Зоран Димитровски тврди дека премиерот Ковачевски сее политичка магла и дрско лаже дека имал контакти со Палевски. Премиерот Димитар Ковачевски во вечерашното интервју за „360 степени“ изјави дека сум сум се среќавал со Палевски минатата година и ме прозва да одговорам што сум разговарал со него. Го повикувам Ковачевски да каже кога и каде сум се среќавал со Палевски и да и предочи на јавноста транскрипт од разговорот ако го има. Во спротивно ќе сметам дека ме помешал со некој истакнат член на СДСМ. Палевски последен пат сум го видел пред 4,5 години, кога се уште се надеваше дека Зоран Заев ќе му даде повторно да ја води градската организација на партијата, како во златните времиња на Црвенковски…,напиша Димитровски на својот Фејсбук профил. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Преговори меѓу Руската Федерација и Украина под услови на Киев се апсолутно нереално сценарио, изјави денеска портпаролот на Кремљ, Дмитриј Песков. Тој, на новинарско прашање да ја коментира изјавата на Џонатан Фајнер, главниот заменик советник на американскиот претседател за национална безбедност, дека САД сакаат Москва да преговара со Киев под украински услови во 2024 година, рече дека тоа е „апсолутно нереално“. Има многу такви изјави. Тие прибегнуваат кон разни трикови само за да ги убедат своите парламентарци да гласаат за натамошна распределба на парите. Значи, веќе имало многу такви изјави и тие ќе продолжат, рече Песков. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Основното јавно обвинителство Прилеп покренало постапка против едно лице за кое постои основано сомнение дека сторило кривични дела „полово вознемирување“ од член 190-а, „загрозување на сигурноста“ од член 144 став 5 и „демнење“ од член 144-а став 1 од Кривичниот законик. Во текот на ноември, осомничениот на својот Фејсбук профил во повеќе наврати поставувал текстуални објави и вклучувања во живо со кои се заканувал дека ќе нападне врз животот на основната јавна обвинителка на ОЈО Прилеп и членови на нејзиното најблиско семејство. Намерата му била да ја вознемири и да ја исплаши, а врз основа на пол, личен, семеен и општествен статус на оштетената како Јавен обвинител. Во објавите осомничениот неовластено користел приватни и семејни фотографии на оштетената. Преку социјалните мрежи тој директно праќал пораки со вознемирувачка содржина до ќерката на јавната обвинителка, предизвикувајќи кај неа непријатност, навреденост и страв. Осомничениот е претходно осудувано лице за кривично дело – Загрозување на сигурноста, а против него во последниот период се поднесени и повеќе други кривични пријави, што укажува на опасноста тој да повторува вакви кривични дела, се наведува во денешното соопштение од Јавното обвинителство. Поради тоа, како и фактот дека постојат околности кои укажуваат на опасноста осомничениот да се даде во бегство доколку се брани од слобода, јавниот обвинител до судијата на претходна постапка од Основниот суд во Прилеп доставил предлог за определување мерка притвор. Предлогот бич прифатен и Судот со решение му определил притвор во траење од осум дена. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

МВР поднесе кривична пријава по брза постапка против Стефан Димковски од Струмица кој со свој автомобил го пренесе првоосомничениот за двојното убиство, Љупчо Палевски Палчо од Белград до Баликесир во Турција. Единицата за насилен криминал – Одделение за крвни и сексуални деликти при СВР Скопје до Основното јавно обвинителство Скопје поднесе кривична пријава по брза постапка против С.Д., поради постоење основи на сомнение дека сторил кривично дело помагање на сторител по извршено кривично дело, по чл.365 од Кривичниот законик. Имено, С.Д. се сомничи дека во временскиот период од 1 до 3.12.2023 му помогнал на Љ.П., кој е осомничен за сторени кривични дела – грабнување по член 141 и убиство по член 123 од Кривичниот законик, дека со патничко возило марка ленд ровер, со струмички регистарски ознаки, сопственост на правно лице со седиште во Струмица, го земал Љ.П. од Белград, Р. Србија и го однел во Р. Турција, со цел да избега и да се сокрие од органите за прогон во Република Македонија“, се вели во соопштението на МВР. Инаку, Стефан Димковски е во рацете на органите на прогонот, за него обвинителството отвори истрага и побара притвор. За адвокатот Васко Стојков, кој како пријател на Палевски, го превезол до Белград, засега не се преземени мерки, освен што беше на распит во полиција. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Владина делегација, предводена од претседателот на Владата на Република Македонија, Димитар Ковачевски, положи цвеќе и оддаде почит на патронот на македонската култура, една од најзначајните личности за македонската писменост, Свети Климент Охридски, во рамки на одбележувањето на денешниот голем државен празник 8 Декември – „Св. Климент Охридски“. Во состав на владината делегација се заменичката министерка за правда, Викторија Аврамовска Мадиќ и заменикот министер за транспорт и врски, Беким Реџепи. Пред споменикот на Свети Климент Охридски, на платото пред истоимената Национална и универзитетска библиотека „Св. Климент Охридски“, во Скопје, во чест на големиот просветител и духовник, основач на Охридската книжевна школа, положија цвеќе и оддадоа почит и делегации од Собранието на Република Македонија, од Кабинетот на претседателот на Република Македонија, од Армијата на Република Македонија, од Сојузот на борците од Народноослободителната и антифашистичката војна на Македонија, претставници од дипломатски кор, од парламентарни политички партии. Владата на Република Македонија продолжува активно да ги штити и промовира македонскиот јазик, литература и култура, како достоинствен начин на продолжување на светиклиментовото просветителско дело. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Поранешниот началник на српската полиција, Жарко Поповиќ, зборувајќи за случајот со убиството на Вања, истакна дека се направени огромен број пропусти во истрагата. Поповиќ порача дека целиот случај се води на крајно непрофесионален начин и за тоа треба да се бара одговорност од министерот за внатрешни работи, Оливер Спасовски. Поповиќ изјави дека, гледано како професионалец, имало многу нелогичности и објавување избрзани заклучоци, коишто потоа се покажале непроверени, па дури и неточни. Како пример, Поповоќ наведува дека Спасовски веднаш изјави дека станува збор за киднапирање со цел барање за пари, но всушност немало никакво барање откуп, туку девојчето било киднапирано, однесено во шума и веднаш убиено. Тој истакнува дека во случајот и кривичното дело недостасуваат главни елементи. Немаме мотив, немаме средство на извршување на делото, нема извештај од судска медицина, дали имало сексуални активности, дали девојката била мачена пред да биде убиена. Тоа се може да се провери. Ништо од тоа го немаме, само дека е убиена со огнено оружје. Извештаите се прилично штури и тогаш тоа создава дополнителен сомнеж во јавноста. Јас да сум претседател на владата на Македонија, овој министер за внатрешни работи би го сменил за две минути, тој не смее така да се однесува. Тој не смее да дава никакви изјави, тоа не е негова работа. Тука е надлежен државниот обвинител, затоа што тој е надлежен. Тој го држи предметот и тој треба да дава објаснувања, затоа што тој морал, заедно со полицијата да ги сослуѓа осомничените, тој ги сослушува во службени простории, тој присуствува на разговорите заедно со полицајците и со бранителите на тие што се уапсени. Веќе тука има доста процедурални грешки и нелогичности, анализира Поповиќ. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Системот за брзо предупредување за безбедност на храна на Европската Унија (RASFF) на својата веб-страница објави дека од пазарот се повлекува чај од нане од Хрватска со суровина, листови од нане, купени во Србија, бидејќи се пронајдени пиролизидински алкалоиди во чајот опасни по здравјето, по што во Србија почна вонреден инспекциски надзор на чаеви, јави дописникот на МИА од Белград. Станува збор за наливниот чај „мента лист“ на хрватски производител „Агристар“. Причината е што во чајот се пронајдени пиролизидински алкалоиди поради што ризикот по здравјето може да биде сериозен. По повод ова предупредување се огласи и Министерството за земјоделство на Србија, кое потврди дека фирмата „Еуро хербс“ од Нови Сад го извезла чајот од нане (како полупроизвод) на хрватскиот купец „Агристар“. -Со земање мостри на чајот на хрватскиот пазар тој е анализиран, лабораториски е утврдено дека содржи контаминант пиролизидин алкалоид во количина поголема од пропишаниот максимум, соопштија од Министерството за земјоделство. Од таму потенцираа дека овој производ не е дистрибуиран на српскиот пазар и не е на залиха од први јануари годинава. Како што се наведува, земјоделската инспекција извршила вонреден инспекциски надзор кај производителите во Србија и ги презела сите мерки од нејзина надлежност, а пошироката проверка на чаевите продолжува. Пиролизидинските алкалоиди (ПА) можат да бидат многу токсични за луѓето, наведе независната компанија ЕПО која произведува висококвалитетни ботанички екстракти. Пиролизидинските алкалоиди ги произведуваат растенијата за да се одбранат од штетници и тревопасни животни и се идентификувани во приближно 6.000 ботанички видови. Овие состојки можат да бидат многу опасни за црниот дроб и белите дробови, а случаите на токсичност на црниот дроб од внесување растенија со овие супстанции датираат од 1920-тите. Најголеми ризици се за големите консументи на чаеви, билни инфузии и мед, но може да се контаминира и добиточната храна. Пиролизидинските алкалоиди можат да навлезат во оваа храна преку самоникнати растенија или во случај на мед. Хрватската агенција за храна (ХАХ) наведува дека пиролизидинските алкалоиди во високи дози може да доведат до откажување на работата на црниот дроб, што може да резултира со смрт. Вообичаените хронични ефекти на ПA вклучуваат оштетување на црниот дроб, како и оштетување на белите дробови. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Специјалниот претставник на Европската Унија за Западeн Балкан и дијалогот Белград – Приштина Мирослав Лајчак изјави дека првпат по долго време ЕУ е подготвена за проширување, јави дописникот на МИА од Белград. На денешниот самит за Балканот истакнав дека првпат по некое време ЕУ е подготвена за проширување. Крајно време е да ја искористиме таа можност, напиша синоќа Лајчак на платформата Х (Твитер). Лајчак вчера учествуваше на самитот ЕУ-Западен Балкан организиран од бриселскиот политички институт „Пријатели на Европа“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Изјавата на лидерот на МААК Страшо Ангеловски дека лично се познавал со познавал со Панче Жежовски не привлече големо внимание во јавноста.Посебно беше интересна информацијата дека сега Панче неколку дена пред да биде убиен му испратил порака дека сака да се видат. Затоа “Република“ го праша Ангеловски дали полицијата го исконтактира за да дознае за што разговарале.Тој вели дека полицијата ништо не побарала од него. Сакаше да се видиме заради негово активирање во политиката.Од МВР до сега ништо не побараа од мене.Најверојатно нивната проценка е дека не е битно за истрагата-објасни Ангеловски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Кога дознал дека на лотарија освоил 40 милиони американски долари, околу 37 милиони евра, добитникот на лото Том Крист, воопшто не се возбудил и се откажал од своите пари освоени на канадската лотарија. За „ЦБЦ њуз“, овој долгогодишен директор на електрична компанија во Канада вели: Имав среќа да работам за компанијата 44 години. Во текот на мојата кариера заработив доволно пари за да се грижам за себе и за моите деца. Затоа не ми требаат освоените пари на лотарија“. Наместо да ги земе освоените пари, тој решил да донира милиони во добротворни цели, но, позадината на таквата одлука е потресна, пренесува германски МСН.ком. Неколку месеци пред да освои пари на лотарија, Том Крист доживеал тежок судбински удар, неговата сопруга почина од рак на белите дробови. Ова, како што објаснува, е и причината поради која ги донирал големите добивки од лотарија на добротворна организација која се грижи за децата на кои им е потребен посебен третман за рак. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

