобално ниво, најверојатно ќе се појават нови варијанти на вирусот, поради што следењето и евалуацијата остануваат клучни”. -Исто така сум особено загрижен за многу земји кои имаат ниски стапки на вакцинација, бидејќи луѓето се многу повеќе изложени на ризик од сериозни болести и смрт доколку не се вакцинираат, рече тој. Директорот за вонредни ситуации на СЗО, Мајк Рајан, предупреди дека зголемената преносливост на омикрон веројатно ќе доведе до зголемување на хоспитализациите и смртните случаи, особено во земјите каде што се вакцинирани помалку луѓе. -Експоненцијалното зголемување на случаите, без разлика на тежината на поединечните варијанти, доведува до неизбежно зголемување на хоспитализирањата и смртните случаи, рече Рајан. Facebook Twitter Pinterest WhatsApp Previous articleMicrosoft за 68,7 милијарди долари станува сопственик на компанијата која ги создаде култните Call of Duty и WarcraftNext articleТориевците тврдат: Премиерот Џонсон плачеше во приватните соби на парламентот и повторуваше „Извинете!“ A V...

НобелТехнологија Microsoft за 68,7 милијарди долари станува сопственик на компанијата која ги создаде култните Call of Duty и Warcraft By A V - 17:57, 19 јануари Facebook Twitter Pinterest WhatsApp Технолошкиот гигант Microsoft објави дека ја купува Activision Blizzard за 68,7 милијарди долари. Трансакцијата, пишува Ројтерс, била извршена одеднаш. Ова е огромна и изненадувачка вест што може драстично да влијае на иднината на растечката индустрија на видео игри. Activision е познат по серијата Call of Duty, но и по многу други популарни наслови. Покрај Call of Duty, Activision Blizzard ги има следните наслови: Warcraft, World of Warcraft, Diablo, Crash Bandicoot, StarCraft, Tony Hawk, Overwatch, Candy Crush, Guitar Hero, Spyro… Тоа е најголемата аквизиција во историјата на индустријата за игри. Сè уште не е можно да се знае, но лесно е можно оваа аквизиција да има огромно влијание врз иднината на индустријата за игри. Имено, Microsoft е сопственик и производител на популарната конзола Xbox, која со години води голема битка со поуспешниот и се уште популарен PlayStation. Со оваа аквизиција, Xbox сигурно ќе добие огромен замав, имајќи предвид дека сите горенаведени игри, како и многу други произведени од Activision Blizzard, би можеле да бидат ексклузивни за конзолата на Microsoft. Тоа, се разбира, е само можност. Но, секако гејмерската индустрија се соочува со огромни промени после ова. За почеток, претплатниците на Xbox Game Pass наскоро ќе ги добијат повеќето од гореспоменатите наслови. „Ќе ги ставиме сите наслови на Activision Blizzard на Game Pass на конзолите и компјутерите на Xbox“, рече Фил Спенсер, шеф на Xbox. Веста доаѓа нешто повеќе од една година откако Microsoft ја купи ZeniMax Media за 7 милијарди долари, давајќи не само Bethesda Game Studios туку и Arkane Studios, id Software и Machine Games во еден потег. Поради овој потег, Microsoft има игри од сериите Elder Scrolls, Fallout, Doom, Dishonored и Wolfenstein. Ова се исто така некои од најпопуларните игри на сите времиња. TAGSТоп Facebook Twitter Pinterest WhatsApp Previous articleХоландските власти тврдат дека откриле кој ја предал Ана Франк на нациститеNext articleСЗО апелира дека светот е далеку од крајот на пандемијата на коронавирусот A V...

ВебкафеЗемја на чудата Холандските власти тврдат дека откриле кој ја предал Ана Франк на нацистите By A V - 13:05, 19 јануари Facebook Twitter Pinterest WhatsApp Шестгодишната истрага која ја спроведоа холандските власти за предавството на Ана Франк го идентификуваше осомничениот за смртта на една од најпознатите еврејски жртви на холокаустот. Нејзиното засолниште го открил еврејскиот нотар Арнолд ван дер Берг, според тврдњата на тимот во кој бил и пензионираниот агент на американското Федерално биро за истраги (ФБИ) Винсент Панкок и околу 20 историчари, криминолози и експерти за анализа на податоци, пренесува Ројтерс. Истражувачите заклучиле дека е „многу веројатно“ Ван ден Берг да го предал семејството Франк за да го спаси сопственото семејство, изјави член на истражувачкиот тим Питер ван Твиск за дневниот весник „NRC њузпејпер“. Како што беше соопштено, идентификувањето на предавникот било со цел да се реши една од најголемите мистерии во Холандија за време на Втората светска војна. Со користење на техники за анализа на голем број на податоци, составена е главна база на податоци со списоци на нацистички соработници, доушници, историски документи, полициски записи и претходни истражувања за да се откријат нови траги. Врз основа на сознанија за местото каде се криела и мотивот за предавство, визуелизирани се десетици сценарија и локации на осомничените за да се идентификува предавникот. Нацистите ја пронашле Ана на 4 август 1944 година, по две години криење. Мип Гис, една од помагачите на ова семејството, го зачувала дневникот на Ана на безбедно место сè додека таткото на Ана, Ото, не го објавил во 1947 година, две години по смртта на Ана во логорот Берген Белсен на 15-годишна возраст. Нејзиниот дневник е прочитан од милиони читатели ширум светот и е преведен на 60 јазици. TAGSТоп Facebook Twitter Pinterest WhatsApp Previous articleПочина најстариот човек на светотNext articleMicrosoft за 68,7 милијарди долари станува сопственик на компанијата која ги создаде култните Call of Duty и Warcraft A V...

ВебкафеЗемја на чудата Почина најстариот човек на светот By A V - 12:52, 19 јануари Facebook Twitter Pinterest WhatsApp Најстариот човек на светот, Сатурнино де ла Фуенте Гарсија од Леон, Шпанија, почина на возраст од 112 години и 341 ден, објавија од Гинисовата книга на рекорди. Во септември 2021 година, Гарсија го собори Гинисовиот рекорд за најстара личност во светот, пренесува „New York Post“. Сатурнино де ла Фуенте Гарсија бил роден на 11 февруари 1909 година и зад себе остави седум ќерки, 14 внуци и 22 правнуци. Бил висок само метар и пол, поради што успеал да избегне учество во Шпанската граѓанска војна во 1936 година. Наместо тоа, почнал да работи како чевлар. Гарсија еднаш како рецепт за долг живот изјави дека никој не треба да биде повреден. Facebook Twitter Pinterest WhatsApp Previous articleМартин Гоџо го фати светиот крст на охридското пристаништеNext articleХоландските власти тврдат дека откриле кој ја предал Ана Франк на нацистите A V...

АктуелноМакедонија Мартин Гоџо го фати светиот крст на охридското пристаниште By A V - 10:56, 19 јануари Facebook Twitter Pinterest WhatsApp Младиот Мартин Гоџо од населбата Варош во Охрид денеска го фати светиот крст кој беше положен во осветените води на Охридското Езеро. Тој беше најсреќниот меѓу стотината капачи кои запливаа во студените води на езерото, кои утрово беа осветени со богојавленска богослужба на која чиноначалствуваше Митрополитиот Дебарско-кичевски, Тимотеј. По минатогодишниот привремен прекин поради пандемијата со Ковид-19, годинава продолжи вековната традиција на положување на крстот во осветените води. Facebook Twitter Pinterest WhatsApp Previous articleЕвропската агенција за лекови апелира: mRNA вакцините против Ковид-19 не се штетни за бремените жениNext articleПочина најстариот човек на светот A V...

ЖивотЖивот и здравје Европската агенција за лекови апелира: mRNA вакцините против Ковид-19 не се штетни за бремените жени By A V - 10:25, 19 јануари Facebook Twitter Pinterest WhatsApp Европската агенција за лекови, повикувајќи се на деталните анализи на неколку научни истражувања и студии, апелира дека вакцините против ковид-19 произведени со помош на технологијата mRNA не предизвикуваат компликации во бременоста кај идните мајки и нивните бебиња. Анализата, базирана на истражување на околу 65.000 бремености во различни фази, не открила знаци на зголемен ризик од компликации, спонтани абортуси, предвремено породување или сериозни несакани ефекти на mRNA кај бремените жени, соопштила Европската агенција за лекови (ЕМА). Pfizer и германскиот партнер BioNTech, како и Moderna, моментално доставуваат вакви вакцини во Европската унија. Иако ЕМА признава некои ограничувања во податоците, соопшти дека резултатите се конзистентни во сите студии. „Придобивките од примањето mRNA вакцина против Ковид-19 за време на бременоста ги надминуваат сите можни ризици за идните мајки и неродените бебиња“, велат од агенцијата. Внатрешниот преглед на тимот, исто така, покажал дека вакцините против Ковид-19 се исто толку ефикасни во намалувањето на ризикот од хоспитализација и смрт кај бремените жени како и кај небремените жени. Неколку земји од ЕУ веќе ја поддржале употребата на вакцини против Ковид-19 за бремени жени, а поддршката на ЕМА за mRNA вакцините веројатно ќе ги поттикне кампањите за вакцинација во помалите земји кои се потпираат на научната експертиза на регулаторите. Facebook Twitter Pinterest WhatsApp Previous articleКовид-19 јако го удрил Надал (снимка)Next articleМартин Гоџо го фати светиот крст на охридското пристаниште A V...

