Украинскиот министер за одбрана Олексеј Резников во неделата вечерта објави дека во земјата пристигнала втората пратка оружје од САД како дел од воената помош во вредност од 200 милиони долари. САД порачаа дека ќе продолжат да ја вооружуваат Украина поради загриженоста на Киев и Западот кој ги поддржува тамошните власти, за наводните десетици илјади руски војници распоредени во близина на украинската граница. Русија отфрла дека планира напад, но предупредува дека Западот последната година во зголемил значителни военото присуство во соседната земја, вклучително и со големи испораки на офанзивни оружја. „Втората птица во Киев! Повеќе од 80 тони оружје да ги зајакне украинските одбранбени способности од нашите пријатели од САД! И ова не е крај!“, напиша Резников на Twitter. Околу 90 тони „смртоносна безбедносна помош“, вклучително и муницијата, од пакетот кој го одобрија САД во декември, пристигнаа во украинската престолнина во саботата. Украинскиот претседател Владимир Зеленски во петокот во твит порача дека му е благодарен на американскиот претседател Џо Бајден за „досега невидената“ дипломатска и воена помош. Според американската амбасада во Киев, само минатата година САД ѝ испорачале воеан помош на Украина во износ од над 650 милиони долари. А од 2014 година кога со мартовскиот преврат беше соборена поруската власт, Киев добил воена помош во вкупна износ од 2,7 милијарди доалри. Амбасадата ја истакна и подготвеноста на америакнската страна „да ѝ испорача на Украина многу повеќе“. Доколку преземете содржина од оваа страница, во целост сте се согласиле со нејзините Услови за користење....

Многу познати личности од целиот Балкан се простуваат со музичката легенда Аки Рахимовски кој вчера почина на 67-годишна возраст во Словенија. Посебна објава на социјалните мрежи му посвети и нашата пејачка Каролина Гочева која беше добра пријателка со Аки. Таа на својот профил на Инстаграм објави видео од нивни зеаднички настап од пред неколку години, а во коментар напиша неколку емотивни зборови… „Тргни и полетај, без страв… all you need is love. За Аки, кој никогаш не застана и никогаш од ништо не се плашеше“. Погледнете го нивниот настап: Доколку преземете содржина од оваа страница, во целост сте се согласиле со нејзините Услови за користење....

Вечерва ракометната селекција на Норвешка го одиграа можеби најдобриот натпревар на Европското првенство и со победата над Шпанија од 23-27 значително ги зголемија шансите за пласман во полуфиналето. Исто така, ова беше прв пораз на Шпанија на еден континентален собир по цели 17 натпревари. Бартхолд со шест и Тофт, Гулеруд и Реинкинд со по четири гола беа најпрецизни во таборот на Норвешка, додека за Шпанија се истакна Македа со шест, а еден помалку имаше Гомез. Доколку преземете содржина од оваа страница, во целост сте се согласиле со нејзините Услови за користење....

Легендарниот пејач на групата „Парни ваљак“ Аки Рахимовски почина вчера на 67-годишна возраст. Луѓето и колегите се збогуваат со него, а некои се сетија во овие моменти да раскажат како настанала една од неговите најдобри песни на сите времиња. Не постои некој кој не сакал или не страдал со песната „Сѐ уште мириса на неа“, алудирајќи дека зад оваа песна се крие љубовна порака. Вистината е сосема поинаква. Песната ја напишал Хусеин Хасанефендиќ Хус, како што вели – во етапи, а објавена е на албумот „Будење“. Многумина, слушајќи ја, би помислиле дека Аки, кој секогаш зборувал дека жените му се инспирација, „се опил од изворот на љубовта на неговата сакана“, но тоа не е вистинското значење, кое Хус го откри во една емисија на хрватската телевизија. – Тоа е песна која страда по младоста и минливоста на времето, која како некоја метафора зборува за некоја имагинарна жена, а всушност, тоа е метафора за младоста, нешто слично на песната „Есен во мене“, – ги објаснил Хус своите мотиви за пишувањето на оваа песна. Рахимовски беше еден од највпечатливите и најпрепознатливите пејачи во регионот. Роден е на 5 јуни 1955 година во Ниш, но пораснал во Скопје, каде што неговото семејство се преселило кога бил мал. Бидејќи неговиот татко бил професор по музика, тука на седумгодишна возраст почнал да го стекнува своето музичко образование, учејќи клавир и пеење. По доаѓањето во Загреб, како тинејџер членувал на неколку бендови, од кои некои се групата „Вакуум“, „Блад брадерс“ и „Тор“ со кои настапувал на фестивалот во Загреб во 1975 година. Истата година се запознал со гитаристот и композитор Хусеин Хасанефендиќ Хус и Јурица Паѓен. Во соработка со менаџерот Владимир Михаљек Миха ја основале првата постава на групата „Парни ваљак“, која низ годините ќе стане една од најпопуларните во поранешна Југославија, а Рахимовски еден од најдобрите фронтмени. Оттогаш тие направија безброј хитови кои ќе останат за сите времиња. Рахимовски беше вокал на 18 студиски албуми на групата „Парни ваљак“. Доколку преземете содржина од оваа страница, во целост сте се согласиле со нејзините Услови за користење....

На терен беа излезени сите расположливи сили на Битола, во соработка со полицијата, сообраќајот беше запрен во овој дел од градот, а беше исклучена и струјата. Горан Димкоски, командиротот на Противпожарната единица во Битола изјави дека пожарот е ставен под контрола и со интервенцијата е спречено да бидат зафатени околните објекти, како што се силосите со жито. Тој рече дека се прави проверка и доизгаснување на делови од објектот, како и во помалиот објект до главниот и дека на терен е дојдена нова екипа од пожарникари. Потврдено е дека нема повредени од пожарот, а материјалната штета во моментов не може да се утврди, нејзината висина ќе се утврдува од утре. На терен беа излезени сите расположливи сили на Битола, во соработка со полицијата, сообраќајот беше запрен во овој дел од градот, а беше исклучена и струјата. Пред 21 часот во Битола започна да врне снег, што дава надеж дека ќе помогне да не се самоактивира оган. Фабриката за леб „Жито Битола“ е од времето на социјализмот, а сега со објектите стопанисува „Ангро механизација- Жито Битола” која тука има пекара, млин и силос. Доколку преземете содржина од оваа страница, во целост сте се согласиле со нејзините Услови за користење....

Со месеци наназад се шпекулира за односот помеѓу познатата пејачка Тања Савиќ и градоначалникот на Бања Лука, Драшко Станивуковиќ, а двајцата биле таинствени по тоа прашање. Меѓутоа и Тања и Драшко сега се сликани во еден ресторан. Пејачката и градоначалникот седеле еден покрај друг, но не биле сами. Друштво им правеле нивни пријатели и познаници. Тие двајца позирале со нив, а во таа прилика не ја симнувале насмевката од лицата. Уживале во оброкот, но и во разговорот, а двајцата биле облечени во кежуал-комбнација. Фотографиите на Тања и Драшко ги подгреале гласините за нивната наводна врска, меѓутоа двајцата одбиваат да зборуваат на оваа тема. Доколку преземете содржина од оваа страница, во целост сте се согласиле со нејзините Услови за користење....

Западните земји подготвуваат неколку големи провокации во врска со ситуацијата околу Украина, а Москва не исклучува дека тие може да бидат информативни или воени, изјави портпаролката на руското министерство за надворешни работи Марија Захарова во неделата вечерта во гостувањето на телевизискиот канал Россия 1. „Во тек се подоготовки, веројатно, за цела низа големи провокации. За тоа се подготвува јавното мнение. За колективниот Запад, за НАТО, за англосаксонците, исклучително е важно да се создаде такво информативно поле, без него тие не можат да дејствуваат. За тоа созадена е цела серија такви информации, тоа се дезинформации, лажни вести и манипулации преку медиумите“, рече Захарова. Како последен пример за тоа го посочи соопштението без да се изнесе никаков доказ на Лондон дека наводно руските тајни служби планираат да инсталираат „проруски лидер“ во Киев, поранешниот украински парламентарец Евгениј Мураев, материјал кој однапред бил фабрикуван. „Се чини дека можело да биде објавена уште во саботата претпладнето, но тие избраа време коешто според нивна процена било погодно, во 1,30 часот ноќта по московски време. Очигледно сметале дека нема да одговориме и однапред го испратиле материјалот за медиумите со ембарго за објавување до 1,30 часот“, посочи портпаролката на руската дипломатија. Захарова ваквата активност ја опиша како „информативна агресија“ и смета дека ќе следат и други слични активности против Русија. „Зошто го прават ова, поради што го прават ова? Не исклучуваме натамошни големи информативни манипулации и провокации. Не исклучуваме воени провокации, меѓу другото“, додаде таа. Захарова истакна дека за созадавање на неопходната информативна атмосфера за активностите на Западот веќе се направени бројни објави не на „прекриено“ ниво на социјалните мрежи, туку преку традиционалните медиуми. „Потсетете се на статијата во весникот The New York Times за наводната евакуација на руската амбасада во Украина, спомнете си дека имаше материјал на агенцијата Bloomberg (дека кинескиот претседател наводно побарал од рускиот челник Русија да не ја напаѓа Украина во текот на Зимската олимпијада во Пекинг од 5-ти до 20-ти февраури), што беше демантирано и од кинеската и од руската дипломатија“, рече допломатката. „Инвазијата, државните преврати, односно линијата постојано се проширува за бескрајно темата да се одржува на површината“, иронизираше Захарова. Доколку преземете содржина од оваа страница, во целост сте се согласиле со нејзините Услови за користење....

Германскиот фудбалски шампион Баерн Минхен се врати на шест поени пред Борусија Дортмунд на врвот на Бундеслигата, откако стигнаа до убедлива победа од 4-1 на гости кај Херта Берлин. Корентин Толисо ги донесе гостите во водство во 25. минута, откако на стартот на мечот му беше поништен гол поради офсајд, пред Томас Милер во 45. минута да зголеми на 0:2. Лирој Сане во 75. минута зголеми на 0:3, за само четири минути подоцна, Серж Гнабри да ја потврди убедливата победа на Баварците. Замената Јирген Екеленкамп во 81. минута го постигна единствениот гол за Херта. Баерн има 49 поени на врвот во германската Бундеслигата, шест пред Борусија Дортмунд и дури 14 пред третопласираниот Баер Леверкузен, додека Херта се 13. со 22 поени, само два поени над зоната за испаѓање. Доколку преземете содржина од оваа страница, во целост сте се согласиле со нејзините Услови за користење....

Во дуелот од 13. коло во спортската сала „Боро Чурлевски“ во Битола домашниот Пелистер со совлада Навико ФМП Академија со 94-73. Најефикасни кај Пелистер беа Кесар со 24, Малешевиќ со 20 и Хотон со 17 поени, додека во тимот на Навико ФМП Академија се истакнаа Крстајиќ со 17 и Ивеј со 14 поени. Пелистер ќе има сериозен тест на непобедливоста идниот викенд во СЦ „Јане Сандански“ против Феникс 2010. Доколку преземете содржина од оваа страница, во целост сте се согласиле со нејзините Услови за користење....

Најдобрата македонска судиска двојка Ѓорѓи Начевски и Славе Николов повторно добија задача да судат на Европското првенство (ЕП) кое се игра во Унгарија и Словачка. Начевски и Николов ја добија довербата од ЕХФ за мечот од втората рунда меѓу светскиот првак Данска и дебитантот во оваа фаза Холандија. За македонската судиска двојка ова ќе биде четврти натпревар на ЕП 2022. Дуелот меѓу Данска и Холандија се игра утре (понеделник) од 18:00 часот. Доколку преземете содржина од оваа страница, во целост сте се согласиле со нејзините Услови за користење....

Шведска ја победи Германија со 25-21, триумф со кој ги елиминираа своите противници, но и Русија од борбата за полуфиналето на Европското првенство во Унгарија и Словачка. Хампус Ване пак блесна со шест гола беше најефикасен за „трите круни“, додека Јулијан Коштер беше најдобар за Германците со четири постигнати голови. Шведска сега има шест поени во групата, со што се зад Шпанија, и само тие две репрезентации заедно со Норвешка остануваат со шанси за полуфинале од групата 2. Доколку преземете содржина од оваа страница, во целост сте се согласиле со нејзините Услови за користење....

Челзи го победи Тотенхем, во големото дерби од 23-то коло во Премиер лигата, а и на оваа средбa во центарот на вниманието беа главниот судија Пол Тирни како и луѓето во ВАР собата. Во 40-та минута, Хари Кејн постигна гол за Тотенхем а истиот беше поништен поради фаул над Тијаго Силва. Многумина сметаат дека и покрај тоа што имаше контакт, тој беше минимален а Силва на искуство падна на теренот, откако сфати дека е лошо позициониран. Челзи во вториот дел истрча многу посмирено и со головите на Хаким Зијеч (49′) и токму Силва во 55-та минута дојде до недостижна предност. Интересно е што Силва при обезбедувањето на позиција многу посилно ги користеше рацете против играчот на Тотенхем, но немаше интервенција од страна на судиите и ВАР. Асистент на вториот гол, беше Мејсон Маунт, со што ова за него е 20 асистенција од сезоната 2019-20 што е највеќе во Премиер лигата. Со оваа победа, Челзи дојде до бројката од 47 бодови и има само еден помалку од второпласираниот Ливерпул, додека ова за Тотенхем е прв пораз под водство на Антонио Конте во Премиер лигата, и со тоа останаа на делба на седмото место со 36 бодови. 20 – Mason Mount has registered his 20th assist for Chelsea since the start of the 2019-20 campaign, the most of any player at the club in this period across all competitions. Quality. pic.twitter.com/RuAfc33jHW — OptaJoe (@OptaJoe) January 23, 2022 Доколку преземете содржина од оваа страница, во целост сте се согласиле со нејзините Услови за користење....

Жозе Мурињо добива доста критики дека неговата Рома игра застарен фудбал со огромна доза на претпазливост и со ограничен квалитет во нападот, но португалскиот стручњак денеска ги демантираше сите вакви натписи, бидејќи „волчицата“ понуди сензацинален меч со Емполи. Гостите од Рим победија со 2:4 во натпревар во кој покажаа две сосема поинакви лица, првото извонредно и одлично, а второто доста бледо и индолентно во ситуација кога стекнаа голема предност. Рома постигна четири гола во 12 минути во периодот од 25-та до 37-та минута од натпреварот и на тоа не можеше да се изначуди и Жозе Мурињо ако се суди според неговите реакции, но затоа во второто полувреме имаше зошто да се нервира, бидејќи фудбалерите му приредија тензични последни 20 минути. Емполи намали на 1:4 на стартот на вториот дел, но постигна и втор гол во 72-та минута, по што Жозе се активираше крај аут линијата и бараше многу поголема активност од своите фудбалери. Вистината е дека играчите на Рома подзаспаа во првиот дел по големото водство, па во вториот дел се предодредија на одбрана и лесно можеше да примат и трет гол во завршницата. Што се однесува до добриот дел од мечот, Рома поведе со двата гола на Ејбрахам во 25-та и 33-та минута, а до 37-та минута во листата на стрелците се запишаа и Ѕаниоло и Сержо Оливеира. За Емоли, стрелци на головите беа Пинамонти и Бајрами. Доколку преземете содржина од оваа страница, во целост сте се согласиле со нејзините Услови за користење....

Тврдењата на Велика Британија дека наводно Русија планира да инсралира проруска влада во Украина треба да бидат сфатени сериозно, а тоа ја покажува потребата од брза реакција на Западот на дејствијата на Москва, изјави во неделата советник во кабинетот на украинскиот претседател Владимир Зеленски за агенцијата Reuters. Од Лондон доцна ноќта од саботата кон неделата објавија дека Кремљ наводно ќе се обиде во Украина да го постави украинскиот политичари Евгениј Мураев означен како проруски, без да наведе докази за тоа, ниту за начинот на кој тоа би се постигнало, пишува агенцијaта Reuters. Москва ги отфрли овие тврдења како повторни „дезинформации“ и „провокативни активности“ од страна на Лондон. Подоцна се појавија информации дека наводно станува збор за веројатни процени на американското разузнавање. Британските наводи ги отфрли и самиот Мураев, поранешен украински парламентарец кој изјави дека тврдењето на Лондон е неосновано, бидејќи тој веќе три години е под руски санкции, забрането му е да влезе во Русија а имотот на неговиот татко е замрзнат во руските банки, пренесе агенцијата ТАСС. Советникот во кабинентот на украинскиот преседател Михајло Подолјак во неделата за Reuters изјави дека постојат сомневања меѓу Украинците за Мураев, бидејќи тој е „многу смешна фигура“ за да биде сфатен како водач на марионетска влада во Киев. Но, како што смета Подолјак, Русија и порано носела споредни личности на важни позиции, како во случај на Крим и Донбас. Затоа „оваа информација треба да биде сфатена најсериозно“ предупредува советникот на украинскиот претседател. Мураев, пак, во објава на Facebook во неделата повика на крај на поделбите на прозападни и проруски политичари во Украина. „Поразите на политичарите како Порошенко и Медведчук се јасен доказ. Нивните постапки ѝ нанесоа ненадомесливи загуби на земјата и го поделија народот на Украина“, напиша Мураев алудирајќи на двајцата олигарси, прозападниот Петро Порошенко кој дојде на власт по превратот во Киев во 2014 година и владееше до 2019 година, и на Виктор Медведчук за кој се смета дека е во кумски односи со рускиот претседател Владимир Путин. Мураев во објавата напиша и дека „на Украина ѝ се потребни нови политичари чијашто политика ќе темели исклучително на принципита на националните интереси на Украина и на украинскиот народ“, како и дека земјата треба „самата да одлучува за својата судбина“. Доколку преземете содржина од оваа страница, во целост сте се согласиле со нејзините Услови за користење....

Министерството за здравство информира, согласно податоците од Институтот за јавно здравје дека во последните 24 часа: Направени се 5.604 тестови, а регистрирани се 1.424 нови случаи на КОВИД-19: Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – 8, Виница – 7, Радовиш, Пробиштип, Богданци и Македонски Брод – по 5, Делчево, Берово и Демир Хисар – по 3, Кратово и Демир Капија – по 2, Дебар, Валандово, Крушево и Дојран – по 1. Од вкупниот број на позитивни (1.424), регистрирани се 214 реинфекции. Регистрирани сe 1.083 оздравени пациенти од: Скопје – 496, Битола – 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – 7, Богданци и Демир Хисар – по 6, Пробиштип – 5, Виница – 4, Крива Паланка, Македонски Брод и Кратово – по 3, Валандово – 2, Дебар и Пехчево – по 1. Во текот на изминатите 24 часа регистрирани се 15 починати лица: 6 починати лица од Скопје (69г, 72г, 77г, 82г, 89г и 90г), по 2 починати од Велес (43г и 69г), Струмица (65г и 66г) и Прилеп (58г и 80г) и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови. Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63г до 80г. Пријавените се починати во период од 4.01.2022 до 20.01.2022г. Од пријавените лица три се починати во домашни услови, а две лица во болнички услови. Од вкупниот број на починати лица (n=20), три лица се целосно вакцинирани. Направени се 5.604 тестови преку: ИЈЗ-357, ЦЈЗ Скопје-46, ЦЈЗ Битола-103, ЦЈЗ Прилеп-46, ЦЈЗ Тетово–0, ЦЈЗ Куманово-84, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–285, Жан Митрев (Филип Втори)-149, Авицена-177, Биотек-269, Систина-95, лабораторија Лаор-247, Синлаб-38, Ремедика-9, Плодност-108, Генеа-14, Никоб Лаб-592, ВФВ Медикал-86, Ели Медика-46, Ројал Медика–31, Спектра-ММ-37, Рапид Лаб–53, Жан Митрев Струмица–24, Нова Лаб Дијагностика–18, Рамус-27, ЈЗУ и ПЗУ (рапид тест) – вкупно 2.663. Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571. Според епидемиолошки анализи во моментов, дистрибуцијата по градови е следна: Дистрибуција по градови Заболени (вкупно), Активни случаи (вкупно) Скопје 115911, Активни 11123 Куманово 14307, Активни 748 Прилеп 12361, Активни 863 Тетово 12013, Активни 487 Битола 12007, Активни 1619 Гостивар 8539, Активни 316 Кавадарци 8373, Активни 561 Велес 8121, Активни 384 Охрид 7708, Активни 642 Штип 7337, Активни 340 Струмица 6931, Активни 496 Кичево 4778, Активни 289 Кочани 4467, Активни 222 Струга 4249, Активни 240 Гевгелија 3505, Активни 357 Неготино 2967, Активни 212 Свети Николе 2332, Активни 117 Ресен 2227, Активни 230 Крива Паланка 2137, Активни 130 Радовиш 2116, Активни 179 Делчево 1680, Активни 150 Берово 1605, Активни 93 Дебар 1488, Активни 21 Валандово 1271, Активни 163 Виница 1249, Активни 46 Пробиштип 1235, Активни 46 Кратово 859, Активни 61 Богданци 805, Активни 78 Крушево 800, Активни 141 Демир Хисар 744, Активни 71 Македонски Брод 611, Активни 39 Македонска Каменица 480, Активни 45 Демир Капија 466, Активни 21 Пехчево 402, Активни 28 Дојран 200, Активни 13 Доколку преземете содржина од оваа страница, во целост сте се согласиле со нејзините Услови за користење....

Американскиот државен секретар Ентони Блинкен денеска ја отфрли идејата сега да се воведат економски санкции кон Русија, велејќи дека тие ќе ја намалат способноста на Западот да спречи можна руска агресија врз Украина. Руската акумулација на војници во близина на границата со Украина предизвика загриженост кај западните земји дека Русија би можела да ја нападне Украина. Доколку Русија навистина изврши напад, западните земји и се закануваат со санкции кои би можеле да имаат далекусежни економски последици. – Кога станува збор за санкции, нивната цел е да ја спречат руската агресија. Да се ​​активираат сега, ќе го загубиме тој ефект – рече Блинкен во интервју за Си-Ен-Ен. Американскиот сојузник Романија, истакна дека нема да се вклучи активно во можната војна во Украина, потенцирајќи дека острана ќе стојат и останатите членки на НАТО. Министерот за одбрана Василе Динчу рече дека државата нема да влезе во никаква војна во моментов, но нагласи дека мора да биде подготвена за последиците од потенцијален конфликт на границата со Украина. „Романија нема да се вклучи во никаква војна во овој момент, но мора да биде подготвена за последиците од потенцијалниот конфликт на украинската граница“, изјави Динчу за телевизијата Диги 24. Тој рече дека романските власти не очекуваат да избие во овој момент војна во Украина. „Не можеме со сигурност да кажеме дали ќе има војна во Украина, бидејќи тоа би било многу скапо за Русија. Но генералниот секретар Столтенберг рече дека воена интервенција на НАТО не доаѓа предвид, бидејќи Украина не е членка на Алијансата, па затоа воен одговор не е опција. Од оваа гледна точка, Романија и НАТО нема да се вклучат во активни воени непријателства. Секако, можеме да бидеме сведоци на економска војна и други видови борби, економски санкции доколку дојде до конфликт, но во овој момент не очекува, така да се каже, жешка војна“, изјави романскиот министер за одбрана. Претходно од Москва, официјален Кремљ порача дека е подготвен да влезе во одбрана на цивилете од Донбас, побунетата територија на Украина која во моментов ја контролираат проруските сепаратисти. Доколку преземете содржина од оваа страница, во целост сте се согласиле со нејзините Услови за користење....

Претприемач од Македонија аплицирал за грант од европската ИПАРД програма во земјоделството, но добил кривична пријава. Газда на фирма од Куманово тврди дека го измамила вработена во Министерството за земјоделство. Шабедин Мустафа во изјава за Алсат вели дека кај вработената ги поднел сите документи во 2018 година, а таа му се понудила да му го подготви бизнис-планот? За тоа му побарала илјада евра. Тој се согласил и ѝ ги платил. Ги собрала документите, а Мустафа добил уверување дека ќе добие неповратен грант од 400.000 евра. Истата вработена од него побарала кај неа да упати и други кои ги познава и кои сакаат да добијат грант. Тоа и се случило. Но, потоа ја изгубил комуникацијата со неа. Тоа траело се до јули 2020 година. Тогаш таа му рекла да се најдат, но не во Министерството, туку на некој паркинг. Се нашле и му дала решение од Агенцијата за поддршка во земјоделството и руралниот развој дека добил грант од 400.000 евра. Во документот пишува дека половина од парите, 200.000 евра ќе се исплатат за четири работни дена. Но, парите никогаш не стигнале. Исто се случило и со други лица на кои вработената наводно им посредувала за грант. Сите се обратиле во Платежната агенција, но оттаму им рекле дека документите им се фалсификат! „Помина многу време откако немаме одговор од институцијата (Агенција за финансиска поддршка на рурален развој) и се собравме и отидовме таму. Бевме четири правни лица кои преку фирма аплициравме, исто така и двајца како физичко лице. И таму ни кажаа дека не фигурираме нигде, значи не сме апликанти. Нема архивски број, ниту ништо“, изјави Шабедин Мустафа, газда на ЛАМИФОРМ – ХОМЕ. По ова, Агенцијата го пријавила случајот во полиција. Обвинителството отворило предистражна постапка за три кривични пријави кон непознати сторители за измама, фалсификување и злоупотреба на службена положба. Тужба лично поднел и Шабедин Мустафа против вработената во министерството. „Јавниот обвинител издаде наредба до Министерството за внатрешни работи за преземање на определени дејствија. По наредбата сè уште се постапува“, наведуваат од Обвинителството. Во пријавата на Шабедин Мустафа се наведува дека вработената во Министерството за земјоделство нелегално собрала 15.000 евра. Доколку преземете содржина од оваа страница, во целост сте се согласиле со нејзините Услови за користење....

Мнозинството Турци не ја поддржуваат политиката на претседателот Реџеп Таип Ердоган. Ова го покажуваат податоците од анкетата организирана од ценатар за испитување јавно мислење МетроПОЛ од Анкара. Повеќе од 40 отсто од анкетираните изјавиле дека ги одобруваат постапките на шефот на државата, додека 57 отсто се со спротивен став. Мнозинство испитаници сметаат дека Анкара треба да им даде предност на Русија и Кина во својата надворешна политика, наместо на САД и на Европската унија. Така мислат околу 40 оѕтсто од Турците, додека 37,5 отсто претпочитаат САД и ЕУ. Дваесет и три отсто одбиле да одговорат на ова прашање. Анкетата беше спроведена од 8-12 јануари во 28 турски провинции врз 1.508 луѓе. Доколку преземете содржина од оваа страница, во целост сте се согласиле со нејзините Услови за користење....

Македонците во областа Голо, на албанско – македонска граница и оваа зима не ги одминаа проблемите со кои се соочуваат по обилни снежни врнежи, по кои е познат овој планински регион. По последниот снег, чија дебелина надминува 40 сантиметри, тие веќе трет ден по ред се отсечени од светот. -Дополнителен проблем е и недостигот на електрична енергија присутен веќе трет дена. Во текот на ноќта и утринските часови живата во термометарот падна на – 16 степени целзиусови, а вечерва и утре најава има за повисоки минусни температури – велат жител. Едмонд Османи администратор на административната единица Требиште рече дека во соработка со градоначалникот на општина Булќиза се прават максимални напори за надминување на проблемите. – Обилните снежни врнежи, поларниот студ и мразот го прават своето. Вложуваме максимални напори да се пробијат патиштата. Превземени се сите мерки и сме во служба на жителите за било каква потреба – изјави тој. Областа опфаќа 22 населени места со над 12 илјади жители. Доколку преземете содржина од оваа страница, во целост сте се согласиле со нејзините Услови за користење....

Експлозивна направа синоќа завршила во дворот на 34-годишен прилепчанец. Од полицијата соопштија дека нема повредени лица, а причинета е материјална штета. Се преземаат мерки за целосно расчистување на случајот, велат од МВР. Доколку преземете содржина од оваа страница, во целост сте се согласиле со нејзините Услови за користење....

„С. Македонија во целост го поддржува суверенитетот и територијалниот интегритет на Украина. Нашите институции ги следат случувањата во и околу Украина поврзани со поставувањето на вооружените сили од страна на Руската федерација долж границата“ кажа министерката за одбрана Славјанка Петровска во дневникот на ТВ24. Таа додаде дека земјава ги поддржува напорите на НАТО и ОБСЕ за надминување на тензичната ситуација. „Поставувањето на вооружените сили од страна на Русија е провокативно и дестабилизирачко дејствување што ја намалува безбедноста на европскиот континент“ рече Петровска. Министерката за одбрана додаде дека токму стабилноста на Европа треба да биде целта на сите. Таа додаде дека Владата и релевантните институции се во целосна координација со цел заштита на безбедноста на македонските граѓани. Доколку преземете содржина од оваа страница, во целост сте се согласиле со нејзините Услови за користење....

Температурите во Грција значително паднале во текот на викендот, додека обилните снежни врнежи предизвика затворање училишта во некои области. Училиштата во главниот град Атина и некои други региони погодени од невремето нема да бидат отворени во понеделник и вторник, поради прогнозите дека снегот ќе продолжи да врне на почетокот од седмицата. На островите кои се популарни кај туристите како Крит, Миконос и Наксос, исто така, врне снег, што таму е невообичаена појава. Постуденото вреем и температурите под нулата релатови се почесто во северните региони, но надолу кон југот, каде што снегот е ретка појава, доаѓа до застој во сообраќајот. Многу домови во јужна Грција се лошо опремени за толку студено време, па градовите отворија топли јавни простори за бездомници кои не можат да се загреат. Доколку преземете содржина од оваа страница, во целост сте се согласиле со нејзините Услови за користење....

Данската фудбалска ѕвезда Кристијан Ериксен, кој минатото преживеа тежок срцев удар на стартот на Еуро 2020 се враќа во англиската Премиер лига и само прашање на момент е кога Брентфорд ќе ја официјализира соработката со играчот. „Скај Спорт“ објави дека Брентфорд е многу близу до конечен договор со Ериксен, кој не играше фудбал после вградувањето на дефибрилатор во срцето, но почна со сериозни тренинзи откако доби дозвола од лекарите дека може да продолжи да игра фудбал. Според информациите, Ериксен ќе игра до јуни за Брентфорд, а потоа ќе биде разгледана опцијата за продолжување на соработката. Тој најави неодамна дека негова цел и желба е да игра со Данска на Светското првенство во Катар во ноември и декември годинава. Доколку преземете содржина од оваа страница, во целост сте се согласиле со нејзините Услови за користење....

Кошаркарите на МЗТ Скопје во меч од 13. коло од Првата лига убедливо го совладаа Кожув со 86-71, што беше десетти триумф за овој клуб сезонава на домашна сцена. Кристијан Николов со 17 поени и осум асистенции беше најдобар кај МЗТ, каде што двоцифрен ефект имаа уште и Немања Милошевиќ со 14 поени, Бојан Крстевски и Хуан Дејвис со по 12, Роберт Рикиќ со 11 и Дамјан Стојановски со 10 поени. Тревор Бродвеј со 28 поени беше убедливо најдобар кај Кожув. Доколку преземете содржина од оваа страница, во целост сте се согласиле со нејзините Услови за користење....

Ветеранот Беат Фојц го победи својот швајцарски сонародник Марко Одермат на спустот на патеката Штрајф во Кицбил. Ова е 16. победа од Светскиот куп и трета на спустот во Кицбил, со што влегува во елитната група на скијачи со хет-трик на најпознатиот спуст на светот покрај Дидие Куш (5), Франц Кламер (4), Доминик Парис (3), Франц Хајнцер (3), Карл Шранц (3), Лук Алфан (3) и Пирмин Цурбриген (3). На лидерот во генерален пласман, 24-годишниот Марко Одермат, првата победа во Кицбил му избега за 0.21 секунди. Честа на Австријците ја одбрани Даниел Хеметсбергер со 0.9 секунди послабо време за прв подиум во неговата кариера. Олимпискиот шампион, Австриецот Матијас Маер повторно беше четврти како во петокот, пред Фрацузинот Жоан Кларе и победникот од петокот, Норвежанецот Александер Омот Килде. Доколку преземете содржина од оваа страница, во целост сте се согласиле со нејзините Услови за користење....

Големиот пожар кој изби попладнево во фабриката за брашно „Жито Битола“ сè уште е активен, а пожарникарските екипи се на терен и се обидуваат да го локализираат. Според СВР Битола, засега нема пријава за повредени лица. -На 23.01.2022 во 17.20 часот во СВР Битола било пријавено дека има пожар во фабрика за леб лоцирана во индустрискиот дел на Битола. Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. До сега нема пријава за повредени лица, велат од МВР. Доколку преземете содржина од оваа страница, во целост сте се согласиле со нејзините Услови за користење....

Protesters react during clashes at a demonstration against the Belgian government's restrictions imposed to contain the spread of the coronavirus disease (COVID-19) in Brussels, Belgium, January 23, 2022. REUTERS/Johanna Geron Неколку илјади демонстранти, дел од нив од други европски земји маршираа во Брисел изразувајќи го незадолството од мерките воведени во борбата во справувањето во Covid-19, а во ткн европски крал во белгиската и европска престолнина дојде до судир со полицијата која употреби солзавец и водени топови, пренесуваат медиумите. Неноколку стотици демонстранти, кои се одделиле од главната колона се обиделе да го преобијад кордонот во близина на зградата во Европл, и започнале фрлање петарди и шишиња кон полицијата. Полицијата ја растурика групата користејќи солзавец и водени топови. Дневанта температура во Брисел денеска изнесувал плу 4 Целзиуспови степени, што според локалните закони ја дозовлува температурата водени топови. Според податоците на полицијата во текот на овој судир биле уапсени 10 лица, и овој инцидент бил изолиран. На паневропските протести против рестриктивните епидемиолошки мерки во Брисел, кои добија одобрување од локалните власти, учествувале неколку десетици илјади лица, според организаторот на акцијат невлдината организација Светскиот собир за слобода и EuropeansUnited (Обединети Европејци), којашто обединува активисти и од десниот и од левиот политички спектар. Медиумите известуваат дека во масата демонстранти имало многу луѓе со знамиња на белгискиот регуон Фландрија, црн лав на жолта заднина, кои често се истакнуваат на притестите на приврзанициет на десничарскиет радикални фламански партии. Организаторите на протестот изјавија дека учествувале луѓе од Белгија, Франција, Германија, Луксембург, Холандија, Шпанија, Италија, Полска, Романија, како и граѓани од други европски земји кои живеат во Брисел. „Очекувавме дека повеќе од 100.000 луѓе да излезата на улиците. Гледаме како владите реагират на здравствената криза со мерки коишто го претвораат нашето слободно демократско општество во авторитарно. Се ограничуваат бројни слободи на граѓаните, а се воведуваат мерки како полициски час, што се чинеппе како далечно минато“, вели еден од учсниците на протестот, прогесор од Слободниот универзитет во Брусел (ULB), кој се претставил само како Жак. „Она што се случува од 2020 година им го отвори очите на луѓето“, рекла Франческа Фанара, жителка на францускиот град Лил. Португалецот Адолфо Барбоса, пак, зборуваше за „здравствена криза“, додавајќи дека му е „срцето полно поради бројот на луѓето кој пристигна“. Поворката демонстрантите се движепе од Северната станица по бриселските булевари до паркот Синкети, близу Европскиот кварт каде се одржа главниот собир. Должината на трасата беше обезбедувана од полициски кордон, а сообраќајот беше во прекин. Демонстрантите, биле во поголем број од претходните протести според медиумите кои не наедуваат бројки, пишеле написи против премеир Александер Де Кро и ковид-потврди. Доколку преземете содржина од оваа страница, во целост сте се согласиле со нејзините Услови за користење....

Шпанскиот фудбалски гигант Реал Мадрид немаше најдобра недела, откако им беше потребен гол во 92. минута да се спасат од пораз од Елче кој заврши 2:2 на „Сантијаго Бернабеу“, а уште полошо, нивниот најдобар стрелец оваа сезона, Карим Бензема мораше да биде повлечен од игра поради повреда. Реал Мадрид сега има само четири поени предност пред второпласираната Севилја, а доколку повредата на Бензема се покаже посериозна, имаат големи проблеми на три недели пред мега-дуелот со Пари Сен-Жермен во Лигата на шампионите. Бензема, кој оваа сезона постигна толку многу голови, прво во 33. минута од мечот не успеа да реализира пенал, по што во финишот на полувремето, во 42. минута Лукас Боје ги донесе Елче во неочекувано водство. Бензема во 58. минута од мечот мораше да биде заменет со Лука Јовиќ, откако се пожали со повреда на бутниот мускул, а во 76. минута, Пере Милја го удвои водството на Елче. Обидот на Реал да се вратат резултираше со уште еден пенал, овојпат во 82. минута, и Лука Модриќ овојпат не згреши, пред Едер Милитао во 92. минута да спаси поен за тимот на Карло Анчелоти. Доколку преземете содржина од оваа страница, во целост сте се согласиле со нејзините Услови за користење....

Ерменскиот претседател Армен Саркисјан поднесе оставка, објавено е на неговата веб-страница. Ерменскиот претседател изјави дека таа одлука ја донел поради фактот што нема инструменти да влијае на внатрешната и надворешната политика, пренесува РИА Новости. „Тоа не е одлука водена од емоции и има одредена логика. Претседателот на државата нема инструменти да влијае на важни прашања ниту од внатрешната, ниту од надворешната политика“, се вели во соопштението објавено на неговата официјална веб-страница, пренесе ТАС С. Доколку преземете содржина од оваа страница, во целост сте се согласиле со нејзините Услови за користење....

Италијанката Елена Куртони славеше на денешниот супервелеслалом на домашен терен во Кортина Д’Ампецо. Со време од 1:20.98 минути, 30-годишната скијачка ја запиша втората победа во кариерата. Тамара Типлер од Австрија го освои второто место, а на третата позиција се пласира Мишел Гисин од Швајцарија. Доколку преземете содржина од оваа страница, во целост сте се согласиле со нејзините Услови за користење....

Голем пожар избувна попладнево во индустрискиот дел од Битола. Противпожарните служби заедно со полицијата се веќе на терен. Над фабриката може да се забележи огромен црн чад. Според неофицијални информации станува збор за пожар во фабриката „Жито Битола“. Фотографија: ТВ 21 Доколку преземете содржина од оваа страница, во целост сте се согласиле со нејзините Услови за користење....

„Македонија има обврски спрема Бугарија – Бугарија има само права спрема Македонија. Говорот на омраза против Македонија во Софија едноставно е нормален чин и вистина, а несогласноста во Македонија со тоа е – антибугарска пропаганда. Истото се гледа и од супериорната позиција од која се зборува за Македонија и македонскиот народ во Бугарија – тие се објект на перманентно исмејување и понижување“, вели Стојко Стојков, копретседателот на ОМО Илинден Пирин, нерегистрираната партија на Македонците во Бугарија во интервју за МКД.Мк „Начинот на кој си дозволуваат да зборуваат бугарските државници за Македонија, за нејзиниот народ и за нејзините лидери е згрозувачки и надвор од секое пристојно воспитување. И очекуваат Македонија да се навикне и да го прифати ова како нормален однос“, вели Стојков . Според него Буарија „применува фашистичкиот систем на колективна вина и одговорност – ако еден Македонец изрази став против Бугарија (што, меѓу другото, е негово право), па дури и да е тоа анонимен корисник на интернет – тоа се интерпретира како говор на омраза, за што е одговорно целото македонско општество и целото ќе биде казнето со блокада на евроинтеграцијата. Секое мислење што не ѝ се допаѓа на Софија спаѓа во таа категорија. Па така ниту научниците во Македонија не би имале научна слобода, ниту Македонците не ќе можат да мислат и зборуваат за себе на начин што не ѝ се допаѓа на Софија. Македонските државници исто треба да се дресираат да не смеат да зборуваат за својата држава и за својот народ на начин што не ѝ се допаѓа на Бугарија, вели Стојков. „Спомнете си како дури и некои невини изјави на Заев кон Македонците во врска со некои празници беа примени како провокација и скандал во Бугарија и придружени со повици да се казни Македонија. До таму оди апсурдот. Тоа едноставно не смее да се прифати и треба јасно да им се укаже на бугарските политичари. Стојков очекува Македонија да се однесува како држава: „Ако Македонија дозволи да ѝ се наметне таков однос, таа докажува дека нема право, или барем капацитет, да биде држава. Треба да почне да ги поддржува Македонците насекаде по светот и да одржува и да поттикнува комуникација со нив во рамките на меѓународните правила и стандарди без да се сообразува со мислењето на Софија. Тоа – вели Стојков – ќе ја натера Софија да „почне да учи да не реагира како меански силеџија, туку да се однесува коректно и воспитано“. Доколку преземете содржина од оваа страница, во целост сте се согласиле со нејзините Услови за користење....

Полската ракометна репрезентација беше блиску до првата победа во главната рунда на Европското првенство откако против Русија ремизираа 29-29. Херој на мечот беше Сергеј Косоротов, кој погоди со звукот на сирената од преку дванаесет метри за конечна поделба на бодовите. Косоротов и Житников комбинираа за 15 гола, но тоа не го искористи Русија да го добие драматичниот финиш на натпрварот одигран во Братислава. На крај селекцијата на Велимир Петковиќ имаше среќа што не остана со празни раце и се задоволи со еден освоен бод. Доколку преземете содржина од оваа страница, во целост сте се согласиле со нејзините Услови за користење....

На 22.01.2022 во 21.00 часот во ПС Гостивар С.Х. (39) од село Горна Бањица гостиварско пријавил дека околу 19.00 во селото откако се сретнал со М.Д (37) од истото село а поради претходна вербална расправија меѓу нивните малолетни деца, истиот физички го нападнал пријавителот. Се преземаат мерки за расчистување на случајот. Доколку преземете содржина од оваа страница, во целост сте се согласиле со нејзините Услови за користење....

Наполи го прескокна Милан после денешната победа во пресрет на вечерашното дерби на „росонерите“ против Јувентус, а наполитанците за помалку од еден час ја завршија работата против најслабиот тим во Калчото. Во првиот дел блескаше Елмас, кој во 17-та со асистенција со рамо му овозможи на Жуан Жесус да даде гол за водство, а потоа имаше свое вистинско шоу откако цела одбрана на Салернитана ја издрибла за да изнуди пенал, откако противниците не можеа да го задржат, па Дрес Мертенс во судиското надополнување во првиот дел погоди за второ водство со 2-1, откако Бонацоли во 33-та даде гол за израмнување. Наполи даде уште два гола во вториот дел, прво Амир Рахмани по асистенција на Мертенс во 47-та, а потоа Лоренцо Инсиње од пенал во 51-та за да се реши прашањето за победникот. Elmas 💎 pic.twitter.com/G4yCmRsqO3 — أحمَد (@1Pcho) January 23, 2022 Доколку преземете содржина од оваа страница, во целост сте се согласиле со нејзините Услови за користење....

Ливерпул го искористи киксот на лидерот и првак Манчестер сити за да се доближи на девет бода со меч помалку од „граѓаните“ во трката за шампионската титула во Премиерлигата, после денешната победа со 3-1 на гостувањето кај Кристал Палас. Вирџил Ван Дијк по осум минути игра и Алекс Окслејд-Чембрлен во 32-та минута ги постигнаа головите со кои „црвените“ безмалку ја осигураа победата, а иако Едуард по десет минути во вториот дел го крати Кристал Палас во мечот и ја остави неизвесноста, домаќините не успеаа да најдат начин како да го сопнат големиот фаворит, а во 89-та минута од пенал Фабињо ја завери победата на Ливерпул, кој и понатаму е десеткуван со недостатокот на двете свои најголеми ѕвезди Мо Салах и Садио Мане, кои се на Африканскиот куп на нациите. Арсенал и покрај тоталната доминација на мечот со Барнли не успеа да најде начин како да даде барем еден гол за победа за повторно да дојде до четвртото место на табелата, па ремизираше без голови против Барнли. Лестер и Брајтон ремизираа 1-1 во третиот денешен попладневен меч во ова премиерлигашко коло. Доколку преземете содржина од оваа страница, во целост сте се согласиле со нејзините Услови за користење....

На 23.01.2022 во 02,15 часот било пријавено дека во угостителски објект во населба Аеродром, Скопје, Д.М. (37), И.М. (32) и Ц.Б. (51) сите од Скопје, го нарушиле јавниот ред и мир со тоа што кршеле инвентар, затоа што откако побарале да бидат услужени им било речено дека објектот не работи. По целосно расчистување на случајот против нив ќе бидат поднесени соодветни пријави. Доколку преземете содржина од оваа страница, во целост сте се согласиле со нејзините Услови за користење....

Денеска (23.01.2022) во периодот од 10.00 до 16.00 часот Мобилната единица за безбедност на сообраќајот на патиштата спроведе зајакната акциска контрола на автопатот Куманово – Скопје – Велес за санкционирање на возила кои се движат со брзина поголема од дозволената, при што санкционирани се 68 возачи. Од нив, три возила се движеле со брзина над 50 километри на час повеќе од дозволеното, а исто така три возила се движеле со дури над 70 километри на час повеќе од дозволената брзина. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта. Доколку преземете содржина од оваа страница, во целост сте се согласиле со нејзините Услови за користење....

Најмалку две лица загинаа, а неколку се повредени по тешката автобуска несреќа која се случила денеска во близина на турскиот град Истанбул. Патничкиот автобус сообраќал на релација Черкезкој – Ајдин излетал од патот и слетал во провалија длабока 30 метри на автопатот Кузеј – Мармара. Агенцијата Анадолија пренесува дека животот го загубиле најмалку двајца патници, додека „Дејли Сабах“ пренесува за три загинати, а 18 повредени. Во автобусот во моментот на несреќата имало повеќе од 20 лица. Во моментот на несреќата условите на патот биле отежнати, односно имало голомразица и снег, па тоа може да биде една од причините за оваа несреќа. Доколку преземете содржина од оваа страница, во целост сте се согласиле со нејзините Услови за користење....

Иако последните години живееше во Словенија со својата невенчана сопруга Барбара, Аки Рахимовски ќе биде погребан во Загреб. Како што дознава „Вечерњи“ од извори блиски до семејството, погребот најверојатно нема да биде пред средината на следната недела, затоа што ситуацијата со коронавирусот дополнително ги комплицира работите. Имено, официјалната причина за смртта на Аки ќе биде позната дури по обдукцијата, а пред да се случи тоа е речиси невозможно да се планира нешто конкретно. Прашање е како ќе изгледа се со оглед на бројот на заразени со коронавирусот, па не се препорачуваат поголеми собири. Сигурно ќе има голем број пријатели, но и фанови кои ќе сакаат за последен пат да се простат од легендарниот пејач. Да потсетиме, Аки пред неколку дена беше опериран и му биле вградени четири стента во една загрепска клиника. Сите околу него верувале дека ова е крајот на сериозните здравствени проблеми. Затоа Аки се вратил во Словенија, но судбината, за жал, одлучила поинаку и тој починал вчера во Ново Место, Словенија . Причината за смртта сè уште не е официјално позната, но Аки и претходно имал здравствени проблеми. Доколку преземете содржина од оваа страница, во целост сте се согласиле со нејзините Услови за користење....

Во главниот град на САД денеска се очекува да дојдат илјадници луѓе на протестен марш наречен „Порази ги мерките“, а во врска со наредбата за доказ за вакцинација при влез во јавните места. Протестот беше најавен во време кога округот Колумбија минатата недела ги изгласа овие мерки според кои се бара доказ за вакцинација при влез во ресторани и други локални бизниси. Жителите на Вашингтон се загрижени од тоа дека маршот може да предизивика судир меѓу демонстранти дојдени од други градови и локалните жители. Во случај на судир, протестот може да ги врати немилите сцени во Вашингтон од пред нешто повеќе од година, кога лани на 6 јануари поддржувачи на поранешниот претседател Доналд Трамп насилно упаднаа во американскиот Капитол. Роберт Ф. Кенеди, активист против Ковид-19 вакцинација и еден од организоторите на маршот, изјави дека очекува мирен протест. -Американците сакаат демократијата да им биде вратена, и овој протест е нивно барање за тоа, изјави тој. Кенеди е блокиран на Инстаграм и се смета за еден од „дванаесетмината на дезинформацијата“, како што се наречени од медиумите, а поради лажните тврдења за вакцините и ширење на теории на заговор за Ентони Фаучи, главниот советник во Белата куќа за борба со пандемијата. На Фејсбук групата што го промовира протестот учесниците велат дека ќе ги бојкотираат хотелите и рестораните во Вашингтон и дека ќе се сместат во хотели во Вирџинија каде што не се бара доказ за вакцинација. Доколку преземете содржина од оваа страница, во целост сте се согласиле со нејзините Услови за користење....

Во Словенија во изминатите 24 часа се потврдени рекордни 13.911 случаи на коронавирус, а дури 75,5 отсто од тестовите биле позитивни. Дополнително, направени се над 73.000 брзи антигенски тестови, чиј резултат се’ уште не е објавен, бидејќи позитивните резултати последователно треба да се потврдат со ПЦР тестирање. Владата поради тешката епидемиолошка состојба не размислува за олеснување на мерките. „И покрај зголемувањето на бројот на заразени, бројот на хоспитализирани е стабилен, но со толку големо присуство на вирусот кај населението, очекуваме притисок врз одделенијата за интензивна нега“, изјави Матеја Логар – инфектолог од владината стручна група за ковид. Во земјата има 101.906 активни случаи на коронавирус, соопшти Министерството за здравство. Во болниците во моментов се примени 608 пациенти, од кои 135 се на интензивна нега. Во изминатите 24 часа починаа 17 лица, со што бројот на починати како последица на коронавирусот се искачи на 5.768 лица. Доколку преземете содржина од оваа страница, во целост сте се согласиле со нејзините Услови за користење....

На 22.01.2022 околу 16 часот на бул. „Словенија“ во Скопје од страна на полициски службеници од Единицата за интервентна полиција сопрено е патничко моторно возило „пежо“ со прилепски регистарски ознаки, управувано од Д.Р (23), а како сопатници Х.Ч (17) од Скопје и Д.Д (20) од Прилеп. При преглед во возилото пронајдена е марихуана и лицата се приведени. По документирање на случајот ќе биде поднесена соодветна пријава. Доколку преземете содржина од оваа страница, во целост сте се согласиле со нејзините Услови за користење....

На 22.01.2022 околу 18,30 часот на ул.„Воденска“ во Скопје полициски службеници од Единицата за интервентна полиција ги затекнале при извршување кривично дело тешка кражба Р.А (24) и А.И (20) од Скопје и кај нив биле пронајдени предмети поврзани со кривичното дело. Лицата се приведени и против нив ќе биде поднесена соодветна пријава. Доколку преземете содржина од оваа страница, во целост сте се согласиле со нејзините Услови за користење....

Еден британски државјанин е убиен а негов сонародник е ранет во напд во градот Кончанабури на запдот на Тајланд, пренесува во неделата весникот Bangkok Post. Инцидентот се случил во неделата. Загинатот 49-годишен маж бил поронајден со убодни рани во пределот на вратот. Неговиот 55-годишен сонародник преживеал, но бил сериозно ранет и пренесен во билница, се наведува во информацијата. Според полиаицијата, двајцата Британци доцна во ноќта слушале гласна музија и консумирале алкохол. Им пришол маж и ги нападнал, а потоа избегал од местот на настанот. На местото на настанот биле пронајдени срп и чифт чевли за кои се верува дека му припаѓаат на напаѓачот, соопшти полицијата. Додава дека двајцата Британци доцна во ноќта пред нападот пиеле пиво пред куќата и пуштале гласна музика. Полицијата верува дека напаѓачот можеби бил вознемирен од вревата. Полицијата привела 23-годишен осомничен за смртоносниот напад, кој се сокрил кај роднина, во близина на куќата во којашто се случил нападот. Тој наводно имал психичко растројство. Осомничениот бил нападнат од гневните жители по прободувањето и моментално се наоѓа на болничка нега. Доколку преземете содржина од оваа страница, во целост сте се согласиле со нејзините Услови за користење....

Демократскиот сојуз признава дека постојат овие списоци, ама се уште се обидува да биде брана за СДСМ/ДУИ. Она што го претставуваа за паушално од вчера има и потврда од нив самите дека овие списоци се вистинити и дека постојат. Демократскиот сојуз треба да излезе и јавно да каже дали членовите на претседателството на партијата обезбедувале бесплатни услуги за функционери од Демократскиот сојуз, СДСМ, ДУИ и останатите пратии на власт?, прашува Наум Стоилковски, портпарол на ВМРО-ДПМНЕ. -Зошто зад името на директорот и неговиот заменик, високи партиски функционери на Демократскиот сојуз Кроневски и Јакимовски, како и на Славчо Јакимовски стојат имињата на шефот на кабинет на Ковачевски, Мартин Попов, како и на табличката на неговиот автомобил Голф 6, името на Миле Зечевиќ и неговото возило, стои името на Душко Весковски од Водовод, или на Златко Марин или секретарот на СДСМ во Аеродром? Демократскиот сојуз треба да каже дали е точно дека цела една катна гаража функционирала на грбот на граѓаните за да може функционери од СДСМ, ДУИ, Демократскиот сојуз и останатите од власта и нивни семејства да паркираат бесплатно приватни возила? Демократскиот сојуз треба да признаат дали имале притисоци од СДСМ и од коалициските парнтери за да нивни функционери да паркираат бесплатно било каде во Скопје или сето тоабило врз база на трговија со влијанија? Без прецизен одговор, Демократскиот сојуз продолжува да биде привезок на власта и заштитник на криминалот и корупцијата на штета на граѓаните. Паркингот поскапе за сите, за да може функционери од партиите на власт да паркираат бесплатно каде ќе стигнат во Скопје. Демократскиот сојуз е дел од власта за да обезбедува бенефиции за себе и за функционери од СДСМ и ДУИ врз грбот на граѓаните, додава Стоилковски. Доколку преземете содржина од оваа страница, во целост сте се согласиле со нејзините Услови за користење....

Со внимание ја проследив онаа провладина хајка и разглобувањето до најситните детали околу моето тестирање за ковид, надополнето со многу политика. Веројатно тезата “Наќе е крив” сега е заменето со акцијата “Пецак е крив”, а сето ова само тие од власта да не бидат криви на кои им се случи геноцид на народот поради неспособност во справувањето со ковид заразата, вели градоначалникот на Охрид, Кирил Пецаков. -Им благодарам за вниманието, а аналогно на тоа јас ќе посветам внимание на фактите кои се следни. На 19 јануари, ден Водици се тестирав во Центарот за јавно здравје Охрид, не поради чуствување на симптоми поради ковид, туку поради патување и потребата за поседување на негативен ПСР тест. Нормално не бев во изолација, затоа што што би се случило доколу илјадници луѓе кои поради потребата за патување во странство би се изолирале чекајќи резултати и секако не постои НИТУ ЕДЕН пример кој се изолирал додека чекал резултати на ПСР тест за странство , така што јас во текот на тој ден бев со охриѓани кои го славеа големиот христијански празник. Истиот ден, како и кај секој тестиран на мејл околу 17 часот( а го прочитав покасно) добив известување од тестирањето кое кажуваше дека имам позитивен тест и иако не чуствував никакви симптоми превземав мерки за самоизолација, додека мојата сопруга имаше негативен тест .. Наредниот ден ( четврток) експресно добив решение за изолација од инспекторката од ДСЗИ, бидејќи без симптоми 10 дневна изолација, да појаснам сте имале можност да видите и лично, најголем дел имногу покасно, а се случувало и да не добијат решение за изолација.. После 36 часа од тестирањето, со оглед на тоа што немав никакви симптоми, ниту некој од моето опкружување се тестирав уште еднаш, при што се покажа дека тестот е негативен и немам присуство на корона вирус.( и тој тест јавно го објавив), и само што ги добив резултатите истите и ги испратив на инспекторката ( иако во некој друг процес кај што е започнато креирањето на кривичната пријава, вели дека не била запозната за тие резултати.) Стана јасно дека станува збор за грешка во тестирањето или пак кујните на власта по своја потреба тоа така го фабрикуваа. Да одговорам и на обвинувањата упатени до мене од Ирина Бухова, директорката на Државниот санитарен и здравствен инспекторат. Не сум прекршил ниту еден проткол, ниту свесно сум предизвикал опасност за граѓаните на Македонија. Вие и оној политички менаџмент во ДСЗИ ќе се соочите со кривична пријава за клевети и несовесно работење и ИЗНЕСУВАЊЕ НА ЗАШТИТЕНИ(ЗДРАВСТВЕНИ) ПОДАТОЦИ ВО ЈАВНОСТ преку вашите политички портали. Воедно ве повикувам наместо да се занимавате со мене и со охриѓани да посветите внимание на колапсот во здравството и непособноста да се справите со пандемијата. Вашите грешки чинат животи, а неспособноста на власта Охрид го чини катастрофални резултати во туризмот, пишува Пецков на Фејсбук. Доколку преземете содржина од оваа страница, во целост сте се согласиле со нејзините Услови за користење....

Со особено внимание го проследивме интервјуто на претседателот на Сојузот на Синдикати на Македонија – ССМ, Дарко Димовски за МИА. Здружението на вработените во сектор игри на среќа „САКАМ ДА РАБОТАМ“ со оваа соопштение сака да укаже на одредени факти кои ССМ, треба да ги земе предвид пред неосновано да забележува зошто обложувалниците, автомат клубовите и казината работат во недела и за време на празници, велат од Здружение на вработени во сектор на игри на среќа „САКАМ ДА РАБОТАМ“. -Целосно е неточно дека е спорно работењето на приредувачите на игри на среќа во недела и за време на празници. Имено, во членот 69 и 96 став 3 од Законот за игрите на среќа и забавните игри е определено, цитат:„Казиното или Автомат клубот може да утврди работно време од 24 часа на ден, секој ден, независно од тоа дали со закон или друг пропис е одреден државен или верски празник или друг неработен ден“.Со ова јасно и недвосмислено законодавецот утврдил дека, во конкретниот случај, измените на Законот за работни односи, односно воведувањето на „неработна недела“, не може да има важност за организаторите на игри на среќа. Согласно позитивните законски прописи, казината и автомат клубовите поседуваат лиценци за работа 24 часа – 7 дена во неделата, за што уредно плаќаат надоместок на Министерството за финансии. Воопшто не е случајно што овој сектор е регулиран со таканаречен „lex specialis“закон, бидејќи се работи за специфична дејност која е нужно усогласена со европските и светски пракси за оваа дејност. ССМ како организација која се грижи за правата на вработените треба да има предвид кои се можните последиците доколку правно неосновано се инсистира „неработна недела“ да се спроведе и во секторот игри на среќа.Прво, доколку сите организатори на игри на среќа, не работат во недела и за време на празници, во државниот Буџет, годишниот приход по овој основ, значително ќе се намали, бидејќи се работи за индустрија која најмногу посетители има во неработни денови. Второ, заради „неработна недела“, приредувачите на игри на среќа ќе бидат принудени бројот на вработени да го намалат за 1/3. Земајќи предвид дека во овој сектор сме вработени речиси 10 илјади граѓани, 3 илјадиод насќе останат без работен однос. Трето, ова ќе предизвика значителен одлив на финансиски средства надвор од Република Северна Македонија, бидејќи граѓаните ќе ги задоволуваат личните потреби за забава преку странските интернет сајтови кои огранизираат онлајн игри на среќа.мКонечно, заради погрешното толкување на измените на Законот за работни односи и неосновано инсистирање по секоја цена да се спроведе „неработна недела“ и во секторот игри на среќа, ние ќе немаме друг избор освен преку правосудни постапки, кривични пријави и тужби да бараме заштита на своите работнички права. Што се однесува до измените на Законот за работни односи кои се однесуваат на обврската на работодавецот да исплаќа 50% повисока дневница за работа во недела и за време на празници, го известуваме ССМ дека компаниите од Групацијата Новоматик Македонија и Апекс Македонија постапуваат по истата. Ја користиме приликата уште еднаш да потсетиме дека за време на најрестриктивните мерки за спречување на „Ковид-19“ пандемијата, автомат клубовите и казината иако не работеа 100 дена, не’ задржаа сите вработени, што е потврда за општествено одговорно однесување. Доколку преземете содржина од оваа страница, во целост сте се согласиле со нејзините Услови за користење....

Милорад Додик, српскиот член на Претседателството на Босна и Херцеговина, изјави во интервјуто објавено во неделата во шпанскиот тиражен дневен весник El Mundo дека „БиХ“ е пропаднат проект и дека најдоброто решение за оваа држава е Бошњаците, Србите и Хрватите да се „раздвојат на цивилизиран начин“. „БиХ нема да може да опстане поради истата причина поради којашто не опстана Југославија. Во БиХ постојат три народа. Два од нив, Хрватите и Србите, се многу незадоволни. Муслиманите сакаат да создадат унитарна држава во којашто тие би биле доминантниот народ“, вели Додик. „Нашата политика не е насочена на сецесија. Зборуваме за поинаква можност, заснована на процената дека БиХ нема да биде успешна како држава. Доколку биде така, најдобро е да се раздвоиме на цивилизиран начин“, вели лидерот на босанските Срби. Додик истакнува дека Србите нема „да започнат војна за да се отцепат’, но повторува дека е најдобро раздвојувањето „доколку не може да се живее заедно“. Нагласува дека Србите „го бранат политичкиот процес“ кон постигнувањето на таа цел и дека приказните за можна војна се „бесмислени“. Вели и дека БиХ постои како држава единствено поради притисокот на меѓународната заедница. „Тоа е експеримент на странците“, нагласува Додик. „Првото што го предлагам е дека странците треба да престанат да управуваат со оваа земја, бидејќи таа е единствената колонија којашто моментално постои во Европа. Нека нѐ пуштат да пронајдеме консензус, доколку е возможно“, вели Додик. Ја повтори својата оцена дека сегашниот висок меѓународен претставник, германскиот дипломат Кристијан Шмид нема право да воведува закон во БиХ. „На изборите пред три години освоив најмногу гласови, многу повеќе отколку двајцата мои колеги од Претседателството заедно. И сега доаѓа тој Германец и вели дека иднината на БиХ нема да се конституира со Додик. Што тој мисли, кој е тој?“, вели Додик. Германскиот дипломат Шмид, имено, треба да ја добие довербата во Советот за безбедност на ОН, каде што Русија и Кина, постојани членки со право на вето не го поддржаа неговото именување. Меѓутоа, Западот предводен од САД не ја уважуваат оваа досега воспоставена практика и сметаат дека е доволно да го потврди Советот за спроведување на мирот (PIC) кој го контролираат и кој ја контролира работата на Канцеларијата на Високиот претставник во БиХ. „Босна и Херцеговина е еден пропаднат проект (…) Босна и Херцеговина се наоѓа пред тешка криза. Оваа криза не дојде сега, таа отсекогаш е тука“. Босна и Херцеговина е синоним за криза“, заклучува Додик. Доколку преземете содржина од оваа страница, во целост сте се согласиле со нејзините Услови за користење....

Високата претставничка на Светската здравствена организација Марија ван Керхове денеска ги предупреди земјите кои мислат дека ставиле крај на пандемијата на коронавирусот бидејќи бележат пад на бројот на новозаразени, дека омикрон не е последниот сој на оваа пандемија. – Во многу земји како Велика Британија, каде има развиено високо ниво на имунитет на населението од инфекции, каде што покриеноста со вакцинација е висока, ќе видат разлика во иднина. Вие се наоѓате во втората фаза од пандемијата, рече таа за Би-Би-Си. Таа истакна дека од досега администрираните 10 милијарди дози вакцини против коронавирус, има уште три милијарди луѓе кои ја чекаат првата доза. – Сè уште имаме многу чувствителна популација. Тоа е глобален проблем, затоа мораме да го третираме со глобални решенија, рече таа, додавајќи дека пандемијата на коронавирусот нема да заврши со овој бран на омикрон и дека тоа не е последниот сој за кој ќе зборува. Доколку преземете содржина од оваа страница, во целост сте се согласиле со нејзините Услови за користење....

Германската економија претрпе огромни штети од почетокот на пандемијата, соопшти денеска Институтот за германска економија (ИВ) во Келн. – Од почетокот на пандемијата, германската економија загуби 350 милијарди евра додадена вредност, главно поради драстично намалената приватна потрошувачка, се вели во извештајот на ИВ кој го пренесуваат германските медиуми. Според прогнозата, дури и ако БДП ги достигне нивоата пред пандемијата до крајот на 2022 година, останува „огромна разлика“ во споредба со претпоставката ако пандемијата никогаш не се случеше. – Јазот создаден од падот на додадената вредност и приходите ќе се пополни само ако бидеме сведоци на силен економски раст во наредните години, се вели во извештајот на ИВ. Сепак, како што дознава германската новинска агенција ДПА од владини извори, новата Влада за тековната година смета на економски раст од само 3,6 отсто. Претходната Влада уште во септември поаѓаше со стапка на економски раст од 4,1 за 2022 година. Во 2021 година е забележан економски раст од 2,7 отсто, откако во 2020 година е намален за 4,6 отсто. Според пресметките на ИВ, во последните две години пандемијата предизвика намалена приватна потрошувачка од 270 милијарди евра поради мерките за затворање и тешкотиите во испораката на стоки. Економистите од ИВ забележуваат и „промена во однесувањето“ кај потрошувачите. – Граѓаните се плашеа да одат во кина и ресторани поради страв да не се заразат, дури и кога тоа беше повторно можно. Парите наместо тоа завршија во заштеда, вели Мајкл Громлинг, автор на анализата на ИВ. Таканаречените Економски мудреци, група претставници на водечките германски економски институти, оценуваат дека по нормализирањето на состојбата со протокот на стоки, може да дојде до ненадејно ослободување на инвестициите и потрошувачката, што може позитивно да влијае врз брзо закрепнување на економијата. Доколку преземете содржина од оваа страница, во целост сте се согласиле со нејзините Услови за користење....

Скандалозно и крајно неодговорно, вака СДСМ го нарече однесувањето на градоначалникот од ВМРО-ДПМНЕ Кирил Пецаков, кој наместо во изолација, верскиот празник Водици го дочека на Охридското крајбрежје со голем број луѓе. Од СДСМ го обвинуваат дека на овој начин, чекајќи го резултатот од тестот, во опасност ги ставил сите присутни. – Без маска и без никакво почитување на протоколите, Пецаков се ракуваше со граѓани, сопартијци и амбасадори. Ова не е само непочитување на одредбите и законите, ова скандалозно однесување на Пецаков е непочитување на граѓаните, на охриѓани, но и непочитување на лекарите и медицинските лица, рече Богданка Кузеска на прес-конференција, потенцирајќи дека неодговорноста е одлика на градоначалниците на ВМРО-ДПМНЕ. Таа запраша зошто лидерот на ВМРО-ДПМНЕ Мицкоски молчи за однесувањето на Пецаков и дали ќе го повика на одговорност. Воедно потсети и на ситуацијата кога Мицкоски за време на пандемија беше затекнат во скопска кафеана. – Пецаковски не треба да бара изговори со манипулации, за некакво скијање во Банско, туку да одговара, рече Кузеска. Пецаков инаку претходно рече дека не се изолирал бидејќи немал никакви симптоми, а тестот го направил поради закажаното зимување во Бугарија. Тој направил два теста, првиот излегол позитивен, но бидејќи му било сомнително тој направил уште еден тест кој излегол негативен. Здравствените власти велат дека лажно негативен тест е можен, но нема случаи на лажно позитивен тест. Пациентот може да направи колку сака тестови, но за лекарите велат дека е битен позитивниот. Доколку преземете содржина од оваа страница, во целост сте се согласиле со нејзините Услови за користење....

Две третини од реколтата тутун се веќе откупени. Според Сојузот на земјоделски здруженија, откупните претпријатија имаат преземено над 15.000 тони, а просечната цена е 194 денари за килограм. Претседателот на Сојузот, Менде Стомнароски вели дека откупот непречено се одвива и со овој интензитет може да заврши пред рокот, кон средината на февруари. -Откупени се преку 15.000 тони и реколтата е помала од договорените околу 22.000 тони. Според овој интензитет, се очекува да заврши во средината на идниот месец, вели Стомнароски. Потврдува дека тутунарите не се задоволни со оваа цена и затоа ги повикува заеднички да се изборат за повисоки цени по класи. -Трошоците на живот пораснаа, а и трошоците за производството. Затоа уште сега ги повикувам тутунарите заеднички да се избориме за нови цени, изјави Стомнароски. Сојузот бара кон средината на февруари средба со Министерството за земјоделство и со откупувачите за нови цени и за законски измени за поголема улога на Сојузот при производството и откупот. -Потребно е производителите да имаат поголема и рамноправна улога во целиот тек на реколтата, од потпишувањето на договорите до откупот. Сојузот да решава дали ќе се потпишат договорите со цени на кои инсистираат откупувачите, а не како досега тие да ја имаат доминантната улога. Токму дека тоа се приватни компании и дека е пазарна економија. Треба да имаме рамноправно учество како договорни страни, објаснува Стомнароски. Во меѓувреме има и иницијатива од Пелагонискиот регион за измени во законот за тутун во поглед на увозот. Доколку преземете содржина од оваа страница, во целост сте се согласиле со нејзините Услови за користење....

Пазар дипломатија се однесува на онаа лоша политика која што до сега ја гледавме од страна на власта и оние отстапки кои што се прават со што, всушност се нарушуваат преговарачките позиции за кои што, неодамна и ние и јавноста добивме потврда од поранешен министер, кој што се додека беше министер, всушност, одрекуваше дека станува збор за нарушување на националните и државни интереси во однос на пазар дипломатијата. Оценката за тоа дека, сепак беше на таа страна во однос на нарушување на националните и државни интереси и оваа пазар дипломатиј, беше и онаа понуда со доматите, во однос на твитер неговите активности, кога нудеше гајба македонски домат во замена за отпочнување на преговорите. Одтогаш поминаа повеќе години и сепак, Македонија е на истата позиција со нарушени национални и државни интереси и позиции во однос на она што значи сега, бугарска блокада, вели портпаролот на ВМРО-ДПМНЕ, Наум Стоилковски кој беше и модератор на денешната трибина во централниот штаб на партијата насловена „Заштита на националните и државни интереси, наместо пазар дипломатија“. Стоилковски сподели и едно негово работно искуство со претставник на Европската комисија за Македонија од периодот на 2000-тите години, Ерик Мереер кој имаше добри видувања за состојбите на Балканот по однос на условувањата што земјите членки во унијата ги правата на земјите кандидати. „Во еден од оние моменти на отворени прозорци и врати, бидејќи многу често се користи тој израз кога станува збор за пред некаков состанок, и евро преставници почнуваат да го наметнуваат сега е моментот, моментумот демек за нови ветришта да продуваат низ Европската унија. Ерик, во неврзан разговор после интервју вели, Европската унија и европските институции и европјаните, сметам дека неподготвени влегоа во проширување на Европската унија кон истокот, кон оние земји од Балканот и источниот дел на Европа. Затоа што, вели, вакви условувања какви што, и тогаш постоеше проблемот со Грција, имаат Грција кон вас ќе дојде Бугарија, ќе дојде да речеме некаква реакција помеѓу Србија и Хрватска, Србија и Црна Гора или Босна со Црна Гора. Значи оваа каша од условувања, кои што фактички немаат врска со европскиот начин на живот и на чин на размислување, на надминување на проблемите и она што значи основа на Европската Унија за отворени граници, движење и еднаквост помеѓу економијата и, воопшто, човековите права, туку напротив ќе служи како еден вид на морков и стап за задоволување на своите застарени идеи и желби“, истакна Стоилковски. Потсети дека сето ова што денеска ни се случува и што секоја држава бара Македонија да прави отстапки и промена, на пример, на Устав дека доаѓаат од периодот кога Зоран Заев сеуште не беше на власт и кој што во Берн истакна дека не може Македонија да не е виновна а сите држави околу неа да се виновни. „Зоран Заев пред да дојде на власт и да доведе до ситуација да потпишеме два договора со кои што бевме убедувани дека се затворени прашањата и дека се исполнети условите и треба да се почне со преговорите со Европската унија. А се тргна од една кажана реченица во Берн кога Зоран Заев стана и рече, не може Македонија да не е виновна и сите други околу неа да се виновни и ги отвори прозорците и вратите за промена и прифаќање на се и сешто“, рече Стоилковски. Доколку преземете содржина од оваа страница, во целост сте се согласиле со нејзините Услови за користење....

Премиерот Димитар Ковачевски кој денеска ја посети компанијата „Дура Аутомотив Системс“ изјави дека денешната посета на оваа компанија е одлична можност да се види како изгледа примената на законското решение Недела-неработен ден. „Вработените на оваа компанија, која заради сложениот производствен процес мора да работи и во недела, добиваат дополнителни 50% од основната дневница. Со тоа просечната плата на оние вработени кои работат во недела во оваа компанија порасна“, рече премиерот Ковачевски. За останатите, кои ќе работат во недела, измените предвидуваат за најмалку 50 проценти поголема дневница и слободен ден за работниците, кои се дел од дејностите неопходни за функционирање на општеството, дејности во кои работниот процес не смее или не може да биде запрен, како и 100 отсто поголема дневница и слободен ден за оние што ќе работат во несуштинските дејности на кои ќе им биде дозволено да работат. Работодавачите кои ќе го прекршат законот ќе се соочат со забрана за работа од 15 дена и прекршочна пријава. Доколку работодавачот го повтори истиот прекршок во рок од една година, забраната за работа ќе биде 30 дена. Измените на Законот за работни односи, кои ја дефинираат недела како неработен ден за 92 проценти од работниците, стапи во сила на 2 јануари. Доколку преземете содржина од оваа страница, во целост сте се согласиле со нејзините Услови за користење....

Ќе зборувам за овој тип манипулација којашто му се случува на македонскиот народ, односно властите се обидуваат да ја манипулираат македонската јавност, односно да се поигруваат или да ја навредуваат интелигенцијата на граѓанството. И тоа го прават по четири клучни столба коишто можам да ги забележам, два се повеќе процедурални, а два се повеќе суштински, рече во неделата Стефан Андоновски, член на Извршниот комитет на ВМРО-ДПМНЕ на денешната трибина во организација на ВМРО-ДПМНЕ насловена како „Заштита на националните и државни интереси, наместо пазар дипломатија“. Андоновски истакна дека бугарскиот премиер Кирил Петков го диктира процесот на преговарање, додека македонските власт се однесуваат како неми набљудувачи и независни аналитичари, укажувајќи дека има чувство на инфериорност кај власта. „Прво треба да забележиме дека Петков како премиер на Бугарија е оној кој го води процесот на преговарање, оној кој ја диктира агендата, ги диктира прашањата кои што ќе се дискутираат, оној кој ги диктира комисиите кои што ќе бидат формирани, кој ќе учествува во нив, мандатот, прашањата кои ќе треба да се затворат како и роковите. Од нашата страна, нашите власти се однесуваат како да се или неми набљудувачи или независни аналитичари, без воопшто да имаат било каков ефект внатре во учеството. Замислете дури не учествуваа ни во селекцијата на тоа каде ќе се одржуваат средбите прво, а каде следната или средбата потоа“, рече Андоновски. Додаде дека кај него се јавува впечатокот дека оние коишто треаб да ги носат одлуките од македонската страна покажуваат инфериорност. „Имаме целосна доминација и изместување на оската, а знаете во меѓународната дипломатија, па и во преговорите како процес мора да имате две сериозни страни еднакво потковани за процесот доведе до еднаков избалансиран резултат. Не може да очекувате избалансиран резултат кога имате не избалансиран процес“, смета Андоновски. Очекувал пологично правно резонирање во однос на изјавата на Бојан Маричиќ во однос на министерот за надворешни работи Бујар Османи, бидејќи вицепремиерот за евроинтеграции е правник, додека шефот на дипломатијата е хирург. „Вториот аспект е нешто што ја навредува интелигенцијата затоа што ги диктираат процесите еден правник и еден хирург. И сега од хирургот во Министерството за надворешни работи може и да очекувате неумесни изјави кои што немаат допирна точка со правната реалност, но од правникот кој што беше во Министерството за правда, а сега во Секретаријатот за европски прашања би очекувале некое пологично правно резонирање и во таа смисла е она кое што долго време не навредуваат дека со Бугарија нема да има нов договор, а сега лесно се преминува дебатата дали новиот договор кој што ќе биде потпишан со Бугарија ќе помине во Собранието со двотретинско мнозинство или не“, објасни Андоновски. Во однос на суштинските аспекти, Андоновски вели дека „сега има нешто повеќе“ од португалскиот предлог, додвајаќи дека тој предлог бил прифатлив од македонската страна, но отфрлен од Бугарија. односно како што рече тој е ставен во фиока, а се дискутира за промени коишто значат промени во идентитетските обележја. „Да преминам кон по суштинските аспекти. Првиот суштински аспект е дека сега имаме нешто повеќе од португалскиот предлог. Исто така ќе ве потсетам дека цела 2021 година бевме убедувани дека португалскиот предлог е единственото нешто за што преговараме, кога знаеме дека уште првиот ден португалскиот предлог кој одеше на заштита на дел на македонските права беше отфрлен од Бугарија. Тие продолжија да дискутираат, а беше прифатен од македонска страна дека е одлична основа за продолжување на преговорите. Сега португалскиот предлог е ставен на ад акта и ние дискутираме за повеќе од меѓународно прифатените правила на игра, односно дискутираме за промени кои што значат промени во идентитетските обележја и не е случајно голем број на поранешни претставници од власта повеќе не се дел од истата, затоа што ова е навредливо дури и за нив, за луѓето кои што беа дел од грчкиот догово“р, кажа Андоновски. „И последната суштинска разлика на ко што се удираат македонските национални интереси е едно начело во правото на ЕУ кое што вели директна примена на правилата. Македонија исто како и Бугарија се потписни на Европската Конвенција за човекови права. Како правен документ има директна примена во правниот поредок на Република Македонија, исто како и било кој системски закон кој што го имаме. Од тука да очекувате и да се мешате во правата на Македонија и македонскиот уставен поредок за да таа го менува истиот, а во исто време не ги почитувате правата на Македонците кои што живеат во Бугарија, кои што се заштитени по таа конвенција која што вие сте ја ратификувале, освен што е политички некултурно, оди против сите правила на меѓународното право. Но, она кое што мене повеќе ме навредува не е бугарскиот став дека тие нема да ги почитуваат пресудите на судот во Стразбур, туку е македонскиот став дека ние немаме право да ги заштитиме токму тие права кои се гарантирани од Советот на Европа, од Судот за човеков права“, потенцираше Андоновски. Доколку преземете содржина од оваа страница, во целост сте се согласиле со нејзините Услови за користење....

Јас ќе зборам за овој тип на манипулација која што му се случува на македонскиот народ, односно властите се обидуваат да ја манипулираат македонската јавност односно да се поигруваат или да ја навредуваат интелигенцијата на граѓанството. И тоа го прават по четири клучни столба кои што можам да ги забележам, два се повеќе процедурални, а два се повеќе суштински, вели Стефан Андоновски, член на ИК на ВМРО-ДПМНЕ на денешната трибина во организација на ВМРО-ДПМНЕ насловена како „Заштита на националните и државни интереси, наместо пазар дипломатија“. Андоновски истакна дека бугарскиот премиер Петков го диктира процесот на преговарање, додека македонските власт се однесуваат како неми набљудувачи и независни аналитичари, укажувајќи дека има чувство на инфериорност кај власта. Прво треба да забележиме дека Кирил Петков како премиер на Бугарија е оној кој го води процесот на преговарање, оној кој ја диктира агендата, ги диктира прашањата кои што ќе се дискутираат, оној кој ги диктира комисиите кои што ќе бидат формирани, кој ќе учествува во нив, мандатот, прашањата кои ќе треба да се затворат како и роковите. Од нашата страна, нашите власти се однесуваат како да се или неми набљудувачи или независни аналитичари, без воопшто да имаат било каков ефект внатре во учеството. Замислете дури не учествуваа ни во селекцијата на тоа каде ќе се одржуваат средбите прво, а каде следната или средбата потоа, дециден е тој. Имам едно чувство на инфериорност кај нашите носители на одлуки, порача Андоновски. Имаме целосна доминација и изместување на оската, а знаете во меѓународната дипломатија, па и во преговорите како процес мора да имате две сериозни страни еднакво потковани за процесот доведе до еднаков избалансиран резултат. Не може да очекувате избалансиран резултат кога имате не избалансиран процес, смета Андоновски. Андоновски вели дека очекувал некое пологично правно резонирање во однос на изјавата на Бојан Маричиќ во однос на Бујар Османи, кој е министер за надворешни работи, бидејќи Маричиќ бил правник, додека Османи хирург. Вториот аспект е нешто што ја навредува интелигенцијата затоа што ги диктираат процесите еден правник и еден хирург. И сега од хирургот во Министерството за надворешни работи може и да очекувате неумесни изјави кои што немаат допирна точка со правната реалност, но од правникот кој што беше во Министерството за правда, а сега во Секретаријатот за европски прашања би очекувале некое пологично правно резонирање и во таа смисла е она кое што долго време не навредуваат дека со Бугарија нема да има нов договор, а сега лесно се преминува дебатата дали новиот договор кој што ќе биде потпишан со Бугарија ќе помине во Собранието со двотретинско мнозинство или не, објасни тој. Во однос на суштинските аспекти, Андоновски вели дека сега има нешто повеќе од португалскиот предлог, додвајаќи дека тој предлог бил прифатлив од македонската страна, но отфрлен од Бугарија односно како што рече тој истиот е ставен во фиока, а се дискутира за промени кои што значат промени во идентитетските обележја. Да преминам кон по суштинските аспекти. Првиот суштински аспект е дека сега имаме нешто повеќе од португалскиот предлог. Исто така ќе ве потсетам дека цела 2021 година бевме убедувани дека португалскиот предлог е единственото нешто за што преговараме, кога знаеме дека уште првиот ден португалскиот предлог кој одеше на заштита на дел на македонските права беше отфрлен од Бугарија. Тие продолжија да дискутираат, а беше прифатен од македонска страна дека е одлична основа за продолжување на преговорите. Сега португалскиот предлог е ставен на ад акта и ние дискутираме за повеќе од меѓународно прифатените правила на игра, односно дискутираме за промени кои што значат промени во идентитетските обележја и не е случајно голем број на поранешни претставници од власта повеќе не се дел од истата, затоа што ова е навредливо дури и за нив, за луѓето кои што беа дел од грчкиот договор, кажа Андоновски. И последната суштинска разлика на кое што се удираат македонските национални интереси е едно начело во правото на ЕУ кое што вели директна примена на правилата. Македонија исто како и Бугарија се потписни на Европската Конвенција за човекови права. Како правен документ има директна примена во правниот поредок на Република Македонија, исто како и било кој системски закон кој што го имаме. Од тука да очекувате и да се мешате во правата на Македонија и македонскиот уставен поредок за да таа го менува истиот, а во исто време не ги почитувате правата на Македонците кои што живеат во Бугарија, кои што се заштитени по таа конвенција која што вие сте ја ратификувале, освен што е политички некултурно, оди против сите правила на меѓународното право. Но, она кое што мене повеќе ме навредува не е бугарскиот став дека тие нема да ги почитуваат пресудите на судот во Стразбур, туку е македонскиот став дека ние немаме право да ги заштитиме токму тие права кои се гарантирани од Советот на Европа, од Судот за човеков права, потенцираше Андоновски. Доколку преземете содржина од оваа страница, во целост сте се согласиле со нејзините Услови за користење....

Најмалку 16 лциа загинале во пожар во ноќен клуб во луксузен кварт во главниот град Јуанде, кој ноќта кон неделата случајно го предизвикал огномет. Трагедијата се случи во периодот кога Камерун е домаќин на Африканскиот куп на нациите (ACN), континенталното фудбалско првенство. „Пожарот избувнал случајно, а прелиминарниот извештај зборува за 16 мртви (…) и осум тешко повредени лциа“, се наведува во писменото соопштение на камерунскот министерство за комуникации. Трагедијата се случила во главната сала на „Liv’s Night Club“, сместен во луксузниот кварт Бастос, каде се подигнати бројни луксузни зданија, згради на странските амбасади и дипломатските резуденции. „Огнот кој го предизвикал огномет, прво го проголатал таванот на зградата а потоа одекнале две силни експлозии, што меѓу посетителите предизвикало паника и стампедо“, се наведува во соопштението на министерството. „Кога стасавме на местото на настанот сфативме дека таму владее општа паника и дека избувнал пожар со многу чад“, изјави за AFP, противпожарен функционер од Јуанде кој барал да остане анонимен. Додал дека тој и колегите „изброиле 16 мртви и пет поврдени“. Во двориштето на објектот останале опожарени предмети, но фасадата на дискотеката не е уништена ниту изгорела, известува дописникот на AFP. „Сѐ се одвивало многу брзо, се случило малку под 2 часот утрото, а повеќето посетители доаѓаа околу 3 часот. Сѐ се случило во внатрешниот простор поради што има многу жртви“, изјавил за агенцијата припадник на обезбедувањето кој таму се наоѓал во моментот на трагедијата. Доколку преземете содржина од оваа страница, во целост сте се согласиле со нејзините Услови за користење....

Во 2020 и 2021 година континуирано зборувавме дека на овој договор ќе му следи Анекс или нов договор, каде јас ги гледам првите знаци дека тоа ќе се случи е изјавата на вицепремиерот Бојан Маричиќ во кој вели за комисијата за историја ќе се разговара во која форма и содржина истата ќе продолжи. А за да се случи истото согласно Договорот за добрососедство мора да се направи промена, анекс или нов договор, рече Марија Митева портпаролка на ВМРО-ДПМНЕ на денешната трибина насловена „Заштита на националните и државни интереси, наместо пазар дипломатија“. Митева потенцираше дека во вторник се очекува првата меѓувладина конференција помеѓу Македонија и Бугарија прашувајќи дали може се очекува да се разговара за историските прашања далеку од очите на јавноста со оглед на фактот дека како еден од членовите на делегацијата е токму предводникот на македонската комисија за историја. „Во вторник очекуваме прва меѓувладина конференција меѓу Македонија и Бугарија и не ме изненадува фактот дека како член на делегацијата ќе биде и предводникот на македонската комисија за историја, додека фокусот во јавност континуирано сега се става на оние четири точки за кои што ќе се разговара образованието, инфраструктурата, културата и економијата“, рече таа. „Па сосема јасно се поставува тука прашањето дали зад овие четири теми ќе се разговара и за историјата, без притоа истото да биде пред очите на јавноста, и дали главниот проблем поради кој што постои проблемот помеѓу Македонија и Бугарија е историјата, сега веќе се трга на старана и се претставува некоја нова стратегија која што ќе ја води Бугарија, а Македонија само ја следи, па на тие работни групи кои што треба да се состануваат еднаш месечно, дали и комисијата за историја ќе ја следи динамиката на овие четири групи“, праша Митева. Доколку преземете содржина од оваа страница, во целост сте се согласиле со нејзините Услови за користење....

Европската унија сама себеси се перцепира како единство на различности. Одеднаш, сега, се покажува дека членки на ЕУ промовираат еден чуден ЕУ-однос, ние и вие. Многу пати сум го цитирала професорот Џозеф Вајлер од Харвард, познат по уставот на ЕУ, кога вели дека ЕУ прво, иако се вика Европска унија е потесен ентитет од Европа, а сепак се вика Европска унија и дека односот кон кандидати и кандидатите, и кандидатите за кандидати треба да го смени, бидејќи напати тој начикува на судија и обвинет или се одвива според начелото молчи и слушај. Тоа не се однесува, се разбира , на ЕУ како ентитет и на органите, туку еве на некои членки, вели професорката и актуелен пратеник, Гордана Силјановска Давкова на трибината организирана во централниот штаб на ВМРО-ДПМНЕ насловена „Заштита на националните и државни интереси, наместо пазар дипломатија“. Таа ова го посочи во однос на Република Бугарија и нејзиниот однос кон Македонија со наметнување разно разни барања и услови, како што е и барањето за промена на уставот за впишување на бугарско малцинство, а од нејзина страна неправејќи никакви отстапки на зацртаните позициите нарекувајќи ја чудна тактита за земја членка на Европска унија која се потира на начелото на еднство на различностите. Во однос на признавањето и заштитата на правата на малцинствата, Силјановска Давкова посочи дека тука особено треба да важи начелото на реципроцитет, односно како што Бугарија бара признавање на бугарско малцинство во македонија истото треба да го направи и таа, и во Бугарија да го признае македонското малцинство и да ги гарантира неговите права, што е во согласнот и со добиените пресуди од Судот за човекови права кои ги покренаа Македонците во Бугарија. „Од она што го покажува историската меморија, токму на прашањето на заштитата на правата на малцинствата најмногу се инсистирало на реципроцитет. Да посочам, и ние и Бугарија, и сме ја потпишале и сме ја ратификувале рамковната Конвенција за заштита на правата на малцинствата. Ако ја следиме логиката на солунскиот Самит и на она што тогаш, комесарот за Оли Рен го изрази дека, регионот е Европа историски, географски, културно, дека само во два културно историски моменти на Отоманската империја и на комунизмот не сме биле заедно. И дека логиката е јасна ако е ова портата на ЕУ, тогаш или ние ќе извезуваме мир или ќе увезуваме немир“, истакна Силјановска Давкова. Во однос на барањето за промена на Уставот, таа истаканад ека е неизбежно дека тој повторно ќе се менува, најмногу поради ЕУ интеграциите како што е преимерот со Србија која пред недела дена се изјаснуваше и на реферндум, но дека тоа ние треба да го направиме со барање од внатре, како на пример претседател на држава, а не како барање кое некој од надвор ни го наметнува. „Мој белгиски колега вели, Уставот треба да се менува со рака што трепери од одговорност. Да, ние го менуваме уставот со рака што трепери од страв, до сега неколку пати. И замислете, за триесетина години 36 амандмани, споредено со САД, з аповеќе од 200 години, 27 амандмани, имаат илјада предлози и пет илјади неуспешни обиди. Проблемот е што ние, дали треба да го смениме уставот, јас одговорно тврдам и тоа ќе го направиме. Србија тоа сега го правање со референдум, во функција на ЕУ интеграцијата, мешутоа не со барање од надвор, туку со барање од внатре. Еден паметен претседател или претседател на собрание, одамна би ја проширил уставната комисија со експерти, за да видиме во овие 30 години кои проблеми ги манифестираше уставната норма во праксата како систем“, посочи Силјановска Давкова. Доколку преземете содржина од оваа страница, во целост сте се согласиле со нејзините Услови за користење....

Русија нема да ги толерира американските провокации во Украина во кои ќе бидат нападнати руските државјани, порача во неделата шефот на руската делегација на разговорите во Виена за воената безбедност и контрола на вооружувањето Константин Гаврилов за YouTube каналот „Изолента live“. „Зарем ова не беше нашироко покриено во печатот? Сѐ беше разјаснето, и кажано и предупредено. Нема да толерираме кога нашите граѓани ќе бидат нападнати, тоа е јасно кажано. И беше забележано во сите медиуми“, изјави Гаврилов одговарајќи на прашањето за руските планови во случај на американски провокации во Украина. Притоа Гаврилов истакнува дека Москва нема намера само да се „заканува“, туку ќе реагира и ќе одговори со конкретни дејствија. „Ние не сме Американци, да водиме пропаганда за да ги прикриеме нашите намери. Беше кажано, на тоа беше укажувано, нека анализираат и нека размислат и на Западот и во Украина“, додава Гаврилов. Претходно рускиот дипломат изјави дека западните земји блефираат, користејќи обвинувања за наводен „напад“ врз Украина, за да дојдат до подобра преговарачка позиција во разговорите по барањата на Русија за правно обврзувачки договор за неширењето на НАТО во близина на нејзините граници и непримање на нејзините соседни земји во членство на Алијансата, што Брисел и Вашингтон го отфрлија. Истовремено Гаврилов не ги исклучува провокациите од страна на укаинските сили распоредени во областа на раздвојување со проруските сепаратисти, како и на самата граница со Русија, но истакна дека Москва „прави сѐ што е можно за да ги спречи“. „Оваа кампања е покрената од Западот обвинувајќи ја Русија за сите гревови, дека ќе нападнеме, и не запира и покрај изјавите на претседателот, министрите, замениците министри и другите руски претставници – дека немаме намера, дека не ни е потребна војна туку дипломатско решение. Не исклучувам дека може да дојде до провокации. Тоа сакаат информативно да го покријат“, додаде Гаврилов. Потсети дека Русија е еден од гарантите на мировните договори од Минск, покрај Германија и Франција, и оти „нема да дозволи нејзините граѓани да бидат навредувани, а не пак убивани“. Доколку преземете содржина од оваа страница, во целост сте се согласиле со нејзините Услови за користење....

Поранешниот италијански премиер 85-годишниот Силвио Берлускони е хоспитализиран во Милано, соопштил во неделата за агенцијата Ansa извор упатен во ситуацијата, ден откако донесе решение да не се кандидира за претседател на државата. Берлускони е примен во болница поради рутинска лекарска контрола, извести агенцијата. Неговиот портпарол не бил веднаш достапен да одговори на прашањето за коментар. Берлускони во саботата, два дена пред изборот на шефот на државата, реши да не се кандидира. Десничарската коалиција бараше од Берлускони да се кандидира, но беше проценето дека веројатно кандидатурата не би била успешна поради проблемот да се обезбеди широка поддршка која е потребна меѓу повеќе од илјада вклучени пратеници и регионални претставници во изборот. Премиер во четири мандати, Берлускон беше подложен на голема операција на срцето во 2016 година и го преживеа ракот на простатата. Минатата година повеќепати беше хоспитализиран, откако се зарази со коронавирусот во 2020 година. Доколку преземете содржина од оваа страница, во целост сте се согласиле со нејзините Услови за користење....

На 22.01.2022 година околу 14,35 часот било пријавено дека во Тетово на ул. „Благоја Тоска“, се случила сообраќајна несреќа во која патничко моторно возило удрило во Е.Д. (17) од с. Бродец-тетовско по што возачот го напуштил местото на настанот. Е. Д. бил пренесен во Клинички центар Тетово каде му била констатирана тешки телесни повреди и по укажаната лекарска помош бил пуштен на домашно лекување. Се работи на расчистување на случајот. Доколку преземете содржина од оваа страница, во целост сте се согласиле со нејзините Услови за користење....

Не секој е фан на ниските зимски температури во првиот месец од годината. Но затоа јануарската зимска бајка во Ист Гејт Мол, исполнета со уникатна забава, уживање и шопинг, се покажа како и повеќе од омилена за сите генерации. Оваа сабота (22.01.2022) на Централниот плоштад во најголемиот шопинг центар на регионално ниво, Ист Гејт Мол, безброј мали дечиња со своите родители и семејства беа сведоци на оригиналната изведба во живо на детската театарска куклена претстава „Лакомата меца“. Професионалните актери од Театарот за деца и младинци, со својата изведба, како и со читањето на некои од омилените бајки за деца и подароците од Книжарница ТРИ и Литература, внесоа магична атмосфера во шопинг центарот и ја разиграа детската фантазија. Опуштената саботна атмосфера за посетителите во Ист Гејт Мол, покрај времето поминато за јануарски шопинг низ пространите коридори со попусти од -50% до -70% намалување, беше збогатена и со „Звуците на Полифонија“, акустичен концерт, којшто со моќта на музичките инструменти и танците, наликуваше на оригинално и раздвижено уметничко дело, во коешто уживаа присутните. Специјално за сите дечиња, Ист Гејт Мол крајот на месецот планира да го претвори во вистинско зимско уживање. Покрај претстојната забавна LEGO работилница со коцки за деца, во организација на Крш, во последниот викенд од месецот (28-30.01.2022), на 30.01.2022 (недела) со почеток во 12 часот, на истата локација на Централниот плоштад во Ист Гејт Мол (-2 кат, кај Тинекс маркетот), најмалите посетители на шопинг центарот ги очекува уште една театарска претстава, „Цветната улица“ по којашто ќе следи и читање на детски бајки и многу изненадувања, исто така во изведба на Театар за деца и младинци. Сите храбри спортски ентузијасти имаат шанса само уште неколку дена до 30.01.2022 да се вклучат во предизвикот на Спорт Вижн и Интерспорт, „Дај гол и добиј попуст“, а додека ја пробуваат својата среќа, секако во Ист Гејт Мол можат да слушаат Спортско радио во живо. Ист Гејт Мол е отворен за сите посетители секој ден од 10 до 22 часот. Во недела продавниците се отворени до 20 часот, а рестораните и баровите до 22 часот. Во месец јануари почни со шопинг, забава и уживање во Ист Гејт Мол. Ти си центар. Доколку преземете содржина од оваа страница, во целост сте се согласиле со нејзините Услови за користење....

Социјалните мрежи се уште се преплавени со изрази на сочувство по смртта на фронтменот на Парни Ваљак- Аки Рахимовски. Со трогателна порака од својот татко се прости и неговиот син Кристијан Рахимовски. -Тато, прерано ме остави. Многу рано. Луѓето велат дека Господ така сакал. Бевме повеќе со песна отколку со зборови, не знаеше друг начин, не можеше да се симнеш од таа сцена во главата, па ти пријдов само со песна. А можевме да направиме многу повеќе тато. Болиш неописливо. Утеха ми е што ќе имам барем дел од тебе во моите песни како и во она што ми го остави. Но, тоа сега не ми е доволно… Луѓето знаеја се за нас, а не знаеја ништо.. Знаевме јас и ти… На сите ни недостасуваш тато. Тато мој сега одмори се, а потоа „рокај“ горе со екипата. Луѓе мои, во име на целото семејство Рахимовски ви благодарам на сите за зборовите за поддршка, за сите пораки, повици… Ви значеше и на вас затоа што беше голем, како и Оли недопирлив. Татко мој, ти ми рече пред неколку дена: Сине, и јас те сакам, да бегај таму и се гледаме. Се гледаме тато еден ден… Збогум тато, те сакам тато… Се гледаме…, напиша тој на Фејсбук. Доколку преземете содржина од оваа страница, во целост сте се согласиле со нејзините Услови за користење....

Во текот на вчерашниот ден, Министерството за внатрешни работи спроведе зајакната акциска контрола на територијата на Македонија за санкционирање на возила кои се движат со брзина поголема од дозволената, при што санкционирани се 247 возачи. Од нив 17 возилa се движеле со брзина над 50 километри на час повеќе од дозволеното, а четири возила се движеле со дури над 70 километри на час повеќе од дозволеното. Притоа, 82 возачи ја пречекориле брзината во населено место, а 165 надвор од населено место. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, информирата од МВР. Доколку преземете содржина од оваа страница, во целост сте се согласиле со нејзините Услови за користење....

Во последните 24 часа во Словенија се потврдени рекордни 13.911 заразени со коронавирусот, а дури 75,5 отсто од тестовите биле позитивни, па Владата не размислува за олеснување на мерките во сè уште тешката епидемиолошка состојба. – И покрај се поголемиот број заразени, бројот на хоспитализирани е стабилен, но со вакво големо присуство на вирусот кај населението, очекуваме притисок врз одделенијата за интензивна нега. Затоа не размислуваме за дополнително олеснување на мерките, туку размислуваме за излезна стратегија, изјави инфектологот Матеја Логар, кој ја предводи владината експертска група за Ковид-19, коментирајќи ги високите бројки. Во Словенија во последните 24 часа се потврдени 13.411 новозаразени со коронавирус од 18.428 ПЦР тестови, со 75,5 отсто позитивни, што е најголем број на заразени во еден ден од почетокот на пандемијата, соопшти Националниот институт за јавно здравје (НИЈЗ). Дополнително, направени се над 73.000 брзи антигенски тестови, чии резултати сè уште не се објавени бидејќи позитивните резултати треба последователно да се потврдат со ПЦР тестирање. Седумдневниот просек на заразени во еден ден со новиот резултати е зголемен на 9.991 случај, а 14-дневната инциденца на заразени на сто илјади жители на 5.335 инфекции. Во Словенија има 101.906 активни случаи, соопшти Министерството за здравство. Во болниците моментално има 608 пациенти со коронавирус, од кои 135 се на одделенијата за интензивна нега, а во последните 24 часа починале 17 лица, со што вкупниот број на смртни случаи од последици од Ковид – 19 се искачи на 5.768. Доколку преземете содржина од оваа страница, во целост сте се согласиле со нејзините Услови за користење....

На 22.01.2022 во времето од 23.00 до 24.00 часот полициски службеници од Секторот за внатрешни работи Струмица извршиле контрола во угостителски објект во село Миравци, гевгелиско и при контролата било констатирано дека во објектот од страна на правното и одговорно лице не биле почитувани донесените владини мерки за заштита од Ковид 19, односно, немало задолжителна проверка на влез на гостите од страна на одредено одговорно лице – редар, вработените во угостителскиот објект кои послужувале гости не носеле заштитни маски, немало задолжително поставено дезинфекциски средства, а во објектот биле затекнати и тројца гости кои не поседувале сертификати. Известен е Јавен обвинител од Основното јавно обвинителство Гевгелија, а по целосно документирање на случајот ќе биде поднесена кривична пријава за „Непостапување според здравствени прописи за време на епидемија“ по чл. 206 од КЗ. Доколку преземете содржина од оваа страница, во целост сте се согласиле со нејзините Услови за користење....

Руското Министерство за надворешни работи денеска ги отфрли тврдењата на Велика Британија дека Русија се обидува да ја замени украинската влада со промосковска администрација и оти размислува за поранешниот украински пратеник Евгениј Мураев како потенцијален кандидат. – Дезинформациите објавени од британското Министерство за надворешни работи се доказ дека членките на НАТО кои се предводени од англосаксонците се тие кои ги зголемуваат тензиите околу Украина. Го повикуваме британското Министерство да престане со провокативните активности и да престане да шири бесмислици, изјави портпаролката на руското Министерство Марија Захарова на Телеграм. Министерството за надворешни работи на Велика Британија наброја уште неколку украински политичари за кои се наведува дека се поврзани со руските разузнавачки служби, заедно со Мураев, лидерот на малата проруска партија Наши, која во моментов нема пратеници во украинскиот Парламент. Британската влада го изнесе тврдењето врз основа на разузнавачка проценка, без да обезбеди докази за да го поддржи тоа. Овие обвинувања доаѓаат во време на затегнати односи меѓу Русија и западните земји поради распоредување руски војници на украинската граница и можна инвазија. Западот ја обвинува Русија дека распоредила десетици илјади војници на границата со Украина со намера да изврши напад врз земјата. Кремљ негира какви било воени намери, но смирувањето на ситуацијата го условува со договори кои ќе гарантираат непроширување на НАТО, особено кон Украина, и повлекување на Алијансата од Источна Европа. Западот вели дека тоа е неприфатливо и ѝ се заканува на Русија со тешки санкции доколку ја нападне Украина. Доколку преземете содржина од оваа страница, во целост сте се согласиле со нејзините Услови за користење....

Актуелните правила за влез во Грција воведени пред еден месец, продолжени се за уште две седмици и негативен тест ПЦР или рапид и понатаму е задолжителен за сите патници независно дали се вакцинирани или не, мерка што важи и за државјаните на Северна Македонија, јави дописничката на МИА од Атина. Новата министерска одлука „Предуслови за влез во земјата за ограничување на ширењето на Ковид-19“ стапува во сила утре, а ќе важи до 7 февруари 2022 година во шест часот. Негативен резултат од ПЦР тест направен до 72 часа пред патувањето или рапид тест 24 часа пред пристигнувањето, заедно со пополнет PLF формулар се задолжителни за влез во Грција, без разлика дали посетителите се вакцинирани, дали прележале Ковид-19 или се невакцинирани. Паралелно, нема промени и во однос на невакцинираните патници од 16 земји меѓу кои и од Северна Македонија, кои освен негативен тест пред патувањето, потребно ќе биде да добијат и негативен тест на самата граница при задолжителното тестирање од грчките власти. Министерската одлука веќе е објавена во Службен весник на Грција, а МИА детално ги пренесува сите предуслови за патување кај јужниот сосед. Согласно одлуката „сите патници во Грција, без разлика на националноста и начинот на влез во земјата, без разлика на вакцинацијата или прележана болест, мора да бидат тестирани негативно“ со ПЦР во последните 72 часа пред нивното пристигнување во земјата или „алтернативно да се тестираат негативно со употреба на брз антиген тест во рок од 24 часа пред нивното пристигнување во Грција“. Тестирањето треба да биде во одобрена од државата на потекло приватна или државна лабораторија, а потврдата да биде на грчки, англиски, француски, германски, италијански, шпански или руски јазик, а исто како и за сертификатот, треба да ги содржи и името и презимето на лицето кое патува, онака како што се заведени во пасошот. Посебна одредба, веќе неколку месеци постои за невакцинираните и за оние кои не прележале Ковид-19, а во Грција пристигнуваат од: Египет, Албанија, Аргентина, Северна Македонија, Бугарија, Бразил, Грузија, Куба, Обединетите Арапски Емирати, Индија, Кина, Либија, Мароко, Пакистан, Русија и Турција и предуслов за влез е да добијат негативен резултат од задолжителното тестирање со ПЦР/ рапид тест на влезните точки во Грција. Задолжителното тестирање при влезот, не важи за вакцинираните кои имаат сертификат за вакцинација со поминати 14 дена од втората доза и оние кои прележале Ковид-19 и имаат потврда што важи 14 дена по првиот позитивен резултат и до 90 дена подоцна. Во однос на потврдите за прележана болест и промените воведени минатиот месец, согласно одлуката, оние кои се издадени од 15 јули 2021 година до 31 октомври 2021 година важат до 31 јануари 2022 година, а останатите се со траење до 90 дена по првиот позитивен резултат. Конкретните обврски за патување важат и за возрасните, но и за децата со наполнети пет години. Дополнително, за патување, задолжителен е и електронскиот формулар PLF (Passenger Locator Form), што треба да биде пополнет преку интернет страницата https://travel.gov.gr, по што се добива потврда со QR-код и се смета за неопходен документ за влез во Грција. Сите посетители на Грција, независно од земјата на потекло, може да бидат подложени на тестирања, а селекцијата се врши согласно здравствениот алгоритам и со помош на кодот од PLF формуларот. Тестирањата, за вакцинираните и за оние кои прележале Ковид-19 се по случаен избор, а за останатите се задолжителни. Со оглед на тоа дека карантинот во Грција е намален од десет на пет дена, во случај на позитивен резултат при тестирањето на граница предвиден е петдневен карантин во соодветен простор укажан од надлежните органи. Лицата кои патуваат заедно со потврдените случаи, односно блиските контакти на оние кои се позитивни на Ковид-19, имаат можност да се вратат во нивната земја истиот или следниот ден, под услов да добијат два негативни резултати од два теста (ПЦР или рапид) направени во рок од 24 часа и за време на патувањето да носат маска со висока заштита или КН95 или двојна маска. Во случај лицата кои патуваат заедно со потврдените случаи да останат во земјата, а не се вакцинирани или поминале шест месеци од примената втора доза или немаат прележано Ковид-19 во изминатите три месеци, тогаш треба да бидат во петдневна изолација по последниот контакт со позитивното лице и на последниот ден ден да направат ПЦР или рапид тест. Доколку блиските контакти се вакцинирани и со трета доза или не поминале шест месеци од втората или прележале Ковид-19 во последните 90 дена, тогаш не е потребен карантин, но задолжително се тестираат на петтиот ден од контактот. За прекршување на законските мерки и обврски, предвидени се парични казни од 500 и 5.000 евра. За влез во Грција, отворени се сите копнени гранични премини кои работат 24 часа, со исклучок на Мерѕани кон Албанија, што е со работно време од 8 до 20 часот, а од Турција преку Кастањес и Кипи, дозволен е влез на 1.500 лица седмично. Од Северна Македонија кај јужниот сосед може да се патува преку Евзони (Богородица), преку Ники (Меџитлија) и Дојран, без никакви ограничувања во однос на бројот на посетители или во однос на работното време. Во одлуката, како што пренесува МИА, посочено е дека туристите, за време на нивниот престој во Грција, мора да ги почитуваат мерките што важат во внатрешноста на земјата. Воведувањето задолжителниот тест за влез во Грција, за сите, од грчката Влада го најавија кон средината на минатиот месец, како привремена и вонредна мерка за време на празниците, за да се спречи ширењето на Омикрон, сојот кој сепак, веќе е доминантен во земјата. Иако конкретната мерка воведена на 19 декември 2021 година првично, беше предвидено да важи до 10 јануари 2022 година, сега, продолжена е по втор пат, за уште две седмици. Доколку преземете содржина од оваа страница, во целост сте се согласиле со нејзините Услови за користење....