Првиот потпретседател на Владата на Србија и министер за надворешни работи Ивица Дачиќ изјави денеска дека нашиот вршител на должност во Амбасадата на Србија во Словенија ги отфрлил наводите на Министерството за внатрешни работи на Словенија за изјавата на претседателот Александар Вучиќ поради што е поканет на разговор. „Тоа претставува инверзија на реалноста, бидејќи наместо Словенија да и се извини на Србија за нарушување на нејзиниот територијален интегритет со признавањето на Косово и Метохија, а Советот за безбедност на ОН ги прекрши сите правила за присуство на седниците со тоа што дозволи Османи да ги донесе наводните жртви, без никакво известување до Србија за ова, што никогаш досега не се случило во ОН, словенечките власти бараат извинување што претседателот Вучиќ ја изразил својата огорченост поради ваквиот потег кој очигледно бил договорен претходно“....

Претседателот на САД, Џо Бајден го потпиша неодамна усвоениот закон од Конгресот, со кој се бара од компанијата „БајтДенс“ (ByteDance) со седиште во Кина, да го продаде ТикТок или ќе се соочи со забрана на американскиот пазар. Продажбата мора да се случи во рок од девет месеци или една година доколку Бајден се согласи да го искористи продолжувањето од 90 дена. ТикТок најави дека ќе се бори против мерката. Загриженоста поради потенцијалниот ризик за националната безбедност е во фактот што кинеските закони и дозволуваат на Владата да бара податоци од компаниите, што може да доведе до загрозување на приватноста на американските корисници. Иако ТикТок тврди дека податоците на американските корисници не се наоѓаат во Кина, туку во Сингапур, постојат стравувања дека кинеската Влада би можела да манипулира со платформата....

Над 280 милиони луѓе во 59-те земји во светот каде кризата со храна е најтешка, се соочиле со акутен глад минатата година, покажува извештајот на Организацијата за храна и земјоделство на Обединетите нации (ФАО). Се забележува дека иако вкупниот удел на луѓето во светската популација кои се соочуваат со голем недостиг на храна во 2023 година беше малку помал отколку во 2022 година, тој остана над нивото пред пандемијата. Во него се нагласува дека процентот на луѓе кои се соочуваат од акутен глад останува висок, а главни фактори зад овој тренд се воените конфликти, екстремните временски услови и економските шокови, кои продолжуваат да го загрозуваат одржливиот развој на светот....

Пратениците во американската сојузна држава Тенеси вчера усвоија закон со кој на наставниците во државата ќе им се овозможи да носат скриени пиштоли на училиште, додека демонстранти од галеријата гласно протестираа против тоа. Нацрт-законот беше одобрен со 68 гласа „за“ наспроти 28 гласови против во Претставничкиот дом на Тенеси, во кој доминираат републиканците. Државниот Сенат го усвои законот претходно овој месец. Тенеси има жестока дебата за законите за оружје по минатогодишното пукање во училиште во Нешвил во кое загинаа три деца и тројца возрасни членови на персоналот. Некои од демократите во Претставничкиот дом помогнаа во организацијата на протестите во главниот град, што доведе до нивно кратко протерување од законодавниот дом минатата година. Околу половина од сите американски држави им дозволуваат на наставниците или другите вработени во училиштата да носат огнено оружје во просторот на училиштето, наведува Правниот центар Гифордс, група за безбедност на оружје. Според законот на Тенеси, секое лице кое сака да носи скриен пиштол на училиште мора да заврши најмалку 40 часа обука во училишната полиција. Трошоците за обуката заедно со огненото оружје се на товар на поединецот. Според предлог-законот, идентитетот на наставникот или членот на персоналот што носи оружје нема да биде јавен. Директорите на училиштата мора да дадат одобрение за лицето да носи оружје, а началниците на локалната полиција мора да бидат информирани за идентитетот на носителот....

Врховниот суд на Република Северна Македонија ја уважи жалбата на таткото на Вања, Александар Ѓорчевски, ја укина определената мерка притвор и за обвинетиот определи мерка куќен притвор и мерка на претпазливост. – Врховниот суд на Република Северна Македонија ја известува јавноста дека по одржаната јавна седница на ден 25.04.2024 година, Советот за казниви дела донесе Решение со кое жалбата на обвинетиот А. Ѓ., изјавена преку неговиот бранител Владимир Туфегџиќ, адвокат од Скопје, ја уважи, a решението на Апелационен суд Скопје КСЖ-320/24 од 02.04.2024 година, го преиначи на начин што определената мерка притвор против обвинетиот А.Ѓ. ја укина и за обвинетиот определи мерка куќен притвор и мерка на претпазливост, соопштија денеска од Врховен. Денешната седница беше втора јавна седница пред Врховниот суд по мерката притвор на таткото на Вања, откако во март годинава Врховен ја одби како неоснована жалбата против мерката притвор на Ѓорчевски, по решението на Апелациониот суд Скопје. Таткото на Вања е осомничен за помагање во грабнување на неговата ќерка, малолетната Вања Ѓорчевска, која беше пријавена за исчезната на 27 ноември, а беше пронајдена мртва во близина на Скопје на 3 декември, кога во близина на Велес беше пронајден мртов и велешанецот Панче, кој, пак, беше пријавен за исчезнат на 24 ноември. За двете убиства, за две кривични дела „грабнување“ и „убиство на свиреп начин“ првообвинет е Љубомир Палевски Палчо, за кого се чека екстрадиција од Турција, а за соучество се товарат и Велибор Манев, Влатко Кешишов и Боре Видевски кои се во притвор во Скопје. По предлог на надлежен обвинител беше укинат притворот на Стефан Димовски, возачот на Љупчо Палевски-Палчо, кој е осомничен за помагање при бегството. На Димовски му се определени мерки на претпазливост – забрана за напуштање на живеалиште, одземање патна исправа и обврска за јавување во суд....

Министерот за внатрешни работи Панче Тошковски денес оствари работни посети на Полициската станица Центар и Полициската станица Бит Пазар кои функционираат во рамките на Единицата за внатрешни работи Центар и Бит Пазар каде одржа состаноци со раководството. Оваа Единица се соочува со најголем обем на работа на ниво на целата држава имајќи ја предвид структурата на теренот кој го покриваат кадешто се наоѓаат голем број на државни институции, културни објекти и дипломатско-конзуларни претставништва поради што на дневна основа има многу голема фрекфенција на луѓе. Во однос на вчерашниот изборен ден министерот Тошковски беше информиран дека не се забележани поголеми нарушувања, освен констатирано едно кривично дело каде член на изборната комисија се обидел да гласа за друг. Исто така, беше потенцирано дека за вториот круг потребно е да се зголеми бројот на полициски службеници со цел овозможување на непречено спроведување на изборите. „ЕВР Центар и Бит Пазар се соочува со сериозен недостаток на човечки ресурси, како во делот на униформираната полиција така и во делот на инспекторите. ОД аспект на условите за работа во двете полициски станици и опременоста со материјално-технички средства и возила состојбата е алармантна. И покрај овие проблеми, сепак беше потенцирано дека бележат солидни резултати во расчистувањето на кривични дела.“, издвои министерот Тошковски. Заеднички беше констатирано дека во иднина треба да се размислува за дислокација на Полициската станица Центар во посоодветен објект со подобри просторни услови, со што ќе се овозможи подобро и поефикасно постапување на полициските службеници....

Народот сака промени и сака оваа корумпирана власт на ДУИ и СДС да ја испрати во опозиција. Резултатите од вчерашниот прв круг на претседателските избори испратија јасна порака – Македонија ќе биде повторно горда, Македонија ќе биде повторно своја. Граѓаните ќе жиеват достоинствено и со гордо крената глава. Доаѓа време кога граѓаните на Македонија ќе бидат во прв план пред и над се, истакна Тимчо Муцунски, потпретседател на ВМРО-ДПМНЕ. -Вчера се случи почетокот на крајот на власта на СДС и ДУИ. Граѓаните дадоа жолт картон на корумпираната власт, и црвен картон на политичките партии кои донесоа понижувања, национален срам и порази. Вчера се случи политичко цунами, кое ќе финализира на осми мај со уште поголема победа за ВМРО-ДПМНЕ и испраќање на СДС и ДУИ во опозиција. Професорката Гордана Силјановска Давкова според последните резултати освои 362.682 гласови, а има повеќе од двојна предност пред Стево Пендаровски кој освои нешто на 180.000 гласови. Преку 182.000 гласови разлика. Во исто време кандидатот на ВМРО-ДПМНЕ, Гордана Силјановска Давкова победи во 60 општини со убедлива предност, а Пендаровски само во две општини и таа предност и таму е минимална. Повеќе од 350.000 граѓани ја избраа чесноста и достојноста, и одговорниот пристап на професорката Гордана Силјановска Давкова наспроти лагите и политиканството на Пендаровски и СДС. Волјата на народот е јасна. Волјата на граѓаните јасно покажува дека по осми мај Македонија ќе има нов претседател, професорката Гордана Силјановска Давкова, и нова Влада предводена од ВМРО-ДПМНЕ и професорот Христијан Мицкоски. Дозволете ми да издвојам дел од резултатите по општини каде јасно се гледа таа волја и таа тенденција на изразување на глас од страна на граѓаните. Во општина Аеродром, во победнички Аеродром, Силјановска Давкова во првиот круг освои 21.145 гласови, Пендаровски 8.950 гласови или разлика од 12.195 гласови. Во Битола Силјановска Давкова освои 21.582 гласа, а Пендаровски 11.543 или разлика од 10.000 гласови. Во Бутел 7.370 наспроти 2.197 или 5.173 гласови разлика. Во Велес 12.482 гласа за Силјановска, а 5.083 гласови за Пендаровски или 7.399 разлика. Во Гази Баба 18.125 гласа спрема 4.782, односно 13.343 разлика. Во Ѓорче Петров, Силјановска во прв круг има 11.694 гласови, а Пендаровски 4.650, или 7.044 гласа разлика. Во Гевгелија Силјановска има 6.354 гласа, а Пендаровски 3.303. Во Кавадарци Силјановска има 9.792 гласа, а Пендаровски 4.766. Во скопски Карпош 14.482 гласа наспроти 9.130 гласа или 5.352 гласови разлика. Во Кисела Вода 18.183 наспроти 6.205 односно 11.978 гласови. Во Кичево 7.068 спрема 2.093 или разлика од нешто под 5.000 гласови. Во Охрид за Силјановска 14.702 гласа, а за Пендаровски 5.534 гласа или 9.168 разлика. Во Прилеп 18.085 спрема 9.668, односно разлика од 8.417 гласа. Во Струмица, 11.808 за Силјановска, а 9.008 за Пендаровски или 2.800 гласа разлика. Во Штип, 12.058 спрема 5.610 или разлиика од 6.448 гласови. Во Кочани 8.079 спрема 3.905 или 4.174 гласа разлика. Помеѓу Силјановска Давкова и Пендаровски тројна е разликата во Тетово, двојна е разликата во Струга, Радовиш и Ресен, и убедливо водство има речиси во сите останати општини во Македонија. Народот бара промени, граѓаните сакаат власт која ќе се грижи за државата и која ќе има капацитет да испорача резултати, реформи, подобар живот, европски стандарди во здравството, образованието, правосудството, и земјоделството. Влада која ќе ги направи потребните економски реформи и кои ќе донесат повеќе работни места, повисок стандард, поголеми плати и пензии, помала сиромаштија и инфлација. Не чека многу работа. Најпрво сега со вас граѓаните да ја донесеме победата на кандидатката Гордана Силјановска Давкова и на пратеничките листи на ВМРО-ДПМНЕ и коалицијата „Твоја Македонија“, а потоа уште повеќе заедничка работа и посветеност за да ја направиме Македонија повторно горда и повторно твоја. Доаѓа време кога треба да се посветиме на вас граѓаните и на нашата Македонија. Доаѓа време за работа и дело, одговорност и правда, реформи и европски стандарди, додава Муцунски....

