Влијанието кое Кристијано Роналдо го има врз фудбалерите на Манчестер Јунајтед, по се изгледа, станува се посилно. Според „Атлетик“, фудбалерите го следат Португалецот не само на теренот, туку и неговиот животен стил надвор од него. Во однос на исхраната и научниот пристап кон спортот, Роналдо им сугерирал на сите во соблекувалната да престанат да додаваат шеќер во чајот и кафето. Пред извесно време беше објавено дека Кристијано не бил задоволен од односот на играчите на Јунајтед кон работата и изненаден што тие не работат дополнително во салата. 36-годишниот фудбалер оваа сезона постигна 14 гола и имаше 3 асистенции на 24 настапи за Манчестер Јунајтед во сите натпреварувања. sportmedia.mk...

Најголемата дигитална валута во светот, Биткоин, падна на околу 34.000 долари во саботата. Ова е извонреден пад од не толку далечниот врв во ноември минатата година кога вредноста на еден биткоин беше околу 69.000 долари. Значи, над 50% од вредноста исчезна од тогаш! Многумина се надеваа, и за тоа интензивно се пишуваше, дека БТК ќе достигне огромна вредност од 100.000 долари за 1 БТК до крајот на 2021 година. Но, тоа не се случи и 2022 година започна многу песимистички, а во последните денови имаме значително тонење на целиот крипто-свет. Буквално сите големи играчи се во голем пад – Солана, Кардано, Етереум. „Ликвидацијата на маргиналните позиции предизвика бран дополнителен притисок врз продажбата бидејќи средствата што се чуваат како колатерал беа насилно продадени за да се платат маргиналните заеми“, изјави за Bloomberg Хајден Хјуз, извршен директор на Alpha Impact во Сингапур. Овој експерт очекува дека на криптовалутите ќе им треба „некое време“ за да формираат дното и да ја вратат довербата. Значи уште не е „допрено дното“? Веројатно. Не би било изненадувачки што БТК оди под 30K бидејќи притисокот е многу висок и многумина продаваат во страв и паника. Се разбира, црвените бројки оваа недела беа дополнително поттикнати од веста дека Русија се подготвува за целосна забрана на криптовалутите. Извори: ft.com Вашингтон пост CNN Фото: фрикпик...

Русија го започна трансферот на своите системи за противвоздушна одбрана С-400 Триумф, дизајнирани да соборуваат непријателски воени авиони, во соседна Белорусија за да учествува во воени вежби, потврди руското Министерство за одбрана. Во соопштението, официјалните лица напишаа, „две дивизии на ракетниот систем земја-воздух С-400 „Триумф“… го завршија својот марш до станицата за товарење во Хабаровскиот крај“, на Далечниот Исток на Русија. Ракетите сега ќе се транспортираат со железница во Белорусија. Според извештајот, откако проектилите ќе пристигнат на местото на воените вежби, руските сили ќе ја зајакнат својата позиција како дел од одбранбената обука. Се разбира, сето ова се случува во време на голема тензија околу Украина, а некои тврдат дека Русија, доколку навистина планира инвазија, тогаш таа би можела делумно да биде лансирана од правец на Белорусија. Извор: адванс Фото: принтскрин YouTube...

Од Здравствената канцеларија во Бурса соопштија дека во рамките на борбата против пандемијата функционираат и мобилни тимови кои овозможуваат вакцинација на старите и другите кои не можат да дојдат на местото за вакцинација. Узунџа, кој работел во здравството повеќе од 50 години, минатата недела испратил писмо за вакцинација, а во неговиот дом го посетила мобилна екипа, меѓу кои бил и директорот на здравствената канцеларија во Бурса. Директорот на Управата за здравство ги повикал и останатите граѓани, особено младите да се вакцинираат и да го следат овој пример....

Логан Смит (18) е уапсен откако се обидел да задави човек додека џогира. Неговата жртва сепак успеала да го совлада и да го задржи до доаѓањето на полицијата. Според Њујорк пост, Смит планирал да го задржи телото на мажот во својот плакар „за да ги исполни своите сексуални фантазии“, соопштила полицијата. Проблематичниот тинејџер го смислил својот морбиден план откако го гледал хорор филмот „Scream“. Шест недели го следел човекот што трча, а на полицијата наводно и открил дека ја проучувал неговата патека за трчање, која минувала покрај неговата куќа. Смит подготвил гумен чекан, дезодоранс и појас и се сокрил помеѓу два паркирани автомобили на патеката покрај неговата куќа, каде ја чекал жртвата. Наводно планирал да го задави, а потоа да го одвлече во куќата, Во полиција изјавил дека планирал да ја удри жртвата со чекан и да го заслепи со дезодоранс, а потоа телото да го сокрие во плакарот за никој да не дознае за убиството и телото да го има само за себе. – Обвинетиот изјавил дека планирал да си игра со жртвата за да си ги исполни сексуалните фантазии. Кога го започнал нападот, му фрлил појас преку главата на жртвата и почнал да го дави. Сепак, жртвата ги искористила своите боречки вештини за да му се одмазди на напаѓачот, со кого никогаш претходно не се сретнал или разговарал, соопшти полицијата. Очувот на Смит го опишал како осаменик кој се бори психички проблеми, откако неговиот татко починал во сообраќајна несреќа пред пет години. – Мислевме дека единствената чудна работа е тоа што сака сам да оди во кино. Личност како Логан е повеќе осаменик, тој не сака да излезе од својата комфорна зона, рече очувот. – Сите сме во загуба поради ова. Тешко е да се разберат мислите што му се вртеле низ главата и што сакал да направи, – додал очувот. Смит е обвинет за обид за убиство и е во притвор без право на кауција....

Можеби не им е познат на повеќето луѓе на Балканот, но Arby’s е многу популарен во САД, згора на тоа, магазинот Food & Wine го прогласи за „втор по големина синџир ресторани за сендвичи во Америка“ во 2017 година. Брендот е создаден во државата Охајо, во 1964 година, а денес има повеќе од 3.300 објекти. Без разлика на конкретната понуда, т.е. на производ кој е „ѕвезда“ на бизнисот за брза храна – сите тие се во конкуренција еден со друг. Во исто време, не е лесно да се пробие во земјата која го „измисли“ концептот на брза храна и го роди познатиот Мекдоналдс или КФЦ. Во основа, секој синџир за брза храна има зачинет (лут) сендвич на попуст, но верзијата на Arby’s е толку „жешка“ – што, како што опишува CNN, ви треба противпожарен апарат. Од 10 јануари до 6 февруари, Arby’s го продава она што го смета за „најзачинет сендвич на пазарот“, наречен новиот Diablo Dare. Сендвичот чини 5,99 долари, а со него добивате и бесплатен шејк од ванила. Сендвичот продолжува да има пет извори на зачини, вклучувајќи слој од сирење Ghost Pepper Jack, лути зачини, пиперки jalapeno, сос за скара (BBQ сос) – сите прелиени со зачинети лепчиња. Клиентите можат да изберат крцкава пилешка плескавица или чадени гради. „Ова не е сендвич за оние со слабо срце“, рече во изјавата Патрик Швинг, маркетинг директор на Arby’s....

Министерството за одбрана од Тајпеј тврди дека тајвански ловци предупредиле 39 кинески авиони да си заминат. Тајван повеќе од една година се жали на честите упади на кинески авиони во воздушниот простор на островот, најчесто островите Пратас, објави Ројтерс. Тајван ги нарекува кинеските воени активности „сива зона“ на војување, создадена да ги исцрпи тајванските сили со постојано предизвикување, и на тој начин тестирање на одговорот на Тајпеј....

Охриѓанецот Мартин Ивановски од наредната сезона ќе го облече дресот на Еурофарм Пелистер 2. Ивановски е ракометар кој игра на позиција среден бек, а во моментов го носи дресот на ГРК Охрид. Во 2015 година беше дел и од ракометниот камп на Веспрем и е голем потенцијал на македонскиот ракомет. sportmedia.mk...

Украинскиот министер за одбрана Олексеј Резников во неделата вечерта објави дека во земјата пристигнала втората пратка оружје од САД како дел од воената помош во вредност од 200 милиони долари. САД порачаа дека ќе продолжат да ја вооружуваат Украина поради загриженоста на Киев и Западот кој ги поддржува тамошните власти, за наводните десетици илјади руски војници распоредени во близина на украинската граница. Русија отфрла дека планира напад, но предупредува дека Западот последната година во зголемил значителни военото присуство во соседната земја, вклучително и со големи испораки на офанзивни оружја. „Втората птица во Киев! Повеќе од 80 тони оружје да ги зајакне украинските одбранбени способности од нашите пријатели од САД! И ова не е крај!“, напиша Резников на Twitter. Околу 90 тони „смртоносна безбедносна помош“, вклучително и муницијата, од пакетот кој го одобрија САД во декември, пристигнаа во украинската престолнина во саботата. Украинскиот претседател Владимир Зеленски во петокот во твит порача дека му е благодарен на американскиот претседател Џо Бајден за „досега невидената“ дипломатска и воена помош. Според американската амбасада во Киев, само минатата година САД ѝ испорачале воеан помош на Украина во износ од над 650 милиони долари. А од 2014 година кога со мартовскиот преврат беше соборена поруската власт, Киев добил воена помош во вкупна износ од 2,7 милијарди доалри. Амбасадата ја истакна и подготвеноста на америакнската страна „да ѝ испорача на Украина многу повеќе“....

Ако отсекогаш сте сонувале да живеете во САД, постои уникатна можност да бидете платени за преселување и работа во нејзина сојузна држава. Арканзас добива на популарност, а ова е американска држава која со децении е на работ на Дивиот Запад и која се смета за дел од САД од 1836 година. Оние вработени кои треба да работат од дома – ќе бидат наградени доколку одлучат дека нивното место на живеење и работа ќе биде Арканзас. Советот на северозападниот дел на Арканзас нуди 10.000 долари во биткоин на технолошки работници и претприемачи да се преселат таму. Според веб-страницата на организацијата, оваа област на Америка доживува „експлозивен раст“ во технолошкиот сектор, особено во рамките на технологиите што поддржуваат блокчејн. Станува збор за кампањата „Живеј и работи овде“, започната во ноември 2020 година, како одговор на намалените приходи од туризмот. Првично, наградата била само 10.000 долари во готовина, а тоа сè уште постои како опција, доколку некому повеќе му одговара од криптовалутата. Сепак, не се работи само за пари. Работниците кои добиваат стимул добиваат и велосипед за рекреација и истражување, како и членство во државни уметнички и културни институции. Оние кои не работат во доменот на технологијата, но имаат желба да живеат и работат во Арканзас, можат да добијат и 10.000 долари – барем според повикот на страницата. Сепак, се разбира, постојат одредени услови. Потребно е „кандидатот“ за наградата да има 24 години, две години работен стаж, да е подготвен да работи со полно работно време, потоа да не живее во Арканзас и да може да се пресели таму во рок од шест месеци. Исто така, потребно е кандидатот да е државјанин на САД или да има виза. Како што се наведува, досега барање за преселба поднеле дури 35.000 луѓе од различни земји....

Тиктокерката Софија Френклин откри како го тера машко на состанок да мисли дека има други „опции“ и да биде малку љубоморен. Таа сподели видео на TikTok со кое напиша: „Мажите сакаат здрава конкуренција“. „Кога одам во тоалет, му плаќам на шанкерот да ми испрати пијачка од „таен обожавател“ за да го натерам мојот партнер да помисли дека имам други опции“, објасни таа. Во коментарите признала дека ова не и е единствениот трик на првиот состанок – објаснувајќи дека „во еден или два наврати си праќала цвеќе“. Во коментарите, многумина ја искористија можноста да напишат за тоа како правеле слични работи во минатото – а една жена признала дека побарала непознат маж за време на состанок со друг маже да дојде до нејзината маса да каже колку е убава. @sofiafranklyn0Men love some healthy competition 🙂♬ original sound – Wonders of Magic...

Одбојкарите на Партизан се победници на силниот одбојкарски турнир по повод јубилејот „75 години ОК Вардар“ кој видендов се одржа во СЦ „Борис Трајковски“ во Скопје. Во финалниот меч вечерва, белградскиот состав во исклучително возбудлив меч славеше против организаторот и славеник, Вардар со 3:2 (25:20, 22:25, 25:19, 23:25, 15:12). нашиот прволигаш одигра одличен меч иако двапати се враќаше од негатива, откако Паризан успеа да ги добие првиот и третиот сет. Во последниот решавачки петти сет, Партизан беше поумешен во финишот и со 15:12 дојде до победа и триумф на јубилејот на „црвено-црните“. Во саботниот дуел, партизан со 3:1 ја совлада Струмица. 1 од 7 sportmedia.mk...

