Гордана Силјановска Давкова поддржана од ВМРО-ДПМНЕ и Стево Пендаровски поддржан од СДСМ и коалицијата влегуваат во вториот круг од претседателските избори што ќе се одржат на 8 мај, истовремено со единаесеттите парламентарни избори во земјата. Според првичните и неофицијални резултати што на прес-конференција вечерва ги објави Државната изборна комисија (ДИК) од преброени гласови од 3.156 избирачки места односно 89, 98 отсто од избирачките места Гордана Силјановска Давкова освоила 324. 177 гласови – 39,99 проценти, додека Стево Пендаровски 161. 393 гласови односно 19, 90 проценти. Трет по освоени гласови од седуммината кандидати е Бујар Османи од ДУИ со освоени 110. 903 гласови, потоа Арбен Таравари со 78. 110, Максим Димитриевски од ЗНАМ со 70.996 гласови, Билјана Ванковска со 35.949 поддржана од Левица и со најмалку гласови е Стевчо Јакимовски 7.499 од ГРОМ. Претседателот на Државната изборна комисија (ДИК) Александар Даштевски истакна дека излезноста на гласачите според податоците од 3.156 избирачки места изнесува 49,75 отсто. На гласање излегле 810 971 гласачи. Важечки гласачки ливчиња се 789 031, а неважечки 21. 946 гласачки ливчиња. Даштевски оцени дека изборниот ден минал мирно, а граѓаните достоинствено гласале. Сите учесници биле достоинствени, немало проблеми. – Деведесет и девет отсто работите минаа како што треба, рече претседателот на ДИК. Она што се случи во Куманово, како што кажа, било од недоразбирање...

Билјана Ванковска, претседателски кандидат поддржана од Левица на вечерашната прес-конференција истакна дека авангардата гласала за нив и посочи дека она што била нивна задача го оствариле. -Мислам дека е точно дека авангардата гласаше за нас, тоа го знам преку личните контакти. Очигледно дека народот се уште не е во таа фаза, изгледа му понудив визија зад две брда, така што отидов предалеку во тоа што го прогнозирав. Јас длабоко се надевам дека грешам во прогнозата и дека народот нема да се разочара после година или две од владеењето на новата претседателка, веќе можам дури така да кажам со оглед на тоа дека пасокизацијата на СДСМ е дефинитивно тука. Она што беше наша задача, мислам дека го остваривме. Изодевме коректно, чисто, со насмевка, со ведрина. Она што го гледаме на терен е навистина очајно и веројатно луѓето кога се очајни го прифаќаат првата сламка на спас или ветување што им го нудат тие гледаат да го зграбат, рече таа. Ванковска нагласи дека малку се чувствува виновна за лошиот резултат, затоа што јас, како што рече, доброволно бев дистанцирана од медиуми пет-шест години и овој период беше прекус за јас да се наметнам како препознатлив лик. Ванковска потенцира дека нејзината соработка со Левица ќе продолжи и понатаму. Димитар Апасиев, претседател на Левица истакна дека опозициското настроение во државата е евидентно. -Ова беа нашите први претседателски избори. Според наши очекувања, ги изработивме машки. Во рекорден број го собравме бројот на потписи, понудивме сосема различна стратегија и дискурс во јавноста. Ова е голем плус за партијата Левица тоа што извади квалитетен кандидат. Резултатите се тие што се, не можеме да ги промениме. Се надеваме дека и професорката Ванковска од втор пат по пет години ќе успее да влезе во вториот круг. За нас битно како партија е тоа што сме на правиот опозициски курс, рече тој. Апасиев потенцира дека очекува да бидат надминати резултатите од минатите парламентарни избори по завршување на броењето. -Тоа значи дека покажува единствен тренд на нагорен раст за разлика од сите други, па дури и кај ДПМНЕ ако забележите тие во 2019 година имаа 320 илјади гласови, сега нема да имаат толку во прв круг. Тоа значи дека кај сите партии има пад, додека кај Левица има нагорен раст. Тоа ни беше битно како партија да го оствариме на овие избори. Очекувавме подобар резултат, но што е тука е. Битно е што допревме до авангардата од народот, според нас, рече тој. Апасиев нагласи дека нивната главна задача ќе биде на 8 мај и ги повика сите нивни симпатизери да гласаат за нив на парламентарните избори. фф/ац/ Фото: МИА...

Русија стави вето на нацрт-резолуцијата предложена од САД и Јапонија за да не се поставува оружје за масовно уништување во вселената. Документот го поддржаа 13 земји, а Кина се воздржа од гласање. Блокирањето на резолуцијата се случи затоа што Советот за безбедност на ОН во документот не го вклучи амандманот на Москва и Пекинг, со кој се бара трајно спречување на распоредување на какво било оружје во вселената....

Лидерот на ВМРО-ДПМНЕ, Христијан Мицкоски на вечерашната прес-конференција повика на сенародно обединување на изборите на 8 мај против, како што рече, оние кои се најодговорни за страдањата и криминалот во Македонија – ДУИ и СДСМ. „Народ се излеа и пораката е јасна – Македонија не се плаши и се враќа во рацете на народот. Целиот народ, ние со вас, наспроти стотина трговци од ДУИ и СДСМ кои се причина за криминалот и страдањата во Македонија. Македонија покажа дека е посилна од криминалот и корупцијата и дека народот е определен“,рече Мицкоски меѓу другото, цитирајќи го поранешниот претседател на САД, Роналд Реган дека „Ѕвоната ѕвонат за татковината“. Мицкоски воедно сподели во својот говор дека пред прес-конференцијата го побарал Арбен Таравари на кој му честитал за денешните избори и му посакал успех на парламентарните и иднина во власта. „Пред прес-конференцијата се слушнав со албанската опозиција, со господинот Арбен Таравари на кој му честитав и му посакав успешни избори и во влада. Македонија ќе ги мобилизира сите капацитети. Време е да си ја вратиме оваа Македонија и да испишиме нова деценија. Да не дозволиме ДУИ во вториот круг да направи добар резултат и затоа ве повикувам да излезете да гласаме за Македонија за да биде повторно горда и да биде повторно ваша“,рече Мицкоски од партиската говорница. Според него, ВМРО-ДПМНе била потценета партија пред изборите. „Ветив дека ќе победиме со најмалку 100.000, а победуваме со повеќе од 170.000 гласови. Многу работи зборувавме дека ќе се случат, не ни веруваа, не потценуваа, мислеа дека си имаат работа со мали деца. Најлошо е кога ќе потцениш човек, но ние благодарение на народот покажавме и докажавме дека Македонија ја има и ќе ја има уште многу долго време. Ветував многу работи и сите работи се случија. Не напаѓаа и одвнатре, ни се закануваа, се обидуваа да не делат, да ја делат Македонија, да го делат народот. Користеа структури од минатото на ВМРО-ДПМНЕ да не напаѓаат, но ние издржавме затоа што верувавме и затоа што народот на Македонија беше со нас“, порача Мицкоски. Тој и честиташе на Гордана Силјановска-Давкова за која нема сомнеж дека ќе биде идна претседателка и потенцираше дека бројките покажувале оти власта сигурно паѓа. Воедно, Мицкоски посочи дека, ВМРО-ДПМНЕ од позиција на опозиција освоиле најмногу гласови до сега. „Цунамито се крена и виси над глава, а на 8 мај ќе ги потопи целосно. Имаме обврска да им ги срушиме сите идеи за калкулации и предавство, сите нивни понижувања кои ги прават особено изминативе денови. Ова е револуција на народот на Македонија. Но работата не е завршена, а власта не е ни најмалку наивна. Првиот круг е жолтиот картон, а конечниот, црвениот е потребен на 8 мај против оваа криминална и корумпирана власт“, рече Мицкоски. На политичките неистомисленици им порача дека нема да им се осветуваат, а дека единствено ќе одговараат сите кои се огрешиле пред законот со своите криминални дејствија....

Почитуван мој претседателе, разликата е огромна, доколку сакате да опстане централната и левата идеја во државата, откажете се од оваа битка и оставете нè да победиме во име на граѓаните во вториот круг. Максим Димитриевски, претседателски кандидат на Движењето ЗНАМ Ова е пораката која претседателскиот кандидат на Движењето ЗНАМ, Максим Димитриевски, вечерва ја упати до актуелниот претседател и претендент за втор мандат, Стево Пендаровски, оценувајќи оти во македонскиот политички блок е родена третата политичка сила која ја испишува новата политичка историја. „Сакам да се заблагодарам на сите граѓани коишто ширум Македонија ја дадоа својата поддршка за мене како кандидат на Движењето ЗНАМ, но воедно и на сите оние граѓани кои гласаа за моите противкандидати затоа што, сепак, на крајот на денот победи демократијата и победи Македонија, а тоа е и нашата цел – Македонија да продолжи да се развива и расте како држава, а ЗНАМ има за цел да ги обединува, а не разединува граѓаните“,порача Димитриевски на вечерашната прес-конференција. Димитриевски додаде дека тој и Движењето ЗНАМ ја почитуваат волјата на граѓаните, но дека тоа е дополнителен поттик во следниот период да ги убедат сите оние кои овојпат не ги поддржале, оти намерите на „За наша Македонија“ се искрени кон сите граѓани без разлика на нивната политичка, етничка или верска припадност. „Јас како кандидат заедно со сите кандидати за пратеници на ЗНАМ ќе продолжиме да го даваме нашиот максимум за да ја постигнеме конечната цел – да ја обоиме Македонија во поинаква боја бидејќи се уште сметам дека ние во Македонија не излегуваме од црно-сивиот свет. Нашата цел е да ја видиме Македонија таму каде што заслужува да биде, а тоа е на пиедесталот како полноправна членка на Европската Унија и рамо до рамо со сите нејзини пријатели во светот“,порача претседателскиот кандидат на Движењето ЗНАМ. Во оваа насока, Димитриевски оцени дека по парламентарните избори на 8 мај, Движењето ЗНАМ ќе стане политички фактор на стабилност во државата без кој, како што рече, нема да може да се формира идната влада. „Регистриравме политички субјект којшто постои нешто повеќе од три месеци и се етаблираше со граѓанската поддрша на трето место во политичкиот блок. Сметам дека тоа е одличен појдовен резултат во понатамошната борба. Јас не се сеќавам дека во историјата на плурална Македонија имало вакви примери да има партија со некаде три и пол илајди членови, а да освоите над 80 илјади гласови. Искрено сум горд на секој еден глас којшто дојде како поддршка за мене и за нашиот политички субјект. И покрај тоа што трендовите се тие – десницата добива, а левицата губи – дополнително единствено десницата доживеа пораз во бастионот на асномска Македонија, а тоа е Куманово“, порача Димитриевски. На своите противкандидати им честита за постигнатиот резултат. Според последните податоци на ДИК со обработени 87,97 отсто од избирачките места, Максим Димитриевски освоил 68 760 од вкупниот број на гласови....