Месечните трошоци продолжуваат да растат. Во април, минималната синдикална кошница изнесува 60.212 денари, објави Сојузот на синдикати на Македонија. По ова може да се види дека во споредба со претходниот месец, на едно четиричлено семејство сега му се потребни дополнителни 1.214 денари за да ги покрие основните трошоци. Ако на ова се додадат и трошоците за изнајмување стан од 60 квадратни метри, синдикалната кошница надминува 1.200 евра. Според, пресметката на ССМ, најмногу пари во месецот или нешто над 22.000 денари, едно четиричлено семејство троши на храна и пијалаци. За облека и обувки 4.866 денари, односно 8,1 отсто, за станарина, вода, електрична енергија, и греење 6.014 денари или 10 отсто, за лична хигиена и одржување на хигиена во домот 1.827 денари или 3 отсто, за здравје 1.059 денари или 1,8 отсто, за транспорт 5.068 денари, односно 8,4 отсто. За комуникации на едно четиричлено семејство во април годинава му биле неопходни 3.004 денари, односно 5 отсто од износот на минималната кошничка, за рекреација и култура 4.378 денари или 7,3 отсто, за образование 6.955 денари или 11,6 отсто, за ресторани и хотели 3.890 денари или 6,5 отсто, а за останати стоки и услуги 950 денари, односно 1,6 отсто....

Народот избра промени. Македонија повторно ќе биде горда и твоја. Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај, велат од ВМРО-ДПМНЕ. -На 8-ми мај СДС ќе доживеат уште поголем пораз, затоа што народот сака промени, и просперитет за Македонија. ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред. По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија. Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија. Македонија повторно твоја, додаваат од партијата....

Времето денеска ќе биде променливо облачно со повремени врнежи од дожд, а на планините со повремен снег. Локално врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени Целзиусови. Во Скопје ќе биде променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени Целзиусови. Според најавите од Управата за хидрометеоролошки работи (УХМР) од утре следува период на претежно стабилно и потопло време со пораст на температурите на воздухот....

Првичните резултати што Државната изборна комисија ги објави утрово на својата веб-страница покажуваат дека од обработени речиси 100 проценти од гласачките ливчиња, најмногу гласови на вчерашните претседателски избори освои кандидатката на ВМРО-ДПМНЕ Гордана Силјановска Давкова 362.682 (40,08%), пред Стево Пендаровски од СДСМ со 180.306 (19,93%). Трет е Бујар Османи од ДУИ со 120.903 (13,36%), Арбен Таравари од коалицијата Вреди има 83.356 (9,21%), Максим Димитриевски од ЗНАМ има 83.787 (9,26%), Билјана Ванковска поддржана од Левица 41.172 (4,55%) и Стевчо Јакимовски од ГРОМ има 8.103 (0,90%). Претседателот на Државната изборна комисија (ДИК) Александар Даштевски на последната прес-конференција синоќа пред полноќ истакна дека излезноста на гласачите според податоците од 3.156 избирачки места изнесува 49,75 отсто. На гласање излегле 810 971 гласачи. Важечки гласачки ливчиња се 789 031, а неважечки 21. 946 гласачки ливчиња. Право на глас имаа 1.814.317 граѓани запишани во избирачки список. Тие на 3.480 избирачки места можеа да се изјаснат за еден од седумтемина кандидати. Конечните резултати од изборите ДИК ги објавува во рок од 24 часа од денот на нивната конечност. За да се избере претседател во првиот круг, потребно е еден од кандидатите да освои мнозинство гласови од вкупниот број евидентирани избирачи, односно 907.159 гласови. Имајќи предвид дека никој не го доби потребното мнозинство, ќе се организира втор круг во кој одат двајцата кандидати кои добиле најмногу гласови – Гордана Силјановска Давкова и Стево Пендаровски. Вториот изборен круг ќе се одржи на 8 мај, заедно со парламентраните избори. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година....

Просечната месечна исплатена нето-плата по вработен во февруари годинава изнесувала 39 276 и во однос на февруари минатата година е повисока за 16,5 отсто, објави денеска Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Јавна управа и одбрана; задолжително социјално осигурување (24.9 проценти), Административни и помошни услужни дејности (22,5 проценти) и Уметност, забава и рекреација (20,4 проценти). Намалување на просечната месечна исплатена нето-плата по вработен, во однос на претходниот месец, е забележано во секторите: Транспорт и складирање (10,1 процент), Рударство и вадење на камен (7,2 проценти) и Земјоделство, шумарство и рибарство (6,3 проценти). Просечната месечна исплатена бруто-плата по вработен, во февруари 2024 година, изнесува 58 967 денари....

Овен Во овој период е многу важно да научите да се почитувате себеси и сè што е важно за вашата работа. Ситуацијата во кругот на семејството ќе биде подобра во моментот кога ќе научите да иницирате многу повеќе од себе и да ја подобрите комуникацијата. Бик Поради влијанието на спојот на Јупитер и Уран, веќе некое време сте многу нерасположени и имате чувство дека одредени работи не одат како што треба. Партнерот е задоволен од вашето однесување и воопшто од вас, но некои работи не знаете да ги наречете со нивните имиња, не го избегнувате разговорот. Близнаци Состојбата со семејството и семејните односи е многу загрижувачка бидејќи веќе некое време не можете да препознаете одредени работи и отворено и искрено да комуницирате за нив. Пазете се од ненадејни пресврти кога се во прашање емотивните врски и партнерските односи бидејќи партнерот веќе некое време не ја кажува вистината. Рак Во наредниот период ќе бидете многу позитивно изненадени од реакцијата на партнерот и неговите пријатели. Генерално, повеќе сте фокусирани на себе и на пријателите, па сето ова многу ќе ве изненади. Не дозволувајте одредени работи да ви се случат во вашите активности, особено во работата. Лав Во следните пет дена поволни вести од личност под знакот на Водолија која е одлична деловна поддршка и помош за решавање на проблемите. Многу е важно да научите да ги користите вашите ресурси и се што најдобро знаете за работата. Здравјето е одлично. Девица На овој ден најважно е да се свртите кон себе и кон вашите планови за иднината. Тоа најмногу се однесува на деловна соработка со луѓе од странство или кои имаат увоз и извоз. Здравјето е стабилно. Вага Се однесувате тврдоглаво кога се во прашање односите со партнерот бидејќи немате желба да се нервирате и да започнете некои нови деловни можности за развој на нови деловни активности. Партнерот е многу комплициран да ви даде поддршка или да ви даде доволно поддршка во однос на работата. Скорпија Денешниот ден е многу интересен бидејќи ќе имате чувство дека се се случува чудно и без никаков ред. Луѓето ќе реагираат многу комплицирано на се што правите или иницирате, бидејќи тие генерално ве оптоваруваат со нивните проблеми. Најважно е да научите да контролирате сè околу вас. Стрелец Денес ќе бидете особено добро расположени поради добрите резултати поврзани со работата и деловните активности поврзани со странство. Личноста под знакот Водолија ви дава можност за пресврт во работата и деловните планови, што може позитивно да влијае. Јарец До крајот на денот внимавајте колку и како се однесувате кон луѓето со кои сте блиски на деловен план бидејќи можни се некои големи деловни промени. Овие промени можат да бидат многу комплицирани и да направат да се чувствувате непријатно. Водолија Во овој период многу е важно да се посветите на здравјето и здравите навики кои веќе некое време не сте ги ценеле доволно. Личноста под знакот Овен е одлична деловна поддршка и помош, што е многу стабилно за вашето деловно опкружување. Риба Ова е многу комплициран процес во кој сте влегле со партнерот и членовите на семејството бидејќи никој не може да направи реална слика за се што се случува. Внимателно со двојните стандарди кога е во прашање односот со мајката или детето....

И повеќе од јасно е дека хрватскиот пејач Петар Грашо е миленик на македонската публика. Доказ за истото се и трите закажни концерти во „Македонска филхармонија“. Како што дознаваме од тимот на Грашо, сѐ е подготвено за концертите кои се закажани на 26, 27 и 29 април. Се води сметка буквално за секој детал, а со оглед на тоа што не очекува музички, сценски спектакл, не се штедело апсолутно на ништо. Човекот кој во моментов претставува хрватска институција, ќе имаме можност да го гледаме и слушаме во интимен амбиент во Скопје, каде што заедно со симфониски оркестар на сцената во Филхармонија, ќе ги испее своите најголеми хитови, но и хитовите на Оливер Драгојевиќ. Публика ќе има од секој крај на Македонија, а Грашо едвај чека да застане на сцената во Филхармонија „За овој концерт се подготвуваме долг период и со нетрпение ја очекувам средбата со македонската публика. Искрено се радувам на огромниот интерес за моите концерти и знам дека заедно со симфониски оркестар ќе направиме ноќ за паметење, ноќ во која сите ќе пееме, радуваме и уживаме“. – кажа Грашо во пресрет на неговите три концерти во Скопје. Првите два концерти на Петар Грашо кои се закажани на 26 и 27 април, се целосно распродадени. Во продажба се последните влезници за третиот концерт, па затоа побрзајте и веднаш купете! Влезници може да најдете преку продажната мрежа на www.kupikarta.com, Розе Веро 2 и ЈК травел во Бисер....

