Фото: Игор Бансколиев Министерството за здравство информира, согласно податоците од Институтот за јавно здравје дека во последните 24 часа се направени 5.604 тестови, а регистрирани се 1.424 нови случаи на ковид-19. Во Скопје има 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – 8, Виница – 7, Радовиш, Пробиштип, Богданци и Македонски Брод – по 5, Делчево, Берово и Демир Хисар – по 3, Кратово и Демир Капија – по 2, Дебар, Валандово, Крушево и Дојран – по 1. Од вкупниот број на позитивни (1.424), регистрирани се 214 реинфекции. Регистрирани се 1.083 оздравени пациенти од: Скопје – 496, Битола – 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – 7, Богданци и Демир Хисар – по 6, Пробиштип – 5, Виница – 4, Крива Паланка, Македонски Брод и Кратово – по 3, Валандово – 2, Дебар и Пехчево – по 1. Во текот на изминатите 24 часа регистрирани се 15 починати лица: 6 починати лица од Скопје (69г, 72г, 77г, 82г, 89г и 90г), по 2 починати од Велес (43г и 69г), Струмица (65г и 66г) и Прилеп (58г и 80г) и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови. Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63г до 80г. Пријавените се починати во период од 4.01.2022 до 20.01.2022г. Од пријавените лица три се починати во домашни услови, а две лица во болнички услови. Од вкупниот број на починати лица (н=20), три лица се целосно вакцинирани. Досега во земјата се направени вкупно 1.746.689 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571....

Фото: Менде Младеновски Голем пожар попладнево избувнал во фабриката за леб лоцирана во индустрискиот дел на Битола. Пожарот е уште активен, а на терен, покрај протовпожарните единици се излезени градоначалникот Тони Коњановски и полициските службеници. Фото: Менде Младеновски Од Територијалната противпожарна единица во Битола иинформираат дека нивна екипа веднаш интервенирала. По добиените информации за пожарот во поранешна „Жито Битола“ реагираше и градоначалникот Тони Коњановски кој потврди дека ги контактирал сите надлежни служби за брза интервенција, а разговарал и со министерот во Министерството за внатрешни работи Оливер Спасовски. Фото: Менде Младеновски –Важно е што нема повредени лица. Мобилизирани се сите пожарникари, а побаравме помош и од соодветни екипи на РЕК Битола. Разговрав и ги информирав ЦУК, министерот Оливер Спасовски, како и колеги од соседните градови да помогнат доколку пожарот ги зголеми размерите-истакна битолскиот градоначалник Тони Коњановски. Вечерва со соопштение до јавноста излезе СВР-Битола од каде информираат дека на терен се излезени и полициски службеници за координирање на сообраќајот и јавниот ред во тој дел на градот. Фото: Менде Младеновски –До сега нема пријава за повредени лица. Полициските службеници во координација со територијалната противпожарна единица Битола интензивно преземаат мерки за гасење на пожарот-соопштија од СВР-Битола. Превентивно, во овој дел на градот исклучена е електричната енергија, а сообраќајот се одвива со посебен сообраќаен режим. М.М....

Алберт Бурла, извршен директор на „Фајзер“, во саботата рече дека годишната вакцинација против корона вирусот би била подобра од почестите дози за засилување. Вакцината против корона на „Фајзер“ се покажа како ефикасна против тешки форми на болеста и смртни случаи предизвикани од варијантата омикрон, но помалку ефикасна во спречувањето на преносот на инфекцијата. Како што се зголемува бројот на случаи, некои земји ги засилија своите програми за вакцинација или го скратија времето помеѓу вакцините додека владите се борат да ја зајакнат заштитата. Во интервју за израелски медиум, Бурла беше прашан дали да се даваат бустер дози на секои четири до пет месеци. -Ова нема да биде добро сценарио. Она што се надевам е дека ќе имаме вакцина што ќе треба да ја земате еднаш годишно-рече Бурла. Според него, еднаш годишно, полесно е да се убедат луѓето да го направат тоа. -Значи, од гледна точка на јавното здравје, тоа е идеална ситуација. Разгледуваме дали можеме да создадеме вакцина која го покрива омикрон и не заборава на другите варијанти и тоа би можело да биде решението-додаде тој. Бурла рече дека „Фајзер“ може да поднесе барање за одобрување за нова, редизајнирана омикронска вакцина и нејзино масовно производство, што е можно поскоро до март. Цитирајќи три студии, американскиот Центар за контрола и превенција на болести (ЦДЦ) во петокот соопшти дека третата доза на вакцината mRNA е клучна за борба против варијантата омикрон, обезбедувајќи 90 проценти заштита од хоспитализација, пренесува Индекс.хр. Прелиминарната студија објавена во понеделникот од израелскиот медицински центар Шеба покажа дека четвртата доза ги зголемува антителата на дури и повисоки нивоа од една третина, но веројатно не е доволна за одбрана од омикрон. Сепак, втора доза за ризичните групи сè уште се советува, се вели во студијата....

Во главниот град на САД денеска се очекува да дојдат илјадници луѓе на протестен марш наречен „Порази ги мерките“, а во врска со наредбата за доказ за вакцинација при влез во јавните места. Протестот беше најавен во време кога округот Колумбија минатата недела ги изгласа овие мерки според кои се бара доказ за вакцинација при влез во ресторани и други локални бизниси. Жителите на Вашингтон се загрижени од тоа дека маршот може да предизивика судир меѓу демонстранти дојдени од други градови и локалните жители. Во случај на судир, протестот може да ги врати немилите сцени во Вашингтон од пред нешто повеќе од година, кога лани на 6 јануари поддржувачи на поранешниот претседател Доналд Трамп насилно упаднаа во американскиот Капитол. Роберт Ф. Кенеди, активист против Ковид-19 вакцинација и еден од организоторите на маршот, изјави дека очекува мирен протест. -Американците сакаат демократијата да им биде вратена, и овој протест е нивно барање за тоа, изјави тој. Кенеди е блокиран на Инстаграм и се смета за еден од „дванаесетмината на дезинформацијата“, како што се наречени од медиумите, а поради лажните тврдења за вакцините и ширење на теории на заговор за Ентони Фаучи, главниот советник во Белата куќа за борба со пандемијата. На Фејсбук групата што го промовира протестот учесниците велат дека ќе ги бојкотираат хотелите и рестораните во Вашингтон и дека ќе се сместат во хотели во Вирџинија каде што не се бара доказ за вакцинација....

Фото: Пиксабеј На детското одделение во Струга речиси двојно е зголемен бројот на пациенти, особено изминатите два месеци по затворањето на одделението во Охрид. Дневно како што велат педијатрите има и по 120 прегледи, а најкритично е за време на викендите , празниците и ноќната смена каде покрај од охридско струшкиот регион на лекување доаѓаат и деца од Ресен и Дебар. Шест педијатри работат во две смени во детско и неонатологија во Струга каде има вкупно 18 кревети. Огромен број деца се лекуваат од настинки, сезонски грип но и од корона, најмалото кое било болно од корона било едномесечно бебе. Она што ги загрижува докторите е тоа што двајца педијатри од струшката болница за неколку години заминуваат во пензија така што и детското одделение во Струга може да се соочи со истиот проблем како и во Охрид со недостаток на кадар кој ќе ги лекува најмалите....

Фото: Маја Јаневска-Илиева Возач во Тетово повредил малолетник и го напуштил местото на настанот. Според информациите од Министерството за внатрешни работи, вчера околу 14,35 часот е пријавено дека на ул. „Благоја Тоска“, се случила сообраќајна несреќа во која автомобил го удрил Е. Д. (17) од селото Бродец-тетовско по што возачот го напуштил местото на настанот. -Момчето е пренесено во Клинички центар Тетово каде му се констатирана тешки телесни повреди и по укажаната лекарска помош бил пуштен на домашно лекување. Полицијата работи на расчистување на случајот-пишува во билтенот од МВР....

Околу четвртина од германското население се уште ја нема примено својата прва вакцина против коронавирус Германскиот министер за здравство Карл Лаутербах најави почнување на нова кампања за вакцинација следната недела. -Наша должност е да допреме до народот-изјави социјалдемократот за неделниот весник „Билд“. Тој рече дека широка кампања со постери, како и радио и телевизиски клипови, ќе почне од вторник. Околу четвртина од германското население се уште ја нема примено својата прва вакцина против коронавирус. -Оваа кампања е „покреативна“ од претходните обиди да се поттикнат луѓето да се вакцинираат. И тоа е на многу различни јазици-додаде Лаутербах. Новата кампања за вакцинација е насочена кон различни целни групи, вклучително и постари лица, семејства и млади мажи во руралните области, како и луѓе со мигрантско потекло. -Мора да се обидеме со се за да ја надминеме разликата во вакцинацијата, што е предуслов за евентуална задолжителна вакцинација-рече Лаутербах. Според Институтот Роберт Кох, најмалку 61 милион луѓе во Германија ја добиле основната имунизација со вообичаената втора инекција. Тоа е 73,3 отсто од вкупното население. Најмалку 41,7 милиони луѓе примиле и трета доза. Седумдневната национална инциденца на нови случаи на 100.000 население, пријавена од Роберт Кох, за првпат го надмина прагот од 800, достигнувајќи 806,8 утринава. Ден претходно беше 772,7, а пред една недела националната инциденца беше 515,7, наспроти само 220,7 во претходниот месец. Денеска наутро, здравствените власти во Германија му соопштија на Роберт Кох за 85.440 нови инфекции со коронавирус во еден ден, што е повеќе од 52.504 пред една недела. Експертите очекуваат се повеќе и повеќе случаи кои не можат да се регистрираат, делумно затоа што капацитетот за тестови се повеќе се исцрпува....

Ру­си­нот Да­нил Ду­бов служ­бе­но ја за­гу­би пар­ти­ја­та од Хо­лан­ѓа­не­цот Аниш Ги­ри во 7-то ко­ло на ша­хов­ски­от тур­нир во Вајк ан Зе, Хо­лан­ди­ја. Ка­ко што ин­фор­ми­ра ор­га­ни­за­то­рот, член од по­тес­но­то оп­кру­жу­ва­ње на Ду­бов бил по­зи­ти­вен на ко­вид-19, Ду­бов бил не­га­ти­вен на те­стот за бр­зо ске­ни­ра­ње, а му бил на­пра­вен и ПЦР-тест, но се оче­ку­вал ре­зул­та­тот да стиг­не ве­чер­та. За да го за­шти­ти не­го­ви­от про­тив­ник, глав­ни­от су­ди­ја одре­дил Ду­бов да игра со ма­ска. Ду­бов од­бил, по­со­чу­вај­ќи де­ка тоа е пра­ша­ње на прин­цип, а и имал прет­хо­ден до­го­вор со ор­га­ни­за­то­рот де­ка не­ма да се но­сат ма­ски за вре­ме на пар­ти­и­те. Свет­ски­от пр­вак, Норвежанецот Маг­нус Карл­сен (реј­тинг 2.865, ран­ги­ран прв во све­тот), по­втор­но из­би сам на та­бе­ла­та со пет по­е­ни (три по­бе­ди и че­ти­ри ре­ми­ја). Нор­ве­жа­не­цот во ова ко­ло го по­бе­ди Ин­ди­е­цот Праг­на­нанд­ха, но не бе­ше за­до­во­лен ка­ко доз­во­ли по­зи­ци­ја­та да му „по­бег­не“ од кон­тро­ла, отка­ко из­гра­ди по­бед­нич­ка пред­ност, оти про­тив­ни­кот про­пу­шти две мож­но­сти за ре­ми. Унгарецот Ричард Рапорт и Азербејџанецот Шахријар Мамеѓаров ремизираа во сицилијанска одбрана. Ланскиот победник, Холанѓанецот Џорден ван Форест му го нанесе првиот пораз на Индиецот Видит Гујрати и се врати на 50 отсто освоени бода. Русинот Андреј Есипенко испушти можност да го победи Американецот Сем Шанкланд, кој пак, го изненади во отварањето во нимцо-индиска одбрана. Швеѓанецот Нилс Гранделиус, кој со малку среќа стигна до реми против Русинот Сергеј Карјакин. Американецот Фабијано Каруана конечно успеа да освои цел поен, победувајќи го Полјакот Јан Кшиштоф-Дуда. Ре­зул­та­ти, 7. ко­ло: Еси­пен­ко – Шанк­ланд ре­ми (по 51 по­тег), Ги­ри – Ду­бов 1-0 (служ­бе­но), Ра­порт – Ма­ме­ѓа­ров ре­ми (29), Ван Фо­рес – Ви­дит 1-0 (43), Ду­да – Ка­ру­а­на 0-1 (53), Праг­на­на­да – Карл­сен 0-1 (34), Гран­де­ли­ус – Кар­ја­кин ре­ми (37). Та­бе­ла: Карл­сен пет по­е­ни, Ма­ме­ѓа­ров 4,5, Еси­пен­ко, Ги­ри, Ви­дит и Ра­порт по че­ти­ри, Ка­ру­а­на, Кар­ја­кин и Ван Фо­рест по 3,5, Ду­да и Шанк­ланд по три, Ду­бов и Праг­на­на­да по 2,5, Гран­де­ли­ус два....

Тој предложи на 26 јануари да се одржи Ден на молитва за мир За време на неговото традиционално неделно обраќање до верниците на плоштадот Свети Петар во Ватикан, папата Франциск повика на молитви за мир во врска со ситуацијата во Украина. -Со голема загриженост ги гледам растечките тензии кои се закануваат да зададат нов удар врз мирот во Украина и да ја доведат во прашање безбедноста на европскиот континент-рече папата. Тој предложи на 26 јануари да се одржи Ден на молитва за мир....

Според податоците на Националната здравствена комисија, во изминатите 24 часа во Пекинг се регистрирани девет заразени лица, од кои шест во населбата Фенгтаи Градските власти на Пекинг од денеска воведоа нови мерки за сузбивање на епидемијата на ковид 19, бидејќи во главниот град на Кина постојано се појавуваат нови локални случаи на оваа болест, на помалку од две недели до почетокот на зимските олимписки игри. Според податоците на Националната здравствена комисија, во изминатите 24 часа во Пекинг се регистрирани девет заразени лица, од кои шест во населбата Фенгтаи. Локалните власти соопштија дека жителите на „ризичните области“, вклучително и Фенгтаи, биле замолени да не го напуштаат градот и да избегнуваат масовни собири. Властите во Пекинг, исто така, побараа од локалното население да се тестира за ковид 19 во рок од 14 дена и откако ќе добијат каква било испорака од странство. Властите претходно посочија дека првиот случај на омикрон сојот пристигнал во Пекинг преку пакет од Канада. Од почетокот на пандемијата, во Кина се регистрирани 118.616 заразени лица, а починале 4.849 лица, покажуваат податоците на Универзитетот Џон Хопкинс. Досега се вакцинирани повеќе од 87 отсто од населението....

Високата претставничка на Светската здравствена организација Марија ван Керхове денеска ги предупреди земјите кои мислат дека ставиле крај на пандемијата на коронавирусот, бидејќи бележат пад на бројот на новозаразени, дека омикрон не е последниот сој на оваа пандемија. –Во многу земји како Велика Британија, каде има развиено високо ниво на имунитет на населението од инфекции, каде што покриеноста со вакцинација е висока, ќе видат разлика во иднина. Вие се наоѓате во втората фаза од пандемијата, рече таа за Би-Би-Си. Таа истакна дека од досега администрираните 10 милијарди дози вакцини против коронавирус, има уште три милијарди луѓе кои ја чекаат првата доза. –Сè уште имаме многу чувствителна популација. Тоа е глобален проблем, затоа мораме да го третираме со глобални решенија-рече таа, додавајќи дека пандемијата на коронавирусот нема да заврши со овој бран на омикрон и дека тоа не е последниот сој за кој ќе зборува....

Фото: Маја Јаневска Илиева „Европската унија сама себеси се перцепира како единство на различности. Одеднаш, сега, се покажува дека членки на ЕУ промовираат еден чуден ЕУ-однос, ние и вие. Многу пати сум го цитирала професорот Џозеф Вајлер од Харвард, познат по уставот на ЕУ, кога вели дека ЕУ прво, иако се вика Европска унија е потесен ентитет од Европа, а сепак се вика Европска унија и дека односот кон кандидати и кандидатите, и кандидатите за кандидати треба да го смени, бидејќи напати тој начикува на судија и обвинет или се одвива според начелото молчи и слушај. Тоа не се однесува, се разбира , на ЕУ како ентитет и на органите, туку еве на некои членки“, вели професорката и актуелен пратеник, Гордана Силјановска Давкова на трибината организирана во централниот штаб на ВМРО-ДПМНЕ насловена „Заштита на националните и државни интереси, наместо пазар дипломатија“. Таа ова го посочи во однос на Република Бугарија и нејзиниот однос кон Македонија со наметнување разно разни барања и услови, како што е и барањето за промена на уставот за впишување на бугарско малцинство, а од нејзина страна неправејќи никакви отстапки на зацртаните позициите нарекувајќи ја чудна тактита за земја членка на Европска унија која се потира на начелото на еднство на различностите. Во однос на признавањето и заштитата на правата на малцинствата, Силјановска Давкова посочи дека тука особено треба да важи начелото на реципроцитет, односно како што Бугарија бара признавање на бугарско малцинство во Македонија истото треба да го направи и таа, и во Бугарија да го признае македонското малцинство и да ги гарантира неговите права, што е во согласнот и со добиените пресуди од Судот за човекови права кои ги покренаа Македонците во Бугарија. -Од она што го покажува историската меморија, токму на прашањето на заштитата на правата на малцинствата најмногу се инсистирало на реципроцитет. Да посочам, и ние и Бугарија, и сме ја потпишале и сме ја ратификувале рамковната Конвенција за заштита на правата на малцинствата. Ако ја следиме логиката на солунскиот Самит и на она што тогаш, комесарот за Оли Рен го изрази дека, регионот е Европа историски, географски, културно, дека само во два културно историски моменти на Отоманската империја и на комунизмот не сме биле заедно. И дека логиката е јасна ако е ова портата на ЕУ, тогаш или ние ќе извезуваме мир или ќе увезуваме немир-истакна Силјановска Давкова. Во однос на барањето за промена на Уставот, таа истакана дека е неизбежно дека тој повторно ќе се менува, најмногу поради ЕУ интеграциите како што е примерот со Србија која пред недела дена се изјаснуваше и на реферндум, но дека тоа ние треба да го направиме со барање од внатре, како на пример претседател на држава, а не како барање кое некој од надвор ни го наметнува. -Мој белгиски колега вели, Уставот треба да се менува со рака што трепери од одговорност. Да, ние го менуваме уставот со рака што трепери од страв, до сега неколку пати. И замислете, за триесетина години 36 амандмани, споредено со САД, з аповеќе од 200 години, 27 амандмани, имаат илјада предлози и пет илјади неуспешни обиди. Проблемот е што ние, дали треба да го смениме уставот, јас одговорно тврдам и тоа ќе го направиме. Србија тоа сега го правање со референдум, во функција на ЕУ интеграцијата, мешутоа не со барање од надвор, туку со барање од внатре. Еден паметен претседател или претседател на собрание, одамна би ја проширил уставната комисија со експерти, за да видиме во овие 30 години кои проблеми ги манифестираше уставната норма во праксата како систем-посочи Силјановска Давкова....

Фото: Влада Премиерот Ковачевски заедно со менаџментот на компанијата, министерската за труд и социјална политика Јована Тренчевска, директорите на ТИРЗ Јован Деспотовски и на Државен инспекторат за труд, Весна Томовска, денешната посета ја искористија и како можност за разговор со дел од работниците кои изразија задоволство од новиот закон „Денешната посета на „Дура Аутомотив Системс“ е одлична можност да се види како изгледа примената на законското решение „Недела неработен ден“. Вработените на оваа компанија, која заради сложениот производствен процес мора да работи и во недела, добиваат дополнителни 50% од основната дневница. Со тоа просечната плата на оние вработени кои работат во недела во оваа компанија порасна“, рече премиерот Димитар Ковачевски на денешната посета на фабриката „Дура“, лоцирана во ТИРЗ 2 зоната. Премиерот Ковачевски заедно со менаџментот на компанијата, министерската за труд и социјална политика Јована Тренчевска, директорите на ТИРЗ Јован Деспотовски и на Државен инспекторат за труд, Весна Томовска, денешната посета ја искористија и како можност за разговор со дел од работниците кои изразија задоволство од новиот закон. -Трудот на работниците мора соодветно да се вреднува и почитува. Овој закон има многу позитивен ефект врз економијата, тој ги стимулира работниците и позитивно влијае на нивната продуктивност што е во интерес и на самите компании. Законот недела неработен ден ќе даде одлични резултати во зголемување на продуктивноста на компаниите и унапредување на стопанството. Во оваа прилика би сакал да им честитам на раководството на „Дура“ кои покрај двете фабрики, планираат и нова трета инвестиција во фабрика, инвестиција од над 20 милиони евра. Висината на инвестицијата во двете фабрики каде има 680 вработени е речиси 70 милиони евра. Она што е важно е дека просечната нето-плата во оваа компанија е над 600 евра и истата има тенденција за натамошен раст. Клучот за успешна стратегија во делот на странските инвестиции е обезбедување одржливост и развој на инвестициите, но и натпросечни плати со што се подобрува квалитетот на животот и примањата на граѓаните-рече Ковачевски. Премиерот Ковачевски посака успешна работа за компанијата која има над 100 годишна историја во автомобилската индустрија....

Фото: БГНЕС Прашан за посетата на бугарскиот премиер Петков во Македонија, неговата оценка е позитивна „Го поддржувам пристапот на премиерот Кирил Петков за проширување на темите за дијалог со Северна Македонија“, изјави претседателот на Партијата на европските социјалисти и поранешен премиер на Бугарија, Сергеј Станишев, за бугарското национално радио БНР. Прашан за посетата на бугарскиот премиер Петков во Македонија, неговата оценка е позитивна. -Имаше многу критики, но самиот гест е во наш интерес, ние сме во посилна позиција во овој спор како членка на ЕУ. Оваа посета создава неформален став и покажува добра волја. Најважно е да се излезе од минатогодишниот говор – ултиматум од една страна и контра-ултиматум од друга страна. Бугарија има јасен став, изгласан од Националното собрание, што не остава многу простор за маневрирање. И македонската страна има нефлексибилна позиција. Затоа, одговорноста на политичарите е да најдат решение. Се разбира, долгорочен бугарски интерес е сите земји од регионот да влезат во ЕУ-рече тој. Лидерот на европската левица рече дека компромисите се прашање на многу слаба рамнотежа. -Го одобрувам пристапот да се префрли фокусот од чисто историски спорови на обединувачки нешта. Неминовно ќе дојдеме до потребата за решение на најчувствителните прашања, но не можеме да останеме во оваа затворена позиција, која е многу згодна за некои политичари – да се кријат зад националниот интерес, но на крајот тоа не му служи на долгорочниот бугарски интерес-смета Станишев....

Министерката за надворешни работи Лиз Трус рече дека информациите објавени денеска го осветлуваат обемот на руската активност осмислена да ја срушат Украина и обезбедува увид во размислувањата на Кремљ Велика Британија го обвини Кремљ дека се обидува да постави проруски лидер во Украина, тврдејќи дека руски разузнавачи во рамки на планот за инвазија веќе биле во контакт со поранешни украински политичари. Британското Министерство за надворешни работи не обезбеди докази за своите обвинувања кои доаѓаат во време на зголемени тензии меѓу Русија и Западот, бидејќи Русија натрупува воени сили во близина на границата со Украина и тврди дека не планира да изврши напад врз поранешната советска република. Министерството соопшти дека има информации според кои руската влада сака да постави проруски лидер во Киев додека размислува дали да ја нападне и окупира Украина, како и дека за потенцијален кандидат за лидер на проруско водство се смета поранешниот украински пратеник Јевхен Муриев. Министерката за надворешни работи Лиз Трус рече дека информациите објавени денеска го осветлуваат обемот на руската активност осмислена да ја срушат Украина и обезбедува увид во размислувањата на Кремљ. -Нема да го толерираме заговорот на Кремљ да постави проруско раководство во Украина-напиша Трус на Твитер, порачувајќи дека воен упад во Украина би бил огромна стратешка грешка со сериозна цена. Фото: Принтскрин Твитер Британските обвинувања доаѓаат еден ден откако американскиот државен секретар Антони Блинкен и рускиот министер за надворешни работи Сергеј Лавров не постигнаа поголем напредок во преговорите за Украина во Женева, иако се согласија да ги продолжат разговорите за да се обидат да ја решат кризата што предизвика страв од воен конфликт. Русија, која собра десетици илјади војници во близина на границата со Украина и испрати војници во Белорусија на заеднички воени вежби, бара од НАТО да вети дека нема да ја прими Украина во алијансата и дека ќе го прекине своето проширување на исток. НАТО ги отфрли барањата на Русија. Западните земји стравуваат дека Москва планира нов напад врз Украина, која ја нападна во 2014 година и го анектираше Крим. Русија го негира ова, но вели дека може да преземе неодредена воена акција доколку не ѝ се исполнат безбедносните барања....

Изборот на нов претседател на Италија би можел да има големи последици за иднината на Владата на премиерот Марио Драги, кој се обидува да го спречи бранот зараза со ковид-19 Поранешниот италијански премиер објави дека нема да се кандидира за претседател, отстранувајќи ја пречката за меѓупартиските преговори пред гласањето во парламентот кое започнува на 24 јануари. Поранешниот италијански премиер Силвио Берлускони (86) одлучи да не се кандидира за претседател на Италија. -Одлучив да направам уште еден чекор на патот кон националната одговорност, барајќи од оние што ме предложија да се откажат од наведувањето на моето име за Претседателството на Републиката-соопшти Берлускони. Италијанскиот парламент утре ќе го почне гласањето за нов шеф на државата кој ќе го замени претседателот во заминување Серџо Матарела. За кандидатот да победи на тајното парламентарно гласање му треба двотретинско мнозинство во кој било од првите три круга на гласање. Потоа е доволно апсолутно мнозинство. Изборот на нов претседател на Италија би можел да има големи последици за иднината на Владата на премиерот Марио Драги, кој се обидува да го спречи бранот зараза со ковид-19. Драги јасно стави до знаење дека би сакал да стане претседател, со што ќе заврши неговата 11-месечна влада. Тоа значи дека ќе треба да се именува нов премиер или да се одржат избори една година пред рокот. Сепак, нема гаранција дека 74-годишниот поранешен шеф на Европската централна банка ќе ја добие функцијата. Други кандидати се поранешниот претседател на парламентот, Пјер Фердинандо Касини, поранешниот премиер Џулијано Амато и сегашната министерка за правда, Марта Картабија. Претседателот, кој се избира со седумгодишен мандат, генерално има церемонијална улога, но има широки овластувања по изборите или кога владата паѓа. Тој го има последниот збор кога го назначува премиерот и другите членови на владата....

Негативен резултат од ПЦР тест направен до 72 часа пред патувањето или рапид тест 24 часа пред пристигнувањето, заедно со пополнет ПЛФ формулар се задолжителни за влез во Грција, без разлика дали посетителите се вакцинирани, дали прележале ковид-19 или се невакцинирани Актуелните правила за влез во Грција воведени пред еден месец, продолжени се за уште две седмици. Негативен тест ПЦР или рапид и понатаму е задолжителен за сите патници независно дали се вакцинирани или не, мерка што важи и за државјаните на нашата земја. Новата министерска одлука „Предуслови за влез во земјата за ограничување на ширењето на Ковид-19“ стапува во сила утре, а ќе важи до 7 февруари 2022 година во шест часот. Негативен резултат од ПЦР тест направен до 72 часа пред патувањето или рапид тест 24 часа пред пристигнувањето, заедно со пополнет ПЛФ формулар се задолжителни за влез во Грција, без разлика дали посетителите се вакцинирани, дали прележале ковид-19 или се невакцинирани. Паралелно, нема промени и во однос на невакцинираните патници од 16 земји меѓу кои и од Северна Македонија, кои освен негативен тест пред патувањето, потребно ќе биде да добијат и негативен тест на самата граница при задолжителното тестирање од грчките власти. Министерската одлука веќе е објавена во Службен весник на Грција....

Фото: Фејсбук Од фотографиите споделени на неговиот Фејбук профил се гледа како Касами заедно со директорот на ЈКП Тетово Нуредин Фетаи со лопати во раце копаат и отстрануваат снег и мраз од замрзнатите градски тротоари Градоначалникот на Тетово Биљал Касами заедно со вработените на комуналното претријатие вчера навечер работеше во расчистување на снегот и мразот од тротоарите како и фрлање на сол. Од фотографиите споделени на неговиот Фејбук профил се гледа како Касами заедно со директорот на ЈКП Тетово Нуредин Фетаи со лопати во раце копаат и отстрануваат снег и мраз од замрзнатите градски тротоари. Исто така им помогнаа на работниците во фрлање на сол. Фото: Фејсбук -Додека сите на овие ниски температури се во своите домови, хероите на градот се грижат за јавните простори. Вечерва заеднички ги исчистивме тротоарите од снегот и мразот создаден од ниските температури. Безбедноста и слободното движење на граѓаните е наша должност-истакна тој. Градоначалникот пред два дена на вработените во Комунална хигиена им вети нови униформи и опрема за работа, повисоки плати и подобр услови за работа во нивните простории....

Фото: Менде Младеновски Снегот кој падна во последните неколку денови ги израдува не само љубителите на скијањето, туку и сите љубители на планината во Битола. Фото: Менде Младеновски И покрај релативно ладното време на ски патеката “Копанки “ викендов врие од скијачи кои едноставно го “окупираа“ Копанки и трпеливо чекаа да се искачат на стартот на патеката. Копанки, особено по изградбата на Платформата, на која гостите можат да бидат послужени со неколку врсти сендвичи, голем број без алкохолни и алкохолни пијалоци, разни десерти, аптисани, стана мошне привлечно место не само за скијачите, туку и за сите кои сакаат да уживаат во убавото зимско сонце и прекрасните снежни белини на Пелистер. Фото: Менде Младеновски Ваквиот голем интерес е уште една потврда колку е Пелистер атрактивен особено кога има снег и колку е потребно да се вложи во изградба на нови жичница и ски патеки. М.М....

Во образложението на резолуцијата има многу факти кои ја прават појасна за нас сликата за нашите иселеници во САД, вклучувајќи го и тоа дека тие бројат околу 500.000 и дека првиот Македонец таму стапнал околу 1492 година Во Конгресот на САД е покрената резолуција за прогласување на септември 2022 за „Месец на македонското американско наследство“ и за славење на македонскиот јазик, историја и култура на македонските Американци и нивниот „неверојатен придонес“ за Соединетите Американски Држави. Она што е интересно, е дека во образложението на резолуцијата е дадена цела историографија на придонесот на македонската заедница за САД и печатот што таа го оставила во оваа држава поради што треба да се слават нивниот јазик, култура и постигнувања. Притоа има многу факти кои ја прават појасна за нас сликата за нашите иселеници во САД, вклучувајќи го и тоа дека тие бројат околу 500.000 и дека првиот Македонец таму стапнал – околу 1492 година. -Во моментов македонската заедница во САД е енергична заедница која е вградена во американскиот мозаик, учествувајќи во сите сфери на животот, бизнисот, медицината, правото, технологијата, граѓанскиот ангажман, владата, војската, образованието, уметноста, кулинарството, атлетиката и многу повеќе-се вели во резолуцијата. Според неа, македонските Американци придонеле за изградба на монументални американски транспортни рути како што е Големата северна железница. Во 1922 година, македонско-американските имигранти Том и Џон Кираџиеф, користејќи стари македонски рецепти пренесени од нивните родители и баби и дедовци, го создадоа чилито Синсинати, омиленото американско јадење, кое во 2013 година беше прогласено за едно од „20-те најисконски јадења во Америка“ од Смитсонијан. Македонските имигранти основаа своја верзија на познатиот хот-дог Кони Ајленд на почетокот на 20 век, кој останува главно јадење во рестораните во стилот на Кони Ајленд низ Средниот Запад; Македонскиот Американец Стојан Христов, кој емигрирал во САД во 1911 година, бил американски автор, новинар, разузнавач од Втората светска војна и претставник на државата Вермонт (1961–1962), сенатор (1963–1972) и ја напиша книгата „Ова е мојата земја“, која беше омилена на претседателот Френклин Д. Рузвелт; Македонскиот Американец Мајкл Александар (Лазароф) од Питсбург и Њујорк Сити беше познат меѓународен адвокат кој служеше како правен советник на многу британски и ирски владини организации и корпорации за што беше почестен од нејзиното кралско височество кралицата Елизабета Втора како командант на Британската империја. Македонскиот Американец Џими Н. Димос служеше како судија на 4-тиот судски окружен суд во Луизијана (1999–2006) и како член и претседател на Претставничкиот дом на Луизијана (1976–1999) Македонските Американци придонесоа многу за економијата на САД, создавајќи безброј работни места за американскиот народ во нивните заедници; Мајк Илич, добитник на Медал на честа на островот Елис и Маријан Бајоф Илич одиграа значајна улога во движењето за граѓански права и плаќаа за киријата на активистката Роза Парк во Детроит повеќе од една деценија. Тие ја отворија својата прва пицерија Литтле Цаесарс во 1959 година, што прерасна во трет по големина синџир на пица во светот. Тие се сопственици на спортските клубови Детроит Ред Wингс и Детроит Тигерс, а во 2015 година запишаа историја со давање на Државниот универзитет во Детроит 50 милиони долари, најголемата донација досега, истакнувајќи ја нивната доживотна посветеност на промовирање на претприемништвото, образованието и ревитализацијата на Детроит; Кристофер Илич, претседател и извршен директор на Илитч Холдингс, Инц. и претседател на Илитч Чаритиес, даде над 220 милиони американски долари за помош за развојот на младите, па до филантропски грантови за ревитализација на заедницата од 2000 година. Тој ја продолжи традицијата и визијата на неговите родители Мајк и Маријан Илич да го унапредат глобалниот статус на Детроит со развојот на Окружниот Детроит, кој прерасна во динамичен спортски и забавен кварт во кој има наградувани театри, четири професионални спортски тимови и три спортски локации за повеќекратна употреба, вклучително и современата Литл Цезар Арена, дом на Детроит Ред Вингс, Детроит пистонс и други забавни настани во заедницата од светска класа; Четири од осумте женски имиња што некогаш биле врежани на Стенли купот се македонските Американки Маријан Илич (1997, 1998), Дениз Илич (1997, 1998), Лиза Илич (1997, 1998) и Керол Илич Трепек (1997), сите со Детроит Ред Вингс; Ендрју Пејков, постариот, од Калифорнија ја основаше Нијагара Ботлинг, ДОО во 1963 година, една од најголемите приватни компании за флаширање вода во САД. Преку програмата за стипендии на Ендрју Д. Пејкоф, постариот, додели над 1,5 милиони американски долари на американските студенти и преку Ниагара Царес, достави милиони шишиња чиста како помош во катастрофи во Тексас, Флорида, Порторико, Девствените Острови и на Мексико Сити, како и да обезбеди грант од 10 милиони долари за Хаиме Пеyкофф Фоллицулар Лyмпхома Инитиативе за финансирање грантови за истражување на фоликуларен лимфом, меѓународни научни работилници и клинички награди; Џорџ Атанасоски од Ормонд Бич, Флорида, кој емигрирал во САД во 1970 година и бил добитник на Медалот на честа на островот Елис, го основал Microflex Inc., производител кој доставува широк спектар на флексибилни метални производи за големи клиенти како што се General Electric, Ford, Siemens, General Motors, Rolls Royce и NASA; Катрина Маркоф, по потекло од Форт Вејн, Индијана, шампион на промени во малиот бизнис, го основаше Vosges Haut-Chocolat што беше прогласена за една од 10-те најдобри чоколади во светот од National Geographic; Мајк Зафировски од Форест Хилс, Илиноис, добитник на Медалот на честа Елис Ајленд и поранешен претседател во Советодавниот комитет за телекомуникации за национална безбедност, служеше во одборот на „Боинг“, беше претседател и извршен директор на „Нортел“, глобална комуникациска технолошка компанија и претседател и главен извршен директор на „Моторола“, а во текот на 25-годишната кариера во GE, служеше како претседател и извршен директор на пет бизниси на GE во областа на потрошувачите, индустриските и финансиските услуги; Леон Спероф од Портланд, Орегон, признат како гигант во акушерството и гинекологијата, постигна значителни достигнувања во репродуктивната ендокринологија, менувајќи го начинот на кој се практикува медицината; Џорџ Даикоф од Санкт Петербург, Флорида, реномиран кардиоваскуларен и торакален хирург, беше неверојатен во своето поле на детска кардиохирургија („сини бебиња“) што беше новонастана, непозната област во 1970-тите. Тој инсталираше пејсмејкер кај најмалото недоносено новороденче во 1984 година, изврши важно истражување кое го унапреди полето; Питер Т. Џорџ освои три олимписки медали за САД во кревање тегови, пет светски првенства и беше шампион во средна категорија на Панамериканските игри, а подоцна стана доктор по орална медицина и беше пионер во третмани за опструктивна ноќна апнеја; Јован Ласковски, од Акрон, Охајо, беше примен во Меѓународното здружение за артроскопија на колкот (ISHA) во 2013 година и стана еден од 26-те хирурзи во Соединетите Американски Држави, примени во ISHA; Македонските Американци имаат огромен придонес и за американската атлетика и професионални спортови, вклучувајќи ги Влатко Андоновски, главен тренер на женската фудбалска репрезентација на САД; Сашо Цировски, главен тренер на машкиот фудбалски тим на Универзитетот во Мериленд; Дино Делевски, поранешен фудбалер на Милвоки Вејв и актуелен тренер на Чикаго Инферно; Стефан Козлов, професионален тенисер; Кевин Кузманов, поранешен професионален бејзбол играч и актуелен тренер во атлетската организација Оукланд; Чеди Осман, НБА играч на Кливленд Кавалирс; Јован Кировски, поранешен фудбалер и актуелен технички директор на Лос Анџелес Галакси… Капитенот на Тампа Беј Лајнтинг на Националната хокеарска лига и победниците на купот Стенли од 2021 година, Стивен Стамкос, е имигрант од Канада со македонско наследство; Ник Ваноф режираше и продуцираше познати американски мјузикли, филмови и телевизиски емисии, вклучувајќи ги „Кис ме Кејт“, „Вчерашното шоу“, „Градот на ангелите“, „Звукот на Божиќ“ и „Часовите на Џули Ендрус “, и го создаде и произведе годишниот „Почести на Центарот Кенеди“; Димитри Димитров, порано со хотелот „Сансет Тауер“ во Лос Анџелес, во моментов со Бунгаловите „Сан Висенте“, е најпознатиот холивудски менаџер, според „Бон Апетит“ и „Холивуд репортер“; Климе и Анита Ковачески од Мајами се кулинарска моќна двојка на Флорида, а нивниот ресторан CRUST е вклучен во листата на „100 најдобри ресторани во Америка“ на Open Table за 2017 и 2019 година, а во 2020 година беше прогласен за една од „101-те најдобри пици во Америка“ од The ​​Daily Meal; Македонските Американци придонесоа за изградбата на неколку десетици Македонски православни цркви низ САД како дел од Американско-канадската македонска православна епархија, под тековно покровителство на Митрополитот Методи и одиграа голема улога во другите православни црковни општини Оваа година се одбележува 10-годишнината од Конгресната македонска група, основана од поранешната членка на Конгресот Кендис С. Милер, со која моментално копретседаваат претставниците Брендан Ф. Бојл, Клаудија Тени, Деби Дингел и Лиза МекКлејн;...

Наводната навреда се однесува на коментар во врска со кабинетот на претседателот, кој Кабас го дала на антирежимскиот телевизиски канал и на нејзиниот Твитер профил Турски суд вчера и одреди притвор на познатата новинарка Седеф Кабас, додека го чека судењето за обвиненијата за навреда на турскиот претседател Ердоган и со тоа го прекршила законот според кој досега се гонети десетици илјади луѓе, јавува турската Си-Ен-Ен. Полицијата ја привела Кабас два часа по полноќ и прво ја одвела во главната полициска станица во Истанбул, а потоа ја префрлила во градската судница, каде судот нареди нејзино официјално апсење. Наводната навреда се однесува на коментар во врска со кабинетот на претседателот, кој Кабас го дала на антирежимскиот телевизиски канал и на нејзиниот Твитер профил, за што таа беше осудена од некои владини претставници. -Честа на претседателскиот кабинет е чест на нашата земја. Ги осудувам вулгарните навреди насочени кон нашиот претседател и неговиот кабинет-напиша на Твитер Фахретин Алтун, директорот за комуникации на турската Влада. Мердан Јанардаг, главниот уредник на каналот Теле 1, на кој Кабас го коментираше кабинетот на претседателот, остро го осуди нејзиното апсење. -Нејзиното апсење во текот на ноќта поради коментари, во два часот по полноќ, е неприфатливо-напиша тој на Твитер, додавајќи дека тоа е „обид да се заплашат новинарите, медиумите и општеството”. Турскиот закон за навреда на претседателот предвидува затворска казна од една до четири години. Во октомври минатата година, Европскиот суд за човекови права ја повика Турција да го промени законот, откако одлучи дека притворањето на луѓето според законот ќе ја наруши слободата на изразување...

Фото: Игор Бансколиев Трет викенд по ред недела е неработен ден за 92 отсто од сите работници, а оние осум отсто кои денеска работат добиваат од 50 до 100 отсто повисоки дневници, се вели во соопштението на СДСМ Недела неработен ден е озаконет проект на Владата предводена од СДСМ кој ги унапредува работничките права. Трет викенд по ред недела е неработен ден за 92 отсто од сите работници, а оние осум отсто кои денеска работат добиваат од 50 до 100 отсто повисоки дневници, се вели во соопштението на СДСМ. -Со ова се реализира клучно ветување пред граѓаните дадено пред парламентарните избори во 2020 година. Со недела неработен ден, се слеваат два отсто повеќе даноци кои ќе завршат во посебен фонд од кој ќе се инвестира во изградба на детски градинки. СДСМ како одговорна државотворна партија продолжува со реализација на мерки политики кои значат заштита на работничките прави и повисок економски стандард за сите граѓани-соопштија од СДСМ....

Фото: Игор Бансколиев Предложените измени на Законот за Влада од опозициската партија најавуваат дека ќе ги поднесат утре, дека предвидува бришење на околу девет точки од законот, со што практично техничката влада би заминала во историја, но и дека измените одат со барање за предвремени избори ВМРО-ДПМНЕ останува на барањето за предвремени парламентарни избори најбрзо што може, наспроти ставот на власта дека ќе се оди на редовни избори во 2024 и оти предвремени сега во услови на здравствена, економска и енергетска криза се неполезни. Опозициската партија најави и доставување до Собранието на предлот за укинување на техничката влада и ја повика власта да го поддржи заедно со барањето за предвремени избори. Предложените измени на Законот за Влада од опозициската партија најавуваат дека ќе ги поднесат утре, дека предвидува бришење на околу девет точки од законот, со што практично техничката влада би заминала во историја, но и дека измените одат со барање за предвремени избори. -Најавивме дека ќе поднесеме предлог закон, за предвремените парламентарни избори, кои што по секоја цена ќе се случат, без разлика што и да си замислуваат таму во СДСМ, народот повеќе не ги сака. Во тој предлог закон кој што ќе го предложиме, а го најави и претседателот Мицкоски ќе има бришење на некаде околу 9 точки од Законот кои што се однесуваат на техничката влада која што имавме прилика да ја видиме на кој принцип функционира изминатите години пред избори. По однос на тоа прашање последиците кои што ќе произлезат од тој предлог закон ќе биде враќање на моделот на функционирање на парламентарни избори или предвремени парламентарни избори пред 2016-та година и доколку сметаат дека се толку сигурни во победата еве може да го прифатат и изгласаат-изјави вчера на прес-конференција портпаролот на ВМРО-ДПМНЕ, Димче Арсовски. Портпаролката на СДСМ, Богданка Кузевска, пак, вчера истакна дека ставот на СДСМ околу изборите е навистина јасен и досега повеќе пати искажан – нема време за парламентарни избори во услови на глобални кризи. -Важно е да се напомене дека парламентарното мнозинство е стабилно и тоа се покажа и при изборот на владата и сметаме дека конечно по 15 години една влада треба да го издржи мандатот од четири години, потенцира Кузевска. Концептот техничка влада предвидува соработка меѓу власта и опозицијата во периодот до спроведување на изборите, имајќи предвид дека одлуките усогласено треба да ги носат и министерот и заменикот во ресорите, каде и власта и опозицијата имаат свои претставници. Решението за техничка Влада првично беше применето по кризата која настана, откако Зоран Заев како лидер на опозицијата во 2015 година почна со објавувањето на „бомбите“, по што следеа предвремени избори. Од 2016 година досега Северна Македонија имаше две технички влади, првата предводена од Емил Димитриев, втората од Оливер Спасовски. Согласно сегашното законско решение техничкиот премиер го предлага партијата на власт, најголемата опозициска партија ги предлага министрите за внатрешни работи и за труд и социјална политика. Власта има свои заменици во МВР и МТСП, додека опозицијата има свои заменици во министерствата за финансии, за информатичко општество и администрација и за земјоделство, шумарство и водостопанство. Сепак политичките чинители во земјава и од власта и од опозицијата изминативе години го отворија прашањето дали на земјава воопшто и треба ваква влада пред избори, при што преовладува ставот дека треба да се отвори дебата и да се преобмисли ова решение....

Нов Зеланд од денеска преминува во црвено, највисоко ниво на тревога поради откривањето на 12 случаи на зараза со омикрон во земјата, соопшти премиерката Џасинда Ардерн на веб-страницата на Владата. – Знаеме дека зараза со омикрон веќе се појави и на Северните и на Јужните Острови и оти се пријавени неколку инфекции на неколку места-рече Ардерн. Ардерн истовремено потврди дека ја откажува венчавката со својот долгогодишен партнер Кларк Гејфорд, што требаше да се одржи во наредните недели. -Јас не сум ништо поразлична од илјадници Новозеланѓани кои почувствуваа и поуништувачки последици на пандемијата, особено оние кои не можат да бидат со своите најблиски кога се тешко болни. Тоа надминува која било тага што јас ја имам искусено-изјави Ардерн. Таа истакна дека најмалку двајца носители на новиот вид учествувале на масовни настани и најверојатно го пренеле вирусот на значителен број луѓе во земјата. – Нашата стратегија е да го забавиме ширењето на сојот oмикрон и вклучува мерки како што се употреба на маски и ограничување на бројот на учесници на сите видови настани, што исто така ќе го намали товарот врз нашиот здравствен систем. Ќе продолжиме брзо да ги тестираме луѓето, да ги следиме нивните контакти и да ги изолираме-нагласи Ардерн. Таа ги повика жителите на земјата што поскоро да примат бустер вакцина, доколку поминале најмалку четири месеци од примањето на втората доза од вакцината. – Треба да ги искористиме следните недели пред значително да се прошири вирусот за да им помогнеме на што е можно повеќе луѓе да добијат бустер доза. Местата за вакцинација денеска се отворени низ целата земја и ќе го зголемиме капацитетот во текот на целата недела-рече Ардерн....

Неговата Божествена Сесветост, Патријархот Вартоломеј вчера испрати пораки со честитки од името на Вселенската патријаршија до новоизбраниот македонски премиер Димитар Ковачевски. Неговата Сесветост на Ковачевски му посака плодотворна и успешна служба. Македонската православна црква-Охридска Архиепископија веќе побара признавање на автокефалноста од Вселенската патријаршија, но процесот повеќе од една година е во мирување. Пред речиси две години се случи дипломатска иницијатива на македонскиот државен врв за враќање на црковното прашање на масата на вселенскиот патријарх....

Фото: Игор Бансколиев Министерството за здравство информира, согласно податоците од Институтот за јавно здравје дека во последните 24 часа дека се направени се 7.219 тестови, а регистрирани се 1.913 нови случаи на ковид-19. Во Скопје има 888 новозаразени, Битола – 148, Кавадарци – 111, Куманово – 83, Велес – 72, Охрид – 59,Тетово – 58, Прилеп – 51, Штип – 50, Струмица – 44, Гевгелија – 38, Кичево- 34, Гостивар и Неготино – по 31, Струга -30, Делчево – 26, Кочани – 24, Ресен – 23, Радовиш и Валандово – по 19, Свети Николе и Богданци – по 9, Крива Паланка, Виница, Крушево и Македонска Каменица – по 7, Пробиштип и Демир Хисар – по 6, Берово и Кратово – по 5, Пехчево – 4, Македонски Брод – 2. Од вкупниот број на позитивни (1.913), регистрирани се 243 реинфекции. Регистрирани сe 1.353 оздравени пациенти од: Скопје – 674, Битола – 114, Прилеп – 94, Куманово – 71, Кавадарци – 48, Велес – 41, Кичево– 35, Штип – 30, Гевгелија – 29, Охрид- 28, Кочани – 25, Радовиш – 24, Неготино – 21, Струга – 18, Гостивар – 17, Делчево – 14, Ресен -12, Крушево – 11, Струмица – 10, Пробиштип – 9, Свети Николе – 7, Македонски Брод – 5, Демир Капија – 4, Тетово, Македонска Каменица, Демир Хисар и Берово – по 2, Богданци , Виница, Пехчево и Дојран – по 1. Во текот на изминатите 24 часа регистрирани се 16 починати лица: 6 починати лица од Скопје (61г, 67г, 78г, 83г, 89 и 89г), 3 од Струмица (70г, 79г и 80г,) по 2 починати од Охрид (69г и 85г) и Прилеп (84г и 84г) и по едно починато лице од Битола (80г), Гевгелија (64г) и Кочани (79г). Пријавените лица се починати во болнички услови. Согласно Регистарот на умрени лица со дијагноза ковид-19 од Мој Термин, пријавени се пет починати лица, по едно починато лице од Скопје, Гостивар, Битола, Куманово и Пробиштип на возраст од 67г до 88г. Пријавените се починати во период од 6.01.2022 до 19.01.2022г. Сите пријавени се починати во домашни услови. Од вкупниот број на починати лица (n=21), десет лица се целосно вакцинирани. Досега во земјата се направени вкупно 1.741.085 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 254.857, бројот на оздравени пациенти е 226.409, на починати е 8.198, а бројот на активни случаи изнесува 20.250....

Одбраната на 22 годишното момче кое ја прегази 24 радовишанка на раскрсницата кај Сити мол, ќе поднесе жалба на притворот, велат од адвокатскиот тим за ТВ 24. Според информациите, тие ќе го спорат притворот по сите три основи – повторување на делото, кое го аргументираат дека со одземена возачко момчето и нема да вози, влијание на сведоците дека не може да изврши, бидејќи им се земени исказите, а и тврдат дека нема да бега, за што велат може да биде одземена патната исправа. Судија на претходна постапка синоќа му одреди мерка притвор од 30 дена на возачот кој во четвртокот вечерта на пешачкиот премин кај Сити мол ја прегази Викторија Николова од Радовиш....

Фото: Министерство за здравство Еден млад пациент доби срце, а кај двајца пациенти на дијализа веќе се трансплантираат бубрезите. Уште неколку пациенти во наредните денови ќе можат да добијат коскени ткива, соопшти на својот Фејбук профил министерот за здравство Беким Сали. -Вчера во претпладневните часови едно храбро семејството одлучи да ги донира органите од својот близок кај кој беше потврдена мозочна смрт. По направените подготовки и координацијата помеѓу тимовите од интерните и хируршки клиники, доцна во ноќта започа експлантацијата, а веднаш потоа и трансплантацијата, најпрво на срцето, а утрово и на двата бубрега-посочи тој. Според него, со нивната хумност и одлуката да ги донираат органите, ова семејство подарило живот на најмалку тројца пациенти, а на сите ни донело утро полно надеж. -И за тоа сме им бескрајно благодарни. Благодарност и до медицинските тимови од сите клиники вклучени во експлантацијата и трансплантацијата, кои изминатото деноноќие неуморно работеа и се уште работат-рече министерот Сали....

Од МТВ информираат дека се селектирани песните кои ќе се натпреваруваат во Националниот избор за песна и претставник на „Евровизија 2022“ Македонската телевизија, како носител на лиценцата за учество на нашата земја на „Евровизија“, годинашната селекција ја направи поразлично од досега, иако некои земји учеснички со години така го прават својот избор на претставник на овој престижен европски фестивал. Од МТВ информираат дека се селектирани песните кои ќе се натпреваруваат во Националниот избор за песна и претставник на „Евровизија 2022“. – Согласно Правилата за одржување Национален избор за песна и претставник на Избор за Песна на „Евровизија 2022“, стручната комисија на МРТ во состав: Мери Попова – уредник на КУП МТВ 1,Зоран Мирчевски – Одговрен уредник на МР 2, Биљана Николовска – музички уредник МР 1, Александра Јовановска – новинар МР 2, Јана Бурческа – новинар МТВ 3, Маја Трпчановска – новинар МТВ 1, Ардита Имери – новинар МТВ 2 на 17 и 18 јануари 2022 ги преслуша пристигнатите композиции на Конкурсот кој МРТ го објави на 10 декември со траење до 16 јануари годинава. Од вкупно пристигнати 47 композиции на Конкурсот, кои ги исполнија бараните пропозиции, стручната комисија избра максимални 6 композиции кои ќе земат учество во натпреварот, односно Националниот избор за „Песна на Евровизија 2022“ – велат од МТВ. Избраните 6 композиции, современи и оригинални авторски дела, за кои комисијата смета дека секоја од нив ги исполнува очекуваните критериуми за учество и претставување на МТВ и земјата на најпрестижната европска музичка манифестација – „Евросонг, се следните: 1. Изведувач: Калина Велковска – Кали Наслов на композиција: „LOVE AND LIGHT“ Автор на музика: Давор Јордановски Автор на текст: Весна Малинова Аранжман: Никола Васков – Нино, Давор Јордановски, Петар Луќиќ 2. Изведувач: Јон Ајдини – Јон Ајди Наслов на композиција: „DREAMS” Автор на музика и текст: Yon Idy Аранжман: Ангел Ќосев, Yon Idy 3. Изведувач: Лара Иванова Наслов на композиција: „FLOWER OF SORROW” Автор на музика: Роберт Билбилов Автор на текст: Робин Зимбаков Аранжман: Роберт Билбилов и Дарко Димитров 4. Изведувач: Виктор Апостоловски Наслов на композиција: „SUPERMAN“ Автор на музика: Владимир Дојчиновски Автор на текст: Владимир Дојчиновски и Виктор Апостоловски Аранжман: Владимир Дојчиновски 5. Изведувач: Андреа Коевска – Андреа Наслов на композиција: „CIRCLES” Автор на музика: Александар Масевски Автор на текст: Александар Масевски и Андреа Коевска Аранжман: Александар Масевски 6. Изведувач: Борис Цветановски – Рис Флауер Наслов на композиција: „FLYING TO BERLIN” Автор на музика: Борис Цветановски – Рис Флауер Автор на текст: Борис Цветановски – Рис Флауер Аранжман: Мустафа Џанбазлар Согласно Правилникот, за избраните 6 композиции, МРТ ќе изработи лирик видеа кои ќе бидат поставени на онлајн платформа за гласање на јавноста. Песните ќе и бидат презентирани на јавноста на 28 јануари, (петок) во емисијата „Стисни плеј“ на МТВ, со почеток од 22 часот, кога ќе започне и онлајн гласањето. Платформата за гласање ќе биде отворена 7 дена, односно до 4 февруари. Победникот ќе се добие по пат на онлајн гласање, како и според гласањето на меѓународното стручно жири во сооднос 50:50 проценти....

За потсетување, бугарските власти и претходно изјавија дека нема да се откажат од воведувањето на еврото Новата бугарска центристичка влада е решена да ја внесе Бугарија во еврозоната во 2024 година, изјави денеска министерот за финансии на земјата, Асен Василев. -Уште еднаш како цел потврдивме дека Бугарија ќе го воведе еврото од 1 јануари 2024 година. Целата работа ја работиме во техничка смисла. Се оди прилично добро, така што сметаме дека нема да има проблеми-рече Василев во интервју за Ројтерс. Тој додаде дека е „прилично сигурен“ за утврдениот датум за влез на Бугарија во еврозоната. За потсетување, бугарските власти и претходно изјавија дека нема да се откажат од воведувањето на еврото. Сепак, поддршката за влез на Бугарите во еврозоната е нестабилна, бидејќи околу половина од граѓаните веруваат дека тоа би имало негативни последици, а повеќе од три четвртини се загрижени за можните шпекулативни зголемувања на цените, според јулскиот национален барометар....

Поддршка за ова добил од претходниот премиер Зоран Заев, како и од клучните министри од претходната Влада Претседателот на партијата Достоинство Стојанче Ангелов денеска најави дека во понеделник ќе достават до Владата реобновена иницијатива за четворица ранети бранители од 2001 година од кои неколку години се бара да го враќаат паричниот надомест. Станува збор за четворица бранители од 2001 година, односно Сашо Величковски, поранешен капетан на македонската Армија, моментално во пензија, Зоран Ангеловски, поранешен полициец, припадник на посилната полициска единица во 2001 година, Димче Манчов од пешадиската единица Шкорпиони и Маријан Ангеловски, ативен полицаец во граничната полиција. – Бараме оваа точка итно да биде ставена на дневен ред на седница на Владата, бидејќи од пред неколку дена еден од оштетените бранители, конкретно Зоран Ангеловски, од страна на извршителот доби писмено известување со кое ќе му биде стопирана целата пензија, а досега му сопираа една третина-рече Ангелов, посочувајќи дека постои занонска издржаност за носење на ваква одлука. Додаде дека поддршка за ова добил од претходниот премиер Зоран Заев, како и од клучните министри од претходната Влада. – И покрај силната волја на премиерот и министрите, одлуката заглави во правните лавиринти во Владата и иако ги обезбедивме позитивните мислења, сепак на седница на генералниот секретаријат оваа точка не помина. Од страна на ДУИ немаше никакви опструкции, напротив имавме поддршка оваа иницијатива да пројде пред се заради хуманата димензија. Иницијативата потоа ја обвновив уште еднаш ја поднесовме, но немаме одговор до денес. Вистинско време е Владата сериозно да ја разгледа новата иницијатива и истата да биде донесена-потенцира Ангелов. Тој информира дека се при крај на изработка на предлог-закон со кој ќе се реши проблемот на овие луѓе, а оштетата што ја земале од државата да им биде призната како справедлив паричен надомест на нематеријална штета. Поради тоа, претседателот на Достоинство побара средба со новиот премиер Димитар Ковачевски, но и со лидерот на ВМРО-ДПМНЕ Христијан Мицкоски, како и со претставници на помалите партии со цел да поразговараат за можноста оваа иницијатива да ја дадат како предлог-закон во Собранието. Овие луѓе, појасни Ангелов, во различен временски периоди биле тешко ранети и повредени, покренале тужби протви МВР, односно Министерството за одбрана. Од страна на основните судови тогаш им бил доделен справидлив паричен надомест на нематеријална штета. – МВР И МО се жалеа до повисокиот Апелационен суд кој ги потврди пресудите после што овие храбри луѓе земаа одредена сума на оштета, односно надомест на нематеријална штета поради нарушено здравје, претрпен бол, страв, нагрденст. За жал МВР И МО овде не престанаа, продолжија со жалби односно вонредни правни лекови до Врховн суд, по што Врховниот суд донесе една пресуда која е контроверзна, но со која се поништи основот по кои овие луѓе ја добија оштетата. Луѓето мораа да ги враќаат со законска камата земаните пари. Со години наназад овие четворица херои ја враќаат сумата земена како надомест на нематеријална штета-додаде Ангелов....

Освен што е мајка на најбогатиот човек на светот и технолошки магнат Илон Маск, Маја Маск е и позната нутриционистка моделка и ја сметаат за модна икона. Има 73 години и спаѓа во постари модели, но тоа не ѝ пречи да биде најангажирана меѓу нив, да ги краси насловните страници и да урива табуа. Атрактивна и впечатлива, таа им е вистински моден и животен идол за жените во светот, на кои со својот пример им покажува дека годините навистина се само бројка и дека модата е резервирана за сите. Едно од нејзините последни достигнувања е тоа што во 2017 година стана најстаро заштитно лице на една козметичка куќа и така се запиша во историјата. Маја е мајка на три деца и вели дека и сега е затрупана со понуди за работа и дека конечно го живее животот за кој сонувала, благодарение на правилата и насоките што ги опишува во книгата „Жена со план – совети за живот полн со убавина, авантури и успех“. – Јас сум доказ дека и во зрелите години може да се најде работа. Всушност, никогаш не сум работела толку како сега, бидејќи тежок период е зад мене. Поминав низ непријатен развод, сама ги одгледав децата и сега сум посветена на моите планови – вели Маја Маск. Според неа, успехот е само плод на добра организација....

Нега и убавина Спиењето сигурно е едно од омилените задоволства во животот. За повеќето од нас нема поголема награда од онаа да не мора да станеме од топлината на креветот. Сепак, има неколку причини поради кои е добро да се стане порано. Имате време да се расоните: истражувањата покажуваат дека утринската забавеност трае од два до четири часа. Доколку се будите во 8.30 за да стигнете на работа во 9 часот, најверојатно нема да можете веднаш да почнете со извршување на своите обврски. Ако станете порано, на телото ќе му дадете шанса да успее природно да се расони. Помал ризик од депресија: ова особено се однесува на жените, бидејќи една студија објавена во „Џурнал оф сајатрик рисрч“ покажа дека жените што се будат порано имаат помал ризик од развивање ментални болести, како депресија, анксиозност, нарушено расположение и друго. Пооптимистични сте и поуспешни: ранобудниците се помалку склони кон негативни и мачни мисли од оние што стануваат подоцна. Кога се работи за деловен успех, утринските типови се во голема предност, тврди биологот Кристоф Рендлер. Негово истражување, кое опфатило 367 студенти, покажало дека оние што станувале порано добивале подобри оценки. Исто така, ранобудниците имаат поквалитетен сон, имаат повеќе време за себе и се многу поорганизирани....

Фото: Веб страна на „Парни ваљак“ Ин мемориам: Аки Рахимовски (05.06 1955 – 22.01. 2022) Денеска во 67-та година, ненадејно престана да чука срцето на познатиот рок музичар од Скопје Аки Рахимовски, кој ќе остане запаметен како легендарен пејач на групата „Парни ваљак“. Господ ми го даде ова богатство гласот и до последниот здив сакам тоа да го споделувам со луѓето-изјави Рахимовски во интервју за „Нова Македонија“ пред неколку години. Фото: Маја Јаневска Илиева (прес-конференција, април 2015 година) -Чувствувам дека времето е уште на моја страна, само нека е здравјето на моја страна, додека сумз драв и додека Господ ми дава енергија и додека ме чува мајката Божја, музиката ќе биде мој живот и се надевам така ќе е до крајот– велеше легендарниот пејач. И навистина беше така, до последен здив Аки беше на сцената, зашто како што велеше таа беше негов живот. На социјалните мрежи по веста за неговото змаинување неговите верни обожаватели од целиот регион, кои многу го сакаа и почитуваа му изразуваат голема благодарност за песните што ги отпеал, за преубавите спомени,за концертите, за љубовта и емоциите со кои ги преплавил…. Деновиве неговите најблиски го чекаа да дојде во Скопје, но ете животот имал други планови. По пауза од речиси три години ненастапување поради неговите здравствени проблеми (мозочен удар, вградени стентови и проблеми со рбетот), Аки се опорави и повторно во февруари со „Парни ваљак“ требаше да тргне на турнеја низ Хравстака, но и пошироко. Освен со групата Рахимовсдки градеше и соло кариера, а соработуваше и со Тоше Проески, со Венко Серафимов, Каролина Гочева, а последната соработка ја оствари со Игор Атанасоски -Гуру Харе, чија песна „Мајка“ ја испеа на маетсрален начин. Аки секогаш со гоелмо задоволство доаѓаше во родното Скопје, не само заради концертите со „Парни ваљак“, туку за да собере позитивна енергија. Тука имаше огромен број колеги со кои ја почнал својата музичка кариера, приајтели и почитувачи. „Колку е убаво да си дома, во Скопје, да пееш пред македонска публика“ , знаеше да каже. Во план му беше да сними и албум со македонски етнобисери. -Луѓето ме сакаат, нема село и град во некогашна Југославија каде што не сум бил и секаде нешто сум научил. Знам дека каде било да чукнам во 3 по полноќ, секаде ќе ми отворат. Публиката ми враќа со мнмгу љубов за сите 45 години на сцената – изјави за „Нова македонија“ Аки Рахимовски. Песните што тој ги отпеа уште долго ќе сведочат за неговиот неповторлив глас, огромна енергија и љубов што ја ширеше околу себе....

Морските истражувачи от­кри­ја огромен корален гребен во близината на Тахити, кој е во совршена состојба. Станува збор за гребен долг три километри, кој се наоѓа на длабочина од 30 метри. Тоа е еден од најголемите корални гребени откриени на оваа длабочина, соопшти Организацијата за образование, наука и култура на ОН. Истражувачот на УНЕСКО, Џулијан Барбиер, вели дека веројатно има уште многу такви екосистеми за кои човекот сè уште не знае. Тој смета дека треба да се мапираат и потоа да се заштитат. Генералната директорка на УНЕСКО, Одри Азулај, истакна дека ова е фантастично откритие што го проширува знаењето за морското дно. Гребенот беше пронајден во ноември, за време на нуркачка експедиција. Францускиот подводен фотограф Алексис Розенфелд изјави дека е „магично да се биде сведок на огромен прекрасен корал што се протега до каде што може да види окото“. Коралните гребени се меѓу најзагрозените океански екосистеми, тие се чувствителни на загадување, зголемување на температурата на океанот и промени во неговиот хемиски состав предизвикани од емисијата на јаглерод диоксид, кој се разложува во водата. Професорот Мареј Робертс од Универзитетот во Единбург вели дека откритието укажува на фактот дека човекот има уште многу да научи за океанот. Следната фаза е детална анализа на гребенот, за да се утврди кои видови живеат околу него. На гребенот од овој тип му требаат 25 години за да се развие до оваа големина....

Според туристичката компанија „Трипадвајзер“, Дубаи – рибарско село од 20 век што се „преобрази“ во глобално жариште за врвни патувања во 21 век – е најпопуларната дестинација во светот за 2022 година. Исто така, објавена е и листата на локации што се во тренд. Платформата за патување штотуку ги објави своите „Травелерс чојс авордс“ за 2022 година и, иако ултрамодерниот Дубаи е на првото место, тој не е единствениот кандидат од Блискиот Исток. Годинешната листа се движи од европски дестинации до тропски и пустински екскурзии. Листата на најдобро оценети и омилени места на „Трипадвајзер“ за 2022 година зад Дубаи ги вклучува: Лондон, Канкун, Бали, Крит, Рим, Кабо Сан Лукас, Истанбул, Париз и Хургада. Секогаш популарно место, Дубаи полека се искачува во рангот на „Трипадвајзер травелерс чојс авордс“ во последниве неколку години и сега ја презеде круната на најпопуларна дестинација во светот во 2022 година – вели Џастин Рид, директор за медиуми, дестинации и патувања во „Трипадвајзер“, во изјава за Си-ен-ен. Тој го опиша Дубаи како ултрамодерен град со „сè“ – од златни плажи, ресторани од светска класа до прекрасни хотели. Со оглед на тоа што наградите според изборот на патниците се засноваат на рецензиите за местата за посета, престој и работи што треба да се прават на дестинациите, тоа значи дека дестинацијата добила одлични критики од патниците во сите нејзини туристички сектори – вели Рид. Тој вели дека Дубаи се издвојува како омилена дестинација за патување на туристите кога им треба малку возбуда. За луѓето што сакаат да патуваат во Дубаи оваа година, правилата за влез може да бидат комплицирани и да зависат од тоа од каде доаѓате. Патниците што пристигнуваат во Дубаи од повеќето земји мора да покажат негативен ПЦР-тест направен во рок од 72 часа по пристигнувањето, но тоа е скратено на 48 часа за пристигнувања од избрани дестинации. Исто така, беа избрани најдобрите во категоријата дестинации што се во тренд, а на листата се најдоа: Мајорка, Каиро, Родос, Тулум, Дубровник, Ибица, Натал, Аруша, Ѓореме и Санторини....

Фото: Маја Јаневска-Илиева Копретседавачите на секоја од работните групи ќе треба ротирачки да претседаваат со состаноците на соодветната група според нивната надлежност, во согласност со темите на дневниот ред Откако македонската влада ги формира четирите работни групи за преговори со Бугарија, два дена пред посетата на Софија на премиерот Димитар Ковачевски, бугарските медиуми јавуваат дека и бугарскиот премиер Кирил Петков ги формирал своите работни групи. Неколку дена по посетата на Скопје, бугарскиот премиер Кирил Петков издал наредба за формирање на четири меѓуресорски работни групи за соработка со Македонија, јавуваат бугарските медиуми. Копретседавачите на секоја од работните групи ќе треба ротирачки да претседаваат со состаноците на соодветната група според нивната надлежност, во согласност со темите на дневниот ред. Првата група опфаќа две области – економија, како и трговија и иновации. Копретседавачи на групата се министерката за економија Корнелија Нинова, министерот за финансии Асен Василев и министерот за иновации и раст Даниел Лорер. За членови на работната група се именувани претставници на Министерството за економија и индустрија, Министерството за иновации и раст, Министерството за земјоделство, Министерството за надворешни работи и владина администрација. Втората група ќе работи во полето на инфраструктура, транспорт и поврзување. Копретседавачи ќе бидат министерот за регионален развој и јавни работи Гроздан Караџов, министерот за транспорт и врски Николај Сабев и министерот за енергетика Александар Николов. За членови на работната група се именувани претставници на Министерството за регионален развој и јавни работи, Министерството за транспорт и врски, Министерството за енергетика, Министерството за надворешни работи и администрацијата на Советот на министри. Третата, меѓуресорската работна група е за европската соработка – зелена транзиција и дигитална трансформација и владеење на правото, со која копретседаваат министерот за животна средина и води Борислав Сандов, вицепремиерката за ефикасно владеење Калина Константинова и министерката за правда Надежда Јорданова. Во работната група учествуваат претставници на Министерството за животна средина и води, Министерството за правда, Министерството за електронска влада, Министерството за надворешни работи и администрацијата на Советот на министри. Четвртата меѓуресорска група е од областа на културата, науката и образованието и младите. Копретседавачи се министерот за образование и наука Николај Денков, министерот за култура Атанас Атанасов, министерот за туризам Христо Проданов и министерот за млади и спорт Радостин Василев. За членови на работната група се именувани претставници од Министерството за образование и наука, Министерството за култура, Министерството за туризам, Министерството за млади и спорт и администрацијата на Советот на министри....

Пронаоѓачот на витаминот Ц, Алберт Сент Џорџ, бил роден во Војводина, истражувањето на двајцата нобеловци од Хрватска, Лавослав Ружичка и Владимир Прелог, го отворило патот за значајни откритија во фармацијата, но тие фактички не создале ниту еден лек. Првиот човек од ова поднебје што патентирал светски лек („дијазепамот“) е Фрањо Кајфеж, што му донело светска слава и големо богатство. На оваа група научници се приклучува и Ангел Симов, кој го направил „кафетинот“ во 1957 година Лекот „кафетин“, убедливо најраспространетиот и најпознат македонски производ, бил лансиран во 1957 година и станал многу продаван на подрачјето на поранешна Југославија, а покрај тоа се продавал и на пазарите во 15 земји, меѓу кои и Русија, Бугарија и Романија. Но малкумина знаат кој е неговиот пронаоѓач. Станува збор за Ангел Симов, роден во Гевгелија, во 1935 година (починал во 1998 г.), фармацевт, редовен професор, еден од основоположниците на Катедрата по фармацевтска технологија. Симов е автор на учебникот „Фармацевтска технологија“ и на одделни научни и стручни трудови. Тој бил долгогодишен директор на фармацевтската куќа „Алкалоид“ во Скопје и одговорен за осовременување на производствениот процес и за отворање нови сектори за производство на лекови. Симов е и еден од основачите на Фармацевтската комора на Македонија и нејзин претседател (1996 – 1998), како и претседател на Македонското фармацевтско друштво (1974 – 1976). Во статија на проф. д-р Ненад Дикиќ за српски „Телеграф“ се откриваат интересни работи од клиничката фармакологија за големите научници по фармакологија од поранешна Југославија. – Да не си дозволев повторно да студирам клиничка фармакологија, немаше ни да размислувам за луѓето што создале некој лек. Знаев дека луѓето од територијата на поранешна Југославија биле успешни во откривањето на многу супстанции, кои подоцна се користеа во фармацијата, но не мислев дека некои создале лекови што обележија цела ера – вели Дикиќ. Тој го споменува пронаоѓачот на витаминот Ц, Алберт Сент Џорџ, кој бил роден во Војводина, а потоа, по посетата на Фармаколошкиот институт во Сегед, кој го носи неговото име, конечно утврдил дека тој е автохтон унгарски научник. Слично е и со двајцата нобеловци од Хрватска, Лавослав Ружичка (Нобеловата награда во 1939 година) и Владимир Прелог (Нобеловата награда во 1975 година), кои најголемиот успех го постигнале во Швајцарија. Нивното истражување го отворило патот за значајни откритија во фармацијата, но тие фактички не создале ниту еден лек. Првиот човек од ова поднебје што патентирал светски лек е Фрањо Кајфеж, чие откритие на „дијазепамот“ („апаурин“, 1964 г.) не само што му донело светска слава туку и големо богатство. – И кога се чинеше дека никој не може да ѝ пријде на оваа група научници, го открив Ангел Симов, кој го направи „кафетинот“ во 1957 година. Повеќето не би го ставиле неговиот изум на исто ниво со работата на споменатите научници, но се чини дека неговиот лек е единствен токму поради тоа. Имено, тој не пронашол никаква супстанција, но успешно комбинирал четири супстанции и добил аналгетски ефект што никој го немал добиено дотогаш, а колку што следам ниту по него – пишува Дикиќ. Според него, пристапот на Ангел Симов бил генијален. Имено, тој комбинирал еден нестероиден антиревматски лек – пропифеназон, еден опијатен аналгетик – кодеин, кофеин и „парацетамол“. Добиената комбинација веднаш ја покажала својата синергетска вредност, бидејќи набрзо станала најпродаваниот лек на фармацевтската компанија „Алкалоид“, а наедно и бренд по кој се препознава. – Можеби затоа е спакуван во златна амбалажа. И не само „Алкалоид“ туку и целата македонска економија, бидејќи „кафетинот“ е еден од најсилните македонски извозни производи брендови. Доколку се поврзат сите ленти на „кафетин“ произведени од 1957 година, лентата би била долга речиси 180.000 километри, а вкупното количество би било повеќе од 5.000 тони. Ако се знае дека едно кафе во просек содржи 100 милиграма кофеин, тогаш само преку продажба на „кафетин“ биле дистрибуирани пет милиони кафиња. Но се чини дека најголемата пофалба за еден лек е набавката на нашите граѓани што живеат во странство, кои прават резерви, бидејќи не сакаат да го променат лекот на кој се навикнати и покрај огромниот избор на аналгетици во странство. Факт е дека така ќе остане уште долго ,бидејќи „кодеинот“ е на посебен режим во многу западни земји и никогаш нема да биде искористен во комбинација на лек каков што е „кафетинот“ – заклучува во својата колумна проф. д-р Ненад Дикиќ од универзитетот „Сингидунум“ во Белград, Србија. Ангел Симов бил наследник на Георги Икономов, а го презел кормилото на компанијата во 1973 година, како човек што ќе ја продолжи дотогашната експанзија и афирмација на „Алкалоид“ во земјата и во странство. Претходно Симов, како фармацевт, работел на повеќе раководни позиции во компанијата. Во периодот на неговото раководење се унапредува производството на фармацевтски производи....

Жирито за доделување на наградата „Роман на годината“ на фондацијата за унапредување и промоција на културните вредности „Славко Јаневски“, во состав Владимир Јанковски (претседател), Катица Гароска Ацевска, Ермис Лафазановски, Лилјана Пандева и Катерина Богоева (претставничка на фондацијата), констатира дека годинава во конкуренција се пријавиле 39 романи. „Сантос блуз“ на Ненад Алексовски, „Опасна игра“ на Мери Арсова, „Вистинска илузија во лажен свет“ на Ангела Бош, „Искра во мракот“ на Е.Н. Веровска, „Се викам Лена“ на Јагода Глигоровска, „Отпадот од духовните контејнери“ на Јован Дамјановски, „Еден сив мартовски ден“ на Тања Урошевиќ, „Убиствата на пеперутката“ на Теодора Ристеска Даскаловски, „Тегли“ на Јордан Коцевски, „Анатомија на бумбарот“ на Стефан Марковски, „Ловци на лажни вести од зграда 39“ на Огнен Неделковски, „Вресок за избор“ на Јадранка Павлек, „Велиново“ на Димче Парталоски, „Старчето“ на Ѓорѓи Прчков, „Трамонтана“ на Наташа Сарџоска, „Лебед“ на Ана Стојаноска… се само дел од романите. Комисијата е должна да го соопшти добитникот на наградата најдоцна до 15 март оваа година. Наградата „Роман на годината“ годинава се доделува по 23-ти пат и се состои од плакета, оригинална статуетка и паричен износ од 150.000 денари....

Во последниот број, британскиот неделник „Тајмс литерари саплмент“ (ТЛС), кој е едно од најпрестижните светски книжевни списанија, ја објави песната „Милениче“ од Лидија Димковска, во препев на англиски на Љубица Арсовска и Патриша Марш-Стефановска. Песната „Милениче“ е дел од последната поетска збирка на Димковска, „Гранична состојба“, во издание на „Или-или“, која ја доби наградата за најдобра поетска книга „Браќа Миладиновци“ на „Струшките вечери на поезијата“ што се одржаа во август минатата година. Димовска е прв македонски автор објавен во ова престижно списание. Повеќе од еден век, „Тајмс литерари саплмент“ е водечки светски културен магазин, со есеи и критики за најзначајните книги, идеи и уметност на нашето време. – Сè уште сме горди што ги објавуваме најдобрите и најпаметни писатели со најширокиот опсег на книги и идеи. И веруваме дека публиката што ќе ги прочита е поголема и погладна за информации отколку во кој било момент во последните 116 години. Секоја недела тука ќе најдете над 40 критики и есеи, од Шекспир до Шопенхауер, од популарен театар до политичка теорија. Според „Ле монд“, ТЛС – нема ривали. Според Ноам Чомски, списанието е „провокативно, стимулирачко, иритирачко, информативно“. За секој што е заинтересиран за животот на умот, ТЛС е незаменливо – пишува уредничкиот тим. Милениче Го пои со млеко во прав, а тоа сака прапрамајчино, го храни со кашички од овошје, а тоа сака од крв и земја, го капе во корито со природен беби-сапун, а тоа сака во вода осветена од верски поглавар, го брише со памучна крпа, а тоа сака со знамето од ковчегот на архивата, го завиткува во ќебенце со мечиња, а тоа сака во јамболлија со народна шара, го легнува во креветче со балдахин од ѕвезди, а тоа сака во лулка со кукести крстови, го успива со приказните на Грим и Андерсен, а тоа сака локални легенди за победи без порази, го буди со детска песничка, а тоа сака со химна повлечена од употреба, го облекува во шарени алиштенца, а тоа сака во црна униформа, го обува во леки чевлички, а тоа сака во цокули со боцкави нитни, му подава топче со виножитни зраци, а тоа сака бејзбол палка со мртовечки глави, го учи „не лути се, човече“ на клупа во градината, а тоа сака да плете бодликава гранична жица, го остава да си игра во песокот со другите деца, а тоа ги штипе ако имаат друга боја на кожата, го држи за левата рака на прошетка, а тоа пред себе ја пружа десната и маршира, му става капки против поленов прав, а тоа бара антиалерген против другоста, му предава нови јазици за да вреди повеќе, а тоа ја плука со својот што правилно не го ни знае, го учи на добро, а тоа го љуби злото, го носи на час по историја, а тоа ја повторува. Му подарува куче – куц, куц, му купува маче – мац, мац, а тоа со тупаница ѝ го вади окото, ја плука в лице и вреска: јас сум Нац! Наци, нац! Лидија Димковска...

Издавачката куќа „Темплум“ неодамна го објави зборникот „Попреченост: текстови за инвалидните тела“, прв од ваков тип на македонски. Книгата е објавена во едицијата теорија „20/21 век“. Книгата пренесува пет влијателни есеи од областа на „студиите за попреченост“ и, во вториот дел, дваесетина кратки есеи за телото. Уредникот Никола Гелевски во предговорот пишува дека книгата има цел да го поттикне знаењето за попреченоста кај нас, сметајќи дека интелектуалното знаење за попреченоста пред сè ќе им овозможи подобро место во општеството на луѓето со попреченост. Наедно, овие текстови и кај пошироката заедница треба го приближат знаењето за попреченоста, со што ќе се поттикнат емпатијата, солидарноста и вклученоста во општеството. Во еден од застапените есеи, Ленард Дејвис, светски познат стручњак во студиите за попреченост, го истакнува фактот дека лицата со инвалидитет сочинуваат 15 проценти од населението – најголемо физичко малцинство во многу земји. Според него, „податокот дека најверојатно многумина од телесно неоштетените денес ќе станат оштетени утре“ го повлекува прашањето: „Зошто инвалидноста не е препознаена како потенцијално универзална состојба? Иако таа навистина е тоа“. – Овој мал зборник за попреченоста сака да биде, значи, ем интелектуален резервоар на клучните идеи за попреченоста ем поттик за развој на активизмот на луѓето со попреченост кај нас. На активизмот многу често му се потребни рефлексии и промислувања, за да фати чекор со поширокото опкружување, но и за подобро да се разбере самиот себеси – стои во предговорот....

Тих Нахат Хан, кој зборуваше седум јазици, предаваше на универзитетите Принстон и Колумбија во САД во раните 1960-ти Тич Нат Хан, зен-будистички монах, поет и мировен активист, кој стана познат како противник на Виетнамската војна во 1960-тите, почина денеска на 95-годишна возраст опкружен со свои следбеници во храмот каде што почна неговото духовно патување. -Неговиот еднонеделен погреб ќе се одржи во храмот на тивок и мирен начин-велат неговите следбеници. Во голем собир на дела и јавни децениски настапи, Тич Нат Хан зборуваше со нежен и силен глас за потребата да „чекорите како со нозете да ја бакнувате земјата“ Тој доживеа мозочен удар во 2014 година поради што повеќе не можеше да говори и се врати во Виетнам за да ги помине последните денови во Хуе, античкиот главен град и родно место, откако поголемиот дел од својот возрасен живот го помина во егзил. Како пионер на будизмот на Запад, наречен „Татко на свеста“, тој го основал манастирот „Плум Виллаге“ во Франција и редовно зборувал за практиката на свеста – идентификување и оддалечување од одредени мисли без осудување. -Учиш како да страдаш. Ако знаеш да страдаш, страдаш многу, многу помалку. И тогаш знаеш како добро да го искористиш страдањето за да создадеш радост и среќа. Уметноста на среќата и уметноста на страдањето секогаш одат заедно-рече тој во едно предавање во 2013 година. Тих Нахат Хан, кој зборуваше седум јазици, предаваше на универзитетите Принстон и Колумбија во САД во раните 1960-ти. Тој се вратил во Виетнам во 1963 година за да се приклучи на растечкото будистичко противење на американско-виетнамската војна, изразена со протест и самозапалување на неколку монаси. -Видов како комунисти и антикомунисти се убиваат и се уништуваат едни со други затоа што двете страни веруваа дека имаат монопол на вистината- напиша тој во 1975 година. Во екот на Виетнамската војна во 1960-тите, тој се сретна со активистот за граѓански права Мартин Лутер Кинг, кој јавно го осуди американското учество во Виетнамската војна. Кинг го нарече Тич Нат Хан „апостол на мирот и ненасилството“ и го номинираше за Нобеловата награда за мир. -Лично, не познавам некој подостоен за Нобеловата награда за мир од овој нежен будистички монах од Виетнам-напиша Кинг во своето писмо за номинација. Тој беше во Соединетите Американски Држави за да се сретне со Кинг една година претходно, владата на Јужен Виетнам му забрани на Тич Нахат Ханху да се врати дома. Монахот Хаеним Суним, кој некогаш беше преведувач на Тич Нат Хан за време на патувањето во Јужна Кореја, рече дека господарот на Зен бил смирен, внимателен и полн со љубов. -Тој беше како голем бор, дозволувајќи им на многу луѓе да се одморат под неговите гранки со неговото прекрасно учење за свесноста и сочувството-изјави Хаемин Суним за Ројтерс. -Надежта е важна, бидејќи со неа сегашниот момент може полесно да се издржи-напиша Тич Нат Хан, додавајќи дека ако веруваме дека утре ќе биде подобро, денес можеме да ги издржиме тешкотиите....

Посети го музејот Заводот за заштита на спомениците на културата и музеј е основан како покраински музеј во 1952 година. Првата изложба била организирана на 1 мај 1955 година и содржела материјали од историјата, етнологијата и археологијата. Во рамките на своите истражувања, Заводот вршел археолошки ископувања на црквите во Водоча, Вељуса, „Свети Петнаесет тивериополски маченици“, „Свети 40 севастиски маченици“ – Банско, „Орта-џамија“, Цареви кули, Римската терма во Банско, „Мачук“ и „Црвено Поле“, „Страната“ кај Ангелци и многу други објекти. Заводот и музеј има објавено повеќе книги, каталози, брошури и водичи: „Зборник на трудови“ (1989), „Галерија на икони“ – каталог на изложбата (2000), „Христијанството во културата и уметноста на струмичката епархија“ (2002), „Духовните традиции на Тивериопол“ (2003), „Струмица културно-историско наследство“ (2005), „Зборник на трудови“. Установата располага и со изложбен простор, спомен-куќата на Благој Јанков-Мучето, Старата турска пошта и Галеријата на икони. Од 1 јануари 2005 година установата прераснaла во регионален конзерваторски центар надлежен за Струмица, Дојран, Валандово, Богданци, Гевгелија и нивните околини. Објектот каде што се наоѓа музејот е вклучен во списокот на културно наследство на Македонија....

Според читателите на „Њујорк тајмс“ Познатиот американски дневен весник „Њујорк тајмс“ неодамна одбележа 125 години откако во овој весник почнаа да се појавуваат рецензии за нови книги. Овој јубилеј беше можност читателите на печатеното и онлајн изданието на весникот да дадат свое мислење за најзначајните литературни дела создадени во тој период. Луѓе од шеесет и седум земји ги номинираа своите фаворити, а врз основа на нивните гласови, новинарите направија листа на 25 најдобри романи во последните 125 години. Според одлуката на читателите на „Њујорк тајмс“, најдобар роман во последните 125 години е „Да се убие птицата-подбивница“ на американската писателка Харпер Ли. Второто место го зазема романот „Господарот на прстените: Дружината на прстенот“, првиот дел од фантастичната трилогија на Џон Роналд Руел Толкин. На третото место е антиутопискиот класик „1984“ на Џорџ Орвел, а на четвртото „Сто години самотија“ на колумбискиот писател Габриел Гарсија Маркес. На петтото место на листата е романот „Љубена“, напишан од Тони Морисон. Комплетната листа на 25 најдобри романи во последните 125 години според читателите на „Њујорк тајмс“ можете да ја погледнете во продолжение: „Да се убие птицата-подбивница“ (1960), Харпер Ли „Господарот на прстените: Дружината на прстенот“ (1954), Џ.Р.Р. Толкин „1984“ (1949), Џорџ Орвел „Сто години самотија“ (1967), Габриел Гарсија Маркес „Љубена“ (1987), Тони Морисон „Целата светлина што не ја гледаме“ (2014), Ентони Доер „Параграф 22“ (1961), Џозеф Хелер „Ловец во ‘ржта“ (1951), Ј.Д. Селинџер „Пајажината на Шарлота“ (1952), Е.Б. Вајт „Завера на будалите“ (1980), Џон Кенеди Тул „Кревка рамнотежа“ (1995), Рохинтон Мистри „Џентлмен во Москва“ (2016), Ејмор Тоулс „Однесено од виорот“ (1936), Маргарет Мичел „Плодови на гневот“ (1939), Џон Стајнбек „Големиот Гетсби“ (1925), Ф. Скот Фицџералд „Приказната на робинката“ (1985), Маргарет Атвуд „Хари Потер и каменот на мудроста“ (1997), Џ.К. Роулинг „Бескраен мајтап“ (1996), Дејвид Фостер Валас „Мал живот“ (2015), Хања Јанагихара „Лолита“ (1955), Владимир Набоков „Осамена гулабица“ (1985), Лари Мекмертри „Шума над шумите“ (2018), Ричард Пауерс „Молитва за Овен Мини“ (1989), Џон Ирвинг „Едно дрво расте во Бруклин“ (1943), Бети Смит „Улис“ (1922), Џејмс Џојс...

Владата во Србија реши да ги повлече сите лиценци на рударскиот гигант Рио Тинто, кој требаше да отвори рудник за литиум во градот Лозница. Отворањето рудник предизвика масовни протести во земјата, предводени од еколошки здруженија. Ги исполнивме сите барања на екопротестите и му ставивме крај на Рио Тинто во Република Србија – изјави премиерката Ана Брнабиќ на прес-конференција. Неколку недели илјадници демонстранти во Белград, но и во повеќе други српски градови, ги блокираа патиштата во протест поради планираниот рудник, кој, според нив, ќе предизвикаше огромна еколошка штета. Литиумот го има во големи количества на српската граница со Босна и Херцеговина и овој метал се смета дека ќе биде еден од најбараните во иднина, кога светот ќе се пренасочува кон обновливи извори на енергија. Акциите на Рио Тинто паднаа по одлуката на Владата на Србија да ги одземе дозволите и одлуките поврзани со истражување и отворање рудници за литиум во Србија поради загриженоста на граѓаните за животната средина. Акциите се заклучија за 4,1 отсто, иако во одреден момент за време на тргувањето на австралиската берза паднаа за дури 5,1 отсто. Ова е најлошиот дневен пад на акциите на оваа компанија од август 2021 година. Според агенцијата Ројтерс, одлуката на Србија доаѓа во време кога се наближуваат општите избори во април и во време на влошување на односите меѓу Белград и Канбера по депортацијата на тениската ѕвезда Новак Ѓоковиќ од Австралија поради прописите поврзани со коронавирусот. Според агенцијата, оваа одлука е голема пречка за англо-австралиската компанија, која се надеваше дека проектот ќе ѝ помогне да стане еден од 10-те најголеми светски производители и најголемиот европски снабдувач на литиум, клучен метал за производство на батерии за електрични возила....

Словенија Загрижувачки информации доаѓаат од Словенија, каде што во последните 24 часа се потврдени 9.858 нови заразени од коронавирус, а починале уште 11 пациенти со ковид-19. Бројките ги објави вчера словенечкиот институт за јавно здравје, додавајќи дека уделот на позитивните тестови е најголем досега и позитивни биле над две третини. Иако ова не е најголемиот број потврдени зарази во еден ден, бидејќи во вторникот имаше 12.286 нови корона-инфекции, за продолжувањето на тешката епидемиолошка ситуација сведочи фактот дека на седумдневно ниво растот на инфекциите и натаму е енормен, а забележан е и најголемиот удел на позитивните тестови со повеќе од две третини. Со 14.714 ПЦР-тестови, потврдени со 9.858 заразени, или 67 отсто, седумдневниот просек на дневните зарази е зголемен на 8.529, а 14-дневната инциденца на 4.576 нови заразени од коронавирус на 100.000 жители, според податоците на институтот. Поради ограничените капацитети за тестирање на брисовите, Министерството за здравство договори испраќање на дел од примероците на ПЦР-тестирање во една лабораторија во јужна Германија, а во преговори е и со уште една институција во Виена доколку притисокот врз овластените лаборатории во Словенија се зголемува. Според податоците на Министерството за здравство, во словенечките болници во моментов се згрижени 599 ковид-пациенти, од кои 143 се на одделите за интензивна нега, а бројот на активните случаи на заразата надминал 96.000....

НАТО ја започна реконструкцијата на албанската воздухопловна база Кучова, изградена уште во времето на комунизмот, а кога ќе биде готова треба да ѝ овозможи поддршка за операции на Алијансата. Реконструкцијата на базата ќе чини 45,8 милиони евра, што вклучува обнова на пистите, патиштата и магацините, како и зголемување на интероперабилноста на НАТО и зајакнување на мисиите за рано предупредување над земјата. Базата во Кучова, 80 километри јужно од главниот град Тирана, ќе ѝ служи на Албанија и ќе обезбеди логистичка поддршка, полициски надзор, обука и вежби за поддршка на операциите за воздушно снабдување на НАТО. Албанскиот премиер, Еди Рама, рече дека изборот на НАТО да го користи објектот како тактичка база го потврдува фактот дека малата Албанија ѝ додава вредност на Алијансата. Подобрувањето на базата треба да заврши во 2023 година, соопшти Министерството за одбрана. Воздухопловната база Кучова е изградена во 1950-тите, кога Албанија беше близок соработник на Советскиот Сојуз. Албанскиот комунистички режим пропадна во 1990-тите. Кучова остана воена база, иако авионите од руско и кинеско производство престанаа да летаат кон крајот на 1990-тите. Албанија е членка на НАТО од 2009 година. Минатата година Албанија беше домаќин на мултинационалната воена вежба „Европски бранител 21“, предводена од САД....

АД ЕСМ потпиша три договори за деловно-техничка соработка со трите правни субјекти на Балкан Енерџи, (Производство, Дистрибуција и Снабдување) По донесување Одлука од страна на Владата и одобрување на текстот на договорите, АД ЕСМ од 22 јануари 2022г. влезе во привремено управување на Друштвото за производство на топлинска енергија „Балкан енерџи“ ДООЕЛ Скопје и на Друштвото за снабдување со пареа и топла вода АД Скопје Север во стечај. АД ЕСМ потпиша три договори за деловно-техничка соработка со трите правни субјекти на Балкан Енерџи, (Производство, Дистрибуција и Снабдување). Договорот предвидува влегување на АД ЕСМ во раководењето на „Балкан енерџи“ ДООЕЛ Скопје преку назначување прокуристи, лица вработени во АД ЕСМ, чиј потпис ќе биде врзан со потписот на управителите на друштвото Балкан енерџи. Сите одлуки, договори и плаќања ќе се реализираат со два потписи, односно без согласност на прокуристот од АД ЕСМ, „Балкан енерџи“ нема да смее да врши исплати и да склучува договори. Средствата кои АД ЕСМ ќе ги добие од Владата за справување со кризата со снабдување со топлинска енергија, ќе ги уплатува повремено, во потребни износи, на наменската сметка која Балкан енерџи ќе ја отвори согласно договорот и од која исплатите ќе се вршат со врзан потпис. Средствата од 6 милиони евра кои наменски се одредени од Владата за справување со кризата со топлинска енергија, согласно договорот ќе бидат искористени за набавка на гас за производство на топлинска енергија во Балкан енерџи, за набавка на топлинската енергија која се презема од производителот ТЕ-ТО и за други трошоци исклучиво поврзани со производниот процес. „Балкан енерџи“ секојдневно ќе ги префрла на наменската сметка и сите свои приливи кои му пристигаат на неговите други сметки. Додека трае договорот за деловно-техничка соработка, „Балкан енерџи“ ќе ги врши исплатите кон трети лица исклучиво преку наменската сметка и со согласност и врзан потпис од прокуристот. „Балкан енерџи“ гарантира за вложените средства добиени од страна на државата, со меница потпишана од основачот на Балкан енерџи. Враќањето на средствата кон АД ЕСМ ќе се реализира во 2023г, по одлуката на Регулаторната комисија за енергетика за определување на трошоците за грејната сезона. АД ЕСМ ќе поднесува месечни финансиски извештаи до Владата за потрошените средства наменети за справување со кризата со топлинска енергија и извештаи за комплетното работење на привременото управување. Владата го задолжи АД ЕСМ да ја преземе обврската за кризно менаџирање со снабдувањето со парно греење во градот Скопје со оглед на тоа што АД ЕСМ е најголема државна енергетска компанија и преку неа може да се управува со средства од државниот буџет. АД ЕСМ, исто така поседува свој систем за снабдување со топлинска енергија на еден дел од Скопје, и оттука располага со ресурси и кадри за да го преземе менаџирањето на целокупното снабдување на градот. -Целта на воведувањето на кризното менаџирање со снабдувањето со топлинска енергија е да се овозможи парно греење до крајот на грејната сезона, со оглед на тоа што снабдувачите се изјаснија дека немаат средства за набавка на гас за призводство на топлина по екстремниот скок на цената на гасот. Влегувањето на АД ЕСМ и на државата во снабдувањето со гас овозможи да се спречи дополнителено продлабочување на кризата со снабдување и со електрична енергија, со оглед на тоа што во недостиг на парно греење граѓаните би се префрлиле на греење на струја, а со тоа би дошло до енормно зголемување на потрошувачката на електрична енергија-се вели во соопштението на АД ЕСМ. М.М....

Фото: Кроација рекордс Пресек на исклучително успешната соло-кариера на еден од најголемите гитаристи на нашите простори веќе е достапен на „Greatest hits collection“, во издание на „Кроација рекордс“ Меѓу неколкутемина уметници од нашиот регион, кои успеаја да постигнат забележителен успех на светската сцена и да го направат својот бренд препознатлив, секако е и Влатко Стефановски, виртуоз на гитара, кој поради својот уникатен талент и израз го обиколи светот. Тој настапувал на сцени од сите големини – од помали, како соло акустични перформанси, преку престижни рок клубови, каде свиреше со своите бендови, до големите сали, придружуван од симфониски оркестри. Фото: Кроација рекордс Пресек на исклучително успешната соло-кариера на еден од најголемите гитаристи на нашите простори веќе е достапен на „Greatest hits collection“, во издание на „Кроација рекордс“. Компилацијата ја отвора темата „Cowboys & Indians“ од истоимениот студиски албум од 1994 година, по која одат „Кандилце“ и „Сараево“. Приказната хронолошки продолжува со еден од најголемите хитови на Влатко, песната „Џипси сонг“, а потоа следат хитовите „Калајџиско оро“, „Влатково оро“ и „Глуво доба“ од ценетиот албум „Влатко Стефановски Трио“. Освен наведеното, изданието вклучува и песни од албумите „Кула од карти“, „Thunder From the Blue Sky“ и „Сеир“, а неизбежен дел од наследството на Влатко се и песните „Бистра вода“ и „Успаванка за Радмилу М.” од незаборавниот акустичен албум „Мајчин јазик“. Компилацијата завршува со „Funky Junkie“ и „Огледало“ од актуелното студиско издание „Taftalidze Shuffle“. – Овој избор на моите најголеми хитови од соло-кариерата доаѓа на иницијатива на „Кроација рекордс“ и е дел од нивниот познат серијал „The Greatest Hits Collection“. Заедно одбравме 17 песни кои се најдоа на компакт-дискот, а на пролет се очекува и двоен винил. Изборот претставува пресек на се она што самостојно сум го работел од албумот „Cowboys & Indians“ во 1994 година, до „Taftalidze Shuffle 2020“. Мислам дека направивме добар избор, преку кој фановите ќе се потсетат на сите изминати 26 години, кој може да претставува и поттик за секој што сака повторно да им се врати на песните и албумите кои настанале во изминатиот четврт век. Ако нешто сме пропуштиле, оставаме можност за некоја следна компилација – вели за оваа феноменална колекција Влатко Стефановски. Фото: Кроација рекордс Ненадминатата техника и уникатниот сензибилитет на Влатко беа подеднакво успешни во етно и рок, но и во блуз, фанк и џез – жанрови кои го обликуваа неговиот музички пат и го обележаа како уметник, а самата компилација, која содржи 17 песни, вечно ќе потсетува на неговата кантавторска умешност и исклучителна виртуозност. Инаку, насловната страница на компилацијата „Greatest Hits“, ја дизајнираше Иво Т. Монтина, а истата ја разубавува фотографијата на Стефан Рајл. Во внатрешната обвивка има и три концертни фотографии на Жељка Димиќ....

ЦЕНИТЕ НА СТАНБЕНИОТ КВАДРАТ И НЕДВИЖНОСТИТЕ ВО НАГОРНА ЛИНИЈА Растот на цените на градежните материјали ги зголеми и цените на недвижностите во земјaва, но, сепак, и понатаму се бараат станови и куќи, особено во главниот град. Драстичниот скок на цените на станбениот простор предизвика и зголемен интерес и зголемени нарачки за изградба на таканаречените монтажни куќи и објекти. Поскапувањата полека ги менуваат навиките кај граѓаните, кои сѐ повеќе се насочуваат и кон монтажните објекти, кои се поевтини и економични. Дека цените на недвижностите и понатаму ќе растат потврдуваат и од агенциите за недвижности, од каде што посочуваат дека интересот за купување станови во Скопје, особено во централното градско подрачје, и понатаму е голем, а понудата намалена. – Според состојбата на пазарот во однос на понудата и побарувачката на станови, како и цените на градежните материјали, како едни од битните фактори при формирање на цената по квадратен метар, сметаме дека тенденцијата на пораст на цените на станбениот простор ќе продолжи и во наредниот период, но со намалено темпо, за разлика од наглиот пораст од минатата година. Побарувачката за купување станови е голема на сите локации во главниот град, а секако најбарани се, како и досега, најатрактивните локации, односно населбите Центар, Водно, Капиштец, Карпош и, секако, Аеродром, кои сѐ уште го имаат приматот на локации со највисоки цени по квадратен метар за станбен простор – вели Игор Панчевски, сопственик на агенцијата за недвижности „Левел 7“. Панчевски објаснува дека, генерално, продажбата и побарувачката на станови во земјава се поизразени во главниот град, a во последните години и во нашиот најголем туристички центар – Охрид. Тој дополнува дека во другите градови низ Македонија, особено во помалите места, речиси нема побарување и понуда, односно пазарот на недвижности е сведен на минимум. Поскапувањето на становите, но и зголемените трошоци за загревање и ладење, наметнати со покачувањето на цените на енергентите, свесноста на луѓето за значењето и придобивките од неконвенционалните градби, кои се познати и како монтажни објекти, според инволвираните во овој тип на градба, довеле до драстичен раст на нарачките за изградба на вакви домови. – Од средината на минатата година, а продолжува и во текот на овие месеци, имаме огромно зголемување на побарувачката и на бројот на нарачки за изградба на куќи од нашата понуда. Грубо кажано, околу 200 проценти е зголемена побарувачката, што мора да истакнам веројатно се должи и на пандемијата, кога, пак, имавме намален обем на работа. Секако, кон овој раст на нарачките игра улога и растот на цените на класичната градба, но и сѐ поголемата запознаеност на луѓето со придобивките од ваквите објекти, кои не се класични монтажни куќи што може да се монтираат и демонтираат. Ова се објекти што нудат поголема заштеда за корисниците, благодарение на квалитетните материјали, трошоците за загревање или ладење на домовите се значително помали. Со оглед дека струјата поскапува, а очекувањата се и во иднина да се зголемуваат цените, луѓето сѐ повеќе гледаат како да ги намалат основните трошоци и тоа е мотив плус за да се одлучат за нашите градби – вели Роберт Хот, сопственик на компанијата за градење семејни екокуќи „Хот и Хот“. Тој посочува дека со растот на цените на материјалите за градба биле принудени да ги зголемат и цените по кои ќе ги градат нивните објекти, но дополнува дека растот на цените за изградба на овие објекти не бил толку голем како кај класичните колективни објекти за домување. – Одредени материјали за градење се зголемија драстично, дури и сто отсто, но не сите што ги користиме при изградба на нашите објекти. Поскапувањето во нашите финални продукти изнесува само 20 проценти, и токму поради ова сметам дека интересот за објектите се зголеми од средината на минатата година. Дополнително, сега луѓето се посвесни и повеќе се интересираат дали објектите се енергетски ефикасни и штедливи. Сега, со растот на цените на струјата, ваквите градби стануваат сѐ поценети – појаснува Хот. Дека граѓаните повеќе се насочуваат кон новиот тип на градби посочуваат и од агенциите на недвижности, од каде што дополнуваат дека причина повеќе за изградба на монтажни објекти е и финалната цена на идниот дом на едно семејство. – Секако дека зголемувањето на цените на станбениот простор, но и состојбата со пандемијата, влијае кај дел од нашите граѓани, особено оние што сакаат да го решат станбеното прашање, а не се ограничени со одредена централна локација или потреба од стан, па разгледуваат и други алтернативи на периферните локации во Скопје. Притоа, луѓето најчесто се одлучуваат за инвестиции во куќи (цврсти градби или монтажни објекти) или купување веќе изградени и користени објекти, во зависност од можностите и желбите. Поради ова, очекуваме одредено раздвижување и зголемување на обемот на овој сегмент од пазарот – вели Панчевски од агенцијата за недвижности „Левел 7“. Цените на станбен простор во главниот град во Македонија варираат од 700 евра до 1.400 евра за квадратен метар, во зависност од локацијата. Цената на монтажите објекти за квадратен метар станбен простор изнесува 420 евра, но во неа не се вкалкулирани трошоците за локацијата, односно за местото за изградба....

Фото: Игор Бансколиев За време на викендот и во текот на наредната недела нѐ очекуваат вистински поларни студови, со утрински температури и под минус 15 степени. Викендов најстудено ќе биде во Тетово, каде што се очекуваат температури минус 12 степени, а во главниот град температурата ќе се движи од -9 до два степена. Какво влијание може да има ваквото време врз здравјето на граѓаните, сообраќајот, водостојот на реките, но и врз земјоделските култури КАКВО ВРЕМЕ НЀ ОЧЕКУВА ВО СЛЕДНИОТ ПЕРИОД Снежни врнежи проследени со ниски температури зафатија голем дел од Македонија. Ако пред неколку дена имавме релативно високи дневни температури за овој период од годината, во периодот што следува нѐ очекуваат вистински поларни студови, со утрински температури и под минус 15 степени. Метеоролозите најавуваат пад на температурите под влијание на многу студена воздушна маса, што ќе услови период на студено време со умерен засилен северен ветер по должината на Повардарието. Во текот на викендот ќе биде облачно, со врнежи од снег, пообилни во југозападните делови. Насекаде ќе се формира снежна покривка, а на планините таа дополнително ќе се зголеми. На Попова Шапка во моментов има најмногу снег, околу 44 сантиметри. Натаму, од планините во земјава големи наноси на снег има и на Маврово, каде што снежната покривка изнесува 21 сантиметар, а во Крушевско се измерени девет сантиметри снег. Надлежните информираат дека поради ниските температури, ќе има појава и на голомразица. Температурите ќе се задржат значително под просекот за овој период и тие во текот на денот ќе бидат под нулата, а во почетокот на наредната седмица и под минус 15 Целзиусови степени. Во Скопје низ улиците веќе се фрлени околу 140 тони сол, а за периодот што следува, кога се очекуваат ниските температури, градските власти информираат дека на располагање има 4.000 тони сол и дополнителна резерва од лани. Во Македонија сите патни правци се проодни и нема забрани за движење освен на патот Дебар – Маврово за тешки товарни возила. Но поради појава на голомразица се препорачува внимателно возење. Во меѓувреме, метеоролозите велат дека северниот, источниот и јужниот дел од европскиот континент се под влијание на многу студена воздушна маса, која е резултат на поле на висок воздушен притисок на приземје и висински циклон што се спушта кон јужните делови на континентот. Студеното време и ниските температури за време на викендов ќе бидат проследени и со врнежи од снег и засилен северен ветер. Времето ќе биде облачно и студено, во целава земја со врнежи од снег, пообилни во југозападните делови. – Следните денови времето ќе биде многу студено и ветровито, со умерен до засилен северозападен ветер. Утринските температури на многу места во земјава ќе се спуштаат на минусната скала, а дневните ќе бидат околу и под нулата. Поради ниските температури, повремено ќе има зголемување на облачноста, со услови за провејување слаб снег, особено во вечерните часови и во северните делови. Најстудено викендов ќе биде во Тетово, каде што се очекуваат температури минус 12 степени, а во главниот град температурата ќе се движи од -9 до два степена. Сепак, наредната недела се очекува најниската утринска температура да изнесува и до -15 степени – велат од УХМР. Климатологот д-р Пеце Ристевски прогнозира дека студеното време во земјата и нашиот регион најверојатно е резултат на студените бранови што пристигнуваат тука од евроазиското подрачје. – Дали времето ќе продолжи подолг период да биде студено, во моментов не се знае, бидејќи недостига темелна анализа како се рефлектираат климатските промени во земјава. Но за обележување е дека климата постепено но сигурно пополека се менува во светот, а екстремен пример за тоа беше 2021 година, која беше историски најтопла од сите години досега – заклучува Ристевски. Во меѓувреме, временските услови и зачестеното врнење снег и дожд во земјава придонесоа водостојот на реката Вардар да се подигне на алармантно ниво, особено во скопските населби Аеродром и Лисиче. Директорот на Центарот за управување со кризи (ЦУК), Стојанче Ангелов, вели дека и покрај најавените врнежи во наредните денови, не постои опасност од излевање на реката во околните згради во скопските населби, туку од заезерување на овој дел од речното корито, кој може да поплави единствено стотина метри од кејот на Вардар и да ги оштети велосипедската и пешачката патека. Тој информира дека овие состојби се такви со реката, која ги поплавува само на некои делови велосипедските патеки поради градежниот зафат што е направен во однос на изградбата на новиот мост во населбата Аеродром и бидејќи е направен насип со кој е попречено дел од речното корито, со што доаѓа до подигнување на нивото на водата. Тој, сепак, додаде и дека напливот на вода во реката се должи и на тоа дека се испушта вода од системот на мавровските електроцентрали, но и од Козјак, Матка 1 и Матка 2, поради производство на електрична енергија. – Но водата што се испушта е еквивалентна на водата што влегува во овие езера, бидејќи езерата се блиску до биолошкиот минимум, па така не се испушта повеќе вода отколку што влегува – вели Ангелов. Според него, доколку имаме силни врнежи од дожд или нагло топење на поголеми количества снег, компанијата ќе треба целосно да го отстрани овој насип што го попречува речното корито а за тоа ќе им биде потребно повеќе од еден ден. Тој додаде и дека е побарано поставување соодветна сигнализација на кејот и механичко преградување на патеката за, како што рече, во случај на кревање на водата, „некој замислен шетач или велосипедист да не влета во водата“. Од друга страна, пак, овие ниски температури неповолно ќе влијаат на некои видови овошни дрвја, како и на виновата лоза, чие закројување некои веќе го започнаа. Агрономот Зоран Јовановски вели дека не е непознато дека ниските температури и снегот ги соголуваат родовите на овошјата и зеленчуците во Македонија, но истовремено не е ниту неочекувано дека во зима температурите се многу ниски. – Токму затоа, за да се превенираат штетите на овошките, дрвјата треба да се третираат соодветно и да се заштитат од напливот на студеното време. Дополнително како опција секогаш постои и можноста за осигурување на родот од евентуални штети, кои на и онака снеможените земјоделци им се своевидна гаранција да си го заштитат трудот – вели агрономот. Во контекст на актуелните случувања, за обележување се и изјавите на лекарите, кои велат дека студените временски услови дополнително можат да го влошат здравјето на луѓето со грип и настинка и покрај опасностите на новиот сој на вирусот на пандемијата. – Она што е опасно е што многумина во изминатиов период се жалат дека во склоп на тоа што се позитивни на вирусот, дополнително се жалат и на симптоми на настинка и грип. Сето тоа само дополнително го влошува процесот на заздравување од болеста, кој некогаш трае и повеќе недели. Освен коронавирусот, студеното време влијае многу и на општото здравје на луѓето. Температурните промени веќе ги чувствуваат оние лица што имаат нерегулиран крвен притисок. Промената на температурата најмногу влијае врз хронично болните, бидејќи студеното време ги стеснува крвните садови, а тоа дополнително влијае врз пациентите со ревматски заболувања, кои ќе чувствуваат вкочанетост во зглобовите и грчеви – вели доктор Мартин Јовановски. Тој советува, колку што е можно, да се храниме здраво, со многу витамини и минерали и да си го заштитиме здравјето придржувајќи се кон здравствените протоколи за заштита од вирусот, кој сега со огромна динамика ги полни нашите болници. [email protected]...

Град Скопје назначил одговорни лица кои 24 часа секторски ќе одговараат на барањата на граѓаните, а дополнително се екипира и служба за брзи реакции составена од претставници од сите јавни претпријатија во надлежност на градот, кои ќе делуваат со цел брзо и ефикасно решавање на предизвиците со кои се соочуваат граѓаните, информираат од прес-службата на градот. Ова е едно од ветувањата на градоначалничката на Град Скопје, Данела Арсовска како дел од проектите кои се спроведуваат уште во првите 82 дена од градоначалничкиот мандат. Овие проекти, како што велат од Град Скопје, се дел од превземањето активности на овозможување ефикасно и ефективно работење на градската администрација во служба на граѓаните, која ќе допринесе Скопје да биде функционален град кој нуди брзи, квалитетни и навремени услуги за скопјани....

Крипторударите ги преместија своите крипторудници во земји богати со обновлива енергија од ветрот и сонцето, како на пример во Шведска и во Норвешка. Во ноември минатата година беше забележано зголемување на количеството на обновлива енергија посветена на криптовалутите. Шведските регулатори, повикувајќи се на процени на Универзитетот во Кембриџ, велат дека ископувањето на една единица биткоин троши исто количество енергија како и возењето електрично возило со средна големина од 1,8 милион километри. Според светските истражувања, копањето криптовалути троши 0,6 отсто од светската потрошувачка на енергија, а според податоците од индексот за потрошувачка на електрична енергија на Кембриџ биткоин, секоја година троши повеќе електрична енергија од Норвешка Потрагата по виртуелните валути наметнува сѐ поголем енергетски проблем во услови на зголемена енергетска криза Копањето на виртуелните валути станува сѐ поголем проблем за земјите во услови на зголемена енергетска криза. Експанзијата на овој, според многу критериуми, сомнителен бизнис принуди некои од земјите што располагаат со големи и обновливи извори на енергија да го ограничат, па дури и да го забранат копањето криптовалути, што дополнително ги оптоварува националните енергетски системи. Слични трендови на зголемена потрошувачка на струја во домаќинствата се забележуваат и во Македонија. Како што нѐ информираа од Регулаторната комисија, од 2020 година е забележан значителен пораст на потрошувачка на струја во домаќинствата, што може да се поврзе и со зголемениот интерес за рударење кај македонските граѓани. Ерик Теден, потпретседател на Европската управа за хартии од вредност и пазари, изјави за „Фајненшл тајмс“ дека ископувањето биткоин стана национален проблем во неговата земја Шведска и дека криптовалутите претставуваат ризик за постигнување на целите од Парискиот договор за климатски промени. Најголемите финансиски регулатори на Европската Унија го ажурираа повикот за забрана на клучните форми на ископување биткоини, предупредувајќи на зголемување на уделот на обновливата енергија посветена на ископувањето криптовалути. Кога Кина неодамна ги забрани криптовалутите, тамошните рудари ги преместија своите крипторудници во земји богати со обновлива енергија од ветрот и сонцето, како Шведска и Норвешка. Во ноември минатата година беше забележано зголемување на количеството на обновлива енергија посветена на криптовалутите. Шведските регулатори, повикувајќи се на процени на Универзитетот во Кембриџ, велат дека ископувањето на една единица биткоин троши исто количество енергија како и возењето електрично возило со средна големина од 1,8 милион километри. Според светските истражувања, копањето криптовалути троши 0,6 отсто од светската потрошувачка на енергија, а според податоците од индексот за потрошувачка на електрична енергија на Кембриџ биткоин, секоја година троши повеќе електрична енергија од Норвешка. Ова ја наметна и потребата од поголема контрола во потрошувачката на енергија кај корисниците во Македонија, кои, покрај задоволување на секојдневните потреби, се користи и за нелегално „производство“ на криптовалути. – Ние како регулаторно тело немаме надлежности во делот на тоа како се троши електричната енергија. Тоа е надлежност на дистрибутерите со електрична енергија. Секој потрошувач е должен да пријави колкава моќност му е потребна. Доколку, на пример, некое домаќинство, покрај редовните потреби, струјата ја користи и за други цели од кои остварува одредени приходи и профит, тогаш тоа треба да плаќа по повисока односно индустриска тарифа. Во случај да нема одвоени броила, тогаш не можеме да знаеме како се троши струјата. Контролата за тоа е во надлежност на дистрибутерот – ни изјави Марко Беслимовски, претседател на РКЕ. Беслимовски појаснува дека што се однесува до можноста на забрана за копање криптовалути во нашата земја, надлежноста за тоа е во другите институции, како што е Министерството за економија, или на пример Народната банка на Македонија, кои треба да го регулираат овој вид трговија на виртуелни валути. Во текот на вчерашниот ден побаравме одговор и од ЕВН, но не успеавме да стапиме во контакт со надлежните лица за информирање во компанијата. Темата за криптовалутите во Македонија доби медиумски публицитет по обелоденувањето на приказната за наводно рударење криптовалути во еден од објектите на Градскиот трговски центар во Скопје. Од ЕВН тогаш информираа дека ваквата апаратура троши многу електрична енергија и сериозно ја оптоварува мрежата, а нагласија дека потрошувачката особено скокнала минатата пролет. – Едно домаќинство, ако има потреба од одредена потрошувачка, доколку инсталира компјутери што копаат криптовалути, тоа значи дека може да потроши енергија за 20 или 30 домаќинства, што го нарушува напојувањето на сите соседни корисници на таа напојна точка – информираа од ЕВН. Според податоците од компанијата, појавата е најзастапена во Скопје, Тетово, Арачиново, како и во Чаир, Ченто и Шутка. Не се мали случаите и на диви приклучувања кон електричната мрежа. Целта е да се избегнат високите сметки, кои за копање криптовалути често се пресметуваат и во стотици евра. М.Ј....

Евгениј Поп Ацев Пливачкиот маратонец Евгениј Поп Ацев за ситуацијата со затворените базени На ниво на Скопје потребни ни се барем три-четири базени. Државата би требало излезе во пресрет во ваквата ситуација, вели најдобриот македонски пливач на долги патеки, Евгениј Поп Ацев Проблем е што цела Македонија е сведена на еден мал базен. Само на ниво на Скопје потребни ни се барем три-четири базени. Државата би требало излезе во пресрет во ваквата ситуација, вели најдобриот македонски пливач на долги патеки, Евгениј Поп Ацев, по повод затворањето на базените во скопската населба Карпош и во Куманово. Во овие околности пливачите се принудени да се снаоѓаат за тренинзи на 25-метарскиот базен во олимпискиот базен „Центар“ во Скопје, кој моментно е единствен во функција. – Ние моментно имаме 50-60 пливачи кои имаат подготовки и тренираат по одредена програма. Јас ќе се снајдам некако, но доста луѓе нема да можат да одат на 25-метарскиот базен, баш поради малиот број на достапни термини. По затворањето на базенот во Карпош сите школи, клубови, професионалци и рекреативци оттаму ќе треба да се префрлат на „Олимписки“ – наведува Поп Ацев. Тој ја нагласува потребата за континуитет во тренирањето, која за македонските пливачи е доведена во прашање во сегашната проблематична ситуација. – Во професионалното пливање мора постојано да се тренира, бидејќи не постои компензација. Се тренира двапати дневно, шест дена во неделата и проблем е ако се пропуштат тренинзи. Пливачите кои тренираат на врвно ниво прават пауза во тренирањето од четири-пет дена годишно – вели Поп Ацев, кој е е трикратен победник во гранпри-серијата на Светската пливачка федерација (ФИНА) во маратонско пливање (во 2015, 2017 и во 2019 година), победник на Охридскиот маратон во 2015 година, како и на познатата маратонска трка од Капри до Неапол во 2016 година. Затворениот базен во рамки на спортскиот центар „Борис Трајковски“ во Карпош нема да работи поради дефект на системот на греење, а од претходно, не е во функција ниту базенот во Куманово, поради енергетската криза во државава. За Поп Ацев ваквата ситуација е необична, особено ако го земе предвид искуството од странство, каде што тренираше во Хрватска и во Велика Британија. – Никогаш не сум слушнал проблеми со греењето да затворат базен на подолг период. Во Свонси, каде што тренирав, кога ќе се случеа такви дефекти, се решаваа бргу. Но таму базенот е спонзориран и од тамошен факултет и од градот и од државата. Знам дека базените се нерентабилни во зима, дека послабо работат во овој период од два-три месеца, но тие функционираат и во околните држави, каде што имаат и поевтини влезници – посочува пливачкот маратонец. Затворањето на базените предизвика незадоволство во македонската јавност, со што останува да се види дали апелот на македонските пливачи ќе допре до надлежните со цел за побрзо решавање на проблемите, односно за враќање на базените во функција. Високите трошоци се дополнителен проблем за пливањето Високите трошоци, според Евгениј Поп Ацев, претставуваат дополнителен проблем за пливањето, поради кој многумина родители не можат да си дозволат нивните деца да го тренираат овој спорт. – Ние имавме случај каде што тука гостуваше пливач од Холандија, кој увиде дека влезницата што ја платил за термин за тренинг на наш базен, чини колку и четири кафиња во кафуле. Тоа го изненади. Многумина овдешни родители не можат да си дозволат нивните деца да тренираат. Можеби пливањето не е толку скапо како тенисот или коњичките спортови, но би требало да биде достапно за сите – смета прославениот пливач....

Фото: Маја Јаневска-Илиева Канонадата од бугарски навреди, омаловажувања, извртувања на тезите и говор на омраза кон Македонија не само што не стивнува туку постојано се засилува. Дали е крајно време Македонија да реагира или ќе продолжиме и понатаму според изреката ако некој ти удри шлаканица на едниот образ, ти сврти го и другиот? Дипломатите и политиколозите даваат јасни ставови и препораки „ДОБРОСОСЕДСТВО“ НА БУГАРСКИ НАЧИН По неодамнешната посета на бугарскиот премиер Кирил Петков на Македонија, следуваше нова канонада од навредливи изјави кон Македонија, дадени од бугарски политичари од највисоко ниво. Во период кога треба да се шират добрососедство и пријателство, некои од бугарските политичари повторно шират горчина и анимозитет кон Македонија, омраза, непријателство, а притоа постојано ја употребуваат и тактиката на извртување на тезите, посочувајќи ја земјава дека наводно таа шири говор на омраза кон Бугарија. Најновата провокативна и навредлива изјава дојде од поранешниот бугарски претседател Росен Плевнелиев, кој изјави дека Македонија е продолжена рака на српските и руските служби. – Службите на РСМ и до ден-денес се просто филијала на српските, кои, пак, се филијала на руските, и ние не сакаме да ги внесеме Тито и Сталин во ЕУ – изјави Плевнелиев, алудирајќи на бугарската теза дека Македонците се конструкт на Тито и Коминтерната и како такви не им е местото во ЕУ ако не го прифатат својот „бугарски“ корен. Уште порадикален настап имаше Красимир Каракачанов, кој македонскиот народ го оквалификува како глупав. – Тие страдаат од својата глупост – изјави Каракачанов, коментирајќи го одбивањето на македонската страна да ги прифати ултимативните бугарски барања. Слични изјави со доза на навреда, иронија и потценување имаше и од поранешниот бугарски премиер Бојко Борисов, од актуелниот претседател Радев, европратеникот Ковачев, но и од лидерот на ИТН, Слави Трифонов, коалициски партнер во новата влада на Петков. Несомнено, бугарската страна со извртување на тезите се обидува говорот на омраза и омаловажување што се шири од нивна страна да го прикаже како реакција на наводниот говор на омраза од македонска страна, кој, за волја на вистината, досега не е регистриран од ниту една меѓународна релевантна организација. Од друга страна, токму Бугарија се најде во извештаите на истите институции како земја што шири говор на омраза, дискриминира и ускратува малцински права. Нејасно е зошто на ваквата канонада од навреди од Бугарија нема остра реакција од институциите во државата, пред сè од македонското МНР, кое со дипломатските алатки со кои располага треба јасно да стави до знаење дека каков било говор на омраза и навреди од политичарите во Бугарија не придонесуваат за подобрување на меѓусебните односи. Згора на тоа, нашето нереагирање уште повеќе ги засилува ваквите провокации од бугарските политичари. Треба да се нагласи дека вообичаена дипломатска практика во светот и кај соседните земји е да се реагира и укаже на секој обид за омаловажување или навреда на државата и нејзините граѓани. Од друга страна, Бугарија и Грција реагираа со протестни ноти и за најбанални работи, како на пример истакнување на поранешното знаме од Вергина на приватни настани, изнесени ставови на социјални мрежи, ознака на дрес на некој македонски клуб итн. Некои од познавачите на состојбите со кои се консултиравме сметаат дека земјава мора поенергично да реагира на навредливите изјави што доаѓаат од бугарските политичари, но воопшто и од други земји, наместо молкум да се поминува преку нив. – Немаме конзистентна надворешна политика кон Бугарија. Невозможно е да се замисли толку време да немаме амбасадор во Софија, кој ќе може да ги води работите, но истовремено и да реагира до бугарските власти кога ќе се појават вакви изјави со кои се шири говор на омраза. Цела Европа ја осудува Бугарија за тоа што го прави со малцинствата, а ние ќе замижуваме на едно око и нема да реагираме на ништо – вели поранешниот дипломат Драган Јањатов. Според него, надлежните државни институции мора да реагираат на ваквиот говор на омраза и да го осудат, а не да премолчуваат, со образложение дека не сакаат да ги нарушуваат наводните добри односи со Бугарија. – Ние немаме институционална надворешна политика по прашањето на ширење на говорот на омраза и воопшто надворешна политика во однос на Бугарија. Не реагираат институциите, а уште помалку ќе се јави министерот за надворешни работи за да реагира на нешто, во овој случај со навредливите изјави на бугарските политичари кон земјава – констатира Јањатов. Тој смета дека токму МНР треба да излезе и јасно да каже што бара Македонија од Бугарија, наместо да се прави недоветна и да молчи. – Треба да се излезе и точно да се каже што бараме ние. Како што ја признаа државата, така треба да го признаат народот и да го признаат јазикот. Ако ние ги внесеме Бугарите во Уставот, тогаш треба и тие во нивниот устав да ги внесат Македонците во Бугарија. Дополнително, Бугарија е таа што треба да даде изјава дека нема територијални претензии кон Македонија. Тоа би било многу поисправно, отколку нашата нота до ОН дека ние немаме територијални претензии кон нив. Тоа се глупости. Така треба да се реагира, а не да се молчи на навредите што секојдневно ни стигнуваат од бугарска страна – потенцира Јањатов. Од македонското МНР до затворањето на денешното издание на весникот не добивме одговор на прашањето дали ги следат ваквите бугарски изјави преку кои се шири говор на омраза и дали и кога досега е реагирано во согласност со дипломатските практики....

Вчерашниот снег што падна во Скопје ги активира зимските служби на општините и јавните претпријатија. Па, така, јавното претпријатие „Комунална хигиена“-Скопје на терен спроведуваше активности за чистење на снегот и мразот низ булеварите и улиците. – Екипите на претпријатието ги расчистуваат и централното градско подрачје, плоштадот и улицата Македонија, помалите плоштади „Филип Втори“, „Мајка Тереза“ и „Богородица“, како и Старата чаршија. Се расчистува реонот околу Градската болница, Државната болница, Владата и Собранието на РМ, а континуирано се посолуваат пешачките патеки и тротоарите на мостовите „Гоце Делчев“ и „Слобода“, како и пешачките мостови во централното градско подрачје, за да им се овозможи безбедно и проодно движење на пешаците. Од механизацијата, се употребуваат специјални комунални возила- мултикултиватори и патарки за расфрлање на сол – информираа оттаму. И ЈП „Водовод и канализација“ на терен ги чистеше сливниците и шахтите, за цел системот да биде подготвен да ги прими водите по топењето на снегот и за нормална функционалност на атмосферската канализација. – Екипите на ЈП „Водовод и канализација“-Скопје ќе ја следат состојбата и ќе продолжат со теренските активности во текот на викендот – информираа оттаму. И општинските зимски служби се активни на терен. Голема акција за расчистување на снежните наноси се реализира во Општина Кисела Вода. На терен беше општинската администрација, заедно со сите сезонски работници. Со механизација се расчистуваше снегот и се фрлаше сол на замрзнатите површини, за граѓаните да можат непречено да стигнат до своите работни места. Исчистени беа и приодите до градинките, тротоарите и пешачките патеки. Апелираме до сопствениците на деловните објекти да ја исполнат својата законска обврска за расчистување на снегот пред влезот на објектот, а исчистениот снег да не го фрлаат на улиците, со што би ја отежнале работата на нашите служби. Ваква обврска имаат и сите други граѓани, кои треба да го расчистат снегот пред своите дворови и влезовите на станбените згради и со тоа да овозможат проодност и непречен пристап до објектите – апелираа од Кисела Вода. Од раните утрински часови на терен беа и екипите за зимско оддржување заедно со општинскиот кризен штаб од Општина Бутел. – Навремено се исчистени сите критични места во општината Бутел, како и главните улици и сите споредни улици во сите населени места, за непречено одвивање на сообраќајот – информира градоначалникот Дарко Костовски. И надлежните од Гази Баба информираа дека ниту едно населено место не е отсечено од сообраќај. – Во Црешево отворивме мобилен пункт на кој се донесени количества сол. Екипите на ЈКП Гази Баба ги исчистија автобуските постојки и влезот на поликлиниката во Ченто и рачно фрлаа сол кај поранешна „Лондза“ и улицата Фуштанска во Ченто, а ќе продолжат и на други локации во текот на целиот ден. Им благодарам на граѓаните за разбирањето – информира градоначалникот на Гази Баба, Бобан Стефковски....

Фото: Маја Јаневска-Илиева Како се почитуваат малцинските права на Македонците во Србија, Албанија, Бугарија и во Грција, како наши соседни држави. Споредбата што ја направи нашиот весник открива изненадувачки показатели дека токму Бугарија и Грција, како членки на ЕУ, се оние што не ги почитуваат, односно ги прекршуваат човековите и малцинските права во споредба со другите наши соседи што не се дел од Унијата Малцинските права на Македонците во соседните држави Доколку се направи споредба помеѓу соседите на Македонија во однос на почитувањето на малцинските права на Македонците кај четирите земји-соседи на Македонија, тогаш се констатира дека всушност земјите-членки на Европската Унија се оние што не ги почитуваат, односно ги прекршуваат човековите и малцинските права на своите сограѓани од македонскиот етникум. Имено, Бугарија и Грција одбиваат да ги регистрираат македонските здруженија што сакаат да ги негуваат македонската култура и јазик. Досега, Бугарија поради прекршувањето на човековите права има седумнаесет пресуди од судот во Стразбур. Слична е положбата и во Грција, која и понатаму одбива да ги регистрира македонските здруженија, како што беше примерот со друштвото „Крсте Петков Мисирков“ од Воден, кое беше регистрирано, а потоа неговата регистрација беше повлечена од грчкото министерство за култура, под изговор дека друштвото имало проблеми со грчкото судство. Од друга страна, состојбата во Србија и во Албанија е поинаква. Иако двете држави не се членки на Европската Унија, македонското малцинство ги ужива малцинските права. Малцинските права на Македонците во Србија Во Србија постојат 23 малцински заедници, кои се финансирани од буџетот на српската држава. Македонците имаат Национален совет како институција оформена и финансирана од српскиот буџет. Македонците имаат три политички партии што се легални и регистрирани во АПР. Македонското малцинство исто така има над педесет регистрирани здруженија во АПР. – Јас живеам во Србија и сум Македонец со српско државјанство – граѓанин на Србија. Покрај сите овие малцински права, имаме и права загарантирани со Уставот, па, така, секаде каде што сме над 15 отсто имаме воведено двојазичност. Покрај овие права, имаме и права што ги црпиме од покраината Војводина. Во Војводина сме еден од официјалните народи што се внесени во војводинскиот устав. И покрај сите овие права што им се дадени на малцинските заедници, Србија нема проблем со сепаратизам и сите се лојални граѓани на Србија – вели Душан Јаневски. Малцинските права на Македонците во Албанија Македонското национално малцинство во Република Албанија е признаено од албанската држава, има своја општина во Пустец, како и образовен систем на македонски јазик во областа Мала Преспа. Македонците во Албанија имаат и своја редакција на мајчиниот македонски јазик на албанската државна телевизија. Повеќе македонски здруженија се регистрирани, а меѓу нив и македонското друштво „Илинден – Тирана“. „Илинден“ е формирано од страна на граѓани со македонско потекло што живеат во Тирана, а неговата цел е заштита на македонското национално малцинство во Република Албанија. Основни задачи на македонското друштво „Илинден – Тирана“ се: заштита на малцинските права на македонското национално малцинство во Албанија; организирање фолклорни фестивали во Голо Брдо, Мала Преспа и Гора; активности за запознавање и промоција на културните вредности на македонското национално малцинство во Албанија; организирање курсеви по македонски јазик; заштита на мајчиниот македонски јазик, народните носии и обичаи – вели Никола Ѓурѓај, претседател на македонското друштво „Илинден – Тирана“. Како политички субјект на македонското малцинство во Албанија дејствува партијата Македонска алијанса за европска интеграција (МАЕИ), предводена од Васил Стерјовски, првиот Македонец во историјата на албанското собрание што од парламентарната говорница се обрати до Македонците во Албанија на мајчиниот македонски јазик. Македонците во Албанија имаат и повеќе гласила на македонски јазик. Меѓу нив е и македонскиот весник „Илинден“, кој за првпат излезе од печат во февруари 2011 година, во Тирана. Весникот се дистрибуира во албанските областите каде што претежно живеат Македонци: Голо Брдо, Гора, Мала Преспа и Врбник, како и во поголемите градови во кои живее македонското население – Тирана, Драч, Елбасан, Поградец, Корча, Билишта и Кукс. Македонскиот весник „Илинден“ е гласот на животот, културните и верските обичаи на македонското малцинство во Албанија – вели Никола Ѓурѓај. Малцинските права на Македонците во Бугарија и во Грција За разлика од Србија и Албанија, почитувањето на малцинските права на Македонците во Бугарија и во Грција е сосема друга приказна, односно во овие две земји-членки на ЕУ воопшто не се почитуваат ниту признаат правата на Македонците. И покрај многубројните апели на меѓународната заедница, како и многуте пресуди на Меѓународниот суд за правдата во Стразбур, Бугарија се оглушува на сето тоа и одбива да ги признае легитимните права на многубројната македонска заедница во Бугарија. Бугарската држава не ги признава малцинските права, ниту една етничка заедница, вклучувајќи ги и Македонците, Турците, Ромите и сите други, кои немаат право да регистрираат здруженија или организации за политичко дејствување. Партијата на Турците е регистрирана како граѓанска, спротивно од тоа ОМО Илинден – Пирин се залага за заштитата на националните права на Македонците во Бугарија – вели Тони Менкиноски. И претставникот на ОМО Илинден Пирин, Стојко Стојков, потврдува дека во Бугарија воопшто не се почитуваат правата на македонското малцинство. – Македонците во Бугарија немаат никакви индивидуални малцински права. Нивното постоење се негира. Самоопределбата Македонец се третира како антибугарска и како национално предавство. Македонците се објект на постојан и несанкциониран говор на омраза. Не можат да регистрираат свои организации и по голем број пресуди во Стразбур – вели Стојко Стојков од ОМО Илинден Пирин. МЕЃУНАРОДНАТА ЗАЕДНИЦА БАРА ПРИЗНАВАЊЕ НА МАКЕДОНЦИТЕ ВО БУГАРИЈА И ВО ГРЦИЈА Редица влијателни меѓународни тела и организации имаат донесено низа важни документи со кои се повикуваат Бугарија и Грција да ги признаат Македонците што живеат таму. Меѓу нив е и Европската слободна алијанса (ЕФА), која усвои декларација во која ја повикува Европската Унија да ги охрабри Бугарија и Грција да ги поддржат самоопределувањето и културниот идентитет на своите граѓани од македонско потекло. Според ЕФА, Македонците ги исполнуваат критериумите за малцинство, лојални се на државите во кои живеат и се силно мотивирани нивниот заеднички идентитет, вклучувајќи ги нивната култура, нивните традиции и нивниот македонски јазик. Со оглед на долгорочните антимакедонски политики на Бугарија и на Грција, од 19 век наваму, Европската слободна алијанса повикува: Бугарија и Грција да најдат решение за македонското прашање и да ја признаат својата одговорност кон македонското малцинство на нивна територија и со тоа да почнат да водат европска политика за малцинствата и да им го дадат на Македонците целокупното право предвидено со Рамковната конвенција за заштита на националните малцинства и други релевантни стандардни документи за малцинствата....

Фото: Маја Јаневска-Илиева Досега се фатени неколку компании што не ги задоволувале законските норми за да вршат превоз на патници. Она што загрижува е проекцијата на познавачите на оваа проблематика, која им е изложена и на надлежните, а која вели дека „доколку толку многу превозници изминатиот период се фатени во непочитување на прописите за превоз, уште поголем е бројот на лица што со приватни возила и комбиња на нелегален начин вршат превоз на патници“!? МЕЃУГРАДСКИ ПРЕВОЗ СО ВИСОК ПРОЦЕНТ НА НЕБЕЗБЕДНОСТ ЗА ПАТНИЦИТЕ Скопје има голем и сериозен проблем не само со диви таксисти и превозници туку и со превозници што управуваат со неисправни и небезбедни возила. Доказ за тоа се неодамнешните контроли над превозниците, кои ги спроведува Град Скопје преку инспекторатот задолжен за тоа. Сите што патуваат во и од метрополата се соочуваат со наездата на т.н. диви превозници, каде што плаќаат билет, а билет и доказ воопшто не добиваат. Превозот вообичаено е по пониска цена од онаа редовно воспоставената на пазарот на превозници, па и патниците го кријат овој вид превоз, за да заштедат финансиски средства, не размислувајќи дека на тој начин го ризикуваат сопствениот живот, бидејќи токму овие превозници воопшто не се безбедни и сигурни. ВОНРЕДЕН ИНСПЕКЦИСКИ НАДЗОР И КАЗНИ ЗА НЕПОЧИТУВАЊЕ НА ЗАКОНОТ Инспекторатот на Град Скопје веќе некое време реализира вонреден надзор на терен преку контроли на автобуси и комбиња што вршат превоз на патници. Во рамките на контролите, многу фирми што се легално регистрирани да вршат превоз на патници добија казни. Во инспекциски надзор на три автобуси и две комбиња е утврдено дека комбе со име на една фирма вршело превоз на патници од и кон Скопје и екскурзии, без притоа да има лиценца за туристичка агенција и превоз на патници, како и за организирање екскурзии со туристички водич, од Министерството за економија, што е задолжително во согласност со Законот за туристичка дејност, а не поседувало ни дозвола од Министерството за транспорт и врски. – Град Скопје континуирано спроведува теренски контроли, за законите што се пропишани за оваа дејност да бидат почитувани и имплементирани во секојдневното функционирање на фирмите што работат со јавен превоз, а со тоа и да се овозможат квалитетно и одговорно вршење на дејноста од страна на превозниците и заштита на безбедноста на граѓаните. До надлежните институции за постапување ќе бидат поднесени соодветни пријави – информираа градските власти. Оттаму додаваат дека вонредните инспекциски контроли продолжуваат, а казни добија уште две фирми што не ги почитувале законските прописи за превоз на патници. ЗА ПОЕВТИНА ЦЕНА ПАТНИЦИТЕ ПРЕФЕРИРААТ ДИВ МЕЃУГРАДСКИ ПРЕВОЗ?! Досега се фатени неколку компании што не ги задоволувале законските норми за да вршат превоз на патници. Она што загрижува е фактот што доколку толку многу превозници што изминатиот период се фатени во непочитување на прописите за превоз, којзнае колкав е бројот на лица што со приватни возила и комбиња на нелегален начин вршат превоз на патници. Граѓаните велат дека цела земја врие од диви превозници и дека на многумина тоа им одговара, бидејќи возат по поевтини цени, за разлика од оние што возат по пазарно утврдени цени. – Граѓаните можат да избираат, да се возат со диви или легални превозници. Буквално врие од нив. Со приватни комбиња секојдневно се вози кон и од Тетово, Куманово, Гостивар, а има и такви што возат подолги релации. Како што Скопје врие од диви таксисти, кои буквално ги празнат џебовите на граѓаните, така и меѓуградскиот превоз е преполн со диви превозници. Возат дури и по повеќе од дваесет денари поевтини цени, што на денешнава ситуација, кога парите се и повеќе од потребни, на многумина им одговара да заштедат – вели Билјана Јовановска од Тетово. Според неа, во сиромаштија никој не ги гледа стандардите. Во вакви услови, како што вели, сите гледаат да заштедат. – Лиценци, законски норми и прописи, сето тоа паѓа во вода во овие услови, кога многумина работат за минимална плата, кога струјата, дрвата и пелетот се поскапени, кога горивото речиси секојдневно поскапува… едноставно такво време дојде, пари се сѐ повеќе потребни, а ги има сѐ помалку – вели таа. [email protected]...

РАКОМЕТ – ЕВРОПСКО ПРВЕНСТВО Франција, Данска и Шпанија се единствените репрезентации што по 1-то коло од втората фаза по групи имаат по четири бода и засега сигурно чекорат кон полуфиналето на Европското првенство (ЕП) во Унгарија и Словачка, во кое се пласираат првите две селекции од двете групи, додека третопласираните ќе играат за петтата позиција. Во групата еден, Франција ја декласира Холандија, со 34-24, додека актуелниот светски првак Данска го совлада Исланд, со 28-24. Црна Гора продолжува со изненадувањата, па сега беше подобра и од Хрватска, со уверливи 32-26. Во групата два, бранителот на европската титула, Шпанија, ја совлада Германија со 29-23, Шведска со ист резултат, 29-23, беше подобра од Русија, додека најмногу голови на ова ЕП во еден меч постигна Норвешка, која славеше со 42-31 против Полска. Засега без бодови во втората фаза во двете групи се Холандија, Хрватска и Полска....

Најголем број заразени со Ковид-19 е регистриран на 20 јануари, кога во рок од 24 часа се идентификувани 3.933.319 случаи Бројот на регистрирани случаи на зараза со коронавирус во светот надмина 340 милиони луѓе, соопшти Светската здравствена организација. Според информациите, Светската здравствена организација добила податоци за вкупно 340.543.962 заразени и 5.570.163 починати лица. Најголем број заразени со Ковид-19 е регистриран на 20 јануари, кога во рок од 24 часа се идентификувани 3.933.319 случаи. Најголем број потврдени случаи има во САД – речиси 68,2 милиони. Следна е Индија со 38,6 милиони случаи, потоа Бразил со 23,4 милиони, Британија со 15,6 милиони и Франција со 15,2 милиони....

Фото: Маја Јаневска-Илиева Изборот падна на Котевски затоа што освен што е човек кој знае ракомет, кој знае да го пренесе знаењето, тој е и еден од ретките тренери што веројатно ги знаат сите македонски играчи во сите лиги, вели претседателката на клубот Металург, Зорица Блажевска РАКОМЕТ Игор Ко­тев­ски (49) е но­ви­от тре­нер на ракометниот клуб Ме­та­лург. Тој доаѓа на местото на Иван Марковски, кој пред неполн месец си замина од Автокоманда. Котевски претходно беше и тренер на Металург 2, а бил тренер и на Бутел Скопје, младинската екипа на Пролет и Голден арт. Котевски има и репрезентативно искуство како играч, беше дел од македонската репрезентација што настапи на своето прво Европско првенство (ЕП) во Италија, во 1998 година, на кое одигра одлично, постигнувајќи 26 гола од 35 удари кон голот, а на дуелите против Русија (5 гола) и Шпанија (6) беше најефикасен во македонските редови. – Игор Котевски започна со тренинзи на првиот тим. Веќе беше дел од Металург, работеше со втората екипа, го знае системот за работа со младите играчи и верувам дека ќе биде успешен и со првата екипа. Изборот падна на Котевски затоа што освен што е човек кој знае ракомет, кој знае да го пренесе знаењето, тој е и еден е од ретките тренери што веројатно ги знаат сите македонски играчи во сите лиги. Знам да го наречам „матица“ на македонски играчи и тоа се поклопува со она што заедно со Миле Бочкаровски сакаме да го направиме за наредната сезона во двете сениорски екипи – вели претседателката на клубот Металург, Зорица Блажевска. Со Котевски се очекува во клубот да дојдат и нови играчи. – Во овој момент нема многу слободни македонски играчи, а ние како клуб сме познати по тоа дека не сакаме да „крадеме“ ракометари од други клубови, туку да преговараме со играчи и управи на клубови за слободни ракометари. Веројатно на две позиции ќе мора да донесеме странци, кои доколку се покажат квалитетни, би ги задржале и за наредната сезона, па на моментниот ростер би додале квалитетни македонски ракометари – потенцира Блажевска. Тимот од Автокоманда е на осмото место на табелата, со 21 бод, четири помалку од Охрид, Тиквеш и Пролет, кои се борат за едно место што води во плејофот. Од регуларниот дел на сезоната остануваат уште шест кола, а потоа се разигрува за титулата и за опстанокот. – Се надевам дека наскоро и финансиската ситуација ќе се подобри и ќе ни оди во прилог на сегашната стабилизација. Останокот во Суперлигата не е доведен во прашање во ниеден момент, излез во Европа оваа сезона не беше во план, со оглед на тоа дека целта е финансиска стабилизација, која одлично започна, но ситуацијата со ковид-19 ја пролонгира – додава Блажевска....

(Photo by Fared Kotb/Anadolu Agency/Getty Images) На Алжир му се повтори истото сценарио како и по првата титула во 1990 година, кога исто така беше елиминиран во 1992 година, уште по првата рунда од Брегот на Слоновата Коска (0-3), кои на крајот и го освоија трофејот ФУДБАЛ – КУП НА НАЦИИ НА АФРИКА Актуелниот шампион на Африка, Алжир, загуби во третото коло во групната фаза, од Брегот на Слоновата Коска (1-3), по што прерано ги заврши натпреварите на 33-то издание на Купот на нациите што се одржува во Камерун (9 јануари – 6 февруари). На Алжир му се повтори истото сценарио како и по освојувањето на првата титула во 1990 година. Алжирците на следниот финален турнир во 1992 година, исто така, беа елиминирани уште по првата рунда натпревари, по поразот од Брегот на Слоновата Коска (0-3), кои на крајот и го освоија трофејот. Еден од најинтересните дуели во осминафиналната нокаут-фаза ќе биде меѓу седумкратниот првак Египет и двократниот Брегот на Слоновата Коска. Во двата тима има повеќе екстра-квалитетни играчи, Мохамед Салах и Мохамед Елнени кај „фараоните“, предводени од селекторот, Португалецот Карлос Киерош, односно Николас Пепе, Вилфрид Заха, Максвел Корне и други во спротивниот табор. Нигерија го потврди статусот како еден од фаворитите, со тоа што е единствената што се квалификува во нокаут-фазата со стоотстотен ефект во групната фаза, со само еден примен гол на трите меча. Нивни ривал утре ќе им биде Тунис. Камерун се надева дека ќе ја искористи домашната предност. „Нескротливите лавови“ се непоразени во главниот град од 1988 година и ќе бидат фаворити за продолжување на тој рекорд во дуелот со Коморите, четвртата најмала земја во Африка, која ја победи Гана (3-2) во последниот натпревар во групата. Сенегал без пораз ја мина групната фаза, но на два меча ремизира, и тоа без голови, а против Зимбабве победи со 1-0. Во нокаут-фазата за првпат од 2012 година е и Габон, откако заврши на второто место во групата Ц, зад Мароко. Но на „пантерите“ ќе им недостига напаѓачот на Арсенал, Пјер-Емерик Обамејанг, кој се врати во својот клуб заради здравствени контроли. Осминафинале, двојки Утре: Буркина Фасо – Габон; Нигерија – Тунис Понеделник: Гвинеја – Гамбија; Камерун – Коморски Острови Вторник: Сенегал – Зеленортски Острови, Мароко – Малави Среда: Брегот на Слоновата Коска – Египет; Мали – Екваторијална Гвинеја...

Кинески истражувачи тврдат дека патентирале индустриски робот што може да ги чита човечките мисли со 96 проценти точност. Роботот составен од сензори за мозокот и рацете, за време на лабораториските тестови, може да реагира речиси веднаш на мислите на испитаниците Истражувачите од универзитетот „Јичанг“ открија дека фабричките работници што работат на подвижната лента не морале да издаваат вербални наредби или да покажуваат намера со гестови кога требало да земат друга алатка или компонента на производот, бидејќи роботот одговорил „речиси веднаш“ и побарал да се постави на работната површина. Ваквите „колаборативни роботи“ или „коботи“ би можеле да го забрзаат производството на производната лента, велат истражувачите. Сепак, нивната примена во практика сè уште е неостварлива бидејќи нивната способност да ги препознаат човечките намери е често неточна и нерамномерна. За да го надмине тоа ограничување, роботот поминал стотици часови на обука. Додека делот што беше прикачен на главата очигледно добро ги толкуваше намерите на работниците со приближно 70 проценти точност, сигналот од мозокот беше слаб. Наводно, работниците морале да бидат „многу фокусирани“ за роботот да добие „јасна порака“. Сепак, повеќето работници честопати беа премногу расеани од други мисли. Електричните сигнали од мускулите што ги собирале сензорите на раката биле „постабилни“, но изгубиле и струја кога работниците се измориле. Сепак, програмерите тврдат дека комбинацијата на мозочни и мускулни сигнали може да му помогне на роботот да го предвиди следниот потег со „невидена прецизност“, дури 96 проценти. Подготвиле: Марјан Велевски; Билјана Здравковска...

Целта на ФИФА е да ги спречи богатите клубови да потпишуваат и да „складираат“ играчи, да го охрабри развојот на младите таленти од матичните академии и да промовира рамнотежа во фудбалот ФУДБАЛ Светската фудбалска федерација (ФИФА) е подготвена да спроведе ограничувања на бројот на играчи што клубовите ќе можат да ги испраќаат и да ги земаат на заем на меѓународно ниво, по двегодишно одложување поради пандемијата на ковид-19. Целта на ФИФА е да ги спречи богатите клубови да потпишуваат и да „складираат“ играчи, да го охрабри развојот на младите таленти во матичните академии и да промовира рамнотежа во фудбалот, пишува агенцијата Асошиејтед прес (АП). Сепак, ограничувањата што треба да стапат во сила во јули имаат ограничен опсег, затоа што се изземени играчите на возраст до 21 година и помлади. Клубовите ќе бидат ограничени на максимум осум играчи дадени и земени на заем во сезоната 2022/2023. Квотите ќе бидат намалени на седум за следната сезона, а потоа на по шест во сезоната што ќе започне на 1 јули 2024 година. Клубовите, исто така, ќе бидат ограничени на заеми на по тројца играчи со партнер(и) од друга земја. Минималниот договор за заем ќе биде меѓу два трансфер-рокови, обично од јануари до јуни-август и обратно, а максималниот до една година. Потпозајмувањето на играч што е веќе даден на заем ќе биде забрането. Во секоја земја-членка на ФИФА, примената и спроведувањето на правилата временски може да се продолжат на период од три години. ФИФА, која на оваа проблематика работи од 2017 година, бара начини за модернизација и за појасни „правила на игра“ на трансфер-пазарот, кој вклучува илјадници зделки и вреди милијарди долари годишно. Во овој сегмент најзагрижувачки е фактот што богатите клубови ги купуваат младите играчи, со тоа го намалуваат фондот на достапни таленти и го контролираат пристапот до нив за помалку богатите ривали....

Русија во петокот побара повлекување на војниците на НАТО од двете членки на алијансата, Бугарија и Романија, за да се смират тензиите околу Украина, а двете земји ги отфрлија, како што рекоа, таквите неприфатливи барања НАТО ги отфрли руските барања за повлекување на силите од Романија и Бугарија, додека продолжуваат дипломатските напори да се спречи војна, откако Русија насобра десетици илјади војници на границите со Украина. -НАТО нема да се откаже од својата способност да се штитиме и браниме едни со други, вклучително и присуството на војниците во источниот дел на Алијансата-рече портпаролката на НАТО Оана Лунгеску. Москва побара обврзувачки гаранции од НАТО дека блокот ќе престане да се шири кон исток и ќе се врати на границите од 1997 година, пишува Ројтерс. Русија во петокот побара повлекување на војниците на НАТО од двете членки на алијансата, Бугарија и Романија, за да се смират тензиите околу Украина, а двете земји ги отфрлија, како што рекоа, таквите неприфатливи барања. На прашањето што ќе значат гаранциите за Бугарија и Романија, кои се приклучија на НАТО во 1997 година, министерството рече дека Русија сака сите војници, оружје и друга воена опрема да се повлечат од двете земји. НАТО ги отфрли барањата, велејќи дека тие ќе создадат земји од прв и втор ред во НАТО, што Алијансата не може да го прифати. -Ја отфрламе секоја идеја за сфери на интерес во Европа. Секогаш ќе одговориме на секое влошување на нашата безбедносна средина, вклучително и преку зајакнување на нашата колективна одбрана. НАТО е буден и продолжува да ја оценува потребата од зајакнување на источниот дел на нашата Алијанса-рече портпаролката. Околу 1.000 американски и 140 италијански војници во ротација се стационирани во Романија, заедно со десетици полски војници. Во вторникот, Букурешт рече дека е подготвен да прими уште американски војници на своја територија. Букурешт ги оцени како неприфатливи барањата на Русија за повлекување на војниците на НАТО во рамки на договорот за деескалација на тензиите во Украина. -Таквото барање е неприфатливо и не може да биде дел од преговорите-соопшти романското министерство за надворешни работи, додавајќи дека таквите изјави се несоодветни и неосновани. Зајакнувањето на военото присуство на Алијансата е одбранбено против сè поагресивното однесување на Русија во регионот, пишува Букурешт, и тоа покрај обидите на НАТО да оствари конструктивен дијалог, Бугарија има договор со САД за распоредување до 5.000 војници во ротација. Бугарскиот премиер Кирил Петков инсистира на суверенитетот на својата земја, која самата избра да влезе во НАТО. -Самите одлучуваме како ќе ја организираме нашата одбрана во соработка со партнерите-рече тој во парламентот, нагласувајќи дека Софија нема да биде членка на втората зона. Во Полска и балтичките земји се распоредени уште околу 5.000 војници на НАТО....

Во Англија има играчи од 100 националности во професионалниот фудбал. Тоа не беше случај пред многу години, а календарот сè уште е ист. Затоа треба да се приспособиме, треба да направиме нешто, вели Инфантино ФУДБАЛ Претседателот на Светската фудбалска федерација (ФИФА), Џани Инфантино, вети дека здравјето и благосостојбата на играчите ќе бидат главен приоритет при преобликувањето на меѓународниот распоред на натпревари. Предлогот на ФИФА за светско првенство (СП) на две години наиде на остри критики лани, поради загриженоста за „прегорување“ на играчите од зголемените напори, објави агенцијата „Франс прес“ (АФП). Инфантино разговараше за ова прашање во Манчестер, каде што престојуваше по покана од Здружението на професионални фудбалери (ПФА) на Англија и се сретна со нивни претставници и некои врвни играчи. На состанокот беа Пол Погба и Хуан Мата од Манчестер јунајтед, извршниот директор на ПФА, Махета Моланго, и шефот за глобален развој на ФИФА, Арсен Венгер. – Ова беше одличен состанок. Среќен сум што играчите ни се обратија нам, особено мене, бидејќи сакаме да ги слушнеме. Играчите се клучни кога е во прашање играта. Се разбира, ние треба да се грижиме за играчите, сакаме да ги заштитиме и треба директно да разговараме со нив. Она што го сакаме е играчите да можат да се претстават најдобро што можат, не само во едно натпреварување туку на сите на кои треба да играат. Тие се соочуваат со истите проблеми, играње натпревари, финални турнири, напорни патувања од еден во друг дел на светот. Треба да направиме подобра координација во календарот на меѓународните натпревари – истакна Инфантино. Првиот човек на ФИФА признава дека играта е значително променета откако е во сила тековниот меѓународен календар, а повеќето фудбалери сега играат далеку од своите земји и потребно им е многу повеќе време за патувања. – Времињата се сменија, дојде глобализацијата. Во Англија имате играчи од 100 националности во професионалниот фудбал. Тоа не беше случај пред многу години, а календарот сè уште е ист. Затоа треба да се приспособиме, треба да направиме нешто – вели тој. Инфантино истакна дека потенцијалната промена на СП на две години не беше главното прашање за кое се дискутираше на состанокот во Манчестер. – Се спомна и тоа прашање. Има различни ставови, но ние не баравме мислење дали сте за, дали сте против. Тоа не беше главната тема – рече Инфантино....

„Голдман Сакс“ неодамна предвиде дека еврозоната ќе расте со побрзо темпо за разлика од САД во 2022 година, проектирајќи стапка од 4,4 отсто за валутната зона на Европската Унија и само 3,5 отсто за американскиот БДП. Иако допрва годинава ќе се види кој ќе го надмине економскиот раст, сепак постојат и други показатели што веќе ги прикажуваат растечката економска моќ и меѓународната важност на еврозоната. Вредноста на светските платежни трансакции во евра речиси се доближува до онаа на доларот, како што покажуваат податоците од меѓународната платежна мрежа СВИФТ. Јазот меѓу двете валути на светската сцена стана значително помал од почетокот на пандемијата на коронавирусот. Можните причини за ова ги вклучуваат координираните напори на Европската Унија (ЕУ) да ја поддржи својата економија во актуелната криза и нејзината континуирана фискална политика со нула камата. Во меѓувреме, вербата во американската економија и раст е несигурна, според „Си-ен-би-си“, бидејќи продолжува неизвесноста околу економскиот пакет за поддршка на американскиот претседател Џо Бајден. Гледајќи стриктно на плаќањата помеѓу двата актера од различни валутни зони, со тоа исклучувајќи ги меѓународните плаќања меѓу различни земји од еврозоната, доларот сè уште ја задржува предноста како светска трговска валута. Јазот во однос на еврото беше на околу три процентни поени од вредноста на трансакциите во ноември 2021 година. Сепак, економистите беа изненадени од општиот меѓународен успех на еврото како втор силен играч откако доларот долго време се сметаше за единствена меѓународна трговска валута. Подготвиле: Марјан Велевски; Билјана Здравковска...

Со новите мерки, таканаречениот полициски час, односно забраната за движење, наместо од полноќ, од денеска ќе трае од 22 до пет часот наутро По наглото зголемување на бројот на заболени од ковид-19, косовската влада синоќа донесе нови мерки за спречување на ширењето на пандемијата, според кои, меѓу другото, од денеска за влез во државата е потребно да се приложи потврда за примени три дози вакцини, или две вакцини и негативен ПЦР тест, не постар од 48 часа. Од обврската за приложување сертификати за вакцинација при влез во Косово се ослободени лицата кои патуваат транзитно, странските дипломати, децата до 12-годишна возраст и лицата кои имаат лекарска потврда дека се ослободени од вакцинација. Косовските државјани кои немаат примено две вакцини, по враќањето во земјата ќе треба да подлегнат на седумдневен карантин во своите домови. На сите вработени во јавните институции ќе им се бара сертификат за примени најмалку две дози. Со новите мерки, таканаречениот полициски час, односно забраната за движење, наместо од полноќ, од денеска ќе трае од 22 до пет часот наутро. Се скратува и работното време на угостителските објекти, кои, наместо до 23 часот како досега, ќе можат да работат до 21 часот, со тоа што музиката е дозволена до 20.30 часот. Забранета е работата на ноќните клубови и организирањето фестивали, концерти, свадби и веридби, додека на погребни церемонии е дозволено присуство само на најблиските роднини. Одлуката, која стапува во сила денеска, е со важност до 4 февруари. Во образложението за новите мерки Владата се повикува на најновата епидемиолошка ситуација, по порастот на случаите со ковид-19. Иако според Институтот за јавно здравство на Косово ситуацијата се смета за стабилна, сепак се вели дека опасноста останува, поради доминацијата на варијантата омикрон на вирусот. Последните денови во Косово имаше нагло зголемување на дневните бројки на заразени, така што само во петокот беа регистрирани 2.943 нови случаи, односно речиси 25 отсто од тестираните. Официјалната бројка на активни заболени во земјата, од околу 700, колку што изнесуваше пред две недели, вчера достигна до 12.396, додека медицинските експерти очекуваат задржување на негативниот тренд и во наредниот период....

Напаѓачките можности и новите тактички апликации во голема мера ќе бидат надградени поради отсуството на екипаж, во новите тенкови ќе може да се интегрираат многу технологии за тешко вооружување во полесен и брз систем за лесна употреба и со помала тежина, пишува Крис Озборн за „Нешенел интерест“ Американската армија го подготвува роботизираното борбено возило (РЦВ-М) тешко 15 тона за идни војувања. Армијата моментално ги проценува неговите перформанси со разни технологии, кои ќе вклучуваат автоматски топови од 30 мм, квалитетни сензори, напаѓачки дронови, противтенковски проектили, опција за димна завеса и електронско војување. Напаѓачките капацитети и новите тактички апликации се значително зголемени поради тоа што возилото нема екипаж и има простор да се интегрираат многу технологии во полесен и брз систем со помала тежина. Генерал-мајор Рос Кофман, кој е директор на интерфункционалниот тим за борбени системи од новата генерација на Командата за модернизација на американската армија, објасни дека службата сега ги усовршува барањата и го тестира прототипот „РЦВ-Мс“ и планира уште една интензивна низа на процени во Форт Худ, Тексас, следната година. Некои од индустриските партнери на армијата ги вклучуваат „Текстрон“, „Кинетик“ и „Џенерал дајнамикс ленд системс“. Без потреба да работи со тежок оклоп за да се заштити екипажот, роботизираниот вооружен тенк може да интегрира широка сфера на технологии за да вклучи напредни компјутери, електроника, опрема за команда и контрола со повеќе домени и широк опсег на оружје. Ваквите тенкови може да работат како експедициски платформи за истурен напад, за тестирање или упад во непријателските механизирани сили, а исто така можат да извршуваат мисии за надзор со висок ризик под непријателски оган или да се спроведат здружена акција со авиони или со дронови како дел од копнено-воздушните операции. Некои од тенковите може да пукаат со автоматски топови од 30 мм или од 50 мм, со противтенковски ракетен систем или да лоцираат цели за прецизен воздушен напад. Како што се тестираат новите технологии, американската армија предвидува дека ќе продолжи да ги усовршува концептите за операции. Со воведувањето различни иновации, армијата ќе продолжи да прави процени, бидејќи автоматските топови од 30 мм и од 50 мм на револуционерните тенкови отвораат нови простори за високите армиски лидери да носат одлуки што дефинитивно ќе ги променат геометријата и смртоносноста на овие нови оружја....

До крајот на јануари, во Русија треба да започне пилот-проектот за воведување дигитална рубља, што ја рангира меѓу првите земји во светот што почнаа да воведуваат дигитална национална валута До крајот на јануари, во Русија треба да започне пилот-проектот за воведување дигитална рубља, што ја рангира меѓу првите земји во светот што почнаа да воведуваат дигитална национална валута. Економистот Бранко Живановиќ смета дека е природно што, како и во геополитичка смисла, Русија е проактивна на полето на економијата и финансиите. Дигитализацијата ќе ја направи рубљата многу подостапна за државите и поединците што сакаат да ја користат во меѓународни инвестиции и плаќања, изјави за „Спутник“ овој професор по банкарство на белградската банкарска академија. Како ќе функционира дигиталната рубља Според руските финансиски аналитичари, дигиталната рубља ќе биде апсолутно еднаква на деноминацијата на хартијата или она што е на нечија банкарска картичка. Тоа е, практично, друга форма на пари кога ги издава и Централната банка, освен што наместо печатени дигитални пари, тие ќе имаат виртуелен код. Дигиталната валута ќе постои во форма на дигитални записи, кои ќе имаат форма на единствени дигитални кодови и на тој начин ќе претставуваат електронски средства, кои ќе се чуваат во електронски паричници. Трансакциите ќе се вршат на тој начин што дигиталните кодови ќе се префрлаат од еден на друг електронски паричник. Дигиталните шифри би ги издавала Централната банка на Русија, како што е случајот со банкнотите од рубљата што имаат серија и свој број. Исто така, дигиталната рубља би комбинирала елементи на готовина и „безготовина“ во формат на онлајн плаќања. Предности на дигиталната валута Дигитализацијата на книжните пари е природен процес и нема логика парите да бидат хартија во дигиталната ера, посочува Живановиќ, кој смета дека тоа треба да се очекува и во Србија во скоро време. „Во споредба со традиционалните пари, дигиталната валута на централните банки ќе донесе поголема удобност и ефикасност при плаќањето. Тоа ќе ги намали трошоците за манипулирање и складирање на кешот. Значително ќе го зголеми степенот на централизација на платните трансакции, а колку е поцентрализиран системот, толку поефикасни се процедурите, инстант увид, недостиг од приватност и зголемена контрола. Централизираните државни пари ќе бидат во единствена база на податоци“, објаснува нашиот соговорник. Тој особено посочува дека дигиталната национална валута не треба да се меша со криптовалутата, иако на прв поглед звучи слично. Како што објаснува тој, меѓу нив има голема разлика бидејќи криптовалутите се децентрализирани, правно нејасни и хипериспарливи, односно нивната вредност многу лесно подлежи на големи промени. Државни дигитални пари наспроти криптовалути „За разлика од нив, дигиталната валута на централната банка од самиот почеток ќе биде пари пар екселанс – законско средство за плаќање со полн капацитет, централизирани државни дигитални пари, употребливи за секоја трансакција, со предвидлива и стабилна вредност“, подвлече Живановиќ. Истовремено, тој посочува дека треба да се земат предвид некои несовршености на дигиталната национална валута. „На пример, може инстант да бидете банирани, автоматски да ви се одземат средствата, постојано да бидете следени во трошењето пари, да бидете принудени да ги чувате парите во банка со негативна каматна стапка бидејќи нема повеќе ’чување пари во душек‘. Потоа, централизираните државни пари во единствената база на податоци се поподложни на хакирање и можат да бидат хакирани на ист начин како ’мастер‘ или ’виза‘“, истакна професорот по банкарство. Дополнително, Живановиќ посочува дека дигиталната валута ќе има негативни последици по работењето на комерцијалните банки, одземајќи им го нивниот удел на пазарот. Во конзервативен формат, централните банки не работеа директно со граѓаните. Да речеме дека тие повеќе личеа на некаква големопродажба, која работеше само со малопродажба – комерцијалните банки, а деловните банки со граѓаните. Со воведувањето на дигиталната валута овие работи се менуваат, централните банки почнуваат да работат директно со граѓаните. Тоа секако ќе ја чини комерцијално-банкарската индустрија, намалувајќи го нејзиното влијание како посредник, вели Живановиќ, доближувајќи нè до начинот на кој функционира дигиталната валута. До крајот на деценијата Тој смета дека етапниот пристап што Русија ќе го примени во пилот-проектот за воведување дигитална рубља е одговорен и единствен логичен пристап. Првата фаза ќе ги опфати кредитните организации и спроведените операции поврзани со потрошувачите. Втората фаза на тестирање ќе биде поврзување на Сојузниот трезор и имплементација на функционалноста на „паметните“ договори, како и трансакции на потрошувачите со бизнисот, бизнисот со бизнисот и бизнисот со државата. Во третата фаза, Централната банка на Русија има намера да вклучи финансиски посредници, финансиска инфраструктура – берзи, брокери, осигурителни компании, како и да го спроведе онлајн режимот и да обезбеди размена на дигитални рубљи за девизи. „Природно е дека, како и во геополитиката, таа дејствува проактивно на полето на економијата и финансиите и дека со дигитализирање на рубљата, ја прави далеку подостапна за државите и поединците што сакаат да ја користат во меѓународни инвестиции и плаќања. Реално е дека Русија, во чекор со Кина, САД, ЕУ, Шведска и Јапонија, кои најверојатно први ќе го завршат овој процес, фаза по фаза, во наредните години, ќе го заврши овој процес до крајот на декадата“, заклучи Живановиќ. Тој смета дека руските регулатори внимателно ќе го спроведуваат проектот во текот на секоја фаза, бидејќи освен желбата новата рубља да ги задоволи потребите на корисниците, во исто време треба да го подобри и спречувањето незаконски активности, како што е перење пари, и да се избегне негативно влијание врз финансиската стабилност и монетарната политика. Според нашиот соговорник, дигиталната рубља, секако, ќе донесе поголема удобност при плаќањето на граѓаните на Русија. Пилот-проект Пилот-проектот за воведување дигитална рубља го најави Централната банка на Русија, а како што прецизираше заменик-гувернерката на таа банка, Олга Скоробогатова, првата фаза ќе опфати 12 избрани банки во кои дигиталната рубља експериментално ќе биде пуштена во оптек. На крајот на минатата година беше креирана платформа што овозможува трансакции со дигитална валута. Оцената на финансиските аналитичари е дека воведувањето на дигиталната рубља е неопходно доколку Русија не сака да заостане во економската трка. Кина делумно го воведе дигиталниот јуан, Јужна Кореја го заврши својот пилот-проект на дигиталната национална валута, на тој пат се и некои европски земји како Шведска и Обединетото Кралство, како и САД. Тие го гледаат развојот на дигиталните валути како начин за модернизација на сопствените финансиски системи, што ќе придонесе за забрзување на домашните и на меѓународните трансакции. Студијата на Банката за меѓународни порамнувања покажа дека централните банки на земјите со една петтина од светската популација, најверојатно, ќе издаваат свои дигитални валути во следните три години. Живановиќ вели дека според истражувањето на банката во Базел, 86 отсто од централните банки во моментов го испитуваат потенцијалот на дигиталната валута, 60 отсто експериментираат со технологија за нејзина примена, а 14 отсто спроведуваат пилот-проекти....