Левица го следи развојот на настаните и повторно изразува поддршка за автентичното самоорганизирање на студентите за експлицитно студентски прашања поврзани со нивното претставување. Од друга страна, гледаме дека во најтраорните денови во поновата македонска историја, кога ја преживуваме најголемата колективна болка како нација – во овие денови на жалост, владејачката партија ДПМНЕ, преку нивните квазиновинарски загари, организира јавна хајка против млади луѓе, користејќи провладини и одвратни спинови. Авторитарниот пристап на властодршците не’ загрижува за демократската атмосфера во општеството. Во ова осетливо време уплашената власт избира да се пресметува со опозицијата, за да избегне одговорност за трагедијата на нивните неспособни кадри. Левица остро го осудува ова однесување на корумпираните власти, кои без ронка срам сакаат да го демонизираат гневот и болката на младите кон системот кој ни одзема толку блиски луѓе и сограѓани, давајќи му партиски контекст. Партиите на естаблишментот, кои учествуваа во креирање на тридеценискиот расипан систем, да не морализираат – Левица настана и ќе продолжи да постои како одговор токму на нивната корупција! Силата на едно општество лежи во смелите идеи и неисцрпната енергија на младите. Кога создаваме вистински можности за нив, создаваме напредокот на целото општество. Поддршката на младинскиот активизам е заложба за подобро утре. За Левица и за нашата Црвена младина, чии активисти се меѓу повредените во немилиот настан, должност е да ги поддржиме и заштитиме! Борбата против корумпираните допрва почнува! фото:Левица...

Украинската делегација која учествува во преговорите со САД во Саудиска Арабија е максимално конструктивна и разговорите се корисни, изјави денеска украинскиот претседател Володимир Зеленски. – Нашиот тим работи на најконструктивен можен начин. Разговорите се доста корисни, работата на делегациите продолжува. Но, без оглед на тоа што ќе им кажеме на нашите партнери денес, мораме да го натераме (Владимир) Путин да даде вистинска наредба за запирање на ударите. Оној што ја започна оваа војна мора и да ја прекине, рече Зеленски во телевизиска изјава. Разговорите меѓу претставниците на САД и на Украина започнаа денеска во Ријад, а агендата вклучува предлози за заштита на енергетските капацитети и критичната инфраструктура. По денешните разговори меѓу американските и украинските претставници во Саудиска Арабија, ќе следи средба меѓу делегациите на САД и на Русија. Разговорите на американските претставници со делeгациите на Украина и на Русија продолжуваат утре. Се очекува фокусот во Ријад да биде ставен на предлогот на САД за заштита на пловидбата во Црното Море со спроведување на ограничен поморски прекин на огнот. Украинската делегација во Ријад ја предводат министерот за одбрана Умеров и заменик-шефот на претседателскиот кабинет Павло Палис. Во руската делегација, пак, се Григориј Карасин, поранешен дипломат и актуелен претседател на Комитетот за надворешни работи на Советот на Руската Федерација и Сергеј Бесед, советник на директорот на Федералната служба за безбедност (ФСБ). Не е предвидена директна комуникација меѓу делегациите на Украина и на Русија....

Има и деца и возрасни на респираторно дишење. Сите се третирани според сите правила. Раните се стабилни, но најтешка околност е вдишувањето на гасови во белите дробови. Сите останати се на спонтано дишење, двајца се екстубирани, веќе не се на механичка вентилација. Можеме да кажеме дека се во добра состојба на апарати за дишење. Ова го изјави министерот за здравство на Бугарија, доц. д-р Силви Кирилов за настраданите од дискотеката во Кочани кои беа примени во бугарските болници. Во Бугарија се лекуваат 15 лица. Само двајца од нив се постари од 30 години. Петмина се помлади од 18 години. „Рано е да се зборува за испуштање, бидејќи прво – имаме отворени рани кои се лечат и најверојатно ќе биде потребна пластична хирургија, и второ – има оштетување на белите дробови и се уште е рано да се каже што, кога и како ќе се случи. Имаме уште многу долг пат“, рече министерот Кирилов....

Основното јавно обвинителство Гевгелија донесе Наредба за спроведување истражна постапка против две лица за кои постои основано сомнение дека во соизвршителство сториле – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. По претходен договор и заедно, тие на 17 март во возило „волксфаген голф“ со скопски регистарски ознаки од Скопје до Гевгелија превезувале психотропна супстанција амфетамин во вкупна количина од 1.491 грама. Амфетаминот се нафатиле да го пренесат за трето лице по кое се трага, за сума од 300 евра. Пратката во три најлонски пакувања ја презеле од локација во Аеродром и ја сокриле под хаубата на автомобилот. Со себе ја зеле и девојката на второосомничениот за која е поведена постапка за – Непријавување кривично дело или сторител од член 364 став 2 од Кривичниот законик. Возејќи кон Гевгелија и кон локацијата на која требало да го остават амфетаминот, биле запрени од полициски службеници пред наплатната станица во близина на селото Смоквица. Поради претходни оперативни сознанија, обезбедена е наредба од судија на претходна постапка и извршен претрес на возилото, при што била пронајдена психотропната супстанција. Јавниот обвинител до Основниот суд во Гевгелија достави предлог за определување мерка притвор за двајцата соизвршители....

Фудбалската репрезентација на Србија во Белград играше реванш меч од плејофот од Лигата на нации против селекцијата на Австрија. На социјалните мрежи актуелно е видео со коментаторот на РТС, Александар Стојановиќ, кој не можеше да ги задржи емоциите пред почетокот на мечот, кога фудбалерите на двата тима со минута молчење им оддадоа почит на жртвите во големата трагедија која се случи во Кочани. Минута молк имаше и во знак на почит за фудбалерите Андрија Делибашиќ и Радиша Илиќ, на Душан Маравиќ и Вукашин Црнчевиќ кој е 16-та жртва од уривањето на настрешницата во Нови Сад: Aleksandar Stojanović nije uspeo da zadrži emocije kada je bio minut ćutanja na meču Srbija – Austrija pic.twitter.com/I2eo4INKWm — sportsscandals (@sportsscandals1) March 23, 2025...

Израелското Министерство за одбрана денеска соопшти дека ќе отвори специјална канцеларија со задача „да им овозможи на Палестинците доброволно да го напуштат Појасот Газа“. Според Министерството, одобрен е план за канцеларија за „доброволно заминување на жителите на Газа во трета земја“, пренесува Бета. Канцеларијата ќе биде под надлежност на Министерството за одбрана, но би можела да „соработува со меѓународните организации“ за да се „гарантира безбеден премин“ на жителите на Појасот Газа во други земји, се вели во соопштението, без да се прецизира за кои земји станува збор. Министерот за одбрана Израел Кац рече дека предлогот е во согласност со изјавите на американскиот претседател Доналд Трамп, кој кажа дека сака Палестинците доброволно да го напуштат Појасот Газа. Ваквата одлука наиде на осуда од невладини организации во Израел. Израелската невладината организација „Мир сега“ смета дека формирањето на таква канцеларија која „има задача да ги протера Палестинците од Газа“. – Со формирањето на таква канцеларија за протерување на Палестинците, Израел признава дека извршил воени злосторства, велат од невладината организација. Израелската војска ги продолжи воените операции во Појасот Газа во вторникот, прекршувајќи го прекинот на огнот што стапи во сила на 19 јануари на територијата на енклавата разурната од војна, предизвикана од нападот на Хамас врз Израел на 7 октомври 2023 година....

Новиот канадски премиер Марк Карни денеска распиша предвремени парламентарни избори за 28 април. На прес-конференцијата на која го соопшти датумот за избори, тој нагласи дека Канада мора да се брани од се поагресивниот економски притисок од САД. – Знаеме дека мораме да дејствуваме за да им се спротивставиме на Американците, да се справиме со царините на Трамп и да ја поправиме канадската економија, рече Карни, новиот лидер на Либералната партија, кој неодамна ја презеде премирската функција од Џастин Трудо. Карни ја нарече трговската војна со САД една од најголемите закани за Канада. – Тој (Трамп) сака да ја скрши Канада за да може Америка да нè поседува. Нема да му дозволиме да го направи тоа, рече Карни во говорот на отворањето на изборната кампања. Побара „јасен и силен мандат“ од Канаѓаните за да се обезбеди иднината на земјата. Главен противкандидат на либералите ќе им биде Конзервативната партија на Пјер Поилиeвр. Конзервативците Поилиeвр во изминатите месеци се сметаа за многу веројатен победник на парламентарните избори, но трговската војна на Канада со САД им даде изненадувачки поттик на либералите, а Карни моментално води во анкетите. И двајцата кандидати за премиер се обидуваат да го убедат електоратот дека ќе му се спротивстават на американскиот претседател Доналд Трамп. Поранешниот премиер Џастин Трудо поднесе оставка во јануари откако неговата Либерална партија доживеа пад на поддршката поради слабата економија и зголемените цени. Марк Карни беше избран за лидер на партијата и привремен премиер во март...

– Ракометниот клуб Алкалоид ремизираше со РК Минаур Баја Маре од Романија со 31:31 (19:15) во меч во рамки на Европскиот Куп на ЕХФ. Резултатот се чини одличен пред реваншот во Скопје, каде се очекува македонскиот тим да триумфира и да обезбеди пласман меѓу најдобрите четири во Европскиот куп. Први стрелци на мечот беа Мартин Серафимов и Александар Петковски со по седум гола. Реваншот од четвртфиналето се игра на 30 март во „Автокоманда“. На натпреварот во Романија со едноминутно молчење им се оддаде почит на жртвите во трагедијата во Кочани....

– Во скопскиот Градски парк, попладнево, стотина млади лица се собраа за со едночасовен молк да оддадат почит на жртвите од пожарот во дискотеката „Пулс“ во Кочани, каде загинаа 59 лица, а околу 200 лица се здобија со повреди. Како што беше наведено и во најавата од страна на „Студентски пленум” за денешниот собир, граѓаните почнаа да се собираат околу 16 часот, по што едночасовниот молк започна една минута пред 17 часот, односно, симболично, во 16:59 часот. Насобраните не дадоа изјави за медиумите пред почетокот на молкот...

– Разговорите меѓу претставниците на САД и на Украина започнаа денеска во Ријад, а агендата вклучува предлози за заштита на енергетските капацитети и критичната инфраструктура, изјави украинскиот министер за одбрана Рустем Умеров, кој ја предводи украинската делегација во Саудиска Арабија. – Започнавме состанок со американскиот тим во Ријад. Ја спроведуваме директивата на украинскиот претседател да напредуваме кон постигнување праведен мир и зајакнување на безбедноста, Умеров на Фејсбук. По денешните разговори меѓу американските и украинските претставници во Саудиска Арабија, ќе следи средба меѓу делегациите на САД и на Русија. Разговорите на американските претставници со деелгациите на Украина и на Русија продолжуваат утре. Се очекува фокусот во Ријад да биде ставен на предлогот на САД за заштита на пловидбата во Црното Море со спроведување на ограничен поморски прекин на огнот. Украинската делегација во Ријад ја предводат министерот за одбрана Умеров и заменик-шефот на претседателскиот кабинет Павло Палис. Во руската делегација, пак, се Григориј Карасин, поранешен дипломат и актуелен претседател на Комитетот за надворешни работи на Советот на Руската Федерација и Сергеј Бесед, советник на директорот на Федералната служба за безбедност (ФСБ). Не е предвидена директна комуникација меѓу делегациите на Украина и на Русија...

Основното јавно обвинителство Скопје поведе постапка против 20-годишник осомничен за кривично дело – насилство, затоа што на 21 март попладне, на обиколницата во Скопје во близина на клучката кај Стајковци мавтал со полициска значка која всушност припаѓала на неговиот татко, а потоа извадил нож. Осомничениот управувал автомобил „Фолксваген голф“ кога дошол во иста линија со возило „Сеат леон“ кое го управувал оштетениот. Осомничениот со автомобилот започнал да навлегува во лентата по која се движел оштетениот, па како да е овластен полициски службеник преку својот прозорец на оштетениот му ја покажал полициската значка, која всушност припаѓала на неговиот татко кој е полициски службеник во СВР Скопје. Оштетениот, мислејќи дека се работи за стоп наредба од овластен полициски службеник, го запрел своето возило и се упатил кон возилото на осомничениот. По ова, 20-годишникот почнал да го пцуе оштетениот, па од фармерките извадил нож на расклопување и го отворил сечивото. Потоа со ножот почнал да замавнува кон оштетениот, нанесувајќи му телесни повреди, по што побегнал. Јавниот обвинител до судијата на претходна постапка при Основниот кривичен суд Скопје достави предлог за определување мерка притвор, имајќи ја предвид опасноста тој да се даде во бегство доколку биде пуштен да се брани од слобода за да ја избегне кривичната одговорност за делото што му се става на товар. СПОДЕЛИ...

Стив Виткоф, специјалниот пратеник на американскиот претседател Доналд Трамп, во интервју за телевизијата Фокс изјави дека очекува да биде постигнат „вистински напредок“ на утрешните разговори во Саудиска Арабија за ставање крај на конфликтот меѓу Русија и Украина. – Мислам дека ќе видите вистински напредок во Саудиска Арабија во понеделник, особено во Црното Море – прекин на огнот против бродовите од двете страни. И од тоа, природно ќе преминеме на целосен прекин на огнот, рече Виткоф. Прашан за позициите на рускиот претседател Владимир Путин, специјалниот пратеник на Трамп, смета дека „тој сака мир“. За стравувањата на западот дека Путин нема да се ограничи на Украина доколку се направат отстапки, Виткоф рече: „Едноставно не мислам дека тој сака да ја преземе цела Европа. Ова е многу поинаква ситуација отколку што беше за време на Втората светска војна“. – Путин војува веќе неколку години, главно за овие пет региони на Украина кои Русија ги анектираше. Гледиштето во Русија е дека тоа се руски територии, дека на овие територии се одржале референдуми, што ги оправдува овие акции. Не заземам ничија страна кога го кажувам ова, само посочувам кои се проблемите, изјави Виткоф. Тој не одговори директно на прашањето на новинарот на Фокс дали смета дека е погрешно да се опише Путин како „тиранин“ чии „политички противници често исчезнуваат или умираат“. – Во моите 68 години, никогаш, никогаш не сум видел ситуација во која нема две страни во иста приказна. Ситуацијата никогаш не е толку црно-бела како што луѓето сакаат да ја претставуваат. Постојат влади на двете страни, но нашата работа, под водство, нагласувам, на претседателот (Трамп), е да ги ограничиме проблемите, да ги приближиме земјите и да ставиме крај на колежот, рече Виткоф. Во меѓувреме, извор од украинската делегација изјавил дека вечерва во Ријад ќе има средба меѓу украински и американски претставници. Пред утрешните разговори, се очекува САД да одржат одделен состанок и со руската делегација. Украинската делегација во Ријад ја предводат министерот за одбрана Рустем Умеров и заменик-шефот на претседателскиот кабинет Павло Палис. Во руската делегација, пак, се Григориј Карасин, поранешен дипломат и актуелен претседател на Комитетот за надворешни работи на Советот на Руската Федерација и Сергеј Бесед, советник на директорот на Федералната служба за безбедност (ФСБ). Разговорите со посредство на САД во Ријад првенствено ќе се фокусираат на предложениот поморски прекин на огнот во Црното Море. Не е предвидена директна комуникација меѓу Украина и Русија...

– Дваесетгодишник е осомничен дека завчера на обиколница Скопје во близина на клучката кај Стајковци, извршил грубо насилство врз едно лице и со тоа во јавноста предизвикал чувство на несигурност, загрозување и страв. Основното јавно обвинителство Скопје поведе постапка против 20-годишникот за кривично дело – Насилство од член 386 став 3 во врска со став 1 од Кривичниот законик, а доставен е и предлог за притвор. Јавноното обвинителство денеска соопшти дека поради недоразбирање во сообраќајот осомничениот управувајќи автомобил „Фолксваген голф” дошол во иста линија со возило „Сеат леон” кое го управувал оштетениот. Со автомобилот започнал да навлегува во лентата по која се движел оштетениот, па како да е овластен полициски службеник преку својот прозорец на оштетениот му ја покажал полициската значка, која била во возилото и со која бил задолжен неговиот татко – полициски службеник во СВР Скопје. Оштетениот, мислејќи дека се работи за стоп наредба од овластен полициски службеник, го запрел своето возило и се упатил кон возилото на осомничениот. Тој излегол надвор, почнал да го пцуе оштетениот, па од фармерките извадил нож на расклопување и го отворил сечивото. Со ножот почнал да замавнува кон оштетениот, нанесувајќи му телесни повреди, по што побегнал, стои во информацијата од Обвинителството. Јавниот обвинител до судијата на претходна постапка при Основниот кривичен суд Скопје доставил предлог за определување мерка притвор, имајќи ја предвид пред се опасноста тој да се даде во бегство доколку биде пуштен да се брани од слобода за да ја избегне кривичната одговорност за делото што му се става на товар...

Подготвен е протокол според кој идната недела ќе бидат пречекани првите пет пациенти кои што се лекуваат надвор од државата, информираше денеска министерот за здравство Арбен Таравари по состанокот на Кризниот штаб за повредените од пожарот во дискотеката „Пулс“ во Кочани. Како што соопшти Таравари, петте пациенти се очекува да пристигнат во среда или четврток, а ќе бидат пречекани од специјални екипи и возила кои ќе се придржуваат до протоколот и информациите за состојбата на пациентите, по што, појасни, ќе ги сместат во болниците од каде биле претходно пуштени пациентите, каде ќе им биде направена првата тријажа. – Протоколите ќе бидат објавени на нашата веб страна, исто така ќе бидат испратени и до Министерство за надворешни работи и надворешна трговија, како и до сите други држави. Ќе имаме специјални екипи кои што ќе работат со овој протокол кои што ќе се придржуваат до информациите за состојбата на пациентите кои што треба да ги добиеме. Ќе има специјална екипа која што ќе ги прифаќа и специјални возила кои што ќе ги пречекаат и сместуваат во болниците. Првата тријажа ќе се направи во болницата од каде што е пуштен пациентот, па ќе бидат хоспитализирани во болници каде што треба. Доколку нема потреба ќе се пуштаат на домашно лекување, рече Таравари. Секоја фаза, посочи, има свои компликации и потешкотии, појаснувајќи дека во оваа фаза постои ризик од развивање на инфекции, затоа, рече, состојбата на пациентите може да флуктуира. – Јас кажувам каква е моменталната состојба на пациентите. Одредени пациенти веќе добиваат антибиотици за да се превенираат тие инфекции, така што се надевам и тие што ќе пристигнат, веќе зборувавме за стерилизирање на автомобилите со кои што ќе дојдат, како и собите каде што ќе се третираат, така што се надеваме на што помалку компликации и подобро здравје на сите тие што ќе се вратат во државата, рече Таравари. Екипите кои што ќе ги пречекаат пациентите, додаде, ќе бидат од нашата држава, а во зависност од каде и со што ќе доаѓаат, така ќе бидат и пречекувани. – Екипите кои што ќе ги пречекаат пациентите ќе бидат од нашата држава, во зависност од каде доаѓаат и со што ќе доаѓаат. Доколку доаѓаат со авион, ќе бидат пречекани на Меѓународниот аеродром во Скопје, а ако се од соседните држави, за што мислам дека најдоцна ќе се враќаат бидејќи таму се најтешките пациенти, односно во Србија, Бугарија и Грција, рече Таравари. Таравари соопшти дека е стабилна состојбата на 55-те пациенти кои се лекуваат во државава, а од 115 пациенти во странство во критична состојба се пет. – Бидејќи вчера ме прашавте за тоа што министерот за надворешни работи кажал 116 пациенти, сакам само да ве информирам дека 116-от е некој од семејството на тие што се лекуваат надвор од државата, така што, бројката е иста. Нормално, флуктуира состојбата на пациентите, но генерално очекуваме и се надеваме… седми ден е со нула починати, нема ниту еден од пациентите што ги испративме да има фатален исход. Се надеваме така и да продолжи состојбата на овие кои се во критична состојба да се подобри и да соопштуваме само добри вести, рече Таравари. Се очекува утре од македонските болници да бидат испишани девет пациенти, но, како што рече, откако ќе им бидат направени сите токсиколошки и психолошки испитувања. На Клинички центар лежат 27 пациенти, во ГОБ „8 Септември“ – 10 пациенти, Градска општа болница – 10 пациенти, додека во приватните клиники има осум пациенти. Прашан каква поука извлече здравствениот систем од трагедијата во Кочани, Таравари рече „здравствениот систем успеа да се справи со оваа состојба релативно добро, со сите слабости и недостатоци кои што ги има“. Бројките, вели, говорат сами по себе, тоа што имаме нула починати, но, како што рече, треба понатаму да се инвестира во здравствените капацитети и да се подобрат состојбите колку што може во овие можности кои што ги имаме како држава....

Од Независниот студентски сојуз на УКИМ реагираат на гласините дека утрешниот собир на студентите на платото на УКИМ е откажан. „Сакаме јасно да кажеме дека собирот не е откажан. Сите дезинформации што кружат се лажни и тенденциозни“ реагираат од Независниот студентски сојуз на УКИМ. Претходно во текот на денот одредени медиуми објавија дека НСС го откажува утрешниот собир поради партиско мешање, но сега следи демант на таквите објави....

Украинската армија соопшти дека зазела село во источниот дел на областа Луганск, пренесе Укринформ. Украинските војници во 30-часовна операција го зазедоа селото Надја во Луганската област, враќајќи три квадратни километри територија, објави украинската армија на Телеграм....

Во Белград денеска се одржа првиот состанок на иницијативниот одбор за формирање на сенародно – Движење за народот и државата, каде српскиот претседател Александар Вучиќ по средбата изјави дека е време да се артикулира големата сила на народот и да се обедини сета интелигенција и патриотизам за да се обликува иднината. „Симболично, во куќата на кралот Петар Први започнавме голема работа. Да понудиме надеж, стабилност, безбедност и иднина на Србија и нашите деца. Денеска го одржавме првиот состанок на иницијативниот комитет за формирање на сенародното движење за народот и државата “, објави Вучиќ на Инстаграм. Тоа движење ги повикува сите чесни граѓани со своите способности и знаење да придонесат за Србија и да и помогнат на државата да стане најуспешна во својата историја. На состанокот на иницијативниот одбор на „Движењето за народот и државата“ учествуваа и неколку членови на Српската академија на науките и уметностите (САНУ), факултетски професори, претседателот на Асоцијацијата на Албанците во Србија и други, јавија белградските медиуми. Претседателот Вучиќ со години најавува формирање на движење, а собирот на СНС во јануари во Јагодина го означи како почеток на процесот на создавање на „Движењето за народот и државата“. „Денеска се исцртуваат контурите и патот кон добра и сигурна иднина за нашата Србија, пат кој води до просперитет, напредок и слобода за сите идни генерации“, рече Вучиќ....

Израелската влада денеска го поддржа разрешувањето на главната јавна обвинителка Гали Бахарав-Мијара, со гласање недоверба во парламентот, објавија медиумите во Израел. Министрите едногласно го одобрија контроверзниот потег во нејзино отсуство. Сепак, одлуката е само почеток на подолг процес, а прв чеот ќе биде формирање специјална комисија. За време на владината седница, во Ерусалим се одржуваа демонстрации против разрешувањето на Бахарав-Мијара. Претходно, јавната обвинителка објави отворено писмо во кое се вели: „Владата сака да биде над законот, нема да бидеме одвратени“. Владата на премиерот Бенјамин Нетанјаху се обидува да ја смени јавната обвинителка поради нејзиното постојано противење на одлуките на политичкото раководство за кои таа смета дека се незаконски. Десничарскиот премиер Нетанјаху и неговите сојузници долго време го обвинуваат судскиот систем во Израел дека е премногу моќен и претерано се меша во работата на извршната власт. Правните експерти во Израел предупредија дека разрешувањето на Бахарав-Мијара ќе ја загрози демократијата во земјата. Плановите на владата на Нетанјаху за реорганизација на судството доведоа до повеќемесечни масовни протести во 2023 година и предупредувања за уништување на демократската рамнотежа во Израел...

Турскиот опозициски политичар Екрем Имамоглу е „привремено“ суспендиран од функцијата градоначалник на Истанбул, соопшти денеска Министерството за внатрешни работи на Турција. Тој беше приведен во средата, неколку дена пред да биде номиниран за претседателски кандидат на најголемата турска опозициска Републиканска народна партија, пренесува ДПА. Имамоглу, водечка опозициска фигура и главен предизвикувач на претседателот Реџеп Тајип Ердоган на изборите во 2028 година, формално беше уапсен денеска, откако судот му одреди истражен притвор под обвинение за корупција. Случајот предизвика демонстрации во поголемите турски градови и ја зголеми загриженоста за демократско назадување во Турција. Екрем Имамоглу, кој беше избран за градоначалник на Истанбул во 2019 година, ги негира обвинувањата и вели дека тие се политички мотивирани. Ако Имамоглу биде осуден, турскиот закон им дозволува на властите да го заменат на градоналничкото место со свој функционер....

