Тинејџер од Флорида планирал да задави џогер. За среќа, потенцијалната жртва успеал да го совлада. Логан Смит (18) е уапсен откако се обидел да задави човек додека џогира. Неговата жртва сепак успеала да го совлада и да го задржи до доаѓањето на полицијата. Според Њујорк пост, Смит планирал да го задржи телото на мажот во својот плакар „за да ги исполни своите сексуални фантазии“, соопштила полицијата. Проблематичниот тинејџер го смислил својот морбиден план откако го гледал хорор филмот „Scream“. Шест недели го следел човекот што трча, а на полицијата наводно и открил дека ја проучувал неговата патека за трчање, која минувала покрај неговата куќа. Смит подготвил гумен чекан, дезодоранс и појас и се сокрил помеѓу два паркирани автомобили на патеката покрај неговата куќа, каде ја чекал жртвата. Наводно планирал да го задави, а потоа да го одвлече во куќата, Во полиција изјавил дека планирал да ја удри жртвата со чекан и да го заслепи со дезодоранс, а потоа телото да го сокрие во плакарот за никој да не дознае за убиството и телото да го има само за себе. – Обвинетиот изјавил дека планирал да си игра со жртвата за да си ги исполни сексуалните фантазии. Кога го започнал нападот, му фрлил појас преку главата на жртвата и почнал да го дави. Сепак, жртвата ги искористила своите боречки вештини за да му се одмазди на напаѓачот, со кого никогаш претходно не се сретнал или разговарал, соопшти полицијата. Очувот на Смит го опишал како осаменик кој се бори психички проблеми, откако неговиот татко починал во сообраќајна несреќа пред пет години. – Мислевме дека единствената чудна работа е тоа што сака сам да оди во кино. Личност како Логан е повеќе осаменик, тој не сака да излезе од својата комфорна зона, рече очувот. – Сите сме во загуба поради ова. Тешко е да се разберат мислите што му се вртеле низ главата и што сакал да направи, – додал очувот....

На терен беа излезени сите расположливи сили на Битола, во соработка со полицијата, сообраќајот беше запрен во овој дел од градот, а беше исклучена и струјата. Горан Димкоски, kомандиротот на Противпожарната единица во Битола изјави дека пожарот е ставен под контрола и со интервенцијата е спречено да бидат зафатени околните објекти, како што се силосите со жито. Тој рече дека се прави проверка и доизгаснување на делови од објектот, како и во помалиот објект до главниот и дека на терен е дојдена нова екипа од пожарникари. Потврдено е дека нема повредени од пожарот, а материјалната штета во моментов не може да се утврди, нејзината висина ќе се утврдува од утре. На терен беа излезени сите расположливи сили на Битола, во соработка со полицијата, сообраќајот беше запрен во овој дел од градот, а беше исклучена и струјата. Пред 21 часот во Битола започна да врне снег, што дава надеж дека ќе помогне да не се самоактивира оган. Фабриката за леб „Жито Битола“ е од времето на социјализмот, а сега со објектите стопанисува „Ангро механизација- Жито Битола” која тука има пекара, млин и силос....

Четврти ден по ред се водат борби меѓу исламски екстремисти и курдските сили, поддржани од меѓународната коалиција во североисточна Сирија, во кои има најмалку 136 загинати. Борбите почнаа во четвртокот вечерта со напад на екстремистичката група ИД врз затворот Гујран, еден од најголемите каде се држат екстремистите во Сирија, и принуди илјадници цивили да ги напуштат своите домови. Започна со напад на околу стотина борци на ИД за да ги ослободат своите другари кои се чуваат во тој затвор под контрола на Курдите во регионот Хасака. Ова е најголемиот напад на ИД од нејзиниот пораз во Сирија во 2019 година од Сириските демократски сили, каде курдските сили се најбројни, со поддршка на меѓународната анти-екстремистичка коалиција предводена од САД. Според Сириската организација за човекови права, 84 екстремисти, 45 курдски борци, како и седум цивили, биле убиени во четиридневниот конфликт во затворот и околу него. Сириските демократски сили потврдија во соопштението дека борците на ИД во затворскиот комплекс повеќе не можат да избегаат откако нивните членови го блокираа секторот. Според невладината органзиација, Сириските демократски сили го обезбедиле речиси целиот сектор и голем дел од затворите, освен неколку ќелии. Тие се поддржани од авијацијата на меѓународната коалиција. Сириските демократски сили се распоредени во голем број околу затворот, трагајќи по екстремисти и ги повикуваат цивилите да го напуштат секторот. Според локалните курдски власти, илјадници луѓе ги напуштиле своите домови во близина на затворот....

Од направени 5.604 тестови, регистрирани се 1.424 нови случаи на Ковид-19. Од вкупниот број позитивни се регистрирани 214 реинфекции. Како што соопшти Министерството за здравство, согласно податоците од Институтот за јавно здравје во последните 24 часа се регистрирани 1.083 оздравени пациенти и 15 починати. Новите случаи на Ковид-19 се регистрирани во Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – осум, Виница – седум, Радовиш, Пробиштип, Богданци и Македонски Брод – по пет, Делчево, Берово и Демир Хисар – по три, Кратово и Демир Капија – по два, Дебар, Валандово, Крушево и Дојран – по еден. Оздравените пациенти се од: Скопје – 496, Битола – 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – седум, Богданци и Демир Хисар – по шест, Пробиштип – пет, Виница – четири, Крива Паланка, Македонски Брод и Кратово – по три, Валандово – два, Дебар и Пехчево – по еден. Во текот на изминатите 24 часа регистрирани се 15 починати лица. Шест починати лица се од Скопје на 69, 72, 77, 82, 89 и 90 години, по двајца починати од Велес на 43 и 69 години, Струмица на 65 и 66 години и Прилеп на 58 и 80-годишна возраст, и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови. – Согласно регистарот на умрени лица со дијагноза Ковид-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63 до 80 години. Пријавените се починати во период од 4 јануари 2022 до 20 јануари 2022 година. Од пријавените лица, три се починати во домашни услови, а две лица во болнички услови, соопшти Министерството за здравство. Од вкупниот број на починати лица (n=20), три лица се целосно вакцинирани. Направени се 5.604 тестови преку: ИЈЗ-357, ЦЈЗ Скопје-46, ЦЈЗ Битола-103, ЦЈЗ Прилеп-46, ЦЈЗ Тетово–0, ЦЈЗ Куманово-84, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–285, Жан Митрев (Филип Втори)-149, Авицена-177, Биотек-269, Систина-95, лабораторија Лаор-247, Синлаб-38, Ремедика-9, Плодност-108, Генеа-14, Никоб Лаб-592, ВФВ Медикал-86, Ели Медика-46, Ројал Медика–31, Спектра-ММ-37, Рапид Лаб–53, Жан Митрев Струмица–24, Нова Лаб Дијагностика–18, Рамус-27, ЈЗУ и ПЗУ (рапид тест) – вкупно 2.663. Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571. Според епидемиолошки анализи во моментов, најмногу активни случаи има во Скопје – 11.123, во Куманово – 748, Прилеп – 863, Тетово – 487, Битола – 1619, Гостивар – 316, Кавадарци – 561, Велес – 384, Охрид – 642, Штип – 340, Струмица – 496, Кичево – 289, Кочани – 222, Струга – 240, Гевгелија – 357, Неготино – 212, Свети Николе – 117, Ресен – 230, Крива Паланка – 130, Радовиш – 179, Делчево – 150, Берово – 93, Дебар – 21, Валандово – 163, Виница – 46, Пробиштип – 46, Кратово – 61, Богданци – 78, Крушево – 141, Демир Хисар – 71, Македонски Брод – 39, Македонска Каменица – 45, Демир Капија – 21, Пехчево – 28, Дојран – 13....

Македонците во областа Голо, на албанско – македонска граница и оваа зима не ги одминаа проблемите со кои се соочуваат по обилни снежни врнежи, по кои е познат овој планински регион. По последниот снег, чија дебелина надминува 40 сантиметри, а некаде е и повисока и минусните температури, веќе трет ден се отсечени од светот. -Дополнителен проблем е и недостигот на електрична енергија присутен веќе трет дена. Во текот на ноќта и утринските часови живата во термометарот падна на – 16 степени целзиусови, а вечерва и утре најава има за повисоки минусни температури, велат жители. Едмонд Османи администратор на административната единица Требиште рече дека во соработка со градоначалникот на општина Булќиза се прават максимални напори за надминување на проблемите. – Обилните снежни врнежи, поларниот студ и мразот го прават своето. Вложуваме максимални напори да се пробијат патиштата. Превземени се сите мерки и сме во служба на жителите за било каква потреба, изјави за МИА Османи. Областа опфаќа 22 населени места со над 12 илјади жители....

Големиот пожар кој изби попладнево во фабриката за брашно „Жито Битола“ сè уште е активен, а пожарникарските екипи се на терен и се обидуваат да го локализираат. Според СВР Битола, засега нема пријава за повредени лица. -На 23.01.2022 во 17.20 часот во СВР Битола било пријавено дека има пожар во фабрика за леб лоцирана во индустрискиот дел на Битола. Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. До сега нема пријава за повредени лица, велат од МВР....

Организаторите на претстојните Зимски олимписки игри (ЗОИ) во Пекинг објавија денеска дека се откриени 72 случаи на Ковид-19 меѓу 2.586 лица поврзани со Игрите, кои влегле во Кина во периодот од 4 до 22 јануари. Во соопштението се прецизира дека меѓу 171 спортисти и официјални лица, кои влегле во Кина во истиот период, нема позитивни на коронавирусот. Од потврдените случаи, 39 се регистрирани при тестирања на аеродромот, додека 33 внатре во „олимпискиот балон“. Во периодот од 4 до 22 јануари вкупно биле направени 336.421 ПЦР тестирања....

Невремето „Елпида“ (Надеж) што ја зафати Грција, во повеќе делови од земјата веќе донесе снег и тоа на места што досега не било вообичаено да бидат под снежна покривка, а се очекува утре да пристигне и во Атина, поради што училиштата во следните два дена ќе останат затворени, додека пак надлежниот министер ги повика граѓаните да избегнуваат непотребни движења, јави дописничката на МИА од Атина. Попладнево беше одржан вонреден состанок Министерството за климатска криза и цивилна заштита на Грција за подготвеноста на државниот механизам да се справи со снежната бура, а периферијата Атика, поширокиот регион на Атина, по средбата со сите градоначалници, донесе одлука основните и средните училишта да останат затворени. Училиштата ќе бидат затворени и во повеќе други делови на Грција, во северниот и централниот дел, на дел од островите и на Крит, а наставата ќе се одржува онлајн, додека пак во вторник, ќе се донесе одлука дали во среда учениците ќе се вратат во училишните клупи. Министерот за климатска криза и цивилна заштита на Грција Христос Стилијанидис, по состанокот рече дека во следните два дена се очекуваат интензивни временски појави со густи врнежи од снег во повеќе делови на Грција, а на состанокот на кој присуствувале претставници на перифериите, општините, противпожарната служба, армијата, полицијата, итната помош, биле разгледани три теми: работата на училиштата, да останат во функција автопатите и да нема прекини во снабдувањето со електричната енергија. Објасни дека одлуката за работата на училиштата ја носат локалните власти, а затворањето е оправдано со оглед на тоа што „невремето може да започне додека учениците се на училиште и потоа да биде тешко и опасно нивното враќање дома“, но и со оглед на тоа што поради пандемијата наставата се одвива под специјални услови и прозорците треба да бидат отворени. Во однос на движењето на граѓаните, Стилијанидис упати апел граѓаните да бидат внимателни и да избегнуваат непотребни движења, посочи дека во повеќе делови на земјата ќе биде потребна зимска опрема за возилата додека пак за автопатите, рече дека „ќе се направат големи напори да останат отворени за да може земјата да продолжи да функционира и да продолжи економската и општествената активност“. -Упатуваме силен апел до граѓаните да бидат многу внимателни и да избегнуваат секакво непотребно движење во следните 48 часа, рече Стилијанидис, истакна дека земјата ја очекуваат „тешки два дена и потребна е внимателност и будност од сите“ и упати „искрена молба“ до граѓаните верно да ги следат упатствата од властите. Надлежниот министер најави дека преку бројот 112 за итни случаи, во деловите на Грција каде што ќе има потреба ќе биде испратена смс порка до граѓаните со конкретни упатства. Ваква порака, со апел во следните 48 часа да се избегнуваат непотребни движења, попладнево, веќе добија жителите на неколку области меѓу кои и Кикладските острови, Евија и дел од централна Грција. Невремето „Елипида“ денеска донесе снег на дел од Кикладските острови, па така, Миконос, Наксос, Тинос, Сирос, Андрос, утрово беа под снежна покривка, нешто што не е честа појава. Во февруари минатата година, Атина, по најмалку десет години беше под снег, кој иако не надмина 20 до 25 сантиметри, создаде сериозни проблеми и прекин во електричната енергија во повеќе населби....

Ерменскиот претседател Армен Саркисјан поднесе оставка денеска, се вели во соопштението објавено на неговата официјална веб-страница. Ерменскиот претседател наведува дека таа одлука ја донел поради фактот што не постојат инструменти за влијание врз внатрешната и надворешната политика. Минатата година Саркисјан се најде во несогласување и расправии со премиерот Никола Пашинјан за неколку прашања, вклучително и смена на командантот на вооружените сили....

