Претседателката Гордана Силјановска Давкова ги помилува поранешниот градоначалник на Општина Битола Владимир Талески и Шенол Маслани, брат на познатиот Шенки кој од глава до пети е облечен во „Версаче“, дознава ТВ21. Талески беше во затвор по пресуда за случајот „Транспортер“. Со одлуката на претседателката доби намалување за една година. Шенол Маслани, пак, се најде во полицискиот билтен во 2019 година кога полицијата се сомневаше дека тој е еден од 12 члената група која се заканувала на полициски службеник, пуштала во промет дрога и поседувала пушки и пиштоли....

Австрискиот европратеник Томас Вајц е именуван за нов известувач на Европскиот парламент за Македонија. Вајц, кој доаѓа од Европските зелени, бил и копретседавач на Европската зелена партија. Во февруари 2017 година, Вајц беше номиниран за член на одборот на Европската зелена партија и беше избран во март 2017 на конгресот на Глобалните Зелени и Европските Зелени во 2017 година во Ливерпул, како единствен австриски член на одборот на Европската зелена партија. На оваа позиција тој е одговорен, меѓудругото, за соработка со Зелените партии во Чешка, Словенија, Полска, Унгарија и Албанија и го поддржува развојот на зелени партии во Македонија, Хрватска, Црна Гора и Србија. Во јуни 2022 година тој беше реизбран на 35-от Совет на Европската зелена партија за копретседавач на ЕГП заедно со француската сенаторка Мелани Вогел од француската Европска екологија – Зелени. На неговиот профил на социјалната мрежа „Х“, меѓудругото, пишува дека се залага за проширување на ЕУ, со фокус на Западен Балкан. Повеќето политички групи во Европскиот парламент номинираа свои членови за позициите известувачи за земјите од Западен Балкан. Тонино Пицула од Прогресивната алијанса на социјалистите и демократите (СД) ќе биде известувач за Србија, додека Андреас Шајдер од истата партија ќе биде известувач за Албанија. Словенечкиот европратеник Марјан Шарец од Renew Europe ќе биде известувач за Црна Гора. Европската народна партија (ЕПП) ги доби позициите за известувачи за Косово и Босна и Херцеговина....

...

Негативен е резултатот на жената посетител на ЗОО тестирана за птичји грип, потврди попладнево за МИА, доктор Марија Андоновска, директорка на Институт за јавно здравје. Жена била родена 1958 година. – Досега нема пријавено друго лице за тестирање за птичји грип. Само тие што беа двајцата вработени и жената што дојде по нејзино убедување и ја тестиравме. Штом вработените се негативни, не сметаме дека има било каков ризик за посетителите, бидејќи навистина треба да има многу близок контакт за нешто да се случи, нагласи Андоновска за МИА. Вчера од ИЈЗ рекоа дека резултатите од двајца вработени во скопската Зоолошка градина што беа тестирани за птичји грип се негативни....

Потребна е регионална соработка за регионален развој. Со посетата во Солун и средбите што ги имав на високо ниво со претставници од владата во Грција даваме силен импулс во односите меѓу двете држави. Подготвени сме да соработуваме на регионални проекти за да ги поттикнеме економиите, изјави за ТВ Алфа, заменик претседателот на Владата и министер за транспорт Александар Николоски. “ Мислам дека иднината на целиот регион е во соработка. Како што кажав, треба да сме интелигентни, треба да сме паметни и да соработуваме, затоа што само држави кои што соработуваат- напредуваат. Ние сме соседи, природно сме поврзани и треба двете економии и двата народи да соработуваат. Треба да видиме грчки инвестиции во Македонија, треба да видиме македонски инвестиции во Грција. Треба да видиме развиеност на соработката меѓу Солунското пристаниште и македонските компании и како што кажав треба да видиме и грчки инвеститори во Македонија. Тоа е нешто што природно се случува. Исто така, треба да го развиваме туризмот на двете страни и треба да ја развиваме поврзаноста. Како што кажавте, јас не сум случајно тука. Ова е прва посета на високо ниво од нас како нова Влада и мислам со ова даваме еден позитивен импулс во односите меѓу двете држави, а очекувам сега и возвратни посети. Јас денеска веќе остварив средба со господинот Стилијанидис. Тој е еден врвен европски политичар затоа што беше и комесар на Европската Комисија која што ја предводеше Жан-Клод Јункер, а сега е министер за она што е можеби и најважно во Грција, а тоа е морепловството и островите. Исто така, остварив средба со министерот за транспорт на која што разговаравме за бројни прашања кои што се поврзани со поврзаноста помеѓу двете држави. Понатаму, средба со раководството на солунското пристаниште, на пристаништето Кавала исто така и со директорот на Суецкиот канал кој што е многу важен за целиот регион и за поврзување и секако бизнис асоцијациите кои што се тука. Во еден збор ја отвораме вратата, има големи можности за соработка. Македонија има доста поволни економски услови, знаете дека имаме ниски даноци, дека имаме слободни економски зони во кои што може да се инвестира. Секако, најважно е да имаме нови, добро платени работни места, добра железница, добри патишта за да се поврзат државите” истакна министерот. Тој потенцираше дека проектот за брза пруга е прв приоритет на владата во делот на инфраструктурните проекти. “Она што е за нас врвен приоритет е изградба на брза пруга која што би оперирала со 200 километри на час за патнички сообраќај, 120 километри на час карго сообраќај. Значи, тоа ќе ја направи Македонија раскрсница, силен економски коридор за сета онаа роба, за сета онаа стока која што доаѓа на Солунското и на Атинското пристаниште да може да дојдат кон Централна Европа. Имајќи предвид дека реалноста во Европа се менува ова е уникатна можност за нас да станеме центар, да географската положба која што ја имаме ја искористиме, и да преку Македонија поминува најголем дел од стоката која што се троши во Централна Европа. Истото треба да го направиме и со гасоводите, затоа сакаме да градиме интерконектори, а веќе е објавен тендер со Грција, како и со Србија, како би станале и гасна раскрсница за Европа и како голем дел од гасот за Централна Европа би поминувал низ Македонија. Доколку имаме правилна економска политика, а оваа Влада има, во тој случај Македонија може да живее од наплата на транспортни трошоци и во железницата и во гасното поврзување”, истакна министерот Николоски и во однос на гасниот интерконектор додаде: Финансирањето оди преку Европската инвестициска банка, што е многу важно тоа е официјалната банка на Европската Унија, тие имаат и свои правила и свои барања ,сега се прилагодивме, што правела претходната Влада не знам и не можам да коментирам треба добро да се испита, но ние како нова Влада еве во рок од три месеци го завршивме да честитам на министерката за енергетика и минерални суровини Сања Божиновска за одличната работа и очекувам веќе во ноември да имаме отворање на побудите и за две до три години да биде изграден интерконекторот со Грција, рече министерот Николоски....

Претседателката на Европската комисија, Урсула фон дер Лајен, в четврток ќе допатува во посета на Македонија, во рамки на четиридневната посета на Западен Балкан, при што ќе ги посети и Албанија, Босна и Херцеговина, Србија, Косово и Црна Гора, каде со лидерите ќе разговара за напредокот на Западен Балкан на патот кон ЕУ, како и за Планот за раст на ЕУ од 6 милијарди евра. По посетата на Тирана, Фон дер Лајен в четврток ќе допатува во Скопје, каде ќе се сретне со премиерот Христијан Мицкоски и со претседателката Гордана Силјановска-Давкова. Како што соопшти Делегацијата на ЕУ во Скопје, предвидено е претседателката Фон дер Лајен и премиерот Мицкоски да одржат прес-конференција во Владата. По посетата на Скопје, Фон дер Лајен ќе замине за Босна и Херцеговина. Овогодинашната посета на Западен Балкан доаѓа во време кога проширувањето е на врвот на агендата на ЕУ, што беше потврдено од претседателката Фон дер Лајен во неколку наврати, вклучително и неодамна на Самитот на Берлинскиот процес и на Бледскиот стратешки форум, стои во соопштението на Делегацијата на ЕУ....

Делегација предводена од гувернерката на Народната банка, Анита Ангеловска-Бежоска и министерката за финансии, Гордана Димитриеска Кочоска, ќе учествува на Годишните средби на Меѓународниот монетарен фонд (ММФ) и Групацијата на Светската банка (СБ), коишто ќе се одржат во текот на оваа седмица во Вашингтон, САД. Во составот на делегацијата на Народната банка е и вицегувернерката Емилија Нацевска. Во рамките на Годишните средби, гувернерката Ангеловска-Бежоска и вицегувернерката Нацевска ќе одржат состаноци со високи претставници на ММФ и СБ, како и со претставници на други меѓународни финансиски институции. Економските состојби и предизвиците од неколкуте кризи во изминатиот период, економските проекции, монетарната политика, заложбите за поддршка на зеленото финансирање и за справување со влијанието на климатските промени се дел од темите коишто ќе бидат обработени на предвидените работни средби со заменикот на генералниот директор на ММФ, Бо Ли, директорот на ММФ за Европа, Алфред Камер, извршниот директор на ММФ, Пол Хилберс и алтернативниот извршен директор, Лук Дресе, како и со Жероен Клик, кој ќе ја преземе функцијата извршен директор на ММФ и Марникс ван Рај, кој ќе ја преземе функцијата алтернативен извршен директор. Делегацијата на Народната банка, предводена од гувернерката, ќе оствари средби и со претставниците на одделите за статистика и за монетарните и капиталните пазари при Меѓународниот монетарен фонд, на кои ќе се споделат досегашните достигнувања и резултати од заемната успешна соработка. Делегацијата ќе оствари средби и со високи претставници на Светската банка, односно со Антонела Басани, потпретседателка на Светската банка, Шаочинг Ју, директорка на Светската банка за Западен Балкан и со извршниот директор на СБ за Конституенцата во која членува нашава земја, Јуџин Ругенаат. Делегацијата на Народната банка ќе учествува и на редовниот состанок на земјите членки на Конституенцата. Годишните средби на ММФ и СБ се платформа на која првите луѓе на централните банки и министрите за финансии од земјите членки разговараат и соработуваат за повеќе суштински теми, како намалувањето на сиромаштијата, меѓународниот економски развој и финансии, развојот на човечкиот капитал и зајакнувањето на отпорноста и одржливоста....

Со состанокот што го имавме со претседателот на Австрија, Ван дер Белен ја завршуваме официјалната билатерална посета во Австрија којашто започна со учеството на настанот во Салцбург, рече во изјава за медиумите претседателот на владата, Христијан Мицкоски. Зборувавме со голем број европски дипломати на коишто ја пренесов пораката на македонските граѓани како и нашите очекувања како држава. Ја завршуваме посетата со настанот, учеството на австриската дипломатска академија каде што ќе зборувам со што се соочуваме како држава и кои се нашите приоритети како Влада, истакна Мицкоски. Имавме успешна и плодна билатерална посета во Австрија. Продолжуваме да се бориме за Македонија и македонските граѓани, како и за националните интереси, додаде тој....

Имаме амбициозна агенда за развој на патната и железничката инфраструктура и преку тие проекти планираме да ја зголемиме конкурентската позиција на коридор 10 и да го вратиме значењето на регионот каде што заслужува во европскиот транспорт на добра и патници, истакна заменик претседателот на Владата и министер за транспорт Александар Николоски на билатералнaта средба со Христос Стакурас, министер за инфраструктура и транспорт на Грција. Министерот Николоски потенцираше дека Владата е силно посветена на проектот за изградба на нова брза пруга на коридор 10 со која ќе се забрза транспорот на добра и услуги од пристаништата од Грција кон Централна Европа и обратно. Овој проект кој има регионално значење е од огромен интерес за сите земји и оттаму се јавува потребата заеднички да се пристапи кон негова реализација се со цел бенефитот од брза пруга да го имаат сите земји и економиите во нив, потенцираше министерот Николоски. Во таа насока министерот Николоски го отвори и прашањето за железничкото поврзување кај Кременица (Битола), заради потребата од побрза регионална конекција во Пелагонискиот регион и алтернативна врска со пристаништата. Исто така на средбата се отворија и прашањата за подобрување на патната инфраструктура во двете земји како услов за побрз транспорт и побезбеден сообраќај. Во тој контекст министерот ги презeнтираше плановите на владата за реализација на проекти во патната мрежа како и инсталација на интелегентни транспортни системи на Коридор 10. Министерот Николоски ја отвори и темата за наплатните станици и поминување на македонските и грчки граѓани на патарините со еден заеднички таг, по примерот со Србија. Двајцата министри разговараа и за олеснување на транспортот и трговијата на граничните премини како регионален проект преку кој бенефит би имале двете економии. Двајцата министри изразија огромно задоволство за оваа прва билатерална средба, со заклучок дека двете земји имаат широко поле на соработка и дека во периодот што следи ќе се интензивира таквата соработка со цел економски развој на регионот преку заеднички проекти....

Најдобриот македонски тенисер Калин Ивановски во неизвесен меч, во кој нијанси решаваа го загуби дуелот со Словенечкиот тенисер Филип Џеф Планиншек со 2-0 во сетови (7-/5, 6-4) за 104 минути игра. Ова беше прв меч за Ивановски во 2024 година, откако поради повреда пропушти поголем дел од сезоната....

Министерот Николоски преку својот Фејсбук профил соопшти кои се неговите приоритети како министер во новата Влада Економскиот развој на регионот зависи од инфраструктурното поврзување, имаме амбициозна агенда во патната и железничката мрежа. Денес се обратив на почетокот на Форумот за поврзување со Југоисточна Европа што се одржува во Солун.. Во делот на патната мрежа силно сме фокусирани на изградба на неколку автопати и брзи патишта на Коридор 8 и 10 со што создаваме нова мрежа на патишта низ земјата. Нашиот најамбициозен проект е изградба на брза пруга токму на коридор 10 со што ќе овозможиме брза врска до солунското пристаниште и до Централна Европа, напиша Николоски на својот профил....

РК Вардар вечерва ќе го има третиот настап во ракометна Европа оваа сезона. Противник е Порто, а што се однесува до составот со кој вардарци ќе ги одмерат силите против Португалците, мало изненадување. Имено во составот на тренерот Недановски е и Вуко Борозан, интернационалецот од Црна Гора кој деновиве беше искасан од кучиња скитници и неговиот настап беше под голем знак прашалник. Сепак тој изгледа е подобар и се наоѓа во записникот. Во него го нема Танкоски, но затоа тука е Јагуриновски. Ова е составот на РК Вардар за вечерашниот меч со Порто (20:45 Ч) во салата “Јане Сандански“ во Скопје:...