Во Конгресот на САД е поднесена Резолуција за прогласување на септември 2022 за „Месец на македонското американско наследство“ и за славење на македонскиот јазик, историја и култура на македонските Американци и нивниот „неверојатен придонес“ за Соединетите Американски Држави. Она што е интересно, е дека во образложението на резолуцијата е дадена цела историографија на придонесот на македонската заедница за САД и печатот што таа го оставила во оваа држава поради што треба да се слават нивниот јазик, култура и постигнувања. Притоа има многу факти кои ја прават појасна за нас сликата за нашите иселеници во САД, вклучувајќи го и тоа дека тие бројат околу 500.000 и дека првиот Македонец таму стапнал – околу 1492 година. Во моментов македонската заедница во САД е енергична заедница која е вградена во американскиот мозаик, учествувајќи во сите сфери на животот, бизнисот, медицината, правото, технологијата, граѓанскиот ангажман, владата, војската, образованието, уметноста, кулинарството, атлетиката и многу повеќе, се вели во резолуцијата. За придонесите на Македонските Американци: – Македонските Американци придонесоа за изградба на монументални американски транспортни рути како што е Големата северна железница. – Во 1922 година, македонско-американските имигранти Том и Џон Кираџиеф, користејќи стари македонски рецепти пренесени од нивните родители и баби и дедовци, го создадоа чилито Синсинати, омиленото американско јадење, кое во 2013 година беше прогласено за едно од „20-те најиконски јадења во Америка“ од Смитсонијан. – Македонските имигранти основаа своја верзија на познатиот хот-дог Кони Ајленд на почетокот на 20 век, кој останува главно јадење во рестораните во стилот на Кони Ајленд низ Средниот Запад; – Македонскиот Американец Стојан Христов, кој емигрирал во САД во 1911 година, бил американски автор, новинар, разузнавач од Втората светска војна и претставник на државата Вермонт (1961–1962), сенатор (1963–1972) и ја напиша книгата „Ова е мојата земја“, која беше омилена на претседателот Френклин Д. Рузвелт; – Македонскиот Американец Мајкл Александар (Лазароф) од Питсбург и Њујорк Сити беше познат меѓународен адвокат кој служеше како правен советник на многу британски и ирски владини организации и корпорации за што беше почестен од нејзиното кралско височество кралицата Елизабета Втора како командант на Британската империја. – Македонскиот Американец Џими Н. Димос служеше како судија на 4-тиот судски окружен суд во Луизијана (1999–2006) и како член и претседател на Претставничкиот дом на Луизијана (1976–1999). – Македонските Американци придонесоа многу за економијата на Соединетите Држави, создавајќи безброј работни места за американскиот народ во нивните заедници; Мајк Илич, добитник на Медалот на честа на островот Елис, и Маријан Бајоф Илич одиграа значајна улога во движењето за граѓански права и плаќаа за киријата на активистката Роза Парк во Детроит повеќе од една деценија. Тие ја отворија својата прва пицерија Little Caesars во 1959 година, што прерасна во трет по големина синџир на пица во светот. Тие се сопственици на спортските клубови Detroit Red Wings и Detroit Tigers, а во 2015 година запишаа историја со давање на Државниот универзитет во Детроит 50 милиони долари, најголемата донација досега, истакнувајќи ја нивната доживотна посветеност на промовирање на претприемништвото, образованието и ревитализацијата на Детроит; – Кристофер Илич, претседател и извршен директор на Ilitch Holdings, Inc. и претседател на Ilitch Charities, даде над 220 милиони американски долари за помош за развојот на младите, па до филантропски грантови за ревитализација на заедницата од 2000 година. Тој ја продолжи традицијата и визијата на неговите родители Мајк и Маријан Илич да го унапредат глобалниот статус на Детроит со развојот на Окружниот Детроит, кој прерасна во динамичен спортски и забавен кварт во кој има наградувани театри, четири професионални спортски тимови и три спортски локации за повеќекратна употреба, вклучително и современата Литл Цезар Арена, дом на Детроит Ред Вингс, Детроит пистонс и други забавни настани во заедницата од светска класа; – Четири од осумте женски имиња што некогаш биле врежани на Стенли купот се македонските Американки Маријан Илич (1997, 1998), Дениз Илич (1997, 1998), Лиза Илич (1997, 1998) и Керол Илич Трепек (1997), сите со Детроит Ред Вингс; – Ендрју Пејков, постариот, од Калифорнија ја основаше Нијагара Ботлинг, ДОО во 1963 година, една од најголемите приватни компании за флаширање вода во САД. Преку програмата за стипендии на Ендрју Д. Пејкоф, постариот, додели над 1,5 милиони американски долари на американските студенти и преку Niagara Cares, достави милиони шишиња чиста како помош во катастрофи во Тексас, Флорида, Порторико, Девствените Острови и на Мексико Сити, како и да обезбеди грант од 10 милиони долари за Хаиме Peykoff Follicular Lymphoma Initiative за финансирање грантови за истражување на фоликуларен лимфом, меѓународни научни работилници и клинички награди; – Џорџ Атанасоски од Ормонд Бич, Флорида, кој емигрирал во САД во 1970 година и бил добитник на Медалот на честа на островот Елис, го основал Microflex Inc., производител кој доставува широк спектар на флексибилни метални производи за големи клиенти како што се General Electric, Ford, Siemens, General Motors, Rolls Royce и NASA; – Катрина Маркоф, по потекло од Форт Вејн, Индијана, шампион на промени во малиот бизнис, го основаше Vosges Haut-Chocolat што беше прогласена за една од 10-те најдобри чоколади во светот од National Geographic; – Мајк Зафировски од Форест Хилс, Илиноис, добитник на Медалот на честа Елис Ајленд и поранешен претседател во Советодавниот комитет за телекомуникации за национална безбедност, служеше во одборот на „Боинг“, беше претседател и извршен директор на „Нортел“, глобална комуникациска технолошка компанија и претседател и главен извршен директор на „Моторола“, а во текот на 25-годишната кариера во GE, служеше како претседател и извршен директор на пет бизниси на GE во областа на потрошувачите, индустриските и финансиските услуги; – Леон Спероф од Портланд, Орегон, признат како гигант во акушерството и гинекологијата, постигна значителни достигнувања во репродуктивната ендокринологија, менувајќи го начинот на кој се практикува медицината; – Џорџ Даикоф од Санкт Петербург, Флорида, реномиран кардиоваскуларен и торакален хирург, беше неверојатен во своето поле на детска кардиохирургија („сини бебиња“) што беше новонастана, непозната област во 1970-тите. Тој инсталираше пејсмејкер кај најмалото недоносено новороденче во 1984 година, изврши важно истражување кое го унапреди полето; – Питер Т. Џорџ освои три олимписки медали за САД во кревање тегови, пет светски првенства и беше шампион во средна категорија на Панамериканските игри, а подоцна стана доктор по орална медицина и беше пионер во третмани за опструктивна ноќна апнеја; – Јован Ласковски, од Акрон, Охајо, беше примен во Меѓународното здружение за артроскопија на колкот (ISHA) во 2013 година и стана еден од 26-те хирурзи во Соединетите Американски Држави, примени во ISHA; – Македонските Американци имаат огромен придонес и за американската атлетика и професионални спортови, вклучувајќи ги Влатко Андоновски, главен тренер на женската фудбалска репрезентација на САД; Сашо Цировски, главен тренер на машкиот фудбалски тим на Универзитетот во Мериленд; Дино Делевски, поранешен фудбалер на Милвоки Вејв и актуелен тренер на Чикаго Инферно; Стефан Козлов, професионален тенисер; Кевин Кузманов, поранешен професионален бејзбол играч и актуелен тренер во атлетската организација Оукланд; Чеди Осман, НБА играч на Кливленд Кавалирс; Јован Кировски, поранешен фудбалер и актуелен технички директор на Лос Анџелес Галакси… – Капитенот на Тампа Беј Лајнтинг на Националната хокеарска лига и победниците на купот Стенли од 2021 година, Стивен Стамкос, е имигрант од Канада со македонско наследство; – Ник Ваноф режираше и продуцираше познати американски мјузикли, филмови и телевизиски емисии, вклучувајќи ги „Кис ме Кејт“, „Вчерашното шоу“, „Градот на ангелите“, „Звукот на Божиќ“ и „Часовите на Џули Ендрус “, и го создаде и произведе годишниот „Почести на Центарот Кенеди“; – Димитри Димитров, порано со хотелот „Сансет Тауер“ во Лос Анџелес, во моментов со Бунгаловите „Сан Висенте“, е најпознатиот холивудски менаџер, според „Бон Апетит“ и „Холивуд репортер“;...

Европската унија разговара со партнерите за потенцијалот за зголемување на испораките на гас во европскиот блок – изјави комесарот за енергетика, Кадри Симсон, по состанокот со европските министри за енергетика, во францускиот град Амиен. Недостигот на гас во Европа за кој се обвинува Русија, доведе до скок на цените на енергијата, објави Ројтерс, потсетувајќи дека „Москва негира дека манипулира со снабдувањето“. Симсон рече дека ќе присуствува на конференции во Азербејџан и Вашингтон во февруари за да разговараат за начините за зголемување на испораките на гас во Европа. – Нивото на складиран гас во ЕУ е значително пониско од вообичаеното во овој период од годината – рече Симсон. На средбата во Амиен, министрите разговарале за неизвесноста на пазарот, предизвикана од кризата во Украина и значителниот пад на приливот на гас од Русија во последните месеци, рече Симсон. – Мојата порака е дека Европа има силна, добро разновидна и еластична гасна инфраструктура и јасни процедури за солидарност во случај на вонредни ситуации – рече Кадри Симсон и додаде: „Но, ние мора да останеме исклучително внимателни, да го подобриме нашиот апетит за ризик и да ја зајакнеме солидарноста меѓу земјите-членки....

Ерменскиот претседател изјави дека таа одлука ја донел поради фактот што нема инструменти да влијае на внатрешната и надворешната политика, пренесува РИА Новости. Својата одлука Армен Саркисјан ја образложи со тоа што нема инструменти да влијае на внатрешната и надворешната политика. Саркисјан истакна дека Ерменија сега е претседателска република по форма, но не и по содржина. Саркисјан стана претседател на земјата во 2018 година, откако тогашниот ерменски претседател Серж Саргасјан, како лидер на Републиканската партија, најголемата парламентарна партија, го предложи за таа функција....

На терен беа излезени сите расположливи сили на Битола, во соработка со полицијата, сообраќајот беше запрен во овој дел од градот, а беше исклучена и струјата. Горан Димкоски, командиротот на Противпожарната единица во Битола изјави дека пожарот е ставен под контрола и со интервенцијата е спречено да бидат зафатени околните објекти, како што се силосите со жито. Тој рече дека се прави проверка и доизгаснување на делови од објектот, како и во помалиот објект до главниот и дека на терен е дојдена нова екипа од пожарникари. Потврдено е дека нема повредени од пожарот, а материјалната штета во моментов не може да се утврди, нејзината висина ќе се утврдува од утре. На терен беа излезени сите расположливи сили на Битола, во соработка со полицијата, сообраќајот беше запрен во овој дел од градот, а беше исклучена и струјата. Пред 21 часот во Битола започна да врне снег, што дава надеж дека ќе помогне да не се самоактивира оган. Фабриката за леб „Жито Битола“ е од времето на социјализмот, а сега со објектите стопанисува „Ангро механизација- Жито Битола” која тука има пекара, млин и силос....

Изабел Вил (18) од Велика Британија се прослави по храброста, талентот за шминкање и насмевката, која и покрај хендикепот речиси никогаш не ја трга од своето лице. Нејзиниот живот драматично се променил кога лекарите и дијагностицирале менингитис во 2010 година. Имала само седум години кога морала да се бори за животот. Наставниците во училиштето први забележале дека нешто не е во ред, па еден ден ја донеле дома мислејќи дека има грип. Изабел го изгубила апетитот, се чувствувала лошо и често паѓала во несвест. Кога отишла во болница, единственото нешто што можеле да и кажат лекарите е дека морале да и ги ампутираат двете раце и нозе речиси до лактите и колената за да и го спасат животот. Кога закрепнала, Изабел морала да се прилагоди на новиот начин на живот полн со ограничувања. Меѓутоа, со текот на времето научила со насмевка да ги користи максимално сите можности што ги има. Денес, неполни 12 години по операцијата, оваа девојка успеа да го оствари својот сон и да стане шминкер, а многумина и предвидуваат светла кариера. Нејзините совети за убавина ги споделуваат познатите личности на нејзиниот Инстаграм, а меѓу нив е и Худа Катан, која на оваа социјална мрежа ја следат повеќе од 50 милиони луѓе. Импресивната вештина на шминкање на Изабела ја направи сензација на социјалните мрежи. Повеќе од 400.000 луѓе ја следат на Инстаграм, а уште повеќе на ТикТок. Колку е добра во овој бизнис покажа и едно нејзино видео кое собра неверојатни 19 милиони прегледи и повеќе од милион коментари. Во него таа покажа како се комбинира бронзената сенка и моливот за очи. Покрај тоа, оваа весела, оптимистичка и енергична девојка работи и во маркетинг за автомобилска компанија. Изабел го положила возачкиот испит и признава дека не била сигурна како ќе го направи тоа, но желбата да стане независна била толку силна што ништо не ја спречувало во тоа. – Срцето ми застана во болница, доживеав повеќе откажувања на органи и паднав во кома. Лекарите решија да ми ги ампутираат екстремитетите бидејќи краевите на сите четири екстремитети изгубија циркулација, односно беа мртви. Операцијата траеше шест часа – се присети Изабел. Таа се разбудила една недела подоцна. – Во болница останав уште два месеци. Сè ми беше некако заматено. Се сеќавам дека бев збунета за целата ситуација, но си помислив: „Во ред, ова мораше да се случи, ајде да продолжиме понатаму“. Тоа ми помогна да бидам свесна за реалноста на целата ситуација – рече таа и додаде: – Додека ја напуштав болницата, никој не знаеше како ќе јадам, пијам, шетам и како ќе се грижам за себе. Моите родители не беа сигурни дали ми треба некој да биде со мене секој ден по цел ден и дали треба да одам во специјално училиште. Се вратив во светот што го познавав, но сега сè ми беше непознато. Освен тоа, немаше никој со кој би можел да се поврзам. Така почнав да објавувам видеа на YouTube. Објавував видеа кои покажуваат како го користам телефонот, јадам, пијам, се чешлам и правам други секојдневни работи, бидејќи луѓето секогаш се прашуваат себеси. Врсниците беа сурови Кога почнала да објавува видеа, околу себе собрала други луѓе кои исто така имале ампутирани раце или нозе или еден екстремитет; всушност тие создале заедница каде разменуваат совети, разговараат за проблемите, се смеат заедно… Изабел раскажува како тоа детско искуство ја направило посилна и порешителна денес. – Кога почнав со средно училиште, почнав да тренирам на трамболина и брзо освоив две британски национални првенства и наградата „Гордост на спортот“ – гордо рече таа. Се присетила и на моментите кога одењето на училиште за неа било вистинско мачење. -Децата се злобни и често ми кажуваа страшни работи, иако јас стоев блиску до нив и можев да слушнам се. Сега е многу полесно. Среќна сум, уверена во себе и во моите достигнувања. Не ме сфаќајте погрешно, моето тело е единственото тело што некогаш ќе го имам и секако дека го сакам. Тогаш зошто би го трошела животот на тага или несигурност поради нешто што не можам да го променам – заклучила оваа храбра девојка....

Агенцијата за здравствена безбедност на Обединетото Кралство го истражува вирусот.Омикронската подваријанта BA.2 ги зафати Норвешка, Шведска и Обединетото Кралство. Во Данска го потисна основниот сој BA.1 и стана доминантен. Агенцијата за здравствена безбедност на Обединетото Кралство во петокот го идентификува BA.2 како варијанта под истрага и изјави дека дополнително ќе ја анализира. Д-р Мира Чанд, директорката на таа агенција, изјави дека природата на вирусите е да еволуираат и мутираат, па затоа е за очекување да се појават нови варијанти. BA.2 не е означен како варијанта за загриженост. „Нашиот континуиран геномски надзор ни овозможува да ги откриеме и да процениме дали се значајни“, рече докторката.Во Обединетото Кралство, идентификувани се 53 секвенци на подваријантата BA.2. Агенцијата за здравствена безбедност на Обединетото Кралство соопштила дека 40 земји пријавиле секвенци BA.2, при што повеќето примероци се пријавени во Данска, по што следат Индија, Велика Британија, Шведска и Сингапур. Бројот на пациенти со БА.2 субваријанта во Данска рапидно расте. Од вкупниот број на заболени од коронавирус во последната недела од 2021 година, 20 проценти од нив се заразиле со БА.2, а 45 проценти во втората недела од 2022 година. Андерс Фомсгард, истражувач во данскиот институт за серум Стејтенс, изјави дека нема објаснување за брзиот раст на заразата кај пациентите, додавајќи дека е збунет, но не и загрижен. „Можеби е поотпорен на имунитетот кај населението, што му овозможува да зарази повеќе. Сè уште не знаеме“, рече Фомсгард. Оригиналната анализа направена од Институтот не покажала разлика во хоспитализацијата за БА.2 во споредба со БА.1. Во Австрија е воспоставена и систематска анализа на отпадните води за утврдување на BA.2. Засега не се знае многу за подваријантата на сојот омикрон, рече генетичарот Урлих Елинг....

Западните земји подготвуваат неколку големи провокации во врска со ситуацијата околу Украина, а Москва не исклучува дека тие може да бидат информативни или воени, изјави портпаролката на руското министерство за надворешни работи Марија Захарова во неделата вечерта во гостувањето на телевизискиот канал Россия 1. „Во тек се подоготовки, веројатно, за цела низа големи провокации. За тоа се подготвува јавното мнение. За колективниот Запад, за НАТО, за англосаксонците, исклучително е важно да се создаде такво информативно поле, без него тие не можат да дејствуваат. За тоа созадена е цела серија такви информации, тоа се дезинформации, лажни вести и манипулации преку медиумите“, рече Захарова. Како последен пример за тоа го посочи соопштението без да се изнесе никаков доказ на Лондон дека наводно руските тајни служби планираат да инсталираат „проруски лидер“ во Киев, поранешниот украински парламентарец Евгениј Мураев, материјал кој однапред бил фабрикуван. „Се чини дека можело да биде објавена уште во саботата претпладнето, но тие избраа време коешто според нивна процена било погодно, во 1,30 часот ноќта по московски време. Очигледно сметале дека нема да одговориме и однапред го испратиле материјалот за медиумите со ембарго за објавување до 1,30 часот“, посочи портпаролката на руската дипломатија. Захарова ваквата активност ја опиша како „информативна агресија“ и смета дека ќе следат и други слични активности против Русија. „Зошто го прават ова, поради што го прават ова? Не исклучуваме натамошни големи информативни манипулации и провокации. Не исклучуваме воени провокации, меѓу другото“, додаде таа. Захарова истакна дека за созадавање на неопходната информативна атмосфера за активностите на Западот веќе се направени бројни објави не на „прекриено“ ниво на социјалните мрежи, туку преку традиционалните медиуми. „Потсетете се на статијата во весникот The New York Times за наводната евакуација на руската амбасада во Украина, спомнете си дека имаше материјал на агенцијата Bloomberg (дека кинескиот претседател наводно побарал од рускиот челник Русија да не ја напаѓа Украина во текот на Зимската олимпијада во Пекинг од 5-ти до 20-ти февраури), што беше демантирано и од кинеската и од руската дипломатија“, рече допломатката. „Инвазијата, државните преврати, односно линијата постојано се проширува за бескрајно темата да се одржува на површината“, иронизираше Захарова....

