Вицепремиерот задолжен за европски прашања Бојан Маричиќ денеска имаше работна средба со делегација на Стопанската комора на Македонија, предводена од нејзиниот претседател Бранко Азески, на која се разговараше за зајакнување на соработката на полето на евроинтеграциите и учеството на бизнис секторот во процесот на преговори.На средбата, како што информираат од Стопанската комора, Азески потенцира дека Комората во процесот на преговорите со ЕУ има клучна улога, имајки предвид дека транспонирањето на регулативата и обврските кои ќе се преземат треба да ги имлементираат самите компании.Тој истакна дека е потребна департизација на институциите, а како пример го наведе Државниот завод за статистика, кој, како што реќе, има клучна улога во оценката на реалните параметри на државата.Истовремено, на средбата Азески нагласи дека бизнис заедницата очекува земјата во преговарачкиот процес временски да го усогласи прилагодувањето со ЕУ регулативата и да не презема обврски кои имаат финансиски импликации за компаниите, ако тоа не е потребно, односно ако може да се одложи за одреден временски период.Според Комората, вицепремиерот Маричиќ, кој е и главен преговарач на земјава со ЕУ, информира дека во декември ќе биде организирана јавна расправа за економските поглавја и кластери, каде што анализите и инпутот од бизнис заедницата имаат огромно значење за државата.– Со цел што е можно подобро исполнување на обврските, во следниот период ќе се врши подготовка за вклучување на претставниците на бизнис заедницата во работните групи кои се однесуваат на поглавјата поврзани со слободното движење, трговските марки, индустријата, либерализација на пазари во одредени области (како железницата, поштата) и системот на државна помош. Комората ќе го поткрепува целиот процес на преговори со соодветни анализи и консултации со засегнатите компании како поддршка на нивните барања, се вели во соопштението од Комората.На состанокот е заклучено дека улогата на коморите, посебно на Стопанската комора на Македонија, како највлијателна бизнис заедница, во процесот на преговарање со ЕУ е од голема важност, бидејќи имаат клучна врска со компаниите и ќе обезбедат транспарентност на процесот.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

17-годишно девојче е повредено откако преживеало струен удар од каблите на пругата на железничката станица во Маџари. Повеќе медиуми известија дека инцидентот се случил кога тинејџерката на вагон снимала видео за социјалната мрежа ТикТок.Од полицијата го регистрирале настанот, а во првичните информации нема детали за повредите на тинејџерката ниту дали причината е снимање видео за социјални мрежи.-Во 13.41 часот во СВР Скопје било пријавено дека на Железничка Станица-Маџари, над еден од вагоните, дошло до струен удар, при што со повреди се здобила 17 годишна малолетничка. На лице место излегле полициски службеници, пожарникари и Итна помош. Малолетничката е пренесена во УЦ Скопје за укажување лекарска помош, одговорија од МВР.И порано имаше случаи кога малолетни ученици снимаа видеа на опасни места и во ризични ситуации (среде улица и булевар) како предизвик за мрежата ТикТок.Одговорноста се префрла меѓу полицијата, училиштата и родителите.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Репрезентацијата на Хрватска ја совлада Канада со 4:1 и со првата победа на шампионатот остана во трката за пласман во елиминациската рунда.Канаѓаните поведоа уште во 68. секунда откако Алфонсо Дејвис го совлада противничкиот голман.До крајот на првиот дел Хрватска преку Андреј Крамариќ и Марко Ливаја успеа да направи пресврт и да обезбеди водство од 2:1.Во продолжението Крамариќ повторно се запиша во листата на стрелците за 3:1, а конечните 4:1 ги постави Ловро Мајер.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Жив ама сепак мртов. Управата за водење матични книги направила техничка грешка па пензионерот Стево Матевски од службеникот во Управата за матични книги дознава дека нема ниту матичен број, ниту државјанство – што значи службено е покоен. КОД открива како од изводот исчезнале податоците кои претходно ги поседува.Масон од Хрватска, изборен измамник со македонски гласачи на австралиски избори, кошаркарска петорка, многу непознати инвеститори – сите се на листата македонски државјани поминати на владина седница. Како се делат македонските државјанства, и зошто Европската комисија бара информации за државјанствата доделени во државава?© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

И новата недела скопјани ќе ја почнат со нервози додека да стигнат до работното место. Приватните автобуси на Слобода превоз и Макеспрес од утре се радикализираат. Во 7 часот изутрина со 30 автобуси и 300 вработени ќе ја блокираат крстосницата кај „Мавровка“ односно булеварот „Гоце Делчев“ и булеварот „Крсте Петков Мисирков“. За решавање на проблемот утре треба да се сретнат и со Управниот одбор на ЈСП, и ако од таму не излезат со конкретно решение најавија дека во наредните денови протестот ќе се прошири и на други делови од сообраќајниците. Препукувањето со градоначалничката Арсовска, која тврди дека приватните превозници наплаќале билети и парите не ги пријавувале, преминуваат и во правна процедура. За овие клевети, ќе бараат Арсовска да им се извини, во спротивно ќе и поднесат тужба.Во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции.Директорот на приватниот превозник Слобода превоз Ленин Јовановски со лично видео прикажува дека автобусите на ЈСП кои се под капа на градот, се тие кои не издаваат фискални.И додека трае караницата на релација Арсовска – Приватни превозници, скопјани се приморани да ги користат само автобусите на ЈСП. Но, тие не се редовни во нивната траса, па сообраќајниот хаос е неизбежен, а според првиот човек на синдикатот не се доволни. Во меѓувреме, во јавноста излегоа и информации дека утре дел од автобусите на ЈСП нема да можат да возат затоа што немале нафта, но од претпријатието остро демнатира.Тамара Марковска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На денешниот Петти конгрес на Зелената партија ДОМ, за претседател на партијата повторно и едногласно е избрана досегашната лидерка, Маја Морачанин.Заблагодарувајќи се на довербата, Морачанин нагласила дека ДОМ и во иднина ќе биде активен и конструктивен фактор во политичкиот пристап за решавање на сите општествени проблеми и прашања.Политиката на Зелената партија ДОМ не треба да се врзува само со еколошките теми и климата, туку и со почитувањето на човековите права, социјалните права, недискриминацијата, како и со политиките за развој на зелената економија, истакнала Морачанин.Како што информираат од партијата, делегатите на конгресот (309), исто така, едногласно го избрале и новиот состав на Централниот и Надзорниот одбор на партијата, а биле усвоени и Извештајот за работата на ДОМ во периодот од 2018 до 2022 година, како и Предлог-програмата за работата на Зелената партија ДОМ во периодот до 2026 година.Пред делегатите и многубројните гости од другите партии, пратеници и претставници од Владата, на почетокот на Петтиот конгрес на ДОМ, се презентираа и поздравни говори на претставници на Европските зелени од повеќе земји-членки на ЕУ, како и на зелени партии од земјите во регионот. Тие јасно ја изразија поддршката за продолжување на Северна Македонија на патот кон Европската унија и поддршката на придонесот на Зелената партија ДОМ, што го дава во таа насока, информираат од ДОМ.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Поранешната мис на Хрватска, Ивана Кнол повторно е најпосакуваниот лик со кој навивачите сакаат да се фотографираат.Така е и на вечерашниот натпревар против Канада што се игра на Калифа стадионот во Доха.Ивана сега работи како манекенка, а е една и од најпознатите инфлуенсерки во Хрватска.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Незадоволството во Кина против драконската политика „нулта ковид“ што владата ја спроведува речиси три години продолжува да расте. Нов протест избувна денеска во Шангај каде илајдници демонстранти побараа од претседателот Си Џинпинг да си поднесе оставка искажувајќи го своето незадоволство и од него, и од владејачката Комунистичка партија. Протестите во Шангај започнаа откако прво се собраа неколку стотици граѓани за да оддадат почит на 10-те жртви во пожарот кој вчера избувна во станбена зграда во градот Урумчи. Локалните жители, кои ѝ припаѓаат на Ујгурската заедница во западна Кина, обвинија дека станарите не можеле да излезат од зградата поради ковид рестрикциите кои се во сила во градот уште од почетокот на август.Зградата е во близина на противпожарни станици, болници, има училишта и касарни околу зградата. Зошто пристигнаа толку доцна, после неколку часови? Кога спасувачите доаѓале, се соочиле со многу пречки, многу пречки на пат кон зградата, заклучени порти. Соседството било блокирано, и кога спасувачите пристигнале, кога пристигнала и полицијата, не можеле веднаш да влезат во зградата. Требало да поминат низ многу препреки и бариери на пат кон пожарот. Додека пристигнаа, луѓето веќе беа загинати, секако дека луѓето ќе бидат гневни поради тоа, вели Абдулхафиз Мухамед Емин, роднина на една од жртвите.И покрај големата контрола која Комунистичката партија ја има врз општествениот живот, Кинезите и претходно не се двоумеле да го искажат своето незадоволство, но досега тоа беше ограничено на локално ниво, и за локални прашања. Се протестирало против загадувањето на воздухот, злоупотреби на локалните власти, па дури и против полициска бруталност, но овој пат незадоволството брзо се шири, и засега властите не успеваат да го стават под контрола. Протести и насилни судири со полицијата имаше во фабриката Фокскон, позната по тоа што таму се произведуваат смартфоните на Епл, но демонстрации деновиве се одржаа и на универзитетите во Пекинг и Нанџинг. Кинеската влада, се чини дека драматично го потцени растечкото незадоволство од „нула ковид“, политика која е необјасниво врзана со претседателот Џинпинг, кој неодамна пак вети дека владата нема да отстапи од неа.Во отсуство на други конкретни мерки, како зајакнување на здравствениот систем, точни податоци дали луѓето се вакцинирани или не, тие всушност само одложуваат, вели професорот на лондонскиот колеџ, Франсоа Балу.Уште посериозно, од перспектива на владата, е што изјавите на Џинпинг ја ставаат во ситуација од која нема јасен излез. Тие имаа три години да се подготват за евентуалното отварање, како што веќе направија сите останати земји, но наместо да градат нови болници, повеќе капацитети за интензивна нега и да работат на зголемување на стапката на вакцинација, кинеските власти вложија огромни ресурси во масовно тестирање, карантини и изолации, обидувајќи се да ја добијат војната против вирусот кој никако не исчезнува.Игор Трајков © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пречистителната станица е клучна за Дојранското Езеро да може да се смета заштитено од загадување. Ова е ставот на Центарот за јавно здравје Велес кој го мониторира квалитетот на водата во езерото. Специјалистот по здравствена екологија Снежана Петрова вели дека езерото се проверувасо земање примероци од три локации кои годинава покажале дека водата е безбедна за капење, но, треба да се исполнат и други параметри заради долготрајна заштита на езерото.Градоначалникот Ангов вели дека проблемот со колекторот и пречистителната станица ќе ги надминат во следниот период затоа што имаат пари за обнова на системот и почеток со градење на нова станица. Вели дека се свесни за предизивиците на Дојран кој преку лето има многукратно повеќе туристи отколку жтели во текот на цела година, со што градот е на работ со капацитетите.Дојран добива и поддршка од Република Словенија за изработка на проекти и програми кои ќе помогнат за заштита и зачувување на езерото.Сузана Мицева© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