Фудбалерот на ПСЖ, Лионел Меси, се враќа во составот на актуелниот лидер во француското првенство за вечерашниот првенствен натпревар против Ремс, откако Аргентинецот целосно закрепна по прележаниот коронавирус. – Цела недела Меси одлично работеше. Сите сме среќни поради тоа и среќни сме бидејќи повторно ќе го имаме во составот, изјави тренерот на ПСЖ, Маурисио Покетино. Меси се зарази со вирусот во родната Аргентина, каде ги мина новогодишните празници, а францускиот клуб не брзаше со неговото враќање на теренот. – Да, Меси ќе биде во составот за дуелот против Ремс, а можам да потврдам и дека повредата на Мбапе не е сериозна, и тој ќе биде во конкуренција за настап, најави Покетино....

Голем пожар во Битола, јавува репортер од 4NEWS.mk станува збор за пожар во производствен погон. Пожарот избувнал пред помалку од половина час, а на терен веќе се екипи на противпожарните служби. Според неофицијални информации гори фурна која произведувала леб, пишуваат 4NEWS.mk. ФОТО: 4NEWS.mk...

Во главниот град на САД денеска се очекува да дојдат илјадници луѓе на протестен марш наречен „Порази ги мерките“, а во врска со наредбата за доказ за вакцинација при влез во јавните места. Протестот беше најавен во време кога округот Колумбија минатата недела ги изгласа овие мерки според кои се бара доказ за вакцинација при влез во ресторани и други локални бизниси. Жителите на Вашингтон се загрижени од тоа дека маршот може да предизивика судир меѓу демонстранти дојдени од други градови и локалните жители. Во случај на судир, протестот може да ги врати немилите сцени во Вашингтон од пред нешто повеќе од година, кога лани на 6 јануари поддржувачи на поранешниот претседател Доналд Трамп насилно упаднаа во американскиот Капитол. Роберт Ф. Кенеди, активист против Ковид-19 вакцинација и еден од организоторите на маршот, изјави дека очекува мирен протест. -Американците сакаат демократијата да им биде вратена, и овој протест е нивно барање за тоа, изјави тој. Кенеди е блокиран на Инстаграм и се смета за еден од „дванаесетмината на дезинформацијата“, како што се наречени од медиумите, а поради лажните тврдења за вакцините и ширење на теории на заговор за Ентони Фаучи, главниот советник во Белата куќа за борба со пандемијата. На Фејсбук групата што го промовира протестот учесниците велат дека ќе ги бојкотираат хотелите и рестораните во Вашингтон и дека ќе се сместат во хотели во Вирџинија каде што не се бара доказ за вакцинација....

Најмалку 17 деца загинаа во Јемен од почетокот на оваа година, покажуваат податоците на УНИЦЕФ. Насилството нагло ескалира од почетокот на годината, се наведува на веб-страницата на УНИЦЕФ. Се додава дека од почетокот на годината се убиени најмалку 17 деца, што е повеќе од двојно во споредба со цел декември минатата година. -Децата во Јемен се првите што ја плаќаат цената, еден од најбруталните вооружени конфликти во поновата историја трае речиси седум години, се вели во соопштението на организацијата. УНИЦЕФ ги повика сите страни во Јемен да го почитуваат меѓународното право и да ги заштитат цивилите, вклучително и децата. -Цивилите и цивилните објекти, вклучително и образовните и здравствените институции, не треба да бидат цел и мора да се почитуваат, се вели во извештајот. Од почетокот на конфликтот во 2014 година, речиси 10.000 деца во Јемен се убиени или повредени....

Германскиот министер за здравство Карл Лаутербах најави почнување на нова кампања за вакцинација следната недела, јави ДПА. „Наша должност е да допреме до народот“, изјави социјалдемократот за неделниот весник „Билд“. Тој рече дека широка кампања со постери, како и радио и телевизиски клипови, ќе почне од вторник. Околу четвртина од германското население се уште ја нема примено својата прва вакцина против коронавирус. „Оваа кампања е „покреативна“ од претходните обиди да се поттикнат луѓето да се вакцинираат. И тоа е на многу различни јазици“, додаде Лаутербах. Новата кампања за вакцинација е насочена кон различни целни групи, вклучително и постари лица, семејства и млади мажи во руралните области, како и луѓе со мигрантско потекло. „Мора да се обидеме со се за да ја надминеме разликата во вакцинацијата, што е предуслов за евентуална задолжителна вакцинација“, рече Лаутербах. Според Институтот Роберт Кох, најмалку 61 милион луѓе во Германија ја добиле основната имунизација со вообичаената втора инекција. Тоа е 73,3 отсто од вкупното население. Најмалку 41,7 милиони луѓе примиле и трета доза. Седумдневната национална инциденца на нови случаи на 100.000 население, пријавена од Роберт Кох, за првпат го надмина прагот од 800, достигнувајќи 806,8 утринава. Ден претходно беше 772,7, а пред една недела националната инциденца беше 515,7, наспроти само 220,7 во претходниот месец. Денеска наутро, здравствените власти во Германија му соопштија на Роберт Кох за 85.440 нови инфекции со коронавирус во еден ден, што е повеќе од 52.504 пред една недела. Експертите очекуваат се повеќе и повеќе случаи кои не можат да се регистрираат, делумно затоа што капацитетот за тестови се повеќе се исцрпува....

СДСМ ги злоупотребуваа парите на скопјани четири години. СДСМ во изминатите години без план, без проекти, брз реализација го презадолжија градот и јавните претпријатија ги оставија како загубари, реагираат од Град Скопје. СДСМ не можат да се помират со фактот дека граѓаните го казнија нивното недомаќинско, расипничко владеење и повеќе нема да можат да трошат народни пари за луксузирање по кафани.За нешто повеќе од два месеца градоначалничката Арсовска и Град Скопје исчистија над 120 депонии во Скопје, градот воспостави интензивна комуникација со граѓаните, се отпочнува со реконструкција на 10 булевари во Скопје, се стави во функција жичницата до врв на Водно, секој денар домаќински се наменува за ефикасни услуги за граѓаните....

Романскиот министер за одбрана Василе Динчу рече дека државата нема да влезе во никаква војна во моментов, но нагласи дека мора да биде подготвена за последиците од потенцијален конфликт на границата со Украина. „Романија нема да се вклучи во никаква војна во овој момент, но мора да биде подготвена за последиците од потенцијалниот конфликт на украинската граница“, изјави Динчу за телевизијата Диги 24. Тој рече дека романските власти не очекуваат да избие во овој момент војна во Украина. „Не можеме со сигурност да кажеме дали ќе има војна во Украина, бидејќи тоа би било многу скапо за Русија. Во гласот на генералниот секретар Столтенберг, НАТО рече дека воена интервенција не доаѓа предвид, бидејќи Украина не е членка на Алијансата, па затоа воен одговор не е опција. Од оваа гледна точка, Романија и НАТО нема да се вклучат во активни воени непријателства. Секако, можеме да бидеме сведоци на економска војна и други видови борби, економски санкции доколку дојде до конфликт, но во овој момент не очекува, така да се каже, жешка војна“, изјави романскиот министер за одбрана. На прашањето дали Романија очекува бран украински бегалци во наредниот период, Динчу рече дека властите се подготвуваат за тоа....

Со внимание ја проследив онаа провладина хајка и разглобувањето до најситните детали околу моето тестирање за ковид, надополнето со многу политика. Веројатно тезата “Наќе е крив” сега е заменето со акцијата “Пецак е крив”, а сето ова само тие од власта да не бидат криви на кои им се случи геноцид на народот поради неспособност во справувањето со ковид заразата, вели градоначалникот на Охрид, Кирил Пецаков. -Им благодарам за вниманието, а аналогно на тоа јас ќе посветам внимание на фактите кои се следни. На 19 јануари, ден Водици се тестирав во Центарот за јавно здравје Охрид, не поради чуствување на симптоми поради ковид, туку поради патување и потребата за поседување на негативен ПСР тест. Нормално не бев во изолација, затоа што што би се случило доколу илјадници луѓе кои поради потребата за патување во странство би се изолирале чекајќи резултати и секако не постои НИТУ ЕДЕН пример кој се изолирал додека чекал резултати на ПСР тест за странство , така што јас во текот на тој ден бев со охриѓани кои го славеа големиот христијански празник. Истиот ден, како и кај секој тестиран на мејл околу 17 часот( а го прочитав покасно) добив известување од тестирањето кое кажуваше дека имам позитивен тест и иако не чуствував никакви симптоми превземав мерки за самоизолација, додека мојата сопруга имаше негативен тест .. Наредниот ден ( четврток) експресно добив решение за изолација од инспекторката од ДСЗИ, бидејќи без симптоми 10 дневна изолација, да појаснам сте имале можност да видите и лично, најголем дел имногу покасно, а се случувало и да не добијат решение за изолација.. После 36 часа од тестирањето, со оглед на тоа што немав никакви симптоми, ниту некој од моето опкружување се тестирав уште еднаш, при што се покажа дека тестот е негативен и немам присуство на корона вирус.( и тој тест јавно го објавив), и само што ги добив резултатите истите и ги испратив на инспекторката ( иако во некој друг процес кај што е започнато креирањето на кривичната пријава, вели дека не била запозната за тие резултати.) Стана јасно дека станува збор за грешка во тестирањето или пак кујните на власта по своја потреба тоа така го фабрикуваа. Да одговорам и на обвинувањата упатени до мене од Ирина Бухова, директорката на Државниот санитарен и здравствен инспекторат. Не сум прекршил ниту еден проткол, ниту свесно сум предизвикал опасност за граѓаните на Македонија. Вие и оној политички менаџмент во ДСЗИ ќе се соочите со кривична пријава за клевети и несовесно работење и ИЗНЕСУВАЊЕ НА ЗАШТИТЕНИ(ЗДРАВСТВЕНИ) ПОДАТОЦИ ВО ЈАВНОСТ преку вашите политички портали. Воедно ве повикувам наместо да се занимавате со мене и со охриѓани да посветите внимание на колапсот во здравството и непособноста да се справите со пандемијата. Вашите грешки чинат животи, а неспособноста на власта Охрид го чини катастрофални резултати во туризмот, пишува Пецков на Фејсбук....

Папата Франциск денеска повика на меѓународен „ден на молитва“ на 26 јануари за да се запре влошувањето на кризата во Украина, за која тврди дека ја загрозува безбедноста на Европа. За време на неговото неделно обраќање и благослов на плоштадот Свети Петар во Ватикан, Франциск повика на повик за дијалог за смирување на украинската криза. Американските и руските дипломати во петокот не успеаја да постигнат напредок во преговорите за Украина, иако се согласија да го продолжат дијалогот. Американскиот министер за надворешни работи Ентони Блинкен се закани со „брзи и сериозни санкции“ доколку Русија изврши инвазија врз Украина. Велика Британија го обвини Кремљ дека се обидува да формира проруска влада во Киев. „Со загриженост ги следам растечките тензии кои се закануваат да бидат нов удар за мирот во Украина и да внесат сомнеж за европската безбедност, со уште поголеми последици“, рече Франциск. Тој ги повика „сите луѓе со добра волја“ да се молат следната среда за сите политички иницијативи „да имаат корист за човечкото братство“, а не за одредени интереси. Ватикан се уште не откри како Франциск ќе го одбележи денот. „Оние кои ги следат своите интереси на штета на другите го презираат нивниот човечки повик, бидејќи сите сме создадени како браќа“...

Високата претставничка на Светската здравствена орган изација Марија ван Керхове денеска ги предупреди земјите кои мислат дека ставиле крај на пандемијата на коронавирусот бидејќи бележат пад на бројот на новозаразени, дека омикрон не е последниот сој на оваа пандемија. – Во многу земји како Велика Британија, каде има развиено високо ниво на имунитет на населението од инфекции, каде што покриеноста со вакцинација е висока, ќе видат разлика во иднина. Вие се наоѓате во втората фаза од пандемијата, рече таа за Би-Би-Си. Таа истакна дека од досега администрираните 10 милијарди дози вакцини против коронавирус, има уште три милијарди луѓе кои ја чекаат првата доза. – Сè уште имаме многу чувствителна популација. Тоа е глобален проблем, затоа мораме да го третираме со глобални решенија, рече таа, додавајќи дека пандемијата на коронавирусот нема да заврши со овој бран на омикрон и дека тоа не е последниот сој за кој ќе зборува....

Денешната посета на „Дура Аутомотив Системс“ е одлична можност да се види како изгледа примената на законското решение „Недела неработен ден“. Вработените на оваа компанија, која заради сложениот производствен процес мора да работи и во недела, добиваат дополнителни 50 проценти од основната дневница. Со тоа просечната плата на оние вработени кои работат во недела во оваа компанија порасна, истакна премиерот Димитар Ковачевски при денешната посета на фабриката „Дура“, лоцирана во ТИРЗ 2 зоната. Ковачевски заедно со менаџментот на компанијата, министерската за труд и социјална политика Јована Тренчевска, директорите на ТИРЗ Јован Деспотовски и на Државен инспекторат за труд, Весна Томовска, денешната посета ја искористија и како можност за разговор со дел од работниците кои изразија задоволство од новиот закон. – Трудот на работниците мора соодветно да се вреднува и почитува. Овој закон има многу позитивен ефект врз економијата, тој ги стимулира работниците и позитивно влијае на нивната продуктивност што е во интерес и на самите компании. Законот недела неработен ден ќе даде одлични резултати во зголемување на продуктивноста на компаниите и унапредување на стопанството. Во оваа прилика би сакал да им честитам на раководството на „Дура“ кои покрај двете фабрики, планираат и нова трета инвестиција во фабрика, инвестиција од над 20 милиони евра. Висината на инвестицијата во двете фабрики каде има 680 вработени е речиси 70 милиони евра. Она што е важно е дека просечната нето-плата во оваа компанија е над 600 евра и има тенденција за натамошен раст, нагласи премиерот. Тој додаде дека клучот за успешна стратегија во делот на странските инвестиции е обезбедување одржливост и развој на инвестициите, но и натпросечни плати со што се подобрува квалитетот на животот и примањата на граѓаните....

