Познатиот кунг фу мајстор починал на само 32 години, во далечната 1973 година, а истражувачите од „Clinical Kidney Journal“ тврдат дека дури сега дознале како и зошто се случило тоа. Причините за смртта на легендарниот мајстор за боречки вештини и кунг фу се менуваат до ден-денес. Според официјалниот извештај, актерот починал од оток на мозокот. Лекарите констатирале дека последица на тоа е земањето прекумерна количина на лекови против болка. Актуелни беа и гласините дека тој е жртва на кинеската мафија, дека го отрула љубоморната љубовница, но и дека добил топлотен удар. Сепак, по детални анализи стручњаците од „Clinical Kidney Journal“ заклучиле дека Брус Ли починал од преголема количина на вода во телото, т.е. страдал од хипонатремија, состојба на нарушена рамнотежа на електролитите, која се карактеризира со намалена концентрација на натриум во крвта. Нарушената рамнотежа на електролити во крвта предизвикува отекување на клетките во телото, вклучувајќи ги и тие во мозокот, се наведува во соопштението на студијата, а пренесува „Сан“. Сопругата на најпознатиот кунг фу мајстор Линда, открила дека Брус Ли бил на диета базирана на зголемен внес на течности, а непосредно пред смртта пиел сок од морков и јаболко. Биографот Метју Поли, автор на книгата „Bruce Lee, Life“, исто така во своето дело истакнува дека мајсторот на боречките вештини ноќта пред смртта консумирал голема количина вода. View this post on Instagram A post shared by Bruce Lee (@brucelee) - Претпоставуваме дека Брус Ли починал од специфичен облик на дисфункција на бубрезите, поточно неможност да се излачи доволно вода за да се одржи хомеостазата на водата. Ова може да доведе до хипонатремија, церебрален едем (отекување на мозокот) и смрт во рок од неколку часа, ако вишокот вода не се излачи преку урината, што е во согласност со податоците за смртта на Брус Ли – се вели во резултатот на обемната студија. Оваа студија дошла до вакви наоди бидејќи Брус Ли пиел голема количина вода, користел канабис кој исто така ја зголемува жедта, но и лекови против болки и алкохол, кои исто така претставуваат ризик фактори за намалена функција на бубрезите....

Мадона ретко објавува фотографии со своите деца, па речиси никој не се сеќава како изгледаат. Мадона сега објави слика со Лурд (26), која долго време живее сама, нејзиниот син Роко (22) кој живее со својот татко Гај Ричи во Лондон и нејзините посвоени деца Дејвид (17), Мерси Џејмс (16) и близначките Естер и Стела (10) . „Многу сум благодарна“, напиша Мадона во својата објава на Инстаграм. View this post on Instagram A post shared by Madonna (@madonna)...

Во неделниот благослов што се одржа денеска пред десетици илјади собрани на плоштадот Свети Петар, Светиот Отец рече дека насилството ја убива иднината на двата народа. Да потсетиме, во средата две бомби експлодираа на автобуски станици во предградието на Ерусалим, при што загина 16-годишно момче, а најмалку 14 лица беа повредени. Се чини дека станува збор за напад на палестински милитанти. Од здобиените повреди вчера почина 50-годишен маж. Доцна вечерта во вторникот, израелските воени сили убија 16-годишно палестинско момче во судирите во градот Наблус, окупиран од Израел, на Западниот Брег. Папата ги спомна двата инциденти, нарекувајќи ги грозоморни експлозиите во Ерусалим. Тој рече дека е загрижен поради зголемувањето на насилството во последните месеци. „Насилството ја убива иднината, ги прекинува животите на најмладите и ја ослабува надежта за постигнување мир. Да се ​​молиме за овие млади луѓе кои загинаа и за нивните семејства, особено за нивните мајки. Се надевам дека и израелските и палестинските власти ќе се ангажираат повеќе силно во барањето меѓусебен дијалог, градење меѓусебна доверба, без која никогаш нема да се најде решение за мир во Светата земја“, заклучи Папата....

Иако, на пример, „Vivo“ веќе претстави телефон со овој чип, тој е всушност премиум уред наменет за следната година. За време на презентацијата на чипот, „Qualcomm“ изјави дека многу компании ќе претстават телефон со овој процесор, но не прецизираа кои модели точно. Но, се појави листата на телефони кои дефинитивно ќе пристигнат со овој чип. „Snapdragon 8 Gen 2“ пристигна како наследник на минатогодишниот „Snapdragon 8 Gen 1“. Станува збор за чип од 4 nm, чиј фокус е енергетската ефикасност. Секако, има и поголеми брзини, па „Qualcomm“ изјави дека новиот „Kryo CPU“ ќе донесе до 35% подобри перформанси со 40% подобра ефикасност, во споредба со „Snapdragon Gen 1“. Така, „Kryo Prime“ работи на 3,2 GHz, но сега има четири јадра за перформанси со такт на 2,8 GHz. Има уште три енергетски ефикасни јадра со такт од 2,0 GHz. Чипот поддржува „QHD+“ дисплеи до 144Hz или 4K дисплеи до 60Hz. Поддржува и надворешни дисплеи до 4K на 60Hz, а овозможено е и декодирање на „AV1“ видео - поддржани се преноси до 8K со 60 fps со „HDR“. We know, it’s mind blowing that one tiny mobile platform could fit all of these powerful technologies and features — but providing you the ultimate connected experience is kind of our whole thing. Learn more about the #Snapdragon 8 Gen 2 Mobile Platform: https://t.co/51zEQ15MHK — Snapdragon (@Snapdragon) November 16, 2022 Во продолжение списокот на телефони што дефинитивно ќе се испорачаат со овој чип: Xiaomi 13; Samsung Galaxy S23; OnePlus 11; Oppo Find X5; Red Magic 8 Pro; Motorola X40; iQOO 11. Секако, списокот сигурно ќе се прошири, но во моментов ова се телефоните кои дефинитивно ќе пристигнат со овој чип....

Видеото, објавено од Фариде Морадани е споделенo на социјалните мрежи по нејзиното апсење на 23 ноември, според активистичката новинска агенција ХРАНА. „Слободни луѓе, застанете со нас и кажете им на вашите влади да престанат да го поддржуваат смртоносниот режим што убива деца“, вели Морадани во видеото. „Тој режим не е лојален на ниту еден од неговите верски принципи и не познава други закони освен сила и останување на власт“, ​​порачува таа. Канцеларијата на ајатолахот Хамнеи не беше достапна за коментар на барањето на Ројтерс. ХРАНА наведува дека во повеќе од два месеци национални протести до 26 ноември биле убиени 450 демонстранти, меѓу кои 63 малолетници. Се додава дека биле убиени 60 припадници на безбедносните сили, а уапсени се 18.170 лица. Протестите предизвикани од смртта на 22-годишна Курдка, приведена поради „несоодветно носење“ хиџаб се најголемиот предизвик за иранската верска влада од Исламската револуција во 1979 година, забележува Ројтерс. Видеото од уапсената Фарида Морадани го објави нејзиниот брат кој живее во Франција. Нејзиниот татко, Али Морахани Аранге, шиитски свештеник кој се спротивстави на режимот на Шах Шахлави, а потоа и на верскиот режим, неодамна почина во Техеран по години во самица поради неговиот став кон Исламската Република, според неговата веб-страница. Ова не е прва критика на верските власти во Иран која доаѓа од член на семејството на највисоките функционери. Во 2012 година, Фаезех Хашеми Рафсанџани, ќерка на починатиот претседател Акбар Хашеми Рафсанџани, беше осудена на затвор поради „ширење антидржавна пропаганда“....

Сухарјанто, шеф на Националната служба за управување со кризи, рече дека најмалку 11 лица се уште се водат како исчезнати. Земјотресот оштети повеќе од 62.000 куќи, поради што повеќе од 73.000 граѓани беа преместени во 325 прифатилишта низ целиот регион. „Хуманитарните работници постепено допираат до погодените граѓани во оддалечените села со логистика и прехранбени производи и им подигнуваат шатори“, додаде Сухарјанто. Службата што ја следи сеизмолошката активност соопшти дека главниот земјотрес во понеделникот бил проследен со 284 последователни потреси, кои постепено се намалувале во интензитет....

Околу 40 лица се приведени во Истанбул, според групата која себеси се нарекува „Ќе го запреме фемицидот“. Во петокот кога се одбележуваше Меѓународниот ден против насилството врз жените, полицијата приведе 200 лица, но други информации не објави. Локалните власти ги забранија двата настани со образложение дека нивното одржување ќе го наруши мирот во градот. На групата и се заканува судска постапка бидејќи го прекршила законот и моралот со организирањето на протестот, велат од судството. Во 2021 година, Турција се повлече од Истанбулската конвенција на иницијатива на претседателот Реџеп Таип Ердоган. Организаторите на протестот наведуваат податоци за смртта на 300 жени годинава кои се жртви на фемицид, што е кривично дело убиство на жени и девојчиња поради нивниот пол. Истанбулската конвенција, која беше прифатена во Истанбул во 2011 година и стапи на сила во 2014 година, е првиот правно обврзувачки и сеопфатен меѓународен механизам за борба против насилството врз жените и семејното насилство....

Екипите на Јавното Претпријатие за одржување и заштита на Магистрални и Регионални патишта – Скопје, будно ја следат состојбата на сите патни правци и планински превои. Навремено се превземени превентивни мерки со опесочување на сите делници на кои се очекуваат ниски температури и врнежи од снег. Воедно упатуваме апел до сите учесници во сообраќајот да носат и користат зимска опрема и да ја прилагодат брзината согласно условите на патот. Јавно Претпријатие за одржување и заштита на Магистрални и Регионални патишта - Скопје...

Екипите на Јавното Претпријатие за одржување и заштита на Магистрални и Регионални патишта – Скопје, будно ја следат состојбата на сите патни правци и планински превои. Навремено се превземени превентивни мерки со опесочување на сите делници на кои се очекуваат ниски температури и врнежи од снег. Воедно упатуваме апел до сите учесници во сообраќајот да носат и користат зимска опрема и да ја прилагодат брзината согласно условите на патот. Јавно Претпријатие за одржување и заштита на Магистрални и Регионални патишта - Скопје...

Минималната температура ќе биде во интервал од -2 до 3, а максималната ќе достигне од 3 до 10 степени. Во Скопје променливо облачно со сончеви периоди и со слаб северен ветер. Минималната температура ќе се спушти до 2, а максималната ќе достигне 7 степени. Во вторник ќе се задржи стабилно време со негативни утрински температури. Нов влажен бран со локални врнежи од дожд, а на планините на запад од снег, се очекува во среда и во четврток, велат од УХМР....

Како што информираат од МВР, од нив 97 возачи ја пречекориле брзината во населено место, а 27 надвор од населено место. На сите прекршители изготвени им се соодветни поднесоци. Министерството за внатрешни работи соопшти дека засилените акциски контроли продолжуваат и во наредните денови. Апелираат до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта....

Работите во автомобилската индустрија брзо се менуваат, а доказ се мануелните менувачи и сопирачките, кои се повеќе исчезнуваат од производството со нови автомобили. Една нова студија на „CarGurus“ во Велика Британија најдобро објаснува како функционира пазарот. Само 13 проценти од новите возила се нудат со рачна сопирачка, што значи дека само околу еден од десет нови автомобили е опремен со класична рачна сопирачка, а останатите имаат електрични сопирачки за паркирање. Некои марки како „BMW“ или „Peugeot“ целосно ги отстранија рачните сопирачки. Само во последните 5 години, бројот на рачни сопирачки во возилата се намали од нешто повеќе од една третина од автомобилите на едвај повеќе од една осмина, пренесе „Revija HAK“....

Кинеската телевизија, која емитува фудбалски натпревари од Светското првенство, повеќе не прикажува снимки од гледачи без маски, откако ваквите сцени ги налутија Кинезите кои повеќе не можеа да ги поднесат ограничувањата наметнати против ширењето на коронавирусот. Кина е последната голема економија што ја продолжи политиката на нулта толеранција за ковид, што вклучува затворање цели населби или градови, прогласување екстремно долги карантини и спроведување масовни кампањи за тестирање. На Кинезите им е сè потешко да толерираат вакви ограничувања, а во последните денови многу од нив учествуваа на демонстрации. Во обид да избегне прикажување снимки од стадион полн со навивачи без заштитни маски, спортскиот канал „CCTV“ постојано за време на преносот на натпреварот помеѓу Јапонија и Костарика ги заменуваше сите снимки на кои се гледаат гледачи одблиску без маски со снимки од терен или гледачи, но од голема далечина, чии лица не се разликуваат. Во исто време, нецензуриран пренос од натпреварот беше достапен за заинтересираните гледачи на интернет, вклучувајќи го и „Douyin“ и кинеската верзија на „TikTok“. Десетици милиони жители на поголемите градови, вклучувајќи ги Пекинг, Гуангжу и Чонгкинг, се во еден вид карантин, додека снимките од Светското првенство покажаа толпи луѓе на стадионот без никакви здравствени ограничувања. На популарната веб-страница „WeChat“ се појави отворено писмо во кое корисниците се прашуваат дали Кина е навистина на иста планета како Катар, а кинеската антикоронавирусна политика беше доведена во прашање, но властите брзо ја цензурираа. Стотици луѓе протестираа во Шангај и Пекинг, протестирајќи против кинеската политика на нулта толеранција за корона. На улиците излегоа и жителите на Вухан, пренесе Индекс.хр....

Работите во автомобилската индустрија брзо се менуваат, а доказ се мануелните менувачи и сопирачките, кои се повеќе исчезнуваат од производството со нови автомобили. Една нова студија на „CarGurus“ во Велика Британија најдобро објаснува како функционира пазарот. Само 13 проценти од новите возила се нудат со рачна сопирачка, што значи дека само околу еден од десет нови автомобили е опремен со класична рачна сопирачка, а останатите имаат електрични сопирачки за паркирање. Некои марки како „BMW“ или „Peugeot“ целосно ги отстранија рачните сопирачки. Само во последните 5 години, бројот на рачни сопирачки во возилата се намали од нешто повеќе од една третина од автомобилите на едвај повеќе од една осмина, пренесе „Revija HAK“....

„Поради натпреварите на Светското првенство, нивото на внимание и претпазливост на чуварите би можело да се намали, и тоа затворениците би можеле да го искористат за да избегаат“, изјавил претставник на затворската служба. „Персоналот не треба да користи паметни телефони на работа, бидејќи тие им го одвлекуваат вниманието и го попречуваат нивното ниво на будност и будност“, се вели во соопштението. Затворските службеници се советувани да ја зголемат будноста во местата на затворот каде што на затворениците им е дозволено да гледаат натпревари....

3000 километри од тука, на Кавказот каде христијанството и исламот се среќаваат, а демократијата граничи со авторитаризмот е Грузија. Земја од речиси 4 милиони луѓе, позната по доброто вино, и славната историја. Слична на нас, а толку далечна. Држава и народ кои уште од 90-тите се обидуваат да го остварат европскиот сон, но животот до сосед како Русија, сепак не го олеснува тоа. Двете држави уште од независноста имаат турбулентни односи кои ескалираа и со петдневна војна пред 14 години. Војна која Грузија ја загуби, а со неа и 20 проценти од својата територија со која сега владејат Абхазија и Јужна Осетија – самопрогласени републики под контрола на Кремљ. На речиси сите анкети направени во Русија, покрај Украина и САД, Грузија вообичаено го зазема третото место како држава која Русите ја сметат за најголем непријател. Но, од почетокот на инвазијата врз Украина, илјадници Руси сега живеат во Тбилиси. -Грузија е на пат да стане една од најбрзо растечките економии во регионот, сето тоа благодарение на илјадниците Руси кои пристигнаа во земјата, бегајќи од војната во Украина и стравот за мобилизација. Речиси секој втор кој ќе го сретнете на улица во Тбилиси говори руски, менијата во рестораните, па дури и знаците на многу места се двојазични, а графитите со пораки дека тие треба да си заминат, не ги предомислуваат младите, од кои најголемиот дел се од Москва или Санкт Петербург да бараат прибежиште кај некогашниот непријател, а со тоа да придонесат и за економскиот раст. -Повеќе од 300 илјади руски државјани се доселија во Грузија и секако имаме различни видови на прашања, бидејќи гледаме ризик. Кои се тие? Што сакаат во Грузија? Дали имаат некакви врски со руските безбедносни органи. Секако, овој огромен степен на доселување бара внимателна проверка. Затоа, Владата е должна да направи безбедносни проверки за да ги намали националните безбедносни ризици. - Давит Партсваниа – Советник во градското собрание на Тбилиси Иако на другата страна од црното море, Украина е сензитивна тема за многу грузијци, а војната која што се води, голем дел од нив ја сметаат и за своја. -Украина е многу сензитивна тема за Грузија и за грузискиот народ. Знаеме што е руска војна, го видовме тој варваризам и во нашата земја исто така, во 2008 година. Грузискиот народ ја поддржува Украина и сакаме да видиме како украинскиот народ победува во оваа војна. / Јужна Осетија и Абхазија се Грузија, Сухуми и Тсхинвали се Грузија и грузиските граѓани сакаат поефективни чекори од грузијската Влада за реинтеграција на овие региони назад. - Нодар Меладзе – директор на ТВ Пирели Грузија Грузијците можеби и имаат причина за страв, двете земји делат граница од над 800 километри во турбулентен регион полн исполнет со конфликти кои имаат свои корени од минатото. Во раните деведесети Грузија беше дом на бројни бегалци од конфликтот во Чеченија, но работите сега се далеку променети, а некогашното пријателство во голем дел заборавено. Граѓаните во Грзуија беа меѓу првите кои излегоа на протести за поддршка на Украина, голем дел од нив и војуваат во оваа земја. Загинатите пак, имаат своја фотографија пред грузискиот парламент каде роднините и најблиските редовно доаѓаат да искажат почит. Во Грузија дури и имаше иницијатива за референдум преку кој би се отворил втор фронт против Русија, нешто што голем дел од опозициските политичари го препишуваат на владина пропаганда. -Ова е лудо, но знаете, путиновата пропаганда не треба да е рационално нешто, тоа треба да е само бран, мултидимензионален бран кој игра врз ирационални работи како страв, страв од војна, страв за вашите деца. И секако, ако го деконструирате тоа, сите ќе видат колку е тоа лудо. Дури и прагматично, на западот и е потребна Грузија во регионот како алтернатива на Русија, за транзит на енергија и стоки, никој не сака војна тука. Но, тоа не е важно, тие сакаат да го култивираат тој менталитет на „опсада“ дека знаете, ние сме пиони во големата игра. - Гига Бокериа – Поранешен претседател на советот за национална безбедност на Грузија Во целата ситуација клучна улога за стабилноста се чини дека има членството во ЕУ и НАТО. Малкумина можеби помнат дека Грузија заедно со Украина беа поканети на самитот на Алијансата во Букурешт 2008 година кога Македонија се соочи со грчкото вето. Во таа прилика токму реакцијата на Москва го спречи понатамошното пристапување на овие две држави. Сега многумина се надеваат дека тоа ќе се промени, а земјата ќе продолжи кон евроатлантскиот пат. Но, за разлика од Молдавија и Украина, Грузија не доби кандидатски статус за членство во ЕУ. -Ние сме во голема опасност да пропуштиме уште еден историски прозорец да излеземе од ова пост-советско мочуриште на руско влијание. Ја испуштивме нашата шанса во раните 90-ти, кога Литванија, Естонија, Латвија беа во форма да ги трансформираат своите држави и да станат, пред се, НАТО членки, а потоа членки на ЕУ. Ние, и Украина во тоа време, не бевме во форма, ја испуштивме нашата шанса. Сега Украина плаќа висока и трагична цена, но тие се на вистинскиот пат. - Гига Бокериа – Поранешен претседател на советот за национална безбедност на Грузија Трите земји, Молдавија, Украина и Грузија се дел од Источното партнерство на ЕУ, формирано 2009 година, а иако пет години потоа заедно потпишаа договори за асоцијација со Унијата, Грузија беше единствената која годинава не доби кандидатски статус, туку европска перспектива. Од Тбилиси беше побарано да продолжи со реформите и зајакнување на демократските капацитети. Според последните анкети во оваа кавкаска држава, над 80 проценти од граѓаните сакаат членство во ЕУ, а недобивањето на кандидатски стастус предизвика и протести во главниот град и барања од тамошната Влада да ги исполни критериумите за добивање на кандидатски статус. Issues with neighbors, difficult Euro-Atlantic road and high hopes for the future. No, we are not talking about Macedonia. 3000 kilometers from here, in the Caucasus where Christianity and Islam meet, and democracy borders on authoritarianism, is Georgia. A country of about 4 million people, known for its good wine, and its glorious history. Similar to us, but so distant. A country and people who have been trying to accomplish the European dream since the 90s. But living next to a neighbor like Russia, does not make that as easy as it should be. The two countries have had turbulent relations since their respective independence, and things escalated with a five-day war, 14 years ago. A war which Georgia lost, and with it some 20 percent of its own territory, now under the control od Abkhazia and South Ossetia – self proclaimed republics under Kremlin control. On almost all the polls done in Russia, besides Ukraine and the USA, Georgia usually takes the third place as a country which most Russians regard as an enemy. But, since the start of the war, thousands of Russians now live in Tbilisi. -Georgia is on its way to become on of the fastest growing economies in the region, all that thanks to the thousands of Russians which came to the country, fleeing the war in Ukraine and the fear of mobilization. Almost every second or third person you meet on the streets in Tbilisi speaks Russian, menus in restaurants and even traffic signs in some places are bilingual, and the graphity with messages that they should leave, do not change the minds of young people, many of them from Moscow or St. Petersburg to seek refuge with the former enemy, and thereby contribute to Georgia’s economic growth. Although on the other side of the Black sea, Ukraine is a sensitive topic for most Georgians, and the war that is still ongoing, many of them consider it as their own. Georgian people’s fear of another war might be justified, the two countries share a border of more than 800 kilometers in a turbulent region filled with conflicts that have their roots in the past. In the early 90’s Georgia was home to numerous refugees from the war in Chechnya, but things have changed now, and the friendship that once was is all but forgotten, especially now with the war in Ukraine. Georgian citizens were among the first who went on protests in support of Ukraine, a large part of them are even fighting there. The dead on the other hand have their photograph displayed in front of the parliament building in Tbilisi where relatives and people who pass by show their respects to them on a daily basis. In Georgia there was even an initiative to open a “second front” against Russia, something that the opposition politicians claim is part of government propaganda. In the whole situation, the prospect for membership in the EU and NATO seems to have a key role for stability. Few may remember that Georgia along with Ukraine were invited to the Alliance summit in Bucharest in 2008 when Macedonia faced the Greek veto. On that occasion, it was Moscow's reaction that prevented the further accession of these two states. Now many hope that this will change, and the country will continue on the Euro-Atlantic path. But unlike Moldova and Ukraine, Georgia did not receive candidate status for EU membership. The three countries, Moldova, Ukraine and Georgia are part of the Eastern partnership with the EU, formed in 2009. And even though five years later they both signed association agreements with Brussels, Georgia was the only one that did not get a candidate status this year, but a European perspective. According to the latest polls done in this country, over 80 percent of citizens want EU membership, and not getting a candidate status, sparked protests and demands from the Government to fulfill the necessary criteria required from the EU. The article / publication was carried out by the financial support from the Warsaw Euro-Atlantic Summer Academy (WEASA) in the frame the Peer-to-Peer Professional Meetings initiative designed for WEASA alumni members. WEASA is an annual summer school for mid-career professionals from the Eastern Partnership, the Western Balkans and Poland. WEASA is carried out in partnership with the College of Europe in Natolin, The German Marshall Fund of the United States (GMF), The Polish-American Freedom Foundation....

„Слобода превоз“ точно во седум наутро ќе ги паркира автобусите кај Мавровка, најави првиот човек Ленин Јовановски, во знак на револт од игнорантскиот однос на надлежните. Приватниците утре ќе имаат средба со Управниот одбор на ЈСП, на која е поканет и директорот Стојковски. Ќе ги следат и советничките прашања во Град Скопје каде најавена е дискусија токму за овој проблем. Јовановски најави дека доколку надлежните немаат слух за нивните барања, ќе се обратат и до премиерот. Ова ќе биде втор протест на приватниците, откако во петокот се сообра пред депото на ЈСП во Автокоманда, барајќи средба со директорот Стојковски да дискутираат зошто не им се исплаќа долгот, кој за некој ден ќе достигне околу 2 милиони евра. Средба со првиот човек на ЈПС – немаше. Инаку Градоначалничката Арсовска пред некој ден ги обвини приватници за криминал, тврдејќи дека продавале картички и парите ги ставале в џеб....

Заблагодарувајќи се на довербата, Маја Морачанин нагласи дека ДОМ и во иднина ќе биде активен и конструктивен фактор во политичкиот пристап за решавање на сите општествени проблеми и прашања. Политиката на Зелената партија ДОМ не треба да се врзува само со еколошките теми и климата, туку и со почитувањето на човековите права, социјалните права, недискриминацијата, како и со политиките за развој на зелената економија - подвлече, Морачанин. Делегатите на Конгресот (309), исто така, едногласно го избраа и новиот состав на Централниот и Надзорниот одбор на партијата, а беа усвоени и Извештајот за работата на ДОМ во периодот од 2018 до 2022 година, како и Предлог-програмата за работата на Зелената партија ДОМ во периодот до 2026 година. Пред делегатите и многубројните гости од другите партии, пратеници и претставници од Владата, на почетокот на Петтиот Конгрес на ДОМ, се презентираа и поздравни говори на претставници на Европските зелени од повеќе земји-членки на ЕУ, како и на зелени партии од земјите во регионот. Тие јасно ја изразија поддршката за продолжување на Северна Македонија на патот кон Европската унија и поддршката на придонесот на Зелената партија ДОМ, што го дава во таа насока....

Стрелец 23.11.-21.12. Љубов Повеќето ќе се држат до својот скриен свет и сништа. Оние кои се сами ќе сонуваат со отворени очи , а во реалноста нема многу да се ангажираат. Тие што се во врска ќе уживаат во друштво на саканата личност , како на пример во гледање љубовен филм. Кариера Силата и убедливоста со која ќе зрачите ќе ви овозможи да влијаете на другите.Ако треба да придобиете некого , многу е веројатно дека ќе успеете и тоа над очекувањата.Покажете што знаете и не запирајте се додека ја постигнете целта. Здравје и совет Некои сепак ќе бидат премногу сигурни во себе. Јарец 22.12.-20.1. Љубов Богатството на излегувањето и широкиот круг луѓе , што уште се проширува , ќе ви ги направат овие денови многу динамични. Ретки се оние кои ќе бидат сами , а главно околу вас ќе има сакани лица. Ќе бидете исполнети , сакани , забавни и весели. Кариера На дневен ред доаѓаат недовршените работи од минатото. Некои од нив кај вас ќе предизвикаат емоции , па ќе ги сработувате со носталгија или со лутина. Ќе се чувствувате неодредено и нема да ви биде јасно на што сте. Здравје и совет Немојте да пиете студени пијалоци. Водолија 21.1.-19.2. Љубов Каде и да одите , забележувате дека луѓето пријателски ве гледаат. Ќе им бидете интересни и привлечни на другите , па овие се денови кога лесно ќе си најдете друштво. Ако се уште сте сами , не седете дома. Оние во врска ќе бидат скромни во очекувањата , но затоа и задоволни. Кариера Повеќето наредни денови со најголемо задоволство ќе бидете мрзеливи. Некои дури и ќе земат дел од годишниот одмор.Оние кои ќе работат , ќе настојуваат што побргу да се изгубат од работното место. Надредените и нивната контрола тешко ќе имм паѓаат , но ќе издржат со помош на својата смисла за хумор. Здравје и совет Би сакале да истражувате непознати места . Риби 20.2.- 20.3. Љубов Веројатно ќе организирате интересни забави. Оние кои уште бараат сродна душа , таму би можеле да наудат на љубов , додека опние кои се во врска секој ден ќе откриваат колку се значајни малите задоволства. Сепак , не реагирајте на ретките критики од саканата личност. Кариера Ќе имате потреба да финиширате со некои работи , така што дистанцирајте се малку од напорната работа , иако новите задачи ќе ве престигнуваат.Дајте се од себе за да работите предано и квалитетно. Здравје и совет Човек на човека е лек. Овен 21.3-20.4. Љубов заедно со саканата личност ќе минете низ интересно искуство во кое и двете страни ќе откриете нешто ново.Ќе утврдите дека не само што се сакате , туку и споделувате многу заеднички работи. И осамените ќе бидат подготвени за нови искуства. Кариера Вработените во самостојни професии веројатно ќе мора да работат прекувремено. И другите напорно ќе работат , така што ќе немаат време за размислување , ниту за анализирање на сопствената позиција. Здравје и совет Не заборавајте на редовниот одмор и сон. Бик 21.4- 20.5. Љубов Многумина ќе му се предадат на брборењето и ќе уживаат во озборување.Нема да им падне на памет дека и тие се предмет на нечие озборување. Затоа , подобро е да зачистат во сопствениот двор , а дури потоа да го анализираат односот на другите. Размислете. Кариера Кога ќе ви се пристори дека не можете подобро, вие сте тие кој ги уверува сите дека тоа е возможно. Овие денови тоа ќе го покажете и докажете. Држете се до она што сте го замислиле и спроведете го во дело без измени. Вашите идеи се одлични. Здравје и совет Можете да поместувате планини. Близнаци 21.5.-21.6. Љубов Малку ќе се олабавите на опуштен начин ќе заведувате и ќе уживате. Саканата личност со задоволство ќе зборува со вас , а тоа уште повеќе ќе ве зближи.Оние кои се уште сами, лесно ќе наоѓаат друштво , иако ќе има и расправии. Кариера Пред вас сега се отвораат нови можности и само од вас зависи како ќе ги искористите. Гледајте позитивно , најдете во себе трпение и сила . Имате доволно голема самодоверба и се чини како целиот свет да е ваш. Здравје и совет Занимавајте се со јога и медитација. Рак 22.6-22.7. Љубов Ако и натаму барате сродна душа , обрнете внимание на личностите со кои соработувате. Некому веројатно се допаѓате и едвај чека тоа да го забележите. Ако сте во врска , вашиот однос ќе биде стабилен, но со одредени компромиси. Прифатете ги. Кариера Повремено ќе ви снемува сила и мотивираност за да го спроведете она што го сакате. Затоа потсетете се што самите вие можете. Можно е малку да ви помогнат и луѓе кои се влијателни , но само за нивна рекреација. Здравје и совет Никаде не брзајте. Лав 23.7-22.8. Љубов Ако сте во подолга врска , ќе имате потреба за повеќе движење. На вашата сакана личност тоа нема многу да и се допадне , па обидете се да ја носите со вас или да и ја објасните вашата потреба за друштво.Самците лесно ќе наоѓаат друштво од спротивниот пол. Кариера Наредните денови се повеќе ќе се цени вашето знаење. Бидете свесни за својата стручност и слободно презентирајте ги своите способности. Можно е повеќе луѓе да ве прашуцваат за совет или пак ќе ви биде понудена работа со потесна специјалност. Здравје и совет Ако треба да се борите, изборете се и не се плашите. Девица 23.8.-23.9. Љубов Сега веќе знаете како да попуштите и да прифаќате компромиси. Од таму и вашата врска ќе се развива кон добро. Ќе бидете пријатно изненадени кога ќе попуштите. Ќе видите дека не треба секогаш да терате по свое. Многумина дури сегаќе покажат што навистина чувствуваат. Кариера Што помина , помина. Немојте тоа да го анализирате. Пуштете времето нека работи за вас , а вие концентрирајте се на она што сега почнува. Пред вас е нешто сосема ново и не сосема дефинирано. Бидете отворени кон тоа. Здравје и совет Не ги поместувајте границите по секоја цена . Вага 24.9.-23.10 Љубов Повремено ќе ви се чини дека работите се одвиваат далеку пополека отколку што би сакале. Вашата страст деновиве е разбудена и бара повеќе љубовна акција.Сепак , ќе мора да се усогласите со другата страна.Ќе успеете со мало трпение. Кариера Се друго ќе ви биде поважно отколку знаењето и стручноста при работењето. Многумина ќе добијат можност да ги покажат своите специфични таленти , или нивната диплома ќе добие на тежина.Оние кои учат , ќе бидат успешни во полагањето на испитите. Некои ќе контактираат странци. Здравје и совет Не ги напуштајте новите идеи. Шкорпија 24.10-22.11. Љубов Во текот на неделата ќе се појават шанси за поквалитетен личен живот.Веројатно тоа ќе се покаже преку покани за забави или заеднички собирања , кои вие со задоволство ќе ги прифатите. Од таму ќе излезат и шанси за нови познанства. И на оние во врска ќе им биде подобро. Кариера Работите се интензивираат , а се што правите добива претприемнички карактер. Многумина деновиве повеќе ќе се поместат или ќе се бара од нив поголем ангажман на работното место. Иние кои бараат работа, исто така ќе бидат многу активни. Здравје и совет Не го потценувајте здравиот и мирен сон....

– Пријавувањето за добивање песна е во тек, се работи на песните за новото фестивалско издание. Се подготвуваат и кореографии што ќе ги следат музичките изведби. Најавуваме 12 нови солисти. Нив сценски ќе ги надополнуваат фестивалскиот хор, балетската група „Ластарчиња“ составена од 42 изведувачи и 30 членови од балетската група „Старс“, соопшти Стефка Саздовска, уметнички директор на фестивалот. Таа појасни дека името на Фестивалот е симболично и потекнува од долгата лозарска традиција во Тиквешијата, како најголем лозарски регион во државата. Саздовска нагласи дека солистите на Фестивалот редовно освојуваат награди на манифестации во земјава и странство, а голем дел од нив подоцна продолжуваат да се занимаваат со музика и стануваат познати имиња на музичката сцена. /МИА...

Денес сум на средба со земјоделците во општина Крушево, поточно во населеното место Бучин. Од она што сакам да го пренесам и да ги информирам медиумите и јавноста е дека и овде како и во другите делови на Република Македонија имаме загрижувачка состојба со секторот земјоделство. Земјоделците и во овој регион потенцираат дека и оваа година имаат сериозен проблем со пласманот на земјоделските производи и меѓу другото оние субвенции кои што треба да ги добијат од државата , не се ниту навремени, ниту пак се исплатени во целост на земјоделците. Практично каде и да се појавиме во Република Македонија, катастрофалните и погубните политики на власта секаде се чувствуваат. Покрај моменталната економска ситуација, двоцифрена инфлација, поскапиот живот, земјоделците се соочуваат со необезбеден пласман и се доведува во прашање егзистенцијата во наредниот период кој ќе биде исклучително тежок. Она што сакам да го упатам како апел од овде и онаа критика која што ја најавија земјоделците од овој регион, е новиот модел на субвенционирање кој што го презентира власта за од 2023, дека ќе биде уште полоша ситуацијата и ќе ја усложни состојбата и од овие години во кои се наоѓаат земјоделците. Тој нов модел на субвенционирање практично е неприфатлив и ќе значи дополнително намалување и на субвенциите и згаснување на земјоделството како гранка. Апелот до власта е уште еднаш да се преиспита во делот на новиот концепт на субвенционирање, а она што значи конкретни мерки е во наредниот период до крајот на годината да ги доисплати сите субвенции што ги нема исплатено и за сточарите и за полјоделците и за сите оние земјоделците кои егзистираат во овој регион. Цветан Трипуновски, претседател на Комисија за земјоделство, шумарство и водостопанство на ВМРО-ДПМНЕ Центар за комуникации на ВМРО-ДПМНЕ...

Може слободно да се каже дека ова е првата семејна дестилара за македонска ракија и алкохолни напитоци со рецептури од Балканот во Северна Америка. Идејата за своја компанија за фармерски производи со потекло од Македонија на Петровски, нашинци од Куманово кои долго време живеат и работат во Сејнт Катеринс, Канада, се роди во 2018 година. Нивната фарма со овоштарник од неколку декари е лоцирана во плодниот регион на висорамнината Нијагара меѓу езерата Ери и Онтарио во близина на големите водопади. Дестиларата е во близина на магистралата „Квин Елизабет Мери“, автопат кој води од Торонто до канадско-американскиот граничен премин недалеку од Бафало, Њујорк. Во изминатите децении во регионот започнаа со работа многу микро винарии, пивари и дестилари. По првичните тешкотии за набавка на суровини поради КОВИД-19 пандемијата во 2020 година, неколку милионската инвестиција на ова вредно македонско семејство од Канада е на пат да се исплати, бидејќи Канада и САД се земји каде домашните, земјоделски фармерски производи, посебно оние со назнака „органик“ што значи потврдено од Администрацијата за храна и лекови дека се одгледувани без употреба на додатоци или хемиски препарати, посебно се ценат. -Ова е наш придонес во намалување на монополите на големите компании за алкохолни напитоци. Ние сме нивна конкуренција и имаме намера да произдуваме врвни произвиди од највисок квалитет, изјави Душко Петровски, претседател на дестиларата „Петровски фемили спиритс“ во интервју за МИА. Висорамнината Нијагара е регион прочуен по одгледување кајсија и праска. Како и во другите региони на Северна Америка, како севериот дел на Вирџиниja или долината Напа во Калифорнија, винарството зема голем замав и овде, во државите Онтарио и Њујорк. Регионот фигурира во првите десет или петнеасет вински региони во светот. -Не би рекол дека грозјето е со висок квалитет, повеќе се одледуваат ризлинзи, и други сорти бели грозја, за правање бели вина, и тоа се прави од иселеници од Холандија и Германија, истакна Петровски. Тој откри и дека поднебјето во овој дел на Канада изобилува со вода и сонце, плодната земја со жешките лета и студените зими е добра за одгледување слива, круша или јаболко. Иако не и за квалитено грозје, пиперки или домати, како во Македонија, што тие се обиделе да ги засадат за продажба на големо. Разговаравме и со таткото на Душко, Јордан Петровски, кој е всушност идеен двигател на компанијата, и кој укажа дека канадската држава дава иницијативи за развој на земјоделието а тоа се прави со лесно кредитирање и со пристап до врвна технологија со употреба на „најсофистицирани техники на земјоделие и овоштарство“. Капацитетот на дестиларата е околу 40.000 до 50.000 шишиња ракии годишно, што пред сѐ ќе се прават од грозд и од друго овошје како дуња, круша или праска. На фармата моментално се одгледуваат јаболка, но се панираат уште седници, и тоа било услов властите во Канада да им дадат да отворат своја деестилара. -Гроздова ракија се изготвува од вино донесено од Македонија, значи виното ќе биде исклучиво од Македонија, изјави Петровски. Овоштарникот моментално брои 1.600 јаболкови садници, а се планира садење и на круша и слива за печење и дестилација на крушовица и сливовица, ракии кои се популарни во Србија, нашиот северен сосед. Компанијата планира да собира околу 120 тони овошје, од кое може да се произведе осум до десет илјади литри ракија годишно. -Ова не се големи количини и идејата е да работиме како бутик. Ние сме занаетчиско семејство и работиме во духот на она што го правевме и порано, изјави Петровски помладиот. Производите на дестиларата на Петровски се флашираат во линии за пакување кои тие ги изнајмуваат по потреба. -Овде има стотици мали винарии или пивари и сите тие немаат можност да вложат во своја линија за флаширање и пакување за што треба да се плати и до 70 отсто од самата инвестиција за производство. Има две-три компании кои го работат тоа, за одреден надомест ги флашираат, етикетираат и пакуваат пијалоците на сите мали производители. Тие доаѓаат и до локациите на производителите и со мобилни линии, во приколки, изјави тој Петровски помладиот истакна дека пласманот на ракиите ќе започне кога фабриката ќе се отвори официјално во јануари. Тие веќе добиле дозвола да продаваат по угостителски објекти и продавници. -Сега започнуваме со продажба во Америка, бидејќи таму процесот е поупростен. На пример сега подготвуваме нашите производи да бидат застапени на фри-шопот на граничиот премин меѓу државите Онтарио и Њујорк, каде жителите од овој регион, од двете земји, ќе можат да дојдат и да уживаат во нашите производи, а пласманот ќе оди и кај другите македонски заедници во САД и Канада./МИА...

17 годишна девојка со изгореници по грбот и нозете била итно донесена во ургентниот центар откако било пријавено дека добила струен удар од жиците поставени над вагон од воз.. Девојката е во свесна состојба и е на одделението КАРИЛ. Деовојката била качена на еден од вагоните на железничката станица МАџари каде дошло до струен удар при што се здобилеа со повреди. На местото на настанот пристигнале полициски службеници. Истрагата се уште е во тек, а според нефицијалните информации девојката се качила на вагонот за да снима ТИК ТОК видео....

Министерството за внатрешни работи информира дека поради најавено одржување на протест, утре со почеток во 07:00 часот, СВР Скопје ќе превземе мерки за посебен режим на сообраќајот на бул.„Гоце Делчев“ и бул.„Крсте Петков Мисирков“ и околните улици. МВР апелира до граѓаните да ги почитуваат наредбите што ги издаваат полициските службеници....

Без вода утре ќе бидат корисниците во делови од општините Бутел и Шуто Оризари, а без електрична енергија ќе бидат делови од Аеродром, Кисела Вода и Ѓорче Петров, соопшти РЦУК-Скопје по известување од ЈП Водовод и канализација и ЕВН Македонија АД. Без вода од 10 часот ќе бидат корисниците во дел од селото Љубанци во општина Бутел. Причина за прекинот на водоснабдувањето е штопирање стара мрежа Ф-75 мм на ул. 7 бб (до мостот) во селото и ќе трае до санирање на дефектот. Прекинато водоснабдување од 9 часот ќе имаат и корисниците на улиците „Иљо Војвода“ и дел од „Бутелски Венец“ во општина Шуто Оризари. Причина за прекинот на водоснабдувањето е санирање уличен дефект од Ф-2“ и Ф-300 мм на ул.„Гвадалахара“ бб (кај резервоарот Шуто Оризари) и ќе трае до завршување со санација на дефектот. Без струја утре од 8 до 15 часот ќе бидат корисниците во дел од ул. „Благоја Мучето“ во општина Аеродром, од 08:25 до 15 часот дел од ул. „Христо Татарчев“ бр. 22 во општина Кисела Вода, а од 9 до 14 часот дел од с. Волково кај црквата во општина Ѓорче Петров....

Нов влажен бран со локални врнежи од дожд, а на планините на запад од снег, се очекува во среда и четврток. Утринските температури ќе се движат од минус 5 до 3 степени, а дневните од 1 до 10 степени, соопшти Управата за хидрометеоролошки работи. Во Скопје времето утре ќе биде променливо облачно со сончеви периоди и со слаб северен ветер. Утринската температура ќе достигне до 2 степени, а дневната до 7 степени....

Напаѓачот е поранешен ученик на државното училиште кое прво го нападнал пукајќи во група наставници, при што убил две лица, а ранил други девет. Потоа отишол во блиското приватно училиште, каде убил адолесцентка и ранил уште неколку луѓе. Тој е уапсен и ќе се соочи со обвиненија за убиство и тешко убиство во обид, соопшти полицијата. Нападот ја шокираше земјата која бележи пораст на престрелки во училиштата во последните години....

Албанија и Косово треба да ја споделат одговорноста за трансформација на државните граници меѓу двете земји во формални, нагласи Линдита Никола, претседателка на албанското собрание, во своето обраќање кон пратениците, на првата заедничка седница на парламентите на Албанија и на Косово што денеска се одржува во Тирана. Заедничката седница се одржува во пресрет на 28 ноември- одбележувањето на 110- годишнината од независноста на Албанија. „Денес Албанија и Косово се две независни држави. Она што се случи на 28 ноември не беше се што сакаа Албанците, туку камен-темелник на кој ќе се гради иднината“ рече претседателката на собранието на Албанија. Претседателот на собранието на Косово, Глаук Коњуфца пак додаде „славната војна на нашиот народ го отстрани окупаторот и го отвори патот за прогласување независност, рече Коњуфца и ја обвини Србија дека се обидува да го „дестабилизира и подели Косово“....

На седницата на централниот одбор на партијата беше утврдено дека Морачанин е единствениот предлог за претседател на партијата, а беа утврдени и предлозите за членови на централниот и надзорниот одбор на партијата. Одлуката за одржување на петтиот конгрес на партијата беше донесена на 16 октомври од страна на централниот одбор. ДОМ е инаку дел од владејачкото мнозинство и има еден пратеник во парламентот, актуелната претседателка Морачанин....

Војната која се води во Украина е и наша војна, пред се, бидејќи 20 проценти од нашата територија е окупирана од самопрогласени републики под контрола на Кремљ – вели за Канал 5 грузискиот политичар Давид Партсванија....

На дводневната организиран состанок на Европската Федерација на имуногенетика од регионот осум во Скопје една од темите беше и Ковид 19. Двегодишната пандемија ги отвори прашањата: Зошто здрави луѓе тешко го прележуваа вирусот? Зошто кај други луѓе немаше тешки симптоми? Зошто кај едни луѓе се создаде супер имунитет од вакцината, а други и по неколку пати се заразија? Професорот вели дека состојбата е стабилна и поради силниот имунитет. На состанокот главна тема беше неродовата трансплнатација од несроден донор на матични клетки. Кај луѓето со одредени хематолошки заболувања може да им помогне човек кој не го виделе или не живее во истата држава, но има генетско совпаѓање. Македонскиот дарителски регистер за коскена срцевина е основан во рамките на Институтот за имунобиологија и хумана генетика. Во него членуваат засега околу 5000 доброволни дарители. Секој од нив, утре на некој од нас може да ни го спаси животот. Од 18 до 55 години да станат дел од дарителскиот регистер....

Почнувајќи од секој човек поединечно се до целиот колектив, објаснува Филип Стојановски од Центарот за климатски промени. Од овој центар даваат сет на двонеделно користење на четири мераќи за потрошувачка на струја. Сетото има уреди каде се мери поторшувчката на струја. На овој начин се мери кој апарат троши најмногу и дали може да се намали неговата потршоувчка на долг рок. Со уклучувањето на традионалната сијалица во одност на штеливите сијали се гледа разликата во потрошувачката. Истото се случува и со другите апарати на пример клима уредите и инвертер климите. Заштедата е голема на секој денар од различни апарати од сијалица до користење на апарти. На пример миењето на садови со користење на машина е поштедливо и во вода и во струја. Исто така телевизорот учествува со 500 денари од сметката, корисникот ќе биде поттикнат да ја намали употребата на телевизорот или ако сака да му биде постојано вклучен, ќе го поттикне да го замени со некоја понова и поефикасна технологија на телевизор што троши помалку Исто така во сетот има и апарат што покажува и за потрошувачка на фрижидерот и како да ја регулирате неговата работа....

„Студентите се наши деца и имаат право на свој глас. Јас додека сум претседател на Владата, гласот на студентите ќе се слуша. Студентите ќе бидат дел од процесот. Бидејќи студентите секогаш имаат право да ги кажат своите ставови, конструктивно а ние треба да сме тука да ги слушаме тие ставови - да разговараме и да превземаме мерки за подобрување на нивниот стандард. Бидејќи тие се иднината на оваа држава. И одлуките кои што јас ги носев, тие мачни одлуки за кои што ви зборував, тие одлуки ги носев за идните генерации. А идните генерации на оваа држава се токму тие студенти што седат кои што сега седат во клупите на сите универзитети во државата. Студентите никој не може да ги тргне од мене. И реков дека никој нема да биде оставен сам и никој не е оставен сам“, вели Ковачевски....

Ова следи откако дел од компаниите се пожалија дека иако уредно ги доставиле сите документи до ЕСМ, сепак се уште немаат добиено повратен одговор за да потпишат договор. И, алармираа службите да бидат поажурни. Според државни електрани тврдењата на дел од стопанството дека процесот се одвива бавно се неосновани. Сепак, признаваат дека за секое ново задолжение кое ќе го добијат им е потребно време за да се прилагодат системски. „При секое ново задолжение кое не било дел од тековното работење на Друштвото, потребно е време за воспоставување на системот и процедурите за негово спроведување, набавка и инсталирање на софтвер, обезбедување соодветни ресурси за физичко и правно процесирање на договорите и комуникација со субјектите кои се од цела држава и од различни категории на дејност.“ АД ЕСМ Објаснуваат дека од 1 820 броила за сите пријавени субјекти, во рок од три дена верификувале повеќе од илјада и процесот на проверка за останатите се уште трае. Само 20 правни субјекти доставиле некомплетна документација и тие ќе добијат поефтина струја од први јануари следната година, кога ќе ги достават сите потребни документи. А, откако фирмите јавно се пожалија, Канал 5 вчера испрати и прашања до ЕСМ, но одговор не добивме. На јавен настан премиерот Ковачевски беше прашан околу аплицирањето и поплаките на фирмите и тој потенцираше дека застој во постапката нема. Сите овие ставови нашиот медиум уредно ги пренесе во јавноста, сепак ЕСМ денеска им се обрати и на медиумите. „Апелираме на одговорност кај медиумите, односно согласно правилата за известување, да побараат податок и од ЕСМ Продажба, пред да пренесуваат во јавноста критички ставови на лица кои не поседуваат податоци за вистинската состојба.“ АД ЕСМ Инаку поефтина струја, 235 фирми од прехранбениот сектор ќе добиваат до 3П0ти април следната година. Очекувањата на надлежните се на овој начин да се намалат и цените на храната за најмалку 10% - во спротивно најавија дека ќе ги замрзнат цените....

Од партијата се на став дека треба да има има одговорност кај директорот на АНБ Виктор Димовски, министерот за внатрешни Спасовски и премиертот Ковачевски. -Основна причина зошто овој пропуст се случи е неспособноста и корупцијата. Безбедносните служби се полни со луѓе кои се неспособни луѓе кои се длабоко корумпирани. Наместо да се занимаваат со заштита на уставноправниот поредок на Македонија се занимаваат со криминал, со уценување на бизнисмени и со следење на опозицијата. Затоа ги донесоа безбедносните служби да бидат на потсмев но исто така и да ја загрозат безбедноста на Македонија и меѓународниот имиџ. – Александар Николовски – Потпретседател на ВМРО ДПМНЕ Кога ќе продолжи отчетот на директорот на АНБ Димовски пред собраниската комисија за надзор над работата на безбедносните служби за случајот Онишченко, не се знае. Но се поизвесно е дека првин ќе се чека МВР да ја заврши истрагата за тоа како се случи затворена седница да биде пренесувана во живо. Оттаму пак велат дека: -Секторот за компјутерски криминал и дигитална форензика презема мерки за расчистување на случајот. Од најголемата опозициска партија и денеска поради економската криза побараа предвремени парламентарни избори. Владејачката партија останува на ставот за избори во редовниот термин во 2024, а премиерот Ковачевски за случајот Онишченко вчера потсети на владината одлука за постапката за одземање на државјанството на контроверзниот украинец Олександр Онишченко, но и го повика МВР што поскоро да ја заврши истрагата. Сакам да ја повикам собраниската Комисија конечно да седне и да заседава за овој случај бидејќи гледам дека има еден обид којшто беше за мене прилично лошо организиран и исто така МВР треба што побрзо да ја заврши истрагата во однос на тоа како се случи затворена седница на парламентарна Комисија да биде пренесувана во живо. – Димитар Ковачевски – Претседател на Влада Украинецот Онишченко станал македонски државјанин како спортист по предлог на Коњичката федерација. Димовски по прекинатата седница во Собрание рече дека едно лице од АНБ направило пропуст - требало да се консултира со партнерите од НАТО за безбедносен ризик но не го сторил тоа и дал одобрение, оставајќи простор истрага да утврди дали е само пропуст или процедурата е со умисла прескокната. Онишченко пак за дел од медиумите тврдеше дека македонската коњичка федерација го побарала за да им помогне да се организира тим и тој да купи коњи, додавајќи дека политичари во земјава не познава, и дека се занимава само со спорт и инвестициски бизнис....

Неговиот син и потпретседател на земјата, Теодоро Нгуема Обианг Манге, го овјави тоа на Твитер. Засега западни медиуми не можат да потврдат дали тоа тврдење е веродостојно. Победата ќе му даде на 80-годишниот Објанг шести мандат на функцијата и ќе го зацврсти неговото место како шеф на држава со најдолг стаж во светот – на власт е 43 години. „Конечните резултати повторно ни докажаа дека сме во право. Продолжуваме да докажуваме дека сме голема политичка партија“, напиша потпретседателот на Твитер. Западноафриканската земја со околу 1,5 милиони жители имала само двајца претседатели од стекнувањето независност од Шпанија во 1968 година. Објанг го собори својот вујко Франциско Масиас Нгуема со државен удар во 1979 година....

За време на посетата, како што соопшти МНР, Османи ќе оствари средба со принцот Фаисал Бин Фархан Ал Сауд, министер за надворешни работи на кралството Саудиска Арабија, како и со други високи официјални претставници на земјата. Целта на посетата како што соопштија од МНР е понатамошно унапредување на билатералните односи меѓу Македонија и кралството Саудиска Арабија, со посебен фокус на соработката во областа на економијата, туризмот и бизнис релациите меѓу двете земји....

Резултатите се веќе видливи, во тешки услови успеавме да обезбедиме доволно храна, струја, енергенси, да ги подджиме граѓаните компаниите и да ја спасиме македонската економија. Секако дека има уште многу работа но врз основа на економските параметри и резултат може да кажеме дека 2023 ќе биде година на економски пресврт и нова надеж. Еден од инструментите за остварување на таа цел е Буџетот за 2023 кој ги комбинира антикризните мерки со развојните политики. Со Буџетот за 2023 предвидени се дополнителни средства за исплата на плати и пензии, односно следната година повторно ќе имаме раст на минималната плата и на пензиите согласно новата методологија. 800 милиони евра се предвидени за капитални проекти, тоа се средства директна инвестиција во локалниот економски развој и во домашното стопанство. Дека 2023 година ќе биде многу подобра од оваа, потврдуваат и проекциите на ЕБОР кои предвидуваат раст на македонската економија од 2.3 отсто. Тоа, меѓу другото ќе го постигнеме и со зголемениот број на странски директни инвестиции, со трансформација на енергетскиот сектор, нешто што веќе интензивно се случува ширум нашата држава. СДСМ и претседателот Ковачевски имаат план кој обезбедува економски раст, подобар животен стандард и сигурна и стабилна иднина. Прес-конференција, Дарко Каевски, пратеник и портпарол на СДСМ Центар за комуникации со јавноста на СДСМ...

Заради нивните лоши економски политики, комбинирани со криминалот и корупцијата, доведоа до ситуација Македонија да се наоѓа во економски и социјален колапс. Стандардот на граѓаните е уништен, затоа што инфлацијата ги изеде платите и пензиите. Македонија со Ковачевски има една од највисоките стапки на инфлација од 20%. Македонија со Ковачевски е во топ 10 земји во светот според инфлацијата на цените на прехранбените произвди. Македонија со Ковачевски има убедливо најниска прогноза за раст на БДП во Европа, а единствено полоши од нас се само Русија и Украина кои се во војна. Македонија со Ковачевски е на дното по прилив на странски инвестиции во целиот регион. Во Македонија за година и пол се затворени над 12 илјади компании, а уште толку едвај врзуваат крај со крај бидејќи плаќаат најскапа струја во споредба со останатите држави од опкружувањето. Македонија со Ковачевски достигна долг од 8,5 милијарди евра. Новиот буџет за 2023 година кој го скроила власта тежи 5,3 милијарди евра предвидува буџетски дефицит од 700 милиони евра, што е најава и за нови задолжувања и економска катастрофа. Резултати од рекордните буџети и задолжувања од владите на СДС нема. Реализацијата на капиталните инвестиции едвај надминува 50 % иако постојано се кратат. Нема нови автопати, болници, училишта, детски градинки… Парите на народот завршуваат во дупка, или поточно во криминалните тендери и длабоките џебови на нивните функционери. Центар за комуникации на ВМРО-ДПМНЕ...

Како што најави приватниот градски автобуски превозник „Слобода превоз“, блокирањето ќе биде со повеќе од 30 автобуси и повеќе од 300 лица. – Не е исклучена можноста и не е потврдена информацијата дека на тој ден во утринските часови според можеби поедини превозници да ги блокиранаат излезите односно влезовите на ЈСП-Скопје. Исто така времетраењето на протестот не е утврдено и се планира да трае до исполнување на барањата кои ако брзо не се решат во наредните денови ќе се прошири и на други делови од сообраќајниците во Скопје, посочуваат од „Слобода превоз“. Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така претставници на „Слобода Превоз“ ќе присуствуваат на седницата на Советот на Град Скопје. – На средбата со УО на ЈСП на која се очекува да присуствува и директорот на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка , дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти, стои во соопштението. Од „Слобода превоз“ додаваат дека „во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции“. – Со оглед дека постои голем интерес на јавноста за овие случувања ги повикуваме медиумите да закажуваат дебати со соочување на наши претставници, на ЈСП, на Град Скопје и Секторот за сообраќај на Град Скопје за правилно да се презентираат аргументи и факти и да не се дозволи една личност од позиција градоначалник да ја дезинформира јавноста прикривајќи ги опствените слабости со неосновани напади и клевети врз дуги лица и компании, наведуваат во соопштението од „Слобода превоз“. /МИА...

Ким го објави ова синоќа додека промовираше десетици официјални лица и научници вклучени во неодамнешното лансирање на најголемата севернокорејска балистичка ракета, објавија севернокорејските државни медиуми. „Градењето нуклеарна сила служи за сигурна заштита на достоинството и суверенитетот на државата и народот, а нејзината крајна цел е да ја поседува најмоќната стратешка сила во светот, апсолутна моќ без преседан во овој век“, нагласи Ким. Северна Кореја минатиот петок тестираше интерконтинентална балистичка ракета Хвасонг-17, објави државната новинска агенција КЦНА. Ракетата достигна височина од 6.000 километри, покривајќи дострел од 1.000 километри и падна на околу 200 километри западно од островот Ошима во северната префектура Хокаидо, соопштија јапонските власти. Ким го нарече Хвасонг-17 најмоќното стратешко оружје во светот и рече дека тоа ја покажува одлучноста и способноста на Северна Кореја на крајот да ја изгради најсилната војска во светот...

Иницијативата со активен придонес и учество е на почесниот член на Одборот и поранешен кум Љупче Николовски. – На јужните падини на Водно во месносста Говрлевска Краста каде што со години собираат бадникови гранчиња што ги делат пред Соборниот Храм Свети Климент Охридски на 6-ти јануари во пресрет на Бадник и големиот Христијански празник Божик, со помош на луѓето од Општина Сопиште, стручни совети и помош од Коле Василевски од земјоделскиот факултет најпрвин е извршена опсежна подготовка на теренот кој е мошне каменит и специфичен и активниот ангажман на бадникарите од сите генерации 30 млади стебла даб беа посадени и полеани со првата капка вода, се вели во соопштението од скопските бадникари. Скопските бадникари слават 30 години постоење и активност во рамките на нивната заложба за зачувување и негување на традициите на нивниот сакан град....

И покрај наследената блокирана општинска сметка, со сопствени средства и добро менаџирање на општинскиот буџет, успеавме да реализираме голем број на проекти за нашите жители, изјави градоначалникот на Општина Ресен Јован Тозиевски на регионалната средба на градоначалниците од Пелагонискиот регион. – Во состојба со блокирана сметка и со пониски приходи во однос на некои други општини, успеавме да се справиме со кризната година со добро менаџирање на буџетските средства. Минатава година успеавме со наши општински средства да реализираме многу проекти. Асфалтираме 21 улица, за кои издвоивме 20 милиони денари средства од нашиот буџет, успеавме да реновираме дел од градинката, ги зголемивме социјалните трансфери за прво родено дете, за првпат во историјата на Општина Ресен финансиски ги помогнавме и првачињата – кажа градоначалникот Тозиевски. Тој се осврна на користењето на европските фондови од страна на општината, пред се во делот на прекуграничната соработка, каде годинава се реализирани два големи проекти во вредност од по 8,5 милиони денари, со кои се предвидени поставување на фотоволтаична централа на општинската зграда, како и набавка на две електрични возила, од кое едно ќе биде пуштено во употреба за реализација на училишниот превоз. – Општина Ресен работи и на огромен европски проект „ЕУ за Преспа“ кој е во вредност од 23 милиони евра, каде најголема задача за нас е обезбедување на планската документација. Со овој проект се предвидени 7 нови пречестителни станици и влегување на сите села во крајбрежјето на Преспанското езеро во канализационен систем, управување со цврстиот отпад, нови водоводни линии и други проекти поврзани со спас за езерото – додаде Тозиевски. Тој на регионалната средба ја потенцираше несоработката со централната власт оваа измината година, како и непринципиелните методи со кои тие, само за пресметка која е од политичка природа, го загрозуваат развојот на регионот и го загрозуваат самото Преспанско езеро. – Веќе по трет пат се соочуваме со непринципиелен обид да ни ги одземат средствата од наменската сметка, кои се во износ од околу 84 милиони денари доделени од централниот буџет а се наменети за спас на Преспанското езеро. Веќе трети пат државата се обидува да ни ги повлече средствата, покрај тоа што истата сума ја има во Општина Дојран, сакаат за пречистителната станица во оваа општина да ги одземат и дадат средствата и од нашата општина. Тука јасно се гледа дека е политичка игра во прашање и жалам што некој гледаат политика во Преспанското езеро, кое е многу постаро од политичарите и политиката – изјави тој. Од аспект за справувањето со последиците со енергетската криза, градоначалникот на Ресен изјави дека работат на заштеда на електрична енергија, а на објектот на општинската зграда се монтирани фотоволтаична централа, а се работи на изработка на проектни документации за поставување и на детската градинка и останатите училишта и објекти кои се во надлежност на локалната самоуправа. Од аспект на сметките за уличното осветлување, Општина Ресен е обврзана преку јавно приватно партнерство, но проблем се високите сметки за препумпните пумпи за водоснабдување, кои се зголемени неколкукратно а државата нема никаков слух на барањата и апелите на општините. Регионалната средба на општините од Пелагонискиот регион се одржа во Битола и истата беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ. Јован Тозиевски, градоначалник на општина Ресен, Центар за комуникации на ВМРО-ДПМНЕ...

Во Шангај денеска избувнаа протести поради заклучувањето како мерка за спречување на ширењето на коронавирусот, нагласуваат очевидци во изјави за западни медиуми, додека во Кина расте гневот против драконската политика „нулта ковид“ што владата ја спроведува речиси три години. Во видео на интернет, а кое според агенцијата Франс прес е снимено на улица во центарот на Шангај, стотици демонстранти извикуваат „Си Џинпинг оставка“ и ја осудуваат Кинеската Комунистичка партија, пренесе Бета. Друго видео покажува луѓе кои се собираат во центарот на Шангај за да им оддадат почит на десет лица загинати во пожар во Урумчи во западниот регион Синџијанг. Во бројни извештаи на социјалните мрежи во Кина, се укажува дека настаните биле влошени од мерките против Ковид бидејќи тие го забавиле пристигнувањето на помошта. Според други објави на социјалните мрежи, бдеење во спомен на загинатите во Урумчи биле организирани на неколку универзитети во државата. Полицијата привела од непознати причини најмалку две лица, додаде сведокот за Франс прес, пренесе Бета. Властите ја ограничија онлајн дискусијата за демонстрациите....

Конференцијата е во организација на пратеничката група на ВМРО-ДПМНЕ и Коалицијата во соработка со шведската фондација Jarl Hjamarson, која што е официјална фондација на Модератерна партија од Шведска, таа моментално владејачката партија која што од скоро го има премиерот на Шведска. Нас многу ни значи што покрај традиционалните партнери како Конрад Аденауер од Германија и ИРИ од САД, да оствариме соработка и со фондацијата на најголемата политичка партија во Шведска. Тоа многу значи за да се споделат искуства и знаења и со членовите на ВМРО-ДПМНЕ и пратениците и секако со идните носители на извршната власт. Овие три дена се разговараше за катастрофалната економска состојба во којашто е Македонија и исто така немањето план за справување со енергетската криза. Веќе сме на крајот на ноември, почеток на декември, зимата е пред нас, нема се уште јасен план за континуирано производство на електрична енергија, домашните капацитети не се користат, има масовен увоз на електрична енергија и компаниите ден за ден затвораат, затоа што мора да купуваат електрична енергија од берза која што е далеку поскапа од тоа што претходно го добиваат и стануваат некомпетативни на пазарот и за жал мора да затворат. Да не зборувам за состојбата со централното греење во Скопје или со начинот на греење на остатокот во државата, каде што електричната енергија, но и сите други енергенси од типот на дрва и се останато е далеку поскапено и народот тоа го чувствува на сопствена кожа Пратеничката група на ВМРО-ДПМНЕ поднесе сет на закони и законски измени со кои предлагаме мерки за намалување на енергетската криза и економската сиромаштија. За жал не гледаме голема респонзивност и затоа најдобар начин да се реши оваа криза се брзи предвремени избори, најдоцна пролет 2023 година. Затоа што не смееме да заборавиме дека кризата ќе е малце подолга, и дека доаѓа уште потешка зима а тоа е зимата во 2023 година. Ако оваа година некои од земјите успеаја да ги наполнат резервите со гас и колку толку да има некакво производство на електрична енергија по вакви високи цени сепак го има, големо прашање е што ќе се случува во текот на 2023 година и затоа не смее неспособна влада која нема одговори за економските проблеми на граѓаните да остане на власт цела година. Најдоцна на пролет мора да има избори за нова власт да се спреми и организира и спремно да ја дочека зимата 2023 како би се намалиле економските последици и би можело стопанството да се врати во нормала и да се врати животниот стандард на граѓаните. Изјава за медиуми на Александар Николоски, потпретседател на ВМРО-ДПМНЕ Центар за комуникации на ВМРО-ДПМНЕ...

Во изминатото деноноќие ЕСМ набави 4.580 MWh електрична енергија. Податоците се преземени од Диспечерски извештај на АД ЕСМ за 26.11.2022 година, соопшти владината прес-служба....

По преземени оперативни мерки и активности од страна на полициски службеници од ЕВР Центар и Бит Пазар, на 25.11.2022 лишени од слобода биле Џ.М.(18) и Д.М.(20) од Скопје, поради постоење основи на сомнение дека истиот ден на Кеј „Димитар Влахов“ во Скопје извршиле разбојничка кражба врз С.Б.(26) и му одзеле пари, соопшти Министерството за внатрешни работи. По лишувањето од слобода, како што информираат од МВР, кај нив бил пронајден нож на преклопување, како и пари во различни апоени, а кои што потекнувале од извршеното кривично дело. По насоки на надлежен обвинител од ОЈО Скопје од страна на оштетениот и уште едно лице сведок било извршено препознавање, а по целосно документирање на случајот против осомничените ќе биде поднесена кривична пријава по член 238 од Кривичниот законик, потенцираат од МВР....

Како што информираше тренерот на екипата Љупчо Стојчевски освен шестте медали за екипата, младиот Андреј Митков го освои и признанието за најдобар млад кадет на турнирот. -На овој реномиран меѓународен турнир настапија нашите претставници Андреј Митков и Павел Стојчевски. Митков освои два златни медали во дициплината поинт-фајт ( -42кг и -47кг) како и сребрен медал во кик-лајт (-42кг), со што го освои пехарот за најдобар млад кадет во дисциплината поинт-фајт. Павел Стојчевски освои два сребрени медали во поинт-фајт (-63кг и -69кг) јуниори и бронза во дисциплината кик-лајт (-63кг), информираше Стојчевски. Според тренерот освоените медали се огромен успех за клубот од Делчево. -Успехот е уште поголем ако се има во предвид дека ова е успешно враќање на Андреј Митков по повредата на левата рака, додаде тренерот на делчевскиот кик-боксинг тим кој на Меѓународниот турнир во Црна Гора беше делегиран за судија на турнирот. Екипата продолжува со свои настапи, а до крајот на годината како што додаде тренерот на екипата и престојат настапи на уште два турнири во Србија и Бугарија....

Полициски службеници од Единицата за интервентна полиција при СВР Скопје во 01:15 часот по полноќ на ул.„Втора Македонска бригада“ во Скопје, на паркинг пред спортска сала, го лишиле од слобода Н.Ј.(47) од Скопје, затоа тоа што кај него биле пронајдени и одземени прашкаста материја и пиштол „берета“ за кој не поседувал дозвола, соопшти Министерството за внатрешни работи. По документирање на случајот против него ќе биде поднесена соодветна пријава, информираат од МВР....

Причина за прекинот на водоснабдувањето, како што посочуваат од претпријатието, е санирање на уличен дефект од Ф-200 мм на ул.„Ѓуро Ѓоновиќ“ бб (позади НБРСМ) во општина Центар, и ќе трае до завршување со активностите....

Согласно одлуката на Советот на ЕУ за приклучување на Хрватска кон евро-зоната на 1 јануари 2023 година, хрватската куна ќе биде официјално парично средство заклучно со 31 декември 2022 година. Имајќи предвид дека хрватската куна е дел од Курсната листа на Народната банка на Република Македонија, средниот курс за денарот во однос на хрватската куна ќе се објавува заклучно со Курсната листа којашто ќе биде формирана на 30 декември и која ќе важи на 31 декември 2022 година (Одлука за начинот на формирање и објавување на средните курсеви на Народната банка на Република Македонија, Службен весник на Република Македонија“ бр. 224/22 и 227/22). Следствено, купопродажните трансакции на домашниот девизен пазар со банките и вршењето на менувачките работи со хрватски куни ќе може да се спроведуваат заклучно со 31 декември 2022 година. Во текот на 2023 година замената на хрватските куни ќе може да се реализира исклучиво кај деловните банки и кај други институции на територијата на Република Хрватска. Од 1 јануари 2024 година услугите за замена на хрватските куни ќе ги реализира единствено Централната банка на Хрватска. Повеќе информации околу условите за замена на хрватските куни во Република Хрватска може да се најдат на следните официјални интернет страни: www.hnb.hr и www.euro.hr. НБРМ...

Почитувани, Власта на СДСМ е надвор од реалноста и од страдањата на овој народ кој едвај врзува крај со крај. Со тарифникот на Агенцијата за катастар на недвижности власта се обидува да ја спаси институцијата од банкрот. Сите информации со кои располагаме говорат дека поради недомаќинското работење на Катастарот истиот е доведен до состојба да не се знае дали ќе може да обезбедат плати за вработените. Со ваквиот тарифник сосема е јасно дека во голема мера се доведува во прашање рентабилноста и опстојувањето на Агенцијата за катастар на недвижности. Дали власта со ова енормно поскапување на услугите сака да го спаси Катастар од банкрот? Дали ова ќе биде уште една институција во низа која ја претворија во загубар? СДСМ преку соопштенија се обидува да ја сокрие реалноста нарекувајќи ги фалични калкулациите и понижувајќи ги граѓаните. Единствено фалична и манипулативна е реакцијата на СДСМ, а вистината е дека изминативе 5 години потрошија 50 милиони евра од Буџетот на катастарот и уште 10 милиони евра донации, а нема никакви реформи, напротив само нефункционалност на системот и поскапувања кои со СДСМ на власт станаа секојдневие. Имено, ако досега за добивање на податоците кои се потребни за подготовка на геодетски елаборат се плаќало 750 денари, со зголемувањето износот ќе биде 1.552 денари, или -ако правото на упис на стан досега чинеше 300 денари, сега е 1200 денари, или -ако имотен лист чинеше 180 денари, сега е 250 денари. Ова почитувани, е листа на која се вметнати најчестите производи кои се користени од граѓаните и од нив може точно да се види за колкаво поскапување станува збор. Токму власта на чело со Ковачевски дала согласност на седница на Влада за одобрување на овој Тарифник со кој се предвидува енормно поскапување на услугите. Оваа влада и Ковачевски очигледно имаат проблем со реалноста. Македонија е пред економски и социјален колапс поради лошите политики на нивната влада. СДСМ нема пари кои се наменети за народот, СДСМ зема пари од народот. Марија Митева, портпарол на ВМРО-ДПМНЕ...

Процесот за снабдување со поевтина електрична енергија за клучните субјекти по одлуката на Владата тече непречено и без никаков застој, и сите пријавени кои исполнуваат услови ќе добијат електрична енергија од ЕСМ Продажба од 1 декември. ЕСМ Продажба ги отфрла неоснованите изјави од страна на одредени претставници од стопански асоцијации во кои без аргументи и надвор од вистината се критикува процесот и се изнесуваат паушални оценки дека истиот е запрен, како и критики за службите кои истиот го спроведуваат. Сите лица кои се заинтересирани ги повикуваме да се обратат до ЕСМ Продажба за информација како тече процесот и постапката, пред да даваат јавни изјави. Исто така, апелираме на одговорност кај медиумите, односно согласно правилата за известување, да побараат податок и од ЕСМ Продажба, пред да пренесуваат во јавноста критички ставови на лица кои не поседуваат податоци за вистинската состојба. Субвенционираното снабдување со електрична енергија за училиштата, прехранбената индустрија и водостопанствата е ново задолжение дадено на АД ЕСМ од страна на Владата. При секое ново задолжение кое не било дел од тековното работење на Друштвото, потребно е време за воспоставување на системот и процедурите за негово спроведување, набавка и инсталирање на софтвер, обезбедување соодветни ресурси за физичко и правно процесирање на договорите и комуникација со субјектите кои се од цела држава и од различни категории на дејност. Во интерес на вистината, информираме дека ЕВН Електродистрибуција континуирано ги обработува пријавените броила и за истото го известува ЕСМ Продажба, по што директно се контактираат правните субјекти и се информираат дека договорот за снабдување од 1.12.2022г им е важечки и дека ќе им биде испратен заверен од страна на снабдувачот. Од 1820 броила за сите пријавени субјекти, Дистрибуција во рок од три дена, до овој момент, верификува снабдување за повеќе од 1000 броила и процесот на проверка на останатите продолжува. Субјектите кои имаа пријави со некомплетна документација се упатени од страна на ЕСМ Продажба да ги добават документите кои недостигаат, со точни инструкции и понудена асистенција. Утврдени се само околу 20 такви случаи, кои по извршено комплетирање на документите ќе бидат вклучени на поевтино снабдување од 1.1.2023г. ЕСМ ПРОДАЖБА...

Почитувани, Македонската енергетика предводена од криминалната матрица на СДСМ и ДУИ која сигурно ја носи државата во распад, го достигнува дното со измами, рекетирање и енормно осиромашување на македонскиот народ. Минатата зима имавме прогласено кризна состојба во енергетиката која поради незнаењето, криминалот, како и енормната партизираност на енергетските компании, не чинеше неверојатни 171 милиони евра, директни средства од Буџетот на Република Македонија, кои се префрлија во државната компанија- Електрани на Македонија. Годинава состојбата е уште полоша. За неполн месец увезена е електрична енергија за околу 20 милиони евра! Дека состојбата во ЕЛЕМ е алармантна доказ е и следното: на 22.11.2022 година во РЕК Битола се склучува коруптивен договор во висина од 20.000.000 евра. На тендерот со еден понудувач „Марковски- компани“, која е фирма миленик на директорот Ковачевски за договори во четири очи, понудила точна сума - токму колку што планирале од РЕК Битола да потрошат. Најстрашно е што кога имало конкуренција во претходната 2021 година за истата услуга на истиот оглас во договор од 24.06.2021 година во РЕК Битола платиле 13.000.000 евра што е за 7.000.000 евра помалку. Кога на минатиот тендер имало наддавање и повеќе понудувачи, цената од планирани 13.500.000 евра паднала на 13.000.000 евра т.е. имало намалување од половина милион евра. Како е можно за истиот тендер минатата година РЕК Битола да платила 13.000.000 евра а оваа година 20.000.000 евра, цели 7.000.000 евра повеќе. Меѓутоа лакомоста и криминалот во РЕК Битола не завршува тука. При реализација на овие тендери истиот камион неколку пати поминува на вага со товарениот материјал без да го истовари на депониите за јаглен кои во рудниците во БРОД ГНЕОТИНО не се обезбедени, ниту пак некој ги контролира и истиот товар се наплаќа односно се фактурира неколкукратно. Испорачаната количина на јаглен е неколкукратно помала бидејќи се испорачува еден товар, а се наплаќа повеќепати, се наплаќаат повеќе фактури за истиот товар. Директен резултат на ваквиот хаос е цената на струјата која ја плаќаат компаниите во Македонија, која е една од највисоките во Европа. Почитувани, ова е сликата за македонската енергетика раководена од СДСМ и ДУИ. Електроенергетскиот систем на Република Македонија е изграден со НАРОДНИ ПАРИ, кои сега безмилосно се трошат поради погрешното менаџирање и профит на поединци. Ова нема да помине неказнето! Стевче Антовски Центар за комуникации на ВМРО-ДПМНЕ...

Овој проект опфаќа замена на 67 раставувачи на 400 kV и 110 kV напонско ниво, замена на 114 потпорни изолатори и поставување на 75 мерни трансформатори на 110 kV напонско ниво а во моментов се работи на реконструкција на 400 kV поле на енергетскиот трансформатор број 2. Секако дека не е лесно во услови на кризи од секаков тип, да се држи чекорот со планираните инвестиции, но со упорност, посветеност и труд на АД МЕПСО и на изведувачот на проектот Далекувод од Загреб, во рок се завршени активностите на 400 kV полиња од ТС Битола 2 до ТС Мелити Грција, oд ТС Битола 2- ТС Скопје 4,oд ТС Битола 2- ТС Дуброво, oд ТС Битола 2- ТЕЦ Битола (Блок 3) и трафо полето ТР.1 ТС Битола 2-400/110кV. Со овој процес на модернизација и реконструкција на 400/ 110 kV трафостаница Битола 2, на долг рок не само што ја зголемуваме доверливоста и сигурноста во управувањето со електроенергетскиот систем, туку новата опрема треба да ги сведе на минимум и ризиците од испади или дефекти. Во услови на енергетска криза дополнително е важно што со новата високонапонска опрема значително ќе се намалат трошоците што АД МЕПСО ги има за одржување на оваа трансформаторска станица. Проектот за рехабилитација на ТС Битола 2 е со вредност од 3,18 милиони евра од кои 2,2 милиони се сопствени средства на МЕПСО а останатите се заем од ЕБОР. АД МЕПСО...

По донесување на мерките и препораките за рационално користење на електричната енергија од Економско-енергетскиот совет на Владата во пресрет на грејната сезона, донесена е одлука јавните здравствени установи да склучат договори за електрична енергија преку ЕСМ продажба по поповолна цена од берзанската, соопшти Министерството за здравство. Оттаму посочуваат дека во координација со здравствените установи изготвен е план и дадени се насоки до сите јавни здравствени установи, со цел рационализирање на сметките и трошоците за оваа намена, но истовремено, како што велат, грижата за пациентите и обезбедувањето здравствена заштита останува врвен приоритет на Министерството за здравство и јавните здравствени установи. Досега, како што наведуваат, 24 здравствени установи имаат потпишано договор со ЕСМ продажба, од кои три се во фаза на потпишување и тие веќе добиваат електрична енергија по многу поповолна цена. – Во рамки на административната зграда на Министерството за здравство не се користат дополнителни грејни тела и се користи централно греење од клиничкиот комплекс. Во Министерството е назначено и посебно административно лице за проверка на рационалното користење на електричната енергија. Почитувајќи ја сензитивноста на здравствениот сектор, дел од мерките се однесуваат на рационално користење на осветлувањето, редовно менување на филтрите на клима уредите, замена на стари прозорци со енергетско ефикасни, поставување штедливи сијалици и слично, стои во соопштението....

Свештениците од Тетовското намесништво при Македонската православна црква-Охридска архиепископија (МПЦ-ОА) од денеска ќе имаат на располагање нови административни простории откако беше реновиран објект во непосредна близина на црквата Пресвета Богородица. Објектот во употреба е пуштен со благослов на митрополитот Тетовско-гостиварски г. Јосиф, кој во вчера изврши и негово осветување. -Митрополитот во сослужение на намесникот протоереј-ставрофор Мирко Станковски, старешината протоереј-ставрофор Томислав Јосифовски, ереј Велјанчо Огненовски, ереј Трпе Богоевски, ереј Илија Сламков и ѓакон Илија Деспотовски изврши осветување на новата административна зграда и административните простории. Воедно владиката на црковниот одбор при храмот и на ктиторите им додели благодарници и им заблагодари за ова богоугодно дело, информираат од Тетовско-гостиварската епархија. По потреба дел од објектот ќе може да користи и како парохиска куќа за сместување на свештениците. /МИА...

Во текот на вчерашниот ден (26.11.2022) продолжија контролите во областа на сообраќајот. На територија на град Скопје изречени се вкупно 154 мерки, меѓу кои за возење повеќе од дозволената брзина 48 санкции, 13 мерки за возење без возачка дозвола, 18 санкции за возење под дејство на алкохол, соопшти Министерството за внатрешни работи. Изречени се, како што посочуваат од МВР, четири мерки за користење мобилен телефон при возење, пет санкции за нерегистрирани возила… Од МВР информираат дека сообраќајните контроли продолжуваат и апелираат граѓаните да ги почитуваат сообраќајните правила и прописи....

Македонија со СДС, ДУИ и Ковачевски стана рекордер по мизерија и тоа не само во Европа, туку и во светот. Власта донесе таква беда што македонските граѓани забрзано осиромашуваат и трпат за леб. Додека СДС и ДУИ го кројат најголемиот буџет во историјата за богатење на нивните функционери, граѓаните не можат да дозволат да си купат храна. Тоа го потврди и Светска банка со најновиот извештај кој покажува дека Македонија е во топ 10 земји во светот со највисока реална инфлација во храна, која се пресметува како инфлација во храна минус вкупната инфлација. И таму во друштво на Македонија се земји како Руанда и Зимбабве од Африка. Ова значи дека со оваа власт граѓаните не можат ни да се прехранат, а камо ли да си дозволат други основни потреби. Колку е поскап животот и колку е поголема сиромаштијата ни укажува и фактот дека синдикалната кошница за едно семејство за една година порасната е за неверојатни 16.940 денари, односно од 34.574 во октомври лани, на 51.514 денари во октомври оваа година или речиси колку една минимална плата. Државниот завод за статистика објави дека цените за храна во октомври се повисоки за 32,4%, но основните намирници се пораснати за над 50%. Што значи дека тоа што граѓаните до лани можеле да го купат за 500 денари, сега не можат ни за 1000 денари. И наместо да го спречи осиромашувањето на народот власта на почетокот на следната година за 2 месеци од сега ќе му зададе нов удар со повисоки сметки за струја, а тоа ќе значи и нови поскапувања. Дополнителен удар за граѓаните е што илјадници компании затворија заради погрешните политики на СДС и ДУИ, што значи дека во најголемата сиромаштија уште повеќе граѓани ќе останат на улица, а да биде полошо нема ни странски инвестиции. Македонија е на дното по странски инвестиции во споредба со земјите од регионот, односно кај нас дошле, два до три пати помалку странски инвестиции по глава на жител во споредба со Албанија, Србија и Косово. Овие факти не може Ковачевски да ги покрие со лагите за розов свет во земјава. На Македонија и се потребни итни предвремени парламентарни избори за веднаш да може да се спречи оваа катастрофа која ја донесоа СДС и ДУИ. Центар за комуникации на ВМРО-ДПМНЕ...

Германскиот автор Кристоф Бутнер ја доби втората награда за својот анимиран филм „Со негова милост“, додека „Бронзената тулa“ ја доби корејскиот филм „Куклена приказна“ на авторот Парк се Хонг. филм за деца беше награден македонскиот филм „Маја Новак“ од авторката Миа Панов, а наградата се доделува врз основа на гласовите од детската публика кои во најголем број гласаа за овој филм. Жири комисијата која одлучуваше за наградите беше во состав Владимир Ангелов, Сашка Андреевска и Горјан Гишев. Анимакс Скопје Фест е во организација на продукциската куќа Аурипигмент од Скопје со поддршка на Град Скопје и во соработка со Кинотеката. /МИА...

Димитар Ковачевски ги измами граѓаните. Ветуваше кули и градови, а донесе невидена сиромаштија за граѓаните. Ветуваше поддршка на стопанството и индустријата, а за една и пол година се затворија 12 илјади компании. Но затоа компанијата која тој ја основал не само што добивала државна помош, туку и добивала вносни бизниси во време кога тој бил на функција. Ветуваше раст на стандардот, а инфлацијата ги изеде платите и пензиите. Ковачевски е најодговорен зошто Македонија со 20% има една од највисоките стапки на инфлација во Европа, а меѓу десет земји во светот со најголема инфлација на цената на храната. Ветуваше справување со енергетската криза, а наместо сопствено производство се трошат секој ден милиони за увоз на струја или за испросување на енергенси. Ветуваше висок раст на БДП, а Македонија е меѓу последните во Европа според растот на БДП, единствено полоши се прогнозите за Русија и Украина. Ветуваше стабилна економија, а добивме енормен раст на долгот кој ги надминува 8,5 милијарди евра. Само порази, криминал и неуспеси се резултатот од оваа влада. Нивната неспосбност е епска! Димитар Ковачевски со лаги и измами не се носи иднина! Стани Ковачевски да те види народ! Стани Ковачевски, собери храброст и соочи се со своите граѓани! Центар за комуникации на ВМРО-ДПМНЕ...

Народниот правобранител го смета ова законско ограничување за дискриминирачко и бара Министерството за труд и социјална политика да преземе мерки. Од МТСП велат дека ќе постапат согласно конечната одлука на Уставниот суд, кој уставноста на овој член ќе ја оценува в среда. Според Законот за социјална заштита, надоместок заради попреченост се обезбедува за поттикнување социјално вклучување и еднакви можности на лице кое е со тешка или длабока интелектуална попреченост, со најтешка телесна попреченост, потполно слепо лице и потполно глуво лице. Надоместок заради попреченост, според член 44 став 2 од овој закон, може да оствари лице со навршени 26 години возраст, најдоцна до 65 годишна возраст, а се користи без оглед на старосната возраст на корисникот. Токму овој став, според Народниот правобранител, е ограничувачки услов за пристап и остварување на правото на надоместок заради попреченост. Оттаму велат дека истиот во себе содржи нееднаквост, односно дискриминирачка одредба кон останатите лица кои го остваруваат ова право. – Попреченоста е состојба со која што определено лице може да се стекне и после 65 години и не смее закон со кој што се утврдува определено право, да ограничи по возраст. Тоа претставува основ за забрана за дискриминација, основ кој што го препознава и Законот за заштита и спречување од дискриминација, меѓутоа и Европскиот суд за човекови права, но и меѓународните конвенции, велат од Народниот правобранител. Нееднаквиот третман при користење на надоместокот поради попреченост, Народниот правобранител го нотира и во Годишниот извештај за степенот на обезбедувањето, почитувањето, унапредувањето и заштита на човековите слободи и права во Репбулика Северна Македонија за 2020 година. – Ако сте постари од 65 години, а сте лице со попреченост, според постојните законски одредби немате право на паричен надоместок поради попреченост, освен ако ова право не го остваривте до 65-тата година. Ваков апсурд утврди Народниот правобранител откако на негова адреса стигна претставка од граѓанин кој поради старосната пречка (бил постар од 65 години) не можел да оствари право за овој вид на паричен надоместок. За надминување на овој проблем со нееднаквиот третман на граѓаните врз основа на годините, Народниот правобранител достави Мислење до Министерството за труд и социјална политика, во кое побара да се процени оваа одредба од Законот за социјална заштита, стои во извештајот. Нивното истражување за согледување на состојбата со остварување на правото на надоместок заради попреченост, открива дека во 10 од 30 центри за социјална работа во земјава во 2020 и 2021 година се одбиени вкупно 23 барања за надоместок поради попреченост токму поради условот навршени 65 години. Според извештајот, дванаесет барања се одбиени во 2020, а 11 во 2021 година. Најмногу одбиени барања има во Центарот за социјална работа во Струмица, вкупно шест, Кичево – 5, Тетово – 3, Кавадарци и Свети Николе по две и Крива Паланка, Штип, Неготино, Делчево и Велес по едно одбиено барање. Иницијативата за измена и дополнување на Законот за социјална заштита, заедно со извештајот, Народниот правобранител ја доставува до Министерството за труд и социјална политика во октомври. Од МТСП за МИА велат дека одговориле на истата. – Во одговорот, Министерството го информира Народниот Правобранител дека до Уставниот суд на Република Македонија е поднесена иницијатива за оцена на уставноста на член 44 став 2 од овој закон, од лицето со иницијали А.Д од Прилеп и Институтот за човекови права од Скопје. По однос на овие иницијативи, Уставниот суд на Република Македонија донесе Решение за поведување на постапка за оценување на уставноста на член 44 став 2 во делот: „најдоцна со 65-годишна возраст“ од Законот за социјалната заштита, а до конечното одлучување го запре извршувањето на поединечните акти и дејствија што се преземени врз основа на одредбите од Законот за социјалната заштита, велат од МТСП. Дополнуваат дека ги известиле центрите за социјална работа за решението на Уставниот суд, да ја имаат предвид изречената мерка за запирање на извршување на поединечните акти и дејствија во постапките што се водат за остварување на надоместок заради попреченост. – Министерството за труд и социјална политика, го извести Народниот Правобранител дека ќе постапи согласно конечната одлука на Уставниот суд на Република Северна Македонија по иницијативата за оцена на уставноста на член 44 став 2 од Законот за социјалната заштита, посочуваат од ресорното Министерство. Од Уставниот суд, пак, за МИА велат дека по ова прашање ќе се одлучува на седницата закажана в среда. Поголемата информираност на граѓаните, клучна за остварување на правото Народниот правобранител укажува на потребата од поголемо информирање на лицата со попреченост за начинот на остварување на правото на надоместок заради попреченост и олеснување на пристапот и остварување на правото на паричен надоместок, со цел социјално вклучување и еднакви можности на лицата со попреченост. – Нашето истражување укажува на потреба од поголема информираност на граѓаните, особено лицата за попреченост, во поглед на тоа кaко се остварува одредено право, да им се излезе во пресрет. Mеѓу другото, тука зборуваме и за малку чувствителна категoрија, имајќи предвид дека се работи за лица со најтешка телесна попреченост, длабока или тешка интелектуална попреченост, потополнo слепи и потполно глуви лица, што значи дека дури и барањата во центрите за социјална работа, според нас, за остварување на ова право треба да бидат прилагодени на јазикот и писмото што овие лица го користат, а не да бидат задолжени секогаш до себе да имаат личен асистент за да можат да поднесат барање, велат оттаму. Контактите со здруженијата на лица со попреченост покажуваат дека тие се разочарани од ваквото законско решение. – Нашите контакти со здруженијата на лица со попреченост кои што се наши партнери, укажуваат на тоа дека тие се разочарани од таквото решение, бараат излез и токму затоа побараа од нас како институција да преземеме мерки, но, не се охрабрени самите да поднесуваат претставки, стравувајќи дека негативно ќе се одрази. Сепак има лица кои што зависат од паричниот надоместок кој што го прифаќаат, велат од Народниот правобранител. Од движењето против хендикеп „Полио плус“ ја поздравуваат иницијативата на Народниот правобранител, меѓутоа, дополнуваат дека покрај возраста, Омбудсманот треба да покрене иницијатива за измена на целата одредба, како и на системот на бенефиции со тоа што ќе се бара проширување на опфатот на лицата со хендикеп и обезбедување на овој додаток од седумгодишна возраст за децата и возрасните со хендикеп, и негово целосно усогласување со одредбите од Конвенцијата за правата на лицата со хендикеп. – Констатациите дека вака поставената одредба е дискриминирачка е согледана и од страна на Државниот завод за ревизија, каде се посочува „законските измени и ограничување на возраста за остварување на правото за попреченост до 65 години ги ограничува граѓаните да го остварат ова право кога најмногу ќе им биде потребно, односно, кога ќе западнат во подлабока старост и ќе се соочат со влошување на здравствената состојба. Наведеното доведува до намалување на бројот на корисници на додатокот за попреченост“, велат од Полио Плус. Системот што го обезбедува државата, според нив, не само што е ограничувачки по возраст, туку истиот е заснован на медицинскиот пристап, и е ограничувачки во поглед на персоналниот опфат, при што не се опфатени сите лица со хендикеп, што, како што велат, е спротивно на обврските што државата ги има со Конвенцијата за правата на лицата со хендикеп. – Постоечката одредба за Додаток за попреченост која беше донесена од 2019 година не ги зеде во предвид ни препораките дадени од страна на ООН Комитетот за права на лицата со хендикеп во 2018 година. Имено, во заклучните согледувања од 2018 година, Комитетот ѝ препорачува на државата (став 48): (а) Да го ревидира Законот за социјална заштита со воведување на основот хендикепот со основ за заштита од дискриминација, како и да се направи ревизија на релевантните подзаконски акти и шеми на бенефиции со цел да се гарантира соодветен стандард на живот за лицата со хендикеп, вклучуваќи ги и компензациите во форма на додатоци кои би им овозможиле на лицата со хендикеп да ги покријат трошоците поврзани со нивниот хендикеп; (б) да се укинат одредбите со кои се ограничуваат правата од социјалните бенефиции за лицата со хендикеп врз основа на возраст, како и да обезбеди и алоцира одредени додатоци и надоместоци за децата со хендикеп, образложуваат од Полио плус. Од Националниот сојуз на лица со телесен инвалидитет – Мобилност, исто така, ја поддржуваат иницијативата на Народниот правобранител. Според нив, определените права мора да бидат еднакво достапни за сите. – На почетокот, кога беше донесена ова одредба во Законот за социјална заштита (2010 година со примена од јуни 2011 година) немаше лимит старосна граница. Меѓутоа, со донесувањето на новиот закон во 2019 година, беше ставено ова ограничување, со цел, како што велеа претставниците на Министерството, да се воведе ред и да се ограничи правото на остварување на овој надоместок за време на работоспособноста на популацијата. Ние уште тогаш реагиравме дека тоа не е исправно, бидејќи животот и активноста не престанува со одењето на луѓето во пензија, дека не е добро да се става возрасен лимит. Но, доколку веќе мора да се става некоја возрасна граница, тоа да биде најмалку 75 годишна возраст, велат оттаму. МИА упати прашање и до Комисијата за спречување и заштита од дискриминација од каде добивме одговор дека иницијативата на Народниот правобранител за измена и дополнување на Законот за социјална заштита во членот 44 став 2, која се однесува на правото на надоместок поради попреченост, досега не биле разгледувани на седница на Комисијата. – За да може КСЗД да утврди дали во правната регулатива постојат одредби кои би можеле да произведат дискриминаторски дејствија, потребно е формално отпочнување на постапка од страна на КСЗД по службена должност или по барање на заинтересирана страна, за да потоа се донесе Стручно мислење на КСЗД, појаснуваат од Комисијата. Извештајот на Народниот правобранител покажува дека во периодот 2020/21 година, за остварување на правото на надоместок за попреченост по основ на тешка или длабока интелектуална попреченост, најтешка телесна попреченост, потполно слепо и потполно глуво лице, од лица на возраст од 26-65 години се поднесени вкупно 7 293 барања. Притоа од страна на надлежните центри за социјална работа, позитивно е одлучено за 7 142 барања, односно 97, 92 отсто. /МИА...

Био – супа, индустриски произведена дехидрирана зеленчукова супа, без синтетски адитиви, збогатена со екстракти од медицински печурки, собрани од македонските планини, е најновиот иновативен производ на македонката Моника Стојанова, доктор на науки во областа на прехранбена индустрија, односно технолошка микробиологија. Супите поседуваат антиоксидативни, антимикробни и имуномодулаторни својства, поради што спаѓаат во т.н. функционална храна, чии екстракти се произведени од македонски печурки и во македонски услови. Стојанова истражувањето го правела како докторант под раководство на универзитетски професори од Универзитетот во Белград. – Создадовме нешто светско, но сепак, наше Македонско, вака почна разговорот со младата иноваторка, која за МИА сподели како дошла до идеја за добивање целосно безбеден и квалитетен производ во индустриски услови. Со консумирање една порција дневно од био-супата се внесува нутритивно полновреден оброк, со биоактивни компоненти со антиоксидативно и антимикробно дејство. Големата употреба на синтетички адитиви во храната инспирација за истражувањето Идејата за истражувањето, направено под раководство на професорите, д-р Миомир Никшиќ и д-р Милена Пантиќ од Катедрата за технолошка микробиологија на Земјоделскиот факултет при Универзитетот во Белград, според Стојанова, дошла од потребата за безбедноста на храната и користењето синтетски адитиви за подобрување на бојата и аромата на производот, конзерванси и слично. – Согледувајќи ги главните „критични точки“ во прехранбената индустрија во ланецот индустрија – квалитетна храна – потрошувачи, и инспирирани од помислата да се произведе целосно безбеден и квалитетен производ во индустриски услови, спонтано и низ долги разговори со моите професори, дојдовме до идеја да создадеме еден целосно нов производ. Да се соочиме со предизвиците во научното истражување, кои почнуваат меѓу лабораториските ѕидови и сето тоа да се обидеме да го имплементираме во практиката зачекорувајќи низ лавиринтот на индустриските погони. Накусо, така за првпат во Македонија и во светот настана нашиот нов производ био-супа, индустриски произведена дехидрирана зеленчукова супа, без примена на синтетски адитиви, а збогатена со екстракти од неколку видови диви печурки собрани од македонските планини, истакна Стојанова. Прв производ со екстракт од македонски печурки Истражувањето почнало со селекција и избор на три видови диви печурки, собрани од неколку локации во државата: Suillus granulatus, јадлива печука со народно име волчјо лепче и медицинските Coriolus versicolor, познати како мисиркина опашка и Fuscoporia torulosa. – Најнапред беа извршени детални хемиски анализи на свежите, а потоа и на сушените печурки. Потоа, во лабораториски услови произведовме екстракти од овие печурки. Со оглед на тоа што до сега не постоеја никакви истражувања за биолошкиот потенцијал на македонските печурки, на почетокот немавме никакви очекувања ниту предвидувања во оваа насока. Затоа, спроведовме детални хемиски и биолошки анализи на добиените екстракти, кои меѓу другото опфатија утврдување на содржината на феноли, флавоноиди, глукани, протеини, in vitro утврдување на антиоксидативниот, антимикробниот и антиканцерогениот потенцијал. Бевме навистина пријатно изненадени кога почнавме да ги добиваме резултатите, кои беа фасцинантни. Реткост е сите овие компоненти да се најдат во толку големи концентрации собрани во еден производ, појаснува Стојанова, нагласувајќи дека тие можат да се искористат како додаток во било кој производ. Овој производ, како што подвлече, е прв од ваков вид во светски рамки. – Позната е употребата на екстракти од печурки како реиши, кордицепс, маитаке и други во кафе, чај, козметички производи. И во Македонија имаме производи во чиј состав ги има тие екстракти од печурки. Но, тоа се увозни печурки/екстракти, па и производи, од странско поднебје, истакна Стојанова, која пред само четири години иновираше македонски традиционален колбас без хемиски адитиви. Индустриските супи содржат појачувач на арома (МНГ или Е621), кој предизвикува несакани појави кај конзументите Супите во современото општество, претставуваат еден од најдобрите инстант производи, кои се многу популарни. Го задоволуваат критериумот за брза подготовка во денешното динамично време, но за разлика од брзата храна, според нашата соговорничка, супите претставуваат многу хранлив оброк, кој ги задоволува дневните нутритивни потреби (во зависност од состојките) и може да ги употребуваат сите видови потрошувачки групи. – Но, кај индустриски произведените супи, покрај сите овие позитивни карактеристики, негативен аспект е тоа што, покрај останатите синтетски адитиви, содржат појачувач на аромата – мононатриум глутаминат (МНГ или познат како Е621). Бројни студии покажуваат дека МНГ е поврзан со несакани појави меѓу потрошувачите, како главоболки, тегоби, забрзана срцева активност, па сѐ до посериозни здравствени нарушувања, појаснува Стојанова. За аплицирање на добиените екстракти во супите, прецизира дека најпрво тие поминале низ процесот лиофилизација (заради нивната полутечна форма, со процесот на лиофилизација се претворени во форма на прав, за посоодветно аплицирање во дехидрирани производи), со што дошло до уште поголемо концентрирање на сите биоактивни компоненти, а со тоа и до уште поголема биолошка активност. Од друга страна, пак, ја исклучиле употребата на сите адитиви, посебно на МНГ. Производството на био – супите било направено во македонска прехранбена индустрија. – На овој начин, се доби целосно нов производ: дехидрирана зеленчукова супа збогатена со екстракт од медицински печурки, без МНГ (вкусот го заменивме со додавање на сушен вргањ). Со детални хемиски и биолошки анализи беше утврдено дека овој производ, покрај исклучителниот нутритивен состав, поседува јака антиоксидативна активност и јака антимикробна активност (супата беше тестирана на 12 видови патогени микроорганизми, од кои позначајни се Listeria monocytogenes, Escherichia coli, Salmonella Enteritidis, Staphylococcus aureus, Candida albicans и др.). Конвенционалните зеленчукови супи не поседуваат ниту едно од овие својства кои ги добивме во новокреираната Био-супа. Тоа значи дека со консумирање една порција дневно од Био-супата имаме нутритивно полновреден оброк, а внесуваме и биоактивни компоненти со антиоксидативно дејство, кои го прочистуваат организмот од слободните радикали и антимикробно дејство, односно дејствуваат против патогените микроорганизми и го подобруваат имунолошкиот систем. Поради овие својства, Био – супите спаѓаат во т.н. функционална храна (храна која покрај нутритивната вредност има поволно дејство врз организмот и превентивно може да делува против бројни заболувања), детално опиша нашата соговорничка. Био-супите со поголем потенцијал на пазарот од конвенционалните Она што ги прави поразлични био-супите, излезени од лабораторијата со која раководела Стојанова, е првпат аплициран екстракт од S. granulatus, C. versicolor и F. torulosa. – А она што е уште поважно за првпат беа употребени македонски печурки и со гордост можеме да се пофалиме дека македонските печурки имаат многу подобар состав споредено со популарните реиши, маитаке, шиитаке. И за првпат е произведена супа која содржи екстракти од печурки, што не е исто со супа од свежи/сушени печурки, појаснува Стојанова. За потврдување на резултатот од целото истражување направена била сензорна анализа, каде искусни дегустатори, но и аматери ги оценувале органолептичките својства на Био-супите. – Заради додадените екстракти, супите имаат малку поразличен изглед од оние конвенционалните на кои сме навикнати како потрошувачи, односно имаат кафеава боја. Но, тој нов изглед, заедно со карактеристичниот вкус, доби прилично високи оцени, односно повеќе од 80 отсто, што означува исклучително висока оцена. Тоа беше само уште една потврда за вредноста и посебноста на Био-супите, заклучува младиот, но професионален истражувач. Според неа, со оглед на фактот што не се потребни посебни услови за индустриско производство на ваков вид производ, Био-супите би можеле да имаат поголем потенцијал на пазарот споредено со конвенционалните супи. Био – супите во потесен круг за светската награда Food Tech Innovation Award 2022 Био – супите, како што информира Стојанова, биле номинирани за светската награда Food Tech Innovation Award 2022, во категоријата здрава храна, каде во исклучително јака конкуренција и индустрии од целиот свет, производот успеал да дојде до потесниот круг пред финалето. Резултатите од ова истражувањето, се објавени во неколку научно-истражувачки трудови во еминентни научни списанија на SCI листата, преку издавачките куќи Springer и Wiley. – Со сето ова Македонија и Србија дадоа придонес кон светските трендови и технолошки постапки, каде со правилна употреба на екстрактите од печурки може да се постигнат посакуваните својства, делумно или целосно да се елиминира употребата на синтетските адитиви, а истовремено да се добијат т.н. функционални својства кои имаат поволно влијание врз здравјето на потрошувачите. Следејќи го овој пример, може да се даде сосема поинаква насока на индустриското производство на храната, каде истовремено ќе се задоволат потребите и на индустријата и на потрошувачите за производство на квалитетна и безбедна храна, заклучува Стојанова. Био – супите не се достапни на пазарот, но се очекува во најскоро време потрошувачите да ја збогатат својата трпеза со овој нов, здрав и функционален македонски производ. /МИА...

Ноемвриска вечер во големата сала на ССОУ „Коле Неделковски“ во Велес, се е совршено подготвено за свечениот настан – доделување на сертификатите на учениците кои беа вклучени во проектот „The sky is the limit“ што се реализира во рамки на Еразмус + програмата на ЕУ во соработка со Националната агенција за образовни програми и мобилност. Во рамки на проектот, 20 ученици од ова велешко средно стручно училиште, 21 ден беа во Португалија, каде секојдневно по неколку часа во смена, половината од нив работеа во компанија и половината во хотел и секојдневно стекнуваа нови искуства и практики. Помеѓу работата за време на викендите за нив беа организирани и две екскурзии, каде им се пружи шанса да се прошетаат низ некои од градовите и да се запознаат со убавините, културните знаменитости и традиции на Португалија. На паноата во салата на училиштето беа изложени фотографии од нивниот тринеделен престој во Португалија. Учесниците гледајќи ги, се присетуваа на работата во хотелот и компанијата и прекрасно поминатите екскурзии и што се’ таму посетија, а воедно ги запознаа и нивните другари кои не беа со нив. Во тие рамки на белото платно им прикажаа и видео материјал од фотографии и снимки од проектот. Проектот ги обучи и учениците и наставниците Преку проектот ССОУ „Коле Неделковски“ од Велес имаше можност да спроведе три групи на мобилност. Две групи беа за мобилност на ученици од Угостителско-туристичката и Електро-машинската струка во времетраење од три недели – од крајот на октомври до почетокот на ноември. Третата беше за мобилност на наставниот кадар во времетраење од една недела. Во текот на летниот распуст пред почетокот на учебната година, сите мобилности беа спроведени со партнери од Португалија. За време на престојот во Португалија, комуникцијата се одвиваше на англиски јазик, а учесниците научија нови работни методи кои ќе бидат особено корисни за нивните идни кариери, информира Весна Стојанова Богоевска, директорка на училиштето. – Целта на проектот беше да се обезбеди обука и развој на учениците и наставниците, нагласува Стојанова-Богоевска. Појаснува дека во мобилноста на наставен кадар биле опфатени четворица професори од училиштето кои следеле структуриран курс за обука на тема „Интегрирање на ИКТ алатките во наставата /обуката /училницата“. – Еднонеделната обука им овозможи на учесниците-наставници од нашето училиште да се запознаат со вештини и способности за пристап до online ресурси, применување ИКТ вештини во нивните наставни области, креирање на флексибилни и приспособливи наставни програми, како и употреба на странски јазик и подобрени комуникациски вештини, појаснува Стојанова Богоевска. Посочува дека во рамки на проектот се фокусирале на максимално и транспарентно вклучување на учесници од помалку привилегирани средини, како и на зголемување на свеста за глобалните еколошки прашања. Пракса во хотел во Апулија и компанијата „„Ferreirolux“ во Барселош Како што информира координаторот на проектот, професорот Марјан Панов, во мобилноста за угостителско-туристичката струка биле вклучени 10 ученици кои имале можност да работат во хотел. Тие таму ги примениле сите свои дотогаш стекнати знаења и искуства, а воедно ги усовршиле професионалните вештини. – Преку оваа меѓународно реализирана практична обука, нашите ученици-учесници се стекнаа со многу соодветни практични знаења и искуства од работа во реална средина во една европска земја.Тие беа вклучени во секојдневна работа 21 ден по една смена во хотелот „Apulia Praia Hotel “во Апулија, Португалија, појаснува професорот Панов. Во мобилноста за електротехничката и машинската струка биле вклучени исто така 10 ученици кои реализирале реален производствен процес односно работна пракса во партнер – компанијата „Ferreirolux“ во Барселош. – Учениците имаа можност да ги покажат во пракса своите дотогашни знаења, а имаа и можност да стекнат нови работни вештини при производниот процес на елементи и уреди за осветлување. Со помош на оваа мобилност ги надградија своите знаења и ги усовршија своите компетенции со што можат да бидат конкурентни на европскиот пазар на труд, потенцира професорот Панов. Учесниците задоволни од стекнатите знаења и работни искуства Ученичката во четврти клас во електротехничката струка Марија Коцевска е среќна што била дел од овој интересен проект. -Се запознавме со една нова поинаква средина многу поразлична од нашата и оддалечена многу километри од нас. Таму разговаравме на англиски, но времето беше кратко, па успеавме да научиме само по некој збор на португалски, како на пример облигадо, што значи благодарам како и уште по некој збор, на пример како се поздравува, појаснува Коцевска. Таа со останатите девет ученика од групата на електротехничка и машинска струка одела на пракса во фирмата „Ferreirolux“ во Барселош, каде работеле едната група во прва смена од 9 до 12 часот, а втората од 14 до 16 часот, по што се менувале наизменично. – На работа одевме со автобус. Таму од елементи изработувавме готов производ уреди за осветлување, подготвени за продажба. Имавме пријатна работна атмосфера и гостопримливи домаќини од кои научивме многу нови работни вештини и знаења и се здобивме со едно прекрасно работно искуство. Бевме и на екскурзии, каде видовме интересни знаменитости и градови. Затоа ги охрабрувам сите ученици кои не биле досега, да се вклучат во вакви и слични интересни проекти. Преку нив ќе запознаете нови луѓе, нови пријателства и нови интересни места, порачува Коцевска. Ангелче Стојчевски од машинската струка е задоволен и од двете екскурзии, што биле организирани за време на викендите. – Во Прага немавме многу време да прошетаме, само два часа, бидејќи беше премногу врнежливо. Во Порто следниот ден беше убаво времето па цел ден шетавме и се запознавме со бројните културни знаменистости, се шетавме и другарувавме. Имавме и убав португалски ручек, се’ на се имавме прекрасни доживувања и бевме среќни што имавме можност сето тоа да го видиме и доживееме, вели Стојчевски. Александар Андонов од угостителско-туристичката струка, кој заедно со останатите девет свои соученици работеле во хотелот „Apulia Praia Hotel“ во Апулија, им порачува на сите ученици да се вклучат во вакви и слични Еразмус + проекти бидејќи преку нив можат многу да научат и да стекнат нови пријателства и искуства. Тој вели дека главниот готвач на хотелот бил воодушевен како го подготвиле традиционалното македонско тавче гравче и познатите велешките „пишии“. – Тоа многу ги фасцинира и ветија дека ќе ја посетат Македонија, вели Александар. Професорот во машинската струка Илија Танев во изјава за МИА, за овој проект вели дека целта ја оствариле пред се со едукација на учениците. – Учениците стекнаа едно поголемо искуство од една европска држава. Во фирмите каде беа на пракса добија голема пофалба. Директорот на Еразмус + проектот односно на „Мобиле Пренс“ искажа пофални зборови за сите вклучени во проектот, а посебно за македонските учесници, вели Танев. Тој потенцира дека нивните ученици и претходно имале стекнати практични знаења и вештини во две од најуспешните фирми во земјава „Брако“ и „Маркарт“, каде одат на пракса и работат на современи машини, исто како што има во земјите од ЕУ. Директорката Весна Стојанова Богоевска им порачува на сите оние ученици кои аплицирале, а не успеале да учествуваат, како и на сите оние што планираат да аплицираат, дека небото не треба да им биде граница и секогаш да си поставуваат се’ повисоки и повисоки цели. /МИА...

Врнежите ќе бидат пообилни попладне и во вечерните часови, кога заради заладувањето ќе преминуваат во снег на повисоките и во некои од пониските места. На планините снежната покривка ќе се зголеми, а снежна покривка ќе се формира и на повисоките места особено во западните делови. Ќе дува слаб до умерен ветер од северен правец, соопшти Управата за хидрометеоролошки работи. Минималната температура ќе биде во интервал од минус 4 до 3 степени, а максималната од 3 до 9 степени. Во Скопје, времето ќе биде претежно облачно, попладне и во вечерните часови со врнежи од дожд. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 5 степени. Во понеделник во утринските часови на места ќе провејува снег, а преку денот облачноста ќе се намали. Поради разведрувањето, во вторник минималните температури ќе бидат ниски. Од среда се очекува нов влажен бран со врнежи од дожд, а на планините од снег....

Стрелец 23.11.-21.12. Љубов Ќе успеете да ги надминете несогласувањата и незадоволството во врската и повторно ќе постигнете завидна рамнотежа во односите. Кариера Она што порано ви пречеше , сега ќе се сврти во ваша корист. Затоа денеска ќе работите полесно , побрзо и поквалитено. Здравје и совет Подобрување. Јарец 22.12.-20.1. Љубов И натаму ќе се усогласувате со партнерот , но очигледно е дека има многу добра волја од двете страни , па ќе се среди. Кариера Ќе најдете заеднички јазик со оние со кои работите. Оние кои не работат, ќе уживаат без поголеми проблеми. Здравје и совет Можете малку да се опуштите. Водолија 21.1.-19.2. Љубов Повеќето од вас ќе почувствуваат денеска потреба за домашен живот со саканата личност. Останувате дома. Кариера Во деловните контакти не ги презентирајте новите идеи , зашто ќе се покаже дека сте пред времето. Засега зачувајте ги. Здравје и совет Не брзајте. Риби 20.2.- 20.3. Љубов Ќе ги оставите зад себе љубовните грижи и ќе се обидете да се свртите кон поведрата страна. Ќе успеете да го активирате потенцијалот на својот хумор. Кариера Не сте свесни колку сте напредни. Тоа денеска ќе ви стане целосно јасно преку соработка со другите. Здравје и совет Бидете она што сте. Овен 21.3-20.4. Љубов Вашиот партнер ќес е согласи на некои компромиси , но и натаму ќе треба да вложувате доста напор во меѓусебната комуникација. Кариера На работното место сте популарни , но тоа не значи дека ќе ви прогледаат низ прсти. Треба да се работи. Здравје и совет Заинтересирајте се за растителни чаеви. Бик 21.4- 20.5. Љубов Не приговарајте доколку тоа не е сосема оправдано . И натаму треба да го тестирате секој збор , за да не дојде до недоразбирање. Кариера Весело ќе сонувате за викендот пред вас , па малку ќе ја занемарите работата. Внимавајте да не ви се поткрадне грешка. Здравје и совет Бидете она што сте. Близнаци 21.5.-21.6. Љубов Денеска би можеле да се покажете како многу пријатен домаќин на своите драги гости , било да живеете во двојка или да сте сами. Кариера Ќе се ослободите од секоја мисла за работата , за која знаете дека добро ви оди. Денот е како создаден за уживање. Здравје и совет Нема грижи , ниту напори. Рак 22.6-22.7. Љубов Во својот стил за заведување ќе воведете повеќе фантазија и сензуалност. На многумина тоа ќе им се допадне. Кариера Оние кои денеска мора да одат на работа , ќе настојуваат на работното место да донесат свежина , уметност и убавина. Здравје и совет Имате добри идеи. Лав 23.7-22.8. Љубов Ако се обидувате да доминирате во врската , нема да успеете. рамноправна соработка и договарање се подобра опција. Кариера Вашите надредени и колегите ќе постигнат договор , но вие нема најдобро да го прифатите , зашто има детали кои не ви одат во прилог. Здравје и совет Ќе најдете компромис. Девица 23.8.-23.9. Љубов Можеби денеска ќе бидете поскромни во љубовните барања , а не треба. Имате право на љубов. Кариера Најдобро ќе се чувствуваат оние кои работат самостојно , зашто им пречи влијанието на надредени. Здравје и совет Денот е добар за опуштање. Вага 24.9.-23.10 Љубов Ќе дојде до преоден немир во вашите лични односи. Вие ќе бидете премногу револуционерни , а партнерот чувствителен. Кариера За да ги исполните своите нови идеи , прво ќе довршите една работа што сте го оставиле на страна. Здравје и совет Поминете некое време во тишина. Шкорпија 24.10-22.11. Љубов Уште малку ќе се натегате во личните односи , но не толкави за да ги загрозите. Кариера Денот е одличен за да се посветите на домот, семејството, својот семеен живот. Работата ќе ја извршувате автоматски. Здравје и совет Почнете со поправки по дома....

Освен убавите, Марко не се двоуми да ги сподели и помалку убавите моменти од својот живот за да докаже дека животот не е Инстаграм, и дека е далеку од совршен. Марко често ја истакнува важноста на неговото семејство, кое е негова најголема поддршка, а неодамна реши сите да ги запишат на хартија своите желби, за да им се исполнат. Но, во меѓувреме дознал дека татко му се бори со рак на белите дробови и покрај лошата здравствена состојба, Марко решил да му ја исполни најголемата желба и да го однесе во Катар на Светското првенство. View this post on Instagram A post shared by Marko Marijoković (@marko_marijokovic) -3 дена до натпреварот Србија - Бразил: Тато едвај стои на нозе. Пристигнуваме на консултации и не информираат дека тато ќе мора да оди во болница на зрачење. Во тој момент не го прифаќам фактот дека неговата желба нема да се оствари, а уште помалку дека ја губиме оваа војна. Се осмелувам да ги замолам лекарите да го однесат на Мундијалот, дури и на раце да го носам на стадион. Докторката се насмевна и му кажа на тато дека оди во Катар, а кога ќе се врати ќе им каже како е, стои дел од емотивната порака што Марко ја напиша под објавата на Инстаграм. View this post on Instagram A post shared by Marko Marijoković (@marko_marijokovic) -И еве сме. Успеавме. На татко ми му се исполни детската желба, но и желбата на сите нас. Не се откажувајте кога имате чувство во стомакот дека нешто навистина може да функционира. Понекогаш тоа нешто е и самиот живот, истакна тој....

Пејачката Рита Ора, која е родена во Приштина, стана дел од колекцијата поштенски марки на Поштата на Косово. Марка со нејзиниот лик беше пуштена во поштенски промет денеска, поточно на нејзиниот роденден. - Повеќе од десет години на врвот на меѓународната музичка и уметничка сцена, таа ја користеше секоја можност преку нејзината слава да ја промовира својата родна земја, Косово, како и целиот албански народ - се наведува во соопштението на косовската пошта....

Најмладата жртва на масовното пукање оваа недела во Волмарт во Чесапик, Вирџинија, беше 16-годишник кој штотуку почнал да заработува џепарлак таму и наводно ја искористил својата прва плата за да и купи подарок на мајка си два дена пред да почине. Фернандо Чавез-Барон, заедно со уште пет други соработници, беше убиен во вторникот вечерта кога 31-годишниот менаџер Андре Бинг отвори оган во просторијата за одмор на вработените за време на состанок. Откако ги убил вработените, се самоубил. Наводно, Бинг бил исмејуван од колегите за промена на работниот статус, се вели во полицискиот извештај кој беше објавен пред неколку дена. Кога полицијата пристигнала на местото на злосторството, Бинг веќе бил мртов. Полицијата верува дека тој се самоубил со истото оружје со кое пукал во своите колеги. Тој бил вработен како менаџер во ноќна смена, а работел во Волмарт од 2010 година. Following a vigil last night honoring the victims of the Walmart shooting, Chesapeake Police are releasing the name of the juvenile victim. It is with great sadness that we confirm 16-year-old Fernando Chavez-Barron of Chesapeake was the juvenile victim in this tragedy. pic.twitter.com/l90Y1GPPe7 — City of Chesapeake (@AboutChesapeake) November 25, 2022 Додека властите се обидуваат да дознаат повеќе за напаѓачот, пријателите на убиениот 16-годишник се во жалост. Оние кои го познаваа Фернандо изјавија за мрежата „WTKR“ дека тој штотуку почнал да работи во Волмарт и ја искористил својата прва плата за да купи подарок за неговата мајка. Пријателот на Фернандо, Џошуа Трехо-Алварадо, вели дека сè уште не може да верува дека го нема. „Останав без зборови кога слушнав дека е тој. Се надевав дека сето тоа е само сон. Посакувам уште да стоеше тука со мене“, изјави Трехо-Алварадо за „WTKR“, додавајќи дека кога слушнал што се случило, испратил порака и му се јави на Фернандо, но не доби одговор. Подоцна му се јавил на братот на својот пријател, кој му рекол дека Фернандо не преживеал....

Оваа социјална мрежа ќе користи различни бои за ознака на организации и поединци, рече Маск. „Златниот знак е за компаниите, сивиот за владите, а синиот за поединците, без разлика дали се познати или не. Болна мерка, но неопходна“, напиша најбогатиот човек на светот на Твитер. Сите проверени сметки ќе бидат рачно потврдени пред да се активира ознаката, додаде Маск. Компанијата ја суспендираше својата неодамна објавена услуга за претплата на сини ознаки од 8 долари, бидејќи лажните сметки се зголемија како печурки, и беше соопштено дека претплатата ќе биде повторно пуштена во употреба на 29 ноември. Сината ознака претходно беше резервирана за проверени сметки на политичари, познати поединци, новинари и други јавни личности....