АЛСАТ го открива однапред утврдениот дневен ред на седницата на Уставниот суд за поведување на постапката за оцена на уставноста на Законот за употреба на јазиците закажана за 11 декември. Од јавните документи веќе е јасно дека целиот закон, дали во целина или во посебни делови, со сите негови членови е цел на 13 иницијативи во кои се опфатени 46 субјекти пријавувачи. Оспорени: Указот за прогласување Името на законот Законот како целина Законот во посебни делови во своите 25 члена, поточно член 1 (став 2, 3 и 4), како и сите членови во целост, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25 Од ова јасно се забележува дека единствено неспорно е ставот 1 кој вели: На целата територија на Република Северна Македонија и во нејзините меѓународни односи службен јазик е македонскиот јазик и неговото кирилско писмо. Пријавувачите ја оспоруваат постапката за одобрување на законот, кој тогаш беше изгласан во трето читање поради непотпишување од претседателот Иванов, како и дека претседателот на Собранието Талат Џафери го прекршил деловникот бидејќи не побарал од предлагачот да го усогласи воведувањето на предложениот закон со регулативата на Собранието. Исто така, според пријавувачите, Џафери ја прекршил регулативата со тоа што го избегнал разгледувањето на законот на матичните комисии, онаа за финансирање и буџет, за политички систем, Комисијата за односи меѓу заедниците и Законодавно-правната комисија. Прекршување според пријавувачите е и тоа што; Законот не е усвоен со 2/3 мнозинство и објавувањето на указот на законот без потпис на претседателот Иванов, според нив е неуставно. Во однос на правниот состав, оспорени се ставовите 2, 3 и 4 од истиот член 1, а потоа и секој член од вкупно 25-те членови што ги има овој закон. Што се однесува до името на законот, се оспорува дека тој не бил прецизен и направил правна конфузија. Додека што се однесува до името албански јазик во заграда, употребен е термин кој го нема во Уставот. Во однос на институционалната употреба, тоа е спорно бидејќи според иницијаторите е во спротивност со 5-тиот амандман и со ред други последователни амандмани. Спорна е употребата во матичните книги, личните документи и пасошите, во кои не е наведена употребата на јазикот за другите заедници. Исто така, во овие иницијативи се оспорува и постоењето на Агенција за примена на јазикот, бидејќи според нив, се исклучени заедниците освен заедницата што е дефинирана како друг јазик што го зборуваат најмалку 20% во заграда (албанскиот јазик). Но каква ќе биде судбината на Законот за употреба на јазиците? Доколку, како што се пишува во заклучоците од 2022-2023 година дека за овој закон е потребен целосен состав на Судот, овде би недостасувал макар еден судија, тогаш тој би бил блокиран. Но, такво нешто би отворило нова можност, според првиот човек на Уставниот суд, Дарко Костадиновски, да се смени заклучокот за да се избегне блокадата. Но, во случај на учество или неучество на судиите Албанци, меѓу двете фази, онаа на покренување на постапката за правна заштита, и оцената на уставноста, Уставниот суд има и инструмент за испраќање на законот до Законодавната институција, која во период од 6 месеци ќе треба да го усогласи со Уставот. Но, правна основа за овој третман е Бадентер, за што во собранието мора да се договорат сите албански партии....

Министерот за јавна администрација Горан Минчев, смета дека инцидентите со знамињата пред неколку дена, се сценарио на ДУИ и на СДСМ, со едните да бараат интерпелации, а другите лидерска средба. Еве што рече Минчев во „Клик Плус“ на ТВ21 кој ќе се емитува вечерва. „Овие интерпелација се дел од политичкиот фолклор, и ако е причина ова што се случуваше пред неколку дена со знамињата, сакам да кажам неколку работи. Прво мислам дека е сценарио креирано од ДУИ, но и од страна на СДСМ. Одбрале ден кој е посебен за заедничката заедница, кој е многу битен за нашите сограѓани, во кој што се обиде одредена структура во рамки на овие две политички партии, се обидоа да исценираат политичка криза. Бидејќи е дел од едно сценарио, и не знаејќи што ќе се случува на реакција на МВР, беше договорено СДСМ да побара лидерска средба, а тоа нема потреба, и се најдовме во ситуација на беспредметни интерпелации“, рече Минчев....

Игор Сечин, извршен директор на Роснефт, најголемата руска нафтена компанија, изјави дека глобалниот енергетски сектор е сцена на хибридна војна. – Најголемиот ривал на доларот ќе биде златото, кое човештвото го користело за платежни илјадници години, рече Сечин во говорот на 17-от Евроазиски економски форум, одржан во Рас Ал Хамија во Обединетите Арапски Емирати (ОАЕ). Тој оцени дека светот влегол во процес во кој Соединетите Американски Држави го загубија лидерството во научната, технолошката, индустриската и финансиската област. – Ова доведе до пад на американската економска и трговска доминација. Се намалува и неспорното влијание на САД врз политичките процеси во светот. Користејќи ја позицијата на глобална доминантна сила, САД се потпираат на создавање посебни услови за сопствената економија на сметка на другите учесници на пазарот, вклучително и нивните сојузници, рече Сечин Тој додаде дека политиката на САД довела до економски конфликти, како и до нестабилности на Блискиот Исток, во Украина и други региони. – Стравот на доминантната сила од појавата на алтернативни глобални центри на моќ неизбежно води до војна со нив. Оваа војна започна и се води на различни начини во различни области, од конфликт на некои места до хибридна војна во други, без разлика дали е технологија , климата, финансиите, трговијата или културата, рече Сечин. На крајот, тој посочи дека во споменатата војна свој удел имал и енергетскиот сектор. – За жал, глобалниот енергетски сектор не е исклучок денес и стана една од целите и оружјата на оваа хибридна војна, рече Сечин....

Што им згрешивме на Бугарите, не би знаел да кажам, вака српскиот претседател, Александар Вучиќ го прокоментира гласањето на осум земји членки кои се изјаснија против отворањето на кластерот 3 со Србија, меѓу кои и Бугарија, Хрватска, Холандија, Финска, Шведска, Литванија, Летонија и Естонија.. -Да ме праша Господ што им згрешивме на Бугарите, не би знаел да објаснам. Ми се чини дека разбирам кои се вистинските причини, иако никогаш нема да ги слушнете. А за Хрватите разбирам, немам проблем да сфатам. За нас има две важни вести – да продолжиме да се бориме и да разговараме со сите нив. Тој најави дека Унгарија како актуелен претседавач со ЕУ за следната недела ќе закаже нов состанок, зашто меѓувладина конференција треба да се одржи меѓу 16 и 20 декември. „Им благодарам ако го отворат третиот кластер, им благодарам и ако не го отворат. Важно е да продолжиме да се бориме и да разговараме со сите нив. Ние ќе се потрудиме следната година да бидеме најбрзо растечката економија во Европа“, рече Вучиќ....

Ја гледаме искреноста, и не само во она што Владата го кажува, туку и она што Владата го прави. Тоа е посветеноста на европските интеграции и реформите што се неопходни за неа, и тоа е нешто што САД го поддржува и ќе продолжиме да го поддржуваме“, изјави заменик-помошникот државен секретар на САД за Западен Балкан, Александар Касаноф, по заедничката средба со претседателот на Владата Христијан Мицкоски. Според него, клучни сегменти во кои се неопходни реформи се владеењето ан правото и борбата против корупцијата. Тој подвлече дека САД сериозно ја сфаќа борбата против корупцијата и дека прашањето за црната листа за санцкии не може да го коментира, но тоа е приоритет на кои што работи американската администрација. „Премиерот Мицкоски добро ја сфаќа моќта на корупцијата која ја поткопува довербата и за него борбата против корупцијата е од клучна важност, а и ние го цените тоа. Како сојузници во НАТО, нашето партнерство никогаш не било посилно. Му честитам на премиерот за исполнувањето на 2 проценти од БДП за одбраната, како и тековната поддршка за Украина“ изјави тој. Касaноф истакна дека иднината на Македонија е светла и САД ќе продолжат со поддршката за исполнување на основните цели како просперитетна демократија, целосно интегрирана во ЕУ. Ова е прва посета на Касаноф во Скопје, кој на оваа позиција дојде во јули годинава на местото на Ескобар, чиј мандат на оваа функција истече во мај годинава....

Ќе направам се да обезбедам билатералните спорови од минатото да не можат постојано да стојат на патот кон нашата заедничка цел – приближување на земјите од Западниот Балкан кон Европска Унија, изјави еврокомесарката за проширување Марта Кос во воведното обраќање на форумот „Самит ЕУ-Западен Балкан: Обновен пристап кон регионот“ во организација на бриселскиот тинк тенк „Пријатели на Европа“. – Мојот сон е да ги имаме сите земји од Западниот Балкан во Европската Унија и да ги видиме отстранети границите и билатералните тензии, како што беше случај во многу делови од континентот, изјави Кос која пред два дена се сретна и со македонскиот премеир Христијан Мицкоски во Брисел, додавајќи дека со отстранувањето на физичките бариери на раздвојување, многу историски тензии ќе се тргаат на страна. Според Кос, ЕУ за првпат има реален пристап со кој до крајот на мандатот на сегашната Европска комисија „до линијата на целта“ би можеле да бидат донесени една или повеќе земји кандидати за членство. – Надежта, можностите и визијата не движат сите нас сите овие години кон мирољубива и просперитетна иднина, рече Кос. Според неа, денес мирот, слободата и просперитетот во голема мерка зависат од посилна и пообединета Европа. Таа нагласи дека на средбите со лидерите од земјите од Западен Балкан претходните два дена им порачала дека може да сметаат на неа како на член на тимовите што ќе работат на нивното приближување кон ЕУ. Кос нагласи дека не е само прашањето кога ЕУ ќе прими нови членки, туку и што можат да направат кандидатите за членство за посилна и побезбедна Европа, нагласувајќи дека процесот на проширување ќе остане базиран на заслуги и остварување, пред се во однос на владеењето на правото. – Но, ако кандидатите за членство испорачаат, тогаш сакам да бидат наградени за тоа, додаде Кос, потенцирајќи дека новата Европска комисија е Комисија на проширување. Според неа, во Брисел постои единство кога станува збор за изградбата на поголема и посилна Европа, но потребно е такво единство и посетеност да покажат и земјите кандидати за членство, за што е потребно соработка меѓу властите, опозицијата, граѓанскиот сектор и сите сегменти на општествата. – Ќе биде потребна многу техничка работа што ќе треба да ја завршиме заедно, но сакам да ве уверам дека проширувањето не е технички процес, рече Кос, додавајќи дека сето она што се прави во процесот на проширување е во интерес на луѓето и за повторно обединување на Европа....

Во СВР Скопје, вчера во 13 часот Ф.Д.(32) од село Пакошево, општина Зелениково, пријавил дека на 03.12.2024 околу 12.30 часот, по завршување на часовите, во близина на основното училиште во с.Зелениково, скопско, во кое учел, неговиот осумгодишен син се здобил со тешка телесна повреда при игра со соучениците. Повредата е констатирана во Градската општа болница „Св.Наум Охридски“ во Скопје. Извршен бил увид од увидна екипа од СВР Скопје и се работи на расчистување на случајот, информираат од МВР. Инаку, поради „играта“ „Супермен челинџ“ која е актуелна на Тик-Ток, вчера средношколец во училиштето „Михајло Пупин“ заврши во болница. Во „играта“, ученикот во втора година во училиштето, вчера на големиот одмор паднал и се онесвестил, по што завршил на снимање во Градската општа болница-хирургија „Св. Наум Охридски“ во Скопје. Дека оваа игра/предизвик е „тренд“ секаде потврдува и фактот оти со фрактури и повреди се здобиваат и деца во земјите во регионот. Низ повеќе држави во светот досега повеќе пати интервенирале медицински тимови. Предизвикот е следен- група деца се снимаат како скокаат напред имитирајќи го Супермен, врз испружените раце на нивни врсници, кои потоа треба да се одбијат од рацете и да застанат на подот на исправени на нозе. Предупредување стигаат од сите страни- и за родителите и тинејџерите да не наседнуваат на опасниот тренд!...

Не гледам причина за лидерска средба во моментот, ако средбата се бара поради провокациите на 28 ноември, затоа што тој случај е затворен, рече денеска премиерот Христијан Мицкоски, одговарајќи на новинарско прашање зошто власта го одби барањето на СДСМ да се одржи лидерска средба. – Но, не ја исклучувам можноста. Може да одржуваме лидерски средби за размена на идеи за иднината, за заеднички политики. Може и поединечно да се гледаме, ако лидерите на партиите имаат креативни идеи за развојот на државата и за подобрување на стандардот на граѓаните. За тоа стојам на располагање – рече Мицкоски. Премиерот рече дека е јасен мотивот на инспираторите и на организаторите на она што се случуваше на 28 ноември, а дел од нив се блиски на партии и политичари во опозицијата. – Оперативните информации на МВР со многу докази даваат одговор кој стои зад организирањето, особено во Скопје и Куманово, кои се инспираторите и која беше целта. Честитам на зрелата реакција на МВР, но ги разбирам и граѓаните чии чувства и емоции тој ден беа на високо ниво. Со одмерена акција се изолираше групата која беше инспирирана да направи вакви инциденти. Сторителите се под кривичен и прекршочен прогон и ќе биде постапено член 319 според законот – рече премиерот Мицкоски. Полицијата вчера информираше дека досега се приведени 18 лица за инцидентите на денот на албанското знаме, кога поединци го кинеа и го газеа македонското знаме. – Треба да се навикнеме дека вака ќе функционираме. Кога се реагира емотивно, се греши. Треба со разум, внимателно, чекор по чекор. Ќе дојдеме до целта, но не смееме да дозволиме овие инспиратори да победат. Ја разбирам емотивната реакција на јавноста, но ние имаме одговорност да обезбедиме мир. Мирот е тука, граѓаните не треба да се грижат. Јасно е кој е инспираторот и која е целта – рече премиерот Мицкоски. Прашан за коментар за тоа што опозициската СДСМ одлучи да не ги поддржи четирите интерпелации против министри од Владата, Мицкоски рече дека сите екстреми во општеството кои сакаат да предизвикаат нестабилност и несигурност треба да се изолираат. – Во услови кога имаме жесток инвестициски раст, рекорди во странските директни инвестиции, раст на економијата, кога сме во дефлација и имаме суфицит во буџетот, имаме и екстреми во општеството кои сакаат да нè вратат назад во политичкото мочуриште. Мене ми е драго што дел од партиите и покрај тоа што се во опозиција се свесни за ова и што заеднички нема да дозволиме овие екстреми да нè вовлечат во тоа мочуриште. Граѓаните полека ги изолираат. Сите оние кои се за несигурност, нестабилност и за конфликти мора да бидат отфрлени и изолирани, а во таа улога денес е ДУИ. Некогаш се претставуваше за прозелена партија, а денеска е главен генератор на нестабилност и се обидува да генерира конфликти – рече премиерот Мицкоски....

