Не можам да бидам на иста маса со луѓе кои имаат антибугарски и антиевропски манифестации, изјави вицепремиерката и министерка за надворешни работи на Бугарија Марија Габриел, пренесуваат бугарските медиуми. Габриел го коментираше своето учество на состанокот на ОБСЕ во Скопје. Таа неколку часа ја посети РС Македонија и замина пред доаѓањето на рускиот министер за надворешни работи Сергеј Лавров. „Бев во Скопје да го испочитувам претседавањето со ОБСЕ. Исто така, имаше вечера на европските лидери на која секој од нас требаше да се изјасни дека сме таму затоа што не сакаме да ја потпишеме смртта на ОБСЕ“, изјави Габриел.„После оваа вечера, мислам дека моето присуство не требаше да биде физичко таму, па затоа заминав. Не сакам да бидам присутна со претставници на земја која не прогласи за непријатели“, рече Габриел...

На 01.12.2023 во 19.30 часот во Полициска станица Центар, Н.К. од Скопје пријавил дека на 28.11.2023 на подрачје на Центар двајца малолетници од Скопје со закана со остар предмет извршиле полов напад врз неговиот малолетен син и му одзеле личен предмет. Се преземаат мерки за расчистување на случајот...

Доцна синоќа на локалниот пат Тетово – с. Непроштено патничко моторно возило удрило во мече кое го минувалo патот заедно со една значително поголема мечка и уште две помали мечки. Во возилото кое удрило во мечето се наоѓало локално семејство, татко, мајка и три мали деца. Од ударот сите биле под голем стрес, а децата се здобиле со лесни повреди, информираат од Центарот за управување со кризи. Мечето во која удрило возилото била повредена, на почетокот безмалку неподвижна, а потоа со ограничени движења. Околу еден час подоцна почнала да се движи и постепено се оддалечила од местото на несреќата Веднаш откако на бројот 112 добиле пријава за сообраќајна несреќа во која е повредена мечка, ЦУК испрати известување до сите потенцијално надлежни институции, МВР, Државен инспекторат за шумарство и ловство , Министерство за животна средина и просторно планирање, Министетство за земјоделство, шумарство и водостопанство , Факултет за ветеринарна медицина при УКИМ, Ветеринарен институт, Агенција за храна и ветеринарство, Зоолошка градина Скопје , Националниот парк Шар Планина и Македонско еколошко друштво. Екипи на МВР извршија увид и го обезбедија местото на несреќата. Вчера мечката со двете помали мечиња се наоѓале од десната страна на патот гледано од насока на Тетово кон с. Непроштено, додека повредената млада мечка се наоѓала од другата страна на патот. -Се работи за урбана средина со повеќе куќи и голема раздвиженост на возила и луѓе поради што ги повикуваме надлежните институции да ги презедат сите неопходни дејствија со кои ќе се гарантира безбедноста на граѓаните но воедно ги повикуваме и невладините организации од оваа област да се вклучат во овој несекојдневен настан и да предложат мерки и постапки со кои ќе им се помогне на повредената млада мечка како и на големата мечка со двете останати млади мечки. Ги предупредуваме граѓаните да го избегнуват движењето на местото на несреќата како и непосредната околина или да бидат исклучително внимателни бидејки се очекува мајката да го бара своето младенче, апелираа од ЦУК. Утрово екипи на националниот парк Шар Планина извршиле обиколка и пребарување околу местото на несреќата, но не ја нашле ниту мечката, ниту малите мечиња...

На 01.12.2023 во 09.15 часот во Полициската станица Кочани, З.Н.(32) од Кочани пријавила дека на 27.11.2023 од домот се оддалечила нејзината ќерка Б.Н.(13). Според пријавеното, набргу потоа, таа испратила порака на родителите да не ја бараат и дека ќе оди во странство. Малолетничката неколку пати досега се оддалечувала и враќала во семејниот дом. Се преземаат мерки за пронаоѓање на лицето...

На 27-ми ноември 2023 година во 11 часот во ПС за општа надлежност Центар од страна на таткото е пријавено дека на 27.11.2023 година околу 7.27 часот неговата малолетна ќерка веќе излегла од станот и се упатила до ОУ „Јохан Хајнрих Песталоци“, изјави вчера министерот за внатрешни работи Оливер Спасовски, во врска со случајот со 14-годишната Вања Ѓорчевска, која веќе шест дена не е пронајдена. Неговата изјава предизвика збунетост кај јавноста, бидејќи официјалното соопштение од МВР по повод исчезнувањето на девојчето, објавено пред пет дена, гласеше дека мајката била таа која го пријавила исчезнувањето, и тоа во 8.35 часот. Мајката, исто така и за „Фокус“ потврди дека таа го пријавила исчезнувањето, веднаш откако класната раководителка и јавила дека Вања не дошла на првиот час. Кој и кога всушност го пријавил исчезнувањето на девојчето, и зошто се појавија две верзии околу пријавувањето, за „Фокус“ појаснуваат од министерството. -Мајката на девојчето го пријавила исчезнувањето во 8.35 часот на 27-ми ноември, на телефонскиот број за итни повици, 112. Потоа пријавата е проследена до надлежните институции. Таткото пак, официјално го пријавил исчезнувањето во 11 часот, истиот ден, во полициска станица, соопштија од МВР. … Фокус...

На 01.12.2023 во 12.10 часот во ОВР Кичево било пријавено дека на регионалниот пат Осломеј-Кичево, кај место викано „Ѓубриштето”, товарно возило „мерцедес” со кичевски регистарски ознаки, управувано од К.К.(26) од с.Гарани, кичевско, удрило во велосипед управуван од Ј.С.(63) од Кичево, информираат ов Министерството за внатрешни работи. Од здобиените повреди на местото починал велосипедистот, а смрт констатирал лекар од Медицински центар Кичево. Увид извршила увидна екипа од ОВР Кичево, а по наредба на јавен обвинител телото на починатиот било дадено на обдукција....

Центарот за управување со кризи информира дека денес околу 15.00 часот велосипедист скршил колк при пад на тешко пристапна пашачка патека под средно Водно. По добиената пријава на 112 екипа на Итната медицинска помош пристигнала во близина на местото на несреќата а до повреденото лице стигнале движејќи се по тешката пешачка патека. Го качиле повреденото лице на носилка, му ја имобилизирале повредената страна и со помош на неколку случајни минувачи успеале да го однесат до возилото на брзата помош. „Голема благодарност од ЦУК до докторката и медицинската сестра од екипата на Итната медицинска помош кои пожртвувано се движеле по тешко проодната патека за да му помогнат на повреденото лице кои имало силни болки“, велат од ЦУК....

Амбасадорот на Кралството Холандија, Дирк Јан Коп, кој е познат во јавноста по тоа што знае да го напушти дипломатскиот речник и да биде исклучително директен, во интервјуто за „360 степени“ образложува на што се должи остриот тон во неговите настапи во последната година и половина. Според него, во овој период земјата не само што не оди напред во ЕУ-реформите, туку и назадува. 360°: Амбасадоре, интервјуто ќе го почнам со цитат: „Што правите вие освен што трупате изговори за неисполнување на барањата за членство?! Зошто вие не ги извршивте потребните реформи пред петнаесет години како и другите земји? Наместо тоа, слушам дека Европската Унија е виновна и дека членството е заедничка одговорност, како и тоа дека ние премногу ве оставаме да чекате. Вистината е дека членството е ваша одговорност и вие нѐ оставате нас да ве чекаме премногу. По децении огромна поддршка, каде отидоа парите на нашите даночни обврзници?!“ Ова го изјавивте пред околу еден месец. Освен јавните реакции што следуваа по вашата изјава, како изреагираа политичарите и другите чинители во земјава на состаноците што ги имавте зад затворени врати? Амбасадорот на Холандија, Дирк Јан Коп, во интервју за „360 степени“ Дирк Јан Коп: „Моето прашање всушност беше – како е можно во 1991 година, кога пропадна СССР, животот во сите овие земји, од Естонија до Бугарија, беше многу потежок отколку во поранешна Југославија и, сепак, тие успеаја уште пред 15 години да станат членки на ЕУ, а државите кои ја сочинуваа Југославија не. Тоа прашање сè уште се поставува. Во меѓувреме, напредокот во реформите е закочен и тажната работа е дека сите го знаат тоа. Но, сепак, ќе ви дадам неколку примери, има неприфатлив политички притисок во процесот на избор на јавни обвинители, има неприфатлив политички притисок во процесот на избор на кандидати за Судскиот совет, има неприфатлив политички притисок врз судовите, вклучувајќи го и Врховниот суд… Сетете се на изборот на контролори на летање во Скопје, кој беше под надворешен притисок. Зошто има недостиг на соодветни обвиненија по наодите на Антикорупциската комисија и Државниот ревизор? Неодамна имаше обид на судија да ја ограничи новинарската слобода и да ја ограничи моќта на истражувачките медиуми во предметот за клевета против ИРЛ. Ги имавме сериозно сомнителните процедури околу Коридорот 8, го имаме хаосот во Судскиот совет, а и неодамнешните амандмани на Кривичниот законик, со кои фактички се уништија предмети поврзани со корупција на високо ниво, исто така и ретроактивно, вклучувајќи и предмети на СЈО и во иднина ќе овозможат корумпирани криминалци да заминат слободни. Сето ова се натрупува. Моето прашање е каква врска има ова со Грција, со Бугарија или со ЕУ? Одговорот е – никаква. Ова се работи кои се случиле тука, никој однадвор не треба да се обвинува за тоа.“ 360°: Некои велат дека со ваквите изјави излегувате од дипломатскиот мандат и дека се мешате во внатрешните работи на земјава. Како одговарате на овие критики? Дирк Јан Коп: „Внатрешни? Влогот на Холандија е огромен. Тоа не е внатрешно прашање. Тоа е и наше прашање. Во интересот на мојата земја е да ја поддржи Северна Македонија на патот кон ЕУ, сакаме оваа земја да биде во ЕУ. Исто така, сметам дека е моја должност да видам што се случува со големата сума пари која овде ја трошиме. Во мојата земја граѓаните работат макотрпно за да ги платат даноците, живеат во една од земјите со најголеми даноци во светот. Кога ќе ги прашате – на што сакате да се трошат вашите пари? Тие ќе одговорат – локални училишта, локален здравствен систем, локални железнички станици, локална полиција и ние треба да бидеме во можност да ги погледнеме граѓани во очи и да им објасниме зошто нивните пари не се потрошени на локални болници, туку се потрошени во Северна Македонија. По минатонеделните избори во Холандија, гледаме брз пораст на партии кои се против проширувањето или ако сè уште се за проширувањето тогаш тоа е само ако условите се исполнат и тука се многу строги… Оттука, мојот впечаток е дека Северна Македонија забрзано си игра со оган, игра една опасна игра. Наредната година имаме избори за Европскиот парламент, ќе има избори во САД и, како што реков, во Холандија поддршката за проширувањето се намалува и вие не може и понатаму таа поддршка да ја земате здраво за готово, треба да влезете во ЕУ сега, што е можно побрзо или, како што стравувам, таа можност може да исчезне, во некој момент вратата ќе се затвори.“ „Северна Македонија си игра со оган“ 360°: Кога ги споменавте парите на холандските граѓани, ме доведовте до другото прашање – дали сте задоволен од тоа што наодите во извештајот на ЕК за Северна Македонија се на иста линија со вашите критики, но, од друга страна, нели е ова неуспех и за самата Унија, која многу инвестира во реформскиот процес во државава, а исто и Холандија која е една од државите што најмногу вложуваат во тоа, во владеењето на правото? Дирк Јан Коп: „Како да бидам задоволен со извештај кој покажува големи недостатоци и дури назадување?“ 360°: Вие како да бевте визионер, она што го кажавте потоа беше наведено во извештајот. Дирк Јан Коп: „ЕУ со месеци ги изработува овие извештаи и ние придонесуваме во содржината. Јас, повеќе или помалку, знаев што ќе има во извештајот… Но, не, многу сум незадоволен со извештајот, повеќе ќе сакав да видам извештај кој ќе покажеше дека Северна Македонија е на вистинскиот пат. Исто така, да се нарече ова неуспех на ЕУ – тоа не го гледам така… Каква врска има ЕУ со фактот дека вашите патишта низ вашата убава земја се полни со смет? Се чувствувам разочарано зашто кога дојдов тука пред повеќе од четири години сметав дека земјата е на вистинскиот пат.“ 360°: А сега? Дирк Јан Коп: „Сега, во изминатата година и половина или две години, тоа повеќе не го гледам. Како што реков, ЕУ помогна да се создадат многу структури, но тие се игнорирани. Штом помислите дека нешто ќе профункционира… Сметам дека одличен пример е со контролорите на летање – имавме 260 кандидати, компанија од Данска избра осум од нив, сите помисливме дека конечно имаме транспарентен и процес темелен на вредности, за потоа одборот, како што е наведено во заклучоците, да праша – чии деца се тие… Потоа, додадоа уште 26, меѓу кои и нивни деца. Така што, мислите дека процесот, конечно, добро е спроведен и на крајот тој застранува. Тоа е менталитетот и такви примери гледаме насекаде.“ Коп порачува земјата што е можно побрзо да се фокусира на враќање на патот на реформи 360°: Да се навратиме на критиките што следуваа по вашите изјави – ќе го цитирам министерот за надворешни работи Бујар Османи кој рече „целосно не се согласува со Вас зашто работите не се црно-бели, туку дека има и сиво помеѓу“. Меѓу другото, тој рече дека не било вина на Северна Македонија што во 2019 година не ги почна преговорите за членство во ЕУ, туку процесот беше паузиран поради неформалното француско вето или барањето за нова методологија. Значи, тој тврди дека има некаква вина и кај ЕУ. Дирк Јан Коп: „Многу добро го знам неговото размислување, редовно зборувам со него. Но, во овој наратив во кој, некако, за недостиг на напредок вина се наоѓа и кај ЕУ, секогаш се враќаме на рамките, на преговарачките рамки и, според мене, тоа само го одвлекува вниманието од она што навистина е потребно, а тоа е да се исполнуваат реформите. Ако се вратите на рамките – да, имаше поставени барања во минатото, сега тоа се уставните измени…“ 360°: Кои не се лесен чекор. Дирк Јан Коп: „Во минатото тоа беше новата методологија, Преспанскиот договор… Мојот аргумент е дека сето ова време рамката не беше важна за да се завршат реформите. Нив можевте да ги завршивте за време на процесите со вашите соседи, реформите можеа да се имплементираат додека се усвојуваше новата методологија, реформите можеа да се спроведуваат додека трае процесот на уставни измени и затоа претходно зборував за „трупањето изговори“. Рамките, сами по себе, не се важни. Реформите треба да ги спроведувате без оглед на рамките. Мислам дека Северна Македонија не го исполнува својот дел од договорот – нашиот договор е да ја внесеме Северна Македонија во ЕУ, а тоа значи ЕУ да даде финансиска и техничка поддршка, а Северна Македонија да ги заврши реформите.“ 360°: Но, впечатокот кај граѓаните во изминатите години беше дека имаше „премногу стапови, а премалку моркови“. Таков беше впечатокот. Дирк Јан Коп: „Мојот впечаток е дека ЕУ го исполни својот дел од договорот зашто потрошивме милијарди. Ако тоа не се доволно моркови…“ 360°: Но, тоа не е опипливо за граѓаните. Дирк Јан Коп: „Тоа не е проблем за ЕУ, туку за Владата зашто таа треба тоа да ги направи опипливо. Сепак, мислам дека го исполнивме нашиот дел од договорот со трошењето милијарди и овозможувањето техничка поддршка, но на другата страна гледам недостиг на политичка волја за вистинска посветеност за носење тешки одлуки. Тоа можеби е проблематично за некои одредени интересни групи, но би било многу добро за граѓаните ако тие одлуки се донесат. На целата земја ќе ѝ се помогне со носењето на тие одлуки. Ако не се справите со суштинскиот проблем како сеопфатната корупција итн., ќе биде невозможно тоа да се оствари. Но, крајно време е Северна Македонија да го исполни својот дел од договорено и, како што реков, низ цела Европа даночните обврзници почнуваат да ги прашуваат владите зошто продолжуваме да трошиме пари, не само во земјава или во Западен Балкан, во држави кои не го исполнуваат договореното – справување со корупцијата, непоткопување на демократијата, спорведување на владеењето на правото… Станува сè потешко да се одговори на овие прашања на нашите даночни обврзници.“ 360°: Што може сега да се направи за да се поправи ситуацијата? Кои се најитните работи што треба да се завршат? Повеќепати зборувате дека актуелниот состав на Судскиот совет го загубил легитимитетот. Дирк Јан Коп: „Најитната работа која е потребна е да се смени е менталитетот. Земјата навистина треба да сака да стане членка на ЕУ, навистина мора да е справи со корупцијата. Без тоа напредок во која било област е невозможен. Мислам дека би бил добар совет за земјата да биде исклучително внимателна во зачувувањето на својата прореформска демократија, заштита на слободата на говорот, да ја зачува релативната независност на медиумите… Без овие работи каков било напредок не можен. Што друго земјата треба да направи, зависи од Северна Македонија, таа е суверена земја и од неа зависи кои се нејзините приоритети. Таа вели дека сака да е членка на ЕУ и затоа треба, во таа рамка, прецизно да ги одреди приоритетите. Јасно е дека за Холандија најголема загриженост е владеењето на правото, но на крајот ова е ваша, а не наша земја.“ 360°: Што со процесот на уставни измени? Споменавте неколку работи како приоритети… Знаеме дека уставните измени се во ќор-сокак поради блокадата на опозицијата која вели дека нема да гласа за промена на Уставот под бугарски диктат. Можни ли се промени на околностите и на содржината на Преговарачката рамка за кои зборува ВМРО-ДПМНЕ? Дирк Јан Коп: „Многупати во јавноста кажав дека ова прашање не е важно. Цела оваа опседнатост со уставните измени само дефокусира од неопходните реформи. Уставните измени се билатерален договор меѓу Северна Македонија и Бугарија и нема ништо со нас. Единственото нешто што Европскиот совет кажа е дека кога измените ќе се случат ќе продолжите со преговорите. Но, повторно, зборуваме „преговарачка рамка“. Кога оваа рамка е тука, реформите мора да се имплементираат. Рамката е испреговарана, не може да се промени и ако г. Мицкоски вели дека по изборите ќе издејствува подобар договор не мислам дека тоа воопшто е реалистично, дури и возможно. Северна Македонија го има најдобриот договор што може да го добие. Ако се сеќавате, Ковачевски стана премиер во приближно исто време кога и Петков стана премиер во Бугарија. Имаше многу прашање, имаше пет комисии кои требаше да преговараат под водство на француското претседателство и сето тоа беше сведено на едно прашање – малцинството во Уставот. Тоа беше договор меѓу Бугарија и Северна Македонија, другото исчезна, што е добро. Мислам дека под овие околности ова е најдобар договор што Бугарија и Северна Македонија можеа да го добијат. Стартот на втората фаза од Меѓувладината конференција, кој зависи од уставните измени, нема ништо со самиот билатерален договор. Не, не гледам дека тоа ќе се промени…“ 360°: Можеби ЕУ-возот ќе ја напушти станицата, како што и вие рековте? Дирк Јан Коп: „Сметам дека е исклучително важен момент, дека е дојдено конечно време за Северна Македонија да си ја оформи својата иднина. Крајно време е Северна Македонија да стане господар на сопствената судбина и ние сме тука да помогнеме.“ Разговорот го водеше Владимир Мирчевски новинар во 360 мк...

