„Како резултат на неодамна спроведената специјална операција, хеликоптерите беа уништени со ракетни напади длабоко во руската територија, каде што Русите воспоставија аеродром“, се вели во соопштението. Украинците изјавија дека во нападот бил користен повеќекратен ракетен фрлач HIMARS. „Непријателот уште еднаш веруваше дека е безбеден. Уште еднаш докажавме дека ништо не е подалеку од дофат на силите за специјални операции. Продолжуваме да работиме“, додаваат тие.Инаку, Ка-52 е јуришен хеликоптер кој Русите го користат за извидување и напади на копнени цели. Транспортните хеликоптери Ми-8 се користат од руските сили за транспорт на персонал и товар и за поддршка на копнените операции....

Седумдесет и шестгодишниот Депардје, кој глумеше во повеќе од 200 филмови и телевизиски серии, беше обвинет за непримерно однесување од дваесетина жени, но ова е прв случај за кој му се суди. Тој е најистакнатата личност што се соочила со обвинувања како дел од одговорот на француската кинематографија на движењето #MeToo. Случајот пред Кривичниот суд во Париз се однесува на наводите за сексуално вознемирување за време на снимањето на филмот Les Volets Verts од 2021 година на режисерот Жан Бекер. Аноук Гринберг, позната актерка која исто така се појавува во филмот, ги поддржа двајцата тужители, 54-годишната работничка на сцената и 34-годишната помошничка на режисерот, кои тврдат дека Депардје сексуално ги вознемирувал. Гринберг рече дека Депардје постојано имал „вулгарни коментари“. „Кога филмските продуценти го ангажираат Депардје за филм, знаат дека ангажираат насилник“, изјави таа за АФП.Судењето, кое првично требаше да започне во октомври, беше одложено поради лошата здравствена состојба на актерот. Адвокатот на Депардје, Џереми Асус, тогаш изјави дека актерот имал бајпас на срцето и дека боледува од дијабетес, кој бил влошен од стресот на претстојното судење....

Комбинацијата од лук, лимон и куркума создава моќен еликсир кој го зајакнува имунитетот, ја подобрува циркулацијата, го детоксицира телото и го поддржува здравјето на срцето и мозокот. Овој пијалок лесно се подготвува, а неговите ефекти можат позитивно да влијаат на вашето тело по само неколку дена од консумирањето. Рецепт за пијалокот Состојки:• 3 чешниња лук; • 2 лимони (сок и кора, по избор); • 1 лажичка куркума; • 500 мл вода; • Мед (опционално, за подобрување на вкусот). Подготовка:1. Во тенџере сипете 500 мл вода и ставете го на оган додека не зоврие. 2. Излупете го лукот и ситно исечкајте го или здробете го за да ослободи што повеќе корисни соединенија. 3. Исцедете го сокот од лимон и додадете рендана кора по желба (претходно добро исчистете го). 4. Додадете една лажичка куркума и додадете ги сите состојки во зовриената вода. 5. Гответе на тивок оган 5-10 минути, а потоа извадете го од шпорет и оставете малку да се излади. 6. Напитокот процедете го во цедалка и додадете малку мед доколку сакате поблаг вкус. Како да се консумира? Најдобро е да пиете топол пијалок наутро на празен стомак за максимален ефект. Може да се пие еднаш дневно, но и повеќе пати доколку се борите со настинка или сакате посилен ефект на детоксикација. Да се ​​чува во фрижидер до 2 дена, но најдобро е да се подготви свеж. Може да се пие ладен, но поефикасно е кога се пие топол. Здравствени придобивки од овој пијалок Овој пијалок делува како природен штит за телото, го зајакнува имунолошкиот систем и го штити организмот од инфекции благодарение на антибактериските и антивирусни својства на лукот и лимонот. Куркумата, со своите моќни антиоксидантни ефекти, го намалува воспалението и промовира природна детоксикација на телото, ја подобрува функцијата на црниот дроб и варењето. Редовното консумирање на овој пијалок може да помогне да се намали лошиот холестерол, да се подобри циркулацијата и здравјето на срцето, а исто така придонесува за подобра ментална функција со заштита на мозокот од оксидативен стрес. Исто така, овој еликсир помага да се одржи оптималната телесна тежина, го подобрува варењето и може да го намали чувството на надуеност. Благодарение на витаминот Ц од лимонот и моќните соединенија од лукот, телото станува поотпорно на вируси и бактерии, што го прави совршен сојузник во борбата против сезонските настинки и грип. Со редовно консумирање на овој пијалок, можете да го подобрите целокупното здравје, да ја зголемите енергијата и да го зајакнете телото на сосема природен начин....

Во македонските болници сите пациенти се во стабилна и добра состојба, рече тој и додаде дека планирано е 9 пациенти да бидат испишани на почеток на неделата, откако ќе им бидат направени сите токсиколошки и психолошки испитувања.– Надвор од државата се 115 пациенти, во критична состојба продолжуваат да бидат 5 пациенти, но состојбата на пациентите флуктуира. Седми ден е, нула починати. Нема ниту еден пациент кој починал. Очекуваме да се подобрува состојбата. Следната недела имаме најави за враќање на повеќе пациенти во државава – рече Таравари на денешната изјава за медиумите, по завршување на редовниот состанок на кризниот штаб.Како што соопшти Таравари, петте пациенти се очекува да пристигнат во среда или четврток, а ќе бидат пречекани од специјални екипи и возила кои ќе се придржуваат до протоколот и информациите за состојбата на пациентите, по што, појасни, ќе ги сместат во болниците од каде биле претходно пуштени пациентите, каде ќе им биде направена првата тријажа.– Протоколите ќе бидат објавени на нашата веб страна, исто така ќе бидат испратени и до Министерство за надворешни работи и надворешна трговија, како и до сите други држави. Ќе имаме специјални екипи кои што ќе работат со овој протокол кои што ќе се придржуваат до информациите за состојбата на пациентите кои што треба да ги добиеме. Ќе има специјална екипа која што ќе ги прифаќа и специјални возила кои што ќе ги пречекаат и сместуваат во болниците. Првата тријажа ќе се направи во болницата од каде што е пуштен пациентот, па ќе бидат хоспитализирани во болници каде што треба. Доколку нема потреба ќе се пуштаат на домашно лекување, рече Таравари.Секоја фаза, посочи, има свои компликации и потешкотии, појаснувајќи дека во оваа фаза постои ризик од развивање на инфекции, затоа, рече, состојбата на пациентите може да флуктуира.– Јас кажувам каква е моменталната состојба на пациентите. Одредени пациенти веќе добиваат антибиотици за да се превенираат тие инфекции, така што се надевам и тие што ќе пристигнат, веќе зборувавме за стерилизирање на автомобилите со кои што ќе дојдат, како и собите каде што ќе се третираат, така што се надеваме на што помалку компликации и подобро здравје на сите тие што ќе се вратат во државата, рече Таравари.Екипите кои што ќе ги пречекаат пациентите, додаде, ќе бидат од нашата држава, а во зависност од каде и со што ќе доаѓаат, така ќе бидат и пречекувани.– Екипите кои што ќе ги пречекаат пациентите ќе бидат од нашата држава, во зависност од каде доаѓаат и со што ќе доаѓаат. Доколку доаѓаат со авион, ќе бидат пречекани на Меѓународниот аеродром во Скопје, а ако се од соседните држави, за што мислам дека најдоцна ќе се враќаат бидејќи таму се најтешките пациенти, односно во Србија, Бугарија и Грција, рече Таравари.Таравари соопшти дека е стабилна состојбата на 55-те пациенти кои се лекуваат во државава, а од 115 пациенти во странство во критична состојба се пет....

Меѓутоа, бразилските научници веќе долго време експериментираат со нов начин за лекување на тешки изгореници на пациентите, користејќи кожа на слатководната риба тилапија. Истражувањата сугерираат дека кожата од рибата ја намалува болката, помага за заздравување и има низок ризик од несакани ефекти. Експертите обработуваат графтови од кожа од риба во специјализирани лаборатории за да можат лекарите да ги користат за медицински третмани. Откако ќе ја подготват областа, лекарот го отстранува графтот од пакувањето и го става на раната. Лекарите користеле графтови од кожа од риба и за лекување на дијабетични рани и повреди на кожата, вклучително и оние кои се јавуваат по ампутација. Каква е перспективата по трансплантацијата на кожа од риба? Пресадувањата на кожа од риба е сè уште ново, но може да има корист за примателите. Многу луѓе кои доживеале изгореници може да чувствуваат помалку болка по нанесувањето на графт од кожа од риба. Компликациите со инфекции во овој случај се ретки. Што може да не биде успешно? Пресадувањата на кожа од риба може да бидат во голема мера успешни во првите неколку години на употреба. Сепак, тие можат да пропаднат затоа што графтот од кожа од риба може да не се закачи на околната кожа. Неколку причини за ова вклучуваат:• акумулација на течност под облогата или графтот; • серома (акумулација на течност под вашата кожа); • хематом (акумулација на крв под графтот); • инфекција; • отекување на областа, што врши притисок врз графтот; • кршење на графтот поради движење или сила. Во вакви случаи може да биде неопходен втор графт. Како е откриен новиот третман?Одгледувањето риба е голем бизнис во Бразил, но фармерите обично ја фрлаат кожата од одгледуваната тилапија. Во 2017 година, во Бразил се одвивало фасцинантно истражување кое може да ги спаси жртвите од изгореници од непотребна болка и инфекција. Истражувачите спровеле различни експерименти со стерилизираната кожа на тилапијата и ја користеле како завои за жртвите од изгореници. Ваквиот изум во голема мера би го подобрил и олеснил лекувањето на изгорениците, особено во сиромашните земји во кои недостасуваат медицински материјали. Додека покривањето на изгорениците со традиционални завои, кои мора да се менуваат секојдневно за да се спречи инфекција, што е многу болно, а притоа завоите не помагаат за заздравување на раната, кожата од тилапија не само што може да остане со денови или недели, туку и ја блокира контаминацијата, го забрзува процесот на заздравување и ја намалува потребата од лекови против болки. Долго време за лечење на изгореници се користело замрзнато свинско ткиво кое благодарение на колагенот ја навлажнувало изгореницата и ја обновувало кожата. Основач на оваа метода за лекување изгореници со кожа од рибата тилапија, е Едмар Масиел, бразилски пластичен хирург. Како се обработува кожата од тилапија? Тилапијата е чиста риба, многу отпорна на болести. Прво, на рибата ѝ се отстрануваат малите крлушки, мускулите и токсините, а потоа кожата се растегнува, се третира и се чува во стерилни пластични кеси и во фрижидер, каде што може да се чува до две години. Крајниот производ е кожа многу слична на човечката кожа. Таа е многу флексибилна и лесно се обликува околу раната на пациентот. Се става директно на кожата и потоа се завиткува со завој. Нема потреба од било каков вид на медикаментозен крем. Научниците во Кина веќе го истражувале ова и правеле експерименти на глувци, додека научниците во Бразил го користат директно на пациентите. Во времето на студијата, дури 56 пациенти кои имале изгореници од втор и трет степен биле тестирани со користење на овој третман. Резултатите биле одлични. Овој метод на лекување на изгореници, освен што се покажал како поефективен од сите други методи, се покажал и како финансиски многу поисплатлив....

Основното јавно обвинителство Скопје поведе постапка против 20-годишникот за кривично дело – Насилство од член 386 став 3 во врска со став 1 од Кривичниот законик, а доставен е и предлог за притвор.„Јавното обвинителство денеска соопшти дека поради недоразбирање во сообраќајот осомничениот управувајќи автомобил фолксваген голф дошол во иста линија со возило сеат леон кое го управувал оштетениот. Со автомобилот започнал да навлегува во лентата по која се движел оштетениот, па како да е овластен полициски службеник преку својот прозорец на оштетениот му ја покажал полициската значка, која била во возилото и со која бил задолжен неговиот татко – полициски службеник во СВР Скопје. Оштетениот, мислејќи дека се работи за стоп наредба од овластен полициски службеник, го запрел своето возило и се упатил кон возилото на осомничениот. Тој излегол надвор, почнал да го пцуе оштетениот, па од фармерките извадил нож на расклопување и го отворил сечивото. Со ножот почнал да замавнува кон оштетениот, нанесувајќи му телесни повреди, по што побегнал“, стои во информацијата од Обвинителството.Јавниот обвинител до судијата на претходна постапка при Основниот кривичен суд Скопје доставил предлог за определување мерка притвор, имајќи ја предвид пред се опасноста тој да се даде во бегство доколку биде пуштен да се брани од слобода за да ја избегне кривичната одговорност за делото што му се става на товар....

Говорејќи на сослушувањето во Европскиот парламент, Лагард истакна дека трговската несигурност претставува сериозна закана за економскиот раст и инфлацијата во еврозоната. Таа особено ја истакна промената на трговските политики на САД што може да го поткопа закрепнувањето и да предизвика пораст на цените. „Трговските тензии му штетат на глобалниот раст и просперитет“, рече Лагард, предупредувајќи дека одмаздничките тарифи и прекините на синџирите на снабдување може да ги зголемат трошоците за европските компании и потрошувачи. Според неа, новиот бран царини би можел да ја зголеми инфлацијата за 0,5 процентни поени, што дополнително ќе ги усложни напорите на ЕЦБ за стабилизирање на цените, додека економскиот раст би претрпел сериозен удар. Како американските царини и се закануваат на Европа? Лагард истакна дека новата администрација на Доналд Трамп во Вашингтон води непредвидлива трговска политика, создавајќи „исклучително високо“ ниво на глобална трговска несигурност. „Светот не чека нас“, предупреди Лагард, додавајќи дека ескалацијата на трговските конфликти може да ги наруши синџирите на снабдување, да ги зголеми трошоците и да го забави глобалниот раст. Еден од најголемите ризици е можноста за повисоки американски царини за европскиот извоз. Анализата на ЕЦБ покажува дека царините од 25 отсто за европските стоки би го намалиле растот на БДП на еврозоната за околу 0,3 процентни поени во првата година. Доколку ЕУ возврати со сопствени царини, тој пад би можел да достигне 0,5 процентни поени. „Најголемиот удар врз економскиот раст ќе се почувствува во првата година од царините, и иако ефектите ќе се намалат со текот на времето, тие ќе имаат долгорочни последици за целокупниот економски аутпут“, рече Лагард. Дали закрепнувањето на еврозоната е во опасност? Економијата на еврозоната порасна за 0,9 отсто во 2024 година, речиси двојно повеќе од 0,4 отсто во 2023 година. Сепак, Лагард предупреди дека растот е забавен во последните месеци од минатата година, додека првиот квартал од 2025 година покажува слични трендови. „Преработувачката индустрија продолжува да опаѓа, иако показателите укажуваат на мало подобрување“, рече таа, додавајќи дека „големата несигурност во домашната и глобалната политика ги кочи инвестициите, додека проблемите со конкурентноста го намалуваат извозот“. И покрај предизвиците, ЕЦБ предвидува постепен раст на БДП: 0,9% во 2025 година, 1,2% во 2026 година и 1,3% во 2027 година. Сепак, Лагард истакна дека овие прогнози се предмет на „значителна несигурност“, особено поради непредвидливата трговска политика. Дали ЕЦБ планира дополнително намалување на каматните стапки? ЕЦБ ги намали клучните каматни стапки за 25 базични поени претходно овој месец, намалувајќи ја стапката на депозити на 2,50% од врвот од 4,00% во 2024 година. „Нашата монетарна политика сега е значително помалку рестриктивна“, рече Лагард, истакнувајќи дека „новите задолжувања стануваат поевтини за бизнисите и домаќинствата, додека кредитниот раст повторно се забрзува“. Сепак, ЕЦБ не планира ненадејно намалување на каматните стапки. „Во услови на растечка несигурност, нашиот пристап ќе остане базиран на податоци и ќе се зема на основа од состанок до состанок“, рече Лагард. Може ли Европа да одговори на трговските шокови? „Одговорот на промените во трговската политика на САД не треба да биде помал, туку поголема трговска интеграција – и со глобалните партнери и во самата ЕУ“, рече Лагард. Таа нагласи дека единствениот пазар останува клучна алатка за зајакнување на отпорноста на европската економија, оценувајќи дека досега на долг рок додаде меѓу 12% и 22% од БДП на ЕУ. „Обеменот на трговијата меѓу членките на ЕУ е двојно зголемен од нејзиното создавање“, рече Лагард, додавајќи дека „подлабок единствен пазар е клучен за намалување на трговските бариери во Европа и создавање услови за развој на бизнисите“....

Засега нема ништо ново на оваа тема, а мирен во однос на ова прашање е Ерлинг Халанд кој пред неколку месеци потпиша мега договор со составот од „Итихад“.-Јас тоа не го правам, очигледно со оглед на тоа што потпишав девет ипол годишен договор. 300 пати кажав зошто го потпишав договорот. Разговарав со клубот, добив добро чувство и на крајот се согласив на тоа. Затоа, -рече Норвежанецот кој даде коментар и за сезоната на екипата која рано беше елиминирана од ЛШ, а ќе остане и без врвот, тронот во Премиер лигата.-Така е понекогаш. Поинаку е кога сте ја освоиле Премиер лигата двете години и не сте во трката за титулата. Но, не можете да победувате секоја година. Сега станува збор за обезбедување на место во Лигата на шампионите и да се направи нешто што може да се направи: да се освои ФА Купот, -порача голгетерот....

Италијанецот веќе некое време нема ангажан меѓутоа со оглед на возраста и тоа е разбирливо, но е актуелен, активен со коментари, реакции ставови на различни теми, прашања.Токму дон Фабио доби можност да одговори кој е најдобриот менаџер на светот, прашање на кое тој нема никаква дилема.-Карло. Карло Анчелоти е најдобриот тренер на светот. Каде и да водел тим, тие победувале. Ми се допаѓа бидејќи може да игра во различни стилови со различни играчи.-Тој е навистина интелигентен. Не говори „овој стил е мој стил и тоа е тоа“. Прави вино со различно грозје, -вели Капело, а пренесува „Дејли Мејл“....

Македонската репрезентација славеше со 3-0 со головите на Александар Трајковски, Висар Муслиу и Бојан Миовски.Погодокот на напаѓачот на Џирона влезе и во радарот на УЕФА, па е во одбрано друштво за најдобрите на првото коло.🇲🇰Job 𝗗𝗢𝗡𝗘! Се гледаме во вторник на Националната арена “Тодор Проески” #НапредМакедонија 🇲🇰#ГордиПодСонцето ☀️#ХрабриВоСрцето ❤️Posted by Фудбалска Репрезентација на Македонија on Saturday, March 22, 2025Дефанзивецот Бојан Илиевски испрати супер топка со надворешна, а таму одлично ја сочека Бојан кој ја смести во мрежата на домашната селекција.За голот на Бојан можете да гласате на следниов ЛИНК....

„И јас имам проблеми со гневот, но сакам да пораснам и да не реагирам толку бурно“, напиша Бибер. Заедно со оваа објава, тој сподели три фотографии – едната од него како гледа надолу со качулка на главата, потоа постара фотографија од неговите млади денови и фотографија од контејнер за превоз на стока заедно со мала слика на која се чини дека го прикажува неговиот син Џек Блуз. Подоцна истиот ден, пејачот објавил и видео на кое свири со бендот.„Мислам дека понекогаш се мразам себеси кога се чувствувам како да станувам неавтентичен“, напиша тој во описот на објавата. Тој додаде: „Тогаш се сеќавам дека сите се чувствуваме како да не сме доволно добри, но сè уште мразам кога се менувам себеси само за да им угодам на другите“. Овие објави доаѓаат во услови на зголемена загриженост во јавноста за менталното и физичкото здравје на Бибер, иако многумина го пофалија за неговата искреност и отвореност. На почетокот на овој месец, Бибер на Инстаграм призна дека „секогаш се чувствувал недостоен“ и покрај љубовта и поддршката од неговите многубројни обожаватели. Само една недела претходно тој ја сподели пораката: „Нема што да докажуваме, денес го имаме само дарот на животот да го прифатиме и да уживаме. Никој не ни должи ништо, и никому не должиме ништо“. Неговиот портпарол претходно ги отфрли гласините за наводната злоупотреба на дрога на Бибер, нарекувајќи ги таквите обвинувања „штетни“....

- Во овој момент се скенираат ваквите состојби во делот на активна законска лиценца која е поседувана или непоседувана. За сите натамошни детали ќе се продолжи со етапна контрола на се она што е нерегуларно согласно законот и верувам дека и овој дел ќе биде опфатен од страна на надлежните институции, но тоа ќе бидат фази и етапи на кои долгорочно ќе работиме. Ова нема да биде една фаза на која сега ќе заврши контролата и веднаш ќе престанат инспекциите. Како што можевме да видиме, во моментот на добивање на лиценцата, конкретно во Министерството за транспорт, условите се исполнувани, но веднаш потоа е изигруван законот. Така што, ова е континуирана работа на којашто надлежните институции континуирано ќе работат, рече Митева.Во врска со контролите на лиценците за вршење дејност и техничките услови на угостителските објекти, портпаролката одговори дека дежурни инспекциски тимови викендов биле фокусирани повеќе на тоа дали се почитува одлуката на Владата за деновите на жалост.-Во текот на вчерашната ноќ немало утврдени никакви злоупотреби или непочитување на оваа одлука на Владата за денови на жалост. Веќе од утре овие тимови почнуваат со нов координативен состанок за да ги преземат сите идни чекори и каде ќе ја насочат контролата и веќе утре ќе бидат презентирани информации во јавноста, посочи Митева....

На 14 февруари, 88-годишниот понтиф беше примен во болница со тешка респираторна инфекција. Од неговата хоспитализација, Ватикан објави само една фотографија од папата – и тоа само одзади, пред олтарот во капелата на десеттиот кат од клиниката.Неизвесно е дали тој ќе може да учествува на прославата на Велигден следниот месец....

За реално да пораснат платите мора да расте економијата. Изминативе години примањата на работниците растеа со побрзо темпо од економијата. Ова резултира со пад на продуктивноста, тоа е проста економска логика – продуктивноста се пресметува по формулата сооднос меѓу Бруто домашниот производ и бројот на вработени.Освен ниската продуктивност, ограничувачки фактор за раст на платите сеуште е и стапката на невработеност.Сепак, ова полека се менува. Работодавачите до неодамна едноставно штедеа на работниците бидејќи сметаа дека лесно може да ги заменат. Ова е се помалку застапено, компаниите сфатија дека е тешко да најдат и да задржат добар работник, особено квалификуван. Натамошниот пад на невработеноста ќе резултира и со раст на просечната плата.Во последните десет години просечната плата во Македонија пораснала за околу 97%.Просечната плата во јануари 2015-та била 21.828 денари, а со последната обајава на Државниот завод за статистика, просечна плата во јануари 2025 изнесува 43.050 денари(700 евра).Целиот текст прочитајте го ТУКА....

Првичниот шок помина, останаа болката и молкот во сите нас, како отворена рана на која ќе ѝ треба многу, многу време да зарасне. Остануваат и молитвите упатени нечујно до фамилиите чии животи никогаш повеќе нема да се исти, како и за оние кои заминаа таму некаде – на едно подобро место, каде што злото овојпат нема да допре до нив. На точно една недела од оваа загуба, на своите социјални мрежи се огласи и актерот Игор Џамбазов, кој со болка и треперење во гласот ја испеа „Ако утре ме нема“, песната на ДНК која, за жал, ја одбележа и нивната кобна судбина. „Песнава ме прогонува. Со денови наназад, ми дише во врат. Како потстанар да ми е во мозокот. Како краста што не зараснува. Како доказ за бесмисленоста на животот. Како опомена за идните генерации. Почивајте во мир деца наши…“ напиша Џамбазов. „Ако утре ме нема“ е песна од ДНК и Оркестарот на Џамбо Агушев снимена во 2022 година, која беше хит и бендот ја изведуваше на нивните концерти и настапи. Андреј Ѓорѓиески, пејачот на песната тапанарот Ѓорѓи Ѓоргиев, басистот Александар Коларов, клавијатуристот Филип Стевановски, придружниот вокал Сара Пројковска, битбоксерот Мартин Атанасовски и тонецот на бендот Игор Велков се оние членови на бендот кои не успеаја да се спасат во трагичниот пожар во дискотеката „Пулс“. Младиот гитарист на ДНК, Горан Тонев, Панчо и Ана Костадиновска се тројцата преживеани....

Ова денеска го потенцираше претседателот на ЗЕЛС и градоначалник на Општина Кисела Вода, Орце Ѓорѓиевски на заедничката прес-конференција со директорот на Универзитетската клиника за хируршки болести во Скопје, Небојша Настов и портпаролите на Владата, Марија Митева и Венера Љатифи Азизи.Ѓорѓиевски истакна дека инспекциските контроли ќе бидат континуиран процес и во наредните недели и месеци систематски ќе се проверуваат сите објекти во државата, со цел сите јавни и приватни објекти каде се собираат луѓе, било да се образовни, здравствени институции, спортски или културни објекти или угостителски локали, да бидат безбедни.Тој нагласи дека е воспоставена тесна и силна координација со Владата и лично со претседателот на Владата, од првиот момент по несреќата во Кочани, со единствена цел брза и усогласена акција за надминување на состојбата.Предизвик, според него, претставува недоволниот број инспекциски служби, особено во помалите општини. Ѓорѓиевски информираше дека во Општина Кисела Вода имало двајца инспектори за домување, а во многу од општини, како што рече, нема инспектори за домување, немаат градежни инспекции, комунални инспектори. Тоа, истакна, ќе мора заеднички да го решаваме во наредниот период ќе се спроведе меѓуопштинска соработка.Градоначалникот Ѓорѓиевски посочи дека ЗЕЛС ја презема улогата на координатор на сите активности на локално ниво, за меѓусебна помош и споделување на ресурсите и знаењата. Инспекциските капацитети, најави тој, ќе се стават на располагање таму каде има потреба за да може секоја општина темелно да ги провери сите објекти на својата територија.Во поголемите општини, како што рече на прес-конференцијата Ѓорѓиевски, веќе се спроведуваат детални контроли на објектите, документацијата на објектите и почитувањето на сите безбедносни стандарди. Се внимава дали објектите имаат исправна протипожарна опрема и функционални противпожарни хидранти, дали електринчните инсталации се безбедни и соодветно одржувани, постојат ли јасно обележани и функционални евакуациони патеки и планови, како и дали се поседуваат сите потребни документи и безбедноси елаборати.Ќе има нулта толеранција за евентуалните неправилности. Ќе се преземаат решителни мерки согласно надлежностите на локалната самоуправа, рече Ѓорѓиевски и ги повика граѓаните ако забележат небезбедни услови да ги пријават.Ѓорѓиевски најави дека утре ќе има седница на Управниот одбор на ЗЕЛС, на која се поканети градоначалници на поголемите општи во државата, а ќе се направи детален пресек за состојбата во општините....

Во несреќата со тешки телесни повреди се здобил возачот, констатирани во Специјалната болница „Св.Еразмо“ во Охрид. Извршен бил увид од увидна екипа од СВР Охрид....

Во несреќата со тешки телесни повреди се здобил возачот, констатирани во Клиничката болница Штип.Извршен бил увид од увидна екипа од СВР Штип....

“Џиу-џицу е повеќе од боречка вештина. Вкоренет во античка традиција и префинет со векови, нуди пат до физичка самодоверба, ментална јасност и емоционална рамнотежа. Она што го прави овој пат уште позначаен е тоа што го споделуваме со оние што ги почитуваме и цениме”, се вели во описот на видеото. View this post on Instagram A post shared by VALENTE BROTHERS jiujitsu (@valentebrothers) На видеото се гледа како Иванка поминува низ потези за самоодбрана со Гуи Валенте, кого неколку пати го удира на подот. Околу половината носеше син појас, кој вообичаено се доделува по одреден период на тренинзи и успешно совладување на основните техники и позиции. Иванка носела син појас View this post on Instagram A post shared by Ivanka Trump (@ivankatrump) Ова не е првпат Иванка да се занимава со вежбање. Минатата година таа објави видео на Инстаграм на кое се гледа како изведува пет клучни вежби кои го трансформираа нејзиното тело. Иванка призна дека по години кардио и јога се префрлила на тренинзи за сила, кои и ги зајакнале мускулите.Жизел и Хоаким на прошетка со своето дете За потсетување, Хоаким и Жизел претходно беа фотографирани на нивната прва семејна прошетка по доаѓањето на нивното ново бебе. Жизел на 5-ти февруари го роди своето трето дете, прво со Валенте. Иако полот и името првично не беа познати на јавноста, набрзо се појавија информации дека се работи за син кој го добил средното име Ривер. Манекенката и тренерот на џу-џицу се во врска од јуни 2023 година. „Тие на почетокот беа добри пријатели. Таа е многу внимателна во врска со тоа и сакаше да чува сè во тајност додека не се запознаат. Тој ѝ беше голема утеха додека таа минуваше низ развод. Нивното пријателство прерасна во нешто повеќе по нејзиниот развод“, изјави претходно извор за странските медиуми....

Граѓани на Охрид на дождливо време одадоа почит на настраданите во кочанската трагедија, искажувајќи поддршка на нивните и на семејствата на сите повредени во најголемата несреќа во историјата на независната македонска држава.Општина Охрид за престојната седмица најави свикување седница на Советот, на која ќе одлучува за доделување финансиска помош за семејствата на починатите и за повредените лица во пожарот што се случи во дискотеката „Пулс“ во Кочани....

Од МВР денеска соопштија дека артилериските гранати од страна на пиротехничар од Дирекцијата за заштита и спасување Битола биле безбедно подигнати....

Како што посочи Настов, шесте пациенти на кои им е направена трансплантацијата се со трет степен на изгореници, додека кај останатите пациенти продолжуваат редовните преврски и веќе во текот на наредната недела се очекува да бидат пуштени на домашно лекување. Но, како што рече, ситуацијата е флуидна и може да се смени од час во час.„Во однос на актуелната здравствена состојба на пациентите од болницата од која што доаѓам, а тоа е Универзитетската клиника за хируршки болести во Скопје, во моментов се хоспитализирани 10 пациенти, од кои на шест е веќе направена трансплантација на кожа заради тоа што тие беа пациенти со највисок степен на изгореници, односно трет степен. Кај останатите пациенти продолжуваат редовните преврски и веќе во текот на наредната недела според плановите кои што ги имаме, иако морам да повторам дека ситуацијата е многу флуидна и може да се смени од час во час, се планираат првите испусти за дома“, рече Настов.Во врска со пациентите кои се лекуваат во странските држави, Настов посочи дека тие до одредена фаза ќе се лекуваат таму, но, како што рече, во одредена фаза ќе треба да се вратат и повторно да бидат сместени во хоспиталните капацитети во земјава, за што, рече, се прават протоколи и координации како ќе оди враќањето на пациентите во зависност од темпото со кое ќе бидат испишувани.„Пациентите кои се лекуваат надвор од земјава до одредена фаза ќе се лекуваат во странските држави кои ни излегоа во пресрет, но во одредена фаза истите тие ќе дојде време кога ќе треба да се вратат во нашата држава и кога ќе треба повторно да бидат сместени во болниците, односно во сите хоспитални капацитети во државата. За таа цел, се прават протоколи и координации меѓу Министерството за здравство, Министерството за надворешни работи и Службата за општи и заеднички работи на Владата во која координација ќе оди враќањето на пациентите во зависност од темпото со кое ќе бидат испишувани од болничките установи од странство“, рече Настов.Прашан за тоа каква е состојбата на шесте пациенти кои се лекуваат во странство и се во критична здравствена состојба, Настов посочи дека ќе има информација по денешниот состанок на Кризниот штаб, бидејќи, како што рече, болниците од странските држави за состојбата на пациентите брифираат еднаш дневно.„Во моментот ги немам тие информации заради тоа што имаме состанок на Кризниот штав од 14 часот, а тогаш обично ги добиваме вестите и верувајте дека болниците еднаш во денот брифираат за состојбата, а не на еден час или пола час. Така што, тие податоци би ги имале по 14 часот“, посочи Настов....

Оваа егзопланета, официјално наречена Куанкоа, беше откриена во 2020 година и орбитира околу својата ѕвезда на секои 19 часа. Со маса приближно 29 пати поголема од масата на Земјата, LTT 9779 b припаѓа на ретка категорија планети познати како „Hot Neptune desert“, област каде што досега се откриени исклучително малку планети со оваа големина и близина на ѕвезди. „Да се ​​најде планета со оваа големина толку блиску до нејзината матична ѕвезда е како да најдеш снежна топка што не се стопила во оган“, рече Луј-Филип Кулом од Универзитетот во Монтреал во соопштението за печатот. „Ова откритие сведочи за неверојатната разновидност на планетарните системи и дава увид во еволуцијата на планетите под екстремни услови“. LTT 9779 b е планета чија една страна секогаш е свртена кон својата матична ѕвезда, додека другата страна е постојано во темнина. На осветлената страна, температурите достигнуваат речиси 2000°C, што овозможува формирање на облаци од високо рефлектирачки честички. Циркулацијата на атмосферата на таквите планети настанува поради големите температурни разлики помеѓу дневната и ноќната страна. Топлиот воздух се издигнува на жешката страна, додека поладниот воздух се спушта на темната страна, создавајќи силна конвекциска струја. Ротацијата на планетите дополнително предизвикува силна млазна струја која се движи кон исток. На LTT ​​9779 b, овој пренос на топлина резултира со поладна западна страна на дневната хемисфера, каде што температурите паѓаат доволно ниско за да овозможат формирање на облаци. Овие облаци веројатно се поврзани со зголемен удел на метали во атмосферата, што поттикнува формирање на рефлектирачки аеросоли. Оваа хипотеза е потврдена со високото албедо (посебна форма на рефлективност) на планетата, што значи дека рефлектира повеќе светлина од другите планети со слична температура....

Министерство за транспорт – Државен инспекторат за транспорт денеска информира дека инспекциските надзори биле спроведени согласно нивниот Акциски план и дека за утврдените неправилности ќе бидат информирани Министерството за внатрешни работи и Јавното обвинителство, со цел нивно натамошно постапување.Инспекторатот ги соопшти 11-те правни лица за кои е констатирана неправилност и за кои се изречени казни: Дурмо турс од Гостивар, Дени интернационал од Илинден, Свис мак алигега од Гостивар, Зем промет – компани од Сарај, Словин Билјана од Охрид, Бис од Охрид, Пештер ДОО од Чаир, Димитриоски од Гази Баба, Хисари-ГД од Дебар, Инком бизнис од Куманово и Палас експорт-импорт од Гостивар.Покрај овие 11 правни лица, биле констатирани и неправилности кај 10 физички лица кои вршат дејности за превоз на патници и стока.Министерство за транспорт – Државен инспекторат за транспорт информира дека согласно донесениот Акциски план за инспекциски надзори при превоз на патници и стока, од утре инспектори ќе спроведуваат секојдневни интензивни инспекциски контроли над превоз на патници и стока, проверка на документи (лиценци, изводи од лиценци, дозволи, сертификати за професионална компетентност на возач, тахографи), надзор на безбедноста во сообраќајот и спречување нелегален превоз....

Како што информира Министерството за внатрешни работи, 12 лица, од кои едно малолетно, се приведени на подрачјето на Прилеп.Во Скопје е приведено едно малолетно лице и управител на угостителски објект, во Кичево – еден сопственик на угостителски објект и во Куманово се приведени две лица – менаџер и управител на угостителски објект осомничени дека ја прекршиле донесената одлука.-По целосно документирање на случаите, против лицата ќе бидат поднесени соодветни пријави, информира МВР....

Галаксијата JADES-GS-z14-0 е откриена минатата година и е најдалечната позната галаксија. На светлината на галаксијата и беа потребни 13,4 милијарди години за да стигне до нас, што значи дека научниците гледаат каква била кога универзумот бил стар помалку од 300 милиони години, пишува „Си-ен-ен“. Новото откривање на кислород со помош на зракот на телескопот АЛМА во пустината Атакама во Чиле сугерира дека галаксијата е хемиски многу позрела од очекуваното. „Ова е како да откриеме адолесцент на местото каде што чекавме бебе. Резултатот покажува дека галаксијата се формирала многу брзо и брзо созревала, што додава докази за теоријата дека формирањето на галаксијата се случило многу побрзо отколку што мислевме“, изјавил Сандер Шавс, докторант на опсерваторијата Лајден во Холандија и прв автор на студијата прифатена за објавување во „Астрофизикал Џурнал“ (The Astrophysical Journal). Галаксиите обично го започнуваат својот живот полн со млади ѕвезди, составени главно од лесни елементи како водород и хелиум. Како што ѕвездите еволуираат, тие создаваат потешки елементи како кислород, кои потоа се шират низ галаксијата кога ѕвездите „умираат“. Истражувачите мислеа дека на 300 милиони години, универзумот е сè уште премногу млад за да има галаксии полни со потешки елементи. Сепак, две студии со помош на линијата на телескопот АЛМА покажуваат дека галаксијата JADES-GS-z14-0 имала 10 пати повеќе елементи од очекуваното. Првата студија беше спроведена од холандски истражувачи, а втората, која беше прифатена за објавување во „Астрономија и астрофизика“, ја направија италијански научници....

МВР денеска соопшти дека полициски службеници од СВР Тетово и ОВР Гостивар во содејство со претставници од Управата за финансиска полиција, Управата за јавни приходи, Државен пазарен инспекторат, Дирекцијата за заштита и спасување, Градежен инспекторат и Комунална инспекција, извршиле акциска контрола и презеле координирани мерки и активности насочени кон сузбивање на недозволени криминални активности кои се вршат во угостителски објекти на подрачјето на Тетово и Гостивар, со приоритетна цел на сузбивање на недозволена трговија со дрога, посредување во вршење на проституција, перење на пари, коруптивни кривични дела од страна на службени лица вработени во државни институции поврзани со незаконско работење на субјекти кои вршат угостителска дејност и други нелегални активности....

Имамоглу беше уапсен во средата заедно со десетици други, неколку дена пред да биде номиниран за претседателски кандидат на главната опозициска партија ЦХП.Неговото апсење ги предизвика најголемите улични протести во Турција во последната деценија. Десетици илјади луѓе излегоа на улиците на Истанбул, Анкара и други градови. Според министерот за внатрешни работи Али Јерликаја, во саботата биле приведени 323 лица.Властите во Турција употребија солзавец и водени топови против демонстрантите во Истанбул.Наредбата за притвор првично беше издадена во врска со истрага за корупција. Освен тоа, опозицискиот политичар се товари и за „терористички“ дела. Судот треба да се произнесе по тие обвиненија в недела. И во двата случаи се води истрага за вкупно 106 лица. Притвор е одреден и за советниците на Имамоглу, како и за многу други.Имамоглу е најверојатниот противник на претседателот Реџеп Таип Ердоган.Апсењето на Имамоглу ја означува кулминацијата на повеќемесечната судска кампања против опозициските политичари, која беше критикувана како обид да се поткопаат нивните изборни шанси и да се задуши несогласувањето. Владата ги отфрла овие наводи.Партијата на Имамоглу ЦХП ги повика своите членови да го изберат за свој кандидат на претстојните претседателски избори денеска. ЦХП, исто така, апелираше до непартиските членови да гласаат за Имамоглу со цел да се зајакне отпорот на јавноста против неговото притворање.ЦХП има повеќе од 1,5 милиони членови во сите 81 провинција во Турција. Гласањето завршува во недела попладне. Редовните претседателски избори во Турција се закажани за 2028 година, но Ердоган би можел да ги одржи порано....

Во Скопје, собирот е организиран од Студентскиот пленум и ќе се одржи денес во Градскиот парк, на тревникот по споменикот на Гоце Делчев. Почетокот е закажан за 16:30 часот, а во 16:59 ќе започне едночасовен молк во чест на загинатите.„Се повикуваат сите граѓани на мирен собир на кој заедно ќе оддадеме почит кон жртвите од пожарот во Кочани“, се наведува во повикот од организаторите....

Чекор 1: Удобноста на прво место Првиот чекор е да пронајдете облека што ќе ви биде пријатна за носење доколку се подготвувате за прошетка, краток опуштен викенд или посета во природа, а притоа ви треба нешто удобно и модерно. Дуксерите, лесните широки маици и тренерките се парчиња во кои секогаш ќе се чувствувате удобно. Дополнителен плус се капите, кои моментално се во тренд.Чекор 2: Што да облечете за работа и специјални прилики? Што да облечете за на работа и во оние прилики кога сакате да изгледате поелегантно е главното прашање. Внимавајте при изборот на материјали бидејќи е пролет. Ленот и вискозата прават да се чувствувате удобно додека изгледате беспрекорно од утро до вечер.Исто така, имајте на ум дека минималистичкиот дизајн ги олеснува комбинациите, па со само неколку клучни парчиња можете да креирате различни комбинации. Чекор 3: Детали кои менуваат сè Без вистинскиот додаток, ниту една комбинација не е комплетна. Накитот може да ја разубави и наједноставната комбинација и да ѝ даде посебна доза на елеганција. Ѓердан, впечатлив прстен или суптилна нараквица … сè зависи од вашиот стил, но едно е сигурно, вистинското парче накит секогаш остава посебен впечаток.Оваа сезона изберете златни тонови во комбинација со зелена, сина, бакарна или виолетова со впечатливи детали....

Андреја Ѓорѓиески, познат како Андреј од ДНК, го жртвуваше својот живот за да спаси други деца кои беа на нивниот настап во дискотеката во Кочани, кога се случи трагичниот пожар во кој загинаа 59 лица, а повеќе од 100 беа повредени. Изјавите на очевидци велат дека тој успеал да излезе од дискотеката кога се случил пожарот, но се вратил за да помогне и така починал.Зад себе, Андреј ги остави сопругата Наталија, со која скоро 10 години беше во брак и ќеркичката Јана (родена на 29 ноември 2015).Наталија Ѓорѓиеска вчера сподели дел од разговор со нејзината ќеркичка која е полна со емоции, но и со порака за тага за прераната загуба на таткото.За време на концертот на ДНК во дискотеката „Пулс“ во Кочани загинаа 59 лица, а над 200 се повредени....

Како што велат од ДУИ, според информации објавени од истражувачките стории на медиумите, кабарето „Пулс“ било официјално затворено и пломбирано од страна на УЈП во втората половина на декември 2024 година, поради утврдени прекршувања поврзани со неиздавање на фискални сметки.ДУИ смета дека секој аспект на случајот мора да биде темелно истражен, без селективност и без политички влијанија. Јавноста има право да добие одговори, а надлежните органи имаат обврска да постапуваат професионално и во согласност со законите.Во оваа насока, особено е важно да се разјасни улогата на сите институции кои имале надлежност врз работењето на локалот каде што се случи трагедијата. Секој пропуст, институционален или индивидуален, мора да биде идентификуван, а одговорните соодветно санкционирани.ДУИ ја нагласува потребата од независност на истражните органи и повикува на целосна транспарентност во постапката. Политичките шпекулации не смеат да ја попречат правдата, ниту пак неосновани обвинувања да ја нарушат довербата во институциите.Во име на правдата и владеењето на правото, бараме брза, објективна и непристрасна истрага која ќе ги открие сите релевантни факти поврзани со овој трагичен случај....

Некои од неговите оптички илузии можат да го откријат вашето ниво на стрес. Таков е следниот тест. Доволно е да ја погледнете оваа оптичка илузија 20 секунди и да видите дали круговите се движат. Потоа треба да го насочите погледот кон нешто бело и статично, како на пример, на ѕидот.昨日、マイナンバーカードを左京区役所でゲットしました。通知カードは名残り惜しくも没収されました。（写真は、学会か講演会のハンドアウトの残りのナンマイダーカード。12枚ありました。） pic.twitter.com/pu15SZalw4— Akiyoshi Kitaoka (@AkiyoshiKitaoka) March 16, 2021 Доколку сликите останат неподвижни, психологот вели дека не сте под преголем стрес. Ако круговите полека се вртат, веројатно ви треба мал одмор, а ако забрзано се движат во круг, тој вели дека е вистинско време за долг одмор!...

Стојичиќ нагласи дека пациентите се во добра состојба и постоперативно е без проблеми.„Нивниот постоперативен тек се одвива без проблеми. Наредната недела веројатно ќе бидат оперирани уште пет-шест пациенти. Имам и добри вести, неколку пациенти веројатно ќе можат да бидат префрлени на одделение бидејќи успешно се опоравува нивната респираторна функција, а раните од изгорениците се такви што не бараат престој на одделението за Интензивна нега“, изјави тој за РТС.Тој наведе дека кај пациенти кои веќе се оперирани, процедурата опфаќа отстранување на девитализирано ткиво и покривање со автотрансплантација, што значи дека нивна сопствена кожа се зема од други региони и се пресадува на изгорените места. На еден пациент ќе му биде извршена нова операција за околу пет денови (на другата рака).Според него, за оние на кои им претстои операција, нема да бидат потребни донатори на кожа.Што се однесува до опоравувањето на оние кои биле оперирани, Стојичиќ истакна дека конечниот резултат обично се забележува за 14 дена, а потоа следи фаза на опоравување со помош на физикална медицина....

– Тоа во суштина е главниот проблем на јавната администрација, одредени сектори се превработени со лица кои што имаат помалку активности, а одредени сектори имаат недостаток на вработени, а имаат огромни ингеренции. Дали тоа некој го правел намерно, за да може ваков систем да царува во државата или е случајно, денес веќе е неважно, важно е како ние ќе се организираме во иднина и мислам дека инспекторатите мора да зајакнат, да се зголеми бројот на вработени, пред се инспектори, не административци, како би можеле да ја покриваат целата територија. На пример, Државниот пазарен инспекторат има вкупно 40 вработени инспектори за цела Македонија, што значи огромен недостиг на кадар за покривање на сите ингеренции и контрола на сите зададени надлежности, истакна вицепремиерот Николоски.Тој најави и одговорност за сите кои го изигруваат и не го почитуваат законот а во однос на направените контроли што се спроведуваат во ноќните клубови и кабареа ширум државата.– Државниот пазарен инспекторат настапува со асистенција на Министерството за внатрешни работи и го информираат Јавното обвинителство за активностите кои што ги преземаат, така што овие случаи нема да останат само на констатирање на неправилност, туку секако ќе следи и кривична одговорност секаде каде што се изигрувал и не се почитувал законот, истакна Николоски....

Полицијата вчера ги повика минувачите да споделат видеа додека продолжува потрагата по осомничените за нападот што се случи во вчеравечер во паркот посетен од млади луѓе.Повредените се пренесени во блиските болници со брза помош и приватен автомобил.Полицијата во Лас Крус помага во истрагата со државната полиција на Ново Мексико, канцеларијата на шерифот на округот Дона Ана, ФБИ и агенти од Бирото за алкохол, тутун, огнено оружје и експлозиви....

Од 116-те хоспитализирани во странство, 38 се пратени на лекување преку Механизмот за цивилна заштита на ЕУ, кој Владата го активирала веднаш по несреќата, а останатите се пратени преку директна билатерална помош.Mинистерот за здравство Арбен Таравари по состанокот на Кризниот штаб за состојбата на пациентите, вчера соопшти дека од пациентите кои се лекуваат надвор од државата, се очекува идната недела пет да бидат вратени во земјава.По тријажата која ќе им биде направена, потенцира, ќе се утврди дали ќе бидат задржани на некои од трите болници во Скопје или ќе бидат испратени на домашно лекување. Министерот за здравство нагласи дека шест пациенти се во критична состојба, додека пак, останатите 109 пациенти се во релативно добра состојба.Според Сашо Клековски, директор на Фондот за здравствено осигурување на Македонија (ФЗОМ), утре се очекуваат протоколи за враќање во земјата на првите пациенти од странство кои се во добра здравствена состојба што ќе се случи, најверојатно, во втората половина на неделата. Тимови од Израел и Велика Британија, како што рече вчера на прес-конференција, помагаат да се направи планот за враќање, рехабилитација и натамошен третман во земјата....

Беа нападнати неколку украински региони, а украинските сили за воздушна одбрана уништија 97 беспилотни летала.Во напад со беспилотните летала на руските сили врз Киев во текот на ноќта загинаа три лица, меѓу кои и едно петгодишно дете, а десет беа повредени, објави градската воена управа на Киев во објава на Телеграм.Уште 25 дронови не стигнаа до своите цели, се вели во соопштението на украинските воздухопловни сили на апликацијата за комуникација Телеграм....

Покрај тоа, М.Е. го управувал возилото без важечка возачка дозвола. Против него ќе биде поднесена кривична пријава по чл.297 а од КЗ- “безобѕирно управување со моторно возило”....

Минималната температура ќе биде во интервал од 0 до 6, а максималната ќе достигне од 12 до 19 степени.Во Скопје, променливо облачно со повремен дожд. Ќе дува умерен јужен ветер. Минималната температура ќе се спушти до 4, а максималната ќе достигне до 19 степени.УХМР информира дека под влијание на влажни воздушни маси од југ, од денеска следува период на променливо облачно и нестабилно време со повремени врнежи од дожд. Ќе дува умерен до засилен јужен ветер. Локално врнежите ќе имаат пороен карактер и ќе бидат проследени со грмежи и силен ветер (над 60км/час). Поинтензивни процеси се очекуваат од средината на следната седмица кога наместа ќе наврне поголема количина на дожд (над 20л/м2 за 24 часа)....

Вака отец Димитар одговара на коментарите на социјалните мрежи по видеото кое стана вирално, а во кое со свое обраќање ги смири младите кои по трагедијата во дискотеката „Пулс“, својот револт, гнев, тага и болка ги изразија во Кочани. - Се распнаа, ги дадоа своите животи за други да живеат, тоа се хероите, вели отец Димитар во разговор со Стефан Лазаров.Смета дека потребно е да се остане смирен, повикот на црквата е да донесува мир.- Дај Боже без никакви протести, власта да ги превземе неопходните чекори, еднаш засекогаш да се заврши со сета корупцпија, со сите неправилности, вели отецот кој нагласува дека кажаното во интервјуто е негов личен став и мислење, не на МПЦ. - Најтешките два дена во моите 39 години беа денот кога се случи несреќата и денот на погребението на дечињата. Колку и да бевме под средства за смирување, смртта за нас е секојдневние, но само да можат луѓето еден ден да се стават во мантијата, да видат како е кога ги редиме пред дупките стапчињата на дечињата (стапчиња со имињата). Ми се чини дека поголема болка немав почувствувано кога мајките читаа и го бараа местото на дечињата. Тоа беше нешто страшно. Мислам дека колку мајки видов, толку пати во срцето ми пукаше, со солзи во очите вели отец Димитар. Додава дека најтешко е да даваш утеха на некој што не можеш да го утешиш, нагласувајќи дека родителите биле прекрасни. Посочува дека ги посетиле сите родителите на загинатите млади, разговарале со нив и им пружаат утеха, збор од Бога. Родителите му кажале дека на некој начин биле утешени од словото кое на погребите го кажал Архиепископот Охридски и Македонски г.г.Стефан. Отец Димитар вели дека не постои начин да се прифати загуба. - Има родители кои добро се носат со тоа, но внатрешната болка е внатрешна болка. Јас можеби две или три од децата не познавав. Буквално најдоброто од градот ни замина. Деца беспрекорни прекрасни, без пороци, убави, интелегентни, културни, вели отецот. - Христос беше мртов и воскресна, Кочани е мртов и ќе воскресне. Тие млади деца ќе го воскреснат, ние тешко. Целата надеж ми е во младината, вели отец Димитар....

Тој најави дека во вторник ќе бидат објавени финалните бројки и по име ќе бидат извадени сите носители на лиценци на кои ќе им бидат одземени, а за истото ќе бидат информирани надлежното обвинителство и МВР, за да можат тие, како што рече, да проверат од свој аспект. Министерот Николоски информира дека во делот на градежништвото ќе бидат околу 430 лиценци, а ќе бидат испратени дописи и до сите засегнати страни кои работат со овие субјекти за да знаат дека тие веќе немаат лиценци. Меѓу другото информира дека се прават контроли и во делот на патниот сектор – превоз на патници, автобуси, комбиња и итн, исто така превоз на стоки и внатрешно и меѓународно во делот на камиони. Таму, рече Николоски, во моментот се прават испитувањата, но до вторник ќе има финални бројки. – Најголема е бројката за изведувачи на градба од Б категорија, а тоа е се што не е врвен државен објект и станбени зградени, каде ќе се одземат 198 лиценци, рече вицепремиерот и министер за транспорт. Николоски информира дека по итна постапка уште во вторник ќе бидат доставени законски измени, со кои овие контроли ќе станат облигаторни на секои шест месеци да мора да се прават, а исто така второстепеноста и третостепеноста, во рамки на одлучувањето нема да влијае на постапките за одземање на лиценца. – Мојот предлог на измени на закон ќе биде жалбата да не го одлага извршувањето односно лиценцата веднаш се одземе, а после тоа да имаат право да се жалат. Оние кои ќе ја изгубат лиценцата најмалку една година нема да можат да аплицираат повторно. Доколку за било кој од нив, МВР или Јавното обвинителство утврди дека имале и кривични дела во рамки на своето работење, тогаш веќе настапуваат други о...

Кога се потите и вежбате, кожата треба да дише, па затоа е важно да не ја „оптоварувате“ со многу шминка и пудра, кои можат да ги затнат порите.Тешките пудри и коректори ги затнуваат порите и, во комбинација со пот, можат да предизвикаат иритација и акни. Наместо тоа, се препорачуваат полесни формули кои ѝ овозможуваат на кожата да дише. Пудрата во прав се меша со потта и може да создаде нерамномерен тен, но и дополнително да ја исуши кожата. Обичните маскари лесно се размачкуваат и можат да ја иритираат кожата, поради што се препорачува употреба на водоотпорна маскара. Исто така, тешките масла, алкохолот и силиконот во козметиката ги затнуваат порите, ја влошуваат текстурата на кожата и можат да предизвикаат неправилности. Доколку сепак се одлучите да се нашминкате, употребата на серумски пудри е идеална бидејќи тие се лесни и обезбедуваат изедначен тен со хидратација. Исто така, се препорачуваат формули со хијалуронска киселина и пептиди бидејќи ѝ помагаат на кожата да остане свежа и здрава. Исто така фиксаторот за шминка ја подобрува долготрајноста на шминката и обезбедува мат финиш без сјај. По тренингот, од суштинско значење е правилното чистење на кожата за да се спречи појавата на акни и затнати пори. Се препорачува темелно чистење за да се отстрани потта, шминката и вишокот на себум користејќи квалитетен производ за чистење на лицето. По чистењето потребно е да се хидратизира кожата со лесен хидратантен крем кој го освежува тенот....

Со пораки испишани на транспаренти, присутните порачаа дека бараат правда, a правосудните институции да го расчистат случајот до крај. Граѓаните повторно им дадоа поддршка и на лицата од обезбедувањето во дискотеката, кои ги извлекувале и спасувале младите, а наместо да се лекуваат од повредите, тие се осомничени и се наоѓаат во притвор. Собирот заврши со мирен марш по улиците во централното градско подрачје на Кочани, а граѓаните порачаа дека ќе продолжат да се собираат и во наредните денови....

Најстрашна од сите секако е огромната глава со преплашен израз на лицето која изгледа како да вреска. Станува збор за богот Орк, римскиот бог на подземјето, на чијашто горна усна пишува „Целиот разум исчезнува“.Овој парк бил изграден во 1552 година од страна на принцот Пјер Франческо Орсини, познат како Вичино, и пред сè е одраз на неговото страдање. Тој не бил дизајниран да привлекува туристи со својата убавина, туку да шокира. Имено Висино го загубил својот најдобар пријател во трауматична војна, во која долго време бил заробен. После тоа му се случила уште една голема трагедија. Набргу откако се вратил од војната, починала неговата сакана сопруга Џулија Фарнезе. Нејзе ѝ го посветил Храмот на вечноста во паркот.За дизајнирање на неговиот план, Виснио го ангажирал архитектот Пиро Лигорио, почитуваниот архитект и уметник, кој претходно ја завршил катедралата Свети Петар во Рим по смртта на Микеланџело. Салвадор Дали го посетил паркот и бил маѓепсан од него. Тој бил толку инспириран што таму дури снимил и краток филм, а камените чудовишта инспирирале една од неговите познати слики, „Искушението на Свети Антониј“ од 1946 година. На околу 2 часа возење од Рим, овој парк вреди да се посети доколу се најдете во тој дел на Италија, а попатно можете да ги истражите шармантните градови Бомарцо и Витербо....

„Оние што нема да го направат ова, ќе ги смениме. Полицајците кои не сакаат да го штитат редот и законот ќе бидат разрешени, како и обвинителите кои не сакаат да ги штитат редот и законот“, им рече Вучиќ на граѓаните во Народниот театар во Лесковац. Тој повторно тврдеше дека актуелните настани се резултат на „обоена револуција“. Демонстрантите се собраа во близина на театарот за да протестираат поради посетата на Вучиќ на Лесковац. Полициски кордон ги запре на пат кон театарот, а толпата скандираше „оди лечи се, ти си болен“ и „пумпа, пумпај“. Протестите во Србија траат од ноември 2024 година, по уривањето на настрешница на железничката станица во Нови Сад, при што загинаа 15 лица, што предизвика бран на незадоволство поради наводната корупција и лошо извршените градежни работи. Протестите прераснаа во масовно движење против корупцијата, обединувајќи студенти, професори, земјоделци и други работници. И покрај оставката на премиерот Милош Вучевиќ и другите министри, демонстрантите продолжуваат да бараат одговорност и правда за жртвите, како и поголеми инвестиции во високото образование. Протестите ескалираа откако 19-годишниот Вукашин Црнчевиќ почина во болница, станувајќи 16-та жртва од уривањето на настрешницата....

Кардиналот Виктор Мануел Фернандез вчера изјави дека папата добро реагира на лекувањето за пневмонија, но треба повторно да се навикне да зборува. Осумдесет и осумгодишниот поглавар на Римокатоличката црква беше хоспитализиран во болницата „Џемели“ во Рим од 14 февруари, откако му беше дијагностицирана двојна пневмонија....

Ова го порача денеска портпаролката на Владата, Марија Митева на редовната прес-конференција за активностите на институциите по трагедијата со пожарот во Кочани. Митева соопшти дека затворени се два објекти кои не ја почитувале одлуката на Владата за денови на жалост поради трагедијата, при вонредните контроли што ги спровел Државниот пазарен инспекторат, за што претходно информираше и Министерството за внатрешни работи. Посочи дека продолжуваат и активностите за контрола на сите објекти со и без лиценца. Дополнително ќе бидат објавени информации затоа што, како што рече, анализите се обемни, а проверките темелни со цел да утврдиме дали секој еден објект ги исполнува минимално техничките услови. И досега направените контроли на Министерството за транспорт, како што рече, утврдија голем број на лиценци што ќе бидат одземени со решение и тоа кај 100-ина од нив затоа што по издавањето на лиценцата правните лица престанале да ги исполнуваат законските услови за кои претходно им била дадена. – Во ова Министерство во текот на вчерашниот но и во текот на денешниов ден контролите продолжуваат и до крајот на денот очекуваме нов пресек до детални информации за сите направени контроли на овој тип на лиценци, најави Митева. На новинарско прашање дали по контролите за кои вчера информираше Владата во кои е утврдено дека од 23 објекти со лиценци 13 не ги исполнуваат условите е побарана одговорност од актуелниот директор на Државниот пазарен инспекторат и министерот за економија, Митева потенцираше дека во овој момент Владата работи на проверка и преземање на сите активности кои се во насока на утврдување на актуелната состојба во однос на лиценците што се издавале минатите години, кои објекти имале или немале, а работеле. – Мораме да ја скенираме состојбата на терен, тимовите се составени од сите надлежни институции кои можат да помогат. Кажавме дека истрагата е опсежна и дека апсолутно секој кој постапил спротивно на законот ќе биде одговорен. Во овој момент сите податоци со кои располагаме е дека сите надлежни институции работат на терен активно да проверат каква е актуелната состојба, рече Митева. Во однос на најавите за собири и маршови на граѓаните, порача дека ќе се почитува секое такво демократско право и повика на разум и на доверба во институциите. – Ревносно се справуваме со сите состојби и ќе продолжиме да се справуваме, наведе Митева....

Истражувачите ги анализирале белите дробови на 51 вид птица кои биле убиени како дел од програмата за минимизирање на нападите на птици на меѓународниот аеродром во Кина, „Тјанфу“, кој е еден од двата меѓународни аеродроми кои го опслужуваат Ченгду, главниот град на провинцијата Сечуан во југозападна Кина.Тогаш микропластиката била пронајдена во белите дробови на секоја птица. „Птиците се многу подвижни, еколошки разновидни и имаат уникатни респираторни системи кои ги прават ранливи на загадувачите во воздухот. Нашата цел беше да ја процениме микро и нанопластичната контаминација во белите дробови на птиците и да го процениме нивниот потенцијал како биоиндикатори за загадување од пластика во воздухот“, рече професорот Јонџи Ву од Универзитетот Сичуан, кој ја предводел студијата. Истражувачите пронашле траги од повеќе од 32 различни видови пластика, вклучувајќи полиетилен, полиуретан, поливинил хлорид (PVC) и бутадиенска гума, која како што објаснил Ву, широко се користи во производството на гуми. „Триењето на гумите од авиони и возила на блиските патишта може да ослободи честички од бутадиенска гума во воздухот, но потребни се дополнителни студии за следење на изворите за да се потврди ова“, рекол Ву. Професорот Шејн Дубеј од Универзитетот во Тексас во Арлингтон, кој бил дел од истражувачкиот тим, рекол дека е изненаден од резултатите. „Најизненадувачки беше широко распространетата контаминација кај сите видови примероци, без оглед на големината на телото, преференциите на живеалиштата и навиките во исхраната“. Микропластиката била пронајдена кај сите проучувани видови, со просечни 416 честички во секој грам белодробно ткиво. Копнените птици имале поголеми количини микропластика во споредба со водните птици, а големите птици имале поголеми количини од помалите....