На 24.04.2024 во 10.50 и во 12.25 часот полициски службеници од СВР Тетово ги лишиле од слобода А.Д.(28) и А.Д.(21), двајцата од тетовско Непроштено, поради сомнение дека околу 04.00 часот во казино на регионален пат Тетово-Јажинце под закана со огнено оружје, од вработените одзеле пари. Тие се задржани во Полициска станица Тетово и по документирање на случајот ќе следува соодветен поднесок...

На 24.04.2024 во 17 часот во Тетово полициски службеници од СВР-Тетово, врз основа на судска наредба, го привеле А.М.(42) од Тетово, кој бил баран со потерница за издржување на казна затвор во траење од 1 година и 6 месеци поради сторено кривично дело казниво по член 288 и член 396 од Кривичниот законик. Тој е спроведен во КПУ Затвор Идризово за издржување на затворската казна....

Заменик министерот за одбрана на Руската Федерација Тимур Иванов е приведен поради сомнение дека сторил кривично дело примање поткуп, соопшти Истражниот комитет на РФ, пренесува РИА Новости. „Поради сомнение за сторено кривично дело од дел 6 од член 290 од Кривичниот законик на Руската Федерација (примање поткуп), приведен е заменик министерот за одбрана на Руската Федерација Тимур Владимирович Иванов“. наведено е на Телеграм каналот на одделот....

Британскиот премиер Риши Сунак денеска за време на посетата на полскиот главен град Варшава рече дека ќе ја доведе одбранбената индустрија на земјата на воена основа, најавувајќи ново долгорочно финансирање од десет милијарди британски фунти (12,43 милијарди долари) за производство на муниција во контекст на руската инвазија на Украина. „Ќе ја доведеме британската одбранбена индустрија на воена основа. Една од главните лекции од конфликтот во Украина е дека ни требаат потрајни резерви на муниција и дека индустријата треба да може брзо да ги обнови“, рече Сунак на заедничката прес-конференција во Варшава со генералниот секретар на НАТО, Јенс Столтенберг. Тој предупреди и на зголемување на заканата за меѓународната безбедност, истакнувајќи истовремено дека „не треба да се преувеличува опасноста“. „Не сме на работ на војна и не ја бараме“, изјави британскиот премиер. Сунак најави зголемување на трошоците за одбрана на Британија на 2,5 отсто од бруто домашниот производ на земјата, достигнувајќи 87 милијарди фунти (108 милијарди долари) годишно до 2030 година....

Европа се повеќе се соочува со интензивна топлина што човечкото тело не може да ја поднесе, предупредуваат набљудувачите на климата. Континентот претрпе рекорден број денови на „екстремен топлотен стрес“ во 2023 година, објавија вчера службата за мониторинг на климата на Европската унија – Коперник и Светската метеоролошка организација (WМО). Во својот последен извештај, Коперник и WМО ги забележаа минатогодишните екстремни услови, вклучително и топлотниот бран во јули кој турна 41 процент од јужна Европа во сериозен, многу тежок или екстремен топлотен стрес – најголемата област на Европа под такви услови во било кој ден на мерење. Континентот претрпе и катастрофални поплави, големи суши, силни бури и најголеми шумски пожари досега. -Гледаме тренд на зголемување на бројот на денови на топлотен стрес низ Европа и 2023 година не беше исклучок, при што Европа забележа рекорден број денови на екстремен топлотен стрес, изјави Ребека Емертон, климатска научничка во Коперник. За нивната најнова студија, Коперник и WMO го користеа универзалниот индекс на топлинска клима, што го мери ефектот на животната средина врз човечкото тело. Индексот ги зема предвид не само високите температури, туку и влажноста, брзината на ветерот, сончевата светлина и топлината што ја испушта околината. Тој има 10 различни категории на топлотен и студен стрес, при што единиците степени Целзиусови ја претставуваат „чувствената“ температура. Делови од Шпанија, Франција, Италија и Грција доживеале дури 10 дена екстремен топлотен стрес во 2023 година, дефиниран како температура што „се чувствува“ како да е поголема од 46 степени Целзиусови, во кој момент мора да се преземат итни мерки за да се избегне услови како што е топлотен удар. Екстремната топлина претставува особен ризик за луѓето кои работат на отворено, постарите лица и оние со медицински состојби како што се кардиоваскуларни болести и дијабетес. Делови од Италија забележаа седум проценти повеќе смртни случаи од вообичаено минатиот јули. Еден 44-годишен маж кој сликал ознаки на патишта во северниот град Лоди е меѓу оние кои загинале откако колабирал на работното место. -Гледаме зголемена смртност кога ќе видиме екстремни топлотни бранови како оној во 2023 година, изјави Алваро Силва, климатолог во WMO. „Ова зголемување на смртноста… влијае на (огромното) мнозинство европски региони. Ова е голема грижа“. Смртните случаи поврзани со жештините во Европа се зголемени за околу 30 отсто во текот на изминатите 20 години, се наведува во извештајот. За светот како целина, минатиот месец беше најтоплиот март досега, одбележувајќи го 10-тиот месец по ред на рекордна топлина, бидејќи емисиите на стакленички гасови, главно од фосилните горива, продолжија да ги зголемуваат температурите. Температурата на површината на светските океани, кои апсорбираат 90 отсто од вишокот топлина произведена од емисиите, исто така, достигна ново високо ниво, наведува Европската агенција за следење на климата. Во нивниот последен извештај, научниците предупредија дека Европа се загрева двојно побрзо од глобалниот просек и дека топлотните бранови најверојатно ќе станат подолги и посилни во иднина. „Тековните интервенции на топлотниот бран наскоро ќе бидат недоволни за да се справиме со очекуваниот здравствен товар поврзан со топлината“, се наведува во извештајот, истакнувајќи дека населението во Европа старее и исто така станува поурбано....

Од последните европски избори во 2019 година, ЕУ се соочи со две кризи од историски размери – Ковид-кризата и војната во Украина, проследена со енергетска криза „произведена во Русија“, кои можеа да се претворат во драматична економска и социјална криза, но тоа не се случи поради големата отпорност на Европа, но и поради тоа што ги поставивме вистинските политики, изјави денеска претседателката на Европската комисија во обраќањето пред Европарламентот, Урсула фон дер Лајен. – Последните пет години не научија нешто. Одново и одново ги изненадивме скептиците и им пркосевме на „пророците“. Затоа што за силна Европа, ако има волја, има и начин и нашиот континент ќе продолжи да биде глобалното срце на индустријата и иновациите, истакна Фон дер Лајен во дебатата за заклучоците од минатонеделниот Специјален самит на Унијата посветен на економските перспективи на ЕУ. Таа нагласи дека иако на почетокот на оваа деценија се предвидуваше масовна невработеност и долга рецесија, денес стапката на невработеноста е на историски најниско ниво од под шест отсто, вработеноста е над 75 проценти, а инфлацијата се приближува до целта од две отсто. Сепак, според неа, овие кризи го земаа данокот на конкурентноста на Европа, бидејќи до пред нивната појава бизнис модел на многу европски индустрии се засноваше на евтина енергија од Русија и зголемена трговија со Кина, а продуктивноста на трудот се зголемуваше за само 0,8 отсто годишно. – Ова може да се реши само со заеднички напори и на европско и на национално ниво. Затоа, враќањето на нашата конкурентска мора да биде во сржта на економската агенда на Европа во иднина. И јас сум апсолутно убедена дека можеме да поттикнеме нов наплив на европска конкурентност, додаде Фон дер Лајен. Според неа, тоа ќе се постигне, прво, со поттикнување на приватниот капитал кон инвестиции , за што од суштинско значење е создавање на единствен европски на пазар на капитал, што ќе овозможи предвидливост, заштеди за инвеститорите и зајакнат надзорот на европско ниво на најважните играчи на пазарот. – Вториот приоритет е намалување на трошоците за енергија. Трошоците за енергија продолжуваат да влијаат на нашата конкурентност. Минатата година за време на енергетската криза беа направени многу инвестиции и наскоро можеби од глобален недостиг да добиеме вишок на ЛНГ. Како резултат на тоа, очекуваме да паднат цените на бензините. Ова ни дава простор за понатамошен развој на обновливите извори на енергија, рече Фон дер Лајен. Потсетувајќи дека лани првпат во ЕУ е произведена повеќе струја од ветер отколку од гас, претседателката на ЕК апелираше за продолжување на реформите на пазарот на електрична енергија со цел да се добива поевтина и чиста енергија во Европа. Според неа, третиот приоритет мора да биде насочен на намалување на недостигот на работна сила и стручно оспособени работници и за таа цел да се обучуваат младите преку образованието, да се овозможи професионална преориентација на повозрасните работници и да се привлекува легална миграција на работна сила од странство....

Во денеска претставените резултати од студијата „Младите во Германија 2024“ се наведува дела младите луѓе се незадоволни од ситуацијата во земјата и сè почесто избираат екстремни партии како што е Алтернатива за Германија (АфД). Во моментов, 22 отсто од младите на возраст меѓу 14 и 29 години би ја избрале АфД, што е двојно повеќе од пред две години. Во исто време, 18 проценти од младите би ги избрале Зелените, што е драстичен пад во споредба со последната студија, кога 27 отсто од анкетираните ги избрале Зелените. Лоши резултати имаат и другите две партии од владејачката коалиција, социјалдемократите со 12 проценти и либералите со осум отсто. Додека 20 проценти од младите би гласале за Демохристијанската унија ЦДУ/ЦСУ. – Забележуваме значително поместување надесно кај младите гласачи, наведе еден од авторите на студијата Клаус Хурелман. Во однос на процената на сопствената финансиска состојба, личната перспектива и професионалните можности, младите реагираат малку попозитивно односно изразуваат одредено задоволство, но состојбата се влошила кога станува збор за нивното мислење за економскиот развој и општествените односи, бидејќи младата генерација во 2022 и 2023 година беше прилично незадоволна од економскиот развој, социјалната кохезија и политичките услови. Младите како најголеми проблеми ги посочиле поделеноста на општеството, но и инфлацијата и драстичното зголемување на кириите. Студијата покажува и голем пад на расположението за прифаќање на нови бегалци односно само 26 отсто одговориле позитивно, додека нивниот процент во 2019 година изнесувал 57. Авторите на тековната студија забележуваат особено зголемување на незадоволството од социјалните услови по пандемијата со Ковид-19. – Се чини дека пандемијата остави длабока трага кога станува збор за довербата на младите во иднината, се посочува во студијата....

