Според календарот на МПЦ (Јулијанскиот календар) денеска е 15 ноември. Денеска е Св. маченици Гуриј, Самон и Авив (Божикен пост). Гуриј и Самон беа угледни граѓани на Едеса. За време на едно гонење на христијаните, беа изведени пред суд и, бидејќи не сакаа да принесат жртва пред празните идоли, беа фрлени в затвор. Најпосле, им беа отсечени главите. Тоа се случи во 322 година. По некое време пострада и едескиот ѓакон Авив, кој беше фрлен во оган. Сепак, неговите мошти останаа цели, па мајка му ги погреба заедно со моштите на светите Гуриј и Самон. Кога престана гонењето, христијаните подигнаа црква во чест на овие тројца светители. Таму ги сместија и нивните мошти. Овие тројца светители се пројавија како големи чудотворци после нивната смрт. ОД КАТОЛИЧКИОТ КАЛЕНДАР: Денеска е Св. Јаков, Маркијски свештеник. Бил познат како голем говорник – проповедник. Повеќе од половина век крстарел по патиштата во Европа, проповедувајќи насекаде за Исус Христос. Со голем успех проповедувал во Италија, Босна, Чешка и Полска. На проповедничката служба и останал верен до крајот на животот, во 1476 година, во Неапол. Му се молат народите во чии земји го проповедувал Евангелието....

Германската репрезентација по 2. коло на Светското првенство 2022 година го зазема последното место во групата Е. Избраниците на Ханс-Дитер Флик вечерва одиграа нерешено 1:1 со Шпанија. Мората ги доведе Шпанците во водство во 62. минута, резултатот го израмни Филкруг во 83. минута. Лидер на табелата во оваа група е Шпанија со 4 бода, Јапонија и Костарика имаат по 3, Германија е последна со само 1 бод. Во последното коло Шпанија ќе се соочи со Јапонија, додека Германија ќе игра натпревар против Костарика. Двата натпревари се закажани за 1 декември. Сите четири репрезентации се со шанси за пласман на едно од првите две места и учество во осминафиналето....

Талибанците заработија милиони на Светското првенство со обезбедување градежна опрема за изградба на стадион во Катар, тврди британски Телеграф. Високи талибански функционери користеле пари што ги добиле од мировните преговори за купување, а потоа изнајмувале машини за изградба на инфраструктура во изминатата деценија, им рекол извор од талибанската канцеларија во Доха. Голем контингент на талибанско раководство живее во Доха, главниот град на Катар, од 2013 година, каде што се вклучени во долготрајните мировни преговори со САД и ОН. „Талибанците инвестираа многу во изградбата на Светското првенство и турнирот им беше златна патка. Тие беа платени со милиони“, тврди извор кој живеел во Доха во деценијата пред талибанците да го преземат Авганистан, во 2021 година. „Некои членови на талибанците имаа меѓу шест и десет големи машини во Доха и заработуваа до 10.000 фунти по машина месечно“. Два различни високи талибански извори опишаа како службениците добивале профитабилни стипендии за живеење во земјата за време на мировните преговори, кои потоа биле инвестирани во тешка градежна механизација. Телеграф пишува дека катарските власти, со одобрение на САД и ОН им плаќале на членовите на политичката канцеларија на талибанците во Доха месечен надоместок во вредност од илјадници фунти, како дел од напорите за олеснување на мировните преговори со Западот. На официјалните лица кои го посетија им се обезбедени и луксузни теренски возила, бесплатна здравствена заштита и редовна достава на храна. Нема индикации дека катарските власти извршиле незаконски постапки или некаква вмешаност во градежните аранжмани на талибанците, пишува Телеграф. Повеќе извори велат дека талибанскиот посредник од Доха, Хаџи Ахмад Џан, поранешен министер за нафта и рудници на Авганистан меѓу 1996 и 2001 година, го надгледувал изнајмувањето на машините на градежните компании одговорни за изградба на стадиони и инфраструктура за Светското првенство. Телеграф го контактираше за коментар, но сè уште нема одговор. Наводните врски на талибанците со изградбата на стадиони за Светското првенство, иако не се несоодветни или незаконски, покренуваат дополнителни прашања за турнирот поврзан со бројни контроверзии и наводи за злоупотреба на трудот....

За православните христијански верници кои се водат според јулијанскиот календар денеска почнува шестнеделниот божиен пост. Постот ќе трае 40 дена, односно до Божик, 7 јануари, денот на раѓањето на Исус Христос. Бидејќи датумот на Божик не се менува, постот секоја година почнува на 28 ноември, а завршува на Бадник, 6 јануари. Христијанскиот пост е воведен по примерот на Исус Христос, кој 40 дена поминал во пустина во пост и молитва. Постот претставува духовна и телесна подготовка на човекот за влез во тајната на претстојниот празник. Божикниот пост е втор по должина на траење, веднаш по велигденскиот. Во однос на „строгоста“ за употреба на храна, божикниот пост е „поблаг“, бидејќи дозволува користење вино, масло за јадење и риба. Во Православната црква практика е во текот на божикниот пост верниците да се исповедаат и по можност да се причестат за да бидат што подостојни во подготовката за празнување на Христовото раѓање – Божик. Целта на постот е да се „исчистат“ духот и телото, што се постигнува не само со воздржување од мрсна храна, туку и од лоши мисли, зборови и дела. За време на божикниот пост, посни се и сите славски трпези. Со Канонот на Православната црква се предвидени еднодневни и повеќедневни пости. Еднодневните пости се во среда и петок, Водокрст на 18 јануари, Отсекувањето на главата на св. Јован Крстител на 11 септември и Крстовден на 27 септември. Повеќедневни пости се велигденските, петровденските, богородичните и божикните пости. Лицата кои доследно ги почитуваат правилата постат и секоја среда и петок, бидејќи тоа се деновите кога Христос е осуден и кога умрел на крстот. Божикниот пост, како и останатите повеќедневни постови, датира од првите векови на христијанството и се споменува во делата на светите лица од 4 и 5 век. Првобитно постот траел седум дена, а одлуката христијаните пред празникот – Раѓањето Христово да постат 40 дена е донесена на Собор во 1166 година. Траењето на божикниот пост се објаснува и со четириесетдневното патување на тројцата мудреци до Витлеемската пештера, во која на 25 декември е роден Богомладенецот Исус. Затоа се вели дека постот е ѕвезда водилка за сите кои христијанството го одбрале за своја вера, како што за мудреците кои верувале во пророштвото за раѓањето на Спасителот единствена водилка била најсветлата ѕвезда на небото, која се движела од западот кон истокот и која ги довела во Витлеем....

Шефот на украинската државна компанија за нуклеарна енергија Енергоатом рече дека има знаци дека руските сили се подготвуваат да ја напуштат нуклеарната централа Запорожје што ја зазедоа во март. „Во изминатите недели добивме информации дека има знаци дека можеби се подготвуваат да ја напуштат фабриката“ – рече шефот на Енергоатом, Петро Котин, пренесува Ројтерс. Тој рече дека има многу голем број на информации во руските медиуми дека треба да ја напуштат централата и дека контролата треба да ја предадат на Меѓународната агенција за атомска енергија – МААЕ. „Имате впечаток дека ги пакуваат куферите и крадат се што можат“, рече Котин. Со месеци Русија и Украина меѓусебно се обвинуваат за гранатирање на областа каде што се наоѓа нуклеарната централа Запорожје, која повеќе не произведува струја. Запрашан дали е премногу рано да се зборува за заминување на руските војници од фабриката, Котин на телевизија рече: „Прерано е. Сега не го гледаме ова, но тие се подготвуваат да заминат“....

Претседателот на Белорусија Александар Лукашенко изјави денеска дека Соединетите Американски Држави не дозволуваат Украина да започне преговори со Русија. „Украинското раководство не смее да ги започне преговорите. Сакаат да ја срушат Европа со еден удар, за преку Русија да се приближат до Кина. Се разбира, со разбивање на Русија“, рече тој, според ТАСС. На почетокот на оваа недела, Лукашенко зборуваше за потребата да се преговара за мир, но дека Украина, Полска и САД, треба да бидат „прикажани во вистинското светло“. „Америка, која владее со Полска се плаши само од една работа, нуклеарен конфликт и нуклеарно оружје. Зошто? Бидејќи тогаш веќе ќе биде вжештена ситуација. Тоа е нивниот пристап“, изјави белорускиот претседател пред новинарите, пренесе Спутник. Лукашенко рече дека раководството на Украина треба да престане и да преземе чекори за прекин на конфликтот доколку не сака да загинат огромен број луѓе и земјата да биде уништена....

Репрезентацијата на Хрватска ја победи Канада со 4:1 и ги задржаа шансите за пласман во плејофот, додека Канада не успеа да ја помине Ф-групата на Светското првенство, откако го претрпи вториот пораз. Головите за Хрватска ги постигнаа Крамариќ (два) Ливаја и Мајер, за Белгија погоди Дејвис. Канаѓаните во 1. коло загубија од Белгија (0:1) и по две кола немаат освоено бод. Хрватска е на 1 место, Мароко е на 2 место, селекциите имаат по 4 бода, Белгија е на третото место со три бода. Во последното коло, Хрватска ќе игра со Белгија, Мароко со Канада. (МИА)...

Потпретседателот на ВМРО-ДПМНЕ, Александар Николоски за „Тема на денот“ во дневникот на Сител ТВ истакна дека за случајот Онишченко е прекршен законот кој вели мора да се направат безбедносни проверки и да се направи интервју со лицето, а тој само два дена бил претходно во Македонија и како што додаде има и други вакви случаи, затоа потребно е министерот Спасовски да си даде оставка. – Ова воопшто не е наивен случај, ниту е се случајно. Имено за било кое лице да добие државјанство кое не е родено во Македонија мора да се направат безбедносни проверки, но и интервју со лицето, а за да се направи тоа тој мора да е физички присутен во државата. Онишченко вкупно во Македонија пред да добие државјанство, а тоа го добива на 31 мај 2022 година, бил само два дена во Македонија, во декември 2020 година и во април 2022 година, а државјанство добива мај следна година. Во периодот измеѓу не бил присутен што значи прекршен е законот кој вели мора да се направи безбедносна проверка, но исто така и разговор односно интервју, рече Николоски. Николоски потсети дека и самата влада кажа дека има пропусти заради неточни податоци и тоа е одговорност на МВР. – Потписот е спротивен на неговото име кое е на О, а потписот на А, веројатно свесен дека прави нешто на работ на законот и затоа покрај одговорност на директорот на АНБ одговорност мора да поднесе и министерот за внатрешни работи и премиерот, потенцираше Николоски. Николоски истакна дека има и уште неколку вакви спорни случаи за кои не е направена безбедносна проверка, во случен период и со слично прескокнување на процедурата. Според мои сознанија кои се кредибилни има уште неколку други случаи на издавање на државјанство на случен случај како Онишченко кои се исто така спорни за кои исто не е направена безбедносна проверка и само покажува силна ерозија во рамки на безбедносните служби. Се работи за 4 други пасоши дадени на лица со спорно или криминогено минато. Ова е надвор од скандалот за 215 пасоши за нарко босови. Николоски потсети дека на црна листа на САД не се става никој случајно и тука се навлегло во длабок криминал и основната причина зошто ова се случува е неспособност или криминал Во врска со директорот на АНБ, Николоски вели дека малце доблест да има Виктор Димовски треба да се повлече од заминување за амбасадор и со кој ум владата и претседателот Пендаровски планираат да го пратат за амбасадор во Франција....

ВЕЛАТ НА ЛАГАТА И СЕ КРАТКИ НОЗЕТЕ, А ЈАС ВЕЛАМ НЕКОМУ Е КРАТОК ПАМЕТОТ , А ДОЛГ ЈАЗИКОТ, стои во Фејсбук статусот на Ленин Јовановски, директор на компанијата „Слобода превоз“. Тој објави видео запис во автобус на ЈСП во кој нема фискален апарат, а возчот му продаде билет за кеш без да му издаде фискална сметка. – Ова нешто е пракса во СЕКОЈ автобус на ЈСП , каде возачите од директорот на ЈСП се принудени ова незаконито продавање да го прават баш вака. И сеа МАЌЕО шу праиме? КРАДЕЦОТ ВИКАЛ НА ЦЕЛ ГЛАС ДРЖ’ТЕ ГО КРАДЕЦОТ, додава Јовановски во својата објава....