12 годишната Брабара Василевска од Битола, која има оштетен вид, е среќна што преку тактилни слики може да добие многу информации за артефактите во битолскиот Завод и Музеј. На мултисензорната изложба „Музеј за сите – сликите можат да се допрат, сликите зборуваат“ во битолскиот Завод и музеј беа презентирани 16 нови предмети од постојаната музејска поставка наменети за лицата со попреченост.Во Музејот се чувствувам како дома, редовен сум посетител на оваа институција и сум учествувала во многу работилници. Истовремено сум благодарна на оваа институција бидејќи ова е Музеј за сите, рече барбара.И Филип Наумовски, од Центарот за деца со оштетен слух и говор „Кочо Рацин“ од Битола, во негово и во име на неговите соученици на знаковен јазик се заблагодари на музејот.од името на сите ученици сакам да се заблагодарам за пристапноста што ни ја овозможивте, ова културно наследство да стигне до нас, рече Наумоски.Слепите лица сега можат со допир на макетата од Хераклеја, да направат прошетка низ античкиот локалитет, но и да добијат повеќе информации за артефактите во музејот.Овие тактилни слики покрај Брајовото писмо, содржат и НФЦ тагови кои кога ќе се скенираат со мобилен телефон се добива аудиоматеријал за делото, а се прикажува и видео на знаковен јазик.Овие тагови ги детектира телефонот и го активираат аудио записот за предметот, и видеото на знаковен јазик. Всушност тоа е врска до информацијата на Јутјуб, местото каде се поставени аудио приказните и видеата на знаковен јазик, вели Ирена Ружин од Завод и Мзуеј Битола. Со најновите тактилни слики, речиси стотина предмети од постојаната поставка на битолскиот Завод и Музеј стануваат достапни за лицата со попреченост.Емилија Мисирлиевски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Вил Фирт кој живее и твори во Берлин, во моментов е посветен на англискиот превод на романот „Небеска Тимјановна“ на истакнатиот македонски писател Петре М. Андреевски. Самиот процес на превод е исклучително важна и одговорна дејност, воспоставување мост меѓу две различни култури. За жал, вели Фирт, во Македонија не постои стратегија на институционално ниво која би го реализирала тој процес за да се зголеми присуството на македонската литература во странство, доколку се има предвид дека тоа е значајна културна област за високите уметнички вредности на една држава и соработката со европските земји.Најчесто нема агент за преводи од македонски јазик, многу е тешко да се најде издавач, а тогаш ги имаме и тие познати проблеми со пари, дека хонорарите не се доволни итн. Има цел сплет на проблеми. Мислам дека создавање на Агенција за книга по урнек на словенечката Агенција за книга би било навистина важен чекор, вели преведувачот Вил Фирт.Моделот и начинот на кој функционира самата Агенција за книга во Словенија е успешен модел во регионот, кој би требало да биде применет и кај нас, смета Трајковски.Кога некој издавач од странство би се заинтересирал за превод на наше дело, тука има премногу фактори кои што влијаат на тоа тој да се одлучи дали да се впушти во една таква авантура или не. И тие фактори се навистина многубројни, вели Трајковски.Според истражувањата во студијата за македонската литература во превод во периодот меѓу 2015 и 2020- та година, чиј автор е Роберт Алаѓозовски, во земјава нема ниту еден професионален книжевен агент. Не постои ниту едно вработување со тој профил и она што би требало да биде агенциска работа ја вршат сите учесници во преводниот систем.Агенцијата би требало да биде една платформа за многу сложени активности и во таа смисла агенцијата би требало да биде она што е Нетфликс за современата медиумска култура. Од една страна треба да се фокусира на добри преведувачи, меѓутоа да внимава на авторите и на нивниот авторски труд, добро познавање на меѓународната сцена, да изгради профил на книжевни агенти, вели Алаѓозовски.Во меѓувреме како што спомена и Фросина Пармаковска, добитничка на наградата „Роман на годината“, современите македонски писатели најчесто требa да добијат книжевна награда и меѓународно признание за да го разбудат интересот на странските преведувачи за нивното творештво.Нина Стефанова© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Паушални оценки, без аргументи и надвор од вистината“, вака од ЕСМ во своето кусо соопштение ги опишаа критиките и поплаките од фирмите кои чекаат да добијат поевтина струја, од 80 евра за мегават час, за да можат да работат порентабилно. Од државните електрани сметаат дека обвинувањата на дел од бизинисот дека процесот на аплицирање се одвива бавно, се неосновани.Ваквата реакција од ЕСМ доаѓа откако дел од компаниите се пожалија дека, иако уредно ја доставиле документацијата која е потребна за да добијат поевтина струја, од ЕСМ не добиле повратен одговор за да може да потпишат договор. Побараа од службите во компанијата да бидат побрзи. Од електрани, сепак признаваат дека при секое ново задолжение кое ќе го добијат им е потребно време за да се прилагодат системски.При секое ново задолжение кое не било дел од тековното работење на Друштвото, потребно е време за воспоставување на системот и процедурите за негово спроведување, набавка и инсталирање на софтвер, обезбедување соодветни ресурси за физичко и правно процесирање на договорите и комуникација со субјектите кои се од цела држава и од различни категории на дејност, се вели во дописот од компанијата.Од компанијата излегоа и со податоци колку е сработено за бизнсиот да дојде до поевтина струја. Тврдат дека од 1.820 броила за сите правни субјекти Дистрибуција во рок од три дена до овој момент верификува снабдување за повеќе од 1.000 броила, а процесот на проверка на останатите продолжува. Кај 20-на субјекти пак е утврдено дека имаат доставено некомплетна документација. Тие пониски трошоци за струја ќе имаат од први јанаури догодина.Откако компаниите се пожалија, а медиумите тоа го пренесоа, вчера на јавно појавуавње на премиерот Ковачевски му беше поставено прашање за процесот на аплицирање. Во неговиот одговор јасно беше потенцирано дека застој во постапката нема. Пред три дена пак, на прес, од владата не посочија проблеми околу пријавувањето на фирмите, туку само ги искритикуваа општините. Ваквите ставови медиумите уредно ги пренесоа во јавноста, но ЕСМ во денешното соопштени, излезе со лекција по новинарство.Исто така, апелираме на одговорност кај медиумите, односно согласно правилата за известување, да побараат податок и од ЕСМ Продажба, пред да пренесуваат во јавноста критички ставови на лица кои не поседуваат податоци за вистинската состојба, пишува во дописот од ЕСМ.Околу 230 фирми од први декември треба да добијат поевтина струја. Властите очекуваат по овој потег да ги намалат и цените на производите, а ако тоа не се случи ќе интервенираат со мерка замрзнување на цени.Алиса Шутиноска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Кој му дал на синот на Талат Џафери нотарски заверени копии од непостоечка диплома и изјава за стаж од најмалку една година за да полага правосуден испит? Ако ги немал овие документи, што се бараат со закон, а му било дозволено да полага, тогаш е направено кривично дело. Ова се дилемите кои денеска ги отвори правната фела откако од Антикорупциската комисија изразија сомнеж дека Барлет Џафери полагал правосуден испит додека уште не бил дипломиран, но тврдат не можат тоа да го потврдат затоа што во Министерството за правда не се чуваат документи постари од една година.Професори, адвокати, но и граѓани што немаат никаква врска со правото, се зачудени од ова оправдување на антикорупционерите.Зарем доказите нема да ги најдете:На соодветниот фалултет/универзитет во книгата на дипломирани.Во Академијата во евиденцијата за пријавени на Конкурсот за пријавување, потоа запишани. За ова треба да постојат десетина релевантни пишани траги.И доста ви е ова за да се докаже евентуалниот криминал, и да се побара одговорност за СЕРИОЗНИ ЗЛОУПОТРЕБИ, напиша професорката Мимоза Ристова. Дечки!Не учете и не полагајте правосуден испит. Сами испечатете си уверение! Само водете сметка да ставите датум постар од една година! напиша адвокатот Александар Тортевски.Правниците се сомневаат дека поранешниот министер му одобрил предвремено полагање на Џафери, затоа што тогаш министрите имале дискрециони овластувања, а токму министерскиот потпис стои на уверението за положен правосуден испит. Но, тогашниот министер Аднан Јашари, во телефонски разговор ни рече дека, не знае ништо за случајот. Иако неговиот потпис стои на тие уверенија, ниту еден министер не е должен да ги проверува документите на кандидатите, а тоа не е работа ниту на комисијата пред која тие полагаат. Не се сеќава кој бил тогаш претседател на комисијата, ниту, пак, кои биле членови. Дел од тие лица повеќе ниту не работат во Правда, а сегашната комисија е составена од нови членови.Антикорупционерите тврдат дека не можат да утврдат како синот на Џафери се стекнал со право за правосуден испит иако заклучиле дека, студиите со кои се стекнал со триста кредити ги завршил по положувањето на овој испит. Но, се изземаа од понатамошно постапување, затоа што се работи за предмет со постар датум, што не е зачуван во Министерството.Од Правда, пак, тврдат дека документите на кандидатите односно барањата и другата придружна документација не се чуваат, но согласно евиденционата тетратка за положени кандидати што се води и е од трајна вредност, лицето Барлет Џафери има положено правосуден испит на 05.02.2015 година.Во меѓувреме, Џафери е веќе на Академијата за судии и јавни обвинители. Пред две години беше избран меѓу новите кандидати како 14-ти на генералната кандидатска листа, а прв на листата на нови слушатели од албанска националност. Веќе има запишано и докторат по право.Далиборка Демјанска Цветановска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Фудбалската репрезентација на Јапонија пропушти шанса да направи крупен чекор кон пласман во осминафиналето на Светското првенство во Катар.По стартниот триумф над Германија, Јапонија денеска е поразена од Костарика која стигна до победа со погодокот на Кејшер Фулер во 81-та минута.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Приватните превозници утре со 30 автобуси и 300 лица ќе ја блокираат крстосницата кај „Мавровка“ односно булеварот „Гоце Делчев“ и булеварот „Крсте Петков Мисирков“.Од „Слобода Превоз“ велат дека не се знае времето на протестот и се планира истиот да трае до исполнување на барањата кои ако брзо не се решат во наредните денови протестот ќе се прошири и на други делови од сообраќајниците во Скопје. Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така претставници на „Слобода Превоз“ ќе присуствуваат на седницата на Советот на Град Скопје.И утре ќе продолжи хаосот со автобускиот превоз за Скопјани. Цела недела приватните автобуси не возат, а се уште не склучија договор со ЈСП за исплата на долг од над милион ипол евра кој што ги спречува превозниците да ги пуштат автобусите да возат. Граѓаните се приморани да ги користат само автобусите на ЈСП кои ги заменуваат приватните, но не се редовни во нивната траса па создаваат гужви во сообраќајот, а според првиот човек на синдикатот не се доволни.Приватните автобуси за утре најавија нов протест. Овојпат велат дека автобусите ќе ги паркираат пред трговскиот центар Мавровка како една од најфрекфентните улици во главниот град. Изминатава недела помина и во препукувања со градоначалничката Арсовска, која пак тврдеше дека приватните автобуси издавале билети без фискални сметки. Но, директорот на приватниот превозник Слобода превоз Ленин Јовановски контра Арсовска. Со лично видео прикажува дека автобусите на ЈСП кои се под капа на градот, се тие кои не издаваат фискални.Телма уште вчера побара одговор и од ЈСП за овој потег на Јовановски и дали ова претпријатие издава билети без фискални сметки, но до објавување на овој прилог не добивме одговор.Во меѓувреме, јавноста излегоа и информации дека утре дел од автобусите на ЈСП нема да можат да возат затоа што немале нафта, но од претпријатието остро демнатира.Тамара Марковска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Охридската архиепископија стана нов „камен на сопнување“ за историчарите. Експертите од бугарската страна во мешовитата историска комисија, имале забелешки како истата е претставена во нашите учебници. Резултати и компромис од состаноците нема, но сега гласни се реакциите од црковните кругови. Претставници на МПЦ-ОА и на комисијата за односи меѓу верските заедници, оценија дека историската комисија не може и не смее да се меша во црковни прашања. И владици порачаа дека оваа комисија нема што да бара на нивен терен, затоа што црквата е одделена од државата. Верскиот аналитичар Бранко Ѓорѓевски, пак, смета дека очекувано било и темата за Охридската архиепископија да се отвори на состаноците на историчарите.