Покрај бројните студии кои укажуваат на бројни придобивки од кафето за нашето здравје, количеството кафе кое го надминува нормалното може да предизвика негативни реакции на телото. Сепак, иако е тешко да се препознаат знаците кои ни кажуваат дека пиеме прекумерни количини од овој омилен пијалак, еве неколку симптоми: Чувство на вознемиреност Како што објаснуваат диететичарите, ако често чувствуваме анксиозност и вознемиреност без посебна причина, тоа најверојатно се должи на кафето. Истражувањето спроведено на оваа тема покажало дека луѓето кои пијат премногу кафе се чувствуваат вознемирени во текот на денот бидејќи кофеинот ја зголемува енергијата, а со тоа и хормонот на стресот. Болки во стомакот Иако кафето може да биде сигурен пријател на варењето, со консумирање прекумерни количини се зголемува ризикот од појава на дигестивни нарушувања како болка, гасови или непријатни грчеви во стомакот. Научниците неодамна откриле дека одредени соединенија во кафето го стимулираат производството на стомачна киселина во клетките на желудникот, што може негативно да влијае врз процесот на варење. Проблеми со спиењето Лошиот сон и несоницата може да се поврзат со бројни здравствени проблеми, но причината може да биде и претераното консумирање кафе. Познат факт е дека кофеинот останува во нашето тело дури пет часа по консумирањето кафе, а тоа може значително да влијае врз квалитетот на сонот....

Двојна предност на Гордана Силјановска Давкова пред Стево Пендаровски. Имено, на 60% обработени податоци од гласачките места, кандидатката на ВМРО-ДПМНЕ има 130.000 гласови повеќе од кандидатот на СДСМ. На пребројани 60.89% од гласачките места, Силјановска Давкова освоила 44,48% од гласовите, а Пендаровски 20,84%. Бујар Османи од овие гласови освоил 10,56%. Зад нив е Максим Димитриевски со освоени 8,72% од овие гласови, а по него е Арбен Таравари со 7,05%. Билјана Ванковска, на пребројаните гласови освоила 4,83%, а Стевчо Јакимовски 1,02%. Неважечки ливчиња се 2,51%....

Соопштение за јавност Денеска имавме навистина демократски изборен ден. Гласањето се одвиваше во фер и демократска атмосфера. Граѓаните својата волја ја изразија слободно и достоинствено, како што доликува на една демократска земја, членка на НАТО со почнати преговори за членство во ЕУ. Констатирани се само неколку многу мали прекршувања на изборниот процес кои ги сметаме за исклучоци. Благодарност до сите граѓани коишто денеска излегоа и го дадоа својот глас. Правото на слободно одлучување и слободен глас е највредната придобивка на демократијата. А самото гласање е суштински чин кој произлегува од моќта на граѓаните да одлучуваат за својата иднина и за иднината на државата. Ги очекуваме изборните резултати. Уверени дека граѓаните и денеска и на 8-ми мај, ќе поддржат европска иднина за Македонија, иднина во која што Македонија е дел од европското семејство, и горда членка на ЕУ....

Гордана Силјановска Давкова има огромно водство пред кандидатот на СДСМ Стево Пендаровски, на 40% обработени гласачки места....

Денеска на заедничка прес конференција министерот за внатрешни работи Панче Тошковски, дополнитениот заменик министер Митко Бојмацалиев во присуство на директорот на Бирото за јавна безбедност Сашо Тасевски и помошник министерот за односи со јавност Тони Ангеловски, оценија дека денешниот изборен ден во кој граѓаните гласаа за избор на Претседател на државата помина во мирна, безбедна и демократска атмосфера, онака како што доликува на демократска земја која се стреми да биде дел од современиот западен свет. Во прилог интегралните изјави од министерот Тошковски и дополнителниот заменик министер Бојмацалиев. Министер за внатрешни работи Панче Тошковски изјава:Почитувани граѓани, почитувани претставници на медиумите.Најпрвин, со задоволство сакам да констатирам дека денешниот изборен ден во кој граѓаните гласаа за избор на Претседател на државата помина во безбедна, мирна и демократска атмосфера, онака како што доликува на демократска земја која се стреми да биде дел од современиот западен свет.Без сомневање, мирните и безбедни избори се резултат на добрата соработка помеѓу полицијата, државната изборна комисија и сите други чинители кои беа вклучени во спроведувањето на овој изборен процес кој помина без пречки и поголеми инциденти. Во тој контекст сакам да изразам благодарност до полициските службеници кои со својата посветеност и професионализам придонесоа за одржување на безбедноста на избирачките места и соодветно постапуваа онаму каде што беа евидентирани изборни нерегуларности.Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на поинклузивно општество.Имајќи ги предвид информациите кои ги добив од надлежните аналитички служби во МВР, во текот на денешниот ден евидентирани се повеќе настани кои се однесуваат на фотографирање на гласачко ливче, пријави за агитирање на гласачко место и други незначителни нерегуларности, но не се евидентирани посериозни инциденти насочени кон нарушување на регуларноста на изборниот процес.Во таа насока би сакал да ја информирам јавноста дека во текот на денешниот ден:– На ниво на целата држава евидентирани се 12 случаи на фотографирање на гласачко ливче– 2 случаи на кинење на гласачкото ливче– 6 пријави за нудење поткуп– 15 пријави за агитирање– на подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор.– Врз основа на претходно поднесени пријави, од страна на МВР констатирани се 6 прекршоци по чл.190 од Изборниот Законик, а ќе бидат поднесени и 2 кривични пријави, една за кривично дело “Повреда на тајноста на гласањето“ по член 163 од КЗ и една за „Повреда на избирачко право“ предвидено и казниво согласно член 159 од КЗ.– на подрачје на СВР Охрид пријавено е јавно гласање пред Комисијата и на подрачје на СВР Тетово пријавен е настан за упатени навреди кон шеф на штаб на политичка партија.– На подрачје на СВР Куманово гласачките места 1100 во с.Умин Дол и 1075 во СОУ Гимназија „Гоце Делчев“ беа затворени, а избирачкиот материјал е вратен до канцеларијата на ОИК.– На подрачје на СВР Струмица, лице при гласање на набљудувач го покажало гласачкото ливче.На крај, дозволете ми уште еднаш да изразам благодарност до сите чинители кои придонесоа денеска да имаме успешни, безбедни, мирни и демократски избори на кои граѓаните слободно го остварија своето право на глас. Дополнителен заменик министер за внатрешни работи Митко Бојмацалиев изјава:Почитувани граѓани,Почитувани претставници на медиумите,Дозволете ми на почетокот да изразам задоволство од тоа како помина денешниот изборен ден, од првиот круг на Претседателските избори 2024 година – во мирна, фер и демократска атмосфера. Во оваа прилика упатувам искрени честитки до сите граѓани кои и овој пат ја искажаа својата слободната волја на избор и гласање по сопствено убедување, почитувајќи ја демократијата и демократскиот изборен процес како дел од европските вредности кон кои секојдневно се стремиме.Денешниов изборен ден, граѓаните на дело го покажаа партнерскиот однос со македонската полиција, нешто на што активно работевме изминатиов период, сфаќајќи дека поддршката од секого е драгоцена кога имаме заедничка цел – фер и демократски изборен процес во кој ќе бидат зачувани законитоста, безбедноста, јавниот ред и мир.Во текот на денешниот ден не се регистрирани посериозни инциденти и поголеми нарушувања на изборниот процес и јавниот ред и мир во текот на првиот круг од гласањето, земајќи ги предвид досега пријавените случаи во МВР.Со задоволство можам да констатирам дека денеска Министерството за внатрешни работи, како еден од клучните носители за успешно спроведување на изборниот процес беше на висина на задачата во делот на надлежностите предвидени со Изборниот законик.МВР максимално подготвено одговори на предизвиците околу безбедноста на првиот круг од Претседателските избори 2024 година за што би сакал да упатам благодарност до сите припадници на полицијата за извршување на работните задачи на највисоко професионално ниво.Во оваа прилика би сакал да упатам посебна, лична благодарност до медиумите, до вас новинарите, за соработката и за квалитетот на односите што ги градевме изминатиов период, а кој се засноваше на веќе воспоставениот партнерски однос кој секојдневно го јакнеме....

„Дозволете на почетокот најпрво да му честитам на македонскиот народ за високата демократска свест манифестирана преку излезноста. Народот покажа дека знае да ја процени важноста на изборите“, со овие зборови Тимчо Муцунски ја започна првата прес конференција по затворањето на избирачките места. Како што најави тој, од аспект на изборниот процес, тој поминал фер и во демократска атмосфера, но нагласи дека имало нерегуларности предизвикани од власта и од нивните активисти. Како што рече, имало притисок врз гласачи во Сарај, импровизиран штаб во ОУ „Гоце Делчев“ во Гостивар, забележано било семејно гласање, а во Куманово не функционирале апаратчињата за идентификација на отпечаток. „За сите забелешки ќе постапиме пред институциите, затоа што во наш интерес е да имаме кристално чист изборен процес кој ќе заврши со победа на Македонија. Овој изборен ден е почеток на крајот на оваа власт и на враќањето на Македонија на народот, процес кој ќе ја направи земјата горда“, рече Муцунски....

