Македонија е рангирана на четврто место во свет во 2023 година според најголема недоверба во изборите, според „Галуп“. Малку подобар резултат има Босна и Херцеговина, која е на петто место од десет најлошо рангирани земји во свет, објави Гласот на Америка, пренесе МИА. Додека Бугарија се подготвува да ги одржи седмите парламентарни избори во последните три години оваа недела, истражувањата на „Галуп“ покажуваат дека само 10 отсто од Бугарите веруваат во интегритетот на нивните избори. Нигеријците имаат поголема доверба во избори и од Бугарите, Македонците и Босанците, и се рангирани на десетто место. Лошиот степен на недоверба на Бугарите е најнизок не само во Европската Унија, туку и во светот. Во речиси 20 години како „Галуп“ ги прашува Бугарите за нивната доверба во изборите, тие никогаш не биле особено сигурни. Но, во 2022 и 2023 година, иако Бугарија статистички се врзуваше со другите земји како Монголија за најмала доверба, ниту една друга земја немаше помала доверба. Откако „Галуп“ почна да го мери овој индикатор, највисокиот што некогаш бил во Бугарија е 36 отсто во 2006 година. Довербата опаѓа оттогаш, но никогаш не се приближи до мнозинство во изминатите 17 години. Накратко се стабилизираше помеѓу 2020 и 2021 година, за повторно да се наруши по почетокот на политичката криза во 2021 година. Во споредба со членките во ЕУ, сегашното ниво на доверба е една третина од онаа на следната најниска земја во ЕУ – Романија (30 отсто) и повеќе од шест пати пониско од средното ниво на ЕУ (62 отсто). Системската недоверба што Бугарите ја имаат во нивниот изборен процес и судството се однесува и на другите клучни институции. Во 2023 година, Бугарија беше рангирана на последното место во светот според индексот (со резултат 18/100), далеку под следната најниска земја (Перу, која постигна 26 поени). Ова, исто така, претставува еден од најниските резултати на Индексот на националните институции измерени во анкетатa на „Галуп“. Само Чад во 2006 година забележа статистички понизок резултат од Бугарија минатата година. Последните бугарски парламентарни избори на 9 јуни 2024 година, покажаа рекордно ниска излезност на гласачите од падот на комунизмот, потенцијален знак дека расте заморот од изборите и разочарувањето од изборниот процес....

Претседателката Гордана Силјановска Давкова го помилува поранешниот градоначалник на Општина Битола, Владимир Талески кој беше во затвор за случајот „Транспортер“. Доби намалување од една година откако Комисијата за помилување го уважи барањето на Талевски и неговите адвокати, во делот на намалување на казната и целосно ослободување, а прифатиле делумно намалување на остатокот од затворската казна. За доиздржување, на поранешниот градоначалник му останува казна затвор од околу 3 години. Талевски по вторпат е помилуван од претседател на државата. Во 2016-та година, претседателот Иванов колективно потпиша аболиција на 56 лица, главно политичари и функционери меѓу кои беше и тогашниот градоначалник на Битола. Талевски се сомничеше за финансиски злоупотреби за превоз на ученици од тогашното СЈО за што беше формиран и предмеот „Транспортер“. По измените на законот за аболиција, тој сам побара да се повлече одлуката за негова аболиција. Во меѓувреме поднесе претставка до европскиот Суд за човекови права во Стразбур, а судот ги отфрли наводите на Талевски во насока да се исцрпат сите правни средства во Македонија. По измените на кривичниот законик лани, казните за делото за кое беше осуден Талевски се намалија поради што сега комисијата за помилување сметала дека на овој начин треба да се намали и казната на осудениот Талевски. Во 2022 година, Апелациониот суд донесе правосилна пресуда за случајот во кој Талески беше осуден на седум години затвор за злоупотреба на службената положба и овластувања во организирање на бесплатниот училишен превоз, но бидејќи во куќен притвор мина три години, за одлежување во затвор му останаа уште четири. Во овој случај имаше и конфискација на нелегално стекнати пари, во износ од над половина милион евра. Неговиот некогашен соработник од Општина Битола, секретарот Слободан Бончановски, за истото кривично дело беше осуден на пет години и шест месеци затвор....

Институтот Роберт Кох потврди дека во Германија е регистриран првиот случај на мајмунски сипаници. Заразениот бил откриен минатиот петок и се заразил во странство, пишува Билд. Случајот бил откриен во Келн, а пациентот е 33-годишен маж кој бил изолиран откако бил примен во болница на 12 октомври, изјави министерството за здравство на северната германска покраина Северна Рајна-Вестфалија. Резултатите од подеталното тестирање покажаа на 18 октомври дека пациентот имал “клад 1b2”, нов вирус кој е поврзан со глобалната здравствена криза објавена од Светската здравствена организација во август. Сегашната епидемија потекнува од Демократска Република Конго и се прошири во соседните земји во Африка. Норвешките лекари го дијагностицирале вирусот на мајмунските сипаници, варијанта на Клад 2, кај двајца пациенти во главниот град Осло, изјавија од градот Осло во понеделник. Мајмунска сипаница е вирусно заболување откриено во далечната 1958 година, пишува „АП“, а е поврзано со сега искоренетиот вирус на сипаници. Може да се пренесе преку близок контакт како што се допирање, бакнување или интимен однос, како и преку контаминирани материјали како постелнина, облека и игли....

Во вечерашното гостување на Топ Тема на Телма Телевизија, пратеничката од ВМРО-ДПМНЕ, Лидија Петковска се осврна на ситуацијата околу Законот за јавни набавки. Според Петковска, законот е повлечен поради заострување на критериумите за избор на претседател и членови на Државната комисија за жалби по јавни набвки. „Од она што го имам како информација до овој момент, законот е повлечен заради заострување на критериумите за избор на претседател“, рече Петковска. Таа нагласи дека е неопходно да се разјасни во каква форма законот ќе биде повторно доставен по повлекувањето од собраниска процедура. „Кога ќе се повлече, ќе видиме од поднесувачите на овој закон какви ќе бидат следните чекори“, додаде Петковска. Петковска ја нагласи важноста на повлекувањето на Законот за јавни набавки. „Токму фактот што е повлечен е доволен показател дека владата има слух за експертската јавност. Скратената постапка беше заради што станува збор за јавни набавки кои се клучен генератор за криминал и корупција во државата и не смее да се чека ни ден“...

Украинскиот претседател Володимир Зеленски ги повика сојузниците на Киев „да не се кријат“ и да реагираат на доказите за учество на Северна Кореја во војната на Русија во Украина, јавија светските агенции. Во своето вечерно обраќање, Зеленски рече дека Украина има информации за подготовка на две единици – веројатно до 12.000 севернокорејски војници – за учество во војната заедно со руските сили. „Ова е предизвик, но ние знаеме како да одговориме на него. Важно е и партнерите да не се кријат од овој предизвик“, додаде украинскиот претседател. Претходно вчера, Јужна Кореја го повика рускиот амбасадор во Сеул за да побара „итно“ повлекување на трупите за кои вели дека биле испратени од Пјонгјанг за да ја поддржат Москва во нејзината војна против Украина, соопшти јужнокорејското Министерство за надворешни работи. Околу 1.500 севернокорејски војници од специјалните сили веќе се во Русија на аклиматизација и се очекува наскоро да одат на фронтот, соопшти пред неколку дена јужнокорејското разузнавање. Според него, се очекува да бидат испратени вкупно околу 12.000 војници....

Австрискиот европратеник Томас Вајц е именуван за нов известувач на Европскиот парламент за Македонија. Вајц, кој доаѓа од Европските зелени, бил и копретседавач на Европската зелена партија. Во февруари 2017 година, Вајц беше номиниран за член на одборот на Европската зелена партија и беше избран во март 2017 на конгресот на Глобалните Зелени и Европските Зелени во 2017 година во Ливерпул, како единствен австриски член на одборот на Европската зелена партија. На оваа позиција тој е одговорен, меѓу другото, за соработка со Зелените партии во Чешка, Словенија, Полска, Унгарија и Албанија и го поддржува развојот на зелени партии во Северна Македонија, Хрватска, Црна Гора и Србија. Во јуни 2022 година тој беше реизбран на 35-от Совет на Европската зелена партија за копретседавач на ЕГП заедно со француската сенаторка Мелани Вогел од француската Европска екологија – Зелени. На неговиот профил на социјалната мрежа „Х“, меѓудругото, пишува дека се залага за проширување на ЕУ, со фокус на Западен Балкан. Повеќето политички групи во Европскиот парламент номинираа свои членови за позициите известувачи за земјите од Западен Балкан. Тонино Пицула од Прогресивната алијанса на социјалистите и демократите (СД) ќе биде известувач за Србија, додека Андреас Шајдер од истата партија ќе биде известувач за Албанија. Словенечкиот европратеник Марјан Шарец од Renew Europe ќе биде известувач за Црна Гора. Европската народна партија (ЕПП) ги доби позициите за известувачи за Косово и Босна и Херцеговина....

-Потребна е регионална соработка за регионален развој. Со посетата во Солун и средбите што ги имав на високо ниво со претставници од владата во Грција даваме силен импулс во односите меѓу двете држави. Подготвени сме да соработуваме на регионални проекти за да ги поттикнеме економиите, изјави за ТВ Алфа, заменик претседателот на Владата и министер за транспорт Александар Николоски. „Мислам дека иднината на целиот регион е во соработка. Како што кажав, треба да сме интелигентни, треба да сме паметни и да соработуваме, затоа што само држави кои што соработуваат- напредуваат. Ние сме соседи, природно сме поврзани и треба двете економии и двата народа да соработуваат. Треба да видиме грчки инвестиции во Македонија, треба да видиме македонски инвестиции во Грција. Треба да видиме развиеност на соработката меѓу Солунското пристаниште и македонските компании и како што кажав треба да видиме и грчки инвеститори во Македонија. Тоа е нешто што природно се случува“, рече Николоски. Додаде дека, ова е прва посета на високо ниво од новава Влада со што даваме позитивен импулс во односите меѓу двете држави, а сега се очекуваат и возвратни посети. „Остварив средба со господинот Стилијанидис. Тој е еден врвен европски политичар беше и комесар на Европската Комисија која што ја предводеше Жан-Клод Јункер, а сега е министер за она што е можеби и најважно во Грција, а тоа е морепловството и островите. Исто така, имав средба и со министерот за транспорт на која разговаравме за бројни прашања кои се поврзани со поврзаноста помеѓу двете држави. Понатаму, средба со раководството на солунското пристаниште, на пристаништето Кавала исто така и со директорот на Суецкиот канал кој што е многу важен за целиот регион и за поврзување и секако бизнис асоцијациите кои што се тука. Во еден збор ја отвораме вратата, има големи можности за соработка. Македонија има доста поволни економски услови, знаете дека имаме ниски даноци, дека имаме слободни економски зони во кои што може да се инвестира. Секако, најважно е да имаме нови, добро платени работни места, добра железница, добри патишта за да се поврзат државите” истакна министерот. Тој потенцираше дека проектот за брза пруга е прв приоритет на владата во делот на инфраструктурните проекти. „Она што е за нас врвен приоритет е изградба на брза пруга која што би оперирала со 200 километри на час за патнички сообраќај, 120 километри на час карго сообраќај. Значи, тоа ќе ја направи Македонија раскрсница, силен економски коридор за сета онаа роба, за сета онаа стока која што доаѓа на Солунското и на Атинското пристаниште да може да дојдат кон Централна Европа. Имајќи предвид дека реалноста во Европа се менува ова е уникатна можност за нас да станеме центар, да географската положба која што ја имаме ја искористиме, и да преку Македонија поминува најголем дел од стоката која што се троши во Централна Европа. Истото треба да го направиме и со гасоводите, затоа сакаме да градиме интерконектори, а веќе е објавен тендер со Грција, како и со Србија, како би станале и гасна раскрсница за Европа и како голем дел од гасот за Централна Европа би поминувал низ Македонија. Доколку имаме правилна економска политика, а оваа Влада има, во тој случај Македонија може да живее од наплата на транспортни трошоци и во железницата и во гасното поврзување”, истакна министерот Николоски и во однос на гасниот интерконектор додаде: „Финансирањето оди преку Европската инвестициска банка, што е многу важно тоа е официјалната банка на Европската Унија, тие имаат и свои правила и свои барања ,сега се прилагодивме, што правела претходната Влада не знам и не можам да коментирам треба добро да се испита, но ние како нова Влада еве во рок од три месеци го завршивме да честитам на министерката за енергетика и минерални суровини Сања Божиновска за одличната работа и очекувам веќе во ноември да имаме отворање на побудите и за две до три години да биде изграден интерконекторот со Грција, рече министерот Николоски....

Млада докторка Михаела (29) била убиена со секира во нејзиниот стан во Пилсен, а за нападот е осомничен 40-годишен лекар, шеф на Одделот за интерна медицина на окружната болница. Претходно, напаѓачот силувал друга жена во Трмошна, ја врзал и се обидел да ја убие, но за среќа таа преживеала и веднаш ја алармирала полицијата. Од Трмошна докторот отишол во Пилсен, каде упаднал во станот на Михаела и брутално ја убил. После убиството, се обидел да си ги пресече вените, но не успеал. Неверојатно е што никој од соседите не слушнале што се случувало во станот каде сѐ било мирно и тивко. „Знаевме дека нешто се случува кога нѐ повика полицијата. Ни кажаа дека бараат некого. Немавме поим што се случува. За тоа дознавме од медиумите”, велат соседите на Михаела. „Ужасно е, јас и мојата сопруга сме страшно потресени иако не ја познававме лично докторката. Знам дека станарите овде често се менуваат. Таа живееше под нашиот стан”, додале тие. Според првичните информации, уапсен е 40-годишниот началник на Одделот за интерна медицина на окружната болница. Како што пишуваат чешки медиуми, претходното, прво злосторство се случило во саботата вечерта. „Човекот е осомничен за тешки кривични дела убиство и обид за убиство. Засега нема дополнителни информации за настаните“, изјави портпаролката на полицијата Павла Бурешова за интернет порталот plzenski.denik....

Цените на нафтата се приближија до 75 долари на меѓународните пазари во вторникот, бидејќи тензиите на Блискиот исток ги натежнаа над поделените проценки за кинеската побарувачка. На лондонскиот пазар во попладневното тргување цената на барелот за испорака во декември беше за 43 центи повисока отколку на затворањето на тргувањето вчера и изнесуваше 74,72 долари. Вчера го затвори тргувањето со добивка од 1,53 долари. На американскиот пазар со барелот со датум на испорака во ноември денеска се тргуваше по цена повисока за 49 центи , по 71,05 долари. Вчера го затвори тргувањето во плус од 1,34 долари. Со барелите за испорака во декември, пак, денеска се тргуваше поактивно, исто така по 49 центи повисока цена од 70,53 долари. Организацијата на земјите извознички на нафта (OPEC) засебно објави дека во понеделникот цената на барелот од референната нафтена кошничка на нејзините членки паднала за 19 центи, на 73,02 долари. Трговците на почетокот од седмицата беа загрижени од честите израелски напади во окупираниот палестински Појас Газа. Израелските вооружени сили ги опколија болниците и засолништата за бегалци во северниот дел на Газа, објавија здравствените работници, а исто така нападнаа локации во Либан, тврдејќи дека припаѓаат на финансиската мрежа на шиитското движење Хезболах. Истовремено, пазарите стравуваат од најавениот израелски напад врз Иран, по сигналите дека цел може да бидат нафтени постројки. Американскиот државен секретар Антони Блинкен во вторник пристигна во Израел и има намера да посети и други земји на Блискиот исток. Целта е да се обноват разговорите за ставање крај на војната во Газа и да се ограничи конфликтот во Либан, наведува Reuters. „Цените на суровата нафта варираат како одговор на измешаните вести од Блискиот исток и наизменичното ескалирање и ублажување на интензитетот на конфликтот“, рече Сатору Јошида од „Rakuten Securities“. Трговците ги проучуваат и најновите мерки на кинеските власти кои треба да ја поттикнат домашната потрошувачка. Кинеската централна банка во понеделникот ги намали клучните каматни стапки за четвртина процентен поен, а одлуката следува по податоците кои покажаа постојан раст на економската активност во третиот квартал, што е за 4,6 отсто повеќе од истиот период минатата година. Пекинг за оваа година одреди стапка на раст од пет проценти. Побарувачката на нафта во Кина веројатно ќе порасне слабо и следната година поради електрификацијата и забавувањето на економската активност, изјави во понеделникот шефот на Меѓународната агенција за енергија (IEA). Шефот на саудискиот нафтен гигант „Aramco“ нагласи дека е „прилично оптимист“ во проценките на кинеската побарувачка, особено со оглед на стимулациите и зголемената набавка на горива за авиони и на хемикалии....

Ирачкиот премиер Мухамед Шиа Ал-Судани денеска соопшти дека главниот командант на терористичката група „Исламска држава“ (ИД) во Ирак е убиен. Според него, самопрогласениот гувернер на Ирак и уште осум терористи биле убиени за време на антитерористичка операција во планините Хамрин, на североистокот од земјата. – Нема место за терористите во Ирак, и ние ќе ги прогонуваме до нивните скривалишта и ќе ги елиминираме додека земјата не се исчисти од нив и нивните злосторства, изјави Ал-Судани. ИД ја презеде контролата врз провинциите Мосул, Салах Ал-Дин и Ал-Анбар, како и делови од Дијала и Киркук во јуни 2014 година. Овие подрачја беа повторно заземени во наредните години. Поранешниот ирачки премиер, Хајдер Ал-Абади, во декември 2017 година прогласи победа над групата. И покрај тоа што поминаа седум години од протерувањето на ИД од Ирак, групата продолжува со напади во руралните области на неколку провинции....

Најмалку пет лица загинаа во пресрелка што се случила во текот на фудбалски натпревар во Кингстон, главниот град на Јамајка. Локалните медиуми јавуваат дека до пукањето дошло за време на пријателски натпревар во Плезент Хајтс во источниот дел на Кингстон. Медиумите јавуваат и дека населбата во која се играл натпреварот во минатото имала големи проблеми со насилство од банди. Околностите кои довеле до пукањето остануваат нејасни, но дел од медиумите пишуваат дека жртвите биле на трибините кога вооружените напаѓачи им се приближиле и почнале да пукаат. Во нападот со огнено оружје наводно биле повредени уште неколку лица. Полицијата не соопштува повеќе детали за инцидентот, а по престрелката е воведен 48-часовен полициски час....

Вршителката на должноста амбасадор на Соединетите Американски Државu во Тирана, Ненси Ван Хорн, само ден по апсењето на Илир Мета, денеска имала средба со министерот за внатрешни работи, Ервин Хоџа. -Средбата не траеше повеќе од 20 минути. Причината за оваа посета сè уште не е позната, но ваквата средба се случува ден по апсењето на поранешниот претседател, моментално прв човек на Партијата на слободата, Илир Мета по налог на СПАК. Пред неговото апсење Ван Хорн се сретна со главниот специјален обвинител на СПАК, Алтин Думани, со кого средбата траеше околу еден час, наведува Report Tv. Преку соопштение во апликацијата X, американската амбасада соопшти дека Ван Хорн ги „пофалила достигнувањата на СПАК во успешното гонење на корупцијата и организираниот криминал на највисоките нивоа“. Мета, кој моментно е во затвроски притвор, според важечките законски одредби, во рок од 72 часа, треба да излезе пред судот за определување безбедносна мерка. За делата за кои се товари може да добие затворска казна во траење од 15 години и заплена на имот. Поранешниот претседател на Албанија, премиер и претседател на Собрание, Илир Мета, е во затвор откако специјални единици го приведоа на влезот на Тирана, додека се движел кон местото каде требало да одржи прес конференција. Извлечен од автомобил и уапсен на автопат, Мета веднаш бил транпортиран во специјалното обвинителство против организиран криминал и корупција кое го бара за неколку кривични дела. Мета, кој е еден од највлијателните политичари во албанија, заврши зад решетки поради сомнеж дека е вмешан во серија корупциски афери додека извршувал некои од најважните функции во државата. https://publish.twitter.com/?url=https://twitter.com/kos_data/status/1848348779843313752# Од затворот каде што е сместен, лидерот на Партијата на слободата, негираше поврзаност со кривичните дела за кои го теретат и ја обвини владата на Еди Рама дека намерно сака да го замолчи. „Од денес нашата борба започнува нова страница во соочувањето со брутално инсталираната нарко-држава без никаков компромис. Се чувствувам горд што бев насилно киднапиран од антиалбанци и оние кои говорат албански само поради мојот патриотизам и заштита на националните интереси.“ – рече Мета. Еди Рама пак смета дека албанската политика се наоѓа во деликатен период предупредувајќи дека еден дел е веќе е уништен а тие кои се вмешани во корупција сега молчат и се обидуваат да ги скријат трагите. „Чистите раце прават едно, валканите раце друго, отворените едно, скриените друго. Значи, потребна е многу сила, многу внатрешна моќ да не се откажеме, бидејќи политиката во Албанија денес е во момент на деградација, како што е истовремено и момент на преобликување.“, изјави претседателот Рама. Албанската опозиција бурно реагираше, тврдејќи дека апсењето е политички мотивирано, и дека не би било изненадување ако Мета биде ликвидиран… „Сè во овој случај е политички мотивирано и по наредба на Еди Рама, кој на сите начини се обидува да го елиминира Мета политички, а ако е можно и физички.“ – Сали Бериша поранешен претседател и премиер на Албанија. По острите реакции на опозициските парии и дел од јавноста дека се прекршени голем број на процедури при апсењето на поранешниот претседател, од албанската полиција велат дека Мета бил замолен да излезе од автомобилот, но тој арогантно и со навреди одбил да го стори тоа. Од албанското МВР велат дека врз основа на процедурата Мета бил изваден од возилото и присилно приведен поради противење на спроведувањето на судската одлука....

Негативен е резултатот на жената посетител на ЗОО тестирана за птичји грип, потврди попладнево за МИА, доктор Марија Андоновска, директорка на Институт за јавно здравје. Жена била родена 1958 година. – Досега нема пријавено друго лице за тестирање за птичји грип. Само тие што беа двајцата вработени и жената што дојде по нејзино убедување и ја тестиравме. Штом вработените се негативни, не сметаме дека има било каков ризик за посетителите, бидејќи навистина треба да има многу близок контакт за нешто да се случи, нагласи Андоновска за МИА. Вчера од ИЈЗ рекоа дека резултатите од двајца вработени во скопската Зоолошка градина што беа тестирани за птичји грип се негативни....

Кинескиот претседател Кси Џинпинг му рече на својот руски колега Владимир Путин во вторникот дека меѓународната ситуација е во хаос, како и дека стратешкото партнерство меѓу Пекинг и Москва е сила на стабилност во време на најзначајните промени забележани во еден век. Во мај годинава Кси и Путин ветија „нова ера“ на партнерство меѓу двата најголеми геоплотички и економски ривали на Соединетите држави, кои тие ги опишаа како агресивна сила којашто и по завршувањето на Студената војна и којашто предизвикува хаос низ целиот свет. „Во моментов, светот минува низ невидени промени во последните сто години, меѓународната ситуација е испреплетена со хаос“, му рече Кси на Путин во рускиот град Казан на отворањето на самитот БРИКС, група која ги обединува Кина и Русија, Бразил, Индија и Јужноафриканската Република, а се очекува нејзино проширувања со други земји од сите континенти. „Јас цврсто верувам дека пријателството меѓу Кина и Русија ќе продолжи со генерации и дека одговорноста на овие големи земји кон нивните граѓани нема да се промени“, порача Кси. Русија, која води војна против украинските сили поддржани од западните земји предводени од САД, и Кина, чија растечка воена и економска моќ вложува големи напори да ѝ се спротивстави на американската, сè повеќе наоѓаат заедничка геополитичка цел. САД ја сметаат Кина за најголем конкурент, а Русија за најголема државна закана. Претседателот Џо Бајден рече дека „демократиите се оспорени од автократии како Кина и Русија“. Путин го нарече Кси „драг пријател“ и рече дека партнерството со Кина е сила за стабилност во светот. „Руско-кинеската соработка во светските прашања е еден од главните стабилизирачки фактори на светската сцена“, рече Путин. „Имаме намера дополнително да ја зајакнеме координацијата на сите мултилатерални платформи за да обезбедиме глобална безбедност и праведен светски поредок“, доде рускиот претседател. „Привилегирано партнерство“ Путин претходно во Казан во вторникот се состана и со индискиот премиер Нарендра Моди, со кого претходно се сретна и во јули. Тогаш разговараа за билатерални прашања и, се разбира, за војната во Украина, а овие теми беа во центарот на вниманието и сега. „Руско-индиските односи имаат карактер на особено привилегирано стратешко партнерство и продолжуваат активно да се развиваат“, нагласи Путин. „Зајакнува соработката меѓу законодавните тела и на министерско ниво. Трговскиот промет расте, големи проекти се реализираат, дипломатските врски се прошируваат: Индија одлучи да отвори генерален конзулат во Казан“, додаде рускиот претседател. „Ние сме во редовен контакт во врска со тековниот конфликт меѓу Русија и Украина. Како што реков претходно, ние веруваме дека проблемите треба да се решат преку мирни средства Во сите наши напори, приоритет ни е хуманоста и сме подготвени да пружиме секаква помош што можеме“, рече меѓу другото Моди....

–ТИТАН УСЈЕ е меѓу првите во земјава кои активно применуваат циркуларни практики, особено преку копроцесирање на алтернативни горива како оризова лушпа и остатоци од текстилната индустрија. Во периодот од 2020 до 2024 година, околу 5% од топлинската енергија што ја користат печките на УСЈЕ доаѓа од нефосилни горива. Овие практики значително го намалуваат користењето на фосилни горива и придонесуваат кон декарбонизацијата на процесите во производството на цемент. Ова го истакна Наташа Бакреска, менаџер за животна средина и алтернативни горива на ТИТАН УСЈЕ, на „Националната работилница за консолидација на институционалната рамка за транзиција кон циркуларна економија“, во организација на Економската комисија за Европа на Обединетите Нации, која денес се одржа во Скопје. На работилницата беа претставени концепти и бизнис модели на циркуларната економија, успешни примери од нивната имплементација и предизвиците. Со користењето на алтернативни горива како биомаса и текстилни остатоци, ТИТАН УСЈЕ дава пример за тоа како цементната индустрија е интегрирана алка во кружната економија и може да придонесе за значителна декарбонизација и позитивно влијание врз животната средина. „Подготвени сме да ги ставиме на располагање нашите искуства и експертиза во корист на пошироката индустрија и општество Компанијата успеа да пренасочи од депонирање над 13.000 тони биомаса како оризови лушпи и текстил, пластика, хартија и картон кои не се погодни за рециклирање. Со тоа, УСЈЕ има позитивно влијание врз животната средина со намалување на зависноста од природните ресурси и е безбедно, одржливо решение за проблемот со управување со отпадот,” изјави Бакреска. УСЈЕ исто така активно работи на производство на нискојаглеродни цементи, при што успеа да намали 2.600 тони CO2 во 2023 година споредено со 2022 година – резултат еквивалентен на отстранување од употреба на 560 автомобили годишно. Компанијата има за цел до 2030 година да го намали процентот на клинкер во цементот од 70% на 63%, задржувајќи го високиот квалитет на производите и придонесувајќи кон целта на ТИТАН Групацијата за нето-нула до 2050 година. ТИТАН УСЈЕ останува посветена на својата мисија за одржлив развој и активно ја поддржува Северна Македонија во нејзините напори за циркуларна транзиција, истовремено придонесувајќи кон подобрување на квалитетот на животната средина и постигнување на глобалните климатски цели. На работилницата учествуваа претставници на повеќе министерства, државни и образовни институции и на деловни асоцијации и компании, претставници на странски организации во земјава, како и од Република Бугарија и од Република Ирска. Целта на работилницата беше да се поддржат креаторите на политиките и регулаторите во нивните напори за успешно преминување кон циркуларна економија....

WASHINGTON, DC - APRIL 17: Ukrainian Prosecutor General Andriy Kostin attends a meeting with U.S. Attorney General Merrick Garland at the U.S. Department of Justice headquarters April 17, 2023 in Washington, DC. The two sides said they are discussing efforts to hold accountable those committing war crimes in Russia's invasion of Ukraine. (Photo by Drew Angerer/Getty Images) Главниот државен правобранител на Украина, Андриј Евгенович Костин во вторникот објави дека поднесува оставка по скандалот во кој десетици украински функционери ја злоупотребиле својата положба за да добијат статус на инвалидитет и да избегнат воена служба. Оставката уследи по состанокот на Советот за национална безбедност и одбрана на кој се разговарало за тоа како да се спречи корупцијата и да се заобиколат дупките што се користат за избегнување на воената служба. Кабинетот на Костин неодамна беше потресен од обвиненија против десетици украински функционери, вклучително и обвинители, кои се обвинувани дека ги злоупотребиле своите позиции за да добијат статус на попреченост за служење во армијата. „Главниот обвинител мора да преземе политичка одговорност за ситуацијата во органите за кривично гонење на Украина“, напиша претседателот Володимир Зеленски во остар коментар објавен на социјалните мрежи по состанокот на Советот. Објавата за оставка на Костин следеше неколку минути подоцна. До неодамна, државниот обвинител ја нарекуваше „неморална“ ситуацијата со лажните дијагнози за попреченост за служење на воениот рок или за мобилизација и се согласи со Зеленски дека тој мора да сноси лична одговорност. „Во оваа ситуација, мислам дека е правилно да се поднесе оставка“, наведе Костин....

Aнонимна претставка во која се оспорува законитоста на именувањето на Бојан Христовски за нов директор на Агенцијата за национална безбедност (АНБ) стигнала до Државната комисија за спречување на корупцијата (ДКСК). Претседателката на комисијата Татјана Димитровска, рече дека претставката се однесува на наводи за незаконско именување и оформен е предмет за истото. Се посочува дека по обезбедени докази и изготвена документација, комисијата ќе донесе соодветна одлука за којашто ќе биде информирана и јавноста. Владата минатата недела го разреши Зарко Милошевски од директор на АНБ, на негово место беше именуван Бојан Христовски. Тој дојде од Министерството за внатрешни работи, но реакциите во јавноста ги предизцика неговиот ангажман во ВМРО-ДПМНЕ како претседател на Градскиот комитет на партијата во Скопје....

Советот на јавните обвинители на Република Македонија денеска за јавни обвинители во Јавното обвинителство на Република Македонија ги избрал јавните обвинители Валентина Стојановска и Златко Биковски, а за јавни обвинители во Основното јавно обвинителство за гонење на организиран криминал и корупција се избрани јавните обвинители Искра Хаџи Василева и Фатон Азизи. Како што соопштуваат од СЈОРМ, за јавен обвинител во Вишото јавно обвинителство Битола е избран јавниот обвинител Антонио Јолевски, а за јавен обвинител во Вишото јавно обвинителство Скопје е избрана јавната обвинителка Наташа Крстева Цалева. Понатаму на денешната, трета седница, како што дополнуваат од СЈОРМ, се донела одлука за мирување на функцијата јавен обвинител во Вишото јавно обвинителство Битола на Ирина Трајкоска Стрезоски поради избор за директор на Академијата за судии и јавни обвинители и се донела одлука за номинирање на членот на Советот – Зорица Павловиќ за заменик член на Етичкиот совет на јавни обвинители....

Повеќе од 3000 книги и стручна литература како донација за училиштата по македонски јазик во странство биле донесени денеска во Агенцијата за иселеништво од Татјана Гогоска. Агенцијата информира дека донацијата била дадена во име на нејзината почината мајка, Ленка Гогоска, која имала професионална кариера како одделенски наставник, самостоен педагошки советник и професор по дидактика и педагогија. Татјана Гогоска на претходно остварена средба со директорот на Агенцијата за иселеништво, Слободан Близнаковски, информирала дека нејзината мајка создала богата литература чии примероци сакала да ги донира на училиштата, здруженијата и други организирани форми кои дејствуваат во насока на чување и негување на македонскиот јазик во иселеништво. -Директорот Близнаковски за овој хуман подвиг на г-ѓа Татјана Гогоска и врачи благодарница, а за нејзината мајка, м-р Ленка Гогоска, постхумно додели плакета за донација на македонска литература наменета за иселеништво, соопшти Агенцијата за иселеништво. Агенцијата ги информирала иселеничките организации и училиштата по македонски јазик за донацијата и, како што соопшти, тие покажале голем интерес овој вид стручна литература да го збогати нивниот библиотечен фонд, како и да им биде од полза на наставниците кои ја водат наставата по македонски јазик во странство....

Пратениците на Европскиот парламент во вторникот ја критикуваа позицијата на земјите-членки во однос на буџетот за следната година, кој вклучува кратење на средствата за некои важни програми како Хоризонт и Еразмус плус. Советот на ЕУ во септември го изгласа ставот за преговори со парламентот за буџетот за следната година. Земјите-членки предлагаат намалување за 1,52 милијарди евра во однос на предлогот на Европската комисија, вклучително и помалку средства за истражувачката програма Хоризонт, за програмата за размена на студенти Еразмус плус, за Европската агенција за гранична и крајбрежна стража – Фронтекс. Пратениците во среда ќе гласаат за својот став, врз основа на кој ќе се обидат со советот да постигнат конечен договор за буџетот за следната година. Преговорите меѓу двете законодавни институции ќе започнат на 4-ти ноември, а рокот за постигнување договор е 18-ти ноември 2024 година на полноќ. „Советот предлага штедење, намалување на нашиот инвестициски капацитет, што ќе нѐ направи ранливи на глобалната сцена, ќе го намали нашиот капацитет да им помогнеме на Украина, Молдавија и земјите на линијата на фронтот погодени од нелегалната војна на Русија во Украина. Тие ќе ги остават нашите граници незаштитени и ќе ги игнорираат нашите земјоделци и млади луѓе на кои им е потребна помош“, рече на средбата во Стразбур парламентарниот известувач за буџетот, романскиот социјалдемократ Виктор Негреску. Буџетот за 2025 година е првиот годишен буџет од кој ќе се плаќа камата за отплата на долгот што ја финансира реконструкцијата и закрепнувањето од пандемијата. „Позицијата на Европскиот парламент е јасна, буџетот на ЕУ не може да биде заложник на каматните стапки“, рече Негреску. Меѓу другото, претставниците бараат дополнителни 110 милиони евра за здравствени програми, 70 милиони за образование и млади, 42 милиони за заштита од елементарни непогоди, 96 милиони за земјоделците. Негреску рече дека Еразмус се претвора во програма за елитата, бидејќи посиромашните студенти не можат да си дозволат да студираат во друга земја. Унгарскиот државен секретар за јавни финансии Петер Бено Банаи, кој зборуваше во име на Советот, рече дека „актуелната економска и буџетска ситуација бара внимателен пристап“. „Затоа Советот поддржува одложување на некои приоритети за зајакнување на други, како и создавање резерви во буџетот за справување со непредвидени ситуации. За жал, разликите меѓу нашите позиции и позицијата на Европскиот парламент во оваа фаза сѐ уште се релативно големи, речиси 2,8 милијарди евра обврски и 1,8 милијарди евра исплати“, рече Банаи. Комесарот за буџет Јоханес Хан изрази жалење за кратењето на предлог-буџетот на комисијата, истакнувајќи дека оправдувањата за него не изгледаат убедливо, „особено ако се во спротивност со приоритетите и одлуките на самиот совет“. Тој го поздрави ставот на парламентот расходите да се вратат на нивото предложено од комисијата во јуни, односно во годишниот буџет на ЕУ за 2025 година од 199,7 милијарди евра....

Шеесетгодишен маж од Битола пријавил во полицијата дека вчера при чистење на таванот од својот дом, пронашол бомби. Се работи за 10 рачни бомби, четири топовски удари (шок бомби), два куршуми од 9мм и 4 куршуми од 7.62мм. По пријавата, во 09:20 часот, пиротехничар од Дирекцијата за заштита пристигнал на местото на настанот и ги подигнал експлозивните направи за понатамошна постапка. Се преземаат мерки за обезбедување на безбедноста на граѓаните и истрага за потеклото на пронајдените предмети. СВР Битола апелира до граѓаните да пријавуваат слични настани, како и да бидат внимателни при пронаоѓање на предмети за кои сомневаат дека можат да бидат опасни....

ОКТА АД – Скопје ја реализраше првата од трите донации на фотоволтаични централи наменети за образовни институции во земјава, планирани за оваа година. Со оваа најнова донација од ОКТА, основното училиште „Св. Кирил и Методиј“ во Велес доби соларна централа со инсталирана моќност од 16,1 kW (киловати), поставена на покривот на училиштето. Централата може годишно да произведува и до 20 MWh (мегават часови) енергија од сончеви зраци, со што ќе се задоволи најголемиот дел од потребите од електрична енергија на ова училиште, во кое настава посетуваат повеќе од 600 ученици. Истовремено, работата на оваа соларна централа ќе овозможи намалување на емисиите на јаглерод диоксид во атмосферата за повеќе од девет тони годишно. „Ваквиот вид донаторски проекти за нас во ОКТА се особено значајни, затоа што со нивната реализација се генерираат неколку значајни придобивки за заедницата. Преку производство на обновлива енергија од сонцето, оваа централа значително ќе ја намали потрошувачката и трошоците за електрична енергија на ова училиште, а истовремено ќе придонесе и за почиста животна средина. Ваквите проекти се нашиот конкретен придонес кон креирањето одржлива иднина за задницата и за идните поколенија, што сите нас во ОКТА нѐ прави посебно горди“, изјави Димитриос Пасхос, главен извршен директор во ОКТА. Искажувајќи благодарност до ОКТА за оваа исклучително вредна донација, градоначалникот на Велес, Марко Колев рече: „Со инсталирањето на оваа централа донирана од ОКТА, значително се подобрува вкупната енергетска ефикасност на ова училиште и се намалуваат трошоците за електрична енергија, што ќе ни овозможи тие средства да ги пренамениме за други потреби на училиштето и едукативниот процес. Ги повикувам и останатите компании да го следат овој пример и да земат активно учество во реализација на проекти со кои се зголеми учеството на енергијата од обновливи извори во нашата општина и на тој начин ќе се поттикне нејзиниот целокупен одржлив развој“. Покрај оваа, годинава ОКТА планира да инсталира фотоволтаични централи и на покривот на градинката „Детска радост“ во општина Гевгелија, како и на спортскиот центар „Марко Божиновски“ во општина Аеродром во Скопје, кои заедно ќе овозможат годишно производство од околу 113.000 kWh обновлива енергија. Дополнително, како дел од својата стратегија за донаторски вложувања во извори на „зелена“ енергија, минатата година ОКТА веќе инсталираше ваков вид централи на три образовни институции во земјата, со вкупна инсталирана моќност од над 57 kW. Со овие донации, како и со фотоволтаичните централи кои се инсталираат кај своите деловни партнери и инвестицијата во изградбата на сопствена фотоволтаична централа со капацитет од 12 MW, која наскоро се очекува да почне со работа, ОКТА значајно придонесува за забрзување на енергетската транзиција на земјата, преку поголема застапеност на обновливите извори на енергија, како и за поголема заштита на животната средина....

Унгарија, Словачка и Србија ќе продолжат со заедничките напори насочени кон ставање под контрола на илегалната миграција во земјите на Европска унија, изјавија нивните челници во вторникот, додавајќи дека ќе бидат потребни повеќе средства од ЕУ за да се постигне оваа цел. На состанокот во словачкиот град Комарно на унгарската граница, челниците зборуваа за нивните напори за намалување на бројот на мигранти, главно од Блискиот исток и Африка, кои доаѓаа преку таканаречената „балканска рута“. „Оваа година во Србија има 80 отсто помалку мигранти од минатата година“, изјави српскиот претседател Александар Вучиќ по средбата со своите колеги од Словачка и Унгарија, Роберт Фицо и Виктор Орбан. Орбан рече дека пред некому да му биде дозволен влез во ЕУ, треба да се процени неговото барање за азил. Тој, исто така, рече дека само овој модел, каков веќе се користи во Унгарија, работи против илегалните мигранти. Унарскиот премиер смета дека решението би можело да бидат таканаречените „жешки точки“ поставени во последните безбедни земји за мигрантите, на пример во Африка. Вучиќ рече дека Србија никогаш нема да се согласи на вакви „жешки точки“ за илегални мигранти на нејзина територија. Бројот на илегални преминувања во првите девет месеци од 2024 година на Западен Балкан падна на нешто помалку од 17.000, околу 79 отсто помалку од минатата година, покажуваат податоците на граничната агенција Фронтекс. Домаќинот на самитот, словачкиот претседател Фицо ја нарече апсолутен приоритет борбата против илегалната миграција, велејќи дека илегалната миграција негативно влијае на Европа. „Главна тема на денешниот разговор е планирањето на следниот буџет на ЕУ по 2027 година, во чии рамки мора да инсистираме значителен дел од буџетот да се одвои за борба против илегалната миграција, која сериозно ни се заканува“, рече тој....

Најдобриот играч на Светското првенство во 2010 година, поранешниот уругвајски напаѓач Диего Форлан, следниот месец ќе игра на професионален тениски турнир во родното Монтевидео, објавија организаторите. Сега 45-годишниот Форлан, кој ја заврши фудбалската кариера во 2018 година, од неодамна активно се занимава со тенис и има настапувано на неколку турнири за ветерани, но во ноември ќе игра на АТП „челинџерот“ во конкуренција на двојки, а партнер ќе му биде Аргентинецот Федерико Корија, моментално 101-от играч во светот. Форлан и Корија добија покана од организаторите за турнирот кој од 11-ти до 17-ти ноември ќе се одржи во главниот град на Уругвај. Во текот на својата фудбалска кариера, Форлан забележа 112 настапи и постигна 36 гола за репрезентацијата на Уругвај, со која го освои јужноамериканскиот шампионат во 2011 година, а ги носеше и дресовите на европските гиганти Манчестер Јунајтед, Атлетико Мадрид и Интер....

Наскоро Владата ќе излезе со решение за зголемување на платите во здравството, рече денеска заменик-министерот за економија и труд Марјан Ристески по Извршниот одбор на Конфедерацијата на слободни синдикати (КСС). Тој најави и интензивирање на социјалните дијалози, како и на состаноците со сите синдикати и невладини организации од областа на трудот, на кои, нагласи, присутен ќе биде и бизнис секторот. Синдикатите ги поздравија владините мерки, посебно есенската и училишната кошничка. -Благодарение на брзото консолидрање на Буџетот, подобрувањето на економските параметри и ниската инфлација успеавме да ги исплатиме платите во повеќето поголеми јавни претрпијатија како „Македонски шуми“, „Железници“ и „Потшти“, но успеавме и за пет отсто да ги зголемиме платите во образованието со најава дека во наредните четири години покачувањето ќе достигне најмалку 46 отсто со можност овој процент да биде и поголем. Веќе се работи и на решение за здравството. За брзо време ќе слушнете кое решение ќе го понуди Владата во однос на платите во здравството, истакна Ристески. МИА Потсети и дека пред една недела, во рамки на Министерството за економија и труд, почна да функционира Економско-социјалниот совет. -Ќе ги интензивираме сите социјални дијалози преку отворени диксуии, добра анализа и параметри од праксата. Ќе градиме правилни стратегии и ќе донесуваме нови закони кои ќе значат економски раст, подобрување на животниот стандард, зголемување на платите и во јавниот и во приватниот сектор, како и функционирање на правниот систем. Целта е развој на бизнисот, отворање нови работни места и нови инвестиции, потенцира заменик-министерот. И во оваа прилика Ристески се осврна на претходната власт, обвинувајќи дека оставила, како што рече, економска пустош. -Голем број од негативните политки спороведени во претходниот период направија економска пустош во државата, а неправилното функционирање на правната држава и неправилните економски мерки придонесоа голем број млади и работоспособни луѓе да заминат од земјава, истакна заменик-министерот. Според претседател на КСС Благоја Ралповски, наталожени се куп проблеми, пред се функционирањето на социјалниот дијалог. -Многу пати кажавме дека социјалниот дијалог е само формален, без ништо суштинско. Во тој дел денеска ги изнесовме проблемите, зборувавме за изменување и дополнување на законите, за стратешките акциски планови кои со Владата и работодавачите ги преземаме на годишно ниво. Стана збор и за покачување на платите. Пред две недели имавме историско зголемување на платите во образованието, но разговаравме и за зголемување на платите во здравството, како и за економските мерки на Владата. Не радува што, благодарение на овие економски мерки, есенската и училишната кошничка, инфлацијата стагнира и е од 0,5 до 0,6 отсто во последните два месеца, рече Ралповски....

Во периодот од 2011 до 2023 година во Србија биле убиени 406 жени и девојчиња, а една петтина од жртвите биле од областа на главниот град, беше речено во вторникот на Регионалниот форум за превенција од фемицид во Белград, со проценка дека институциите на државата и општеството можат и мораат да ја сменат оваа сурова статистика побрзо и координирано. Според податоците објавени на почетокот на годинава во српските медиуми, само од почетокот на 2024 година до јули во Србија биле убиени 13 жени. Во четири од деветте случаи на убиства на жени регистрирани до 15-ти мај 2024 година, насилството е претходно пријавено во институциите. Шефот на Мисијата на ОБСЕ во Србија, Јан Брату, укажа на фактот дека статистиката за убиства на жени покажува високи бројки и во западна Европа, во Србија и во другите земји од регионот. „Насилството врз жените е делумно последица на длабокото влијание на патријархатот кое е вкоренето во општеството на овие простори, така што мажите во Србија често мислат дека е оправдано да се биде насилен кон жените“, рече Брату. Проблемот уште повеќе го комплицираат медиумите кои „сензационилистички и погрешно“ известуваат за случаи на фемицид. „Мораме да ги промениме овие токсични рамки и со почит да известуваме за жртвите на фемицид“, рече шефот на мисијата на ОБСЕ. Комесарката за заштита на еднаквоста, Бранкица Јанковиќ, предупреди дека суровата статистика мора и може да се промени само со координирана акција на институциите за заштита од насилство. „Најголем број жени се убиени во својот дом – 54,68 отсто. Само овој податок покажува дека домот не е најбезбедно место за човек“, рече Јанковиќ. Најголем број убиени жени се на возраст од 44 до 56 години. Јанковиќ останува на ставот дека фемицидот е „еден од најголемите глобални“, но и домашни национални општествени проблеми кои бараат координиран, постојан систематски одговор и делување од сите надлежни институции и тела. А Вања Мачановиќ од Автономниот женски центар (АЖЦ), претходно предупреди дека донесувањето на Законот за спречување на семејно насилство, кој беше донесен на крајот на 2016 година, подразбира „итни мерки и задолжителна координација на надлежните институции, пред сѐ, на обвинителите, центрите за социјална работа и полицијата“, но „со сериозен надзор над однесувањето на институциите“. „Бројот на убиените жени нема да ни се намали ако не се испита детално“, предупреди Мачановиќ. Според комесарот за заштита на еднаквоста, на Србија и треба национален механизам – тело кое ќе го следи ширењето на насилството и ќе ги анализира сите случаи со цел да се спречат последиците и да се создаде подобар систем на заштита....

Austria's President Alexander van der Bellen delivers a speech on July 20, 2022 in the Festival theathre in Begrenz, Austria, in occasion of the opening of the 76th Bregenz Festival (Bregenzer Festspiele). (Photo by DIETMAR STIPLOVSEK / APA / AFP) / Austria OUT Во вторникот, неколку седмици по парламентарните избори во Австрија, австрискиот претседател Александар ван дер Белен му го даде мандатот за формирање влада на Карл Нехамер, поранешен канцелар и претседател на второпласираната Австриска народна партија (ÖVP). „За време на разговорите последните седмици, се покажа дека Партијата на слободата на Австрија (FPÖ) и нејзиниот претседател Херберт Кикл не можат да најдат коалициски партнер“, ја објасни својата одлука Александар ван дер Белен да му го довери мандатот на второпласираната ÖVP и нејзиниот претседател Карл Нехамер, наместо релативниот победник на изборите за FPÖ. Ван дер Белен рече дека ÖVP и третопласираната Социјалдемократска партија на Австрија (SPÖ) на изборите на крајот од септември објасниле во разговорите дека „од страв за демократијата и владеењето на правото“ не можат да коалицираат со крајно десничарската партија FPÖ. Овие партии го објаснија своето одбивање да соработуваат со десничарските „слободарци“ со нивната блискост со Русија и „недостигот од дистанца“ од радикалните десничарски сили во Австрија. „На Австрија ѝ треба ефикасна, стабилна и независна влада“, рече Ван дер Белен. Тој не ја исклучи можноста во работата на идната влада да учествуваат партиите на Зелените или либералната партија Неос, за да се постигне „посилна поддршка во парламентот“. На австриските парламентарни избори на 29-ти септември, FPÖ освои 29 отсто од гласовите, популистичката ÖVP – 26, социјалемократската SPÖ 21, Неос девет и Зелените осум отсто. Уште пред изборите, ÖVP навести дека може да ја отфрли можноста за коалиција со FPÖ во случај нивниот претседател Кикл, чиишто ставови ÖVP ги смета за премногу радикални, сака да учествува во работата на владата. ÖVP и FPÖ веќе формираа коалиција на федерално ниво, но коалицијата и владата на тогашниот канцелар Себастијан Курц се распаднаа во 2019 година поради улогата на FPÖ во корупцискиот скандал во Ибица. „Слободарците“ тврдат дека е конструирана од германските и друи разузнавачки служби за да ѝ се зададе конечен удар на партијата која е на удар на етаблираните партии и од нив контролираните медиуми уште од самото нејзино основање. Но „слободарците“ по ткн „Аферата Ибица„, која доведе до распаѓање на народњачко-слободарската коалициска влада на Себастијан Курц, закрепна релативно брзо, првенствено со застанување на страната на противниците на заштитните мерки за време на пандемијата на коронавирус, со негирање на климатските промени, но и со заострување на нивната антиимиграциска политика. ....

Austria's President Alexander van der Bellen delivers a speech on July 20, 2022 in the Festival theathre in Begrenz, Austria, in occasion of the opening of the 76th Bregenz Festival (Bregenzer Festspiele). (Photo by DIETMAR STIPLOVSEK / APA / AFP) / Austria OUT Во вторникот, неколку седмици по парламентарните избори во Австрија, австрискиот претседател Александар ван дер Белен му го даде мандатот за формирање влада на Карл Нехамер, поранешен канцелар и претседател на второпласираната Австриска народна партија (ÖVP). „За време на разговорите последните седмици, се покажа дека Партијата на слободата на Австрија (FPÖ) и нејзиниот претседател Херберт Кикл не можат да најдат коалициски партнер“, ја објасни својата одлука Александар ван дер Белен да му го довери мандатот на второпласираната ÖVP и нејзиниот претседател Карл Нехамер, наместо релативниот победник на изборите за FPÖ. Ван дер Белен рече дека ÖVP и третопласираната Социјалдемократска партија на Австрија (SPÖ) на изборите на крајот од септември објасниле во разговорите дека „од страв за демократијата и владеењето на правото“ не можат да коалицираат со крајно десничарската партија FPÖ. Овие партии го објаснија своето одбивање да соработуваат со десничарските „слободарци“ со нивната блискост со Русија и „недостигот од дистанца“ од радикалните десничарски сили во Австрија. „На Австрија ѝ треба ефикасна, стабилна и независна влада“, рече Ван дер Белен. Тој не ја исклучи можноста во работата на идната влада да учествуваат партиите на Зелените или либералната партија Неос, за да се постигне „посилна поддршка во парламентот“. На австриските парламентарни избори на 29-ти септември, FPÖ освои 29 отсто од гласовите, популистичката ÖVP – 26, социјалемократската SPÖ 21, Неос девет и Зелените осум отсто. Уште пред изборите, ÖVP навести дека може да ја отфрли можноста за коалиција со FPÖ во случај нивниот претседател Кикл, чиишто ставови ÖVP ги смета за премногу радикални, сака да учествува во работата на владата. ÖVP и FPÖ веќе формираа коалиција на федерално ниво, но коалицијата и владата на тогашниот канцелар Себастијан Курц се распаднаа во 2019 година поради улогата на FPÖ во корупцискиот скандал во Ибица. „Слободарците“ тврдат дека е конструирана од германските и друи разузнавачки служби за да ѝ се зададе конечен удар на партијата која е на удар на етаблираните партии и од нив контролираните медиуми уште од самото нејзино основање. Но „слободарците“ по ткн „Аферата Ибица„, која доведе до распаѓање на народњачко-слободарската коалициска влада на Себастијан Курц, закрепна релативно брзо, првенствено со застанување на страната на противниците на заштитните мерки за време на пандемијата на коронавирус, со негирање на климатските промени, но и со заострување на нивната антиимиграциска политика. ....

CREATOR: gd-jpeg v1.0 (using IJG JPEG v62), quality = 82 Министерот за здравство Арбен Таравари, кој е дел од коалицијата „Вреди“, коментирајќи ја одлуката на Централното претседателство на ДУИ да одржуваат состаноци од отворен карактер со присуство на граѓани, рече дека она што треба да го направи ДУИ е да се реформира бидејќи, како што посочи, има многу некредибилни луѓе меѓу нив. -ДУИ не одат на протести, туку на средби со граѓани. Јас им кажав, но и препорачувам на ДУИ прво да започнат со реформи во партијата. Имаат доста некредибилни луѓе меѓу нив. Им треба адаптација во опозиција. Така што, прво беа протести, сега ми се чини поради ниските температури, одлучија да се сретнат со граѓаните. Нека се сретнат. Дури мислам дека не требаше да направат толку долга апстиненција од четири месеци, вопшто да не се видат со граѓаните, изјави Таравари. Централното претседателство на ДУИ вчера во седиштето на партијата во Мала Речица одржа седница на која беа донесени повеќе заклучоци меѓу кои и да се организираат состаноци од отворен карактер....

Започнавме структурни реформи во сите сектори. Имаме амбициозна програма со која започнавме да ја менуваме сликата за Македонија. Ја реализираме наголемата инвестициона активност во патната мрежа каде започнуваме постапки за изградба на неколку автопати. Завршуваме со изградба на неколку брзи патишта. Нашиот најамбициозен проект е изградба на брза пруга токму на коридор 10 со што ќе овозможиме брза врска до солунското пристаниште и до Централна Европа. Започнавме и со промена на перцепцијата за инвеститорите, да понудиме услови кој ќе бидат конкуретни за инвеститорите и да бидеме препознати како погодна земја за инвестирање, се обрати заменик претседателот на Владата и министер за транспорт, Александар Николоски, на Форумот за поврзување со Југоисточна Европа што се одржува во Солун. Тој истакна дека линкот до солунското пристаниште е Македонија и затоа треба да се размислува меѓу земјите партнери на Коридор 10 како да се олесни транспортот и трговијата и да се упростат постапките за компаниите. “Имаме обврска како Влади да обезедиме брз и сигурен транспорт. Јас си поставив една цел а тоа е да изградам брза пруга и тоа токму во делот на Коридор 10, значи од границата со Србија па се до границата овде во Грција. Оваа пруга што сега ја имаме е бавна и не ја исполнува целта на брзиот транспорт. Коридор 10 е стратешки коридор за сите нас и затоа мора да ги искористиме неговите предности. Овој наш план е амбициозен, истовремено е приоритетен проект на кој многу посветено работиме. Паралелно со ова започнуваме со реконструкција и на постојаната пруга за да може и таа да ја биде во функција за да се користи за домашен и меѓународен транспорт. Дополнително работиме на изградба и на железница на Коридор 8 кон Бугарија. Во делот на патната мрежа силно сме фокусирани на изградба на неколку автопати и брзи патишта на Коридор 8 и 10 со што создаваме нова мрежа на патишта низ земјата”- истакна министерот Николоски. Пред бројните компании тој ги претстави инвестициските услови потенцирајќи дека следи период кога економските индекси значително ќе бидат подобрени. “ За следната година очекуваме да имаме најголем раст на БДП-то во регионот. Започнавме да работиме на заедничко поврзување со Грција преку интерконекторот каде ќе се поврземе на гасот од Азербејџан. Очекуваме во следниот период овој гасовод да биде изграден и да ја намалиме зависноста од рускиот гас што значително ќе влијае врз производството. Во овој период имаме силен развој и во сегментот на снабдување со енергија од фотонапонски централи. Работиме на професионализација на администрацијата, на поедноставување на процедурите Нашите планови се сериозни и верувам дека ќе ги реализираме. Ме прашавте за домашните компании. Најголем дел од извозно ориентираните зависат од солунското пристаниште и затоа имаме обврска кон нив да обезбедиме модерни врски, евтини врски за да ја олесниме нивната работа. Тоа и го работиме”- потенцираше министерто Николоски. Во текот на денот министерот Николоски ќе оствари билатерални средби со министерот за инфраструктура и транспорт на Грција, Христос Стакурас, како и со министерот за поморски работи и островска политка, Христос Стилинидис. Форумот за поврзување со Југоисточна Европа, претставува собир на највлијателните компании и организации за транспорт од Грција, стопански комори, логистички центри и различни финансиски институции....

Државната изборна комисија денеска на седница изгласа извештај со кој констатира дека пратеник во Собранието за остатокот од мандатот согласно Изборниот законик станува Катерина Димитровска, на местото на Марија Митева од ВМРО-ДПМНЕ и Коалицијата „За твоја Македонија“. Претседателот на ДИК, Борис Кондарко, информираше дека 114-тата седница е свикана по добивање на известување од претседателот на Собранието, со кое ги информира дека Собранието денеска на седница констатирало престанок на мандат на пратеничката Митева, која е избрана од листата на кандидати за пратеници за Изборната единица 1 поднесена од Коалицијата „За твоја Македонија“, предводена од ВМРО-ДПМНЕ. – Согласно Изборниот законик, ДИК со свој допис го извести наредниот кандидат Катерина Димитровска, од листата на кандидати поднесена за пратеници во Собранието за ИЕ 1 од истиот овластен подносител – Коалицијата „За твоја Македонија“. ДИК доби писмено известување дека наредниот кандидат Катерина Димитровска го прифаќа мандатот за пратеник во Собранието за останатиот дел од мандатот согласно Изборниот законик, информираше Кондарко. Извештајот, ДИК го изгласа едногласно и донесе заклучок да се достави до Собранието, за да продолжи процедурата за верификација на мандатот на Катерина Димитровска. Марија Митева на седница на Влада на 8 октомври беше именувана за портпарол на Владата....

Заштеда од 750 до 2 000 денари по ученик од семејство овозможи т.н. училишна кошничка која заврши на 20-ти овој месец. Како што рече денеска заменик министерот за економија и труд Марјан Ристески, по завршувањето на есенската кошничка Владата ќе излезе со официјални податоци и за заштедата по оваа основа. -Со училишната кошничка намалувањето на цените на производите беше околу 20 – 50 отсто или во просек од 25 до 30 проценти. Заштедата по ученик е 750 – 2 000 денари. По завршување на есенската кошничка ќе излеземе со официјален податок колкава е заштедата на една просечна фамилија за основните прехранбени и земјоделски производи, потенцира Ристески на прес-конференцијата на Конфедерацијата на слободни синдикати на Македонија. Училишната кошничка беше воведена на 3 септември како економска мерка, а опфати школски чанти, прибори, тетратки, блокови, моливи и пенкала, гуми за бришење, фломастери и боици, острилки, линијари, шестари и хартија за фотокопирање, маркери, мрсни боици, акрилни, водени бои и четки, линеарни и дидактички материјали,… Целта беше продажба на овие производи по прифатливи цени за потрошувачите. Есенската кошничка беше објавена на 20 септември, а треба да трае до 31 октомври. Се однесува на ориз, брашно, тестенини, масло, млеко, јогург, млечни производи, зеленчук и овошје,…...

Хрватскиот европратеник Тонино Пицула е назначен за постојан известувач на Европскиот парламент за Србија, соопштено е во вторник. Во следните пет години Пицула ќе биде задолжен за анализа, следење и известување до изввршните тела на Европската унија за ситуацијата во Србија и усогласување со европското право и законодавство, основните вредности и конкретните политики, се вели во соопштението за печатот од неговиот кабинет. Станува збор за должност во која, во конкретниот случај Пицула, во овој мандат во име на Европскиот парламент ќе ги покрие сите теми поврзани со односите меѓу Европската унија и Србија. „Со оглед на големото искуство што го стекнав и моето познавање за состојбите во Западен Балкан, како и за политиката за проширување на ЕУ, ова назначување го гледам како признание за мојата досегашна работа“, рече Пицула. Србија ќе биде оценувана поединечно, според резултатите. Еднаш годишно Пицула во име на ЕП ќе подготвува извештаи за состојбите во Србија. „Како и секогаш, го поздравувам и поддржувам фактот што политиката за проширување повторно е во фокусот на ЕУ. Очигледно има поголема политичка поддршка од претходно, но процесот на пристапување, сепак, мора да се заснова на исполнување на критериумите. Секоја земја треба да се оценува индивидуално според неговите резултати“, истакнува Тонино Пицула Во претходните мандати Пицула беше шеф на Работната група за Западен Балкан, известувач за САД и Црна Гора, известувач на ЕП за новата стратегија за проширување и ко-известувач на ЕП за финансискиот инструмент за претпристапна помош ИПА III и за Планот за раст за Западен Балкан. За Србија, којашто доби статус на земја кандидат во март 2012 година, еден од главните предизвици секако ќе биде, покрај усогласувањето со правното законодавство и вредностите на ЕУ, усогласеноста со актуелната политика на Брисел кон руската инвазија на Украина. Официјалниот почеток на преговорите меѓу Србија и ЕУ беше во јануари 2014 година, а досега се отворени 22 од 35 поглавја; вклучувајќи ги сите поглавја во кластерот 1 за основите на процесот и кластерот 4 за Зелената агенда и одржливото поврзување, од кои две се привремено затворени....

Денеска на покана на Претседателот на Конфедерацијата на слободни синдикати, Благоја Ралповски и Претседателот на самостојниот Синдикат за образование, наука и култура (СОНК), Јаким Неделков, заменик-министерот за економија Марјан Ристески беше гостин на извршниот одбор на КСС каде разговараа на повеќе теми. -На средбата им го честитав историскиот договор со Владата каде од наредната плата вработените во образованието ќе добијат покачување од 5 проценти, од март дополнителни 7 проценти, и покачувањата ќе продолжат секоја година скалесто каде до 2028 година платите ќе пораснат за минимум 46 проценти. Ние сме пријатели на работниците и синдикатите, тука сме да разговараме и заедно да ги дискутираме сите прашања, како во рамки на министерството за економија и труд, така и преку Економско-социјалниот совет (ЕСС), посочи тој....

Постапките за вработување во институциите во јавниот сектор ќе продолжат и ќе се довршат во согласност со законите кои важеа во моментот кога се распишани огласите за вработување, соопшти Министерството за јавната администрација. Минатиот месец министерството ги сопре сите вработувања во јавната администрација откако Уставниот суд реши да ја испитува уставноста и законитоста на механизмот балансер, со кој се обезбедуваше правична застапеност на заедниците во вработувањата. Минатата недела Судот го укина балансерот, односно укина повеќе одредби од Законот за вработените во јавниот сектор во кои се споменува терминот „припадник на заедницата“. Од Министерството за јавна администрација појаснуваат дека огласите ќе се довршат, но во постапките нема да се применуваат укинатите законски одредби....

Во Германија за првпат е откриен новиот клад 1b варијанта на вирусот мпокс, соопшти денеска Институтот Роберт Кох (РКИ), пренесе ДПА. Првиот случај на кладот 1b варијантата на мпокс надвор од африканскиот континент беше потврден во Шведска во средината на август. – РКИ во моментов не прогласува зголемен ризик од кладот 1 вируси во Германија, но ја следи ситуацијата многу внимателно и ќе ги приспособи своите препораки доколку е потребно, објави институтот на својата веб-страница. Симптомите на мпокс вклучуваат типичен осип и често општи симптоми како треска, главоболка и мускулна болка. Фаталните случаи се ретки, особено во земјите со добри стандарди за лекување. Се смета дека кладот 1b е потежок од кладот 2b и постојат сомневања дека е позаразен. Сепак, експертите за јавно здравје предупредуваат дека во моментов нема доволно веродостојни податоци за варијантата. Инфекции од другата варијанта на вирусот мпокс, клад 2b, се откриени во многу земји, вклучително и Германија од мај 2022 година. Според РКИ, во Германија не се регистрирани смртни случаи од мпокс....

Посетата на генералниот секретар на Обединетите нации Антонио Гутереш на самитот на БРИКС во руски Казан покажува дека асоцијацијата стана важна за Западот, вели претседателката на Меѓународниот форум на земјите од БРИКС, Индијката Пурнима Ананд во интервју за руската агенција ТАСС пред почетокот на 16-от самит на групацијата најголеми пазари во развој. „Како што слушнавме, доаѓа и генералниот секретар на ОН, така што ова покажува дека овој (самит на БРИКС) има меѓународно значење и ова не е само асоцијација на БРИКС и 30-те земји заинтересирани да станат членки на групата БРИКС, ова е меѓународен настан. И јас се надевам дека присуството на Обединетите нации покажува дека оваа групација БРИКС стана многу важна за Западот и Америка“, вели Ананд. Ананд ја истакнува важноста и вредноста на претстојниот настан. „Казан ќе стане најбезбедното место на земјата и многу светски челници ќе дојдат во Казан и ова е навистина многу важна конференција, бидејќи сега има многу големи турбуленции во светот“, додава таа и потсетува на конфликтите кои постојат во светот како што се руската инвазија во Украина и војната на Израел во Појасот Газа и Либан. „Мирот и регионалната безбедност се многу важни затоа, имаме многу големи очекувања од самитот на БРИКС 2024 година“, истакна шефот на форумот на меѓународните асоцијации. Самитот на БРИКС се одржува во Казан од 22-ри до 24-ти октомври, а во вторникот пред почетокот на работниот дел рускиот претседател Владимир Путин се сретна со индискиот премиер Нарандра Моди, земја која економски тесно соработува со Русија а политички инклирира кон Западот иако не ги прифати неговите антируски санкции поради војната во Украина....

Европскиот парламент на денешното заседание во Стразбур со 518 гласа „за“, 56 „против“ и 61 „воздржан“ го одобри новиот пакет за макрофинансиска помош за Украина, наречен Украинскиот механизам за заемна соработка, кој предвидува исплата на заем за земјата во износ до 35 милијарди евра. Заемот е дел од пакетот договорен на ниво на Г7 во јуни годинава за финансиска помош за Украина во вкупен износ од околу 45 милијарди евра (50 милијарди американски долари). Сумата што ќе ја исплати ЕУ би можела да биде и помала во зависност од висината на заемите што ќе ги доделат другите партнери на Унијата од Г7. Предвидено е сервисирањето и отплатата на заемот да се врши од идните приходи од профитите од замрзнатите средства на руската Централна банка во ЕУ. Средства од позајмицата ќе и се исплаќаат на Украина до крајот на 2025 година. Исплатата на средствата од заемот е условена со „континуирана посветеност“ на Украина на одржувањето на ефикасни демократски механизми, почитување на човековите права и спроведување на условите утврдени во Меморандумот за разбирање. Пред гласањето, известувачот за ова прашање, шведската либерална европратеничка Карин Карлсбро изјави дека во услови кога Украина продолжува да се спротивставува на руската агресија и нејзините храбри граѓани се борат не само за сопственото опстојување и слобода, туку и за одбрана на демократијата, човековите права, слободата и меѓународното право за сите, потребна и е огромна и итна финансиска поддршка. – Русија мора да плати за нападот врз Украинците и бруталното уништување на инфраструктурата, градовите, селата и домовите во земјата. Товарот на обновата на Украина ќе го понесат одговорните за нејзиното уништување, односно Русија, нагласи Карлсбро. Украинскиот механизам за заемна соработка веќе го поддржаа земјите членки на Унијата и по неговото одобрување во Европскиот парламент, потребно е уште формално усвојување од страна на Советот на ЕУ. Регулативата за Механизмот ќе стапи во сила следниот ден по нејзиното објавување во Службениот весник на ЕУ. Европската комисија минатиот месец најави дека ќе и одобри заем на Украина во износ до 35 милијарди евра, како дел од планот за финансиска помош на Г7, што ќе биде финансиран од замрзнатите руски државни средства. Одлуката за исплатата на заемот уследи откако земјите членки на ЕУ се согласија за користење на профитот од замрзнатите руски средства за воени поддршка и обнова на Украина. По руската агресија на Украина во февруари 2022 година, ЕУ замрзна приближно 210 милијарди евра средства од Централната банка на Русија што се наоѓаа во европските земји....

Министерот за здравство Арбен Таравари најави дека започнале со децентрализација на Клиниката за онкологија и целта е да функционира како Институтот за трансфузиологија, прашан што се сменило во интерес на пациентите, по една година откако изби скандалотво врска со Онкологија. – Ние започнавме со децентрализација на Онкологија. Се работи во болницата „8 Септември“. Одреден кадар веќе се обучува тука на Онкологија и целта ни е да направиме мрежа што ќе биде контролирана од Клиниката за онкологија. Значи во „8 Септември“, веќе се надевам за месец ипол ќе почне и таму да се даваат терапии, тоа ќе го промовираме. Во Тетово веќе се дава, во Битола се дава, во Штип се дава онколошка терапија. Полека – полека да започнеме со децентрализација, меѓутоа повторно да има некаква контрола од Клиниката за онкологија. Практично да функционира како Институтот за трансфузиологија. Центарот е во Скопје, меѓутоа има филијали секаде – појасни министерот. Тој рече дека сѐ уште не го добил последниот ревизорски извештај за Онкологија. Директорот Игор Стојковски кажа дека тие го добиле и заедно со тимот имале предвидено акционен план. Ќе се постапувало по препораките во ревизорскиот извештај. Прашан околу дозволата за вработување, затоа што имало ургентни вработувања, директорот рече дека административната процедура е почната. Ја опиша како доста комплексен процес и оти сѐ зависело од Министерството за здравство, Министерството за информатичко општествто и администрација и од Министерството за финансии. На новинарско прашање каков кадар ќе се вработува, тој нагласи дека ќе биде од сите профили. – Значи имаме медицински сестри, лекари, медицински технолози, административен кадар, околу 50 е бројката – одговори Стојковски....

default Википедијанци од Централна и Источна Европа се собраа во Преспа од 7 до 8 септември 2024 година, а заеднички повод беше собирот на кој можеа да се обучат за проектот „Викиекспидиции“. Овој проект е во организација на Викимедија МКД, здружение на граѓани, кое преку вакви разновидни проекти промовира и создава слободни енциклопедиски содржини на македонски јазик. За овој настан беа избрани 23 википедијанци од 12 земји од Источна и Централна Европа кои поминаа три дена во учење и фотографирање на убавините на Преспа. Проектот Викиексипидиции има за цел да помогне во подобрување на постоечките и создавање на нови статии за градовите, селата, географските области и особености во областите низ целата територија на Македонија на македонски јазик од страна на активните корисници и уредувачи, како и самите членови на здружението. Проектот е доста успешен, поради што постоеше голем интерес од википедијанци од други земји како да го спроведат во своите држави. Учесниците беа избрани преку повик за аплицирање. Учесниците (учесници и обучувачи) беа поделени во седум тимови од по четири члена, и секој член имаше однапред одредена улога – возач, истражувач, фотограф и оператор на дрон. Возачите ги превезуваа тимовите за време на обуката, истражувачите беа одговорни за истражување на целната област на експедицијата, фотографите фотографираа за време на обуката, а операторите со дронови правеа воздушни снимки и снимаа видеа со помош на дрон. Обуката започна со воведно обраќање на обучувачите и воведна тркалезна маса на која учесниците го споделија своето искуство, интересот за учество на настанот и идните планови за тоа како да ги користат новите вештини и знаења во нивните земји и заедници. Потоа имаше работилница на која беше претставена експедицијата во Преспа, а со ждрепка беа формирани истражувачки тимови. Во втората половина од првиот ден, беше организирано истражување на блиската планина Галичица. Вториот ден беше одбележан со експедицијата во најсеверниот дел на регионот Преспа. Википедијанците посетија 6 села и исто така документацијата вклучуваше пребарување на места од интерес, како што се цркви, манастири, споменици на културата, училишта итн. Главниот план во блиска иднина е да се водат и да им се помогне на слушателите да ги користат вештините и знаењата стекнати за време на обуката за да иницираат експедиции и други активности на отворено во нивните земји и заедници. Оваа обука и самите Викиекспедиции имаат за цел што побогата содржина на Википедија за Македонија, односно поголема покриеност на содржините на Википедија за Македонија. Викимедија МКД имплементира голем број проекти за создавање на слободни содржини на Википедија и нејзините сродни проекти, сè со цел македонската читателска публика да има голем број содржини на македонски јазик....

Одредени делови на Шпанија, вклучувајќи ги Мадрид, Валенсија и Андалузија, ќе бидат премногу жешки за да живеат по 30 години поради климатските промени, предупреди денеска НАСА. „Освен делови од Шпанија, до 2050 година областите како Јужна Азија, Персискиот Залив, Црвеното Море и источна Кина ќе бидат исто толку топли што животот нема да биде одржлив“, е наведено во студијата на НАСА насловена како „Премногу жешко: Како климатските промени може да направат некои места премногу жешки за живот“. Во исто време, студијата забележува дека слични температури ќе погодат делови од Југоисточна Азија и Бразил до 2070 година. „Настаните како топлотниот бран во Европа во 2003 година, кој однесе повеќе од 70.000 животи, ќе станат почести и потешки…Луѓето кои веќе живеат во „жешките точки“ ќе мора да се прилагодат на уште подолги периоди на топлотни бранови, додека оние кои живеат во постудените градови ќе бидат изложени на екстремна топлина на која не се навикнати“, велат експертите. Тие предупредуваат дека големите градови ќе мора да се прилагодат пред 2050 година, особено кога станува збор за соодветна климатизација и дека е неопходно да се реши проблемот со недостигот на зелени површини во урбаните региони. Здравствените проблеми како дехидрација, топлотен удар и кардиоваскуларни болести ќе станат почести, предупредуваат експертите....

Општина Кисела Вода направи нов значителен чекор кон подобрување на хигиената и животната средина со обезбедување на нови 1212 канти за отпадоци и 59 контејнери. Оваа донација од Министерството за животна средина е дел од заедничките напори за унапредување на условите за живот на жителите на овој дел од градот. Имено, сите домаќинства кои поседуваат стара оштетена канта ќе добијат нова, училиштата и градинките ќе добијат нови контејнери, а старите дотраени канти ќе бидат предадени на фирма специјализирана за рециклирање на отпад. -Подобрувањето на хигиената е од суштинско значење за животната средина и за здравјето на граѓаните. Со замената на старите и оштетени канти, воспоставуваме поефикасен и поеколошки начин за справување со отпадот. Сите домаќинства кои имаат оштетени канти ќе можат да ги заменат со нови, преку пријавување во канцелариите на месните заедници низ општината. Старите канти, откако ќе бидат собрани, ќе бидат предадени на специјализирана фирма за рециклирање, со што дополнително ќе придонесеме за заштита на животната средина. Сакам да изразам голема благодарност до Министерството за животна средина за оваа значајна донација, но и да апелирам до сите граѓани да го одлагаат отпадот соодветно и да ги користат новите канти и контејнери наменски. Со тоа, не само што ќе придонесеме за чиста животна средина, туку и ќе го подобриме квалитетот на живот за сите нас, изјави градоначалникот Орце Ѓорѓиевски....

Капитенот на германската кошаркарска репрезентација Денис Шродер изјави дека играњето за Баерн Минхен по заминувањето од НБА лигатане е опција за него. „Нема шанси“, изјави 31-годишниот играч на Бруклин Нетс за онлајн порталот ran.de во интервју објавено во вторникот. „Брауншвајг е мојот тим и кога ќе дојдам во Германија, ќе играм само за Брауншвајг. Нема да играм за ниту еден друг клуб“, објасни тој. На неговата листа со желби е враќањето во Брауншвајг, во кој акционер е и самиот Шродер. „Дефинитивно морам да се вратам во Брауншвајг. Оттаму почнав. Тоа би го направило клубот поголем. Сакаме да го достигнеме врвот во Европа. И Баерн беше на почетокот, а сега е многу високо. Гледам Баерн – фудбал и кошарка – како им оди. Секако дека сакам да внесам и НБА стил“, изјави МВП-то на Светското првенство во 2023 година, каде Германија изненадувачки го освои златниот медал. По овогодинешниот олимписки турнир во Париз кормилото на репрезентацијата го напушти селекторот Гордон Херберт, кој го презеде раководството на евролигашот Баерн, а на негово место дојде Шпанецот Алекс Мумбру. Шродер се надева дека оваа генерација ќе остане заедно уште некое време. „Мислам, кој сега не сака да биде дел од тоа… Луѓето зборуваат за златната ера и затоа треба да се држат заедно што е можно подолго“, заклучи 31-годишниот плејмејкер. Првото големо натпреварување за германската кошарка под водство на новиот селектор ќе биде Европското првенство во 2025 година, за кое во моментов се играат квалификациите. Германија е во групата со Црна Гора, Бугарија и Шведска, а три од овие четири репрезентации ќе се пласираат на Евробаскетот. На последниот Евробаскет, одржан во 2022 година, кога Германија беше еден од кодомаќините, германските кошаркари го освоија бронзениот медал....

Судењето за случајот „Организатори на 27 април“ е презакажано за 14 ноември годинава, откако изутрината обвинетите Спиро Ристовски, Трајко Вељаноски и Миле Јанакиевски, преку адвокатот Еленко Миланов поднесле барање до Основниот кривичен суд на денешното рочиште да одлучи по поднесокот за амнестија без да се изведуваат материјални и вербални докази. Претседателот на Судечкиот совет, судијата Илија Трпков, информираше дека во поднесокот обвинетите навеле дека потребно е Судот да донесе решение за примена на Законот за амнестија, бидејќи веќе има воспоставено таква пракса, односно Кривичниот совет во 2018 година има донесено решение за амнестија во тек на главна расправа, во фаза на доказна постапка, каде не се чекало завршување на доказната постапка. – Во прилог е доставено решение на Кривичен совет, Одделение за организиран криминал и корупција, од 20.12.2018 година со образложение дека решението било донесено во текот на главна расправа, во фаза на доказна постапка и не се чекало завршување на доказна постапка. На Јавното обвинителство ќе му доставам примерок од ова решение, како и примерок од поднесокот… Јас го разгледав поднесокот и вистина е дека донесено е решение за амнестија во текот на доказна постапка, не само за обвинетиот во наведениот случај, туку и за други обвинети, меѓутоа јавниот обвинител нека се произнесе и нека даде мислење, со оглед на тоа дека овој поднесок го примивме во текот на денешниот ден, посочи судијата Трпков. Обвинети во овој предмет се поранешниот претседател на Собранието, Трајко Вељаноски, екс министрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски. Тие се товарат дека сториле кривично дело „терористичко загрозување на уставниот поредок и безбедноста“. Апелацискиот суд во април годинава ја укина првостепената пресуда од јули 2021 година, со која Вељаноски беше осуден на шест и пол години затвор, екс министрите Јанакиески и Ристовски добија казна од 6 години и три месеци затвор, додека поранешниот директор на УБК Атанасовски шест години затвор, и предметот го врати на повторно судење. Процесот го води судијата Илија Трпков, а застапник на обвинението е јавната обвинителка Искра Хаџи Василева....

Капитенот на германската кошаркарска репрезентација Денис Шродер изјави дека играњето за Баерн Минхен по заминувањето од НБА лигатане е опција за него. „Нема шанси“, изјави 31-годишниот играч на Бруклин Нетс за онлајн порталот ran.de во интервју објавено во вторникот. „Брауншвајг е мојот тим и кога ќе дојдам во Германија, ќе играм само за Брауншвајг. Нема да играм за ниту еден друг клуб“, објасни тој. На неговата листа со желби е враќањето во Брауншвајг, во кој акционер е и самиот Шродер. „Дефинитивно морам да се вратам во Брауншвајг. Оттаму почнав. Тоа би го направило клубот поголем. Сакаме да го достигнеме врвот во Европа. И Баерн беше на почетокот, а сега е многу високо. Гледам Баерн – фудбал и кошарка – како им оди. Секако дека сакам да внесам и НБА стил“, изјави МВП-то на Светското првенство во 2023 година, каде Германија изненадувачки го освои златниот медал. По овогодинешниот олимписки турнир во Париз кормилото на репрезентацијата го напушти селекторот Гордон Херберт, кој го презеде раководството на евролигашот Баерн, а на негово место дојде Шпанецот Алекс Мумбру. Шродер се надева дека оваа генерација ќе остане заедно уште некое време. „Мислам, кој сега не сака да биде дел од тоа… Луѓето зборуваат за златната ера и затоа треба да се држат заедно што е можно подолго“, заклучи 31-годишниот плејмејкер. Првото големо натпреварување за германската кошарка под водство на новиот селектор ќе биде Европското првенство во 2025 година, за кое во моментов се играат квалификациите. Германија е во групата со Црна Гора, Бугарија и Шведска, а три од овие четири репрезентации ќе се пласираат на Евробаскетот. На последниот Евробаскет, одржан во 2022 година, кога Германија беше еден од кодомаќините, германските кошаркари го освоија бронзениот медал....

Ќе имаме две компресорски станици, нова и сервисирана. Ова го соопшти денеска министерот за здравство Арбен Таравари, кој одговараше на новинарски прашања пред Клиниката за онкологија. – До крај на јануари треба да заврши компанијата. Се работи, компанијата што е задолжена. Така да, да се надевам дека ќе имаме не една, туку две компресорски станции. Една нова и една сервисирана, што ќе ни служи како „бекап“, евентуално ако не функционира едната, веднаш да се активира другата, подвлече Таравари. Во мај, операциони сали на Клинички центар беа затворени поради непријатна миризба. За итни интервенции, пациентите се упатуваа во Универзитетската клиника за хируршки болести „Свети Наум Охридски“ и во Градската општа болница „8 Септември”....

Војна за наследување на Фетула Ѓулен во доброволен егзил во Пенсилванија и милијардите на неговата организација во САД, неуспешниот воен удар, тајните служби и десетиците киднапирања на Турци од балканските земји се разгледуваат во анализите по смртта на турскиот исламистички проповедник. Важно поглавје во поновата историја на Турција се затвора со смртта на имамот Фетула Ѓулен, кој од проповедник на „толерантен“ политички ислам и ментор на турскиот претседател Реџеп Тајип Ердоган, се претвори во негов смртен непријател, обвинет за организатор на обидот за пуч во 2016 година и стана најбараната личнос од турските власти се додека не издивна во егзил во САД на 86-годишна возраст. Турските медиуми под контрола на Ердоган објавуваа и во други прилики за наводна смрт на Ѓулен, но неговите соработници ги демантираа. Сепак, извештаите од понеделникот од Турција, во кои се детализирани последните часови на исламистичкиот водач (кој боледувал од откажување на бубрезите, дијабетес и деменција), не се демантирани. Наместо тоа, веста за смртта на Ѓулен ја потврди неговиот внук. Претходно, Hercul, веб-страница која ги објавува проповедите на Ѓулен, на социјалната платформа Х објави дека Ѓулен починал во неделата вечерта во американска болница каде што бил на лекување. Војна за наследување на Ѓулен – Милијарди на организацијата во САД Според турскиот печат, уште на смртната постела на Ѓулен избувнала војна поради наследувањето и поделбата на огромното богатство на институциите контролирани од организацијата ширум светот. Се вели дека во борбата учествуваат водечки личности во американскиот и европскиот огранок на организацијата. Минатиот април имаше интензивни слухови и тврдења дека двајца блиски соработници на Ѓулен го „киднапирале“ од неговото седиште (вила во Пенсилванија, каде што живееше од 1999 година) и го однеле на непозната локација. Американските агенции кои внимателно го следеа Ѓулен сигурно знаат повеќе за тоа што се случило, но никогаш не го коментираа случајот. Турските извештаи се проверуваат за точност и целисходност, но имотот на организацијата основана и раководена од Фетула Ѓулен се проценува на милијарди долари во САД. Прометот само од исламистичките образовни институции во Америка, а ги има и на Балканот и во западна Европа, се проценува на 200 до 250 милиони долари годишно, несметајќи ги приходите од стотици имоти за кои се вели дека ѝ припаѓаат на организацијата. Неуспешниот пуч, тајните служби и десетици турски киднапирања Од неуспешниот пуч кон средината на јули 2016 година до денес, турските тајни служби киднапираа десетици Турци од земјите на Балканот, Европа, Азија и Африка и ги префрлија во Турција за да одговараат пред судовите за неуспешниот обид за воен државен удар, за заговор, убиства и други кривични дела во ткн „држава во држава“. Со смртта на Ѓулен, Ердоган се ослободува од еден од неговите најважни непријатели. Во критичните први години од претседателствувањето на Ердоган, организацијата на Ѓулен ѝ помогна на владејачката Партија на правдата и развојот (AKP) да го победи државниот апарат. Меѓутоа, она што следеше беше гневен конфликт околу финансиски скандали, прислушувања, изнуди и монтирани судења, контрола на медиумите од стана на Ѓуленистите, што кулминираше со обидот за државен удар за кој Ердоган го обвини американскиот заговор со организацијата на Ѓулен која ја означува како FETO и ја прогласи за терористичка. Разијдување со Ердоган Фетулах Ѓулен, кој изгради моќно исламско движење во Турција и пошироко, некогаш беше сојузник на Ердоган, но оттогаш тие се разијдоа, а турскиот претседател не престана да го смета за одговорен за постојаното поткопување на неговата власт што кулминираше со обидот за државен удар во 2016 година во кој одметнати војници запленија воени авиони, тенкови и хеликоптери. Во обидот за преземање на власта загинаа околу 250 луѓе. Ѓулен негираше дека е вмешан во пучот. Според неговите следбеници, движењето на Ѓулен, познато како „Хизмет“, што значи „услуга“ на турски, се обидува да шири умерен вид на ислам кој промовира западно образование, слободни пазари и меѓурелигиски дијалог, блиско на неоконзерватвините вредности и со стратегија којашто потсетува на Отвореното општество на американскиот берзански шпекулант Џорџ Сорос. По неуспешниот пуч, неговото движење беше систематски згаснувано во Турција, а неговото влијание се намали и на меѓународно ниво. Познат на неговите поддржувачи како оџа ефенди, или почитуван учител, Ѓулен е роден во село во источната турска провинција Ерзурум во 1941 година. Ѓулен беше назначен за имам на џамија во северозападниот град Едрене во 1959 година и стана истакнат проповедник во 1960-те во западната провинција Измир, каде што основаше студентски домови и проповедаше во чајџилници. Студентските домови претставуваа почеток на наводно неформалната мрежа која ќе се прошири во следните децении низ областите на образованието, претприемништвото, медиумите и државните институции, што на своите поддржувачи им обезбеди големо влијание. Преку мрежата на училишта влијанието се прошири и надвор од турските граници во земјите на Балканот, во Централна Азија, Југоисточна Европа, Африка и Западот. Ѓулен беше близок сојузник на Ердоган и неговата Партија на правдата и развојот (AKP), но растечките тензии во нивните односи кулминираа во декември 2013 година кога мнпоштвото медиуми под контрила на Ѓуленистите лиферуваа истраги на полицијата која ја контролираа за корупција против министри и функционери блиски до Ердоган. Зад истрагата се веруваше дека стојат обвинители и полициски службеници од движењето на Ѓулен, Хизмет, а во 2014 година беше издаден налог за апсење на Ѓулен. Две години подоцна, неговото движење беше прогласено за терористичка група. Набргу по обидот за пуч во 2016 година, Ердоган ја нарече мрежата на Ѓулен „како рак“ и вети дека ќе ги искорени предавниците каде и да се. Стотици образовни центри, холдинзи, компании, медиумски империи и здруженија поврзани со Ѓулен се затворени, а нивниот имот е конфискуван. „Како некој кој претрпел повеќекратни преврати во изминатите пет децении, особено е навредливо да се биде обвинет за каква било поврзаност со таков обид“, рече тој во изјавата во врска со пропаднатиот воен удар кога целта на пучистите, според турските медиуми, била и физичка ликвидација на Ердоган. Најмалку 77.000 луѓе се уапсени, а 150.000 јавни службеници, вклучително и наставници, судии и војници, се суспендирани според вонредната состојба воведена по неуспешниот пуч, за кој владата рече дека бил насочен против следбениците на Ѓулен. Компаниите и медиумите за кои се верува дека се поврзани со Ѓулен се затворени или преземени од државата. Турската влада рече дека нејзините дејствија се оправдани поради големината на заканата што ја претставуваше пучот за земјата. Ѓулен, исто така, стана изолирана личност во Турција, каде што беше демонизиран од поддржувачите на Ердоган и избегнуван од опозицијата, која ја гледа неговата мрежа како децениски заговор за поткопување на секуларните основи на републиката. Анкара долго време безуспешно се обидуваше да го екстрадира од САД. Говорејќи на неговиот затворен имот во планините Поконо во Пенсилванија, Ѓулен во интервју за Reuters во 2017 година рече дека нема намера да избега од САД за да избегне екстрадиција. Дури и тогаш изгледал слаб: одвај одел, а покрај него постојано бил и неговито личен лекар, како што беше опишан од аенцијата. Ѓулен отпатува во САД на лекување, но тврдеше дека останал таму бидејќи му се заканувале со кривична постапка во Турција....

Додека пратеничката Тренчевска држеше прес-конференција оквалификувајќи ги мерките на владата како мерки што не дале резултат, излезе соопштение во која што синдикалната кошничка на синдикатот ССМ укажа на тоа дека мерките на владата кој што се во моментот на сила дале резултати и цената на храната за еден месец е намалена за 935 денари. Она што е важно да се нагласи е дека економијата е суштинско сериозна тема која што бара систематски пристап, а никако пристап на технички така наречени грешки во кој што се промашуваат процентите за покачување на минимална плата и веднаш по тоа се аплицира тоа кој што е кажано во Собранието, истакна денес Бојан Стојаноски, пратеник од ВМРО-ДПМНЕ. -Целокупната синдикална кошничка се има намалена за 57 денари, но доколку ги видите контрибуторите во синдикалната кошничка, ќе видите дека поскапувањето односно драстичното не намалување не доаѓа заради мерките кои што се од владата току заради поскапување на цената на облеката, додека оние мерки кои што се превземаа со проширувањето на позитивната листа на лекови имаат дадено резултат. Исто и мерката за ограничување на бруто марша како и стапување на сила законот за нефер трговски практики и за симнување на капацитетите кои што тие закони ке треба да ги контролираат апелираме до пратеничката група на СДСМ да станат посериозни да не се случуваат повеќе технички грешки, бидејќи еднаш беше таков случај со амандманите за ребаланс на буџетот, сега е по нив и втората техничка грешка заради тоа што во Собранието е потребна сериозна опозиција, а не опозиција која што за дневно политички теми исфрла памфлет закони кој што нема да го подобрат животот на работниците, истакна Стојаноски. „Тоа што е нашата порака до нив е исто дека во наредниот период ќе пристигне и текстот на новиот буџет за 2025 година, таму има многу позитивни изненадувања за сите работници во Р. Македонија, без разлика дали се од приватниот или од јавниот сектор и нека припремат Амандмани на начин на кој што може сериозно да го подобрат тој текст,а не да се пишуваат вакви закони кои што повторно ќе кажам немаат врска со реалноста“ – порача тој....

Grand Casino Admiral, главната дестинација за забава и игри, со задоволство го објави своето ново партнерство со интернационалната инструкторка за ориентални танци, Елена Вукановска. Како бренд амбасадор на Grand Casino Admiral, таа е совршеното лице да го истакне сето она што Grand Casino Admiral може да го понуди – неверојатна забава во луксузна атмосфера. Оваа соработка е уште една потврда на посветеноста на Grand Casino Admiral за обезбедување на незаборавно играчко искуство. Познат по својата модерна елеганција и софистицирана атмосфера, Grand Casino Admiral нуди разновидна палета на опции за игри. Без разлика дали гостите ја бараат најновата технологија за слот машини или безвременската возбуда од игрите на маса во живо, казиното е посветено на обезбедување врвно искуство за секој посетител. Со спојување на луксуз, возбуда и софистицираност, Grand Casino Admiral продолжува да нуди неспоредливо забавно искуство, сега дополнително издигнато со неговата соработка со Елена Вукановска....

Просечната месечна исплатена нето-плата по вработен, во август 2024 година, изнесувала 41 097 денари, што е за 12,9 отсто повеќе во споредба со истиот месец лани, соопшти Државниот завод за статистика. Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (18,9%), Уметност, забава и рекреација (18,8%) и Јавна управа и одбрана; задолжително социјално осигурување (17,0%). Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација (5,3%), Земјоделство, шумарство и рибарство (4,2 %) и Објекти за сместување и сервисни дејности со храна (3,2%). Просечната месечна исплатена бруто-плата, пак, во август годинава, изнесувала 61 806 денари....

Желбата на милијардерот Илон Маск да алудира на филмот „Blade Runner 2049“ на неодамнешното претставување на робот-таксито на неговата компанија за електрични возила „Tesla“ доведе до правни компликации, објави во вторникот германската агенција dpa. Продукциската куќа „Alcon Entertainment“ во понеделникот поднесе тужба во четири точки, од кои три за прекршување на авторските права и една за лажно претставување, против „Tesla“, Илон Маск и студиото „Warner Bros“, на чиј имот се одржа презентацијата. Продолжението на „Истребувачот“ од 2017 година прикажува дистописка иднина обележана со еколошка катастрофа и социјален колапс, со автономни возила со вештачка интелигенција. За време на презентацијата Маск го пофали филмот, но истакна дека тој не ја отсликува иднината што тој ја посакува. Сликата прикажана на настанот покажува лице во долго палто кое се соочува со песочна бура и град под портокалово небо. Од „Alcon Entertainment“ тврдат дека сликата била дизајнирана да алудира на слични сцени од нивниот филм, за што тие не дале дозвола. Според „Alcon Entertainment“, „Tesla“ побарала дозвола да ја користи сликата неколку часа пред настанот. Компанијата веќе одбила, но презентацијата на Маск сепак содржеше слична слика генерирана од алатки за вештачка интелигенција. „Alcon Entertainment“ е носител на авторските права за филмот, додека „Warner Bros“ беше дистрибутер на „Blade Runner 2049“. Во тужбата, Алкон тврди дека не сака да биде поврзан со Маск или со неговите компании, наведувајќи го неговото „високо политизирано, каприциозно и произволно однесување, кое понекогаш навлегува во говор на омраза“, со очигледна алузија на неговата поддршка на републиканскиот кандидат Доналд Трамп на претседателските избори во САД за две седмици, како и некои конзервативни ставови на милијардерот. Тие сметаат дека ова неовластено поврзување е штетно за нивниот бизнис и затоа бараат паричен надоместок. Од „Tesla“ досега јавно не ја коментираа тужбата. На презентацијата Маск претстави самоуправувачко електрично возило дизајнирано да превезува патници без возач. Во „Tesla“ имаат цел да започнат со производство во 2026 година, а автомобилот се очекува да чини помалку од 30.000 долари. Маск веќе осум години наназад ветува самоуправувачки автомобили....

Според податоците на Државниот завод за статистика, во 2023 година, вкупното бруто-примарно производство на енергија во Република Македонија изнесувало 936 031 toe или 34.7 % од вкупно потребната енергија. Вкупната потребна енергија за 2023 година изнесувала 2 698 648 toe. Најголеми финални потрошувачи на енергија во 2023 година се: сообраќајот со 44.1 %, домаќинствата со 25.8 % и индустријата со 17.9 % (од расположливата финална потрошувачка)....

Населението на Украина се намалило за повеќе од 10 милиони луѓе од руската инвазија во февруари 2022 година, што предизвика егзодус и пад на наталитетот, соопштија во вторникот Обединетите нации. „Генерално, гледаме дека населението во Украина е намалено за повеќе од 10 милиони луѓе од почетокот на војната“, рече регионалната директорка на Фондот за население на Обединетите нации (UNFPA), Флоренс Бауер, за време на брифингот со новинарите во Женева, повикувајќи се на податоци од украинската влада. Таа објасни дека овој пад е поврзан со „комбинација на фактори“ и нагласи дека „уште пред ескалацијата на војната, Украина се соочувала со значителни демографски предизвици“. „Земјата имаше една од најниските стапки на наталитет во Европа. Голем број луѓе веќе ја напуштија земјата за да ги испробаат сите можности што им беа достапни. Населението старее, а целокупното население се намалуваше“, рече Бауер. „Оваа ситуација не е нетипична за Источна Европа, бидејќи многу земји доживуваат слични демографски трендови… Но, со големата инвазија на Русија која започна во 2022 година, ситуацијата стана многу полоша“, објасни таа. Бауер посочи дека стапката на фертилитет е намалена и во моментов изнесува околу едно дете по жена, „што е едно од најниските во светот“ и е „многу под“ прагот за обновување на населението од 2,1 дете по жена. Има и 6,7 милиони луѓе кои ја напуштиле Украина „а значителен број луѓе загинале поради конфликтот“, додаде претставничката на ОН....

Автобус на ЈСП при тргнување удрил во жена која се здобила со тешки телесни повреди. На 21.10.2024 во 08.20 часот во СВР Скопје било пријавено дека на ул„.7“ во село Батинци, скопско, автобус на ЈСП со скопски регистарски ознаки при тргнување удрил во А.Н.(55) од с.Драчевица, скопско. Во несреќата со тешки телесни повреди се здобила А.Н., констатирани во Градската општа болница „Св.Наум Охридски“. Извршен бил увид од увидна екипа од СВР Скопје....

Европската унија го поздравува исходот од референдумот за членство во ЕУ во Молдавија, како израз на аспирациите на молдавските граѓани за мирна, независна, стабилна, демократска и просперитетна држава, оцени високиот претставник на Европската Унија за надворешна политика и безбедност Жосеп Борел во изјава во врска со гласањата на референдумот и претседателските избори во Молдавија одржани во неделата. – Граѓаните на Република Молдавија направија историски избор да ја закотват својата иднина во Европската Унија и покрај масовното мешање и хибридната кампања на Русија и нејзините прокси за поткопување на демократското гласање, наведе Борел. Според него, ЕУ ги поздравува молдавските властите за организацијата на изборниот процес и референдумот во согласност со демократските стандарди. – Европската Унија го осудува невиденото злонамерно мешање на Русија во претседателските избори и уставниот референдум во Молдавија. Ќе продолжиме да ја поддржуваме отпорноста и напредокот на Република Молдавија на нејзиниот пат за пристапување во ЕУ, додава Борел во пораката....

Централното претседателство на ДУИ ја прифати иницијативата на своите ограноци за одржување состаноци со присуство на народ на кои ќе учествува и највисокото раководство на ДУИ, се вели во партиското соопштение по вчерашниот состанок на Претседателството на Генералниот совет на партијата. Средбите со ограноците со народот почнуваат утре, каде што првата средба ќе се одржи во Липково во 19 часот, а потоа продолжуваат со втората средба што ќе се одржи во Сарај. „Оценуваме дека одвојувањето на Република Северна Македонија од пакетот со Албанија на евроинтегративниот пат претставува лоша вест за земјата и за сите граѓани. ДУИ ги поддржува уставните измени согласно преговарачката рамка со ЕУ и ја повикува Владата без етнички легитимитет да покрене соодветна процедура за усвојување на измените во Собранието, во кој случај ДУИ ќе гласа за усвојување на истите час порано. Европската перспектива за ДУИ останува неоспорен приоритет и оваа позиција ја манифестиравме преку колективните оставки на министри во последниот мандат од причини за обезбедување на потребниот политички консензус, во кој случај докажавме дека за нас е поважна европската перспектива. Ги повикуваме сите парламентарни политички партии да го поддржат предлог-законот за ветинг на ДУИ, правејќи го овој процес инклузивен и со кој ќе придонесеме за зголемување на кредибилитетот на граѓаните во правосудните органи. Повторно ја нагласува важноста на долгогодишната одлука на ДУИ за целосни истраги над сите политички партии, без исклучок, во изминатите 33 години. Бараме проверка и контрола на потеклото на имотот за сите носители на јавни функции во последните 33 години. Повторно ја нагласуваме потребата од целосна истрага на процесот на приватизација и транзиција заедно со олигархијата создадена од тој процес. Ја нагласуваме потребата од почитување на етничкиот легитимитет на изборниот процес и меѓуетничкиот карактер на институциите во согласност со волјата на гласачите и заедниците“, се вели во соопштението. Изразуваме загриженост дека меѓуетничките односи се нарушени од владините политики без етнички легитимитет, наведено е таму. „Апелира до блиските пријатели на нашата земја, до потписниците на Охридскиот договор – САД и ЕУ, за уште поголема посветеност во овој момент за доследно почитување на Охридскиот договор од страна на институциите создадени по последните парламентарни избори. Ја нагласува потребата од блиска координација со стратешките партнери во рамките на НАТО за безбедносните институции во земјата. Смета дека одлуката на Уставниот суд за укинување на декларацијата за етничка припадност е неуставна одлука и против Охридскиот договор. ДУИ ги демантира сите клевети на Владата без етнички легитимитет за наводна вмешаност на ДУИ во минатото во усвојување на акти каде се елиминира изразувањето на етничката припадност. Одлуката на Уставниот суд ги подели судиите по етничка линија при одлучувањето, враќајќи нè на етничка мајоризација од минатото. Уставот во минатото беше генератор на криза, затоа апелираме до македонските политички партии и меѓународниот фактор да не ги прекршуваат елементите на Охридскиот договор во Уставот на државата. Сметаме дека легитимитетот е национална обврска на сите избрани претставници, затоа уште еднаш упатуваме јавна покана до Вреди да се откаже од владата каде се понижуваат Албанците, додека ДУИ и Европскиот Фронт не се заинтересирани да учествуваат на таков формат на власта, напротив, потребно е единство за да се запре понижувањето што им се прави на Албанците и на другите заедници“, се вели во соопштението на ДУИ....

Шеесет ишестгодишниот Пол Ди’Ано, поранешен пејач на легендарната група Iron Maiden, почина во својот дом во англискиот град Солсбери, потврди неговото семејство. Со вистинско име Пол Ендрјус, тој е роден во Источен Лондон во 1958 година, а се прослави како пејач на Iron Maiden во периодо меѓу 1978 и 1981 година, со кого ги сними првите два албума „Iron Maiden“ (1980) и „Killers“ (1981). Откако беше исфрлен од бендот поради проблеми со алкохолот и дрогите, Ди’Ано настапуваше во групи како што се Killers и Battlezone и сними соло албуми. Тој беше врзан за Загреб и Хрватска, каде што живееше последните неколку години, тврдејќи дека хрватските лекари му го спасиле животот откако двапати во Англија се заразил со инфекција со стафилококна бактерија (МRSA). Иако во инвалидска количка, тој продолжи да настапува во Хрватска, на пример во 2022 година по седум гоини го одржа својот прв концерт во „Bikers Beer Factoryj“. Неговиот ретроспективен албум „The Book of the Beast” беше објавен во септември 2024 година и е неговото најдобро дело откако го напушти бендот, објави Conquest Music....

Семејна куќа била опожарена ноќеска во Младо Нагоричане, соопштија денеска од Регионалниот центар за управување со кризи Куманово. Кумановските и пожарникарите Старо Нагоричане со три возила и осум пожарникари го изгасиле пожарот во кој е предизвикана материјална штета. Пожарот бил пријавен прво во ТППЕ Куманово, на терен се упатиле едно возило со петмина пожарникари. По еден час во интервенцијата се приклучиле и две возила на Територијалната противпожарна единица Старо Нагоричане со тројца пожарникари. Пожарот бил изгаснат во 02:25 часот. – Причината за пожарот и материјалната штета допрва ќе се утврдуваат – информираат од РЦУК Куманово....

Инвестициските планови на Владата за развој на инфраструктурата и модерни инфраструктурни системи, се очекува да ги претстави заменик-претседателот на Владата и министер за транспорт Александар Николоски за време на неговото учество на вториот „Форум за поврзување во Југоисточна Европа“ (Southeast Europe Connectivity Forum) што денеска и утре се одржува во Солун, јави дописничката на МИА од Атина. Како што соопштија од неговиот кабинет, Николоски за време на учеството, посебен акцент ќе стави на изградба на патната мрежа и брзата пруга на Коридор 10 како предуслов за поквалитетно поврзување со пристаништето во Солун и брз транспорт на добра и услуги. Според официјалната агенда, министерот ќе учествува на дискусија со претседателот на Грчката бизнис-асоцијација во Македонија. -Меѓу говорниците кои присуствуваат се Александар Николоски, вицепремиер и министер за транспорт на Македонија и Арис Влахос, претседател на Грчката бизнис-асоцијација во Македонија и се очекува да ги анализираат перспективите на комбинираниот транспорт во Југоисточна Европа. Од особен интерес е учеството на министерот за инфраструктура и транспорт, Христос Стајкурас, во однос на улогата на инфраструктурата како катализатор за економскиот развој на регионот, соопштија организаторите во најавата за форумот. На маргините на форумот, предвидено е Николоски да оствари билатерални средби со министерот за инфраструктура и транспорт на Грција Христос Стајкурас, со министерот за поморство и островска политика Христос Стилианидис, како и со извршниот директор на Солунското пристаниште Јоанис Царас. Организаторите соопштија дека „во ера на брзи геополитички и економски случувања, поврзувањето во поширокиот регион на Југоисточна Европа е катализатор за економски и одржлив развој“, а форумот има за цел да ги истакне клучните аспекти на иднината на транспортот и инфраструктурата во регионот. -Со оглед на тоа што инвестициите во инфраструктурата се клучен двигател на растот, овогодишниот форум се фокусира на прашања поврзани со поморството, комбинираниот транспорт и зелената транзиција. Бидејќи земјите од Југоисточна Европа се соочуваат со сериозни макроекономски предизвици, потребата за засилена соработка и стратешки инвестиции во инфраструктурата е понеопходна од кога било, соопштија организаторите. Дополнително додадоа дека дискусиите и насоките од форумот се очекува да ги обликуваат разврските во транспортот и инвестициите во регионот, создавајќи нови перспективи за развој и регионална соработка....

Вредноста на Синдикалната минимална кошница за месец октомври 2024 година изнесува 61.249,00 денари, информираат од Сојузот на синдикати на Македонија. Со изнајмен стан од 60 м2 за октомври кошницата изнесува 76.624,00 денари. Споредено со вредноста на синдикалната минимална кошница за септември 2024 година која изнесуваше 61.306,00 денари е намалена за 57,00 денари. -Значајно е да се нагласи дека мерката на Владата за ограничување на висината на маржите даде дел од посакуваниот резултат, но, поради алчноста за профит кај трговците што Државата мора да го заузда, тие, кога разбраа за намерата на Владата за оваа мерка ги зголемија цените на сите производи, а ова го потврдуваме и со растот на вредноста на делот за храна и пијалоци во Синдикалната минимална кошница за повеќе од 717 денари за минатиот месец септември, а во истата во делот ка храна и пијалоци во месец октомври 2024 година која изнесува 22.069,00 денари споредено со месец септември 2024 година ( 23.034,00 денари) е намелана за 965,00 денари, велат од ССМ. Според нив, ова потврдува дека цените треба уште да се намалуваат, а нивното зголемување нема никаква поврзаност со економската логика, ниту пак со здравиот разум, туку, како што велат, има поврзаност само со алчноста која е се поизразена во Македонија. Од ССМ сметаат дека при креирањето на мерките Владата треба да го вклучи синдикатот за тие да бидат подобри, имајќи предвид дека во последната мерка 47 категории на производи од 70, беа превземени од Синдикалната минимална кошница која ја подготвува ССМ, а за кои го имаат движењето на цените во секој месец од почетокот на годината. Од ССМ сметаат дека се потребни поголеми контроли и доколку е потребно и казни за несовесните трговци кои се богатат на грбот на работниците и граѓаните....

Босна и Херцеговина мора да биде во постојана готовност поради „малигното руско влијание“, а наводите за обука на лица кои наводно требало да предизвикаат немири во Молдавија за време на минатонеделниот референдум и претседателските избори треба да бидат темелно истражени, предупреди министерот за надворешни работи на БиХ, Елмедин Конаковиќ. Молдавската полиција известила дека минатата седмица извршила рации низ целата земја и уапсила неколку лица под сомнение дека наводно подготвувале немири по инструкции од Русија кои требало да го попречат референдумот, според која клаузулата за пристапување во Европската унија како крајна цел треба да биде влезе во уставот на земјата и да влијае на резултатите од претседателските избори. На контроверзниот референдум мнозинството Молдавци се изјаснија за членство во ЕУ, но резултатот беше многу тесен и по водството на опцијата „не“ по доцното ноќно доаѓање на гласовите од западните земји во Европа и САД дојде дури до пресврт, бидејќи на крајот „за“ гласаа 50,38 отсто а „против“ 49,6 отсто. Актуелната претседателка Маја Санду, која е силен поддржувач на приближувањето кон ЕУ и критичар на Русија, не ја извојува најавената убедлива победа во трката за уште еден мандат, како што предвидуваа предизборните анкети, па ќе мора еднаш да се соочи повторно главниот противник во второто коло, поранешниот сменет државен обвинител Александар Стојаноглу, од проруската автономна област Гагаузија каде „референдумот за ЕУ“ доби само 5 отсто. Минатиот викенд медиумите блиски на Санду пишуваа без докази за наводни обиди да се купат гласовите на гласачите за да ги поддржат проруските каузи и кандидати. Од друга страна, опозицијата бележеше полиички притисоци врз гласачите од страна на прооманската и прозападната власт во Кишињев и стотици нарушувања на изборниот процес. Истрагата на молдавската полиција претходно доведе до информации дека Русија наводно вложила значителни ресурси и пари за да го попречува референдумот и да влијае на претседателските избори, па затоа наводно организирале специјална обука на своја територија, но и во Србија и во Босна и Херцеговина. Според собраните информации, таму биле обучувани млади луѓе кои требало да учествуваат во проруски демонстрации. Ниеден од овие наводи не беше документиран или проследен со каков и да е доказ. Во исто време кога оваа информација беше објавена од Министерството за безбедност на БиХ, предводено од Ненад Нешиќ, коалициониот партнер на лидерот на босанските Срби, Милорад Додик, имаше експресен демант во кој тие ги обвинија медиумите за ширење неточни информации „кои апсолутно нема врска со Босна и Херцеговина“. Од демантите се гледа дека тие не биле во контакт со колегите од Молдавија, па не ја провериле валидноста на доказите за „руските обиди за дестабилизација“, но откако таа била потврдена информација дека биле „регистрирани сомнителни активности“ на територијата на Босна и Херцеговина и откриена од Агенцијата за разузнавање и безбедност (OSA). Меѓутоа и за овие твдрења на федералното разузнавање нема никакви докази Претседателот на собраниската комисија за надзор на OSA, Илија Цвитановиќ од хрватската HDZ 1990, за тамошните медиуми потврди дека од директорот на агенцијата за разузнавање Алмир Џува побарал информации за целиот случај. Нема потврда за постоењето на некои кампови за обука, но OSA наводно утврдила дека пред два месеца во БиХ престојувале странски државјани „од исток“ кои може да се поврзат со обиди за организирање групи чија цел е да ги попречат јавните собири. Притоа нејасно е за какви јавни собири би санувало збор и кој би ги организирал нив. Потоа, министерот за надворешни работи Конаковиќ најави дека „лично ќе инсистира“ на Советот на министри на БиХ целата работа да се расчисти докрај, бидејќи е сигурен дека во неговата земја има луѓе кои се занимаваат со „конкретни задачи“ поврзани со „руско влијание, а сега има информации и од ОSА“. „Ова укажува и повикува на претпазливост која мора да биде постојана кај нас кои живееме во Босна и Херцеговина“, рече Конаковиќ....

Центарот за управување со кризи (ЦУК) информира дека на бројот 112 во последното деноноќие се регистрирани 1 685 повици – седум пожари на отворено, исчезнато лице од Струга, пронајдени неексплодирани убојни средства во Тетово и армиско бојно гаѓање во Битолско. Според ЦУК, од повиците „реални“ биле 62,14 отсто, а 37,86 проценти биле за други потреби на граѓаните што не биле итни. -Кон Полиција биле упатени 74,12%, кон Итната медицинска помош 19,41%, а кон пожарникарите 1,76%, од реалните повици кон 112 во ЦУК. Инаку, имало 844 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“, наведува ЦУК. Сите тие повици за итни случаи биле предмет на примање, на обработка во ЦУК и на директно координирање за нивно решавање со институции и служби во Системот за управување со кризи (СУК). ЦУК информира дека во последното деноноќие се регистрирани седум пожари на отворено на територијата на државата, покрај интервенциите за гаснење пожари во населени места. Конкретно, Регионалниот ЦУК Скопје, ја пренесува информацијата од БППЗ на Град Скопје, во која се наведува дека од 12.55 до 14.00 часот гаселе запалена ниска вегетација во с.Јурумлери (Општина Гази баба) на површина од 200 m2. Интервенцијата ја извршиле со 1 возила и 4 пожарникари, а од 14.50 до 15.50 часот гаснеле запалени суви лисја во ул.„Ферид Бајрам“ (Општина Бутел) на површина од 100 m2. Интервенцијата ја извршиле со 1 возило и 3 пожарникари. РЦУК Штип, известува дека ТППЕ Виница од 11.00 до 14.00 часот со 1 ПП возило и 2 пожарникарa интервенирале на запалено стрниште во с.Блатец. Опожаренаta површина изнесувала околу 1хектар. ТППЕ Кочани, во период од 13.40 до 17.00 часот со 1 ПП возило и 2 пожарникара интервенирале на запалено ѓубре во градската депонија во Кочани. РЦУК Тетово, извстува дека ТППЕ Тетово од 18.30 до 19.10 часот со 1 ПП возило и 2 пожарникара интервенирале на запалено ниска вегетација кај наплатна рампа (патарина) Тетово- Гостивар. РЦУК Куманово известува дека од 18.20 до 20.40 часот со 1 ПП возило и 3 пожарникари интервенирале на запалена ниска вегетација,стрништа и грмушки во с.Виштица (Општина Липково). РЦУК Битола, ја пренесува информацијата од ТППЕ Ресен во која се наведува дека во изминатото деноноќие имале една помала интервенција. Регионалниот ЦУК Охрид, информира дека од Полициска станица Струга известиле дека има пријава на исчезнато лице од Струга, имено лицето К.М. од својот дом на 20.10.2024 год се упатил во с.Брчево (Општина Струга) на берење печурки, но до овој момент не е вратен ниту можеле да воспостават контакт со истиот. Во полициската станица Струга како исчезнат го пријавил неговиот брат Љ.М. Регионалниот ЦУК Тетово, известува дека преку Единствениот број за итни повици Е-112 во 09:10 часот, е добиена пријава за пронајдени неексплодирани убојни средства (НУС) на ул. „Крушевска Република“ бр. 293 – Тетово. За опасноста од пронајдените НУС веднаш е известена ДЗС – Тетово за понамошна постапка, односно за нивно безбедно отстранување или уништување. Регионалниот ЦУК Битола ја пренесува информацијата, од Министерство за одбрана, за реализација на бојно гаѓање денеска ( 22.10.2024 година), во време од 09.30 до 14.30 часот на стрелиштето ,, Леково ”. При бојно гаѓање е забрането движење на лица и стока во реонот на стрелиштето. Истовремено, се предупредуваат сите лица после гаѓањето дека ако најдат неексплодирани зрна односно проектили да не ги допираат или преместуваат и за тоа да ги известат органите на МВР или командата на касарната во Прилеп....

Шеесетгодишен жител од Струга е пријавен за исчезнат во реонот на селото Брчево, информира Планинската спасителна служба (ПСС) при Црвен крст Охрид. Според информацијата, нивна три члена екипа и водич на куче за пребарување од здружението „Куче спасител“ од Охрид, во координација со Струшката полиција, од утрово се на терен во обид да се лоцира исчезнатото лице. – Во текот на вчерашниот ден, доцна попладне во 18 часот и 38 минути оперативниот центар на Планинската спасителна служба беше алармиран од МВР секторот за потраги по исчезнати лица, дека во реонот на село Брчево, исчезнат е жител на Струга (60 годишна возраст), со потекло од селото, кој претходниот ден се упатил да собира шумски плодови и до 16 часот и 30 минути (според соседите од селото) не се вратил во својата викенд куќа, соопшти Планинската спасителна служба....

Грчката владејачка партија Нова демократија со 25 отсто е стабилна на првата позиција, ПАСОК е втора со 9,7 проценти помалку, потоа следат десничарско-националистичката Грчко решение и Комунистичката партија, а СИРИЗА е петта политичка сила во земјата, покажуваат резултатите од истражувањето на јавното мислење во Грција спроведено од агенцијата „Алко“ за грчката телевизија „Алфа“, јави дописничката на МИА од Атина. Во однос на тоа дали граѓаните се оптимисти дека ситуацијата за нив и нивното семејство во иднина ќе се подобри, 44 отсто сметаат дека состојбата ќе биде полоша, а исто толку дека ќе остане иста, додека пак за резултатите на владината политика, 53 проценти велат дека не се воопшто задоволни. На прашањето која од опозициските партии може да понуди кредибилна владина алтернатива, речиси половина од анкетираните (49 проценти) одговориле „никоја“, а 21 отсто ја избрале ПАСОК. Истражувањето на јавното мислење од агенцијата „Алко“ за грчката телевизија „Алфа“ било спроведено од 15 до 19 октомври со анкетирани 1.003 лица....

Новите раководства на АД ЕСМ и на РЕК Битола работат исклучиво според позитивните законски прописи и нема да дозволат ниту најмал сомнеж за злоупотреби при спроведување на Законот за јавни набавки. Во контекст на јавната набавка за ангажирање на работна сила при потребата од машински интервенции во РЕК Битола, испочитувана е комплетната процедура, известуваат од АД ЕСМ. „Согласно архивираноста на секој од документите кои се дел од предметната постапка, процедурата е спроведена во периодот пред да стапат на функција новите раководства на АД ЕСМ и на РЕК Битола. Јавниот повик бил објавен во мај годинава, и постапката за евалуација и избор на изведувачите е спроведена од претходното раководство на Комбинатот, вклучувајќи ја и Одлуката за избор потпишана на 22 август годинава од претходниот раководител на подружница РЕК Битола – Пеце Матески. Договорот е потпишан на 7 октомври од новиот раководител на подружницата, и тоа дури откако е направено испитување на пазарните цени во однос на оние од Одлуката за избор и констатацијата на стручните служби дека биле понудени односно избрани за најповолни – најниските цени достапни на пазарот во моментот. Имено, на актуелниот јавен повик од 2024 година, постигнати се единечни цени по работна рака кои се за околу 40 отсто пониски во однос на цените постигнати во 2022 и во 2023 година, согласно критериумот најниска цена. За изминатите две години, за истиот повик единствен понудувач била фирмата „Марковски Компани“, додека во 2024 година – биле пријавени пет фирми од кои четири учествувале на таканаречената „негативна аукција“ преку која била постигната најниска цена од страна на посочената фирма“, се истакнува во соопштението. Појаснуваат дека станува збор за рамковен договор според кој се плаќа по ангажман, односно само доколку комбинатот – при одредени зафати има потреба од таков кадар. АД ЕСМ, додаваат од компанијата, работи исклучиво според законите, и нема намера да врши политичка селекција на фирми кои учествуваат во сегментот јавни набавки. Според нив, секоја фирма и потенцијален оператор што се јавува на распишаните јавни повици е, и ќе биде предмет на детална проверка, согласно Законот за јавни набавки и според утврдените критериуми и правила за учество....

Националната установа Народен театар-Битола со повеќе програмски активности ќе го одбележи големиот јубилеј, 80 години од формирањето. Како што е познато театарот во Битола почна со работа на 14 ноември 1944 година кога е изведена едночинката „Ѓоре Магаревски“ од Владо Малески во режија на Димче Стефановски, првата театарска претстава на современ македонски јазик. -Работиме 24/7 достојно да се одбележи роденденот на овој гигант. Заклучивме сите дека сите сме важни, но има нешто кое е над сите нас, а тоа се вика Народен театар Битола.Тековно работиме на монографија, ќе промовираме трајна поставка каде ќе бидат изложени сите награди и признанија на театарот за да може публиката да види за каков театар станува збор. Според новиот регистар имаме околу 167 плакети, награди и признанија. Работиме на еден голем проект Дигитализација на репертоарот, а до крајот на годината имаме уште 4 премиери, гостувања на три театри како роденденски подарок на нашиот театар, изјави Васко Мавровски, директор на Народен театар-Битола. На сцената во Битола ќе гостуваат Драмски театар чии актери ќе ја изведат претставата „Мојот маж“, театарот од Велес ќе гостува со „Вечера за глупаци“, а МНТ ќе се претстават со „Бели ноќи“. Од НУ Народен театар-Битола најавуваат изложба на плакат чиј автор е пензионираниот тон мајстор, фотограф и музичар Христо Бојаџиев и изложба на фотографии чиј автор е Атанас Нашоку Саку....

На европските берзи во вторник во пртпладневнот тргување најважните берзански индекси забележаа минус, додека инвеститорите ги проучуваа финансиските извештаи на бројните големи европски компании, освен германскиот DAX, што беше поддржано од порастот на цената на акцијата на SAP. Паневропскиот индекс Stoxx 600 во првиот дневвен пресек од тргувањето беше во минус од 0,04 отсто и покрај растот на цените на акциите во технолошкиот сектор од 1,47 отсто и скокот на германскиот DAX за 0,5 отсто, на 19.558 поени. Истовремено, лондонскиот Ftse индекс падна за 0,32 отсто, на 8.291 поен, а парискиот CAC за 0,06 отсто, на 7.531 поен. Растот на секторскиот индекс на технолошки акции и DAX индексот е поддржан од добрите резултати на германскиот гигант SAP, кој ги зголеми прогнозите за приходите оваа година благодарение на силниот раст на своето работењње во „облак“, а исто така објави деветмесечен пораст на вкупните приходи за 9 проценти, на 8,47 милијарди евра, а оперативната добивка за 29 проценти, на 2,21 милијарди. Цената на оваа акција се зголеми за пет отсто, на рекордно ниво. Поморската компанија „Maersk“, чии оперативни резултати се сметаат за барометар на глобалната трговија, исто така, ги зголеми прогнозите за заработка за оваа година поради силната побарувачка за контејнеризирана стока. Оваа данска компанија во првите девет месеци од годинава остварила 4,8 милијарди долари EBITDA, дури 1,1 милијарди повеќе од очекувањата на аналитичарите. Цената на нејзината акција скокна за 3,3 отсто. Сепак, цените на акциите на комуналните и хемиските компании во просек ослабеа за половина процент. И покрај силните деловни резултати, инвеститорите се на штрек додека се ориентираат кон геополитичките несигурности и глобалната перспектива за намалување на каматните стапки и се позиционираат пред многу важните претседателски избори во САД во ноември....

Опозициската СДСМ вчера обзнани дека ќе предложат измени и дополнувања на законот за минималната плата да се покачи на 27 700 денари што претставува пораст од 12, 3 проценти. Веста предизвика револт кај работниците. Главното прашање кое го поставија граѓаните е „Зошто тоа не го сторија додека беа на власт?“, алудирајќи дека потребни се повисоки плати со оглед на животниот стандард. Со став се јави и активистката за заштита на работничките права Кристина Ампева. – Ја да сум на нивно место, дека убаво е и лагодно во опозиција, ќе барам 1000 евра. Нема врска што до вчера беа на власт. Кога им давав предлози за покачување на платата по примерот на Црна Гора, не им се слушаше. Сега од оваа позиција, ќе глумат заштитници на правата на работниците. Ситни политички поени. Исти, сите. И едни и други и трети....

Временските услови кои изминатите денови беа со периоди на сончево и релативно топло време, а на одделни места и со повремени врнежи од дожд и слаб до умерен ветар, се оптимални за есенската сеидба кај поледелските култури, велат агрометеоролозите од УХМР. Според нив, од голема важност е да се запази рокот за сеење. -Во тек е садењето на оделни градинарски култури, како и собирањето на преостанатите градинарски култури. Во винарството, виновата лоза е во фаза на подготовка за зимски одмор. Ова фаза почнува по полната зрелост, а завршува до опаѓањето на листовите. До опаѓањето, листовите се уште продолжуваат со својата фотосинтетска активност. Се случуваат и други физиолошки процеси во растението кои се насочени во складирање на резервни хранливи материи кои ќе бидат потребни за следната вегетација, созревање на ластарите, диференцирање на окцата и приготвување на зимски период за мирување. Кај овошните насади, кај некои доцни сорти, бербата се уште се изведува. Се препорачува да се применуваат правилни агротехнички мерки, снабдување на културите со потребните количества на хранливи материи со што се зголемува отпорноста кон зимски мразеви, како и примена на сертифициран семенски материјал со добри квалитетни сортни карактеристики што одговара на стандардите, истакнуваат агрометеоролозите. Најдобро е, нагласуваат, да се земе семе од реонирани и селекционирани сорти со добра здравствена состојба и да се употребува квалитетно ѓубриво. -Доколку временските услови дозволуваат, треба да се продолжи и со другите агротехнички мерки, додаваат агрометеоролозите од УХМР....

Инвеститорите сѐ повеќе се фокусирани на претстојните претседателски избори во САД, додека анкетите покажуваат дека тие ќе бидат неизвесни. Во такви периоди, инвеститорите имаат тенденција да купуваат побезбедни средства, па цената на златото достигна ново рекордно високо ниво од 2.740 долари за унца, а приносот на 10-годишните записи на американското Министерство за финансии се искачи на 4,19 отсто, што е највисоко ниво во последните 12 семици. „Постои зголемен фокус на изборите во САД и фискалната динамика во САД. Без разлика кој ќе победи, нем се гледа патот кон фискалната консолидација“, рече стратегот на ANZ, Џек Чемберс. На валутните пазари, курсот на доларот расте, поддржан од зајакнувањето на приносите на американските трезорски записи. Индексот на доларот, кој ги изразува перформансите на американската во однос на шесте најважни светски валути, претпладнево изнесува 103,96 поени и е на пат да постигне раст од над три отсто од почетокот на месецот. Сепак, падна од највисокото ниво постигнато вчера од 1 август – од 104,02 поени. Со еврото се тргува за 1,0819 долари, што е блиску до најниското ниво од 2-ри август, додека јенот е на најниско ниво во последните 2,5 месеци од 150,67 јени за долар. Аналитичарите велат дека неодамнешниот подем на доларот ги одразува очекувањата дека Доналд Трамп ќе победи во претседателската трка во САД, при што се смета дека неговата трговска, даночна и имиграциска политика веројатно ќе доведе до повисока инфлација и повисоки приноси. „Ако Трамп победи, можеме да очекуваме малку бурна средина со многу неизвесност. Додека победата на Трамп може да се гледа како краткорочен ветер за пазарите, на долг рок сликата изгледа многу поинаква… на некој начин, ние ја гледаме победата на Харис како исход од статус-квото, што веројатно ќе ги продолжи постоечките политики и ќе имплицира побавен процес на промена на политиката“, велат стратезите на „PineBridge Investments“ во белешката до клиентите. Фокусот на девизните пазари е и на општите избори во Јапонија оваа недела. Додека анкетите се разликуваат за тоа колку места ќе освои владејачката Либерално-демократска партија (LDP), пазарите се оптимисти дека оваа партија, заедно со помалиот коалициски партнер Комеита, ќе излезат како победници....