РЕК Битола од вчера, 4 декември, произведува електрична енергија со трите термоблокови, односно со максимален капацитет, вели директорот на рударско-енергетскиот комбинат Тони Петрушевски. Тој информира и дека комбинатото го раскинал договорот со „Марковски компани“ за ископ на јаглен, затоа што фирмата не ги почитувала обврските од договорот. – Меѓу предизвиците со кои се соочи актуелното раководство на Комбинатот беа катастрофалната состојба во постојните рудници без откривка на јаглен, несоодветно направените ремонти или воопшто неизвршени техничко технолошки зафати во пресрет на грејната сезона и увоз на скап и неквалитетен јаглен. Со натчовечки напори и ангажман на вработените, за краток период е оспособен за работа термоблокот Битола 1, со цел, со оглед на фактот што не подлегнал на редовен годишен ремонт, колку што е возможно да помогне во зголемување на домашното производство на електрична енергија и да придонесе кон енергетската стабилност на државата во пресрет на зимата – вели Петрушевски. Друг предизвик со кој се соочивме во изминатиот период, одаде тој, е реализацијата на јавните набавки и затекнатите договори со надворешни фирми кои се ангажирани за ископ на јаглен и јаловина во рудниците во Комбинатот. – Имено, затекнати економски оператори подолг период не ги почитувале договорните обврски по сите основи, притоа грубо прекршувајќи ги одредбите од договорите кои ги имаат склучено со РЕК Битола. Еден од таквите примери е односот на ангажираната фирма „Марковски компани“. Подружница РЕК Битола еднострано го раскина договорот за ископ на јаглен и меѓуслојна јаловина со фирмата „Марковски Компани“ поради несовесно и неквалитетно извршување на преземените обврски. Со раскинувањето на соработката активирана е и банкарската гаранција во износ од 120 милиони денари, поднесена од предметната фирма – вели Петрушевски. Тој додава дека компанијата не ги испочитува предвидените обврски за одговорно, целосно, стручно, квалитетно, совесно и навремено извршување на задачите согласно техничката спецификација. – Овој економски оператор, со неодговорно постапување, покрај тоа што во континуитет не успевал да ги испорача договорените количини на јаглен, директно ја загрозил енергетската стабилност на државата. Во тој контекст, со несоодветна динамика за отстранување на јаловинските маси ја нарушил геомеханичката стабилност на рудникот Брод Гнеотино. Поради неиспорачаните количини и кршењето на договорните обврски од страна на предметниот оператор, РЕК Битола бил принуден да врши дополнителна набавка на јаглен за да овозможи стабилна и континуирана работа на блоковите во термоелектраната. За да биде појасно, би сакал да посочам дека на раскинувањето на соработката претходеа опомени и укажувања од раководството на РЕК Битола дека операторот не ги реализира договорните обврски според утврдениот обем, динамика и квалитет. Но и покрај укажувањата, продолжи несериозниот однос преку флагрантно кршење и непочитување на договорените обврски – вели директорот на РЕК Битола. Станува збор за договор склучен на 13 февруари годинава, додава тој....

Робусна дипломатска акција, изнесување на површина на вистинската вистина и решавање на проблемите дома – ова се трите дела од стратегијата на македонската влада за разубедување на Брисел и за барање на решение како да се одблокираат македонските евроинтеграции, соопшти денеска премиерот Христијан Мицкоски на новинарско прашање на кое е ниво е неговиот оптимизам, по завчерашните средби со новата администрација во Брисел. Тој потенцираше дека разговарал со Антонио Кошта, кој е новиот претседател на Европскиот совет, Марта Кос, новата еврокомесарка за проширување и со Герт Јан Копман, кој е главен во оперативниот дел од процесот на проширување. – Оптимист сум и ќе продолжиме да се бориме. Нема да оставиме ниту милиметар да изгуби македонскиот идентитет и македонските граѓани, без разлика на етничката припадност, затоа што сите ние заслужуваме загарантирана иднина. Загарантирана иднина. И тоа го слушнав директно од устата на тројцата што ги споменувам, кои се најрелевантните фактори за проширувањето во Европската комисија – рече Мицкоски. Првиот дел од триделната стратегија, како што информираше премиерот, се спроведува веќе шест месеци, а тоа е робусна дипломатска акција за пренесување на нашите позиции и нашите аргументи. – Тоа го правиме на супер високо ниво. Бараме решенија, аргументираме. За сè она што претставува наша теза, очекуваме антитеза. Досега не сме добиле антитеза, што значи дека првата фаза од планот веќе ја реализиравме – додаде премиерот. Во втората фаза од стратегијата, како што рече премиерот, ќе ја изнесат на површина вистинската вистина. – Сега е многу важно во втората фаза од планот да идентификуваме дали со внесувањето на неколку стотици граѓани во Уставот завршуваат нашите проблеми или тоа се само првите 10 метри од оваа трка на 110 метри. Дали е тоа само првата пречка? И со нашата стратегија полека, но сигурно ќе ја извадиме на површина вистинската намера. Веќе на сите им е појасно дека не е ова само проблемот, туку проблемите допрва следуваат. А ние нема да влеземе во никаква авантура, без да имаме јасен план дека го гледаме крајот – рече Мицкоски. Ќе се бориме и ќе ја разобличуваме вистинската вистина, додаде Мицкоски. – Не е вистина ако смениме два амандмана во Уставот. Вистината и многу наскоро ќе излезе на површина – рече Мицкоски. Трети дел од стратегијата предвидува да се решаваат проблемите дома. – Третата фаза од нашиот план е да рушиме рекорди дома. Да ги решаваме проблемите, да покажеме дека сме достојни да бидеме на таа маса, по основа на мерит пристапот. По основа на тоа колку ние испорачуваме, а не по тоа дали треба да решаваме прашања од 11. и од 12. век, коишто треба да ни бидат услов за да се развиваме во 21. и во 22. век. Оптимист сум и ќе продолжиме да се бориме. Нема да бидеме наивни, немаме концесија, не сме ветувале ништо, само бараме чесен пристап. За ова што ние го кажуваме како теза и аргумент, досега немаме слушнато антитеза. Ќе се бориме сè додека не успееме – категоричен е премиерот Христијан Мицкоски....

Имавме искрена и пријателска средба која беше потврда за тридецениското партнерство помеѓу двете земји кое се темали на заеднички вредности и визија за подобра иднина. Се разбира дека разговаравме за нашите евроинтеграции, зајакнување на владеење на правото и економскиот развој кој што претставува приоритет на нашата влада. Ова го истакна премиерот Христијан Мицкоски, по средбата со заменик-помошникот на државниот секретар на САД за Западен Балкан Александар Касаноф. -Остануваме како земја да бидеме посветен сојузник и партнер на САД, се разбира и како Влада. наша задача е да ја продлабочуваме нашата соработка. Разговорите, според Касаноф, биле продуктивни и доста опсежни. -Сржта на разговорите беше поддршката од САД за аспирациите за целосна евроатлантска интеграција, како и реформите и придобивките кои ќе дојдат со пристапувањето кон ЕУ....

Владата размислува користењето на криптовалути да го стави во законски рамки. Премиерот Христијан Мицкоски денеска изјави дека според него тоа е иднината и дека ќе бидеме меѓу првите земји во регионот кои тоа ќе го направат. – Сакаме сето тоа легално да го канализираме во рамки на законот, но има премногу работи што треба претходно да се усогласат и тоа и го правиме – ги усогласуваме тие работи за да дојдеме до финалниот производ. Тоа е иднината и мислам дека ќе бидеме меѓу првите во регионот, ако не и први, такво нешто да направиме. Како ќе функционира, ќе видиме, но тоа по мене е иднината, изјави Мицкоски, одговарајќи на новинарски прашања по денешната прес-конференција посветена на новогодишната кошничка. Вредноста на биткоинот за првпат денеска надмина 100.000 долари. Во однос на странските инвестиции, Мицкоски го повтори ставот дека очекува за првпат да биде пробиена бариерата од една милијарда евра директни странски инвестиции. – Заклучно со третиот квартал се 838 милиони евра, а до крајот на годината очекувам уште најмалку две инвестиции, а можеби и дополнителни две ќе објавиме што ќе биде добар сигнал и со што ќе бидеме меѓу водечките во регионот, ако не и водечки по глава на жител, рече Мицкоски на прес-конференцијата во Владата....

Стотици прехранбени производи се најдоа во новогодишната кошничка, која Владата ја подготви како поддршка за граѓаните во пресрет на празниците. Мерката стартува од 15 декември и ќе трае до 15 јануари. Истата се носи во консултација со бизнис секторот. Листата на производите кои ќе најдоа во новогодишната потрошувачка кошничка, може да ја видите ТУКА. Како што соопштија од владината прес-служба, новогодишната потрошувачка кошничка се состои од листа на прехранбени производи и алкохолни и безалкохолни пијалаци предложени од страна на производителите и трговците кои за време на новогодишните празници ќе бидат понудени на потрошувачите по ниски цени....

Во Велика Британија бројот на хоспитализирани пациенти поради грип е зголемен за повеќе од 350 отсто во споредба со истиот период минатата година, додека Националната здравствена служба (НХС) се соочува со „четирикратна епидемија“, јави денеска Скај њуз. – Веќе некое време имаше предупредувања за „тројна епидемија“ на Ковид, грип и РСВ (респираторен синцицијален вирус) оваа зима, но со порастот на случаите на норовирус, ова брзо може да стане „четирикратна епидемија, рече шефот на НХС Стивен Повис. Тој ги повика сите луѓе кои не се вакцинирани да се вакцинираат за да се заштитат. Според последните податоци на Националната здравствена служба, изминатата недела по 1.099 кревети секој ден биле зафатени од возрасни лица со симптоми на грип, а бројот на хоспитализирани поради грип е зголемен за 352 отсто во однос на истиот период лани....

Две скопски училишта влегоа во бојкот поради ученик со насилно поведение. Од вчера во „11 Октомври“, а од денес и во „Лазо Ангеловски“, родителите не ги носат своите деца на настава. Детето прво учело во Ново Лисиче, а сега се најавува дека ќе учи во Центар. Законот го знаеме, секое дете има право на образование, но како родители разбирливо е да не бираме средства кога целта ни е да си ги заштитиме децата. Како треба да се реши овој проблем? Кој треба и како да постапува? Министерката за образование и наука, Весна Јаневска, во ексклузивна изјава за Курир, порачува дека ги разбира родителите и децата, но посочува дека и ученикот е дете на кое му треба помош и заштита. -Јас ги разбирам родителите кои стравуваат за сопствените деца, но станува збор исто така за дете. Малолетно дете кое треба да се вклопи во средината, односно во општеството. Првенствено треба да се испитаат причините зошто е такво однесувањето на детето, а за да се стори тоа и да може понатаму да се делува да се коригира однесувањето на детето, треба да се вклучат повеќе фактори од државниот систем. Првенствено училиштето со своите стручни служби би требало да може на некој начин да го реши проблемот, но соработката со родителите е од исклучителна важност. И стручните служби на училиштето и родителите би требало примарно да влезат во решавање на проблемот. Доколку тука нема резултати, секако треба да се вклучи и социјалната служба, односно Министерството за социјална политика, демографија и млади. Министерството има сериозни законски обврски поточно Центарот за социјални работи, за да помогне во решавање на овој проблем, рече Јаневска. Таа оценува дека се дозволило проблемот да ескалира. При таква состојба е дојдено до момент кога детето кое било насилно кон други, сега станува жртва. -Очигледно е дека системот е малку тромав и се дозволи овој проблем да ескалира премногу. Во овој момент детето станува жртва на однесувањето на општеството. Бојкот во едно училиште, бојкот во друго училиште, неможност да се справиме со проблемот. МОН во еден момент се вклучи во решавање на проблемот и постапивме така како што треба и како што е предвидено да постапиме, но сега ќе мора малку повеќе да се вклучи Центарот за социјални работи за дефинитивно да го решиме овој проблем. Детето има право и на образование, но и на мирен, пристоен живот. Детето има право да му се реши проблемот. Тоа е дете и не може само да си го реши. Затоа постои државата и организиран систем кој треба да го реши. Ќе се вклучат сите потребни институции кои ќе треба да го решаваат овој проблем, сега малку позабрзано. Ние исто така се ангажираме и ги повикуваме институциите позабрзано, поупорно и подлабоко да поработат на ова случување за да првенствено му помогнеме на ова дете кое е како и сите други деца од 9 години. Ниту смееме ниту имаме право, а имаме морална обврска да се грижиме за секој граѓанин на оваа земја. Тоа дете ги има истите права како и сите други деца и ние сме должни да го решиме тој проблем, посочи министерката за КУРИР. Ова е само една од темите за кои во Министерството за образование и наука разговаравме со Јаневска. КУРИР во текот на утрешниот ден ќе објави ексклузивно интервју со министерката....

Филипче не се откажува од Заев, а со тоа и од криминалот со милионските тендери во РЕК каде подизведувачи се фирми блиски до него. Дали Филипче не се откажува од криминалот во РЕК каде преку фирмите Јавор Транс и Сим Инженеринг како подизведувачи се испумпани милиони?, изјави Миле Лефков, пратеник и член на ИК на ВМРО-ДПМНЕ. -Со неоткажувањето од Заев, Филипче не се откажува од сите криминални ликови околу него, кои на грбот на народот спечалија милиони. Со неоткажувањето од Заев, Филипче не се откажува ниту од Крмзов, кој беше фатен во даночни малверзации, потенцира во изјавата Лефков. Тој додаде дека: Филипче со тоа што не се откажува од Заев, не се откажува ниту од неговиот криминал со Глобал, за кој беше аболициран. Венко Филипче, неврохирургот на Заев и негов потрчко не се откажува од Заев, затоа што тој му е водич и идол. Венко Филипче кога ќе порасне сака да биде Заев. Венко Филипче е претседател на СДС со желба некогаш да има можност да ги преслика криминалите на Заев. Граѓаните таа желба нема да му ја исполнат никогаш, изјави Миле Лефков....

Новогодишната кошничка ќе опфаќа повеќе од 600 производи и ќе трае од 15 декември до 15 јануари. Со неа се очекува намалување на цените на производите за 10 и повеќе проценти. Листата на производи, како што кажа денеска премиерот Христијан Мицкоски, е договорена заедно со стопанските комори, синдикатите, производителите, дистрибутерите и трговците. -Во присуство на производителите и дистрибутерите, повторно на едно исто место беа и производителите и дистрибутерите, направивме нешто што досега можеби никогаш не е направено, а тоа е дека сите заедно ние разговаравме извесен период и за време на тие разговори дојдовме до компромис во којшто сите страни се согласивме дека во периодот од 15-ти декември до 15-ти јануари цените на одредени производи, а тоа се повеќе од шестотини артикли, ќе бидат намалени и брендирани како што беше до сега, помалку трошоци повеќе за тебе, и се грижиме. Тоа е многу важно, бидејќи на тој начин ќе можат и граѓаните сето тоа да го препознаат. Нормално ова не е направено со интервентна мерка од страна на Владата, не е направено со ограничување на цените, туку е консензуално решение и поради тоа нема да има за ова казнување, се разбира, туку ќе има само мониторинг на тоа дали на сите тие производи ќе бидат залепени сите овие налепници за коишто зборуваме за да биде визибилно за граѓаните, за да можат тие да ги препознаат овие производи. И покрај овие еден месец дена колку што планираме сето ова да функционира беспрекорно, ќе повторам повеќе од 600 производи артикли, кои што се добиени по основ на консензус помеѓу сите овие страни за кои што зборував, очекувам и понатаму да продолжиме заеднички да бидеме општествено одговорни за овие тешки моменти, заеднички да работиме да помогнеме на македонските граѓани, на македонската економија, стандардот на македонските граѓани и на тој начин да има повеќе за секого, истакна Мицкоски. Нагласи дека не се работи за интервентна мерка на Владата и со ограничување на цените, туку за консензуално решение поради што нема да има казнување, туку ќе има мониторинг дали на тие производи ќе бидат залепени налепниците за да бидат визибилни за граѓаните. На забелешките од новинарите дека во листата на производи во новогодишната кошничка има производи чии цени во изминатиов период се зголемени, премиерот Мицкоски му предочи на директорот на Пазарниот инспекторат да направи контрола какви се цени на пазарот сега и потоа дали тие ќе бидат намалени....