ШоубизнисСлавниСпорт Ковид-19 јако го удрил Надал (снимка) By A V - 09:31, 19 јануари Facebook Twitter Pinterest WhatsApp Рафа Надал сподели со јавноста како поминал кога бил позитивен на Ковид-19. Вирусот не бил баш „добар“ со него. TAGSТоп Facebook Twitter Pinterest WhatsApp Previous articleВлошена епидемиолошка состојба со Ковид-19 – за една недела бројот на нови случаи е зголемен за една третинаNext articleЕвропската агенција за лекови апелира: mRNA вакцините против Ковид-19 не се штетни за бремените жени A V...

АктуелноМакедонијаЦрна хроника Влошена епидемиолошка состојба со Ковид-19 – за една недела бројот на нови случаи е зголемен за една третина By A V - 09:25, 19 јануари Facebook Twitter Pinterest WhatsApp Во периодот од 10 до 16 јануари, во Македонија, бројот на нови Ковид-19 случаи е зголемен за една третина (33,9 отсто) споредено со претходната седмица. Поточно, дијагностицирани биле 11.123 од направени 45.401 тест и просекот на позитивност бил 24,4 отсто. Епидемиолошките информации укажуваат дека земјата се наоѓа во пик на заразата и затоа, по препорака на Главниот координативен кризен штаб, Владата донесе одлука второто полугодие за околу 255 илјади ученици наместо утре да почне на 1 февруари. Според неделниот извештај на Институтот за јавно здравје, од минатиот до понеделникот оваа недела, половина од заразените (50,6 проценти т.е. 5630) се од Скопје. Најзастапена возрасна група кај инфицираните е од 30 до 39 години. Зголемување на бројот на заболени има кај сите возрасни групи, особено кај лицата над 60 години, со раст од 99,6 отсто и кај тие од 50 до 59 – со зголемување од 90,3 отсто во однос на претходната недела. Во текот на минатата недела пријавени биле 1.247 реинфекции, што споредено со неделата претходно е зголемување од 31,8 проценти. Од вкупно 96 позитивни примероци на SARS-CoV-2, кај 57 (59,4%) е детектиран сојот омикрон, откриен во седум градови (Скопје, Кавадарци, Тетово, Охрид, Кочани, Велес и Гевгелија). Неделниот извештај на ИЈЗ покажува и дека од 10 до 16 јануари имало 55 смртни случаи од КОВИД-19, во 15 градови, што е за 34,1 проценти повеќе од минатата недела. Најголем дел од нив се од Скопје (22) и се луѓе над 60 години. На болничко лекување се 439 лица што е една четвртина повеќе во споредба со претходна недела. Со новите 2269 КОВИД-случаи од последното деноноќие, од кои 1169 се во Скопје и 310 се реинфекции, дијагностицирани со коронавирус во земјава од почетокот на епидемијата достигна 247 663. Активни случаи има 17 218 и од нив 9167 се во главниот град. Четирицифрен број активни има Битола (1516), речиси илјада (960) се во Прилеп, а над триста имаат Куманово (662), Охрид (548), Кавадарци (426),Струмица (345) и Велес (327). Влошена е епидемиолошката состојба и во земјите од Западен Балкан, а особено е тешко во Словенија, Србија и Хрватска, каде вчера се евидентирани рекорден број новозаразени. Србија регистрираше 18 006 случаи од 39 740 тестирани примероци, соопшти Министерството за здравство, откако претходно премиерката Ана Брнабиќ го најави негативниот рекорд соопштувајќи дека „бројот ќе биде катастрофален“. Од речиси 40 000 тестирани, 45,3 отсто биле позитивни, што значи дека речиси секој втор тестиран бил заразен со корона. На почетокот на годината во Србија дневно имаше нешто повеќе од 2000 заразени, но бројот на заразени почна нагло да расте, што експертите го поврзуваат со масовните собири за прослава на Нова година. Позитивни на брзи антигени тестови во изминатото деноноќие во Хрватска биле 6001 лице од тестирани 40 575. Кога ќе се додадат позитивните кои направиле ПЦР-тестови, се доаѓа до 13 549 новозаразени, што е рекорд од почетокот на пандемијата во таа земја. Апсолутен дневен рекорд од 8681 нов случај на коронавирус беше потврден вчера и во Словенија, каде што стапката на позитивност достигна речиси 63 отсто. Неделниот пораст на нови случаи е речиси 17 отсто. Во Босна и Херцеговина вчера се регистрирани 3342 новозаразени лица од вкупно 7529 тестирани за коронавирус. Во изминатите 24 часа во земјата починале 39 лица. Во последните 24 часа во Црна Гора од коронавирус починале шест лица, а регистрирани се 1814 нови случаи на зараза. Едно лице почина како последица на коронавирусот и 720 се позитивни во Косово, каде што во моментов има 5678 активни случаи. Пик на заразата бележат и земји што се далечни од нашиот регион – Австралија вчера се соочи со најсмртоносниот ден од избувнувањето на пандемијата бидејќи ширењето на сојот омикрон продолжи да ги зголемува стапките на хоспитализација на рекордно ниво, и покрај падот на дневниот број нови инфекции. Во земјата вчера беа регистрирани 77 смртни случаи, што го надминува претходниот национален максимум од 57 смртни случаи регистрирани минатиот четврток. Австралија досега има пријавено околу 1,6 милион инфекции со коронавирус од почетокот на пандемијата, од кои околу 1,3 милион се регистрирани во последните две недели. Наспроти информациите дека омикрон, новата варијанта на коронавирусот, може да ја запре пандемијата, американски официјални лица од здравството повикуваат на внимателност. Ентони Фаучи, главен советник за здравство во Белата куќа, за време на виртуелен панел, рече дека КОВИД-19 може да остане со нас засекогаш како ендемска болест. Големо прашање е, рече тој, дали намерно инфицирање со вирусот е слично на вакцинација на што сите се надеваат. – Тоа ќе биде случај ако не се појави друга варијанта која го надминува имунолошкиот одговор на претходната. Но, и тогаш КОВИД-19 најверојатно ќе стане дел од светот како ендемска болест, рече Фаучи. Facebook Twitter Pinterest WhatsApp Previous articleМакедонија повторно стана ризична земја за Германија – еве што ќе ви треба ако сакате да патувате тамуNext articleКовид-19 јако го удрил Надал (снимка) A V...

АктуелноМакедонијаПолитикаСвет Македонија повторно стана ризична земја за Германија – еве што ќе ви треба ако сакате да патувате таму By A V - 09:09, 19 јануари Facebook Twitter Pinterest WhatsApp Поради актуелната ситуација со пандемијата на ковид-19 кај нас, Германија ја врати Македонија на листата на ризични земји и со најновата одлука на германските власти, од македонските државјани при влез во Германија се бара електронско пријавување и поседување на потврда за вакцинација или за прележан ковид или негативен ПЦР тест. За лицата кои не биле заразени со Ковид и не се вакцинирани, следува мерката за 10 дневен карантин, при што можат да бидат ослободени најрано на петтиот ден со тестирање за ковид-19. Од оваа мерка се ослободени невакцинираните деца до шест години, на кои сепак карантинот им се прекинува по пет дена. Нов ковид-протокол има и Финска. Таму сите лица, вклучувајќи и наши државјани, кои не можат да се вакцинираат против ковид-19 од медицински причини, можат да влезат доколку имаат лекарско уверение кое го покажува тоа, заедно со потврда за негативен ПЦР тест, не постар од 48 часа. Сите останати (освен оние со регулиран престој) кои пристигнуваат во Финска и натаму се задолжени да приложат доказ за целосна вакцинација или оздравување од ковид-19 (во изминатите шест месеци) заедно со негативен ПЦР тест, не постар од 48 часа. И Владата на специјалниот административен регион Хонг Конг донесе одлука за измена на условите за влез, според која Македонија се наоѓа во Група А земји каде се детектирани случаи на омикрон. Поради тоа, се ограничува влез на наши државјани и странци (кои не се резиденти на Хонг Конг), а кои во изминатите 21 ден престојувале во Македонија. Дополнително, дозволен е влез за резиденти на Хонг Конг, но со 21 дневен задолжителен карантин и 6 ПЦР теста. Facebook Twitter Pinterest WhatsApp Previous articleНадал лесно се пласираше во третото коло од Австралија ОпенNext articleВлошена епидемиолошка состојба со Ковид-19 – за една недела бројот на нови случаи е зголемен за една третина A V...