По ќебапчињата во Гостивар, тостот на Широк Сокак во Битола и мартаделата во РЕК, премиерот Димитар Ковачевски беше на ручек со студентите во студентскиот дом Гоце Делчев каде ручал гравче. Ковачевски објави видео на Фејсбук со кое порача дека студентите се иднината на оваа држава. – Тие секогаш ќе имаат право да го искажат своето мислење, да бидат дел од процесот и да учествуваат во носењето на одлуките кои ги засегаат нив. Ние сме тука да ги слушнеме нивните ставови, да разговараме со нив и да носиме заеднички политики за подобрување на нивниот стандард, вели Ковачевски. Тој вели дека додека е премиер ќе се слуша гласот на студентите. Сигурно не мисли нивниот глас да се слуша на протести, како деновиве. – Студентите ќе бидат дел од процесот. Бидејќи студентите секогаш имаат право да ги кажат своите ставови, конструктивно, а ние треба да сме тука да ги слушаме тие ставови – да разговараме и да превземаме мерки за подобрување на нивниот стандард. Бидејќи тие се иднината на оваа држава. И одлуките кои што јас ги носев, тие мачни одлуки за кои што ви зборував, тие одлуки ги носев за идните генерации. А идните генерации на оваа држава се токму тие студенти што седат кои што сега седат во клупите на сите универзитети во државата. Студентите никој не може да ги тргне од мене. И реков дека никој нема да биде оставен сам и никој не е оставен сам, вели Ковачевски. Ковачевски проба од студентското гравче во студентска менза и ако ова не е популизам, тогаш би требало да им го возврати гостопримството студентите да пробаат од октоподите, бифтеците, апетисаните… во владините ресторани. Видеото може да го отворите ТУКА. (Д. Г.) КОВАЧЕВСКИ ОД ГОСТИВАРСКИ ЌЕБАПЧИЊА НА БИТОЛСКИ ТОСТ: Сега веќе знам каде може добро да се вечера на Широк сокак КОВАЧЕВСКИ МЕРАКЛИЈА НА СКАРА: Чест ми е што го запознав Дахири, ги прави најубавите ќебапчиња во Гостивар, а можеби и во земјата ПРЕМИЕРОТ НА СУВА ХРАНА: По ќебапчињата во Гостивар, тостот на Широк Сокак и мартаделата во РЕК Битола денеска Ковачевски замези и чипс...

Тежок инцидент се случил во Маџари, на железничката станица. Медиумите јавуваат дека 17 годишна девојка со изгореници по грбот и нозете била итно донесена во ургентниот центар, откако било пријавено дека добила струен удар од жиците поставени над вагон од воз. Девојката е во свесна состојба и е на одделението КАРИЛ. Според Канал 5, деовојката била качена на еден од вагоните на железничката станица Маџари каде дошло до струен удар при што се здобилеа со повреди. На местото на настанот пристигнале полициски службеници. Истрагата се уште е во тек, а според нефицијалните информации девојката се качила на вагонот за да снима ТИК ТОК видео....

Аднан Јашари, екс министер за правда, вчера побарал од новинарката на „Фокус“ Фросина Факова-Серафиновиќ да избрише текст поврзан со полагањето правосуден испит од страна на синот на претседателот на Собранието Талат Џафери во 2015 година. Според јавно достапните информации може да се види дека во 2015 година министер за правда бил Аднан Јашари, па „Фокус“ побарал коментар од него за целиот случај. Откако го видел објавениот текст, поранешниот министер за правда Јашари телефонски преку вибер порака искомуницирал со новинарката наведувајќи дека станува збор за погрешна статија и барал да се избрише текст со тема која е од легитимен јавен интерес....

Мароко го оствари најголемиот резултат во последно време и успеа да слави голема победа над Белгија, триумф со кој сега оваа африканската селекција има големи шанси за пласман во осминафиналето. Освоениот бод против Хрватска и трите бода освоени против „црвените ѓаволи“ прават Мароканците да бидат во пол-позиција за нокаут фазата, а со игра како оваа денеска, нависитна имаат зошто да се надеваат на таков подвиг во тешката група Ф. Мароканците ја победија Белгија со 2:0 со головите на Сабири и Абуклал, но натпреварот ќе се памети и по бизарната ситуација која се случи пред првиот судиски свиреж. Првиот голман Јасин Боно излезе на теренот како стартер и стоеше заедно со соиграчите за време на интонирањето на химната, но потоа „исчезна“ од почетните 11 и не позираше на тимската фотографија пред мечот. Неговото место го зазема Мунир и тој го одигра цел меч, а по истиот селекторот Валид Реграгуи објасни што се случило. – Боно доби удар на мечот со Хрватска и сакаше по секоја цена да игра и денеска. Не беше сигурен, но се обиде буквално до последен час. На крајот, не се чувствуваше добро и беше доволно искрен да признае. Му го отстапи своето место на колегата и тој имаше феноменален меч, – изјави Реграгуи....

Приватните превозници вклучени во Јавниот линиски превоз утре ќе протестираат со целосно блокирање во сите правци на крстосницата кај Мавровка, односно булеварот „Гоце Делчев“ и булеварот „Крсте Петков Мисирков“. Како што најави приватниот градски автобуски превозник „Слобода превоз“, блокирањето ќе биде со повеќе од 30 автобуси и повеќе од 300 лица. – Не е исклучена можноста и не е потврдена информацијата дека на тој ден во утринските часови според можеби поедини превозници да ги блокиранаат излезите односно влезовите на ЈСП-Скопје. Исто така времетраењето на протестот не е утврдено и се планира да трае до исполнување на барањата кои ако брзо не се решат во наредните денови ќе се прошири и на други делови од сообраќајниците во Скопје, посочуваат од „Слобода превоз“. Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така претставници на „Слобода Превоз“ ќе присуствуваат на седницата на Советот на Град Скопје. – На средбата со УО на ЈСП на која се очекува да присуствува и директорот на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка , дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти, стои во соопштението. Од „Слобода превоз“ додаваат дека „во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции“. – Со оглед дека постои голем интерес на јавноста за овие случувања ги повикуваме медиумите да закажуваат дебати со соочување на наши претставници, на ЈСП, на Град Скопје и Секторот за сообраќај на Град Скопје за правилно да се презентираат аргументи и факти и да не се дозволи една личност од позиција градоначалник да ја дезинформира јавноста прикривајќи ги опствените слабости со неосновани напади и клевети врз дуги лица и компании, наведуваат во соопштението од „Слобода превоз“...

Во вториот денешен натпревар на Светското првенство во Катар, Мароко ја победи Белгија со 2:0. Сабири во 73. минута и Абукхлал во 90+2. минута се стрелците на головите за мароканскиот национален тим. За Мароко ова е прва победа на Мундијалот по која значително се доближи до плејофот, додека Белгија ќе мора да брка победа во последното коло со Хрватска. Хрватите од 17 часот ќе се сретнат со Канада. На табелата во Г-групата лидер е Мароко со 4 бода од два натпревара, Белгија има 3 исто така од две средби, Хрватска е трета со 1 бод од еден натпревар, Канада е последна без освоен бод исто така од еден натпревар. (МИА)...

Д-р Барт ЕРМАН Првото Послание до Солунјаните е, повеќе или помалку очигледно, првото писмо што Павле го напишал на црквата во Солун. Не знаеме уште колку писма и напишал на тамошната црква. Во Новиот завет го имаме и Второто Послание до Солунјаните, но научниците водеа долги и долготрајни дебати повеќе од еден век за тоа дали Посланието е напишано од Павле или е напишано од некој „кој тврди“ дека е Павле и кој сакал да „мислите дека“ тој е Павле. Последново е и мој личен став. Но, тоа не е битно за овие редови. Мојата поента во моментов е следната: Првото Послание до Солунјаните е првото од неодредениот број писма што Павле ги напишал до Солун. Барем тоа е првото за кое знаеме, но има причини од самото писмо да мислиме дека ова е првото писмо што им го напишал по напуштањето на нивната заедница. Тоа е исто така, како што се испоставува, првото писмо што Павле воопшто го напишал. Тоа го прави и прво писмо од кој било вид што го имаме од кој било христијански автор, така што ни е особено важно. Нема особено жестоки дебати за неговиот датум. Писмото обично се датира во 49 или 50 г. н.е. – значи околу 20 години по Исусовата смрт и околу 15 пред Павловата смрт. Писмото е невообичаено радосно и афирматаивно кога станува збор за Павле. Во повеќето негови други писма, тој е прилично жесток околу нешто – што е речиси секогаш причината зошто тој го пишува тоа послание. Честопати го вознемируваат „лажните учители“ кои се појавиле во (или однадвор) заедницата кои, според него, ја водат црквата на погрешен пат (на пр. писмата до Галатјаните и Коринтјаните); често тој е вознемирен од етички прашања (или огромни морални пропусти) кои се појавиле во заедницата, или за внатрешни борби во заедницата (на пр., повторно, Коринтјаните и Филипјаните). Наспроти ова, во своето писмо до Солунјаните, тој не е особено вознемирен за етичките прашања, иако има важен дел од краткото писмо од пет поглавја во кое тој ги поттикнува своите читатели да водат сексуално исправен живот и да не се впуштаат во активности поттикнати од страста (1 Сол. 4:1-8). Можеби тоа е затоа што тој слушнал дека се случуваат некои етички неправилности? Во овој конкретен пасус има еден многу тежок стих кој многу влијае на значењето на она што Павле се обидува да го каже. Имено, откако ги повикува своите читатели да ги избегнуваат сите форми на сексуален неморал, тој им кажува на своите (машки) читатели да разберат како треба „да го држат својот сад во светост и чест“. Зборот „сад“ е многу оспорен. Има причини да мислиме дека тоа значи тело или поконкретно пенис (држете ги панталоните кренати) и други причини дека тоа значи сопруг/а (останете верен на вашиот сопружник; или останете верен на сопствената сопруга; или држете се за вашиот сопруг/а). Тоа е многу тежок пасус за разработка и многу тешко прашање за решавање, но како што реков, тоа не вклучува текстуален проблем. Павле, исто така, не е особено загрижен за лажните учители во солунската заедница, што прави да се сомневаме дека никој не дошол таму (сè уште). Но, постои едно доктринарно прашање за кое тој е многу длабоко загрижен, а тоа е причината поради која го пишува писмото. Поентата на писмото станува јасна откако тој завршува со три поглавја во кои ги фали Солунјаните, со љубезно сеќавање на нив, сеќавајќи се со топли зборови на времето што го поминал со нив кога ги преобратил, а потоа разговарал со нив додека ја основале својата христијанска заедница. Проблемот, за кој нашироко се дискутира во последните две поглавја (4:13-5:12), е тоа што некои од христијаните во заедницата почнале да се сомневаат или се сомневаат во учењето на Павле дека крајот на времето и враќањето на Исус, треба да се случат веднаш. Ова е суштината на пораката на Павле кога го проповеда своето Евангелие: дојде крајот на векот; Христос кој умре е вознесен на небото и наскоро ќе се врати; луѓето треба да се подготват за ова неизбежно настапување на Царството Божјо; тоа може да се случи во секое време сега. Павле убедил некои од паганските Солунјани во оваа порака (неговата христијанска заедница се чини дека е целосно составена од поранешни пагани, како што станува јасно во 1:9-10 и нејзиното упатување на нивните минати животи); тие се преобратиле за да му се придружат на неговото движење; откако ја основал црквата, потоа се преселил на друго место за да го направи истото. Но, во меѓувреме, во текот на неделите и месеците, по заминувањето на Павле, ништо не се случило. Исус не се вратил. Некои луѓе во заедницата во меѓувреме починале. Оние кои сеуште се живи, се збунети и загрижени. Дали ова значи дека оние што умреле го изгубиле спасението што требало да го добијат со враќањето на Исус? Павле им пишува на христијаните од Солун за да ги увери дека Исус сепак ненадејно ќе пристигне од небото и дека треба да бидат подготвени за неговото доаѓање. Но, во меѓувреме, не треба да се грижат за починатите. И тие ќе бидат наградени при второто доаѓање на Исус. Затоа, ова писмо има за цел да го обнови односот на Павле со неговите посветени следбеници, да ги утеши и поттикне и да им даде некои упатства за тоа што наскоро ќе се случи при враќањето на Исус....