Инвестициите се приоритет „Мислам дека иднината на целиот регион е во соработка. Треба да сме интелигенти и да соработуваме. Ние сме соседи, природно сме поврзани и треба двете економии и двете народи да соработуваат. Треба да видиме грчки инвестиции во Македонија и македонски инвестиции во Грција, тоа е нешто што природно се случува. Треба да го развиваме соработка меѓу солунското претставништво и македонската економија. Треба да го развиваме туризмот на двете страни и да ја развиваме поврзаноста“, категоричен е министерот Николоски. Средба Николоски – Стилинидис „Јас не сум случајно тука, ова е прва посета тука од нас како нова влада. Со ова даваме позитивен импулс како влада. Очекувам и возвратни посети. Јас денеска веќе остварив средба со господинот Христос Стилинидис којшто е еден врвен европски политичар затоа што беше и комисар во Европската комисија која ја предводеше Јункер, сега и министер за она што можеби е најбитно во Грција за морепловство и оствари. Остварив средба и со министерот за транспорт и комуникации на која разговаравме на бројни прашања за поврзаноста на двете држави. Се сретнав со раководството на солунското пристаниште, пристаништето Кавала, исто така директорот на Суецкиот канал и секако бизнис асоцијациите кои се тука“, вели Николоски. Видео обраќање за Алфа Грчките инвеститори можат да инвестираат во Македонија Ја отвораме вратата, имаме можност за соработка, Македонија има доста поволни економски услови, ниски даноци и слободни економски зони. Најбитно е да имаме добри патишта и добра железница да се поврзат државите, вели Николоски. Брза пруга со 200 километри на час и гасно поврзување „Врвен приоритет за нас е брза пруга која би одела по 200 километри на час, што ќе значи Македонија да направи раскрсница и силен економски коридор да оди кон Централна Европа преку нашата држава. Ова е уникатна можност за нас, за географската положба која ја имаме да ја искористиме. Имаме можност да станеме центар преку нас да се носи стоката која ќе оди до Централна Европа. Истото може да го направиме со гасоводите. Затоа сакаме да градиме интерконектори, веќе е објавен тендер со Грција и со Србија со што би станале гасна раскрсница во Европа. Доколку имаме правилна економска политика Македонија може да живее од наплата за транспортни трошоци и во железницата и во гасното поврзување“, заклучи министерот Николоски....

Министерот за здравство Арбен Таравари, одговарајќи на новинарско прашање за случајот со починатото 14-месечно бебе во Скопје, изјави дека добро е што Клиниката за педијатрија презема одреден чекор и изрази надеж оти „ќе се разбуди совеста кај менаџментот на болницата во Козле“. -Ние ги резгледавме со екипата со правната екипа во Министерството, сите наши можности. Добро е што Клиниката за педијатрија презема одреден чекори и се надевам ќе се разбуди совеста кај менаџментот на болницата во Козле. Ќе дадеме официјално до Лекарска комора, таму има етичка комисија што треба да одлучува. Наши препораки ќе има, извештајот е тука. Доколку не веруваат на извештајот, нека си направат свој, меѓутоа, дека има одреденни пропусти, лекарски, има, одговори Таравари по изјавите за медиуми денеска пред Клиниката за онкологија. Тој смета дека добро би било сите заедно да дадат одреден сигнал до граѓаните да почнуваат да веруваат во системот. Претходно, министерот рече дека се надева оти двајцата директори ќе преземат некакви мерки. Министерот подвлече дека очекува од нив да има некаква одговорност. Директорот на Универзитетската клиника за детски болести во Скопје, Реџеп Мемеди околу случајот со смртта на 14-месечното бебе, донесе решение за времено отстранување на двајца здравствени работници – доктори специјалисти од здравствената установа, за кои се води дисциплинска постапка, согласно член 192 став 2 од Законот за здравствена заштита, до донесување на конечно решение во дисциплинската постапка....

Одбраната тврди-милитантите складирале милијарди долари под објектот со поддршка од Иран. „Иран испраќа куфери со готовина и злато со авиони до иранската амбасада во Бејрут, а потоа директно оди во Хезболах. Парите се користеле за финансирање на нападите врз Израел. Овој трезор намерно бил сместен под цивилна зграда. Нашите напади ќе ја намалат способноста на Хезболах“, изјави Даниел Хагари – портпарол на израелската војска. Либан го демантира Тел Авив. Додека цивилите се борат да опстанат, ОН со осуда за големиот број жртви. Обвинија за нов инцидент во кој Израел намерно урива набљудувачка кула и ограда на УНИФИЛ. „Уште еднаш го потсетуваме Израел и сите актери на нивните обврски да ги гарантираат безбедноста на персоналот и имотот на ОН и да ги заштитат нивните простории во секое време“, изјави Фархан Хак – заменик-портпарол на ООН. Од ОН тврдат дека Израел сè уште го блокира влезот на хуманитарната помош додека голготата на северот од Газа продолжува. Хамас тврди дека отпорот на крајот ќе доведе до пад на израелскиот режим. Наспроти разгорените пресметки, американскиот државен секретар Блинкен во уште една блискоисточна посета за ставање крај на насилствата. Примирјето неизвесно. „Блинкен ќе разговара за важноста да се стави крај на војната во Газа, ослободување на заложниците, како и за постконфликтниот период, но и потребата да се постигне дипломатска резолуција меѓу Израел и Хезболах, која целосно ќе ја спроведе резолуцијата 1701 на Советот за безбедност на ОН“, изјави Ведант Пател – заменик-портпарол на Стејт департментот. Во исчекување на одмаздата, Техеран испрати протест до МААЕ поради заканите за можен израелски напад врз неговите нуклеарни постројки. Предупредуваат САД да не бидат соучесници во каква била израелска агресија откако американскиот противракетен систем пристигна во регионот....

Претседателката Гордана Сиљановска Давкова денеска го прими Аким Али, шеф на канцеларијата на Светската здравствена организација и специјален претставник во Скопје. На средбата, претседателката Сиљановска Давкова беше информирана за тековните активности, улогата на СЗО во земјава и во регионот и нивната соработка со локалните здравствени институции со цел подобрување на отпорноста на здравствените системи за справување со пандемии, или здравствени кризи. Во разговорот, претседателката Сиљановска Давкова ја потенцираше важноста од усогласување на националните здравствени политики со глобалните здравствени стандарди и ја истакна својата поддршка на напорите за елиминирање на сите регулаторни, политички, или социјални бариери со цел спроведување на ефективни здравствени програми. Во интерес на зајакнување на здравствениот систем на земјата, превенција на болести и промовирањето на здрави навики, претседателката ја посочи важноста од натамошен развој на стратегии за зголемување на свеста и јавната поддршка за тековните здравствени иницијативи, особено во руралните, или недоволно развиените области. На средбата беше изразена подготвеност за продолжување на соработката на СЗО со македонските институции со цел поддршка на реформските процеси во областа на здравството, јакнење на капацитетите за рано предупредување и подготвеност на државата за брз одговор на итни здравствени ситуации....

СДСМ фрли ракавица „После војна сите генерали“. И покрај седум години власт на СДСМ, дури сега откако дојдоа во опозиција предлагаат законски корекции за минималната плата да се зголеми за 12,3 проценти. Според партискиот лидер Филипче предлозите се поради растот на цена на храната и на потрошувачката кошничка како и ниската куповна моќ. Тој бара поддршка од сите пратеници, со став дека предлог-измените се во интерес на сите граѓани. Зошто СДСМ не размислуваше вака додека беше на власт? Од ССМ ги прашуваат СДСМ зошто додека биле на власт не го покачиле минималецот? „За да бидете поразлични од ССМ, зошто не 600 евра, туку 450 евра? Бидејќи кога Синдикатот побара додека бевте на власт, велевте дека е невозможно! Борбата продолжува“ – пишува на социјалните мрежи претседателот на ССМ, Слободан Трендафилов. ВМРО-ДПМНЕ најде грешка на СДСМ Од ВМРО-ДПМНЕ пронајдоа грешка во математиката на СДСМ и рекоа дека нема да гласаат за овие законски измени. Цели 10 проценти СДСМ и нејзиниот лидер имаат промашено во законот којшто го предложија, што укажува дека водат пазарџиска политика. ВМРО-ДПМНЕ го одби предлогот на пратениците на опозицијата. Системско решение за раст на платите Велат, Владата заедно со синдикатите подготвува системско решение за раст на платите. Минималната плата во земјава изнесува околу 370 евра, пред почетокот на изборната кампања за двојните избори, ССМ излезе со барање таа да се зголеми на 450 евра....

Заменик претседателот на Владата и министер за транспорт Александар Николоски престојува во работна посета на Солун, каде ќе се обрати на меѓународниот настан – „Форум за поврувазње со Југоисточна Европа“ На форумот, министерот Николоски ќе ги претстави инвестициските планови на Владата за развој на инфраструктурата и модерни инфраструктурни системи. Посебен акцент ќе стави на изградба на патната мрежа и брзата пруга на Коридор 10 како предуслов за поквалитетно поврзување со пристаништето во Солун и брз транспорт на добра и услуги. Во рамките на форумот, предвидено е министерот Николоски да оствари билатерални средби со Христос Стакурас, министер за инфраструктура и транспорт на Грција како и со Христос Стилинидис, министер за поморски работи и островска политика. Исто така предвидено е средба и со извршниот директор на Солунското пристаниште, Јоанис Тцарас. Во рамки на дводневниот форум, покрај министерот Николоски и министрите од Владата на Грција, предвидено е обраќање и диксуија на бројни компании и организации за транспорт од Грција, Стопанските комори, логистички центри, универзитетски професори, претставници од пристаништето во Солун и различни финансиски институции....

Три степени под нулата се измерени утрово во Берово, 0 во Битола, 1 во Лазарополе, 2 во Скопје – Петровец, Тетово, Струмица, Маврови Анови, 3 во Крива Паланка, Велес, Куманово, Демир Капија, 4 во Штип, Прилеп, Гевгелија, 5 во Скопје-Зајчев Рид, Кавадарци, Претор, а 6 на Попова Шапка, во Крушево, Виница и во Охрид, соопшти Управата за хидрометеоролошки работи. Во Скопје, Куманово и Тетово има појава на слаба магла. Наместа дува слаб ветер од променлив правец. Претпладне по одделни котлини ќе има појава на слаба магла, а преку денот ќе биде претежно сончево. Ќе дува слаб ветер од јужен правец. Максималната температура ќе достигне од 17 до 24 степени. Во Скопје претпладне со слаба магла,...

Собранието денеска ќе одржи три последователни седници. Пратениците во рамки на 17.пленарна седница ќе расправаат по Предлог на законот за изменување и дополнување на Законот за електронските комуникации, Предлог на законот за изменување на Законот за определување на имиња на улици, плоштади, мостови и на други инфраструктурни објекти, Предлог на законот за изменување на Законот за урбано зеленило, Предлог на законот за изменување на Законот за продажба и давање под закуп на деловните згради и деловните простории на Република Македонија, Предлог на законот за изменување на Законот за јавните патишта, Предлог на законот за изменување на Законот за работното време на мобилните работници во патниот сообраќај и уредите за запишување во патниот сообраќај, Предлог на законот за изменување на Законот за поштенските услуги, Предлог на законот за изменување на Законот за скијалишта, Предлог на закон за изменување на Законот за домување, Предлог на закон за изменување на Законот за автокампови, сите по скратена постапка. На дневен ред на оваа седница се и Предлог на законот за изменување на Законот за градежно земјиште, Предлог на законот за изменување и дополнување на Законот за градење, Предлог на законот за изменување на Законот за урбанистичко планирање, Предлог на законот за изменување на Законот за воздухопловство, Предлог на законот за изменување и дополнување на Законот за внатрешната пловидба, Предлог на законот за изменување на Законот за сигурност во железничкиот систем, Предлог на законот за изменување на Законот за интероперабилност во железничкиот систем, Предлог на законот за изменување на Законот за жичари и ски-лифтови, Предлог на законот за изменување на Законот за договорите за превоз во железничкиот сообраќај, Предлог на законот за изменување и дополнување на Законот за јавните набавки, Предлог на закон за изменување на Законот за градење, сите по скратена постапка....

Неправилности во спроведувањето на пописот на залихите и управувањето со истите, утврдил Државниот завод за ревизија по извршената ревизија на финансиските извештаи заедно со ревизија на усогласеност на Јавната здравствена установа Универзитетска клиника за радиотерапија и онкологија за 2023 година. -Недостасува вредносно усогласување на сметководствената евиденција за лекови и материјали со фактичката состојба, а евидентирањето на приемот и издавањето на лековите од аптека до организационите единици се врши со задоцнување. Исто така, не се внесуваат податоци за вредноста на лековите примени преку донации, што влијае на целосноста на податоците во Билансот на состојба, соопшти ДЗР. Во текот на 2023 година Клиниката, како што се додава во соопштението, примила лекови во вредност од 33 милиони денари по основ на донации, но овие податоци не биле внесени во финансиската евиденција. Во ревизорскиот извештај истакнато е дека состојби во врска со прием, складирање и издавање на залихи на лекови се утврдени и во Конечниот ревизорски извештај на овластениот државен ревизор за 2021 година, за што пред надлежен орган во тек е постапка. За вршење на дејноста Клиниката од Фондот добива договорен надоместок како и условен надоместок кој се доделува за набавка на т.н. биолошка терапија. Висината на надоместоците за период 2021 до 2023 година е прикажана на следниот графикон. Во извештајот се напоменува дека и покрај преземените активности од страна на одговорните лица по дадените препораки во Конечниот извештај на овластениот државен ревизор од извршена ревизија за 2021 година и понатаму постојат определени состојби кои се значајни да се истакнат и кои влијаат на работењето на Клиниката. Во текот на 2023 година, како што информираат од ДЗР, изготвени се и се применуваат повеќе протоколи/упатства за дијагностика, третман и следење на онколошки пациенти во кои како терапија е вклучена и биолошката, но се уште не се одобрени од страна на Министерството за здравство. -И покрај зголемувањето, одобрениот условен надоместок не е доволен за вклучување на сите пациенти кои според медицинските индикации би можеле да ја примаат терапијата, односно одобрените средства се доволни за приклучување на само 24 отсто од пациентите кои примаат терапија во дневна болница, се наведува во извештајот. Од ДЗР посочуваат дека воспоставениот начин на контрола од Фондот и плаќање на една дванаесетина од износот на условниот надоместок и понатаму остава простор фактурите кои се доспеани да не се платат навремено. Состојбата на вкупните обврски на Клиниката на 31.12.2023 година изнесува приближно 952 милиони денари од кои доспеани се 402 милиони денари, а нивната доспеаност е сведена од 2 години на 6 месеци. -Клиниката е единствениот функционален центар на територија на државата кој дава услуги на пациенти од областа на радиотерапијата. За таа цел до денот на вршење на ревизијата во соодветни простории инсталирани се и функционални три линеарни акцелератори со кои според информациите од Клиниката се даваат услуги во просек од 180 до 200 пациенти дневно, се наведува во извештајот. Од ДЗР посочуваат дека Клиниката располага со уште два линеарни акцелератори кои не се ставени во употреба. За акцелераторот набавен во 2014 година, чија вкуона вредност е 2.900 илјади денари, во тек се активности кои се предуслов за ставање во употреба, при што се очекува истиот да биде функционален до крајот на 2024 година. Другиот акцелератор, добиен по пат на донација во 2016 година, чија вкупна вредност е 1.715 илјади денари, се чува неотпакуван во царинско складиште за што годишно се плаќаат 189 илјади денари. Според информации добиени од одговорните лица на Клиниката, акцелераторот претходно бил користен во здравствена установа во Австралија и долго време не е во функција. Во 2024 година, производителот соопштил дека поради застареност на компонентите и технологијата, може да понуди само ограничена поддршка за негово одржување, без гаранции за компатибилност со новите онколошки софтвери. Ревизорите препорачуваат дека е потребно Клиниката во координација со Министерството да ја преиспитаат состојбата и изнајдат оптимално решение за начин на постапување со овој апарат во наредниот период како и да се разгледаат можностите за понатамошно одложување на апаратот на начин кој нема да предизвикува дополнителни трошоци на Клиниката. – Во рамките на Клиниката постои Единица за централна подготовка на цитостатска терапија, опремена со КАТО софтверска лиценца, но системот не е во функција од времето на неговата набавка во 2013 година, чија набавна вредност изнесува околу 10 милиони денари, се наведува во извештајот. Во 2023 година, одговорните лица ги разгледале можностите за активирање на системот и го информирале Министерството за здравство за неколку клучни проблеми. Според нив, системот е делумно опремен, недостасуваат клучни компоненти, а просторот не е адаптиран за стерилно работење. Дополнително, подготовката на терапијата со овој систем трае подолго време, што ќе го зголеми времето на чекање за апликација на терапија, Клиниката нема доволен број фармацевти за работа со системот, а потребни се и дополнителни средства од околу 8 милиони денари годишно за потрошен материјал. Во текот на 2024 година Министерството спровело постапка за јавна набавка со која било предвидено да се набават сите неопходни делови за да се стави системот во употреба, но истата е поништена бидејќи не била поднесена ниту една прифатлива понуда. Во оваа насока ревизорите препорачуваат Клиниката во координација со Министерството и Фондот да направат комплетна анализа на капацитетите и можностите, медицинските и економските ефекти, со цел изнаоѓање најоптимално решение за иднината на системот и подобрување на услугите за пациентите. -Покрај наведените состојби од страна на ревизорите е идентификувано и клучно ревизорско прашање кое влијае на вршењето на дејноста на Клиниката а кое се однесува на централизираното давање на здравствени услуги во областа на радиотерапијата и онкологијата. Имено, бројот на пациенти кои се лекуваат на клиниката е во континуиран пораст, се посочува во извештајот. Од ДЗР посочуваат дека континуираниот пораст на бројот на пациенти, меѓу другото се должи и на тоа што, речиси сите пациенти на кои им се потребни здравствени услуги од областа на радиотерапијата и онкологијата бараат услуги на Клиниката. За оваа состојба Клиниката го информирала Министерството за здравство во кое наведува дека на ниво на држава има уште 4 јавни здравстени установи во кои онколошките одделенија не се функционални во целост, а дел располагаат и со акцелератори кои не се користат. -Во 2023 година, Клиниката располага со 35 доктори и 96 лица останат медицински персонал , кои во текот на 2023 година извршиле вкупно 104.196 здравствени услуги. Просечниот број на извршени услуги за одредени дијагностики надминува по 5 илјади прегледи годишно по специјалист, што во услови на континуиран пораст на бројот на пациенти, доведува до преоптовареност на вработените, а нивниот број е недоволен за овој обем на работа, се наведува во извештајот. Ревизорите укажуваат дека е потребно Министерството да преземе активности за ангажирање на капацитетите во оние јавни здравстени установи кои имаат услови за тоа, со што би се овозможило прифиќање на дел од зголемениот број на онколошки пациенти, особено на оние надвор од Скопје, а со тоа и дисперзирање на здравствените услуги во оваа област, намалување на големиот наплив од пациенти со кој се соочува Клиниката и подобрување на квалитетот на здравствените услуги. (...