Спорт Надал лесно се пласираше во третото коло од Австралија Опен By A V - 08:56, 19 јануари Facebook Twitter Pinterest WhatsApp Шпанскиот тенисер Рафаел Надал без поголеми проблеми се пласираше во третото около на Австралија Опен. Надал во второт около од првиот гренслем играше против германскиот тенисер Јаник Ханфман и лесно славеше со 3:0 во сетови. Првиот сет траеше 48 минути и веќе беше јасно дека Ханфман тешко ќе успее нешто да направи во овој меч. Надал одлично влезе во мечот и првиот сет го доби со 6:2. Шпанецот со добрата игра продолжи и во вториот сет и изгледаше како да игра со половина сила. Ханфман имаше нешто посилен отпор во вториот сет, но на крајот и тој сет го освои Надал со 6:3. Третиот сет се играше еден час и на крајот Надал успеа да го добие со 6:4. TAGSТоп Facebook Twitter Pinterest WhatsApp Previous articleПравославните христијани денеска го слават Богојавление – ВодициNext articleМакедонија повторно стана ризична земја за Германија – еве што ќе ви треба ако сакате да патувате таму A V...

АктуелноНобелИсторијаКултураМакедонијаСвет Православните христијани денеска го слават Богојавление – Водици By A V - 08:44, 19 јануари Facebook Twitter Pinterest WhatsApp Православните верници денеска го слават големиот празник Богојавление кој се одбележува уште од вториот век. На денешен ден, според христијанското верување, Свети Јован Крстител го покрстил Исус Христос во реката Јордан. Празникот се нарекува уште и Водици поради големиот водосвет што го извршува црквата на овој ден. Празникот Водици (Богојавление) народот го празнува како еден од најголемите христијански празници, зашто на тој ден Исус Христос е крстен од Свети Јован Крстител во реката Јордан. Со тоа на овој празник му се дава значење на крштевањето како една од повеќето свети тајни на христијанството. Крштевањето значи и духовно раѓање, односно почеток на човековото живеење во верата. Затоа кумот се смета за духовен родител на крстениот и најблизок роднина. Со овој празник завршуваат не само дванаесетте т.н. Некрстени денови туку и циклусот зимски празнувања во кој спаѓаат уште и свеченостите поврзани со Бадник, Божик, Нова Година (Василица) и сл. Значи, празникот Богојавление се однесува на настанот на Христовото крштевање во реката Јордан од страна на Свети Јован Крстител, кој уште се вика и Претеча што значи претходник. Тој со своето учење одел пред Исус, што значи му претходел на Исус и затоа е наречен Претеча. Св. Јован го повикувал народот на покајание и му кажувал дека е дојдено времето кога ќе се појави Спасителот на Светот. Притоа луѓето ги крштевал со вода и им кажувал дека тој што ќе дојде по него ќе ги крсти со Свет Дух. „Јас ве крштевам со вода; но иде посилен од мене, Кому не сум достоен да Му ги одврзам ни ременчињата на обувките Негови. Он ќе ве крстеи со Дух Свети и со оган.“ (Лука, 3/16) Овој настан се нарекува Боголавление (Епифанија – јавување). Во почетокот на празнувањето на Богојавление, во овој празник биле слеани повеќе спомени, меѓу кои и Раѓањето Христово. „Во четвртиот век празниците биле одделени, така што Христовото раѓање било пренесено на 25 декември, на денот кога паганите го празнувале богот на Сонцето, а христијаните го празнуваат Сонцето на правдата.“ Крштевање значи потопување. И гусарите кога планирале да потопат некој брод велеле ќе го крстиме. И крштевањето се изведува преку потопување во водата. На тој начин верникот излегува од водата измиен од гревовите. „Според Јован Дамаскин Христос се крсти за да ги уништи главите на демоните во водата, бидејќи постоело сфаќање дека демоните живеат во водата; за да го измие гревот и да го погреба целокупниот стар Адам во водата, за да го освети Крстителот затоа што не го освети Претечата Христа туку Христос го освети Претечата, кога последниов ја стави својата рака врз Христовата глава; за да го исполни законот; затоа што Он Самиот го даде и не требаше да испадне негов престапник, за да ја открие тајната на Света Троица, бидејќи во тој час имаме јавување на Света Троица; за да стане образец на нашето крштение коешто е совршено крштение и се врши со вода и Дух Свети.“ Со своето крштевање во реката Јордан Исус ги освети водите. И денес на денот Богојавление се извршува осветување на водите „Така по осветувањето водата престанува да биде вода на падот и станува вода на обновување, бидејќи се соединува со несоздадената благодат Божја“. Богојавление бил празник на многубожниот бог давател Дајбог кој ги исполнувал желбите на луѓето кои му се обраќале при отворањето на небото. Имено, според верувањето, ноќта спроти празникот, точно на полноќ, на глуво доба, се отворало небото и на сите што будни ќе го дочекале тој час Бог им ги исполнувал желбите. Според едно предание од Охрид што го забележал Кузман Шапкарев некој човек што овој миг го гледал низ прозорецот сакајќи да има еден осмак пари по погрешка рекол: „Дај ми Господи, еден осмак глава.“ И за чудо на часот главата му пораснала колку еден осмак, та не можел да си ја тргнит назат од пенџерата и му останала надвор од пенџерата, а тој како закоан на неа.“ Тој час како што се верува и водите престанувале да течат за миг и биле многу лековити. Од таа вода да се налеело можело да се лекуваат разни болести. Ако пак не се налеела во тој миг водата можела таква да се направи откако ќе се освети (покрсти) по специјален обред што го изведува свештеникот. По минатогодишниот привремен прекин поради пандемијата со ковид-19, годинава продолжува традицијата на положување на крстот во осветените води. Facebook Twitter Pinterest WhatsApp Previous articleСончева среда со студено утроNext articleНадал лесно се пласираше во третото коло од Австралија Опен A V...

АктуелноВремеМакедонија Сончева среда со студено утро By A V - 08:29, 19 јануари Facebook Twitter Pinterest WhatsApp Во Македонија времето денеска ќе биде сончево со мала локална облачност и со слаб до умерен северозападен ветер најизразен вдолж Повардарието. Минималните температури ќе бидат во интервал од -9 до 1, а максималните од 2 до 9 степени. Во Скопје наутро ќе преовладува студено, а преку денот сончево време со мала локална облачност. Ќе дува слаб до умерен северозападен ветер. Минималните температури ќе се спуштат до -4, а максималните ќе достигнат до 6 степени. Од УХМР информираат дека до утре попладне ќе се задржи стабилно и суво време, со пониски утрински температури. Влажен и студен бран со врнежи од снег ќе се прошири од запад утре во вечерните часови и во текот на ноќта. Заради ниските температури ќе има појава на голомразица. Во петок преку денот врнежите ќе завршуваат. Пообилни врнежи ќе има во западните делови, каде насекаде ќе се формира снежна покривка, а на планините таа ќе се зголеми. Помала снежна покривка ќе се формира и во останатите делови, освен во долниот дел на Повардарието. Facebook Twitter Pinterest WhatsApp Previous articleПикот на овој бран во ек: 2.269 нови случаи на Ковид-19 регистрирани во последните 24 часа во МакедонијаNext articleПравославните христијани денеска го слават Богојавление – Водици A V...

АктуелноМакедонијаЦрна хроника Пикот на овој бран во ек: 2.269 нови случаи на Ковид-19 регистрирани во последните 24 часа во Македонија By A V - 20:11, 18 јануари Facebook Twitter Pinterest WhatsApp Од направени 7038 тестови во последните 24 часа во Македонија се регистрирани 2.269 нови случаи на Ковид-19. Од вкупниот број позитивни, 310 се реинфекции, соопшти вечерва Министерството за здравство. Оздравени се 1420 пациенти, а починати во изминатото деноноќие се 13 лица и дополнително 11 преку Регистарот на умрени лица со дијагноза КОВИД-19 од „Мој термин“, со датум на смрт од 3 до 16 јануари 2022. Од новите дијагностицирани, во Скопје се 1169, Битола – 183, Прилеп – 165, Куманово – 88, Кавадарци – 56, Гевгелија – 48, Охрид – 44, Тетово – 43, Струмица – 35, Кочани – 34, Гостивар, Велес и Кичево имаат по 33 нови случаи, Ресен – 32, Струга – 31, Неготино – 26, Крива Планка, Радовиш и Берово по 24, Делчево – 19, Валандово – 15, Демир Хисар – 14, Свети Николе и Кратово по 13, Штип и Крушево по 11, Македонски Брод – девет, Виница и Македонска Каменица по осум, Пехчево – седум, Пробиштип, Богданци и Дојран по пет и еден новозаразен има Демир Капија. Во текот на изминатите 24 часа регистрирани се 13 починати лица: пет од Скопје (64г, 66г, 68г, 79г и 82г), тројца од Струмица (58г, 61г и 66г), двајца од Кавадарци (52г и 87г) и по едно починато лице од Куманово (73г), Струга (77г) и Охрид (54г). Пријавените лица се починати во болнички услови. Согласно Регистарот на умрени лица со дијагноза КОВИД-19 од „Мој термин“, пријавени се 11 починати лица – четири од од Гевгелија, по двајца починати од Струмица, Струга и Кичево и еден починат од Богданци, во период од 3 до 16 јануари 2022. Починатите се на возраст од 47г до 87г. Од пријавените случаи, три лица починале во домашни и осум се во болнички услови. Facebook Twitter Pinterest WhatsApp Previous articleФраерскиот сервис и другите финти на Кирјос на Австралија Опен 2022 (снимка)Next articleСончева среда со студено утро A V...