Претседателот на Социјалдемократскиот сојуз на Македонија, Димитар Ковачевски, денеска го оствари своето гласачко право на првиот круг од претседателските избори. Во изјавата за медиуми, Ковачевски посочи дека денеска е првиот чекор кон определување на правецот кон кој ќе се движи државата. „Денес е голем ден, прв круг претседателски избори. Очекувам граѓаните да го искористат, во голем дел, своето гласачко право. Ние во изминатите 7 години ја вративме заедно со граѓаните демократијата во државата, затоа верувам дека граѓаните имаат доверба во изборниот процес и тоа ќе го докажат со бројноста на своето гласање. Денес е првиот чекор кон големата одлука, првиот чекор на првиот круг претседателски избори на кои што ќе определиме во кој правец ќе се движи државата”, рече Ковачевски. Во изјавата, Ковачевски посочи дека граѓаните сакаат да живеат во држава со европски стандарди и дека вториот голем чекор кон исполнување на оваа цел е на 8-ми мај, кога ќе биде вториот круг на претседателските избори и парламентарните избори. “Дали ќе избереме да се враќаме кон минатото, кое што сакаме да го заборавиме, и кон стагнација или ќе одбереме кон прогрес и кон посветла иднина? Ние многу пати досега сме имале можност да се откажеме меѓутоа не сме се откажале. Затоа велам дека наредните две недели и особено на гласањето на 8- ми мај, треба да покажеме дека сакаме држава, која што држава ќе има европски стандард, квалитетно здравство, подобро образование, едноставно подобар систем. Постои проверен рецепт за тоа, а тоа е полноправно членство во ЕУ за кое што ние се залагаме и верувам дека граѓаните, и денес и на 8-ми мај, ќе поддржат таква иднина за Македонија, иднина во која што Македонија е дел од европското семејство, и ќе биде 28-ма земја членка на ЕУ”, рече Ковачевски. При тоа, Ковачевски посочи нема да дозволиме враќање во минатото кога бевме заробена држава, кога бевме раскарани со соседите, кога немавме ниту еден чекор направено кон евроатлантските интеграции, туку напротив, и денес и на 8-ми мај граѓаните ќе покажат дека сме за европска иднина на Македонија, порача претседателот на СДСМ, Димитар Ковачевски....

Добар ден на сите, благодарам на интересот. Денеска е посебен ден, денеска е убав ден, сончев ден, ден кога треба граѓаните да излезат и да гласаат. Ден кога сета сила е во рацете на граѓаните. Оние малкумина 100-тина души кои што изминатиот период одлучуваа за судбината на граѓаните сега се безгласна буква. Денеска граѓаните се тие кои што одлучуваат за иднината на своите семејства, иднината на Македонија, иднината на своите деца. И затоа мојата порака денеска од овде е да се излезе, да се гласа, секој да одвои десетина минути од своето време. Бидејќи на тој начин одлучува за иднината на своите деца, своето семејство и иднината на Македонија. Колку е поголем бројот на тие кои што гласаат толку промените ќе бидат посилни. Затоа уште еднашка повикувам на масовна излезност и ги повикувам граѓаните да излезат и да гласаат и заеднички да ја определиме траекторијата по која што Македонија ќе се движи во иднина....

Првичните неофицијални резултати од првиот круг на Претседателските избори Државната изборна комисија (ДИК) ќе ги објави околу полноќ. – Ние во 19:30 часот имаме уште една прес-конференција на која ќе биде соопштена вкупната излезеност на првиот круг на Претседателските избори. Со оглед дека податоците ги добиваме од Општински изборни комисии со помош на ИТ лица се надеваме дека пред полноќ ќе ги имаме резултатите во над 50 проценти и ќе може да ги објавиме, рече претседателот на ДИК Александар Даштевски попладне на прес-конференција....

До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто. Како што соопшти претседателот на Државната изборна комисија, Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто....

Во текот на денешното гласање, покрај настаните кои беа соопштени на прес конференцијата на помошникот министер за односи со јавност Тони Ангеловски, од страна на МВР регистрирани се и следните настани: -Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок. -Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок. -Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок. -Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок. -Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок....

Излeзноста на гласање на претседателските избори до 15 часот е 34,79 отсто отсто, според веб-страницата на ДИК oд обработени над 93,02% од гласачките места....

Руските вооружени сили ќе нападнат неочекувани места од линијата на фронтот за време на нивната офанзива во Украина ова лето и ќе се обидат да напредуваат кон североисточниот украински град Харков, изјави денеска командантот на Националната гарда на Украина, Олександр Пивненко. „Се подготвуваме. Да, непријателот ќе ни приреди непријатни изненадувања. Тој ќе дејствува во области каде што не очекуваме. Но, нема да ја постигне својата цел“, изјави Пивненко за украинскиот медиум Liga.net. Според украинските власти, Русија ќе напредува кон крајот на пролетта или летото, додека Киев верува дека Москва сака да го освои важниот источен град Часов Јар до 9 мај, кога го слави денот на советската победа во Втората светска војна. Пивненко додаде дека се предвидува дека украинските сили ќе доживеат „некои тешкотии“, но според него Русија нема да има решавачки освојувања на украинска територија. „Можеби ќе успеат да постигнат 10-15 отсто од своите цели. Но, ова нема да биде стратешка победа“, изјави командантот на Националната гарда на Украина....

Генералниот секретар на НАТО, Јенс Столтенберг денеска изјави дека очекува САД да останат „силен и лојален“ сојузник на останатите земји од Алијансата без оглед на тоа кој ќе победи на претседателските избори во САД во ноември оваа година. „САД ќе останат силен и лојален сојузник“, рече Столтенберг на заедничката прес-конференција во полската престолнина Варшава со британскиот премиер Риши Сунак. Поранешниот американски претседател Доналд Трамп, сега претендент за претседателската номинација на Републиканската партија за есенските избори, одржа говор на почетокот на февруари на предизборен митинг во државата Јужна Каролина што предизвика загриженост кај голем број земји-членки на НАТО поради можноста тој да се врати во Белата куќа. Трамп тогаш рече дека како претседател на САД, му кажал на шефот на држава на земја на НАТО која не сакала да ги зголеми трошоците за национална одбрана дека во таков случај не само што нема да ја брани земјата за која станува збор според договорот на Алијансата во случај на напад од Русија, но и би го „охрабрил“ рускиот претседател Владимир Путин „да прави што сака“. Главен ривал на Трамп на ноемвриските избори е актуелниот американски претседател, демократот Џо Бајден....

Излeзноста на гласање на претседателските избори до 13 часот е 24,92 отсто отсто, според веб-страницата на ДИК oд обработени над 92,28% од гласачките места....

До сега Министерството за внатрешни работи нема регистрирано посериозни нарушувања на јавниот ред и мир во текот на гласањето, кое, генерално, се одвива мирно, без проблеми, соопшти портпаролот на МВР Тони Ангеловски на денешната прес конференција. „Од отворањето на гласачките места до 11.00 часот регистрираме две фотографирања на гласачко ливче, едно во Штип и едно во Скопје. Во 09.30 часот на избирачко место 2274 во Штип Г.Ј. го фотографирал гласачкото ливче и од страна на полициски службеници од СВР Штип се преземаат мерки за расчистување на случајот. Во 09.20 часот на гласачко место 2844 во ОУ „Јохан Х. Песталоци“ во Скопје, С.М. (57) го фотографирала гласачкото ливче и од страна на СВР Скопје се преземаат мерки за расчистување на случајот“, рече Ангеловски. Околу 09.20 часот на избирачко место во с.Бучим, радовишко, од страна на претседателот на избирачки одбор е пријавено дека Р.О. (52) од с.Бучим му го покажал гласачкото ливче на еден набљудувач и од страна на ОВР Радовиш се преземаат мерки за расчистување на случајот. „Покрај ова, на подрачје на општина Чаир во Скопје на паркирани возила забележани се летоци во врска со изборниот процес, а на две локации во Скопје се забележани испишани графити. На гласачко место во Скопје, покрај испишан графит, околу 06.30 часот е пријавено од страна на претседателот на избирачкиот одбор дека во ходникот била пронајдена испукана димна бомба. Од страна на полициски службеници се преземени потребните мерки и активности и гласањето се одвива непречено“ сооопшти Ангеловски. Од Министерството за внатрешни работи апелираат до граѓаните и до учесниците во изборите и во останатиот дел од гласањето да се воздржат од инциденти, а доколку има било какво нарушување на изборниот процес граѓаните веднаш да ја известат полицијата на броевите 192 и 112 или да пријават во најблиската полициска станица....

Денеска, (24.04.2024) дополнителниот заменик министер за внатрешни работи Митко Бојмацалиев го оствари своето демократско право на глас во Куманово.„Штотуку го остварив моето демократско право на глас, овде во ООУ „Крсте Мисирков“ во моето родно Куманово, а од информациите што од терен пристигнуваат во Оперативниот штаб формиран во МВР во врска со ОА „Претседателски и парламентарни избори 2024“, изборниот процес тече во најдобар ред и досега не се регистрирани посериозни нарушувања.Како што знаете, јас во изминатиот период ги посетив секторите за внатрешни работи низ државата при што обрнав посебно внимание на потребата од максимална подготвеност да се одговори на предизвиците околу безбедноста на изборниот процес”, рече Бојмацалиев во изјава за медиумите. Притоа, тој сподели информација од Оперативниот Штав. „Од страна на Оперативниот штаб, кој го раководи директорот на БЈБ, и сите надлежни организациски единици се преземени сите потребни мерки и активности врз основа на претходно изготвен план, обезбедени се потребните технички услови, а МВР ги распореди сите полициски службеници ширум државата кои треба да се грижат за спроведување на фер и демократски процес. го остварат своето гласачко право, на едни демократски избори”, рече Бојмацалиев....

-Еве ме на 60 годишнината на моето основно училиште „Јан Амос Коменски“, каде прв пат зачекорив во школските клупи. Денес зачекорив да го дадам гласот за себе, се разбира. Ова е малку необична ситуација затоа што ние на Универзитет кога сме подложени на избор излегуваме надвор од просторијата и коректно е да не гласаме за себе. Меѓутоа ова е друг тип на битка, ова е политичка битка, во која всушност со чинот на гласање ја изразувам сопстевната убеденост во тоа што го говорам, во тоа што го понудив и се надевам дека голем број на граѓани ќе го направат тој чекор, да дојдат до гласачките места.Мислам дека е тоа првиот и најважен чекор, а каков избор ќе направат ќе видиме вечер. Посакувам убав сончев ден, како што почна да заврши мирно, коректно, без нерегуларности. Па, ќе видиме како граѓаните ќе проценат. Овде учителките ме процениле одамна, рече Ванковска во изјава за медиумите....

