Манчестер Јунајтед и Борусија Дортмунд ја имале првата средба и ги почнале преговорите за враќање на Џејдон Санчо во редовите на бундеслигашот, тврди германски „Билд“. Добро информираниот таблоид наведува дека „милионерите“ сакаат по секоја цена да ја вратат поранешната ѕвезда во Дортмунд, а Јунајтед е расположен за вакво сценарио поради фактот што Санчо влезе во конфликт со менаџерот Ерик тен Хаг и е отстранет од првиот тим на премиерлигашот. Англискиот репрезентативец мора да бара екипа каде ќе има соодветна минутажа во пресрет на Европското првенство, а веројатно идеално сценарио е да се врати на позната територија и во клубот кој заработи 85 милиони евра од неговиот трансфер. Вториот дел од размената го сочинува Донјел Мален, актуелниот член на Борусија кој може да биде испратен во спротивна насока, а за што раководството на бундеслигашот веќе имало разговори со неговиот агент. Неофицијално, Мален е импресиониран од опцијата да соработува со Ерик тен Хаг, засега не е јасно дали Борусија би вклучила и одредена сума за да го добие Санчо, со оглед на актуелниот статус на англискиот фудбалер кој долго време не игра натпревари....

Англиските медиуми уште пред два дена објавија дека Хари Мегваер ќе биде прогласен за играч на месецот, а денеска Премиер лигата официјално го потврди „крунисувањето“ на дефанзивецот. Фудбалерот на Манчестер Јунајтед доживеа неверојатен пресврт сезонава, влезе во неа како резервист во тимот на Ерик тен Хаг, за во ноември да биде во прв план во одбраната на премиерлигашот. Јунајтед во ноември оствари три победи без примен гол, а Мегваер беше стартер и еден од најдобрите поединци во редовите на својата екипа, за што сега го доби и првото признание за играч на месецот во кариерата. Three matches, three wins, three clean sheets 🪄@HarryMaguire93 is November’s @EASPORTSFC Player of the Month 🏆@ManUtd | #PLAwards pic.twitter.com/y6AxRrgGLW — Premier League (@premierleague) December 8, 2023 Фановите на Јунајтед и пред се оние неутралните веднаш направија вирална шега, во која потенцираат дека сега Мегваер има повеќе освоени признанија од еден Кевин де Брујне, кој никогаш не бил прогласен за играч на месецот во ПЛ. Harry Maguire has won more Premier League Player of the Month awards (1) than Kevin De Bruyne (0). 🎖️🤯 pic.twitter.com/uTxBuCtr2L — EPL Bible (@EPLBible) December 8, 2023...

Случајот „Негреира“ отвори нов фронт за вербални препукувања на релација Барселона-Реал Мадрид, а на него се приклучи и поранешниот претседател Жоан Гашпар. Човекот во чиј претседателски мандат започнала спорната соработка со Жозе Марија Негреира зборувал за случајот, испраќајќи критики на сметка на големиот ривал. – Ако во Мадрид толку сакаат да зборуваат за етика, прво нека ни ги вратат титулите освоени во Шпанија и Европа во времето на Алфредо Ди Стефано, – вели Гашпар кој алудира на фактот што Ди Стефано своевремено прво потпишал за Барселона, но Реал го добил спорот пред државата и си обезбедил трофеен период на чело со големата ѕвезда. – Етиката е поврзана со сегашноста, но и со минатото и иднината, да бидеме внимателни кога ја споменуваме, бидејќи некои клубови имаат клупски претставници кои се поранешни судии. Судиите можат да направат грешки како и тренерите и директорите, но не верувам дека некој во Шпанија плаќал за да добива помош од нив, – рекол Гашпар чиј мандат во Барса не е запаметен по добро од фановите. Во интервјуто тој бил прашан и за своите чувства кон најголемите ривали, Реал Мадрид и Еспањол. – Гледам непријателски само кон Реал, немам ништо против Еспањол. Би сакал Еспањол да се врати во првата лига, но и Реал да испадне во втората, – вели екс претседателот на Барса....

Манчестер Сити освои само три бода на последните четири натпревари, а оваа негативна серија беше заокружена со поразот од Астон Вила. На оваа средба избраниците на Пеп Гвардиола упатија само два удара кон противничкиот гол, а играта ги загрижи фановите на актуелниот англиски и европски шампион. Сепак, поранешниот напаѓач Крис Сатон смета дека Сити играл против квалитетни ривали и дека се работи за мала криза, која не може да се поистоветува со заситеноста и преголемата самоувереност која претходно ја споменуваше Гери Невил. – Ајде да не го отпишуваме Сити, тоа е смешно. – Ако ги погледнеме последните натпревари за кои велиме дека покажале криза во Сити, тие играа нерешено со Челси, Ливерпул и Тотенхем, а загубија од Вила која добива комплименти од сите. – Сити се уште е во битка за титулата, тие се уште се најсилниот тим во лигата. Една од причините што за овие резултати велиме дека претставуваат криза на екипата е што му судиме на Сити по различни стандарди во споредба со другите екипи, – истакнал Сатон....

Џорџо Кјелини сезонава се бори за титулата во МЛС, но не ја заборава и Серија А, каде ги следи сите случувања и актуелни теми. Во своето интервју за „Атлетик“, италијанскиот ветеран зборувал отворено за големата разлика која е веќе реалност при споредбата на англиската Премиер лига и Серија А. – Во моментов, Вест Хем е на исто ниво со најдобрите екипи од Серија А. – Дали ги гледате Смолинг, Томори и Лофтус-Чик? Физички, тие се три пати поподготвени од најголем број играчи во Италија. – Фудбалерите од Премиер лигата имаат физичка доминација која им овозможува да ја уништат конкуренцијата, – изјавил Кјелини. На прашањето дали бил блиску до трансфер во англиски клуб, Џорџо одговорил искрено. – Не бев многу блиску. Кога бев на врвот на мојата кариера, тоа за мене ќе беше перфектен предизвик, но не можеш да одиш таму кога не си во најдобрите години. Таму е тешко, се работи за физички исцрпувачки првенство, навистина не ми е јасно како Тиаго Силва игра на таа возраст, – рекол Италијанецот....

Јувентус сезонава постојано потенцира дека главната амбиција во Серија А му е да обезбеди Топ 4 пласман, но се чини дека следната сезона тоа ќе се промени и „бјанконерите“ нема да имаат изговори во пресрет на битката за скудетото. Спортскиот директор Кристијано Џунтоли ќе има важна улога во влечењето на трансфер потезите со кои ќе треба да го засили тимот на Макс Алегри, а италијанските медиуми најавуваат дека Јувентус може да ангажира актуелен играч на Лацио. Се работи за Фелипе Андерсон, крилен напаѓач чиј договор со римскиот клуб истекува во јуни и ако во меѓувреме истиот не го продолжи, сигурно ќе биде атрактивен за Џунтоли и неговите соработници. Лацио не е подготвен да ја зголеми актуелната плата од 3,5 милиони евра на Бразилецот и во случај на продолжување на соработката, па затоа и Андерсон веројатно ќе биде отворен за други понуди и можност да ја избере најдобрата опција за себе. Андерсон добро ја познава Серија А, бидејќи беше член на Лацио меѓу 2013 и 2018 година, а по неколку сезони минати во Англија и Португалија, се врати токму во редовите на „бјанкоцелестите“....

Тотенхем имаше водство против Вест Хем, но дозволи пресврт на градскиот ривал и продолжување на својата негативна серија. Избраниците на Анге Постекоглу имаат четири порази на последните пет натпревари и освоија само еден бод на дербито со Сити, а капитенот Хеунг-мин Сон смета дека тој и неговите колеги немаат оправдувања за неуспехот на вчерашниот дуел. – Сега не е важно дали заслуживме повеќе од овој натпревар или не. Загубивме и тоа е неприфатливо. – Како фудбалери треба да преземеме одговорност. – Тоа посебно важи за нас офанзивните фудбалери, бидејќи испуштивме многу шанси да го решиме победникот пред да се случи пресвртот, – изјавил Кореецот. Тотенхем беше лидер по воведните десет кола, а сега заостанува девет бода зад градскиот ривал Арсенал....

Брентфорд дозволи пресврт на противникот на соочувањето со Брајтон, но уште полоша вест за екипата и фановите е повредата на најдобриот реализатор во тимот. Брајан Мбеумо заработил незгоден удар на зглобот на ногата, поради што беше повлечен од игра кратко откако го реализираше пеналот за Брентфорд на стадионот „Амекс“. Менаџерот Томас Франк потврдил дека повредата не е наивна и Мбеумо дефинитивно ќе отсуствува одреден број недели, кои засега не се прецизирани. Тоа значи дека Брентфорд ќе биде без најдобриот стрелец во периодот кога ќе има поголем број натпревари, а на списокот недостапни играчи за менаџерот се веќе осум фудбалери, вклучувајќи го суспендираниот Ајван Тони. За Мбеумо повредата е проблематична и поради фактот што треба да настапува за репрезентацијата на Камерун на Африканскиот куп на нации кој се одржува веќе во јануари....

Фудбалските клубови често објавуваат интересни видео содржини поврзани со нивните фудбалери, а Баер Леверкузен реши да тестира две свои ѕвезди со географски тест. Џереми Фримпонг и Натан Тела добија задача да детектираат знамиња на земји од целиот свет, притоа казнувајќи се еден со друг за грешките со непријатен удар со перниче во глава. За да биде поинтересно за нас, на Фримпонг му се падна македонското знаме, а тој иако премногу сигурен во себе, сметаше дека се работи за знамето на Гибралтар. Поради ваквиот одговор заслужено си доби казна од соиграчот. 🤣🗺️ Geography test with Leverkusen’s Jeremie Frimpong & Nathan Tella! 👋 pic.twitter.com/u6U5c7WQyK — EuroFoot (@eurofootcom) December 7, 2023 Интересно е што Нигериецот го помеша знамето на Луксембург со тоа на Холандија, па беше искаран од Холанѓанецот Фримпонг, додека пак претставникот на европската држава ја измеша Естонија со Етиопија....

Лос Анџелес Лејкерс ќе биде претставник на западната конференција во првото финале на новото натпреварување наречено НБА куп, а до таква привилегија стигна благодарение на доминантниот настап на ЛеБрон Џејмс. Ветеранот одигра маестраелен натпревар против Њу Орлеанс Пеликанс, со што Лејкерс закажаа финале со Индијана, која пак на Истокот стигна до победа над Милвоки Бакс. Џејмс одиграл само 23 минути, но и тоа му било доволно за 30 поени, 8 асистенции и 5 скокови, додека Ривс и Дејвис додале по 17, односно 16 поени во победата со резултат 133:89. Индијана го победи Милвоки со 128:119, а најдобри поединци биле Халибартон со 27 и Тарнер со 26 поени. Адетокумбо вообичаено постигнал најмногу, 37 поени во редовите на Милвоки, но Бакс останаа без посакуваното финале и пресметка со Л.А Лејкерс во него. Финалето на првото издание на НБА купот ќе се игра во Лас Вегас, во недела наутро....

