Партизан вечерва игра против Хамбург во рамките на Еврокупот и се наоѓа пред убедлива победа бидејќи има високо водство во финишот. Таква беше ситуацијата во поголемиот дел од мечот, но тоа не ги спречи играчите на Партизан да се фрлаат по секоја топка, на задоволство на навивачите во Пионир. Така беше и во третата четвртина кога Зек Ледеј заврши на записничката маса откако не успеа да спаси една топка. Целиот текст и ситуацијата погледнете ги на следниот ЛИНК....

На десетгодишнината од историското петто место на континенталниот шампионат во Србија, македонската ракометна репрезентација го забележа најлошиот пласман во својата историја на овие натпреварувања. Тоа е номинално бидејќи во конечниот пласман на шампионатот во Унгарија и Словачка, Македонија е на 22. место што не се случило досега. Ова е вторпат на европските првенства да учествуваат 24 селекции, а на претходното бевме 15-пласирани. Реално, најлошиот пласман Македонија го оствари на својот дебитантски настап, во 1998 година кога беше последна на шампионатот во Италија. Разликата е во тоа што тогаш учествуваа само 12 репрезентации, а во борбата за 11. место загубивме од домаќинот со 26-27 по продолженија. Сепак, вредно е да се истакне дека тогаш освоивме барем еден бод, а ова првенство го завршивме со празно конто, првпат во нашата историја....

По пола сезона во италијанското првенство, Жозе Мурињо би можел да се врати во својата омилена лига, тврдат британските медиуми. Според нив, тој е еден од тројцата кандидати за наследник на Рафа Бенитез, на клупата на Евертон. Во конкуренција се уште двете англиски фудбалски легенди Френк Лампард и Вејн Руни кои имаат свои адути за менаџерската позиција. Руни во моментов е на клупата на второлигашот Дерби, а Лампард е една година без ангажман откако ја напушти клупата на Челси. Прва желба на раководството на Евертон бил белгискиот селектор Роберто Мартинес кој своевремено го водеше тимот од Ливерпул, но Фудбалската федерација на Белгија не му дозволи истовремено да ги врши двете функции. Затоа вниманието било свртено кон Мурињо кој не бележи очекувани резултати во Рома и нема да биде чудо ако наскоро добие отказ. Во случај да се договори со Евертон, тоа ќе биде четврти премиерлигаш во кариерата на Мурињо, по Челси, Манчестер Јунајтед и Тотенхем....

Врз основа на комуникација со ФИС (Меѓународната скијачка федерација) и ИОК (Меѓународниот олимписки комитет), МОК информира дека македонската Олимписка делегација која ќе учествува на зимските Олимписки игри ПЕКИНГ 2022, кои че се одржат во периодот 4-20 Февруари 2022 година, ќе биде составена од следните спортисти: – Ана Цветановска – Крос кантри – ФИС код 3755009 (тренер Борче Јовановски) – 126,98 ФИС поени / дисциплини 7,5 км слободно плус 7,5 км скијатлон и 10 км класично (настап на 5 и 10 Февруари). – Дардан Дехари – Слалом – ФИС код 750089 (тренер Антонио Ристевски) – 58,50 ФИС поени / дисциплини слалом/велеслалом (настап на 13 и 16 Февруари). – Ставре Јада – Крос кантри – ФИС код 3750031 (тренер Борче Јовановски) – 63,77 ФИС поени / дисциплини Спринт слободно 1,5 км и 50 км слободно (8 и 19 Февруари). Македонското знаме на церемонијата на отварање на зимските Олимписки игри ќе го носат Ана Цветановска и Дардан Дехари. Олимписката делегација која ќе биде водена од страна на спортскиот директор на МОК, Владимир Богоевски за Пекинг ќе тргне на 29 Јануари, а во Скопје ќе се врати на 21 Февруари....

Комплетирани се сите натпревари од групата Б на Африканскиот куп на нации. Од оваа група минаа и Сенегал кој е еден од фаворитите на турнирот и Гвинеја. Сенегал стравуваше до последен момент во мечот со Малави, на крајот заврши со резултат 0:0, додека Гвинеја загуби од Зимамбве со 2:1. На крајот Сенегал со Сади Мане со само еден гол во три меча го освои првото место и пласманот во нокаут фазата. Малави има можност да оди понатаму преку најдобрите третопласирани, но треба да почека да се развие ситуацијата во другите групи....

Сопственикот на Челзи, рускиот тајкун Роман Абрамович се подготвува за нови инвестиции во играчкиот кадар. Свесен дека на Барселона им ’гори под нозе’ и дека е во ситуација да ги продава своите играчи за да заработи, Абрамович решил да тргне по тројца играчи од каталонскиот тим. Прво име на списокот на Абрамович и секако по барање на тренерот Томас Тухел е играчот од средниот ред Френки Де Јонг. Ситуацијата со Холанѓанецот се промени оваа сезона и неговите игри се далеку од минатата сезона. Тухел би сакал таков играч во својот тим, а Ел Национал тврди дека Челзи е подготвен да плати 60 милиони евра за играчот. Втор на листата е талентираниот Гави, кој има откупна клаузула од 50 милиони евра, која Челзи е подготвен да ја плати. Договорот на овој 17-годишен талент со Каталонците истекува во летото 2023 година, а Челзи е подготвен да му обезбеди многу поголема плата од онаа што ја има на „Камп Ноу“. Проблемот за сините е што скапоцените камења ги следат други големи и богати тимови како Баерн, Манчестер Сити и Ливерпул. Последниот играч на листата на Роман е Сергино Дест, кој не се вклопи баш во плановите на Чави, иако беше неприкосновен во топ 11 во мандатот на Роналдо Куман. Барселона пак би барала 20 милиони евра, што е еден милион помалку од парите потрошени за неговото носење во 2020 година. Доколку гласините се остварат и Челзи навистина тргне по споменатите фудбалери, тогаш Барселона ќе биде многу во искушение. Сигурно е дека се работи за играчи кои имаат квалитет и кои не се пуштаат лесно, но секој милион им е многу важен на Каталонците и со продажба на такви играчи ќе добијат можност да донесат нови по желба на Чави....

Продолжуваат шпекулациите за јануарски трансфери. Островскиот „Гардијан“ ја пренесува веста дека Стивен Џерард би можел да остане без еден од најдобрите играчи. Наводно, Манчестер Јунајтед е заинтересиран за играчот од средниот ред на Астон Вила, Џон Мекгин, кој сезонава забележа 18 настапи за Вила, постигна три гола, забележа две асистенции и е еден од играчите кој е многу важен во играта на тимот од Вила Парк. Цената на Мекгин според трансфер планот е 30 милиони евра, а бидејќи има договор со Астон Вила до летото 2025 година, прашање е колку тимот од Бирмингем би барал за шкотски играч од средниот ред, но Јунајтед се чини дека е решен да донесе во своите редовите. Споменатиот фудбалер собра и 42 настапи за шкотската репрезентација и постигна 11 голови....

Снегот ненадејно падна во одредени делови на Турција, а натпреварот Газиантеп – Малатијаспор беше прекинат на полувремето поради немање услови. Југоисточниот дел на Турција го затрупа снег, па мораше да се прекине дуелот во Газиантеп. Една бизарна ситуација се случи на крајот од првиот дел, кога беше досуден пенал за гостите. Карим Хафез се обидува со раце да ја расчисти „белата точка“ за да може да се изведе пенал. Додека го чисти снегот, неговиот противник Фуркан Сојалп му отежнува и повторно да го фрлаше снегот на истото место. На крајот, пеналот беше изведен, но не беше постигнат гол, па остана 0:0, но набрзо судијата најави дека натпреварот нема да се игра додека не се исполнат условите. 🧹 Karim Hafez, penaltı noktasını elleriyle temizledi… #GFKvYMS 😅 Furkan Soyalp, trollüğe soyundu. #Seviyoruzİşte pic.twitter.com/YfKzc35V3a — beIN SPORTS Türkiye (@beINSPORTS_TR) January 18, 2022...

Португалецот Кристијано Роналдо ги израдува своите фанови, според неговата најава, тој уште долго ќе игра фудбал. Иако е веќе 37. години, тој сигурно во блиска иднина не размислува да се пензионира, според изјавата, тој ќе игра фудбал уште четири или пет години. Тоа го откри при доделувањето на ФИФА наградите, тој доби награда за соборен рекорд по бројот на голови за репрезентацијата. „Се уште сакам да играм, ќе играм долго, тоа ми е целта. Сакам да постигнувам голови и да ги забавувам луѓето. Наскоро сум 37. години, но се чувствувам добро и сакам да играм. Луѓето ги интересира уште колку ќе играм, но верувам тоа ќе трае уште 4 или 5 години“, порача Роналдо. Да потсетиме, наградата за најдобар играч во светот ја доби Роберт Левандовски....

Новинарот на Скај Спорт и поранешен Ф1 возач, Мартин Брандл, го обвини првиот човек во гаражата на Мерцедес, поради неприфатливите гестови во завршницата од сезоната и трката во Абу Даби. Како што е познато, Тото Волф неколкупати реагираше бурно преку тимското радио, кон првиот човек на ФИА, Мајкл Маси, кој потоа доби низа на критики поради начинот и принципите кои ги форсирал во оваа трка. „Тото повеќепати се обиде да влијае врз Мајкл Маси, прв пат беше кога го убедуваше Маси да не извади безбедносно возило на патеката по ударот на Џовинаци и Алфа Ромео“. „Тоа е комплетно неприфатливо и Тото го знае тоа. Не смееме да го имаме тоа во Ф1. Што ќе се случеше во деновите кога Чарли Вајтинг беше главен во ФИА, ќе му кажаа дека во моментот Чарли е зафатен и не може да одговори. За мене, сето тоа од Тото Волф беше крајно неприфатливо“, истакна Мартин Брандл....

Портпаролката на шпанската влада, потврди дека услов за играње во Шпанија, ќе биде вакцината, а Новак Ѓоковиќ не е вакциниран. Скоро извесно дека поголемиот дел од земјите ќе го следат примерот на Австралија околу статусот за вакцинирањето, посебно кај спортистите. Тоа практично значи дека српскиот ас ќе мора да се вакцинира, за да игра на Мастерсот во Мадрид во месец мај. „Она што треба да го знае господин Ѓоковиќ, е дека треба да се вакцинира, тоа во овој момент би било најразбирливо“. Во понеделник премиерот Педро Санчез, најави дека светскиот број 1 ќе мора да се вакцинира ако сака да се натпреварува, а сега сето тоа доби потврда. Инаку, Ѓоковиќ има куќа во Марбелја, таму престојуваше во декември, пред да отпатува во Австралија, од каде што и беше депортиран, така да сега мора да му биде јасно, дека ќе ја пропушти половина сезона сигурно, доколку не се вакцинира....

Ралф Рангник и Ентони Марсијал конечно пронашле соодветно решение и заеднички јазик. Откако деновиве се појавија обвинувања од двете страни, сега навидум се е решено барем за момент. Марсијал за почеток ќе се врати на тренинзите, по што ќе се донесе конечна одлука околу идниата на францускиот фудбалер. „Овде сум шест недели, се што имав да кажам е кажано на пресконференциите. Разговарав со Ентони Марсијал и му ја објаснив целата ситуација, тој не патуваше со нас на последниот натпревар. Но деновиве ќе тренира со нас и потоа ќе се донесе конечна одлука“, истакна Рангник. Марсијал веќе изрази желба за заминување од клубот, но порача дека никогаш не би одбил да игра за Јунајтед кога и да биде побарано тоа од него, па останува на времето да покаже дали до крајот на месецот Марсијал навистина ќе исфорсира трансфер надвор од Манчестер, или ќе се обиде да ја бара шансата на Рангник....

Селекторот и капитен на Македонија, Кире Лазаров, најави дека скоро извесно дека ќе биде дел од квалификациите за следниот ракометен Мундијал. Тој не беше дел од репрезентацијата на ЕП во Унгарија, поради тоа што заработи непријатна повреда ден пред да го играме првиот официјален меч, но не се откажува и во овие години. „Доколку бидам здрав, ќе играм за Македонија, моето присуство би било од витално значење за сите, само жалам што на ова ЕП не можев да помогнам“, порача Лазаров за медиумите. Во составот на ова ЕП беше и искусниот Филуп Миркуловски, кој е од генерацијата на Лазаров, кој исто така деновиве најави дека и понатаму ќе помага во репрезентацијата со помладите ракометари....

На два дена пред својот 29. роденден, македонскиот репрезентативец Предраг Пајиќ ги реши сите дилеми околу продолжението на својата кариера. По 2,5 години поминати во Кожув, искусниот шутер се сели во Пелистер каде ќе остане до крајот на оваа сезона и ќе се обиде да помогне во борбата на три фронта. Целиот текст прочитајте го на следниот ЛИНК....

Германскиот стратег Томас Тухел истакна дека посакува да остане во Челси, но дека не знае што носи иднината. Челси вечерва гостува кај Брајтон во заостанатото коло, па се надеваат на позитивен резултат, бидеки лидерот Сити наметна жестоко темпо и веќе се на 13 бодови зад тимот од Лондон. „Јас имам договор до 2024 година, ајде да се обидеме да останеме барем онолку колку што договорот налага. Историјата зборува дека тоа воопшто не е лесно, но денеска се чувствувам самоуверено дека тоа можам да го постигнам. Во овој момент, не постои место каде би сакал повеќе да бидам од Челси“. „Среќен сум овде, ќе видиме во иднина што ќе се случува, но сите знаат дека резултатите се овде неопходни и она што се гледа. Одговорен сум за креирање на атмосферата, која треба да ни донесе добри резултати“, истакна Германецот....

Вечна тема е дали Еден Азар сака да го напушти Реал Мадрид и да се пресели во Челси, каде некогаш беше главен играч. Денеска шпанските медиуми, поточно АС, тврди дека до Реал Мадрид, дошла понуда од Англија, но дека изненадувачки, таа не е од Челси, туку од Њукасл, клубот кој допрва треба да се избори за опстанок, а следната сезона ќе добие сосема нов изглед. Наводно Њукасл понудиле смешни 40 милиони евра за Азар, а како одговор од Мадрид, добиле веднаш рампа. Реал Мадрид одбиле да преговараат на таква увредлива понуда, сметајки дека Азар вреди многу повеќе од понуденото. Како за потсетување, Реал плати 120 милиони евра за неговиот трансфер....

Никола Митревски ја има една од најдобрите пет одбрани во досегашниот дел од ЕУРО шампионатот во ракомет. Македонскиот голман иако беше спречен да биде присутен на првиот меч против Словенија, поради тоа што се уште беше позитивен на Ковид19, успеа да и се приклучи на репрезентацијата веќе за мечот со Црна Гора. Неговата одбрана во мечот против Данска беше при резултат од 1:0, за подоцна благодарение на неговите одбрани, Македонија да направи серија од 4:0, иако на крајот бевме катастрофално поразени....

Австралискиот тенисер Ник Кирјос, истакна дека од принцип го поддржа Новак Ѓоковиќ за сето она што му се случуваше деновиве во Австралија. На констатацијата дека добил на популарност во Србија, по поддршката за Ѓоковиќ, откако и колегата на Ѓоковиќ, Душан Лајовиќ му рекол дека го нарекуваат Ник Кирјос „Србин“, ово порача. „Па тоа е одлично, Новак и јас имавме одредени пречки во минатото, но сега е нешто друго во прашање. Би се завземал за секој друг кој ќе биде во таква ситуација, ќе го сторев истото и да беше друг тенисер во прашање. Сега сме другари и не се жалам, па во иднина мислам дека ќе го прашам да играме некаде заедно дубл“, порача Кирјос со мнасмевка на лицето. По победата на Лиам Броди во три сета, Кирјос се пласираше во второто коло од Австралија Опен, каде веќе таму има сериозен претендент, Данил Медведев....

Италијанскиот дневен спортски весник Кориере дело спорт објави интересна ситуација од соблекувалната, по вчерашниот натпревар меѓу Милан и Специја на Сан Сиро. Во втората минута од судиското продолжение, „росонерите“ постигнаа гол, но претходно, главниот судија Марко Сера ја прекина играта иако можеше да дозволи предност. И самиот беше свесен за грешката што ја направи, па веднаш им се извини а фудбалерите на Милан кои добија слободен удар на околу 20 метри од голот. Да биде трагедијата поголема, неколку минути Специја постигна гол и победи со 2-1, па Милан место три, не освои ниеден бод. Сера беше разочаран уште на теренот, јасно беше дека жали за ненамерната грешка, но немаше враќање. Сведоци тврдат дека во соблекувалната бил крајно разочаран и дека плачел пред своите колеги....

Откако шестмина играчи го напуштија гевгелискиот прволигаш, новото раководство на клубот го почна процесот на рехабилитација на тимот. По Тревон Бродвеј и Мајлс Томпсон, Кожув ќе се засили со уште двајца кошаркари. Целиот текст прочитајте го на следниот ЛИНК....

Маневарскиот простор околу Новак Ѓоковиќ се стеснува и ако не дојде до сериозни промени во епидемиолошката ситуација низ светот или ако не се вакцинира, веројатно тој оваа година ќе пропушти многу важни турнири. Мразот го скршија Австралијците кои по долга борба му забранија учество на Гренд слемот кој почна вчера, потоа истото сценарио го најавија Французите за Ролан Гарос, а денеска и од Шпанија стигна вест дека на Ѓоковиќ најверојатно нема да му биде дозволен учество на Мастерсот во Мадрид ако не ги следи здравствените протоколи. „Без намера да полемизирам, мораат да се исполнат санитарните норми. Било која личност да е во прашање, без разлика дали е спортист од највисоко ниво или не, мора да се однесува во согласност со здравствените стандарди на државата“, изјави премиерот на Шпанија, Педро Санчес кој ја поддржа одлуката на Федералниот суд на Австралија да му ја укине визата на Ѓоковиќ. Интересно е тоа што Ѓоковиќ има куќа во Марбеља и често престојува таму, а од тоа место и тргна кон Мелбурн пред две недели....

Поранешниот фудбалер на Реал Мадрид, Пако Хенто почина утринава на 88-годишна возраст, соопшти неговото семејство, а потоа потврди клубот. И пет децении по завршувањето на неговата професионална кариера, Хенто е една од најголемите легенди во историјата на мадридскиот гигант, неговиот дрес го носеше 18 години и во тој одигра 428 натпревари и постигна 128 гола. Беше дел од незаборавната генерација на Реал која доминираше во Шпанија и Европа во 50. години на минатиот век. Се уште е рекордер по бројот на освоени титули во шпанското првенство (12) и во Купот на шампионите, вклучувајќи ја и Лигата на шампионите (6). Во неделата со него се израмни Марсело по бројот на трофеи во дресот на Реал (24). Хенто беше почесен претседател на Реал и клубот в недела ќе му оддаде посебна почест, пред почетокот на натпреварот против Елче....

Како што е познато ФИФА синоќа го избра најдобриот играч во светот за 2021 година.Церемонијата се одржа виртуелно, а наградата The Best ја доби Роберт Левандовски, одличниот напаѓач на Баерн. Воедно беше избран и идеалниот тим со мошне чудна формација од 3-3-4. FIFPro have named their men’s and women’s World XI for 2020/21! 🤩 — Sky Sports News (@SkySportsNews) January 17, 2022 Тимот изгледа вака: Донарума, Алаба, Рубен Диас, Бонучи, Жоргињо, Канте, Де Брујн, Кристијано Роналдо, Халанд, Левандовски и Меси. Иако направија формација со дури четворица напаѓачи, немаше место за Карим Бензема, напаѓачот на Реал Мадрид кој навистина по сите параметри ја заслужи оваа чест. Неговиот менаџер, Карим Џазири имаше кисела реакција на својот Твитер профил, веднаш по откривањето на топ 11 во 2021 година. „Да не се стави Бензема меѓу 11-те најдобри во годината е непочитување на фудбалот, но сите знаеме дека фудбалот е најмалата грижа на ФИФА и дека е така веќе некое време“, напиша Џазири на Твитер....

Белгискиот селектор Роберто Мартинез повторно ќе работи во најсилната лига на светот. Евертон пред неколку дена му врачи отказ на Рафаел Бенитез, а странските медиуми се убедени дека Шпанецот ќе го наследи Мартинез, кој веќе работеше на Гудисон Парк. Според Би-Би-Си, Белгија не сака да го загуби 48-годишниот селектор пред Светското првенство во Катар, но Евертон прави се за да го врати тренерот кој ги водеше од 2013 до 2016 година. По отказот во Евертон, Мартинез ја презеде белгиската репрезентација и со неа беше трет на Светското првенство 2018 година. И Мартинез има желба повторно да работи во Премиер лигата, а покрај него, кандидати за нов менаџер на „Карамелите“ се поранешниот играч Вејн Руни и помошниот тренер Данкан Фергусон....

Шпанската фудбалска репрезентација најави дека во март ќе одигра два пријателски натпревари. Шпанија ќе ја пречека Албанија на 26 март во Корнели на стадионот Еспањола и тоа ќе биде враќање на репрезентацијата во Барселона по 18 години. Последниот натпревар на Фуријата во Барселона беше на 18 февруари 2004 година против Перу на Олимпискиот стадион Луис Компани. Три дена по дуелот во Барселона, Шпанија ќе го пречека Исланд во А Коруња и тоа ќе биде враќање во овој град по 13 години. Последниот натпревар на ова место го одигра во 2009 година против Белгија во квалификациите за Светското првенство во Јужна Африка. Овие натпревари за Шпанија ќе бидат своевидна подготовка за Светското првенство кое на крајот на годината ќе се игра во Катар....

Многу веројатно по Езгијан Алиоски уште еден македонски фудбалски репрезентативец кариерата ќе ја продолжи во Саудиска Арабија. Откако популарното Џани летово ја напушти Премиер лигата и се пресели од Лидс во Ал Ахли сега неговите стапки ќе ги следи и соиграчот од националниот тим, голманот Столе Димитриевски. Како што јавуваат шпанските медиуми Рајо Валјакано решил да ја прифати понудата на Ал Наср од Саудиска Арабија која според неофицијални информации се искачила на 10 милиони евра. 🚨🔥 Agreement in principle between #AlNasr and #RayoVallecano for Stole #Dimitrievski. ⏳✅ The 🇲🇰 goalkeeper is one step away to join the 🇸🇦 club. Last details are now under discussion. 🐓⚽#Calciomercato #Transfers https://t.co/4mPkISKI0K — Rudy Galetti (@RudyGaletti) January 17, 2022 Па така иако се најавуваше дека Столе би можел во Барселона, се чини дека сепак ќе ја одбера побогатата понуда, онаа на Арапите....

На натпреварот Милан – Специја беше забележана една од најголемите судиски грешки во последните години. Специја победи сензационално на Сан Сиро (1:2), но голема помош имаше и од судијата Марко Сера, кој поништи чистиот гол на Росонерите. Сера свирна прекршок врз Ребиќ, без да чека да заврши акцијата. Топката дојде до Жуниор Месијас кој погоди, но судијата остана на својата одлука. Поточно не пушти преност. Да беше признат голот, Милан ќе поведеше со 2:1 и многу веројатно ќе стигнеше до трите бода, но наместо тоа Гиаси во шестата минута од продолжението погоди за Специја и им донесе победа на гостите. Оваа судиска одлука би можела да влијае на крај и за шампионот бидејќи Милан на табелата би го прескокнал Интер со три бода. Така „нероаѕурите“ останаа сега на +2, додека имаат натпревар помал, па предноста може дополнително да се зголеми. Во меѓувреме Милан доби извинување од Здружението на италијански судии (АИА), но тоа тешко дека ќе им користи на Росонерите. Извесно е дека 39-годишниот Сера го чека жестока казна, а извесно е дека нема да биде делегиран во следните неколку кола....

Селекторот Кире Лазаров по поразод од Данска со резултат од 21-31 се огласи и порача: „Невозможна мисија беше да се даде поголем отпор, иако во одреден дел бевме рамноправни со неафирмирани млади ракометари. Овие минути многу ќе им значат на младите ракометари. Полека треба да ги најдеме тие 16-20 ракометари кои би ни служеле во следните десетина години. Друго е кога ќе ги видите младите сили во Суперлигата, а друго на Европско првенство против Данска. Полека ни се чисти сликата да ги најдеме тие ракометари. Жал ми е што денес се повреди и Кузмановски, покрај веќе повредениот Маџовски и морав да комбинирам. Делумно сум задоволен и многу ни значи ова првенство. Вечерва игравме против „машинерија“ и ова е позитивно искуство за кое не можам да им замерам на ракометарите“. заврши селекторот....

Македонската ракометна селекција веќе ги патува куферите и ноќва се враќа од Унгарија каде што одигра ЕП за заборав. На трибините во салата во Дебрецин и овојпат не изостана поддршката од трибините од страна на македонската фаланга. Вечерва на мечот со Данска го имаше можеби и најдобриот перформанс и тоа во вториот дел кога противникот буквално не газеше. Ако нешто е за поздрав од ова ЕП, токму се нашите навивачи кои единствено останаа на нивото од минатите години кога станува збор СП или ЕП....

Македонската ракометна селекција Европското првенсртво 2022 го заврши по првата фаза, онаа во групи. За крај избраниците на Кире Лазаров во рамки на третот коло од групата А доживејаа нов убедлив пораз, овојпат од Данска со резултат од 21-31. Воедно ова беше и трет пораз, по оние од Словенија во воведното коло, како и оној против Црна Гора. Крајниот исход не го навестуваше почетокот на мечот кога Македонија поведе со 4-0, но и тука застана. А за да маката биде поголема се повреди и Фикип Кузмановски кој го напушти мечот и не се врати до крај. Данска во првиот дел замина со +4 (11-15), за да во вториот дел комплетно ги надигра „црвено-жолтите“ и на крај да слават со убедлив резултат изразен со двоцифрена разлика (21-31) Најефикасен во нашиот состав беше Пешевски кој запиша 6 погодоци, а за одбележување е и деби голот на Митев. Кај Данска Киркелеке беше прво име со 9 гола....

ФИФА го избра најдобриот играч во светот за 2021 година. Церемонијата се одржа виртуелно, а наградата The Best ја доби Роберт Левандовски, одличниот напаѓач на Баерн. Откако ја загуби Златната топка, многумина се согласуваат дека на некој начин правдата беше задоволена откако Полјакot беше прогласен за најдобар од ФИФА. За Левандовски ова е втора последователна награда The Best, а славеше пред Лионел Меси и Мохамед Салах. Воедно беше избран и идеалниот тим со атомски напад со оглед на формацијата 3-3-4. Карим Бензема не е едно од звучните имиња во тимот. FIFPro have named their men's and women's World XI for 2020/21! 🤩 — Sky Sports News (@SkySportsNews) January 17, 2022 Тимот изгледа вака: Донарума, Алаба, Рубен Диас, Бонучи, Жоргињо, Канте, Де Брујн, Кристијано Роналдо, Халанд, Левандовски и Меси....

Кристијано Роналдо со години е еден од најдобрите фудбалери во светот. Португалецот за многумина е инспирација и пример, а тоа му се чини на неговиот колега од Тотенхем, репрезентативецот на Јужна Кореја, Хеунг-мин Сон. Тој во интервју за островските медиуми имаше само пофални зборови за Роналдо. “Сакам да го запознаам Роналдо и да разговарам со него. Ме интересира начинот на кој успеа да постигне се што постигна во кариерата. Би сакал да ме научи на некои работи во фудбалот”, изјави Сон....

Многумина се согласуваат дека на крајот на милениумот, можеби најдобриот фудбал во историјата се играше со многу големи екипи и големи фудбалери. Во тоа време, еден од најдобрите напаѓачи во светот беше Марио Жардел, одличен Бразилец кој двапати беше Златна копачка на Европа. 48-годишникот веќе подолго време е во пензија, а неодамна одлучи да учествува во португалското реално шоу „Големиот брат Вип“. Не е тајна дека Жардел во текот на кариерата користел кокаин, а сега откри некои од шокантните детали. „Се предозирав во 2002 година, седум дена се будев со кокаин. За оние кои ме гледаат, секако не сум добар пример“, изјави некогаш одличниот напаѓач, кој го красеше феноменална игра со глава. “Ова е секојдневна борба. Свесен сум за мојот голем проблем. Паднав на дното и ми требаше долго време да се кренам. Важно е што сум жив”. „Сега можам самоуверено да им кажам на сите да престанат да користат дрога“. Жардел остави најдлабока трага играјќи за Порто и Галатасарај. Турскиот клуб пред 22 години му плати огромни 28 милиони долари. Во сезоната 1999/2000 беше најдобар стрелец во Лигата на шампионите, додека во 1999 и 2002 година беше најефикасниот играч во Европа. Во кариерата смени голем број клубови, а од фудбалот се прости во 2011 година. Извесен период беше и репрезентативец на Бразил....

Пандемијата на коронавирус која трае речиси две години влијаеше на животите на многумина, особено на спортистите. Поради различни правила, некои играчи не ни знаат дали ќе имаат право на настап на денот на натпреварот или не. Таков беше случајот со Пјотр Зиелински, одличниот играч за врска на Наполи и секако еден од најдобрите играчи од средниот ред во Серија А. Имено, Зиелински беше позитивен на коронавирусот, не можеше да отпатува со тимот во Болоња на гости кај истоимениот домаќин. Сепак, во текот на ноќта полскиот играч за врска го заврши периодот на изолација, па во понеделникот рано наутро се качи на првиот воз за Болоња. Некои од патниците успеале да го фотографираат додека Зиелински во клупска опрема додека го чекал возот, а набрзо таа фотографија станала вирална. Зиелински му се приклучи на тимот околу 13 часот, а интересно е што Лучијано Спалети го вклучи во стартните 11 на стадионот Дал’Ара....

Барселона има голема мака во ликот и делото на Усман Дембеле. Манчестер Јунајтед, пак, има проблеми со Антони Марсијал. Челниците на двата клуба така се сетија да стапат во контакт и да се обидат да заеднички да ги решат своите проблеми со размена на двајцата играчи. За оваа можност, која наводно станала мошне сериозна вечерва пишува новинарот кој е добро запознаен со случувањата на „Камп Ноу“ – Руди Галети. Тој пишува дека не станува збор само за обична идеја туку за преговори кои се започнати и кои одлично напредуваат. Наводно до таа мерка што начелниот договор – само меѓу клубовите – би можел да биде постигнат веќе во следните часови!? Проблемот на Јунајтед со Марсијал ескалираше пред два дена кога Ралф Рангник отсуството на францускиот напаѓач од тимот го образложи со негово одбивање да патува на натпреварот со Астон Вила. Кратко потоа Марсијал се огласи и изјави дека тоа не е вистина. После се јасно е како ден дека нивниот однос доживеа крах и дека некогашниот фудбалер на Монако уште оваа зима мора да си најде нова средина. Кога станува збор за Дембеле, Барса му даде рок од 48 часа дефинитивно да се изјасни дали ги прифаќа условите за продолжување на соработката, меѓутоа и во неговиот случај се е кристално јасно, а тоа е дека ќе ја одбие понудата на Каталонците. Сето ова драстично ги зголемува шансите за „Црвените ѓаволи“ и Каталонците да се договорат околу размената. Она што може да биде проблем е фактот дека Марсијал има дури две години подолг договор. Дембеле досега во главно одбиваше да си оди во јануари со цел на лето да добие голем бонус за самиот потпис. Но, ниту таа ситуација не е нерешлива. Позајмица до крај на сезоната во двете насоки би значело дека Дембеле ја задржува шансата да го земе она што го сака....

Европската ракометна федерација по втор пат ги смени правилата кои важат за заразените играчи од Ковид-19 на Европското првенство кое се одржува во Унгарија и Словачка. ЕХФ и претходно имаше цел сет на чудни правила, кои непосредно пред почетокот ги промени, за сега повторно да ги заостри регулативите. Имено, пред почетокот на ЕП, позитивните играчи на Ковид-19 требаше да одат во двонеделна изолација, за потоа пред почетокот на шампионатот, периодот да се намали на само пет дена. Но, сето ова од денес не важи. Според најновите правила, сите заразени играчи ќе можат да се вратат на теренот дури по осмиот ден откако добиле позитивен тест. Покрај ова, играчите ќе мора да добијат и два негативни ПЦР тестови на седмиот и осмиот ден за да можат да се вратат на теренот. Групната фаза на ЕП завршува, а денес и утре се играат последните натпревари. Шампионатот трае до 30 јануари, но како што тргнале работите, нема да биде изненадување ако ЕХФ пак се предомисли и воведе нови регулативи....

Македонскиот напаѓач Дориан Бабунски, по одличните игри во дресот на Ботев Враца во бугарскиот шампионат, направи трансфер во Унгарија. Имено, напаѓачот, кој поради своите одлични игри доби и повик во репрезентацијата, во следните две и пол години ќе го носи дресот на Дебрецин, каде настапува и неговиот брат Давид Бабунски. „Чест ми е што се приклучувам на овој тим. Се чувствувам подготвен да му помогнам на клубот и верувам дека заедно ќе имаме големи успеси. За првпат сум во ист клуб со мојот брат и тоа ќе биде навистина посебно чувство“, изјави Дориан Бабунски. Дориан имаше одлична полусезона во бугарскиот шампионат каде на 18 натпревари постигна 10 гола и забележа три асистенции. Дориан и Давид Бабунски важеа за големи таленти на македонскиот фудбал, со оглед на тоа дека двајцата беа дел од младинските состави на Реал Мадрид, односно Барселона....

Македонија денес го игра последниот натпревар на ова Европско првенство, а во пресрет на истото се поставуваат и многу прашања околу иднината на нашиот национален состав, односно судбината на оние најискусните. Филип Миркуловски се врати од репрезентативна пензија за да помогне во процесот на подмладување, а капитенот на нашиот национален состав денеска соопшти одлични вести за селекторот Кире Лазаров. Имено, Миркуловски истакна дека ќе биде дел од репрезентацијата и во баражите за СП. „Имам желба да играм и во следниот период. Мојот план е да играм за Македонија и во бараж мечевите за Светското првенство, само нека ме послужи здравјето“, изјави Миркуловски. Македонија ќе мора да игра две бараж рунди за СП, со што нашиот пат до Мундијалот ќе биде значително отежнат. Сепак, фактот дека Миркуловски ќе настапи, сигурно ќе биде огромен плус за нашиот национален тим, а покрај него, се очекува во тимот да се врати и Кире Лазаров, кој поради повреда не игра на овој шампионат....

Најдобриот фудбалер на сите времиња Лионел Меси ќе ги пропушти дуелите на аргентинската репрезентација против Чиле и Колумбија, во рамките на квалификациите за Светското првенство во Катар. Причина за тоа е фактот што јужноамериканскиот шампион е веќе пласиран на Мундијалот, па Меси ќе има дополнително време да се одмори за натпреварите од Лигата на шампионите против Реал Мадрид. Од ова може да се заклучи дека единствената работа која му е на памет на најдобриот во светот е трофејот од елитното натпреварување кој би бил петти за него во кариерата. Оваа сезона Меси постигна вкупно шест гола од кои пет во Лигата на шампионите, но навивачите и медиумите во Франција се незадоволни од неговиот ефект. Во новата година се уште не одиграл ниеден натпревар затоа што беше позитивен на ковид....

Фудбалскиот клуб Работнички прави револуционерен потег, се отвора кон дигиталниот свет со намера да остави свој белег како светски иноватор. Ќе биде тоа голема промоција за клубот, македонскиот фудбал, но и спортот во целина, во една нова дигитална сфера. ФК Работнички ќе биде првиот професионален фудбалски клуб кој ќе чекори во светот на НФТ! Со ова движење клубот ќе биде пионер и предводник на револуционерни промени во фудбалскиот свет, како и во НФТ просторот! Ова е овозможено со договорот меѓу претседателот на ФК Работнички, Драган Поповски, и основачот на НФТ К-клуб, Владимир Крстиќ. НФТ е пазар со огромен потенцијал кој најчесто се користи за продажба на уникатни производи за дигитална уметност, но сега со помош на ФК Работнички, НФТ технологијата ќе биде употребена како мост меѓу дигиталниот свет и реалните фудбалски операции! Ова е голем иновативен чекор за глобалниот спортски свет....

Македонскиот репрезентативец Кирил Николовски денеска официјално му се приклучи на својот нов тим. По 4,5 години, тој се врати во Кавадарци и до крајот на сезоната ќе ги брани боите на поранешниот трикратен шампион на Македонија, Еуро Никел. Целиот текст прочитајте го на следниот ЛИНК....

Најдобриот светски тенисер Новак Ѓоковиќ денеска се врати во Белград по 11-дневната голгота што ја доживеа во Мелбурн. Во исто време со пристигнувањето, се совпадна информацијата дека компанијата Лакост, која е спонзор на Србинот за спортска опрема, деновиве ќе свика состанок за со него да биде поразговарано на некои теми. „Австралиските власти ја укинаа визата на Новак Ѓоковиќ и поради тоа, тој нема право на настап на турнирот во Мелбурн. Поради тоа, во првата следна прилика ќе стапиме во контакт со Новак за заедно да поминеме низ сето ова што се случи“, се вели, меѓу другото, во соопштението од Лакост. Српските, а и француските медиуми шпекулираат дека Ѓоковиќ би можел да остане без овој спонзор, со оглед на тоа што најверојатно на тенисерот нема да му биде дозволен влез ниту во Париз, на Ролан Гарос....

Поранешниот тренер на Новак Ѓоковиќ, Борис Бекер, по сагата која беше актуелна во Австралија, му испрати една јасна порака на српскиот шампион. Бекер смета дека Ѓоковиќ треба да се вакцинира, со цел да ги оттргне сите обвинувања од страна на медиумите и дел од новинарите за она што му се случуваше деновиве. „Ѓоковиќ сигурно ја плаќа најголемата цена на денешницата, но сепак, Владата го има последниот збор. Во сагата во Австралија нема победник, Ѓоковиќ едноставно загуби. Ѓоковиќ не прекрши ниту еден закон, но очигледно сето ова за него беше голем удар“. „Австралија Опен е неговиот омилен турнир, го освојуваше девет пати, сакаше да го собори рекордот по освоени гренд-слем трофеи, а сега шансата му еодземена, така да мислам дека длабоко во себе е фрустриран. Но би му советувал дека треба да се вакцинира“, истакна Бекер. Прашање е каков статус ќе добие и во Париз на „Ролан Гарос“ бидејки и од таму доаѓаат најави дека нема да му биде дозволено да игра доколку не е вакциниран....

Доколку Јувентус не се договори со Паоло Дибала за продолжување на соработката, може да следи најдраматична можна разврска. Интер како актуелен шампион во Серија А, будно ја следи разврската на оваа трансфер сага, тие не кријат дека го посакуваат Дибала во своите редови. За Јувентус е спорно тоа што го бара Дибала од нив, односно годишна плата од скоро 8 милиони евра. Договорот на Дибала со Јувентус истекува за неколку месеци, што доста им ја усложнува ситуацијата, бидејки можат да го загубат и ништо да не добијат за возврат доколку сега Аргентинецот не потпише нов договор. Преговорите траат веќе неколку недели, но според информациите од Италија, нема некои посериозни раздвижувања во понудата и побарувачката на двете страни. Дибала сака да остане во Торино, но кочница веројатно може да биде тоа колку ќе му понудат како идна плата. Дибала бара 8 милиони евра по сезона, од Јувентус му понудиле 7 по сезона и четиригодишен договор....

За жал, Елиф Елмас ќе го немаме на располагање во репрезентацијата, за квалификацискиот дуел против Италија. Дуелот кој треба да се игра за два месеци во Италија, или на неутрален терен, ќе мора да го одиграме без еден од најдобрите во репрезентацијата, Елиф Елмас. ФИФА деновиве одлучи да ги поништи картоните на играчите кои во баражот влегуваат со само еден жолт зад своето име. За жал, во таа статистика не влегуваат Костадинов и Елмас, кои имаа по два жолти картони. Каде и да играме кон крајот на месец март, селекторот Боби Милевски, ќе мора да ротира без Елмас во составот, позиција која е доста клучна за нашата игра и концепција....

Маурисио Покетино и понатаму поттајно се надева дека наскоро ќе добие ангажман во Манчестер Јунајтед. Аргентинскиот тренер кој моментално е предводник на ПСЖ, има се уште надеж дека ќе до него со понуда ќе дојдат од Манчестер Јунајтед, за долготраен проект. Јунајтед пред неколку недели го назначи Ралф Рангник за тренер, кој според предвиденото, треба да е тренер до крајот на сезоната, додека клубот не најде соодветна замена која ќе трае нешто подолго од претходниците. На островот се верува дека Јунајтед се уште размислува за Маурисио Покетино, кој има несигурна иднина во ПСЖ, па затоа постојано има шпекулации дека тренерот на „светците“ е во постојана комуникација на челниците. Според Manchester Evening News, Јунајтед силно работи на терен да обезбеди нов тренер, а се верува дека и од страната на Покетино, постои интерес тоа да вроди со соработка....

Шпанците поттајно ликуваат што Новак Ѓоковиќ не доби шанса за настап на Австралија Опен, со тоа шансите им се зголемуваат за трофеј на сите останати на овој гренд слем турнир. Како што пред некој ден, Надал истакна, Ѓоковиќ требало да се вакцинира, сега ретерираше од тоа, во смисла дека тој не е единствениот виновник, но дека е еден од одговорните за ваквата ситуација. „Веќе сум уморен од вакви приказни, пред една недела, кога ја доби правната битка за визата, реков дека правдата си го кажа своето. Тогаш соопштија дека визата е во ред, искрено и фер. Вчера рекоа нешто друго, а јас никогаш нема да одам против правдата“. „Во идеален, спортски свет, најдобро е кога најдобрите играат. Да играше Ѓоковиќ, ќе биде добро. Јас секогаш ги почитувам своите ривали, бидејки посебно со Ѓоковиќ имам добри односи. Ситуацијата беше доста комплицирана и не ми слам дека е единствен кој погреши. Има повеќе одговорни и виновни, но и тој е еден од одговорните за ваквата ситуација“, истакна Надал....

Евертон по отказот на Рафа Бенитез, веднаш го контактирале Жозе Мурињо, кој според извори во Англија, им се изнасмеал на понудата. Бенитез доби отказ по само 6 месеци поминати на клупата на Евертон, а причина за тоа се слабите резултати, вклучувајки го и неуспехот од Норвич Сити. Тоа беше деветти пораз во последните 12 премиерлигашки средби, па Бенитез си ја заврши епизодата на „Гудосон парк“. Сега англискиот клуб бара соодветна замена за Бенитез, а спасот го нашле во Мурињо, кој го контактирале веднаш по отказот на шпанскиот тренер. „Специјалниот“ експресно го одбил тоа што му било понудено од Евертон, па сега „карамелите“ се вртат кон следниот кандидат, кој според сите кредибилни информации е Паоло Фонсека, екс тренерот на Рома кој се поврзуваше и со Тотенхем....

Екс американскиот тенисер Џо Мекинро, остава во неверување поради она што му се случуваше деновиве на Новак Ѓоковиќ. Познато е дека два пати му беше укината визата за престој во Австралија, а на крајот властите и го протераа од земјата. Па токму на таа тема, во последното интервју, зборуваше Мекинро: „Тоа е потполна шега, се она што се случуваше деновиве. Тажно е како сето тоа се заврши. Гледав во живо и не ми се верува, типот кој го изиграва Џо Бајдер, рече: Сакам да знам што се случува со Новак Ѓоковиќ, тоа е да кажеме два часа пред да одлучат да го депортираат“. „Па човекот го освои девет пати овој турнир, имаше карактер да оди по овој пат и морам да му оддадам признание. Јас имам седум гренд-слем трофеи, тој има 20 и причина е фактот што е подготвен на ризик и го направи тоа. Тој имаше мадиња да оди и да каже, не се вакцинирам“, истакна Мекинро....

На пет дена пред почетокот на вториот дел од сезоната, екипата на Еуро Никел се соочува со големи проблеми со болни кошаркари. Според информациите од Кавадарци, шестмина од играчкиот кадар имаат ковид-19 и десетина дена ќе мораат да останат во изолација. Целиот текст прочитајте го на следниот ЛИНК....

Парламентот на Франција го промени законот, па ПЦР тест повеќе не е доволен за влез во јавни објекти. Тоа најмногу ќе го засегне Новак Ѓоковиќ кој без вакцина против корона, нема да може да настапи ни на вториот Гренд слем во сезоната, Ролан Гарос. За разлика од Австралија, овде не се ни спомнува медицинско изземање што значи дека, ако не се смени нешто до мај, не постојат шанси за српскиот ас. Ѓоковиќ досега се бореше против короната на свој начин, но се чини дека полека му се намалува просторот за маневар. Франција не е далеку како Австралија, а тој живее во Монте Карло, па можеби повторно ќе се обиде да влезе на свој начин, но се во моментов е во рацете на француските власти. На Ѓоковиќ му останува само да се надева дека до мај пандемијата ќе исчезне и дека се ќе се врати во нормала....

Потенцијалниот македонски репрезентативец Предраг Пајиќ спогодбено го раскина договорот со Кожув и е слободен во изборот на својот нов клуб. Тоа значи дека по 2,5 години, тој си оди од гевгелискиот прволигаш каде беше еден од најдобрите играчи. Целиот текст прочитајте го на следниот ЛИНК....

Во екот на својата најдобра сезона во Реал Мадрид, францускиот репрезентативец Карим Бензема испрати закана до управата на клубот. Неговиот договор е со важност до 2023 година, но тој е подготвен да си замине претстојното лето ако се случи нешто што не е по негова мерка. Тоа е доаѓањето на Ерлинг Халанд кој се спомнува како можно засилување за Реал Мадрид во летниот преоден рок. Во таков случај, Бензема веројатно би се преселил на клупа што на ветеренот воопшто не му одговара и според формата и според она што го има постигнато со Реал. Сепак, тоа најверојатно нема да се случи бидејќи Халанд во моментов е најблиску до Барселона, а Реал има голема шанса да го спои францускиот репрезентативен тандем и на Бензема да му го донесе Килијан Мбапе....

Кевин Дурант има повреда на коленото и неговиот тим потврди дека на неодредено време ќе биде надвор од него. На еден од најдобрите кошаркари на денешнината му е дијагностицирана повреда на медијалниот колатерален лигамент на левото колено. Целиот текст прочитајте го на следниот ЛИНК....

Шпанскиот тенисер Рафаел Надал денес изјави дека „би било подобро за сите“ ако Новак Ѓоковиќ игра на Австралија Опен и дека верува дека најдобриот играч на денешницата „не е единствениот“ кој направил грешки во оваа сага. Надал на прес-конференцијата, по победата во првото коло на АО, наведе дека е уморен од приказните за Ѓоковиќ, но истакна дека „никогаш нема да биде против она што го вели правдата“. „Пред една недела, кога го доби првиот спор, реков дека правдата го кажа своето. Вчера кажаа нешто друго, а јас никогаш нема да одам против правдата“, изјави Надал и додаде: „Друга работа е она во што јас лично верувам. Идеална ситуација во светот на спортот е кога најдобрите играат на најважните натпреварувања. Тоа без дилеми е подобро за спортот. Ако Ѓоковиќ игра тука, тоа би било подобро за сите, нема дилеми. Се случи друга работа и не можам да кажам ништо друго бидејќи ситуацијата сега е мошне јасна“. Запрашан за својот однос со Ѓоковиќ, Надал му посака на српскиот тенисер се најдобро и истакна дека целата ситуација е „хаотична“. „Тој не е единствениот кој погреши во овој случај. Секако, има повеќе одговорни за оваа страшна ситуација со која се соочувавме во последните две недели. Сепак и тој е еден од одговорните“, изјави Надал. „Лично би сакал да го видам како игра тука. Дали е фер или не тоа што не игра е уште една од работите за кои веќе не сакам да зборувам“, додаде Шпанецот....

Министерката за внатрешни работи на Австралија, Керен Ендрјуз, потврди дека на Новак Ѓоковиќ поради укинувањето на визата изречена му е казна забрана за влез во земјата во период од три години. Во разговор за тамошните медиуми, Ендрјуз истакна дека процесот за враќање во Австралија за најдобриот тенисер на светот нема да биде нималку лесен и едноставен по неговото депортирање. „На секој што му е забранет влезот во Австралија или му е укината визата, неговиот процес за враќање во земјата нема да биде лесен и едноставен. Господинот Ѓоковиќ сега подлежи на тригодишно исклучување кое може да биде укинато во одредени околности, но тоа не е прашање за денес или утре, туку за некое идно време. Но, бевме јасни дека владата на Морисон секогаш се држи до силни политики за заштита на границите“, истакна Ендрјуз. Таа истакна дека постои можност за укинување на забраната, но дека за тоа е прерано да се зборува. „Можно е во предвид да бидат земени аргументи, но сега можеме да зборуваме за тоа само хипотетички. Секое барање ќе биде разгледано посебно во зависност од аргументите“. Запрашана дали забраната на Ѓоковиќ би била укината во случај да одлучи да се вакцинира, Керен изјави: „Тоа е нешто што би можело да биде земено во предвид секој пат кога тој ќе одлучи да поднесе барање за виза за враќање во Австралија. Видете, имаше шанса да се вакцинира и ниту еднаш не го искористи тоа во минатото. Да се вакцинираше, тоа ќе беше сосема поинакво сценарио на аеродромот кога се обиде да влезе во Австралија“, заклучи министерката....

Лука Модриќ го постигна водечкиот гол на Реал Мадрид во синоќешната победа од 2:0 над Атлетик Билбао, а по завршувањето на мечот беше прогласен за најдобар играч на натпреварот. Тој доби пофалби од шпанските медиуми и од претседателот Флорентино Перез за својата претстава. Сепак, еден човек најде причина за критика, барем и на шега. Додека Модриќ го напушташе теренот со трофејот за играч на натпреварот, тренерот Карло Анчелоти со насмевка му дофрлаше: „Промаши додавање, промаши додавање!“. „Три во второто полувреме и тоа е тоа“, му возврати Модриќ. „Ја исфрли топката во аут“, не се даваше Анчелоти, но сето тоа во шега и низ смеа, по што срдечно го прегрна својот фудбалер....

Започна првиот гренд слем во сезоната, Австралија Опен. По драмата околу Новак Ѓоковиќ, конечно тенисот доаѓа во прв план, а сигурно е дека ќе имаме нов шампион во Мелбурн, бидејќи Новак нема да ја брани титулата. Завршени се неколку натпревари во првото коло во двете конкуренции, а во центарот на вниманието беше дуелот на Маркос Гирон и Рафаел Надал. Со отсуството на Ѓоковиќ, Надал е еден од фаворитите за освојување на АО, а во мечот против Гирон во првото коло оствари лесен и рутински триумф со 3:0, по сетови 1:6, 4:6, 2:6. Изненадување во првото коло приреди домашниот тенисер Александар Вукиќ, инаку 144. светски рекет кој доби вајлд-карта, а во првото коло го совлада 33. играч на АТП листата Лојд Герог Херис со 3:1, по сетови 4:6, 6:3, 7:5, 7:6. Од моментално завршените мечеви во првото коло во машка конкуренција, понатаму минаа Гарин, Мартинез, Шаповалов, Лајовиќ, Квон, Албот, Алкараз, Бонзи, Козлов, Монфилс, Беретини, Качанов, Манарино, Карено-Буста, Бублик, Корда, Копфер. Кај тенисерките немаше поголеми изненадувања, а од мечевите кои се во моментов завршени пласман во второто коло обезбедија Бенчиќ, Свитолина, Анисимова, Гиорги, Тан, Женг, Сакари, Сорибес Тормо, Пера, Осака, Костјук, Мартинцова, Бренгле, Заневска, Ван Утиванк, Бронѕети, Паризас-Дијас....

Реал Мадрид триумфираше во Суперкупот на Шпанија по триумфот против Атлетик Билбао, а посебни причини за задоволство имаше бразилскиот ас Марсело. Искусниот бек стигна до нов трофеј, негов 23. во тимот на Реал со што стана најуспешен играч во историјата на клубот. Со ова го помина Серхио Рамос кој минатото лето го напушти мадридскиот тим и се пресели во ПСЖ. Карим Бензема е трет на оваа листа со 20 трофеи, а Икер Касиљас, Камачо и Чендо имаат по 19. За иднината на Марсело има неколку шпекулации. Јасно е дека брзо ќе го напушти Реал, но прашањето е дали тоа ќе се случи зимава или на крајот од сезоната. Ако издржи до јуни, има можност да освои уште еден пехар во Ла Лига, а можеби и во Копа дел Реј и Лигата на шампионите....

Првпат по 7 ноември, италијанскиот првак Интер не успеа да победи на прволигашки натпревар, а првпат по речиси една година, не постигна гол на меч од Серија А. Серијата на Интер ја прекина Аталанта во дербито на колото кое заврши 0-0, на незадоволство на двете екипи. Последен пат „нераѕурите“ не успеаја да постигнат гол во првенството беше 23 јануари 2021 година, на мечот против Удинезе на гостински терен. Иако немаше голови, натпреварот беше исклучително интересен и возбудлив, двете екипи имаа неколку шанси, но голманите имаа свој ден. Трагичар е Един Џеко кој промаши барем пет изгледни прилики за гол. Сепак, и по ова реми Интер останува лидер на табелата во Серија А со 50 бода, два повеќе од градскиот ривал Милан....

Довчерашниот кошаркар на Работнички, Пол Џексон својата кариера ќе ја продолжи во полското првенство. Вечерва, тој беше официјално претставен од неговиот нов тим Зјелона Гора, петкратен шампион на Полска при што последната титула ја освои во 2020 година, а е и поранешен учесник во Евролигата. Целиот текст и презентацијата на Џексон погледнете ги на следниот ЛИНК....

Еден од најдобрите играчи на МЗТ Скопје, Дастин Вер е меѓу играчите за кои е заинтересиран неговиот поранешен клуб Лублин. Американецот дојде во Аеродром токму од овој тим кој во меѓувреме доживеа промена на тренерската позиција на која во моментов е македонскиот стручњак Тане Спасев. Целиот текст прочитајте го на следниот ЛИНК....

Фудбалерите на Реал Мадрид го освоија Суперкупот на Шпанија откако во финалето го совладаа Атлетик Билбао со 2:0. Турнирот во Саудиска Арабија му припадна на „Кралскиот клуб“, кој претходно во полуфиналето ја совлада Барселона. Екипата на Карло Анчелоти поконкретната игра во првото полувреме ја круниса со гол. Се играше 38. минута кога Лука Модриќ по додавањето на Родриго со прекрасен удар на првата статива го совлада немоќниот Симон. Кон почетокот на второто полувреме нов проблем за екипата од Билбао, Алварез играше со рака во казнениот простор, па судијата Градо покажа на белата точка по прегледаната ВАР снимка. Сигурен реализатор на најстрогата казна беше Карим Бензема кој во 52. минута го постави и конечниот резултат. Атлетик Билбао притискаше до крајот, но не успеа да направи посериозна шанса. Работите сепак можеа да се искомплицираат во финишот, кога Милитао спречи една топка да оди во голот на Куртоа, но притоа ненамерно се послужи со рака. Судијата ја прегледуваше ВАР снимката, но веднаш пресуди и покажа на белата точка, но на општо изненадување му даде и директен црвен картон на бразилскиот дефанзивец во 87. минута. Сепак, Атлетик Билбао не го искористи пеналот, откако Куртоа го одбрани ударот на Раул Гарсија....

Австралискиот федерален суд денес во тричлен состав едногласно одлучи во корист на одлуката на министерот за имиграција Алекс Хок за укинување на визата на Новак Ѓоковиќ и дека српскиот тенисер мора да биде депортиран од Австралија. Најгласен е Тенис Сандгрен, американскиот тенисер кој заедно со Ник Кирјос и Сергеј Стаховски постојано стоеше на страната на Ѓоковиќ. „Ако некој мисли дека тенисот е поважен од ова прашање, тој е е*ен морон. Би сакал сега да сум во Мелбурн за да можам да се повлечам од турнирот. Претпоставувам дека солидарноста е кул само кога станува збор за чекови. А кога ‘иконата на слободниот избор’ не е добредојдена, работите се полудени“, смета Сандгрен. Од прв до последен ден крај Ѓоковиќ беше и Џон Изнер, уште еден американски тенисер. „Новак секогаш бил и секогаш ќе биде класа. Тој за мене е апсолутна легенда, која им донесе многу добри работи на милиони луѓе ширум светот. Ова не е фер“, напиша Изнер на Твитер. Иако Новак одамна не играл на турнири во Русија, доби поддршка и од претседателот на Тениската федерација на Русија, Шамил Тарпишчев. „Колку што го познавам Новак, тој сигурно не би тргнал за Австралија од чиста мира. Тргна кога беше сигурен дека со неговите документи се е во ред. Од сите луѓе во овој случај Ѓоковиќ најмалку го обвинувам за се. Тој не можеше да направи ништо друго кога знаел дека се е во ред. Срамно е што ќе го пропушти турнирот“, изјави Тарпишчев. Некогашниот британски тенисер Тим Хенман после се го сподели ставот со Рафаел Надал. „Го почитувам правото на секој човек на слободен избор, но после секој избор доаѓаат последици. Просто е, ако сакате да играте професионален тенис, глобален спорт, морате да бидете вакцинирани. Сето ова што се случи, на крајот, испадна многу лошо за сите страни, за Тениската федерација на Австралија, државата, за Викторија…“, оцени Хенман. Ќе има уште реакции во следните денови, нема се така брзо и лесно да се смири. За почеток, започнува Австралија Опен, а нема дилеми дека секој играч кој ќе се појави пред новинарите ќе мора да се изјасни дали е за или против Ѓоковиќ....

Фудбалерите на Рома конечно дојдоа до првенствена победа откако во 22. коло во Серија А на својот „Олимпико“ со минимални 1:0 го совладаа Каљари. Римјаните славеа во првенството по месец дена и три натпревари во низа во кои губеа од Милан и Јувентус и ремизираа дома против Сампдорија. Натпреварот беше одлучен со голот на Серхио Оливеира во 33 минута од пенал. Новајлијата ја засили Рома пред неколку дена откако пристигна на „Олимпико“ од екипата на Порто. Каљари многу лесно можеше да израмни во завршницата кога ја пристигна Рома во нејзиниот шестнаесетник. Но, домаќинот го спасија Руи Патрисио и рамката од голот. Рома на табелата бодовно се израмни со градскиот ривал Лацио (по 35 бода) и се наоѓаат на шестото и седмото место....

Еден гренд слем турнир Новак Ѓоковиќ мораше да пропушти затоа што не е вакциниран. Затоа оправдано постои сомнеж кај неговите навивачи како ќе настапи на останатите натпреварувања во сезоната кога голем број земји го имаат истиот став како Австралија. Добра вест за Ѓоковиќ е што денес пристигна потврда дека на Ролан Гарос ќе може да игра дури и ако во меѓувреме не се вакцинира. Таквиот став прво го истакна минстерката за спорт Роксана Марасинеану, а денес го потврди и претседателот на Тениската федерација на Франција, Жил Моретон. „Нашиот тим во соработка со надлежните институции работи на создавање на посебни правила кои се однесуваат на доаѓање и настап на невакцинираните играчи на нашето натпреварување“, изјави Моретон за француските медиуми. Тој додаде и дека жали што Ѓоковиќ нема да игра на Австралија Опен. „Новак е огромен шампион и можеме само да замислиме колку е разочаран што нема да може да ја брани титулата на Австралија Опен. Сочувствуваме и со организаторите на натпреварувањето исто така“, порача Моретон....

Шпанските медиуми го најавуваат сензационалното враќање на Лео Меси во Барселона. Весникот „Ел Национал“ објави дека Аргентинецот е под голем притисок да се пресели поради неговата сопруга Антонела Рокузо, која е несреќна во Франција. Изминатото лето имаше голема драма околу трансферот на Меси. Во Барселона веруваа дека ќе остане, на крајот се префрли во ПСЖ како слободен играч, но по само една сезона искусниот напаѓач може да се врати. Самиот Меси не се вклопува најдобро во ПСЖ и досега не беше на нивото на кое сме навикнати да го гледаме во претходните години, па собра вкупно 16 настапи и постигна само шест гола со пет асистенции. Само по себе не е толку страшна статистика, но сепак зборуваме за Меси. И додека Меси можеби нема ништо против за ПСЖ, неговата сопруга Антонела страда во Париз, не е среќна и сака да се врати во Барселона, пренесува Ел Национал. Истиот извор наведува дека Лионел има голема почит кон сопругата и секако дека го почитува нејзиното мислење, па можно е на крајот од сезоната сите да се вратат заедно во Барселона, иако играчот има договор до летото 2023 година со Париз. . Тоа всушност може да биде единствениот проблем. ПСЖ тешко дека ќе го пушти без отштета, а неговиот поранешен клуб Барселона не е во добра финансиска состојба и прашање е дали Жоан Лапорта би можел да го врати, без разлика што ги уверуваше навивачите дека Аргентинецот наскоро повторно ќе го облечете дресот на каталонците....

Чешката тенисерка Рената Ворачова мораше да ја напушти Австралија бидејќи и беше укината визата, па остана без Австралија опен. Ворач доживеа многу непријатно искуство, бидејќи Австралијците и ја укинаа визата и таа мораше да се врати во Чешка, но пред тоа беше измачувана во хотел каде таа и Новак Ѓоковиќ и сите оние кои немаа право да влезат во земјата беа сместени. Ворачова за чешкиот весник „Деник“ изјави дека морала да се соблече пред претставниците на имиграцијата. „Долгото испрашување вклучуваше команди како „соблечи се“ и „облечи се“. Не сакам повеќе да размислувам за тоа, не сакам да го доживеам повторно“, изјави Чехот. Таа во јануари одиграла натпревар во двојки во Мелбурн, а неколку дена подоцна била уапсена. Таа беше однесена на неколку дена во истиот хотел каде што беше изолиран Ѓоковиќ. По враќањето во Чешка, таа почна да бара компензација од Австралиската тениска федерација бидејќи беше убедена дека не направила ништо лошо, а ВТА делумно се согласи со неа. Како и Новак, и Рената била примена во Австралија со специјално лекарско уверение, но поради тоа што не била вакцинирана, и била укината визата. Како што вели, веќе била заразена со коронавирус, што се поврзува со подоцнежните последици и зошто не можела да се вакцинира. Австралиските власти немаа никакво разбирање, па таа и првиот тенисер во светот беа лишени од настап на првиот Грен слем во сезоната....

Фудбалерот на Лидс Јунајтед, Жуниор Фирпо и официјално ќе го промени националниот тим. Споменатиот фудбалер минатото лето пристигна во Лидс од Барселона во трансфер вреден 15 милиони евра, а настапуваше и за У21 селекцијата на Шпанија. Барселона мораше да го продаде за да ја опорави финансиската состојба. Фирпо чекаше покана и за „А“ тимот на Шпанија, но побрзи беа од Доминиканската Република и Фирпо во иднина ќе го носи дресот на оваа егзотична селекција од зоната Конкакаф. Доминиканската Република има неколку репрезентативци кои играат во пониските лиги во Шпанија и Италија и сигурно е дека Фирпо ќе биде голема ѕвезда во следните акции на Доминиканската Република. Фудбалерот е роден во главниот град на Доминиканската Република, Санто Доминго, на 22 август 1996 година. Во кариерата со Барселона го освои Купот на Шпанија, а со Шпанија беше европски првак на 21 година....

Бетис во градското дерби ја победи Севиља со 2-1 и се пласираше во четвртфиналето на Купот на кралот. Дербито на Севилја започна синоќа во 21:30 часот, но натпреварот беше прекинат во 39. минута кога Набил Фекир постигна гол директно од корнер за 1:1. Потоа еден од навивачите на Бетис со пластична шипка го удрил по глава играчот од средниот ред на гостинскиот тим Џордан, а судијата реши да ја прекине играта. Градското дерби продолжи денеска од 16 часот, а на крајот Бетис успеа да победи со 2:1 кога во 73. минута од натпреварот Каналес го постигна победничкиот гол. По мечот домашните фудбалери славеа победа против градскиот ривал, а во центарот на вниманието беше искусниот играч за врска Андреас Гвардадо, кој реши да го исмејува Џордан. PADRÉS GUARDADO pic.twitter.com/KmNJln8pyU — Иacho ‏ (@nachoSD98) January 16, 2022 Гвардадо се „удри“ со шише во глава и се фрли на теренот, алудирајќи на тоа дека Џордан синоќа премногу симулирал повреда на главата....