Не очекувавме ваков резултат, јасно е дека луѓето не казнија и тоа го прифаќаме. Ова е тежок удар за европската перспектива, но не е доцна да се смени правецот. Откажувањето не е опција за нас, нема да се откажеме од европската иднина, порача вечерва на прес-конференција лидерот на СДСМ Димитар Ковачевски. Тој рече дека имаат уште две недели да ја испратат пораката до секој дека единствениот начин за суштинска и вистинска промена е европската интеграција на земјата. „Знаеме дека граѓаните с емногу уморни од европскиот пат, Европската Унија не ги одржа ветувањата, но нема друг пат. Време е да ги ставиме настрана сите разлики, да се обединиме околу европската иднина на земјата. Ако ја пропуштиме шансата ќе ни треба многу време да се вратиме на вистинскиот пат. Знам дека наши поддржувачи се разочарани, но не е доцна, не смееме да се откажеме, ќе работиме секој ден на терен да ја добиме поддршката. Нема да ги наведнеме главите, ќе продолжиме да се бориме“,порача Ковачевски. На новинарско прашање дали чувствува одговорност за изборниот резултат на денешните избори и дали размислува да понуди оставка од лидерската позиција, тој истакна дека за тоа ќе се дискутира во партијата по 8 мај, односно по вториот круг претседателски избори и по парламентарните избори. „Никогаш не сум бегал од одговорност. Ова е самопрв круг, во вториот круг очекуваме подобри резултати. Што ќе се случува после избори одлучуваат партиските органи. Имаме втор круг од претседателски избори и парламентарни избори пред нас. По тие резултати ќе се разговара на Конгресот на партијата. Ова прашање ќе ми го поставите после две недели, а може и нема да мора да ми го поставите“, изјави лидерот на СДСМ....

Денешната објава за испраќање на пакетот помош е многу добра вест за Украина, но на бојното поле тие сеуште се под огромен притисок и Русија може да изврши повеќе тактички придобивки, изјави Џејк Саливан, советник за национална безбедност во Белата куќа. -Сигурно дека е можно Русија во наредните недели да изврши дополнителни тактички придобивки, изјави Саливан на денешниот прес брифинг. Според познавачите, во окупираните делови на Украина силите на Русија се во предност со доволно војска и оружје и дека ќе биде потребно да се направи многу за да се врати состојбата во полза на Украина, по месеците и годините поминати во територијални загуби. -Најитната цел е да се запрат украинските загуби и да се помогне Украина да го добие моментумот, и да ја сврти плимата на военето поле во своја корист, службено американско лице изјави денеска за Политико. -Потоа, целта ќе биде да се помогне на Украина да ја врати територијата. Дали ќе имаат се што е потребно да победат? Најнакрај да. Но тоа не е гаранција дека тие ќе победат. Воените операции се многу покомлицирани од тоа, изјви службеникот за изданието....

Резултатите не се такви какви што очекувавме, разликата ќе биде околу 130.000. Очекувавме помалку, но утре е нов ден, од утре повторно почнуваме со средби со граѓани кои ги пратикувавме и досега и почнуваме практичнo од нула, истакна вечерва кандидатот за претседател поддржан од СДСМ и коалицијата Стево Пендаровски, на прес-конференција по завршување на првиот круг од гласањето на претседателските избори. – Тргнуваме од нула, од почеток. Моја задача ќе биде, како и во изминативе 20 дена, да го промовирам концептот во кој длабоко верувам, а тоа е интегрирана држава, без поделби. Ги охрабрувам граѓаните кои не излегоа во првиот круг, да учестуваат во вториот круг, затоа што веруваат дека победникот ќе се решава во вториот круг. Очекувам уште поголем одѕив и уште поголем бројка да го препознаат концептот – демократска, просперитетна држава, рамноправна со сите нации, подвлече Пендаровски. Нагласи дека нема да бара никаков договор со никаков пол субјект за т.н. механичко префлување на гласовите. -Тоа е туѓ концепт на моето верување. Не постојат зборови „понудени“ и „префлени“ гласови на граѓани, зад секое име и презиме се крие посебна единка, никогаш во политиката граѓаните не сум ги подразбирал како аморфна маса на која ќе им се каже дали да ги префрлаат гласовите. Ќе одбијам било каков обид за нудење на гласови на граѓани, рече Пендаровски. Едноставно, додаде тој, на сте граѓани ќе им го презентирам мојот концепт и ќе им го презентирам развојот на нашата држава каков ќе биде во иднина. -Нема предавање, на средби со граѓани наидовме на одличен прием, очекувам да го поддржат мојот концепт од сите еднички заедници и социјални структури, додаде Пендаровски. Според официјалните податоци на ДИК од преброени над 80 проценти од гласовите, кандидатката за претседател на ВМРО-ДПМНЕ Гордана Силјановска Давкова со освоени 282 075 гласови (39,82%), пред Стево Пендаровски од СДСМ со 137 450 гласови (19,42%)....

Дел од извештаите на светски медиуми/агенции за претседателските избори во државава: Beta – Во првиот круг од претседателските избори во Северна Македонија води кандидатот на опозициската партија ВМРО ДПМНЕ Гордана Силјановска Давкова, покажуваат податоците објавени на веб-страницата на Државната изборна комисија (ДИК), врз основа на повеќе од половина од гласачките ливчиња обработени од избирачките места. Според веб-страницата на ДИК, Силјановска Давкова добила 197.741 глас или 37,80 отсто на 59,61 отсто од избирачките места, а нејзиниот главен противкандидат, претседателот на Северна Македонија, Стево Пендаровски, кој е поддржан од владејачката СДСМ, доби 97.592 гласови или 18,66 отсто. Reuters – Северномакедонскaтa претседателскa кандидатka Гордана Силјановска-Давкова има големо водство пред актуелниот претседател Стево Пендаровски со преброени гласови од речиси 70 отсто од избирачките места во средата, но и на двaта кандидата имаат многу помалку од 50 отсто потребни за целосна победа во првиот круг. Силјановска-Давкова од десничарската ВМРО-ДПМНЕ имаше 38,71 отсто гласови, а социјалдемократот Пендаровски со 19,02 отсто, соопшти Државната изборна комисија. Бројките сугерираат дека ќе има втор круг меѓу двајцата водечки кандидати, на 8 мај. Гласањето за главно церемонијалното претседателство се смета за латмус- тест за парламентарните избори следниот месец на кои ВМРО-ДПМНЕ се обидува да ги собори владејачките проевропски и централно-левичарски социјалдемократи. ============ БТА Со 59,59 отсто од гласачките ливчиња обработени од Државната изборна комисија, претседателскиот кандидат предложен од ВМРО-ДПМНЕ Гордана Силјановска води со 37,80 отсто пред останатите кандидати на претседателските избори во Северна Македонија. Вториот резултат е за претседателот на државата и кандидат за втор мандат Стево Пендаровски – 18,66 отсто, за Бујар Османи, номиниран од коалицијата „Европски фронт“, предводена од најголемата албанска партија ДУИ Бујар Османи гласале 15,63 отсто од гласачите. =========== Der Standart Скопје – На претседателските избори во Северна Македонија, конзервативната кандидатка Гордана Силјановска-Давкова јасно надвладеа против актуелниот претседател Стево Пендаровски. Според првичните резултати, кандидатката од опозициската ВРМО-ДПМНЕ добила 36,99 отсто од гласовите, Пендаровски 18,18 отсто. Следува министерот за надворешни работи Бујар Османи со 16,44 отсто. Бидејќи никој не постигна апсолутно мнозинство гласови, ќе има втор круг избори на 8 мај. зш/ ================ – АP (Associated Press) Северна Македонија ќе оди во втор круг од претседателските избори откако ниту еден кандидат не обезбеди доволно гласови за да победи целосно во првиот круг од гласањето во средата што се одржа додека земјата се обидува да влезе во Европската унија. Вториот круг на гласање на 8 мај ќе се совпадне со парламентарните избори. Прелиминарните резултати покажаа силна промена во корист на кандидатот поддржан од главната опозициска коалиција на десниот центар, ВМРО-ДПМНЕ. Со преброени 74,72% од гласовите Гордана Силјановска Давкова беше далеку пред со 39,50% од гласовите за актуелниот претседател Стево Пендаровски, кој бара втор петгодишен мандат со поддршка од владејачките социјалдемократи во земјата, и според Државната изборна комисија имал 19,30 отсто. По него следува кандидатот од етничкото албанско малцинство, кој е сојузник на владата, министерот за надворешни работи Бујар Османи, со 14,38%. Во Северна Македонија се големи надежите дека претседателот ќе го надгледува долгоочекуваниот влез во ЕУ. Малата балканска земја орбитира околу 27-члениот блок речиси две децении, без малку да покаже за нејзините напори. ========== Tanjug Кандидатката на ВМРО-ДПМНЕ за претседател на Северна Македонија Гордана Силјановска Давкова води со освоени 37,80 отсто од гласовите на денешните избори, додека актуелниот претседател Стево Пендаровски освоил 18,66 отсто од гласачите, покажуваат првите резултати на Државната изборна комисија. Како што е објавено на веб-страницата на ДИК, Силјановска Давкова освоила 197.741 глас, а Пендаровски 97.592 гласа. Третото место го зазема Бујар Османи, кој е поддржан од Европскиот фронт со 15,63 отсто од гласовите....

– Француската полиција уапси 16-годишно момче во западниот град Марињи, кое на социјалната мрежа Телеграм објави дека планира самоубиствен напад за време на Олимписките игри во Париз. „Младиот човек беше уапсен откако на социјалните мрежи објави дека планира да набави материјал за изработка на појаси со експлозив, за да умре како маченик во името на Исламскиот калифат“, се вели во изјавата на националниот обвинител. Според франциски медиуми, започната е истрага за „злосторничко терористичко здружение“....

Проследете ја во живо прес-конференцијата на лидерот на ВМРО-ДПМНЕ Христијан Мицкоски...

Проследете ја во живо прес-конференцијата на лидерот на СДСМ Димитар Ковачевски СПО...

Немам зборови со кои можам да ја изразам благодарноста, напати дури се срамам зарем е можно толку луѓе вака да реагираат. Не мислам дека сум посебна од многу работи, само знам дека она што ќе го ветам ќе го остварам на мој начин. Во тоа ве уверувам, од првиот ден, изјави кандидатката за претседателка на ВМРО-ДПМНЕ, Гордана Силјановска Давкова. На вечерашната прес-конференција во седиштето на ВМРО-ДПМНЕ, Силјановска Давкова рече дека овој резултат е инспиративен за неа. – Горда сум на мнозина, најпрво, горда сум на граѓаните, не само на оние кои гласаа за мене, туку и на останатите, особено сум горда на членовите на ВМРО-ДПМНЕ заради поддршката. Без нив немаше да го запознам народот, ниту тие мене, рече таа. Дополни дека треба, како што рече, да ги инспирираме граѓаните дека вреди да се учествува на избори. – Ова е крајот на првиот круг, доаѓа вториот круг, јас ќе се однесувам и во вториот круг кон оној со кој ќе треба да се натпреварувам, со должна почит. Се разбира очекувам таков однос. Не мислам дека треба да фрлиме сенка кон она што се случуваше денеска, треба да ги инспирираме граѓаните, да ги увериме дека вреди да се учествува на избори, да се чуе дека сум горда, особено на граѓаните, а без граѓани нема горда Македонија, дополни таа. Првичните резултати што Државната изборна комисија ги објавува на својата веб-страница покажуваат дека од обработени 80 проценти од гласовите, односно 2 806 од вкупно 3 508 избирачки места, води кандидатката на ВМРО-ДПМНЕ Гордана Силјановска Давкова со освоени 282 075 гласови (39,82%), пред Стево Пендаровски од СДСМ со 137 450 гласови (19,42%). ар/ац/ Фото: МИА...