Мешање би било ако комисијата се меша во црковни догми и црковни канони. Друго е кога таа ги утврдува историските факти врзани за постоењето на нашата црква низ вековите. Децата треба да учат и тие и сега учат работи врзани со историјатот на македонската црква на овие простори. Од тоа не треба да се бега и тоа е потребно. Тоа не е мешање во црковните работи, смета верскиот аналитичар Бранко ѓорѓевски.Ѓорѓевски смета дека нема подобар доказ за континуитетот на Охридската архиепископија, од признавањето од страна на Вселенската патријаршија. А, овие разговори кои ги водат историчарите и во кои како тема се најде и Охридската архиепископија, се обврска од Договорот за добрососедство со нашиот источен сосед.Да ве потсетам дека самиот Синод на Македонската православна црква едногласно го поддржа Договорот со Бугарија. И тие не беа против тоа, врз основа на што сега се разговара во историската комисија. Легитимно е правото на црковните достоинственици да ги кажуваат своите ставови за важни државни прашања, но не за сѐ. Меѓутоа, за некои работи може и треба да го кажат своето мислење бидејќи тие се важен сегмент во општеството. Од друга страна и државата има право да ги учи своите деца на црковната историја на овие простори, вели ѓорѓевски.Ѓорѓевски оценува дека во овој случај, бугарската страна се соочува со повеќе проблеми зошто ја отвора таа тема, бидејќи во нивните учебници отворено се кажува дека БПЦ е наследничка и на ОА. Ако се случи некаков компромис, тоа значи дека може да има некакви корекции таму, во нивните учебници. Изрази надеж дека македонската страна нема да отстапи од фактите кои сведочат за историскиот карактер на Охридската архиепископија.Петар Догов© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Популарната WhatsApp апликација на Мета (фирма истотака сопственик на Фејсбук и на Инстаграм) е една од најпопуларните современи конуникациски алатки која се фали и со соспстен систем за крипто-заштита.Но на познат хакерски форум на 16-ти ноември се појави оглас со кој на продажба се нудат податоци за околу 533 милиони профили на WhatsApp кои се поврзани со телефонските броеви на сопствениците.Специјализираниот веб медиум cybernews.com ги проверил информациите и тврди дека понудата на хакерот е точна и дека апликацијата и корисниците биле жртва на успешен сајбер напад. Компанијата Мета не дала коментар на нивните откритија.Cybernews го објави и “распоредот” на државите каде има најмногу украдени податоци. Најмбогу украдени податоци има од Египет (45 милиони), Италија (35 милиони), САД (32 милиони), Саудиска Арабија (29 милиони). Голем број на украдени податоци има и од Велика Британија, Турција, Русија, Франција и Германија.Имало и разлика во цената, податоци за американски сет на WhatsApp податоци се продавале за 7 илјади долари, британски податоци за 2.500 долари, а германските биле 2 илјади американски долари.На листата која ја објави Cybernews ги има наведено сите 84 држави од кои се украдени податоци на WhatsApp, но иако ги има сите балкански држави на списокот, Македонија ја нема.И во другите истражувања на Cybernews за протекувања на податоци од социјални мрежи и комуникациски апликации, меѓу кои и хакерски напади, како например за ланските хакерски кражби на податоци од фејсбук корисници ја нема Макесонија како држава од каде се крадени податоци.Украдените информации најчесто може да се користат за smishing (испраќање смс и пораки од познати фирми за услуги и попусти) и vishing (телефонски повици или говорни пораки кои се испраќаат при што се бараат лични и банкарски податоци) напади.Препораката е сите оние кои на WhatsApp или телефон добиваат пораки или повици од непознати броеви, да внимаваат при комуникацијата и воопшто да не ги отвараат таквите пораки. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Незадоволството во Кина против драконската политика „нулта ковид“ што владата ја спроведува речиси три години продолжува да расте. Нов протест избувна денеска во Шангај откако беше објавена одлука за карантин како мерка за спречување на ширењето на коронавирусот. Стотици демонстранти во Шангај побараа од претседателот Си Џинпинг да си поднесе оставка и ја осудија Комунистичка партија.На повеќе видеа на објавени на социјалнтие мрежи се гледаат луѓе кои се собираат во центарот на Шангај за да им оддадат почит на десет лица загинати во вчерашниот пожар во Урумчи во западниот регион Синџијанг. Во бројни извештаи на социјалните мрежи во Кина, се укажува дека настаните биле влошени од мерките против Ковид бидејќи тие го забавиле пристигнувањето на помошта.Според други објави на социјалните мрежи, бдеење во спомен на загинатите во Урумчи биле организирани на неколку универзитети во државата. Полицијата привела од непознати причини најмалку две лица, додаде сведокот за Франс прес, пренесе Бета.Властите ја ограничија онлајн дискусијата за демонстрациите.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерот за надворешни работи на Србија Ивица Дачиќ денеска го оцени како лицемерен потегот со кој Светската фудбалска организација (ФИФА) покрена дисциплинска постапка против репрезентацијата на Србија, откако во нејзината соблекувална на натпреварот со Бразил на Светското првенство во Катар, наводно било закачено знамето на која е прикажана територијата на Косово, со порака „Нема предавање“.Замислете ако Украина каже „Крим е Украина, нема предавање.“ Дали некој би ја казнил и би ја избркал Украина? праша Дачиќ во гостувањето на телевизијата Прва и додаде дека како држава Србија не можеме да реагира, бидејќи е спортска организација.Тој изјави дека ова само зборува за лицемерието, и праша што е навредливо во пораката „Нема предавање“?Што е навредливо кога некој вели дека нема предавање? Па што да кажат, дека ќе се предадат? Второ, тие зборуваат за фудбал и „не се предаваат“ се однесува на фудбалските натпревари. Загубивме од Бразил и се очекуваше да загубиме, но сега имаме решавачки натпревари со Камерун и Швајцарија, изјави Дачиќ.Тој потсети дека „ОН не го признале Косово, и да Србија е меѓународно призната земја и членка на ОН, со Косово и Метохија како нејзин дел“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Британските медиуми пренесуваат дека секој трет имигрант кој илегално го минува Ла Манш и стигнува на британска територија е Албанец, јави Топ чанел.Бројот на баратели на азил кои добиваат поддршка финансирана од парите на британските даночни обврзници за првпат достигна 100.000. Тоа го покажуваат податоците на „ Home Office”, според кои ова е бројот на имигранти кои на крајот на септември добивале помош од владата, наспроти помалку од 69.000, колку што бил нивниот број минатата година, наведуваат медиумите.Додаваат дека повеќето добиваат бесплатно сместување и животен додаток од 40,85 фунти неделно за секое лице во нивното семејство.Албанците сочинуваат 35 отсто или нешто повеќе од една третина, од луѓето кои го преминале Ла Манш со мали бротчиња и гумени чамци во првите девет месеци од годинава, покажуваат новите податоци на британските власти.Тие, исто така, сочинуваат половина од луѓето забележани на оваа рута во периодот јули-септември, што е нагло зголемување во споредба со претходните години, кога 3 отсто од пристигнатите на британска територија во 2021 година биле од албанска националност а само 1 отсто во 2020 година.Информациите од Министерството за внатрешни работи покажуваат дека имало над 33.000 пристигнувања на мали бродови и чамци во Обединетото кралство од јануари до септември оваа година.Во овој период се проценува дека во оваа земја влегле повеќе од 11.200 Албанци. Авганистанците се втори на листата со 15 отсто од пристигнатите.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

По донесување на мерките и препораките за рационално користење на електричната енергија од Економско-енергетскиот совет на Владата во пресрет на грејната сезона, донесена е одлука јавните здравствени установи да склучат договори за електрична енергија преку ЕСМ продажба по поповолна цена од берзанската, соопшти Министерството за здравство.Оттаму посочуваат дека во координација со здравствените установи изготвен е план и дадени се насоки до сите јавни здравствени установи, со цел рационализирање на сметките и трошоците за оваа намена, но истовремено, како што велат, грижата за пациентите и обезбедувањето здравствена заштита останува врвен приоритет на Министерството за здравство и јавните здравствени установи.Досега, како што наведуваат, 24 здравствени установи имаат потпишано договор со ЕСМ продажба, од кои три се во фаза на потпишување и тие веќе добиваат електрична енергија по многу поповолна цена.Во рамки на административната зграда на Министерството за здравство не се користат дополнителни грејни тела и се користи централно греење од клиничкиот комплекс. Во Министерството е назначено и посебно административно лице за проверка на рационалното користење на електричната енергија. Почитувајќи ја сензитивноста на здравствениот сектор, дел од мерките се однесуваат на рационално користење на осветлувањето, редовно менување на филтрите на клима уредите, замена на стари прозорци со енергетско ефикасни, поставување штедливи сијалици и слично, стои во соопштението.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Естонскиот министер за одбрана Хано Певкур изјави дека не мисли оти Русија е сериозно ослабена од војната во Украина, јави ДПА.Мораме да бидеме искрени и јасно да кажеме дека руската морнарица и руските воздухопловни сили се приближно големи колку што беа пред војната, изјави Певкур за ДПА за време на неговата посета на Берлин.Иако руските копнени сили изгубија многу луѓе, тие порано или подоцна ќе го вратат својот број од пред 24 февруари, истакна естонскиот министер.Покрај тоа, Русија ќе учи од своето искуство во Украина.Нема причина да се мисли дека заканата од Русија е намалена, нагласи Певкур.Естонија планира да потроши 2,84 отсто од својот бруто домашен производ за одбрана следната година и 3,2 отсто од својот БДП во 2024 година, рече министерот.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Севернокорејскиот лидер Ким Џонг Ун изјави дека крајната цел на неговата земја е да ја поседува најмоќната нуклеарна сила во светот.Ким го објави ова синоќа додека промовираше десетици официјални лица и научници вклучени во неодамнешното лансирање на најголемата севернокорејска балистичка ракета, објавија севернокорејските државни медиуми.Градењето нуклеарна сила служи за сигурна заштита на достоинството и суверенитетот на државата и народот, а нејзината крајна цел е да ја поседува најмоќната стратешка сила во светот, апсолутна моќ без преседан во овој век, нагласи Ким.Северна Кореја минатиот петок тестираше интерконтинентална балистичка ракета Хвасонг-17, објави државната новинска агенција КЦНА. Ракетата достигна височина од 6.000 километри, покривајќи дострел од 1.000 километри и падна на околу 200 километри западно од островот Ошима во северната префектура Хокаидо, соопштија јапонските власти.Ким го нарече Хвасонг-17 најмоќното стратешко оружје во светот и рече дека тоа ја покажува одлучноста и способноста на Северна Кореја на крајот да ја изгради најсилната војска во светот.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во утринските часови на места ќе провејува снег. Во текот на денот променливо облачно со сончеви периоди. Ќе дува слаб до умерен ветер од северен правец.Во Скопје променливо облачно со слаб до умерен ветер од северен правец.Температурата преку ден ќе се движи во интервал од 3 до 10°C.Информација од утрово:Минимална температура (во °C)-6 Берово, -5 Попова Шапка, -3 Струмица, Лазарополе, -2 Маврови Анови, -1 Крива Паланка, Штип, Демир Капија, Крушево, 0 Битола, Виница, 1 Скопје-Петровец, Прилеп, Претор, 3 Скопје-Зајчев Рид, Тетово,Охрид, 4 Гевгелија, 5 Дојран.Деталите во Телма МЕТЕО со Ирена Лазарова – Димитровска, во соработка со УХМР!e-mail: [email protected]https://www.instagram.com/telmameteo/© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Кокаин од јужно-американско производство бил транспортиран со бродови преку холандското пристаниште во Ротердам. Српскта нарко банда која го организирала шверцот денеска е уапсена во повеќе држави во Европа, а беше откриен и начинот како се криел кокаинот и развезувал низ големите европски градови.