По Македонија, официјална Софија блокира уште еден сосед во евроинтегарциите. Бугарија и уште 7 земји од ЕУ вчера го блокираа отворањето на нов кластер за Србија од преговорите за членство во Европската Унија. Против отворањето на Кластерот 3 за Белград, покрај Бугарија биле и Хрватска, Холандија, Финска, Шведска, Литванија, Летонија и Естонија. За потсетување, бугарскиот претседател Румен Радев при неговата неодамнешна посета на Србија, не само што се закани за блокирање на Белград на патот кон ЕУ, туку и прецизираше какви услови ќе се скенираат од бугарската влада при носењето на одлуките за Србија. – Главниот критериум по кој ќе го судиме и поддржуваме напредокот на земјите од Западен Балкан е токму положбата на нашите сонародници во секоја земја. Условите за економски и социјален развој и пред сè нивната способност да го бранат својот национален идентитет, јазик, култура и историја – објасни Радев. Сепак, за да се разбере вчерашната одлука на Бугарија за ветото кон Србија, регионалните медиуми за оваа проблематика пишуваат дека одговор за тоа треба пред сè да се бара во пораките на бугарските политичари кон политиката на Србија дадени во минатото кога стануваше збор за правата на бугарското малцинство во земјата. Имено, српски Блиц на оваа тема неодамна напиша дека ова е само продолжување на политиката на Софија на Балканот кога станува збор за заштита на бугарското малцинство во соседните земји. Бугарскиот претседател Румен Радев во неговата последна посета на Србија најави дека неговата земја би можела да ја преиспита поддршката за Србија кон Европската Унија поради, како што рече, како Белград се однесува кон бугарското малцинство во земјата. Со оглед на тоа дека Софија има историја на блокирање на нови членови, прашањето е колку е моќен овој кренат прст? И, како може да изгледа тоа, наведува медиумот....

Ќе направам се да обезбедам билатералните спорови од минатото да не можат постојано да стојат на патот кон нашата заедничка цел – приближување на земјите од Западниот Балкан кон Европска Унија, изјави еврокомесарката за проширување Марта Кос во воведното обраќање на форумот „Самит ЕУ-Западен Балкан: Обновен пристап кон регионот“ во организација на бриселскиот тинк тенк „Пријатели на Европа“. – Мојот сон е да ги имаме сите земји од Западниот Балкан во Европската Унија и да ги видиме отстранети границите и билатералните тензии, како што беше случај во многу делови од континентот, изјави Кос која пред два дена се сретна и со македонскиот премеир Христијан Мицкоски во Брисел, додавајќи дека со отстранувањето на физичките бариери на раздвојување, многу историски тензии ќе се тргаат на страна. Според Кос, ЕУ за првпат има реален пристап со кој до крајот на мандатот на сегашната Европска комисија „до линијата на целта“ би можеле да бидат донесени една или повеќе земји кандидати за членство. – Надежта, можностите и визијата не движат сите нас сите овие години кон мирољубива и просперитетна иднина, рече Кос. Според неа, денес мирот, слободата и просперитетот во голема мерка зависат од посилна и пообединета Европа. Таа нагласи дека на средбите со лидерите од земјите од Западен Балкан претходните два дена им порачала дека може да сметаат на неа како на член на тимовите што ќе работат на нивното приближување кон ЕУ. Кос нагласи дека не е само прашањето кога ЕУ ќе прими нови членки, туку и што можат да направат кандидатите за членство за посилна и побезбедна Европа, нагласувајќи дека процесот на проширување ќе остане базиран на заслуги и остварување, пред се во однос на владеењето на правото. – Но, ако кандидатите за членство испорачаат, тогаш сакам да бидат наградени за тоа, додаде Кос, потенцирајќи дека новата Европска комисија е Комисија на проширување. Според неа, во Брисел постои единство кога станува збор за изградбата на поголема и посилна Европа, но потребно е такво единство и посетеност да покажат и земјите кандидати за членство, за што е потребно соработка меѓу властите, опозицијата, граѓанскиот сектор и сите сегменти на општествата. – Ќе биде потребна многу техничка работа што ќе треба да ја завршиме заедно, но сакам да ве уверам дека проширувањето не е технички процес, рече Кос, додавајќи дека сето она што се прави во процесот на проширување е во интерес на луѓето и за повторно обединување на Европа. Црногорскиот претседател Јаков Милатовиќ, пак, во водното обраќање нагласи дека во Брисел сега преовладува нов момент во однос на проширувањето и посебно е важно што тој процес е меѓу седумте приоритети на новата Европска комисија. Според него, има четири можни сценарија во врска со проширувањето во следните години. Првото би било најнепожелно и тоа би било ситуација во која ниту кандидати за членство нема да бидат подготвени за членство, ниту пак Европската унија ќе биде расположена да ги вклучи во своето семејство. Второто сценарио, како што нагласи Милатовиќ, би било земјите да ги исполнат поставените услови, а ЕУ сепак поради некои свои причини да реши да не ги прими во членство. Најдобар пример за ваквото сценарио, според него, е случајот со Северна Македонија, која, како што рече, направила многу на својот пат кон ЕУ, а за возврат не го доби тоа што го заслужи. Според Милатовиќ, третото сценарио би било земјите да не се подготвени за членство, а Унијата сепак да реши да ги прими, варијанта која ја оцени како најскапа. Четвртото сценарио, како што истакна Милатовиќ, би било „вин-вин“ варијанта, односно тоа би било кога и кандидати за членство ќе ги спроведат реформите за изградба да демократски и функционални институции и кога и ЕУ ќе донесе одлука да ги прими во блокот. Генералниот директор на Генералниот директорат за соседство и преговорите за проширување на Европската комисија (ДГ НЕАР), Герт Јан Копман, пак, оцени дека кога станува збор за процесот на проширување во ЕУ се враќа „духот на 2004 година“, кога во Унијата беа примени 10 нови членки, процес кој стана познат како „големо проширување“. Според него, во такви услови и со новата Европска комисија, следната година во голема мерка ќе биде посветена на проширувањето....

Видовме изминативе 7 години економијата по принципот на СДСМ И ДУИ како изгледаше, економија полна со криминал и корупција, она што треба да прават е да молчат и да не остават да работиме, кога веќе има првични индикатори и резултати кои што се позитивни, одговори на новинарско прашање при промоција на новогодишната кошничка премиерот на Република Македонија, Христијан Мицкоски. Видовме изминативе седум години економијата по принципот на СДСМ И ДУИ како изгледаше. Бевме заковани на дното на Балканот. Седум години во економија на нестабилност, неизвесност. Се менуваа даночни основи, па пак се враќаа назат, па прогресивен, па непрогресивен данок. Па, потоа се сеќавате се зголемуваше ДДВ на одредени производи, па се воведуваше луксузен данок, данок на луксуз… Таа економија ја видовме, и резултатите од таа економија, граѓаните дадоа одговор на 8-ми мај, повеќе од 600 илјади граѓани гласа за оваа Влада. Кои се резултатите на оваа Влада, исто така се гледаат, рече Мицкоски. -Мицкоски додаде дека за првпат земјата има месечен суфицит во Буџетот. -Првпат после незнам колку години имаме месечен суфицвит во Буџетот, речиси историско ниво ќе достигнеме на странски дирекни инвестиции поголеми од милијарда, октомври инфлацијата споредено со септември -0.7% и единствени сме текви во регионот. Ова што го зборуваше и министерот очекуваме да даде резултат во овој период за намалување на цената на производите и подобрување на стандардот за граѓаните со оваа акција и со други акции во иднина, така да кредибилитетот на СДСМ и ДУИ да зборуваат, додуша ДУИ не ни зборува толку, бидејќи тие имаат поинаква економија, како што повеќе да се однесе од граѓаните и да се донесе за себе, но слично правеше и СДСМ, но нивната економија ја видовме изминатите 7 години полна со криминал и корупција, така што еве најмалку што треба да прават е да молчат и да не остават да работиме, кога веќе има првични индикатори и резултати кои што се позитивни, додаде премиерот Мицкоски....

Ако Западот не успее во воената поддршка за Украина, тоа ќе создаде можност Русија да нападне земја од ЕУ и уште повеќе, изјави европскиот комесар за одбрана Ендрјус Кубилиус на сослушувањето пред европратениците од поткомитетот за одбрана и безбедност на Европскиот парламент. Се започнува со нашето разбирање за тоа кои се заканите, треба да ги одредиме мерките за подготвеност во случај на руски напад врз земја од ЕУ и НАТО, додаде тој. Еврокомесарот истакна дека краткорочно заканите се поврзани со Русија, а долгорочно со Кина, каде што САД ќе насочат дополнителни напори и затоа нивното воено присуство во Европа нема да може да се одржи на претходниот скала. Според него, работните планови на НАТО предвидуваат обезбедување на дополнителни 49 бригади, 1.500 тенкови, 1.000 артилериски единици, неколку илјади возила. Еврокомесарот истакна дека останува да се утврди дали европското воено производство може да се справи со овие задачи на краток рок до околу 2030 година. Во новиот повеќегодишен буџет на ЕУ очекуваме повеќе средства за одбрана, околу 500 милијарди евра за следните 10 години, објасни еврокомесарот....

Дванаесет виетнамски војници загинаа во експлозија за време на воена вежба, јави ДПА, повикувајќи се на соопштение на Министерството за одбрана. Инцидентот се случил во понеделникот вечерта на вежбовен полигон во јужната виетнамската провинција Донг Наи додека војниците од 7-от воен округ тренирале за борбени операции при тешки временски услови и на тежок терен, се вели во соопштението. Министерството извести дека експлозијата се случила при транспортот на експлозивните направи поради пороен дожд и грмотевици. Засега е утврдено дека причината е удар на гром кој удрил во електричен детонатор, при што експлозивот бил активиран....

Зголемените цени на гасот и веројатното истекување на клучниот договор за гасоводот што минува низ Украина ја зголемија загриженоста дека Европа е на работ на нова енергетска криза. Зголемувањето на цените на плинот во последните недели им врати лоши спомени на европските трговци со енергија и на владите. Се уште се свежи сеќавањата за проблемите што ги погодија енергетските пазари по руската инвазија на Украина во 2022 година. Кога Европа се обиде да ја прекине зависноста од рускиот гас, цените пораснаа, објави Дојче веле. Освен што ја поттикна и онака растечката инфлација, предизвика и страв од рестрикции. Постојаните високи цени, исто така, создаваат проблеми за енергетски интензивните индустрии, што доведува до губење на работни места. Сепак, Европа добро ги издржа последните две зими, главно благодарение на потоплото од очекуваното време, што овозможи потрошувачката на енергија да остане ниска. Сепак, студениот почеток на ноември придонесе за ново поскапување на природниот гас. На 21 ноември цените достигнаа речиси 49 евра (51,6 долари) за мегават-час, што е највисока цена за изминатите 365 денови. Студеното време доведе до поголемо користење на греењето, а во комбинација со малата брзина на ветерот во северна Европа и намалената понуда од ветерниците, побарувачката за гас е поголема. Сепак, цените се уште се под максимумот забележан во 2022 година, особено затоа што побарувачката за гас е намалена оттогаш. Сегашниот шок може делумно да се објасни со фактот дека во текот на 2024 година цените беа многу пониски од кога било од почетокот на војната. „Цените се зголемија за приближно 40 отсто од средината на септември“, вели за ДВ Петрас Катинас, енергетски аналитичар во Центарот за истражување на енергија и чист воздух (CREA). „Значи, тоа е одеднаш е прилично голем скок“. Изгледите за постудена зима доведе до стравувања дека залихите – кои до неодамна беа целосно пополнети – може да се исцрпат и дека тоа може да поттикне цикличен скок на цените, наведува медиумот. фото: МИА архива...

Кумановец, осомничен дека е сторител за случајот со опожарените возила и објект во Куманово е уапсен. Од МВР информираат дека лицето било уапсено на подрачјето на Бит Пазар синоќа околу 01:10 часот. -По претходно добиени оперативни информации и координација на СВР Куманово со Одделот за криминалистичка полиција при Бирото за јавна безбедност и СВР Скопје, полициски службеници од Единицата за интервентна полиција при СВР Скопје го лишиле од слобода Ф.А.(35) од Куманово. Тој се сомничи дека на 02.12.2024 во Куманово опожарил три патнички моторни возила и еден деловен објект, информира МВР. Ф.А. бил приведен и задржан во Полициска станица Куманово и по целосно документирање на случајот против него ќе следува соодветна пријава....

Во Музејот на Македонија, вечер, со почеток во 18:30 часот ќе биде отворена изложбата „Богородица мост помеѓу небото и земјата“. Иконите и фреските што се претставени на изложбата се само мал дел од многуте предмети од богатите колекции на Музејот. -Во дел од збирките на Музејот се наоѓаат икони и фрескокопии од целата територија на Македонија, коишто претставуваат важен дел од уметничкото богатство. Тие не се само уметнички дела, туку и духовни симболи коишто верниците ги користат за да се поврзат со божественото. Ликот на Богородица, како заштитничка и мајка, нуди утеха и надеж, а тоа ја прави една од најчестите фигури во христијанската уметност, бидејќи нејзиниот живот на земјата бил исполнет со морална чистота, светост и со добри дела. Преку нејзиното девствено зачнување на Спасителот, таа е мостот помеѓу небото и земјата. Низ вековите се развиле мноубројни теми и циклуси поврзани за нејзиниот лик и дело, произлезени од старозаветните книги, наведуваат од Музејот. Автори на концепцијата за изложбата се Марија Петковска и м-р Татјана Трајковиќ, кустоси во Музејот. Фото: Покана...

СДСМ конечно ја прифати она што граѓаните одамна го знаат, Унијата за девалвација на институциите (ДУИ) е тежок товар за секое партнерство и машина која произведува само кризи и корупција. По години сервилност и обиди да ја заштити оваа трула партија, СДСМ сега прави задоцнет чекор кон оградување од ДУИ, јавно извинувајќи се за неуспесите. Ова се истакнува во денешното соопштение на владејачката Коалиција на партии на Албанците во Македонија, кое го објавуваме во целост: ДУИ не е само изолирана од граѓаните и гласачите, туку и од нејзините доскорешни партнери. Оваа партија, која 22 години ги нарушува сите норми на доверба создавајќи систем во кој доминираат криминалот и корупцијата, повеќе нема место во политиката. Не може да има соработка со партија која ја уништи секоја институција до која имаше пристап, оставајќи ја државата заглавена во ќорсокак, а граѓаните разочарани. ДУИ докажа дека каде што ќе допре, ни трева не никнува! ДУИ, која две децении ги разочаруваше граѓаните и изгради систем на корупција и злоупотреби, денес остана само со еден партнер во криминалот: Никола Груевски. Со нивните оркестрирани обиди за дестабилизација за време на ноемвриските празници, оваа исцрпена клика уште еднаш покажа дека е подготвена да го жртвува стабилноста и интересот на граѓаните само за да ги заштити сопствените гревови. Времето на ДУИ заврши! Време е оваа разбиена и изолирана клика, која го држеше развојот во заложништво и предизвика стагнација, конечно да биде минато. Ние, како коалиција ВЛЕН, сме посветени на праведна иднина и политика која е во служба на граѓаните, а не на тесните интереси на политичките клики. Коалиција ВРЕДИ...

На синоќешното гостување во емисијата „Објектив” на МТВ, пратеникот и член на ИК на ВМРО-ДПМНЕ, Миле Лефков говореше за оставката на Весна Дамева и појасни дека и Дамева и претходната претседателка, како и Наќе Ѓорѓиев, се едни од виновниците за довербата во правосудството од 2%. -Да ве потсетам, во минатото, Судскиот совет на затворена седница, има одлучено да сопре постапка за Наќе Ѓорѓиев и ако тоа го споредите со извештаите на ЕК, каде што на најстрог начин беше пренесено да се преземат мерки, истакна Лефков. Пратеникот додаде и дека одредени членови на Судскиот совет и одредени судии, се дел луѓето заради кои не може да се воспостават реформи во правосудството. -Токму оние кои што се дел од една одредена политичка игра, кои што долгуваат на оние кои што ги донеле на тие места, долгуваат „хипотеки” на некои многу важни политички актери во минатото и не знаејќи како да се ослободат од истите, тие се најголеми кочничари на реформи во правосудството, заклучи Лефков....