Потврдените и потенцијалните учесници на следното издание на Копа Америка утринава ги дознаа своите противници во групната фаза, на турнирот кој ќе се одржи во јуни и јули, 2024 година. Актуелниот шампион Аргентина доби група во која се уште и Перу, Чиле и победникот од плејофот меѓу Канада и Тринидад и Тобаго, додека Бразилците ќе мора да се соочат со незгодната Колумбија, селекцијата на Парагвај и победникот од дуелот меѓу Коста Рика и Хондурас. Американците како домаќини ќе бидат меѓу селекциите со реални шанси да обезбедат добар пласман, а во групната фаза имаат три ривали, предводени од најнезгодниот Уругвај, односно Боливија и Панама. На ова издание на Копа Америка покрај десетте јужноамерикански репрезентации учествуваат уште шест „гостински“ селекции од Северна и Средна Америка, вклучувајќи ги Мексико и Јамајка кои се во групата Б. Копа Америка ќе биде отворена на 20. јуни, кога во Атланта ќе се соочат Аргентина и победникот од плејоф дуелот Канада-Тринидад и Тобаго, а финалето ќе се игра во Мајами на 20. јули. Плејоф натпреварите по кои ќе бидат потврдени последните две селекции се закажани за 23. март. The Copa América groups are set for next summer‼️ Who will be crowned champions? 🏆 pic.twitter.com/A8izO7bfKf — ESPN FC (@ESPNFC) December 8, 2023...

Ерик тен Хаг втора сезона е на клупата на Манчестер Јунајтед, неговата екипа и натаму игра променливо и не успева да игра константно на посакуваното ниво на повеќе фронтови, но менаџерот засега не ја губи довербата на актуелното раководство на премиерлигашот. Во последното интервју за фанзинот „Јунајтед ви стенд“, холандскиот стручњак открил дека неговите пријатели го убедувале да не ја прифаќа понудата на Јунајтед, знаејќи дека го очекува навистина тежок предизвик. – Сите ми велеа: Не можеш да успееш на таа работа. – Ми порачуваа дека е невозможна мисија, но јас дефинитивно го сакав предизвикот. – Знаев дека нема да биде лесно, но сепак се работи за голем клуб со голема база на фанови. Луѓето или го сакаат или го мразат Јунајтед, а јас сакам да работам во вакви клубови. Истото беше и во Ајакс, – вели Тен Хаг. Јунајтед освои трофеј во Лига купот уште во првата сезона на Тен Хаг, но неговата екипа и натаму е далеку од борбата за титулата во Премиер лигата, а во моментов е на последното место и во својата група во Лигата на шампионите. Фановите очајно посакуваат враќање на успесите од ерата на Алекс Фергусон, а Холанѓанецот е шестиот стручњак кој го прифати овој предизвик во последните десет години....

На Палмеирас му беше доволен бод за да ја освои титулата во бразилската Серија А, но судбината посака херој на клубот да биде талентираниот Ендрик кој веќе си договори трансфер во Реал Мадрид. Неверојатниот тинејџер го потигна голот кој беше вреден титула, па со 11-от погодок во домашното првенство стави крај на една незаборавна сезона и полека може да почне да мисли на она што ќе следи од средината на следната сезона. 17-годишниот Бразилец веќе беше најавен како летно засилување од Реал Мадрид, а Луис Суарез кој беше убедливо најдобар голгетер во Бразил во 2023-та година не криеше дека неговата желба со Ендрик била поинаква. – Јасно е дека јас посакував Ендрик да заврши во Барселона. Сепак, јас не одлучувам за него. Тој одлучува за себе и ќе продолжи да ужива во фудбалот. Фудбалот исто така ќе може да ужива во неговите мајстории. – Тој е толку многу млад, но веќе е фудбалска ѕвезда. Ги даде првите чекори и тоа што го направи оваа година е неверојатно. Бразил, Реал Мадрид и фудбалот добија голема ѕвезда за многу години, – изјави Суарез кој ја заврши својата етапа во Гремио со два гола на „Маракана“....

Никола Митревски и неговите колеги од Порто немаа решение за Магдебург во дуелот од 10. коло во Лигата на шампионите. Бундеслигашот го потврди статусот на фаворит и го реализираше гостувањето во Португалија со 40:31 со што ја продолжува борбата за првото место во групата Б или во најмала рака првите две позиции кои носат директен пласман во четвртфиналето. Актуелниот европски шампион одигра ефикасно како што знае и умее, првото полувреме го реши со 19:16, второто со 21:15. Македонскиот репрезентативец Митревски успеа да забележи 7 интервенции или 23.33 проценти на одбранети удари. Порто со 6 бода е на 7 место на табелата....

Членот на Париз и воедно македонски репрезентативец, Ти-Џеј Шортс по вторпат во оваа сезона е носител на признанието МВП на колото во Еврокупот. Плејмејкерот овојпат ја доби наградата за блескавата партија против Вулвс Вилнус, тим на кој му уфрли 24 поени, 2 скока, 11 асистенции, 1 украдена топка, изнуди 7 фаули, поточно дојде до 32 индексни поени што беше доволно да биде најкорисен играч на 10. рунда по второто по ранг натпреварување во Европа. Ова признание го подели со членот на Лондон Лајонс, Гејб Оласени кој даде 23 поени со 12 скока против Венеција, поточно исто имаше индекс 32. .@LondonLions 🤝 @ParisBasketball Both Gabe Olaseni and @TjShorts5 finished with double-doubles to claim Co-MVPs of Round 12 🔥#RoadToGreatness pic.twitter.com/FvPBDAwnni — BKT EuroCup (@EuroCup) December 7, 2023...

Рој Кин во ексклузивниот разговор во „Оверлап“ со Гери Невил говореше за неконстантната игра на Манчестер Јунајтед и проблемите кои се провлекуваат со години, а со кои по се изгледа тешко се справува и Ерик Тен Хаг. Во интересната анкета која ја направија двете легенди на Јунајтед, Гери му ги читаше сите играчи од првиот тим на Јунајтед, а поранешниот капитен имаше за задача да избере кој треба да остане, а кој да си замине по крајот на оваа сезона. Безобѕирниот Кин се огласи во свое препознатливо брутално издание и немаше добри зборови за дури десет играчи на Јунајтед, од кои дел се и играчи кои беа купени токму од Ерик Тен Хаг. Виктор Линделоф, Хари Мегваер, Рафаел Варан, Диого Дало, Џони Еванс, Софијан Амрабат, Кристијан Ериксен, Антони, Марсијал и Санчо се најдоа на црната листа на Кин, кој признава дека не е баш сигурен и за останување на Маркус Рашфорд. – Да бидам искрен, не сум сигурен ниту за Рашфорд. Не ми се допаѓа целиот пакет. Неговата личност, промените во расположението….. Тој е талентиран играч, но ако не работите напорно и ако имате падови одвреме-навреме, тоа говори дека имате чести проблеми надвор од теренот. Во овој бизнис се бара да се појавувате секоја недела и да бидете константно на високо ниво, – потенцира Кин....

Екипата на Партизан се избори за нова победа во Евролигата, овојпат над составот на Олимпија Милано кој падна во Белград со резултат 82:69. Гостите водеа со 44:39 на паузата, а во третиот период дојдоа и до плус 15 (60:45), ама токму од тука тргна нивниот пад со оглед на тоа што избраниците на Обрадовиќ водени од публиката во преостанатиот дел од дуелот имаа серија од 37-9 што на крајот им овозможи на „црно-белите“ и двоцифрена победа. Пантер беше автор на 19, Кабокло на 16, а Ледеј на 15 кошеви. Единствената лоша вест за Партизан е повредата на Аврамовиќ кој според првичните информации го очекува пауза од неколку месеци. Најдобар стрелец кај италијанскиот претставник беше Шилдс со 19 поени. Реал Мадрид пред неколку дена го суреди Олимпијакос, а вечерва го реши и Панатинаикос на негов терен. „Кралевите“ триумфираа со 90:78, меч во кој лидери беа Хезоња и Дек со 19 и 16 кошеви. Залудни за ПАО беше 24 поени на американскиот плејмејкер Нан. Во Берлин пак Анадолу Ефес беше подобар од Алба со 97:89....

Фудбалерите на Вест Хем издвојуваа победа над Тотенхем од 2-1 во градското дерби во 15. коло во Премиер лигата. „Петлите“ во претходното коло останаа непоразени на тешкото гостување кај актуелниот шампион Манчестер Сити (3-3), резултат кој донесе поголема самодоверба кај избраниците на Постекоглу кои вечерва беа одлично во првиот дел кои го добија со 1-0 со голот на Ромеро во 11 минута. Проблематичен беше второто полувреме во кое „чеканите“ дадоа голови во вистинско време преку Боувен и Ворд-Проус за комплетен пресврт и три големи бода. Тотенхем во последните пет кола имаа освоено само еден бод, Вест Хем пак е без пораз во последните шест средби во сите конкуренции. Евертон пак го суреди Њукасл со убедливи 3-0. Лоша вечер имаше гостинскиот дефанзивец Трипие кој направи неколку грешки кои домаќините знаеја да ги казнат и дојдат до целиот плен преку Мекнил, Докуре и Бето....

Составот на Еурофарм Пелистер не успеа да оствари позитивен резултат на соочувањето со Загреб во Лигата на шампионите, средба која ја загубија со еден гол разлика 23:22. Актуелниот македонски првак се бореше низ сите 60 минути, но и овојпат му фалеше одредена нијанса, потег за да дојде до првиот бод/бодови во елитното натпреварување. Според тренерот Бранислав Ангеловски овој негативен резултат се должи на две работи, лошата реализација во првиот дел и бавното враќање во одбрана во второто полувреме. -Им благодарам oд срце на сите навивачи што ни дадоа поддршка и што во оваа ладна битолска ноќ ги заменија своите домови со салата и не бодреа во живо. Жал ми е што не победивме, имавме неколку шанси. Работевме добро во претходните денови, натпреварот го загубивме со две клучни работи – прво полувреме реализацијата, а во второто тоа беше враќањето кое ни беше очајно, иако знаевме дека Дибиров на оваа страна ќе оди на брз центар и ќе напаѓа од десно. -Тоа беа клучни работи да не можеме да напаѓаме за нерешено или за водство. На секој наш даден гол, примавме брзо гол, иако игравме само со една измена одбрана-напад. Тоа е единствената замерка која ја имав. Вториот тајм-аут го зедов за одбраната и враќањето, ама пак примивме два гола. Со одбраната 5-1 добивме некоја агресивност, ама на крајот одлучија тие два гола. Му честитам на Загреб за одличната претстава и му посакувам многу среќа во понатамошниот тек на ЛШ, -истакна Ангеловски. Следната средба за „фармацевтите“ во ЛШ е против ПСЖ на 14 февруари во Битола....