Излeзноста на гласање на претседателските избори до 11 часот е 12,78 отсто, според веб-страницата на ДИК oд обработени над 98,98% од гласачките места....

Секторот за внатрешни работи Скопје во текот на вчерашниот ден (23.04.2024) продолжи со контролите во областа на сообраќајот. На територија на град Скопје изречени се вкупно 108 мерки, меѓу кои за возење без возачка дозвола 14 санкции, шест мерки за користење мобилен телефон при возење, седум санкции за некористење сигурносен појас… Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта....

Гласањето се одвива мирно и без пријавени неправилности на сите избирачки места, а започнато е на сите избирачки места, изјави претседателот на Државната изборна комисија, Александар Даштевски. -Пристигнати се податоци за излезност на гласачите од 832 избирачки места од вкупно запишани 402.748 гласачи. На овие избирачки места гласале 15.487 односно 3,85 отсто од гласачите, нагласи Даштевски. До ДИК се доставени 12 приговори за заштита на личното избирачко право кои се предмет на обработка. На неколку места биле пријавени технички проблеми, за кои претседателот на ДИК објасни дека се решаваат во од. Гласањето се одвива на 1480 гласачки места во 80 општини, а право на глас имаат 1.814.317 граѓани....

Безбедносната состојба е стабилна. Нема никакви нарушувања во изборниот процес. Немаме забележано никакви посериозни нарушувања во изборниот процес, изјави денеска техничкиот министер за внатрешни работи Панче Тошковски. Тој по гласањето во ООУ „Јохан Хајнрих Песталоци“ во општина Центар одговарајќи на новинарско прашање за екипираност на МВР, нагласи дека квалитативно и квантитативно бројките се како што треба. – Покриени се сите сектори за внатрешни работи од аспект на технички и човечки ресурси. Министерството за внатрешни работи постапува согласно планот и оперативната акција, која како таква е утврдена во рамки на Оперативниот штаб. Се си тече како што треба, подвлече Тошковски. Изрази надеж дека изборниот ден ќе помине во најдобар ред....

Украинскиот претседател Володимир Зеленски денеска изјави дека во телефонски разговор изразил благодарност до американскиот претседател Џо Бајден за неговата поддршка и лидерство. Зеленски напиша на Телеграм дека во разговорот ја истакнал улогата на претседателот на Претставничкиот дом Мајк Џонсон и лидерот на малцинствата во Претставничкиот дом Хаким Џефрис за усвојувањето на предлог-законот за воена помош за Украина....

Премиерот на Хрватска и лидер на владејачката Хрватска демократска заедница (ХДЗ) Андреј Пленковиќ денеска потврди дека ќе биде носител на листата на неговата партија на изборите за Европскиот парламент. Тој позитивно одговори на новинарско прашање дали ќе ја предводи листата на ХДЗ за ЕП, пренесува Хина....

Израел се подготвува да ја прошири „хуманитарната зона“ за палестинските цивили пред планираната копнена офанзива во Рафа во јужниот дел на Појасот Газа, објавија денеска израелските медиуми. Според израелското радио Амри, „хуманитарната зона“ ќе се протега од јужниот град Ал-Маваси долж крајбрежниот појас до предградието Деир ал Балах во централниот дел на Појасот Газа. „Хуманитарната зона ќе прими околу еден милион луѓе“, објави радиото. Медиумот информира дека во околината се изградени пет импровизирани болници, покрај здравствените установи кои веќе работат. И покрај глобалното противење, Израел ги одобри плановите за копнена офанзива во Рафа, каде што повеќе од 1,5 милиони луѓе се засолнија од израелските напади врз Појасот Газа, во кои досега загинаа 34.151 Палестинец....

Северна Кореја ја лансираше ракетата кон Источното Море, познато и како Јапонско Море, соопшти јужнокорејската новинска агенција Јонхап, цитирана од Генералштабот во Сеул . ДПА потсетува дека со резолуции на ОН на Северна Кореја и е забрането да лансира, па дури и да тестира балистички ракети од кој било дострел. Тоа, во случајот на оваа земја, вобичаено се ракетите земја-земја, што можат да бидат опремени и со нуклеарна боева глава....

Еве кои знаци ќе добијат понуда за брак во втората половина на месец април: Риби Вашиот љубовен живот цвета и ќе добиете прекрасен прстен со предлог. Ако се случи да бидете изненадени, сепак не размислувајте многу. Ова ќе биде најдобриот месец од годината за вас. Овен По неколкумесечна интензивна акција, компромиси и желба да се развие врската, може, во најмала рака, да започнете и да уживате во моментите на љубов кои ви ги пружа партнерот. И ова е токму најдоброто време за да ја добиете посакуваната понуда. Близнаци Вашиот свет ќе се промени во доста голема мера. Вие го заслужувате тоа. Го очекувавте ова доста долго време. Затоа конечно ќе добиете предлог за брак. Возбудата и стресот што оди заедно со тоа ќе ви открие оаза на мир....

Риби За духовните Риби секогаш важи размислувањето: „Чувствувам, значи постојам“. Интуитивните Риби можат да ги предвидат работите во нивните соништа. Исто така можат да го пронајдат вистинското значење на некои настани кои другите ги игнорираат. Внатрешниот мир им е од голема важност на Рибите и ако не го пронајдат може да почнат да прават штета. Но ако Рибите успеат да го задржат својот фокус, можат да доживеат вистинско просветлување. Што и да прават, тие се водени од својата интуиција. Скорпија Скорпиите можат да погледнат низ секого. Лесно можат да сфатат што мислат другите за нив. Тие длабоко ги искусуваат сите работи и знаат што ќе се случи. Но, нивната љубов кон опасноста ги тера да ја игнорираат интуицијата и да преземаат ризици, особено кога станува збор за романтични врски. Стрелец Стрелците имаат сè што ѝ е потребно на една личност да биде интуитивна. Но, за да ја применат оваа интуиција, Стрелците треба да се концентрираат на нивната внатрешност и да бидат духовни. Треба да работат на нивниот потенцијал, а ако го направат ова правилно, ќе се спасат од непријатни ситуации. Стрелците можат да ги идентификуваат добрите и лошите ситуации, но луѓето со овој знак многу често го игнорираат ова. Потребен им е внатрешен мир за да го интерпретираат светот....

Раперот Стефан Ѓуриќ – Раста вчера е итно хоспитализиран. Во болница дошол со силни болки, а го донела неговата девојка Марија Балабан. Според Телеграф, Раста отишол во болница поради неподносливи болки во ‘рбетот....

Играјте си со косата Повремено префрлувајте ја косата наназад преку рамо, поминувајте со прстите низ своите прамени, ставајте ги зад увото или нежно со прстите вртете едно праменче. Златно правило: Не претерувајте со допирањето на косата, бидејќи може да изгледа како да сте нервозни, а не како да флертувате. Допирајте го ланчето или ѓерданот Играњето со накитот е еден од најстарите трикови за флертување. Привлечете го неговото внимание кон вашиот врат и тој нема да може да дочека да го бакне. Поиграјте си со ланчето или пак сензуално допирајте ја вашата обетка. Златно правило: Правете нежни бавни движења за да го заробите неговиот поглед. Нанесете кармин или сјај на вашите усни Кога знаете дека неговиот поглед е насочен кон вас, извадете од вашата чантичка сјај или кармин, подотворете ја малку устата и нежно поминете со карминот преку усните. Неговите мисли моментално ќе станат палави. Златно правило: Не гледајте во него додека го правите тоа, затоа што ќе изгледа премногу нападно. Истегнете се елегантно Чувствувате дека неговите очи се насочени кон вас? Истегнете го грбот бавно и елегантно, протегнете го вратот налево, па надесно, а може и да направите круг со раменото. Златно правило: Додека се истегнувате, зборувајте со ваша пријателка и изгледајте како воопшто да не сте свесни дека правите заводливи движења. Фрлете му краток поглед преку рамо Ако тој се наоѓа зад вас или настрана, свртете ја главата и погледнете го кратко преку рамо, а потоа веднаш погледнете се на другата страна. Ако се наоѓа пред вас, држете ја главата наведната надолу, и кренете го само погледот кон него (исто како да гледате преку трепките), а потоа вратете го погледот надолу или погледнете се настрана. Златно правило: Погледот треба да трае 2-3 секунди, но не подолго. Навалете ја главата настрана кога зборувате со него Телото свртете го кон личноста којашто сакате да ја освоите, рацете држете ги опуштени и навалете ја главата на едната страна. Љубовните експерти велат дека со навалувањето на главата на едната страна жената му дава до знаење на мажот дека е заинтересирана за него и дека внимателно го слуша секој негов збор. Златно правило: Не ги држете рацете прекрстени додека флертувате со некого. Тоа е знак на затворено однесување. Дајте му краток „невин“ допир Наместо да го прашувате колку е часот, посегнете по неговата рака, фатете го за зглобот и видете го неговиот часовник. Или пак, додека зборувате, посегнете по јаката на неговата поло маица или кошула за да му ја наместите. Ако сте уморни и седите до него, наведнете ја главата на неговото рамо. Златно правило: Сè што е кратко е послатко. Ако предолго го допирате, ефектот нема да биде толку силен....

Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени. Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степени Целзиусови. Како што соопшти УХМР, утре ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време....

Во 7 часот почна гласањето на првиот круг од седмите претседателски избори. Се гласа на 3.480 избирачки места во земјава, на кои до 19 часот правото на глас можат да го искористат 1.814.317 граѓани....

Амбасадорката на Соединетите Американски Држави во Северна Македонија Анџела Агелер на официјалниот фејсбук профил на Амбасадата упати порака до граѓаните да излезат на гласање и да гласаат за кандидат кој ги одразува нивните очекувања за иднината. -Граѓаните и гласачите на оваа земја треба да поставуваат тешки прашања на кандидатите, а потоа тие гласачи… мора да гласаат. Тие мора да излезат таму и да го изберат кандидатот што ги одразува нивните соништа за иднината, и ништо нема да се постигне со негласање, стои во пораката на Амбасадорка Агелер. Во земјава утре ќе се одржи првиот круг од Претседателските избори, на кои во трката за Вила Водно се седум кандидати. Вториот круг заедно со Парламентарните избори ќе се одржи на 8 мај....