Пазар дипломатија се однесува на онаа лоша политика која што до сега ја гледавме од страна на власта и оние отстапки кои што се прават со што, всушност се нарушуваат преговарачките позиции за кои што, неодамна и ние и јавноста добивме потврда од поранешен министер, кој што се додека беше министер, всушност, одрекуваше дека станува збор за нарушување на националните и државни интереси во однос на пазар дипломатијата. Оценката за тоа дека, сепак беше на таа страна во однос на нарушување на националните и државни интереси и оваа пазар дипломатиј, беше и онаа понуда со доматите, во однос на твитер неговите активности, кога нудеше гајба македонски домат во замена за отпочнување на преговорите. Одтогаш поминаа повеќе години и сепак, Македонија е на истата позиција со нарушени национални и државни интереси и позиции во однос на она што значи сега, бугарска блокада, вели портпаролот на ВМРО-ДПМНЕ, Наум Стоилковски кој беше и модератор на денешната трибина во централниот штаб на партијата насловена „Заштита на националните и државни интереси, наместо пазар дипломатија“. Стоилковски сподели и едно негово работно искуство со претставник на Европската комисија за Македонија од периодот на 2000-тите години, Ерик Мереер кој имаше добри видувања за состојбите на Балканот по однос на условувањата што земјите членки во унијата ги правата на земјите кандидати. „Во еден од оние моменти на отворени прозорци и врати, бидејќи многу често се користи тој израз кога станува збор за пред некаков состанок, и евро преставници почнуваат да го наметнуваат сега е моментот, моментумот демек за нови ветришта да продуваат низ Европската унија. Ерик, во неврзан разговор после интервју вели, Европската унија и европските институции и европјаните, сметам дека неподготвени влегоа во проширување на Европската унија кон истокот, кон оние земји од Балканот и источниот дел на Европа. Затоа што, вели, вакви условувања какви што, и тогаш постоеше проблемот со Грција, имаат Грција кон вас ќе дојде Бугарија, ќе дојде да речеме некаква реакција помеѓу Србија и Хрватска, Србија и Црна Гора или Босна со Црна Гора. Значи оваа каша од условувања, кои што фактички немаат врска со европскиот начин на живот и на чин на размислување, на надминување на проблемите и она што значи основа на Европската Унија за отворени граници, движење и еднаквост помеѓу економијата и, воопшто, човековите права, туку напротив ќе служи како еден вид на морков и стап за задоволување на своите застарени идеи и желби“, истакна Стоилковски. Тој потсети дека сето ова што денеска ни се случува и што секоја држава бара Македонија да прави отстапки и промена, на пример, на Устав дека доаѓаат од периодот кога Зоран Заев сеуште не беше на власт и кој што во Берн истакна дека не може Македонија да не е виновна а сите држави околу неа да се виновни. „Зоран Заев пред да дојде на власт и да доведе до ситуација да потпишеме два договора со кои што бевме убедувани дека се затворени прашањата и дека се исполнети условите и треба да се почне со преговорите со Европската унија. А се тргна од една кажана реченица во Берн кога Зоран Заев стана и рече, не може Македонија да не е виновна и сите други околу неа да се виновни и ги отвори прозорците и вратите за промена и прифаќање на се и сешто“, рече Стоилковски....

Во 2020 и 2021 година континуирано зборувавме дека на овој договор ќе му следи Анекс или нов договор, каде јас ги гледам првите знаци дека тоа ќе се случи е изјавата на Маричиќ во кој вели за комисијата за историја ќе се разговара во која форма и содржина истата ќе продолжи. А за да се случи истото согласно Договорот за добрососедство мора да се направи промена, анекс или нов договор, вели Марија Митева портпарол на ВМРО-ДПМНЕ на денешната трибина насловена „Заштита на националните и државни интереси, наместо пазар дипломатија“. Митева потенцираше дека во вторник се очекува првата меѓувладина конференција помеѓу Македонија и Бугарија прашувајќи дали може се очекува да се разговара за историските прашања далеку од очите на јавноста со оглед на фактот дека како еден од членовите на делегацијата е токму предводникот на македонската комисија за историја. Во вторник очекуваме прва меѓувладина конференција меѓу Македонија и Бугарија и не ме изненадува фактот дека како член на делегацијата ќе биде и предводникот на македонската комисија за историја, додека фокусот во јавност континуирано сега се става на оние четири точки за кои што ќе се разговара образованието, инфраструктурата, културата и економијата, рече таа. Па сосема јасно се поставува тука прашањето дали зад овие четири теми ќе се разговара и за историјата, без притоа истото да биде пред очите на јавноста, и дали главниот проблем поради кој што постои проблемот помеѓу Македонија и Бугарија е историјата, сега веќе се трга на старана и се претставува некоја нова стратегија која што ќе ја води Бугарија, а Македонија само ја следи, па на тие работни групи кои што треба да се состануваат еднаш месечно, дали и комисијата за историја ќе ја следи динамиката на овие четири групи, праша Митева....

Јас ќе зборам за овој тип на манипулација која што му се случува на македонскиот народ, односно властите се обидуваат да ја манипулираат македонската јавност односно да се поигруваат или да ја навредуваат интелигенцијата на граѓанството. И тоа го прават по четири клучни столба кои што можам да ги забележам, два се повеќе процедурални, а два се повеќе суштински, вели Стефан Андоновски, член на ИК на ВМРО-ДПМНЕ на денешната трибина во организација на ВМРО-ДПМНЕ насловена како „Заштита на националните и државни интереси, наместо пазар дипломатија“. Андоновски истакна дека бугарскиот премиер Петков го диктира процесот на преговарање, додека македонските власт се однесуваат како неми набљудувачи и независни аналитичари, укажувајќи дека има чувство на инфериорност кај власта. Прво треба да забележиме дека Кирил Петков како премиер на Бугарија е оној кој го води процесот на преговарање, оној кој ја диктира агендата, ги диктира прашањата кои што ќе се дискутираат, оној кој ги диктира комисиите кои што ќе бидат формирани, кој ќе учествува во нив, мандатот, прашањата кои ќе треба да се затворат како и роковите. Од нашата страна, нашите власти се однесуваат како да се или неми набљудувачи или независни аналитичари, без воопшто да имаат било каков ефект внатре во учеството. Замислете дури не учествуваа ни во селекцијата на тоа каде ќе се одржуваат средбите прво, а каде следната или средбата потоа, дециден е тој. Имам едно чувство на инфериорност кај нашите носители на одлуки, порача Андоновски. Имаме целосна доминација и изместување на оската, а знаете во меѓународната дипломатија, па и во преговорите како процес мора да имате две сериозни страни еднакво потковани за процесот доведе до еднаков избалансиран резултат. Не може да очекувате избалансиран резултат кога имате не избалансиран процес, смета Андоновски. Андоновски вели дека очекувал некое пологично правно резонирање во однос на изјавата на Бојан Маричиќ во однос на Бујар Османи, кој е министер за надворешни работи, бидејќи Маричиќ бил правник, додека Османи хирург. Вториот аспект е нешто што ја навредува интелигенцијата затоа што ги диктираат процесите еден правник и еден хирург. И сега од хирургот во Министерството за надворешни работи може и да очекувате неумесни изјави кои што немаат допирна точка со правната реалност, но од правникот кој што беше во Министерството за правда, а сега во Секретаријатот за европски прашања би очекувале некое пологично правно резонирање и во таа смисла е она кое што долго време не навредуваат дека со Бугарија нема да има нов договор, а сега лесно се преминува дебатата дали новиот договор кој што ќе биде потпишан со Бугарија ќе помине во Собранието со двотретинско мнозинство или не, објасни тој. Во однос на суштинските аспекти, Андоновски вели дека сега има нешто повеќе од португалскиот предлог, додвајаќи дека тој предлог бил прифатлив од македонската страна, но отфрлен од Бугарија односно како што рече тој истиот е ставен во фиока, а се дискутира за промени кои што значат промени во идентитетските обележја. Да преминам кон по суштинските аспекти. Првиот суштински аспект е дека сега имаме нешто повеќе од португалскиот предлог. Исто така ќе ве потсетам дека цела 2021 година бевме убедувани дека португалскиот предлог е единственото нешто за што преговараме, кога знаеме дека уште првиот ден португалскиот предлог кој одеше на заштита на дел на македонските права беше отфрлен од Бугарија. Тие продолжија да дискутираат, а беше прифатен од македонска страна дека е одлична основа за продолжување на преговорите. Сега португалскиот предлог е ставен на ад акта и ние дискутираме за повеќе од меѓународно прифатените правила на игра, односно дискутираме за промени кои што значат промени во идентитетските обележја и не е случајно голем број на поранешни претставници од власта повеќе не се дел од истата, затоа што ова е навредливо дури и за нив, за луѓето кои што беа дел од грчкиот договор, кажа Андоновски. И последната суштинска разлика на кое што се удираат македонските национални интереси е едно начело во правото на ЕУ кое што вели директна примена на правилата. Македонија исто како и Бугарија се потписни на Европската Конвенција за човекови права. Како правен документ има директна примена во правниот поредок на Република Македонија, исто како и било кој системски закон кој што го имаме. Од тука да очекувате и да се мешате во правата на Македонија и македонскиот уставен поредок за да таа го менува истиот, а во исто време не ги почитувате правата на Македонците кои што живеат во Бугарија, кои што се заштитени по таа конвенција која што вие сте ја ратификувале, освен што е политички некултурно, оди против сите правила на меѓународното право. Но, она кое што мене повеќе ме навредува не е бугарскиот став дека тие нема да ги почитуваат пресудите на судот во Стразбур, туку е македонскиот став дека ние немаме право да ги заштитиме токму тие права кои се гарантирани од Советот на Европа, од Судот за човеков права, потенцираше Андоновски....

Две третини од реколтата тутун се веќе откупени. Според Сојузот на земјоделски здруженија, откупните претпријатија имаат преземено над 15.000 тони, а просечната цена е 194 денари за килограм. Претседателот на Сојузот, Менде Стомнароски вели дека откупот непречено се одвива и со овој интензитет може да заврши пред рокот, кон средината на февруари. -Откупени се преку 15.000 тони и реколтата е помала од договорените околу 22.000 тони. Според овој интензитет, се очекува да заврши во средината на идниот месец, вели Стомнароски. Потврдува дека тутунарите не се задоволни со оваа цена и затоа ги повикува заеднички да се изборат за повисоки цени по класи. -Трошоците на живот пораснаа, а и трошоците за производството. Затоа уште сега ги повикувам тутунарите заеднички да се избориме за нови цени, изјави Стомнароски. Сојузот бара кон средината на февруари средба со Министерството за земјоделство и со откупувачите за нови цени и за законски измени за поголема улога на Сојузот при производството и откупот. -Потребно е производителите да имаат поголема и рамноправна улога во целиот тек на реколтата, од потпишувањето на договорите до откупот. Сојузот да решава дали ќе се потпишат договорите со цени на кои инсистираат откупувачите, а не како досега тие да ја имаат доминантната улога. Токму дека тоа се приватни компании и дека е пазарна економија. Треба да имаме рамноправно учество како договорни страни, објаснува Стомнароски. Во меѓувреме има и иницијатива од Пелагонискиот регион за измени во законот за тутун во поглед на увозот....

Европската унија сама себеси се перцепира како единство на различности. Одеднаш, сега, се покажува дека членки на ЕУ промовираат еден чуден ЕУ-однос, ние и вие. Многу пати сум го цитирала професорот Џозеф Вајлер од Харвард, познат по уставот на ЕУ, кога вели дека ЕУ прво, иако се вика Европска унија е потесен ентитет од Европа, а сепак се вика Европска унија и дека односот кон кандидати и кандидатите, и кандидатите за кандидати треба да го смени, бидејќи напати тој начикува на судија и обвинет или се одвива според начелото молчи и слушај. Тоа не се однесува, се разбира , на ЕУ како ентитет и на органите, туку еве на некои членки, вели професорката и актуелен пратеник, Гордана Силјановска Давкова на трибината организирана во централниот штаб на ВМРО-ДПМНЕ насловена „Заштита на националните и државни интереси, наместо пазар дипломатија“. Таа ова го посочи во однос на Република Бугарија и нејзиниот однос кон Македонија со наметнување разно разни барања и услови, како што е и барањето за промена на уставот за впишување на бугарско малцинство, а од нејзина страна неправејќи никакви отстапки на зацртаните позициите нарекувајќи ја чудна тактита за земја членка на Европска унија која се потира на начелото на еднство на различностите. Во однос на признавањето и заштитата на правата на малцинствата, Силјановска Давкова посочи дека тука особено треба да важи начелото на реципроцитет, односно како што Бугарија бара признавање на бугарско малцинство во македонија истото треба да го направи и таа, и во Бугарија да го признае македонското малцинство и да ги гарантира неговите права, што е во согласнот и со добиените пресуди од Судот за човекови права кои ги покренаа Македонците во Бугарија. „Од она што го покажува историската меморија, токму на прашањето на заштитата на правата на малцинствата најмногу се инсистирало на реципроцитет. Да посочам, и ние и Бугарија, и сме ја потпишале и сме ја ратификувале рамковната Конвенција за заштита на правата на малцинствата. Ако ја следиме логиката на солунскиот Самит и на она што тогаш, комесарот за Оли Рен го изрази дека, регионот е Европа историски, географски, културно, дека само во два културно историски моменти на Отоманската империја и на комунизмот не сме биле заедно. И дека логиката е јасна ако е ова портата на ЕУ, тогаш или ние ќе извезуваме мир или ќе увезуваме немир“, истакна Силјановска Давкова. Во однос на барањето за промена на Уставот, таа истаканад ека е неизбежно дека тој повторно ќе се менува, најмногу поради ЕУ интеграциите како што е преимерот со Србија која пред недела дена се изјаснуваше и на реферндум, но дека тоа ние треба да го направиме со барање од внатре, како на пример претседател на држава, а не како барање кое некој од надвор ни го наметнува. „Мој белгиски колега вели, Уставот треба да се менува со рака што трепери од одговорност. Да, ние го менуваме уставот со рака што трепери од страв, до сега неколку пати. И замислете, за триесетина години 36 амандмани, споредено со САД, з аповеќе од 200 години, 27 амандмани, имаат илјада предлози и пет илјади неуспешни обиди. Проблемот е што ние, дали треба да го смениме уставот, јас одговорно тврдам и тоа ќе го направиме. Србија тоа сега го правање со референдум, во функција на ЕУ интеграцијата, мешутоа не со барање од надвор, туку со барање од внатре. Еден паметен претседател или претседател на собрание, одамна би ја проширил уставната комисија со експерти, за да видиме во овие 30 години кои проблеми ги манифестираше уставната норма во праксата како систем“, посочи Силјановска Давкова....