Наполи направи историски резултат минатата сезона и по долга пауза повторно се израдува на трофејот во Серија А, прв трофеј од времето на легендарниот Диего Армандо Марадона. Наполитанците едноставно „летаа“ во претходната кампања, ама во оваа се далеку од тоа издание и по 14 кола се на 5. место со 11 бода помалку од лидерот Интер. Ова дефинитивно не се резултатите кои ги очекуваше актуелниот шампион, но првиот човек Аурелио Де Лаурентис е оптимист и верува дека оваа екипа во блиска иднина повторно ќе може да му се израдува на Скудетото. -Ви ветувам дека извонредното искуство од освојувањето на Скудетото може да се повтори. Не можете да го освоите Скудетото без мамење. За да се триумфира тоа бара специфичен сет на услови кои не секогаш ќе бидат исти. И играчите, дури и ако нема многу промени во тимот, не секогаш одговараат на ист начин. Ние не сме единствениот тим во првенството, другите тимови секогаш бараат да се засилат. -Имавме среќа да најдеме играчи од тимови во Европа кои не се снаоѓаа особено добро во нивните првенства. Ја имавме и таа малку среќа, која секогаш ти треба во животот. Без таа среќа, не ги добивате често оние магични комбинации што ви се потребни за да успеете, -истакна Де Лаурентис....

Шпанскиот тениски ас, Рафаел Надал ќе има кам-бек на терените на почетокот на наредната година и тоа на АТП турнирот во Бризбејн. Рафа мина низ тежок период, долг процес на закрепнување, па и тој самиот не знае што може да се очекува кога се во прашање резултатите, формата. -Секако дека често мислев дека нема смисла повторно да се натпреварувам. Се борев и постојано ја чував илузијата. Ги имав вистинските луѓе околу мене како и секогаш во текот на мојата кариера… Луѓето кои сакаат да ме гледаат како играм имаа влијание, -истакна големиот грен слем шампион кој уште еднаш посочи дека 2024 година најверојанто ќе биде последна во неговата кариера. -Има добри шанси тоа да биде мојата последна година, без никаков сомнеж. Има шанси тоа да биде само половина година, може да биде комплетна година, можеби и нема да можеме да стигнеме до таму, тоа се работи за кои во моментов немам капацитет за да одговорам, -порача Надал. Mi última reflexión tras el anuncio… 📣 👉🏻 claro que he pensado que no tenía sentido (volver a competir)… que son muchos años… 👉🏻 He luchado y he mantenido la ilusión en todo momento 👉🏻 He tenido la gente adecuada a mi alrededor como siempre he tenido en toda mi carrera…… pic.twitter.com/xLnHMdZTqD — Rafa Nadal (@RafaelNadal) December 7, 2023...

Заврши сезоната во првата бразилска лига, сезона која дефинитивно нема да памети Сантос и неговите навивачи со оглед на тоа што клубот за првпат во својата историја ќе мора да игра во понизок ранг. Великанот со 43 бода остана под цртата за опстанок по што бесните фанови направија хаос низ улиците на градот. Нејмар како едно од најголемите имиња на овој тим заедно со славниот Пеле со емотивна порака даде поддршка во овие тешки времиња со надеж за подобро утро. -Сантос, засекогаш Сантос, -порача Нејмар. View this post on Instagram A post shared by NJ 🇧🇷 (@neymarjr) Порака дека засекогаш ќе го сака, бодри клубот даде и сегашната ѕвезда на Реал Мадрид, Родриго. View this post on Instagram A post shared by Rodrygo Goes – RG 💜⚡️🇧🇷 (@rodrygogoes)...

Шпанскиот тениски ас, Рафаел Надал ќе има кам-бек на терените на почетокот на наредната година и тоа на АТП турнирот во Бризбејн. Рафа мина низ тежок период, долг процес на закрепнување, па и тој самиот не знае што може да се очекува кога се во прашање резултатите, формата. -Секако дека често мислев дека нема смисла повторно да се натпреварувам. Се борев и постојано ја чував илузијата. Ги имав вистинските луѓе околу мене како и секогаш во текот на мојата кариера… Луѓето кои сакаат да ме гледаат како играм имаа влијание, -истакна големиот грен слем шампион кој уште еднаш посочи дека 2024 година најверојанто ќе биде последна во неговата кариера. -Има добри шанси тоа да биде мојата последна година, без никаков сомнеж. Има шанси тоа да биде само половина година, може да биде комплетна година, можеби и нема да можеме да стигнеме до таму, тоа се работи за кои во моментов немам капацитет за да одговорам, -порача Надал. Mi última reflexión tras el anuncio… 📣 👉🏻 claro que he pensado que no tenía sentido (volver a competir)… que son muchos años… 👉🏻 He luchado y he mantenido la ilusión en todo momento👉🏻 He tenido la gente adecuada a mi alrededor como siempre he tenido en toda mi carrera…… pic.twitter.com/xLnHMdZTqD — Rafa Nadal (@RafaelNadal) December 7, 2023...

Кошаркарите на МЗТ Скопје остварија многу тешка победа над Навико Академија ФМП (79:72) во првата средба од 11. коло во Првата лига. Актуелниот шампион беше апсолутен фаворит и се очекуваше рутинско славје против ривалот од Кисела Вода, меѓутоа гостите пружија силен отпор до самиот крај на средбата во „Јане Сандански“. МЗТ водеше со 35:26 по првите 20 минути, но по паузата Академија ФМП одигра на високо ниво и во третиот период постигна дури 32 поени со што во четврата четвртина се влезе со резултат 58:58. „Штрковите“ тука се обидуваа да се одлепат, ама противникот одговараше, не се предавеше и во завршните две минути се влезе со 72:72, Меѓутоа потоа Војдан и Баковиќ уфрлија две тројки што се покажа како доволно за фаворитот да ја заокрижи оваа партија и ја прослави десетта сезонска победа. Стојановски со 21 и Баковиќ со 15 кошеви беа најефикасни кај победникот, Огундиран на другата страна беше автор на 29 поени....

Бешикташ доживеа пораз од Хувентуд од 85:81 во Еврокупот, дуел кој можеби ќе завршеше поинаку ако домашниот играч Анхел Делгадо беше далеку подобар од линијата за слободни фрлања. Центарот шутира катастрофално од ова место и од 33 „пенали“ во досегашниот тек на сезоната има погодено само 14, поточно шутира само со 42,4 проценти. На пресметката со Хувентуд имаше нула од четири со тоа што две слободни во низа беа катастрофални, не успеа да ја погоди, допре мрежичката. 🙄 pic.twitter.com/jYSRowprxl — Ferhat Yeşiltaş (@NeoRock06) December 6, 2023...

Ракометарите на Еурофарм Пелистер доживеаа пораз од Загреб од 23:22 во последниот меч во оваа календарска година во Лигата на шампионите. И покрај големата желба конечно да се освои првиот бод/бодови во елитната конкуренција, избраниците на Ангеловски не успеаа да ја остварат таа цел или поточно тоа не им го дозволи најдобриот хрватски клуб кој секогаш беше чекор два пред нашиот првак. Загреб го имаше и неверојатниот Мандиќ кој забележа 20 интервенции, а кога е еден голман има таква бројка на одбрани е навистина тешко да се дојде до позитивен резултат. Гостите беа подобри во првиот дел, имаа контрола на резултатот, играта и на пауза односоа предност од 13:10. Пелистерци заиграа подобро по одморот, ама не се доведоа во ситуација да направат пресврт, односно ривалот секогаш имаше одговор кога беше најпотребно. На крајот Загреб го запиша четвртиот триумф во конкуренција, додека битолчани остануваат на „нула“ и по десет кола. Кузмановски со 8 гола беше прв стрелец, Гедбан имаше 13 одбрани. Кларица со 5 погодоци беше најефикасен играч кај победникот....

Џуд Белингем игра фантастично во својата прва сезона во Реал Мадрид, тим во кој е прв стрелец, тим во кој со своите партии едноставно се наметна и како лидер на теренот иако само неколку месеци е во шпанскиот великан. Англичанецот веќе ја доби наградата „Златно момче“ (најдобар млад играч), а според Вејн Руни ако неговиот сонародник продолжи вака нема да биде изненадување и ако го грабне и признанието „Златна топка“ кое во моментов е во рацете на Лионел Меси. -Ако продолжи да го прави тоа што го прави тогаш зошто да не? Повторно го поминавме тој циклус на Меси и Роналдо каде што доминираа. Сигурен сум дека ќе има пет или шест играчи кои ќе се борат да се обидат да ја добијат следната награда. Сигурен сум дека ако продолжи да го прави тоа што го прави, ќе биде таму горе. -Прекрасно е да се види како едно младо англиски момче ја користи можноста да оди и да игра во странство, да биде храбар, тој навистина добро се снајде во Германија и сега е во еден од најголемите клубови во светот и навистина блеска. Навистина сум среќен поради него и се надевам дека ќе го го пренесе тоа на ЕП и да ни помогне да бидеме успешни, -порача Вејн....

Манчестер Јунајтед успеа да дојде до триумф во дерби пресметката со Челси, победа која му беше повеќе од потребна по слабиот меч што го одигра против Њукасл на „Сент Џејмс Парк“. Со ова „црвените ѓаволи“ уште еднаш потврдија дека знаат да бидат многу опасни кога сите ќе ги отпишат, но исто така е јасно дека за нешто повеќе е потребен континуитет, квалитетни партии, резултати во серија. Патрис Евра како поранешен член на овој клуб сака истиот да биде успешен, па од тоа што го виде против Челси донесе еден заклучок кој воедно може да се сфати и како совет за менаџерот Ерик Тен Хаг. Евра смета дека Тен Хаг мора да се држи до оваа едининаесетка во наредните дуели, поточно да не ги враќа во почетната единаесетка ниту Рашфорд, ниту Марсијал. -Тој ги стави вистинските играчи на теренот и навивачите на Јунајтед нема да разберат доколку истиот тим не го одигра следниот натпревар. Ќе разберам ако се работи за повреда, но мислам дека ќе биде тешко за Маркус и Марсијал да се вратат во почетните единаесет. -Гарначо имаше неверојатна партија, Антони имаше неверојатен меч и работна етика, не можете да кажете ништо негативно за тие играчи. Така, се надевам дека овој тим ќе остане [таков што е] и ќе биде тешко за Маркус и Марсијал и тие ќе мора да се борат за да си ги вратат местата бидејќи децата одиграа многу добро, -порача Патрис за „Амазон Прајм“. Јунајтед во следниот период има средби со Борнмут, Баерн Минхен и Ливерпул....

Интер и Јувентус се две екипи кои се издвоија во италијанскиот шампионат по 14. коло, поточно „нероаѕурите“ се први со 35 бода, а зад нив се „бјанконерите“ со 33 поени. Со оглед на досега прикажаното за многумина овие два состави и ќе се борат до крај за Скудетото, став кој се согласува и легендата на италијанскиот фудбал Паоло Ди Канио. -Интер и Јувентус до крај ќе се борат за Скудетото, со оглед на квалитетот и силата во длабочината што им е на располагање. „Нероаѕурите“ се екипаѕа која треба да ја освои титулата, иако Јуве ќе продолжи да им прави проблеми, дури и ако се зголеми разиката на врвот, -истакна Паоло кој на крајот го спомена и Милан под услов тој да испадне од европските купови. -Не сме ни на половина од сезоната, а и Милан би можел да се врати во игра. Сепак, тие треба да се сметаат за опција само ако бидат елиминирани од сите европски натпреварувања, бидејќи овој тим не е доволно длабок за да се справи со повеќе турнири, -заклучи Ди Канио....

Џенаро Гатузо има добри резултати со Олимпик Марсеј во последно време, а една од причините за тоа дефинитивно е односот што го има со играчите, целата група на составот од „Велодром“. Италијанецот е познат по својот темперамент, но знае и секогаш да се пошегува, па така вирално стана едно видео со неговиот поздрав со фудбалерите при кој Азедин Унаи ја утна работата. Мароканецот ја утна рака на тренерот по што Рино му одржа лекција да не му се повтори во иднина. OUNAHI VS GATTUSO 🥊🤣 pic.twitter.com/uMek1rb6hS — Ligue 1 English (@Ligue1_ENG) December 7, 2023...

Фудбалската федерација на Македонија излезе со соопштение по последите случувања на вчерашниот меч меѓу Струга Трим Љум и Воска Спорт на кој домаќините славеа со гол од пенал постигнат длабоко во судиското продолжение. За овој пенал имаше доста реакции од гостите, се огласи и Шкупи со сооштение за да потоа со свој став излезе и актуелниот првак. Сето ова придонесе и ФФМ да се јави порачувајќи дека се свесни дека се прават грешки од судиите, но и дека активно се работи на воедување на ВАР и во нашите лиги. -Вчерашниот натпревар Струга Т.Љ. – Воска Спорт јасно илустрираше колку е критично отсуството на технологијата за видео асистент судија (ВАР) во нашиот фудбал. Сериозните судиски грешки доведоа до значителна неправда за тимовите во МФЛ и не само што предизвика разочарување и гнев, туку ја потенцираше потребата за брзи дејствија во насока на подобрување на судењето и спроведување на праведноста. -Во текот на сезоната, се соочивме со судиски грешки кои директно влијаеа на интегритетот на фудбалската играта. Последните судиски грешки, но и грешките во изминатите кола од МФЛ, не принудуваат да се движиме побрзо кон подобрување и праведност во македонскиот фудбал. -Фудбалската федерација на Македонија (ФФМ) е цврсто решена да не дозволи неправда во фудбалот, без разлика на цената. -Со тоа на ум, ФФМ активно работи на воведување на технологијата за видео асистент судија (ВАР) во нашите лиги. Свесни сме за предизвиците кои ги носи овој процес, особено во наоѓањето на соодветна продукциска куќа за емитување на натпреварите, што беше и клучен проблем и покрај нашата решеност веќе оваа сезона да имаше достапна ВАР технологијата тоа да не се оствари, бидејќи овој чекор е критичен за ефективното воведување и функционирање на ВАР технологијата. Нашата цел е да овозможиме оваа технологија што е можно побрзо да биде достапна, иако се соочуваме со комплексни логистички и технички барања за имплементација на истата и на кои интензивно работиме да ги надминеме. -Фудбалот не е само игра, туку симбол на спортска правда и рамноправност. Во срцето на секој натпревар е желбата за фер-плеј, каде секој тим има еднакви шанси за успех. -Паралелно со овие напори, ФФМ континуирано инвестира во професионалниот развој на нашите судии. Редовно ги испраќаме на обуки и семинари во рамките на УЕФА со цел подобрување на нивните вештини и способности за правилно судење. Ние сме посветени на обезбедување на највисоки стандарди во нашиот фудбал и веруваме дека овие чекори ќе придонесат кон правичен и квалитетен фудбалски исход, -порачаа од куќата на фудбалот....

Младата репрезентација на Македонија до 19 години ги доби ривалите во елитната рунда квалификации за Европското првенство кое следната година ќе се одржи во Северна Ирска. Нашите таленти ќе ги одмерат силите со со селекциите на Швајцарија, Украина и Летонија. – Задоволен сум од ждрепката, се наоѓаме во добра група. Реално можевме да добиеме и потешки противници. Меѓутоа во денешниот фудбал модерен фудбал, нема слаби и јаки репрезентации, сите располагаат со одреден квалитет и умеат да играат фудбал на високо највисоко ниво. – Се надевам дека на претстојните квалификации во рамките на Елитната рунда за пласман на Европско првенство, пред се ќе успееме да го задржиме континуитетот на добри игра и позитини резултати. Нема да биде нималку лесно, но подготвени сме за овој предизвик. – Мотивацијата кај моите фудбалери и целиот стручен тим е на едно високо ниво. Ќе дадеме се од себе за да успееме да отидеме чекор понапред и обезбедиме пласман на Европско првенство. – Постои голема жеба за докажување и надигурвање кај моите фудбалери. Се надевам дека нема да изостане и ќе успееме да се прикажеме во добро светло во март. Да го заокружиме овој тригодишен циклус со успех. – Се надевам дека во следниот период на подготовки, сите фудбалери ќе бидат здрави и ќе ги имам на располагање. Не очекуваат два контролни мечеви во Скопје против селекцијата на БиХ на 27 и 29 февруари. Тоа ќе биде и нашата последна проверка пред почетокот на квалификациите за пласман на ЕП. – Максимално верувам во оваа генерација на фудбалери. Покажавме карактер, одлучност и голема желба за успех. Очекувам дека можеме да направиме и постигнеме нешто повеќе, се надевам дека ќе успееме да обезбедиме пласман на следното Европско првенство, -истакна селекторот Тони Јакимовски. Елитната рунда квалификации се игра од 18. до 26. март 2024 година....

Единаесет средби се одиграа во НБА лигата, средби кои си донесоа своја убавина, квалитет, мајсторски акции и моменти за воодушевување на публиката. Од нив беше избрно најдоброто, најмагичното, најтрактивното кое се најде на новата Топ листа на која дефинитивно на самиот врв доминираат Дончиќ и другарите од Далас Маверикс со моќни, атрактивни потези....

Вчера на фудбалските терени во Македонија се одиграа два заостанати натревари од 15. коло во Првата лига, натпревари на кои победи остварија домашните екипи Силекс и Струга Трим Љум. Меѓутоа на двета дуели во Кратово и Струга имаше спорни моменти со тоа што на првиот судијата Ндерим Тефику одлично си ја завршил работата и донел исправни одлуки, додека пак Игор Стојчевски драстично ја оштетил Воска Спорт со две одлуки. Ова се заклучоците на судиска комисија при ФФМ кои ви ги пренесуваме во целост: На натпреварот Фк.Силекс – Фк.Вардар одигран на 06.12.2023 година, анализирана е ситуацијата од 26 минута. “Главен судија: Ндерим Тефику. Помошни судии: Даниел Василевски и Александар Ѓурковски. 26 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 1:1) Играч на домашната екипа беше во посед на топка во 16-сетникот на гостинската екипа, кога сакаше да помине играч на гостинската екипа, гостинскиот играч направи недозволен старт на ногата на противникот без да игра со топката. Исправна одлука на главниот судија, досуден пенал за домашната екипа поради недозволен старт на нога на играч на гостинската екипа над противнички играч. Главниот судија беше одлично поставен и имаше јасна прегледност на ситуацијата. На натпреварот Фк.Струга Трим Лум-Фк.Воска одигран на 06.12.2023 година, анализирани се ситуациите од 90+6 и 90+7 минута. “Главен судија: Игор Стојчевски. Помошни судии: Драган Трпчевски и Душко Панов. 90+6 минута: ПОГРЕШНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0) Играч на гостинската екипа додаде топка до свој соиграч пред линијата на 16-сетникот на домашната екипа, играчот на гостите се загради на коректен начин со телото и противничкиот играч кој беше до него се одби од телото и падна, но при паѓањето домашниот играч во својот 16-сетник направи невнимателен и недозволен старт на нозете на играчот на гостинската екипа. Погрешна одлука на главниот судија што досуди слободен удар за домашната екипа бидејки градењето со тело на гостинскиот играч беше коректно и без недозволено движење од негова страна, во оваа ситуација главниот судија требаше да досуди пенал за гостинската екипа поради невнимателен и недозволен старт на домашниот играч над противничкиот играч. 90+7 минута: ПОГРЕШНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 0:0) На една топка во 16-сетникот на гостинската екипа која не беше во ничив посед стартуваа два противнички играчи, играчот на домашната екипа прв со глава ја удри топката и дојде до минимален контакт со телото на противнички играч, топката се одби и дојде до друг играч од домашната екипа кој пред себе имаше противнички играч и кога сакаше да го помине играчот, дојде до минимален контакт (не прави движење) со ногата на гостинскиот играч и играчот на домакините падна. Погрешна одлука на главниот судија што досуди пенал за домашната екипа, бидејки и во двете ситуации контактите беа минимални и недоволни за да се досуди пенал. Судиска комисија сака да ја извести јавноста за промената на судиите за 15 коло на 1 МФЛ: – На натпреварот Фк.Силекс-Фк.Вардар првично делегиран 1 помошен судија беше Мартин Петковски, но на последното 17 коло од 1 МФЛ на натпреварот Фк.Брегалница –Фк.Воска имаше грешка (не сигнализирано офсајд позиција, гол постигнат) и затоа на негово место нов делегиран помошен судија беше Даниел Василевски. – На натпреварот Фк.Струга Трим Лум-Фк.Воска првично делегиран главен судија беше Стојан Трпчевски, но на последното 14 коло од 2 МФЛ на натпреварот Фк.Победа –Фк.Пелистер имаше грешка (недосуден пенал) и затоа на негово место нов делегиран судија беше Игор Стојчевски....

Македонската тенисерка, Магдалена Стоилковска доживеа пораз во второто коло на ИТФ фјучерсот во Шарм Ел Шеик што се игра за награден фонд од 15.000 долари. Стоилковска на другата страна на мрежата ја имаше четвртата носителка Карола Патриција Беженару која се покажа како пресилен ривал за да се обезбеди пласман во четвртфиналето. Романката која е 609-та на ВТА листата ја доби оваа пресметка по нешто повеќе од еден час игра со 2-0 во сетови. Средбата на теренот број четири донесе идентичен резултат во двата сета 6-2. Стоилковска ќе има настап на уште еден турнир во Египет (W25 Шарм Ел Шеик), а според пријавите на тенисерките најверојатно ќе треба да игра и во квалификациите....

Јирген Клоп имаше доста обврски со новинарите по крајот на натпреварот со Шефилд Јунајтед, прво поради провокацијата која ја доби од презентерот на „Амазон прајм“, но и поради стандардните процедури со прес-конференции. Германскиот стручњак може да биде задоволен од тоа како изгледа неговиот Ливерпул, па и од самото место на табелата, бидејќи „црвените“ во моментов се втори на табелата со два бода повеќе од Арсенал. За разлика од овие два тима, Манчестер Сити забележа неочекуан пад и запиша три реми средби и еден пораз на последните четири меча, но Јирген Клоп им се изнасмеа на оние кои почнаа да го отпишуваат тимот на Пеп од шампионската битка. – Ако некој почна да го исклучува Сити од битката за титулата, тоа ќе биде најголемата шега во историјата на фудбалот, – изјави Клоп. Со вчерашниот пораз од Астон Вила, актуелниот шампион падна на четвртото место на табелата и сега има шест бода помалку од лидерот Арсенал. "If somebody would write City off that would be the biggest joke in the history of football" Jurgen Klopp on the title race after Man City dropped to fourth with a loss to Aston Villa 🏆 pic.twitter.com/IJAK7SdoBJ — Sky Sports Premier League (@SkySportsPL) December 6, 2023...

Лука Дончиќ оствари историски бројки на мечот против Јута Џез и го водеше својот Далас до победа од 50 поени разлика, па таквото негово брутално издание донесе и голем немир кај противниците. „Џезерите“ не знаеја како да се справат и да се одбранат од расположениот Словенец, но посебно лут беше Крис Дан кој се обидуваше да ја решава работата ставајќи му раце в лице. Кошаркарот на Јута влезе во клинч со најголемата ѕвезда на Далас, но најмногу се зборува за него поради комуникацијата која ја имаше Словенецот со судиите. – Не направив ништо, се лути бидејќи му го разбивам задникот…….., – им порача Дончиќ на судиите, а откако овие побараа да има примирје со ракување, тој одби такво нешто. – Не по ѓаволите, – гласеше одговорот на Лука. LEAKED Audio Of Luka Doncic Trash Talking Kris Dunn👀: Luka: “Yo, what happened?” Luka: “He’s just mad I’m busting his a**, bro… I’m giving him buckets.” Then, the ref tries to calm things down by telling Luka: “Can y’all shake hands?” Luka responds with: “Hell no” pic.twitter.com/wwNDnOA6Jq — LegendZ (@legendz_nba) December 7, 2023...

Антидопинг обвинителството го заврши случајот „Пол Погба“ и стави крај на сите свои постапки кои ги водеше со месеци, а конечната одлука е дека се бара четиригодишна суспензија за прославениот француски фудбалер. Погба беше позитивен на тестостерон во месец август на стартот на сезоната, но откако позитивен испадна и вториот контролен тест кој е задолжителен, стана јасно деак го чека долга пауза од фудбалот. Италијанското антидопинг обвинителство побара максимална казна од четири години за големата фудбалска ѕвезда на Јувентус, па иако очекувано е Погба да заврши на националниот суд, во овој момент иднината не изгледа добро за некогашниот светски шампион Неговиот актуелен договор е вреден 8 милиони евра по сезона и е важечки до 2026-та година, но поради привремената суспензија која му беше активирана уште во септември, Јувентус нема обврска да ги испаќа тие големи средства. По најновата вест од Италија, во иднина е донесена и фудаблската кариера на Погба, кој на 30-години може да биде принуден да ги закачи копачките на клин....

Ливерпул го одржува чекорот со Арсенал и вчеравечер победи на гостувањето кај Шефилд Јунајтед, натпервар на кој повторно важна улога на теренот имаше Трент Александер Арнолд. Откако постигна два гола против Фулам, Трент вчера испорача асистенција до Вирџил Ван Дајк во првото полувреме, но пред да дојде до тоа, направи потег кој стана вирален хит. Арнолд режираше еден необичен и некарактеристичен ритуал пред да го изведе корнерот, па на една од камерите неговиот задник беше во прв план. Трент ги симна шорцевите и очигледно негова единствена цел беше да се чувствува што е можно покомотно при изведувањето на корнерот, но во дадената ситуација покажа повеќе од што требаше. За да биде уште поинтересно, неговиот корнер заврши со погодок и водство од 0:1, па видеото доби дополнително на важност на социјалните мрежи. Me: Player not to assist a goal with his ass out Trent Alexander-Arnold: pic.twitter.com/OUpnytZxVy — 𝔈𝔷𝔢_ℭ𝔥𝔢𝔞𝔭𝔫𝔢𝔰𝔰 👑 (@dahnnysparrow) December 6, 2023 Trent to his haters: pic.twitter.com/Ic4eMSmR5X — Ujwal Nayak (@DazzlerDiaz23) December 6, 2023...

Последното коло во бразилската Серија А донесе голема драма, бидејќи од една страна се решаваше шампионот за оваа сезоан, но и тоа кој ќе испадне од елитата. Палмеирас одигра 1:1 против Крузеиро и тоа беше доволно да го одбрани првото место на табелата и да почне шампионското славје, меѓутоа топ тема во Бразил е испаѓањето на фудаблскиот великан од оваа земја. Сантос имаше математики да опстане и со освоен бод, но на крајот загуби од Форталеса на домашен терен (1:2) и се случи нешто што никогаш не се случило во бразилскиот фудбал. Клубот кој стана славен поради неповторливиот Пеле првпат испадна од бразилската прва лига во својата 111-годишна историја, па после траорните сцени и солзите на теренот и трибините, следело лудило на улиците. Бесните навивачи на Сантос буквално запалиле дел од градот и дивееле со руинирање на објекти, автомобили и други возила, што најдобро говори колку е големо разочарувањето во регионот Вила Белмиро по испаѓањето. Absolute despair as Santos are relegated to the Brasileirão Série B for the first time in club history. 😢 pic.twitter.com/vDZzZ4fOQK — CBS Sports Golazo ⚽️ (@CBSSportsGolazo) December 7, 2023 Card & busses been set on fire after Santos has been relegated for the first time in their history! 😳 #Brasileirão2023pic.twitter.com/FPkOmpZ1CE — RMFC (@TeamRMFC) December 7, 2023 🚨Chaotic scenes near the Vila Belmiro after Santos was relegated. pic.twitter.com/CAIYJ1nYu6 — Brasil Football 🇧🇷 (@BrasilEdition) December 7, 2023 a torcida do Santos tacando fogo em ônibus pqp que isso pic.twitter.com/HorLZP5h6y — Central do Braga (@CentralDoBrega) December 7, 2023 Santos have been relegated for the first time in their history, and their supporters are a tad upset. pic.twitter.com/bg1OwVjiDM — These Football Times (@thesefootytimes) December 7, 2023...

Лука Дончиќ имаше партија за паметење неколку дена откако стана татко и беше посебно мотивиран на теренот, нешто што негативно се одрази врз играчите на Јута Џез. Словенецот испорача историски трипл-дабл уште во првото полувреме и го водеше својот тим до страшна победа со 50 поени разлика (147:97), но после доминијата на теренот, Лука продолжил во исто темпо и по крајот на мечот. Американските медиуми го открија неговото лудо и комично интеврју кое го дал веднаш по големиот триумф на Мавериски, а за време на обраќањето испорачал две „бомби“ кои не се дозволени да се зборуваат во живо. Всушност, Дончиќ изговори две познати пцовки додека го објаснуваше пристапот на неговиот тим, но брзо му стана јасно што прави: – Пред натпреварот им реков на момците дека не може да се заебаваме….. офф срање….. моја грешка, извини, – гласи урнебесното обраќање на Словенецот. “We just can’t f*ck around… aw shit”. Luka Doncic is pure comedy 🤣🤣🤣#MFFL pic.twitter.com/Or48bj5LCg — MFFL NATION (@NationMffl) December 7, 2023...

Лауаро Мартинез прерасна во вистински лидер на Интер откако изминатово лето ја доби и капитенската лента, па Аргентинецот има уште поголема одговорност на теренот со оваа улога во соблекувалната. Напаѓачот игра неверојатно добро од стартот на сезоната и сите го препознаваат како симбол и пример за клубот, а токму поради тоа „нераѕурите“ подготвуваат специјален договор за својот капитен. Европскиот вицешампион веќе некое време преговара со агентите на Мартинез за нов договор, но сега Бепе Марота првпат отворено проговори за тоа во кој тек одат настатните. – Лаутаро созрева и расте со новата улога како капитен. Тој е доказ дека во фудбалот ви е потребен талент, но мора да работите за да станете шампион. Работи на најдобар начин и е пример за останатите. – Секако дека работиме на неговиот договор. Всушност, се обидуваме да го врземе на дополнителни пет години. Преговорите одат добро и одлична работа е тоа што има јасна свест каде припаѓа, поседува нешто што во модерниот фудбал полека се губи, – изјави Марота....

Пол Сколс се обиде да му даде поддршка на Антони пред натпреварот со Челси и го охрабри откако Бразилецот се пожали од третманот и критиките кои ги добива од легендите на клубот, а незаборавниот играч за врска секако е еден од нив. Сколси имаше можност да го коментира последното дерби на „Олд Трафорд“ и овојпат се израдува на победа од 2:1, па иако цела јавност во прв план го стави јунакот Скот МекТоминеј, анализата на Пол отиде во друг правец. Поранешниот организатор на „ѓаволите“ беше презадоволен од изданието кое го имаше Алехандро Гарначо, па немаше проблем да го посочи Аргентинецот како играч на мечот и покрај двата гола на Шкотланѓанецот. – Мислам дека Гарначо беше извонреден на овој натпревар, постојано претставуваше опасност за противниците. Знам дека Скот постигна два гола и дека беше избран за играч на мечот, но за мене тоа беше Гарначо. Тој беше на друго ниво и убедливо најдобар на теренот, – изјави Сколс. Гарначо беше навистина расположен за игра во текот на целиот меч и беше блиску до постигнување погодок, а во финишот од средбата имаше еден потег со кој го легна на земја Рис Џејмс. The last time Chelsea won Man United at Old Trafford (2013), Garnacho was 9 years old pic.twitter.com/wCg8RZUbdk — Savage (@utd_jhaysavage) December 7, 2023...

Никола Јокиќ запиша нов трипл-дабл учинок, но се чини дека тој е единствениот играч во светот за кој може да се каже дека имал лоша партија после таков натпревар. Тоа го призна и самиот Србин по поразот од Лос Анџелес Клиперс со резултат 111:102, најмногу поради катастрофалната шутерска вечер која ја имаше. – Едноставно не ми одеше, немав своја вечер. Не погодував од позиции од кои обично секогаш погодувам. Понекогаш играа добра одбрана, но понекогаш не ми одеше, – изјави Јокиќ. Србинот го заврши мечот со 22 поени, 15 скокови и 10 асистенции, но со шут од игра 9 од 32 (28 проценти реализација). – Јокиќ се обиде 32 пати и имаше само две слободни фрлања, двете во последната четвртина. Многупати шутираше од свои позиции и не погоди. Никогаш не сум го видел ваков, да погоди само 9 од 32 шута, – изјави изненадениот тренер Мелоун....

Крајот на бразилската фудбалска лига значеше и крај на етапата која ја имаше Луис Суарез во Гремио, бидејќи напаѓачот сепак реши да се одјави на „Маракана“ со победа од 2:3. Иако се чинеше дека последниот меч го одигра пред неколку дена кога се збогуваше на домашен терен, Суарез и покрај проблемите со коленото се појави на теренот против Флуминенсе, и практично го реши победникот. „Ел Пистолеро“ постигна два мајсторски гола во манир на голем фудбалски мајстор, најпрво дриблајќи го противничкиот голман, а потоа го „поздрави“ и со „паненка“. Двете минијатури кои ги изведе Уругваецот се само уште еден доказ за неговата класа како фудбалски голгетер, за што сведочат и бројките кои ги оствари во Бразил. За неполна година како играч на Гремио, Суарез одигра 54 натпревари, успеа да постигне 29 гола и да запише 18 асистенции. Luis Suarez scored twice at the Maracana in his final game for Gremio. ✨#BBCFootball pic.twitter.com/Gd1F7XKC7w — Match of the Day (@BBCMOTD) December 7, 2023 Luis Suárez com a camisa do Grêmio: 🏟 54 jogos⚽️ 29 gols🅰️ 18 assistências – Jogador com mais participações em gols no Brasil em 2023 (47) Foi uma honra ver o melhor centroavante pós-Ronaldo destruindo no Brasileirão! pic.twitter.com/YjC4YfUGSP — Sala12 (@OficialSala12) December 7, 2023...

Антони се пожали за третманот кој го добива од поранешните легенди на Манчестер Јунајтед како Рио Фердинанд, Рој Кин, Гери Невил и Пол Сколс, а лошите зборови во последно време ги искористи како мотивација за добра партија. Бразилецот вчера беше повратник во стартната постава на Ерик Тен Хаг и се прикажа во навистина добро светло на теренот, бидејќи потојано беше проактивен и гледаше да направи нешто повеќе за својот тим во двата правци. Ваквиот пристап е она што сигурно ќе му помогне да ја пронајде вистинската форма во иднина, па сега охрабрување доби и од Ерик Тен Хаг кој му посочи дека ова треба да биде како отскочна даска за него. – Антони прави прогрес после турбуленциите кои ги имаше во приватниот живот. Ваков пристап и ваков однос на теренот е она што е потребно за него, но и за нас. – Ова е тоа што го бараме од него, да има придонес за тимот. Играше многу паметно, се најде во добри позиции со топката и носеше храбри одлуки. Ова треба да биде појдовна точка за него, – изјави Тен Хаг, кој нагласи дека Јунајтед не бил во криза пред победата над Челси од 2:1. – Криза не постои за нас. Остануваме мирни, го продолживаме процесто и знаеме каде треба да се надоградиме. Ние сме на вистискиот пат и нема да застанеме поради критиките кои не надвиснуваат, – заврши Холанѓанецот....

Лучијано Спалети го остави искуството во Наполи зад себе, но истото од денеска ќе биде незаборавно и поради тоа што беше избран за почесен граѓанин на градот Неапол. Овој епитет им се доделува на луѓето кои направиле нешто посебно и уникатно за целиот град, а Лучијано дефинитивно го направи тоа откако го врати Скудетото под Везув после 33 години. Спалети денеска на свечениот чин беше пречекан од властите во Неапол и Аурелио Де Лаурентис, претседателот на Наполи кој не ја пропушти можноста повторно да се сретне со искусниот стручњак. Иако нивната етапа пред неколку месеци заврши со залаедени односи, денеска двајцата биле максимално опуштени и си поделиле навистина убави зборови. – Лучијано е фантатичен тренер и една работа го прави поразличен од другите. Тој е импресивен мотиватор. Во 19 години колкушто сум во фудбалот, сфатив дека распонот кој може да го достигне еден фудбалер зависи и од тренерот. Спалети е одличен комуникатор, секогаш кога даваше интервју ги исмеваше новинарите кои поставуваа исти прашања. Секогаш беше учтив, но создаваше спектакуларна непријатност кај соговорниците, навистина уживав во тоа. – Му посакувам многу среќа во репрезентацијата, да ја врати онаму кадешто треба. Но, со овој потег, со прифаќањето на почесен граѓанин на Неапол, направи и мала грешка. Сега е заебан, со овој чин секогаш ќе биде врзан за Наполи и Неапол. Тоа значи дека секогаш кога ќе ни биде потребен совет, нема да може да не избегне. Сега им се обврза на верност и на фановите, веќе нема да смее да не изневери, – изјавил Де Лаурентис, а Спалети возвратил. – Претседателот Де Лаурентис отсекогаш бил ваков: Изгледа и постапува како да сме во хорор филм. Постојано очекувате да пристигне во секој момент и секогаш постои шанса за пресврт, – изјавил Спалети. VIDEO NM – Spalletti cittadino onorario di Napoli: “I’m officially scugnizzo” pic.twitter.com/YvC5uSN3hK — Napoli Magazine (@napolimagazine) December 7, 2023 #NotizieSSCNapoli #Calcio Spalletti diventa cittadino onorario di Napoli: "Da oggi sono un officially scugnizzo" https://t.co/Uy1mzIjfsL pic.twitter.com/0RGgnb0lbm — Napoli Today (@NapoliToday) December 7, 2023...

Жоао Феликс своевремено беше убедливо најскап млад играч во светот и Атлетико Мадрид плати повеќе од 120 милиони евра за неговиот трансфер, но како што одминуваат години, нови фудбалски ѕвезди ги следат неговите стапки. Фудбалските великани се почесто издвојуваат огромни средства за млади и талентирани фудбалери, а Жоао Феликс во интервјуто на „Спилер ТВ“ беше прашан за најдобриот млад играч во овој момент. Интересно, Феликс го избра новиот пулен на Јирген Клоп во редовите на Ливерпул, унгарскиот репрезентативец Доминик Собослаи. Офанзивниот играч за врска направи трансфер во Ливерпул изминатово лето, а бидејќи Феликс се гледа себеси во Барса на подолго време, верува дека еден ден може да соработува со Унгарецот. – Доминик Собослаи од Ливерпул е млад играч кој најмногу ми се допаѓа. Навистина ми се допаѓа неговата играч и верувам дека може да игра тука со нас еден ден, – вели Феликс....

Раде Богдановиќ е поранешен српски фудбалер и човек кој повремено беше дел од југословенската репрезентација, но во последно време најпознат е по жестоките критики кои ги дели за Драган Стојковиќ. Богдановиќ има лошо мислење за српскиот селектор и јавно го критикуваше за срамните изданија на тимот во квалификациите за Европското првенство, но изрази и чудење како може да добива месечна плата од 120 илјади евра. Овие зборови на некогашниот професионалец кој играше во времето на Пикси не го оставија рамнодушен актуелниот селектор, кој доста кратко и дрско му одговори, правејќи се дека не знае кој е воопшто Богдановиќ. – Раде Богдановиќ? Кој е тој?, – иронично им порача Пикси на српските новинари, а сега доби одговор. – Бидејќи Пикси порача дека не ме познава, јас ќе му се претставам. Роден сум во Сараево, од татко Слободан и мајка Наде. Роден сум во општина Ново Сараево, со потекло од село Тилав. Поради тоа што кажа дека не ме познава, сега ќе му кажам како добро ме познава. Месец дена пред да си замине од Србија да гради интернационална кариера, дојде во Македонија, на Дојранско езеро да полага стручен тренерски испит, да добие лиценца за да работи во Јапонија. – Полагаше по скратен и привилегиран пат, таква е процедурата на овие простори, а јас бев таму за да ја завршам тренерската струка. Ова го кажувам првпат, сега сигурен сум дека ќе се сети на мене. Србија е голема земја, но доволно мала за да не може да организира тренерска школа, па отидовме во Македонија. Ние бевме 6-7 српски тренери и 3-4 љубовници. Бевме доле на езерото, а тогаш прстигна Драган Стојковиќ во хотелот. Беше сместен на вториот кат, спроти мојата соба. Кога пристигна, отиде да се тушира, но никој не му кажа дека има попладневна рестрикција за топла вода. – Пикси излезе со пешкир околу себе, главата му беше со шампон, со едното око не гледаше, па ме праша: Богдане, имате ли топла вода? Му реков дека нема топла вода до 6 попладне и дека мора да се истушира со ладна вода. Многу добро ме познава од таа случка, на крајот доби лиценца по скратена процедура, – открива Богдановиќ....

