Најопасно вечерва во Пехчево, огнените јазици се спуштаат кон градот. Општинарите со молби за помош. Се разгоре одново во Стар Дојран, евкуирани околните жители. Огнот, кој изби попладнево во село Негрево, Пехчевско, се спушта кон градот во кој биеја камбаните за тревога. Доцна е за авијација, а градоначалникот бара помош преку социјалните мрежи. Пожарот што денеска изби во атарот на пехчевското село Негрево е исклучително силен и тежок за гаснење, вели директорот на Центарот за управување со крици (ЦУК), Стојанче Ангелов. Според него, зафатена е квалитетна борова шума, а запалени шишарки летаат и по 20 до 30 метри и создаваат нови жаришта. -Локални пожарникари од Берово и од Делчево се обидуваат да направат една линија, еден противпожарен појас сечејќи ги боровите за да не може огнот да се префрли од една на друга страна, изјави Ангелов. Тој смета дека гаснењето на пожарот кај Пехчево ќе биде тешка операција токму поради запалените шишарки што летаат насекаде. Локален пожар на депонијата излезе од контрола, зафати три куќи и се прошири во сите правци во Стар Дојран. Службите ги евакуираа жителите, локалните власти велат засега нема повредени. Но, иако службите успеа да го локализираат, пред малку одново се разгоре. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Центарот за управување со кризи (ЦУК) денеска евидентирал рекорден број пожари на отворено – 54, од кои активни се 19, а oстанатите 35 се целосно изгаснати или ставени под контрола, информира директорот Стојанче Ангелов. Пoжарот кој беснее на територија на општина Пехчево, го загрозува селото Негрево. Сериозен пожар има и на територија на општина Куманово. Тој загрозува куќи од селото Живине. Во кратовското село Татомир, исто така, има опасност огнените стихии да ги зафатат куќите. На територија на Општина Свети Николе, огнени јазици му се закануваат на селото Долно Ѓуѓанци, каде пожарот беснее веќе втор ден. Голем пожар има и во Општина Македонски Брод, кој трае со денови и претставува закана за две села. Од ЦУК потсетуваат дека вчера биле евакуирани вкупно девет лица од тие села. Директорот на ЦУК, Стојанче Ангелов вечерва потсети дека најчесто, пожарите се разгоруваат околу пладне, а во текот на ноќта – стивнуваат. „За жал и утре нѐ очекува ветровит ден и утре нѐ очекуваат голем број пожари. Сите пожари се разгоруваат најчесто околу пладне и веднаш попладне. Во текот на ноќта, истите ја намалуваат својата моќ, некои од нив и „заспиваат“, односно загаснуваат. Но, со покачувањето на дневните температури, тие се разгоруваат повторно и претставуваат закана за населението“, рече Ангелов. Претходно Ангелов преку видео изјава соопшти дека денеска повторно е активиран ЕУ механизмот за заштита и спасување и побарана е помош во воздухоплови. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Израелската војска соопшти дека извела напад врз главниот град на Либан, Бејрут, кој бил насочен против командант на Хезболах к,ого го смета за одговорен за ракетниот напад на Голанската висорамнина. Експлозиите се слушнале во јужниот дел на градот и засега е пријавена само материјална штета на неколку објекти. Израелските сили веќе неколку денови најавуваат дека ќе извршат серија удари врз позиции на Хезболах по нападот на Голанската висорамнина, каде на фудбалско игралиште загинаа 12 деца. Израелскиот премиер Бенјамин Нетанјаху претходно порача дека либанската милитантна група „ќе плати висока цена“ по смртоносниот напад на фудбалското игралиште. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Попладнево избувна пожар во новиот трговски центар „Блис“ во Битола чие отворање е закажно на 5 август. Причините засега се непознати. На терен се излезени екипи на Територијалната протипожарна бригада на Битола кои имаат помош и од противпожарниот тим на РЕК Битола. Трговскиот центар беше во завршна фаза до свеченото отворање. Се редат рафтовите на продавници, се местат излозите на бутиците, меѓу кои ќе има и брендирани производи. „Блис“ се наоѓа во близина на „Лидл“ чиј објект, исто така, е во фаза на изградба. За двата објекта во тек е асфалтирање на улиците за приод до нив, но нејасно е дали денешниот пожар ќе го одложи отворањето на новиот трговски центар во Битола. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Седумте лица кои беа заглавени во куќа во с. Стројманци, Свети Николе, се безбедно евакуирани, откако најпрво полициски халикоптер фрлил вода врз огнениот обрач, направил дупка во огнот низ која брзо влегле пожарникари од доброволното противпожарно друштво од Свети Николе и ао возила низ огнениот обрач ги извлекле животнозагрозените седум лица лица. „Голема благодарност до храбрите доброволни пожарникари и храбрите македонски пилоти“, нагласи директорот на Центарот за управување со кризи, Стојанче Ангелов. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Петте лица од светиниколското село Стројменци, кои се заробени во пожарот, со помош на хеликоптер веќе се извлекуваат, изјави градоначалникот на Свети Николе, Дејан Владев. „Огнот во моментов е над селото Орел, накај селото Ранчанци. Во атарот на село Орел сега нема опасност по куќите и мислам дека ќе го стават под контрола, потоа од Стројменци накај село Ранчанци, накај манастирот Света Недела. Ме радува што во моментов има авиони, кои ќе помогнат. Овие села можеби не се големи, но се живи села“, вели Владев. Во спасувањето на селата вклучени се пожарникари, доброволци, месно население, вработени во државните институции. Пожарите во Светиниколско се гаснат од земја и воздух, а општината со помош на населението обезбедува храна и вода за луѓето кои се борат со пожарите во оваа општина. Штетите од пожарите дополнително ќе се утврдуваат, а според првичните проценки, изгорени се околу 40 куќи во селата Немањици, Малино и Орел. Има изгорено и стока, добиточна храна, а некои од селата останаа и без вода за пиење, како што е селото Немањица. Поголем број на граѓани се евакуирани и во Стар Дојран по големиот пожар кој зафати и неколку куќи. Првичните информации велат дека пожарот избувнал на депонија кај местото Калач и почнал да се шири кон туристичкиот центар. На терен се излезени противпожарни екипи од Гевгелија, Струмица, Валандово и Стар Дојран на кои не оди во прилог силниот ветар. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Со нови вработувања ќе се јакне трошењето на средстватаа од ИПА фондовите. Министерот за европски прашања, Орхан Муртезани, денеска на прес-конференција соопшти дека анализите покажале дека Македонија во 2022 и во 2023 и вратила на Европската унија 79 милиони евра пари од ИПА 2 поради тоа што не успеала да ги искористи, а проценките се дека во 2024 година на Брисел ќе му бидат вратени дури 43 милиони евра неискористени пари. Од вкупно достапните 302,4 милиони евра Македонија преку проекти и склучени договори успела до крајот на 2023 да искористи само 109 милиони евра. Клучната причина за тоа Мурезани ја лоцира во недостиг на стручен кадар во ИПА структурата во институциите. Неофицијално, според првичните проценки, станува збор за минус од околу 100 луѓе. Сепак засега нема план од каде и како ќе се вработуваат стручните кадри во ИПА-секторот. „На пазарот постои стручен кадар меѓутоа треба да се мотивира за да се нафати да влезе во ИПА-структурата и да може да остане така. Во моментот немаме крајни решенија за сите тие проблеми и денес ќе ја информирам владата дека станува збор за сериозен проблем кој што ќе треба да го решиме“, изјави Орахан Муртезани, министер за европски прашања. Една од опциите за привлекување и задржување на стручниот кадар во администрацијата кој работи на искористување на европските пари во земјавa, како што неофицијално се дознава, освен платата тие лица дополнително да бидат платени и од ЕУ. Инаку додаток од 45 проценти на платата за лицата кои работата на ИПА и во преговарачката структурата, како законско решение беше понудено и од Министерството за информатичко општество и администрација на претходната влада, интегрирано во предлог-законите за администрацијата, кои стигнаа до Собранието, но не се усвоени. Претходната влада недостигот на кадар во ИПА-секторот го процеуваше на околу 20 проценти. Муртезани освен потребата од нови вработувања во ИПА секторот за да се подобри апсорпцијата на европските пари, денеска информираше и дека утре ќе стигне одговорот на Брисел за ревидираната рефомска агенда на Македонија со која таа аплицира за 750 милиони евра од Планот за раст за Западниот Балкан на Европската комисија. Сепак тој не откри што содржи новиот документ, поточно што е сменето од реформска агенда која претходната влада ја испрати до Брисел, и дали тој го содржи укинувањето на Судскиот совет и Советот на јавни обивнители, за што ставот на ЕК е дека тоа би ја поткопало независноста на судството. „Не сакам да споделувам информации за кои не сум овластен да ги споделувам. Тие се информации на надлежните министерства, затоа не можам да ги споделам. Кога ќе добиеме официјален одговор од ЕК, секако дека ќе споделам“, рече Муртезани. Ниту инсистирањето на новинарите да каже кои се клучните измени на новиот од претходниот верзија на реформската агенда пратена во Брисел и дека тој е овластен да зборува за тие процеси, не го премислија Муртезани. „Ист е принципот. Бидејќи чекаме коментари. Секако дека сум овластен, меѓутоа не можам да споделам информации кои што можат да се сменат во последните три дена. Затоа да не шпекулираме во јавноста“, гласеше одговорот на мнистерот за европски прашања. Откако реформскиот план ќе биде усогласен и потпишан меѓу Македонија и Европската унија, очекувањата се првата транша, во висина од 52 милиони евра, да и бидат ставени на располагање на земјава во втората половина на септември. Тамара Грнчароска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Огнот кој пеплоса 40 објекти е запрен пред Свети Николе, се движи кон планините над село Орел. Огнот ги пеплоса имотите, уби човек во селото Кокошиње и продолжи кон нивите пред Свети Николе. Од утрово ветерот го носи кон повиоските места над селото Орел. Жителите на опожарените села раскажуваат за катастрофа која погоди домаќинства, сточарски објекти и изгоре домашни животни. Од Светиниколско, во живо, се јави екипата на Телма, известуваше новинарот Петар Догов, а снимаше Игор Јанковски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пожарот на локалната депонија во Дојран се прошири и зафати три куќи. Стар Дојран е во опасност, евакуирани се жителите кои се загрозени. Службите ги евакуираат жителите, локалните власти велат засега нема повредени. Како е во моентов таму, диоректно во овоие вести телефонски го вклучуваме Анго Ангов, градоначалникот на општина Дојран. Во живо во вестите во 15:30 се вклучи градоначалникот Ангов кој одговора на прашањата како избувна пожарот и во која насока се шири огнот. Постои ли опасност да ги зафати околните куќи и што се презема за да се спречи ширењето на огнената стихија. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерството за внатрешни работи информира дека неговиот Сектор за компјутерски криминал ги следи случувањата во врска со обвинувањето од Веецуела за наводни хакерски напади од корисници на македонски ИП-адреси за време на нивните избори. Соопшти и дека од таа јужноамериканска држава досега не се пристигнати барања или информации за проверки што треба да ги направи нашето МВР. Во врска со објавите за наводни изјави од страна на властите во Венецуела дека за време на изборите кои биле одржани на 28 јули 2024 се случиле наводни хакерски, Ddos напади од корисници на македонски IP адреси, Министерството за внатрешни работи ја информира јавноста дека Секторот за компјутерски криминал ги следи случувањата во однос на наводните обвинувања кон македонски државјани и, исто така, наведуваме дека до сега не се пристигнати никакви барања или информации во однос на горенаведеното од страна на властите во Венецуела за понатамошни проверки од наша страна, соопшти попладнево МВР. Министерството укажува и дека „дури и појавувањето на македонски IP адреси во некаков наводен напад, не значи дека тие изворно потекнуваат од Македонија“. По досегашното искуство може да информираме дека постои голема веројатност истите да користат ВПН (Виртуални приватни мрежи) или, пак, да се дел од поголема BotNet мрежа, односно да потекнуваат од таканаречени инфицирани зомби компјутери, кои се компромитирани од страна на хакери преку компјутерски вируси или малициозен софтвер и истите можат да извршат зададени задачи далечински управувани од поединци или група на потенцијални хакери, наведува Министерството за внатрешни работи. Во известувањето МВР посочува дека најчесто жртви на ваквите зомби компјутери се лица кои не знаат дека нивните компјутерски системи се инфицирани со малициозен софтвер. И без нивно знаење и согласност се вршат Ddos напади кои претставуваат злонамерен обид да се наруши нормалниот интернет сообраќај на зададениот сервер, сервис или мрежа за пристап до одредена цел во еден ист момент со цел нејзино блокирање, преоптоварување, додава МВР во соопштението. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Полицаец и една девојка од Радовиш пукале со пиштолот на полицаецот, се снимале и потоа младата девојка се фалела на социјални мрежи со пиштолџиското видео. Двајцата се откриени преку видеото и се пријавени за кривично дело „предизвикување на општа опасност“. Полицаецот не бил на работа, прво испукал 5 куршуми, а потоа со девојката пукаат заедно уште 4 пати во воздух со службениот полициски пиштол. Девојката ја објавила снимката на социјална мрежа по што се откриени, а полицаецот е суспендиран. МВР објави соопштение за инцидентот кој се одиграл на 25.07.2024.: Одделот за внатрешна контрола, криминалистички истраги и професионални стандарди при МВР, до надлежното Основно јавно обвинителство Радовиш, поднесе кривична пријава против М.К. и А.Д., двајцата од Радовиш, поради постоење основи на сомнение дека сториле кривично дело „предизвикување на општа опасност“ по член 288 став 1 од Кривичниот законик. На 25.07.2024 околу 00.00 часот во дворно место во Радовиш, првопријавениот М.К., полициски службеник во ОВР Радовиш, кој не бил на работа, со службениот пиштол испукал пет куршуми во воздух, по што второпријавената А.Д., држејќи го пиштолот заедно со првопријавениот, испукале четири куршуми во воздух, со што предизвикале опасност за животот и телото на присутните. Настанот бил снимен со мобилен телефон од трето лице, кое ја пратило снимката на А.Д., која пак ја објавила на социјална мрежа. Одделот за внатрешна контрола, криминалистички истраги и професионални стандарди ќе поднесе предлог за поведување на постапка за утврдување на дисциплинска одговорност против М.К. и ќе изрече задолжителна мерка за отстранување од работното место до завршување на дисциплинската постапка. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Само пет фирми ќе се офајдат ако се преполови данокот на добивка за фирмите што заработуваат над 50 милиони евра годишно. Буџетот би останал покус за над 18 милиони евра, а тие пари ќе останат во касите на Џонсон Мети, Јавното претпријатие за државни патишта и трите најголеми банки – Комерцијална, Стопанска и НЛБ Тутунска банка. Премиерот Христијан Мицкоски вчера најави намалување на данокот на добивка за фирмите што заработуваат над 50 милиони евра од 10 на 5 проценти. Во моментов се анализираат приходите во буџетот. Премиерот смета дека со намалувањето ќе почнат да влегуваат повеќе пари по таа основа во буџетот. Идејата е дека со намалување на данокот на добивка, земјава ќе привлече големи светски мултинационални компании кои би се преселиле во Македонија привлечени од ниските давачки. Се очекува и намалување на сивата економија. Професор Арбен Халили се сомнева дека тоа ќе ги постигне посакуваните ефекти. На странските компании им е поисплатливо да инвестираат во технолошко-индустриските развојни зони, каде што 10 години се ослободени од данокот на добивка, а имаат и други погодности. „Имајќи предвид колкав е бројот на фирми коишто заработуваат толку голем износ, сметам дека нема да има некое значително влијание ни во самиот буџет, ни во придобивките во општеството или како потенцијални дополнителни инвестиции кои може да се направат со тоа намалување. Се работи за многу мал број на фирми, кои најверојатно сега треба да си наплатат нешто што, условно кажано, го имаат инвестирано пред изборите или во кампањата“, вели економскиот аналитичар Арбен Халили. Намалувањето на данокот на добивка за тие што заработуваат повеќе беше едно од предизборните ветувања на ВМРО-ДПМНЕ. Според ветувањата на партијата, фирмите што заработуваат од 20 до 30 милиони евра, ќе плаќаат 8 отсто данок на добивка, тие од 30 до 50 милиони ќе плаќаат 6 отсто, а тие што заработуваат над 50 милиони евра – 5 отсто, наместо досегашните 10 отсто. Мицкоски вчера ги спомена само тие што заработуваат на 50 милиони евра. Анализите покажуваат дека во изминатата година, само 13 фирми заработиле над 20 милиони евра. Тука се банките, Телеком, ЕВН, Алкалоид, Цементарница и Државната видеолотарија. Само пет фирми имале добивка поголема од 50 милиони евра – Џонсон Мети, трите најголеми банки – Комерцијална, Стопанска и НЛБ Тутунска банка и Јавното претпријатие за државни патишта. Овие пет фирми лани заработиле чисти 340 милиони евра, а платиле данок на добивка од 37 милиони евра. Кога овој данок би им се преполовил, буџетот би останал покус за над 18 милиони евра. Минатата година, по основ на данок на добивка во буџетот се собрани скоро 17 милијарди денари, односно 275 милиони евра. За годинава се планира по овој основ во буџетот да легнат 316 милиони евра. Податоците на Министерството за финансии покажуваат дека наплатата засега оди добро. За половина од годината прибрани 194 милиони евра, односно над 60 проценти од планираното за целата година. Владата на СДСМ во 2019 година воведе прогресивен данок на доход, односно повеќе да плаќаат оние кои заработуваат повеќе, но по само една година го укина. Сега Владата на ВМРО-ДПМНЕ најавува обратна ситуација – тие што повеќе заработуваат да плаќаат помалку данок на добивка. Срѓан Стојанчов © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Наместо во резервоар, како што е предвидено според елаборатот за животна средина, во Биогасната централа во Градско , течното ѓубриово се собирало во земјена лагуна, изградена без дозвола, соопштија од Државнто инспектората за животна средина. При уривање на насипот на оваа диво изградена лагуна, пред два дена дел од хемикалијата се излеа во Вардар и предизвика голем помор на риби од Градско до Гевгелија. Инспекторите веќе го изготвува записник и решение од вонредниот инспекциски надзор, а на Биогасната централа, според Законот за животна средина, му се заканува казана од 120 илјади евра -Констатирано е дека ова течно ѓубриво е собран и транспортиран на соседна парцела, без дозвола е направена е лагуна и истата е пробиена, а течното ѓубриво е истечено во соседните земјоделски парцели и во реката вардар, вели директорот на Државниот инспекторат за животна средина, Сретен Стојковски. Директорот на Државниот инспекторат за животна средина, Стојковски, вели дека со инспекцискиот надзор се потврдува дека загадувањето на Велешкото езеро со фекалии е поради тоа што голем дел од објектите не се приклучени на колекторскиот систем, иако тој е во функција, што е причина водата да е со исклучително лош квалитет и опасна по здравјето на капачите и живиот свет. -И покрај тоа што функционира голем дел од колекторски систем, анализите покажаа дека има фекално загадување а тоа е од влијанието на човекот. Голем дел од отпадните води не се третираат и завршуваат во Вардар, вели Стојковки. Загрижени се и екологистите, кои велат Велешкото езеро е веќе мртво, во видите пливаат фекаии, а наоколу се шири неподнослива миризба. Потврда за лошата состојба во којашто се наоѓа езерото „Младост“ пристигна од Хидробиолошкиот завод – Охрид. Во нивниот извештај се образложени резултатите од микробиолошките анализи и се препорачува итно да се делува за спас на водите. Емилија Мисирлевски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Иако, изминативе денови премиерот Мицкоски постојано зборува за пренамена на парите од Коридор 8, неговиот колега министерот за европски прашања Муртезани вели дека до Владата не е пристигнато такво барање. Сепак, од она што го објасни Муртезани може да се види дека пренамената на парите не е едноставен процес. -Кога ќе го добиеме барањето ќе видиме прво за што би значело тоа за проектот. Во првата секција веќе не може да се интервенира и да се стопираат работите ако е начелото да не инвестираме во проект кој ќе заврши во тунел тогаш значи дека проектот ќе заврши на првата секција каде што не може да се користи и второ треба да имаме предвид дека станува збор за коридор од Албанија до Бугарија. Колку што имам јас информации од албанска страна веќе се гради така што ќе треба да го видиме малку по широко на ниво на коридор, вели министер за европски прашања, Орхан Муртезани За третата фаза од железничкиот Коридор 8, односно од Крива Паланка до границата со Бугарија обезбедени се 560 милиони евра. Дел од средствата, 350 милион евра се од Европската банка за обнова и развој и од Европската инвестициска