Државната изборна комисија преку едукативната и информативна кампања – „Ти си на ред“, поттикнува поголема излезност на Претседателските и Парламентарните избори и упатува апел кон сите гласачи, дека и во двата изборни циклуси, нивните лични гласачки права се загарантирани. За претстојните Претседателски и Парламентарни избори, Програма за поддршка на изборите на Владата на Швајцарија спроведена од Меѓународната фондација за изборни системи – ИФЕС, (International Foundation for Electoral Systems – IFES) ја поддржува кампањата на Државната изборна комисија „Ти си на ред“, со цел едукативните и информативните материјали да стигнат поблиску до населението од руралните средини, како и до маргинализираните групи. Караванот на Државната изборна комисија е дел од кампањата, а истиот започна од минатата седмица и досега ги посети општините Штип, Конче, Струмица, Куманово, Студеничани, како и Скопје и тоа во општините Кисела Вода, Аеродром, Карпош и Центар. Караванот продолжува и во другите општини и рурални средини меѓу кои и Старо Нагоричане (24.04.2024), Тетово, Теарце, Пласница (29.04.2024), како и Битола и Градско (30.04.2024). ДИК во склоп на самиот караван, преку споделениот едукативен материјал за гласачките права на гласачите, за претстојните Парламентарни и Претседателски избори, ги едуцира граѓаните и за двата изборни циклуси. Од Државната изборна комисија ги потсетуваат сите гласачи дека на Претседателските избори во среда (24.04.2024), потребно е со себе да носат документ за лична идентификација – важечка лична карта или пасош, односно лична карта или пасош чија важност истекла во периодот од 24 јули 2023 до 24 април 2024 година. Гласачите имаат можност да ги проверат нивните податоци во Избирачкиот список на следниот линк: https://www.izbirackispisok.gov.mk/....

Воената помош за Украина во вредност од речиси 61 милијарда долари, која Претставничкиот дом на САД во саботата ја одобри по неколкумесечна расправа, не е задоцнета, но нејзиното одложување имаше реални последици, изјави генералниот секретар на НАТО, Јенс Столтенберг, цитиран од ДПА. -Украинците веќе четири месеци се оневозможени да дејствуваат, изјави синоќа Столтенберг во интервју за американската телевизија Ем-Си-ЕН-Би-Си (MSNBC). „Русите имаа многу повеќе муниција. А Украина беше принудена да ја дистрибуира својата… Но, не е доцна. Украинците покажаа големи вештини во одбраната на својата земја“, нагласи генералниот секретар на Алијансата. По неколку месеци застој, Претставничкиот дом на САД го одобри нацрт-законот за нов пакет помош со огромно двопартиско мнозинство, потсетува ДПА. Се очекува кон средината на неделава законот конечно да биде изгласан и во Сенатот, каде не се очекуваат никакви опструкции, а потоа да биде потпишан и од претседателот Џо Бајден. Столтенберг посочи дека не е планирано присуство на сили на НАТО во Украина. Меѓутоа, сојузниците имаат право да му помогнат на Киев, а тоа не го прави НАТО страна во конфликтот. -Секако, неколку сојузници на НАТО имаат мажи и жени во униформи кои советуваат во амбасадите, рече Столтенберг како одговор на извештајот на Политико во кој се тврди дека САД размислуваат да испратат повеќе воени советници во Украина. Тие нема да учествуваат во борбени операции, туку ќе ја советуваат и поддржуваат украинската Влада и украинската војска, се наведува во написот на Политико....

„Војната меѓу Израел и Хамас, во која загинаа десетици илјади Палестинци во Газа и доведе до сериозна хуманитарна криза, имаше „значително негативно влијание врз ситуацијата со човековите права во областа“, соопшти американскиот Стејт департмент во својот годишен извештај. Станува збор за веродостојни извештаи за произволни или незаконски убиства, присилни исчезнувања, тортура и неоправдани апсења на новинари, според Извештаите за спроведување на човековите права на Стејт департментот за 2023 година. Во извештајот се додава дека израелската влада презела одредени чекори за да ги идентификува и казни службениците осомничени дека се вмешани во овие злосторства. Третманот на израелската војска е под зголемен надзор бидејќи нејзините сили убиле 34.000 Палестинци во Газа, според тамошните здравствени власти, од кои многумина цивили и деца. Појасот Газа, кој е окупиран од Израел, е претворен во пустелија, а екстремниот недостиг на храна ги поттикна стравувањата од глад. Израел го започна својот напад како одговор на нападот на Хамас на 7 октомври, за кој Израел тврди дека загинале 1.200 луѓе. Групите за човекови права забележаа бројни инциденти со повреди на цивили за време на офанзивата на израелската армија во Газа и го вклучија алармот поради зголемувањето на насилството на Западниот Брег, исто така под израелска окупација, за кое палестинското Министерство за здравство тврди дека изброило најмалку 460 израелски армиски жртви од 7 октомври. Но, администрацијата на Бајден досега ги отфрли тврдењата дека Израел го крши меѓународното право. Вашингтон обезбедува годишна воена помош од 3,8 милијарди долари за својот долгогодишен сојузник, Израел. Левичарските демократи и арапско-американските групи ја критикуваат непоколебливата поддршка на администрацијата на Бајден за Израел, за која велат дека му дава чувство на моќ без последици. Овој месец, американскиот претседател Џо Бајден за прв пат се закани дека ќе ја условува помошта за Израел и инсистираше на преземање конкретни чекори за заштита на хуманитарните работници и цивилите....

Поранешниот американски претседател Доналд Трамп пристигна пред судот во Њујорк и денеска ќе има можност да слушне од обвинителите зошто неговото наводно прикривање на тајна исплата на порно ѕвезда за време на неговата кампања во 2016 година го прекрши законот. Тоа е прво кривично судење на поранешен претседател на САД. Судењето почна со воведните зборови на обвинителот, а воведни зборови ќе дадат и адвокатите на републиканскиот претседателски кандидат. Како што стана вообичаено, Доналд Трамп даде кратка изјава надвор од судницата пред да започне постапката. Тој го повторува своето верување дека судењето е „многу неправедна“ форма на „мешање во изборите“. „Денес е многу, многу тажен ден во Америка“, рече Трамп пред почетокот на судењето. Трамп се соочува со четири одделни судски процеси, но ова би можело да биде единствениот што ќе се одржи пред претседателските избори на 5 ноември. Обвинителите велат дека поранешниот адвокат на Трамп Мајкл Коен ѝ платил 130.000 долари на порно ѕвездата Сторми Даниелс за да молчи за наводната сексуална средба со Трамп пред една деценија и дека тоа претставувало измама на гласачите во последните денови од кампањата на Трамп во 2016 година, кога неговата кандидатура се бореше со нови откритија за сексуално недолично однесување....

Државната изборна комисија (ДИК) е целосно подготвена за спроведување на утрешните претседателски избори, изјави денеска на седница претседателот на ДИК Александар Даштевски. -Целосно сме подготвени за утрешниот ден. И тие подготвки никогаш не престануваат. Постојано на некого нешто му фали така што сме во контакт нон стоп со луѓето. Од сабајле сме имале повеќе контакти и ќе продолжиме да бидеме во контакт. И утре во текот на денот ако се појавуваат проблеми ќе ги решаваме во од бидејќи тоа е таква жива проблематика која мора да се решава тековно, рече Даштевски. Правото на глас на утрешните избори, како што појасни Даштевски, граѓаните ќе можат да го остварат со важечки документ за лична идентификација, лична карта и патна исправа со старо уставно име на Република Македонија како и со лична карта и патна исправа чија важност истекла девет месеци пред денот на одржувањето на изборите, а за утре тоа е 24 јули 2023 година. Даштевски кажа дека нема проблеми со гласањето денеска на болните, затворениците, во дијаспората и лицата во старските домови. – Гласањето добро се одвива и трае и тие податоци ќе ги имаме до вечер. Некаде е завршено, но гласањето трае до 19 часот. По завршувањето на гласањето денеска ДИК, како што беше појаснето, ќе објави информации за излезноста на гласачите, додека резултатите ќе бидат сублимирани и објавени утре заедно со останатите. На денешната 98. седница акредитирани се нови набљудувачи за Претседател и за Парламентарните избори. Вкупната бројка на набљудувачи се зголеми на 1601, од кои 915 се домашни, а 544 меѓународни набљудувачли, 84 преведувачи како и 58 странски новинари. Дополнително на седницата се одобрени акредиации на ОБСЕ/ОДИХР за четворица набљудувачи и двајца преведувачи, за Косова прес за двајца новинари, на Амбасадата на САД за четворица набљудувачи, Еуроњуз Албанија за двајца новинари, за Фондација ромите за демократија за двајца набљудувачи, за АБЦ Њуз Албанија тројца новинари, Асошиејтед прес пет новинари, ТВ АРД Германија еден новинар, Прва ТВ Србија двајца новинари, РТВ Косово пет новинари, ТВ ЗДФ 3, Вејк уп дополнување со 570 набљудувачи, Македонски центар за културен развој еден набљудувач, ТВ Н1 за двајца новинари, БНТ тројца новинари, и ИФЕС дополнување со еден набљудувач за парламентарните избори. Акредитираните набљудувачи и странски новинари и медиуми добиваат беџови од ДИК за да можат да ги следат изборите, додека како што појасни членот на ДИК Борис Кондарко, домашните новинари, фоторепортери и сниматели ќе можат да известуваат и да ги посетуваат избирачките места од изборите само со своите прес-легитимации. Дозволено е да се снима и да се слика во избирачките места, но не е дозволено да се снима и да се слика зад параванот за да не се наруши тајноста на гласањето, како и Избирачкиот список бидејќи таму има лични податоци на граѓаните. Евентуално може да се направи исклучок ако некој од гласачите затекнати на избирачкото место не сака да даде согласност и не сака да биде снимен, истакна членот на ДИК Борис Кондарко....

Претседателот на Србија, Александар Вучиќ на приемот на постојаните претставници на Обединетите нации во Њујорк повика на отфрлање на предложената резолуција за геноцид во Сребреница. Тој ги повика членките на ОН да гласаат против резолуцијата, јави дописникот на МИА од Белград. Вучиќ изјави дека Србија е отворена за дијалог и преговори и дека за шест месеци колку што траеле подготовките за усвојување на резолуцијата никој за тоа не ја известил Србија, ниту дел од Босна и Херцеговина и дека се е направено во тајност, а неопходно е тој процес да биде инклузивен....