Заменик претседателот на Владата и министер за транспорт Александар Николоски престојува во работна посета на Солун, каде ќе се обрати на меѓународниот настан – “Форум за поврзување со Југоисточна Европа”, при што, како што најауваат од неговиот кабинет, ќе ги претстави инвестициските планови на Владата за развој на инфраструктурата и модерни инфраструктурни системи. Посебен акцент ќе стави на изградба на патната мрежа и брзата пруга на Коридор 10 како предуслов за поквалитетно поврзување со пристаништето во Солун и брз транспорт на добра и улсуги. Во рамките на форумот, предвидено е Николоски да оствари билатерални средби со Христос Стакурас, министер за инфраструктура и транспорт на Грција како и со Христос Стилинидис, министер за поморски работи и островска политка. Исто така предвидено е средба и со извршниот директор на Солунското пристаниште, Јоанис Тцарас. Во рамки на дводневниот форум, се вели во соопштението, покрај министерот Николоски и министрите од владата на Грција, предвидено е обраќање и диксуија на бројни компании и организации за транспорт од Грција, Стопанските комори, логистички центри, универзитетски професори, претставници од пристаништето во Солун и различни финансиски институции....

Заменикот претседател на Владата задолжен за политички систем, Димовски денес оствари работна средба со амбасадорот на Република Чешка, Јарослав Лудва. На средбата, беа разменети мислења и ставови за актуелните политички и економски прашања во земјава и регионот, со посебен акцент на билатералните односи меѓу двете земји. Исто така беше потенцирано дека имплементацијата на стратешките проекти подразбира зајакнување на суверенитетот на земјата, но и на ЕУ, особено заради интеграција на регионот во целина. Република Чешка во континуитет го поддржува процесот на пристапување на Република Северна Македонија кон Европската Унија. Оваа поддршка се должи на традиционалното фокусирање на чешката надворешна политика кон овој регион, а воедно и на фактот што и самата е успешен пример на политиката на проширување. Заложбите на Чешка за процесот на проширување се отсликуваат и во нејзините активности од учеството во Вишеградската група. Република Чешка е дел од неформалната група Пријатели на Македонија, составена од земји членки во рамките на Советот на ЕУ, додека пак, во однос на Преговарачката рамка, Чешка силно се залагаше да не се внесуваат билатералните прашања. Заменикот претседател на Владата, Димовски изрази благодарност за сегашната соработка нагласувајќи ја потребата од интензивирање на таквата соработка меѓу двете земји....

На Платформа 2: 100% посветени за тебе се обрати и министерот за европски прашања, Орхан Муртезани кој се осврна на интеграцијата во Европската Унија. Тој на почетокот на своето обраќање ја издвои работата на Реформската агенда која е дел од Планот за раст на Западен Балкан на Европската Комисија. „Реформската агенда е усвоена, а деновиве ја чекаме и Имплементирачката рамка која е обемна и која сериозно не само што ќе ги подготви нашите институции да станат кредибилни за влез во Европската Унија, а од друга страна и обврзувачки т.н. „прајс тагови“ односно условно речено награди за постигнувањето на реформите кои дополнително ќе ја забрзаат нашата интеграција,“ рече министерот Муртезани. Осврнувајќи се на евроинтегративниот процес тој истакна дека според него можеме во моментов да гледаме на него како составен од два дела. „Едниот дел е формалниот услов од Европската Унија за спроведување на уставните измени. Меѓутоа исто така значаен процес е и процесот на имплементација на внатрешните реформи. Бидејќи ние и доколку ги донесеме уставните измени, реформите се процес кој мора да се одвива. И тој процес мора да се одвива согласно стандардите на Европската Унија бидејќи само така има смисла процесот, кој на крај треба да не приближи до Европската Унија. Моментално се работи на Патоказот за владеење на правото и Реформа во администрацијата, кои се основи за отворање на кластерот Фундаменти. Овие два патокази очекувам да бидат завршени во следните два месеци и со тоа нашата држава и формално правно ќе биде подготвена за отворање на овој кластер. Што се однесува до Уставните измени, многу јасно ја имаме изнесено нашата позиција, а таа е дека имаме подготвеност за носење на уставните измени, но пораката е јасна, носењето на уставните измени не треба да служи само за отворање на процесот. Ние мора да знаеме дека тој процес ќе заврши и кога. Со ова, настојуваме да го осигуриме процесот од отпочнување до завршување на преговорите, бидејќи согледуваме потенцијални места каде би можеле да се соочиме со повторни блокади од Бугарија. Во моментот кога ќе ги елиминираме, секако дека ќе продолжиме напред. На ова инсистираме, бидејќи, во случај на повторна блокада понатаму, прво, надежта помеѓу граѓаните ќе се изгуби во голема мера и ќе биде тешко да се убедат граѓаните дека ние еден ден ќе завршиме во Европската Унија. И второ, што е за мене и поопасно, во средина каде што има руска агресија врз Украина, ако потенцијалните идни блокади донесат до пораст на евроскептицизмот во нашата држава, мислам дека таа ситуација би била дури и опасна,“ истакна министерот Муртезани....

На 20.10.2024 во 09.38 часот во СВР Скопје било пријавено дека настанал пожар во стан на подрачјето на општина Аеродром во Скопје, сопственост на В.А.(83) од Скопје. -Од Бригадата за противпожарна заштита Скопје пожарот бил изгаснат, а од Итна медицинска помош на сопственичката В.А. и била укажана помош поради вдишување чад, информира МВР. Извршен бил увид....

СВР Охрид поднесе кривична пријава против А.Р.(40) од Охрид поради постоење основи на сомнение за сторено кривично дело „лажно претставување“. Пријавениот, иако адвокатската функција му била ставена во мирување поради тоа што бил правобранител, сепак во три наврати застапувал странки во постапки пред надлежен суд. Од 10.11.2020, пријавениот бил именуван за правобранител за подрачјето на Охрид и од тој ден ја ставил во мирување својата адвокатска дејност. Но, и покрај тоа, подоцна тој пред надлежниот Основен суд Охрид во три наврати, и тоа во предмет, лажно се претставил како адвокат и застапувал странки во постапки пред надлежниот суд, прикривајќи го фактот дека адвокатската дејност му е во мирување, а со цел да прибави за себе противправна имотна корист и на тој начин го сторил кривичното дело, појаснуваат од МВР....

Годишниот раст на вкупните депозити изнесува 8,8%, што се должи на зголемените депозити на двата сектора, со поизразен придонес на секторот домаќинства. На годишна основа, вкупните кредити се зголемени за 7,5% под влијание на растот на кредитирањето на двата сектора, со малку поизразен придонес на секторот домаќинства. Најновото соопштение за монетарните движења е достапно на: https://www.nbrm.mk/content/statistika/Soopstenija/%D0%9CD/2024/Soopstenie_za_pecat_monetarni_dvizenja_2024_septemvri_mk.pdf...

Од полноќ се намалуваат цените на горивата од еден до два денари. Еуросупер БС-95 и Еуросупер БС-98 се намалуваат за еден денар, а дизелот за два денари. За 2,50 денари се намалува и малопродажната цена на Екстра лесното масло за домаќинство. Според новата одлука на Регулаторната комисија за енергетика, новата цена на Еуросупер БС-95 ќе изнесува 77 ден/лит, а Еуросупер БС-98 ќе се продава по цена од 79 ден/лит. Новата цена на дизелот ќе биде 68,50 ден/лит, а на Екстра лесното масло за домаќинство 68,00 ден/лит. Се намалува и цената на Мазутот за 0,639 ден/кг кој сега ќе се продава по цена од 42,573 ден/кг. Од РКЕ информираат дека со оваа одлука се врши намалување на малопродажните цени на нафтените деривати во просек за 2,08 проценти во однос на претходно донесената одлука....

Во текот на минатата недела, царинските службеници открија повеќе обиди за криумчарење разна стока, при што привремено се задржани трансформатори за светилки, цигари, електронски цигари, лековити билки, опрема за потстрижување, производи за нега на коса, лепенки и патенти за облека и фалсификати. Техничка стока и цигари – 144 трансформатори за светилки од 220 волти, откриени при контрола на автомобил со македонски регистарски таблички управувано од македонски државјанин, пријавен за влез во државата на граничниот премин Богородица. Непријавените трансформатори, пронајдени во 4 картонски кутии сместени помеѓу патни торби во кровниот куфер и во багажникот на возилото, се привремено задржани а против возачот ќе биде поведена прекршочна постапка. Вредноста на на производите изнесува околу 50 илјади денари, додека избегнатите давачки се во износ од 18.803 денари. – 355 електронски цигари откриени од страна на мобилните царински тимови, при контрола на два автобуси со македонски регистарски таблички, пријавени за влез во државата на граничниот премин Табановце автопат. Во првиот случај, во куфер, кој според изјавата на возачот бил испратен како пратка од Швајцарија, биле пронајдени 39 кутии со вкупно 260 електронски цигари од марките IREX, VOZOL и ELFBAR. Цигарите се привремено задржани а притв возачот, македонски државјанин, ќе биде поведена прекршочна постапка. Вредноста на електронските цигари изнесува 90.312 денари а избегнатите давачки се во износ од 32.7527 денари. Во вториот случај, во два куфери сопственост на македонски државјанин кој патувал со автобусот, биле пронајдени 95 електронски цигари марка Bang-Box dual mesh. Цигарите се привремено задржани а против патникот ќе биде поведена прекршочна постапка. Вредноста на електронските цигари изнесува 50.692 денари а избегнатите давачки се во износ од 15.637 денари. – 18 штеки цигари MARLBORO без акцизни маркички, откриени при контрола на товарно возило со македонски регистарски таблички, управувано од македонски државјанин, пријавено за влез во државата на граничниот премин Богородица. Непријавените цигари, пронајдени во фабричка празнина под приколката, се привремено задржани а против возачот ќе биде поведена прекршочна постапка. Вредноста на непријавените цигари изнесува стока изнесува 25.200 денари а избегнатите царински давачки се во износ од 37.189 денари. Лековити билки – 10.645 килограми лековити билки RESTTHARROW ROOT RADIX ONONIDIS, откриени при контрола на камион со македонски регистарски таблички, управуван од македонски државјанин, пријавен за излез од државата на граничниот премин Табановце автопат. При контрола на камионот, кој бил пријавен за транзитна постапка, било забележано дека на приколката недостасува царинската пломба наведена во транзитниот царински документ, а која е пронајдена во кабината на возилото. Согласно законските прписи, привремено се задржани влекачот, приколката и стоката, а против возачот ќе биде поведена соодветна постапка. Опрема за потстрижување и производи за нега на коса – опрема за потстрижување и производи за нега на коса, откриени при контрола на товарно возило со македонски регистарски таблички, управувано од македонски државјанин, пријавено за влез во државата на граничниот премин Табановце автопат. На прашање на царинскиот службеник дали има нешто да пријави за царинска контрола, возачот одговорил негативно. Сепак била извршена детална контрола, при што на горниот кревет во кабината на возилото биле пронајдени 8 машинки за потстрижување, 6 машинки за бричење, 5 фенови, 3 електрични апарати за средување на коса, 20 престилки, 12 четки, 2 пиштило за прскање, 60 пакувања со серум за коса и 24 лосиони за после бричење. Непријавените производи се привремено задржани а против возачот ќе биде поведена прекршочна постапка. Вредноста на непријавените производи е проценета на 232.615 денари а избегнатите давачки инесуваат 57.415 денари. Лепенки и патенти за облека – 198 парчиња термална фолија за печатење со лого на заштитени трговски марки Adidas, Nike, Tommy Hilfiger, Puma, Reebok и Gucci, и 1.000 парчиња патенти и ленти за шиење, откриени при контрола на автомобил со македонски регистарски таблички, управуван од македонски државјанин, пријавен за влез во државата на граничниот премин Делчево. Непријавените производи се привремено задржани а против возачот ќе биде поведена прекршочна постапка. Производи за кои постои сомневање дека повредуваат права од интелектуална сопственост – 11.842 детски боксерки со лого на заштитени трговски марки, откриени при контрола на камион со турски регистарски таблички, натоварен со стока со потекло од Турција, наменета за увозник од Косово, пријавен за влез во државата на граничниот премин Богородица. Поради основано сомневање дека производите повредуват право од интелектуална сопственост, истите се привремено задржани и согласно законските проиписи започпната е постапка за утврдување на нивната оригиналност. Вредноста на производите, доколку би се продавале како оригинали, е проценета наоколу 9,5 милиони денари....