банка. Преку Инвестициската рамка за Западен Балкан земен е грант од 150 милиони евра. А од ИПА 2 програмата 60, 7 милиони евра. Според, познавачите пренамена е практично невозможно од неколку причини. Прво пругата е дел од Примарната карта на европските транспортни коридори на Европската Унија. Коментираат и дека тоа било клучно да се добие и заемот. За 150 милиони од Европската рамка за Западен Балкан преку официјален Берлин веќе стигна опомена дека изградбата на коридорот 8 мора да се заврши. А според познавачите, ако пак има било какви поместувања во овие суми за секогаш ќе пропаднат окол 61 милион евра од ИПА 2 програмата. Откажувањето од овој проект ќе значи неизвесност и за можна изградба и потенцијално финансирање од европски пари и на пругата кон Албанија. Дополнително отежнувачка околност за Владата е и тоа што коридорот 8 е дел од таканаречениот НАТО Коридор за мобилност. Првиот меѓународен документ потпишан од оваа Влада беше токму писмото за намери што на Самитот на НАТО во Вашингтон, министерот Владо Мисајловски го потпиша со неговите колеги од Италија, Албанија и Бугарија Премиерот Мицкоски изјави дека нема намера 550 милиони евра да троши на пруга која завршува во слепа улица. -На памет не ми паѓа како премиер да потрошам 550 милиони евра за пруга која завршува во слепа улица, а половина тунел без предвидлива иднина. Ги замолувам тие пари да ги потрошиме во модернизација на пругата во Коридор 10 за да може возовите наместо 30 на саат да возат 100 на саат, изјави во Топ Тема, премиерот Христијан Мицкоски Но, за реконструкцијата на Коридор 10 односно на пругата од Табановце до Гевгелија во планот за раст прифатен од Брисел како предлог има и финансиска рамка за реконструцкција на мостовите на пругата од Коридор 10 од 28, 7 милиони од ИПА три програмата и 200 милиони евра за реконструкција на самата пруга од инвестицсиката рмака за Западен Балкан и ЕБОР. Па, од тука се отвара прашањето за што точно ќе се искористат парите ако дојде до евентуална пренамена на средствата наменети за пругата кон Бугарија. Ирена Чачкова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пеплосани ниви, пламени јазици, чад и силен ветар, вака ноќеска изгледаше селото Ерџелија. „Неколку часа после полноќ се наоѓаме во селото Ерџелија. Овде пожарот е ставен под контрола од населението. На некои места сè уште може да се забележат мали пламени јазици кои сè уште се разгоруваат. Во моментот додека се наоѓаме овде летаат искри од она што сè уште гори.“ Уште кога се наоѓавме на автопат и бевме оддалечени повеќе од дваесетина минути од селото можевме да го забележиме огнот и непријатната миризба која поради ветарот се чувствуваше километри надалеку. Жителите на Свети Николе кои ги затекнавме таму, водеа ноќна борба со огнот. „Ние бевме пет или шест луѓе кога дојдовме тука. Се обидовме да го изгасиме пожарот, но не можевме сепак тоа е страшна сила. Викавме помош. Пожарните навистина беа на сите страни не можеа да дојдат бидејќи на многу места гореа села и куќи. Ние самите луѓе пробувавме со гранки да гаснеме. Среќа неколку луѓе од селото дојдоа со трактори. Морам да нагласам дека само неколкумина помогнаа. Иако многу од жителите имаат трактори не сакаа да помогнат. Немаме разбирање, чекаме од другите да ни ја завршат работата“, вели Кире Јанев, жител на село Ерџелија. Оттаму се упативме во селото Немањици, каде жителите доживеа тешки и опасни моменти во текот на денот, кога гореа куќи, а беа загрозени и нивните животи. Кога стигнавме таму селото беше пусто, немаше никој освен исплашените животни. Сè уште можеше да се видат некои стари објекти како горат. „Селото буквално е пеплосано. Жителите се евакуирани, а сè уште може да се видат некои стари објекти како горат.“ Пожарот започна попладне во горните села на Свети Николе, а силниот ветар набрзина го рашири огнот и во другите околни места. Тамара Марковска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Со години тие официјално не постоеја. Сепак, ретките воени успеси на Русија беа постигнати не од редовната армија, туку од милициите на командосите Вагнер. Овие луѓе станаа незаменливи за Путин. Тие сочинуваа четвртина од сите руски борци на фронтот и учествуваат во најтешките борби. Основачот Евгениј Пригожин беше навидум еден од единствените луѓе што може да ја критикува руската армија, а неговите експлозивни говори и расправии со руската војска ги откриваат пукнатините во воената машина на Путин. За да ја разбереме оваа суштинска врска во рускиот воен систем, го добивме сведочењето на тројца платеници кои се бореле во редовите на Вагнер. Тие даваат инсајдерски извештај за тоа како разузнавачките служби ги обучувале и опремиле првите борци. Тие, исто така, даваат вредни информации за страшниот основач на милицијата, Димитри Ауткине, обожавател на Третиот Рајх и нацистичката идеологија. Сведочењето на овие тројца борци фрла светлина врз проблематичната личност на шефот на Вагнер, Евгениј Пригожин. Поранешен криминалец и богат олигарх, овој близок соработник на Владимир Путин немаше дилеми да се појави во близина на линијата на фронтот, но и во руските затвори за да регрутира нови борци во замена за укинување на казните. Употребуваше хумор и провокации, па дури го засени и рускиот министер за одбрана, кого отворено го критикуваше. Истражувавме и во Африка, која стана терен за освојување на платениците на Вагнер. Во Судан, Мали, Мозамбик и Централноафриканската Република, тие беа насекаде, ставајќи го своето оружје во служба на авторитарните режими за да ја задушат секоја опозиција или бунт. Во замена, тие го зграпчуваа природното богатство на овие земји. Каде и да одат, Вагнер командосите сееја смрт и пустош. Некои од жртвите раскажуваат за масакри, тортура и силување. Но, Вагнер не беше само воена сила. Неговите луѓе станаа специјалисти за дезинформации, не двоумејќи се да исценираат лажни масовни гробници или да продуцираат акциони филмови со голем буџет и пропагандни цртани. Целта: да се убеди локалното население дека Русија е нивниот најдобар сојузник. Од украинскиот фронт до рудниците на Централноафриканската Република, го креваме превезот на приватната војска на Путин. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Интервју со поранешниот претседател на СССР, Михаил Горбачов, една од највлијателните личности во минатиот век, чие владеење го најави крајот на Советскиот Сојуз. Во интимен амбиент, тој го дава својот поглед на Русија некогаш и сега. Промените предизвикани од еден човек одекнаа низ целиот свет. Филм што го сумира животот на еден човек кој го промени светот во 20 век. Краткото време на власт на Горбачов беше обележано со распадот на оваа империја. Тој беше архитект на Гласност и Перестројка, политики кои им дадоа на граѓаните на Советскиот Сојуз, шанса да бидат слободни. Советската империја се распадна под него, a тој беше осуден од сопствениот народ. Со овој товар од минатото, овој осамен старец ги живееше последните денови од својот живот во празна куќа во предградијата во близина на Москва. Почина на 30 август 2022. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

16:15 СТЕЛА – Стојан Вујичиќ Премиера на “Стела” на Синедејс 19:15 СРЕЌНА НОВА 49 – Столе Попов СРЕЌНА НОВА ’49-та – петок, 02 август 2024 – 19:15 22:15 ТЕТОВИРАЊЕ – Столе Попов ТЕТОВИРАЊЕ – петок, 02 август 2024- 22:15 © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Дејството на филмот се одвива во летото 1989 година и го следи животот на работникот Илија (Мето Јовановски), кој по низа апсурдни настани, иако потполно невин, завршува во затвор, обвинет за убиство, а подоцна и убиен од еден специјалец. Илија, кој и инаку, според својот нескротлив темперамент како да е предодреден да биде во конфликт со официјалните сили што го „штитат“ поредокот — комунистичкиот режим во распад — по една караница со сопругата (Љиљана Меѓеши) го напушта домот со единственото што го поседува, празниот куфер. Откако им станува сомнителен на двајца полицајци кои го забележуваат на железничката станица, завршува во Истражниот затвор, каде е подложен на „вербална и физичка тортура“. По еден од судирите, борејќи се за сопствениот живот во тепачка со криминалецот Љупчо (Александар Чамински) — кој потоа, не по вина на Илија, им подлегнува на повредите — обвинет е за убиство и е упатен на издржување на затворската казна. „Со тоа, односот меѓу сопружниците добива нова, дури и побогата димензија; миговите на посети од страна на неговата сопруга му даваат на Илија сила да истрае и да се бори за ревизија на процесот.“ © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Адаптирана од романот „Løvekvinnen“ (Жената лав) од Ерик Фоснес Хансен (2006), приказната ја следи Ева, која е родена со хипертрихоза, вродена состојба која предизвикува прекумерен раст на влакната по целото нејзино тело. Нејзиниот татко тагува не само за загубата на сопругата за време на породувањето, туку и за ненормалниот изглед на неговата ќерка. Како што се развива животот на Ева, таа е во контакт со оние кои ја избегнуваат, ја прегрнуваат и злоставуваат, но сепак преживува со интелигенција, духовитост и внатрешна убавина. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Заснован на меѓународно најпродаваниот роман на Џонас Јонасон, неверојатната приказна за 100-годишен маж кој одлучува дека не е доцна да започне одново. За повеќето луѓе тоа би била авантура на животот, но неочекуваното патување на Алан Карлсон за него не е ништо ново. Еден век го правеше светот неизвесен, а сега повторно е на слобода. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Рич е доктор кој со сопругата и ќерката е принуден да живее со своите родители Френк и Рејчел. Отфрлен и обесчестен по една грешка за време на операцијата, тој прифаќа работа како ветеринар за да обезбеди некаков живот за своето семејство. Ситуацијата се менува кога криминалците Матијас и Џејми влегуваат во нивната куќа, ги земаат во заробеништво сите членови на семејството и бараат од Рич да го спаси ранетиот Матијас кој бил застрелан во ногата откако ограбил бензинска пумпа. Улоги: Чад Мајкл Мареј и Брус Вилис © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Приказна за Јан Кермадец, чии соништа се остваруваат кога ќе се најде во позиција да го замени капитенот кој во последен момент треба да се натпреварува на трката со јахти околу светот на Венди Глоуб. По неколку дена трки, Јан кој е во водство, ќе мора да застане за да го поправи оштетеното кормило. Ова ќе му попречи на патот до победата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Магбет, добива пророштво од три вештерки дека еден ден ќе стане крал на Шкотска. Обземен од амбиции и поттикнат од неговата сопруга, Магбет го убива својот крал и го презема тронот за себе. Од оскаровците на филмот „Говорот на кралот“ доаѓа историската драма Магбет, филмска адаптација на истоименото класично дело, во која познатиот војвода Магбет го игра Мајкл Фасбендер, а неговата сопруга е исклучително надарената, оскаровката Марион Котијар. Магбет е приказна за бестрашен воин и инспиративен водач кој е соборен од амбиција и желба. Донесуваме возбудлива интерпретација на драматичната реалност од тоа време и замислете како војната навистина влијаела на еден од најпознатите и најнеодоливи ликови на Шекспир. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Основната тема во филмот е донесувањето на Резолуцијата на Информбирото и нејзиното неприфаќање во македонската општествена средина. Дејството се одвива во кругот на едно семејство чии членови, наоѓајќи се во вакви историски околности, започнуваат да се прибираат околу еден круг на злото при што доаѓа до уништување на најдлабоките човечки чувства. Филмот е приказна за двајца браќa: постариот, Драгослав Ковачевски (Мето Јовановски) кој како студент се враќа од Советскиот Сојуз за веднаш потоа да биде лажно обвинет и затворен, и неговиот помал брат Коста (Светозар Цветковиќ) кој го согледува неморалот на властите во СФРЈ и сака да живее свој живот, независен од сите други околу него. Тој покажува наклонетост кон Вера (Владица Милосављевиќ), девојката на постариот брат додека тој е во затворот, за која на крајот се открива дека била советска шпионка; кога за тоа ќе се дознае, Вера се самоубива. Но, соперничката банда на Бугер (Петар Арсовски) полека ги „средува“ работите во тогашното скопско подземје и Коста, во безизлезна ситуација, се решава да ја напушти земјата и бега на запад. Никој дома не знае каде е заминат и што се случува со него. Истовремено, Драгослав се самоубива. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

По обид за самоубиство на едно десетгодишно дете, кое е жртва на малтретирање во училиште, Стела (шарпланинка) е единствената која може да го спаси и да му ја обнови верата во животот. Улоги: Дејан Лилиќ, Тони Михајловски, Петар Маниќ, Симеон Дамески, Христина Поповиќ Режија: Стојан Вујисиќ Филмот „ Стела“ се закити со сребрена плакета на Индискиот филмски фестивал за деца Премиера на “Стела” на Синедејс © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во моментот најзагрозено со пожар е подрачјето кај Дојран на југот на државата. Пожарот почна во депонија, зафати и три куќи, а покрај од земја се гасне и од воздух. -На почетокот на Стар Дојран, од десна страна на високиот дел, каде што се одбранети куќите, но е опасно заради експлозии од неексплодирани гранати заостанати од Првата светска војна, минатите војни, соопшти директорот на ЦУК Стојанче Ангелов. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Новиот балансер за министерот за јавна администрација е затворена тема. Се повикува за Законот за вработени во јавниот сектор и нема намера да ја смени одлуката со која беше променета методологијата на пресметка на процентот на население од етничките заедници. На коалиционите партнери од „Вреди„, кои сметаат дека со ова ги провоцира Албанците, им порача да читаат закони и да не се бават со дневно-политички теми. Минчев нагласи дека основната заложба на оваа Влада е етничкиот предзнак да не биде принцип за вработување, туку во администрацијата да се вработуваат луѓе врз база на знаење и на квалитет и на ова ќе работи во следниот период. Законите кои ги повлече од собраниска процедура, се изменети и ќе бидат ставени на ЕНЕР, каде што заинтересираните ќе можат да даваат забелешки и сугестии, а во следните два месеци ќе се организираат јавни дебати и дискусии.Се работи за предлог – законот за административни службеници, предлог – законот за вработени во јавниот сектор, и предлог- законот за стручно усовршување и обука на административните службеници, кои треба да бидат изгласани и да стапат на сила од 1 јануари следната година. Од утре, почнува и процес на консултации преку кампања под мотото: „Сите заедно за професионална и квалитетна јавна администрација„. Далиборка Демјанска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Обвинителот на Венецуела обвини дека хакери од Македонија извршиле сајбер напад врз тамошната изборна комисија за да спречат објавување на резултатите од претседателските избори. Нема други детали за ова сериозно обвинување на авторитарниот режим во Каракас предводен од досегашниот претседател Николас Мадуро кој според истражувања изгубил на изборите, додека државните органи објавија дека повторно победил. Надлежните македонски институции не се известени за случајот, а допрва претстои проверка на евентуални докази доколку бидат доставени од Венецуела. Ресорниот министер за дигитална трансформација порача дека состојбата будно се следи и дека досега нема никакви докази за хакерски напад од Македонија. -Се надевам дека освен коментарите што излегоа во јавноста и коишто ги забележавме и со внимание ги следиме, од државата, од властите во таа држава ќе има и соодветни докази за наводно вмешување на некои наши граѓани или институции од државата. Внимателно го следиме процесот. Министерството не е истражен орган, но ќе се заложиме за тоа никој да не биде обвинуван во државата без да има соодветни докази за тоа и да не бидеме вмешувани во внатреполитички битки на еден авторитарен режим којшто постои со години во таа држава и неговиот однос кон опозицијата во таа држава – рече Андоновски. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Економијата на ЕУ порасна повеќе од очекуваното во вториот квартал од оваа година, но економската активност во Германија, водечката европска економија, се намали, пренесе Бета. Бруто домашниот производ (БДП) на ЕУ порасна за 0,3 отсто во вториот квартал во 20-те земји кои го користат еврото, покажуваат официјалните податоци што денеска ги објави статистичката агенција Еуростат. Германија, пак, имаше пад на БДП од 0,1 отсто. На ниво на еврозоната, растот следи слично остварување од 0,3 отсто од кварталот јануари-март, што беше прв значаен раст по повеќе од една година стагнација околу нулата. Спротивно на тоа, американската економија порасна за 0,7 отсто во вториот квартал во однос на првиот, или 2,8 отсто на годишна основа. Американските потрошувачи трошат слободно, додека државните трошоци од поголемите буџетски дефицити и субвенциите за деловни инвестиции во обновлива енергија, исто така, придонесуваат за растот на САД. Во Европа е спротивно затоа што потрошувачите никогаш не штеделе повеќе од сега, додека владите исто така ја ограничуваат потрошувачката за да ги намалат буџетските дефицити. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На 4 септември започнува главната расправа за двојното свирепо убиство на 14 годишната Вања Ѓорчевска и на 74 годишниот Панче Жежовски откако обвинителството побара одложување со цел спојување на постапката. Судењето за четворица обвинети требаше да започне денеска, но во меѓувреме заврши истрагата и за првоосомничениот во случајот Љупчо Палевски Палчо и Кривичниот суд го прифати барањето на обвинителството. Одбраната на Палевски на 22 јули го доби известувањето за завршена истрага и има рок од 15 дена да изврши увид во доказите. По истекот на рокот ќе биде поднесен и обвинителен акт за Палевски. Марјан Витановски, адвокатот на Палевски за Телма изјави дека по увидот ќе донесат одлука дали ќе биде потребно да дадат предлог до ОЈО за прибирање на докази за потребите на одбраната. Истрагата против Палевски започна во мај откако беше екстрадиран од Турција. Боре Видевски, Велибор Манев и Влатко Кешишов се товарат дека биле соизвршители. Тие кога беа приведени го посочија Палевски како главниот организатор на грабнувањата и извршител на убиствата и ја однесоа полицијата до телата на жртвите. Целта, според обвинението, им била да присилат член на потесното семејство на Вања да даде парични средства за откуп. Таткото на Вања, Александар Ѓорчевски е обвинет дека помогнал во грабнувањето на неговата ќерка. Извесно е дека за Видевски, Манев и Кешишов ќе се бара највисока казна- доживотен затвор. Истатата казна се очекува и за Палевски. За Ѓорчевски пак запретената казна затвор е максимум 10 години. Марија Митевска © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Деветгодишно девојче им подлегна на повредите при напад со нож во градот Саутпорт, Англија, потврди локалната полиција. Таа е третата жртва на нападот што се случи за време на час по танц во мирниот англиски крајбрежен град околу пладне во понеделникот. Според полицијата, девојчињата кои во понеделникот ги загубиле животите биле на шест и седум години. Во нападот се повредени уште осум деца, од кои пет се во критична состојба. За живот се борат и двајца возрасни. Нападот се случил околу пладне во понеделникот, кога напаѓачот со нож влегол на час по танц и јога на кој присуствувале околу 25 деца на возраст од шест до 11 години. Напаѓачот набрзо бил уапсен, а полицијата констатирала дека се работи за 17-годишен малолетник. Кај него е пронајден нож со кој е извршено кривичното дело. Мотивот засега е непознат. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во рок од три часа избувнале дваесетина тешко пожари во текот на вчерашниот ден. Надлежните се сомневаат дека дел од нив се намерно подметнати. МВР излезе на терен и се очекува во наредниот период да излезе со детали за причините за ибвивањето на голем број пожари во кус временски период. Директорот на Центарот за управување со кризи Стојанче Ангелов информира утрово дека вчера бил детектиран случај на појава на пожар од искрење на електрични спроводници и упати апел до ЕВН да изврши контрола на електроинсталациите во земјава и проверка на затегнатоста на жиците. Од вкупно 46 регистрирани пожари во текот на вчерашниот ден, успешно изгаснати се 27, пет тешки пожари се ставени под контрола, а 14 се активни во моментов. – Во период од три часа имавме појава на дваесетина тешки пожари врз кои што едноставно поради силниот ветер не можевме брзо да воспоставиме контрола. Ваквите пожари предизвикаа голема опасност по селата и населението, а за жал имаме и едно починато лице, изјави Ангелов. Потенцира дека пожарникарите работеле во текот на целата ноќ со поддршка на јавните комунални претпријатија, механизација, локалното население и дел од пожарите ги ставиле под контрола. – Во овој момент активен е пожарот на територија на општина Македонски Брод кај селата Тажево и Брезница, кракот кон НП „Јасен“. Активен е пожарот и на територија на Кочани во селото Главовица, кој изби вчера околу пладне. Активен е и пожарот кај Прилеп во селото Радобил, а на територија на Прилеп има уште еден пожар кај селото Дабница кој изби во текот на вчерашните попладневни часови, информираат од ЦУК. Додаваат и дека на територија на Свети Николе активен е пожарот кај селото Орел и Немањици, каде дејствуваат три „ер трактори“ на ДЗС. Активен е и пожарот над селото Ерџелија и селото Мустафино. Исто така, и на овој пожар ќе дејствуваат три „ер трактори“. На територија на Свети Николе има уште еден пожар кај селото Макреш и селото Ранченци кој избувнал утрово. Во кумановско, активен е пожарот кај селото К’шање ‎и селото Кокошиње кон Мургаш, кој изби вчера околу пладне. Пожари постојано се појавуваат и над Теарце и над Боговиње. На територија на Старо Нагоричане активен е пожарот кај селото Малотино и Жегљане‎, кој изби вчера пред пладне. На територија на Пробиштип активен е пожарот кај селото Зелени град и селото Јамиште, кој се заканува да зафати квалитетна борова шума. На територија на општина Чашка гори кај селото Оморани во месноста наречена Мукос, пожарот беше реактивиран вчера околу 16 часот. Утрово изби уште еден нов пожар на територијата на општина Дојран кај селото Николиќ. Под контрола се ставени пет пожари. Ангелов апелира до сите граѓани кои поседуваат викендички или куќи во полунапуштени или напуштени села, да изработат таканаречен мек појас околу сопствените викендици, а до земјоделците и сточарите да прекинат со палење на стрништа и пасишта, бидејќи, како што посочи, тоа може да биде обид за убиство. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Исчезнат е Томе Божиновски (85), кој има деменција. Божиновски е од скопската населба Тафталиџе. Тој излегол од дома вчера во 05:00 часот, облечен е во жолти шорцеви, тегет маица, сив памучен елек. Во прилог е и слика од камери во околината во моментот кога Божиновски го напушта својот дом. За било каква информација може да се пише во коментар на постот на социјалните мрежи или јавете се на 192 или на бројот 077633742. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

(ФОТО: Преземено од ФБ профил на Кире Михаилов) Голем пожар избувна во Стар Дојран кај депонијата, во месноста Карач и според информациите оттаму се зафатени три куќи. Се евакуираат жителите, а повредени нема. Веста ја потврдија градоначалникот на Дојран, Анго Ангов и директорот на Центарот за управување со кризи (ЦУК), Стојанче Ангелов. Според Ангов, се работи за голем пожар кој гори веќе неколку часови и во неговото гаснење покрај месното население учествуваат пожарникари од Дојран, Валандово, Гевгелија и Струмица. – Апелираме за помош од Дирекцијата за заштита за и спасување, бидејќи досега не успеваме да се справиме со огнената стихија која под налетите на силниот ветрот се шири многу бргу. Пожарот најверојатно е подметнат, бидејќи на местото каде што гори пронајдовме канти од моторно масло, изјави за МИА градоначалникот Анго Ангов. Покрај овој пожар, на територијата на Општина Дојран избувна уште еден кај селото Николиќ, кој се префрлил на грчката страна од Дојранското Езеро. Опожарени 40 куќи во три села во Светиниколско © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Две бази за противвоздушна одбрана во јужна Сирија биле погодени во текот на ноќта од израелски ракети, соопшти денеска Сириската опсерваторија за човекови права. Како што се наведува во соопштението за печатот на опозициската организација со седиште во Велика Британија, која ја следи војната во Сирија, во ракетните напади врз провинцијата Дара нема жртви. Областа се наоѓа во близина на линијата на огнот меѓу сириските и израелските сили на Голанската висорамнина. Државните сириски медиуми не објавија за нападите, пренесува британскиот весник „Гардијан“. Нападите дополнително ги зголемуваат тензиите на северната граница на Израел по смртоносниот ракетен напад од Либан врз анектираниот Голан во кој загинаа 12 деца во саботата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Еден пожарникар е повреден во Хрватска при гаснење пожар на отворен простор во месноста Каштел Шучурац, во пошироката околина на Сплит. Како што пренесуват локалните медиуми, пожарот избувнал синоќа по 2 часот во близина на железарницата, а гори трева, ниска вегетација и афион. Пожарот го гаснат 106 пожарникари со 39 возила, со помош на противпожарниот воз „Робел“, соопштија од противпожарната служба. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Назначени се нови членови на Надзорниот и Управниот одбор на Операторот на електропреносниот систем за пренос на електрична енергија АД МЕПСО. За нов директор е назначен Бурим Љатифи, а за заменик директор Александар Пауноски. Министерството за транспорт и врски денеска информираше дека како единствен акционер во АД МЕПСО ги има назначено Јован Лазарев, Зоран Тодоровски, Елизабета Гиовска, Симона Домазетовска Марковска, Агрон Рустеми, Звонко Бошков и Али Исмаиљ за членови на Надзорниот одбор. Новиот Надзорен одбор на вчерашната седница ги избрал и новите членови на Управниот одбор. Покрај директорот и заменик-директорот, нови членови на Управниот одбор се Сашко Лакински, Васе Јовевски, Анастасија Илиеска, Иван Иванов и Мартин Малиновски. – Со изборот на новите членови на Управниот и Надзорниот одбор, приоритет се дава на ефикасно управување на електропреносниот систем преку оптимален и оддржлив развој на компнијата се со цел задоволување на потребите од електрична енергија за крајните кросиници. Притоа Управниот и Надзорниот одбор ќе имаат задача да го консолидираат Акционерското друштво од наследените проблеми, да се справат со корупцијата и да ги зајакнат капацитетите на компанијата во насока на реализација на развојни проекти со кои ќе допринесат за унапредување на преносната мрежа, се наведува во соопштението. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Американскиот секретар за одбрана Лојд Остин изјави дека не верува оти ескалацијата на борбите меѓу Израел и милитантите на Хезболах во Либан е неизбежна. Говорејќи во Манила, каде што тој и државниот секретар Антони Блинкен треба да се сретнат со нивните филипински колеги, Остин рече дека и понатаму е загрижен „за потенцијалот ова да ескалира во целосна војна“. Остин рече дека Израел покажал дека ќе се брани, но дека САД се надеваат дека двете страни ќе го решат својот спор по дипломатски пат. Загриженоста за ескалација на насилството меѓу двете страни се разгоре изминатиот викенд, откако во ракетен напад загинаа 12 деца на Голанската висорамнина, на територија која е под контрола на Израел. Израел го обвини Хезболах за ракетата која дојде од Либан и удри во фудбалско игралиште каде што децата играа во градот Мајдал Шамс, главно Друзи. Во необичен потег, Хезболах негираше каква било улога во нападот. Израелскиот премиер Бенјамин Нетанјаху во понеделникот вети жестока одмазда против Хезболах. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Главната расправа за предметот поврзан со двојното убиство на малолетната Вања Ѓорчевска и велешанецот Панче Жежовски закажана за четврти септември, откако денешната расправа е отповикана по предлог за одлагање од Основното јавно обвинителство информира Основниот кривичен суд во Скопје. – Имајќи предвид дека истрагата против осомничениот Љупчо Палевски е завршена и по истек на законските рокови по известување за завршена истражна постапка, ќе биде изготвено и поднесено обвинение, кое се однесува за истиот кривично – правен настан за кој се води и предметот против четворица други обвинети, а воедно се работи и за исти докази, од ОЈО Скопје, согласно чл. 28 од ЗКП ќе биде поднесен и предлог за спојување на двете постапки. Основното јавно обвинителство Скопје во мај годинава поднесе обвинение против четири лица за грабнување и сурово убиство на 14-годишната Вања Ѓорчевска од Скопје и 74-годишниот Панче Жежовски од Велес. Обвинети се Боре Видевски, Велибор Манев и Влатко Кешишов, како и таткото на девојчето, Александар Ѓорчевски. Неодамна беше завршена и истрагата за Љупчо Палевски, првоосомничен за двојното грабнување и свирепо убиство, како и за уште едно лице осомничено за помагање по извршување на кривичното дело против кого постапката ќе се води одвоено. Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Велес и Скопје на 3 декември 2023 година. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Околу 40 куќи во селата Малино, Немањици и Орел вчера доцна попладнето беа пеплосани од огнените јазици. Станува збор за постари објекти но и новоградби, откако огнот влезе во 12 села. Претпладнево нема опасност огнот да влезе во населени места, но горат површини со земјоделски култури, информира градоначалникот на Општина Свети Николе, Дејан Владев. Посочува дека во текот на ноќта брзо е интервенирано од страна на сите сили и огнот од селото Ерџелија е држен на растојание од околу еден и пол километар. Во Светиниколскиот регион денеска на пожарите се интервенира и од земја и од воздух. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Ве известуваме дека проф.д-р. Астрит Исени и официјално ја презеде функцијата заменик-министер во Министерството за внатрешни работи. Со преземање на функцијата, заменик министерот ја изрази својата длабока и максимална посветеност во неговата работа и неговиот придонес во држување на јавниот ред и мир, со цел нашите граѓани да се чувствуваат заштитени и безбедни. „Чест ми е што ја преземам оваа важна одговорност и ветувам дека ќе работам за доброто на нашите граѓани“, нагласи г. Астрит Исени. „Мојот придонес како заменик министер ќе биде важен во подобрувањето и унапредувањето на услугите што ги нуди Министерството за внатрешни работи, одржувањето на јавниот ред и мир, блиската соработка со другите институции и со сите релевантни европски и меѓународни организации поврзани со безбедносни прашања”. Заменик министерот ја изрази својата решеност ефикасно да ги исполни своите должности во соработка со неговите соработници, како и со сите заинтересирани страни за постигнување на заеднички цели. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Исплатата на парите од „Мој ДДВ“ за второто тримесечје нема да започне пред да биде усвоен ребалансот на Буџетот за 2024 година, бидејќи во сегашниот буџет на УЈП не се предвидени средства за исплата. Затоа е неопходно да има ребаланс пред да започне исплата на парите за второто тримесечје, порача денеска директорката на Управата за јавни приходи (УЈП) Елена Петрова. – Исплатата не може да почне додека не помине ребалансот на Буџетот, бидејќи во буџетот на УЈП за 2024 година не биле испланирани доволно средства за цела 2024 година. Испланираните средства за „Мој ДДВ“ во најголем дел се потрошени и затоа мораме да го чекаме ребалансот на државниот Буџет и потоа да бидат испланирани средства, рече Петрова во интервју за „Република“. Вчера, пратеникот од ВМРО-ДПМНЕ Бојан Стојаноски на прес-конференција во Собранието најави дека се очекува ребалансот на Буџетот да биде усвоен во втората недела од август. – Продолжува дебатата за ребалансот на Буџетот за 2024 година. Планот е да се донесе во втората недела од август по што ќе започне консолидацијата на затекнатите состојби, рече Стојаноски. Во собраниската Комисија за финансирање и буџет во тек е амандманската расправа за ребалансот на Буџетот. Поднесени се вкупно 58 амандмани © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Српскиот министер за градежништво, транспорт и инфраструктура Горан Весиќ е позитивен на коронавирусот. Министерот Весиќ ги откажа сите посети и средби што беа планирани за денеска и утре, како и присуство на продолжението на седницата на Парламентот на Република Србија. Весиќ е на домашно лекување, од каде преку платформи за видео состаноци ќе продолжи да ги координира најважните активности на Министерството. Во Србија вчера беше соопштено дека и премиерот Милош Вучевиќ е позитивен на Ковид-19. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Ситуацијата со пожарот во познатото албанско летувалиште Шенѓин, кој беснее од пред неколку дена, се влоши во текот на ноќта, поради ширењето предизвикано од ветерот. – И по интервенцијата со хеликоптер беше невозможно целосно да се изолираат пожарите, каде поради силниот ветер во текот на ноќта пожарот повторно се активираше во некои области на планината над Шенѓин, објавија медиумите. Tие додаваат дека огнот се приближил до хотелите и апартманите во Рана е Хедун, а во меѓувреме жителите на областа, како и туристите, се евакуирани. Шенѓин, каде климата е идентична со онаа на Улцињ, е опколен со борова шума, а најпосетуван е од македонски, косовски, српски и полски туристи. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Жителите на четири населени места на островот Евија во Грција мораа да се евакуираат поради пожар што избувна вчера вечерта. Како што пренесува „Катимерини“, противпожарните служби цела ноќ го гаснеле пожарот кој сè уште гори, па жителите на Климаки, Лиани Амос, Петриес и Криеси морале да се евакуираат. Противпожарната служба соопшти дека пожарот се движел кон југ на островот. Како што пренесуваат медиумите, во гаснењето на пожарот се ангажирани 205 пожарникари и 56 возила, пет авиони и три хеликоптери. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Гонењето на незаконските дејства и корупцијата е клучно за обезбедување на правичен и равноправен систем за сите граѓани. Последната кривична пријава против поранешниот министер за економија, Крешник Бектеши, за “опструкција на правдата”, која се сомнева дека е извршена еден ден пред парламентарните избори, јасно и недвосмислено покажува дека партијата од која потекнува Бектеши била дел од октопод на криминал, корупција и крадење на гласовите, велат од коалицијата „Вреди“. Од таму додаваат дека тие ја поддржува секоја активност која има за цел зајакнување на правото и редот во Северна Македонија. . Овој случај е силна потврда дека долгогодишното владеење на партијата на Бектеши донело не само крадење од граѓаните, туку и невиден притисок врз Албанците за да ја изразат својата слободна волја преку гласање, се вели во партиското соопштение. Додаваат дека тие секогаш ќе се залагаат за владеењето на правото, а никогаш за политички реваншизам. Ги повикуваат правосудните органи преку правилна и правична постапка предметното лице да ја докаже својата невиност или да се докаже неговата вина во зависност од доказите. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Израелската армија соопшти дека немирите на десничарите во воената база Сде Тејман на југ вчера попладне и во базата Беит Лид во централниот дел на земјата директно наштетиле на безбедноста на Израел и ги одложиле дискусиите за одмазда против либанскиот Хезболах. Одмазда против проирански Хезболах се подготвува за ракетниот напад во саботата во друзскиот град Маџал Шамс на Голан, во кој беа убиени 12 деца. Офицерите на Израелските одбранбени сили, вклучително и началникот на Генералштабот, ги прекинаа разговорите за да се справат со упадите во базите, објавија израелските медиуми. Инцидентите започнаа откако воената полиција вчераутро приведе девет резервисти во базата Сде Тејман, под сомнение дека неколку недели во затворот на базата малтретирале притворен Палестинец од Газа. Набргу потоа, околу 1.2000 десничарски активисти, заедно со неколку пратеници ултранационалисти, се собраа околу базата Сде Тејман за да протестираат против истрагата против резервистите, а многумина насилно влегоа во базата. Некои воени единици од Западниот Брег и оние чии членови беа на одмор беа испратени синоќа во Беит Лид и денеска таму ќе бидат неколку баталјони. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Обвинителството на Венецуела тврди дека сајбер напад извршен од Северна Македонија влијаел врз пренесувањето на изборните резултати од претседателските избори. Според главниот обвинител на Венецуела, Тарек Вилијам Сааб, бил направен обид за манипулирање на резултатите, но тој не успеал. „Целта беше да се измешаат вистинските извештаи. Го лоциравме и идентификувавме главниот водач -Лестер Толедо“, изјави Сааб. Јавниот обвинител на Венецуела, Тарек Вилијам Сааб, најави кривична истрага и против лидерката на опозицијата Марија Корина Мачадо, обвинувајќи ја дека со уште две лица координирала компјутерски напад врз Националниот изборен совет од Македонија за време на претседателските избори во земјата. „Резултатите од одделни изборни единици наскоро ќе бидат објавени на интернет страницата на Изборната комисија“, се вели од Обвинителството. По гласањето во неделата, Изборната комисија прогласи победа на авторитарниот претседател Никола Мадуро со 51,2% од гласовите. Опозицискиот кандидат Едмундо Гонзалес, според Изборната комисија, добил 44,2% од гласовите. Македонија беше популарна на слична тема во глобалните медиуми и пред неколку години, кога велешани беа обвинети дека го помогнале изборот на Трамп во САД. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерот за надворешни работи на Израел, Израел Кац, го повика НАТО да ја исфрли Турција од Алијансата, по контроверзната изјава на нејзиниот претседател Реџеп Таип Ердоган. „Во светло на опасната реторика на турскиот претседател Ердоган и заканата за напад на Израел, министерот за надворешни работи Израел Кац им нареди на дипломатите итно да контактираат со сите членки на НАТО, повикувајќи на осуда на Турција и барајќи нејзино исфрлање од Алијансата“, соопшти Министерството за надворешни работи. Ердоган во неделата рече дека Турција може да влезе во Израел за да им помогне на Палестинците, како што тоа некогаш го правеше во Либија и Нагорно-Карабах. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Доналд Трамп ја нарече церемонијата на отворањето на Олимпијадата во Париз „срамота“, откако нејзините креатори беа на удар на критики затоа што, како што некои рекоа, шоуто отишло предалеку. „Јас сум многу отворен ум, но мислев дека тоа што го направија е срамота“, изјави Трамп за Фокс њуз. Неговите коментари уследија по осудата од католичките групи и француските бискупи за сцената на церемонијата во која учествуваа танчери, драг кралици и диџеј во пози што се чини дека потсетуваат на приказите на Тајната вечера, иако креаторите рекоа дека таа не била наменета да го претставува религиозниот амбиент, јавија американски медиуми. Секвенцата наиде на меѓународна критика од христијанските групи и екстремно десничарските политичари на социјалните мрежи. На прашањето на водителката што би направил доколку биде реизбран за претседател навреме за Олимпијадата во Лос Анџелес во 2028 година, Трамп одговори: „Нема да имаме ‘Тајна вечера’ прикажана на начинот на кој тие ја прикажаа“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Фронтот на огнот од светиниколското с. Немањица е многу широк но во овој момент населените места не се во опасност, информираат утрово од Центарот за управување со кризи. Од таму додаваат дека на терен работат поголем број пожарникари, а во приправност има доволно припадници на Армијата кои се вклучуваат по барање на локалните командири. Од ЦУК информираат дека денеска, со цел ставање под контрола на огнената стихија, од воздух ќе делува еден армиски хеликоптер и три ер трактори на ДЗС. Тие ќе полетаат за неколку минути и ќе дејствуваат во Светиниколско на линијата од пожарот што се движи кон Куманово. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пожарот над Прилеп во голем дел е ставен под контрола, а со големи напори на противпожарните единици доцна во ноќта е спасен и манастирски комплекс. Командирот на ТППЕ Прилеп информира дека во моментот позади сртот на Маркови кули пожарот е поделен во два крака. Противпожарните територијални единици прават напори да го стават под контрола и изгаснат. Има доволен број на луѓе на терен, а воздушна подршка во моментот не е потребна. Од Општина Прилеп упатија апел до сите граѓани да не се потпалуваат стрништа. – Овие неконтролирани пожари претставуваат сериозна закана за нашите отворени простори, а уште полошо, можат да загрозат населени места, објекти и манастарски храмови!, се вели во апелот на општината. Од таму додаваат дека противпожарни екипи се деноноќно на терен, посветено и неуморно се борат со огнената стихија. Нагласуваат и дека секоја помош и поддршка за нашата Територијална Противпожарна Единица е од огромно значење во овие моменти. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Долгот кон МЕПСО на неколку фирми трговци со струја во 2021 година изнесува 14 милиони евра. Неправилностите во работењето ги регистрираше и ДЗР. Сите фирми се блиски до СДС и ДУИ, една од нив У Павер е и во сопственост на синот на Муса Џафери, велат од ВМРО – ДПМНЕ. Од партијата додаваат дека тогашното раководство на МЕПСО прво донесло решение за отплата на долгот на рати, за потоа да го отпише истиот. – 14 милиони евра е штетата која СДС и ДУИ ја направија врз македонскиот енергетски преносен оператор. СДС и ДУИ го користеа и МЕПСО и ЕСМ за правење на милионски бизниси. Од синот на Муса Џафери, внуците на Али Ахмети, Дрин и Бесијан, преку Зоран Заев, Вице Заев, Венко Филипче и Димитар Ковачевски, нема човек од раководството на овие две партии кои не влегоа во енергетскиот бизнис и не свртеа милиони во време на владата на СДС и ДУИ од 2017 до 2024, се вели во денешната партиска реакција. Од партијата порачуваат дека и во СДС и во ДУИ се свесни дека следува одговорност и затоа и паниката е голема, а одговорност ќе има. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Синоќа изгоре платформата за набљудување на Смоларскиот водопад, а пожарот ја зафати и околната шума на планината Беласица, информираа од Територијалната против – пожарна единица на Струмица. Пожарот избувнал околу 18 часот вчера, а потоа брзо се раширил и ја зафатил блиската шума на исток кон Беласица. -ТППЕ Струмица веднаш испрати две против – пожарни возила и шест пожарникари на местото на пожарот. Успешно беше спречено неговото ширење кон околната шума и прераснување во поголем шумски пожар, стои во информацијата од струмичките пожарникари. Инаку, Смоларскиот водопад е лоциран над селото Смоларе, во Општина Ново Село и една од најголемите туристички атракции во овој регион. Висок е 39, 5 метри и е единствен постојан водопад во државата. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Безбедносните сили во Венецуела употребија солзавец и гумени куршуми против луѓето кои протестираа поради спорниот изборен резултат во неделата. Илјадници луѓе излегоа во центарот на Каракас во понеделникот вечерта, некои пешачеа со километри од сиромашните квартови на планините околу градот, кон претседателската палата, пренесува „BBC“. Во главниот град на Венецуела избија протести еден ден откако претседателот Николас Мадуро тврдеше дека победил во изборната трка за уште еден мандат. Опозицијата ја оспори изјавата за победа на Мадуро како измама, велејќи дека нејзиниот кандидат Едмундо Гонзалес победи убедливо со 73,2 отсто од гласовите. Опозициските партии се обединија зад Гонзалес во обид да го соборат претседателот Мадуро по 11 години на власт, во услови на широко распространето незадоволство поради економската криза во земјата. Голем број западни и латиноамерикански земји, како и меѓународните тела, вклучително и ОН, ги повикаа властите во Венецуела да ги објават записите од гласањето од поединечни избирачки места. Аргентина е земја која одби да ја признае изборната победа на претседателот Мадуро, а како одговор Венецуела ги отповика дипломатите од Буенос Аирес. Дипломатите од шест други земји од Латинска Америка – Чиле, Костарика, Панама, Перу, Доминиканската Република и Уругвај – исто така беа повлечени поради она што министерот за надворешни работи Иван Гил на социјалните мрежи го опиша како „интервенционистички акции и изјави“. Владата на Венецуела, исто така, најави привремена суспензија на комерцијалните летови за и од Венецуела со Панама и Доминиканската Република. Силно воено и полициско присуство, вклучително и водени топови, имаше на улиците на Каракас со цел да се обидат да ги растераат демонстрантите и да ги спречат да се приближат до претседателската палата. Толпата луѓе извикуваа „Слобода, слобода! и повикаа да падне владата. Снимките покажуваат како горат гуми на автопатите и голем број луѓе на улиците, а полицијата на мотори пукаше со солзавец. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Сончево и топло со слаб до умерен северен ветер. Утринската температура ќе биде во интервал од 9 до 19, а дневната ќе достигне од 30 до 38 степени. UV=9 Во Скопје сончево и топло со слаб до умерен ветер од северен правец. Деталите во Телма МЕТЕО со Елена Манојловски, во соработка со УХМР e-mail: [email protected] https://www.instagram.com/telmameteo © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Во петокот бил разрешен надзорниот добор во МЕПСО, дознава Телма. Новиот одбор утре треба да назначи и нов директор. На чело на компанијата во моментов е Зуди Енуз, а негов заменик е Никола Рилак. Членови на Надзорен одбор се Назиф Буши, проф.д-р Николче Ацевски, Дарко Тасев, Мусли Муслиу, проф.д-р Владимир Димчев и Јане Миланов. Телма дознава дека во петокот по разрешувањето на надзорниот одбор, од МЕПСО во УЈП испратиле пресметка за исплата на награда во висина од 30% од плата з околу 100 вработени. Два извори од енергетскиот сектор ја потврдија информацијата. Државниот ревизор во последниот извештај за МЕПСО констатираше дека МЕПСО отпишал долг од 14 милиони евра на фирми-трговци со струја. Но, од МЕПСО негираа со тврдење дека “долгот бил резервиран”. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Дванаесет села во државата попладнево беа зафатени со пожари, а во кумановското село Кокошиње почина повозрасно лице, кое најверојатно се задушило од чадот, информираше доцна попладнево директор на ЦУК, Стојанче Ангелов. Сопругата на починатиот маж е спасена во последен момент. Доцна попладнево огнот со помош на силниот ветар ги пеплосуваа и куќите во селата Орел, Немањици и Малино. Најдраматично е во Немањици каде што се извлекуваат и луѓе од куќите и бачилата со помош на полиција, бидејќи не сакале да ги остават своите домови и стада со овци. Градоначалникот на Свети Николе, Дејан Владев вели дека сите сили се на терен, но ветерот не им е сојузник на пожарникарите, мештаните, Армијата и на хеликоптерот, кој постојано со ведрото фрлеше вода врз куќите кои гореа. Викторија Јованова © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Три села во светиниколско се зафатени од пожарите, додека една четвртина од куќите во селото Немањици се изгорени, вели градоначалникот на Општина Свети Николе, Дејан Младев. Во моментот со огнената стихија се справуваат пожарникари од Свети Николе, доброволци, месното население, пожарникари од Штип, од Неготино, од Кавадарци и од Велес. На терен е присутна и војската, а еден хеликоптер интензивно ги гаси куќите кои горат во село Немањици. Градоначалникот Владев информира дека пожар има и во светиниколското село Малино и таму биле зафатени куќи, а гори и во правец на селото Богословец. Тој посочува дека сите сили се ангажирани и добро е што нема повредени или загинати во овие пожари. Инаку цело Овче Поле е зачадено и се гледа чад и пламени јазици на неколку локации во овчеполскиот регион. Директорт на ЦУК Стојанче Ангелов претходно информира дека по попладневните часови, 12 села во државава биле зафатени од пожари на отворено. Станува збор за села во светиниколско, кумановско, пробиштипско, и штипско. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Две од повредените деца во нападот со нож во Саутпорт, во северозападна Англија, починаа, објавија попладнево полицијата. Уште девет деца се повредени од кои шест се критично, како и две возрасни лица. Полицијата во Мерсисајд дека осомничниот за нападот е уапсен и оти станува збор за 17-годишно момче кај кого бил пронајден и ножот. Полицијата соошти дека мотивот за нападот засега е непознат, дека не е поврзан со тероризам и оти напаѓачот немал помош. Нападот се случил околу 12:50 часот по средноевропско време, во двор на детски клуб, каде се одржувал час по танц и јога. Напаѓачот бил веднаш уапсен и кај него е пронајден нож. Сопственик на сервис во улицата во која се случил нападот и кој прв ја повикал полицијата, пред медиумите раскажа дека глетката била како во хорор филмовите. Според него, мета на нападот биле девојчиња. Сведоци изјавија дека децата биле избодени насекаде по телата. Жртвите, според нив, биле на возраст од околу 10 години. Најмалку осум лица избодени со нож, уапсен тинејџер – хорор за време на час по танц и јога во Англија © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Едно лице загина во пожарот кој денеска попладне го зафати кумановското село Кокошиње, информираат од Центарот за управување со кризи (ЦУК). Откако избувнал пожарот, ветрот брзо го проширил низ куќата во која живеела жртвата заедно со сопругата која, според директор на ЦУК, Стојанче Ангелов, била успешно евакуирана. „Станува збор за повозрасно лице кое најверојатно се загушило од чад“, рече директорот на ЦУК, Стојанче Ангелов. Моментно се активни пожари во 12 села во Кумановско, Старо Нагоричане, Свети Николе, Штип и Пробиштип чие гаснење се одвива тешко поради ветрот. „Според првичните информации, изгорени се повеќе куќи, дел од нив се стари и напуштени, но дел се нови и во нив живееат селани кои се успешно евакуирани. Сите пожари почнаа речиси во исто време и затоа беа многу тешки за гаснење. Покрај пожарникарите интервенираат полицискиот и армискиот хеликоптер, како и трите „Ер трактори“, но проблем беше ветрот“, вели Ангелов. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Министерството за здравство во Газа прогласи епидемија на детска парализа (полиомиелитис) во енклавата и за тоа ја обвини израелкската воена офанзива. Светската здравствена организација минатата недела предупреди дека постои голем ризик од ширење на тој вирус во Појасот и надвор од неговите граници, поради исклучително лошата здравствена и санитарна ситуација во Газа. Извршната директорка на УНИЦЕФ, Кетрин Расел пред неколку денови изјави дека откривањето на полиомиелитисот во Појасот Газа е „исклучително вознемирувачко, велејќи дека дополнително го влошува статусот на окупираната територија, како една од најоапсните места за деца во светот“. Таа изрази загриженост и поради ширење на други заразни болести, како колера, во Појасот Газа. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Најмалку осум лица се избодени со нож во англискиот град Саутпорт, а меѓу повредените се и деца. Нападот се случил во двор на детски клуб, каде се одржувал час по танц и јога. Напаѓачот бил веднаш уапсен и кај него е пронајден нож. Полицијата соопшти дека добила повик околу пладне. Дел од повредените се превезени во детска болница. Сопственик на сервис во улицата во која се случил нападот и кој прв ја повикал полицијата, пред медиумите раскажа дека глетката била како во хорор филмовите. Според него, мета на нападот биле девојчиња. Сведоци изјавија дека децата биле избодени насекаде по телата. Жртвите, според нив, биле на возраст од околу 10 години. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Нови шест лесни оклопни возила од типот JLTV денеска беа презентирани во касарната „Јане Сандански“ во Штип во присуство на премиерот Христијан Мицкоски, амбасадорката на САД, Анџела Агелер, министерот за одбрана Владо Мисајловски, заменик министерот за одбрана Елфет Исмаили и генерали од Армијата. Мисајловски истакна дека соработката со нашиот стратешки партнер САД добива на интензитет. „Лесниот пешадиски баталјон од 2026 година ќе треба да биде подготвен за упатување на операции и мисии во случај на потреба. За да биде оваа единица подготвена и опремена, ние заедно со САД и останатите сојузници даваме максимален напор за тренинг, обука, едукација, и се разбира модернизација со нова современа опрема која е компатибилна согласно НАТО стандардите. Во согласност со договорот Влада со Влада помеѓу Македонија и САД денеска ги промовираме новите шест пристигнати возила кои се наменети за оваа единица“, рече Мисајловски. Посочи дека нашата Армија располага со 38 вакви возила, а согласно договорот до крајот на 2025 година треба да стигнат и останатите 58 возила, како и сите оклопни возила „страјкер“ што се 42 и кои ќе бидат наменети за развој на лесната пешадиска баталјонска група и тимовите за специјалните операции. Амбасадорката на САД, Агелер истакна дека и претставува чест што овој настан се случува веднаш по одржувањето на НАТО-самитот, а како што рече „ова е уште еден доказ за пријателството со Република Северна Македонија, како и посветеноста и жртвите коишто државата ги прави“. „Во име на САД, во име на претседателот на САД, нашата Амбасада и Влада се разбира, дозволете ми навистина да се заблагодарам за тоа што вие и вашата држава ги почитува обврските коишто ги презема. И нема подобар доказ од овие лесни оклопни возила JLTV коишто дојдоа тука и би сакала да кажам дека лично имав можност да се уверам во нивните способности и да се возам во нив, така што можам да кажам дека навистина беа удобни“, рече Агелер. Премиерот Мицкоски во своето обраќање истакна дека во периодот што следи партнерството со САД продолжува во делот на соработката помеѓу двете армии и ќе се надгради, но не само во Министерството за одбрана. „Ќе се обидеме тоа да го пресликаме и во другите министерства, како што е МВР, но и онаму каде што е потребна современа опрема за да можеме да одговориме на предизвиците на новото време. И тие предизвици не мора да се само воени. Гледате што се случува поради екстремно високите температури ова лето и пожарите коишто секојдневно се случуваат. Потребна ни е модернизација и во тој дел, во делот кога треба да се управува со кризите и со кризните состојби“, рече Мицкоски. Забележа дека на нашата земја најитно и се потребни современи модерни летала, авиони или хеликоптери коишто ќе бидат во функција и на МВР. „Знам дека Министерството за одбрана е веќе во фаза на еден таков процес на набавка на такви воени летала хеликоптери. Потребни ни се дронови, потребно ни е рано детектирање, превенција за да не дојде потоа до ескалација, а таа ескалација може да доведе до несогледливи последици. Така што очекувам во периодот којшто следи како Влада да се фокусираме и на овој тип на осовременување и модернизација, да не биде тоа само за офанзивни или одбранбени причини, туку да биде и за транспорт, справување со кризни состојби како оваа што е со пожарите“, истакна Мицкоски при денешната посета во касарната „Јане Сандански“ во Штип. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Македонската Академија на науки и уметности (МАНУ) отсекогаш била отворена за сите граѓани кои ги исполнуваат високите научни и уметнички критериуми за членство во неа, независно од етничката, верската и каква било друга припадност. За политичките партии и нивните влијанија никогаш немало место во неа, соопшти попладнево Претседателството на МАНУ, како реакција на најавата, како што наведува, „од некои политички партии за основање академија на етничките Албанци во Македонија“. Нагласува дека во Македонија, како и во земјите од регионот и насекаде во светот, постои само една национална академија која ја претставува државата во европската и во други меѓународни асоцијации на академии. „Од нејзиното основање до денес, во Академијата членови биле припадници на македонскиот народ, но исто така и на сите етнички заедници. Меѓу другите, во последната декада во составот на МАНУ имаше четири члена од албанска етничка припадност (од коишто во трите последователни раководства еден беше научен секретар, а двајца потпретстедатели на Академијата, од кои еден е во актуелното раководство), како и три члена надвор од работниот состав“, соопшти Претседателството на МАНУ. Осврнувајќи се на формирањето на МАНУ во 1967 година, како највисока научна и уметничка институција во Република Македонија, во рамките на тогашната Југословенска федерација, посочува дека „првиот состав на академици е избран согласно највисоките универзални научни и уметнички стандарди и китериуми“. „Денес МАНУ претставува најзначајна национална научна и уметничка институција од посебен општествен интерес во нашата држава, која со децении наназад, со својата научно-истражувачка дејност, творештво и советодавна улога, претставува столб во градењето и зачувувањето на идентитетот и државноста на македонскиот народ и деловите од другите народи кои живеат во земјата“, наведува Претседателството на МАНУ. Во реакцијата апелира и „МАНУ да не се вовлекува во дневнополитички расправи и партиски дискусии кои ја оптоваруваат редовната дејност на Академијата, а спаѓаат во доменот на Законодавниот дом и државните институции“. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Маријана Илиевска е избрана за членка на Советот на јавни обвинители на Северна Македонија од редот на јавните обвинители од подрачјето на Вишо јавно обвинителство Битола. Обвинителката која доаѓа од Основното јавно обвинителство Прилеп добила 19 гласови од исто толку гласачи, информираат од Советот Таа била единствена пријавена кандидатка која воедно и ги исполнувала условите за избор. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Пратеници од најмалку шест земји, меѓу кои и Македонија, се соочиле со притисоци од кинески дипломати да не присуствуваат на конференција во Тајван со фокус на Кина, објави новинската агенција Асошиејтед прес. Останатите пратеници се од Боливија, Колумбија, Словачка, Босна и Херцеговина и една неименувана азиска земја. Дел од нив биле контактирани со пораки, дел со повици, со барања за итни состаноци. Еден од нив бил поканет да патува во Кина, наместо во Тајпеј. Сите се делегати на годишниот самит на Интерпарламентарната алијанса за Кина (ИПАК), македонски претставници се Антонио Милошоски и Фатмир Битиќи. Двајцата, сепак, отпатувале за Тајван. И Милошоски и Битиќи потврдија дека биле контактирани од кинеската амбасада. И лично и преку партиите. Асошиејтед прес ја пренесува пораката што ја добил Милошоски, како и уште други двајца делегати. „Јас сум Ву, од кинеската амбасада. Слушнавме дека добивте покани од ИПАК. Дали ќе присуствувате на конференцијата што ќе се одржи наредната недела во Тајван?“, гласела пораката што ја добил Антонио Милошоски. Во дел од случаите, како што велат дел од делегатите за Асошиејтед прес, контактите биле со позаканувачки тон. „Тие стапија во контакт со претседателот на мојата политичка партија и го замолија да ме спречи да одам во Тајван. Тие се обидуваат во мојата земја да ме спречат да патувам. Ова навистина не е во ред. Навистина се борам против земји или општества во кои алатка за манипулација и контрола на луѓето е стравот. Навистина го мразам чувството кога некој те заплашува“, изјави Санела Клариќ, делегатка на ИПАК од БиХ, за Асошиејтед прес. Кинеското Министерство за надворешни работи засега е без коментар. Директорот на ИПАК, Лук де Пулфорд за притисоците рече дека се „грубо странско мешање“ и според него, целта на кинеската страна, се чини, дека биле пратеници од помали земји. Интерпарламентарната алијанса за Кина изрази жалење и осуда за притисоците и обидот на Пекинг да се меша во нејзиниот годишен самит. Годинашниот самит е четврти на Интерпарламентарната алијанса за Кина и за првпат се одржува во Тајван, со учество на 48 делегати од 24 држави од пет континенти. Сашко Димовски © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

Амбасадорката на САД, Ангела Агелер денеска на промоцијата на новите армиски возила одговори и на прашање за можно ажурирање на „црната листа“ на САД со нови лица. Таа напомена дека тоа е континуиран процес, но не може конкретно да каже кога би се случило проширување на составот на таа листа. „Таканаречената „црна листа“ е нешто што се прави согласно нашите закони. Станува збор за листа, која е динамична, органска, која постојано трпи промени. Има мноштво имиња, од кои може да се избере, во моментов се разгледуваат имиња, се разгледуваат случаи, се следи ситуацијата воопшто“, рече Агелер, но нагласи дека тоа е континуиран процес без конкретен датум кога тоа би се случило. Од лани во јуни до пред избори, на црната листа беа ставени струшкиот градоначалник од ДУИ Рамиз Мерко, бизнисменот Кочо Анѓушев, Орце Камчев, неговата мајка Ратка, повеќе фирми на Камчеви, Сергеј Самсоненко и сопругата Ирина, градоначалникот на Карпош Стевче Јакимовски, поранешната специјална јавна обвинителка Катица Јанева. Дел од посочените, заедно со семејствата, добија забрана за влез во САД (Мерко, Анѓушев, Јакимовски, Јанева) додека дел добија економски санкции поради влијание врз правдата (Камчеви и Самсоненко) или поради корупција и нарушување на демократски процеси (Сашо Мијалков и екс премиерот Никола Груевски кои се означени и ставени на црната листа пред неколку години). На црната листа се најде и црногорецот Миодраг Давидовиќ Дака за руско влијание и корупција во Црна Гора, а тој се обидуваше во времето на премиерот Заев да направи инвестиција во Македонија. © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....

На прашање на Телма за барањето на македонското обвинителство за меѓународна правна помош од САД за случајот „Соравиа“, во кој е вклучен Дрин Ахмети, внукот на лидерот на ДУИ, Али Ахмети, американската амбасадорка Ангела Агелер одговори дека таа нема детали за конкретниот случај и дека Амбасадата на САД има правна канцеларија, која се занимава со овие работи. „Но, ќе го кажам она што и претходно сум го кажувала пред членовите на мојот тим и без разлика на овој конкретен случај, никој не е над законот и секој треба да одговара за своите постапки“, рече Агелер. Македонското обвинителство од САД побара меѓународна правна помош за истрагата за Соравија и за внукот на Али Ахмети, Дрин Ахмети, за парите кои стигаат од Америка за неговата фирма од лице од Тексас. Станува збор за над седум милиони долари уплатени лани и оваа година, а уплатите ги врши Ник Назар Мехмети којшто во Далас има стриптиз бар, а е претседател на американско-албанска бизнис фондација. Пред три недели КОД на Телма објави истражување за 4,5 милиони долари кои од САД биле уплатени на сметка на фирмата Тхор на Дрин Ахмети. Досега нема реакција од надлежните органи и од политичките партии кои држеа прес конференции за кривичната пријава за Дрин Ахмети за 27.000 евра неплатени концесии, но премолчуваа за американската „инвестиција”. КОД: Нови милиони долари за Дрин Ахмети во Соравиа, Обвинителството бара американска помош во истрагата © 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма....