Претседателката Гордана Сиљановска Давкова денеска го прими Аким Али, шеф на канцеларијата на Светската здравствена организација и специјален претставник во Скопје. На средбата, претседателката Сиљановска Давкова беше информирана за тековните активности, улогата на СЗО во земјава и во регионот и нивната соработка со локалните здравствени институции со цел подобрување на отпорноста на здравствените системи за справување со пандемии, или здравствени кризи. Во разговорот, претседателката Сиљановска Давкова ја потенцираше важноста од усогласување на националните здравствени политики со глобалните здравствени стандарди и ја истакна својата поддршка на напорите за елиминирање на сите регулаторни, политички, или социјални бариери со цел спроведување на ефективни здравствени програми. Во интерес на зајакнување на здравствениот систем на земјата, превенција на болести и промовирањето на здрави навики, претседателката ја посочи важноста од натамошен развој на стратегии за зголемување на свеста и јавната поддршка за тековните здравствени иницијативи, особено во руралните, или недоволно развиените области. На средбата беше изразена подготвеност за продолжување на соработката на СЗО со македонските институции со цел поддршка на реформските процеси во областа на здравството, јакнење на капацитетите за рано предупредување и подготвеност на државата за брз одговор на итни здравствени ситуации....

Денеска (22.10.2024) во 08.50 часот во Тетово, полициски службеници од СВР Тетово го привеле А.Б.(41) од Тетово. Тој бил осуден на осум години казна затвор за сторено кривично дело „убиство“ по член 123 од Кривичниот законик, а бил баран по потерница врз основа на судска наредба заради бегство од Казнено – поправната установа Затвор Идризово Скопје, каде што имал за доиздржување една година и шест месеци од казната. Лицето било спроведено во Казнено – поправната установа Затвор Идризово Скопје за доиздржување на казната....

СВР Скопје ги известува граѓаните на Скопје дека на 24.10.2024 (четврток) поради официјална посета на претседателката на Европската комисија, Урсула фон дер Лајен, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје. СВР Скопје апелира до граѓаните да ги почитуваат наредбите што ги издаваат полициските службеници....

Просечната месечна исплатена нето-плата по вработен, во август 2024 година, изнесувала 41 097 денари, што е за 12.9 отсто повеќе во споредба со истиот месец лани, соопшти Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (18.9 %), Уметност, забава и рекреација (18.8 %) и Јавна управа и одбрана; задолжително социјално осигурување (17.0 %). Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (5.3 %), Земјоделство, шумарство и рибарство (4.2 %) и Објекти за сместување и сервисни дејности со храна (3.2 %). Просечната месечна исплатена бруто-плата, пак, во август годинава, изнесувала 61 806 денари....

На 21.10.2024 во 19.55 часот во СВР Скопје било пријавено дека во станот во кој престојува на на подрачјето на Бит Пазар, бил пронајден починат А.К.(69) од Република Турција, со престој во Скопје. Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било предадено на обдукција. Извршен бил увид....

Министерката за финансии Гордана Димитриеска-Кочоска од денеска до 26 октомври ќе престојува во Вашингтон, САД, каде ќе учествува на редовните Годишни средби на Меѓународниот монетарен фонд и Светска банка, а ќе реализира средби и со високи претставници на овие две меѓународни финансиски институции, со претставници на Трезорот на САД, како и билатерални средби со свои колеги. Во рамки на Годишните состаноци, министерката Димитриеска-Кочоска ќе се сретне со директорот на ММФ за Европа Алфред Камер, извршниот директор на ММФ Пол Хилберс, алтернативниот извршен директор Лук Дресе, како и со Жероен Клик, кој треба да ја преземе фунцкцијата извршен директор и Марникс ван Рај, кој ќе биде алтернативен извршен директор во ММФ. На средбите ќе присустувва и Анет Кјоб, шеф на Мисијата на ММФ за РС Македонија. На состаноците ќе се истакнат преземените чекори во насока на стабилизирање на јавните финансии, како и плановите за фискална консолидација и обезбедување економски раст. Со високи претставници на Групацијата на Светска банка ќе стане збор за продолжување на конитуираната соработка и поддршката што ја добива земјата во изминатите години. Средби се планирани со потпретседателката на Светска банка Антонела Басани, извршниот директор на Светска банка Јуџин Ругенат, како и директорката на Светска банка за Западен Балкан Шиаочин Ју. За време на престојот предвидени се средби на министерката и со Алфонсо Гарсија Мора, регионален заменик-претседател во Меѓунардоната финансиска корпорација – ИФЦ, со претставници на Трезорот на САД, на која ќе се потврди поддршката што ја добива Министерството за финансии во реализација на своите програмски определби, како и со претставници на финансиски институции со кои земјава има соработка во процесот на издавање еврообврзници. Министерката Димитриеска-Кочоска за време на работниот престој во Вашингтон ќе реализира средба со македонската дијаспора во САД, на која ќе има можност да поразговара за начинот на кој тие живеат и делуваат во американското општество, како и политиките кои ги спроведува новата Влада коишто се во насока на зајакнување на врските со иселениците. На годинашните редовни средби, на кои министерката за финансии учествува заедно со гувернерката на Народната банка Анита Ангеловска-Бежоска, ќе се дискутира за светската економска перспектива, глобалната финансиска стабилност, стимулирање на економскиот раст, влијанието на климатските промени, како и со економските предизвици. Годишните средби на ММФ и Светска банка се одржуваат секоја година во октомври и отвораат можност за дијалог за актуелни теми во глобални рамки помеѓу министри за финансии, гувернери, претставници на бизнис-заедница, граѓански сектор, академици и слично....

Додека пратеничката Тренчевска држеше прес-конференција оквалификувајќи ги мерките на владата како мерки што не дале резултат, излезе соопштение во која што синдикалната кошничка на синдикатот ССМ укажа на тоа дека мерките на владата кој што се во моментот на сила дале резултати и цената на храната за еден месец е намалена за 935 денари. Она што е важно да се нагласи е дека економијата е суштинско сериозна тема која што бара систематски пристап, а никако пристап на технички така наречени грешки во кој што се промашуваат процентите за покачување на минимална плата и веднаш по тоа се аплицира тоа кој што е кажано во Собранието. Ова го истакна денес Бојан Стојаноски, пратеник од ВМРО-ДПМНЕ. -Целокупната синдикална кошничка се има намалена за 57 денари, но доколку ги видите контрибуторите во синдикалната кошничка, ќе видите дека поскапувањето односно драстичното не намалување не доаѓа заради мерките кои што се од владата току заради поскапување на цената на облеката, додека оние мерки кои што се превземаа со проширувањето на позитивната листа на лекови имаат дадено резултат.Исто и мерката за ограничување на бруто марша како и стапување на сила законот за нефер трговски практики и за симнување на капацитетите кои што тие закони ке треба да ги контролираат апелираме до пратеничката група на СДСМ да станат посериозни да не се случуваат повеќе технички грешки, бидејќи еднаш беше таков случај со амандманите за ребаланс на буџетот, сега е по нив и втората техничка грешка заради тоа што во Собранието е потребна сериозна опозиција, а не опозиција која што за дневно политички теми исфрла памфлет закони кој што нема да го подобрат животот на работниците, истакна Стојаноски. „Тоа што е нашата порака до нив е исто дека во наредниот период ќе пристигне и текстот на новиот буџет за 2025 година, таму има многу позитивни изненадувања за сите работници во Р. Македонија, без разлика дали се од приватниот или од јавниот сектор и нека припремат Амандмани на начин на кој што може сериозно да го подобрат тој текст,а не да се пишуваат вакви закони кои што повторно ќе кажам немаат врска со реалноста“ – порача тој....

Ќе имаме две компресорски станици, нова и сервисирана. Ова го соопшти денеска министерот за здравство Арбен Таравари, кој одговараше на новинарски прашања пред Клиниката за онкологија. – До крај на јануари треба да заврши компанијата. Се работи, компанијата што е задолжена. Така да, да се надевам дека ќе имаме не една, туку две компресорски станции. Една нова и една сервисирана, што ќе ни служи како „бекап“, евентуално ако не функционира едната, веднаш да се активира другата, подвлече Таравари. Во мај, операциони сали на Клинички центар беа затворени поради непријатна миризба. За итни интервенции, пациентите се упатуваа во Универзитетската клиника за хируршки болести „Свети Наум Охридски“ и во Градската општа болница „8 Септември”....

Виктор Димовски беше член на ИО на СДС, долги години беше во голем број партиски комисии и совети. Тој на чело на АНБ дојде како чисто партиско решение, потенцира Бране Петрушевски, пратеник на ВМРО-ДПМНЕ. -СДС наместо да ја професионализира службата, ја партизираше, дополнително на тоа шиканираа професионалци и избркаа од АНБ се што не е во нивната матрица. СДС спроведе хајка во службите, и наместо институции за почит, добивме институции на кои им се случија низа пропусти како издавање пасоши на над 20 нарко босови од регионот и светот, кое траело со години, без никој да го примети или спречи. Видовме кои се последиците од лошото владеење на СДС со државата и управувањето со службите. Заврши времето на партизација на службите. Следува ново време на промени и професионализација, додава Петрушевски....

Вредноста на Синдикалната минимална кошница за месец октомври 2024 година изнесува 61.249,00 денари, информираат од Сојузот на синдикати на Македонија. Со изнајмен стан од 60 м2 за октомври кошницата изнесува 76.624,00 денари. Споредено со вредноста на синдикалната минимална кошница за септември 2024 година која изнесуваше 61.306,00 денари е намалена за 57,00 денари. -Значајно е да се нагласи дека мерката на Владата за ограничување на висината на маржите даде дел од посакуваниот резултат, но, поради алчноста за профит кај трговците што Државата мора да го заузда, тие, кога разбраа за намерата на Владата за оваа мерка ги зголемија цените на сите производи, а ова го потврдуваме и со растот на вредноста на делот за храна и пијалоци во Синдикалната минимална кошница за повеќе од 717 денари за минатиот месец септември, а во истата во делот ка храна и пијалоци во месец октомври 2024 година која изнесува 22.069,00 денари споредено со месец септември 2024 година ( 23.034,00 денари) е намелана за 965,00 денари, велат од ССМ. Според нив, ова потврдува дека цените треба уште да се намалуваат, а нивното зголемување нема никаква поврзаност со економската логика, ниту пак со здравиот разум, туку, како што велат, има поврзаност само со алчноста која е се поизразена во Македонија. Од ССМ сметаат дека при креирањето на мерките Владата треба да го вклучи синдикатот за тие да бидат подобри, имајќи предвид дека во последната мерка 47 категории на производи од 70, беа превземени од Синдикалната минимална кошница која ја подготвува ССМ, а за кои го имаат движењето на цените во секој месец од почетокот на годината. Од ССМ сметаат дека се потребни поголеми контроли и доколку е потребно и казни за несовесните трговци кои се богатат на грбот на работниците и граѓаните....

СДС применува нов феномен на политичката сцена, а тоа мора да е интензивно пиење на апчињата за заборавање. Па така, Виктор Димовски кој беше член на Извршниот одбор на СДС и член на партиското дипломатско тело, тој беше и раководен кадар во АНБ, велат од ВМРО-ДПМНЕ. -Да не се заборави ниту улогата на Еролд Муслиу кој зема активно учество во кампањата на СДС, која партијата катастрофално ја загуби и за време на која Муслиу како партиски портпарол, но во исто време и прв разузнавач, креираше лажни документи, кодошеше и манипулираше при доделувањето на безбедносните сертификати и редица други злоупотреби. Да не заборавиме ниту на улогата на семејството Ременски, која е пример за тоа како брачен пар ја злоупотребува политичката моќ за партиски цели, посочуваат од партијата. „Воедно, да не се заборави ниту функцијата на доскорешниот Генерален директор на СДС, Миле Зечевиќ кој се само нарекуваше Вардарски, кој беше поранешен директор на УБК. Значи, Генералниот секретар на СДС контролирал и бил прв човек на разузнавачките служби. Ја молиме СДС помалку да пие од апчињата за заборавање. Ако тие забораваат, Македонија памети“, посочуваат од ВМРО-ДПМНЕ....

Овен 21.03-19.04 Денес ќе имате можност да избегнете некој конфликт дома, но поверојатно е дека ќе изберете да се скарате отколку да ја смирите ситуацијата. Работните обврски „ве притискаат“, но вие не сте многу загрижени. Ако сте во врска, дозволете му на партнерот да ве разгали. Бик 20.04-20.05 Верувате дека можете да завршите сè во еден ден, но ќе сфатите дека многу работи не зависат само од вас. Ви се случуваат некои промени во домот кои не ви се допаѓаат и покажувате отпор. Ако сте во врска, не го напаѓајте партнерот без причина. Близнаци 21.05-20.06 Ако сакате да завршите некоја деловна активност, денес е најдобро да работите во група со колегите. Здравјето не ви е најдобро, па не се форсирајте и најдете време во текот на денот за подолг одмор. Близнаците во долга врска размислуваат за брак. Рак 21.06-22.07 Потребно ви е време само за себе, па саканите и пријателите ќе покажат големо разбирање за вас. Работните обврски ви се наталожуваат, но во моментов не брзате многу да ја завршите работата. Ако сте во брак, можно е да добиете мало изненадување од саканата личност. Лав 23.07-22.08 Лесно ги контролирате емоциите, но денес некој близок ќе го извлече најлошото од вас, па брзо ќе избувнете. Денот ќе ви биде динамичен и ќе се изморите од тоа што мора да завршите многу работи. Ако сте во врска, доколку можете, поминете мирна вечер со партнерот, на пример гледајте филм и излежувајте се. Девица 23.08-22.09 Сметате дека заслужувате повеќе на работа, па ќе побарате покачување на платата или унапредување. Неопходно ви е движење, па не само денес, туку секој ден пашачете барем по половина час. Ако сте во брак, можно е несогласување со сопругот за пари. Вага 23.09-22.10 Ќе ги игнорирате советите на некој близок, но тоа ќе се покаже како грешка. Ако работата ви создава несоница, земете неколку дена одмор или почнете да размислувате за промена. Вагите во врска ќе уживаат покрај партнерот, но имаат чувство дека работите не се идилични како што ги доживуваат. Шкорпија 23.10-21.11 Ќе дадете сè од себе да завршите некоја работна обврска на време, но најверојатно ќе пробиете некој важен рок. Имате чувство дека разочаравте некоја блиска личност, па се „јадете во себе“. Ако сте сингл, времето поминато со друштвото ќе ви го намали чувството на осаменост. Стрелец 22.11-21.12 Денес појасно ќе гледате на работите околу себе, но дури откако ќе поразговарате со некој пријател. Работата ви создава стрес и не знаете како да се ослободите од тоа чувство. Ако сте во брак, разговарајте со партнерот за поделба на обврските околу децата. Јарец 22.12-19.01 Ве мачат проблеми со парите и тоа што домашниот буџет се празни со голема брзина. Ако не работите, на повидок е понуда за вработување или хонорарна работа. Јарците во брак ќе најдат начин да го добијат од партнерот тоа што го сакаат. Водолија 20.01-18.02 Работните обврски ќе ги запоставите за сметка на некои приватни работи што мора да ги решите многу брзо. Некој познаник ќе ви понуди интересна соработка, која може да ви донесе голем бенефит. Ако сте сингл, искористете го попладнето за прошетка или дружење со пријателите. Риби 19.02-20.03 Ако сметате дека некои работи се косат со вашите ставови и уверувања, не ги прифаќајте по секоја цена. Можно е да добиете јавна пофалба од шефот за вложениот труд и да бидете задоволни од себе. Ако сте во врска, изненадете го партнерот со билети за кино, театар или концерт....

Три степени под нулата се измерени утрово во Берово, 0 во Битола, 1 во Лазарополе, 2 во Скопје – Петровец, Тетово, Струмица, Маврови Анови, 3 во Крива Паланка, Велес, Куманово, Демир Капија, 4 во Штип, Прилеп, Гевгелија, 5 во Скопје-Зајчев Рид, Кавадарци, Претор, а 6 на Попова Шапка, во Крушево, Виница и во Охрид, соопшти Управата за хидрометеоролошки работи. Во Скопје, Куманово и Тетово има појава на слаба магла. Наместа дува слаб ветер од променлив правец. Претпладне по одделни котлини ќе има појава на слаба магла, а преку денот ќе биде претежно сончево. Ќе дува слаб ветер од јужен правец. Максималната температура ќе достигне од 17 до 24 степени. Во Скопје претпладне со слаба магла, преку денот се очекува времето да биде сончево и претежно тивко. Максималната температура најавено е да достигне до 21 степен....

Здравствените работници имаат десетпати поголем ризик од заболување со грип во споредба со општата популација, поради природата на својата работа. Здравствениот работник може да заболи од грип од своите пациенти или колеги. Постојат студии кои покажуваат дека за време на епидемија, во здравствена установа повеќе од половината здравствени работници кои се грижат за пациентите со грип, и самите се инфицирани од вирусот, истакнуваат утрово од Институтот за јавно здравје (ИЈЗ). -Грипот е сериозна болест, може да предизвика пневмонија, бронхит или да ги влоши хроничните здравствени состојби. Вакцинацијата против грип, секоја година, е најдобар начин да се заштитиш себеси од ова заболување, подвлекуваат од ИЈЗ. Постојат студии што покажуваат дека здравствените работници можат да го пренесат грипот на своите пациенти, особено ако се осетливи да развијат компликации....

Иако симболите во соништата можат да бидат индивидуални, одредени пораки што ни ги испраќа потсвеста, сепак тие се универзални за секого. Интерпретацијата на сонот е субјективна уметност, а симболите можат да имаат посебно значење за обичните луѓе. Соништата за животните обично ги симболизираат вашите основни чувства, однесувања и реакции. Таквите соништа често откриваат потиснати емоции. Кучињата обично ги симболизираат односите со пријателите. Сонување агресивно куче … Агресивните кучиња во соништата имаат различно значење во зависност од контекстот. Може да биде дека вие или некој што го познавате дека е нелојален, дека имате внатрешен конфликт или некој од вашиот живот не е постојан. Сонување куче што лае … Весело лаење е симбол на социјално задоволство и прифаќање во групата. Ако, од друга страна, кучето лае бесно, може да значи дека треба да барате прифаќање. Сонување ново куче … Сонување на куче може да значи дека сте осамени и дека ви треба внимание од пријател, особено ако кучето е сè уште мало. Сонување глутница … Ако има глутница кучиња во сонот, тоа често значи дека сакате да почувствувате чувство на припадност или повторно да се поврзете со вашето семејство. Сонување галење на куче … Галењето на стомакот на кучето симболизира врска во која се чувствувате пријатно и целосно му верувате на партнерот....

Јелена Карлеуша неодамна се разведе од фудбалерот Душко Тошиќ, а веќе извесно време се шират гласини дека пејачката веќе стапила во нова врска. На некој начин тоа и самата го потврди неодамна, а се осврна и на новата врска. – Можам да кажам дека има некој. Но, сè во свое време… – изјави неодамна таа. – Јас и Душко не сме во врска маж-жена долго време, односно повеќе од пет години и би било нереално никој да не ми се додворува, никој да не ме сака и никој да не се обиде да ме гушне и бакне. Не велам дека сум заљубена, но задоволна сум – додала Јелена, без да го открие идентитетот на нејзиниот нов избраник. Разбирливо, многумина се прашуваа кој е мистериозното ново момче на Карлеуша, а потоа се шпекулираше дека тоа е никој друг туку младиот кошаркар Никола Јовановиќ, кого таа го следи на Инстаграм. Пејачката не ги криеше симпатиите кон младиот спортист, кого првпат јавно го спомна кога учествуваше во предизвик, велејќи дека му нема рамен кога е во прашање физичкиот изглед. Сега таа ја откри и природата на нивната врска, оставајќи отворени карти – или барем така го прифатија многу луѓе. -Се следиме на Инстаграм, тој е убаво и прекрасно момче, да речеме дека сме добри пријатели, така ќе кажам сега. Зошто не го прашаш Никола? Најдете го и прашајте го, ќе биде интересно – низ смеа рекла Јелена....

Љубовта или поточно заљубеноста првично доаѓа со „заслепеност“, а тоа, пак, за жал, понекогаш нè води на погрешен пат. Многумина се нашле во случаи кога, откако првично се заљубиле, потоа сфаќаат дека се работи за лош избор и погрешна љубовна врска. Во такви мигови, важно е да се препознаат знаците и признаците што укажуваат дека се губи драгоцено време. Такви се изговорите како „ќе ти се јавам подоцна“ или „премногу сум уморен /-а за да зборувам“, на пр., што стануваат вообичаени… Иако сите имаме обврски, важно е партнерот да се чувствува ценет и важен во врската. Ако се чувствуваме запоставено, треба да размислиме колку таквата врска ги исполнува нашите емоционални потреби, објави „Кликс“. Комуникацијата е клучот за здрава врска. Ако забележите дека партнерот или партнерката ве избегнува или не ги споделува неговите нејзините чувства, тоа може да значи дека нешто не е в ред. Во такви случаи, важно е да има прашања и објаснување. Ако вашиот партнер одговори со на пр. – „Отсекогаш сум бил таков/таква“, размислете колку вреди да вложувате со некој што не е доволно отворен за разговор, советуваат стручњаците. И ако постојано мора да бараме од партнерот да ни даде време (за размислување), секако – може да биде сериозен предупредувачки знак за лоша врска. Следен знак дека сте во погрешна врска може да биде и комуникацијата – ако таа се одвива само кога вашиот партнер е добро расположен. Ако постојано чекате да му/ѝ се промени расположението пред да може да разговарате, тоа се чини, сериозно укажува дека врската нема здрава и цврста основа. Ако мора да се чека за нешто со денови или недели, преиспитајте го вашиот избор. Препознавањето на клучните знаци може да биде тешко, но е од битно значење за емоционалната благосостојба. Ако врската не ги исполнува основните критериуми, веројатно „нешто чкрипи“ и време е и да се размисли за иднината и секој да го побара она што навистина го заслужува. Здравата врска треба да биде урамнотежена, а не водена од емоционални бури....

Пронаоѓањето време за поврзување со вашиот партнер често може да изгледа како предизвик. Меѓутоа, новиот тренд на социјалните мрежи познат како „правило на бакнеж од шест секунди“ нуди едноставно решение кое би можело да ја подобри вашата врска. Што е правилото на бакнеж од шест секунди? Ова правило се однесува на секојдневното бакнување со партнерот најмалку шест секунди. Овој ритуал на бакнување кој можеби изгледа како ситница, всушност има длабоко значење. Окситоцинот, хормонот кој често се нарекува „хормон на љубовта“, се ослободува за време на физичката интимност, а бакнежот од шест секунди може значително да го подобри чувството на поврзаност и доверба меѓу партнерите....

Пророчицата Баба Ванѓа предвидела многу работи со 85 проценти точност, а пророштвото на Нострадамус за 2024 година дека „црвениот противник ќе побледне од страв ставајќи го стравот во големиот океан“, многумина толкуваа дека тоа би можело да биде Кина и дека „ Големиот океан“ сугерира дека борбите би можеле да се одржат на море, веројатно во Индискиот Океан. Баба Ванѓа ја предвиде нејзината смрт шест години однапред, почина во август 1996 година и остави долга листа на предвидувања за секоја од следните 3.056 години. Францускиот астролог Мишел де Нострадамус, познат како Нострадамус, ја напишал книгата Les Prophéties во 1555 година во која ги претставил своите предвидувања за иднината.Тој сугерирал дека нè чека прилично мрачна судбина. Но, она што е најстрашно, според Лад Библ, и двајцата пророци предвиделе дека во 2025 година ќе се случат работи кои целосно ќе го свртат светот наопаку. И Баба Ванѓа и Нострадамус веруваа дека анархија ќе избие во одреден момент во следната година, при што Европа ќе страда најмногу, а Баба Ванѓа ја потврди верзијата на настаните што прв ги предвиде Нострадамус. Тие предупредија дека овие настани може да предизвикаат глобална апокалипса. Според нивните предвидувања, Европа ќе биде сцена на сериозни проблеми, бидејќи на континентот ќе избие нов конфликт. Ванѓа верувала дека во 2025 година ќе избие нова војна меѓу две земји, но последиците ќе се почувствуваат ширум светот и ќе ја „уништат“ Европа и нејзиното население. Нострадамус предупреди дека „оние од земјите од Европа“ следната година ќе се вклучат во „сурови војни“, а ќе учествува и Велика Британија. Ако го преживееме тоа, Баба Ванѓа предвиде дека ќе не посетат вонземјани, а нивното доаѓање на Земјата ќе се совпадне со голем спортски настан. Таа исто така предвиде дека телепатијата ќе се усоврши до 2025 година, како и дека ќе одгледуваме луѓе во лаборатории и дека ќе откриеме нов извор на енергија. Нострадамус веруваше дека иако се подготвува нов конфликт, Русија и Украина може конечно да престанат во 2025 година, бидејќи и двете армии ќе бидат „исцрпени“. Французинот предвидуваа дека Бразил ќе биде погоден од вулканска активност и поплави....

Светската здравствена организација (СЗО) ќе евакуира околу илјада жени и деца од Појасот Газа во здравствените установи во Европа со цел да им пружи итна медицинска помош. -Немаше да дојде до ова доколку дијалогот продолжеше. Најважниот лек е мирот, изјави претставникот на СЗО задолжен за Европа, Ханс Клуге, пренесува Ал Џезира. Официјалниот претставник на СЗО задолжен за окупираните палестински територии, Рик Пајперкон, на почетокот на годинава изјави дека најмалку 10.000 луѓе на кои им е потребна итна медицинска помош треба да бидат евакуирани од Појасот Газа. Во израелските напади врз Појасот Газа во оваа година војување убоени се над 42.500 Палестинци....

Израелските напади го оставија „Бејрут во пламен“, рече денеска министерот за надворешни работи, по големата офанзива насочена кон финансиските средства на Хезболах. Министерот за надворешни работи Израел Кац напиша на „X“ дека над 15 згради биле погодени и објави фотографија од голема огнена топка која се издигнува над хоризонтот на главниот град на Либан. Тој рече дека на жителите им било кажано да се евакуираат пред да бидат погодени локациите. -Хезболах плати и ќе продолжи да плаќа висока цена за своите напади врз северен Израел и неговиот ракетен оган. Ќе продолжиме да го напаѓаме иранскиот полномошник додека не се урне, напиша тој. Војската соопшти дека бранот воздушни напади што започнаа биле насочени кон ограноците на Ал-Кард ал-Хасан, финансиско здружение поврзано со Хезболах поддржан од Иран. Според Израел, здружението управува со средства кои се користат за финансирање на активностите на Хезболах, вклучително и купување оружје и плаќање на членовите на военото крило на Хезболах....

Кандидатот за претседател на САД од Демократската партија Камала Харис изјави дека нејзиниот противкандидат Доналд Трамп ја згрозува функцијата претседател на САД. Забелешките дојдоа откако Трамп ја нарече „гаден потпретседател“ на предизборниот митинг ден претходно. -Претседателот на Соединетите Држави мора да ги постави стандардите, не само за нашата нација, туку и за улогата што ја игра нашата нација во светот. Кога човек ги претставува Соединетите Држави, тој влегува во светските сали со заслужен авторитет и легитимитет да зборува за важноста на демократијата и владеењето на правото, рече таа. Во саботата Трамп ја нарече Харис и најлошиот потпретседател на САД....

Премиерот на Израел, Бенјамин Нетанјаху денеска ги обвини „сојузниците на Иран“ дека се обиделе да го убијат него и сопругата откако дрон ја погоди неговата приватна резиденција во централниот дел на земјата. Иранските сојузници денеска се обидоа да ме убијат мене и мојата сопруга, направија грешка за која ќе зажалат. Им кажувам на Иранците и нивните партнери од оската на злото дека секој што ќе му наштети на граѓаните на државата Израел за тоа ќе плати висока цена, посочи Нетанјаху. И шефот на израелската дипломатија, Израел Кац истакна дека со денешниот напад врз резиденцијата на Нетанјаху, Иран го покажал правото лице. Сојузниците на Иран, кои денеска се обидоа да го убијат премиерот Бенјамин Нетанјаху и неговото семејство уште еднаш го покажаа вистинското лице на Иран и оската на злото што тој ја води, посочи Кац. Дрон лансиран од Либан денеска ја погоди резиденцијата на Нетанјаху во израелскиот град Цезареја. Во инцидентот никој не е повреден....

Поранешниот американски претседател Доналд Трамп денеска изјави дека Кина нема да се осмели да го провоцира бидејќи претседателот Си Џинпинг знае дека републиканскиот кандидат е „луд“. Во разговор со уредничкиот одбор на Волстрит журнал, Трамп рече дека доколку биде избран за претседател следниот месец, ќе воведе царини за Пекинг доколку дојде до блокада на кинескиот регион Тајван. Трамп рече дека нема да мора да употреби сила за да спречи блокада на островот бидејќи Си „го почитува и знае дека е луд“. „Имав многу добар однос со него. Беше навистина добар, не сакам да кажам пријател, не сакам да звучам глупаво, но одлично се согласував со него“, рече Трамп за Си. Поранешниот американски претседател позитивно го оцени и неговиот однос со рускиот претседател Владимир Путин, велејќи дека „одлично се сложувал“, пишува Би-Би-Си....

Претседателот на Владата Христијан Мицкоски денеска обраќајќи се на 20-тиот Европски самит во Салцбург посветен на Европската Унија и реформите, истакна дека државата е блокирана од еден нерационален и билатерален спор, посочувајќи дека премногу долго интеграцискиот процес трае за државата обременет со многу детали кои влијаат за зголемување на фрустрациите и незадоволството од водењето на целиот процес. „Кога станува збор за надворешната испорака на резултати, од странство како државата често добивавме само зборови, не дела. Резултатите недостигаат, имаме само обврски. И како минуваше времето, меѓу народот се зголемуваше фрустрацијата зошто сега повторно имаме повторен услов, повторно ограничување. И се прашуваме, во ред, треба да се исправиме како политичари. И сега, треба да застанам пред моите граѓани и да речам: видете, драги сограѓани, мои студенти, мора повторно да го промениме Уставот“, посочи премиерот Мицкоски. Тој истакна дека источниот сосед досега не почитува 14 пресуди од Судот за човековите права во Стразбур за регистрирање на здружение на Македонците кои живеат на тие простори, додека тие бараат внес на Бугарите во македонскиот Устав што покажува дека има отсуство на волја за приближување на работите. Претседателот на Владата Мицкоски нагласи дека дури и да се внесат Бугарите во Уставот, никој не гарантира дека тоа е последен услов за исполнување на некоја обврска и дека за 6 месеци од сега нема да се бара нешто дополнително. -Ние како Влада сме посветени на изнаоѓање на решение и активен дијалог. Едно од решенијата секако е да се примени формулата веќе применета во Преспанскиот договор за одложено дејство, поточно во моментите кога ќе влеземе во Европската Унија, тогаш тие одлуки во Уставот да станат активни, што секако претставува заштитен механизам од подоцнежни условувања, посочи Мицкоски....

Основното јавно обвинителство Скопје поднесе Обвинителен акт против три лица кои ги товари за продолжено кривично дело – Проневера во службата според член 354 став 5 во врска со став 3 и став 1 од Кривичниот законик. Трите соизвршителки, во временскиот период од 01.12.2018 година до 05.08.2021 година, со умисла извршиле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики. Тие заеднички, како одговорни лица вработени во Јавното сообраќајно претпријатие – Скопје, со намера да прибават за себе противправна имотна корист, присвоиле пари доверени во службата во вкупен износ од 23.133.245 денари, што претставува значителна имотна корист. Две од обвинетите, продавачки на билети на продажните места – билетарници „Зелен пазар“ и ГТЦ уплаќале помалку парични средства наплатени во готово, додека третата обвинета, самостоен референт-сметководител во Одделение за сметководство-Сектор за финансиско работење во ЈСП, иако знаела дека паричните средства не се уплатени и раздолжени, сметководствено вршела докнижувања, прекнижувања, исправки и други книговодствени дејствија без документација, за да може сметководствено да ги оправда и покрие неуплатените готови пари од дневниот пазар. Јавниот обвинител, со поднесување на обвинителниот акт, предложи и определување мерки на претпазливост– забрана за напуштање на живеалиштето, односно престојувалиштето, обврска на обвинетите да се јавуваат повремено на определено службено лице или кај надлежен државен орган, привремено одземање на патна или друга исправа за преминување на државната граница односно забрана за нејзино издавање....

Говорејќи за активностите на Министерството за надворешни работи и надворешна трговија, министерот Тимчо Муцунски на денешната трибина „100% за тебе“ насловена „Унапредување на дипломатијата и надворешната трговија, интеграцијата во ЕУ и дигиталната трансформација“, истакна дека во првите 100 дена фокусот во ресорот со кој тој раководи бил ставен на поставување на темелите на тоа што треба да се работи во делот на меѓународната политика, но и многу поважно на градење на стратешкиот пристап за понатамошното димензионирање на меѓународната политика. Притоа тој нагласи дека во првите сто дена приоритетот бил ставен на надворешна политика заснована на одржливи и долгорочни приоритети, а воедно ги напомена и активностите насочени кон интеграција во Европската Унија, како и целосната усогласеност на државата со заедничката надворешна и безбедносна политика на ЕУ, поддршката на Украина и важноста почитувањето на меѓународното право во таа насока. Муцунски говореше и на активностите во делот на мултилатералното работење, а како посебно достигнување на успешната меѓународната политика го нагласи прифаќањето на кандидатурата на Република Северна Македонија за член во Советот на човекови права на ОН и кандидатура за членство во Организацијата за забрана на хемиско оружје. Во оваа насока тој додаде дека и во иднина ќе се работи на зголемена и активна улога во меѓународните организации и одлични билатерални односи со сите меѓународни партнери и не само политички, туку и економски релации кои помеѓу другото ќе бидат во насока на заштита на деловниот интерес на домашните компании во странство. „Наша цел е Република Северна Македонија да биде кредибилна земја членка на НАТО, силен партнер во сите меѓународните организации, посветена на евроинтеграцијата во Европската Унија“, нагласи министерот за надворешни работи и надворешна трговија во своето обраќање. Муцунски се осврна и новата надлежности на МНРНТ во делот на надворешната трговија и во таа насока тој информираше дека во финална фаза е изработката на нацрт верзија на Законот за надворешни работи, кој има цел во министерството со кое тој раководи да ги интегрира сите формални надлежности поврзани со надворешната трговија, со што ќе ги направи дипломатско – конзуларни претставништва поангажирани во делот на привлекување на странски инвестиции, што пак ќе резултира со отворање на нови работни места. Муцунски информираше и за процесот на спојување на Агенцијата за странски инвестиции и Дирекцијата за технолошки индустриски и развојни зони, а Министерството ќе остане да биде креатор на политиките во делот на надворешната трговија и странски инвестиции. Тој се осврна и на активностите во делот на привлекување странски инвестиции во чии рамки во изминатиот период се остварени средби со приватни компании и стопански комари, каде дел од приватните компании веќе пројавиле интерес за инвестирање во нашата држава....

Од полноќ се намалуваат цените на горивата од еден до два денари. Еуросупер БС-95 и Еуросупер БС-98 се намалуваат за еден денар, а дизелот за два денари. За 2,50 денари се намалува и малопродажната цена на Екстра лесното масло за домаќинство. Според новата одлука на Регулаторната комисија за енергетика, новата цена на Еуросупер БС-95 ќе изнесува 77 ден/лит, а Еуросупер БС-98 ќе се продава по цена од 79 ден/лит. Новата цена на дизелот ќе биде 68,50 ден/лит, а на Екстра лесното масло за домаќинство 68,00 ден/лит. Се намалува и цената на Мазутот за 0,639 ден/кг кој сега ќе се продава по цена од 42,573 ден/кг. Од РКЕ информираат дека со оваа одлука се врши намалување на малопродажните цени на нафтените деривати во просек за 2,08 проценти во однос на претходно донесената одлука....

„Само преку целосна дигитална трансформација можеме да создадеме јавен сектор кој навистина ќе служи на потребите на граѓаните во 21-от век. Затоа, работата на нашето Министерство не е ограничена само на имплементација на технички решенија. Ние работиме на сеопфатна трансформација која вклучува промена на процесите, регулаторно кратење на бирократските обврски, обуки за дигитални вештини, и што е најважно – промена на културата во јавниот сектор“, вели Стефан Андоновски, министер за дигитална трансформација на денешната Платформа: 100% посветени за тебе на тема „Унапредување на дипломатијата и надворешната трговија, интеграцијата во ЕУ и дигитална трансформација“. „Граѓаните избраа патриотизам на 21виот век. Граѓаните добија сериозна влада која гарантира економски напредок и вистински реформи за европска иднина, за доброто на сите. Нашата тема ќе биде иднината. Како да ја ставиме технологијата во функција на подобра иднина. Тоа е вистински патриотизам. Не само што ја исполнивме, туку и далеку ја надминавме нашата првична цел. Наместо 20, испорачавме повеќе од 80 нови дигитални услуги за граѓаните и компаниите. Ова четирикратно зголемување е резултат на нашата посветеност и соработка со други институции. Дополнително, бележиме 56% раст во користењето на постоечките услуги од страна на граѓаните“, рече Андоновски и додаде: „Сите овие реформи и проекти се во насока на вистинско и реално придвижување на Македонија кон полноправно членство во ЕУ. Сите овие проекти ќе бидат во согласност со Иницијативата за дигитална трансформација на ЕК насловена „ЕУ дигитална декада – дигитални цели за 2030″, Планот за развој на ЕК за Западен Балкан, затоа што дигиталната трансформација на Западен Балкан и зајакнување на неговиот потенцијал како двигател на економскиот раст и просперитет во регионот преку подобрување на пристапот до дигитални добра и услуги е еден од главните приоритети на Реформската агенда. Погледнете ги успешните примери на Естонија, Полска, Словенија, Литванија, Летонија, па дури и Молдавија. Нивниот импресивен развој денес е директен резултат на правилна и брза дигитална трансформација. Стратегијата ќе исцрта кои институции ќе дигитализираат приоритетно и кои се новите услуги кои ќе ги понудиме на граѓаните во следните 4 години. Рокови, активности, средства“....

Федерацијата на Црвениот крст и Црвената полумесечина (ИФРЦ) денеска соопшти дека во Авганистан широко распространета е акутната неисхранетост кај децата и упати апел за повеќе донации со цел да се спасат илјадници животи. -Степенот на неисхранетост во нашата земја е запрепастувачки. Децата се целосно исцрпени, а некои прерано престанаа да растат. Многу родители им рекоа на хуманитарните работници дека немаат доволно пари да купат храна и дека веќе го продале целиот свој имот, изјави генералниот секретар на авганистанската Црвена полумесечина, Мохамад Наби Бурхан....

Австралија ќе и подари на Украина 49 стари американски борбени тенкови „М1А1 Абрамс“, соопшти денеска пред состанокот на НАТО во Брисел, австралискиот министер за одбрана Пет Конрој. -Ние стоиме со Украина во нејзината борба против илегалната инвазија на Русија, рече министерот Конрој. Опремени со топ од 120 милиметри, овие 60-тонски тенкови беа создадени меѓу 1985 и 1993 година и беа надградени пред да бидат купени од Канбера во средината на 2000-тите. За австралискиот трансфер на остарениот „Абрамс“ во „трета земја“ беше потребна и дозвола од САД, согласно регулативите за меѓународниот сообраќај со оружје (ИТАР). Украинскиот претседател Володимир Зеленски ја поздрави оваа иницијатива на мрежата Х и изрази „благодарност“ до Австралија. Украина ја доби првата серија употребени тенкови „М1А1 Абрамс“ во септември 2023 година, испорачани од САД. Делот од австралискиот контингент е наменет и за складирање на резервни делови. На почетокот на годината Канбера објави дека нема да одговори на барањето на Киев за испорака на стари хеликоптери „MRH90 Тајпан“, тврдејќи дека тие повеќе не се пловидбени. Најновиот австралиски пакет е вреден 245 милиони австралиски долари. Со ова вкупната австралиска воена помош за Украина од руската инвазија во 2022 година изнесува 1,3 милијарди австралиски долари, а вкупната австралиска поддршка на 1,5 милијарди австралиски долари....

Во објавата на социјалната мрежа Икс, Маск посочи дека ќе одржи серија разговори низ Пенсилванија. Пенсилванија се смета за клучна држава и за Трамп и за Харис во трката за Белата куќа Илон Маск ѝ дал околу 75 милиони долари на својата организација која се бори за победа на Доналд Трамп на претседателските избори во САД. Америка ПАК (Политички акционен комитет) се обидува да ја зголеми излезноста на гласачите кои ќе го поддржат Трамп на изборите во клучните сојузни држави, а во периодот од јули до септември потрошила околу 72 милиони долари, покажуваат податоците доставени до федералната изборна комисија. Тоа е повеќе од кој било друг ПАК што сака да го мотивира одѕивот на поддржувачите на Трамп. Кампањата на Трамп во голема мера се потпира на надворешни групи за мотивирање на гласачите, што значи дека Супер ПАК основан од Маск – најбогатиот човек на светот – игра извонредно важна улога во изборите меѓу Трамп и Камала Харис. Во објавата на социјалната мрежа Икс, Маск посочи дека ќе одржи серија разговори низ Пенсилванија. Пенсилванија се смета за клучна држава и за Трамп и за Харис во трката за Белата куќа. Маск, кој изјави дека гласал за демократските претседателски кандидати во минатото, на овие избори направи остар пресврт надесно. Тој го поддржа Трамп во јули и се појави со него на митинг во Пенсилванија претходно овој месец. Донациите на Маск за Америка ПАК го туркаат во ексклузивниот клуб на републикански мега-донатори, листа на која се и банкарскиот наследник Тимоти Мелон и Миријам Аделсон, сопственичка на казино и најбогатата личност со израелско државјанство. Меѓутоа, претходно овој месец беше објавено дека Маск тајно финансирал конзервативна политичка група со години, долго пред јавно да го поддржи Трамп. Америка ПАК одби да ги коментира донациите на Маск....

Германија има одговорност да се погрижи војната меѓу Русија и Украина да не се претвори во војна меѓу Русија и НАТО, изјави германскиот канцелар Олаф Шолц, повторувајќи го своето „наин“ („не“) за испраќање оружје со долг дострел во Киев, пренесе ДПА. -Не сметам дека е тоа исправна испорака – и така ќе остане, рече Шолц вчера по самитот на Европската унија во Брисел. Тој ги отфрли клучните точки од „планот за победа“ на украинскиот претседател Володимир Зеленски поради стравувањата од идна ескалација. Зеленски на средбата го претстави својот „план за победа“ и уште еднаш го повика Шолц да му испрати крстосувачки ракети Таурус. Украинскиот лидер верува дека арсеналот за одвраќање ракети би можел да ја принуди Русија да започне мировни преговори. Шолц, исто така, останува на својот став против брзата покана за Украина да се приклучи на НАТО, како што е наведено во планот на Зеленски. САД, исто така, се противат на брзиот влез на Украина во НАТО. Канцеларот се осврна на резолуциите од последниот самит на НАТО во Вашингтон, кои на Украина и понудија општо уверување дека повеќе не може да биде запрена на нејзиниот пат кон Алијансата, но рече дека сите сојузници мора да бидат едногласни дека условите на НАТО да обезбедат покана се исполнети. Тие вклучуваат реформи во економијата и безбедносниот сектор и зајакнување на демократијата....

НАТО ќе продолжи со промоција на стабилноста и безбедноста надвор од своите граници преку своите мисии и операции, како КФОР и Мисијата во Ирак, порача денеска генералниот секретар на Алијансата, Марк Руте во воведното обраќање на заседанието на Северноатлантскиот совет на ниво на министри за одбрана, на кое учествува и македонскиот министер Владо Мисајловски. -Значително ја зголемивме нашата поддршка за Украина, со цел, прво, таа да може да се одбрани од руската агресија сега и, второ, да се спротивстави на идните руски закани во иднина, додаде Руте. Тој нагласи дека на состанокот ќе се разговара и за имплементација на одлуките од јулскиот Самит на НАТО во Вашингтон за зајакнување на одбраната, преку инвестиции во вооружените сили и капацитети, со цел справување со предизвиците со кои се соочува Алијансата. Според него, ќе се дебатира и за зајакнување на капацитетите на одбранбената индустрија и зголемување на нејзиното производство ширум Алијансата, како и за заштита на критичните синџири за снабдување. Заседанието на Северноатлантскиот совет се одржува во рамки на дводневниот состанок на министрите за одбрана на НАТО, што започна вчера во Брисел. Во текот на вчерашниот дел беа одржани министерски состанок на членките кои придонесуваат за зајакнување на Глобалната коалиција за пораз на групата Исламска држава (Д-ИСИС), како и средба на министрите за одбрана на НАТО со нивните колеги од партнерските земји од азиско-пацифичкиот регион – Австралија, Јапонија, Јужна Кореја и Нов Зеланд, на која се разговараше за продлабочување на соработката во повеќе области, пред се во сферата на иновациите, индустриското производство и борбата против хибридните закани и кибер нападите. Дополнително, во форма на работна вечера се одржа и заседание на Советот за соработка НАТО-Украина, на кое присуствуваа и украинскиот претседател Володимир Зеленски и министерот за одбрана Рустем Умеров....

На 20.10.2024 во 20.45 часот во с.Чегране, гостиварско, полициски службеници од Полициското одделение Чегране го привеле А.Х.(40) од Гостивар, кој бил баран по потерница врз основа на судска наредба за издржување на затворска казна од една година за сторено кривично дело „предизвикување општа опасност“ по член 288 од Кривичниот законик. Тој бил спроведен во Казнено – поправната установа Затвор Идризово за издржување на казната....

Министерството за социјална политика, демографија и млади соопштува дека согласно со Законот за празниците на РМ („Службен весник на РМ„ бр.21/98 и 18/07), 23 октомври 2024 година (среда), Ден на Македонската Револуционерна Борба, е неработен ден за сите граѓани на Република Македонија. Министерството за социјална политика, демографија и млади на граѓаните на Република Македонија им го честита Денот на Македонската Револуционерна Борба....

„За жал Македонија минатата година има потрошено над една милијарда евра за храна. Она што ние го правиме како стратегија е првин да ја вратиме довербата на земјоделците кон институциите затоа што тоа е клучниот момент зошто се намалува нашето производство“, истакна министерот за земјоделство, шумарство, и водостопанство, Цветан Трипуновски во интервју за Дневникот на МРТ1. „Работиме на проектирање и враќање во функција на системите за наводнување бидејќи тие се важен сегмент во делот на земјоделското производство. Исто така работиме на креирање на вистински мерки, програми кои што ќе имаат ефект врз земјоделското производство“, појасни министерот Трипуновски. Тој додаде дека субвенциите ќе бидат редовно исплаќани. „Потребно е да почувствуваат земјоделците дека од другата страна имаат партнер со кој што можат да разговараат и да ги надминуваат проблемите“, нагласи министерот. Трипуновски додаде дека ефектите од мерките кои што тој ги планира со својот тим, земјоделците ќе ги почувствуваат во 2025-та година. „Сега на прагот е есенската сеидба на пченицата и на житните култури. И веќе од наредната жетва ќе почувствуваме дека навистина сме помогнале и дека сме креирале мерки кои што ќе дадат ефект врз нашето земјоделско производство. Јас сум убеден дека тоа ќе го постигнеме зашто ги имаме сите квалитетни предуслови почва, вода и сончеви денови, го имаме и вредниот земјоделец кој што чека од другата страна односно од Владата да му помогне да го стимулира она што го произведува“, заклучи тој. Министерот истакна дека има засилени контроли за тоа што влегува во Македонија како храна. Граѓаните треба да јадат безбедна храна. „Јас како министер постојано сум на терен со земјоделците, се со цел да постигнеме што е можно повеќе и да ја вратиме довербата која што беше изгубена изминативе години“, додаде министерот Трипуновски....

СДС се видени и прочитани дека единствено што знаат на власт е да лажат, манипулираат, да ги злоупотребуваат и партизираат институциите. А, во тоа македонските граѓани повторно се уверија и во изминатото нивно седумгодишно владеење. Не за џабе кај народот се познати како симбол на лаги, манипулации и партизирање на државата и институциите на системот, посочуваат од ВМРО-ДПМНЕ. -СДС покажаа и докажаа дека се симбол на злоупотреба на државните ресурси за приватни и партиски цели, а институциите на системот ги претвори во партиски штабови. Од нивната лакомост да злоупотребуваат и партизираат не ги поштедија ни едни од најклучните институции, кои се столбовите за државната безбедност, меѓу кои и Агенцијата за национална безбедност (АНБ). Поранешниот директор на АНБ назначен, Виктор Димовски беше долгогодишен партиски функционер и тоа на највисоките тела на СДС, меѓу кои на нивниот Извршен одбор, велат од партијата. ВМРО-ДПМНЕ објави фотографии на кои убаво, јасно и прецизно се гледа Димовски меѓу останатите членови на ИО на СДСМ. -Од фотографиите можеме да видиме дека освен во ИО, Димовски беше член и на нивниот Дипломатскиот совет. Партиските ангажмани на Виктор Димовски не завршуваат тука, тој учествуваше и во креирањето на политиките на СДС кој учествувал на јавни настани и на партиски дебати. СДС ја партизираше и Агенцијата за разознавање со назначувањето за директор Еролд Муслиу, кој злоупотребувајќи ја позицијата, агенцијата ја претвори во нивен партиски штаб. Потсетуваме и за партизацијата на УБК кога СДС за директор го постави Миле Зечевиќ, кој своевремено беше висок партиски функционер, кој потоа стана и генерален секретар. Затоа пак, Владата предводена од ВМРО-ДПМНЕ е одлучна да ја врати довербата на граѓаните во институции и затоа приоритет е стручноста, професионалноста и компететнтноста на кадрите. Така се постапува и при изборот на раководните кадри во во безбедносните служби, кои ќе го вратат професионализмот и интегритетот во служби и истите ќе работат независно за заштита на државните интереси, велат од ВМРО-ДПМНЕ....

По првичните загуби на азиските берзи, повеќето главни регионални индекси се во зелено на почетокот на неделата, бидејќи инвеститорите проценуваат какво влијание ќе има најновиот потег на кинеските власти врз забавената економија, а фокусот е и на општите избори во Јапонија , што ќе се одржат кон крајот на неделата, пренесе Хина. Индексот MSCI на азиските берзи околу 6 часа беше во благ пораст за 0,11 отсто, како одраз на претпазливоста на инвеститорите откако индексите на американските берзи пораснаа шеста недела по ред. Истовремено, јапонскиот Никеи порасна за 0,26 отсто, додека австралиските и шангајските берзански индекси зајакнаа за приближно 0,8 отсто, а берзанскиот индекс на Хонг Конг ослабе за половина отсто. Кинеската централна банка ги намали клучните каматни стапки за 25 базични поени, па сега е 3,1 отсто за заеми до една година и 3,6 отсто за пет години. Учесниците на пазарот очекуваа ваква одлука, па затоа пазарот остана претпазлив, додека се чекаат натамошни потези и најави од кинеските претставници поврзани со економски стимулации, што може да потрае. „Можеби ќе треба да почекаме до крајот на октомври или почетокот на ноември за конкретни планови од состанокот на Постојаниот комитет на Националниот народен конгрес“, рече Чаопинг Жу, стратег за глобален пазар во Ј.П. Morgan Asset Management во Шангај. Две недели пред претседателските избори во САД, кај некои финансиски инструменти растат облозите за победа на Доналд Трамп. Царинската, даночна и имиграциска политика на републиканскиот кандидат се сметаат за инфлаторни, па затоа се негативни за обврзниците, а позитивни за доларот. Се верува дека Трамп има попозитивен став кон криптовалутите. „Се чини дека Трамп е во предност во клучните држави во бојното поле, што сугерира дека е прилично добро позициониран да се врати во Белата куќа, и мислам дека пазарите почнаа да го земаат тоа предвид минатата недела со посилните цени на акциите, повисоките приноси, американскиот долар што добро котира и со биткоинот, што е на добар пат за зголемување од 10 проценти во споредба со претходната недела“, изјави Тони Сајкамор, пазарен аналитичар во IG. Биткоинот моментално е во пораст за 0,5 отсто, на 69.100 долари, а во текот на денешното тргување го достигна највисокото ниво од јули, 69.487 долари. Најголемата криптовалута во светот минатата недела се зголеми за 9,6 отсто и е во пораст од осум отсто од почетокот на месецот. Индексот на доларот, што ги мери перформансите на САД во однос на кошницата од шесте најважни светски валути, стагнира на 103,46 поени, недалеку од највисокото ниво во повеќе од два месеци. Ова е само одраз на малите флуктуации на курсот на доларот во однос на еврото и јенот. Еврото утринава се тргува по 1.086 долари, а курсот на доларот е 149,27 евра речиси непроменет во однос на петокот....

Времето утрово ќе биде студено, а преку ден претежно сончево. По одделни котлини ќе има услови за појава на утринска магла или ниска облачност. Ќе дува слаб ветер од јужен правец. Минималната температура ќе биде во интервал од -3 до 7, а максималната ќе достигне од 16 до 23 степени. Во Скопје утрото ќе биде студено, додека преку ден сончево со слаб променлив ветер. Минималната температура ќе се спушти до 4, а максималната ќе достигне до 20 степени. Во наредните денови следува период на стабилно и претежно тивко време со студени утра и температури кои наместа ќе се спуштаат под нула степени. По одделни котлини ќе има услови за појава на утринска магла или ниска облачност....

Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс. Според тој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија. „Сериозни закани за јавниот ред, јавната безбедност и внатрешната безбедност претставени со високо ниво на терористичка активност, зголемено присуство на криминални мрежи кои ја олеснуваат нерегуларната миграција и криумчарење, како и миграциските текови кои ризикуваат инфилтрација на радикализирани поединци“, се некои од причините наведени на веб-страницата на Европската комисија, пишува Луксембург Тајмс. Исто така, се наведува дека нерегуларните премини на границите на Ла Манш и Северното Море, како и зголемувањето на насилството меѓу мигрантите, доведуваат до „опасни ситуации во кои се вклучени и мигрантите и органите на редот“....

Упатувањето покана до Украина за приклучување кон НАТО, ќе ја зајакне земјата политички и она што е уште поважно ќе ја донесе до реален и праведен мир, порача од Брисел украинскиот претседател Володимир Зеленски. – Украина постигна нешто што до неодамна се чинеше невозможно – успеа да го запре рускиот масовен напад и да се одбрани од инвазијата. Останавме обединети и ја зајакнавме нашата одбранбена способност и производството на оружје, истакна вечерва Зеленски на заедничката прес-конференција со генералниот секретар на НАТО, Марк Руте, одржана пред заседанието на Советот за соработка НАТО-Украина во рамки на состанокот на министрите за одбрана на Алијансата, што денеска и утре се одржува во Брисел. Зеленски се заблагодари за доставеното оружје и опрема, како и за глобалната поддршка за Украина од целиот свет, како и за поддршката за обнова на нејзината инфраструктура уништена во руските напади во пресрет на зимата, потенцирајќи дека зајакнувањето на земјата не зависи само од доставеното оружје, туку и од искажаната волја и зачувувањето на единството за нејзина поддршка. – Украина заедно со своите партнери знае како да ги постигне своите цели и тоа е најважно, рече Зеленски, додавајќи дека иако Украина се уште чека на целосно исполнување на ветувањата дадени на Самитот на НАТО во јули, таа им е благодарна на своите партнери за досега доделената поддршка, од која зависат животите на украинските војници на теренот. Тој истакна и дека Украина еден ден сака да стане членка на НАТО и мора да се направи се за тоа да се случи, затоа што би било погрешно земјата да се остави надвор од Алијансата каде што и е местото. – Затоа еден од главните точки во Планот за победа е покана за членство во НАТО. Ние Украинците покажавме дека можеме да се браниме, да споделуваме вредности и да се спротивставиме на Русија – најголемата закана за Европа и глобалниот мир, рече Зеленски, додавајќи дека според Повелбата на НАТО, секоја земја што може да се брани себеси и другите и ги споделува заедничките вредности може да се приклучи на НАТО. Според Зеленски, тоа што денешнава е негова трета средба со Руте откако тој ја презеде должноста генерален секретар на НАТО на 1 октомври, претставува показател за нивото на односите меѓу Алијансата и Украина. Руте, од своја страна, истакна дека со нетрпение го очекува денот кога Украина ќе стане членка на НАТО, а дотогаш Алијансата ќе стори се што е во нејзина моќ со цела земјата да надвладее на теренот, што е од витално значење за заедничката безбедност. Тој додаде дека вработените во Командата на НАТО за координирање на безбедносната помош и обука за Украина со седиште во германскиот град Визбаден, прават се за да ја обезбедат потребната помош и поддршка за Украина. НАТО работи со Украина, доведувајќи ја се поблиску до Алијансата, но работиме и со останатите наши партнери за да ја зајакнеме безбедноста на сите нас, додаде Руте, потсетувајќи дека министрите денеска одржаа заеднички состанок со колегите од азиско-пацифичкиот регион – Австралија, Јапонија, Јужна Кореја и Нов Зеланд и со претставници на ЕУ посветен на зајакнување на соработката во заедничките одбранбени напори. Според него, војната во Украина покажа дека нестабилноста во Европа, има далекусежни последици ширум светот и земји кои се илјадници километри далеку, како Иран, Кина, дури и Северна Кореја можат да бидат „безбедносни потпкопувачи во нашиот двор“. Руте истакна дека во современиот свет кој е блиску поврзан, поврзана е и безбедноста, посочувајќи дека сите ме сведоци како Кина со своите постапки ја овозможува војната во Украина, додека Иран и Северна Кореја ја поддржуваат со доставувањето на проектили и оружје за руските сили и со поддршка на нејзината воена индустрија....

Американскиот претседател Џо Бајден изјави денеска дека е можно да се работи на прекин на огнот во Либан, но дека ќе биде потешко во Појасот Газа. Бајден, кој е во посета на Берлин, изјави дека има информации за тоа како и кога Израел ќе одговори на ракетниот напад на Иран врз Израел извршен на 1 октомври, но не откри детали. Бајден рече и дека постои можност да се постигне договор со Израел и Иран на начин што би можел привремено да го прекине нивниот конфликт на Блискиот Исток. Американскиот претседател тоа го изјави на крајот од посетата на Берлин. „Според мое мислење – и моите колеги се согласуваат – постои можност да се постигне договор со Израел и Иран на начин што ќе стави крај на конфликтот на некое време“, рече Бајден....

На 19.10.2024 полициски службеници од Единицата за недозволена трговија со дрога- Сектор за недозволена трговија со дрога, оружје и опасни материи при Одделот за криминалистичка полиција, во координација со СВР Скопје- Единица за недозволена трговија го лишиле од слобода М.Л.(27) од Скопје. При претрес во неговиот дом, извршен со судска наредба, а во кој било употребено и службено куче, биле пронајдени и одземени две пакувања со околу 140 грама амфетамин. Лицето било задржано во полициска станица и по целосно документирање на случајот СВР Скопје ќе поднесе соодветна пријава по член 215 од Кривичниот законик....

Русија останува најголема и директна закана за безбедноста на НАТО сојузниците, а рускиот претседател Владимир Путин прибегнува кон се понеодговорна реторика, порача денеска генералниот секретар на НАТО, Марк Руте на прес-конференција по завршувањето на дводневниот состанок на министрите за одбрана на Алијансата, на кој учествуваше и македонскиот министер Владо Мисајловски. – Москва можеби е гласна, но НАТО е силен. Во се понеизвесниот свет, од витално значење е да продолжиме да ги модернизираме нашите капацитети и да вежбаме заедно за да ги задржиме нашите конвенционални и нуклеарни сили силни, истакна Руте, додавајќи дека основната цел на нуклеарната способност на НАТО е да се зачува мирот, да се спречи принудата и да се одврати агресијата. Тој посочи дека на денешното заседание на Северноатлантскиот совет на ниво на министри на одбрана станало збор и за операциите на НАТО на Западниот Балкан и во Ирак. – Во Косово, сојузниците продолжуваат да работат заедно за да обезбедат дека нашата мисија КФОР ги има силите и ресурсите што и се потребни за одржување на безбедно и сигурно опкружување за сите, истакна Руте. Кога станува збор пак за мисијата на НАТО во Ирак, според Руте. таа продолжува да биде важен придонесувач за стабилноста на земјата и за оспособување на ирачките безбедносни сили за борба против терористичките групи, како дел од напорите на Алијансата за стабилен, безбеден и просперитетен Блиски Исток. Во однос на Украина, Руте потсети дека НАТО работи на доставување безбедносна помош и обука за земјата, за што формира посебна Команда во Визбаден која треба да стане целосно оперативна во наредните месеци. – Ние сме на добар пат да го исполниме нашето ветување да и обезбедиме на Украина 40 милијарди евра воена поддршка. Ќе продолжиме да стоиме на страна на Украина, како што стоиме зад правото на секоја нација да живее во слобода, суверенитет и безбедност, рече Руте. Според него, поддршката за Украина е инвестиција во заедничката безбедност, бидејќи трошоците што би настанале ако му се дозволи на Путин да ги оствари своите цели, би биле многу повисоки од оние што се потребни за поддршка на Украина. -Борбата на Украина е и наша борба, нагласи Руте. Тој додаде дека зајакнувањето на одвраќањето и одбраната останува главен приоритет на Алијанса, бидејќи нејзина најсвета должност е гарантирање на безбедноста на една милијарда луѓе. -Затоа го засилуваме нашиот одбранбен индустриски капацитет, ги зајакнуваме нашите синџири на снабдување, инвестираме во нови одбранбени капацитети и ги користиме новите технологии, рече Руте, додавајќи дека во услови кога синџирите за снабдување се се поранливи, НАТО мора да стане посамостоен и да биде подготвени и способни да одговори на заканите во сите домени и во секое време. Тој информира и дека министрите договориле нова иницијатива за стандардизација, бидејќи, како што рече, стандардите се клучни за способноста на сојузниците да се борат заедно и за намалување на трошоците за одбрана. -Како дел од оваа иницијатива, ќе го забрзаме развојот на стандардите на НАТО, ќе ја подобриме стапката на нивната имплементација и ќе го прошириме нивниот опсег за да вклучиме нови иновативни воени капацитети. Мораме максимално да ја искористиме нашата единствена способност да дејствуваме заедно, сите 32 членки, затоа што тоа е она што и дава сила на нашата Алијанса, истакна Руте. Според него, министрите се согласиле и дека противвоздушната и ракетната одбрана остануваат приоритет на Алијансата, во услови кога Русија повеќекратно го наруши на воздушниот простор на НАТО од почетокот на руската агресија врз Украина, при што последниот случај беше вчера во Романија. -Дозволете ми да ја изразам солидарноста на НАТО со Романија и да им заповедам на романските власти и Врховната сојузничка команда за Европа за брз и ефективен одговор на овој инцидент. Ќе продолжиме да го зголемуваме надзорот и размената на информации, преку координирање на индивидуалните и колективните одговори, изјави Руте. Тој потсети и дека од неодамна НАТО значително го зголеми своето присуство на неговото источното крило и ја зајакна воздухопловната мисија за надзор....

Ветувањата на премиерот Бенјамин Нетанјаху дека ќе продолжи со израелските војни во Газа и Либан ги уништија надежите дека убиството на лидерот на Хамас Јахја Синвар може да помогне да се стави крај на повеќе од една година ескалација на конфликтот на Блискиот Исток. Во меѓувреме, либанската милитантна група Хезболах вети дека ќе ги ескалира борбите против Израел, а неговиот поддржувач Иран рече дека „духот на отпорот“ ќе биде зајакнат со смртта на нејзиниот палестински сојузник Синвар во Газа. Синвар, организатор на нападот на 7 октомври 2023 година, кој ја предизвика војната во Газа, беше убиен за време на операцијата на израелските војници во палестинската енклава во средата, клучен настан во едногодишниот конфликт. Нетанјаху го нарече убиството на Синвар пресвртница доцна во четвртокот, но вети дека ќе продолжи со војната, која во последните недели се прошири од борби против палестинската група Хамас во Газа во инвазија на јужен Либан и бомбардирање на големи делови од земјата. „Војната, драги мои, сè уште не е завршена“, им рече Нетанјаху на Израелците, велејќи дека борбите ќе продолжат се` додека не бидат ослободени заложниците кои ги држи Хамас. „Имаме пред нас одлична можност да ја запреме оската на злото и да создадеме поинаква иднина“, додаде тој, мислејќи на Иран и неговите милитантни сојузници низ целиот регион во Газа, Либан, Сирија, Ирак и Јемен. Коментарите на Нетанјаху беа во контраст со западните лидери, вклучувајќи го и американскиот претседател Џо Бајден, кој рече дека смртта на Синвар нуди шанса за завршување на конфликтот. САД сакаат да започнат преговори за прекин на огнот и да обезбедат ослободување на заложниците, рече портпаролот на американскиот Стејт департмент Метју Милер, додавајќи дека Синвар одбивал да преговара. „Таа пречка очигледно е отстранета. Не може да се предвиди дека тоа значи дека кој и да го замени (Синвар) ќе се согласи на прекин на огнот, но го отстранува она што во последните месеци беше главна пречка за да се добие таков“, рече тој. Еден висок дипломат кој работи во Либан, изјави за Ројтерс дека надежите дека со смртта на Синвар ќе се стави крај на војната изгледаат погрешни. „Се надевавме, навистина во текот на ова, дека ослободувањето од Синвар ќе биде пресвртна точка каде што ќе завршат војните… каде што секој ќе биде подготвен да го спушти оружјето. Се чини дека уште еднаш погрешивме“, рече дипломатот. Месечните напори на САД да посредуваат за прекин на огнот со Хамас и Хезболах, пропаднаа бидејќи Израел продолжува со своите војни, а неговиот голем непријател Иран изгледаше главно немоќен да се спротивстави на воената моќ на Израел, вклучително и на американското оружје. Конфликтот ги предизвика првите директни иранско-израелски конфронтации, вклучително и ракетни напади врз Израел во април и октомври. Нетанјаху вети дека ќе одговори на октомврискиот напад, кој предизвика мала штета....

Војната во Украина не може да се добие со „планот за победа“ предложен од украинскиот претседател Володимир Зеленски, изјави денеска унгарскиот премиер Виктор Орбан. „Со ова можеме само да загубиме, а Унгарија нема да биде дел од тоа“, изјави Орбан за јавниот сервис Кошут радио. Орбан истакна дека ЕУ е поделена на две групи по прашањето за војната: „Тука сме ние и останатите“. „Унгарија на почетокот на војната рече дека нема да учествува во воените напори, додека другите земји на ЕУ се во неа. ЕУ се однесува како воинствена страна“, рече Орбан, додавајќи дека Унгарија на почетокот јасно ставила до знаење дека тоа е погрешна стратегија. Тој нагласи дека оваа војна не може да се добие и дека преговорите се неопходни. „Сега другите 26 земји од ЕУ зачудено слушаат дека претседателот Зеленски има ‘план за победа’. Зошто, што имаше до сега? Тоа што досега го имаа како план испадна дека е план за пораз, а сега тие се обидуваат да го заменат со план за победа“, рече Орбан и повтори дека Унгарија нема да учествува во тоа....

На 18.10.2024 година, во 20.55 часот во СВР Охрид било пријавено дека на крстосницата од бул. „Туристичка“ со ул. „Дејан Војвода“ во Охрид, патничко возило марка „фолксваген туарег“ со охридски регистарски ознаки, управувано од З.С.(43) од село Лешани, општина Дебарца удрило во пешак К.С.(43) од Струга. -Во несреќата со тешки телесни повреди се здобила К.С. , констатирани во Специјалната болница „Св. Еразмо“ во Охрид, информира МВР. Извршен бил увид од увидна екипа од СВР Охрид....

Министерот за локална самоуправа Златко Перински во интервју за МИА, коментирајќи ги најавите на четирите општини Тетово, Гостивар, Желино и Чаир дека ќе го финансираат работењето на здружението Албанска академија на науките и уметностите, вели дека законска можност за такво нешто нема. Според Перински, посоодветно е локалните самоуправи да работат на зголемување на квалитетот на живот на граѓаните, а не да одвојуваат средства за нешто коешто едноставно нема да има функција во годините што следат. – Во суштина тоа е строго опишано во Законот за локална смаоуправа во членот 11 кој вели дека приходите на локалните самоуправи треба да се трошат исклучиво за надлежностите кои се утврдени согласно Законот што во превод значи дека Законот сака да каже дека сите средства што општината ги колектира по било кој основ, ги распределува преку усвојување на одлуки и буџети на седница на Совет и треба да бидат исклучиво насочени за спроведување и реализација на основните законски надлежности на самата локална самоуправа. Во тие надлежности, Албанска академија на науките и уметностите не стои. Општината има можност да финансира здруженија и невладини организации, но и тие здруженија и невладини организации треба на некој начин да ги спроведуваат основните надлежности за кои таа локална самоуправа постои што значи дека ако точно се чита законот, законска можност за вакво нешто нема, истакнува Перински. Посочува и дека академиците од Македонската академија на науките и уметности, кои се од другите етникуми, јавно кажале дека пристапот е погрешен. -Несоодветно е да се генерираат проблеми таму каде што ги нема бидејќи имаме други реални проблеми што треба на дневна основа да ги решаваме и како централна, но и како локална власт, вели Перински....

ОВЕН Coceмa e мoжнo дa ce пojaвaт пpoблeми или cитyaции ĸoи нe cтe ги oчeĸyвaлe. Ceпaĸ, нe cтe cĸлoни дa ce oтĸaжyвaтe и ќe пpoдoлжитe дa ce тpyдитe дa гo пpaвитe oнa штo миcлитe дeĸa e пpaвилнo. Beчepтa e пoгoднa зa oдмop и peлaĸcaциja. БИК Дeнoт ќe бидe мaлĸy тeжoĸ зa нeĸoи Биĸoви. Paбoтитe ќe ви дojдaт co тpyд, нo oвa нe вe плaши. Oбpнeтe внимaниe нe caмo нa мaлитe дeтaли зa ceĸoja paбoтa, тyĸy и нa cè дpyгo. Πocвeтeтe ja вeчepтa нa eднocтaвнитe живoтни paдocти. БЛИЗНАЦИ Cyдбинaтa мoжe дa вe cтaви вo нoви предизвици. Цeлoтo вaшe внимaниe ќe бидe нacoчeнo ĸoн изнaoѓaњe peшeниja зa вaжни пpaшaњa. Aĸo нeĸoj ce oбидe дa пoĸpeнe нeпpиjaтни тeми зa paзгoвop, нajдoбpo e дa ги избeгнeтe и дa ja cмeнитe тeмaтa. РАК Дeнoт нajвepojaтнo ќe бидe пoлн co измeшaни eмoции. Sвeздитe пpeпopaчyвaaт дa ja oгpaничитe ĸoмyниĸaциjaтa и пoвнимaтeлнo дa ja избepeтe вaшaтa ĸoмпaниja. He e пoжeлнo дa ce paзгoвapa зa лични paбoти co нaдвopeшни лицa, ĸaĸo и дa ce cпoдeлyвaaт тajни. ЛАВ Дeнec e мнoгy вaжнo дa имaтe caмoĸoнтpoлa. Moжнo e дa нacтaнaт нeĸoи oбвpcĸи или дa тpeбa дa peшитe нeĸoи дpyги пpoблeми. Ќe ви бидe тeшĸo дa мoжeтe дa гo pacпpeдeлитe вaшeтo вpeмe зa дa имaтe дoвoлнo зa ce. ДЕВИЦА Дeнecĸa ќe ви бидe мaлĸy пoтeшĸo дa yбeдитe нeĸoгo вo вaшитe apгyмeнти и cтaвoви, дa ги пpoнajдeтe виcтинcĸитe збopoви зa тoa. Бидeтe мнoгy внимaтeлни, бидejќи пocтoи oпacнocт дa влeзeтe вo нeпpиjaтнa пoлoжбa. ВАГА Дeнecĸa мoжe дa пoчyвcтвyвaтe мaлa нeизвecнocт или двoyмeњe зa нeштo. Oд eднa cтpaнa, caĸaтe нoви пpoмeни. Oд дpyгa cтpaнa, cтpaвoт oд нoвoтo вe плaши, бидejќи нe мoжeтe цeлocнo дa пpeдвидитe ce штo ќe дoнecaт нoвитe oĸoлнocти. ШKОРПИЈА Moжeби тpeбa дa пoдгoтвитe нoв плaн зa aĸциja, дa бидeтe oтвopeни зa нoви идeи и пpeдизвици. Bpeмeтo e пoгoднo зa paзмиcлyвaњe, зaтoa нe бpзajтe дa дoнecyвaтe цвpcти oдлyĸи. Cлeдeтe гo вaшeтo тpoшeњe. СТРЕЛЕЦ Имaтe мнoгy дa нaпpaвитe, нo eнepгиjaтa и нaпopнaтa paбoтa ќe ви пoмoгнaт дa гo пpeбpoдитe ceтo тoa. Ha личeн плaн мoжe дa ce нapyшaт миpoт и xapмoниjaтa, пa ќe мopa дa пoĸaжeтe вoздpжaнocт и тpпeниe ĸoн блиcĸитe лyѓe. ЈАРЕЦ Дeнec имaтe тeндeнциja дa ce зaнимaвaтe co cepиoзни paбoти. Moжe дa бидe мaлĸy тeжoĸ и cтpeceн дeн. Ќe мopa бpзo дa ce движитe низ oĸoлнocтитe и дa peaгиpaтe нaвpeмe. He зaвиcи ce oд вac, тyĸy и oд дpyгитe лyѓe. ВОДОЛИЈА Bиe cтe шapмaнтни, интeлигeнтни и дoбpoнaмepни и тoa ви oтвopa мнoгy вpaти. Ce чини дeĸa имaтe и интyитивнo чyвcтвo зa тoa ĸaĸo дa бидeтe нa виcтинcĸoтo мecтo вo виcтинcĸo вpeмe. Haпpaвeтe нeштo зa дa гo пoдoбpитe вaшиoт изглeд штo ќe гo пoдoбpи и вaшeтo pacпoлoжeниe. РИБИ Baшaтa чyвcтвитeлнocт e мнoгy згoлeмeнa дeнec. Moжe дa ce пojaвaт нoви нecoглacyвaњa вo љyбoвнитe или ceмejнитe oднocи. He пaѓajтe вo иcĸyшeниe дa тpoшитe пapи нa cитници, бидejќи ќe гo пpeoптoвapитe бyџeтoт бeз дa гo peaлизиpaтe....

Министерот за земјоделство, шумарство и водостопанство, Цветан Трипуновски во вчерашната емисија „Трилинг“ на ТВ 24 истакна дека неговата обврска како министер е да го заштити земјоделецот во Македонија. Само преку разни мерки и програми истиот земјоделец ќе биде заштитен. -За мене како министер па и за целата Влада успех ќе биде и работиме на тоа да земјоделецот се кажува со епитет. Покрај повозрасните, тука сакам да ги убедиме и помладите генерации да се занимаваат со оваа благородна професија. Производството на храна е многу важно во наредниот период, појасни тој. Со мерките, истакна, имаат интенција да го зголемат бројот на земјоделци кој што е намален. -Во таа категорија да внесеме и помлада генерација на производители, тоа би значело обновување на процесот на земјоделското производство, посочи министерот Трипуновски. Трипуновски додаде дека за 100 дена не може Македонија од увозно зависна земја да стане неувозно зависна. Но, тој процес ќе се одвива во одреден временски период. „Ние како Влада донесовме интервентна мерка за дополнителни три денари за килограм предадена пченица. Таа мерка е донесена се со цел да им помогнеме на земјоделците, сега бидејќи сме на прагот на есенската сеидба да им ги зголемиме површините за пченица. И тоа ќе значи поголем квантитет“, појасни тој. -Работиме и на контролата на семенскиот материјал кој што се продава во државата, треба да биде согласно правилата и да нема злоупотреби. Работиме и на контролата на вештачките ѓубрива и работиме на мерки кои што ќе ги имплементираме веќе од 2025-та година. А, крајната цел ќе биде зголемена површина од оваа најбитна стратешка култура односно ќе имаме зголемено производство на пченица. И така го враќаме квантитетот кој што од друга страна ќе го намали увозот во земјата, истакна министерот. Тој посочи дека се работи и на откуп за стоковите резерви на домашната пченица за да не се увезува од странство. Сите активности кои што ги презема Министерството се со цел да се намали увозот, а да се зголеми домашното производство....

Викендов времето во Македонија ќе биде променливо облачно и релативно свежо со сончеви периоди, а ќе дува и слаб до умерен ветер од југоисточен правец, и истиот, особено до крајот на денешниот ден и Долж Повардарието повремено ќе засилува на интензитет. Ќе има услови и за слаб локален дожд, особено во западните предели. Во Скопје и околината викендов ќе имаме слично време, променливо облачно со сончеви периоди и со слаб до умерен, а до крајот на денешниот ден повремено засилен ветер од југоисточен правец. Што се однесува до температурите, тие ќе се искачуваат во интервалот од 14 до 20 степени. Во Скопје максималната температура викендов ќе се искачува во интервалот помеѓу 18 и 19 степени....

Никотинската гума за џвакање беше произведена во Шведска кон крајот на 1970-тите, за да се замени со никотински лепенки во 90-тите години на минатиот век. На почетокот на 21 век се појавуваат нови решенија, како што се современи алтернативи на цигарите. Причината за сите иновативни решенија сепак беше иста – сузбивање на штетните последици што ги носи пушењето цигари на организмот, т.е чад од тутун, катран и јаглерод моноксид. Според последните податоци на Светската здравствена организација, во светот има повеќе од 1,1 милијарда пушачи. Бројот на активни пушачи и кај нас сведочи дека на луѓето им е тешко да се откажат од оваа лоша навика само затоа што знаат дека цигарите и изложеноста на чад од тутун влијаат на нивното тело. Ако го земеме предвид фактот дека во последните 30 години, во светот интензивно се воведоа строги забрани за пушење и се спроведува силна кампања, се поставува прашањето, дали овие мерки се ефективни и дали тоа е добар начин да се искорени пушењето и чад од тутун? Примерот на Австралија, една од најрестриктивните земји во однос на пушењето, покажува дека строгите забрани и високата цена на цигарите не биле доволни за борбата против чадот од тутун да биде успешна. Така, тие се отворија за нови опции и прифатија испорака на никотин на помалку штетен начин. Од октомври оваа година, никотин ќе се препишува со лекарски рецепт, со цел да им помогне на пушачите да истрајат во намерата да се откажат од цигарите. Од каде да започнам? Почетокот на решавањето на секој проблем лежи во неговата дефиниција и јасна идентификација на причината. Според науката, главната причина за болести поврзани со пушењето е чадот од тутун, кој содржи повеќе од 6.000 штетни материи, од кои околу 100 се канцерогени, а не никотин, како што честопати погрешно се верува. Од друга страна, многу пушачи кои сакаат да се откажат од пушењето минуваат низ прилично тежок период на откажување, а некои дури и се обидуваат да го запрат порокот неколку пати. За оние кои сакаат да ја променат оваа лоша навика, но не се подготвени целосно да се откажат од неа, важно е правилно да се информираат за сите достапни опции, како што е концептот за намалување на штета, за кој сè повеќе се зборува во светот, или за што носи помалку штетни алтернативи на пушењето и која е клучната разлика во споредба со цигарите. Дали решението лежи во науката и технологијата? Науката и технологијата интензивно работат од втората половина на 20 век за да се реши проблемот со пушењето. Никотинска гума за џвакање се произведуваше во доцните 70-ти во Шведска, потоа во 90-тите гума за џвакање беше заменета со никотински лепенки, а на почетокот на 21 век се појавија нови решенија, како што е електронската цигара. Причината за сите новини сепак беше иста, бидејќи и покрај сите напори, кампањи и средства за откажување од пушење, секој шести жител на планетата во светот сепак троши цигари. Расте бројот на пушачи, но и бројот на оние кои не се задоволни поради својот порок, но од разни причини не сакаа да се откажат од тоа. Затоа има потреба од нови, алтернативни решенија. Пред околу седум години, тутунските производи засновани на технологија за греење, а не согорување на тутун, се појавија на пазарот. IQOS е лидер во создавањето на оваа нова категорија, и прва широко прифатена од Јапонците. Стана опција за оние кои сакаат подобра алтернатива на цигарите, бидејќи како нив, тие користат вистински тутун, но без штетни материи што се создаваат при согорувањето на цигарите. Главната разлика е во аеросолот што се ослободува при употреба на IQOS, уред за греење на тутун, кој емитира значително помалку штетни материи во споредба со чадот од тутун кај традиционалните цигари. Експертите за јавно здравје се почесто го наведуваат преминот кон научно докажани и докажани алтернативи како едно од решенијата за постигнување на глобалната цел, свет без чад од тутун и намалување на штетното влијание на потрошувачката на цигари врз здравјето на луѓето. Во врска со ова, ве потсетуваме дека IQOS неодамна доби одобрение за помало изложување на штетни материи за време на употребата, од еден од најрелевантните светски регулатори за здравје – Администрацијата за храна и лекови на САД (FDA). Тие го класифицираа во категоријата производи со „модифициран ризик“ (MRTP) и потврдија дека неговата употреба значително ја намалува изложеноста на штетни и потенцијално штетни материи....

Висина всушност не треба да влијае на среќата во животот и љубовта, и покрај тоа што многумина не се задоволни со својата висина, без разлика дали се сметаат себеси за ниски или високи. Научниците, се обиделе да утврдат која висина е идеална за долготрајни романтични врски, па било спроведено истражување во Англија, каде просечната висина на жената е 162,56 сантиметри, пишува „Јор танго“. Тие откриле дека, жените кои биле пониски од таа просечна висина, имале поголема веројатност да бидат во среќни врски и да имаат деца и на возраст од 42 години. Студијата испитувала и мажи. За жал, но многу вистинито, сите анкетирани жени претпочитаале мажи кои се повисоки од просечните мажи. Поточно, станува збор за висина од 182,88 сантиметри. Еволутивно гледано, постои причина зошто жените преферираат високи мажи. Претпоставката е дека повисоките мажи можеле да обезбедат подобра физичка заштита во минатото, но се чини дека научниците не можат да најдат слична причина зошто мажите пак, повеќе ги привлекуваат пониските жени за долгорочни врски. Дополнително, истата студија покажала дека пониските жени статистички имаат поголема веројатност да имаат компликации за време на породувањето. „Знаеме дека мажите ги привлекуваат работи кои во нашето еволутивно минато би биле симбол на плодноста. И во извесна смисла, висината е негативен знак. Високите жени подоцна влегуваат во пубертет и веројатно нивните секундарни полови карактеристики се развиваат малку подоцна“, вели Даниел Нетел, водечки истражувач. Според него, пониските жени кои порано влегуваат во пубертет се подобри кандидати за репродукција. Ова истражување, сепак, е во спротивност со нашето разбирање за еволуцијата. Имено, денес научниците знаат дека постои директна корелација помеѓу висината на таткото и висината на неговите ќерки. Ако продолжиме да веруваме дека еволутивните биолошки потреби се клучни при изборот на партнери, тогаш жените избираат мажи кои по претпоставка ќе им дадат ќерки кои се високи и со тоа помалку способни за репродукција....

Секоја врска поминува низ кризи и тешки моменти, а секој има право некогаш да погреши, но што кога тоа несвесно ќе премине во навика? Независно колку сакате некого, тоа не значи дека некогаш не може да влезете во бурна дискусија и човечки е да имате различни ставови и несогласувања. Сепак, постои голема разлика помеѓу мали несогласувања одвреме-навреме кои на добар начин се решаваат и помеѓу оние однесувања кои ја прават врската токсична. Доколку во одреден момент се „фатите“ себеси дека не го почитувате партнерот и постојано повторувате исти грешки, можеби вие сте тие што ја уништуваат врската. Во продолжение неколку знаци на токсично однесување кои ја прават врската неподнослива: Секогаш го обвинувате партнерот дури и ако потсвесно знаете дека вината е во вас и без да размислите. Секогаш му поставувате ултиматуми и го уценувате да прави работи, независно дали се големи или ситници. Го срамите и омаловажувате пред други обидувајќи се да бидете над него. Не знаете како да го контролирате импулсивното однесување и секогаш му се истурате на него. Се грижите само за сопствените потреби независно дали се мали или големи и правите сè за да биде како што сте наумиле. За секоја ситница правите драма или уште полошо, ги премолчувате работите наместо да ги кажете додека е време и да се решат....

Еве што се крие зад овие бои на пастата за заби! Денес на пазарот има безброј пасти за заби – од обични бели, до црни (јаглен) и шарени… Но, една боја на паста за заби остана во сеќавањето на многумина. Поточно, повеќе. Во прашање се црвената, сината и белата. А дали знаевте дека секоја боја на паста за заби има посебно значење или подобро кажано се состои од посебна состојка која помага во здравата дентална хигиена? На пример, белиот дел од пастата за заби содржи супстанции кои го отстрануваат плакот и како резултат на тоа ги избелуваат забите. Црвената линија на пастата обично содржи витални елементи за правилна нега на непцата, а синиот дел содржи антимикробни компоненти и компоненти за освежување на здивот. Ваквиот изглед на пастата не е неопходен и не сите пасти се со иста боја, туку секоја ги содржи потребните состојки за одржување на здравјето на забите и непцата. Главните состојки на пастата се: абразивни средства (25-60%) конституенси (20-40%) вода (15-50%) боја (до 3%) детергентни материи (до 2%) врзивни средства (до 2%) ароматични материи (до 1,5%) конзерванси стабилизатори слатки материи профилактички агенси (како флуор) лековити материи...

Конечно се вработивте на работното место кое што го посакувавте целиот живот, но никако да ви тргне. Успехот кој што мислевте дека ќе го постигнете и сопствената надградба никако да дојдат и имате чувство дека наместо да одите нагоре, вие назадувате. Сепак, можеби правите една од овие три грешки кои ве кочат во кариерата Доцнење Секогаш постојат ситуации надвор од ваша контрола кои што ќе предизвикаат да доцните, но ако ваквите ситуации се повторуваат секоја недела или ден, запрашајте се дали проблемот можеби е во вас. Ако сакате колегите и претпоставените да ве сфаќаат сериозно и да ве почитуваат, секогаш обидете се да бидете точни и навремени. Кога ќе започнете да работите навреме и ќе ги завршите задачите што се очекуваат од вас на време, без одлагање и многу подобро. Став Секој од нас на работа има колеги кои го иритираат, за кои сметаме дека не ја сфаќаат сериозно работата и не ја прават како што треба, но сè додека не управувате со сопствен бизнис и вработени, обидете се да ги почитувате сите ваши колеги. Бидете љубезни, сочувствителни и искрени. Замерката за колегите не може да ви помогне на кој било начин, може само да ви одомогне. Воедно постојат ситуации каде сте ја завршиле работа како што треба, но сметате дека постојано не ве забележуваат. Понекогаш некои шефови реагираат само кога ќе погрешите, но ако сметате дека треба да добиете одредени заслуги за својот труд или унапредување разговарајте со претпоставените и покажете дека вредите. Озборувања Ако некогаш сте се доживеале да бидете предмет на озборување во канцеларија, тогаш знаете колку е иритирачки и колку штети на нечија репутација. Оставете ги озборувањата на кафе со најдобрите пријатели и однесувајте се со колегите достоинствено и со почит како што тоа го очекувате за вас од другите. Кога ќе стоите настрана од озборувањата ќе забележите не само дека имате подобар однос со колегите но и повеќе време за вашите задачи...

За време на викендот нè очекува променливо облачно време. Утре ќе има услови за слаб локален дожд, соопшти Управата за хидрометеоролошки работи. Во недела утринските температури ќе се движат во интервал од -1 до 9 степени, а дневната ќе достигне до 23 степени. Во текот на следната работна седмица ќе преовладува стабилно и тивко време со ниски утрински температури кои наместа ќе се спуштаат под нула. По одделни котлини ќе има услови за појава на утринска магла....

Приближно 100 килограми небезбедно месо и подготовки од месо нештетно уништија инспекциските служби на Агенција за храна и ветеринарство (АХВ) во вторникот во Куманово, при спроведени вонредни надзори во ресторани, месарници и маркети. -За утврдените недоследности – продажба на замрзната чорба, ставање во промет на замрзнати подготвени подготовки од месо ( плескавици, ражнич), продажба на месо и подготовки од месо без декларација, како и за измината важност на санитарни книшки на вработени кај оператори со храна и непоседување на комплетна документација, изречени се мерки опомена и парични казни во висина од 100 до 1000 евра во денарска противвредност, зависно од тежината на прекршокот и големината на операторот со храна, информираат од АХВ Со инспекциски надзори во овој град опфатени беа и два големи супермаркети кај кои не беа утврдени неусогласености со прописите од областа на безбедноста на храната....

Иранските авиокомпании ги прекинуваат врските со дестинации во Европската унија како одговор на новите санкции против земјата, соопшти денеска Иранската новинска агенција за труд (ИЛНА). – Ниту еден ирански авион повеќе нема да лета за Европа, по казнените мерки, изјави генералниот секретар на здружението на иранските авиокомпании, Максуд Асади Самани. ЕУ вчера воведе санкции против Иран чија цел е испораката на балистички ракети и дронови за Русија. Овие казнени мерки се насочени особено кон државната компанија Иран Ер, која повеќе нема да смее да продава билети во Европа. Иран Ер беше една од ретките авиокомпании со директни врски од Европа до Иран. Според ИЛНА, новите санкции го спречуваат и полнењето гориво на авионите на Иран Ер. Во извештајот се вели дека неодамна имало голема побарувачка за летови до дестинациите на ЕУ....

Шефот на турската дипломатија Хакан Фидан денеска изјави дека времето за дипломатија е завршено и дека треба да се воведат санкции кон Израел. -Ги преминавме границите на зборовите, дипломатијата, политиката, стигнавме до крајот, ни требаат други инструменти, рече Фидан на конференцијата за иднината на Палестина во Анкара. Турскиот министер додаде дека меѓународната заедница треба да преземе правни мерки, да го бојкотира Израел, кој повеќе не смее да добива никаква поддршка на ниту едно поле. -Во спротивно, Израел ќе продолжи со геноцидот и масакрите во Газа, бидејќи во моментов не ја плаќа економската, политичката или воената цена, додаде турскиот министер, кој за време на конференцијата изрази загриженост дека меѓународното внимание ќе биде „одвлечено од Газа“ и би биле насочени кон израелските напади врз Либан. Според него, и оние кои го поддржуваат Израел мора да платат цена, за да сфатат дека има граници на тоа што го прават....

Унгарија и руската компанија „Гаспром“ преговараат за договор за дополнителни испораки на гас за Будимпешта во текот на следната година, изјави унгарскиот министер за надворешни работи Петер Сијарто за руската новинска агенција РИА, пренесува „Еурактив“. – Веќе потпишавме еден (дополнителен договор) за последниот квартал од оваа година, кој опфаќа дополнителни количини по конкурентна цена. Во моментов преговараме за договор за следната година, рече Сијарто. Рускиот енергетски гигант минатата недела објави дека е потпишан меморандум со Унгарија за можноста за зголемување на продажбата на руски гас, но без наведување детали. Сијарто појасни дека меморандумот вклучува одредба за дополнителни договори покрај долгорочните договори за идните години, што ќе ја гарантира конкурентноста на цените. Минатата недела, Унгарија и „Гаспром“ исто така потпишаа договор кој им овозможува целосно користење на гасоводот „Турски тек“. Гасоводот „Турски тек“, изграден непосредно пред руската инвазија на Украина, ја заобиколува оваа земја носејќи руски гас под Црното Море на европска територија во Турција, а потоа во Бугарија, каде се нарекува „Балкански тек“. Овој договор, како што изјави Сијарто, и овозможува на Будимпешта да ги зголеми купените количини во рамките на „сите комерцијални договори“. Русија моментално извезува природен гас во Европа преку два правци: гасоводот кој го изгради Советскиот Сојуз, кој поминува низ Украина, и „Турски тек“. Договорот на Русија за транзит на гас преку Украина истекува на крајот од годината. Покрај тоа, Сијарто за РИА изјави дека Будимпешта ќе стави вето на санкциите на Европската Унија против Русија доколку се укине изземањето за Унгарија за купување руска нафта. – Санкциите обично се преиспитуваат на секои шест месеци. Додека санкциите се во сила, овие изземања мора да останат во сила, во спротивно ќе ставиме вето на санкциите , рече Сијарто. Унгарската енергетска компанија „МОЛ“ во септември постигна договор за континуирано снабдување со руска нафта преку Белорусија и Украина преку нафтоводот „Дружба“, откако Киев во јуни го додаде „Лукоил“ на листата на санкции, што ја натера унгарската влада да изрази загриженост за безбедноста на снабдувањето....

Повеќе од 400.000 деца во Либан се раселени во последните три недели, изјави висок претставник на УНИЦЕФ, предупредувајќи на загубена генерација во малата земја која се соочува со бројни кризи и сега е вовлечена во војна. Израел ја засили својата кампања против милитантната група Хезболах, која дејствува од Либан, вклучувајќи и копнена инвазија по размената на оган со таа про-иранска организација за време на војната со Хамас во Појасот Газа. Борбите во Либан принудија 1,2 милиони луѓе да ги напуштат своите домови, од кои најголемиот дел во последните три недели ескалација побегнаа во Бејрут или на северот од земјата. Тед Чајбан, заменик извршен директор на УНИЦЕФ за хуманитарни акции, ги посети училиштата што се пренаменети во засолништа за раселени семејства. – Она што ме остави без зборови е дека оваа тринеделна војна погоди толку многу деца. Додека седиме тука, 1,2 милиони деца се лишени од образование. Либанските јавни училишта или се недостапни, или се оштетени од војната, или се користат како засолништа. Последното што ѝ е потребно на оваа земја, покрај сѐ што помина, е ризикот да изгуби неколку генерации, рече Чајбан. Иако некои приватни училишта во Либан сѐ уште работат, јавниот образовен систем е сериозно погоден од војната, заедно со најранливите групи во земјата, како што се палестинските и сириските бегалци....

Американската национална вселенска агенција (НАСА) лансираше вселенско летало до сателитот Европа, замрзнатата месечина на Јупитер, каде, како што се верува, би можело да има вонземски облик на живот во огромен океан под ледената површина. Леталото „Европа Клипер“ ќе патува пет и пол години до Јупитер, каде што ќе влезе во орбитата околу оваа огромна гасна планета и ќе помине блиску до сателитот Европа, пренесува „АП“. На пат кон Јупитер, освен ако не се појават непредвидени проблеми, вселенското летало тешко шест тони, најголемото што некогаш НАСА го изградила за планетарна мисија, ќе помине покрај Марс и ќе се врати во орбитата на Земјата пред да се катапултира кон Јупитер и да прелета повеќе од три милијарди километри за да стигне до нејзината дестинација во 2030 година. Научниците се речиси сигурни дека има длабок замрзнат океан под ледената кора на Европа и укажуваат дека таму каде што има вода, може да има и живот, што ја прави оваа месечина едно од посоодветните места за потрага по живот....

Премиерот Христијан Мицкоски не очекува да има турбуленции и позначителни потреси на пазарот со електрична енергија во земјава и покрај најавите на некои европски земји дека очекуваат проблеми во текот на зимава. -Што се однесува до турбуленции на пазарот на електрична енергија во Европа, јас бев меѓу првите уште летоска којшто зборуваше дека како ќе доаѓа зимата, така ќе има потреби да се влече енергија од пазарот во Европа од страна на Украина, бидејќи за жал таму поради руската агресија е целосно уништен електроенергетскиот систем на државата. Сето ова ќе влијае во насока на зголемување на цените на електричната енергија на берзите, рече Мицкоски во одговор на новинарско прашање по поставувањето камен-темелник на новото основно училиште „Крсте Мисирков“ во скопската населба Ченто. Тој додаде дека сепак не очекува да има некои позначителни потреси на пазарот во земјава. -Од она со кое што располагам како информација, на почетокот на грејната сезона имаме за повеќе од два и пол пати помалку дефекти од она кое што било по принципот како до сега. Она што го имаме како располагање на ресурс во РЕК Битола и во другите електрани е на нивото очекувано за овој период од годината. За жал, хидрологијата е намалена, некаде околу 22-23 проценти, можеби требаше да биде над 30 во овој период но таква беше годината – сушна. Ценам дека капацитетите со коишто располага државата подготвени ќе ја дочекаат и ја дочекаа оваа грејна сезона и не очекувам да имаме некои позначителни потреси на пазарот, рече Мицкоски. Во моментов, како што кажа, работат двата блока во РЕК Битола, бидејќи нема потреба за повеќе, а од втора половина на декември ќе биде вклучен по потреба и третиот блок. За ветувањето дека ќе се укине давачката за пристап од 200 денари на сметките за потрошена електрична енергија за граѓаните, рече дека ќе биде укината во текот на мандатот на оваа Влада. -Во овој момент работиме на консолидирање на електроенергетскиот сектор и мислам дека Регулаторната комисија за енергетика ги прави пресметките. Кога тие ќе бидат готови ќе донесеме одлука која што е најважна и најдобра за граѓаните, рече Мицкоски. Во насока на консолидација, како што посочи, е и одлуката да не се префрлаат пари на АД ЕСМ, туку самата компанија преку кредит да си ги плати старите долгови. -Пари на Државни електрани се префрлувале. Поентата е сега со работењето на ова раководство да се консолидира компанијата и помалку да се префрлаат. Тоа е суштината. Кредитот којшто е земен е за да ги плати старите долгови наследени од претходното раководство во големина од пет милијарди денари и тоа се средства коишто се наследени од претходно. Заемот е земен по исклучително поволни услови, ќе има и грејс период од две-три години, доволен период за да може компанијата да се консолидира. Ние продолжуваме да работиме во насока на консолидирање на јавниот сектор и државата од она кое што е наследено од претходната влада на СДСМ и ДУИ и добро е што полека но сигурно се консолидира сето ова, потенцира Мицкоски....

„Денеска сум повторно на посета во општина Новаци, целта е отворање на подрачна канцеларија на Министерството за земјоделство, шумарство и водостопанство. Овој пат оваа канцеларија ќе биде опслужена заедно со вработените од Агенцијата за поттикнување на развојот на земјоделството“, истакна министерот за земјоделство, шумарство и водостопанство, Цветан Трипуновски од општина Новаци. „Целта е како што ветивме да продолжиме да го отвораме Министерството кон земјоделците. Во оваа општина според Регистарот има некаде околу 1.000 земјоделци кои што своите потреби ги извршувале во општина Битола. Сега ќе можат овдека земјоделците да проверуваат податоци, да аплицираат итн.“, појасни министерот. Тој посочи дека целта е да се отвори Министерството и да биде подостапно за земјоделците. Тие заслужуваат да бидат информирани за секоја активност на Министерството. „Исто така потоа заминуваме и во општина Могила да отвориме и таму подрачна канцеларија. Значи општина Могила и општина Новаци ќе бидат со нови подрачни канцеларии“, истакна министерот Трипуновски. Тој додаде дека и во подрачната канцеларија во општина Могила ќе има вработени од Агенцијата за поттикнување на развојот на земјоделството. „Она што во минатото го направивме заедно со директорот на Платежната агенција сите земјоделци ќе можат во самата подрачна единица да ги следат апликациите, зошто во минатото многу од земјоделците морале да патуваат во поголемите центри па дури и во Скопје. Но, овој пат земјоделците сите тие активности ќе можат да ги прават на лице место. Со тоа сакаме да покажеме дека навистина се грижиме за земјоделците да имаат повеќе време да работат на полињата, а помалку време да губат на бирократијата“, појасни Трипуновски....

Претседателот на Владата на Република Македонија, Христијан Мицкоски при посета на ООУ „Крсте Мисирков“ – Скопје, Општина Гази Баба одговарајќи на новинарско прашање за тоа каква е состојбата во земјоделието дали е катастрофална како што посочуваат од опозициската СДСМ и млекарите се пред банкрот, изјави дека и покрај наследените, заостанати субвенции, сега има редовна исплата на тековните субвенциите и враќање на стари долгови. „Во земјоделието наследивме исклучително тешка слика и големи долгови. Покрај редовната исплата на субвенциите имаме досега околу, близу или нешто над една милијарда денари стари долгови, вратени. Очекуваме во следниот буџет уште една, и веќе во 2026 година да се изедначиме со тековната исплата на субвенциите“, изјави премиерот. Премиерот подвлече дека пораките коишто доаѓаат од опозициската СДСМ се од незнаење, а тој е шокиран од истите. „Јас навистина повторно ќе кажам, шокиран сум од овие пораки коишто се темелат на незнаење, коишто доаѓаат од СДСМ, но повторно ќе кажам, тие одбрале таква политика да водат, на нив е. Нашата политика е оваа којашто е портретирана со дела, со проекти, со реформи, со развој“, истакна премиерот Мицкоски. Приоритет на Владата е поддршка на македонското земјоделство, затоа носиме мерки и проекти со кои ја враќаме надежта кај земјоделците....

-СДС нема кредибилитет да зборува за безбедносните служби. СДС ги партизираше АНБ и АР додека беа на власт. На чело на АНБ го поставија партискиот кадар Виктор Димовски, кој беше партиски функционер на СДС, изјави на денешната прес – конференција, Бране Петрушевски, пратеник на ВМРО-ДПМНЕ. Тој истакна дека, Виктор Димовски беше член на ИО на СДС, највисоко тело во опозициската партија, и член на нивните комисии. Во АР СДС го има поставено Еролд Муслиу, кој во ек на најголема власт на СДС ги следеше функционерите на ВМРО-ДПМНЕ злоупотребувајќи ја службата. Муслиу правеше хајки против ВМРО-ДПМНЕ, а од Агенцијата за разузнавање направи партиски штаб на СДС. -Да потсетиме само дека СДС за директор на УБК своевремено го имаше и Миле Зечевиќ, партиски функционер, кој потоа стана и генерален секретар. За разлика од кадрите на СДС како Виктор Димовски, Еролд Муслиу и Миле Зечевиќ, ВМРО-ДПМНЕ на чело на службите поставува професионалци, потенцира Петрушевски. -Изборот на Бојан Христовски на чело на АНБ е професионале...

Претседателката Гордана Сиљановска Давкова денеска ги прими акредитивните писма на Жозе Руи Вележ Каросо, новоименуваниот амбасадор на Португалската Република, со седиште во Белград. На церемонијата на предавање на акредитивните писма, претседателката Сиљановска Давкова истакна дека годинава се одбележуваат 30 години од воспоставувањето на дипломатските односи меѓу двете земји и посочи дека постојат бројни можности за натамошно искрено продлабочување на соработката, како на билатерален, така и на меѓународен план, со посебен интерес за интензивирање на економските врски. Нагласувајќи дека континуираната поддршка од Португалската Република за интеграцијата на земјите од регионот во европските структури, а во тие рамки и на нашата држава, секогаш била од голема важност, претседателката Сиљановска Давкова истакна дека е значајно истата да продолжи со уште поголем интензитет во периодот којшто следи. „Заслужуваме да ги отпочнеме преговорите за пристапување во ЕУ без натамошно одложување. Сакам да повторам дека и јас и Владата остануваме целосно посветени на неопходните реформи поврзани со нашата интеграција во ЕУ. Сепак, овој процес мора да се спроведе во согласност со критериумите од Копенхаген. Ако нашиот процес на интеграција во ЕУ не се дебилатеризира, верувам дека тоа ќе постави штетен преседан за сите идни земји кандидати. Другите држави можат да користат билатерални спорови како изговор за блокада на патот на земјите кандидати“, рече претседателката Сиљановска Давкова. Португалскиот амбасадор Жозе Руи Вележ Каросо во своето обраќање истакна дека заедничките вредности што ги обединуваат двете земји, како и соработката во рамки на НАТО, во корист на евроатлантската безбедност, се од особено значење за обезбедување на слободата и демократијата. Тој нагласи дека Португалија целосно го поддржува влезот на нашата земја во ЕУ, како и на другите земји кандидати од Западен Балкан додавајќи дека со реформската агенда и Планот за раст, ова е момент на можност за сите кој не треба да се пропушти. „Во овие времиња на предизвици со кои сега се соочуваме на глобално ниво, со агресивната војна во Украина и конфликтот на Блискиот Исток, како и со многу други штетни, насилни и страшни трагедии ширум светот, императив е заеднички да се бранат правдата и мирот, со мултилатерална перспектива, според принципите на Повелбата на Обединетите нации“, рече новоименуваниот португалски амбасадор на церемонијата на предавање на акредитивите. Претседателката Сиљановска Давкова на амбасадорот Жозе Руи Вележ Каросо му посака успех во извршувањето на одговорната функција....

Денеска (18.10.2024) министерот за внатрешни работи Панче Тошковски оствари работна средба со амбасадорот на Кралството Шпанија, Н.Е. Рафаел Соријано Ортиз. На средбата беше потврдена досегашната добра полициска соработка во делот на брза, квалитетна и ефикасна размена на оперативни сознанија, односно редовно постапување по барања упатени од двете држави за различни видови на проверки во сите форми на организиран криминал. Двете страни се сложија дека сето тоа придонесува за поефикасно координирање и спроведување на активностите со меѓународните криминалистички служби, во борбата против организираниот и другите видови сериозен криминал и дека ваквите традиционално добри односи и соработка ќе продолжат и во иднина....