Министерството за внатрешни работи објави дека бомбата којашто беше фрлена утрово во клубот на Партијата за целосна еманципација на Ромите (ПЦЕР) во Тетово била активирана, но не експлодирала. Се работи за рачна бомба Ф1 којашто потоа била подигната од Единицата за антитероризам. Од МВР информираа дека нема повредени лица, а било скршено само стаклото од излогот. „Веднаш по пријавата биле преземени мерки и било констатирано дека се работи за угостителски објект кој повремено се користи и како клуб од една политичка партија“, велат од МВР и додаваат дека се преземаат соодветни мерки за целосно расчистување на случајот. Претхно за случајот се огласи и претседателот на ПЦЕР, Самка Ибраимовски, кој рече дека целиот настан е евидентиран преку камера, која служи за видеонадзор и тој верува дека лицето ќе биде најдено. Истакна и дека лицето ја фрлило бомбата, па се вратило за да провери дали е активирана....

Oпозициската СДСМ предлага зголемување на минималецот на 450 евра. Методологијата останува иста, она што предлагаат е промена на само еден член во законот со кој ноемвриска плата би пораснала за 12,3 %, а потоа согласно досегашната методологија и закон ќе се усогласува еднаш годишно во месец март. Ваквиот потег според лидерот на партијата Венко Филипче е поради немањето мерки за покачување на платите од страна на Владата, а вели работниците се во тешка економска состојба. „Ние предлагаме платата да порасне за 12,3% па понатаму целата методологија и пресметката да остане иста.Тоа значи дека платата од март следната година би тргнувала од оваа сума која што ја предлагаме а би била ноемвриска плата би се исплатила во месец декември.“ -изјави Венко Филипче – претседател на СДСМ. Од власта контра опозицијата, преку низа контрааргументи претникот од ВМРО ДПМНЕ, Бојан Стојановски, кажа зошто тие како партија вакво законско решение нема да поддржат. „Бројката на покачување која ја кажаа е 12,3 %, сегашната минимална плата изнасува 22 567 денари и ако додатете 12 проценти покачување платата би била 25 340 денари а не 27 700 денари а не како што ако идеме по математиката и тоа што треба да биде егзактна наука кој што е постулат на економијата би било покачување од 22, 74 %, цели 10 % СДСМ и нејзиниот лидер имаат промашено во законот кој сакаат да го предложат…“ -изјави Бојан Стојановски – пратеник од ВМРО ДПМНЕ. Минилната плата во земјава во моментов изнесува 22 500 денари. Се усогласува еднаш годишно. Според пресметките на ССМ, на едно 4 члено семејство за храна, пијалаци и режиски трошоци му се потребни речиси 3 минимални плати за да го протурка месецот. Минимланата синдикална копничка со месеци наназад е над 60 000 денари....

Основното јавно обвинителство Скопје поднесе обвинителен акт против три вработени во Јавното сообраќајно претпријатие Скопје за проневера во службата. Според обвинението, трите соизвршителки присвоиле пари доверени во службата во износ од 23.133.245 денари со намера да прибават противправна имотна корист. Како што соопштуваат од обвинителството, трите соизвршителки, во временскиот период од 01.12.2018 година до 05.08.2021 година, со умисла извршиле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики. Тие заеднички, како одговорни лица вработени во Јавното сообраќајно претпријатие – Скопје, со намера да прибават за себе противправна имотна корист, присвоиле пари доверени во службата во вкупен износ од 23.133.245 денари, што претставува значителна имотна корист, стои во соопштението од обвинителството. Дополнуваат дека две од обвинетите, продавачки на билети на продажните места – билетарници „Зелен пазар“ и ГТЦ уплаќале помалку парични средства наплатени во готово, додека, третата обвинета, самостоен референт-сметководител во Одделение за сметководство-Сектор за финансиско работење во ЈСП, иако знаела дека паричните средства не се уплатени и раздолжени, сметководствено вршела докнижувања, прекнижувања, исправки и други книговодствени дејствија без документација, за да може сметководствено да ги оправда и покрие неуплатените готови пари од дневниот пазар. Јавниот обвинител, со поднесување на обвинителниот акт, предложил и определување мерки на претпазливост – забрана за напуштање на живеалиштето, односно престојувалиштето, обврска на обвинетите да се јавуваат повремено на определено службено лице или кај надлежен државен орган, привремено одземање на патна или друга исправа за преминување на државната граница односно забрана за нејзино издавање....

По налог на Специјалното обвинителство против организиран криминал и корупција, попладнево уапсен е Илир Мета, поранешен албански претседател и актуелен лидер на опозициската Партија на слободата. Според албанските медиуми, Мета се наоѓал во близина на трговскиот центар „Каса Италија“ во Тирана во моментот на извршување на наредбата на СПАК. Мета е обвинет за перење пари, корупција и непријавување имот. Тој неколкупати се појавуваше во СПАК на распит за случајот ЧЕЗ-ДИА. Станува збор за сериозен корупциски скандал во кој е вмешан еден од неговите блиски соработници и измама за наплата на долгот на ЧЕЗ, чешка енергетска компанија која работела во Албанија за време на владата на Сали Бериша а ја приватизира албанската Електродистрибуција, договор кој потоа беше раскинат....

Одлуки за нацоналната безбедност Во „глува соба“, без можност да протечат информации, ќе се носат одлуки од национална безбедност. Проектот ги вклучува најдобрите практики на управување со безбедносниот сектор и обезбедува приспособливост на идниот напредок во надзорот над безбедноста и разузнавањето. Изградбата на собата треба да создаде услови за остварување на ефективен парламентарен надзор над безбедносните служби, велат пратениците. Барање на НАТО и важно за ЕУ Изградбата на заштитениот работен простор во Собранието е на барање на НАТО и е од посебна важност за пристапните преговори со ЕУ. Освен за Собранието и комисиите, „глувата соба“ доколку имаат потреба ќе можат да ја користат и други државни органи, по одобрување од законодавниот дом. Овој проект е конечно завршен по седум години, со помош на меѓународните партнери како со финансиска така и со правна помош и размена на искуства....

Се огласија од институтот за јавно здравје. “Воедно е тестирано на ист начин и второ лице вработено во ЗОО кое не е на доставениот список од 16 луѓе вработени во ЗОО, но на ден 21.10 се пријавило во ИЈЗ со тековни симптоми. Ве известуваме дека по добиените резултати од спроведените тестирања, двете лица се негативни за птичји грип” – велат ИЈЗ. Епидемиолозите и здравствените власти смируваат дека нема простор за паника. Велат дека посетители кои биле во зоолошката изминатата недела не треба да се загрижени. Појаснуваат дека болеста од птица на човек се пренесува само со исклучително близок контакт. Зоолошката е во тринеделен карантин. Агенциајта за храна и ветеринарство на влезот од објектот истакна табла со знак за опасна болест кај животните. Во меѓувреме, велат дека зоолошката постапувала незаконски откако во понеделникот ја пронашле угинатата гуска. Наместо да информираат кај надлежен ветеринар, еден ден подоцна сами ја однеле птицата за проверка. Зоолошката не ја алармирала ниту Агенциајта за храна и ветеринарство, откако бил потврден вирусот. Првичните симптоми на птичји грип се примарно респираторни, со покачена температура, треска и кашлица....

Говорејќи за активностите на Министерството за надворешни работи и надворешна трговија, министерот Муцунски на денешната трибина „100% за тебе“ насловена „Унапредување на дипломатијата и надворешната трговија, интеграцијата во ЕУ и дигиталната трансформација“, истакна дека во првите 100 дена фокусот во ресорот со кој тој раководи бил ставен на поставување на темелите на тоа што треба да се работи во делот на меѓународната политика, но и многу поважно на градење на стратешкиот пристап за понатамошното димензионирање на меѓународната политика. Притоа тој нагласи дека во првите сто дена приоритетот бил ставен на надворешна политика заснована на одржливи и долгорочни приоритети, а воедно ги напомена и активностите насочени кон интеграција во Европската Унија, како и целосната усогласеност на државата со заедничката надворешна и безбедносна политика на ЕУ, поддршката на Украина и важноста почитувањето на меѓународното право во таа насока. Муцунски говореше и на активностите во делот на мултилатералното работење, а како посебно достигнување на успешната меѓународната политика го нагласи прифаќањето на кандидатурата на Република Северна Македонија за член во Советот на човекови права на ОН и кандидатура за членство во Организацијата за забрана на хемиско оружје. Додаде дека и во иднина ќе се работи на зголемена и активна улога во меѓународните организации и одлични билатерални односи со сите меѓународни партнери и не само политички, туку и економски релации кои помеѓу другото ќе бидат во насока на заштита на деловниот интерес на домашните компании во странство. Муцунски се осврна и новата надлежности на МНРНТ во делот на надворешната трговија и во таа насока тој информираше дека во финална фаза е изработката на нацрт верзија на Законот за надворешни работи, кој има цел во министерството со кое тој раководи да ги интегрира сите формални надлежности поврзани со надворешната трговија, со што ќе ги направи дипломатско – конзуларни претставништва поангажирани во делот на привлекување на странски инвестиции, што пак ќе резултира со отворање на нови работни места. Тој се осврна и на активностите во делот на привлекување странски инвестиции во чии рамки во изминатиот период се остварени средби со приватни компании и стопански комори, каде дел од приватните компании веќе пројавиле интерес за инвестирање во нашата држава....

Иако Зоолошката градина во Скопје ќе биде затворена 21 денпоради птичји грип, градоначалничката на Град Скопје, Данела Арсовска, назначи нов директор во оваа институција. Во меѓувреме за таа позиција конкурираше поранешниот управител Ѓорѓи Галетановски – Чомбе, но како што и самиот рече, не му биле разгледани ниту поднесените документи. Зоран Попов е именуван за в.д. директор во Зоолошката градина Скопје. Ова за СДК.мк го потврди самиот Попов. Тој ќе го замени Драган Илиевски, кој од денеска е именуван за директор на ЈП „Водовод и канализација“. Арсовска во рок од една година назначи тројца директори во скопската ЗОО. Првиот беше Кристијан Стаменов кој беше сменет откако угинаа 15 затруени коњи, потоа на негово место дојде Драган Илиевски и сега трет директор е Попов. Инаку, Зоолошката градина беше затворена 21 ден откако беше потврдено присуство на птичји грип....

Премиерот Христијан Мицкоски денеска имаше свој панел и излагање на 20-тиот Европски самит во Салцбург посветен на иднината и реформите на Европската Унија. Настанот во организација на Институтот на регионите на Европа (IRE), Европскиот конгрес, со околу 700 гости и над 60 говорници од цела Европа, годинава се одржува годинава по 20-ти пат под мотото „ЕУ: Нема иднина без реформи“. Мицкоски на Фејсбук објави дека во излагањето посочил оти иднината на Македонија е во Европската Унија и на тој пат државата направи бројни отстапки и чекори кои ја докажуваат нејзината посветеност кон европската иднина. „Она што недостасува е волја проследена со дела регионот вистински да премине од европската чекалница кон реализација на европската иднина. Иднината на регионот е во економска и политичка преобразба и меѓусебно поврзување. Се бориме македонските компании да излезат надвор од границите, да го помогнеме извозот и да привлечеме странски капитал. Досега во овој кус период покажуваме резултати, а заедно ќе направиме многу повеќе“ – наведува во објавата премиерот Мицкоски. Тој синоќа присуствувал на вечера, на покана на градоначалникот на покраината Салцбург и претседателот на Институтот на европски региони, Франц Шаусбергер. „На моите соговорници им ги пренесов нашите заложби и цели кон европскиот пат на Македонија. Европа мора да ги отвори вратите за државите кои чекорат напред“ – напиша Мицкоски на Фејсбук. Во вторник тој ќе има средба со претседателот на Австрија, Александер Ван дер Белен и со министерот за надворешни работи, Александар Шаленберг....

Рано изутринава, пред Клубот на Партијата за целосна еманципација на Ромите, кој се наоѓа во кафуле во Тетово, била фрлена рачна бомба која за среќа не експлодирала. Сторителот првин го искршил едното стакло од вратата и тука ја оставил бомбата. Но бидејќи таа не експлодирала, тој се повратил да провери дали бомбата е активирана. Откако не успеал да ја активира си заминал. Сето ова било забележано на безбедносните камери од околните објекти, пренесе СДК. Претседателот на ПЦЕР Самка Ибраимовски не знае зошто некој сакал да го демолира нивниот клуб и засега не гледа политичка позадина во овој чин. „Во 4 часот и 23 минути дошло лицето тука, го скршило стаклото, ја фрлило бомбата, таа не експлодирала, па имал храброст да се врати назад да види дали е активирана бомбата или не е. За среќа не беше активирана, да била сигурно би направила голема штета. Нашиот член од партијата кој утринава дошол во клубот почнал да го мете скршеното стакло без да ја забележи бомбата, па можел не сакајќи и тој да ја активира. Се работи за бомба кашикара од постар тип која има големо разурнувачко дејство. Ние, како политичка партија, немаме забелешки ниту сме се замериле со некого освен некои недоразбирања со извршителите. Дали тоа е причината или нешто друго, се надевам дека набрзо ќе дознаеме“, изјави Ибраимовски. На местото на настанот полициски службеници од СВР Тетово извршија увид, а екипа за антитероризам безбедно ја отстранила неексплодираната рачна бомба....

Од денеска почнува вакцинацијата против сезонски грип. Од Министерството за здравство информираа дека досега се пријавиле 33 илјади граѓани, а право на бесплатна вакцина имаат ризичните групи, повозрасните лица над 65 години, лицата со хронични заболувања, здравствените работници, бремените жени, децата на возраст од 6 месеци до 5 години, како и лицата сместени во установи за социјална заштита на стари лица и вработените во установи за социјална заштита на стари лица. Вакцинацијата ќе се спроведува на 36 локации во целата држава, а сите пријавени ќе добијат смс-порака за датумот, точното време и каде да дојдат за вакцинација. Во Скопје заинтересираните ќе можат да се вакцинираат во 5 установи: Центарот за јавно здравје, поликлиниките Букурешт, Идадија и Бит Пазар, а здравствените работници и во Институтот за јавно здравје....