ВидеоСпорт Фраерскиот сервис и другите финти на Кирјос на Австралија Опен 2022 (снимка) By A V - 17:49, 18 јануари Facebook Twitter Pinterest WhatsApp Некои го сметаат за циркузант, други му се восхитуваат. А тој – се забавува. Таа првата финта на сервис му „запали“. А и други после неа. Кирјос во свој стил „влезе“ на престижниот турнир на домашен терен. TAGSвидеоТоп Facebook Twitter Pinterest WhatsApp Previous articleЕСМ го презема управувањето на БЕГ и Скопје Север од 21. јануариNext articleПикот на овој бран во ек: 2.269 нови случаи на Ковид-19 регистрирани во последните 24 часа во Македонија A V...

АктуелноБизнисМакедонија ЕСМ го презема управувањето на БЕГ и Скопје Север од 21. јануари By A V - 17:15, 18 јануари Facebook Twitter Pinterest WhatsApp АД ЕСМ од петок 21 јануари ќе го преземе управувањето со БЕГ и Скопје Север за што претходно на седница одлука ќе донесе Владата, потврди денеска министерот за економија Крешник Бектеши. – Ние не субвенционираме приватни фирми и затоа е донесена одлука од страна на ЕСМ, која е фирма во 100 процентна сопственост на државата, да се преземе управувањето со БЕГ. Во пресрет на корисниците ќе излеземе преку ЕСМ, а не преку БЕГ, како што беше претходно најавено, имајќи предвид дека не се вклучија општините и Градот Скопје за да помогнат во оваа ситуација. Преку државната ЕСМ ќе се покрива разликата од реалната и постојната цена за корисниците, рече Бектеши на денешната средба со новинарите. Тој нагласи дека одлуката ЕСМ по 21 јануари да го преземе управувањето со компаниите произлегува од уредбата која беше усвоена од страна на Владата на предлог на Министерството во текот на минатата недела. – Најверојатно од 21 јануари снабдувањето, производството и дистрибуцијата на топлинска енергија ќе биде преземено од страна на ЕСМ, согласно договорот за деловно техничка соработка помеѓу ЕСМ и БЕГ, за време кое треба да го утврдиме до четврток, рече Бектеши на денешната средба со новинарите. Прашан колку пари ќе бидат неопходни за да се надмине кризата во снабдувањето со топлинска енергија во Скопје, Бектеши рече дека калкулациите за неопходните шест милиони евра за надминување на состојбата се направени врз основа на берзанските цени на природниот гас за јануари. – Сега ги очекуваме понудите за февруари и март и согласно тие проекции и постојната формула на Регулаторната комисија за енергетика (РКЕ) и ЕСМ ќе се направат соодветните калкулации, прецизира Бектеши. Тој истакна дека долговите што ги прават БЕГ и АД Скопје Север кон АД ТЕ-ТО и Макпетрол за снабдување со гас во изминатите неколку дена заклучно со 21 јануари ќе треба да си ги решат сами приватните компании со меѓусебни договори за одложено плаќање или на некој друг начин. – Од 21 јануари натаму се до денот до кога ќе управува ЕСМ со БЕГ и Скопје Север тоа ќе биде обврска на ЕСМ да ги води сите постапки и да ги надмирува сите обврски, но истовремено и да бара од нивна страна испорачување на тоа што е договорено. Немаме намера да ги преземеме обврските што ги имаат до 21 јануари, а од 21 натаму кога ЕСМ ќе управува со снабдувањето, дистрибуцијата и производството на топлинска енергија согласно договорот, кој во четврток треба да се потврди на седница на Владата, ќе си ги преземе обврските, рече Бектеши и додаде дека сите обврски што ги има БЕГ до 21 јануари ќе си останат нивни обврски. Во четврток, потенцира тој, најверојатно ќе има нов договор меѓу ЕСМ, БЕГ и Скопје Север за кој јавноста навремено ќе биде информирана. Најверојатно, додаде Бектеши, од 21 јануари ќе има парно греење до 1:00 часот по полноќ со минимум 20 плус еден степен Целзиусов. Прашан кој ќе одговара за настанатата ситуација со греењето во Скопје, министерот за економија посочи дека веќе има постапки во Обвинителството за издавањето на лиценците за БЕГ во 2012 година, а за обврските што ги има согласно дадената лиценца мерки ќе преземе РКЕ во моментот кога ќе биде потребно. РКЕ, како што нагласи министерот, може да провери дали БЕГ имал резерви мазут за 15-дневна работа како што произлегува од обврската од Законот за енергетика. – Државните институции целосно се подготвени да се справуваат со енергетската криза. Затоа во Буџетот за 2022 година се предвидени ставки да им излеземе во пресрет и во случај ако има дополнителна здравствена криза истовремено и економска енергетска криза. За тоа се предвидени речиси 100 милиони евра и дополнително 30 милиони евра во друга ставка од каде можат да се користат овие средства. Таа ставка е наведена во одлуката што ја донесе Владата, посочи Бектеши. Facebook Twitter Pinterest WhatsApp Previous articleПетков пречекан од Ковачевски – јаболко од бугарската новинарка за македонскиот премиерNext articleФраерскиот сервис и другите финти на Кирјос на Австралија Опен 2022 (снимка) A V...

АктуелноМакедонијаПолитика Петков пречекан од Ковачевски – јаболко од бугарската новинарка за македонскиот премиер By A V - 15:39, 18 јануари Facebook Twitter Pinterest WhatsApp Денеска, со највисоки државни и воени почести, ден по изборот на новата македонска Влада започна официјалната посета на бугарскиот премиер Кирил Петков на земјава. Пред платото на Владата тој беше дочекан од македонската делегација предводена од премиерот Ковачевски, а по неколку часовните состаноци на двете делегации исходот во срдечна атмосфера го соопштија заедно. Бугарија го признава краткото име на земјава, а Скопје и Софија историските прашања ќе ги остават во втор план и ќе им се даде повеќе време. Двајцата премиери соопштија и дека двете земји дополнително ќе формираат пет комиси со кои се очекува да се зголеми соработката на културен, образовен и економски план, а кои ќе се состануваат на неделно ниво. Бугарскиот премиер изрази и уверување дека авионската линија Скопје- Софија ќе биде готова за два месеца. Веќе за една недела предвидено е да се одржи и првата меѓувладина седница со Бугарија од која како што кажаа Ковачевски и Петков имаат големи очекувања. Напредок се очекува во однсо на трговската размена, инфраструктурата и образованието. Историската комисија да каже за што е согласна досега и да се состанува како и останатите комисии барем еднаш месечно, побараа двајцата премиери. Петков тврди дека го почитуваат правото на самоопределување, а пршаањето за јазикот, вели е решено со Договорот од 2017. Прашан дали се задоволни и дали има нешто спорно во одговорот на 5+1 темите што Османи ги достави до Софија во декември, бугарскиот премиер не одговори конкретно. Инаку, краткото име е една од точките, и со денешниот состанок, може да се смета за затворена. Крајот на прес-конференцијата го одбележа гестот на бугарската новинарка Илина Беновска која на Ковачевски му подари јаболко, во како што рече, знак на доверба согласно бугарските традиции.. Facebook Twitter Pinterest WhatsApp Previous article„Срцето“ на Земјата се лади побрзо отколку што мислеа досега научницитеNext articleЕСМ го презема управувањето на БЕГ и Скопје Север од 21. јануари A V...

НобелНаучна реалност „Срцето“ на Земјата се лади побрзо отколку што мислеа досега научниците By A V - 15:29, 18 јануари Facebook Twitter Pinterest WhatsApp Нашата матична планета, саканта и прекрасна Земја е формирана пред околу 4,5 милијарди години и оттогаш нејзината внатрешност полека ја губи топлината. Додека температурите на површината и атмосферата на Земјата осцилираат во текот на еоните, нејзината стопена внатрешност, може да се каже срцето, постојано се лади. Кога велиме срце на Земјата, тоа не е напната метафора. Ротирачката срцевина сместена длабоко во нашата планета е главниот двигател на нејзиното огромно магнетно поле, невидлива структура која обезбедува заштита на Земјата и овозможува развој на флората и фауната. Покрај тоа, научниците веруваат дека конвекцијата на обвивката, тектонската и вулканската активност помагаат да се одржи животот бидејќи ги стабилизираат глобалните температури и јаглеродниот циклус. Бидејќи внатрешноста на Земјата постојано се лади, тоа значи дека во одреден момент таа ќе стане цврста и целата геолошка активност на нашата планета ќе исчезне. Тогаш Земјата би можела да се претвори во неплодно небесно тело, како Марс или Меркур. А според најновото истражување, тоа би можело да се случи порано отколку што мислевме. Причината за тоа би можело да биде минералниот слој на границата помеѓу надворешното јадро на Земјата, кое се состои од железо и никел и долната обвивка. Имено, количината на топлина што ќе истече низ јадрото и обвивката зависи од спроводливоста на овој минерал (силикатен перовскит, бриџаманит). Одредувањето на оваа стапка не е толку едноставно како тестирање на спроводливоста на бриџманитот во класични атмосферски услови. Топлинската спроводливост може да варира во зависност од притисокот и температурата, кои се многу различни на површината и во длабочините на нашата планета. За да видат колку е спроводлив овој минерал во посебни услови, планетарниот научник Мотохико Мураками и неговите колеги од Универзитетот ЕТХ Цирих во Швајцарија зрачеле еден кристал бриџманит со импулсни ласери, истовремено зголемувајќи ја неговата температура на околу 2.000 степени Целзиусови и притисок до 80 гигапаси; што е блиску до условите во долната обвивка. „На тој начин покажавме дека топлинската спроводливост на бриџманитот е околу 1,5 пати поголема отколку што покажаа претходните предвидувања“, рече Мураками. Тоа значи дека протокот на топлина помеѓу јадрото и обвивката е поголем отколку што мислевме, односно дека внатрешноста на Земјата се лади побрзо отколку што се сметало. И тој процес може да се забрза. Имено, при ладењето, бриџаманитот се трансформира во друг минерал пост-перовскит, кој спроведува уште повеќе топлина и процесот на загуба на топлина на јадрото би можел дополнително да се забрза, пишува Science Alert. „Нашите резултати ни даваат нова перспектива за еволуцијата на динамиката на Земјата. Тие укажуваат дека Земјата, како и другите карпести планети како Меркур и Марс, се лади побрзо и станува неактивна побрзо од очекуваното“, рече Мураками. Научниците сè уште не знаат колку е точно забрзувањето на ладењето. Имено, не е така лесно да се пресмета бидејќи има голем број на фактори. Марс се лади малку побрзо бидејќи е значително помал од Земјата, но има и други фактори кои можат да играат улога во тоа колку брзо се лади внатрешноста на планетата. На пример, распаѓањето на радиоактивните елементи може да генерира доволно топлина за да се одржи вулканската активност. Таквите елементи се еден од главните извори на топлина во обвивката на Земјата, но механизмот зад нивниот процес сè уште не е целосно јасен. Сепак, значителното ладење на внатрешноста на Земјата не би требало да се случи толку брзо, ако се погледне низ призмата на човековиот поглед на времето. Можно е Земјата да стане непогодна за живеење за човештвото и пред тоа поради некои сосема различни механизми. Студијата наречена Radiative thermal conductivity of single-crystal bridgmanite at the core-mantle boundary with implications for thermal evolution of the Earth е објавена во списанието Earth and Planetary Science Letters. TAGSТоп Facebook Twitter Pinterest WhatsApp Previous articleГаврил Бубевски назначен за шеф на Основното јавно обвинителство – СкопјеNext articleПетков пречекан од Ковачевски – јаболко од бугарската новинарка за македонскиот премиер A V...

АктуелноМакедонијаПолитика Гаврил Бубевски назначен за шеф на Основното јавно обвинителство – Скопје By A V - 15:04, 18 јануари Facebook Twitter Pinterest WhatsApp Обвинителот и поранешен член на Специјалното јавно обвинителство, Гаврил Бубевски, е избран за нов претседател на Основното јавно обвинителство – Скопје, објави на својата веб страна Советот на јавни обвинители. Бубевски беше дел од поранешното Специјално јавно обвинителство, а потоа ја продолжи својата работа во скопското Обвинителство. Тој доаѓа на местото на Сашо Рајчев, кој беше избран за виш јавен обвинител. Советот на јавните обвинители на денешната 42. седница ги избра Соња Симовска и Љупчо Коцевски за обвинители во Јавното обвинителство на РМ, Стевчо Донев за обвинител во Вишото јавно обвинителство Штип и Бесир Алиу за основен јавен обвинител на ОЈО Тетово. Facebook Twitter Pinterest WhatsApp Previous articleМоже да ве „извади“ пред ненајавени гости – вкусен чизкејк готов за 10 минутиNext article„Срцето“ на Земјата се лади побрзо отколку што мислеа досега научниците A V...

ЖивотЖивот и здравје Може да ве „извади“ пред ненајавени гости – вкусен чизкејк готов за 10 минути By A V - 10:34, 18 јануари Facebook Twitter Pinterest WhatsApp Не е комплициран, се прави без многу состојки и тоа за десет минути, а со вкусот лесно ќе ви го спаси домаќинлукот во случај да ви дојдат ненајавени гости. Можете да го сервирате во чаши или мали теглички. За четири чаши ви е потребно: 100-150 грама плазма бисквити 300 грама несолена урда Сок и рендана кора од еден лимон 3 лажици шеќер 200 грама овошје по желба, може и замрзнато (нема да пречи ако има и повеќе) Подготовка: Ставете ги бисквитите во кеса и со помош на сукало издробете ги на парчиња, да не бидат премногу ситни, (затоа и не се мелат), но можете да користите и мелена плазма. Несолената урда измешајте ја со ренданата кора од лимон и две лажици шеќер. Издвојте малку овошје за декорација и преостанатата количина измешајте ја во блендер со лажица шеќер и сок од еден лимон. На дното од чашата или тегличката ставете бисквити, па урда и на крај овошје. Украсете со преостанатото овошје и со бисквити, оставете да отстои во фрижидер сè до послужувањето. TAGSТоп Facebook Twitter Pinterest WhatsApp Previous articleГерила транспарент за бугарскиот премиер Петков од Левица: Добредојдовте „администратори“ на цар БорисNext articleГаврил Бубевски назначен за шеф на Основното јавно обвинителство – Скопје A V...

АктуелноМакедонија Герила транспарент за бугарскиот премиер Петков од Левица: Добредојдовте „администратори“ на цар Борис By A V - 10:20, 18 јануари Facebook Twitter Pinterest WhatsApp Партискиот лидер и пратеник од редовите на Левица, Димитар Апасиев, утрово на Фејсбук објави дека партијата организирала герила пречек на бугарскиот премиер Кирил Петков, кој денес е во посета на Скопје. На транспарент поставен на влезот на Скопје пишува „Добредојдовте администратори на Цар Борис“, а под објавената фоторафија Апасиев напишa: – Соодветен герила-пречек на новиот бугарски премиер, од страна на специјалните единици на Црвената младина на Левица. TAGSТоп Facebook Twitter Pinterest WhatsApp Previous articleБугарскиот премиер Кирил Петков пристигна во посета на МакедонијаNext articleМоже да ве „извади“ пред ненајавени гости – вкусен чизкејк готов за 10 минути A V...

АктуелноМакедонијаПолитика Бугарскиот премиер Кирил Петков пристигна во посета на Македонија By A V - 09:37, 18 јануари Facebook Twitter Pinterest WhatsApp Бугарскиот премиер Кирил Петков притигна во Скопје, а официјалната посета на бугарската делегација која ја предводи тој започна со церемонијален пречек пред Владата и со високи државни и воени почести. Бугарската делегација ја пречекаа премиерот Димитар Ковачевски, придружуван од потпретседателот на Собранието Горан Мисовски, вицепремиерот за европски прашања Бојан Маричиќ, министрите за надворешни работи и за транспорт и врски, Бујар Османи и Благој Бочварски, како и од членови на Канцеларијата на претседателот на Владата и на Министерството за надворешни работи. Петков е придружуван од Кристиан Вигенин, заменик-претседател на Народното Собрание на Република Бугарија и бугарските министри за надворешни работи и за транспорт и врски, Теодора Генчовска и Николај Сабев. На аеродромот во Скопје владината делегација на Република Бугарија беше пречекана од министерот за надворешни работи Бујар Османи. Facebook Twitter Pinterest WhatsApp Previous articleМакедонците од 20. јануари ќе можат да влезат во Бугарија со приложување на сертификат за вакцина и направен ПЦР тестNext articleГерила транспарент за бугарскиот премиер Петков од Левица: Добредојдовте „администратори“ на цар Борис A V...

АктуелноМакедонијаПолитикаРегион Македонците од 20. јануари ќе можат да влезат во Бугарија со приложување на сертификат за вакцина и направен ПЦР тест By A V - 09:33, 18 јануари Facebook Twitter Pinterest WhatsApp Од 20 јануари, Македонците ќе можат да влезат во Бугарија под одредени услови. По интензивната комуникација меѓу Министерствата за надворешни работи на двете земји, надлежните институции на Република Бугарија, донесоа нова одлука за влез во Бугарија на нашите државјани. Поради влошената епидемиолошка ситуација, Северна Македонија продолжува да биде во т.н. црвена зона, но со најновата одлука се укинуваат ограничувањата за влез за неесенцијални потреби. Имено, со најновата одлука на бугарските власти, а која ќе стапи на сила од 20 јануари (четврток), на сите државјани на Република Северна Македонија, им е дозволен влез во Бугарија при приложување на валиден сертификат за вакцинација против КОВИД 19 или сертификат за прележана болест, заедно со негативен ПЦР тест не постар од 72 часа. За влез на малолетни лица од 12 до 18 години, исто така е задолжителен негативен ПЦР тест. Facebook Twitter Pinterest WhatsApp Previous articleЕрдоган ќе го менува името на Турција – еве како ќе се вика земјатаNext articleБугарскиот премиер Кирил Петков пристигна во посета на Македонија A V...