Претседателот на Владата на Република Македонија Христијан Мицкоски денеска во свечената сала на Владата, ќе одржи состанок со претставниците на стопанските комори во однос на промоција на новогодишната потрошувачка кошничка. Како што соопштија од владината прес-служба, новогодишната потрошувачка кошничка се состои од листа на прехранбени производи и алкохолни и безалкохолни пијалаци предложени од страна на производителите и трговците кои за време на новогодишните празници ќе бидат понудени на потрошувачите по ниски цени. По состанокот, премиерот Мицкоски ќе одржи прес-конференција. ВЛАДА...

Времето денеска во Македонија ќе биде претежно облачно со локални врнежи од дожд, а на планините и на некои повисоки места од снег. Врнежите повремено ќе бидат пообилни во западните делови, а на планините дополнително ќе се зголеми снежната покривка. Ќе дува слаб до умерен ветер од југоисточен правец. Минималната температура ќе биде во интервал од 2 до 7, а максималната ќе достигне од 3 до 10 степени. Во Скопје времето ќе биде облачно со повремени врнежи од дожд. Минималната температура ќе се спушти до 4, а максималната ќе достигне до 8 степени. Од УХМР информираа дека во петок и сабота ќе има услови за појава на магла по котлините и слаб локален дожд. Од недела и во следните денови времето ќе биде променливо облачно со повремени врнежи од дожд, наместа поројни и пообилни, проследени со појава на ретки грмежи. Во недела ќе дува засилен до силен јужен ветер (над 60 km/h). Утрово до 7 часот со – 2 степени Целзиусови е најстудено на Попова Шапка, со снежна покривка во висина од 40 сантиметри, додека 8 степени се измерени во Демир Капија и Гевгелија. Во Маврови Анови и Лазарополе се измерени – 1 степен, во Крушево 1, 2 во Берово, 3 степени во Дебар, 4 во Тетово, Претор, Битола, Прилеп и во Куманово, 5 Скопје-Петровец, Скопје-Зајчев Рид, Велес, Крива Паланка, Охрид, Штип и Виница, 6 Кавадарци и 7 степени во Струмица. Во изминатите 24 часа, како што соопштија од УХМР, најмногу дожд имало во Битола, Пожаране, Маврови Анови и Попова Шапка со 4 литри на метар квадратен, 3 во Тетово, Претор, Гевгелија, Крушево, 2 во Прилеп и Кавадарци и 1 во Скопје-Зајчев Рид, Скопје-Петровец, Велес, Куманово, Берово, Пожаране и Лазарополе. Висината на снежната покривка е 37 сантиметри во Маврови Анови, 18 во Крушево и 5 во Лазарополе. Фото: МИА архива...

За сите граѓани на Македонија доаѓа неработен ден- 8 декември (недела), Св. Климент Охридски, односно 9 декември (понеделник). Тоа значи дека овој викенд ќе биде продолжен. Празникот Св. Климент Охридски е последниот празник и неработен ден во 2024 годинава....

Министерот за локална самоуправа, Златко Перински во поткастот „ВМРО-ДПМНЕ зборува“ се осврна на клучните мерки на Владата насочени кон младите, при што нагласи и дека младите се клучот за иднината на државата и дека вложувањето во нив е приоритет за секоја институција. „Оваа Влада и премиерот Мицкоски се многу фокусирани во оваа насока. Мерките што ги предвидуваме ние, во оваа власт, се насочени кон младите. Предвидуваме електронски уред за секој студент, без разлика дали е на државен или приватен факултет, што е исклучително битно“, истакна Перински. Перински најави и финансиска поддршка за младите претприемачи и нагласи дека се издвоени 10 милиони за стартапи за лица до 29 години. „Предвидуваме 10 милиони за стартапи за лица до 29 години. Навистина суштински е потребно, затоа што младите луѓе се многу пообразовани од она што ние мислиме дека се. Ако им се овозможи оваа алатка, тие ќе имаат мотивација да се градат и развиваат во рамки на сопствената држава“, изјави Перински. Перински ја нагласи и важноста на подобрувањето на условите за образование. „Иако не е мој ресор директно, како влада сме насочени кон реконструкција и вложување во инфраструктурата во рамки на факултетите и во реконструкција на студентските домови, за што се предвидени 18 милиони евра“, кажа Перински. Перински на крајот на својата изјава испрати силна порака. „Верувајте ми, без млади нема иднина, ниту за локалната самоуправа, ниту за државата. Ние, како влада и локална самоуправа, ги мотивираме да останат, да растат и да се развиваат тука. Бидејќи, секаде на друго сте гости, само дома сте дома. Младиот човек треба да има соодветно образование и услови за реализација. Потоа, треба да му се пружи алатка како своите идеи, стекнати преку образовниот процес, да ги реализира и надоградува во рамки на својата држава“, заклучи Перински....

Браќата Шарл (27) и Артур Леклерк (24) ќе испишат историја во Формула 1 кога в петок ќе се појават во болидите на Ферари на првиот слободен тренинг пред Големата награда на Абу Даби закажана за 8 декември на патеката „Јас Марина“. Тоа ќе биде прв пат во историјата на Формула 1 браќа како клупски колеги официјално да настапат на Ф1 викенд. Шарл Леклер е еден од најдобрите возачи на денешницата, додека неговиот помлад брат е развоен возач на Скудерија. Артур Леклер ќе го замени Карлос Саинц на првиот слободен тренинг в петок, исполнувајќи ја втората задолжителна сесија за дебитантите на Ферари оваа сезона, според правилата на ФИА. Ферари денеска објави слика на социјалната мрежа Икс на која се гледаат браќата Леклер заедно во исти комбинезони со натпис „креатори на историјата“. Шарл и Артур ќе бидат првите браќа кои ќе возат за ист тим во исто време, но тие не се и првите браќа кои возеле во Ф1. Најпознати, секако, се Германците се Михаел и Ралф Шумахер, но тие не возеа во ист тим. Мексиканците Педро и Рикардо Родригез исто така се тркаа за Ферари, но, не во исто време. ФОТО: Икс...

Кошаркарите на МЗТ Скопје Аеродром ја забележаа вечерва втората победа во регионалната АБА 2 лига, совладувајќи го на гостински терен Тиват со 70-65 во рамки на 5 коло во групата А. Македонскиот шампион уште пред вечерашното гостување во Црна Гора остана без шанси за пласман во плејофот, откако Цедевита триумфираше над Хелиос и со тоа овие две екипи ги потврдија првите две места во групата. Најефикасни во редовите на МЗТ Скопје Аеродром вечерва беа Брандон Слај и Марко Баковиќ со по 14 поени. МЗТ Скопје Аеродром ќе ја заврши групната фаза на третото место во групата А во која во последниот натпревар без резултатско значење ќе игра против Цедевита на 19 декември на домашен терен. ег ФОТО: КК МЗТ Скопје Аеродром/Фејсбук...

Македонскиот ракометен шампион Еурофарм Пелистер вечерва во Битола беше подобар од шампионот на Полска, Висла и го совлада со 21:18 (12:10). Во дуелот на словенечки интернационалци во двата тима, предводени од шпански тренери, сепак македонските репрезентативци, голманот Никола Митревски и голгетерот Филип Кузмановски го решија натпреварот и обезбедија нови европски бодови за Еурофарм Пелистер кои можеби ќе го одведат во следната фаза од Лигата на шампионите. Битолчани беа подобри во текот на целиот натпревар, особено во второто полувреме кога во неколку наврати имаа предност од пет голови (15:10, 16:11 …), а кога средбата влегуваше во неизвесна фаза, тогаш сигурност влеа голманот Митревски кој вечерва имаше над 40 проценти успешна одбрана на домашниот гол. Во полната сала „Боро Чурлевски“ на крајот со овации беше поздравена втората победа на битолчани кои сега се на 6 место на табелата од групата „А“ кое обезбедува пласман во следната натпреварувачка фаза. Во европската Лига на шампионите настапува пауза, а ќе продолжи в година кога треба да се доиграат уште четири натпревари во кои Еурофарм Пелистер има тежок распоред но голема самодоверба и оптимизам по доаѓањето на шпанскиот тренер Алонсо. М. Т. ФОТО: МИА...

Украинскиот претседател Володимир Зеленски вечерва најави воведување санкции како одговор на постапките на актуелната грузиска Влада во последните денови. Во своето редовно вечерно обраќање до сонародниците, Зеленски го осуди однесувањето на грузиската Влада, обвинувајќи ја дека „ја турка земјата во очигледна зависност од Русија“ и дека се спротивставува на интересите на нејзиниот народ, пренесе сајтот „Европска правда“. „Ова што се случува во Грузија не е предизвик само за еден народ или за нашиот регион. Сегашната грузиска Влада ја турка земјата во јасна зависност од Русија. Срамно е да се видат чекорите што ги преземаат против сопствениот народ“, изјави тој во обраќањето , пренесено на неговиот налог на Х. „Кога Москва ги фали грузиските власти, не остава никаков сомнеж за тоа кому тие навистина му служат во Тбилиси – а тоа секако не е народот на Грузија“, рече тој. „Подготвуваме правен одговор и работиме со Европејците и другите партнери на конкретни активности. Им наложив на надлежните органи да подготват соодветни одлуки за санкции“, изјавио украинскиот претседател. Во Грузија речиси една недела има протести откако премиерот Иракли Кобахидзе најави дека се одлагаат преговорите за влез во Европската унија до 2028 година. Балтичките земји веќе најавија санкции против грузиските функционери кои учествуваа во насилното задушување на протестите, вклучително и поранешниот премиер Бидзин Иванишвили....

Францускиот претседател Емануел Макрон вечерва (5 декември) ќе и се обрати на нацијата, откако опозицијата во Франција и изгласа недоверба на владата на премиерот Мишел Барние, соопшти синоќа Елисејската палата. Лидерката на француската крајна десница, Марин Ле Пен, изјави дека притисокот врз Макрон расте, но дека таа не бара негова оставка, нагласувајќи дека само Макрон може да одлучи за тоа. На владата на премиерот Барние вечерва и беше изгласана недоверба со мнозинство гласови во парламентот, со што стана првата француска Влада на која и е изгласана недоверба уште од 1962 година, кога на нејзино чело беше популарниот Жорж Помпиду. фото: МИА архива...

Според календарот на МПЦ (Јулијанскиот календар) денеска е 22 ноември. Денеска е Св. маченица Кикилија (Цецилија). Света Кикилија Римјанка се роди во богато и угледно семејство. Рано се одлучи на девствен живот. Подоцна, родителите ја омажија за некое незнабожечко момче, Валеријан. Уште првата ноќ, Кикилија го посоветува да се крсти и во бракот да продолжат да живеат девствено. Тој се крсти, а подоцна кон Христос го привлече и својот брат Тивуртиј. Не помина многу време, а двајцата браќа беа погубени од римската власт заради нивната вера. А света Кикилија не престануваше да ги придобива незнабошците за верата во Христа, па најпосле и таа беше погубена, во 230 година. Моштите и се наоѓаат во Рим, во црквата што го носи нејзиното име. ОД КАТОЛИЧКИОТ КАЛЕНДАР: Денеска е Св. Саба. Покрај свети Пахомија и свети Базилија, тој е еден од најголемите основачи и двигатели на монашкиот живот на Исток. Роден е во Кападокија, во Мала Азија. Евангелските зборови: “Ако сакаш да бидеш совршен, продади се што имаш и на сиромашните да им дадеш пари, па ќе бидеш блажен на небото!” – толку силно делувале на него, така што го прифатил монашкиот живот. Свети Саба умрел во длабока старост, на 92 години. Како светец се прославил и во источната и во западната црква....

Бугарскиот весник „Зарја“ во 1903 г. се спротивставува на големо-бугарската политика против Македонија за припојување кон Бугарија. Имено, говорејќи за македонското дело и борбата за автономија на Македонија, додека Илинденското востание сѐ уште траело, овој напис нагласува дека тоа не е бугарско дело, а Македонците се борат за своја држава. Статијата под наслов „Македонско движење“ јасно нагласува дека Македонците не се Бугари, Срби, Романци, ниту Грци, туку одделна нација, со право на своја слободна, засебна, самостојна национална македонска држава. Така, првото гледиште, според бугарскиот весник, е „националистичко“, и него го застапуваат велико-бугарите и тн. „врховисти“ – групата на Иван Цончев и Стојан Михајловски. Натаму, исто така, се вели: – „Второто гледиште е интернационалното, меѓународното – коешто ја смета Македонија не како бугарска земја, туку како една несреќна и нечовечно измачена од едно недозволиво ропство – соседна земја; коешто искрено се бори за слободата на Македонија – не за Бугарите, туку за Македонците.“ Според тоа второ гледиште во написов, коешто се стреми „да го покаже македонското дело како не-бугарско”, Македонија ќе биде независна, самоуправна држава, или евентуално, во една идна, замислена балканска федерација под меѓународна заштита. ИЗВОР: „Заря”, 20 септември 1903 г., бр. 2, стр. 4. ЗАБЕЛЕШКИ: Весникот „Зарја“ е издаван во градот Габрово, средишна Бугарија. За бугарскиот весник, големо-бугарската наци-шовинистичка доктрина и политика, е „националистичка“ – во тоа време и тој контекст. Објективно, сепак, таа доктрина не била „националистичка“, туку национал-шовинистичка, асимилаторска и завојувачка идеологија. ——/ Линкот до објавата на страницата може да го отворите ТУКА (Подготви: Д. Г.)...

Денеска е 22 ноември според стар стил и се слави Св. маченичка Кикилија (Цицилија). Родена е во Рим од богати и угледни родители. Имаше голема вера во Христа и голема ревност за верата. Заветувана на Бога на вечна девственост, под раскошните фустани што ѝ ги подаруваа родителите Кикилија носеше остра власеница. А кога ја присилија на брак, и тоа со некаков незнабожец, Валеријан, таа уште првата ноќ го посоветува младоженецот да отиде кај епископот Урбан и да се крсти, па потоа и самиот да живее во девственост. Откако ја прими Христовата вера, Валеријан го обрати и својот брат Тивуртиј. Наскоро потоа обајцата браќа заради верата во Христа беа осудени на смрт. Кога ги водеа на губилиште тие успеаја да го обратат и водачот на стражата, Максим. Сите тројца заедно пострадаа за Господ Исус Христос. Светата Кикилија ги погреба нивните тела заедно. Тогаш беше изведена на суд и Кикилија зашто непрестајно ги придобиваше незнабожците за Христовата вера. Само во една вечер придоби околу четиристотини души. Кога ја праша судијата од каде ѝ е толкавата смелост, таа одговори: „Од чиста совест и безсомнежна вера“. После тешки маки беше осудена на убиство со меч. Џелатот ја удираше по вратот трипати, но не можеше да ја убие; само ја рануваше и од вратот истекуваше крв којашто верните заради исцелување ја собираа во марами, сунѓери и садови. Три дена потоа Христовата маченичка Му го предаде својот дух на Бога, Којшто ја прими во Своето вечно блаженство. Света Кикилија со останатите пострада околу 230 година. Нејзините мошти почиваат во црквата со нејзиното име во Рим. Во западната црква Света Кикилија се смета за заштитничка на црковното пеење и музика....

Денеска се одржа првата седница на новиот состав на Извршниот одбор на СДСМ посветена на повеќе политички, безбедносни и економски актуелни теми, се вели во партиското соопштение и се додава: „СДСМ остро се спротивставува на секој предлог за зголемување на старосната граница за заминување во пензија на 67 години. Таквиот чекор претставува директен удар врз работниците, нивното достоинството и труд.“ Во однос на поднесените интерпелации од политичката партија ДУИ, Извршниот одбор заклучи дека нема да ги поддржи и гласа за овие интерпелации. Според ИО тие не претставуваат решение за кризата во овој момент и може да значат нови поделби по етничка основа....