Проследете ја во живо прес-конференцијата на претседателскиот кандидат на СДСМ, Стево Пендаровски...

Првичните резултати што Државната изборна комисија ги објавува на својата веб-страница покажуваат дека од обработени 80 проценти од гласовите, односно 2 806 од вкупно 3 508 избирачки места, води кандидаткта на ВМРО-ДПМНЕ Гордана Силјановска Давкова со освоени 282 075 гласови (39,82%), пред Стево Пендаровски од СДСМ со 137 450 гласови (19,42%). Трет е Бујар Османи од ДУИ со 101 160 гласови (14,28 %), Арбен Таравари од коалицијата Вреди има 71 633 гласови (10,11 %), Максим Димитриевски од ЗНАМ има 59 933 гласови (8,46 %), Билјана Ванковска поддржана од Левица има 30 802 гласови (4,35 %) и Стевчо Јакимовски од ГРОМ има 5 321 гласови (0,75 %). Гласачките места беа отворени од 7:00 до 19:00 часот. Право на глас имаа 1.814.317 граѓани запишани во избирачки список. Тие на 3.480 избирачки места можеа да се изјаснат за еден од седумтемина кандидати. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Одѕивот на денешните претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година....

Прес-конференција на претседателскиот кандидат на ЗНАМ, Максим Димитриевски....

Здружената албанска опозиција вечерва на прес-конференција им се заблагодари на гласачите кои го дадоа гласот за нивниот кандидат за претседател Арбен Таравари и очекува на 8 мај на парламентарните избори да ја победат ДУИ. – Добитник на овие избори е Влен или ДУИ има вкупен број на гласови на помалите етнички заедници и на граѓаните кои имале потреба од нивните пари. Влен е легитимен претставник на Албанците, Влен ги доби гласовите на Албанците. ДУИ со ова однесување го загуби последниот легитмитет да зборува во име на Албанците. Затоа на 8 мај ние ќе победиме. Важно е да потенцираме дека овој резултат и во мандати не е голема разлика од ДУИ и затоа на 8 мај овој резултат ќе биде во наша полза, изјави лидерот на движењето Беса, Биљал Касами. Кандидатот за претседател Таравари вели дека во сите изборни единици каде доминираат Албанци односно во Првата, Втората и Шестата изборна единица разликата е три-четири илјади гласови. Вели дека немаат одлучено на кого ќе му дадат поддршка во вториот круг. Прашан дали ќе даде оставка доколку изгуби од Османи, Таравари рече да за тоа ќе се разговара во органите на партијата. – Да завршат прво изборите, следат парламентарните избори. Ова се први избори како претседател на партија, во органите на партијата ќе разговараме за ова, рече Таравари....

Горда сум на граѓаните, не саmо на оние кои гласаа за мене. Горда сум и на членовите на ВМРО-ДПМНЕ, без нив немаше да го запшознаам народот, ниту тој мене и на коалиционите партнери… Посебно сум горда на жените во Македонија, истакна кандидатот за претседател на ВМРО-ДПМНЕ, Гордана Силјановска Давкова. -Овој резултат е неверојатно инспиративен за мене, она што го ветив, тоа и ќе го остварам, од првиот ден. Доаѓа вториот круг, јас со должна почит ќе се натпреварувам со противкандидатот, истото го очекувам од другата страна...

– Претседателот на САД, Џо Бајден ја поддржува слободата на изразување во американските кампуси, соопшти Белата куќа денеска додека се повеќе студенти на универзитетите во државата протестираат против израелската војна во Газа. „Претседателот верува дека слободниот говор, дебатата и недискриминацијата на колеџ-кампусите се важни“, рече секретарот за печат, Карин Жан-Пјер на брифинг....

Дел од извештаите на светски медиуми/агенции за претседателските избори во државава: Beta – Во првиот круг од претседателските избори во Северна Македонија води кандидатот на опозициската партија ВМРО ДПМНЕ Гордана Силјановска Давкова, покажуваат податоците објавени на веб-страницата на Државната изборна комисија (ДИК), врз основа на повеќе од половина од гласачките ливчиња обработени од избирачките места. Според веб-страницата на ДИК, Силјановска Давкова добила 197.741 глас или 37,80 отсто на 59,61 отсто од избирачките места, а нејзиниот главен противкандидат, претседателот на Северна Македонија, Стево Пендаровски, кој е поддржан од владејачката СДСМ, доби 97.592 гласови или 18,66 отсто. Reuters – Северномакедонскaтa претседателскa кандидатka Гордана Силјановска-Давкова има големо водство пред актуелниот претседател Стево Пендаровски со преброени гласови од речиси 70 отсто од избирачките места во средата, но и на двaта кандидата имаат многу помалку од 50 отсто потребни за целосна победа во првиот круг. Силјановска-Давкова од десничарската ВМРО-ДПМНЕ имаше 38,71 отсто гласови, а социјалдемократот Пендаровски со 19,02 отсто, соопшти Државната изборна комисија. Бројките сугерираат дека ќе има втор круг меѓу двајцата водечки кандидати, на 8 мај. Гласањето за главно церемонијалното претседателство се смета за латмус- тест за парламентарните избори следниот месец на кои ВМРО-ДПМНЕ се обидува да ги собори владејачките проевропски и централно-левичарски социјалдемократи. ============ БТА Со 59,59 отсто од гласачките ливчиња обработени од Државната изборна комисија, претседателскиот кандидат предложен од ВМРО-ДПМНЕ Гордана Силјановска води со 37,80 отсто пред останатите кандидати на претседателските избори во Северна Македонија. Вториот резултат е за претседателот на државата и кандидат за втор мандат Стево Пендаровски – 18,66 отсто, за Бујар Османи, номиниран од коалицијата „Европски фронт“, предводена од најголемата албанска партија ДУИ Бујар Османи гласале 15,63 отсто од гласачите. =========== Der Standart Скопје – На претседателските избори во Северна Македонија, конзервативната кандидатка Гордана Силјановска-Давкова јасно надвладеа против актуелниот претседател Стево Пендаровски. Според првичните резултати, кандидатката од опозициската ВРМО-ДПМНЕ добила 36,99 отсто од гласовите, Пендаровски 18,18 отсто. Следува министерот за надворешни работи Бујар Османи со 16,44 отсто. Бидејќи никој не постигна апсолутно мнозинство гласови, ќе има втор круг избори на 8 мај....

Претседателскиот кандидат на Европскиот фронт, Бујар Османи по завршување на првиот круг гласање од изборот за претседател на државата одржа прес-конференција со лидерите на партиите од коалицијата. Османи изјави дека прелиминарните резултати покажуваат длабока победа на Фронтот, наспроти албанската опозиција со над 40 илјади гласа и со победа во речиси сите општини во земјата. – Сакам да се заблагодарам на сите за поддршката за Европскиот фронт и за мојата кандидатура. Ова е заедничка победа и оваа победа само докажува дека Европскиот фронт станува една голема локомотива за европската иднина на нашата држава. Денес Албанците, Турците, Бошњаците, Ромите докажаа дека тие сами одлучуваат за својата судбина и никогаш нема да дозволат некој друг да одлучува за нив. Волјата на народот денеска е јасна и треба да се почитува од сите, истакна Бујар Османи. Тој нагласи дека резултатите покажуваат на етничка поделеност при гласањето. – Сè уште има впечаток дека граѓаните повторно не излегле целосно од етничката бариера помеѓу Македонците и другите етнички заедници што зборува сè уште за едно поделено општество, меѓутоа се надеваме чекајќи ги резултатите дека сепак граѓаните ја пратија пораката на заедништво коешто Европскиот фронт ја лансираше за Северна Македонија држава за еднакви можности на сите граѓани, соживот, хармонија и иднина во Европската унија, истакна Бујар Османи. Тој се заблагодари на сите партии од Фронтот за довербата што ја добил да биде нивни кандидат, а во име на Фронтот на гласачите порача дека нивниот глас е аманет за партиите за идните политики на државата. ас/ац/ Фото: МИА...

Приврзаниците на ДУИ вечерва на плоштадот „Скендербег“ во Скопје слават по објавата на првичните резултати од првиот круг од претседателските избори според кои нивниот кандидат за претседател Бујар Османи е на третото место пред кандидатот за здружената албанска опозиција Арбен Таравари. Вицепремиерто и министер за политички систем од редовите на ДУИ Артан Груби вечерва на плоштадот Скендербег во Скопје каде беше лоциран Изборниот штаб на противканидатот Таравари, изјави дека е ова спектакуларна победа за коалицијата на Европскиот фронт предводен од ДУИ. -Славиме победа на Европскиот фронт. Славиме дека ќе победиме со над 20 пратеници на 8 мај, на претседателските и парламентарните избори. Ќе славиме ослободување на Чаир, на Тетово, на Гостивар, на Желино и на сите други окупирани општини со помош на ВМРО-ДПМНЕ, Левица, Додик, Путин и Вучиќ. Денеска е ден на ослободување како што ќе биде и 8 мај, ден пред Денот на Европа, рече Груби. На плоштадот „Скендербег“ има зголемено полициско обезбедување, а Изборниот штаб на албанската опозиција „Вреди“ е преместен во трговскиот центар Мавровка....

Во живо прес-конференцијата на претседателскиот кандидат на ВМРО-ДПМНЕ Гордана Силјановска-Давкова...

Зурли и тапани со музика во македонски мелос се слушаат пред палатата „Христо Татарчев“, седиштето на ВМРО-ДПМНЕ во центарот на Скопје. Ја слават победата на нивниот претседателски кандидат. Симпатизерите и поддржувачите на ВМРО-ДПМНЕ и на кандидатката за претседател на државата Гордана Силјановска-Давкова поддржана од оваа партија со знамиња и со факели во рацете се собираат пред седиштето на партијата. Присутните на глас ја пејат песната „Бисер балкански“. Во околината на седиштето на партијата во центарот на Скопје се слушаат сирени и свиреши од автомобилите. Се слушаат и извици „ВМРО-ДПМНЕ победува“. Кандидатката за претседател на ВМРО-ДПМНЕ, Гордана Силјановска-Давкова, продолжува да води со 2:1 пред кандидатот на СДСМ, Стево Пендаровски, покажуваат најновите првични официјални резултати на интернет страницата на Државната изборна комисија по првиот круг на претседателските избори....