Владата носи заклучоци, одлуки и задолженија. По предметот за „Македонски пошти“ и „Железници Транспорт“ Владата во април 2021 година имаше донесено заклучок со кој што го задолжува Генералниот секретаријат да ги спроведе сите законски постапки по однос на ангажирање на консултантски фирми за физибилити студии и таму завршува тоа што Владата го има направено, изјави вицепремиерот задолжен за економски прашања, координација на економските ресори и инвестиции, Фатмир Битиќи. Никогаш во ниту еден заклучок или задолжение што ги носи Владата, нагласи Битиќи, не се укажува на постапката или начинот како треба да се спроведе. – Нема никогаш и во ниту еден заклучок не се влегува во модалитетот на спроведување на заклучокот. Стручните служби знаат како треба да се спроведе, согласно законските прописи во државата. Владата работи според Деловникот за работа на Влада и според Законот за Влада, изјави Битиќи, одговарајќи на новинарски прашања по посетата на фабриката „АТС АММО“ во Македонски Брод. Во однос на изјавата на поранешниот Генерален секретар на Влада Мухамед Зеќири, против кого вчера беше изречена првостепената неправосилна пресуда, дека при потпишувањето на договорите спроведувал „умисла на други“ посочувајќи го него, Битиќи рече дека не би сакал да ја коментира неговата изјава. – Не би сакал да ја коментирам неговата изјава, затоа што беше дадена на два јазици, на македонски и на албански. На албански јазик не беше кажано така, беше кажано предлог, изјави Битиќи...

Пет лица се приведени во врска со случајот за исчезнувањето на девојчето Вања, информира денеска министерот за внатрешни работи, Оливер Спасовски, одговарајќи на новинарски прашања дали има напредок во истрагата за девојчето. – Синоќа до доцните часови се работеше интензивно. Морам да кажам дека имаме приведено пет лица и обезбедено едно возило, со што се продолжува понатаму со активностите. Тоа е нешто плус што го презедовме во однос на сето она како доказ, како трага што го обезбедуваме, се со цел да дојдеме до расчистување на овој случај, рече министерот. Истакна дека низа криминалистички истражни мерки се презедоа во изминатиот период се со цел да се утврдат сите овие факти. -Тие факти коишто ги утврдуваме преку овие истражни мерки ќе ги соопштиме во јавноста во момент кога треба да бидат соопштени, заради тоа што предвременото соопштување ни прави проблеми, истакна Спасовски и додаде дека вчера рекол дека не е точно дека на Вања и се губи траг кај „Силбо“, односно кај „Броз кафе“, со цел да не се шират повеќе шпекулации. Спасовски потенцираше дека сите податоци кои ги утврдуваат ќе ги соопштат во даден момент, бидејќи, како што кажа, за истрагата е многу релевантно кога и како ќе соопштат во јавноста. Веќе шест дена се трага по Вања Ѓорчевска која исчезна во понеделникот во период по 7.20 часот, на пат кон училиштето Песталоци во близина на Дебар Маало. Последен пат била забележана на булеварот Партизански одреди пред „Броз кафе“, од каде што ѝ се губи трагата. Во изминатиот период, на барање на Министерството за внатрешни работи распишана е меѓународна потерница за ичезнатото девојче од страна на Интерпол. (МИА)...

Пет лица се приведени во врска со случајот за исчезнувањето на девојчето Вања, информира денеска министерот за внатрешни работи, Оливер Спасовски, одговарајќи на новинарски прашања дали има напредок во истрагата за девојчето. – Синоќа до доцните часови се работеше интензивно. Морам да кажам дека имаме приведено пет лица и обезбедено едно возило, со што се продолжува понатаму со активностите. Тоа е нешто плус што го презедовме во однос на сето она како доказ, како трага што го обезбедуваме, се со цел да дојдеме до расчистување на овој случај, рече министерот. Истакна дека низа криминалистички истражни мерки се презедоа во изминатиот период се со цел да се утврдат сите овие факти. -Тие факти коишто ги утврдуваме преку овие истражни мерки ќе ги соопштиме во јавноста во момент кога треба да бидат соопштени, заради тоа што предвременото соопштување ни прави проблеми, истакна Спасовски и додаде дека вчера рекол дека не е точно дека на Вања и се губи траг кај „Силбо“, односно кај „Броз кафе“, со цел да не се шират повеќе шпекулации. Спасовски потенцираше дека сите податоци кои ги утврдуваат ќе ги соопштат во даден момент, бидејќи, како што кажа, за истрагата е многу релевантно кога и како ќе соопштат во јавноста. Веќе шест дена се трага по Вања Ѓорчевска која исчезна во понеделникот во период по 7.20 часот, на пат кон училиштето Песталоци во близина на Дебар Маало. Последен пат била забележана на булеварот Партизански одреди пред „Броз кафе“, од каде што ѝ се губи трагата. Во изминатиот период, на барање на Министерството за внатрешни работи распишана е меѓународна потерница за ичезнатото девојче од страна на Интерпол. (МИА)...

Седницата за уставните амандмани е отворена, дневниот ред е изгласан и се отвори дискусија во која што сите граѓани се уверија дека немаше ниту една забелешка во однос на поднесените амандмани. Процесот по 31 декември не се затвора. Тој ќе биде отворен се додека не биде реализирана обврската која Северна Македонија ја има согласно преговарачката рамка, изјави премиерот Димитар Ковачевски. Ковачевски на новинарско прашање што ќе се случи со уставните измени со оглед на тоа што крајот на година е крајниот рок за отворање на поглавјата, посочи дека тие уште се на дневен ред....

Наскоро фабриката АТС АММО ќе го произведе првиот макдонски дрон, кој ќе биде согласно сите НАТО стандарди, најави премиерот Димитар Ковачевски при денешната посета на фабриката кај Македонски Брод. Со него беа вицепремиерот за економски прашања Фатмир Битиќи и министерката за одбрана Славјанка Петровска – За многу скоро фабрикта АТС АММО ќе почне со сериско производство на четири вида дронови. Ќе бидат управувани со вештачка интелигенција и ќе имаат висок дострел. Ќе бидат целосно опремени според сите НАТО-стандарди. Тоа ќе бидат првите македонски дронови, целосно произведени во Република Северна Македонија, изјави Ковачевски. Дроновите, како што посочи, ќе бидат мултинаменски. – Дроновите ќе бидат со многу намени за вената индустрија, извидничкото разузнавање и ќе имаат намена за индустријата. Ова е големо постигнување, рече Славјанка Петровска, министерка за одбрана. Инаку, во моментов 40 македонски фирми се кои ги исполнуваат НАТО-стандардите за производство....

Во рамки на меѓународната акција во Србија се уапсени вкупно 160 лица, од кои 25 се осомничени за сторени кривични дела поврзани со оружје, 121 за кривични дела поврзани со дрога, 13 лица за илегално преминување граница и шверц и едно лице за кривично дело фалсификување документи, јави дописникот на МИА од Белград. Како што соопшти МВР, акцијата „Заеднички денови на акции на Југоисточна Европа 2023“ (EMPACT) има за цел преку меѓународна соработка службите за спроведување на законот низ Европа, со поддршка на Европол, Евроџаст, Фронтекс, Интерпол и други меѓународни и регионални организации, да придонесе во борбата против нелегалната трговија со оружје, нелегалната трговија со дрога, трговијата со луѓе, шверцувањето мигранти, како и борбата против криминалните групи со висок ризик. На територијата на Србија во акцијата учествувале вкупно 4.368 полицајци на МВР на Србија. Извршена е контрола на 22.817 лица, 16.332 возила, 140 претреси на станови и други простории. Реализирани се вкупно 154 заплени и одземени се 59 парчиња огнено оружје, четири рачни бомби, две рачни противоклопни ракетни фрлачи, 2.879 парчиња муниција од различен калибар, како и 35,3 килограми марихуана, околу 180 грама амфетамин, помала количина хероин, околу 91 грам кокаин и 2.830 парчиња разни таблети. Исто така, спречен е и 521 илегален влез на нерегуларни мигранти на територијата на Србија, а откриени се 58 нерегуларни мигранти. Во акцијата која траеше од 13 до 18 ноември, освен Србија, учествуваа и земјите од Западен Балкан, Молдавија, Украина, земјите од Европската Унија, како и Турција и Велика Британија....

Премиерот Димитар Ковачевски очекува лидерската средба најавена за понеделник да биде конструктивна и да има договор за датум кога би се одржале редовни парламентарни избори. Тој денеска порача дека финалниот збор ќе го имаат партиите , а при одредување на датумот за избори ќе бидат земени предвид и верските празници. „Успешна лидерска средба значи дека партиите ќе седнат на маса, дека нема да има уценување на една политичка партија кон други, постигнување на договор значи дека ќе имаме одржување на избори согласно општоприфатен Изборен законик во кој се внесени препораките на ОБСЕ/ОДИХР. Одржување избори на датум кој што обезбедува, како што кажав претседателски и парламентарни избори во нивниот редовен термин што нема да претставуваат дополнителен трошок и напор на граѓаните со огледа на тоа дека и админситрацијата и грашаните учествуваат секој на свој начин во овој најважен демократски процес“рече Ковачевски. Во однос на техничката влада Ковачевски потенцира дека веќе се диференцираат ставовите. Нема расположение таа да се укине сега , туку од следните избори. Прво, таа (техничката влада) е донесена како резултат на лошото владеење на ВМР-ДПМНЕ. Се сеќавате дека се донесе во тешки услови , кога државата беше претворена во партија, кога државниот апарат беше ставен во функција на една партија и како резултат на тоа беше донесена техничка влада чиј мандат беше продолжен согласно Законот за Влада и Законот за избори. Од она што може да се види во јавноста преку изјавите на политичките партии не постои консензуално решение за нејзино укинување сега на краток рок пред одржување на изборите, меѓутоа секако постои расположение да биде укината со важност од следните избори. И тоа не треба да биде пречка во однос на одржување на изборите, бидејќи обезбедува уште поголем демократски амбиент имајќи предвид дека на опозицијата и беше понудено да учествува во Владата заради продолжување на европскиот пат со половина од министерствата – понуда која се уште стои на маса“вели Ковачевски....

Шести ден се трага по исчезнатата малолетничка, Вања од Скопје на која и се губи секаква трага од понеделникот наутро кога се упатила кон училиштето. Вања излегла од дома утрото на 27-ми ноември во 07:27 минути од станот кој се наоѓа во Дебар Маало на улицата „Наум Наумовски – Борче“. Од таму се упатила до нејзиното училиште „Јохан Хајнрих Песталоци“. Во 11 часот нејзиното исчезнување го пријавил таткото во полициската станица „Беко“, односно Центар. Претходно мајката во 08:35 пријавила на полиција дека детето ѝ е исчезнато. Во пребарувањето вклучени се стотици полицајци, граѓани, ловџии. По Вања трага и „Интерпол“. Министерот за внатрешни работи, Оливер Спасовски вчера изјави дека за пронаоѓање на 14-годишното девојче досега пребарано е речното корито на Вардар, а во потрагата било вклучено и пребарување на подрумски простории, добиени се информации од околните цркви и манастири, прегледани се снимките од безбедносните камери, а за случајот извршени се разговори со голем број лицa....

Тоа што Ковачевски не се откажува од техничката влада значи дека ДУИ му забрани да се откаже од идејата оваа техничка влада да има премиер од криминализираната ДУИ, обвинува ВМРО-ДПМНЕ, откаде велат дека ова е само потврда на фактот дека и со оваа влада управува ДУИ со подизведувач СДС. „Колата за која збори Таче му зариба, зошто наместо горивото изразено во милиони евра во тендери, наместо во народниот резервоар течеше во приватните џебови на власта. Корупцијата на власта е нотирана во сите извештаи на меѓународните институции. Ковачевски денес кога зборуваше за локалната самоуправа барем признава дека општините се блокирани и кочени од централната власт, но и при таква состојба бројот на проектите за народот се огромни и градоначалниците на ВМРО-ДПМНЕ се без ниту една афера зад себе. Наредната изјава барем Ковачевски да трепне два пати како сигнал дека не е киднапиран од ДУИ“се наведува во соопштение од ВМРО-ДПМНЕ. Претходно премиерот Ковачевски најави дека очекува успешна лидерска средба во понеделник и потенцира дека нема консензуално решение во моментов за укинување на техничката влада. „Прво, таа (техничката влада) е донесена како резултат на лошото владеење на ВМР-ДПМНЕ. Се сеќавате дека се донесе во тешки услови , кога државата беше претворена во партија, кога државниот апарат беше ставен во функција на една партија и како резултат на тоа беше донесена техничка влада чиј мандат беше продолжен согласно Законот за Влада и Законот за избори. Од она што може да се види во јавноста преку изјавите на политичките партии не постои консензуално решение за нејзино укинување сега на краток рок пред одржување на изборите, меѓутоа секако постои расположение да биде укината со важност од следните избори. И тоа не треба да биде пречка во однос на одржување на изборите, бидејќи обезбедува уште поголем демократски амбиент имајќи предвид дека на опозицијата и беше понудено да учествува во Владата заради продолжување на европскиот пат со половина од министерствата – понуда која се уште стои на маса“ рече Ковачевски....

Талат Џафери од ДУИ да биде премиер на техничката влада сто дена пред избори, а Јован Мутрески од СДСМ – нов претседател на Собранието. Ова, според извор на ,,360 степени” во владејачката коалиција, е најсериозната варијанта за спроведување на политичкиот договор постигнат меѓу Зоран Заев и Али Ахмети во 2020 година, во пресрет на парламентарните и претседателските избори в година. Талат Џафери и Јован Митрески Решението не е дефинитивно потврдено од партнерите во власта, но е најизвесната варијанта во овој момент на маса, додава изворот на ,,360 степени”. Со него би се постигнал баланс во распределбата на врвните функции во власта, ДУИ не би имала и премиер и претседател на парламентот во исто време, во случај да не се избере шеф на државата, в.д. претседател би бил етнички Македонец. Досега јавно се појавија повеќе имињата на членови на ДУИ за потенцијален премиер на техничката влада меѓу кои не беше Талат Џафери, актуелниот претседател на парламентот. Јован Митрески, пак, кој е координатор на пратеничката група на СДСМ, при ваков можен расплет, се наметнува како логично решение за прв човек на Собранието. Повеќе на 360.мк...

Градоначалниците на ДПМНЕ земаат 1.500 евра плата, а удираат по џебот на граѓаните со поголеми сметки за данок на имот и до 300%, но и за ѓубретарина, вода и комунални услуги, обвинуваат од СДСМ. Од партијата велат дека во Општина Ѓорче Петров сметките за комунални услуги се зголемени за 300%, а во Општина Бутел за 150%. „Додека земаат 1 500 евра плата, градоначалниците на ДПМНЕ им наплаќаат поскапи комунални услуги, вода и паркинг на граѓаните на општина Прилеп, комуналните услуги се покачени и во Гевгелија, Битола, Велес, Радовиш, Зрновци, Охрид и во други општини раководени од ВМРО-ДПМНЕ. Во Општина Штип зголемен е данокот на промет, такси-превоз и надоместокот за ѓубретарина. Истовремено со општински обврзници за милиони суми ги задолжуваат општините, кои важат за финансиски најстабилни, како Прилеп, Аеродром, Бутел, Гази Баба, Гевгелија“,се наведува во соопштение од СДСМ. Од СДСМ обвинуваат и дека градоначалниците на ДПМНЕ одат на ексклузивни крстарења, носат рачни часовници од 8 000 денари, порачуваат хибридни бричеви со народни пари....

Агенцијата на Обединетите нации за помош на палестинските бегалци (УНРВА) соопшти дека никаква помош не прстигнала во Појасот Газа по прекинот на огнот меѓу Израел и Хамас во петокот наутро и оти се заканува „хуманитарно цунами“. – Она од што се плашиме е дека ќе се вратиме таму каде што бевме во првите недели кога имаше апсолутна забрана, херметичка опсада во Појасот Газа – со последици кои се уште се чувствуваат, изјави за Би-Би-Си, Жулиет Тума, портпаролка на УНРВА. Таа вели дека има напори да се продолжи со испораката на хуманитарна помош и повика на прекин на огнот. – Ние сме на прагот на хуманитарно цунами во Појасот Газа, истакна Тума. Во меѓувреме, израелската војска нареди нова евакуација на Палестиците од Појасот Газа. На платформата Х објавени се мапи на арапски јазик на кои е прикажано од кои делови на Газа треба да се евакура палестинско население и каде да заминат. Меѓу населбите кои Палестинците мора да ги напуштат се Џабалија, Шејаја, Бани Сухаил, Кан Јунис. Жителите на овие наслеби се упатуваат кон засолништата во Рафах на границата со Египет....

– Европската унија (ЕУ) формално ќе побара од Европската комисија да ги вклучи обврските од договорот за патот кон нормализација на односите меѓу Србија и Косово, во преговорите за членство меѓу Белград и Брисел. Во нацрт-заклучоците, во кои Радио Слободна Европа имало увид се вели дека „Советот бара од Комисијата и високиот претставник итно да му предложат на Советот, пред крајот на јануари 2024 година, измени и дополнувања на критериумите за Поглавјето 35 од пристапните преговори на Србија“. Овие заклучоци треба ги усвојат министрите за европски прашања на состанокот на Советот за општи работи на 12 декември. Истите заклучоци потоа се очекува да ги потврди и Европскиот совет на самитот на европските лидери што ќе се одржи на 14 и 15 декември. Поглавјето 35 во пристапните преговори меѓу Србија и Европската унија ги вклучува односите со Косово. ЕУ редовно предупредува дека брзината на пристапниот процес со Србија зависи од напредокот во дијалогот за нормализација на односите. Србија и Косово на 27 февруари постигнаа договор за патот кон нормализација на односите. На 18 март во Охрид беше договорен анекс за имплементација на овој договор. Иако Белград и Приштина не го потпишаа договорот, ниту анексот за спроведување, според изјавата на високиот претставник на ЕУ за заедничка надворешна политика и безбедност Жозеп Борел, договорот се смета за правно обврзувачки за двете страни....

Во Австрија во тек е судењето на две жени, кои се обвинети дека мачеле 12-годишно момче речиси до смрт.Грозоморен случај беше откриен минатата година во Австрија, а неговата мајка (33) и нејзината наводна партнерка (40) се обвинети за тортура на малолетник. Малото момче го затворале во носач за кучиња со димензии 52х40 сантиметри секој ден и постојано го мачеле. Момчето од сигурна смрт го спасил социјален работник. Во моментот кога е пронајдено момчето, неговата телесна температура била 26,8 степени, а детето било премногу слабо бидејќи мајка му го изгладнувала. Постарата обвинета ја негира вината, иако во нејзиниот телефон биле пронајдени пораки што ги разменила со мајката на момчето. Имено, тие си праќале фотографии од измачени деца со морничави пораки и гифови. На многу фотографии изгладнето момче е свиткано на подот. Момчето, кое сега има 13 години, во последните неколку недели на суд детално ги прикажува ужасните мачења што ги претрпел во долг временски период. Со него психолозите внимателно ги разгледаа сите детали за ужасите што се случија во куќата на неговата мајка. Момчето било претепано, полеано со вода, додека крпа му била ставена на лицето, врзана и затворена во носач за кучиња во многу ладна просторија. Мајка му не му давала ништо да јаде неколку дена. Тој беше спасен во ноември 2022 година во последен момент. Лекарите рекоа дека веројатно нема да преживее уште еден ден на тортура. Неговата мајка и нејзината девојка се обвинети за обид за убиство и се соочуваат со децении затвор. За време на неговото сведочење пред судот, детето не можело или не сакало да се присети на бројни детали од неговото мачење, но постојано потврдувало дека го преживеал пеколот и дека двете жени учествувале во неговото мачење....

Не можам да бидам на иста маса со луѓе кои имаат антибугарски и антиевропски манифестации, изјави вицепремиерката и министерка за надворешни работи на Бугарија, Марија Габриел, коментирајќи го нејзиното заминување од Министерскиот совет ан ОБСЕ во Скопје пред пристигнувањето на шефот на руската дипломатија Сергеј Лавров. – Бев во Скопје да изразам почит на претседавачот со ОБСЕ. Покрај тоа, имаше вечера на европските лидери на која секој од нас требаше да каже дека сме таму затоа што не сакаме да ја потпишеме смртта на ОБСЕ. По таа вечера, мислам дека моето присуство таму не требаше да биде физичко, па затоа заминав. Не сакам да присуствувам со претставници на земји кои нè прогласија за непријателски, рече Габриел. Бугарија, иако претходно соопшти дека дава дозвола за прелет, сепак, не дозволи авионот на рускиот министер за надворешни работи Сергеј Лавров, на пат кон Скопје, да помине низ нејзиниот воздушен простор бидејќи во него се наоѓала и портпаролката на руското МНР, Марија Захарова. Поради тоа, Лавров во Скопје пристина преку Турција и Грција, а летот траел пет часа. Официјална Москва ја нарече бугарската забрана „опасната глупост на некој шегаџија во структурите на моќ во Бугарија“....

– Перспективата на односите меѓу Украина и Србија е секогаш добра и нема ништо што ги дели двете земји или отуѓува една од друга, изјави министерот за надворешни работи на Украина Дмитро Кулеба во интервју за Eуроњус Србија. Тој посочи дека тоа што Србија не воведе санкции кон Русија е најголемото разочарување во односите меѓу двете земји, но дека сепак, од политички аспект Србија го поддржува територијалниот интегритет на Украина, како што и Украина го поддржува територијалниот интегритет на Србија, јави дописникот на МИА од Белград. Кулеба, говорејќи за односите меѓу Киев и Белград, потсети дека претседателот Александар Вучиќ имаше средба со Володимир Зеленски, кој учествуваше на самитот меѓу Украина и земјите од Западен Балкан. -Претседателот на вашиот парламент учествуваше на парламентарниот самит на Кримската платформа, вашата премиерка зборуваше на меѓувладиниот самит на Кримската платформа. Политички гледано, иднината на двете наши земји е во ЕУ. Сè друго е прашање на дипломатија, изјави Кулеба. На прашањето за другите начини на кои Србија и помага на Украина, тој забележа дека секоја земја се оценува според нејзините заслуги и дека не се фокусира само на прашањето за санкциите, бидејќи тоа е еден елемент во рамките на односите со Србија. -Двете страни се обидуваат да ги исполнат тие односи со што е можно повеќе аспекти, додаде шефот на украинската дипломатија. Кога станува збор за потенцијалната можност Србија да учествува во посредувањето меѓу Киев и Москва, Кулеба изјави дека од почетокот на инвазијата многу земји се обиделе да посредуваат, но малку од нив успеале. – Не успеаја да ја запрат војната. Јас би препорачал две работи. Наместо да се занимавам со големото прашање за запирање на војната, би препорачал да се поддржи мировната формула што Украина ја предложи како начин за завршување на војната. Втората работа е дека треба да се фокусираме на конкретниот проблем што настана поради војната и да се обидеме да го решиме во односите со Русија. На пример, некои земји работат на враќање на украинските деца кои беа нелегално депортирани, практично киднапирани од Русите од Украина, а ова е само едно од прашањата поврзани со војната и исклучително важно прашање. Некои земји ги користат односите со Москва за да ни помогнат да ги вратиме децата во Украина. Стратегијата да се фокусираме на конкретни прашања наместо на пошироки прашања за војна и мир е далеку поефикасна, рече Кулеба. Зборувајќи за моменталната состојба на фронтот во Украина, Дмитро Кулеба рече дека зимата пристигнала со многу снег и студено е, а има и жестоки снежни бури. -Не се сомневаме дека Русите ќе се обидат да ги искористат моменталните услови и веќе го претрпевме првиот масовен напад со беспилотни летала минатата сабота. Тие напади веројатно ќе продолжат. Добро се подготвивме за оваа зима, многу подобро од минатата. во исто време знаеме дека Русија собра уште повеќе беспилотни летала и ракети и дека исто така се подготви за масовни напади. Сигурен сум дека на крајот ќе ја пребродиме зимата, но тоа навистина ќе биде вистинска битка на карактери, рече украинскиот министер за надворешни работи. ЕУ препорача отворање на преговорите со Украина, а Дмитро Кулеба смета дека и Украина и Србија припаѓаат на Европа, истакнувајќи дека тоа се европски земји кои имаат свои национални интереси. -Ниту членството во ЕУ ниту во НАТО не може да ја запре оваа војна. Сепак, Украина како членка на ЕУ и НАТО е најдобриот начин да се спречат понатамошни војни на континентот и да се обезбеди безбедност и просперитет за сите европски нации, рече Кулеба. Тој додава дека Киев го поддржува пристапот заснован на заслуги кога станува збор за влез во Унијата и ја повикува ЕУ да не ја повторува грешката со пролонгирање на пристапниот процес и со одолговлекување за сите земји кандидати, не само за Украина. Во врска со учеството на Лавров на министерскиот состанок на ОБСЕ во Скопје, Кулеба посочи дека поради тоа тој не отишол таму, како и многу други шефови на дипломатии. -Според нас, најдобар начин да се спаси ОБСЕ е Русија да не биде дел од таа институција. Други пак сметаат дека е важно Русија да остане во членството и затоа е поканет Лавров. Верувам дека дури и ако Лавров некаде се појави, не би требало да му е пријатно. Според извештајот што го добив, тоа било чувството и во Скопје на министерскиот совет, изјави Дмитро Кулеба за Еуроњус Србија....

Изборот на вратоврската од страна на британскиот крал Чарлс на конференцијата COP28 во Дубаи поттикна шпекулации дека тоа е шифрирана порака наменета за британскиот премиер Риши Сунак, бидејќи кралската вратоврска го претставува грчкото знаме. Ова се случува во време кога на спор меѓу британскиот и грчкиот премиер поради скулптурите од Партенон кои британската влада ги однесе во Велика Британија пред повеќе од 200 години. Бакингемската палата сугерираше дека изборот на кралската вратоврска е резултат на случаен избор на парче облека, пренесува „Би-Би-Си“. Извори блиски до британското кралско семејство истакнаа дека кралот Чарлс ја носел истата вратоврска на самитот COP28 во Дубаи во петокот за време на состанокот со делегацијата на Јужна Кореја. Истите извори тврдат дека вратоврската што ја носел кралот на средбата со премиерот Сунак немала никаква врска ниту со Грција, ниту со дипломатскиот спор околу скулптурите однесени од Грција во Велика Британија. Грчко-британскиот спор е дали скулптурите, познати и како Елгински мермери, мора да бидат вратени во Атина....

Наспроти сеопшта медиа фетишизација на Лавров, кој не се возржи да ја нарече РСМ “Непријателска Земја” и манипулирајќи со прашањeто на нашиот #народ ( народот не бил непријател, ама власта била, пази молим те ?!) ; изгледа дека намерно го изостави фактот дека во Mакедонија: народот си ја избира власта, а не обратно. Консеквентно, на тоа што го кажа, Лавров, го навреди истиот тој народ (нашиот), кој најмирољубиво му посака добредојде овде, со цел да постигне каква- таква видливост, во тековната и оправдана изолација заради агресијата врз Украина. Во Македонија, не се живее во авторитаризам, Господине гостин на ОБСЕ самитот, и нашиот народ е претставен во власта и во парламентот – преку СЛОБОДНИ ИЗБОРИ… за разлика од екстеминаторските кремљски процеси, имено. И други неупатности кажа Лавров од говорницата, на кои допрва ќе треба да им се посвети внимание. Но, еве, со овој коментар сметам дека и јас ќе го задоволам општиот вкус под медиа треската врзана за него и сега ќе прејдам на главниот фраер за нашата држава што дојде на Самиот. Anthony Blinken, Himself, кој некако остана во медиумска сенка, на штета на попагандните налети од претходниот. Причините, за вакво заобиколување, им се сигурно познати само на нашите медиуми. И чест на исклучоците! Значи да повториме, Блинкен е главниот Фраер за нас, а не Лавров! Зошто? Затоа што во нашите билатерални политички односи со САД, оддамна требаше да ни стане јасно дека НИЕ сме тие што имаме огромна корист од тие односи, а особено во нашата интеграција во одбраната и поддршката во напредокот во секој поглед како на пример: 1. добиваме исклучително силна и постојана – без исклучок, помош во однос на постигнувањето на нашите најважни, стратешки цели (ЕУ, напр.) 2. САД се гарант за мирот и стабилноста на земјава, во најбуквална смисла, и воопшто во регионот 3. Постои една неуморна и трпелива ( незнам како им успева!) посветеност и вложување во изградбата и капацитетите на нашата демократија, како со пари, така и со сите можни ресурси! Да се потсетиме, Македонија е прва земја од регионот, што го започна стратешкиот дијалог со САД. Тоа значи, ќе ги продлабочува уште повеќе билатералните односи во конкретни области од заемен интерес (демократија, безбедност, трговија, итд итд). Попластично : можноста за Американска визна либерализација за нас, ни е пред носот. Ова се само дел од причините поради кои на еден вистински политичар, па и на релевантен и професионален медиум,треба да се позанимава со улогата на САД на самитот, и посетата на нашата земја. Или, секој одговорен јавен глас, треба да знае дека политиката и водењето на државата се повеќе излегуваат од државните граници и дека внатрешната политика неможе да се води без да се земаат во предвид надворешните фактори, што подразбира и сериозни проценки кои бараат визија за ЧЕКОР ПОНАПРЕД ВО ПРЕДВИДУВАЊЕТО на интересите на државата. Затоа, треба да е кристално јасно што значи доаѓањето и на Блинкен на Самитот на ОБСЕ, и колку е тоа битен знак во правец на подршка за нашата УСПЕШНА надворешна политика, и за пацифистичките и медијативни напори што ги направи нашата надворешна политика под водство на Бујар Османи. Безрезервната подршка која сеуште ја имаме (фала богу) од САД, видлива од нивното дебело трпение и верување дека сепак ќе покажеме дека сме зрели да се справиме со предизвиците на глобалните движења во светот се виде и од улогата на Блинкен. Накратко, Блинкен е фраерот, не е Лавров! А бога ми, и О Брајан. О’ Брајан, мили мој, незнам дали приметивте, не потсети дека во 1996 македонските политичари сонувале ДА СЕДНАТ на големата маса, а денес ние сме домаќини и председаваме со ОБСЕ! Зарем тоа не е коперникански скок, будалетинки што го негирате овој успех!? И што е најважно, и воедно, многу загрижувачко, дека веќе сите сериозни и за нас битни меѓународни партнери “час поскоро” се погласно ја бараат “Тајната Формула” на Жмицкота, која се поочигледно има изгледи или дека воопшто не ни постои, или дека можеби е лажна…, поточно, сервирана од лоши и погрешни пресметки на некои надворешни фактори кои јасно ги минираат нашите интеграциски процеси. Да добиеш квалификација од висок дипломатски претставиник на земја која е наш клучен партнер и подржувач во секој поглед дека тој ‘Не би купил ни кола од тебе…” е факт кој во најмала рака укажува дека бааги си залутал и дека не ти е местото таму каде што си! Тоа е мили мои…...

Од Центарот за управување со кризи (ЦУК) информираат дека во изминатото деноноќие евидентирани се неколку пожари во населени места, доколку пак пожари на отворено не се регистрирани. Според последниот дневен извештај на ЦУК, на единствениот број за итни случаи 112 добиени се вкупно 1.894 повици, дел од нив биле итни случаи. Регионалните Територијални противпожарни единици ТППЕ на Битола, Охрид и Крива Паланка интервенирале во неколку пожари во населени места. Пожари на отворено, не се регистрирани, но имало пожари во населени места. -Пожарникарите од Територијалната противпожарна единица ТППЕ Битола, во период од 16:00 до 16:50 часот, со 4 пожарникари и 1 ПП возило интервенирале на запалено патничко моторно возило на ул.„Борис Буџевски“ бр.1 како и во периодот од 14:00 до 17:00 часот, 2 пожарникара со 1 пумпа интервенирале на испумпување на вода од подрумот на хотел „Театар“ во Битола. Регионалниот ЦУК Охрид, информира дека пожарникарите од ТППЕ Охрид, во период од 09:15 до 09:45 часот, со 3 пожарникари и 1 ПП возило интервенирале на опожарено патничко моторно возило кај спортската сала Билјанини Извори. РЦУК – Куманово, известува дека пожарникарите од ТППЕ Крива Паланка, во период од 22:39 до 23.45 часот, интервенирале на запален оџак од станбена зграда во близина на ООУ „Јоаким Крчовски“. Во гаснењето на пожарот интервенирале 3 пожарникари со 1 ПП возило., стои во соопштението на ЦУК. Според распределбата, согласно природата на настаните, преку ЦУК кон Полиција биле упатени 58,14% од повиците, кон Итната медицинска помош 32,95%, кон пожарникарите биле упатени 3,88%, додека пак кон АМСМ 0,39%. Кон Центарот за управување со кризи имало 4,65% од повиците за итни случаи што се за комбинирано решавање....

Натпреварот од 13 коло во германското фудбалско првенство меѓу актуелниот шампион Баерн Минхен и Унион Берлин, кој требаше да се игра денеска со почеток во 15:30 часот е одложен, поради обилни снежни врнежи во Баварија, објави Минхенската компанија за јавен превоз (МВГ). „Почитувани патници, фудбалскиот натпревар меѓу Баерн Минхен и Унион Берлин денеска од 15:30 часот е откажан“, соопшти МВГ. Бундеслигата (ДФЛ) го потврди одложувањето на натпреварот, прецизирајќи дека сопственикот на „Алијанц Арена“, „го затворил пристапот до стадионот поради обилните врнежи од снег“. ДФЛ сè уште не го соопшти новиот датум за одигрување на натпреварот. ег ФОТО...

Кошаркарите на Денвер триумфираа на гостински терен над Феникс со 119-111, но причини за славје имаше и кошаркарот на поразениот тим Кевин Дурент, кој испиша и се искачи на десеттото место на вечната листа на најдобри стрелци во НБА лигата. Дурент на дуелот со Денвер постигна 30 кошеви и дојде на бројката од вкупно 27.423 кошеви во кариерата. Од десеттото место на вечната листа Дурент го истисна легендарниот Мозес Малоун, кој во кариерата постигна вкупно 27.409 поени. Најдобар стрелец во историјата на НБА лигата е Леброн Џејмс (39.124), кој меѓу првите му честиташе на Дурент на рекордното остварување....

Кик-боксинг клуб „АС“ од Делчево се наоѓа во Јагодина, Република Србија каде викендов ќе настапи на Балканското првенство „Балкан Бест Фајтер“. Тренерот на екипата Љупчо Стојчевски информираше дека на Балканското првенство клубот од Делчево ќе учествува со петмина свои претставници. -Андреј Митков ќе настапи во дициплините поинт-фајт и кик-лајт за кадети до 42 кг, потоа Павел Стојчевски ќе настапи во јуниорска конкуренција во дисциплината кик-лајт и лајт-кик до 63 килограми. Свои борби во кик-лајт и поинт фајт ќе имаат Лука Пешов и Максим Јанлукуловски, додека во највозрасната категорија ќе се бори Арнес Хајдер, информираше Стојчевски. Тимот како што додаде е добро подготвен и затоа се надева на освојување на повеќе медали од своите избраници. -Конкуренцијата е навистина голема, знаеме дека има натпреварувачи од повеќе балкански и други земји, но добрата подготовка ми дава надеж дека ќе освоиме медали во дисциплините во кои ќе се натпреваруваат нашите претставници, додаде Стојчевски. Делчевските кик боксери од последните неколку учества на турнирите на Балканот се вратија со неколку медали, а на дел од тие турнири тренерот Стојчевски ја имаше и улогата на Меѓународен судија....

Полициски службеници од Отсекот за недозволена трговија со дрога при Одделението за внатрешни работи Радовиш вчера го лишиле од слобода Н.Б. (32) од Радовиш, во чиј дом, при претрес извршен со судска наредба, биле пронајдени марихуана, дигитална вага и дробилка. Од МВР информираат дека за настанот е известен јавен обвинител од Основното јавно обвинителство Радовиш и по целосно документирање на случајот против него ќе биде поднесена соодветна пријава....

Министерот за внатрешни работи Оливер Спасовски упати честитки и изрази на почит кон сите учесници во Оперативната акција „ОБСЕ 2023”, востановена по повод највисокиот меѓународен настан – 30. Министерски совет на ОБСЕ – чиј домаќин беше Република Северна Македонија. -Исполнувајќи ги своите работни задачи околу безбедно одржување на овој самит во изминатите три дена и покажувајќи ја својата врвна подготвеност да одговорат на безбедносните барањата за највисок настан кој донесе на едно место 70-тина високи странски делегации, полициските служби на МВР ја одиграа улогата на најдобри амбасадори на својата земја и уште еднаш на дело покажаа зошто е прогласена за најбезбедна земја во регионот, порача Спасовски на Фејсбук. Почитувани колеги, продолжува Спасовски, од Одделот за заштита на определени личности и објекти, како логични носители на активностите, тимови на СВР Скопје, на униформираната полиција од сите сектори за внатрешни работи, припадници на Одделот за специјални полициски операции, Одделот за гранични работи, Одделот за сузбивање на организиран и сериозен криминал, Одделот за воздухопловни единици, претставници од организациските единици од МВР, уште еднаш покажавте дека сте врвно подготвени, посветени, вредни и ангажирани, комплетно обучени да ја одржувате безбедноста на највисоко ниво. – Вие сте нашата гордост, нашето спокојство и нашиот влог во иднината на татковината. Немаше миг да не го изразам моето уверување дека вие сте гарантот за безбедноста на сите светски делегации кои дојдоа тука, во Скопје, а воедно да го обезбедите и нормалното функционирање на граѓаните во метрополата во овој период. Работевте како од вас да зависи сѐ, а соработувавте како партнери со сите институции на државата вклучени во организацијата и реализацијата на овој висок настан. Затоа што сте врвно обучени дека сте тука за да ја чувате безбедноста на државата и граѓаните, но и на секој патник – намерник кој дошол во неа со убава намера, да ја претставите државата во најдобро светло, што е во интерес на секој наш граѓанин, и да покажеме дека навистина можеме сите заедно да бидеме гостопримливи, а со висок капацитет на одговорност, нагласув Спасовски. Посебно сум среќен, продолжува во честитката Спасовски, што ја оправдавте укажаната доверба да бидеме домаќини на Самитот на ОБСЕ. Ова е признание за вас, за вашата посветеност на службата, признание за сите нас, за сѐ што како Република Северна Македонија сработивме во изминатата година, за време на претседавањето со ОБСЕ, но и во годините пред неа, кога покажавме дека прифаќањето на дијалогот е најдобриот можен начин за решавање на споровите и за одење напред. – Се гордеам на покажаното високо ниво на кредибилитет. Преку него го отсликавте високиот степен на демократски вредности на нашата татковина, ги исполнивте високите очекувања кои беа изнесени пред нас. Вие, заедно со нашите граѓани, сте моќта на Северна Македонија, нагласува Спасовски. аа/...

– Српскиот претседател Александар Вучиќ во Дубаи изјави дека рускиот министер за надворешни работи Сергеј Лавров на Министерскиот совет на ОБСЕ во Скопје ја кажал вистината, „дека Западот ја измами Србија по потпишувањето на Бриселскиот договор“, јави дописникот на МИА од Белград. -Лавров ги дефинираше тие работи со извонредна точност и прецизност, изјави Вучиќ за ТВ Пинк. На новинарско прашање како гледа на изјавата на Лавров дека Србија не може да влезе во ЕУ и да отвори ново поглавје доколку не и воведе санкции на Русија, односно не се усогласи со надворешната политика на ЕУ, Вучиќ рече дека Лавров зборувал и за многу поважни работи за Србија и за српскиот народ. -За жал, ние Србите не сакаме да слушаме што велат другите, ниту кога доаѓа од запад, ниту кога доаѓа од исток. Би сакале да слушнеме ад хок негативно или позитивно мислење за политичарите што ги сакаме или не и тоа е се. Во суштина, Сергеј Лавров кажа се вистинито. Зборуваше за многу важни работи за Србија и како тоа функционираше од 2013 година и како ја измамија нашата земја по Бриселскиот договор. За да се постигне нешто што треба да се исполни, тогаш само тоа не би се исполнувало и тогаш на Србите да им се каже – епа ете 10 години не се исполни тоа, па ќе добиете двојно помалку од тоа што сте го побарале. Тоа е точно, тоа така се случува, рече Вучиќ. Тој рече дека единствено прашање е што можеме да промениме, за да ги спасиме нашите деца, да немаме војни и Србија да напредува економски. -Бидејќи не е лесно, Лавров со извонредна точност и прецизност ги дефинираше тие работи, а моето единствено прашање е што можеме да промениме во нашиот однос, изјави Вучиќ. Тој додаде дека Лавров не критикувал и дека тој, Вучиќ, не поставува реторичко прашање до рускиот министер за надворешни работи, туку до Србија, со оглед на тоа што сето тоа го знае во многу полоша форма од онаа што Лавров го претстави на јавноста. -Таму Лавров беше обвинет дека веројатно ја користат Србија за да предизвикаат конфликти во регионот и слично, но суштината е дека нашите раце се прилично врзани и дека се држиме многу подобро отколку што некој би очекувал, зачувувајќи ги нашите независност, суверенитет и носење одлуки, а не само во смисла на почитување на Повелбата на ОН и чување на нашите граници, рече Вучиќ. Тој посочи дека ситуацијата е секако тешка и ќе биде уште потешка. -Тоа го потврдуваат одлуките во кои сметаат дека Охридскиот договор во целина, или што некои мислат дека би било добро тој договор ЕК да го вклучи како дел од преговарачкото поглавје, а она за што зборував може да биде оној дел за кој јасно кажавме дека можеме да го исполнуваме, но не може да биде дел од преговарачкото поглавје она што кажавме дека не може да се исполни, нагласи Вучиќ...

НБА лигашот Далас загуби синоќа на домашен терен од Мемфис (94-108) во отсуство на својот најдобар кошаркар Лука Дончиќ, кој присуствуваше на раѓање на своето дете. Дончиќ, кој е во заедница со својата вереница Анамарија Голтес, ја сподели на Инстаграм радосната вест за раѓањето на нивната ќерка Габриела. Изминатата ноќ на кошаркарските терени во НБА лигата ја одбележи деветтата победа во серија на Орландо, кој со триумфот над Вашингтон (130-125) го израмни рекордот на франшизата според бројот на последователни триумфи. Резултати од натпреварите во НБА лигата одиграни ноќта меѓу петокот и сабота: Орландо – Вашингтон 130-125 Бостон – Филаделфија 125-119 Торонто – Њујорк 106-119 Далас – Мемфис 94-108 Њу Орлеанс Сан Антонио 121-106 Феникс – Денвер 111-119...

Обилните снежни врнежи во текот на ноќта и студеното врме ги парализираа воздушните и железничките врски во јужната германска покраина Баварија, оставајќи заглавени илјадници патници, некои од нив во возови запрени поради лошото време, пренесува ДПА. И другите делови од земјата се зфатанеи од снег и мраз, а дополнително влошување на временските условите се очекува во сабота навечер. Поради снегот во застој е авиосообраќајот на аеродромот во Минхен. До денеска изутрина беа откажани 320 од 760 закажани летови. На патниците им е препорачано да го проверат статусот на нивниот лет пред да пристигнат на аеродромот. Лоштото време ги наруши и железничките услуги во Баварија, а главната железничка станица во Минхен привремено беше надвор од функција. Привремено беа суспендирани железничките врски кон другите германски градови, но и кон австриските градови Салцбург и Инсбрук. Некои патници во Минхен и Улм мораа да преноќат во возовите. Германската железница им препорача на патниците денеска да ги одложат патувањата до и од Минхен. Полицијата го повика населението да остане дома додека итните служби и службите за чистење снег работат на враќање на нормалниот живот. Подземната железница, автобусите и трамваите, исто така, првично престанаа да сообраќаат во главниот град на Баварија. Регистрирани се и бројни сообраќајни несреќи на патиштата, од кои според полицијата повеќето се со материјална штета. Германската метеоролошка служба очекува неповолните временски услови да продолжат, и од југот на Германија да се прошират на север, а температурата да се спушти до -15 степени. Во делови од соседната покраина Баден-Виртемберг во текот на ноќта паднаа и до 40 сантиметри снег, поради што многу дрвја се соборени, а има и блокирани патиштата. Според полицијата, 54-годишен возач загинал кога неговото возило се завртело и се судрило со комбе синоќа во градот Еминген-Липтинген. Возачот на комбето не е повреден. На северот од земјата, Хамбург објави свеж снег од неклку антиметри, а се очекуваат обилни снежни врнежи на бреговите на Северното и Балтичкото Море, како и во внатрешноста...

Доцна синоќа на локалниот пат Тетово – с. Непроштено патничко моторно возило удрило во млада мечка која го минувала патот заедно со една значително поголема мечка и уште две помали мечки. Во возилото кое удрило во мечката се наоѓало локално семејство, татко, мајка и три мали деца. Од ударот сите биле под голем стрес а децата се здобиле со лесни повреди, информираат од Центарот за управување со кризи. – Мечката во која удрило возилото била повредена, на почетокот безмалку неподвижна а потоа со ограничени движења. Околу еден час подоцна почнала да се движи и постепено се оддалечила од местото на несреќата Веднаш откако на бројот 112 добивме пријава за сообраќајна несреќа во која е повредена мечка, ЦУК испрати известување до сите потенцијално надлежни институции, МВР, Државен инспекторат за шумарство и ловство , Министерство за животна средина и просторно планирање, Министетство за земјоделство, шумарство и водостопанство , Факултет за ветеринарна медицина при УКИМ, Ветеринарен институт, Агенција за храна и ветеринарство, Зоолошка градина Скопје , Националниот парк Шар Планина и Македонско еколошко друштво. Екипи на МВР извршија увид и го обезбедија местото на несреќата. Во овој момент големата мечка, најверојатно мајка на мечињата, со двете помали мечиња се наоѓа од десната страна на патот гледано од насока на Тетово кон с. Непроштено, додека повредената млада мечка се наоѓа од другата страна на патот. Се работи за урбана средина со повеќе куќи и голема раздвиженост на возила и луѓе поради што ги повикуваме надлежните институции да ги презедат сите неопходни дејствија со кои ќе се гарантира безбедноста на граѓаните но воедно ги повикуваме и невладините организации од оваа област да се вклучат во овој несекојдневен настан и да предложат мерки и постапки со кои ќе им се помогне на повредената млада мечка како и на големата мечка со двете останати млади мечки. Ги предупредуваме граѓаните да го избегнуват движењето на местото на несреќата како и непосредната околина или да бидат исклучително внимателни бидејки се очекува мајката да го бара своето младенче. Рано наутро ќе патролираат екипи на Националниот парк Шар Планина. Овој случај отвора многу прашања околу непрецизно дефинираните и испреплетени надлежности на институциите бидејки по несреќата ја разгледувавме можноста повредената млада мечка (или мече) да биде успиена со опојно средство а потоа преместена и згрижена на соодветно место, како на пример ЗОО Скопје, каде би и се пружила медицинска нега. Притоа до израз дојдоа повеќе формално-правни и функционални недостатоци, велат од ЦУК....

Полицијата на Косово го уапси поранешниот советник на Беџет Пацоли, Наим Мурсељи, под сомнение дека е вмешан во убиството на неговата сопруга Љиридона Мурсељи, пишува Индекс онлајн. Полицијата во координација со обвинителството на Косово извршила претрес на две одделни локации во Ѓаковица, при што во таа прилика се уапсени две лица, се наведува во соопштението. Како што наведоа, покрај Мурсељи, уапсено е уште едно лице осомничено за убиството на Љиридона Мурсељи. По денешното апсење, насилникот во полиција признал дека убиството го нарачал сопругот на убиената. Коха, повикувајќи се на неименувани извори, додава дека лекарот по општа медицина, кој е осомничен дека го извршил убиството, во полиција го признал делото и рекол дека за тоа платил Наим Мурсељи. По апсењето се огласи и Пацоли кој на Фејсбук изјави дека е шокиран од убиството и порача дека кој и да стои зад „овој страшен и плашлив чин“ мора да биде изведен пред лицето на правдата и да добие максимална казна. Полицијата во следното соопштение наведува дека убиството се случило во средата вечерта околу 20 часот и 20 минути во едно од предградијата на Приштина, а лекарите од итната помош на лице место пронашле лице во автомобил без знаци на живот. Лекарскиот тим ја констатирал смртта на жртвата, се наведува во соопштението во кое се додава дека убиството е извршено со огнено оружје. Основното обвинителство во Приштина потврди дека по случајот кој првично беше окарактеризиран како „разбојништво што резултирало со убиство“ се уапсени две лица, меѓу кои е убиен и сопругот. Приштинските медиуми во четвртокот објавија дека Љиридона Мурсељи била убиена по пукање во автомобилот во кој била со своето семејство....

Вчера главниот град, според специјализираната интернет страница Ајкјуер беше меѓу првите десет загадени градови во светот, односно се најде на шесто место. Утрово загаденоста е намалена, па главниот град е на 21 место. Сепак тој е трет најзагаден град во Европа, по Варшава и Вроцлав во Полска. Освен во Скопје енормна загаденост синоќа беше регистрирана и во Струмица....

Демонстрант со палестинско знаме се самозапали синоќа пред израелскиот конзулат во американскиот град Атланта, соопшти полицијата. Демонстрантот, кој не е идентификуван, е во критична состојба, а повреден е и еден полицаец кој се обидел да интервенира. Двајцата имаат изгореници и се пренесени во болница. – Се чини дека тоа е екстремен чин на политички протест, изјави Дарин Ширбаум од полицијата во Атланта, додавајќи дека на местото на инцидентот е пронајдено палестинско знаме. Демонстрантот пристигнал пред зградата во која се наоѓаат конзулатот и неколку фирми, се полил со бензин и се запалил. Жалење за инцидентот искажа генералниот конзул на Израел за југоисточниот дел на САД, Анат Султан-Дадон. – Трагично е да се види дека омразата кон Израел се изразени на толку страшен начин. Светоста на животот е нашата најголема вредност, рече Султан – Дадон.с...

Северна Кореја денеска соопшти дека секое мешање во нејзините сателити ќе го смета за објава на војна. Пјонгјанг ќе одговори на секој обид на САД да ги попречат операциите на сателитите со тоа што ќе влијае на функционирањето на американските разузнавачки сателити, изјави портпарол на Министерството за одбрана на Северна Кореја, цитиран од севернокорејската новинска агенција KЦTA. – Доколку САД ги прекршуваат правата на една суверена држава користејќи ја најновата технологија како оружје на нелегален и неправеден начин, Демократска Народна Република Кореја ќе размисли за преземање одбранбени одмазднички акции, така што ќе влијание или ќе го елиминира функционирањето на американските шпионски сателити, рече севернокорејскиот претставник. Северна Кореја објави дека го лансирала својот прв разузнавачки сателит на 21 ноември. Претставник на американските вселенски сили, како одговор на прашањето дали Вашингтон може да ја наруши разузнавачката активност на севернокорејскиот сателит, рече дека САД можат да влијаат на вселенските капацитети на непријателските земји преку низа различни средства, пренесе американското Радио Слободна Азија...

Во интервју за TMZ таа изјави дека „не сака да се омажи за 83-годишниот актер, иако го сака“. „Јас не сум тип за мажење“, нагласила таа. Таа додаде дека бракот не го смета за важен чекор во љубовната врска. Нур откри и дека претстојните празници ќе ги помине со Пачино. Нур се осврнала на нејзината врска со актерот неколку недели откако постигнале договор за заедничко старателство. Судот во Лос Анџелес одлучил на девојката, Пачино да ѝ плаќа повеќе од 30.000 долари месечно како издршка. . View this post on Instagram A post shared by Noor (@nooralfallah) Потсетуваме дека за врската меѓу Нур и Пачино се зборува повеќе од две години. Во мај оваа година, портпаролот на актерот потврди дека Пачино и Нур го очекуваат своето прво заедничко дете. Медиумите тогаш пишуваа дека Пачино бил изненаден од нејзината бременост, па Нур направила ДНК тест кој потврдил дека Ал е татко на нејзиното дете....

Министерството за култура, поради големиот интерес, а на барање на апликантите, го продолжи рокот за аплицирање на Конкурсот за доделување месечни надоместоци на самостојни уметници за 2024 година, до 3-ти декември (недела), до 23:55 часот, информираат од Министерството за култура. Конкурсот беше отворен на 1 ноември и требаше да трае до 1 декември 2023 година. Пријавувањето на Конкурсот за доделување месечни надоместоци на самостојни уметници за 2024 година се врши со електронско аплицирање на Националниот портал за е-услуги: https://uslugi.gov.mk. Министерството објави и водич за електронско пријавување. Со конкурсот се обезбедуваат средства од Буџетот на Република Северна Македонија за самостојните уметници, како месечни надоместоци за придонесите за здравствено, пензиско и инвалидско осигурување и за данокот на личен доход на самостојните уметници...

Без вода денеска од 9 часот ќе бидат дел од корисниците лоцирани на улица „11 Октомври“ и на потегот од булевар „Кочо Рацин“ до Стара Рампа. Како што соопшти ЈП „Водовод и канализација“ – Скопје, прекинот е поради водоводен дефект од ф- 200 милиметри на улица „11 Октомври“ без број, кај Билна аптека. Корисниците ќе бидат без вода се до санирање на дефектот....

Економист За прв пат откако изврши вооружена агресија врз Украина на 24 февруари 2022 година, се добива впечаток дека Русија може да победи во оваа војна, пишува лондонски „Економист“. Рускиот претседател Владимир Путин ја стави земјата на воена основа и ја консолидираше својата моќ, тој набавува воени средства во странство и го поттикнува глобалниот југ да се сврти против Америка, и што е најважно, тој го поткопува верувањето на Западот дека Украина може и мора да излезе од војната како успешна европска демократија, пишува британскиот весник. Причината зошто победата на Путин е можна, се вели, е тоа што ќе се постигне врз основа на издржливост, а не на територијални придобивки, бидејќи ниту една армија не е во позиција да ја избрка другата од земјата што моментално ја контролира. „Економист“ оценува дека украинската контраофанзива е заглавена и дека Русија може да поднесе губење над 900 луѓе дневно во битката за заземање на Авдијевка, град во регионот на Донбас и заклучува дека оваа војна е одбранбена и може да трае многу години. Во овие околности, според британскиот весник, доколку Украина се повлече, политичките несогласувања во Киев ќе станат погласни, но и мислењата на Западот, според кои испраќањето пари и оружје во Украина е само трошок. Во 2024 година, Русија ќе биде во посилна позиција да води војна, бидејќи ќе има повеќе беспилотни летала и артилериски гранати, и затоа што нејзината војска има развиено успешна тактика за електронско војување против одредени видови на украинско оружје и затоа што може да поднесе ужасни жртви меѓу својот народ. „Економист“ потсетува дека Москва набавила беспилотни летала од Иран и гранати од Северна Кореја и дека Путин работел да го убеди најголемиот дел од глобалниот југ да не се меша премногу во она што се случува со Украина. Исто така, се наведува дека Турција и Казахстан станаа канали за снабдување со стоки на руската воена машинерија и дека границата на цената на руската нафта што ја наметнаа западните земји е речиси целосно заобиколена. Според оценката на британскиот весник, Путин победува затоа што ја зацврстил својата позиција и дома. Тој сега им порачува на Русите дека оваа војна е нивна борба за опстанок против Западот, а обичните граѓани веќе се навикнаа на воената состојба, додека елитата го искористи овој момент за да заработи повеќе, пишува „Економист“, наведувајќи дека Русија може да си дозволи да плаќа доживотни пензии на семејствата на загинатите војници. Во такви околности, расположението во Киев се затемнува со нови политички поделби и борби за влијание, а на Запад, иако владите инсистираат дека се посветени да и помогнат на Украина како и секогаш, анкетите ширум светот покажуваат дека многумина се сомневаат во тоа. Како пример, „Економист“ ја наведува борбата на администрацијата на Бајден да го натера Конгресот да одобри средства во вредност од над 60 милијарди долари за Киев, како и можноста во случај Доналд Трамп да биде избран за претседател, кој ветил мир на краток рок, САД можат одеднаш да престанат со снабдување со оружје целосно. Според оценката на британскиот весник, Европа треба да се подготви за таква можност, дека американската помош ќе забави, кој и да биде во Белата куќа во наредниот период. „Економист“ наведува дека до 2025 година, притисокот од водењето војна може да има негативни последици за Путин и дека Русите би можеле да почнат да негодуваат на присилната мобилизација, инфлацијата и пренасочувањето на социјалните бенефиции кон армијата, но дека тактиката на чекање на неговиот режимот да падне нема смисла. Европа мора да го гледа Путин како главна долгорочна закана за нејзината безбедност, а нејзиното одбранбено планирање треба да биде дизајнирано да не ѝ покаже на Русија дека има слабости на нејзиното источно крило, особено ако се сомнева во подготвеноста на можниот иден претседател на САД, Трамп. да влезе во потенцијална војна во случај да биде нападната некоја од земјите на НАТО алијансата, заклучува британскиот весник. Тој, исто така, вели дека најдобар начин да се одврати Путин би било Европа да ја покаже својата решителност со тоа што ќе покаже дека е целосно посветена на прогресивна, демократска Украина со изглед на запад, како и продолжување на новите транши од воената помош за Киев, првенствено од САД, со поефективни насочени санкции кои би го оддалечиле рускиот режим од економската елита што го финансира....

Дваесетина земји, меѓу кои САД, Франција и Обединетите Арапски Емирати, повикаа денеска на Конференцијата на ОН за климатски промени – COP28 во Дубаи, за тројно зголемување на капацитетот на нуклеарната енергија до 2050 година. Специјалниот пратеник на САД за клима Џон Кери, најави дека земјите поддржувачи на иницијативата ќе потпишат заедничка декларација. Предвидено е тројното зголемување да биде во однос на количината на нуклеарна енергија во 2020 година. Идејата е да се намали зависноста од јаглен и гас – што е главна тема на годинашната климатската конференција на ОН во Дубаи....

Почитувани читатели, денешната колумна ја посветувам на Волгоград, поранешниот Сталинград. Кометал-Ѓорче Петров беше перманентно во Лигата на шампиони со две руски екипи, екипите на Волгоград и Тољати. Со екипата на Волгоград имавме добри релации, нѐ красеа фер меѓу клупски односи. Ракометниот терен беше поле за спортска борба на вистинските вљубеници на ракометот но за време на натпревар пријателствата прекинуваа пред заедничките амбиции на двете екипи, да бидат европски прваци. Секако амбициите не беа голи, беа поткрепени со енергични екипи на ракометарки, кои со своите настапи ги пленеа љубителите на овој спорт. Голем пријател на клубот и на цела Македонија беше долгогодишниот тренер на женската ракометна екопа од Волгоград, господинот Акопјан . Беше воодушевен од желбата, така малечка држава како Македонија, да се стекне со шампионска титула. Несомнено Акопјан многу ни помогна со ангажирањето на ракометарки од Руската федерација. Денес, за жал, господинот Акопјан не е меѓу живите, но жива е мислата и влогот во Кометал-Ѓорче Петров, неговата втора љубов, после првата, ракометниот клуб Волгоград. Тој лично има заслуга што бекот Бујанова и крилото Малахова беа ангажирани од страна на Кометал-Ѓорче Петров. Овие две ракометарки се вклопија во шампионската екипа на Ѓорче Петров со максимален учинок кој го дадоа на терен. Акопјан беше првиот човек кој ни ја честиташе шампионската титула во 2002 година. За натпреварите кои се одигруваа во Волгоград, секогаш ангажиравме авион за цирка 150 патници, меѓу кои огромен дел беа навивачката група Комити. При средбата 2002 година, патувањето во Волгоград беше збогатено и со музички состав преку кој, ние Македонците, на многу автентичен начин им го доловивме и нашиот стил на живеење. Преку музика и забава, во хотелот каде што бевме отседнати, Македонците на Русите им пренесоа делови од својата богата културна традиција, токму пред спортските натпревари. Домаќините прв пат се сретнаа со ракометен клуб кој носи навивачи и музика со себе. Натпреварот кој се одигра во салата на Волгоград заврши со победа на домаќините . Меѓутоа, гол разликата која што Ѓорче ја имаше во првиот меч, овозможи да поминеме во следната фаза на натпреварување. После мечот домаќините нѐ испратија со типична руска закуска. Огромна количина на месо и месни производи, зарзават, тестени и др. производи беа залиени со руска вотка, виновна за доброто расположение кое ја красеше дружбата. Да биде појасно, во Русија се пие вотка во чаши од 180-200 милилитри, кои ние ги користиме како чаши за вода. Е, на овој меч, ние Македонците паднавме од прва! Топлината која ја почувствувавме од домаќините беше многу спонтана и силна. Секогаш при нивното доаѓање во Скопје ние се трудевме да им возвратиме на автентично македонски начин, со љубов и топло гостопримство. Сакам да споменам две клучни работи за градот Волгоград. За време на Втората светска војна, Германците го претрпеа првиот пораз токму во битката за Сталинград, денешен Волгоград. Го посетивме крајбрежјето покрај реката Волга, кое повеќе наликува на отворено море, а домаќините ни го покажаа местото каде се воделе најжестоките борби меѓу Германците, нивните сојузници и Советите. Стратешкото место на реката Волга од само 6 хектари земја е гробница на повеќе од два милиони војници. Официјално во битката за Сталинград има загинато три милиони војници од двете страни, но руската страна има двојно повеќе жртви. Подигнатиот споменик со височина блиску двесте метри и мовзелејот поставен под самиот споменик на мајка Русија, говори многу за жртвите кои овој народ ги има дадено во Втората светска војна за ослободување од фашизмот. Во мовзолејот се запишани сите имиња на загинатите советски војници, меѓутоа фрапантен е податокот дека 2/3 од загинатите советски војници се забележани без имиња. Споменикот се вика „Мајка Русија”, преку кој советската војска во одбрана на својата територија го покажа патриотизмот како највисок дострел на самата држава. Токму преку неидентификуваните загинати војници закопани без имиња, кои го дале животот за ослободување на својата земја, секој сентиментален човек може да ја почувствува траорноста на војната. Почитувани читатели, убеден сум дека не само јас , туку и многумина од луѓето со кои заедно патувавме, ја делат истата импресија дека овој народ заслужува длабока почит, не само за патриотизмот туку и за начинот како се охрабрувале пред секој воен напад. Замислете, кочан ладна зима без храна, но со половина литар вотка за секој војник пред секој напад на советската армија. После испиената вотка шинелот бил вишок, а смелоста на претек. Волгоград има историја за респект....

Според податоците на Државниот завод за статистика, во третото тримесечје од 2023 година, бројот на живородените се 4 453 деца и во споредба со истиот период од претходната година е помал за 9.8 %. Бројот на умрените лица во третото тримесечје од 2023 година бележи намалување од 6.8 % во споредба со истото тримесечје од 2022 година, односно починале 4 747 лицa, а од нив 8 се умрени доенчиња. Природниот прираст е негативен, – 294 лица, што значи дека за толку лица е помал бројот на живородените деца од бројот на умрените лица. Во третото тримесечје од 2023 година се склучени 4 116 бракови, што претставува намалување од 11.4 % во споредба со истиот период од 2022 година. Во ова тримесечје се разведени 301 брак.са/...

– Министрите за надворешни работи на Мали, Нигер и Буркина Фасо предложија формирање конфедерација со амбиција во догледно време да прерасне во федерација. – Свесни за силниот потенцијал за мир, стабилност, дипломатска сила и економски развој обезбедени од зајакната политичка алијанса, министрите водени од намерата во догледно време да се формира федерација која ќе ги обедини собере Буркина Фасо, Мали и Нигер, им предлагаа им на шефовите на државите на Сојузот на земјите од Сахел создавање конфедерација на тие три земји, се вели во заедничката изјава објавена по дводневната средба во Бамако, главниот град на Мали. Трите земји на чие чело се воени режими кои кои дојдоа на власт со државни удари во 2020 и 2022 година, решија да ги зајакнат економските врски и формираа Сојуз на држави од Сахел, кој предвидува взаемна помош во случај на напад на нивниот суверенитет и територијален идентитет. Со врските зацементирани против меѓународниот притисок за враќање на демократските режими, трите воени режими се борат и против муслиманските екстремисти во нивните земји. На средбата, чија цел беше да се прецизира функционирањето на новата алијанса, тројцата министри инсистираа на дипломатија, одбрана и развој за зајакнување на нивната политичка и економска интеграција. Нивните министри за економија и финансии, претходно, на средба на 25 ноември, предложија формирање стабилизациски фонд и инвестициска банка, како и формирање комисија задолжена за продлабочување на економската и монетарната унија, се наведува во заедничкото соопштение. Заклучоците од средбата треба да бидат доставени до шефовите на држави кои наскоро треба да се сретнат во Бамако....

По еднонеделното примирје, Израел денеска изврши нови напади врз Појасот Газа. Министерството за здравство во Газа, кое го води Хамас, соопшти дека речиси 200 Палестинци се убиени од прекинот на привременото примирје меѓу Израел и палестинската група, објавува британски „Гардијан“. – Ги гаѓаме воените цели на Хамас низ појасот Газа, изјави портпаролот на Изралеските одбранбени сили Џонатан Конрикус. Палестински извори, пак, соопштија дека по прекинот на примирјето и продолжувањето на непријателствата, вооруженото крило на Хамас добило „наредба да продолжи да се бори“ и да „го брани Појасот Газа“. „Тајмс оф Израел“ пренесува дека изутринава се огласиле сирените за воздушен напад во пограничните населби Холит и Суфа на југот на Израел. Досега нема извештаи за повредени или материјална штета. Жестоки борби се водат во јужниот дел на Газа. Во текот на ноќта израелската армија извршила опсежни операции против Хамас и други вооружени групи во Газа, а борби се водат во јужниот дел на палестинската енклава, јавуваат израелските медиуми. Копнени борби им и во областа Кан Јунис, каде, според разузнавачките податоци, има членови на раководството на Хамас. Военото радио „Канал 12′ извести дека израелските сили дејствуваат и во градот Газа и Беит Лахија, во северниот дел на Газа....

Центарот за управување со кризи информира дека вчеранавечер возило удрило во млада мечка која иако повредена по еден час продолжила да се движи на локалниот пат Тетово – сelo Непроштено. Младата мечка го минувала патот заедно со друга поголема мечка и уште две помали мечки кои останале неповредени и продолжиле да одат. Според ЦУК во возилото кое удрило во мечката се наоѓало семејство, татко, мајка и три мали деца. -Од ударот сите биле под голем стрес, а децата се здобиле со лесни повреди, информираат од Центарот за управување со кризи. Според процените на ЦУК големата мечка, најверојатно мајка на мечињата, со двете помали мечиња се наоѓа од десната страна на патот гледано од насока на Тетово кон с. Непроштено, додека повредената млада мечка се наоѓа од другата страна на патот. -Се работи за урбана средина со повеќе куќи и голема раздвиженост на возила и луѓе поради што ги повикуваме надлежните институции да ги преземат сите неопходни дејствија со кои ќе се гарантира безбедноста на граѓаните, но воедно ги повикуваме и невладините организации од оваа област да се вклучат во овој несекојдневен настан и да предложат мерки и постапки со кои ќе им се помогне на повредената млада мечка како и на големата мечка со двете останати млади мечки, информираше Стојанче Ангелов, директор на ЦУК. Од ЦУК предупредуваат – граѓаните да го избегнуваат движењето на местото на несреќата како и непосредната околина или да бидат исклучително внимателни бидејќи се очекува мајката да го бара своето младенче. -Овој случај отвора многу прашања околу непрецизно дефинираните и испреплетени надлежности на институциите бидејќи по несреќата ја разгледувавме можноста повредената млада мечка (или мече) да биде успиена со опојно средство, а потоа преместена и згрижена на соодветно место, како на пример ЗОО Скопје, каде би и се пружила медицинска нега. Притоа до израз дојдоа повеќе формално-правни и функционални недостатоци, изјави Ангелов. На овој регионален пат Тетово-Јажинце на 5 октомври кај Доброште беше прегазена и усмртена мечка, при што немаше повредени луѓе. На 25 октомври мечка беше прегазена и усмртена на патот помеѓу тетовски села Селце и Вејце, а возачот заминал од местото. На истиот пат Тетово-Јажинце кај Доброште и на 14 јули годинава се случи сообраќајна несреќа во која беше прегазена и усмртена мечка. Тогаш учествувале две патнички моторни возила, при што беа повредени двајцата возачи....

Уверен сум дека лидерите на членките на Европската народна партија (ЕПП) „ќе ја направат вистинската работа“ и ќе ја поддржат Урсула фон дер Лајен за втор мандат на чело на Европската комисија, изјави генералниот секретар на десноцентристичката ЕПП, Танасис Баколас. – Чувствувам увереност дека 12-те лидери кои седат на масата на Европскиот совет, ќе ја направат вистинската работа и ќе застанат зад вториот мандат на нашата претседателка на Комисијата, истакна Баколас. Тој при тоа порача дека останува да се види и како ќе решат да се однесуваат другите европски политички групации во однос на можната кандидатура на Фон дер Лајен. – ЕПП има намери да се погрижи по следните избори за Европскиот парламент во 2024 година да не се повтори сценариото од 2019 година, додаде Баколас. Во 2019 година, ЕПП мораше да ја повлече кандидатурата на својот тогашен кандидат за претседател на Европската комисија, Манфред Вебер, откако тој не доби поддршка од останатите големи политички групации, а францускиот претседател Емануел Макрон дури се закани и со вето на изборот на секој кандидат кој нема да има поддршка од либералната група Да ја обновиме Европа (РЕ), на која и припаѓа и неговата партија Ренесанса. Социјалистите и либералите го сметаат Вебер за премногу конзервативен, па ЕПП се реши место него како компромисно решение да ја предложи Фон дер Лајен, која во тоа време беше германска министерка за одбрана, како поумерена и по блиска до политичкиот центар. Фон дер Лајен досега одбиваше јавно да се произнесе околу можноста за нејзин втор мандат како претседател на Европската комисија. Нејзиното име се споменува и како можен наследник на Јенс Столтенберг на местото генерален секретар на НАТО, чиј мандат истекува во октомври 2024, исто кога и манадатот на Фон дер Лајен на чело на ЕК....

Ентони Блинкен и Сергеј Лавров во Скопје намерно или ненамерно се разминаа, но се разминаа и ставовите на САД и на Русија за актуелните геополитички случувања, за состојбата и иднината на ОБСЕ, за случувањата во Украина и на Балканот. Блинкен беше на лидерската неформална вечера и замина за Израел, а Лавров одржа долг говор на пленарката на Министерскиот совет, што беше бојкотиран од дел од делегациите. Неговото доаѓање во Скопје беше причина за откажување на присуството на министрите за надворешни работи на Украина и уште неколку земји. Лавров одржа прес-конференција на маргините на Министерскиот совет на која повторно го обвини Западот дека го уништува ОБСЕ, дека е одговорен за сите проблеми на Балканот, дека првиот американски дипломат Блинкен, а не тој го избегнал состанокот во Скопје, а истото го сторил и високиот претставник на ЕУ за заедничка надворешна и безбедносна политика Жозеп Борел. Им подели и совети на новинарите како да работат и критики дека нивните прашања поврзани со Украина се пропаганда. Според рускиот министер за надворешни работи Лавров, проблемите со кои се соочува балканскиот регион потекнуваат од Западот, уште од времето на распаѓањето на поранешна Југославија. Западот, оцени Лавров, отсекогаш имал интерес да ги подбуцнува народите едни против други. На прашање на МИА во врска со тоа како Русија гледа врз идентитетската агресија врз Северна Македонија од бугарските испостави и дали тие имаат руска позадина одговори дека не е голем експерт во македонско-бугарските односи и повтори дека според него, проблемите за регионот влечат корени од Западот. -Лавров неосновано фрла вина врз другите и ја има усовршено таа уметност, му одговори постојаниот претставник на САД во ОБСЕ Мајкл Карпентер. – Би било соодветно да направи поголема интроспекција на руското малигно влијание врз повеќето демократски држави, вклучително и на Западен Балкан, каде што е тоа нагласено, кажа Карпентер на прес-конференција во рамки на Министерскиот совет на ОБСЕ во Скопје. За изјавата на Лавров, дека американскиот државен секретар Ентони Блинкен и Жозеп Борел „кукавички избегале од состанокот со него“, Карпентер рече дека „никој не сака да седи на маса со Лавров и да слуша лаги и дезинформации и пропаганда“. – Седењето на страна од таа маса има повеќе разумна смисла, освен ако некој не сака мазохизам, кажа Карпентер. Заминувањето на Блинкен и Борел од Скопје, пак, за Лавров претставува обид за изолирање на Русија, а тоа било целта и на откажувањето на присуството на министрите за надворешни работи на Украина, Полска и балтичките земји. Блинкен и Борел присуствуваа на неформалната вечера на лидерите, која се одржа во средата, но не беа на официјалното отворање на Министерскиот состанок, на кој САД беа претставени од помошникот државен секретар за европски и евроазиски прашања Џејмс О’Брајан. Блинкен, како што соопшти Стејт департментот замина за Израел, а во земјава оствари средби со премиерот Димитар Ковачевски и министерот за надворешни работи и претседавач на ОБСЕ, Бујар Османи. Москва и Вашингтон целосно се разминуваат и околу функционирањето и иднината на ОБСЕ, организација која го влече своето потекло од времето на детант во раните 1970-ти, формирана да послужи како мултилатерален форум за дијалог и преговори меѓу Истокот и Западот и да одговори на предизвици по периодот по Студената војна, Лавров смета дека има целосен пад на сè што е креирано од ОБСЕ и оти има деградација на сите димензии на Организацијата – безбедносни, дипломатски, економски и цивилни. Според Лавров, европските колеги не извлекле никаква поука и дека над 90 проценти од сите говори на пленарната сесија биле потврда на тоа. – Гледам како се прават напори за продолжување на ваквата агонија. Што ќе се добие со продолжување од неколку месеци, шест месеци или година, рече Лавров на прес-конференцијата. Негов впечаток е дека нема шанса за спас на ОБСЕ. САД, пак, сметаат дека ОБСЕ ќе продолжи да функционира и оти оваа Организација е изградена врз консензус и е воспоставена како алатка за соработка. – Иако овие денови тоа е многу тешко бидејќи Русија ги поткопува основните принципи на меѓународиот поредок. Русија ја попречува работата на ОБСЕ и е изолирана поради воената агресија врз Украина. Но ние ќе дадеме се од себе за да најдеме креативни решенија за проблемите за да постигнеме резултати, кажа Карпентер на прес-конференцијата. Карпентер, а претходно и Блинкен, искажаа признание на Република Северна Македонија за, како што оценија, огромната работа што ја направи за време на едногодишното претседавање со ОБСЕ во многу тешко време, како и за организација на собирот во Скопје. Покрај изборот на новиот претседавач Малта, на Министерскиот совет на ОБСЕ во Скопје е постигнат и првичен договор за продолжување на мандатот за девет месеци на генералниот секретар, на високите претставници за националните малцинства, слобода на медиуми и на Канцеларијата за демократски институции и човекови права. Северна Македонија и главниот град Скопје во изминатите три дена угостија околу 1000 делагати од 57 земји членки на Организацијата и држави партнери. На 30. Министерски совет на ОБСЕ, најголемиот меѓународно-политички настан организиран во земјава од независноста, присуствуваа шефовите на дипломатиите на најголем број од земјите-учеснички на ОБСЕ – САД, Канада, Велика Британија, министри од земјите-членки на ЕУ и на НАТО, од Медитеранот, Блискиот Исток и Централна Азија....