По доставените барања за пуштање од притвор, 20 хрватски навивачи на Динамо Загреб ќе бидат ослободени, откако беа притворени за убиството на навивачот на АЕК на почетокот на август, објавија грчките медиуми. Според информациите, хрватските навивачи ќе бидат пуштени на слобода со два рестриктивни услови: забрана за влез во Грција за следење спортски натпревари и кауција од 1.000 евра за секој од притворените. Грчката новинска агенција објави дека вкупно 95 обвинети хрватски навивачи поднеле барања за укинување на притворот и во текот на денот се очекува да бидат донесени одлуките за останатите лица. За убиството во Атина на 29-годишниот навивач на АЕК на почетокот на август беа уапсени 105 лица и на сите им беше одредена мерка притвор, а мнозинството од нив се хрватски државјани, навивачи на Динамо Загреб. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Севернокорејскиот лидер Ким Џонг-ун се расплака на неодамнешниот состанок со жените, каде што повика на напори за борба против опаѓањето на наталитетот во земјата. На снимката, која се прошири на социјалните мрежи, може да се види Ким Џонг-ун како гледа надолу и ги брише солзите од лицето. Спречувањето на падот на наталитетот и добрата грижа за децата се наши домашни обврски што мораме да ги извршуваме додека работиме со мајките“, порача Ким. Ова се случило на Националниот состанок на мајките организиран во Пјонгјанг. На митингот, Ким Џонг-ун ги повика жените да раѓаат повеќе деца „за доброто на партијата, револуцијата и на целата земја“. North Korean dictator Kim Jong-un crying like a baby while addressing an audience of women during an event at the headquarters of the communist party. He was asking the women to have more kids: “for the good of the party, the revolution and the country” pic.twitter.com/4zJJA1d4VV — Visegrád 24 (@visegrad24) December 6, 2023 Заблагодарувајќи им се на мајките за нивната улога во зајакнувањето на националната моќ, Ким Џонг-ун рече: Секогаш мислам и на мајките кога ми е тешко да се справам со партиската и државната работа“. Фондот за население на Обединетите нации ја проценува стапката на фертилитет во Cеверна Кореја на 1,8 во услови на долгорочен пад на стапката во последните децении. Ова е повеќе во однос на некои соседни земји. Во Јужна Кореја, стапката на фертилитет падна на рекордно ниско ниво од 0,78 минатата година. Стапката на фертилитет во Јапонија падна на 1,26. Cеверна Кореја има околу 25 милиони жители. Изолираната земја се соочува со сериозен недостиг на храна поради смртоносниот глад во 1990-тите и други природни катастрофи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На 07/08.12.2023 во Спортски центар на подрачјето на Карпош, полициски службеници од Единицата за недозволена трговија и Единицата за интервентна полиција при СВР Скопје лишиле од слобода девет лица: И.К.(41) од Скопје, Н.Ј.(29) од Пробиштип, П.В.(26) од Битола, С.Г.(31) од Скопје, Н.К. од Косово, Г.Г.Р.(31) од Мексико, Д.М.(23) од Скопје, Ф.П.(30) од Скопје и Н.И.(22) од Куманово, затоа што кај нив биле пронајдени и одземени марихуана, бела прашкаста материја и грутчеста материја. Како што информираат од МВР, по целосно документирање на случајот ќе следи соодветен поднесок. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Група туристи падналe во канал во Венеција кога гондолата со која се возеле се превртела затоа што не ги послушале наредбите да престанат да прават селфи и да седнат. Во матната и студена вода завршил и гондолиерот кој се обидувал да маневрира додека пловел со чамецот под мостот кај плоштадот Свети Марко. Според извештаите на локалниот печат, групата од Кина се возеле во гондола и правеле селфи кога се случил инцидентот. Маневарот на гондолиерот под мостот барал максимален баланс на тежината на чамецот, но патниците ги игнорирале неговите наредби да седнат и наместо тоа продолжиле да стануваат и да фотографираат, поради што гондолата се превртела. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Пред 32 години на денешен ден легендите на македонскиот фудбал Дарко Панчев и Илија Најдоски ја освоија светската клупска титула триумфирајќи со белградска Црвена звезда над чилеански Коло Коло во финалето на Интерконтиненталниот куп. Шест месеци по историскиот триумф над Олимпик Марсеј во Бари во финалето на Купот на европските шампиони, Црвена звезда на 8 декември 1991 година во Токио го совлада јужноамериканскиот првак со 3-0 (1-0) и ги обедини титулите европски и светски првак. Двоен стрелец беше Владимир Југовиќ (19 минута, 58), а печат на победата стави најдобриот европски стрелец во сезоната 1990/91, Дарко Панчев во 72 минута. Панчев и Најдоски беа дел од триумфот на Црвена звезда чиј дрес во финалето на Националниот стад во Токио пред 60.000 гледачи го носеа и Милојевиќ, Радиновиќ, Белодедиќ, Васиљевиќ, Ратковиќ, Југовиќ, Михајловиќ, Стошиќ и Савичевиќ. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Презентерка на вести на Би-би-си, која случајно беше фатена како покажува среден прст на почетокот на програмата, се извини за, како што рече, „глупавата шега“ која била наменета за колегите, но не и за гледачите. Мерјам Мошири, една од главните водителки на Би-би-си, во средата беше фатена во кадар како на пладневното издание на вестите покажува среден прст, по завршувањето на препознатливото одбројување до почетокот на програмата. Таа брзо ја спушти раката и го смени изразот на лицето пред да почне да ги чита насловите на вестите. WATCH: BBC anchor caught flipping middle finger right into the camera live on air: ‘Live from London’ pic.twitter.com/0JKca0Ogfy — Insider Paper (@TheInsiderPaper) December 7, 2023 Презентерката се извини на социјалната мрежа „Х“, велејќи дека се шегувала со тимот, преправајќи се дека одбројува со прстите. Кога стигнавме до 1, го свртев прстот како шега и не сфатив дека ова ќе биде фатено на камера. Тоа беше приватна шега со тимот и многу ми е жал што излезе во етер. Не ми беше намера ова да се случи и се извинувам ако навредив или вознемирив некого“, напиша таа. Hey everyone , yesterday just before the top of the hour I was joking around a bit with the team in the gallery. I was pretending to count down as the director was counting me down from 10-0.. including the fingers to show the number. So from 10 fingers held up to one. When… — Maryam Moshiri (@BBCMaryam) December 7, 2023 Дел од граѓаните на Велика Британија го опишаа случајот како непрофесионален, искористувајќи го за да повикаат на дефинансирање на британскиот јавен радиодифузен сервис. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Биткоинот го гради својот нагорен моментум, при што водечката криптовалута надмина 43.000 долари, за првпат од април 2022 година. Цената на биткоинот порасна за речиси 4% до 43.478,00 долари, според „Коин метрикс“, зголемувајќи ги добивките од претходниот ден. Во еден момент, монетата се тргуваше дури и до 43.977,40 долари. Добивките во вторникот го зголемија биткоинот за повеќе од 160% за годината. Етер беше зголемен за 1,6% на денот на 2263,76 долари. Тој е зголемен за 88% за 2023 година. Биткоинот во последниве недели почесто прави нови издигнувања; се проби над 40.000 долари за време на викендот за прв пат од април 2022 година, откако се движеше околу 34.000 долари на почетокот на ноември. Оптимизмот во врска со веројатноста за одобрување на спот биткоин ЕТФ во САД беше главна сила зад успонот на биткоинот, кој почна во текот на летото. Иако замавот првично беше намален, извештаите за потенцијалните издавачи на биткоин ЕТФ кои се сретнаа со Комисијата за хартии од вредност и примаа и спроведуваа повратни информации за нивните поднесоци од ЕТФ дополнително го поттикнаа оптимизмот на инвеститорите. Широкиот консензус е дека ќе има зелено светло за биткоин ЕТФ на почетокот на 2024 година, врз основа на различните рокови за одговор на СЕК, кои се одредуваат според датумите на поднесување на издавачот. Згора на тоа, неодамнешната спогодба помеѓу „Бајненс“ и американското Министерство за правда кон крајот на ноември нашироко се сметаше за голема пречка за расчистување на крипто индустријата по ФТХ. И инвеститорите, исто така, со нетрпение го очекуваат преполовувањето на Биткоин, што се очекува во пролетта 2024 година. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Германската министерка за внатрешни работи, Ненси Фесер, најави дека по 15 декември ќе биде продолжена граничната контрола со Полска, Чешка и Швајцарија за најмалку два месеци. Нашите мерки даваат резултати. Нашата борба против бескрупулозниот бизнис на трговците со луѓе, кои брутално ги загрозуваат човечките животи, беше успешна, изјави Фесер. Таа додава дека мобилни проверки имале значителен ефект откако беа воведени во октомври, ограничувајќи ја илегалната миграција во Германија и олеснувајќи го товарот на локалните власти. Според податоците на германското МВР, од воведувањето на мерките на 16 октомври досега се откриени околу 3.300 нерегуларни влезови, а спречени се 1.100. Ова значи дека овие мерки функционираат и ќе продолжат на ист начин“, изјави портпаролот на одделот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Бразилскиот великан Сантос, клуб од кој потекнуваат некои од најдобрите бразилски фудбалери во историјата, како Пеле, Нејмар, Робињо, првпат во 111-годишната историја испадна од Серија А. Сантос во последното коло не успеа да слави на домашен терен против Форталеза. Поразот на славниот клуб го искористија Баија и Васко де Гама, кои победија и се спасија од испаѓање. Хуан Лусеро постигна гол во 96.минута за 1:2 и го исфрли клубот. Фудбалерите на познатиот клуб плачеа на теренот, солзите не можеа да ги сокријат ниту луѓето од клупата, плачеа навивачите на трибините. Absolute despair as Santos are relegated to the Brasileirão Série B for the first time in club history. 😢 pic.twitter.com/vDZzZ4fOQK — CBS Sports Golazo ⚽️ (@CBSSportsGolazo) December 7, 2023 Надвор од стадионот Урбано Калдеира, радикалните навивачи, разочарани од неуспехот, рушеа се пред себе. Во текот на ноќта гореа улиците околу стадионот во населбата Вила Белмиро, а густиот чад можеше да се забележи од Сао Паоло. Caos na Vila Belmiro, estão botando fogo em tudo pic.twitter.com/m8no0ry4KU — Vitor Gameiro (@Vitunhu) December 7, 2023 Инаку, титулата во Бразил ја освои Палмеирас. „Зелените“ ја освоија четвртата титула во последните седум години. Со 12 шампионски трофеи Палмеирас е најуспешниот бразилски клуб, зад него е новиот второлигаш Сантос со осум. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Руска телевизија емитуваше снимки за кои наведува дека прикажуваат американско борбено возило „Бредли“ на боиштето во Доњецката област откако било запрено со руски оган, а украинскиот екипаж побегнал. Во емисијата во ударен термин на првиот канал на руската телевизија беше укажано дека заробувањето на возилото „Бредли“ коешто е функција и е едно од неколкуте десетици кои САД ѝ ги испорачаа на Украина оваа година, ќе ѝ овозможи на руската војска да ги утврди неговите ранливи точки. Претходно во јуни, две седмици по почетокот на долгонајавуваната украинска противофанзива, американскиот магазин Форбс објави дека украинсите сили загубиле 16 американски борбени оклопни возила „Бредли“, од 59 тогаш испорачани. Photos of a Ukrainian Bradley captured by Russian forces near Stepove. It was abandoned several weeks ago. https://t.co/xYeYLTAN3Rhttps://t.co/O02mgX2KDO pic.twitter.com/2Ypq1XK69P — Rob Lee (@RALee85) December 5, 2023 Сега емитуваниот прилог содржи интевјуа со неколку неименувани маскирани припадници на два руски воени тима задолжени за заробување на борбени возила од западно производство. Тие велат дека по возилото заминале затскриени од темнината и густата магла во ткн „сива зона“, на околу 500 метри од позициите на украинските сили, како и дека го влечеле меѓу минските полиња, под силен непријателски оган откако првиот обид не им успеал. Возилото прикажано на снимките е преполно со дупки од куршуми, за кои велат дека ги направиле украинските беспилотни летала во обидот да уништат што е можно повеќе високотехнолошка опрема во возилото. На снимките се прикажани и куп мунуција за тешки митралези и топовски гранати со жолт врв. Еден од припадниците на споменатите тимови за заробување опрема вели дека според првичната проценка станува збор за надградена верзија на „Бредли“ со засилен мотор, поодбрена „динамичка заштита“ на оклопот од артилериски оган, како и подобрени систем за ноќно набљудување и наведување. РечТој вели и дека километражата на возилот изнесува само околу 240 километри. Во август годинава руското Министерство за одбрана на саем на вооружување во Москва изложи зачувани запленети борбени возила од западно производство испорачани на украинската армија. Меѓу нив британските оклопни возила „Хаски“ и „Мастиф“, како и оклопниот транспортер „AT-105 Саксон“, австралиското борбено оклопно возило „Бушмастер“, американскиот оклопен транспортер „М-113“, шведското борбено возило за пешадија „ЦВ90-40“ и францускиот тенк на тркала „АМХ-10РЦР“. Во описот на „експонатите“, беше наведено на која локација и во какви околности била запленета конректната опрема. Американски „Хамви“ и ракетни системи, југословенски минофрлачи, германски чистачи на мини: Русите се пофалија со оружјето заробено на фронтот Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Штип е прогласен за Европски град на спортот за 2024 година во конкуренција на градови од 25.000-500.000 жители. Градоначалникот Иван Јорданов објави дека на гала-доделувањата на награди во Европскиот парламент во Брисел, ја примиле наградата и признанието кое претставува одлична можност за уште поголем развој на спортот, спортските клубови и спортската инфраструктура во градот. Ја користам оваа прилика да најавам дека во првата половина од 2024 година ќе почне изградбата на СЦ „Џексон“ со капацитет до 1000 посетители. Доизградба и целосна реконструкција на градскиот стадион со две модерни трибини и атлетска патека. Изградба на сала за училишен спорт во населба Три Чешми и Караорман. Превземање и доизградба на затворениот базен кој подолго време е во застој. Изградба на сала за боречки спортови, објави Јорданов на Фејсбук. Градоначалникот најави дека во 2024 година секое населено место во Штип ќе добие модерни спортски терени и содржини, а за спортските клубови и спортистите ќе има финансиска поддршка за нивните достигнувања да бидат уште поголеми. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Цените на храната и понаму остануваат во фокусот на граѓните, што се должи и на поскапувањето и на фактот оти најголем дел од платите на работниците во земјава одат на покривање на основните трошоци, меѓу кои е и храната. Државниот завод за статистика (ДЗС) го објави најновиот месечен билтен во кој се опфатени и цените на основните прехранбени производи по градови во Македонија. Брз преглед на цените покажува дека иако сме мала земја има големи разлики меѓу цените на истите производи во различни градови. Она што е уште поинтересно и чудно е фактот дека кај исти производи се случува да има разлика во цената од еден до друг град за дури сто денари по килограм. Но, ова не е појава која ја има само сега, туку напротив споредбите покажуваат дека постојано се случуваат големи разлики во цените на продуките во малопродажба. Притоа, Скопје како главен град со најголема фрекфенција на граѓани, не секогаш ги има највисоките цени, но жителите на главниот град плаќаат најскапо месо во земјава. Па што велат податоците на ДЗС за месец октомври 2023 година. Просечната цена на килограм компир во Македонија достигнвуа 41,93 денари. Најскапо компирот во октомври се продавал во Велес по цена од 51,64 денари, додека најниска цена имал во Куманово, каде се продавал за 38,26 денари. Познатото гравче без кое не може ниту едно македонско домаќинство во просек се продавало по цена од 206,30 денари за килограм. Но, токму жителите на градот кој важеше за најпознат производител на квалитетно гравче во последниве години плаќаат највисока цена. Имено, во Тетово цената на гравот достигнала 282,13 денари, додека најевтино гравот се продавал во Струмица и тоа по цена од 123,98 денари. Овие цени покажуваат дека разликата во цената кај овој продукт надминува 100 денари по килограм, и таа изнесува дури 158 денари по килограм. Уште еден производ кој во нашата земај масовно се произведува и се конзумира се јаболките, кои во просек во цела земја се продавале по цена од 53,38 денари. Најскапа цена на јаболки е најдена во Велес, каде тие чинеле 75,75 денари за килограм, додека пак најевтини биле во Струмица и се продавале за 44,49 денари. И цената на млекото се разликува од град во град. Просечната цена за цела земја изнесува 62,43 за литар, но најскапо се продава во Струмица, каде цената за литар млеко достигнува високи 81,96 денари. Најниска цена за литар млеко статистика утврдила во Велес каде чинело 58,74 денари. Што се однесува пак до млечните продукти, домашното овчо бело сирење се продавало во просек по цена од 506,42 денари за килограм за цела земја. Највисока цена на овчо сирење имало во Битола и тоа 542,21 денар за килограм, додека најниска била цената во Велес каде се продавало за 440,68 денари. Што се однесува пак до кашкавалот, и таму се забележуваат големи разлики во цените. Просекот за цела земја е 542,21 денар за килограм кашкавал, но килограм од ова задоволство кај нашиот туристички бисер чини најмногу. Имено во Охрид кашавалот во октомври чинел 624,11 денари за килограм, додека пак во Велес само 421,01 денари за килограм. Оризот бил најскап во Скопје и чинел 158,89 денари за килограм, додека најевтин во Струмица и се продавал по цена од 100 денари за килограм. Големи разлики во цените има кај свежото месо. Па така јунешкото месо најскапо ги чини жителите на главниот град, каде се продавало по цена од 640,74 денари за килограм, додека најниска била цената во Штип, каде се продавало по цена од 322 денари за килограм. Телешкото месо исто така најскапо е во Скопје, каде чинело 689,53 денари за килограм, додека најевтино повторно во Штип каде се продавало по цена од 379,37 по килограм. Кај свинското место разликата во цени не е толку изразена, но повторно и овој тип на месо е најскапо во главниот град, каде чини 389,89 денари, додека најевтино во Струмица каде чинело 313,19 денари. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На одбојкарското дерби меѓу Олимпијакос и Панатинаикос, две фракции се судрија пред салата „Мелина Меркури“.Околу 150 навивачи некаде по 22 часот излегле надвор од салата, по штом како што соопшти полицијата, фрлиле молотов коктел, а полицијата возвратила со солзавец кој стигнал до оние кои биле внатре, поради што натпреварот е прекинат во вториот сет. Во судирите е повреден и еден полицаец, кој се уште е во критична состојба. Од левата надколеница извадена е метална топка со димензии 5х2х2 сантиметри, што предизвика обилно крварење. Нешто пред полноќ бил однесен во операционата сала кога доживеал срцев удар, но медицинскиот персонал успеал да го оживее и потоа да ја изврши хируршката процедура. Οι προσαγωγές συνεχίζονται στο κλειστό του Ρέντη! pic.twitter.com/CqfrYamgSk — Sportal.gr (@SportalgrG) December 7, 2023 Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Основното јавно обвинителство Скопје донесе Наредба за спроведување истражна постапка против 33-годишен скопјанец кој во автомобил Ауди Q5 неовластено држел огнено оружје пиштол марка AG-9 и две рамки со вкупно 30 куршуми. -Полициски службеници извршиле претрес во автомобилот и го пронашле оружјето, откако претходно истиот ден осомничениот го вперил пиштолот кон три лица и испукал еден куршум во воздух пред зградата во која живее, а еден од оштетените и го удрил со шлаканица по лицето. Истрага е поведена поради основано сомнение дека со тоа сторил кривично дело – Неовластено изработување, држење, посредување и тргување со оружје и експлозивни материи од член 396 став 3 во врска со став 1, а против осомничениот ќе се води и скратена постапка за кривично дело – Насилство од член 386 од Кривичниот законик, соопшти Обвинителството. Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Политички и полициски структури на СДС го штитеа и замижуваа пред поведението на Љупчо Палевски Палчо, затоа што им одговараше. Преку своите поткасти и емисии на интернет портал, ширеше омраза и создаваше токсична атмосфера. Власта го охрабруваше да навредува, клевети, да се заканува, а кога Палевски се почуствува доволно недопирлив премина на рекет, уцени и на крај заврши со двојно трагично убиство, се вели во партиското соопштение на опозициската ВМРО-ДПМНЕ. МВР, Спасовски, Ковачевски и СДС молчат за скандалот пред 7 месеци кој ја потврдува неказнивоста на Палевски. Имено Палевски и неговата група во месец мај 2023 била фатена со нелегално оружје додека копале злато, за сега Палевски и истите неговите соработници да бидат поврзани со едно од најгрозоморните убиства во Македонија. Ете тоа е резултатот на неказнивоста и нефункционалноста на институциите раководени од Ковачевски, Спасовски и СДС. Двојното убиство немаше да се случи, ако обвинетите тогаш беа санкционирани за нелегано оружје. Нервозата во СДС е голема, затоа што не им e чиста совеста. Нервозни се затоа што народот гледа дека охрабруваа и дозволуваа сеење на омраза и создавање на токсична атмосфера, истакнаа од ВМРО-ДПМНЕ. Нервозни се затоа што знаат дека постоеле пропусти во истрагата и затоа што знаат дека нивните грешки кои невешто ги кријат, чинат нечии животи, додаваат од опозициската партија. Од СДСМ па велат: Христијан Мицкоски да не молчи за средбата Палевски, туку да одговори. Ако Мицкоски навистина има поинакви информации за случајот со двојното убиство треба да ги достави до ОЈО. Прикривање докази е кривично дело. Палевски, кој е осомничен за двојното убиство што ја потресе целата македонска јавност, беше близок соработник на режимот на ДПМНЕ и јавно го поддржуваше Мицкоски, но и нивниот коалициски партнер Левица. Со радикални ставови, Палевски беше алатка на ДПМНЕ во црна кампања против СДСМ но и против се што означува демократија во Македонија и за подгревање етнички тензии. Неговата маргинална политичка партија со радикална и проруска ориентација е производ и алатка на политиките на преќутна агресија од страна на ДПМНЕ во изминативе две децении. Затоа, надлежните органи, пред се Јавното обвинителство согласно законот имаат обврска да ги истражат односите на Палевски со сите негови соработници, вклучително и Мицкоски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Партизан се наоѓа во серија од три победи по ред во Евролигата, откако во „Штарк арената“ паѓаа Панатинаикос, Монако и Олимпија Милано, а на овие мечеви големо внимание привлече играчот на „Црно-белите“, Зек Ледеј кој на теренот излегуваше со греалка во рацете. „Не знам зошто излегувам со греалката на терен. Тоа е добро прашање. Дефинитивно ни помага“, изјави Ледеј. Потоа некој му дофрли дека и во салата е ладно, Ледеј се насмеа и додаде: „Така е, ладно е и ни помага“. Зек Ледеј постигна 15 поени во синоќешната победа на Партизан над Олимпија Милано од 82:69. По 13 кола, Црно-белите имаат скор од седум победи и шест порази и се наоѓаат на делба на седмата позиција. Извор: Спортманија Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Ентони Полито, 67-годишниот напаѓач кој уби тројца професори, а четвртиот го рани со огнено оружје во Универзитетот Невада, Лас Вегас, имал список на цели и повеќе од 150 куршуми, соопшти полицијата. Шерифот на округот Кларк, Кевин Мекмахил, рече дека Полито, кој беше убиен во престрелка со полицијата, бил долгогодишен професор по бизнис кој живеел во блискиот град Хендерсон, Невада. Ранетиот 38-годишен визитинг професор вчера беше хоспитализиран и се уште е во опасна по живот состојба, рече Мекмахил. Шерифот на прес-конференција рече дека иследниците сè уште го истражуваат мотивот за нападот, но истакна дека Полито аплицирал за неколку работни места на различни колеџи и универзитети во Невада и секој пат бил одбиен. Сепак, Универзитетот за медицински науки Роузман во Хендерсон посочи дека Полито бил договорен да предава два курса во програмата за бизнис администрација од октомври 2018 до јуни 2022 година и потоа не предавал во институцијата. Мекмахил рече лицата на неговиот список за ликвидација вклучувале членови на факултет на Универзитетот Источна Каролина во Северна Каролина, каде што Полито бил професор на бизнис школата на универзитетот од 2001 до 2017 година. „Ниту еден од лицата на листата со цели не стана жртва“, рече Мекмахил. Пред пукањето, Полито испратил и 22 писма до универзитетски професори низ САД, според снимката што ја прегледале детективите од камерата во автомобилот на Полито, рече Мекмахил. Полито го изврши нападот во средата со пиштол од девет милиметри што го купил легално минатата година, рече Мекмахил. Властите вчера соопштија дека Полито, се чини, дека имал финансиски тешкотии. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Лидерот на ВМРО-ДПМНЕ испрати честитка по повод денепниот празник свети Климент Охридски Во мое лично име и во име на ВМРО-ДПМНЕ на сите граѓани им го честитам големиот празник свети Климент Охридски, еден од втемелувачите на словенската писменост и основачот на првиот словенски универзитет. Во времиња кога сите се соочуваме со распад на системот и на општествените и хуманите вредности, делото на светителот нека биде нашата ѕвезда водилка како да се избавиме од темнината која надвиснува врз нас. Вербата во Бога, вербата во доброто и силната волја која светиот Климент Охридски ја покажал пред повеќе од еден милениум помогнала целиот словенски род да се избави од културниот јарем кој му бил наметнат. Во исто време неговата непоколебливост и истрајност во делото било искрата на надеж и светлината на патот кој го водел народот низ мракот. Затоа неговиот придонес е толку голем и затоа неговото име е запишано со најсветлите букви во историјата и меморијата. Тоа е неговиот аманет кој треба да го следиме, да бидеме посветени кон добрите дела, да бидеме човекољупци пред се и ревносно да работиме за доброто на својот народ.Како прв словенски епископ, Климент Охридски го посветил својот живот на просветување и просветлување на народот, во правење епохални дела кои траат повеќе од еден милениум, и во директно соживување со својата паства и во доброто и во злото. Живееме во времиња на предизвици, на голема сиромаштија која предизвикува безнадежност, која води кон рушење на моралните и духовните вредности на човекот. Тоа е директен атак и кон нас како поединци и како семејства и како општество. Затоа мораме да бидеме сплотени и со сите сили и капацитети да работиме на менување на работите кон подобро. Животот е еден и тој треба да го посветиме кон градење на добри дела, кон градење на добра иднина за себе и за поколенијата после нас, но пред се кон зачувување на хуманите принципи во нашето македонско општество. Делото на Климент Охридски својот никулец го имало во македонската земја, и затоа Македонија мора да биде и да остане најголемиот чувар на тие свети вредности. Нека е честит празникот.Нека е вечно делото на свети Климент Охридски. Нека е вечна Македонија. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Синот на американскиот претседател Џо Бајден, Хантер, се соочува со нови кривични пријави затоа што не платил данок од најмалку 1,4 милиони долари, додека трошел милиони на раскошен начин на живот. Според обвинението поднесено во Окружниот суд во Централна Калифорнија, тој се товари за три кривични дела и шест прекршоци поврзани со даноци. Министерството за правда соопшти дека истрагата е во тек, а доколку биде прогласен за виновен по обвиненијата, му се заканува затворска казна до 17 години. Тој е обвинет дека не платил најмалку 1,4 милиони долари федерални даноци од 2016 до 2019 година, додека потрошил милиони долари на екстравагантен начин на живот. Во обвинението се наведува дека Хантер Бајден „заработил добри пари“ додека служел во одбори на украински индустриски конгломерат и кинески приватен капитал. Но, како што се зголемувале неговите приходи, така се зголемувале и неговите трошоци. Само во 2018 година, според обвинението, потрошил повеќе од 1,8 милиони долари, но ништо за плаќање данок. Се споменува дека, меѓу другото, потрошил пари на дрога, ескорт дами, луксузни хотели, автомобили и облека, а за рехабилитација од зависност одвоил повеќе од 70.000 долари. Тој претходно се соочуваше со обвиненија за затајување данок и во октомври пред судот во Делавер се изјасни за невин по обвинението дека лажел за неговата употреба на дрога кога купил пиштол. Хантер Бајден е честа тема во медиумите поради неговата зависност и прекумерното однесување како што се брзо возење или пуштање фотографии од него гол или користење дрога. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Соочени со големиот политички отпор за понатамошна помош за Украина, американската влада сега користи економски аргументи за кампања за понатамошна поддршка за Киев, јавува денеска германската новинска агенција ДПА. По вчерашниот состанок со неговиот британски колега Дејвид Камерон во Вашингтон во американскиот државен секретар Антони Блинкен рече: Ако ги погледнете инвестициите што ги направивме во одбраната на Украина за да се справиме со оваа агресија, 90 отсто од безбедносната помош што ја обезбедивме всушност е потрошена овде, во САД, со нашите производители. Блинкен нагласи дека ова „создаде повеќе американски работни места, поголем раст во нашата сопствена економија“. – Ова е во прилог на важноста на поддршката за Киев за глобалната политика и националната безбедност на САД, додаде Блинкен. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Пропустите во истрагата за убиството на Панче, чинеа живот. Останува отворено прашањето зошто возилото на Панче се движеше слободно по скопските улици и доведе до ново убиство, овој пат на Вања – велат од ВМРО-ДПМНЕ. Во соопштението испратено до медиумите прашуваат: Спасовски обвинува, и е во паника затоа што нема или се плаши да го каже одговорот на прашањата дали возилото на убиениот Панче со кое е киднапирана Вања било на скопските улици 3 дена пред да биде киднапирано девојчето? И зошто не е распишана централна објава за возилото, за истото веднаш преку Системот Сејф Сити да се детектира и пронајде, а со тоа и да се пронајдат убијците на Панче? Доколку Спасовски одговори на овие две прашања, и нему ќе му стане јасно каде е пропустот, но очигледно тоа го плаши.Возилото и Панче се пријавени за исчезнати и за тоа пишуваа и медиумите веднаш. Зошто МВР на Спасовски не постапуваат е нејасно. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Синот на поранешниот командант на израелската армија Гади Ајзензот, кој моментално служи како министер во воената влада, е убиен во Газа. Израелската армија соопшти дека 25-годишниот мајор Гал Ајзенкот е убиен денеска на северот на Појасот Газа. Медиумите јавуваат дека Ајзенкот се здобил со сериозни повреди по експлозијата на шахта во тунелот и дека подоцна починал во болница. Премиерот Бенјамин Нетанјаху рече дека тој и неговата сопруга се скршени од срцето и дека Гал Ајзенкот е вистински херој. Гади Ајзенкот (63) е пензиониран генерал кој беше началник на Генералштабот на Израел од 2015 до 2019 година. Како претставник на Партијата за национално единство, тој е и член на вонредната влада на Нетанјаху формирана откако Хамас го нападна Израел на 7 октомври. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вицепремиерот за европски прашања и главен преговарач со Европската Унија, Бојан Маричиќ, го затвори синоќешниот последен Билатерален состанок од Поглавјето 31 за Кластерот 6, во Европската Комисија, Брисел, Белгија. Скрининг процесот кој траеше 15 месеци, приближно 100 дена, со ангажирање на 1000 учесници и подготовка на 850 динамични презентации низ 206 различни институции претставува доказ за колективната посветеност на администрацијата и граѓаните за членство во ЕУ. Длабинскиот процес ја нагласува посветеноста за темелно внатрешно подобрување и сеопфатно усогласување со европските стандарди, покажувајќи ја нашата решителност и сериозност. Следната фаза до крајот на годината е доставувањето на клучните документи кои се обврска која произлегува од Преговарачката рамка за пристапување на Република Македонија во членство во Европската Унија усвоена на 19 јули 2022 година, имено, Патоказот за владеење на правото, Патоказот за реформа на јавната администрација, како и Акцискиот план за заштита и унапредување на правата на припадниците на малцинствата и заедниците. -Сведоци сме на историски момент за Cеверна Македонија, Од отворањето на преговорите детално работевме на процесот на Скрининг – рече Маричиќ „Скрининг процесот беше макотрпен, детален и долготраен процес но истовремено многу важен за да се постави здрава основа врз која ќе се постават цврсти столбови за градење сигурна иднина на македонското општество со европска перспектива.“ Благодарен сум на посветената работа на сите вклучени институции, државната секретарка на СЕП Дрита Абдиу Халили, вработените во Секретаријатот за европски прашања, релевантните министерства кои вредно работеа на скринингот и беа од најголем придонес за успешниот исход. Нашите најважни партнери се преставниците на Европската Комисија кои истовремено ги ислушаа сите скрининзи, бараа решенија за сите предизвици, детално ги слушаа нашите прашања и ни помогнаа да ја поставиме солидната основа врз која ќе ги градиме нашите реформи со кои ќе ја донесеме Македонија што поскоро до полноправно членство на ЕУ. Најдобрите пријатели, во случајов Европската Комисија, се оние кои ве слушаат, помагаат и охрабруваат во најтешките моменти, чијшто резултат е успешното завршување на Скрининг процесот. Благодарност до Марк Јорна, Герт Јан Копман, Марко Маковец, Михаела Матуела и сите други кои беа дел од овој процес. – Сега е потребно да го задржиме темпото и да се соочиме со предизвиците што следат, затоа е многу важно да имаме план за реализација, за што сум благодарен на Генералниот директор на директоратот за проширување Герт Јан Копман, кој го презентираше Планот за Раст. Маричиќ ја истакна важноста на Планот за раст кој претставува револуционерен план кој претставува премостлив период помеѓу затворањето на скрининг процесот и отворањето на Кластерот 1. Уверувајќи дека со овој инструмент граѓаните ќе ги почуствуваат придобивките од инвестициите планирани со Планот за раст. -Ве уверувам дека во следниот период, со посветена и упорна работа продолжуваме по патот којшто сме го зацртале и ќе успееме да ги убедиме и оние кои не веруваат дека сега е време за евроинтеграција. Сега е вистинско време за евроинтергација и секој ден на одложување, е ден помалку во Европската Унија за Cеверна Македонија. Маричиќ се заблагодари на Марк Јорна и сите претставници на Европската Комисија кои посветено работеа со многу ентузијазам и голема поддршка од почетокот на Скрининг процесот до сега. Честитки до сите со желба, во блиска иднина да си честитаме и полноправно членство во ЕУ за Македонија. На затворањето на последниот Билатерален состанок и крајот на Скрининг процесот учествуваше и Државната секретарка на Секретаријатот за европски прашања, Дрита Абдиу Халили, како и делегацијата претставници на институциите од Македонија, Министерството за надворешни работи, Министерството за одбрана и претставници од Европската Комисија. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Хуманитарната програма на ОН во Газа „повеќе не функционира“, изјави шефот за хуманитарна помош на ОН Мартин Грифитс. – Нема излез за луѓето од Газа, вели тој. Според него, недостигот на безбедност во Газа се однесува и на хуманитарните операции, пренесува Би-Би-Си. – Ова значи дека ако планирате хуманитарна испорака во Газа денес, треба да ја земете предвид веројатноста дека ќе биде прекината, дека може да биде нападната, дека може да биде ограбена, дека може да се запре, пренасочи, додаде Грифитс. Повторно повикувајќи на итен прекин на огнот, Грифитс посочи дека уништувањето на здравствениот систем во Газа значи и дека болестите ќе станат пошироко распространети Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот на Република Српска Милорад Додик не отпатува за Москва на средба со рускиот лидер Владимир Путин во ноември, иако тој самиот најави дека средбата ќе се одржи. Со оглед на тоа дека веќе е 8 декември, порталот Klix.ba пишува дека е јасно дека планот на Додик, барем во планираниот период, пропаднал. „На почетокот на ноември одам во Русија како дел од нашите редовни средби со најважните луѓе на таа земја. Ќе разговараме за актуелните прашања во нашите билатерални односи, кои се од развој и пријателски карактер, а се засноваат на меѓусебна почит“, рече Додик во средината на октомври за новинската агенција РИА Новости. Тој не објасни зошто не заминал во Русија Во таа прилика тој истакна дека ќе се сретне со раководството на Руската Федерација, а на прашањето дали ќе разговара со Владимир Путин и Сергеј Лавров, Додик одговори дека „на програмата се работи“. Во едно подоцнежно интервју, тој рече дека „има многу да разговара со Путин“. Додик никогаш не објасни што се случило, ниту зошто најавеното патување во Русија пропаднало. Последен пат тој се сретна со Путин во мај оваа година. Рускиот претседател тогаш му рекол дека и е благодарен на Република Српска за пријателскиот однос кон Русија. Извор: Независен Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во текот на вчерашниот ден од страна на Единица за насилен криминал-ОКСД при СВР Скопје до ОЈО Скопје е поднесена кривична пријава по брза постапка против И.