Познатата психотерапевтка Естер Перел која повеќе од 30 години ги советува луѓето кои имаат проблеми со љубовта, неверството, тагата и осаменоста, беше гостинка во поткастот на „Њујорк магазин“ и откри седум начини да останете смирени кога ви се чини дека светот се распаѓа.1. Дозволете си да бидете во шокПрвото нешто што треба да направите е да одвоите малку време и да оставите сè да се смири. Перел објаснува дека нашата прва реакција е целосен шок, што доведува до емоционална вкочанетост, потоа страв и длабока тага. Во овие моменти мора да си дозволиме да го преболиме шокот и дури потоа да реагираме. 2. Не напаѓајте веднаш Има толку многу различни мислења и гледишта за секој конфликт на оваа планета и тоа се случува векови наназад. Важно е да се запамети дека ако сретнеме некој кој не ги дели нашите верувања и ставови, не треба веднаш да заземеме позиција на борба и контранапад, бидејќи со тоа дополнително ќе ја искомплицираме ситуацијата. 3. Доживејте ја траумата „колективно“ „Мислам дека сочувството е исклучително важно во вакви времиња“, објаснува Естер Перел. Важно е да си дадеме до знаење дека сме тука, присутни, слушаме, сочувствуваме, гледаме… 4. Слушајте ги другите луѓеПерел, исто така, предлага „да слушате“ и „да не се обидувате да ги осудувате“ другите луѓе. „Можеме да влеземе во политички дискусии. Знаеме каква е приказната. Ние сме еден куп информирани луѓе, но не е време да ја играме играта „чии информации се подобри“. 5. Бидете проактивни„Она што генерално многу помага е луѓето да се активираат, да направат нешто за да не се чувствуваат бескорисно“, рече таа. „Волонтирај, помагај, комуницирај со луѓето, предупредувај ги, информирај ги, читај внимателно, дури и содржини што не ја поддржуваат само твојата страна од приказната“, предлага Перел. 6. Бидете внимателни со социјалните мрежи Перел, исто така, предлага внимателно да се користат социјалните медиуми, бидејќи пораките честопати се погрешно интерпретирани. Наместо тоа, таа предлага да разговарате со луѓето за ситуацијата но не преку пораки. Таа истакнува: „Луѓето немаат каде да тагуваат, немаат со кого да разговараат, иако се изложени на огромна количина на информации на социјалните мрежи и пријатели кои се онлајн. Кога се разговарате на социјалните мрежи, тоа е само „делумна врска“. Под вистинска врска се подразбира само физичката“. 7. Избегнувајте преоптоварување со информации Како што објаснува Естер Перел, овде се работи за деликатна рамнотежа помеѓу потребата да се биде информиран и да се биде преплавен со слики од судниот ден. Ако сте ги прочитале информациите и сте ја виделе фотографијата, немојте повторно да се враќате на неа или на нив...

Во моментот, во притвор во КПУ Затвор Куманово се наоѓаат дванаесет лица осомничени за трагичниот настан во Кочани. Помеѓу нив се и двајца поранешни градоначалници на Кочани, информираа од затворот. Вчера, ЈОРСМ информираше дека Основното јавно обвинителство Кочани донело наредба за спроведување истражна постапка против 27 физички и три правни лица за кои постои основано сомнение дека како соизвршители сториле-тешки дела против општата сигурност од член 292 во врска со член 288 од Кривичниот законик....

„Кевин и Синди останаа блиски пријатели, а таа последниве месеци му помагаше да ја надмине емоционалната болка од раскинувањето со Кристин што е можно полесно. Таа е мудра жена и тој навистина цени што нивната некогаш тажна разделба се претвори во убаво пријателство“, откри извор за Дејли мејл. Поранешните сопружници, кои се запознале во 1975 година како студенти на Универзитетот Фулертон, се венчале во 1978 година и се развеле по 16 години брак. И покрај разводот кој на Синди ѝ донесе околу 80 милиони долари, тие успеаја да изградат здрава врска, особено поради трите деца кои ги имаат заедно – Лили, Џо и Ени. „Тие често се собираат, особено кога се родендени на нивните деца, и поминуваат квалитетно време заедно. Сè е многу пријателско“, додаде изворот. Пред неколку години, Кевин Костнер немаше ништо друго освен пофалби за својата поранешна сопруга:Kevin Costner's first wife Cindy Silva shops for groceries 30 years after their marriage ended https://t.co/8DOT77E14t pic.twitter.com/tf9PsUc9V6— Daily Mail US (@DailyMail) July 3, 2023 „Низ целата болка, Синди беше она што отсекогаш мислев дека е – вистинска дама. Сè уште имам љубов за неа.“ Додека 70-годишниот Костнер неодамна беше поврзуван со неколку познати дами, меѓу кои и Џевел, Шерон Стоун и Џенифер Лопез, Синди Силва, која сега има 68 години, живее мирен живот во Санта Барбара со Лери Амин, со кого е во брак повеќе од 20 години. После разводот и турбулентниот љубовен живот, Костнер ја презеде одговорноста за неуспехот на неговиот прв брак: „До тоа доведоа низа истовремени настани. Знам дека повредив некои луѓе затоа што не успеав во мојот брак. Колапсот на мојот брак беше нешто најтешко за мене.“...

Нашиот национален тим ја продолжи добрата традиција во пресметките со Лихтенштајн и забележа рутински триумф во Вадуц што дефинитивно е одлична најава за битката со Велс за три дена на националната арена „Тодор Проески“ во Скопје.Ова беше дуел во кој ја имавме топката во нашите нозе, упативме скоро 20 удари кон голот на противникот од кои три завршија во неговата мрежа. Резултатот беше отворен во 7 минута по одличната соработка на напаѓачото дуо Миовски-Трајковски, Бојан испрати идеална топка која пак Александар ја смести на вистинското место.El GOL DE TRAJKOVSKI DESPUES DE UNA CORRIDA HERMOSA DEL LOCO MIOVSKI QUE NOS DA EL GOL A LOS 7 MINUTOS!! MACEDONIA 1 - 0 LIECHTENSTEIN pic.twitter.com/FXBhThZice— Mecedonia 🇲🇰 (@MacedoniaFC) March 22, 2025 Во финишот на првиот дел дојдовме до нов гол по корнерот на Барди по кој одлично во казнениот простор се снајде стоперот Муслиу ко на атрактивен начин дојде зголемување на водството.El GOLAZO de media volea de Musliu para darnos el contundente 2-0. pic.twitter.com/XSZ93X4vNL— Mecedonia 🇲🇰 (@MacedoniaFC) March 22, 2025 Селекторот Милевски во вториот дел направи пет замени и тоа влијаеше врз нашата игра, но на крајот дојде акцијата, потегот на мечот во режија на резервистот Илиевски кој испрати магична топка која Миовски ја искористи за потврда на трите бода....

- Нема опуштање – затоа што како се намалува ризикот од акутните изгореници и респираторни повреди, почнува да расте ризикот од инфекции. Така што, борбата не е завршена, таа допрва претстои и можно е пациенти кои биле во добра состојба да им се влоши состојбата поради ризик од инфекција. Оваа борба ќе биде долга и нема да биде решена ниту за една, ниту за две недели, рече Клековски на прес-конференција, посочувајќи дека за двете состојби се прави мониторинг и редовни токсиколошки и микробиолошки анализи и во земјава и во болниците во странство. Посочи дека сите 54 повредени пациенти од пожарот во Кочани кои се лекуваат во земјава се во стабилна состојба, а од 115-те во странство – шест се критични. Соопшти и дека вчера биле хоспитализирани шест нови пациенти – пет на Токсикологија и еден со комбинирани – респираторни проблеми и изгореници. Во понеделник се очекуваат протоколи за враќање во земјата на првите пациенти од странство кои се во добра здравствена состојба што ќе се случи, најверојатно, во втората половина на неделата. Тимови од Израел и Велика Британија, рече, помагаат да се направи планот за враќање, рехабилитација и натамошен третман во земјата. Нагласи дека болничкото лекување во странство е гарантирано бесплатно и сто отсто на сметка на државата во која е хоспитализиран пациентот и дека се што се појавува во јавноста во врска со некакви трошоци за лекувањето е дезинформација. Клековски информираше дека ФЗОМ им дал насоки на матичните лекари за отстранување на ограничувања во пропишување на лекови и боледувања за засегнатите во пожарот во Кочани и за нивните семејства, со оглед на тоа што досега не биле предвидени вакви ситуации освен за заразни болести. - Имаме полна соработка со матичните лекари кои доста помагаа во управување со севкупната ситуација, додаде Клековски....

- Најдлабоко сочувство поради трагичната загуба на 59 млади животи во Кочани, Северна Македонија. Овие млади луѓе не беа само сакани деца, браќа, сестри и пријатели – тие беа иднината на оваа земја. Нашите мисли се со семејствата, заедниците и сите погодени од оваа незамислива загуба, соопшти Фондацијата. Нејзиниот претседател Жељко Јовановиќ ја посетил Амбасадата на Македонија во Брисел за да изрази солидарност и сочувство. Тој се потпишал во книгата на жалост и го информирал амбасадорот на Северна Македонија во Европската Унија, Зулфи Исмаили, за одлуката на Фондацијата да донира 10.000 евра како поддршка за семејствата на жртвите. - Оваа трагедија не е само огромна лична загуба, туку и болен потсетник на системските пропусти. Не смееше да се случи – и не смееме да дозволиме повторно да се случи. Потребно е да се зајакнат структурните мерки за заштита на луѓето, особено на младите, од вакви несреќи кои можат да се спречат. Нека споменот на оние што ги загубивме биде повик за акција: за поодговорно општество, за поголема безбедност и за иднина во која вакви трагедии повеќе нема да се случуваат, истакнал Јовановиќ. Фондацијата во соопштението наведува дека Европскиот институт за ромска уметност и култура, Фондот за образование на Ромите, Иницијативата за развој на ромското претприемништво и Роми за демократија се придружуваат на Фондацијата Роми за Европа во изразувањето поддршка за жртвите од оваа трагедија....

Веста за неговата смрт беше објавена од страна на „Иницијатива за сознавање и зачувување на мајмуните“, истражувачка група посветена на проучувањето и заштитата на бонобоите, пренесува „Лајв саенс“.Иако резултатите од обдукцијата сè уште се чекаат, старателите велат дека Канзи вообичаено бил активен на денот на неговата смрт – трчал по други бонобо, барал храна и учествувал во негувањето на своето крзно. Сепак, тој неодамна беше под ветеринарна нега поради срцеви заболувања. Со оглед на тоа дека бонобоите живеат во просек околу 40 години, смртта на Канзи не била неочекувана.We have tragic news to share. Kanzi passed away yesterday afternoon at the age of 44. We are awaiting necropsy results,...Posted by Ape Cognition & Conservation Initiative on Wednesday 19 March 2025 „Канзи им значеше толку многу на многу луѓе. Нашиот тим е целосно уништен од неговото умирање. Тој беше сакан од членовите на неговата бонобо заедница и пријател на сите што го познаваа“, се вели во соопштението. Ги помести границите на науката Роден во заробеништво во 1980 година, Канзи пораснал во американската држава Џорџија, во рамките на сегашниот национален истражувачки центар за примати „Емори“. На петгодишна возраст, тој беше преместен со неговата полусестра Панбаниша во Јазичниот истражувачки центар на Државниот универзитет во Џорџија.Подоцна и двајцата беа префрлени во Ајова – институција која подоцна беше затворена по наводите за злоупотреба на животни и внатрешни конфликти. Во 2013 година, објектот беше преземен од „Иницијатива за сознавање и зачувување на мајмуните“, која го оживеа. За разлика од познатите примати како горилата Коко и шимпанзото Вашо, кои комуницираа преку знаковен јазик, Канзи ја подигна комуникацијата на ново ниво. Користење на тастатура со геометриски симболи, т.н со лексиграми, користени од приматологот Сју Севиџ-Рамбо, Канзи научил да препознава и користи околу 3.000 изговорени зборови. Неговата способност да го разбере човечкиот јазик и сложените концепти беше револуционерна. Првиот мајстор меѓу приматите во изработката на алатки Во соработка со археолозите Николас Тот и Кети Шик од Универзитетот во Индијана, Канзи научил да прави камени алатки во текот на 1990-тите користејќи методи слични на оние на раните луѓе. Тој не се ограничи само на имитација – со текот на времето развил свои техники за обработка на камен, обезбедувајќи им на научниците вреден увид во моторните и когнитивните вештини потребни за производство на праисториски алатки. Невообичаени интереси Канзи и останатите мајмуни живееле во средина прилагодена на нивните потреби. Имаат пристап до фонтани за пиење, хидраулични врати кои сами се отвораат, кујна со машина за закуски и микробранова печка, па дури и просторија за рекреација со телевизор и видео рекордер. Меѓу неговите омилени филмови беа „Човекот од Сан Фернандо“ со Клинт Иствуд и орангутанот Манис, „Потрага по оган, Грејсток: Легендата за Тарзан и Бејб“. Канзи покажа и склоност кон видеоигрите. Светското внимание првпат го привлече во 2006 година кога на интернет се појави видео на кое вешто игра Пак-Ман. Подоцна беше откриено дека Канзи бил ентузијаст и на „Мајнкрафт“, а според Аманда Епинг, тој брзо зеде нови правила и задачи на играта, покажувајќи исклучително ниво на разбирање....