Репрезентацијата на Костарика ја совлада Јапонија со 1:0 во првиот натпревар од второто коло во групата Е. До победата Костарика стигна во 81 минута со погодокот на Кејшер Фулер. Статиката од натпреварот вели дека поседот на топката повеќе бил кај Јапонците кои имале и 14 шутеви кон голот, но тоа не беше доволно за погодот на „самураите“. Во моментов сите четири репрезентации од групата Е се во игра за поминување во следната фаза. Натпреварот се одигра на стадионот „Ахмад бин Али“....

Кој му дал на синот на Талат Џафери нотарски заверени копии од непостоечка диплома и изјава за стаж од најмалку една година за да полага правосуден испит? Ако ги немал овие документи, што се бараат со закон, а му било дозволено да полага, тогаш е направено кривично дело. Ова се дилемите кои денеска ги отвори правната фела откако од Антикорупциската комисија изразија сомнеж дека Барлет Џафери полагал правосуден испит додека уште не бил дипломиран, но тврдат не можат тоа да го потврдат затоа што во Министерството за правда не се чуваат документи постари од една година, објавува ТВ Телма. Професори, адвокати, но и граѓани што немаат никаква врска со правото, се зачудени од ова оправдување на антикорупционерите. Зарем доказите нема да ги најдете: На соодветниот факултет/универзитет во книгата на дипломирани. Во Академијата во евиденцијата за пријавени на Конкурсот за пријавување, потоа запишани. За ова треба да постојат десетина релевантни пишани траги. И доста ви е ова за да се докаже евентуалниот криминал, и да се побара одговорност за СЕРИОЗНИ ЗЛОУПОТРЕБИ, напиша професорката Мимоза Ристова. Правниците се сомневаат дека поранешниот министер му одобрил предвремено полагање на Џафери, затоа што тогаш министрите имале дискрециони овластувања, а токму министерскиот потпис стои на уверението за положен правосуден испит. Но, тогашниот министер Аднан Јашари, во телефонски разговор ни рече дека, не знае ништо за случајот. Иако неговиот потпис стои на тие уверенија, ниту еден министер не е должен да ги проверува документите на кандидатите, а тоа не е работа ниту на комисијата пред која тие полагаат. Не се сеќава кој бил тогаш претседател на комисијата, ниту, пак, кои биле членови. Дел од тие лица повеќе ниту не работат во Правда, а сегашната комисија е составена од нови членови. Антикорупционерите тврдат дека не можат да утврдат како синот на Џафери се стекнал со право за правосуден испит иако заклучиле дека, студиите со кои се стекнал со триста кредити ги завршил по положувањето на овој испит. Но, се изземаа од понатамошно постапување, затоа што се работи за предмет со постар датум, што не е зачуван во Министерството. Од Правда, пак, тврдат дека документите на кандидатите односно барањата и другата придружна документација не се чуваат, но согласно евиденционата тетратка за положени кандидати што се води и е од трајна вредност, лицето Барлет Џафери има положено правосуден испит на 05.02.2015 година. Во меѓувреме, Џафери е веќе на Академијата за судии и јавни обвинители. Пред две години беше избран меѓу новите кандидати како 14-ти на генералната кандидатска листа, а прв на листата на нови слушатели од албанска националност. Веќе има запишано и докторат по право....

Премиерот Димитар Ковачевски и владата на СДСМ и ДУИ знаат дека на сите анкети на испитување на јавното мислење, ВМРО-ДПМНЕ води со повеќе од два спрема еден, а го чувствува и разочарувањето на народот од владејачката гарнитура и за тоа бегаат од распишување на предвремени парламентарни избори, вели потпретседателот на ВМРО-ДПМНЕ, Александар Николоски од денешниот настан во хотел Хилтон, одговарајќи на новинарски прашања. Николоски додаде дека во историјата на македонската демократија до сега немало вакво епско бегање од распишување на предвремени парламентарни избори, како што сега оваа власт бега. „До сега не се случило во историјата на македонската демократија да има едно вакво епско бегање од избори. Никој до сега вака не бегал од избори како што бега оваа Влада на СДСМ и на ДУИ, затоа што не само што добро ги знаат истражувањата на јавно мислење каде што предноста за ВМРО-ДПМНЕ кон СДСМ е повеќе од два спрема еден, а предноста на опозицијата кон власта е далеку, далеку поголема. Но, исто така, го чувствуваат и импулсот на народот, знаат дека народот е разочаран од ова што се случува, разочаран е од економското тонење, но исто така и од националните понижувања“, рече Николоски. Доколку Ковачевски и СДСМ, рече Николоски, се сигурни дека ќе победат на следните избори, еве да ги закажеме најдоцна на пролет 2023 година, може да бидат во месеците март или април, најдоцна во месец мај и да видиме кој ќе победи на тие избори. „Така што, најдобар начин да се докаже или да се демантира тоа што го зборуваат е да има брзи предвремени парламентарни избори, а тие се добри, како што кажав, и заради соочување и со економските проблеми во државата“, истакна Николоски....

На 27 ноември 1890 година, балто-германскиот лингвист Леонард Готхилф Мазинг ја одбранил првата докторска дисертација за македонскиот јазик на тогашниот Дерптски универзитет (денес „Тарту“) во Естонија. Како што објави Нова Македонија, младиот студент Леонард Мазинг дошол во Тарту (Дорпат) да студира теологија, но не тргнал по стапките на татка си и не станал свештеник, туку филолог. Неговиот татко Карл Јоханес Мазинг како свештеник служел во Лутеранската (протестантска) црква, па името Македонија не им било туѓо или непознато, се разбира од мисијата на апостол Павле во Македонија и христијанизацијата на европскиот континент. Клучна улога во запознавањето со Македонија, како што Леонард Мазинг пишува во својата докторска дисертација, имале двајца Македонци што Мазинг ги запознал во текот на неговите студии во Лајпциг и во Петроград (Санкт Петербург). Во Лајпциг, во 1886 година се сретнал и извесно време другарувал со велешанецот Иван Ѓоргов, кој го запознал со состојбите во Македонија, јазикот, обичаите, историјата… Во Петроград, пак, го запознал Димитар Топеничаров, кој по потекло бил од Охрид. Мазинг бил фасциниран од Македонија и не само што одбрал да докторира на тема за македонскиот јазик туку напишал и многубројни забелешки од неговите истражувања за историјата и етнологијата на Македонија, ставајќи ги во посебни одредници каде што незаобиколно ги спомнува Македонската Империја, кралевите Каран, Пердика, Филип и Александар… Опширен текст во Нова Македонија....

На 27 ноември 1890 година, балто-германскиот лингвист Леонард Готхилф Мазинг ја одбранил првата докторска дисертација за македонскиот јазик на тогашниот Дерптски универзитет (денес „Тарту“) во Естонија. Како што објави Нова Македонија, младиот студент Леонард Мазинг дошол во Тарту (Дорпат) да студира теологија, но не тргнал по стапките на татка си и не станал свештеник, туку филолог. Неговиот татко Карл Јоханес Мазинг како свештеник служел во Лутеранската (протестантска) црква, па името Македонија не им било туѓо или непознато, се разбира од мисијата на апостол Павле во Македонија и христијанизацијата на европскиот континент. Клучна улога во запознавањето со Македонија, како што Леонард Мазинг пишува во својата докторска дисертација, имале двајца Македонци што Мазинг ги запознал во текот на неговите студии во Лајпциг и во Петроград (Санкт Петербург). Во Лајпциг, во 1886 година се сретнал и извесно време другарувал со велешанецот Иван Ѓоргов, кој го запознал со состојбите во Македонија, јазикот, обичаите, историјата… Во Петроград, пак, го запознал Димитар Топеничаров, кој по потекло бил од Охрид. Мазинг бил фасциниран од Македонија и не само што одбрал да докторира на тема за македонскиот јазик туку напишал и многубројни забелешки од неговите истражувања за историјата и етнологијата на Македонија, ставајќи ги во посебни одредници каде што незаобиколно ги спомнува Македонската Империја, кралевите Каран, Пердика, Филип и Александар… Опширен текст во Нова Македонија....

Возачот на возило со флешери кој вчера се спасил од апсење откако се обидел да и избега на полицијата на Качанички пат кој води кон границата со Косово, е син на висок функционер на МВР, објави порталот Експрес. Полициски извори, пишува порталот, тврдат дека откако полициска патрола се обидела да го запре тој не запрел по предупредувањето од полициската патрола туку продолжил без да застане по што почнала бркотница во која учествувале повеќе возила. Бегалецот на возилото со вградени полициски сигнални уреди, таканаречени флешери, подоцна бил запрен од полициски службеници кои влегле во опасност да бидат повредени во бркотницата. Откако бил запрен во бркотница возачот бил пуштен од полицајците која известила дека се работи за владино возило....

СДСМ има обврска да го држи кормилото на државата во вистинскиот, европски правец и да ги спречи сите обиди за негово загрозување, затоа што постојат закани на европскиот пат на земјава. Ова се истакнува во денешното соопштение од СДСМ, кое во продолжение го објавуваме во целост. Левица и Димитар Апасиев, со опасниот популизам, со својата анти-НАТО и анти-ЕУ потпалувачка реторика е фактор кој работи на загрозување на европскиот пат. Опасноста е присутна и е се поголема затоа што оваа партија Мицкоски и ВМРО-ДПМНЕ ги зема како нивни заложници. ВМРО-ДПМНЕ е целосно идеолошки обезличена а Мицкоски е слаб, нема став, нема визија и нема државничко чувство. Мицкоски и ВМРО-ДПМНЕ немаат план, а тоа го признаваат и високи функционери на партијата. Левица со своето дејствување стана десница и ги зема во целосно заложништво Мицкоски и ВМРО–ДПМНЕ. Таквите потпалувачки политики може да ја уништат иднината на земјата и да го попречат европскиот пат, но тоа СДСМ нема да го дозволи. Центар за односи со јавноста на СДСМ...

Хибридната верзија на коронавирусот, која ја комбинира верзијата омикрон со вирусот Вухан, беше развиена од истражувачи од Универзитетот во Бостон во октомври, тврди Игор Кирилов. Во октомври, Универзитетот во Бостон разви химеричен коронавирус врз основа на варијантата омикрон и оригиналниот вид Вухан. Хибридниот вирус развиен од Американците уби 80 отсто од заразените лабораториски животни, предизвикувајќи атипични невролошки симптоми и значителни повреди на белите дробови, рече шефот на руските војници за нуклеарна, биолошка и хемиска заштита генерал-полковник Игор Кирилов на прес-конференција во пресрет на деветтата конференција на Конвенцијата за биолошко оружје (BWC), пренесе ТАСС. Според Кирилов, „Бостонскиот експеримент“ покажува дека има недостиг од владина контрола во истражувањето на генетскиот инженеринг и синтетичката биологија во САД. И покрај високите биолошки ризици, истражувањето е спроведено со средства на американската влада, но без соодветно одобрение од националната биолошка служба за безбедност, посочи тој....

Фудбалскиот стадионот 974 на кој се играат натпреварите на СП 2022 во Катар може да биде преселен во Косово, објави Екипа. Тој е еден од најневообичаените во мундијалската историја, поради фактот дека е изграден од лимени контејнери. Организаторите веќе најавија дека веднаш по завршувањето на мундијалот овој стадион ќе биде „расклопен“ и испратен во друга земја, а големи се шансите дека оваа фудбалска арена ќе заврши во Косово. Имено, Фудбалската Федерација на Косово објави дека поднела и официјално барање до Фудбалскиот Сојуз на Катар, барајќи да го добие Стадионот 974 на подарок. Добро упатени извори тврдат дека двете федерации низ годините имаат одлична соработка, поради што во Косово се убедени дека ова нивно барање ќе биде прифатено, па во текот на 2023 година тие ќе го монтираат стадионот на својата територија и ќе добијат нова модерна фудбалска арена. Стадионот 974 е официјално отворен на 30 ноември 2021 година. Името 974 го доби по бројот на контејнери од кои е изграден, а неговиот капацитет е 44.000 места за седење....