Р.(33) од Скопје, поради постоење основи на сомнение дека сторил неколку кривични дела, и тоа: „Предизвикување општа опасност” предвидено и казниво по член 288, “Насилство” предвидено и казниво по член 386 и “Неовластено изработување, држење, посредување и тргување со оружје или распрскувачки материјали”, предвидено и казниво по член 396 од Кривичниот законик. Тој бил лишен од слобода непосредно по добиена пријава дека на 06.12.2023 околу 18.00 часот на подрачје на Бит Пазар, од пиштол испукал неколку куршуми во воздух и физички го нападнал Е.А.. Исто така, при преглед во возилото „ауди“ со скопски регистарски ознаки, кое го управувал, биле пронајдени и одземени пиштол калибар 9 мм со рамка со 13 куршуми и уште една рамка со 17 куршуми. На пријавениот И.Р. од страна на судија на претходна постапка му е определена мерка притвор од 30 дена. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Интензивни борби се водат околу најголемите градови во Појасот Газа, а Министерството за здравство на Хамас утринава соопшти дека во израелските напади во близина на градот Газа загинале 40 лица. Се додава дека „десетици“ луѓе се убиени во Џабалија, на северот на Газа и во Кан Јунис, на југ. Израелските војници, поддржани од воздушни напади, вчера се судрија со борците на Хамас во Кан Јунис, најголемиот град на југот, кој стана епицентар на војната. Според податоците на Министерството за здравство на Хамас, од почетокот на војната, во израелските бомбардирања во Газа убиени се 17.177 луѓе, од кои 70 отсто биле жени и лица помлади од 18 години. Американскиот претседател Џо Бајден во телефонски разговор со израелскиот премиер Бенјамин Нетанјаху „инсистирал на апсолутната потреба да се заштитат цивилите“, како и на потребата да се прави разлика меѓу цивилното население и Хамас, објави Белата куќа. МИА Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Косовскиот премиер Аљбин Курти им се заблагодари на сите, на српски јазик, за, како што рече, „вербата во подобро Косово“ и посочи дека од почетокот на ноември 3.260 сопственици на автомобили ги замениле регистарските таблички со табличките на Република Косово, како и дека бројот на барања за биометриски пасоши годинава е за 30 отсто поголем од лани. „Со оглед на фактот дека над 3.260 сопственици на автомобили од почетокот на ноември ги замениле своите регистарски таблички со оние на Република Косово, забележуваме интерес за интеграција, а разбираме и знаеме дека истото е во интерес на секој граѓанин на Косово, сите заедно“, рече Курти во видеото објавено на социјалната мрежа Х. Курти потсети дека оваа недела бил домаќин на посетата на Парламентарното собрание на Советот на Европа во врска со барањето на Косово за влез во Советот на Европа. „Знаеме дека членството носи предности, особено за припадниците на немнозинските заедници во однос на пристапот до Судот за човекови права во Стразбур. Затоа, ние сме посветени на апликацијата за членство како најдобар начин да се обезбеди заштита на правата на сите во Косово“, рече Курти. Тој додаде дека овие посети доаѓаат во време кога граѓаните на Косово го прифаќаат својот европски идентитет не само од аспект на владеење и општество, туку и со шанса физички да се зближат со европските соседи поради визната либерализација. „Граѓаните на Косово кои сакаат да ги посетат своите семејства и од прва рака да ја видат културата на земјите од шенгенскиот регион, од 1 јануари ќе можат слободно да патуваат без визен режим“, рече Курти и изрази задоволство што „интересот за искористување на оваа можност се протега низ целата држава.” „Во светло на ваквите неодамнешни настани, им благодарам на сите што покажаа верба во подобро Косово“, рече Курти. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Сојузот на средношколци упатува најдлабоко сочуство до блиските на жртвите од последната трагедија, поради грабнувањето и убиството на ученичката Вања Ѓорчевска, но и до сите деца, родители и граѓани. Од тука велат дека нема достојни зборови кои можат да ја опишат тагата и потресеноста по овие грозоморни настани. „Оваа трагедија ќе ни служи како сурова лекција за попретпазливост, емпатија и сплотеност, но по најскапата цена – човечки животи. Учениците од сите возрасти чувствуваат дека нивната безбедност е загрозена, а воедно и нивниот комфорт како млади. Апелираме во овој период интензивно да се внимава на менталното здравје, особено во училиштата како исклучително важна средина погодена од овој настан. Сојузот ги потенцира дополнителниот страв и паника предизвикани од информациониот хаос во медиумите и социјалните мрежи. Нашата медиумска неписменост, иако е детска и невина, има сериозни последици кои го влошуваат и пролонгираат ефектот на ваквите немили настани откако ќе се случат. Покрај информационата криза, согледавме дека не само младите, туку мнозинството граѓани се во бунило како да го искажат својот гнев и ефикасно да дејствуваат во пракса. Евидентно е дека има силен револт и дека тој е широко присутен, но сѐ уште на видик нема позитивна промена во реалноста како одговор. Веруваме дека ова се должи на ниското ниво на запознаеност со демократскиот систем, процеси и движења“, велат од Сојузот. Сојузот ја потсетува јавноста дека една од неговите главни заложби е зголеменото образование токму во овие области, за спречување и подобро менаџирање на ваквите ситуации во иднината. Апелираат до институциите за поинтензивна работа и приоритизирање на развој на предлозите од Белата книга на Сојузот „Изучувањето на граѓанското и финансиското образование, медиумската писменост и дебатата во средните училишта како предуслов за градење активни граѓани“ кои ден за ден се покажуваат како сѐ понеопходни. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Со низа настани денеска во земјава ќе биде одбележан 8 Декември – Денот на Св. Климент Охридски, и патронен празник на Македонската православна црква – Охридска Архиепископија. Во Собранието на Република Македонија ќе биде доделена државната награда „Св. Климент Охридски“ за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност. Согласно одлуката на Одборот за доделување на државната награда „Св. Климент Охридски“ за 2023 година, годинашен добитник за остварување во областа на воспитанието и образованието е проф. д-р Рабије Мурати, универзитетски професор, а за остварување во областа на културата и уметноста е филмскиот режисер Антонио Митриќески. Владата на Република Македонија, под мотото „Свети Климент Охридски, извор на нашата духовност и образование”, со пригоден настан ќе го одбележи државниот празник, 8 Декември – Свети Климент Охридски. Централниот настан за одбележување на празникот ќе се одржи во Националната и универзитетска библиотека „Свети Климент Охридски“ во Скопје. Одбележувањето на државниот празник ќе започне во 10:45 часот, со положување цвеќе пред споменикот на Свети Климент Охридски на платото пред НУБ „Свети Климент Охридски“. Владината делегација ќе ја предводи претседателот на Владата на Република Македонија, Димитар Ковачевски, а во состав на делегацијата ќе бидат Викторија Аврамовска Мадиќ, заменик-министерка за правда и Беким Реџепи, заменик-министер за транспорт и врски. Во 11:00 часот во НУБ „ Свети Климент Охридски“, започнува свечениот настан за одбележување на државниот празник, на кој ќе се обрати премиерот Ковачевски. МПЦ-ОА со празнични богослужби го одбележува својот патрон. Празнувањата почнаа во изминатите денови, а продолжуваат денеска со божествени литургии во храмовите. Во Скопје ќе има едноцрквие во Соборниот храм „Свети Климент Охридски“ каде ќе биде одржана архиерејска литургија на која ќе чиноначалствува поглаварот на МПЦ-ОА г.г. Стефан. Денешниот ден е прогласен за дражвен празник и е неработен ден за сите граѓани на Република Македонија. МИА Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Руската Федерална служба за безбедност објави дека уапсила маж од белоруска националност обвинет за кревање во воздух два воза во Сибир по наредба на украинската разузнавачка служба, како дел од саботажа против руската инфраструктура, пренесува Ројтерс. Според ФСБ, уапсениот поставил експлозивни направи во два воза, а инструкции добил од друг сонародник кој бил во Литванија и работел за Украина. „Тој призна дека набавил осум експлозивни ги поставил во вагони со гориво“, се вели во соопштението на ФСБ. По двата напади, на 29 и 30 ноември, во руската област Бурјатија, која граничи со Монголија, украински извор за Ројтерс тогаш изјавил дека операциите биле спроведени од Службата за безбедност на Украина со намера да ги прекине железничките линии во Сибир што Русија ги користи за воени цели. Во првиот напад, експлозив беше активиран на товарен воз кој се движеше низ тунелот Северому крај автопатот Бајкал-Амур, додека во вториот беше погоден товарен воз додека го преминуваше Ѓаволскиот мост во истиот регион на железничка линија што се користи како резерва кога возовите се пренасочуваат од тунелот. Од избувнувањето на конфликтот во Украина, Русија се соочи со серија акти на саботажа против различни инфраструктурни и транспортни објекти, пишува Ројтерс. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Христијанството го има големиот свети апостол Павле како камбана на верата, а ние ги имаме и него и свети Климента. Таква била Божјата промисла, Македонија, од каде што почна апостол Павле во Европа, ги даде светите браќа Кирил и Методиј, и преку делото свети Климент и свети Наум Охридски, постана расадник на словенската црковно-просветна и книжевна дејност. Таков – свет е нашиот почеток. Со свети апостол Павле започнаа нашето охристовување и христијанизацијата, а со свети Климента – нашата евангелизација, оцрковување, просвета, книжевност, уметност, култура и сè. Ниедна личност не е толку сврзана со овој народ како што е свети Климент Охридски. Затоа го нарекуваме наш најголем светител, просветител и учител. Неговиот успех е плод на ученоста и побожноста. Тој бил „учител“, како што бил учител Господ Исус Христос, а тоа значи дека го учел народот во верата, го просветувал, бил проповедник, мисионер, пастир и првосвештеник. Односот на Господа Исуса Христа кон апостолите, за свети Климента бил личен пример за неговото однесување кон учениците. Тој другарувал со нив. Постојано биле заедно. Живеел со нив. Со кротост и со татковска љубов се однесувал кон нив, а тие, пак, му возвраќале со полно послушание и со синовска одаданост, како што се вели во житието: „Го слушаа како татко. Свети Климент љубел со срце, не – со уста. Неговото деноноќно присуство меѓу учениците и неговото духовно влијание врз нив многу значело во нивната возраст, додека тие се формирале како личности и како Христови пастири. Ја гледале големата трудољубивост, неуморната молитвеност и строгиот подвижнички живот на својот учител. И затоа запишале: „Ние никогаш не го видовме да е без работа. “Неговата успешност е и во тоа што тој бил од овој народ и ги познавал сите што ги учел. Ако тој бил некој дојденец: Елин или Латин, некој Сириец или Александриец, не ќе можел така да им се доближи на учениците, а ниту тие ќе можеле да го сметаат за толку близок. Светиклиментовата дејност била просветна, пастирска, духовна и душегрижничка. Наречен е просветител, со полното значење на зборот просвета (prosvyÃenie = prosvetenie). Станува почеток на нашата средновековна книжевност. Неговите творби се најубавите дела на старомакедонскиот словенски јазик и писмо. Животот го посветил на Бога и на народот. Знаејќи дека не може секаде да појде и да му послужи на својот народ, свети Климент го основал Охридскиот универзитет, кој е првиот словенски универзитет и прв универзитет во Европа. На Светиклиментовиот универзитет се изучувале сите тогашни науки. Се создавала нова книжевност и просвета. Во Европа влегла христијанската цивилизација на новиот јазик на Словените. Започнал новиот период во