Запленети се 115 килограми кокаин, од кои нахголем дел во складиште на фирма во белгискиот град Арлон. Фирмата бил во сопственост на српските криминалвци и била користена како параван за шверцот на кокаинот низ цела Европа.Кокаинот кој стигал во Ротердам бил префрлуван во магацинот во Арлон. Таму кокаинот бил лиен во бетонски блокови. Групата претходно купувала бетонски блокови од Луксембург, но дел од нив ги менувала со блоковите „збогатени“ со кокаинот.Потоа биле префрлани во магацин на истата компанија во германскиот град Трир, за на крај со камион, бетонските блокови да бидат префрлени во Лонодн каде бил пазарот на нарко групата.Уапсени се двајца во Холандија, 5-мина во Белгија и Луксембург (тројца српски, еден босански државјанин и едно засега непознато лице). 8-миот член на групата е уапсен во Белград, а српската полиција ја покажа снимката на апсењето.При акцијата, во Арлон (Белгија) се откриени 22 бетонски блока во кои биле излеани по три кокаински пакети. Секој пакет тежел по 1,120 килограми. Кај уапсените се најдени пари и оружје.Според српската полиција, уличната вредност на запленетиот кокаин е околу 10 милиони евра. Во акцијата учествувале српската, белгиската, холандската полиција, како и ЕУРОПОЛ и ЕУРОЏАСТ.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Здружението на новинарите на Македонија (ЗНМ) и Самостојниот синдикат на новинарите (ССНМ) ги осудија навредите и недоличниот речник на директорот на Топланата „Скопје Север“, Куштрим Рамадани упатени кон новинарката Катерина Додевска од МКД.мк.Во телефонски разговор помеѓу Додевска и Рамадани, поврзан со тема околу дозволите на оваа Топлана, директорот неколку пати ја пцуел новинарката.„ЗНМ алармира дека ваков однос кон новинарите и медиумските работници од страна на одговорни лица е недозволив и непримерен. Лична пресметка со новинарите или медиумските работници во ниту еден случај не може да биде оправдана и затоа овој однос може да води кон самоцензура. Ваквиот однос претставува и притисок на слободата на информирањето на јавноста и загрозување на јавниот интерес. Директорот Рамадани исто така, според разговорот објавен на МКД.мк, се заканува со тужба на новинарката Додевска без никаква основана причина што дополнително говори за нискиот капацитет за професионална комуникација“, велат од ЗНМ.„Згрозени сме од вокабуларот и односот на директорот на топлана Скопје Север, Куштрим Рамадани, кој непримерно се однесуваше кон новинарката на МКД.мк, Катерина Додевска, додека таа професионално ја вршеше новинарската професија. Го потсетуваме Рамадани дека е јавен функционер и неговиот однос е недозволив“, соопштија од ССНМ.Од ЗНМ побараа директорот Рамадани веднаш да поднесе оставка, а посочија и дека стојат на располагање за правна помош на новинарката во случај на судски спор.Инаку темата која ја обработувала Додевска се однесува на користење на енергенс во топланата којшто повеќе ја загадува животната средина и го загрозува здравјето на граѓаните.Недостојното и навредливо однесување на директорот го осудија и Советот за етика и Агенцијата за медиуми.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

И претставници на МПЦ-ОА и Даријан Сотировски, претседател на комисијата за односи меѓу верските заедници оценија дека од две држави формираната мешовита историска комисија не може и не смее да се меша во црковни прашања откако вчера бугарскиот историчар Димитров рече дека бугарската страна иницирала да се разговара и за промена на училишните лекции кои се однесуваат на Охридската Архиепископија.Според Сотировски, црковните прашања не смеат да бидат тема на дискусија на мешовитата историска комисија, а Охридската Архиепископија има јасна и потврдена историја за нејзиното создавање.Македонските историчари треба да бидат внимателни и одговорни доколку се бара дискусија од нив за заокружената македонска црковна реалност.И владици од МПЦ-ОА наведуваат дека историската комисија нема што да бара на нивен терен затоа што црквата е одделена од државата, а Охридската Архиепископија никогаш не била бугарска, како што стои и во дела тамошни реномирани унивезритетски професори.Владиката Петар е незадоволен и што комисијата воопшто разговарала и утврдувала историски карактер на светците од средниот век кои твореле во рамки на Охридската Архиепископија.Бугарските историчари имале забелешки како е претставена Охридската Архиепископија во нашите учебници© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

По победата од 2:1 во дуелот против Данска, актуелниот светски првак Франција успеа да го обезбеди пласманот во следната фаза од Мундијалот во Катар.Двоен стрелец за Триколорите беше Килијан Мбапе додека единствениот погодок за Данска беше дело на Андреас Кристенсен.Данска за место во следниот круг ќе се соочи со Австралија.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Копретседателот на мешовитата историска комисија, Драги Ѓоргиев потврди дека освен за учебниците, во изминатите два дена, со бугарските колеги разговарале и за тоа како да биде претставена Охридската Архиепископија во нашите учебници. Бугарските колеги, вели Ѓоргиев, имале забелешки.Претседавачот на бугарскиот дел од комисијата Ангел Димитров, потврди дека главна тема на средбата во изминатите два дена била како да биде претставена Охридската Архиепископија во учебниците и оти и покрај првичните очекувања, конкретни резултати не се постигнати.– Јас разбирам дека тоа е многу важна тема, и се надевавме и бевме многу блиску до резултатот. Што се случи не знаеме, но ќе продолжиме на следната средба која ќе биде прва за наредната година во Софија. Ветувам дека ние ќе направиме се што е можно да има позитивни сигнали и добри резултати. Така што, завршивме за оваа година, а посакувам поуспешна да биде следната година за граѓаните на двете држави, кажа Димитров.Дали историчарите од мешовитата комисија ја вмешаа црквата во државни работи?Прашан што конкретно барала бугарската страна, Димитров одговори дека инсистирале да се запазат научните принципи и мултиперспективноста.– Мултиперспективност во образованието значи во еден рок да бидат претставени гледните точки на сите учесници. Станува збор за историските случувања, а не современите држави да имаат право на своја различна гледна точка. Во историјата не може да има две коренити основоположни гледни точки кои се валидни. Едната е валидна, другата не е. Која е вистинската? Таа се определува од два научни принципа. Едниот е и тој е основата во историската наука – е почитувањето на фактите и историските извори, а другиот е со усогласување со доминантната позиција во светската наука. Од таа страна ние сме спокојни запазувајќи ги научите принципи, рече Димитров.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во тек се разговори и преговори за формирање ново парламентарно мнозинство. Премиерот, Ковачевски имал средба со лидерот на Алтернатива, Гаши, кои се изјаснија дека се против влез на Алијанса за Албанците во Владата и немаат намера да отстапат министерско место.Засега од СДСМ не даваат конкретен одговор дали и тие би отстапиле министерско место за влез на Алијанса на Албанците.Премерот Ковачевски не открива детали од средбата со Гаши, но висок функционер од Алтернатива за Слободен печат вели дека за да влезат во Владата се пред сѐ барањата за меѓународна ревизија на судските случаи, меѓу кои „Монструм“, „Диво Насеље“, „Алфа“ и „Малиот Амир“.Што се однесува за предвремени парламентарни избори во 2023 година на пролет, Ковачевски е дециден дека избори ќе има, и тоа редовни, и ќе се одржат во 2024 година.Викторија Димитрова Јованова© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Смртта на 10 лица, кои ги загубија животите во пожар во градот Урумчи, во северозападниот автономен Ујгурски регион во Кина, предизвика нов изблик на незадоволство од омразената „нула ковид“ политика на кинеските власти. Локалните жители обвинуваат дека на луѓето кои живееле во зградата не им било дозволено да излезат од неа, додека пламенот ги голтал горните спратови, но кинеските власти негираат. Во градот се во сила ковид рестрикции уште од почетокот на август, а гневните жители по пожарот се судрија со службениците за спречување на епидемијата, облечени во бели заштитни комбинезони, кои станаа симбол на ковид угнетувањето.„Мислам дека се преамбициозни обидувајќи се да го држат бројот на случаи низок, и затоа тие повторно прибегнаа кон карантините. Имаа многу низок број на смртни случаи, и според мене, од бројот на смртни случаи треба да зависи одлуката дали ќе се воведе карантин, кој предизвикува голема колатерална штета, оценува професорката на лондонската школа за хигиена и тропска медицина, Анализ вајлдер смит.Ширум земјата Кинезите се почесто се осмелуваат да го искажат своето незадоволство против строгите анти ковид рестриктивни мерки на властите, кои и покрај нивното ригорозно спроведување, сепак бележат рекордни бројки на новозаболени.„Бројот на новозаразени продолжува да расте. Од ноември 1.253.000 нови случаи се регистрирани на национално ниво. Минатата недела се забележуваа во просек по 22.000 нови случаи дневно, што е двојно повеќе од претходната недела, вели Ху Сианг, инспекторка во Одделот за инфективни болести во националното Биро за контрола и превенција на заразни болести.Од истокот до западот на Кина, и особено во посиромашните региони, незадоволни граѓани повеќе пати се судрија со полициајта на протестите против карантините. Се поголем е бројот на Кинези кои обвинуваат дека не добиваат плата доколку не одат на работа, а поради забраните за движење во градовите брзо ги снемува основните продукти, како и лековите. Но, одговорот на кинеските власти на покажувањето пркос и незадоволство, е брутален. Една од причините поради кои властите инсистираат на строги рестриктивни мерки е ниската стапка на вакцинација, и иако вакцините од домашно производство се покажаа како недоволно ефикасни, сепак Кина одбива да увезе странски.На крајот станува многу тешко да се потисне вирусот. И во отсуство на имунитет кај популацијата, обезбеден преку претходна инфекција и ниска стапка на вакцинација, тоа е тешка ситуација, оценува професорот по пресметувачка биологија на Колеџот во лондон, Франсоа бало.Политиката на строги рестриктивни мерки ја напуштија сите големи економии, освен Кина, а нејзиното строго спроведување стана едно од обележјата на неговото владеење.Игор Трајков© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

25 жени жртви на родово базирано и семејно насилство престојувале во шелтер-центарот за згрижување во Струмица од почетокот на оваа година. Најголемиот дел од нив, биле сместени со своите малолетни деца, велат податоците на здружението Скај плус, кое управува со центарот. Стојне Митева вели дека бројките на евидентирано насилство се алармантни, но охрабрува фактот дека сѐ повеќе жени се охрабруваат да го пријават насилството.Проблемот со семејното и родово базираното насилство според стручните лица ескалира затоа што голем брј од жените се економски зависни и тешко се одлучуваат да ја напуштат насилната средина. Општина Струмица планира да интервенира со програма токму за економско јакнење на жените кои излегуваат од Шелтер центар или од насилна средина. Градоначалникот Костадинов најави отворање на Куќа за ремено домување.Во СВР Струмица годишно има околу 300 пријави за семејно и родово-базирано насилство.Сузана Мицева© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Милиони Украинци ставени на раб на преживување во пресрет на една од најдолгите и најтешки зими… Земјата разорената од речиси едногодишната војна стана темна точка во светот… Руската психолошка тактика со уништување на енергетската инфраструктура ги остави нивните домови ладни, а чешмите без вода за пиење… За да преживеат сега и по неколку пати ги проверуваат фрлените пластични амбалажи во потрага по питка вода… Огорчени од развојот на војната велат дека повеќе би сакале да живеат без вода и струја отколку да живеат под руска чизма…Најлошото чувство што го имавме беше во првите денови од војната кога имаше опасност нашите таканаречени пријатели (Руси) да стигнат овде. Но, засега имаме само некои нарушувања. Ќе го надминеме тоа, вели 74 годишниот жител на Киев, Вадим Полиаков. Руските удари не ги одбегнаа ниту здравствените установи и болници во земјата, а европскиот директорот на Светската Здравствена Организација, Ханс Клуге уште еднаш посочи дека нападите врз цивилната инфраструктура и болниците е јасно кршење на меѓународното право…Како доктор по медицина, јас сум толку тажен и всушност огорчен што гледам дека тие напади врз здравствените установи продолжуваат. Од денес, СЗО објави објективно над 700 напади врз здравствената заштита. Ова е многу јасно кршење на меѓународното право. Здравјето никогаш не треба да биде цел, порачува регионалниот директор на СЗО за Европа, Ханс Клуге.За алармантната ситуација во Украина заседаваше и советот за безбедност на ОН од каде повикаа Русија да престане да напаѓа со цел да се спречи интензивно страдање на украинскиот народ…Мотивот на Путин не може да биде појасен и поладнокрвен. Очигледно, јасно е зошто ги интензивира нападите пред зимата за да му нанесе огромно страдање на украинскиот народ. Тој одлучи дека ако не може да ја заземе Украина со сила, ќе се обиде да ја замрзне земјата во потчинување, рече американската амбасадорка во ООН, Линда Томас Гринфилд.Властите во Украина напорно работат на обновување на уништената енергетска инфраструктура и нормализирање на животот во земјата но велат тоа тешко им оди бидејќи ракетните баражи секојдневно причинуваат огромни штети… Свесни за тешкотиите, како што напредува зимата – низ цела земја отвораат илјадници таканаречени „точки на непобедливост“ – загреани и напојувани простори кои нудат топли оброци, електрична енергија и интернет конекции…Александар Петрески© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Бирото за судски вештачења одреди датум за супер вештачењето во предметот „Тендери“. Во среда на 30-ти ноември се повикани странките, по речиси 7 месеци откако во бирото го добиле предметот против ексминистерката за култура Елизабета Канчевска Милевска и уште други две обвинети за злоупотреба на службената положба и овластувања поврзани со изградбата на музејот на ВМРО.Во присуство на обвинетите ќе се прави увид во документацијата, по што од бирото најавуваат дека во најкраток можен рок вештаците ќе го изготват градежното супер вештачење. На прашањето на Телма зошто се чекало до сега да се одреди ден за вештачење, од бирото велат дека станува збор за обемен и сложен предмет со многу списи, докази и документи.Кривичниот суд издаде наредба за супер вештачење уште на 6 април, и од тогаш до денеска судењето е во застој. Судењето почна во март 2018 година и оттогаш предметот пет пати се враќаше на почеток. Три пати поради тоа што повеќе од 90 дена не се одржало судење, а два пат поради промена на поротник. Последната препрека во овој предмет е супер вештачењето.Супер вештачењата за „Тендери“ и „Ласкарци“ со месеци ја брануваат јавноста. Реагираа и невладините дека судењата се заглавени и рочиштата се одложуваат.Во случајот со „Ласкараци“ повеќе од една година нема судење поради неизготвеното супер вештачење. Сега од бирото најавија дека на 29 ноември конечно вештаците ќе извршат увид на автобусот на „Дурмо Турс“ сместен во касарната „Ѓорче Петров“.Роднините револтирани и разочарани неделава бараа средба со судијката за да ја прашаат зошто речиси 4 години од несреќата, нема пресуда за оваа трагедија во која животот го загубија 16 патници а 37 беа повредениСметаат дека супер вештачењето е со цел да се одложи процесот, да се купи време, и да се спасат обвинетите. Рекоа дека постапувањето на судот остава простор за сомнеж дека има политички влијанија. Од судот велат постапувале со забрзано темпо а за застојот прстот го вперија кон Бирото за судкси вештачења кон кое упатиле и повеќе ургенции.Елена Ивановска Мукоска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Дел од основците добија учебници, а други уште чекаат со празни ранци. По многу пробиени рокови и неисполнети ветувања, па дури и на крајот на првото полугодие – процесот на печатење и доставување е далеку од завршен. Последните ветувања од МОН беа дека до крајот на октомври ќе бидат готови учебниците, за потоа да се пролонгира истиот до ноември.Основците од прво, второ, четврто и петто одделение ги немаат добиено учебниците. Просветниот кадар вели – мораме да се снаоѓаме со материјали. Во телефонски разговор за Телма, од менаџментот на центарското ОУ Киро Глигоров ни одговорија дека до пред една недела немале учебници за четврто одделение, но веќе се комплетирани со сите потребни книги и наставата тече нормално како и во претпандемискиот период – со книги, наместо со скрипти и заменски материјали.Други училишта имаат добиено само дел од потребните учебници, а во некои пак, сѐ уште ја чекаат пратката да пристигне.Во основните училишта во општината Гази Баба од потребните 4 учебници за четврто и петто одделение добиени се само 2 учебници за четврто одделение, а тоа се математика и македонски. Тие очекуваат во брзо време да ги добијат и учебниците општествени науки и историја и општество, велат од едно основно училиште од гази баба.Надлежните на стартот на учебната година повеќе пати уверуваа дека учебниците ќе бидат навреме доставени, а се дотогаш на помош се само заменските скрипти. Родителите имаа поплаки дека тоа не е доволно добар и исцрпен материјал, по што од МОН смируваа дека проблемот набрзо ќе биде решен.До крајот на овој месец ќе биде завршена дистрибуција на 70 отсто од учебниците за овие одделенија. Станува збор за целосно нови учебници, изработени согласно новите наставни програми и тие ќе ги заменат наставните материјали кои ги користат најмалите ученици и кои им беа поделени пред почетокот на учебната година, а ја обработуваат материјата за првото тримесечје, тврдат од министерството за образование и наука.Веднаш по печатењето и испораката на учебниците за основното образование, продолжува печатењето на повеќе нови учебници за средното стручно образование. Процедурата тече, но многу бавно. Неизвесно е кога точно ќе бидат достапни сите потребни учебници.Тамара Марковска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Нема никаков проблем, ниту пак застој во процесот со кој дел од бизнисот треба да добие поевтина струја од 80 евра за мегават час, тврди премиерот Ковачевски. Вчера, дел од фирмите се пожалија дека имаат доставено комплетна документација, а ЕСМ не им одговара навремено. Ковачевски тврди, дека договорите со ЕСМ Продажба се склучуваат во најкус можен рок.Не постои никаков застој и не постои никаква селективност туку напротив постои интерес од страна на државата, компаниите коишто се дел од производството на основните прехранбени производи, основните и средните училишта што побрзо да се приклучат на овој пазар, со оглед на тоа дека таму цените двојно и повеќе од двојно пониски од берзанските цени и тоа најпрво ќе овозможи намалување на цените на прехранбените производи и второ, непречено одвивање на образовниот процес и здравствениот процес бидејќи и тие компании се преземаат од ЕСМ Продажба, рече премиерот.Стопанствениците освен со струјата, проблеми имаат и со цената на останатите суровини за кои велат дека во моментот мируваат, но состојбата е неизвесна. Субвенционираната струја им се нуди за да ги поевтинат производите. Но, дел од производителите на масло не прецизираат дали може во следниот период да се очекува намалување на цената. Потенцираа дека во изминатиот период имало одредено намалување.Досега, цената е намалена за речиси 40 денари и ние се трудиме и понатаму да ја намалиме и да ја донесеме ако можно до нивото од пред три години. Цената на нашиот производ најмногу зависи од сировината, а што се однесува до енергијата веќе 30% имаме инсталирано фотоволтаични централи коишто ги намалуваат трошоците за производство, до крајниот производ, рече сашо наумовски од „витаминка“.Владата очекува од 1 декември да се намалат цените на храната. Скроен е планот како да се постапи, ако не се остварат тие очекувања. Согласно Законот за трговија ќе се носат мерки за замрзнување на цените, како и одредување на маржи. Пазарните инспектори ќе вршат контроли на цените на храната.Петар Догов© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

„Тврдењата се неточни“. Ова е единствениот коментар од Кабинетот на вицепремиерот Фатмир Битиќи, откако синоќа потпретседателот на најголемата опозициска партија изјави дека, мотивите зад државјанството на украинскиот контоверзен бизнисмен се многу подлабоки од тоа што првично се добива како впечаток.Опозицијата бара одговорност и поради отсуството на внатрешна контрола во АНБ, но и од министерот за внатрешни работи, од причина што се дадени неточни податоци од страна на Онишченко, а од МВР кои се одговорни за ова не ги провериле податоците. Поради клановски пресметки во СДСМ, велат, најважната безбедносна служба е обезглавена, а власта не си прави кворум сама на себе во собраниската комисија во која има мнозинство.Денеска и премиерот ги повика пратениците од Комисијата за надзор на работата над АНБ конечно да заседава за овој случај, а МВР што побрзо да ја заврши истрагата во однос на тоа како се случи затворена седница на парламентарна Комисија да биде пренесувана во живо.Владата на затворена седница донесе заклучок со кој ги задолжи релевантните институции во државата да почнат активности за одземање на доделеното државјанство на Олександер Онишченко.Далиборка Демјанска Цветановска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Италијанскиот дневен спортски весник Газета дело Спорт го објави најлошиот состав во досегашниот тек од Светското првенство.Во овој сегмент од Мундијалот многу големи ѕвезди играа под очекувањата, конкуренцијата беше жестока, а според (не)прикажаното најбројни се репрезентативците на Аргентина и Германија кои доживеаа порази во првото коло.На голот е Кејлор Навас потоа следуваат Нејтениел Еткинсон, Кристијан Ромеро, Нико Шлотербек, Анхел Ди Марија, Леон Горецка, Сергеј Милинковиќ Савиќ, Папу Гомез, Роберт Левандовски, Луис Суарез и Томас Милер.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Репрезентативците на Тунис имаа огромна поддршка од трибините на денешниот дуел против Австралија, но и тоа не беше доволно на крајот да се забележи победа.Со овој пораз од 1:0, селекцијата на Тунис има минимални шанси за пласман во следната рунда со оглед на фактот дека им е потребен триумф на Франција.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Првиот стрелец на првенството, Енер Валенсија поради повреда предвреме го заврши настапот за селекцијата на Еквадор во соочувањето со Холандија.Валенсија ги постигна сите три погодоци за националниот тим, но поради повредата на скочниот зглоб тој мораше на носилки да биде изнесен од теренот.Сепак очигледно дека не станува збор за посериозна повреда со оглед на фактот дека тој по завршувањето на мечот без проблеми се движеше по теренот и им отпоздравуваше на навивачите.Еквадор во последното коло за противник го има Сенегал и во директен дуел решава за пласманот во елиминациската рунда, а огромни се шансите Валенсија да биде меѓу стартерите и на овој меч што се игра в среда.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Еден гол го реши победникот на првиот дуел од денешната програма на Светското првенство во фудбал.Репрезентацијата на Австралија го совлада Тунис со 1:0, а стрелец на единствениот погодок беше Мичел Дјук во 23-тата минута од средбата.Со овој триумф Австралија остана во трката за пласман во осминафиналето, но за влез во следната рунда и треба победа во мечот со Данска.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Премиерот Димитар Ковачевски ја осуди вчерашната изјава на бугарскиот пратеник и лидер на политичка партија „Преродба“, Костадин Костадинов кој при отворањето на Бугарскиот културен центар во Скопје даде изјава која содржи територијални претензии кон Република Северна Македонија.Министерството за надворешни работи веднаш реагираше, а исто така и министерката за култура тоа го осуди. Исто така и јас сакам да го осудам. Навистина непримерно е човек којшто е дојден како гостин во оваа држава да се однесува на таков начин. Вчера ние имавме чин на отворање на Бугарски културен центар така како што личи во Скопје со министер за култура дојден, со нашиот министер за култура, на ист начин како што сум кажал дека и ние ќе отвориме Македонски културен центар во Благоевград каков што имаме отворено и во Софија, рече Ковачевски при денешната посета на фабриката „Брилијант“ во Штип.