Македонската делегација, составена од шест спортисти, четири судии, нивните тренери и официјалните претставници на Македонскиот олимписки комитет, и официјално се претстави на свечената церемонија на Летните Олимписки Игри (ЛОИ) кои по трети пат се одржуваат во Париз. Знаменосци во нашиот тим беа маратонецот и нашиот најдобар атлетичар Дарио Ивановски и теквондистката Милијана Рељиќ. Покрај знаменосците, нашиот спорт во Франција ќе го претставуваат уште пливачот Никола Ѓуретановиќ, Анастасија Мојсовска во дисциплината спортско стрелаштво, џудистот Еди Шерифовски и борачот Владимир Егоров. Судиите Ѓорѓи Начевски и Славе Николов ќе делат правда на ракометните натпреварувања, Иван Михајловски во триатлон и Анета Павловска во тенис. На Игрите учествуваат 10.714 спортисти, во 32 спортови, од 206 земји и територии, плус група спортисти кои ќе се натпреваруваат под знамето на МОК, како и тимот за бегалци. Поради војната во Украина, Русија и Белорусија не учествуваат. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за надворешни работи Тимчо Муцунски го разреши Бесиjан Ахмети од позицијата прв секретар во македонската амбасад во Брисел. Бесиjан Ахмети, внук на лидерот на ДУИ, Али Ахмети и осомничен за случајот со злоупотреба на концесија за минерални суровини, од 1 септември годинава треба да ја напушти позицијата во Брисел, две години пред истекот на договорот, објави МКД.мк. Со години фирмите на Дрин и Бесијан , внуци на Али Ахмети вртеле милиони со помош на државaта Внукот на Ахмети е вработен во Министерството за економија и труд со решение на МНР од 26 април 2023 година кога е упатен на работа во амбасадата на Македонија во Брисел со надлежност на земјите на Бенелукс (Белгија, Холандија и Луксембург) на работно место прв секретар за период од 3 години, сметано од 1 мај 2023 година. Но, министерот Муцунски донесе решение со кое на Бесиjан Ахмети мандатот му завршува на 31 август 2024 година. Како Бесиан Ахмети преку Министерство за економија можел да влијае врз конкуренцијата на неговиот брат Дрин Решението е донесено вчера, а против него жалба до Агенцијата за администрација може да се поднесе во рок од 8 дена. Бесиjан Ахмети е внук на лидерот на ДУИ, Али Ахмети, и брат на Дрин Ахмети, а двајцата се осомничени од МВР за злоупотреба на концесија за минерални суровини бидејќи полицијата откри дека не ја плаќале концесијата. Штетата од злоупотребата е над 1,6 милиони денари, односно околу 27 илјади евра. Покрај внуците на Али Ахмети, осомничени се уште 7 државни службеници од Министерството за економија и од Државниот инспекторат за техничка инспекција затоа што не вршеле надзор и овозможиле да не се исплатат парите на државата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Дресот кој го носеше американската безбол легенда Бејб Рут достигна цена од 13,3 милиони долари на аукција организирана од аукциската куќа Heritage Auctions, јавија денеска американските медиуми. Станува збор за рекордна сума понудена за спортски сувенир. Претходниот рекорд беше поставен во септември 2022 година, кога дресот на кошаркарот Мајкл Џордан со кој настапи во првиот натпревар од финалната серија во НБА лигата против Јута како играч на Чикаго во 1998 година, беше продадена на аукција за 10,091 милиони долари. Според американските медиуми, вредноста на дресот на Рут може да се зголеми до крајот на аукцијата на 24 август. Бејб Рут почина на 16 август 1948 година на 53-годишна возраст. За време на неговата кариера, освои седум шампионски титули, настапувајќи за Бостон Ред Сокс (1914-1919), Њујорк Јенкис (1920-1934) и Бостон Брејвс (1935). Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за здравство вели дека нема добиено никакви резултати од испитувањата на смрдеата што се шири од компресорите на Хируршките клиники, поради која речиси три месеци хируршкиот блок на скопскиот клинички центар работи со помош на надворешни компресори. Здравствените власти и натаму немаат утвредно ниту која е причината за миризбата која ги затвори салите ниту пак знаат кога ќе ги вратат во целосна функција, иако претходникот на Таравари беше оптимист дека германските експерти ќе утврдат зошто се појавила невообичаена миризба во салите каде што се оперираат пациенти. „Се уште немам добиено извештај. Разговарав со директорите и докторите, но не би сакал да избрзувам со изјава која нема врска со вистината. Можеби е тоа што се инсталарина пред повеќе од 30 години, а можеби има и нешто друго за што се уште немам точна информација“, рече Таравари. По пропаѓањето на првиот тендер за набавка и инсталација на целосно нова компресорска станица, се поизвесно е дека рокот за целосно враќање во функција на салите ќе се пролонгира. Таравари веќе соопшти дека Министерството за здравство ќе ги преземе сите обрски за спроведување на постапките од Службата за општи и заеднички. Ако и на вториот тендер не се јави ниту една фирма, тогаш ќе се оди на директни преговори. „Не можам со сигруност да кажам дали ќе се пријави фирма или нема да се пријави, но доколку не се пријави, тогаш ќе побараме некој што може да го работи тоа и да се договориме директно министерството со изведувачот“, рече Таравари. Во меѓувреме операциските сали на клинички и натаму работат со нецелосен капацитет, а останатите пациенти се препраќаат во старата градска болница како и во болницата „Осми септември“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Комисијата за финансирање и буџет во петокот попладнето ја продолжи седницата за ребалансот на Буџетот. На вториот ден од општтат расправа, пратениците дискутираа околу намалувањето на буџетот на судовите и јавните обвинителства. Според пратениците на опозицијата, институциите од судската власта треба да имаат поголеми буџети, додека, пак, според владините пратеници овој буџет им е премногу со доверба од само два проценти кај граѓаните. Пратеникот на „Европски фронт“, Сали Мурати нагласи дека како човек што доаѓа од правната фела изразува вознемирост и разочараност околу предложеното намалување на буџетот во судската и обвинителската власт, на Народниот правобранител и на Министерството за односи меѓу заедниците. Тој изрази поддршка за зголемување на буџетите на судовите и јавните обвинителства и најави дека има поднесено седум амандмани за ребалансот на буџетот. „Ова намалување директно задира во функционалната и буџетската независност на судската и обвинителската власт. Како некој кој доаѓа од судството, морам да нагласам дека ваквиот потег е недопустлив и потенцијално катастрофален за нашиот правен систем. Судската власт и Јавното обвинителство се столбови на нашата демократија и владеење на правото. Од судската власт и Јавното обвинителство се очекува да обезбедат правда за сите граѓани, да ја заштитат законитоста, да се борат против криминалот и корупцијата и да обезбедат владеење на правда. Како можеме да очекуваме успешно извршување на овие витални функции со намален буџет?“, запраша Мурати. Тој смета дека наместо да се намали, буџетот на овие институции треба да се зголеми. „Како можеме подобрување на ефикасноста и квалитетот на правдата со намален буџет? Намалувањето на буџетот на Народниот правобранител е директно удар врз виталниот аспект на нашата демократија. Намалувањето на буџетот на оваа институција неизбежно ќе доведе до намалување на капацитетите за истражување на жалбите и поплаките на граѓаните, ограничувањето на теренската работа и директниот контакт со граѓаните, намалување на квалитетот на извештаите и годишните анализи, ограничување на можноста за обука и усовршување на кадрите. Како граѓанин и припадник на помалата заедница сум загрижен бидејќи ние целата концентрација на нашата моќ и нашите проблеми кон афирмирање и зголемување на буџетот на Министерството за односи меѓу заедниците. Бидејќи да сте во позиција на помала заедница и секој ден да бидете обесправени, а не можете во системот да бидете интегрирани како што треба, тоа Министерство е алатка и промотор на нашите прави и слободи. Со ваков буџет на Министерството ќе се загрози имплементацијата на важни проекти во интеграцијата и социјална кохезија“, рече Мурати. Пратеникот на ВМРО-ДПМНЕ, Бојан Стојаноски во репликата на излагањето на Мурати, истакна дека срамно е судии и обвинителите да дојдат во Собрание и пред пратениците да бараат повеќе средства, кога довербата кај граѓаните за нив е два процента. „Значи, дека 98 проценти не го одобруваат тоа што го прават, затоа што ништо не прават. Ама дошле да побараат повеќе средства затоа што им се нарушил комодитетот. И замислете кога зборуваме за повеќе средства и едните и другите бараат повисоки плати, ама за обвинителите и судиите, а не за стручната служба која работи таму и сметам дека тоа не е исправно. Замислете што се случува, кога ќе им го скратите буџетот кој што и така им е премногу бидејќи имаат само 2 проценти доверба, доаѓаат во Собранието и зошто се кратело и треба да им се овозможи нормално функционирање. Сега да направиме анкета, многу повеќе од 98 проценти не одобруваат ниту да имаат толку средства колку што имаат,затоа што за тие пари што ги земаат ништо и не даваат. Се сложувам дека треба да бидат независно, но господине Сали за тоа треба да покажат перформанси, за тоа треба да бидат задоволни граѓаните, да го расветлуваат криминалот, за тоа едните треба да создаваат обвиненија кои ќе бидат стабилни, а судиите да даваат пресуди. Како граѓанин на оваа држава кој не е задоволен од нивната работа, ќе гласам против предлогот да им се обезбедат повеќе пари, бидејќи во мерит системот добивате колку за што ќе сработите“, рече Стојаноски. Општата расправа за ребалансот на Буџетот трае најмногу три дена, а амандманската за која се поднесени 58 амадмани, шест дена. Вчера, на првиот ден од расправата, министерката Гордана Димитриеска-Кочоска го образложи ребалансот, нагласувајќи дека е креиран согласно затекнатите состојби во Буџетот. Како што рече Димитриеска-Кочоска, обезбедени се средства за се што треба да се исплати согласно закон. Вкупните приходи во ребалансот на Буџетот се планирани на 318,2 милијарди денари, а расходите на 362,8 милијарди денари. Растот на БДП е проектиран на 2,1 процент, инфлацијата на ниво од 3,5 проценти, а буџетскиот дефицит на 4,9 проценти. Претседателката на Комисијата за финансирање и буџет, Сања Лукаревска ја прекина седницата и информира дека ќе продолжи утре во 12 часот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во врска со натписот на Телевизија 24 од 24.07.2024 со наслов „Дритон Кучи бил министер за економија кога во 2016 година е издадена концесијата за внуцита на Али Ахмети“, како и прес-конференциите објавени на официјалниот Јутуб канал на политичката партија ВМРО-ДПМНЕ на 25.07.2024 и 26.07.2024 година оддржани од страна на Миле Лефков, пратеник и член на ИК на ВМРО-ДПМНЕ, сакаме да ве информираме дека се работи за комплетна невистина и погрешно пласирани информации во јавноста. 1. Друштвото „Еверест ЏД“ ДООЕЛ Скопје има склучено Договор за концесија за експлоатација на минерална суровина – варовник на локалитетот „Буковиќ“, општина Зајас, заведен под архивски број на Министерството за економија 24-3114/16 од 07.07.2006 година. Ова е спротивно на тврдењата на Телевизија 24 дека Дритон Кучи бил министер за економија во времето кога е издадена концесијата за експлоатација на минерални суровини. 2. Во однос на изнесените невистини од страна на г-дин Лефков, би сакале да ги демантираме информациите кои беа пласирани на двете прес-конференции во врска со неплаќањето на концесискиот надоместок. Во прилог на овој Демант, ги споделуваме сите уплати кои друштвото „Еверест ЏД“ ДООЕЛ Скопје ги има направено за периодот од 2016 до 2024 година, по основ на концесиски надомест за простор и експлоатација. Ваквите лажни твдења прават штета на компанијата, како и на личниот углед на сопственикот Дрин Ахмеди. Исто така, апелираме до надлежните институции, вклучително Министерството за внатрешни работи, да ги проверат исказите во нивната истрага. Дрин Ахмеди, Управител и сопственик на Еверест ЏД ДООЕЛ Скопје Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Последната одлука на министерот за администрација, Горан Минчев, за промена на процентот на застапеност според Балансерот е уште еден чекор за реализација на сценаријата најавени од првите денови на доаѓањето на оваа Влада за деградација на Албанците во земјава, вели Наим Бајрами, потпретседател на Алијансата за Албанците и поранешен министер на МИОА. Со оваа одлука застапеноста на Албанците во сите институции ќе се намали од 29,52% на 24,30%. Тоа значи дека со години во иднина нема да се вработува ниту еден Албанец во оние институции каде што процентот на Албанци достигнал 24%, што практично значи дека на голем број институции ќе им бидат затворени вратите за Албанците. Забрзаните чекори на нелегитимната Влада за деградирање и најавеното укинување на Балансерот се крајно вознемирувачки и претставуваат сериозен удар за Охридскиот договор, правичната и соодветна застапеност и меѓуетничката кохезија во државата. После ова, албанските партии во Владата немаат зашто да останат дури и да биле победници на изборите, а не веќе како губитници, без легитимитет и деградирани. Ги повикуваме албанските партии да ја напуштат оваа Влада која во секоја постапка го гази нашето достоинство како Албанци, стои во реакциjaта на Бајрами. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерството за внатрешни работи информираше дека вчера во 13.58 часот во Полициската станица Центар, претставник на една политичка партија пријавил дека на 23.07.2024 околу 18.15 часот од непозната електронска адреса на службените електронски адреси на неколку пратеници во Собранието на РСМ била испратена порака со заканувачка содржина. За настанот е известена Единицата за економски и компјутерски криминал при СВР Скопје и се преземаат мерки за расчистување на случајот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