Задутре е неработен ден за сите граѓани на Република Македонија по повод прослави на Денот на македонската револуционерна борба, познат како Ден на ВМРО. За сите граѓани на РМ: 23 октомври (среда), Ден на македонската револуционерна борба, 8 декември (недела), „Св. Климент Охридски“, односно 09 декември (понеделник) е неработен ден. Празниците за граѓаните од православна вероисповед кои се со неработни денови се веќе поминати. За граѓаните од католичка вероисповед 01 ноември (петок), Празникот на сите светци, 25 декември (среда), првиот ден на Божиќ. За граѓаните припадници на албанската заедница 22 ноември (петок), Ден на албанската азбука. За граѓаните припадници на еврејската заедница Деновите се веќе поминати. За граѓаните припадници на бошњачката заедница Овие денови веќе се поминати. За граѓаните припадници на турската заедница 21 декември (сабота), Ден на настава на турски јазик....

Во текот на вчерашниот ден се одигра 10-то коло од Првата македонска фудбалска лига. Работнички го зацрсти врвот со победа над Гостивар, а веднаш зад него е Шкендија. Вардар доживеа четврти последователен пораз и веројатно сезонава повторно ќе се бори за опстанок, а екипата на Пелистер извади нерешено со тимот на Шкупи. Сепак, ремито во Битола не го одбележа фудбалскиот резултат. Навивачите на Пелистер, популарните „Чкембари“ скандираа во чест на прерано загинатиот член на „Комити“ кои се нивни најголеми непријатели. Извикувајќи го името на „Никола Саздо“ тие го поздравија младиот навивач на Вардар кој загина на 20 години по директна пресметка со навивачи на Шкупи кои го нападна на автобуска станица. „Да биде јасно, ова е Македонија“, стои во нивната реакција која може да ја погледнете во продолжение. Ваквиот гест на Чкембари наиде на овации од останатите навивачи на Пелистер, но и од грѓаните на социјалните мрежи. Познтиот инфлуенсер Никола Николовски – Боемот напиша дека Чкембари нацијата ја ставаат пред ривалството. „Секоја чест Македончишта“, напиша Боемот. Кој е обвинет за убиството на Саздо? За убиството на дваесетгодишниот Никола Саздовски, Кривичниот суд Скопје, во април 2019 година ги осуди Бесир Беља и Скендер Демири, на по 19 години затвор. Апелација годинава делумно ги прифати жалбите на Беља и Демири и им ги намали казните од 19 на 16 години затвор. Според пресудата за Беља и Демири, обвинетите кои дејствувале заедно, се виновни затоа што на свиреп начин го лишиле од живот Никола Саздовски. Како се случило убиството? Тие на 29 јуни 2018 година на булеварот „Александар Македонски“ во Скопје, на автобуската постојка пред фабриката „Алкалоид“ му пристапиле на Саздовски и му побарале лична карта. Откако оштетениот им ја покажал личната карта, обвинетите неочекувано започнале заедно истовремено да го удираат со боксови во пределот на главата и градите....

Ривалство меѓу Ѓулен и Ердоган Фетула Ѓулен во својот живот имаше жестока спротивставеност со Реџеп Таип Ердоган. Но, нивните почетоци се различни. Најпрво Ѓулен беше сојузник на Ердоган, но подоцна нивната врска се распадна. Најголеми непријатели Најголемиот непријател на турскиот претседател Реџеп Ердоган – турскиот исламски проповедник Фетула Ѓулен, почина во САД. Ова го пренесуваат светските агенции и турските медиуми. Ѓулен почина на 83-годишна возраст. Обид за државен удар По обидот за државен удар во Турција во јули 2016 година, владата конкретно го обвини Ѓулен и неговите поддржувачи за организирање на пучот, а движењето на проповедникот беше означено од турските власти како „Фетулахистичка терористичка организација“ (ФЕТО). Десетици илјади Турци беа уапсени под обвинение за поврзаност со движењето Ѓуленисти. Ердоган се плашел од моќта на Ѓулен? Светските медиуми пишуваат дека Ердоган се плашел од воен удар и од моќта на Фетула Ѓулен. Затоа беа започнати и масовните апсења. Безбедносните сили во Турција уапсија 210 лица под сомнение дека се поврзани со Ѓуленистичката организација ФЕТО. Меѓу уапсените има полицајци, полицајци и цивили, објави „Сабах“. Ѓулен: Ердоган ќе заврши како Хитлер Фетулах Ѓулен во интервју за „Велт“ го спореди Реџеп Таип Ердоган со Адолф Хитлер. Ѓулен беше близок сојузник на турскиот претседател, но до последниот ден во својот живот живееше во САД, а Турција го прогласи за непријател на земјата. Од 2016 година, 292.000 луѓе се приведени, а речиси 598.000 луѓе се под истрага за нивните наводни врски со Ѓулен. Според турските министерства за одбрана и за внатрешни работи, речиси 21.000 припадници на вооружените сили, 31.000 полицајци, повеќе од 5.500 жандармериски службеници и 509 припадници на крајбрежната стража исто така останале без работа поради наводни врски со Ѓулен. Повеќе од 30.000 луѓе се уште се во затвор поради наводни врски со свештеникот, а повеќе од 125.000 државни службеници се отпуштени....

Од утре, граѓаните низ Македонија ќе имаат можност да се вакцинираат против сезонскиот грип, со 70 илјади бесплатни вакцини обезбедени од Министерството за здравство. Кампањата за вакцинација има за цел да ги заштити најранливите категории на населението и да спречи ширење на вирусот. Приоритетни групи за вакцинација Според информациите од Министерството за здравство, право на бесплатна вакцина против грип имаат одредени ризични групи, вклучувајќи: Лица постари од 65 години Лица со хронични заболувања Здравствени работници Бремени жени Деца на возраст од 6 месеци до 5 години Лица сместени во установи за социјална заштита, како и вработените во овие установи Досега, преку сајтот вакцинација.мк се пријавиле 33.000 граѓани за вакцинација. Вакцинацијата на 36 локации низ земјата Процесот на вакцинација ќе се спроведува на 36 локации низ целата држава. Пријавените граѓани ќе добиваат СМС порака со датумот, точното време и локацијата за нивната вакцинација. Локации во Скопје Во Скопје, граѓаните ќе можат да се вакцинираат на пет локации, вклучувајќи: Центарот за јавно здравје Поликлиниките: Букурешт, Идадија, и Бит Пазар Институтот за јавно здравје (за здравствените работници)...

Во подкастот „ВМРО-ДПМНЕ Зборува“, пратеничката и заменик координатор на пратеничката група на ВМРО-ДПМНЕ, Ели Панова, истакна дека партијата сега игра клучна улога во законодавниот процес во новиот состав на Собранието, по периодот кога беа во опозиција. Според неа, промените во можностите за делување се значителни, особено по долгогодишното владеење на СДСМ. Разлики помеѓу позицијата на опозиција и власт Панова ја истакна разликата во улогата на партијата во претходниот состав на Собранието, кога ВМРО-ДПМНЕ делуваше од позиција на опозиција во, како што рече, тешки услови. „Во претходниот состав бевме пратеничка група од 44 пратеници и работевме како тим, и покрај тоа што бевме во длабока опозиција на влада која ја уништуваше државата. Сега, по седум години владеење на СДСМ, гледаме каков пустош оставија зад себе, а ние сме тука да ја исправиме државата и да ја поставиме на здрави нозе,“ објасни Панова. Активно учество во законодавниот процес Со преземањето на власта од ВМРО-ДПМНЕ, Панова ја нагласува важноста на учеството на партијата во законодавниот процес. Според неа, ВМРО-ДПМНЕ сега има можност да влијае врз носењето на законите и да учествува во одлуките кои го обликуваат функционирањето на Собранието. „Сега имаме можност активно да придонесеме кон создавањето на законски решенија и во дефинирањето на динамиката на работењето на Собранието,“ вели Панова. Зголемена транспарентност и отчетност со ВМРО-ДПМНЕ Според Панова, транспарентноста е клучен елемент во работењето на Собранието. Таа посочи дека новата практика каде министрите редовно доаѓаат во Собранието за да ги образложат предложените закони е значаен чекор напред. „Никогаш досега не сме виделе сите министри да даваат отчет за своето работење. Дополнително, имаме премиер кој секојдневно се појавува на телевизија и дава отчет пред јавноста,“ нагласи Панова. Учеството на експертската јавност и невладините организации Панова ја нагласи и важноста на учеството на невладините организации и експертите во процесот на носење закони. Според неа, ваквата пракса ќе обезбеди квалитетни законски решенија и ќе овозможи поголемо вклучување на различни засегнати страни. „Учество од невладиниот сектор, експертската јавност и сите пратеници кои имаат интерес, е основа за да се постигне квалитетно законодавство. На тој начин ќе се разликуваме од претходното владеење,“ изјави Панова. Воспоставување на систем и враќање на довербата Панова нагласи дека целта на ВМРО-ДПМНЕ е да се воспостави систем кој ќе ја врати довербата на граѓаните во институциите и во Собранието. Според неа, досега немало вистински систем, но сега се прават чекори кон негово градење. „Ние точно знаеме како треба да функционира државниот апарат. Немавме систем досега, но сега полека почнуваме да го воспоставуваме, а сето тоа ќе биде пресликано и во работата на Собранието,“ заклучи Панова....

Минималната плата треба да претставува основа под која не смее да падне ниту една плата во државата, а не да се смета како плата за живот, нагласуваат од Сојузот на синдикатите на Македонија (ССМ). Според нив, оваа плата треба да ја зема само лице со средно образование и без работно искуство, а не работник кој подолго време придонесува за зголемување на капиталот на компанијата. Минималната плата како пресметковна основа Потпретседателот на ССМ, Иван Пешевски, за весникот „Вечер“ објаснува дека минималната плата треба да биде само пресметковна единица за останатите плати, а не да се смета како плата за живот. Според него, минимална плата може да зема само некој што е нововработен и нема минато работно искуство, додека за другите работници тоа е неоправдано. „Ако некој се вработил денес и нема работно искуство, тогаш може да зема минимална плата. Но, за сите останати кои имаат работен стаж и придонесуваат, ова не е оправдано. Работниците кои имаат минимален коефициент на образование и немаат искуство се тие што треба да ја добиваат минималната плата, но такви има многу малку,“ вели Пешевски, нагласувајќи дека во одредени професии, како што е браварството, платите се далеку над минималната. Загрижувачки податоци за платите во Македонија Од друга страна, постојат професии, како што се медицинските сестри и други помошни технички работници, каде што платите се речиси на ниво на минималната плата. Овие работници, и покрај својата работа и одговорност, заработуваат на граница со минималецот, што според ССМ е загрижувачки. Од ССМ предупредуваат дека, според последните податоци на УЈП, над 25 илјади работници во земјата земаат минимална плата, додека 88 илјади вработени имаат примања помеѓу минималната и просечната плата. Пешевски изрази загриженост за тоа што поголем дел од овие работници се поблиску до минималната плата, отколку до просечната. „Голем број работници земаат помеѓу минималната и просечната плата, што е особено загрижувачко. Дури 150 илјади вработени во приватниот сектор и 95% од јавниот сектор се под просечната плата, што значи дека 300 илјади луѓе заработуваат помеѓу 22.567 и 41.961 денар,“ вели Пешевски. Сојузот бара зголемување на платите Од ССМ нагласуваат дека приближно 35 илјади работници во државата работат за минимална плата или малку над неа. Според нив, овие работници заслужуваат зголемување на платите, како и сите други кои придонесуваат за економијата. „Сметаме дека сите работници, особено тие што работат за минималец, треба да добијат покачување. Минималната плата не е за работници кои секојдневно доаѓаат на работа и создаваат вредност. Таа треба да биде основа, под која ниту една плата не смее да се исплаќа,“ истакна Слободан Трендафилов, претседател на ССМ. Минималните плати во регионот Некои од земјите во регионот веќе презедоа чекори за зголемување на минималната плата, додека други тоа ќе го направат во блиска иднина. Во Србија, минималната плата ќе се зголеми на 458 евра во 2025 година, што претставува пораст од 13,7% во споредба со сегашната година. Црна Гора планира од октомври 2024 година минималната плата да достигне 700 евра, додека во Хрватска, минималната плата ќе се зголеми за 80 евра и ќе достигне 750 евра од почетокот на 2025 година. Премиерот на Хрватска, Андреј Пленковиќ, истакна дека целта на Владата е да обезбеди подостоинствен живот за оние со најниски примања, со зголемување на минималната плата. Словенија останува земјата во регионот со највисока минимална плата, која во 2024 година изнесува 1.253,90 евра....

Новиот директор на Агенцијата за национална безбедност (АНБ), Бојан Христовски, во своето прво интервју најави големи промени во функционирањето на институцијата. Според него, една од клучните новини ќе биде воведувањето на редовно полиграфско тестирање за сите вработени во АНБ. Христовски истакна дека претходните директори не го користеле ова законско право, но тој ќе се погрижи оваа пракса да стане дел од секојдневната работа на агенцијата. Отвореност на АНБ кон надзорните тела Во своето интервју, Христовски подвлече дека агенцијата ќе биде целосно отворена за сите надзорни тела што имаат задача да ја следат нејзината работа. Според него, ова ќе помогне во зголемувањето на транспарентноста и одговорноста на АНБ. „Од првиот ден планирам да го воведам полиграфското тестирање како редовна пракса за сите вработени. Дополнително, вратата на АНБ ќе биде отворена за сите надзорни тела кои се задолжени да ја следат нашата работа,“ истакна Христовски. Откажување од партиската поврзаност Во врска со неговата претходна улога во политиката, Христовски објасни дека иако бил член на ВМРО-ДПМНЕ, тој формално се откажал од членството. Тој ја подвлече разликата меѓу неговата идеолошка определба и професионалниот ангажман, истакнувајќи дека сега целосно е фокусиран на својата работа како директор на АНБ. „Идеолошката припадност не треба да влијае на професионалните обврски. Формално се повлеков од членството во ВМРО-ДПМНЕ и сега сум целосно фокусиран на моите задачи како директор. Како директор, ќе се водам исклучиво од професионални принципи,“ додаде Христовски. Безбедносни сертификати и политики мотивирана хајка Христовски го искористи интервјуто за да појасни некои од прашањата за неговиот безбедносен сертификат. Тој истакна дека има сертификат „строго доверливо“ и дека веќе почнал постапка за добивање на највисоката класификација за државна тајна. Според Христовски, тој отсекогаш поседувал сертификати од највисок степен сè до 2019 година, кога поради, како што вели, политички мотивирана хајка, му бил одземен. По повторното вработување во МВР, поднел ново барање и го добил сертификатот „строго доверливо“. Во текот на целата моја кариера, поседував безбедносни сертификати од највисок степен, вклучително и за државна тајна, сè до 2019 година, кога, поради политички монтирана хајка во која учествуваа високи функционери од УБК, не ми беше продолжен новиот безбедносен сертификат. Понатаму, не поднесов барање за нов сертификат, бидејќи не бев на работна позиција која тоа го бараше. По моето враќање во МВР, аплицирав за безбедносен сертификат „строго доверливо“ и го добив. Денес, со моето доаѓање во АНБ, започнав постапка за добивање на највисоката класификација, изјави Христовски. НЕПОЗНАТИ ФАКТИ ЗА НОВИОТ ДИРЕКТОР НА АНБ: Бојан Христовски бил жртва на политички прогон! Кариерен пат во безбедносниот сектор Христовски ја опиша својата долга кариера во Управата за безбедност и контраразузнавање (УБК), каде што започнал како приправник во 2006 година. Од тогаш, напредувал до позиции на инспектор и раководител на сектор. Во текот на својата кариера посетувал бројни обуки организирани од меѓународни и западни партнери, што го подготвило за сегашната функција. Но, според него, во моментот кога УБК се трансформирала во АНБ, за него биле изготвени лажни службени белешки. „Започнав како приправник во УБК и постепено напредував. Мојата кариера е посветена на безбедносниот сектор и соработката со западни партнери,“ рече Христовски. Аферата со прислушувањето и реакциите на Христовски На прашањето за неговото мислење за аферата со незаконското прислушување на комуникациите, Христовски изрази лична вознемиреност и разочарување од случувањата. Тој посочи дека во тоа време бил началник на сектор кој немал врска со одделот кој бил инволвиран во следењето на комуникациите. „Бев изненаден и разочаран од аферата со прислушувањето. Мојот сектор немаше врска со таа активност, а и структурата на УБК беше пирамидална, па не можев да побарам објаснување од одделот надлежен за тоа. . Народот на изборите што следеа, го даде својот одговор на аферата,“ изјави Христовски....

Еден од вработените во Зоолошката градина во Скопје ќе биде тестиран за птичји грип откако пројавил симптоми како висока температура и дијареа, потврди Марија Андоновска, директорка на Институтот за јавно здравје. Ова следи по извршената епидемиолошка анкета од страна на епидемиолози од Центарот за јавно здравје (ЦЈЗ) и Институтот за јавно здравје (ИЈЗ) кај 15 вработени. Дополнително, на уште три лица ќе им биде издадено решение за здравствен надзор. Медицинско следење на симптоми на птичји грип без изолација Според Андоновска, здравствениот надзор нема да вклучува карантин или изолација, туку ќе биде фокусирано на медицинско следење на лицата во следните две недели. Епидемиолозите ќе ги контактираат секојдневно за да ја следат нивната здравствена состојба и да проверуваат дали ќе се појават дополнителни симптоми кои можат да укажат на инфекција со птичји грип. „Здравствениот надзор не значи карантин, туку редовно следење на состојбата на тие лица за да се утврди дали ќе се појават симптоми кои би барале понатамошни испитувања,“ објасни Андоновска. Птичји грип ја затвори Зоолошката градина во Скопје: Усмртени 35 птици Нема опасност за посетителите на Зоолошката градина Иако ситуацијата со птичјиот грип предизвика загриженост, Андоновска нагласи дека нема опасност за посетителите на Зоолошката градина кои немале директен контакт со заболени или угинати птици. Пренесувањето на вирусот се врши само преку близок контакт со заразено животно или негови секрети. „Ризикот од пренос на птичји грип е низок ако посетителите немале директен контакт со болни или угинати животни. Пренесувањето се врши само преку близок контакт со заразено животно или материјал од животното како секрет или измет,“ објасни таа. Затворање на Зоолошката градина поради птичји грип Зоолошката градина во Скопје е затворена од вчера, откако по направените тестирања од страна на Агенцијата за храна и ветеринарство (АХВ) беше потврдено присуството на птичји грип кај угината гуска. Како превентивна мерка, останатите птици во градината беа усмртени од страна на инспекторите на АХВ, а градината ќе остане затворена 21 ден заради дезинфекција и спречување на понатамошно ширење на вирусот. Втор ден скопската зоолошка под клуч: Потврден е птичји грип...

Академикот Влада Урошевиќ потенцира дека основниот критериум за прием во Македонската академија на науките и уметностите (МАНУ) е вредноста на научните и уметничките достигнувања, а не етничката припадност. Во интервју за Телевизија 24, тој потврди дека имало одбиени кандидати од албанска етничка заедница, но забележа дека многу повеќе Македонци останале надвор од академијата поради неспособност да ги исполнат строгите услови. Вредносни критериуми над етничката припадност во МАНУ Урошевиќ објасни дека одбивањето на кандидатите не е поврзано со етнички предрасуди, туку со неспособност да ги исполнат критериумите за членство. Според него, само оние кои се квалификувани и го заслужуваат, треба да бидат дел од МАНУ. „Имало кандидати Албанци кои не поминале во процедурата, но многу повеќе Македонци исто така не успеале. Единствен критериум за прием мора да биде вредносниот. Кој го заслужува тоа, треба да влезе, без разлика на етничката припадност,“ изјави академикот. Една национална академија за една земја Академикот Урошевиќ, кој бил претставник на МАНУ во Меѓународната асоцијација на академии, истакна дека вообичаено во секоја држава постои само една национална академија која ја претставува земјата во меѓународни академски кругови. Според него, во МАНУ отсекогаш имало членови од албанската заедница, а двајца од нив дури биле потпретседатели на академијата. „Во составот на МАНУ, имало членови со албанска етничка припадност, а двајца од нив биле и потпретседатели. МАНУ е институција која ја претставува земјата во меѓународни рамки,“ додаде Урошевиќ. МАНУ против формирање паралелна албанска академија: Политиката нема место во науката Политичките реакции за паралелна академија Идејата за формирање паралелна албанска академија, што ја предложи политичката партија Вреди, предизвика несогласувања меѓу политичките партии во државата. ВМРО-ДПМНЕ, СДСМ, па дури и ДУИ, изразија противење на овој предлог. Еркан Арифи, градоначалникот на Липково и претставник на ДУИ, изјави дека руралните општини немаат буџет за ваков проект и додаде дека прашањето треба да се решава на државно ниво. „Ние не сме добиле конкретен предлог и не можеме да донесеме одлука за нешто што не е дефинирано. Руралните општини немаат доволни средства за вакви проекти,“ нагласи Арифи. Таравари за албанската академија Членовите на Вреди, предводени од Арбен Таравари, го бранат проектот за албанска академија како начин да се зачува и промовира албанската историја и култура. Според Таравари, Албанците се недоволно претставени во националните енциклопедии и учебници, па затоа ваков проект е неопходен. „Албанската историја и култура или е исклучена од националните енциклопедии и учебници, или е погрешно презентирана. Овој проект е од суштинско значење,“ изјави Таравари. Мицкоски: Владиниот коалициски партнер нема да влијае на стабилноста на коалицијата Премиерот Христијан Мицкоски изрази противење кон формирањето на албанска академија, но нагласи дека ова несогласување нема да го наруши односот со коалицискиот партнер Вреди и дека тоа нема да влијае на стабилноста на владината коалиција....

Премиерот на Северна Македонија, Христијан Мицкоски, патува кон Австрија, каде ќе учествува на 20-тиот Европски самит во Салцбург, посветен на реформите и иднината на Европската Унија. Премиерот го сподели ова преку статус на социјалните мрежи, наведувајќи дека неговото учество вклучува панел излагање на темата за реформите и перспективите на регионот во однос на интеграцијата во ЕУ. Премиерот со јасен став за македонските интереси Мицкоски нагласи дека владата има јасен план и визија за иднината, истакнувајќи дека Македонија е подготвена да биде оценета според своите напори и залагања на патот кон интеграцијата во ЕУ. „Ги браниме македонските интереси и работиме за заедничката иднина,“ изјави тој. Средби со австриски лидери на 20-тиот Европски самит Освен учеството на Европскиот самит, Мицкоски најави и важни средби со австрискиот министер за надворешни работи, Александар Шаленберг, и со претседателот на Австрија, Александер Ван дер Белен. На овие средби ќе се дискутираат актуелни прашања поврзани со билатералната соработка и поддршката на Австрија за евроинтеграциите на Северна Македонија....

СДС се симбол на лаги, манипулации и партизирање на државата и институциите на системот. СДС се симбол на злоупотреба на државните ресурси за партиски цели, а државните институциите, вклучувајќи ги и безбедносните структури, ги претвори во партиски штабови, велат од ВМРО-ДПМНЕ. -Фактите велат дека поранешниот директор на една од најклучните безбедносни институции Агенцијата за национална безбедност (АНБ), Виктор Димовски бил дел од сите високи партиски структури. Димовски беше член на Извршниот одбор и на Дипломатскиот совет на СДС, а истиот учествувал и на јавни партиски дебати. СДС можат колку сакаат да испуштаат последни крици за опстанок и за спас на нивните партиски послушници кои се огрешиле пред законот во периодот на нивно седумгодишно владеење, но професионализација целокупниот државен апарат ќе има. Токму тоа ги боли СДС, што конечно како во сите институции, така и во безбедносните, доаѓаат професионални, стручни и компетентни кадри. Изборот на Бојан Христовски за директор на АНБ е чекор кон враќање на професионализмот и интегритетот во безбедносните служби, кои ќе работат за заштита на државните интереси – велат од партијата....

Директорот на бирото за јавна безбедност, Александар Јанев, ја предводи македонската делегација во Бостон, Масачусетс, Соединетите Американски Држави, каде се одржува годишната конференција на меѓународната асоцијација на шефови на полиции.(IACP), водечка организација која е фокусирана на унапредување на полицијата и безбедноста на глобално ниво. На оваа конференција полициски лидери, службеници и експерти од разни држави од светот ќе имаат можност да разменат најдобри практики, иновации и стратегии за справување со предизвиците во секојдневното полициско работење. Ваквиот пристап на соработка е значаен за унапредување на безбедносните практики и размена на искуства, зајакнувањето на капацитетите на полицијата. Преку запознавање со специфичностите и предизвиците со кои се соочува полицијата во САД, но и останатите полициски служби во светот, учесниците ќе имаат можност да добијат клучни информации за методологијата за справување со истите. Конференцијата нуди одлична можност за градење нови партнерства, воспоставување на идни проекти и иницијативи. Во текот на конференцијата, македонската делегација ќе присуствува на повеќе настани, а најавени се и средби со менаџментот на ИЦИТАП, федерални обвинители и повеќе директори на полиции и шефови на делегации....

ЗОО Скопје иако детектирало угинато животно на ден 14.10.2024 год, не постапила по законски процедури каде што се должни секој сомнеж на заразна болест задолжително да го пријават до надлежниот официјален ветеринар согласно Член 50 на (Закон за ветеринарно здравство бр.113/2007; бр.24/11; 136/11; 123/12;154/15 и 53/16), прекршувајки ги законските обврски, самостојно доставиле примерок до Факултетот за ветеринарна медицина кој е примен на обработка на 15.10.2024 год, соопштија денеска од Агенцијата за храна и ветеринарство (АХВ). Добивај вести на вибер – На ден 18.10.2024 год за жал на сите нас е добиен наод со кој е потврден случај на присуство на вирусот на авијарна инфлуенца – птичји грип, сој H5N1 кај гуска. И покрај ваквата информација, повторно ЗОО Скопје не почитувајќи ги законските прописи не ја извести АХВ на законски пропишаниот начин, односно постапила спротивно на член 4 од Правилникот за мерки за сузбивање и искоренување на болеста авијарна инфлуенца бр 161/2016, односно секое присуство или сомнеж на авијарна инфлуенца се пријавува веднаш, односно во што е можно пократок рок до АХВ, се наведува во соопштението. За да ги демантираме во целост информациите од различните портали, коментари, ЗОО Скопје и правично да ја информираме јавноста, се додава во соопштението, јасно кажуваме дека ветеринарната дејност од јавен интерес на територијата на Република Македонија, ја спроведува Државнa ветеринарна служба во соработка со други органи и институции, преку Агенцијата, директорот и референтна лабораторија која работи за потребите на Агенцијата врз основа на договор. На ден 19.10.2024 год, надлежниот официјален ветеринар од АХВ заедно со Раководителот на СЗЗБЖ овластен од страна на ВД Директорот д-р Оливер Миланов извршил вонреден инспекциски надзор во ЗОО Скопје. – Притоа, во одгледувалиштето на ЗОО Скопје официјалниот ветеринар донесе забрана за влез на посетители, забрана на пристап до езерцето во кое била пронајдена угинатата птица со исклучок на тројца вработени кои со полна заштитна опрема вршеа убивање и манипулација со птиците. Земање, пакување и испраќање на примероци за лабораториски тестирања согласно дијагностичкиот протокол од Правилникот за мерки за сузбивање и искоренување на болеста авијарна инфлуенца. Чистење и дезинфекција на просторот околу езерцето во која зона се движат овој вид на птици. Забрана за движење на живина и други птици во и од одгледувалиштето. Се задолжи надлежната ветеринарна служба задолжително да врши пријавување на промени на здравствената состојба на живината и дивите птици до надлежниот официјален ветеринар и примена на биосигурностните мерки при спроведување на сите активности, соопштија од АХВ. Дополнително, се посочува во соопштението, официјалниот ветеринар при вршењето на своите задачи може да побара асистенција од овластено лице од Министерството за внатрешни работи. – За жал побарана е асистенција поради присуство на лице кое се претставило дека е вработен во градската администрација и истото ја попречуваше работата на инспекциските служби и за кое дело МВР има записник. Но, мора да се заблогадариме на вработените лица во ЗОО Скопје кои несебично ни дадоа полна поддршка и земаа активно учество во спроведување на наредените мерки, соопштија од АХВ. Се додава дека АХВ работи во служба на граѓаните, и ќе се залагаме да се постават стандарите на нашето општество на највисоко ниво, ЗОО Скопје ни е едно од најпосетените места од најмладите посетители, а децата и нивното здравје е фокус за градење на здраво општество. – Како Директор на АХВ донесов Решение за прогласување на болеста високо патогена авијарна инфлуенца кај птиците и наредување на заштитни и контролни мерки. Сомнежите во јавноста и споделените видеа за начинот на собирање и отстранување на затекнатата живина во одгледувалиштето се во целост со почитување на протоколите за сузбивање и искоренување на авијарна инфлуенца и Законот за благосостојба на животните и меѓународните протоколи, и коментарите по истите не е во ред да бидат коментирани од лица некомпетентни за истото. Сомнежите за ЗОО Скопје дали е извор на бактерии или вируси, дали е постапувано и до сега согласно Законските прописи, угинување на многу животни за краток временски период и низа нерегуларности ќе бидат предмет на дополнителни истражувања од надлежните органи. Како Директор на АХВ ве уверувам и апелирам да верувате во стручните служби бидејќи носиме и имплементираме законски и подзаконски акти кои го штитат здравјето на животните, благосостојбата на животните и заштита на здравјето на луѓето. Во наредниот период ќе бидете известени за сите наши мерки и активности, се појаснува во соопштението од АХВ. Единствената и примарна цел на АХВ, се вели во соопштението, е да обезбеди постојана грижа за заштита на здравјето на животни и нивната благосостојба и постојана грижа за заштита на здравје на луѓето од болести кои се пренесуваат од животни и болести кои се пренесуваат преку храна....

Потврден е птичји грип Од Агенцијата за храна и ветеринарство известија дека е потврден птичји грип кај угината гуска, лоцирана во езерцето во Зоолошката градина Скопје. По лабораториски резултат од Факултетот за ветеринарна медицина наредени се мерки за надзор на болеста, а извршено е хумано убивање и нештетно отстранување на 24 патки, 6 гуски, 5 кокошки и една чавка кои биле во зоолошката. „Забранет е влез и излез на животни од Зоолошката градина, ограничено е движењето на посетители во Зоолошката градина, наредени се мерки за дезинфекција, испитување на другите птици присутни во Зоолошката градина за присуство на вирусот на птичји грип, зголемување на биосигурносните мерки и други мерки, со цел сузбивање на болеста и спречување на нејзино ширења надвор од Зоолошката градина кај животните и кај луѓето. Мерките ќе бидат на сила 21 ден почнувајќи од денес за кој временски период и зоолошката градина ќе биде затворена за посетители“ Направен итен состанок во АХВ Директорката на институтот за јавно здравје, Марија Андонова, за Македонската телевизија вели дека направен е итен состанок помеѓу АХВ, Центарот за јавно здравје и епидемиолог од Институтот за јавно здравје. Сепак, вели Надонова, простор за паника нема, бидејќи како што вели, овој тип на птичји грип е пренослив од птиците на човек, но треба да има преголема близина за да се пренесе вирусот. Се огласија од Скопје ЗОО „Од изутрина без налог, решение или каков било друг доказ, инспектори на АХВ придружувани од лица со оружје, упаднаа во ЗОО – Скопје и извршија масакр врз птиците. Без образложение, овие лица по наредба на директорот на АХВ, убија неколку десетици птици кои слободно се шетаа во зоолошката градина. Станува збор за украсни видови на шатки и гуски кои живеат во Градскиот парк, а имаат природен пристап во зоолошката градина од Градскиот парк“, пишува во соопштението. Од Зоолошката градина најавија кривични пријави до директорот на АХВ и инспекторите кои, како што велат, упаднале без налог....

Погодена станбена зграда „Непријателската авијација утрово изврши две рации врз јужните предградија на главниот град, во кои беше погодена станбена зграда во Харет Хреик, лоцирана во близина на џамија и болница“, соопшти Националната новинска агенција (ННА) на Либан. На нападите им претходеше израелски повик до жителите на две населби во јужните предградија да се евакуираат во очекување на претстојниот напад врз зградите во областа каде што се наоѓаат локациите на Хезболах. Во меѓувреме, најмалку 73 Палестинци, меѓу кои и многу жени и деца, загинаа, а десетици беа повредени во израелските воздушни напади што погодија неколку згради во градот Беит Лахија во северниот дел на Појасот Газа, објави Ројтерс, повикувајќи се на медиуми блиски до Хамас. Повредени и исчезнати Канцеларијата за медиуми на владата на Хамас во Газа соопшти дека десетици се повредени и исчезнати по воздушните напади. Лекарите велат дека воздушните напади биле насочени кон висококатница, а биле погодени и неколку куќи во близина. Израелската армија соопшти дека ги проверува извештаите за жртви во нападите во северниот дел на Газа, објави и Ројтерс. Официјален претставник рече дека прелиминарните проценки за бројот на жртвите што ги објави медиумската служба на Хамас се претерани и не се совпаѓаат со информациите со кои располага израелската армија. Палестинските здравствени власти соопштија дека спасувачките операции се отежнати поради прекините на комуникациите и интернетот втор ден по ред. Повеќе од 100 Палестинци загинаа Во саботата во израелските воздушни напади загинаа 108 Палестинци на различни локации во Газа, соопшти палестинското Министерство за здравство. „Ова е војна на геноцид и етничко чистење. Окупацијата изврши страшен масакр во Беит Лахија“, соопшти медиумската служба на Хамас, цитирана од Ројтерс. Жителите и лекарите рекоа дека израелските сили ја зајакнале опсадата на Џабалија, најголемиот од осумте бегалски кампови во Појасот Газа, и испратиле тенкови во блиските градови Беит Ханун и Беит Лахија. Издадени се и наредби за евакуација на жителите. Израелските власти рекоа дека наредбите за евакуација имале за цел да ги одвојат борците на Хамас од цивилите и негираат дека постои систематски план за протерување цивили од Џабалија или други области....

На Попова Шапка утрово се измерени два степени Целзиусови, во Демир Капија 14 степени. Во Берово се измерени три степени, 6 во Крива Паланка, Крушево и Лазарополе, 7 степени во Маврови Анови, 8 Струмица, 9 Претор, 10 степени во Прилеп и Виница, 11 Тетово, Охрид и Битола, 12 степени во Штип, Куманово, Дебар и Кавадарци и 13 степени Целзиусови во Скопје-Петровец, Скопје-Зајчев Рид, Велес и Гевгелија. Од УХМР соопштија дека во текот на ноќта и утрово преовладува облачно време, во југозападните делови со сончеви периоди. Дува слаб до умерен југоисточен ветер. Времето денеска ќе биде променливо облачно со сончеви периоди. Кон крајот на денот облачноста ќе се намали. Ќе дува слаб до умерен ветер од југоисточен правец. Максималната температура ќе достигне од 15 до 21 степен. Во Скопје времето ќе биде променливо облачно со сончеви периоди и со слаб до умерен ветер од југоисточен правец. Максималната температура ќе достигне до 21 степен....

Агенцијата за храна и ветеринарство (АХВ) соопшти дека резултатите од последните анализи на водата од акумулацијата Турија, која го снабдува градскиот водовод во Струмица, покажуваат дека водата е сериозно загадена и не е безбедна за пиење. Овие наоди се дел од вонредниот инспекциски надзор, спроведен на 4-ти овој месец, при што беа земени мостри од осум различни локации за детални лабораториски анализи. Присуство на амонијак и манган: Главни загадувачи Според податоците од ЈЗУ Институт за јавно здравје, сите анализирани мостри покажале зголемено присуство на амонијак и манган над дозволените граници, што ги прави небезбедни за човечка употреба. Овие елементи се сметаат за главните загадувачи кои сериозно ја компромитираат квалитетот на водата во Струмица. Мострите земени од резервоарот Св. Петнаесет и фабриката за обработка на вода покажуваат високи концентрации на амонијак и манган. Дополнително, водата земена од неколку други точки, вклучувајќи го ЈКП Комуналец и Стопанскиот двор, содржи исти загадувачки елементи. Контаминација на водата во Струмица: Неправилности во управувањето со системот за водоснабдување Матност и хемиски параметри: Дополнителни проблеми во загадувањето на водата Покрај амонијакот и манганот, во мострите беше откриено и значително ниво на матност, што дополнително го влошува квалитетот на водата. Сировата вода што доаѓа од акумулацијата Турија до фабриката за обработка на вода во Струмица е со значително зголемена матност и присуство на хемиски параметри што не ги исполнуваат стандардите за безбедна вода за пиење. ЈКП Комуналец и други водоснабдувачки структури исто така пријавуваат присуство на овие проблеми во повеќе различни мостри. Продолжена забрана за употреба на водата Поради овие резултати, АХВ ја продолжува забраната за употреба на водата за пиење од водоводната мрежа на Струмица. Забраната останува на сила додека не се постигнат задоволителни резултати од понатамошните тестирања и мерења на загадувачите во водата....

Зоолошката градина во Скопје денеска ги затвори своите врати за посетителите, наведувајќи „техничко-оперативни причини“. Вистинската причина за затворањето, според Агенцијата за храна и ветеринарство (АХВ), е детекцијата на птичји грип H5N1 кај угината гуска пронајдена во езерцето во градината. Врз основа на ова, беше спроведена акција за усмртување на 35 птици во обид да се спречи ширењето на вирусот. Протокол за сузбивање на птичјиот грип Акцијата за отстранување на птиците беше спроведена според мерките за заштита од птичји грип, кои вклучуваат усмртување на сите птици што може да биле во контакт со заразените. Хумано усмртени беа 24 патки, 6 гуски, 5 кокошки и една чавка кои биле во близина на заразената гуска. АХВ соопшти дека оваа мерка е дел од протоколот за контрола и искоренување на птичјиот грип. „Во текот на денешниот ден, во соработка со официјален ветеринар, извршен е надзор и отстранување на птиците во согласност со законот за ветеринарно здравство и Правилникот за мерки за сузбивање и искоренување на авијарна инфлуенца,“ информира АХВ. Затворање на Зоолошката градина Зоолошката градина ќе остане затворена за јавноста најмалку три недели, додека се спроведува дезинфекција и тестирање на останатите птици. Во овој период, ќе се применат и засилени мерки за да се спречи понатамошно ширење на вирусот. Затворена е Зоолошката градина во Скопје: Се стравува дека има птичји грип! Реакција од Зоолошката градина Скопје Раководството на Зоолошката градина Скопје остро реагираше на акцијата на АХВ, тврдејќи дека надлежните влегле без соодветни документи. Во нивното соопштение, тие изјавија дека птиците кои биле убиени биле украсни видови кои слободно се движеле помеѓу Градскиот парк и зоолошката градина. „Ова е неоснована акција со цел да се предизвика нов проблем и да се наштети на угледот на ЗОО Скопје. Птиците кои беа убиени не покажуваа никакви симптоми на болест,“ се наведува во соопштението, со најави за кривични пријави против одговорните. Опасноста од вирусот H5N1 Птичјиот грип H5N1 претставува голема закана за птиците и може да предизвика големи загуби во живинарската индустрија. Овој вирус е присутен и во други региони во Македонија, а АХВ претходно регистрирала случаи во Виница, Штип и Скопско Злокуќани. Поради ова, се спроведуваат строги мерки за контрола и искоренување на вирусот, особено во затворени средини како што се зоолошките градини. Изјави од активисти и експерти Пред Зоолошката градина беше присутен и зооактивистот Стефан Кирков, кој изјави дека неколку птици починале пред неколку дена и биле испратени на испитување во лабораториите на АХВ. Ѓорѓи Галетановски, поранешниот директор на АХВ, изјави дека се надева оти сите протоколи биле почитувани при акцијата и дека се преземени сите соодветни мерки за заштита на здравјето на животните и луѓето....

Премиерот Христијан Мицкоски изјави дека владата успешно ја консолидирала состојбата во земјоделскиот сектор, исплатувајќи над 1,3 милијарди денари субвенции на повеќе од 20.000 земјоделци. Тој нагласи дека оваа исплата е важен чекор кон решавање на долгогодишните проблеми во земјоделието, кои, според него, биле наследени од претходната власт. Исплатени милијарда и триста милиони денари Мицкоски објасни дека во периодот од 25 јуни до 18 октомври, владата успеала да исплати субвенции на повеќе од 20.000 земјоделци. Овие средства, кои изнесуваат над 1,3 милијарди денари, се резултат на зголемените приходи во буџетот и ребалансот кој овозможи зголемена поддршка за земјоделците. „Оваа исплата е значаен чекор за земјоделците. Со консолидирање на буџетот и зголемените приходи, успеавме да обезбедиме нешто што до сега беше невозможно – субвенции од над 1,3 милијарди денари за повеќе од 20.000 земјоделци,“ изјави Мицкоски. Поддршка за производителите на лозје, сливи, јаболка и тутун Во своето обраќање, премиерот се осврна и на посебните мерки што владата ги презема за различни земјоделски култури. Тој ги истакна мерките за поддршка на лозарите, производителите на сливи, како и вонредните мерки за јачмен и пченица. Според него, откупот на јаболката е во полн замав, а следен фокус на владата ќе бидат тутунарите. „Годината беше успешна за лозарите и производителите на сливи, а презедовме и вонредни мерки за јачмен и пченица. Откупот на јаболка оди според планот, а следниот наш приоритет ќе бидат тутунарите,“ додаде Мицкоски. Наследени проблеми и план за подобрување Мицкоски го повтори својот став дека проблемите во земјоделството се резултат на, како што ја нарече, „разбојничката работа на претходната влада“ на СДСМ и ДУИ. Тој нагласи дека владата предводена од ВМРО-ДПМНЕ е посветена на решавање на овие наследени состојби и на обезбедување подобри услови за секој земјоделец. „Наследивме катастрофална состојба од претходната влада. Но, ние сме решени да ги поправиме сите проблеми и да се бориме за секоја поддршка за земјоделците. Секој човек е важен,“ изјави премиерот....

Премиерот Христијан Мицкоски остро одговори на критиките од опозицијата во врска со состојбата на економијата, нарекувајќи ги обвинувањата за економска катастрофа „претерани и неосновани“. Тој изјави дека, според неговата Влада, економските индикатори се позитивни, а дека вистинската катастрофа не е во сегашните економски трендови, туку во „разбојничкото управување со државните ресурси“ од страна на претходната власт. Вистинската катастрофа и стабилизација на економијата Мицкоски посочи дека, за разлика од прогнозите на опозицијата, економијата е стабилизирана, а претходното „слободно паѓање“ е запрено. Според него, тековните економски показатели укажуваат на консолидација и напредок. „Економијата веќе не е во слободен пад, напротив, ја стабилизиравме и ја ставивме на добар пат. Единствена катастрофа е она што СДСМ и ДУИ го направија за време на нивното седумгодишно владеење, каде што управуваа со државните ресурси на разбојнички начин,“ изјави премиерот. СДСМ со критики за економскиот раст Пратеникот на СДСМ и поранешен вицепремиер Фатмир Битиќи денеска истакна дека економските прогнози за оваа година не се исполнети и наместо очекуваниот раст од 2,5%, според податоците на Светската банка, економскиот раст ќе изнесува само 1,8%. Ова, според него, укажува на неуспешни економски политики од страна на ВМРО-ДПМНЕ. „Намалениот раст е јасен сигнал дека политиките на актуелната влада не функционираат и дека економијата е во слободен пад,“ изјави Битиќи, додавајќи дека потребни се итни реформи за да се избегне целосна економска криза. Обвинувања за претходното владеење на СДСМ и ДУИ Во својата реакција, Мицкоски потенцираше дека е задоволен од сегашните економски резултати, обвинувајќи ја СДСМ за катастрофалните состојби што ги оставила по нивното долгогодишно управување. „Она што е катастрофално не е економската прогноза, туку состојбата која ја оставија после седум години некомпетентно и корумпирано владеење. Ние успеавме да го сопреме падот и да ги стабилизираме економските индикатори,“ рече Мицкоски, критикувајќи го опозициското раководство за нивната реторика. Според него, СДСМ постојано дава погрешни предвидувања и ги користи прес-конференциите за да ја пренесе погрешната слика на јавноста. Обвинувања за злоупотреба на државните ресурси Мицкоски исто така го искористи моментот да потсети на „злоупотребите“ на претходната влада. „Секое нивно обвинување само ги потсетува граѓаните на корупцијата и злоупотребите што ги правеа со државните ресурси. Нивната реторика само го потврдува нивното седумгодишно разбојништво и националните отстапки што ги направија во интерес на своето лично богатење,“ изјави Мицкоски, потенцирајќи дека Владата предводена од ВМРО-ДПМНЕ ќе продолжи со напорите за економска консолидација....

Вработените во основното и средното образование ќе имаат значителни зголемувања на платите во наредните четири години, со најмалку 46%, а можеби и до 60% повисоки примања. Ова го објави премиерот Христијан Мицкоски, кој посочи дека договорот со СОНК е историски чекор кон признавање на важноста на образовниот кадар. Зголемување од 46 до 60 проценти Мицкоски објасни дека зголемувањето на платите ќе се движи од минимум 46% до потенцијални 60%, во зависност од состојбата на државниот буџет. Притоа, тој го нагласи значењето на ова зголемување, кое се смета за прво од ваков обем во историјата на македонското образование. „Минимум 46% зголемување ќе имаат наставниците и професорите, а во зависност од буџетот, може да достигне до 60%. Ова е историски чекор за кој се договоривме со СОНК,“ истакна Мицкоски. Платите ќе се зголемуваат етапно до 2028 година Зголемувањето на платите нема да се однесува само на наставниците и професорите, туку на сите вработени во образовните институции. Првото зголемување ќе се случи со исплатата на октомвриската плата, која ќе биде зголемена за 5%. Потоа, следните години ќе се спроведуваат етапни зголемувања со секоја мартовска плата, до 2028 година. „Првото зголемување од 5% ќе го видат со октомвриската плата, исплатена во ноември. Понатаму, во март 2025 ќе има дополнително зголемување од 7%, а секоја година до 2028 ќе има нови покачувања, од 7,5% до 12,5%, во зависност од буџетските можности,“ додаде Мицкоски. Зголемување на платите во здравството е следно Покрај значителното зголемување на платите во образованието, Мицкоски најави дека фокусот на владата сега ќе се насочи кон здравството. Тој посочи дека приоритет е обезбедување поголеми примања за сите вработени во јавните сектори, следејќи ги веќе реализираните покачувања на пензиите и програмите за млади. „По успешното зголемување на платите во образованието, наш следен чекор е зголемување на платите во здравството. Владата се стреми да обезбеди повеќе за сите, бидејќи интересите на граѓаните се наш врвен приоритет,“ нагласи Мицкоски. Со зголемувањето на платите во образованието, кое е најголемо досега, се очекува значително подобрување на условите за работа на вработените во овој сектор. Етапното зголемување кое ќе се случува во следните четири години е дел од пошироките реформи кои ќе ја подобрат општата состојба на јавните сектори во земјата....

Министерот за локална самоуправа, Златко Перински, категорично изјави дека четирите општини управувани од албанскиот коалициски партнер Вреди – Тетово, Гостивар, Желино и Чаир, немаат законска основа за финансирање на Албанска академија на науките и уметностите. Ваквата поддршка, според него, е спротивна на законските надлежности на локалната самоуправа. Финансирање на Албанската академија не е во надлежност на општините Перински истакна дека општините можат да распределуваат средства само за проекти кои се во рамките на нивната законска надлежност, додека средствата што ги собираат општините, мора да се користат според одлуките усвоени од Советот. Според него, финансирањето на здруженија е дозволено само доколку тие активности соодветствуваат на основните надлежности на локалната самоуправа. „Секое распределување на средствата што ги собира општината мора да биде засновано на одлуки и буџети усвоени од Советот, и тие средства треба да бидат наменети за реализација на основните законски обврски на локалната власт. Албанската академија на науките и уметностите не е вклучена во тие надлежности. Иако општините можат да финансираат здруженија, тие мора да се во рамките на основните задачи за кои постои локалната самоуправа, и ако се толкува законот доследно, нема правна основа за ваква поддршка,“ објасни Перински. Поддршка од албански академици во МАНУ Во врска со ова прашање, Перински истакна дека дури и дел од албанските академици во МАНУ нагласиле дека етничка академија не е исправен пристап. Тој го потенцираше фактот дека законот не дозволува општините да финансираат активности што не се во нивната правна надлежност. „Дури и некои албански академици од МАНУ изразија несогласување со формирањето на етничка академија, истакнувајќи дека ваквиот пристап е погрешен. Законот е јасен – општините можат да финансираат проекти, но тие мора да бидат во рамките на надлежностите на локалната самоуправа, а тоа не го вклучува финансирањето на Албанската академија на науките и уметностите,“ нагласи Перински. Вицепремиерот Изет Меџити има спротивен став И покрај ставовите на Перински и премиерот Мицкоски, првиот вицепремиер Изет Меџити од Вреди тврди дека формирањето на Албанската академија на науките и уметностите е потребно за македонското општество. Според него, ваквата академија не треба да се гледа како закана. „Што се однесува до организациската форма и финансирањето, доволно е да се земе како пример финансирањето на Европската академија на науките и уметностите, која е финансирана и од локалната самоуправа. Меѓу членовите на оваа академија е и поранешниот претседател на нашата држава, Ѓорге Иванов. Оваа академија не претставува закана, туку е можност,“ изјави Меџити. Средба со академиците во Тетово Минатата недела, Билал Касами, градоначалник на Тетово и еден од лидерите на Вреди, беше домаќин на средба со академиците од новоформираното здружение Албанска академија на науките и уметностите. Академиците посочија дека нивната мисија е од суштинско значење за интелектуалниот развој на Албанците, бидејќи не добиле доволна поддршка од МАНУ. „Нашата работа е од витално значење за унапредување на интелектуалната мисла на Албанците, бидејќи таква поддршка не добивме во рамките на МАНУ,“ истакнаа академиците. Иако ставовите околу финансирањето на Албанската академија предизвикуваат поделби во јавноста, академиците нагласуваат дека нивната работа е клучна за интелектуалниот развој на општеството. Споредби со други балкански академии Во својата објава на Фејсбук, Меџити ја критикуваше работата на академиите во регионот, тврдејќи дека тие се засновани на застарени концепти од 19 век. „Во 2001 година, МАНУ предложи поделба на Македонија, додека Српската академија промовираше етнички чисти држави. Ваквите ставови не придонесуваат за општествениот напредок,“ рече Меџити. Додека Перински и Мицкоски се против финансирањето на Албанската академија, Меџити и неговата партија гледаат на оваа институција како можност за унапредување на интелектуалната мисла на Албанците. Разговорите околу ова прашање ќе продолжат, бидејќи двете страни остануваат цврсти во своите ставови....

Министерството за животна средина и просторно планирање (МЖСПП) денеска објави дека општините, без оглед на политичката припадност на нивните градоначалници, активно учествувале добивање на проекти финансирани од Владата на Северна Македонија. Во рамките на ова министерство и за овие проекти апликации поднеле и општини како Арачиново, Кичево, Липково, Врапчиште и Шуто Оризари, кои се под раководство на Демократската унија за интеграција (ДУИ) и Европскиот фронт. Нагласување на приоритетите Во соопштението од МЖСПП се нагласува дека приодот при селекцијата на проектите не се темели на партиската припадност на градоначалниците, туку на доброто на граѓаните. „Целта е граѓаните да ги почувствуваат придобивките од овие проекти, без оглед на тоа кој е на власт во општините,“ се наведува во соопштението. Дополнително, Министерството изразува подготвеност за тесна соработка со општина Сарај, која е предводена од градоначалник на ДУИ, со цел да се обезбеди поголем број квалитетни проекти за локалната заедница. Продолжување на роковите за аплицирање Министерството исто така информира дека рокот за аплицирање за проекти е продолжен за уште еден месец. Ова продолжување ќе им овозможи на општините да подготват поцелосни и поквалитетни проекти кои ќе имаат директно влијание врз стандардот на живеење на граѓаните. „Нашата цел е да им помогнеме на сите општини да креираат успешни проекти кои ќе им донесат реални придобивки на жителите,“ потенцираат од Министерството. Општините кои имаа неажурирана проектна документација може да аплицираат повторно за капитални проекти, вели Мицкоски Поддршка за секоја општина МЖСПП истакна дека нема да занемари ниту една општина или заедница, без оглед на политичките припадности. „За нас е важно да ги решаваме проблемите на луѓето, да создадеме подобра инфраструктура и повисок стандард на живеење за сите граѓани,“ нагласуваат од Министерството. Целта е обезбедување на што поголема поддршка за секој граѓанин, без разлика на етничката или политичката позадина. Оваа инклузивна политика е сигнал дека Министерството за животна средина и просторно планирање е решено да создаде услови за сите општини во Северна Македонија да ги подобрат животните услови на своите жители....

Малолетничките бракови остануваат проблем на заедницата. Состојбите не стивнуваат. Се соочуваат училиштата, учениците. Прилепскиот центар за социјални работи активно ги следи состојбите. Анализите покажуваат дека главните причини се бараат во семејството. Законот дозволува брак од 16 години, но со согласност на родителите. Младите најчесто не знаат во што се впуштаат. На заедницата и се потребни активни мерки, советувања, едукација. Според Светската здравствена организација секојдневно, околу 39.000 млади девојки ширум светот се мажат пред да наполнат полнолетство. Повеќе од една третина од нив се помлади од 15 години. Трговијата со луѓе за присилни бракови сè уште е присутна и кај нас. Извор: МРТ...

Земјотрес со јачина од 4,4 степени го погоди денеска централниот дел на Турција, соопшти Европскиот медитерански сеизмолошки институт (EMSC). Земјотресот се случил на длабочина од осум километри, додава EMSC. Епицентарот на земјотресот бил на 18 километри североисточно од Кахраманмарас, град со население од речиси 400.000 жители. Засега нема информации за евентуална материјална штета....

Зоолошката во главниот град остана затворена за посетители. Според информации на Мета кои се повикуваат на вработени од самата Зоолошка станува збор за бактерија кај гуските, а од истата можат да се заразат и луѓето. АХВ на терен За само неколку денови угинале десетина гуски, а сега се усмртуваат и останатите. Од Агенцијата за храна и ветеринарство утрово се на терен, а се земаат примероци дали има присуство на птичји грип. Галетановски: Станува збор за птичји грип Поранешниот директор на ЗОО Скопје, Ѓорѓи Галетановски објави на Фејсбук дека станува збор за „птичји грип“. Во моментов Зоолошка е затворена посетителите евакуирни инспектори се веќе влезени. Ги замолувам посетителите и колегите сите што ја посетиле деновиве да се проверат“, напиша Галетановски на Фејсбук. Миланов: Се вршат испитувања Директорот на Агенцијата за храна и ветеринарство Оливер Миланов се одзва на повиците на Мета. Тој вели дека од рано утрина е на терен и дека ќе се вршат сите можни испитувања. „Во моментов не можам да дадам никакви конкретни информации додека немаме резултати од испитувањата“, изјави Миланов. Данела Арсовска смени четворица директори за оваа функција Актуелната градоначалничка Данела Арсовска која меѓудругото смени и четворица директори на оваа позиција без став. Се бараат одговори Граѓаните бараат одговори и официјално соопштение од надлежните бидејќи ова може многу да биде сериозно по здравје на жителите. На социјалните мрежи се упатуваат апели граѓаните што ја посетиле Зоолошката да се испитаат....

Германски компании влегуваат на македонскиот пазар Нов ветерен парк на потегот Куманово кон Старо Нагоричане. Германска инвестиција вредна над 400 милиони евра. До крајот на годинава премиерот најавува влез на уште две германски компании. Едната ќе го шири бизнисот на нашиот пазар, другата ќе стартува со производство во земјава. Мицкоски очекува зголемување на бројот на инвестиции до крајот на годината Според Мицкоски, инвеститорот на ветерниците во изминативе четири години не успеал да ја реализира стратегијата, за што велат од Владата велат би требало да се позанимаваат истражните органи. Зголемен извоз, намален увоз Имајќи ги предвид капиталните инвестиции, додава дека во третиот и четвртиот квартал можеме да очекуваме раст и над три насто. Извозот во август споредено со истиот месец минатата година е зголемен за 12,2 насто, а увозот намален за 1,6 насто. Можност за рецесија? Состојбата во најголемата економија во Европа, Германија е повеќе предизвикувачка отколку охрабрувачка, а ние последиците би ги почувствувале во првиот и вториот квартал од следната година-вели премиерот. Индустриско производство Премиерот Мицкоски вели дека е зголемено и индустриското производство во јули за 3,8 насто, во август има пад за 1,6 што во просек е 1,1 процент. Проектите на општините ќе бидат објавени јавно....

Со новата минимална плата ќе бидат опфатени 30.000 лица повеќе од пред две години. Кога станува збор за бруто износот, тоа е зголемување од 840 на приближно 970 евра. Хрватскиот премиер Андреј Пленковиќ изјави дека во Хрватска денеска сто илјади луѓе добиваат минимална плата и посочи дека „целта на Владата е да им обезбеди подостоинствен живот на оние кои имаат најмалку“. Од друга страна, последниот чекор за покачување на минималната плата е проследен со коментари дека таа сепак е доволно само за покривање на комуналиите, пренесуваат медиумите....

Според Перински, посоодветно е локалните самоуправи да работат на зголемување на квалитетот на живот на граѓаните, а не да одвојуваат средства за нешто коешто едноставно нема да има функција во годините што следат. – Во суштина тоа е строго опишано во Законот за локална смаоуправа во членот 11 кој вели дека приходите на локалните самоуправи треба да се трошат исклучиво за надлежностите кои се утврдени согласно Законот што во превод значи дека Законот сака да каже дека сите средства што општината ги колектира по било кој основ, ги распределува преку усвојување на одлуки и буџети на седница на Совет и треба да бидат исклучиво насочени за спроведување и реализација на основните законски надлежности на самата локална самоуправа. Во тие надлежности, Албанска академија на науките и уметностите не стои. Општината има можност да финансира здруженија и невладини организации, но и тие здруженија и невладини организации треба на некој начин да ги спроведуваат основните надлежности за кои таа локална самоуправа постои што значи дека ако точно се чита законот, законска можност за вакво нешто нема, истакнува Перински. Посочува и дека академиците од Македонската академија на науките и уметности, кои се од другите етникуми, јавно кажале дека пристапот е погрешен. -Несоодветно е да се генерираат проблеми таму каде што ги нема бидејќи имаме други реални проблеми што треба на дневна основа да ги решаваме и како централна, но и како локална власт, вели Перински....

10 милиони Кубанци се во мрак Владата се обиде да спречи катастрофа со затворање на училишта, некритични бизниси денес и испраќање на државните службеници дома. Но, напладне најголемата електрана, Антонио Гитерас, падна, предизвикувајќи синџир на прекини на струја низ целата земја. Околу 10 милиони Кубанци се во мрак. „Ќе работиме без прекин за да ја вратиме моќта“, напиша кубанскиот претседател Мигел Дијаз-Канел на Твитер. Сепак, енергетичарите не знаат колку време ќе биде потребно за да се врати струјата. Вонредна ситуација Вчера кубанскиот лидер објави дека Куба се наоѓа во „вонредна енергетска ситуација“ поради тешкотиите во купувањето на горивото потребно за електраните поради ембаргото на САД. Зошто дојде до криза? Премиерот Мануел Мареро ги додаде стареењето на инфраструктурата и зголемената побарувачка меѓу причините. Тој рече дека приватните компании ќе плаќаат повисоки цени за да го компензираат недостигот на електрична енергија. На островот, електричната енергија се произведува од осум застарени термоелектрани, кои често не се во функција или се во поправка, од седум пловечки електрани што владата ги издава на руски компании и генератори. Поради кризата затворени ќе останат училиштата и универзитетите, како и културните институти, спортските клубови и ноќните клубови. Само бизнисите од прехранбената индустрија и болниците ќе продолжат да работат без прекин. Енергетска криза Енергетската криза е уште еден удар за населението на островот, кое веќе страда од недостиг од основни прехранбени производи, гориво, вода и лекови. Во последните недели неколку провинции беа без струја и по дваесет часа дневно....