Доли Остерејх, жена која е родена во Германија во 1880 година, останала позната по најбизарниот скандал во историјата. Се омажила за богат сопственик на успешна фабрика за престилки, но не била среќна во бракот. Набрзо го пронашла својот прв љубовник, а потоа и останатите се наредиле. Бизарната приказна започнува еден есенски ден во 1913 година кога таа го замолила нејзиниот сопруг Фред Остерејх да испрати еден од вработените да и ја поправи машината за шиење. Кога седумнаесетгодишниот Ото Санхубер тропнал на вратата, Доли го чекала практично гола. Тој никогаш не ја поправил машината, но тој ден го означил почетокот на нивната врска која траела со години. Како што тогаш пишувал ЛА Тајмс, најпрвин вљубениот пар се среќавал во хотели, но набрзо почнале да се забавуваат и во нејзината куќа. Висконсин бил синоним за конзервативното општество во тоа време, а соседите почнале да протестираат поради честите посети на непознат млад човек кај мажена жена. После тоа, Доли добила сосема луда идеја. Ото поднел оставка и се преселил на таванот нкај Доли, каде што ќе можел да ужива во придобивките од врската без љубопитните погледи од соседството. Ото морал да се откаже од секаков контакт, освен од секојдневните задоволства со Доли. Тоа не му пречело премногу, па набрзо почнал да живее на таванот. Во текот на вечерта читал книги кои Доли му ги носела, а преку ден се забавувал. Бидејќи имал премногу време, размислувал да стане писател. По пет години таен, практично затворски живот, Ото успеал да објави неколку романи под псевдоним, но Фред Остеррајх почнал да тоне во лудило. Слушал необјасниви звуци од таванот, пурите му исчезнувале, а често гледал сенка како поминува пред вратата од спалната соба. Во 1918 година, тој решил да се пресели со Доли во Лос Анџелес, но не можел ни да сонува дека ќе го следи дух. Доли се согласила да се пресели, но под услов новата куќа да има и поткровје. Парот сè повеќе се расправал, а кога во 1922 година избила жестока кавга, загрижениот Ото слегол од таванот и го убил Фред за да ја заштити својата љубовница. Малку испаничени се договориле Ото да ја затворат Доли во плакарот и да се преправаат дека некој влетал во куќата за да ја ограби и попат да го убие Фред. Полицијата поверувала во приказната бидејќи немала причина да се сомнева, на крајот на краиштата, Доли по убиството била заклучена во плакар. Вдовицата наследила богатство и стекнала слобода и продолжила да ужива во љубовта со Ото, но продолжила да го чува на таванот, а Ото се чувствувал како роб. Доли потоа се свртела кон нови љубовници. Таа започнала врска со адвокатот Херман Шапиро, но и со нејзиниот трет љубовник Рој Клумб. Таа по грешка на Херман му го дала часовникот на покојниот Фред, часовникот за кој пријавила дека исчезнал за време на кобното убиство. Во една прилика, по сериозна расправија, Рој сакал се да и каже на полицијата. Некаде во тој период Доли му рекла на Херман дека треба да го нахрани својот полубрат кој во тие денови се криел на таванот. Ото бил пресреќен затоа што за прв пат по речиси десет години разговарал со некој друг освен со Доли. Херман се шокирал кога го видел Ото како останува на таванот и веднаш го избркал.Ото толку се исплашил што побегнал во Канада. Неколку години подоцна, во 1930 година, Херман и Доли раскинале во очај разочараниот адвокат ѝ кажал на полицијата. Полицијата го уапсила и го ставила на обвинителна клупа. На Ото му се судело во отсуство, но и покрај тоа што бил прогласен за виновен, делото застарило и тој продолжил да живее како слободен човек. Доли нашла нов љубовник со кој живеела среќно во следните триесет години, а на крајот се венчале....

Дали некогаш сте помислиле дека некој е „вистинскиот“, а да испадне дека само ве искористил за да ја натера бившата да му љубомори? Од друга страна, можеби сте мислеле дека навистина му се допаѓате, но ве гледал само како сексуален објект. Неблагодарно е да се влезе во игра наречена „заведување, освојување и забава“ без претходна „подготовка“. Затоа, држете ги очите широко отворени, бидејќи тоа се знаци кои укажуваат дека сексот е единственото нешто што го интересира. Разговорите со него секогаш се сведуваат на секс Како се одвива разговорот помеѓу вас двајца? Ако на саканиот му поставите едноставно прашање, за тоа што би сакале да јадете за вечера, а тој ви одговори „ти“, можеби ќе помислите дека тоа е многу слатко и дека е навистина заљубен во вас. Меѓутоа, ако секој ваш разговор завршува на ист начин, со асоцијации за секс, не е тешко да се заклучи она што секогаш е на ум кај вашиот сакан. Секогаш доцна испраќа пораки Размислете: кога има навика да ви испраќа пораки? Дали се ова пораки за добро утро или обично функционира по полноќ? Ако е второто, не е тешко да се заклучи дека тој навистина не сака да разговара, туку да се смести во креветот со вас. Пораките и повиците после полноќ имаат само една цел, затоа не бидете слепи. Тој дава комплименти само за изгледот Комплиментите се секогаш добредојдени, особено од саканата личност, но важно е да се внимава на што се однесуваат. Ако секогаш ги коментира само градите, нозете, задникот и вашиот изглед воопшто, а никогаш вашата интелигенција, нема сомнеж дека ве доживува како предмет на својата страст. Тој не сака да ве запознае со своите пријатели Пријателите се важни во животот на секој поединец. Колку и да сте во врска со некого, ако тој не покажува ни најмал интерес да ве запознае со пријателите, треба да се запрашате – што барате со него? Мажите кои не планираат никаква иднина со одредена девојка, не гледаат смисла да ја запознаат со луѓе кои им значат. Ви прави притисок кога е сексот во прашање Никогаш, ама апсолутно никогаш, не треба да се чувствувате под притисок да имате секс со некого. Колку и да сте заљубени во него, не треба да се согласувате со секс, освен ако навистина не сакате. Несомнено е дека мажите се почесто размислуваат за секс, но ако навистина ве сака, ќе ја почитува вашата одлука да чекате. Од друга страна, ако ве притиска да имате секс, тоа е затоа што само за тоа се грижи....

„Од почетокот на пандемијата, германската економија загуби 350 милијарди евра во додадена вредност, главно поради драстично намалената приватна потрошувачка“, се вели во извештајот на IW, според германските медиуми. Како што понатаму се наведува во извештајот, дури и ако БДП ги достигне нивоата пред пандемијата до крајот на 2022 година, останува „огромна разлика“ во споредба со претпоставката пандемија никогаш да не се случила. „Празнината во приходите ќе се пополни само ако бидеме сведоци на силен економски раст во наредните години“, се вели во извештајот на IW. Сепак, како што дознава германската новинска агенција (DPA) од владини извори, новата влада за тековната година смета на економски раст од само 3,6 отсто. Претходната влада уште во септември тргнала од стапка на економски раст од 4,1 за 2022 година. Во 2021 година е забележан економски раст од 2,7 отсто, откако во 2020 година е намален за 4,6 отсто. Според IW, во последните две години, пандемијата предизвикала намалена приватна потрошувачка од 270 милијарди евра поради мерките за затворање и тешкотиите во испораката на стоки. Економистите во IW забележуваат и „промена во однесувањето“ кај потрошувачите. „Граѓаните не сакаа да одат во кина и ресторани поради страв од инфекција дури и кога тоа беше повторно можно. Парите наместо тоа завршија во заштеда“, вели авторот на анализата на IW, Мајкл Громлинг. Т.н Економски мудреци, група претставници на водечките германски економски институти, оценуваат дека по нормализирањето на состојбата со протокот на стоки, може да дојде до нагло ослободување на стагнацијата во инвестициите и потрошувачката, што може позитивно да се одрази на брзото закрепнување на економијата....

Во светот има многу дестинации во кои туристите можат да уживаат во текот на целата година. Покрај одморите, на туристите им се нуди и да се запознаат со знаменитостите што ги нудат. Посетителите на страницата Tripadvisor ги избраа најпопуларните дестинации во светот. Дубаи, Обединети Арапски Емирати Дестинација која е мешавина од модерно и историско, авантура и шопинг, а во исто време нуди забава од светска класа. Уживајте во погледот на центарот на градот од врвот на Бурџ Калифа, истражете ги пазарите полни со златен накит, текстил и зачини или одлучете се за лет со балон над пустинските дини. Лондон, Обединетото Кралство Многу светови во едно, ова е најкраткиот начин да се опише британската престолнина. Енергијата на градот постојано се менува, а атракциите што ги нуди се безброј. Можете да уживате во еден од ексклузивните ресторани со Мишелин ѕвезди или во традиционален британски паб, да се шетате низ кривулестите калдрмени улици или да посетите едно од историските знаменитости на градот. Канкун, Мексико На прв поглед може да изгледа дека сончевиот Канкун е наменет само за одмор. Љубителите на историјата, исто така, ќе уживаат овде, бидејќи тука се старите урнатини на Маите Ел Реј и Јамил Лум, како и музеј посветен на античката цивилизација на Маите. Не пропуштајте го музејот на текила ако сакате подобро да ја запознаете душата на Мексико. Бали, Индонезија Рајот на земјата е првото нешто на кое многумина мислат кога ќе се спомене Бали. Иако одморот е главната причина поради која многу туристи се одлучуваат да ја посетат оваа дестинација, Бали нуди и многу атракции. Бујната џунгла на брегот вешто крие антички храмови и палави мајмуни, кои се особено интересни за туристите. Крит, Грција Островот каде според митологијата е роден богот Зевс, Крит се смета за скапоцен камен не само на Грција, туку и на целиот Медитеран. Заедно со познатите одморалишта, островот е богат со историски знаменитости. Туристите можат да уживаат во шармот на венецијанското пристаниште Ханија или да ги посетат тврдините и манастирите во Ретимно. А ова се само дел од глетките што ги крие овој грчки остров. Рим, Италија Бидејќи Рим не бил изграден за еден ден, на посетителите ќе им требаат многу денови за да ги запознаат сите негови знаменитости и скриени агли. Рим е вистински колаж на отворено. Задолжително фрлете паричка во Фонтаната Ди Треви, посетете го Колосеумот и уживајте во еден од локалните ресторани. Кабо Сан Лукас, Мексико Како добро позната дестинација во текот на целата година, Кабо Сан Лукас е дефинитивно една од дестинациите со кредибилитет. Меѓу многуте плажи, секој ќе го најде она што го сака. Во близина има и природен парк, во кој особено уживаат децата. Истанбул, Турција Градот на Босфорот со право е меѓу најпопуларните дестинации. Мешавината на културите во некогашниот Константинопол е забележлива на секој чекор. Можете да уживате во чаршиите во Истанбул, но и во некои од локалните кафулиња и ресторани. Можеби тогаш ќе разберете зошто се вели дека Истанбул не е само еден град, туку многу градови во еден. Париз, Франција Уживањето во едно од кафулињата на тротоарите на Париз, шетањето покрај брегот на Сена и восхитувањето на Ајфеловата кула, се само дел од активностите во кои можат да уживаат посетителите на француската престолнина. Хургада, Египет Коралните гребени и тиркизната вода, во комбинација со пространите плажи, го направија ова одморалиште бисер на Црвеното Море. Некои од најдобрите места за нуркање се токму тука....

Гостивар излезе со известување до јавноста поточно до моќните клубови. Од таборот на прволигашот се чувствуваат загрозени кога станува збор за ростерот, дел од екипите се обидуваат да им украдат кошаркари. “КК Гостивар има потреба да објави свој став за се поголемото влијание на побогатите клубови, како и за неетичко и неспортско однесување надвор од спорстките терени. Имено, нашиот клуб се соочи со сериозен проблем каде што еден од најдобрите играчи во КК Гостивар и носител на играта на само еден ден од почетокот на тренинг подготовките за натпреварувачката сезона побара да си оди од клубот. Штетата и немаше да биде огромна, ако имаше можност за исправка, односно дополнение на испразнетото место, доколку воопшто и можеше да се најде било какво решение на таа позиција. Знаејќи го фактот дека нема да можеме да најдеме замена, се реорганизиравме и успешно се справуваме половина шампионат со предизвикот во македонското првенство, со само еден единствен плајмејкер во целиот тим, нешто незамисливо во модерната кошарка. За тоа да не биде доволно , единствениот гореспомнат играч деновиве е мета на неколкумина агенти, пробувајќи да му влијаат на одлуката да ја промени средината, односно клубот, служејќи се со лаги , невистини и шпекулации за моменталната финансиска ситуација на клубот или пак за неговата големина и сериозноста во намерите. КК Гостивар сака да изјави дека е меѓу ретките кошаркарски клубови во Македонија кој во моментов не води никаков спор или пак долгува финансиски средства на некој играч или тренер. КК Гостивар е меѓу ретките кои во екот на ковид годината ги исплати сите играчи и стручниот штаб. КК Гостивар и покрај сите опструкции е единствениот клуб кој исплати декемвриска плата за 2021 уште во декември. Сакаме да напоменеме дека буџетот испланиран за плати и трошоци за натпреварувачката 2021/22 е безусловно и целосно обезбеден уште на стартот од сезоната. За се ова да биде овозможено се грижат мал број на приватни спонзори кои заедно со управниот одбор на клубот, луѓе од градот кои сакаат да помогнат, веруваат и се залагаат за фер игра и однесување, а секако го очекуваат истото и од сите останати актери во Македонската кошарка. Затоа замолуваме и апелираме до сите клубови кои силата ја имаат од огромните финансии во општинските средства, истите да ги насочат во што подобро претставување на меѓународна сцена и со тоа да покажат колку се големи и моќни. Ние ќе бидеме тука да ги подржиме и помогнеме бидејќи нивниот успех е успех на сите нас кои сме активни во кошарката во Македонија. Веруваме дека ваквите инциденти ќе бидат се помалку и изолирани, и дека сите заедно ќе можеме да се натпреваруваме спортски , етички и само на терен , а не и надвор од него”, се вели во соопштението на Гостивар. sportmedia.mk...

Македонската судиска двојка, Ѓорѓи Начевски и Славе Николов, продолжуваат да ја преставуваат Македонија на ЕП 2022. Тие утре повторно ќе бидат на паркетот како делители на правдата на мечот меѓу Данска и Холандија. Нашата судиска двојка несомнено важи за една од најдобрите во светот во последните години и не случајно треба да остане на ова ЕП до самиот крај. Тие утре ќе го имаат својот четврти судиски настап на Европското првенство во Унгарија и Словачка. sportmedia.mk...

Кошаркарите на Пелистер не престануваат со победите во домашното првенство. Битолските „зелени“ незапирливо газат и по 13 кола се уште се без пораз. Вечерва на домашен терен славеа над ФМП Академија Навико со 94:73. Разликата во квалитетот беше евидентна уште во првата четвртина кога Пелистер направи предност од 18 поени и најави дека гостите од Скопје нема што да бараат на оваа пресметка. Во вториот и третиот период ФМП Академија ја поправи играта, но бадијала, кога разликата остана. Во последниот период домашните успеаја да ја кренат позитивата и да дојдат до уште поубедлив успех. Во домашниот состав одлучна вечер имаше Кесар кој го наполни гостинскиот кош со 24 погодоци. Втор стрелец беше Малешевиќ со 20. Кај гостите од Скопје Крстајиќ постигна 17 поени. sportmedia.mk...

И мажите и жените тврдат дека нивните сексуални односи се подобруваат со текот на годините. Многумина кај двата пола, особено мажите често бираат постара партнерка токму поради тие причини. Сепак има истражувања кои тврдат поинаку. Едно истражување, спроведено во Америка, покажува дека жените го достигнуваат својот сексуален врв на 26-годишна возраст, додека мажите го доживуваат истото на 32-годишна возраст. Ова може да изгледа застрашувачки, но добро познатата секс советничка Трејси Кокс нуди утеха: „Како и повеќето работи, сексот станува подобар колку повеќе го имате и колку повеќе вежбате“. Таа додава дека сексот треба да биде забавен. – Ни треба забава во секоја фаза од животот, не престануваш да сакаш секс само затоа што имаш 65 години – додава секс терапевтот Тереза ​​Бергин од Даблин....

Во моментот на избувнување на пожарот во поранешната фабрика „Жито Битола“ внатре имало двајца работници кои навреме излегле, изјави градоначалникот на Битола, Тони Коњановски. Огнот избувнал на кровната конструкција, а во моментов го гаснат 27 пожарникари и 9 возила. Градоначалникот рече дека објектот е во сопственост на „Ангро механизација жито Битола“, и опфаќа пекара, млин и силос. Општината побарала помош и од РЕК „Битола“, а нивно пожарникарско возило е тргнато кон местото. Коњановски образложи дека станува збор за стар објект. Понудена е помош од Кавадарци, а разговарано е и со директорот на Центарот за управување со кризи Стојанче Ангелов и со министерот за внатрешни работи Оливер Спасовски Од МВР претходно информираа дека досега нема пријава за повредени лица. „На 23.01.2022 во 17.20 часот во СВР Битола било пријавено дека има пожар во фабрика за леб лоцирана во индустрискиот дел на Битола. Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. До сега нема пријава за повредени лица“, информираа од МВР. Засега не се познати причините за избувнувањето на пожарот. Фото: Принтскрин...

Тврдењата на Велика Британија дека наводно Русија планира да инсралира проруска влада во Украина треба да бидат сфатени сериозно, а тоа ја покажува потребата од брза реакција на Западот на дејствијата на Москва, изјави во неделата советник во кабинетот на украинскиот претседател Владимир Зеленски за агенцијата Reuters. Од Лондон доцна ноќта од саботата кон неделата објавија дека Кремљ наводно ќе се обиде во Украина да го постави украинскиот политичари Евгениј Мураев означен како проруски, без да наведе докази за тоа, ниту за начинот на кој тоа би се постигнало, пишува агенцијaта Reuters. Москва ги отфрли овие тврдења како повторни „дезинформации“ и „провокативни активности“ од страна на Лондон. Подоцна се појавија информации дека наводно станува збор за веројатни процени на американското разузнавање. Британските наводи ги отфрли и самиот Мураев, поранешен украински парламентарец кој изјави дека тврдењето на Лондон е неосновано, бидејќи тој веќе три години е под руски санкции, забрането му е да влезе во Русија а имотот на неговиот татко е замрзнат во руските банки, пренесе агенцијата ТАСС. Советникот во кабинентот на украинскиот преседател Михајло Подолјак во неделата за Reuters изјави дека постојат сомневања меѓу Украинците за Мураев, бидејќи тој е „многу смешна фигура“ за да биде сфатен како водач на марионетска влада во Киев. Но, како што смета Подолјак, Русија и порано носела споредни личности на важни позиции, како во случај на Крим и Донбас. Затоа „оваа информација треба да биде сфатена најсериозно“ предупредува советникот на украинскиот претседател. Мураев, пак, во објава на Facebook во неделата повика на крај на поделбите на прозападни и проруски политичари во Украина. „Поразите на политичарите како Порошенко и Медведчук се јасен доказ. Нивните постапки ѝ нанесоа ненадомесливи загуби на земјата и го поделија народот на Украина“, напиша Мураев алудирајќи на двајцата олигарси, прозападниот Петро Порошенко кој дојде на власт по превратот во Киев во 2014 година и владееше до 2019 година, и на Виктор Медведчук за кој се смета дека е во кумски односи со рускиот претседател Владимир Путин. Мураев во објавата напиша и дека „на Украина ѝ се потребни нови политичари чијашто политика ќе темели исклучително на принципита на националните интереси на Украина и на украинскиот народ“, како и дека земјата треба „самата да одлучува за својата судбина“....

Според соопштението објавено на официјалната веб-страница, од 4 до 22 јануари пристигнале 2.586 членови на различни делегации, меѓу кои 171 спортист, како и 2.415 претставници на делегации. Инфекција со коронавирус е откриена кај 72 лица, но тие се членови на делегации, додека ниту еден спортист или спортски функционер не е заразен, пренесе ТАСС....

Кога имала само 19 години, Алкиана Девеза организирала историска операција за да го спаси животот на нејзината мајка. Таа убедила болница да ја спроведе првата размена на органи во САД во која се разменувале различни видови органи помеѓу два пара неповрзани донатори. „Првото нешто што го прашав кога се разбудив беше како е мајка ми. Дали е добро? Дали преживеа? Не се грижев повеќе за себе, само сакав да се носам со болката што ја чувствував. Штом слушнав дека сите други се добро, можев повторно да дишам“, вели таа. Кога Алијана им кажува на сите други, не мисли само на себе и на нејзината мајка затоа што и другите две жени – сестри, кои исто така биле оперирани. Еден од органите на Алијана отишол кај една од сестрите, а бубрегот на една од сестрите отишол кај мајката на Алијана. Спасени биле два животи, а две лица донирале органи на непознати за да ги спасат членовите на нивните семејства. Операцијата била резултат на двегодишна напорна работа која на крајот се исплател. Алијана ја спасила својата мајка Ерозалин од години и години на дијализа на бубрези, болест и можна прерана смрт – а потполен странец би можел да продолжи да живее сосема нов живот. Бубрезите се еден од ретките органи што жив човек може да ги донира на некој друг, бидејќи повеќето од нас се родени со два, но само еден е доволен за да функционираме. А сепак, луѓето на кои им треба бубрег не можат секогаш да го добијат од некој што го сакаат, дури и кога таа личност е подготвена да го даде. Низ светот, во 2019 година беа извршени 150.000 трансплантации на органи – што е само мал дел од оние на кои им треба нов орган. Алвин Рот ја доби наградата за економија од Нобеловата фондација во 2012 година за неговата работа на дизајнирање систем кој ќе им помогне на повеќе луѓе да добијат бубрези. „За разлика од многу други органи, можно е некој да му даде бубрег на некој што го сака и да му го спаси животот“, вели тој. „Но, понекогаш не може да го прими бубрегот иако сте доволно здрави да го дадете. А можеби и јас сум донатор во сличен пар и би сакал да дадам бубрег на некој што го сакам, но не можам. Но, можеби мојот бубрег би работел кај вашиот пациент, а вашиот бубрег кај мојот. Тоа е наједноставниот вид на размена на бубрези, каде што двајца донатори се парат и секој добива компатибилен бубрег од другиот пациент“. Работата на Алвин Рот и неговите колеги довел до систем кој успеал да го зголеми бројот на замени на бубрези, така што сега секоја година се спасуваат уште илјадници животи. Но, овие размени на органи сè уште не се легални насекаде. Во Германија, на пример, сè уште можете да донирате орган само директно на некој од вашето потесно семејство. Тие се загрижени дека некои загрозени луѓе би можеле да бидат во искушение да го продадат органот за пари. Во некои случаи, цели човечки синџири се споени за да се зголеми бројот на спарени бубрези. Во еден случај, 70 различни луѓе се собрале за да им дадат нова шанса за живот на 35 донатори и на 35 странци. Алијана не можела да го замени бубрегот со мајка си бидејќи лекарите биле загрижени дека проблемите со бубрезите на нејзината мајка може да бидат наследни. Сè уште сакала да и помогне на мајка си да добие нов бубрег, но времето истекувало, па почнала да истражува и открила дека е можно да се замени дел од црниот дроб со бубрег. „Започнав да ги истражам видовите на органи што може да се донираат додека некое лице е сè уште живо. И најчесто се појавува црниот дроб. Алијана не знаела дека тоа е само теоретска можност и дека не е вообичаена процедура. Почнала да се јавува во болници за да види дали може да донира парче од сопствениот црн дроб на некого во замена за бубрег за нејзината мајка. Алијана вели дека неколку болници не разбрале што точно сака: „Неколку болници ме префрлија во мртовечница бидејќи не знаеја за што зборувам“. На крајот, таа го нашла вистинскиот човек за работата – Џон Робертс, хирург од Универзитетот во Калифорнија, Сан Франциско. „Тој не само што ме отпиша. Мислам, имав само деветнаесет години и не знаев дали звучам лудо. Моето семејство беше против тоа бидејќи не сакаа да ризикувам.“ Со помош на болницата пронашле две сестри кои биле спремни да се парат со Алијана и нејзината мајка. Една од сестрите да добие дел од црниот дроб на Алијана, а мајката на Алијана да добие нов бубрег од другата сестра. Алијана не жали денес. „Мислам дека луѓето се одбиени од идејата за доброволно донирање органи поради стравот што го придружува. Ова се сериозни операции, тие дефинитивно вклучуваат многу ризици, но помага кога ги разбирате и кога го поминувате процесот заедно со тимот кој ќе биде со вас цело време“....

Од направени 5.604 тестови, регистрирани се 1.424 нови случаи на Ковид-19. Од вкупниот број позитивни се регистрирани 214 реинфекции. Како што соопшти Министерството за здравство, согласно податоците од Институтот за јавно здравје во последните 24 часа се регистрирани 1.083 оздравени пациенти и 15 починати. Новите случаи на Ковид-19 се регистрирани во Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – осум, Виница – седум, Радовиш, Пробиштип, Богданци и Македонски Брод – по пет, Делчево, Берово и Демир Хисар – по три, Кратово и Демир Капија – по два, Дебар, Валандово, Крушево и Дојран – по еден. Оздравените пациенти се од: Скопје – 496, Битола – 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – седум, Богданци и Демир Хисар – по шест, Пробиштип – пет, Виница – четири, Крива Паланка, Македонски Брод и Кратово – по три, Валандово – два, Дебар и Пехчево – по еден. Во текот на изминатите 24 часа регистрирани се 15 починати лица. Шест починати лица се од Скопје на 69, 72, 77, 82, 89 и 90 години, по двајца починати од Велес на 43 и 69 години, Струмица на 65 и 66 години и Прилеп на 58 и 80-годишна возраст, и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови. – Согласно регистарот на умрени лица со дијагноза Ковид-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63 до 80 години. Пријавените се починати во период од 4 јануари 2022 до 20 јануари 2022 година. Од пријавените лица, три се починати во домашни услови, а две лица во болнички услови, соопшти Министерството за здравство. Од вкупниот број на починати лица (n=20), три лица се целосно вакцинирани. Направени се 5.604 тестови преку: ИЈЗ-357, ЦЈЗ Скопје-46, ЦЈЗ Битола-103, ЦЈЗ Прилеп-46, ЦЈЗ Тетово–0, ЦЈЗ Куманово-84, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–285, Жан Митрев (Филип Втори)-149, Авицена-177, Биотек-269, Систина-95, лабораторија Лаор-247, Синлаб-38, Ремедика-9, Плодност-108, Генеа-14, Никоб Лаб-592, ВФВ Медикал-86, Ели Медика-46, Ројал Медика–31, Спектра-ММ-37, Рапид Лаб–53, Жан Митрев Струмица–24, Нова Лаб Дијагностика–18, Рамус-27, ЈЗУ и ПЗУ (рапид тест) – вкупно 2.663. Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571. Според епидемиолошки анализи во моментов, најмногу активни случаи има во Скопје – 11.123, во Куманово – 748, Прилеп – 863, Тетово – 487, Битола – 1619, Гостивар – 316, Кавадарци – 561, Велес – 384, Охрид – 642, Штип – 340, Струмица – 496, Кичево – 289, Кочани – 222, Струга – 240, Гевгелија – 357, Неготино – 212, Свети Николе – 117, Ресен – 230, Крива Паланка – 130, Радовиш – 179, Делчево – 150, Берово – 93, Дебар – 21, Валандово – 163, Виница – 46, Пробиштип – 46, Кратово – 61, Богданци – 78, Крушево – 141, Демир Хисар – 71, Македонски Брод – 39, Македонска Каменица – 45, Демир Капија – 21, Пехчево – 28, Дојран – 13....

За време на неговото неделно обраќање и благослов на верниците и туристите на плоштадот Свети Петар во Ватикан, Папата повика на дијалог за смирување на украинската криза. Американските и руските дипломати во петокот не успеаја да постигнат напредок во преговорите за Украина, иако се согласија да го продолжат дијалогот. Американскиот министер за надворешни работи Антони Блинкен се закани со брзи и строги санкции доколку Русија изврши инвазија на Украина. Велика Британија го обвини Кремљ дека се обидува да формира проруска влада во Киев. „Со загриженост ги следам растечките тензии кои се закануваат да бидат нов удар за мирот во Украина и да внесат сомнеж за европската безбедност, со уште поголеми последици“, рече папата. Тој ги повика сите луѓе со добра волја да се молат следната среда за сите политички иницијативи да бидат од корист за човечкото братство, а не за одредени интереси. Ватикан се уште не открива како папата ќе го одбележи денот. „Оние кои ги следат сопствените интереси на штета на другите го презираат нивниот човечки повик затоа што сите сме создадени како браќа“, заклучува тој....

Xiaomi е подготвен да ја лансира серијата Redmi Note 11 за светските пазари на 26. јануари. Се очекува Redmi Note 11 серијата да донесе три модели – Redmi Note 11, Redmi Note 11 Pro (4G) и Redmi Note 11 Pro 5G. Во нова објава, доверливиот дојавувач @heyitsyogesh ги откри спецификациите на Redmi Note 11 Pro (4G варијанта). За оние кои претходно не ги знаат информациите, Note 11 Pro ќе работи со MediaTek Helio G96 процесор и ќе нуди камера од 108 MP. Новите информации велат и дека 4G варијантата на Note 11 Pro ќе има 6,6-инчен Full HD+ AMOLED екран со стапка на освежување од 120Hz. Дисплејот ќе има предна селфи камера во централно поставен отвор во горниот дел од екранот. 𝗥𝗲𝗱𝗺𝗶 𝗡𝗼𝘁𝗲 𝟭𝟭 𝗣𝗿𝗼 𝟰𝗚 •6.6" FHD+ AMOLED, 120Hz•MediaTek Helio G96 4G•6/8GB LPDDR4X RAM•64/128GB UFS 2.2 storage•Rear Cam: 108MP + 8MP + 2MP + 2MP•Front Cam: 16MP•Android 11, MIUI 13•5,000mAh battery•67W Fast Charging — Yogesh Brar (@heyitsyogesh) January 22, 2022 Note 11 Pro ќе работи со octa-core MediaTek Helio G96 процесор. Helio G96 е произведен на 12nm процес на TSMC и доаѓа во комбинација со графичкиот процесор Mali-G57. Овој процесор веќе го видовме на некои паметни телефони од средна класа како Realme 8i, Vivo V23e и Infinix Note 11S. Типсетор сугерира и дека Note 11 Pro ќе доаѓа во 6GB и 8GB LPDDR4X RAM конфигурации. Xiaomi може да го лансира телефонот во две варијанти на простор за складирање – 64GB и 128GB UFS2.2. Претстојната про варијанта ќе работи со Android 11 со MIUI 13 интерфејс, Што се однесува до камерите, се вели дека Note 11 Pro нуди поставка за четирикратна задна камера, вклучувајќи примарен сензор од 108 MP. Примарниот сензор со висока резолуција на смартфонот ќе биде надгледуван од сензор од 8MP и неколку помошни сензори од 2MP. Се вели дека уредот нуди и сензор од 16 MP за селфи и видео повици. Note 11 Pro ќе биде опремен со батерија од 5000 mAh и поддршка за брзо полнење од 67 W....