Пред ноќен клуб во Скопје, синоќа од страна на полициски службеници од Единицата за интервентна полиција од слобода е лишен Б.Т (24) од Скопје кај кого е пронајдена и одземена бела прашкаста материја и една дробилка со марихуана, соопштија од Министерство за внатрешни работи. Од МВР додадоа дека против Б.Т. ќе биде поднесена соодветна пријава по документирање на случајот...

Германската економија претрпе огромни штети од почетокот на пандемијата, соопшти денеска Институтот за германска економија (ИВ) во Келн. – Од почетокот на пандемијата, германската економија загуби 350 милијарди евра додадена вредност, главно поради драстично намалената приватна потрошувачка, се вели во извештајот на ИВ кој го пренесуваат германските медиуми. Според прогнозата, дури и ако БДП ги достигне нивоата пред пандемијата до крајот на 2022 година, останува „огромна разлика“ во споредба со претпоставката ако пандемијата никогаш не се случеше. – Јазот создаден од падот на додадената вредност и приходите ќе се пополни само ако бидеме сведоци на силен економски раст во наредните години, се вели во извештајот на ИВ. Сепак, како што дознава германската новинска агенција ДПА од владини извори, новата Влада за тековната година смета на економски раст од само 3,6 отсто. Претходната Влада уште во септември поаѓаше со стапка на економски раст од 4,1 за 2022 година. Во 2021 година е забележан економски раст од 2,7 отсто, откако во 2020 година е намален за 4,6 отсто. Според пресметките на ИВ, во последните две години пандемијата предизвика намалена приватна потрошувачка од 270 милијарди евра поради мерките за затворање и тешкотиите во испораката на стоки. Економистите од ИВ забележуваат и „промена во однесувањето“ кај потрошувачите. – Граѓаните се плашеа да одат во кина и ресторани поради страв да не се заразат, дури и кога тоа беше повторно можно. Парите наместо тоа завршија во заштеда, вели Мајкл Громлинг, автор на анализата на ИВ. Таканаречените Економски мудреци, група претставници на водечките германски економски институти, оценуваат дека по нормализирањето на состојбата со протокот на стоки, може да дојде до ненадејно ослободување на инвестициите и потрошувачката, што може позитивно да влијае врз брзо закрепнување на економијата....

На 22.01.2022 година околу 14,35 часот било пријавено дека во Тетово на ул. „Благоја Тоска“, се случила сообраќајна несреќа во која патничко моторно возило удрило во Е.Д. (17) од с. Бродец-тетовско по што возачот го напуштил местото на настанот. Е. Д. бил пренесен во Клинички центар Тетово каде му била констатирана тешки телесни повреди и по укажаната лекарска помош бил пуштен на домашно лекување. Се работи на расчистување на случајот....

Во последните 24 часа во Словенија се потврдени рекордни 13.911 заразени со коронавирусот, а дури 75,5 отсто од тестовите биле позитивни, па Владата не размислува за олеснување на мерките во сè уште тешката епидемиолошка состојба. – И покрај се поголемиот број заразени, бројот на хоспитализирани е стабилен, но со вакво големо присуство на вирусот кај населението, очекуваме притисок врз одделенијата за интензивна нега. Затоа не размислуваме за дополнително олеснување на мерките, туку размислуваме за излезна стратегија, изјави инфектологот Матеја Логар, кој ја предводи владината експертска група за Ковид-19, коментирајќи ги високите бројки. Во Словенија во последните 24 часа се потврдени 13.411 новозаразени со коронавирус од 18.428 ПЦР тестови, со 75,5 отсто позитивни, што е најголем број на заразени во еден ден од почетокот на пандемијата, соопшти Националниот институт за јавно здравје (НИЈЗ). Дополнително, направени се над 73.000 брзи антигенски тестови, чии резултати сè уште не се објавени бидејќи позитивните резултати треба последователно да се потврдат со ПЦР тестирање. Седумдневниот просек на заразени во еден ден со новиот резултати е зголемен на 9.991 случај, а 14-дневната инциденца на заразени на сто илјади жители на 5.335 инфекции. Во Словенија има 101.906 активни случаи, соопшти Министерството за здравство. Во болниците моментално има 608 пациенти со коронавирус, од кои 135 се на одделенијата за интензивна нега, а во последните 24 часа починале 17 лица, со што вкупниот број на смртни случаи од последици од Ковид – 19 се искачи на 5.768....

Едно лице го загуби животот, а две се лекуваат од вдишување чад откако пожар избувна во болница во Будимпешта рано утрово, изјави портпаролката на унгарската полиција. Причината за пожарот е непозната, изјави портпаролката Анџелика Молнар, додавајќи дека службите за итни случаи го истражуваат инцидентот во болницата во центарот на Будимпешта. Портпаролот на службата за итни случаи, Мате Кисди, рече дека пожарот избил на површина од пет квадратни метри на приземјето, а потоа се проширил во соседната просторија пред пожарникарите да го изгаснат пожарот. Пожарникарите преместиле 56 болнички пациенти на безбедно, рече Кисди....

ОВР Кичево поднесе кривична пријава против Ф.М.(41), Д.С.(47) од Кичево и правно лице со седиште во Кичево, поради постоење основи на сомнение за сторено казнено дело „вршење јавен превоз без поседување лиценца”. При контрола на патничко такси моторно возило „Рено Меган”, управувано од Ф.М а во сопственост на Д.С. и неговото правно лице, извршена на магистралниот пат Кичево-Гостивар во близина на селото Трапчин Дол, полициските службеници констатирале дека, превозот на патници се врши нелегално односно без поседување соодветна лиценa за за вршење јавен превоз на патници во внатрешниот сообраќај, издадена од надлежен државен орган, соопшти СВР -Охрид....

Во последните 24 часа во Индија се регистрирани 333.533 новозаразени со коронавирусот и 525 смртни случаи. Според владини податоци, во земјата четврти ден по ред се пријавуваат повеќе од 300.000 нови случаи на коронавирус дневно. Од почетокот на пандемијата во Индија од Ковид-19 починале 489.409 пациенти, соопшти Министерството за здравство. Од почетокот на оваа година, во различни делови на земјата во сила се различни рестриктивни мерки против коронавирусот поради омикрон....

Актуелните правила за влез во Грција воведени пред еден месец, продолжени се за уште две седмици и негативен тест ПЦР или рапид и понатаму е задолжителен за сите патници независно дали се вакцинирани или не, мерка што важи и за државјаните на Северна Македонија, јави дописничката на МИА од Атина. Новата министерска одлука „Предуслови за влез во земјата за ограничување на ширењето на Ковид-19“ стапува во сила утре, а ќе важи до 7 февруари 2022 година во шест часот. Негативен резултат од ПЦР тест направен до 72 часа пред патувањето или рапид тест 24 часа пред пристигнувањето, заедно со пополнет PLF формулар се задолжителни за влез во Грција, без разлика дали посетителите се вакцинирани, дали прележале Ковид-19 или се невакцинирани. Паралелно, нема промени и во однос на невакцинираните патници од 16 земји меѓу кои и од Северна Македонија, кои освен негативен тест пред патувањето, потребно ќе биде да добијат и негативен тест на самата граница при задолжителното тестирање од грчките власти. Министерската одлука веќе е објавена во Службен весник на Грција, а МИА детално ги пренесува сите предуслови за патување кај јужниот сосед. Согласно одлуката „сите патници во Грција, без разлика на националноста и начинот на влез во земјата, без разлика на вакцинацијата или прележана болест, мора да бидат тестирани негативно“ со ПЦР во последните 72 часа пред нивното пристигнување во земјата или „алтернативно да се тестираат негативно со употреба на брз антиген тест во рок од 24 часа пред нивното пристигнување во Грција“. Тестирањето треба да биде во одобрена од државата на потекло приватна или државна лабораторија, а потврдата да биде на грчки, англиски, француски, германски, италијански, шпански или руски јазик, а исто како и за сертификатот, треба да ги содржи и името и презимето на лицето кое патува, онака како што се заведени во пасошот. Посебна одредба, веќе неколку месеци постои за невакцинираните и за оние кои не прележале Ковид-19, а во Грција пристигнуваат од: Египет, Албанија, Аргентина, Северна Македонија, Бугарија, Бразил, Грузија, Куба, Обединетите Арапски Емирати, Индија, Кина, Либија, Мароко, Пакистан, Русија и Турција и предуслов за влез е да добијат негативен резултат од задолжителното тестирање со ПЦР/ рапид тест на влезните точки во Грција. Задолжителното тестирање при влезот, не важи за вакцинираните кои имаат сертификат за вакцинација со поминати 14 дена од втората доза и оние кои прележале Ковид-19 и имаат потврда што важи 14 дена по првиот позитивен резултат и до 90 дена подоцна. Во однос на потврдите за прележана болест и промените воведени минатиот месец, согласно одлуката, оние кои се издадени од 15 јули 2021 година до 31 октомври 2021 година важат до 31 јануари 2022 година, а останатите се со траење до 90 дена по првиот позитивен резултат. Конкретните обврски за патување важат и за возрасните, но и за децата со наполнети пет години. Дополнително, за патување, задолжителен е и електронскиот формулар PLF (Passenger Locator Form), што треба да биде пополнет преку интернет страницата https://travel.gov.gr, по што се добива потврда со QR-код и се смета за неопходен документ за влез во Грција. Сите посетители на Грција, независно од земјата на потекло, може да бидат подложени на тестирања, а селекцијата се врши согласно здравствениот алгоритам и со помош на кодот од PLF формуларот. Тестирањата, за вакцинираните и за оние кои прележале Ковид-19 се по случаен избор, а за останатите се задолжителни. Со оглед на тоа дека карантинот во Грција е намален од десет на пет дена, во случај на позитивен резултат при тестирањето на граница предвиден е петдневен карантин во соодветен простор укажан од надлежните органи. Лицата кои патуваат заедно со потврдените случаи, односно блиските контакти на оние кои се позитивни на Ковид-19, имаат можност да се вратат во нивната земја истиот или следниот ден, под услов да добијат два негативни резултати од два теста (ПЦР или рапид) направени во рок од 24 часа и за време на патувањето да носат маска со висока заштита или КН95 или двојна маска. Во случај лицата кои патуваат заедно со потврдените случаи да останат во земјата, а не се вакцинирани или поминале шест месеци од примената втора доза или немаат прележано Ковид-19 во изминатите три месеци, тогаш треба да бидат во петдневна изолација по последниот контакт со позитивното лице и на последниот ден ден да направат ПЦР или рапид тест. Доколку блиските контакти се вакцинирани и со трета доза или не поминале шест месеци од втората или прележале Ковид-19 во последните 90 дена, тогаш не е потребен карантин, но задолжително се тестираат на петтиот ден од контактот. За прекршување на законските мерки и обврски, предвидени се парични казни од 500 и 5.000 евра. За влез во Грција, отворени се сите копнени гранични премини кои работат 24 часа, со исклучок на Мерѕани кон Албанија, што е со работно време од 8 до 20 часот, а од Турција преку Кастањес и Кипи, дозволен е влез на 1.500 лица седмично. Од Северна Македонија кај јужниот сосед може да се патува преку Евзони (Богородица), преку Ники (Меџитлија) и Дојран, без никакви ограничувања во однос на бројот на посетители или во однос на работното време. Во одлуката, како што пренесува МИА, посочено е дека туристите, за време на нивниот престој во Грција, мора да ги почитуваат мерките што важат во внатрешноста на земјата. Воведувањето задолжителниот тест за влез во Грција, за сите, од грчката Влада го најавија кон средината на минатиот месец, како привремена и вонредна мерка за време на празниците, за да се спречи ширењето на Омикрон, сојот кој сепак, веќе е доминантен во земјата. Иако конкретната мерка воведена на 19 декември 2021 година првично, беше предвидено да важи до 10 јануари 2022 година, сега, продолжена е по втор пат, за уште две седмици....

Пред ноќен клуб во Скопје, синоќа од страна на полициски службеници од Единицата за интервентна полиција од слобода е лишен Б.Т (24) од Скопје кај кого е пронајдена и одземена бела прашкаста материја и една дробилка со марихуана, соопштија од Министерство за внатрешни работи. Од МВР додадоа дека против Б.Т. ќе биде поднесена соодветна пријава по документирање на случајот....

Две третини од информациите за опасностите од вакцините на социјалните мрежи ја шират само 12 лидери на онлајн јавното мислење, кои имаат голем број претплатници и следачи, покажа студија на британската невладина организација Центар за борба против дигиталната омраза (ЦЦДХ). Извадоци од студијата објави британската телевизија Скај Њуз која информира дека, според невладината организација, овие луѓе живеат претежно во САД и тврдат дека се политичари или лекари. Организацијата не ги објави нивните имиња. За разлика од луѓето кои се опишуваат себеси како нерешителни или скептични за придобивките од вакцинацијата, антиваксерите користат агресивни методи за да ги убедат другите да не се вакцинираат, се вели во студијата. Се наведува дека откако компаниите кои управуваат со социјалните мрежи почнале да се борат против антиваксерската пропаганда, отстранета е голема количина на материјали. Сепак, ЦЦДХ предупредува дека некои информации продолжуваат да циркулираат на интернет и оти противниците на вакцините често се појавуваат под други имиња или на страниците на други корисници, што им овозможува да ги заобиколат забраните за објавување. Имран Ахмед, извршен директор на ЦЦДХ, ги повика социјалните мрежи побрзо да ги отстрануваат информациите што сеат страв кај јавноста дека вакцините ги направиле луѓето поранливи на инфекција со коронавирус, доведуваат до неплодност и го зголемуваат ризикот од хоспитализација. – Сите интернет платформи се грижат луѓето да поминуваат што е можно повеќе време на нив за да можат да им покажат што е можно повеќе реклами во исто време. Затоа, тие не се премногу решени да преземат акција, рече тој во телевизиско интервју....

Градската власт во кинескиот главен град денеска нареди тестирање на два милиони жители за коронавирус, бидејќи градот продолжи да пријавува нови случаи, помалку од две недели пред почетокот на Зимските олимписки игри. Градските власти во Пекинг денеска соопштија дека ќе бидат тестирани два милиони жители на населбата во која идентификувале голем број заразени лица. Девет локално пренесени случаи со потврдени симптоми биле откриени вчера во Пекинг, што е помалку од 10 дена порано, објави Националната здравствена комисија, додавајќи дека шест од деветте се во градската област Фенгтаи. Фенгтаи денеска ќе организира тестирање за сите свои жители, се вели во соопштението на окружните здравствени власти. Градот Пекинг, исто така, побарал од жителите проактивно да одат на тестирање доколку развијат симптоми на Ковид-19 во рок од 14 дена од приемот на поштенските пратки од странство, соопштија локалните власти. Кина ги повика луѓето да носат маски и ракавици при отворањето на поштата, особено од странство, откако властите сугерираа дека првиот случај на варијантата омикрон на коронавирус, пронајден во Пекинг, можел да пристигне на пакет од Канада. Градовите низ Кина воведоа построги мерки за борба против вирусот во последниве недели додека Пекинг се подготвува да биде домаќин на Зимските олимписки игри на почетокот на следниот месец. Многу градови ги советуваат жителите да не патуваат или бараат од патниците да ги пријават своите патувања неколку дена однапред. Континентална Кина вчера пријави 56 нови случаи на Ковид-19, што е намалување од 63 случаи еден ден порано, според националниот здравствен орган на земјата. Националната здравствена комисија соопшти дека 19 нови случаи се пренесени локално, што е помалку од 23 дена претходно, а останатите се увезени. Бројот на нови асимптоматски случаи, кои Кина не ги класифицира како потврдени случаи, падна на 34 од 43 ден порано. Нови починати нема, па бројот на починати е 4636....

Во организација на ВМРО-ДПМНЕ денеска во 11:00 часот во Палата др. Христо Татарчев (Плоштад ВМРО бр. 1), ќе се одржи трибина „Заштита на националните и државни интереси наместо пазар дипломатија“. На истата ќе говорат проф. др. Гордана Силјановска Давкова, Стефан Андоновски, член на ИК на ВМРО-ДПМНЕ. Настанот ќе го модерираат Марија Митева и Наум Стоилковски, портпароли на ВМРО-ДПМНЕ, а истиот ќе оди во живо на официјалната Фејсбук страница на ВМРО-ДПМНЕ....

СДСМ и пиунот Ковачевски бегаат од избори затоа што знаат дека ќе ги изгубат. Во СДСМ знаат дека поддршката кај граѓаните од ден во ден е се помала за нив. Според последните мерења на мислењето на јавноста ВМРО-ДПМНЕ води пред СДСМ со 22.5% наспроти 17.9%, велат од ВМРО-ДПМНЕ. -Народот се повеќе се одлучува за ВМРО-ДПМНЕ бидејќи знае кој може да ги решава нивните проблеми и кој може да го реализира ветеното. Пиунот Ковачевски е исплашен од избори и затоа што неговиот личен рејтинг е скоро 4 пати помал од рејтингот на претседателот Мицкоски. Имено 17.7% од граѓаните даваат поддршка за претседателот Мицкоски, додека само 5.5% за Ковачевски. Јасно е зошто е стравот во СДСМ. Но тие мора да сфатат дека иднината на државата не смее да биде заложник на нивната желба за власт. ВМРО-ДПМНЕ уште претстојната недела ќе поднесе законски измени до собранието со цел укинување на техничката влада пред избори, со што ќе може да се распишат избори веднаш и во рок од 45 до 60 дена како што е согласно Устав пропишано да се одржат избори. Истовремено ги повикуваме и малите партии да се охрабрат и да излезат од владата на ДУИ и СДСМ, ВМРО-ДПМНЕ ќе поддржи една изборна единица, ако се искрени кон јавноста владата ќе ја напуштат веднаш. Очекуваме одговорност од сите политички чинители. Само брзи предвремени парламентарни избори се решение за состојбата во која не донесоа СДСМ и ДУИ, подвлекуваат од партијата....

Министерството за внатрешни работи во текот на вчерашниот ден (22.01.2022) продолжи со засилените акциски контроли во областа на сообраќајот. На територија на град Скопје изречени се вкупно 165 мерки, меѓу кои за возење повеќе од дозволената брзина 38 санкции, 19 мерки за возење без возачка дозвола, седум санкции за технички неисправни возила. Изречени се 19 мерки за возење под дејство на алкохол, пет санкции за зборување на мобилен телефон, шест мерки за некористење на сигурносен појас, шест санкции за возач почетник. Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, информират од МВР....

Полициски службеници од СВР Битола на (22/23.01.2022) од 22.00 до 04.00 часот, спровеле акциска контрола за санкционирање на возачи кои управуваат возило под дејство на алкохол. Притоа, контролирани биле 248 возачи, при што откриено присуство на алкохол било кај 11 возачи. Истите веднаш се исклучени од сообраќајот и поднесени им се соодветни поднесоци. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР....

Нов Зеланд од денеска преминува во црвено, највисоко ниво на тревога поради откривањето на 12 случаи на зараза со омикрон во земјата, соопшти премиерката Џасинда Ардерн на веб-страницата на Владата. -Знаеме дека зараза со омикрон веќе се појави и на Северните и на Јужните Острови и оти се пријавени неколку инфекции на неколку места, рече Ардерн. Таа истакна дека најмалку двајца носители на новиот вид учествувале на масовни настани и најверојатно го пренеле вирусот на значителен број луѓе во земјата. -Нашата стратегија е да го забавиме ширењето на сојот Омикрон и вклучува мерки како што се употреба на маски и ограничување на бројот на учесници на сите видови настани, што исто така ќе го намали товарот врз нашиот здравствен систем. Ќе продолжиме брзо да ги тестираме луѓето, да ги следиме нивните контакти и да ги изолираме, нагласи Ардерн. Таа ги повика жителите на земјата што поскоро да примат бустер вакцина, доколку поминале најмалку четири месеци од примањето на втората доза од вакцината. -Треба да ги искористиме следните недели пред значително да се прошири вирусот за да им помогнеме на што е можно повеќе луѓе да добијат бустер доза. Местата за вакцинација денеска се отворени низ целата земја и ќе го зголемиме капацитетот во текот на целата недела, рече Ардерн....

Во организација на ВМРО-ДПМНЕ денеска во 11:00 часот во Палата др. Христо Татарчев (Плоштад ВМРО бр. 1), ќе се одржи трибина „Заштита на националните и државни интереси наместо пазар дипломатија“. На истата ќе говорат проф. др. Гордана Силјановска Давкова, Стефан Андоновски, член на ИК на ВМРО-ДПМНЕ. Настанот ќе го модерираат Марија Митева и Наум Стоилковски, портпароли на ВМРО-ДПМНЕ, а истиот ќе оди во живо на официјалната Фејсбук страница на ВМРО-ДПМНЕ....

На автопатот Кичево – Охрид утре ќе се изврши минирање во периодот од 15 до 16:30 часот, соопшти АМСМ. Сообраќајот на државните патишта се одвива по претежно влажни коловози, наместа со остатоци од кашест снег на коловозот по интервенција на екипите на ЈП Македонија пат. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. На патниот правец А2 Свети Николе – Миладиновци на 10 км пред Миладиновци, поради свлечиште и голем одрон, сообраќајот е пренасочен само на една коловозна лента во должина од 150 метри. На самото место е поставена соодветна сообраќајна сигнализација. На учесниците во сообраќајот АМСМ им препорачува внимателно возење. Патниот правец Охрид – Ресен, преку националниот парк Галичица, е затворен за сообраќај за сите видови на возила, од 15.11.2021 до 01.04.2022. Од охридска страна, сообраќајот ќе се одвива до месноста Корита. Од 15.11.2021 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2022 година....

Вчера во Франција се регистрирани 389.320 новозаразени лица со коронавирусот, по четири последователни дена кога бројот на новозаразени беше над 400.000. Француското Министерство за здравство соопшти дека на одделенијата за интензивна нега има 3.746 пациенти, 46 помалку од претходниот ден. Министерството исто така соопшти дека 167 лица починале од корона вирусот во текот на изминатите 24 часа, со што вкупниот број на починати од Ковид-19 во Франција се зголеми на 128.514....

Енергетската криза силно ги погоди кумановските јавни претпријатија. Паралелно растат цените на гас и на електрична енергија. Менаџерските тимови бараат поддршка за надминување на состојбата. Цените за енергенсите се зголемија неколкукратно. Буџетите на јавните претпријатија не одговараат на сè повисоките цени на гасот и на електричната енергија. Први за енергетската криза алармираа надлежните од ЈП „Куманово-Гас“ кои кажаа дека цената на гасот е зголемена за над 200 проценти, поради што дел од покрупните потрошувачи, но и домаќинства од Куманово кои се затоплуваа на гас почнаа да се префрлуваат на електрична енергија или екстралесно масло за затоплување. Домот за стари лица „Зафир Сајто“, библиотеката „Тане Георгиевски“, две детски градинки, неколку индивидуални семејни куќи, се откажале од гасот како начин на затоплување и се префрлиле на други енергенти. Директорот на ЈП „Куманово-Гас“, Марко Митровски информираше дека на 31 декември, лани цената кон потрошувачите била 30 денари, сега изнесува 80 денари за метар кубен. -За месец јануари, бидејќи имаше големо покачување, ни најавија од компанијата снабдувач „Пром Гас“ дека ќе има покачување, веќе ја знаеме цената е 75 денари по метар кубен. Доволни количини засега имаме, се снаоѓаме, уште на почетокот на декември склучен е договор со снабдувачот за месец јануари каде што беше побарано од наша страна некаде околу 140.000 метри кубни гас за јануари. Со оглед на настанатата криза во цела Европа така и кај нас, ние добивме за користење 93.000 метри кубни гас тоа е некаде околу 3.000 кубици по ден, изјави Митровски. До крајот на грејната сезона, средина на март не се очекува да се намали цената на гасот. Градинките беа меѓу првите во Куманово кои пред петнаесетина години се приклучија на гасификациската мрежа, тогаш како евтин, а сè уште еколошки енергент. Директорката на градинката, Марина Алексовска информираше дека две од градинките целосно ги префрлиле на гас, а две на екстралесно масло. Четири од осум објекти се затоплувале на гас. -По добиените сознанија од ЈП „Куманово Гас“ ни беше кажано да го редуцираме. Како установа ние работиме со деца од јасли до шест години, така што не би можеле редуцирано да го користиме, туку за да можат децата да имаат нормално затоплување, како и секогаш тие четири објекти кои комбинирано се затоплуваат, одлучивме два објекти да останат останаа исклучиво на гас, а двата да ги префрлиме на екстралесно гориво, изјави Алексовска. Таа рече дека во ниту еден случај нема да се остават децата без затоплување, и оти уште отсега е објавен тендер за екстралесно масло за во арпил годинава. Големиот потрошувач покриениот затворен базен времено е затворен поради високите цени на струјата и на гасот. ЈП „Чистота и Зеленило“ одлучи времено да го затвори поради високи цени на гас и струја. Одлуката е донесена поради тоа што цената на гас за месец јануари се зголемува од 25 на 80 денари за метар кубен, што е трикратно зголемување на цената. Претпријатието до неодамна се снабдувало со електрична енергија на отворен пазар. -Цената на струјата имавме договор на тендерска постапка со понудувач, меѓутоа пред неполн месец самата фирма го раскина договорот со ЈП и веќе не сме на слободен пазар. Користиме цена директно којашто ни ја дава ЕВН и која ја наплаќа според во моментот како се движи струјата. Тие цени може да достигнат и до десетпати да бидат повисоки, или попрактично кажано за да биде запознаена јавноста, цената на гас овој период во минатата година се движела од 500.000-600.000 денари, очекувана цена за месец јануари е 1, 5 до 1, 6 милиони денари, додека за струја цената се движела од 200.000 до 300.000 денари само за градскиот базен, цената на струја за месец јануари би можела да достигне и до 1, 5 милиони денари. Тоа се сериозни трошоци и расходи за ЈП кое не може да ги издржи овие цени и да продолжи со работа градскиот базен, бидејќи со овие сметки ние не можеме да ги покриеме трошоците и загубата на градскиот базен, изјави директорот на претпријатието, Даниел Стојчевски. Клубовите кои организираат пливање, спортските педагози жалат за ваквата состојба. На ниво на Куманово осум клубови тренираат деца од училишна и предучилишна возраст, над 300 рекреативци секојдневно пливаат. Стручните лица сметаат дека временото затворање на затворениот градски базен поради енергетската криза и паузата можат негативно да се одразат врз учениците, рекреативците и спортистите. Професорот Југослав Спасиќ и претседател на Здружението на спортски педагози, вели дека наредниве месеци ќе биде тешко да се одржат во форма пливачите. Тој предлага повеќе чекори за надминување на состојбата. Спасиќ предлага општинскиот сојуз на спортови да одвои средства за стимулирање на клубовите за набавка на справи, наменети за пливачките техники, а за децата со попреченост ќе биде потребно да се обезбедат карти за спа центри, во кои овие месеци додека не функционира базенот каде би продолжил нивниот рехабилитациски процес. -Би било добро доколку има конференциски сали или објекти каде што се затоплува и се држат состаноци во слободни термини клубовите да можат да ги искористат за теоретско знаење, учење на техниките од друга перспектива, за добра правилна, спортска исхрана, дишења, да ги продлабочат своите знаења и од една непријатна состојба да бидеме мудри, одржливи и да направиме уште поголема корист, вели Спасиќ. Уште едно претпријатие од Куманово „Водовод“ стравува од високи сметки за електрична енергија од годинава. И тие како и нивните колеги од „Чистота и Зеленило“ се снабдувале со електрична енергија на отворен пазар до пред извесен период. -Најголем потрошувач е пречистителната станица. ЈП Водовод Куманово септември 2021 склучи договор за снабдувач на електрична енергија, кој во ноември нè извести дека го раскинува договорот. До септември месец цената била 3,5 денари киловатчас со новиот договор цената се искачи на 6, 8 денари од 1. јануари, годинава, 2022 снабдувач на ЈП водовод е универзалниот снабдувач ЕВН, каде што цената на електрична енергија за јануари 2022 може да достигне до 33 денари киловатчас. Тоа ќе значи зголемување на електрична енергија за преку 350 проценти, изјави директорот на ЈП „Водовод“, Оливер Стојмановски. Тој појаснува дека лани сметката во септември била 1, 1 милион денари, декемвриската, 2,1 а сега очекува 8,6 милиони денари. Пречистителната станица, Фабриката за вода и двете пумпни станици работат со полн капацитет. Во ЈП „Водовод“ најголем потрошувач е токму пречистителната станица со ланска, просечна месечна сметка за 800.000 денари, фабриката за вода трошела околу 400.000 денари, додека двата дополнителни системи кај Митев мост и Бедиње трошеле по 350.000 денари. Двете претпријатија преку здружението на даватели на комунални услуги на ниво на државата ќе бараат помош од Владата. На градскиот базен постои можност за делумна заштеда на електрична енергија преку соларни панели за загревање, но како што информираше Стојчевски, три панели биле нефункционални. Тие ја загревале само водата за туширање, не и целиот амбиент на огромниот простор. „Чистота и Зеленило“ планира да постави и фотоволтаици на покривот. Истиот чекор планира да го преземе и ЈП „Водовод“, особено за пречистителната и за фабриката за преработка на вода. Двете претпријатија преку здружението на даватели на комунални услуги планираат да побараат помош од државата за надминување на енергетската криза. На средба на владиниот економски тим со делегација на ЗЕЛС се разговарало за надминување на предизвиците од енергетската криза и како што стои во владиното соопштение, Владата за секое прашање, кое е важно за граѓаните води отворен дијалог. Се подвлекува и отвореноста за соработка со единиците на локална самоуправа за заедничко надминување на тековните предизвици. – Сите теми кои се важни за граѓаните, за нормално функционирање на општеството треба да се дискутираат и да се најдат најсоодветни решенија кои се во општ интерес. На состанокот, се согласија предизвиците со кои се соочуваат единиците на локална самоуправа да се елаборираат детално, да се направат соодветни анализи и да се предложат соодветни решенија за нивно надминување, се наведува во соопштението на Владата....

СДСМ и пиунот Ковачевски бегаат од избори затоа што знаат дека ќе ги изгубат, се наведува во партиското соопштение. Во СДСМ знаат дека поддршката кај граѓаните од ден во ден е се помала за нив. Според последните мерења на мислењето на јавноста ВМРО-ДПМНЕ води пред СДСМ со 22.5% наспроти 17.9%. Народот се повеќе се одлучува за ВМРО-ДПМНЕ бидејќи знае кој може да ги решава нивните проблеми и кој може да го реализира ветеното. Пиунот Ковачевски е исплашен од избори и затоа што неговиот личен рејтинг е скоро 4 пати помал од рејтингот на претседателот Мицкоски. Имено 17.7% од граѓаните даваат поддршка за претседателот Мицкоски, додека само 5.5% за Ковачевски. Јасно е зошто е стравот во СДСМ. Но тие мора да сфатат дека иднината на државата не смее да биде заложник на нивната желба за власт. ВМРО-ДПМНЕ уште претстојната недела ќе поднесе законски измени до собранието со цел укинување на техничката влада пред избори, со што ќе може да се распишат избори веднаш и во рок од 45 до 60 дена како што е согласно Устав пропишано да се одржат избори. Истовремено ги повикуваме и малите партии да се охрабрат и да излезат од владата на ДУИ и СДСМ, ВМРО-ДПМНЕ ќе поддржи една изборна единица, ако се искрени кон јавноста владата ќе ја напуштат веднаш. Очекуваме одговорност од сите политички чинители. Само брзи предвремени парламентарни избори се решение за состојбата во која не донесоа СДСМ и ДУИ....

Недела неработен ден е реалност и работниците веќе ги уживаат бенефитите од ова законско решение. Иницијативата на Стопанската комора беше еден вид изненадување за нас, но лично сметам дека недела како законско решение ќе остане неработен ден за 92 проценти од работниците, вели во интервју за МИА претседателот на Сојузот на синдикати на Македонија, Дарко Димовски. Задоволен е од спроведувањето на ова законско решение, а за сите забележани неправилности вели дека поднеле пријави до Инспекторатот за труд и до Пазарниот инспекторат за што веќе се изречени и првите санкции. Неправилности се констатирани во маркети и пекари, а според синдикатот, спорни се и спортските обложувалници, казината и угостителските објекти од типот на кафичи каде не се служи храна. Секаде каде имаме поплаки, пријавивме до Државниот инспекторат за труд и до Пазарниот инспекторат и како што гледате веќе има резултати. Четворица работодавачи кои го прекршиле законот, веќе се парично казнети и затворени 15 дена. Дополнително, онаму каде што сметавме, како што се спортските обложувачници и коцкарници кои не се предвидени во дејностите кои можат да работат во недела, пративме претставки до Министерството за труд и социјална политика и до Министерството за финансии бидејќи очигледно на тие дејности, некој со мислење, а не со законот, им дал да работат. Тоа за нас е неприфатливо бидејќи мислењето не може да го дерогира законот, а законот е јасен дека сите оние дејности кои не се пропишани за работа во недела, не можат да работат. А тоа ни се случува со спортските обложувачници и коцкарниците- посочува Димовски. Како следен чекор, Димовски најавува дека во текот на февруари синдикатот ќе почне кампања со која секој месец ќе бидат опфатени по две дејности во кои ќе се анализира дали навистина се почитува исплатата на дневница за работа во недела....

Дали над 2 милиони евра пари на скопјани е штета од ослободувањето од плаќање паркинг за функционерите на СДСМ и ДУИ?!, праѓуваат од ВМРО-ДПМНЕ. -400 возила 4 години не плаќале паркинг низ Скопје, прибележани во ЈП Градски паркинг со регистарски таблички, марка и модел, но сите на 3 имиња, Борче Јакимовски и Владимир Кроневски, директори од ДС во тоа претпријатие за време на СДСМ. Дали зад овие имиња се криеле Мартин Попов, шеф на кабинет на Димитар Ковачевски, Златко Марин, Миле Зечевиќ и други високи функционери на власта?! ДС по овој систем функционира како приврзок на СДСМ и ДУИ. ДС преку своите директори го помагаат криминалот на СДСМ и ДУИ. Дали ова незаконско работење граѓаните на Скопје ги чинело над 2 милиони евра. Пари кои требало да легнат на име на претпријатието доколку овие функционери си го плаќале паркингот, а не да бидат ослободени?!, стои во партиското соопштение....

Во текот на изминатите денови се бележат се поголем број на заразени лица со Ковид-19, што се должи на брзото ширење на новиот сој омикрон. Во моментов во земјава се активни 20.250 случаи на заразени лица, а според податоците на Светската здравствена организација во светот се дијагностицирани над 340 милиони заболени. Од СЗО предупредуваат дека ризикот од омикрон останува многу висок. Од почетокот на епидемијата досега во земјата се направени вкупно 1.741.085 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 254.857, бројот на оздравени пациенти е 226.409, на починати е 8.198, а бројот на активни случаи изнесува 20.250. – Бројот на потврдени случаи на инфекција со коронавирус во светот надмина 340 милиони луѓе, соопшти вчера Светската здравствена организација. Според информациите од завчера Светската здравствена организација добила податоци за вкупно 340.543.962 заразени и 5.570.163 починати. Најголем број заразени со Ковид-19 е регистриран на 20 јануари, кога во рок од 24 часа се идентификувани 3.933.319 случаи. Најголем број потврдени случаи има во САД – речиси 68,2 милиони. Следува Индија со 38,6 милиони случаи, потоа Бразил (23,4 милиони), Британија (15,6 милиони) и Франција (15,2 милиони). Најголем број починати од Ковид-19 има во САД (852.334 лица), потоа Бразил, Индија, Русија и Мексико. Светската здравствена организација (СЗО) вчера издаде соопштение за омикрон, во кое се наведува дека ризикот поврзан со оваа варијанта останува „многу висок“. – Врз основа на достапните докази, ризикот поврзан со омикрон останува висок. Омикрон се шири многу побрзо од делтата, што доведува до големо ширење во заедницата, а со тоа и поголема инциденца, отколку што сме виделе во пандемијата претходно, соопшти СЗО. СЗО додава дека, и покрај тоа што е помала веројатноста од сериозен тек на болеста отколку кај претходните видови, омикрон е многу заразен што резултира со зголемени хоспитализации и продолжување на притисокот врз здравствениот систем во многу земји, што може да доведе до значителна смртност, особено кај луѓето со чувствително здравје. – Во многу земји се пријавени многу хоспитализации и приеми на интензивна нега, бидејќи ова се нивоа на инфекција што не ги видовме за време на пандемијата. Потребни се повеќе податоци за да ја сфатиме јачината на сојот, според количината на потрошениот кислород, употребата на респиратори и бројот на смртни случаи од омикрон, се додава во соопштението. Во земјава вчера беа регистрирани 1.913 нови случаи на Ковид-19. Од МЗ посочија дека од вкупниот број на позитивни регистрирани се 243 реинфекции. Вчера се регистрирани сe 1.353 оздравени пациенти, како и 16 починати....

ВМРО-ДПМНЕ останува на барањето за предвремени парламентарни избори најбрзо што може, наспроти ставот на власта дека ќе се оди на редовни избори во 2024 и оти предвремени сега во услови на здравствена, економска и енергетска криза се неполезни. Опозициската партија најави и доставување до Собранието на предлот за укинување на техничката влада и ја повика власта да го поддржи заедно со барањето за предвремени избори. Предложените измени на Законот за Влада од опозициската партија најавуваат дека ќе ги поднесат утре, дека предвидува бришење на околу девет точки од законот, со што практично техничката влада би заминала во историја, но и дека измените одат со барање за предвремени избори. -Најавивме дека ќе поднесеме предлог закон, за предвремените парламентарни избори, кои што по секоја цена ќе се случат, без разлика што и да си замислуваат таму во СДСМ, народот повеќе не ги сака. Во тој предлог закон кој што ќе го предложиме, а го најави и претседателот Мицкоски ќе има бришење на некаде околу 9 точки од Законот кои што се однесуваат на техничката влада која што имавме прилика да ја видиме на кој принцип функционира изминатите години пред избори. По однос на тоа прашање последиците кои што ќе произлезат од тој предлог закон ќе биде враќање на моделот на функционирање на парламентарни избори или предвремени парламентарни избори пред 2016-та година и доколку сметаат дека се толку сигурни во победата еве може да го прифатат и изгласаат, изјави вчера на прес-конференција портпаролот на ВМРО-ДПМНЕ, Димче Арсовски. Портпаролката на СДСМ, Богданка Кузевска, пак, вчера истакна дека ставот на СДСМ околу изборите е навистина јасен и досега повеќе пати искажан – нема време за парламентарни избори во услови на глобални кризи. -Важно е да се напомене дека парламентарното мнозинство е стабилно и тоа се покажа и при изборот на владата и сметаме дека конечно по 15 години една влада треба да го издржи мандатот од четири години, потенцира Кузевска. Лидерот на ВМРО-ДПМНЕ, Христијан Мицкоски завчера во интервју за Сител изјави дека според него има десетици причини за предвремени парламентарни избори. – Резултатите на последните локални избори, во првиот и во вториот круг, мерењето на јавното мислење претходно, имаше вест во која јавноста кажува што очекува, повеќе од две третини од граѓаните се за тоа дека треба нова влада бидејќи оваа Влада ја води Македонија во погрешна насока, рече Мицкоски. Тој истакна дека досега не разговарал со премиерот Димитар Ковачевски и додаде дека се уште очекува покана од него за средба. Вели не ја условил таа средба, туку само кажал што очекува, односно, како што рече, дека меѓу другото ќе разговараат и за предвремени парламенатарни избори. Ковачевки, пак претходно изјави дека ќе стапи во контакт со лидерот на опозицијата, но напомена дека тој нема да прифати разговор со уцени. – Ќе контактирам со Мицкоски, ќе му се јавам, јас кажав под уцени нема да разговараме. Но, јас како премиер морам да разговарам со сите, но сега фокусот е на енергетската криза и на сето она што ни се случува во државата. И тоа се надевам ќе го прифати како аргумент и ќе разговараме, изјави премиерот Ковачевски неодамна во интервју за Канал 5. Тој повтори дека во услови на здравствена, енергетска и економска криза е целосно неполезно да се бараат избори. Концептот техничка влада предвидува соработка меѓу власта и опозицијата во периодот до спроведување на изборите, имајќи предвид дека одлуките усогласено треба да ги носат и министерот и заменикот во ресорите, каде и власта и опозицијата имаат свои претставници. Решението за техничка Влада првично беше применето по кризата која настана, откако Зоран Заев како лидер на опозицијата во 2015 година почна со објавувањето на „бомбите“, по што следеа предвремени избори. Од 2016 година досега Северна Македонија имаше две технички влади, првата предводена од Емил Димитриев, втората од Оливер Спасовски. Согласно сегашното законско решение техничкиот премиер го предлага партијата на власт, најголемата опозициска партија ги предлага министрите за внатрешни работи и за труд и социјална политика. Власта има свои заменици во МВР и МТСП, додека опозицијата има свои заменици во министерствата за финансии, за информатичко општество и администрација и за земјоделство, шумарство и водостопанство. Сепак политичките чинители во земјава и од власта и од опозицијата изминативе години го отворија прашањето дали на земјава воопшто и треба ваква влада пред избори, при што преовладува ставот дека треба да се отвори дебата и да се преобмисли ова решение....

Времето денеска ќе биде сончево со мала до умерена облачност, многу студено и ветровито. Ќе дува умерен до засилен ветер од северозападен правец. Кон крајот на денот особено на североистокот облачноста ќе се зголеми и ќе има слаб локален снег. Минималната температура ќе биде во интервал од -13 до -3, а максималната ќе достигне од -4 до 3 степени. Во Скопје времето ќе биде малку до умерено облачно, многу студено и ветровито. Ќе дува умерен до повремено засилен северозападен ветер. Минималната температура ќе се спушти до -8, а максималната ќе достигне 2 степени. Во следните денови времето ќе биде многу студено и ветровито со умерен до засилен северозападен ветер. Утринските температури на многу места ќе се спуштаат до околу -10 степени и помалку, а дневните ќе бидат околу и под нулата. Поради ниските температури се очекува појава на голомразица. Повремено ќе има зголемување на облачноста и провејување на слаб снег, утре на северот, а во понеделник во западните планински делови....

Новак Ѓоковиќ би требало да игра на Ролан Гарос, тврди Газета дело Спорт. Имено, Франција одлучи да направи измени во законот поврзан со вакцинацијата. Ѓоковиќ неодамна изјави дека не бил вакциниран, но и дека се заразил со коронавирусот на крајот на декември. Лицата кои се заразиле со коронавирус во последните шест месеци можат слободно да се движат во Франција, па Ѓоковиќ треба да има право на настап по тој основ, доколку нема дополнителни промени. Ролан Гарос започнува на 22 мај, а завршува на 5 јуни. Ѓоковиќ бил позитивен на 16 декември, а негативен на 22 декември. Откако му беше забранет влез во Австралија на Австралија опен, од Франција најпрвин стигна информација дека на Ролан Гарос ќе играат само вакцинираните играчи, а истата информација стигна и од Шпанија. На Вимблдон и УС Опен не може да се настапи без вакцини....

Неговата Божествена Сесветост, Патријархот Вартоломеј испрати пораки со честитки од името на Вселенската Патријаршија до новоизбраниот македонски премиер Димитар Ковачевски. Неговата Сесветост на Ковачевски му посака плодотворна и успешна служба....

Претседателот на СРС Воислав Шешељ денеска изјави дека морал да објави информации за подготовката на атентатот на претседателот на Србија, Александар Вучиќ. Шешељ, кој прв објави дека криминалецот Радоје Звицер и црногорскиот претседател Мило Ѓукановиќ се подготвуваат да го убијат Вучиќ, откри и дека има информации од неговиот црногорски извор дека Мило Ѓукановиќ под дејство на кокаин за Нова година рекол дека додека имал моќ во рацете дека ќе направи се за да го ликвидира Вучиќ. Ова ми го пријави човек кој лично бил присутен – откри лидерот на радикалите. Говорејќи за мотивот на Мило Ѓукановиќ, Воислав Шешељ вели дека Мило смета дека Вучиќ ја соборил ДПС со поддршка на српските партии во Црна Гора и потсети на две големи заплени на кокаин во Црна Гора кои се вршени со пакети банани....

Аки Рахимовски утрово планирал патување во Македонија. Тој телефонски разговарал со пријателот Здравко Ситновски во Скопје и се договорил да го пречека на аеродромот во Македонија, пишува „Вечерњи.хр“. Рахимовски неколку минути пред смртта му се јавил и на познатиот клавијатурист на некогашниот бенд Тајм, Тихомир Поп Асановиќ, со кој е во постојан контакт, но Асановиќ немал мобилен телефон со себе и дури подоцна видел пропуштен повик од пријателот. Тажната вест го шокираше бидејќи, како што рече, имале бројни заеднички планови. Рахимовски почина денеска на 67-годишна возраст во Словенија. Неговиот менаџер изјави дека пејачот веднаш бил однесен во болница, но по неколку часа, починал, откако нагло му се влошило здравјето. Во 2018 година Аки претрпе мозочен удар, но откако поминаа неколку месеци, тој отворено зборуваше дека закрепнал од болеста и ги променил животните навики. Рахимовски беше фронтмен на групата Парни Ваљак и дел од 18 студиски албуми на .бендот Засекогаш ќе остане запаметен по песните „Јесен у мени“, „Све још мирише на њу“, „Доџи“, „Моја је пјесма лагана“, „Ухвати Ритам“… Хитот „Јесен у мене“ го запеа и во дует со покојната музичка ѕвезда, Тоше Проески....

Светската здравствена организација (СЗО) денеска издаде соопштение за омикрон, во кое се наведува дека ризикот поврзан со оваа варијанта останува „многу висок“. – Врз основа на достапните докази, ризикот поврзан со омикрон останува висок. Омикрон расте многу побрзо од делтата, што доведува до големо ширење во заедницата, а со тоа и поголема инциденца отколку што сме виделе во пандемијата претходно, соопшти СЗО. СЗО додава дека, и покрај тоа што е помала веројатноста од сериозен тек на болеста отколку кај претходните видови, омикрон е многу заразен што резултира со зголемени хоспитализации и продолжување на притисокот врз здравствениот систем во многу земји, што може да доведе до значителна смртност, особено кај луѓето со чувствително здравје. – Во многу земји се пријавени многу хоспитализации и приеми на интензивна нега, бидејќи ова се нивоа на инфекција што не ги видовме за време на пандемијата. Потребни се повеќе податоци за да ја сфатиме јачината на сојот, според количината на потрошениот кислород, употребата на респиратори и бројот на смртни случаи од омикрон, се додава во соопштението....

Црногорскиот инфлуенсер Јован Радуловиќ објави видео со Новак Ѓоковиќ. Во видеото се гледа како Радуловиќ му кажува на Ѓоковиќ шега за Рафаел Надал и Роџер Федерер. Ноле, слушај го ова… Надал и Федерер играат, а сега се префрлаат, играат добро…“, вели Црногорецот. После тоа, Ѓоковиќ накратко го прекина со прашањето: „А кој е тој? „Така, кој е… Малиот од Швајцарија… Федерер го добива, толку добро го гази. Надал се врти и вели: Брат, знаеш ли дека јас сум за тебе Ѓоковиќ “, заклучил тој, а Ѓоковиќ и инфлуенсерот почнаа гласно да се смеат. View this post on Instagram A post shared by Jovan Radulovic (@jodziir) Инаку, Новак Ѓоковиќ по депортацијата од Австралија во четвртокот од Белград замина во Црна Гора, поточно во Тиват. Тој го посети и тамошниот манастир Острог, каде што се сретна со митрополитот Црногорски и приморски Јоаникије....

Вчера во претпладневните часови едно храбро семејството одлучи да ги донира органите од својот близок кај кој беше потврдена мозочна смрт, информираат од Министерство за здравство. Денеска беа направи потрeбните тpансплатации и неколку млади жив оти беа спасени. Прилеп денеска се прости од Хари Нушев момчето кое е донop на органите.Ова момче засекогаш ќе продолжи да живее кај лицата кои ќе носат негови органи. Oва ја враќа вербата во луѓето....

Стејт департментот им нареди на семејствата на вработените во амбасадата на САД во Украина да започнат со евакуација од земјата во понеделник, изјавија американски официјални лица за Фокс њуз. Следната недела, Стејт департментот се очекува да ги повика Американците да почнат да ја напуштаат Украина со комерцијални летови, „додека тие сè уште се достапни“, рече еден официјален претставник. Москва распореди повеќе од 100.000 војници на украинската граница, што предизвикува голем страв од инвазија. Американската амбасада во Украина соопшти дека пристигнала првата пратка муниција за мало оружје, според инструкциите на претседателот Џо Бајден. Американските власти, исто така, изјавија за Фокс дека на почетокот на следната недела се очекува да пристигнат противтенковски ракети Џавелин од балтичките земји и од воените резерви на САД. Исто така, трите поранешни држави на СССР, Естонија, Летонија и Литванија ќе испратат противтенковски и противвоздушни ракети во Украина....

Одбраната на 22 годишното момче кое ја прегази 24 радовишанка на раскрсницата кај Сити мол, ќе поднесе жалба на притворот, велат од адвокатскиот тим за ТВ 24. Според информациите, тие ќе го спорат притворот по сите три основи – повторување на делото, кое го аргументираат дека со одземена возачко момчето и нема да вози, влијание на сведоците дека не може да изврши, бидејќи им се земени исказите, а и тврдат дека нема да бега, за што велат може да биде одземена патната исправа. Судија на претходна постапка синоќа му одреди мерка притвор од 30 дена на возачот кој во четвртокот вечерта на пешачкиот премин кај Сити мол ја прегази Викторија Николова од Радовиш....

Откако 22 дена нема ниту трага од младиот Матеј Периш од Сплит кој исчезна на 31 декември во Белград, вчера следуваше шокантна информација дека неговата сметка на вибер била активна вчера во 21:53 часот. Според реконструкцијата на движењето на Матеј Периш, направена од српската полиција, сигналот на неговиот телефон последен пат бил фатен во близина на островот Голема војна, на сливот на Сава и Дунав. Бројните сомнежи за активноста на бројот на мобилниот телефон ги разјасни самиот Ненад Периш, таткото на Матеј. „За ова сум запознаен од полицијата, тоа се активности кои полицијата ги спроведува како дел од истрагата за сите детали за овој случај. За некои сум информиран, за некои не, и не треба да очекуваме полицијата да објави се што ќе направи. За жал, сè уште нема резултати во потрагата по Матеј, а за мене тоа е најважно и не сакам да се оптоварувам со некои информации кои исто така се појавуваат во јавноста. Најважно е да се најде Матеј и да се утврди вистината“, изјави таткото Ненад Периш за Јутарњи лист. Матеј Периш исчезна во првите часови на 31 декември откако го напуштил клубот „Готик“ каде бил со шестмина негови пријатели, а претходниот ден во Белград пристигнале со комбе кое претходно го изнајмиле во Загреб. Откако некаде пред 2 часот по полноќ излегол од „Готик“ и бил следен од надзорните камери девет минути додека бегал од клубот лоциран во т.н. „Бетон хали“, се обидел да го запре таксито, продолжил кон ресторанот „Сава нова“ на шеталиштето Сава каде е снимен од надзорна камера на ресторанот како се спушта на платото под ресторанот покрај реката. Српската полиција дотогаш го реконструирала неговото движење, откривајќи дека сигналот на мобилниот телефон на Матеј се преклопувал со сигналот на објектот што лебди на Сава, кој, како и Дунав, сè уште се пребарува....

Министерството за здравство информира, согласно податоците од Институтот за јавно здравје дека во последните 24 часа: Направени се 7.219 тестови, а регистрирани се 1.913 нови случаи на КОВИД-19: Скопје – 888, Битола – 148, Кавадарци – 111, Куманово – 83, Велес – 72, Охрид – 59,Тетово – 58, Прилеп – 51, Штип – 50, Струмица – 44, Гевгелија – 38, Кичево- 34, Гостивар и Неготино – по 31, Струга -30, Делчево – 26, Кочани – 24, Ресен – 23, Радовиш и Валандово – по 19, Свети Николе и Богданци – по 9, Крива Паланка, Виница, Крушево и Македонска Каменица – по 7, Пробиштип и Демир Хисар – по 6, Берово и Кратово – по 5, Пехчево – 4, Македонски Брод – 2. Од вкупниот број на позитивни (1.913), регистрирани се 243 реинфекции. Регистрирани сe 1.353 оздравени пациенти од: Скопје – 674, Битола – 114, Прилеп – 94, Куманово – 71, Кавадарци – 48, Велес – 41, Кичево– 35, Штип – 30, Гевгелија – 29, Охрид- 28, Кочани – 25, Радовиш – 24, Неготино – 21, Струга – 18, Гостивар – 17, Делчево – 14, Ресен -12, Крушево – 11, Струмица – 10, Пробиштип – 9, Свети Николе – 7, Македонски Брод – 5, Демир Капија – 4, Тетово, Македонска Каменица, Демир Хисар и Берово – по 2, Богданци , Виница, Пехчево и Дојран – по 1. Во текот на изминатите 24 часа регистрирани се 16 починати лица: 6 починати лица од Скопје (61г, 67г, 78г, 83г, 89 и 89г), 3 од Струмица (70г, 79г и 80г,) по 2 починати од Охрид (69г и 85г) и Прилеп (84г и 84г) и по едно починато лице од Битола (80г), Гевгелија (64г) и Кочани (79г). Пријавените лица се починати во болнички услови. Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Битола, Куманово и Пробиштип на возраст од 67г до 88г. Пријавените се починати во период од 6.01.2022 до 19.01.2022г. Сите пријавени се починати во домашни услови. Од вкупниот број на починати лица (n=21), десет лица се целосно вакцинирани. Досега во земјата се направени вкупно 1.741.085 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 254.857, бројот на оздравени пациенти е 226.409, на починати е 8.198, а бројот на активни случаи изнесува 20.250. Според епидемиолошки анализи во моментов, дистрибуцијата по градови е следна: Дистрибуција по градови Заболени (вкупно), Активни случаи (вкупно) Скопје 115119, Активни 10834 Куманово 14251, Активни 760 Прилеп 12324, Активни 885 Тетово 11978, Активни 453 Битола 11916, Активни 1650 Гостивар 8506, Активни 305 Кавадарци 8328, Активни 555 Велес 8096, Активни 392 Охрид 7673, Активни 636 Штип 7294, Активни 325 Струмица 6883, Активни 450 Кичево 4753, Активни 296 Кочани 4454, Активни 226 Струга 4241, Активни 240 Гевгелија 3472, Активни 339 Неготино 2949, Активни 212 Свети Николе 2319, Активни 114 Ресен 2207, Активни 240 Крива Паланка 2126, Активни 123 Радовиш 2111, Активни 194 Делчево 1677, Активни 147 Берово 1602, Активни 101 Дебар 1487, Активни 21 Валандово 1270, Активни 164 Виница 1242, Активни 43 Пробиштип 1230, Активни 46 Кратово 857, Активни 62 Богданци 801, Активни 81 Крушево 799, Активни 140 Демир Хисар 741, Активни 74 Македонски Брод 606, Активни 37 Македонска Каменица 480, Активни 45 Демир Капија 464, Активни 19 Пехчево 402, Активни 29 Дојран 199, Активни 12...

Мобилната единица за безбедност на сообраќајот на патиштата, денеска во периодот од 9 до 15 часот, спроведе зајакната акциска контрола на автопатот Куманово – Скопје – Велес за санкционирање на возила кои се движат со брзина поголема од дозволената, при што санкционирани се 90 возачи, соопштија од Министерството за внатрешни работи. Од МВР додадоа дека од нив, 18 возила се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина. – Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, истакнаа од МВР....

Десетици илјади противници на правото на абортус се собраа синоќа во Вашингтон на годишната Прошетка за живот, охрабрени од можноста Врховниот суд наскоро да ја поништи пресудата во случајот Роу против Вејд со кој се легализира абортусот во земјата. Судиите го разгледуваат барањето на државата Мисисипи за враќање на државниот закон од 2018 година за забрана на абортусот по 15-та недела од бременоста, кој беше блокиран од пониските судови. Во пресудата на Роу против Вејд од 1973 година, потврдена во 1992 година, судот пресудил дека државите не можат да го забранат абортусот пред фетусот да биде способен да живее надвор од матката, за кој лекарите велат дека обично помеѓу 24 и 28 недели. Законот за Мисисипи долго порано го забрануваше абортусот. Пресудата на Роу против Вејд признава дека уставното право на приватност ги штити жените кои сакаат да абортираат. Во пресудата од 1992 година во случајот „Планирано родителство на Југоисточна Пенсилванија против Кејси“, судот ја потврдил таа одлука и ги забранил законите што „непотребно ги оптоваруваат“ жените кои сакаат да абортираат. Противниците на абортусот се надеваат дека Врховниот суд ќе ја намали или поништи одлуката во случајот Роу против Вејд. Врховниот суд во декември навести дека е отворен за поништување на пресудата. Конзервативните судии, како Самуел Алито и Брет Кавано, изразиле сочувство за аргументите на Мисисипи. Пресудата се очекува до крајот на јуни. Американските држави кои се под контрола на републиканците, донесоа закони и политики во последниве години кои го отежнуваат абортусот. Движењето против абортусот на тој начин го слави законот усвоен од Тексас со кој се забранува абортус по шест недели од бременоста и кој им дозволува на граѓаните да тужат секого кој и помага на жената да изврши абортус по тој рок. Врховниот суд го дозволи законот, кој стапи на сила во септември, а во моментов се оспорува пред пониските судови. Коалицијата за Национално ослободување на абортусот, која обединува повеќе од 100 организации кои се залагаат за правото на абортус, не организирал протест поради пандемијата, туку имале серија виртуелни настани оваа недела по повод 49-годишнината од пресудата на Роу против Вејд....

Токио забележа најголем дневен број на инфекции со коронавирус четврти ден по ред, додека варијантата омикрон продолжува брзо да се шири. Во главниот град на Јапонија се регистрирани 11.227 нови случаи на зараза, соопштија локалните власти, еден ден по повторното воведување на ограничувањата за движење и деловни активности, кои треба да траат до 13 февруари. Бројот на заразени скокна скоро 2,5 пати од 4.561 една недела порано и е поголем од 9.699 потврдени случаи вчера. Три лица починале, а 12 пациенти се во тешка состојба. Стапката на зафатеност на болничките кревети во Токио се зголемила на 34,3 отсто. Зголемувањето на 50 отсто би ја оправдало вонредната состојба со построги ограничувања, рекоа локалните власти. Префектурата Осака соопшти дека денеска има 7375 заразени, што е рекорд втор ден по ред....

Премиерката на Самоа денеска воведе 48-часовен локдаун во оваа пацифичка земја, откако 15 патници од Австралија се тестирани позитивни тестот за коронавирусот, а земјата досега има вкупно 18 случаи од почетокот на пандемијата. Заразените патници биле меѓу 73-те кои дошле од австралискиот град Бризбејн во средата. И премиерката на Самоа Фиама, Наоми Матафа изјави дека Владата во иднина би можела привремено да ги прекине летовите од Австралија, а одложен е и планираниот лет од Нов Зеланд. Сите патници на спорниот лет, како што е соопштено, биле целосно вакцинирани и биле негативни на тест за ковид пред полетувањето. Гувернерот на соседна Американска Самоа, Леман Палепои Сиалега Мауга, издаде соопштение во кое упатува зборови на солидарност до Самоа и поддршка за премиерката. Тој исто така рече дека летовите меѓу неговата територија и Самоа се откажуваат на една недела. Американска Самоа, земја со 200.000 граѓани, исто така има 18 регистрирани случаи, од кои сите биле патници на „Хаваи Ерлајнс“ од Хонолулу....

Ова овде и ова зад мене се дел од списоците доставени од укажувач, на коишто јасно се гледа дека стотици автомобили на функционери од власта и членови на Демократскиот сојуз, на СДСМ, на ДУИ биле ослободени од плаќање паркинг во Скопје, ова денеска преку прес-конференција го истакна Наум Стоилковски од ВМРО-ДПМНЕ. -Возилата на листите се на имиња на Борче Јакимовски најчесто и на Владимир Кроневски, кој што се доскорешни директори на паркингот во Скопје, инаку членови на претседателството на Демократскиот сојуз на Павле Трајанов, дел од владината коалиција на СДСМ и ДУИ. Возила има и на име на Славче Јовановски, актуелен советник во Град Скопје. Инаку, и тој дел од највисокото раководство на Демократскиот сојуз на Павле Трајанов. Почитувани, јасно е дека ова се списоци коишто укажуваат дека Демократскиот сојуз е во власта и е сателит на СДСМ за да може врз грбот на народот да ползува бенефиции. Во спротивно овие тројца кој што ги набројав, Јакимовски, Кроневски, како и Јовановски сами имаат околу 400 возила кои што ги пријавиле за неплаќање паркинг, речиси на сите зони во Скопје. А, до нив има имиња на други луѓе како и опис на автомобилите. Да речеме стои името, регистарска табличка и име на Мартин Попов, актуелен шеф на кабинет во владата на премиерот. Тука е и поранешниот градоначалник на Аеродром, Златко Марин. Тука, до името на Владимир Кроневски е и Душко Весковски, доскорешен директор на Водовод во Скопје и да не ги редам други, вели Стоилковски. Тој додава дека станува збор за најмалку 400 возила и според бројот на регистрициите, може да се направи една споредба дека станува збор за цела една катна гаража, да речеме, „Македонска Фаланга“ тука кај цветен пазар, да е резервирана бесплатно за повластени лица, според овие списоци кои што беа доставени од укажувач. -Математиката според ценовникот на катните гаражи, би рекол, за четири години повластените потрошиле или, всушност заштедиле над два милиони евра за паркирање низ Скопје. Толку чини годишна карта за 400 возила, за четири години во катните гаражи во Скопје. Денеска, почитувани, нема да го ширам оној список на којшто и денеска ги набројав дел од оние кои што вчера ги споменав, како Душко Весковски и како актуелниот шеф на кабинет, Мартин Попов или како Златко Марин и други, бидејќи списокот е преобемен. Списокот со регистарски таблички е уште поголем. Ова не се паушални обвинувања, туку јасни насоки кон тоа зошто Демократскиот сојуз се уште е соучесник и е покритие за криминалот на власта. Ги повикувам сите заинтересирани медиуми и новинари, доколку имаат порив и интересирање за истражувачка сторија, да дојдат да ги погледнат списоците како вовед во една нова истражувачка сторија за тоа кој се можел да паркира каде сака во Скопје, додека сите останати мораат да плаќаат, вели Стоилковски. Демократскиот сојуз најенергично ги отфрла обвинувањата од ВМРО-ДПМНЕ објавени на прес-конференцијата на Стоилковски. Оттаму велат дека во системот никој не може да внесува регистарски броеви на возила кои ќе бидат повластени. Во Одделението за грижа на корисници дневно се проверуваат неколку стотина возила, дали платиле паркинг преку системот за зонско паркирање, дали имаат картица за паркирање, дали се возила на оперативните служби и сл. Овие податоци можат да ги влечат од системот, Одделението за грижа на корисници, да подготвува табели и истите да ги злоупотребува за партиски цели и дискредитација. Од ДС велат дека во ЈП Градски Паркинзи има над 270 вработени, најмногу членови и активисти на ВМРО-ДПМНЕ. Меѓу нив се Валентина Јовановска, (раководител на Одделението за грижа на корисници), сестра на бизнис-партнер на ВМРО-ДПМНЕ, која има пристап до сите податоци и може да ги злоупотребува истите, додаваат од партијата на Павле Трајанов и тврдат дека никој од раководството на ЈП Градски паркинг нема учество во било какви недозволени и противзаконски активности, правење на списоци и сл....

Впишувањето на Бугарите во Уставот е штетно колку и ветото. Ова го тврди основачот и претседателот на Бугарскиот културен клуб – Скопје, Лазар Младенов за Дневник.бг. Тој прашува дали политичарите во Софија се сигурни дека опозицијата во Македонија, поточно ВМРО-ДПМНЕ, ќе прифати таква идеја. -Ако не прифатат, има проблем со гласањето за да стапи тоа на сила (потребно е двотретинско мнозинство во Собранието за измени во Уставот, што е недостижно без гласовите на ВМРО-ДПМНЕ). Јас лично не сум за тоа. Едноставно, нема разлика меѓу нас и луѓето кои се определуваат како Македонци. Почитуваме исти дејци, славиме исти празници, пееме исти песни. Тоа само ќе доведе до нови поделби во македонското општество, вели Младенов. Го обвини бугарскиот претседател Румен Радев дека ги изолирал, но, вели дека има доверба во новата Влада, предводена од премиерот Кирил Петков. Софија инсистира на внесување на Бугарите во Уставот....

Средствата од договорот склучен со три угостителски субјекти од страна на претходното градско раководство, во вредност од околу 32 илјади евра ќе бидат пренаменети за бесплатни оброци за граѓани од социјално загрозени категории преку „Ретвитни оброк“ и Црвениот крст на Скопје. -Ова ќе биде практика на градот секоја година. Наместо угостителски услуги како непродуктивен трошок, ќе се користат овие средства за социјално загрозени граѓани. Оваа инцијатива за пренамена на средствата за оброци за социјално загрозени лица е еден од чекорите на Град Скопје за поактивна вклученост на градот во подобрување на квалитетот на животот на социјално ранливите категории, особено кога наши сограѓани се соочуваат со егзистенцијални проблеми во време на економска и енергетска криза, истакна градоначалничката на Скопје, Данела Арсовска. Таа ги повикува и останатите градоначалници да се приклучат на оваа иницијатива и сите средства за репрезентации или предвидени непродуктивни трошоци да се пренаменат за општествено одговорни активности со кои ќе се помогне во зајакнување на поддршката и грижа таму каде е најпотребно, со што дополнително ќе се помогне иницијативата на „Ретвитни оброк“ да се прошири на национално ниво....

Ковид заразата не стивнува во регионот. Србија пријави над 13.000 заразени во последното деноноќе, што е речиси половина од тестираните. Во Босна и Херцеговина има повеќе од две и пол илјади заразени, што е исто така скоро половина од тестираните. Над 10.000 заразени има во Хрватска, а поради компликации од вирусот таму починаа 36 луѓе. Во Словенија во последното деноноќие се потврдени речиси 10.000 нови заразени со ковид, што е 70 насто од тестираните. Тамошната влада ја скрати самоизолацијата на заразените без симптоми, за да овозможи нормално работење на здравството, школството и стопанството. Со новата одлука на словенечката влада, изолацијата на заразените е скратена на седум дена, но на седмиот ден мораат да имаат негативен брз тест, и под услов да немаат никакви симптоми еден ден пред завршување на излоацијата. Оваа одлука, почнува да важи од понеделник....