Македонскиот автомобилист Виктор Давидовски овој викенд настапува на финалниот гран при викенд од WTCR, кој се одржува на патеката во Џеда, Саудиска Арабија. Во саботните квалификации тој успеа да оствари пласман во втората квалификациска сесија, а во неа го зазема 9. место со време кое беше за нешто повеќе од половина секунда побавно од она на провизорната полпозиција во тој момент. Согласно правилата, тој во првата трка ќе стартува од 9. место, додека во втората трка кога првите 10 возачи ги ротираат стартните позиции, ќе се најде на 2. место од првиот ред. Давидовски настапува за тимот „Comtoyou“, а неговиот тимски колеги Натаниел Бертон ја има полпозицијата во првата трка. Шампионот на ТЦР Европа, Франко Џиролами, кој исто како Давидовски настапува со „вајлд карта“, ќе стартува од шестото место, откако задоцни нецели три десетинки во својот најбрз круг....

Во фудбалската 2021/22 ЖФК Љуботен од Тетово за прв пат ја освои Првата фудбалска лига, а во новата 2022/23 сигурно стои на врвот од табелата со девет победи од исто толку натпревари. На овој начин женскиот фудбалски клуб е најуспешен клуб во градот под Шара со оглед дека во машка конкуренција клубовите не успеаа да ја освојат титула во првенството или Купот. За овие постигнувања ЖФК Љуботен годинава беше единствениот спортски клуб кој го доби Градското признание 19 Ноември, по повод Денот на ослободувањето. Сината боја на клубот ја бранат девојки од 15 до 27 години. Ги посетивме на еден од нивните тренинзи што се одржуваат секојдневно на фудбалското игралиште на Спортскиот центар во Тетово. Иако има само неколку степени над нулата, девојките со максимален жар го спроведуваат тренингот како подготовка за викендите кога се играат првенствените натпревари. Уште во 2020 кога во Тетово и во ЖФК Љуботен пристигна првата Бразилка (21 годишната Ана Бетриз Тарантино Гуилермо Салино или со прекар Роналдиња која веќе не е во клубот) најавено беше клубот има амбиции за нешто повеќе од колку обезбедување опстанок како што беше до тогаш. За само две години целите се исполнети, шампионска титула и обезбеден квалификациски турнир за Лигата на шампионите. Лигата беше освоена со само еден пораз. Во август се играше за прв пат турнирот во Скопје со австриски Сент Полтен и со бугарската екипа Локомотив Стара Загора, при што немаа победа но стекнаа големо искуство. Но играта не застанува тука. Фудбалерките и стручниот во оваа есенска полусезона не знаат за пораз. Добиени се сите натпревари, а на некои од нив бележеа огромни победи со 14:0, 13:0 и 9:0. Аспирациите се големи-освојување повторно на првенството и што подолготрајно настапување во Лигата на шампиони. – Амбициите на клубот се што повеќе години да бидеме на првото место во државното првенство, а со тоа да имаме и пласман во Лигата на шампионите. Наредното учество сакаме да биде што подолготрајно, тоа е главната насока на која што работиме, вели Ивица Радоњиќ, тренер на ЖФК Љуботен,а воедно и генерален секретар во клубот. За костурот на екипата се задолжени, а воедно и го одржуваат лидерскиот квалитет во лигата, професионалните фудбалерки, меѓу кои има пет сениорски репрезентативки и пет интернационалки. Од странците две се од Србија и три од Бразил, а за ЖФК Љуботен играат и три млади репрезентативки. – Мало место е Тетово, ама добри луѓе. Одиме, градиме империја. Кој и да дојде гледаме биде прифатен, да се вклопи во екипата, како да е од прв ден. Ок ни е екипата, вели со насмевка високата Сања Ратковиќ, од главниот град на Србија, Белград. Таа во Љуботен дошла по седум години поминати во Америка каде студирала и играла фудбал. Тчеури Харуми Гоја или Гоја за соиграчите, Маиса Бенедито Делгадо и Присцила Едите Силва се трите Бразилки кои настапуваат во клубот и меѓусебно се тешат за ладното време со кое се соочиле за разлика од родната земај. – Многу е ладно, да. Се покривам со многу ќебиња на спиење. Некои денови, ми е ладно и не сакам да одам на тренинг, сакам да седам во соба цел ден на топло. За мене не беше многу тешко да се навикнам затоа што три години живеев во Србија, па сум навикната. Присила е тука само осум месеци, но е ок. Маиса се мачи со адаптацијата. Но се е добро. Храната, само ладното време е тешко за нас, вели во смеа младата Бразилк Тчеури Гоја. Иако доаѓаат од Бразил чија прва асоцијација е фудбалска земја, тие велат дека за нив тоа не значи дека лесно поминуваат на дуелите, односно дека има талентирани фудбалерки. – Можеби нивото е повисоко во Бразил, како и во Србија со висок интензитет, играв за Спартак Суботица, играв со нив во Лига на шампиони и тоа против Баерн Минхен од Германија. Друг е интензитетот се разбира, но не е премногу лесно за нас. Имаме лесни натпревари, тоа да. Ама пример со Тиверија имавме тежок натревар, со АС Јунајтед дадовме голови во последните минути, претпоставувам дека со Каменица исто ќе биде тежок натпревар. Оваа лига е добра, но може да биде уште подобра, вели Гоја. Додека разговаравме на англиски јазик, таа употребува и неколку зборови на македонски. -Разбирам македонски стотина зборови – малку, здраво, довидување, како си. Во игра се разбирам леѓа, пази, полека, менувај страна, катастрофа…И секако зборот на здравје, вели Гоја. Дека иднината на ЖФК Љуботен е во поволна насока говори и фактот дека сите помлади фудбалерки се од Тетово. Сите тие се и репрезентативки, тука се Ива Јовановска (У17), Росана Китановска (У15) Ангела Ваневска (У15), Мила Павловска (У15) голман и Елена Симјанова (У15). И на крајот се разбира на натпреварите од Светското првенство во Катар, Бразилките навиваат и очекуваат Бразил да биде првак, Србинки се за Србија, а на младите тетовчанки фаворит им Аргентина. Александар Самарџиев за МИА...

Севернокорејскиот лидер Ким Џонг Ун изјави дека крајната цел на неговата земја е да ја поседува најмоќната нуклеарна сила во светот. Ким го објави ова синоќа додека промовираше десетици официјални лица и научници вклучени во неодамнешното лансирање на најголемата севернокорејска балистичка ракета, објавија севернокорејските државни медиуми. „Градењето нуклеарна сила служи за сигурна заштита на достоинството и суверенитетот на државата и народот, а нејзината крајна цел е да ја поседува најмоќната стратешка сила во светот, апсолутна моќ без преседан во овој век“, нагласи Ким. Северна Кореја минатиот петок тестираше интерконтинентална балистичка ракета Хвасонг-17, објави државната новинска агенција КЦНА. Ракетата достигна височина од 6.000 километри, покривајќи дострел од 1.000 километри и падна на околу 200 километри западно од островот Ошима во северната префектура Хокаидо, соопштија јапонските власти. Ким го нарече Хвасонг-17 најмоќното стратешко оружје во светот и рече дека тоа ја покажува одлучноста и способноста на Северна Кореја на крајот да ја изгради најсилната војска во светот....

Согласно одлуката на Советот на ЕУ за приклучување на Хрватска кон евро-зоната на 1 јануари 2023 година, хрватската куна ќе биде официјално парично средство заклучно со 31 декември 2022 година, соопшти Народната банка на Република Северна Македонија. Имајќи предвид дека хрватската куна е дел од Курсната листа на Народната банка на Република Македонија, средниот курс за денарот во однос на хрватската куна ќе се објавува заклучно со курсната листа што ќе биде формирана на 30 декември и која ќе важи на 31 декември 2022 година (Одлука за начинот на формирање и објавување на средните курсеви на Народната банка на Република Македонија, Службен весник на Република Македонија“ бр. 224/22 и 227/22). Следствено, купопродажните трансакции на домашниот девизен пазар со банките и вршењето на менувачките работи со хрватски куни ќе може да се спроведуваат заклучно со 31 декември 2022 година. Во текот на 2023 година замената на хрватските куни ќе може да се реализира исклучиво кај деловните банки и кај други институции на територијата на Република Хрватска. Од 1 јануари 2024 година услугите за замена на хрватските куни ќе ги реализира единствено Централната банка на Хрватска. Повеќе информации околу условите за замена на хрватските куни во Република Хрватска може да се најдат на следните официјални интернет страни: www.hnb.hr и www.euro.hr, информираат од Народната банка....

Генералниот секретар на НАТО Јенс Столтенберг ја пофали поддршката на Германија за одбраната на Украина од руската инвазија, во изјава за неделното издание на германскиот весник „Велт“, два дена пред состанокот на министрите за надворешни работи на земјите-членки на Алијансата во Букурешт. „Силната поддршка на Германија прави одлучувачка разлика“, рече Столтенберг. Германија претходно беше постојано критикувана од високи украински функционери дека бавно обезбедува воена опрема и затоа што одбива да испрати тешко оружје.Столтенберг рече дека германската опрема спасува животи во Украина. Сепак, тој додаде дека „сите мора да ја задржиме нашата поддршка за Украина и да ја зголемиме“. Столтенберг рече дека рускиот претседател Владимир Путин реагира на повлекувањето на неговата војска со „зголемена бруталност“. Како пример, тој го наведе таргетирањето на украинската енергетска инфраструктура во пресрет на зимата. „Путин се обидува да ја искористи зимата како оружје, но нема да успее“, додаде шефот на НАТО....

Естонскиот министер за одбрана Хано Певкур изјави дека не мисли оти Русија е сериозно ослабена од војната во Украина, јави ДПА. „Мораме да бидеме искрени и јасно да кажеме дека руската морнарица и руските воздухопловни сили се приближно големи колку што беа пред војната“, изјави Певкур за ДПА за време на неговата посета на Берлин. Иако руските копнени сили изгубија многу луѓе, тие порано или подоцна ќе го вратат својот број од пред 24 февруари, истакна естонскиот министер. Покрај тоа, Русија ќе учи од своето искуство во Украина. „Нема причина да се мисли дека заканата од Русија е намалена“, нагласи Певкур. Естонија планира да потроши 2,84 отсто од својот бруто домашен производ за одбрана следната година и 3,2 отсто од својот БДП во 2024 година, рече министерот....

Членовите на Претседателството на БиХ утре во Сараево ќе се сретнат со еврокомесарот за соседски односи и проширување, Оливер Вархеји, соопшти Претседателството на БиХ. Средбата треба да започне во 15 часот, по што ќе се одржи прес-конференција. Од кабинетот на Вархеји беше потврдено за локални медиуми дека за време на дводневната посета, еврокомесарот со претставници на БиХ ќе разговара за реформите и следните чекори на европскиот пат на БиХ....