Иранскиот парламент денеска усвои нов контроверзен закон со што значително се заострува постоечкиот кодекс на облекување кај жените и мажите, а што веќе предизвика протести низ целата земја и ја разниша стабилноста на исламистичкиот режим. Новиот закон за „чедност (невиност) и хиџаб“ е усвоен од тврдокорниот парламент и одобрен од Советот на чувари, кој обезбедува усогласеност на законот со Уставот и исламскиот закон. Законот, за да стапи на сила, допрва треба да го потпише претседателот на државата. Претседателот Масуд Пезешкијан, кој е критичар на строгиот кодекс на облекување, го изрази своето противење на законот, подготвувајќи се за можен судир со конзервативците кои ја поддржуваат иницијативата. Неговиот потпис на законот е главно церемонијален, што му дава малку простор да го блокира законодавството. Пезешкијан на социјалните мрежи призна дека ќе биде тешко да се запре законот. Законот воведува тригодишен пробен период во кој ќе се применуваат построги казни за кршење на хиџабот и несоодветно облекување, и за жените и за мажите. Тој ја дефинира непристојната облека како облека што го открива телото под вратот, над глуждовите и подлактиците кај жените, додека кај мажите забраната се однесува на изложеност под градите, над колената, како и на рамената....

Додека зимата тропа на вратата, многумина веќе влегоа во празничниот дух. Во последно време, сезоната на празници се чини дека станува „поширока“ на календарот – некои почнуваат да ги украсуваат своите домови уште во октомври, додека други тоа го прават веднаш по Ноќта на вештерките. Празничните украси носат радост и топлина во домовите ширум светот, па ако веќе сте ја поставиле вашата елка, не грижете се – можеби сте само еден од оние луѓе кои сакаат да ја продолжат празничната магија и да донесат малку светлина во мрачното зимски денови. Доколку веќе сте ги извадиле светилките, бабурите и сте ја накитиле елката, еве што велат експертите за тоа. Според психолозите, рано украсување на вашиот дом може да открие многу за вашата личност. Психологот д-р Кармен Хара објаснува дека оваа навика често ги одразува длабоките емоции и потсвеста. „Луѓето кои рано го украсуваат својот дом често чувствуваат празнина што се обидуваат да ја пополнат, или од носталгија или од желба да ги импресионираат другите“, вели д-р Хара. „Некои уживаат во вниманието што го привлекуваат со раскошните украси, додека други тоа го гледаат како можност да создадат совршена семејна атмосфера која ќе ги прикрие вистинските проблеми“. Бегство од секојдневието Една од причините за рано украсување може да биде желбата да се привлече внимание, смета д-р Хара. „Нарцисите особено уживаат да се истакнат нивните украси, што го прави нивниот дом предмет на восхит. Тоа е начин да се задоволи егото и потребата за пофалби“, објаснува таа. Сепак, не е се во покажувањето. Психотерапевтката Ејми Морин, авторка на 13 работи што не ги прават ментално силните луѓе, верува дека носталгијата е клучен фактор. „За многу луѓе, Новата година и Божиќ се дел од магичното време на детството, исполнето со среќни спомени. Раното украсување им овозможува да се вратат во тие моменти и да го продолжат чувството на радост и топлина што ги носи празничната сезона“, вели таа. Исчекување на среќа Според професорот Ерлангер А. Според Тарнер, клинички психолог на Универзитетот Пепердајн, раното дотерување може да биде поврзано со исчекувањето на радоста. „Кога луѓето рано ги украсуваат своите домови, тие го продолжуваат чувството на возбуда и задоволство што доаѓа со празничната сезона“, објаснува тој. „Во денешниот свет полн со стрес и неизвесност, уредувањето на домот често станува начин луѓето да ја вратат контролата и да го подобрат своето расположение. Клучот за подобро расположение и дружење Студија од 1989 година покажа дека присуството на празнични украси може да ги направи луѓето подружељубиви и попристапни. Британскиот психоаналитичар Стив МекКеон додава дека украсувањето често има свои корени во детството. „Носталгијата игра огромна улога, но некои луѓе имаат и потреба да го надополнат она што го немале – можеби нивните родители не ги славеле празниците како што сакале“, вели тој....

Американскиот претседател Џозеф Бајден (82) заспал за време на дискусијата за железницата на самитот во Ангола, објави Дејли мејл. За време на посетата на таа земја, Бајден најави изградба на железнички коридор вреден 2,5 милијарди долари, кој ќе ја поврзе Африка. Меѓутоа, за време на дискусијата со африканските власти и американските бизнисмени кои инвестираат во железницата, Бајден двапати ги затвора очите најмалку 80 секунди, пишува Дејли Мејл. Америка и нејзините сојузници инвестираа значителни средства во реконструкцијата на железничката линија што ги поврзува Замбија, Конго и Ангола. Бајден изјави дека „Африка е предолго запоставена, но тоа веќе нема да биде така, бидејќи Африка е иднината“. Бајден најави дека до крајот на деценијата железницата би можела да ги поврзе западниот и источниот брег на Јужна Африка, што би го забрзало транспортот, кој траел 45 дена до помалку од 45 часа. Тој, исто така, рече дека сака да го искористи проектот за да се спротивстави на зголеменото влијание на Кина во Африка, имајќи предвид дека Кина веќе има големи инвестиции во рударството и преработката на минерали....

Повеќе луѓе се избодени со нож во центарот на Ванкувер пред осомничениот да биде застрелан од полицијата, соопштија властите. ❗️🔪🇨🇦 – Multiple People Stabbed in Downtown Vancouver: The Vancouver Police Department (VPD) is actively responding to a violent episode near the intersection of Robson and Hamilton streets. Several individuals were reportedly stabbed, and the suspect has been shot by… pic.twitter.com/kDiLyUOkIw — 🔥🗞The Informant (@theinformant_x) December 4, 2024 Полициската управа на Ванкувер објави кратко соопштение на социјалните мрежи околу пладне по локално време, велејќи дека полицајците биле на местото на настанот по „насилен инцидент“ во близина на улиците Робсон и Хамилтон, објави CBC ....

Фондот за здравствено осигурување констатирал многу злоупотреби во повеќе здравствени установи во земјава. Директорот Сашо Клековски во интервју за „Алсат“ рече дека се поднесени кривични пријави против шестмина директори. Клековски очекува обвинителството да постапи брзо, притоа потенцирајќи дека неколкупати контактирал со надлежните за да праша до каде се истрагите Тој вели дека се работи за директор на здравствена установа во Тетово, додека останатите пет се од Скопје. Клековски појасни дека станува збор за индивидуални и структурни злоупотреби. Друг проблем со кој се соочуваат здравствените установи е долгот на здравствените установи. Клековски рече дека долгот достигнува 5 милијарди денари....

Републиканците ќе имаат тесно мнозинство од 220 спрема 215 члена во Претставничкиот дом на САД, откако демократите освоија едно место во Калифорнија, според податоците на Edison Research објавени денеска. Новоизбраниот американски претседател Доналд Трамп и неговите републиканци ќе ја контролираат Белата куќа и двата дома на Конгресот почнувајќи од следниот месец, откако земјата се сврте надесно на изборите во ноември и демократите ги загубија Белата куќа и Сенатот. Демократот Адам Греј го освои 13-то место во Конгресниот округ во Калифорнија во последната трка за Претставничкиот дом на изборите на 5 ноември, според Едисон Рисрч. Републиканците оваа недела ги изложија плановите за спроведување на агендата на Трамп веднаш штом тој ќе ја преземе функцијата. За време на кампањата Трамп најави воведување нови царини, масовни депортации на илегалните имигранти, дерегулација на енергетскиот сектор и продолжување на даночните намалувања што ги спроведе во неговиот прв мандат, а кои истекуваа следната година....

Француската влада падна вечерва откако опозициските пратеници гласаа за недоверба на премиерот Мишел Барние и неговиот кабинет. Со поддршка од 331 пратеник, меѓу кои и екстремната десница и левицата, гласањето дополнително ја продлабочи политичката криза во земјата, објави Скај Њуз. BREAKING: French Prime Minister Michel Barnier has effectively been ousted in a historic no-confidence vote. @DominicWaghorn explains what could happen next 👇https://t.co/LPERc5MdlQ 📺 Sky 501, Virgin 602, Freeview 233 and YouTube pic.twitter.com/dmrhfsel5l — Sky News (@SkyNews) December 4, 2024 Настанот ја загрозува способноста на Франција, втората по големина економија во ЕУ, да донесе закони и да го заузда својот голем буџетски дефицит. Барние, кој е на функција само три месеци, сега е должен да ја поднесе својата оставка, како и оставката на целата влада до претседателот Емануел Макрон. Дебаклот на француската влада влече корени во одлуката на претседателот Макрон да го распушти парламентот во јуни, што доведе до предвремени избори. Тие избори резултираа со парламент поделен на три приближно еднакви групи без јасно мнозинство, а Макрон не сакаше да им верува на левите или десните опции, туку на центристите блиски до него. Ова значеше дека малцинската центристичка влада предводена од Мишел Барние беше на милост и немилост на левичарскиот сојуз Нов народен фронт (НФП) и екстремно десничарскиот Национален митинг (РН) предводен од Марин Ле Пен, кои заедно имаа доволно пратеници за соборување . Барние во понеделникот најави дека, за да избегне гласање во парламентот, ќе го протурка делот од буџетот што се однесува на социјалното осигурување преку посебна процедура, што не беше поддржана ниту од НФП ниту од РН. Оваа постапка, пак, им овозможи на претставниците на опозицијата да иницираат гласање недоверба. И левицата и екстремната десница ветија дека ќе го сторат тоа по дебатата која започна денеска во 16 часот. Нови избори уставно не се можни пред јуни, а Макрон сега ќе се соочи со голем предизвик во именување на нова влада во парламентот кој е повеќе поделен од кога било, како и повиците за негова оставка....

Чеченскиот лидер Рамзан Кадиров денеска изјави дека не останува уште многу до крајот на конфликтот во Украина. Кадиров во разговор со граѓаните рече оти е сигурен дека нема долго до завршување на војната, иако секогаш има луѓе кои имаат интерес војната да продолжи за да заработат. „Ако ме прашувате мене, не сакам оваа војна да заврши додека овие луѓе се уште се тука“, рече Кадиров, пренесе РИА Новости. Тој го повика и новоизбраниот претседател на САД, Доналд Трамп, „да му докаже на светот дека е маж“ и да го исполни своето ветување дека ќе го запре конфликтот во Украина со суспендирање на финансиската помош за Киев. Минатиот јануари Трамп рече дека би можел да стави крај на конфликтот во Украина за 24 часа. Во мај оваа година тој повторно вети дека доколку се врати во Белата куќа ќе постигне крај на конфликтот меѓу Русија и Украина. „Тој (Трамп) нема да може да ја запре војната за 24 часа, таа не е во негови раце. Тој може да го прекине финансирањето од неговата земја и неговите европски кучиња, а потоа, можеби, претседателот (Владимир) Путин ќе го има последниот збор. И затоа, мислам дека ако е маж, тогаш тоа треба да му го докаже на целиот свет“, рече Кадиров. Тој во разговор со граѓани изјави и дека украинско беспилотно летало денеска удрило во зградата на специјалниот полициски полк „Ахмат Кадиров“ во центарот на Грозни и дека има повредени цивили. „Денеска беспилотно летало го погоди центарот на градот. Уништен е покривот на еден полк… Повредени се цивили“, рече Кадиров. Кадиров не соопшти повеќе детали за повредените....

Претседателот на Украина Володимир Зеленски најави воведување санкции како одговор на дејствијата на актуелната грузиска влада. Во своето вечерно обраќање, Зеленски го осуди однесувањето на грузиската влада, обвинувајќи ја дека „ја турка земјата во очигледна зависност од Русија“ и дека стои против интересите на нејзиниот народ, објави „Европска правда“. Зеленски истакна дека однесувањето на грузиските власти е „срамно“ и нагласи дека кога Москва ја фали таа влада, јасно е за кого работи во моментов. Тој додаде дека во моментов „протестите се прекинуваат“ во Тбилиси и дека тоа не е во интерес на Грузија. Во таа насока, претседателот на Украина најави дека ќе преземе конкретни чекори заедно со меѓународните партнери. „Наредив подготовка на релевантни одлуки за санкциите“, рече Зеленски. Речиси една недела траат протестите во Грузија, откако премиерот на таа земја Иракли Кобахидзе најави дека прашањето за преговорите за влез во Европската унија ќе се одложи до 2028 година. Балтичките земји веќе најавија санкции против грузиските функционери кои учествуваа во насилното задушување на протестите, меѓу кои и поранешниот премиер Биџин Иванишвили, пренесува Танјуг....

Во свечената сала на Владата, утре во 11:00 часот ќе се одржи состанок помеѓу премиерот Христијан Мицкоски и претставниците на стопанските комори во однос на промоција на новогодишната потрошувачка кошничка која се состои од листа на прехранбени производи и алкохолни и безалкохолни пијалаци предложени од страна на производителите и трговците кои за време на новогодишните празници ќе бидат понудени на потрошувачите по ниски цени. По состанокот, во 11:45 часот прес-конференција за медиуми ќе одржи претседателот на Владата, Мицкоски....

Брајан Томпсон, извршниот директор на UnitedHealth (UNH.N), беше фатално застрелан денеска наутро по локално време, пред хотелот во центарот на Менхетен, соопштија полициски функционери од Њујорк, дополнувајќи дека најверојатно тој бил цел на нападот. Нападот се случил околу 6:40 часот наутро пред хотелот Хилтон на Шеста авенија, непосредно пред закажаната конференција на инвеститори во тој хотел. Томпсон бил пренесен во блиската болница, каде што бил прогласен за мртов. – Ова не изгледа како случаен акт на насилство, изјави Џесика Тиш, комесар за полиција во Њујорк, на денешната прес-конференција. – Изгледа дека осомничениот лежел чекајќи неколку минути, додаде таа. Полицијата сè уште трага по маскираниот осомничен. Полицијата објави плакат со награда за информации во врска со пукањето, на кој се прикажани снимки од надзорни камери на човек кој носи сив ранец и вози велосипед, и уште една фотографија на поединецот кој изгледа како да покажува оружје. Според Тиш, последен пат бил виден во Централ Парк. „Брајан беше високо почитуван колега и пријател на сите што работеа со него”, се вели во соопштението од UnitedHealth Group. “Тесно соработуваме со полицијата на Њујорк и бараме ваше трпение и разбирање во овој тежок период. Нашите срца се со семејството на Брајан и со сите што му беа блиски.” UnitedHealthcare е најголемото здравствено осигурување во САД, кое обезбедува бенефиции за десетици милиони Американци кои плаќаат повеќе за здравствена заштита отколку во која било друга земја. Извршниот директор на UnitedHealth Group, Ендрју Вити, излезе на сцена во хотелот Хилтон околу еден час по почетокот на настанот за да соопшти дека се откажува конференцијата. – Имаме многу сериозна медицинска ситуација со еден од нашите членови на тимот, и затоа, за жал, ќе мораме да го завршиме настанот, рече тој. Полицијата ја блокирала областа на 54-та улица пред хотелот Хилтон, каде што беа расфрлани сини пластични ракавици, а пластични чаши покажувале локацијата на неколку чаури од куршуми....