АктуелноПолитикаСвет Ердоган ќе го менува името на Турција – еве како ќе се вика земјата By A V - 09:02, 18 јануари Facebook Twitter Pinterest WhatsApp Турската телевизија ТРТ објави дека турските власти донесле одлука за ребрендирање на имиџот на земјата во однос на светот. Претходно овој месец турскиот претседател Реџеп Таип Ердоган објави соопштение во кое се наведува дека меѓународно признатото име на земјата се менува од „Турција“ во „Туркије“ („Turkey“ u „Turkiye), појасни телевизијата. „Зборот ‘Туркије’ на најдобар начин ги претставува и изразува културата, цивилизацијата и вредностите на турската нација“, се вели во соопштението. На турски земјата се нарекува Туркије. Земјата го прифати името по стекнувањето независност од западните сили во 1923 година, кои привремено ја окупираа. Низ историјата, Европејците ја знаеле како османлиска држава, а потоа ја познавале под многу варијации на зборот „Турција“. Името што остана најмногу беше на латински „Turquia“, а најприсутно беше „Turkey“. Според речникот на Кембриџ, зборот „Турција“ се дефинира како „нешто што лошо паѓа“, или „глупава“ или „смешна личност“. Огромното мнозинство луѓе во Турција веруваат дека именување на земја според нејзината локална варијација има смисла и е во согласност со целите на земјата да одреди како другите треба да ја идентификуваат. Во согласност со тоа, неодамнешното соопштение јасно стави до знаење дека во контекст на зајакнување на брендот „Turkiye“, во сите видови активности и кореспонденции, особено во официјалните односи со други земји и меѓународни институции и организации, ќе се користи терминот „Türkiye“ наместо изрази како што се „‘Turkey’, ‘Turkei“, ‘Turquie’ и така натаму“. TAGSТоп Facebook Twitter Pinterest WhatsApp Previous articleНа Хајди Клум едната нога ѝ е поскапа од другатаNext articleМакедонците од 20. јануари ќе можат да влезат во Бугарија со приложување на сертификат за вакцина и направен ПЦР тест A V...

ШоубизнисСлавни На Хајди Клум едната нога ѝ е поскапа од другата By A V - 07:49, 18 јануари Facebook Twitter Pinterest WhatsApp Славните личности од светот на шоубизнисот одамна практикуваат да осигураат делови од своите тела или други лични „квалитети“, особено оние за кои се свесни дека им носат високи заработки. Славната манекенка и водителка Хајди Клум откри дека нејзините нозе се еден таков скап пример на осигурани атрибути. 48-годишната манекенка и судијка на шоуто „America’s Got Talent“ се појави во последното издание на шоуто на Елен Деџенерис на интервју каде ја промовираше својата нова песна и соработка со раперот Снуп Дог. View this post on Instagram A post shared by Heidi Klum (@heidiklum) За време на една од игрите кои се вообичаена пракса на шоуто на Елен, насловена „Хајди „Бланкинг“ Клум“, Хајди откри дека еден клиент еднаш ги осигурал нејзините нозе на 2 милиони долари, но спомена и еден интересен факт – дека едната нејзина нога била поскапа од другата! Во интервјуто Клум продолжи и објасни дека тоа не било нејзин избор, но и неа ја изненадила информацијата дека едната нејзина нога „чини“ повеќе од другата, и зошто. „Кога бев млада, паднав на стакло и имам огромна лузна. Очигледно ставам толку многу спреј за тен во моментов што не можете да ја видите“, сподели Хајди. „И всушност, едната беше поскапа од другата… Чудни се работите што ги прават некои луѓе“, додаде Клум. Супермоделот раскажа и како една од најстрашните фотосесии која морала да ја изведе вклучувала змија питон обвиткан околу нејзиното тело, чија глава постојано се приближувала до нејзината, континуирано влевајќи ѝ страв. TAGSТоп Facebook Twitter Pinterest WhatsApp Previous articleКинезите мислат дека омикрон варијантата од коронавирусот кај нив стигнал преку пратка од КанадаNext articleЕрдоган ќе го менува името на Турција – еве како ќе се вика земјата A V...

АктуелноСветЦрна хроника Кинезите мислат дека омикрон варијантата од коронавирусот кај нив стигнал преку пратка од Канада By A V - 07:25, 18 јануари Facebook Twitter Pinterest WhatsApp Претпоставката на кинеските власти е дека новиот сој на корона вирусот, омикрон варијантата, во Кина пристигнал преку меѓународна пратка од Канада. Затоа, им препорачуваат на кинеските граѓани да не порачуваат производи од странство. Пациентот признал дека на 11 јануари примил пакет испратен на 7 јануари од Канада. Членовите на семејството на пациентот, курирот и други над 60 лица, кои имале блиски контакти се во карантин, а тестирани се над 16.000 луѓе во квартот каде е откриен сојот Омикрон. Facebook Twitter Pinterest WhatsApp Previous articleГенерално сончев вторникNext articleНа Хајди Клум едната нога ѝ е поскапа од другата A V...

АктуелноВремеМакедонија Генерално сончев вторник By A V - 07:17, 18 јануари Facebook Twitter Pinterest WhatsApp Денешниот ден, вторник, 18. јануари, во Македонија претпладне носи сончево време со мала до умерена облачност, а во крајните североисточни делови облачно со слаб снег. Попладне претежно сончево. Ќе дува засилен ветер од северен правец, особено вдолж Повардарието и во источните делови. Максималните дневни температури ќе достигнат во Скопје 6 Целзиусови степени, Маврово 0, Охрид 6, Битола 4, Крива Паланка 1, Берово 2, Кавадарци 6, Дојран 9. Утре времето ќе биде сончево со мала локална облачност. Ќе дува слаб до умерен северозападен ветер. Максималните дневни температури ќе се движат од 1 до 9 степени. Facebook Twitter Pinterest WhatsApp Previous articleНови 766 случаи на Ковид-19 во Македонија во последните 24 часаNext articleКинезите мислат дека омикрон варијантата од коронавирусот кај нив стигнал преку пратка од Канада A V...

АктуелноМакедонијаЦрна хроника Нови 766 случаи на Ковид-19 во Македонија во последните 24 часа By A V - 22:36, 17 јануари Facebook Twitter Pinterest WhatsApp Министерството за здравство информира, согласно податоците од Институтот за јавно здравје дека во последните 24 часа направени се 3.748 тестови, а регистрирани се 766 нови случаи на КОВИД-19 и тоа: Скопје – 521, Битола – 33, Куманово – 32, Струмица – 23, Кавадарци – 20, Прилеп – 19, Штип – 17, Охрид – 16, Струга и Гевгелија – по 9, Кичево и Ресен – по 8, Велес – 7, Гостивар – 6, Тетово – 5, Свети Николе, Пробиштип, Валандово и Кратово – по 4, Неготино и Крива Паланка – по 3, Радовиш, Богданци и Демир Хисар – по 2, Делчево, Дебар, Македонски Брод, Демир Капија и Македонска Каменица – по 1. Од вкупниот број на позитивни (766), регистрирани се 86 реинфекции. Регистрирани сe 486 оздравени пациенти од: Скопје – 339, Битола – 26, Прилеп – 23, Кавадарци – 18, Тетово – 14, Штип – 11, Куманово, Гевгелија и Крива Паланка – по 8, Струмица и Велес – по 6, Кичево – 4, Валандово и Радовиш – по 3, Неготино – 2, Охрид, Ресен, Гостивар, Свети Николе, Богданци, Кочани и Виница – по 1. Во текот на изминатите 24 часа регистрирани се 12 починати лица: 4 починати лица од Скопје (63г, 65г, 80г и 81г), 2 починати лица од Битола (80г и 82г) и по едно починато лице од Охрид (58г), Гевгелија (72г), Кавадарци (67г), Крива Паланка (74г), Кочани (48г) и Демир Хисар (82г). Пријавените лица се починати во болнички услови. Согласно Регистарот на починати лица со дијагноза КОВИД-19 од Мој Термин, пријавени се 3 лица, по едно починато лице од Скопје, Гостивар и Дебар, починати во период од 03.01 – 11.01.2022г. Починатите се на возраст од 62 години до 75 години. Сите пријавени лица се починати во домашни услови. Facebook Twitter Pinterest WhatsApp Previous articleВторото полугодие за основците и среношколците ќе започне на 1. февруариNext articleГенерално сончев вторник A V...