Во пресрет на одбележувањето на 110- годишнината од независноста на Албанија, 28 ноември и денот на националното знаме, во Тирана за првпат се одржува заедничка седница на парламентите на Албанија и на Косово. Пред пратеници прва се обрати Линдита Никола, претседателка на албанскиот законодавен дом која оцени дека Албанија и Косово треба да ја споделат одговорноста за трансформација на државните граници меѓу двете земји во формални нагасувајќи дека собирањето на сите Албанци во едно собрание некогаш „изгледало како сон“. -Денес Албанија и Косово се две независни држави. Она што се случи на 28 ноември не беше се што сакаа Албанците, туку камен-темелник на кој ќе се гради иднината. Албанците станаа достојни граѓани на цивилизацијата на која и припаѓаат, рече претседателката на Собранието на Албанија. Според неа предизвиците во 21 век се заеднички за сите Албанци. -Денес Албанија е членка на НАТО и ги отвори преговорите за членство во ЕУ. Во овие децении бевме разделени со ѕид, но во центарот на нашата свест се имавме еден со друг. Ги кршиме суеверија и предрасуди. Нашите земји, општества а ресурсите се комплементарни. Економскиот и културниот развој го помага развојот на другите области, рече таа. Додаде дека „оваа свест“ не е спротивна на ниту една друга заедница во регионот и Европа. -Албанија и Косово мора да ја споделат одговорноста за трансформацијата на државните граници меѓу двете земји во формални. За тоа се одговорни нашите две собранија. Албанците, потомците на Мајка Тереза, ќе знаат да направат најдобро. Господ нека го благослови албанскиот народ, рече на крајот Никола. Претседателот на Собранието на Косово, Глаук Коњуфца оцени дека 28 ноември е празник „не само за Албанија, туку и за Косово“. -Најважниот ден на нашиот народ не поттикна да се собереме во Тирана, да ги поздравиме сите Албанци каде и да се, во Албанија, Косово, Македонија, Црна Гора, Бујановац, Прешево и Медвеѓа, но и во Грција, Италија и САД, рече тој. Додаде дека 28 ноември ги носи сите заеднички стремежи, ја има потребната симболика за зачувување на најскапоцените спомени на Албанците и изјави дека е роден „големиот албански херој Адем Јашари, кој се жртвуваше со своите роднини во Преказ во борбата за слобода“. Славната војна на нашиот народ го отстрани окупаторот и го отвори патот за прогласување независност, рече Коњуфца и ја обвини Србија дека се обидува да го „дестабилизира Косово и да го подели“. -Единствената европска земја која останува поврзана со Русија е Србија, која се обидува да го дестабилизира Косово и да го подели. Србија ни се бори од внатре и однадвор, и колку сме поблиску еден до друг, толку полесно ќе ги заштитиме нашите националните интереси, порача Коњуфца. Свечената седница продолжи со излагања на шефовите на пратеничките групи во собранијата на Албанија и Косово аќе се обратат и премиерите Еди Рама и Албин Курти....

По повод 110-годишнината од независноста на Албанија, денеска во Собранието на Албанија во Тирана ќе се одржи заедничка свечена седница на албанскиот и на косовскиот Парламент. На почетокот на седницата пред пратениците ќе се обратат претседателката на Собранието на Албанија, Линдита Никола и претседателот на Собранието на Косово, Глаук Коњуфца. По нив ќе зборуваат премиерите на Албанија и Косово, Еди Рама и Албин Курти, како и шефовите на пратеничките групи. Одбележувањето на 110-годишнината од независноста на Албанија ќе биде придружено со културни и други активности....

Британските медиуми пренесуваат дека секој трет имигрант кој илегално го минува Ла Манш и стигнува на британска територија е Албанец, јави Топ чанел. – Бројот на баратели на азил кои добиваат поддршка финансирана од парите на британските даночни обврзници за првпат достигна 100.000. Тоа го покажуваат податоците на „ Home Office”, според кои ова е бројот на имигранти кои на крајот на септември добивале помош од владата, наспроти помалку од 69.000, колку што бил нивниот број минатата година, наведуваат медиумите. Додаваат дека повеќето добиваат бесплатно сместување и животен додаток од 40,85 фунти неделно за секое лице во нивното семејство. Албанците сочинуваат 35 отсто или нешто повеќе од една третина, од луѓето кои го преминале Ла Манш со мали бротчиња и гумени чамци во првите девет месеци од годинава, покажуваат новите податоци на британските власти. Тие, исто така, сочинуваат половина од луѓето забележани на оваа рута во периодот јули-септември, што е нагло зголемување во споредба со претходните години, кога 3 отсто од пристигнатите на британска територија во 2021 година биле од албанска националност а само 1 отсто во 2020 година. Информациите од Министерството за внатрешни работи покажуваат дека имало над 33.000 пристигнувања на мали бродови и чамци во Обединетото кралство од јануари до септември оваа година. Во овој период се проценува дека во оваа земја влегле повеќе од 11.200 Албанци. Авганистанците се втори на листата со 15 отсто од пристигнатите....

Власта на СДСМ е надвор од реалноста и од страдањата на овој народ кој едвај врзува крај со крај. Со тарифникот на Агенцијата за катастар на недвижности власта се обидува да ја спаси институцијата од банкрот. Митева вели дека сите информации со кои располагаат говорат дека поради недомаќинското работење на Катастарот истиот е доведен до состојба да не се знае дали ќе може да обезбедат плати за вработените. -Со ваквиот тарифник сосема е јасно дека во голема мера се доведува во прашање рентабилноста и опстојувањето на Агенцијата за катастар на недвижности. Дали власта со ова енормно поскапување на услугите сака да го спаси Катастар од банкрот? Дали ова ќе биде уште една институција во низа која ја претворија во загубар? СДСМ преку соопштенија се обидува да ја сокрие реалноста нарекувајќи ги фалични калкулациите и понижувајќи ги граѓаните. Единствено фалична и манипулативна е реакцијата на СДСМ, а вистината е дека изминативе 5 години потрошија 50 милиони евра од Буџетот на катастарот и уште 10 милиони евра донации, а нема никакви реформи, напротив само нефункционалност на системот и поскапувања кои со СДСМ на власт станаа секојдневие, вели Митева. Додава дека ако досега за добивање на податоците кои се потребни за подготовка на геодетски елаборат се плаќало 750 денари, со зголемувањето износот ќе биде 1.552 денари, или -ако правото на упис на стан досега чинеше 300 денари, сега е 1200 денари, или -ако имотен лист чинеше 180 денари, сега е 250 денари. Токму власта на чело со Ковачевски дала согласност на седница на Влада за одобрување на овој Тарифник со кој се предвидува енормно поскапување на услугите. Оваа влада и Ковачевски очигледно имаат проблем со реалноста. Македонија е пред економски и социјален колапс поради лошите политики на нивната влада. СДСМ нема пари кои се наменети за народот, СДСМ зема пари од народот, вели Митева....

Зелената транзиција е еден од клучните приоритети на Министерството за земјоделство шумарство и водостопанство (МЗШВ), покрај другите реформи кои ги спроведуваме и верувам дека заеднички со одговорните компании и институциите ќе придонесеме да ја менуваме свеста, да се однесуваме одговорно и да имаме што повеќе и подобри вакви успешни примери, изјави ресорниот министер Љупчо Николовски при денешната акција за пошумување под мотото „Пошумуваме заедно за позелено утре” во скопско Миладиновци. Акцијата е организирана од компанијата „ДМ Дрогерие Маркт“, со поддршка од Национални шуми, Министерството за земјоделство, шумарство и водостопанство и Факултетот за шумарски науки, пејзажна архитектура и екоинженеринг „Ханс Ем“. Преку 300 луѓе се приклучија на акцијата, а на 10 хектари во Миладиновци се засадија преку 27 илјади садници. Министерот Николовски најави дека следната година ќе го дуплираат буџетот, ќе ја зголемат Програмата за проширена репродукција и верува оти ќе ги мотивираат сите субјекти на ваков одговорен пристап. – МЗШВ и институциите максимално се посветени и даваат целокупна поддршка на целиoт овој процес. Денеска асистираме со „Национални шуми“ во целата оваа убава акција меѓутоа и преку нашите програми засилено работиме на што повеќе површини хектари да бидат пошумени и онака како што треба, професионално и стручно. Затоа овие денови бевме во Петровец, во Велес, поголеми акции преку Програмата за проширена репродукција на МЗШВ заедно со „Национални шуми“. Продолжуваме на 3-ти следната сабота на 50 хектари во кривопаланечко и Ранковце, во Кочани, во скопско, рече министерот Николовски....

Согласно препораките од Владата, Министерството за транспорт и врски спроведе мерки ненарушувајќи го процесот на работа и заштеди 47 отсто електрична енергија во октомври 2022 година, споредбено со истиот месец минатата година. Во овие времиња кога сите ги чувствуваат последиците од светската енергетска криза и недостатокот на енергенси, со навремени мерки и почитување на препораките, овозможуваме безбедно и непречено снабдување со електрична енергија, соопштија од Министерството. Ова е само уште еден доказ дека мерките носат резултати. Секој може да даде придонес кон стабилноста во снабдувањето со електрична енергија и тоа директно зависи и од нашето поединечно однесување. Енергетската ефикасност, односно рационалното користење на ресурсите ќе овозможи намалување на сметките, зголемување на конкуренцијта на претпријатијата, но и до огромни заштеди на државниот буџет. Секоја заштеда, колку и таа да изнесува, е од голема важност. Доаѓаат постудени месеци и заради тоа мораме да внимаваме и да ги следиме препораките за штедење, информираат од Министерството. Посочуваат дека значајна улога во оваа нивна остварена заштеда имаат нивните вработени кои континуирано и совесно ги почитувале препорачаните мерки. Рационалното користење на електричната енергија преку воведените мерки што се покажаа како соодветни за нашата институција ќе продолжат да се применуваат и во наредните месеци. Сите заедно, солидарно и рационално треба да ги користиме ресурсите со кои располагаме. Се залагаме за стабилен енергетски систем, бидејќи тоа е потреба на сите нас. Посветено и со максимална ангажираност заедно ќе ги пребродиме и овие предизвици кои се исправени пред нас, потенцираат од Министерството за транспорт и врски....

Времето ќе биде претежно облачно и студено со повремени врнежи од дожд, а на планините од снег. Врнежите ќе бидат пообилни попладне и во вечерните часови, кога заради заладувањето ќе преминуваат во снег на повисоките и во некои од пониските места. На планините снежната покривка ќе се зголеми, а снежна покривка ќе се формира и на повисоките места особено во западните делови. Ќе дува слаб до умерен ветер од северен правец, соопшти Управата за хидрометеоролошки работи. Минималната температура ќе биде во интервал од минус 4 до 3 степени, а максималната од 3 до 9 степени. Во Скопје, времето ќе биде претежно облачно, попладне и во вечерните часови со врнежи од дожд. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 5 степени. Во понеделник во утринските часови на места ќе провејува снег, а преку денот облачноста ќе се намали. Поради разведрувањето, во вторник минималните температури ќе бидат ниски. Од среда се очекува нов влажен бран со врнежи од дожд, а на планините од снег....

Македонската енергетика предводена од криминалната матрица на СДСМ и ДУИ која сигурно ја носи државата во распад, го достигнува дното со измами, рекетирање и енормно осиромашување на македонскиот народ. Минатата зима имавме прогласено кризна состојба во енергетиката која поради незнаењето, криминалот, како и енормната партизираност на енергетските компании, не чинеше неверојатни 171 милиони евра, директни средства од Буџетот на Република Македонија, кои се префрлија во државната компанија- Електрани на Македонија, вели на денешната прес-конференција Стевче Антовски од ВМРО-ДПМНЕ. Посочува дека годинава состојбата е уште полоша. За неполн месец увезена е електрична енергија за околу 20 милиони евра! -Дека состојбата во ЕЛЕМ е алармантна доказ е и следното: на 22.11.2022 година во РЕК Битола се склучува коруптивен договор во висина од 20.000.000 евра. На тендерот со еден понудувач „Марковски- компани“, која е фирма миленик на директорот Ковачевски за договори во четири очи, понудила точна сума – токму колку што планирале од РЕК Битола да потрошат. Најстрашно е што кога имало конкуренција во претходната 2021 година за истата услуга на истиот оглас во договор од 24.06.2021 година во РЕК Битола платиле 13.000.000 евра што е за 7.000.000 евра помалку. Кога на минатиот тендер имало наддавање и повеќе понудувачи, цената од планирани 13.500.000 евра паднала на 13.000.000 евра т.е. имало намалување од половина милион евра. Како е можно за истиот тендер минатата година РЕК Битола да платила 13.000.000 евра а оваа година 20.000.000 евра, цели 7.000.000 евра повеќе. Меѓутоа лакомоста и криминалот во РЕК Битола не завршува тука. При реализација на овие тендери истиот камион неколку пати поминува на вага со товарениот материјал без да го истовари на депониите за јаглен кои во рудниците во БРОД ГНЕОТИНО не се обезбедени, ниту пак некој ги контролира и истиот товар се наплаќа односно се фактурира неколкукратно. Испорачаната количина на јаглен е неколкукратно помала бидејќи се испорачува еден товар, а се наплаќа повеќепати, се наплаќаат повеќе фактури за истиот товар. Директен резултат на ваквиот хаос е цената на струјата која ја плаќаат компаниите во Македонија, која е една од највисоките во Европа. Почитувани, ова е сликата за македонската енергетика раководена од СДСМ и ДУИ. Електроенергетскиот систем на Република Македонија е изграден со НАРОДНИ ПАРИ, кои сега безмилосно се трошат поради погрешното менаџирање и профит на поединци. Ова нема да помине неказнето. нагласи Антовски. P...

Ветуваше поддршка на стопанството и индустријата, а за една и пол година се затворија 12 илјади компании. Но затоа компанијата која тој ја основал не само што добивала државна помош, туку и добивала вносни бизниси во време кога тој бил на функција, велат од ВМРО-ДПМНЕ. Од партијата посочуваат дека премиерот ветувал и раст на стандардот, а инфлацијата ги изела платите и пензиите. Ковачевски, сметаат од ВМРО-ДПМНЕ, е најодговорен зошто Македонија со 20% има една од највисоките стапки на инфлација во Европа, а меѓу десет земји во светот со најголема инфлација на цената на храната. -Ветуваше справување со енергетската криза, а наместо сопствено производство се трошат секој ден милиони за увоз на струја или за испросување на енергенси. Ветуваше висок раст на БДП, а Македонија е меѓу последните во Европа според растот на БДП, единствено полоши се прогнозите за Русија и Украина. Ветуваше стабилна економија, а добивме енормен раст на долгот кој ги надминува 8,5 милијарди евра. Само порази, криминал и неуспеси се резултатот од оваа влада. Нивната неспосбност е епска! Димитар Ковачевски со лаги и измами не се носи иднина! Стани Ковачевски да те види народ! Стани Ковачевски, собери храброст и соочи се со своите граѓани, се вели во соопштението на партијата....

Русија се искачи на четвртото место меѓу најголемите светски економии во однос на девизните резерви. Во првите девет месеци од годината, сопственоста на Русија, вклучително и оние замрзнати од Запад поради санкциите поврзани со Украина, се зголемија на 540 милијарди долари, покажуваат податоците на Централната банка, пренесе Експрес. Ова ѝ овозможи на Русија да ја смени Индија, која го зазема четвртото место од минатото лето. Индиското девизно салдо на крајот на септември изнесува 532 милијарди долари. Двете земји меѓусебно се натпреваруваат по овој индикатор од 2015 година. Кина го задржа своето постојано лидерство во однос на меѓународните резерви, со неверојатни 3,193 трилиони долари во актива на крајот на септември оваа година. Второто место го држеше Јапонија со 1,238 трилиони долари, а Швајцарија беше трета со имот од 892 милијарди долари. Според извештајот, интересен тренд е забележан во долната половина од првите десет, во кои економиите во развој ги надминаа своите колеги од развиениот пазар. Хонгконг беше сменет од Саудиска Арабија како шести најголем носител, Бразил се искачи на деветтото место, туркајќи го Сингапур на десеттото, а Јужна Кореја падна на седмото место. Германија и САД ги задржаа 11-тото и 12-тото место од минатата година, соодветно, при што Франција се искачи на 13-то, а по неа е Италија. Мексико се искачи за три позиции на 15. Топ 20 ги заокружија Тајланд, Обединетото Кралство, Израел, Полска и Чешка....

Денеска е недела, 27 ноември 2022 година, 331-иот ден во годината. До крајот на годината остануваат уште 34 дена. Сонцето во Скопје изгреа во 6 часот и 38 минути, а ќе зајде во 16 часот и 5 минути. Денов трае 9 часа 27 минути. Месечината која е во фаза на млада Месечина, ќе изгрее 10 часот и 36 минути, а ќе зајде во 19 часот и 28 минути....

Ние имаме обврска да го држиме кормилото на земјата во вистинскиот, европски правец и да ги спречиме сите обиди за негово попречување, затоа што постојат закани на европскиот пат на земјава. Левица и Димитар Апасиев, со опасниот популизам, со својата анти-НАТО и анти-ЕУ потпалувачка реторика е фактор кој работи на загрозување на европскиот пат, порача претседателот на СДСМ Димитар Ковачевски вечерва на трибината организирана во Штип. Посочи дека ВМРО-ДПМНЕ нема никаква идеја освен да шири лажни вести и деструкции. -Самите го признаваат тоа. Вчера Николовски од ВМРО-ДПМНЕ по телевизии вели „план ќе ви кажеме кога ќе дојдеме на власт“. Па добро се слушаат ли што зборуваат. Немаат ниту план, немаат идеја, немаат визија за иднината и немаат понуда за граѓаните. Затоа Левица со своето дејствување стана десница и ги зема во целосно заложништво. Потпалувачките политики може да ја уништат иднината на земјата и да го попречат европскиот пат и ние тоа не смееме да го дозволиме, рече Ковачевски. На нашето општество, потенцира тој, не му треба враќање назад, туку визија за европска и економски напредна држава, јас таа европска и економска визија можам да ја преточам во реалност. – Со сето мое менаџерско и економско искуство, со нов економски план можам да ја донесам општествената промена којашто ни е потребна. Потребна ми е поддршка, заедно со вас, заедно со граѓаните да ги направиме промените и наредната година да се случи економскиот пресврт. Заедно да изградиме европска Македонија, која ќе биде центар на зелена енергија, рамноправна членка на ЕУ, држава на можности за младите, држава сигурна за пензионерите. Да живее Штип, да живее СДСМ, да живее европска Македонија, додаде Ковачевски....

Денеска е 14 ноември (по стар стил) и се слави Св. Григориј Палама, архиепископ Солунски. Татко му на Григориј беше висок чиновник на дворецот на царот Андроник II Палеолог. Откако надарениот Григориј ги изучи светските науки, не сакаше да се зафати со служба на дворецот, но замина на Света Гора и се замонаши. Се подвизуваше во Ватопед и во Лаврата. Водеше борба со еретикот Варлам и најпосле го победи. Беше посветен за митрополит Солунски во 1347 година. Се прослави и како подвижник и како богослов, и како јерарх и како чудотворец. Му се јавуваа повеќе пати: Пресвета Богородица, свети Јован Богослов, свети Димитриј, свети Антониј Велики, свети Јован Златоуст, ангелите Божји. Со солунската Црква управуваше тринаесет години, од кои една година беше во ропство кај Сарацените во Азија. Се упокои мирно, во 1360 година. Моштите му почиваат во Солун, во прекрасната црква што му е посветена....

Според календарот на МПЦ (Јулијанскиот календар) денеска е 14 ноември. Денеска е Св. апостол Филип и св. Григориј Палама. Апостол Филип беше родум од Витсаида, крај Галилејското Езеро. Тој проповедаше во разни делови од Азија и во Грција. Беше распнат од незнабошците во фригискиот град Ерапол, за време на Дометијан, во 86 година. Подоцна моштите му се пренесени во Рим. Денес, Црквата го слави и свети Григориј Палама, прво светогорски монах, а потоа солунски архиепископ. Се слави и во втората недела од Великиот пост. Против калабриецот Варлаам го бранеше и го одбрани мистичното искуство на реалното единство со Бога. Се успокои мирно во 1360 година. Моштите му се наоѓаат во Солун, во црквата што го носи неговото име. КАТОЛИЧКИ КАЛЕНДАР: Денеска е Св. Виргилиј, бискуп во Салцбург. По потекло е Ирец. Во 743 година го напуштил родниот остров поради љубовта кон Исус и ја започнал патувачката мисија по европските земји. Го ширел Евангелието во Баварската, Корушката, Штаерската област и во Панонија. Виргилиј како културен човек, бил еден од најдобрите учени луѓе. Многу ја познавал математиката, па го нарекувале „геометром”. Посебно му се молат студентите....

Денеска е 14 ноември по стар стил и се слави Св. апостол Филип) Еден од дванаесетте апостоли. Роден е во Витсаида крај езерото Галилејско, како Петар и Андреј. Од малечок научен на Светото Писмо, Филип веднаш се одѕва на повикот на Господ Исус и тргна по Него (Јован 1, 43). После слегувањето на Светиот Дух, Филип ревносно го проповедаше Евангелието во многу краишта на Азија и Грција. Во Грција, Евреите сакаа да го убијат, но со Своите моќни чуда Господ го спаси. Така, еврејскиот првосвештеник којшто се устреми да го бие одеднаш ослепе и сиот поцрне. И имаше силен земјотрес и земјата се отвори и ги проголта злобните гонители на Филип. И многу други чуда се случија, особено исцеленија на болни, заради што мнозина незнабошци поверуваа во Христа. Во Фригискиот град Јерапол, свети Филип се најде на заедничка работа со свети Јован Богослов, со својата сестра Маријамна и апостолот Вартоломеј. Таму имаше некоја опасна змија, којашто незнабошците грижливо ја хранеа и ѝ се поклонуваа како на Бог. Божјите апостоли со молитва ја умртвија оваа змија. Со тоа врз себе го навлекоа гневот на помрачените луѓе. Озлобените незнабошци го фатија Филип и го распнаа на дрво главечки, потоа го распнаа и Вартоломеј. Тогаш, земјата се отвори и го проголта судијата и мнозина други со него. Во голем страв, луѓето притрчаа да ги симнат апостолите. Но, успеаја да го симнат жив само Вартоломеј, Филип веќе беше издивнал. На крстените, Вартоломеј им го постави за епископ Стахиј, когошто претходно тој и Филип го исцелија од слепило и го крстија. Стахиј беше слеп четириесет години. Подоцна, моштите на свети Филип беа пренесени во Рим. Овој прекрасен апостол пострада во 86 година, во времето на царот Дометијан....

Горан АНГЕЛОВ 5 год ТЕМНИЦА 5 цели години ОДВОЕН од ФАМИЛИЈА одвоен од светот! 5 год за ЉУБОВ кон МАКЕДОНИЈА Еден скромен АЛБУМ за идните генерации, да знаат што ќе им се деси ако ја сакаат МАКЕДОНИЈА! Само кај нас од целиот свет се казнува ЉУБОВТА КОН ДРЖАВАТА. Гледајте и учете и сами одлучете дали се исплати ПАТРИОТИЗМОТ. ДА ЖИВЕЕ МАКЕДОНИЈА...

Виолета АЧКОВСКА Во однос на окупација на Македонија, во мај 1941 г., Методија Шаторов – Шарло (10.I 1897, Прилеп – 4.IX 1944, Пазарџик, Бугарија) напишал: „…Некој македонци-врховисти сакајат да кажат оти борбата на Македонците е свршена со окупацијата на Македонија од страна на германски италијански и бугарски војски. Дали това е истина. Но, ни не може да биде, зато што Македонија не доби ни национална ни политическа слобода. Денеска не само Македонија ами целиот Балкански Полуостров (без турска Тракија) е окупиран од армиите на две големи империјалистички држави: Германија и Италија, со прилепените бугарски војски. Голем дел од Македонија има веќе бугарска администрација. Полицејски чиновници, джандари, кметови, секретарбирници, писари, даночни чиновници-сет назначени и требе да се кажи, оти сите тија сет от Бугарија. На Македонците не се дава чиновничка служба … Со право се праша секој честен Македонец: ’Каква ли је оваја слобода, штом Шумадинците се заместени со Бугари, а Македонците се држат под карантина’“. „Праша се што да се чини. Одговор е само еден: да се обединат сите Македонци и други народности во Македонија за општо своје право за слобода и равноправност, но не за цепене на македонската земја и македонскиот народ. За таја своја слобода и равноправност Македонците треба да се борат заедно со Бугарите, Хрватите, Србите, Грците и Црногорците на балканскио полуостров, зато што судбината денеска им е еднаква…“...