САД не применуваат двојни стандарди во својата политика во однос на состојбата со човековите права во Израел, изјави американскиот државен секретар Ентони Блинкен. Тој ја даде својата изјава на денешната прес-конференција на која беше презентиран годишниот извештај на Стејт департментот за состојбата со човековите права во текот на 2023 година. „Дали применуваме двојни стандарди? Одговорот е не“, рече Блинкен одговарајќи на новинарско прашање дали има двојни стандарди во американската политика кога станува збор за почитувањето на човековите права во Израел. „Ние ги применуваме истите стандарди за сите“, истакна Блинкен. Тој додаде дека САД ги истражуваат наводите за кршење на човековите права во воената операција на Израел против палестинското движење Хамас во Газа. Во извештајот објавен од Стејт департментот се истакнува дека војната во Газа, која предизвика смрт на 30.000 Палестинци и голема хуманитарна криза, имаше „длабоко негативен ефект“ врз состојбата на човековите права во Израел....

Францускиот претседател Емануел Макрон денеска, во телефонски разговор со израелскиот премиер Бенјамин Нетанјаху, го повтори ставот на официјален Париз дека е неопходно да се избегне ескалација на Блискиот Исток. Тој, исто така, рече дека е важно и спротивставувањето на напорите на Иран да го дестабилизира регионот, објави Елисејската палата....

Турскиот министер за надворешни работи Хакан Фидан ја повика денеска меѓународната заедница да се спротивстави на американското вето за кандидатурата на Палестина за полноправна членка на Обединетите нации и да ја признае палестинската држава, јавува агенцијата Анадолија. – Неправедно е што на Палестина не и се дозволува да стане членка на Обединетите нации. Ја повикуваме меѓународната заедница да се спротивстави на оваа неправда и да ја признае државата Палестина, рече Фидан на заедничката прес-конференција со министерот за надворешни работи на Мавританија Мохамед Салем Оулд Мерзуг во Истанбул. Фидан рече дека со Мерзуг разговарале за „тековниот масакр во Газа“ и додаде дека Турција и Мавританија се целосно согласно во однос на Газа. Напорите на двете нации, како што посочи, ќе продолжат „се додека не се воспостави независна и суверена палестинска држава со источен Ерусалим како главен град и територијален интегритет врз основа на границите од 1967 година“....

Турските власти приведоа 36 лица поради наводна поврзаноаст со групата „Исламска држава“ во рамки на операции спроведени во четири области во земјата, изјави денеска министерот за внатрешни работи Али Јерликаја. Во објава на медиумската платформа „Икс“, Јерликаја посочи дека осомничените дејствувале во корист на Исламската држава со собирање средства или снабдување на терористичката организација. „Полицијата заплени и неколку пушки и пиштоли“, рече министерот Јерликаја....

Унгарскиот премиер Виктор Орбан денеска сподели статус на својата Фејсбук страница. „Во Брисел денеска владее провоено мнозинство, а таква е атмосферата во Европа“, започна шефот на унгарската држава. воспостави мисија НАТО-Украина. Европските лидери веќе се во војна, тие ја гледаат војната како своја војна и ја водат како своја војна. На почетокот тоа беa само шлемови, па санкции, а потоа дојдоа пратките со оружје. Прво топови, па авиони, па финансиска помош, како што сега стојат работите, дадовме близу 100 милијарди евра. И ситуацијата не се подобрува, се влошува. На чекор сме од испраќање војници во Украина. Овој виор на војна може да ја турне Европа во бездна, Брисел си игра со оган. Го искушуваат Бога. Светските војни на почетокот не се нарекуваат светски војни. Ние Унгарците знаеме што е војна. Доволно пати сме биле негови актери. Убеден сум дека мора да се држиме настрана од оваа војна. Ова не е наша војна. Не сакаме Унгарија повторно да стане игралиште на големите сили. Затоа мора да се бориме за мир – дома, во Брисел, Вашингтон, ОН и во НАТО“, напиша Орбан....

Во Германија се поретко се вади готовина од банкоматите. Повлекувањето готовина при купување станува сè попопуларно меѓу потрошувачите во Германија. Вкупниот обем на готовински плаќања минатата година се зголеми за добри 20 отсто, односно на 12,31 милијарди евра, пренесува германската новинска агенција. Новото плаќање функционира така што клиентот плаќа со картичка на касата и потоа може да го побара износот што му е потребен во готово. Износот се додава на фискалната сметка и се одбива од банкарската сметка на потрошувачот, пишува магазинот Феникс. Максималниот износ што може да се повлече обично е 200 евра. Податоците во средата ги презентираше Институтот за истражување на пазарот ЕХИ. „Тоа е погодно за клиентите бидејќи тие заштедуваат дополнително патување до банкоматот. Побарувачката исто така расте поради се помалиот број на банкомати“, вели авторот на студијата Хорст Ратер. Малопродажните компании кои го практикуваат ова, вклучувајќи ги и трговските синџири за храна Рева и Едека, аптеките како ДМ и Росман и некои продавници за градежни материјали и алати, враќаат повеќе од 13 отсто од заработените пари на клиентите, покажа истражувањето. Со зголемената фреквенција на овој начин на пристап до готовина, се зголемуваат и провизиите што компаниите треба да ги плаќаат на банките. Според податоците на ЕХИ, тие изнесуваат меѓу 0,1 и 0,2 отсто од исплатениот износ по трансакција. По овој основ, малопродажните субјекти лани платиле 17,23 милиони евра, што е за 25,7 отсто повеќе од 2022 година....

Во врска со претстојните избори денеска во просториите на Министерството за внатрешни работи, министерот Панче Тошковски одржа состанок на кој присуствуваа дополнителниот заменик министер Митко Бојмацалиев, директорот на Бирото за јавна безбедност Сашо Тасевски, директорот на Агенцијата за национална безбедност Зарко Милошевски, републичкиот јавен обвинител Љупчо Коцевски и претседателот на Комисијата во Јавното обвинителство на РСМ за следење на евентуални изборни нерегуларности Џељаљ Бајрами. На состанокот министерот Тошковски најпрво се заблагодари за одвоеното време и досегашната успешна соработка на сите чинители кои се одговорни за безбедно спроведување на изборниот процес и потенцираше дека досега не се констатирани посериозни активности кои се насочени кон нарушување на истиот. Исто така, побара од присутните секој во својот делокруг да сподели информации кои се од интерес за спроведувањето на изборите и начинот на кој ќе постапуваат институциите за време на изборниот ден. Од страна на дополнителниот заменик министер за внатрешни работи Бојмацалиев беше потенцирана тенденцијата од година во година да имаме сѐ помирни избори, со исто очекување за годинешните изборни процеси, бидејќи МВР е подготвено да биде на висината на задачата да спроведе уште едни фер, слободни и демократски избори по европски терк. Од страна на директорот на БЈБ беа презентирани информации во врска со Оперативната акција Претседателски и парламентарни избори 2024 година и во таа насока посочи дека од страна на Оперативниот штаб и сите надлежни организациски единици се преземени сите потребни мерки и активности врз основа на претходно изготвен план и притоа не се констатирани никакви позначајни проблеми. Од страна на АНБ се преземаат организирани и координирани мерки за прибирање на сознанија за евентуални изборни нерегуларности, а во насока на безбедно спроведување на изборите. Републичкиот јавен обвинител, претседателот на Комисијата во Јавното обвинителство на РСМ за следење на евентуални изборни нерегуларности Џељаљ Бајрами, јавните обвинители на сите виши јавни обвинителства и основниот јавен обвинител на ОЈО Скопје информираа за активностите во рамките на обвинителството, каде определени се зајакнати дежурства за изборниот ден за покривање на целото подрачје на државата и со будно внимание ќе се следи процесот и навремено ќе се известува за сите настани и активности кои се од интерес на јавноста, а поврзани со спроведувањето на изборите....

Во затворот Идризово гласањето за претседателските избори денеска се одвива без проблеми, иформираат за МИА од Избирачкиот одбор. -Подготвките за гласањето завршија одлично. Гласањето започна во 7 часот и се одвива без проблеми. Во Избирачкиот список за ова гласачко место број 2536 се запишани 887 избирачи, а до пладне на гласање излегоа 235, изјави за МИА членот на Избирачкиот одбор Тони Трајковски. Согласно Избирачкиот список денеска треба да гласаат 2.147 лица кои се на издржување казна затвор или се во притвор....

Вкупно 6.935 болни и изнемоштени, затвореници во Казнено-поправните домови и лица во притвор, во старски домови и наши државјани во странство, можат да гласаат денеска, ден пред утрешните претседателски избори....

Центарот за управување со кризи (ЦУК) изутринава апелира за внимателност поради најавените метеоролошки промени со дожд, умерен ветер и со снег на повисоките места. Кога се оди со возило на планините, препорачливо е да се има полн резервоар гориво и да се внимава на лизгавоста и проодноста на патот. – Во реон на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, ќе се извршат во повеќе наврати минирања на теренот, информираат од ЦУК. Изминатото деноноќие немало пожари на отворено, имало само урбани. – ЦУК издвојува два коишто се навидум наивни, ги има секојдневно, а се потенцијална опасност за палење поткровја и околни објекти. Тоа се пожарите на оџаци. Регионалниот ЦУК – Охрид информира дека пожарникари, вчера од 13.05 до 14 часот, со тројца пожарникари и едно ПП возило гаснеле запален оџак на улицата „8-ми Септември“ број 26, а РЦУК – Велес соопштува дека вчера од осум до девет часот, петмина пожарникари и две ПП возила гаснеле запален оџак на локален дуќан за скара во градот, наведуваат од ЦУК. Оџаците, како што пожарникарите превентивно препорачуваат, е потребно да се чистат поредовно, се нагласува во соопштението на ЦУК. Во последното деноноќие имало вкупно 1.583 повици на единствениот повикувачки број за итни случаи 112 во ЦУК. – „Реални“ повици биле 59,13 отсто, а 40,87 проценти биле за други потреби на граѓаните што не биле итни. Кон полиција биле упатени 61,05 проценти, кон Итната медицинска помош – 35,96 отсто. Додека, кон пожарникарите – 1,12 проценти од реалните повици кон 112 во ЦУК, пишува во соопштението....