Мерсел Биљали Две илјади години стара мудрост од Цицерон вели: „Законите стануваат по глупави додека империјата се приближува кон својот крај“. Лудилото на антички Рим отишло дотаму што Калигула го прогласил својот коњ за сенатор, а Нерон го запалил Рим за да добие инспирација да напише песна. Веќе подолг период Западен Балкан е заложник на хаотична ментална состојба на Вучиќ и неговиот верен слуга Додик. Српски аналитичар вели – „тоа е типичен балкански пример како едни наместо рехабилитација по институти за ментално здравје, тие водат држави“! И тоа во име на некаква личната среќа, а на сметка на целата овдешна колективна несреќа. Додека Додик провокативно ќе ја пее песната „Јачи смо од судбине“ во дуел со неговиот шеф од оваа страна на Дрина, милиона млади Срби ги затворат ушите. Уморни се од профитер-политичари чие хоби се час заканите со отцепување, час глумењето смирена и насмеана мајка на добро воспитано дете која дома вреска како ненормална. Со години ветуваа мед и млеко, а во реалноста лук и вода. И тоа во време кога тектонските плочи на меѓународната безбедност сериозно се поместени. ОН, Советот за безбедност, ОБСЕ и други меѓународни структури веќе наликуваат во невладини здруженија, и кога единствена функционална меѓународна безбедносна формула останува – „снајдете се сами“! Членките на меѓународната заедница не можат веќе да се договорат ниту околу тоа колку дена има неделата! А нам тука во Балканот брзо мирот ни станува здодевен! По видливото слабеење на меѓународниот безбедносен систем и кршењето на кормилото на НАТО, Вучиќ и Додик тргнаа кон долгогодшната нивна фантазија наречена „српски свет“, што е синоним и акроним за „Голема Србија“. Таквиот проект би ги вклучил Србија, Република Српска, Косово и Црна Гора (па дури и Македонија)! Додик по кој знае кој пат пак прогласи сецесија од БиХ, но ете за несреќа пак чемецот негде му заглави! Можеби поради звучниот топ кој заплашува против големата тишината што силно одекнува! Во меѓувреме, Хрватска, Албанија и Косово потпишаа заедничка „Декларација за одбранбена соработка“, која е синоним за некаков заеднички одбранбен сојуз, соодветно заканите од Србија и Република Српска. Трите регионални држави имаат за цел „да ја зголемат безбедноста во Југоисточна Европа и да ја подобрат подготвеноста против сегашните и идните закани“, се вели во текстот на „Декларацијата“ што го објави хрватското Министерство за одбрана, откако договорот предизвика остри критики во Србија. Сигурни извори велат дека сега се разговара за вклучување и на Бугарија кон договорот. Изгледа српскиот проект за „велика Србија“ стана ептен добар акумулатор за колективен регионален гнев. Официјално се вели дека трите држави потпишаа декларација за зајакнување на воената соработка, потврдувајќи ја – „намерата за зајакнување на трилатералната безбедносна и одбранбена соработка за подобрување на безбедноста и стабилноста во Југоисточна Европа и Јадранско-јонскиот регион“, нагласувајќи ја „важноста на заедничките напори во одговорот на новите безбедносни предизвици, хибридните закани и другите ризици кои можат да ја загрозат европската и меѓународната стабилност на регионот“. Србија жестоко протестирала дека „ова е прекршување на субрегионален договор за контрола на вооружувањето од 1996 година, но од реакциите од Хрватска и некои други делови од регионот видовме дека тие не се многу заинтересирани за тој договор. Речиси сум убеден дека НАТО не бил ниту информиран и дека не им било ни кажано кои договори се прекршени“ – рече конфузно Вучиќ. Хрватскиот министер за одбрана Иван Анушиќ на „X“ рече дека помина времето кога Хрватска го прашувала Белград што смее и како треба да го направи тоа. Кога станува збор за содржината на декларацијата, тој истакна дека соработката со Албанија и Косово е фокусирана на размена на знаења, соработка меѓу воените индустрии и поддршка на евроатлантскиот пат итн. Декларацијата идентификува четири области на соработка – промовирање на одбранбените способности и индустриска соработка; подобрување на интероперабилноста преку едукација, обука и вежби; борба против хибридните закани и зајакнување на отпорноста и поддршка на евроатлантските интеграции. Тоа, меѓу другото, значи дека ќе се истражат „можностите за развој и стекнување одбранбени способности преку мултинационални решенија за зголемување на подготвеноста на воените сили“, како и зголемување на „инвестиции во нови технологии и иновации за забрзување и обезбедување унифициран пристап кон безбедносната и одбранбената трансформација“. Без конкретни детали, министрите за одбрана на трите земји порачаа дека ќе ја зголемат интероперабилноста на нивните армии преку едукација, обука и заеднички вежби, како и ќе се вклучат во борбата против хибридните закани, но и ќе ги координираат политиките за евроатланска интеграција. Kако и да е, факт дека бродот на „Српскиот свет“ (Голема Србија) плови низ крајно опасни диви води и дека прашање на моменти кога ќе се скрши по тие големи карпи. Не се вели за џабе – со свој камен по своја глава! Смешни се тврдењата дека и Србија сега разговара за свој воен блок. Имено, според српски Курир, Вучиќ и унгарскиот премиер Орбан веќе се во преговори за контрасојуз, кај што наводно би влегле и Македонија и Република Српска! Треба да се додаде дека во овој момент веста за ваков евентуален сојуз не е официјално потврдена, а веста ниту Вучиќ ниту Орбан не ја коментираат. Но тоа ќе беше најкратко можниот пат за европско расчистување со Орбан кој во Брисел веќе има наполнето многу вреќи гнев. Башка што малдите Срби се пробудија. Тие не сакаат веќе во име на сè-српството, да ја прокоцкат нивната иднина за финансиските интереси на Вучиќ, Вулин и Додик. Тие докажаа дека можат да соберат над пола милион незадоволници. Да пробате да газите по толкав нормален свет – во најмала рака можете да завршите како Чаушеску. Само Србите не можат да живеат со други?! Балканот со децении е во психичка тортура поради аспирациите на одделни српски политичари за голема Србија. Во име на таквиот нивен „идеал“ во регионот беа водени неколку крвави војни. И една силна Франција се согласува повеќе од четири милиони етнички Французи да живеат надвор од нивната матична држава (околу 24 отсто од населението во Белгија се Французи, а во Швајцарија околу 20 отсто). И силната Германија не оспорува дека околу 29 проценти од етничките Германци живеат во други држави – Австрија, Холандија и Швајцарија. Дури и Русите живеат во трите балтичките земји. Со Украина војуваат за други причини, а етничкото им е само покритие. По која логика Вучиќ како и неговите претходници кои водеа крвави војни мислат дека сите Срби мора да живеат во иста држава? Па та самата го држи Санџак кај што живеат други, потоа што ќе прави со повеќе-етничката Војводина, со Прешевската долина итн?! Надежта дека тука е „мајката“ Русија, е голема фантазија. Таа веќе три години е заглавена во калта на Украина. Едно време за неколку часа таа ги окупираше Унгарија (1956) и Чехословачка (1968), ама тоа е веќе далечно минато. Работите се сменија. Русија е веќе многу е ослабнета. Украина деновиве ја промовира сопствената чудо од ракета наречена „Нептун“, која се смета за легенда од крстосувачка ракета со домет од над 1.000 километри. Мината недела таа успешно ја тестираше таа нејзина прва крстаречка ракета со долг дострел, погодувајќи рафинерија за нафта во Туапсе, во рускиот регион Краснодарски. Нападот предизвика голем пожар со кој пожарникарите се бореа цели три дена. Украина веќе успеала да оневозможи околу 10 отсто од рускиот капацитет за преработка на нафта. Каде е Македонија!? Македонската влада треба да престане да флертува со режимите на Вучиќ, Додик и Орбан. Цела Европа го има изолирано Орбан, а нам тој ни стана ептен „голем брат“! Дека тој ќе ни ги реши проблемите со својата Рубиковата коцака е надвор од секој елементарен ум! Власта направи суштинска грешка што го донесе Додик во Скопје, кого освен Србија, Унгарија и Русија, ниедна друга европска држава не го прифаќа, бидејќи е на сите можни црни листи. Нему не му помогнал ниту капата од Трамп (МАГА). За голема жал власта, трошејќи ја својата енергија додворејќи му се на ѓаволот, го доведе дома пеколот. Ние треба да разбереме дека не сме кадар за големи игри, било тоа и тука регионални! Прва задача треба да ни е грижата за младите кои сè помалку ги има тука! А некои ни завршуваат трегично. Потребна е нова истрага, вклчитено и за продажбата на лесно запаљивите модуларни болници!...

Германското Министерство за надворешни работи го нарече апсењето на градоначалникот на Истанбул Екрем Имамоглу назадување на демократијата во Турција, и повика на фер судење и почитување на владеењето на правото, пренесува ДПА. – Политичкиот натпревар не смее да се води преку судови и затвори. Очекуваме наводите да бидат транспарентно истражени што е можно побрзо и постапките да се водат врз основа на владеењето на правото. Истото важи и за приведените демонстранти, изјави портпарол на германското МНР. Официјален Берлин нагласува дека почитувањето на демократијата и владеењето на правото остануваат кчучни за билатералните односи со Анкара, како и за односите меѓу ЕУ и Турција. Имамоглу, водечка опозициска фигура и потенцијален предизвикувач на претседателот Реџеп Тајип Ердоган на изборите во 2028 година, беше приведен во средата. Тој се соочува со обвиненија за тероризам и корупција, а притворот што му го одреди судот во саботата е поврзан со случајот за корупција. Имамоглу ги отфрли обвинувањата. Десетици илјади Турци излегоа на улиците низ поголемите градови да протестираат поради неговото притворање, пркосејќи на забраната за јавни собири што ја воведоа властите. Стотици демонстранти се уапсени...

Граѓаните на Кочани денеска организираа 60-минутен Марш со молк, како симболична почит за сите 60 лица кои починаа како последица од пожарот во дискотеката „Пулс“ што се случи минатата недела. Без транспаренти и тивко, колоната граѓани помина по улиците во централното градско подрачје и стигна пред зградата на Општина Кочани. Со мотото „Молкот зборува најгласно“, стоејќи мирно, учесниците на маршот испратија симболична порака дека бараат одговорност за трагедијата којашто уништи неколку генерации млади луѓе. На крајот од 15-минутната почит за загинатите, беше упатена благодарност до сите пријателски држави кои на лекување ги примија повредените од пожарот. Во пораката до институциите беше нагласено дека граѓанските протести и собири не се за менување власт, туку повик за менување на свеста против начинот на кој функционира целиот систем во државата. -Ние во Кочани секогаш сме биле разумни и рационални луѓе, а проблем е што ова е гнил систем кој не функционира. Ако кренеш глава за правда ќе те избркаат од работа, ќе те наместат, ќе те затворат. Системот не функционира веќе 30 години, но ние немаме намера да рушиме власт. Оваа држава има прекрасни луѓе, но половината се во странство, а другите, нашите најдобри интелектуалци ги ставивме во дупките во земја. Сега ќе имаме и работа и фирми, но немаме деца. Не бараме револуција за промена на власт, туку бараме револуција за менување на нашата свест. Да се свестиме и да прекинеме со партиските поделби, да почнеме од овој момент да создаваме нормално општество. Во сите партии има прекрасни луѓе, но тие се во десеттиот, единаесеттиот ешалон. Што треба да се случи полошо од ова, кога веќе немаме ништо. Ако умре овој град, барем нека се спасат другите градови, рече Влатко Здравко, учесник во маршот. Учесниците на маршот се разотидоа мирно и најавија дека ќе продолжат со собирите и барањата за институционално решавање на трагедијата во Кочани....

Драги медиуми, замолуваме пораката да биде споделена во целост, Денес, на лажни профили и преку пропагандни медиуми, беа објавени видео-снимки со цел да ја поврзат нашата иницијатива „Кој е следен?“ со еден онлајн разговор помеѓу група студенти и девојка од Србија. Ве известуваме дека нашата иницијатива нема никаква поврзаност со тој повик, ниту сме биле вклучени во какви било разговори за формирање на нови студентски организации. Доволно е да се погледне самата снимка – името „Кој е следен?“ не се споменува ниту еднаш, а нашето лого е аматерски и намерно вметнато во аголот на видеото. Нашата иницијатива е граѓанска и како таква нема намера да се вклучи во студентското организирање, ниту да го инструментализира. Студенти, веруваме во вашата способност да се оградите од партиски и надворешни влијанија. Овие обиди за оцрнување се уште еден доказ дека политичката елита се плаши од автентичното граѓанско незадоволство. Наместо да одговорат на барањата за правда, одговорност и безбедност, тие се служат со провидни манипулации, лажни вести и медиумски спинови. Притисоците од лажни профили, пропагандни медиуми, како и од полициски и параполициски структури, само дополнително ќе ја зајакнат нашата волја. Ние не сме поврзани со ниту една политичка партија, и уште поважно – јавно ги осудуваме сите обиди за партизација на „Кој е следен?“. Нашиот револт не е алатка за политички поени, туку повик за достоинствен живот. Оваа сурова пропаганда нема да не замолчи. Нема да дозволиме да се угуши секој млад, независен и слободен глас. Нема да дозволиме елитите да продолжат да не газат! Денес ние сме мета на манипулации и лажни вести. Кој е следен? Иницијатива „Кој е следен?“ Фото: принтскрин од фејсбук на „Кој е следен?“...

Папата Франциск денеска беше отпуштен од римската болница Гемели по повеќе од пет недели престој, јави ДПА. Папата денеска го имаше своето прво појавување во јавноста по пет недели, мавтајќи од балконот на болницата пред да ја напушти установата. На 14 февруари, 88-годишниот понтиф беше примен во болница со тешка респираторна инфекција. Од неговата хоспитализација, Ватикан објави само една фотографија од папата – и тоа само одзади, пред олтарот во капелата на десеттиот кат од клиниката. Франциск денеска се појави на балконот на болницата во инвалидска количка, насмеан и мавтајќи им на луѓето собрани пред болницата. Лекарите на папата вчера рекоа дека сепак ќе му треба време за целосно да закрепне со оглед на неговата возраст и оти го советувале да одмори уште два месеца во Ватикан. Неизвесно е дали тој ќе може да учествува на прославата на Велигден следниот месец....

Од моментот кога „Пулс“ станала „дискотека“ во 2012 до кобното неделно утро на 16 март: – во МВР (министрите, преку началниците на полицијата и противпожарната заштита, под нивна надлежност), – општината (и сега притворените градоначалници), – МТ (министрите, преку началниците на подрачната единица назначени од нив), – УЈП и ДПИ (нивните директори, преку подрачните раководители назначени од нив)… … сите овие институции (на локално или национално ниво) потфрлиле во проверката (на исполнувањето на побаруваните стандарди за отворање и работење) на „дискотеката“. Од пристапност на противпожарни возила во ваков случај се до бројот на присутни лица кобната вечер и присуството на малолетни лица во објектот. Да не ја премолчиме ниту одговорноста на ентитетите кои вршат јавни овластувања (проектанти, обезбедување), но и коморите кои ги лиценцирале да вршат јавни овластувања. За почеток, да се задржиме на примарното: За „Пулс“ да добие лиценца, морало да добие мислења и дозволи по кои на крај добива лиценца од Министерството за економија, врз основа на мислењата и дозволите од органите на управата. И морал да функционира во правниот и финансискиот промет од 2012 наваму – што значи да биде контролиран и инспектиран. „Прво, овој документ е фалсификат, лиценца нема. Правен документ објектот нема од пред повеќе од една година, овој документ е фалсификат. Дали ДПИ требало да излезе токму во оваа дискотека, тоа не го пишува никаде во законот…“ – ќе изјави премиерот на Прес-конференција по кочанската трагедија. Дали од ова треба да заклучиме дека всушност еден од притворените, екс-министерот за економија Бектеши одговара за „лиценца“ што не постои? Некој го употребил неовластено неговиот потпис? Не е логично да се истражи кој всушност го издал лажниот документ? За илустрација: имате автомобил што подолго не го користите и ви стои во гаража. Некој ви го украл, вие не знаете за тоа и крадецот направил сообраќајка со вашето возило. Кој е виновен за сообраќајката, сопственикот на украденото возило или тој што го украл и управувал возилото? Според мене – вториот. „Регулаторната гилотиња од пред 17 години кога се смени Законот за угостителство го внесе хаосот при издавање на лиценци и контрола на минимално-техничките услови за работа на ноќен клуб, дискотека и кабаре. Можеби една добра заложба од 2008, тогаш јас бев пратеник, да се намалат процедурите, сега е, гледаме, целосно злоупотребена…“ ќе каже министерот за транспорт. Конкретно е прашањето по чија иницијатива, односно во интерес на која финансиска групација – тогашната влада и пратеници од ВМРО-ДПМНЕ составиле вакви законски измени во кои ноќниот живот однесе во смрт за шеесетина млади? Во чиј интерес е направен закон со кој со непостапување по стандарди е создадена длабоката со која полицијата и инспекциите на локално и државно ниво кои станаа обезбедување со „значка“ за локалниот рекет, дилање дрога и проституција? Со ова прашање се соочени и Тошковски и Мицкоски – и Ковачевски и Заев сосе Спасовски – и Јанкуловска и Груевски како нивни претходници. Оти овие законски измени се од – 2008. Доволно за почеток, иако може да се враќаме се до владата на Црвенковски, оти експлозијата на „белото“ во Кочани започна по првата рекет-афера во скопски „Хард рок“ – и никој не се позанимава ниту со неа ниту со трансформацијата на „Франкфуртската мафија“ во четириаголникот Велес – Свети Николе – Кочани – преку Виница, Пехчево и Берово се до – Струмица во доцните 1990-ти и раните 2000-ти. „Градежниот бум“ кој зависи од градежни маркици, за потсетување, оди паралелно со оваа спрега на институциите и подземјето – чии состаноци се одвиваа во ваквите „елитни места“ како „Пулс“. А градежништвото, познато е – претставува гранката во која најлесно „се перат“ валканите пари. Заедно со игрите на среќа. Единствените растечки „индустрии“ во Северна Македонија веќе втора деценија, при влади и на СДСМ и на ВМРО-ДПМНЕ. „Службеното лице од органот… кој ја води постапката (Министерството за економија) по службена должност ги прибавува доказите од ставот 2, точките 1, 2, 3, 4… од надлежен јавен орган…“ Според оваа правна „логика“, проблем е „лиценцата“, дури и да не е фалсикувана – а не проблематичните документи врз основа на кои лиценцата по закон мора да биде издадена?! Министри, премиери, пратеници, директори… – објектот бил пломбиран и фирмата што го раководи има блокирана сметка – а до неделата работеа, „правеа пари“ и посеаја смрт. Толериран од претходни функционери – но пред очи на актуелни раководители во МВР, УЈП, ДПИ… Да заклучиме: – Не минува обидот „да му ја префрлиме вината на Шиптарот“, поддржан со операцијата „огномети во Скопје“. – Не минува ниту конструкцијата „правната празнина“ да биде алиби за полициските, даночните, пазарните… инспектори и општинските раководители...

Ние сме само на почетокот на ова патување. Утрешните преговори со Вашингтон ќе бидат тешки. Главен приоритет на Москва е можното продолжување на договорот за безбедна пловидба на трговските бродови низ Црното Море, изјави портпаролот на Кремљ Дмитриј Песков за руската државна телевизија пред одвоените преговори за прекин на огнот меѓу САД, Украина и Русија кои ќе се одржат во Саудиска Арабија. Неговите изјави доаѓаат по минатонеделниот телефонски разговор меѓу рускиот претседател Владимир Путин и американскиот претседател Доналд Трамп. Белата куќа по повикот објави дека двајцата лидери се согласиле дека „движењето кон мир ќе започне со прекин на огнот во областа на енергетската и инфраструктурната мрежа“, по што ќе следат преговори за „поморски прекин на огнот во Црното Море, целосен прекин на огнот и траен мир“....

Вчера во 22.00 часот во ОВР Прилеп, 37-годишна жена од Прилеп пријавила дека на 22.03.2025 околу 19.40 часот нејзината малолетна ќерка, заедно со нејзините четири малолетни другарки, на плоштадот „Методија Андонов Ченто“ во Прилеп биле физички нападнати и допирани по телото од страна на четири лица. Се преземаат мерки за расчистување на настанот....

Вчера во 16.05 часот, во ОВР Струга е пријавено дека, во колективна зграда лоцирана на улицата „Партизанска“ во Струга избувнал пожар кој оштетил повеќе станови. Повредени лица нема, а интервенирала Територијалната противпожарна единица од Струга. Увид на местото извршија полициски екипи....

Сите општини координирани преку ЗЕЛС започнаа се вонредни инспекциски контроли во сите објекти од јавен карактер низ државата. Во голем број од општините детално се проверуваат училиштата, градинките, спортските сали, културните домови, но и сите угостителски објекти и други места каде секојдневно се собираат наши граѓани. Ова денеска го потенцираше претседателот на ЗЕЛС и градоначалник на Општина Кисела Вода, Орце Ѓорѓиевски на заедничката прес-конференција со директорот на Универзитетската клиника за хируршки болести во Скопје, Небојша Настов и портпаролите на Владата, Марија Митева и Венера Љатифи Азизи. Подвлекувајќи дека особен акцент е ставен на објектите во кои престојуваат деца и млади, Ѓорѓиевски истакна дека инспекциските контроли ќе бидат континуиран процес и во наредните недели и месеци систематски ќе се проверуваат сите објекти во државата, со цел сите јавни и приватни објекти каде се собираат луѓе, било да се образовни, здравствени институции, спортски или културни објекти или угостителски локали, да бидат безбедни. Тој нагласи дека е воспоставена тесна и силна координација со Владата и лично со претседателот на Владата, од првиот момент по несреќата во Кочани, со единствена цел брза и усогласена акција за надминување на состојбата. Предизвик, според него, претставува недоволниот број инспекциски служби, особено во помалите општини. Ѓорѓиевски информираше дека во Општина Кисела Вода имало двајца инспектори за домување, а во многу од општини, како што рече, нема инспектори за домување, немаат градежни инспекции, комунални инспектори. Тоа, истакна, ќе мора заеднички да го решаваме во наредниот период ќе се спроведе меѓуопштинска соработка. Градоначалникот Ѓорѓиевски посочи дека ЗЕЛС ја презема улогата на координатор на сите активности на локално ниво, за меѓусебна помош и споделување на ресурсите и знаењата. Инспекциските капацитети, најави тој, ќе се стават на располагање таму каде има потреба за да може секоја општина темелно да ги провери сите објекти на својата територија. Во поголемите општини, како што рече на прес-конференцијата Ѓорѓиевски, веќе се спроведуваат детални контроли на објектите, документацијата на објектите и почитувањето на сите безбедносни стандарди. Се внимава дали објектите имаат исправна протипожарна опрема и функционални противпожарни хидранти, дали електринчните инсталации се безбедни и соодветно одржувани, постојат ли јасно обележани и функционални евакуациони патеки и планови, како и дали се поседуваат сите потребни документи и безбедноси елаборати. – Ќе има нулта толеранција за евентуалните неправилности. Ќе се преземаат решителни мерки согласно надлежностите на локалната самоуправа, рече Ѓорѓиевски и ги повика граѓаните ако забележат небезбедни услови да ги пријават. Ѓорѓиевски најави дека утре ќе има седница на Управниот одбор на ЗЕЛС, на која се поканети градоначалници на поголемите општи во државата, а ќе се направи детален пресек за состојбата во општините. Во Кисела Вода, информиаше, во сите градинки, училишта, спортски сали и Домот на културата, се извршени проверки, и нема утврдено аномалии односно се е исправно. – Во строга контрола влегуваме и во станбените згради, каде треба да има соодветна хидрантска мрежа, скали за пожар и да ги исполнуваат основните елементарни услови. Во Кисела Вода изминатата недела се проверни околу 40 згради, постарите згради кои се градени после земјотресот, таму не се исполнуваат стандардите. Таму ќе треба да се остави простор куќните совети да си преземат дејствија, ако не ќе си преземеме активност и ќе ги казниме истите. Ние мора да воспоставиме систем и ред во оваа држава, рече градоначалникот на Општина Кисела Вода и претседател на ЗЕЛС Ѓорѓиевски....

Американскиот претседател Доналд Трамп изјави дека тој е единствената личност во светот што може да стави крај на војната во Украина, додавајќи дека напорите да се спречи ескалацијата на конфликтот се „донекаде под контрола“. -Мислам дека нема никој на светот кој може да го запре рускиот претседател Владимир Путин, освен мене, рече Трамп доцна синоќа во интервју за „Ауткик“ . „И мислам дека ќе можам да го запрам“, додаде тој. „Имавме многу рационални дискусии и само сакам да видам дека луѓето престануваат да се убиваат“, рече Трамп....

Министерството за здравство во Газа денеска соопшти дека во израелските напади во последните 24 часа загинале 41 лице, а 61 се повредени. Според соопштението, со овие жртви, од почетокот на војната пред 17 месеци се убиени вкупно 50.021 Палестинци, а 113.274 се ранети, објави Ал Џезира. Се додава дека голем број жртви во последниот напад сè уште се заробени под урнатините....

Контролите на објектите од безбедносен аспект ќе бидат етапни и долгорочни, најави портпаролката на Владата Марија Митева. Одговарајќи на новинарско прашање за инспекциите за тоа како се проектирани и градени објектите во однос на почитување на безбедносните мерки, таа посочи на информација од Министерството за транспорт дека фокусот ќе биде на „системско решавање на овие проблеми“. -Во овој момент се скенираат ваквите состојби во делот на активна законска лиценца која е поседувана или непоседувана. За сите натамошни детали ќе се продолжи со етапна контрола на се она што е нерегуларно согласно законот и верувам дека и овој дел ќе биде опфатен од страна на надлежните институции, но тоа ќе бидат фази и етапи на кои долгорочно ќе работиме. Ова нема да биде една фаза на која сега ќе заврши контролата и веднаш ќе престанат инспекциите. Како што можевме да видиме, во моментот на добивање на лиценцата, конкретно во Министерството за транспорт, условите се исполнувани, но веднаш потоа е изигруван законот. Така што, ова е континуирана работа на којашто надлежните институции континуирано ќе работат, рече Митева. Прашана за контролите на лиценците за вршење дејност и техничките услови на угостителските објекти, портпаролката одговори дека дежурни инспекциски тимови викендов биле фокусирани повеќе на тоа дали се почитува одлуката на Владата за деновите на жалост. -Во текот на вчерашната ноќ немало утврдени никакви злоупотреби или непочитување на оваа одлука на Владата за денови на жалост. Веќе од утре овие тимови почнуваат со нов координативен состанок за да ги преземат сите идни чекори и каде ќе ја насочат контролата и веќе утре ќе бидат презентирани информации во јавноста, посочи Митева. Во однос на најавената интерна истрага во МВР најавена од министерот Панче Тошковски за интервенирањето и однесувањето на полицијата ноќта на трагичниот настан во Кочани, портпаролката одговори дека надлежното министерство ќе одговори на сите прашања и оти интерната истрага е дел од сеопфатната истрага за пожарот. -На сите легитимно поставени прашања во јавноста, независно дали се појавуваат на социјални медиуми, од граѓани или институции, владата ќе одговори односно надлежното министерство, во овој случај МВР. Кога ќе се завршат сите анализи и целата процедура, јас сум сигурна дека надлежните институции ќе дадат одговори, рече Митева одговарајќи на новинарски прашања на прес-конференцијата....