Времето денеска ќе биде променливо облачно со сончеви периоди и релативно топло. Ќе дува умерен, наместа засилен ветер над 60 километри на час од јужен правец, што ќе услови понатамошно топење на снежната покривка на планините, информираат од Управата за хидрометеоролошки работи. Минималната температура ќе биде во интервал од 4 до 10, а максималната ќе достигне од 14 до 19 степени. Во Скопје променливо облачно со сончеви периоди и релативно топло. Ќе дува умерен до засилен ветер од југоисточен правец. Минималната температура ќе се спушти до 5, а максималната ќе достигне до 18 степени. Под влијание на влажен бран во недела ќе има локални врнежи од дожд. Ветерот ќе го промени правецот во северен и ќе засилува, а од понеделник температурите ќе опаднат....

Волку „тврда“ изјава, дури и навредувачка, од еден дипломат не е изговорена дури и кога Груевски беше изложен на огромен меѓународен притисок, сепак бираа зборови. Ова е мислењето на лидерот на ГРОМ и актуелен градоначалник на скопската Општина Карпош, Стевчо Јакимовски кој на својот фејсбук-профил ја коментира изјавата на американскиот помошник-државен секретар за Европа и Евроазија, Џејмс О’Брајан дадена во интервју за „360 степени“. „Видовте ли сега дека вината не е кај нас како што милуваат да не викаат ‘опозиција на опозицијата’ ниту пак кај фракционерите внатре во ВМРО, туку кај самиот Мицкоски. Потврда дека има проблем сам со себе, а тоа значи цела опозиција со него е изјавата на помошник-државниот секретар на САД за Европа и Евроазија, Џејмс О’Брајан дека од него ‘ни автомобил не би купил’. Од кого не се купува автомобил, мал џамбаз – преварант“ пишува Јакимовски на Фејсбук. Значи, додава Јакимовски, Мицкоски има многу проблеми внатре во партијата, во опозицијата, во односите опозиција – власт, но и со надворешниот фактор. „Епа не можеме сите да не му чиниме“,додава лидерот на ГРОМ. Според него, дипломатите во годините кога Никола Груевски беше лидер, ги бирале зборови затоа што нивните проценки биле дека и покрај се Груевски може да победи и потоа да имаат уште поголем проблем со него. „Логиката вели дека во конкретниот случај со лидерот на ВМРО – ДПМНЕ тие се сигурни дека нема да победи и нема да формира Влада и затоа даваат вака остри и незапамтени изјави во 30 години постоење на Македонија. Затоа пријатели Македонци берете си памет оти работите ви се движат како од прирачник“,додава Јакимовски во статусот. Реакцијата на Стевчо Јакимовски доаѓа откако во синоќешното интервју за „360 степени“ американскиот помошник-државен секретар за Европа и Евроазија, О’Брајан, одговарајќи на прашањето што понатаму со оглед на тоа што е извесно дека овој парламент нема да ги усвои уставните измени, рече дека без да коментира дали работите би се случиле сега или подоцна, јасно е дека има понуда на маса и ако некој вели дека има подобра понуда, но не кажува за што точно станува збор, само се обидува да измами. На прашањето дали има шанса за интервенции во Преговарачката рамка на ЕУ или промени во глобалниот контекст, кога некој вели дека може да донесе подобра понуда, О’Брајан даде негативен одговор. „Видите, има понуда на маса. И ако сакате да знаете за некого кој е и како ќе постапува кога ќе биде на власт, видете како ќе реагира на таа понуда. Ако тие велат, на многу јасен начин, еве ја алтернативата и верувам дека таа е прифатлива за другите, тогаш можете да процените дали се во право или не. Ако велат – имам подобра понуда, но нема сега да ти кажам што е – тоа е личност од која не би купиле автомобил. Па, мислам и дека не би требало да гласате за нив, исто така. Но, тоа е избор кој го прават гласачите овде. Јас не гласам овде. Луѓето може да изберат што сакаат“,додаде тој....

Газа мора да остане палестинска земја, изјави денеска портпаролот на Советот за национална безбедност на Белата куќа, Џон Кирби, додавајќи дека САД се противат на намалување на територијата на енклавата откако израелскиот премиер Бенјамин Нетанјаху рече дека тоа ќе се случи. Нетанјаху вчера му рече на американскиот државен секретар Ентони Блинкен дека Израел ќе воспостави безбедносна тампон зона „длабоко“ во Газа. – Не поддржуваме никакво било намалување на географските граници на Газа. Газа мора да остане палестинска земја и не може да биде намалена, рече Кирби во обраќање до јавноста. Некои медиуми, исто така, претходно јавија дека Израел информирал неколку арапски земји дека сака да воспостави тампон зона на палестинската страна од границата по завршувањето на војната....

Најмалку 15 синагоги во Њујорк денеска добиле закани за бомби кои се покажале дека се лажни, соопшти еврејската безбедносна агенција во Њујорк. Според Мич Силбер, директор на Иницијативата за безбедност на заедницата, која ја координира безбедноста на еврејските институции во Њујорк, заканите се дел од кампањата насочена кон затворање на синагогите. Тој додаде дека се чини дека нема реална опасност за целите. Според иницијативата, закани добиле пет синагоги во Менхетен, две во Бруклин, една во Лонг Ајленд, две во округот Вестчестер и пет во други делови на Њујорк. „Има уште експлозиви во синагогата. Овие експлозиви ќе се активираат за неколку часа, а јас ќе влезам во историјата. Ќе се погрижам сите да умрете“, се вели во еден од заканувачките мејлови испратени денеска. Заканите беа упатени во услови на пораст на антисемитските злосторства од омраза во Њујорк и низ САД по нападот на Хамас врз Израел на 7 октомври и војната во Појасот Газа што следуваше потоа....

Украинскиот претседател Володимир Зеленски во вечерашното видео обраѓање и вети на војската реформа на законите за регрутирање, пренесе ДПА. Предложените реформи се однесуваат на условите за можна демобилизација на борците од фронтот, вклучително и некои војници кои се бореле на првите линии откако Русија ја почна инвазијата во февруари 2022 година. „Сите во Украина сфаќаат дека се потребни промени во оваа област“, рече Зеленски. Новите потенцијални регрути, исто така, ќе бидат во фокусот на измените на законот, рече Зеленски и додаде дека сите промени ќе треба да бидат разработени и одобрени од военото раководство. Најавата за реформи се смета за отстапка за војниците, од кои некои протестираа за поголема ротација за да им се овозможи на уморните борци од првата линија да закрепнат. Околу 820.000 Украинци моментално служат во вооружените сили. Според сегашната воена состојба, овие војници не можат да бидат демобилизирани. Со цел дури привремено да испрати некои регрути дома, Украина ќе треба да регрутира дополнителни војници за да не се урне фронтот....

Во Хрватска се зголемува бројот на заболени од голема кашлица, а денеска е објавено дека се разболеле над 1.400 луѓе, меѓу кои 45 бебиња до една година, јави Хина повикувајќи се на Хрватскиот завод за јавно здравје. Како и досега, најголем број заболени има во градот Загреб и во сплитско-далматинската жупанија, изјави за Хина дежурниот епидемиолог Ива Пем Новосел. Поголемиот дел од пациентите се на училишна возраст, од 10 до 19 години. Има и помлади, но помалку, рече таа и додаде дека меѓу болните има 45 бебиња до една година, повеќето невакцинирани. Од ден на ден во Хрватска се зголемува бројот на заболени од голема кашлица. ХЗЈЗ вчера соопшти дека има 1.230 заболени, а епидемиолозите предупредуваат дека земјата е во фаза на пораст на епидемијата, па може да се очекува зголемување на таа бројка. ХЗЈЗ соопшти дека оваа недела имале помеѓу 200 и 400 тестирања дневно, а просечно имало околу 30 проценти позитивни. Пертусис (голема кашлица или магарешка кашлица) е многу заразна инфекција на долниот дел на респираторниот систем, предизвикана од бактеријата Bordetella pertussis, а особено е проблематична за доенчињата и малите деца. Епидемиолозите предупредуваат дека една од главните причини за ширење на болеста, за која веќе шеесет години постои вакцина која е составен дел од календарот за вакцинација, е сè послабата вакцинација на децата за кои оваа болест може да биде опасна....

Со ефикасен даночен систем и позитивни политики ја обезбедуваме финансиската стабилност на државата, истакна во своето обраќање премиерот Димитар Ковачевски на настан по повод одбележување на Денот на даночните службеници Свети Матеј. -Да се води управа која што е на целата територија, која работи со над 600 цифрена бројка на деловни клиенти, над еден милион граѓани со свои даночни броеви треба навистина да бидете вешт, успешен, посветен, пред се стручен, рече Ковачевски честитајќи и на директорката на УЈП, Сања Лукаревска за, како што рече „сите напори кои што ги вложи за во ова време на криза да обезбедиме приходи со кои ги финансираме сите потреби на граѓаните“. По повод одбележувањето на Денот на даночниците работници во Управата за јавни приходи, Ковачевски упати честитки за нивното посебно место и улога во обезбедувањето на финансиската стабилност на државата. -Заедно денес, одбележуваме 76-години од воспоставувањето на даночниот систем на нашата држава. Од тогаш до денес, даночниот систем бележи многу достигнувања и успеси, што се должи на посветеноста на нашите даночните службеници, чуварите на државната каса, рече премиерот. Управата за јавни приходи, како што посочи, има многу значајна улога за државата како целина и во таа насока ги охрабри чекорите и новитети кои се воведуваат, како дигитализација на услугите и модернизација на процесите. -Заедно со нас, спроведувате ефикасен, транспарентен и праведен даночен систем и даночна политика преку наплатување даноци, градејќи партнерски однос со даночните обврзници, рече Ковачевски. Додаде дека сите знаеме колку фискалната дисциплина е важна за државата и за нејзиниот развој. -Поголеми приходи од даноци значи и поголема одговорност кон државата и поголема свест дека со тоа ќе се обезбедат подобри јавни услуги, поквалитетно здравство и образование, како и редовни плати и пензии. Повеќе даноци значат и повеќе средства во буџетската каса за уште повеќе градинки, училишта, болници, патишта, нови инвестиции и нови работни места. Затоа, за поздравување е секој ваш чекор кон подобрување на процесите и нивна дигитализација во насока на олеснување на процедурите за граѓаните и за компаниите со цел редовно и навремено да ги подмируваат обврските кон државата, нагласи Ковачевски. Според него, показател за успешната работа на УЈП како една од најзначајните институции се и последните бројки за наплата на даноците. -Во периодот од јануари заклучно со ноември 2023 година, остварен е вкупен даночен приход од над 1,6 милијарди евра (102,012,434,380 денари) што е зголемување за 7,62% од остварениот даночен приход за истиот период во 2022 година. Пораст на наплатата е регистрирана и во ноември годинава, кога истата изнесувала над 163 милиони евра (10,051,885,182 денари) што е реализација од 111% од планираниот вкупен приход за ноември, односно за 42% поголема наплата од ноември 2022 година. Овие бројки ги кажувам од причина што даночниците се скромни луѓе тие се практично невидливи за разлика од другите кои често ги гледаме на пресс-конференции, кои што работат на расходната страна на буџетот, посочи премиерот. Владата, како што рече, креира позитивни политики и затоа успеавме да постигнеме ефикасност, големите даночни обврзници од почетокот на годинава заклучно со ноември да учествуваат со 43,5 проценти во вкупно наплатените даноци во државата. -По воведувањето на мерката „Мој ДДВ“ во 2019 година, од почетокот на годинава го зголемивме лимитот за граѓаните за поврат на ДДВ од скенирање на фискални сметки од 1.800 на 2.100 денари по тромесечие. Бројот на граѓани кои ја користат апликацијата Мој ДДВ е над половина милион и постојано расте. Од почетокот на мерката до денеска, кај граѓаните се вратени близу 8,1 милијарда денари односно речиси 132 милиони евра, истакна Ковачевски. Говорејќи за инфлациските текови, премиерот рече дека со одговорни политики го спречиле растот на цените. -Основните прехранбени производи, кои се дел од секојдневната употреба на граѓаните и понатаму се оданочуваат по најниска даночна стапка на ДДВ, односно нема промена и таа останува на 5%. Предвидовме најнизок данок за најширока листа на основни продукти во регионов и во земјите од ЕУ, додаде тој. Ковачевски говореше и за деветиот пакет антикризни мерки, каде со средствата од солидарниот данок обезбедени се повисоки плати, пензии, субвенции за оние на кои им е најпотребна помош. -Досега, само по основ на солидарен данок во државната каса се слеале близу 42 милиони евра. Продолжуваме со таргетирана конкретна поддршка за ранливите категории граѓани, за учениците, студентите, за пензионерите, граѓаните- корисници на социјална помош, граѓаните со посебни потреби, самохраните родители, домаќинствата со ниски приходи, земјоделците, како и поддршка на компаниите, нагласи премиерот. Тој посочи декан економскиот раст на една држава зависи од способноста на нејзините институции да се справат со предизвиците. -Способноста на УЈП да се справи со предизвиците во целиот изминат период беше и е на највисоко ниво. Ние, и тие, заедно покажавме дека само со координиран пристап меѓу сите институции и со заедничка заложба можеме да имаме резултати. Имаме високи очекувања од институциите дека сите заедно ќе вложиме напор за да обезбедиме фискална одржливост и долгорочен развој на нашата земја. А тоа ќе го постигнеме преку модернизација и дигитализација, преку воведување на европски и светски стандарди и преку професионализација на кадрите во нашите институции, рече денеска Ковачевски честитајќи им го Денот на даночниците. дма/са/ Фото/Видео:Влада на РСМ...