Новоизбраниот американски претседател Доналд Трамп денеска одлучи да го избере Џаред Ајзакмен за шеф на НАСА, а кој е близок соработник на Илон Маск, основачот на СпејсХ, кој тесно соработува со НАСА. Ајзакмен, пилот и комерцијален астронаут и извршен директор на компанијата за обработка на плаќања „Shift4 Payments“, ја води приватната програма Поларис, што се користи со леталата на СпејсХ за испраќање астронаути во орбитата. Доколку биде потврдена номинацијата, Ајзакмен ќе го контролира буџетот на НАСА од 25 милијарди долари, фокусиран на враќањето на човекот на Месечината како дел од програмата Артемис, проект вреден повеќе милијарди долари промовиран од Трамп во неговиот прв мандат, а кој во голема мера ќе се потпира на ракетата Старшип на СпејсХ. Последните двајца директори на НАСА беа поранешни политичари. Првиот беше избор на Трамп, поранешниот конгресмен од Оклахома, Џим Брајденстајн, кој ја започна програмата Артемис и го убеди Конгресот да го зголеми буџетот на агенцијата за да го финансира. Вториот, како избор на Бајден беше поранешниот сенатор од Флорида, Бил Нелсон....

На маргините на министерскиот состанок на САД- Јадранската повелба, министерот за одбрана Владо Мисајловски, денеска оствари средба со помошничката на секретарот за одбрана на САД за меѓународни безбедносни прашања, Селест Валандер. -Македонско-американските билатерални одбранбени односи се рефлексија на стратешкото партнерство и сојузништво кое постои помеѓу нашите две земји. Благодарност за поддршката во процесот на модернизација на македонската Армија и за континуираниот интерес за развој на интероперабилноста помеѓу нашите две сојузнички Армии, потенцира Мисајловски....

Економијата на Аргентина е синоним за комплексност. Речиси 90 години, земјата се соочува со економски проблеми предизвикани од лошо управување, со популистички лидери што ветуваат сè додека тивко ја носат државата во криза. Брзо премотување до 2024 година, и работите не се многу подобри. Сегашниот претседател, Хавиер Милеј, со своите остри мерки на штедење ги турна стапките на сиромаштија до застрашувачки 53%, оставајќи милиони да се борат за опстанок. Но, Аргентина има и убави страни! Добредојдовте во Аргентина! Ова е земја на глечери што ќе ви го одземат здивот, ноќни клубови до 4 часот наутро и едни од најдобрите стекови што ќе ги пробате во животот. Овде фудбалот е религија, мате е ритуал, а „собремеса“ е практично олимписки спорт. Аргентина е хаотична, страсна и неверојатно фасцинантна. Аргентина е земја толку голема што е речиси двојно поголема од Алјаска. Да, оваа јужноамериканска џиновска земја е осма по големина во светот. Со ваква територија, не е изненадување што Аргентина е вистинско географско богатство. Од глечери до џунгли, тука има сè. Да почнеме со Патагонија на југ, дом на неверојатни глечери како Перито Морено и драматичните врвови на планината Фиц Рој. Во меѓувреме, Пампасите, плодните рамници на Аргентина, се дом на гаучосите и славната аргентинска индустрија за говедско месо. Патувајте на север, и водопадите Игуазу ќе ви го разнесат умот. Ова не се само водопади, туку гласна симфонија на природата која го обележува граничниот предел со Бразил. Замислете да стоите таму, натопени од маглата, прашувајќи се како Земјата одлучила да се покаже на ваков начин. Ако повеќе ве привлекуваат планините, планината Аконкагва во Андите го има највисокиот врв надвор од Азија, предизвикувајќи ги авантуристите да ги освојат нејзините височини. Контрастот продолжува со северните џунгли, полни со егзотичен див свет, и сувите пустини на регионот Кујо. Без разлика дали пешачите, се возите со кајак, или само зачудено ги гледате пејзажите, разновидноста на Аргентина ветува бескрајна авантура. Тоа е како пет земји спакувани во еден епски пакет. Големината и разновидноста на Аргентина ја прават рај за љубителите на природа и трагачи по возбуда. Без разлика дали ловите водопади или пешачите по глечери, оваа земја е географски џекпот што чека да се истражи. Но, ако географијата на Аргентина е импресивна, почекајте да слушнете за нејзината храна. Добредојдовте во кулинарскиот главен град на Јужна Америка, каде што секој оброк е како прослава. Не е изненадување што стекот сервиран во Дон Хулио, ресторан во Буенос Аирес, беше прогласен за најдобар во светот во 2024 година. Кулинарскиот крунски бисер овде е асадото, аргентинската верзија на скара. Замислете скара полна со ребра, чоризо и стек, сето тоа испечено до совршенство и послужено со сос од чимичури. Тоа е повеќе од оброк; тоа е национален хоби. И да не ги заборавиме миланезите—панирани, пржени парчиња месо што се утеха на чинија. Љубителите на слатки, радувајте се! Аргентина ве покрива со дулсе де лече, карамеласт намаз што локалците го ставаат на сè, од тост до алфахорес, нивните познати колачиња-сендвичи. Не прескокнувајте ги и тортас фритас, вкусни пржени теста идеални за дождливи денови. За промена, пробајте каипиринја, инспирирана од Бразил, бидејќи дури и Аргентина знае да цени добар кулинарски увоз. Јадењето овде е културно искуство. Аргентинците обично вечераат доцна, често почнувајќи околу 8 или 9 часот навечер, а sobremesa—долгите, опуштени разговори по оброкот—можат да траат до раните утрински часови. Јадењето не е само за храна; тоа е за поврзување, смеење и создавање спомени. Во Аргентина, секој залак раскажува приказна. Без разлика дали уживате во совршено испечен стек или се препуштате на леплив алфахор, ќе станете од трпезата чувствувајќи дека сте вкусиле дел од душата на оваа земја. Ајде да зборуваме за пијалаци, бидејќи Аргентинците не се шегуваат кога станува збор за нивните напивки. Прво и основно е матето, националниот пијалак и веројатно најсоцијалната активност во земјата. Мате не е само чај; тоа е ритуал. Замислете тиква полна со јерба мате, метална сламка и група пријатели кои го споделуваат како заеднички пехар на пријателство. Пиењето мате е културна уметност. Горчливо е—толку горчливо што почетниците често се намрштуваат при првата голтка. Додадете малку лимон ако се привикнувате, но вистинските локалци ќе ве осудат ако не го прифатите целосното искуство. Споделувањето мате е знак на доверба и гостопримство, што го прави врвен олеснувач на разговор на секое собирање. Но матето не е единствениот пијалак во градот. Фернет и кока-кола е омилениот пијалак за забава во Аргентина. Замислете го како ритуал на иницијација за ноќен живот. Фернет, билен ликер, се меша со кока-кола за уникатен горчливо-сладок коктел што ја поттикнува прочуената жива ноќна сцена во Аргентина. Кога сме веќе кај ноќниот живот, Аргентинците се забавуваат како да нема утре. Клубовите не стануваат полни до полноќ, а забавата трае до раните утрински часови. Без разлика дали пиете мате на лежерно собирање или фернет во 4 часот наутро на танцувачки под, културата на пијалаци во Аргентина ја рефлектира нивната љубов за поврзување и славење. Во Аргентина, фудбалот не е само спорт; тоа е начин на живот. Од оживеаните улици на Буенос Аирес до најмалите рурални села, фудбалот е крал. Оваа страст беше јасно видлива кога Аргентина ја освои светската првенствена титула во 2022 година, испраќајќи повеќе од 10% од населението на улиците да слави—тоа се повеќе од 4 милиони луѓе обединети од една славна победа. Љубовната врска на Аргентинците со фудбалот започнува од мали нозе, со деца што играат на секое соседско игралиште и уличен агол. Спортот е вткаен во националната ткаенина, извор на гордост и идентитет. Клубови како Бока Јуниорс и Ривер Плата предизвикуваат жестоки ривалства што делат семејства, пријатели, па дури и цели градови. Но, кога националниот тим излегува на теренот, сите разлики се заборавени. Лионел Меси — име што е практично свето овде — е повеќе од само спортист; тој е симбол на надеж и извонредност. Да се гледа како ја води репрезентацијата до победа е како да се гледа суперхерој во акција. Во Аргентина, навивањето за тимот е исто толку емотивно колку што е возбудливо, со солзи, вресоци и чиста радост. Дури и за оние што не се спортски фанови, невозможно е да не се заразат со енергијата. Фудбалот ја надминува играта, влијаејќи на сè, од улична уметност до секојдневни разговори. Победата на Светското првенство не беше само победа; тоа беше културен момент што ја обедини нацијата како ништо друго. Во Аргентина, фудбалот е религија, терапија и причина за живот споени во едно. Тоа не е само спорт; тоа е прослава на она што значи да се биде Аргентинец—прекрасна, страсна и незапирлива сила. Ако приказната за Аргентина се раскажуваше преку музика, би било мешавина од танго, рок и бескрајна смеа. Живата култура на земјата се напојува од љубовта кон музиката и танцот. Почнувајќи со иконското танго, родено на улиците на Буенос Аирес, ова е страствен и сложен танц што ја рефлектира сржта на Аргентина. Но, тангото е само почеток. Аргентинците се исто толку опседнати со рок музиката, со легенди како Чарли Гарсија и бендови како Сумо што ги предводат сцените. Дури и локални бисери како Ла Негра Бохард додаваат на богатата музичка сцена на нацијата. Без разлика дали се нишате на мелодија на танго или се препуштате на рок концерт, музиката овде е чиста емоција. Аргентинците самите се исто толку страствени колку нивната уметност. Познати по својата топлина и инклузивност, тие ве пречекуваат со прегратка и ве држат насмеани со својот остар хумор. Собремеса, продолжените разговори по оброк, е сведоштво за нивната љубов кон заедницата и поврзувањето. И не изненадувајте се ако ви понудат мате—тоа е нивниот начин да кажат „Сега си дел од нас.“ Културно, Аргентинците се гордеат со својот латиноамерикански идентитет додека ги слават своите мултикултурни корени. Тие се шегуваат за своите политички маки и го прифаќаат животот со невидена страст што е заразна. Без разлика дали е танцување, смеење или едноставно споделување приказни, Аргентинците живеат со страст во секој момент. Културата на Аргентина е калеидоскоп од бои, ритам и радост. Тоа е земја каде што луѓето се подеднакво фасцинантни како и пејзажите, правејќи секоја средба незаборавно искуство. Економијата на Аргентина е синоним за комплексност. Речиси 90 години, земјата се соочува со економски проблеми предизвикани од лошо управување, со популистички лидери што ветуваат сè додека тивко ја носат државата во криза. Брзо премотување до 2024 година, и работите не се многу подобри. Сегашниот претседател, Хавиер Милеј, со своите остри мерки на штедење ги турна стапките на сиромаштија до застрашувачки 53%, оставајќи милиони да се борат за опстанок. Милеј, самопрогласен анархо-капиталист, стапи на функцијата вооружен со метафорична (а понекогаш и буквална) моторна пила, сечејќи ги јавните трошоци за да се справи со инфлацијата. Резултатот? Небесни трошоци, замрзнати пензии и стапки на невработеност што изгледаат како да се зголемени со стероиди. Меѓународниот монетарен фонд можеби аплаудира од страна, но обичните Аргентинци гледаат како нивните паричници исчезнуваат побрзо од Меси на контранапад. За нација што некогаш се гордееше со силната средна класа, овие економски борби се тешки. Семејствата што работат повеќе работи сè уште не можат да си дозволат основни намирници. Јавните службеници ги губат своите работни места, а некои дури се соочуваат со „привилегијата“ да работат исти часови за половина плата (просечната плата е околу 470 долари). Ова е како лоша шега што престанала да биде смешна пред многу години. Ефектите се далеку подлабоки од банкарските сметки — празни фрижидери и исклучени апарати стануваат симболи на кризата. Луѓето се исцрпени, не само физички, туку и емоционално, обидувајќи се да останат на површина во систем што се чини дека е против нив. Но, ако има нешто по што Аргентинците се познати, тоа е нивната издржливост. Многумина продолжуваат да се надеваат на подобри денови. Економски, Аргентина е приказна за аутсајдер што се обидува да се издигне — но големото враќање сè уште не се случило. Ова е земја што се бори со грешките од минатото додека очајно се обидува да трасира пат напред. Ноќниот живот во Аргентина е легендарен, со клубови, барови и танцови подиуми што оживуваат длабоко по полноќ. Во Аргентина, појавувањето во клуб во 10 часот вечерта е како да донесете виљушка на забавата со супа—целосно непотребно. Вистинската акција започнува по полноќ, а забавата не завршува до изгрејсонце. Ноќниот живот во Буенос Аирес е особено иконски, со места што нудат сè, од ритмови на регетон и електронска музика до вечери со танго. Ќе се најдете на танцовиот подиум, со чаша фернет и кока-кола в рака, опкружени со локалци што ја прават забавата да изгледа како олимписка дисциплина. А кога конечно ќе бидете подготвени да ја завршите ноќта—или утрото—тањир емпанади или сочен стек е совршен начин за обновување на енергијата. Но ноќниот живот не е само за клубови и коктели. Аргентинците ја ценат поврзаноста, а голем дел од социјалната сцена се врти околу собремеса—долги, живи разговори по оброкот. Без разлика дали сте на стилски бар на покрив или во неформален паб во маалото, енергијата е заразна, а луѓето ве прават да се чувствувате како да сте пријатели цел живот. Дури и надвор од главниот град, помалите градови како Кордоба и Мендоза имаат живописни ноќни сцени. И не заборавајте ја љубовта кон жива музика—од рок концерти до спонтани сесии со танго, секогаш има нешто што се случува по мрак. Во Аргентина, ноќта не е само време од денот—тоа е начин на живот. Без разлика дали танцувате до зори или се смеете со пријателите, културата на ноќниот живот ја инкарнира страста и радоста што ја прават оваа земја незаборавна. Идентитетот на Аргентина е вистински калеидоскоп на влијанија, благодарение на богатата историја на имиграција и културно спојување. Ова е земја каде што европските корени се мешаат со автохтоните традиции и латиноамериканскиот шарм, создавајќи национален карактер кој е исто толку разновиден колку и нејзините пејзажи. Буенос Аирес, културната престолнина, е дом на микс од Германци, Италијанци, Шпанци и други имигрантски групи што оставиле свој белег во сè, од кујната до архитектурата. Надвор од главниот град, руралните региони задржуваат автохтони влијанија што ја покажуваат длабоката врска на Аргентина со нејзините првобитни жители. Она што ги прави Аргентинците уникатни е нивната способност да ја прифатат оваа разновидност. Не е невообичаено да најдете семејства со мешано европско и латиноамериканско наследство што ги слават и нивните предци и современата аргентинска култура. Оваа инклузивност се проширува и на тоа како Аргентинците ги гледаат своите латиноамерикански соседи. Иако ривалствата постојат, особено на фудбалските терени, постои основно чувство на братство со другите латиноамерикански земји. Социјално, Аргентинците се познати по својата топлина, гостопримливост и исклучителна лојалност. Прегратка и шега се нивниот универзален поздрав, и еднаш кога ќе бидете прифатени во нивниот круг, ве третираат како семејство. Оваа отвореност ја прави Аргентина една од најгостопримливите земји во светот, каде што странците брзо стануваат пријатели. Жените во Аргентина се вистинско олицетворение на духот на земјата—смели, убави и непоколебливо свои. Со мешавина од европски и латино влијанија, нивните карактеристики се восхитувани низ целиот свет. Но, она што ги издвојува не е само нивниот изглед—туку нивната самоувереност и динамична личност. Овие жени се стилски, софистицирани и независни. Тие знаат што сакаат и не се плашат да го следат, било да станува збор за кариерни цели, општествени причини или совршената комбинација на чевли. Нивната директност може да ве изненади, но тоа е дел од нивниот шарм. Жените во Аргентина се исто така длабоко страстни. Без разлика дали станува збор за семејството, фудбалот или нивниот омилен бенд, тие не се само гледачи—тие се учесници во културниот пулс на нацијата. Од водење социјални движења до доминирање во разговорите за време на собремеса, тие носат енергија и увид каде и да се појават. Социјално, аргентинските жени се отворени и ангажирани. Првиот состанок со нив може да изгледа како повторна средба со стар пријател. И додека тие ги ценат комплиментите, најмногу вреднуваат искрената поврзаност и почитта. Жените од Аргентина се исто толку фасцинантни колку и самата земја—комплексни, динамични и незаборавни. Тие не се само убави; тие се живо олицетворение на живописниот и издржлив дух на Аргентина. Аргентинците ја носат својата национална гордост како светлина, и тоа е сјаен микс од култура, спорт и заедница. Храната е столбот на оваа гордост—без разлика дали станува збор за светски познатите стекови, совршено приготвениот мате или слаткиот алфахор, секое јадење е прослава на традицијата и занаетот. И покрај нивните политички маки и економски борби, Аргентинците имаат непоколеблив оптимизам. Тие го слават животот со жар, од бучните пазари до тивките моменти споделени со мате. Тоа е оваа издржливост и радост за животот што ги дефинира како народ. Националната гордост на Аргентина е доказ за нејзината култура, историја и единство. Ова е земја што ги прифаќа своите недостатоци, ги слави своите предности и продолжува да инспирира секој што има среќа да ја доживее одблизу....

Владата на Јужна Кореја понуди колективна оставка поради политичката криза предизвикана од одлуката на претседателот Јун Сук Јеол да воведе вонредна состојба, соопштија денеска официјални лица. На состанокот свикан од премиерот Хан Дук-су, речиси сите министри, вклучително и министерот за финансии Чои Санг-мок и министерот за образование Ли Ју-хо, понудија колективна оставка поради политичката криза што избувна откако претседателот на Јужна Кореја нареди воена состојба и потоа го откажа истиот ден, но откако неговата извршна наредба не мина на гласањето во Парламентот. Министрите се сметаат за одговорни за оваа одлука, па решија да поднесат оставка. Министерката за правда Парк Сунг-Је денсак изјави дека „нема намера да продолжи со својата функција“. Министерот за одбрана Ким Џонг-хјун, кој наводно му ја предложил воената состојба на претседателот, подоцна исто така најавил оставка. Премиерот Хан апелираше до владата да продолжи да ги извршува своите должности. „Ве замолувам да ги исполните вашите обврски заедно со јавните службеници од сите министерства, со цел да се обезбеди безбедноста на граѓаните и да се зачува секојдневниот живот“, рече тој. Претходно, високи советници од претседателскиот кабинет, вклучително и шефот на кабинетот на претседателот, понудија оставки....

Министерот за надворешни работи на Унгарија, Петер Сијарто, денеска објави дека некои лидери на НАТО сакаат Украина да ја продолжи војната против Русија „не само до последниот војник, туку и до последниот млад човек“. По денешниот состанок на НАТО зад затворени врати во Брисел, тој изјави дека барањата на Алијансата Украина да го намали старосниот праг за нови регрути се „шокантни и крајно опасни“. Наместо да ја намалиме старосната граница за регрутација, транспорт на оружје и обука, треба да зборуваме за мир, прекин на огнот и преговори“, напиша Сијарто на Фејсбук....

Исклучително е важна поддршката која Македонија ја добива од Светската банка за да го подобри квалитетот на образованието и да го зајакне овој клучен столб на севкупниот општествено економски развој. Благодарни сме на вниманието кое ни го посветувате и ни помагате како земја во развој поскоро да ја достигнеме целта, да бидеме развиена земја и фактор кој ќе има поголем придонес кон креирањето на глобалните промени. Ова го истакна министерката за образование и наука проф. д-р Весна Јаневска на денешната панел дискусија за Економскиот извештај на Светска банка за Европа и Централна Азија, насловена „Подобро образование за посилен раст“, што се одржа на Универзитетот „Св. Кирил и Методиј“ во Скопје. „Како релативно нова Влада, која мандатот го започна со силно изразена волја за промени во образованието, детектиравме повеќе клучни предизвици со кои ќе се справиме во текот на мандатот, а од голема полза ќе ни биде и извештајот кој денес е презентиран. Сите одговори ќе ги формулираме низ демократски процеси, транспарентно и со учество на сите општествени чинители, кои имаат волја и знаење да придонесат за градење подобра иднина на државата“, рече Јаневска, додавајќи дека меѓу нив ја вбројува и Светската банка. Посочи дека Македонија сега има јасна визија за правецот во кој треба да се движи и знае во што треба да инвестира – во образование и наука. Најави дека следната година ќе се креира нова стратегија за образование што ќе се применува од 2026 година. „Во меѓувреме, нашиот фокус е насочен кон остварување на неколку клучни цели. Работиме на обезбедување поквалитетни наставни програми и учебници од кои составен дел ќе бидат глобалните новини, како вештачката интелигенција, содржини за развој на зелени вештини и за унапредување на дигиталните. Се фокусираме на оптимизација на училишната мрежа и подобри инфраструктурни услови, но и услови за едносменско работење и продолжен престој за учениците, затоа што факт е дека имаат 900тини часови помалку од нивите врсници во Европа“, нагласи министерката. Говорејќи за подигнувањето на мотивацијата на наставниот кадар, Јаневска рече дека актуелната Влада постигна значаен договор со СОНК кој ќе обезбеди долгорочна економска стабилност на вработените во училиштата преку раст на платите до 60%, зависно од инфлацијата, а потсети дека во 2025 година поголеми плати за 30% ќе добијат и вработените во високото образование. Се работи и на нова законска регулатива во образованието, а шест закони кои веќе го поминаа филтерот на јавноста, наскоро ќе влезат во собраниска процедура. Одговарајќи на прашање во врска со диспаритетот на образовните резултати кај различни групи во државата, министерката рече дека тоа е одраз на повеќе фактори кои етапно ќе се елиминираат. „Ценам дека најмногу ќе помогне оптимизацијата на училишната мрежа. Кога децата од руралните средини ќе преместиме во централните училишта или ќе ги споиме во објект каде има подобри услови од оние во кои следете настава претходно, кога нивната социјализација значително ќе се зголеми, ќе се зголеми и компетитивноста, тогаш и тие ќе покажуваат подобри резултати. Дополнително веќе правиме промени и во моделот на инклузија за подобри резултати на учениците со попреченост, а се трудиме да им помогнеме и на оние кои доаѓаат од социјално ранливи семејства“, рече Јаневска. Образованието почнува да се движи во добра насока. Со засилено темпо на работа, ќе се доближиме до глобалните образовни стандарди за квалитет, а потоа, како што рече министерката, ќе биде полесно да ги следиме во чекор....

Британската војска ќе биде уништена во рок од „шест месеци до една година“ во случај на голема војна, што ја нагласува важноста од обновата на резервните сили во Обединетото Кралство, предупреди секретарот за одбрана за ветерани Алистер Карнес, пренесува Sky News. Карнс, кој и самиот е резервист, рече дека дневната стапка на жртви на руските сили во Украина — убиени и ранети — е околу 1.500 војници. Тој додаде дека способноста на Русија да издржи такви загуби и да продолжи со борбите е дел од нејзиниот план, поради што Британија мора да ја обнови длабочината и ширината на своите борбени сили, особено нагласувајќи ја потребата од повеќе резервисти од сите делови на општеството. Резерви како клуч за опстанок во долготрајна војна – Во војна од големи размери – не ограничена интервенција, туку војна слична на онаа во Украина, нашата војска, според сегашните стапки на жртви, би била исцрпена во рок од шест месеци до една година, како дел од една поширока мултинационална коалиција – изјави Карнс на резервна конференција во Кралскиот институт за одбранбени студии (RUSI) во Лондон, пренесува Sky News. Карнес, кој порано беше полковник во кралските маринци пред да влезе во политиката оваа година, истакна дека Русија веќе е на прагот да ја формира својата трета армија во Украина. – Ова не значи дека ни треба поголема армија, но значи дека мора да бидете во можност брзо да генерирате длабочина и маса во случај на криза – рече тој – Резервните сили се клучни, апсолутно централни во тој процес. Без нив не можеме да создадеме масовни или да исполниме бројни одбранбени задачи. Недоволно инвестирање во резерви Со децении, Велика Британија недоволно инвестираше во своите резервни сили, кои претходно беа многу поголеми. Ограничените ресурси по Студената војна беа фокусирани на редовната армија, Кралската морнарица и воздухопловните сили. Денешните резервни сили се недоволно екипирани, не добиваат соодветна обука и немаат опрема, од оклоп до оружје и борбени возила. Има и различни категории резервисти – оние кои редовно се обучуваат, како и т.н „стратешки резерви“. Стратешките резерви се составени од сите поранешни припадници на војската за одреден период откако ќе ја напуштат редовната служба. За време на Студената војна, овој важен ресурс беше редовно обучен и следен од Министерството за одбрана, но оваа практика беше прекината по завршувањето на Студената војна. Денеска ниту Министерството за одбрана не знае кој е во стратешките резерви, каде се или дали би одговориле во кризна ситуација. Враќањето на резервите ќе бара значително зголемување на инвестициите и обновени напори за потсетување на пошироката јавност за важноста да се служи во резервите. – Мораме да ги потсетиме луѓето дека слободата не е бесплатна – рече Карнс. Тој изрази надеж дека сеопфатниот преглед на одбраната, кој се очекува да биде објавен напролет, ќе даде можност да се воспостави „нов договор за нашите резерви“. – Мораме да ги достигнеме нашите сојузници во НАТО и да ставиме поголем акцент на резервите – рече Карнс. – Мора да ги прошириме нашите активни резерви – обучени волонтери кои за кратко време ќе можат да реагираат. Тој, исто така, ја истакна важноста од разбирање и проширување на стратешките резерви за да се обезбеди подготвеност за потенцијални кризи....

Непозната болест во ноември усмрти 143 лица во југозападниот дел на Демократска Република Конго, пишува новинската агенција Ројтерс. Инфицираните имале силна треска, тешки главоболки и други симптоми поврзани со грип, изјавија во понеделникот заменик-гувернерот на провинцијата Кванго, Реми Саки и министерот за здравство на провинцијата Кванго, Аполинер Јумба. На местото на настанот е испратена група лекари за да утврдат за каква болест станува збор. Таму, како што пишува Ројтерс, ќе собираат примероци и ќе прават анализи. Локалниот лидер Сефориен Манзанза изјави за Ројтерс дека ситуацијата е крајно загрижувачка и дека бројот на заразени се зголемува. Тој додаде дека не може толку лесно да се доставуваат лекови до заразеното место. Реми Саки и Аполинер Јумба рекоа дека болните умираат во своите домови бидејќи немаат пристап до здравствена заштита. Локалниот епидемиолог рече дека оваа болест најмногу ги погодува жените и децата. Светската здравствена организација (СЗО) е свесна за проблемите во ДР Конго од минатата недела. Министерството за здравство на ДР Конго и СЗО соработуваат на истрагата за инфекцијата....

Повеќе градови во Македонија и утрово се загадени. Загадувањето е високо во Скопје, кој и утрово е на листата 10 најзагадени градови во светот и прв најзагаден град во Европа според платформата Ај Кју Ер Според мерните станици на Министерството за животна средина најзагаден град во Македонија утрово е Струмица каде концетрацијата пм10 честичките во воздухот надминува 170 милиграми на метар кубен. За да се спречат големиот број смртни случаи во Македонија како последица на аерозагадувањето и надлежните да преземат итни и среднорочни мерки од граѓанската иницијатива “Зелен хуман град“ за идниот вторник најавуваат протест по скопските централни улици. Според нив целта е уште еднаш да алармираат како да се заштити населението од опасниот воздух. Протестот е закажан за вторник 10 декември во 16 часот пред Министерството за животна средина, потоа присутните ќе се упатат кон Собрание, а ќе завршат пред Влада....

Неуспешен беше и деветтиот обид за избор на претседател на бугарското Народно собрание. Пратениците и денеска гласаа за Силви Кирилов од ИТН и Наталија Киселова од БСП. Сепак, никој од нив не ја доби потребната поддршка. Пратениците утре повторно ќе се сретнат за десеттиот обид да изберат претседател на парламентот. Бугарскиот Парламент веќе четврта недела се обидува да избере претседател, но никој од кандидатите досега не го обезбеди неопходното мнозинство. И денеска, како и на другите претходни гласања, ќе беше избран Кирилов, доколку 18-те пратеници од ДБ, како и исклучените од ПП, Авор Божанков и Даниел Лорер ја поддржеа неговата номинација. Сепак, тие инсистираат на својот став, дека нема да учествува во изборот на претседател на Народното собрание заедно со „Преродба“, кои гласаат „за“ номинацијата на ИТН....

Тешко ми е да замислам дека Балканот би можел да биде приоритет за Соединетите Американски Држави, со оглед на сите турбулентни настани што се случуваат во светот, вели поранешниот висок функционер на американскиот Стејт департмент Филип Рикер. – Потрошивме многу време фокусирајќи се на Балканот, особено во текот на 1990-тите и раните 2000-ти години, кога работев во регионот. Сега, има и други предизвици. И, како што истакна новоизбраниот претседател Доналд Трамп: Америка на прво место. Што е во американскиот интерес, како некое дејствување ќе им помогне на САД, нашата економија и нашите интереси. Тоа е нешто на што можеме да работиме заедно во целиот регион и во таква активност може да бидат вклучени и САД – рече Рикер во интервју за српскиот портал „Радар. Нова“. Дипломатот Рикер вели дека со оглед на тоа што Косово и Србија воопшто не биле спомнати во претседателската кампања во САД, не гледа оти прашањето за Косово во моментов е приоритет. – Не гледам дека во моментов има некаков напредок по прашањето за Косово. Знаете, не е многу паметно да организирате меѓународен настан ако не сте убедени дека можете да постигнете нешто конкретно. Ова е особено случај кога паралелно со ова има многу други главни актуелни прашања на глобално ниво. Во оваа насока, секако не гледам дека организирањето на меѓународна конференција може да биде приоритет за САД. Верувам дека треба да се запрашате, гледајќи го ова прашање од перспектива на новоизбраниот претседател Трамп: Што од тоа би било во интерес на Америка? Не забележав дека за време на претседателската кампања во САД, во целата политичка дискусија воопшто се споменуваше Србија, Косово или целиот регион. Тешко ми е да замислам дека тоа би можело да биде приоритет, со оглед на сите турбулентни настани што се случуваат во светот – вели Рикер....

Унгарскиот премиер Виктор Орбан денеска разговараше со папата Франциск и високи претставници во Ватикан за изгледите за мир во Украина. Орбан во текот на денот треба да се сретне и со италијанската премиерка, Џорџа Мелони. Унгарскиот премиер имаше одвоена средба со поглаварот на Римокатоличката црква, а потоа се сретна со државниот секретар на Ватикан, Пјетро Паролин и со потсекретарот за односи со државите на Ватикан, Мирослав Ваховски. -За време на средбата посебно внимание беше посветено на војната во Украина, со фокус на хуманитарните последици и напорите за поддршка на мирот, се вели во соопштението на Ватикан. На состаноците се разговарало и за унгарското претседавање со Европската унија оваа година, „централната улога на семејството и заштитата на помладите генерации“, се наведува во соопштението. Орбан на социјалните мрежи објави фотографија од утринската миса во базиликата Свети Петар, со порака: „Мораме да ја искористиме шансата за мир!“Орбан, најблискиот сојузник на Кремљ во Европската унија, постојано повикува на мировни преговори и одбива да испрати воена помош за Украина од руската инвазија во 2022 година. Папата Франциск редовно се моли за мир во глобалните конфликти, а за време на денешната аудиенција повторно зборуваше за Украина, како и за палестинските територии, Израел и Мјанмар....