Исмаел Бенасер остави зад себе еден тежок период кој најмногу го мина во тешка и напорна операција, откако на крајот на минатата сезона мораше да прави операција на коленото. Неуморниот играч за врска го скина предниот вкрстен лигамент и ја доби најтешката повреда во кариерата, но сега кога се врати на терените на мечот со Фрозиноне, сите се потсетија колку е тој важен за тимот. Бенасер важи за неверојатен работник на теренот и тоа отсекогаш посебно било ценето од тренерот Пиоли, меѓутоа се чини дека ваквиот квалитет се крие во карактерот на фудбалерот кој и натаму покажува завидна скромност. Исмаел веќе четири години е во Милан и стекна огромна почит на „Сан Сиро“, но самиот вели дека и ден денеска се уште не може да поверува дека игра за клуб со толку голема традиција. – Понекогаш кога ќе пристигнам во тренинг центарот и ќе го погледнам дресот и грбот, се уште не можам да верувам дека играм за Милан. Ми текнува од каде почнав и каде бев, ова е огромно достигнување за мене. – Кога се навраќате на такви работи, станува јасно што ви значи клубот. Секогаш имам желба да бидам уште подобар. Горд сум што се уште сум дел од Милан и ќе давам 100 проценти од себе се додека сум тука, – изјави Бенасер....

Лука Дончиќ го промени својот имињ и се појави со лента на глава на натперварот против Јута, кој подоцна излезе дека ќе биде историски за големата словенечка ѕвезда. Најдобриот играч на Далас го водеше својот тим до нестварна победа од 50 разлика против Џезерите, а во триумфот од 147:97 запиша неколку остварувања кои носат НБА историја. Дончиќ стана единствен играч во историјата кој пет пати во НБА успеал да постигне по 15 поени, 5 скокови и 5 асистенции во првата четвртина, но уште почудесно беше тоа што го режираше до крајот на првиот дел. Лука првпат во кариерата имаше трипл-дабл учинок уште во првото полувреме, но стана и играчот со најефикасен поентерски ефект во избраното друштво. Претходно вакво нешто им пошло од рака само на Вестбрук, Јокиќ и Сабонис, но ниту еден од нив немал број на поени како Дончиќ. Лука запиша 29 поени во оваа фаза од мечот и придодаде со 10 скокови и 10 асистенции, а инаку мечот го заврши со 40 поени, 10 скокови и 11 асистенци. За ваков учинок му требаа само три одиграни четвртини, а тоа го прави по седми пат во својата кариера и по овој параметар е четврти на вечната листа заедно со Вилт Чембрлен. With 29 points, 10 rebounds, and 10 assists in the first half, Luka Doncic has officially recorded the highest-scoring triple-double in a half in NBA history. https://t.co/hqx0WqFuvi — NBA History (@NBAHistory) December 7, 2023 НБА резултати: Кливленд – Орландо 121:111 Детроит – Мемфис 102:116 Вашингтон – Филаделфија 126:131 Атланта – Бруклин 113:114 Минесота – Сан Антонио 102:94 Торонто – Мајами 103:112 Чикаго – Шарлот 111:100 Хјустон – Оклахома 110:101 Далас – Јута 147:97 Голден Стејт – Портланд 110:106 ЛА Клиперс – Денвер 111:102...

Ливерпул оствари победа на гостувањето кај Шефилд Јунајтед и успеа да го одржи чекорот со водечкиот Арсенал, но во згуснатиот премиерлигашки натпревар, актерите од теренот и менаџерите немаат многу време за славје. „Црвените“ ќе немаат многу време за одмор и веќе во сабота ќе ја отворат новата рунда, односно во првиот термин од 13:30 часот ќе му гостуваат на Кристал Палас. Кратката пауза беше тема на разговор во интервјуто кое го одработи Клоп за „Амазон Прајм“, но бидејќи новинарот се правеше паметен и се обидуваше да се постмева со шегата која му ја „пушти“ на Клоп, на крајот доби лекција за паметење. Новинарот на „Амазон“ иронично му порачуваше на Клоп дека ќе игра во неговиот омилен термин и дека не треба да ја губи страста за натпреварите, по што следеше говор на Јирген кој брзо стана вирален. – Браво, многу е добро да кажеш шега за тоа. Константно сме во ова што го правиме. Одам дома, не знам кога ќе се вратиме, а потоа ќе играме повторно. Ќе имаме само две тренинг сесии, утре и задутре. – Ќе мора да се опоравиме и повторно да играме. Кристал Палас играше исто како нас вечерва и тоа е во ред. Но, јас гледам дека ти воопшто не го разбираш ова и покрај тоа што си во фудбалот. Правиш шега од ова, а всушност си целосно неук. Те сфаќам дека сакаш да направиш забава, но покажа непочитување со тоа што го кажа, – му посочи нервозниот Клоп. Don’t think anyone will be making any more “jokes” about 12.30 kick offs with Jurgen. Fucking knobhead absolutely shat himself. #SHULIV #LFC #JurgenKlopp #Klopp pic.twitter.com/fdgUh6nDHX — Navdeep ⭐️⭐️⭐️⭐️⭐️⭐️ (@navbasiTLW) December 6, 2023...

Скот МекТоминеј полека се издвојува како најдобар голгетер на Манчестер Јунајтед оваа сезона и повторно беше херој на „црвените ѓаволи“, и тоа повторно на домашниот „Олд Трафорд“. Шкотланѓанецот постигна два гола во дерби победата од 2:1 над Челси, па иако повторно се избори за посебен статус меѓу фановите на клубот, МекТоминеј не може да биде целосно задоволен. Причина за тоа се променливите резултати и неконстантните изданија кои ги прикажува првиот тим, па играчот за врска откри дека сите во соблекувалната зборувале само за тоа по триумфот над „сините“. – Ова беше натпревар на кој мораше да излеземе на теренот и да им покажеме на навивачите дека целиот наш фокус е врз играта. Сакавме да покажеме реакција, но тоа треба да го правиме секој меч, секоја недела. – Зборувавме само за ова во соблекувалната по мечот. Не може да одиграме само еден добар меч, мора да реагираме на секој натпревар кој го играме, мора да се прикажеме во вакво светло секоја недела. Знаеме дека навивачите имаат екстремно виско очекувања, но истото важи и за нас. Свесни сме дека не бевме доволно добри на мечот со Њукасл, – изјави МекТоминеј....

Мартин Поповски и неговиот тим Амичитија Цирих бележат одлични резултати во Швајцарија, имаат четири победи во низа од која последната беше над Берн со 29:27. Ова за домаќините е десетто сезонски славје во 15. меч, а до истото дојдоа со подобра игра од противникот во двете полувремиња (13:12, 16:15). Македонското крило Поповски имаше три голови од четири обиди, најдобар стрелец беше Чагаљ со шест гола. Цирих со 22 бода е на второто место на табелата....

Македонскиот репрезентативец, Ти-Џеј Шортс и неговиот Париз имаат навистина одлична сезона во Еврокупот каде по десет кола се со учинок 9-1 (победи/порази) со што се на првото место во групата А. Најнова жртва на францускиот клуб беше Вулвс од Литванија кој беше совладан на негов терен со 110:79. Најдобар на теренот беше токму Шортс кој забележа дабл-дабл од 24 поени и 11 асистенции, плус имаше уште 2 скока и 1 украдена топка. Најголема поддршка за плејмејкерот беше Хифи со 24 поени, а двоцифрен беше уште само Крацер со 12 кошеви. Париз во наредното коло ќе ја пречека Венеција која ја доби на првата средба со 81:75....

Македонскиот интернационалец, Марио Крстовски продолжува да ги тресе мрежите во првата лига на Словенија, а последна жртва му беше составот на Алуминиј. Домжале славеше убедлив триумф од 5-0, триумф кој беше најавен токму со еден убав погодок на Крстовски во раната фаза, поточно во 16 минута. Ова за 25-годишниот Марио беше шести сезонски погодок со што е на делба на второто место на листата на стрелци, поефикасен од него е само Руи Педро од Олимпија Љубљана со десет голови....

Ливерпул денеска оствари победа над Шефилд Јунајтед и останува блиску до лидерот Арсенал, но фановите се разочарани поради информацијата која ја објави менаџерот Јирген Клоп. Задоволството од освоените бодови е засенето од веста дека Жоел Матип ги скинал лигаментите на коленото и го очекува долга пауза. Знаејќи го карактерот на оваа тешка повреда, излегува дека Ливерпул до крајот на сезоната нема да смета на услугите на одличниот дефанзивец. Матип денеска не беше во комбинација, а повредата ја заработил на дуелот со Фулам. Фановите на Ливерпул сметаат дека Матип веројатно и нема повторно да го облече црвениот дрес, бидејќи договорот му истекува во јуни. Алексис Мак Алистер пак заработи повреда на денешниот дуел со Шефилд, а Клоп информирал дека се работи за исеченица, која првично била санирана со шиење, но Аргентинецот не можел да издржи повеќе од 59 минути на теренот....

Астон Вила очекувано се покажа како незгоден противник на Манчестер Сити, но ретко кој очекуваше целосна доминација на избраниците на Унај Емери и неверојатен број на упатени удари кон противничкиот гол. Од сите обиди и шанси, Вила реализираше само еден погодок, но голот на Бејли беше доволен за три бода и престижна победа против актуелниот англиски шампион. 🚨GOAL | Aston Villa 1-0 Manchester City | Bailey Follow our partner page @ocontextsoccer pic.twitter.com/xsUd6Oh1ae — VAR Tático (@vartatico) December 6, 2023 Според статистиката, Астон Вила стана екипа со најмногу упатени удари (22) кон голот на Сити во ерата на Пеп Гвардиола, при што денешните гости имаа само два удари во рамките на голот на противникот. Покрај се друго, со денешната победа, тимот од Бирмингем го престигна Сити и на табелата и сега има 32 бода, два повеќе од денешнот ривал. На второто дерби, Скот МекТоминеј повторно стана херој на Манчестер Јунајтед, постигнувајќи ги двата гола за победа над Челси со резултат 2:1. Фернандеш не реализираше пенал на почетокот на средбата, но МекТоминеј со првиот гол донесе водство за Јунајтед, пред Палмер во 45. минута да донесе израмнување. Решавачкиот момент се случи во 69. минута, кога МекТоминеј погоди со глава за конечни 2:1. Со оваа победа, тимот на Ерик тен Хаг дојде на минус три бода до Манчестер Сити, додека Челси останува со осум бода помалку....

Лацио успешно го мина тестот со Џенова во италијанскиот Куп, но тренерот Маурицио Сари има сериозен проблем кој неочекувано му се појави среде сезона. Медиумите во Италија информираат дека тренерот влегол во конфликт со Матиа Весино, искусниот играч за врска кој има важна улога во актуелниот состав на „бјанкоцелестите“. По триумфот над Џенова, Сари изјавил дека не се работи за сериозен проблем, но и денеска Весино не тренирал со соиграчите, што е потврда дека се работи за дисциплинска казна од страна на стручниот штаб. Засега не е јасно кога Весино го налутил Сари и дали тоа е поврзано со средбата против Калјари, но јасно е дека Уругваецот нема да настапи на дуелот со Верона претстојниот викенд. Лацио не може да смета и на повредените Луис Алберто, Патрик, Исаксен и Ромањоли....

Борусија Дортмунд го заврши настапот во германскиот фудбалски Куп по денешниот пораз од Штутгарт на гостински терен (2:0). Домаќините дојдоа до водство во 55. минута кога Гираси постигна уште еден важен гол за својата екипа, најавувајќи ја победата. Истата ја потврди Силас во 78. минута и го потврди пласманот на Штутгарт во четвртфиналето на Купот. Претходно, Сарбрикен исфрли уште еден бундеслигаш, победувајќи го Ајнтрахт со 2:0 на домашен терен и останува најголемото изненадување во ова натпреварување. Баер Леверкузен не погреши против Падерборн и со триумфот со 3:1 се пласираше во четвртфиналето....

Ливерпул долго имаше само минимална предност во дуелот со Шефилд Јунајтед, но на крајот ги освои бодовите со резултат 0:2, враќајќи се на второто место на табелата во Премиер лигата. Капитенот Ван Дајк во првиот дел постигна ефектен погодок на асистенција на Александер-Арнолд кој го пронајде соиграчот од корнер, а точка на неизвесноста стави Собослаи во судиското надополнување на вториот дел. Борнмут оствари важна победа во борбата за опстанок на гостувањето кај Кристал Палас (0:2), додека Брајтон ја доби пресметката со Брентфорд (2:1) со пресврт на „Амекс“. Најубедлив беше Фулам кој ја наполни мрежата на Нотингем Форест (5:0), а Ивоби и Хименез се истакнаа со по два гола. VIRGIL VAN DIJK! 💥 SHEFFIELD UNITED 0-1 LIVERPOOL pic.twitter.com/hY8yxGQJo1 — ~ (@snappedlfc) December 6, 2023 Second goal from Szoboslai pic.twitter.com/PgKKdVkyNI — Buzzer LFC (@addict_lfc) December 6, 2023...

Емануел Пети мина само една сезона во редовите на Барселона, но со тоа дополнително го надополни своето богато фудбалско досие, во кое се вклучени и многу освоени трофеи. Во последното интервју, поранешниот француски репрезентативец зборувал за разликите во однос на притисокот кој е присутен кај фудбалерите на Барселона во споредба со тој во клубовите од другите земји во кои настапувал. – Веднаш откако ќе пристигнеш во клубот, ти кажуваат дека треба да учиш да зборуваш каталонски, а не шпански, дека треба да ја научиш традицијата на Каталонија, а не на Шпанија. – Разликата е очигледна и е повеќе политичка, иако Барса е еден од најголемите клубови во светот со милионска база на фанови. – Исто е како да играте за некоја држава, – истакнал Пети. Покрај за Барса, Пети во кариерата настапуваше и за Монако, Арсенал и Челси....

Информацијата дека Баерн Минхен го добил потписот на Брајан Сарагоса ги изненади дури и најдобро информираните шпански медиуми, а денеска трансферот на талентираниот фудбалер стана официјален и потврден од сите инволвирани страни. Крилниот напаѓач ќе ја доигра сезоната во редовите на Гранада, а на германскиот првак ќе му се приклучи на подготовките за следната сезона, правејќи голем и значаен исчекор во кариерата. „Марка“ објави детали за целата „тајна акција“ на Баерн, која била реализирана во понеделникот, кога Сарагоса во друштво на својот татко и адвокат заминале со приватен авион во Минхен. Таму Шпанецот потпишал договор со Баерн, според кој Гранада ќе добие фиксни 12 милиони евра, плус опција за 4 милиони евра во вид на бонуси, а добро поминал и фудбалерот со годишна плата од 3,5 милиони евра. Баерн решил да реагира брзо бидејќи за Сарагоса сериозно биле заинтересирани и РБ Лајпциг и Борнмут, а медиумите во Шпанија го открија трансферот еден ден подоцна, за денеска да бидат појасни и сите детали....

Манчестер Сити зад себе има неверојатна сезона во која ги освои трите најпосакувани трофеи и првпат во клупската историја стана европски клупски шампион. Избраниците на Пеп Гвардиола ќе имаат многу тешка задача да го повторат овој успех и да ги одбранат трофеите, пред се поради уште посилната и поподготвената конкуренција. Тоа му е јасно и на шпанскиот менаџер, кој вечерва пред дуелот со Астон Вила испорачал ветување до јавноста. – Ако сезонава ги освоиме трите трофеи, тогаш дефинитивно ќе ја завршам тренерската кариера и ќе се пензионирам, – рекол Гвардиола. По три ремија по ред, Сити вечерва игра против незгодната Астон Вила....

Тони Крос се подготвува со соиграчите за новиот настап на Реал Мадрид во домашното првенство, но во меѓувреме стана хит на социјалните мрежи со една авантура од приватниот живот. Германецот е главен херој во видеото кое го снимала неговата сопруга, а во кое фудбалската ѕвезда се обидува да лоцира досаден натрапник во семејниот дом. Крос слушнал бучава во еден дел од домот и претпоставил дека се работи за глушец, а тоа успеа да го утврди на малку ризичен начин. Крајот на видеото е врв бидејќи семејството на Германецот успеало да го лоцира и потврди присуството на непоканетиот гостин. Toni Kroos trying to find a mouse in his house. 😂 pic.twitter.com/lpKrx4dWCS — TC (@totalcristiano) December 6, 2023...

Хари Мегваер имаше многу тежок период од почетокот на сезоната, но не само што се врати во првите единаесет на Манчестер Јунајтед, туку ќе стигне и до признанието за играч на месецот во Премиер лигата. Засега неофицијално, англиските медиуми тврдат дека Мегваер ќе биде крунисан за играч на месецот, што секако е значаен пресврт во однос на досегашните проблеми, па и исмејувањето на фановите за неговите настапи. Во ноември, Јунајтед победи без примен гол на три натпревари, а на тие средби против Фулам, Лутон и Евертон, Мегваер беше столб на одбраната на „црвените ѓаволи“. Во конкуренција за признанието беа и Доку од Сити, Гордон од Њукасл, Стерлинг од Челси, Таверние од Борнмут и Камински од Лутон. За Мегваер ова ќе биде првпат како го освојува признанието, а последен пат му припадна на играч на Јунајтед во февруари (Маркус Рашфорд)....

Актуелните сопственици на Интер и натаму имаат голем долг кон фондот „Оуктри“, а истиот постојано активира шпекулации дека италијанскиот клуб може да добие нови газди. Компанијата „Сунинг“ треба да исплати 350 милиони евра до мај 2024 година, а како нова заинтересирана страна се појавува Катарската Исламска банка. Прв човек на истата е Јасим Бин Хамад ал Тани, кој до неодамна преговараше за преземање на Манчестер Јунајтед од фамилијата Глејзер, но очигледно остана без шанси да стане нов сопственик на премиерлигашот. Досега кинеските сопственици на Интер бараа инвеститор кој би добил помал сопственички удел, но притисокот ќе се зголемува во пресрет на приближувањето на периодот во кој ќе треба да биде вратен долгот кон американскиот фонд. Ал Тани понуди 6 милијарди долари за Манчестер Јунајтед, па јасно е дека како претставник на катарските власти може лесно да ја покрие сумата за преземање на италијанскиот клуб....

Њукасл го победи Манчестер Јунајтед и сосема заслужено освои нови три бода во Премиер лигата, но Еди Хау не можеше во целост да се израдува на големиот триумф на „Ст. Џејмс парк“. Причина за тоа беше загрижувачката повреда на рамото која ја заработи Ник Поуп, а како што одминуваат деновите, се поизвесно изгледа дека менаџерот беше во право уште при својата прва дијагноза. Хау изјави дека стравува од сценарио во кое би го загубил првиот голман со месеци, но Еди денеска објасни дека тоа не значи автоматски ангажман на друг чувар на мрежата. Менаџерот на Њукасл се огласи за шпекулациите кои осамнаа во јавноста за сензационален ангажман на Давид Де Хеа, за кои порача дека не пристигнале од страна на клубот. – Видов многу натписи во медиумите за ангажман на нов голман и други играчи во тимот. Не сме отвориле такво прашање, наша цел е да им се даде шанса на останатите голмани во тимот. – Навистина имаме верба во Мартин Дубравка. Тој е голман од највисока класа и веруваме дека може да ни помогне. Што се однесува до Поуп, тој се уште посетува специјалисти и разгледува сценарија. Ако направи операција, тој ќе биде во аут четири месеци. Секако дека е разочаран, но веруваме дека ќе се врати и ќе ни помогне до крајот на сезоната, – изјави Еди Хау....

Италијанските медиуми денеска објавија кои судии се делегирани за новото коло во Серија А, кое ќе донесе две нови дерби пресметки. Најголемо внимание ќе предизвика соочувањето на Јувентус и Наполи, а главен судија на оваа средба ќе биде искусниот Даниеле Орсато. Ди Паоло ќе биде одговорен во ВАР собата, додека арбитарот кој го водеше натпреварот Сасуоло-Рома (Марсенаро) ќе биде само четврти судија во Торино. Аталанта го пречекува Милан, а во Бергамо одговорноста ќе ја преземе Ла Пена, додека Марко Ди Бело е делегиран за натпреварот Интер-Удинезе. Интресно е што Давиде Маса, кој заработи жестоки критики од Наполи за судењето на дербито со Интер, сега ќе мора да се задоволи со дерби во втората лига. Маса ќе биде главен судија на дуелот меѓу поранешните прволигаши Парма и Палермо, кои ќе имаат соочување во Серија Б....

Тибо Куртоа заработи сериозна повреда на лигаментите поради која ќе ја пропушти цела сезона, а медиумите тврдат дека тој воопшто не размислува да ја забрзува рехабилитацијата поради Европското првенство. Белгија ќе учествува на летниот турнир во Германија, но Куртоа одлучил да му даде предност на својот клуб Реал Мадрид и да ја темпира формата за наредната сезона. Повредата на Куртоа е голем удар за шпанскиот состав и тренерот Карло Анчелоти, а се очекува тој да биде подготвен за тренинзи барем во месец мај. Сепак, „РадиоМарка“ објави дека Куртоа ги информирал челниците на Реал дека не планира да форсира и да ризикува со настап на Европското првенство, туку ќе се концентрира на враќање во целосна форма за почетокот на подготовките за следната сезона. Белгијците не се прославија на последните големи натпреварувања, а имаше шпекулации и за тензија меѓу најголемите ѕвезди, па можеби и ваквата атмосфера влијаела кај Куртоа во донесувањето на вака важна одлука, со која ќе се откаже од настап на еден голем и престижен турнир....