Најмалку седум лица загинаа во рускиот напад со дронови врз Украина во текот на ноќта, соопштија украинските власти. Според податоците на украинските воздухопловни сили, Русија синоќа лансираше 147 беспилотни летала против Украина. Украинската противвоздушна одбрана собори 97, додека 25 ги промашија своите цели. Нападите ги зафатија регионите Харков, Суми, Чернихив, Одеса и Доњецк, како и главниот град Киев. Во Киев загинаа три лицаа, а 10 се повредени. Според началникот на градската воена управа на Киев, Тимур Ткаченко, две станбени згради во областа Днипровски во Киев се запалиле поради остатоци од дрон. Пожарот избил на најгорните катови на станбена зграда, при што една жена загина, соопшти украинската служба за итни случаи. Четири лица загинаа во регионот на Доњецк....

Седумдневната национална жалост прогласена од Владата за трагедијата во Кочани завршува денеска, но со несмален и невиден интензитет ќе продолжи истрагата која ќе биде правична и темелна, порачаа денеска на прес-конференција владините портпаролки Марија Митева и Венера Љатифи-Азизи. Митева апелираше да не се шпекулира и со невистини и манипулативни наративи да се злоупотребува трагедијата во Кочани затоа што, рече, има опсежна истрага во која се опфатени и приведени 34 лица и таа се уште не е завршена. -Мора да дозволиме органите на прогонот да си ја завршат истрагата – темелно и правично. Не би сакале да се дозволи попречување од различни мрежи – преку повици за дестабилизација и различни сценарија и било како да наштетат на овој процес. Од ова мора сите да излеземе посилни, со испорачана правда. Оваа влада беше избрана за да го прекине кругот на рамнодушноста, да ја обнови довербата онаму каде што беше изгубена и да се погрижи ниту една иднина да не се обликува од грешките на минатото. Нема да прифатиме изговори кои премногу често ги оставаа граѓаните незаштитени. Онаму каде што другите молчеле, ние ќе дејствуваме. Во овој момент на тага, стоиме заедно со погодените семејства и ветуваме итни мерки. Нашата заложба е јасна – правда за погодените, транспарентност во секој чекор и итни реформи кои ќе обезбедат ова никогаш да не се повтори, истакна Митева. Портпаролката Венера Љатифи-Азизи рече дека трагичниот настан „не трогна сите соединувајќи не во длабока болка и тага што ги надминува зборовите“. Ги соопшти сите преземени чекори од Владата да им се помогне на семејствата на повредените, трошоците што ги покрива, најави дека од утре ќе почне исплатата на средствата за помош од Црвениот крст и дека „истрагата ќе продолжи со невиден интензитет“. Укажа и на помошта од меѓународните партнери и солидарноста која, рече, не познава граници. -И додека денес е последниот ден од националната жалост, посветеноста и ангажирањето на Владата да ги поддржи директно погодените и да ја открие вистината за оваа трагедија ќе продолжи со невиден интензитет… Истрагата за овој трагичен настан продолжува со целосна посветеност и голем ангажман од сите одговорни институции. Владата е решена да ја обелодени вистината и да се погрижи сите кои се одговорни да одговараат за своите постапки. Никој нема да може да се сокрие и правдата ќе биде задоволена… Во оваа голема болка не сте сами, државата ќе стои покрај вас – не само денеска, туку до крајот на овој процес, во кој ќе расветлиме буквално се, истакна Љатифи-Азизи. хс/...

– Во организација на младинската и ученичките заедници, заедно со Студенските собранија и Локалниот младински совет, денеска на пладне на Градскиот плоштад во Охрид се одржа 60-минутен молк во знак на почит кон жртвите од трагедијата во Кочани. Граѓани на Охрид на дождливо време одадоа почит на настраданите во кочанската трагедија, искажувајќи поддршка на нивните и на семејствата на сите повредени во најголемата несреќа во историјата на независната македонска држава. Инаку, Општина Охрид за престојната седмица најави свикување седница на Советот, на која ќе одлучува за доделување финансиска помош за семејствата на починатите и за повредените лица во пожарот што се случи во дискотеката „Пулс“ во Кочани....

На Универзитетската клиника за хируршки болести во Скопје во моментов се лекуваат десет пациенти од пожарот во дискотеката „Пулс“ во Кочани, од кои на шест веќе им е направена трансплантација на кожа поради степенот на изгореници, информираше денеска директорот на Клиниката, Небојша Настов на заедничката прес-конференција со портпаролите на Владата, Марија Митева и Венера Љатифи Азизи, како и градоначалникот на Кисела Вода Орце Ѓорѓиевски. Како што посочи Настов, шесте пациенти на кои им е направена трансплантацијата се со трет степен на изгореници, додека кај останатите пациенти продолжуваат редовните преврски и веќе во текот на наредната недела се очекува да бидат пуштени на домашно лекување. Но, како што рече, ситуацијата е флуидна и може да се смени од час во час. – Во однос на актуелната здравствена состојба на пациентите од болницата од која што доаѓам, а тоа е Универзитетската клиника за хируршки болести во Скопје, во моментов се хоспитализирани 10 пациенти, од кои на шест е веќе направена трансплантација на кожа заради тоа што тие беа пациенти со највисок степен на изгореници, односно трет степен. Кај останатите пациенти продолжуваат редовните преврски и веќе во текот на наредната недела според плановите кои што ги имаме, иако морам да повторам дека ситуацијата е многу флуидна и може да се смени од час во час, се планираат првите испусти за дома, рече Настов Во врска со пациентите кои се лекуваат во странските држави, Настов посочи дека тие до одредена фаза ќе се лекуваат таму, но, како што рече, во одредена фаза ќе треба да се вратат и повторно да бидат сместени во хоспиталните капацитети во земјава, за што, рече, се прават протоколи и координации како ќе оди враќањето на пациентите во зависност од темпото со кое ќе бидат испишувани. – Пациентите кои се лекуваат надвор од земјава до одредена фаза ќе се лекуваат во странските држави кои ни излегоа во пресрет, но во одредена фаза истите тие ќе дојде време кога ќе треба да се вратат во нашата држава и кога ќе треба повторно да бидат сместени во болниците, односно во сите хоспитални капацитети во државата. За таа цел, се прават протоколи и координации меѓу Министерството за здравство, Министерството за надворешни работи и Службата за општи и заеднички работи на Владата во која координација ќе оди враќањето на пациентите во зависност од темпото со кое ќе бидат испишувани од болничките установи од странство, рече Настов. Прашан за тоа каква е состојбата на шесте пациенти кои се лекуваат во странство и се во критична здравствена состојба, Настов посочи дека ќе има информација по денешниот состанок на Кризниот штаб, бидејќи, како што рече, болниците од странските држави за состојбата на пациентите брифираат еднаш дневно. – Во моментот ги немам тие информации заради тоа што имаме состанок на Кризниот штав од 14 часот, а тогаш обично ги добиваме вестите и верувајте дека болниците еднаш во денот брифираат за состојбата, а не на еден час или пола час. Така што, тие податоци би ги имале по 14 часот, посочи Настов....

Претседателот на Србија – Александар Вучиќ, им порача на Американците кои ги следат вестите за ситуацијата во Србија дека Си-Ен-Ен зборува против него на ист начин како што зборуваше против претседателот на САД, Доналд Трамп. „Драги мои пријатели од Соединетите Американски Држави, сè ќе разберете“, рече Вучиќ. Александар Вучиќ во интервју за Washington Examiner изјави дека „вистината е на спротивната страна“ од она што го кажува CNN. Ќе видите дека прават и кажуваат се против мене, исто како што рекоа против американскиот претседател Трамп, а потоа се ќе ви биде јасно“, рече претседателот Вучиќ, одговарајќи на прашањето што би сакал американските гледачи да знаат за Србија додека добива информации на социјалните мрежи. На новинарско прашање што мисли дека демонстрантите сакаат во овој момент, Вучиќ рече дека демонстрантите уништиле 186 трактори. „Единствената голема тепачка беше меѓу себе. Никој не им одговори, не сакавме никого да уапсиме. На крајот моравме да уапсиме 44 лица. Приведени се 13 лица бидејќи или биле пијани или предизвикувале насилство“ – посочи Вучиќ. „Сакам да се фокусирам себеси и целата оваа држава на економијата и на нашата иднина, на многу демократски начин да ги решиме сите проблеми во Собранието, затоа што верувам дека покажавме колку се воздржавме од употреба на каква било сила. Многу сум среќен бидејќи вакви слики не гледате во Европа кога другите организираат немири“, рече претседателот на Србија....

– Вкупно 17 лица на подрачјето на Скопје, Прилеп, Охрид и Куманово во текот на ноќта биле приведени од полицијата под сомнение за непочитување на одлуката на Владата за седумдневна жалост – кривично дело по член 387 од Кривичниот законик. Како што информира Министерството за внатрешни работи, 12 лица, од кои едно малолетно, се приведени на подрачјето на Прилеп. Во Скопје е приведено едно малолетно лице и управител на угостителски објект, во Кичево – еден сопственик на угостителски објект и во Куманово се приведени две лица – менаџер и управител на угостителски објект осомничени дека ја прекршиле донесената одлука. -По целосно документирање на случаите, против лицата ќе бидат поднесени соодветни пријави, информира МВР....

Во полициска контрола извршена вчера во периодот од 10 до 15 часот на подрачјето на Тетово и Гостивар, во 16 угостителски објекти (ТЕ-6 и ГВ-10), биле констатирани низа неправилности и од страна на ДПИ, ДЗС и УЈП ќе им бидат изготвени соодветни поднесоци, додека од страна на ДПИ биле затворени два угостителски објекти во Тетово и еден во Гостивар. МВР денеска соопшти дека полициски службеници од СВР Тетово и ОВР Гостивар во содејство со претставници од Управата за финансиска полиција, Управата за јавни приходи, Државен пазарен инспекторат, Дирекцијата за заштита и спасување, Градежен инспекторат и Комунална инспекција, извршиле акциска контрола и презеле координирани мерки и активности насочени кон сузбивање на недозволени криминални активности кои се вршат во угостителски објекти на подрачјето на Тетово и Гостивар, со приоритетна цел на сузбивање на недозволена трговија со дрога, посредување во вршење на проституција, перење на пари, коруптивни кривични дела од страна на службени лица вработени во државни институции поврзани со незаконско работење на субјекти кои вршат угостителска дејност и други нелегални активности....

Претседателот на САД, Доналд Трамп изјави дека верува оти атентатот на американскиот претседател Џон Кенеди во 1963 година го извршил Ли Харви Освалд, но дека не е сигурен дали напаѓачот можеби имал помош. На прашањето дали верува дека Освалд го убил Кенеди, Трамп потврдно одговори во изјавата за Клеј Тревис, основач на спортската веб-страница Outkick, пренесе „Ројтерс“. „Да. И јас отсекогаш мислев дека тоа беше, се разбира дека беше тој, но дали имаше помош“, рече Трамп. Американското Министерство за правда и другите федерални владини тела го потврдија заклучокот дека Освалд бил осамен убиец, но анкетите покажуваат дека голем број Американци сè уште веруваат дека смртта на Кенеди во Далас е резултат на заговор. По наредба на Трамп, владата оваа недела објави илјадници страници дигитални документи поврзани со атентатот на Кенеди. Минатата година, за време на изборната кампања, Трамп вети дека ќе обезбеди поголема транспарентност за смртта на Кенеди, а по преземањето на функцијата, тој нареди и презентација на план за објавување записи поврзани со убиствата на братот на Кенеди, Роберт и лидерот за граѓански права Мартин Лутер Кинг помладиот во 1968 година....