Цените на недвижностите за време на пандемијата нагло пораснаа како во Македонија така и во Европа и целиот свет. И додека некои веруваат дека допрва цените ќе одат нагоре, други сметаат дека мора да дојде крај на тој раст и дека наскоро нагло ќе почне да паѓаат. Таквите полемики особено се покренаа по резултатите од пописот во Хрватска. Тие покажаа дека недвижности има се повеќе, а луѓе се помалку. Хрватска од 2011 година загубила 396.360 жители и 81.603 домаќинства, а бројот на станбени единици е зголемен за повеќе од 100.000 единици. Дали од ова може да се заклучи дека цените на недвижностите наскоро ќе почнат да паѓаат, бидејќи цените се зголемија во Хрватска и ЕУ? Цените на недвижностите во Хрватска се зголемија за 9 отсто во третиот квартал од минатата година во споредба со 2020 година. Ова е во согласност со просекот на ЕУ од 9,2 отсто и многу помалку од земјите во неа кои имаа рекорден висок раст на цените во тој период: Чешка со 22 отсто раст на цените, Литванија со 18,9, Естонија 17,3 и Холандија со недвижен имот. цените растат за 16,8 отсто. Растот на цените на недвижностите е особено драматичен кога се гледа на долг рок од 2010 до 2021 година. Раст е забележан во 23 земји на ЕУ, а пад во четири, со најголем раст во Естонија (+ 141%), Унгарија (+ 118 %), Луксембург (+ 117%), Литванија (+ 106%) и Австрија (+ 104%). Пад е забележан во Грција (-28%), Италија (-12%), Кипар (-6%) и Шпанија (-0,5%). Вкупниот раст на цените на недвижностите во целиот период во Хрватска е речиси 30 отсто, што е помалку од растот на ниво на ЕУ, кој изнесуваше 39 отсто, пишува Индекс. До 2017 година цените паѓаа, по што нагло пораснаа Но тој раст не е континуиран од година во година. Во Хрватска цените паѓаа секоја година од 2008 до 2016 година, а во 2017 и 2020 година силно растат. Најголем пад на цените, од дури 7,9 отсто, е забележан во 2009 година, а трендот на намалување продолжи до 2016 година. Во таа година цените на недвижностите закрепнуваат со благ раст од два отсто, но следната година растот е 2,9%, во 2018 4,6%, во 2019 година 7,8% и во 2020 година 7%. Ова значи дека растот малку забави во 2020 година во споредба со 2019 година, но се чини дека повторно зајакна во 2021 година на рекордни 9%. Тоа е многу повеќе од растот на приходите и платите, кои од 2017 година пораснаа во просек за помалку од 4% годишно. Јасно е дека недвижностите наеднаш поскапуваат во однос на платите, односно се потешко е да се купи недвижен имот со плата и со кредит....

Американскиот државен секретар Ентони Блинкен денеска ја отфрли идејата сега да се воведат економски санкции кон Русија, велејќи дека тие ќе ја намалат способноста на Западот да спречи можна руска агресија врз Украина. Руската акумулација на војници во близина на границата со Украина предизвика загриженост кај западните земји дека Русија би можела да ја нападне Украина. Доколку Русија навистина изврши напад, западните земји и се закануваат со санкции кои би можеле да имаат далекусежни економски последици. – Кога станува збор за санкции, нивната цел е да ја спречат руската агресија. Да се ​​активираат сега, ќе го загубиме тој ефект – рече Блинкен во интервју за Си-Ен-Ен. Американскиот сојузник Романија, истакна дека нема да се вклучи активно во можната војна во Украина, потенцирајќи дека острана ќе стојат и останатите членки на НАТО. Министерот за одбрана Василе Динчу рече дека државата нема да влезе во никаква војна во моментов, но нагласи дека мора да биде подготвена за последиците од потенцијален конфликт на границата со Украина. „Романија нема да се вклучи во никаква војна во овој момент, но мора да биде подготвена за последиците од потенцијалниот конфликт на украинската граница“, изјави Динчу за телевизијата Диги 24. Тој рече дека романските власти не очекуваат да избие во овој момент војна во Украина. „Не можеме со сигурност да кажеме дали ќе има војна во Украина, бидејќи тоа би било многу скапо за Русија. Но генералниот секретар Столтенберг рече дека воена интервенција на НАТО не доаѓа предвид, бидејќи Украина не е членка на Алијансата, па затоа воен одговор не е опција. Од оваа гледна точка, Романија и НАТО нема да се вклучат во активни воени непријателства. Секако, можеме да бидеме сведоци на економска војна и други видови борби, економски санкции доколку дојде до конфликт, но во овој момент не очекува, така да се каже, жешка војна“, изјави романскиот министер за одбрана. Претходно од Москва, официјален Кремљ порача дека е подготвен да влезе во одбрана на цивилете од Донбас, побунетата територија на Украина која во моментов ја контролираат проруските сепаратисти....

Овој бизарен настан се случил во петокот околу 11:30 часот по локално време во гратчето Карлоу, југозападно од Даблин, кога еден од двајцата млади момчиња влегол во поштата за да подигне пензија на постар маж. Вработените во поштата го одбиле, велејќи му дека е потребно присуство на пензионерот, по што двајцата го донеле телото на мажот во зградата. Откако вработените се посомневале, двајцата млади побегнале оставајќи го телото. Наводно го познавале починатиот маж. Ирската полиција го истражува овој случај и околностите на неговата смрт....

Македонците во областа Голо, на албанско – македонска граница и оваа зима не ги одминаа проблемите со кои се соочуваат по обилни снежни врнежи, по кои е познат овој планински регион. По последниот снег, чија дебелина надминува 40 сантиметри, а некаде е и повисока и минусните температури, веќе трет ден се отсечени од светот. -Дополнителен проблем е и недостигот на електрична енергија присутен веќе трет дена. Во текот на ноќта и утринските часови живата во термометарот падна на – 16 степени целзиусови, а вечерва и утре најава има за повисоки минусни температури, велат жители. Едмонд Османи администратор на административната единица Требиште рече дека во соработка со градоначалникот на општина Булќиза се прават максимални напори за надминување на проблемите. – Обилните снежни врнежи, поларниот студ и мразот го прават своето. Вложуваме максимални напори да се пробијат патиштата. Превземени се сите мерки и сме во служба на жителите за било каква потреба, изјави за МИА Османи. Областа опфаќа 22 населени места со над 12 илјади жители....

Министерството за здравство информира, согласно податоците од Институтот за јавно здравје дека во последните 24 часа: Направени се 5.604 тестови, а регистрирани се 1.424 нови случаи на КОВИД-19: Скопје – 790, Битола – 92, Куманово – 57, Струмица – 48, Кавадарци – 45, Штип – 43, Прилеп – 37, Охрид – 36, Тетово – 35, Гевгелија – 33, Гостивар – 31, Кичево – 27, Велес – 24, Ресен – 20, Неготино – 18, Кочани и Свети Николе – по 13, Крива Паланка – 10, Струга – 8, Виница – 7, Радовиш, Пробиштип, Богданци и Македонски Брод – по 5, Делчево, Берово и Демир Хисар – по 3, Кратово и Демир Капија – по 2, Дебар, Валандово, Крушево и Дојран – по 1. Од вкупниот број на позитивни (1.424), регистрирани се 214 реинфекции. Регистрирани сe 1.083 оздравени пациенти од: Скопје – 496, Битола – 122, Куманово – 67, Прилеп – 56, Кавадарци – 39, Кичево – 32, Велес – 31, Ресен – 30, Охрид – 29, Штип – 28, Гостивар – 21, Радовиш – 20, Неготино – 18, Кочани – 17, Гевгелија – 15, Берово – 11, Свети Николе – 10, Струга – 7, Богданци и Демир Хисар – по 6, Пробиштип – 5, Виница – 4, Крива Паланка, Македонски Брод и Кратово – по 3, Валандово – 2, Дебар и Пехчево – по 1. Во текот на изминатите 24 часа регистрирани се 15 починати лица: 6 починати лица од Скопје (69г, 72г, 77г, 82г, 89г и 90г), по 2 починати од Велес (43г и 69г), Струмица (65г и 66г) и Прилеп (58г и 80г) и по едно починато лице од Струга (89г), Крива Паланка (81г) и Богданци (75г). Пријавените лица се починати во болнички услови. Согласно Регистарот на умрени лица со дијагноза КОВИД-19 од Мој Термин, пријавени се пет починати лица, по едно починато лице од Скопје, Гостивар, Куманово, Прилеп и Тетово на возраст од 63г до 80г. Пријавените се починати во период од 4.01.2022 до 20.01.2022г. Од пријавените лица три се починати во домашни услови, а две лица во болнички услови. Од вкупниот број на починати лица (n=20), три лица се целосно вакцинирани. Направени се 5.604 тестови преку: ИЈЗ-357, ЦЈЗ Скопје-46, ЦЈЗ Битола-103, ЦЈЗ Прилеп-46, ЦЈЗ Тетово–0, ЦЈЗ Куманово-84, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–285, Жан Митрев (Филип Втори)-149, Авицена-177, Биотек-269, Систина-95, лабораторија Лаор-247, Синлаб-38, Ремедика-9, Плодност-108, Генеа-14, Никоб Лаб-592, ВФВ Медикал-86, Ели Медика-46, Ројал Медика–31, Спектра-ММ-37, Рапид Лаб–53, Жан Митрев Струмица–24, Нова Лаб Дијагностика–18, Рамус-27, ЈЗУ и ПЗУ (рапид тест) – вкупно 2.663. Досега во земјата се направени вкупно 1.746.689 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 256.281, бројот на оздравени пациенти е 227.492, на починати е 8.218, а бројот на активни случаи изнесува 20.571. Според епидемиолошки анализи во моментов, дистрибуцијата по градови е следна: Дистрибуција по градови Заболени (вкупно), Активни случаи (вкупно) Скопје 115911, Активни 11123 Куманово 14307, Активни 748 Прилеп 12361, Активни 863 Тетово 12013, Активни 487 Битола 12007, Активни 1619 Гостивар 8539, Активни 316 Кавадарци 8373, Активни 561 Велес 8121, Активни 384 Охрид 7708, Активни 642 Штип 7337, Активни 340 Струмица 6931, Активни 496 Кичево 4778, Активни 289 Кочани 4467, Активни 222 Струга 4249, Активни 240 Гевгелија 3505, Активни 357 Неготино 2967, Активни 212 Свети Николе 2332, Активни 117 Ресен 2227, Активни 230 Крива Паланка 2137, Активни 130 Радовиш 2116, Активни 179 Делчево 1680, Активни 150 Берово 1605, Активни 93 Дебар 1488, Активни 21 Валандово 1271, Активни 163 Виница 1249, Активни 46 Пробиштип 1235, Активни 46 Кратово 859, Активни 61 Богданци 805, Активни 78 Крушево 800, Активни 141 Демир Хисар 744, Активни 71 Македонски Брод 611, Активни 39 Македонска Каменица 480, Активни 45 Демир Капија 466, Активни 21 Пехчево 402, Активни 28 Дојран 200, Активни 13...

Експлозивна направа синоќа завршила во дворот на 34-годишен прилепчанец. Од полицијата соопштија дека нема повредени лица, а причинета е материјална штета. Се преземаат мерки за целосно расчистување на случајот, велат од МВР....

„Човекот се чувствува добро со оглед на околностите и е пренесен во болница“, се вели во соопштението на полицијата задолжена за холандската гранична контрола. Портпаролката на полицијата Џоана Хелмондс изјавила дека возраста и националноста на мажот се уште не се утврдени. „Нашата прва грижа беше, се разбира, неговата здравствена состојба“, истакнала таа. „Можам да кажам дека без сомнение е многу невообичаено некој да преживее таков студ на таква височина – многу, многу необично“, рече портпаролката, додавајќи дека полицијата сè уште нема намера да открие за кој авион станува збор. Преживувањето лет во простор за тркала е ретко, но не и невозможно. Според неодамна објавените податоци од Федералната управа за воздухопловство на САД (ФДА), од 1947 година во САД се обиделе да пристигнат 129 луѓе, а 29 преживеале. Не е соопштено од која дестинација полетал споменатиот авион за Амстердам, но на комерцијалните авиони од Јужна Африка до Холандија им требаат приближно 11 часа доколку се работи за директен лет....

Група девојки, кои себеси се нарекуваат „Сестрите од долината“, веќе неколку години живеат во американската сојузна држава Калифорнија и живеат од одгледување и продавање марихуана! Иако се облекуваат како типични чесни сестри, тие велат дека официјално не се поврзани со Католичката црква или други „стандардни“ верски институции. Пред доаѓањето на пандемијата заработувале околу милион долари годишно од продажба на разни препарати од марихуана, но признаваат дека оставале поголеми количини за „лична употреба“. View this post on Instagram A post shared by Sisters of the Valley (@sistersofthevalley) „Ние се занимаваме со духовни работи кои не се поврзани со религијата. Религиите продаваат само зборови, а ние сакаме да постигнеме многу повеќе од тоа. Нашето движење е еко-феминистичко со голема улога на духовност“, рече една од сестрите во интервју за The Sun. View this post on Instagram A post shared by Sisters of the Valley (@sistersofthevalley) Во заедницата живеат шест жени, најстарата има 62 години и по цел ден повеќе или помалку одгледуваат марихуана. Велат дека им е доста од животот во „нормалниот“ свет, едни биле успешни менаџери, други студенти… Но, признаваат дека ова е подобро од тоа. View this post on Instagram A post shared by Sisters of the Valley (@sistersofthevalley) „Препознаваме три типа луѓе. Оние кои беа пред нас, мораме да им бидеме благодарни што ни го отворија патот, потоа на сегашната генерација, која мора да обезбеди добра иднина за оние кои штотуку доаѓат на земјата, велат тие. Додаваат дека најпрвин користеле марихуана да им помогне против стрес, а сега бидејќи немаат стрес додаваат и THC. View this post on Instagram A post shared by Sisters of the Valley (@sistersofthevalley)...

Се сеќавате на државниот удар во Украина во февруари 2014 година, нивната “шарена револуија“ после која беше урната власта на украинскиот претседател Виктор Јанукович а на негово место дојде Петер Порошенко кој ја донесе “демократијата“ во Украина после државниот удар. Е па, тој Порошенко, денес во Украина го судат за државно предавство. Гледајќи ја судбината на Порошенко, дојден на власт после државен удар да ја “демократизира државата“ што го наплатил во милионски кеш потоа, некако без моја воља ми текнува на нашиот Заев. Ми иде мислата од виша сила, не е до мене. Што би рекле Србите: што је отето, то је проклето. А власта на Заев е грабната на сила, без победа на избори. После грабањето продолжи масовно, на кеш и тотална власт на Фамилијата. Затоа, да сум некој од Фамилијата Заеви, редовно би читал украински портали да видам како напредува случајот со Порошенко, и би бирал со време место во Аргентина. Кеш се има. Бизнисите во Бугарија и Швајцарија ги се доволни за убав живот околу Буенос Аирес. Побезбедно е отколку да чекаш добра воља од идната власт и милост од нарко дилерите. И на Порошенко странците му гарантираа мирен и слободен живот, а види како излезе. А работата веќе мириса на промена на власта. Не се тоа само анкетите во кои рејтингот на СДСМ се топи како снег во март, туку и скандалите со корупции на секој чекор откако паднаа градоначалниците на СДСМ и ДУИ па се откриваат по пет-шест корупции дневно. А тие корупции, до последна, се врзани со владата. Обвинителството на СДСМ и ДУИ, како и нивните судии, молчат, премногу се зафатени со прогон на опозицијата и новинарите. Но, ни тие не се вечни, други ќе ги работат нивните предмети а не ликовите од СЈО. Последно а шокантно е корупцијата на Демократски сојуз на Павле Трајанов во која Борче Јакимовски, неговиот директор на скопскиот паркинг сервис, проневерил, ја оштетил државата за 2 милиони евра со издавање без плаќање 400 паркинг места на функционери на СДСМ и ДУИ. Украл, или изел, една добра градинка во Скопје со тие 2 милиони евра. Која е таа политичка елита на власта која не вади од џеп ни паркинг да плати, замисли како се понашаат за поголеми трошоци. И тие ќе ти ја бранат државата од бугарски и грчки ултиматум, од агресивна албанизација на Македонија, од епидемија... Не им се надевај. Кога се продаваат за паркинг место, што можеш од нив да очекуваш кога ќе им се понуди здрав кеш за гласање во Собрание, кога како Бучковски ќе ги стават за преговарачи со Бугарија, кога ќе делат пасоши за балкански нарко дилери по 20-30.000 евра за секој. Како тотална бламажа на се е што истиот Павле Трајанов, чиј партиски директор е фатен во проневера, се заканува дека ќе излезел од власта ако СДСМ и ДУИ не подржеле една наместо сегашните шест изборни единици. Нафатирани до гуша можат да излезат од власта, доволно заработија до сега но, нема да излезат. Се плашат од обвинителството и судовите што се под команда на СДСМ и ДУИ. Во скут им се. Има и зошто да се плашат. ВМРО ДПМНЕ поддржа предлог за една изборна единица, и Павле Трајанов заќуте. Не е баш сигурен дека му треба тоа. Една изборна единица е ОК, но со обавезен цензус, според европски стандарди, од барем 3-5% освоени гласови за пратеник. Сега, со шест изборни единици за пратеник треба минимум 6-7.000 гласови во една изборна единица, за цела територија ако не може партијата да освои барем 30.000 гласа за да има пратеник тури и пепел на таа партија. И онака малите партии, претежно, служат за рекет и дополнителна корупција. Последен пример е Алтернатива, позиција за која сонуваат Демократскиот сојуз, ДОМ или ЛДП. Да фали еден пратеник, и да се наплатат милион евра по човек. А може да фали еден-два пратеника, и тоа наскоро. Претседателот Стево Пендаровски со сите сили се труди да помине бугарскиот ултиматум па најави дека треба Бугарите да влезат и во Устав, додека Македонците таму се бришат. Не морало да има две третини мнозинство, тешко ќе одело тоа со оглед на противењето на ВМРО ДПМНЕ. Затоа да се гласа со мнозинство од 61 пратеник. И, ете шанса за наплата на малите партии. И стево Пендаровски, и новиот шеф параде Бојан Маричиќ, прославен како министер за правда кој гони опозиција и контролира обвинителството и судство, се откажуваат од Македонците во Бугарија. За нив таму Македонци нема, а ако некој во Бугарија мисли дека е Македонец - Маричиќ го советова да оди на суд, да тужи. Тужеа они, над десет европски пресуди има против Бугарија за тоа, ама немаат наша поддршка. Според нив, единствено македонско малцинство за кое се грижат е ова, во Македонија. Во нашиот Устав, член 49, пишува: “Републиката ќе се грижи за положбата и правата на припадниците на македонскиот народ во соседните земји и иселениците, го помага нивниот културен развој и ги унапредува врските со нив...“ Толку од Уставот и обврските на претседателот Стево Пендаровски и вицепремиерот Бојан Маричиќ да го почитуваат. Кога претседател и министер на држава јавно делуваат против сопствениот устав можеш ли од нив да очекуваш независно обвинителство и судство, борба против корупција, поштени тендери... никако, ни на сон. Дај им паркинг место, два тендери и пет вработувања и ќе те слушаат како дресираните магариња на нивниот Фонд за иновации. А Фондот за иновации, еден од главните кеш генератори на партиска корупција, пропагандата, како и поткуп за партиските медиуми и “невладините“ организации сега падна во рацете на ДУИ. Од лепливите раце на Јован Деспотовски и Коста Петров од СДСМ, падна во немилост на ДУИ. Можеш само да замислиш како сега ДУИ ќе дели 20 милиони евра годишно. Давањето на Фондот за иновации на ДУИ беше последен удар на Зоран Заев врз соросоидите кои го загубија, а со тоа исчуреа и дел од милионите за нив. Тоа е сериозен удар во нивниот ланец на исхрана. Ја очекуваме реакцијата . Мрачно е во државава. Според Транспаренси интернешнел, Македонија со оваа власт е најкорумпирана држава во регинов, по корумпирана и од Косово, ако некој воопшто Косово го смета за држава со сите критериуми бидејќи не се членки на Обединетите нации каде што се таксативно наброени сите држави. И тие, такви, се подобри од нас. Но, верувам дека ниедна ноќ не е за довека. Има разденување, покасно или порано. Нашево е на повидок. По локалните избори се гледаат нови ветрови, нови ликови и нови политики кои се тотално различни од власта на СДСМ и ДУИ. А кога се тотално различни, различни им се и резултатите. Полоши и СДСМ и ДУИ можат да бидат само тие самите. Во оваа прилика, за мене, насјветла точка за новата власт во градовите и општините е скопската градоначалничка Данела Арсовска. Има и други светли точки низ Скопје, во Аеродром, Кисела вода, Гази Баба, Карпош, во Бутел... Зборам за Скопје пошто нивната работа можам лично да ја следам и гледам, а слушам позитива за Охрид, Битола, Штип, Прилеп, Кавадарци... Данела Арсовска не ја познавам, никогаш не сум ја ни сретнал, па имам привилегија да следам и ценам што и како работи без субјективно влијание како кон познаник. А ценам дека според пристапот, моделот на работа, профи односот кон задачите и проблемите е освежување, нов лик за нова надеж каков што Македонија одамана немала. Без претерување, со три децении искуство во политикава, моја проценка е дека Данела Арсовска е формат за министер, премеир или претседател, а ќе оди натаму ако ја заврши добро својата работа на оваа, главна градоначалничка позиција. Почна одлично. Данела не е затруена со актуелнава политика, партиските комбинации, не е врзана со тендераши. Доаѓа од бизнис светот, од позиција претседател на Сојузот на стопански комори и видливо е дека донесе нов пристап и модел на политичко владеење: да се постави јасен план, да се одбере профи тим, да се зададат рокови и да не се лигави со лузерска пропаганда од типот “ќе го вратам духот на Скопје, ќе го направам Скопје европска метропола...бла, бла, бла“. Не. Она објави програма за јавен превоз, за патишта, водовод, канализации, осветлување, култура и туристички развој на Скопје. Конкретно, како што на времето правеше радникот Коце Трајановски, сега Данела го усовршува тоа. СДСМ и ДУИ го препознаа сето ова кај Данела, опасноста дека таа носи нови и чисти политики кои се закана за нивните мрачни корупции, клевети, прогони и пропаганда. Од сите нови градоначалници Данела Арсовска е најнапаѓана од пропагандистите на СДСМ и ДУИ. И тоа со причина. Ако нејзиниот модел успева, нивниот мрачен модел – паѓа. Данела мора да ги истрпи овие напади од СДСМ и ДУИ, тоа е цената на успехот. Најмногу е удиран на терен оној што е најопасен за противникот. Млитавите и блентавите никој не ги ни спомнува, и да биде горда на себе што е главен таргет на власта. Додека е така, има потврда дека го погодила осилото. Како најавата дека ќе истражува каде отишле 12 милиони евра кои Шилегов ги земал од продажбата на градската куќа. Каде се потрошени 160 милиони евра колку што е долгот на градот Скопје. Тоа е еден ипол годишн буџет. Шилегов го остави Скопје без пари за наредните 18 месеци. Корупциите со Зоолошка ... Нека не се грижи кога полицијата на Оливер Спасовски гаси семафори во сообраќаен шпиц а пропагандистите потоа ја прозиваат градоначалничката... Кога нема парно греење во Скопје ја прозиваат Данела, а владата на СДСМ и ДУИ издава лиценца и го контролира БЕГ. Јасно им е на скопјани што се случува. На последните локални избори скопјани покажаа дека не се глупа аморфна маса која можеш да ја дразниш со валкана пропаганда и да ја храниш со шарени политики држејќи ја гладна, излажана, ограбена и дезориентирана. Данела побара поддршка, и ја добива. Рече дека не очекувала трикови и валканици од власта, па дури и напади по семејството. Клучно е кога констатираше дека на начинот како се однесуваат пропагандистите на СДСМ и ДУИ се запира влез на нови и поштени луѓе во политиката кои не се спремни да ги трпат нивните местенки и плукања. А токму тоа и е намерата на СДСМ и ДУИ, да нема нови во политиката. Да не се менува ништо. Оваа нивна политика сега е извозно ориентирана. Во светот извезуваме готови производи како доктори, инженери, мајстори... а сировините остануваат тука – и владеат. (Д.П. Латас, 24.01.2022)...

Морнарот Петар Марчинко, кој исчезнал пред 30 години од Чепикуќе на самиот југ на Хрватска, е пронајден во Шпанија, каде што живее и денес. Јавноста се уште не ја знае причината за неговото мистериозно заминување во Шпанија пред 30 години и зошто никогаш не контактирал со семејството. Последната информација за него била во април 1992 година, кога како 39-годишник тргнал со бродот Дубровник во Хихон, Шпанија и оттогаш му се губи секаква трага. Дури 30 години подоцна, полициската управа Дубровник-Неретва неделава добила потврда од меѓународни институции со кои соработувале при проверка на документи кои неодамна се појавиле во полициската станица Стон на негово име. ДуЛист објавил дека дека од Управата на полицијата посочиле дека документите ги добиле службено преку Хрватската амбасада во Шпанија и дека е потребно да се утврди идентитетот на Марчинко и автентичноста на пристигнатите документи. По детална проверка Марчинко е пронајден жив во Шпанија. Неговите соседи од селото Чепикуќа за него имаа само пофални зборови, пишува Блиц. – За мене како момче беше ‘прволигаш’… Ние сме од исто село, реков дека делев пура со него. Ниту бил оженет, ниту имал деца. Има четворица браќа, двајца се починати, а двајца се живи. Едниот е во Канада, другиот во Франција. Сакаше да им помогне на сите, никогаш никому не должел. Можам да кажам се најдобро за него, никогаш не сум слушнал дека имал проблеми со некого и сите ќе го кажат тоа. Никој нема за што да се жали. Беше одличен, премногу добар, мирен, изјави еден од нив. Според зборовите на еден сосед, Петар требало да се качи на брод за Канада за да оди кај својот брат, но поради некоја причина изгледа не го сторил тоа, туку се симнал во Шпанија....

Големиот пожар кој изби попладнево во фабриката за брашно „Жито Битола“ сè уште е активен, а пожарникарските екипи се на терен и се обидуваат да го локализираат. Според СВР Битола, засега нема пријава за повредени лица. -На 23.01.2022 во 17.20 часот во СВР Битола било пријавено дека има пожар во фабрика за леб лоцирана во индустрискиот дел на Битола. Веднаш се упатени екипи на територијалната противпожарна единица Битола и полициски службеници и се преземаат мерки за гасење на пожарот. До сега нема пријава за повредени лица, велат од МВР....

Трагедијата се случила во време кога Камерун е домаќин на Африканскиот куп на нации (АЦН), континенталниот фудбалски шампионат. „Пожарот избувнал случајно, а првиот извештај вели дека има 16 загинати и осум тешко повредени“, се вели во писменото соопштение на Министерството за комуникации. Инцидентот се случил во главната сала на ноќниот клуб Лив, лоциран во луксузниот кварт Бастос, во кој се сместени голем број луксузни згради, згради на странски амбасади и резиденции на дипломати. „Пожарот предизвикан од огнометот најпрво го зафати таванот на зградата, а потоа одекнаа две силни експлозии што предизвикаа паника и стампедо меѓу посетителите“, се вели во соопштението на Министерството. „Кога стигнавме на местото на настанот, сфативме дека таму владее општа паника и дека избувнал голем пожар со многу чад“, изјавил за AFP пожарникар од Јаунде, кој сакал да остане анонимен. Тој додаде дека тој и неговите колеги „изброиле 16 мртви и петмина повредени“. Во дворот на зградата останале изгорени предмети, но фасадата на дискотеката не е уништена или изгорена, пишува новинар на АФП. „Сè се случуваше многу брзо, беше нешто по 2 часот по полноќ, а повеќето посетители пристигнаа околу 3. Сè се случи внатре, поради што има многу жртви“, изјавил обезбедувачот кој бил таму во моментот на трагедијата во изјава за АФП....

Во меч од групата -2 на ЕУРО 2022, по голема битка во Братислава, Шведска успеа да ја победи Германија со 25:21 (12:10) и да ја задржи шансата за пласман во полуфиналето. Тоа ќе се знае во последното коло од главната фаза кога Швеѓаните играат со Норвешка во веројатно решавачкиот меч. Германија добро се држеше се до 53-54.минута, и тогаш Шведска ја покажа својата сила, и благодарение на катастрофалниот настап на германските голмани, дојде до триумф. Мечот започна со по два гола на двете страни, потоа Шведска дојде до 4:2 во 5.минута. И таа предност ја одржуваше до крајот на полувремето. Во 10.минута резултатот беше 6:4 за фаворитот, инаку интересно е тоа што првите пет напади на Швеѓаните резултираа со голови. Следуваше период на грешки од двете страни, посебно ова се однесува на периодот од 17. до 20.минута, а најинтересно е тоа што Шведска во тој дел од полувремето немаше реализација речиси девет минути. Но Германија тоа не успеа да го искористи. На крајот од првото полувреме резултатот гласеше 12:10 за Шведска, Винчек имаше зицер за намалување, но Паличка со својата четврта одбрана не дозволи гол во мрежата на Шведска. Вториот период на почетокот не беше така ефикасен. До 35.минута постигнати беа само три гола, а резултатот гласеше 13:12, Кестер и Винчек стрелаа убаво за Германија. Нема што Германците не се даваат така лесно. Во 37.минута Германија имаше напад за израмнување, и Рајхман од седум метри успеа да го израмни резултатот на 13:13. Се води голема битка во Братислава. Германците на 15:15 имаа три напади за водство, но ништо, додека Шведска за 14 минути во вториот дел успеа да постигне само три голови. И одново со грешки на двете страни, нешто слично како во првиот дел.Во 45.минута Шведска прави мини – серија за водство од 17:15. Рековме веќе, голем битка со малку голови, така е кога играат овие две селекции. Во финишот на мечот Швеѓаните подобро се снајдоа, имаа водство кое го задржаа до крај и заслужено победија. sportmedia.mk...

Неколку илјади демонстранти, дел од нив од други европски земји маршираа во Брисел изразувајќи го незадолството од мерките воведени во борбата во справувањето во Covid-19, а во ткн европски крал во белгиската и европска престолнина дојде до судир со полицијата која употреби солзавец и водени топови, пренесуваат медиумите. Неноколку стотици демонстранти, кои се одделиле од главната колона се обиделе да го преобијад кордонот во близина на зградата во Европл, и започнале фрлање петарди и шишиња кон полицијата. Полицијата ја растурика групата користејќи солзавец и водени топови. Дневанта температура во Брисел денеска изнесувал плу 4 Целзиуспови степени, што според локалните закони ја дозовлува температурата водени топови. Според податоците на полицијата во текот на овој судир биле уапсени 10 лица, и овој инцидент бил изолиран. На паневропските протести против рестриктивните епидемиолошки мерки во Брисел, кои добија одобрување од локалните власти, учествувале неколку десетици илјади лица, според организаторот на акцијат невлдината организација Светскиот собир за слобода и EuropeansUnited (Обединети Европејци), којашто обединува активисти и од десниот и од левиот политички спектар. Медиумите известуваат дека во масата демонстранти имало многу луѓе со знамиња на белгискиот регуон Фландрија, црн лав на жолта заднина, кои често се истакнуваат на притестите на приврзанициет на десничарскиет радикални фламански партии. Организаторите на протестот изјавија дека учествувале луѓе од Белгија, Франција, Германија, Луксембург, Холандија, Шпанија, Италија, Полска, Романија, како и граѓани од други европски земји кои живеат во Брисел. „Очекувавме дека повеќе од 100.000 луѓе да излезата на улиците. Гледаме како владите реагират на здравствената криза со мерки коишто го претвораат нашето слободно демократско општество во авторитарно. Се ограничуваат бројни слободи на граѓаните, а се воведуваат мерки како полициски час, што се чинеппе како далечно минато“, вели еден од учсниците на протестот, прогесор од Слободниот универзитет во Брусел (ULB), кој се претставил само како Жак. „Она што се случува од 2020 година им го отвори очите на луѓето“, рекла Франческа Фанара, жителка на францускиот град Лил. Португалецот Адолфо Барбоса, пак, зборуваше за „здравствена криза“, додавајќи дека му е „срцето полно поради бројот на луѓето кој пристигна“. Поворката демонстрантите се движепе од Северната станица по бриселските булевари до паркот Синкети, близу Европскиот кварт каде се одржа главниот собир. Должината на трасата беше обезбедувана од полициски кордон, а сообраќајот беше во прекин. Демонстрантите, биле во поголем број од претходните протести според медиумите кои не наедуваат бројки, пишеле написи против премеир Александер Де Кро и ковид-потврди....