Дополни дека такви политичари воопшто не се пожелни во нашата држава.Такви политичари како тој вчера, има уште еден кој што мене видеа ми правеше, можам слободно да кажам дека воопшто не се пожелни во нашата држава бидејќи освен ширење на немир, освен ширење на нетрпение помеѓу граѓаните на двете држави само заради свој политички интерес, бидејќи тие немаат никаква друга политичка агенда освен да добиваат некакви ситни политички поени на провокација на чувствата на нашите граѓани, такви политичари воопшто не се пожелни лично за мене во нашата држава и воопшто не мора да доаѓаат тука, нагласи Ковачевски.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Премиерот Димитар Ковачевски денеска ја повика собраниската Комисија за надзор на работата над Агенцијата за национална безбедност (АНБ) за случајот „Онишченко“ конечно да да заседава за овој случај, а Министерството за внатрешни работи што побрзо да ја заврши истрагата во однос на тоа како се случи затворена седница на парламентарна Комисија да биде пренесувана во живо.Сакам да ја повикам собраниската Комисија конечно да седне и да заседава за овој случај бидејќи гледам дека има еден обид којшто беше за мене прилично лошо организиран и исто така МВР треба што побрзо да ја заврши истрагата во однос на тоа како се случи затворена седница на парламентарна Комисија да биде пренесувана во живо. Меѓутоа за се тоа што се однесува на Собранието јас навистина не можам да сугерирам и не можам да учествувам во носење на одлуки таму бидејќи Собранието е законодавна власт, нагласи Ковачевски одговарајќи на прашање при денешната посета на фабриката „Брилијант“ во Штип.Тој потсети дека Владата на својата затворена седница донесе заклучок со којшто ги задолжи релевантните институции во државата да отпочнат активности за одземање на доделеното државјанство на Олександер ОнишченкоПостапката, како што појасни, ќе биде врз основа на законските прописи коишто се пропишани и штом ќе биде спроведена, односно кога ќе бидат направени активностите тогаш релевантните институции ќе можат за тоа да информираат.Инаку, на таа затворена седница се разговараше за голем број на детали. Со оглед на тоа дека знаете дека одлуката на Влада е донесена врз основа на сите позитивни мислења од сите институции коишто треба да дадат мислење, информациите биле споделени од страна на директорот на АНБ. Јас за нив не можам да споделам информации бидејќи се работи за затворена седница на Влада и споделување на информации од такви седници е тешко казниво дело со закон, со затвор од една до пет години, рече Ковачевски.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Инспектори од мобилните тимови на Царинската управа запленија 26 илјади таблети екстази со вкупна тежина од околу 12 килограми, 84 грама кокаин и 31 грам марихуана, со проценета вредност од 200 илјади евра, кои требало да бидат дистрибуирани во земјава. Направени се и дополнителни претреси на неколку локации и до Основното јавно обвинителство е поднесена кривична пријава против три лица.Имено, како што соопшти денеска Царинската управа, наркотичната дрога е пронајдена на ден 25.11.2022 во раните утрински часови на влез на граничниот премин Табановце, по извршена царинска контрола со мобилен скенер на патничко возило со странски регистарски таблички управувано од македонски државјанин.Истиот ден по издадени наредби за претрес на дом и други простории од страна на инспекторите од Секторот за контрола и истраги од Царинската управа, во соработка со полициски службеници од СВР Скопје и МВР-ОКП-единици за недозволена трговија со дрога, извршени се претреси на неколку адреси во Скопје и Тетово. Притоа се пронајдени дополнителни докази и се приведени уште две лица.Царинската управа – Секторот за контрола и истраги денеска до Основно јавно обвинителство за гонење организиран криминал и корупција поднесе кривична пријава против три лица за сторено дело „Неовластено производство и пуштање во промет на наркотични дроги, прихотропни суптанци и прекурсори“ и за истите е предложена мерка притвор од 30 дена.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Американската влада забранува продажба и увоз на комуникациски уреди направени од кинески производители на паметни телефони и добавувачи на мрежна опрема Huawei и ZTE, нагласувајќи дека тие претставуваат неприфатлив ризик за националната безбедност, објави американскиот телекомуникациски регулатор FCC.Како резултат на нашата наредба, ниту една нова опрема на Huawei или ZTE не може да биде одобрена, напиша комесарот на FCC, Брендан Кар на Твитер. Постои и можност за одземање на постојните одобренија, додаде тој.Тоа е „првпат во историјата на FCC“ да се забрани одобрувањето на нови уреди поради загриженост за националната безбедност, напиша тој.Одлуката не е изненадување, јави ДПА. Американскиот претседател Џо Бајден минатата година нареди со закон да се исклучи мрежната технологија на Huawei и ZTE од американскиот пазар, продолжувајќи ја политиката на неговиот републикански претходник Доналд Трамп во спорот со Кина.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Украинските власти почнаа да ги евакуираат граѓаните од градот Херсон, неодамна ослободен од киевските трупи по неколкумесечна руска окупација, јави ДПА.Сто лица патувале со воз до градот Хмелницки во западна Украина, соопшти украинското Министерство за инфраструктура. Меѓу нив има 26 деца и шест болни лица. По пристигнувањето во Хмелницки, сите евакуирани ќе добијат потврди дека се внатрешно раселени лица и државна финансиска помош.Во средината на месецов, притиснати од украински контранапад, руските трупи кои го нападнаа и го зазедоа Херсон на почетокот на март се повлекоа од градот.Меѓутоа, руските трупи се распоредија на позициите на спротивниот брег на реката Днепар и оттаму гаѓаат со артилериски оган. Инфраструктурата на Херсон е уништена до тој степен што украинските власти препорачаа граѓаните привремено да го напуштат градот.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Српскиот министер за одбрана Милош Вучевиќ денеска изјави дека ситуацијата на Косово „се уште е многу тензична бидејќи има многу отворени прашања“. Во изјава за локален медиум тој нагласи дека се надева дека „одговорите ќе се бараат во форма на дијалог“.Србите се загрижени бидејќи не се знае кој е следниот чекор на Курти, човек кој покажа дека не носи многу рационални одлуки и дека не е човек на договори, изјави министерот.Вучевиќ рече дека Србија „секогаш избира секогаш кога има макар и милиметар простор, решението да се бара со дијалог, што не значи дека ќе проголта се, напротив, туку сакаме да спречиме војни и конфликти“.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Облачно и студено, од пладне со повремени врнежи од дожд, на повисоките места и на планините со врнежи од снег. Ќе дува слаб до умерен ветер од северен правец.Во Скопје облачно со врнежи од дожд. Ќе дува слаб до умерен ветер од северен правец.Температурата преку ден ќе се движи во интервал од 3 до 9°C.Информација од утрово:Минимална температура (во °C)-7 Берово, -3 Попова Шапка, Крива Паланка, Битола, Маврови Анови, Струмица, -2 Скопје-Петровец, Тетово, Прилеп, Штип, Демир Капија, -1 Крушево, 0 Скопје-Зајчев Рид, Охрид, Претор, Виница, Дебар, 5 Дојран, 6 Гевгелија.Деталите во Телма МЕТЕО со Ирена Лазарова – Димитровска, во соработка со УХМР!e-mail: [email protected]https://www.instagram.com/telmameteo/© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На Калифа стадионот денеска се соочија селекциите на Еквадор и Холандија и како и на претходните мечеви на трибините доминираа навивачите на репрезентациите кои доаѓаат од Јужна и Централна Америка.Така беше и вечерва, се беше во знакот на националните бои на Еквадор, а поддржувачите на Еквадор навистина доминираа во текот на сите 90 минути.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Првиот голмански избор во селекцијата на Велс, Шон Хенеси е првиот фудбалер на Светскиот шампионат кој мораше предвреме да го напушти теренот.Велшкиот чувар на мрежата беше исклучен откако направи прекршок надвор од шеснаесетникот врз еден од противничките фудбалери.Хенеси е само третиот голман во историјата на Мундијалите кој бил исклучен и им се придружи на колегите Итумеленг Куне од Јужна Африка и Џанлука Паљука од Италија.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во претпоследниот натпревар од денешната програма на Светското првенство во фудбал, Еквадор и Холандија играа без победник 1:1.Холанѓаните први поведоа уште во шестата минута преку Коди Гакпо и тоа беше еден од вкупно двата удари што ги упатија кон противничкиот гол.Еквадор кој беше далеку подобар противник израмни преку Енер Валенсија во 49-тата, но имаше уште неколку можности за триумф.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Што се имплементираше, а што остана неисполнето од стратегијата за реформа на правосудството?Колку се блиску или далеку зацртаните цели за независност, одговорност, квалитет, ефикасност, транспарентност и пристап до правда?Дали се бираат судии и обвинители според заслуга и квалитет или со политичко мешање?Во Топ Тема со Елена Ивановска Мукоска дебата со Гоце Коцевски од Македонското здружение на млади правници, Дарко Аврамовски од Коалиција “Сите за правично судење” и адвокатот Звонко Давидовиќ.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Извор на корупцијата и на заробените институции се политичките партии и власта, нагласи адвокатот Звонко Давидовиќ во вечерашната „Топ тема“ на Телма ТВ.„Клиентелистичкиот однос и она што им служи како добра алатка за справување со опонентите и неистомислениците е судството, односно правосудството за да го дисциплинира или маргинализира сето она што им пречи. Тоа што го кажува амбасадорката Агелер, ние го зборуваме со години, но сè нема слух за такво нешто да се направи. Во однос на Стратегијата и донесените закони, тие се мртва буква на хартија, затоа што и законите кои постоеја, ние не ги применувавме“, изјави Давидовиќ.Американската амбасадорка во земјава, Ангела Агелер повика на поголема транспарентност и борба со корупцијата. Таа во текот на минатата недела упати директна порака дека се збунувачки резултатите од изборот за шеф на Основно јавно обвинителство за гонење на организиран криминал и корупција. Агелер притоа потенцира дека „граѓаните на Северна Македонија заслужуваат независен правосуден систем во кој позициите се пополнуваат по заслуга и квалитет, низ транспарентни процеси, без разлика дали се обвинителството, судството или било која друга јавна институција. Според неа, за политичкото мешање нема место во тие постапки и оние кои би се вмешале преку вршење притисок, закани или коруптивни зделки на мала врата, треба да бидат повикани на одговорност од граѓаните.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Ако имате висок функционер од извршната власт кој се закачил, условно кажано, со обвинителот за организиран криминал и корупција, па обвинителот настрадал, јасно е за што се работи и колку длабоко е навлезена политиката, потенцира адвокатот Звонко Давидовиќ во вечерашната „Топ тема“ на ТВ Телма.„Да не одиме понатаму, каде што истакнат правник е политички кадар кој е вдомен во Советот на обвинители со судскиот Совет, да не одиме понатаму, Бадентеровото мнозинство, односно балансерот, кој одредени одлуки става на ниво на национална припадност, а не правна аргументација и правна логика, и каде што квалитетот на доаѓа до израз, туку доаѓа националната припадност. Зошто го кажувам ова? – Ако некој конкурира во Академија и е Македонец, може да има многу висок број на бодови и да котира меѓу првите 100, но никогаш да не стане судија, односно да не влезе во Академијата, затоа што квотата за Македонци е исполнета, па да дојде Албанец, Србин или било кој од другите националности, со половина помалку од неговите бодови и половина помалку од неговиот квалитет“, истакна Давидовиќ.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Стратегијата за реформи во правосудството 2017-2022 не е ништо повеќе од еден патоказ, со цел да се надминат оние системски слабости кои што беа идентификувани од групата на меѓународни експерти и сите нас кои ги следиме работите во правосудството, изјави Гоце Коцевски од македонското здружение на млади правници, во вечерашното издание на „Топ тема“ на Телма ТВ.