Над шест милиони Украинци се без електрична енергија по континуираното руско бомбардирање на енергетската инфраструктура, во пресрет на најавуваната сурова зима и минусни температури. Украинскиот претседател Зеленски им порача на граѓаните дека неопходно е штедење на енергијата и дека ако немаат прекин на струја, не значи дека проблемите се веќе решени. Зеленски посочи дека иако во низа градови локалната самоуправа добро ја завршила работата, но за прв пат упати и критики кон градоначалникот на Киев Виталиј Клично и неговото справување со кризата. „На граѓаните на Киев им е потребна поголема заштита. И вечерва повеќе од шест милиони претплатници имаат прекин на струја во повеќето региони и во Киев и тоа повеќе од 20 дури и 30 часа во континуитет немаат струја . Очекувам поквалитетна работа од кабинетот на градоначалникот“, изјави Зеленски. Додека руските гранатирања продолжуваат врз Украина, генералниот секретар на НАТО, ракетирањето на стамбени објекти, училишта и болници, го оквалификува како воено злосторство. „Намерното таргетирање кон инфраструктура и цивили е воено злосторство.“- Јенс Столтенберг, Генерален секретар на НАТО Во меѓувреме со зачестени проблеми и критики се соочува рускиот Претседател Путин. Во ретко соочување по бројни молби тој се сретна со дел од мајките и сопругите на руските војници. „Сакам да знаете дека јас лично и целото државно раководство ја споделуваме вашата болка.Разбираме дека ништо не може да ја замени загубата на син, загубата на дете, особено за мајката. “ – Владимир Путин, Претседател на Русија Меѓу време во тек е и реализирање на проектот „Жито од Украина“ за субвенционирање на извозот на жито во сиромашните земји, што започна на годишнината од ​​т.н Холодомор кога милиони Украинци пред 90 години ги загубија животите поради глад....

Ајрин Кара, најпозната по тоа што ги пееше насловните песни на филмовите „Fame“ и „Flashdance“ од 80-тите, почина на 63-годишна возраст. еста ја потврди нејзината публицистка Џудит А. Мус на Твитер, која откри дека Кара починала во својот дом на Флорида. Причината за смртта засега не е позната. „Ова е апсолутно најлошиот дел за публицист. Не ми се верува дека морав да го напишам ова, а камоли да го објавам. Ве молиме споделете ги вашите спомени и сеќавања на Ајрин. Ќе ги прочитам сите и ќе знам дека Ајрин се насмевнува од рајот. Таа ги обожаваше своите фанови“. Веста ја потврди нејзината публицистка Џудит А. Мус на Твитер, која откри дека Кара починала во својот дом на Флорида. Причината за смртта засега не е позната. „Ова е апсолутно најлошиот дел за публицист. Не ми се верува дека морав да го напишам ова, а камоли да го објавам. Ве молиме споделете ги вашите спомени и сеќавања на Ајрин. Ќе ги прочитам сите и ќе знам дека Ајрин се насмевнува од рајот. Таа ги обожаваше своите фанови“. Кара првпат стана позната кога доби улога во мјузиклот „Fame“ во 1980 година. Откако првично беше избрана за танчерка, за неа беше напишана улогата на Коко Хернандез и таа имаше задача да ја пее насловната песна....

Меѓународната фудбалска федерација (ФИФА) покрена истрага против Србија поради знамето закачено во соблекувалната на таа репрезентација пред натпреварот против Бразил, на кое Косово беше прикажано како дел од таа земја. Фотографијата од српската соблекувална со спорното знаме и натписот „нема предавање“ наишла на реакција кај косовскиот министер за култура, млади и спорт, како и на Косовскиот фудбалски сојуз, кој е член на ФИФА од 2016 година....

Дури 90 отсто од населението на Украина е подготвено да живее во услови на камено доба, но не и да се помири со Русија, изјави за ТВ каналот 1+1, советникот на шефот на Кабинетот на претседателот на Украина, Михаил Подољак, пренесува порталот „Полит навигатор“. Подољак вели дека е подобро Украинците да смрзнуваат и да седат без струја, отколку да се согласат со барањата на Русија. -Денес гледаме апсолутно консолидирано јавно мислење, 88-90% од луѓето кои велат: „Без светлина, но најважно, без Русија“. Клучниот наратив денес е дека ќе издржиме. Да, тешко е, разбираме дека тоа е она што го нарекувате затемнување, но, да речеме, привремен прекин во снабдувањето со електрична енергија како таков, како и водоснабдувањето и греењето е многу тешко, истакнал Подољак. Тој вели дека постои општа одлука на украинското општество да не го прости тоа што го направи Русија. – Невозможно е да се попуштиме, како што попуштивме, за жал, во 2014 година. Откажете се од територијата, бидејќи тоа ќе значи продолжување на војната… Тогаш ќе живееме во постојан стрес, бидејќи ќе сфатиме дека сме изгубиле психолошки. На мене и на тебе ова секако не ни треба, бидејќи нема да можеме да се погледнеме во очи, нема да можеме да се погледнеме во очи на луѓето кои ги загубија своите најблиски во оваа апсолутно шокантна војна. За нас тоа е еднонасочна улица. Ако е ладно во домот, 15 или 17 степени, ако нема струја дома 14 или дури 24 часа, нема топла вода, а јас се чувствувам исто како вас, но ако е потребно за струја да се издаде се што претрпевме овие девет месеци, тогаш, се разбира, ќе ја изгубиме не само државата, туку и себеси, порачал Подољак....

Рускиот министер за надворешни работи Сергеј Лавров, во документарен филм емитуван денеска, рече дека Украинците заслужуваат пријателски однос со своите словенски браќа и дека ќе бидат ослободени од „неонацистичките владетели“. „Украинскиот народ ќе биде ослободен од неонацистичките владетели. Тие заслужуваат да живеат во добро соседство, пријателство, просперитет, со своите словенски браќа“, рече Лавров во документарецот емитуван на руската државна телевизија „Русија-24“, јави ТАСС. Тој додаде дека Европа е дел од оживувањето на неонацизмот ширум светот и дека тоа се покажа во украинската криза. „Претпоставувам дека Европа е дел од оживувањето на неонацизмот. Тешко е да се дојде до поинаков заклучок. Францускиот претседател Емануел Макрон неодамна праша зошто Украина треба да живее според моделот наметнат од Русија. Сепак, тој не праша зошто живеат Русите во Украина треба да живее според моделот што го наметнаа неонацистите. Тоа се очигледни двојни стандарди. Ова, без срам, излезе од устата на човек кој сака да биде водечки политичар во Европа. Нереално“ – додаде Лавров. Рускиот министер посочува дека Европа игра во тандем со САД и дека ЕУ речиси и да нема независност бидејќи Вашингтон ја презел контролата врз Брисел. „Тешко дека имате независни гласови во ЕУ. Макрон понекогаш се обидува да воведе „стратешка автономија“ на ЕУ. Никој нема да им дозволи да создадат никаква автономија, а камоли стратешка“, нагласи Лавров. Тој рече дека европските лидери ги охрабруваат украинските власти да ги истакнат неонацистичките манифестации. Рече дека претседателот на Европскиот совет, Шарл Мишел, претседателката на Европската комисија, Урсула фон дер Лајен, генералниот секретар на НАТО, Јенс Столтенберг редовно велат дека европските вредности се бранат во Украина, а Володимир Зеленски ги брани „слободата и демократијата“....

За разлика од европските земји, Турција влегува во зима без никакви енергетски проблеми, изјави денеска турскиот претседател Реџеп Таип Ердоган. – Додека европските земји размислуваат како да зимаат поради енергетската криза, ние мирно влегуваме во зима, рече Ердоган, а пренесе ТАС С. Покрај тоа, тој ја повтори намерата на Анкара да добие пченица од Русија за да ја преработи во брашно и бесплатно да ја испрати во сиромашните земји. Претседателот на Турција најави и планови за масовно производство на првиот турски борбен авион без пилот „Бајрактар ​​Кизилелма“....

Не можеме да издржиме кога некој лицемерно вели дека треба да го признаеме Косово како независна држава. Србија не може да се признае самата себеси бидејќи Косово е Србија, изјави вицепремиерот и министер за надворешни работи на Србија Ивица Дачиќ. „Ние сме слободарска нација и не толерираме тиранија и окупатори и затоа нашиот народ верува дека меѓународната заедница не е фер. Од Србија се бара да го признае таканареченото Косово, а Врховниот суд на Велика Британија пресуди дека Шкотска не може да одржи референдум за отцепување без согласност на централната власт во Лондон. И истата таа Велика Британија го призна еднострано прогласеното независно Косово без согласност на централната власт во Белград“, рече Дачиќ, говорејќи на изборното собрание на партијата Обединета Србија во Белград. „Живееме во тешки времиња и затоа мораме да ги зачуваме слободата и мирот“, додал Дачиќ, пренесоа белградските медиуми....

Ноќва во 02.55 часот во СВР Скопје е пријавен пожар во угостителски објект лоциран во скопската населба Скопје Север, а сопственост на М.М.(35), информира МВР. Како што велат од полицијата, пожарот е изгаснат, а при интервенцијата за гаснење еден полициски службеник се здобил со повреди и вдишил чад, поради што бил пренесен во КЦ Мајка Тереза. Извршен е увид и се преземаат мерки за расчистување на случајот....

Белорускиот министер за надворешни работи Владимир Макеј почина ненадејно на 64 годишна возраст. Веста ја потврдиле од ресорното министерство. Макеј беше на должноста од 2012 година. Ројтерс наведува дека во понеделник Макеј требало да се сретне со рускиот колега Сергеј Лавров. Претседателот на Белорусија, Александр Лукашенко изразил сочувство. Со реакција се огласи и портпаролката на руското Министерство за надворешни работи, Марија Захарова. Шокирани сме од веста за смртта на шефот на Министерството за надворешни работи на Белорусија, Владимир Макеј, напишала Захарова на Телеграм додавајќи дека „наскоро ќе биде објавено и официјално сочувство.“...

Селекторот на репрезентацијата на Саудиска Арабија, Ерве Ренар даде свое видување на натпреварот од 2. коло од групната фаза на Светското првенство 2022 против Полска (0:2). Задоволен сум од моите играчи. Моравме да заминеме на пауза со реми. Ова би променило многу. За жал, денеска не успеавме да оствариме позитивен резултат. Но, ние ќе продолжиме да се бориме. До последната секунда. Никогаш нема да се откажеме. Разбирам дека резултатот е главната мерка за успех. Но, ние го продолжуваме нашиот марш. Имаме добри шанси да стигнеме до плејофот, изјави Ренар за „Sport.pl“. Полска е на чело на групата Ц со 4 бода, а потоа следат Саудиска Арабија со 3, Мексико со 1 и Аргентина без освоен бод. Натпреварот од второто коло од групната фаза помеѓу Аргентинците и Мексиканците ќе се одигра вечер од 20 часот....

Чеченскиот претседател Рамзан Кадиров на социјалните мрежи објави видео од ново оружје и опрема што го добиле припадниците на специјалните сили „Ахмат“. Станува збор за оклопни возила „БОРЗ“, кои се вооружени со митралези. „Го тестирав столбот за митралез, опремен според сите безбедносни стандарди, го прегледав митралезот. Задоволство е да се пука од него“, напиша Кадиров во описот на видеото....

Килијан Мбапе со два гола и донесе победа на Франција вечерва над Данска во 2.коло на Светското првенство 2022. Французите славеа со 2:1 и се првите кои обезбедија осминафинале на Мундијалот во Катар. Во првото полувреме немаше голови. Во вториот дел, во 61. минута Мбапе донесе водство за „триколорите“. Седум минути подоцна израмни дефанзивецот на Данска, Андреас Кристенсен. Во 86. минута Мбапе постигна втор гол и и донесе победа на Франција. По второто коло, француската селекција води во групата Д со максимални 6 бода. Австралија е на второ место со 3, Данска е трета со 1 бод, колку што има и Тунис на четвртото место. На 30 ноември Франција ќе игра против Тунис, додека Данците ќе се сретнат со Австралија....

Владејачкиот СДСМ и нејзиниот лидер и премиер, Димитар Ковачевски, денеска продолжуваат со „Силно и одлучно кон иднината“ низ источна Македонија. Говорници на партиските трибини, што владејачката партија ги нарекува граѓански, во Пробиштип е Сања Лукаревска, Перо Костадинов во Свети Николе, Вангел Андрески во Карбинци, а на централната трибина „Силно и одлучно кон иднината“ во Штип говорник е премиерот Димитар Ковачевски. Ковачевски и СДСМ во последниве месеци турбо држат трибини како дека „утре ќе има избори“, а Ковачевски вели избори ќе има дури во 2024 година. Од трибините кои ги одржува Ковачевски и СДСМ низ повеќе градови на Македонија највпечатливи се неговите пофалби и повици до министрите „стани Цаци, да те види сала“ и „стани Благоја… и дајте му поддршка“. (видео) КОВАЧЕВСКИ ПО ПЕТРОВСКА ГО СТАНА И БОЧВАРСКИ КАКО ПРВАЧЕ: Стани Благоја, да те видат сите во салава и… дајте му поддршка!...

Црковните прашања не смеат да бидат тема на дискусија на мешовитата историска комисија. Охридската Архиепископија има јасна и потврдена историја за нејзиното создавање, порача претседателот на Комисијата за односи меѓу верските заедници Даријан Сотировски. Тој во изјава за „Сител“ порача дека сите прашања поврзани со црквата не смеат да бидат тема на дискусија на оваа мешовита комисија и им порача на македонските историчари да бидат многу внимателни и одговорни доколку вакво нешто се бара од нив. Oхридската архиепископија и како историска категорија и денес како македонска црковна реалност посебно е целосно заокружена, чиста и јасна и не гледам причина зошто тука треба да се отвораат проблеми, вели тој. Црквата има свои правила и догми кои ги почитува целиот православен свет и државата ќе биде одговорна доколку не го отфрли обидиот да се отвори било какво прашање за црквата. Владиката Петар потенцира, фактот дека Охридската архиепископија никогаш не била бугарска го признаваат и пишуваат најреноминираните професори од Бугарија за историски и црковни прашања. Историската комисија нема право на тоа, таа треба категорички да отфрли секаков обид да се оптпочнат било какви разговори за Охридската архиепископија, дури не требаше да водат разговори ни за Свети Кирил и Методиј, ни за Свети Климент, Свети Наум…Ако тоа се случи тогаш одговорноста и срамот за такво нешто ќе падне врз тие личности, комисии, кои биле соработници со нашите непријатели околу идентитетот и национален и црковен, вели владиката Петар. Последното признавање на нашата црква беше од Антиохиската црква која ја призна МПЦ како „Православна црква на Република Северна Македонија“ порачувајќи дека прашањето за името допрва треба да се реши. Вселенската патријарпија ја призна како Охридска архиепископија, а како МПЦ-ОА призната е само од Српската и од Руската црква. Пред неколку години МПЦ упати писмо до БПЦ со кое ја промовираше во мајка на МПЦ....

Нареднава 2023 ќе биде година за економска пресвртница и на нова надеж, истакнува СДСМ во денешното соопштение. Во продолжение целото соопштение на владејачката партија: Економскиот пресврт наредната година е реална, остварлива цел, што ја потврдуваат сите економски показатели. Проекцијата на ЕБОР е дека македонската економија во следната година ќе има раст од 2.3 отсто. Тоа е многу повеќе од проекцијата на ЕБОР за земјите од еврозоната која изнесува 0.3 отсто. Според проекцијата на Народната банка оваа година ќе ја завршиме со раст од над 2 проценти СДСМ во првите десет месеци од годината цврсто се борше против кризата, а наредната година, со новиот Буџет започнува пресвртница, нова офанзива, со која кризата конечно ќе биде победена, ќе почне економски раст и зголемување на животниот стандард. Пресвтницата ќе ја обезбедиме со многу труд, со политики за привлекување нови странски инвестиции кои носат добро платени работни места, со енергетска транзиција и визија да станеме зелен европски центар во Европа. Наредната 2023 година ќе биде година на нова надеж, година за економска пресвртница. Центар за односи со јавноста на СДСМ...

Нареднава 2023 ќе биде година за економска пресвртница и на нова надеж, истакнува СДСМ во денешното соопштение. Во продолжение целото соопштение на владејачката партија: Економскиот пресврт наредната година е реална, остварлива цел, што ја потврдуваат сите економски показатели. Проекцијата на ЕБОР е дека македонската економија во следната година ќе има раст од 2.3 отсто. Тоа е многу повеќе од проекцијата на ЕБОР за земјите од еврозоната која изнесува 0.3 отсто. Според проекцијата на Народната банка оваа година ќе ја завршиме со раст од над 2 проценти СДСМ во првите десет месеци од годината цврсто се борше против кризата, а наредната година, со новиот Буџет започнува пресвртница, нова офанзива, со која кризата конечно ќе биде победена, ќе почне економски раст и зголемување на животниот стандард. Пресвтницата ќе ја обезбедиме со многу труд, со политики за привлекување нови странски инвестиции кои носат добро платени работни места, со енергетска транзиција и визија да станеме зелен европски центар во Европа. Наредната 2023 година ќе биде година на нова надеж, година за економска пресвртница. Центар за односи со јавноста на СДСМ...

Украинските вооружени сили истрелуваат илјадници артилериски гранати врз руски цели секој ден од технолошки напредни хаубици доставени до Киев од САД и нивните сојузници, но поради прекумерната употреба на бојното поле, третина од нив не се во функција, потврдуваат американски и украински официјални лица. Третина од околу 350 хаубици од западно производство, донирани на Киев, се надвор од употреба во секој момент, според американските воени претставници, објави Њујорк Тајмс. Војниците на бојното поле не можат да ги заменат истрошените артилериски цевки кои можат да бидат долги повеќе од шест метри и да тежат илјадници килограми, поради што Европската команда на Пентагон приоритетно оспособи објект за поправка во Полска. Сепак, украинските власти би сакале локациите за одржување на артилериското оружје да бидат поблиску за да можат што поскоро да ги вратат на фронтот, во активни борбени операции, потврдиле за Њујорк Тајмс американски претставници запознати со тоа прашање....

Полицијата во Индија обвини стаорци за исчезнување на речиси 200 килограми канабис, запленети од дилер, кои се чувале во полициска станица.-Стаорците се мали животни и не се плашат од полицијата. Тешко е да се задржи дрогата од нив, рекол претставник на полицијата пред судот во државата Утар Прадеш. Судот побара од полицијата да покаже докази, т.е. конфискуван канабис, на судењето на уапсените дилери. За ситуацијата да биде уште покомична, пред судот беа наведени уште три случаи во кои стаорци биле обвинети за уништување запленета дрога. Судијата Санџај Чаудари изјавил дека полицијата му кажала дека во полициската станица во областа Матура има 700 килограми запленета марихуана, но се покажало дека недостасуваат 195 килограми. -Полицијата изјави дека единствениот начин да се зачува е да се продава на аукција на истражувачки лаборатории или медицински фирми кои имаат владини дозволи да го поседуваат, рече судијата Чаудари....

Поради владата на СДС и ДУИ, Македонија се соочува со економска катастрофа и драстично осиромашување на народот. Тоа го покажува и новиот извештај на Светска Банка според кој Македонија е во првите десет земји во светот кои имаат највисока реална инфлација во храна, се вели во соопштението на ВМРО-ДПМНЕ. Оваа стапка се пресметува како инфлација на цените на храната минус вкупната инфлација и резултатите се поразителни. Од Европските земји пред нас е само Унгарија, а со Турција ја делиме позицијата. Други европски земји нема, туку сите останати се од Африка. Катастрофални параметри измерил и Државниот завод за статистика во октомври, според кој цените за храна во октомври се повисоки за 32,4%. Но ако се земе предвид поскапувањето на основните намирници за над 50%, тогаш осиромашувањето на народот е далеку поголемо. Народот ќе трпи за леб, а на Ковачевски око не му трепнува. Владата на Ковачевски не направи ништо ова да го спречи. Напротив тие времето го трошат на тендери и лично богатење додека народот се соочува со рекордни стапки на инфлација кои се едни од највисоките во Европа и светот. Цените беснеат, долгот забрзано расте, енергетската криза станува се поголема, а Македонија со Ковачевски како по правило секогаш има најлоши параметри во споредба со другите земји. Оваа неспосбна и криминална власт мора да замине. Народот премногу скапо ја плаќа нивната неодговорност, истакнуваат од опозиционата партија....

Селекацијата на Полска ја совлада Саудиска Арабија со 2:0, а капитенот на репрезентацијата на Полска, Роберт Левандовски го постигна својот прв гол на светските првенства. Левандовски во 82 минута постигна гол за 2:0 на натпреварот против селекцијата на Саудиска Арабија во второто коло од Мундијалот. Ова е вкупно 77 негов погодок во дресот на Полска на 136-тиот настап за репрезентацијата. Во терминот од 11 часот, Австралија го совлада Тунис со 1:0, а стрелец на единствениот погодок беше Мичел Дјук во 23-тата минута од средбата. Со овој триумф Австралија остана во трката за пласман во осминафиналето, но за влез во следната рунда и треба победа во мечот со Данска....

Директорот на топланата Скопје Север, Куштрим Рамадани, во телефонски разговор со пцовки и навреди ѝ се обраќаше на новинарката на МКД.мк Катерина Додевска, која ја работеше темата за дозволите на топланата. Откако беше консултиран и коректно му беше пренесена изјавата во објавениот текст дека топланата Скопје Север работи на мазут, но без дозвола, се јави и наместо да реагира за својата изјава, со пцовки и со висок тон ѝ се обраќаше на новинарката на МКД.мк. Пцовките, викањето и заканите од Рамадани се пријавени во новинарските здруженија, а во продолжение ќе следуваат истражувања за спорното работење на топланата Скопје Север, пишува порталот. Разговорот во кој директорот неколку пати ја пцуе новинарка Г. Рамадани: Кај пишува дека работиме на своја рака?! Новинарката: Ви кажувам дека како што Ве консултирав Вас, ги консултирав и од Град Скопје, од другата страна. Г. Рамадани: И што?! Новинарката: Како што? Вашата изјава дали е во ред? Г. Рамадани: Дека работиме на своја рака?! Новинарката: Вашата изјава дали е во ред? Г. Рамадани: Мојата е во ред, кај кажав дека работиме на своја рака, пи*ка ти материна! Новинарката: Молам? Г. Рамадани: Кај пишува дека работиме на своја рака? Новинарката: Јас не сум Ве цитирала во Вашата изјава дека Вие кажувате дека работите на своја рака? Г. Рамадани: Насловот, од кај го извадивте тоа, пи*ка ти материна. Новинарката: Господине Рамадани… Г. Рамадани: Матер ти еб*м… Новинарката: Значи, во Вашата изјава не пишува такво нешто и Вашата изјава е пренесена како што треба. Насловот е цитиран од друг извор. Г. Рамадани: Ви плаќаат таму да пишувате, ве плаќаат, ве плаќаат! Новинарката: А кој ме плаќа мене? Кој Ви дозволува на Вас како директор да се обраќате со пцовки кон новинар? Г. Рамадани: Ве плаќаат! Новинарката: Како може да се обраќате со пцовки кон новинар кој коректно Ви се јави и Ви пренесе изјава? Г. Рамадани: Коректно, Вие сте коректни?! Новинарката: Да, точно, ние сме коректни? Г. Рамадани: Ти си коректна?! Новинарката: Да, точно. Изјавата прочитајте ја, во неа ниту еден збор, ни додаден, ни одземен, од Вас е. Во текстот, во насловот односно… Г. Рамадани: Кај пишува дека работиме на своја рака, од кај го земавте тоа? Новинарката: Од брифинг од друг извор, кој немам обврска да го откријам. Г. Рамадани: А бе кои сте вие да пишувате таков наслов?! Новинарката: Ние го пишуваме насловот врз основа на наши извори. Г. Рамадани: Ќе ве тужам, да знаете! Новинарката: Ако мислите дека имате основа за тужба, слободно. Г. Рамадани: Не мислам, 100 посто! Новинарката: Добро, во ред. Г. Рамадани: Ќе видиш, ќе видиш! Новинарката: Какви се овие пцовки и закани? Г. Рамадани: Ќе видиме, ќе видиме, да знаеш! Во нашата држава последното истражување на ПИНА покажа дека над 80 отсто од новинарките се соочиле со вознемирување....