Тензиите меѓу Украина и Русија се на највисоко ниво во последниве години, додека руската акумулација на војници во близина на границата на двете земји предизвикува стравувања дека Москва би можела да изврши инвазија. Украина предупреди дека Русија се обидува да ја дестабилизира земјата пред планираната воена инвазија, додека западните сили постојано ја предупредуваат Русија да не презема агресивни потези против Украина. Кремљ негираше дека планира напад, велејќи дека поддршката на НАТО за Украина – вклучително и зголемените резерви на оружје и воената обука – претставува растечка закана за западното крило на Русија. Сликата е комплицирана, а она што ќе се случи потоа може да ја загрози целата безбедносна структура на Европа. Зошто Русија и се заканува на Украина? Русија негира дека планира каква било инвазија, но претходно ја окупираше украинската територија и се проценува дека има околу 100.000 војници распоредени во близина на нејзините граници. Русија долго време се спротивставува на потегот на Украина кон европските институции, особено кон НАТО. Украина ја дели границата и со Русија и со ЕУ, но како поранешна советска република има длабоки социјални и културни врски со Русија, а рускиот на широко се зборува таму. Кога Украинците го соборија нивниот проруски претседател на почетокот на 2014 година, Русија го анектира јужниот украински полуостров Крим и ги поддржа сепаратистите кои окупираа големи делови од источна Украина. Оттогаш, бунтовниците се борат против украинската армија во конфликт кој однесе повеќе од 14.000 животи. Кој е ризикот од инвазија? Русија вели дека не планира да ја нападне Украина, а началникот на Генералштабот Валери Герасимов дури ги осуди извештаите за претстојната инвазија како лага. Сепак, тензиите растат и рускиот претседател Владимир Путин се закани со „соодветни воено-технички одмазднички мерки“ доколку продолжи со, како што го нарекува, агресивниот пристап на Западот. Генералниот секретар на НАТО предупреди дека ризикот од конфликт е реален, додека претседателот на САД, Џо Бајден изјави дека „претпоставува дека Русија ќе продолжи со тоа“. САД велат дека се свесни за плановите на Русија да ги зголеми своите сили во близина на Украина „за многу кратко време“. САД велат дека Русија не понудила никакво објаснување за војниците стационирани во близина на Украина – а руските војници и тенкови заминале во Белорусија на вежби. Заменик-министерот за надворешни работи на Русија ја спореди сегашната ситуација со кубанската ракетна криза од 1962 година, кога САД и СССР пристапија кон нуклеарниот конфликт. Западните разузнавачки служби сугерираат дека руската инвазија би можела да се случи некаде на почетокот на 2022 година. Каква е состојбата на границите? САД и НАТО го опишаа движењето и концентрацијата на војници во и околу Украина како „невообичаено“. Околу 100.000 руски војници останаа на границата со Украина и покрај предупредувањата на американскиот претседател Џо Бајден и европските лидери за сериозните последици од инвазијата на Путин. А резултатите на американските разузнавачки служби во декември проценуваат дека Русија би можела да започне воена офанзива во Украина „уште во 2022 година“. Зборувајќи со својот украински колега во Киев на 19 јануари, американскиот државен секретар Ентони Блинкен рече дека Русија „ги засилила своите закани и собрала речиси 100.000 војници на границата со Украина, што може да се удвои за релативно кратко време“. На крајот на 2021 година, сателитски фотографии покажаа руска воена опрема – во движење на опсег од приближно 300 километри од границата. Украинското Министерство за одбрана соопшти дека Русија распоредила повеќе од 127.000 војници во близина на Украина, вклучително и околу 21.000 воздухопловни и поморски персонал, и ја зголемила разузнавачката активност против земјата. Што сака Русија од НАТО? Русија зборуваше за „момент на вистината“ во преобликувањето на односите со НАТО. – За нас е апсолутно задолжително да се погрижиме Украина никогаш, никогаш да не стане членка на НАТО – изјави заменик министерот за надворешни работи Сергеј Рјабков. Москва ги обвини членките на НАТО дека ја „пумпаат“ Украина со оружје, а САД за поттикнување тензии. Претседателот Путин се пожали дека Русија „нема каде на друго место да се повлече – дали мислат дека само ќе седиме со скрстени раце? Русија бара тие да престанат да се шират на исток и да ги запрат воените активности на НАТО во Источна Европа. Тоа би значело повлекување на борбените единици од Полска и балтичките републики Естонија, Летонија и Литванија, без распоредување ракети во земји како Полска и Романија. Русија, исто така, предложи договор со САД со кој се забранува распоредување нуклеарно оружје надвор од нивните национални територии. Претседателите Путин и Бајден разговараа неколку пати по телефон и разговорите на високо ниво продолжуваат, но руските власти предупредија дека отфрлањето на нивните клучни барања од Западот води во „ќорсокак“. Прашањето е до каде ќе оди Русија. Бајден смета дека инвазијата од целосен обем би била катастрофа за Русија. Но, ако се работи за мал упад, тој контроверзно рече дека Западот „на крајот ќе мора да се бори што да прави“. До каде ќе оди Западот поради Украина? САД јасно ставија до знаење дека не планираат да испраќаат војници, додека се посветени да и помогнат на Украина да ја одбрани својата „суверена територија“. Главното оружје на Западот се чини дека се санкциите и воената помош во однос на совети и оружје. Претседателот Бајден му се закани на рускиот лидер со мерки „никогаш не видел“ доколку Украина биде нападната. Значи, што би вклучиле тие? Крајниот економски удар би бил исклучувањето на рускиот банкарски систем од меѓународниот платен систем Свифт. Отсекогаш тоа се сметало за последно средство, но Латвија соопшти дека ќе испрати силна порака до Москва. Друга клучна закана е спречувањето на отворањето на рускиот гасовод Северен ток 2 во Германија, а за одобрување во моментов одлучува германскиот енергетски регулатор. Може да има и мерки насочени кон рускиот државен фонд RFDI или ограничувања на банките да ги претвораат рубљите во странска валута. Обединетото Кралство предупредува дека Русија планира да назначи проруски лидер во Украина Велика Британија го обвини Кремљ дека се обидува да назначи проруски лидер во Украина, тврдејќи дека руското разузнавање веќе било во контакт со поранешни украински политичари како дел од планот за инвазија. Британското Министерство за надворешни работи не обезбеди докази за своите обвинувања. Министерството соопшти дека има информации дека руската влада сака да назначи проруски лидер во Киев додека размислува дали да ја нападне и окупира Украина, како и дека поранешниот украински пратеник Јевхен Муриев се смета за потенцијален кандидат за проруско раководство. Министерката за надворешни работи Лиз Трус рече дека објавените информации фрлаат светлина врз опсегот на руските активности дизајнирани да ја соборат Украина и да обезбедат увид во размислувањата на Кремљ. „Нема да го толерираме заговорот на Кремљ за назначување на проруско раководство во Украина“, напиша таа на Твитер, велејќи дека воениот упад во Украина би бил огромна стратешка грешка со сериозни трошоци. Москва за британското тврдење: ширење дезинформации Руското Министерство за надворешни работи го отфрли тврдењето на британската влада дека Москва планира да формира марионетска влада во Киев, повикувајќи го лондонското Министерство за надворешни работи да престане да шири „глупости“ и „дезинформации“. – Дезинформациите што ги шири Министерството за надворешни работи на Велика Британија е уште еден доказ дека земјите од НАТО, пред се Англосаксонците, се тие кои ги ескалираат тензиите околу Украина – се наведува во соопштението на руското Министерство. Министерството дополнително го повика Форин Офисот „да престане со својата провокативна активност и да престане да шири глупости“, пренесува RT. Украински генерал тврди дека знае кога Русија ќе ја нападне Украина Во интервју за лондонскиот медиум „Тајмс“, Александар Пављук, генерал-полковник на украинската армија, тврди дека Русија би можела да ја нападне Украина на 20 февруари – денот кога завршуваат Зимските олимписки игри во Пекинг во 2022 година. Пављук го опиша како „датум што не загрижува“, претпоставувајќи дека Кремљ не би сакал да го расипе спортскиот настан организиран од Кина. Пављук не е единствениот кој потенцијалниот конфликт го поврза со Игрите. Во посебен извештај на Блумберг во саботата се вели дека кинескиот претседател Си Џинпинг можеби лично побарал од Путин да се воздржи од наводниот напад, за да не „да започне инвазијата на Украина во средината на олимпискиот момент на Кси“. Извештајот не обезбедува докази, цитирајќи „дипломат во Пекинг кој побара да не биде идентификуван зборувајќи за такви сценарија“. Кинеската амбасада во Русија одговори на овој извештај во саботата навечер и го нарече „лажен“ и „провокација“....

„Можно е регионот да се приближува кон крајот на пандемијата“, рече Ханс Клуге за АФП, повикувајќи на претпазливост поради варијабилноста на вирусот. Тој рече дека кога ќе се смири бранот омикрон, ќе има глобален имунитет со недели и месеци, или поради вакцината или поради тоа што луѓето се имуни на заразување, а исто така и поради сезонскиот пад на инфекцијата. Сепак, Клуге нагласи дека се уште не сме во фаза кога станува ендемично заболување. ; „Ендемично значи дека можеме да предвидиме што ќе се случи, овој вирус изненади повеќе од еднаш, затоа треба да бидеме многу внимателни“, рече Клуге. Во регионот на Европа со 53 нации, од кои некои се во Централна Азија, а омикрон сочинуваше 15 отсто од новите случаи на ковид до 18 јануари, повеќе од 50 отсто повеќе од минатата недела, според Светската здравствена организација. Во Европската унија и Европската економска област, овој вид, кој се појави на крајот на ноември, е позаразен од делтата и сега е доминантен, според Европската здравствена организација....

Ерменскиот претседател Армен Саркисјан поднесе оставка, објавено е на неговата веб-страница. Ерменскиот претседател изјави дека таа одлука ја донел поради фактот што нема инструменти да влијае на внатрешната и надворешната политика, пренесува РИА Новости. „Тоа не е одлука водена од емоции и има одредена логика. Претседателот на државата нема инструменти да влијае на важни прашања ниту од внатрешната, ниту од надворешната политика“, се вели во соопштението објавено на неговата официјална веб-страница, пренесе ТАС С....

Во размената на писма со американското списание Тајм во последните неколку месеци од руската казнена колонија бр. 2 ги сподели своите размислувања за затворскиот живот, иднината на опозициското движење и неодамнешниот дипломатски конфликт меѓу САД и Русија. Во продолжение Тајм носи делови од неговите писма и одговори на новинарски прашања. „Затвор во затвор. Мислам дека тоа е најточниот опис на мојата реалност. Во мојата единица има 13 луѓе. Само на еден од нив му е дозволено да разговара со мене. Другите можат да комуницираат само со еден збор. Да и не. Најчесто сите молчат, не сакаат да им побегне погрешен збор. Видео камери се насекаде, плус чуварите не ми зборуваат под никакви околности, освен ако тоа не е снимено“, пишува Навални. Западот постојано паѓа во елементарните стапици на Путин. Тој поставува некои луди и смешни барања, како последните, за тоа како тој и Бајден мора да седат во просторија полна со чад и да одлучуваат за судбината на Европа како да сме во 1944 година. И ако САД не се согласуваат, тој ќе направи светот да не се движи. Наместо да ја игнорираат оваа глупост, САД го прифаќаат планот на Путин и трчаат да организираат некои состаноци. Исто како исплашено учениче што е малтретирано од постар ученик. Тој потоа изјавува: „Ако направите нешто, тогаш ќе воведеме остри санкции“. Токму тоа му треба на Путин, бидејќи од тоа произлегува дека нема да има санкции доколку не ја нападне Украина. Ќе биде само морков, а не стап. Со тоа се заклучува комбинацијата – Путин нема потреба да се грижи за санкциите кои речиси им беа наметнати на неговите пријатели. Администрацијата на Бајден прво го убеди Конгресот да ги одложи, а сега целосно ги откажува. Бидејќи на Путин му ветија морков, не е време за санкции. Овие двотактни комбинации се елементарни и очигледни. Но, неверојатно е да се гледа како Путин го прави тоа одново и одново со американскиот естаблишмент: се заканува дека ќе ескалира – преговара – се повлекува; се заканува со ескалација – преговара – се повлекува, вели меѓу другото Навални во големото интервју за Тајм....

Во Гевгелија не се изнагледавме квалитетен натпревар. Домаќинот паузата ја искористи за освежување на тимот, предводен од Перо Блажевски му пружи поголем отпор на актуелниот првак, сепак недоволен за победа. Кошаркарите од Аеродром славеа со 71-86 за триумф број десет оваа сезона и продолжување на трката за лидерското место на табелата кое во сопственост на Пелистер. Николов со 17 поени и 8 асистенции беше лидер, три поени помалку имаше Милошевиќ, по 12 запишаа Дејвис и Крстевски. Бродвеј постигна 28 поени во првиот меч за Кожув. МЗТ Скопје за нијанса беше подобар во текот на целиот меч, не отскокнуваше премногу, но играта беше доволна за да се добие овој меч. Домаќинот кратко го имаше водството, на почетокот и на стартот на втората четвртина, останатиот дел мина во знакот на актуелниот првак. По првата четвртина беше 17-19, на одморот 38-42. На стартот на третата четвртина МЗТ Скопје поведе со плус осум 41-49, позитива која ја имаше во голем дел од овој период, а пропушти четири напади по ред истата да биде двоцифрена. На првакот тоа му успеа во 29 минута, Дејвис погоди две слободни фрлања за 51-61, по што Николов поентираше за 51-63. Кожув со поените на Каухерд дојде на 59-63, но првакот одново се „одлепи“ резултатски, поведе со 59-71, а потоа и со 62-82 на три минути до крајот. По ова водство на противникот домаќинот не се врати. sportmedia.mk...

Српскиот член на Претседателството на БиХ, Милорад Додик, во интервју за шпански „Ел Мундо“ изјави дека БиХ е пропаднат проект. Тој рече и дека најдобро решение е цивилизирано да се разделат Бошњаците, Србите и Хрватите. „БиХ нема да може да опстане од истата причина поради која не преживеа Југославија. Во БиХ има три народи. Два од нив, Хрватите и Србите, се многу незадоволни. Муслиманите сакаат да создадат унитарна држава во која тие би биле доминантни луѓе“, рече тој. Додик изјави дека БиХ е синоним за криза, пренесува РТРС. Тој нагласи дека политиката на Република Српска не е насочена кон отцепување. „Зборуваме за поинаква можност, врз основа на оценката дека БиХ нема да биде успешна како држава. Доколку тоа се случи, најдобро е да се разделиме на цивилизиран начин“, додаде Додик. Тој рече дека Србите нема да „почнат војна за да се отцепат“, но повтори дека е најдобро да се разделат „ако не може да се живее заедно“. Српскиот член на Претседателството изјави дека Србите „го бранат политичкиот процес“ кон остварување на таа цел и дека приказните за можна војна се бесмислени. Тој посочи дека БиХ како држава постои само поради притисокот на меѓународната заедница и дека тоа е експеримент на странците. „Првата работа што ја предлагам е странците да престанат да управуваат со оваа земја, бидејќи таа е единствената колонија што моментално постои во Европа. Нека ни дозволат да најдеме консензус, ако е можно“, рече Додик. Тој повтори дека Кристијан Шмит нема право да воведува закон во БиХ. „На изборите пред три години освоив најмногу гласови, многу повеќе од двајца мои колеги од Претседателството заедно. А сега кога доаѓа Германец и вели дека иднината на БиХ нема да се конституира со Додик. Што мисли тој? Кој е тој?“ праша Додик. Тој во интервју за шпанскиот весник „Ел Мундо“ нагласи дека БиХ се соочува со тешка криза, која не е сега настаната, туку секогаш била таму....

„И покрај се поголемиот број на заразени, бројот на хоспитализирани е стабилен, но со вакво големо присуство на вирусот кај населението, очекуваме притисок врз одделенијата за интензивна нега. Затоа не размислуваме за дополнително олеснување на мерките, туку размислуваме за излезна стратегија“, изјави за медиумите инфектологот Матеја Логар, кој ја предводи владината експертска група за ковид-19, коментирајќи ги високите бројки. Во Словенија во последните 24 часа се потврдени 13.411 инфекции со коронавирус со 18.428 ПЦР тестови, со 75,5 отсто позитивни, што е најголем број заразени во еден ден од избувнувањето, објави Националниот институт за јавно здравје (НИЈЗ). Дополнително, направени се над 73.000 брзи антигенски тестови, чии резултати сè уште не се објавени бидејќи позитивните резултати треба последователно да се потврдат со PCR тестирање. Седумдневниот просек на зарази во еден ден со нови резултати е зголемен на 9.991 случај, а 14-дневната инциденца на инфекции на сто илјади жители на 5.335 инфекции. Во земјава има 101.906 активни случаи, соопшти Министерството за здравство. Во болниците моментално има 608 пациенти со Ковид-19, од кои 135 на одделенијата за интензивна нега, а 17 лица починале во последните 24 часа, со што бројот на починати од Ковид-19 се искачи на 5.768....

Голем пожар во Битола, како што јавуваат локалните медиуми, станува збор за пожар во производствен погон. Пожарот избувнал пред помалку од половина час, а на терен веќе се екипи на противпожарните служби. Неофицијално, гори фурна која произведувала леб. Очекуваме официјални информации од надлежните....

Златан Ибрахимовиќ на тема вакцинација и ситуацијата која го снајде најдобриот тенисер во светот Новак Ѓоковиќ, застана во одбрана на најдобриот светски тенисер. Во интервју за француски „Журнал ду диманше“, еден од најдобрите шведски фудбалери во историјата изјави дека е вакциниран, но дека не е истата ситуација како со Ѓоковиќ. На прашањето за вакцинацијата, тој најпрвин возврати со прашање: „Зошто се вакциниравте?“, ги праша Ибрахимовиќ новинарите. „Да се ​​заштитам себеси и сите околу мене“, бил одговорот. Тогаш Швеѓанецот го објаснил својот избор и направи паралела со Ѓоковиќ. „Вакцинирањето од здравствени причини не е исто што и вакцинацијата за да можеш да играш тениски турнир. Луѓето кои се вакцинираат го прават тоа затоа што веруваат дека тоа е најефективниот начин да се заштитат од болести. Но, секој има свое мислење. Луѓето не треба да се тераат да се вакцинираат за да можат да си ја завршат работата. Се вакцинирав затоа што верувам дека ова е најдобриот начин да се заштитам, а не затоа што би можел да играм фудбал. Тоа се две сосема различни работи“, рече Ибрахимовиќ....

Жителите на Лаугарватн во Исланд најмалку сто години ја користат геотермалната енергија за готвење, но и за загревање на своите домови. Некои од нив смислиле како да направат атракција од традицијата, па гостите на хотелите и туристите можат да уживаат во појадок на плажа со термални извори, која е и пекара. Доколку одите на прошетка покрај брегот на езерото во Лаугарватн, освен црниот песок, мирисот на сулфур и топлата вода која извира од земјата, ќе наидете на уште неколку интересни работи. На пример, можете да видите луѓе како земаат лопата и копаат додека не откопаат железен сад, врел од зовриената вода. Под капакот, добро завиткан во фолија, се наоѓа векна миризлив ‘ржан леб. Местата каде се пече традиционалниот ругбрауид ќе ги препознаете по купиштата камења расфрлани околу езерото под кои стои 24 часа. Меки, но цврсти текстури и малку сладок леб може да се пробаат на една од обиколките што водат до геотермалната пекара. Исечените парчиња леб се премачкуваат со домашен исландски путер и се јадат со чадена пастрмка уловена на езерото. Некогаш неплодниот регион на Исланд, со текот на времето стана популарна станица. Чудата на природата на овој крај може да се припишат на положбата помеѓу две тектонски плочи чии бавни експанзиони магми и гасови излегуваат на површината, па служат како гориво за вулканите и топлите извори. Она што му дава посебен шарм на овој специјалитет е температурата и времето на печење во врел песок на 30 сантиметри под површината. На таа длабочина температурата на изворот е околу 95 Целзиусови степени. Со лесна подготовка лебот добива карактеристична текстура, а шеќерот и ‘ржта развиваат богати ароми и вкусови. Но, понекогаш лебот не успева. Тоа се случува кога нивото на водата во езерото се зголемува поради топењето на глечерите и ја поплавува плажата, а лебот се претвора во „каша“....

Носеше хеланки кои ја оцртуваа нејзината линија и горен дел, а изгледот го комплетира со црни потпетици и чанта. Шер претходно откри дека за нејзиниот изглед најзаслужни се редовното вежбање и правилната исхрана, а додаде и дека не пуши и не пие. „Не сакам месо и повеќето работи што ги јадам се здрави“, рече таа во интервју пред две години. „Млечните производи не се добри. Ако треба да консумирам млеко, ќе изберам безмасно. Сирењето го сметам за најлошото нешто за организмот. Тоа е масно и ќе го подигне нивото на холестерол во крвта“, објасни таа. “Тестенините ми даваат многу енергија, како и овошјето како бананите, папаите и нектарините бидејќи содржат многу шеќер, но не е рафиниран. Тоа е нешто што отсекогаш сум го правела и едноставно уживам”, заклучила таа....

Сергеј Косоротов и донесе бод на Русија на дуелот против Полска во луда завршница. Кога се чинеше дека нема време за нов гол, во самата завршница рускиот репрезентативец постигна гол за 29-29. Абитрите на овој дуел сестрите Шарлот и Жули Бонавентура ја прегледаа снимката за да бидат дали неговиот гол е регуларен, но претходно не приметија дека Косоротов истиот го постигна откако направи четири чекори. sportmedia.mk...

Се продава вила Конен во Сплитската Алеја на Палиќ, попозната како „Титовата вила“. Изградена е во 1903 година, а од 1946 година се користелаа за општински потреби, а во 50-тите години го носела името на поранешниот претседател на поранешна Југославија. Во неа престојувале многу културни творци. Имало писатели и таму ги создале своите дела, со обврска оригиналниот ракопис да и го остават на Градската библиотека во Суботица. Во оваа вила се напишани романите на Добрица Ќосиќ – „Поделби“ и „Корени“, пишува порталот Град Суботица. Вилата е со површина од 234 метри квадратни, дизајнирана од Ференц Рајхл, но, за жал, подлегнала на забот на времето и има потреба од реновирање. Има класични прозорци, теписи на подот и таван на таванот. Таваните се високи 3,5 метри, а вилата има трифазна струја, градска вода, но и септичка јама. Вилата е различна од сите други во Палиќ, се издигнува на парцела од 4.233 метри квадратни, скриена меѓу боровите во паркот. Цената на која е огласена изнесува 800.000 евра....

Обединетото Кралство го обвини Кремљ дека се обидува да го назначи прорускиот лидер Јевхен Мураев во Украина, без да обезбеди докази за тоа или како ќе се постигне тоа, пишува Ројтерс. Москва ги отфрли обвинувањата како „дезинформации“ и „провокативни активности“. Тие беа отфрлени и од самиот Мураев, поранешен украински парламентарец, кој рече дека тврдењата на Лондон се неосновани бидејќи тој бил под руски санкции три години, му бил забранет влез во Русија, а имотот на неговиот татко бил замрзнат во руските банки, пренесува руската агенција ТАСС. Советникот на шефот на кабинетот на украинскиот претседател, Михаило Подољак, денеска за Ројтерс изјави дека меѓу Украинците постои сомнеж за Мураев бидејќи тој е „премногу смешна фигура“ за да биде сфатен сериозно како лидер на марионетска влада во Киев. Сепак, според Подољак, Русија претходно ги доведе малцинствата на важни позиции, како што е случајот со анектираниот Крим и Донбас, каде што сепаратистите се на власт, пишува Ројтерс. Затоа, „оваа информација треба да се сфати најсериозно“, предупреди советникот на украинскиот претседател. Во објавата на Фејсбук, Мураев денеска повика на крај на поделбите меѓу проруските и прозападните политичари во Украина. „Поразот на политичарите како Порошенко и Медведчук е јасен доказ. Нивните постапки и` нанесоа непоправливи загуби на земјата и го поделија народот на Украина“, напиша тој, мислејќи на двајцата олигарси тајкуни, прозападниот Петро Порошенко, кој владееше до 2019 година и Виктор Медведчук, кој има кумски односи со рускиот претседател Владимир Путин. Мураев во соопштението напиша дека „На Украина и` се потребни нови политичари чија политика ќе се заснова исклучиво на принципите на националните интереси на Украина и на украинскиот народ“ и дека државата треба „сама да одлучува за својата судбина“....

Швајцарецот Беат Фојц ја забележа првата победа сезонава во Светскиот куп откако денеска на славната „Штрајф“ успеа да триумфира во спустот. На второто место се пласира уште еден Швајцарец и тоа Марко Одермат кој се уште е лидер во генералниот пласман во Светскиот куп. Третото место му припадна на Австриецот Даниел Хеметсбергер. Денеска се возеше третата трка во Кицбил, а во петокот во спустот победи Александер Амод Килде, во саботата историски триумф на Дејв Рајдинг во слалом, а денеска во спустот најдобар Фојц. На 25 јануари е слаломот во Шладминг, а потоа натпреварувачите заминуваат во Пекинг каде голем дел од нив ќе учествуваат на Олимписките игри. Во женска конкуренција во супер-џи во италијанскиот „Кордина Д’Ампецо“ победи домашната скијачка Елена Куртони. Таа беше најбрза пред Тамара Типлер од Австрија и Швајцарката Мишел Гисин. Во генералниот пласман Микаела Шифрин се уште е лидер. На 24 јануари е следната трка и тоа супер-џи во италијански Кронплац. sportmedia.mk...

Голем пожар во Битола, јавува репортер од 4NEWS.mk станува збор за пожар во производствен погон. Пожарот избувнал пред помалку од половина час, а на терен веќе се екипи на противпожарните служби. Според неофицијални информации гори фурна која произведувала леб, пишуваат 4NEWS.mk. ФОТО: 4NEWS.mk...

Температурите што последнава седмица во ноќните часови се исклучително ниски, придонесуваат потрошувачката на вода во Кичево да се зголеми за 20 до 30 проценти. Оваа појава не е нова, туку и претходните години кога температурите беа екстремно ниски, потрошувачката на вода нагло растеше, потврди Зенел Јонузи, директорот на ЈКП „Комуналец“. -Во овие речиси девет години период колку што сум на чело на комуналното претпријатие, постојано регистрираме зголемена потрошувачка на вода во периодите на екстремно ниски температури. Така оваа зима вторпат ни се случува ниските температури во текот на ноќта, да бидат причина потрошувачката на вода да се зголеми, само од една единствена причина, превентивно да не дојде до замрзнување на водоводните цевки и до прекин на водоснабдувањето, рече Јонузи и наведе во кои објекти потрошувачката на вода најмногу се зголемила. Зголемениот пораст на потрошувачката на вода, тој додава дека е најизразен во поновите куќи во населбите, бидејќи таму приземните простории се постудени, а опасноста од смрзнување на водоводот многу поголема. Тоа ги присилува сопствениците на овие куќи и во текот на ноќните саати да ги пуштат славините да течат, за да не дојде до смрзнување на водоводната мрежа-нагласи директорот. Тој посочи дека најавите на метеоролозите за студени ноќи и во наредните десетина дена, секако дека ќе придонесат во овој период потрошувачката на вода да биде зголемена. Јонузи додаде дека водоснабдувањето е редовно, нема рестрикции или било какви дефекти а со промената на водоводната мрежа во поголемиот дел од градот и општината, дефектите се исклучително ретк...

На 22.01.2022 во 21.00 часот во ПС Гостивар С.Х. (39) од село Горна Бањица гостиварско пријавил дека околу 19.00 во селото откако се сретнал со М.Д (37) од истото село а поради претходна вербална расправија меѓу нивните малолетни деца, истиот физички го нападнал пријавителот. Се преземаат мерки за расчистување на случајот....

На 23.01.2022 во 02,15 часот било пријавено дека во угостителски објект во населба Аеродром, Скопје, Д.М. (37), И.М. (32) и Ц.Б. (51) сите од Скопје, го нарушиле јавниот ред и мир со тоа што кршеле инвентар, затоа што откако побарале да бидат услужени им било речено дека објектот не работи. По целосно расчистување на случајот против нив ќе бидат поднесени соодветни пријави....

Руската акумулација на војници во близина на границата со Украина предизвика загриженост кај западните земји дека Русија би можела да ја нападне Украина. Доколку Русија навистина изврши напад, западните земји и се закануваат со санкции кои би можеле да имаат далекусежни економски последици. Москва соопшти дека нема намера да изврши инвазија. „Кога станува збор за санкции, нивната цел е да ја спречат руската агресија. „Да се ​​активираа сега, ќе го загубевме тој ефект“, рече Блинкен во интервју за Си-Ен-Ен. Блинкен додаде дека и најмалиот агресивен руски влез во Украина ќе наиде на силен одговор. На прашањето дали рацете на САД во однос на Украина се врзани поради потребата од руска поддршка во одвоените преговори за иранската нуклеарна програма, Блинкен, како гостин во програмата на каналот CBS, одговори дека „ни најмалку не се“....

Полска и Русија одиграа одличен натпревар со бројни пресврти и промени на водството. Првиот дуел од групата 2 денеска заврши без победник, откако Косоротов во последната секунда, од 17 метри погоди за 29-29. Сепак овој бод за „зборнајата“ не е доволен за полуфиналето, победа ќе ги оставеше во игра. Косоротов со осум гола и Житников со седум гола беа први стрелци кај Русија. Доста интересно е што Косоротов, по негативниот тест излезе од изолација вчера и веќе денеска беше во составот на својата репрезентација. Руските ракометари добро го почнаа мечот, поведоа со 2-5 и 4-7, позитивата ја одржуваа до 26 минута, по која Полјаците со два гола во низа се изборија за првото водство на овој дуел (12-11), на одморот заминаа со предност од 13-12. До 37. минута, Полска држеше ритам, Корнев и Житников ја вратија „зборнаја“ во игра (17-18). По погодокот на Виноградов за 21-23 се разбуди противникот, израмни на 23-23 за неизвесност до самиот крај. Русија имаше шанса да го диктира темпото, Валчак постигна важен гол за водство на неговата репрезентација од 27-26 на нецели шест минути до крајот. На нецела минута до крајот, „зборнаја“ при 28-28 не искористи напад за да поведе, на другата страна Полска преку Дашек реализираше за 29-28. Се чинеше дека ова ќе биде победа за условно кажано домаќинот, но Косоротов од 17 метри донесе бод како планина на својата селекција. sportmedia.mk...

Нов проблем за хрватската репрезентација до крајот на главната фаза. Селекторот, Хрвоје Хорват нема да може да смета на услугите на Халил Јагањац. По повредата некогашниот член на Металург е позитивен на коронавирус. Со оглед на правилата на ЕХФ за време на континенталното натпреварување кога станува збор за Ковид-19 и фактот дека Хрватска нема шанси за пласман на третото место, тој го завршува ова ЕУРО. Хрватска утре игра со Исланд, додека два дена подоцна со Данска. sportmedia.mk...