Откако видовме дека пропадна првичниот план за владино прикривање и откако увидовме дека јавниот притисок вродува со плод (преку примерите до градоначалникот и полициските началници), мораме упорно и секојдневно да продолжиме со правно обезличување на секој обид да се заташка истрагата со цел да се заштитат нивните партијаши и клиенти. Затоа, денес ќе ја разгледаме улогата на ДРЖАВНИОТ ПАЗАРЕН ИНСПЕКТОРАТ (скратено ДПИ) во трагичниот случај со дискошталата во Кочани, во кој ни загинаа 60 (шеесетмина) младинци… Согласно чл. 8 од посебниот Закон за Државен пазарен инспекторат (Сл. весник на РМ бр. 24/2007), кој досега е менуван и дополнуван 15 пати, токму ДПИ е изрично надлежен за „изрекување инспекциски мерки со цел отстранување на утврдени неправилности”! Дополнително, во Законот за угостителската дејност (2004), како lex specialis за диско-клубови и кабареа, Државниот пазарен инспекторат е споменат дури 40 пати! Со букви: ЧЕТИРИЕСЕТ ПАТИ! Оттука, нејасно е зошто премиерот Мицкоски, министерот за внатрешни работи – Панче Тошковски и колегите од Основното јавно обвинителство Кочани го поштедиле од истрага и не му дале својство на „осомничен” и „обвинет” на АКТУЕЛНИОТ В.Д. ДИРЕКТОР НА ДПИ – Влатко Стојкоски од редовите на ВМРО-ДПМНЕ!? Типчево е на функција од месец ноември 2024, што значи имал сосема доволно време ,,ex officio” да преземе службено дејствие кое не го презел. ,,Argumentum a fortiori”, ова дотолку повеќе има смисла, ако се знае дека поранешниот директор на ДПИ е осомничен и веќе е во притвор. Или да ви објаснам, ,,per analogiam”, што, всушност, прават и како ја замајуваат јавноста со првични апсења: ова би било исто како за кривично дело „убиство” сторено со пиштол, да го обвините производителот на пиштолот во фабриката, а не и непосредниот извршител кој го повлекол чкрапалото!?...

Огромен пожар избувна во тематскиот парк Епкот во Дизниленд, принудувајќи ги посетителите да се евакуираат од местото на пожарот. Густ, црн чад се издигна над паркот. Тематскиот парк Епкот на Дизни во Орландо, Флорида, се запали, при што густ чад се надвисна во близина на репликата на Ајфеловата кула. Според претставник на Дизниленд, пожарот бил предизвикан од фрижидер кој се запалил. Фрижидерот бил сместен зад Францускиот павилјон во бекстејџ-зоната. Павилјонот е дел од Светскиот изложбен простор во тематскиот парк Епкот, кој е дел од познатото одморалиште. Пожарот бил брзо изгаснат, а нема повредени. Сè уште не е познато што го предизвикало запалувањето на фрижидерот. Официјални лица изјавија дека пожарот брзо бил ставен под контрола од страна на противпожарната служба на туристичката надзорна област во Централна Флорида. Павилјонот повторно бил отворен за гостите на тематскиот парк во раните вечерни часови. Here’s a better video of the fire that broke out in the France Pavilion of EPCOT at Walt Disney World this evening pic.twitter.com/qcyRgKo8Ts — Matt Desmond (@DisneyScoopGuy) March 22, 2025...

– Следува период на променливо облачно време со повремени врнежи од дожд, соопшти Управата за хидрометеоролошки работи. Според прогнозата, поинтензивни процеси се очекуваат од средината на следната седмица кога наместа врнежите ќе бидат поројни и проследени со грмежи и силен ветер (над 60 километри на час). -Локално ќе наврне поголема количина на дожд (над 20 литри на квадратен метар за 24 часа). До четврток ќе дува јужен ветер, кој утре ќе биде со засилен интензитет, а од петок ќе дува од северен правец, информира УХМР....

Стотици луѓе се приведени во новите протести против приведувањето на градоначалникот на Истанбул, Екрем Имамоглу, соопштија денеска властите. Турското Министерство за внатрешни работи на „Х“ напиша дека 323 лица биле приведени поради бранот демонстрации вчера. Протести се одржаа во Истанбул, Анкара, Измир и други градови, со илјадници учесници и покрај забраните за демонстрации. Имамоглу, водечки противник на претседателот Реџеп Тајип Ердоган, беше приведен во средата. Судот денеска одреди да остане во притвор до почетокот на судењето....

Папата Франциск денеска ќе го има своето прво јавно појавување откако беше хоспитализиран со пневмонија во февруари. Папата планира да ги благослови верниците од 10-тиот кат на римската болница Гемели. Откако ќе се збогува со болничкиот персонал, тој ќе се врати во Ватикан на најмалку два месеци одмор и рехабилитација, а за тоа време лекарите велат дека треба да се воздржи од излегување меѓу верниците и од големи напори. Личниот лекар на папата, д-р Луиџи Карбоне, рече дека папата, кој има 88 години, треба да може да продолжи со сите негови нормални активности на крајот од неговото лекување. Папата ќе има пристап до дополнителен кислород и 24-часовна медицинска нега по потреба, иако Карбоне рече дека се надева дека ќе му треба се помалку помош при дишењето додека неговите бели дробови се опоравуваат. Лекарите прво дијагностицирале комплексна бактериска, вирусна и габична инфекција на респираторниот тракт, а набргу потоа и воспаление на двата бели дробови. Тестовите на крвта покажаа знаци на анемија и почеток на бубрежна инсуфициенција, а сето тоа подоцна исчезна по две трансфузии на крв. Во текот на изминатите две недели состојбата на Франциск се стабилизира. Веќе не мора да носи маска за дишење во текот на ноќта и неговиот дополнителен кислород во текот на денот е намален. Портпаролот на Ватикан Матео Бруни одби да коментира и ги потврди претходно закажаните настани, аудиенција на 8 април со британскиот крал Чарлс Трети и велигденска служба на крајот на месецот. Но, тој рече дека се надева дека папата би можел да биде доволно здрав за да отпатува во Турција на крајот на мај и да учествува на годишнината од соборот во Никеја во 325 година...

Од 138 контроли за вршење превоз на патници и стоки кои во претходните три дена ги направиле инспектори за патен сообраќај, неправилности се утврдени кај 21 правно и физичко лице и им се изречени соодветни казни. Министерство за транспорт –Државен инспекторат за транспорт денеска информира дека инспекциските надзори биле спроведени согласно нивниот Акциски план и дека за утврдените неправилности ќе бидат информирани Министерството за внатрешни работи и Јавното обвинителство, со цел нивно натамошно постапување. Инспекторатот ги соопшти 11-те правни лица за кои е констатирана неправилност и за кои се изречени казни: Дурмо турс од Гостивар; Дени интернационал од Илинден; Свис мак алигега од Гостивар; Зем промет – компани од Сарај; Словин Билјана од Охрид; Бис од Охрид; Пештер ДОО од Чаир, Димитриоски од Гази Баба; Хисари-ГД од Дебар; Инком бизнис од Куманово и Палас експорт-импорт од Гостивар. Покрај овие 11 правни лица, биле констатирани и неправилности кај 10 физички лица кои вршат дејности за превоз на патници и стока. Министерство за транспорт – Државен инспекторат за транспорт информира дека согласно донесениот Акциски план за инспекциски надзори при превоз на патници и стока, од утре инспектори ќе спроведуваат секојдневни интензивни инспекциски контроли над превоз на патници и стока, проверка на документи (лиценци, изводи од лиценци, дозволи, сертификати за професионална компетентност на возач, тахографи), надзор на безбедноста во сообраќајот и спречување нелегален превоз....

Силна експлозија уништи зграда на улицата „Вителија“ во областа Монтеверде во Рим, пишуваат италијанските медиуми. Експлозијата се случила утрово нешто пред 09:00 часот. Според изјавите на очевидци, непосредно пред уривањето, се слушнал силен татнеж „како бомба“ и силен мирис на гас како се шири низ областа. На местото на инцидентот пристигнале карабинерите, полицијата и пожарникарите. Тие извлекоа жена од урнатините. Се претпоставува дека нема други закопани. Во моментов се води истрага за причините за инцидентот, при што се претпоставува дека се работи за експлозија на плинска боца. Целата област е опколена од полицијата....

Преговорите со САД се можни само доколку некои работи се променат, изјави денеска иранскиот министер за надворешни работи Абас Арагчи, цитиран од иранските државни медиуми. Вашингтон чека одговор на неговата покана да преговара за нов нуклеарен договор со Иран. На почетокот на овој месец, раководството на Исламската Република доби писмо од американскиот претседател Доналд Трамп, со кое Иран му даде рок од два месеци да одлучи дали ќе влезе во нови преговори или ќе се соочи со уште построги санкции во согласност со концептот на Трамп за максимален притисок врз Техеран. Иако иранскиот врховен лидер ајатолахот Али Хамнеи ја отфрли понудата за разговори, иранскиот министер за надворешни работи во четвртокот рече дека Техеран наскоро ќе одговори на писмото на Трамп....

Кристијано Роналдо ја коментираше ситуацијата со Расмус Хојлунд на натпреварот од Лигата на нации меѓу Португалија и Данска, кој „црвениот динамит“ го доби со 1:0. Победничкиот гол на натпреварот го постигна Хојлунд, кој го прослави со потегот наречен „сиу“, препознатлив само за Роналдо. Многумина постапката на данскиот напаѓач ја протолкуваа како исмејување на легендарниот Португалец, но тој самиот не мисли така. -Тоа не е проблем за мене. Знам дека не е непочитување кон мене. Тој не е единствениот во светот кој го копира моето прославување на гол. Доволно сум паметен за да го знам тоа. Тоа е чест за мене. Се надевам дека ќе го направам тоа пред него во недела. Мило ми е што му се допаѓа мојата прослава на голот, изјави Роналдо пред реваншот....

Јувентус изгледа е подготвен на се за да ги осигура услугите на напаѓачот на Наполи, Виктор Осимен. Не е тајна дека Нигериецот е главна трансфер цел на „бјанконерите“ на лето и се чини дека се подготвени да направат што е потребно за да го доведат во своите редови, тврди „Тутоспорт“. Не е тајна дека Наполи нема лесно да се раздели со овој играч, особено кога е во прашање неговата преселба во директен конкурент од Серија „А“. Во договорот на Осимен има откупна клаузула вредна 75 милиони евра, но Јуве се надева дека некако ќе ја намали и за таа цел е подготвен како дел од зделката да го вклучи и дефанзивецот Федерико Гати. Сличен предлог може да ги заинтригира и челниците на „Диего Марадона“. На тренерот Антонио Конте многу му се допаѓаат квалитетите на Гати и со задоволство би го имал на располагање. Згора на тоа, Наполи оваа сезона имаше некои проблеми во центарот на одбраната. Инаку, се тврди дека желбата на Осимен е да се пресели во Јувентус и брзо ќе се договори со „бјанконерите“ околу условите од неговиот договор. Нигериецот, кој летото беше позајмен во Галатасарај, продолжува да ги покажува своите неверојатни голгетерски инстинкти, постигнувајќи импресивни 20 гола на 22 натпревари во турската лига оваа сезона...

Манчестер Јунајтед на лето најверојатно ќе се раздели со Андре Онана, откако има за него интерес од Саудиска Арабија. Интересно е што и стартниот голман на Манчестер Сити, Едерсон, се подготвува да се упати кон истата дестинација. Така градските ривали во истиот преоден рок ќе мора да привлечат нови голмани, а нивните менаџери Рубен Аморим и Пеп Гвардиола насочија кон идентични играчи за оваа позиција. Според „Сан“, двата тима на своите списоци го имаат голманот на Антверпен, Сент Ламенс, кој има само 22 години. За него се заинтересирани и Њукасл и Вест Хем, а неговата цена е околу 30 милиони фунти. Другото име кое се споменува е 23-годишниот голман на Лил, Лука Шевалие, чија цена е нешто повисока – околу 40 милиони. Онана направи неколку прилично сериозни грешки оваа сезона, но се истакна и со некои извонредни одбрани. Иако голманската позиција досега не се сметаше за приоритет во летната селекција, доколку се конкретизира интересот на Саудиска Арабија за Онана, Аморим веднаш ќе ја искористи можноста да го замени својот број 1....

– Џонатан Дејвид е мета на големите европски клубови. Напаѓачот од јуни ќе може слободно да потпише за која било екипа, а Лил е свесен дека тешко ќе ја задржи својата ѕвезда. Канаѓанецот е подготвен да се впушти во нова авантура и откри дека една од неговите посакувани дестинации е тим од Ла Лига. Поточно Барселона. Дејвид (25) даде интервју за медиумот „Тоа се вика фудбал“, каде изрази желба да игра во Шпанија. -Ја следам Ла Лига уште од дете и еден ден би сакал да играм таму, истакна тој. Пред неколку месеци, во интервју за „Атлетик“, Дејвид веќе призна дека би сакал да игра за Барселона. -Тоа е тим за кој навивам уште од детството. Кога ќе пораснеш навивајќи за некој тим, сонуваш да играш за него еден ден, истакна тој. Сезоната на Џонатан Дејвид не остана незабележана од големите европски тимови. На 24 натпревари за Лил во Лига 1, Дејвид има 14 гола и три асистенции. Ниту во Лигата на шампионите бројките не се лоши. Седум гола на 10 натпревари. Напаѓачот е поврзуван и со тимови како Арсенал, Јувентус и Манчестер Јунајтед....