историјата на целото средновековно христијанство. Охрид, свети Климент и неговиот Универзитет станале граница меѓу двете големи јазично-културни цивилизации: грчката и латинската, и се издигнала третата – словенската, јазично-културна цивилизација. Што го натерало свети Климента на оваа посветеност? – Двете најголеми евангелски заповеди: љубовта кон Бога и љубовта кон луѓето. Свети Климент ги исполнил овие две заповеди: ја покажал љубовта кон Бога – со тоа што животот му го посветил на Бога; а љубовта кон луѓето – ја искажал во душегрижништвото за народот. А, во основа на сè е тоа што тој библиски приоѓал на сè и затоа богомудро решавал сè. Библијата била основа на сè што мислел, што зборувал, што пишувал, што творел и како живеел. Затоа постанал тоа што е – Божји светител и народен просветител. За сите прашања од животот ги користел Библијата и учењето на светите отци. Многу јасно и едноставно го поврзувал Божјиот збор со светот и со животот на луѓето. Такви биле неговите беседи и слова. Во нив ја искажувал Христовата порака до луѓето. Им објаснувал што е човекот, според христијанското учење – и барал да ја исполнат својата човечка и христијанска цел. А која е таа? – Да бидат добри и човечни. Со љубов кон секого. Да се усовршуваат во доброто, во љубовта и во светоста. На тоа сме повикани од Бога. Така се доаѓа до спасението и до светоста. Таков е нашиот живот во Христа. А Христос дојде на земјава и ни даде пример за совршен човечки живот. Ова им го кажувал свети Климент на луѓето, во своите поуки. Неговата проповед била сеење на словото Божјо. Тој се раководел според правилото: „Или не поучувај, или поучувај со својот живот. Инаку, со зборовите ќе ги повикуваш, а со делата ќе ги бркаш. “ Како што говорел, така и живеел. Сè што било изговорено, било и потврдено во неговиот свет и богоугоден живот и дело. Поучувал и со збор и со личен пример. Не проповедал само в црква или на богослужба, туку секогаш и секаде. Одел кај луѓето, по нивните места, ги посетувал и дома и на работа. Ги поучувал, им помагал. Знаел како да ги придобие за верата, за Христа, за Евангелието и за евангелскиот живот. Им говорел кога биле собрани заедно, но зборувал со нив и одвоено: и со мажите и со жените, и со старите и со младите, а и со децата – и на сите им посочувал што е тоа во Евангелието, а што тие дотогаш не го знаеле и каква светлина можат да доживеат, ако проникнат во спасителното дело на Господа Исуса Христа. И уште повеќе – од какво значење ќе биде тоа за нивниот личен живот, за разбирањето, за радоста, за семејството, за доброто, за заемната љубов и почит. Тој бил пример: и со животот и со делата, и со добродетелите и со дарбите, и со знаењето и со учењето, и со службата и со подвизите, и со учителството и со творештвото – и со целокупната своја личност, која ја имал изградено според критериумите на Евангелието. Извор: МИА (За МИА подготви проф. д-р Ратомир Грозданоски) Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот Стево Пендаровски, по повод христијанскиот празник Свети Климент Охридски упати честитка до поглаварот на Македонската Православна Црква – Охридска Архиепископија, Господин Господин Стефан, Архиепископ Охридски и Македонски и на Јустинијана Прима и до сите верници од православната вероисповед. Дозволете ми да Ви упатам искрени честитки по повод големиот христијански празник Св. Климент Охридски и да Ви посакам празникот да го поминете во добро здравје, исполнети со радост и со среќа. Со своето дело патронот на Mакедонската православна црква – Охридска архиепископија, Св. Климент Охридски, остави трајно наследство коешто изобилува со духовност и со мудрост. Со силна вера, дисциплина и посветеност, Св. Климент ги надминуваше пречките коишто му стоеја на патот, неуморно ширејќи ја својата пастирска љубов. Споделувајќи ги светогледот, духовноста, културата и хуманизмот на големиот учител и ние да даруваме љубов, да бидеме внимателни и грижливи, придонесувајќи за мирот, хармонијата, просперитетот и благосостојбата во македонското општество, пишува во честитката претседателот Пендаровски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Променливо облачно со сончеви периоди. Ќе дува умерен до засилен северен ветер, поизразен претпладне долж Повардарието. Минималната температура ќе биде во интервал од -4 до 4, а максималната ќе достигне од 3 до 9 степени. Во Скопје променливо облачно со сончеви периоди и со слаб до умерен северен ветер. Минималната температура ќе се спушти до -2, а максималната ќе достигне до 7 степени. Во недела во попладневните часови повторно ќе има локални врнежи од дожд, а на планините од снег. Потоа во следните денови времето ќе биде стабилно со ниски утрински температури. Од понеделник дневните температури ќе бидат во пораст, освен по котлините каде ќе има услови за појава на магла. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Олаф Шолц изрази „солидарност“ со Евреите на почетокот на Ханука и стана првиот германски канцелар што во Берлин запали огромна менора, деветокрак свеќник. Два месеци по избивањето на конфликтот меѓу Израел и Хамас, Шолц, облечен во традиционална еврејска „кипа“ капа, повика на „итно“ ослободување на сите израелски заложници земени од екстремното палестинско исламистичко движење. Канцеларот го направи ова пред толпата собрана на Бранденбуршката порта, во самото срце на германската престолнина и го одбележа еврејскиот празник на победата на светлината над темнината. „Менората мора да биде овде, пред Бранденбуршката порта, во срцето на нашиот главен град, како симбол на надеж и доверба, како симбол на припадност на еврејската вера и еврејски граѓани на нашата земја“, рече Шолц. „Терористичкиот напад на Хамас врз Израел длабоко не потресе сите нас“, додаде Шолц. Потоа, придружуван од рабинот Јехуда Теихтал, се качи на кранот и ја запали првата свеќа со факел. „Сакам оваа канделабра да свети подалеку од овој плоштад и многу подолго од само осумте дена на Ханука“, рече Шолц. Соочен со пораст на злосторствата од омраза против Евреите во Германија по нападот на Хамас на 7 октомври, Шолц постојано ја нагласува посветеноста на неговата земја за заштита на еврејската заедница, осум децении по Холокаустот, најголемиот геноцид досега. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Германскиот парламент нема да има време да гласа за буџетот на земјата за 2024 година пред крајот на годината, му напиша висок пратеник од Социјалдемократите (СПД) на канцеларот Олаф Шолц во СМС-порака видена од ДПА. Коалицијата од три партии на Шолц беше под огромен притисок да ја реши буџетската криза на земјата, која уследи по значајната судска одлука со која беа поништени некои од плановите за трошење на владата, забележува германската агенција. Иако направивме колку што можеме од наша страна, буџетот за 2024 година веќе не може да се финализира навремено оваа година, напиша Катја Маст, висок пратеник на СПД од фракцијата на партијата во Бундестагот. Пораката стигна до сите пратеници на СПД, додава ДПА. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Професорката од Факултетот за безбедност Светлана Николоска во „Клик Плус“ се произнесе за случајот со убиството на Вања и на Панче. Николоска кажа дека не верувала дека татко може да го издаде своето дете, меѓутоа се сомневала кога ги видела кренатите палци на таткото. Човек кога е во долг и кога има притисок, не знае како да реагира, но верувам дека никој не може да го издаде своето дете за некој да го убие. Можеби си помислил дека нема да се случи ништо, туку дека само малку ќе ја подуплашат мајката и ќе ги даде парите. Таткото имал претходни релации со главниот осомничен, и во неговата глава е да го заштити своето дете, а не да го даде. Но, она што го видов, таткото лајкува кон новинарите, и тоа ме враќа да се посомневам на неговата психичка состојба. Дали е можно таткото да го жртвува своето дете, дали може да дозволи неговото дете да биде киднапирано се со цел да ги елиминира долговите – рече Николоска, која подоцна во емисијата кажа дека таткото на Вања делува на лабилна личност. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Светската здравствена организација (СЗО) успеа да испорача залихи на две болници во јужниот дел на Газа кои не добиле никакви породувања од 29 ноември, според генералниот директор на организацијата. Денес СЗО достави и материјали за помош при траума и итна нега на Европската болница Газа и медицинскиот комплекс Насер во јужна Газа за да ги покрие потребите на 4500 пациенти, рече генералниот директор на СЗО, д-р Тедрос Аданом Гебрејезус во објава на платформата на социјалните мрежи X. Шефот на СЗО го истакна штетното влијание на „интензивните борби“ во јужниот дел на Газа, велејќи дека борбите го отежнуваат пристапот , бидејќи „сè повеќе не може да се спроведат какви било здравствени операции“. Ова беше прва мисија за испорака од 29 ноември, додаде Тедрос. Од вторникот, израелските одбранбени сили се вклучени во „интензивни битки“ со борците на Хамас во градот Кан Јунис во јужниот дел на Газа. Видеото до кое дојде денеска новинската агенција Ројтерс покажува дека голем број повредени Палестинци брзаат во болницата Насер во Газа по налетот на израелските напади, објави Си-Ен-Ен. Гебрејезус повтори дека неговата организација останува „екстремно загрижена“ за илјадниците „пациенти и здравствени работници“ во Газа, нагласувајќи дека единствениот начин да се заштитат е со итно спроведување на прекин на огнот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот на СДСМ и премиер Димитар Ковачевски во интервјуто за емисијата „360 степени“ на МРТ 1, говореше и за претстојните избори претседателски и парламетарни и истакна дека во државата ќе има редовни избори, после 17 години. На претседателските избори на 24 април победник ќе биде претседателскиот кандидат предложен од СДСМ и коалицијата која што се залага за европска интеграција на Македонија. На парламентарните избори на 8 мај на вториот круг на претседателски избори победник ќе бидат и претседателот предложен од СДСМ и коалицијата предводена од СДСМ и јас повторно ќе бидам мандатар. И тоа ќе бидат и претседател на Република Македонија и Влада со кои што Република Македонија ќе стане полноправна членка на ЕУ – рече Ковачевски. Јас ви кажувам дека во следниот мандат ќе биде влезот во ЕУ, до 2028та година, додаде тој. Претседателот на СДСМ и премиер Ковачевски подвлече дека верува во остварување на зацртаните цели и работи тие да се остварат. Минатата година постојано ме прашуваа дали ќе добиеме преговарачка рамка и сите беа скептици дека ќе добиеме. Јас велев дека верувам во остварување на целта и направив таа цел да се оствари. И ние добивме преговарачка рамка. Направивме успешен скрининг процес кој што завршува, дополнително идната недела е Европскиот совет. Заклучоците на Европскиот совет ќе бидат дека Македонија направи успешен скрининг и останува да ги направи уставните измени кои се обврска во преговарачката рамка и да продолжиме со отварањето на поглавјето – рече Ковачевски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Владеењето на правото треба да биде врвен приоритет и владеењето на правото треба да важи за секого, порача претседателот на Владата на Република Македонија, Димитар Ковачевски во интервју за емисијата „360 степени“ која се емитуваше вечерва на МРТ 1. Премиерот Ковачевски, во интервјуто зборуваше на повеќе теми, при што посебно се осврна на поставеноста на судството во однос на извршната власт. Коментирајќи на прашањето за притисоци врз судството и обвинителството премиерот Ковачевски рече дека во државата има поделена власт – извршна, законодавна и судска власт. Иако извршната власт како потранспарентна и подостапна е власт која е почесто под рефлекторите на јавноста и која од граѓаните е идентификувана како одговорна за сѐ, сепак прашањата за различните проблеми со кои се среќава судството треба да се адресираат на вистинското место, посочи Ковачевски. Јас не можам да знам какви се постапките во Судскиот совет. Како што видов таму имаше членови кои даваат оставки, членови кои го напуштаа Судскиот совет со различни изјави. Јас можам да ве уверам дека судската власт во државата е поставена независно. Секогаш повторувам дека никогаш не можете да генерализирате за одредена институционална поставеност каква е. Секогаш одговорноста има име и презиме. За сè треба да има одговорност – истакна Ковачевски, додавајќи дека членовите на Судскиот совет, се избрани во Собрание, а не од политичка партија. Кога ќе биде избран некој на одредена функција тој треба да работи согласно закон и согласно одговорностите и обврски кои ги има со целосен интегритет. Тоа сакам да го кажам. Не сакам да генерализирам на институционално ниво дали е нешто комплетно добро или комплетно лошо. Ние имаме и квалитетни судии и квалитетни обвинители зошто во секоја бранша има квалитетни, помалку квалитетни и некои кои не ја извршуваат својата работа, изјави премиерот Ковачевски во интервју за „360 степени“ кое вечерва се емитуваше на МРТ1. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Премиерот и лидер на владејачката СДСМ, Димитар Ковачевски, вели дека при неговата последна посета на Струмица не се сретнал со неговиот претходник, Зоран Заев, бидејќи агендата била набиена и немало простор за нивна средба бидејќи уште вечерта тој требало да биде во Скопје за да оствари средба со државниот секретар на САД, Ентони Блинкен. Но, додава Ковачевски во интервју за „360 степени“ на МРТ 1, и покрај тоа што немало средба, односите помеѓу сите поранешни претседатели и носители на функции во СДСМ се коректни и секој може да го каже својот политички став. Прашан за тоа дали до него стигнале информации дека Заев му е лут зашто бил споменат во американската црна листа (во образложението за црногорскиот бизнисмен Миодраг Давидовиќ-Дака) и дека тој го посочил Ковачевски како можна причина за тоа, премиерот и лидер на СДСМ вели дека за такво нешто не чул, но и дека тој никако не може да знае кој ќе биде наведен во тие листи. Прво, Зоран Заев не е на црната листа на САД. Тоа тие го прават согласно свои закони и процедури и ниту еден носител на функција во Владата, вклучително и јас, ниту е информиран за постапката, ниту е информиран за лицата, ниту пак е информиран за тајмингот, туку единствено информациите може да ги добиеме од соопштенијата на Стејт департментот и за тоа најдобро ќе ви одговори претставник на американската амбасада – вели Ковачевски. Кога станува збор за црната листа на САД, неодамна на неа се најде и поранешниот вицепремиер во една од владите на СДСМ, Кочо Анѓушев. На новинарско прашање – како тој го коментира тоа што Анѓушев е на оваа листа, Ковачевски вели дека тоа се сериозни обвинувања и дека тоа е порака и до нашите институции да си ја работат својата работа и да спроведуваат владеење на право. Мора да посочам уште еднаш дека ние мора да бидеме свесни дека САД, врз основа на информации што тие ги имаат, врз основа на постапки што нивните институции ги спроведуваат, а може да замислите за сериозноста и обемот на информации со кои може да располага едно Министерство за финансии на САД, ги носат своите одлуки. Од друга страна, и нашите институции треба да си ја работат својата работа и во рамки на своите надлежности и законски можности и капацитети, да спроведуваат владеење на право во државата. Затоа сметам дека тоа се две поделени, но да кажеме активности насочени кон иста цел, бидејќи САД се наш стратешки партнер – кажа Ковачевски. Премиерот вели дека Владата започнала низа активности за менување на законодавството за лицата кои се на американската црна листа да немаат можност да се занимаваат со јавна функција во земјава, по примерот на веќе постоечки закон кој оневозможува лица кои се на црната листа на Обединетите нации и на Европската Унија да извршуваат јавна функција. Дополнително, формирана е работна група која би требало да ги направат промените во законската регулатива со што ќе се адресира учеството на лицата кои се санкционирани согласно правилата на Европската Унија, Обединетите нации и Соединетите Американски Држави. Работната група ја предводи вицепремиерката за политики за добро владеење, а во неа учествуваат министрите од економските ресори, потоа институциите кои се во надлежност на Министерство за финансии и безбедносни служби како советодавни, вклучувајќи министерства кои се вклучени во критична инфраструктура во државата – Одбрана и Внатрешни работи кои ќе треба да направат промена на законската регулатива во државата со цел да биде адресирано учеството на физички и правни лица кои се санкционирани согласно правилата на ЕУ, ООН и САД во правниот промет во нашата земја – рече Ковачевски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за надворешни работи Бујар Османи смета дека не треба да се дига раце од уставните измени кои се услов за продолжување на преговорите со ЕУ и отворање на поглавјата и треба до последен ден да се работи на тоа во постојниот состав на Парламентот. Побитно, е вели, јавноста да ја придобиеме за уставните измени отколку опозицијата. Јас се надевам дека ќе се гласаат. Не треба ние политичарите да дигаме раце од тој процес. Треба до последен ден да продолжиме, и да не успееме ќе има позитивен колатерален ефект од убедувањето затоа што мене ми беше многу побитно во овој период јавноста да ја придобиеме отколку опозицијата. Затоа што јавноста беше подложена на силна пропаганда и во услови на постоечка фрагилност заради историјатот, луѓето беа ранливи и кога на тоа некој додава сол, имате спремен терен да имате гневни граѓани. Не велам не со право заради историјатот, но не конкретно за овој предлог. И полека требаше да се објаснуваме со граѓаните, макар и еден човек на ден ако треба да придобиеме да убедиме дека нема алтернатива овој пат, за уставните измени, не опозицијата – рече Османи во гостувањето во Само интервју на Канал 5. Тој рече дека не се согласува со ставот на претседателот, кој изјави дека е веќе јасно дека нема да се изгласаат уставните измени и го смета за погрешен пристап. Според него, опозицијата и нејзинот лидер нема своја стратегија за евроинтеграците, туку ги гради ставовите „јавајќи на бранот на јавното мислење“. Нагласи дека гаранциите кои ги бара опозицијата дека нема да има нови вета од Бугарија, се добиени во Преговарачката рамка. Ние не работевме за да ја убедиме Бугарија, ние работевме за да изградиме ѕид помеѓу Бугарија и Брисел, бугарските барања да не можат да пробијат во Брисел, Преговарачката рамка е сега филтерот низ којшто сега поминуваат бугарските барања. Не може да помине ништо што не го предвидува филтерот наречен Преговарачка рамка. Протоколот не е дел од поглавјата. Гаранциите ги добивме преку Преговарачката рамка во кои што прво македонскиот јазик за прв пат стана европски јазик, без никакви додавки. Гаранција се начинот на кој што се отвараат поглавјата во кои што нема билатерални прашања освен Акцискиот план за малцинства т.е. човековите права и уставните измени. Гаранција е Резолуцијата на германскиот Бундестаг, гаранција е изјавата на бугарската Влада дека нема да има нови барања. Значи вие може да измислите милион други потреби за гаранции, но патот е овој, нема друг пат – нагласи Османи. Бугарија може да ги прекрши правилата на игра, но, вели Османи, не може да блокира за барања кои што не се предвидени во патоказите. Тој појасни дека два патокази се бенчмаркови од кои во Патоказот за владеење на правото, потои Акциски план за малцинства кој што не се однесува на Бугарите туку на сите етнички малцинства под 20 проценти каде се предвидени прашања од типот на право на здружување. Тој се уште се подготвува не не е завршен, но постојат рокови кога треба да се заврши. Османи е уверен дека и доколку дојде до промена на власта земјата наредните шест месеци ќе мора да најде начин да ги донесе уставните измени, бидејќи додава, ЕУ е за нас „Павлов рефлекс“ и без отворање на поглавјата како и договор меѓу позицијата и опозицијата не можат да се спроведат европските реформи. Европските реформи не можат да се спроведат еднострано, или ќе има државен договор за реформи, а тој државен договор без договор меѓу позицијата и опозицијата под капа на ЕУ е утопија. Ние мора да имаме државен договор за европската агенда, како што имаа Хрватите – рече министерот Османи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

СДСМ својот претседателски кандидат за изборите закажани на 24 април 2024 година ќе го бира преку дефинирана процедура, најдемократски – вели премиерот и претседател на владејачкиот СДСМ, Димитар Ковачевски, во интервју за „360 степени“ на МРТ 1, не откривајќи потенцијални имиња, туку посочувајќи кaко треба да изгледа профилот на кандидатот: Претседателски кандидат којшто се залага за европска интеграција на државата, кој се залага за надворешна политика којашто е целосно усогласена со НАТО и ЕУ, којшто ги почитува меѓународните договори на државата, којшто ја почитува Преговарачката рамка со ЕУ, којшто ги почитува сите граѓани без разлика на нивната, пред сè, етничка и која било друга припадност и претседателски кандидат којшто има визија за Македонија како полноправна членка на ЕУ – со економски раст, со врвно владеење на демократија и право и социјална сигурност. Тоа е победничкиот кандидат и тоа е е профилот на претседателски кандидат којшто СДСМ ќе го понуди и којшто ќе треба, нормално, да ги дели вредностите на нашите коалициони партнери. Прашан за тоа дали актуелниот претседател Стево Пендаровски ги исполнува условите што ги набројува, лидерот на СДСМ одговори дека досегашното работење на Пендаровски е токму таков пример. Стево Пендаровски, ако го анализираме неговото работење во изминатите пет години, тој апсолутно ги исполнува овие вредности и затоа тогаш и бил кандидиран. Бидејќи претседателот Пендаровски беше кандидиран како консензуален кандидат. Да не заборавиме дека тој беше поддржан отворено од коалиција која вклучуваше партии на Албанците – рече Ковачевски. Тој додава дека повикот од неговата партија за консензуален претседател не е само за ДУИ и Алијанса за Албанците, туку за сите партии што ги споделуваат вредностите за кои се залага СДСМ. Ние нашата покана ја испративме официјално како политичка партија на прес-конференција по лидерската средба. Истото тоа го кажав пред претседателите на партиите од нашата коалиција и тоа претставува одлична основа за понатамошни разговори и со партијата ДУИ и со партијата Алијанса и со која било друга партија, организација и поединец кој се залага за такви вредности. Бидејќи коалициите се прават врз база на вредности. Вие не можете да правите коалиции на база на интереси – рече Ковачевски во интервјуто. Првиот круг од претседателските избори ќе се одржи на 24 април, а вториот ќе биде со парламентарните избори на 8 мај, ден среда. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Словенечката влада ја продолжи привремената контрола на внатрешните граници со Хрватска и Унгарија за уште 12 дена, до 21 декември, со цел спречување на тероризам, екстремизам и прекуграничен криминал, беше соопштено по седницата на Владата. Љубљана воведе гранична контрола на 21 октомври, откако Италија одлучи да воведе контрола на внатрешната граница со Словенија, наведувајќи ја опасноста од загрозување на јавниот ред и внатрешна безбедност, т.е. зголемен ризик од терористички напади во контекст на ситуацијата на Блискиот Исток и Украина. Како што неодамна изјави министерот за внатрешни работи Боштјан Поклукар, Словенија планира да ја продолжи граничната контрола за уште шест месеци од 21 декември поради средното ниво на закана од тероризам во Словенија и високото ниво на закана од тероризам во Европската унија. Владата сега ја продолжува контролата според член 28 од Шенгенскиот акт, која може да се спроведе најмногу два месеца, до 21 декември. Потоа Словенија би го применила продолжувањето на таа мерка според член 25 и член 27 од Шенген-законик со што се овозможува граничен надзор за шест месеци. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Една недела откако доби прекин на затворската казна, Бојан Јовановски познат како Боки 13 ја објави првата фотографија на социјалните мрежи. Боки 13 се фотографираше пред Соборниот храм во Скопје. Првото селфи на слобода после повеќе од 4 години. Господ на помош, прво и најважно здравје, па потоа се ќе си дојде на свое место. Благодарам на сите добронамерни луѓе за поддршката и убавите зборови за целиот изминат пеколен период, објави Јовановски на својот Фејсбук профил. Боки 13 доби прекин на казната поради лошата здравствена состојба во која се наоѓа, за која Кривичен суд добил лекарски извештаи од повеќе клиники, но и повеќе доктори, како и цели лекарски козилиуми. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Александар Вучиќ на својот профил на ТикТок објави видео во кое ги прашува своите следбеници дали знаат дека Лорд Волдеморт, измислен лик од серијата романи за „Хари Потер“, е Србин. @jasamaleksandar Ono kad lord Voldemor postane Srbin! #ralphfiennes #jasamaleksandar #harrypotter #serbia #serbianpassport ♬ original sound – Ja sam Aleksandar „Па, ова е само овде“, напишаа луѓето во коментарите под видеото кое собра повеќе од 20.000 лајкови. Имено, актерот Ралф Фајнс, кој го отелотвори ликот на Волдеморт, во 2017 година добил српско државјанство во знак на благодарност за снимањето на филмот Кориоланус во таа земја. Одлуката за државјанство ја потпишала премиерката на Србија, Ана Брнабиќ. На 23.06.2017 година, актерот бил гостин и на свеченоста што ја организирал претседателот на Србија по повод неговата инаугурација. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На подрачјето на Аеродром вечерва е приведен 28 годишен скопјанец Н.Н. поради сомнение дека вечерва во 17:30 часот со закана од аптека на подрачјето на Аеродром, со закана од вработената одзел пари, известуваат од Министерството за внатрешни работи. Тој е приведен во полициска станица и кај него се пронајдени одземените пари кои ќе бидат вратени на сопственикот, велат од МВР. Оттаму информираат дека по документирање на случајот против лицето ќе биде поднесен соодветен поднесок. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Констатирани се тешки телесни повреди кај малолетното девојче кое вечерва беше удрено од воизло кај бензинската пумпа „Лукоил“, на булевар „Србија“ во Општина Аеродром, соопшти Министерството за внатрешни работи. На 07.12.2023 во 16.25 часот на бул.„Србија” спроти бензинска пумпа патничко возило „пасат” со скопски регистарски ознаки, управувано од Д.Л. удрило во малолетен пешак. Во несреќата малолетничката се здобила со тешки телесни повреди, констатирани во Комплекс клиники „Мајка Тереза”, каде била пренесена за укажување на лекарска помош, информираат од МВР. Оттаму исто така велат дека продолжува увидот од страна на екипа на СВР Скопје. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Една недела откако доби прекин на затворската казна, Бојан Јовановски познат како Боки 13 ја објави првата фотографија на социјалните мрежи. Боки 13 се фотографираше пред Соборниот храм во Скопје. Првото селфи на слобода после повеќе од 4 години. Господ на помош, прво и најважно здравје, па потоа се ќе си дојде на свое место. Благодарам на сите добронамерни луѓе за поддршката и убавите зборови за целиот изминат пеколен период, објави Јовановски на својот Фејсбук профил. Боки 13 доби прекин на казната поради лошата здравствена состојба во која се наоѓа, за која Кривичен суд добил лекарски извештаи од повеќе клиники, но и повеќе доктори, како и цели лекарски козилиуми. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На булеварот „Србија“ вечерва е прегазено малолетно девојче, кое веднаш e пренесено во болница. Несреќата се случи кај бензинската пумпа „Лукоил“. Засега нема информации за неговата здравствена состојба. Полицијата во моментот врши увид. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Малиген тумор на црниот дроб и метастази на белите дробови се причините за угинувањето на жирафата Флопи, велат официјалните резултати од обдукцијата што денеска ги доби скопската Зоолошка градина. Врз основа на патохистолошкиот наод, како и негативниот микробиолошки и молекуларен наод, од Факултетот за ветеринарна медицина добивме заклучок дека Флопи угинал како резултат на малиген тумор во црниот дроб и метастази во белите дробови. За жал оваа болест е најфаталната на 21 век, од која како и луѓето, страдаат и многу животни. Ракот на црниот дроб се смета за „тивок убиец“, а кај Флопи веќе метастазирал и во белите дробови како еден вид на агресивен карцином. Дури и кај луѓето, овој тип на карцином многу ретко може да се дијагностицира во рана фаза, се вели во соопштението на ЗОО Скопје врз основа на обдукцијата што ја направи Ветеринарниот институт. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Изборите се лесни кога се има тим кој е силно мотивиран!, вели генералниот секретар на ВМРО-ДПМНЕ, Ѓорѓија Сајкоски. Заедно со организационите секретари сме и повеќе од подготвени да го истрчаме и последниот дел од трката за враќање на достоинството на граѓаните на Македонија. На денешниот успешен состанок ги поставивме темелите на борбата за редемократизација на Македонија. Одиме кон победи!, пишува Сајкоски на Фејсбук. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Шпанија дискретно протерала најмалку двајца вработени во американската амбасада обвинети дека подмитувале шпански разузнавачи во замена за државни тајни, објави денеска весникот Ел Паис, цитирајќи владини извори. Ниту една земја веднаш не го потврди протерувањето, но шпанската министерка за одбрана Маргарита Роблес, на прашањето за случајот, го омаловажи неговото значење за односите меѓу двете земји. Таа потврди дека во тек е судска истрага за „нерегуларно однесување“ во шпанската разузнавачка служба ЦНИ. -Шпанија и САД се пријатели, сојузници и партнери. Кога има потешкотии кои би можеле да влијаат на нас, се разговара и се работи на нив, но тоа на никаков начин не влијае на односите што ги имаме, изјави таа. Американски официјален претставник во Шпанија рече дека американската амбасадорка Џулиса Рејносо нема да го коментира инцидентот. Резултатите од истрагата покажале дека двајца шпански разузнавачи дале информации за „голема сума“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На магистралниот пат А-3, Битола-Ресен, на планинскиот превој „Ѓавато“, поради обилни врнежи на снег и задржување на истиот на коловозот, вечерва воведена е забрана за движење на товарни моторни возила. Како што соопшти Авто мото сојузот на Македонија, забраната почнува од 18:35 часот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Градоначалникот на Приштина, Прпарим Рама, од пригодна церемонија во седиштето на Европскиот парламент во Брисел, објави дека косовската престолнина е избрана за „Европски град на спортот“ за 2024 година, јави дописникот на МИА од Приштина. Преку видео пораката што ја објави на неговата страница на Фејсбук, Рама порача дека ова ќе ја направи Приштина дестинација и центар на многу спортски активности кои ќе се одржуваат во текот на 2024 година. – Среќен сум што можам да ја споделам со вас фантастичната вест дека Приштина е прогласена за европски град на спортот за 2024 година! Овој наслов е доказ за нашата непоколеблива посветеност да создадеме град кој негува здрав живот, инклузивност и гостопримство. Нè очекува година полна со спортски настани, ангажман на заедницата и инвестиции во спортската инфраструктура, порача Рама. Заедно со градоначалникот на Приштина, на пригодната церемонија во седиштето на Европскиот парламент во Брисел присуствуваа и општинскиот директор за спорт, Гранит Ругова и првата скијачка од Косово учесничка на Зимските олимписки игри во Пекинг 2022 година, Киана Криезиу. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Велешанецот кој од вчера се водеше за исчезнат е пронајден мртов. Од МВР за Пресс24 велат дека тој излетал со возилото од автопато „Пријателство“ во близина на езерото Младост. Денеска во 15.45 часот во СВР Велес било пријавено дека на автопатот ,,Пријателство”, во правец од Скопје кон Велес, на околу 1400 метри после исклучок за езеро Младост, било пронајдено излетано возило од патот, ,,форд фокус” со велешки регистарски ознаки. Во несреќата, од здобиените повреди починал возачот П.Д.(59) од Велес, за кој на 06.12.2023 неговиот внук пријавил дека се оддалечил од домот. Смрт констатирал лекар од Итна медицинска помош-Велес, а увид на местото извршиле јавен обвинител и увидна екипа од СВР-Велес, велат од МВР. По наредба на јавен обвинител телото е предадено на обдукција. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Британскиот министер за надворешни работи Дејвид Камерон ја искористи денешната посета на Вашингтон за да ги повика американските политичари да одобрат нов пакет воена помош за Украина. Сенатот под контрола на републиканците вчера го блокираше нацрт-законот за помош од повеќе милијарди долари за Украина, поддржан од Демократската партија. Конзервативците во американскиот Конгрес го поврзуваат прашањето за помошта за Украина со заострување на мерките за борба против илегалната миграција на границата меѓу САД и Мексико. -Не сум загрижен за силата, единството и храброста на украинскиот народ, загрижен сум дека нема да го направиме она што треба да го направиме. Мораме да обезбедиме да им го дадеме оружјето, да им обезбедиме економска, морална, дипломатска и што е најважно, воена поддршка што може да донесе промени, рече Камерон. Во врска со загриженоста на САД дека Европа не прави доволно за Украина, Камерон рече дека во однос на економијата и воената помош, Европа прави двојно повеќе од САД. -Ова го гледам како важен тест за нашата генерација… дали ќе сфатиме дека европската безбедност е и американска безбедност и дали ќе бидеме обединети по ова прашање?, рече шефот на британската дипломатија. Тој уште еднаш потенцираше дека мора да бидат дадени овие пари за Украинците. -Мораме да ги поддржиме и да се погрижиме Путин да биде губитник, бидејќи ако овие пари не се гласаат и не се дадат на Украина, има само двајца луѓе кои ќе се насмевнат: едниот е Владимир Путин и другиот е Си Џинпинг во Пекинг, заклучи Камерон. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

ОВР Валандово поднесе кривична пријава против Р.М.(42) од Струмица, поради постоење основи на сомнение за сторено кривично дело „злоупотреба на службената положба и овластување“. На 23.10.2023 пријавениот, во својство на вработен како затворски полицаец во КПУ – Затвор Струмица, во договор со осуденик кој издржувал казна затвор, со своето моторно возило го пренел до с.Јосифово за да завршат работа со негова роднина и го вратил. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На финско-руската граница се распоредени педесет и пет полицајци на Агенцијата за европска крајбрежна и гранична стража Фронтекс. -Во моментов распоредуваме 55 персонал во Финска, од кои повеќето се членови на граничната полиција, изјави портпаролот на Фронтекс, Пјотр Свиталски. Tој дополнителен контингент се очекува да биде на границатa до крајот на јануари. Портпаролот додаде дека се подготвени да го променат тоа во зависност од развојот на ситуацијата и дека Фронтекс може да биде присутен на границата пократко или подолго во зависност од потребите. -Знаеме дека мигрантскиот притисок е една од алатките што ги користи Кремљ и затоа можеме да очекуваме дека ќе продолжи, рече тој. Според финските власти, од почетокот на август на границата на двете земји пристигнале речиси илјада баратели на азил од Сомалија, Ирак и Јемен. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Државниот секретар на САД Ентони Блинкен информираше денеска дека со депонирањето на инструментите за ратификација на Договорот за правната положба на НАТО, договорот стапил во сила за Македонија. На 4 декември 2023 година Република Македонија ги депонираше интрументите за ратификација на Договорот за статусот на Организацијата на Северноатлантскиот договор, националните претставници и меѓународниот персонал, соопштува Блинкен. Според точка 26, параграф 2, Договорот за НАТО стапи во сила за Република Македонија на 4 декември 2023 година, се вели во депозитарното известување на Стејт департменот. Лани во јуни Македонија го потпиша Договорот за правната положба на Организацијата на Северноатлантскиот договор, националните претставници и меѓународниот персонал, усвоен во Отава на 20 септември 1951 година, познат како Договор од Отава, соопшти тогаш МНР. Договорот од Отава, чиј депозитар е Владата на САД, претставува правна рамка неопходна за функционирање на Организацијата на Северноатлантскиот договор и за извршување на службените задачи и обврски на националните претставници на државите членки на НАТО и на меѓународниот персонал во организацијата. Со овој Договор се регулира внатрешно-правната положба, привилегиите и имунитетите на организацијата, статусот и привилегиите и имунитетите на националните претставници од државите членки на НАТО и на меѓународниот персонал во НАТО. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....