Во скопското Основно обвинителство било формирано ново Одделение за сериозен и сложен криминал. Иако законот оредвидува можност да се формираат одделенија, прашањето е за кои дела ќе биде ова посебно одделение, кое, поред тврдењата го формирале првиот скопски обвинител Гаврило Бубевски и републичкиот јавен обвинител Љупчо Коцевски. Си формирале Одделение за сериозен и сложен криминал во ОЈО Скопје. Обвинителството за гонење на организиран криминал за што служи? Зар ова не е пандан на Обвинителството за организиран криминал? Ова е инка направена за да може сите нови кривични пријави кои ќе бидат поднесени против поранешни функционери да се структуираат во едно одделение за да има јасна контрола и цел, како со тие предмети да се постапува во иднина. Самиот назив на ова Одделение звучи сериозно. А во ОЈО имаме обвинител кој што реално има законски пречки да постапува во ова одделение зашто тој обвинител е избран во јули месец 2023 година. Законот за јавно обвинителство вели дека обвинители кои немаат работно искуство од три години може да постапуваат само по предмети кај што предвидената максимална казна е 5 години. А во содржината на известувањето за формирањето на ова Одделение се наведуваат сериозни кривични дела за кои е предвидена казна доживотен затвор. Како тој обвинител што нема искуство ќе оистапува по овие предмети. Ние како обвинители следиме судска надлежност, ние сме странки во постапката. Ама знаете ли кои заврзлами ќе произлезат од ова одделение. Тој обвинител кој прибавувал докази за конкретен предмет, судот ќе каже ти не си надлежен за овој предмет, запретената казна е над 5 години – коментира обвинителот Мустафа Хајрулахи во поткастот „На кавга со Иван“. Тој вели дека формирањето на ова Одделение за сериозен и сложен криминал во ОЈО Скопје е навидум протнување на мала врата на ново СЈО. СЈО во ОЈО. Имаме решение од Апелација кое стрикно наведува дека за сите предмети кои се под 353, кога се работи за буџетски средства, надлежно е Обвинителството за гонење на организиран криинал. Формално правно ова одделение не треба да постои– додава доскорешниот виш јавен обвинител Хајрулахи кој неодамна беше суспендиран....

Записникот од вонредниот надзор е готов, инспекторите утврдиле неправилности поради што одговорност ќе понесе една од наставничките која била организатор на приредбата, изјави министерката за образование и наука Весна Јаневска во врска надзорот што завчера во училиштето „7 Март“ во Челопек го извршил Државниот просветен инспекторат. -Ќе бидат информирани и директорот и градоначалникот за да постапат по закон, но она што е поважно, според мене, е дека и во ова училиште и во неколку други училишта каде што имавме пријави за нерегуларности, каде што, чесно ќе кажам не се утврдени нерегуларности, но имало некаков револт, ќе спроведеме обука за соживот, мултукултурализам, мултиетничност, и за тоа ќе побараме поддршка и од ОБСЕ, изјави Јаневска денеска во Ректоратот на УКИМ каде што учествуваше на конференција „Подобро образование за посилен раст“. Инспектори го посетија училиштето во тетовски Челопек откако таму на 28 ноември била организирана училишна приредба во која учествуваат ученици облечени во воени униформи со амблеми на УЧК и со пушки во рацете. За настанот реагираше министерката за образование и наука Весна Јаневска, која оцени дека таквиот чин е законски казнив и побара од ДПИ да изврши надзор во училиштето....

Предметот за бонусите е вратен во Обвинителството за организиран кримининал, потврди за „Република“ Јавниот обвинител од Вишото јавно обвинителство, Јован Цветановски. Ова значи дека е донесена одлука спротивна од наредбата на Државниот јавен обвинител Љупчо Коцевски. Има одлука за бонусите во СЈО. Предметот е вратен во Обвинителството за организиран криминал.Решението на Обвинителството за организиран криминал е укинатои дадени се напаствија за продолжување на истрагата за тоа што треба да преземе ОЈО. Целата работа се враќа за утврдување на кривична одговорност-ја објаснува Цветановски одлуката за „Република. Вчера пак државниот јавен обвинител Љупчо Коцевски соопшти дека е поднесен предлог за дисциплинска постапка против вишиот јавен обвинител Мустафа Хајрулахи и јавниот обвинител од Вишото јавно обвинителство, Јован Цветановски. Цветановски претходно за Република објасни дека согледувајќи како се одвиваат работите, „држи“ муабетот од вишиот јавен обвинител Хајрулахи дека целта на сето овасо неговата суспензија е да се направи притисок за случајот за бонусите на СЈО, предмет кој се наоѓа кај него. Притисокот кој подолго време го прави Коцевски е со цел да се потврди првостепената одлука на ВМРО-ДПМНЕ и партијата како поднесител на кривичната пријава да не се даде својство на оштетен. Според тврдењата на Хајрулахи Коцевски го повикал да се качи кај него. Одам кај него, не дочека јас да го прашам ни како сте, ми се обраќа со зборовите „Стигна ли предметот кај вас“. Му викам “Кој предмет?“ Вика: “предметот за бонусите на СЈО“. Да, викам стигна. Кај кого е? Викам кај Цветановски. Вика ќе треба да се потврди првостепената одлука и на политичка партија, на ВМРО-ДПМНЕ, како поднесител на кривичната пријава, да не се даде својство на оштетен. Му викам: обвинителе нека го проучи предметот па ќе видиме. Ги тргна наочарите, ги фрли на маса и рече: јас завршив! Тој мислеше дека има работа со обвинител кој ќе му каже секако, прифатено. Јас се симнав во мојот кабинет, го викнав обвинителот кај кого е предметот му кажав дека ќе составам службена белешка и му објаснив што е како е и кои се притисоците. Службената белешка ја доставив во Совет за јавни обвинители и тие бараа од Коцевски да се произнесе. Дали е нормално републички јавен обвинител да наметнува исход на одлука на обвинител кој не го проучил се уште предметот. Законот е дециден – јавниот обвинител во своето постапување е самостоен. Јас на мојот обвинител не можам да му наложам каква одлука да донесе – тврди Хајрулахи....

Дискусиите на овој министерски состанок на САД – Јадранската повелба се доказ за нашата силна посветеност во унапредувањето на безбедносната соработка и промовирањето на мир, стабилност и добрососедски односи во нашиот регион“, рече министерот за одбрана Владо Мисајловски кој денеска (4 декември) учествува на министерскиот состанок на САД – Јадранската повелба во Тирана. Министерот на работните сесии на состанокот порача дека од најголема важност за зацврстувањето на регионалната безбедност и стабилност е политичко-воената соработка на земјите од Балканот и посветеноста на земјите од Југоисточна Европа кон европските и евроатлантските интегративни процеси. Соработката во рамките на групата А5, рече Мисајловски, е практична и испраќа јасна порака дека нашите народи сакаат да живеат во мир, безбедност и стабилност. САД – Јадранската повелба ја нарече успешен форум за консултации помеѓу земји со заеднички демократски вредности. Мисајловски повика на прагматичност во однос на можностите за заеднички активности, особено во справувањето со хибридните и сајбер закани, кризниот менаџмент и справувањето со разни природни непогоди. Во однос на идните активности, министерот посочи дека земјите-членки треба да продолжат со напорите за идентификување на нови можности за соработка, споменувајќи ги областите како градење на отпорност и сајбер одбрана. Исполнувањето на Акцискиот план на САД – Јадранската повелба за 2024 година во една комплексна безбедносна состојба, рече, ја рефлектира нашата одлучност во проширувањето на опсегот на заедничката соработка. Министерот Мисајловски заедно со останатите претставници од земјите членки на А5 потпишаа заедничка изјава по состанокот. На маргините на министерскиот состанок, министерот Мисајловски попладнево ќе има одвоени средби со неговиот албански колега, министерот Пиро Венгу и со помошничката секретар за одбрана на САД за меѓународни безбедносни прашања, Селест Валандер. САД – Јадранската повелба е основана со Повелбата за партнерство помеѓу нашата земја, САД, Албанија и Хрватска во 2003 година. Во форматот А-5 постои од 2009 година кога кон Повелбата се приклучуваат и Црна Гора и Босна и Херцеговина. Земји-набљудувачи на А-5 се Словенија, Косово и Србија. Целта на оваа иницијатива е заеднички и координиран пристап кон исполнување на критериумите и стандардите на НАТО, унапредување на соработката во Југоисточна Европа и зацврстување на мирот, демократијата, стабилноста во регионот....

Ако сакаме да ја задржиме сегашната способност за одвраќање на НАТО на подолг рок, сегашните издвојувањата за одбраната на ниво од најмалку два отсто од БДП нема да бидат доволни, порача денеска генералниот секретар на Алијансата, Марк Руте на прес-конференцијата по завршувањето на дводневниот состанок на министрите на земјите членки на Пактот во Брисел. – Силно верувам и знам дека многу сојузници силно веруваат дека „два отсто“ не се доволни ако на подолг рок сакаме да ја одржиме нашата способност за одвраќање на ниво какво што е сега. Сега таа е во ред, сега можеме да се браниме себеси ако некој не нападне, но сакаме така да остане и за четири или пет години, рече Руте во одговор на прашање за негов став во врска со најавата на новоизбраниот американски претседател Донналд Трамо дека ќе бара зголемување на издвојувањата за одбраната на членките на НАТО да бидат најмалку три проценти од националните БДП. Руте потенцира дека токму Трамп беше тој кој за време на неговиот прв мандат како претседател на САД иницираше зголемување на трошоците за одбраната и благодарение на таквите негови заложби денес најголемиот број членки на НАТО одвојуваат најмалку два проценти од својот БДП за потребите на одбраната. Сепак, според Руте, зголемените трошоци за одбраната не треба да резултираат само со зголемени приходи на одбранбената индустрија, туку е потребно проширување на одбранбената база, забрзување на испораката на техника и опрема и зголемување на нивното производство. За таа цел, како што нагласи тој, потребно е и зајакнување и соработка на одбранбените индустрии насекаде во НАТО, од Турција, преку Европската Унија, па до САД. Руте додаде дека прашањето за зголемување на одбранбените трошоци е нешто за што ќе треба да се разговара во следниот период, но ако сите се согласуваат дека „двата проценти“ за одбраната не се доволни да долг рок, тогаш ќе мора да се постигне договор за тоа. – Не мора да трошиме десетици проценти, треба да трошиме некој процент повеќе од два отсто. Само ако погледнеме колкави се трошоците за пензии, системот за социјална заштита, здравството…, треба само мало делче од овие трошоци да се пренаменат на трошоците за одбраната и ќе бидеме во позиција да ја задржиме нашата способност за одвраќање на долг рок, рече Руте. Според него, за ова конечна одлука треба да донесат политичарите, чија задача е да обезбедуваат доволно работни места, да овозможуваат економијата да функционира добро и да ја гарантираат безбедност на својата држава. – Овде станува збор за гарантирање на безбедноста на државата и на безбедноста на сите 32 членки во Алијансата, додаде Руте. Тој потенцира дека ќе биде потребно да им се објасни на гласачите зошто се потребни поголеми трошоци за одбраната, но нивното зголемување е нужно доколку НАТО сака да ја задржи својата улога на одбранбен сојуз базиран на демократија и вредности, кој ќе гарантира безбедноста на милијарда луѓе. Фото: МИА Архива...

Министерството за внатрешни работи досега има уапсено 18 лица поврзани со инцидентите на Денот на албанското знаме, од кои четворица се во притвор, додека за десетина се покренати прекршочни постапки поради „дивеењeто“ на улиците и сообраќајниот хаос којшто настана, информираше министерот за внатрешни работи Панче Тошковски, по денешната билатерална средба со неговиот босански колега Ненад Нешиќ. Тошковски упати апел за разум и мудрост, и порача дека МВР одлучно ќе одговори против сите коишто ќе се обидат да го погазат достоинството на граѓаните на Македонија, без оглед дали станува збор за сквернавење на државен симбол на Македонија или на која било соседна земја. Изрази надеж дека станува збор за изолирани случаи, со оглед на тоа дека сторителите на кривичните дела биле млади луѓе, но како што рече „не ми личи за таква работа“. -Соодветно, навремено и одговорно интервениравме како Министерство за внатрешни работи. Го истражуваме сето она коешто е поврзано со овие настани, во насока на тоа дали истите и како истите се случиле, дали од аспект на мотивот, како од аспект на дејствијата коишто беа преземени. Одлучно еднакво кон сите одговоривме. Во текот на првиот ден, при самата прослава уапсивме осум луѓе. Од тие тројца завршија во притвор за палење на македонското знаме. Наредниот уапсивме уште тројца во Прилеп за палење на албанското знаме. Уапсивме едно лице во Куманово за корнење на државен симбол на Република Србија. Исто така приведовме едно лице во Кичево за корнење, буткање и на македонското и албанското знаме. И во текот на вчерашниот односно преквчерашниот ден уапсивме уште едно лице коешто беше фатено како го пали албанското знаме во Скопје и информиран сум дека од судија на претходна постапка му е изречена мерка притвор и нему, рече Тошковски. Во врска со возилата кои беа опожарени во Куманово еден ден по прославата на Денот на албанското знаме, Тошковски рече дека не може да изнесе конкретни информации, бидејќи предметот се уште е во фаза на предистрага, но рече дека станува збор за добро организирана група. -Во овој момент не можам да одговорам повеќе во однос на предметниот кривично правен настан. Кога ќе имаме информации коишто ќе можеме да ги споделиме со јавноста, ќе ги споделиме. Работиме и на тој случај. Да, точно е дека станува збор за добро организирана група. Не би сакал да претпоставувам во овој момент. Имаше претпоставки коишто беа споделени и до јавноста од различни страни. Можеби станува збор за неиспорачување на одредени нешта од минатото, можеби станува збор за подгревање на приказната во истиот дел во којшто разговаравме досега, можеби станува за трети причини, не знам. Во овој момент мислам дека не би било соодветно да говорам со точни информации заради тоа што се уште сме во фаза на предистрага, рече Тошковски. Интерпелацијата, пак, што ја поднесе опозициската ДУИ, министерот ја оцени како „низок обид за манипулација на јавноста“, истакнувајќи дека Собранието ќе постапи како што смета. Тезите на опозицијата во изминатиот период рече сами по себе се контрадикторни. -Македонскиот граѓанин, македонскиот народ многу добро знае што стои зад оваа интерпелација од аспект на нивно барање. Нека им е со среќа. Собранието ќе си постапи во насока на она што смета. Јас искрено сметам дека ова е еден низок обид за манипулација на јавноста, рече министерот....

Децата на старите комунистички пиромани на меѓуетничките односи, кои ги имаат уништувано перспективите на Македонија, повторно се обидуваат да ги распалат огновите на поделбите и деструкцијата. Ова се истакнува во соопштението од ВМРО-ДПМНЕ кое го објавуваме во целост: Нивната стратегија е јасна: „државата ако треба нека пропадне, само СДСМ и ДУИ да се вратат на власт“. Овој пристап е крајно неодговорен и покажува дека за СДСМ, граѓаните се само алатка за нивните лични и партиски интереси. Ја информираме јавноста дека институциите работат во целосен капацитет, внимателно ги следат и анализираат сите облици на свесно разгорување на меѓуетнички тензии, кои имаат за цел прикривање на криминал и остварување на политичка корист. Во согласност со тие анализи, ќе се постапува со цел зачувување на спокојството и мирот на сите граѓани на Република Македонија. Владата останува фокусирана на стабилност, единство и градење просперитетна иднина за сите граѓани на Македонија, без разлика на нивната етничка, верска или политичка припадност. Политиката на СДСМ „колку полошо, толку подобро за нив“ е нешто што народот веќе го прочита и го одби. Центар за комуникации на ВМРО-ДПМНЕ...