Претседателот на Република Српска (РС), Милорад Додик, кој е и претседател на Алијансата на независни социјалдемократи, објави дека ќе биде кандидат на таа партија на изборите за прв човек на РС и следната година. Тој додаде дека тоа е веќе одлучено и дека кандидатурата е потврдена. -Злоупотребата на процесот на ниво на Босна и Херцеговина ќе заврши со тоа што во мај ќе го започнеме изборот на нова Републичка изборна комисија и ќе спроведеме избори на ниво на РС во согласност со нашиот изборен закон, рече Додик во интервју за белградска „Политика“. Додик неодамна беше осуден од судот во Сараево на една година затвор и шестгодишна забрана да ја извршува функцијата претседател на Република Српска „за непочитување на одлуката на високиот претставник на меѓународната заедница“. -Централната изборна комисија на Босна и Херцеговина ја узурпираше надлежноста, каква врска имаат тие со изборите во РС. Преземајќи премногу обврски тие се задушиле. Презедоа премногу и не можат да го испорачаат, рече Додик....

– Возачот на Мекларен, Оскар Пјастри, триумфираше на Големата награда на Кина, втората трка од овогодинешниот шампионат во Формула 1. Австралиецот ја оствари третата победа во кариерата во Шангај, пред тимскиот колега Ландо Норис, што му донесе двоен триумф на Мекларен, иако втората позиција на Британецот беше сериозно загрозена во финишот. На третото скалило на подиумот, како и пред една недела во Австралија, беше Џорџ Расел со Мерцедес. Пјастрi ја извозе трката практично без ниту една грешка, иако механичарите можеа многу да го чинат при менувањеto гуми. Sepak, водечката позиција на возачот на Мекларен никогаш не беше загрозена. Овогодинешниот шампионат во Формула 1 продолжува со Јапонското ГП на Сузука од 4 до 6 април....

Русија изгубила 903.480 војници од почетокот на инвазијата на Украина, соопшти Генералштабот на вооружените сили на Украина. Таа бројка, како што додаваат, вклучува 1.470 руски загуби во последните 24 часа...

Како што се обелоденуваат нови факти поврзани со трагедијата во Кочани, сѐ поизразени стануваат сомнежите во однос на професионалноста и кредибилитетот на институциите задолжени за спроведување на истрагата и самиот процес на утврдување на одговорност, која мора да ја има. И покрај тоа што МВР поднесува кривични пријави а Јавното обвинителство формално иницира истраги, нивната насока и обем предизвикуваат сериозна загриженост поради очигледното избегнување на неколку клучни аспекти од случајот, кои изгледа се свесно изоставени или намерно ограничени. Во овој контекст, неопходно е да се покрене прашањето за улогата и одговорноста на Управата за јавни приходи (УЈП) во целата оваа ситуација. Според информации објавени од истражувачките стории на медиумите, кабарето „Пулс“ било официјално затворена и пломбирано од страна на УЈП во втората половина на декември 2024 година, поради утврдени прекршувања поврзани со неиздавање на фискални сметки. Сепак, и покрај тоа што фирмата што ја управувала дискотеката, „МММ Кафе ДООЕЛ Кочани“, имала блокирана сметка уште од јули 2024 година, истата повторно започнала со работа многу бргу , без никакви институционални пречки или законски санкции. Неповлекувањето на одлуката за забрана за работа односно недозволувањето за вршење на работа, би значело дека кабарето немаше да биде активно подолг период, а со тоа веројатно ни за кобната ноќ. Овој потврден факт, отвора сериозни особено правни но и политички прашања во врска со тоа како било возможно повторното отворање на дискотеката во вакви околности и кој и како имал влијание врз донесувањето на таквата одлука. Јавноста со право бара одговори на сомнежите дека повторното отворање било резултат на политички притисок од страна на член во актуелната влада. Ако овие сомнежи се покажат како основани, тогаш тоа претставува директен атак врз владеењето на правото и демонстрира политичка интервенција во независноста на институциите. Оттука, се поставува прашањето дали токму овој политички притисок е причината поради која Обвинителството и полицијата свесно ја игнорираат оваа линија на истрага и ја штитат по секоја цена? Ваквите наводи упатуваат на можна злоупотреба на службената положба и политичко влијание врз институционалните процеси, што повлекува и потенцијална кривична одговорност на сите инволвирани страни. Вината треба да се бара таму каде што треба, а не таму каде што е невозможно да постои вина и причинско-последична врска со трагичниот случај....

Седумнаесет лица повредени во пожарот во Кочани се лекуваат во Ургентниот центар на Универзитетскиот клинички центар на Србија во Белград од кои две се на механичка вентилација, а двајца се оперирани, изјави др Милан Стојичиќ, директор на Клиниката за пластична и реконструктивна хирургија при УКЦС, јави дописникот на МИА од Белград. Стојичиќ нагласи дека пациентите се во добра состојба и постоперативно е без проблеми. „Нивниот постоперативен тек се одвива без проблеми. Наредната недела веројатно ќе бидат оперирани уште пет-шест пациенти. Имам и добри вести, неколку пациенти веројатно ќе можат да бидат префрлени на одделение бидејќи успешно се опоравува нивната респираторна функција, а раните од изгорениците се такви што не бараат престој на одделението за Интензивна нега“, изјави тој за РТС. Тој наведе дека кај пациенти кои веќе се оперирани, процедурата опфаќа отстранување на девитализирано ткиво и покривање со автотрансплантација, што значи дека нивна сопствена кожа се зема од други региони и се пресадува на изгорените места. На еден пациент ќе му биде извршена нова операција за околу пет денови (на другата рака). Според него, за оние на кои им претстои операција, нема да бидат потребни донатори на кожа. Што се однесува до опоравувањето на оние кои биле оперирани, Стојичиќ истакна дека конечниот резултат обично се забележува за 14 дена, а потоа следи фаза на опоравување со помош на физикална медицина....

Палестинската милитантна група Хамас го осуди денеска убиството на високиот политички лидер на организацијата Салах ал Бардавил, нарекувајќи го предавнички. -Висок политички лидер, заедно со неговата сопруга, стана маченик како резултат на предавничка ционистичка операција за атентат, се вели во соопштението на Хамас, според Ал Џезира. Хамас го нарече Бардавил „светилник на политичка, медиумска и национална акција и симбол на чесност, непоколебливост и пожртвуваност“. Како што се наведува, неговата ликвидација доаѓа како дел од „серијата брутални масакри извршени од непријателот врз народот на Газа“. Хамас претходно денеска објави дека Салах Бардавил, член на неговото политичко биро и на палестинскиот парламент, бил убиен во напад во близина на градот Кан Јунис, во кој била убиена и неговата сопруга. Деветнаесет лица, меѓу кои и деца, биле убиени во нападите на израелските сили во текот на ноќта врз Појасот Газа. Израел минатата недела го прекрши примирјето со Хамас кога започна ненадеен бран воздушни напади во кои загинаа стотици Палестинци низ Појасот Газа....

Има голема потреба од кадровско екипирање и засилување на Инспекторатите на државните органи, затоа што одредени инспекторати имаат само по десетина инспектори за делување на територијата на целата држава, потенцираше во вчерашното гостување во Дневникот на ТВ Сител, заменик претседателот на Владата и министер за транспорт, Александар Николоски. – Тоа во суштина е главниот проблем на јавната администрација, одредени сектори се превработени со лица кои што имаат помалку активности, а одредени сектори имаат недостаток на вработени, а имаат огромни ингеренции. Дали тоа некој го правел намерно, за да може ваков систем да царува во државата или е случајно, денес веќе е неважно, важно е како ние ќе се организираме во иднина и мислам дека инспекторатите мора да зајакнат, да се зголеми бројот на вработени, пред се инспектори, не административци, како би можеле да ја покриваат целата територија. На пример, Државниот пазарен инспекторат има вкупно 40 вработени инспектори за цела Македонија, што значи огромен недостиг на кадар за покривање на сите ингеренции и контрола на сите зададени надлежности, истакна вицепремиерот Николоски. Тој најави и одговорност за сите кои го изигруваат и не го почитуваат законот а во однос на направените контроли што се спроведуваат во ноќните клубови и кабареа ширум државата. – Државниот пазарен инспекторат настапува со асистенција на Министерството за внатрешни работи и го информираат Јавното обвинителство за активностите кои што ги преземаат, така што овие случаи нема да останат само на констатирање на неправилност, туку секако ќе следи и кривична одговорност секаде каде што се изигрувал и не се почитувал законот, истакна Николоски....

Во Нова Пазова и во две белградски опшптини (Палилула и Нови Београд) денеска се очекува одржување на „збор-на-граѓани“ – како дел од чекорите на вониституционална политичка мрежа што се создава во Србија во изминатите неколку денови, јави дописникот на МИА од Белград. Под слоганот „Попаметниот не попушта, попаметниот се организира“, студентите од Факултетот за организациски науки (ФОН) во блокада, пред неколку дена најавија одржување на првите граѓански собири што се реализираа во – Младеновац, Вршац, Лозница, Смедерево, Сремска Митровица, Аранѓеловац… Тие дополнително, објавија „Прирачник за зборско организирање“ каде објаснија – што е директна демократија; што е граѓански збор; зошто се важни; што овозможува збор-на-граѓаните; како се врши притисок врз одговорните и други прашања. Тоа се собири за јавна дискусија меѓу граѓаните за проблемите и нивните решенија, како одговор на недоволната реакција од надлежните градски власти. На предлог на студентите-во-блокада до граѓаните низ Србија да свикаат збор-на-граѓани и со тоа да помогнат во борбата против неправедниот и корумпиран режим, се организираа многу градови. Таков вид собир не е исто што и протест, па студентите во блокада ги издвоија и објаснија тие два поима, во прирачникот – со образложение дека збор-на-граѓани е всушност она што станаа пленумите од почетокот на блокадите на факултетот. „Сведоци сме дека граѓаните ја загубија довербата во градската власт која е одговорна да се грижи за градот и за проблемите на неговите жители, па решија сами да ги решат на овој начин“, објаснуваат тие. Како изгледаа дел од тие собири досега: Во Обреновац во четвртокот се одржа таков состанок на кој се разговараше за локални прашања со цел да се влијаат граѓаните во решавање на општинските теми. Жителите на општина Стари Град во Белград во петокот се собраа на средба пред општината во пресрет на седницата на општинското собрание каде кренаа врева и носеа пораки со натписи: „Просветни работници, не сте сами“, „Пумпај“. Тие имаа два предлога – да се издвојат средства од буџетот за наставниците кои останаа без плата, а вториот е да се иницира дискусија за случувањата во Пионирски парк во Белград. Жителите на Врачар се собраа на првиот граѓански пленум во таа белградска општина кога беше договорено секој од присутните да има право да го изнесе свој предлог, а потоа ќе се гласа за да се одлучи дали тој ќе биде усвоен. Присутните изгласаа, меѓудругото, следниот собир да биде официјален збор-на-граѓаните и до надлежните да се постави пршањето што точно се случи на мирниот протест во Белград на 15 март. Граѓаните на Горњи Милановац во петокот се собраа пред градското собрание и побараа оставка од градоначалникот Дејан Ковачевиќ, по што одржаа граѓански збор. „Оставки се бараат поради престојот во Пионирски парк, а тоа немаше да биде проблем да не беа луѓе од јавната администрација, кои беа таму во работното време. Оставка од градоначалникот се бара затоа што мнозинството граѓани сметаат дека човекот не е достоен да ја извршува функцијата Неговиот дискурс во јавноста беше доволна причина и очекуваме луѓето да гласаат за него“, рече за српски медиуми локален активист Бојан Савковиќ. Министерката Јелена Жариќ Ковачевиќ, пак, изјави дека таквиот облик на собири често се претвора во отворен терор врз институциите, создава насилство и омраза. „Збор-на-граѓани не може да носи никакви одлуки, барем не обврзувачки“, изјави министерката. Актерот Тихомир Станиќ во изјава за ТВ Н1 вели дека тие собири како и други акции „каде што навистина ќе следиме што прават овие добри деца ќе доведат до нормализација во општеството“. Собирите, според социологот Далибор Петровиќ, ќе доведат до тоа граѓаните да бидат извадени од апстиненција и да се вратат во граѓанскиот живот од кој со години се избркани. „Ова покажува дека граѓаните немаат доверба во институциите и дека разбираат дека тие се оние кои имаат моќ да ги обноват институциите и да го обноват општеството“, вели Петровиќ во изјава за тој медиум. Сепак, за да се остварат нивните барања, треба да се достават до надлежните локални власти во чија работа се сомневаат учесниците во тие собири. „Затоа ги гледам повеќе како еден вид симболична форма на граѓанска мобилизација“, вели Петровиќ....

Русија ноќта ја нападна Украина со 147 беспилотни летала, соопшти денеска украинското воздухопловство. Беа нападнати неколку украински региони. Украинските сили за воздушна одбрана уништија 97 беспилотни летала. Уште 25 дронови не стигнаа до своите цели, се вели во соопштението на украинските воздухопловни сили на апликацијата за комуникација Телеграм....

Израелската армија утринава соопшти дека пресретнала ракета истрелана врз Израел од јеменска територија. Сирените за воздушен напад се огласија во неколку региони на Израел. -Откако пред еден момент одекнаа сирените во неколку региони на Израел, ракета лансирана од јеменска територија беше пресретната пред да навлезе на израелска територија, објавија израелските вооружени сили на апликацијата за комуникација Телеграм....