„Газета дело Спорт“, денеска открива дека натпреварот против Џенова најверојатно ќе биде последен за Мота на клупата на Јувентус. Очигледно тешките порази од Аталанта и Фиорентина беа доволни клупските челници да го сменат Мота. Во исто време „Калчомеркато“, повикувајќи се на свои извори, пишува дека на играчите не им е јасно како Мота се уште е во клубот, по поразите од Аталанта и Фиорентина. Роберто Манчини е избор на челниците на „страта дама“, тренер кој најголемите успеси ги постигна на клупата на најголемиот ривал Интер. Манчини го водеше Интер во два наврати, од 2004 до 2008 година, кога беше далеку поуспешен, освојувајќи три скудета, додека во периодот од 2014 до 2016 година не освои ниту еден трофеј. Тој во 2012 година ја освои и титулата во Премиер лигата со Манчестер сити, пет години беше селектор на Италија, а и на Саудиска Арабија, но таа функција ја напушти есента, по година и половина. Италијанските медиуми откриваат и дека Манчини се согласил во договорот да има клаузула, дека ќе го продолжи договорот доколку Јувентус заврши во топ 4. Јувентус моментално е петти на табелата со 52 бода, Болоња е четврта со 53....

Преку СОЗР и останатите надлежни институции, рече тој, се организира и целата неопходна логистика за сместување и транспорт на настраданите и нивните семејства. Владата го плаќа престојот на најблиски на пациентите што се лекуваат во странство, за што право имаат по две лица од семејството за секој повреден. Како и претходно министерот Тимчо Муцунски, Томовски рече дека лекувањето на пациентите во странство е на трошок на државата домаќин, а патот, сместувањето и други трошоци за семејствата ги покрива на нашата Влада. - Досега, 188 лица се згрижени и сместени. Свесни сме дека оваа трагедија носи и неочекувани финансиски тешкотии. Затоа, како институција вклучена во овој процес, донесовме одлука за секој настрадан да биде исплатена сума од 150.000 денари како итна финансиска помош за покривање на почетните секојдневни трошоци. Оваа помош ќе се реализира преку Црвениот крст на Република Македонија, рече Томовски. На прашањето кога и како семејствата ќе почнат да ја добиваат помошта од донации од сметката на Црвениот крст, на која досега се собрани 51 милион денари, Томовски одговори дека кон исплата ќе се пристапи од понеделник. Како што рече, се прават законски подготовки со оглед дека трансакциските сметки подлежат на заштита на лични податоци. - Во моментов се собираат тие трансакциски сметки од лицата кои се во странство и нивните согласности, преку логистика на МНРНТ односно амбасадите и конзуларните претставништа, и од понеделник Црвениот крст ќе пристапи кон исплата на средствата, додаде директорот на СОЗР....

Министерот посочи дека надвор од државата се лекуваат вкупно 115 пациенти, од кои пет од нив се очекува идната недела да бидат вратени во земјава и, како што рече, по тријажата која ќе им биде направена ќе се утврди дали ќе бидат задржани на некои од трите болници во Скопје или ќе бидат испратени на домашно лекување. Таравари нагласи дека шест пациенти се во критична состојба, додека пак, останатите 109 пациенти се во релативно добра состојба, но, како што рече „да бидеме резервирани за тоа дека можат да се случат компликации кои што не се предвидени“. – Надвор од државата се лекуваат 115 пациенти. Добрата вест е што ако првата недела кажавме дека 20 се многу критични, по два дена 10 многу критични, денеска кажувам дека само шест се во многу критична состојба. Се надеваме дека таа бројка нема да се покачи со евентуални компликации кај другите пациенти. Некои од пациентите планираме веќе од другата недела да се вратат, тоа се пет од вкупно 115 пациенти. Ќе бидат прифатени прво во трите болници во Скопје, од кај што се испратени и по тријажата која ќе им биде направена ќе биде утврдено дали ќе бидат задржани или уште веднаш ќе може да се пуштат на домашно лекување, рече Таравари. Од пациентите кои се во критична состојба, Таравари посочи дека двајца се лекуваат во Љубљана и четири пациенти во Воено-медицинската академија во Белград. Во врска со оние пациенти кои се очекува идната недела да се вратат во земјава, Таравари рече дека според информациите кои ги добиваат тие дури би можеле да се вратат со комерцијални летови. – Од Италија се планира еден испис, од Шпанија се планираат два исписа, од Шведска еден испис и од Австрија два исписи. Ова е планот, но не е дефинитивно во понеделник ќе ве известиме точно. Подготвуваме протоколи кои што ќе бидат прифатени од Кризниот штаб и објавени транспарентно за да се види како ќе се третираат пациентите. Најпрво ќе ги примиме во болниците, потоа ќе ги пуштиме дома. Според информациите кои што ги добиваме од овие болници, пациентите дури можат да се вратат со комерцијални летови, рече Таравари. Прашан за какви повреди станува збор кај пациентите кои се лекуваат во земјава, Таравари рече дека генерално се работи за изгореници, кај дел од пациентите скршеници за кои бил потребен оперативен зафат, но и изгореници на слузокожата на дишните патишта. – Генерално се изгореници, некаде имаме и скршеници кои што можеби ќе бидат задржани подолго и ќе треба да се оперираат. Изгореници на слузокожа на дишни патишта, токсичност… рече Таравари....

Таа е автор на мудри изреки, од кои најпозната е: „За слободата вреди да се бориш“, а ова се нејзините инспиративни и мудри мисли. 1. „Никогаш не претпоставувајте дека подобро разбирате што им треба на другите луѓе.“2. „Животот не е доволно долг за да ви биде досадно.“3. „Најголемата среќа што може да се случи во животот е среќното детство.“4. „Паметниот човек ги чува мислите за себе.“5. „Секогаш предоцна ги забележувате навистина важните моменти од вашиот живот.“6. „Кога станува збор за големи пари, се препорачува да не верувате никому.“7. „Да се преправаш дека знаеш нешто е потешко отколку навистина да знаеш нешто.“8. „Разговорите се измислени за да ги спречат луѓето да размислуваат.“9. „Најдобар детектив е случајот.“10. „Животот додека патувате е сон во својата најчиста форма.“11. „Жените ретко грешат кога меѓусебно се осудуваат.“12. „Ништо не боли повеќе од посветеноста.“13. „Заморно е кога човек е постојано во право.“14. „Високата репутација е првата потреба на измамникот.“15. „Секој убиец е веројатно нечиј добар пријател.“16. „Фактот дека будилникот не заѕвонил веќе ја променил судбината на многу луѓе.“17. „Секоја заемна наклонетост помеѓу маж и жена започнува со илузијата дека тие мислат исто за сè на светот.“18. „Ако се обидете повторно да го оживеете минатото, тоа на крајот ќе се појави во искривена форма.“19. „Ако вашите соништа не се предодредени да се остварат, многу е подобро да го признаете тоа на време и да продолжите понатаму наместо да се фокусирате на разочарувањето од неуспех.“...

Овој чекор претставува значајно отстапување од традицијата, каде поранешните претседатели и високи функционери задржуваат пристап до доверливи информации за да можат да ги советуваат актуелните лидери по прашања од национална безбедност, пренесува Ројтерс. Покрај Харис, Клинтон, на листата на лица со укинати безбедносни дозволи се наоѓаат и поранешниот државен секретар Ентони Блинкен, поранешниот советник за национална безбедност Џејк Саливан, експертот за Русија Фиона Хил, како и републиканските критичари на Трамп, Лиз Чејни и Адам Кинзингер. Меморандумот беше објавен неколку часа откако Трамп пристигна на својот голф имот во Бедминстер, Њу Џерси, за викендот.Овој потег следи по одлуката на претседателот Џо Бајден во 2021 година да му го укине безбедносното одобрение на Трамп, изразувајќи загриженост за неговото однесување. Со оваа акција, Трамп дополнително го продлабочува политичкиот јаз во Вашингтон, насочувајќи се кон оние што ги смета за политички непријатели. Традиционално, поранешните претседатели и високи функционери задржуваат пристап до доверливи информации за да можат да ги советуваат актуелните лидери по прашања од национална безбедност. Меѓутоа, овој чекор на Трамп претставува значајно отстапување од таа практика, што може да има долгорочни последици врз политичката динамика во САД....

Македонија е дури на 86-то место на оваа листа, а во продолжение преглед на она што најмногу го јадат Финците, најсреќните луѓе на светот и кои се нивните најпознати јадења.Финската кујна е едноставна, но богата со традиција и користи многу состојки кои се типични за студената клима во земјата. Јадењата често се базираат на локални, сезонски состојки како риба, месо, компири, бобинки и житарки. Еве некои од најпознатите фински јадења.1. Карјаланпиирака (карелијански пити) Карелијанската пирошка или карелијските пити се фински еквивалент на пица во Италија. Овие вкусни деликатеси се прават од тесто и се полнат со пире од компири или пудинг од ориз. Watch on TikTok Традиционално се јадат со путер од јајца или други додатоци, а најпознатото место каде што можете да ги пробате е дефинитивно кафулето „Konditoria Hopiain“ во Хелсинки, каде овие пити се подготвуваат од 1949 година. 2. Калакуко (рибна пита) Калакуко е традиционална финска рибна „пита“ направена од риба (најчесто лосос или смуѓ), сланина и пченкарно брашно, сите печени во темно ’ржан леб. Ова јадење е познато по долгиот рок на траење и Финците често го носат со себе на излети, бидејќи има долг рок на траење и може долго да стои надвор од фрижидерот. 3. Лохикеито (супа од лосос) Лохикеито е богата супа направена со лосос, компири, кромид, моркови и праз, обично зачинета со копар и прелиена со павлака. Оваа супа е популарна во текот на зимата и претставува убав баланс помеѓу кремаста текстура и свежиот вкус на лососот. 4. Leipäjuusto (финско сирење со џем) Финското крцкаво сирење, Leipäjuusto е свежо сирење кое традиционално се прави од кравји колострум – првото млеко од крава што неодамна се отелила. Watch on TikTok Често се служи со кафе или со нордиски џем од капини, а комерцијално достапните верзии на ова сирење обично се прават од обично кравјо млеко. 5. Ruisleipä (’ржан леб) ’Ржаниот леб е еден од најважните основи на финската исхрана. Овој леб има густа текстура и темна боја и често се служи со разни видови супи и јадења. Финскиот ’ржан леб е познат по тоа што полека се ферментира, што му дава уникатен вкус. 6. Хернекеито (супа од грашок) Хернекеито е густа супа направена од зелен грашок, често со додавање на чадена шунка или колбаси. Ова јадење е исклучително популарно во Финска, особено во четврток, кога често се служи во комбинација со палачинки како десерт. Грашокот е многу важна состојка во финската кујна и ѝ дава на оваа супа едноставен, но вкусен вкус. 7. Mykyrokka (супа од крвави кнедли) Ако не сте љубител на крвавица или слични специјалитети, тогаш веројатно треба да се држите настрана од mykyrokke, супа направена со компири, кромид, црн дроб, сол, бибер и кнедли од крв и брашно. Ова јадење е локален деликатес во Савонија, Финска, а заедно со кнедлите од крв, ова јадење често вклучува и делови од утроба, како што се бубрезите, црниот дроб или срцето....

Познатата модна дизајнерка Коко Шанел постојано се одржувала себеси и своите манекенки во форма, користејќи специјални диети кои самата ги осмислила. Она што го практикувала не била само диета, туку комплекс кој се состои од исхрана и начин на живот. Грижата за себе е најважната работа во животот, сметала француската модна дизајнерка. И тоа е нешто за што нема дебата.Како изгледала Коко Шанел?Габриела Шанел, што е инаку, вистинското име на основачката на прочуената модна куќа, изгледала младо и зрело и себе се поставила како пример за своите модели. Французинката отсекогаш била витка: со висина од 169 см, нејзината тежина не надминувала 54 килограми.Нејзината висина секако не била баш манекенска, но фотографиите и видеата јасно го покажуваат наведениот сооднос висина – тежина.Познатата дизајнерка исто така порачала дека од храната не смее да се направи култ. Секогаш треба да јадете умерено и со почит да се однесувате кон секој производ.Таа сметала дека треба да се држи настрана од мрсна, зачинета и лута храна, а со слатките да се внимава. Се разбира, не можете без тоа, но ако тоа секогаш го имате на ум, тогаш автоматски ќе можете да се придржувате до ограничувањата. Вкусот на храната на трендсетерката на 20 век може да се опише со два збора: „минимализам на храната“. Габриела претпочитала едноставни јадења кои (според нејзините зборови) мирисат. Во овој поглед, некои ја сметале за своеглава, додека други ја обожавале.Естетите и гурманите велат дека вкусот на Коко Шанел е варварски. Оваа дефиниција може да се нарече сурова, груба, но покажува дека никој не останал рамнодушен кон славната модна дизајнерка од минатиот век. За неа, убавината била на прво место, а мислењата на другите на последно место. Диететски производиПовеќе јаглехидрати, помалку масти. Ова се однесува на производите од брашно. Меѓутоа, ако јадете премногу од нив, тие можат да одиграат негативна улога и да станат непријатели на витката фигура. Но, да не ги занемариме сложените јаглехидрати – зеленчукот и житарките. Ваквата храна долго се вари, па чувството на ситост останува долготрајно. Освен тоа, јадењата со житарки и зеленчук имаат својство да го забрзуваат метаболизмот, што значи согорување на вишокот килограми. Сепак, треба брзо да престанете да грицкате во текот на денот. Одвојувањето посебно време за јадење и избегнувањето на индустриските деликатеси го практикувале и познатите холивудски актерки Елизабет Тејлор и Одри Хепберн. Патем, Коко Шанел, исто така, креирала оригинална облека за нив. Магазинот „Тајм“ дури еднаш ја стави Коко Шанел на својата насловна страница како највлијателна личност во светот на високата мода на 20 век. Тридневната диета на Коко Шанел Овој начин на исхрана може да се гледа на различни начини. Здравото тело тоа добро го поднесува, а резултатите биле јасно видливи кај моделите од тимот на француската модна дизајнерка. Диетата се нарекува тридневна, бидејќи за три дена ќе изгубите 1 до 2 килограми вишок, а ќе бидете затегнати и во добра форма. Овој модел на исхрана ги вклучува следниве производи: • темно чоколадо • тврдо сирење • чаша шампањ За појадок, ручек и вечера, е вклучено парче сирење, мало парче чоколадо и чаша шампањ. Ако ви се зголеми апетитот, можете да додадете чаша какао во оброкот, но без млеко или шеќер.Важно е да се напомене дека овој начин на исхрана, односно овој вид диета не може да се одржува долгорочно. Ова не е постојан начин на исхрана, туку краткорочна техника за слабеење. Пред да започнете со оваа или која било друга диета, консултирајте се со вашиот лекар. Диетата за слабеење треба да биде комплетна во однос на витамини и микроелементи. Палетата треба да се избалансира, да се менува и да се надополнува. Правилото „три лажици“ „Три лажици од што било никогаш не наштетуваат“, рекла Габриела Шанел. Таа напоменала дека три лажици се доволни за да се цени вкусот на производот и да се почувствувате сити. Оваа идеја ѝ паднала напамет додека јадела јајца од риба. Своевремено, Роми Шнајдер, млада филмска ѕвезда, се консултирала со Габриела Шанел како брзо да се врати во форма, бидејќи времето за снимање филм се приближувало. Модната дизајнерка ја советувала секој ден да плива во базен. Пливањето одзема многу енергија која доаѓа од калориите што ги добивате од јадење. Со согорувањето на калориите ги избегнуваме поткожните масни наслаги. Накратко, потребна ни е активност и без неа нема начин да ослабеме. Можете да изберете која било активност – клекнувања, склекови, одење. Според славната Французинка, главната работа е да избегнете да бидете мускулести. „За една жена, грациозноста е пред сè. Тоа е стандард за моминската, девојачката убавина“, верувала Габриела Шанел....

Македонските фудбалери ќе им оддадат почит на настраданите во огромната трагедија во Кочани, со посебно дизајнирани маици во црна боја. Во спомен на загинатите, и со желби повредените побрзо да оздрават, се очекува да мине денешниот фудбалски натпревар меѓу Лихтенштајн и Македонија во Вадуц....

Мицкоски изрази почит и благодарност за храброста и пожртвуваноста на Иле, кој цела ноќ се посветил на помагање на повредените, оставувајќи траен пример за хуманост. Во својот Фејсбук статус, премиерот нагласи дека во време на национална тага, храброста и човечноста на луѓето како Иле Гоцевски служат како инспирација и потсетник дека вистинските херои не носат оклопи, туку имаат срце исполнето со љубов и пожртвуваност. „Иле замина тивко, но зад себе остави пример кој нема да го заборавиме. Мојата почит и поклон за него. Почит и до сите што несебично им служат на граѓаните. Вечна ти слава, Иле,“ напиша Мицкоски.Денес го посетив семејството и сопругата на Иле Гоцевски – возачот на Брзата помош кој, со пожртвуваност што нема цена,...Posted by Hristijan Mickoski on Saturday, March 22, 2025...

Демонстрации се одржаа во десетина градови, вклучувајќи ги Истанбул и престолнината Анкара. Турското Министерство за внатрешни работи соопшти дека приведувањата се направени за да се спречат „нарушувања на јавниот ред“ и предупреди дека властите нема да толерираат „хаос и провокации“. Десетици илјади Турци учествуваат во главно мирни демонстрации од средата, кога Имамоглу беше приведен под обвинение за корупција и помагање на терористичка група, заедно со уште 103 други осомничени....

Во МНРНТ денеска ќе се одржи координативен состанок за следни чекори и мерки за соодветна организација за очекуваното враќање на сите оздравени пациенти или за продолжување на нивното лекување во земјава. - Најавите што ги имаме се дека во тек на следната недела ќе почнат да се враќаат првите пациенти, тие најави ги добиваме во директна комуникација каде што се сместени и кои ќе бидат во доволно добра здравствена состојба за да може да се враќаат назад, рече Муцунски на прес-конференцијата. Информираше дека вкупно 116 пациенти со повреди во пожарот на концертот во Кочани се лекуваат во странски болници во 14 европски држави. Трошоците за нивното лекување се покриени од државите домаќини, а патувањето и сместувањето на нивните најблиски и трошоци за целата логистика за нивниот престој во странство е на нашата Влада. Муцунски, кој на прес-конференцијата истакна дека сите „поминуваме исклучително тежок период и силен психолошки притисок“ им се заблагодари на сите земји кои ги примиле повредените и за нивната солидарност, како и на пожртвуваноста на нашите медицински екипи на кои рече е многу горд. Соопшти дека од 116-те хоспитализирани во странство, 38 се пратени на лекување преку Механизмот за цивилна заштита на ЕУ, кој Владата го активирала веднаш по несреќата, а останатите се пратени преку директна билатерална помош. Во најкус можен рок и по највисоки медицински стандарди, како што рече, биле транспортирани во болниците во странство, благодарение на организираноста и комуникацијата на Кризниот штаб во МНРНТ и дипломатско-конзуларните претставништва во земјите каде што се лекуваат....

„Тоа беше совршена година. Не можев подобро. Оваа Златна топка засекогаш ќе остане неправда. Сè уште барам објаснување. Никогаш нема да разберам зошто го поместија рокот за гласање за повеќе од петнаесет дена”, рече тој во интервјуто. Поранешната икона на Баерн верува дека таа година бил на врвот на својата форма. „Лионел Меси и Кристијано Роналдо секогаш ми покажуваа почит. Тие знаеја дека седам на нивната маса. Искрено, во 2013 година немав на што да им завидувам“. Роналдо доби 27,99 отсто од гласовите, Меси 24,72, а Рибери 23,36. 41-годишниот се уште не може да го преболи таквиот исход. Рибери помина 12 години во Баерн, со кого освои 23 трофеи, од кои девет титули во германскиот шампионат, шест купови, а во 2013 година ги додаде Лигата на шампионите, Суперкупот на Европа и Светското клупско првенство. За Баерн одигра 425 натпревари, постигна 124 гола и забележа 182 асистенции. Во текот на кариерата играше и за Булоњ, Олимпик Але, Брест, Мец, Галатасарај, Марсеј, Фиорентина и Салернитана. За француската репрезентација забележа 81 настап и постигна 16 голови Салернитана беше неговиот последен клуб во неговата играчка кариера....

Општината денеска информира дека во тек е обработка на податоците собрани од терен и се изготвува анализа за состојбата со исполнувањето на законските одредби и подготвеноста на објектите за вршење угостителска дејност. – Исто така, Општина Аеродром веќе изготви план за контрола на хидрантските мрежи во станбените згради, за пристапите, како и за излезите од објектите за колективно домување и од понеделник, во соработка со куќните совети и со управителите на станбените објекти, ќе започне инспекција за состојбата во зградите, соопшти Општината. В. д. градоначалникот Дејан Митески во вторникот, на 18 март, испратил барање до сите основни училишта и градинки „во најкус можен рок да достават одговори за состојбата со хидрантските мрежи во објектите, како и за ажурирањето на апаратите за гасење пожар“. – Потребно е да достават и елаборати за противпожарна заштита, како и планови за евакуација. Општина Аеродром прави сѐ што е во нејзина надлежност за зачувување на безбедноста на граѓаните и обезбедување на сите услови за непречено одвивање на секојдневието, како на физичките, така и на правните лица, се наведува во соопштението....

На состанокот, одржан барање на градоначалникот Горан Герасимовски, се анализирала безбедноста на станбените објекти, при што биле утврдени потенцијални ризици и предложени конкретни мерки за зголемување на безбедноста, како и на угостителските објекти и биле дискутирани мерки за подобрување на безбедноста и усогласување со прописите. Исто така се разговарало и за функционалноста на хидрантната мрежа во станбените и деловните објекти, како и за мерките за подобрување на безбедноста на училиштата и градинките. – Првиот состанок го имавме со директорите на сите општински основни училишта, затоа што безбедноста на децата за наш е најважна. Сите училишта и градинки имаат изработено План за заштита и спасување, Процена на загрозеност на институцијата и за истите имаат добиено позитивно мислење од Дирекцијата за заштита и спасување, што потврдуваме дека имаме темелна основа за континуирана превенција и обезбедување на безбедна средина за нашите деца, истакна Герасимовски, пренесува службата за односи со јавност на Општина Центар. Инспекторот за домување добил насоки и задолженија во текот на следната недела да закаже состанок со управителите на станбени, станбено-деловни и деловно-станбени згради како и со регистрираните заедници на сопственици, во врска со почитувањето на пропишаните норми и стандарди за домување, особено во делот за заштита и спасување (хидранти, пп апарати, лифт, фасада итн.) – Ќе се вршат инспекциски надзори, ќе се преземаат инспекциски мерки и ќе се носат инспекциски акти во врска со почитувањето на одредбите од Законот за домување, Правилникот за нормите и стандардите за домување во станбените згради како и останатата законска како и подзаконска регулатива која е во наша надлежност во однос на Плановите за одржување на станбените згради како и застапеноста на противпожарната опрема и одржувањето на истата. Исто така ќе бидат известени надлежните институции и органи во однос на противпожарната опрема во зградите каде истата не е застапена или е нефункционална. Дополнително, во текот на следната недела ќе закажеме состанок со Подрачното одделение за заштита и спасување – Центар, во однос на заедничка акција односно заедничко постапување на службите, изјави Герасимовски. Во таа насока, Општина Центар ги потсетува сите угостителски објекти на нивната обврска за преземање на неопходни безбедносни мерки и ги информира дека инспекциската служба на општината ќе продолжи со спроведување на засилени инспекциски контроли. За таа цел, потребно е управителите на угостителските објекти да извршат безбедносни проверки и да ја подготват следната документација, која ќе биде предмет на инспекциската контрола: Тековна состојба (не постара од 6 месеци) Лична карта на одговорното лице Контакт лице со телефонски број и е-маил адреса Имотен лист за објектот во кој се врши дејноста Одобрение за вршење дејност или Известување за започнување со вршење дејност, заверено од Државен инспекторат за труд Известување за започнување со вршење дејност, доставено до Општина Центар – Скопје Потврда за работно време издадена од Централен регистар на РСМ Пријава за работно време и распоред на работното време за угостителските објекти во Општина Центар – Скопје Заверени нормативи за храна и пијалоци Одобрение за поставување урбана опрема Елаборат за поставување урбана опрема Елаборат за заштита на животна средина Елаборат за заштита од пожари и доказ за негово спроведување на лице место Оваа документација треба да биде достапна во објектот, а лицата што управуваат или работат во него треба да ја приложат на увид на инспекторите. – За потребите на инспекциската постапка, документите треба да бидат во фотокопија (оригиналите ќе бидат само на увид). Доколку инспекторите утврдат неправилности, ќе биде издадено Решение за отстранување на недостатоците, кое треба да се реализира во рок од 8 дена, укажуваат од Општина Центар. Нагласуваат дека остануваат посветена на унапредување на безбедноста на сите граѓани и апелираат на соработка од страна на угостителските субјекти за заедничко создавање на побезбедна средина....