Данскиот тенисер Холгер Руне ја освои титулата на турнирот од серијата 500 во Барселона. Руне стигна до петтиот трофеј во кариерата откако во финалето го совлада Карлос Алкараз со 7:6 (6), 6:2. Алкараз, победникот во 2022 и 2023 година, го мачеше и повреда на мускулот на десната нога, поради која не можеше да биде на ниво, особено во вториот сет. Првиот сет беше драматичен, Руне најпрво ја надополни негативата од брејк, а потоа пропушти две сет-токи, пред да го материјализира петтата во тај-брејкот. Алкараз побара медицински тајм-аут во средината на вториот сет, Руне потоа направи брејк, па уште еден и ги реши дилемите околу победникот. Алкараз се држеше до крајот, но практично статираше на теренот. По овој пораз Алкараз од утре ќе падне на втората позиција на АТП листата....

Возачот на Мекларен, Оскар Пјастри, триумфираше на Големата награда на Саудиска Арабија, петта трка од овогодинешниот шампионат во Формула 1. Австралиецот ја извојува втората победа по ред на улиците на Џеда, откако победи во Бахреин пред една недела, а трета сезонава. Најблиску до Пјастри беше Макс Ферстапен во болидот на Ред Бул, кој заостана речиси три секунди, додека возачот на Ферари, Шарл Леклер се најде на третото скалило на подиумот. До трката во Џеда, лидерот во генералниот поредок Ландо Норис успеа да се пробие до четвртата позиција откако стартуваше од 10. место, бидејќи во саботата направи голема грешка во квалификациите. Пјастри на стартот го мина Ферстапен, кој со прекршок се врати на првото место, но не ја врати позицијата. Набргу потоа, трката беше забавена поради излегувањето на безбедносното возило на патеката, а управата на трката го казни Верстапен со додавање пет секунди бидејќи стекна неправедна предност, што го чинеше испад од борбата за триумф. Покрај победата на Пјастри, петтата трка сезонава ја одбележа и инцидент на самиот старт, но и неколку маестрални претекнувања. Инцидентот што доведе до излез на безбедносното возило на патеката петта година по ред се случи помеѓу Јуки Цунода во болидот на Ред Бул и возачот на Алпин, Пјер Гасли. Болидот на Французинот беше смачкан по контактот, додека Цунода ја продолжи трката, но многу брзо се повлече во боксот. По грешката во квалификациите, Норис имаше поинаква стратегија во споредба со повеќето возачи, бидејќи стартуваше со тврди гуми и го извлече максимумот од тоа. Слично направи и Шарл Леклер, кој извлече максимум од средно тврдите пенвматици, а кога се префрли на тврди лесно го мина Џорџ Расел. Расел заврши петти, 18 секунди зад Леклер и седум и пол пред Кими Антонели. Бодови освоија и Луис Хамилтон, Карлос Саинц јуниор и Алекс Албон, како и Исак Хајар од Расинг Булс. По новиот триумф, Пјастри го презеде водството во генералниот поредок со 99 бодови, Норис е втор со 10 помалку, додека заостанувањето на Ферстапен во однос на Австралиецот е 12 бода. Овогодинешниот шампионат во Формула 1 продолжува со Големата награда на Мајами од 2 до 4 мај....

Фудбалерите на Болоња го победија Интер (1:0) во 33.коло во Серија А. На овој расплет најмногу се радува Наполи, кој сега има ист број бодови како „нероаѕурите“, со подобра гол-разлика тимот од Милано, бидејќи скорот меѓу нив е изедначен. Уморен од Лигата на шампионите, Интер потклекна во четвртата, последна минута од судиското надополнување. Рикардо Орсолини акробатски ја зафати топката со левата нога по центаршут и го совлада Јан Сомер. Болоња освои важни бодови на „Ренато Дал’Ара“ против актуелниот шампион и моментално е четврта со 60 бодови, што е бод повеќе од Јувентус, кој допрва треба да гостува во Парма во понеделник. Во следното коло Интер ја пречекува Рома, додека Болоња ќе гостува кај Удинезе....

Челси на „Крајвен Котиџ“, во финишот успеа да го совлада Фулам со 2.1 и да остане во трката за пласман во Лигата на шампионите. Фулам поведе во 20 минута кога Алекс Ивоби на асистенција на Рајан Сесењон го совлада голманот на Челзи. И пред тоа Фулам постигна гол, но истиот беше поништен бидејќи Андреас Переира беше во офсајд. Фулам предноста ја чуваше до 84. минута, кога Тајрик Џорџ со деби голот за Челси го изедначи резултатот. Голот на Педро Нето во 94. минута му донесе победа на Челзи. Португалецот одлично се снајде и со перфектен удар ја „скина“ мрежата. По оваа победа, Челзи скокна на петтото место, кое носи пласман во Лигата на шампионите, додека Фулам е на деветтото место со девет бода помалку од соседите од Лондон. Фудбалерите на Манчестер Јунајтед немаа концентрација и сила да пружат идентичен отпор на натпреварот против Вулверхемптон по епскиот пресврт против Лион во Лигата на Европа. „Волците“ ја искористија анемичната домашна екипа и успеаја да си заминат од Олд Трафорд со сите три бода. Херој на тимот на Витор Переира беше Пабло Сарабија, кој од слободен удар во 77. минута од натпреварот го совлада Андреа Онана. Вулверхемптон е во невидена резултатска серија, ова беше дури петти триумф во низа и со тоа се изедначија во поредокот со „црвените ѓаволи“ на 14. место со 38 бодови. Можност за продолжување на оваа серија ќе имаат во следното коло кога ривал ќе им биде веќе оплаканиот Лестер. Леандро Тросар го предводеше Арсенал до победа. „Топџиите“ славеа кај Ипсвич со 4:0 Белгиецот го отвори резултатот во 14.минута, потоа погоди Мартинели.Во вториот дел од натпреварот видовме уште еден гол на Тросар, а конечниот резултат го постави Нванери....

Фудбалерите на Наполи синоќа ја победија Монца на гостински терен со 1:0 во 33. коло од Серија А и со 71 бод се изедначија со Интер на првото место на табелата, иако Интер има натпревар помалку а тоа е вечерашното тешко гостување во Болоња. Наполитанците во преостанатите пет кола имаат многу полесен распоред од бранителот на титулата, а треба да се напомене и дека Интер ќе биде оптоварен со полуфиналето од Лигата на шампионите против Барселона и полуфиналето од Купот на Италија против Милан. Наполи, пак, до крајот на сезоната има само натпревари во Серија А. Тренерот на Наполи, Антонио Конте синоќа одржа бурна прес-конференција по тешкиот триумф во Монца, а од неговиот говор се чини дека „не му цветаат рози“ на „Марадона“ и покрај одличните резултати. „Јас имам одговорност и вие, медиумите, први го потенциравте тоа со зборовите дека ако Конте е на клупата, тимот мора да победи. Бидејќи тоа ми го припишавте мене, не сакам да ги изневерам навивачите. Не можам да се потпрам на чуда наместо на план. Го почитувам и го ценам претседателот на Наполи (Аурелио де Лаурентис) Навивачите на Наполи имаат високи стандарди ако не победат, се лутат“, рече Конте и додаде: „Морам да одмерам сè, и не сум будала. Направив голем притисок врз себе, но ми треба вистинско оружје за да се борам. Во спротивно, тоа е масакр и не сакам да ме исечат. Ќе седнам на преговарачка маса со претседателот, а потоа ќе видиме. Ќе имаме приходи од квалификациите за Лигата на шампиони, ни помогна и трансферот на Кварацхелија, но сега искрено ќе разговарам со претседателот. Дадов се од себе, со камата. Сега сакаме да победиме заедно со момците кои напорно работат“. „Имам добар однос со Де Лаурентис, но исто така ми треба почит. Морам да се заштитам себеси, инаку сето ова ќе биде само убаво, но завршено патување. Тука сум за навивачите на Наполи и за себе. Нема да правам будала од себе и да ги оставам да ме тепаат. Мора да продолжиме да веруваме и се надевам дека ќе имаме и малку среќа. Од јануари среќата не беше на наша страна. Веруваме во нашите можности. Играчите се одлични во тешки ситуации и ние градиме силни темели преку тие предизвици“....

Тренерот на Селта, Клаудио Хиралдез изјави дека навивачите на Барселона на расна основа го навредувале фудбалерот на неговиот тим Илајш Мориба за време на натпреварот во шпанското првенство. Хиралдес рече дека 22-годишниот Мориба, по потекло од Гвинеја, бил расно навредуван кога бил заменет во финишот од натпреварот, кој Барселона го доби со 4:3 на домашен терен. „Жално е што ова се случува и денес во фудбалот“, изјави Хиралдес на новинарите. Мориба помина низ фудбалската школа на Барселона пред да стигне до првиот тим. Тој потпиша за Лајпциг во 2021 година, откако германскиот клуб му понуди подобар договор и оттогаш имаше позајмици во шпанската лига за Валенсија, Хетафе и Селта. Шпанскиот фудбал има многу проблеми со расизмот, бидејќи често има инциденти каде некои навивачи ги навредуваат фудбалерите со темна кожа....

Поранешниот шпански напаѓач на Реал Мадрид, Ливерпул, Монако и Валенсија, Фернандо Мориентес (49) доживеа белодробна емболија поради формирање на тромб – последица на претераното седење и честите патувања со авион и автомобил. Поранешниот репрезентативец на Шпанија ја сподели својата приказна во програмата „Tiempo de Juego“ на „COPE Radio“ за да ја предупреди јавноста за можните опасности: „Се враќав од Уелва во Мадрид, ме болеше градниот кош, имав остра болка под градната коска. Мислев дека е нешто со желудникот и не отидов во болница. Подоцна почувствував нешто друго и решив да одам на лекар. Прегледот откри високо ниво на срцеви ензими, што веднаш го зголеми сомнежот за проблеми со срцето, имав белодробна емболија“, рече Мориентес. Тој нагласи дека тромбот настанал од долго седење. „Тоа е згрутчување кое се формира зад коленото, од долго седење во авион или автомобил. Да знаев, порано ќе земав хепарин. Згрутчувањето отиде во белите дробови, затоа ме болеше. Поминав пет дена во болница. Можев да умрам”, признал Мориентес. Напомена дека не пие и не пуши, но тоа не е гаранција кога се работи за тромбоемболија, особено кај луѓето кои често патуваат....

Фото/ facebook.com/KFGGostivari Натпреварот меѓу Струга и Гостивар одигран во рамките на 28. коло во Првата македонска фудбалска лига (ПМФЛ) имал и „трето полувреме“. По нерешените 1:1 дојде до инцидент меѓу играчите на двата тима, поради што интервенираше и полицијата. Фудбалскиот клуб Гостивар во неделата доцна навечер соопшти дека полицијата во Струга привела тројца нивни фудбалери и еден член на стручниот штаб. „Тројца наши фудбалери и еден член на стручниот штаб се приведени во полициската станица во Струга и пет часа беа на распит. Не смеат да контактираат ниту со соиграчите, ниту со нивните роднини. Раководството и нашиот спортски директор со часови чекаат пред станицата со надеж дека ќе добијат каква било информација“, се вели во соопштението на ФК Гостивар. Натпреварот заврши со резултат 1:1, но тензиите ескалираа дури по неговото завршување. Се очекува Фудбалската федерација на Македонија и надлежните институции да реагираат и да поведат постапка за расветлување на околностите на инцидентот....

Напаѓачот на Барселона Роберт Левандовски се повреди на натпреварот од 32. коло на шпанското првенство против Селта (4:3) и според првите проценки ќе мора да паузира извесно време. Искусниот Полјак мораше да го напушти теренот, а првите извештаи од соблекувалната не се охрабрувачки. Според информациите на шпанскиот весник „Ас“, во Барселона постои оправдан страв дека се работи за повреда на задната ложа, потенцијално кинење на мускулот, што би значело пауза од најмалку три недели. Доколку оваа информација е точна тоа знечи дека Левандовски ќе го пропушти финалето во Купот на Шпанија, против Реал (26 април), но и полуфиналните натпревари против Интер во Лигата на шампионите (30 април и 6 мај). 36-годишниот напаѓач игра одлично оваа сезона, на 31 првенствен натпревар постигна 25 гола и додаде две асистенции....