Претседателскиот кандидат од коалицијата „Храбро за Македонија“ предводена од ГРОМ, Стевчо Јакимовски, го призна поразот од претседателските избори и ѝ посака среќа во вториот круг на кандидатката за претседателка од ВМРО-ДПМНЕ, Гордана Силјановска – Давкова. – Ја одржувам оваа прес-конференција со цел да го признаам поразот на овие претседателски избори и воедно да ѝ честитам на водството на госпоѓата Гордана Силјановска – Давкова, како и да ѝ посакам среќа во вториот изборен круг, рече Јакимовски. Вели резултатите се далеку од неговите очекувања, но истакна дека граѓаните имаа можност да избират меѓу седум претседателски кандидати. – Дали резултатите се задоволувачки според мене, се разбира дека не се. Далеку се од очекувањата. Но, како и да е, битно е дека граѓаните на Република Македонија имаа избор, бираа помеѓу седум свои кандидати. Дали биле во право во тоа што го избрале ќе видиме после пет години, се надевам дека ќе бидеме сите живи и здрави и после пет гопдини ќе констатираме дали изборот бил добар или не, изјави Јакимовски од седиштето на ГРОМ....

Претседателот на САД Џо Бајден денеска експресно го потпиша нацрт-законот за странска помош што синоќа лесно помина во Сенатот по повеќемесечни партиски натегања во Претставничкиот дом на американскиот Конгрес. Парите од пакетот вреден 95,3 милијарди долари ќе одат во три региони – Украина, Израел и индотихоокеански регион. Ќе бидат трошени во неколку субкатегории, наведува денеска весникот Волстрит журнал давајќи мала анализа за трошоците. Парите за Украина се во висона 60 милијарди долари. Од тие, 20,5 миликарди се за операциите на Европската команда, 15,8 се за безбедносна помош, 13,4 милијарди се за обнова на американските резерви и 9,5 се економски заеми со можност да бидат отпишани. Околу една милијард долари се општи трошоци. Израел ќе добие 26,3 милијарди долари од кои 13 милијарди се за одбранбени активности, 9,2 милијарди се хуманитарна помош за Газа и Западниот брег, додека 3,6 милијарди се безбедносна помош. Шестотитни милиони се општи за трошоци. За индотихоокеански регион, во кој спаѓа и Тајван, се даваат пари во вредност од 8.1 милијарда долари. Од тие, 5,6 се за одвраќање (на Кина), две милијарди се за армиско финансирање и 300 милиони се за бродоградилишта. Уште 300 милиони се за општи трошоци. Веднаш по потишувањето на законот Бајден рече дека испораките на оружје ќе почнат „во наредните часови“. Тој истакна дека пакетот покажува дека САД и сојузниците целосно ја поддржуваат Украина во нејзината борба против руската инвазија и дека одобрението за помош е важно да покаже дека „ние се спротивставуваме на Путин“....

Првичните резултати што Државната изборна комисија ги објавува на својата веб-страница покажуваат дека од обработени 71,19 проценти од гласовите, односно 2 490 од вкупно 3 508 избирачки места, води кандидаткта на ВМРО-ДПМНЕ Гордана Силјановска Давкова со освоени 247 366 гласови (39,15%), пред Стево Пендаровски од СДСМ со 121 228 гласови (19,19%). Трет е Бујар Османи од ДУИ со 92 135 гласови (14,58 %), Арбен Таравари од коалицијата Вреди има 66 262 гласови (10,49 %), Максим Димитриевски од ЗНАМ има 53 223 гласови (8,42 %), Билјана Ванковска поддржана од Левица има 28 445 гласови (4,50 %) и Стевчо Јакимовски од ГРОМ има 5 467 гласови (0,87 %). Гласачките места беа отворени од 7:00 до 19:00 часот. Право на глас имаа 1.814.317 граѓани запишани во избирачки список. Тие на 3.480 избирачки места можеа да се изјаснат за еден од седумтемина кандидати. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Одѕивот на денешните претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година....

Кордон од полицајци застана пред штабот на коалицијата „Вреди“ на плоштадот Скендербег во Скопје. Како што забележа камерата на „360 степени“ поддржувачи на ДУИ се движат од Бит Пазар кон плоштадот „Скендербег“ извикувајќи го името на „Артан Груби“. Се слушаат сирени и свирежи....

САД испратија проектили со голем дострел ATACMS во Украина за употреба на нејзина територија, а оружјето пристигна во земјата овој месец, соопшти денеска Стејт департментот. „Можам да потврдам дека САД и дадоа на Украина ATACMS со голем дострел по директна наредба на претседателот“, изјави на брифинг портпаролот на Стејт департментот Ведант Пател. Оружјето беше дел од мартовскиот пакет помош за Украина, а не од штотуку одобрено од Конгресот и потпишан од претседателот Џо Бајден, но „не го објавивме ова на почетокот за да ја одржиме оперативната безбедност за Украина на нивно барање“, нагласи Пател додавајќи дека „ракетите пристигнале во Украина овој месец“. Белата куќа претходно потврди дека САД испратиле варијанта на ATACMS со помал дострел во Украина, што може да помине 165 километри, но типот со најголем дострел може да погоди цели до 300 километри....

Кандидатот за претседател на државата предложен од Левица, Билјана Ванковска вечерва пред партијата да излезе со индикации за тоа како се движат резултатите од денешното гласање изјави дека двојно зголемена излезноста во споредба со претседателските избори од 2019 година, зборува за поголемата понуда што ја имаа граѓаните, но и потребата на гласачите да го искажат својот глас. Оцени дека тоа што некои медиуми веќе ги соопштиле победниците не е демокраски однос. -Може да се констатира дека се уште сме на ниво кога зборуваме за тоа дека кога нема поголеми нерегуларности ние сме среќни и задоволни дека денот поминал мирно без поголеми нарушувања. Останува нормално да се изанализираат оние нерегуларности, инциденти или случаи кои веќе беа нотирани за што секако и Левица ќе има свој став. Јас можам само да се заблагодарам на сите оние кои масовно излегоа денес. Практично, ако не се лажам во бројките, некаде во 17 часот беше двојно зголемена излезноста во споредба со претседателските избори од 2019 година, што зборува од една страна за поголемата понуда што ја имаа граѓаните, тогаш беа тројца кандидати, сега сме седуммина, меѓутоа претпоставувам дека станува збор и за зголемена побарувачка кај граѓаните, односно можност и потреба да го кажат својот глас, да го изразат своето мислење во однос на тоа каде се движи државата, рече Ванковска. Изрази жалење што, како што рече, се добива впечаток дека во земјава се одвиваат два паралелни изборни процеси, бидејќи двајцата противкандидати од албанскиот блок, како да се натпреварувале меѓу себе околу тоа како поминале и како тоа ќе се рефлектира на парламентарните избори. Според неа, би било подобро кога сите кандидати би се обраќале на целата јавност. Во однос на македонскиот блок, таа забележа дека некои медиуми веќе ги прогласиле победниците во првиот круг од изборите за претседател, што покажува фаворизирање и смета дека тоа не е демократско однесување. -Тоа ме враќа малку на мојата прва прес-конференција, тоа беше на 7 февруари кога Левица ја објави намерата да собира потписи и едно од првите прашања беше кому Ванковска ќе му ги даде гласовите во вториот круг. И тоа прашање очигледно ме следи се до завршувањето на првиот овој изборен ден. Повторно велам фаворитите се наводно утврдени што малку ја убива возбудата кај граѓаните и верувам дека мнозина од нив тргнале со намера да дочекаат изненадување. Не зборувам само за мене, туку за кој било од противкандидатите, така што мислам дека тоа повторно покажува фаворизирање она што постојано го потенцирам дека кога медиумите дури и наводно анализираат или покануваат аналитичари еден од штаб, друг од другиот штаб создаваат претстава кај граѓаните дека сите други се аутсајдери, маргиналци, луѓе кои залутале во политиката што не е баш демократски однос би рекла кон сите нас, вели Ванковска. Таа очекува дека поголемата излезност ќе значи и поголем број гласови за неа. -Ќе почекаме да ги видиме резултатите. Ние се надеваме дека големата излезност значи повеќе гласови за мене како претставник на Левица и воопшто како човек кој ми се чини дека допре до поширок круг на граѓани не само до поддржувачите на Левица и не само до младите, туку една поширока структура барем од она јас што го имав како контакт жив со мнозина. Велам да почекаме уште малку па ќе правиме вистински анализи. Ова однапред завршување на трката за готова го сметам за преурането, вели претседателскиот кандидат на Левица Ванковска. вг/са/ Фото: МИА...

Шпанскиот премиер Педро Санчез објави дека се повлекува од јавните должности бидејќи морал „да застане и да размисли“ дали ќе продолжи да ја води владата откако суд во Мадрид отвори прелиминарна истрага против неговата сопруга за корупција. „Итно ми треба одговор на прашањето дали вреди … дали да продолжам да ја водам владата или да се откажам од таа чест“, објави тој преку социјалната мрежа Х. Синдикатот Манос Лимпиас (Чисти раце) ја пријавил неговата сопруга Бегона Гомез дека им помагала на претприемачи во јавни тендери и дека имала корист од тоа. Судот претходно објави дека отворил истрага, без да даде детали. Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница....

Портпаролот на движењето ЗНАМ Никола Мемов денеска на прес-конференција оценувајќи го изборниот процес, констатираше дека изборите се делумно фер и демократски. Според Мемов, имало нерамноправност во медиумското претставување, како и политички притисок врз нивниот кандидат Максим Димитриевски. Мемов појаснува дека преку изборниот законик имале нерамноправност во медиумското претставување на кандидатите за претседател на државата, фаворизирајќи ги кандидатите од четирите најголеми парламентарни партии, со десеткратно поголема медиумска застапеност, платена од граѓаните на државата. -Политичкиот притисок на нашиот кандидат за претседател, преку монтиран судски процес, поради одбрана на јавниот интерес наспроти бизнис интересите на фирми спонзори на власта. Г-нот Димитриевски беше повеќе пати повикуван на судски рочишта и распиш во Обвинителството во сред кампања, само со цел да го нарушат неговиот личен углед, но и динамиката на нашата кампања, рече Мемов. Како што посочи, без разлика на овие опструкции, Движењето ЗНАМ ги исполнило целите на кампањата. Тој порача дека продолжуваат понатаму со уште позасилено темпо до парламентарните избори на 8 мај. – Преку позитивна, скромна и луцидна кампања на терен и преку медиумите до граѓаните ги пренесовме нашите конзистентни политики и политички пораки. Сакам да им се заблагодарам на сите наши членови и поддржувачи со порака дека продолжуваме понатаму со уште позасилено темпо до парламентарните избори на 8 мај, додаде Мемов. Потенцира дека заедно со граѓаните се подготвени да ја преземат одговорноста за да ја водат државата, наспроти досегашните партии кои се менуваат на власт повеќе од 30 години. -Ги повикувам граѓаните да продолжат да ја даваат својата поддршка за ЗНАМ и одиме понатаму, додаде Мемов....

– Министерот за внатрешни работи Панче Тошковски потврди дека на советник од неговиот кабинет, упатен со писмена наредба, не му било дозволено присуство во рамки на оперативниот штаб на СВР Тетово и најави дека ќе се преземат сите соодветни мерки, согласно Закон за Влада и можностите во рамки на МВР. – Согласно информациите кои ги имам постапено е од страна на началникот на СВР Тетово, по добиена наредба од страна на директорот на БЈБ, но дали е така или како е конкретно постапено е би сакал сега да навлегувам во детали. Би сакал Одделот за внатрешна контрола во рамки на МВР да утврди како е точно постапено и што е точно преземено и за сите овие детали ќе информираме дополнително, изјави Тошковски. Според Тошковски, не би сакал денот да ги обременува со настани, поврзани со внатрешното работење на МВР, а не се однесуваат на делот на загрозување на изборниот процес. Претходно коалицијата Вреди, на прес-конференција обвини дека началникот на Секторот за внатрешни работи во Тетово, Шефик Бајрами продолжува да работи незаконски, и денеска од СВР Тетово го избркал советникот на министерот за внатрешни работи, кој со допис бил поставен од министерот да биде дел од штабот на СВР-Тетово. Прашан во однос на обвинувањата од коалицијата Вреди за полнење кутии во Липково, Тошковски рече дека таков настан, до моментот на напуштање на оперативниот штаб, формално не е евидентиран....

Првичните резултати што Државната изборна комисија ги објавува на својата веб-страница покажуваат дека од обработени 50,86 проценти, односно 1 784 од вкупно 3 508 избирачки места, води кандидаткта на ВМРО-ДПМНЕ Гордана Силјановска Давкова со освоени 36,99 отсто од гласовите, пред Стево Пендаровски од СДСМ со 18,18 проценти од гласовите. Трет е Бујар Османи од ДУИ со 16,44 проценти од гласовите, Арбен Таравари од коалицијата Вреди има 12,11 %, Максим Димитриевски од ЗНАМ – 7,87 %, Билјана Ванковска поддржана од Левица има 4,38 % и Стевчо Јакимовски од ГРОМ – 1,00 процент. Гласачките места беа отворени од 7:00 до 19:00 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Одѕивот на денешните претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година...

Првичните резултати што Државната изборна комисија ги објавува на својата веб-страница покажуваат дека од обработени 1 365 од вкупно 3 508 избирачки места води кандидаткта на ВМРО-ДПМНЕ Гордана Силјановска Давкова со освоени 35,37 отсто од гласоците, пред Стево Пендаровски од СДСМ со 17,34 проценти од гласовите. Трет е Бујар Османи од ДУИ со 18,18 проценти од гласовите, Арбен Таравари од коалицијата Вреди има 13,26 %, Максим Димитриевски од ЗНАМ – 7,39 %, Билјана Ванковска поддржана од Левица има 4,18 %и Стевчо Јакимовски од ГРОМ – 0,91 проценти. Гласачките места беа отворени од 7:00 до 19:00 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати. Право на глас на денешните избори имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски. Одѕивот на претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи.са/аа/ Конечните резултати од изборите ДИК ги објавува во рок од 24 часа од денот на нивната конечност. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година...

Аргентина денеска побара Интерпол да издаде меѓународна потерница за иранскиот министер за внатрешни работи Ахмад Вахиди, поради неговата наводна вмешаност во бомбашкиот напад на еврејскиот културен центар во Буенос Аирес во 1994 година, јавува Би-Би-Си. Барањето доаѓа само две недели откако судот во Аргентина утврди дека Иран е одговорен за бомбашкиот напад во 1994 година, во кој загинаа 85 луѓе и се смета за најсмртоносниот терористички напад во историјата на оваа јужноамериканска земја. Аргентинското Министерство за надворешни работи соопшти дека Интерпол издаде таканаречено „црвено известување“ со кое ги предупредува полициите во земјите-членки за меѓународно бараните бегалци, но не претставува налог за апсење. Интерпол не може да ја натера полицијата да уапси некого за кого е издадена само тоа „црвено известување“, но на земјата-членка останува да одлучи дали ќе го уапси лицето....

Државната изборна комисија го активира сајтот за онлајн следење на резултатите од гласањето на денешните претседателски избори. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. Право на глас на денешните избори имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски. Одѕивот на претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи....

Поранешниот напаѓач на Реал Мадрид, Предраг Мијатовиќ денеска изјави дека раководството на клубот треба да го продолжи договорот со хрватскиот фудбалер Лука Модриќ поради, како што наведе, неговото однесување и „спектакуларната игра“. -Би го продолжил на уште една година, не само поради фудбалски причини, туку и поради неговото однесување. Тој е играч кој никогаш не правел проблеми и неговиот настап е спектакуларен, би се обидел да го натерам да се пензионира во Реал Мадрид, изјави Мијатовиќ за шпанското радио „Кадена СЕР“. Модриќ, 38-годишниот капитен на хрватската репрезентација, сезонава за Реал одигра 19 натпревари во стартниот тим, а во 19 влезе од резервната клупа....

Кандидатката на ВМРО-ДПМНЕ за шеф на државата, Гордана Силјановска-Давкова, води со голема разлика пред Стево Пендаровски, кандидат поддржан од СДСМ, брифираат од најголемата опозициската партија. Според нивниот аналитички центар, по обработени 8,21% од вкупниот број запишани гласачи, односно 20,53% од избирачките места, резултатот е следен: Гордана Силјановска – Давкова – 66 482 гласа; Стево Пендаровски – 28 490 гласа; Бујар Османи – 19 420 гласа; Арбен Таравари – 12 707 гласа; Максим Димитриевски – 10 831 гласа; Билјана Ванковска – 6 165 гласа; Стевчо Јакимовски – 1 174 гласа; неважечки ливчиња – 3 680 гласа. Во проценти, Силјановска-Давкова има околу 45% од гласовите на оние што излегле да го остварат гласачкото право. Стево Пендаровски, според информациите на ВМРО-ДПМНЕ, има околу 19% од гласовите. Бујар Османи има околу 13%, додека сите други кандидати имаат под 10%....

Денеска имавме навистина демократски изборен ден. Гласањето се одвиваше во фер и демократска атмосфера. Граѓаните својата волја ја изразија слободно и достоинствено, како што доликува на една демократска земја, членка на НАТО со почнати преговори за членство во ЕУ. Констатирани се само неколку многу мали прекршувања на изборниот процес кои ги сметаме за исклучоци. Благодарност до сите граѓани коишто денеска излегоа и го дадоа својот глас. Правото на слободно одлучување и слободен глас е највредната придобивка на демократијата. А самото гласање е суштински чин кој произлегува од моќта на граѓаните да одлучуваат за својата иднина и за иднината на државата. Ги очекуваме изборните резултати. Уверени дека граѓаните и денеска и на 8-ми мај, ќе поддржат европска иднина за Македонија, иднина во која што Македонија е дел од европското семејство, и горда членка на ЕУ....

Шпанскиот тенисер Рафаел Надал денеска во Мадрид изјави дека ќе игра на претстојниот Ролан Гарос само доколку почувствува дека е доволно подготвен за да се натпреварува, пренесе Би-би-си. Надал лани не играше на Ролан Гарос поради повреда. Шпанскиот тенисер оваа недела ќе игра на Мастерсот во Мадрид. -Да бев во Париз денес, немаше да излезам да играм. Мислам дека не би можел да играм 100 проценти, но важно е да можам да играм последен пат во Мадрид. Многу ми значи да играм на овој турнир каде имав добри моменти, рече Надал на прес-конференција во Мадрид....

Помошникот државен секретар на САД за Европа и Евроазија Џејмс О’Брајан денеска, во разговор со премиерот на Косово Албин Курти, изјави дека спроведувањето на обврските од дијалогот меѓу Белград а Приштина е неопходна, вклучително и итен напредок во формирањето на Заедница на општини со српско мнозинство (ЗСО). Тој на платформата Икс објави дека САД ја поддржуваат европската интеграција на Косово и дека со Курти разговарал за чекорите што треба да ги преземе официјална Приштина. „За да продолжиме напред, ни треба имплементација на обврските од дијалогот поддржан од ЕУ, вклучително и итен напредок за Заедницата на општините со мнозинско српско население“, напиша О’Брајан...

– Малата радикално десничарска партија Спартанци, која на ланските избори за првпат влезе во Грчкиот Парламент, а сите нејзини пратеници кривично се гонат за измама на гласачи, не доби зелено светло од Врховниот суд на Грција за учество на евроизборите, јави дописничката на МИА од Атина. Од 46 пријавени партии и коалиции на партии за европските избори на 9 јуни, Врховниот суд даде зелено светло за 31, а меѓу оние кои беа одбиени е и партијата Спартанци, која се поврзува со поранешниот пратеник на Златна зора Илиас Касидиарис, кој издржува затворска казна и се смета дека е вистинскиот лидер на партијата. Затоа, сите 11 пратеници кои влегоа во Парламентот на ланските избори како дел од Спартанци, кривично се гонат за измама на гласачите, бидејќи по спроведената истрага на Обвинителството произлегло дека вистинскиот лидер на партијата всушност е осудениот Касидиарис и тој е оној кој го имал главниот збор во Спартанци, како и во изборот на кандидати за пратеници на изборите во јуни 2023 година. Кривичното гонење на пратениците е и главната причина за денешната одлука на Врховниот суд да ја отфрли кандидатурата на Спартанци. На изборите во јуни минатата година партијата освои 4,68 отсто од гласовите и доби 12 пратенички места, меѓутоа петмина пратеници ја напуштија пратеничката група и станаа независни. Меѓу нив е и пратеникот Константинос Флорос кој денеска беше уапсен, откако физички нападна пратеник од Грчко решенија. с...

Српската полиција приведе 17 лица членови на две организирани криминални групи, поради сомнение дека со фалсификување дипломи и злоупотреба на службената положба во три министерства проневериле над 12 милиони динари. Осомничените во периодот од април 2023 година до денес обезбедиле над 400 лажни јавни исправи – договори, полномоштва, дипломи од средно, виши и високообразовни установи – во нелегална печатница на територијата на Белград, со намера клиентите да ги користат како вистински и легално стекнати, јави Бета. Меѓу уапсените се и две лица вработени во Министерството за државна управа и локална самоуправа, како и едно лице вработено во МВР, кои се осомничени дека ја искористиле службената положба за вршење проверки преку затворените бази на матичните служби и МВР, за лицата за кои биле фалсификувани документите. Приведено е и едно лице вработено во Министерството за образование, за кое постојат основи на сомнение дека искористувајќи ја службената положба со тие фалсификувани документи, вработувал лица во државни институции, за што добивал одредени суми пари....

Изборниот процес помина без пречки и поголеми инциденти. Во текот на денешниот ден евидентирани се вкупно 12 случаи на фотографирање на гласачкото ливче, два случаи на кинење на гласачкото ливче, шест пријави за нудење поткуп и 15 пријави за агитирање на гласачко мести. Не се евидентирани други посериозни инциденти и нарушување на регуларноста на изборниот процес, информираа техничкиот министерот за внатрешни работи Панче Тошковски и дополнителниот заменик-министер Митко Бојмацалиев. Изборниот ден, Тошковски оцени дека поминал во безбедна, мирна и демократска атмосфера. -Овие избори беа уште еден тест за демократијата и во таа насока, сакам да им честитам на граѓаните кои излегоа и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општетсво, порача Тошковски. На подрачјето на СВР Скопје, во врска со пријава за испукана димна бомба, Тошковски информира дека од страна на тимот за антитероризам извршена е проверка и подигната е направата. – Врз основа на претходно поднесени пријави од МВР констатирани се шест прекршоци по член 190 од Изборниот законик, а ќе бидат поднесени и две кривични пријави – една за повреда на тајност на гласањето по член 163 од КЗ и една за повреда на избирачко право, казниво по член 159 од КЗ, изјави Тошковски. Дополнителниот заменик министер за внатрешни работи Митко Бојмацалиев, изрази благодарност за директорот Сашо Тасевски, кој раководел со централниот штаб и подштабовите на ниво на република, кои во изминатиот период ги собрале сите потребни оперативни информации за денот на гласањето да помине во одлична демократска атмосфера. – Благодарност до граѓаните, македонската полиција, медиумите и сите за се што направивте денешниот ден да помине во фер, демократска и слободна атмосфера, изјави Бојмацалиев. аа/ац/ Фото: МИА...

– Излезноста на гласачите до 18:30 часот од обработени податоци од 3.174 избирачки места е 48,46 проценти, односно на гласање излегле 801 074 гласачи. Претседателот на Државната изборна комисија Александар Даштевски соопшти дека најголема излезност има во Новаци каде на гласање излегле 71,07, а најмала во Центар Жупа 16,90 проценти. – Гласањето помина мирно без поголеми инциденти на гласачките места, изјави Даштевски. Продолжено гласање ќе има во едно место во Демир Хисар, Липково, Могила и во Делчево. Уважени се 134 поплаки од граѓани за избирачко право, на бесплатна телефонска линија на ДИК имало 10 јавувања на граѓани, а како видео повици имало од осум лица со оштетен слух. На три места во Куманово гласањето е прекинато и тие се затворени. Како што објасни претседателот на ДИК доколку резултатите од овие избирачки места имаат влијание на крајниот резултат ќе има прегласување....

– Денешниот изборен ден помина мирно во фер и демократска атмосфера, но сепак се случиле некои помали проблеми на изборните места, соопштуваат од Изборениот штаб на кандидатот за претседател на Левица, Билјана Ванковска. Како што информираше Моника Маневска, портпарол на Ванковска, забележани се помали проблеми со фингерпринтот на повеќе гласачки места како Куманово, Ѓорче Петров, Аеродром и др. Таа истакна дека од терен добиваат информации дека во Куманово се правеле редици заради проблемите со апаратот за читање на отисок на прст, а во некои изборни места гласањето почнало со доцнење. Исто така, беше кажано дека и на овие избори се појавуваат нерегуларности во Избирачкиот список па така во некои изборни места има запишано за гласачи починати лица, а во некои гласачи кои се со постојано место на живеење и без промена на адреса, но ги нема во изборниот список...

По завршувањето на гласањето во рамки на првиот круг од претседателските избори, во седиштето на ДУИ, шефот на изборниот штаб Арбр Адеми ја одржа првата прес-конференција. Тој оцени дека имало слободни избори кои се одржале во демократски дух и компетитивна атмосфера. -Ова е наш заеднички успех за кои сакаме да им честитаме на сите останати учесници. Покажавме демократска зрелост каква што и доликува на земја членка на НАТО и земја преговарач со Европската унија. Секако сакаме да им се заблагодариме на сите граѓани кои гласаа за нашиот кандидат д-р Бујар Османи. Со тоа го доверија својот глас и за Европскиот фронт. Сакаме да знаеме дека вашата волја е запишана и таа ќе биде дел од идните политики на Република Северна Македонија. Тоа е важно за тоа што е тоа суштината на демократијата. Граѓаните да одлучуваат за себе, граѓаните да одлучуваат за својата иднина и нивната волја да се почитува. Денес граѓаните го кажаа својот збор, а на нас е да ја преточиме таа волја во акција, изјави Адеми. На новинарско прашање за резултатите од гласањето, Адеми рече дека очекува победа. -Секако дека ние очекуваме длабока победа, голема победа за нашиот д-р Бујар Османи, сите информации од терен тоа го потврдуваат. Тоа што сме го сработиле завреме на кампања како Европски фронт тоа се покажа и докажа и денес и олекуваме да се потврди и со броење на гласачките ливчиња. Очекуваме победата голема и историска, истакна Адеми. Според него, Европскиот фронт имал напорна и вредна кампања.ас/са/ Фото: МИА...

– Началникот на Секторот за внатрешни работи во Тетово, Шефик Бајрами продолжува да работи незаконски, изјави попладнево на прес-конференција, Башким Хасани, член на Централниот штаб на коалицијата Вреди. – Иако според „Пржинскиот“ договор за формирање техничка влада, изборите се организираат во координација меѓу функционерите на партиите од власта и опозицијата, началникот на СВР-Тетово тоа не го почитува, го прекршува Законот за организација на избори и ја одбива секоја писмена наредба на министерот за внатрешни работи. Тој денеска од СВР Тетово го избркал советникот на министерот за внатрешни работи, кој со допис бил поставен од министерот да биде дел од штабот на СВР-Тетово, за да се грижи за безбедноста на изборниот процес и да ја следи работата на овој сектор. Откако советникот на министерот со писмо од самиот министер, добил наредба да го надгледува изборниот процес, тој се појавил во штабот на СВР-Тетово, но, началникот Шефик Бајрами ја зел писмената наредба од министерот, ја сликал, а потоа телефонски разговарал со некое лице, од кое добил наредба сите оние полицајци, кои не се контролирани од ДУИ, да го напуштат штабот. Тогаш Шефик Бајрами се обратил на советникот на министерот со зборовите дека итно мора да го напушти седиштето, бидејќи не е посакуван да биде тука, појасни Хасани. Тој го повика министерот за внатрешни работи итно да преземе мерки против Шефик Бајрами и Секторот за внатрешни работи во Тетово, но, како што рече, итно да постапи во Тетово и во Шестата изборна единица, врз основа на неговите законски овластувања како министер, но и врз основа на Законот за организација на изборите, за да има што подемократски и коректен процес. – Доколку министерот не постапи, тогаш ќе се подразбира дека и тој е соучесник во овие постапки. Доколку ваквите однесувања на Шефик Бајрам и ДУИ продолжуваат и понатаму, тогаш ние ќе ги разгледаме и ќе донесеме одлука како ќе постапиме понатаму. Од друга страна, ги повикуваме сите амбасади во земјава и меѓународните организации, што се акредитирани за мониторинг на изборите, како ОБСЕ/ОДИХР, да се фокусираат во Тетово и во Шестата изборна единица и внимателно да го следат развојот на изборниот процес, подвлече Хасани....

Арбен Таравари, претседателски кандидат на албанската опозициска коалиција „Вреди“ на првата прес-конференција по затворањето на гласачките места соопшти дека на овие избори има поголема излезност отколку на претходните избори, што, според него, зборува дека промените доаѓаат. – Како „Влен“ сме пресреќни дека добивме гласови генерално од Албанците. Сега промените веќе се во кутиите кои веќе се отвараат. Се надевам дека нашите комисионери, нашите набљудувачи ќе ги контролираат и нема да дозволат да има злоупотреби и да се гарантира дека секој глас што е даден на демократски начин ќе излезе на површина. Гласот на граѓанинот никако не треба да се злоупотребува, рече Таравари. На 8 мај очекува победа на коалицијата „Вреди“ и доаѓање на промената со одењето на ДУИ во опозиција....

Претседателот на САД, Џо Бајден го потпиша неодамна усвоениот закон од Конгресот, со кој се бара од компанијата „БајтДенс“ (ByteDance) со седиште во Кина, да го продаде ТикТок или ќе се соочи со забрана на американскиот пазар. Продажбата мора да се случи во рок од девет месеци или една година доколку Бајден се согласи да го искористи продолжувањето од 90 дена. ТикТок најави дека ќе се бори против мерката. Загриженоста поради потенцијалниот ризик за националната безбедност е во фактот што кинеските закони и дозволуваат на Владата да бара податоци од компаниите, што може да доведе до загрозување на приватноста на американските корисници. Иако ТикТок тврди дека податоците на американските корисници не се наоѓаат во Кина, туку во Сингапур, постојат стравувања дека кинеската Влада би можела да манипулира со платформата...

– Воздушниот простор над Париз ќе биде затворен шест часа како дел од големата безбедносна операција за време на церемонијата на отворање на Олимписките игри на 26 јули, соопштија денеска Министерството за внатрешни работи и главниот оператор на париските аеродроми. Францускиот министер за внатрешни работи Жерар Дарманин најави дека зоната на забранети летови ќе се протега во радиус од 150 километри околу Париз. Претседателот на операторот кој ги поседува и управува со меѓународните аеродроми во Париз, „Аеропортс де Пари“ (Aeroports de Paris), Аугустин де Романет, изјави дека сите авиокомпании биле предупредени однапред за затворањето и им било кажано дека ќе мора да летаат околу ограничениот воздушен простор за времетраењето на свеченото отворање. Најмалку еден француски воен авион АВАКС ќе го надгледува небото за време на Олимпијадата, користејќи го својот моќен радар за следење на потенцијалните закани од воздухот....

Изјава за медиуми на министерот за внатрешни работи Панче Тошковски и дополнителниот заменик министер за внатрешни работи Митко Бојмацалиев....

До затворањето на избирачките места на електронската адреса на Јавното обвинителство на Република Северна Македонија [email protected] не пристигнала ниту една пријава за кривично дело поврзано со изборите, информираа вечерва од Обвинителството. – Согласно информациите добиени од јавните обвинителства низ целата држава, изборниот ден во првиот круг од изборите за Претседател на Република Северна Македонија помина мирно и без поголеми нарушувања на изборниот процес. Не се забележани посериозни инциденти кои би имале обележја на кривично дело против изборите и гласањето или други кривични дела кои би го загрозиле изборниот процес, се вели во соопштението. Како што информираат од ЈО, привремената комисија на Јавното обвинителство за евентуални изборни нерегуларности го следела текот на гласањето, а во текот на денот биле организирани вонредни дежурства во сите основни јавни обвинителства. Јавното обвинителство се координирала и со останатите институции надлежни за следење на изборниот процес. – Комисијата ќе продолжи со својата работа до завршување на изборниот циклус. Сите евентуални сомненија за кривични дела кои би можеле да го нарушат изборниот процес ќе бидат испитани, а предметите ќе имаат приоритет на постапување во јавните обвинителства, наведуваат од Јавното обвинителство...

– Претседателскиот кандидат на коалицијата „Храбро за Македонија“ предводена од ГРОМ, Стевчо Јакимовски на прес-конференција оцени дека денешниот изборен ден поминал мирно и достоинствено и дека сме покажавме дека можеме да направиме мирни и достоинствени избори. – Јас во оваа изборна кампања немам никаква забелешка на однесувањето на моите противкандидати, на нивниот вординг, на нивниот речник, освен една забелешка што имавме само една дуел емисија и освен онаа забелешка дека двајца кандидати беа исклучително финансирани за медиумско претставување во оваа изборна кампања што сметам дека во следните избори тоа треба да се корегира и да биде рамноправна поделба на средствата. Сметам и дека немањето на дуел емисии ја направи оваа кампања не толку атрактивна и од тие причини гледаме дека се уште немаме 50 отсто од излезеност на граѓаните на гласачките места, истакна Јакимовски. Упати критика за гласањето во дијаспората бидејќи таму, како што посочи е работен ден и граѓаните имале проблем да излезат од работа. – Јас со луѓе што контактирав од дијаспората ми велат не можеме да им објасниме на нашите работодавачи, на нашите колеги, сметаат дека ги лажеме да излезеш од работа за да одиш да гласаш затоа што во нашите земји се’ се одвива онлајн и мислам дека ова е исто така еден голем недостаток којшто треба да се поправи до следните претседателски и парламентарни избори, рече Јакимовски....

Прес-конференција на потпретседателот на ВМРО-ДПМНЕ Тимчо Муцунски по затворањето на гласачките места на денешните претседателски избори....

Претседателот на партијата Движење Беса, Биљал Касами денеска воТетово, заедно со сопругата гласаше на избирачкото место 1947 во гимназијата „Кирил Пејчиновиќ“. – Како 1.800.000 граѓани на оваа држава го искористив моето уставно право да гласам за првиот човек на државата. Ова е сончев, убав ден, нека биде убав за сите граѓани на Република Северна Македонија затоа што денес го избираме првиот човек на државата тој кој ќе нè води следниот период и се надеваме дека тоа ќе биде најдобриот и најубавиот период на оваа држава затоа што конечно ќе треба да станеме членка на ЕУ. Крајно време е да реагираме и да станеме како држава членка на ЕУ затоа што како што гледаме секојдневно ни бегаат граѓаните. За да не останеме празна држава треба да работиме заедно, како политички фактори, како чинители на ова општество за да ја интегрираме државата, а не да ги интегрираме нашите граѓани затоа што тоа ќе биде попусто за сите нас. Затоа ние како коалиција ќе работиме во следниот период да државата ја интегрираме во ЕУ затоа што тоа ние една од главните точки на нашата програма. Се надевам дека ова ќе биде определба на сите чинители, сите политички фактори, на овој процес и на крај сите ќе славиме, а се надевам ќе победи најдобриот, изјави Касами. Претставници на Движење Беса пред два дена го обвинија СВР Тетово за политички притисок, а истото го посочи Касами. – За жал има одредени структури во СВР Тетово на чело со началникот кои не сакаат да биде мирен и добар, демократски процес. Тие не го прифатија, да ги координираат активностите заедно со советникот испратен од МВР, изгледа нешто кријат. Се обидуваат да прават некои сценарија, но тоа нема да го дозволат граѓаните. Завчерашното повикување на нашите членови од младината во полициска станица беше во овој правец. Да ги уплашат луѓето. Но, после овие 30 години демократија, луѓето се научија дека нема што да тепаат за политичари, кои денес ги гледаме заедно. Во минатото тие луѓе се тепаа, тие луѓе се убиваа меѓу себе за политика, за политичари кои ги гледаме заедно. Граѓаните се научија дека со својот глас, сите тие политичари кои се собраа за да ја заштитат својата корупција ќе ги однесат во историја, истакна Биљал Касами....

Кандидатот за претседател од коалицијата Вреди, Арбен Таравари, во придружба на потесното семејство го оствари правото на глас на избирачкото место во ООУ „Единство-Башкими“ во Гостивар. – Чест и задоволство е со моето семејство да гласаме, што ни е граѓанска должност. Посебно задоволство е што малиот син првпат гласа оваа година. Мојата порака до сите е овие избори да бидат фер и демократски и да победи подобриот. Ние секој резултат ќе го прифатиме. Атмосферата е добра, има ентузијазам и гледам дека граѓаните масовно излегуваа, што е добар знак за опозицијата, изјави Таравари. На новинарско прашање за текот на изборниот процес и информации за попречувања, тој кажа дека има и во изборниот штаб се процесуираат. – Мислам дека не е сега моментот да се кажуваат тие неправилности. Навикнати сме на тие притисоци, купувања на гласови за коишто веќе има и видео-снимки. Меѓутоа тоа ќе ги објави нашиот штаб и веќе се известени сите релевантни институции во земјата и меѓународните претставници во Македонија, посочи кандидатот за претседател, Арбен Таравари...

Прес-конференција од Изборниот штаб на кандидатот за претседател на Европскиот фронт предводен од ДУИ Бујар Османи....

Ако се познава денот по утрото, а на утрото мислам на вчерашното, тогаш мислам дека дојде, нешто што јас го кажав на последниот митинг, време – дојде час да си замине оваа власт. Ова во изјава за медиумите го кажа кандидатката за претседател на државата поддржана од ВМРО-ДПМНЕ, Гордана Силјановска-Давкова, откако гласаше на избирачкото место 2886 во Општинското основно училиште „Коле Неделковски“ во Скопје. Кандидатката за шеф на државата поддржана од ВМРО-ДПМНЕ, Гордана Силјановска-Давкова / Фото: Принтскрин Прашана што очекува од првиот круг од претседателските избори, таа рече дека никогаш не агитира за себе и оти граѓаните знаат за кого да гласаат, знаат да си го искористат избирачкото право, за кое, како што додаде, генерации гинеле за негово користење. „Значи, направете го вистинскиот избор, споредете не само програми, споредете што се случуваше. Јас бев во Собранието, сегашниот претседател беше претседател, мислам дека многу лесно може да донесете одлука. На сите, во секој случај, им посакувам успех“,рече Силјановска-Давкова. Коментирајќи го изборниот систем, таа рече оти е многу чуден, притоа осврнувајќи се на изборниот праг од 40 проценти во вториот круг од претседателските избори. Според неа, на идните избори треба да се примени препораката на Венецијанската комисија и ОБСЕ/ОДИХР за негово отстранување. „И вчера во разговорот со набљудувачката мисија заклучивме дека сме ретка земја во која во вториот круг има изборен праг од дури 40 проценти во еден парламентарен систем. Ако споредите со Франција, сосема е различно, имаше страшни последици едно време во Србија со ваквите изборни прагови и мислам дека треба на иднините избори да ја примениме препораката на Венецијанската комисија и ОБСЕ/ОДИХР за отстранување во вториот изборен круг на изборниот праг од 40 проценти. Причината ви е позната, тоа е праг што бара не само преговори и разговори, туку овозможува уцени и пазари. Јас сум против пазарна политика“,рече кандидатката за шеф на државата поддржана од ВМРО-ДПМНЕ....

Во 19 часот затворени се избирачките места на кои граѓаните на Република Северна Македонија денеска можеа да гласаат на седмите претседателски избори. По затворањето на избирачките места ќе можат да гласаат само лицата кои во тој момент се затекнале во објектот каде што се гласа. Гласачките места беа отворени во 7:00 часот. Право на глас имаа 1.814.317 граѓани лица запишани во избирачки список. Тие на 3.480 избирачки места можеа да се изјаснат за еден од седумтемина кандидати Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски. Одѕивот на претседателските избори до 18 часот изнесуваше 47,61отсто, и е поголем од последните избори за шеф на државата во 2019 година кога до 19 часот на гласање излегоа вкупно 41,67 отсто од запишаните избирачи. Според првичните оценки на ДИК, МВР и набљудувачите, изборниот ден помина мирно и без проблеми. Вчера, ден пред изборите, гласаа иселениците, лицата во казнено-поправните домови, внатрешно раселените, немоќните и болните кои го побарале тоа од општинските изборни комисии. Записниците и другиот изборен материјал избирачките одбори ги доставуваат до ОИК во рок од пет часа по завршувањето на гласањето. Надлежната ОИК потоа ги сумира резултатите од гласањето, составува записници и ги предава на ДИК. ДИК првичните резултати од гласањето добиени по електронски пат ги објавува сукцесивно, а резултатите од записниците од ОИК во рок од 12 часа по завршувањето на изборите. Конечните резултати од изборите ДИК ги објавува во рок од 24 часа од денот на нивната конечност. За претседател ќе биде избран кандидатот кој освоил мнозинство гласови од вкупниот број евидентирани избирачи, односно 907.159 гласови. Ако никој не го добие потребното мнозинство, ќе се организира втор круг во кој одат двајцата кандидати кои добиле најмногу гласови. Вториот круг на гласање се одржува во рок од 14 дена од завршувањето на првиот круг, во случајов на 8 мај, заедно со парламентарните избори. За шеф на државата ќе биде избран кандидатот кој добил мнозинство од гласовите, доколку на гласачките места излегле повеќе од 40 отсто од запишаните избирачи, односно 725.727 гласачи, што е предвидено во Изборниот законик, а за него гласале 362.864 избирачи. Доколку и во вториот круг ниту еден од двајцата кандидати не добил потребен број гласови, се повторува целата изборна постапка. Денешните претседателските избори ги следеа вкупно 1601 набљудувач, од кои 915 домашни и 544 меѓународни набљудувачи, како и 58 странски новинари. Ова се седми непосредни избори за претседател од независноста на државата. Претходните беа одржани во 1994, 1999, 2004, 2009, 2014 и во 2019 година...

„Периодов имавте шанса да ги видите кандидатите за претседател на нашата држава. Денес е важно вашиот избор и вашата одлука да ја пренесете на гласачкото ливче – во вашиот глас е силата на нашата демократија. Затоа, сите излезете и гласајте“, упати апел до граѓаните Фатмир Битиќи, коносител на листа на кандидати за пратеници на Коалицијата за европска иднина од Изборна единица 2, кој даде изјава за медиуми по гласањето на претседателските избори на избирачко место во општина Бутел, Скопје. Тој во изјавата се обрати и до младите, кои ги повика да го искористат своето право на глас, затоа што, како што рече тој, тоа е вистинскиот начин за промени во општеството. „А посебно сакам да им се обратам на младите. Во последните години забележлив е трендот на негласање на младите луѓе и во нашата земја но и во светот. Сепак, повлекувањето од општествените одлуки не е правиот начин за промени во општеството. За промените кои ви се вам важни, потребен е вашиот став и глас. Денес, начинот е со излегување и гласање. Веќе од утре, начинот е со вклучување“, изјави Битиќи....

Претседателот на Демократското движење, Изет Меџити, го оствари правото на глас на првиот круг од претседателските избори. Меџити по гласањето порача дека демократија значи промена преку глас и побара поддршка за претседателскиот кандидат Арбен Таравари поддржан од коалицијата Вреди. -Денеска е убаво и сончево време. Ова убаво време не повикува да гласаме за позитивниот човек, некорумпираниот доктор, Арбен Таравари. Демократија значи промена преку глас. А промената е во бројот 6, изјави Меџити. лв/дма/...

– Министерството за внатрешни работи попладнево соопшти дека се евидентирани три случаи на фотографирање на гласачкото ливче во штипско и Сопот и два случаи во Скопје во кои било скинато гласачкото ливче. Во 14 часот е пријавено дека на избирачко место во Штип, М.Ш. (23) го фотографирал гласачкото ливче, а истото го сторил и Г.Ј. (34) од село Тработивиште. Во 15:30 часот е пријавено дека на избирачкото место бр. 1680 во селото Сопот, Р.А. го фотографирал гласачкото ливче. Во 15:40 часот е пријавено дека на избирачкото место бр. 2880 во Скопје, Р.Х. (72) го скинал гласачкото ливче. Тој е приведен и по документирање на случајот против него ќе следи соодветен поднесок, а во 15:50 часот на избирачкото место бр.2783, од страна на Б.С. (48) било скинало гласачкото ливче. Се преземаат мерки за расчистување на случајот, по што ќе следи соодветен поднесок...

Претседателот на ДУИ, Али Ахмети денеска гласаше во селото Зајас во општина Кичево. Тој ги охрабри граѓаните да излезат на гласање во што поголем број и да го изразат својот став заради остварување на своето демократско право. -Денес, во мојот Зајас, го искористив демократското право на глас за да оставам трагови на својот придонес во трасирање на европската иднина. Со нашиот глас ја имаме историската шанса еднаш засекогаш да ја запечатиме нашата евро-американска ориентација, да кажеме НЕ на Русија, ДА на Европа! Затоа, Ве повикувам сите да гласате за големата победа на нашата европска кауза! Посакувам успешен изборен процес, во целосно демократски и европски дух! – изјави Ахмети....

Колку е поголем бројот на тие кои гласаат толку промените ќе бидат посилни. Со масовна излезност на изборите заеднички ја определуваме траекторијата по која ќе се движиме, порача денеска претседателот на ВМРО-ДПМНЕ Христијан Мицкоски. По гласањето на првиот круг од претседателските избори на избирачкото место во ОУ „Димо Хаџи Димов“ во Општина Карпош Мицкоски истакна дека сега целата сила е во рацете на граѓаните, а стотината кои изминатиот период одлучувале се безгласна буква. – Денеска е посебен убав сончев ден, ден кога треба граѓаните да излезат и да гласаат, кога сета сила е во рацете на граѓаните. Оние малкумина стотина кои изминатиот период одлучуваа за судбината на граѓаните сега се безгласна буква. Денеска граѓаните се тие кои одлучуваат за иднината на своите семејства, иднината на Македонија, на своите деца. Затоа мојата порака денеска е да се излезе, да се гласа, секој да одвои 10-ина минути од своето време бидејќи на тој начин одлучува за иднината на своите деца, на своето семејство и иднината на Македонија, изјави Мицкоски. Според него, колку е поголем бројот на тие кои гласаат толку, како што рече, промените ќе бидат посилни. – Затоа повикувам на масовна излезност, граѓаните да излезат и да гласаат и заеднички да ја определиме траекторијата по која ќе се движиме, изјави лидерот на ВМРО-ДПМНЕ Мицкоски....

Техничкиот премиер Талат Џафери, оценува дека овие избори се од особено значење особено, бидејќи се избира власт која ќе даде правец во кој земјава ќе оди по изборите. Тој во родното село Форино го исполни своето гласачко право и порача дека денеска граѓаните го користат своето уставно и законско право за слободно изразување на својата волја, низ процес на гласање. – Секако сметам дека учесниците во изборниот процес, и во кампањата предизборна, успеале да допрат до волјата на граѓаните да ги убедат по однос на определбите на секој од нив, програмските определби за пристап кон гласањето, изјави тој. Според Џафери, од почетокот на денот, првите информации што ги добил е дека изборите течат нормално без никаков проблем. – На сите избирачки места отпочна процесот на време и тече онака како што е предвидено и со закон, и како што би требало да биде. Тоа е апел да продолжи во текот на денот во ваквиот ритам, мирно без никакви проблеми, без никакви влијанија, да можат граѓаните да ја изразат својата волја, рече Џафери. Оцени дека овие избори се од особено значење. – Значењето на овие избори е особено и поради фактот што ова не се избори со коишто ќе се добие нова власт или кој ќе биде носителот на власта, туку е битно од контекстот во кој правец земјава ќе оди после изборите. Во крајна инстанца тоа е слобода на волја, ние сите сме должни тоа да го обезбедиме за граѓаните, и јас сум убеден дека тоа така ќе биде до крајот на денот, рече Џафери...

Кандидатот за претседател од Движењето ЗНАМ– За наша Македонија, Максим Димитриевски денеска гласаше и на граѓаните им посака успешни избори и да победи демократијата во Македонија. – Народот да се одважи, да излезе, што помасовно и да ја даде поддршката на тој за кој смета дека ја заслужува. А секако јас како кандидат ќе ја почитувам народната волја, на сите граѓани на Макеоднија. Нека денешниот ден биде празник на демократијата во Македонија и на Балканот, изјави Димитриевски. Според него, гласањето се одвива непречено со одредени технички проблеми на некои поединечни гласачки места. – Со оглед дека водевме нерамномерна кампања, особено во делот на медиумскоското спонзорирање каде што најголем дел од средствата ги имаат самонаречените големи партии, мислам дека граѓаните тоа го препознаваат и на крајот ќе излезе ставот што тие ќе го кажат. Очекувам така да продолжи и во текот на денот, но кога ќе се пребројат гласовите тогаш ќе биде се јасно, рече Димитриевски. Одговарајќи на новинарски прашања дека од СВР Куманово информирале дека има организирани групи што ги носат граѓаните до гласачките места, тој рече дека нема информација. -Досегашната пракса покажува дека токму припадниците коишто партиски припаѓаат на едниот, другиот или третиот блок, се токму тие кои го злоупотребуваат МВР во партиско-политички цели. Дали постои вакво нешто, навистина не знам. Впрочем ако Куманово е Македонија, тогаш мислам дека треба да се обрати внимание на целата држава. Кој каков притисок и да прави не може да ја смени волјата на граѓаните. Таа е јасна на крајот на денот граѓаните гласааат зад параванот сами по сопствено убедување. Факт е дека досегашната праска покажува многу злоуптреби на изборниот процес особено поткуп, средства за присила. Имам информација дека и од големите политики блокови се имаат јавувано на луѓе кои дале писмена поддршка за мене со потпис, име и презиме, се чудам од каде дошле до податоците. Со тие податоци единствено располага СВР во матична книга на евидененција, според матичниот број. Но, тоа не е првпат така беше и за локални избори и повторно не успееа да сменат ништо, изјави Димитриевски....

Кандидатката за претседател на државата поддржана од партијата Левица, Билјана Ванковска, гласаше на избирачко место во ОУ „Јан Амос Коменски“ во Скопје. По гласањето изјави дека на 60-годишнината од основното училиште „Јан Амос Коменски”, каде што првпат зачекорила во школските клупи, денеска, рече, зачекорила да го даде гласот за себе. -Ова е малку необична ситуација затоа што ние на универзитет кога сме подложени на избор излегуваме надвор од просторијата и коректно е да не гласаме за себе. Меѓутоа, ова е друг тип на битка, ова е политичка битка во која, всушност, со чинот на гласање ја изразувам сопствената убеденост во тоа што го говорам, во тоа што го понудив и се надевам дека голем број граѓани ќе го направат овој чекор да дојдат до гласачките места. Мислам дека е тоа првиот и најважен чекор, а каков избор ќе направат ќе видиме вечер. Посакувам убав, сончев ден, како што почна, да заврши мирно, коректно, без нерегуларности, па ќе видиме како граѓаните ќе ме проценат. Овде учителките ме процениле одамна, истакна Ванковска....

Ние во текот на изминатите седум години, ја вративме заедно со граѓаните, демократијата во државата. Затоа верувам дека граѓаните имаат доверба во изборниот процес и тоа ќе го покажат со бројноста на своето гласање. Ова денеска го истакна лидерот на СДСМ, Димитар Ковачевски во изјава за медиуми, откако гласаше за претседател на државата. – Денеска е голем ден – прв круг претседателски избори. Очекувам граѓаните да го искористат во голем број своето гласачко право. Денеска е првиот чекор кон големата одлука, првиот чекор на првите, првиот круг на претседателските избори, на којшто ќе определиме во кој правец ќе се движи државата. Вториот голем чекор нѐ очекува на 8 мај, кога ќе биде вториот круг на претседателските избори, и на парламентарните избори, на коишто граѓаните ќе одлучуваат за правецот во кој ќе се движи државата, изјави Ковачевски. Според претседателот на СДСМ, опциите се дали ќе избереме да се враќаме кон минатото, коешто сакаме да го заборавиме или ќе одбереме прогрес и посветла иднина. – Ние многупати досега сме имале можност да се откажеме, меѓутоа не сме се откажале. И затоа велам дека во наредните две недели и особено на гласањето на 8 мај, треба да покажеме дека сакаме држава што ќе има европски стандард, квалитетно здравство, подобро образование, едноставно подобар систем, постои проверен рецепт за тоа, а тоа е полноправно членство во ЕУ, за коешто ние се залагаме, и верувам дека граѓаните и денеска и на 8 мај, ќе поддржат таква иднина за Македонија – иднина во којашто Македонија ќе биде дел од европското семејство, ќе биде 28 земја членка на ЕУ и нема да дозволиме да се враќаме во минатото, кога бевме заробена држава, кога бевме раскарани со соседите, кога имавме, кога немавме ниту еден чекор направено кон евроатлантските интеграции, туку напротив и денеска и на 8 мај, граѓаните ќе покажат дека сме за европска иднина на Македонија, подвлече тој. На новинарско прашање, кои се очекувањата на СДСМ, Ковачевски одговори дека нивните очекувања се оти граѓаните ќе покажат дека се за европска иднина. – За она што ние го претставивме во текот на изминатите недели во претседателската кампања. Исто така, кажав дека ова е прв чекор кон големата одлука на 8 мај, кога нѐ очекува вториот круг на претседателските избори, на којшто очекувам да се пласира нашиот кандидат, нашиот претседател Стево Пендаровски и на 8 мај, заедно со парламентарните избори, граѓаните да ја донесат одлуката за европска иднина на Македонија, дециден беше претседателот на СДСМ....