На 25.07.2024, полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје. При претресот, извршен со судска наредба, во нивниот дом во село Сингелиќ, скопско, беа пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив беше пронајдено и друго оружје и муниција кои ги поседуваат со дозвола. Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело. Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево. Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. Термините се следни: – петок од 17:00 – 22:00 часот, – сабота од 09:00 до 18:00 часот и – недела од 09:00 до 22:00 часот. На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали: – петок од 15:00 – 22:00 часот, – сабота од 07:00 до 12:00 и од 18:00 до 24:00 часот и – недела од 07:00 до 22:00 часот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Утрово министерот за јавна администрација Горан Минчев соопшти дека изменети се процентите на балансерот, алатката за вработување според национална припадност во државните институции. Ваквата одлука следува по промената во август 2022 година кога тогашниот министер Адмирим Алити направил нова пресметка со која се сметало и нерезидентното население. Така, броејќи ја и дијаспората од пописот во 2021 година се зголемил процентот за вработување Албанци на 29,54%. Алатката наречена „балансер“ беше критикувана за нејзината злоупотреба, бидејќи поединци манипулираа со својата етничка припадност за да добијат предности за вработување. Минчев соопшти дека во досегашните пресметки проблемот бил што се земал предвид и бројот на нерезидентно население, а така во предност биле Албанците кои се сметале со дури на 29,54%. Во следниот период следува корекција на процентите каде ќе се зголеми бројката на Македонци, а ќе се намалат вработените Албанци. Поточно низ бројки корекцијата би изгледала вака: Македонци од 54,21% на 58,44%, Албанци од 29,52% на 24,30%, Турци од 3,98% на 3,86%, Роми од 2,34% на 2,53%, Срби од 1,18% на 1,30%, Бошњаци од 0,87% на 0,87% и Власи од 0,44% на 0,47%. „Дигиталната алатка „балансер“ ќе биде укината, а бројките за вработување сега ќе го одразуваат резидентното население врз основа на податоците од пописот од 2021 година. Оваа промена не може да се преговара“, потврди министерот Минчев. Проактивните мерки на министерот Минчев за повлекување на контроверзните закони и реформирање на административните практики ја нагласуваат неговата посветеност за поттикнување на транспарентноста и ефикасноста во јавниот сектор. Претстојните дебати со синдикатите се очекува да обликуваат инклузивни законодавни реформи корисни за сите вклучени засегнати страни. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Два од четирите воза што превезуваа спортисти кои треба да учествуваат на Олимпијадата во Париз на брзата линија на Западен Атлантик беа запрени неколку часа пред церемонијата на отворање поради координирана саботажа на пругите, изјави официјален претставник на францускиот железнички оператор СНЦФ. Меѓу нив има и двајца германски спортисти кои мораа да се вратат во Белгија, па поради вандалски чинови на француската железничка мрежа ќе го пропуштат свеченото отворање на Олимпијадата. „Немаше шанси да стигнеме на време“, рече возачот Филип Вајшаупт, кој патуваше со колегата Кристијан Кукук. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за здравство Арбен Таравари денеска назначи в.д. директори во неколку јавни здравствени установи, соопшти Министерството за здравство. За в.д. директор на Универзитетска клиника за неврохирургија е назначен Љуљзим Агаи, на Универзитетска клиника за очни болести – Наташа Шекеринов, додека на Универзитетска клиника за респираторни заболувања кај децата Козле – Каролина Симоновска. Пранвера Изаири ќе биде в.д. директорка на специјалната Болница по гинекологија и акушерство „Мајка Тереза“ Чаир, на Универзитетска клиника за пластична и реконструктивна хирургија Јасмина Ѓоргиевска Павловска, а на Универзитетска клиника за хирургија на лице, вилици и врат-максилофацијална хирургија за в.д. директорка е назначена Сузана Двојаковска. В.д. директор на Клиничка болница Тетово е Агим Бериша, на Општа болница со проширена дејност Гевгелија Патрик Матх, на Институт за медицина на трудот Мерхал Исмаили, на Здравствен дом Валандово – Кети Пампурова Стојчевска, на Здравствен дом Кратово Оливер Лазаровски и на Здравствен дом Кичево за в.д. директор е назначен Генц Селмани. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Олимписките игри вечерва свечено ќе бидат отворени во Париз, а домаќинот и организаторот, како и цела Франција, особено нејзиниот главен град, се борат против бројни напади и проблеми. фото Курир.рс Властите соопштија дека во текот на вчерашниот ден била спроведена координирана акција за подметнување пожари со цел да се прекине железничкиот сообраќај во и околу Париз. Државниот железнички оператор објави дека цел на напаѓачите биле инсталации долж бројните линии што го поврзуваат Париз на запад, исток и север. фото Курир.рс Се додава дека поради овие напади се очекуваат големи проблеми во сообраќајот, како на денот на свеченото отворање, така и за време на викендот. „Нападот на Олимписките игри е напад врз Франција“, изјави кратко француската министерка за спорт Амели Оудеа-Кастер. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Македонскиот амбасадор во Романија Андреј Жерновски денеска бил повикан на консултации со министерот за надворешни работи Тимчо Муцунски, информираат извори на ТВ 24 од Министерството за надворешни работи. Според изворот на ТВ24, се очекува Жерновски во следните денови да допатува во Скопје. Во веста не се наведени причините поради кои Жерновски треба да се јави во МНР. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Олимписките игри вечерва свечено ќе бидат отворени во Париз, а домаќинот и организаторот, како и цела Франција, особено нејзиниот главен град, се борат против бројни напади и проблеми. фото Курир.рс Властите соопштија дека во текот на вчерашниот ден била спроведена координирана акција за подметнување пожари со цел да се прекине железничкиот сообраќај во и околу Париз. Државниот железнички оператор објави дека цел на напаѓачите биле инсталации долж бројните линии што го поврзуваат Париз на запад, исток и север. фото Курир.рс Се додава дека поради овие напади се очекуваат големи проблеми во сообраќајот, како на денот на свеченото отворање, така и за време на викендот. „Нападот на Олимписките игри е напад врз Франција“, изјави кратко француската министерка за спорт Амели Оудеа-Кастер. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Полициска соработка и борбата за справување со организираниот криминал и транснационалниот криминал, и подобрување на соработката во делот на граничните премини во фокус на разговорите на министерот Панче Тошковски во Белград со вицепремеирот и министер за внатрешни работи на Србија, Ивица Дачиќ, јави дописникот на МИА од Белград. -Вчера констатиравме заедно со министерот фактичка состојба на лице место, учествувавме во рамки на онаа превентивна акција која што имавме на граничниот премин при што оценивме дека можеме да ја подобриме фреквенцијата на возила и на луѓе во рамките на граничните, така што се договоривме да формираме една работна група која што и претходно постоела, но сега се надеваме дека ќе дадеме за еден релативно краток временски период резултати, резултати коишто би можеле да не доведат во иднина до навистина проверки на една позиција, а не на две позиции како што е сега. Она во суштина да го примениме оне-стоп системот за проверка на нашите државјани. Тоа беше една клучна тема која што ја разговаравме, изјави Тошковски на заедничката прес-конференција со Дачиќ. Тошковски додаде дека договорено е Србија да испрати четворица полициски службеници во текот на месец август коишто ќе може да делуваат во рамки на подрачјето на градот Охрид и изрази благодарност за помошта што ја упати Србија во гаснењето пожари. Министерот Дачиќ истакна дека Србија е подготвена за соработка и да помогне кога треба. Тој истакна е добро што е воспоставена линија за комуникација за вонредни ситуации. -Панче и јас разговаравме и ние го дадовме најдобриот, постоеше потреба за помош и ние го дадовме најдобриот и најсилниот според капацитети хеликоптер „Камов“ со седум припадници на МВР кој имаше повеќе од шест налети и помогна да се згаснат пожарите во Македонија, изјави Дачиќ. Тој додаде дека на средбата биле отворени цела низа заеднички прашања како што се борбата против криминалот, борбата против нерегуларната миграција, шверцот на луѓе, борбата против шверцот со оружје и наркотици, како и меѓусебната помош за одржување на стабилен ред и мир. На средбата е разговарана и за размената на искуствата и делот поврзан за соработка на двата центри за обуки. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вчера во 14.40 часот на улица „Живко Брајковски“ во Гостивар, полициски службеници од ОВР Гостивар го привеле Ф.Т.(55) од Гостивар. Тој бил баран со потерница врз основа на судска наредба за издржување на казна затвор од три години, за сторено кривично дело „трговија со луѓе“ по член 418 – а став 3 од Кривичниот законик. Ф.Т. е спроведен во Казнено – поправната установа Затвор Идризово-Скопје за издржување на затворската казна. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателот на Србија, Александар Вучиќ, најави можност кон крајот на следната година да се распише референдум за ископ на литиум. Во изјава дадена во Париз каде е поради отворњето на Олимписките игри тој нагласи дека најпрвин сака да добие анализа на локални експерти во врска со заштитата на животната средина и дека, како што изјави, потоа ќе види што да прави понатаму. „Ако се оди според планот, можеме да побараме изјаснување на граѓаните на крајот на следната година… и тие можат да изберат дали сакаат да биде во Лозница, дали сакаат да биде во Западна Србија или во цела Србија, изјави Вучиќ. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Претседателката Гордана Сиљановска Давкова, денеска, по повод 26 јули – денот на солидарноста и сеќавањата од катастрофалниот земјотрес во Скопје во 1963 година, престојуваше во посета на Црвениот крст. За време на посетата претседателката Сиљановска Давкова присуствуваше на презентација – Активностите на Црвениот крст за време на земјотресот во Скопје 1963 и одржа средба со волонтери и раководството на оваа хуманитарна организација. Преку видео врска проследи дел од нивните активности во Центарот за дарување крв, Центарот за ментално здравје и психо-социјална поддршка и во Нега центарот. Раководството на Црвениот крст ја информираше претседателката за капацитетите на организацијата, за растечката тенденција на волонтерските активности, како и за иницијативите и посветеноста во промовирањето на солидарноста и хуманитарното волонтерство, како одржлив модел со бројни индивидуални и колективни придобивки. Волонтерите на Црвениот крст ја запознаа претседателката Сиљановска Давкова со редовните ангажмани во поддршка на ранливите групи, заштита на животот и здравјето на граѓаните и унапредување на севкупната социјална состојба во општеството, а во разговорот хуманите активисти ги споделија нивните лични заложби што биле поттик и инспирација да се вклучат во Црвениот крст. На средбата, претседателката Сиљановска Давкова го сподели своето сеќавање од скопскиот земјотрес и деновите потоа, нагласувајќи ја непроценливата вредност на солидарноста и придонесот на волонтерите, обединети во силната желба за помош и поддршка. Во таа насока, посочи дека граѓанското општество најмногу се зајакнува преку волонтерска работа, оценувајќи дека волонтерството треба да се вгради и во образовниот систем. За време на посетата, претседателката Сиљановска Давкова потпиша пристапница за членство во Црвениот крст, како една од најголемите и најзначајни волонтерски организации и притоа ја нагласи нејзината натамошна безрезервна поддршка на хуманизмот како највозвишена човекова вредност и врвен приоритет на секое општество. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Основниот кривичен суд Скопје го одложи започнувањето на предметот поврзан со двојното убиство на малолетната Вања Ѓорчевска и велешанецот Панче Жежовски. Како што денеска информираа од Кривичниот суд, одлагањето на расправата, што беше закажана за 30 јули, е по барање на Основното јавно обвинителство Скопје кое вчера информираше дека ќе предложи спојување на постапката во која првично беа обвинети Боре Видевски, Велибор Манев и Влатко Кешишов и таткото на девојчето, Александар Ѓорчевски, со постапката против првоосомничениот Љупчо Палевски за кого истрагата заврши вчера. Основното јавно обвинителство Скопје до Основниот кривичен суд Скопје на 26.07.204 година достави Предлог за одлагање на закажана главна расправа за предметот со К.бр. 1339/24, насрочена на 30.07.2024 година, а поврзан со двојното убиство на малолетната В.Ѓ. и велешанецот П.Ж. Имено, со оглед на фактот дека истрагата против осомничениот Љ.П. е завршена и по истек на законските рокови по известување за завршена истражна постапка, ќе биде изготвено и поднесено обвинение, кое се однесува за истиот кривично – правен настан за кој се води и предметот К.бр. 1339/24 против четворица други обвинети, а воедно се работи и за исти докази, од ОЈО Скопје, согласно чл. 28 од ЗКП ќе биде поднесен и предлог за спојување на двете постапки, стои во соопштението од Кривичен. Оттаму дополнуваат дека имајќи го предвид добиениот предлог на Обвинителството, а заради економичност и ефикасност на постапката, судот ги отповикал наредбите за спровод на обвинетите кои издржуваат мерка притвор и мерка куќен притвор, а Судечкиот совет во согласност со одбраната ќе насрочи нов термин за отпочнување на главната расправа за што странките и јавноста ќе бидат благовремено известени. Основното јавно обвинителство Скопје во мај годинава поднесе обвинение против четири лица за грабнување и сурово убиство на 14-годишната Вања Ѓорчевска од Скопје и 74-годишниот Панче Жежовски од Велес. Обвинети се Боре Видевски, Велибор Манев и Влатко Кешишов, како и таткото на девојчето, Александар Ѓорчевски. Од Обвинителството вчера информираа дека е завршена и истрагата за Љупчо Палевски, првоосомничен за двојното грабнување и свирепо убиство, како и за уште едно лице осомничено за помагање по извршување на кривичното дело против кого постапката ќе се води одвоено. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Оваа Влада има намера да направи финансиска консолидација на целокупното стопанство, да ги екипира сите буџетски корисници и да направи контрола на непродуктивните трошења, ќе продолжи со зголемување на платите и пензиите, а обезбеди и средства од каде можеше за нормално функционирање на државата, рече денеска заменик-министерот за финансии Николче Јанкуловски во текот на собраниската комисиска расправа за ребалансот на Буџетот. Реплицирајќи и на пратеничката Јованка Тренчевска од СДСМ според која овој ребаланс е најлошиот досега, Јанкуловски потенцира дека Владата ги креирала проекциите согласно состојбите што ги наследила. Наследивме 1,2 отсто економски раст, пад од 2,5 отсто на градежната активност во првиот квартал од 2024 година, многу поголем увоз на храна и пад од 21,6 отсто на извозот на стоки. Нема сектор што го наследивме каде не постои пад, во кој било дел од стопанството, земјоделство, градежништво, извоз,. . . , укажа заменик-министерот. Тренчевска претходно обвини дека со ребалансот нема раст на платите и пензиите, а зголемен е, нагласи, и јавниот долг од 58 на 68 отсто. -Ребалансот не носи никаква придобивка за граѓаните и државата. Од 58 на 68 отсто е зголемен јавниот долг, бранете го, но тоа е вистината и не треба да мижиме пред фактите. Кратите од средствата за лицата со попреченост, а загрижува и продлабочувањето на буџетскиот дефицит. Во првите 30 дена покажувате чист популизам, без да донесете ниту една конкретна мерка за граѓаните, рече Тренчевска. Таа оцени дека ако ВМРО-ДПМНЕ во текот на претходните 11 години владеење ги зголемела пензиите, не по 600 денари, денес минималната пензија ќе била 20 000 денари. Ова е најлошиот ребаланс, и за граѓаните и за економијата. Платите и пензиите во изминатите години растеа како никогаш досега, и просечната и минималната плата, а како резултат на тоа се подобруваше животот на граѓаните и тоа е непобитен факт, но и доказ за добрите политики на СДСМ. Во делот на пензиите, ако вие како ВМРО-ДПМНЕ ги зголемувавте 11 години како ние, наместо да ги лажете пензионерите со 600 денари, денеска ќе зборувавме за минимални пензии од 20 000 денари, истакна пратеничката од СДСМ. На тоа реплицираа повеќе нејзини колеги од ВМРО-ДПМНЕ. Ова е најтешкиот ребаланс зашто е врз база на најлошиот и најтешкиот Буџет. Буџетот кога бешпе предложен тука, не не слушавте ниту нас, ниту фелата, ниту економистот што го цитиравте, велевте Буџетот ќе биде развоен, дека ќе има реализација на капиталните инвестиции, а сега имаме потреба не само од фискална консолидација, туку и од консолидација на државата. Како дојдовме од развојна компонента, до потреба за консолидација? Оваа Влада ќе направи се за државата да се стави на здрави нозе, порача Тони Јаревски. Благица Ласовска обвини дека СДСМ трошела „душмански“. -Очигледно не сте ја научиле лекцијата. Душмански трошевте, се расфрлавте со народните пари, најголемото задолжување е од вас, граѓаните трпеа и затоа ве казнија. Некој сега мора да ја стабилизира економијата, имајте трпение ќе научите како се води државата, а дотогаш реформирајте се, и рече Ласовска на Тренчевска. На тоа Тренчевска возврати дека СДСМ наместо за гипс картони и железо, седум години трошела пари за граѓаните и економијата, а креирала и девет антикризни пакети во кои секогаш биле вклучени и пензионерите. Љупчо Пренџов укажа дека на расправата за ребалансот не се присутни пратениците од ДУИ, лидерот на СДСМ Венко Филипе и поранешниот претседател на СДСМ и актуелен пратеник Димитар Ковачевски кој, како што рече, го креирал Буџетот. Тоа, според Пренџов, мора да се забележи зашто претставува, оцени, елементарно непочитување на граѓаните. -Овие два дена нема присутен ниту еден пратеник од ДУИ. Холдинот не е заинтересиран за Буџетот освен кога е на власт. Го нема и Венко Филипче, а многу е нечесно кога ќе дојде ваков сериозен документ во Собранието, претседателот на СДСМ да одржува бледа партиска прес-конференција и да не се појави во Парламентот. Очигледно наместо работата за која е платен, на Филипче му е пример за однеусвање Али Ахмети кого 20 години го нема во Собранието и доаѓа само за гласање на „битни законски решенија“. Тоа многу зборува за СДСМ, а ова не е обичен ребаланс, зашто вакви ребалсани се направени два пати во последните 17 години, при менувањето на власта. Очекував поранешниот премиер, креаторот на овој Буџет, Ковачевски, прв да дојде и да земе збор, да каже зошто државата е во ваква состојба. Каде се парите? Каде се ветувањата? Во македонија овие сеудм години како чума да поминала?, подвлече Пренџов. За збор се јави и Благој Бочварски кој направи паралела како СДСМ во 2017 година ја презеде власта од ВМРО-ДПМНЕ, а како ја предава денес, како и какви беа состојбите тогаш, а какви се денес. Според него, ПР стратегијата е едно, но реалноста е нешто сосема друго. Расправата која се одвива во рамки на собраниската Комисија за финансирање и буџет почна со два часа задоцнување. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во Грција има зголемување на бројот на заразени со корона вирусот, поради што тамошните власти издадоа предупредување. Три недели беа доволни заразените со корона вирусот во Грција да се зголемат за 44 отсто, по што официјалните лица издадоа предупредување поради ширењето на новиот вид ковид наречен „FLiRT“. Некои болници, покрај задолжителното носење маски, воведоа и задолжително тестирање на посетителите. Според податоците на Светската здравствена организација (СЗО), сојот FLiRT стана најдоминантната форма на корона вирусот во светот. ФлиРТ варијантата на ковид е доминантна во Грција и воопшто во европските земји. Симптомите на овој вид корона: воспалено грло, кашлица, исцрпеност,затнат или течење на носот, главоболка, покачена температура, болки во мускулите, губење на чувството, за вкус или мирис, скратен здив или отежнато дишење, гадење или повраќање, дијареа. Овие се симптоми кои се вообичаени и кај други подваријанти на омикрон. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Премиерот Христијан Мицкоски денеска присуствуваше на поставување на камен темелник на изградба на влезот во Општина Битола. Станува збор за проект вреден над 100 милиони денари, кој се реализира во должина од 1.332 метри. Проектот вклучува реконструкција со доградба на коловоз на дел од улица „8 Септември“ во Битола, од бензинска пумпа „Лукоил“ до граница на ГУП на Општина Битола. Следната година општината ќе добие над 14 милиони евра за проекти. Македонија и Битола се сакаат со дела!, порача Мицкоски. Задоволство е да се одбележи овој почеток на овој проект којшто ќе значи многу за битолчани и мислам дека со ова, уште едно ветување коешто го дадовме го исполнуваме со овој почеток. Очекувам брзо да се заврши овој влез, со што ќе биде заокружена една целина. Како што самиот градоначалник кажа, не само овој проект овде, туку и на многу локации низ Битола се работат и градежни зафати и други проекти. Јас сакам да му честитам на градоначалникот, на советниците, на администрацијата којашто ја подржуваат работата на градоначалникот, на пратениците коишто грчевито се бореа во минатото, а и сега морам да кажам, и покрај тоа што Владата ја предводи ВМРО-ДПМНЕ, на пратениците од ВМРО-ДПМНЕ и коалицијата „Твоја Македонија“, се борат за секој проект повеќе за Битола. Јас секогаш сум велел така и сега сакам да испратам една порака, дека за мене Битола има посебно значење во делот на реализација на проектите. Битола полека но сигурно најпрвин во овие години откако Тони Коњановски е градоначалник заедно со советниците и со администрацијата се обидуваат што е можно повеќе проекти да реализираат. Морам да напоменам дека во тој период, Владата не беше позитивно настроена кон Битола, битолчани и градоначалникот, честопати и се одземаа ингеренции и до ден денеска, сѐ уште рецидиви од тоа време, но сега е поинаква ситуацијата. Можам да кажам дека откако ќе помине ребалансот и ќе биде објавен јавниот повик очекувам, а од тоа што го знам е дека Општина Битола ќе конкурира со нови проекти, но исто така и со усвојувањето на Буџетот за следната година ќе имаме дополнителни проекти, само во овој период до крајот на оваа година и следната околу 14, 15 милиони евра ќе бидат инвестирани во проекти овдека во Битола, надвор од буџетот којшто го има самата општина. Така што мислам дека ќе имаме навистина еден комплетен нов изглед на Битола и тоа ќе не направи нас прилично горди. Уште еднашка му честитам на градоначалникот, на советниците, на администрацијата, на пратениците на сите луѓе, благодарност и до Вас што не следите секој пат и кога не бевме Влада, кога бевме во опозиција и сега кога сме Влада еве на овој прв денешен настан. И да посакам уште многу многу вакви проекти да бидат реализирани во Битола, бидејќи Македонија и Битола се сакаат со дела, порача Мицкоски пред медиумите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Генералниот секретар на Обединетите нации, Антонио Гутереш денеска ги повика сите земји да се справат со опасностите од екстремните горештини, по највисоката глобална температура забележана на 22 јули. Според податоците на програмата на Европската унија за набљудување на Земјата „Коперник“, просечната температура на површината во понеделникот достигна 17,15 степени, соборувајќи го рекордот поставен претходниот ден, кога просечната температура беше 17,09 степени „Екстремната топлина е нова абнормалност и светот мора да го дознае одговорот на тој предизвик“, рече Гутереш, пренесува Хина. Годинава екстремните горештини усмртија 1.300 аџии во Саудиска Арабија, училиштата во Африка и Азија беа затворени за околу 80 милиони деца поради високите температури, а бројот на хоспитализирани и починати во Сахел поради горештините се искачи на рекорд. Обединетите нации ги повикаа владите, покрај намалувањето на употребата на фосилни горива, главниот двигател на климатските промени, да ја зајакнат заштитата за најранливите групи, постарите, бремените жени и децата и да ја зголемат заштитата на работниците на отворено. Според Меѓународната организација на трудот, повеќе од 70 отсто од глобалната работна сила, што е околу 2,4 милијарди луѓе, е изложена на ризик од екстремни горештини. Во Африка речиси 93 отсто од работната сила е изложена на прекумерна топлина, а во арапските земји 84 отсто. Годишно, околу 19.000 луѓе умираат како последица на жештините, а околу 23 милиони се здобиваат со повреди на работа, поради што Гутереш повика на „заштитни мерки за работниците, засновани на човековите права“. Ова е првпат ОН да повикаат на глобална акција против екстремните горештини. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Првиот вицепремиер и министер за животна средина Изет Меџити посочи дека со новата Влада работат на нов закон за казината и игрите на среќа се со цел економски подобро да се развие земјата. „Работиме на нов закон за казината и игрите на среќа кој што ќе биде многу поригорозен бидејќи сакаме оваа држава да се развие економски, а не да стане Лас Вегас на Балканот“, посочи Меџити. Меџити истакна и дека со нивното доаѓање на власт нема да се зголеми бројот на казината и обложувалниците. „Ние не земавме ниту директорско ниту заменичко место, како ни член на управен одбор на дирекцијата за игри за среќа на Лотарија на Македонија. Тоа беше првиот чекор, вториот чекор е нашата парламентарна група заедно со пратеници од ВМРО-ДПМНЕ, бараме автентично толкување на законот. Владата веќе донесе таков став, чекаме и Собранието тоа да го потврди и ако го потврди во тој случај петте концесии за онлајн казино ќе стапат на сила. Нормално и тој што ги донел тие закони треба да одговара“, додаде Меџити. За него е важно што казината ќе бидат далеку од децата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Па има од тоа што го знам индиции за злоупотреби, има индиции за создавање на еден центар на моќ во обвинителството и судството кој што е партиски октроиран, преку наместени огласи, избори и слично. Такви индиции има дали ќе се потврди ќе каже МВР, вели претседателот на Владата на Република Македонија, Христијан Мицкоски одговарајќи на новинарско прашање. Премиерот Мицкоски додаде дека доколку се потврдат овие индиции значи дека тоа е само уште еден доказ дека имаме партиски октроирано и заробено и обвинителство и судство. Но, доколку се потврди, од тоа што јас го имам на располагање, тоа е уште еден чекор кон тоа дека навистина имаме партиски октроирано и заробено и обвинителство и судство и не ме чуди што довербата е само два проценти, рече тој и додаде: И континуирано ќе продолжиме да се бориме против криминалците во правосудниот систем. Ќе повторам, станува збор за исклучоци. Имаме многу чесни обвинители и судии, но за жал тие се во втор план, овие се во прв план малкумина и затоа состојбата е таква каква што е, односно довербата е скромни два проценти. Премиерот Мицкоски е дециден и вели дека во државата мора да владее правда. Ние ќе продолжиме и понатаму. Нема да застанеме тука како Влада. Мора граѓаните да добијат правда бидејќи тоа е она со кое што излеговме уште за време на кампањата на претседателските избори во 2019 година. Правда мора секој да добие – нагласи тој. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Надлежните институции да ги земат предвид потребите на малите занаетчии кои трпат штета од работа во недела, повикаа денеска од занаетчиската комора на Република Македонија. Малите занаетчии од услужните дејности, цвеќари, фризери, козметичари, се надеваат дека ќе можат да работат во недела. Од комората велат дека Законот за неработен ден во неделата уште при донесувањето предизвикал различни реакции и дека занаетчиската комора веднаш го оспорила. -Верувам дека дијалогот во контекст на законот и во многу други области ќе се продлабочи и во нашата комора. Токму законот за неработен ден во недела ги ограничува и несоодветно се однесува и за микро и малите бизниси. Факт е дека околу 70 илјади микро и мали компании се ограничени да работат во недела, а токму тоа влијае на ликвидноста на многу занаетчиски дејности кои се услужни и не можат да работат во недела, нормално почитувајќи ги сите други законски одредби, вели претседателот на ЗКРСМ, Агрон Фазлији. Комората ќе придонесе за да се разгледа законот и да овозможи сите вршители на занаетчиска дејност и самостојните занаетчии да имаат право да работат во недела почитувајќи ги другите законски одредби. Комората ги повика институциите да ги земат предвид специфичните потреби на занаетчиите и да предложат алтернативни решенија кои ќе ги заштитат нивните интереси и ќе овозможат континуитет на нивната работа. Оттаму велат дека е потребно е да се ревидира и олесни регулативата, со цел да им се дозволи на овие занаетчии да работат и во недела, за да можат да го задржат нивниот приход и да ги задоволат потребите на клиентите. – Соочени сме со предизвици кои ќе имаат сериозни импликации врз нашите занаетчии. Неработната недела во изминатиот период предизвика дополнителен притисок пред сè врз фризерите, козметичарите и цвеќарите, но и кон другите дејности, кои веќе се борат да ги одржат своите бизниси поради економската криза. Овие занаетчии работат напорно за да обезбедат квалитетни услуги на нашите граѓани, а воведувањето на неработната недела им го отежни тоа. Занаетчиството е значаен дел од нашата економија и култура, и треба да се посвети посебно внимание за неговиот развој и поддршка, изјави извршната директорка на ЗКРСМ, Јелена Спасова. ЗКРСМ ќе продолжи да работи активно на пронаоѓање на најдобри решенија за своите членови и да ги застапува нивните интереси пред надлежните органи, како што се Министерството за економија и Министерството за труд и социјална политика, како и пред Владата и Собранието на Република Македонија. Од комората најавија дека ќе ги пратат нивните забелешки до Владата и до премиерот во најкус можен рок. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вчеравечер во 20 часот на подрачјето на Центар полициски службеници ги лишиле од слобода С.Џ.(24) и малолетник, двајцата од Скопје. Тие се сомничат дека околу 17.00 часот во трговски центар во Скопје со закана со остар и со тврд предмет се обиделе од петмина малолетници да одземат пари. Со нив бил извршен службен разговор во полициска станица. По целосно документирање на случајот Единицата за внатрешни работи Центар и Бит Пазар при СВР Скопје ќе поднесе кривична пријава за сторено кривично дело „разбојништво во обид“ по чл. 237 в.в. со чл.19 од Кривичниот законик, соопшти МВР. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Денеска ќе бидат отворени Олимписките игри во срцето на Париз. За прв пат во историјата отворањето на Олимписките игри ќе се одржи надвор од стадион. Каде ќе биде? На реката Сена во Париз. Спортистите ќе поминат 6 километри со чамци додека не стигнат до Ајфеловата кула. Олимпијадата е симбол на мирот и единството. Во овие моменти, целиот свет се здружува да навива за својата земја или своите омилени спортисти, но и заеднички да ја славиме нашата заедничка хуманост. И покрај нашите разлики, сите ние сме човечки битија кои никогаш не се откажуваат од надежта. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Скопје стои како симбол на издржливост и солидарност, со сеќавање на трагичниот настан што ја промени неговата историја. 61 година подоцна, градот продолжува со живот, притоа зачувувајќи го споменот за оние кои ги загубија своите животи и за храброста на сите кои помогнаа во неговата обнова, напиша денеска премиерот Христијан Мицкоски на „Фејсбук“. Скопје, како што наведува, беше погоден од катастрофален земјотрес на 26 јули 1963 година, кој остави трајни последици врз градот и нашите жители. Околу 80 отсто од градот беше разурнат, а повеќе од 1. 070 луѓе ги загубија животите, додека над 4,000 беа повредени. Катастрофата ја покрена глобалната солидарност, при што многу држави и меѓународни организации испратија помош и поддршка за обнова на градот. Скопје беше повторно изграден благодарение на напорите на домашните и странските архитекти и урбанисти, пишува во објавата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Даночна пријава за Данок на додадена вредност (ДДВ) навреме поднеле 95 проценти од даночните обврзници, додека 5,1 проценти, односно 1983 даночни обврзници, не поднеле ДДВ-04 до истекот на рокот, вчера во 23.59 часот. Управата за јавни приходи (УЈП) апелира сите што задоцниле да ја исполнат обврската, да ја поднесат даночната пријава. Соопшти дека за 9 проценти има повеќе навремено поднесените даночни пријави во овој, втор квартал од годината, во однос на претходниот квартал. Управата за јавни приходи со повеќе потсетувања за навремено поднесување на даночните пријави овозможи во екот на летните одмори поднесувањето на образецот ДДВ-04 да се одвива без продолжување на рокот и без застој, на задоволство на двете страни – и на УЈП, и на даночните обврзници. Преку постојана комуникација со сметководителите со потсетување и известување да не се чека последниот ден за поднесување на даночните пријави, придонесовме оваа мисија заеднички да ја реализираме, наведува УЈП. Во соопштението додава дека ќе продолжи со ваквата комуникација со даночните обврзници и сметководителите „за навремено и точно поднесување на сите видови даночни пријави“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Премиерот Христијан Мицкоски денеска најави дека многу скоро ќе биде назначено ново раководство на ЕСМ и на РЕК Битола. Во изјава за медиумите дадена при денешната посета на Битола, Мицкоски рече дека лично е фокусиран во изборот на кадри за овие две институции. Лично сум фокусирам во изборот на кадри во РЕК Битола бидејќи го знам комбинатот и го знам поранешно ЕЛЕМ, денешно ЕСМ, така што многу скоро од денеска ќе имаме ново раководство во рамки на ЕСМ и во рамки на РЕК Битола, рече Мицкоски. Во однос на изградбата на топловодот за Битола, Мицкоски изјави дека топловодот ќе биде изграден и дека нема да биде затворен РЕК Битола бидејќи без неговата работа не може да функционира топловодот. Имаме план како тоа да го реализираме. Топловодот ќе се изгради и ќе се пушти во употреба. Имаме намера сето она што тие го потпишале, а кое е штетно за битолчани, да го поништиме и да вложуваме во иднината на овој регион. Нема да водиме лицимерна политика – од една страна да го затвораме РЕК Битола и да оставаме илјадници луѓе на улица, а од друга страна да трошиме повторно пари на граѓаните и да градиме топловод којшто кога би се затворил РЕК Битола, ќе нема ресурси од каде да се затоплува Битола. Ќе го сочуваме РЕК Битола и ќе го изградиме топловодот, рече Мицкоски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Бразилскиот фудбалер Зико бил ограбен во Париз, пренесуваат медиумите. Зико е во Париз како член на олимписката делегација на Бразил, бил ограбен во четвртокот вечерта додека го напуштал хотелот и влегувал во такси. Со себе имал часовник „ролекс“, дијамантска огрлица и пари во актовката, кога еден од разбојнците му го одвлекол вниманието на таксистот, а вториот ја украл торба од задното седиште. Се проценува дека работите во чантата вределе околу половина милион евра. Официјалните лица веднаш реагирале и започнале истрага за лоцирање на сторителите на кражбата, а истрагата е под раководство на Француската бригада, пренесува „Ле Парисиен“. Да потсетиме, Зико важи за еден од најголемите фудбалери на сите времиња. Неговата кариера траеше од раните 1970-ти до раните 1990-ти, а најголема трага остави во Фламенго. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Гувернерката Анита Ангеловска-Бежоска оствари работна средба со претседателката на Европската банка за обнова и развој, Одил Ренo Басо, на која заедно со тимовите на Народната банка и на ЕБОР го истакнаа значењето на долгогодишната успешна соработка и партнерство помеѓу двете институции. На средбата беше разговарано за повеќе актуелни прашања, при што тимот на Народната банка ги претстави согледувањата за макроекономските остварувања, економските движења, инфлациските и девизните состојби и состојбите во банкарскиот сектор. Претседателката на Европската банка за обнова и развој (ЕБОР), Одил Рено Басо, изрази поддршка за работата на Народната банка и гувернерката Анита Ангеловска-Бежоска, посебно во овие тешки времиња. Монетарната политика е претпазлива и ја ужива довербата од меѓународните финансиски институции. Соработката помеѓу двете институции е одлична и таква и ќе остане. ЕБОР и натаму ќе ја поддржува земјата на различни начини и во македонскиот банкарски систем гледа важен партнер. Гувернерката Ангеловска-Бежоска оцени дека инфлацијата во домашната економија е значително намалена, девизните резерви се зголемени и на солидно ниво, а финансиската стабилност е зајакната. Според неа, насоката на монетарната политика во наредниот период ќе зависи од динамиката на инфлацијата и забавувањето на инфлациските притисоци на потрајна основа, како и од состојбите на девизниот пазар. Трендовите кај инфлацијата се поволни, a поволни се и движењата на девизниот пазар, каде што од почетокот на годината интервенираме со нето-откуп на девизи. Годишната стапка на инфлација во јуни позначително забави, пред сѐ во делот на прехранбената и базичната компонента и се сведе на 3,2%. За оваа година, според пролетните проекции, просечната годишна стапка на инфлацијата би се свела на 3,5 проценти, истакна гувернерката Ангеловска-Бежоска и оцени дека економијата во земјава полека закрепнува, а банкарскиот систем е стабилен, добро капитализиран и може да обезбеди понатамошна поддршка на економијата. Макропрудентните мерки на Народната банка ја зајакнаа капиталната сила на банките, што е од суштинско значење за задржувањето на стабилноста на банкарскиот систем при соочување со евентуални ризици. Во целиот изминат период расте поддршката за граѓаните и фирмите, при што во мај стапката на раст на кредитите изнесува 6,8%, со раст на кредитите на домаќинствата од 7,3%, а на фирмите од 6,5% – истакна гувернерката Ангеловска-Бежоска. На средбата, гувернерката беше придружувана од вицегувернерката Емилија Нацевска и од генералната директорка на Секторот за супервизија Викторија Глигорова, а од страна на ЕБОР присуствуваа Томас Ревијал, директор на Кабинетот на претседателката на ЕБОР, Шарлот Руе, извршна директорка за Централна и Југоисточна Европа, Олег Левитин, задолжен за политички прашања, Фатих Туркменоглу, шеф на Канцеларијата на ЕБОР во Македонија и Наум Рибароски, самостоен банкар од Канцеларијата на ЕБОР во Скопје. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Поранешниот заменик министер за одбрана на Русија, генерал Дмитриј Булгаков, е уапсен под сомнение за корупција, изјави за РИА Новости Светлана Петренко, претставник на Истражниот комитет. „Главниот истражен оддел на Истражниот комитет на Русија истражува кривично дело за корупција во кое е вмешан Дмитриј Булгаков, кој беше заменик-министер за одбрана од 2008 до 2022 година“, се наведува во соопштението. Се нагласува дека „во моментов се спроведуваат истражни дејствија и оперативни мерки за утврдување на причините и состојбите кои придонеле за незаконското постапување“. Булгаков бил одговорен за армиска логистика во Министерството за одбрана. Тој беше разрешен од функцијата заменик министер во септември 2022 година, поради преместување на друго работно место. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Од 1 август се засилуваат градежните работи на експресниот пат Градско – Прилеп. Застојот од неработењето од година и половина е надминат и до крај на годината граѓаните ќе можат да возат по нов модерен пат од Градско до Дреново, најави заменик на претседателот на Владата и министер за транспорт, Александар Николоски. Како што истакна Николоски, причината за застојот за изградба на првата фаза од овој патен превец е фактот што во изминатата година и половина, Министерството за траспорт и ЈП за државни патишта не номинарале членови на Комисија која во соработка со ЕУ требало да работи на надминување на техничките и административни проблеми во изградба на овој дел од експресниот пат. После година и половина јас веднаш ја формирав Комисијата. Таа веќе почна да работи и тоа што е најважно веќе од август ќе се засилат работите на терен се со цел во декември да се заврши оваа 1 фаза и да се вози по нов пат од Градско до Дреново. Во однос на втората фаза од Дреново до Фариш, таа практично е најтешката фаза за што имавме состанок до Синохидро и таму ги придвиживме работите. Реално е за очекување веќе во април месец следната година и таа фаза да биде завршена и да се стави во сообраќај, изјави министерот Николоски. Според министерот Николоски, од следната година ќе започне да се работи на проект за проширување на превојот Плетвар, во делови каде што недостасува трета лента, се со цел до крај на 2026 година целиот експресeн пат од Градско до Прилеп да биде функционален. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Ограбена држава – Министерството за економија со СДС и ДУИ користено за Дрин Ахмети да прави милиони, рече на денешната прес-конференција пратеникот Миле Лефков. Како што веќе објавивме фирмата Еверест ЏД на Ахмети во период од 2016 до 2023 како концесионер на каменолом платила за 1.617.894 денари помалку за концесиски надоместок, од тоа што требало. Ова нема да било возможно без сега веќе обвинетите неколку лица вработени во Министерството за Економија под капа на Крешник Бектеши. Важно е да се напомене дека оваа фирма на Ахмети лиценцата за експлоатација на минерални суровини ја добила во 2005 година, исто така во време на влада на СДС и ДУИ. За 11 години потоа исто во време на СДС и ДУИ, кога со Министерството за економија раководи кадар на ДУИ истата да може да експлоатира минерални суровини, без прецизно да ги наведе количините кои се ископани, а со тоа и да плати помалку кон Буџетот. Очигледно е дека пипците на Ахмети оделе длабоку, па за непречено да работи Дрин, да копа колку сака, и плати колку сака, а не толку колку што мора, својата службена положба ја злоупотребиле Ф.Ч. (54) од Дебар, Е.Љ. од Теарце-Тетово, Ј.К. од Тетово, А.М. од Скопје, К.Ш. од Скопје, Ф.А. од Куманово, и Ф.Р. од Скопје. Истите заради постоење на основано сомнение дека сториле кривично дело „несовесно работење во службата”, се гонат по чл.353-в од КЗ. Доколку горенаведените постапеле согласно закон, концесијата за експлоатација на Дрин Ахмети требало да биде одземена, а тој да биде изведен пред суд по пријава на самото министерство. Но како министерството на Крешник Бектеши да го гони внукот на Ахмети, кој таму го поставил- праша пратеникот Лефков. Ова е моделот како СДС и ДУИ работеа со институциите, не за граѓаните, туку за своите семејства и блиски. Одговорност за ова мора да има, за никогаш да не се повтори, додаде Лефков. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за надворешни работи и надворешна трговија, Тимчо Муцунски, денес оствари средба со амбасадорот на Косово, Флоријан Ќехаја, во чии рамки беа потврдени пријателските односи меѓу двете земји и реафимирани заедничките заложби за интензивирање на билатералната соработка, пред сѐ на економски план. На средбата стана збор за актуелните состојби во двете земји и во регионот како целина. Воедно, беше истакната потребата за забрзување на евроинтегративните процеси на земјите од Западниот Балкан, како клучен фактор во одржувањето на регионалната стабилност. Муцунски изрази готовност за продлабочување на нашата соработка во рамки на регионалните иницијативи, како и поддршка за европските и евроатлантските интеграции на Косово, потенцирајќи ја подготвеноста за размена на искуства во оваа област. Соговорниците разменија мислења и за актуелни теми од надворешно – политички и безбедносен карактер. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Комитетот за светско наследство на УНЕСКО, на состанокот во Њу Делхи, Индија, ги усовил одлуките за албанските центри за светско наследство, Бутринти, Берат и Ѓирокастро, но ја одложил одлуката за албанско-македонското прекугранично подрачје на Охридското Езеро за следната година, објавија албанските медиуми. Во одлуката за Бутринти, УНЕСКО бара од албанските власти до први февруари 2025 година да достават карта на имотните граници за Бутринти, кои пред две години беа променети од албанската влада, без знаење и одобрение на УНЕСКО а од паркот Бутринти беа отпишани 800 хектари. Во одлуката, УНЕСКО се изразува жалење што сè уште се чека разјаснувањето на границите на имотот и неговата тампон зона и бара од Албанија да достави, како прашање од приоритет, јасна и прецизна карта на која ќе биде прикажана границата на имотот од светското наследство и границата на тампон зоната која ќе биде разгледана од Центарот за светско наследство. Во однос на одлуките на УНЕСКО Министерството за економија, култура и иновации во соопштение наведува дека „без никаква резерва ги поддржа одлуките на Центарот за светско наследство кои Комитетот на УНЕСКО ги официјализираше со едногласен став, а кои сметаме дека се многу објективни, целосно исправни и крајно професионални“. Опозицијата последно обвини дека се во тек големи градежни проекти во поранешната тампон зона на Националниот парк Бутринт, поткрепувајќи го тоа со фотографии. Истото се однесува и за крајбрежјето на Охридско Езеро. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Македонскиот театарски, филмски и телевизиски глумец Владо Јовановски е годинашниот лауреат на наградата за извонредно актерско достигнување во уметноста на филмот „Мето Јовановски“, што годинава за првпат се доделува во рамки на третото издание на Фестивалот на медитеранскиот и балканскиот филм „Преку езерото“. Претседателката на Советот на фестивалот „Преку езерото“ Мими Ѓоргоска Илиевска на денешната прес-конференција по повод претставувањето на наградата, посочи дека наградата се доделува во чест на доајенот на македонското филмско актерство, а целта е да се направи значаен чекор како за македонската, така и за европската и медитеранската кинематографија. Филмовите на Мето Јовановски заземаат значаен дел токму од Кинотеката каде што се чуваат и ќе останат достапни и видливи неговите дела за генерациите кои доаѓаат. Со неговите дела тој останува секогаш меѓу нас. Секогаш кога ќе погледнеме некој филм со Мето Јовановски ќе се сеќаваме на него, рече Ѓоргоска Илиевска. Таа посочи дека првиот лауреат Владо Јовановски е уште еден доајен, исклучителен и препознатлив македонски филмски актер, кој остварил низа значајни улоги во македонската кинематографија и исто како и Мето Јовановски, ја креира и ја создава богатата историја на македонската кинематографија. Владо Јовановски е навистина многу препознатлив на филмското платно. Не дека неговите улоги на театарската сцена се помалку вредни, но ние тука сме во знакот на филмот и филмската уметност, и кога говориме за актерството, значајни се овие актери кои се препознатливи на филмското платно, додаде Ѓоргоска Илиевска. Таа најави дека во рамки на фестивалот ќе биде организирана и посебна вечер за првиот лауреат на наградата Мето Јовановски, каде што сите посетители ќе имаат можност да погледнат мал дел од филмските остварувања на Владо Јовановски, но и да имаат разговор со него за неговите видувања во однос на професијата, неговите остварувања во полето на филмот и филмската уметност, како и неговите видувања за развојот на филмот. Оваа вечер, како што посочи, ќе се одржи во Дојран и ќе дојдат гости од повеќе држави, а ќе има и претставници од другите градови од регионот, со цел да се даде печат и на културниот туризам. Директорот на Фестивалот „Преку езерото“, Јани Бојаџи денеска на прес-конференцијата, образложувајќи ја програмата на Фестивалот, напомена дека се одбрани пет долгометражни филмови во официјалната натпреварувачка селекција, од кои четири се играни и еден документарен долгометражен филм. Филмовите ќе бидат објавени утре на официјалната веб страница на Фестивалот. Како што рече, во официјалната програма за награди се и девет краткометражни филмови од медитерански, балкански и европски држави. Фестивалот ќе биде отворен со српскиот филм „Руски конзул“. Филмот обработува интригантна политичка драма чие место на дејствие е на крајот на 70-тите и почетоот на 80-тите години во Косово во поранешна Југославија, каде што се претставени социјалните и политички судири. Како што напомена Бојаџи, карактеристично за „Руски конзул“ е тоа што станува збор за српски филм во кој играат актери од сите балкански држави, вклучително и од Косово. Потенцираше дека она што го прави специјален тој филм за жал, е тоа што „Руски конзул“ е последниот филм на Мето Јовановски и на Жарко Лаушевиќ. Мето Јовановски во филмот ја игра улогата на македонски свештеник кој е во затворот во Србија. Има една исклучително силна сцена во која Мето Јовановски во српски филм кажува молитва на македонски јазик. Првата вечер ќе уживаме во навистина добри актерски остварувања на македонски актери. Ова е официјалната програма, ние и минатата година влеговме во така наречена професионална програма, каде што има сегменти кои се однесуваат на професионалците. Имаме работилници, додаде Бојаџи. Тој најави дека новина оваа година е тоа што ќе отворат Фонд за дипломски филмови на студентите по режија, кинематографија и продукција од сите универзитети за филм во државава. Фондот е во висина од 50 илјади евра. Доделуваме три гранта за снимање на дипломски краткометражи играни или документарни филмови, тоа е уметнички избор на студентите, од по еден милион денари. Идните диломирани студенти кои ќе победат на работилниците кои ги правиме на Фестивалот, ќе можат со врвна технологија, со средства, со организација да ги снимат своите филмови на светско ниво. Ќе им дадеме рок од 12 месеци на студентите да ги завршат своите филмови и ќе настојуваме трите филмови кои ќе добијат грантови, следната година да добијат светски премиери на Фестивалот „Преку езерото“. Ќе им дозволиме да аплицираат и на сите фестивали на светот да можат да се претстават и себе си и нас во добро светло, рече Бојаџи. Во чест на Мето Јовановски, денеска пред Кинотека беше претставен и монументален мурал. Да се стои под овој мурал овде под ликот на Мето Јовановски е чест но и одговорност, затоа што да бидеме искрени, среќа наша е што живеевме со најголемиот актер во историјата на македонската кинематографија. Човекот кој не само што беше синоним за актерството и за филмот во Македонија, туку Мето Јовановски беше и синоним за Македонија. Неговиот карактеристичен лик го гледаме овде, и тие што го познаваа, можат да кажат дека неговите две карактеристични реченици беа „Како да ти речем“, и на прашањето како си, секогаше одговараше „Од Бога добро“, изјави денеска Јани Бојаџи пред муралот на актерот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Процентуалната застапеност во новоформираното министерство за јавна администрација, во моментов, од стопроцентната вработеност, од 43 до 45 отсто се вработени од етничките заедници што значи, балансерот е злоупотребен, рече министерот за јавна администрација Горан Минчев. Тоа е предмет на ревизија. Досегашните информации и анализи укажуваат дека од стопроцентната вработеност, некаде 18 до 19 отсто ја имаат злоупотребено можноста за искажување на припадност на етничката заедница, односно злоупотреба на балансерот. Тие се во редовен работен однос, секако дека ќе останат на работа, меѓутоа нужно е да укажеме дека во минатото, балансерот бил злоупотребуван и токму оваа постапка којашто ја правиме за враќање на годишните планови за вработување и укажувањата кои ги даваме до институциите во јавниот секор коишто доставиле вакви планови, е спречување на повторно таква злоупотреба на балансерот – додаде Минчев денеска на прес-конференција. Тој најави, дека врз основа на Пописот, направена е измена на процентуалната застапеност на етничките заедници во балансерот, и тоа од бројот на резидентното население. Во следниот период, ќе се донесат измени на предложените закони за административни службеници и законот за вработени во јавниот сектор, на кои ќе им претходи широка јавна дебата во која ќе се вклучат сите засегнати страни. Измената на процентите во балансер алатката предвидува усогласување и тоа на Македонци од 54,21 отсто, на 58,44 проценти, Албанци од 29,52 проценти на 24, 30 проценти, Турци од 3,98 проценти, на 3,86 проценти, Роми од 2,34 проценти, на 2,53 проценти, Срби од 1,18 проценти, на 1,30 проценти, Власи од 0,44 проценти на 0,47 проценти и Бошњаци од 0,87 на 0,87 проценти. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Македонскиот театарски, филмски и телевизиски глумец Владо Јовановски е годинашниот лауреат на наградата за извонредно актерско достигнување во уметноста на филмот „Мето Јовановски“, што годинава за првпат се доделува во рамки на третото издание на Фестивалот на медитеранскиот и балканскиот филм „Преку езерото“. Претседателката на Советот на фестивалот „Преку езерото“ Мими Ѓоргоска Илиевска на денешната прес-конференција по повод претставувањето на наградата, посочи дека наградата се доделува во чест на доајенот на македонското филмско актерство, а целта е да се направи значаен чекор како за македонската, така и за европската и медитеранската кинематографија. Филмовите на Мето Јовановски заземаат значаен дел токму од Кинотеката каде што се чуваат и ќе останат достапни и видливи неговите дела за генерациите кои доаѓаат. Со неговите дела тој останува секогаш меѓу нас. Секогаш кога ќе погледнеме некој филм со Мето Јовановски ќе се сеќаваме на него, рече Ѓоргоска Илиевска. Таа посочи дека првиот лауреат Владо Јовановски е уште еден доајен, исклучителен и препознатлив македонски филмски актер, кој остварил низа значајни улоги во македонската кинематографија и исто како и Мето Јовановски, ја креира и ја создава богатата историја на македонската кинематографија. Владо Јовановски е навистина многу препознатлив на филмското платно. Не дека неговите улоги на театарската сцена се помалку вредни, но ние тука сме во знакот на филмот и филмската уметност, и кога говориме за актерството, значајни се овие актери кои се препознатливи на филмското платно, додаде Ѓоргоска Илиевска. Таа најави дека во рамки на фестивалот ќе биде организирана и посебна вечер за првиот лауреат на наградата Мето Јовановски, каде што сите посетители ќе имаат можност да погледнат мал дел од филмските остварувања на Владо Јовановски, но и да имаат разговор со него за неговите видувања во однос на професијата, неговите остварувања во полето на филмот и филмската уметност, како и неговите видувања за развојот на филмот. Оваа вечер, како што посочи, ќе се одржи во Дојран и ќе дојдат гости од повеќе држави, а ќе има и претставници од другите градови од регионот, со цел да се даде печат и на културниот туризам. Директорот на Фестивалот „Преку езерото“, Јани Бојаџи денеска на прес-конференцијата, образложувајќи ја програмата на Фестивалот, напомена дека се одбрани пет долгометражни филмови во официјалната натпреварувачка селекција, од кои четири се играни и еден документарен долгометражен филм. Филмовите ќе бидат објавени утре на официјалната веб страница на Фестивалот. Како што рече, во официјалната програма за награди се и девет краткометражни филмови од медитерански, балкански и европски држави. Фестивалот ќе биде отворен со српскиот филм „Руски конзул“. Филмот обработува интригантна политичка драма чие место на дејствие е на крајот на 70-тите и почетоот на 80-тите години во Косово во поранешна Југославија, каде што се претставени социјалните и политички судири. Како што напомена Бојаџи, карактеристично за „Руски конзул“ е тоа што станува збор за српски филм во кој играат актери од сите балкански држави, вклучително и од Косово. Потенцираше дека она што го прави специјален тој филм за жал, е тоа што „Руски конзул“ е последниот филм на Мето Јовановски и на Жарко Лаушевиќ. Мето Јовановски во филмот ја игра улогата на македонски свештеник кој е во затворот во Србија. Има една исклучително силна сцена во која Мето Јовановски во српски филм кажува молитва на македонски јазик. Првата вечер ќе уживаме во навистина добри актерски остварувања на македонски актери. Ова е официјалната програма, ние и минатата година влеговме во така наречена професионална програма, каде што има сегменти кои се однесуваат на професионалците. Имаме работилници, додаде Бојаџи. Тој најави дека новина оваа година е тоа што ќе отворат Фонд за дипломски филмови на студентите по режија, кинематографија и продукција од сите универзитети за филм во државава. Фондот е во висина од 50 илјади евра. Доделуваме три гранта за снимање на дипломски краткометражи играни или документарни филмови, тоа е уметнички избор на студентите, од по еден милион денари. Идните диломирани студенти кои ќе победат на работилниците кои ги правиме на Фестивалот, ќе можат со врвна технологија, со средства, со организација да ги снимат своите филмови на светско ниво. Ќе им дадеме рок од 12 месеци на студентите да ги завршат своите филмови и ќе настојуваме трите филмови кои ќе добијат грантови, следната година да добијат светски премиери на Фестивалот „Преку езерото“. Ќе им дозволиме да аплицираат и на сите фестивали на светот да можат да се претстават и себе си и нас во добро светло, рече Бојаџи. Во чест на Мето Јовановски, денеска пред Кинотека беше претставен и монументален мурал. Да се стои под овој мурал овде под ликот на Мето Јовановски е чест но и одговорност, затоа што да бидеме искрени, среќа наша е што живеевме со најголемиот актер во историјата на македонската кинематографија. Човекот кој не само што беше синоним за актерството и за филмот во Македонија, туку Мето Јовановски беше и синоним за Македонија. Неговиот карактеристичен лик го гледаме овде, и тие што го познаваа, можат да кажат дека неговите две карактеристични реченици беа „Како да ти речем“, и на прашањето како си, секогаше одговараше „Од Бога добро“, изјави денеска Јани Бојаџи пред муралот на актерот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Процентуалната застапеност во новоформираното министерство за јавна администрација, во моментов, од стопроцентната вработеност, од 43 до 45 отсто се вработени од етничките заедници што значи, балансерот е злоупотребен, рече министерот за јавна администрација Горан Минчев. Тоа е предмет на ревизија. Досегашните информации и анализи укажуваат дека од стопроцентната вработеност, некаде 18 до 19 отсто ја имаат злоупотребено можноста за искажување на припадност на етничката заедница, односно злоупотреба на балансерот. Тие се во редовен работен однос, секако дека ќе останат на работа, меѓутоа нужно е да укажеме дека во минатото, балансерот бил злоупотребуван и токму оваа постапка којашто ја правиме за враќање на годишните планови за вработување и укажувањата кои ги даваме до институциите во јавниот секор коишто доставиле вакви планови, е спречување на повторно таква злоупотреба на балансерот – додаде Минчев денеска на прес-конференција. Тој најави, дека врз основа на Пописот, направена е измена на процентуалната застапеност на етничките заедници во балансерот, и тоа од бројот на резидентното население. Во следниот период, ќе се донесат измени на предложените закони за административни службеници и законот за вработени во јавниот сектор, на кои ќе им претходи широка јавна дебата во која ќе се вклучат сите засегнати страни. Измената на процентите во балансер алатката предвидува усогласување и тоа на Македонци од 54,21 отсто, на 58,44 проценти, Албанци од 29,52 проценти на 24, 30 проценти, Турци од 3,98 проценти, на 3,86 проценти, Роми од 2,34 проценти, на 2,53 проценти, Срби од 1,18 проценти, на 1,30 проценти, Власи од 0,44 проценти на 0,47 проценти и Бошњаци од 0,87 на 0,87 проценти. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Хируршките сали во Клиничкиот центар ќе функционираат со надворешни компресори и со намален интензитет до декември. Ова решение како привремено беше најдено откога во мај годинава се појави смрдеа во дистрибутивната мрежа за кислород и компримиран воздух. Министерот за здравство Арбен Таравари очекува дека дотогаш целосно ќе заврши процедурата за нова компресорска станица по нов оглас, кој ќе го распише Министерството за здравство по неуспешниот тендер на ЈЗУ УК, завод и ургентен центар – Скопје. На последната седница на Владата помина информацијата обврската за набавка на компресорската станица во Клиничкиот центар да ја преземе Министерството за здравство. Се надевам што побргу да почне процедурата. Ќе одиме преку јавна набавка, да биде транспарентно. Очекувам тоа да заврши за три-четири месеци. Со надворешни компресори во Клиничкиот центар ќе се работи до ноември или декември додека се постави нова компресорска станица. До тогаш ќе направиме уште едно усогласување со ’8 Септември’ и со ’Св. Наум Охридски’ одредени потешки случаи, за кои нема услови, да се сработат во овие две болници, кои и досега работат добро, но можеби ќе побараме малку поголем ангажман од нив, рече министерот Таравари. Ако и на овој тендер нема заинтересирани, министерот Таравари најави дека компанијата што ќе ја набави, ќе ја монтира и ќе ја пушти во употреба новата компресорска станица ќе ја избере преку директен договор. Хируршките сали на Клиничкиот центар беа затворени на 22 мај година. Министерот за здравство во тогашната техничка влада, Илир Демири, извести дека примероци од гасот веднаш биле испратени на анализа во Германија, која треба да покаже зошто има лоша миризба, но цели два месеца подоцна анализата ја нема. Сегашниот министер Таравари вели дека сѐ уште не добил резултати од анализата. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

36. Поетска ноќ во Велестово ќе се одржи од 16 до 18 август на локации во Велестово и Охрид. Со поетски портрет годинава ќе биде претставено творештвото на Елизабета Баковска, а во интернационалната програма ќе гостуваат поети од шест земји, и тоа: Велика Британија, Ирска, САД, Хрватска, Србија и Македонија. ‒ Од годинава, за наредниот 4-годишен циклус имаме неколку концепциски промени, имено, наместо преку беседа, творештвото не поетот во фокус ќе биде претставувано преку разговор, во дослух со современите трендови. Исто така, се воведува настанот „Поетско интермецо“ преку кој странските поети ќе имаат можност да читаат и пред публиката во Велестово, а не само во Охрид ‒ истакна програмскиот директор на фестивалот, Јулијана Величковска. Годинешното издание ќе биде отворено на 16 август од 21 часот на сретсело во Велестово со „Езеро“ ‒ мал музички концерт на хрватската кант-авторка Нина Ромиќ во придружба на Јелена Галиќ. Ќе следува поетскиот портрет на Елизабета Баковска, а потем и настанот „Поетско интермецо“. Вечерта ќе биде затворена со изложбата на фотографии „Паметници на заборавот“ од Сашо Димоски, во тремот на црквата „Успение на Пресвета Богородица“.Автор на постерот за годинешното издание е Андреј Павлов. На 17 август со почеток од 19 часот во кафе и бар „Шила“ во Охрид ќе се одржи интернационалното поетско читање „Мозаик“ на кое ќе настапат: Патрик Котер (Ирска), Фиона Сампсон (Белика Британија), Иван Херцег (Хрватска), Марко Ѓорѓевиќ (Србија), Минг Ди (Кина/САД), Елизабета Баковска, Владимир Мартиновски и Христина Цветаноска од Македонија, а по читањето, публиката ќе има можност да ужива во уште еден настап на Нина Ромиќ и Јелена Галиќ. Фестивалот ќе заврши на 18 август со организрано разгледување на културно-историското наследство на градот Охрид и природните убавини на планината Галичица, придружено со неформални поетски читања. Фестивалот го овозможија Министерството за култура, Општина Охрид, Традуки и Комерцијална банка АД Скопје, а негови помагатели се Хрватското друштво на писатели (ХДП), кафе и бар „Шила“ од Охрид, Пелистерка АД Скопје, вила „Сансет“ од Велестово, ресторан „Домаќинска куќа Велестово“ и пицерија „Немо“ од Охрид. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Пентагон утврди дека се направени грешки во износ од две милијарди долари во пресметката за муниција, проектили и друга опрема испратена во Украина, што овозможило да се пронајдат дополнителни две милијарди долари за оружје за Украина. Како што покажа извештајот на владината сметководствена канцеларија, американското Министерство за одбрана се соочува со тешкотии во прецизната проценка на вредноста на воениот материјал испратен во Украина, поради нејасните дефиниции во пресметката. На овој начин во 2023 година дошло до грешка во проценката на испратеното оружје и материјали од 6,2 милијарди долари Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Изјава на премиерот Христијан Мицкоски, кој денеска е во посета на општина Битола: Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во Културно информативниот центар – Скопје започна интердисциплинарниот и мултимедијален фестивал „Културен амалгам“. Фестивалот се отвори со изложбата „24“ на Никола Јовановиќ во салонот Империјал 2, составена од дваесет досега необјавени црно-бели фотографии на кои се прикажани портрети од музичкиот свет. Фотографиите се снимени во периодот 2023 до 2024 година на различни локации и секоја од нив раскажува некоја своја приказна. Потоа фестивалот продолжи во Салонот 19:19, каде беа прикажани четири кратки филмови на Саша Станишиќ, кои со неговиот мрачен, но комичен филмски јазик, беа вистинско освежување во програмата ова жешко лето. Следна дестинација на фестивалот е Културниот дом „Лазар Софијанов“ во Кратово на 27 јули 2024. Понатака продолжува во месец август во сродните културни центри во Крушево (6 авуст) и Битола (22 авуст), со цел да ги отвори вратите кон вистинска и коренита децентрализација на културата во Македонија, преку поставување темели за соработка во различни средини и низ различни градови. Соработката на Културно информативнит центар – Скопје со останатите центри, преку меѓуинституционалниот и мултимедијален фестивал треба да биде основа за понатамошно проширување и низ останатите градови низ Македонија и со збогатување на програмата со останати ументнички дисциплини како музиката, театарот, книжевноста, стрипот… Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за економија и труд, Бесар Дурмиши, останува на ставот да се разговара за барањето на синдикатите за зголемување на минималната плата на 450 евра. Во одговор на новинарско прашање пред денешната посета на занаетчиските дуќани во Старата Скопска Чаршија, министерот рече дека ќе разговараат со сите засегнати страни. Да ги слушнеме сите засегнати страна и ќе разговараме за тоа. Ќе донесеме одлука која што ќе ги задоволи сите засегнати страни. Јас им кажав и на синдикатите, стојам на страна на работниците, рече министерот. Дополни дека имајќи ја предвид буџетската состојба на која наишле, интервенирале таму каде што било суштински. Сојузот на синдикати на Македонија имаше барање пред изборите во првите 100 дена на новата влада минималната плата да се покачи на 450 евра, нешто кое министерот го постави за приоритет во неговите првични изјави. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерството за економија и труд ќе ги субвенционира занаетчиите преку кофинансирање на 40 проценти од докажаните трошоци, но не повеќе од 200.000 денари по барател, направени зa набавка на нови машини или алати и дизајн на нов производ. Како што информираше денеска министерот за економија и труд Бесар Дурмиши, пред посетата на занаетчиските дуќани во Старата Скопска Чаршија, за повикот се предвидени 6.500.000 денари од Буџетот на Министерството. Министерството за економија и труд денеска објави пет јавни повици согласно Програмата за развој на претприемништвото и конкурентноста на мали и средни претпријатија за 2024 година, за што ка На јавниот повик може да аплицираат активни регистрирани занаетчии и вршители на занаетчиска дејност, да не е отворена стечајна постапка за нив, да немаат долгови кон државата и кон вработените, да работеле најмалку една година пред објавување на јавниот повик и да немаат добиено финансиски средства по јавните повици на Министерството за економија во изминатите три години, изјави Дурмиши. Во насока на развој и поддршка на занаетчиството, Министерството за економија и труд минатата недела објави и повик за поддршка на здруженија и занаетчиски комори за проекти во делот на организирање на обуки за поединечни занаетчиски дејности и креативни занаети, организирање на форуми и промотивни активности и обуки за јакнење на свеста за придобивките од легализација на занетчискиот бизнис. Сакам да ги уверам дека нема да застанеме тука и дека и во иднина ќе креираме мерки и политики за поддршка на занаетчиите бидејќи занаетчиството е фактор за економски развој во нашата земја. Министерството за економија останува посветено и отворено за предлози кои имаат за цел развојот на занаетчиството, им порача Дурмиши на занаетчиите. Јавните повици се објавени на веб-страната на Министерството за економија и труд, а занаетчиите и занаетчиските здруженија може да аплицираат најдоцна до 1 октомври годинава. Во посета на занаетчиските дуќани денеска покрај министерот за економија и труд, беше и првиот вицепремиер и министер за животна средина. Изет Меџити, градоначалникот на Општина Чаир, Висар Ганиу, и пратеникот Беким Сали. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Aна Котевска, ученичка во специјалната германска паралелка при гимназијата ,,Јосип Броз Тито“ од Скопје е овогодинешна апсолутна победничка на Интернационалната oлимпијада по германски јазик „ИДО 2024“ која минатата недела се одржа Гетинген, Германија. Ана Котевска ја освои златната медала во категоријата на натпреварувачи на Б2 Ниво. Среќното прво место (јазични нива Б2,А2 и Б3) таа го сподели со Махек Кан од Бангладеш и Рајона Иброхимова од Узбекистан. На Интернационалната олимпијада по германски јазик, покрај Котевска учествуваше и Марија Стефановска, идна ученичка во прва година во гимназијата „Јосип Броз Тито“. Менторка на Котевска и е проф.Кристина Клиафа – Трпеска, класна раководителка и професорка по германски јазик во гимназијата „Јосип Броз Тито“, а на патувањето во Германија ја придружуваше професорката Габриела Темелкоска, претседателка на Здружението на германисти во Македонија. Осум дена, над 100 ученици од околу 60 земји се натпреваруваа за титулата најдобар ученик по германски јазик во светот. Победниците од националните прелиминарни рунди – на возраст од 14 до 17 години патуваа од целиот свет до финалето во Германија и се натпреваруваа во различни натпреварувачки дисциплини. Олимпијадата се реализираше во соработка со „Гете институт“. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Сообраќајот на магистралниот пат Куманово – Крива Паланка, кај село Страцин денеска од 11:25 часот е затворен за сообраќај во два правца. Како што соопшти АМСМ, сообраќајот е затворен поради одрон. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Премиерот Христијан Мицкоски денеска ја посети планината Серта, во близина на општина Неготино, од каде сподели дека пожарот е целосно изгаснат. Како Влада во периодот што следи, ќе направиме големи структурни реформи во секторот за управување со кризи, но истовремено отпочнавме процедура за носење на законот за пожарникарство со што значително ќе бидат подобрени условите за работа на овие луѓе. Од мое лично име и од името на Владата, изразувам голема благодарност на луѓето коишто изминативе неколку недели го жртвуваа и својот живот за да се справат со огнената стихија, порача премиерот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Три девојки синоќа биле безбедно симнати од Водно откако наишле на диви свињи. Центарот за управување со кризи денеска соопшти дека пријавата е стигната на бројот 112. Сношти три девојки, кои се симнувале од врвот на Водно, по 23 часот, кон Средно Водно, имале непријатна средба со диви свињи. На 112 во ЦУК пријавиле дека стадо диви свињи се постојано зад и околу нив, иако се симнувале по асфалтираниот пат и дека се многу уплашени. Притоа, побарале да се отклучи рампата на Средно Водно, за да може нивни блиски да ги земат со возило. Во 23:42 часот од пријавувачката на итниот случај е добиена на 112 во ЦУК повратна информација дека полициско комбе дошло на лице место, во коешто била и нивна братучетка, и дека се веќе се безбедни, се наведува во информацијата од ЦУК. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

„Петте популарни песни“ создадени од композиторот Карлос Лопез Бучардо, „Петте популарни аргентински песни“ од Алберто Гинастера, како и „Триптихот од Кубанска поезија“ од Модеста Бар и „Есенските песни“ на Антонио Естевес прозвучија магично со прекрасниот глас на тенорот Акилес Мачадо кој вчеравечер настапи во црквата „Света Софија“ во пијано придружба на македонскиот пијанист Адреја Наунов. Концертот се одржа во рамки на традиционалната Шпанска вечер на фестивалот „Охридско лето“ што се организира со поддршка на Амбасадата на Кралството Шпанија. – Долги години работиме со фестивалот „Охридско лето“ и големо е задоволството да се има Шпанска вечер на еден ваков меѓународно-реномиран фестивал. Годинава преку програмата беше прикажана мешавина од латиноамериканска и шпанска култура, истакна заменик-амбасадорката во Амбасадата на Кралството Шпанија во земјава, Ана Грациа Гајего. Роден во Баркисимето (Венецуела), тенорот Мачадо започнува да учи музика на Конзерваториумот „Висенте Емилио Сохо“. Студирал во класата на професорот Вилиам Алварадо на Конзерваториумот „Симон Боливар“ во Каракас. Откако се сели во Шпанија, благодарение на стипендијата од Шпанската национална банка и Фондацијата „Моцартеум“ од Венецуала, Мачадо студира на Високата школа за музика „Кралица Софија“ во класата на Алфредо Краус. Во 1996 дебитира на оперската сцена во Каракас со „Љубовен напиток“, а истата година го има и Европското деби во „Магбет“ во театарот на Канарските острови. Неговата кариера е во постојан подем со настапи во најпознатите оперски куќи. Пијанистот Андреја Наунов кој го придружуваше тенорот Акилес Мачадо е добитниĸ на државни награди по ĸамерна музиĸа и пијано, а има остварено и бројни солистичĸи рецитали, настапи со Маĸедоснĸата Филхармонија и орĸестарот на Маĸедоснĸата Опера и Балет.Меѓу неговите позначајни настапи се и турнеите со пијанистот и негов професор Симон Трпчесĸи. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Министерот за економија Бесар Дурмиши заедно со првиот вицепремиер и министер за животна средина Изет Меџити, со градоначалникот на Општина Чаир Висар Ганиу, и пратеникот Беким Сали денеска ги посетија занаетчиските дуќани во Старата Скопска Чаршија. Министерот Дурмиши ги информираше занаетчиите за мерките за поддршка на занаетчиството во рамки на Министерството за економија и труд. „Чест и задоволство ми е што денеска сум тука заедно со вас да ги посетиме занаетчиите во Старата Скопска Чаршија и лично да ги информирам за поддршката која што Министерството за економија и труд ја дава за нив. Занаетчиството е важен сегмент на нашата економија, а Министерството за економија и труд и Владата во наредниот период ќе продолжат со континуирана поддршка, преку мерки и активности кои се дел од политиките за развој и унапредување на занаетчитвото во државата“ кажа министерот Дурмиши. Министерот информираше дека Министерството за економија и труд минатата недела го објави јавниот повик за поодршка на занаетчиството. „Со оваа мерка е предвидено да се субвенционираат занаетчии и вршители на занаетчиска дејност преку кофинансирање на 40% од докажаните трошоци, но не повеќе од 200.000 денари по барател, направени зa набавка на нови машини или алати и дизајн на нов производ.За оваа мерка согласно Програмата за развој на претприемништвото и конкурентноста на малите и средни претпријатија предвидени се средства во вкупен износ од 6.500.000 денари од Буџетот на Министерството за економија и труд, а субвенционирани ќе бидат докажаните трошоци кои занаетчиите ги направиле, во 2023 и 2024 година. На јавниот повик може да аплицираат активни регистрирани занаетчии и вршители на занаетчиска дејност, да не е отворена стечајна постапка за нив, да немаат долгови кон државата и кон вработените, да работеле најмалку една година пред објавување на јавниот повик и да немаат добиено финансиски средства по јавните повици на Министерството за економија во изминатите три години“ кажа Дурмиши. Министерот информираше дека во насока на развој и поддршка на занаетчиството, исто така Министерството за економија и труд минатата недела обајви и повик за поддршка на проекти на здруженија и занаетчиски комори за проекти воделот на организирање на обуки за поединечни занаетчиски дејности и креативни занаети, организирање на форуми, организирање на промотивни активности и обуки за јакнење на свеста за придобивките од легализација на занетчискиот бизнис. Јавните повици се објавени на веб-страната на Министерството за економија, а занаетчиите и занаетчиските здруженија може да аплицираат најдоцна до 1 октомври 2024 година “Сакам да ги повикам сите занаетчии од сите региони во државата да аплицираат за поддршката што како Министерство за економија и труд им ја даваме. Како Министер сакам да ги уверам дека нема да застанеме тука и дека и во иднина ќе креираме мерки и политики за поддршка на занаетчиите бидејќи занаетчиството е фактор за економски развој во нашата земја. Министерството за економија останува посветено и отворено за предлози кои имаат за цел развојот на занаетчиството во Република Македонија“ им порача министерот Дурмиши на занаетчиите. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

По цели седум години без ниту едно државно обележје, денеска пред СЦ „Борис Трајковски” повторно гордо се виори македонското знаме, објави новиот директор на скопскиот спортски центар Данијел Апостолоски. Истакнувањето на македонското знаме и македонските симболи, претставува почит кон институцијата, но пред сѐ почит кон Република Македонија, порача тој. Апостолоски е дипломиран професор по физичка култура и магистрант на Факултет за менаџмент на човечки ресурси при Универзитет за туризам и менаџмент – Скопје. Владата го назначи за директор на 5 јули годинава. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Француско – сенегалскиот воен филм „Татко и војник“ во режија на Матје Вадпие, од недела (28 јули) премиерно ќе се прикажува во кината низ републиката. Филмот ќе биде на редовен репертоар на киното „Милениум“ во Скопје во терминот од 18 часот, а ќе се прикажува и во киното „Манаки“ во Битола во термин од 19:30 часот. Главната улога ја толкува реномираниот француски актер Омар Си (Omar Sy), познат по улогите во „Недопирливите“ (The Intouchables), најгледаниот француски филм на сите времиња, како и во познатата серија на Нетфликс, „Лупин“. „Татко и војник“ ги прикажува искуствата на африканските војници кои се бореле на страната на Франција во Првата светска војна. Тоа е приказна за еден татко кој волонтерски се пријавува во француската армија за да биде со својот 17-годишен син кој е со сила регрутиран против негова волја. Испратени заедно на фронтот, тие мора да се борат за своите животи во ужасните воени битки на Франција. Филмот ја имаше својата премиера на 75то издание на канскиот фестивал во 2022 година каде беше дел од натпреварувачката Un Certain Regard селекција. Својата македонска премиера ќе ја има на 28ми јули, денот кога се одбележуваат 110 години од почетокот на Првата светска војна, една од најголемите трагедии во човековата историја. Дистрибутер на филмот е „КТ Филм и Медиа“ од Битола, а дистрибуцијата е поддржана од МЕДИА Креативна Европа. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вицепремиерот и министер за транспорт Александар Николоски вели дека успеале за десетина дена да ги решат најголемите проблеми со Синохидро и да најдат решение за косините и свлечиштата. Во изминатиот период со изведувачот Синохидро се воделе интензивни разговори при што било постигнато решение, тие да се откажат од арбитражната постапка и со тоа да се заштедат 50 милиони евра пари од буџетот на државата. Министерот Николоски во гостување на утринска програма на ТВ Сител нагласил дека во однос на техничките решенија со свлечиштата, се најдени две опции за санација на косините и дека со сите наследени проблеми, автопатската делница ќе биде завршена до крајот на 2026 година. Објективниот проблем е со состојбата со теренот на трасата кај што не се гледа, а тоа над Кичево до Дебрца и тука тој терен е многу проблематичен. Седнавме со изведувачот и побарав да прават што ќе прават, да најдат решение и да се заврши. И очегледно таа беше формулата бидејќи во рок од десетина дена со интензивни раговори тие се откажаа од арбитражата каде што Македонија потнецијално ќе изгубеше 50 милиони евра, а тоа за земја како Македонија се многу пари. И втора работа е да се решат проблемите со свлечиштата и косините на еден модерен начин, рекол Министерот за транспорт. Како што информираат од Министерството за транспорт, Николоски во гостувањето истакнал дека решенијата не се голема филозофија оти или ќе се оди со галерија, тоа е како тунел, не целосно затворање, тука само со покрив или опција е само со шипови за стабилизација на косините. Тој потенцирал дека до крај на 2026 година автопатот ќе биде завршен. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Скандалите и корупцијата инсталирани од Демократската унија за интеграција (ДУИ) и нејзините сателити ја поткопаа довербата во судството, го попречија економскиот развој и социјалниот напредок, велат од Вреди Забелешките и недостатоците евидентирани од Европската комисија во нејзиниот последен извештај јасно покажуваат како претходниот режим ја спроведувал власта со нечесни и незаконски методи. Интервенциите на ДУИ во судскиот систем беа неприфатливи. Се сеќаваме на притисоците врз претседателката на Врховниот суд, само затоа што таа одби да го помилува и да го врати Никола Груевски во Македонија како херој. Овие постапки длабоко го потресоа јавното мислење. Исто така, претходната гарнитура го смени Кривичниот законик за да ги намали и застаре казните на поранешните функционери, чин кој беше презентиран од ДУИ како усогласување со европските стандарди. Ова беше уште еден обид за измама на граѓаните и за заштита на нивните лични интереси на штета на правдата и транспарентноста. Претседателот на СДСМ Венко Филипче ја призна грешката, дали истото ќе го направи и Али Ахмети? Спротивно на горенаведеното, коалицијата ВЛЕН е посветена на следење на чист и чесен пат. Се потпираме на поддршката од граѓаните за да изградиме подобра иднина за нашата земја. Преку функционери избрани без коруптивни дамки, демонстрираме европско однесување и транспарентност во нашите постапки. Заедно, ќе изградиме поправедно и поразвиено општество, тврдат од Вреди. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Синоќа во 1 часот по полноќ на местото Двата пата кај Струмица изгорел автомобил, информираа од ТППЕ Струмица. Според информацијата од пожарникарите, во гаснењето на автомобилот учествувале едно противпожарно возило и четворица пожарникари. Пожарот беше во разгорена и поодмината фаза и беше зафатена и блиската вегетација на ридот, при што беше запрено неговото натамошно ширење, соопштија од ТППЕ Струмица. ОД СВР Струмица го потврдија настанот и повеќе детали најавуваат за подоцна, откако ќе заврши увидот. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Иако летото започна со предизвици и тешкотии за некои хороскопски знаци, август носи сосема нов бран на енергија и можности. Овој месец на многу луѓе ќе им донесе олеснување и позитивни промени кои ќе внесат нова светлина во нивните животи. Близнаци Почетокот на летото беше стресен за близнаците, со многу обврски и малку време за опуштање. Но, август носи свеж воздух. На деловен план, Близнаците ќе добијат можност за напредување или ќе им се отворат нови врати преку неочекувани проекти. Нивната креативност и комуникациски вештини конечно ќе бидат препознаени и наградени. Во љубовта, слободните Близнаци би можеле да запознаат некој посебен на некој социјален настан или патување. Оние кои се во врска ќе почувствуваат обновена страст и поврзаност со партнерот, благодарение на поотворената комуникација и заедничките активности. Рак Раковите минаа низ емотивно турбулентен период на почетокот на летото, но август ја носи неопходната стабилност. Финансиската состојба значително ќе се подобри или преку унапредување, зголемување на платата или неочекувана финансиска добивка. Ова ќе им донесе олеснување и ќе им овозможи да планираат долгорочни цели. На личен план, Раковите ќе почувствуваат длабока емотивна врска со своите сакани. Времето поминато со семејството и пријателите ќе донесе радост и чувство на сигурност. Слободните Ракови би можеле да запознаат некој кој ги споделува нивните вредности и цели, што ќе им даде чувство на исполнетост и среќа. Вага Вагите се соочија со несогласувања и несигурности во врските во првите летни месеци. Август носи хармонија и рамнотежа. Старите конфликти ќе бидат решени, а Вагите ќе почувствуваат обновен мир во односите. Партнерите ќе покажат разбирање и поддршка, што дополнително ќе ја зајакне врската. На професионален план, Вагите ќе имаат можност да ги покажат своите креативни таленти. Без разлика дали се работи за уметнички проекти или иновативни решенија на работа, нивната оригиналност ќе биде препознаена и ценета. Ова е совршено време за Вагите да се фокусираат на своите страсти и да ги постигнат одамна сонуваните цели. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Ќе направиме сè со Јавното претпријтие за државни патишта за да ги раскинеме сомнителните тендери за одржување на патиштата и оддржувањето да го прават Јавното претпријатие во соработка со Македонија пат, потенцираше заменик на претседателот на Владата и министер за транспорт Александар Николоски во утринското гостување во ТВ Сител. Тој изрази сомнеж во работењето на Второстепната комсија за жалби по јавни набавки потенцирајќи дека тендерот за оддржување на патиштата неколку години по ред на сомнителен начин го добива една иста фирма – Мирсад Комерц. Пред две години излегов на прес конференција и кажав дека ЈПДП наместо да даде средства на Македонија пат за ги чисти автопатите и да ја коси тревата по автопатите што е работа на Македонија пат, дала тендер на приватна фирма Мирсад Комерц случајно да е од Кичево од каде е и лидерот на ДУИ и тоа за фантастични 2 милини евра. Во овие години ниту гранки видовме пресечени, ниту трева видовме дека исчистила фирмава. На одење стариот директор на ЈПДП повторно распишал тендер за истава фирма Мирсад Комерц која што магично го добила истиот. Останатите фирми се жалат и второстепената комисија по жалби за јавни набавки колку што сум информиран ги одбива сите жалби. Сакам да го прашам претседателот на второстепената комисија која по суштина треба да е незвисно тело, како е возможно да ги одбијат жалбите на сите останати компании и Мирсад Комерц која гранка не пресече, треба да продолжи да работи? Како е возможно таа второстепена комисија да донесе ваква одлука имајќи предвид дека за нејзиното работење имаше вакви сомнежи, еве земете го РЕК Битола каде што иста компанија “Марковски компани” ги доби тендериве во изминтиве 4-5 години, а состојбата во РЕК Битола е катастрофална, истакна Николоски. Министерот Николоски повика Јавното обвинителство да ја преиспита работата на Второстепата комисија по жалби за јавни набавки, бидејќи како што рече, носеле сомнителни одлуки. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Олимписките игри вечерва свечено ќе бидат отворени во Париз, а домаќинот и организаторот, како и цела Франција, особено нејзиниот главен град, се борат против бројни напади и проблеми. Властите соопштија дека во текот на вчерашниот ден била спроведена координирана акција за подметнување пожари со цел да се прекине железничкиот сообраќај во и околу Париз. Државниот железнички оператор објави дека цел на напаѓачите биле инсталации долж бројните линии што го поврзуваат Париз на запад, исток и север. Се додава дека поради овие напади се очекуваат големи проблеми во сообраќајот, како на денот на свеченото отворање, така и за време на викендот. „Нападот на Олимписките игри е напад врз Франција“, изјави кратко француската министерка за спорт Амели Оудеа-Кастер. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во Античкиот театар во Охрид, вечерва со почеток во 21 часот, концерт ќе одржи Влатко Стефановски со неговите гости Дамир Имери, Иван Кукиќ, Јан Стефановски и Горан Папаз. Влатко Стефановски е нашиот најпознат македонски рок, поп и џез музичар, основач на „Влатко Стефановски Трио“, и еден од основачите на групата „Леб и сол“ во која Стефановски бил гитарист, пејач, композитор и автор на текстови. За време на дваесетгодишното постоење, групата „Леб и сол“ снимила 12 албуми, една двојна компилација, и музика за различни намени: филмски и театарски претстави, како и телевизиски серии. Првите соло-настапи на Стефановски започнале во почетокот на 1990-тите, а заедно со Бодан Арсовски во 1990 година го издал првиот македонски компакт- диск, со музика за рок-балетот „Зодијак“. Во 1994 година, Стефановски го снимил својот прв самостоен албум, „Каубои и индијанци“. Во 1993 година Стефановски работи на проектот „Сараево“, за потребите на претставата на Горан Стефановски, прикажана во театарот во Антверпен, во режија на Слободан Унковски. Потоа следува музиката за филмот „Џипси меџик“, во режија на Столе Попов, а компакт-дискот се појавил во продажба во 1997 година и насловната песна од овој албум „Џипси сонг“ станува хит на Балканот. Влатко е дел и од проектот „Balkan Horses“ во кој, покрај него учествувале и неколку еминентни музичари од Балканот, како: Теодосиј Спасов (Бугарија), Костас Теодору (Грција), Краси Желазков (Бугарија), Хакан Бешер (Турција), Емил Букур (Романија), Сања Илиќ (Југославија), Стојан Јанкулов (Бугарија) и Тамара Обровац (Хрватска). Во 2001 година, Стефановски ја објавува компилацијата „Кино Култура“, на која место наоѓаат најинтересните музички теми од пет филмови: „Џипси меџик“, „Небесна јадица“, „Три летни денови“, „Самоуништување“ и „Пат кон сонцето“. На почетокот на 2002 година, на покана на хрватскиот режисер Вицко Руиќ, Влатко ја пишува музиката за неговиот втор филм „Серафин,син на светилничарот“. Истата година, во текот на летниот период, тој настапувал во повеќе земји, во најразлични формации (со своето трио, со Мирослав Тадиќ, со Џибони итн.), а есента се посветил на снимањето на својот следен соло-албум. Во 2004 година, Стефановски и Мирослав Тадиќ го снимаат албумот „Трета мајка“ на кој гостува и бугарскиот музичар Теодосиј Спасов. Како последица на интересот на Стефановски за разни музички жанрови, тој гостува на албумите на повеќе групи и пејачи, како: хрватската група „Филм“, Жељко Бебек, Васко Серафимовски, Оливер Мандиќ, Бојан Зулфикарпашиќ, Вања Лазарова, Владо Јаневски, Џибони… Во текот на својата долга музичка кариера Влатко Стефановски е добитник на повеќе награди, како: Естрадната награда на Југославија, Награда (за животно дело) Трајни вредности во Македонија, Награда на Стериино позорје, за музиката во претставата „Ослободување на Скопје”, Три награди „Златен грамофон“ на фестивалот „Месам ’87“ и повелба на градот Чикаго. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Вкупно 22 грчки плажи во различни делови на земјата, од кои четири на Крит и три на Халкидики ја загубија меѓународната награда за квалитет „Сино знаме“ и се повлечени од националната и меѓународната листа за 2024 година бидејќи или не се организирале правилно за овогодишната сезона или не ги исполниле строгите критериуми на програмата, јави дописничката на МИА од Атина. Од Грчкото друштво за заштита на природата, што воедно и националниот оператор во меѓународната програма „Сино знаме“ соопштија дека според нивните оценки и соодветните процедури, по ненајавени посети на плажите констатирале недостатоци во почитувањето на критериумите што се однесуваат на: услугите за капачите и посетителите (вклучувајќи ги и лицата со инвалидитети), хигиената, точни информации, безбедност на капачите и посетителите, правилно управување со животната средина, како и зафаќање слободен крајбрежен простор. Потенцираме дека повлекувањата на наградите се поради лошата организација, а квалитетот на водите за капење останува одличен, според стандардите на Програмата, нагласија од Грчкото друштво за заштита на природата. Додадоа дека паралелно продолжуваат со контролите на сите наградени плажи во земјата, контроли кои, „во најголем дел, се спроведуваат ненајавено“. „Сините знамиња“ се повлечени од четири плажи во различни делови на Крит, без награда останаа по три плажи на Халкидики, Родос и Наксос, две плажи во областа Атика, поширокиот регион на Атина и на Крф, како и по една во Превеза и на островите Андрос, Милос, Миконос, Тинос. На крајот на мај годинава беа соопштени наградените плажи во Грција за 2024 година, земјата останува на второ место во светот по „Сини знамиња“ со 652 наградени места, од кои 625 се плажи, 18 марини и девет туристички јахти. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Во сеќавање на катастрофалниот скопски земјотрес од 1963 година, во рамките на МСУ – Летно Кино под тремот ќе го прикажеме експерименталниот документарен филм „Екран за Скопје“ (1988, 31′) на полската филмска режисерка, актерка и продуцентка Малгоржата Потоцка. Проекцијата е закажана за 26 јули, 21 часот, под отворено небо во МСУ. Влезот е слободен. Кустос на МСУ – Летно Кино е Софиа Григориаду. Филмот следи уметници активни во 80тите додека создаваат претстави, акции и јавни интервенции. Дел од нив, како Кристо, Симон Шемов, Петар Мазев и Јержи Трелински донираа свои дела на уметничката колекција на МСУ – Скопје, но вклучени се и други како Јозеф Робаковски, Иван Владислав Галета, Џоан Џонас. Во меѓувреме, две фигури, скриени зад бело платно, разиграно ги водат гледачите низ модернистичкото Скопје. По проекцијата следи дружење со музика и пијалаци. Инаку, документарецот кој ќе го прикажеме е дел од изложбата со дела од вредната уметничка колекција на МСУ „Ниедно чувство не е конечно. Колекција на солидарноста, МСУ Скопје”/„No Feeling is Final. The Skopje Solidarity Collection“, која беше отворена во Кунстхале Виена и која во моментов е отворена во Националната галерија во Прага. Благодарност до Филип Димевски и Живко Грозданоски за преводот на македонски. ***Како започна приказната за МСУ – потсетник на светската солидарност во обновата на постземјотресно Скопје По земјотресот, Обединетите нации веднаш апелираа за помош на скопјани и меѓудругото, потенцираа: „Покрај материјална штета и многуте човечки жртви, важна е и културата како клучна алка во подигнувањето на духот на скопјани“. Заедно со Меѓународната асоцијација на уметници, иницираа повик до светски познатите уметници да донираат дела. И тука започнува приказната за нашиот музеј. Следната година по земјотресот, во 1964 година се формира Музејот на современата уметност – Скопје, а објектот, оној кој го познаваме денес се отвора во 1970 година. На повикот до светски познатите уметници да донираат дела, меѓу првите се пријави Пикасо, кој донираше дело за МСУ – Скопје, а по него и многу други: Дејвид Хокни, Виктор Вазарели, Александар Калдер, Кристо и Жана-Клод, Јаспер Џонс, Алекс Кац, Алберто Бури… Во знак на солидарност, пристигнуваа вредни подароци во МСУ од целиот свет. Денес, колекцијата од над 5.300 дела е збир на важни личности од историјата на уметноста, од Украина до Јужна Африка, од Чиле до Нов Зеланд. Повеќе од 35 земји земаат учество во обновата на Скопје, помеѓу нив и Владата на Република Полска, која понудила концепциски проект за изградба на објект од јавен интерес. За проект била избрана изградбата на објектот на Музејот на современата уметност, во кој се сместуваат илјадници уметнички дела подарени од светски познати уметници за граѓаните на разрушеното Скопје. На распишаниот конкурс од Здружението на полските архитекти помеѓу 86 пријавени тимови, победуваат Јежи Мокшињски, Вацлав Клишевски и Еугењуш Вјежбицки, познати под псевдонимот „Тигри“. Замислата била Музејот да се подигне на највиската точка во срцето на Скопје, видлив од секаде, кој ќе доминира над градската панорама како средишен споменик и симбол на светската солидарност во обновата на Скопје. Совршено вклопена во конфигурацијата на скопското Кале и опкружена со панорамата на градот, зградата на МСУ е извонреден пример на архитектурата на доцниот модернизам и потсетник на после земјотресната обнова на Скопје. На 13 ноември, 1970 со говор на Блаже Конески ќе биде отворен Музејот на современата уметност. Бројните донации на уметнички дела направија МСУ да стане симбол на светската солидарноста, која денес е трајна вредност во колективната меморија на македонската јавност, издигнат над сите поделби: естетски, политички, верски и расни. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Горан Симоноски повеќе не е директор на Националната установа Центар за култура „Григор Прличев“ Охрид, објави Охридњуз. Тој поднел оставка од лични причини за што со допис го известил министерот за култура Зоран Љутков. Симоноски ја потврди информацијата. Ве известувам дека поднесувам оставка од функцијата директор на Националната установа Центар за култура „Григор Прличев“ Охрид од лични причини. Се надевам дека на местото директор на Националната установа Центар за култура „Григор Прличев“ Охрид ќе се постави соодветно лице кое ќе ја продолжи успешната работа на установата и ќе придонесе за понатамошен развој на истата. Се заблагодараувам за можноста што ја имав да ја водам установата при што се стекнав со големо искуство од културно-уметничката дејност и Ви останувам на располагање за какво било помош во понатамошното функционирање на установата, стои во дописот со оставката на директорот на НУЦК „Григор Прличев“ Горан Симоноски. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....

Изложбата „КУЛТУРНИТЕ ИНСТИТУЦИИ ВО СКОПЈЕ ПО ЗЕМЈОТРЕСОТ ВО 1963 ГОДИНА“ е подготвена по повод одбележувањето на 61 година од катастрофалниот земјотрес кој се случил во Скопје на 26 јули 1963 година. Организатор е Музејот на град Скопје. Автор на изложбата е Зоја Богдановска, кустос советник историчар во Музејот. Изложбата зборува за земјотресот во Скопје од 26 јули 1963 година, и состојбата на културните институции. Поголемиот дел од скопските музеи претрпеле големи и неповратни штети. Народната и универзитетска библиотека, Народниот театар, и други културни институции, биле толку многу оштетени што немале ни најелементарни услови за работа. Разурнатите згради на издавачките и новинско-издавачките претпријатија, до крајни граници го отежнувале нивното нормално работење. Многу од спомениците на културата, како и тврдината Кале, биле целосно разурнати. Ударот уништил многу значајни историски документи и уникатни експонати. Под урнатините останале значајни артефакти – сведоци на бројни цивилизации кои опстојувале на скопското тло. Изложбата по повод одбележувањето на овој значаен датум од поновата историја на градот Скопје, е посветена на културата и културните институции, на последиците од земјотресот и на нивното функционирање во постземјотресни услови. Изложбата ќе се отвори на 26 јули 2024 (петок), во 20:30 часот. Влезот е слободен. Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира....