Приватните превозници вклучени во Јавниот линиски превоз утре ќе протестираат со целосно блокирање во сите правци на крстосницата кај Мавровка, односно булеварот „Гоце Делчев“ и булеварот „Крсте Петков Мисирков“. Како што најави приватниот градски автобуски превозник „Слобода превоз“, блокирањето ќе биде со повеќе од 30 автобуси и повеќе од 300 лица, објави МИА. Не е исклучена можноста и не е потврдена информацијата дека на тој ден во утринските часови според можеби поедини превозници да ги блокираат излезите односно влезовите на ЈСП-Скопје. Исто така времетраењето на протестот не е утврдено и се планира да трае до исполнување на барањата кои ако брзо не се решат во наредните денови ќе се прошири и на други делови од сообраќајниците во Скопје, посочуваат од „Слобода превоз“. Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така, претставници на „Слобода Превоз“ ќе присуствуваат на седницата на Советот на Град Скопје. На средбата со УО на ЈСП на која се очекува да присуствува и директорот на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка, дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти, се наведува во соопштението. Од „Слобода превоз“ додаваат дека „во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции“. Со оглед дека постои голем интерес на јавноста за овие случувања, ги повикуваме медиумите да закажуваат дебати со соочување на наши претставници, на ЈСП, на Град Скопје и Секторот за сообраќај на Град Скопје за правилно да се презентираат аргументи и факти и да не се дозволи една личност од позиција градоначалник да ја дезинформира јавноста прикривајќи ги сопствените слабости со неосновани напади и клевети врз дуги лица и компании, пишува во соопштението од „Слобода превоз“. FacebookEmail...

Пишува: Борјан Јовановски Опкружување или животна средина ( environment) е се она околу нас. Кругот во кој живееме, она што не опкружува…загадените реки, најлоните и пластичните шишиња распослани во секое катче на природата до кое допираме ние како луѓе..урбанистичкиот хаос… Се е тоа огледало на нас самите. Грди сме онолку колку што е грдо тоа опкружување во кое живееме. И тоа ќе биде така со тенденција да деградира се додека не разбереме дека во центарот на тоа опкружување сме самите ние, секој еден од нас без исклучоци. Наш најголем проблем е упорното одбивање да се видиме во собата со огледала во која каде и да се свртиме гледаме грда слика која е одраз на нас самите. Во очаен обид да не ја прифатиме таа толку очигледна стварност ние сме во постојана потрага по непријатели или по било кој на кого ќе ја префрлиме вината. Убаво е да седиме по кафиња и да се жалиме на корупција се до другиот ден пред новото кафе кога патем ќе го тресеме семејното стебло за да најдеме некој близок на овој или оној кој ни е потребен за да одиме на лекар, за да извадиме лична карта, за да добиеме градежна дозвола. Како новинар често среќавам познаници кој се жалат на корупција или други проблем со администрацијата или политичката власт но кога ќе побарам некој да проговори јавно за тоа да може да се објави и на тој начин да се компромитира генераторот на корупцијата, бивам одбиен со изговор дека ‘знаеш не е сега време..може би подоцна” за подоцна да разберам дека уствари истиот тој кој се жали се обидува на друга врата да корумпира некого за да ја заврши работата без да разбере дека токму тој дел од циркулацијата на малигните клетки низ највиталните пори на општественото ткиво. Чекањето на некоја партија/власт како deux ex machinа која магично ќе ни ги реши сите проблеми добива размери на театар на апсурдот и неговото најпрепознатливо четиво “Чекајќи го Годо”. Одбивајќи да ја прифатиме нашата слика во огледалото ние проектираме потреби на нашето битие такво какво што е, кои се материјализираат во понудата која ја добиваме во низата на изборни циклуси кои никогаш ништо не менуваат. Промената е можна само и само во моментот кога ќе ја прифатиме реалноста за нас самите и кога со тоа сознание ќе ја отвориме дебатата за тоа што правиме ние сами за себе, за својата иднина, за своите деца и се она за што често знаеме да зборуваме во еден дегутантно патетичен контекст. Деновиве надеж ми внесе една епизода од Агенцијата за воздушна пловидба во која една од владејачките партии а можеби и повеќе, се обидоа да го поништат конкурсот организиран од данска консултантска фирма која работејќи си ја работата на конкурсот ги избрала оние кои ги бива. Незадоволни од резултатот пулените на политичките партии се пожалиле дека се одбиени па нивните политички ментори за да демонстрираат кој е “главен во селото” одлучија да го поништат конкурсот и да го повторат со цел нивните пулени да добијат она што им припаѓа согласно партиските заслуги. Соочени со грдата политичка агресија врз професијата, група на контролори за летање се заканија со откази од својата работа доколку конкурсот сепак биде поништен по желба на политичките партии. Нивниот решителен и принципиелен став доби гласност по што политичарите сепак отстапија. Со малку одважност , интегритет и одговорност нештата брзо се менуваат и окружувањето станува поинакво. Овие човечки квалитети се во нас самите. Ако ги препознаеме сликата во огледалото ќе се разубави. FacebookEmail...

Севернокорејскиот лидер Ким Џонг-ун изјави дека главна цел на неговата земја е да ја има најмоќната нуклеарна сила во светот, објавија државните медиуми. Ким го изјави ова на церемонијата на која промовираше неколку десетици офицери вклучени во неодамнешното лансирање на најголемата севернокорејска балистичка ракета, Хвасонг-17. Надгледувајќи го нејзиното лансирање на 18 ноември, Ким истакна дека на американската нуклеарна закана ќе одговори со нуклеарно оружје. Изградбата на нуклеарна сила служи за заштита на достоинството и суверенитетот на државата и народот, а „главна цел е да се има најмоќната стратешка нуклеарна сила, апсолутна сила без преседан во овој век“, рече Ким. Тој ја нарече ракетата Хвасонг-17 „најмоќното стратешко оружје во светот“, додавајќи дека таа ја покажува одлучноста на Северна Кореја и нејзината способност да ја изгради најмоќната војска во светот. Севернокорејските научници постигнаа „значителен напредок во развојот на технологијата за изградба на нуклеарни боеви глави на балистички ракети“, истакна Ким, без да соопшти детали. На церемонијата заедно со севернокорејскиот лидер присуствуваше и неговата ќерка, со која вторпат се појавува во јавност. Двајцата позираа со војници, научници и други кои учествуваа во овомесечното лансирање на ракетата Хвасонг-17. Ким изјави дека очекува тие да продолжат со неверојатна брзина да шират нуклеарно оружје за одвраќање. FacebookEmail...

Вака изгледа воената мапа на Украина на полноќ, 27 ноември, пренесува Цивил Медиа. По паничното повлекување на руските агресори во текот на изминатите месеци, овие денови владее неизвесно затишје на линиите на фронтот. Како компензација за понижувачките порази на борбените линии, руските агресори истурија дожд од проектили врз цивилното население и инфраструктурата во градовите низ Украина. A map of the approximate situation on the ground in Ukraine as of 00:00 UTC 27/11/22. There have been no notable changes to control since the last update. pic.twitter.com/V7GTQ5F06D — War Mapper (@War_Mapper) November 27, 2022 Извор: War Mapper FacebookEmail...

Руската агресија во Украина секојдневно ги потврдува своите злосторства и монструозни дела, без ни малку човечност и емпатија за страдањата на луѓето. Од друга страна, пак, се повеќе расте хероизмот на украинските војници, кои уверуваат дека жестоко ќе се борат за секое дете, за секое бебе, за секој човек. На Твитер постојано се поставуваат фотографии и видео снимки кои сведочат за сето тоа. Една руска ТВ програма гордо ја прикажува приказната за една баба која штедела пари за подобрување на условите во домот, бидејќи нејзината мала куќа нема внатрешен тоалет. Наместо тоа, таа им даде се на руските војници. Експертите тврдат за повеќе напади против Украина и против какви било преговори за прекин на огнот, се вели во твитот на колумнистката Џулија Дејвис, која врши руски медиумски мониторинг. A Russian TV program proudly showcases the story of a grandma who’s been saving money for home improvements, since her tiny house has no indoor toilet. Instead, she gave it all to Russian troops. Pundits argue for more strikes against Ukraine & against any ceasefire negotiations. pic.twitter.com/tYxQ90JYsf — Julia Davis (@JuliaDavisNews) November 27, 2022 Додека украинските цивили имаат проблеми со електрична енергија, топлина и мрежа во повеќето региони, нашите бранители во Бахмут се борат за украинската слобода во такви услови. Нераскинливо! Слава на хероите!, напиша на Твитер советникот на украинскиот министер за внатрешни работи, Антон Герашченко. While Ukrainian civilians experience problems with electricity, heat and network in most regions, our Defenders in Bakhmut are fighting for Ukrainian freedom in such conditions. Unbreakable! Glory to Heroes! pic.twitter.com/ZguBBRYawW — Anton Gerashchenko (@Gerashchenko_en) November 26, 2022 Шефицата на Центарот за граѓански слободи (Украина) Олександра Матвичук објави на Твитер фотографии од рововите кај Бахмут, нагласувајќи дека „тие откриваат многу, ѝ даваат на борбата за Бахмут опсег, перспектива, мирис, студ, кал, нечистотија и крв. Станува збор и за неверојатните напори на украинските бранители“. These photos from the trenches near Bakhmut reveal a lot. They give the struggle for Bakhmut scope, perspective, smell, cold, mud, dirt, and blood. It’s also about the unbelievable efforts of Ukrainian defenders. Photo Viktor Borinets#StandWithUkraine pic.twitter.com/qRD8BHIGqx — Oleksandra Matviichuk (@avalaina) November 27, 2022 Јулија Мендел, поранешната портпаролка на украинскиот претседател Владимир Зеленски напиша на Твитер: „Почивај во мир мал Серхиј. Имаше само два дена да живееш на овој свет. Беше сурово и непријателско кон тебе“. #Русија е држава терористичка Rest in peace, little Serhii. You had only two days to live in this world. It was cruel and unfriendly to you. #RussiaIsATerroristState pic.twitter.com/RY0EgfqjjW — Iuliia Mendel (@IuliiaMendel) November 26, 2022 Серхијко, Најмладата жртва на рускиот тероризам. Бебето живеело само два дена. За секое наше дете, за секое наше бебе, нашите војници ќе се борат најтешко на бојното поле. Но, колку и да е силен нашиот бес, ние никогаш нема да станеме како вас – Руси, се наведува во објавата на украинското Министерство за одбрана на социјалната мрежа Твитер. Serhiyko The youngest victim of russian terrorism. The baby lived for only two days. For each of our children, for each of our babies, our soldiers will fight their hardest on the battlefield. But no matter how strong our rage is, we will never become like you, russians. pic.twitter.com/XEbIWcVFIO — Defense of Ukraine (@DefenceU) November 26, 2022 Герашченко, пак, во друг свој твит објави дека пејачка од Москва снимила спот на покривот на руинираниот Драмски театар во Мариупол, каде околу 600 луѓе загинале кога Русија ја нападнала таа зграда. A singer from Moscow recorded a music video on the roof of a ruined Drama theater in Mariupol. About 600 people died here when Russia attacked the building – investigation by Associated Press. pic.twitter.com/Tq6NJ0dg36 — Anton Gerashchenko (@Gerashchenko_en) November 26, 2022 Извор: Цивил Медиа FacebookEmail...

Жените на Украина се борат рамо до рамо со мажите на фронтовите од првиот ден. Иако тие имаат можност да заминат од земјата, голем број од нив одлучија да застанат под украинското знаме и да се борат за ослободување на земјата од рускиот агресор. На почетокот од руската агресија против Украина, Цивил Медиа разговараше со Марија (името е измислено, поради безбедносни причини) која беше дел од бегалците од војната, сместена во Скопје. Таа ги раскажуваше ужасите на бомбардирањето врз цивилни цели во украинската престолнина Кијив веќе во првите часови од инвазијата. Марија одлучила да се приклучи на бегалските колони кои ја напуштија земјата и пристигнала во Скопје, по неколкудневен престој во Бугарија. Кон крајот на април, Марија само кратко ни соопшти дека не може веќе да издржи да ги гледа вестите и дека заминува во војна со „руските орки“ како што ги нарече во својата порака. Се упати назад кон Украина и во моментов е на едно од боиштата во својата земја. Украинското издание на женскиот магазин Elle објави фотосесија со неколку украински бранителки. Дури 42.000 Украинки ја бранат својата земја од руските агресори. Од нив, 1.000 се на командни позиции, пренесува Цивил Медиа. „Во украинската армија служат 42.000 жени. Тие се борат на сите фронтови рамноправно со мажите, а бројот на жени кои сакаат да ја бранат Украина расте“ – пишува во едиторијалот на украинското издание на светскиот женски магазин Elle. Извор: Цивил Медиа FacebookEmail...

Објектот на месната заедница Тафталиџе, популарно наречен „Домче“ во првите години од своето постоење послужил за сместување семејства чии домови биле разурнати од земјотресот во Скопје во 1963 година. Потоа, во просториите на домчето се сместило Културно-уметничкото друштво „Цветан Димов“. Во еден дел од објектот имало народна библиотека со голем фонд на книги, а некои од просториите преминале во своевидни сали за спорт и рекреација. Жителите од околината го користеле за секојдневни активности при исполнување на својот маалски живот, играле пинг-понг, посетувале часови по ора и танци, учествувале во музичкиот клуб, но имале и неформални дружења внатре и во дворот на објектот. Во домчето на граѓаните им била сместена и месната заедница, во тоа време силна форма на граѓанско здружување за полесно остварување на своите права. Со еден збор домот им бил заедничко јавно добро. Уште повредно затоа што тука младите имале каде да се образуваат – културно, музички, спортски, а некои од нив потоа да станат и професионалци во одредена област… Во 70-тите и 80-тите години на минатиот век, никој од нив не ни помислувал дека еден ден граѓаните ќе останат без овој нивен заеднички простор каде другарувале и се социјализирале. СПМ станува сопственик на домот На почетокот од самостојноста на државата, во 1992 година сопственик на објектот станува Социјалистичка партија на Македонија (СПМ). Имено, претходно со домчето управувал Социјалистичкиот сојуз на работниот народ, организација во која активни биле повеќе здруженија. Тој сојуз кога се трансформирал во Социјалистичка партија на Македонија фактички станал и правен наследник на објектот. Така на едноставен начин СПМ ја презела сопственоста врз домчето и од тогаш започнуваат правните перипетии за неговата вистинска сопственост, како и за градежната интервенција која му се заканува со години. Уште веднаш по приватизацијата на домчето во Тафталиџе од страна на СПМ граѓаните не можеле да се помират дека нивниот јавен, заеднички простор сега е во сопственост на политичка партија. Тие започнале со граѓански активности со крајна цел да го вратат објектот во владение на месната заедница, на спортските клубови, музичките ансамбли…но ден денес не успеале во тоа. Три децении трае правната битка за нешто да се промени, но ни одблизу нема такво навестување. Допис од Конзерваторскиот центар до Општина Карпош (скриншот) Интересен е фактот дека и покрај промена во сопственоста во 1992 година, во тој објект се до 2011 година таму владение имала општина Карпош, на чија територија припаѓа домчето. До тогаш траел судски процес кој потврдил дека сопственоста е на СПМ со што општината била приморана да се повлече и да го отстапи просторот на вистинскиот сопственик. Додека општината имала владение врз објектот во 2002 година организирала јавен повик за градежни компании за да се реновира зградата, но да остане во својата првобитна форма и изглед, но да ја има и истата намена, да послужи на граѓаните како јавен простор. Но, тендерот немал среќа да заврши затоа што започнал судски процес за утврдување на вистинскиот сопственик, оној процес што траел до 2011 година, кога општината си заминала од домчето. Судот потврдил кој е вистински сопственик Судскиот процес го воделе општина Карпош и СПМ. Како првостепениот и второстепениот, така и Врховниот суд пресудиле во полза на политичката партија со што се потврдила и формално нивната сопственост врз објектот. Но, оттогаш изминале години, а СПМ и понатаму не може да го реализира својот бизнис план и да го пренамени објектот во станбено- деловен центар и во уште една зграда која би била хотел. Така целиот простор, според планот на СПМ, треба од јавен и заеднички да прерасне во профитабилен бизнис. Но цела деценија тој план се уште не ни почнал да се реализира. Исто толку време се водат процеси пред македонските судови, но овој пат не за сопственоста, туку за урбанистичките планови и за комуналиите кои СПМ ги платила на општината. Како и да е, сето ова придонесува домчето на зјае, останато е само со ѕидовите, поплавено од дождови, претворено во депонија, без никаква заштитна ограда, нема ниту врати, ниту прозорци. Документ од Управа за заштита на културното наследство Одиме по ред. Во 2015 година, тогаш опозициската СДСМ, започна со објавување на прислушувани разговори, снимени во Управата за безбедност и разузнавање (УБК). На прес конференции се пуштаа аудија со гласови на функционери од тогаш владејачката партија ВМРО ДПМНЕ. На една од снимките сопственикот на телевизија Сител, Горан Иванов, инаку син на Љубисав Иванов Ѕинго, лидерот на СПМ, се слуша како зборува со тогашниот министер за транспорт и врски, Миле Јанакиевски, токму за иднината на домчето, односно како да се истурка нов Детален урбанистички план во општина Карпош за парцелата на која е лоцирано или поточно како објектот да се пренамени во станбено деловен. Иванов го замолува Јанакиевски да влијае во општината за да може да се дозволи зграда со висина од 13,5 метри, а министерот му ветува дека ќе му помогне. И навистина, потоа во општината, во јануари 2016 година се носи урбанистичкиот план и на парцелата се исцртуваат два објекта, едниот А2- станбено деловен, со површина од 1 368 м2 во основата, или приземје со шест ката и поткровје. И вториот објект В3 со површина од 384 м2 во основата или приземје со пет ката. Комуналии се платиле, градежна дозвола никогаш не била издадена Врз основа на новиот план, во ноември 2017 година СПМ платила за комуналии во општина Карпош износ од 17 милиони денари (околу 275 000 евра) и очекувала да и се издаде одобрение за градба кое и денес не е издадено. Имено, во декември 2017 Уставниот суд повел постапка за испитување на уставноста на неколку урбанистички планови на општина Карпош, меѓу кои и оној за домчето, а пролетта во 2018 година Специјалното јавно обвинителство (СЈО) формирано со намена да ги испитува наводите од прислушуваните телефонски разговори, поттикнато од снимката на Иванов со Јанакиевски, ја побарало целосната документација околу предвидените градби, за да провери дали има докази да покренување судски случај. Со овие две активности, на Уставниот суд и на СЈО практично е стопирана процедурата за издавање градежно одобрение. Иницијативата пред Уставен суд ја поднесуваат советнички од општина Карпош, Татјана Чакулев и Невена Георгиевска, а во одлуката на судот објавена во јуни 2018 година се наведува дека при носењето на урбанистичките планови задолжително е носењето на стратегиска оцена за влијание врз животната средина и врз здравјето на луѓето, документ кој недостасувал во случајот. Владеењето на правото и уредувањето и хуманизацијата на просторот и заштитата и унапредувањето на животната средина и природата, се темелни вредности на уставниот поредок и законодавецот пропишал дека во постапката за донесување на урбанистичките планови постои обврска за изработка на стратегиска оцена за влијание врз животната средина и врз здравјето на луѓето, а доносителот на урбанистичкиот план е должен во рок од три работни дена од денот на одобрувањето на планската програма, со која се утврдува границата и содржината на планскиот опфат, да донесе одлука за спроведување или одлука за неспроведување на стратегиска оцена за влијание врз животната средина. СПМ сака да наплати 3,5 милиони евра од општина Карпош По ваквата одлука на Уставен суд, привремено е блокиран планот на СПМ за изградба на две згради кои би содржале деловни простории, станови за домување и хотел, или згради кои на партијата СПМ би и донеле финансиски профит. Соочени со новата реалност, дека планот им е укинат од Уставен суд, а паралелно СЈО го истражува случајот, во 2022 започнува нов судски процес, со кој иднината на домчето станува уште понеизвесна. Како инвеститори на двете нови згради се јавуваат СПМ и фирмата „Гренадер“ со управителката Елена Митевски, иако медиумите известуваа дека во позадина на фирмата стои Горан Иванов со Сител. Сега тие, во судскиот процес, кој е во тек, бараат 3,5 милиони евра отштета од општина Карпош, парите кои ги платиле за комуналии (275 000 евра), но и висока отштета за наводно претрпени загуби (3,2 милиони евра), сума која ни одблизу ја нема општината Карпош. Ако судот одлучи да се исплати оваа сума тогаш СПМ ќе има прилика за двојна заработка од иста работа, прво да наплати 3,2 милиони евра отштета, а потоа ако се изградат становите и хотелот да заработи уште еднаш. Законите го забрануваат она што го прави СПМ? Логично се наметнува прашањето дали и СПМ ќе оствари профит со изградбата на објектите на местото на домчето? Законот за финансирање политички партии јасно определува дека политичките партии не можат да вршат стопанска дејност. Таму е наведено дека политичките партии не можат да стекнуваат други видови приход освен преку камата на депозит депониран во банка, закупнина од издавање под закуп на движен и недвижен имот на партијата, приходи од продажба на печатени, аудиовизуелни и дигитални изданија и приходи од продажба на билети за присуство на манифестации организирани за партиски цели. Во Законот за политички партии стои дека политичките партии се непрофитни организации. Овие два закона јасно укажуваат дека СПМ не смее да остварува профит, каков што е впечатокот, со изградбата на хотелот и становите во Тафталиџе. Како ќе заврши актуелниот судски процес се уште е неизвесно. Едната страна, на СПМ, инсистира да и се исплатат тие 3,5 милиони евра, додека втората страна, општина Карпош настојува да изнуди прекин на судењето за да ја спаси локалната самоуправа од финансиски колапс. Имено, адвокатите на општината го користат аргументот кој произлегува од Законот за облигациони односи, односно дека договорот за заедничка градба на СПМ и Гренадер е ништовен, а со тоа ништовен е и договорот за комуналии преку кој тие платиле 225 000 евра на општината, инаку пари кои своевремено градоначалникот Стефан Богоев се обидуваше да им ги врати на инвеститорите во периодот кога носеше забрана за издавање градежно одобрение под изговор дека Уставен суд укинал неколку урбанистички планови. Ако се докаже тезата дека договорите се ништовни тогаш судскиот процес мора да запре. Но, адвокатите на општината пред судот образложуваат дека судскиот процес е непотребен затоа што во општината во моментот се носи нов Детален урбанистички план наменет за парцелата кај домчето, според кој, по се изгледа, одново ќе се предвидат згради, но не повисоки од четири ката. Актуелниот градоначалник Стевчо Јакимовски уверува дека планот наскоро ќе се најде на јавна дебата и дека покрај задоволувањето на барањето на СПМ (со судска пресуда докажан сопственик на домчето) и Гренадер да се изградат станбено – деловни објекти, во еден дел ќе се одговорело и на потребите на граѓаните со што ќе им се определи одредена квадратура за да можат да поседуваат простор за месната заедница и евентуално други рекреативни активности. Јакимовски ја игнорира можноста општината да искористи други механизми, како купување на парцелата од СПМ, или експропријација на земјиштето, со цел да го обнови домчето и одново да го предаде во владение на жителите од населбата. Дали домчето може да биде културно наследство? И додека во општината се подготвува нов урбанистички план, летоска Конзерваторскиот центар испратил известување до општината во кое навел дека на опфат на планот се наоѓа и домчето, објект кој има статус на привремено заштитено добро врз основа на Законот за заштита на културното наследство, како добро за кое е поведена постапка за воспоставување на заштита, до донесување на актот за заштита. Центарот напишал и дека треба да изработи заштитно – конзерваторски основи за културното наследство, за подрачјето на опфат на ДУП за „Градска четврт 3, 06, Блок 3, 06.08“, општина Карпош. Овој допис ја враќа надежта кај граѓаните, кои многу пати ја имаат изгубено, дека домчето може и ќе остане јавен простор. Во септември годинава Управата за заштита на културното наследство испратила мислење до извесна кумановска фирма „Тајфа“, која се занимава со архитектура, со известување дека ДУП-от во границите на опфатот постојните културни добра се наведени и нивните заштитни зони се запазени. „Во планската документација се вградени условите наведени од Управата за заштита на културното наследство, како и обврската во случај да се појави археолошко наоѓалиште да се постапи во согласност со законот, член 65. Затоа постапката за усвојување на планот може да продолжи“- стои во мислењето. Инаку, членот 65 од Законот за културно наследство предвидува дека ако во текот на изведувањето на градежни, земјоделски или други работи се дојде до археолошко наоѓалиште, односно предмети од археолошко значење, изведувачот на работите е должен веднаш, а најдоцна во рок од три дена да го пријави откритието и да ги запре работите и да го обезбеди наоѓалиштето од евентуално оштетување и уништување, како и од неовластен пристап. Колку ваквите укажувања на надлежните институции ќе помогнат во заштита на објектот е неизвесно. За сега тој останува пропаднат сведок на едно поинакво време. Новинарското истражување е дел од проектот „Градот како сцена (изгубени модернистички утопии)“, во режија на Филип Јовановски, чиј перформанс беше прикажан во рамките на 47. издание на Млад отворен театар, МОТ. FacebookEmail...

Пишува: ЗОРАН БОЈАРОВСКИ Најавата за иницијативата во Собрание за укинување на членот 102 од Законот за аудио и аудио-визуелни услуги за да се се овозможи медиумска афирмација на кампањите од јавен интерес, го отвори прашањето дали, ако за бришење на „102“ веќе има договорено двотретинско мнозинство, зошто тоа обезбедено мнозинство не се искористи и да се направи конечно избор на новите состави на Програмскиот совет на Националната радио-телевизија (НРТ) и на Советот на Агенцијата за аудио и аудио-визуелни услуги (ААВМУ). На 21 ноември светот го одбележа Светскиот ден на телевизиите. Не дека нешто одбележувањето на овие „светски денови“ многу ги потресува луѓето, но често пати се повод да ги провериме податоците и трендовите за темите што се определени како „светски“ и дали уште го имаат значењето кое го стекнале со оваа „титула“. Во пораката на ОН за оваа година се вели дека „телевизијата продолжува да биде најголем дистрибутер на видео содржини“, но дека „создавањето, објавувањето и пренесувањето овие содржини на интернет и социјалните мрежи налага интеракцијата помеѓу новите и традиционалните форми на емитување создава одлична можност да се подигне свеста за важните прашања со кои се соочуваат нашите заедници и нашата планета“. Ете така изгледа тоа од таа глобална перспектива. Но, на локално ниво, односно во реалноста, особено во нашата земја е малку повеќе различна, а во некои трендови може да се каже дека се случуваат многу индикативни процеси кои заслужуваат внимателно читање и толкување. Еден таков пристап бара трендот на опаѓањето на гледаноста на телевизиите кај нас. Не се најпрецизни податоците дека 7 од 10 граѓани гледаат телевизија како што беше кажано во еден тв прилог на Светскиот ден на телевизијата. Годишниот просек за 2022 година претстои да се допрецизира, но од показателите во првите три квартали според Агенцијата за аудио и аудио-визуелни услуги овој просек ќе биде некаде околу 66%, што е неверојатни 12 процентни поени понизок од 2021 година, или за 11 понизок од 2020 година. Тое е единствениот и вистински начин да се читаат и интерпретираат статистичките движења – споредбено. И не е само гледаноста. Според истражувањето на Фондацијата Метаморфозис од април оваа година, само 50% од публиката им верува на телевизиите, што е уште поиндикативен показател кој треба најсериозно да се земе предвид. За утеха, ако воопшто може така да се каже за катастрофалниот пад на довербата во медиумите воопшто, е што многу помала е довербата во социјалните мрежи и на интернет порталите. Но, истражувањето покажува и еден друг важен тренд: На прашањето кои се каналите од кои најчесто се информирате, телевизиите како средство за иинформирање го посочиле 66,3% од испитаниците, додека социјалните мрежи се избор на 60,5%, а интернет порталите како медиуми за информирање ги избираат 35,5% од граѓаните. Комбинацијата од скорот на граѓани што ги користат социјалните мрежи и интернет порталите, веќе убедливо говори дека телевизиите го губат приматот. Ова е значајно да се има предвид во однос на демографијата на публиката, каде што младите, особено оние од 18-25 години, како и оние од 25-45 се најбројната популација за која нема никакво сомневање дека е целосно преселена на интернет платформите и на социјалните комуникациски канали. Микроподатоците дури покажуваат и огромни разлики помеѓу различните категории меѓу помладите генерации. Според истражувањата, оние на возраст од 25 до 40 години, поминуваат околу 2 часа и 44 минути дневно на социјални мрежи, додека припадниците на така неречената Генерација Z, odnono оние до 24 години дневно поминуваат по 8 часа онлајн, од кои 2 часа и 58 минути на социјалните медиуми. Оваа подолга експликација на гледаноста и довербата во телевизиите, како и неопходната споредба со трендовите што произлегуваат од брзорастечката дигитална сфера, говори колку е важно да се спроведе конечно изборот на раководните тела на двете клучни медиумски институции, со гаранција за нивната независност и непристрасност, за да дефинира одговори на предизвиците пред коишто се исправени телевизиите. Сегашните „улежани“ совети и директори, со функции со изминат мандат од две или три години, ниту имаат волја ниту смелост да се впуштат во решавање на горливите и егзистенцијални прашања кога станува збор за Националната радио-телевизија на пример. Програмскиот совет има надлежност да осигури дека содржините што ги објавува јавниот сервис се од јавен интерес, како и да ја спроведе реформата на јавниот радиодифузен сервис и да обезбеди негова независност, професионални стандарди и финансиска одржливост. Додека тоа не се случи, ќе останат да се провлекуваат програмските слабости и ризици, како што се и упадите во уредувачките содржини што доаѓаат од безначајни политички фракции меѓу Републиканците во САД кои се флагрантно анти-НАТО и анти-ЕУ, како Северна Македонија да е „Швајцарија на Балканите“, а не земја членка на Северно-атлантската алијанса и со отворени преговори за членство во ЕУ. Во идентична таква ситуација е и раководството на ААВМУ, и директорот и Советот заедно – за да имаат многу поголема и проактивна улога во темите како што унапредувањето на медиумската писменост, родовата еднаквост во медиумските програми, во осудувањето на притисокот и заканите врз новинарите и медиумите, како и во надзорот на транспарентноста на медиумската сопственост како законска обврска за аудиовизуелните и печатените медиуми. Извор: ИМА FacebookEmail...

Во Кијив од денеска се очекува обилен снег, дневната и ноќната температура ќе се спуштат под нулата, а милиони луѓе во градот и околината остануваат без струја и греење. Мрежниот оператор Укренерго соопшти дека производителите на електрична енергија можат да покријат само три четвртини од потребите на потрошувачите, поради што се воведени рестрикции и прекини на струја низ целата земја. Претседателот Володимир Зеленски изјави дека има рестрикција на струја во 14 од 27 региони во Украина и во Кијив, за „повеќе од 100.000“ потрошувачи во секој регион. Ако потрошувачката се зголеми во вечерните часови, бројот на прекини може да биде поголем. Тоа уште еднаш покажува колку е важно да се штеди енергија и да се користи рационално, истакна Зеленски во синоќешното видео обраќање. Сергеј Коваленко, главен оперативен директор на компанијата YASNO, која го снабдува Кијив со електрична енергија, изјави дека ситуацијата во градот се подобрува, но сепак е „прилично тешка“. Тој посочи дека граѓаните треба да имаат најмалку четири часа струја дневно. Ако не сте имале најмалку четири часа струја во изминатиот ден, пишете на DTEK Kyiv Electric Networks, колегите ќе ви помогнат да разберете во што е проблемот, напиша Коваленко на својот профил на Фејсбук. Од друга страна, лидерот на Чеченија, Рамзан Кадиров, на апликацијата Телеграм објави дека резултатот од специјалната операција за него е „целосно уништување на манифестациите на сатанизмот“. Дозволете ми да парафразирам еден познат цитат – одиме само напред и ништо не може да не спречи, напиша Кадиров. Резултатот од специјалната операција за нас е целосно уништување на манифестациите на сатанизмот: сатана, бандера, нацисти. Постојат многу дефиниции за нив, но суштината е секогаш иста. Нивната вистинска суштина е недостатокот на човечност, морални начела, ширење на зли духови. Затоа за нас тие се сатанисти. Да ги победиме е наша цел и задача, напиша Кадиров. Чеченскиот претседател објави видео на социјалните мрежи од новото оружје и опрема што го добиле припадниците на специјалните сили Ахмат. Станува збор за оклопни возила BORZ, кои се вооружени со митралези. FacebookEmail...

ФИФА покрена дисциплинска постапка против фудбалскиот сојуз на Србија, откако нејзината репрезентација постави контроверзно знаме на Косово во нивната соблекувална пред поразот на Светското првенство од Бразил, објави Би Би Си. Знамето покажа контура на Косово исполнето со знамето на Србија, со зборовите „Нема предавање“. Тензиите меѓу етничките Срби и владата на Косово предводена од Албанците се големи, поради стравувањата дека насилството може повторно да се разгори, 23 години по војната во Косово. Косово прогласи независност од Србија во 2008 година, но Србија, која е сојузник на Русија, не го признава како независна држава. Во петокот, Фудбалската федерација на Косово (ФФК) поднесе жалба до ФИФА поради „шовинистичката реторика“ на Србија. Во соопштението се вели: „Ваквите акти на шовинизам немаат место во спортски настан, а уште помалку во објектите каде што се одржува најголемиот настан на светскиот фудбал, па затоа ФФК како рамноправен член со сите останати членови на ФИФА, бара од оваа институција да преземе мерки за санкционирање на дејствијата кои поттикнуваат омраза меѓу народите и се против човечките вредности“. Во него се додава: „Неприфатливо е овој чин да помине во тишина, затоа силно бараме ФИФА строго да ги спроведе своите правила и да ја казни фудбалската федерација на Србија за оваа агресивна акција и против вредностите што ги пренесува фудбалот“. Косовскиот министер за спорт, Хајрула Чеку, истакна дека очекуваат „конкретни акции“ од ФИФА против српските „омраза, ксенофобични и геноцидни пораки“. Постапката на ФИФА е покрената врз основа на член 11 од дисциплинскиот кодекс на ФИФА, што е „навредливо однесување и кршење на принципите на фер-плеј“ и вклучува „користење спортски настан за протести од неспортски карактер“, како и член 4 од прописите за Светското првенство во 2022 година што се однесува на одговорностите на тимот на турнирот. Косово беше прифатено во УЕФА и ФИФА во 2016 година, но според правилата на УЕФА, Србија и Косово не можат да играат меѓу себе во квалификациите за Светското првенство поради тензиите меѓу двете земји. Србија беше поразена со 2-0 од Бразил на Светското првенство во Катар во четвртокот, а утре игра со Камерун во следниот натпревар од групата Г. FacebookEmail...

„Штип и македонскиот исток многу добро знаат колку е значајно инвестирањето во патната инфраструктура. Речиси и да нема патна врска која не е обновена во источниот регион благодарение на развојните политики на СДСМ“ изјави премиерот и претседател на СДСМ, Димитар Ковачевски на граѓанската трибина во Штип. Тој додаде дека е довршен автопатот Штип-Кочани,направен експресниот пат Штип-Радовиш вреден 64 милиони евра, патот од Три Круши до Штип, клучната на влезот во градот, транзитниот правец, експресниот пат Штип-Крупиште итн. „Денеска бев на увид на експресниот пат од Крупиште до Кочани којшто е во завршна фаза. Вредноста на овој проект е 18 милиони евра но е многу значен за целиот овој регион, за истокот. Еднаш кажав и сега ќе повторам, до крајот на годинава да биде завршен овој пат, да дојдеме повторно и да го пуштиме во употреба. Роковите мора да се почитуваат и јас ќе инсистирам на тоа. СДСМ изгради патишта во должина од околу 1.300 км, додека во време на владеењето на ВМРО ДПМНЕ, во 10 години, изградени се само околу 650 км патишта низ земјата. Огромна е разликата“ рече Ковачевски. Премиерот додаде дека Европска Македомнија се гради и поврзува, бидејќи модерната патна инфраструктура е важна и за граѓаните и за компаниите, но и за новите инвеститори. „Новите инвестиции значат и нови, подобро платени работни места, а за тоа да се случи, инвестициите во инфраструктуарата, квалитетните патишта се еден од предусловите. Овде, во Штип во тек е изградбата на голем капитален проект, целосно финансиран од буџетот, брана на река Отиња. Децениски сон на многу генерации штипјани, 50 години како што спомена таа, полека станува реалност. Веќе 30 проценти од овој проект вреден над 300 милиони денари се завршени и очекувам во предвидениот двегодишен период да се заврши овој капитален проект“ рече Ковачевски. FacebookEmail...

„Минималната плата ја покачивме двојно, од 8.000 денари во време на ВМРО-ДПМНЕ, на 18.000 денари. Штип е работнички град. Ние парите ги насочуваме кон работниците, а ВМРО-ДПМНЕ ги смешате за евтина работна рака која треба да се искористи. Знам дека работниците по македонските конфекции најдобро знаат што значи оваа разлика, што значи да се цени и почитува нечиј труд“ изјави премиерот и претседател на СДСМ, Димитар Ковачевски на граѓанската трибина во Штип. Тој додаде дека со буџетот за наредната година и економскиот план, Владата тргнува во офанзива, конечно да ја победиме кризата, да почнеме да растеме и да го зголемиме животниот стандард. „Клучните економски показатели влеваат надеж. Предвидувањата на ЕБОР се дека македонската економија во следната година ќе има раст од 2.3 отсто. Многу повеќе од проекцијата за земјите од еврозоната која изнесува 0.3 отсто. Народната банка вели дека и оваа година ќе успееме да ја завршиме со раст од над 2 проценти. Затоа ги интегриравме антикризните мерки со економски развојните политики“ рече Ковачевски. Премиерот изјави дека наредната 2023 година е година на економска пресвртница, со политика на инвестиции, нови и добро платени работни места и енергетска транзиција со визија да станеме зелен енергетски центар во Европа. По 10 месеци може да кажеме дека ја спасивме економијата и ги поддржавме граѓаните и компаниите „Резултатот од изминатите 10 месеци ми дава полно право да ви кажам дека следната година ќе биде подобро. По само 10 месеци можеме да кажеме дека ја спасивме македонската економија со антикризни мерки вредни 760 милиони евра и економски политики. Го поддржавме стандардот на граѓаните, компаниите, ранливите граѓани кога беше најпотребно“ изјави премиерот и претседател на СДСМ, Димитар Ковачевски на граѓанската трибина во Штип. Тој додаде дека цврсто ја државме линијата против глобалната криза и сите се сеќаваат на неизвесноста дали ќе има храна, леб, брашно, масло, греење, струја, нафта итн. Сепак, како што кажа Ковачевски, во крајно тешки околности Владата успеа да го одржи стабилен и да не крахира буџетот, да го одржи енергетскиот систем и да обезбеди храна, енергенси, греење и струја. „Го поддржавме стандардот на граѓаните и ги помогнавме компаниите. Цената на струјата ја субвенционираме за 600.000 домаќинства и за 72.000 компании. Да не е таа субвенција сите ние ќе плаќавме и до пет пати повеќе за електрична енергија. Ме праша и вашиот сограѓанин за субвенционирањето на струјата и еве прилика да одговорам, да, имаме пари обезбедено и продолжува субвенционирање на сметките за струја. Никој нема да биде оставен сам“ рече Ковачевски одговарајќи на прашање од граѓанин на трибината. Премиерот додаде дека Владата обезбеди и двојно поевтина цена на струјата за 233 основи и средни училишта, 50 јавни претпријатија, 235 домашни компании кои произведуваат основни прехранбени продукти, вкупно за 518 субјекти. „ Со последната антикризна мерка некои видови на леб и млечни продукти се веќе со намалени цени, а тоа намалување на цените на основните производи ќе продолжи и понатаму. Очекувам да се намалат и цените на брашното, млекото, месото, маслото за јадење за околу 10 отсто“ рече Ковачевски. FacebookEmail...

На што се темели оптимизмот дека 2023 за граѓаните ќе биде подобра? – Ако ги погледнете сите економски политики кои што државата ги прави, ние само во 10 месеци од мандатот на мојата Влада имаме зголемување на минималната плата на 18.000 денари, зголемување на пензиите од 10% досега и со новот зголемување коешто ќе следува во март идната година уште 6% тоа ќе биде најголемо историско зголемување на пензиите за 16%, какво што досега се нема случено, изјави премиерот Димитар Ковачевски како одговор на новинарско прашање. – Истото ќе биде и со минималната плата која заради методоголијата која ја воведовме во март оваа година, низ разговор со синдикатите ќе има зголемување. Просечната плата за прв пат се искачи на над 32.000 денари. Јас секоја недела сум на отворање на нови произовдствени капацитети особено во ТИРЗ-вите. За овие 10 месеци во ТИРЗ се отоврени 2000 работни места, вели Ковачевски. Ковачевски потсети деказа 11 години на власта на ВМРО-ДПМНЕ се отворени 6.000 работни места и порача дека секој може да ја види споредбата. – Кога зборуваме за произвдоство на енергија, во државата се случува енергетска трансформацијата. Веќе се пуштени во употреба 27 мегавати на фотоволтаични централи. За 11 години, за споредба беа пуштени 16 мегавати, сега за 10 месеци 27 мегавати. Следува пуштање на 130 мегавати кои што се веќе договорени на негативна аукција кои беа направени во текот на изминатиот период и ќе бидат пуштени во наредните 2 години. На старите наоѓалишта на рудникот во Осломеј, веќе е изградена 10мв централа а се подготвуваат нови 100 мв договорени преку ЈПП од страна на ЕСМ, рече Ковачевски. Премиерот информриа дека во Св.Николоско веќе се монтираат ветерните турбини со моќност од 25 мегавати. Само би сакал да заокружам дека иднината на нашата држава е како полноправна членка на ЕУ со нови производствени капацитети, со добро платени работни места и како центар на зелена енергија која ќе произведува елек.енергија од обновливи извори на енергија и со тоа ќе го снабдува не само нашиот пазар туку и регионот,рече Ковачевски. Извор: Центар FacebookEmail...

Големо благодарам за тетка Лепа и чичко Раде за срдечниот пречек и за дружбата. Поразговаравме за тоа како е пензионерскиот живот, за стандардот, за тоа како ја поминуваат оваа тешка кризa, соопшти премиерот Димитар Ковачевски на фејсбук. Знам дека не е лесно, особено за пензионерите. Но, тие никогаш нема да бидат оставени сами да се справуваат со кризата. Годинава ја зголемивме пензијата, наредна година ќе се зголеми пак, за тоа и се погриживме да има пари во новиот буџет. Но поважно е што системски се поставивме и како што ќе растат трошоците, така ќе растат и пензиите. Сите ние сме деца на пензионерите, тие ја заслужуваат нашата поддршка и ќе ја имаат секогаш, рече Ковачевски. Извор: Центар FacebookEmail...

Бразил во натпреварот против Швајцарија во рамки на второто коло во групата Г на Светското првенство 2022 ќе биде без услугите на Нејмар и Данило поради повреди, соопшти лекарскиот тим на Кариоките. Докторот Родриго Ласмар појасни дека Нејмар на дуелот од првото коло против Србија ги повредил лигаментите во скочниот зглоб, а со слична повреда на истиот натпревар се здобил и Данило. – Тие двајца играчи нема да ги имаме на располагање на следниот натпревар, но тие продолжуваат со процесот на рехабилитација со цел да бидат подготвени за продолжение на турнирот, посочи Ласмар во видеопорака која ја објави Фудбалската федерација на Бразил. Репрезентацијата на Бразил во четвртокот ја совлада Србија со 2-0, а дуелот против Швајцарија е на програмата в понеделник. Извор: МИА FacebookEmail...

„Оваа година се потпишни нови 277 договори за поддршка со компании кои влегуваат во инвестициски циклуси од околу 145 милиони евра и ќе креираат повеќе од 3.700 работни места во наредните 5 години или до завршувањето на нивните договори. Само во 2021 година овие 277 компании, инвестирале околу 50 милиони евра и креирале над 1.500 нови работни места“ изјави премиерот Димитар Ковачевски при посетата на компанијата „Актива“ во Штип. Тој додаде дека преку Законот за финансиска поддршка на инвестициите во изминатите пет години, колку што се спроведува оваа мерка, склучени се договори за поддршка со 630 компании со што Владата овозможува поволен деловен амбинет и ги поддржува еднакво како странските и домашните инвеститори. „За нас се сите важни, сите кои инвестираат, кои создаваат нова економска вредност и работни места.Целта е во оваа криза заеднички да ја пребродиме да се отвораат подобро платени работни места, а компаниите да инвестираат, да се осовременуваат, да бидар продуктивни и конкурентни на европските пазари“ рече Ковачевски. Премиерот додаде дека нашите компании покажаа дека се агилни и во вакви тешки времиња инвестираат во подобрување на нивната конкурентност, нивните продукти, воведување на нови производствени линии. Преку поддршка на компаниите за нови инвестиции се постигнува повисок животен стандард „Поддршката на компаниите во реализирањето на нови инвестициски проекти и во зајакнувањето на нивната конкурентност е наша определба, бидејќи на тој начин се засилува економскиот раст и развој на земјава, расте БДП, и крајно се подигниува животниот стандард на граѓаните“ изјави премиерот Димитар Ковачевски при посетата на компанијата „Актива“ во Штип. Тој рече дека оваа компанија, која започнала со тројца инженери и десет работници во 1999 година, денес има 580 вработени и е етаблирана компанија во металопреработувачката, градежната и автомобилската индустрија. „Со вкупна инвестиција како домашна компанија од 2013 година во вредност од над 30 Милиони евра во производствени капацитети и машини. Владата ги следи компаниите во нивниот раст и развој и со сите расположливи механизми ги поддржува на патот на нивниот успех“ рече Ковачевски. Премиерот додаде дека компанијата е корисник на мерка од Законот за финансиска поддршка на инвестициите за петгодишен инвестициски проект започнат во 2018 година, со вредност од 5 милиони евра, со кој преку проширување на производствените погони и набавка и интеграција на нова висока технологија се отвориле и нови работни места. FacebookEmail...

„Во овој период на тешка економска криза домашните капацитети за производство на основни прехранбени производи меѓу кои и маслото за јадење, се ставени во полн капацитет, а мерките кои што беа донесени од Владата имаат за цел да се избегнат ценовните шокови и да се заштитата граѓаните“ изјави премиерот Димитар Ковачевски при посетата на фабриката за производство на масло за јадење „Брилијант“. Тој додаде дека во таа насока се и одлуките на Владата за повластена тарифа на електрична енергија, пониска од берзанската, за компаниите кои произведуваат основни прехранбени продукти. „ Од 1 декември оваа година треба да ги видиме првичните резултати на пазарот од оваа мерка. Воедно очекуваме да продолжи намалувањето на цените во интерес на потрошувачите, и според сите параметри реално е да очекуваме намалување за 10%.Ќе ја искористам оваа прилика да повторам дека никој нема да биде оставен сам да се справува со последиците од кризата оваа зима и дека институциите посветено работат на изнаоѓање на решенија за предизвиците кои ни ги наметна економската и енергетската криза“ рече Ковачевски. Премиерот додаде дека исто така е важно компаниите од прехранбениот сектор да имаат домашна суровина и токму затоа се става фокус на зголемување на примарното земјоделско производство. „Пред почетокот на новата сеидбена сезона за сончогледот ги исплативме субвенциите, за да можат земјоделците навреме да сеат, за да имаат пари за производствените трошоци. Платежната агенција исплати исплати над 450 милиони денари субвенции за поледелски култури меѓу кои и за сончогледот и маслодајната репка на над 24.000 земјоделци“ рече Ковачевски. Со новиот модел на субвенции ги мотивираме земјоделците да произведуваат повеќе храна „Досегашниот систем според кој земјоделците добиваа субвенции без да прикажат дека оствариле производство, се заменува со нов „decoupling систем“. Со новиот модел, ги мотивираме земјоделците да произведат повеќе храна, нешто што е многу важно во услови на светска економска криза“ изјави премиерот Димитар Ковачевски при посетата на фабриката за производство на масло за јадење „Брилијант“. Тој додаде дека новиот модел за распределба на земјоделските субвенции значи решавање на сите долгогодишни проблеми на земјоделците, брз систем за исплата и спречување на злоупотребите. „За компаниите од прехранбениот сектор најважно е да имаат домашна суровина, затоа ставаме силен фокус на зголемување на примарното земјоделско производство. Конкретно во случајот на домашното производство на сончоглед. Обезбедивме и продолжуваме да обезбедуваме во иднина навремена исплата на субвенциите и други мерки за зголемување на површините со оваа земјоделска култура“ рече Ковачевски. Премиерот додаде дека и оваа година пред почетокот на новата сеидбена сезона за сончогледот исплатени се субвенциите, за да можат земјоделците на време да сеат, за да имаат пари за производствените трошоци. „Платежната агенција исплати исплати над 450 милиони денари субвенции за поледелски култури меѓу кои и за сончогледот и маслодајната репка на над 24.000 земјоделци. Во ова време на глобална економска криза навремено и неселективно даваме финансиска поддршка за земјоделците, им помагаме кога е најпотребно, го стимулираме земјоделското производство, даваме поддршка за развој и обезбедуваме сигурност и за земјоделците и за преаработувачите“ рече Ковачевски. FacebookEmail...

Пишува: ЗОРАН БОЈАРОВСКИ Најавата за иницијативата во Собрание за укинување на членот 102 од Законот за аудио и аудио-визуелни услуги за да се се овозможи медиумска афирмација на кампањите од јавен интерес, го отвори прашањето дали, ако за бришење на „102“ веќе има договорено двотретинско мнозинство, зошто тоа обезбедено мнозинство не се искористи и да се направи конечно избор на новите состави на Програмскиот совет на Националната радио-телевизија (НРТ) и на Советот на Агенцијата за аудио и аудио-визуелни услуги (ААВМУ). На 21 ноември светот го одбележа Светскиот ден на телевизиите. Не дека нешто одбележувањето на овие „светски денови“ многу ги потресува луѓето, но често пати се повод да ги провериме податоците и трендовите за темите што се определени како „светски“ и дали уште го имаат значењето кое го стекнале со оваа „титула“. Во пораката на ОН за оваа година се вели дека „телевизијата продолжува да биде најголем дистрибутер на видео содржини“, но дека „создавањето, објавувањето и пренесувањето овие содржини на интернет и социјалните мрежи налага интеракцијата помеѓу новите и традиционалните форми на емитување создава одлична можност да се подигне свеста за важните прашања со кои се соочуваат нашите заедници и нашата планета“. Ете така изгледа тоа од таа глобална перспектива. Но, на локално ниво, односно во реалноста, особено во нашата земја е малку повеќе различна, а во некои трендови може да се каже дека се случуваат многу индикативни процеси кои заслужуваат внимателно читање и толкување. Еден таков пристап бара трендот на опаѓањето на гледаноста на телевизиите кај нас. Не се најпрецизни податоците дека 7 од 10 граѓани гледаат телевизија како што беше кажано во еден тв прилог на Светскиот ден на телевизијата. Годишниот просек за 2022 година претстои да се допрецизира, но од показателите во првите три квартали според Агенцијата за аудио и аудио-визуелни услуги овој просек ќе биде некаде околу 66%, што е неверојатни 12 процентни поени понизок од 2021 година, или за 11 понизок од 2020 година. Тое е единствениот и вистински начин да се читаат и интерпретираат статистичките движења – споредбено. И не е само гледаноста. Според истражувањето на Фондацијата Метаморфозис од април оваа година, само 50% од публиката им верува на телевизиите, што е уште поиндикативен показател кој треба најсериозно да се земе предвид. За утеха, ако воопшто може така да се каже за катастрофалниот пад на довербата во медиумите воопшто, е што многу помала е довербата во социјалните мрежи и на интернет порталите. Но, истражувањето покажува и еден друг важен тренд: На прашањето кои се каналите од кои најчесто се информирате, телевизиите како средство за иинформирање го посочиле 66,3% од испитаниците, додека социјалните мрежи се избор на 60,5%, а интернет порталите како медиуми за информирање ги избираат 35,5% од граѓаните. Комбинацијата од скорот на граѓани што ги користат социјалните мрежи и интернет порталите, веќе убедливо говори дека телевизиите го губат приматот. Ова е значајно да се има предвид во однос на демографијата на публиката, каде што младите, особено оние од 18-25 години, како и оние од 25-45 се најбројната популација за која нема никакво сомневање дека е целосно преселена на интернет платформите и на социјалните комуникациски канали. Микроподатоците дури покажуваат и огромни разлики помеѓу различните категории меѓу помладите генерации. Според истражувањата, оние на возраст од 25 до 40 години, поминуваат околу 2 часа и 44 минути дневно на социјални мрежи, додека припадниците на така неречената Генерација Z, односно оние до 24 години дневно поминуваат по 8 часа онлајн, од кои 2 часа и 58 минути на социјалните медиуми. Оваа подолга експликација на гледаноста и довербата во телевизиите, како и неопходната споредба со трендовите што произлегуваат од брзорастечката дигитална сфера, говори колку е важно да се спроведе конечно изборот на раководните тела на двете клучни медиумски институции, со гаранција за нивната независност и непристрасност, за да дефинира одговори на предизвиците пред коишто се исправени телевизиите. Сегашните „улежани“ совети и директори, со функции со изминат мандат од две или три години, ниту имаат волја ниту смелост да се впуштат во решавање на горливите и егзистенцијални прашања кога станува збор за Националната радио-телевизија на пример. Програмскиот совет има надлежност да осигури дека содржините што ги објавува јавниот сервис се од јавен интерес, како и да ја спроведе реформата на јавниот радиодифузен сервис и да обезбеди негова независност, професионални стандарди и финансиска одржливост. Додека тоа не се случи, ќе останат да се провлекуваат програмските слабости и ризици, како што се и упадите во уредувачките содржини што доаѓаат од безначајни политички фракции меѓу Републиканците во САД кои се флагрантно анти-НАТО и анти-ЕУ, како Северна Македонија да е „Швајцарија на Балканите“, а не земја членка на Северно-атлантската алијанса и со отворени преговори за членство во ЕУ. Во идентична таква ситуација е и раководството на ААВМУ, и директорот и Советот заедно – за да имаат многу поголема и проактивна улога во темите како што унапредувањето на медиумската писменост, родовата еднаквост во медиумските програми, во осудувањето на притисокот и заканите врз новинарите и медиумите, како и во надзорот на транспарентноста на медиумската сопственост како законска обврска за аудиовизуелните и печатените медиуми. Извор: ИМА FacebookEmail...

Пишува: ЕМИЛИЈА ЦЕЛАКОСКА Откако академик Коцарев ги злоупотреби застарениот концепт „природно право“ во национал-етничка смисла, небаре националноста е нешто природно и Декларацијата за човекови права, непримерно контрастирајќи ги во насловот со емотивно-манипулативното „неприродна сервилност”, а во текстот – со поимот „позитивно право“, и тоа, без вистинското значење на позитивното право, ред е на контрола на квалитетот на ваквата „храна“ за умот. Навистина, никој човек на светов, не само ние, Македонците, не заслужува да конзумира вакви рецепти зачинети со „вечни“ болви (за чалам, ги нарекува „категории“), патријархални крокодили (на Антигона и светците) и бубашваби на „обезличувања“. Позитивното право, академикот го заматува до губење на смислата на концептот. Ја искористува само звучноста на зборот „позитивно право“ манипулативно одделувајќи го од неговото вистинско значење и му придава неточно значење од облик Пишан-закон-од-владетел-минус-човекови-права. Сета таа акробација му треба за да ги прогласи за пишана неправда документите (од „владетелот“, аналог на Наполеон, па Зевс, уште една авторитарна манипулација), со кои ние, Македонците, си обезбедивме заштита во колективен систем на одбрана (НАТО). На ред е да си го уредиме општеството по терк на демократиите од ЕУ и да ги користиме бенефитите од тоа, повторно, низ документ. Имаме ли право на подобар живот, имаме ли право на членство во ЕУ акад. Коцарев? Да не се сети читателот, всушност не академикот, туку апостол Павле нѐ повикувал („потребно е меѓу вас да има раздори, за да се истакнат подостојните меѓу вас“) да не си седиме дома во папучи, оти и Антигона не си седела во папучите, се побунила и го откачила „позитивното право“ на Зевс, дејствувала по нејзиното „природно право“. Сети се снао, значи, да не си седиш во папучи и да не дозволиш влез во ЕУ, а потака, и да го откачиш НАТО. Малку латински, малку Софокле, малку учени зборчиња и… Однадвор личи на чесен академски текст. Не е. И не е само и единствено нечесен со повиците за мортификација како стандардната вмропропаганда (корења да јадеме и да умреме ако треба) или сместување на 1802 г. соседно на 2018 г. едноподруго, од ропство во Франција со Наполеон, до периодот – не пред, туку после груевистичкиот режим во Македонија. И основец не е толку наивен, и дете би се засрамило. Нечесноста оди уште подлабоко. Текстот „Природно право и неприродна сервилност“ е текст со фашистичко јадро. Не случајно пушта пипци кон наводна извршена (и во тек на извршување) неправда на еден „вечен“, чистокрвен македонски колектив. Нација. Неправдата, наводно, е „обезличување“ на нашата нација од страна на соседни држави. Целиот контекст потсеќа на „неправдите“ и „анихилацијата“ за кои Хитлер држи говори. Дали е можно дека академикот не прочитал ниеден говор на Хитлер, или баш прочитал? Минхен, 24 февруари 1941? Случајно или не, во рок од неколку часа, Апасиев споменува „буржоазија“ во слична смисла како од истиот говор. Се прашувам на која маса е спрострен чаршафот со овој говор и кој се занесува (или отворено ги зафркава Македонците) небаре имаме споредлива воена сила на Германија, макар и сметано од пред 80-тина години. Или мисли дека ова се муабети за благосостојба? Само пораки како на акад. Коцарев можат да одведат до анихилација на Македонија, не обратно. Мора да знаеме кои сме меѓу другите, сосе „маани“, па и децата во басни го учат ова. Замислувај дека си лав, а не си, па ќе видиш дали е тоа успешна стратегија за напредување. Не е ни за опстанок. Прво да го расчистиме нередот што акад. Коцарев го прави со позитивното право, бидејќи не е многу веројатно дека правници ќе реагираат. Гледано од страната на тоа што државата мора да го прави за своите граѓани, позитивното право се сведува на социјални и економски права, како што се право на образование, право на храна, право на здравствена заштита итн. Позитивното право се однесува и на тоа што други граѓани или државата, го добиваат од нас. Она што МОРА да го правиме. На пример, мора да плаќаме данок. Морањето да се направи нешто, се однесува на „фини“ работи, често договорни, економски, социјални. Законите со позитивно право се слични секаде во демократскиот свет. Негативното право, пак, е многу „потврдо“, пофундаментално и со сигурност гарантирано во сите либерални демократии. Упростено кажано (а да се задржи смислата), тоа ги дефинира работите што НЕ СМЕЕ да ги правиме, инаку со право би биле казнети, и тоа, со далеку потешки казни. На пример, не смееме да убиваме други луѓе. И воедно, имаме право да не бидеме убиени. Сивата зона меѓу морањето и несмеењето е: – Можење да не се направи нешто (неморање) и – Можење да се направи нешто (спротивно од несмеење). Од купиштата можења, на пример, Апасиев рине на границата со работите што не смеат да се прават. Тој настапува како граничен прекршител на негативното право и со тоа ги предизвикува сите во некаква chicken game. Си црта сам улога на бунтовник, со обратно претставување на себеси во однос на овие граници – како божем тој стапнува надвор од место обиколено со границите на несмеењето (а не е така) и божем влегува во зоната на „можењето-да“. Но тој, иако малку некомфорно, сепак прилично внимава да е во прописна зона. Не може да бидеш бунтовник со лажно потесно исцртани граници, па да ги престапуваш. Или кога нешто е прописно од страна на државата, да ги црташ границите на несмеењето пошироко, па да глумиш дека ги престапила, додека за себе си го користиш негативното право на слобода на говор. Сепак, во општествена, виртуелна смисла (тој само нема законски алатки за да биде смислата реална), со своите дејства агресивно ги поттурнува границите на негативното право, со цел тековните граници да изгледаат престроги за луѓето. Најчесто за себе и за некои групи по негов избор, префрла лопати од купот на несмеење во купот на можење да се прават работи што не смеат да се прават, а за лица од државните органи кои ги спроведуваат негативните и позитивните права – обратно. Првото е сериозно опасно за сите, вклучувајќи ги и институциите. Изјавите „ќе ВЕ стрелаМЕ”, „крв ќе ВИ проплукаат” итн. се виртуелни поместувања на границите на негативните права на сите граѓани, а не афирмација на негативното право „слобода на говорот“ на Апасиев. Тој е јавна личност и шеф на партија и таа виртуелност може одеднаш да стане реална. Спроведувачите на реалните негативни права (соодветните институции) треба да го предупредат тој момент. Од друга страна, ВМРО-ДПМНЕ рине и префрла лопати на другата страна, како виртуелен, но и директен, реален прекршител на позитивното право. Како власт, со законите префрлаше постојано од сивите купишта на вообичаени, нормални „можење-да-не“ (неморање) во купот на неправно (неприродно, што би рекол академикот), некогаш и нечовечки, ставено во закон „морање“ и со тоа ги држеше неприврзаниците в рака. Пример е законот за прекин на бременост. Притоа, за своите ринеше обратно – од купот на законското „морање“, во купот на нелегалното „можење-да-не“, на многу конкретно ниво – пари, имот, неказнивост. За тоа има и судски пресуди. Како опозиција, пак, на дневна основа рине ваму-таму од морање до неморање и обратно, по потреба. На пример, ако треба обесхрабрување на делот од општеството кое не е ВМРО-ДПМНЕ, оп, атмосфера на неморање да се гласа, а воедно, морање да се гласа, за делот што е ВМРО-ДПМНЕ. Пишаните закони во демократскиот свет се стремат да ги запазат вистински исправните работи и вградуваат алгоритми за превенција од суштинско неправо. Секако, луѓето кои не ги разбираат границите на нормалното, граници кои, во принцип, се етички, не ги сфаќаат ни преодите во зоните на позитивното, негативното право и сивите зони измеѓу и така ги прават престапите или злосторствата. Но, академици, јавни личности и шефови на партии кои пропагираат поместување на границите на овие права, всушност пропагираат фашистички пораки. Боцкањето со зборови како „обезличување“ и „неправда“ ги пали луѓето да се лутат на „лошата вештерка“ што ја „обезличува“ кутрата Снежана. На тоа ниво е македонскиот национализам, односно, македонизам, збор, кој, жално, ја поприми маалски плитката караџиска конотација, наместо културолошката… Какво е тоа „обезличување“ ако државата се вика Република Северна Македонија, а не Република Македонија? Што е, или ќе биде различно како резултат на оваа промена? Ништо не е полошо, само е подобро. Подобро е да си во колективен систем на одбрана како НАТО, отколку да не си, вклучувајќи ја и иднината. Повеќе крекањето „обезличување, обезличување“ ја обезличува, бидејќи тоа е содржината на нацистичките говори на најголемиот историски злотвор. Прават фашистички кан-кан, но светот не е слеп и со сигурност нема деменција, го гледа тоа. Во однос на ЕУ моментално, академикот, како и ВМРО-ДПМНЕ и Апасиев нѐ убедуваат дека ние всушност ќе приметиме разлика во однос на тие 3504 Бугари ако се ставени во Уставот, наспроти – ако ги нема во Уставот?! Тоа е смешно, навистина. Наци(онали)змот е тој што ја не ѝ дава на Антигона да крене глава, академиче, а не е тоа нејзиното ослободување, јанлаш ви е муабетот за неа. Природното право е да живееме во мир и балгосостојба, а не да „има раздор“. Саморецензирајте си ги причините за „раздор“ и размислете кој сака да јаде корења за ВМРО-ДПМНЕ + Апасиев. Не работете за овие манипуланти. Доста со папучите и чизмите, треба да бидеме членки во ЕУ, во штикли, оксфордски чевли, сандали, нахранети, здрави и образовани. И престанете со националистичките муабети, ја претварате институцијата МАНУ во националистичка пропагандна тиња. Текстот е личен став на Авторката. Преземањето е дозволено според лиценцата Creative Commons 4.0. FacebookEmail...

Министерот за надворешни работи Бујар Османи, утре ќе престојува во прва официјална посета на Кралството Саудиска Арабија, на ниво на министри за надворешни работи. За време на посетата, како што соопшти МНР, Османи ќе оствари средба со Неговото Височество Принц Фаисал бин Фархан Ал Сауд, министер за надворешни работи на Кралството Саудиска Арабија, како и со други високи официјални претставници на земјата. Целта на посетата е понатамошно унапредување на билатералните односи меѓу Северна Македонија и Кралството Саудиска Арабија, со посебен фокус на соработката во областа на економијата, туризмот и бизнис релациите меѓу двете земји. Извор: МИА FacebookEmail...

„Втората фаза од изградбата на експресниот пат Штип-Кочани во должина од 13,75 километри наскоро ќе биде готова и ставена во функција. Градежните работи се одвиваат со задоволителна динамика за овој период од годината, и до овој момент имаме 96% реализација“ рече премиерот Димитар Ковачевски при увид на работата на патот Крупиште-Кочани. Тој рече дека патот е со висок квалитет на градба и со дозволена максимална брзина од 110 километри на час. „Првата фаза Штип – Крупиште во должина од 14,30 километри е завршена во 2020 година и е веќе во функција. Со изградбата на експресниот пат се овозможува брзо и современо поврзување помеѓу Штип и Кочани, со што ќе се забрза и олесни патувањето за граѓаните од овој крај, ќе се намалат километрите пат и времетраењето на патувањето, но најважно од сѐ ќе се зголеми безбедноста во сообраќајот“ рече Ковачевски. Премиерот додаде дека изградбата на современа патна инфраструктура во земјата е еден од приоритетите на оваа Влада, а во источниот дел на државата резултатите од работата се особено видливи, бидејќи речиси и да нема патна врска која не е рехабилитирана во овој регион. „Модерната патна инфраструктура е важна и за граѓаните и за компаниите но и за новите инвеститори. Новите инвестиции значат и нови, подобро платени работни места, а за тоа да се случи, квалитетните патишта се еден од предусловите“ рече Ковачевски. FacebookEmail...

„Изградбата на патиштата е стратешки приоритет на кој остануваме целосно посветени. Изминативе пет години, Владата изгради патишта во должина од околу 1.300 километри, значи двојно повеќе од претходниот десет годишен период, кога биле направени само околу 650 километри“ изјави премиерот Димитар Ковачевски при уводот на работите на патот Крупиште-Кочани. Тој додаде дека модерната патна инфраструктура е важна и за граѓаните и за компаниите, но и за новите инвеститори кои отвораат нови и подобро платени работни места. „Изградбата на современа патна инфраструктура во земјата е еден од приоритетите на оваа Влада. Како и во изминатите години. И во време на пандемија и сега во услови на најголемата светска економско – енергетска криза интензивно се работеше на изградбата и реконструкцијата на главните патни делници во земјата. Темпото и динамиката продолужуваат и понатаму“ рече Ковачевски. Премиерот рече дека во источниот дел на државата резултатите од работата се особено видливи, бидејќи речиси и да нема патна врска која не е рехабилитирана во овој регион. FacebookEmail...

Фудбалерите на Австралија го совладаа Тунис попладнево во Ал Вакра со 1-0 (1-0) во воведниот натпревар од второто коло во групата Д на Светското првенство 2022. Австралијците поведоа во 23 минута со голот на Мичел Дјук што на крајот се покажа како довелен за нивна премиерна победа. Во првото коло Австралија загуби од актуелниот светски првак Франција со 4-1, додека Тунис ремизираше без голови против Данска. Второто коло во групата Д ќе се комплетира вечерва со дуелот меѓу Франција и Данска со почеток во 17 часот. Извор: МИА FacebookEmail...

Објектот на месната заедница Тафталиџе, популарно наречен „Домче“ во првите години од своето постоење послужил за сместување семејства чии домови биле разурнати од земјотресот во Скопје во 1963 година. Потоа, во просториите на домчето се сместило Културно-уметничкото друштво „Цветан Димов“. Во еден дел од објектот имало народна библиотека со голем фонд на книги, а некои од просториите преминале во своевидни сали за спорт и рекреација. Жителите од околината го користеле за секојдневни активности при исполнување на својот маалски живот, играле пинг- понг, посетувале часови по ора и танци, учевствувале во музичкиот клуб, но имале и неформални дружења внатре и во дворот на објектот. Во домчето на граѓаните им била сместена и месната заедница, во тоа време силна форма на граѓанско здружување за полесно остварување на своите права. Со еден збор домот им бил заедничко јавно добро. Уште повредно затоа што тука младите имале каде да се образуваат – културно, музички, спортски, а некои од нив потоа да станат и професионалци во одредена област… Во 70-тите и 80-тите години на минатиот век, никој од нив не ни помислувал дека еден ден граѓаните ќе останат без овој нивен заеднички простор каде другарувале и се социјализирале. СПМ станува сопственик на домот На почетокот од самостојноста на државата, во 1992 година сопственик на објектот станува Социјалистичка партија на Македонија (СПМ). Имено, претходно со домчето управувал Социјалистичкиот сојуз на работниот народ, организација во која активни биле повеќе здруженија. Тој сојуз кога се трансформирал во Социјалистичка партија на Македонија фактички станал и правен наследник на објектот. Така на едноставен начин СПМ ја презела сопственоста врз домчето и од тогаш започнуваат правните перипетии за неговата вистинска сопственост, како и за градежната интервенција која му се заканува со години. Уште веднаш по приватизацијата на домчето во Тафталиџе од страна на СПМ граѓаните не можеле да се помират дека нивниот јавен, заеднички простор сега е во сопственост на политичка партија. Тие започнале со граѓански активности со крајна цел да го вратат објектот во владение на месната заедница, на спортските клубови, музичките ансамбли…но ден денес не успеале во тоа. Три децении трае правната битка за нешто да се промени, но ни одблизу нема такво навестување. Интересен е фактот дека и покрај промена во сопственоста во 1992 година, во тој објект се до 2011 година таму владение имала општина Карпош, на чија територија припаѓа домчето. До тогаш траел судски процес кој потврдил дека сопственоста е на СПМ со што општината била приморана да се повлече и да го отстапи просторот на вистинскиот сопственик. Додека општината имала владение врз објектот во 2002 година организирала јавен повик за градежни компании за да се реновира зградата, но да остане во својата првобитна форма и изглед, но да ја има и истата намена, да послужи на граѓаните како јавен простор. Но, тендерот немал среќа да заврши затоа што започнал судски процес за утврдување на вистинскиот сопственик, оној процес што траел до 2011 година, кога општината си заминала од домчето. Судот потврдил кој е вистински сопственик Судскиот процес го воделе општина Карпош и СПМ. Како првостепениот и второстепениот, така и Врховниот суд пресудиле во полза на политичката партија со што се потврдила и формално нивната сопственост врз објектот. Но, оттогаш изминале години, а СПМ и понатаму не може да го реализира својот бизнис план и да го пренемени објектот во станбено- деловен центар и во уште една зграда која би била хотел. Така целиот простор, според планот на СПМ, треба од јавен и заеднички да прерасне во профитабилен бизнис. Но цела деценија тој план се уште не ни почнал да се реализира. Исто толку време се водат процеси пред македонските судови, но овој пат не за сопственоста, туку за урбанистичките планови и за комуналиите кои СПМ ги платила на општината. Како и да е, сето ова придонесува домчето на зјае, останато е само со ѕидовите, поплавено од дождови, претворено во депонија, без никаква заштитна ограда, нема ниту врати, ниту прозорци. Одиме по ред. Во 2015 година, тогаш опозициската СДСМ, започна со објавување на прислушувани разговори, снимени во Управата за безбедност и разузнавање (УБК). На прес конференции се пуштаа аудија со гласови на функционери од тогаш владејачката партија ВМРО ДПМНЕ. На една од снимките сопственикот на телевизија Сител, Горан Иванов, инаку син на Љубисав Иванов Ѕинго, лидерот на СПМ, се слуша како зборува со тогашниот министер за транспорт и врски, Миле Јанакиевски, токму за иднината на домчето, односно како да се истурка нов Детален урбанистички план во општина Карпош за парцелата на која е лоцирано или поточно како објектот да се пренамени во станбено деловен. Иванов го замолува Јанакиевски да влијае во општината за да може да се дозволи зграда со висина од 13,5 метри, а министерот му ветува дека ќе му помогне. И навистина, потоа во општината, во јануари 2016 година се носи урбанистичкиот план и на парцелата се исцртуваат два објекта, едниот А2- станбено деловен, со површина од 1 368 м2 во основата, или приземје со шест ката и поткровје. И вториот објект В3 со површина од 384 м2 во основата или приземје со пет ката. Комуналии се платиле, градежна дозвола никогаш не била издадена Врз основа на новиот план, во ноември 2017 година СПМ платила за комуналии во општина Карпош износ од 17 милиони денари (околу 275 000 евра) и очекувала да и се издаде одобрение за градба кое и денес не е издадено. Имено, во декември 2017 Уставниот суд повел постапка за испитување на уставноста на неколку урбанистички планови на општина Карпош, меѓу кои и оној за домчето, а пролетта во 2018 година Специјалното јавно обвиниелство (СЈО) формирано со намена да ги испитува наводите од прислушуваните телефонски разговори, поттикнато од снимката на Иванов со Јанакиевски, ја побарало целосната документација околу предвидените градби, за да провери дали има докази да покренување судски случај. Со овие две активности, на Уставниот суд и на СЈО практично е стопирана процедурата за издавање градежно одобрение. Иницијативата пред Уставен суд ја поднесуваат советнички од општина Карпош, Татјана Чакулев и Невена Георгиевска, а во одлуката на судот објавена во јуни 2018 година се наведува дека при носењето на урбанистичките планови задолжително е носењето на стратегиска оцена за влијание врз животната средина и врз здравјето на луѓето, документ кој недостасувал во случајот. Владеењето на правото и уредувањето и хуманизацијата на просторот и заштитата и унапредувањето на животната средина и природата, се темелни вредности на уставниот поредок и законодавецот пропишал дека во постапката за донесување на урбанистичките планови постои обврска за изработка на стратегиска оцена за влијание врз животната средина и врз здравјето на луѓето, а донесувачот на урбанистичкиот план е должен во рок од три работни дена од денот на одобрувањето на планската програма, со која се утврдува границата и содржината на планскиот опфат, да донесе одлука за спроведување или одлука за неспроведување на стратегиска оцена за влијание врз животната средина. СПМ сака да наплати 3,5 милиони евра од општина Карпош По ваквата одлука на Уставен суд, привремено е блокиран планот на СПМ за изградба на две згради кои би содржале деловни простории, станови за домување и хотел, или згради кои на партијата СПМ би и донеле финансиски профит. Соочени со новата реалност, дека планот им е укинат од Уставен суд, а паралелно СЈО го истражува случајот, во 2022 започнува нов судски процес, со кој иднината на домчето станува уште понеизвесна. Како инвеститори на двете нови згради се јавуваат СПМ и фирмата „Гренадер“ со управителката Елена Митевски, иако медиумите известуваа дека во позадина на фирмата стои Горан Иванов со Сител. Сега тие, во судскиот процес, кој е во тек, бараат 3,5 милиони евра отштета од општина Карпош, парите кои ги платиле за комуналии (275 000 евра), но и висока отштета за наводно претрпени загуби (3,2 милиони евра), сума која ни одблизу ја нема општината Карпош. Ако судот одлучи да се исплати оваа сума тогаш СПМ ќе има прилика за двојна заработка од иста работа, прво да наплати 3,2 милиони евра отштета, а потоа ако се изградат становите и хотелот да заработи уште еднаш. Законите го забрануваат она што го прави СПМ? Логично се наметнува прашањето дали и СПМ ќе оствари профит со изградбата на објектите на местото на домчето? Законот за финансирање политички партии јасно определува дека политичките партии не можат да вршат стопанска дејност. Таму е наведено дека политичките партии не можат да стекнуваат други видови приход освен преку камата на депозит депониран во банка, закупнина од издавање под закуп на движен и недвижен имот на партијата, приходи од продажба на печатени, аудиовизуелни и дигитални изданија и приходи од продажба на билети за присуство на манифестации организирани за партиски цели. Во Законот за политички партии стои дека политичките партии се непрофитни организации. Овие два закона јасно укажуваат дека СПМ не смее да остварува профит, каков што е впечатокот, со изградбата на хотелот и становите во Тафталиџе. Како ќе заврши актуелниот судски процес се уште е неизвесно. Едната страна, на СПМ, инсистира да и се исплатат тие 3,5 милиони евра, додека втората страна, општина Карпош настојува да изнуди прекин на судењето за да ја спаси локалната самоуправа од финансиски колапс. Имено, адвокатите на општината го користат аргументот кој произлегува од Законот за облигациони односи, односно дека договорот за заедничка градба на СПМ и Гренадер е ништовен, а со тоа ништовен е и договорот за комуналии преку кој тие платиле 225 000 евра на општината, инаку пари кои своевремено градоначалникот Стефан Богоев се обидуваше да им ги врати на инвеститорите во периодот кога носеше забрана за издавање градежно одобрение под изговор дека Уставен суд укинал неколку урбанистички планови. Ако се докаже тезата дека договорите се ништовни тогаш судскиот процес мора да запре. Но, адвокатите на општината пред судот образложуваат дека судскиот процес е непотребен затоа што во општината во моментот се носи нов Детален урбанистички план наменет за парцелата кај домчето, според кој, по се изгледа, одново ќе се предвидат згради, но не повисоки од четири ката. Актуелниот градоначалник Стевчо Јакимовски уверува дека планот наскоро ќе се најде на јавна дебата и дека покрај задоволувањето на барањето на СПМ (со судска пресуда докажан сопственик на домчето) и Гренадер да се изградат станбено – деловни објекти, во еден дел ќе се одговорело и на потребите на граѓаните со што ќе им се определи одредена квадратура за да можат да поседуваат простор за месната заедница и евентуално други рекреативни активности. Јакимовски ја игнорира можноста општината да искористи други механизми, како купување на парцелата од СПМ, или експропријација на земјиштето, со цел да го обнови домчето и одново да го предаде во владение на жителите од населбата. Дали домчето може да биде културно наследство? И додека во општината се подготвува нов урбанистички план, летоска Конзерваторскиот центар испратил известување до општината во кое навел дека на опфат на планот се наоѓа и домчето, објект кој има статус на привремено заштитено добро врз основа на Законот за заштита на културното наследство, како добро за кое е поведена постапка за воспоставување на заштита, до донесување на актот за заштита. Центарот напишал и дека треба да изработи заштитно – конзерваторски основи за културното наследство, за подрачјето на опфат на ДУП за „Градска четврт 3, 06, Блок 3, 06.08“, општина Карпош. Овој допис ја враќа надежта кај граѓаните, кои многу пати ја имаат изгубено, дека домчето може и ќе остане јавен простор. Во септември годинава Управата за заштита на културното наследство испратила мислење до извесна кумановска фирма „Тајфа“, која се занимава со архитектура, со известување дека ДУП-от во границите на опфатот постојните културни добра се наведени и нивните заштитни зони се запазени. „Во планската документација се вградени условите наведени од Управата за заштита на културното наследство, како и обврската во случај да се појави археолошко наоѓалиште да се постапи во согласност со законот, член 65. Затоа постапката за усвојување на планот може да продолжи“- стои во мислењето. Инаку, членот 65 од Законот за културно наслество предвидува дека ако во текот на изведувањето на градежни, земјоделски или други работи се дојде до археолошко наоѓалиште, односно предмети од археолошко значење, изведувачот на работите е должен веднаш, а најдоцна во рок од три дена да го пријави откритието и да ги запре работите и да го обезбеди наоѓалиштето од евентуално оштетување и уништување, како и од неовластен пристап. Колку ваквите укажувања на надлежните институции ќе помогнат во заштита на објектот е неизвесно. За сега тој останува пропднат сведок на едно поинакво време. Новинарското истражување е дел од проектот „Градот како сцена (изгубени модернистички утопии)“, во режија на Филип Јовановски, чиј перформанс беше прикажан во рамките на 47. издание на Млад отворен театар, МОТ. FacebookEmail...

Американската влада забранува продажба и увоз на комуникациски уреди направени од кинески производители на паметни телефони и добавувачи на мрежна опрема Huawei и ZTE, нагласувајќи дека тие претставуваат неприфатлив ризик за националната безбедност, објави американскиот телекомуникациски регулатор FCC. „Како резултат на нашата наредба, ниту една нова опрема на Huawei или ZTE не може да биде одобрена“, напиша комесарот на FCC, Брендан Кар на Твитер. Постои и можност за одземање на постојните одобренија, додаде тој. Тоа е „првпат во историјата на FCC“ да се забрани одобрувањето на нови уреди поради загриженост за националната безбедност, напиша тој. Одлуката не е изненадување, јави ДПА. Американскиот претседател Џо Бајден минатата година нареди со закон да се исклучи мрежната технологија на Huawei и ZTE од американскиот пазар, продолжувајќи ја политиката на неговиот републикански претходник Доналд Трамп во спорот со Кина. Извор: МИА FacebookEmail...

Репрезентациите на Англија и САД одиграа нерешено во натпреварот од второто коло од групата Б на Светското првенство 2022 година. Средбата на стадионот „Ал-Бајт“ во Ал Хор заврши со резултат 0:0. Во текот на целиот натпревар Англија упати три удари кон противничкиот гол, САД – еден. Англија никогаш не ги победила САД на официјални натпревари. Тимовите се сретнаа двапати на светските првенства (1950, 2010) – тимот на САД победи еден натпревар, вториот заврши нерешено. Англиа е лиде рна табелата во Б-групата со четири бода, Иран е втор со три, САД имаат два, Велс еден. Следниот натпревар Англија го игра на 29 ноември против Велс, а САД истиот ден ќе се сретнат со Иран. FacebookEmail...

„Резултатите од антикризните мерки се видливи и мерливи. Со антикризните мерки ја спасивме македонската економија, го поддржавме стандардот на граѓаните, компаниите, ранливите граѓани кога беше најпотребно. На многу економски посилни земји им се случи финансиски пад, погледнете една Британија на пример“ рече премиерот и претседател на СДСМ, Димитар Ковачевски на граѓанската трибина во Тетово. Тој додаде дека во исклучително тешки околности Владата успеа да го одржи буџетот стабилен, да не крахира, да се одржи енергетскиот систем и да се обезбедат храна, енергенси, греење и струја. „Цената на електричната енергија ја субвенционираме за 600.000 домаќинства и за 72.000 компании, да не е таа субвенција сите ние ќе плаќавме и до пет пати повеќе за електрична енергија. Дополнително, фиксна, двојно поевтина цена на струјата добиваат 233 основи и средни училишта, 50 јавни претпријатија, 235 домашни компании кои произведуваат основни прехранбени продукти, вкупно 518 субјекти“ кажа Ковачевски. Премиерот додаде дека веќе се гледа како некои видови на леб и млечни производи веќе се со намалени цени, а тоа намалување на цените на основните прехранбени продукти ќе продолжи и понатаму. „Оваа мерка на Владата и економскиот тим доведе до намалување на цените на лебот, а очекувам да се намалат и цените на брашното, млекото, месото, маслото за јадење за околу 10 отсто. Ако пред 10 месеци клучното прашање беше дали ќе успееме да обезбедиме храна, пари, струја и нафта, денеска клучното прашање е можеме ли заедно да го пребродиме последниот дел од економската бура или не“ рече Ковачевски и додаде дека бурата е се уште во тек, но дека заедно ќе успееме да ја пребродиме глобалната економска криза и наредната 2023 година ќе биде економска пресвртница. FacebookEmail...

„Заедно ќе успееме да ја поминеме зимата, заедно ќе успееме да ја пребродиме последната глобална економска бура и од наредната година ќе биде подобро. Нема недостижна цел. 2023 година е година за економска пресвртница, на нова надеж“ рече премиерот и претсеадтел на СДСМ, Димитар Ковачевски на граѓанската трибина во Тетово. Тој додаде дека доколку во првите десет месеци борбата беше за држење на економската линија и борба со кризата, за наредната година, со новиот Буџет се тргнува во офанзива. „Конечно да ја победиме кризата, да почнеме да економски да растеме, да го зголемиме животот стандарди и да се погрижиме следната година да стане подобра од оваа. Да направиме општествени промени со нашите економски политики за енергетска транзиција, за обезбедување финансиска поддршка и пресвртница во развојот на домашната економија“ рече Ковачевски. Премиерот додаде дека во првите 100 дена од неговиот мандат се покачи минималната плата на 18 илјади денари, пензиите во првата година се покачија за 16 отсто, додека просечната плата достигна ниво од 32 илајди денари. „Во Буџетот за 2023 година обезбедивме пари за нов раст на пензиите и платите. И да одговорам на прашањата од вашите сограѓани. Да, ќе растат пензиите и ќе расте и минималната плата. Со новата методологија што заедно ја договоривме, новото зголемување е во март 2023 година. Пензиите ќе бидат зголемени за вкупно 16% за време на една календарска година за сите 330.000 пензионери“ рече Ковачевски. FacebookEmail...

„Во Буџетот за 2023 година обезбедивме пари за нов раст на пензиите и платите. И да одговорам на прашањата од вашите сограѓани. Да, ќе растат пензиите и ќе расте и минималната плата. Со новата методологија што заедно ја договоривме, новото зголемување е во март 2023 година. Пензиите ќе бидат зголемени за вкупно 16% за време на една календарска година за сите 330.000 пензионери“ рече премиерот и претседател на СДСМ, Димитар Ковачевски на граѓанската трибина во Тетово. Тој додаде дека со економските политики за наредната година се става акцент и на капиталните инвестиции за чија реализација се предвидени околу 800 милиони евра, пари за нови проекти, нови патишта, водоводи, градинки и училишта кои ќе се градат низ цела држава. „Се наоѓаме на вистинскиот пат и наредната година ќе биде година на економски пресврт. Сите економски показатели го потврдуваат тоа. Проекцијата на ЕБОР е дека македонската економија во следната година ќе има раст од 2.3 отсто. Тоа е многу повеќе од проекцијата исто така на ЕБОР за земјите од еврозоната која изнесува 0.3 отсто“ рече Ковачевски. Премиерот додаде дека економскиот пресврт ќе се реализира со многу труд, со политики за привлекување нови странски инвестиции кои носат добро платени работни места, а со енергетската транзиција и визија ќе станеме зелен енергетски центар во Европа. FacebookEmail...

На Клиниката за дигестивна хирургија, денеска беше направена првата трансплантација на црн дроб од починат донор, прва во историјата на македонското здравство. – Шеесетгодишен пациент со хронична болест на црниот дроб доби здрав орган од пациентка во мозочна смрт чие семејство вчера се согласи да ги донира органите. Покрај црн дроб, се вршат и трансплантации на бубрези кај двајца пациенти со бубрежна болест, објави на Фејсбук Министерството за здравство. Министерот за здравство Беким Сали, од свое и од името на целиот персонал, вклучен во трансплантациите се заблагодари на семејството на донорот и на нивната одлука да спасат не еден, туку три животи. – Ни покажаа уште еднаш дека живот може да се подари. Благодарност и до сите медицински тимови вклучени во трансплантацијата кои изминатите 24 часа работеа и продолжуваат да работат со пациентите. Особена благодарност до професор Зоран Караџов и неговиот тим, како и тимот на Клиниката за гастроентерохепатологија, кои денес испишаа нов лист не само во делот на дигестивната хирургија туку и во целокупното здравство, истакна министерот за здравство Сали. Извор: МИА FacebookEmail...

„Преземањето на Левица од страна на Апасиев започна на 3 февруари 2019 година, кога на последната легална седница на централниот комитет, на која разговаравме за претседателските избори, Апасиев предложи Левица го поддржи претседателскиот кандидат на ВМРО-ДПМНЕ“ изјави Џејлан Велиу, поранешна членка на претседателството и една од основачките на Левица за меѓународниот левичарски портал „Јакобин“. Таа додава дека и неколку месеци претходно, Апасиев давал поддршка и изјави на десничарски иницијативи, без никаква консултација со партија, поради што се зголемила недовербата на членовите кон него. „Исто како и претходните предлози и предлогот за поддршка на претседателскиот кандидат на ВМРО-ДПМНЕ не помина на централниот комитет, бидејќи Левица не беше формирана за да трча по коалиции со буржоаските партии, туку да понуди програма која ќе ги обедини работниците“ изјави Велиу. Таа додава дека од тој момент започнал процесот за нелегално преземање на партијата од страна на Апасиев, преку злоупотреба на партискиот печат. „Апасиев фалсификуваше десетици документи, одлуки и записници од состаноци што никогаш не се одржаа. На тој начин, без почитување на статут или право, тој ја фалсификуваше структурата на партијата и тие лажни документи ги достави до судот“ рече Велиу. Како што објаснува таа со ваквите документи, Апасиев фалисификувал оставки на четворица од седуммината членови на претседателството на партијата, по што дури и ги променил бравите на канцелариите на Левица во Скопје. „Левица денес е партија без јасна идеологија или политичка програма. Не е ништо поразлична од останатите буржоаски партии. Не ги претставува интересите на работниците, туку е дел од системот. Оваа партија сега нема цел да ги доближи етнички разделените луѓе, туку да ги наруши односите меѓу работниците од различни етнички заедници. Претставувајќи се како единствена партија која се бори за националните интереси на Македонците, новото лидерство често користи национал-шовинистички изјави“ изјави Велиу. FacebookEmail...

Транзицијата кон зелена енергија е примерен фокус и потреба повеќе од било кога и во таа насока Министерството за транспорт и врски ја поедностави процедурата за поставување на фотоволтаици со што добиваме самоодржливи домаќинства и компании, но и го помагаме централниот електро -енергетски систем, истакна денеска министерот за транспорт и врски, Благој Бочварски во Богданци од каде започнува кампањата за промоција на новите процедури за поставување на фотонапонски електроцентрали. Со новите поедноставени процедури кои се влезни на сила, покрај изработка на основен проект, до локалната самоуправа потребно е да се достави само известување за поставување на фотоволтаици со што се намалува постапката од 30 дена на само 1 ден. „Ова е најупростена постапка за поставување на фотоволтаици која содржи само неколку чекори а тоа е: Подготвување на основен проект со две фази и тоа со архитектура и електрика, како и поднесување на известување до општината преку која граѓанинот ја информира општината дека пристапува кон поставување на енергетски објект на својот кров. Како држава сме подготвени да му помогнеме на електро-енергтскиот систем на државата но и да си помогнеме самите себе и да придонесеме за плаќање на помали сметки за електрична енергија. Ова е почеток на оваа промоција и ги повикувам сите граѓани кои се заинтересирани да постават фотоволтаци и да влијаат врз намалување на електричната енергија, изјави министерот Благој Бочварски. Министерот Бочварски денеска во Богданци се сретна со Никола Гогов, жител на Богданци, кој ги искористи новите процедури за поставување на фотоволтаици. Особено е важно фотонапонската централа да се искористи за да се поврзете со сопствените електрични уреди во домаќинството вклучително и греењето. Јас тоа го напрвавив, ги искористив новите скратени процедури и сметам дека тоа е важна и исплатлива инвестиција, изјави Никла Гогов, ѓител на општина Богданци. Министерството за транспорт и врски и во следниот период ќе продолжи со промоција на новите поедноставени процедури и во другите општини низ државата. FacebookEmail...

На тема рурален туризам, ено-гастро концепт, еко туризам, дестинации на кои досега не сме им посветувале внимание, а кои треба да ги гледаме како светли точки за иднината на македонскиот туризам, разговаравме со директорот на Агенцијата за промоција и поддршка на туризмот. -Руралниот туризам мора да процвета. Треба да биде практикуван од локалното население кое директно треба да го види бенефитот. На тој начин ќе можеме да сметаме на поголема услуга, на повеќе мали бизниси, отворање на семејни бизниси и нови зелени работни места, бидејќи без тоа нема да можеме да сметаме на намалување на миграцијата. Потребно е да се создадат тимови. Тимови на локално ниво што ќе овозможат брза помош на сите кои сакаат да искористат одредени линии од Европската Унија од Светска банка. Сè она што треба да направиме е да си веруваме едни на други. Да создаваме трајни врски помеѓу извршната и локалната власт, да му овозможиме на приватниот сектор што повеќе можности, да ги обучиме, да не се срамиме да признаеме дека ни е потребна помош. – вели Јаневски. Според Јаневски, применување на рурални форми на туристичка понуда е иднината и вистинскиот правец каде што треба да се развива македонскиот туристички сектор. -На пример, ако сакаме да ја развиваме Преспа и во текот на денот можат да дојдат дури 20-25.000 туристи да ја посетат, не е возможно тоа да се случи само со 800 кревети. Треба што повеќе да учиме, да се обучуваме кон тоа што значи еко, органско производство, тоа што значи применување на рурални форми на туристичка понуда, тоа што значи ено-гастро концепт. Тоа е иднината и вистинскиот правец каде што треба да се развива македонскиот туристички сектор. Да ги отвориме своите куќи за туристите. Да им овозможиме автентично сместување со европски услови, со стандарди кои ќе бидат доволно категоризирани, сместувачки капацитети со коишто ќе се гордееме, и во наредните неколку години да имаме за 20 можеби и 50% повеќе искористеност на ИПАРД програмата, а ние да добиеме можеби неколку илјади сместувачки капацитети. Затоа низ годините ИПАРД програмата е една од најидеалните мерки кои можат да се применат во туристичката индустрија, да се применат со план, со стратегија и да се отворат нови сместувачки капацитети во туризмот во локалниот економски развој кој според мене во овој момент ни е една од најслабите точки. – рече Јаневски. Напоменувајќи дека туристите во Македонија се сконцентрирани најмногу во Скопје и во Охрид, Јаневски потенцира дека со развивањето на руралниот туризам, еко-туризмот, алтернативните форми на туристичката понуда, за брзо време туристите нема да ни бидат концентрирани 60 до 70% во два туристички региони, туку тоа ќе биде на ниво на целата држава. -Агенцијата за промоција и поддршка на туризмот треба да прерасне во национална туристичка организација која ќе формира неколку организации за дестинациски менаџмент кои ќе управуваат со дестинациите токму кај нас. Исток, запад, север, југ се дестинации кои ќе развиваат туризам, ќе развиваат различни форми на туристичка понуда и за многу брзо време туристите нема да ни бидат концентрирани 60 до 70% во два туристички региони, туку тоа ќе биде на ниво на целата држава. Тогаш ќе ја намалиме сезоналноста, нема да имаме големи пикови и ќе имаме поголеми нови работни места во руралните средини. Тогаш ќе можеме да зборуваме за женското претприемништво, за младите кои ќе останат пред своите огништа, ќе ја намалиме миграцијата, а тој процес не е утопија, туку кон него треба да се работи во наредните пет или десет години. Очекувам во наредните пет години сè повеќе вложувања во туризмот, пред сè во руралниот, сместувачки капацитети, поголема интерактивност со општините, поголемо приближување на локалната и извршната власт и создавање тимови кои во самите општини ќе овозможат генерирање на средства од европските и светски фондови, бидејќи тоа во овој момент ни недостасува.- вели Јаневски. Извор: Агротим FacebookEmail...

Во очекување на повиците од ИПАРД 3 програмата, разговараме со Никица Бачовски, директор на Агенција за финансиска поддршка во земјоделството и руралниот развој. Агротим: Во очекување на повици за ИПАРД 3, кажете ни до каде е постапката околу објавување на првиот повик? Бачовски: Агенцијата Заедно со целата ИПАРД структура прави максимални напори да добие акредитација од ЕК ДГ АГРИ за имплементацја на ИПАРД 3 Програмата. Ратификуван е Рамковниот договор за имплементација на ИПА 3 а во постапка е потпишување и понатаму ратификација на Секторскиот договор за имплементација на ИПАРД 3. Ова се две основни правни рамки пред да се почне со имплементација на Програмата. Платежната агенција и целокупната структира е спремна во однос на систем за спроведување на програмата со целокупната документација, а по нејзино одобрување/акредитација од Брисел, што се очекува да биде во првиот квартал на 2023, веќе во вториот квартал да се објави првиот повик од ИПАРД 3 Програмата. Ова се индикативни прогнози бидејќи многу фактори не зависат од Агенцијата. Агротим: Дали ќе има позначајни измени на Мерките, да ги информираме потенцијалните апликанти на што да обрнат внимание? Бачовски: Позачајни измени воглавно нема, сепак би ги истакнал следните промени кои што треба да се земат во предвид: Зголемени се праговите на минималните вредности на инвестициите: -Мерка 1 од 3000 на 10.000 евра -Мерка 3 од 10.000 на 20.000 -Мерка 7 од 1500 на 5000 евра Постои можност за авансно плаќање до 50% од прифатливата вредност на инвестицијата по потпишување на договорот со банкарска гаранција од 110%. Воведени нови сектори: -Мерка 1 рибарство -Мерка 3 преработка на риби и рибни производи, сточна храна и фуражни производи, други производи кои произлегуваат од продукти наведени во Анекс 1 од договорот за функционирање на Европската Унија. -Мерка 7 преработка на алтернативни земјоделски производи (не поддржани од Мерка1 и Мерка3) Во сите сектори се поддржува производство на енергија од обновливи извори на енергија за сопствени потреби, а во Мерка7 е дозволено и производство на енергија и за продажба. 4. Одобрение за градба потребно е да се достави при аплицирање, одобренијата за градба на градежно земјиште Агенцијата ќе ги превзема електронски додека на земјоделско земјиште потребно е да се достават во хартиена форма во апликацијата. Агротим: Искуството со ИПАРД 2 покажа дека имаме подготвени апликанти, но и администрација. Дали сте задоволни од динамиката на одобрување, па и реализирање на инвестициите на апликантите? Бачовски: Слободно може да се заклучи дека Агенцијата покажа капацитет за спроведување на ИПАРД Програмата, со сите огласи од сите мерки контрактиран е целиот буџет од 60 милиони евра европски средства, а склучени се вкупно 2340 договори. Голем дел од инвестициите се реализирани, а дел сè уште се во фаза на реализација, вкупно досега се поднесени 2095 барања за исплата, а исплатени се 1964 барања со вредност од 42,136,812.03 евра, односно 33,726,195.94 евра (ЕУ ДЕЛ). Агротим: Кои беа „тесни грла“ во овој процес на имплементација на ИПАРД, а кои сега ги подобрувате? Бачовски: Како тесно грло во спроведување на програмата во рамки на Агенцијата претставува истражувањето на пазарот за одредување на референтни цени на сите ставки предмет на инвестиција. Исто така, големиот број апликации по јавен повик наспроти расположливиот човечки капацитет е значителен проблем, кој претставува ризик-фактор во однос на ефикасноста и ефективноста на спроведување на програмата. Дополнително, покрај целиот обем на работа, Агенцијата е вклучена и во кампањи за публицитет на програмата, подготовка на внатрешни документи за работа, одговор на ревизорски наоди од внатрешна ревизија, ревизија од Министерството за финансии, Ревизорското тело за ИПАРД формирано од ДЗР и ревизија од ЕК. Исто така, агенцијата прави постојани напори за симплифицирање на процедурата за аплицирање, како и за исплата на средствата. Се трудиме бројот на документи што треба да ги обезбедат апликантите да биде што е можно помал, а наспроти тоа Агенцијата да ги обезбеди по службена линија од институциите. Во оваа насока, моментално се имплементира проект поддржан од делегацијата на ЕУ за електронско аплицирање, како и за електронска обработка на апликациите во Агенцијата. Се надеваме овој проект да се реализира во 2023 година. Агротим: Постои голем интерес уште сега, особено за Мерка 7 – Рурален туризам. Некои посебности во врска со оваа мерка? Бачовски: Оваа мерка е особено интересна и при секој јавен повик сè поголем е бројот на пристигнати апликации за инвестиции во рурален туризам. Би истакнал дека може да бидат апликанти и физички и правни лица, а соодветно на типот на барателот може да се изградат или реконструираат објекти за сместувачки капацитети и/или кетеринг. За физички лица максималниот капацитет за сместување е 10 соби со максимален капацитет за 20 лица (не вклучувајќи деца), додека за правни лица 20 соби со капацитет за 30 лица (не вклучувајќи деца). Максималниот капацитет за кетеринг/ресторани е 150 гости. Овие објекти може да вклучуваат во рамки на инвестицијата и набавка на опрема за производство на енергија од обновливи извори (пр. Соларни панели) со што би биле енергетски ефикасни и економски поисплатливи. Извор: Бриф FacebookEmail...

Руските сили го гранатираа регионот Херсон 49 пати во четвртокот, на 24 ноември, при што загинаа десет луѓе, а уште 54 беа повредени, изјави Јарослав Јанушевич, шеф на регионалната воена администрација во Керсон, во објава на Телеграм, пренесува Укринформ. „Регионот Херсон. Информации за непријателските гранатирања за изминатиот ден, 24 ноември. Рашистите ја гранатираа територијата на Херсонската област 49 пати“, се вели во објавата. Според извештајот, станбените области во окрузите Тавријски и Житлоселишче во градот биле под масивен артилериски оган. Мета на Русите во градот беа приватни куќи и станбени блокови, бродоградилиште, училишна зграда и гасоводи. Непријателот ги гранатираше и Зеленивка, Чорнобаивка и Степанивка. Во областа Берислав, руските напаѓачи го гранатираа градот Берислав, при што беа оштетени приватни куќи. Руската армија на 24 ноември повреди тројца жители на регионот Доњецк, изјави Павло Кириленко, шеф на регионалната воена управа на Доњецк во објава на Телеграм. „На 24 ноември Русите повредија тројца цивили во областа Донецк: во Бахмут, Вуледар и Краснохоривка“, рече тој. Кириленко истакна дека во моментов е невозможно да се утврди точниот број на жртви во Мариупол и Волноваха. На 24 ноември, единиците на украинските одбранбени сили ги одбиле непријателските напади во областите во близина на Стелмахивка и Диброва во областа Луганск и Билохоривка, Јаковливка, Бахмутске, Бахмут, Опитне, Первомаиске, Краснохоривка, Мариинка и Новомикхаил во регионот. Подготви: Д. Мишев Извор: ЦивилМедиа FacebookEmail...

Новата зграда на бугарскиот Културно-информативен центар во Скопје, беше отворена денеска на локација на улицата Никола Вапцаров. „Со новиот објект на културно-информативниот центар на Бугарија во Скопје да се отвори нова енергија во меѓусебните односи за културен натпревар и за победа на креативноста. Бугарскиот КИЦ во Скопје, и нашиот во Бугарија, имаат за цел да не доближат како народи и култури. Отоворете ги ширум портите на културата“, порача на отварањето министерката за култура Бисера Костадиновска-Стојчевска. На отворањето присуствуваше и бугарскиот министер за култура Велислав Минеков. Во Центарот е отворена и изложба која опфаќа слики од современи уметници од Северна Македонија и Бугарија. Претходно, министерката Бисера Костадиновска-Стојчевска имаше средба со својот бугарски колега, Велислав Минеков, на која присуствуваа и амбасадорот на Бугарија, Ангел Ангелов, и директорката на бугарскиот КИЦ во Скопје, Антонија Велева. На средбата, министрите ја потврдија традиционалната соработка и го изразија своето задоволство од фактот што министерствата за култура на двете земји негуваат слични приоритети во својата културна политика, во делот на заштитата на културното наследство, како и во поттикнување на активностите на младите. Беа разменети мислења, ставови и идеи за подобрување и за унапредување на соработката во сите сегменти, како и за активности што би можеле да се реализираат како заедничка агенда на културно-информативните центри во двете држави. Костадиновска-Стојчевска, во оваа пригода, го запозна Минеков и со идејата за отворање Културно-информативен центар на Република Северна Македонија во Благоевград, изразувајќи уверување дека токму овие центри ќе придонесат за реализација на многу проекти и иницијативи преку кои бугарските и македонските автори и уметници ќе се претстават пред културната јавност во двете земји. Бугарскиот културен центар во Скопје е основан во 2006 година по Договорот меѓу владите од април 2003 година FacebookEmail...

Како највоочливи грешки од неправилната употреба на македонскиот јазик лекторите ги сметаат: правописни грешки, употребата на странски зборови без мера, несоодветна употреба на зборови. Постоечкиот Закон за употребата на македонскиот јазик не се почитува а македонскиот стандарден јазик не се употребува во голем број од институциите и медиумите и речиси сè што објавуваат не е лекторирано, согласни се лекторите. Јавниот рекламен простор, билбордите и маркетинг слоганите изобилуваат со написи на англиски јазик или хибридни форми на латиница и кирилица. Прашањето за правилната употреба на македонскиот јазик врамено во Закон и воедно задолжителното вработување на лектори, се актуелизира по синоќешната најава на министерката за култура Бисера Костадиновска Стојчевска дека Законот за македонски јазик е веќе готов и се разгледува од правен аспект и се очекува да се најде на владина седница. Таа додаде дека пред испраќањето во Собрание на нацрт-законот, текстот ќе биде претставен за јавна расправа. Како што најави таа, оние спорни делови, кои биле причини законот да се стопира во 2020 година сега се отстранети. За кои спорни делови станува збор што биле причина законот да се стопира во 2020 година, НоваТВ побара одговор од Министерството за култура. „Првата верзија на Предлогот на законот за употребата на македонскиот јазик беше изработена од Советот за македонски јазик во соработка со Министерството за култура. За овој текст на Предлог-законот, на 15.1.2020 година во Институтот за македонски јазик „Крсте Мисирков“ – Скопје беше одржана јавна расправа, а во однос на текстот на Законот, пристигнаа голем број забелешки од релевантните институти, од Министерството за образование и наука, од Македонската академија на науките и уметностите, како и од голем број професори од областа. Исто така, за Предлогот на законот пристигнаа и предлози со чие прифаќање суштински ќе се подобри текстот на Законот. Клучните забелешки од сите релевантни научни установи, главно, се однесуваа на постапката за основање и работа на лекторатите по македонски јазик во странство“, ни одговорија од ресорното Министерството. Инаку, обидот да се стави крај на несоодветна употреба на македонскиот јазик и законски да биде регулирано вработувањето на лектори во медиумите и во институциите се провлекува веќе една деценија. Во меѓувреме како највоочливи грешки од неправилната употреба на македонскиот јазик лекторите ги сметаат: правописни грешки, употребата на странски зборови без мера, несоодветна употреба на зборови. „Непознавањето на значењето на некои зборови што доведува до погрешно информирање и ситуацијата, за жал, од година на година станува сè полоша“, вели лекторка со многугодишно искуство во медиумите. Кога станува збор за тоа дали навистина овој пат Законот ќе стапи во сила и ќе се санкционира неговото непочитување, лекторите гледаат со недоверба. „Задолжителното вработување лектори во институциите е нужно, но тешко ќе профункционира во време во кое владее мислењето дека негувањето на стандардниот јазик не е неопходно. Впрочем, ниската цена на лекторските услуги го покажува тоа. Можно е да биде уште еден обид кој ќе остане на хратија“, согласни се лекторите. Освен што со конечната верзија на Законот за употреба на македонскиот јазик се предвидува да бидат вработени лектори во секоја државна институција, предвидени се и поголеми казни за оние што не го применуваат Законот. Постоечки Закон за употреба на македонскиот јазик Во постојниот Закон за употребата на македонскиот јазик се уредува употребата на македонскиот јазик, како службен јазик во Македонија. Македонски јазик, во смисла на овој закон, е македонскиот литературен јазик и неговото кирилско писмо. Употребата на македонскиот јазик, во смисла на овој закон ги опфаќа неговата заштита, унапредување и збогатување. „Македонскиот јазик е духовно богатство од посебно културно и историско значење за Републиката. Употребата на македонскиот јазик, како службен јазик е право и должност на граѓаните на Републиката“, се пропишува во Законот. Во овој закон се пропишува дека службените текстови од законодавната, извршната и судската власт, локалната самоуправа, учебниците, емисиите, печатот, преводите и други текстови што се објавуваат во согласност со законот, задолжително се лекторираат на македонски јазик. Лекторирање може да врши лице со положен испит за лектор, односно со добиена лекторска лиценца во согласност со овој закон. Лекторска лиценца дава Министерството за култура по положен испит во согласност со овој закон. Ана Василевска FacebookEmail...

Медицинската сестра Џејма Ериксон била повикана на лице место на сообраќајна несреќа во Канада и седела со тешко повредената девојка која била извадена од автомобилот и пренесена во болница, каде што починала. Девојката била непрепознатлива поради тешки повреди со кои се здобила. Дури кога медицинската сестра се вратила дома на крајот на денот, ја пречекала полицијата и и рекла дека пациентката е нејзината 17-годишна ќерка Монтана. Ериксон подоцна со солзи во очите им раскажала на новинарите за трагедијата. „Мојата ќерка беше успешна и амбициозна, страствена пливачка која планираше да стане адвокат“, рече таа со плачење. На местото на несреќата со неа бил и пријател болничар кој раскажа дека до судирот дошло кога автомобилот во кој била младата девојка изгубил контрола и се судрил со камион кој доаѓал од спротивната страна. Болничарот рекол дека возачот на автомобилот без проблем излегол од возилото но дека младата девојка била заробена внатре со сериозни повреди. Медицинската сестра Ериксон, без да знае дека тоа е нејзината ќерка, прва му пришла на возилото. Taa видела дека девојчето е во неволја и седела таму додека не била извадена и пренесена во болница со авионска брза помош, сè уште не знаејќи за кого станува збор. „Кога му пријде на возилото, на нејзин ужас таа забележа девојче кое седеше во задниот згмечен дел на возилото, и таа реши да го одржува во живот за да може семејството да се збогува. Поради обемот на нејзините повреди девојчето било во непрепознатлива состојба. Џејма несвесно ја одржуваше својата ќерка во живот“, изјави нејзиниот колега болничар. На враќање, таа му ја изразила својата тага и фрустрација на својот колега, велејќи дека веројатно девојката ќе почине и дека тоа ќе биде голем шок и загуба за семејството. Кратко време по пристигнувањето дома, се слушнало тропање на вратата. Тоа била полицијата која и соопштила дека девојката од сообраќајната несреќа е всушност нејзината ќерка. Извор: Асошиетед Прес FacebookEmail...

Апелацискиот суд ја укина првостепената пресуда за случајот „Трезор“, во кој еден од осудените беше поранешниот директор на УБК, Сашо Мијалков, јави Фокус. Мијалков беше осуден на 8-годишна казна затвор. Со одлуката на второстепениот суд се укинуваат и казните на бегалецот Горан Грујевски, кој беше поранешен началник на Петтата управа во МВР и на поранешниот шеф на кабинетот на Мијалков, Тони Јакимовски, како и на поранешниот помошник министер во МВР Небојша Стајковиќ. Грујевски беше осуден на казна од 15 години, Јакимовски на 5 години, а Стајковиќ на казна затвор од 5 години. Од судот информираат дека се уважени жалбите на обвинетите, изјавени преку нивните бранители, со што ја укина првостепената пресуда и предметот го врати на повторно постапување и одлучување пред Основниот кривичен суд Скопје. „Апелациониот суд Скопје известува дека, постапувајќи по кривичниот предмет КОКЖ-100/21, во јавноста познат како „Трезор“, по одржана јавна седница, донесе решение со кое ги уважи жалбите на обвинетите С.М., Г.Г., Н.С. од С. и Т.Ј. од С., изјавени преку нивните бранители, со што ја укина првостепената пресуда и предметот го врати пред Основниот кривичен суд Скопје на повторно постапување и одлучување“, се наведува во денешното соопштение од Апелациониот суд. При разгледување на пресудата, како што се додава во соопштението, Апелациониот суд Скопје констатираше дека првостепениот суд при постапувањето по овој предмет сторил суштествени повреди на одредбите од Законот за кривичната постапка, со што се доведува во прашање фактичката состојба и правилната примена на Кривичниот законик. FacebookEmail...

Во услови на енергетска криза во европски рамки, но и пошироко, ЕСМ исполни уште една обврска произлезена од кризата, а тоа е снабдување со поевтина електрична енергија на прехранбената индустија за основните намирници, на училиштата и водостопанствата, соопшти компанијата. Ова задолжение дадено од Владата е исполнето навремено и во најкусо време, со цел наведените институции да можат да бидат снабдувани со поевтина енергија веќе од 1 декември. АД ЕСМ ги повикува субјектите кои не поднеле пријава за снабдување, истото да го направат во следниот период, со цел да бидат вклучени во групата за снабдување од 1 јануари 2022г. Одлуката на Владата беше донесена за да се спречи раст на цените на одредени прехранбени производи и да се постигне и нивно намалување, да се одржи сигурност и континуитет во снабдувањето со вода и одведување и пречистување на води, како и да се обезбеди електрична енергија за училиштата за непречено одвивање на наставата. На прес-конференцијата во Владата одржана во текот на вчерашниот ден, генералниот директор Васко Ковачевски изјави дека АД ЕСМ ги вложува сите напори, по задолженија од Владата, да ги менаџира и кризата со електрична енергија и кризата со топлинска енергија. По задолжение од Владата АД ЕСМ го презеде парното греење во Скопје, дополнителното снабдување со електрична енергија, 100 посто испорака на електрична енергија кон ЕВН Хоум, наместо 60 отсто како што е по законот, покривање на техничките загуби во системот на ЕВН Електродиструбуција и на МЕПСО, работење на ТЕЦ Неготино, АД ЕСМ самоиницијативно се пријави за снабдување со поевтина електрична енергија итн. Влогот на АД ЕСМ и големиот ангажман на вработените, особено во термоелектраните, укажуваат дека успешно ќе се справиме со енергетската криза, без рестрикции и сериозни проблеми. Останува заедно да ја пребродиме оваа грејна сезона и да продолжиме со нови инвестиции како единствено издржано и долгорочно решение за справување со евентуални нови енергетски кризи, порача директорот Васко Ковачевски. FacebookEmail...

Министерот за економија Крешник Бектеши, презентирајќи ја анализата за заштеда на електрична енергија од страна на државните институции и јавни претпријатија рече дека е остварена вкупна заштеда од 24 проценти на потрошувачката на електрична енергија. „Најголема заштеда има зградата на Министерство за образование до 58 проценти. Заштедата на електрична енергија на Владата изнесува 32 проценти, кај Собранието заштедата во октомври е 22 проценти, кај кабинетот на претседателот на државата 24 проценти, кај административната зграда на ЕСМ заштедата е 25, а кај МЕПСО 22 проценти. Ако се земат предвид податоците вклучително и на сите државни претпријатија, агенции и управи, тогаш вкупната заштеда на електрична енергија изнесува 24 отсто, изјави Бектеши. Во анализата на потрошувачката на електрична енергија за октомври 2021 година споредено со истиот месец во 2022 година се опфатени вкупно 19 јавни претпријатија во државна сопственост со сите подрачни единици, каде вкупната заштеда изнесува 17 отсто. „Во услови на тешка состојба на глобалниот пазар за енергенси, Владата донесе план за штедење со конкретни насоки за сите органи во состав на државната управа. Овие податоци за заштеда на електрична енергија, покажуваат дека доколку сме сите рационални и не трошиме беспотребно електрична енергија може да се направат големи заштеди“, порача Бектеши. Неодамна и владиниот советник за енергетика Виктор Андонов потенцира дека препораките за заштеда на електрична енергија веќе се спроведуваат од институциите, за што се доказ бројките од месец октомври кои покажуваат дека државните институции успеале да заштедат 24 отсто електрична енергија. Тој оценува дека електро-енергетскиот е стабилен. „Заради пониските температури да бидеме уште повнимателни во користењето на електричната енергија за да го продолжиме овој тренд на намалување на потрошувачката, односно да продолжиме со зголемување на заштедите. Како одговорна Влада, одговорно менаџираме со ресурсите. Сакам да се заблагодарам до сите вработени во Владата и во државните институции кои покажаа висока свесност за состојбата во која се наоѓаме и евидентно, бројките покажуваат резултат со заштеда која е нотирана веќе втор месец по ред“, истакна Андонов. Тој порача дека секоја мала промена на навиките може да доведе до голема заштеда на електрична енергија и ресурси и дека заштедите се многу важни за да имаме стабилен енергетски систем и да ја намалиме оптовареноста. Р.Н. FacebookEmail...

Не се остварија стравувањата на синдикалците за евентуална работа од дома претстојнава зима, поради енергетската и економската криза. Од Владата за ваквата идеја информираа на почетокот на октомври, во рамки на Планот за фискална консолидација. „Бројката на вработени во јавната администрација во екот на економската криза, нема да се намалува, но ќе мора да се намалат трошоците. Во време на криза сите треба да го понесеме товарот, не е време за калкулации“, изјави тогаш вицепремиерот за економски прашања, Фатмир Битиќи. Синдикатите остро реагираа на можноста да работат од дома, сметајќи дека тоа ќе влијае на износот на месечните примања. Трпе Деановски од Синдикатот на Управата (УПОЗ), за Цивил вели дека тие остануваат на истиот став, истакнувајќи дека штедењето со работа од дома е остварливо само ако институциите се целосно дигитализирани. „Ние уште стоиме на истиот став и сме против, бидејќи не е завршен процесот на дигитализација и ќе се намалат платите ако се работи од дома. Во ред е штедењето, но не е штедење ако институцијата да те натера да работиш од дома, да плаќаш повеќе струја, вода, интернет и уште платата да е намалена. Додека пак за некои институции што се целосно дигитализирани како Катастар, секако има можност да се работи од дома“, вели Деановски. Премиерот Ковачевски претходно истакна дека целта не е да се кратат платите на работниците, туку со план да се консолидираат трошоците и да се подобри квалитетот на услугите коишто го добиваат граѓаните. Тој кажа дека со ротирање на вработените ќе се намалат трошоците за електрична енергија, за греење, како и оперативните трошоци. Сепак, Ковачевски додаде дека консолидацијата на расходите во државните институции, вклучително и на јавните претпријатија и трговските друштва преку консолидација на трошоците за плати не значи намалување на платите. Р.Н. FacebookEmail...

НАТО нема да ја намали поддршката за Украина, изјави генералниот секретар Јенс Столтенберг на денешната прес-конференција. „Повеќето војни завршуваат со преговори“, рече Столтенберг, говорејќи пред состанокот на министрите за надворешни работи на НАТО, кој ќе се одржи во Букурешт, Романија, на крајот на ноември. „Но, она што се случува на преговарачката маса зависи од тоа што се случува на бојното поле. Затоа, најдобриот начин да се зголемат шансите за мирно решение е да се поддржи Украина“, додаде тој. „Значи, НАТО ќе продолжи да стои со Украина онолку долго колку што е потребно. Нема да отстапиме“, изјави Столтенберг. Столтенберг рече дека министрите за надворешни работи даваат „невидена воена поддршка“ и тој очекува дека на состанокот во Букурешт ќе се согласат да ја засилат. Според Столтенберг, НАТО испорачува гориво, медицински материјали, зимска опрема и детектори на дронови. Столтенберг им се заблагодари на сојузниците за нивниот придонес и рече дека ќе повика на понатамошен придонес на состанокот во Букурешт за да и помогнат на Украина да премине од опрема од советската ера на онаа со современи стандарди на НАТО, како и да ја поддржат воената обука. Тој рече дека одлуките за испраќање системи за противвоздушна одбрана „Патриот“ произведени во САД во Украина се „национални одлуки” на одредени нации, кога беше прашан за барањето на Варшава Германија да испрати единици „Патриот“ во Украина, а не во Полска. Понудата на Германија до Полска дојде по смртоносниот ракетен напад на полска територија во близина на украинската граница на 15 ноември. Столтенберг рече дека во минатото со напредниот систем за противвоздушна одбрана НАСАМС, обуката се спроведувала во земјите сојузници на НАТО од персонал на НАТО. Сепак, ниту еден персонал на НАТО не ја врши обуката во Украина, бидејќи тоа би значело дека НАТО е страна во руско-украинскиот конфликт. Извор: Си-Ен-Ен FacebookEmail...

На шестото издание на винскиот салон „Винодонија“, што ќе се одржува денеска и утре во Скопје, гостите ќе може да дегустираат вина од околу 60 винарии, со импресивен број од над 450 етикети на вино. Скопски вински салон „Винодонија“ соопшти дека покрај тоа што има едукативен карактер, настанот со години ја потврдува својата цел – подигнување на винската свест и развој на нашата винска култура. Во рамки на „Винодонија“ денеска и утре ќе се одржат пет работилници и мастер клас дегустации насловени по земјите и предизвиците: „Запознај ја винската Унгарија“, „Запознај ја винската Хрватска“, „Основи на спарување на вино и храна“ и „Во светот на винските меурчиња“. Гостите ќе имаат можност за нови вински информации, директно од енолозите и луѓе вклучени во производството на вино, со што ќе се запознаат најновите стилови и трендови во оваа индустрија. Во рамки на салонот ќе може да се вкусат и деликатеси од 15-ина гастрономски брендови од нашата земја. FacebookEmail...

Во врска со случајот со Барлет Џафери кој го водеше Државната комисија за спречување на корупција информираме дека согласно евиденционата тетратка за положени кандидати што се води во Министерството за правда и е од трајна вредност, лицето Барлет Џафери има положено правосуден испит на 05.02.2015 година, соопшти денеска Министерството за правда по реакцијата на Комисијата за спречување на корупција. „Потписот за положен правосуден испит го ставил министерот за правда кој ја извршувал функцијата во 2015 година“, се вели во соопштението. Министер за правда во посочениот мандат беше Аднан Јашари. Министерството за правда во денешното соопштение додава дека „во врска со наводите на ДКСК за немањето документација за положен правосуден испит на Џафери, информираме дека согласно член 27 од Уредбата за канцелариско и архивско работење (“Службен весник на РМ”, бр.01/14), министерот за правда секоја година носи листа на документиран материјал со рокови за негово чување за потребите на Министерството за правда“. Во однос на рокот за чување на документацијата во Министерството за правда, досегашната пракса била документите на кандидатите односно барањата и другата пропратна документација на кандидатите за полагање правосуден испит да се чуваат една година. „Со цел надминување на евентуалните можни злоупотреби околу полагањето на правосудниот испит, Министерството за правда ја разгледа можноста за електронско пријавување на правосудниот испит преку Националниот портал Е-услуги. На тој начин кандидатите ќе ги поднесуваат своите документи по електронски пат“, додаваат од Министерството. Р.Н. FacebookEmail...

Со официјална церемонија денеска во Скопје ќе биде отворена новата зграда на бугарскиот Културно-информативен центар во земјава, јави Бугарското национално радио (БНР). За време на отворањето ќе биде отворена и изложба која опфаќа слики од современи уметници од Северна Македонија и Бугарија. На свеченоста, како што објави БНР, ќе присуствува директорката на Центарот, Антонија Велева, министерката за култура на Северна Македонија, Бисера Костадиновска-Стојчевска и нејзиниот бугарски колега Велислав Минеков. Бугарскиот културен центар во Скопје е основан во 2006 година по договорот меѓу владите од април 2003 година. Свеченото пуштање во употреба на новата зграда на бугарскиот КИЦ се одвива во период кога бугарскиот културен клуб „Цар Борис Трети“ во Охрид изминативе неколку дена беше нападнат во два наврати. За време на последниот напад на клубот беше употребено и огнено оружје. Нападот на клубот предизвика бура реакции од бугарските институции кои го оценија како тешко кривично дело. Поради тоа, македонската амбасадорка во Бугарија Агнеса Руси-Поповска беше повикана во Министерството за надворешни работи на Бугарија при што ѝ беше врачена протестна нота. FacebookEmail...

Канцеларијата на Твитер во Брисел е последната жртва на преземањето на компанијата од страна на Илон Маск,чие затворање се случи во време на носењето регулатива кон социјалните мрежи. Откако стана извршен директор на компанијата кон крајот на октомври, Маск растури голем дел од внатрешните структури на персоналот, прво отпуштајќи ги своите врвни директори, а потоа делејќи откази на голем број вработени и распуштајќи основни тимови. Тимовите за етика, човекови права и пристапност на вештачката интелигенција на компанијата се меѓу „убиените“ досега. Значителен број вработени во компанијата, исто така, избраа да ги напуштат своите работни места поради притисокот од Маск да работат подолго од пропишаното време. Според известувањето на Фајненшл тајмс, и последните двајца членови на персоналот кои работат во седиштето на Твитер во Брисел, ги напуштиле своите позиции, по претходното заминување на другите четворица членови на тимот, што значи целосното затворање на канцеларијата. Иако моментално не е јасно дали ова затворање ќе биде привремено или трајно, тоа доаѓа во клучен момент за технолошка регулатива во Европа. Многу големи онлајн платформи, како што е Твитер, во моментов имаат задача да откријат како да се усогласат со Законот за дигитални услуги (DSA), сосема новиот правилник на ЕУ за умереност на содржината, кој стапи на сила минатата недела. Откако Маск го презеде кормилото на компанијата, Брисел му испраќа пораки да не ги става на тест новите правила. Како одговор на славеничкиот твит „птицата е ослободена“, напишана од Маск по склучувањето на купопродажниот договор во октомври, европскиот комесар за внатрешен пазар Тиери Бретон му порача на новиот сопственик: „Во Европа, птицата ќе лета според нашите правила“. Извор: Еуроактив FacebookEmail...

Секретарката на пратеничката група на грчката опозициска партија СИРИЗА и поранешна министерка Олга Геровасили пријави хакерски напад како на нејзините пратенички банкарски сметки од кои ѝ биле одземени пари, така и на нејзините профили на социјалните мрежи, јави дописничката на МИА од Атина. Геровасили во писмената изјава посочи дека „во продолжение на скандалот со прислушувањето од страна на центарот за следење Националната разузнавачка служба – Предатор“, на чиј мета, како што вели,била и таа лично, а за што веќе има преземено правни дејствија, сега била жртва на електронски напад. „Моите пратенички банкарски сметки веќе се хакирани и одземени се пари, а исто така хакирани се и моите социјални мрежи. Веќе ги презедов потребните дејствија пред надлежните органи за откривање на виновниците“, рече Геровасили. Од Министерството за заштита на граѓаните на Грција соопштија дека надлежниот министер Такис ​​Теодорикакос имал телефонски разговор со пратеничката на СИРИЗА, а во политичката канцеларија на Геровасили бил испратен тим од секторот за борба со електронски криминал за целосно расветлување на случајот. FacebookEmail...

Европскиот комесар за проширување и соседска политика Оливер Вархеjи потврди дека Босна и Херцеговина следниот месец може да добие кандидатски статус за членство во ЕУ. „Во рамките на Европската комисија ги удвоивме нашите напори да ги ставиме на маса предлозите за проширувањето. Оваа година веќе им дадовме кандидатски статус на Украина, Молдавија и Грузија и верувам дека оваа година ќе имаме уште една позитивна одлука за БиХ“, рече Вархеји на прес-конференција во Барселона, каде што се одржува Форумот на 43 земји на Унијата за Медитеранот. Тој наведе дека со тоа даваат „нов живот на проширувањето“, но истакна дека проширувањето е процес кој бара многу. Сега земјите кандидати треба прво да ги исполнат своите задачи“, рече Вархеји. Последна земја што стана членка на ЕУ беше Хрватска во 2013 година. Првиот дел од Форумот на Унијата за Медитеранот, организација создадена во 2008 година, е посветен на прашањата за безбедноста на снабдувањето со храна и енергија под влијание на конфликтот во Украина. Вториот дел е посветен на безбедноста и миграцијата во соседството на ЕУ. FacebookEmail...

Претседателот на Украина, Володимир Зеленски, рече дека новата стратегија на Русија да ја втурне Украина во мрак со напади врз нејзината енергетска инфраструктура нема да ја ослабне решителноста на неговата земја. „Тоа е војна на сила, отпорност, се работи за тоа кој е најсилен“, вели Зеленски во интервјуто објавено во денешното издание на „Фајненшл Тајмс“. Околу 15 региони во Украина се соочуваат со проблеми во снабдувањето со вода и електрична енергија. Само во главниот град Киев, околу 60 отсто од населението се соочува со прекини во снабдувањето со електрична енергија. Украина и денеска продолжува да работи на санирање на енергетската инфраструктура оштетена од руските удари, со цел да обезбеди струја и греење за милиони граѓани. „Состојбата со струјата и понатаму е тешка во речиси сите региони“, рече Зеленски синоќа во редовното обраќање и додаде дека постојано се врши приклучување на потрошувачите кон електричната мрежа. FacebookEmail...

Рекорден број на луѓе изминатата година мигрирале во Велика Британија, покажуваат податоците на Заводот за национална статистика (ОНС). Во периодот од јуни 2021 до јуни годинава во Велика Британија пристигнале 504.000 луѓе повеќе отколку што ја напуштиле земјата, со што е соборен рекордот од 390.000 од 2015 година. Во истиот период во Велика Британија мигрирале вкупно 1,1 милион луѓе. Директорката на Меѓународниот центар за миграција при ОНС, Џеј Линдоп изјави дека зголемувањето на бројот на мигранти се должи на големиот број луѓе кои пристигнуваат од Авганистан, Хонг Конг и Украина, на кои им е одобрено право да живеат во земјата. Според неа како една од причините за зголемување на бројот на мигранти е и зголемувањето на бројот на странски студенти, кои за време на пандемијата со коронавирусот студираат од далечина. Линдоп наведе дека тоа се должи и на миграцијата на луѓе од семејни причини. Британската Влада вети дека ќе го намали јазот меѓу бројот на луѓе кои се вселуваат и тие кои ја напуштаат земјата. Вкупното население на Велика Британија е околу 67,5 милиони. FacebookEmail...

Франција отвори истрага за незаконско финансирање на изборната кампања на францускиот претседател Емануел Макрон во 2017 година. Ова го објави весникот „Ле Паризиен“, на кој се повикуваат медиуми од странство. Националното финансиско обвинителство на земјата отвори предистражна постапка во ноември, која беше доделена на тројца истражители. Еден од нив е Серж Турнеур, кој во 2017 година покрена обвинение против поранешниот премиер Франсоа Фијон. Поради истрагата, Фијон се повлече од изборната трка, иако според анкетите имал шанса да го престигне Макрон. Истрагата првично беше покрената во март по извештајот на Сенатот за перење пари од приватни консултантски фирми и затајување данок на корпорации. Во него, меѓу другото, се наведува дека француската канцеларија на американската компанија McKinsey веројатно не плаќала даноци во изминатите 10 години и дека владините трошоци за консултантски услуги се удвоиле во просек од 2018 до 2021 година, достигнувајќи 1 милијарда евра годишно. Дури по претресот на седиштето на Мекинси во мај оваа година, обвинителите одлучија да додадат сомневања за „фаворизирање“ и „незаконско финансирање на кампањата“ на чисто финансискиот случај. Сега треба да проверат дали американската компанија имала привилегирана позиција при доделувањето на владините договори. Во оваа фаза, според изворите на весникот, истражителите веројатно знаат само за постоењето на врски меѓу опкружувањето на шефот на државата и Мекинзи. Во исто време, консултанти од оваа фирма работеле на кампањата на Макрон за време на претседателските избори во 2017 година, според весникот „Ле Монд“, и наводно дури имале одредени позиции во претседателската партија „Република Март“ (подоцна преименувана во Ренесанса). Обвинителството одбива да ги коментира информациите на весникот. FacebookEmail...

Премиерот Димитар Ковачевски во пресрет на вечерашниот натпревар на Светското првенство во Катар, помеѓу фудбалските репрезентации на Бразил и Србија, на Инстаграм објави дека вечерва навива за Србија. „Вечерва навивам за Србија“, објави Ковачевски Првото полувреме од натпреварот што е во тек, заврши нерешено 0:0 Извор/Фронтлајн FacebookEmail...

Што и да се случи со производството на електрична енергија на ЕСМ и што и да се случи во енергетскиот систем граѓаните никогаш нема да плаќаат повеќе од тоа што моментално го плаќаат, порача денеска министерот за економија Крешник Бектеши. „ЕСМ доставува предлог до Владата за производната цена на електричната енергија, а Владата на затворена седница одлучува за тоа. Цената на ЕСМ кон универзалниот снабдувач ја носи Владата. Ги имам приближните пресметки во делот на тоа колку би можела да биде цената на струјата по 1 јануари и согласно нашите проекции и дискусијата што ќе ја имаме на Економскиот совет од денеска можам да кажам дека кризата нема да биде на товар на граѓаните, на домаќинствата и на малите потрошувачи“, посочи Бектеши во одговор на прашање на денешната прес-конференција во Владата. FacebookEmail...

Турска делегација отпатува во Стокхолм за да разговара за обврските преземени од Шведска и Финска заради членство во НАТО, јави турската приватна телевизија НТВ. Портпаролот на претседателот Ибрахим Кален и заменикот-министер за надворешни работи Седат Јонал ќе присуствуваат на денешните разговори, на кои ќе се разгледаат чекорите што двете нордиски земји ги презедоа и кои ветуваат дека во иднина ќе ги преземат. За време на средбата ќе се разговара за теми како што се екстрадиција на членови на групи како Курдската работничка партија (ПКК) и т.н.ФЕТО и ограничување на активностите на терористичките организации. Минатата недела на зградата на турската амбасада во Стокхолм беа проектирани изјави и фотографии со пропагандни слики на терористички организации, а по инцидентот, Министерството за надворешни работи го повика шведскиот амбасадор во Анкара за да го изрази негодувањето на Турција. Двете скандинавски земји ги поднесоа своите апликации за членство во НАТО во јуни, но Турција приговори, велејќи дека двете земји толерираат, па дури и поддржуваат терористички групи, вклучително и претставници на ПКК. Според трипартитниот меморандум потпишан во Мадрид – Стокхолм и Хелсинки се обврзаа дека нема да ја поддржуваат ПКК, сириските курдски организации кои Анкара ги смета за ограноци на ПКК, како и, како што ја нарекува Турција, Фетулахистичка терористичка организација (ФЕТО), која турските власти ја обвинуваат за обидот за пуч во Турција во 2016 година. FacebookEmail...

За само една година значајно се зголемил негативниот став на македонските граѓани кон Русија, која од групата на пријателски земји се пресели во „најголеми непријатели“, веднаш зад Бугарија. Ова го покажа испитувањето на јавното мислење и анализата насловена: „30 години независност (Анализа и истражување на јавното мислење)“, од авторите Александар Спасеновски, Васко Наумовски и Јован Андоновски, а во издание на Институт за општествени истражувања „МК91“ и Фондација „Конрад Аденауер“, пишува „Вистиномер“. Текстот подолу го пренесуваме во целост: На прашањето „Според вас, која држава е најголем непријател на Северна Македонија?“, 44 отсто одговориле дека е тоа Бугарија, 29,3 отсто на поставеното прашање одговориле дека не знаат, по што следи 12,1 отсто испитаници, кои сметаат дека Русија е наш најголем непријател. Овие две земји (Русија и Бугарија) според испитаниците, имаат лоши билатерални односи со нашата држава, односно 59.3 отсто оценуваат дека се лоши односите на Русија кон нашата држава и 52.5 отсто ја даваат таа оценка за Бугарија. Извор:„30 години независност (Aнализа и истражување на јавното мислење)“ Професор Александар Спасеновски, кој е еден од авторите на оваа Анализа, во изјавата за „Вистиномер“ забележува дека токму ставовите за Русија драстично се промениле за само една година. Во истражувањето на јавното мислење од 2021 година кое се однесуваше на трите децении од воспоставувањето на независноста на Република Македонија беше испитувано мислењето на граѓаните за карактерот на билатералните односи на нашата држава со Бугарија и Русија. Тогаш како лоши билатералните односи на нашата држава со Русија ги оцениле 17.3 отсто, а со Бугарија 59.8 отсто од испитаниците. Споменатото значи дека за разлика од 2021, во 2022 година негативниот одиум на граѓаните кон Бугарија е скоро непроменет, а кон Русија е видливо влошен, објаснува професор Спасеновски. Тој смета дека расположението на македонските граѓани кон Русија може да се доведе во корелација со руската агресија врз Украина, што е видливо и од прашањето во претпоследниот дел од оваа анализа. Имено, 50.4 отсто од испитаниците сметаат дека руската агресија врз Украина е неоправдана и неприфатлива, додека 26.2 отсто сметаат дека истата е оправдана и прифатлива, што упатува на заклучокот дека испитаниците имаат приближно сличен став во однос на оваа тема како и граѓаните на другите држави членки на ЕУ и на НАТО. Македонските граѓани со тоа, покажуваат дека живеат и ја делат судбината на останатите земји членки на Алијансата, анализира Спасеновски. Испитувањето на јавното мислење спроведено на крајот од август 2022 година на 1.111 испитаници во телефонска анкета, покажува дека Србија се перципира како најголем сојузник на Северна Македонија, што е одговор на 37,4 отсто од учесниците во анкетата, по што следат САД, Турција и Германија. Извор/Фронтлајн FacebookEmail...

Во четвратата сабота на ноември секоја година традиционално се одржуваат настани за почитување на споменот на жртвите на Гладоморот-геноцидот од 1932-1933 година во Украина. Оваа година, почитувањето на споменот на милиони невини жртви на сталинистичките репресии ќе се одржи за време на руската воена агресија против Украина, рече Олександр Урбанович, лидер на Лесја Украина, на денешната изложба посветена на жртвите на Глодоморот. „Гладоморот е геноцид на украинската нација, извршен во 1932-1933 година. Тој беше измислен од раководството на Советскиот Сојуз со цел да ги потчини Украинците, конечно да го елиминира украинскиот отпор кон режимот и обидите да се изгради самостојна Украинска Држава, која не зависи од москва. Така, Гладоморот од 1932-1933 година во Украина беше намерно инициран и ставен во сила од страна на советскиот режим преку заплена на жито и блокирање на испораката на храна. Границите беа затворени за да се спречи населението да го напушти регионот или да добие надворешна помош. Целта на Гладоморот беше елиминирање на отпорот кон насилната колективизација на земјоделството и уништување на националниот идентитет на Украина. Дури во последно време овие злосторства почнаа да привлекуваат меѓународно внимание и разбирање, врз основа на фактот дека во дејствијата на Русија се манифестираат актите на геноцид дури и сега во: извршувањето на масовни злосторства од страна на вооружените сили на русија на привремено окупираните територии (вклучително и во Буча, Ирпин, Мариупол итн.); систематските намерни убиства на цивилно население; насилно преселените украински деца на територијата на Русија; физичкото и психичкото насилство врз населението на Украина. Советскиот Сојуз ја убеди меѓународната заедница да не го „гледа“ масовното убиство на Украинците со помош на пропаганда и поткуп на поединечни новинари. Сепак, имаше публицисти кои ја пишуваа вистината. Зачувани се извештаите на амбасадорите, дипломатите. Режимот презеде чекори за да го избрише сеќавањето за убиството на повеќе од 7 милиони Украинци, но сеќавањето на народот е неуништливо, а со независноста на Украина, забраната за зборување за Гладоморот е укината. Не дозволувајте Русија и овој пат да ја убеди меѓународната заедница „да не ги гледа“ оние ѕверства што Русите ги вршат секој ден… слични на оние што ги вршеа во Украина во 1932-1933 година. Ве замолуваме да ги здружите силите во одбрана на заедничките демократски и европски вредности. Верувам дека доброто ќе победи над злото, како што секогаш се случува во историјата!“, истакна Урбанович во своето излагање. FacebookEmail...

Германскиот канцелар Олаф Шолц изјави дека рускиот претседател Владимир Путин веќе не може да победи на бојното поле. На заедничката прес-конференција во Берлин со претседателот на Кипар, Никос Анастасиадис, Шолц повика на итен прекин на „руското бомбардирање на цивилното население“. „Фактот што Русија со недели ги фрла своите бомби врз цивилната инфраструктура во Украина не само што е неподносливо, туку и јасно кршење на меѓународното право“, рече Шолц. „Постапките на Русија уште еднаш покажаа колку Путин е безмилосен. Повторно апелирам до Путин да престане со бесмисленото убивање и целосно да ги повлече војниците од Украина и да се согласи на мировни преговори“, кажа германскиот канцелар, пренесе Дојче веле. Францускиот претседател Емануел Макрон, пак, најави дека наскоро ќе разговара со Путин. „Имам намера да имам директен контакт со него во наредните денови“, изјави Макрон за новинарите во Париз. Според Макрон, двајцата лидери ќе разговараат за цивилната нуклеарна енергија и нуклеарната централа Запорожје, откако Русите повторија извршија напади врз најголемата нуклеарна централа во Европа, што се наоѓа во јужна Украина. Меѓународната агенција за атомска енергија (МААЕ) соопшти дека станува збор за намерни напади, за кои Киев и Москва меѓусебно се обвинуваат. МААЕ вчера соопшти дека нуклеарната централа Запорожје повторно е исклучена од надворешното напојување. Централата сега се потпира на дизел генератори за итни случаи. FacebookEmail...

Историјата ги запишува најголемите трагедии во минатото, но не само гласноста на злоделата на лошите луѓе, туку и страшната тишина на добрите луѓе. Денес сме собрани да се сетиме на Гладоморот во Украина од 1932 до 1933 г., една од најголемите трагедии во историјата на човештвото, во која животот го загубиле преку 7 милиони луѓе, Украинци, и сите оние на кои сталинистичката идеологија им пресудила во име на изопачената глорификација на советското општество за создавање на модерна и пролетерска украинска нација по цена и на нејзина ликвидација, и со скриена намера преку мотото дека комунизмот произведува одвишок храна да се пресмета со бунтот и отпорот на Украинците, истакна проф. д-р Ратко Дуев, Декан на Филозофскиот факултет во Скопје, на денешната изложба по повод: Денот на сеќавање на Гладоморот (26 ноември) во Собрание на Република Северна Македонија, 24 ноември 2022. „Украинскиот збор Голодомор е изведен од „морити голодом“, ‘да умориш (убиеш) со глад’. Одамнина во словенските јазици, во епската поезија постои зборот „човекоморец“, ‘убиец на мажи’, како епитет на силни воини на бојното поле. Самиот збор ‘гладомор’ е искован во поновата историја, бидејќи е непознат чин за нашите предци особено во услови на мир и нормални природни услови за живот. Историјата памети многу Големи гладови уште од антиката. Но тие во најголем дел се причинети од болести на земјоделските култури и стоката, природни катастрофи и временски непогоди, особено суши и војни. Понекогаш во војните се уништувале посевите за да се ослаби непријателот. Но тоа не се причините за страшниот Гладомор, неразумно е во најголемата европска житница селаните и населението да умираат од глад без никој да им помогне, а најголемиот непријател на државата да стане обичниот човек кој доколку скрие храна за да го спаси животот на своите деца бил осудуван на смрт. Како луѓе логично е да се запрашаме како е можно е тоа? Зарем меѓу заблудените луѓе на една цела нација немало добри луѓе? Зарем погледот на едно невино дете или немоќен старец не можел ли да поттикне емпатија барем кај дел од нив? Каде биле добрите луѓе? За творците на таа идеологија и на „Декулакизацијата на богатите селани“ и нејзините извршители, тоа претставувало засилување на комунистичката економија и победа над недовербата во советскиот систем во светот и доказ за неговата сила како единствен систем што произведува вишок на храна. Набргу пространите плодни степи наместо полни со жито и плодови биле прекриени со човечки изгладнети и изморени тела. Набргу и немало кој да работи на полињата па присилно се доселувани лица од други краишта на СССР. Дали овој чин скроен во главата на Сталин се разликува од оној договорен на Вансејската конференција близу Берлин што претставувало расна хигиена, и обезбедување на „Простор за живеење“ на нивната самопрогласена „чиста раса“ со систематско истребување на цели народи? Дека целта не била само насилна колективизација и јакнење на комунистичката економија зборуваат податоците што во исто време биле уапсени десетици илјади украински учители и интелектуалци и биле отстранети сите книги напишани на украински јазик од училиштата и библиотеките. За секоја голема трагедија со која се соочила човештвото, науката постојано бара одговор на прашањето зошто се јавува дехуманизацијата, што се случува во човечкиот мозок за да другиот го смета за помалку човек и со што се оправдува неговото ѕверско однесување, при тоа не предизвикан од никаков непријателски акт? Но она што е пострашно е тишината на добрите луѓе. Во тогашниот СССР Гладоморот станал забранета тема. И покрај укажувањата на Украинците и сите докази за неделата, дури во 2007 г. Европскиот парламент ќе го признае Гладоморот како геноцид, по цели 75 г. Како народ и ние паметиме геноцид, можеби не во толкав обем и во време на војна, но не верувам дека некогаш ќе дочекам да биде признаен. Признанието не носи утеха на денешните генерации, минатото не може да се врати, младите се свртени кон иднината. Признанието е победа на гласноста на добрите луѓе, бидејќи „Оние кои не го паметат минатото се осудени да го повторуваат“. Дали го најдовме одговорот за дехуманизацијата? Денес Украина е исправена повторно пред голема криза предизвикана од воената инвазија на Русија: уништување на нејзината инфраструктура, полиња полни со барут наместо со жито, илјадници невини жртви, невини луѓе кои мораат да ги напуштат своите домови. Кога денес читам книги, гледам документарни филмови за „најголемите полиња на смртта во Европа“ се обидувам да го разберам и лудилото на сталинистичката идеологија и да ги почувствувам страдањата на илјадници луѓе кои минале низ тој пекол, без никаква вина, без никаков грев, само затоа што биле Украинци. Затоа денес сме собрани, тука, како и на многу други места ширум светот, пред овој Паметник за да никогаш повеќе не се повтори такво зло, но и како добри луѓе да се бориме насекаде каде ќе почувствуваме дека се појавува дехуманизација, бидејќи нашата ужасна тишина поттикна нови вресоци и нови нелуѓе. Само нашата гласност му помага на украинскиот народ дека за разлика од пред 75 г. тие не се сами, дека ние сме со нив и дека ние сме нивниот глас!“, рече проф. Дуев. FacebookEmail...

Претседателот на Собранието, Талат Џафери, денеска се обрати по повод одбележувањето на 90 години од Гладоморот во Украина (1932-1933). Собранието беше домаќин на изложбата за сеќавање на жртвите од Гладоморот во Украина „Украина се сеќава, светот признава“. „Дозволете, покрај тоа што Ви посакувам добредојде од име на пратениците на Собранието и во мое лично име, да упатам до Вас и апел за разбирање затоа што сум убеден дека после ова, никој нема да остане рамнодушен кон оваа човечка трагедија и кон овој период во кој се изгубила и најмалата допирна точка со тоа што значи да се биде – човек. Што значи да се сака, цени и вреднува човечкиот живот. Сечиј живот! Затоа што, нема помалку или повеќе вредни човечки суштества, нема повеќе или помалку важни човечки животи. Има добри и има лоши луѓе. Во принцип, секогаш е потежок патот што го поминува борбата на доброто против злото. Но, тоа што не разликува и ни дава сила да истраеме на тој трновит пат е цврстата волја, верба и надеж дека сме извлекле поука од минатото и сме се бореле на сите можни начини да не се повторат тие грешки и во иднина. Мислата дека сме придонеле кон промена на дискурсот и токму ние сме биле промената, без двоумење! За жал, историјата се повторува пак! Сега се други средствата, меѓутоа во принцип, намерата е иста и таа не е воопшто хумана. Да се покори на сите можни начини Украина и Украинците, а и агресорот е ист! Што е уште понелогично, се работи за земја членка на Советот за безбедност, кој што е еден од шесте тела на Обединетите нации, и е конкретно задолжен за обезбедување на светскиот мир и безбедност. На светот му требаа цели 90 години да признае на ниво на влади или парламенти во голем број на држави од демократскиот свет дека Гладоморот е акт на геноцид а Европскиот парламент на 23 октомври 2008 година усвои Резолуција со која се признава Гладоморот како злосторство против човештвото. Тоа не е доволно! Злосторство или геноцид, тоа мора да се именува и да се викне толку гласно за да одекне и остави белег во сечиј ум и разум, во сечија совест и одговорност дека се посегнува по највредното, по најскапоценото – по животот! На деца, жени, стари и млади – без разлика, со сите однапред испланирани и спроведени систематски начини на истребување на еден народ и една држава. Толку системски што дури не се знае ниту точната бројка на жртви која според различни извори се движи од 4 до 15 милиони жртви! Тоа не се зрна песок, тоа се живи семејства, широки насмевки, успеси и солзи, тоа се човечки судбини! Почитувани присутни, да не дозволиме да се претвори сè во пепел, премногу сме вложиле и сме жртвувале, ние, нашите предци, нивните предци. Да не дозволиме злото да затропа и на наша врата, затоа што на овој или на оној начин, ефектот се рефлектира на сиот свет, без разлика“, изјави претседателот Џафери во своето обраќање. FacebookEmail...

Градот Пресиче, на југот од областа Пуља во Италија, е уште еден во низата што ќе им плаќа на заинтересираните за зголемување на тамошното население, ветувајќи им до 30.000 евра, Иако, како и секогаш, има услови… Оние кои ќе ја прифатат понудата мора да ги искористат парите за да купат празен, т.е. напуштен имот, што чини околу 25.000 евра и да го реновираат. „Има многу празни куќи во историското место, изградени пред 1991 година, кои би сакале повторно да ги видиме со нови жители. Ќе им понудиме до 30.000 евра на луѓето кои сакаат да се преселат овде и да купат еден од овие напуштени живеалишта. Вкупните средства ќе бидат поделени на два дела: едниот дел оди за купување на старата куќа, а другиот оди на негово реновирање, доколку е потребно“, изјави претставникот на локалната власт, Алфредо Палезе за Си-ен-ен. Пресиче е последниот во низата рурални заедници на Апенинскиот Полуостров што се обидуваат да привлечат нови жители со парични стимулации. Правилата варираат од град до град, но обично потенцијалните апликанти мора да се обврзат да платат за реновирање на домот во одредена временска рамка, и да го користат како основно живеалиште. Извор: МИА FacebookEmail...

Би сакала да ви се заблагодарам што најдовте време и можност да дојдете на отворањето на изложбата „Украина се сеќава, светот признава!“, која е посветена на почитување на споменот на жртвите на Гладоморот од 1932-1933 година, што се одржува во Украина и ширум светот во четвртата сабота од ноември (овој пат на 26 ноември), истакна Лариса Дир, Амбасадорка на Украина во Република Северна Македонија. „Гладоморот е геноцид на украинскиот народ, кој беше предизвикан од намерно организираните дејствија на сталинистичкото комунистичко раководство со цел да се создаде вештачки глад во 1932-1933 година во Украина, како резултат на кој загинаа милиони и милиони луѓе. Гладоморот од 1932-1933 година во Украина, во својата суштина, беше и инструмент и механизам насочен кон истребување на украинската нација. Гладоморот од 1932-1933 година во Украина е дел од спроведената крвава принуда на советскиот сталинистички режим. Еден од првите што ја виде „системската природа“ на истребувањето на украинската нација беше светски познатиот адвокат Рафаел Лемкин, кој јасно ги издвои фазите на таквото истребување: 1) Од 1920 до 1926 година – убиство и затворање на украински политички фигури, писатели, уметници, учители; 2) Ликвидација на Украинската Автокефална Православна Црква; свештениците и повисокото свештенство биле убивани или мачени; 3) Гладување на селаните, оружјето што се користело против нив – глад; 4) Етничкото единство беше уништено со насилно депортирање на Украинците. Според вториот член од „Конвенцијата за спречување и казнување на злосторството геноцид“ геноцид претставува секое дејствие извршено со намера да се уништи, целосно или делумно, секоја национална, етничка, расна или религиозна група како таква. За да може злосторството да се квалификува како геноцид, потребно е да се докаже присуство на посебна умисла од страна на субјектот на злосторството. Намерата, односно криминалната цел, во овој случај, е истребување на Украинците што беше реализирано со криминални дејствија: насилна „колективизација“; водење на „црни табли“ – запишување во регистарот на оние што не го „предале лебот“; престанок на која било трговија; одземање на храната како начин на казнување; одземање на производи, како и семиња, на насилен начин; конфискација на целиот имот; сталинистички логори; осудување на смрт со стрелање. Роберт Конквест во својата книга „Жетвата на тагата“ напишал дека украинскиот селанец страдал двапати – и како селанец и како Украинец. Во јануари 2010 година, Апелациониот суд на градот Кијив донесе уредба за кривична постапка врз основа на фактот за злосторство геноцид извршено во Украина во текот на 1932-1933 година – односно, постои правна основа. Покрај тоа, на 19 април 1988 година, беше објавен извештајот на Специјалната комисија на Конгресот на САД за гладот во Украина, предводена од д-р Џејмс Мејс. Во еден од неговите заклучоци се наведува дека „Јосиф Сталин и оние околу него извршиле геноцид врз Украинците во 1932-1933 година“. Во еден од неговите говори, Мејс рече: „За да се централизира моќта во рацете на Сталин, потребно беше да се уништи украинскиот селанец, украинските интелектуалци, украинскиот јазик, украинското разбирање на нивната историја и да се уништи Украина како целина. Ова беше едноставно пресметано и примитивно: Нема народ, како резултат нема држава, а резултатот – нема проблем“. Џејмс Мејс истакна дека генерации Украинци ќе живеат, всушност, со колективна психолошка траума – трауматизирано постгеноцидно општество. Постгеноцидно општество…очигледно, беше така, до 24 февруари 2022 година. Кога светот дозна за масовните погребувања на Украинците, кои беа мачени од русите. Поминаа 90 години од геноцидот наречен Гладомор, но сега – Ирпин, Буча, Лиман, Изум, Мариупол – сето тоа се посебни симболи на геноцидот извршен од постојана членка на Советот за безбедност на ОН. Вршејќи геноцид во Украина, членка на Советот за безбедност на ОН: го истребува цивилното население на Украина, убива, мачи, предизвикува тешки телесни повреди, насилно пренесува деца во руската федерација, намерно уништува станови, болници, училишта, цивилна енергетска инфраструктура во предзимскиот период. Геноцидот продолжува токму затоа што претходниот геноцид не беше казнет. Должници сме им на храбрите англиски и американски новинари – Герет Џонс, Малколм Мугериџ, Вилијам Хенри Чемберлин, кои ризикувајќи да го загубат сопствениот живот, ја прекршија железната забрана и ја раскажаа вистината за Гладоморот од 1932-1933 година во Украина. Само постепено, со текот на времето, почнавме да ја дознаваме вистината за злосторството Гладомор. Сега, повеќе извори ни ги покажуваат злосторствата што руската армија ги прави во Украина речиси во реално време. Украина се обрати до земјите да го поддржат создавањето на Специјален Меѓународен Трибунал со цел да се истражат злосторствата и да се казнат злосторниците кои го тероризираат, мачат и убиваат нашиот народ. Низа држави ја поддржаа оваа иницијатива. Врховната Рада на Украина апелираше до странските парламенти и влади да ги признаат злосторствата што руската федерација во моментов ги врши на територијата на Украина како геноцид врз украинската нација. Украина, исто така, се обраќа за признавање на Гладоморот од 1932-1933 година во Украина како геноцид врз украинскиот народ. Признавањето би претставувало неверојатно силна поддршка, би додало духовна сила на оние кои се наоќаат на првата линија на фронтот и се борат за правото на живот. Ви благодарам за вниманието. Вашата поддршка ни значи многу“, истакна Дир во своето обраќање. FacebookEmail...

Градоначалничката на Град Скопје не покажуваше никаков интерес да се продолжи со реконструкцијата на Универзалната сала, кажа министерката за култура Бисера Костадиновска Стојчевска во гостувањето во „Студио 10“ на ТВ24. Според неа, навистина се чувствува нефункционалноста на салата во културниот живот. „Во 2019 година пари од буџетот, преку Министерството за култура биле префрлени, заедно со писмо за соработка со Град Скопје, за целосна реконструкција на салата, но тоа не се случува. Ние со министерот за локална самоуправа зборувавме со градоначалничката за да можеме да и излеземе во пресрет за реконструкцијата на Универзалната сала, бидејќи парите стојат на сметка, проектот е таму“, кажа министерката. Таа додаде дека, наспроти она што го тврдеше Арсовска на почетокот на годината, проектот е безбеден и потврден од сите релевантни институции. „Градоначалничката сега треба да ни прати фактичка состојба и потврда дека парите се на сметката на Град Скопје. Овој проект треба да ги надмине сите лични и политички проблеми, бидејќи е од витално значење“, рече Костадиновска Стојчевска. FacebookEmail...

Кина го забележа својот најголем број дневни случаи на Ковид од почетокот на пандемијата, и покрај строгите мерки наменети за елиминирање на вирусот. Неколку големи градови, вклучувајќи го главниот град Пекинг и јужниот трговски центар Гуангжу, доживуваат епидемии. Вчера се забележани 31.527 случаи во споредба со априлскиот врв од 28.000. Бројките се сè уште мали за земја со 1,4 милијарди луѓе и официјално нешто повеќе од 5.200 починале од почетокот на пандемијата. Тоа е еднакво на три смртни случаи од Ковид на секој милион во Кина, споредено со 3.000 на милион во САД и 2.400 на милион во Велика Британија. Додека кинеската политика за нулта Ковид очигледно спаси животи, таа, исто така, нанесе голем удар врз економијата и животите на обичните луѓе. Земјата малку олабави некои од тие ограничувања пред неколку недели. Го намали карантинот за блиски контакти од седум дена во државна установа на пет дена и три дена дома и престана да следи секундарни контакти што им овозможи на многу повеќе луѓе да избегнат да мораат да бидат во карантин. Но, соочени со зголемениот раст на случаи во Пекинг, како и со првите смртни случаи од вирусот по неколку месеци, официјалните лица веќе спроведоа некои ограничувања во неколку области, при што продавниците, училиштата и рестораните беа затворени. Централниот град Женгжу, од утре ќе прогласи карантин за сите 6 милиони жители. Стапките на вакцинација во Кина се премногу ниски, особено меѓу ранливите групи. Извор: Би-Би-Си FacebookEmail...

Пишува: ЈАНЕ ЃОРЃИОСКИ Има многу дискусии за тоа како треба слободарските медиуми да го третира Димитар Апасив. Од тоа дека не треба да му се обрнува внимание, дека е маргинален политички лик и дека со пишување за него само му се храни егото, па се до тоа дека е опасно да се игнорира и дека Апасиев сепак најдува начин да се наметне во јавноста и да создаде конфузија кај луѓето. Многу медиуми не му даваат никаков простор, не го коментираат. Им ги разбирам мотивите. На тоа мислење бев и јас до пред некоја година. Но кога видов дека со затворање на очи и со неверување дека еден таков лик може да прелажи доволно луѓе да му изгласаат двајца пратеници во Собрание, сфатив дека мора да се предочува со каков човек и негови поддржувачи ние всушност си имаме работа. Левица иако е регистрирана како партија, тие се всушност грст амбициозни ликови кои преку корката гласови од најсиромашните сакаат да се докопаат до некакво привилегирано државно буџетско функционерско столче. Нивната партиска матрица, како што многупати досега докажале на дело, нема врска со лево ориентирана идеологија. Тие се класична најдесна десница. Идеолошки продукт од сталинистичко нихилистички микс. Тие се само за себе и се против секого и сè. Против интеграции со демократскиот свет, поточно против волјата на најмнозинското македонско мнозинство. Апасиев и неколкутемина пулени ја водат Левица во манир да плука по секого и во исто време да поднесуваат тужби доколку се и тие малку од некого потплукнати, и тоа е одраз на нивниот карактер – одблесок на тоталитарен, суров и непоправлив десничарски карактер. На времето, кога ги правеа првите чекори на општествената сцена, беа посакувано дури и потребно социјално друштво, па се стекнаа со доза симпатии за нивниот приказ за некаква еднаквост и социјална правда. Не прераснаа во движење. Се сопнаа на самиот праг на сопствените политички амбиции. Разочараа многумина поддржувачи на социјалната Ленка. Посебно најранливите, најслабите, нај незаштитените кои во нив забележаа зрак надеж барем за каква-таква правда. Што прави Апасиев, каква испакуличена слика прикажува за себе и за неговата Левица? Ги користи маките на работниците за промовирање на националистичка пропаганда и поделба на граѓаните, додека тој си ужива во професорската, а сега и во пратеничка плата од државата. Вработен си е Апасиев во времето на режимот и никогаш не доживеал ниту доцнење на плата, а ваму, демек, ги разбира маките на работниците. И, што сработи Апасиев за работниците додека ужива во пратеничкиот мандат? Ништо! Нема ниту една активност за заштита на работниците и работничките права, но затоа од петни жили го штити капиталот на олигархот Костовски, на пример. Но, тој ништо не крие мора да се признае. Тоа што многумина упорно се обидуваат да премижат со каков манипулант си имаме работа, ни се акаше од глава и во времето на борбата против режимот. За време на Шарената револуција, неговите посредници постојано потткнуваа конфликт и раздор во движењата и се залагаа за насилно преземање на власта со што му се даваа аргументи на груевци да ја оцрнат Шарената револуција Никогаш не бил казнет од режимот ниту пак имал негативни последици за својата „борба“ против режимот На што се сведува неговата борба за правда? – На врескање на Фејсбук. Не знае да води дијалог, да дискутира, туку одма шири говор на омраза кон неистомислениците и вистинските борци за правда. Ќе бесел, ќе стрелал! Се фали Апасиев на социјалнбите мрежи со црни списоци. Тој е еден од главните фактори кој придонесува за пад на политичката култура Кога се работи за лична одбрана не бира начин и средства да се пресмета ни со најблиските соработници. Неговите поранешни сопартијци сведочат јавно за тоа со каков политички лик всушност си имаме работа и како партијата ја однел кон тотално радикална десница. „Димитар Апасиев фалсификуваше десетици документи, одлуки и записници од состаноци што никогаш не се одржаа. На тој начин, без почитување на статут или право, тој ја фалсификуваше структурата на партијата и тие лажни документи ги достави до судот“ изјави Џејлан Велиу, една од основачките на Левица за меѓународниот левичарски портал „Јакобин“. Професорот Здравко Савевски, поранешен член на раководството на Левица во изјава за РСЕ во јули годинава вели дека Левица сега, наспроти името, се однесува како десна радикална партија која добива поени на основа на национални прашања во која главни поддржувачи се разочарани членови на ВМРО – ДПМНЕ. И Бранимир Јовановиќ кој беше дел од раководството на Левица, во неодамнешно интервју вели дека Партијата „Левица“, денеска во Македонија е десница, и екстремна десница. „Партијата „Левица“ денеска во Македонија е она што е Ле Пен во Франција и она што е „Самоопределување“ во Косово. Тоа е „Левица““, вели Јовановиќ. Но, тоа не допира до Апасиев и неговата зацртана деструктивна цел. Отворено настапува против ЕУ и НАТО, се исмева со македонските стратешки сојузници. Поддржувач е на актуелна Русија и на другите тоталитарни режими. Си се слика со рускиот амбасадор, за него агресијата на Украина е „специјална операција“… до каде да редам? Шири лажни вести, дезинформации и антизападна пропаганда, повикува на некаква десоросоизација, етикетира „сороспии“… И дали сето ова може да се игнорира, драги мои, кога Апасиев и националистичките испади на Левица манипулираат и мотивираат млади на агресија, на насилство и сето тоа поткрепен преку неговите ботови на социјалните мрежи. Ако продолжиме да игнорираме ќе ни се удри од глава, е потоа ќе биде доцна. Да не речете не сум ви кажал. Извор/Фронтлајн Текстот е личен став на Авторот. Дозволено е преземање на текстот според лиценцата Creative Commons 4.0. FacebookEmail...

ЕУ се повлекува од проектната инвестиција за пристаништето Драч, грант од 28 милиони евра наменет за поддршка на проектот за реконструкција на дел на терминалот во ова најголемо албанско пристаниште, јави Топ чанел. Се додава дека на официјалната веб-страница на „Инвестициската рамка на Западен Балкан“, овој проект веќе има статус „откажан“. „Во описот на проектот на оваа страница, инвестицијата финансирана од ЕУ би овозможила зголемување на преработувачките капацитети на бродовите, зголемување на проектираната длабочина со цел закотвување на бродовите со голема тонажа како и зголемување на стабилноста на кејовите за високи тонажи“, наведува телевизијата. Пристаништето Драч моментално третира околу 90 отсто од поморската размена на земјата во тонажа и 53 отсто од целата меѓународна трговија. „Терминалот има вкупно пет столбови и има површина од 92.680 квадратни метри. Столбовите 1 и 2 се во лоша состојба. Првиот е изграден во 1972 година, а вториот помеѓу 1945 и 1951 година. Извршена е одредена рехабилитација во 1994 година. Сепак, подводните структурни елементи покажуваат знаци на значителна корозија, што го спречува безбедното работење на големите товарни капацитети“, наведува истиот извор. Со проектот требало да биде рехабилитирана и железничката врска помеѓу Тирана и Драч, како дел од коридорот на основната транспортна мрежа, зајакнување на врските на Албанија со Хрватска и Италија. Покрај тоа, тоа ќе им било овозможено на Косово и на Северна Македонија пристап до поморските транспортни рути, стои во описот на проектот, од кој ЕУ веќе се повлече. Откажувањето на проектот доаѓа кога се очекува албанскиот парламент денеска по итна постапка, со просто мнозинство, да го изгласа договорот за новиот проект за трансформација на пристаништето Драч. Проектот на кој опозицијата остро се спротивстави, сметајќи го за мега корупциска афера, веќе го испрати до Уставниот суд. Дополнително, поради раскинати договори за концесии на Драч, Албанија е пред казни со милионски износи. извор: МИА FacebookEmail...

Премиерот на Косово Албин Курти тврди дека договорот што синоќа го постигнаа главните преговарачи на Белград и Приштина не е истиот договор што им беше понуден на двете страни за време на преговорите во Брисел во понеделникот. Курти во парламентот во Приштина изјави дека не се работи за договор за регистарски таблички, туку за, како што тврди, договор за преговори за германско-француски предлог за решавање на косовското прашање. Тој вели и дека ставот на Приштина останал ист, но дека „позицијата на шефот на европската дипломатија, Жозеп Борел е променета“. Тој објасни дека целта на Приштина е „француско-германскиот предлог за нормализација на односите со Белград да стане предмет на разговори во Брисел“. „Синоќешниот договор не е договор за регистарски таблички. Ќе дадеме простор за преговори за предлогот на ЕУ, кој претходно беше наречен француско-германски предлог“, рече Курти. Тој тврди дека договорот за регистарски таблички ќе остане додека не завршат преговорите за француско-германскиот предлог. Тој додаде дека текстот на договорот постигнат синоќа „е двојно подолг од оној предложен во понеделник“. FacebookEmail...

Законот за македонски јазик е веќе готов, се разгледува од правен аспект и се очекува да се најде на владина седница, кажа министерката за култура Бисера Костадиновска Стојчевска во гостувањето во „Студио 10“ на ТВ24. Таа додаде дека пред испраќањето во Собрание на нацрт-законот, текстот ќе биде претставен за јавна расправа. „Законот за употреба на македонскиот јазик всушност предвидува мерки за тоа како да се промовира македонскиот јазик, како правилно да се имплементира… Тој закон предвидува стратегија за македонскиот јазик. Оние спорни делови, кои беа причини законот да се стопира во 2020 година сега се отстранети, бидејќи постои начелен договор за тие моменти поинаку да се регулираат“, рече Костадиновска Стојчевска. Таа додаде дека Законот за употреба на македонскиот јазик предвидува лектори во секоја државна институција, но и поголеми казни за оние што не го употребуваат како што треба македонскиот јазик, соодветно со лекторите. „Тој предвидува и афирмација во градинки и училишта. Советот за македонскиот јазик е составен од професионалци, коишто долги години се занимаваат со оваа тематика и точно знаат каде треба да се реагира и тие извесен период работеа на тој закон“, истакна Костадиновска-Стојчевска. FacebookEmail...

Премиерот Димитар Ковачевски најави денеска дека Агенцијата за национална безбедност (АНБ) за 20 дена ќе добие нов директор, кој ќе дојде на местото на досегашниот Виктор Димовски. Премиерот, сепак, не сподели повеќе детали од вчерашната затворена владина седница на која АНБ реферираше за случајот со Онишченко, со образложение дека тоа е спротивно на законот, ниту дали евентуално ќе има некаква одговорност за Димовски. Одговарајќи на прашање на новинарите дали Димовски ќе понесе некаква одговорност во врска со државјанството на Олександр Онишченко, Ковачевски рече дека не може сподели детали од затворената владина седница. „Она што е познато од седницата е дека е иницирана постапка за поништување на државјанството“, рече Ковачевски, додавајќи дека дополнителни информации од затворена седница на влада не може да се споделуваат бидејќи тоа е строго и тешко казниво дело со казна затвор од една до пет години. „Сѐ она што ќе треба да биде споделено во делот на истрагата во АНБ и тоа што ќе следи согласно со процедурите и законите што се однесуваат на АНБ. Во однос на раководењето со АНБ за 20 дена ќе има нов директор на АНБ“, посочи премиерот Ковачевски. Запрашан кој е лажниот документ што го доставил Онишченко за добивање државјанство, како и дали документите ќе бидат проверувани и за други случаи за доделување државјанство, премиерот повтори дека не смее да изнесува детали од затворена седница. „Она што е разговарано на затворена седница не може да се споделува“, рече Ковачевски. FacebookEmail...

Претседателот на Србија, Александар Вучиќ, денеска во врска со препораката на Европскиот парламент (ЕП) изјави дека Белград не е заинтересиран за взаемно признавање на независноста со Приштина. „Не бев особено вознемирен од препораките на ЕП. Изгледа дека ним дека сè им оди добро, па затоа се загрижени за нашата одлука. Ние не сме заинтересирани за меѓусебно признавање со Приштина, а што се однесува до санкции против Русија, можеме сами да одлучуваме“, рече Вучиќ во Белград, по средбата со раководството на Република Српска. Тој рече дека Србија ќе продолжи да слуша што и кажува ЕП, но дека ќе носи одлуки во согласност со своите интереси. Вучиќ рече дека Европскиот парламент не донел никаква резолуција, како што се наведува во медиумите, туку препорака, но суштината е дека во текстот не се бара само воведување санкции против Русија, туку и препорака Србија да ја признае независноста на Косово. „Па се прашувам зошто го криевте? Зошто не го информираме народот, за да знае што навистина се бара од нас? Многу потешко од тоа дали ќе воведеме санкции е тоа што од нас бараат меѓусебно признавање. Како да и е многу важно на Србија да биде признаена од Приштина, па налагаат взаемно признавање“, рече тој. Вучиќ го цитираше азербејџанскиот претседател Илхам Алиев, кој вчера беше во Белград, дека независноста на државата не се рефлектира само во постоењето на химната, грбот и знамето, туку и во начинот на кој се носат одлуките и дали таа го избира својот сопствен пат во меѓународната арена. „Но, ако барањето на 79 отсто од пратениците на ЕП е да ја признаеме независноста на Косово, дури и да воведеме санкции кон Русија, тие би не потапкале по рамо и пак би донеле нова резолуција за независноста на Косово или би ни испорачале нови барања“, изјави Вучиќ. Вучиќ, денеска изјави дека договорот за регистарски таблички е „мала тактичка победа“ за Белград и дека пред два дена Приштина имала „подобар договор отколку што постигна вчера“. FacebookEmail...