„Идејата беше да не се повтори тоа што се случуваше претходно, односно заробена држава. Самата Стратегија си предвиде голем број на мерки и цели. Мерките на ниво на активности како што е изработка на закони, спроведување на одредени активности во најголем дел се спроведени, меѓутоа останува прашањето дали целите на Стратегијата беа остварени. Дали судството е, навистина, понезависно или не? – Дали квалитетот на судските одлуки е поголем или не? – Факт е дека она што се однесуваше на судии и обвинители, на ниво на законска рамка, беа донесени. Меѓутоа, голем дел од подзаконските акти, кои што беа неопходно за да се овозможи оценувањето на работата на судиите што е предуслов за нивно унапредување, беа донесени со големо задоцнување. Сега имаме ситуација во која што судиите не можат да бидат унапредени, затоа што доцни севкупниот процес. Голем број на закони, исто така, не беа донесени, како законите во областа на кривичното законодавство, законите во областа на граѓанското законодавство. Во однос на овој дел, морам да упатам длабока загриженост, затоа што одредени закони кои што беа изработени и поднесени до Собранието на усвојување, нашите законодавци повеќе од една година ги држат во фиока“, истакна Коцевски.Има определен напредок во постапувањата на судовите во пракса, меѓутоа дискутабилно е колку тој напредок се должи на реформските процеси. Се забележува постојан тренд на состојбите во судството, пред сè, во некои области, како јавност, транспарентност, итн., истакна Дарко Аврамовски од коалицијата „Сите за правично судење“„Мислам дека таквиот тренд е независен од реформите. Голем дел од законите кои се предвидени во Стратегијата се донесени. Но, има закони кои веќе сериозно го имаат пречекорено рокот за нивно донесување, како што е Законот за кривична постапка, кој, според Стратегијата требаше да биде донесен пред четири години. Не сметам дека тоа е некој пропуст на работата на измените на законот, колку што не е посветено должното внимание во процесот на планирање на Стратегијата и предвиден е амбициозен рок за промена на еден така комплексен закон каков што е Законот за кривична постапка“, изјави Аврамовски.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Имавме навистина напорна и тешка средба. Два дена дискутиравме само за учебниците по историја и имаше позитивна и конструктивна атмосфера, меѓутоа не дојде до договор. Бевме блиску, можно е да се постигне договор, ние сме оптимисти и ќе продолжиме со таа надеж и следната година да дискутираме на тие теми, изјави копретседателот Драги Ѓоргиев, по завршувањето на дводневниот состанок на Заедничката мултидисциплинарна експертска комисија за историски и образовни прашања меѓу Северна Македонија и Бугарија.Дебатата во овие два дена според Ѓоргиев била за Охридската архиепископија, и една од забелешките од колегите од Бугарија е дека, тие сакаат да се промени начинот на кој таа е претставувана во нашите учебници.Договор за некои од забелешките за учебниците за седмо одделение, според Ѓоргиев, не бил постигнат поради недоразбирања околу изворите и различното толкување на минатото.– Тие различни пристапи во толкувањето на изворите од средновековието, прават и ние да имаме различен пристап во правењето на препораките за учебниците. И тоа е очигледно еден од главните камења на сопнување во работата на комисијата, изјави Ѓоргиев.Според него, кај колегите од Бугарија има еден пристап во кој тие овие прашања ги креваат на ниво на дебата на историографии.– Овде станува збор за препораки за учебници со кои треба да се надминат одредени недразбирања за да се подобрат учебници во двете држави, а не да се постигне некаква согласност меѓу историографиите во Македонија и Бугарија.Тука некаде настанува конфликтот околу кој не можеме да се разбереме и да го надминеме тоа, изјави Ѓоргиев.Дебатата за бугарските учебници, посочи дека е завршена пред година и половина и има седум препораки кои треба да бидат применети.– За учебниците во бугарскиот образовен систем има усвоено седум наши препораки кои треба да бидат имплементирани. И со тоа заврши дебатата за бугарските учебници. На тоа ниво петти и шести клас, кај нас соодветно е шесто и седмо одделение и сега расправаме за нашите учебници, изјави Ѓоргиев.Претседавачот на бугарскиот дел од комисијата Ангел Димитров, потврди дека главна тема на средбата во изминатите два дена била како да биде претставена Охридската Архиепископија во учебниците и оти и покрај првичните очекувања, конкретни резултати не се постигнати.– Јас разбирам дека тоа е многу важна тема, и се надевавме и бевме многу блиску до резултатот. Што се случи не знаеме, но ќе продолжиме на следната средба која ќе биде прва за наредната година во Софија. Ветувам дека ние ќе направиме се што е можно да има позитивни сигнали и добри резултати. Така што, завршивме за оваа година, а посакувам поуспешна да биде следната година за граѓаните на двете држави, кажа Димитров.Прашан што конкретно барала бугарската страна, тој одговори дека инсистирале да се запазат научните принципи и мултиперспективноста.– Мултиперспективност во образованието значи во еден рок да бидат претставени гледните точки на сите учесници. Станува збор за историските случувања, а не современите држави да имаат право на своја различна гледна точка. Во историјата не може да има две коренити основоположни гледни точки кои се валидни. Едната е валидна, другата не е. Која е вистинската? Таа се определува од два научни принципа. Едниот е и тој е основата во историската наука – е почитувањето на фактите и историските извори, а другиот е со усогласување со доминантната позиција во светската наука. Од таа страна ние сме спокојни запазувајќи ги научите принципи, рече Димитров.За забелешките на членови од македонскиот дел на комисијата дека нивните бугарски колеги го спорат макеоднскиот јазик и идентитет, Димитров кусо одговори дека „тоа нема никаково значење и не е тема на разговор“.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерството за труд и социјална политика (МТСП) остро ги демантира изјавите на член на политичката партија на ВМРО-ДПМНЕ дека се работи за „брутално претепано дете“ во градинка во Гевгелија и укажува дека децата не смеат да се користат и злоупотребуваат за политички цели.Од МТСП известуваат дека е спроведен вонреден инспекциски надзор во врска со случајот на, како што нагласуваат оттаму, „претепано 10 месечно дете во градинка во Гевгелија“, како што тоа било пренесено од медиумите, а изјавено од член на политичката партија ВМРО-ДПМНЕ.„Од инспекторите на терен, а согласно дадените изјави на негователките во групата на деца каде што е посочен немилиот настан, детето се стекнало со гребнатинки при пад во игра со останатите деца. Гребнатините веднаш биле санирани од негователките, а детето продолжило со вообичаените активности, како и сите деца во групата. При увид во листата за евиденција на присутни деца, детето од следниот ден не ја посетува градинката, од причина што по претходна најава кај негователките од страна на родителите отпатувало со мајката во странство“, велат од МТСП.Оттаму додаваат дека директорката на Јавната општинска установа за деца- детска градинка ДЕТСКА РАДОСТ – Гевгелија, поднела предлог за поведување на дисциплинска постапка против негователките и донела Решение за формирање на комисија за утврдување на повреда на работната дисциплина.Опозициската ВМРО-ДПМНЕ вчера обвини за брутално насилство врз десетмесечно бебе во гевгелиската градинка „Цветови“, а управата на градинката сакала да го затскрие случајот. Според ВМРО-ДПМНЕ настанот се случил во вторникот, а родителот го пријавил во полиција и го однел на лекар.Од МВР потврдија дека денеска е пријавен случајот. Станува збор за поднесена пријава од родител од село Брајковци кој кој во пријавата навел дека вработените подолг период ја оставиле неговата десет месечна ќерка без никаков надзор, при што детето се здобило со повеќе повреди. За сличајот е известен и јавен обвинител.Повредено десетмесечно бебе во гевгелиска градинка – опозицијата обвинува дека градинката го крие случајот© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Денес точно на пладне на Клиниката за дигестивна хирурија беше направена првата трансплантација на црн дроб од починат донор. Ова е прв таков зафат во историјата на македонскотo здравство.Шеесет годишен пациент со хронична болест на црниот дроб доби здрав орган од пациентка во мозочна смрт.Семејството вчера се согласи да ги донира органите. Покрај црн дроб, во моментов во тек се и трансплантациите на бубрези кај двајца пациенти со бубрежна болест.– Би сакал од мое лично име и од името на целиот персонал вклучен во трансплантациите да се заблагодарам на семејството на донорот и на нивната одлука да спасат не еден туку три животи. Ни покажаа уште еднаш дека живот може да се подари, истакна министерот Беким Сали.Медициснките тимови на скопските клиники се подготвувале за трансплантацијата последните 24 часа, а по завршување на зафатите ќе продолжат да работа со пациентите.Историскиот прв зафат за трансплантација на црн дроб го изврши професор Зоран Караџов и неговиот тим, како и тимот на Клиниката за Гастроентерохепатологија.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Навивачите од Еквадор пред дуелот со Холандија на трибините истакнаа транспарент со прашањето: Кога игра Чиле?Ова е одговор на обидот Чилеанците преку жалби за настапот на еквадорскиот репрезентативец Бајрон Кастиљо да изборат пласман на Светскиот шампионат.Имено Чиле ја загуби битката на Меѓународниот суд за арбитража од кој побара Еквадор да се исклучи од Мундијалот бидејќи Кастиљо навреме не обезбедил државјанство на оваа земја и немал право да настапува во квалификациите за Светскиот куп.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Затвореник од Затвор-Штип утринава во 1.30 часот побегнал од одделот за ортопедија и трауматологија во Клиничка болница во Штип. Бегството на 48-годишниот осуденик го потврдуваат директорот на Затвор-Штип, Мики Тодоров и портпаролката на Клиничка болница-Штип, Марина Шуманска.„Станува збор за 48-годишен пациент на кого требало денеска да му се извади шраф од колкот, во 1.30 часот се јавил дека ќе излезе на воздух, но пациентот по лифтот излегол од зградата и му се губи трагот“, вели Шуманска.Директорот на Затвор-Штип, Тодоров вели дека станува збор за осуденик кој е повратник,а за издржување на затворската казна има уште една година и пет месеца. За двајцата затворски службеници кои требале да го чуваат во болницата ќе биде покрената дисциплинска постапка и најверојатно ќе бидат суспендирани се до решавањето на дисциплинската постапка.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Без точен возен ред, преполни автобуси со патници, гужви на постојките по скопските улици. Град Скопје и ЈСП од една страна и здруженијата на приватните превозници продолжија и денеска со меѓусебни обвинувања, префрлајќи си ја вината за колапсот на јавниот сообраќај. А скопјани и понатаму се снаоѓаат како знаат и умеат за некако да стигнат навреме до работните места училишатата и домовите поради редуцираниот број на автобуси. Револтирани бараат да се реши овој проблем што побрзо.Од Град Скопје без солуција или конкретен предлог. Единствено е дека во понеделник советниците ќе имаат можност да постават прашање до надлежните околу овој проблем кој почнува да го парализира нормалното функционирање на граѓаните.Хаосот во приватниот превоз продолжи и утринава. Приватните превозници ги паркираа своите автобуси пред ЈСП и побараа средба со директорот Александар Стојковски. Барањето експресно беше одбиено.Приватните превозници од „Макекспрес“ и „Слобода превоз“ кои возат на 15 градски и приградски линии веќе една недела се во отворен судир соградски власти поради долг од околу еден и пол милион евра. Станува збор за средства кои ЈСП треба да им ги исплати на приватниците за плати и режиски трошоци.Симона Петровска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Познато медицинско лице со професорска титула. Ова стои на реклама за некаков чај кој убива паразити во телото. Докторот Никола Пановски е ликот зад овој препарат, но тоа е само дел од планот на оние кои се обидуваат да направат измама, со злоупотреба на името на познатиот доктор. За тоа, самиот Пановски алармираше и ги повика институциите да истражат, но и да казнат.„Тие толку мудро го прават тоа, толку перверзно, што тоа воопшто не доаѓа до мене. Јас сум блокиран кај нив, а тие мене ме постираат лажно. Неовластено користат фотографија, лажат дека јас нешто сум кажал и со тоа го фрлаат мојот авторитет и углед којшто сум го градел со години, а со цел да заработат и да продадат производ кој не е ниту регистриран и прашање е со каков квалитет е. Тука има многу кривични дела и не знам што чекаат институцииве дали имало пријава“, изјави професор доктор Никола Пановски, микробиолог.Производите коишто се рекламираат најчесто се доста скапи, а има и податоци како да се купи и плати. Според професорот, токму тоа треба да ја олесни работата на органите на прогоните, за лесно да се справат со ваквиот тип на измама.„Има таму линк каде да платите. Ќе се јави некој полицаец или инспектор и ќе ги фати, не е тоа проблем. Ама не сакаат да ги фатат, не знам зошто“, додава Пановски.Кој и зошто злоупотребува идентитет на доктори останува нејасно. Телма побара одговори од полицијата, и за овој случај, но и за дел од претходните случаи – како оној за доктор Сашко Кедев чиешто име и наводни интервјуа беа злоупотребени за промоција на некаков лек за срцево болни пациенти.„Ве известуваме дека по пријавата е постапено, односно доставено е Известување до надлежното Јавно Обвинителство. Исто така од наша страна испратен е и допис до Интерпол, со цел од нивна страна да биде испратено барање до другите држави во однос на тоа дали вакво лажно интервју е регистрирано во нивните евиденции“, велат од МВР.Дури и името на поранешниот министер во неколку ресори и правник по професија, Никола Тодоров, беше злоупотребено за промоција исто така на препарати и лекови, со сомнително потекло.Петар Догов© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Проценките на „Форбс“ укажуваат дека Русија досега потрошила 82 милијарди долари на војната во Украина, што е четвртина од нејзиниот годишен Буџет.Во сумата се вклучени само директните трошоци на руската воена операција, но не и трошоците за одбрана или економските загуби што се предизвикани од западните санкции. Магазинот тврди дека истовремено се намалуваат буџетските приходи од извоз на нафта и гас, откако Русија загуби голем дел од европскиот пазар, пренесува „Скај њуз“.Трошоците за војната се дуплираа во текот на есенва, па Русија сега троши најмалку 10 милијарди долари месечно на својата инвазија. Трошоците предизвикани од инвазијата опфаќаат плати на воени сили, отштета за загинатите и ранетите во борбите, купување или производство на оружје и муниција, како и замена за загубената опрема.„Форбс“ наведува дека Русија потрошила над 3,5 милијарди долари за компензација на загинатите и ранетите за време на последниот месец од војната. Магазинот, исто така, пресмета дека Русија троши меѓу 10 и 50 илјади гранати на ден. Просечната цена на половни гранати од советски калибар се проценува на околу 1.000 долари.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Фудбалската репрезентацијата на Иран успеаа да ја забележат првата победа на Светскиот шампионат во Катар откако во второто коло го совладаа Велс со 2:0.Головите ги постигнаа во судиското надополнување и по исклучувањето на голманот Хенеси.Розбех Чешми во 98-та му донесе водство на Иран од 1:0, а триумфот го потврди Рамин Резајан три минути подоцна.ФОТО: Игор Паневски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На празникот „Свети Климент Охридски“, на улицата „Никола Вапцаров“ во центарот на Скопје, се отворија новите простории на бугарскиот Културно-информативен центар. Дека датумот не е случајно избран, потврдија и од македонскиот научен институт од Софија, кои на Центарот му подарија икона со овој светител. Настанот се одржа под силно полициско обезбедување на целата улица, а покрај официјалните лица од Софија, дојде и бугарскиот пратеник Костадин Костадинов, кој неодамна ја нарече Македонија втора бугарска држава. За министерката за култура ваквите пораки не се добредојдени.Бугарскиот министер рече дека, овој клуб праќа убава порака за добрососедство, но не сакаше да го коментира отворањето на контроверзните бугарски клубови во Битола и Охрид.Овој центар во Скопје функционира од 2006 година, сега само доби нови простории со отворена и затворена галерија, читална и библиотека од над 10.000 томовиЗа разлика од него, на останатите бугарски клубови, отворени неодамна во Битола и Охрид, им се закануваат прекршочни пријави за потежок облик на дискриминација од Комисијата за дискриминација, доколку не ги спроведат нивните препораки. Веќе е пробиен 30-дневниот рок за отстранување на спорните содржини од социјалните мрежи, а за неколку дена истекува и рокот од 45 дена, во кој Здружението треба да ги отстрани спорните содржини од името, статутот и програмата.Комисијата во октомври годинава утвди дека клубот што го носи името на докажан соработник на фашистите, Ванчо Михајлов, врши дискриминација, а со измените на Закон за здруженија, што ги усвои Собранието, се забранува основање и упис на организации чие име и програма поттикнуваат фашизам, нацизам, национална, расна и верска омраза. Со ретроактивното важење на законите, сите здруженија имаат рок од три месеци да ги усогласат името, целта и програмата со овој закон.Далиборка Демјанска Цветановска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Над стотина станари на познатата штипска зграда „Промаја“, но и од околните куќи во центарот на градот веќе десет дена немаат мир. Багери и градежни машини го расчистуваат просторот, а според таблата на инвеститорот пред нивните влезови треба да се изградат гаражи во висина од три метри. Жителите на овој дел на градот, кои секојдневно трпат бучава од сообраќајниот хаос, и немаат ниту еден метар зелена површина, тврдат дека градежната парцела била тајно продадена, а дозволата е добиена уште пред пет години. Револтирани се што узурпирано е државно земјиште.Во оваа зграда живеат околу сто семејства, кои стравуваат дека со ископот ќе им се поткопаат темелите.Станарите се потпишале на петиција и од општината бараат да се стопира градбата. Од Општина Штип велат дека инспектор бил на терен за да утврди дали се узурпира државно земјиште. Чекаат сопственикот да плати и дел од пеналите бидејќи не го испочитувал договорот, односно не го изградил објектот во рок од две години по добивањето на дозволата. Инвеститорот рок има од два месеца. Станарите од овој дел на центарот на Штип во недела излегуваат на протести.Викторија Димитрова Јованова© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Од кавга, преку потсмевање, до насилство. Учениците брутални кон професорката, одат во крајност – физички ја повредуваат за лична забава и за кликови на социјалните мрежи од нивните врсници во Србија. Во овој случај, и покрај притисокот на родителите, децата се избркани од училиштето. За жал, редок пример на санкционирање на ваквото однесување. Голем број остануваат неказнети, директорите молчат под притисок на семејствата, додека наставниците се под постојан притисок на часовите. Средношколците се брутални и кон своите врсници, но неретки се примерите и кога наставниот кадар се изживува врз децата.И голем број училишта во земјава влегуваат во негативните статистики на невладините. Последната анкета на „Младите можат” и „Лидерите за едукација, активизам и развој” покажале дека дури 67 проценти од децата биле жртви или сведоци на насилство, од кои голем број од пријавите биле од гимназиите „Јосип Броз Тито“, „Раде Јовчевски – Корчагин“, и „Георги Димитров“. Психолозите предупредуваат на последици врз нивниот психолошки развој.Пхихолозите велат, овој социјален проблем се продлабочил по ковид кризата. Луѓето станаа нетрпеливи, се зголеми и семејното насилство. Државите треба многу да вложат за справување со овој проблем, особено за насилството во училишните клупи, независно од каде доаѓа, дали од децата или од наставниците. Психолозите сугерираат и психолошка селекција при вработување на персонал, а исто така и едукација за наставниците и учениците.Тамара Марковска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Скандалот Онишченко одново ги матираше институциите и службите. Комисијата за надзор на АНБ одложена во недголед, додека МВР не истражи како протече аудио снимка од последната седница на која реферираше класифицирани информации директорот Виктор Димовски.Полицијата трага по виновникот, а исходот го чека и спикерот Талат Џафери. Претседателот на комисија не попушта, вистина и за двата скандали мора да има.Дали Онишченко ќе го загуби македонското државјанство, владата иако се обврза сѐ уште ја бара правната формула. На затворена седница констатираше, но сѐ уште нема одговор дали е отпочната постапката. Во тек се консултациите на реалција МВР – Влада.Одлуката за одземење на решението за државјанство е поради сомнежи за лажни документи, или невистинити информации. Во кривичниот законик има две дела кои одговараат на овој опис, и за двете е предвидено од парична казна до 3 години затвор. Но, ниту во МВР, ниту во обвинителството, засега нема истрага против Онишченко.Премиерот повикувајќи се на затворена седница не сподели никакви други информации за постапката поради доверливост на информациите. Најави дека за 20 дена ќе се избере нов директор на местото на Виктор Димовски.Коњичкиот спортист Онишченко, пак, не запира со изјави за медиумите. Немал намери да тргува со гас, туку само да спортува.Павле Беловски© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Апелациониот суд Скопје ја укина првостепената пресуда за случајот „Трезор“ со кој беше опфатена набавката на британска опрема за следење на комуникациите.Без казни остануваат поранешниот директор на УБК, Сашо Мијалков и ексфункционерите на Управата и на МВР, Горан Грујевски, Небојша Стајковиќ и Тони Јакимовски, и ќе треба да дојдат на повторно судење во скопскиот кривичен суд.-Апелациониот суд Скопје при разгледување на побиената пресуда констатираше дека првостепениот суд при постапувањето по овој предмет сторил суштествени повреди на одредбите од Законот за кривичната постапка, со што се доведува во прашање фактичката состојба и правилната примена на Кривичниот законик“, соопштија од второстепениот суд.Мијалков беше осуден на 8 години затвор, највисоката казна од 15 години му беше изречена на Горан Грујевски, додека Стајковиќ и Јакимовски беа осудени на по пет години затворска казна.Случајот Трезор го работеше СЈО, а со истрагата беше опфатена и фирмата Финзи преку која се вршела набавката. Во тоа време, управител на Финзи беше Коста Крпач кој загина додека траеше истрагата. Неговата смрт беше затворена како самоубиство и покрај многуте мистериозни околности кои се случувале пред трагедијата.© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Италијанската компанија „ТехноАлпин“ е избран за стратешки инвеститор за Ски-центарот „Попова Шапка“. Нивниот план за развој и модернизација на постоечките скијачки терени и подобрување на примарната инфраструктура доби зелено светло на денешната владина седница.Инвестицијата со вкупна вредност од186 милиони евра треба да се реализира почнувајќи од 2023 година во 6 инвестициски фази.Би имала инвестиции во два нови хотели, нови ски стази за скијање, од горната станица лево на двоседот Свети Илија предвидени се нови паркинкг места и нови пристапни патишта, исто така реновирање на хотелот Славија. Инвестиција во нов систем за вештачки снег, кој во првата фаза би ги покривал стазите Аеродром, Св. Илија, ГЕ и Тетекс, информираше Адем Авзиу.За почеток на активностите на терен најпрво треба договорот со компанијата да помине и во Собранието.После ова следуваат преговорите околу разјаснување на сите точки и дообјаснување на договорот со стратешкиот партнер и нашата Влада, што треба да помине во Собрание на Република Северна Македонија, вели Авзиу.Инаку понудата доаѓа од компанија производител на системи за правење снег од Јужен Тирол, Италија. На нивната интернет страница стои дека работи од 1990 година, а има 16 подружници низ светот и повеќе од 600 вработени.Произвеле повеќе од 120.000 снежни топови, но и други компоненти, како што се пумпните станици и софтверот, а имаат понуда на гардероба и други додатоци.Данијела Билбилоска© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....