Како што стојат работите, Виктор Осимен конечно ќе се пресели во Манчестер Јунајтед. Осимене сезонава е позајмен во Галтасарај, а неколку сезони се поврзува со трансфер на „Олд Трафорд“. Минатото лето нигерискиот репрезентативец не успеа да реализира бројни потенцијални трансфери, меѓу другите во Ал-Итихад и Челзи, но сега е извесно дека сепак ќе игра во Премиер лигата. Сердар Али Челиклер, новинар на турски „НЕО Спорт“, тврди дека Осимен веќе постигнал договор со Манчестер Јунајтед, но се уште нема договор меѓу клубовите. На таа информација се надоврзаа и некои други медиуми, а „Африкафут“ соопшти дека договорот е веќе потпишан, и тоа на пет години. Се очекува за Осимен „црвените ѓаволи“ да платат околу 80 милиони евра. Дваесет и шестгодишниот Осимен професионалната кариера ја започна во Волфсбург во 2017 година, а играше и во Шарлроа, Лил и Наполи. Сезонава одигра 34 натпревари за Галатасарај и постигна 29 гола, со шест асистенции....

Кошаркарите на Минесота со бреј во Лос Анџелес ја започнаа четвртфиналната серија против Лејкерси. „Шумските волци“ го добија првиот меч убедливо со 117:95. Џејден МекДаниелс го предводеше победничкиот тим со 25 поени и девет скока. Назр Рид додаде 23 со пет украдени топки, а Ентони Едвардс постигна 22 поени, осум скока и девет асистенции. Кај Лејкерси Лука Дончиќ постигна 37 поени (11/22) и имаше осум скока. Леброн Џејмс додаде 18, а Остин Ривс 16 поени. Лошата втора и влезот во третата четвртина ги чинеше пораз „езерџиите“ кои беа подобриот тим во воведните 12 минути. Сепак, на пауза заминаа со негатива од 11 поени и нивните маки не завршија тука. По враќањето од соблекувалната, Тимбервулфс тргнаа во серија од 11:0 и дојдоа до предност од 22 поени и го решија натпревар. Новиот судир меѓу двата тима е закажан на истото место во Калифорнија во текот на два дена. НБА, плеј-оф Индијана Пејсерс – Милвоки Бакс 117:98 Денвер Нагетс – Лос Анџелес Клиперс 112:110 Њујорк Никс – Детроит Пистонс 123:112 Лос Анџелес Лејкерс – Минесота Тимбервулфс 95:117 19:00 Оклахома Сити Тандер – Мемис Гризлис 21.30 Бостон Селтикс – Орландо Меџик...

Денвер Нагетс го добија првиот натпревар од четвртфиналната серија против ЛА Клиперс. Во „Бол Арена“, Нагетс славеа во дополнителните пет минути откако во регуларниот натпреварот заврши 98:98. Денвер буквално им ја украде побеата на Клиперс, кои го контролираа натпреварот се до последната четвртина. Клиперси во вториот период ја имаа и најголемата предност од 15 секунди. Во последниот период кога се „разбудија“ Мареј и Вестбрук, Денвер го стигна и престигна противникот. Вестбрук на 23 секунди до крајот погоди тројка за предност на Денвер 98:96, во наредниот напад поентираше Харден, а последниот напад на Денвер заврши несупешно. Во продлженијата клучна беше тројката на Браун на 23 секунди до крајот, а потоа и украдената топка на Вестбрук. Потоа Јокиќ од линијата за слободни фрлања стави точка на натпреварот. Јокиќ го предводеше Денвер со 29 поени, девет скока, 13 асистенции и три украдени топки. Гордон забележа 25 поени и осум скока, Мареј 21 поен, девет скока и седум асистенции, а Вестбрук 15 поени, осум скока и три асистенции. Кај Клиперси блескаше Харден со 32 поени, пет скока и 11 асистенции, Ленард забележа 22 поени, шест скока, две асистенции, мо имаше и шест загубени топки, а Ивица Зубац мечот го заврши со 21 поен и 13 скокови....

На стадионот „Ан дер Алтен Форстереј“ во Берлин вечерва се одигра најефикасното полувреме во тековната сезона во германската Бундеслига. Дури осум гола беа постигнати за 45 минути од дуелот меѓу Унион Берлин и Штутгарт. Головите за Унион ги постигнаа Илиќ во петтата и 45+6 минута, Леите во 19. минута и Куерфилд во 38. минута. Штутгарт беше подеднакво ефикасен и голови постигнуваше преку Ундав во 23., Мило во 29. Шабо во 43. и Фуриќ во првата минута од судиското надополнување. Сепак, во вториот дел двете екипи се „загаснаа“ и до крајот мрежите меруваа, а резултатот остана 4:4. Унион Берлин има 35 бодови и останува на 13. позиција, додека „Швабите“ се на 11. место со 41 бод....

Во последниот саботен натпревар од 33. коло на Премиер лигата, Астон Вила забележа убедлива победа против Њукасл. Избраниците на Унаи Емери славеа со 4:1 (1:1). Вила поведе по само 34 секунди игра, кога Оли Воткинс го матира Ник Поуп. Во следните минути се редеа шансите на домашните, а откако не успеаја да ја зголемат предноста, казната ги стигна во 18. минута. Харви Барнс нафрли прецизно, а Фабијан Шер од непосредна близина лесно ја испрати топката во мрежата. Оли Воткинс имаше неколку прилики до крајот на полувремето, а Њукасл се закани преку Сандро Тонали, но резултатот остана 1:1. Во вториот дел Астон Вила целосно се награди за добрата игра. Во 64. минута Матсен на асистенција на Воткисн го постигна вториот гол за Вила, десет минути подоцна автогол си постигна Ден Брн, а во 75. минута убав го постигна Онана 4:1. Њукасл останува на третото место на табелата со 59 бодови, а Астон Вила сега е шеста со 57....

Возачот на Ред Бул, Макс Ферстапен, ја освои пол-позицијата пред Големата награда на Саудиска Арабија, петта трка од овогодинешниот шампионат во Формула 1. Холанѓанецот ја оствари својата втора квалификациска победа сезонава, во борбата за пол-позицијата низ улиците на Џеда го победи со круг од 1:27.294. Четирикратниот шампион за само 10 илјадити делови од секундата беше побрз од Оскар Пјастри во Мекларен. Најблиску до мив двајцата беше возачот на Мерцедес, Џорџ Расел, кој заостана десетинка зад Австралиецот. До Расел трката ќе ја започне Шарл Леклер (Ферари), а следуваат Карлос Саинц (Вилијамс) и Луис Хамилтон (Ферари. Меѓу најдобрите 10 пласман на стартото изборија Јуки Цунода (Ред Бул) у Пјер Гасли (Алпин). Квалификациите беа одбележани и со најголемата грешка на Ландо Норис оваа сезона. Возачот на Мекларен помина преку работ и удри во заштитната ограда и на тој начин предизвика застој. Лидерот во генералниот пласман, инцидентото го предизвика на почетокот на третата квалификациска сесија, поради што ќе стартува од 10-тото место на петтата трка во сезоната. Трката за Големата награда на Саудиска Арабија в недела ќе започне во 19 часот....

Искусниот стопер на Интер, Стефан де Фрај (33) и следната сезона ќе настапува за клубот од Милано. Ова го потврди и неговиот менаџер Федерико Пасторело. „Стефан долго време е во Интер, среќен е и што е најважно игра. Иако конкуренцијата е жестока за сите, во календарот има доволно простор, се играат 60 натпревари секоја година“, изјави Пасторело и додаде: „Нема дискусија, Де Фрај ќе остане во Интер барем уште една година. Потоа ќе видиме што ќе се случи“, изјави Пасторело. Де Фрај е во Интер од летото 2018 година, кога како слободен играч пристигна од Лацио. Неговиот актуелен договор е до 30 јуни, а јасно е дека ќе биде продолжен за уште една година. Интер оваа сезона е во игра за освојување на таканаречената „триплета“. Тој е лидер во Серија А на крајот од првенството, во полуфиналето од Лигата на шампионите ќе се соочи со Барселона, додека во полуфиналето од Купот на Италија ќе ги одмери силите против градскиот ривал Милан. Првата средба заврши со резултат 1:1....

Фото/makfudbal. mk Натпреварот меѓу Воска и Вардар, во 28.коло во Првата македонска фудбалска лига, не го доживеа својот крај. Домашниот тим во 75.минута го напупти теренот, револтирани од одлуката на судијата да го признае голот на Дурански во 71.минута. „Воска Спорт го изразува својот револт, информирајќи ја Фудбалската федерација на Македонија (ФФМ) за спорните судиски одлуки на последниот натпревар меѓу нашата екипа и Вардар. Од првата минута од натпреварот нашите играчи не беа рамноправни на теренот со противниците поради низата неправедни судиски одлуки кои значително се одразија на текот на играта и исходот на натпреварот. Судиите постојано носеа сомнителни одлуки, што доведе не само до нефер игра, туку и до серија неосновани опомени и казни кон нашите играчи. За жал, поради овие сериозни неправди, во 76. минута нашиот тим беше принуден да се повлече од игра. Сметаме дека ова беше единствената можна одлука да ги заштитиме правата на нашите играчи и да спречиме понатамошно нарушување на спортскиот интегритет. Во оваа насока бараме од ФФМ да ги разгледа спорните одлуки на судиите и да преземе мерки за спречување на вакви ситуации во иднина. Се надеваме дека ќе се спроведе детална истрага за судиските одлуки и ќе се обезбеди фер и рамноправна игра за сите екипи. Очекувајќи го вашиот одговор и дополнителни инструкции, ви благодариме за разбирањето. Со почит, Воска спорт“ Јасно е дека Вардар ќе го добие натпреварот со службени 3:0, а Воска покрај поразот ќе се соочи и со други снакции за напуштањето на теренот....

Фудбалерите на Манчестер Сити го совладаа Евертон со 2:0 (0:0) во натпреварот од 33.коло на англиската Премиер лига. „Граѓаните“ забележаа исклучително важена победа на „Гудисон“ во борбата за пласман во Лигата на шампионите. Во 84. минута младиот Нико О’Рајли го прекина мачењето на Сити, а осум минути подцна Матео Ковачиќ го постави конечниот резултат. Сити сега има 58 бода на четвртата позиција, со бод и меч повеќе од Нотингем Форест, кој во понеделник гостува кај Тотенхем. Евертон остана на 13. позиција со 38 освоени бодови. Ефикасен натпревар одиграа Брентфорд и Брајтон, победи домаќинот со 4:2. Херој на домашниот тим беше Мбуемо, кој ги постигна првите два гола за црвено-белите, во 9. и 48. минута. Дени Велбек постигна гол за израмнување (1:1) во третата минута од дополнителното време, но потоа Брентфорд ги остави ривалите „во прашина“ во вториот дел. По вториот гол на Мбуема, Жоан Виза зголеми на 3:1 во 58. минута и практично тогаш го реши натпреварот. Вториот гол за „галебите“ го постигна Каору Митома во 81. минута, но конечниот резултат во судиското надополнување го постави Норгард за конечни 4:2. Вест Хем не успеа да го совлада испаднатиот Саутемптон Вест Хем поведе против во 47. минута со голот на Џерод Боуен и минималниот резултат важеше до 93. минута. Потоа Угочукву погоди за 1:1 и само 11. бод на „светците“ сезонава. Во истиот термин Кристал Палас и Бурнемут одиграа натпревар без голови, а домаќините целото второ полувреме го одиграа со играч помалку поради исклучувањето на Ричардс....

Фудбалерите на Барселона ја совладаа Селта со 4:3 во натпреварот од 32.коло на Ла Лига. Иако губеа со 3:1 во 62. минута, Каталонците успеаја да ги освојат бодовите на „Монтжуик“. Голот на Феран Торес и донесе водство на Барселона во 12. минута, но потоа на сцена стапи Борха Иглесијас. Напаѓачот на Селта постигна хет-трик, погоди во 15., 52. и 62. минута и со тоа донесе целосен пресврт и водство на гостите од 3:1. На крилата на Рафиња Барселона, направи голем пресврт и стигна до исклучително важна победа во шампионската трка. Бразилецот беше асистент за голот на Дани Олмо во 64. минута, потоа погоди од поле во 68. минута, а во 90.+ 8. минута искористи пеналот за конечни 4:3....

Манчестер сити одамна не е конкурентен во борбата за титулата англиски шампион, а до крајот на сезоната ќе води жестока борба за пласман во Лигата на шампионите. Им оди во прилог и податокот дека Англија следната сезона во елитата ќе биде застапена со пет клуба. За ова е свесен и тренерот на Сити, Пеп Гвардиола, кој истакна дека клубот ќе се најде во исклучително тешка ситуација доколку следната сезона не обезбеди учество во Лигата на шампионите. „Прилично сум сигурен дека играчите прво ќе ги изберат оние клубови кои ќе играат во Лигата на шампионите. Можеби некои играчи ќе дојдат дури и ако не играме во Лигата на шампионите, но сигурно ќе има и такви кои нема да сакаат да дојдат доколку не избориме пласман. Се уште не сум разговарал со никого, па не знам”, изјави шпанскиот тренер на прес-конференцијата пред натпреварот со Евертон. Тој се осврна и на заминувањата откако Кевин де Брујне објави дека ќе го напушти клубот на крајот на сезоната. „Освен Кевин де Бруине, другите имаат договори. Сега сме фокусирани на крајот на сезоната, имаме шест натпревари во првенството, плус Купот, а потоа 10 дена одмор и веднаш ќе одиме во САД на Светското клупско првенство“, изјави Пеп Гвардиола, чиј договор со „граѓаните“ е до летото 2027 година....

Никола Покривач (39) трагично загина во сообраќајна несреќа што се случи во петокот, околу 20:15 часот, на обиколницата Турањска во Карловац, Хрватска. Во несреќата учествувале четири автомобили – две лица загинале, додека три лица се хоспитализирани. Покривач е роден на 26 ноември 1985 година во Чаковец. Фудбалската кариера ја започна во помладите категории на Братство од Јуровац, а потоа настапуваше за Чаковец и Вартекс. Во клубот од Вараждин се проби во сениорскиот тим, каде тренер му беше и актуелниот хрватски селектор, Златко Далиќ. „Златко Далиќ беше мојот прв тренер во Вараждин. Тогаш имав 17 години. Да не беше тој, немаше да ме има ниту мене“, често истакнуваше Покривач. Откако стана младински репрезентативец се покажа како голем талент, што го привлече интересот на големите хрватски клубови, Хајдук и Динамо. Во Динамо пристигна во јануари 2007 година, а една година подоцна се пресели во Монако за 3,5 милиони евра. Подоцна играше за Салцбург кој за него на Монако му плати 2 милиони евра, а потоа се врати во Динамо. Играше и за Интер од Запрешиќ, казахстански Шахтјор Караганди и Славен Белупо. Со Динамо четири пати го освојуваше хрватското првенство и три пати Купот на Хрватска, а истото го постигна и со Риека. Во Салцбург го освои австрискиот шампионат. За хрватската репрезентација, за која одигра 15 натпревари, дебитираше во 2008 година на пријателскиот натпревар против Молдавија. Под водство на Славен Билиќ настапи на Европското првенство во 2008. Последниот настап за репрезентацијата го имаше во 2010 година. Фудбалерот водеше тешка битка со Хочкинсовиот лимфом, рак на лимфните јазли што му беше дијагностициран во 2012 година. Тој ја победи оваа болест три пати, а последниот пат животот му го спаси донацијата на коскената срцевина на неговата мајка. „Бев во изолација 50 дена, никој не можеше да ме посети, можев да ги гледам луѓето само низ стакло“, вели тој во едно од неговите интервјуа. Од 2021 година настапуваше за хрватските нисколигашки клубови Пушчу, Тигар од Света Недеља и Војниќ ’95. Покривач зад себе остави не само богата фудбалска кариера, туку и силна животна приказна која инспирираше многумина. Иако не напушти, ќе остане запаметен како борец и голем спортски професионалец....

Дарвин Нуњез (25) дојде во Ливерпул од Бенфика во летото 2022 година за сума од 85 милиони евра. Тој стана најскапиот играч во историјата на клубот. И покрај тоа што има договор со „црвените“ до летото 2028 година, клубот повеќе не смета на него. Ова го објави Фабрицио Романо: „Се очекува Нуњез да го напушти Ливерпул на лето. Клубот ја одби понудата од Ал Наср во јануари, но во следните месеци ќе ги разгледаат сите опции. Нуњез исто така е отворен за нов предизвик”. Ливерпул плати рекордна сума за уругвајскиот напаѓач откако тој одигра одлична сезона за Бенфика, но не успеа да се манетне на „Енфилд“. На 138 настапи за Ливерпул, тој постигна 40 и постави 26 гола, но стана далеку попознат по своите бројни и големи промашувања. Сезонава на 42 настапи постигна седум гола, но само 17 пати беше стартер. „Трансфермаркт“ неговата вредност ја проценува на 50 милиони евра....

Манчестер сити ја игра најслабата сезона откако Пеп Гвардиола ја презеде функцијата пред девет години. Моментално се петти тим во англискиот шампионат со два бода помалку од Нотингем Форест и дури 21 од лидерот Ливерпул. Во Лига купот испаднаа во четвртото коло, во Лигата на шампионите испаднаа во плејоф рундата, а единствена шанса за трофеј им е ФА Купот каде во полуфиналето ќе се соочат со Форест. На клубот во пресрет на наредната сезона му е потребен ремонт. Некои британски медиуми шпекулираат со двоцифрена бројка на играчи кои би можеле да го напуштат Сити, а некои како Кевин де Брујне веќе најавија заминување. Меѓу оние кои заминуваат е и Џек Грилиш, најскапиот играч во историјата на клубот. 29-годишниот англиски офанзивен играч за врска пристигна во Сити летото 2021 година од Астон Вила за 118 милиони евра, што го прави убедливо најскапиот играч во историјата на клубот. Втор на таа листа е Јошко Гвардиол кој е платен 30 милиони евра помалку. Грилиш е и деветти најскап играч во историјата на фудбалот. Според британските медиуми, три клуба се издвојуваат како најверојатна следна дестинација на Грилиш. Тоа се Тотенхем, Њукасл (кој стана најбогатиот клуб во светот откако Саудијци го презедеоа) и „неговата“ Астон Вила. „Трансфермаркт“, моментално го проценува на 35 милиони евра, а околу таа сума се шпекулира во локалните медиуми. Тоа значи дека Сити ќе го продаде за три пати помалку од она за што го донесе. Од доаѓањето во Манчестер Сити, Грилиш одигра вкупно 155 натпревари, постигнувајќи 17 голови и 23 асистенции во сите натпреварувања. Во сезоната 2024/2025, Грилиш настапи на 19 натпревари во Премиер лигата, со скромна статистика, гол и асистенција. Тој го постигна својот единствен првенствен гол на 2 април 2025 година против Лестер Сити, негов прв гол во Премиер лигата по 16 месеци. Во другите натпреварувања додаде уште еден гол во ФА Купот и еден во Лигата на шампионите....

Кошаркарот на Лос Анџелес Лејкерс, Лука Дончиќ откри како се чувствувал откако дознал дека е трејдуван од Далас. Во февруари, Словенецот беше дел од трејдот што го запали кошаркарскиот свет, кога Маверикс го испратија во Лос Анџелес. Дончиќ зборуваше за тоа за ESPN, откри дека прво го го скршил телефонот кога дознал за трејдот. Дочниќ зборуваше и за тоа како ги доживеал коментарите на генералниот директор на Маверикс, Ник Харисон. „Тажно е да се слуша што зборува Нико по трејдот. Никогаш не сум кажал ништо лошо за него, само сакам да го оставам ова зад нас. Навивачите, поранешните соиграчи – ќе ги чувам сите во моето срце, но време е да продолжиме понатаму”, изјави Дончиќ за ESPN. „Се фокусирам на мојата кариера“. Тој објасни и колку трејдот му наштетил. „Бев во кревет кога дознав за трејдот. Телевизорот не ми работеше, па гледав филм на таблетот пред да си легнам. Веднаш се запрашав дали е 1.април. Бев тажен, шокиран. Чувствував дека срцето ми е скршено. Сакав да ја завршам кариерата како Маверикс, а сега сакам да останам во Лејкерси”, изјави Дончиќ. Luka Doncic tells @malika_andrews about throwing his phone and breaking it when he found out he got traded to the Lakers 😳 "My heart was broken honestly." 💔 pic.twitter.com/rfsIGlOaBC — ESPN (@espn) April 18, 2025...

Маjами Хит и Мемфис Гризлис се последни учесници во плеј-офот во НБА лигата. Мајами Хит ја совлада Атланта Хокс со резултат 123:114 и закажа дуел со Кливленд Кавалирс во првото коло од плеј-офот. Тимот на Ерик Споелстра, го предводеше од Тајлер Хиро со 30 поени со 8 скока и 7 асистенции, додека Ендрју Вигинс имаше 20 поени, и по 8 скока и асистенции, а Бем Адебајо забележа дабл-дабл од 17 поени и 11 скока. Мајами станаа првиот тим што успеал од десеттото место да се пласира во плеј-офот. Сега им претстои дуел против најдобриот тим во Источната конференција, Кливленд Кавалирс. Екипата на Мемфис Гризлис го победи Далас Маверикс со 120:106 и се избори за четвртфинална серија против првопласираната Оклахома. Тоа значи дека Далас Маверикс ја завршија сезоната во април, што ќе ги разбесни навивачите на Тексас. Само една година претходно, Далас Маверикс се бореа со Бостон Селтикс во финалето на НБА и имаа шанса за шампионски прстен. Маверикс се петтиот тим во последните 25 години кој го пропуштил плеј-офот една година по финалето на НБА. На Далас не му помогнаа 40-те поени на Ентони Дејвис, додека Клеј Томпсон имаше 18, Брендон Вилијамс 16, а Наџи Маршал 13 … Мемфис го предводеше Џерен Џексон со 24 поени, Бејн постигна 22, исто толку имаше и Џа Морент, Зек Иди постигна 15 со 11 скока....

Кошаркарите на Реал Мадрид го совладаа Баерн со 93:71 во последниот натпревар одигран во рамките на плеј-ин во Евролигата. Реал ја комплетира листата на учесници во плеј-офот, во четвртфиналето ќе игра против Олимпијакос. Избраниците на Чус Матео го диктираа ритамот од стартот на мечот, во ниту еден момент не му дозволија на Баерн да се врати и забележаа рутинска победа. Реал во првите десет минути ги реши сите дилеми кога оствари предност 33:17. Тимот од Минхен беше ослабен, Карсен Едвардс остана надвор од тимот поради повреда. Кај Реал Мадрид најрасположен беше Марио Хезоња со 19 поени со седум скока и една асистенција, а го следеше Џанан Муса со 16 поени и пет скока. Двоцифрени беа и Алберто Абалде со 13 поени и три асистенции, Факундо Кампацо со 12 поени, четири скока и пет асистенции, како и Валтер Таварес со 10 поени и три скока. Кај Баерн се истакна Шабаз Напиер со 19 поени, четири скока и три асистенции, а го следеше Андреас Обст со 12 поени и три скока. Двоцифрен беше и Девин Букер со 10 поени и три скока. Плејо-фот започнува следниот вторник на 22 април (Фенер – Париз од 19:45 часот и ПАО – Ефес од 20:30 часот) и ќе трае најдоцна до 7 мај доколку има потреба мајсторки....

Тренерот на Баер Леверкузен, Чаби Алонсо одби да ги коментира наводите на одредени медиуми дека тој на лето ќе стане тренер на Реал Мадрид и истакна дека не е време да се зборува за иднината. Некои шпански и германски медиуми објавија дека Чаби Алонсо ќе го замени Карло Анчелоти на клупата на Реал на крајот од сезоната, пред почетокот на Светското клупско првенство. „Ова не е добар момент да зборуваме за иднината. Се наоѓаме во исклучително важен период од сезоната. Не сакам да коментирам шпекулации. Најважно ми е што се случува сега и што го чека мојот клуб до крајот на сезоната”, изјави Шпанецот на денешната прес-конференција. Чаби Алонсо (43) играше за Реал од 2009 до 2014 година, а медиумите долго време од лани пишуваат дека тој ќе го наследни Анчелоти. Италијанецот има договор до јуни следната година, но повеќето медиуми веруваат дека тој ќе го напушти клубот во јуни....

Актуелниот шампион во Формула 1, Макс Ферстапен, добил неверојатна понуда кариерата да ја продолжи во Астон Мартин. Доколку ја прифати ќе стане најплатениот возач во историјата на Формула 1. Италијанската „Газета дело Спорт“ откри дека Астон Мартин на Холанѓанецот му понудил неверојатни 264 милиони евра за тригодишен договор. Понудата ги опфаќа сезоните 2026, 2027 и 2028 година, а Астон Мартин очигледно нема намера да штеди пари кога е во прашање доведувањето на актуелниот шампион. Според овој извор, зад оваа астрономска понуда стои државниот инвестициски фонд на Саудиска Арабија — Фонд за јавни инвестиции (PIF). Овој фонд веќе поседува 20% од компанијата „Астон Мартин лагонда“, а преку нафтениот гигант „Арамко“ е и главен спонзор на тимот. Договорот на Ферстапен со Ред Бул е до крајот на 2028 година, но одредени клаузули овозможуваат тој да биде и пред време раскинат....

Повредата со која се здоби Килијан Мбапе на натпреварот против Арсенал не е сериозна. Тој ќе биде подгтовен за финалниот натпревар во Купот на кралот. Французинот мораше да го напушти натпреварот во средата навечер поради повреда на скочниот зглоб. Реал загуби од Арсенал (1:2) и ја заврши сезоната во Лигата на шампионите. Мбапе е суспендиран за дуелот со Атлетик Билбао овој викенд, а ќе го пропушти и гостувањето кај Хетафе в среда, за да биде целосно подготвен за финалето од Копа дел Реј на 26 април. Мбапе оваа сезона постигна 34 гола и имаше четири асистенции на 49 натпревари во сите натпреварувања. Финалето на Купот на кралот се игра на стадионот „Ла Картуха“ во Севилја во сабота на 26 април од 22:00 часот....

Евролигата ги објави имињата на кошаркарите кои ги формираа првата и втората најдобра петорка. Изборот, како и секогаш предизвика контраверзи, особено кога станува збор за првата петорка, во која се најде и натурализираниот Македонец, ти Џеј Шортс. Забележливо е дека првата петорка е составена без центар, со три „единици“ и две „четворки“. Покрај Шортс, во петорката се Карсен Едвардс (Баерн), Кендрик Нан (Панатинаикос), Најџел Хејс-Дејвис (Фенербахче) и Саша Везенков (Олимпијакос). Во втората петорка се: Тео Маледон (Асвел), Мајк Џејмс (Монако), Еван Фурние (Олимпијакос), Хуанчо Ернангомез (Панатинаикос) и Валтер Таварес (Реал Мадрид)....

Деклан Рајс, фудбалерот на Арсенал го најави освојување на Лигата на шампионите. Арсенал оваа сезона стигна до полуфиналето на Лигата на шампионите, а во четвртфиналето го исфрли Реал Мадрид, убедливо со вкупен резултат 5:1. Еден од хероите на тимот од Лондон изјави дека целта на Арсенал е да ја освои Лигата на шампионите оваа сезона. „Средата беше исклучителна ноќ за нашиот клуб, историска ноќ. Имаме цел во ова натпреварување, а тоа е да ја освоиме Лигата на шампионите“, рече Рајс. Англичанецот потоа ги пофали соиграчите. „Бевме навистина полни со самодоверба и верба дека можеме да победиме во Мадрид. Тоа што го имавме во нашите глави го спроведеме во пракса“, изјави Рајс и додаде: „Имав чувство дека напредуваме, ова е навистина неверојатно. Завршивме неверојатна работа досега во ЛШ. Имаме верба во себе, му веруваме на тренерот без резерва, тој е неверојатен. Полуфиналето е голема работа за нас и сакаме само да уживаме во се“....

Рафаел ван дер Варт, поранешниот холандски репрезентативец, остро го критикуваше Антонио Ридигер. Ван дер Варт, како и некои други поранешни играчи на Реал, деновиве жестоко го нападнаа тимот кој мора да се разбуди и да покаже повеќе на крајот од сезоната, како во шпанското првенство, така и во финалето на Копа дел Реј против Барселона. Холанѓанецот овој пат се нафрли на еден од играчите на Карло Анчелоти за поразот од Арсенал. Во емисијата „Зиго спорт“, Ван дер Варт и неговиот сонародник Тео Јансен разговараа за инцидентот во кој, според нив, Антонио Ридигер намерно го згазил Луис-Скели од Арсенал. Иако многумина таа ситуација ја толкуваат како нормален дел од интензивна игра и обид на Реал Мадрид да го промени резултатот, Ван дер Варт и Јансен на тоа гледаат сосема поинаку. „Што се однесува до Ридигер, сите мислиме дека намерно кога згазна противник. Тој играше во Штутгарт додека бев во Германија. Ме удри со тупаница во стомакот и веднаш доби црвен картон… Да, знаете, тој е малку идиот“, изјави Ван дер Варт за ситуацијата во која Ридигер падна на ногата на противникот, а неговата десна нога заврши во градите на противникот. Реал Мадрид не прифаќа такви критики и тврди дека тоа било обична ситуација во „жарот на борбата“. Ван дер Варт за холандската телевизија заклучи дека тоа не е изолиран инцидент и дека Ридигер треба сериозно да се преиспита бидејќи таквото однесување му штети на целиот спорт. „Додека победувате се е игра и забава, но кога губите се се менува… Сите го паметиме дуелот со Халанд… Го држеше, скокаше врз него и постојано правеше фаули. На овој начин целосно го неутрализираше на два натпревари. И тоа нешто кажува за него”, додаде поранешниот играч за врска....

Лео Меси не дава често големи интервјуа, но кога го прави тоа, целиот свет го слуша. Аргентинецот ужива во Мајами, далеку е од кремот на европскиот фудбал, но многумина сè уште се заинтересирани за тоа што има да каже. Во едно интервју, тој се осврна на бројни теми – Барселона, Гвардиола, Ламин Јамал, Светското првенство. „Мојата цел по Светското првенство во Катар беше да се вратам во Барселона. Не можев да замислам да играм во кој било друг клуб. Сакав да се вратам дома, каде што сè започна. Сепак, тоа не беше изводливо. Сите ја донесовме одлуката да дојдеме во Мајами заедно, како семејство, но беше многу полесно што го освоив Светското првенство и чувствував дека освоив сè што сакав“, рече Меси. Кога ќе се сетеше на Барселона, не можеше, а да не зборува за Гвардиола. „Тој е на посебно ниво, над сите други. Тој е опседнат со најмалите детали, пристапува кон играта со уникатен начин на размислување и гледа работи на теренот што повеќето луѓе не ги забележуваат. Тој направи револуција во фудбалот. Тој период го споделивме и стилот на игра во Барселона, сите клубови подоцна се обидоа да го копираат“, вели Меси. Тој зборуваше и за талентот на Ламин Јамал, кој долго време се споредува со Меси и се очекува да го земе својот број 10 од лето. „Она што го прави Ламин ​​е импресивно. Тој веќе стана шампион на Европа со Шпанија, а има само 17 години. Тој сè уште расте и се развива и ќе продолжи да напредува како што јас напредував со текот на времето. Тој има неверојатни квалитети и веќе е еден од најдобрите во светот, а сè уште нема ни 18 години“, рече Меси. Најважно е што го допре Светското првенство во 2026 година. „Би излажал ако кажам дека не размислувам за играње на Светското првенство во 2026 година. Сè уште се чувствувам одлично, дека можам да се натпреварувам на највисоко ниво. Оваа година ќе биде клучна, да се види дали сум способен и дали ќе одлучам да играм и на следното Светско првенство“, заклучи Меси....

Сега е официјално – Ла Лига доби петти учесник во Лигата на шампионите. По резултатите од оваа недела, Шпанците ја потврдија својата доминација во сите натпреварувања и ќе имаат пет претставници во Лигата на шампионите следната сезона. Во четвртокот, Атлетик Билбао во Лигата на Европа и Бетис во Конференциската лига се пласираа во полуфиналето, а претходно Барселона обезбеди борба за финалето во Лигата на шампионите. Како што стојат работите на табелата, Барселона, Реал Мадрид, Атлетико Мадрид и Атлетик Билбао ќе бидат во Лигата на шампионите, додека Виљареал со 51 бод и Бетис, кој има три помалку, ќе се борат за петтото место. Пред Ла Лига, Премиер лигата обезбедуваше пет претставници во Лигата на шампионите следната сезона. Битката е многу пожестока таму, бидејќи разликата помеѓу третопласираниот Њукасл и седмопласираната Астон Вила е само пет бода, а помеѓу нив се Нотингем Форест, Манчестер Сити и Челзи....

Манчестер Јунајтед се пласираше во полуфиналето на Лига Европа по сензационалниот камбек против Лион. „Црвените ѓаволи“ водеа со 2:0, па губеа со 2:4 на само шест минути до крајот на продолжението, а потоа го направија еден од најголемите пресврти и стигнаа до 5:4. Многу работи беа чудесни во пресвртот на Јунајтед, но многу работи ќе треба да се поправат за повеќе да не се соочуваат со ситуација да примат два гола со играч повеќе на теренот. За тоа е свесен и Рубен Аморим. Тренерот на англискиот клуб како прва цел до крајот на сезоната ја спомена Лигата на Европа. „Освојувањето на ова натпреварување би било единствениот билет за Манчестер Јунајтед за Европа следната година: „Мораме да ризикуваме со децата во Премиер лигата, мора да се фокусираме на Лига Европа“, изјави Аморим. Јунајтед одамна ги загуби сите шанси да дојде до добра позиција во Премиер лигата за Европа, а Атлетик Билбао ќе им застане на патот во полуфиналето на Лига Европа....

Алексис Санчез ја заокружи европската приказна во својата кариера со враќањето во Удинезе, а се чини дека неговата бајка ќе има уште еден убав момент, можеби и последен во кариерата. Поранешниот напаѓач на Арсенал и Барселона го започна своето европско патување во Удинезе, каде што игра и денес. Сепак, тој би можел да го напушти тимот од северот на Италија по истекот на договорот со тимот од Удине и да се врати во Чиле. Договорот на Санчез со италијанскиот тим трае до летото 2026 година, кога треба да се раздели и со Удинезе. Т Санчез многу рано си замина од Чиле, а немаше можност да игра за првиот тим на клубот за кој навива Универсидад. Сега, се чини, ќе ја има таа можност. Од чилеанскиот клуб сериозно се распрашуваат за Санчез, но не се единствените заинтересирани. Наводно интерес за неговите услуги покажава и Ривер кој би сакал да го вклучи во составот, сега останува на Санчез што ќе избере....

Српскиот фудбалер Александар Митровиќ наводно е на мета на Бешикташ. Митровиќ наводно е главната желба на турскиот Бешикташ за следната сезона, објави сигурниот турски портал „Фотомач“. Наводно, Бешикташ веќе започнал преговори со Ал Хилал околу трансферот на капитенот на српската репрезентација. Ова е планот на црно-белите од Истанбул следната сезона сериозно да ги предизвикаат Галатасарај и Фенербахче, кои се единствените пред нив во поредокот. Се додава дека шефот на стручниот штаб на тимот, Оле Гунар Солскјаер, инсистира на доведување на триесетгодишниот напаѓач. Митровиќ оваа сезона постигна 14 гола на 17 натпревари....

Манчестер јунајтед, Атлетик Билбао, Тотенхем и изборија пласман во полуфиналето во Лига Европа. Три од четирите натпревари останаа во сенка на она што се случуваше на „Олд Трафорд“ во Манчестер. Веројатно вечерва го видовме најдобриот натпревар оваа сезона во Европа. Неверојатен ролекостер, Јуннајтед до 71.минута имаше водство 2:0, Лион успеа да се врати во интервал од седум минути, во 89.минута Толисо го доби вториот жолт картон, но и со играч помалку играчите на францускиот тим во продолженијата постигнаа два гола. И тогаш се случи чудо, во периодот од 114. до 121.минута Манчестер јунајтед постигна три гола Бруно Фернандеш од пенал, Мејну и Мегваер за пласман на „црвените ѓаволи“ меѓу најдобрите четири екипи во Лига Европа. Манчестер јунајтед во полуфиналето ќе игра против Атлетик Билбао на чии стадион сезонава ќе се одигра финалниот меч. Баските рутински славеа над Глазгов Ренџерс со 2:0. Стрелци на головите беа Сансет од пенал и Нико Вилијамс. Драма не онанква како во Манчестер се случи и на Олимпико во Рим. Бодо/Глимт го постигна најголемиот успех во клупската историја го елиминира Лацио по изведувањето пенали. Лацио поведе со голот на Кастељанос, а предноста од 0:2 по првиот меч ја анулира во 93.минута со голот на Нослин. Во 100.минута Диа го постигна третиот гол за Лацио, а пенали за Бодо/Глимт избори Хелмарсен во 109.минута. Пенал серијата фудбалерите од Норвешка ја добија со 3.2. Чауна, Нослин и Кастељанос не беа прецизни. Хаикин ги одбрани пеналите на Чауна и Кастељанос, а Нослин го промаши голот. Тотенехм по 1:1 во првиот дуел успеа во реваншот да го победи Ајнтрахт во Франкфурт со голот на Соланке. Тимот од Лондон во полуфиналето ќе игра против Бодо/Глимт. Полуфиналните натпревари на програмата се на 1. и 8. мај....

Екипите на Газели Волеј и Пелистер Волеј од следната сезона ќе имаат прволигашки статус, односно ќе се натпреваруваат во Првата женска лига. Двата тима ова првенство доминираа во второлигашкото друштво, а по синоќешното затворање на сезоната тие и официјално го заверија своето место во најсилното натпреварување од септември. Одбојкарките на Газели Волеј, шампионски си „газеа“ кон Првата лига, со оглед на тоа дека имаат 20 победи во исто толку одиграни натпревари сезонава и само три загубени сета. Пелистер Волеј, пак, како второпласиран тим на табелата се „сели“ меѓу прволигашите. Битолскиот состав исто така одигра одлично првенство, со само два порази од главниот ривал за лидерската позиција – Газели Волеј. Двата тима повеќе од заслужено ќе се пробаат во посилниот ранг на натпреварување следната сезона. Екипите на Бами Кор и Вардар Жени 2019, пак, кои финишираа како трето, односно четврто рангирани на второлигашката табела ќе играат бараж за влез во Првата лига. Противници во баражот ќе им бидат седмо и осмопласираните екипи од Првата лига, Струмица жени, односно Ускана. Првиот бараж натпревар се игра на 23 април (среда) кога Бами Кор ја пречеккува Ускана, додека Вардар Жени 2019 ќе игра со Струмица жени. Реваншите се предвидени за 26 април (сабота) по кој ќе бидат познати сите ученици во Првата и Втората женска лига за следната сезона. (ПР)...

Се и сешто се случува на спортските терени...

Бетис и Фиорентина први изборија пласман во полуфиналето во Конференциската лига. Бетис, по 2:0 во првиот меч одигра 1:1 во Полска против Јагиелонија. Единствениот гол за Јагиелонија во овој двомеч го постигна македонскиот реорезентативец Дарко Чурлинов. Фиорентина се мачеше со Целје, одигра 2:2 на „Артемио Франки“, понатаму мина благодарение на победата 2.1 во првиот натпревар. Јаггиелонија одигра добра натпревар против Бетис, екипа која се бори за место во Лигата на шампионите оваа сезона. Постигнаа гол домашните во 45.минута кој беше поништен поради офсајд. И покрај иницијативата што ја имаа домашните, Бетис го постигна првиот гол на мечот, преку Бакамбу во 78.минута. Сепак три минуит подоцна Чурлинов ја спаси честа на својот тим. ⚽️ GOAL: Churlinov 🇪🇺 Jagiellonia 1-1 Real Betispic.twitter.com/qFg1A5eA6J — Goals Xtra (@GoalsXtra) April 17, 2025 Целје и во вториот меч храбро и се спротивстави на Фиорентина, но Словенците немаа среќа да изборат барем продолженија. Водеше Фиорентина со голот на Мандрагора во првиот дел, но Целје во второто полувреме преку Матко и Неманиќ во 54. и 65.минута го сврте резултатот. Три минути подоцна најдобриот стрелец на Фиорентина, Кен го постави конечниот резултат....

На седницата на Собранието на АБА лигата е донесена важна одлука, ќе се менува форматот на АБА лигата. Како што пренесува „Меридијан спорт“, потврдено е дека АБА лигата во иднина ќе може да брои најмногу 20 клубови, а усвоен е и предлог според кој најмногу 50 отсто од учесниците можат да доаѓаат од една земја. Ваквата одлука би можела да има директни последици врз структурата на лигата со оглед на тоа што во моментов учествуваат 16 екипи, а најголем број доаѓа од Србија – дури шест клуба. Интересно е што предлогот не беше едногласно прифатен. Како што се наведува, Задар и Цибона гласале против, а од Крка биле воздржанани. Ваквата одлука на раководството на регионалното натпреварување го наметнува прашањето кој ќе ги пополни четирите места следната сезона, бидејќи интерес за приклучување на регионалниот караван имаше од Абу Даби, Клуж, МЗТ и австриска Виена. Јасно е дека едно место ќе му припадне на освојувачот на АБА 2 лигата. Во финалето Илирија (Словенија) ќе игра против победникот од дуелот меѓу Војводија (Србија) и Босна (БиХ)....

Некогаш најдобрата ракометарка на светот,миленичка на навивачите на Вардар, Андреа Лекиќ, реши да ја заврши професионалната сезона на крајот од оваа сезона. Една од најдобрите српски ракометарки на сите времиња, оваа одлука ја објави преку својот Инстаграм профил каде им се заблагодари на соиграчите, тренерите, навивачите и ракометот… Андреа во кариерата одигра преку 140 натпревари за српската репрезентација и учествуваше на Светско првенство во 2013 година во Белград, каде што освои сребрен медал. Еден од последните резултати со репрезентацијата е пласманот на Светското првенство во Германија, по елиминацијата на Словенија во квалификациите. Клупската кариера ја започна во матичниот клуб ЖРК Раднички, потоа се пресели во Књаз Милош од Аранѓеловац. Три години беше член на екипата на Крима од Љубљана, пред да игра за Вардар (2014 до 2018), ЦСМ Букурешт и Будуќност, додека последните две години ги помина во унгарски Ференцварош. Најуспешна година во кариерата и беше 2013 кога беше кога беше прогласена за најдобра ракометарка во светот од страна на Меѓународната ракометна федерација (ИХФ), а со Ѓер ја освои европската титула. View this post on Instagram A post shared by Andrea Lekic (@lekicandrea)...

Најдобриот стрелец во историјата на Атлетико Мадрид, Антоан Гризман (340, ќе остане во клубот. На овој начин тој стави крај на шпекулациите дека летово ќе се пресели во американската МЛС лига. Актуелниот договор на Гризман истекува во јуни следната година и се шпекулираше дека тој ќе замине во ФК Лос Анџелес во летниот преоден рок. Сепак, миленикот на тренерот Диего Симеоне, според шпанските медиуми, би требало да го продолжи договорот до јуни 2027 година, откако францускиот фудбалер се согласил на намалување на платата, а неговата нето заработка по оданочување изнесува осум милиони евра по сезона. Гризман во Атлетико пристигна во јули 2014 година од Реал Сосиедад во трансфер вреден 30 милиони евра. По пет сезони минати Атлетико, во летото 2019 година беше купен од Барселона, која плати отштета од 120 милиони евра. Францускиот напаѓач не ги исполни очекувањата и по две години се врати во Атлетико, прво на позајмица, за „колчонеросите“ да го откупат неговиот договор во јули 2023 година за 22 милиони евра. Тренерот Симеоне и покрај критиките во медиумите, сепак има голема доверба во Гризман, кој остана стандарден првотимец. Оваа сезона постигна 16 гола во сите натпреварувања и додаде седум асистенции. Со Атлетико ја освои Лига Европа во 2018 година, а на 435 натпревари постигна 197 гола и забележа 91 асистенција....

Карло Анчелоти дојде до крајот на својот втор мандат во Реал Мадрид. „Скај Спортс“ ексклузивно објави дека Анчелоти ќе го напушти Реал Мадрид по финалето од Купот на Кралот со Барселона на 26 април. Јасно е дека по елиминацијата од Лигата на шампионите од Арсенал, Флорентино Перез размислува за смена на тренерската функција. Првиот човек на клубот смета дека на Реал му е потребна „нова и свежа крв“ на клупата. Нејасно е дали Анчелоти сигурно ќе го напушти тимот по финалето во случај на победа над Барселона или ќе биде објавено дека се разделуваат. „Скај Спорт“ во својот прилог емитуван во живо, објаснува дека циклусот завршил, иако Анчелоти во последните три години освои две ЛШ, во 2022 и 2024 година, а во истите сезони ги освои титулите и во Ла Лига. Истовремено, германски „Билд“, открива дека Чаби Алонсо постигнал договор со Баер Леверкузен летово да го напушти клубот, но за одредена отштета. Иако цифрата не е прецизирана, се вели дека Баер ќе бара отштета од минимум 10 милиони евра за неговото заминување во Реал Мадрид. И ова не е тајна, бидејќи одамна е познато дека Чаби Алонсо минатото лето ги одбил и Ливерпул и Баерн Минхен бидејќи ја чекал понудата на Реал за оваа година. Како што стојат работите, Анчелоти за 10 дена ќе го напушти Реал Мадрид иако освои најмногу трофеи од сите клубови откако по вторпат го презеде „кралскиот клуб“....

Алкалоид в недел аќе го одигра првиот натпревар од полуфиналето на Европскиот Куп на ЕХФ. Противник на Алкалоид ќе биде Рунар Сандефјорд од Норвешка. Пред натпреварот, прес конференција одржаа тренерот на Алкалоид, Кирил Лазаров и капитенот Игор Ѓорѓиев. „Не очекува еден тежок меч против незгоден противник. Во изминатиот период имавме доста тешки натпревари, со квалитетни противници во лигата во рамки на плеј-офот. Доста го анализиравме Рунар, со доста материјали. Имаме доста информации кои ни покажуваат дека се работи за сериозна екипа со скандинавски стил кој не ни одговарал многу низ историјата. Рунар до полуфиналето дојде со победи над квалитетни ривали како Целје, Бешикташ и Олимпијакос. Сите овие противници кои ги набројав Рунар ги елиминира во два натпревари, така што не очекува доста тежок натпревар не само во Скопје, туку и во Норвешка. Пласманот во полуфиналето со македонски сили секако дека е успех, се надевам дека ќе имаме сила и енергија по тешките мечеви да излеземе на терен и да водиме тешка борба во целите 60 минути, знаејќи го нивниот стил.“, рече Лазаров. „Не очекува меч од огромно значење. Прво европско полуфинале за нас. Голем момент како за Алкалоид, така и за македонскиот ракомет. Како екипа горди сме што успеавме да се пласираме во оваа фаза и да играме за финале. Рунар е екипа која игра типичен брз скандинавски ракомет, првиот меч ни е дома. Затоа сакам да ги повикам сите љубители на ракометот да бидат наша поддршка, наш седми играч и да се бориме за историски момент и европско финале. Со оглед на тоа дека имаме тројца или четворица играчи повредени, јас како капитен свесен сум, а и играчите дека мора да функционираме како тим. Ако продолжиме така како што играме до сега, имаме огромни шанси како во европскиот Куп така и во плеј-офот во лигата, рече капитенот Ѓорѓиев. Натпреварот Алкалоид – Рунар Сандефјорд се игра во салата „Автокоманда“ во недела со почеток од 19:00 часот, реваншот во Сандефјорд е четири дена подоцна....

Вирџил ван Дајк потпиша нов двегодишен договор со Ливерпул. Ова е уште една добра вест за фановите на „црвените“, бидејќи минатата недела нов договор потпиша и Мохамед Салах. Ван Дајк (33) веќе седум години е во Ливерпул, а оваа сезона со „црвените“ ќе ја освои втората титула во Англија, доколку до крајот на сезоната не се случи чудо. Холанѓанецот ќе заработува 400 илјади фунти (466 илјади евра) неделно, што го прави најплатениот дефанзивец во Европа, пренесува „Атлетик“. „Многу сум среќен, многу горд. Чувствувам гордост и радост. Патувањето што го поминав досега во кариерата, ќе го продолжам за уште две години во овој клуб, тоа е неверојатно и многу сум среќен. Мојот план отсекогаш бил да останам во Ливерпул“, рече Ван Дајк. Ван Дајк пристигна во Ливерпул од Саутемптон во јануари 2018 година и брзо стана еден од најдобрите дефанзивци во светот. Неговата дефанзивна моќ беше клучна за освојување на седум големи трофеи во тој период. Одигра 314 натпревари и постигна 27 гола. Холанѓанецот ја освои Премиер лигата, Лигата на шампионите, Светското клупско првенство на ФИФА, Суперкупот на УЕФА, ФА Купот и два пати Лига купот. Ван Дајк беше прогласен за играч на годината во Премиер лигата во 2019 година и четири пати беше избран во тимот на годината во Премиер лигата....

Сонот за одбрана на титулата Реал Мадрид го заврши со поразот од Арсенал. „Топџиите“ првиот четвртфинален меч го добија со 3:0, а синоќа славеа и во реваншот во Мадрид со 2.1. Арсенал се пласира во првото полуфинале во елитното европско натпреварување од 2009 година. Синоќешниот меч на „Бернабеу“ веојатно беше последен за Лука Модриќ во Лигата на шампионите. Освојувачот на „Златната топка“ во 2018 година доби шанса да влезе во игра во 72. минута од натпреварот, во момент кога беше јасно кој ќе оди во полуфиналето. Веднаш по завршувањето на натпреварот, познатата шпанска новинарка Аранча Родригез изненади многумина со својата објава на социјалната мрежа „Икс“. „Се чини дека ова беше последниот натпревар на Модриќ за Реал Мадрид во Лигата на шампионите“. Со оглед на тоа дека Родригез има добри врски во клубот, нејзините зборови сугерираат дека Реал нема да му понуди нов договор на Модриќ. Долгогодишниот предводник на хрватската репрезентација има важечки договор со „лос бланкос“ до крајот на актуелната сезона. Тој сака да ја продолжи сорабтката и за наредната сезона, но јасно е дека по елиминацијата од Лигата на шампиони, Реал ќе прави одредена реконструкција во летниот преоден рок. Модриќ е најтрофејниот фудбалер во историјата на Реал Мадрид со 28 трофеи. Меѓу нив има дури шест Лиги на шампиони, четири шпански титули, два Копа дел Реј, пет светски клупски првенства и пет европски Суперкупа....

Шарунас Јасикевичиус е добитник на трофејот „Александар Гомељски“, кој Евролигата му го доделува на најдобриот тренер во сезоната. Популарниот Шарас за прв пат во кариерата е прогласен за најдобар тренер на сезоната во Евролигата. „И покрај бројните повреди, тој го предводеше Фенербахче до скор 23-11 и второто место во регуларниот дел од сезоната“, накратко ја објасни одлуката Евролигата, која веднаш ја ги подели кошаркарските фанови ширум Европа. „Тиаго Сплитер е ограбен“, е чест коментар на социјалните мрежи по одлуката трофејот „Александар Гомељски“ да не му припадне на Бразилецот на клупата на дебитантот во евролигашкото натпреварување, тимот Париз. Инаку, Јасикевичиус е првиот Литванец и 14. тренер во историјата на кого му е доделена наградата „Гомељски“. Евролигата ја востанови оваа награда во 2004 година, оттогаш најпрестижната индивидуална награда во тренерската конкуренција три пати им припадна на Јоргос Барцокас и Жељко Обрадовиќ. За најдобри двапати беа прогласени Еторе Месина, Пабло Ласо и Димитрис Итудис....

Реал загуби од Арсенал во реваншот од четвртфиналето на Лигата на шампионите. Откако во првиот меч „топчиите“ на домашен терен победија со 3:0, во реваншот на „Бернабеу“ славеа со 2:1. Арсенал во полуфиналето ќе игра против ПСЖ. Втората полуфинална двојка е Барселона – Интер. Сите шпански медиуми истакнуваат дека вкупните 5:1 не се единствениот показател колку Реал бил инфериорен во однос на Арсенал. Во преден план ја ставаат и огромна разлика во однос на претрчаните километри. Разликата во претршаните километри во првиот меч била 11,7 километри, а во вториот 9,5 километри. „Реал истрча 21 километар помалку од Арсенал и истрча најмалку од сите осум четвртфиналисти во Лигата на шампионите. Оваа статистика не е пресудна, но огромната разлика на Реал во однос на другите е зачудувачка“, пишува „АС“ и сликовито објаснува зошто е ова важно: „Кога трчате 14 километри помалку од противникот, тоа е како да имате играч помалку“. „Споредбата што ја направи Џуд Белингам пред реваншот против Арсенал беше потврдена и со бројките од реваншот. Реал истрча 107,5 километри, а Арсенал 116 километри. Реал имаше 9,5 километри помалку. Ова делува како Реал да играл со двајца фудбалери помалку, односно имал играч помалку во секој натпревар“. „АС“ продолжува: „Оваа статистика е зачудувачка, но и донекаде погрешна. Затоа што во реваншот Реал го имаше поседот против Арсенал, кој играше на контра, а тоа бара повеќе трчање. На крајот на краиштата, во другите четвртфинални натпревари, екипите што испаднаа трчаа повеќе. Така, на два натпревари Баерн собра седум километри повеќе од Интер, а Вила имаше пет километри повеќе од ПСЖ, а Борусија три од Барселона. Но, никој не истрча 21 километар помалку од противникот“. Шпанците посочуваат зошто е тоа важно: “Кога се поставува прашање за посветеноста на некои играчи или систем во кој недостига придонес во одбраната, оваа статистика ги поддржува споменатите хипотези. Бидејќи ниту една екипа меѓу осумте најдобри во ЛШ не истрча толку малку како Реал. Кој, беше и најтешко поразен”....

Дани Карвахал имаше „блиска средба“ со Букаја Сака на полувремето од реваншот од четвртфиналето во Лигата на шампионите помеѓу Реал Мадрид и Арсенал. „Марка“ пишува дека искусниот дефанзивец, кој поради повреда на лигаментите уште пред неколку месеци ја заврши сезоната „ја презеде капитенската улога веднаш по крајот на првото полувреме за да му приговори на англискиот играч за начинот на кој го изведе пеналот“. „Дани Карвахал беше првиот што направи чекор напред по судискиот свиреж кој ги испрати сите 22 играчи во тунелот во соблекувалната. Капитенот на Реал Мадрид, кој остана со соиграчите со оглед на важноста на натпреварот, чекаше сите играчи да го напуштат теренот, ги поддржа соиграчите и им аплаудираше на противниците, додека не дојде Букајо Сака“. Why is Carvajal fighting Saka? Madrid is the worst club in all of football. pic.twitter.com/jmV3oGfxtp — MessiMania (@M10Update) April 16, 2025 Се претпоставува дека Карвахал, кој не играше на овој натпревар, му пришол на Сака по првото полувреме за да му приговори за она што се обиде да направи. Наводно не му се допаднал шутот во стилот на „Паненка“, односно Карвахал заклучил дека Сака покажал непочитување кон Реал. „Прво нешто му шепна на уво, а по одговорот на англискиот играч, го фати за рака и продолжи со приговорите. Сака не сакаше да се конфронтира и се обиде да тргне кон тунелот, но Карвахал повторно тргна во напад бидејќи не му се допадна неговиот одговор. Уште едно фаќање за раката пред да настане хаос во кој беа вклучени неколку членови на стручниот штаб на Арсенал и редарите кои се обидуваа да ги разделат играчите додека Карвахал го фати Сака за вратот“, пишува „Марка“, наведувајќи дека тој го предизвикал хаосот. Арсенал победи во полуфиналето на Лигата на шампионите со вкупни 5:1, по победата во Лондон со 3:0, „топџиите“ во Мадрид славеа со 2.1....

Капитенот на Интер, Лаутаро Мартинез, по драматичното реми 2:2 со Баерн и пласманот во полуфиналето на Лигата на шампионите изјави дека „нероаѕурите“ покажале дека имаат и срце и глава за вакви натпревари. Баварците имаа три добри шанси по 90. минута до самиот крај, но не успеаја да изборат продолженија. „Ова беше дефинитивно епски натпревар, кој ќе го паметиме долго, бидејќи Интер има огромен м***ња“, изјави Лаутаро, стрелецот на првиот гол за Интер. Овој гол беше него 150. во кариерата во дресот на Интер. „Толку многу труд и вложивеме за да се пласираме во полуфиналето. Никогаш не се откажуваме, имаме и срце и глава“. Ова е второ полуфинале за Интер во Лигата на шампионите во последните три сезони....

Точно 34 минути траеше враќањето на Нејмар на теренот и неговиот прв натпревар во новата сезона од бразилскиот шампионат. Толку издржа славниот Бразилец пред да биде заменет поради нова повреда. Тој во солзи го напушти теренот. Натпреварот меѓу Сантос и Атлетико Минеиро требаше да биде славенички за Нејмар. Покрај тоа што беше негов прв оваа сезона за клубот и прв по повредата поради која беше надвор од терените повеќе од еден месец, тоа беше и неговиот јубилеен 100-ти настап на стадионот на Сантос. Поради тоа на грбот го носеше бројот 100. Прославата беше расипана по нешто повеќе од половина час игра. Нејмар почна да покажува знаци на болка во левата надколеница веднаш по почетокот на натпреварот. Многу брзо стана јасно дека ја обновил повредата. Неколку минути откако Сантос ја зголеми предноста со втор гол, Нејмар се сврте кон клупата и побара да биде заменет. Тој седна на теренот и побара помош да излезе од теренот. Соиграчите и ривалите го тешеа во солзи. Нејмар за чии трансфер ПСЖ на Барселона и плати рекордни 222 милиони евра, од 2017 година имал 33 повреди, пропуштил 220 натпревари како играч на ПСЖ, Ал Хилал и сега Сантос. Натпреварот заврши со победа на Сантос 2:0....

Голманот на Реал Мадрид, Тибо Куртоа го критикуваше настапот на своите соиграчи откако актуелниот шампион во Лигата на шампионите заслужено беше исфрлен од Арсенал со вкупни 5:1. Куртоа во овие два натпревари беше еден од ретките играчи на реал кои беа на вистинското ниво. особено беше добар на натпреварот во Лондон и покрај тоа што прими три гола имаше четири брилијантни интервенции, а синоќа во 12.минута гоодбрани пеналот на Букајо Сака. Во изјава за шпанските медиуми по натпреварот, белгискиот голман рече: „На полувремето чувствувавме дека се ќе биде отворено, доколку први постигнеме гол, но на крајот тие го постигнаа првиот гол, брзо одговоривме, продолживме да веруваме, но не бевме конкретни во нападот. Мислам дека Раја не мораше да спасува сериозни шанси. Загубивме, Арсенал беа подобри и мораме да го прифатиме тоа“, рече Куртоа и дополни. „На крајот на денот, тие се тим кој добро се брани, организирани се, вршат добар притисок и тешко се наоѓа простор. Уфрливме многу топки, но оваа година го немаме Хоселу, класичен напаѓач во шеснаесетникот. Мора внимателно да анализираме што можеме да подобриме. Имаме уште многу натпревари пред нас, борба за титулата во лигата, финалето на Купот за десет дена и потоа Светското клупско првенство“....

Кошаркарите на Далас победија во Сакраменто со 120:106 и останаа во игра за пласман во плеј-офот. За осмата позиција на табелата во Западната конференција, Маверикс ќе играат против Мемфис. Победникот од тој натпревар ќе игра против Оклахома во првото коло од плеј-офот. Избраниците на Џејсон Кид го решија натпреварот во втората четвртина кога постигнаа 44 поени. Од друга страна, Кингс целосно потфрлија во нападот, постигнаа скромни 19 поени. Во тој период од мечот, Клеј Томпсон потсети на најдобрите денови, постигна 16 од своите 23 поени, четири тројки, точно една година по последниот меч за Голден Стејт кој го одигра на истото место. Вориорс, да потсетиме, беа поразени и од Сакраменто, минатата сезона во плеј-ин пресметката, а Томпсон беше еден од најлошите на теренот,ги промаши сите десет шута што ги упати кон кошот. Претходната вечер беше речиси беспрекорен, 8/11 од поле, 5/7 за три, 2/2 слободни фрлања. Покрај Клеј, Далас имаше силни адути во Ентони Дејвис кој ги предводеше гостите со 27 поени (9/23 од поле), Брендон Вилијамс кој додаде 17 од клупата, а одличен беше и Данте Ексум со 11 поени кои ги постигна без промашување од поле. Демар Дерозан со 33 поени и Зак ЛаВин со 20 беа убедливо најдобри во поразениот тим. Домантас Сабонис натпреварот го заврши со 11 поени и 13 скока....

Реал ја предаде круната во Лигата на шампионите. Се уште актуелниот шампион испадна од Арсенал во четвртфиналето. „Тобџиите“ победија најпрвион во Лондон (3:0), а потоа и синоќа во Мадрид (2:10. Поразот на домашен терен од Арсенал е трет пораз на Реал во последните пет натпревари. Освен гореспоменатите порази од лондонскиот клуб, тие загубија и на домашен терен во Ла Лига од Валенсија (1:2), која се бори за опстанок. Згора на тоа, во регуларниот дел беше поразен во реваншот од полуфиналето на Купот на кралот против Реал Сосиедад (3:4), но потоа постигна гол во продолженијата за израмнување и пласман во финалето. Реал се уште е во игра за три трофеи – Ла Лига, Купот на кралот и Светското клупско првенство, но по лошите игри и резултати во клучниот дел од сезоната медиумите шпекулираа дека Карло Анчелоти ќе добие отказ доколку Арсенал испадне. На прес-конференцијата по поразот од Арсенал, Италијанецот одговори и на ова прашање. Инаку, шпанските медиуми доцна синоќа објавија дека на мечот на „Бернабеу“ биле претставници на бразилскиот фудбалски сојуз и дека нивните контакти со Анчелоти се интензивирани. Бразил долго време сака славниот Италијанец да стане селектор на нивната репрезентација. Прашања од печатот до Анчелоти и неговите одговори по испаѓањето од Арсенал: Зошто не успеавте? Тимот се трудеше многу, но не успеавме да направиме пресврт. Арсенал заслужено помина. Овој пат изостана големиот пресврт на Реал? Фудбалот има две страни. Среќниот во кој уживавме последниве години и тажниот што го доживуваме сега. Како ќе се вратите по вакво испаѓање од Лигата на шампионите? Сè уште сме во игра за освојување на Ла Лига, Купот на кралот и клупското СП. Ќе го водите ли Реал на тој Мундијал? Не можам да зборувам за тоа сега. Ако клубот одлучи да ме замени, нема проблем. Ќе му се заблагодарам. Каква е вашата иднина во Реал? Не знам и не сакам да знам....

Тренерот на Црвена звезда, Владан Милојевиќ зборуваше на прес-конференција по хуманитарниот натпревар со Вардар во Скопје. Црвено-белите по пресвртот славеа на стадионот „Тоше Проески“ со 3:1. „Сите ја знаеме причината за овој натпревар. Би сакал да изразам сочувство до семејствата на загинатите во трагедијата, со надеж дека вакво нешто никогаш повеќе нема да се повтори. И да се заблагодарам на мојот клуб што го прифати предлогот на нашите великани Најдоски и Панчев да одиграат натпревар со најголемиот клуб во Македонија, каков што е Вардар”, изјави Милојевиќ. Последен пат двете екипи играа во Скопје во 1995 година, кога Вардар победи со 3:0. „После 30 години Звезда дојде на овој стадион кој го носи името на мојот омилен пејач. Многу емоции… Би сакал да им се заблагодарам на сите луѓе кои дојдоа, особено на навивачите на Вардар кои цело време го бодреа клубот. Резултатот и играта се во втор план, но ние сме Црвена звезда и моите играчи знаат дека секој следен натпревар е најважен. Се надевам дека следниот пат ќе одиграме натпревар со поинаков карактер“, додаде тој. Милојевиќ беше прашан и за идејата за создавање регионална лига по урнек на првенството на поранешна Југославија. „Мислам дека на сите подсвесно би сакале да создадат регионална лига од земјите од поранешна Југославија. Ќе видиме што ќе се случи во иднина, би сакал… Има многу клубови таму, Вардар минува низ тежок период, беше и во втора лига. Вардар е традиционален клуб, видовте колку навивачи има и колку народот го сака клубот, но да проценам каде би бил Вардар во нашата лига…Не сум добар прогнозер нека остане дека сум недоискажан“, рече Милојевиќ....

Кошаркарите на Мајами победија на гостувањето кај Чикаго со 109:90, во својот прв натпревар во овосезонскиот плеј-ин од Источната конференција на НБА лигата. За пласман во првата рунда од плеј-офот, Мајами ноќта меѓу петок и сабота ќе игра на гостински терен против Атланта, додека Чикаго со овој пораз ја заврши сезоната. Најефикасен во тимот на Мајами беше Тајлер Хиро со 38 поени, пет скока и четири асистенции. Ендрју Вигинс додаде 20 поени и девет скока, Дејвион Мичел забележа 15 поени и девет асистенции, додека Бем Адебајо забележа дабл-дабл со 15 поени и 12 скока. Во тимот на Чикаго најефикасен беше Џош Гиди со 25 поени и 10 скока. Коби Вајт додаде 17 поени, црногорскиот центар Никола Вучевиќ забележа дабл-дабл со 16 поени и 12 скока, додека Кевин Хертер постигна 10 поени. Победникот од дуелот меѓу Атланта и Мајами во плејофот ќе влезе од осмата позиција и во првото коло ќе игра против Кливленд....

Американската тенисерка Серена Вилијамс, освојувачка на 23 грен слем титули и поранешен број 1 на ВТА листата, го коментираше случајот со допинг на италијанскиот тенисер Јаник Синер. Таа во својата изјава за „Тајмс“ се осврна и на поранешната ривалка Марија Шарапова. „Го сакам момчето, го сакам спортот. Тој е одличен за тенисот. Му треба на машкиот тенис. Но, да бидеме искрени – ако јасго направев тоа, би добила 20 години казна. Сите мои титули од грен слем турнирите би ми биле одземени”, изјави Вилијамс и додаде: „Најчудно е што не можам да не размислувам за Марија (Шарапова)] цело ова време. Не можам да не се сочувствувам за неа“. Јаник Синер моментално отслужува тримесечна суспензија поради прекршување на антидопинг правилата во пролетта 2024 година. Се очекува тој да се врати на наредниот месец, на Мастерсот во Рим. Во 2016 година, Марија Шарапова сама свика вонредна прес-конференција и откри дека била позитивна на забранетата супстанција, мелдониум. Таа беше суспендирана 24 месеци....

Фудбалерите на Интер и Арсенал им се приклучија на Барселона и Пари Сен Жермен во полуфиналето на Лигата на шампионите. „Топчиите“ го елиминираа европскиот шампион Реал, победија во Мадрид со 2:1 и со вкупен резултат 5:1 се пласираа во полуфиналето. Во Милано Интер и Баерн одиграа 2:2, италијанскиот шампион со вкупни 4:3 влезе меѓу најдобрите четири екипи во Европа. Реал не успеа да направи уште едно чудо на „Бернабеу“ во Мадирд. По поразот 3:0 во Лондон, Реал имаше тешка задача и уште потежок противник. Арсенал упте еднаш тактички одигра перфектно. Ритамот и концентрацијата не им ги поремети ниту промашениот пенал на Букајо Сака во 12.минута. Несериозно, Сака се обиде со „Паненка“, но лошо го направи тоа и Тибо Куртоа го прочита одбрани. Реал го имаше поседот на топката, но тоа не му донсе резултат. Како одминуваше натпреваро видлива беше нервозата кај играчите во бели дресови. Колку беа немоќни најдобро покажува податокот дека во текот на целиот меч немаа ниту една сериозна шанса, а првиот удар во рамките на голот го упатија во 58.минута. Сака беше тој што му донесе водство на Арсенал во 65. минута. Само две минути подоцна Винисиус успеа да израмни, по катастрофалната грешка на Вилијам Салиба, нотоа беше се од Реал вечерва. Мадриѓаните сакаа барем почесна победа, но наместо тоа Мартинели погоди во третата минута од судиското надополнување и им донесе нова победа и големо славје на „топџиите“ во Мадрид. Арсенал во полуфиналето ќе игра против Пари Сен Жермен, кој во претходните две кола елиминира два англиски клуба Ливерпул и Астон Вила. Многу поголеми возбудувања и неизвесност имаше на „Џузепе Меаца“ во Милано. Интер во реваншот влезе со предност од 2:1, по дуелот во Минхен. Сите четири гола беа постигнати во вториот дел. Баварците поведоа со голот на Хари Кејн во 52. минута и ја најавија драмата. Меѓутоа, Интер многу брзо не само што возврати, туку целосно го сврте резултатот. Само девет минути подоцна веќе беше 2:1 за „нероаѕурите“. Најпрвин Лаутаро Мартинез го постигна 150-от јубилеен гол за тимот од Милано, а потоа Бенџамин Павард ја погоди мрежата на својот поранешен клуб. Гостите не се предадоа и Ерик Даер успеа да израмни во 76. минута, со прекрасен гол од мртов агол. До крајот на мечот Баерн напаѓаше во бранови, пропушти неколку добр шанси, од кои две во последните 90 секунди преку Милер и Коман, но не успеа да избори продолженија. Во полуфиналето Барселона ќе игра против подобриот од двата меча Интер – Баерн, додека Пари Сен Жермен ривал ќе биде Арсенал или Реал Мадрид. Полуфиналните натпревари се закажани за 29 и 30 април, реваншите на 6 и 7 мај....

Комплетирано е 32. коло во Премиер лигата, по кое Њукасл се искачи на третото место на табелата. Вечерва Њукасл го декласира Кристал Палас со 5:0 (4:0). Њукасл од самиот почеток тргна во офанзива, па Александар Исак имаше одлични шанси веќе во осмата и десеттата минута, првиот негов обид го одбрани голманот на гостите, вториот беше непрецизен. Њукасл поведе во 14. минута преку Џејкоб Марфи. Имаше потоа Палас шанса преку Езе, а од 38.минута започна потпот на гостите од Лондон. Марк Гуехи си постигна автогол во 38. минута. Гуехи е вториот играч кој си постигнал автогол и дома и на гости во дуел со ист противник. Пред него, Џејми Карагер ја имаше таа несреќа против Тотенхем во сезоната 1998/99. Во втората минута судиското надополнување во првото полувреме, Харви Барнс го постигна третиот, а шест мунути подоцна Фабијан Шер се запиша во листата на стрелците за 4:0. Конечниот резултат го постави Александер Исак во 58.минута. Тимот на Еди Хау, кој го пропушти вториот меч поради воспаление на белите дробови, сега е на третото место на табелата со 59 бодови, два повеќе од Нотингем Форест. Кристал Палас е на 12 место со 43....

Фото/ ФК Црвена звезда Фудбалерите на Црвена звезда го победија Вардар со 3:1 на хуманитарниот натпревар одигран во Скопје. Приходот од влезниците ќе им биде дониран на семејствата на настраданите во пожарто во Кочани. Пожарот во дискотеката во Кочани однесе 61 живот, а повредени беа се речиси 200 луѓе, главно тинејџери. Ова беше прво гостување на Звезда во Скопје по точно триесет години. И беше многу емотивно. Звезда ја оправда улогата на фаворит, славеше по пресвртот, откако Вардар дојде до предност со голот на Маневски во 27.минута. Стрелецот на голот го соблече дресот и заплака откако по соло акција го совлада Глазер. Под дресот носише маица со името на Андреј Лазарова, фудбалер на Шкупи, кој кобната вечер загина во дискотека во Кочани.Црвена звезда до крајот на првиот дел направи пресврт, во интервал од три минути во 41. и 44. по убави кации голови постигнаа Илиќ и капитенот Ктаи. Конечниот резултат го постави Урош Сремчевиќ во 87.минута....

Актуелниот шампион во кралската класа, Хорхе Мартин најверојатно ќе мора да остане во болница во Доха најмалку две недели поради скршеници на ребрата со кои се здоби за време на ГН на Катар. Шпанецот најверојатно ќе отсуствува од патеките околу три месеци. Возачот на Априлија се врати на патеката минатиот викенд, откако ги пропушти првите три трки поради бројните повреди кои ги претрпе уште пред почетокот на сезоната. Мартин прво се здоби со скршеници на раката и стапалото за време на првиот ден од предсезонското тестирање во Сепанг, а една недела пред првата трка ја скрши другата рака. Шпанскиот мотоциклист се врати минатиот викенд, но имаше тежок пад, откако во спринтот го освои 16-тото место, на осум круга пред крајот на главната трка на патеката „Лусаил“. Со деталните прегледи најпрво е утврдено дека морал да остане во болница поради пневмоторакс, а имал вкупно 11 скршеници на ребрата кои, за среќа, не ги зафатиле мозокот, пршлените и абдоминалните органи. Од таборот на Мартин изјавија за „motorsport.com“ дека возачот на Априлија има големи болки и дека особено го мачи цевката која е интубиирана за пневмоторакс, која може да биде отстранета во следните четири до седум дена. Враќањето во Шпанија е приоритет за Мартин, но поради болки летањето во моментов е практично невозможно. „Ако се биде добро, Хорхе би можел да се обиде да се врати во Шпанија за околу две недели, можеби и три“, вели истиот извор. Без разлика кога ќе се врати на патеката, лекарот кој често ги лекува возачите истакна дека Мартин би можел да биде надвор од патеката не помалку од три месеци, секако во зависност од дополнителните прегледи за сите повреди што ги има. Откако се здоби со три сериозни повреди за помалку од два месеци и со оглед на двата насилни падови по закрепнувањето, Шпанецот сигурно нема да смее да брза со враќањето. Доколку се точни прогнозите дека ќе мора да паузира три месеци, најрано што Мартин би можел да се врати е Германското ГП, од 11 до 13 јули или една недела подоцна, кога Мото ГП шампионатот се сели во Брно. Следната трка од Мото ГП шампионатот се вози за Големата награда на Шпанија од 25 до 27 април....

Португалскиот клуб Есторил го објави четвртиот сет на дресови со бразилски мотиви во чест на според многумина најголемиот ас во историјата на Формула 1, Аиртон Сена. Гигантот на мотоспортот од Бразил очигледно им остана во доброто и убаво сеќавање на жителите на овој португалски град. Градот во кој се одржуваа трките во Формула 1 од 1984 до 1996 година. Фудбалскиот клуб Есторил реши во чест на Сена со објавување на четвртиот комплет дресови со мотиви на бразилското знаме. Oficialmente o 4.º equipamento desta época! 🟢🟡🔵 Ayrton Senna x Estoril Praia 🏁🏎️ pic.twitter.com/vPLfmJDo9l — Estoril Praia SAD (@estorilpraiasad) April 15, 2025 Инаку, Аертон Сена е навистина многу приврзан за Есторил. На таа патека, во 1985 година, ја забележа својата прва победа во Формула 1 во болидот на Лотус. Инаку, тоа е единствената победа што трикратниот светски шампион ја забележа на оваа патека....

Сериозни инциденти му претходеа на дербито на Рим во неделата во кое беа повредени 24 полицајци и беше причинета материјална штета од околу 40.000 евра, МВР на Италија во средата донесе одлука, која се однесува на натпреварите кои носат безбедносен ризик. Одлуката на италијанското Министерство за внатрешни работи е одговор на насилството забележано на улиците на Рим во неделата. Во иднина натпреварите кои се оценети како високоризични нема да се играат во вечерните часови. „Во текот на сезоната 2025/26 повеќе нема да биде дозволено натпреварите оценети како натпревари од висок ризик да започнуваат во вечерните часови, како што се случи со натпреварот помеѓу Лацио и Рома“, се вели во меморандумот испратен од италијанското МВР до Фудбалски сојуз на Италија. Како што пренесуваат италијанските новински агенции, АНСА и АГИ, Министерството им забранило и на навивачите на Лацио и Рома да идат на наредните три гостувања на нивните тимови. Пред почетокот на неделното „Дерби дела Капитале“ кое заврши со резултат 1:1, пред натпреварот, околу 500 ултраси на Лацио и Рома се обидоа да го пробијат полицискиот кордон кој беше поставен околу стадионот за да спречат судири. Полицијата го одби налетот на ултрасите, од кои некои беа вооружени со метални палки и чекани, користејќи водени топови и солзавец. Во судирите се повредени 24 лица, а уапсени се тројца навивачи на Лацио и тројца навивачи на Рома....

Првотимецот на Манчестер jунајтед Џошуа Зиркзе поради повреда нема да игра до крајот на сезоната, објави менаџерот на англискиот клуб Рубен Аморим. Џошуа Зиркзе ја повреди тетивата пред три дена на натпреварот од 32. коло на Премиер лигата против Њукасл (1:4). „Зиркзе нема да игра до крајот на сезоната, сакаме да биде подготвен за следната. Не му е лесно“, рече Аморим на прес-конференцијата во пресрет на реваншот од четвртфиналниот натпревар од Лигата на Европа против Олимпик од Лион. Зиркзе (23) сезонава одигра 48 натпревари и постигна седум гола за клубот од Манчестер. Фудбалерите на Манчестер јунајтед утре од 21:00 часот на „Олд Трафорд“ го пречекуваат Олимпик во реваншот од четвртфиналето на ЛЕ. На првиот натпревар одигран минатата недела во Лион заврши 2:2....

Поранешниот менаџер на Ливерпул, Јирген Клоп е сериозен кандидат за клупата на Реал Мадрид доколку Карло Анчелоти добие отказ. Ова е една од најтешките сезони за Анчелоти на клупата на Реал, тој е втор во Ла Лига и на прагот да биде елиминиран од Лигата на шампионите веќе во четвртфиналето. Вечерва, Реал го пречекува Арсенал во реваншот, но по убедливиот пораз од 0:3 во Лондон. Доколку очекувано испаднат од Лигата на шампионите и не успеат да ја стигнат Барселона во Ла Лига, се претпоставува дека Италијанецот ќе биде сменет. Главен фаворит за преземање на клупата на Реал некое време е Чаби Алонсо. Како играч пет години го носеше дресот на Реал Мадрид со кој ја освои Ла Лига во 2012 година, два Копа дел Реј и Лигата на шампионите во 2014 година. Минатата сезона со Баер Леверкузен ја освои двојната круна во Германија, а единствениот пораз во целата сезона му беше во финалето на Лига Европа. Сепак, оваа сезона Леверкузен не доминира во Германија, моментално заостанува шест бода зад лидерот Баерн, а Баварците ги елиминираа во осминафиналето во Лигата на шампионите, а во полуфиналето од Купот на Германија беа елиминирани од третолигашот Арминија Билефелд. Според германски „Спорт“, овие резултати го поставија прашањето дали и колку е Алонсо всушност е подготвен за Реал. Сезоната која не е на нивото на претходната и желбата на Реал да донесе неколку нови имиња во летниот преоден рок ги подгреа сомнежите дали Алонсо е вистинскиот избор. Се вели дека идејата на Флорентино Перез е нов тренер да биде Јирген Клоп. Претседателот на клубот сметал дека германскиот тренер е единствениот способен да ги реши тактичките проблеми на Реал. Поранешниот тренер на Ливерпул наводно би добил „значително поголема слобода“ во водењето на тимот, а како негова предност се издвојува неговото искуство да работи под голем притисок. Сепак, јасно е дека договорот би бил сè само не едноставен. Клоп дури на почетокот на годината ја презеде улогата на глобален фудбалски директор во Ред Бул. Уште тогаш беше нагласено дека договорот има излезна клаузула само во случај да добие понуда да ја преземе репрезентацијата на Германија....

Репрезентативецот на Габон, Арон Бопенса почина на 28-годишна возраст откако падна од 11-ти кат на станбена зграда во Кина, каде што настапуваше за суперлигашот Жеџијанг. Надлежните покренаа истрага поради сомнителниот карактер на целиот случај и падот на фудбалерот. Според извештаите, кинеската полиција разгледува три можни сценарија: самоубиство, несреќен пад и убиство. Снимено е дека во станот во моментот на инцидентот бил присутен братот на Бопенца, а двајцата наводно се расправале. Инспекторите истражуваат дали расправијата можеби довела до убиство. Се очекува неговиот брат да биде сослушан во рамките на истрагата. Бопенца го пропушти последниот тренинг на неговиот тим претходно во текот на денот без објаснување, а претставниците на Жеџијанг рекоа дека не можеле да стапат во контакт со него пред да добијат вест за неговата смрт. 28-годишниот габонски напаѓач стана познат за време на неговиот престој во турски Хатајспор, кога постигна 22 гола на 36 натпревари во текот на сезоната 2020-21, кога беше најдобар стрелец во турската Суперлига. Во својата кариера настапуваше и за Бордо, Ажаксио, Феиренсе, Ал Араби, Ал Шабаб, Синсинати, Рапид Букурешт и од неодамна во кинески Жеџијанг....

Карлос Тевез (41) пред три години стави крај на фудбалската кариера, а сега најави дека ќе приреди спектакуларен проштален натпревар. Ќе настапат легендите со кои Тевез настапуваше во Бока Јуниорс, Коринтијанс, Манчестер Јунајтед, Манчестер Сити, Јувентус и репрезентацијата на Аргентина. „Ќе ги донесам Лео Меси и Кристијано Роналдо. Доколку треба лично ќе одам да ги земам, нивните броеви ги имам на WhatsApp“, најави Тевез кој играше со Роналдо во Јунајтед, а со Меси во репрезентацијата. Аргентинските медиуми шпекулираат дека Роналдо и Меси би можеле за прв пат да играат заедно. Тевез ги откри и останатите учесници во спектаклот: „Ван дер Сар на едниот гол, Буфон на другиот. Стопери: Фердинанд, Видиќ, Кјелини, Бонучи. Мора да биде и мојот брат Евра. Што се однесува до играчите од средниот ред – Пирло, Сколс, Рикелме дефинитивно ќе бидат таму, Руни исто така. Треба само да најдеме термин кој им одговара на сите”. Пред седум години, Тевез одговори на барањето на ESPN да го искаже своето мислење во вечната дебата кој е подобра Роналдо и Меси. „Кристијано е сосема поинаков во споредба со Меси. Кога Лео почна да игра, тој не доаѓаше ни во теретана, а Роналдо цело време беше таму. Роналдо работеше напорно, а на Меси сето тоа му дојде природно. Мислам дека тоа е главна разлика меѓу двајцата најдобри фудбалери во светот“....

По осум години Кајл Вокер го напушти Манчестер Сити и замина на позајмица во Милан, меѓутоа прашање е дали ќе остане во Италија. Вокер во последната година имаше многу проблеми со повредите, поради што го загуби местото во составот на Манчестер Сити. Поради тоа реши да го напушти „Етихад“. Милан го донесе на позајмица до крајот на сезоната, сепак како што сега стојат работите нема да го задржат за следната сезона. Причината повторно се честите повреди. Репрезентативецот на Англија поради повреда го пропушти дуелот со Удинезе во претходното коло, а претходно пропушти два меча на крајот на февруари исто така поради повреди. Вокер сигурно нема да се врати во Манчестер Сити. Неговиот договор истекува на крајот од сезоната, а „граѓаните“ не планираат да му понудат нов. Сега се поставува прашањето каде десниот бек ќе ја продолжи кариерата на лето доколку Милан реши да не го задржи....