АктуелноМакедонијаПолитика Второто полугодие за основците и среношколците ќе започне на 1. февруари By A V - 22:32, 17 јануари Facebook Twitter Pinterest WhatsApp Главниот координативен кризен штаб за справување со пандемијата предизвикана од коронавирусот денеска, со почеток во 20:00 часот, одржа седница со која раководеше новиот премиер Димитар Ковачевски. На истата присуствуваше и претседателот на Комисијата за заразни болести, Жарко Караџовски и претседателката на ЗЕЛС Данела Арсовска. Претседателот на Комисијата за заразни болести Караџовски ја презентираше актуелната епидемиолошка состојба со КОВИД-19, додека главна точка на дискусија беа опциите за продолжување со настава во тековната учебна година. Главниот кризен координативен штаб врз основа на дискусијата донесе заклучок дека во моментот, епидемиолошки земјата се наоѓа во пик, поради кој препорачува да се одложи учебната година до 1. февруари 2022, со предуслов да се упатат силни апели до родителите за строго придржување на мерките за заштита од коронавирусот. Комисијата за заразни болести и Министерството за здравство ќе известуваат на почест интервал околу следењето на состојбата за да може да се прилагодат препораките доколку се јави потреба. Заклучокот е предложен до Владата и за него Владата ќе дискутира веќе на следната седница која се одржува вечерва во 21:30 часот. Facebook Twitter Pinterest WhatsApp Previous articleВиц: Милијардер на македонски начинNext articleНови 766 случаи на Ковид-19 во Македонија во последните 24 часа A V...

Мајтап Виц: Милијардер на македонски начин By A V - 21:34, 17 јануари Facebook Twitter Pinterest WhatsApp Го прашуваат Македонец во УЈП: – Каква е Вашата финансиска состојба? – Пет милијарди и осумстотини илјади. – Денари или евра? – Не, реден број на листата на Форбс. TAGSВиц Facebook Twitter Pinterest WhatsApp Previous articleВиц: На третата брачна ноќNext articleВторото полугодие за основците и среношколците ќе започне на 1. февруари A V...

Мајтап Виц: На третата брачна ноќ By A V - 21:30, 17 јануари Facebook Twitter Pinterest WhatsApp Прва брачна ноќ. Мажот ја гали по грбот и ѝ вели: – На ова поле ќе засадам јаготки! Втора брачна ноќ. Мажот ја гали по стомакот и ѝ вели: – На ова поле ќе засадам малини! Трета брачна ноќ, жената му вели: – Еј, фермерче, ако оваа ноќ не го засадиш морковот, ќе ги дадам нивите под наем! TAGSВиц Facebook Twitter Pinterest WhatsApp Previous articleПандемијата на коронавирусот милијардерите ги направи уште побогати, а ја зголеми сиромаштијата кај во светотNext articleВиц: Милијардер на македонски начин A V...

АктуелноБизнисВебкафеЗемја на чудатаСвет Пандемијата на коронавирусот милијардерите ги направи уште побогати, а ја зголеми сиромаштијата кај во светот By A V - 21:04, 17 јануари Facebook Twitter Pinterest WhatsApp Меѓународната организација „Оксфам“ заклучи дека пандемијата на Ковид-19 ширум цела планета светските богаташи ги направила уште побогати, а го зголемила бројот на сиромашните во светот. Организацијата “Оксфам” ги повикува владите ширум светот да преземат противмерки за овој проблем, а Германија ја советува да воведе данок на имот. Пандемијата на коронавирусот ја влошува социјалната нееднаквост во целиот свет – заклучува меѓународната организација Оксфам во извештајот кој како и секогаш, го објавила непосредно пред почетокот на Светскиот економски форум. Форумот во Давос планиран за оваа седмица е одложен поради ситуацијата со коронавирусот. Наместо тоа, фондацијата виртуелно ги собира водечките светски политичари, а германскиот канцелар Олаф Шолц ќе одржи говор во среда, пренесува “Deutsche Welle”. Додека богатството на десетте најбогати милијардери се дуплирало меѓу март 2020-та и ноември 2021-ва година, на огромната маса на сиромашни во светот им се приклучиле уште 160 милиони луѓе. Оксфам ги повикал владите ширум светот повеќе да ги оданочуваат корпорациите и супербогатите за да финансираат основни социјални услуги, да обезбедат глобална праведност кога станува збор за вакцинацијата и да ја ускладат економијата со општото добро. Нееднаквоста исто така е прашање на живот и смрт, се вели во извештајот. Се проценува дека од ковид-19 починале 17 милион луѓе – од кои милиони би биле се уште живи доколку биле вакцинирани. Оксфам укажува на неправедната глобална дистрибуција на вакцини. Организацијата објаснува дека вакцините треба да се третираат како јавно добро, делумно бидејќи владите го финансирале нивниот развој со големи количини на пари од даноците. Според истражувањето, повеќе од 100 земји ги намалило социјалните издатоци во текот на кризата, а понатамошни мерки за штедење се закануваат во најмалку 73 земји – поради отплата на кредити за Ковид-19 од Меѓународниот монетарен фонд. Во посебно заостанување се жените. Има 13 милиони помалку вработени отколку пред две години. Истовремено значајно пораснала неплатената работа на жените и девојките, кои на пример, се грижат за семејството. „За милијардерите пандемијата е како златна грозница. Владите вбризгаа милијарди во економијата, но голем дел од тие пари се задржаа кај луѓето кои најмногу профитираат од растот на акциите. Додека нивното богатство расте со невидена брзина, а некои се впуштаат во патувања во вселената, глобалната сиромаштија драстично се зголеми”, вели Мануел Шмит, надлежен за социјална нееднаквост во Оксфам Германија. Тоа се однесува на луѓе како Илон Маск, Џеф Безос или Марк Закерберг. И во Германија исто така се зголемува “големата концентрација на имот”. Исто така, како што наведува Оксфам, десетте најбогати луѓе ги зголемиле своите имоти од почетокот на пандемијата од околу 125 милијарди евра на околу 223 милијарди евра, односно за 78 проценти. Стапката на сиромаштија во Германија во меѓувреме е рекордна – околу 16 проценти влегуваат во таа категорија, односно повеќе од 13 милиони луѓе. Оксфам ја повикал Германската влада да ја зголеми одговорноста на корпорациите и најбогатите. Таа мора повторно да воведе данок на имот, а потребен е еднократен данок на големи имоти, наведува Оксфам. TAGSТоп Facebook Twitter Pinterest WhatsApp Previous articleМакедонија го доби германското вештачење за пожарот во тетовската модуларна болницаNext articleВиц: На третата брачна ноќ A V...

АктуелноМакедонијаЦрна хроника Македонија го доби германското вештачење за пожарот во тетовската модуларна болница By A V - 20:51, 17 јануари Facebook Twitter Pinterest WhatsApp Извештајот на германските експерти за пожарот во модуларната болница во Тетово во кој животот го загубија 14 лица сигна на македонска адреса. Истиот се чекаше повеќе од 4 месеци. Ова вештачење беше побарано преку меѓународна правна помош. Сега се чека добиениот документ да се епреведе, па потоа да може да се анализира и да се донесе одлука. За сега нема отворено истрага против никого, туку се води предистражна постапка. Извештајот се наоѓа кај тетовските обвинители кои се уште водат предистражна постапка за несреќниот случај. Facebook Twitter Pinterest WhatsApp Previous articleЃоковиќ без вакцина тешко дека ќе може да игра и на Ролан Гарос – Франција воведе задолжителна вакцинација за влез во земјатаNext articleПандемијата на коронавирусот милијардерите ги направи уште побогати, а ја зголеми сиромаштијата кај во светот A V...

ШоубизнисСлавни Ѓоковиќ без вакцина тешко дека ќе може да игра и на Ролан Гарос – Франција воведе задолжителна вакцинација за влез во земјата By A V - 18:15, 17 јануари Facebook Twitter Pinterest WhatsApp Откако си замина од Австралија поради одземање на визата, со што ја пропушти и можноста да го брани престижниот тениски трофеј од Австралија Опен, заради невакцинираниот статус кој го има, Новак Ѓоковиќ на професионален план се соочува со нов проблем. Сите невакцинирани тенисери нема да имаат право на настап и на францускиот тениски турнир „Ролан Гарос“. Ова официјалната одлука денеска ја потврди француската министерка за спорт Роксана Марасинеану, наведувајќи дека услов за настап на парискиот Грен слем ќе биде валиден сертификат за вакцинација. Истиот услов од претходно го најавија и од „Вимблдон“ и „САД Опен“. Тоа значи дека доколку Ѓоковиќ не се вакцинира во следниот период нема да може да игра на ниту еден од четирите големи гран слем турнири сезонава. Со вчерашната депортација од Австралија, заврши 11-дневната правна борба која Ѓоковиќ ја загуби во дуелот со австралискиот Федерален суд. Најдобриот светски тенисер пристигна во Австралија за да учествува на првиот гранслем-турнир сезонава, со медицинско ослободување од вакцинација. Прво му беше одбиена визата, а потоа ја доби по жалбата на суд. Но, министерот за имиграција Алекс Хоук му ја откажа визата и двете страни повторно завршија на суд. Веста дека Ѓоковиќ нема да може да игра и на Ролан Гарос доколку не се вакцинира силно одекна во српските медиуми кои ја пренесоа како нов напад врз најдобриот тенисер во светот. TAGSТоп Facebook Twitter Pinterest WhatsApp Previous articleСо еден потег тој стана најплатениот музичар за 2021 годинаNext articleМакедонија го доби германското вештачење за пожарот во тетовската модуларна болница A V...

ШоубизнисСлавни Со еден потег тој стана најплатениот музичар за 2021 година By A V - 18:05, 17 јануари Facebook Twitter Pinterest WhatsApp Со вртоглава заработка од 590 милиони долари, Брус Спрингстин е прогласен за најплатен музичар во 2021 година, објави магазинот „Ролинг Стоун“. Најголем дел од тоа го заработил со продажба на мастерите на своите песни и издавачките права во декември минатата година. Договорот на музичарот со Sony Music е проценет на 550 милиони долари и воедно ја означи најголемата продажба што еден музичар некогаш ја направил за својата дискографија. Сони стана сопственик на 20-те албуми на Спрингстин, вклучувајќи ги класиците како Born to Run, The River и Born in the USA. Овој договор со Спрингстин е сличен на оние што ги направија Боб Дилан, Блонди и Дејвид Боуви. Прво беше објавено дека музичарот добил 500 милиони долари од продажбата, но поранешниот уредник на Форбс, Зек О’Мали Гринбург, тврди дека неговата бројка од 550 милиони долари била генерирана со „пребарување јавни документи и интервјуирање поединци со директно познавање на големиот бизнис“. Повеќето од преостанатите 40 милиони долари заработени од Спрингстин во 2021 година се однесуваат на неговото враќање на Бродвеј минатото лето, каде што имаше 26 настапи и два заеднички проекти со Барак Обама. Вториот најплатен музичар во 2021 година е Џеј Зи. Поголемиот дел од неговата заработка од 470 милиони долари доаѓа од продажбата на сопствениот удел од 302 милиони долари во Tidal (услуга за стриминг што првично ја купил за 56 милиони долари) на ко-основачот на Twitter, Џек Дорси. На третото место се најде Пол Сајмон, а потоа следуваат Канје Вест, Рајан Тедер, Ред Хот Чили Пеперс, Линдзи Бакингем, Мотли Кру, Блејк Шелтон и Тејлор Свифт. TAGSТоп Facebook Twitter Pinterest WhatsApp Previous articleОд ноќеска на полноќ ново поскапување на гориватаNext articleЃоковиќ без вакцина тешко дека ќе може да игра и на Ролан Гарос – Франција воведе задолжителна вакцинација за влез во земјата A V...

ВебкафеЗемја на чудатаШокантно Медицинска сестра снимена како вакцината против Ковид-19 наместо во раката од пациентот ја испушта во марамче (снимка) By A V - 15:20, 17 јануари Facebook Twitter Pinterest WhatsApp Полицијата во Италија ја уапси медицинската сестра од Палермо за која со официјална истрага беше утврдено ги лажирала сертификатите на лицата кои одбивале да бидат вистински вакцинирани и не им ја вбризгувала вакцината во рака. Прегледот на тајно поставените камери од пунктот за имунизација, покажува дека сестрата течноста од шприцот ја испушта во марамче. Досега во Италија уапсени се поголем број на лекари и медицински сестри, кои за сума од 400 евра извршувале лажно вакцинирање. #Digos Palermo ha arrestato un’infermiera impiegata presso il reparto malattie infettive, autrice di fittizie vaccinazioni contro il #Covid_19 È indagata per falso ideologico e peculato. Anche lei avrebbe beneficiato di una falsa vaccinazione relativa alla dose booster #15gennaio pic.twitter.com/rQnZi5Q69t — Polizia di Stato (@poliziadistato) January 15, 2022 TAGSТоп Facebook Twitter Pinterest WhatsApp Previous articleАмериканската амбасадорка Брнз на средба со новиот премиер КовачевскиNext articleОд ноќеска на полноќ ново поскапување на горивата A V...

АктуелноБизнисМакедонија Од ноќеска на полноќ ново поскапување на горивата By A V - 15:36, 17 јануари Facebook Twitter Pinterest WhatsApp Со најновата одлука за ценовна корекција на горивата донесена од Регулаторната комисија за енергетика, од ноќеска на полноќ за еден денар се зголемува цената на бензините, а на дизелот и Екстра лесното масло за домаќинство за денар и пол. Од полноќ во следните седум дена, Еуросупер БС-95 ќе се продава по цена од 76,5 денари, Еуросупер БС-98 по цена од 78,5 денари, а новата цена на дизелот и Екстра лесното масло за домаќинство ќе изнесува 69 денари за литар. Малопродажната цена на Мазутот се зголемува за 1,103 денар/килограм и сега ќе изнесува 42,827 денари за килограм. Новите повисоки цени на нафтените деривати се должат на зголемувањето на цените на светските берзи во изминатиот седумдневен период. Facebook Twitter Pinterest WhatsApp Previous articleМедицинска сестра снимена како вакцината против Ковид-19 наместо во раката од пациентот ја испушта во марамче (снимка)Next articleСо еден потег тој стана најплатениот музичар за 2021 година A V...

ВебкафеЗемја на чудатаШокантно Медицинска сестра снимена како за пари вакцината против Ковид-19 наместо во раката од пациентот ја испушта во марамче (снимка) By A V - 15:20, 17 јануари Facebook Twitter Pinterest WhatsApp Полицијата во Италија ја уапси медицинската сестра од Палермо за која со официјална истрага беше утврдено ги лажирала сертификатите на лицата кои одбивале да бидат вистински вакцинирани и не им ја вбризгувала вакцината во рака. Прегледот на тајно поставените камери од пунктот за имунизација, покажува дека сестрата течноста од шприцот ја испушта во марамче. Досега во Италија уапсени се поголем број на лекари и медицински сестри, кои за сума од 400 евра извршувале лажно вакцинирање. #Digos Palermo ha arrestato un’infermiera impiegata presso il reparto malattie infettive, autrice di fittizie vaccinazioni contro il #Covid_19 È indagata per falso ideologico e peculato. Anche lei avrebbe beneficiato di una falsa vaccinazione relativa alla dose booster #15gennaio pic.twitter.com/rQnZi5Q69t — Polizia di Stato (@poliziadistato) January 15, 2022 TAGSТоп Facebook Twitter Pinterest WhatsApp Previous articleАмериканската амбасадорка Брнз на средба со новиот премиер КовачевскиNext articleОд ноќеска на полноќ ново поскапување на горивата A V...

АктуелноМакедонијаПолитика Американската амбасадорка Брнз на средба со новиот премиер Ковачевски By A V - 15:04, 17 јануари Facebook Twitter Pinterest WhatsApp Амбасадорката на САД во Македонија, Кејт Брнз, денеска на средба со премиерот Димитар Ковачевски му го честитала изборот и му рекла дека Македонија е во врвот на приоритетите на меѓународната политика на САД. Ковачевски и Брнз разговарале за продолжување на економската соработка „со посебен акцент на поттикнување на проекти и инвестиции кои ќе овозможат трајна и одржлива енергетска независност на Северна Македонија“, како што соопшти владината прес-служба. „На средбата беше истакнато дека за Вашингтон Северна Македонија и регионот остануваат важен геостратешки интерес и во таа насока од клучна важност за САД е деблокирање на евроинтеграцискиот процес за земјата и одржување на првата меѓувладина конференција со Брисел и отворањето на првите поглавја во процесот за членство во ЕУ“, стои во соопштението. Ковачевски нагласил дека најавената официјална посета на премиерот на Бугарија, Кирил Петков, е добра порака која најавува сериозен исчекор за отворените прашања меѓу двете земји и за изнаоѓање решенија прифатливи за двете страни. Според Брнз, добрите односи меѓу Македонија и Бугарија се од исклучителна важност за САД и затоа треба брзо решавање на проблемот меѓу двете земји. Facebook Twitter Pinterest WhatsApp Previous articleЛДП бара Пановски и Даниловски да бидат нови членови на Комисијата за заразни болестиNext articleМедицинска сестра снимена како вакцината против Ковид-19 наместо во раката од пациентот ја испушта во марамче (снимка) A V...

АктуелноМакедонијаПолитика ЛДП бара Пановски и Даниловски да бидат нови членови на Комисијата за заразни болести By A V - 14:36, 17 јануари Facebook Twitter Pinterest WhatsApp Либерално демократската партија бара доктор Никола Пановски и доктор Драган Даниловски да бидат нови членови на Комисијата за заразни болести. – Во Комисијата за заразни болести треба да членуваат стручњаци кои недвосмислено ќе можат да се носат со сите предизвици на ковид пандемијата и да предлагаат мерки за заштита на населението од заразни болести поттикнати пред се од епидемиолошката состојба во земјава, а не од какви било политички влијанија или калкулации, порачуваат од ЛДП. Facebook Twitter Pinterest WhatsApp Previous articleШок во бриселско метро: Ја турна жената на шините додека возот пристигнуваше на станицата (снимка)Next articleАмериканската амбасадорка Брнз на средба со новиот премиер Ковачевски A V...