Израел вчера изврши бомбардирање на соседен Либан, при што загинаа шест лица, меѓу кои и едно дете, соопштија либанските власти. Тоа следи по пресретнување на ракети, наводно истрелани од либанска територија, кон Израел. Либанскиот проирански Хезболах ја негираше одговорноста за ракетниот истрел, за кој никој не ја презеде одговорноста, и го обвини „израелскиот непријател“ дека бара оправдување за континуираните напади врз Либан. Ракетниот истрел врз Израел е прв ваков инцидент по стапувањето во сила на прекинот на огнот со Хезболах, постигнат на 27 ноември. Договорот за прекин на огнот стави крај на војната меѓу израелската армија и Хезболах, кој отвори фронт против Израел во знак на солидарност со палестинскиот Хамас, на почетокот на војната во Газа во октомври 2023 година. Прекинот на огнот донесе релативен мир во Либан по повеќе од една година израелски напади врз објекти за кои израелската војска тврди дека се поврзани со Хезболах. Израел делумно ги повлече војниците од јужен Либан на 15-ти февруари. Израелската армија вчера утрото пресретна три од шест ракети истрелани од јужен Либан кон северниот регион Галилеја. Како одговор, израелскиот премиер Бенјамин Нетанјаху и нареди на војската да нападне цели во Либан. Тогаш израелската војска објави дека цели на десетици ракетни фрлачи и команден центар на Хезболах во јужен Либан. Либанското Министерство за здравство извести дека пет лица, меѓу кои и едно дете, загинале, а осум други се ранети во еден од нападите во градот Тулин. Вечерта Нетанјаху и министерот за одбрана Израел Кац наредија втор бран напади врз десетици цели на Хезболах, соопшти кабинетот на Министерството за одбрана. Либанските медиуми објавија дека имало повеќе израелски напади на југот и на истокот на земјата, вклучително и во градот Тир, каде што едно лице загина, а седум се ранети. Началникот на Генералштабот на израелската армија Ејал Замир вети остар одговор на секој ракетен истрел од либанска територија....

– Утрово 3 степени Целзиусови се измерени во Берово, Лазарополе, Попова Шапка, 4 во Крива Паланка и Охрид, 5 Струмица, Битола и Прилеп, 6 степени во Тетово, Крушево, Маврови Анови, 7 Скопје-Зајчев Рид, Скопје-Петровец, Гевгелија, Кавадарци, Куманово и Претор, 8 Виница, 9 Велес и 10 степени во Штип и Демир Капија. Времето денеска ќе биде променливо облачно со повремени врнежи од дожд, кои ќе бидат пообилни во југозападните и јужните делови. Ќе дува умерен до засилен јужен ветер. Дневната температура ќе биде во интервал од 12 до 19 степени. Во Скопје, променливо облачно со повремен дожд. Ќе дува умерен јужен ветер. Максималната температура ќе достигне до 19 степени....

На медиумскиот плурализам му беше нанесен тежок удар кога Соединетите Американски Држави им ги скратија средствата на неколку глобални медиуми што важат за бастиони против пропагандата. Меѓу нив е и Радио Слободна Европа, кое се смета за бедем против дезинформациите и манипулациите во Европа уште откако беше основано за време на Студената војна за ѝ да се спротивстави на советската пропаганда. Финансиската криза ја предизвика указот на претседателот Доналд Трамп со кој нареди значително кратење на буџетот на Американската агенција за глобални медиуми, која ги надзира сите странски медиуми финансирани од американската влада коишто не се под контрола на војската. Белата куќа соопшти дека кратењето ќе придонесе за „даночните обврзници да не плаќаат веќе за радикална пропаганда“, што означи драматичен пресврт во односот кон медиумите основани за да го прошират американското влијание во странство. Покрај РСЕ, ненадејните скратувања на Трамп ги погодија и странските медиуми Гласот на Америка и Радио Слободна Азија. Здружението активисти Репортери без граници ја осуди одлуката, велејќи дека „ја загрозува слободата на печатот низ светот и ја обезвреднува 80-годишната американска историја на поддржување слободен проток на информации“. РСЕ поднесе тужба против Американската агенција за глобални медиуми врз основа на тврдењето дека задршката на нивните средства е незаконска бидејќи парите им биле јасно доделени од страна на Конгресот на САД. Радио-мрежата ја обвини својата матична агенција за кршење на Уставот на САД и побара судска одлука за блокирање на замрзнувањето на средствата. Радио Слободна Европа е основано во 1950 за време на Студената војна за да емитува програма за комунистичкиот блок. Четири децении потоа, станицата придонесе кон падот на тоталитарните режими во Централна и Источна Европа преку слободното интервјуирање на дисидентите, како и на критичарите на авторитарните просоветски власти. Првично со седиште во Минхен, радиото се пресели во Прага во 1995. Денес, сè уште емитува програма на 27 јазици во 23 земји, многу од кои сериозно ја ограничуваат слободата на медиумите. Има мрежа од околу 1.700 новинари, и постојано вработени и хонорарни соработници, и речиси 50 милиони слушатели неделно. Медиумот веќе подолго време на руските власти им е трн во око. Во февруари 2024, Москва ја означи РСЕ како „непожелна организација“. Подарок за непријателите на Европа Како реакција на одлуката на САД, чешкиот министер за надворешни работи Јан Липавски објави на платформата Х дека „од Белорусија до Иран, од Русија до Авганистан, Радио Слободна Европа и Гласот на Америка остануваат меѓу ретките слободни извори на информации за тие што живеат под јарем“. „Во наш интерес е да немаме тоталитарни режими што цутат околу нас“, рече тој. Липавски активно бара поддршка од Европската Унија за да спречи станицата да згасне. За судбината на радиото се разговараше и во понеделникот за време на Советот на министри за надворешни работи на 27-те земји членки на ЕУ. Рече дека вкупниот буџет потребен за РСЕ е „достижна сума за Европа како целина“, додавајќи дека „за Чешка, тој е над нашите можности“. Според Американската агенција за глобални медиуми, годишниот буџет е околу 142 милиони долари (131 милион евра) годишно. ЕУ во понеделникот ги предупреди САД на ризикот дека прекинот на програмата на медиумите што ги финансира, меѓу кои и Радио Слободна Европа, може „да им оди во прилог на нашите заеднички противници“. Високата претставничка на ЕУ за надворешни работи Каја Калас рече дека жали за кратењата, но ЕУ не може туку така да ја пополни дупката што ја оставил Вашингтон. Како Естонка, шефицата на дипломатијата на ЕУ рече дека Радио Слободна Европа, потекнувајќи од земја од другата страна на Железната завеса, била станицата преку која добиле „многу информации за што всушност се случува“. Удар за слободата на медиумите во Европа Не е само Радио Слободна Европа што се бори да преживее. Медиумите низ цела Европа се во теснец – не само во однос на финансирањето, туку под закана им е и независноста, од причина што расте концентрацијата на сопственоста и влијанието на владата, како и непријателските услови за работа за новинарите. Годишниот извештај за владеењето на правото во ЕУ, објавен годинава од Унијата за граѓански слободи за Европа, откри дека продолжуваат заканите по слободата на медиумите низ ЕУ. Многу влади го задржале директното влијание врз изборот на раководството на националните регулаторни тела, подривајќи им ја независноста и непристрасноста, се вели во извештајот. Според извештајот, континуирани закани по независноста на националните регулаторни тела за медиуми се забележани во Хрватска, Унгарија, Грција, Словенија, Шпанија, Бугарија и Малта. Тековната политичка нестабилност во Бугарија, поради немањето редовна влада и функционален парламент, оневозможи да се направат какви било суштински регулаторни промени, воедно и на медиумскиот пазар. Во својот извештај за владеењето на правото во 2024, Европската комисија ѝ препорача на Бугарија да ја подобри транспарентноста во распределбата на државното рекламирањњ, особено во однос на посредничките договори. За Италија, во извештајот се предупредува дека владата мора да гарантира независно и соодветно финансирање на националниот јавен сервис RAI. Се истакнува и дека новинарите продолжуваат да се соочуваат со многу предизвици при вршењето на својата работа и владата се повикува да продолжи со реформите на законодавните прописи за клевета. Во својот Извештај за проширувањето за 2024, Европската комисија препорача Северна Македонија, како земја што не е членка на ЕУ, да воведе правила за целосна транспарентност во врска со медиумската сопственост и рекламирање, како и навремено да реагира на секоја закана и чин на насилство врз новинарите. Во Словенија, медиумите не се приспособија доволно брзо на новите кориснички навики и технолошки промени. Сопственоста на медиумите во голема мера е концентрирана и на ваквиот несигурен пазар, новинарите често добиваат откази. Во Франција, околу 500 новинари имаат потпишано клаузули за доверливост со кои им се наметнува молк кога ги напуштаат медиумите купени од конзервативниот француски милијардер Винсент Болоре, во еден извештај соопштија Репортери без граници. Според Репортери без граници, ваквите клаузули почнале да се применуваат во 2016, откако Болоре ја презел контролата врз групата Канал+ и нејзиниот информативен канал Ителе (сегашен Си-њуз), потоа на радиото Јуроп 1, списанието Пари мач (кое подоцна го продаде) и Журнал ди диманш. Важен чекор што го направи Шпанија беше што донесе закон со цел да создаде медиумски регистар за идентификување на сопствениците на медиумите и рекламирањето што го добиваат. Ветува дека ќе ја зголеми институционалната транспарентност и е посветена на борбата против дезинформациите преку законски реформи. Според извори од Министерството за дигитална трансформација и јавна служба, од медиумите ќе се бара да ја регистрираат својата сопственичка структура и јавните средства (домашни и странски) што ги добиваат во форма на рекламирање. Судбината на РСЕ и другите медиуми виси на конец, а медиумската публика во Европа и во светот е сѐ поизложена на дезинформации. Сеопфатните статистички податоци се ретки, но според едно истражување од 2022, над 70 отсто од граѓаните на ЕУ рекле дека редовно наидуваат на лажни вести. Додека ЕУ расправа дали да се вклучи во спасувањето на РСЕ, останува покрупното прашање: Може ли Европа да го заштити независното новинарство во ера на растечко авторитарно влијание и економска неизвесност?...

Полициски службеници од Одделението за безбедност на патниот сообраќај при СВР Скопје вчера во 12.48 часот на бул.„Александар Македонски” во Скопје сопреле патничко возило „фолксваген голф”, управувано од М.Е., затоа што го управувал возилото со брзина од 104 км на час во населено место каде дозволена брзина е 50 км на час. МВР денеска соопшти дека покрај тоа, М.Е. го управувал возилото без важечка возачка дозвола. Против него ќе биде поднесена кривична пријава по чл.297 а од КЗ – „безобѕирно управување со моторно возило”...

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата. На експресниот пат А1, делница Градско – Дреново, од 17.03.2025 г. до 04.04.2025 г., поради монтажа на дилатација на еластичната одбојна ограда на вијадукти и мостови, сообраќајот ќе биде пренасочен и регулиран на одредени делови од оваа делница. Патниот правец Охрид – Ресен, преку националниот парк Галичица од 15.11.2024 е затворен за сообраќај за сите видови возила. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево...

Четири лица загинаа како последица на шумски пожари во Јужна Кореја, јавија јужнокорејските медиуми, повикувајќи се на властите. Тие денеска пријавиле шест повредени лица, од кои пет се во тешка состојба. Евакуирани се околу 1.500 луѓе. Опожарени се речиси 3.300 хектари земја. Пожарите во југоисточниот дел на земјата избувнаа пред два дена и беа разгорени од силниот ветер. Во областа на околу 250 километри од главниот град Сеул е прогласена вонредна состојба....

– Турскиот суд нареди градоначалникот на Истанбул Екрем Имамоглу, водечки противник на претседателот Реџеп Тајип Ердоган, да биде задржан во притвор, јавија турските медиуми. Имамоглу, клучна опозициска фигура, беше приведен во средата под обвинение за корупција и помагање на терористичка група. Приведувањето на Имамоглу, предизвика масовни протести, и покрај тоа што властите ги зајакнаа безбедносните мерки на бројни централни улици и ги забранија сите собири и демонстрации во градот до 26 март. Наредбата на судијата за притвор денеска дојде во врска со обвинението за корупција. Ердоган синоќа ги критикуваше протестите во Турција и ја обвини главната опозициска сила дека се обидува да го „наруши мирот“....

– Во израелски напад во Појасот Газа во текот на ноќта загина висок политички лидер на Хамас, соопшти денеска палестинската милитантна група. Покрај тоа, 19 лица, меѓу кои и жени и деца, се убиени во нападите на Појасот Газа. Хамас соопшти дека Салах ал Бардавил, член на неговото политичко биро и на палестинскиот парламент, бил убиен во напад во близина на градот Кан Јунис, во кој била убиена и неговата сопруга. Бардавил беше истакнат член на политичкото крило на Хамас, кој со години даваше интервјуа за медиумите. Израел минатата недела го прекрши примирјето со Хамас кога започна ненадеен бран воздушни напади во кои загинаа стотици Палестинци низ Појасот Газа....