Рускиот претседател Владимир Путин нареди зголемување на бројот на руските вооружени сили за 15 отсто, пренесоа светските агенции. Наредбата е содржана во претседателскиот декрет потпишан од Путин и објавен на веб-страницата на Кремљ. Во него зголемувањето се објаснува со „зголемените закани“ поврзани со конфликтот во Украина. Армијата ќе брои 2,2 милиона војници и персонал, од кои 1,32 милиони се воени лица, се наведува во претседателскиот декрет. Претходниот декрет е со датум од август 2022 година и со него се утврди бројот на членовите на вооружените сили на два милиона вработени, од кои 1,15 милиони се воен персонал....

Таткото на 14-годишната Вања Ѓорчевска пријавил во полиција дека неговата малолетна ќерка е исчезната. На 27 ноември 2023 година во 11 часот во ПС за општа надлежност Центар од страна на таткото е пријавено дека на 27.11.2023 година околу 7.27 часот неговата малолетна ќерка веќе излегла од станот којшто е на улица „Наум Наумовски – Борче“ и се упатила до ОУ „Јохан Хајнрих Песталоци“, изјави министерот за внатрешни рабпти Оливер Спасовски. Одговарајќи на пратеничко прашање на Благица Ласовска од ВМРО-ДПМНЕ, Спасовски во Собранието повтори дека МВР интензивно работи на расчистување на случајот на 14-годишното девојче В.Ѓ. од Скопје. “Тука е сочинет веднаш записникот од страна на Одделот за потраги и од полициските службеници и е распишан веднаш локален распис по стапување со излегување на лице место, пребарување на терен, извршен разговор со родителите на детето и започнуваат проверка на терен“, рече Спасовски. Спасовски децидно кажа дека апсолутно нема никаква потврда, дека трагата на Вања се губи пред „Силбо“ или пред „Броз“. „Значи не е така. Ниту има можност за таква потврда врз основа на она што е извадено од камери коишто ги имаме. Така во овој дел ќе преземеме и понатаму интензивни активности бидејќи на целата територија на Скопје веќе се преземени, не само на подрачјето на Центар, туку Карпош, Ѓорче Петров, Битпазар. Првично беа вклучени само Центар и Битпазар, првиот момент за тој дел, тој простор каде што е можно да се наоѓа девојчето да бидат пребарани“, рече Спасовски и нагласи дека во овој дел интензивно се работи за да може да се расчисти целиот овој случај. … Повеќе...

Националниот парк Пелистер беше прогласен со закон донесен од Президиумот на Народна Република Македонија на 30 ноември 1948, како прво заштитено природно богатство во Македонија. Значи – 1948 година. Три години по Втората светска војна, во разурната земја, кога едвај имало струја, вода и канализација, при мнозинство неписмено население, државата прогласува национален парк и заштитува природно богатство. Точно 75 години подоцна, речиси на истиот датум – на 29 ноември 2023, од Националниот парк Пелистер биле исечени 165 стебла од ендемичниот бор молика и ела. Битолската полиција поднесе кривични пријави против шестмина, меѓу кои и директорот на Паркот и преседателот на Управниот одбор. Тоа е сликата на современа Македонија, земја членка на НАТО, сериозен кандидат за ЕУ и успешен претседавач на ОБСЕ. Шушка молика, ама шушкаат и парите. Целата колумна на Горан Михајловски на СДК МК...

Соопштение на МОН: Регресот за годишен одмор за 2023 година треба да им биде исплатен на сите вработени во основните и средните училишта. Средствата за оваа намена се обезбедени од страна на државата, преку блок дотациите кои на месечна основан им се исплаќаат на општините. МОН апелира до сите локални самоуправи да ги почитуваат правните прописи и да ја реализираат исплатата на регресот за годишен одмор за 2023 година, согласно член 21 од Општиот колективен договор за јавниот сектор (Сл. весник бр.154 од 20.07.2023 година) во кој е утврдено дека работникот има право на надоместок за регрес за годишен одмор во еднократен износ кај еден работодавач, во текот на годината, без оглед во колку училишта има засновано работен однос. Допис со конкретни насоки за постапување по однос на ова прашање е веќе доставен до сите општини и секое непостапување, сноси соочување со правни последици...

Американскиот помошник-државен секретар за Европа и Евроазија во интервју за „360 степени“ рече дека не треба да му се верува на некој што вели дека има подобра понуда, а не ја кажува, ниту кажува зошто би ја прифатиле другите. „Подготвени сме веднаш по формирањето на новата влада предводена од ВМРО-ДПМНЕ да седнеме со бугарската влада и како соседи да разговараме за реалноста ифактите поврзани со реалноста“, се вели во ставот на ВМРО-ДПМНЕ Аргументите на кои се темелат позициите на ВМРО-ДПМНЕ поврзани со уставните измени беа презентирани на пријателската средба што претседателот на партијата Христијан Мицкоски и потпретседателите Владо Мисајловски и Тимчо Муцунски ја имаа со американскиот помошник-државен секретар за Европа и Евроазија, Џејмс О’Брајан. Ова е дел од ставот на ВМРО-ДПМНЕ во однос на изјавата на О’Брајан во интервјуто за „360 степени“. Американскиот помошник-државен секретар за Европа и Евроазија, О’Брајан одговарајќи на прашањето што понатаму со оглед на тоа што е извесно дека овој парламент нема да ги усвои уставните измени рече дека без да коментира дали работите би се случиле сега или подоцна, јасно е дека има понуда на маса и ако некој вели дека има подобра понуда, но не кажува за што точно станува збор, само се обидува да измами. Во ставот од партијата, даден на барање на Телевизија 24, се повторува дека ВМРО-ДПМНЕ нема да прифати бугарски диктат ниту сега ниту во иднина. „Подготвени сме веднаш по формирањето на новата влада предводена од ВМРО-ДПМНЕ да седнеме со бугарската влада и како соседи да разговараме за реалноста и за фактите поврзани со реалноста. Што се однесува до прашањето за кого и како треба да гласаат македонските граѓани одговорот е јасен, а уште појасен ќе биде за неколку месеци од денес кога ВМРО-ДПМНЕ ќе добие поддршка од огромно мнозинство македонски граѓани, бидејќи граѓаните не гласаат само за едно прашање за кое што ставот е јасен туку гласаат за понудата кадровска и програмска“се додава во ставот од ВМРО-ДПМНЕ. О’Брајан во синоќешното интервју, прво за македонски медиум откако во октомври ја презеде функцијата, рече дека е важно Северна Македонија и соседите да наоѓаат начини за да се движат напред. „Има понуда на масата, треба да ја земете. Ако не ја земете, и вртите грб на историјата, искрено. Тој пат може да изгледа задоволувачки, но тоа ќе ја чини вашата економија, ќе причини повеќе луѓе да сакаат да ја напуштат земјата и, генерално, ќе ја уназади земјата. Она што ми се допадна во земјата кога првпат дојдов пред речиси 30 години е колку сите беа нестрпливи да бидат дел од овој поголем проект наречен ЕУ. Ги охрабрувам сите политички лидери да ја земат оваа можност“, рече О’Брајан. На прашањето дали има шанса за интервенции во Преговарачката рамка на ЕУ или промени во глобалниот контекст, кога некој вели дека може да донесе подобра понуда, О’Брајан даде негативен одговор. „Видите, има понуда на маса. И ако сакате да знаете за некого кој е и како ќе постапува кога ќе биде на власт, видете како ќе реагира на таа понуда. Ако тие велат, на многу јасен начин, еве ја алтернативата и верувам дека таа е прифатлива за другите, тогаш можете да процените дали се во право или не. Ако велат – имам подобра понуда, но нема сега да ти кажам што е – тоа е личност од која не би купиле автомобил. Па, мислам и дека не би требало да гласате за нив, исто така. Но, тоа е избор кој го прават гласачите овде. Јас не гласам овде. Луѓето може да изберат што сакаат“ додаде тој. Вчера, од ВМРО-ДПМНЕ соопштија дека имале средба со помошник-државниот секретар на САД за Европа и Евроазија, Џејмс О’Брајан на која Мицкоски посочил дека членството на земјава во Европската Унија е нејзин стратегиски интерес, но од интерес, исто така, е и заштита на националните и идентитетски обележја....

Одделот за внатрешна контрола, криминалистички истраги и професионални стандарди при МВР ќе поднесе кривична пријава до надлежното ОЈО Скопје против И.Ф., вработен во Регионалниот центар за гранични работи Север. Тој се сомничи за сторено кривично дело „злоупотреба на службена положба и овластување“ по член 353 од КЗ, кој побарал и примил 2000 денари од лице за да му издаде документ за привремен престој, иако претходно лицето редовно си ги платило сите потребни издатоци за да му биде издаден документот. По добивањето на пријавата, преземени се соодветни мерки и активности и И.Ф. на 30.11.2023 е лишен од слобода, а од страна на Одделот за внатрешна контрола, криминалистички истраги и професионални стандарди ќе биде поднесен и предлог за дисциплинска постапка и отстаранување од работното место до нејзиното завршување....

Министерката за одбрана Славјанка Петровска во интервју за 24инфо.мк се осврна на актуелната безбедносна ситуација, поддршката кон Украина, но и за политичката состојба во државата и подготовките за претстојните двојни избори што треба да се одржат следната, 2024 година. На прашање дали има следни активности кои би значеле продолжување на помошта кон Украина, таа рече дека „Република Северна Македонија е непоколоблива во однос на поддршката и помошта што и ја пружаме на Украина. Неодамна заврши обуката, која за првпат откако започна руската агресија, имавме можност да спроведеме таква обука на припадници на укаринската армија овде, во Република Северна Македонија. Таа заврши успешно и беше димензионирана согласно побарувањата што беа доставени од украинска страна. Се разбира, и во наредниот период вратат на Република Северна Македонија ќе остане отворена за поддршка на Украина, се додека е тоа потребно, без разлика дали ќе биде во повторни тренинзи и обука на украински сили или со дополнителна воена поддршка и помош која ја имаме“. Од домашна сцена, за нападите од пратеникот од ВМРО-ДПМНЕ, Драган Ковачки, кого го тужи за клевета, Петровска вели „разочарува фактот што би кој припадник на Армијата, особено кога имате висок официцерски чин и одлучувате да ја напуштите Армијата и да се посветите на полиитчко дејствување или на активности во една политичка партија, но се разбира ова е демократска држава и секој може да носи сопствени одлуки. Но исто така разочарува фактот што нападите, не оние толку оние кон мене, туку повеќе оние кои беа насочени кон Армијата се неосновани и можам слободно да речам дека се лага“. За процесот на носење уставни измени и шансите до крајот на годината тие да бидат донесени, министерката децидна: „Уставните измени се единствениот начин како да го продолжиме патот кон европската интеграција на нашата држава. И како што многумина претставници на ЕУ и амабсадори на земји членки на ЕУ кажаа, не постои друг начин. Мислам дека останува на домашните актери на политичката сцена во нашата држава, да ја донесат финалната одлука. Ако ВМРО-ДПМНЕ се плаши од уставните измени, тоа треба јавно да го каже. Јас не се плашам, затоа што со донесувањето на уставните измени или овој амандман кој е предложен, се гарантира и се зацврстува македонскиот идентитет. Затоа што со тој амандман ние велиме дека ги признаваме Бугарите како малцинство во Република Северна Македонија, а македонскиот народ, се разбира со другите, е државотворен народ. И тука се прави јасна разлика, меѓу она што долги години се зборуваше како фама или беше една од теориите за нас и нашата држава. Се зацврстуваат и позициите на македонскиот јазик, кој се повеќе држави го уважуваат како посебен македонски јазик. Така што, сите оние теории на заговор што ВМРО-ДПМНЕ сака да ги презентира, бегајќи од одговорноста да донесе одлука, паѓаат во вода. На крајот, јас би рекла, ако гласаат за уставните измени, тогаш, им го прифаќаме барањето, нека нема техничка влада и да одиме на избори со редовна влада“....

На Денот на знамето, 29 ноември, група Албанци од Косово направиле хаос во Портогруаро, предградие на Венеција, јавуваат тамошните медиуми. Најмалку дваесетина Албанци го блокирале Корсо Мартири со своите автомобили, а потоа, и покрај забраната за автомобили, се упатиле кон плоштадот на Републиката во тој град и се обиделе да го подигнат албанското знаме на еден од најголемите јарболи. Тој јарбол, како што пишува „La Nuova Venezia“, е резервиран за италијанската тробојка. Овој инцидент предизвика гнев кај жителите на Портогруаро, бидејќи многу жители биле разбудени од вревата, а некои повикале полиција, која не интервенирала. Сепак, како што пишува италијанскиот весник, карабинери во цивилна облека од терен ја следеле ситуацијата. На Албанците сега им се закануваат кривични пријави и административни санкции, пред се за блокирање на сообраќајот, како и за бучава и оштетување на државен имот....

Телата на маж А.Ѓ. (36) и неговиот шестгодишен син К.Ѓ. денеска беа извлечени од реката Морача во Подгорица, Црна Гора. Нивниот автомобил „голф IV“ денеска околу 13 часот и 30 минути паднал од Кривиот мост во реката. Првите податоци на полицијата, а врз основа на изјавата на сведокот на трагедијата, велат дека најверојатно се работи за самоубиство. Според изјавите на сведоците, возачот на „голфот“ полека се качил на тротоарот со автомобилот, а потоа ненадејно удрил во возилото и летнал во Морача. Полицијата испраша еден сведок кој наводно го видел возачот како се качува по тротоарот со својот автомобил....

Генералниот секретар на НАТО, Јенс Столтенберг, денеска изјави дека му кажал на турскиот претседател Реџеп Таип Ердоган дека е време Шведска да стане членка на Алијансата, пренесе Бета. На маргините на климатскиот самит COP28 во Дубаи Столтенберг го повикал Ердоган да ја одобри кандидатурата на Шведска за влез во НАТО. -Утрово се сретнав со претседателот Ердоган и ја повторив мојат порака дека е време да се финализира процесот на пристапување на Шведска, рече тој. Столтенберг не кажа кога очекува да заврши процесот на ратификација. -Не можам да кажам точен датум, но го поздравувам фактот што претседателот Ердоган пред само неколку недели ги достави документите на ратификација до турскиот Парламент, рече генералниот секретар на НАТО. Турција и Унгарија се единствените земји од НАТО кои се уште официјално не ја одобриле кандидатурата за прием на Шведска во Алијансата....

Обилните снежни врнежи и ниските температури на аеродромот во Минхен денеска предизвикаа долготрајни одложувања и откажувања на над 100 летови, јави ДПА. -Околу 130 авиони во моментов не можат да полетаат или слетаат, изјави портпаролот на аеродромот. Според него, барем една од пистите на аеродромот мора да биде постојано чиста, а екипите да работат последователно на чистење на секоја писта од снег. Патниците беа повикани да контактираат со нивните авиокомпании за да дознаат за какви било откажани или одложени летови....